எதிர்நீச்சல்

பிளாக்கர் பின்னூட்டத்தில் முழு HTML பயன்படுத்தலாம்.

HTML (மீசுட்டு மொழி) என்பது ஒரு கடல் அதனுடன் ஜாவாஸ்கிரிட் மற்றும் CSS (விழுத்தொடர் பாணித் தாள்கள்) என்ற பெருங்கடல்கள் சேர்ந்தால் சொல்லவா வேண்டும் பிரம்மாண்டம்தான். அதனால் தான் என்னவோ பிளாக்கர் மறுமொழிகளில் இதை முழுவதுமாகப் பயன்படுத்தும் படியில்லை(முன்புவொரு காலத்தில் இருந்தது ). மீண்டும் பிளாக்கர் கொண்டு வரும்வரை தற்போதைக்கு NCcode நீட்சி மூலம் பயன்படுத்தலாம். தற்போது CSS மற்றும் கொஞ்சம் ஜாவாஸ்கிரிட்டும் பயன்படுத்தும்படி மேம்படுத்தப்பட்டுள்ளது. முன்னமே இணைத்தவர்களுக்கு தானாகவே இந்த மேம்பாடு சேர்ந்துவிடும். புதியவர்கள் இங்கு சென்று இணைத்துக் கொள்ளலாம். இனி, இதை அப்படி பயன்படுத்தலாம் என்று பார்ப்போம்.

மேற்கூறிய CSS தொழிற்நுட்பத்தில் பல வடிவங்களில் மறுமொழியிடலாம். உதாரணத்திற்கு, தலைகீழாகவோ, கோணலாகவோ, சாய்ந்த எழுத்துக்களால் கருத்துச்சொல்லலாம்; நிழல் வடிவ எழுத்துகள் பல வண்ணங்களில் இடலாம்; படங்களை ஒளிபுகு(transparent) வடிவங்களில் இடலாம்; மற்றும் பல வகைகளில் இடலாம். CSS தொழிற்நுட்பம் தெரிந்தவர் நீங்கள் என்றால் அடித்து ஆடலாம், புதியவர் என்றால் படித்து ஆடலாம்.

HTML என்று சொல்லும் போது முன்னர் இருந்த வசதியான படங்கள்,வண்ணங்கள், ஓடும் எழுத்துக்கள் மற்றும் பல,. வசதிகளும் அப்படியே HTML வடிவங்களில் பயன்படுத்தலாம். அதாவது [im] என்றும் போடலாம் <img /> என்றும் போடலாம். புதியனவாக அட்டவணை(table), ஒழுங்கு(Alignment), வரிசை(list) போன்றவை முக்கிய மாற்றங்கள். இதுபோக சில ஜாவாஸ்கிரிட் உதாரணமாக மவுஸ் வரும்போது கலர் மாற்றம், alert பாக்ஸ் போன்றவைகளையும் சேர்க்கலாம்.

எப்படி பயன்படுத்துவது?
*அந்த தளத்தில் NCcode நீட்சி நிறுவவேண்டும்.
*[im],[ma]..போன்ற பிரத்தேக NCcodeகள் என்றால் அப்படியே மறுமொழிப் பெட்டியில் இட்டுவிடலாம்.
*HTML வடிவ கோடுகள் என்றால் கீழ்கண்ட வடிவமாற்றியின் மூலம் NCcode ஆக மாற்றி பிறகு மறுமொழிப் பெட்டியில் வெளியிடலாம்.

இந்த வடிவமாற்றியில் உங்கள் HTML வரிகளை இட்டு NCcode வரிகளாக மாற்றிக் கொள்ளலாம்.

சில சுவாரஸ்ய உதாரணங்கள்:

தலைகீழ், கோணல், சாய்ந்த எழுத்துகள்:
〈div style="-moz-transform: rotate(-180deg); -o-transform: rotate(-180deg); -webkit-transform: rotate(-180deg);"〉
வணக்கம் 〈/div〉

நிழல் வடிவ எழுத்துகள்:
〈span style="text-shadow: 5px 0px 7px #000;" 〉〈b〉 வணக்கம் 〈/b〉〈/span〉

ஒளிபுகு படங்கள்:
〈img style="opacity:0.4;filter:alpha(opacity=40);" src="http://www.w3schools.com/css/klematis.jpg"〉

மௌஸ் வரவு:
〈div onMouseOver="this.style.color='Red'; this.style.cursor='hand';" onMouseOut="this.style.color='Green';" 〉check〈/div〉

மேலும் பல செய்யமுடியும். CSS வல்லவர்கள் விரிவாக விளக்கலாம்.

HTML க்கு நீங்கள் புதியவர் என்றால், freeonlinehtmleditor.com அல்லது ப்ளாக்கர் போன்ற எடிடர்களில் தட்டச்சிட்டு அதற்கிணையான HTML வடிவங்களைப் பெற்றுக் கொள்ளலாம்.

மாதிரி பின்னூட்டங்கள் கீழே

டொமைன் பெயர் வாங்குவதன் பின்விளைவுகள்

டொமைன் முகவரி வாங்க வேண்டாம் என்று சொல்லவோ வாங்குங்கள் என்று சொல்லவோ இப்பதிவல்ல. வாங்கும் முன் யோசிக்க வேண்டிய பின் விளைவுகளை மட்டும் பட்டியலிடப்படுகிறது.

களப் பெயர்{Domain Name} என்பது இணைய தளத்தின் இருப்பிடப் பெயர். பெயரிருக்கும் ஒரு இடத்தில் மட்டும் தளத்தை உருவாக்குவது கடிது, உருவாக்கிய எல்லாயிடத்திலும் பெயர் வைப்பது அரிது. அதனால் தான் இரண்டும் வேறு வேறு நிலைகளில் செயல்படுகிறது. இணையதளம் இருக்குமிடத்தை வலைப்பதிவு வழங்கி[blog server] என்றும் முகவரி வாங்குமிடத்தை பெயர் வழங்கி[Name Server] என்றும் சொல்லலாம். பெயருக்கேற்ப பதிவிடுவதை விட, பதிவிற்கேற்ற பெயர் வைப்பது ஒரு சிறந்த உத்தி. ஆகவே பதிவுகளுக்கு முன்னுரிமை வழங்கும் நிலையில் டொமைன் பெயரென்பது நிலையானதாகவும் அடிக்கடி மாறுவதாகவும் இருக்ககூடாது. ப்ளாக்கர், வேர்ட்பிரஸ் போன்ற தளங்கள் இலவசமாக வழங்கும் நிலையில் டொமைன் பெயர் வாங்கும்முன் இதற்கு சரியான தேவையுள்ளதா என ஆராய்வது சிறந்தது.

டொமைன் என்பது வருடாந்திர ரீதியாக வாடகைக்கு எடுக்கப்படும் எனவே அந்தப் பெயர் நீங்கள் பணம் கட்டும் வரை தான் செயல்படும். மீண்டும் போடப்படும் ஒப்பந்தமும் குறிப்பிட்ட நாள் வரை மட்டுமே நீங்கள் அப்பெயருக்கு வாடகைதாரர் மட்டுமே.
ஒப்பந்தம் முடியும் போது மீண்டும் பணம் கட்ட தவறினால், வீட்டை ஜப்தி செய்துவிடுவார்கள். அடுத்தவர்களுக்கு அப்பெயர் போக வாய்ப்புள்ளது.
ஒரு முறை டொமைன் மாற்றுவதால் பழைய முகவரிகளின் இணைப்பையெல்லாம் இழக்க நேரிடும். இது பிளாக்ஸ்பாட் டூ டொமைன் என்றால் தவிற்கப்படும் அதுவே டொமைனிலிருந்து ப்ளாக்ஸ்பாட் வந்தால் இழப்பு நிச்சயம். இங்கு இணைப்பு எனப்படுவது தேடுதளங்களின் இணைப்பு, அலெக்சா முதலிய தளங்களின் கணிப்பு, மற்றவர் தளங்களில் சுட்டி கொடுத்த கவனிப்பு என எல்லாமும் தவறிவிடும்.
டொமைன்(Domain) ஹைஜாக் மற்றும் டி.என்.எஸ்.(DNS) ஹைஜாக் போன்ற வெளிநபர் அச்சுறுத்தல்களை சமாளிக்கும் வல்லமை கொண்டதா என்று நீங்கள் வாங்கும் நிறுவனத்தைப் பார்க்கவேண்டும். இதுயில்லாதபோது சிக்கல்தான்.
ஆரம்ப காலங்களில் கவர்ச்சியான விளம்பரங்கள் மூலம் டொமைன் பெயர் விற்கப்படலாம். வாங்கியப்பிறகு விலைஏற்றம் நிகழாலாம். வேறு அதுவரை சேர்த்த இணைய மதிப்பு இழக்க விரும்பாமல் பணத்தை கட்ட நேரிடலாம்.
டொமைன் வழங்கும் நிறுவனம் உங்கள் பெயருக்கு தனியான ip தராத நிலையில்[மலிவு விலை], அதே ஐ.பி.யில் இயங்கும் மற்றொரு தளத்தினால் பாதிப்பு வரலாம். உதாரணம் அந்த தளத்தை தடை செய்ய அதன் ஐ.பி.யைப் பயன்படுத்தினால் அது உங்களையும் பாதிக்கும்.
அந்த டொமைன் வழங்கி பிறிதொரு காரணத்திற்கு சோர்வடைந்துவிட்டால், உங்கள் டொமைன் முகவரிக்கு தளத்தை திறக்காமல் லொள்ளு செய்யும்.

கமேர்சியலாகவே, தனித்தன்மையுடன் இருக்க விரும்புகிறவர்களோ, தொடர்ந்து எழுதுபவர்களோ, பல வசதிகள் விரும்புகிறவர்களோ தவிர மற்றவர்கள் மறுமுறை யோசித்து களப்பெயர் வாங்க களமிறங்கவும். இறுதியாக டொமைன் முகவரி லாபாமா நஷ்டமா? என்றால் நீங்கள் எதற்கு வாங்குகிறீர்கள் என்பதைப் பொறுத்தே

*மேல் கண்ட குறைகள் களப் பெயர் வழங்கும் நிறுவனத்திற்கு நிறுவனம் மாறலாம்;

பிற்சேர்க்கை:
டொமைன்: ஒரு இணைய தளத்தின் உரலியில்[URL] உள்ள பெயர்கள். உதாரணம் google.com ல் google மற்றும் com என்கிற பெயர்கள். 'com' என்பது உச்ச களப்பெயர்[Top Level Domain] 'google' என்பது இரண்டாம்நிலை களப்பெயர்[second Level Domain]. இலவச தளங்களின் பெயர் அந்நிறுவனப் பெயருடன் சேர்ந்துயிருக்கும் ethirneechal.blogspot.com . நிறுவனப்பெயரை நீக்க மேல்கூறியபடி வாடகைக்கு டொமைன் வாங்கினால் இப்படியிருக்கும் ethirneechal.com அல்லது ethirneechal.net போல இருக்கும். இப்பெயர்களையே ஆங்கிலப்பதத்தில் டொமைன் எனப்படும்

இணைய தமிழ் படிப்பகம் உதயம்

தினத்தந்தியின் கன்னித்தீவை படித்துக் கொண்டிருக்கும் போது சிறுவர்மலரின் அதிமேதாவி அங்குராசு கதைக்கு தாவியாரா? ஹாய் மதனிடம் பேசிக்கொண்டிருக்கும் போது அரசு பதிலுக்கு சிரித்ததுண்டா? தினமணியின் தலையங்கத்தைப் படிக்கையில் தினமலரின் டீ கடை பெஞ்சுக்கு போனதுண்டா? அடுத்தவர் அந்த பேப்பரை படித்து முடிக்கும் வரை இந்த பேப்பரில் உள்ள கண்ணீர் அஞ்சலில் படத்தையே மீண்டும் பார்த்துக் கொண்டிருக்கும் மக்களை படிப்பகங்களின் பார்த்திருக்கலாம். ஒரே நேரத்தில் உலகமே உங்களுக்கு லெட்டர் போட்ட பிரமையை உருவாக்குவது படிப்பகங்கள். திருவிழாக்காலத்திலும் திருகு குழாய் பிரச்சனை காலத்திலும் எல்லா பத்திரிகை செய்திகளையும் ஒரே இடத்திலிருந்தவாறு படிக்கும் சுகமே தனி. பெரும்பாலோர் நூலகங்களில் அனுபவித்திருக்கலாம், சிலர் மரத்தடி பதிப்பகங்களில் அனுபவித்திருக்கலாம். அத்தகைய ஒரு அனுபவத்தை இணையத்தில் தரமுடியாது இருப்பினும் ஓரளவு அதன் பயனை விரும்புகிறவர்களுக்காக இணைய பத்திரிகைகள் பலவற்றை ஒரே இடத்தில் தொகுக்கப் பட்டுள்ளது.

தமிழ்ப்புள்ளி படிப்பகம்

11000 தமிழ்த் தளங்களிலிருந்து இணையத்தில் இலவசமாகவுள்ள தமிழ் பத்திரிகைகள் மட்டும் பிரித்தெடுக்கப்பட்டு ஒரு பக்கம் உருவாக்கப்பட்டுள்ளது. இங்கிருந்தவாறே செய்தி ஊடகங்கள் மற்றும் சஞ்சிகைகள் படிக்கலாம். தெரியாத புதிய தமிழ் செய்தித் தளங்களை அறிந்து கொள்ளலாம்.

இணையத்தில் செய்தி ஊடகமாக பிகடனப் படுத்திய பிரபலத் தளங்கள் இணைய செய்தி ஊடங்கள் பிரிவில் தொகுக்கப்பட்டுள்ளது. அச்சு ஊடகங்களின் செய்தி வலைதளங்கள் மற்றும் இ-பேப்பர் தளங்ககளாக தொகுக்கப்பட்டுள்ளது. அதுபோல இணைய மற்றும் அச்சு சஞ்சிகைகளின் தளங்களும் பதிக்கப்பட்டுள்ளது.
சில தளங்களில் பதிவு செய்து கொண்டு எல்லா பக்கங்களையும் இலவசமாகப் படிக்கும் படியுள்ளது. சில தளங்களின் பதிவு செய்துகொண்டு குறிப்பிட்ட பகுதிகளை மட்டும் இலவசமாகப் படிக்கும் படியும் உள்ளது. முழுதும் கட்டணத் தளங்களாக உள்ளவைகள் சேகரிக்கப்படவில்லை. புதிய தளங்கள் காணப்பட்டால் இணைத்தும் செயல் படாத தளங்கள் தவிர்க்கப்பட்டும் இப்படிப்பகம் செயல்படும்.

பயன்படுமானால் பயன்படுத்திக் கொள்ளுங்கள்.
நமது தளத்தின் வெளியீடான தமிழ் செய்திகளுக்கான க்ரோம் நீட்சி. செய்திப் பிரியர்கள் இதையும் பயன்படுத்தலாம். கூகிள் இணைய அங்காடி

அசல் reply வசதி ப்ளாக்கரில் வேண்டுமா?

update://பிளாக்கரே இவ்வசதியை தற்போது வழங்குவதால் இந்தப் பதிவையும்/நிரல்களையும்{javascript} தவிர்க்கலாம்.///

ப்ளாக்கரையும் வேர்ட்பிரசையும் ஒப்பிட்டு பார்க்கும் எந்தவொரு கணத்திலும் பிளாக்கர் மறுமொழிப் பகுதி என்றுமே பின்னாலிருப்பதை உணரமுடியும். காரணம் வேர்ட்பிரசில் யாருக்கு பதில் அளிக்கின்றோமோ அவருக்கு நேரடியாக கீழே நமது கருத்தைச் சொல்லமுடியும் ஆனால் இதுவரை ப்ளாக்கரில் அந்த வசதியில்லை அதனால் தான் பலர் @ போட்டு அந்த நபரை குறித்து பதில் அளிப்பார்கள். இதற்கு மாற்றாக ஏன் பிளாக்கர் இவ்வசதியை ஏற்படுத்தவில்லை என்பது தெரியாது. விரைவில் அவ்வசதியை ஏற்படுத்தும் அதுவரை reply செய்ய உங்கள் கீ போர்ட்க்கு உதவ ஒரு பிளாக்கர் மறுமொழி நீட்சி அறிமுகம் செய்யப்படுகிறது.

இதனை நிறுவுவதன் மூலம் வேர்ட்பிரசுக்கு இணையான மறுமொழிப் பகுதியைப் பயன்படுத்தலாம். இரண்டு படிகள் உள்ளது

Design-> Edit HTML-> சென்று

1). <b:include data='comment' name='commentDeleteIcon'/> என்கிற வரிகளுக்குக் கீழ் இவ்வரிகளைப் போட்டு வண்ணமிட்ட இடத்தில் உங்கள் blogid யை கொடுக்கவும்.

<a class='neechalreply' expr:href='"http://www.blogger.com/comment.g?blogID=BLOGID&postID=" + data:post.id + "&isPopup=true&postBody="+ "[@]" +data:comment.anchorName + "[/@]#form"' onclick='javascript:window.open(this.href, "bloggerPopup", "toolbar=0,location=0,statusbar=1,menubar=0,scrollbars=yes,width=450,height=450"); return false;#form'>Reply</a>

2). </body> அல்லது </HTML> என்கிற வரிகளுக்குக் மேலே இவ்வரிகளைப் போட்டுச் சேமிக்கவும்.

இந்த வரியைக் கொடுத்தபின் மறுமொழிகள் தெரிந்து வேலை செய்தால், உங்களுக்கு வாழ்த்துகள். மறுமொழி தெரியாவிட்டால் இந்த </body>க்கு மேல் போட்ட வரிகளை தளத்திலிருந்து நீக்கிவிட்டு இங்கு கமெண்டுக, உங்கள் டெம்ளைட்டுக்கு ஏற்ற ஒரு சிறிய மாறுதலுக்கான ஆலோசனை வழங்கப்படும்

உபபடங்கள்:
உங்களது தளத்தின் முகப்புப் பக்கத்தில் தெரிவதே உங்களது BLOGID

மறுமொழிப் பெட்டியில் தெரியும் [@][/@]யை அழிக்கக் கூடாது அப்படியே உங்கள் பதில் மறுமொழியை கொடுக்கவும்.

