ஏற்றுமதி வழிகாட்டி

Incoterms - International Commercial Terms

noreply@blogger.com (PCKaruppaiah) — Thu, 03 Oct 2013 18:41:00 +0000

நண்பர்களுக்கு வணக்கம் !

ஏற்றுமதி செய்யும் பொருட்களுக்கு விலை நிர்ணயம் செய்வது எப்படி ?

இந்த கேள்விக்கு உங்களுக்கு விடை தெரிய வேண்டுமாயின் முதலில் சர்வதேச வர்த்தக விதிமுறைகள் பற்றி தெரிந்திருக்க வேண்டும்.

ஏற்றுமதி துறையைப் பொறுத்தவரையில் விலை நிர்ணயம் என்பது மிகமிக முக்கியம். காரணம் ஏற்கனவே சொல்லியது போல் ஏற்றுமதி துறை ஒன்றும் அவ்வளவு எளிதான துறை அல்ல.

இருந்தும் நம்மில் பெரும்பாலானோர் ஏற்றுமதி துறையைத் தேர்ந்தெடுப்பதற்கு முதல் கராணம் இதில் லாபம் அதிகமாக கிடைக்கும் என்ற எண்ணம்தான்.

இதில் நமக்கு மாற்றுக்கருத்து ஏதும் இருக்க முடியாது.

"யார் ஒருவர் எந்த ஒரு செயலையும் லாபம் ஒன்றையோ குறிக்கோளாகக் கொண்டு துவங்குகுகிறாரோ இறுதியில் நிச்சயம் அது தோல்வியில்தான் முடியும்" இதை நான் சொல்லவில்லை -

இன்று இணைய உலகையே வியக்க வைத்துக் கொண்டிருக்கும் Facebook-ஐ உருவாக்கிய மார்க் ஜுக்கெர்பெர்க் சொன்னது.

ஆம்! எந்த ஒரு செயலையும் லாபம் ஒன்றையே குறிக்கோளாகக் கொண்டு துவங்காமல் முதலில் அவற்றை கற்றுக்கொள்ள நினையுங்கள்.

வெற்றி நிச்சயம் !

"கற்க கற்க நமக்கு

கடல் கூட சிறு துளிதான்...!"

Incoterms - International Commercial Terms

பிரான்ஸ் தலைநகர் பாரீஸில் இயங்கி வரும் ICC எனப்படும் International Chamber of Commerce - ஆல் ஏற்றுமதி இறக்குமதி வர்த்தகத்தில் உலகளாவிய விலை நிர்ணய முறையைக் கொண்டு வர முயற்சித்ததன் பலன்தான் இந்த Incoterms எனப்படும் சர்வதேச வர்த்தக விதிமுறை கொள்கை.

இவை மொத்தம் பதிமூன்று வகைப்படும், அவைகள் :

EXW - Ex Works,
FCA - Free Carrier,
FAS - Free Alongside ship,
FOB - Free On Board,
CFR - Cost And Freight,
CIF - Cost, Insurance And Freight,
CPT - Carriage Paid To,
CIP - Carriage And Insurance Paid To,
DAF - Delivered At Frontier,
DES - Delivered Ex-Ship,
DEQ - Delivered Ex-Quay,
DDU - Delivered Duty Unpaid,
DDP - Delivered Duty Paid.

எந்த ஒரு இறக்குமதியாளரும் உங்களிடம் முதலில் எதிர்பார்ப்பது உங்களது பொருட்களின் விபரத் தொகுப்பை அல்ல. அந்த பொருட்களின் விலை தொகுப்பைதான்.

எனவே, அவர்கள் கேட்கும் முன்னரே உங்களது பொருட்களுக்கான விலை என்ன? என்பதை உங்களுக்கு நிர்ணயம் செய்ய தெரிந்திருக்க வேண்டும்.

அதற்கு முதலில் உங்களுக்கு மேற்சொன்ன 'சர்வதே வர்த்தக விதிமுறைகள்' பற்றிய அனைத்து விபரங்களும் தெரிந்திருக்க வேண்டும்.

அதற்கு வரும் பகுதி வரை காத்திருங்கள்.

நன்றியோடு, அன்பு நண்பன் - பி.சி.கருப்பையா

நன்றி ! நன்றி !! நன்றி !!!

noreply@blogger.com (PCKaruppaiah) — Tue, 24 Sep 2013 06:19:00 +0000

நண்பர்களுக்கு வணக்கம் !

நமது "ஏற்றுமதி வழிகாட்டி" தளம் தற்போது ஒரு லட்சம் பார்வையாளர்களைக் கடந்து வளர்ந்திருப்பதில் பெருமையிலும் பெருமை கொள்கிறது.

இந்த பெரியதொரு வளர்ச்சிக்கு உறுதுணையாயிருந்து, தொடர்ந்து ஆதரவளித்து வரும் அனைத்து வலையுலக நண்பர்களுக்கும் நமது "ஏற்றுமதி வழிகாட்டி" தளத்தின் நெஞ்சார்ந்த நன்றி ! நன்றி !! நன்றி !!!

"தொலை வானமும் தொட்டு விடலாம்

தொடர்ந்திருங்கள் எம்மோடு..!"

நன்றியோடு, அன்பு நண்பன் - பி.சி.கருப்பையா

Export Do it Your self – எக்ஸ்போர்ட் டூ இட் யுவர் செல்ப்

noreply@blogger.com (PCKaruppaiah) — Sat, 31 Aug 2013 14:16:00 +0000

நண்பர்களுக்கு வணக்கம் !

உங்களுக்கு ஏற்றுமதி பற்றி A to Z தெரிந்துகொள்ள வேண்டுமா? வாருங்கள் அப்படியெனில் உங்களுக்காகத்தான் இந்த பதிவு.

நம்மில் பெரும்பாலோனோருக்கு இருக்கும் ஒரு மிகப்பெரிய கேள்வி ஏற்றுமதி பற்றி எப்படி நாம் முழுமையாக தெரிந்து கொள்வது?

என்னிடம் பலர் கேட்கும் கேள்விகளுள் இதுவும் ஒன்று.

“ஏற்றுமதி பயிற்சி நிறுவனங்கள் நடத்தும் ஏற்றுமதி பயிற்சி வகுப்புகளில் கலந்துகொண்டால் என்னால் ஏற்றுமதி பற்றி முழுமையாக கற்றுக்கொள்ள முடியுமா?” பலர் என்னிடம் இப்படி கேட்டிருக்கிறார்கள்.

அவர்களுக்கெல்லாம் நான் சொல்லும் ஒரே பதில் “நிச்சயமாக முடியாது” என்பதுதான். என்னால் இதை ஆணித்தரமாக சொல்ல முடியும்.

காரணம் இங்கு இருப்பவைகளில் பலவும் ஏற்றுமதி பயிற்சி நிறுவனங்களாய் அல்ல, அவை உண்மையில் ஏமாற்றும் பயிற்சி நிறுவனங்களாய்தான் உள்ளன.

இந்தியா உட்பட பல்வேறு நாடுகளில் உள்ள மிகப்பெரிய கல்வி நிறுவனங்களில் ஏற்றுமதி இறக்குமதி பற்றி ஏற்றுமதி மேலாண்மை (Export Management) என்ற மூன்றாண்டு பட்டப்படிப்பு, நான்காண்டு பட்டப்படிப்பு என தனி பட்டப்படிப்பே இருக்கிறது.

அப்படி மூன்றாண்டு, நான்காண்டு படிக்க வேண்டிய பட்டயப்படிப்பை எப்படி உங்களால் ஒரே நாளிலோ அல்லது ஒரே மாதத்திலோ தெரிந்துகொள்ள முடியும்.

இதைத்தான் ஏற்றுமதி பயிற்சி நிறுவனங்கள் என்ற பெயரில் பலர் செய்து வருகின்றனர்.

சற்று சிந்தித்து பாருங்கள் ‘எப்படி இது சாத்தியமென்று?’

இது மருத்துவம் படிக்காமலேயே நீங்கள் மருத்துவர் ஆகலாம் என்பதைப் போன்றதுதான்.

அப்படியெனில் “ஏற்றுமதி மேலாண்மை (Export Management) படிப்பு படித்தவர்கள் மட்டும்தான் ஏற்றுமதி செய்ய முடியுமா? அல்லது மற்றவர்களாலும் முடியுமா?” என்று நீங்கள் கேட்கலாம்.

“முடியும், நிச்சயம் உங்களாலும் முடியும்”

முடியும் என்று நினைத்ததால்தான் அன்று அலெக்ஸாண்டர் கிராகம்பெல்லால் தொலைபேசியை கண்டுபிடிக்க முடிந்தது, இன்று பில்கேட்ஸால் மைக்ரோசாஃப்டை உருவாக்க முடிந்தது.

ஒரு முதுமொழி உண்டு ‘அனுபவமே சிறந்த பாடம்’ என்று.

அதையேதான் உங்களிடம் மீண்டும் நினைவு படுத்துகிறேன்.

‘அனுபவமே சிறந்த பாடம்’

சரி, பதிவிற்கு வருவோம்.

ஏற்றுமதி பற்றி A to Z தெரிந்துகொள்ள வேண்டுமா?

ஏற்றுமதி பற்றிய அனைத்து விபரங்களையும், அனைத்து நுணுக்கங்களையும், அனைத்து வழிமுறைகளையும் உள்ளடக்கிய ஒரு அருமையான புத்தகத்தைப் பற்றியதுதான் இந்த பதிவு.

Export Do it Your self – எக்ஸ்போர்ட் டூ இட் யுவர் செல்ப்

இது ஒன்றும் வெற்றுப் புத்தகமல்ல. உங்களின் வெற்றிக்கு வித்திடப் போகும் வெளிச்சமிகு புத்தகம்.

உங்களது ஏற்றுமதி பயணப்பாதையில் உறுதுணையாய் இருக்கும் ஒரு பாதுகாவலன்.

பெரிய பெரிய ஏற்றுமதி இறக்குமதி நிறுவனங்கள் முதல் ஏற்றுமதி சார்ந்த அரசு அலுவலங்கள் வரை இந்த புத்தகம் உண்மையில் ஒரு பொக்கிஷம் என்று ஒப்புக்கொண்டிருக்கிறார்கள்.

1995-ஆம் ஆண்டு தனது முதல் பதிப்பை துவங்கிய இந்த புத்தகம் இன்று தனது பதினெட்டாவது பதிப்பைக் கண்டிருக்கிறது என்றால் அதன் வெற்றியை சற்று எண்ணிப்பாருங்கள்.

இந்த பெரியதொரு வெற்றிக்கு காரணம் அதன் உள்ளடக்கமும் அதன் எளிமையும்தான்.

“பிறரின் உதவியில்லாமல் இந்த ஒரு புத்தகத்தை மட்டும் துணையாக வைத்துக்கொண்டு உங்களால் வெற்றிகரமாக ஏற்றுமதி செய்யமுடியுமா?” என்று யாராயினும் உங்களிடம் கேட்டால் அவர்களிடம் நீங்கள் தைரியமாக சொல்லலாம் “என்னால் முடியும்” என்று.

இந்த அரியதொரு புத்தகத்தை நீங்களும் படிக்க வேண்டும் என்ற நோக்கில் நமது ‘ஏற்றுமதி வழிகாட்டி’ தளம் மூலமாக உங்களிடம் பகிர்ந்து கொள்வதில் மிக்க மகிழ்ச்சி.

புத்தகத்தின் பெயர் : Export Do It Your Self,

ஆசிரியர் : M.I.Mahajan,

விலை : 350 Rs,

கிடைக்குமிடம் :

Ashit Thakkar for Snow White Publication Pvt.Ltd,

Jer Mahal, 532, Kalbadevi Road, Mumbai – 400 002

Tel : 2208 0654, 22058242

இணையதள முகவரி :

http://www.snowwhiteindia.com/book_detail.php?book_id=90915&product_name=export-do-it-yourself

மீண்டும் வேறொரு பதிவில் சந்திப்போம்.

நன்றியோடு, அன்பு நண்பன் – பி.சி.கருப்பையா

ஏற்றுமதியில் தடைகளும் அதன் வகைகளும்

noreply@blogger.com (PCKaruppaiah) — Fri, 24 May 2013 16:30:00 +0000

நண்பர்களுக்கு வணக்கம் !

ஏற்றுமதி தொழிலில் ஈடுபட நினைக்கும் நபர்களில் பெரும்பாலானோரின் மனதில் ஏற்படும் பொதுவான கேள்விகளுள் இதுவும் ஒன்று.

"எந்த பொருளை ஏற்றுமதி செய்வது ?"

இவைப்பற்றி ஏற்கனவே ஏற்றுமதி செய்வதற்கான பொருளை தேர்ந்தெடுப்பது எப்படி? என்ற பதிவில் விபரமாக தந்திருக்கிறேன்.

இருந்தும் நண்பர்களின் வேண்டுகோளுக்கிணங்க மீண்டும் இந்த பதிவு.

ஏற்றுமதி செய்வதற்கான பொருளை தேர்ந்தெடுக்கும் முன், ஏற்றுமதி செய்ய என்னென்ன பொருட்கள் தடை செய்யப்பட்டுள்ளன என்ற விபரங்கள் கிடைத்தால் இன்னும் நன்றாயிருக்கும் அல்லவா ?

அவைபற்றிய பதிவுதான் இது. சரி, வாருங்கள் பதிவுக்கு செல்வோம்.

பொதுவாக எந்த ஒரு நாடும் அந்த நாட்டில் கிடைக்கும் அனைத்துப் பொருட்களையும் ஏற்றுமதி செய்ய அனுமதிக்குமா என்று கேட்டால் இல்லை என்றுதான் சொல்ல வேண்டும்.

காரணம், உள்நாட்டு தேவை.

எந்த ஒரு பொருளாயினும் அது அந்நாட்டின் தேவையான கையிருப்பை விட அதிகமாக இருக்கும் பட்சத்தில் மட்டும்தான் ஏற்றுமதிக்கு அனுமதிக்கப்படும்.

அதவாது உற்பத்தி அதிகமாக இருக்கும் பட்சத்தில் மட்டும்தான் ஏற்றுமதி செய்ய அனுமதிக்கப்படும்.

காரணம், உற்பத்தியாகும் பொருட்களின் அளவு குறைவாக இருக்கும் நிலையில் அந்த பொருளை ஏற்றுமதிக்கு அனுமதித்தால் அதன் உள்நாட்டின் விலை கணிசமாக உயர்த்து மக்களின் வாங்கும் சக்தி பாதிக்கப்படும்.

உதாரணத்திற்கு அரிசியை எடுத்துக்கொள்வோம். இந்திய அரசு அடிக்கடி ஏற்றுமதிக்கு தடை விதிக்கும் பொருட்களில் இதுவும் ஓன்று.

அரசு ஒன்றும் அரிசி ஏற்றுமதியாளர்கள் மேல் கோபம் கொண்டு அரிசி ஏற்றுமதிக்கு தடை விதிக்க வில்லை..

காரணம், மேற்சொன்ன உள்நாட்டு தேவை.

அரிசி உற்பத்தி உள்நாட்டிலேயே குறைவாக இருக்கும் பட்சத்தில் ஏற்றுமதிக்கு அனுமதித்தால் உள்நாட்டில் அரிசி பற்றாக்குறை ஏற்படும்.

இதன் காரணமாய் உள்நாட்டில் அரிசியின் விலை கிடுகிடுவென உயர்ந்து பொது மக்கள் பாதிக்கப்படுவர்.

எனவேதான் எந்த ஒரு பொருளாயினும் அதன் உள்நாட்டு உற்பத்தி குறைவாக இருக்கும் பட்சத்தில் ஏற்றுமதி செய்ய தடைவிதிக்கப் படுகிறது.

மாறாக அதன் உற்பத்தி அதிகமாக இருந்து, அதன் கையிருப்பு அளவும் அதிகமாக இருக்கும் பட்சத்தில் அந்த பொருளை ஏற்றுமதி செய்ய அரசு எந்த ஒரு தடையும் விதிப்பதில்லை.

அவ்வாறான சமயத்தில் அந்த குறிப்பிட்ட ஒரு பொருளை ஏற்றுமதி செய்ய அனுமதிப்பதால் உள்நாட்டில் எந்த ஒரு பாதிப்பும் ஏற்படப்போவதில்லை.

எனவேதான் நாட்டு மக்களின் நலம் கருதி அரசு அந்த பொருளின் தற்போதைய உற்பத்தி நிலை மற்றும் எதிர்கால தேவை நிலை அறிந்து அந்த பொருளை தடை செய்யவோ, தடைய நீட்டித்தோ அல்லது ஏற்கனவே விதிக்கப்பட்ட தடையை ரத்து செய்தோ அறிவிக்கிறது.

சரி, ஏற்றுமதிக்கு அனுமதித்துள்ள பொருட்களை எந்தெந்த முறையில் தடை விதிக்கிறார்கள் என்பதைப்பற்றி பார்ப்போம்.

ஏற்றுமதியில் பொருட்களின் தடைகளும் அதன் வகைகளும் :

Free Items,
Restricted Items,
Prohibited Items.

ஏற்றுமதி மற்றும் இறக்குமதி துறையில் எந்த ஒரு பொருளையும் மேற்கண்ட மூன்று முறைகளில்தான் வகை பிரிப்பார்கள்.

(1) Free Items :

நீங்கள் தேர்ந்தெடுத்துள்ள பொருள் இந்த வகையின் கீழ்வரும் பட்சத்தில் அந்த பொருளை ஏற்றுமதி செய்யவோ, இறக்குமதி செய்யவோ எந்த ஒரு தடையுமில்லை. தாராளமாய் அதையே தேர்ந்தெடுத்துக்கொள்ளலாம்.

(2) Restricted Items :

இந்த பிரிவின் கீழ்வரும் பொருட்களுக்கு ஏற்றுமதி செய்ய குறிப்பிட அளவு என ஒரு அளவு நிர்ணயிக்கப்பட்டிருக்கும்.

உதாரணத்திற்கு பருப்பு வகை பொருட்களை ஏற்றுமதி செய்ய முடிவெடுத்து உள்ளீர்கள் என்று வைத்துக்கொள்வோம்.

அந்த பொருளை ஏற்றுமதி செய்யலாம். ஆனால், அரசு குறிப்பிட்டுள்ள அளவுதான் ஏற்றுமதி செய்ய முடியும். அதற்கு மேல் ஏற்றுமதி செய்யமுடியாது.

(3) Prohibited Items :

இந்த பிரிவின் கீழ்வரும் எந்த ஒரு பொருளையும் நீங்கள் ஏற்றுமதியோ, இறக்குமதியோ எதுவாயினும் செய்யமுடியாது.

