ازاى

ازاى اعمل ايميل على الاسكاى بي ؟

noreply@blogger.com (Anonymous) — Thu, 02 May 2013 00:28:00 +0000

ازاى اعمل ايميل على الاسكاى بي ؟

ازاى اعمل حساب على السكايب

كتير ناس بتسأل ازاي تعمل ايميل على الاسكاى بي و ان شاء الله انا هجاوب على الموضوع ده واشرح ليكم بطريقة مبسطة جدا ازاى ممكن تعمل ايميل على الاسكاى بي.

مبدئيا هو مش اسمه اسكاى بي هو اسمه سكايب كمان مفييش حاجة اسمها ايميل على السكايب لان السكايب لا يقدم خدمة الايميل لكن انت علشان تشترك فيه لازم يكون عندك ايميل اذن الصح تقول عايز اعمل حساب على السكايب او اعمل اكاونت على السكايب.

وبرنامج سكايب هو من اروع البرامج اللى ممكن تعمل بيها مكالمات صوتية و مكالما فيديو نتيجة لنقاء صوت المكالمة اللى بيكون في احيان كتيرة جدا انقى من صوت التليفون والموبيل نفسه وحاليا اشتراه الهوتميل.

ازاى اعمل حساب او اكاونت على على السكايب:

اولا: لازم يكون عندك ايميل على هوتميل او ياهو او جيميل او اي ايميل اخر المهم يكون عندك ايميل.

ثانيا: بتدخل على موقع الاسكايب لتسجيل حساب او اكاونت من هنا

ثالثا: هتملا بياناتك والبيانات الضرورية هي فقط الاسم الاول و الاسم الاخير و الايميل و اللغة و اسم الاكاونت او الحساب و اخيرا الباسورد اما باقي البيانات غير ضرورية.

رابعا: هتدخل كود التحقق بالاسفل كما بالصورة وبعدين بتدوس موافقة او i agree

خامسا: هتنتقل الى صفحة البروفايل بتاعتك وفيها لينك او رابط لتحميل برنامج السكايب على جهازك.

سادسا: حمل السكايب على جهازك وبعدين سطبه واستمتع باحلى وانقى برنامج ممكن تعمل بيه مكالمات صوت و فيديو.

ان شاء الله قريبا هيكون في دروس لشرح اسخدام السكايب بطريقة سهلة .. انتظرونا

ازاى اعرف اني حامل ؟

noreply@blogger.com (Anonymous) — Wed, 01 May 2013 23:43:00 +0000

ازاى اعرف اني حامل ؟

كتير من البنات دايما يسألو ازاى اعرف اني حامل من غير ما اعمل تحليل و ازاى اعرف ان انا حامل من المنزل من غير ما اروح للدكتور و ازاى اعرف اني حامل قبل ميعاد الدورة الشهرية او البيريود. الموضوع ده هيغطي اغلب الاسئلة اللى بتسألها البنات وطرق معرفة الحمل المشهورة وكمان اعراض الحمل المبكر اللي قبل الدورة الشهرية.

طبعا الموضوع ده مش بيغنيكي عن انك تروحي لدكتور او تعملي تحليل لتتأكدي اكتر قبل ما تاخدي اي قرار.

اعراض الحمل المبكر قبل الدورة الشهرية:

بيكون في الم بسيط جدا الصبح او لما تدخلي الحمام للتبول اول تبول في اليوم.
الم في اخر الضهر من تحت لما تقعدي او تقومي من على الكرسي او السرير.
الم في اسفل البطن من تحت اللى بيشبه الم الدورة الشهرية اللى بيجي قبل الدورة خصوصا في اخر الليل او الصبح بدري.
بتلاحظي وجود زيادة في العرق اكتر من الطبيعي وخصوصا في وجهك على الجبين لان هرومن الحمل بينشط الغدد العرقية
بتحسي ان جسمك تقيل وتحسي بسخونة.
تحسي بشك او وخز في حلمات صدرك وكمان بتحسي بتقل في الصدر.
تحسي بدوخة وضيق في التنفس وفي بعض الاحيان بتشعري بغثيان خفيف.
تحسي بالاكتئاب وممكن تلاقي نفسك تعيطي او تبكي بدون اي سبب وتحسي دايما بملل وضيق.
بعض البنات بتحس بصداع من اول الحمل لان هرمون الحمل بيكون مرتفع في الدم.
ممكن بعض البنات تحس بـ أرق كتير وعدم قدرة على النوم وفي بنات بتنام نوم مبالغ فيه جدا واكتر من الطبيعي.
كمان فقدان شهية للاكل وممكن مش تتقبلي اللبن او البيض.
ممكن بعض البنات تحس بضيق وغثيان من بعض الروايح زي مثلا البرفان والعطور او ريحة الصابون.
ضعف الرغبة الواضح في الجماع.
تشعر البنت بضعف عام وهبوط وهزلان وكمان ضربات سريعة بالقلب.
بتلاقي شعيرات بسيطة في البول وبتكون شبه خيوط القطن الرفيعة وبيكون لونها ابيض.
البول يكون لونه اصفر مركز ولزج شوية وبيكون ليه ريحة.
تشعر البنت بعدم راحة في المعدة وكمان انتفاخ في البطن وفي بعض الاحيان بيكون في غازات.
الجلد بيكون لونه مسمر شوية.
البنت تلاحظ تغير ملحوظ في شكلها يعني ممكن تكون احلى شوية او اوحش شوية.

