கண்மணி பக்கம்

வாட்ஸ் அப்...வாட்ஸ் அப்

noreply@blogger.com (கண்மணி/kanmani) — Tue, 5 Feb 2019 16:17:00 +0530

தூங்கி எழுந்ததிலிருந்து தூங்கும் வரை மட்டுமல்ல பாதி தூக்கத்தில் எழுந்தால் கூட ஏதேனும் மெசேஜ் வந்திருக்கானு பார்க்கும் அளவிற்கு வாட்ஸ் அப் வாழ்க்கையின் ஒரு அங்கமாகவே மாறி விட்டது .

கம்யூனிகஷன் இந்த அளவிற்கு எளிமையாகவும் பெர்சனலாகவும் இருப்பதற்கு வாட்ஸ் அப் ஒரு முக்கிய காரணம்.

என்ன ஒரு விஷயம்னா நாம் அவசரத்திற்கு சேவ் செய்து வைத்திருக்கும் கேஸ்கடைக்காரர்,லாண்டரி கடை ,டெய்லர்,எலக்ட்ரீஷியன்,பிளம்பர்னு எல்லோர் வாட்ஸ் அப்பும் கான்டாக்ட்ல சேர்ந்திருக்கும்.அதை மியூட் அல்லது பிளாக் செய்யலைனா ஸ்டேட்டஸ் புரோபைல்னு எல்லாமும் வெட்ட வெளிச்சம்.

வாட்ஸப்ல வரும் மெசேஜ் ,விடியோ,பிக்சர் எல்லாம் பல ஆயிரம் ஆண்டுகளுக்கு முன்பே நமக்கு கிடைத்திருந்தால் உலகம் உருண்டை என்பதை மிக எளிதாக நிரூபித்திருக்கலாம்.
இரண்டு வாரமோ இரண்டு வருஷமோ ஆனாலும் நமக்கே திரும்ப வராத மெசேஜ் அல்லது வீடியோ இருக்க முடியாது.

வாட்ஸ்ப்ல கிரியேட்டிவிட்டி என்பது கம்மி.பார்வார்டு செய்யனும் என்பதுதான் மெயின் .எது நமக்கு வந்தாலும் உடனே யாருக்காச்சும் பார்வேர்டு செஞ்சிடனும்.

அதுக்கும் ஒரு ஆப்பு.முன்னெல்லாம் ஒரே நேரத்தில் எவ்ளோ பேருக்கு வேணாலும் சிங்கிள் கிளிக்கில் பார்வேர்டு செய்யும் வசதி இருந்தது.இப்போ ஒன்லி டு ஃபைவ்

காலைல ஒரு கூடை (சன்லைட்)குட்மார்னிங் இரவு ஒரு கூடை (மூன்லைட்)குட்நைட் வந்து சேரும் . அள்ளிக் கொட்டனும்.இதுல பாசக்கார புள்ளங்க குரூப்ல யும் அனுப்பிட்டு நமக்கு தனியா வேறயும் அனுப்புவாங்க.

ஒருவர் ஏற்கனவே பார்த்த பழைய செய்தி இன்னொருவருக்கு புதிதாக இருக்கலாம்.உடனே நம்ம ஆளுங்க ஒரு நோஸ்கட் ரிப்ளை.இது வெரி ஓல்டு நான் போன வருஷமே பார்த்துட்டேன். இருக்கட்டுமே உங்களுக்கு வேற குரூப்ல இருந்து வந்துடுச்சினு எப்படி தெரியும் வேணாம்னா டெலிட் செய்ங்க இல்ல வேறு யாருக்காச்சும் பார்வேர்டு செய்ங்க.

அடுத்து காணமல் போன குழந்தை அல்லது சர்ட்டிபிகேட்னு ஒரு மெசேஜ் கொஞ்ச நாளைக்கு ரவுண்டு கட்டும்.காணாமல் போன குழந்தையே பெரிசாகி படிக்கும் வரை கூட சுத்தியடிக்கும்.
உதவிக்கரம் நீட்டுங்கள்னு ஹாஸ்பிடல் போட்டோலாம்போட்டு சிகிச்சைக்கு உதவி கேட்கும் செய்தி
மேற்கூறிய எல்லாமும் உண்மையாக இருக்கும் பட்சத்தில் உதவி கிடைக்க பார்வேர்ட் செய்வது தப்பில்லை.ஆனால் எப்போது எங்கு கால அவகாசம் முடிந்து விட்டதானு தெரியாமல் சிம்ப்ளி பார்வேர்டிங்

முன்னெல்லாம் 10 காசு இன்லண்ட் லெட்டரில்( நிறைய பேர் இங்கிலேண்ட்னு வாங்க)ஸ்ரீராமஜெயம் அல்லது கடவுள் பற்றிய செய்தி எழுதி இன்று இரவுக்குள் 15 பேருக்கு ஷேர் செய்ங்க நல்லது நடக்கும்னு ....அல்லது அனுப்பாவிட்டால் ரத்தம் கக்கி சாவீங்கனு வரும்.
வாட்ஸ் அப்பும் இதில் விதி விலக்கல்ல. சாய்ராம் சாய்ராம்னு எழுதி உடனே பார்வேர்ட் செய்ங்க அல்லது சாயி போட்டோ பிள்ளையார் போட்டோ அனுப்பி ஷேர் செய்தால் நாளைக்குள் நல்ல செய்தி மெசேஜும் உண்டு.

இது எல்லாம் கூட பரவாயில்லை.போட்டோ புதிர் ...படங்களை சேர்த்து சினிமா பேரோ அல்லது ஊர் பேரோ கண்டு பிடிக்கும் கேம் மெசேஜ்களும் வரும் பாருங்க.மண்டைய பிச்சிகிட்டு விடை கண்டு பிடித்து சரியானு கேட்டா 'யாருக்கு தெரியும்.எங்க குரூப்ல இருந்து வந்தது அப்படியே பார்வேர்ட் செஞ்சிட்டேனு ' கூலா பதில் வரும்.
இதுல நாம மண்டைய பிச்சிகிட்டு கண்டு பிடிச்சாலும் நோ யூஸ் ஏன்னா அனுப்புனவங்களுக்கே பதில் தெரியாது.