காரணம், இந்த பிரிவின் கீழ்வரும் அனைத்துப் பொருட்களும் ஏற்றுமதி செய்யவோ, இறக்குமதி செய்யவோ முற்றிலும் தடைவிதிக்கப்பட்ட பொருட்களாகும்.

இருந்தும் நீங்கள் இவ்வாறான தடை செய்யப்பட்ட பொருட்களை ஏற்றுமதி செய்யவோ, இறக்குமதி செய்யவோ விரும்புகிறீர்கள் எனில் இந்திய அரசின் வெளிநாட்டு வர்த்தகத்துறை அலுவலகத்தின் (Joint Director General of Foreign Trade) அனுமதி பெற்று செய்யலாம்.

இந்தியாவிலிருந்து ஏற்றுமதி மற்றும் இறக்குமதிக்கு தடைவிதிக்கப்பட்டுள்ள பொருட்களின் விபரங்கள் அடங்கிய தொகுப்பை மின் புத்தகமாக தந்திருக்கிறேன்.

வேண்டுவோர் கீழிருக்கும் லிங்கை கிளிக் செய்து தரவிறக்கிக் கொள்ளவும்.

Click here to download - Export items details

Click here to download - Import Items details

மீண்டும் வேறொரு பதிவில் சந்திப்போம்.

நன்றியோடு, அன்பு நண்பன் - பி.சி.கருப்பையா

அமெரிக்காவுக்கு 500 டன் மாம்பழம் ஏற்றுமதி

noreply@blogger.com (PCKaruppaiah) — Fri, 17 May 2013 11:32:00 +0000

இந்தியாவில் இருந்து அமெரிக்காவுக்கு ஏற்றுமதியாகும் மாம்பழத்தின் அளவு இந்த ஆண்டில் சாதனை அளவை எட்டும் என கணிப்பு வெளியாகியுள்ளது.

அதன்படி, இதுவரை இல்லாத சாதனை அளவாக 500 டன்கள் வரை மாம்பழங்கள் அமெரிக்காவுக்கு ஏற்றுமதியாக உள்ளதாக மத்திய அரசின் கீழ் செயல்படும் வேளாண் மற்றும் பதப்படுத்திய உணவுப் பொருட்கள் ஏற்றுமதி மேம்பாட்டு ஆணையம் (APEDA) தெரிவித்துள்ளது.

அமெரிக்காவில் மாம்பழத்துக்கு அதிகரித்துள்ள தேவை, மற்றும் ஏற்றுமதி தரத்திலான மாம்பழங்களின் விளைச்சல் போன்றவை காரணமாக அதிக ஏற்றுமதி சாத்தியம் என்று APEDA வெளியிட்ட அறிக்கையில் கூறப்பட்டுள்ளது.

கடந்த ஆண்டில், இந்தியாவில் இருந்து அமெரிக்காவுக்கு 209 டன் மாம்பழங்கள் ஏற்றுமதியானது.

இந்த ஆண்டில் ஏப்ரல் முதல் வார நிலவரப்படி, 90 டன் மாம்பழங்கள் ஏற்றுமதியாகியுள்ளன.

அல்ஃபோன்சா மற்றும் கேசர் ரக மாம்பழங்கள் இந்தியாவில் இருந்து அதிக அளவில் அமெரிக்காவுக்கு ஏற்றுமதியாகின்றன.

அமெரிக்காவில் மாம்பழத்துக்கு அதிகரித்துள்ள தேவை, மற்றும் ஏற்றுமதி தரத்திலான மாம்பழங்களின் விளைச்சல் போன்றவை காரணமாக அதிக ஏற்றுமதி சாத்தியம் என்று ஆணையம் வெளியிட்ட அறிக்கையில் கூறப்பட்டுள்ளது.

இந்த ஆண்டில் ஏப்ரல் முதல் வார நிலவரப்படி, 90 டன் மாம்பழங்கள் ஏற்றுமதியாகியுள்ளன. அல்ஃபோன்சா மற்றும் கேசர் ரக மாம்பழங்கள் இந்தியாவில் இருந்து அதிக அளவில் அமெரிக்காவுக்கு ஏற்றுமதியாகின்றன.

நன்றி, புதிய தலைமுறை - மே 13,2013

இந்திய ஏற்றுமதி கூட்டமைப்பு கழகம் - FIEO

noreply@blogger.com (PCKaruppaiah) — Mon, 13 May 2013 15:37:00 +0000

நண்பர்களுக்கு வணக்கம் !

இந்த பதிவில் FIEO (Federation of Indian Export Organization) என்று அழைக்கப்படும் இந்திய ஏற்றுமதி கூட்டமைப்பு கழகம் பற்றியும், அதன் நடைமுறைகள் மற்றும் பயன்கள் பற்றியும் பார்ப்போம்.

அதற்கு முன்னர் உங்களிடம் சின்னதாய் ஒரு பகிர்வு.

இங்கு “ஏற்றுமதி இறக்குமதி உரிமம் எண் (IE Code) பெரும் அனைவரும் ஏற்றுமதியில் ஈடுபடுகிறார்களா...?” என்று கேட்டால் “இல்லை” என்றுதான் சொல்லவேண்டும்.

1997-ஆம் ஆண்டுக்கு முன் வரை நாம் IE Code பெறுவதாயின் மத்திய ரிசர்வ் வங்கியிடம்தான் (Reserve Bank of India) விண்ணப்பிக்க வேண்டியிருந்திருக்கும்.

ஆனால் இன்று அந்த வேலையை DGFT (Director General of Foriegn Trade) என்று அழைக்கப்படும் இந்திய வெளிநாட்டு வர்த்தகத்துறை அலுவலகம் செய்து வருகிறது.

ஆரம்பத்தில் IE Code பெறுவதற்கான விண்ணப்பக் கட்டணம் 1,000 ரூபாயாக இருந்தது. எவரும் IE Code பெற விண்ணப்பிக்க வில்லை.

‘ஒருவேளை விண்ணப்பக் கட்டணம் அதிகமாக இருப்பதால்தான் அதிகப்படியானோரால் IE Code பெற முடியவில்லையோ’ என்று யோசித்த இந்திய அரசு 1,000 ரூபாய் கட்டணத்தை 500 ரூபாயாக குறைத்தது.

அப்போதும் எதிர்பார்த்த அளவிற்கு IE Code பெற யாரும் விண்ணப்பிக்க வில்லை.

மீண்டும் யோசித்த அரசு ‘500 ரூபாய் கட்டணம் என்பது கூட அதிகமாக இருக்குமோ’ என்றெண்ணி அதையும் வெறும் 250 ரூபாயாக குறைத்தது.

ஆனால் அப்போதும் எதிர்பார்த்த அளவு ஏற்றுமதியாளர்கள் உருவாகவில்லை.

காரணம் புரியாத அரசு, கலத்தில் இறங்கி ஆராய்ந்த பின்தான் தெரிந்தது ‘நாம் விண்ணப்பக் கட்டணத்தை குறைத்ததை விட, ஏற்றுமதி துறையில் உள்ள நடைமுறைகளை முதலில் எளிமைப்படுத்த வேண்டியிருக்க வேண்டுமென்று’.

விழித்துக் கொண்ட அரசு முதல் வேலையாக ஏற்றுமதி துறையில் உள்ள அனைத்து நடைமுறைகளையும் மிகவும் எளிமைப்படுத்தி திருத்தி அமைத்தது.

ஆனால் அவ்வளவு எளிமைப்படுத்திய பின்பும்கூட ஏற்றுமதி துறையில் ஈடுபட்டிருப்போரின் எண்ணிக்கை என்னவோ தற்போது வரை மிகக்குறைவுதான்.

காரணம், ஒன்றே ஒன்றுதான் வழி தெரியாமை.

இங்கு நம்மில் பலர் அதற்கான வழி தெரியாமல் அலைந்து கொண்டிருக்கிறோம் என்பதை நன்குணர்ந்த ஒருசில கொள்ளைக்கார கூட்டங்கள் இன்று ‘ஏற்றுமதி பயிற்சி நிறுவனம்’ என்கிற பெயரில் ஆங்காங்கே முளைக்க ஆரம்பித்து விட்டார்கள்.

ஒரு சில நாட்களுக்கு முன்பு எனக்கு ஏற்கனவே நன்கு அறிமுகமான நண்பரின் நண்பர் ஒருவர் என்னை தொலைபேசியில் தொடர்பு கொண்டார்.

தான் ‘ஏற்கனவே IE Code பெற்றுவிட்டதாகவும் அடுத்த படியாக என்ன செய்ய வேண்டும்?’ என்றும் கேட்டார்.

நானும் அதற்கான வழிமுறைகளை கூறிவிட்டு “ஆமாம் IE Code பெற எவ்வளவு செலவு செய்தீர்கள்?” என்று கேட்டேன்.

அவர் சொன்ன பதில் கேட்டு எனக்கு அதிர்ச்சியாய் இருந்தது.

அவர் சொன்ன பதில் இதுதான்,

“IE Code பெற மட்டுமே நான் 12,000 ரூபாய் செலவு செய்தேன்”.

மேலும் அவரே தொடர்ந்தார், தனக்கு ஏற்றுமதி பற்றி எதுவுமே தெரியாததால் தெரிந்து கொள்ள வேண்டும் என்ற ஆர்வத்தில் ஒரு ஏற்றுமதி பயிற்சி நிறுவனத்தின் ஏற்றுமதி பயிற்சி வகுப்பில் கலந்து கொண்டதாகவும், அவர்களே IE Code பெற்றுத் தந்ததாகவும் கூறினார்.

மேலும் பயிற்சி கட்டணம் என்கிற பெயரில் சில ஆயிரங்களையும், IE Code பெறுவதற்கான விண்ணப்பக் கட்டணம் என்கிற பெயரில் 12,000 ரூபாயும் வாங்கிக்கொண்டு தனக்கு IE Code பெற்றுத்தந்ததாகக் கூறினார்.

அதுவரை கேட்டுக்கொண்டிருந்த நான் அவரிடம் ஒரேயொரு கேள்வி மட்டும் கேட்டேன். “IE Code பெற அரசு நிர்ணயித்துள்ள விண்ணப்பக் கட்டணம் உங்களுக்கு எவ்வளவு என்று தெரியுமா?” என்று.

அவர் சொன்னார் “அது தெரியாமல்தானே நான் அவர்களை தொடர்பு கொண்டேன், அதற்கான வழிமுறைகள் தெரிந்திருந்தால் நான் ஏன் அவர்களை தொடர்பு கொள்ளப் போகிறேன்? என்றவர் ,

“எனக்கு ஒரு சந்தேகம்” என்றார்.

“என்ன?” என்றேன்.

“எனது நண்பன் ஒருவன் என்னிடம் ‘IE Code பெற வேண்டும் என்ற எண்ணத்தில் நன்றாக யாரிடமோ நீ 12,000 ரூபாயை ஏமாந்திருக்கிராய்’ என்கிறான். அதுதான் எனக்கும் சந்தேகம், நீங்களே சொல்லுங்கள் அதற்கான உண்மையான விண்ணப்பக் கட்டணம் எவ்வளவு?” என்றார்.

நான் சொன்ன பதிலைக்கேட்ட அவர் தலைசுற்றி கீழே விழுகாததுதான் மிச்சம்.

“பின்னர் வெறும் 250 ரூபாய் மட்டுமே செலுத்தி பெற வேண்டிய IE Code-ஐ 12,ooo ரூபாய் செலவு செய்து பெற்றால் தலைசுற்றமால் என்ன செய்யுமாம்?”

ஆம், IE Code பெறுவதற்கான விண்ணப்பக் கட்டணமாக அரசு நிர்ணயித்துள்ள தொகை வெறும் 250 ரூபாய் மட்டுமே.

ஏமாற்றப்பற்றோரில் ஒருத்தரைத்தான் இப்போது உங்களிடம் சொல்லியிருக்கிறேன். இதைப்போல் இன்னும் இங்கு எத்தனையோ பேர் ஏமாற்றப்பட்டிருக்கிறார்கள், ஏமாற்றப்பட்டுக் கொண்டிருக்கிறார்கள்.

ஏமாற்றப்பட்டுக் கொண்டிருக்கிறார்கள் என்பதில் சின்ன ஒரு திருத்தம் ஏமாற்றப்பட்டுக் கொண்டிருக்கிறார்கள் என்பதை விட ஏமாந்து கொண்டிருக்கிறோம் என்பதே சரியாக இருக்கும்.

இங்கு உள்ள எல்லோரையுமே என் ஒருவனால் ஏமாற்ற முடியும் என்று யாரேனும் ஒருவர் சொன்னால் நிச்சயம் அது முடியாத காரியமாகத்தான் இருக்கும்.

ஏனெனில் இங்கு எல்லோருமே ஏமாளிகள் அல்ல.

மேலும் இங்கு மட்டும் என்றல்ல உலகில் எங்குமே ஏமாளிதான் ஏமாற்றப்படுகிறான்.

ஏமாற்றுபவர்களை உங்களால் எதிர்த்து கேள்வி கேட்கத்தான் முடியவில்லை. அவர்களிடம் ஏமாறரமலாவது இருங்களேன்.

ஏற்றுமதி துறையில் அதிகப்படியானோர் ஈடுபட வேண்டும் என்று நினைக்கும் ஒரு அரசு, ஏற்றுமதி துறைக்குள் நுழையும் முன்னரே இங்கு எத்தனை பேர் ஏமாற்றப்பட்டுக் கொண்டிருக்கிறார்கள் என்பதை ஏன் கவனிக்கத் தவறுகிறது?

இப்படியே போய்க்கொண்டிருந்தால் எதிர்காலத்தில் இங்கு ஏற்றுமதியாளர்களை விட ஏற்றுமதி பயிற்சி நிறுவனங்கள் என்ற பெயரில் ஏமாற்றிப் பிழைக்கும் கொள்ளைக்கார கூட்டத்தினர்தான் அதிகமாயிருப்பார்கள்.

இதைத்தான் விரும்புகிறதா நமது இந்திய அரசு...?

சாதாரண ஒரு டுட்டோரியல் கல்லூரி ஆரம்பிப்பதற்கே ஆயிரம் நடைமுறைகளை பின்பற்ற வேண்டியிருக்கும் இந்த கால கட்டத்தில் ஒரு ஏற்றுமதி பயிற்சி நிறுவனம் ஆரம்பிப்பதற்கு எந்த ஒரு நடைமுறை சாத்தியங்களும் வரையறுக்கப்படவில்லை என்பது வருத்தத்துக்குரியதே.

ஏற்றுமதி பற்றி ஓரளவு தெரிந்திருந்தாலே போதும் நீங்கள், நான் என யார் வேண்டுமானாலும் இங்கு ஏற்றுமதி பயிற்சி நிறுவனம் ஆரம்பிக்கலாம்.

சரியாக சொல்ல வேண்டுமென்றால் நீங்கள் ஏற்றுமதி செய்து சம்பாதிப்பதைவிட ஏற்றுமதி பயிற்சி நிறுவனம் ஆரம்பித்தால் அதிகம் சம்பாதிக்கலாம் என்பது அப்பட்டமான உண்மை.

ஆம், ஒரு வருடம் நீங்கள் ஏற்றுமதி தொழிலில் சம்பாதிக்கும் பணத்தைவிட ஒரேயொரு ஏற்றுமதி பயிற்சி வகுப்பில் அதிகமாக சம்பாதிக்கலாம்.

எனவேதான் அதை பலரும் இங்கு தொழிலாக செய்து கொண்டிருக்கிறார்கள்.

ஏற்றுமதி பயிற்சி நிறுவனங்களை சரியாக வரைமுறைப்படுத்தி அதன்படி அவற்றை சரியான முறையில் நடைமுறைப் படுத்தப்படும் வரைக்கும் இங்கு ஏமாறுபர்களை ஏமாற்றுபவர்கள் ஏமாற்றிக் கொண்டுதான் இருப்பார்கள்.

சரி பதிவுக்கு வருவோம்.

FIEO (Federation of Indian Export Organization)

இந்திய ஏற்றுமதி கூட்டமைப்பு கழகமான FIEO டெல்லியை தலைமையிடமாகக் கொண்டு இயங்கி வரும் ஒரு அமைப்பாகும்.

மேலும் இது ஏற்றுமதியாளர்களுக்கும் அரசுக்கும் இடையே ஒரு பாலமாக இயங்கி ஏற்றுமதியாளர்களுக்கு தேவையான உதவிகளையும், சலுகைகளையும் வழங்கி வருகிறது.

இவற்றின் முக்கியமான பயன் என்னவெனில் ஒரு ஏற்றுமதியாளர் குறிப்பிட்ட ஒருசில பொருட்களை மட்டும் ஏற்றுமதி செய்வதாயின் அந்த பொருளுக்கான குறிப்பிட்ட ஏற்றுமதி மேம்பாட்டு கழகங்களில் (EPC) உறுப்பினர் (RCMC) ஆனாலே போதும்.

இவைபற்றி ஏற்கனவே ஏற்றுமதி மேம்பாட்டு கழகம் (EPC) என்ற பதிவில் விரிவாகப் பார்த்திருக்கிறோம்.

ஏற்றுமதி துறையில் ஈடுபட நினைக்கும் பலருக்கும் இருக்கும் ஒரு பொதுவான சந்தேகங்களில் இதுவும் ஓன்று.

“ஒரே நபர் பல விதமான பொருட்களை ஏற்றுமதி செய்வதாயின் எந்த ஏற்றுமதி மேம்பாட்டு கழகத்தில் உறுப்பினர் ஆக வேண்டும்?”

இதற்கு பதில் மிக எளிது.

நீங்கள் ஒரே நபர் பல விதமான பொருட்களை ஏற்றுமதி செய்வதாயின் இந்திய ஏற்றுமதி கூட்டமைப்பு கழகமான FIEO – வில் உறுப்பினர் ஆனாலே போதுமானது.

தனியாக ஒவ்வொரு ஏற்றுமதி மேபாட்டு கழகத்திலும் உறுப்பினர் ஆக வேண்டும் என்ற அவசியமில்லை.

உதாரணத்திற்கு நீங்கள் வேளான் மற்றும் உணவுப்பொருட்களை ஏற்றுமதி செய்ய தேர்ந்தெடுத்துள்ளிர்கள் என்று வைத்துக்கொள்வோம்.

APEDA என்று அழைக்கப்படும் வேளான் மற்றும் உணவுப்பொருள் ஏற்றுமதி மேம்பாட்டு கழகத்தில் உறுப்பினராக வேண்டும்.

