ӨМНӨГОВЬ ИНФО | Монгол говийн цахим хөгжил

Тендерийн урилга ӨМ2012/73

2012-07-05T04:35:00.000+08:00

Огноо: 2012.07.02

Тендер шалгаруулалтын нэр: Өмнөговь аймгийн “Сумдын уурын зуухны тогоо нийлүүлж, суурилуулах ажил”

Тендер шалгаруулалтын дугаар: ӨМ2012/73

Өмнөговь аймгийн Засаг даргын Тамгын газар нь эрх бүхий тендерт оролцогчдоос “Сумдын уурын зуухны тогоо нийлүүлж, суурилуулах ажил”-ыг гүйцэтгэх тухай битүүмжилсэн тендер ирүүлэхийг урьж байна.

Тендер нь 2 багцтай ба тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр нэг багцийг 50000 төгрөгөөр худалдан авч болно. Данс: Өмнөговь аймаг Төрийн сан банкТендерийн хорооны 110051030 тоот данс.

Тендерийг 2012 оны 08 сарын 01-ны өдрийн 15 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2012 оны 08 сарын 01-ны өдрийн 16цаг 00 минутад нээнэ.Тендер түүнийг нээсэн өдрөөс хойш 45 хоногийн хугацаанд хүчинтэй.

Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг:

Өмнөговь аймгийн Засаг даргын Тамгын газар

Өрөөний дугаар: 213 тоот

Утас 98058808, 99538306

Д.Бат-Эрдэнэ 57,87 хувиар ялалт байгуулав

2012-06-29T20:44:00.001+08:00

2012 оны УИХ-ын сонгуулийн дүн эхнээсээ гарч байна. Өнөөдөр 15 цагаас Монгол улсын Сонгуулийн Ерөнхий хорооноос урьдчилсан байдлаар мэдээлэл хийсэн. Уг мэдээлэлд орон даяар нийт 2446 санал тоолох машин байгаагаас 82-ийнх нь дүн мэдээ ирээгүй байна гэлээ.

Өмнөговь аймгийн хувьд санал хураалтын урьдчилсан дүн гарсан байна. Уг мэдээллээр нийт сонгогчдын 57,87 хувь буюу 15408 хүний саналаар Ардчилсан намаас нэр дэвшигч Д.Бат-Эрдэнэ ялалт байгуулсан байна. Харин 5288 хүний санал буюу 19,86 хувиар МАН-аас нэр дэвшигч Х.Бадамсүрэн удаалсан байна.

Д/д	Нэр дэвшигчийн эцэг /эх/-ийн болон өөрийн нэр	Саналын тоо	Хувь	Намын харьяалал
Д/д	Нэр дэвшигчийн эцэг /эх/-ийн болон өөрийн нэр	Саналын тоо	Хувь	Намын харьяалал
1	Норовсамбуу Сугар	169	0,63%	Монголын Ногоон нам
2	Хоохор Бадамсүрэн	5288	19,86%	Монгол Ардын нам
3	Дашдэмбэрэл Бат-Эрдэнэ	15408	57,87%	Ардчилсан нам
4	Раднаа Оюунбат	158	0,59%	Иргэний хөдөлгөөний нам
5	Түвдэндорж Түвшинжаргал	208	0,78%	Монголын Уламжлалын Нэгдсэн нам
6	Гонгор Гансүх	691	2,6%	Иргэний Зориг Ногоон нам
7	Ламжав Ундрах	27	0,10%	Хөгжлийн хөтөлбөр нам
8	Цэвээн Бээжин	251	0,94%	Монголын Социал Демократ нам
9	Дамбий Чинзориг	3655	13,73%	“МАХН-МҮАН”-ын Шударга ёс эвсэл

Өмнөговьчууд 7 сарын 8,9-нд наадна

2012-06-29T04:14:00.001+08:00

Аймгийн баяр наадмыг 7-р сарын 8, 9-ний өдрүүдэд зохион байгуулах шийдвэрийг аймгийн ИТХ-аас гаргажээ. Өнгөрсөн жилийн хувьд Өмнөговьчуудын хувьд 80 жилийн түүхт ойгоо ёслол төгөлдөр тэмдэглэж байсан бол энэ жилийн хувьд 81 жилийн ойн баяр наадам тохиож байна. Дээрх өдрүүдэд баяр наадмыг тэмдэглэх болсонтой холбогдуулан 7-р сарын 9, 10-ний өдрийг амралтын өдөр болгож нийт ажилтан, албан хаагчдыг 6-р сарын 30, 7-р сарын 7-ний өдрүүдэд ажлын өдөр болгон ажиллуулах болсон байна.

umnugobi.gov.mn

Нийт сонгогчдын 65.24 хувь саналаа өглөө

2012-06-28T22:50:00.011+08:00

Өглөө 07.00 цагаас орон даяар эхэлсэн УИХ-ын сонгуулийн санал хураалт хуулийн дагуу 20.00 цагаас өндөрлөлөө. Энэ хугацаанд СЕХ-ноос сонгогчдын ирцийн байдлыг 11.00 цагаас мэдээлэхэд 19,2 хувьтай байсан бол 16.00 цагийн байдлаар 49,81 хувьтай байсан юм.

Мөн Сонгуулийн шинэ хуулийн дагуу НИТХ-ын сонгууль давхар явагдсан бөгөөд цаг хугацааны хувьд парламентын сонгуультай яг давхацсан юм. Одоо аль аль сонгуулийн санал хураалтын цаг дуусч, тойргийн хорооны хэсгүүдийн байр хаалгаа бариад байна. Ингээд СЕХ-ны 20.00 цагийн мэдээллийг хүргэе.

			Хувь
	Аймаг дүүрэг	Нийт санал өгөх хүн	11.00 цаг	16.00 цаг	20.00 цаг
1	Архангай	57653	15.7	57.8	64.19
2	Баян-Өлгий	53454	18	47.2	67.8
3	Баянхонгор	51548	22.24	59.15	71.2
4	Булган	38172	18.32	52.83	67.25
5	Говь-Алтай	33915	24.76	59.62	70.5
6	Дорноговь, Говьсүмбэр	48548	18.63	49.2	66.33
7	Дорнод	50155	18.88	48.99	60.2
8	Дундговь	28824	23.85	53.92	64.91
9	Завхан	44450	23.79	64.93	77.11
10	Өвөрхангай	71882	17.61	54.48	67.29
11	Өмнөговь	37047	23.28	58.58	70.25
12	Сүхбаатар	37214	14.53	55.82	59.66
13	Сэлэнгэ	69407	16.33	48.9	63.9
14	Төв	59365	18	51.91	65.1
15	Увс	47509	18.24	61.93	74.27
16	Ховд	48679	25.69	51.9	66.27
17	Хөвсгөл	79419	19.75	54.77	68.44
18	Хэнтий	45426	16.36	52.32	66.45
19	Дархан-Уул	62732	24.97	50.85	65.94
20	Орхон	65338	18.5	49.54	63.25
21	Хан-Уул, Багахангай Багануур	128000	23.9	48.91	61.23
22	Баянзүрх, Налайх	206806	17.36	43.55	63.61
23	Сүхбаатар	89601	16.81	41.17	64.37
24	Чингэлтэй	150112	23.51	39.65	63.83
25	Баянгол	150112	19.91	50.5	64.55
26	Сонгинохайрхан	170919	17.5	43.47	62.13

www.shuud.mn

П.Цагаан:Тиронназавр Батаар эх орондоо ирнэ

2012-06-22T00:47:00.001+08:00

Монгол Улсын Ерөнхийлөгчийн ахлах зөвлөх П.Цагаан АНУ-д дуудлага худалдаанд орсон тиронназавр “Батаар” үлэг гүрвэлийн ясыг Монголд авчрахаар болж байгаатай холбогдуулан хэвлэлийн бага хурал өчигдөр хийлээ.