உப தகவல்கள் ஸ்டாண்டர் டெம்பிளைட் அல்லாத தளங்களுக்கு:

பழைய ரிப்ளை பட்டன் வைத்திருந்தால் அதனை நீக்க வேண்டிய அவசியமில்லை. நீக்கினால் குழப்பத்தை தவிர்க்கும் அவ்வளவே.
மறுமொழிப் பகுதியில் ஏதாவது வண்ணங்கள், வடிவங்கள், எண்ணிக்கைகள் இருந்தால் அவற்றை பாதிக்காதவாறு வடிவமைக்கப்பட்டுள்ளது.
பழைய nccode ncsort ஆகிய மறுமொழி நீட்சிகள் உடன் இந்த ncreplyயும் இணக்கமாகவே செயல்படும்
நீச்சல்காரன் இது போன்ற டெம்ளைட் என்றால் <b:loop values='data:post.comments' var='comment'> என்ற வரிகளுக்கு அடுத்து <dt/> என்று போடவேண்டும்
சில டெம்ளைட்களில் முதல் படியில் <b:include data='comment' name='commentDeleteIcon'/> க்கு பதில் <data:comment.body/> என்கிற வரிகளுக்கு கீழ் போட வேண்டும்

பிளாக்கர் ஸ்டாண்டர்ட் டெம்பிளைட் உள்ள எந்த தளத்திலும் இது வேலைசெய்யும். கூகிள் வழங்காத [தனிநபர்கள் வழங்கிய] டெம்பிளைட் என்றால் சில மாறுதல்கள் செய்ய வேண்டும் அவ்வளவே.

விரைவில் பல வடிவங்களில் மேம்படுத்தப் படலாம். விரும்பிய வசதிகளை பரிந்துரைக்கலாம். முடிந்தால் பொருத்தப்படும்

பிற்சேர்க்கை: firefox 3.5.6 க்கு கீழ் இவை செயல் படுவதில்லை.

பதினோராயிரம் தமிழ்த் தளங்கள்

நீங்க எப்படி தமிழ்ல எழுதுறீங்க? என்று இன்று இணையத்தில் தமிழை அதிசயமாக பார்க்கும் மக்களுக்கும், தமிழ் இணைய தளம் எல்லாம் கஷ்டம் என்போருக்கும், தமிழின் இணைய பக்கத்தொகை அறியவிரும்புபவர்களுக்கும், புதிய தமிழ் சேவைகள் அறிமுகப்படுத்த முனைவோருக்கான வரவேற்பாகவும் சுமார் பதினோராயிரம் தமிழ்த் தளங்கள் சேகரிக்கப்பட்டுள்ளது. ஆரம்ப பள்ளிகள் மூலமாக நடத்தப்படும் தளங்களிலிருந்து சைனாவின் தமிழ் இணைய தளம் வரை கொஞ்சம் சேகரிக்கப்பட்டுள்ளது. ப்ளாக்கரில் மட்டும் 9.6K தளங்கள் உள்ளன, அடுத்து வேர்ட்பிரஸ் 0.8k இதர சேவைகள் பயன்படுத்துபவை 0.2k உள்ளன. விடுபட்ட தளங்கள் தொடர்ந்து பதியப்படும்

தமிழ்த் தளங்கள்

விடுபட்ட தளங்களை நீங்களும் இங்கே கொடுக்கலாம்
கடந்தாண்டு சேகரிக்கப்பட்ட 6500 தளங்கள் மூலம் தயாரிக்கப்பட்ட புள்ளிவிபரம் போல இவ்வாண்டும் வெளிவரவுள்ளது. நீங்கள் விரும்பினால் விடுபட்ட தளங்களை தந்தருளுங்கள் விரும்பாவிட்டாலும் விடுபட்ட தளங்களை தந்தருளுங்கள்

சென்றிடுவீர் எட்டுத்திக்கும் கலைச்செல்வங்கள் யாவும் கொணர்ந்திங்கு சேர்ப்பீர்

இம்முறை சுமார் 5100 பதிவர்களின் முகவரி யில் உள்ள 66k தளங்களையும் எல்லாம் எடுத்து google app script மூலம் மொழிவாரியாகப் பிரித்து எடுக்கப்பட்டதால், நீங்கள் சொந்த தளம் வைத்து [2011 sept அன்று]அதில் சிலர் பாலோயார்ஸ் இருந்தாலே உங்கள் தளம் கட்டாயம் இந்தப் பட்டியலில் இருக்கும். பட்டியலில் இல்லாத தளங்கலாகயிருந்தால், அண்மையில் தொடங்கப்பட்ட தளங்கள் தவறியிருக்கலாம் சுட்டிக் காட்டிக் கொடுங்கள். விடுபட்ட தளங்களையும் தெரிவிக்கலாம்.

தளங்களாகயில்லாமல் இணைய தமிழில் எழுதப்படும் டிவிட்டர், ஃபேஸ்புக், இதர போது சமூக தளங்கள் அள்ளமுடியாமல் இருப்பதால் இப்பட்டியலில் கொள்ளவில்லை.

குறிப்பு: முழுக்க முழுக்க ஆங்கிலம் கொண்ட தளங்கள் இந்தப் பட்டியலில் தவிர்க்கப்பட்டுகிறது.
பொதுவில் வைக்கமுடியாத தளங்களும் தவிர்க்கப்படுகிறது[கண்டுபிடித்த வரை]
இதை மேம்படுத்தி தமிழ் இணையதள பேரேடு[Tamil Directory] தயாரிக்க விழையோர்கள் பயன்படுத்திக் கொள்ளலாம்.

விருப்பமுள்ள வலைப் பதிவர்கள் இங்கு சென்றும் தகவலைப் பகிரலாம்
http://bloggersbiodata.blogspot.com/

மறுமொழி வரிசையை தலைகீழாக்கலாம்

வலைப்பூக்களின் வாசனையின் ஒருபகுதி பதிவாலும் மற்றபகுதி பின்னூட்டத்தாலும் உருவாக்கப்படுகிறது. அத்தகைய பதிவுகள் பதியப்படும் வரிசையில் புதியவை முன்னே வந்துவிடும் இது எல்லா நிறுவன வலைப்பூக்களில் பார்க்கலாம். ஆனால் மறுமொழிகள் அப்படி அமைவதில்லை, புதிய மறுமொழிகள் ஒன்றன் கீழாக ஒன்றாகத் தான் வரிசைப்படுத்தப்படுகிறது. சில பேஸ்புக் போன்ற மறுமொழி இடைச்சொருகளைப் பயன்படுத்தினால் புதிய மறுமொழிகளை முன்னுக்கு கொண்டுவரலாம். ஆனால் அப்படியில்லாமல் பிளாக்கர், வேர்ட்பிரஸ் போன்றவை தேதிவாரியாக மறுமொழி வரிசைப்படுத்தும் வசதியை இதுவரை தரவில்லை.

இந்த நிலையில் புதிய பிளாக்கர் மறுமொழிகளை முன்னே காட்டவிரும்புகிறவர்கள்; பழைய மறுமொழிகளை பின்னே காட்டவிரும்புகிறவர்கள்; இடைக்கால மறுமொழிகளை இடையில் காட்ட விரும்புகிறவர்கள் என கமெண்ட்டில் வித்தியாசம் காட்ட விரும்புகிறவர்களுக்கு ஒரு நிரல் துண்டு அறிமுகம். இதை இணைப்பதன் மூலம் தேதிவாரியாக புதியப் பின்னூட்டம் மேலே வந்து நிற்கும்.

இதை பிளாக்கர் தளத்தில் மட்டும் பயன்படுத்தலாம். இதை இணைக்க Design ->Edit HTML ->Template சென்று </body> என்ற வரிகளுக்கு மேலே கீழுள்ள நிரல்களை[code] எடுத்துப் போட்டு சேமிக்கவும்.
<script src='http://hosting.gmodules.com/ig/gadgets/file/105066904960012479556/ncsort.js' type='text/javascript'/>

ஏதாவது ஒரு பதிவிற்கு மட்டும் மறுமொழியை வரிசைப் படுத்த வேண்டுமென்றால்
<div id="backlinks-container"> அல்லது <div class="comment-footer">
வரிகளுக்கு மேலே கீழுள்ள வரிகளைப் போட்டு வண்ணமிட்ட இடத்தில் பதிவின் முகவரியைக் கொடுக்கவும். இதன் மூலம் அந்தப்பதிவில் மட்டும் இந்த நிரலி வேலை செய்யும்

<b:if cond='data:post.url == "http://yourblogaddress.blogspot.com/2011/11/sample.html"'>
<script src='http://hosting.gmodules.com/ig/gadgets/file/105066904960012479556/ncsort.js' type='text/javascript'/>
</b:if>

ஏறக்குறைய முக்கிய ப்ளாக் டேம்ளைட்டில் எல்லாம் இந்த நிரல வேலை செய்கிறது. க்ரோம், ஃபயர் பாக்ஸ், எக்ஸ்ஃப்லோரர் என முக்கிய உலவிகளில் சோதிக்கப்பட்டது. குறைகள் இருந்தால் சுட்டிக் காட்டவும் சீர் செய்யப்படும்.

தொடர்புடைய இடுகை:
பிளாக்கர் மறுமொழியில் படங்கள் இணைக்க உதவும் NCcode
பிளாக்கர் மறுமொழிக்கு ரிப்ளை வழங்க NCreply

வாக்கிய ஒப்பீடு செயலி -அறிமுகம்

தேங்கியூ, தேங்கியூ தேங்கியூ என்று நீங்கள் எழுதிக் கொடுத்தவொன்றை மங்கியூ, மங்கியூ, மங்கியூ என்று யாராவது எழுதினால் கோபம் வருகிறதா? அதேப் போல பல ஆயிரம் வார்த்தைகளுக்கு நடுவே சில இடங்களில் எழுத்தை மாற்றி எழுதி உங்கள் எழுத்தில் கலப்படம் செய்தால் கோபம் வருகிறதா? பத்திரிக்கைக்கு அனுப்பிய படைப்புகளில் கத்திரிக் கோல் விழுந்த இடங்களை கண்டுபிடிக்க வேண்டுமா? ஒரே அறிக்கையை ஒவ்வொரு தேர்தலிலும் வருகிறதாவென ஒப்பிட வேண்டுமா?
இதற்கொல்லாம் உதவ வாக்கிய ஒப்பீட்டுச் செயலி அறிமுகமாகியுள்ளது. {தமிழ் என்றில்லை மற்ற மொழிகளுக்கும் இது பயன்படுத்தலாம்.}

பொதுவாக ஒரு குறிப்பிட்ட வரிகள் அல்லது குறிப்பிட்ட வாக்கியங்கள் மற்ற ஒரு கட்டுரையில் உள்ளதா என்று பார்க்க எளிதாக ctrl+F செய்து பார்த்துவிடலாம். ஆனால் இரண்டு ஒரே மாதிரியான கட்டுரைகளில் இடையில் விடுபட்ட அல்லது சொருகப்பட்ட விஷயங்களைக் கண்டுபிடிக்க அந்தக் கட்டுரை முழுவதையும் படிக்க வேண்டும். எளிதில் கண்டுபிடிக்க இந்த செயலி உதவும், ஒவ்வொரு வார்த்தையாக சோதித்து விடுபட்ட வார்த்தையைக் காட்டிக் கொடுக்கும்

வாக்கிய ஒப்பீடு

செயலியில் உள்ள இரண்டு பெட்டியில் இரண்டு வாக்கியங்களைக் கொடுத்தால் ஒப்பிட்டு மாறுபட்ட வார்த்தைகளை இரண்டு வாக்கியங்களிருந்தும் சிவப்பு வண்ணத்தில் காட்டும். நடை முறைப் பயன்பாடு அதிகம் இல்லைதான் அதே வேளையில் யாரும் தேவைப்படாது என்றும் இல்லைதான். பயன்படுமானால் பயன்படுத்திக் கொள்ளுங்கள். பிழைகளிருந்தால் சுட்டிக் காட்டுங்கள் களையப்படும்.

உதவி:தமிழில் வலி மிகு மிகா இடங்கள் நன்கு அறிந்து இலக்கண ரீதியாக உதவ விரும்புபவர்கள் இசைவு தரவும் வலிமிகும் மிகா இடங்களை 90% பகுக்கும் ஒரு செயலியை உருவாக்குவோம்.

புதிய தமிழ் ஒலிபெயர்ப்பு செயலி

அப்படி போடு போடு போடு... என்கிற பாடல் தமிழ் தெரியாதவர்கள் பலருக்கும் அறிமுகமாயிருக்கும். ஆனால் தமிழ் படிக்கத் தெரியாதவர்கள் யாரும் இப்பாடலை எழுத்துவடிவில் படிக்கமுடியாது. அதுவே அவர்கள் மொழியில் ಅಪ್ಪಟಿ ಪೋಟು ಪೋಟು ಪೋಟು என்றிருந்தால் எப்படியிருக்கும்? தமிழ் நாட்டிற்கு வேலை நிமிர்த்தமாக வந்து தமிழ் படிக்கத் தெரியாமல் பேசத் தெரிந்தவொரு ஹிந்திக்கார தாய்க்குலத்திற்கு ओरु चेलै वाङ्किनाल् ओरु चेलै इलवचम् என்று இருந்தால் எப்படியிருக்கும்? இதுவெல்லாம் ப்ராட்டிகளாக முடியாதுதான் அட்லீஸ்ட் இணையத்திலாவது இருக்கலாமே!

அதற்கான ஒரு செயலி தான் இது
Tamil Transliteration

இங்கு தமிழ் வாக்கியங்களை வேறு மொழி எழுத்துகளாக மாற்றும். காணப்படும் முதல் பெட்டியில் தமிழ் வாக்கியங்ககளை உள்ளீட்டு செய்து வேண்டிய மொழியினை அழுத்தினால் போதும். அந்தப் பெட்டியில் நேரடியாக தமிழில் தட்டச்சிடவும் வசதியுள்ளது. தற்போதைக்கு ரோமன்[ஆங்கில], தேவநாகரி[இந்தி], மலையாளம், கன்னடம், தெலுகு எழுத்துகள் மட்டும் செயல்படுகிறது. வேறு சில மொழி எழுத்துகளுக்கும் மேம்படுத்தப்படலாம்.

மேற்கூறியவர்கள் யாரேனும் இணையத்தில் வரும் போது இணைய பத்திரிகை மற்றும் உங்கள் பிளாக்கையும் அவர்கள் மொழி எழுத்துக்களால் படிக்கமுடியும். தமிழும் முழுதாகத் தெரியாமல் ஆங்கிலமும் முழுதாகத் தெரியாமல் வளரும் சில மெட்ரிக் பள்ளி மாணவர்களும் இங்கு வந்து தமிழ் கதைகளைப் படிக்கலாம். கடன் கொடுத்த சேட்டு கடைக்காரர்கள் கடனாளியின் தமிழ்ப் பதிவுகளுக்கு "அருமை", "சூப்பர்" என்று பின்னூட்டம் இட்டு வட்டி வாங்கலாம். வேற்று மொழியில் தங்கள் பெயர்களை எழுதி எலக்சனில் நிற்கலாம்.

இறுதியாக தமிழ் படிக்க எழுத்துகள்[script] தடையில்லை என்று கொள்ளலாம்.

சில ஒலிப் பிழைகளை களைவதற்காக தற்போதைக்கு சோதனையோட்டமாக உள்ளது. உங்கள் ஆலோசனைகளும் வரவேற்கப்படுகிறது. இரு மொழி வித்தகராக நீங்கள் இருந்தால் அம்மொழியில் இது எப்படி செயல் படுகிறது என்று கருத்து தெரிவிக்கலாம்.

தற்போதைக்கு இது வெறும் எழுத்து பெயர்ப்பாக உள்ளது இதனை முடிந்தளவு ஒலிபெயர்ப்பாக மாற்ற வேண்டும். அதாவது தமிழ் "க" எழுத்தை மற்ற மொழியில் உள்ள முதல் "க" என்ற எழுத்தாகவே எழுத்துப் பெயர்ப்பு செய்கிறது. நமது ககர எழுத்து இடத்திற்கு தகுந்தாற்போல ஒலி மாறுபடும் உதாரணத்திற்கு "கல்வி" யில் உள்ள 'க'வும்[ka] "கர்வம்" த்தில் உள்ள 'க'வும்[ga] வேறுபடுவதை காணலாம். இத்தகைய இடங்களை கண்டு அதற்கேற்ற வேற்று மொழி எழுத்தை பொருத்துவதே ஒலி பெயர்ப்பு.

போற்றி என்பது pooRRi என்று வந்தால் ஒலி மாறுபடும் அதுவே pootri என்று வந்தால் சரியாகயிருக்கும். இங்கே இரண்டு றகரங்கள் வரும் போது t ஒலி உருவாகிறது. இதுபோல அல்லது வேறு மொழி ஒலி வேறுபாடுகள் இருந்தாலும் சுட்டிக் காட்டுங்கள்

ஃ கிற்கு இணையான வேறு எழுத்து உள்ளதா திராவிட மொழிக் குடும்பத்தில் உள்ளதா?

தமிழில் உள்ளது போல ஙகர வரிசை உயிர்மெய்யெழுத்துகள் சிங்கள எழுத்துகளில் இல்லை அது போல இந்த கன்னட மலையாள தெலுகு வில் இல்லாத தமிழ் ஒலிவடிவங்கள் உள்ளனவா?

பயன்படுத்திவிட்டு நீங்களே ஒரு பெயரும் பரிந்துரைக்கலாம்.

இத்தகைய எழுத்து பெயர்ப்பு வேலை செய்யும் இரண்டு தளங்கள் உள்ளன. ta.girgit.chitthajagat.in, transliterator.blogspot.com முன்னவை ப்ராக்சி சர்வர் மூலம் ஒரு தளத்தை உள்யெடுத்து எழுத்துமாற்றி தரும். அடுத்தவை பல இந்திய மொழிகளில் இருந்து தமிழுக்கு எழுத்து பெயர்க்கும்[நமது கருவி தமிழை வேறு மொழிக்கு எழுத்து பெயர்க்கும்]. அவற்றையும் தேவையானவர்கள் பயன்படுத்தலாம்

விமர்சனமும் ஆலோசனையும் வரவேற்கப்படுகிறது

கூகிளும் மூடுவிழாக்களும்

கூகிள் அடிக்கடி தனது வலைக்கட்டமைப்பை [Design]/ இடைமுகத்தை[interface] மாற்றி அமைக்கும் என்பது தெரிந்த விஷயம் தான் ஆனால் தற்போதெல்லாம் சில முக்கிய சேவைகளையே மூடிவிடுகிறது. மாற்றங்கள் என்பது மவுசை பிடித்து ஆனா போட்ட காலம் தொட்டே இருக்கிறது ஆனால் அவை மேம்படுத்தப் பட்டே வந்ததேயென்றி கைவிடப்படவில்லை. இங்கு கூகிள் கைவிடப்படும் சேவைகளின் எண்ணிக்கை நாளுக்கு நான் அதிகரிக்கவும் செய்கிறது. சில மாதங்களுக்கு முன் இணைய பயனர்கள் குறிப்பாக தமிழர்களும் மிகவும் கவலைப்படும்படியாக கூகிள் அகராதியை மூடியது. அதற்கு மாற்றாக கைகாட்டப்பட்ட கூகிள் மொழிமாற்றி[google translate] இன்னும் மொக்கையாகவே உள்ளது. கொடுக்கும் வார்த்தைகளுக்கு பொருள் கூட சரியா காட்டுவதில்லை. அதனுடன் கூகிளின் translate சேவைக்கான API அதாவது developer/பயனர்கள் அபிவிருத்தி செய்யவுதவும் வசதியையும் நிறுத்திவைத்துள்ளது. அதனால் தமிழில் மொழிமாற்றும் உபகரணங்களை யாரும் மேம்படுத்தவும் அல்லது எளிமைப்படுத்திக் கொள்ளவும் முடிவதில்லை. உதவும் என்ற அடிப்படையில் கூகிள் அகராதியை இணைத்துக்கொண்ட நம்ம அகராதி நீட்சியிலும் கூகிள் காலியிடம் விட்டதுதான் மிச்சம்.