அதே நீங்கள் மூலிகை பொருட்களையும் தற்போது ஏற்றுமதி செய்ய நினைக்கிறீர்கள் என்று வைத்துக்கொள்வோம்.

அப்போது நீங்கள் மூலிகை பொருட்களுக்கான ஏற்றுமதி மேம்பாட்டு கழகத்தில் தனியாக உறுப்பினராக பதிவு செய்ய வேண்டுமா என்று கேட்டால் அது தேவையில்லை.

FIEO – வில் மட்டும் RCMC (Registration Cum Membership Certificate) என்று அழைக்கப்படும் பதிவு பெற்ற உறுப்பினர் சான்றிதழ் பெற்றாலே போதுமானது.

மேலும் நீங்கள் தேர்ந்தெடுத்துள்ள பொருளானது எந்த ஏற்றுமதி மேம்பாட்டு கழகத்தின் கீழும் வராத பட்சத்திளும் இதே FIEO – வில் உறுப்பினராகிக் கொள்ளலாம்.

FIEO – வில் உறுப்பினர் ஆவதற்கான வழிமுறைகள் என்னென்ன?

என ஒவ்வொன்றின் தன்மைக்கேற்ப இவற்றில் மொத்தம் 13 வகை உள்ளன.

நீங்கள் ஒரே நபர் பல விதமான பொருட்களை ஏற்றுமதி செய்வதாயின் Multi-Products Group என்ற வகையின் கீழ் உறுப்பினராகிக் கொள்ளலாம்.

ஒவ்வொன்றுக்குமான கட்டண விபரங்களும் மேல தரப்பட்டுள்ளன.

புதிதாக உறுப்பினர் ஆவதற்கு கட்டணத் தொகையுடன் 1,000 ரூபாயும், சேவை வரியாக 12.36% சேர்த்துக் கட்ட வேண்டியிருக்கும்.

மேலும் விபரங்களுக்கு தொடர்பு கொள்ளவும்.

Unit No.706, Spencer Plaza, 7th Floor,

769, Anna Salai, Chennai-600 002

Phone : +91-44-28497766/28497755/28493333,

Email : fieosr@fieo.org

Website : www.fieo.org

Toll Free Number : 1800 - 121 - 9000

நன்றியோடு, அன்பு நண்பன் – பி.சி.கருப்பையா

மாதிரி அனுப்புவது எப்படி? (Sample)

noreply@blogger.com (PCKaruppaiah) — Sat, 04 May 2013 15:05:00 +0000

நண்பர்களுக்கு வணக்கம் !

இந்த பதிவில் மாதிரி (Sample) அனுப்புவது எப்படி? என்பதைப்பற்றி பார்ப்போம்.

எந்த ஒரு பொருளுக்கும் அதன் தரம் என்பது மிக முக்கியம். அதுவும் ஏற்றுமதி துறைக்கு அது இன்னும் மிக முக்கியம்.

காரணம், எந்த ஒரு இறக்குமதியாளரும் உங்களது பொருளின் தரம் தெரியாமல் உங்களுக்கு ஆர்டர் கொடுக்க மாட்டார்கள்.

முதலில் உங்கள் மேலும் உங்களது நிறுவத்தின் மேலும் அவருக்கு நம்பிக்கை வரவேண்டும். அடுத்து உங்களது பொருளுக்கான விலையை அவர் ஒப்புக்கொள்ள கொள்ள வேண்டும்.

பிறகு, உங்களது பொருளின் தரம் அவருக்கு பிடித்திருக்க வேண்டும்.

அடுத்துதான் உங்களுக்கு ஆர்டர் தருவதா? வேண்டமா? என்பதை அவர் முடிவு செய்வார்.

எந்த ஒரு இறக்குமதியாளரும் உங்களுக்கு ஆர்டர் தரும் முன் உங்களது பொருளின் தரம் அறியவேண்டி, முதலில் அந்த பொருளின் மாதிரியை (Sample) தங்களுக்கு அனுப்பி வைக்குமாறு கேட்பார்கள்.

நாமும் தேடி அலைந்து அவருக்கு நல்ல தரத்தில் சாம்பிள் ஒன்றை அனுப்பி வைப்போம். அவருக்கும் அது பிடித்துப்போய் உங்களுக்கு ஆர்டர் கொடுப்பார்.

நீங்களும் ஆர்டர் கிடைத்த மகிழ்ச்சியில் பொருட்களை வாங்கி அனுப்பி வைப்பீர்கள். ஆனால், அந்த மகிழ்ச்சி மேலும் உங்களுக்கு நீடிக்குமா? இல்லையா? என்பதை உங்களது பொருளின் தரம்தான் முடிவு செய்யும்.

நிறைய பேர் பொதுவாக தப்பு செய்வது இந்த இடத்தில்தான்.

எப்படி என்கிறீர்களா? சொல்கிறேன் ;

பொதுவாக எந்த ஒரு பொருளையும் அதன் தரத்தைக் கொண்டு மூன்று வகையாக பிரிப்பார்கள்.

1. முதல் தரம் (First Quality)

2. இரண்டாம் தரம் (Second Quality)

3. மூன்றாம் தரம் (Third Quality)

இதில் முதல் தர பொருட்களைத்தான் (First Quality Products) பொதுவாக Export Quality என்று சொல்வார்கள்.

ஏற்றுமதியாளர்கள் செய்யும் முதல் தவறு இங்கிருந்துதான் ஆரம்பிக்கிறது.

இறக்குமதியாளர் உங்களிடம் சாம்பிள் கேட்டதும் எக்காரணத்தைக் கொண்டும் முதல் தர பொருட்களை (First Quality Products) அவர்களுக்கு அனுப்பி வைக்காதீர்கள்.

மாறாக இரண்டாம் தர பொருட்களையே (Second Quality) அவர்களுக்கு சாம்பிளாக அனுப்புங்கள்.

காரணம், நீங்கள் முதல் தர பொருட்களை சாம்பிளாக அனுப்புகிறீர்கள் என்று வைத்துக்கொள்வோம்.

இறக்குமதியாலருக்கு உங்களது பொருளின் தரம் (Quality) பிடித்துப்போய் ஆர்டர் தருகிறார் எனில், அவர் நீங்கள் அனுப்பப்போகும் பொருட்களும் அதே தரத்தில் இருக்கும் என்ற எதிர்பார்ப்பில்தான் உங்களுக்கு ஆர்டர் தந்திருகிறார் என்றுதான் அர்த்தம்.

ஆனால், ஆர்டர் கிடைத்த பிறகு உங்களுக்கு அதே தரத்தில் (First Quality), அனைத்து பொருட்களும் கிடைக்கும் என்று சொல்ல முடியாது.

நீங்கள் முதல் தர பொருட்களை மாதிரிகளாக அனுப்பி விட்டு, ஆர்டர் கிடைத்த பின் அனுப்பும் பொருட்கள் அதே தரத்தில் இல்லையெனில் உங்களது ஆர்டருக்கான மொத்தத் தொகையை விட குறைந்த அளவுதான் வந்து சேரும்.

ஒரு சில நேரங்களில் உங்களது பொருட்கள் தரமானதாக இல்லை என்று கூறி அதனை அவர்கள் பெறாமல் கூட போகலாம்..

எனவே, எக்காரணத்தைக் கொண்டும் மாதிரிகள் (Samples) அனுப்பும்போது முதல் தர (First Quality) பொருட்களை மாதிரிகளாக அனுப்பாதீர்கள்.

இப்போது உங்களுக்கு “ஏற்றுமதி செய்யப்போகும் பொருளின் தரம் எப்படி இருக்க வேண்டும்?” என்பது பற்றி ஓரளவுக்கு புரிந்திருக்கும் என நினைக்கிறேன்.

ஏற்றுமதி துறையில் ஈடுபட நினைக்கும் நீங்கள், முதலில் உங்களது இறக்குமதியாலருக்கு அனுப்பப்போகும் சாம்பிள் எப்படி இருக்க வேண்டும் என்றும், அதனை எவ்வாறு அவர்களுக்கு அனுப்புவது என்றும் தெளிவாக தெரிந்து வைந்திருக்க வேண்டும்.

காரணம், மற்ற துறைகளைப் போன்றதல்ல இந்த ஏற்றுமதி துறை.

மற்ற துறைகளில் குறிப்பிட்ட சில இடங்களில் மட்டும் கவனமாய் இருந்தால் போதும். ஆனால், ஏற்றுமதி துறையில் ஒவ்வொரு செயலிலும் மிகமிக கவனமாய் இருக்க வேண்டும்.

உண்மையைச் சொல்ல வேண்டுமானால் ஏற்றுமதி துறை மற்றத் துறைகளைக் காட்டிலும் சற்றுக் கடினமான ஒரு துறை.

உடனே, “கடினமான துறையா?” என்று பயம் கொள்ள வேண்டாம்.

கற்றுக்கொள்ள, கற்றுக்கொள்ள கடலளவு விஷயம் கூட உங்களுக்கு கடுகளவாய் மாறிடும்.

அதற்குத்தான் நமது “ஏற்றுமதி வழிகாட்டி” தளம் இருக்கிறதே, பின்னர் ஏன் பயம்? சரி, பதிவிக்கு வருவோம்.

சாம்பிள் அனுப்புவது எப்படி ?

சாம்பிள்களை பொதுவாக Speed Post மற்றும் DHL Courier போன்றவற்றிலேயே அனுப்பலாம். இவை அவற்றின் விலை மதிப்பைப் பொருத்து மூன்று வகைப்படுத்தப்பட்டுள்ளது. அவை :

1. Below 10,000 Rs,

2. 10,000 Rs to 25,000 Rs,

3. Above 25,000 Rs.

இவைகள் பற்றி இப்போது பார்ப்போம்.

(1) Below 10,000 Rs

நீங்கள் அனுப்பும் சாம்பிளின் மொத்த மதிப்பு பத்தாயிரம் ரூபாய்க்கு கீழாக (Below 10,000 Rs) இருக்கும் பட்சத்தில் இந்த முறையில் அனுப்பலாம்.

இந்த முறையில் சாம்பிள் அனுப்புவதற்கு உங்களது நிறுவனத்தின் லெட்டர் ஹெட்டில் எழுதப்பட்ட உறுதிமொழி கடிதம் (Declaration Form) வழங்க வேண்டும்.

(2) 10,000 Rs to 25,000 Rs

நீங்கள் அனுப்பும் சாம்பிளின் மொத்த மதிப்பு பத்தாயிரம் ரூபாய்க்கு மேலாகவும் இருபத்தைந்தாயிரம் ரூபாய்க்கு கீழாகவும் (10,000 Rs to 25,000 Rs) இருக்கும் பட்சத்தில் இந்த முறையில் அனுப்பலாம்.

இந்த முறையில் சாம்பிள் அனுப்புவதற்கு உங்களது நிறுவனத்தின் லெட்டர் ஹெட்டில் எழுதப்பட்ட உறுதிமொழி கடிதம் (Declaration Form) மற்றும் உங்களது வங்கியில் வழங்கப்படும் Not Involved Foreign Currency கடிதமும் வழங்க வேண்டும்.

(3) Above 25,000 Rs.

நீங்கள் அனுப்பும் சாம்பிளின் மொத்த மதிப்பு இருபத்தைந்தாயிரம் ரூபாய்க்கு மேலாக (Above 25,000 Rs) இருக்கும் பட்சத்தில் இந்த முறையில் அனுப்பலாம்.

இந்த முறையில் சாம்பிள் அனுப்புவதற்கு தேவைப்படும் ஆவணங்கள் :

1.Declaration Letter,

2.Bank Letter,

3.Invoice Bill,

4.GR/PP Form.

பொதுவாக இந்த மூன்று முறைகளில்தான் மாதிரி அனுப்ப வேண்டும் என்று வரையறுக்கப்பட்டுள்ளது.

இருப்பினும் உங்களது நண்பர்கள் அல்லது உறவினர்கள் யாரேனும் வெளிநாடு செல்லும்போது அவர்களிடம் கூட உங்களது பொருட்களுக்கான மாதிரிகளை கொடுத்தனுப்பலாம்.

கவனிக்கப்பட வேண்டிய மற்றொரு விஷயம், நீங்கள் அனுப்பும் மாதிரிகள் ஒவ்வொன்றிலும் Sample for Export, No Commercial Value என்று குறிப்பிட வேண்டியது மிக மிக அவசியம்.

அவ்வாறு குறிப்பிடப்பட வேண்டியதற்கான காரணம் நீங்கள் அனுப்புவது மாதிரி மட்டுமே என்பதை தெரிவிப்பதர்காகத்தான்.

இன்னும் விபரமாய் இவைகள் பற்றி கூறலாம் ஆனால் பதிவின் நீளம் கருதி இத்துடன் முடித்துக்கொள்கிறேன்.

காலம் கனிந்தால் வேறொரு பதிவில் இவைப்பற்றி இன்னும் அதிகப்படியான விபரங்கள் தருகிறேன்.

நன்றியோடு, அன்பு நண்பன் – பி.சி.கருப்பையா

“ஏற்றுமதி செய்யலாம் வாங்க”

noreply@blogger.com (PCKaruppaiah) — Sun, 28 Apr 2013 14:18:00 +0000

நண்பர்களுக்கு வணக்கம் !

நமது ஏற்றுமதி வழிகாட்டி தளத்தின் பதிவுகள் அனைத்தும் தன்னம்பிக்கை மாத இதழான வெற்றிச்சிகரம் மாத இதழில் வெளிவந்து கொண்டிருப்பது தாங்கள் அறிந்த விஷயமே.

மேலும் தற்போது ஏப்ரல் 2013 இதழிலிருந்து “ஏற்றுமதி செய்யலாம் வாங்க” என்ற தலைப்பினில் ஏற்றுமதி வழிகாட்டி தளத்தின் ஏற்றுமதி பற்றிய புதிய தொடர் வெளிவரத் துவங்கியுள்ளது.

இத்தொடரில் ஏற்றுமதி நிறுவனம் ஆரம்பிப்பதிலிருந்து நீங்கள் ஒரு வெற்றிகரமான ஏற்றுமதியாலர் ஆவது வரை அனைத்து விபரங்களும், நுணுக்கங்களும் தொடர்ந்து வரவிருக்கின்றன.

இந்த இனியதொரு வாய்ப்பை முன்வந்து அளித்த “வெற்றிச்சிகரம்” மாத இதழுக்கும், தொடர்ந்து ஆதரவளித்து வரும் நண்பர்களுக்கும் நமது ஏற்றுமதி வழிகாட்டி தளத்தின் கோடானுகோடி நன்றிகள்!.

வெற்றிச்சிகரம் ஏப்ரல்-2013 இதழில் வெளிவந்திருக்கும் “ஏற்றுமதி செய்யலாம் வாங்க” தொடரின் முதல் பாகத்தை படிக்க விரும்புவோர் கீழிருக்கும் லிங்கை கிளிக் செய்து தரவிறக்கிக் கொள்ளவும்.

Click here to Download “ஏற்றுமதி செய்யலாம் வாங்க” – 1

நன்றியோடு, அன்பு நண்பன் – பி.சி.கருப்பையா

ஆங்கிலத்தில் கடிதம் எழுதுவது எப்படி ?

noreply@blogger.com (PCKaruppaiah) — Sun, 21 Apr 2013 19:25:00 +0000

நண்பர்களுக்கு வணக்கம்!

இந்த பதிவில் ஆங்கிலத்தில் கடிதம் எழுதும் முறைகள் பற்றி பார்ப்போம்.

ஆங்கிலத்தில் கடிதம் எழுதுவது எப்படி ?

ஏற்றுமதி துறையில் ஈடுபட நினைக்கும் பலருக்கும் இருக்கும் ஒரு பொதுவான பிரச்சினை ஆங்கிலத்தில் கடிதம் எழுதுவது.

காரணம் இங்கு எல்லோருக்கும் ஆங்கிலத்தில் பேசவோ, எழுதவோ தெரிந்திருக்கும் என்று கூற முடியாது. அதற்காக ஆங்கிலம் தெரிந்தவர்கள் மட்டும்தான் ஏற்றுமதி செய்ய முடியும் என்று நினைத்து விடாதிர்கள்.

ஆங்கிலம் என்பது நம் அறிவு சம்பதப்பட்ட விஷயம் ஒன்றுமல்ல. மற்ற மொழிகளைப் போன்று ஒரு சாதாரண மொழி அவ்வளவுதான்.

எனவே ஆங்கிலம் தெரியவில்லையே என்று யாரும் கவலைப்படாதீர்கள்.

நண்பர்கள் இருவர் ஆங்கிலத் திரைப்படம் ஒன்றை பார்த்துக் கொண்டிருந்தார்கள். அதில் சிறுவன் ஒருவன் அபாரமாய் ஆங்கிலத்தில் உரையாடிக் கொண்டிருந்தான்.

அதனைப் பார்த்துக் கொண்டிருந்த இரு நண்பர்களும் பேசிக்கொண்டார்கள்,

“இந்த பொடிப்பையன் இங்க்லீஷ்ல என்னமா பேசுறான்...” என்று.

கேட்பதற்கே நகைச்சுவையாக இருக்கிறதல்லவா ? இதைப்போல்தான் இங்கு பலரும் நினைக்கிறார்கள்.

அமெரிக்காவில் பிறந்த சிறுவன் ஆங்கிலத்தில்தான் பேசுவான் காரணம் அதுதான் அவனின் தாய்மொழி. அதைப்போல்தான் இங்கு தமிழ் நமக்கு தாய்மொழி.

எனவே, இங்கு மொழியும், அறிவும் வெவ்வேறு என்பதை முதலில் புரிந்து கொள்ளுங்கள்.

இவ்வளவு ஏன், நம் தமிழ் மொழியை எடுத்துக்கொள்ளுங்கள் 247 எழுத்துக்கள்.

இதையே நம்மால் எழுதவும், பேசவும் முடியும் போதும் ஆங்கிலத்தைப் பாருங்கள், மொத்தமே வெறும் 26 எழுத்துக்கள்தான் இதை மட்டும் நம்மால் எழுதவும், பேசவும் முடியாதா என்ன ?

இங்கு முடியாத காரியம் என்று ஒன்றுமேயில்லை. எனவே முயலுங்கள் நிச்சயம் உங்களாலாலும் முடியும்.

தெய்வத்தால் ஆகாதெனினும் முயற்சி தன்

மெய்வருத்தக் கூலி தரும்

இது வள்ளுவரின் வாக்கு.

இங்கு பிறக்கும்போதே நாம் யாரும் எதையும் கற்றுக்கொண்டு பிறக்கவில்லை. பிறந்த பின்தான் கற்றுக்கொள்கிறோம்.

உளறுவதை விட்டுவிட்டு, முதலில் சொல்ல வந்ததை சொல் என்கிறீர்களா ?