П.Цагаан хэлэхдээ “Зарим сэтгүүлч энэ үйл явдлын талаар цэгцтэй мэдээлэл өгөхийг хүссэн юм. Тиймээс арай дэлгэрэнгүй яръя. Энэ оны тавдугаар сарын 17-нд АНУ-д ажиллаж амьдарч буй Минжигийн Болорцэцэг гэдэг доктор интернэтээс уг дуудлага худалдааны мэдээг олж харжээ. Тэгэхдээ “Батаар” гэсэн нэрийг анзаарч, монголынх байж магадгүй гэж бодож, гурван хүнд хандсан юм билээ. Гурав хоногийн дараа “Heritage Auctions”-ын дуудлага худалдаа болох гэж байгаа талаар Ерөнхийлөгчийн орон тооны бус зөвлөх Ц.Оюунгэрэл, АНУ-ын Байгалийн түүхийн музейн доктор Норрель, “Heritage AuctionHouse”руу захидал бичсэн байсан. Ингээд Оюунгэрэл зөвлөх Монгол Улсын Ерөнхийлөгчид ийм захидал ирсэн тухай хэлсэн байдаг. Ерөнхийлөгч “Монголын соёлын өв олон жил гадагш хулгайн замаар гарсан байх магадлалтай. Хэрвээ монголынх бол хамгаалах арга хэмжээ авах хэрэгтэй” гэж үзэж, АНУ-ын Техас мужийн хуулийн пүүст хандсан.

АНУ-ын доктор Норрель бол Монголд 20 гаруй жил малтлага хийж байсан алдартай эрдэмтэн хүн. Энэ хүн тэр үлэг гүрвэлийн яс монголынх байх магадлалтай гэж хэвлэлд бичсэн. “Heritage AuctionHouse” бас Болорцэцэгт хариу захидал бичсэн байна лээ. Харин захидалдаа “Монгол Улс бол 1921 онд тусгаар тогтнолоо олсон юм байна. Энэ үлэг гүрвэл түүнээс арай олон жилийн настай байх. Тэгээд ч Монгол, АНУ-ын хооронд үүнийг зохицуулах эрх зүйн баримт бичиг байдаг ч юм уу” хэмээн ёжлонгуй, бас үл хайхарсан аястай бичжээ. Ийм гурван янзын хариу хандлага өрнөж эхэлсэн байна.

Монгол Улсын Ерөнхийлөгч Ц.Элбэгдорж Засгийн газарт ажлын хэсэг гаргаж ажиллахыг даалгаснаас гадна АНУ-ын хуулийн пүүст “Миний өмнөөс нэхэмжлэл гаргана уу” гэсэн итгэмжлэл өгсөн. Үүний дагуу “Дуудлага худалдааг 10 хоногоор хойшлуул” гэсэн АНУ-ын шүүгчийн тогтоол гарч худалдааг зохион байгуулах компанид биечлэн хүргэсэн байсан. Мөн тэнд байдаг монголчуудад мэдэгдсэнээр “Heritage AuctionHouse”-ын гадна жижиг жагсаал хийж, соёлын өвийг эх оронд нь буцааж өг хэмээсэн шаардсан. Гэвч дуудлага худалдаа болзолт нөхцөлтэйгөөр болж, нэг сая гаруй доллараар үлэг гүрвэлийн ясыг зарсан. Энэ нь хууль зүйн том алдаа болсон бөгөөд нааштай шийдэхэд бас их нөлөөлсөн. Өөрөөр хэлбэл бид дахин гомдол гаргавал АНУ-д шүүгчийн тогтоол биелүүлээгүй этгээдэд 6 сар хорих ял ногдуулдаг хуультай. Үүнийг мэдээд дуудлага худалдаа хийсэн компанийн хуульчид манай улсын Ерөнхийлөгчид “Одоо та нар шүүхэд битгий хандаач ээ. Хамтарч ажиллаж гарал үүслийг нь тогтооё. Монголоос эксперт ирүүлээч” гэсэн юм. Монголоос БСШУЯ-ны газрын дарга Б.Наранзун, доктор Х.Цогтбаатар бид гурав явсан. Тэнд доктор Болорцэцэг, АНУ-ын Байгалийн түүхийн музейн доктор Норрель, Канадын эрдэмтэн, Олон улсын палеонтологийн холбооны ерөнхийлөгч Кюрри нартай бид дуудлага худалдаа хийсэн компани дээр очсон юм. Араг ясаа буулгаад ширээн дээр дэлгээд тавьчихсан, биднийг эелдгээр угтсан. Зургадугаар сарын 5-ны өдөр дөрвөн доктор маань арав гаруй шалгуур үзүүлэлт, шинж тэмдгээр тус тусдаа дүгнэлт гаргасан. Гэвч дөрвүүлээ Монголын Нэмэгтийн хөндийгөөс олдсон Тарбазор Батаар мөн байна гэж дүгнэсэн. Ингэж бидний эргэлзээ арилж, Монгол Улсын Ерөнхийлөгч АНУ-ын Хуульзүйн яам, Үндэсний аюулгүй байдлын яаманд хандсан. Эдгээр яамны хүмүүс шуурхай ажиллаж уг үлэг гүрвэлийн ясыг Англиас 2010 онд олон хэсэг болгон хэвлээр явагчийн яс хэмээн 15000 доллараар үнэлэн АНУ-д хууль бусаар оруулж ирснийг тогтоосон. Үүний зэрэгцээ Монголын хуулийг зөрчсөнийг бас нотлох хэрэгтэй болсон. Бид 1921 оноос хойшхи бүх Үндсэн хууль, Эрүүгийн хуулийг явуулсан. Аз болоход 1924 оноос хойшхи хуулиудад “Ийм олдворууд төрийн өмч байна, ард түмний хамгаалалтад байна” гэсэн заалтууд байгаа нь нотлогдсон. Нэг үгээр энэ яс Монголын хуулийг зөрчиж гарсан, АНУ-ын хуулийг зөрчиж орж ирсэн гэдэг нь нотлогдсон.

Ингээд тэр ясыг яаж авчрах вэ гэдэг асуудал үүссэн. ЮНЕСКО-гийн 1970 оны конвенц бий. Түүнд соёлын өвийг хууль бусаар экспортлох, импортлох, өмчлөл шилжүүлэхийг хориглосон байдаг. АНУ 1983 онд, Монгол 1991 онд тус конвенцэд нэгдэж орсон тул хоёул олон улсын гэрээг биелүүлэх ёстой. Энэ хүрээнд хоёр улсын Засгийн газар хамтран ажиллах үүрэгтэй. Гэтэл Нью-Йорк хотын прокурор энэ сарын 18-нд Холбооны шүүхэд хандаж зарга үүсгэлээ. Үүнийг шийдтэл бид хоёр сар хүлээх юм байна гэж бодож байтал Шүүхийн шүүгч нь тэр араг ясыг хурааж авах тогтоол гаргасан. Нэг ёсондоо АНУ-ын Засгийн газрын мэдэлд орж ирлээ гэсэн үг.

Одоо дараагийн асуудал нь яаж авчрах вэ, ямар ажлууд шаардагдах вэ гээд бодох зүйл гарч таарна. Ямартай ч энэ асуудал ийн нааштай шийдэгдэхэд олон хүний хүчин зүтгэл орсныг тэмдэглэж хэлэхийг хүсч байна” хэмээв.

Тэрээр мөн “Энэ нь соёлын өвийг буруу гараар оруулдаг хүмүүст том сануулга болж байна. Манай мөрдөн байцаагчид тэр ясыг хэзээ, хэн, яаж гаргасныг тогтоохоор ажиллаж байна” хэмээн нэмж дурдлаа.