அடுத்து ஒரு மெசேஜ் வரும் பாருங்க.இந்த பிப்ரவரியில் 4 சண்டே 4 மண்டே....இப்படி வாரத்துல எல்லா நாளையும் சனி வரை சொல்லி 4 ,4 வரும் இது 823 வருடத்திற்கு ஒருமுறை வரும் இதுக்கு பேரு money bag...இது உங்க வாழ்நாள் ல ஒருமுறைதான் வரும்னு மெசேஜ்.
ஏனுங்க எந்த கிழமைல பிப்ரவரி ஸ்டார்ட் ஆனாலும் 7×4=28 தானுங்களே.அப்போ ஏழு கிழமையும் 4 முறை வரும் தானே.
இது போக இந்த மார்ச்ல(அது எந்த வருஷம்னு இருக்காது) 5 வெள்ளி 5 சனி 5 ஞாயிறு தொடர்ந்து வரும் 823 வருஷம்... மனிபேக் நு ....வேற மெசேஜ் ஒன்னு. 2013 to 2018 லயும் இது போல வந்திருக்கும்.சோ இடையில 823 வருஷமா? கொஞ்சம் டக்கு டக்குபார்வேர்ட் செய்யாம யோசிச்சு செய்யலாமில்ல.

செல்ஃபியும் பேமிலி போட்டோவும் இடம் பிடித்த ஸ்டேட்டஸ்ல இப்பெல்லாம் டிக் டாக் ஹலோ ஷேர்சாட் மியூசிக்லினு அடி தூள்னு ரகளை கட்டுது.
நட்புவட்டம்அதிகரித்தல்...புதுப்பித்தல்...ஷேரிங்...பிசினஸ் பொழுது போக்குனு பல விஷயங்கள் இருந்தாலும் ..இன்னும் கொஞ்சம் செய்திகளின் நம்பகத் தன்மை தேவைகளின் நேரம் காலம் போன்றவைகளும் சரியாக இருக்கனும்....மாற்றம் வரலாம்.

கஸ்டமர் கேரும்...என் சேனல் செலக்‌ஷனும்

noreply@blogger.com (கண்மணி/kanmani) — Mon, 4 Feb 2019 22:40:00 +0530

ஜனவரி 1-ஆம் தேதிக்குள் மாற்ற வேண்டும் என்று முடிவானது பிறகு பிப்ரவரி 1 வரை நீட்டிக்கப்பட்டது சேனல் செலக்‌ஷன் பற்றிய டிராயின் அறிவிப்பு

இந்த ஒரு மாத கால அவகாசத்திற்குள் எல்லா வாடிக்கையாளர்களையும் தொடர்பு கொண்டு அவர்களுடைய தேர்வினை முன்னரே பெற்றிருந்தால் பிப்ரவரி 1 லிருந்து செயல்படுமாறு செய்திருக்க முடியும்

அவ்வாறு ஒரு வாரம் பத்து நாள் முன்னரே தேர்வு செய்தவர்களுக்கும் பிப்ரவரி 1 முதல் பேக்கேஜ் ஆக்டிவேட் ஆகவில்லை
என்னுடைய பதிவு மொபைலுக்கு ஜனவரி 27 குறுஞ்செய்தி வந்து 29 ல் நானும் சேனல் செலக்‌ஷனை பதிவு செய்து வைத்திருந்தேன்.

இருந்தும் பிப்ரவரி 2 லிருந்து
மூன்று நாட்களாக டிடிஹெச் வேலை செய்யவில்லை எந்த சேனல்களையும் பார்க்க முடியவில்லை வாடிக்கையாளர் சேவை மையத்திற்கு தொடர்பு கொண்டேன்.

எப்பொழுதும் போல ஒன்றை அழுத்தவும் 2 அழுத்தவும் மூன்றை அழுத்தவும் மீண்டும் கேட்க பூஜ்ஜியத்தை அழுத்தவும் மெயின் menu விற்கு செல்ல #அழுத்தவும் என பதிவு செய்யப்பட்ட குரலில் திரும்பத் திரும்ப கேட்டது.எனக்கு வேண்டியது 9 அழுத்தவும் தானே.அது தானே சேவை மைய அதிகாரிக்கு தொடர்பு படுத்தும்.

அலுத்துப் போய் நானும் கொஞ்சம் டகால்டி வேலை எல்லாம் செய்து பதிவு குரல் சொல்லாத போதும் 9 அழுத்தினால் மன்னிக்கவும்.நீங்கள் தவறாக தேர்வு செய்துள்ளீர்கள்.மீண்டும் மெயின் மெனுவிற்கு செல்லுங்கள்நு துரத்தி அடிக்க
ஒரு வழியாக சேவை மைய அதிகாரியின் தொடர்பு கிடைத்து பேசத் தொடங்க..

பதிவு செய்யப்பட்ட மொபைல் எண்ணை சொல்லுங்கள் கனெக்சன் யாருடைய பெயரில் இருக்கிறது என்ற பார்மல் ஆன விசாரணைகளுக்குப் பிறகு உங்களுக்கு என்ன உதவி வேண்டும் என்றதும் மூன்று நாட்களாக டிடிஎச் வேலை செய்யவில்லை எந்த சேனலும் தெரியவில்லை என்றேன்.

நீங்கள் உங்கள் தேர்வை அனுப்பிய பிறகே ஆக்டிவேட் செய்யப்படும் என்றதும் நான் முன்னரே அனுப்பி விட்டேன்.
ஓ அப்படியா அப்படியென்றால் இன்னும் 4 மணி நேரத்தில் ஆக்டிவேட் ஆகும் என்றபோது வேறுவழியின்றி நம்பிக்கையோடு காத்திருக்க அதற்கு பிறகும் எந்த மாற்றமும் இல்லை

மீண்டும் வாடிக்கையாளர் சேவை மையம்

திரும்பவும் மூன்று ஒன்று இரண்டு அழுத்தி காத்திருந்து உங்கள் அழைப்பு முக்கியமானது சேவை மையம் மதிப்பீட்டிற்கு பயன்படுகிறது தயவு செய்து காத்திருக்கவும் வேற வழி காத்திருந்தேன்.