சற்று காலண்டரை பின்னோக்கி திருப்புங்கள், கூகிள் பவர்மீட்டர், வலைத் தளங்களின் டிரெக்டரி, டெக்ஸ்டாப் கட்ஜெட், ஜிடிரைவ், ஸ்லைட் app, கூகிள் பேக், கூகிள் sets மற்றும் சில என மாற்று சேவைகள் இல்லாமல் மூடப்பட்டு போனவை இவைகள். பல சேவைகள் மூடப்பட்டாலும் மாற்று சேவையில் இணைத்துவிட்டதுண்டு உதாரணமாக ஸ்பிரட்ஷீட், page creator[2009 வாக்கில்] என்று சொல்லலாம். இந்தப்பட்டியல் நீண்டு தற்போது கூகிள் buzzம் 'அடக்கம்' என்பது புதிய செய்தி -கூகிள்+ க்கு வலுசேர்க்க இந்த முடிவு. நம்ம அம்பானி கம்பெனிகாரர்கள் முதலில் ஒரு நிறுவனத்தைத் தொடங்கி பங்குகளை உயர்த்தி மற்றவொன்றுடன் சேர்க்கும் டெக்னிக்கே. இதுவரை buzzல் போட்டவை பாதுகாக்கப்ப்படுமாம் புதியவைகள்தான் இனி சில வாரங்களில் போடமுடியாதாம். வேண்டியவர்கள் இதன் https://www.google.com/takeout/ மூலம் பேக்கப் எடுக்கலாம் என்று சொல்கிறது.

சரி, இம்மாதிரி சேவைகளை மூடுவதால் என்னயென்ன பின்னடைவுகள்?

முதலில் எல்லாருக்கும் மூடப்படும் சேவை பிடிக்காமல் இருப்பதில்லை, விரும்புபவர்களுக்கு இழப்பாக அமையும்.
அந்நிறுவனத்தின் மற்ற பொருட்கள் மீது அதிகம் சார்ந்துயிருக்க முடியாது; எப்போது வேண்டமானாலும் நிறுத்தப் படலாம் என்கிற நினைப்பு வரும்.
அபிவிருத்தியாளர்களின் developmentகள் குறையும்.
கூகிள் தமிழ் அகராதி போன்றவைகள் மூடப்படும் போது பிராந்திய மொழி வளங்கள் குறையும்.
கூகிள் பஸ் போன்றவை மூடப்படும் போது கருத்துக் குழுக்கள்[நல்லதோ/கெட்டாதோ] சிதைய நேரிடும்
Google Mashup போன்ற சேவைகள் மூடப்படும் போது yahoo pipes போல மற்ற நிறுவனங்களின் கிளை தயாரிப்புகள் மார்கெட்டை பிடிக்கும்
புதிய பொருட்களின் அணிவகுப்பாகயிருக்கும் google labs போன்றவை மூடப்படும் போது புதுமைகள் காணமுடியாதா என்று தனித்தன்மை இழக்க நேரும்.

இம்மாதிரியான மூடு விழாக்கள் யாகூ, மைக்ரோசாப்ட் என பல இடங்களில் நடந்தாலும் அவை போனியாகவில்லை என்று கொள்ளலாம், ஆனால் கூகிள் போன்ற பரந்த பயனர்கள் கொண்டுள்ள நிறுவனம் செய்வது பாதிக்கக்கூடியவொன்று. இவ்விசயங்களை மீண்டு பரிசீலிக்கலாம் என்று சொல்லமுடியாது ஆனால் இவ்வசதிகளை பெற மாற்று சேவைகளை அறிமுகப்படுத்தலாம்.

இதற்கு தங்கள் நிதிபற்றாக்குறை அல்லது வேறு சேவையுடன் இணைக்கிறோம் என்ற காரணங்கள் அவர்களிடம் உள்ளது ஆனால் பயனர் என்கிற அடிப்படையில் நாம் பல சேவைகள் இழந்துவிட்டோம் என்ற எண்ணம் நம்மிடம் உள்ளது. கூகிளுக்கு இதுவொன்றும் புதிசுயில்லை; பழையன கழிதலும் புதியன புகுதலும் என ஆறுதல் படுத்திக் கொள்ளவேண்டியதுதான்.கூகிள் buzz ஆரம்பத்தில் கோணலாகத்தான் என்ட்ரி கொடுத்தது இருந்தாலும் பழகியப்பின் சட்டென்று பிரிவதற்கு மனம் வருவதில்லை.

இந்தப்பட்டியலில் நாளை ப்ளாக்கரும் சேர்ந்தாலும் சேரலாம் [என்பது நமது தளம் சார்பாக அடித்துவிடப்படும் புரளி]

கேள்வி-பதில் [வலைப்பூக்கள்]-II

ஒரு பிளாக்கர் தளத்தில் வெளியிடப்படும் பதிவுகளுக்கு urlல் எப்படி ஆங்கிலத்தில் பெயர் வைக்க?
எந்தப் பதிவும் பிரசுரிக்கும் போது அதன் தலைப்பில் தமிழுடன் ஆங்கிலம் சேர்த்துப் பதியவும், publish செய்தப்பின் கவனித்தால் அந்தப் பதிவின் முகவரியில் உங்கள் ஆங்கில தலைப்பு அமர்ந்திருக்கும். அடுத்து அந்த தலைப்பில் உள்ள ஆங்கிலத்தை நீக்கிவிட்டு அந்தப் பதிவையே மறுபடியும் publish செய்யவும். அதனால் பதிவிடும் போதே சரியான/தேவையான ஆங்கில வார்த்தைகளை சேர்ந்து தலைப்பிட்டு பதியவும்

பேஸ்புக் கமெண்ட் பெட்டியை எப்படி வலைப் பதிவில் இணைப்பது?
http://developers.facebook.com/docs/reference/plugins/comments/

இந்த இணைப்பு சென்று உங்கள் தள முகவரி கொடுத்து get code பட்டனைத் தட்டுவதால் முழு நிரலியும்[HTML code] கிடைக்கும் உங்கள் தளத்தின் அனைத்து பக்கத்திற்கும் பயன்படுத்த வேண்டும் என்றால் டெம்ளைட்டில் போட்டு சேமிக்கவும்
அல்லது ஒரு பதிவுக்கு மட்டும் வேண்டும் என்றால் அந்தப் பதிவின் HTML modeல் கடைசியாக இந்த கோடை போட்டு பதிவிடவும் இதன் மூலம் அந்தப் பதிவில் மட்டும் பயன்படுத்த முடியும்
டெமோ பார்க்க விரும்புகிறவர்கள் இங்கு பார்க்கலாம்-> ascii tamil

சில வலைபூக்களில் விளம்பர தொல்லை இருந்தாலோ அல்லது பிளாஷ் விஜெட்கள் அதிகம் இருந்தாலோ திறக்க அதிக நேரம் எடுக்கிறது; இவற்றை எளிதில் படிக்க முடியுமா?
blogger.com தளங்களைப் பொறுத்தவரை .blogspot.com/view அல்லது blogspot.com/?m=1 என பின்னிணைப்புக் கொடுப்பது மூலம் எளிதாகப் படிக்கலாம். இந்த வழியில் படிக்கும்போது தேவையில்லாத கட்ஜெட்கள், ஓட்டுப்பட்டைகள், நேரத்தைக் குடிக்கும் மென் நிரல்கள் தவிர்த்து வேகமாகத் திறக்க முடியும். மற்ற வேர்ட் பிரஸ் இன்ன பிறவில் தேவையில்லாத விளம்பரங்களை தடை செய்ய இந்த www.nomoreads.adout.org/ தளத்தைப் பயன்படுத்தலாம்.

பதிவு திருடப்பட்டுள்ளதா என கண்டுபிடிக்கமுடியுமா?
எளியவழி உங்கள் பதிவின் ஏதாவது வாக்கியத்தை கூகிளில் போட்டு தேடவும், அதுவே துல்லியமாக காட்டிக் கொடுக்கும். படங்கள் திருடப்பட்டுள்ளதா என கண்டுபிடிக்க அந்தப் படத்தின் முகவரியை அல்லது அந்தப் படத்தையே கூகிள் இமேஜ்சில் போட்டுத் தேடலாம் கண்டுபிடிக்கமுடியும்

கூகுளின் இந்த அம்சத்தில் நீங்கள் படத்தை வலையேற்றி தேடலாம் அல்லது படத்தின் முகவரியைக் கொடுத்தும் தேடலாம்.

ஒரு பதிவை மட்டும் எப்போதும் முதல் பதிவாக வைக்கமுடியுமா?
பிளாக்ஸ்பாட்டை பொறுத்தவரை அது சாத்தியமே, விரும்பினால் உங்கள் அத்தனைப் பதிவையும் விரும்பிய படி வரிசைப் படுத்தமுடியும். என்றோ போட்ட ஒரு பதிவை மீள் பிரசுரம் செய்யாமல் அந்தப் பதிவை முகப்பு பக்கத்தில் கொண்டு வர அந்தப் பதிவின் தேதியை மாற்றினால் போதும். படத்தில் உள்ளது போல இன்றைய தேதி அல்லது latest தேதியைக் கொடுத்தால் அதன் படி பதிவு தளத்தில் தெரியும்.இதனால் புதிய பதிவு போடாமலே முதல் பக்கத்தில் வேறுபட்ட பதிவுகளைப் பார்க்கலாம்.

இவ்வழியில் தமிழ்மணத்தை ஒரு காலத்தில் ஏமாற்றலாம் இப்போது முடியாது என்பதால் இச்செய்தியிங்கே
****

இக்கேள்விகளுக்கு வேறு பதில்கள் இருந்தாலும் பகிர்ந்து கொள்ளலாம்.
கடந்த முறை பதிலளிக்கப்பட்ட கேள்விகள் கேள்வி-பதில் [வலைப்பூக்கள்] பகுதி -1
இணையம் மற்றும் வலைப்பூக்கள் சார்ந்த கேள்விகளை இப்பகுதியில் நீங்கள் கேட்கலாம். இப்பகுதி தொடரும்...

இணையவுலகிற்கு புதிப்பிக்கப்பட்டவை

பிளாக்கர் மறுமொழிகளுக்கான மதிப்புக்கூட்டு வசதியான nccodeல் புதிதாக இணைக்கப்பட்டுள்ள தொடரியல்[syntax]

[im#]...[/im]
சில சமயம், மறுமொழியும் படங்கள் அளவில் பெரியதாக இருக்கலாம். அதனை இதுவரை கமெண்ட் பகுதிக்குள் அடைக்க முடிவதில்லை, மேலும் சில சின்னப் படத்தை கமெண்ட் பகுதி முழுக்க பெரிது படுத்தவும் முடிவதில்லை. அதற்கு தீர்வாக இந்த [im#] இட்டு படத்தின் முகவரி கொடுத்து [/im] என்று போட்டு மூடவும். இதனால் அந்தப் படம் கமெண்ட் பகுதிக்குள் அடங்கி விடும். [im]..[/im] என்கிற கோட்டின் அக்கா மகன் என்று கொள்க

[hi="yellow"] [/hi]
அடுத்து, மொழியப்படும் கருத்தில் ஏதாவது ஒரு வார்த்தைகளை முன்னிறுத்திக்[ஹைலைட்] காட்ட இந்த கோடை பயன்படுத்தலாம்.
என்னையா ரொம்ப [hi="yellow"]நல்லவன்னு[/hi] சொல்லிட்டாங்க. என்று கொடுத்தால் 'நல்லவன்னு' என்கிற பகுதி மஞ்சளாக highlight செய்யப்படும். விரும்பிய வண்ணங்கள் கொடுக்கலாம்.

ஏற்கனவே nccodeயை நிறுவியவர்களுக்கு தானாகவே இந்த வசதிகள் செயல்படும். புதிதாக பிளாக்கர் வலைப்பூவில் nccode இன்ஸ்டால் செய்வது மற்றும் மற்ற கோடுகளை அறிய இப்பதிவை கண்ணுறலாம்.

ஒரு பிளாக்கர் தளத்தின் வரலாற்றை அறிய உதவிய இந்தப் பக்கம் மீண்டும் வேலை செய்யதொடங்கியுள்ளது.
பயனுள்ள கருவிகள்
ஒரு பிளாக்கரின் முகவரியை மட்டும் கொடுத்தால் சில/பல தகவல்களை தரும். & ஒரு பிளாக்கர் தளத்தின் மறுமொழிப் பக்கத்தை மற்றும் வரிசைப் படுத்திக் கொண்டு படிக்க அடுத்தக் கருவி உதவும்

தமிழை ascii குறியீடுகள் மூலம் எழுதும் மென்கோலம் முக்கியமான சில மாற்றங்களை பெற்றுள்ளது.
எத்தகைய வாக்கியம் எழுதினாலும் நீளமாகவே எழுதப்பட்டு வந்தது, இதனால் குறுகிய இடங்களில் அந்த எழுத்துக்களை எழுதுவதென்பது சிக்கலாகயிருந்தது. அதனால் 'new line' என்ற வசதிமூலம் அடுத்த வரியில் வாக்கியங்களை அமைக்க உதவும்[நம்ம Enter பட்டன் மாதிரி]
எல்லா இடங்களுக்கும் ஒத்துவரும் சில குறியீடுகளை style கட்டத்தில் கொடுக்கப்படுள்ளது விரும்பிய ஸ்டைலை தேர்வு செய்வதன் மூலம் விரும்பிய ascii எழுத்தை மாற்றலாம்.

மென்கோலம் பற்றி அறிய

பதிவுப்பூட்டின் குணங்கள் சிலயிடத்தில் நிறையாகவும் சிலயிடத்தில் குறையாகவும் இருப்பதால் தனியாகப் பிரிக்கப்படுவிட்டது. low, Medium, High, போன்ற வகைகளில் இனி encrypt[பூட்டலாம்] செய்யலாம். முக்கியமாக high encrypt செய்தவற்றை மவுசை வைத்தால்தான் படிக்கமுடியும் மற்றும் விரும்பிய வலை தளத்திற்கு என்று பிரேத்யேகமாக பூட்டிக்கொள்ளலாம். home page முகவரியைக் கொடுப்பதன் மூலம் பூட்டப்பட்ட பதிவு அந்தத்தளத்தில் மட்டுமே படிக்க முடிவதாக இருக்கும்.
பூட்டுப்பட்டறை

மேலும் நிறை-குறை-ஆலோசனைகளைப் பகிரலாம், புதிப்பிக்கப்படலாம்....

பதிவுத்திருட்டைத் தடுக்க புதிய பூட்டு

தமது எழுத்தை பிறர் மறுபிரசுரம் செய்ய விரும்பாதவர்கள், முக்கிய ஆவணங்கள் பகிர நினைப்பவர்கள், காப்புரிமை வேண்டுபவர்கள், பேணிபாதுக்க வேண்டிய பதிவுகளைத் தருபவர்கள், கூகிள்,RSS வழியில பதிவை(அல்லது பதிவின் ஒரு பகுதியை)த் தர விரும்பாதவர்கள் போன்றோருக்கு இந்தப் பூட்டு பயன்படும்.
இந்தப் பூட்டைப் போட்டு எந்தப் பதிவை இட்டாலும் காப்பி செய்யமுடியாது என்று சமசீர் பாட புத்தகத்தில் கூறவில்லை அதனால் காப்பி செய்வது கஷ்டம் என்று கொள்க

பூட்டின் குணாதிசயங்கள்:

கூகிளும் பதிவைத் திருடமுடியாது;
ரீடரோ,மின்னஞ்சலோ, RSS ஓடை வழியாக படிக்கவே முடியாது(தளத்தில் மட்டும்தான் படிக்கமுடியும்);
சராசரி வாசகருக்குப் பதிவு பூட்டப்பட்டிருப்பது தெரியாது;
பிரபல பிரவுசர்களில் எல்லாம் காப்பி செய்யமுடியாது;
வாசகர்கள் முறைப்படி உங்கள் தளத்திற்கு வந்து படித்தால் தான் பதிவை படிக்க முடியும்.

இது ஒரு தளத்தை பாதுகாக்க வடிவமைக்கப்பட்டதில்லை, ஒரு பதிவையோ, பத்தியையோ மட்டுமே பாதுகாக்கும். அதனால் தளத்தில் உள்ள மற்ற பக்கங்கள் வழக்கம் போலவே இருக்கும். ஒரு பக்கத்திற்கு ஒரு பூட்டு மட்டுமே செயல்படும் [ஒரு உறையில் இரண்டு கத்தியா?] இவ்வளவு குறை/நிறைகள் மீறி ஒரு பதிவை அல்லது பதிவின் ஒரு பகுதியை பாதுகாக்க வேண்டினால் இந்த பூட்டு உங்களுக்குத் தான்.

பூட்டுப் பட்டறை மேலே குறிப்பிட்டுள்ள தளத்திற்குச் சென்று உங்கள் பதிவுப் பத்தியை முதல் பெட்டியில் இட்டு பட்டனை அழுத்தினால் பதிவு பூட்டப்பட்டு அடுத்தப் பெட்டியில் வந்துவிடும். அதனை அப்படியே காப்பி செய்து உங்கள் பிளாக்கில் போட்டு publish செய்யலாம். இந்த முறை எல்லா வலைப் பூக்கள் மற்றும் இணைய தளங்களுக்கும் பொருந்தும். வண்ணங்கள், bold எழுத்துடன் வேண்டுமென்றால் அதன் HTML வடிவில் encrypt செய்யவேண்டும். பிளாக்கர்கள் என்றால்,உங்கள் பதிவை கம்போசில் வடிவமைத்து edit html பக்கத்தில் உள்ள கோடுகளை எடுத்துப் பூட்டுப் பட்டறையில் போடவும் ஒரு சாம்பிள் கீழுள்ள மொக்கையை காப்பி செய்து பார்க்கவும். .

