Des 200-jährige Biergarten Jubiläum hod DB Regio Oberbayern zum Anlass g’nomma und a Jubiläumslokomotive auf’d Gleise g’stellt. Das Biergartenmotiv auf beide Seit’n macht Lust auf an gmiatlichn Biergartenbsuach. “Die Bahn ist der ideale Partner für einen geselligen Ausflug mit Freunden in den Biergarten. Ich freue mich daher, dass unsere Lok Botschafterin für das Jubiläum 200 Jahre Biergarten ist”, soggd Antonia Bassewitz, Geschäftsleiterin Marketing, DB Regio Bayern.

In da Nacht zum Freidog im DB Werk in Pasing  frisch beklebt, is die Lok am 11. Mai 2012 middogs auf’m Gleis 35 im Münchner Hauptbahnhof ei’glaffa. Stilgerecht is danach von da Antonia von Bassewitz, Angela Nuscheler (Tourismusverband Oberbayern) und da Bayerischen Bierkönigin Barbara Hostmann dauffd woan.

Des Design hod Geiblinger Gudrun entworfen, unterstützt woan is die Gestaltung von da Lok vom Modellbahnhersteller Roco.

Ab jetzad is die Lok fia die näxt’n Wocha und Monat auf de Gleise im Nahverkehr von München aus in Richtung Garmisch, Partenkirchen, Salzburg, Regensburg, Passau und Nürnberg untawegs. Und ab Oktober kenna alle Modelleisenbahn-Fans die Lok im Internet beim Modellbau Härtle  kaffa.

Fotos: ©Heinz Hoffmann

Die Eröffnung der Biergartensaison is ja Gott sei Dank ned amtlich festg’legt. Da richtige Zeitpunkt konn sei vor’m Maikäfer oda nach’m  Maikäfer – aba aa zua Zeit dvom Holzbock! Beim Auftreten von dem Borkenkäfer konn’s feile a scho so weid sei. Wenn da Borkenkäfer scho arbat, dann konn’s losgeh… Wobei der andere Schädling, die Miniermotte, der konn da no ned mid hoitn. Die Miniermotte hod”s scho schwerer, die is ja auf Kastanien spezialisiert. Die muass dann wart’n, bis die Kastanien austriem hom. Der Schädling is praktisch o’gwiesn auf die Kastanien, wohingegen da Biertrinker ned, des ist der große Unterschied!

Und  Der Biertrinker is normalerweise koa Schädling, sondan ein Nützling, oda?

So lang die Kastanien no koan Schatt’n gem, is der Biertrinker aiso im Vorteil. Do brauchst du dann nämlich ois Biertrinker a koa Bierfuizl. Da Bierdeckel is ja quasi a Bewaffnung g’wesn gega’n Maikäfer. Oda gega’n Schboaz, der oam in Kruag neischeißt.

Ob I an Lieblings-Biergarten hob? Na, eigentlich ned. Aba I muass imma strategisch guad hogga. Fia mi is imma wichtig, dass I ned mittendrin, sondan eher an da Peripherie hogg’. Soit a Hendlgeruch oda irgendwie so wos in da Nähe sei, dann mechd I so sitz’n, dass si der Hendlgeruch a bissal mit’m Geruch von de öffentlichen Toiletten kreizt. Genau doa gibt’s dann meistens die spannendsten Geschehnisse in am Biergarten. Do sitzt ma dann nämlich zwischen de zwoa wichtigsten Pole von am Biergarten.

Abenteuer gefällig – Dann lieber Bauernhof als Dschungelcamp! Mal raus aus dem Internet – Gugln Sie doch auf bayrisch!

Mit pfiffigen Slogans, Hinguckern und Radiospots will Landwirtschaftsminister Helmut Brunner neue Zielgruppen für „Urlaub auf dem Bauernhof“ gewinnen. „Familien mit Kindern wissen längst, dass sie auf bayerischen Bauernhöfen tolle Ferien verbringen können“, sagte der Minister in München, wo er gemeinsam mit der Vorsitzenden des Landesverbands „Urlaub auf dem Bauernhof“, Gerda Walser, die neue Imagekampagne vorstellte. Die Aktion solle deshalb bislang weniger Interessierte wie Singles, gestresste Manager oder junge Paare neugierig machen. „Abschalten, zuhause fühlen, genießen und erleben – der Bauernhofurlaub ist eine Oase der Auszeit und für alle Bevölkerungsschichten attraktiv“, so der Minister. Zu sehen sind die kernigen Botschaften in den nächsten Wochen in München und Berlin – unter anderem auf Großflächenplakaten und Infoscreens in U- und S-Bahnhöfen. Auch das Landwirtschaftsministerium macht mit zwei Fassadenbannern mit.