ஒருவழியாக அதிகாரியை தொடர்பு கொண்டபோது நான்கு மணி நேரத்தில் ஆக்டிவேட் ஆகும் காத்திருக்க வேண்டும் அதிர்ந்து போய் மூன்று நாட்களாக இதையே சொல்கிறீர்கள் ஏதாவது செய்யுங்கள் என்று கெஞ்சிய பிறகு உங்களால் லைனில் காத்திருக்க முடியுமா என்று அதிகாரி கேட்க அதைவிட வேறு என்ன வேலை என்று ரிமோட்டும் கையுமாக டிவி முன்னால் பழியாக கிடக்க

ஒவ்வொன்றாக அதிகாரி சேனல் ஆக்டிவேட் செய்ய எதையோ சாதித்தது போல திருப்தியாக இருந்தது

இடை இடையே ஏதேனும் சந்தேகம்இருந்தால் கேளுங்கள் என்று கேட்க ஒன்றும் இல்லை எனக்கு எல்லா சேனல்களையும் ஆக்டிவேட் மட்டும் செய்தால் போதும்
ஒரு வழியாக நான் செலக்ட் செய்த என்னுடைய பேக்கேஜ் ஆக்டிவேட் செய்யப்பட்டு விட்டது சேவை மைய தொடர்பும் துண்டிக்கப்பட்டது

பிறகுதான் இன்னொரு பிரச்சினை
FTA எனப்படும் free-to-air சேனல்கள் ஆக்டிவேட் செய்யப்படவில்லை பிறகு என்ன திரும்பவும் வாடிக்கையாளர் சேவை மைய தொடர்பை ஆரம்பிக்க 3 1 2 பூஜ்ஜியம் என பதிவு செய்யப்பட்ட குரல் ஒப்புவிக்க
இதனிடையே உங்கள் இருப்பு தொகை மூன்று 100 என்பது ஆறு ரூபாய் ஆகும் 386 தான் இப்படி உடைத்து உடைத்து ஒப்புவித்தது பதிவு செய்யப்பட்ட குரல்

பலமுறை தொடர்பு துண்டிக்கப் பட்டு மிகுந்த பிரயத்தனத்திற்கு பிறகு மீண்டும் சேவை மைய அதிகாரியுடன் பேசிய பொழுது எனக்கு ஃப்ரீ சேனல் வரவில்லை என்றதும் நீங்கள் அதை தேர்வு செய்தீர்களா என்று கேட்டார்
இல்லை free சேனல்கள் default ஆக செலக்ட் செய்யப்பட்டிருந்தது என்றேன் அது டிடியின் 25 சேனல்கள் மட்டுமே மற்ற சேனல்களை நீங்கள் தான் தேர்வு செய்திருக்க வேண்டும் என்றார்

கட்டண சேனல்களை ஆக்டிவேட் செய்ய வே மூன்று நாட்கள் ஆனது அதில் எப்படிfree சேனல்களை மீண்டும் சேர்ப்பது என்று அவரிடமே கேட்டபோது நீங்கள் மறுபடியும் செலக்ட் செய்து submit செய்யவும் பிறகுதான் அதை ஆக்டிவேட் செய்ய முடியும் என்றார்
ப்ளீஸ் சார் நீங்களே அதை ஆக்டிவேட் செஞ்சிடுங்களேன்.பிரீ சேனல் தானே என்று கேட்க
சாரிங்க..இதுக்கு முன்னே நீங்க சொன்னாலே ஆக்டிவேட் செய்வோம்.இப்ப ரிக்வெஸ்ட் சப்மிட் செஞ்சாதான் செய்ய முடியும்.
ஒவ்வொரு முறையும் ஒவ்வொரு அதிகாரி (ஆண் பெண் இருபாலரும்)யாக பேசி ஒவ்வொருத்தர் கிட்டவும் a-z என் தேவையைச் சொல்லி....

ஒரு படத்தில் விவேக் சொல்வார் தூங்கும் போது கூட காலை ஆட்டிக்கிட்டே தூங்கனும் இல்லைனா பொணம்நு நினைச்சிடுவாங்க நு அப்படி காத்திருக்கும் நேரத்தில் நாம லைனில் தான் இருக்கோம்னு காட்ட கனைத்து வராத இருமலை வரவழைத்து...கடவுளே...

என் சேனல் ...என் உரிமை இல்லையா...கஷ்டப்பட்டுத்தான் பெறனும்.

ஒருவழியாக சேனல்களை தேர்வுசெய்து சப்மிட் செய்த பிறகுதான் தெரிந்தது இந்த முறை free சானல்கள் மட்டுமே தேர்வு செய்ததால் அது மட்டுமே ஆக்டிவேட் ஆகி ஏற்கனவே தேர்வு செய்த கட்டணச் சேனல்கள் வராமல்போய்விடுமோ என்ற பயம் வந்தது

ஐந்தாவது முறையாக மீண்டும் அந்த டிடிஹெச்சின் வலைதளத்தில் கட்டண சேனல்கள் மற்றும் இலவச சேனல்கள் இரண்டும் சேர்த்து தேர்வுசெய்து சப்மிட் செய்தேன்
மறுபடியும் ஆக்டிவேட் செய்ய சேவை மைய அழைப்புகள்

இந்த முறை புது மாதிரியான விளக்கம் சர்வர் டவுன் ஆகி விட்டது நான்கு மணி நேரத்திற்கு பிறகு தொடர்பு கொள்ளவும் இன்னமும் மனம் தளராத விக்கிரமாதித்தன் போல சேவை மையத்தை தொடர்பு கொள்வதும் 4 மணிநேரம் காத்திருப்பதும் தொடர்கதையாகி கொண்டிருக்கிறது

பிறகுதான் தெரிந்து கொண்டேன் டிடிஹச் சேவைகள் இப்படி வாடிக்கையாளர்களை அலைக்கழித்துக் கொண்டிருக்கிறது என்று சமூகவலைதளங்களில் பலவிதமான புகார்கள் வந்து கொண்டிருப்பதும் அதிலும் சில டிடிஹச் சேவை உடனடியாக வாடிக்கையாளர்களின் தேவையை பூர்த்தி செய்து கொண்டு இருக்கிறதாம் சிலது இப்படி அலைக் கழித்துக் கொண்டிருக்கிறதாம்.

ஒரு மாதம் வரை நீட்டிப்பு செய்த பிறகும் தகுந்த நடவடிக்கைகளை எடுத்திருந்தால் இந்த அளவிற்கு வாடிக்கையாளர்களை அலைகழிக்க வேண்டி இருக்காது டிடிஹெச் இல்லாமல் கேபிள் ஆபரேட்டர்கள் மூலம் இணைப்பு வைத்திருப்பவர்கள் எல்லாவற்றையும் படிவத்தில் பூர்த்தி செய்து அவர்களிடமே ஒப்படைத்து விடுவதால் அதிக அலைக்கழிப்பு இல்லை

விருப்ப சேனல்களை தேர்வு செய்வோர் இலவச சானல்களிலும் தங்களுக்குத் தேவையானவற்றை சேர்த்து தேர்வு செய்ய வேண்டும் என்பது அனுபவப் பட்ட பின்னரே தெரிகிறது.இப்படித்தான் செய்ய வேண்டும் என்ற எந்த முறையான வழி காட்டுதலும் இல்லை.யூ டியூபில் இது குறித்து பதிவு ஏற்றுபவர்களும் கூட அறிந்திருக்கிறார்களா தெரியவில்லை.