ĄĬıľèĬıĺąêĴļĺêèĻļŁĴĭąêļĭŀļõĩĴıįĶĂèĴĭĮļăêèļĺĪıĬıąêķĶêĆÒĄĪĺè÷ĆÒĄĪĆ౲ಊ౧ಕ౧ಉè౽ಆౡಕౝ౺ಐ౷ಓè౲ಊ౧ಕ౧ಉöööĄ÷ĪĆĄĪĺè÷ĆÒ౶౬ಉ౸ಐè౲ಊ౧ಕ౧ಉèౢಆ౸ಕôĄĪĺè÷ĆÒ౶ಆ౧౸ಕ౱ಕè౲ಊ౧ಕ౧ಉౢಆ౸ಕôĄĪĺè÷ĆÒ౽ಆౡಕౝಇ౧ಕ౧ಉè౽౫ಕ౧ಇ౷è౛౧ಕ౧ಉèౢಆ౸ಕôĄĪĺè÷ĆÒĄĪĆ౲ಊ౧ಕ౧ಉè౽ಆౡಕౝ౺ಐ౷ಓè౲ಊ౧ಕ౧ಉööööĄ÷ĪĆĄĪĺè÷ĆÒ౬ಉ౧ಕ౧ಉè౽ಏ౫ಕ౧ಆ౶ಕèౢಆ౸ಕĄĪĺè÷ĆÒ౛౧ಕ౧ಉè౽ಏ౫ಆ౶ಕèౢಆ౸ಕĄĪĺè÷ĆÒĄĻĸĩĶèīĴĩĻĻąêĉĸĸĴĭõĻļŁĴĭõĻĸĩĶêèĻļŁĴĭąêīķĴķĺĂèĺĭĬăêĆౝ౸ಉ౬ಕ౬è౽౰ಕ౬ಉèౝಒ౧ಕ౧ಉౢಆ౸ಕèîĶĪĻĸăĄ÷ĻĸĩĶĆĄĪĺè÷ĆÒĄĪĆ౲ಊ౧ಕ౧ಉè౽ಆౡಕౝ౺ಐ౷ಓè౲ಊ౧ಕ౧ಉööööĄ÷ĪĆĄĪĺè÷ĆÒĄ÷ĬıľĆÒ

பொதுவாக பதிவை காப்பி செய்வதெப்படி

அந்த பத்தியை மௌஸ் மூலம் select செய்து Rightclick செய்து காப்பி செய்யலாம்.
ctrl+A மற்றும் ctrl+C அழுத்தி பதிவை எடுக்கலாம்.
பதிவின் source code சென்று பதிவை காப்பி செய்யலாம்.
மின்னஞ்சல்,கூகிள் ரீடர், போன்ற RSS உபகரணங்கள் மூலம் சில இடங்களில் காப்பி செய்யலாம்.
பிரபல பிரவுசரில் ஜாவாஸ்கிரிப்டை தடை செய்து எளிதாக காப்பி செய்யலாம்.

மேற்கண்ட வழிகள் அனைத்தும் இந்த பூட்டில் முடியாது. மேற்கொண்டு ஏதாவது வழியில் பதிவு திருடப்பட்டால் பூட்டு செய்தவனை மன்னித்துவிடுங்கள் இந்த பூட்டுக்கு சாவியில்லை அதனால் நீங்கள் பதிவை பூட்டிவிட்டால்[encrypt] திரும்ப நீங்களே காப்பி செய்யமுடியாது என்பதையும் கருத்தில் கொள்க பூட்டு போட்டு பதிவு எழுத மேட்டர் இல்லாததால் எதிர்நீச்சல் தளம் என்றுமே திறமூலம் தான்.

புதிய தமிழ் எழுத்துமுறை அறிமுகம்

வனப்பெழுத்துக்கள் எனப்படுவது பொதுபுத்தியில் எழுதாமல் புதுபுத்தியில் எழுதும் சாதாரண எழுத்துக்கள் அட, நம்ம calligraphy னு சொல்வாங்களே அதேதான். என்ன தான் உங்க குரல்ல மிமிக்கிரி எல்லாம் பண்ணி எழுதினாலும், நீங்க எழுதின வார்த்தைகள் முக பாவனையெல்லாம் காட்டாது படிக்கிறவுங்களுக்கு ஒரே font மட்டும் தான் தெரியும். ஒரே எழுத்துவடிவம் புதுமைவிரும்பிகளுக்கு போஷாக்குத் தராது. அதுனாலதான் சதுரமான எல்லா செய்தித் தாள்களும் எழுத்துருவை நீட்டி மடக்கி சீவி சிங்காரித்து விற்கின்றன. விதவிதமான வனப்பில் எழுத்துக்களை எழுதுகின்றன.

பொதுவாக விதவிதமான அங்கில எழுத்துருக்கள் இயல்பாகவே யுனிக்கோடில் கிடைக்கின்றன மேலும் தனியாகவும் வடிவமைக்கும் படியும் மென்பொருட்கள் உள்ளன. தமிழிலும் விதவிதமான எழுத்துருக்கள் வந்துகொண்டிருக்கையில் மேலும் ஒரு புது வடிவங்கள்... வெர்சுவல் வடிவில். இது உண்மையில் புதிய எழுத்துரு வடிவமில்லை ஆனால் பல எழுத்துருவைக் கொண்டு ஒரு எழுத்துரு போன்ற பின்பத்தை உருவாக்கும் முறை எனலாம்.

ஒவ்வொரு எழுத்தின் பிக்சலையும் வேறொரு எழுத்தால் நிரப்பி எழுதலாம்.
░░░░░░░░░░░░░░░░░▓░░░░░░░░░░░░░░░░░░░
░░░▓▓▓▓▓░░░▓░░░░░░░░░░░░░░░░░░░░░░░░░
░░▓░▓░░░▓░░▓░▓░░░░▓▓░░▓░░░░▓▓░░▓▓▓▓▓░
░░░▓░░░░▓░░▓░▓░░░▓░░▓░▓░░░▓░░▓░▓░░▓░░
▓▓▓▓▓▓▓▓▓▓▓▓░▓░░░▓░░▓░▓░░░▓░░▓░▓░░▓░░
░▓░░░░░░▓░░▓░▓░░░▓░░▓░▓░░░▓░░▓░▓░░▓░░
░░▓▓▓▓▓▓░░░▓░▓▓▓▓▓▓▓▓░▓▓▓▓▓▓▓▓░▓░░▓░░
░░░░░░░░░░░░░░░░░░░░░░░░░░░░░░░░░░░░░
░░░░░░░░░░░░░░░░░░░░░░░░░░░░░░░░░░░░░
இது சாதாரண " ▓ " மற்றும் " ░ " என்ற இரண்டு குறியீடுகளால் எழுதப்பட்ட கலவையே நீங்கள் விரும்பிய இரண்டு குறியீடுகளை தேர்வு செய்து எந்தவொரு தமிழ் எழுத்தையும் இனி எழுதலாம். நடைமுறையில் இவை வனப்பெழுத்து என்பதால் தொடர் பத்திகளில் எழுதப் போவதில்லை தானே. எங்காவது வாழ்த்துச் சொல்லவோ, வரவேற்கவோ, புகழ்ந்துகொள்ளவோ, மொக்கை போடவோ, கிரிடிங் கர்டில் படமாக்கவோ என்று இதற்கு வாழ்வு கொடுக்கலாம். அல்லது அந்த கிரிடிங் கார்டை யாரவது கொடுத்தால் வங்கிக் கொள்ளலாம்:).

அதற்கான செயலி தற்போது அறிமுகம் செய்யப்படுகிறது மென் கோலம்

இதில் நேரடியாக எல்லா தமிழ்ச் சொற்களையும் தட்டச்சிடலாம், Font Text என்கிற பெட்டியும் BG Text என்கிற பெட்டியும் தான் நீங்கள் விரும்பும் குறியீடுகள் கொடுக்குமிடம். வண்ணங்கள் பூசிக் கொள்ளலாம். HTML கோடுகளாக விரும்பினால் GETCODE பட்டன் மூலம் பெறலாம்.கடைசியில் உள்ள பட்டன்கள் மூலம் எழுத்தை பெரிதாகவோ, சிறிதாகவோ மாற்றிக் கொள்ளலாம்.

இதன் குணங்கள் என்று சொல்லிக் கொள்ள ஏதுமில்லை, ஆனால் சொல்லியே ஆக வேண்டிய இரண்டு விஷயம் உண்டு.
ஒன்று, இதை அப்படியே காப்பி செய்து HTML வடிவம் படிக்கும் எதிலும் பேஸ்ட் செய்யலாம், அல்லது கோடிங்கை எடுத்தும் பேஸ்ட் செய்யலாம். உதாரணமாக, MS office application எல்லாம், பிளாக் பதிவுப்பகுதி, இணையதளங்கள், மின்னஞ்சல்கள்...எனலாம். இங்கெல்லாம் அந்த எழுத்துவடிவம் உள்ளது உள்ளபடியே நிறம், திடம், சுவையுடன் பயன்படுத்தலாம்.
இரண்டு, பிளாக்கர் கமெண்ட் பகுதி, நோட்பேட், பேஸ்புக் போன்ற இடங்களில் நிறம்,திடம்,உயரம் ஆகியவற்றை காப்பிசெய்யமுடியாது அதனால் தேர்வு செய்யும் இரண்டு குறியீடுகளும் இயல்பான நிற/வடிவ வேறுபாடு கொண்டதாக இருக்கவேண்டும்.
அம்மாதிரி குறியீட்டு ஜோடிகள் சில
" ▓ " , மற்றும் " ░ "
" ▩ " மற்றும் " ▢ "
" ▉ " மற்றும் " ▂ "
" [ "," ] " மற்றும் " . ", " , "

அவ்வளவே,

நீங்கள் கொடுக்கும் குறியீடு சமமான நீளத்தில் இருக்கவேண்டும் மற்றும் spaceயை குறியீடாகப் பயன்படுத்தினால் பிளாக்கர் கமென்ட் பகுதி உட்பட சில இடங்களில் பயன்படுத்தமுடியாது

சில மாதிரி கமெண்ட் வடிவங்கள் இங்கே. இனி பிளாக் கமெண்டில் படங்கள் இணைப்பதுபோல இவ்வகை எழுத்துக்களால் கமெண்டும் இடலாம்

டாட் டிப்ஸ் [ஆடி 9]

ஸ்பேம் எனப்படுவது சம்மந்தமில்லாத/ஆபத்தான வர்த்தக பின்புலம் கொண்ட தகவல்கள் நமது இணைய பெட்டகத்தில் வந்து குவிவதாகும். ஸ்பேம் அஞ்சல் தொடங்கி, ஸ்பேம் மெசேஜ், ஸ்பேம் கமெண்ட், ஸ்பேம் லிங்க்,என பல வடிவங்களில் வந்துவிட்ட இவை ஸ்பேம் டிவிட்களாகவும் படையெடுக்கிறது. சிலசமயம் நமக்கு வரும் ஸ்பேம்களைவிட நம்மால் மற்றவருக்கு செல்லும் ஸ்பேம்கள் கர்ண கொடூரமானவை.

முக்கியமாக டிவிட்டரில் நடப்பவையை இரண்டு வகையாக்கலாம், நம் கண்ணெதிரே அனுமதிவாங்கி ஸ்பேம்கள் அனுப்புபவை,மற்றொன்று தமக்குத் தெரியாமல் அனுமதிவாங்கி ஸ்பேம்கள் அனுப்புபவை. சில தளங்களில் login செய்ய டிவிட்டர் கணக்கை கேட்கும், நாமும் சரி என்று அனுமதி அளித்து பயன்படுத்திவிட்டு வருவோம். இரண்டாவது தெரியாத ஒருதளத்திற்குள் நுழையும் போது டிவிட்டர் கணக்கை கேட்பவை பெரும்பாலும், சுருக்கப்பட்ட முகவரியாகவும், DM மெசேஜ்களாகவும் இருக்கும். அங்கே நாம் கவனிக்க மறப்பவை 'access and update' என்கிற வசதி. இது வேறொன்றுமில்லை, அந்த தளத்திற்கு நீங்க update செய்யும் உரிமையை வழங்குகிறீர்கள். பிரபல தளங்களாக இருந்தால் பிரச்சனையில்லை டுபாக்கூர் என்றால் ஸ்பேம்கள் ராஜ்ஜியம்தான். கணக்கின் settings->applications சென்று கவனித்தால் இதுவரை யாருக்கெல்லாம் கணக்கை வாடகைக்கு விட்டுள்ளீர்கள் எனத் தெரியும். read only accessக்கு பிரச்சனையில்லை read and write access - read,write and direct message access என்றால் கவனமாக இருக்கவும் தேவையில்லை எனத் தெரிந்தால் revoke access பட்டனைத் தட்டி விரட்டிவிடுங்கள். தேவையில்லாத DMகளை சொடுக்காமல் தவிர்க்கவும்.

தமிழ் வாக்கியங்களை படிக்கும் தானியங்கிகள் உண்டா என்ற தேடலுக்கு ஒரு விருந்து கிடைத்துள்ளது. இங்கு தமிழ் வாக்கியங்களை ஒலி வடிவில் மாற்றிக் கொடுக்கிறது. இயல்பான ஒலியை எதிர்பார்க்க முடியாவிட்டாலும் ஏமாற்றாமல் பேசிகிறது.
http://mile.ee.iisc.ernet.in:8080/tts_demo/

இணையத்திற்குள்ளும் ஒழுங்குகள் பின்பற்ற வேண்டும் என்று தெரியும் ஆனால் அவற்றை பழக்க போக்கில் மீறமுற்படுவோம். "இணைய வாக்கு போரில் சமாதானகோடியே வெற்றிகொடி"; "குழந்தைகளோடு இணையத்தில் உலாவுங்கள்;, "மறப்போம் மன்னிப்போம் என்பது இணையத்தில் இல்லவே இல்லை", "சமூக தளங்களுக்குள் நுழைவதற்கு முன் அதன் அடிப்படை அறிவைதேடிக்கொள்" என வாழைபழத்தில் ஊசிஏற்றி சொல்கிறது. கட்டாயம் தெரிந்து வைத்துக் கொள்ளவேண்டிய etiquette
http://eetiquette.com

PDF கோப்புகளை பிரிக்க மற்றும் இணைக்க ஒரு நல்ல தளம் sciweavers அது மட்டுமல்லாது, படங்களிலிருந்து மொழியை பிரித்து[image to text] தரும் வசதியும் இதுவரை தெரியாத அறியாத யுனிக்கோட் குறியீடுகளை சாட்டிங், டிவிட்டிங்க்கும் தருகிறது.
http://www.sciweavers.org

சென்ற பதிவின் நீட்சியாக இன்ஸ்டால் செய்த க்ரோம் நீட்சிகளை நீக்குவது எப்படி என்பவர்கள், உங்கள் க்ரோம் உலாவியின் வலது மூலை controls-> tools-> extensions-> சென்றால், uninstall செய்து கொள்ளலாம் அல்லது தற்காலிகமாக disable செய்தும் கொள்ளலாம். எதிர்பாராத விதமாக விகடன் தனது செய்தி ஓடையை மாற்றிக் கொண்டுள்ளதால் பழைய 'நம்ம நியூஸ்பேப்பர்' பயன்படுத்துபவர்களுக்கு விகடன் செய்திகள் வராது. அதனால் நீட்சி புதிப்பிக்கப்பட்டுள்ளது. மறு இன்ஸ்டால் செய்து கொள்ளலாம்.
நம்ம நியூஸ்பேப்பர்

░░░░░░░░░░░░░▓░░░░░░░░░░░▓▓▓▓░░
░░░░░░░░░░░░░░░░░░░░░░░░▓░░░░▓░
▓▓▓▓▓░░░░▓▓▓▓░▓▓▓▓▓░░▓▓░▓▓▓░░▓░
▓░░▓░░░░▓▓░░░▓░░░▓░░▓░░▓░░░▓░▓░
▓░░▓▓▓░░▓░▓░▓░▓░░▓░░▓░░▓░░░▓░▓░
▓░░▓░░▓░▓░▓░▓░▓░░▓░░▓░░▓░░░▓░▓░
▓░░▓░░▓░▓▓░░░▓░░░▓░░▓░░▓░░░▓░▓░
░░░░░░▓░░░░░░░░░░░░░░░░░░░▓░░░░
░░░░░▓░░░░░░░░░░░░░░░░░▓▓▓░░░░░

இந்த வெர்ஷுவல் தமிழ் எழுத்துருக்கள் அடுத்தப் பதிவில் அறிமுகமாகும்

புதிய தமிழ் க்ரோம் நீட்சிகள்

க்ரோம் நீட்சி[Chrome Extension] என்பது க்ரோம் உலாவியில் பதிக்கப்படும் கூடுதல்/புதிய வசதி எனலாம். ஃபயர் ஃபாக்ஸின் add-on போல...

க்ரோம் உலவியில் இதுவரை தமிழ் எழுதிகளுக்கான பல நீட்சிகள் வந்திருக்கின்றன ஆனால் அகராதி மற்றும் தமிழ் செய்திகளுக்கான நீட்சிகள் ஏதாவது ஒரு தளம் சார்ந்ததாகவே வந்துள்ளன. அதனால் இந்த புதிய இரண்டு நீட்சிகள் அறிமுகம் செய்யப்பட்டுள்ளது.

"மொழி துலக்கம் கொணர க்ரோம் நீட்சியைக் கைகொண்டவர்க்கு
நாங்கூழ் இட்ட கழனியாக செழுமையான விடயம் கிட்டும்"
இப்படி யாராவது அரியவகை பழங்காலப் பாடலென கிறிக்கிக் கொண்டிருக்கும் வேளையில் பொருள் தெரியாமல் திணறியதுண்டா? அல்லது
Good frend for Iesvs sake forbeare,To digg the dvst encloased heare
என்று இணைய ஷேக்ஸ்பியர் உங்களிடம் பேசும் போது பொருள் தெரியாமல் திணறியதுண்டா? உங்களுக்கான நீட்சி 'நம்ம டிக்ஸ்னரி' -இதுவொரு இருமொழி[தமிழ்/ஆங்கிலம்] நீட்சி. உங்கள் ப்ரைவுசரில் காணும் எல்லா தளங்களிலும் இதனைப் பயன்படுத்தலாம்.

படித்துக் கொண்டிருக்கையிலே புரியாத வார்த்தையை கர்சர் மூலம் தேர்வுசெய்து[select] மௌசை வலது சொடுக்கு செய்தால் அங்கே எழு அகராதிகள் தயாராக வந்து நிற்கும் வேண்டியவற்றை தேர்வு செய்து பொருளை படித்துக் கொள்ளலாம். உங்கள் மின்னஞ்சல்,செய்தித்தாள்கள், வலைப்பூக்கள், கூகுள் தேடுதளம் என்று எல்லா இடத்திலும் இதனைப் பயன்படுத்தலாம். தற்போதைக்கு http://www.agaraadhi.tk வில் உள்ள முக்கிய எழு தளம் மட்டும் நீட்சியில் சேர்க்கப்பட்டுள்ளது, வாசகர் விருப்பத்திற்கிணங்க விரிவுபடுத்தப்படலாம்.