ஒன்றுமில்லை, முடிந்தவரை ஆங்கிலம் கற்றுக்கொள்ள முயலுங்கள் அவ்வளவுதான்.

அதற்காக ஆங்கிலம் தெரிந்தவர்கள் மட்டும்தான் ஏற்றுமதி செய்ய முடியும் என்றில்லை. ஆங்கிலம் தெரிந்திருந்தால் இன்னும் நமது பணியை சற்று சிறப்பாக செய்யலாம்.

எனவேதான் சொல்கிறேன், முடிந்தவரை ஆங்கிலம் கற்றுக்கொள்ளுங்கள் என்று. சரி, பதிவுக்கு வருவோம்.

ஆங்கிலத்தில் கடிதம் எழுதுவது எப்படி ?

இன்றைய உலகில் ஆங்கிலத்தில் கடிதம் எழுத நீங்கள் ஆங்கிலத்தில் புலமை பெற்றிருக்க வேண்டும் என்ற அவசியமில்லை. ஆங்கிலம் பற்றி ஓரளவு தெரிந்த்திருந்தாலே போதும்.

நீங்களும் ஆங்கிலத்தில் கடிதம் எழுதலாம்.

எப்படி என்கிறீர்களா ? வழி இருக்கிறது சொல்கிறேன்.

ஏற்றுமதி துறையில் பயன்படுத்தப்படும் ஒவ்வொரு சான்றிதழ்களும் இப்படித்தான் இருக்க வேண்டும் என்று ICC - International Chamber of Commerce - ஆல் வரையருக்கப்பட்டுள்ளது.

ஆனால் ஏற்றுமதி துறையில் எழுதப்படும் கடிதங்கள் இப்படித்தான் இருக்க வேண்டும் என்று எந்த ஒரு வரைமுறையும் இல்லை. இது ஒவ்வொருவருக்கும் மாறுபடும்.

இதனை ஆங்கிலத்தில் Writing Style என்று சொல்வார்கள்.

ஏற்றுமதி துறையில் பொதுவாக கடிதம் எழுதும் முறைகள் பற்றியும், அவைகளின் மாதிரிகளையும் வரும் பகுதிகளில் தருகிறேன்.

அதற்கு முன் சொல்ல வந்ததை முதலில் சொல்லி விடுகிறேன்.

இந்த பதிவில் ஆங்கிலத்தில் எழுதப்படும் பல வகையான கடிதங்களின் மாதிரிகள் அடங்கிய ஒரு அருமையான மென்பொருளைப் உங்களிடம் அறிமுகம் செய்கிறேன்.

4001 Business, Sales & Personal Letters

இந்த மென்பொருளின் பெயருக்கு ஏற்றார்போலவே இதில் ஆங்கிலத்தில் எழுதப்படும் பல வகையான கடிதங்களின் மாதிரிகள் மொத்தம் 4001 உள்ளது.

மேலும் இதனைப் பயன்படுத்துவதும் மிகமிக எளிது.

தரவிறக்கம் செய்ய கீழிருக்கும் லிங்கை கிளிக் செய்யவும்.

Click here to download 4001 Business, Sales & Personal Letters Software

நன்றி ! நன்றி !! நன்றி !!!

அண்மையில் கும்பகோணத்தில் நடைப்பெற்ற இலவச ஏற்றுமதி பயிற்சி வகுப்பில் கலந்துகொண்டு சிறப்பித்த அனைத்து நல்ல உள்ளங்களுக்கும், நிகழ்ச்சியை அமைத்துக்கொடுத்த தடம் அறக்கட்டளை நிறுவனத்திற்கும் ஏற்றுமதி வழிகாட்டி தளத்தின் சிரம் தாழ்ந்த நன்றி ! நன்றி !! நன்றி !!!

அன்பு நண்பன் – பி.சி.கருப்பையா

தமிழ் புத்தாண்டு - சிறப்பு பதிப்பு

noreply@blogger.com (PCKaruppaiah) — Sun, 14 Apr 2013 14:46:00 +0000

நண்பர்கள் அனைவருக்கும் நமது ஏற்றுமதி வழிகாட்டி தளத்தின் இனிய தமிழ் புத்தாண்டு நல்வாழ்த்துக்கள் !

ஏற்றுமதி வழிகாட்டி தளத்தின் தமிழ் புத்தாண்டு சிறப்பு பதிப்பு.

இறக்குமதியாலாரை கண்டுபிடிப்பது எப்படி ?

என்னிடம் பலர் கேட்கும் கேள்விகளில் அதிகப்படியானோரால் கேட்கப்பட்ட கேள்வி இதுவாகத்தான் இருக்கும்.

இறக்குமதியாலரை கண்டுபிடிக்க பல வழிகள் இருக்கிறது. அவை அனைத்தையும் பற்றி வரும் பகுதிகளில் விரிவாக தருகிறேன்.

பலர் நினைக்கிறார்கள் ஏற்றுமதி என்றால் தாங்கள் ஏதோ ஒரு பத்து இருபது நாடுகளுக்கு ஏற்றுமதி செய்ய வேண்டும், தம்மிடம் ஒரு இருபது முப்பது இறக்குமதியாளர் இருக்க வேண்டும் அப்போதுதான் நாம் நல்ல ஒரு ஏற்றுமதியாளர் ஆக முடியும் என்று.

உண்மையைச் சொல்ல வேண்டுமானால் அப்படி இருந்தால்தான் நீங்கள் ஒரு ஏற்றுமதியாளர் ஆக முடியும் என்று எந்த வரைமுறையும் இல்லை.

காரணம், நீங்கள் ஒரு நாட்டிற்கு மட்டும் ஏற்றுமதி செய்தாலும் அது ஏற்றுமதிதான், பல நாடுகளுக்கு செய்தாலும் அதுவும் ஏற்றுமதிதான்.

உங்களுக்கு ஒரேயொரு இறக்குமதியாளர் அதுவும் நம்பிக்கையான ஒரு இறக்குமதியாளர் கிடைத்து விட்டாலே போதும் நீங்களும் ஒரு ஏற்றுமதியாலர்தான்.

உங்களின் சேவை மட்டும் அவருக்கு பிடித்து விட்டால் போதும் பிறகு உங்களின் வெற்றியை யாராலும் தடுக்க முடியாது.

நமது ஏற்றுமதி வழிகாட்டி தளத்தின் நோக்கமே உங்களை ஒரு வெற்றிகரமான ஏற்றுமதியாளர் ஆக்குவதுதான்.

நீங்களும் ஒரு ஏற்றுமதியாளர் ஆனால் நிச்சயம் எனக்கும் அதில் மகிழ்ச்சியே, அதில் நமது தளத்தின் பங்கும் இருக்குமெனில் எனக்கு அது இன்னும் மகிழ்ச்சியே.

உங்களில் ஒரே ஒருவருக்கு மட்டுமாவது நமது ஏற்றுமதி வழிகாட்டி தளத்தின் பதிவுகள் உதவியாய் இருந்தாலே போதும் அதுவே நமது தளத்திற்கு கிடைத்த வெற்றிதான்.

தமிழ் புத்தாண்டு சிறப்பு பதிப்பு என்று சொல்லிவிட்டு உங்களுக்கு தேவையில்லாத எது எதையோ சொல்லிக் கொண்டிருக்கிறேன். சரி, பதிவுக்கு வருவோம்.

இறக்குமதியாலாரை கண்டுபிடிப்பது எப்படி ?

தமிழ் புத்தாண்டையொட்டி உங்களுக்கு நமது ஏற்றுமதி வழிகாட்டி தளத்தினாலான ஒரு சிறிய பரிசு.

இந்தியாவிலிருந்து வேளாண் பொருட்களை இறக்குமதி செய்யும் இறக்குமதியாலரின் முகவரிகள் மற்றும் தொலைபேசி எண்கள் அடங்கிய நூறு பக்கங்கள் கொண்ட அறிய கையேடு.

இதில் இருக்கும் முகவரிகள் அனைத்தும் நமது இந்திய வேளாண் பொருள் ஏற்றுமதி மேம்பாடு கழகத்தில் இருந்து பெறப்பட்டவைகள் ஆகும்.

மேலும் இவர்கள் அனைவரும் கடந்த வருடங்களில் இந்தியாவிலிருந்து வேளாண் பொருட்களை இறக்குமதி செய்தவர்கள் ஆகும்.

எனவே வேளாண் பொருட்களை ஏற்றுமதி செய்ய நினைப்போர் தாராளமாய் இவர்களை தொடர்பு கொள்ளலாம்.

பதிவிறக்கம் செய்ய விரும்புவோர் கீழிருக்கும் லிங்கை கிளிக் செய்யவும்.

Click here to Download Importer Directory

நண்பர்கள் அனைவருக்கும் மீண்டும் ஒருமுறை தமிழ் புத்தாண்டு நல்வாழ்த்துக்கள்!

நன்றியோடு, அன்பு நண்பன் - பி.சி.கருப்பையா

மின் புத்தகம் - Electronic Book (PDF Book)

noreply@blogger.com (PCKaruppaiah) — Mon, 08 Apr 2013 22:16:00 +0000

நண்பர்களுக்கு வணக்கம் !

கற்றது கையளவு கல்லாதாது உலகளவு...

ஏற்றுமதி துறை என்றில்லாமல் ஒவ்வொரு துறையிலும் கற்றுக்கொள்ள வேண்டியவைகள் எவ்வளவோ இருக்கின்றன.

இன்றைய நவீன உலகில் எந்த ஒன்றையும் கற்றுக்கொள்ளவும், தெரிந்துகொள்ளவும் எவ்வளவோ வகைகள் இருக்கின்றன.

ஆனால், பலர் அதைப்பற்றிக் கற்றுக்கொள்ள ஆர்வமிருந்தும், ஆசையிருந்தும் அதற்கான வழி தெரியாமல் திசைமாறி விடுகின்றனர்.

தேடல் இல்லா மனிதன் என்றுமே முழுமையாக மாட்டான்...

தேடுங்கள், விடாது தேடுங்கள் நிச்சயம் பதில் கிடைக்கும்.

மின் புத்தகம் - Electranic Book (PDF Book)

கணிணி பயன்பாடு அதிகரித்துள்ள இன்றைய கால கட்டத்தில் E-Book என்று அழைக்கப்படும் மின் புத்தகங்களின் பயன்பாடும் அத்தியாவசயமானது என்பதை யாராலும் மறுக்க முடியாது.

காரணம், ஆயிரமாயிரம் பக்கங்கள் கொண்ட புத்தகங்களை கூட அரை நிமிடத்தில் உங்களது கணிணியிலேயே சேமித்து வைத்துக்கொள்ளலாம். மேலும் இதனைப் பயன்படுத்துவதும் கூட மிக எளிது.

இவ்வளவு ஏன் வளர்ந்த பல நாடுகளின் பள்ளி, கல்லூரிகள் கூட இப்போதெல்லாம் இந்த மின் புத்தகங்கள்தான் பயன்படுத்தப்பட்டு வருகிறது.

மற்றத் துறைகளைப் போன்றதல்ல ஏற்றுமதி துறை இதில் தினம் தினம் உங்களை நீங்கள் புதுப்பித்துக் கொண்டிருக்க வேண்டும்.

நமது ஏற்றுமதி வழிகாட்டி தள நண்பர்களுக்காக ஏற்றுமதி மற்றும் இறக்குமதி துறைகளில் உள்ள நடைமுறைகள், வழிமுறைகள் என அனைத்தையும் ஒருங்கிணைத்து மின் புத்தக வடிவில் நமது தளத்தில் இனி தொடர்ந்து வெளிவரவிருக்கின்றன.

அந்த வகையில் முதல் மின் புத்தகமாக நமது தளத்தில் வெளிவந்த IE Code பெறுவது எப்படி? என்ற தலைப்பிலான 10 பாகங்களையும் ஒருங்கிணைத்து IE Code பெறுவது எப்படி? என்ற அதே பெயரிலேயே மின் புத்தகமாக உங்கள் பார்வைக்கு பகிர்கிறேன்.

இதனை டவுன்லோட் செய்ய கீழிருக்கும் லிங்கை கிளிக் செய்யவும்.

Click here to Download - IE Code பெறுவது எப்படி?

நன்றியோடு அன்பு நண்பன் - பி.சி.கருப்பையா

Useful Links: India and International

noreply@blogger.com (PCKaruppaiah) — Wed, 27 Mar 2013 05:36:00 +0000

Name of the Organizations	URL
India (Government)
APEDA	http://apeda.gov.in
Agricultural Marketting Information Network,Ministry of Agriculture	http://agmarknet.nic.in/
Agri Commodities In India	http://www.indiancommodities.com/
Department of Agriculture and Cooperation, Ministry of Agriculture	http://agricoop.nic.in/
Department of Animal husbandry, Dairy & Fishries, Ministry of Agriculture	http://dahd.nic.in/
Department of Commerce, Ministry of Commerce & Industry	http://commerce.nic.in/
DACNET, Ministry of Agriculture	http://dacnet.nic.in/
Food Corporation of India	http://fciweb.nic.in/
Forward Market Commision	http://fmc.gov.in/
Ministry of Food Processing Industries	http://mofpi.nic.in/
MPEDA	http://www.mpeda.com/
National Multi-Commodity Exchange of India Ltd	http://www.nmce.com/
NAFED	http://www.nafedindia.com/
National Horticulture Board	http://www.nhb.gov.in
Spices Board	http://indianspices.com
National Portal of India	http://india.gov.in
India (Non-Government)
KrishiWorld	http://www.krishiworld.com/
ITC e-choupal	http://www.itcportal.com/
India Agro Net	http://www.indiaagronet.com/


Agriculture Equipment Machinery Suppliers	http://www.thomex.com

Food Processors	http://www.aifpa.net/members/members.php

International
Comtrade	http://comtrade.un.org/
Cbi.nl	http://cbi.nl/
Europa	http://europa.eu/index_en.htm/
Food and Agriculture Organization	http://www.fao.org/
FAO Global Early Warnings	http://www.fao.org/giews/english/index.htm/
Intracen	http://www.intracen.org/
International Rice Reseach Institute	http://www.irri.org/
SPS Measure	http://spsims.wto.org/
US National Agriculture Library	http://www.nal.usd.com/
US Department of Agriculture	http://www.usda.gov/
World Trade Organization	http://www.wto.org/
World Bank	http://www.worldbank.com/

Embassies
Indian Embassies Abroad	click here
Foreign Embassies in India	click here

பருப்பு ஏற்றுமதிக்கு தடை நீட்டிப்பு

noreply@blogger.com (PCKaruppaiah) — Sun, 24 Mar 2013 07:39:00 +0000

மத்திய அரசு பருப்பு ஏற்றுமதி தடையை மேலும் ஓராண்டிற்கு நீட்டிப்பு செய்துள்ளது. அதேசமயம் சிலவகை பருப்புகள் ஏற்றுமதிக்கு மட்டும் நிபந்தனைகளுக்கு உட்பட்டு அனுமதி அளிக்கப்பட்டுள்ளது.

இவற்றிற்கான உச்சவரம்பு 10,000 டன்னாக நிர்ணயிக்கப்பட்டுள்ளது.

உலக அளவில், பருப்பு உற்பத்தியில் இந்தியா முதலிடத்தில் உள்ளது.

அதேசமயம் தேவையை விட உற்பத்தி குறைவாக உள்ளதால் தேவையை ஈடுசெய்ய 30 லட்சம் டன் பருப்பு இறக்குமதி செய்யப்படுகிறது.

உள்நாட்டு தேவைப்பாட்டைக் கருதி கடந்த 2006–ஆம் ஆண்டில் முதற்கட்டமாக ஆறு மாதங்களுக்கு பருப்பு ஏற்றுமதிக்கு தடை விதிக்கப்பட்டது.

இது அவ்வப்போது நீட்டிக்கப்பட்டு இறுதியாக 2013 மார்ச் 31–ந் தேதி வரை நீட்டிக்கப்பட்டது. இது தற்போது 2014 மார்ச் 31–ந் தேதி வரை மேலும் ஓராண்டிற்கு நீட்டிக்கப்பட்டுள்ளது.

வெற்றிச்சிகரம் - மாத இதழ்

noreply@blogger.com (PCKaruppaiah) — Wed, 06 Mar 2013 08:40:00 +0000

நண்பர்களுக்கு வணக்கம் !

தங்களிடம் சின்னதாய் ஒரு பகிர்வு.

நமது ஏற்றுமதி வழிகாட்டி தளத்தின் அனைத்துப் பகுதிகளும் இனி புத்தக வடிவில் !

புதிதாக வெளிவந்து கொண்டிருக்கும் தன்னம்பிக்கை மற்றும் சுயமுன்னேற்ற மாத இதழான “வெற்றிச்சிகரம்” இதழில் நமது தளத்தின் பதிவுகள் அனைத்தும் கட்டுரை வடிவில் தொடர்ந்து வெளிவரவிருக்கின்றன.

கடந்த பிப்ரவரி மாத வெற்றிச்சிகரம் இதழில் நமது ஏற்றுமதி வழிகாட்டி தளத்தின் முதல் பதிவு வெளியிடப்பட்டுள்ளது.

இந்த இனியதொறு வாய்ப்பை தேடிவந்து அளித்த “வெற்றிச்சிகரம்” மாத இதழுக்கும், தொடர்ந்து ஆதரவு அளித்து வரும் நண்பர்களுக்கும் நமது ஏற்றுமதி வழிகாட்டி தளத்தின் கோடானுகோடி நன்றி ! நன்றி !! நன்றி !!!

சந்தா செலுத்தி பெற விரும்புவோர் கீழிருக்கும் லிங்கை கிளிக் செய்து கிடைக்கும் சந்தா படிவத்தை பூர்த்தி செய்து குறிப்பிட்ட முகவரிக்கு அனுப்பி வைக்கவும்.

வெற்றிச்சிகரம் மாத இதழ் சந்தா படிவம்

என்றென்றும் அன்புடன் - பி.சி.கருப்பையா

சீரகம் ஏற்றுமதியில் இந்தியா

noreply@blogger.com (PCKaruppaiah) — Wed, 06 Mar 2013 07:38:00 +0000

நடப்பு 2012-13ம் நிதியாண்டில், சீரகம் ஏற்றுமதியில் இந்தியா, புதிய சாதனை படைக்க உள்ளது. தற்போது, நிர்ணயித்த இலக்கை விஞ்சி, சீரகம் ஏற்றுமதி நடைபெற்று வருகிறது.