Дараа нь сэтгүүлчид сонирхсон асуултууддаа хариу авав.

www.medee.mn

Төрийн албаны мэргэшлийн шалгалтын тухай

2012-06-22T00:40:00.002+08:00

ӨМНӨГОВЬ АЙМГИЙН НУТГИЙН ЗАХИРГААНЫ БАЙГУУЛЛАГЫН ТӨРИЙН ЖИНХЭНЭ АЛБАН ТУШААЛЫН АЖЛЫН БАЙРНЫ СУЛ ОРОН ТООГ НӨХӨХ ИРГЭДИЙГ сонгон шалгаруулах ТӨРИЙН АЛБАНЫ МЭРГЭШЛИЙН ШАЛГАЛТЫН ТУХАЙ

Төрийн жинхэнэ албаны мэргэшлийн шалгалтын бүртгэл болон шалгалтын дүнг оруулах үйл ажиллагааг тус аймагт цахимаар хийх тул бүртгүүлсэн иргэд Төрийн албаны зөвлөлийн www.csc.gov.mn гэсэн цахим хуудсанаас өрсөлдөж байгаа ажлын байрандаа хэдэн иргэн бүртгүүлсэн, шалгалтаар бүртгүүлсэн иргэд ямар үнэлгээ авсан, оноогоороо хэддүгээр байранд жагсаж байгаа зэрэг мэдээллийг авах боломжтой болсон гэдгийг анхаарна уу.

Нэг. Мэргэшлийн шалгалтын зорилго

Өмнөговь аймгийн нутгийн захиргааны байгууллагын төрийн жинхэнэ албан тушаалын сул орон тоог анх орох иргэдээс өрсөлдүүлэн шалгаруулж нөхөхөд төрийн албаны мэргэшлийн шалгалтын зорилго оршино.

“Төрийн жинхэнэ албаны мэргэшлийн шалгалт авах журам”, “Төрийн жинхэнэ албан тушаалд анх орох иргэний нөөцийг бүрдүүлэх журам”-ыг Төрийн албаны зөвлөлийн www.csc.gov.mn гэсэн цахим хуудсанд тавьсан бөгөөд бүртгүүлэх иргэд энэхүү журамтай заавал танилцсан байна.

Хоёр. Мэргэшлийн шалгалтын бүртгэл, зардал

· Тус аймгийн нутгийн захиргааны байгууллагаас зарласан төрийн жинхэнэ албан тушаалын сул орон тоог нөхөх иргэнийг сонгон шалгаруулах мэргэшлийн шалгалтад орохыг хүссэн иргэдийг тус аймгийн Засаг даргын Тамгын газар дээр 2012 оны 07 дугаар сарын 02, 03, 04-ний өдрүүдэд 10.00-17.00 цагийн хооронд бүртгэнэ.

· Мэргэшлийн шалгалтад орох иргэн шалгалттай холбогдох зардлыг өөрөө хариуцах бөгөөд мэргэшлийн шалгалт өгөх иргэний шалгалтын үйлчилгээний зардал 6 000 /Зургаан мянган/ төгрөг байна.

Гурав. Бүртгүүлэх иргэн дараахь бичиг баримтыг бүрдүүлнэ

1. Төрийн албан хаагчийн анкет (Төрийн албан хаагчийн анкетыг маягт N1-ийн дагуу бүрэн бөглөсөн байх);

2. Боловсролын түвшинг тодорхойлсон баримт бичиг /диплом/-ийн эхийг нотариатаар гэрчлүүлсэн хуулбарын хамт;

3. Иргэний үнэмлэхний эх, хуулбарын хамт;

4. “4 х 6”-гийн хэмжээний цээж зураг 6 хувь;

5. Ажилласан хугацаа болон ажил эрхлэлтийг гэрчлэх баримт /Нийгмийн даатгал, хөдөлмөрийн дэвтэр/-ийн эх хувь;

6. Шалгалтын үйлчилгээний төлбөр

Дөрөв. Шалгалтын хуваарь

1. Бүртгүүлсэн иргэдэд зориулсан шалгалтын зохион байгуулалт, тусгай карт бөглөх болон “Төрийн жинхэнэ албаны мэргэшлийн шалгалт авах журам”, “Төрийн жинхэнэ албан тушаалд анх орох иргэний нөөцийг бүрдүүлэх журам”-ын талаархи семинар /зааварчилга/-ыг Салбар комисс тус аймгийн Засаг даргын Тамгын газар дээр 2012 оны 07 дугаар сарын 06-ны өдөр 16.00 цагт өгнө.

2. Бүртгүүлсэн иргэд 2012 оны 07 дугаар сарын 07-ны өдөр 08:00 цагт шалгалт авах байранд ирсэн байх бөгөөд шалгалт 09.00 цагаас эхэлнэ.

3. Шалгалт авах байрыг бүртгэлийн явцад жич зарлана.

Тав. Мэдээлэл лавлагаа

Мэргэшлийн шалгалттай холбоотой асуудлаар тус аймгийн ЗДТГ-ын 70532871, 99539270 дугаарын утсаар холбогдож лавлагаа авч болно.

Шалгалт өгөх иргэдийн анхааралд:

1. 1990 оны 05 дугаар сарын 06-ны өдөр болон түүнээс хойш төрсөн иргэн хуульд заасан цэргийн жинхэнэ алба хаах үүргээ биелүүлээгүй бол төрийн жинхэнэ албаны мэргэшлийн шалгалтад оруулахгүй.

2. Мэргэшлийн шалгалт өгч тэнцэн, нөөцөд бүртгэгдсэн иргэн “Төрийн жинхэнэ албан тушаалд анх орох иргэний нөөцийг бүрдүүлэх журам”-ын 6 дугаар зүйлийн 3 дахь хэсэгт зааснаар тухайн мэргэшлийн шалгалт өгсөн төрийн жинхэнэ албан тушаалын ангилалаас дээшхи ангилалын албан тушаалд, тухайлбал, дэс түшмэлийн албан тушаалд шалгалт өгсөн иргэн ахлах түшмэлийн ангиллын албан тушаалд томилогдох боломжгүй болохыг анхаарна уу.

3. “Төрийн жинхэнэ албаны мэргэшлийн шалгалт авах журам”-ын 6 дугаар зүйлийн 38 дахь хэсэгт зааснаар мэргэшлийн шалгалтад орохыг хүссэн иргэнийг байнгын оршин суугаа нутаг дэвсгэрийн харъяаллын дагуу бүртгэнэ.

4. “Төрийн жинхэнэ албан тушаалд анх орох иргэний нөөцийг бүрдүүлэх журам”-ын 6 дугаар зүйлийн 6.2.1 дэх хэсэгт зааснаар хэрэв нөөцийн жагсаалтад бүртгэгдэж нэр дэвшсэн иргэн өрсөлдсөн ажлын байранд томилогдон ажиллахаас татгалзсан эсхүл "Мэргэшлийн шалгалтад тэнцсэн иргэнийг төрийн жинхэнэ албан тушаалд анх орох иргэний нөөцийн жагсаалтад бүртгэх тухай" Төрийн албаны зөвлөлийн шийдвэр тус зөвлөлийн цахим хуудсанд тавигдсанаас хойш 1 сарын дотор тухайн албан тушаалд томилогдохоор биеэр очоогүй, эсхүл өрсөлдсөн ажлын байранд томилогдохоос татгалзсан тухай бичгээр мэдэгдээгүй бол уг иргэнийг төрийн жинхэнэ албан тушаалд анх орох иргэний нөөцийн жагсаалтаас хасагдсанд тооцно. Энэ тохиолдолд Төрийн албаны зөвлөл, аймаг, нийслэл дэх Төрийн албаны зөвлөлийн салбар зөвлөл онооны дарааллыг баримтлан дараагийн иргэний нэрийг дэвшүүлнэ.