க்ரோம் உலவியில் ஒரு முறை இன்ஸ்டால் செய்தால் போதும், புதிய அகராதிகள் சேர்க்கப்படலோ அல்லது பழைய அகராதி பழுது பட்டாலோ அப்போது அடுத்த வெர்ஷன் வெளியாகலாம் அதை மறு இன்ஸ்டால் செய்து புதிப்பிக்கலாம்.
இன்ஸ்டால் செய்ய: கூகிள் இணைய அங்காடி

காலை எழுந்தவுடன் இணையதள செய்தித்தாள் படிக்கும் நபரா நீங்கள்? உங்கள் க்ரோம் நீட்சியிலே முக்கிய தமிழ் செய்தித் தாள்களின் செய்திகள் வந்து நிற்க வேண்டுமா? ஒரே இடத்தில் பலதள செய்திகளைக் காண வேண்டுமா? உங்களுக்கான நீட்சி 'நம்ம நியூஸ்பேப்பர்'. பிரபல தமிழ் பத்திரிக்கைகளின் செய்திகளை கொண்டுவரும்; தமிழ்நாடு,இந்தியா,உலகம்,இலங்கை,விளையாட்டு,வணிகம் ஆகிய பிரிவுகளில் திரட்டும்; உலவியின் வலது மூலையில் உள்ள ஐகானை சொடுக்கி வாசித்துக் கொள்ளலாம்;

இதையும் ஒருமுறை நிறுவினால் போதும், புதிய செய்தி தளங்கள் சேர்க்கப்பட்டாலோ அல்லது பழைய செய்தி தளம் பழுது பட்டாலோ அப்போது அடுத்த வெர்ஷன் வெளியாகும் அதை மறு இன்ஸ்டால் செய்து கொள்ளலாம்.
இன்ஸ்டால் செய்ய: கூகிள் இணைய அங்காடி

இரண்டு நீட்சிகளின் நிறை குறைகளை கருத்திடலாம். ஆலோசனைகளும் வரவேற்கப்படுகிறது.

பிற்சேர்க்கை:
இன்ஸ்டால் செய்த க்ரோம் நீட்சிகளை நீக்குவது எப்படி என்பவர்கள், உங்கள் க்ரோம் உலாவியின் வலது மூலை controls-> tools-> extensions-> சென்றால், uninstall செய்து கொள்ளலாம் அல்லது தற்காலிகமாக disable செய்தும் கொள்ளலாம்.

தொடர்புடைய இடுகை:
தமிழ் அகராதிகள் / அகரமுதலிகள்
இணைய தமிழ் படிப்பகம்

புதிய தமிழ் கட்ஜெட்கள் உதயம்

தமிழில் அகராதிகள் கணிசமாக இருந்தாலும் ஒவ்வொன்றும் ஒவ்வொரு விதத்தில் சிறப்பானவை. உதாரணத்திற்கு, ஒரு சொல் எந்த சொற்களுக்குள் எல்லாம் உள்ளது என அறிய விரும்பினால் சிறந்த அகராதிகள் DSAL வழங்கியுள்ள {குறிப்பாக வின்ஸ்லோ} அகராதிகள் ஆகும். ஒரு சொல்லின் தெளிந்த பொருள் மற்றும் அதில் வேற்றுமையுருபு ஏறினால் உருவாகும் பதம் ஆகிவைப் பற்றி அறிய சிறந்த அகராதி tamillexicon. ஒரு சொல்லிற்கு இணையான ஆங்கில சொற்கள் தருவதில் சிறந்த தளம் EUdict. ஒரு சொல் சமகாலத்தில் பாடலாகவும்,குரளாகவும்,பயன்பாட்டு அளவையும் அறிய சிறந்த தளம் அண்ணா பல்கலைக்கழக agaraadhi இப்படி இங்கு குறிப்பிடாத ஒரு தளம் நாளை கூட உதயமாகலாம். அவற்றை எல்லாம் ஒரே இடத்திலிருந்து பயன்படுத்த விருப்பமா? ஒரே புக்மார்க்கில் எல்லாவற்றையும் இணைக்க விருப்பமா? உங்களுக்கான ஒரு அறிமுகம்.

இதில் ஆங்கிலம் மற்றும் தமிழ் அகராதிகள் உள்ளன. அதிகமான ஆங்கில அகராதிகள் இருந்தாலும் முக்கிய அகராதிகளை மட்டுமே இக்கருவிக் கொண்டுள்ளது. அதுபோல தமிழில் சில உள்ளடங்கு வினாவல்[query] செய்யும் தளங்கள் தொழிற்நுட்பக் காரணங்களால் இதில் இடம் பெறவில்லை. இது போக மற்ற தமிழ் தளங்களெல்லாம் இதில் இணைக்கப்பட்டுள்ளது, மேலும் தமிழ் விளக்கம் தரும் அகராதிகள் விடுபட்டிருந்தால் தெரியப்படுத்துங்கள்.

புக்மார்க் செய்ய அல்லது நினைவில் நிறுத்த http://agaraadhi.tk

உங்கள் ஐ-கூகுளில் இணைத்துக்கொள்ள

பிளாக்கர் தளங்களில் இணைத்துக்கொள்ள
மற்ற தளங்களுக்கான நிரல்கள்.

முக்கிய பிரவுசர்களில் எல்லாம் வேலை செய்கிறது.
இதன் சகோதர கட்ஜெட்டான தமிழ் அகராதி கட்ஜெட்களில் புதிய தமிழ் அகராதிகள் இரண்டு இணைக்கப்பட்டுள்ளது. முன்பே அக்கட்ஜெட்டை பயன்படுத்துபவர்களுக்கு அந்த அகராதிகள் தானாக இணைந்துயிருக்கும். புதியவர்கள் இங்கு சென்று பெற்றுக் கொள்ளலாம்.

பதினெண்கீழ்கணக்கு வகையறாக்களில் 11 அறநூல்கள் இருந்தும் திருக்குறள் மட்டுமே பிரபலமடைந்துள்ளது. இது குறளுக்குக் கிடைத்த மகுடம் என்றாலும் மற்ற நூல்களையும் கூடுமான அளவு உள்வாங்கலாம். இணையத்தில் திருக்குறளுக்கு அதிகமான கட்ஜெட்கள் இருப்பதால் அதை தவிர்த்து மற்ற பாடல்கள் கட்ஜெட்டாக்கம் செய்யப்படவுள்ளது. முதல் கட்டமாக இன்னா நாற்பதும், இனியவை நாற்பதும் மட்டும் இணைக்கப்பட்டுள்ளது.காரணம் அதன் விளக்க உரைகள் தான் இணையத்தில் கிடைத்தது மற்ற நூல்களுக்கு விளக்கங்கள் யுனிக்கோட் வடிவிலில்லை [கிடைத்தால் பகிர்ந்துக் கொள்ளவும்]

இதை உங்கள் ஐ-கூகுளில் இணைக்க

ப்ளாக்கர் தளங்களில் இணைக்க
மற்ற தளங்களுக்கான நிரல்கள்

தேமதுர தமிழோசை உலகமெலாம் பரவச்செய்வோம்.

தமிழ் இணையத்தில் புதுவரவுகள்

மொழிபெயர்ப்புக் கருவிகளும்[Translation] ஒலிபெயர்ப்புக் கருவிகளும்[Transliteration] தான் ஒரு மொழிக்கு இணையத்தில் கிடைக்கும் இரண்டாவது பெரிய அங்கீகாரம். 1991 அக்டோபரில் unicode குறிமுறையில் சேர்க்கப்பட்டதுதான் தமிழுக்குக் கிடைத்த முதல் அங்கீகாரம் என்ற போதும் மொழி/ஒலிபெயர்ப்புக் கருவிகள் தான் பயனர்கள் மத்தியில் அதனை பரவலாக்கியது. ஒலிபெயர்ப்புக் கருவிகள் என்று வந்தபிறகுதான் மொழி வளங்கள் இணைய சுரங்கத்தில் சரமாரியாக அடுக்கப்படுகிறது. ஓலைச்சுவடிகளில் எழுதி தொலைந்து போன முதல் இலக்கண நூலான அகத்தியம் முதல் அச்சுக் காகிதங்களில் எழுதி செல்லரித்துப் போன சென்ற நூற்றாண்டு புத்தகம் வரை ஏற்பட்ட நிலை இனி பேஸ்புக்குகளிலும் ஃப்ளிக்கரிலும் எழுதித்தள்ளும் தமிழுக்கு இல்லை. 'நேசமுற வேண்டுமெனில் தெருவெல்லாம் தமிழ் முழக்கம் செழிக்கச் செய்வீர்!' என தமிழும் கணினிமயமாக்கப் பட்டு வருகிறது.

பிற்சேர்க்கை:
'ஒலிபெயர்ப்பு' எனப்படுவது ammaa என்று தட்டச்சிட்டால் அம்மா என்று வருவது
'மொழிபெயர்ப்பு' எனப்படுவது Mother என்று தட்டச்சிட்டால் அம்மா என்று வருவது

இங்கு குறிப்பிட்டது போல சில மொழி பெயர்ப்பு மற்றும் ஒலிபெயர்ப்பு மென்பொருட்கள் இருந்தாலும் இணையத்தில் எளிதாக அவ்வசதியைத் தரும் சில கருவிகளும் உள்ளன். மொழியை எழுதப் பயன்படும்ஒலிபெயர்ப்புக் கருவிகள் முன்னெல்லாம் தனியான ஒருப் பக்கத்தில் இருக்கும் அங்கு சென்று தட்டச்சிட்டு பிரதியெடுத்து வந்தோம் ஆனால் சில கட்ஜெட்களும் கூகுளின் உட்பொதிக்கப்பட்ட ஸ்கிரிப்ட்டினாலும் வேண்டியப் பக்கத்தில் ஒலிபெயர்ப்பு வசதியை கொண்டுவரலாம்.அதற்கு மேல் bookmarklet எனப்படும் ஸ்கிரிப்ட்டை பிரவுசரில் பதிக்கும் முறையும் உள்ளது. ஒருதளத்தை எப்படி புக்மார்க் செய்கிறோமோ அதுபோல ஸ்க்ரிப்ட்டை சேமிக்கும் முறை. கீழ் கண்ட சுட்டிகளை drag செய்து உங்கள் பிரவுசரில் விடலாம் அல்லது Favoritesல் சேமித்தும் கொள்ளலாம்.ஒருமுறை சேர்த்துக் கொண்டால் போதும் இனி தானாக எந்த ஒரு தளத்திலும் தமிழில் அடிக்கலாம். நெருப்பு நரி,குரோம்,சஃபாரி உலவிகளில் இந்த சுட்டி இழுத்து உங்கள் டூல் பாரில் விட்டால் போதும், IE வில் favoritesல் சேமிக்க வேண்டும். {படங்களுடன் விளக்கமாக பார்க்க உதவிப் பக்கம்}

இது கூகுளின் மொழியாக்கத்தை அடிப்படையாகக் கொண்டது. ஆங்கில எழுத்தின் ஒலிக் குறிப்புப்படி தமிழ்படுத்தும்

[அ Transliteration]

உபயம்: கூகிள்

இது மைக்ரோசாப்டின் மொழியாக்கத்தை அடிப்படையாகக் கொண்டது

தமிழ் (Tamil)

உபயம் மைக்ரோசாப்ட்

இது தமிழ் தட்டச்சுப் பலகை முறையை அடிப்படையாகக் கொண்ட பலவித தமிழ் bookmarkletகள் [சாக்லேட்கள் போல இனிப்பாக இருக்குல!]

Tamil Suratha Bamuni Keyboard

Tamil New Typewriter Keyboard

Tamil Tamil99 Keyboard

Tamil Tamil99 Extended Keyboard

Tamil Anjal Paangu Keyboard

Tamil ISIS Keyboard

Tamil Inscript Keyboard

Tamil Modular (Visual Media) Keyboard

Tamil Typewriter (Visual Media) Keyboard

உபயம்: tavultesoft
குறிப்பு இவைகள் இணைய இணைப்பில் மட்டும் செயல்படக் கூடியவைகள்

சரி இனி உலவியில் தமிழாக்க வசதியை பொருத்தியாகிவிட்டது கண்ணில் படும் தளங்களில் எல்லாம் தமிழில் திட்டிக் கொள்ளலாம் மன்னிக்க, தமிழில் தட்டிச் செல்லலாம்:)

அடுத்ததாக மொழி பெயர்ப்பு, இதுவரை சொல்லிக் கொள்ளும் அளவு தமிழ் மொழிபெயர்ப்பில் நிரலாக்கம் வராமல் இருந்தது. ஆனால் கூகிள் தற்போது அதையும் அறிமுகப் படுத்தியுள்ளது. ஆங்கிலத்திலிருந்து தமிழுக்கு பெயர்க்கையில் போதிய நிலைத்தன்மை உள்ளது ஆனால் தமிழிருந்து மற்ற மொழிக்கு பெயர்க்கையில் கருத்து விரிசல்கள் காணப்படுகிறது. இருந்தாலும் அவை மேம்படுத்தப்பட்டுக் கொண்டு வருவதால் எதிர்காலத்தில் நிச்சயம் அதும் சீர் செய்யப்படும். இதன் துணைக் கருவிகள் பல மேன்படுத்தப்பட்டுக் கொண்டுவருகிறது.

தமிழ்ப் பதிவர்கள் தங்கள் தளத்தை மாற்று மொழியில் மொழி பெயர்க்கும் வசதியை இணைக்க விரும்பினால் கீழ்க்கண்ட நிரல்களை தளத்தில் இணைக்கவும்

--------------------------------
<div id="google_translate_element"></div><script>
function googleTranslateElementInit() {
new google.translate.TranslateElement({
pageLanguage: 'ta'
}, 'google_translate_element');
}
</script><script src="//translate.google.com/translate_a/element.js?cb=googleTranslateElementInit"></script>

--------------------------------
பொருத்தியப் பின் இப்படி இயங்கும்.அதன்மூலம் பல அந்நிய மொழியினர் எளிதில் பதிவை படிக்கமுடியும்

நீங்கள் படிக்கும் வேற்று மொழி தளங்களை தமிழ்ப்படுத்தி படிக்க விரும்பினால் அதற்கும் ஒரு bookmarklet உள்ளது. இதனை மேற்கூறிய வழிமுறையில் உங்கள் பிரவுசரில் இணைத்துக் கொள்ளவும்.

[அ Translation]

அல்லது கூகிள் வழங்கி உள்ள டூல்பாரை நிறுவியும் மொழி பெயர்க்கலாம்.
http://www.google.com/toolbar/ff/index.html#brand=GFRL

இங்கு டாக்குமெண்டுகளை கூட மொழி பெயர்க்கலாம்
http://translate.google.com/?hl=en
தமிழிலிருந்து மாற்று மொழிகளுக்கு பெயர்க்கையில் ஆங்கிலம் தான் இடைமுகமாக பயன்பட்டுள்ளது. எனவே எளிய தமிழ் வாக்கியங்கள் சிறப்பாக மொழி பெயர்க்கலாம்.

இதிலிருந்து அறியப்படும் நீதி:
ஆங்கில செய்தித் தாள்கள் இனி தமிழ் தினசரிகளாகும்; தமிழ் தெரியாத மேனேஜர்களை பற்றி தமிழில் புகழ்ந்து? எழுதமுடியாது; இனி தமிழ் ராசிபலன் படிக்க அர்மேனியா நாட்டு மக்களுக்கும் ஒரு வாய்ப்பு; இனி பிரமருக்கு தமிழில் கடிதம் எழுதி அனுப்பலாம்.

இலவச ஐ-போன் வேண்டுமா?

பதிவுலக வரலாற்றில் முதன்முறையாக இந்த சலுகை. இந்த சலுகை குறிப்பிட நாட்களுக்கு மட்டும்தான். முதலில் வருபவர்களுக்கு முன்னுரிமை வழங்கப்படும். உங்களை மகிழ்விப்பதில் மிகவும் பேறு அடைகிறோம் தாமதிக்காமல் சீக்கிரம் முந்துங்கள். உடனே இந்த கேள்விகளுக்கு பதிலைச் சொல்லிவிட்டு பரிசை அள்ளிக்கொண்டு போங்கள்

என்று, என்னமோ லேப்டாப் தீர்ந்து போனமாதிரியும் ஐ-ஃபோன் ரெண்டு நமக்காக காத்திருக்கிற மாதிரியும் கண்ணுல காட்டுவாங்க; அதை செலக்ட் பண்ணி போனா பிறந்த ஜாதகம் விடாத குறையா எல்லா டீடைலையும் டீடைலா கேட்டு வாங்கிவிட்டு, கொஞ்சம் பணம் போட சொல்லி கெஞ்சுவாங்க; அந்த நேரம் பார்த்து வீட்டுல கரண்டு போகாது, அதை நம்பி பணத்தை ஆன்லையனில் மாற்றிவிட்டதற்கு பிறகு முகத்தில் ஈ ஆடும்.

ஃபோன் என்றாலே தெரியாதவுனக்கு ஐ-ஃபோன் வேண்டுமா? அதுவும் இலவசமாக? என முகத்தில் அறையாதகுறையாக அந்த ஈ சொல்லிவிட்டு சொல்லும்

சரி எங்கே இப்படி நடக்கும்? உலாவியின் முகவரிபட்டையில் தவறாக ஒரு தளத்தின் பெயரைப் போட்டுவிட்டால் அல்லது, மின்னஞ்சல் வழியாக இந்த களவாணி தளமுகவரி வந்தால் அல்லது சுருக்க முகவரியாக ஒளிந்து கொண்டு வந்தால் அதை சொடிக்கிச் சென்றால் நடப்பவைதான் இது. இன்னும் எப்படியெல்லாம் வரலாம் என யோசித்துக் கொண்டுயிருக்கிறார்கள்.
உதாரணத்திற்கு டிவிட்டருக்கு செல்ல twiiter.com என தவறாக அடித்தால் டிவிட்டர் போன்ற தள அமைப்புடைய வேறு தளம் திறந்து மேற்கூறிய கவர்ச்சி வாக்கியங்களை காட்டி உங்களை இழுக்கும். இதற்கு பெயர்தான் URL spoofing[அப்படித்தான் நினைக்கிறேன்]. பயனரின் மனநிலைப்படி இது டிவிட்டர் தளம் என்று நினைக்கக் கூடும் அதனால் நம்பி கேட்கும் தகவலைக் கொடுப்பார். மேலும் உலவிய ரீதியாக கேள்விகளும் இலவசங்களும் உங்களை வெளியே வரவிடாதபடி இருக்கும். உதாரனத்திற்கு, twiiter.com என்ற முகவரி www.twitter.com-prizesurvey.com/ அல்லது www.twitter.com-freeprizes.com போன்ற தளத்திற்கு இட்டுச் செல்லும். கவனித்தால் டிவிட்டர் தளமுகவரி போல மூளைக்குப்படும்; ஒவ்வொரு நாட்டு பயனருக்கும் அந்நாட்டுக்கேற்றார்போல பக்கங்கள் அமையும். இன்றே கடைசி நாள் போலவும் நாம் மிகவும் அதிர்ஷ்டசாலி போலவும் காட்டும். இன்னும் பல கண்கட்டி வித்தைகள் எல்லாம் காட்டும்.

