technology tamil news @ eseak

Google+ ஓர் அறிமுகம்.

Mohamed Asfer — Mon, 04 Jul 2011 10:20:47 +0000

இப்போதைக்கு இணையத்தில் பரபரப்பினை ஏற்படுத்தியிருக்கும் கூகிள்+ இனை பற்றிய ஒரு அறிமுகமே இது. கூகிள் நிறுவனத்திற்கு பெரும் தலையிடியாக இருந்த ஒரு பிரச்சினைக்கு தீர்வாகவே இந்த கூகிள்+ திட்டம். சுருக்கமாக சொன்னால் ஃபேஸ்புக்கிற்கு போட்டியாக ஒரு புத்தம் புதிய சோஷியல் நெட்வர்க்.

+Circles,+Hangouts, +sparks, +Mobile, +Huddle என்று பல பரீட்சயமான , சில புதிய விடயங்களினையும் உள்ளடக்கி இந்த கூகிள்+ வெளியாகியுள்ளது. கூகிள்+ ஆனது தற்போது ஒரு குறிப்பிட்ட தொகையினரினை மட்டுமே இணைத்து பரீட்சித்துவருகின்றது.

Circles என்பது கூகிள்+ இல் இருக்கும் பாவனையாளர்களினை எமக்கு விரும்பியவாறு குழுக்களாக்குவது. இவ்வாறு குழுக்களாக்குவதன் மூலம் எமது வலையமைப்பினை பராமரிப்பது மிக இலகுவாகின்றது. உதாரணமாக குறிப்பிட்ட ஒரு வட்டத்தினர்க்கு மட்டும் குறிப்பிட்ட ஸ்டேடஸினை பரிமாற முடியும்.

Hangouts என்பது வீடியோ chatting வசதியினைக்குறிக்கும். குறிப்பிட்ட ஒரு குழுவுடன் வீடியோ சட்டிங் செய்யும் வசதியாகும்.

Sparks என்பது எமது விருப்பங்களை பட்டியல்படுத்திவைக்கும் இடமாகும். இவ்வாறு சேர்த்துவைப்பதன் மூலம் அந்த குறிப்பிட்ட விடயம் தொடர்பாக இணையத்தில் நடக்கும் அனைத்துவிடயத்தினை இலகுவாக பார்வையிடலாம்.

Huddle என்பது மொபைல் மூலமான ஒரு group messaging அப்ளிகேசனாகும்.

கூகிள்+ வெளியாகி ஒரு வாரம் கழியாத நிலையில் கூகிள்+ பல தரப்பினரையும் கவர்ந்துள்ளது. குறிப்பாக பல ஆங்கில தொழிநுட்ப வலைப்பதிவுகள், விமர்சகர்கள் மத்தியில் நல்ல கருத்தினையே சம்பாதிதிருக்கிறது.

facebook’s new project : ஃபேஸ்புக் நிறுவனத்தின் புதிய Open Compute Project [உத்தியோக பூர்வமானது]

Mohamed Asfer — Fri, 08 Apr 2011 02:39:54 +0000

ஃபேஸ்புக் நிறுவனம் நேற்று புதிய அறிவித்தல் ஒன்றினை தனது தலைமையகத்திலிருந்து நேற்று வெளியிட்டிருந்தது. வழமையான வெளியீடுகளை போல் அல்லாது இது ஒரு வித்தியாசமான திட்டமாக அமைந்திருந்தது. ”Open Compute Project” என்பதே இந்த புதிய திட்டத்தின் பெயர்.

Open Compute Project என்பது ஃபேஸ்புக் நிறுவனத்தின் Hardware கட்டமைப்புடன் தொடர்புடைய ஒரு திட்டம். ஃபேஸ்புக் நிறுவனம் தனது Data Center இன் தொழிநுட்பங்களை உலகளவில் பகிர்ந்து கொள்ளப்போகிறது.அதாவது Open Source ஆக்கியிருக்கிறது.