Profi-Versandhandel für die Landwirtschaft: jede Woche ein Top-Produkt zum Hammerpreis

5 500 Urlaubshöfe gibt es derzeit in Bayern. Die Zahl der Übernachtungen ist 2011 um gut vier Prozent auf 12,3 Millionen erneut gestiegen. Die Saison 2012 wurde am 3.Mai im oberbayerischen Grassau eröffnet.

Die “Bierkrug Babyflasche” is eine geniale Weltneuheit und ab jetzad kennz de im Bavariashop kaffa! Da Nugglkruag hod alle handelsüblichen Merkmale von a regulären Baby-Trinkflasche. Und a bsondas Extra: da Mini-Henkel schauggd ned nur cool aus sondan is a extrem praktisch fia gloane Kinderhänd’. Der Sauger konn, bei Bedarf, mit jedem beliebigen NUK- oder BabyNova-Sauger ausdauscht wern.

Des butzige Logo “Bären Bräu” ziert die Bierkrug Babyflasche und a des scheene, weiß-blaue Saggal, wos kostenlos mitgliefert werd. Des Logo is natürlich a auf’m Gschengg-Karton, der mit dem hochglänzenden Druck, a echter Blickfang is.

Der Nuckelkruag, in da praktischen 250 ml-Größe, is einfach ideal fian Dog auf da Wiesn! Dichtungsplättchen und Schutzkappe garantieren, das nix auslaffd oda verschütt’ werd. Deshoib is des Bierkruag Babyflascherl a bei Mama und Papa sehr beliebt.

Die Kunststoff-Trinkflasche ist komplett DEKRA-geprüft und natürlich ohne Bisphenol A hergestellt. Sie ist geeignet ab 6 Monaten.

Materialien:
Flasche: BPA-freier Kunststoff
Sauger: BPA-freies Silikon
Verpackung:

Das Säckchen ist aus 100 % Baumwolle mit einer Kordel aus Seide.
Der umweltfreundliche Papier-Karton hat ein Sichtfenster aus recyclebarem Kunststoff.

Des gibt’s ned nua fia Mitglieder von Trachtler-Vereine. Mitten in da Landeshauptstadt is am 11. Mai 2012 jeda herzlich ei’glodn mit zum macha beim „Boarischen Lenz – Musi und Danz“. An dem Abend drahd si im Bräustüberl ab simme auf’d Nacht ois um Walzer, Landler, Zwiefache und Polkas. Die Gäste kenna unta da Anleitung von am Tanzmeister das Tanzbein schwinga und oafache
Volkstänz’ erlernen.

Da Volkstanz is Ausdruck von Lebensfreude und g’heard, wia die Volksmusik und das Volkslied, in die Gemeinschaft. Das Angebot an öffentliche Gelegenheiten zum Volkstanz is in München aba leida überschaubar und dank am Festring München e.V. jetzad um an Anlass reicher.

Die wichtigste Aufgabe an am Volkstanzabend erfüllt da Tanzleiter. Er is fia’n Ablauf verantwortlich, erklärt die Tanzformen und danzt’s vor. A Danzlmusi übernimmt die musikalische Begleitung der Tänze. Neba allgemeine Tanzformen wia Landler, Polka, Schottisch und Dreher weist jede bayerische Region fia sie typische Figurentänze auf. Zu de bekanntesten oberbayerischen Formen zählen die “Kreuzpolka“, da “Waldiager“, da “Masianer“, as “Hüatamadl“, da “Siebenschritt” und’s “Bauernmadl“. A’ Dreiertänz’ soitn bei am zünftigen Volkstanzabend ebenso wenig fean wia die bekannte Münchner Francaise, a ehemals höfischer G’sellschaftstanz.
Da „Boarische Lenz“ fangd um simme o’ und steht unta da Leitung von Musikwart Andreas Hilger. Durch den Abend führt Eich der erfahrene Tanzmeister Otto Zaiser mit Unterstützung da Rottauer Tanzlmusi, da Frasdorfer Geigenmusi und da Gaugruppe
Chiemgauer Alpenverband.

Tickets griaggsd fia € 10.‐ über’s Ballbüro, unter Tel. 089/5472669‐16 oder unter www.loewenbraeukeller.com. Mitglieder vom Festring griagn ermäßigte Karten üba’d Geschäftsstelle.