நேற்று சோதிக்கையில் கிடைத்த சில பிழைச் சொற்கள் blooger, twiiter, twiteer, facebokk, facebbok, faceook, twtter,goggle, yootube, Yuutube,... என பல பரிமாணங்களில் பல சமூக தளங்களில் பயனரை ஆட்டைய போடும் படியுள்ளது. இந்த பெயர்களை டாட் காமுடன் போட்டு தேடினால் எப்படில்லாம் ஏமாற்றுகிறார்கள் என அறிந்து கொள்ளலாம். இந்த முகவரிகளில் எல்லாம் பதிவு செய்துக் கொண்டு வேறு தளத்திற்கு திசைதிருப்பி தெரியாமல் நுழைந்தவர்களிடம் கைவரிசையைக் காட்டுகிறார்கள்.

கிளைமேக்ஸ்:

எந்த ஒரு முகவரியிலும் டாட் காம் முன்புவருபவைதான் உண்மையான டொமைன் என்பதை நினைவில் கொள்ளுங்கள். மேலே குறிப்பிடுள்ள தளத்தில் twitter சப்-டொமைன், com-prizesurvey தான் உண்மையான டொமைன்
முக்கிய தளங்களை புக்மார்க்/favorites செய்வது இங்கு உதவும்.
குழப்பமாக இருந்தால் கூகிள் போன்ற தேடுதளத்தில் வேண்டிய தளமுகவரியை இட்டு அதன்வழியாகப் போகவும்{goggle[.]com ஜாக்கிரதை!}
முக்கியமாக, இலவசம் என்று எங்கே இருந்தாலும் ஒன்றிற்கு மூன்று முறை சரிபார்த்துக் கொண்டு பயன்படுத்தவும். காரணம் இலவசமாக கொடுக்கபோவது அல்வாவாக இருக்கலாம்.
எந்தவொரு தெரியாத மின்னஞ்சல்களில் உள்ள இணைப்புகளை கர்சர் வைத்து சோதித்துப்பின் பயணிக்கவும்.
ஏற்கனவே குறிப்பிட்டது போல சுருக்க முகவரிகளை எடுத்தவுடன் கிளிக் செய்வதை தவிர்க்கவும், சோதித்தப்பின் பயன்படுத்தவும்.
இணையவெளியில் தெரியாத தளத்திற்கு தேவையில்லாமல் மின்னஞ்சல் முகவரிகள் போன்ற தனிநபர் தகவல்கள் தருவதை தவிர்க்கலாம்.

சுபம்.

tnfishermanஐ அடுத்த கட்டத்திற்கு நகர்த்தமுடியுமா?

கடந்த பதிவில் கூறியதைப் போல நமக்குள் நம்மை கொண்டு போக அந்த வழிமுறைகள் பொருந்தும். ஒவ்வொரு இணைய தமிழரையும் தொட்டுவிடும். இனி அடுத்த நிலையென்ன? டிவிட்டரில் இந்தியாவின் டிரன்ட் சிகரத்தை அடைந்த நாம் ஏன் உலகரங்கில் அடைய ஏன் மூச்சு வாங்கிக் கொண்டிருக்கிறோம்?
பில்லியன்களில் ஒருவனாய் கத்துவதை விட ஆயிரத்தில் ஒருவனாய் கத்தினால் சப்பதம் கேட்காமல் போகாது. எப்படி? இணையத்தில் உள்ள ஒரு லட்ச தமிழர்களும் ஒருமித்த கருத்தை வைத்து கத்தினால் சதவிகித அடிப்படையில் ஆயிரம் பேர்தானே போட்டிக்கு. மேலும் சர்வதேச அளவில் 18வது பெரிய மொழியாகிய நாம் செய்யாவிட்டால் வேறு யாரு செய்வார்கள். இனி ஒவ்வொரு படியிலும் அனைவரும் இணைந்து நம்மை நாமே தூக்கிக் கொள்ள வேண்டும். சரி எங்கெல்லாம் ஸ்பீக்கர் கட்டலாம் என்று முடிவெடுங்கள். இங்கே சில கருத்துக்கள்

டிவிட்டர் ஆங்கிலத்திலும் ஆக்கிரமிக்க தொடங்கியப் பின் அடுத்து வலைப்பதிவுகள் ஆங்கிலத்தில் பரவலாக்கப்படவேண்டும். இங்கே நமது எதிர்ப்புக்கள் கச்சிதமாக இருக்க வேண்டும். மாறுபட்ட கோணவிவாதத்தில் வர வேண்டிய இந்த ஆங்கிலப் பதிவுகளை அனைவரும் சேர்ந்து சர்வதேச திரட்டிகளில் பிரபலம் அடைய வைக்க வேண்டும். நூற்றுக் கணக்கான ஓட்டு விழுந்தால் தான் பிரபலம் ஆகும் என்ற நிலையில் நூறு பேர் நம்மிடமில்லையா? ஒரு திருமணத்தை குடும்பமாக இருந்து நடத்துவதில்லையா அதுபோல கொஞ்சம் நேரம் செலவழித்து பதிவிற்கு கணக்கு தொடக்கி ஓட்டிடவேண்டும்.
அந்த திரட்டிகளில் இணைக்கப்பட்ட பதிவுகளின் ஓட்டுச் சுட்டியை பொதுவான இடத்தில் வைத்து அனைவரையும் ஓட்டிடச்செய்யலாம். நாமே ஒரு ஊடக அலையை உருவாக்கி நிலைகொள்ள வேண்டும்.

http://www.stumbleupon.com/
http://www.del.icio.us.com/
http://www.reddi.com/
http://bookmarks.oneindia.in/
http://indianbookmarks.in/

சில பிரபல இணைய பத்திரிகைகளில் விருந்தினராக பதிவிடலாம். அவற்றில் இடுவதால் கூடுதலான கவனயீர்ப்பு கிடைக்கும். நிச்சயம் ஆங்கில பதிவுகள் தான் வேண்டும் பிரச்சனையில்லை மற்றவர்கள் அதை மொழிபெயர்க்கலாம் மொழி தடையில்லை கருத்துதான் தேவை.
http://www.articlerich.com
http://www.212articles.com
http://www.articleclick.com
http://www.articlesbase.com

ஆரம்பத்தில் இந்தப் பெட்டிஷன் தயாரிக்க போதிய காலஅவகாசம் கையிருப்பு இல்லாததாலும், எத்தகைய வரவேற்பு வரும் என்று யூகிக்கமுடியாததாலும் உதவி கோரி அதிகநேரம் காத்திருக்காமல் கையால் ஆனதைப் போட்டு தயாரிக்கப்பட்டுவிட்டது. இது அனுபவப்பட்ட நுட்பமான ஒரு படிவம் ஆக இல்லாவிட்டாலும். உறுதியான எளிமையான கோரிக்கைப் படிவமாக உள்ளது. இதைப் போல வரலாற்று மற்றும் சட்ட ரீதியான படிவங்களை உருவாக்கி இந்த படிவத்திற்கு கணம் சேர்க்கலாம்.இதுவரை எதிர்பார்க்காத அளவிற்கு மக்கள் ஆதரவு வந்து, நாம் தனி ஆளில்லை என மெய்பிக்கிறது. இனி இந்த பெட்டிஷனை [அதாவது இணைய முகவரியை] கடைநிலை அதிகார வர்கத்திற்கும், பத்திரிக்கையாளர்களுக்கும், அரசியல் பிரமுகர்களுக்கும் அறிமுகப்படுத்தலாம். அதிகபட்ச கையெழுத்து வந்தப்பின் பிரதமருக்கும் அதிர்கட்சியினருக்கு அனுப்புவோம்.

'தேவைகள்' என்கிற புதிய பகுதியை நமது savetnfisherman தளத்தில் தொடக்கி அங்கே என்ன என்ன நடப்பு தேவைகள் உள்ளனவோ அவற்றை பட்டியலிடவும். வாசகர்கள் யார் வேண்டுமானாலும் அவற்றை பூர்த்தி செய்யமுடிந்தால் பலன் நமக்குத்தான். இங்கே மொழி பெயர்ப்புக்கு வந்துள்ள கட்டுரைகள், வாக்கு அளிக்க வேண்டிய சுட்டிகள், சுற்று மின்னஞ்சல் என இன்னபிறவும் உதவிக்காக பட்டியலிடவும் அதனால் தகவல் இடைவெளி குறைக்கப்படும்.

இவையெல்லாம் உட்கார்ந்த இடத்திலிருந்து செய்யக் கூடியவை. இது போக இந்த சிவில் குற்றத்திற்காக வழங்கப்பட்ட கிரிமினல் தண்டனையை வைத்து சட்ட ரீதியாக Public Interest Litigation முன்னெடுக்க எடுக்க நினைத்தால் உங்களுக்கு ஒரு அஷ்டாங்க நமஸ்காரம்

இணையத்தில் மீனவர்களுக்கு என்ன செய்யலாம்?

மீனவர்கள் யாரிவர்கள்? எங்கோ நாலு அறைக்குள் பட்டன்கள் தட்டும் நம்மால் என்ன செய்யமுடியும்?

இணையத்தின் ஒன்று விட்ட பெரியப்பா மகன்களான ஊடகங்கள் தற்போது இணையத்தில் ஒன்றிவிட்டது தெரியுமா? ஊடகங்கள் அச்சப்பட்டு எடுத்துவைக்காத சொச்ச செய்திகளை மக்கள் மிச்சமில்லாமல் படிப்பது இணையத்தில்தான். மாற்று ஊடகங்கள் பெருகிவிட்ட நிலையில் மாற்றமில்லாமல் ஊடகமாக இரண்டாண்டுகளுக்கு முன்பே இணையம் தன்னை பிரகடனப்படுத்திவிட்டது. தீர விசாரிக்க வேண்டாதளவு கண்ணால் பார்த்துவிட்டீர்கள், காதால் கேட்டும் விட்டீர்கள் இனி தீர்வு எழுதிவிடுங்கள். உங்கள் கருத்துக்களையும் ஆதரவையும் முன்வையுங்கள். ஏற்கனவே மாபெரும் கூட்டம் இணையத்தில் டிவிட்டரை விலைக்கு வாங்காத குறையாக கத்தத் தொடங்கிவிட்டது, அதன் எதிரொலிகள் வலைப்பூக்களிலும் உங்கள் எண்ணப்பூக்களிலும் மலரத்தொடங்கிவிட்டது; செவி கொடுத்த ஊடகங்களும் இப்போது செப்பத் தொடங்கிவிட்டது. இந்தக் கதறல்கள் மென்னணு புள்ளிகளாக சர்வரில் வீற்றிருந்தாலும் சாகாத வரமுடன் சந்ததியினருக்கு ஏதோவொன்றை விழிப்பூட்டிக் கொண்டுதான் உள்ளது. சரி எந்தெந்த வழிகளில் ரோடுபோடலாம்? இதோ சில புள்ளிகள் தொடரலாம்...

டிவிட்டர்:
டிவிட்டரில் ஹாஷ் குறியுடன் tnfisherman என்ற குறிச்சொல்லுடன் உங்கள் ஆதரவை மீனவருக்குத் தாருங்கள். அப்படியே சில டிவிட்டுகளைப் படித்து பிறருடன் பகிருங்கள். http://twitter.com/#!/search/%23tnfisherman இதுவரை வந்துள்ள டிவிட்டுகளை இங்கே பார்க்கலாம்.

http://www.savetnfisherman.org/
துரித நேரத்தில் தயாரான துடுக்கான இணையத்தில் உங்கள் பங்களிப்பை வழங்கலாம். உங்கள் எண்ணங்களும், இதற்கான தீர்வுகளும், காரண காரியங்களையும் அரசியல் பார்வையும் கொண்டு கொடுக்கலாம்.
http://www.facebook.com/savetnfisherman http://twitter.com/savetnfisherman கரம் சேரலாம்

மின்னஞ்சல் சங்கிலி:
பிடித்த விஷயங்கள், பிடித்த கருத்துகள் பிடித்த கேலி சித்திரங்கள் என கட்டி தவறவிட்ட இணையவாசிகளுக்கு வழங்கலாம். தவறான அணுகுமுறைகளை களைய அற்புதமான ஐடியாகளை சொல்லலாம். கீழுள்ள படிவத்தையும் மின்னஞ்சலில் சுற்றிவிடலாம்

பெட்டிஷன்:
இந்த துயரை இந்தியா அரசின் கவனத்திற்கு கொண்டு செல்ல இணைய படிவம் ஒன்றும் வடிவமைக்கப்பட்டுள்ளது. அதனை படித்து நீங்களும் கையெழுத்துயிடலாம். http://www.petitiononline.com/TNfisher/petition.html கூடுதலான கோரிக்கைவைக்க விரும்பினாலும் அங்கே கருத்துரையில் தெரிவிக்கலாம். முன்னுரிமை தரப்படும். தற்போதைய குறைந்த பட்ச இலக்கு 1000 கையெழுத்து[போலி கையெழுத்துக்கள் கணக்கில் நிற்கா] இதுவரை வந்துள்ளது. இந்த படிவத்தை முக்கிய செய்தி நிறுவனங்களுக்கும் அரசுக்கும் அனுப்ப உத்தேசிக்கப்பட்டுள்ளது. முந்துங்கள்!

வலை பதிவர்கள்:
இதுதொடர்பான கருத்தாக்கங்கள் எழுதத்தொடங்கிவிட்டதால், தொடருங்கள்.டிவிட்டரில் தொடங்கிய அந்த தீயை உங்கள் வலை தளத்தில் இணைக்க விரும்பினால் [இப்பக்கத்தின் வலதுபுறம் போல] Dashboard -> design ->page template ->add a gadget -> HTML/Java script என்ற கட்ஜெட்டில் கீழுள்ள கோடுகளைப் போட்டு சேமிக்கலாம். அதுபோக மேற்கண்ட விஷயங்களையும் சொல்லலாம்.
<script src="http://widgets.twimg.com/j/2/widget.js"></script><script src="http://hosting.gmodules.com/ig/gadgets/file/105066904960012479556/tnfisherman.js"/>

வாசகர்கள்:
http://164.100.47.132/LssNew/members/membershomepage.aspx
மக்களவை உறுப்பினர்கள் விவரம்
http://164.100.47.5/Newmembers/memberlist.aspx
மாநிலங்களவை உறுப்பினர் விபரம்
அப்பெயர்களை சொடிக்கி ஒவ்வொருவரின் மின்னஞ்சல் முகவரிகளைப் பெறலாம். யாருக்கு எப்படி அனுப்பினால் மீனவர்கள் அப்படி பாதிக்கப்படமாட்டர்கள் என்று நினைக்கிறீர்களோ அவர்களுக்கு முறைப்படி அனுப்பிவிடுங்கள் ஒரு மின்னஞ்சலை

அடுத்தடுத்து திட்டங்கள் வகுக்க கூகிள் குழுமத்தில் இணையுங்கள் ஆக்கப் பூர்வமாக பேசலாம்.
https://groups.google.com/group/tnfisherman
http://goo.gl/Yb3Sm இந்த இணைப்பில் ஊடகங்களின் இணைப்பை சேகரித்துக் கொடுங்கள். http://goo.gl/gXmR9 ஒரே இடத்தில் எல்லா தகவல்களும் சேமிக்கப்படும். அனைவரும் பயன்படுத்தலாம்.

உங்களால் டிவிட்ட நேரமில்லாவிட்டால் http://tweetfortnfisherman.blogspot.com/p/join-with-us.html ல் இணைத்துவிடுங்கள் டிவிட்டுவதை நாங்கள் பார்த்துக் கொள்கிறோம்.

tnfishermanஐ அடுத்த கட்டத்திற்கு நகர்த்தமுடியுமா?
இதை எல்லாம் செய்ய நீங்கள் இந்தியராகவோ, அரசியல் வாதியாகவோ இருக்க வேண்டிய அவசியமில்லை உலகில் எந்த மூலையில் இருந்தாலும் இறந்தவர்களை சகோதர உணர்வுடன் பார்ப்பவர்களாக இருந்தாலே போதும்.

மேலும் தகவல்கள் கிடைத்தாலோ நீங்கள் கொடுத்தாலோ பிற்சேர்க்கை கொள்ளப்படும்.

ஆமாம் மீனவர்கள் யாரிவர்கள்?....

தூரத்து தொடர்புடைய இடுகை: எனது புலம்பல்கள்

கூகிள் ரீடர் தெரிந்தும் தெரியாததும்-II

பதிவை ரீடரில் விட்டால் ஓட்டுக்கள் விழாது என்று பாதிப் பதிவை மட்டும் ரீடரில் நம்மில் சிலர் விடுவதுண்டு, இந்த நிலையில் தான் ரீடரில் ஓட்டுச்சுட்டிக்கான தேவை வந்தது. ரீடரில் படித்தவாறே ஓட்டிடும் வசதி இருந்தால் எப்படியிருக்கும்? முக்கியமாக அலுவலகத்தில் ப்ளாக் தடை செய்யப்பட்டவர்களுக்கு. தற்போதுள்ள ஓட்டு நடைமுறையில் தமிழ்மணத்தை இணைப்பது காதைச் சுற்றி மூக்கை தொடுவது போலாகும். அதைத் தவிர ஓட்டுப்பட்டை வழங்கும் சில திரட்டிகளுக்கு மட்டும் ரீடருக்கான ஓட்டுச் சுட்டி தயாரிக்கப்பட்டுள்ளது.
இணைத்தப் பின் இப்படி தெரியும்

கூடுதல் செய்தி:
இந்த ஓட்டுச்சுட்டி மின்னஞ்சல் வாசகருக்கும் செல்லும்

feedburnerக்கு புதியவரென்றால், feedsburnerல் கணக்கைத் தொடங்கி உங்கள் ஓடையை[feeds] கொடுக்கவும்
blogger dashboard-> settings->sitefeed-> Post feed redirect URL பகுதியில் feedburner முகவரியைக் கொடுக்கவும்.

அடுத்து,
optimize-> feedflare -> add new flare அங்கே கீழுள்ள கோடைக் கொடுத்து, டிக்கடித்து சேமித்துக் கொள்ளவும்.