நேற்று இடம்பெற்ற நிகழ்வில் இந்தத் திட்டம் தொடர்பாக பல விளக்கங்கள் கொடுக்கப்பட்டிருந்தன. ஒரு ஆரம்பக்கட்டத்தில் உள்ள நிறுவனம் எவ்வாறு ஒரு Data center இனை தோற்றுவிக்கிறது. அதற்கு எவ்வாறான செலவுகள் ஏற்படுகிறது அவ்வாறான சந்தர்ப்பத்தில் ஃபேஸ்புக் எவ்வாறான முறையினை கையாண்டது என பல விளக்கங்கள் தரப்பட்டன.

மேலும் ஃபேஸ்புக் நிறுவனம் தனது வினைத்திறனான Data Center இன் மூலம் எவ்வளவு மின்சக்தியினை சேகரிக்கின்றது , எவ்வளவு பணத்தினை மீதப்படுத்திகிறது மேலும் எவ்வளவு வெப்பத்தினை குறைக்கிறது என்பது தொடர்பான தரவுகளினை ஃபேஸ்புக் வெளியிட்டிருந்தது.

ஒரு மிகப்பெரிய நிறுவனத்தின் தொழிநுட்பத்தினை ஏனையோரும் பயன்படுத்தும் வகையில் வழங்குவது மிகவும் வரவேற்கத்தக்கது. இந்த துறையில் இருக்கும் அனைத்து மட்டத்தினருக்கும் இந்த Open Compute Project மிகவும் பயனுள்ளதாக அமையும் என்பதில் சந்தேகம் இல்லை.

Royal wedding:இளவரசர் வில்லியம்ஸின் திருமண இணைய தளம்

Mohamed Asfer — Thu, 07 Apr 2011 03:10:16 +0000

இங்கிலாந்து இளவரசர் வில்லியம்சின் திருமணம் ஏப்ரல் 29 ம் திகதி இடம் பெறவுள்ளதை நம்மில் பலர் அறிவோம். இந்த திருமணத்தை முன்னிட்டு பல விசேச நிகழ்வுகள் , தயாரிப்புகள் என வெளிவந்து கொண்டே இருக்கின்றன. அந்த வரிசையில் இணையதள ஜாம்பவான் யாஹூவும் தனது பங்கிற்கு ஒரு அழகான இணைய தளத்தினை உருவாக்கியுள்ளது.

இந்த இராஜ திருமணத்தின் ஒவ்வொரு நிகழ்வுகளையும் இணையத்தில் சேர்க்கும் பொறுப்பை யாஹூ தனது கையில் எடுத்துள்ளது. யாஹூ நிறுவனத்தின் Shine இணைய தளத்தின் ஒரு பகுதியாகவே இந்த Royal wedding இணைய தளம் உருவாக்கப்பட்டுள்ளது. இந்த இணைய தளத்தில் நீங்கள் காணக்கூடிய விடயங்களாக இவற்றை குறிப்பிடலாம்.

Guestbook: இந்த விருந்தினர் பகுதிக்கு லொகின் செய்வதன் மூலம் இந்த தம்பதியினருக்கு நீங்கள் வாழ்த்துக்களையும் அறிவுரைகளையும் சொல்ல முடியும்.

Photo galleries: திருமணம் என்றாலே போட்டோக்களுக்கு பஞ்ஞம் இருக்காது. இது ராஜ திருமணம் ஆச்சே. நிறைய போட்டோக்கள் இருக்கிறது. ஆர்வமுள்ளவர்கள் பார்த்து ரசியுங்கள்.

Articles and blogs: இந்தப் பகுதியானது திருமணம் தொடர்பான அண்மைய செய்திகள் , கட்டுரைகள் என்பவற்றை உள்ளடக்கி வெளிவருகிறது.