இந்திய சமையலில், முக்கிய அங்கம் வகிக்கும் சீரகம், குஜராத், ராஜஸ்தான் உள்ளிட்ட மாநிலங்களில் அதிகம் விளைகிறது. இந்திய சீரகத்திற்கு, உலக நாடுகளில் நல்ல வரவேற்பு உள்ளது.

உலக நிலவரம் : சர்வதேச சீரகச் சந்தையில், சிரியா மற்றும் துருக்கி ஆகிய நாடுகளின் பங்களிப்பு தான் அதிக அளவில் இருந்தது.

இந்நிலையில், சிரியாவின் உள்நாட்டு கலவரமும், துருக்கியில் நிலவும் அரசியல் சூழலும், அந்நாடுகளின் சீரக ஏற்றுமதியை பெரிதும் பாதித்துள்ளன.

உலக வேளாண் பொருட்கள் சந்தையில், இந்நாடுகளின் சீரகம் அளிப்பு குறைந்துள்ளது. இந்த இடைவெளியை இந்தியா சரியான முறையில் பயன்படுத்திக் கொண்டு, அதிக அளவில் சீரகத்தை ஏற்றுமதி செய்து வருகிறது.

புதிய வரத்து : இந்திய நறுமண பொருள்கள் வாரியம், நடப்பு நிதியாண்டில், 45 ஆயிரம் டன், சீரகம் ஏற்றுமதி செய்ய இலக்கு நிர்ணயித்திருந்தது.

ஆனால், நடப்பு நிதியாண்டு முடிய இன்னும் சில நாட்கள் உள்ள நிலையில், சீரகம் ஏற்றுமதி, இலக்கு அளவான, 45 ஆயிரம் டன்னை எட்டி விட்டது.

தற்போது, அறுவடை செய்யப் பட்ட புதிய சீரகம் சந்தைக்கு வரத் துவங்கி உள்ளதால், வரும் மார்ச் இறுதிக்குள் மேலும், 15 ஆயிரம் டன் சீரகம் ஏற்றுமதி ஆகும் என, மதிப்பிடப்பட்டு உள்ளது.

இதையடுத்து, நடப்பு நிதிஆண்டில், நாட்டின் சீரகம் ஏற்றுமதி, 60 ஆயிரம் டன் என்ற புதிய உச்சத்தை எட்டும் என, எதிர்பார்க்கப்படுகிறது.

சர்வதேச சந்தையில், இந்திய சீரகம், டன் ஒன்று 3,000 டாலர் (1.65 லட்ச ரூபாய்) என்ற அளவில் விலை போய்க் கொண்டுள்ளது.

இந்தியாவின் சீரக ஏற்றுமதி, ஆண்டுக்கணக்கில், 30 சதவீத வளர்ச்சியை கண்டு வருகிறது.

உற்பத்தி : அதற்கேற்ப, சீரகம் உற்பத்தியும் உயர்ந்து வருகிறது. இதைஅடுத்து, உள்நாட்டிலும், சீரகம் சப்ளை சீராக உள்ளது.

சென்ற நிதியாண்டு, நாட்டின் சீரகம் உற்பத்தி, 40 லட்சம் மூட்டைகள் (ஒரு மூட்டை-55 கிலோ) என்ற அளவில் இருந்தது.

இதை விட, நடப்பு நிதியாண்டில், சீரகம் உற்பத்தி அதிகம் இருக்கும் என, மதிப்பிடப்பட்டிருந்தது.

இந்நிலையில், ராஜஸ்தான் மற்றும் குஜராத் மாநிலங்களில், சில பகுதிகளில் பெய்த மழையால், சீரகம் உற்பத்தி பாதிக்கப்பட்டு உள்ளது.

இதனால், சென்ற நிதியாண்டைப் போன்றே, நடப்பு நிதியாண்டிலும், அதே அளவில் சீரகம் உற்பத்தி இருக்கும் என, மறுமதிப்பீடு செய்யப்பட்டுள்ளது.

உள்நாட்டு சந்தையில், தற்போது சீரகம் வரத்து, நாளொன்றுக்கு, 4,000 மூட்டைகள் என்ற அளவில் உள்ளது. தற்போது புதிய பயிர் அறுவடை நடைபெற்று வருவதால், சந்தையில் சீரகம் வரத்து 15 ஆயிரம் மூட்டைகளாக உயர வாய்ப்பு உள்ளதாக கூறப்படுகிறது.

அதே சமயம், சீரகம் வரத்து அதிகரித்துள்ளதால், அதன் விலை சரிவடைந்து வருகிறது. முன்பேரச் சந்தையில், தின வர்த்தகத்தில் சீரகம் விலை, கடந்த இரண்டு மாதங்களில், 10 சதவீதம் சரிவடைந்துள்ளது.

புதிய வரத்து அதிகரிக்கும்பட்சத்தில், ஒரு கிலோ சீரகம் விலை, 133 ரூபாயில் இருந்து, 125 ரூபாய் வரை குறைய வாய்ப்பு உள்ளதாக, வர்த்தகர்கள் தெரிவிக்கின்றனர்.

நன்றி - தினமலர்

தொழில் கடன் உதவி (Loan)

noreply@blogger.com (PCKaruppaiah) — Tue, 05 Mar 2013 08:19:00 +0000

நண்பர்களுக்கு வணக்கம் !

இந்த பதிவில் வங்கியில் கொடுக்கப்படும் பொதுவான தொழில் கடன் மற்றும் தனிநபர் கடன் முறைகள் பற்றியும் அவைகளை எவ்வாறு பெறுவது என்பது பற்றியும் பார்ப்போம்.

தொழில் தொடங்கிடலாம் என்கிற கனவோடு களமிறங்குகிற பலர் எடுத்த எடுப்பிலேயே தடைபட்டு நின்றுவிடுகிறார்கள். அதற்கு அவர்கள் சொல்லும் காரணம், ‘பணம் இல்லை; கடன் கேட்டேன்; கிடைக்கவில்லை’ என்பதாகவே இருக்கிறது.

டாடாவோ, அம்பானியோ பெரிய முதலோடு தங்கள் தொழிலை ஆரம்பிக்கவில்லை. கடன் வாங்கித்தான் ஆரம்பித்தார்கள். நிறுவனத்துக்கான கடனை வாங்க அந்தக் காலத்தில் அவர்கள் பட்ட கஷ்டங்கள் கொஞ்ச நஞ்சமல்ல. அவர்களோடு ஒப்பிட்டால் தொழில்கடன் வாங்க இன்றைக்கு உள்ள சிரமங்கள், பிரச்னைகள் குறைவே.

சில முன் தயாரிப்புகளோடு அணுகினால் அந்தப் பிரச்னைகளையும் பிஸினஸ்மேன்கள் தவிர்த்து நிச்சயம் வெற்றி பெறலாம்.

தேவை தெளிவான பார்வை :

‘வேலை செய்யப் பிடிக்கவில்லை; அதனால் பிஸினஸ் செய்யப் போகிறேன்’ என்று சொல்லி தொழிலில் இறங்குகிறவர்கள், வெற்றி பெறுவது கடினம்தான். அதே போல செய்ய நினைக்கும் தொழில் பற்றிய முழுமையான அறிவு, தெளிவான நம்பிக்கை இல்லாமல் தொழிலில் இறங்குகிறவர்களுக்கும் தோல்வி நிச்சயம்தான்.

தொழில்கடன் கேட்டு வங்கியை அணுகுகிறவர்களை வங்கி மேலாளர் முதலில் சோதிப்பது அவர்களின் நம்பிக்கையைத்தான். தொழில் முனைவர் பேசும் ஒவ்வொரு வார்த்தையும் வங்கி தரப்பில் உன்னிப்பாகக் கவனிக்கப்படும்.

சிலசமயம் வங்கி மேலாளர் தொழில்முனைவரின் உறுதியைக் குலைக்கும் வகையில் சில கேள்விகளைக் கேட்கவும் செய்யலாம்.

‘நீங்கள் சொல்கிற பிஸினஸை எனக்குத் தெரிந்த நபர் ஒருவர் செய்தார். அதில் அவருக்கு பலத்த நஷ்டம். வேறு ஏதாவது பிஸினஸுக்கான ஐடியா உங்களிடம் இருக்கிறதா?’ என வங்கி மேனேஜர் கேட்பதாக வைத்துக் கொள்வோம்.

இதற்கு தொழில் முனைவரின் பதில் என்னவாக இருக்கும்..? உடனே பதற்றமடையும் பலர், ‘சார், என்கிட்ட இன்னொரு பிஸினஸுக்கான ஐடியாவும் இருக்கிறது’ என்றுதான் சொல்வார்கள்.

இந்த ஒரு வரி பதில் போதும், உங்கள் தொழில் மீது உங்களுக்கு ஆழமான நம்பிக்கை இல்லை என்று சொல்ல.

ஆனால், இத்தகைய பதில்களால் மட்டுமே ‘கடன் கிடைக்காது’ என்று சொல்லிவிட முடியாது.

ஆனால், இது போன்ற சின்ன சின்ன விஷயங்கள் நீங்கள் செய்யப் போகிற தொழில் மீது உங்களுக்கு இருக்கும் உறுதியைக் காட்டிவிடும். எனவே தெளிவான பார்வை, உறுதியான திட்டம் தேவை.

பிஸினஸ் பிளானில் என்ன இருக்க வேண்டும்?

நீங்கள் செய்யப் போகிற பிஸினஸ் இதுதான் என்று முடிவு செய்துவிட்டால் அதற்கான பிளானை தயார் செய்ய வேண்டும்.

முதலில் உங்களைப் பற்றிய தகவல்கள், நீங்கள் யார், என்ன செய்து கொண்டிருந்தீர்கள், இனி என்ன செய்யப் போகிறீர்கள் என்ற விவரங்கள் இருக்க வேண்டும்.

தொடங்கப் போகிற தொழிலைப் பற்றி உங்களுக்கு என்ன தெரியும், எப்படித் தெரியும், அந்தத் தொழிலில் என்ன புதுமைகள் செய்யப் போகிறீர்கள்; உங்களுக்கான மூலப் பொருட்கள் எங்கு கிடைக்கும்; உங்களின் வாடிக்கையாளர்கள் யார் என்பது பற்றி தெளிவாகக் கூற வேண்டும்.

இந்தத் தொழில் மூலம் மாதத்துக்கு எவ்வளவு வருமானம் கிடைக்கும் என்கிற தோராயமான கணக்கு வேண்டும்.

இதற்கு டி.எஸ்.சி.ஆர். என்கிற விகிதத்தை நிச்சயம் பார்ப்பார்கள். Debt Service Coverage Ratio என்பதன் சுருக்கமே டி.எஸ்.சி.ஆர் என்பது.

அதாவது, ஒரு மாதத்துக்கு நீங்கள் 15 ஆயிரம் சம்பாதிக்கிறீர்கள் எனில், அசலுக்கும் வட்டிக்குமாகச் சேர்த்து ரூபாய் 10 ஆயிரம் போக, குறைந்தது ரூபாய் 5 ஆயிரம் உங்களிடம் இருந்தால்தான் தொடர்ந்து பிஸினஸ் நடத்த முடியும்.

அதாவது, இந்த விகிதம் 1.5க்கு மேல் இருந்தால் மட்டுமே உங்களுக்கு எளிதாகக் கடன் கிடைக்கும். நீங்கள் செய்யும் பிஸினஸில் இந்த வருமானம் உங்களுக்கு இருக்கிறதா என்பதை நீங்களே உறுதி செய்து கொண்டு, வங்கியை அணுகினால் நம்பிக்கையோடு பேசலாம்.

கடன் வகைகள் :

அடமானமில்லாத கடன் ( Unsecured loan )

ரூபாய் 10 லட்சம் வரைக்குமான தொழில் கடனுக்கு எந்த விதமான அடமானமும் கேட்கக்கூடாது என்பது ஆர்.பி.ஐ. விதி.

இந்த விதி காரணமாக, 10 லட்சம் வரை எந்தவித அடமானமில்லாமல் கடன் கிடைக்கும். ஒரு வேளை வங்கிகள் அடமானம் கேட்டால் அது விதியை மீறிய செயலாகவே கருத வேண்டும்.

தவிர, சிறு மற்றும் குறு தொழில்களை ஊக்குவிக்க மத்திய அரசும் சிட்பியும் சேர்ந்து ஒரு கோடி ரூபாய் வரைக்கும் எந்த விதமான அடமானமும் இல்லாமல் கிரெடிட் கேரண்டி ஸ்கீமில் ( Credit Guarantee Scheme CGS ) கடன் தருகிறார்கள்.

ஆனால், இந்தத் திட்டத்தில் கடன் பெற பதிவு செய்ய வேண்டும். இது பற்றி வங்கிகளிடம் கேட்டால் அவர்கள் இது சம்பந்தமான மற்ற முழு விவரங்களைத் தருவார்கள்.

அடமானக் கடன் (Secured loan)

ஒரு கோடி ரூபாய்க்கு மேல் உங்களுக்கு பணம் தேவை எனில், அடமானம் இல்லாமல் கடன் கிடைக்காது. அந்த சமயத்தில் உங்களிடம் இருக்கும் சொத்துக்களை அடமானம் வைத்துத்தான் கடன் பெற முடியும்.

ஒருவேளை இரண்டு கோடி ரூபாய் தேவைப்பட்டால் ஒரு கோடி ரூபாய் வரை கிரெடிட் கேரண்டி திட்டத்தின் மூலம் அடமானம் இல்லாமலும், மீதமுள்ள ஒரு கோடிக்கு சொத்துக்களை அடமானம் வைத்தும் கடன் பெறலாம்.

எவ்வளவு சொந்தப் பணம் வேண்டும்?

பிஸினஸ் திட்டத்திலே நமக்கு எவ்வளவு தொகை தேவைப்படும் என்று தெரிந்துவிடும். அந்தத் தொகையில் குறைந்தபட்சம் 1:4.5 என்ற விகிதத்தில் ( Debt Equity Ratio ) நம்மிடம் சொந்தப் பணம் இருக்க வேண்டும்.

அதாவது, ஒரு லட்சம் ரூபாயை நீங்கள் மூலதனமாக கொண்டு வந்தால் வங்கிகள் 4.5 லட்சம் வரைக்கும் கடன் கொடுக்கும். இந்த விதிதான் நிரந்தரம் என்று சொல்ல முடியாது.

மிகச் சில சமயங்களில் மட்டும் இந்த விகிதத்துக்கு கீழே சென்றால் வங்கிகள் கடன் கொடுக்கும். அது நீங்கள் செய்யும் தொழில், உங்கள் பிஸினஸ் நடக்கும் இடம் போன்ற பல காரணிகளை வைத்து வங்கிகள் முடிவு செய்யும்.

இருந்தாலும் முதல்முறை தொழில் தொடங்குவோர் இந்த விகிதத்துக்கும் குறைவாக மூலதனம் வைத்திருந்தால் கடன் கிடைப்பதில் சிரமம் ஏற்படலாம்.

உங்கள் தொழிலில் உங்கள் முதலீடு கணிசமாக இருக்க வேண்டும் என வங்கிகள் எதிர்பார்ப்பதுதான் இதற்குக் காரணம்.

வங்கிகளை எப்படி அணுகுவது ?

ஒவ்வொரு வங்கியும் ஆண்டுக்கு குறிப்பிட்ட தொகையை கடனாகக் கொடுக்க வேண்டும் என இலக்கு நிர்ணயித்து செயல்படுகின்றன. அந்த இலக்குக்காக போட்டி போட்டுக் கொண்டு வங்கிகள் கடன் தருகின்றன.

ஆனாலும் தொழில் முனைவோருக்கு கடன் கிடைக்கவில்லை எனில் அதற்குக் காரணம், சரியான திட்டமிடல் இல்லாததுதான்.

உங்கள் தேவை ரூபாய் 25 லட்சம் எனில் அருகிலிருக்கும் வங்கிகளையே அணுகலாம். அவர்களே கடன் தருவார்கள்.

25 லட்சத்துக்கு மேல் போகும் போது, ஒவ்வொரு வங்கியும் தொழில்கடன்களை ஊக்குவிக்கவே தனியாக சிறுதொழில் கிளையை ( SME Branch ) வைத்திருக்கிறார்கள்.

அங்கிருக்கும் அதிகாரிகளை அணுகினால் அவர்கள் உங்களுக்குத் தேவையான ஆலோசனைகளை வழங்குவார்கள்.

தேவையான ஆவணங்கள் :

அடையாளச் சான்றிதழ்,
முகவரிச் சான்றிதழ்,
பிஸினஸ் நடைபெறும் இடத்துக்கான முகவரிச் சான்றிதழ்,
திட்ட அறிக்கை,
வருமான எதிர்ப்பார்ப்பு (கடனை திருப்பிச் செலுத்தும் காலம் வரைக்கும்),
உள்ளாட்சி மற்றும் இதர அரசு அலுவலகங்களில் இருந்து தடையில்லாச் சான்றிதழ் (தேவைப்பட்டால்),
பிஸினஸ் நடைபெறும் இடம் உங்களுடையது என்றால் அதற்கான சான்றிதழ் (அ) வாடகை இடம் என்றால் ஒப்பந்தச் சான்றிதழ் போன்ற ஆவணங்கள்,

இவை தவிர, வேறு என்னென்ன ஆவணங்கள் தேவை என்பது கடன் விண்ணப்பத்திலேயே இருக்கும். அவற்றையும் கொடுத்தால் நிச்சயம் உங்கள் கடன் மனுவை வங்கி அதிகாரிகள் ஒதுக்கித் தள்ள மாட்டார்கள்!

தனிநபர் கடன் (Personal Loan) :

பர்சனல் லோனின் மிகப் பெரிய சிறப்பே, எதற்காக அதை வாங்குகிறோம் என்கிற காரணம்கூடச் சொல்ல வேண்டாம்.

பொதுவாக, கார் அல்லது வீடு வாங்க சில லட்சம் ரூபாய் குறையும் போது மீதிப் பணத்துக்காக கடன் கேட்டு வங்கியை அணுகினால் கார் அல்லது வீட்டை அடமானமாகக் காட்ட வேண்டி வரும்.

அவ்வாறு வாங்கியக் கடனைச் சரியாக கட்டவில்லை என்றால் அடமானம் வைக்கப்பட்டிருப்பதை வங்கி தன் வசம் எடுத்துக் கொள்ளும்.

இதைத் தவிர்க்க விரும்புபவர்கள் பர்சனல் லோனைப் பயன்படுத்திக் கொள்ள விரும்புகிறார்கள். எந்தக் காரணமும் சொல்லத் தேவையில்லை என்பதால் எடுத்ததெற்கெல்லாம் பர்சனல் லோன் வாங்குவது சரியல்ல.