இன்ட்லி ஓட்டுப் பட்டை
http://hosting.gmodules.com/ig/gadgets/file/105066904960012479556/indli-nvb.xml
தமிழ்10 ஓட்டுப்பட்டை
http://hosting.gmodules.com/ig/gadgets/file/105066904960012479556/tamil10-nvb.xml
இது பக்கத்தை நேரடியாக மறுமொழிப் பகுதிக்கு அழைத்துச் செல்லும்.[அதிக டிராப்பிக்கில் இது கொஞ்சம் ஜாம் ஆகும் பட் நம்மூரு வண்டி] http://hosting.gmodules.com/ig/gadgets/file/105066904960012479556/reader2c.xml

அதிக வாசகர்கள் பயன்படுத்தும் பட்சத்தில் ஓட்டுச் சுட்டியில் மேம்பாடுகள் செய்யப்படலாம். மேலும் பல திரட்டிகளுக்கு ஓட்டுச் சுட்டி தயாரிக்கப்படலாம்.

disclamier
feedburner தமிழ்மணத்தில் செய்யும் பிரச்சனை இரண்டு ஒன்று தமிழ் மணத்தில் பதிவர் பெயரை காட்டாமல் இருப்பது, மற்றொன்று ஓட்டுப் போட தடுப்பது. இவ்விரண்டிற்கும் தமிழ்மணத்தைப் பயன்படுத்துவது எப்படி என்ற பதிவில் விடை இருக்கிறது. எல்லாம் செய்தும் தமிழ்மணத்தில் உங்கள் தளம் பிரச்சனை செய்தால் feedburnerஐ தவிர்க்கலாம்.

ஏதோ ஒரு சர்ச்சைக்குரிய பதிவு பிரச்சனை ஆகிறது எனக் கருதி அப்பதிவை நீங்கள் delete செய்திருக்கலாம். ஆனால் அவை உண்மையில் ரீடரில் cache சேமிக்கப்பட்டு பாதுகாக்கப்படும் என்று தெரியுமா!. அதாவது ரீடரில் படிப்பவர்கள் நீங்கள் எதை delete செய்தீர்களோ அவற்றைப் பார்க்கமுடியும். பதிவிட்ட ஒரு பதிவை delete செய்வதை விட edit செய்து மறுபிரசுரம் செய்வதே சிறந்த முறையாகும். அதுவும் மீறி deleteபட்ட பதிவை திருத்த அதன் postid இருந்தால் http://draft.blogger.com/post-edit.g?blogID=<உங்கள் ப்ளாக் ஐடி>&postID=<போஸ்ட் ஐடி> என்கிற முறையில் திருத்துக் கொள்ளலாம்.பிளாக்கரைப் பொறுத்தவரை எந்தப் பதிவை publish செய்தாலும் அவற்றை நிரந்தரமாக அழிக்கவே முடியாது ப்ளாக்கரும் அப்பதிவை அழிப்பதில்லை நீங்கள் dashboardலிருந்து அழித்தாலும் பிளாக்கர் மறைத்து வைத்துக் கொள்ளும். எனவே அந்தப் பதிவின் postid என்ன என்று தெரிந்தால் அதை மீண்டும் பதியவோ அல்லது திருத்தவோ செய்யலாம். postid தெரியாமல் அழிக்கப்பட்டிருந்தால் சில சமயம் கூகிள் தேடலில் அந்தப் பதிவின் cached file source code மூலம் எடுக்கலாம். பல சமயம் எடுக்கமுடியாமலும் போகலாம். அதனால் சிறந்த வழிமுறை எந்தப் பதிவை delete செய்தாலும் அவற்றின் contentயை நீக்கிவிட்டு செய்யவும் அல்லது edit செய்து மீண்டும் அப்பதிவை publish செய்யவும்

உங்களுக்கு இரண்டு நண்பர்கள் ஒருவருக்கு மசாலாப் படங்கள் சம்மந்தமான பதிவுகள் பிடிக்கும் மற்றவருக்கு உண்மையிலேயே மசாலா போட்ட சமையல் பதிவுகள் பிடிக்கும். நீங்கள் ரீடரில் ஷேர் செய்யும் பதிவுகளில் இவ்விரண்டும் கலந்து ஒரே காரமாக இருவருக்கும் குழப்பும். இங்கே இரண்டு வகையாக ஷேர் செய்யும் வசதியிருந்தால் இருவரும் தனித் தனி ஓடையில் பின் தொடர்வார்களே!
எப்போதும் போல சமையல் பதிவுகளை சமையல் tagல் போடவும், படங்கள் பதிவை சினிமா tagல் போடவும் அடுத்து settings->Folders and Tags சென்று வேண்டிய tag பக்கத்தில் உள்ள வளையத்தை சொடிக்கி பகிர்ந்தால் view public page என்றொரு புது லிங்க் கிடைக்கும் அதுவே இந்த வகை tagகளின் ஓடையின்[feeds] முகவரி. இந்த வகையில் அதிகாமான வகைகளில் ஷேர் செய்யலாம்.
tag வகை பகிர்வு இப்படியிருக்கும்
https://www.google.com/reader/shared/user/13137783136392365670/label/shared

இது போன்ற ஓடைகளைக் கொண்டு உங்கள் தளத்தின் ஒரு புறம் படித்ததில் பிடித்தது என்று ஒரு விட்ஜெட்டையும் இணைக்கமுடியும். அதற்கு add gadget -> feeds என்ற கட்ஜெட்டில் இம்முகவரியைக் கொடுத்துப் பெறலாம்.

தமிழில் ரீடர் வழியாக எனக்குத் தெரிந்து ஷேர் செய்யும் ஓடைகள்
http://www.google.com/reader/shared/vasanth1717
http://www.google.com/reader/shared/giblogs
http://www.google.com/reader/shared/sshakthi

feed settingsல் ஒரு தளத்தின் பதிவை கீழிருந்து மேலாகவும் மேலிருந்து கீழாகவும் வரிசைப்படுத்த முடியும். அப்படியே play செய்து ஒரு ஸ்லைடு ஷோ போலவும் பதிவை படிக்கமுடியும்.

உங்களுக்குப் பிடித்த குறிப்பிட்ட வகைப் தளங்களை பொட்டலாம் கூட போடலாம். அந்த தளங்களை ஒரு folderக்குள் போட்டு create bundle என்று தேர்வு செய்வதன் மூலம் எல்லாம் ஒரே feed போல மாறிவிடும் அடுத்தவருக்கும் கொடுக்கலாம்.
உதாரணம் கணினி பதிவுகளை எல்லாம் ஒரு பொட்டலாமாக படிக்க இதைப் பயன்படுத்தலாம்.
http://www.google.com/reader/bundle/user/09530948931835236695/bundle/Tamil Language Computer Blogs
உபயம் http://www.suthanthira-menporul.com

எல்லாவற்றையும் விட ரீடரில் படிப்பதால் இன்டர்நெட் செலவும் குறையும்.

அது போக நீங்கள் மற்ற தளங்களில் போடும் மறுமொழியைத் திரட்டும் இந்த மறுமொழித் திரட்டியும் கூகிள் ரீடரில் சிறப்பாக செயல்படுகிறது.

திரட்டிகளுக்குப் பஞ்சமில்லை ஆனால் சில பல காரணிகளால் நல்ல எழுத்துக்கள் சில வெளியே வருவதில்லை. இதற்கு மாற்றாகத் தொடங்கிய மாற்று வாடாத பக்கங்கள் ஏனோ தற்போது புதிபிக்கப் படுவதில்லை. ரீடரில் படிப்பவர்கள் தங்களுக்குப் பிடித்துப் போன இடுகைகளை அங்கே பகிர்கிறார்கள். அதில் அதிகமாக சிறந்தப் பதிவுகள் வருவதை காணமுடிகிறது. அதிகமான வாசகர்கள் ரீடரில் பகிர ஆரம்பித்தால் அவரவர் பகிர்வதை சிறந்த வடிவில் தானியங்கியாகத் தொகுத்து ஒரு பக்கத்தில் விடமுடியும். இதனால் நல்ல பதிவுகள் விடுபட வாய்ப்பில்லை மற்றும் தானியங்கியாக திரட்டுவதால் சிரமமும் இல்லை.

ஹலோ ரீடரில் படிக்க கிளம்பீடிங்களா!!!!

தொடர்புடைய பதிவு கூகிள் ரீடர் தெரிந்தும் தெரியாததும்-முதல் பகுதி

கேள்வி-பதில் [மொபைல் போர்டபிளிட்டி-MNP]

அலைபேசி எண் பெயர்ச்சி முறை இந்தியாவில் அமல் ஆகிவிட்டதென்பது தெரியும் ஆனால் அது சம்மந்தமான அடிப்படை சந்தேகங்கள் இருந்தால் இப்பதிவு உதவலாம்.

அலைபேசி எண் பெயர்ச்சி [MNP] என்றால் என்ன?
அலைபேசியின் எண் மாறாமால் உங்கள் சேவை நிறுவத்தை மாற்றும் முறை. அதன் பின்னர் புதிய நிறுவனத்தின் கீழ் கட்டணங்களை செலுத்தி சேவையைப் பெறலாம். இதன் மூலம் வாடிக்கையாளர்கள் முக்கியத்துவம் கருதி தரமான போட்டி தொலைதொடர்பு துறையில் நடக்கலாம்.

யார் யாரெல்லாம் எண்களை மாற்ற முடியும்?
ஒரு நிறுவத்தின் தொலைபேசி எண்ணை குறைந்தது மூன்று மாதங்கள் பயன்படுத்திய சந்தாதார்கள் அனைவராலும் மாற்றமுடியும். இவை GSM அல்லது CDMA எதுவாகவும் இருக்கலாம் அதுபோல postpaid அல்லது prepaid ஆகவும் இருக்கலாம் ஆனால் அலைபேசி எண்களை மட்டுமே landline எண்களுக்கு தற்போது இல்லை. மேலும் எண்களை எல்லைகள் தாண்டி(inter circle portablity) மாற்ற முடியாது அதாவது புனேவில் உள்ள ஒரு எண்ணை மதுரை எண்ணாக மாற்றமுடியாது.

எண்ணை மாற்ற எவ்வளவு செலவாகும்? பழைய பாக்கியையும் மாற்றமுடியுமா?
TRAI யின் உத்தரவு படி அதிகபட்சமாக 19 கட்டணமாகவும், ஏழு அலுவல் நாட்களும் செலவழிக்க வேண்டும். அதுபோக prepaid டாகயிருந்தால் பழைய கணக்கில் உள்ள தொகை புதிய கணக்கிற்கு மாற்றப்படாது postpaidடாகயிருந்தால் நிலுவை தொகையை கட்டிய பின்னரே மாற்றமுடியும்.

எண்ணை மாற்ற வழி முறை என்ன?
1) PORT (இடைவெளி) உங்கள் எண் என்று 1900 என்ற எண்ணுக்கு குறுஞ்செய்தி அனுப்பவும் (SMS கட்டணங்கள் உண்டு) உதா. "PORT 9090909090"
2)அனுப்பியவுடன் 8 இலக்க unique porting id கிடைக்கும். இது 24 மணி நேரம் மட்டும் தான் செயலில் இருக்கும்
3) அந்த id உடன் எந்த புது நிறுவனத்திற்கு செல்கிறீர்களோ அவர்களிடம் அடையாள சான்றுகளுடன் அவர்களிடத்தில் விண்ணப்பிக்க வேண்டும்.
4) எண் பெயர்ச்சி நடக்கும் அந்த இரண்டு மணி நேரங்களை முன் கூட்டிய உங்களிடம் அறிவிக்கப்படும் அதன்பிறகு புதிய SIM அட்டையை உள்ளீடு செய்து பயன்படுத்தலாம்.

மாற்றியப்பின் திரும்ப மாறமுடியுமா?
விண்ணப்பித்து 24 மணி நேரத்துக்குள் திரும்பப் பெற்றால் தலை தப்பிக்கலாம் இல்லாவிட்டால் அடுத்த 90 நாட்கள் காத்திருக்க வேண்டும்.

MNPயின் அமைப்புமுறை பார்வை?
ஒரு சேவைதாரரிடமிருந்து மற்றவரிடம் மாறும் போது வாடிக்கையாளர் தங்கள் அலைபேசி எண்ணை தக்கவைத்துக் கொள்ள அறிமுகப்படுத்தப்பட்ட முறையாகும். இதில் பழைய மற்றும் புதிய தொலை சேவை நிறுவனங்கள் மற்றும் இடைமுகமாக MNP வழங்குநர் என்ற மூன்றின் தலையீட்டால் நடைபெறும். வாடிக்கையாளர்களைப் பொறுத்தவரை MNP வழங்குநர் நேரடி தொடர்பில்லை ஆனால் மேற்குறிய சேவை நிறுவனங்கள் தொடர்பு கொள்ளும். இந்தியாவில் இரண்டு zoneகளுக்கு இரண்டு வழங்குநர்கள் உள்ளனர்{இந்தியா அமெரிக்க கொலாபிரேஷன்}. நவ 25 ஹாரியானவில் தொடங்கப்பட்ட சோதனை முயற்சி வரவேற்ப்பு பெற்றதால் ஜனவரி 20ல் இந்தியா முழுக்க அமலாகிறது. சேவை நிறுவனங்களும் உடனுக்குடன் தங்களை தயாராக்கி வருகிறது. பாகிஸ்தானில் அறிமுகமாகி நான்கு ஆண்டுகள் கழித்து இந்தியாவில் அறிமுகம் ஆகியிருப்பது தொலைத்தொடர்பு துறையில் இந்தியா இன்னும் வளரனும் தம்பி போல

MNPயின் வணிகப் பார்வை?
perfect competitive சந்தையில் இருந்த நிலையான வாடிக்கையாளர்கள் எண்ணிக்கை இங்கு உடைக்கப்படும், வலுவில்லாத நிறுவனங்கள் சந்தையை இழக்கலாம், அந்நிய முதலீடுடன் உள் நுழையும் பெறும் நிறுவனங்கள் பாரம்பரிய நிறுவனங்களை ஆட்டம் காணவைக்கலாம். இந்தியாவின் 2G அலைவரிசையை அதிகமாக கைப்பற்றியுள்ள ஸ்வீடனை மையமாகக் கொண்ட ஒரு தனியார் நிறுவனத்திற்கு இந்த எண் பெயர்ச்சி முறை சாதகமாக அமையலாம். மேலும் இச்சேவை நான்கு ஆண்டுகளுக்கு முன் பாகிஸ்தானில் அறிமுகமானபோது அதிகமான வாடிக்கையாளர்களை பிடித்த நிறுவனமும் இதுதான் என்பது குறிப்பிடத்தக்கது.

மேற்கோள்கள்:
http://www.trai.gov.in
http://mnpindia.in/
http://www.syniverse.com

டாட் டிப்ஸ் (மார்கழி 30)

கூலித் தொழிலாளியின் மகன் நீரில் இயங்கும் புது வகை சைக்களைக் கண்டுபிடித்தார், 2G தொழிற்நுட்பத்தில் புதுவகை வாகனப் பூட்டு கண்டுபிடித்தார், தார் சாலைகளில் இருந்து மின்சாரம் எடுக்கும் முறைக் கண்டுபிடித்தார் என்று மாணவர்கள் பற்றிச் செய்திகள் வருவதுண்டு. ஆனால் அவர்கள் மீது உலகத்தின் வெளிச்சம் பட்டதா? டியுப் லைட் வெளிச்சம் மட்டும் பட்டிருக்கலாம். அதற்கு ஒரு ஒளியாக, மிகவும் ஆவலுடன் எதிர்பார்க்கப்பட்ட அறிவியல் இணையப்போட்டியை கூகிள் முதன் முதலாக ஜனவரி 10 தொடங்கியுள்ளது. 13-18 வயது உடைய மாணவர்கள் பங்கு கொள்ளும் அறிவியல் வரைவுகளுக்கான[project] போட்டியது. நிபந்தனைகள் என்று பெரிதாக இல்லை ஆனால் குறிப்பிட்ட நெறிமுறையில் சமர்பிக்க வேண்டும் ஏப்ரல் 4 வரை சமர்பிக்கலாம். அதற்காக பிரேத்தேக இணைய தளத்தையும் வழங்குகிறது கூகிள். வெற்றிப் பெற்றவர்களுக்கு உலகத்தின் பார்வை கட்டாயம் கிடைக்கும் அதுபோக பரிசாக ..... சரி சரி வடை நமக்கில்லை மாணவர்கள் அங்கு போய் பார்த்துப் பங்கெடுக்கவும். பள்ளிகளிலும் சொல்லிப் பங்கெடுக்க செய்யலாம். அது சம்மந்தமான கண்ணொளி

உங்கள் வலைப்பூவில் பகிரும் படங்களை மொத்தமாக ஒரே இடத்தில் படம் போட்டுக் காட்ட விரும்பினால், அதற்கு பிகாஸா நமக்கு உதவும். ப்ளாக்கர் தளத்தில் பதிவும் ஒவ்வொரு படமும் பிகாசாவில் நேரடியாக இணைந்துவிடும் உங்கள் பிகாசா கணக்கில் சென்றுப் பார்த்தால் ஒவ்வொரு ஆல்பமாக இருக்கும். மேலும் புதிய வேண்டிய படங்களையும் நேரடியாக பிகாசாவில் இணைக்கமுடியும். இங்கு செல்லவும். நீங்கள் இதுவரை வலை ஏற்றியுள்ள அத்தனைப் படங்களும் அந்தந்த அல்பமாக இருக்கும், வேண்டிய ஆல்பம், படத்தில் நீள அகலம் கொடுத்து கீழுள்ள கோடுகளை எடுத்துப் பகிர்ந்துக் கொள்ளலாம். புகைப் படங்களை அதிகம் உள்ள நேரத்தில் இப்படி தனியான அல்பத்தில் ஏற்றி பதிவிடுவதால் பக்கம் திறக்கும் கால விரையத்தை குறைக்கலாம்.

ஒரு வேர்ட் டாக்குமண்டை மற்றொரு ஒப்பன் டாக்குமண்டாகவோ பிடிஎஃப் ஆகவோ மற்ற அல்லது அதுபோல வேறு கோப்பின் வகைகளை மாற்ற எந்த மென்பொருளின் உதவியும் இன்றி இணைய வழியில் மாற்றித் தரும் வச்திடை ஜூஹோ தளம் நமக்குத் தருகிறது.கணக்குத் தொடங்க வேண்டும் என்று கட்டாயமில்லை யாதொருவரும் எளிதில் பயன்படுத்தும் வகையில் வசதியாக உள்ளது.