Wedding live stream: திருமணத்தை நேரில் காண ஆசையாக இருந்தால் ஏப்ரல் 29 ம் திகதி இந்த(http://royalwedding.yahoo.com/) முகவரிக்கு சென்று திருமணத்தை கண்டுகளியுங்கள். இதுபோல திருமணம் தொடர்பான இதர வீடியோக்களும் இங்கு பகிரப்படும்.

Mobile site: இந்த திருமணத்தை உங்கள் செல்பேசிகளில் காணும் வகையில் யாஹூ http://m.royalwedding.yahoo.com/ எனும் இணைய தளத்தை உங்களுக்கு வழங்கியுள்ளது.

சந்தோசம் தானே?? எமது இந்த இணைய தளம் தொடர்பான மேலான கருத்துக்களை எங்களுடன் பகிர்ந்து கொள்ள மறக்க வேண்டாம்.

Skype on Dialog: டயலொக் வலையமைப்புமூலமாக ஸ்கைப்

Mohamed Asfer — Wed, 06 Apr 2011 04:40:37 +0000

உலகம் பூராகவும் உள்ள உங்கள் ஸ்கைப்(skype) நண்பர்களுடன் இனி டயலொக்(Dialog) மூலம் தொடர்பு கொள்ளுங்கள்.நிமிடத்திற்கு 2 ரூபாய் எனும் குறைந்த கட்டணத்தில் டயலொக் இந்த சேவையினை உங்களுக்கு வழங்குகின்றது. எடிசலாட் இதே சேவைக்கு நிமிடத்திற்கு 3 ரூபாய் அறவிடுவது குறிப்பிடத்தக்கது.

இந்த சேவையைப் பயன்படுத்தி உங்கள் ஸ்கைப் நண்பர்களுடன் தொடர்பினை ஏற்படுத்த இந்த இலகு செயன்முறையினை கையாளவும்.

01. skype இடைவெளி skype user id என்பவற்றை டைப் செய்து 678 எனும் இலக்கத்திற்கு அனுப்பி வைக்கவும். இந்த SMS ற்கு கட்டணம் அறவிடப்படமாட்டாது. Ex. skypeasfereseak to 678

02. நீங்கள் ஒரு குறியீட்டு இலக்கம் ஒன்றினை SMS மூலம் பெறுவீர்கள். Ex. *#52290

03. அவ்வாறு கிடைக்கப்பெற்ற இலக்கத்திற்கு அழைப்பினை ஏற்படுத்துவதன் மூலம் உங்கள் ஸ்கைப் நண்பருடன் தொடர்பினை ஏற்படுத்தலாம்.

இவ்வாறு பெற்ற இலக்கத்தினை save செய்து வைப்பதன் மூலம் பின்பு சாதாரணமாக தொலைபேசி அழைப்பினை மேற்கொள்வதுபோல் பயன்படுத்தலாம்.இவ்வாறு ஏற்படுத்தப்படும் அழைப்பினை பெற ஸ்கைப் அப்ளிகேசனில் காணப்படும் Privacy settings எனும் பகுதியில் Allow any one to contact me என்பதை தெரிவு செய்து கொள்ள மறக்க வேண்டாம்.

facebook privacy : ஃபேஸ்புக் ப்ரைவசி பாதுகாப்பு முறைமைகள் [பாகம்-1]

Mohamed Asfer — Mon, 04 Apr 2011 06:02:21 +0000

ஃபேஸ்புக் இணைய தளத்தின் பாவனை நாளுக்கு நாள் அதிகரித்துவரும் நிலையில் ஃபேஸ்புக் பாதுகாப்பு தொடர்பாகவும் ப்ரைவசி தொடர்பாகமும் அடிக்கடி சிக்கல்கள் வருவதுண்டு. ஃபேஸ்புக் இணைய தளத்தில் ப்ரைவசி கட்டுப்பாடுகள் அதிகமாக காணப்பட்டாலும் அவற்றினை நாங்கள் செயற்படுத்தினால் மாத்திரமே எங்களால் அவற்றை அனுபவிக்க முடியும்.