காரணம் மற்ற கடனைவிட இதற்கு வட்டி மிக அதிகம். எனவே பர்சனல் லோன் வாங்குவதை கடைசி முயற்சியாக வைத்துக் கொள்ள வேண்டும்.

வங்கிகள் தயார் :

வங்கிகள் இப்போது தாராளமாக பர்சனல் லோன் தரக் காத்திருக்கின்றன. பொதுவாக, இந்தக் கடனுக்கு 14 - 22% வட்டி வசூலிக்கப்படுகிறது.

இந்தியன் வங்கி, யுனைடெட் பேங்க் ஆஃப் இந்தியா, தமிழ்நாடு மெர்க்கன்டைல் வங்கி போன்றவை 1 லட்சம் வரைக்கும்தான் பர்சனல் லோன் தருகின்றன.

ஐ.சி.ஐ.சி.ஐ. பேங்க், ஆக்ஸிஸ் பேங்க், எஸ்.பி.ஐ. போன்றவை 10 லட்சம் வரைதான் கடன் தரும். அதற்கு மேல் தேவைப்பட்டால் சிட்டி பேங்க், ஹெச்.டி. எஃப்.சி., ஆர்.பி.எஸ். போன்றவற்றைத் தொடர்பு கொள்ளலாம்.

பர்சனல் லோன் வாங்கக் குறைவான ஆவணங்கள் கொடுத்தால் போதும். இருப்பிடம், அடையாளம், வருமானம் போன்றவற்றுக்கு ஆதாரம் கொடுக்க வேண்டும்.

மூன்று நாட்களில் கடன் கிடைக்க வாய்ப்பு இருக்கிறது. 1248 மாதங்களில் கடனை திரும்பக் கட்டலாம்.

பேரம் பேசலாம் :

உங்களின் சம்பளம் மற்றும் திரும்பக் கட்டும் தகுதி அதிகமாக இருக்கும் பட்சத்தில் வட்டியில் பேரம் பேசிக் குறைக்கலாம். பரிசீலனைக் கட்டணத்திலும் பேரம் பேசலாம்.

பர்சனல் கடன் வாங்கும் வங்கியிலேயே உங்கள் சம்பளக் கணக்கோ, கிரெடிட் கார்டோ இருந்தால் இந்தப் பேரம் நிச்சயம் கை கொடுக்கும்.

வட்டியைப் பொறுத்தவரையில் கடன் தொகை, திரும்பச் செலுத்தும் ஆண்டுகள், வேலையின் தன்மை, சம்பளத் தொகை, சம்பளம் வாங்குபவரா, தொழில் செய்பவரா, வாங்கும் நபரின் கடன் வரலாறு போன்றவற்றைப் பொறுத்து மாறுபடும்.

வங்கி கொடுக்கும் சலுகை அல்லது வாக்குறுதியை எழுத்து மூலம் பெற்றுக் கொள்வது அவசியம். இரண்டு நபர்கள் கேரண்டி கையெழுத்துப் போட வேண்டி இருக்கும்.

வட்டியைக் கவனிங்க :

பர்சனல் லோனில் வட்டி எந்த முறையில் கணக்கிடப்படுகிறது என்பது மிக மிக முக்கியம். ஃபிளாட் வட்டியா? ( Flat Rate ) அல்லது குறையும் வட்டியா? என்பதைக் கவனிக்க வேண்டும்.

ஃபிளாட் முறையில் மொத்தக் கடனுக்கும் மொத்த ஆண்டுக்கும் வட்டி கணக்கிடப்படும்.

உதாரணத்துக்கு ஒருவர் 15% வட்டியில் ரூபாய் 1 லட்சம் கடன் வாங்கி அதனை மூன்றாண்டுகளில் திரும்பச் செலுத்துவதாக வைத்துக் கொள்வோம்.

ஃபிளாட் வட்டி என்றால் மாதத் தவணை ரூ. 4,028ஆக இருக்கும். அந்த வகையில் மூன்றாண்டுகளில் வட்டி மட்டும் ரூ. 45,000 கட்டி இருப்பீர்கள்.

இதுவே குறையும் வட்டி முறை என்றால் கடன் தொகை குறையக் குறைய அசலில் அந்தத் தொகையைக் கழித்துக் கொண்டு மீதிக்கு மட்டும் வட்டியைக் கணக்கிடுவார்கள். மாதத் தவணை ரூ. 3,476 ஆக இருக்கும்.

இம்முறையில் மொத்த வட்டி ரூ. 24,795. அதாவது, குறையும் வட்டி முறையில், ஃபிளாட் வட்டியைவிட ரூ. 20,205 குறைவாகக் கட்டினால் போதுமானது.

முன்கூட்டி அடைக்கலாமா ?

பர்சனல் கடனை முன்கூட்டியே அடைக்க பெரும்பாலான வங்கிகள் அவ்வளவு எளிதில் ஒப்புக் கொள்வதில்லை. இடையில் கடனை அடைப்பதாக இருந்தால் அபராதம் கட்ட வேண்டி வரும்.

இது பாக்கியுள்ள கடன் தொகையில் சுமார் 5% ஆக இருக்கும். சில வங்கிகள் மீதமுள்ள தொகையில் 25% வரை ஓராண்டில் அபராதம் இல்லாமல் கட்ட அனுமதிக்கின்றன.

சில வங்கிகள் 612 மாதங்களுக்குப் பிறகே கடனை முன் கூட்டியே மொத்தமாக அடைக்க ஒப்புக் கொள்ளும். இந்த விவரம் லோன் அக்ரிமென்டில் இருக்கும்.

நேரம் இருக்கும் பட்சத்தில் ஒன்றுக்கு மூன்று வங்கிகளில் வட்டி விகிதம், வட்டி கணக்கிடும் முறை, பரிசீலனைக் கட்டணம், முன் கூட்டியே கட்டுவதற்கான அபராதம் போன்றவற்றை விசாரித்து முடிவு செய்வது நல்லது.

கிளீன் லோன் (Clean Loan) :

சில வங்கிகள் தனி நபர் கடனை ‘கிளீன் லோன்’ என்ற பெயரில் வழங்கி வருகின்றன.

அரசு மற்றும் பொதுத் துறை பணியாளர்கள், முன்னணி தனியார் நிறுவனங்களின் நிரந்தரப் பணியாளர்கள் மட்டும் இக்கடனைப் பெற முடியும்.

கடன் தொகை, 10 மாதச் சம்பளமாக இருந்தால், 60 மாதங்களிலும், 5 மாத சம்பளமாக இருந்தால் 36 மாதங்களிலும் கடனைத் திரும்பக் கட்டலாம். இதற்கு மூன்றாம் நபர் கேரண்டி இருவர் கொடுக்க வேண்டும்.

மேலும், கடன் தொகையை சம்பளத்தில் பிடித்துக் கொள்ள தொழில் நிறுவனத்தின் அனுமதி அளிக்கும் கடிதமும் கொடுக்க வேண்டும்.

நன்றி - தமிழ்முரசு

வெங்காயத்திற்கான குறைந்தபட்ச ஏற்றுமதி விலை : அரசு கைவிரிப்பு

noreply@blogger.com (PCKaruppaiah) — Wed, 06 Feb 2013 06:25:00 +0000

வெங்காயத்திற்கு மீண்டும் குறைந்தபட்ச ஏற்றுமதி விலையை நிர்ணயிக்கும் திட்டம் எதுவும் இல்லை என, மத்திய வர்த்தகத் துறையின் செய்திக்குறிப்பில் தெரிவிக்கப்பட்டுள்ளது.

இந்தியாவில், வெங்காய உற்பத்தியில் மகாராஷ்டிரா, குஜராத், கர்நாடகா உள்ளிட்ட மாநிலங்கள் முன்னணியில் உள்ளன.

நாட்டின் மொத்த வெங்காய உற்பத்தியில், 40 சதவீத பங்களிப்பை வழங்கி வரும் மகாராஷ்டிராவில், போதுமான மழை இல்லதாததால், அதன் உற்பத்தி பாதிக்கப்பட்டுள்ளது.

இதனால், வெங்காய வரத்து குறைந்து, அதன் விலை கிடுகிடுவென உயர்ந்து வருகிறது.

ஒரு வாரத்திற்கு முன்பு, சில்லரை விற்பனையில், கிலோ 25 ரூபாய்க்கு விற்பனை செய்யப்பட்ட வெங்காயம், தற்போது 40 ரூபாயாக அதிகரித்துள்ளது.

இதையடுத்து, வெங்காய ஏற்றுமதியை கட்டுப்படுத்த மத்திய அரசு முடிவு செய்தது.

இது தொடர்பாக வர்த்தகம், வேளாண் உள்ளிட்ட துறைகளை சேர்ந்த உயர் அதிகாரிகள் பேச்சுவார்த்தை நடத்தினர்.

இக்கூட்டத்தில், மீண்டும் வெங்காயத்திற்கு குறைந்தபட்ச ஏற்றுமதி விலையை நிர்ணயிப்பதன் மூலம், உள்நாட்டில் அதன் விலை குறையும் என கருத்து தெரிவிக்கப்பட்டது.

இது குறித்த அறிவிப்பு, நேற்று வெளியாகும் என எதிர்பார்க்கப்பட்டது.

இந்நிலையில், மீண்டும் வெங்காயத்திற்கு குறைந்தபட்ச ஏற்றுமதி விலை நிர்ணயம் செய்வதற்கு, மத்திய வேளாண் அமைச்சகம் எதிர்ப்பு தெரிவித்துள்ளது.

இம்மாத இறுதியில், கரீப் பருவ சாகுபடி வெங்காயம் சந்தைக்கு வரும் என்பதால், வெங்காயம் விலை கட்டுக்குள் வரும் என எதிர்பார்க்கப்படுவதாகவும் மேலும் அது தெரிவித்துள்ளது.

எனவே, வெங்காயத்திற்கு மீண்டும் குறைந்தபட்ச ஏற்றுமதி விலை நிர்ணயிக்கும் திட்டம் எதுவும் மத்திய அரசுக்கு இல்லை.

ஆனால் சந்தையில் அதன் வரத்து மற்றும் விலை நிலவரம் குறித்து கூர்ந்து கனிக்கப்பட்டு வருவதாகவும் மத்திய அரசு தெரிவித்துள்ளது.

சென்ற 2011-12ம் சந்தை பருவத்தில் (ஜூலை-ஜூன்), நாட்டின் வெங்காய உற்பத்தி, 1.51 கோடி டன்னாக இருந்தது.

இது,நடப்பு நிதியாண்டில் 20 சதவீதம் குறையும் என, மதிப்பிடப்பட்டுள்ளது.

கடந்த 2010ம் ஆண்டு, வெங்காய விலை ஏற்றம் காரணமாக, அதன் ஏற்றுமதிக்கு தடை விதிக்கப்பட்டது.

பின்னர் தடை விலக்கிக் கொள்ளப்பட்டு, குறைந்தபட்ச ஏற்றுமதி விலை திட்டம் அமல்படுத்தப்பட்டது.

பின்னர், இத்திட்டமும் ரத்து செய்யப்பட்டு, தாராள வெங்காய ஏற்றுமதிக்கு அனுமதி வழங்கப்பட்டது என்பது குறிப்பிடத்தக்கது.

நன்றி - யாஹூ, பிப்ரவரி 5, 2013

இறக்குமதியாலரின் நேர்மை அறிய ;

noreply@blogger.com (PCKaruppaiah) — Tue, 29 Jan 2013 19:15:00 +0000

நண்பர்களுக்கு வணக்கம் !

ஏற்றுமதிலயார்களுக்கு உதவுவதற்காகவே மட்டுமே இங்கு எத்தனையோ வகையான இணையதளங்கள் இருக்கின்றன.

அவற்றை நாம்தான் பயன்படுத்துவதில்லை. பயன்படுத்துவதில்லை என்று சொல்வதை விட அதைப்பற்றி நமக்கு தெரிந்திருக்கவில்லை என்பதுதுதான் உண்மை.

மேலும் படியுங்கள். அந்த நிலைமை நிச்சயம் இனி உங்களுக்கு வராது.

நாம் அவசியம் தெரிந்து வைத்திருக்க வேண்டிய இணையதளங்களைப் பற்றியும், அவை நமக்கு எந்தெந்த விதத்தில் உதவியாய் இருக்கும் என்பதைப் பற்றியும் "உதவும் தளங்கள்" என்ற தலைப்பினில் வரும் பகுதிகளில்தருகிறேன்.

அந்த வரிசையின் முன்னோட்டமாக இந்த முதல் பதிவு.

இன்றைய உலகில் இணையதளத்தின் பயன்பாட்டைப் பற்றி உங்களுக்கு யாரும் சொல்லி தெரிய வேண்டியதில்லை.

உலகையே உங்கள் கண்முன் கொண்டு வரும் ஒரு சக்தி வாய்ந்த சாதனம் இணையதளம். இது நவீன காலத்தின் மிகப்பெரிய கண்டுபிடிப்பு.

இன்றைக்கு எந்த ஒரு துறையிலும் இணையத்தின் பயன்பாடு மிகமிக அதிகம். அதுவும் ஏற்றுமதி துறையில் இதன் பயன்பாடு மிகமிக அதிகம்.

ஏற்றுமதியாளராக நினைக்கும் நீங்கள் ஒவ்வொருவரும் முடிந்த வரை கணிணி மற்றும் இணையம் பயன்படுத்த கற்றுக்கொள்ளுங்கள்.

உங்களுக்கு தெரியவில்லையா ? பிறரிடம் கேளுங்கள்.

உங்களுக்கு எந்த ஒன்றும் தெரியாமல் இருப்பதில் ஒரு தப்புமில்லை. ஆனால் அவை தெரியாமலேயே இருப்பதுதான் தப்பு. அதை விட பெரிய தப்பு, அதை நீங்கள் தெரிந்துகொள்ள முயற்சிக்காததுதான்.

காரணம், இங்கு எல்லாம் தெரிந்தவர் என்று எவருமில்லை.

சரியாகச் சொல்வதென்றால் கேள்விதான் எந்த ஒரு மனிதனையும் மேன்மையாக்கும்.

அதனால் தெரியாதைக் கேளுங்கள். அதுவும் நன்கு அதைப்பற்றி தெரிந்தவரிடம் கேளுங்கள்.

சரி நண்பர்களே, விஷயத்துக்கு வருவோம்.

ஏற்றுமதி இறக்குமதி உரிமம் எண் பெரும் ஒவ்வொரு ஏற்றுமதியாலருக்கும் பொதுவாக ஏற்படும் ஒரு பிரச்சினை. அவர்களின் பொருளுக்கான சரியான இறக்குமதியாலரை, சரியான நேரத்தில் கண்டுபிடிப்பதுதான்.

இறக்குமதியாலரை கண்டு பிடிப்பதற்கான வழிமுறைகள் பற்றி வரும் பகுதிகளில் விரிவாக தருகிறேன்.

அதற்கு இந்த பதிவையும் சற்று படித்துக் கொள்ளுங்கள்.

இன்றைய உலகில் நமக்கு நன்கு தெரிந்தவர்களே, நம்மை சுற்றியுள்ளவர்களே நம்மை ஏமாற்றும் போது, முன்பின் யாரென்றே தெரியாத இறக்குமதியாளர் நம்மை ஏமாற்ற மாற்றார் என்று என்ன நிச்சயம் ?

இது இன்று மட்டும் என்றில்லை. இன்னும் ஆயிரமாயிரம் வருடங்கள் ஆனாலும் ஏமாறுபவர்கள் இருக்கும் வரை ஏமாற்றுபவர்களும் இருந்து கொண்டுதான் இருப்பார்கள்.

எனவே, நாம்தான் எச்சரிக்கையாக இருக்க வேண்டும்.

சரி,அங்கிங்கு தேடி அலைந்து ஒரு வழியாக எப்படியோ இறக்குமதியாலரை கண்டுபிடித்து விட்டீர்கள் என்று வைத்துக்கொள்வோம்.

அப்படி நீங்கள் தேடிக் கண்டுபிடித்த அந்த இறக்குமதியாளர் நல்லவராக இருக்கும் பட்சத்தில் உங்களுக்கு எந்த பிரச்சினையுமில்லை.

ஆனால் அதே இறக்குமதியாளர் உங்களை ஏமாற்ற நினைப்பவராக இருந்தால் ?

எப்படி நாம் அதை தெரிந்துகொள்வது ?

இதைப்போல ஏமாற்றும் இறக்குமதியாலர்களிடமிருந்து ஏமாறாமல் நம்மைப் பாதுகாத்துக் கொள்ள உதவும் ஒரு இணையதளம்தான் SKYMINDER எனும் இணையதளம்.

ஏற்றுமதியாளர்கள ஒவ்வொருவரும் கட்டாயம் தெரிந்து வைத்திருக்க வேண்டிய முக்கியமான இணையதளங்களில் இதுவும் ஒன்று.

இதன் இணையதள முகவரி : http://www.skyminder.com

இந்த இணையதளம் உலகிலுள்ள ஐம்பது மில்லியன்களுக்கும் மேற்பட்ட நிறுவனங்களின் தகவல்களை திரட்டி வைத்திருக்கிறது.

நீங்கள் எந்த இறக்குமதியாலரைப் பற்றிய தகவகல்களை தெரிந்து கொள்ள விரும்புகிறீர்களோ, அவருடைய முகவரியை மட்டும் இவர்களிடம் கொடுத்தால் போதும் அவரின் ஒட்டுமொத்த விபரங்களையும் கொடுத்து விடுவார்கள்.

அதற்கு நீங்கள் இவர்களின் இணையதளத்தில் உறுப்பினராக வேண்டும்.

உறுப்பினர் ஆகிய பின் முதல் ஒன்றிரண்டு பேரைப் பற்றிய விபரங்களை கட்டணம் ஏதுமின்றி தெரிந்து கொள்ளலாம்.

பிறகெனில் அவர்கள் குறிப்பிட்டிருக்கும் கட்டணம் செலுத்த வேண்டும்.

சரி நண்பர்களே, மீண்டும் அடுத்த பதிவில் சந்திப்போம்.

நன்றியோடு அன்பு நண்பன் - பி.சி.கருப்பையா

ஏற்றுமதி ஒரு அறிமுகம்

noreply@blogger.com (PCKaruppaiah) — Sun, 27 Jan 2013 19:21:00 +0000

நண்பர்களுக்கு வணக்கம் !

நமது ஏற்றுமதி வழிகாட்டி தளம் தங்களை அன்புடன் வரவேற்கிறது.

காலத்தின் மாற்றத்திற்கேற்ப நமது தளத்தின் பதிவுகள் அனைத்தும் எளிய விளக்கங்களுடன் தற்போது மீண்டும் புதிப்பிக்கப் பட்டுள்ளது.