என் சேனல் என் விருப்பம் என் உரிமை என்பதைத் தாண்டி 130 150 170 ரூபாய்க்குள் தொலைக்காட்சி பார்த்துக் கொண்டிருந்தவர்கள் இப்போது 153 (130+18%gst)அடிப்படை கட்டணமாகவும் விருப்ப சேனல்களுக்கு குறைந்தது 100(100+18) என்றாலும் 153+118=273 ரூபாய் செலுத்த வேண்டிய கட்டாயம்
இதில் எல்லாவற்றையும் வாடிக்கையாளர்கள் மீது திணிப்பதை தவிர்க்கவே இந்த புதிய நெறிமுறையாம்.ம்ம்ம்ம்

பின்குறிப்பு:இந்த பதிவை வெளியிடும் முன்பும் சேவை மையத்தை தொடர்பு கொண்டேன்.வழக்கம் போல 1,2,3 அழுத்திய பிறகும் எந்த பதிவு குரலும் இல்லை.சைலண்டா இருந்து கட் ஆயிடுச்சி..
ஆனாலும் ஒன்றை சொல்லியாகனும்.சேவை மைய அதிகாரிகள் மிகவும் பொறுப்பாக பொறுமையாகவே பதில் சொல்கிறார்கள்.

வாழ்க்கை

noreply@blogger.com (கண்மணி/kanmani) — Mon, 28 Jan 2019 14:27:00 +0530

நம்

எதிர்பார்ப்பிற்கும்

நமக்கு கிடைத்தவற்றுக்கும்

உள்ள

இடைவெளியை

எப்படி நிரப்புகிறோம்

என்பதில்

உள்ளது

வாழ்க்கையின் அழகு

காணும்...பொங்கல்....

noreply@blogger.com (கண்மணி/kanmani) — Wed, 23 Jan 2019 18:54:00 +0530

சுள்ளென்று
வெயில் சுட்டதும்
துள்ளி எழுந்து
குளித்து முடித்து
ரெடியாகி

அண்ணனுக்கு
அல்வாவும்
அண்ணிக்கு
அடை அவியலும்
அத்தைக்கு
கேசரியும்
அக்கா குடும்பத்திற்கு
ஸ்வீட்ஸும்
ஸ்விக்கி யில்
ஆர்டர் செய்து

தங்கை தம்பி
பிள்ளைகளுக்கு
அமேஸானில்
பரிசு பொருட்கள்
பர்சேஸ் செய்து

வீட்டு பிள்ளைகளுக்கு
ஆன் லைனில்
பேட்ட புக் செய்து

அம்மா அப்பாவிடம்
போனில்
ஆசி பெற்று

தோழமைகளுக்கு
வாட்ஸப்பில்
வாழ்த்து அனுப்பிவிட்டு

சோபாவில்
சாய்ந்து
தொலைக் காட்சியை
முடுக்கினேன்

*காணும் பொங்கல்*

பொங்கல்...வந்ததே

noreply@blogger.com (கண்மணி/kanmani) — Wed, 23 Jan 2019 18:48:00 +0530

30 நாட்கள்
கோலம் போட்டு

மாடிமுதல்
தோட்டம் வரை
சுத்தம் செய்து

அஞ்சரைப்
பெட்டியிலிருந்து
அண்டா குண்டா
கழுவி
காய வைத்து

போர்வை
தலையணை
பாய் என
அலசிப் போட்டு

மார்கழி
தொடங்கி
தை முதல் வரை
பொங்கல் வேலை
செய்ய

கிடைத்தது
என்னமோ

கையளவு
சர்க்கரைப் பொங்கலும்
அதில் பாதி
வெண் பொங்கலும்
கூட்டுக் காய்கறி
போக

எஞ்சியிருப்பது

இடுப்பு வலியும்
கை கால்
வலியும்
மட்டுமே

பொங்கலோ பொங்கல்

பிலாக்கிங்...அனுபவம்

noreply@blogger.com (கண்மணி/kanmani) — Wed, 23 Jan 2019 15:59:00 +0530

வணக்கம்.
மிக.....நீண்ட நாட்களுக்குப் பிறகு எழுத தோன்றுகிறது.

நீண்ட இடைவெளி நிறைய மாறுதல்களைக் கொண்டிருக்கக் கூடும்.மிகுந்த தயக்கத்துடனே உள் நுழைகிறேன்.
பழைய நட்புகள் காணக்கிடைக்குமா
தெரியவில்லை.நட்பில் பழையது புதியதென்ன இருக்கு.

ஆனாலும் தமிழ்மணம் பார்த்து கொஞ்சம் அதிர்ச்சி கலந்த ஆச்சரியம்.

பில்லாக்கிங்ல ஹைலைட் பின்னூட்டங்களும் அதில் நண்பர்கள் அடிக்கும் கும்மியும்.

ஒரு பதிவு போட்ட சில நிமிடங்களில் ஆரம்பிக்கும் இந்த கொண்டாட்டம்.

இப்போது பெரும்பாலான பதிவுகளில் 0 மறுமொழி!

40 ,40+ என்பதே இல்லை.!!

ஒரு நாளின் சராசரி பின்னூட்டம் 8 !!!!

வாசகர்களால் பரிந்துரைக்கப் படும் இடுகைகள் ஏதுமில்லை?!!!

வாட்ஸ்அப் டிவிட்டர் டிக் டாக் லைக் ஹலோ நு ஏகப்பட்ட சமூக வலைதளங்களின் வரவு காரணமாக இருக்கலாம்.

தொழில் நுட்ப வசதிகள் பெருகி வரும் சூழலில் இதொன்றும் ஆச்சரியமல்ல.

மாற்றம் ஒன்றே மாறாதது.

இது ஒரு சோதனைப் பதிவாக இருக்கட்டும்
புதிய பதிவுடன் வருகிறேன்.

தமிழ் மணம் கவனிக்க

noreply@blogger.com (கண்மணி/kanmani) — Sun, 19 Aug 2012 23:18:00 +0530

நீண்ண்ண்ண்ண்ட நாள் லீவு எடுத்துக்கிட்டு த‌மிழ் ம‌ண‌ம் வ‌ந்தேனுங்க‌
காக்கா வ‌டையைத் தூக்கி போன‌ க‌தை போல‌ என் பிலாக்ஸ்பாட் பேரில் .காம்[.com) காணோம்
ச‌ரி எதுனா ந‌ம‌க்கென்ன‌னு பிலாக்க‌ர் டிப்ஸ் ப‌திவு போட்டு பார்த்தா தமிழ்ம‌ண‌ம் ம‌க்க‌ர் செய்யுது.
ஏற்க‌ன‌வே சேர்த்தாச்சுனு வ‌ருது .ஆனால் முக‌ப்பில் வ‌ர‌லை
சரி ம‌றுப‌டியும் டூ வுட்டுடுவோம்னு பார்த்து ச‌ரி க‌டைசியா ஒரு முறை உத‌வி ப‌க்க‌ம் போவோம்னு பார்த்தால் ...எங்கே...எங்கே...??