Und am Sonndog kemma die Verfechter da bayerischen Tanzkultur auf’m Sommer Tollwood in da tanzbar auf eana’re Kosten und des is weid mehra ois nua “Lustige Holzhackerbuam” und an Zwiefach’n. Die alpenländische Tanzkultur kennd grob xoggd hundert Ausprägunga, je nach’m Gai. Mitglieder vom Trachtenverein “Riadastoana Feldmoching” zoagn Eich die unterschiedlichen Varianten vom Schuahplattler, Figuren- und Volkstänz’. Ma muass zwar koa Lederhos’n oda a Dirndl drogn, aba scheena is ollawei…

Kosten duad’s nix – aussa fia den oan oda andan Übawindung!

WO und WANN? Im Olympiapark Süd und des jedn Sonndog von fünfe bis um hoibe neine auf’d Nacht.

Bei uns in Bayern hoassd’s imma no Fleischpflanzerl, Semmel und Brezn – aba imma mehra Münchner G’schäfte schreim inzwisch’n norddeutsche und fia uns Bayern schwer z’verstehende Ausdrück’ auf eanare Speiskart’n und Werbe-Buitl. Oana davo is da Feinkost Käfer – Im Herzen von München in da Schrannenhalle gibt’s statt Semmeln “Brötchen – frisch, knusprig, norddeutsch”.  Des is aba leida koa Einzelfall in München. A beim Höflinger hod’d AZ wos g’fundn: „Butter-Berliner“ san im Angebot. „Eine Katastrophe, da hat jemand geschlafen“, soggd da Bäcker Franz Höflinger. „Ich bin ein Verfechter richtiger Ausdrücke. Bei mir gibt’s Brezn, Semmeln und Krapfen.“

Sprach-Probleme gibt’s aba vor allem bei deutschlandweite Ketten: Am „Yorma’s“-Kiosk wern Brezn ois „Brezel“ vakafft. Foisch – Brezeln san fia Bayern d’ Mini-Ausführung, aba auf gar koan Fall Laugengebäck.

Dass beim Edeka „Frikadellen“ gibt, is wega da deutschlandweiten Auslieferung, soggd a Sprecher. Auf regionale Spracheigenheiten ko ma ned ei’geh. An de Fleischtheken „gibt’s regionale Fleischpflanzerl“.

Unbairisch liest si a so manche Speis’kartn. Im Lenbach gibt’s Reibekuchen statt Reiberdatschi. D’ Antwort aus’m Lenbach: „Das ist so für unser internationales Publikum leichter zu verstehen.“

Wo stirbt das Bairische? Schiggt’s uns Eire Beispiele an info@biergartler.de

Im Münchner Stadtteil Obermenzing liegt der idyllische Biergarten mit scheene oide Obstbaam und is z’Fuas guad von da S-Bahn Obermenzing zum erreicha. Blotz is fia 250 hungrige und durschtige.Am Ausschank konn ma si fia a frische Maß Bier vom Hofbräuhaus Tegernsee oda a spritzige Hopf Weisse entscheiden und des fia anständige 7 Euro. Fia de hungrig’n gibt’s typische Münchner Schmankerl wia de abgschmoizne Breznsupp’n oda de zünftige Alpen-Brotzeit.

D’ Kinder frei’n sich üba an scheena, nei o’glegtn Spuiblotz mit a gmiatlichn Lounge fia’d Eltern. Dazua gibt’s no an Streichelzoo wos’d de Viechal mit Obst und Gmias fuadan konnsd.

Foto: Münchener Brauereien e.V.

Am 4. Mai is wieda so weid – der Maibaum werd dann da zweafte sei, den da Verein Münchener Brauereien e.V. seit 1962 am Viktualienmarkt aufg’stellt hod. Da Vorgängerbaum, de ca. 150 Jahre oide Ficht’n, mit am Stammdurchmesser von 72 cm unten und 36 Meta in da Höh’ is scho Ende 2011 abbaud worn. Wie a scho fia den oidn Fichtenstamm und de Figurengruppen wern die Maler a desmoi wieda ca. 40 kg Farb’ und mehr ois 5 Zentner Stahl fia de Halterungen von de Figurengruppen braucha.
De Figurengruppen san nach am Entwurf von Paul Ernst Rattelmüller o’gfertigt worn. Sie stellen Motive vom Münchner Leben dar:

Brauereigespann, Brauerwappen, Oktoberfest-Szenen, Schäfflertanz, Standlfrau und Bierausschank, Musiker und Tanzpaar, sowia die zwoa Schutzheiligen da Brauer, St. Bonifaz und St. Florian. An Spitz vom Maibaum zieren in da Regel a Kranz und die Münchner Stadtfahne.