Мэргэшлийн шалгалтад орох иргэдийн уншиж судлах эрхзүйн баримт бичиг

Төрийн жинхэнэ албаны мэргэшлийн шалгалтын Төв комиссоос бэлтгэсэн “Төрийн жинхэнэ албаны мэргэшлийн шалгалтын сорилгын хураамж” Хууль зүйн Үндэсний хүрээлэнгийн номын худалдаанд зарагдаж байгаа бөгөөд мэргэшлийн шалгалтад орох иргэд дараах жагсаалтад байгаа хууль, журмаас бэлдэнэ үү.

1. Монгол Улсын Үндсэн хууль,

2. Монгол Улсын Үндсэн хуулийн цэцийн тухай хууль,

3. Төрийн бэлэг тэмдгийн тухай хууль,

4. Монгол Улсын Их Хурлын тухай хууль,

5. Монгол Улсын Засгийн газрын тухай хууль,

6. Монгол Улсын Ерөнхийлөгчийн тухай хууль,

7. Монгол Улсын Засаг захиргаа, нутаг дэвсгэрийн нэгж, түүний удирдлагын тухай хууль,

8. Монгол Улсын яамны эрх зүйн байдлын тухай хууль,

9. Монгол Улсын Засгийн газрын агентлагийн эрх зүйн байдлын тухай хууль,

10. Төрийн албаны тухай хууль,

11. Төрийн албан ёсны хэлний тухай хууль,

12. Төрийн нууцын тухай хууль,

13. Авлигын эсрэг хууль,

14. Төрийн хяналт шалгалтын тухай хууль,

15. Төрийн болон орон нутгийн өмчийн тухай хууль,

16. Хөдөлмөрийн тухай хууль,

17. Захиргааны хариуцлагын тухай хууль,

18. Захиргааны хэрэг шүүхэд хянан шийдвэрлэх тухай хууль,

19. Шүүхийн шийдвэр гүйцэтгэх тухай хууль,

20. Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хууль,

21. Байгууллагын нууцын тухай хууль,

22. Хувь хүний нууцын тухай хууль,

23. МУ-ын иргэнд газар өмчлүүлэх тухай хууль,

24. Татварын ерөнхий хууль,

25. Хувь хүний орлогын албан татварын тухай хууль,

26. Нийгмийн даатгалын тухай хууль,

27. Нийгмийн халамжийн тухай хууль,

28. Нийгмийн даатгалын сангаас олгох тэтгэвэр, тэтгэмжийн тухай хууль,

29. Байгаль орчныг хамгаалах тухай хууль,

30. Нийслэлийн эрх зүйн байдлын тухай хууль,

31. Нийтээр тэмдэглэх баярын болон тэмдэглэлт өдрийн тухай хууль,

32. Боловсролын тухай хууль,

33. Дээд боловсролын тухай хууль,

34. Архивын тухай хууль,

35. Архидан согтуурахтай тэмцэх тухай хууль,

36. Үндэсний аюулгүй байдлын үзэл баримтлал,

37. Төрийн албаны шингэтгэлийн дунд хугацааны стратегийн баримт бичиг,

38. Монгол Улсын Үндэсний хөгжлийн цогц бодлого,

39. Албан хэрэг хөтлөлтийн үндсэн заавар

40. Төрийн жинхэнэ албаны мэргэшлийн шалгалтын журам

41. Төрийн жинхэнэ албан тушаалд анх орох иргэний нөөц бүрдүүлэх журам

БҮРТГҮҮЛЭХ ИРГЭДЭД ЗОРИУЛСАН САНАМЖ

Та энэхүү санамжийг уншсаны дараа шалгалтын зар, төрийн жинхэнэ албан тушаалын сул орон тоо болон ажлын байранд тавигдах шаардлагатай танилцана уу.

1. Төрийн албаны тухай хуулийн 10, 17 дугаар зүйл, ТАЗ-ийн 2009 оны 63 дугаар тогтоолоор баталсан “Төрийн жинхэнэ албаны мэргэшлийн шалгалт авах журам”-д зааснаар тухайн зарлагдсан сул ажлын байранд тавигдсан 4 ерөнхий шаардлага (БОЛОВСРОЛ, МЭРГЭЖИЛ, МЭРГЭШИЛ, ТУРШЛАГА)-ыг бүгдийг нь хангасан иргэн л бүртгүүлэх боломжтой бөгөөд энэ нь тухайн иргэн “Баримт бичгийн шалгалт”-д “Тэнцсэн” гэсэн үнэлгээ авч байна гэсэн үг юм. Тухайлбал:

1.1.”Боловсролын шаардлага”- Бакалаврын боловсролын зэргийн шаардлага тавигдсан ажлын байранд бакалаврын дээд боловсролын зэрэгтэй иргэн бүртгүүлэх боломжтой гэдгийг санаарай.

1.2.”Мэргэжлийн шаардлага”- их, дээд сургуульд суралцан эзэмшсэн үндсэн мэргэжлийг ойлгоно.Үүнд: Их эмч, нягтлан бодогч гэх мэт. /Их, дээд сургууль төгссөн диплом дээрх эзэмшсэн мэргэжлийн нэр нотолгоо болно/

1.3. “Мэргэшлийн шаардлага”- их, дээд сургуульд суралцан төгсөж, бакалаврын дээд боловсрол, тодорхой мэргэжил эзэмшсэний дараа үндсэн мэргэжлээрээ болон өөр чиглэлээр мэргэшүүлэх, мэргэжил дээшлүүлэх сургалтад хамрагдсан, үүний дотор тодорхой хугацаанд тухайн зарлагдсан чиглэлээр курст суралцсанаас эхлээд магистр, докторын зэрэг хамгаалсан гэх мэт сургалт, дадлагажилтад ямар нэг хэлбэрээр хамрагдсан байхыг ойлгоно. /Энэ тухай холбогдох диплом, гэрчилгээ/сертификат нотолгоо болно/

1.4.”Туршлагын шаардлага”- “Мэргэжлээрээ ажилласан байх” гэснийг тухайн мэргэжлээрээ улсын болон хувийн хэвшилд ажилласныг ойлгоно. Ажилласан жилийг Иргэний хуулийн 71 дүгээр зүйлд заасан хугацаа тооцох журмын дагуу хоногоор тооцдог. Жишээ нь, мэргэжлээрээ 1-ээс доошгүй жил ажилласан байх шаардлага тавигдсан байна гэвэл яг хоногоороо тооцоход 365 хоног гүйцсэн байх ёстой гэсэн үг. Манай зарим иргэд “хэдхэн сар дутуу байна. бүртгэчих л дээ” гээд гуйгаад байдаг гэм бий. Иргэний хуулиар ийм боломж байхгүй юм байна гэдгийг ойлгоорой. /Энэ хугацааг тооцохдоо Нийгмийн даатгалын дэвтрийн “Ажилд орсон, шилжсэн, чөлөөлсөн” гэсэн хүснэгтэд бичигдсэн ажилласан хугацааг баримтална/.

Хэрэв тухайн зарлагдсан сул ажлын байранд тавигдсан 4 ерөнхий шаардлага (боловсрол, мэргэжил, мэргэшил, туршлага)-ыг бүрэн хангаагүй иргэнийг бүртгэвэл, энэ нь Төрийн албаны тухай хуулийг зөрчсөн, ёс зүйгүй үйлдэл болох тул бүртгэл явуулж байгаа Шалгалтын салбар комиссын гишүүд ийм иргэнийг бүртгэх боломжгүй гэдгийг урьдчилан анхааруулж байна!!!

Та дээрх санамж болгосон зүйлүүдийг тооцож үзээд БИ БҮРТГҮҮЛЭХ БОЛОМЖТОЙ ЮМ БАЙНА гэсэн ИТГЭЛ ҮНЭМШИЛТЭЙ болсон нөхцөлд л бүртгүүлнэ үү.