முக‌ப்புல‌ விபியாவும் காணோம் அறிவுப்புக‌ள் தேட‌

அய்யா சாமீ..என் யோச‌னை இதுதான்
முகப்புல நிறைய குறிச்சொற்கள் தலைப்புல இருக்கிறது போல உதவிப் பக்கம் அல்லது அறிவிப்பும் சேர்த்துடுங்ககளேன்

"புகைப் ப‌ட‌ங்க‌ளை மாற்றும் செய்முறை "திற‌ந்தா தான் த‌மிழ்ம‌ண‌த்தின் மாற்ற‌ங்க‌ள் அறிவிப்புக‌ள் தெரிய‌ வ‌ருகிற‌து.

ஏதோ எதிர்நீச்ச‌ல்கார‌ர் ப‌திவைப் ப‌டித்து நானும் க‌ரையேறி ப‌திவைச் சேர்த்துட்டேன்.
அவ‌ருக்கும் ந‌ன்றிக‌ள்

ந‌ம்ம‌ யோச‌னை ச‌ரிதானுங்க‌ளே
புதுசா வார‌வ‌ங்க‌ளுக்கும் என்னைப் போல‌ லீவு எடுத்துக்கிட்டு வார‌வ‌ங்க‌ளுக்கும் உத‌வியா இருக்கும் இல்லைங்க‌ளா?

இன்று ஒருநாள் மட்டும்

noreply@blogger.com (கண்மணி/kanmani) — Tue, 8 Mar 2011 15:16:00 +0530

இன்று
பொது விடுமுறை
பாராட்டுக்கள்
பரிசுப் பொருட்கள்
வாழ்த்துக்கள்
சிறப்புச் சலுகைகள்
பெண்களே இயக்கும் தனி விமானம்
பேருந்து கட்டணம் இல்லை
இன்று
ஒருநாள் மட்டும்
மகளிர் தினக் கொண்டாட்டம்
நாளை
மீண்டும் அடிமைப்படவா?

காத‌லுக்காக‌....

noreply@blogger.com (கண்மணி/kanmani) — Sat, 19 Feb 2011 22:52:00 +0530

உருவாக்க‌ப் ப‌ட்டேனா
உடைந்து போனேனா
என‌த் தெரியாத‌
காத‌லுக்காக‌
இருப்பதாய் நினைத்த‌
இல்லாத ஒன்றுக்காக‌

அப்பாவுடனான‌
பிடிவாத யுத்தத்தில்
அவர் கனவுகளை
அம்மாவுடனான‌
சமாதான யுத்தத்தில்
அவள் ஆசைகளை

உறவுகளுடனான‌
சமரச யுத்தத்தில்
அவர்களின்
எதிபார்ப்புகளை

கொன்ற‌த‌ற்கான‌
தண்டனை
ஆயுட்கைதியாய்

உன்னுடன்

Å½ì¸õ. .........

noreply@blogger.com (கண்மணி/kanmani) — Thu, 27 May 2010 15:57:00 +0530

Å½ì¸õ.

«¨ÉÅÕìÌõ Å½ì¸õ.
¦¾Ã¢Â¡ò¾ÉÁ¡ ±¨¾§Â¡'ìÇ¢ì' ¦ºïÍ þ¨¾ ¬ÃõÀ¢îÍð§¼ý. ¯¾Å¢ ¦ºöÂÈÐìÌ¿¢¨ÈÂ ¿ñÀ÷¸û þÕì¸¡í¸ ±ýÈ ¨¾Ã¢Âõ¾¡ý!
±ø§Ä¡Õõ ¦¸¡ïºõ ¬§Ä¡º¨É¸¨Çî ¦º¡øÖí¸!
±ýÚõ «ýÒ¼ý,ÐÇº¢.

Posted by துளசி கோபால் at 9/25/2004 02:35:00 PM

என்னங்க ஒன்னும் புரியலையா?

ஆயிரம் பதிவு கண்ட நம்ம துளசி டீச்சருடைய முதல் பதிவு இது. போன மாதத்தில் வல்லியம்மா வாழ்த்துச் சொல்லிய பதிவைப் படித்ததும் டீச்சரோட முதல் பதிவு என்னவாக இருக்கும்னு போய்ப் பார்த்தா சுவத்துல கிறுக்கி வச்ச பால் கணக்கு மாதிரி இருக்கு.
TSCII எனும் வகை எழுதியை (ஃபாண்ட் )பயன்படுத்தியிருக்காங்க.இது நடந்தது 2004ல்.அப்பல்லாம் நாம பதிவெழுதவே இல்லைங்க .
பின்னால 2007ல்'வலைச் சரம் புகழ்' சீனா சார் துப்பறிந்து அதன் அர்த்தத்தைக் கண்டுபிடிச்சிருக்கார்.

பதிவுலக ஜாம்பவான் 'மணற்கேணி வென்ற சிங்கம்' தருமி சார் 2009 ல் நம்மள விட வேகமா டீச்சர் பதிவு போடுறாங்களேன்னு எட்டிப் பார்த்திருக்கார்.
சரி இதுக்கு யூனிகோட்ல என்ன பொருள்னு தெரிஞ்சிகிட்டு இதை வச்சி ஒரு பதிவு ஒப்பேத்திடலாம்னு தோணிச்சு.

அதுக்குள்ள விடுமுறை விருந்தினர் வருகைன்னு ரொம்ப பிஸி.
இப்பத்தான் டைம் கிடைத்தது.
லாபம் என் கணக்குல ஒரு பதிவு.
இதுதான் ஆயிரம் பதிவு கண்ட அன்பு துளசி டீச்சரின் கன்னிப் பதிவு....முதல் பதிவு.

«¨ÉÅÕìÌõ Å½ì¸õ.
¦¾Ã¢Â¡ò¾ÉÁ¡ ±¨¾§Â¡'ìÇ¢ì' ¦ºïÍ þ¨¾ ¬ÃõÀ¢îÍð§¼ý. ¯¾Å¢ ¦ºöÂÈÐìÌ¿¢¨ÈÂ ¿ñÀ÷¸û þÕì¸¡í¸ ±ýÈ ¨¾Ã¢Âõ¾¡ý!
±ø§Ä¡Õõ ¦¸¡ïºõ ¬§Ä¡º¨É¸¨Çî ¦º¡øÖí¸!
±ýÚõ «ýÒ¼ý,ÐÇº¢.