ஃபேஸ்புக் இணைய தளமானது சாதாரணமாக எமது அனைத்து விடயங்களையும் உலகமே பார்க்கும் வண்ணம் திறந்துவைக்கிறது. அவற்றினை நாங்கள் எங்கள் விருப்பப்படி மாற்றியமைக்கும் போது எமது ஃபேஸ்புக் பாவனையை பாதுகாப்பாக மாற்றிக் கொள்ள முடியும்.

ஃபேஸ்புக் இணைய தளத்தில் காணப்படும் அடிப்படையான சில ப்ரைவசி முறைமைகளினை எவ்வாறு பாவிப்பது என்பதை இன்று பார்ப்போம். முதலாவதாக ஃபேஸ்புக் இணைய தளத்தின் வலது பக்க மேல் மூலையில் காணப்படும் Account என்பதினை க்ளிக் செய்து Privacy Setting என்பதனை தெரிவு செய்து கொள்ளவும். அங்கு காணப்படும் முக்கியமான நான்கு விடயங்கள் தொடர்பான விளக்கத்தினை இப்போது பார்ப்போம்.

Sharing on Facebook

இந்தப் பகுதி எமது அடிப்படை தகவல்களினை உள்ளடக்கியதாக காணப்படுகிறது. எமது பெயர் , நண்பர்களின் விபரம், கல்வி நிலையம், வேலை பார்க்கும் இடம் , நீங்கள் விரும்பிய ஃபேஸ்புக் பக்கங்கள் போன்ற அடிப்படை விடயங்களினை எமது நண்பர் அல்லாதவர்கள் எவ்வாறு பார்க்கலாம் , பயன்படுத்தலாம் என்ற கட்டுப்பாடுகளை மேற்கொள்ள இந்த பகுதி உதவும்.

Connecting on Facebook

இந்தப் பகுதியானது நீங்கள் ஃபேஸ்புக் இணைய தளத்தில் பகிரும் விடயங்களினை யார் யார் பார்க்கலாம் என்பதினை வரையறுக்க இது பயன்படும். உதாரணமாக உங்கள் ஸ்டேடஸ் , போட்டோக்கள் , கொமன்ஸ்கள் என்பவற்றை குறிப்பிடலாம்.

Apps and Websites

இந்தப் பகுதியானது ஃபேஸ்புக்கில் நீங்கள் பயன்படுத்தும் அப்ளிகேசன்களினை கட்டுப்படுத்த உதவிசெய்கின்றது. Edit your settings என்பதினை க்ளிக் செய்து நீங்கள் பாவித்துக் கொண்டிருக்கும் அப்ளிகேசன்களினை நிறுத்தவும் அகற்றவும் முடியும். இங்கு சென்று பார்த்தால் நீங்கள் எத்தனை அப்ளிகேசன்களினை பாவிக்கிறீர்கள் என்பதினை பார்க்கலாம்.

Block Lists

இந்தப் பகுதியானது உங்களை தொல்லை செய்யும் ஃபேஸ்புக் நண்பர்களினை தடை செய்ய உதவும். உங்களுக்கு விருப்பமில்லாத நபரின் பெயர்களினை டைப் செய்வதன் மூலம் அவர்களை தடை செய்துகொள்ளலாம். மேலும் அனாவசியமாக அப்ளிகேசன்களில் இணையுமாறு அழைக்கும் நண்பர்களினையும் இங்கு தடை செய்யலாம்.

இது போன்ற அடிப்படை ப்ரைவசி பாதுகாப்பு முறைமைகளை மேற்கொள்வதன் மூலமாக உங்கள் ஃபேஸ்புக் நடவடிக்கைகளை பாதுகாத்துக் கொள்ளுங்கள். இது போன்ற பல விடயங்களினை எதிர்காலத்தில் தர நான் எதிர்பார்க்கிறேன்.