Тендерийн урилга ӨМ2012/54

2012-06-22T00:05:00.002+08:00

Огноо: 2012.06.18

Тендер шалгаруулалтын нэр: Өмнөговь аймагт баригдах “ Говийн бүсийн оношлогоо, эмчилгээний төвийн барилгын зураг төсөв боловсруулах ажил”
Тендер шалгаруулалтын дугаар: ӨМ2012/54

Өмнөговь аймгийн Засаг даргын Тамгын газар нь эрх бүхий тендерт оролцогчдоос “Говийн бүсийн эмчилгээ, оношлогооны төвийн барилгын зураг төсвийг боловсруулах ажил”-ыг гүйцэтгэх тухай зөвлөх үйлчилгээний тендерт урьж байна.
Тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр 100000 төгрөгөөр худалдан авч болно. Данс: Өмнөговь аймаг Төрийн сан банк Тендерийн хорооны 110051030 тоот данс.
Тендерийг “Хосолмол үнэлгээний арга”-аар шалгаруулах ба тендерийг нээсэн өдрөөс хойш 45 хоногийн хүчинтэй.
Тендерийг 2012 оны 07 сарын 17-ны өдрийн 15 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2012 оны 07 сарын 17-ны өдрийн 16 цаг 00 минутад нээнэ.
Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг:
Өмнөговь аймгийн Засаг даргын Тамгын газар
Өрөөний дугаар: 213 тоот
Утас 96667952, 99538306

Сонгууль

2012-06-21T04:10:00.002+08:00

Өмнөговь аймагт хууль хэрэгжилт муу байна

2012-06-17T18:19:00.000+08:00

Мэргэжлийн хяналтын ерөнхий газар Өмнөговь аймагт хэрэгжиж буй уул уурхайн төсөл, компаниудын үйл ажиллагаанд дөрөвдүгээр сарын 5-20-ны өдрүүдэд шалгалт хийсэн тухайгаа өнөөдөр танилцууллаа. Шалгалтыг Мэргэжлийн хяналтын ерөнхий газрын дэд дарга Д.Гүньбазар ахалж, нийт 45 улсын ахлах байцаагчийн бүрэлдэхүүнтэйгээр хяналт шалгалтыг хийжээ.

Уг шалгалтанд Өмнөговь аймгийн Засаг даргын тамгын газар, Эрүүл мэндийн газар, Хүнс, хөдөө аж ахуйн газар, Говь гурван сайханы байгалийн цогцолборт газрын хамгаалалтын захиргаа, Өмнөговь аймгийн нутаг дэвсгэрт ажиллаж буй “Чинхуа-Мак нарийн сухайт” ХХК, Оюутолгой ХХК, Монголын алт ХХК, “Саусгоби сэндс” ХХК, “Таван толгой” ХХК, “Энержи ресурс” ХХК, “Хүннү Коал” ХХК зэрэг 11 компани Ханбогд сум Гашуунсухайтын нүүрс тээвэрлэтийн зам, Шивээхүрэнгийн нүүрс тээвэрлэлтийн зам, Даланзадгад, Ханбогд, Цогтцэций сумын Иргэдийн төлөөлөгчдийн хурал, Засаг даргын тамгын газар, зуруг тус нутаг дэсвгэрт үйл ажиллагааг явуулдаг 389 аж ахуй нэгжийн 679 барилга байгууламж, салбар цэг, дөрвөн сургууль, 12 зам, 651 тээврийн хэрэгсэл, 42 хүнд даацын автомашины жин, 329 өргөх механизм, 2185 албан тушаалтан, инженер техникийн ажилтан, багш, сурагчдыг хамруулжээ.

Өмнөговь аймагт хууль хэрэгжилтийг шалган үзэж, зохих үнэлгээг хийснээ МХЕГ-аас танилцуулав. Тус аймагт Санхүү, Хөдөлмөр, нийгмийн хамгаалал, Эрүүл мэнд, БСШУ, Байгаль орчин, аялал жуулчлал, геологи, уул уурхай, Хүнс, хөдөө аж ахуй, хөнгөн үйлдвэрийн гээд нийт долоон салбарын хуулиудыг 64-19 хувийн хэрэгжилттэй байгаа нь шалгалтаар гарчээ. Ерөнхийдөө нийт 45 хуулийн хэрэгжилт 74 хувьтай байгаа ажээ.

Өмнөговь аймаг нь УИХ-аас баталсан төсвийн тухай хуулийг зөрчсөн, ногдуулсан татварыг хураан барагдуулах талаар хангалтгүй ажилласан, өр, авлага хэтэрсэн, хөрөнгө оруулалтын зарим ажлыг тендер зарлалгүй гүйцэтгүүлсэн, нөөц сангийн хөрөнгийг зориулалт бус зарцуулсан нь илэрчээ. Энэ талаар МХЕГ-ын Санхүүгийн хяналт, шалгалтын хэлтсийн дарга Ж.Цогтбаяраас тодруулахад, “төр засгаас тодорхой шийдвэр гараагүй байхад орон нутгийн төсвөөс говийн нэмэгдэл, нутгийн хишигт хөрөнгө оруулалт зарцуулсан нь Төсвийн тухай хууль, Төрийн болон орон нутгийн өмчийн тухай хууль, нягтлан бодох бүртгэлийн тухай хуулийг зөрчиж байгаа юм” хэмээн хэлсэн юм.

Харин уул уурхайн хайгуул, олборлолт хийж буй компаниудын шалгалтаар гадаадын хөрөнгө оруулалттай компаниуд Монгол Улсын хууль тогтоомжтой уялдуулж, хөдөлмөрийн аюулгүй байдлыг ханган ажиллах, эрсдлээ үнэлэх, үндсэн болон туслах байгууллага дээр гарсан алдаа зөрчил, ослыг шуурхай тогтоож, арга хэмжээ авах, химийн хорт бодисын нөлөөг тогтоох, эрүүл мэндийн тусламж үйлчилгээг сайжруулахад хангалтгүй ажиллаж байсан гэнэ. Хүн ам олноор шилжин суурьшнаас тус аймагт бүсийн оношлогоо эмчилгээний төв, Цогтцэций , Ханбогд сумын сум дундын эмнэлгүүд нь барилга байгууламж, эмчилгээний тоног төхөөрөмж бүрэн бус байгаа нь тус аймаг дахь эрүүл мэндийн үйлчилгээний чанарт сөргөөр нөлөөлж буй нэгэн хүчин зүйл болох тухай шалгалтын коммисоос мэдээлж байна. Ийнхүү Өмнөговь аймагт бүтээн байгуулалтын томоохон төсөл, хөтөлбөрүүд хэрэгжиж, уул уурхайн компаниуд тус аймагт хайгуул олборлолтын ажлыг ихээр өрнүүлэх болсоны улмаар ажиллах хүн хүч, тэдгээрийн нийгмийн халамж, эрүүл мэндийн үйлчилгээ, боловсрол, үйлчилгээний газрын хүртээмжийг нэн даруй нэмэгдүүлэх шаардлагатайг МХЕГ-аас онцолж байна.

У.БОЛОР

www.news.mn

“Оюу толгой”-д дахин нэг ажилтан амиа алджээ

2012-06-14T14:23:00.001+08:00

“Оюу толгой” компанийн төслийн ажилтан 43 настай Г өчигдөр зуурдаар нас барсан байна. Талийгаачийн үхлийн шалтгааныг тодруулахаар холбогдох хууль хяналтын байгууллагынхан ажиллаж байгаа бөгөөд тэрбээр Филиппин улсын иргэн байсан аж.

Өнгөрсөн онд тус аймгийн Ханбогд сумын “Оюу толгой” төслийн талбайн бохирын цооногт Улаанбаатар хотын харьяат 26 настай эрэгтэй У, Дорнод аймгийн харьяат 26 настай эрэгтэй О нар унаж амиа алдсан хэрэг гарсан юм.

Б.Дэжид
www.medee.mn

Хүүхэд яагаад хоолонд дургүй болдог вэ?