அனைவருக்கும் வணக்கம்.
தெரியாத்தனமா எதையோ'க்ளிக்' செஞ்சு இதை ஆரம்பிச்சுட்டேன். உதவி செய்யறதுக்குநிறைய நண்பர்கள் இருக்காங்க என்ற தைரியம்தான்!
எல்லோரும் கொஞ்சம் ஆலோசனைகளைச் சொல்லுங்க!
என்றும் அன்புடன்,துளசி.

இன்னும் பல நூறு ஆயிரம் பதிவிட்டு பதிவுலகை ஆட்சி செய்ய வாழ்த்துக்கள் துளசி டீச்சர் (அக்கா).

துளசிதளத்தின் முதல் பதிவுக்கான உரல்:

Å½ì¸õ.

டிஸ்கி:இந்த துப்பறியும் வேலைக்கு உதவியாக இருந்த NHM Converter க்கான உரல் கீழே.இது நெருப்பு நரியின் ஆட் ஆன் ஆகவும் கிடைக்கிறது என்பது கூடுதல் தகவல்.

NHM Converter Online

விருந்தும்...மருந்தும்

noreply@blogger.com (கண்மணி/kanmani) — Tue, 25 May 2010 16:59:00 +0530

எரிச்சல் தந்த

இரைச்சலும் கூச்சலும்

அலுத்துப் போன

சண்டையும் சமரசமும்

வெறுப்பேற்றிய

உரசல்களும் பூசலும்

வெறித்தத் தனிமையில்

கரைந்து போக

ஆட்டமும் பாட்டும்

கூத்தும் கும்மாளமும்

கிண்டலும் கேலியும்

சிரிப்பும் சிணுங்கலும் மட்டுமே

படிமங்களாய்

நினைவின் அடுக்குகளில்

வெட்கம் விட்டுக்

காத்திருக்கிறது

அடுத்த விடுமுறைக்கும்

புதுப்பித்தலுக்கும்

ச்சீய்......

noreply@blogger.com (கண்மணி/kanmani) — Thu, 20 May 2010 14:06:00 +0530

குடிச்சிட்டு ஓட்டியிருப்பான்

சைடு வாங்கும் போது ஏத்தியிருக்கான்

அரைத் தூக்கத்தில் இருந்தவளை

உலுக்கி எழுப்பியது

ஓட்டுநரின் குரல்

சாலையில் சூழ்ந்திருந்த

கூட்டமும் பரபரப்பும்

விபத்துக்கானது எனப் புரிந்த போது

முதல் கவனம் குழந்தைகளின் பக்கம்

யாரும் பார்க்காதீங்க

அந்தப் பக்கம் திரும்பாதே

பயந்துடுவே

அடிபட்டவர் என்னவாகியிருப்பார்

லேசானதா பலமான அடியா

ஆணா பெண்ணா

பிழைத்துக் கொள்வாரா

கேள்விகள் சூழ்ந்தாலும்

எட்டிப் பார்க்க கலக்கமாயிருந்தது

கடந்து போகும் வண்டிகளை

கை நிறுத்தும் கூட்டம்

என்ன சொல்லிப் போகலாம்

ஃபேமிலியா இருக்காங்க

குழந்தைகள் இருக்காங்க

இதைத்தான் எப்போதும் சொல்லி

தவிர்க்கிறார் ஓட்டுநர்

வேகமெடுக்கும் வண்டியில்

மறந்தும் அந்தப் பக்கம் திரும்பாமல்

எதுவும் ஆகியிருக்கக் கூடாதென

வேண்டுதலோடு மட்டும்

மனசாட்சியை மறந்து

செய்வதறியாத இயலாமையோடு

பத்தோடு பதினொன்றாய்

கடந்து போகும் சந்தர்ப்பங்களில்

ச்சீய்...என்று

என்னை நானே

காறி உமிழ்ந்து கொள்கிறேன்

காதலுக்கும் நிறமுண்டு

noreply@blogger.com (கண்மணி/kanmani) — Sat, 3 Apr 2010 13:15:00 +0530

நினைவுகளின் அலைக்கழிப்பில்
உறக்கம் தொலைத்த
இரவுகளின் நீட்சி
விழிகளில்
தீட்டிய வரிகளில்

பிரிவின் வெம்மையில்
இதயத்து வேதனை
ஆறாய்ப் பெருக
அழுகையில் மிதக்கும்
கண்களில்

தனிமையின் நெருக்கத்தில்
தீண்டும் விரல் விலக்கி
மூக்குநுனி வரும்
பொய்க் கோபத்தில்

சகலமும் நீயெனக்
காதலாகிக் கசிந்துருக
கன்னங்களில்
மய்யம் கொள்ளும்
நாணத்தில்

எல்லாத் தருணங்களிலும்
இளஞ்சிவப்பே
காதலின் நிறமென்றானது

தலைகீழான மற்றும் திருப்பிப் போடப்பட்ட எழுத்துக்கள்(reverse / flip text)

noreply@blogger.com (கண்மணி/kanmani) — Wed, 31 Mar 2010 15:03:00 +0530

மாத்தி யோசி!!!!!!!!!!!!!!!!!!!!!!

1:வணக்கம்

.தெரியலை படிக்கிறாங்கன்னு யாரு போட்டா பதிவு ஒழுங்காப்
.இருக்கு அதிகமாக வெயிலும் வருஷம் இந்த
பிடிச்சேன் கண்டு தளத்தைக் இந்த பட்டு சிரமப் ரொம்ப
வராது சரிப்பட்டு சொன்னா அப்படியே அதை
எழுதினேன் இப்படி விடனுமுன்னு சுத்தி கொஞ்சம்

-----------------------------------------------------------------------------------------------------------

2.்மச்ஞொக ித்துச ுன்னுமுனடிவ ிடப்பஇ ்னேனிதுழஎ
ைதஅ ேயிடப்பஅ ான்னொச ுட்டப்பிரச ுதாரவ
ப்மொர ்பமரிச ுட்டப த்நஇ ்கைத்தளத ுட்ணக ்னேச்சிடிப
த்நஇ ்மஷுரவ ்முலியெவ காமகிதஅ ுக்குரஇ˙
்பாக்ஙுழஒ ுவிதப ாட்டோப ுராய ுன்னக்ஙாறிக்கிடப ைலயிரெத˙