தொடர்ந்து ஆதரவு அளித்து வரும் அனைத்து நண்பர்களுக்கும், சகோதர சகோதரிகளுக்கும் என் இதயம் கனிந்த நன்றி.

இந்த பதிவு புதிய நண்பர்களுக்காக :

ஏற்றுமதி பற்றிய தகவல்களைத் தேடி அலைந்து கொண்டிருப்பவரா நீங்கள் அப்படியானால் இந்த வலைப்பதிவு உங்களுக்காகத்தான்.

ஏற்றுமதி துறையில்நுழைய நினைப்பவர்களுக்கு நல்ல ஒரு நண்பனாய் இந்த தளம் நிச்சயம் இருக்கும். பதிவுகளை படிக்கும்போது அது உங்களுக்கே தெரியும்.

ஏற்றுமதி செய்வது எப்படி ?

இந்த கேள்விக்கு விடை தேடி நிச்சயம் நீங்களும் அலைந்திருப்பீர்கள் என்பது எனக்கு தெரியும்.

நிறைய பேர் நினைத்துக் கொண்டிருக்கிறார்கள். ஏன் நீங்களும் கூட நினைத்திருக்கலாம் ஏற்றுமதி செய்ய பெரிய முதலீடும், நிறைய ஆங்கில அறிவும் தேவைப்படும் என்று.

அப்படி நீங்கள் நினைத்திருப்பிர்களானால் அந்த எண்ணத்தை முதலில் முதலில் அளித்துக் கொள்ளுங்கள்.

அதற்கு தேவைப்படுவது எல்லாம் ஒன்றே ஒன்றுதான்.

தன்னம்பிக்கை! தன்னம்பிக்கை!! தன்னம்பிக்கை!!!.

"முயற்சி உடையோர் இகழ்ச்சி அடையார்" இது முதுமொழி.

ஏற்றுமதி என்றல்ல எந்த துறையாயினும் சரி அதை முழு ஈடுபாட்டோடு, முழு நம்பிக்கையோடு, முழு மனதோடு செய்யுங்கள்.

என்றுமே அதன் எஜமானன் நீங்களாகத்தான் இருப்பீர்கள்.உங்களாலும் முடியும்.

ஏற்றுமதி செய்ய ஆர்வமிருந்தும், ஆசையிருந்தும் வழி தெரியாமல் திசை மாரியோர் எத்தனையோ பேர். அந்த வரிசையில் நீங்களும் சேர்ந்து விடாதீர்கள்.

ஏற்றுமதியின்றி எந்த துறையிலும் உள் நுழையும் முன், முதலில் அதன் நெழிவு சுழிவுகளை கற்றுக் கொள்ளுங்கள்.

உங்களது வெற்றியை யாராலும் தடுக்க முடியாது.

அப்படி ஏற்றுமதி துறையின் நெழிவு சுழிவுகளை கற்றுக் கொடுக்கும் ஒரு தளம்தான் இந்த தளம்.

இந்த தளத்தில் ஏற்றுமதி நிறுவனம் தொடங்குவதிலிருந்து, எப்படி நீங்கள் ஒரு வெற்றிகரமான ஏற்றுமதியாளர் ஆவது என்பது வரை அனைத்து விபரங்களையும் தந்திருக்கிறேன்.

ஏற்றுமதிக்கென ஆங்கிலத்தில் எத்தனையோ வலைப்பதிவுகள் இருந்தாலும், நம் தமிழ் நண்பர்களுக்காக நம் தமிழ் மொழியில் ஒரு தளம் இது.

ஏற்றுமதி : எந்த ஒரு துறைக்கும் இல்லாத அளவுக்கு அரசு பல சலுகைகளை வழங்கும் ஒரே துறை ஏற்றுமதி.

காரணம், அந்நியச் செலவாணி. எந்த ஒரு நாட்டுக்கும் அதன் அந்நியச் செலவாணி கையிருப்பு என்பது மிகமிக முக்கியம்.

அதிலும் நமது இந்தியா போன்ற வளரும் நாடுகளுக்கு அது இன்னும் முக்கியம்.

ஒவ்வொரு நாட்டின் பொருளாதாரத்தையும் நிர்ணயிக்கும் சக்திகளில் மிகவும் சக்தி வாய்ந்த ஒன்று உண்டென்றால் அது இந்த அன்னிய செலவாணியாகத்தான் இருக்கும்.

இது அமெரிக்கா முதல்.ஆப்பிரிக்கா வரைஅத்தனை நாடுகளுக்கும் பொருந்தும்.

அப்படிப்பட்ட அந்த அந்நிய செலவாணியை நமது நாட்டுக்குள் கொண்டு வருவது யாரென்று நினைக்கிறீர்கள் ? வேறு யாருமல்ல நாம்தான். இதை நிச்சயம் நாம் பெருமையோடு சொல்லிக் கொள்ளலாம்.

அதனால்தான் ஒவ்வொரு நாட்டின் அரசாங்கமும் அந்நாட்டின் ஏற்றுமதியாலருக்கு பல சலுகைகளை வழங்குகிறது.

அவை பற்றிய அனைத்து விபங்களையும் தொடர்ந்து தருகிறேன்.

அதற்கு முன், இவை எல்லாவற்றுக்கும் அடிப்படையான IEC Number எனும் Import Export Code Number - எடுத்துக் கொண்டு வாருங்கள்.

அதைப் பெறுவதற்கான அனைத்து வழிமுறைகளையும் கீழிருக்கும் லிங்கில் IE Code பெறுவது எப்படி ? என்ற தலைப்பினில் பத்து பாகங்களாகப் பிரித்துக் கொடுத்துள்ளேன்.

இவைகளை முதலில் படித்துக் கொள்ளுங்கள்.

IE Code பெறுவது எப்படி ?

நன்றியோடு, அன்பு நண்பன் - பி.சி.கருப்பையா

மருந்து ஏற்றுமதி 17% அதிகரிக்கும்

noreply@blogger.com (PCKaruppaiah) — Sat, 26 Jan 2013 04:18:00 +0000

நடப்பு 2012–13–ஆம் நிதி ஆண்டில், இந்தியாவின் மருந்து ஏற்றுமதி 17 சதவீதம் அதிகரித்து 1,550 கோடியாக உயரும் என எதிர்பார்க்கப்படுகிறது. 2011–12–ஆம் நிதி ஆண்டில் இந்த ஏற்றுமதி 1,322 கோடி டாலராக இருந்தது.

கடந்த நிதி ஆண்டில், நாட்டின் ஒட்டுமொத்த ஏற்றுமதி 21 சதவீதம் அதிகரித்து 30,370 கோடி டாலராக உயர்ந்து இருந்தது. மொத்த ஏற்றுமதியில் மருந்து துறையின் பங்கு 4.4 சதவீதமாக உள்ளது.

வரும் 2013–14–ஆம் நடப்பு நிதி ஆண்டில் 2,500 கோடி டாலர் மதிப்பிற்கு மருந்து ஏற்றுமதி செய்ய இலக்கு நிர்ணயம் செய்யப்பட்டுள்ளது.

இந்தியாவின் மருந்து ஏற்றுமதியில் அமெரிக்கா மற்றும் ஐரோப்பிய நாடுகளின் பங்கு 55 சதவீதமாக உள்ளது. இந்நாடுகளின் பொருளாதாரம் தற்போது மிகவும் மந்தமாக உள்ளது.

எனவே, ஏற்றுமதி இலக்கை எட்டுவது கடினம் என வர்த்தக நிபுணர்கள் கருத்து தெரிவித்துள்ளனர்.

உலக மருந்து உற்பத்தியில் அளவின் அடிப்படையில் நம் நாடு மூன்றாவது இடத்திலும், மதிப்பின் அடிப்படையில் 13–வது இடத்திலும் உள்ளது.

கடந்த ஐந்து ஆண்டுகளில் இந்திய மருந்து துறையின் வர்த்தகம் ஆண்டுக்கு சராசரியாக 15 சதவீதம் அதிகரித்துள்ளது என்பது குறிப்பிடத்தக்கது.

நன்றி - தினத்தந்தி ஜனவரி 26, 2013

நாணயக் குறியீடு ( CURRENCY CODE )

noreply@blogger.com (PCKaruppaiah) — Thu, 24 Jan 2013 23:14:00 +0000

நண்பர்களுக்கு வணக்கம் !

தொடர்ந்து நமது தளத்திற்கு வருகை தரும் அனைத்து நண்பர்களுக்கும் அன்பு கலந்த நன்றி !

இந்த பதிவில் நாணயக் குறியீடு என்றால் என்பது பற்றியும், அதை நாம் ஏன் தெரிந்து கொள்ள வேண்டும் என்பதைப் பற்றியும் பார்ப்போம்.

உலகிலுள்ள ஒவ்வொரு நாட்டுக்கும் எப்படி தனித் தனி கொடி இருக்கிறதோ, தனித்தனி மொழி இருக்கிறதோ, அதைப்போலவே, ஒவ்வொரு நாட்டின் பணத்திற்கும் தனித்தனியான நாணயக் குறியீடு இருக்கிறது.

இதை ஆங்கிலத்தில் கரன்சி கோடு (Currency Code) என்று சொல்வார்கள்.

இருந்து விட்டுப் போகட்டும், அதைப்பற்றி தெரிந்து கொண்டு நான் என்ன செய்யப் போகிறேன் என்கிறீர்களா ? காரணம் இருக்கிறது சொல்கிறேன்.

INR - இது என்னவென்று உங்களுக்கு தெரியுமா ?

இதுதான் நமது இந்திய ரூபாயின் நாணயக் குறியீடு (Currency code). இது எத்தனை பேருக்கு தெரியும் என்பது எனக்குத் தெரியவில்லை. ஆனால், நீங்கள் இதைப்பற்றி தெரிந்து கொள்ளுங்கள்.

காரணம், நீங்கள் செய்யப்போவது ஏற்றுமதி தொழில். நீங்கள் அனுப்பப் போகும் பொருட்கள் எந்த நாட்டுக்காக வேண்டுமானாலும் இருக்கலாம். அப்போது இது உங்களுக்கு நிச்சயம் உதவியாய் இருக்கும்.

எப்போது என்கிறீர்களா? நீங்கள் ஏற்றுமதி செய்யப்போகும் பொருட்களுக்கு விலை நிர்ணயம் செய்யும் பொது இது நிச்சயம் உதவும்.

அதற்கு முன் இவைகளைப் பற்றியும் கொஞ்சம் தெரிந்து வைத்துக் கொள்ளுங்கள். இதில் உலகிலுள்ள 245 நாடுகளின் பெயர்களும் அவற்றிக்கான நாணயக் குறியீடையும் (Currency code) தந்திருக்கிறேன். தெரிந்து கொள்ளுங்கள்.

நமது ஏற்றுமதி வழிகாட்டி தளத்தினில் இனி வரவிருக்கும் பகுதிகளில் ஒரு சில :

ஏற்றுமதி செய்யும் பொருட்களுக்கு விலை நிர்ணயம் செய்வது எப்படி ?

இறக்குமதியாலருக்கு விலை சொல்வது எப்படி?

அவற்றில் என்னென்ன வகைகள் இருக்கிறது?

S.NO CODE COUNTRY CODE

AED UNITED ARAB EMIRATES
AFN AFGHANISTAN
ALL ALBANIA
AMD ARMENIA
ANG NETHERLANDS ANTILLES
AOA ANGOLA
ARS ARGENTINA
AUD AUSTRALIA
AUD CHRISTMAS ISLAND
AUD COCOS (KEELING) ISLANDS
AUD HEARD ISLAND AND McDONALD ISLANDS
AUD KIRIBATI
AUD NAURU
AUD NORFOLK ISLAND
AUD TUVALU
AWG ARUBA
AZN AZERBAIJAN
BAM BOSNIA & HERZEGOVINA
BBD BARBADOS
BDT BANGLADESH
BGN BULGARIA
BHD BAHRAIN
BIF BURUNDI
BMD BERMUDA
BND BRUNEI DARUSSALAM
BOB BOLIVIA
BRL BRAZIL
BSD BAHAMAS
BTN BHUTAN
BWP BOTSWANA
BYR BELARUS
BZD BELIZE
CAD CANADA
CDF CONGO, THE DEMOCRATIC REPUBLIC OF
CHE SWITZERLAND
CHF SWITZERLAND
CHF LIECHTENSTEIN
CHW SWITZERLAND
CLP CHILE
CNY CHINA
COP COLOMBIA
CRC COSTA RICA
CSD SERBIA AND MONTENEGRO
CUP CUBA
CVE CAPE VERDE
CYP CYPRUS
CZK CZECH REPUBLIC
DJF DJIBOUTI
DKK FAROE ISLANDS
DKK DENMARK
DKK GREENLAND
DOP DOMINICAN REPUBLIC
DZD ALGERIA
EEK ESTONIA
EGP EGYPT
ERN ERITREA
ETB ETHIOPIA
EUR ANDORRA
EUR AUSTRIA
EUR BELGIUM
EUR GERMANY
EUR GUADELOUPE
EUR GREECE
EUR FINLAND
EUR FRANCE
EUR FRENCH GUIANA
EUR FRENCH SOUTHERN TERRITORIES
EUR HOLY SEE (VATICAN CITY STATE)
EUR IRELAND
EUR ITALY
EUR LUXEMBOURG
EUR MARTINIQUE
EUR MAYOTTE
EUR SERBIA AND MONTENEGRO
EUR SPAIN
EUR RÉUNION
EUR PORTUGAL
EUR SAINT PIERRE AND MIQUELON
EUR SAN MARINO
EUR NETHERLANDS
EUR MONACO
FJD FIJI
FKP FALKLAND ISLANDS (MALVINAS)
GBP UNITED KINGDOM
GEL GEORGIA
GHC GHANA
GIP GIBRALTAR
GMD GAMBIA
GNF GUINEA
GTQ GUATEMALA
GWP GUINEA-BISSAU
GYD GUYANA
HKD HONG KONG
HNL HONDURAS
HRK CROATIA
HTG HAITI
HUF HUNGARY
IDR INDONESIA
ILS ISRAEL
INR INDIA
IQD IRAQ
IRR IRAN (ISLAMIC REPUBLIC OF)
ISK ICELAND
JMD JAMAICA
JOD JORDAN
JPY JAPAN
KES KENYA
KGS KYRGYZSTAN
KHR CAMBODIA
KMF COMOROS
KPW KOREA, DEMOCRATIC PEOPLE'S REPUBLIC OF
KRW KOREA, REPUBLIC OF
KWD KUWAIT
KYD CAYMAN ISLANDS
KZT KAZAKHSTAN
LAK LAO PEOPLE'S DEMOCRATIC REPUBLIC
LBP LEBANON
LKR SRI LANKA
LRD LIBERIA
LSL LESOTHO
LTL LITHUANIA
LVL LATVIA
LYD LIBYAN ARAB JAMAHIRIYA
MAD MOROCCO
MAD WESTERN SAHARA
MDL MOLDOVA, REPUBLIC OF
MGA MADAGASCAR
MKD MACEDONIA, THE FORMER YUGOSLAV REPUBLIC OF
MMK MYANMAR
MNT MONGOLIA
MOP MACAO
MRO MAURITANIA
MTL MALTA
MUR MAURITIUS
MVR MALDIVES
MWK MALAWI
MXN MEXICO
MXV MEXICO
MYR MALAYSIA
MZN MOZAMBIQUE
NAD NAMIBIA
NGN NIGERIA
NIO NICARAGUA
NOK NORWAY
NOK SVALBARD AND JAN MAYEN
NOK BOUVET ISLAND
NPR NEPAL
NZD NEW ZEALAND
NZD NIUE
NZD PITCAIRN
NZD TOKELAU
NZD COOK ISLANDS
OMR OMAN
PAB PANAMA
PEN PERU
PGK PAPUA NEW GUINEA
PHP PHILIPPINES
PKR PAKISTANPLN POLAND
PYG PARAGUAY
QAR QATAR
ROL ROMANIA
RON ROMANIA
RUB RUSSIAN FEDERATION
RWF RWANDA
SAR SAUDI ARABIA
SBD SOLOMON ISLANDS
SCR SEYCHELLES
SDD SUDAN
SEK SWEDEN
SGD SINGAPORE
SHP SAINT HELENA
SIT SLOVENIA
SKK SLOVAKIA
SLL SIERRA LEONE
SOS SOMALIA
SRD SURINAME
STD SÃO TOME AND PRINCIPE
SVC EL SALVADOR
SYP SYRIAN ARAB REPUBLIC
SZL SWAZILAND
THB THAILAND
TJS TAJIKISTAN
TMM TURKMENISTAN
TND TUNISIA
TOP TONGA
TRY TURKEY
TTD TRINIDAD AND TOBAGO
TWD TAIWAN, PROVINCE OF CHINA
TZS TANZANIA, UNITED REPUBLIC OF
UAH UKRAINE
UGX UGANDA
USD UNITED STATES
USD UNITED STATES MINOR OUTLYING ISLANDS
USD VIRGIN ISLANDS (BRITISH)
USD VIRGIN ISLANDS (US)
USD TIMOR-LESTE
USD TURKS AND CAICOS ISLANDS
USD PUERTO RICO
USD PANAMA
USD PALAU
USD NORTHERN MARIANA ISLANDS
USD UNITED STATES AMERICA
USD ECUADOR
USD BRITISH INDIAN OCEAN TERRITORY
USD AMERICAN SAMOA
USD MICRONESIA (FEDERATED STATES OF)
USD MARSHALL ISLANDS
USD HAITI
USD GUAM
USN UNITED STATES
USS UNITED STATES
UYU URUGUAY
UZS UZBEKISTAN
VEB VENEZUELA
VND VIET NAM
VUV VANUATU
WST SAMOA
XAF GABON
XAF EQUATORIAL GUINEA
XAF CENTRAL AFRICAN REPUBLIC
XAF CHAD
XAF CONGO
XCD DOMINICA
XCD ANGUILLA
XCD ANTIGUA AND BARBUDA
XCD GRENADA
XCD SAINT VINCENT AND THE GRENADINES
XCD SAINT KITTS AND NEVIS
XCD SAINT LUCIA
XCD MONTSERRAT
XDR INTERNATIONAL MONETARY FUND (I.M.F)
XOF MALI
XOF CÔTE D'IVOIRE
XOF NIGER
XOF SENEGAL
XOF TOGO
XPF WALLIS AND FUTUNA
XPF NEW CALEDONIA
XPF FRENCH POLYNESIA
YER YEMEN
ZAR NAMIBIA
ZAR SOUTH AFRICA
ZAR LESOTHO
ZMK ZAMBIA
ZWD ZIMBABWE

உதவிக்கு தொடர்பு கொள்ளவும்.

