Evangeliihúsið

Jens Peder Pedersen talar í Vestmanna

annefia — Tue, 21 Feb 2012 16:39:36 +0000

Møtirøð við Jens Peder Pedersen er 23. til 26. feb. í Saron,Vestmanna.

Hóskvøldið, fríggjarkvøldið og leygarkvøldið eru møtini kl. 19.00. Sunnudagin er morgunmøtið kl.11.00 og kvøldmøtið kl.18.00. Eftir møtini er kaffi/drekka og køkur.

Øll eru hjartaliga vælkomin.

Sunnudagin er morgunmøti/sunnudagsskúli kl. 11.00 í Evangliihúsinum sum vant.

Myndir frá samkomudegnum 12. februar 2012

danjac — Sun, 12 Feb 2012 18:34:09 +0000

[Vís sum slideshow]

[View with PicLens]

]]>

Sangløta við Theodor Petersen, Jens Lisberg, Oddbjørg Poulsen og Rakul Petersen.

annefia — Fri, 27 Jan 2012 14:51:57 +0000

Tit eru hjartaliga vælkomin til hugnaliga sangløtu í Evangeliihúsinum sunnukvøldið 29. jan. 2012, kl. 19.00. Har verður bæði felagssangur og solosangur. Tey ið fara at luttaka eru Theodor Petersen, Jens Lisberg, Oddbjørg Poulsen og Rakul Petersen.

Eftir sangløtuna verður høvi at fáa eitt prát við fólk og ein drekkamunn. Øll eru hjartaliga vælkomin.

Fyrireiking til ungdómssigning

danjac — Fri, 06 Jan 2012 23:48:04 +0000

Tey seinastu árini hava skúlarnir í Havn lagt so til rættis at allir 7. flokkar hava kristni 2 teir fyrstu tímarnar týsmorgnar. Hesir tímar vera so partar av árinum nýttir hjá teimum, sum ganga til prest. Fyri trimum árum síðani spurdu vit í Evangeliihúsinum, um tey børn sum hava tilknýti til hvítusunnusamkomurnar í staðin kunnu koma til fyrireiking til ungdómssigning. Hetta var eingin trupulleiki, og verður nú fjórða árið á rað skipað fyri fyrireiking til ungdómssigning í Evangeliihúsinum.

Týsmorgunin 10. januar kl. 8 koma so ung, sum ganga í 7. flokki í Havn, til fyrireiking til ungdómssigning, og koma tey síðani hvønn týsmorgun fram til páskar. Tað er Dánial á Dul Jacobsen, ið stendur fyri hesi fyrireiking.

Hesi ungu verða so signaði á einum morgunmøti stutt undan páskum, og er hetta hvørja ferð ein sannur hátíðardagur, ikki bert hjá teimum ungu, men hjá allari samkomuni.

Av og á hava ung úr øðrum samkomum eisini tikið lut í hesi fyrireiking, og um tað er áhugi fyri hesum, ber tað til at seta seg í samband við Dánial á telefon 284088.

Jólamøti í Evangeliihúsinum jólaaftan 2011

danjac — Sun, 25 Dec 2011 11:05:26 +0000

Myndir frá jólamøtinum:

[[Vís sum slideshow]]

Góða samkoma í Evangeliihúsinum

admin — Sat, 19 Nov 2011 22:46:22 +0000

Nú farið er um heystjavndøgur, og dagarnir gerast alsamt styttri, er gott at vit ganga einari hugnaligari og fjálgari høgtíð á møti. Spakuliga og stillisliga er farið at stundað til jóla. Okkum rennur í hug orðini hjá Mariu moy á sinni: Eg eri tænastukvinna Harrans, mær verði, sum tú hevur sagt. Um hetta er hjartans hugburðurin hjá okkum í Evangeliihúsinum, fer okkara samkoma at blóma og vaksa enn meira og vera øðrum til signing. Familjurnar fara at gerast sterkari, og okkara ungu spírar fara at festa sterkari røtur í Gudi. Hann, sum spardi ikki Sín egna Son, men gav Hann fyri okkum øll, hvussu skal Hann kunna annað enn geva okkum alt við Honum.

Hesi lyfti eiga vit, sum hava sett okkara álit á Hann.

Tak niður skránna sum .pdf

Skrá fyri serlig tiltøk í samband við jólini:

Týskvøld 15. november kl. 20.00, kvinnumøti í Evangeliihúsinum.

Hóskvøld 24. november kl. 19.00, jólahugni fyri Minisalt.
Hetta er seinastu ferð í ár.

Sunnudag 4 desember kl. 11.00, sjónvarpsupptøka.
Felagsmøti við Filadelfia.

Mánadag 5.desember kl. 20.00, síðsta bønarmøti í ár í Evangeliihúsinum.

Mikudag 7. desember kl 17.15, síðsta venjing hjá barnakórinum.

Mikudag 7. desember kl. 19.00 – 21.00, kobling hevur jólahugna.
Hetta er seinasta ferð í ár.

Sunnudag 11. des. kl.16.00, sunnudagsskúlin skipar fyri jólafest.
Einki morgunmøti er hendan dagin.

Sunnudag 18. desember kl 19.00, jólakonsert.
Einki morgunmøti er hendan dagin.

Jólaaftan 24. desember kl. 15.30, jólagudstænasta.

Fríggjadag 30. des. kl 13.00, giftast Arne og Hansina í Evangeliihúsinum.

Reseptión verður eftir vígsluna í Evangeliihúsinum.
Veitsla verður fyri innbodnum um kvøldið.

Einki morgunmøti verður nýggjársdag í 2012.

Mánadagin 2. januar kl. 20.00, verður bønarmøti sum vant í Evangeliihúsinum. Øll eru hjartaliga vælkomin á bønarmøti.

Leiðslan í Evangeliihúsinum takkar fyri eitt gott ár, og sær fram til eitt nýtt ár við nýggjum møguleikum og nýggjum avbjóðingum saman við samkomuni.

Vinarliga

Anna Sofía og Henrik · Ann Gvøðny og Johannes · Birgit og Niclas Majbritt og Sveinbjørn · Rigmor og John

Kom syngi við um jólafrið

runa — Thu, 17 Nov 2011 12:07:34 +0000

Seinastu jól spældi barnakórið ein jólasang inn.

Trýst á gávuna og sangurin er tín!

(høgraklikk og vel goym fyri at taka sangin niður)

[[Vís sum slideshow]]

Børn úr Evangeliihúsinum vóru í Kristuff Studio og innspældu sangin “Kom syngi við um jólafrið”, sum Anna Sofía Mellemgaard gjørdi orð og lag til.

Lagt til rættis: Jákup Zachariassen & Niclas Johannesen
Solo Børn: Eva Justinussen, Marin Jakobsen, Tina Mellemgaard
Solo Vaksin: Margit Justinussen, 2. rødd Anna Sofía Mellemgaard
Klaver: Finnur Hansen
Guitar, strings og klokkur: Niclas Johannesen
Kontrabass: Eyðun Johannesen
Mix: Niclas Johannesen & Jákup Zachariassen