டிவிட்டர் பிரியர்கள் தாங்கள் தொடரும் பயனர்களை ஒரேப் பக்கத்தில் காட்ட http://twit100.com/ செல்லலாம். இதில் அதிகபட்சம் 100 டிவிட்டர்களின் கடைசி டிவிட்டுகளைப் பார்க்கலாம். அதுபோல பேஸ்புக் பயனர்களும் பயன்படுத்து வகையில் http://www.postpost.com/ உள்ளது இதில் பதிவு செய்தப்பின் உங்கள் நண்பர்களின் செய்திகள் மூலைக்கு ஒன்றாக செய்தித்தாள் வடிவில் ஒரே பக்கத்தில் வந்து விடும்..

மென்பொருளுக்கு வழங்கப்படும் தமிழக அரசின் கணியன் பூங்குன்றனார் விருதை 2009 ஆண்டு சார்பாக NHM writer பெற்றுள்ளது. அதன் வெற்றிக்குழுவிற்கு வாழ்த்துக்கள்.

சென்ற ரீடர் பதிவின் நீட்சியாக ரீடரில் இணைக்கும் வகையான தமிழ்த் திரட்டிகளின் ஓட்டுச் சுட்டி ஒன்று வடிவமைக்கப்பட்டுள்ளது. ரீடரில் இருந்து நேரடியாக திரட்டிக்கு செல்லும் வகையில் உள்ள இந்த சுட்டி சோதனைக்காக இன்று முதல் இந்த தளத்தில் செயல்படுகிறது. பிடித்திருந்தால் ரீடரின் வழியிலும் வாக்களித்து கருத்துச் சொல்லலாம். இந்த நிரலிகள் வெற்றிப்பெற்றால் ஓட்டுச்சுட்டி அடுத்தப் பதிவில் வெளியிடப்படும்

கூகிள் ரீடர் தெரிந்தும் தெரியாததும்-1

எனது அலுவலகத்தில் பிளாக்ஸ்பாட் தடை செய்யப்பட்டுள்ளதாக அழுது கொண்டிருக்க, வினித் மட்டும் கவலைப்பாடாமல் புகுந்து விளையாடிவருகிறான். அவனிடம் எப்படிப் பதிவுகளைப் படிப்பாய் என்றால் கூகிள் ரீடர் என்கிறான். சரி பதிவுக்கு வந்த கருத்துக்களை எப்படிப் பார்ப்பாய் என்றால் கூகிள் ரீடர் என்கிறான். பதிவை எப்படி போஸ்ட் பண்ணு வாய் அதான் மெயிலும் தடைப்பட்டுள்ளதே என்றேன் பூரிப்புடன், கூகிள் ரீடர் என்றான் சிரிப்புடன். விடுவேனா, உடனே நீ படிக்கும் தளத்தில் RSS feeds அளவாக இருந்தால் எப்படி முழுவதும் படிப்பாய் என்று சிதம்பர ரகசியத்தை கேட்ட திருப்தியிலிருக்க அவனோ அதற்கும் கூகிள் ரீடர் என்று சொல்லிப் பறந்து விட்டான்.

அடுத்து உள்மனசின் பாராளுமன்ற கூட்டுக்குழுவை வைத்து கூகிள் ரீடரை சோதிக்கத் தொடங்கினேன். ஆம், கூகிள் ரீடர் இந்த வார்த்தை அலுவலகத்தில் படிப்பவர்கள், இண்டர்நெட்டை சிக்கனமாக உபயோகிப்பவர்கள், ஒரே இடத்தில் பல பதிவுகளை படிக்க நினைப்பவர்கள் என பலரின் வாழ்க்கையை புரட்டிப் போட்டதாம். இதைப் பற்றித் தெரியாதவர்கள் வாழ்க்கையும் எதிர்புறமாகப் புரட்டிப் போடுதாம்.[நியூட்டன் 3 விதி]

ஒவ்வொரு வலைப்பூவும் அல்லது ஒவ்வொரு தளமும் தனது பதிவுகளை எளிதாக மற்ற தளங்களுக்குச் செல்ல RSS என்கிற சமிங்கைகளாக வெளியிடும். அவற்றை பிரித்துப் படிக்க உதவும் ஒருவகை படிப்பான் இந்த கூகிள் ரீடர். இது போல சில ரீடர்கள் இருந்தாலும் இதைப் போல பல்நோக்குப் பார்வையில்லை எனலாம்.

ஒரு தளத்தை இரண்டு வகையாக இங்கு இணைத்துப் படிக்கலாம், ஒன்று நேரடியாக add subscription பட்டன் மூலம் ஒரு தளத்தின் செய்தியோடையைக் கொடுத்து இணைப்பது. மற்றொன்று பிளாக்கரில் பின்தொடரும் வலைப்பூக்கள் தானாகவந்து இணைவது. தளங்கள் எல்லாம் இடப்புறம் பட்டியலாகவும் அதன் பக்கங்கள் வலதுபுறம் விரிந்தும் இருக்கும். பொதுவாக வலைப்பூக்களை இணைக்க அதன் செய்தியோடையைப் பயன்படுத்தலாம்
பிளாக்கர் வலைப்பூக்கள் கீழ்க்கண்ட வரைமுறையில் இருக்கும்
http://ethirneechal.blogspot.com/feeds/posts/default பதிவுகளுக்கு
http://ethirneechal.blogspot.com/feeds/comments/default மறுமொழிகளுக்கு
http://ethirneechal.blogspot.com/feeds/posts/default/-/tagsname அதன் லேபிளுக்கு[விருப்ப லேபிள்களை போட்டுக் கொள்ளலாம்]
வேர்ட்பிரஸ்க்கான வரைமுறை
http://neechalkaran.wordpress.com/feed பதிவுக்கு
http://neechalkaran.wordpress.com/comments/feed/ மறுமொழிக்கு

ஒவ்வொரு தளத்தின் பதிவுகளை வரிசைப்படுத்தி படிக்க ஏதுவாகக் காட்டும், ஒவ்வொரு பதிவின் கீழும் மீண்டும் படிக்க நினைக்கும் பதிவுகளை keep unread கொடுத்து குறித்து வைத்து மீண்டும் படிக்கலாம், பிடித்தப் பதிவுகளை share செய்து கொள்ளலாம், மின்னஞ்சலும் செய்யலாம், tag பகுதியில் ஒரு குறிச்சொற்கள் கொடுத்து பலப் பதிவுகளை இணைக்கலாம். அதாவது வெங்காயம் சம்மந்தப்பட்ட பதிவுகளை எல்லாம் onion என்று tag செய்து விட்டால் onion என்ற லேபிளுக்கு கீழ் இந்தப் பதிவுகள் வரிசைப்படுத்தப்படும் [சமைக்கும் பொது ஒரு ஹெல்ப்]

அடுத்து சில தளங்களை மட்டும் ஒரு குழுவாக்கி[folder] எளிதில் தொடரலாம். இதுபோக கூகிளும் பிரபலங்களின் அடிப்படையில் சில தளங்களை பரிந்துரைக்கும், நாமும் தேடிக் கொள்ளலாம்.
அப்புறம் என்ன செய்யும்?

http://blogsearch.google.com/blogsearch_feeds?q=<உங்கள் விருப்பம்>&hl=en&output=atom
என்கிற வடிவில் உங்களுக்கு வேண்டிய வார்த்தையைப் போட்டு உதாரணத்திற்கு
http://blogsearch.google.com/blogsearch_feeds?q=spectrum&hl=en&output=atom
என்று புதியதாக ஒரு சப்ஸ்கிரைப்ஷன் செய்தால் உலகம் முழுவதும் உள்ள தளங்களில் spectrum பற்றி செய்தி வந்தாலே உங்கள் ரீடரில் அவை மின்னும். இந்த ஐடியாவில் தான் ஒரு முறை தண்ணீர்ப்பற்றிய தமிழ் வலைப்பதிவுகளை திரட்ட முடிந்தது.

சில தளங்கள் ரீடரில் ஒருபகுதியை மட்டுமே அனுமதிப்பதுண்டு ஆனால் அலுவலகங்களில் பணிபுரிபவர்களால் அந்த ப்ளாக் சென்று படிக்க முடியாவிட்டால்
http://fivefilters.org/content-only/makefulltextfeed.php?url=http://neechalkaran.blogspot.com/rss.xml
http://fivefilters.org/content-only/makefulltextfeed.php?url=http://neechalkaran.wordpress.com/feed
வேண்டிய பெயரைப் போட்டுக்கொள்ளலாம்.
இந்த முகவரியைப் பயன்படுத்தி சப்ஸ்கிரைப் செய்தால் முழு பதிவையும் படிக்க முடியும்.

ஒவ்வொரு பிளாக்கர் வலைப்பூவிகும் மின்னஞ்சல் வழியாக பதிவிடலாம் என்பது அறிந்திருப்பீர்கள். {அறிய நினைப்பவர்கள் Dashboard ->settings ->Email & Mobile -> Email Posting Address பகுதியை நிரப்பி தனியான மின்னஞ்சல் முகவரியை எடுத்துக் கொள்ளவும்.}
ரீடரில் ஆங்காங்கே உள்ள email பட்டன் மூலமாக அஞ்சல் அனுப்பினால் ரீடர் சம்மந்தமான வேறு தகவலும் வரும்.அதனால், http://www.google.com/reader/view/#friends-manager-page இந்தப் பக்கத்திலுள்ள ஈமெயில் பட்டனை கொடுத்து அதன் வழியாக பதிவை வலைப்பூவின் மின்னஞ்சலுக்கு அனுப்பலாம்.

இதனால் மெயிலும், ப்ளாக்கரும் தடை செய்யப்பட்ட இடத்தில் இருந்தாலும் பதிவுகளை பதிவு செய்யமுடியும்.

இந்த ரீடர் எப்படி பதிவர்களுக்கு வலைதளங்களில் பயன்படுகிறது என்றும், இன்னும் சில தகவலும் அடுத்த பகுதியில் தொடரும். கூகிள் ரீடர் -11

தமிழ்மணத்தைப் பயன்படுத்துவது எப்படி?

இது புதிய பதிவருக்கான இடுகை மட்டும் இல்லை பாருங்கள் தேவைப்பட்டால் பயன்படுத்தலாமே.

பதிவர்களுக்கு
வாசகர்களுக்கு
நிர்வாகத்தினருக்கு
மைன்ஸ் ஓட்டு போடுபவர்களுக்கு

தமிழ்த்திரட்டிகளில் முதன்மையான திரட்டிகளில் ஒன்று தமிழ்மணம், தானியங்கியாகப் பதிவுகளை திரட்டும் மற்றும் ஓட்டுக்கள் அடிப்படையில் சிறந்த பதிவுகளை ஊக்குவிக்கும் என்பது அறிந்த ஒன்று.

இந்த திரட்டியில் ஒருமுறை இணைத்தால் போதும் நாம் இடும் பதிவுகள் தானாக திரட்டப்படும்.

பதிவர்களுக்கு தெரிந்து தெரியாமலும் வரும் பிரச்சனை என்னவென்றால் தங்களது பதிவுகள் திரட்டியில் வரும் போது அவர்கள் பெயரோ அல்லது பதிவின் பெயரோ தெரியாமல் இருக்கலாம். இன்னும் சிலரின் பதிவுகள் திரட்டிக்கே வராமல் இருக்கலாம். இது எப்படி முடிகிறது? பொதுவாக தளத்தின் பதிவுகளை செய்தியோடையின் வழியாக தமிழ்மணம் திரட்டுகிறது. அந்த ஓடை அடிப்பட்டால் அன்றி இந்த பிரச்சனை வருவது குறைவு.

படத்தில் உள்ளபடி feeds அடைபட்டாலோ அல்லது Post Feed Redirect URL பகுதியில் தவறான முகவரி கொடுத்தாலோ இந்த தளத்திலிருந்து எந்த ஒரு செய்தியும் திரட்டிக்குப் போகாது பதிவும் திரட்டப்படாது.சில சமயம் பதிவுகள் இணைக்கும் போது "புது இடுகை எதுவும் காணப்படவில்லை” என்று வந்தால் உங்கள் feed முகவரியில் தான் பழுது, மேலே சொன்ன வழிகளைச் செய்துவிட்டு ஐந்து பத்து நிமிடங்கள் கழித்து மீண்டு முயன்று பார்த்தால் பதிவை சேர்க்கமுடியும். சரி, இங்கே சரியான feedburner முகவரி கொடுத்தாலும் பெயர்கள் விடுபடுகிறதென்றால் அதற்குக்காரணம் செய்தியோடையின் வகை RSS1.0 RSS2.0 Atom போன்ற வகைகளே காரணம். அதற்கு முன் நீங்கள் கொடுத்த feedburner முகவரி சரிதான என உறுதிப் படுத்திக் கொள்ளுங்கள். {கீழே சுட்டிக் காட்டப்பட்ட பகுதியில் உள்ள முகவரி}

ஒவ்வொரு வகையும் ஒவ்வொரு விதத்தில் சிறப்பானது. எனவே feedburner உபயோகிப்பவர்கள் தமிழ் மணத்தில் எந்த தகவலும் தடங்கலில்லாமல் கிடைக்க feedburner -> optimize-> convert format ATOM0.3 கொடுக்கவும். வேறு ஏதாவது மாற்றிக் கொடுத்திருந்தால் பெயர்கள் விடுபட வாய்ப்புள்ளது.

கீழ் உள்ள படம் இரண்டு ஓடைகளின் ஒப்பிடு. ஒன்றில் பதிவரின் பெயர் பகுதி விடுபட்டுள்ளதை காணலாம்.

இதற்கு அடுத்த பிரச்சனை feedburner உபயோகிப்பவர்கள் பக்கத்தில் தமிழ் மண ஓட்டுபாட்டை மந்தமாக இருப்பது. இதனால் ஓட்டுப் போடமுடியாமல் போகும். அடிப்படையில் feedburner புள்ளிவிவரக் கணக்கிற்காக பக்கத்தின் முகவரியுடன் இன்னும் சில மாறிலிகளை கொடுத்திருப்பதால் இப்பிரச்சனை.உதா.?utm_source=feedburner&utm_medium=feed&u என்று இருக்கும் இதை நீக்க analyze-> configure stats->
Item views
Item link clicks
Item enclosure downloads என்ற மூன்றையும் தேர்வு செய்யாமல் சேமிக்கவும். ஆனால்இப்படி செய்வதன் மூலம் படிப்பவர்கள் புள்ளிவிவரங்களை சேமிக்கமுடியாது என்பதையும் நினைவில் கொள்ளலாம்.

சிக்கலே இல்லாமல் இருக்க இந்த Post Feed Redirect URL பகுதியை காலிசெய்வது ரெண்டு கோடி புண்ணியம் ஆகும்.

தமிழ் மணத்தின் கீழ் பகுதியில் உள்ள வகைப்பாட்டில் பதிவுகள் சேர அந்தந்த குறிச்சொற்களை பயன்படுத்தவும். சிலருக்கு அந்த குறிச்சொற்கள் தேவையில்லை என நினைத்தால் குறிச் சொற்களுடன் பதிவை திரட்டியில் இணைத்துவிட்டு பிறகு குறிச் சொற்களை பதிவிலிருந்தும் நீக்கிக் கொள்ளலாம்.
ஈழம், சினிமா, இசை, நகைச்சுவை, அரசியல், அனுபவம், புனைவுகள், சமையல், நிகழ்வுகள், பொருளாதாரம், தொழில்நுட்பம் ஆகியவை நிரந்திர குறிச்சொற்களாக உள்ளன.

வாசகர்களுக்கு
ஒரு பதிவை திரட்டியிலிருந்தே முழுவதும் படிக்கமுடியும் என்பது தெரியுமா? [இதன் முதல் கேள்விக்கு இன்னொரு பதில்] இந்த print பட்டனை சொடுக்குவதன் மூலம் அந்தப் பதிவை முழுதும் படிக்கலாம். ஆனால் அந்தத் தளத்தில் ஓடை பாதியாக இருந்தால் பாதி பதிவை மட்டும் படிக்கமுடியும்.

முறையே அடுத்துள்ள பட்டனை pdf வடிவில் பதிவை சேமித்துக் கொள்ள உதவும், அடுத்த பட்டன் பதிவைப் பற்றி புகார் அளிக்க உதவும்.

நிர்வாகத்தினருக்கு,
ஒவ்வொரு பிரிவுக்கும் அதில் வரும் பதிவுகளை செய்தியோடையாக[feeds] கொடுக்கலாம். இதன்மூலம் அந்தந்தப் பிரிவை விரும்பிப் படிப்பவர்கள் தொடர்ந்து படித்திடமுடியும்.
ப்ளாக்கரில் இன்னொரு ட்ரிக் உள்ளது. Post Feed Redirect URL பகுதியில் தேவையான மற்றதளத்தின் ஓடையைக் கூடக் கொடுத்து, புதிதாக வேற தளத்தையும் திரட்டியில் இணைக்க வாய்ப்புள்ளதாக தெரிகிறது. ஒவ்வொரு தளத்தின் default செய்தியோடைக்குப் பதிலாக summary செய்தியோடையை சேகரித்துக் கொண்டால் மேற்கூறிய feedburner பிரச்சனையும் போலிப் பதிவுகள் பிரச்சனையும் தீரலாம்

மைன்ஸ் ஓட்டு போடுபவர்களுக்கு,
அண்ணன் கூறியது போல இத்திரட்டியின் ஓட்டு முறைகளால் பாதிப்பு வருகிறது அதேவேளையில் இப்படி சொல்லாமல் தளத்தில் இணைத்துக் கொண்டால் அதே ஓட்டு முறைகளால் பிரபலப் படுத்தலாம். குத்தப்படும் மைனஸ்களை ப்ளஸ்ஆக்கலாம். இந்தப் பதிவுக்கு மைனஸ் ஒட்டுக்களை குத்திப்பார்க்கவும். இச்சலுகை இந்த தளத்தில் உள்ள இந்த பதிவுக்கு மட்டுமே வழங்கப்படுகிறது என்று சொல்லி சபை கலைகிறது.

Disclaimer:தமிழ் மணத்தின் உள்கட்டமைப்புப் பற்றி அதிகாரப் பூர்வமாக எதுவும் தெரியாது. இப்பதிவில் பதிந்தவையெல்லாம் எனதனுபவமே!
டெக்னிக்கலாக மைனஸ் குத்தியவர்களுக்கு சபாஸ்
தெரியாமல் குத்தியவர்கள் இனி உஷார்.
அனைவருக்கும் இனிய புத்தாண்டு வாழ்த்துக்கள்
.

Updates:
தமிழ் மணத்தின் ஓட்டு உரலியை தனியாகப் பயன்படுத்த தற்போது தடை செய்யப்படுலதால் அவ்வகை ஒட்டுக் குழப்பங்கள் தீரலாம்.
தமிழ்மணம் ஒவ்வொரு வகைக்கும் தனியா ஓடைகளை வழங்குகிறது ரீடரின் மூலம் பின் தொடரலாம்

HTML லிருந்து NCcode மாற்றி Submit your HTML code and get converted NCcode.