Google +1 : கூகிள் +1 பட்டன். அதிரடி வெளியீடு

Mohamed Asfer — Sun, 03 Apr 2011 05:17:45 +0000

கூகிள் நிறுவனம் ஏதோ ஒரு மிகப் பெரிய திட்டத்தில் இறங்கியிருப்பதை எல்லோரும் ஊகித்து கொண்டிருக்கும் இந்த வேளையில் கூகிளின் +1 அறிவித்தலானது மிகப் பெரிய ஆவலினை ஏற்படுத்தியுள்ளது. கூகிள் கடந்த சில நாட்களுக்கு முன்னர் +1 எனும் பட்டன்(Button) ஒன்றினை அறிமுகப்படுத்தியிருந்தது. ஃபேஸ்புக் நிறுவனத்தின் லைக்(like) பட்டனிற்கு நேரடிப் போட்டியாளனாக கூகிள் இதனை அறிமுகப்பட்டியுள்ளது.

இந்த +1 Button ஆனது கூகிளின் தேடுபொறி , கூகிளின் விளம்பர சேவை போன்றவற்றில் நேரடியாக இணைக்கப்பட்டுள்ளது. இதனைத்தவிர இந்த பட்டனினை ஏனைய இணைய தளங்களும் தங்களது தளத்தில் இணைத்துக் கொள்ளவும் வழிவகைகள் செய்யப்பட்டுள்ளன.

+1 பட்டனினால் பெறப்படும் தகவலினைக் கொண்டு கூகிள் எங்களுக்கு மிகவும் பொருத்தமான தகவல்களினையும் விளம்பரங்களினையும் தரப்போவதாக அறிவித்துள்ளது.

இந்த +1 பட்டனினை க்ளிக் செய்வதன் மூலம் குறித்த பாவனையாளர் அந்த இணைய தளத்தை விரும்புவதாகவும் குறித்த இணைய தளத்தை ஏனையோருக்கு பரிந்துரைப்பதாகவும் பொருள்படும். அவ்வாறு +1 செய்யப்பட்ட விடயங்கள் உங்கள் கூகிள் ப்ரொபைலில் சேர்த்துக் கொள்ளப்படும். அதேவேளை உங்கள் நண்பர்களுக்கும் அது காட்டப்படும்.

இந்த +1 சேவையானது தற்போது பரீட்சார்த்த ரீதியாகவே காணப்படுகிறது. இந்த சேவையை நீங்களும் அனுபவிக்க இங்கு சென்று செயற்படுத்திக் கொள்ளலாம். இது தொடர்பான மேலதிக விபரங்களை அறிந்து கொள்ள தொடர்ந்து எமது இணைய தளத்துடன் இணைந்திருங்கள்.

iPad-2 : அப்பிள் ஐ-பேட்-2 உத்தியோகபூர்வமாக அறிமுகம் செய்யப்பட்டுவிட்டது

Mohamed Asfer — Thu, 03 Mar 2011 08:46:01 +0000

அனைவரும் ஊகித்திருந்த விடயமே நேற்று அமெரிக்காவில் மேடையேறிருந்தது. அப்பிள் நிறுவனம் நேற்று ஒரு ஊடக சந்திப்பொன்றினை ஒழுங்கு செய்திருந்தது. அங்கு எல்லோரும் எதிர்பார்த்தபடி ஐ-பேட்-2 அறிமுகம் செய்யப்பட்டது.

முற்று முழுதாக புதிய வடிவமைப்பில் இந்த ஐ-பேட் வெளிவந்துள்ளது. முன்னயதைவிட வேகம், முன்னயதை விட அழகு, முன்னயதைவிட துல்லியம், முன்னயதைவிட இன்னொரு கூட்டுப்பாகம் என்று மேடையினை மகிழ்ச்சியில் ஆழ்த்தியது இந்த புதிய ஐ-பேட்-2..