2012-06-12T03:39:00.002+08:00

Хүүхэд бие нь тавгүй ч юм уу өвдсөн үедээ хоолонд дургүй болдог. Харин хүүхэд хоолонд дургүй болох нь эцэг эхчүүдийн санааг багагүй зовоодог. Тиймээс та хүүхдээсээ яагаад хоол идэхгүй байгааг нь асуух хэрэгтэй.

Хоолыг нь хүчээр өгөх юм уу ширүүн аашилж загнаж болохгүй. Гэхдээ зарим үед хүүхэд ямар ч шалтгаангүйгээр хоол идэхгүй байх үе байдаг. Үүнд санаа зовсны хэрэггүй. Харин иймэрхүү байдал олон хоног үргэлжилбэл хүүхдээ эмчид үзүүлэх хэрэгтэй.

Магадгүй таны хүүхэд тань өвдсөн ч байж болох юм. Ер нь эрүүл хүүхэд хоолонд сайн байдаг. Мөн таны хийсэн хоол таалагдахгүй байна гээд идэхээс татгалзаж, өөр хоол идмээр байгаа бол та эмзэглэх хэрэггүй.

Үүнд хүүхдийн буруу гэж огтхон ч байхгүй. Хүүхдэд ч гэсэн өөрийн гэсэн дуртай хоолоо идмээр санагдах үе байдаг. Түүнчлэн эцэг эхчүүдэд анхааруулж хэлэхэд хүүхдийг багаас нь амттан идүүлж бүү сурга.

Учир нь амттанг байнга идэх нь дасал болохоос гадна хүүхэд хоолонд дургүй болох бас нэг шалтгаан болдог.

Харин сүү, цагаан идээ, жимс сайн өгөх хэрэгтэй. Өдөрт хүүхэд 2-3 стакан сүү уух юм бол хоногийн калориа авч чадна. Сүүнд витамин Д-ээс гадна хүний биед хэрэгтэй уураг, эрдэс бодис агуулагдсан байдаг.

Жимсний төрлөөс нэн ялангуяа алим, апельсинд А болон С витамин хангалттай агуулагдсан байдаг. Эцэг эхчүүдийн бас нэг толгойн өвчин болсон нэг асуудал бол охидын турах гэж хоолоо сойх явдал юм. Ийм үед охинтойгоо сайн ярилцах хэрэгтэй. Гоё сайхан харагдахын тулд хоолоо сойх бус харин зөв хооллож сурах хэрэгтэйг ойлгуулаарай.

Хоолоо сойсноор өөрт хэрэгтэй калори, витаминаа авч чадахгүйгээс гадна эрүүл мэндэд муу гэдгийг нь ч бас анхааруулах нь чухал юм.

/Зууны мэдээ/

Орон нутгийн төсвөөр тоног төхөөрөмжтэй болгожээ

2012-06-08T15:06:00.000+08:00

Өрх гэр бүлийн эрүүл мэндийг хамгаалах чиглэлээр 14 сумын оношилгоо эмчилгээний төвд 762 сая төгрөгийн тоног төхөөрөмж, түргэн тусламжийн 18 автомашин, багийн эмчийн найман мотоциклийг орон нутгийн төсвийн хөрөнгөөр шийдвэрлэжээ. Мөн Өмнөговь аймгийн төвд “Говийн бүсийн оношилгоо, эмчилгээний төв”, Цогтцэций, Ханбогд сумдад сум дундын эмнэлэг байгуулан ажиллуулж эхэлсэн нь хөдөлгөөнт хүн ам төвлөрсөн байгаа орон нутагт эмнэлгийн тусламж үйлчилгээний чанар, хүртээмж дээшлэхэд чухал алхам болж байгаа ажээ.Тус аймгийн Засаг дарга Б.Бадраагийн ярьснаар “Өрх гэр бүлийн эрүүл аюулгүй орчинд амьдрах нөхцөлийг бүрдүүлэхэд анхаарч гэр хороололд 5,3 км хатуу хучилттай авто зам, явган хүний зам, гудамжны гэрэлтүүлэг зэргийг улсын болон орон нутгийн төсвийн 290 сая төгрөгөөр хийж гүйцэтгэлээ. Энэ жил Даланзадгадын хэмжээнд 16.5 км хатуу хучилттай авто зам барьж байгуулна. Нийгмийн даатгалын сангаас тэтгэвэр авдаггүй, ажилд ороход бэрхшээлтэй 40-өөс дээш насны иргэдийн хөдөлмөр эрхлэлтийг дэмжих хөтөлбөрийг батлан орон нутгийн төсөв болон хөдөлмөр эрхлэлтийг дэмжих сангаас нийт 90 сая төгрөгийг шийдвэрлэн нэгдүгээр шатанд 29 төсөл амжилттай хэрэгжиж, хоёрдугаар шатны төсөл шалгаруулалт зарлагдаад байна. 2011-2012 онд орон нутгийн төсөвөөс 75 сая төгрөгийн санхүүжилт гарган эмзэг бүлгийн иргэдэд хүнс тэжээлийн дэмжлэг үзүүлэх хөтөлбөр хэрэгжүүлэн нийт 608 иргэнийг хамрууллаа. Мөн 2009-2012 оны үйл ажиллагааны мөрийн хөтөлбөрт тусгасан зорилтын хүрээнд нутгийн баялгаас иргэн бүрт тэгш эрхтэй, таатай нөхцөл бүрдүүлж “Нутгийн хишиг хөтөлбөр”-ийг амжилттай хэрэгжүүлэн иргэн бүрт 300 мянган төгрөг олгосон билээ. Үлдсэн 200 мянган төгрөгийг энэ онд багтаан өгөх болно” хэмээжээ.

Ж.САЙНЖАРГАЛ

/Монгол говь сонин /

Тендерийн урилга ӨМ2012/36

2012-06-04T15:23:00.001+08:00

Огноо 2012-06-04

Тендер шалгаруулалтын нэр: Өмнөговь аймгийн “Даланзадгад сумын төвд 3,187 км хатуу хучилттай зам тавих ажил”

Тендер шалгаруулалтын дугаар: ӨМ2012/36

Өмнөговь аймгийн Засаг даргын Тамгын газар нь эрх бүхий тендерт оролцогчдоос “Даланзадгад сумын төвд 3,187 км хатуу хучилттай зам тавих ажил”-ыг гүйцэтгүүлэх тухай битүүмжилсэн тендер ирүүлэхийг урьж байна.

Тендер нь 3 багцтай, бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр нэг багцийг 50000 төгрөгөөр худалдан авч болно. Данс: Өмнөговь аймаг Төрийн сан банк Тендерийн хорооны 110051030 тоот данс.

Тендерийг 2012 оны 07 сарын 05-ны өдрийн 10 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2012 оны 07 сарын 05-ны өдрийн 11 цаг 00 минутанд нээнэ.

Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг: Өмнөговь аймгийн Засаг даргын Тамгын газар

Өрөөний дугаар: 213 тоот утас 96667952, 99538306

Тендерийн урилга ӨМ2012/69

2012-05-31T15:23:00.000+08:00

Огноо 2012-05-31

Тендер шалгаруулалтын нэр: “Өмнөговь аймгийн нутаг дэвсгэрт гүний худаг гаргах ажил”

Тендер шалгаруулалтын дугаар: ӨМ2012/69

Өмнөговь аймгийн Засаг даргын Тамгын газар нь эрх бүхий тендерт оролцогчдоос“Өмнөговь аймгийн нутаг дэвсгэрт гүний худаг гаргах ажил” -ыг гүйцэтгүүлэх тухай битүүмжилсэн тендер ирүүлэхийг урьж байна.

Тендер нь 4 багцтай. Тендерийн баталгаа 2 хувь Орон нутгийн давуу эрх тооцно.

Тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр иж бүрдэл бүрийг 50000 төгрөгөөр худалдан авч болно. Данс: Өмнөговь аймаг Төрийн сан банк Тендерийн хорооны 110051030 тоот данс.