நன்றியோடு அன்பு நண்பன் - பி.சி.கருப்பையா

கைவினைப் பொருட்கள் ஏற்றுமதி

noreply@blogger.com (PCKaruppaiah) — Wed, 23 Jan 2013 04:12:00 +0000

நாட்டின் கைவினைப் பொருட்கள் ஏற்றுமதி கடந்த நவம்பர் மாதத்தில் 42% உயர்ந்து ரூ.572 கோடியாக இருந்தது. கடந்த ஆண்டில் இதே காலகட்டத்தில் ஏற்றுமதி ரூ.403 கோடியாக இருந்தது.

அமெரிக்கா, சீனா ஆகிய நாடுகள் அதிகமாக கைவினைப் பொருட்களை வாங்கத் தொடங்கியுள்ளதால் ஏற்றுமதி அதிகரித்துள்ளது.மொத்த கைவினைப் பொருட்கள் ஏற்றுமதியில் அமெரிக்கா மற்றும் ஐரோப்பிய நாடுகளுக்கு மட்டுமே 60 சதவீதம் செல்கின்றன.

கடந்த நவம்பர் மாதத்தில் போர்வைகள், ஓவியங்கள் ஆகியவற்றின் ஏற்றுமதி 124 சதவீதமும், மரச் சிற்பங்கள் ஏற்றுமதி 91 சதவீதமும், அலங்கார நகைகள் ஏற்றுமதி 85 சதவீதமும் அதிகரித்துள்ளது.

கடந்த ஆண்டில் ரூ.14,850 கோடியாக இருந்த ஏற்றுமதி, இந்த ஆண்டு ரூ.17,280 கோடியாக உயரும் என எதிர்பார்க்கப்படுகிறது என, கைவினைப் பொருட்கள் ஏற்றுமதி மேம்பாட்டு கழகம் வெளியிட்ட செய்திக்குறிப்பு ஒன்றில் தெரிவிக்கப்பட்டுள்ளது.

நன்றி ௦- www.hepcindia.com/

சர்க்கரை ஏற்றுமதி விரைவில் தொடங்கும்

noreply@blogger.com (PCKaruppaiah) — Wed, 23 Jan 2013 03:53:00 +0000

நடப்பு 2012–13 சந்தைப்படுத்துதல் பருவத்திற்கான (அக்டோபர்–செப்டம்பர்) சர்க்கரை ஏற்றுமதிக்கு விரைவில் மத்திய அரசு அனுமதி அளிக்கும் என்று எதிர்பார்க்கப்படுகிறது.

இதனையடுத்து ஏற்றுமதி விறுவிறுப்படையும் என சந்தை வட்டாரங்கள் தெரிவித்தன. கடந்த 2011–12 பருவத்தில் சர்க்கரை ஏற்றுமதி 34 லட்சம் டன்னாக இருந்தது.

உற்பத்தி அதிகரிப்பு :

நம் நாட்டில் தொடர்ந்து மூன்றாவது ஆண்டாக சர்க்கரை உற்பத்தி அமோகமாக இருக்கும் என்று மதிப்பிடப்பட்டுள்ளது. மத்திய அரசு நடப்பு பருவத்தில் 2.40 கோடி டன் சர்க்கரை உற்பத்தியாகும் என கணித்துள்ளது.

எனினும் பெரிய ஆலைகள் சர்க்கரை உற்பத்தி 2.45 கோடி டன்னை எட்ட வாய்ப்புள்ளது என தெரிவித்துள்ளன.

இது, கடந்த பருவ உற்பத்தியான 2.62 கோடி டன்னை காட்டிலும் குறைவுதான் என்றாலும் ஏற்றுமதிக்கான வாய்ப்புகள் நன்றாகவே உள்ளன.

இந்த ஆண்டில் குறைந்தபட்சம் 15 லட்சம் டன் சர்க்கரை ஏற்றுமதி செய்ய வாய்ப்புள்ளது என மத்திய உணவு துறை அமைச்சகத்தின் செய்தி ஒன்றில் தெரிவிக்கப்பட்டுள்ளது.

எனினும் சர்வதேச சந்தையில் விலை நிலவரங்கள் திருப்திகரமாக இல்லை. சப்ளை அதிகரித்து வருவதே இதற்கு காரணமாகும். நடப்பு பருவத்தில் 50 முதல் 70 லட்சம் டன் வரை சர்க்கரை சப்ளை கூடுதலாக இருக்கும் என தெரிகிறது.

இது, 2013–14 பருவத்தில் மேலும் 70 லட்சம் டன் அதிகரிக்கும் என்றும் முன்னறிவிப்பு செய்துள்ளனர். இதனால் கடந்த நான்கு மாதங்களில் சர்க்கரை விலை டன்னுக்கு ரூ.35,750 என்ற அளவிலிருந்து ரூ.28,215–ஆக சரிவடைந்துள்ளது.

ஏற்றுமதியாளர்கள் அதிருப்தி :

எனவே ஏற்றுமதியாளர்கள் அதிருப்தி அடைந்துள்ளனர். நடப்பு ஆண்டு முழுவதுமாக சர்வதேச சந்தையில் விலை ஏற வாய்ப்பில்லை என்ற மதிப்பீடும் வெளியாகி உள்ளது.

இது, இத்துறையினரை உற்சாகமிழக்க செய்துள்ளது. டன்னுக்கு ரூ.35,750–க்கு மேல் விலை கிடைத்தால் ஒழிய, மத்திய அரசு அனுமதித்தாலும் சர்க்கரை ஏற்றுமதி ஆதாயமற்ற ஒன்றாகவே இருக்கும் என இந்திய சர்க்கரை ஆலைகள் சங்கம் தெரிவித்துள்ளது.

நன்றி ௦- தினத்தந்தி ஜனவரி 21,2013

கோதுமை ஏற்றுமதி அதிகரிப்பு

noreply@blogger.com (PCKaruppaiah) — Wed, 23 Jan 2013 03:29:00 +0000

நடப்பு 2012-13ம் நிதியாண்டில், நாட்டின் ஒட்டு மொத்த கோதுமை ஏற்றுமதி, 95 லட்சம் டன்னை எட்டும் என, எதிர்பார்க்கப்படுகிறது.

உலகளவில், அதிகளவில் கோதுமை உற்பத்தியாகும் நாடுகளில், இவ்வாண்டு, உற்பத்தி குறையும் என, மதிப்பிடப்பட்டுள்ளது.

கையிருப்பு : இந்நிலையில், இந்தியாவில், கோதுமை உற்பத்தி, 10 கோடி டன்னை தாண்டும் என, எதிர்பார்க்கப்படுகிறது. கையிருப்பும், அதிகளவில் உள்ளது. கூடுதலாக, 50 லட்சம் டன் கோதுமை ஏற்றுமதி செய்ய வாய்ப்புள்ளதாக தெரியவந்து உள்ளது.சர்வதேச சந்தையில், இந்திய கோதுமைக்கு அதிக வரவேற்பு காணப்படுகிறது.

இந்நிலையில், உற்பத்தி அதிகரிக்கும் என்ற மதிப்பீடு மற்றும் கையிருப்பை குறைக்கும் வகையில், இதன் ஏற்றுமதியை அதிகரிக்க திட்டமிடப்பட்டுள்ளது.

நாட்டின் பல முக்கிய மாநிலங்களில், கோதுமை சாகுபடி பரப்பளவும், உற்பத்தியும் அதிகரிக்கும் என, மதிப்பிடப்பட்டுள்ளது.

தனியார் துறை : அவ்வாறு, கோதுமை உற்பத்தி உயரும் நிலையில், அதிகளவில் கையிருப்பில் உள்ள கோதுமையை ஏற்றுமதி செய்யும் வகையில், நடவடிக்கை மேற்கொள்ளப்படும் என, எதிர்பார்க்கப்படுகிறது.

தற்போதைய நிலையில், இந்திய உணவு கழகத்தின் கையிருப்பில் உள்ள கோதுமையை, அரசின் முகமை அமைப்புகளான, எம்.எம்.டி.சி., எஸ்.டி.சி., மற்றும் பி.இ.சி., ஆகியவையே விற்பனை செய்து வருகின்றன.

மத்திய அரசு, தனியார் துறை வாயிலாகவும், கோதுமை விற்பனை மற்றும் ஏற்றுமதியை மேற்கொள்ள திட்டமிட்டுள்ளதாகவும் கூறப்படுகிறது.

கடந்த பருவத்தில், நாட்டின் கோதுமை உற்பத்தி, சாதனை அளவாக, 9.30 கோடி டன்னை எட்டியது. கோதுமை அதிகளவில் விளையும் மாநிலங்களில், பருவநிலை நன்கு உள்ளதால், இவ்வாண்டு கோதுமை உற்பத்தி, 10 கோடி டன்னை தாண்டும் என, மதிப்பிடப்பட்டுள்ளது.

உலகளவில், அதிகளவில் கோதுமை உற்பத்தியாகும், ஆஸ்திரேலியா மற்றும் ரஷ்யா ஆகிய நாடுகளில், இதன் உற்பத்தி குறையும் என, மதிப்பிடப்பட்டுள்ளது.

அதேசமயம், வங்கதேசம், தென்கொரியா, மத்திய கிழக்கு மற்றும் ஆப்ரிக்க நாடுகளில், இந்திய கோதுமைக்கு தேவை அதிகரித்துள்ளது.மத்திய அரசு, 23 லட்சம் டன் கோதுமை ஏற்றுமதி செய்யும் வகையில், ஏல புள்ளிகளை நிறைவு செய்துள்ளது.

இவ்வாண்டு, 45 லட்சம் டன் கோதுமை ஏற்றுமதி செய்ய முதலில் இலக்கு நிர்ணயிக்கப்பட்டிருந்தது. இதில், 15 லட்சம் டன் கோதுமை, ஏற்கனவே ஏற்றுமதி செய்யப்பட்டுள்ளது.

இலக்கு : மத்திய அரசு, இவ்வாண்டு ஒட்டு மொத்த அளவில், 95 லட்சம் டன் கோதுமை ஏற்றுமதி செய்ய திட்டமிட்டுள்ளதாகவும், இந்த இலக்கை எட்டுவதற்கு, பொதுத் துறை அமைப்புகள் வாயிலாக மட்டுமின்றி, தனியார் துறை நிறுவனங்கள் மூலமும் ஏற்றுமதி செய்ய திட்டமிட்டுள்ளதாக கூறப்படுகிறது.

வரும் ஏப்ரல்-மே மாதங்களில், கோதுமை ஏற்றுமதி செய்வதற்காக, ஒரு டன் 300-330 டாலர் என்ற அளவில் ஒப்பந்தம் மேற்கொள்ளப்பட்டுள்ளது.

அமெரிக்கா : சர்வதேச சந்தையில், இந்திய கோதுமைக்கு தேவைப்பாடு அதிகரித்துள்ளதை, சாதகமாக பயன்படுத்தி, இதை அதிகளவில் ஏற்றுமதி செய்ய அரசு விரும்புகிறது.

அமெரிக்காவின் ஒரு சில மாகாணங்களில், வறட்சி நிலவுவதால், அந்நாட்டில், இவ்வாண்டு ஒட்டு மொத்த அளவில் கோதுமை உற்பத்தி குறையும் என்ற மதிப்பீடும் உள்ளது.

இதர ஆசிய சந்தைகளில் ஒரு டன் இந்திய கோதுமையின் விலை, 340 டாலர் என்ற அளவில் உள்ள நிலையில், ஆஸ்திரேலிய நாட்டின் ஒரு டன் கோதுமை, 350-355 டாலர் என்ற அளவில் உள்ளது.

இந்நிலையில், ஆஸ்திரேலியாவில், இதன் உற்பத்தி குறையும் நிலையில், அது, இந்தியாவின் கோதுமை ஏற்றுமதிக்கு மேலும் வழி வகை செய்யும் என, சந்தை ஆய்வாளர்கள் கருத்து தெரிவித்தனர்.

நன்றி ௦- தினமலர் ஜனவரி 22,2013

ஆபரணங்கள் ஏற்றுமதி ரூ.1.50 லட்சம் கோடியாக சரிவு

noreply@blogger.com (PCKaruppaiah) — Tue, 22 Jan 2013 03:28:00 +0000

நடப்பு நிதியாண்டின், ஏப்ரல் முதல் டிசம்பர் வரையிலான, ஒன்பது மாத காலத்தில், நாட்டின், நவரத்தினங்கள் மற்றும் ஆபரணங்கள் ஏற்றுமதி, 1.50 லட்சம் கோடி ரூபாயாக குறைந் துள்ளது.

இது, கடந்த நிதியாண்டின், இதே காலத்தில், மேற்கொள்ளப்பட்ட ஏற்றுமதியை (1.51 லட்சம் கோடி ரூபாய்) விட, 0.25 சதவீதம் குறைவாகும் என, நவரத்தினங்கள் மற்றும் ஆபரணங்கள் ஏற்றுமதி மேம்பாட்டு கூட்டமைப்பு தெரிவித்து உள்ளது.

அமெரிக்கா : இந்திய நவரத்தினங்கள் மற்றும் ஆபரணங்களுக்கு, அமெரிக்கா, ஐரோப்பிய கூட்டமைப்பு நாடுகள், ஐக்கிய அரபு நாடுகள், ஹாங்காங் உள்ளிட்டவை முக்கிய சந்தை களாகத் திகழ்கின்றன.

சர்வதேச பொருளாதார மந்த நிலையால், மேற்கண்ட நாடுகள் கடுமையாக பாதிக்கப் பட்டுள்ளன. இதனால், இந்நாடுகளில், இந்திய ஆபரணங்களுக்கான தேவைப்பாடு குறைந்துள்ளது.

நடப்பு நிதியாண்டின், முதல் ஒன்பது மாத காலத்தில், மருந்து பொருட்கள் தவிர்த்து, ஜவுளி, பொறியியல் சாதனங்கள், பெட்ரோலியப் பொருட்கள், நவரத்தினங்கள் மற்றும் ஆபரணங்கள் போன்றவற்றின் ஏற்றுமதி குறைந்துள்ளது.

கணக்கீட்டு காலத்தில், நறுக்கப்பட்ட மற்றும் பட்டை தீட்டப்பட்ட வைரங்கள் ஏற்றுமதி, 25.09 சதவீதம் குறைந்து, 83,830 கோடியிலிருந்து, 62,619 கோடி ரூபாயாக சரிவடைந்துள்ளது.

அதே சமயம், தங்க ஆபரணங்கள் ஏற்றுமதி, 79.72 சதவீதம் வளர்ச்சிகண்டு, 32,262 கோடி யிலிருந்து, 56,672 கோடி ரூபாயாக அதிகரித்துள்ளது.

நவரத்தினங்கள் : தங்க பதக்கங்கள் மற்றும் நாணயங்கள் ஏற்றுமதி, 15.59 சதவீதம் குறைந்து, 25,075 கோடியிலிருந்து, 21,166 கோடி ரூபாயாக குறைந்துள்ளது.

நவரத்தினங்கள் ஏற்றுமதி, 16.8 சதவீதம் வளர்ச்சியடைந்து, 1,064 கோடியிலிருந்து, 1,234 கோடி ரூபாயாக அதிகரித்துள்ளது.

வெள்ளி : வெள்ளி ஆபரணங்கள் ஏற்றுமதி, 24.68 சதவீதம் அதிகரித்து, 2,544 கோடியிலிருந்து, 3,160 கோடி ரூபாயாக உயர்ந்துள்ளது.

முத்துக்கள் ஏற்றுமதி, 9 லட்சத்திலிருந்து, 20 லட்சம் ரூபாயாகவும், செயற்கை கற்கள் ஏற்றுமதி, 85 கோடியிலிருந்து, 110 கோடி ரூபாயாகவும் உயர்ந்துள்ளன.

வைரம் : கச்சா வைரங்கள் ஏற்றுமதி, 6.61 சதவீதம் குறைந்து, 6,045 கோடியிலிருந்து, 5,645 கோடி ரூபாயாக சரிவடைந்துள்ளது.சென்ற டிசம்பர் மாதத்தில், நவரத்தினங்கள் மற்றும் ஆபர ணங்கள் ஏற்றுமதி, 11,984 கோடி ரூபாயாக குறைந்துள்ளது.

இது, கடந்த நிதியாண்டின், இதே மாதத்தில், மேற்கொள்ளப்பட்ட ஏற்றுமதியை (15,938 கோடி ரூபாய்) விட, 24.81 சதவீதம் குறைவாகும்.

மதிப்பீட்டு மாதத்தில், நறுக்கப்பட்ட மற்றும் பட்டை தீட்டப்பட்ட வைரங்கள் ஏற்றுமதி, 34.36 சதவீதம் குறைந்து, 7,909 கோடியிலிருந்து, 5,191 கோடி ரூபாயாக சரிவடைந்துள்ளது.

தங்க ஆபரணங்கள் ஏற்றுமதி, 10.92 சதவீதம் குறைந்து, 3,930 கோடியிலிருந்து, 3,501 கோடி ரூபாயாக குறைந்துள்ளது. தங்க பதக்கங்கள் மற்றும் நாணயங்கள் ஏற்றுமதி, 19.38 சதவீதம் குறைந்து, 2,790 கோடியிலிருந்து, 2,249 கோடி ரூபாயாக குறைந்துள்ளது.

நவரத்தினங்கள் ஏற்றுமதி, 20.96 சதவீதம் வளர்ச்சியடைந்து, 146 கோடியிலிருந்து, 176 கோடி ரூபாயாக அதிகரித்துள்ளது.

முத்துக்கள் : வெள்ளி ஆபரணங்கள் ஏற்றுமதி, 3.33 சதவீதம் குறைந்து, 417 கோடியிலிருந்து, 403 கோடி ரூபாயாக குறைந்துள்ளது. முத்துக்கள் ஏற்றுமதி, 15 லட்சத்திலிருந்து, 44 லட்சம் ரூபாயாக அதிகரித்துள்ளது.

செயற்கை கற்கள் ஏற்றுமதி, 8.53 கோடியிலிருந்து, 2.30 கோடி ரூபாயாக குறைந்துள்ளது. கச்சா வைரங்கள் ஏற்றுமதி, 36.29 சதவீதம் வீழ்ச்சிகண்டு, 680 கோடியிலிருந்து, 433 கோடி ரூபாயாக குறைந்துள்ளது.

நன்றி - Gem & Jewellery Export Promotion Council வெள்ளி18 ஜனவரி, 2013

மேலும் விபரங்களுக்கு : www.gjepc.org/