ازاى اعرف اني حامل بالكلور:
لازم تعرفي ان الطريقة دي نتيجتها مش مضمونة وفي ناس جربتها وقالت انها صدقت معاهم وفي ناس تانية جربتها وقالت انها خلفت معاهم وانها طريقة مش صحيحة لكن في بنات كتير بتسأل عليها علشان كده انا هقول ليكم الطريقة حسب رواية الناس اللى جربتها وظبطت معاها.
الطريقة: تجيبي كوباية وتحطي في نصها بول والنص التاني كلور او كلوركس لو حصل فوران ورغاوي كتيرة بيضا كأن بيحصل تفاعل زي اللى بيحصل في المعامل بيكون في حمل ان شاء الله حسب كلام اللى جربو الطريقة وللتوضيح اكتر اذا كانت الرغاوي والفوران اقوي من فوران وفقاقيع السفن اب يكون حمل ان شاء الله.

ازاى اعرف اني حامل بالملح:
برضو الطريقة نتيجتها غير مضمونة ويجب ان لا تعتمدي عليها لان في ناس بتقول ان النتيجة كانت صح وناس قالت ان النتيجة كانت غلط ودي طريقة الناس اللى قالو انها صح حسب تجربتهم واحنا بننصحك انك ما تعتمدييش عليها ابدا ولازم من التحليل الطبي للتأكيد وقطع الشك باليقين.
الطريقة: تجيبي كوباية وتحطي فيه شوية ملح في القاع وانتظري ثواني اذا اللون اتعكر واتغير وحصل رغاوي من فوق ان شاء الله يكون في حمل.

ازاى اعرف اني حامل بالتحليل المنزلي:
بتشتري جهاز التحليل المنزلي من الصيدلية واقرائي الارشادات وطريقة الاستخدام بتركيز شديد ويفضل اجراء التحليل الصبح بعد ما تقومي من النوم وتكوني ممتنعة قبلها عن شرب الماء بـ 4 ساعات وفي الغالب يكون الجهاز فيه خط احمر واذا ظهر بعد التحليل خط احمر موازي اي بيكون خطين احمر بيكون في حمل ان شاء الله.

في النهاية ننصح بشدة بتحليل الدم في المعمل او الذهاب للدكتور لتأكيد او نفي وجود حمل وده اللى هيقطع الشك باليقين وربنا يرزق الجميع بالذرية الصالحة.

ازاى اروح ساقية الصاوي ؟

noreply@blogger.com (Anonymous) — Tue, 30 Apr 2013 10:37:00 +0000

ازاى اروح ساقية الصاوي ؟

ساقية الصاوي

عنوان ساقية الصاوي

ساقية الصاوي موجودة في الزمالك في القاهرة وموجودة بالتحديد في شارع 26 يوليو امام سنترال الزمالك من ناحية ابو الفدا

ازاى اروح ساقية الصاوي من الجيزة ؟

اركب ميكروباص من الجيزة اللى رايح الوراق او رايح الكيت كات وانزل في العجوزة قدام مسرح البالون عند سلم كوبري 15 مايو واطلع سلم الكوبري وعدي النيل من فوق الكوبري وانزل من السلم التاني اللى بينزل على الزمالك هتلاقي نفسك قدام ساقية الصاوي

ازاى اروح ساقية الصاوي من جامعة القاهرة او من الدقي ؟

تقدر تركب ميكروباص الجمعية اللى بيقول امبابة دقي من قدام الباب الرئيسي لجامعة القاهرة او قبل كوبري الدقي او بعد كوبري الدقي وتقوله عايز انزل في ميدان سفنكس وتنزل وتمشي شوية صغيريين لحد سلم كوبري 15 مايو اللى قدام مسرح البالون ولو مش عارف اسال عن النيل او مسرح البالون وقدامه هتلاقي سلم الكوبري اطلع عليه وعدي النيل وانزل من الناحية التانية من السلم هتلاقي نفسك قدام ساقية الصاوي

ازاى اروح ساقية الصاوي من الاسعاف او من وسط البلد ؟

من الاسعاف في وسط البلد في مواصلتين ليك المواصلة الاولى تركب ميكروباص بيقول بولاق جامعة الدول من تحت كوبري 6 اكتوبر وتتأكد من السواق انه هيعدي على سلم ابو الفدا وتنزل عند سلم ابو الفدا على كوبري 15 مايو وتنزل السلم هتلاقي نفسك قدام ساقية الصاوي لكن الناحية التانية

اما المواصلة التانية وهي تركب ميكروباص بيقول عمارة من قدام صيدلية الاسعاف وتنزل قدام مسرح البالون في العجوزة وتطلع سلم كوبري 15 مايو وتعدي النيل وتنزل من السلم الناحية التانية هتلاقي نفسك قدام ساقية الصاوي بالظبط

ازاى اروح ساقية الصاوي بالمترو ؟

اركب المترو من اي مكان في القاهرة وانزل محطة جمال عبد الناصر اللى هي الاسعاف في وسط البلد واقرا فوق ازاي تروح ساقية الصاوي من الاسعاف او من وسط البلد

ازاى اروح ساقية الصاوي بالتاكسي ؟

اركب اي تاكسي وننصحك بانه يكون تاكسي ابيض وقوله عايز تروح ساقية الصاوي في الزمالك ولو السواق ما يعرفش هي فين قوله هي في شارع 26 يوليو تحت كوبري 15 مايو قدام سنترال الزمالك من ناحية ابو الفدا

ساقية الصاوي على الخريطة

View Larger Map