Тендерийг 2012 оны 07 сарын 02-ны өдрийн 10 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2012 оны 07 сарын 02-ны өдрийн 11 цаг 00 минутанд нээнэ.

Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг: Өмнөговь аймгийн Засаг даргын Тамгын газар

Өрөөний дугаар: 213 тоот утас 99070781, 99538306

УИХ-д Өмнөговь аймгаас нэр дэвшигчид

2012-05-30T18:14:00.004+08:00

2012 оны УИХ-ын сонгуулийн Өмнөговь аймгийн 11-р тойрогт нэр дэвшигчид:
1. Х.Бадамсүрэн /МАН/
2. Д.Бат-Эрдэнэ /АН/
3. Д.Чинзориг /МАХН-МҮАН/
4. Г.Гансүх /ИЗ-НН/
5. Т.Түвшинжаргал /МУНН/
6. Л.Ундрах /ХХН/
7. Р.Оюунбат /ИХН/
8. Н.Сугар /МНН/
9. Ц.Бээжин /МСДН/

Шинээр батлагдсан Улсын Их Хурлын сонгуулийн тухай хуульд орсон онцлог зохицуулалтуудын нэг нь сонгогчид хариуцлага хүлээлгэх үндэслэлийг тодорхойлсон явдал юм. Тухайлбал, сонгогчид дор дурьдсан үйлдэл, үйл ажиллагаа явуулахыг хуулиар хориглосон байна. Үүнд:
Тухайн санал авах байранд саналаа өгөх эрхгүй гэдгээ мэдсээр байж санал өгөх, эсхүл өөр хүний бичиг баримт, эсхүл хуурамч бичиг баримт ашиглах зэргээр санал өгөх, санал өгөхийг оролдох, хуурч мэхлэх;
Тухайн хэсгийн хорооноос олгосноос өөр саналын хуудсыг санал өгөхөд ашиглах, эсхүлсанал авах байранд гаднаас саналын хуудас авч орох, санал авах байрнаас саналын хуудас авч гарах;
Саналын хуудсанд тэмдэглэсэн саналаа баталгаажуулан зураг авах, дүрс бичлэг хийх зэрэг үйлдэл хийх;
Саналын хуудсанд хийсэн тэмдэглэгээгээ бусдад харуулах;
Аль нэг нам, эвсэл, нэр дэвшигчийн төлөө санал өгөх, эсхүл өгөхгүй байхаар амлалт авах, мөнгө, эд зүйл шаардах, авах.

Дээр дурьдсаныг зөрчсөн иргэнд эрүүгийн хариуцлага хүлээлгэхээргүй бол 14 хоногийн хугацаагаар баривчлах захиргааны шийтгэл ногдуулахаар хуульчилжээ.

Тендерийн урилга ӨМ2012/68

2012-05-25T15:22:00.000+08:00

Огноо: 2012.05.24

Тендер шалгаруулалтын нэр: Өмнөговь аймгийн “Гурвантэс сумын эмнэлгийн өргөтгөлийн барилгын ажил”

Тендер шалгаруулалтын дугаар: ӨМ2012/68

Өмнөговь аймгийн Засаг даргын Тамгын газар нь эрх бүхий тендерт оролцогчдоос “Гурвантэс сумын эмнэлгийн өргөтгөлийн барилгын ажил”-ыг гүйцэтгэх тухай битүүмжилсэн тендер ирүүлэхийг урьж байна.

Тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр нэг багцийг 150000 төгрөгөөр худалдан авч болно. Данс: Өмнөговь аймаг Төрийн сан банк Тендерийн хорооны110051030 тоот данс.

Тендерийг 2012 оны 06 сарын 25-ны өдрийн 15 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2012 оны 06 сарын 25-ны өдрийн 16цаг 00 минутад нээнэ.Тендер түүнийг нээсэн өдрөөс хойш 45 хоногийн хугацаанд хүчинтэй.

Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг:

Өмнөговь аймгийн Засаг даргын Тамгын газар

Өрөөний дугаар: 213 тоот

Утас , 99538306

Тендерийн урилга ӨМ2012/67

2012-05-24T15:22:00.000+08:00

Огноо: 2012.05.24

Тендер шалгаруулалтын нэр: Өмнөговь аймгийн “Булган сумын соёлын төвийн барилгын засварын ажил”

Тендер шалгаруулалтын дугаар: ӨМ2012/67

Өмнөговь аймгийн Засаг даргын Тамгын газар нь эрх бүхий тендерт оролцогчдоос “Булган сумын соёлын төвийн барилгын засварын ажил”-ыг гүйцэтгэх тухай битүүмжилсэн тендер ирүүлэхийг урьж байна.

Тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр нэг багцийг 100000 төгрөгөөр худалдан авч болно. Данс: Өмнөговь аймаг Төрийн сан банк Тендерийн хорооны110051030 тоот данс.

Тендерийг 2012 оны 06 сарын 25-ны өдрийн 13 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2012 оны 06 сарын 25-ны өдрийн 14цаг 00 минутад нээнэ.Тендер түүнийг нээсэн өдрөөс хойш 45 хоногийн хугацаанд хүчинтэй.

Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг:

Өмнөговь аймгийн Засаг даргын Тамгын газар

Өрөөний дугаар: 213 тоот

Утас , 99538306

Тендерийн урилга ӨМ2012/66

2012-05-24T15:21:00.000+08:00

Огноо: 2012.05.24

Тендер шалгаруулалтын нэр: Өмнөговь аймгийн “Булган сумын сургуулийн дотуур байрны барилгын засварын ажил”

Тендер шалгаруулалтын дугаар: ӨМ2012/66

Өмнөговь аймгийн Засаг даргын Тамгын газар нь эрх бүхий тендерт оролцогчдоос “Булган сумын сургуулийн дотуур байрны барилгын засварын ажил”-ыг гүйцэтгэх тухай битүүмжилсэн тендер ирүүлэхийг урьж байна.

Тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр нэг багцийг 50000 төгрөгөөр худалдан авч болно. Данс: Өмнөговь аймаг Төрийн сан банк Тендерийн хорооны110051030 тоот данс.

Тендерийг 2012 оны 06 сарын 04-ны өдрийн 15 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2012 оны 06 сарын 04-ны өдрийн 16цаг 00 минутад нээнэ.Тендер түүнийг нээсэн өдрөөс хойш 45 хоногийн хугацаанд хүчинтэй.

Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг:

Өмнөговь аймгийн Засаг даргын Тамгын газар

Өрөөний дугаар: 213 тоот

Утас 99537477, 99538306

Тендерийн урилга ӨМ2012/63

2012-05-23T15:24:00.000+08:00

Огноо: 2012.05.23

Тендер шалгаруулалтын нэр: Өмнөговь аймгийн төвд “50 ортой төрөх эмнэлгийн барилга барих ажил”

Тендер шалгаруулалтын дугаар: ӨМ2012/63

Өмнөговь аймгийн Засаг даргын Тамгын газар нь эрх бүхий тендерт оролцогчдоос “50 ортой төрөх эмнэлгийн барилга барих ажил”-ыг гүйцэтгэх тухай битүүмжилсэн тендер ирүүлэхийг урьж байна.

Тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр 250000төгрөгөөр худалдан авч болно. Данс: Өмнөговь аймаг Төрийн сан банк Тендерийн хорооны 110051030 тоот данс.

Тендерийг 2012 оны 06 сарын 22-ны өдрийн 15 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2012 оны 06 сарын 22-ны өдрийн 16цаг 00 минутад нээнэ.Тендер түүнийг нээсэн өдрөөс хойш 45 хоногийн хугацаанд хүчинтэй.

Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг:

Өмнөговь аймгийн Засаг даргын Тамгын газар

Өрөөний дугаар: 213 тоот

Утас 88009219, 99538306

Тендерийн урилга ӨМ2012/62

2012-05-21T15:20:00.000+08:00

Огноо: 2012.05.21

Тендер шалгаруулалтын нэр: Өмнөговь аймгийн “Тэмээний үзэсгэлэнгийн барилгын дулааны шугам сүлжээний ажил”

Тендер шалгаруулалтын дугаар: ӨМ2012/62

Өмнөговь аймгийн Засаг даргын Тамгын газар нь эрх бүхий тендерт оролцогчдоос “Тэмээний үзэсгэлэнгийн барилгын дулааны шугам сүлжээний ажил”-ыг гүйцэтгэх тухай битүүмжилсэн тендер ирүүлэхийг урьж байна.

Тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр 50000 төгрөгөөр худалдан авч болно. Данс: Өмнөговь аймаг Төрийн сан банк Тендерийн хорооны 110051030 тоот данс.

Тендерийг 2012 оны 06 сарын 04-ны өдрийн 10 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2012 оны 06 сарын 04-ны өдрийн 11цаг 00 минутад нээнэ.Тендер түүнийг нээсэн өдрөөс хойш 45 хоногийн хугацаанд хүчинтэй.

Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг:

Өмнөговь аймгийн Засаг даргын Тамгын газар

Өрөөний дугаар: 213 тоот

Утас 98050888, 99538306

Тендерийн урилга ӨМ2012/39

2012-05-18T15:20:00.000+08:00

Огноо: 2012.05.17

Тендер шалгаруулалтын нэр: Өмнөговь аймгийн “Даланзадгад сумын төвийн автозамын уулзваруудыг гэрлэн дохиотой болгох ажил”

Тендер шалгаруулалтын дугаар: ӨМ2012/39

Өмнөговь аймгийн Засаг даргын Тамгын газар нь эрх бүхий тендерт оролцогчдоос “Даланзадгад сумын төвийн автозамын уулзваруудыг гэрлэн дохиотой болгох ажил”-ыг гүйцэтгэх тухай битүүмжилсэн тендер ирүүлэхийг урьж байна.

Тендер нь 4 багцтай ба тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр нэг багцийг 40000 төгрөгөөр худалдан авч болно. Данс: Өмнөговь аймаг Төрийн сан банкТендерийн хорооны 110051030 тоот данс.

Тендерийг 2012 оны 06 сарын 16-ны өдрийн 15 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2012 оны 06 сарын 16-ны өдрийн 16цаг 00 минутад нээнэ.Тендер түүнийг нээсэн өдрөөс хойш 60 хоногийн хугацаанд хүчинтэй.

Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг:

Өмнөговь аймгийн Засаг даргын Тамгын газар

Өрөөний дугаар: 213 тоот

Утас 88009219, 99538306

Тендерийн урилга ӨМ2012/61

2012-05-15T15:19:00.000+08:00

Огноо: 2012.05.14

Тендер шалгаруулалтын нэр: Өмнөговь аймгийн “Даланзадгад хотхоны ариутгах татуургын шугам сүлжээний ажил”

Тендер шалгаруулалтын дугаар: ӨМ2012/61

Өмнөговь аймгийн Засаг даргын Тамгын газар нь эрх бүхий тендерт оролцогчдоос “Даланзадгад хотхоны ариутгах татуургын шугам сүлжээний ажил”-ыг гүйцэтгэх тухай битүүмжилсэн тендер ирүүлэхийг урьж байна.

Тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр 100000 төгрөгөөр худалдан авч болно. Данс: Өмнөговь аймаг Төрийн сан банк Тендерийн хорооны 110051030 тоот данс.

Тендерийг 2012 оны 06 сарын 13-ны өдрийн 10 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2012 оны 06 сарын 13-ны өдрийн 11цаг 00 минутад нээнэ.Тендер түүнийг нээсэн өдрөөс хойш 45 хоногийн хугацаанд хүчинтэй.

Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг:

Өмнөговь аймгийн Засаг даргын Тамгын газар

Өрөөний дугаар: 213 тоот

Утас 96667952, 99538306

Тендерийн урилга ӨМ2012/58

2012-05-12T15:18:00.000+08:00

Огноо: 2012.05.09

Тендер шалгаруулалтын нэр: Өмнөговь аймгийн “Цогтцэций сумын 10/0,4 кВ-ын ЦДАШ, дэд станц барих ажил”

Тендер шалгаруулалтын дугаар: ӨМ2012/58

Өмнөговь аймгийн Засаг даргын Тамгын газар нь эрх бүхий тендерт оролцогчдоос “Цогтцэций сумын 10/0,4 кВ-ын ЦДАШ, дэд станц барих ажил”-ыг гүйцэтгэх тухай битүүмжилсэн тендер ирүүлэхийг урьж байна.Тендер нь 3 багцтай.

Тендерийн бичиг баримтыг албан бичгээр хүсэлтээ гаргаж, эргэн төлөгдөхгүй нөхцөлтэйгөөр нэг багцийг 80000 төгрөгөөр худалдан авч болно. Данс: Өмнөговь аймаг Төрийн сан банк Тендерийн хорооны110051030 тоот данс.

Тендерийг 2012 оны 06 сарын 08-ны өдрийн 10 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2012 оны 06 сарын 08-ны өдрийн 11цаг 00 минутад нээнэ.Тендер түүнийг нээсэн өдрөөс хойш 45 хоногийн хугацаанд хүчинтэй.

Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг:

Өмнөговь аймгийн Засаг даргын Тамгын газар

Өрөөний дугаар: 213 тоот

Утас 98058808, 99538306

Өмнөговь аймгийн Номгон сум веб сайттай болжээ

2012-05-12T03:15:00.001+08:00

Номгон төрийн захиргааны байгууллага нийт ард түмнийхээ өмнөөс цахим хуудсаар дамжуулан мэндчилгээ дэвшүүлье. Их говийн өмнө хязгаар нутагт аж төрдөг Номгончууд бид орон нутгаа хөгжүүлэх төр засгийн бодлого шийдвэрийг амьдралд хэрэгжүүлэх, ард түмнийхээ аж амьдралын түвшинг дээшлүүлэх говийн байгаль экологийг хамгаалах, хүнээ боловсролтой эрүүл болгох үндсэн зорилтын хүрээнд үйл ажиллагаа явуулж байна. Манай сум багтай харилцаатай байж хамтран ажиллахыг хүсье. Манай цахим сүлжээ та бүхэнд цаг үргэлж нээлттэй байх болно. Баярлалаа. Номгон сумын засаг дарга У. Батсайхан

Номгон сумын вебээр зочлох

Сум орон нутгийн мэдээ мэдээллийг цаг алдалгүй түгээж, нутгийн зон олныхоо мэдээллийн гүүр нь байхыг хүсэн ерөөе.

Тендерийн урилга ӨМ2012/60

2012-05-11T15:18:00.000+08:00

Огноо: 2012.05.09

Тендер шалгаруулалтын нэр: Өмнөговь аймгийн “Манлай сумын гадна дулааны шугам сүлжээний ажлын зураг төсөв боловсруулах ажил”

Тендер шалгаруулалтын дугаар: ӨМ2012/60

Өмнөговь аймгийн Засаг даргын Тамгын газар нь эрх бүхий тендерт оролцогчдоос “Манлай сумын гадна дулааны зураг төсөв боловсруулах ажил”-ыг гүйцэтгэх тухай битүүмжилсэн тендер ирүүлэхийг урьж байна.

Тендерийг 2012 оны 06 сарын 08-ны өдрийн 15 цаг 00 минутаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан тендерийг 2012 оны 06 сарын 08-ны өдрийн 16цаг 00 минутад нээнэ.Тендер түүнийг нээсэн өдрөөс хойш 45 хоногийн хугацаанд хүчинтэй.

Сонирхсон этгээд тендерийн бичиг баримт болон бусад мэдээллийг доорх хаягаар авч болно.

Хаяг:

Өмнөговь аймгийн Засаг даргын Тамгын газар

Өрөөний дугаар: 213 тоот

Утас 98058808, 99538306