்மக்கணவ˙

----------------------------------------------------------------------------------------------
3.்மக்கணவ

்பாக்ஙுழஒ ுவிதப ாட்டோப ுராய ுன்னக்ஙாறிக்கிடப .ைலயிரெத
த்நஇ ்மஷுரவ ்முலியெவ காமகிதஅ .ுக்குரஇ
ப்மொர ்பமரிச ுட்டப த்நஇ ்கைத்தளத ுட்ணக ்னேச்சிடிப
ைதஅ ேயிடப்பஅ ான்னொச ுட்டப்பிரச ுதாரவ
்மச்ஞொக ித்துச ுன்னுமுனடிவ ிடப்பஇ ்னேனிதுழஎ
---------------------------------------------------------------------------------------------------------

1:eeeeeeeeeeeeeeeyb

.seerged yb tub ןaeh reve did dnuow tahw !ecneitap ton evah ohw yeht era roop woh

.dne eht ni yaw nwo ym teg i dedivorp ,tneitap yןiranidroartxe ma i

dןrow eht ni yoj yןno erew ereht fi ,tneitap dna evarb eb ot nraeן reven dןuoc ew

sniarb fo ןehsub a naht erom htrow si ecneitap fo ןufdnah a

ecneitap evah ot nraeן ot ecneitap fo toן a evah tsrif tsum uoy

.eןbuort yreve rof ydemer tseb eht si ecneitap

-----------------------------------------------------------------------------------------------------
2:.eןbuort yreve rof ydemer tseb eht si ecneitap

ecneitap evah ot nraeן ot ecneitap fo toן a evah tsrif tsum uoy

sniarb fo ןehsub a naht erom htrow si ecneitap fo ןufdnah a

dןrow eht ni yoj yןno erew ereht fi ,tneitap dna evarb eb ot nraeן reven dןuoc ew
.dne eht ni yaw nwo ym teg i dedivorp ,tneitap yןiranidroartxe ma i

.seerged yb tub ןaeh reve did dnuow tahw !ecneitap ton evah ohw yeht era roop woh

eeeeeeeeeeeeeeeyb

˙----------------------------------------------------------------------------------------
என்னங்க ஆங்கிலம் தமிழ் ரெண்டுலெ எழுதியும் மண்டை காயுதா?ஓகே இங்கே
புதிரை விடுவிக்க போங்க.இந்தப் பதிவில் உள்ளதை காபி செய்து அந்த தளத்தில் பேஸ்ட் செய்யுங்க.

அங்கு ரிவர்ஸ் டெக்ஸ்ட்(;reverse text ) ஃபிலிப் டெக்ஸ்ட்(flip text) எனவும் அவ்வாறு மாற்றப் பட்டதை நேர் செய்ய வும் நிறைய ஆப்ஷன்ஸ் இருக்கு. மேலும் செலக்ட் ஆல் ஆப்ஷன் ,கேன்சல் ஆப்ஷனும் உள்ளது.இது நம் ஆர்குட் ஃபேஸ் புக் அல்லது சாட்டில் விளையாட உதவும்.மற்றவர்களை மண்டை காய வைக்கலாம்.
1.சிகப்பு கலரில் உள்ள முதல் டெக்ஸ்ட்டுக்கு flip wording option மட்டும் கொடுங்க நேராகும்.

2.நீலகலர் எழுத்துக்களை காபி பேஸ்ட் செய்து செலக்ட் செய்து முதலில் flip upside down ஆப்ஷனும் அடுத்து flip wording ஆப்ஷனும் கொடுத்தால் ஒரிஜினல் ஃபார்மேட் வரும்.

3.மூன்றாவதாக பச்சை நிறத்தில் உள்ளதுக்கு செலக்ட் செய்து reverse text ஆப்ஷன் அடுத்து செலக்ட் செய்து reverse wording ஆப்ஷன் கொடுத்த ஒரிஜினல் வரும்.

பொழுது போகலைன்னா ஆங்கிலத்தில் உள்ளதை எப்படி மாற்றினேன் flip or reverse flip and reverse எதுன்னு கண்டு பிடிங்க.

நிச்சயம் கோபம் வரும்.அதுக்கு நான் சொல்லும் பதில் ஆங்கில வாக்கியங்களிலேயே உள்ளது.

திருப்பிப் போட்டு புரட்டிப் போட்டு தெரிஞ்சுக்கங்க

டிஸ்கி:நீங்க என்ன என்னைய மாதிரி வெட்டி ஆபிஸரா?இதெல்லாம் செய்ய பொறுமையும் நேரமுமிருக்க?
கூல்...கூல்...எப்ப நேரம் கிடைக்குதோ அப்ப செஞ்சு பாருங்க போதும்:))))))))))

3G ஃபோனில் அயித்தானும் நானும்...

noreply@blogger.com (கண்மணி/kanmani) — Sat, 27 Mar 2010 13:13:00 +0530

வ

ந்தே விட்டதுங்க Bsnl ன் 3G தொழில் நுட்ப சேவை.இதோ அதோன்னு இருந்தது முதலில் தமிழகத்தின் பத்து பெரிய நகரங்களுக்கு செயல்படுத்தியிருக்காங்க.

பதினொன்றாவது பெரிய நகரமாக நெல்லை நேற்றைய முந்தினம் தேர்ந்தெடுக்கப்பட ஆறு மாதத்துக்கு முன்பே இரட்டைக் காமிரா N97 மாடல்3.5G போனோடு காத்திருந்த எங்க அயித்தான் செம குஷியாகி என்னிடம் சொல்ல உடனடியாக 2G சேவையிலிருந்து 3G சேவைக்கு மாத்துங்கன்னு Sms அனுப்ப அடுத்த ஒரு மணி நேரத்தில் ஆக்டிவேட் ஆகி விட்டது.

மொபைல் போனின் நெட் வொர்க் செட்டிங்ஸில் GSM என்பதை Dual mode என மாற்றி செட் செய்து கொள்ள வேண்டும்.
செய்தவுடன் போனின் முகப்பில் 3G ஐகான் வந்து விடுகிறது [Gprs க்கு G போல]

அப்புறமென்ன 3.5G N97 போனில் அவரும் E71 போனில் நானுமாக பேச ஆரம்பிக்க வீட்டிலிருந்த வாண்டுகளுக்கும் ஆச்சரியம் கலந்த சந்தோஷம் ஒரே கலாட்டாதான்.சோனி எரிக்க்ஷன் W910i போனிலும் வேலை செய்கிறது.எனக்கென்னவோ N97 ஐ விட மற்ற இரண்டில் நன்றாக வேலை செய்வதாகத் தோன்றியது.