இந்த புதிய ஐ-பேட் 2 ல் என்னவெல்லாம் சேர்க்கப்பட்டுள்ளது என்று கேட்பவர்களுக்கு, இதோ அந்த விளக்கம்.

புத்தம் புதிய வடிவம்.
இரண்டு கமெராக்கள்.
Dual Core A5 chip- ப்ரொசசர்.
ஸ்மார்ட் கவர்(smart cover)
8.8mm தடிப்பம்.
iOS 4.3

இந்த ஐ-பேட் 2 உடன் புதிதாக ஒரு கவர் ஒன்று அறிமுகப்படுத்தப்பட்டுள்ளது. இது ஐ-பேட் இன் முகப்பிற்கு ஒரு பாதுகாப்பு கவசமாகவும் தேவையேற்படும் போது தாங்கிப்பிடிக்கும் ஸ்டாண்ட் ஆகவும் தொழிற்படும். காந்தப்புலம் கொண்ட இந்த புதிய ஸ்மார்ட் கவரானது பழைய ஐ-பேட் இற்கு பொருந்தாது என்பது குறிப்பிடத்தக்கது.

ஐ-பேட் 2 ன் அறிமுக விலையாக 499 அமெரிக்க டொலர்கள் நிர்ணயிக்கப்பட்டுள்ளது. எதிர்வரும் 11ம் திகதி இந்த புதிய வகை ஐபேட் அமெரிக்க சந்தைக்கு விற்பனைக்குவிடப்படும் என ஸ்டீவ் ஜொப்ஸ் அறிவித்தார்.

நேற்று கலகலப்பாகவும் பல புள்ளிவிபரங்களையும் சொல்லிக்கொண்டு ஸ்டீவ் ஜொப்ஸ் தனது உரையினை ஆரம்பித்தார். அந்த நிகழ்வின் வீடியோவினை அப்பிள் இணைய தளத்தில் நீங்களும் பார்த்து ரசிக்கலாம்.

gmail bug: ஜிமெயிலில் குழப்பம். திருத்தும் பணியில் கூகிள்

Mohamed Asfer — Tue, 01 Mar 2011 10:16:35 +0000

நேற்று உங்களில் யாருக்காவது ஜிமெயிலினை திறந்து கொள்ள முடியாமல் போனதா? அப்படி பிரச்சினை ஏற்பட்டிருந்தால் அது உங்களுக்கு மட்டும் ஏற்பட்ட பிரச்சினை அல்ல. ஜிமெயில் பாவனையாளர்களில் 0.02% க்கு இந்த பிரச்சினை ஏற்பட்டுள்ளதாக கூகிள் அறிவித்துள்ளது. அதாவது 40000 பேருக்கு இந்த பிரச்சினை ஏற்பட்டுள்ளதாம்.

அவ்வாறு பிரச்சினை ஏற்பட்ட பாவனையாளர்களின் தரவுகள் பாதுகாப்பாக இருப்பதாகவும் மிகவிரைவில் இந்த பிரச்சினையை தீர்த்துவைக்க கூகிள் பொறியியலாளர்கள் முயற்சி மேற்கொண்டுவருவதாகவும் கூகிள் தெரிவித்துள்ளது.

இந்த பிரச்சினை ஏற்பட காரணம் என்ன? தாங்கள் புதிதாக அப்டேட் செய்த மென்பொருள் ஒன்றே இந்த பிரச்சினையை தோற்றுவித்ததாகவும் பாவனையாளர்களின் அனைத்து மின்னஞ்ஞல்களும் பாதுகாப்பாக பெக்கப் டேப் களில் இருப்பதாகவும் கூகிள் அறிவித்துள்ளது.

இவ்வாறு குழப்பங்கள் ஏற்படும் போது பாவிப்பதற்காக பாவனையாளர்களின் அனைத்து தரவுகளும் ஒன்றுக்கு மேற்பட்ட பிரதி எடுக்கப்பட்டு பாதுகாப்பாக இருப்பதாக கூகிள் அறிவித்துள்ளது. எனவே நீங்கள் பயப்படமால் இருக்குமாறு கூகிள் வேண்டிக் கொள்கிறது.

புதிய அப்பிள் MacPro கணணிகள்

Mohamed Asfer — Fri, 25 Feb 2011 11:06:25 +0000

நேற்றைய தினம் அப்பிள் நிறுவனம் தனது மடிக்கணணிகளின் புதிய வடிவங்களினை உலகிற்கு அறிமுகப்படுத்தியது. குறிப்பாக மேம்படுத்தப்பட்ட Processor மற்றும் தண்டர்போல்ட் (ThunderBolt) தொழிநுட்பம் மற்றும் மேம்படுத்தப்ப வீடியோ க்ரெபிக்ஸ் ப்ரொசெசர்(video graphics processor) மற்றும் இன்னும் தெளிவான HD Camera என்பவற்றை குறிப்பிடலாம்.

இது தொடர்பான மேலதிக விபரங்களை அப்பிள் நிறுவனத்தின் இணைய தளத்திலும் அதன் படங்களை இங்கேயும் காண்க..

………………………………………………………………………………………………………..

………………………………………………………………………………………………………….

………………………………………………………………………………………………………………………

Google cloud connect : இனி அனைவரும் பயன்படுத்தலாம். கூகிளின் மற்றுமொரு தயாரிப்பு

Mohamed Asfer — Fri, 25 Feb 2011 06:26:38 +0000

கடந்த சில வாரங்களுக்கு முன் மைக்ரோ சொப்ட் நிறுவனத்தின் Office மென்பொருளிற்கும் Google Docs இற்கும் இடையில் கூகிள் ஒரு பாலத்தினை ஏற்படுத்தி அதனை குறிப்பிட்ட பாவனையாளர்களிற்கு மாத்திரம் வழங்கியிருந்தது. தற்போது அந்த வசதியானது இனி அனைத்து கூகிள் பாவனையாளர்களாலும் உபயோகப்படுத்தும் வகையில் வெளிவந்துள்ளது.

இந்த Google cloud connect இனை கணணியில் நிறுவிக் கொள்வதன் மூலம் எமது கூகிள் கணக்கில் காணப்படும் ஆவணங்களினை மைக்ரோ சொப்ட் office மென்பொருளினைப் பயன்படுத்தி தொகுக்கும் வசதி ஏற்படுத்தி தரப்பட்டுள்ளது. மேலும் நாம் ஆவணங்களை தொகுக்கும் போது அவற்றை நேரடியாக எமது கூகிள் டொக்ஸ் கணக்கில் சேமிக்கும் வசதியும் செய்து தரப்பட்டுள்ளது.

இந்த Google cloud connect இனை உங்கள் விண்டோஸ் கணணியில் நிறுவ இந்த முகவரியினை க்ளிக் செய்து நிறுவிக் கொள்ளலாம். இந்த சேவையானது தற்போதைக்கு விண்டோஸ் இயங்கு தளத்திற்கு மட்டுமே பெற்றுக்கொள்ள முடியும்.

அவ்வாறு நிறுவிய பின்னர் Microsoft office இல் ஏதாவது ஒரு மென்பொருளினை திறந்து Sign in என்பதை க்ளிக் செய்து கூகிள் கணக்கினை லாகின் செய்வதன் மூலம் எமது ஆவணங்களினை கூகிள் டொக்ஸ் இல் சேமித்துக் கொள்ள முடியும்.

இந்த புதிய சேவையினை பயன்படுத்தி உங்கள் ஆவணங்களினை இணையத்தில் சேமித்து வைப்பதன் மூலம் எங்கும் எப்போதும் ஆவணங்களினை பயன்படுத்தும் வசதியினை பெற்றுக்கொள்ளுங்கள்.