அந்தப் பக்கம் பேசுபவரின் முகம் பெரிய திரையிலும் நாம் எப்படித் தெரிகிறோம் என்பது சின்னத்திரையிலுமாக டிஸ்ப்ளே ஆகிறது.
இதில் நம் உருவம் வேண்டாம் என்றாலோ அல்லது பேசுபவர் உருவம் தெரிய வேண்டாம் என்றாலும் மியூட் செய்து கொள்ளலாம்.நம் உருவத்துக்கு பதில் வேறு ஸ்டில் போட்டோவும் போட்டு வைக்கலாம்.
அப்புறமெதுக்கு 3G??:))))

என்னதான் தேர்ட் ஜெனெரேஷன் சேவைன்னாலும் எடுத்த எடுப்புலேயே ஒழுங்கா வேலை செஞ்சுடுமா என்ன?குய்ய்ய்ங் குர்ர்ர் ன்னு ஏதோ சத்தத்துடன் தான் வீடியோ ஓடுது.
அது மட்டுமில்லாமல் வீடியோவும் வாய்ஸும் ஸிங்க் ஆகலை.அலைவரிசைக் குறைந்த இணைய இணைப்பில் சேட் செய்யும் போது நாம் பேசி முடித்த பின் வாய் திறப்பது போல இருக்கிறது.

அத்தோடு பேசுவதற்காக முகத்தருகில் ஃபோனை வைத்திருப்பதால் ஜூம் செய்யப்பட்டு பயம்மாக தெரிகிறது.சாப்பிடாத பசங்களுக்கு வேணா க்ளோசப்பில் பூச்சாண்டி காட்டி ஊட்டலாம்.:))
ஹெட் ஃபோன் அல்லது ப்ளூடூத் ஹெட்செட் வைத்துக் கொண்டு போனை கொஞ்சம் லாங் ஷாட்டில் வைத்துப் பேசினால் நாம் நாமாகத் தெரிய வாய்ப்பிருக்கு.

பிஎஸெனெல் மட்டுமே இந்த சேவையை நடைமுறைப்படுத்தியிருப்பதால் மற்ற நெட்வொர்க் காரங்களுடன் பேச முடியாது.
விளம்பரத்தில் ஒரு நிமிடத்திற்கு 0.30 பைசா கட்டணம் னு சொல்றாங்க.ஆனால் 0.70 காசு கழிக்கிறாங்க.மாதக் கட்டணம் ரூ 25/-
இன்னும் voice conferencing,music download,online games வரப் போகுதாம்.அதி வேக பிரவ்ஸ்ங்,கேபிள் இணைப்பும்
பெறமுடியுமாம்.

விளம்பரப் படுத்துவது போல காதுக்கு இதமான ஒலி தெளிவான வீடியோ என்பது இப்போது இல்லை ஆனால் நிச்சயம் மேம்படுத்தப் படக்கூடும்.
இங்கேயே அயித்தான் சேலம் போய் டிரை பண்ணாங்க கிடைக்கலை.இன்னும் சேலம் கனெக்ஷன் லிஸ்ட்டில் வரலை போல.

தேவை:
முன் பக்கம் பின் பக்கம் என இரண்டு கேமிரா உள்ள செல்ஃபோன்.அது GSM மட்டுமில்லாது 3G கனெக்ஷன் சப்போர்ட் செய்வதாக இருக்க வேண்டும்.
3G பிஎஸ்என்எல் கனெக்ஷன்.
நடப்பு போஸ்ட் பெய்டு ப்ரீபெய்டு வாடிக்கையாளர்கள் ஒரு குறுந்தகவல் மூலம் 2G சேவையை 3G யாக மாற்றிக் கொள்ள முடியும்.
வேண்டாமென்றால் மீண்டும் 2G க்கு வந்து விடலாம்.

பயன்:
வெளி நாட்டுத் தொடர்புக்கு ரோமிங் வசதி இருக்கான்னு தெரியலை.இருந்தால் வெள்நாட்டில் இருக்கும் நண்பர்கள் இங்கிருக்கும் குடும்பத்தாரோடு குழந்தைகளோடு முகம் பார்த்து பேச முடியும்.
இனி அயித்தான் வெளியூரிலிருந்து புடவை வாங்கும் போது இங்கிருந்தபடியே பார்த்து கலர் டிசைன் செலக்ட் செய்யலாம்.
காதலர்களுக்கு ............வரப் பிரசாதம் .....

இது ஒரு அதி வேக நாகரிக வளர்ச்சி என்பதன் அடையாளமேயன்றி அத்தியாவசிய தேவையில்லை.

அவதார்கள்

noreply@blogger.com (கண்மணி/kanmani) — Fri, 26 Mar 2010 23:30:00 +0530

காற்று வரக்

கதவைத் திறக்கச் சொல்லி

சந்தோஷம் வர

மனதைத் திறக்கச் சொன்னவன்

மூடிய அறைக்குள்

மஞ்சத்தில் கிடந்தான்

நடிகையுடன்

வீட்டை விட்டு வந்து

வெள்ளையுடுத்தி சந்நியாசியானவன்

போதையூட்டப் பட்டு

உருண்டு புரண்டு அரற்றினான்

அம்மா பகவானேயென்று

வாயோடு வாய் வைத்து

மென்று தின்ற வாழைப்பழம்

பிரசாதமாக ஊட்டப்பட்டது

பிள்ளைவரம் கிடைக்குமாம்

கையில் கொடுத்த கூழாங்கல்

சில பல தந்திரங்களுக்குப் பின்

கற்கண்டாய் மாறிப் போனது

வாழ்க்கை இனிக்குமாம்

ஆசிர்வதிக்கப் பட்ட

மகான் என்பதால்

நாவால் நக்கி நக்கியே

குணமாகி விடுதாம்

நாள்பட்ட வியாதியும் புண்ணும்

செலவில்லாத

சிக்கன வைத்தியம்

வசதியானவனுக்கு ஆன்மீக குரு

வக்கத்தவனுக்கு

வாழவைக்கும் தெய்வம்

மாட்டியது கொஞ்சம் சாமி

என்று மாட்டப் போகுதோ

மீதி சாமி

வணங்கி நிற்க அப்பாவிகளும்

வளர்த்து விட மீடியாக்களும்

இருக்கும் வரை

கிளம்பிக் கொண்டுதானிருப்பார்கள்

புதுப் புது சாமியார்கள்

புதுப் புது அவதாரங்களில்

வாழ்க்கையின் கிசுகிசுப்பு....

noreply@blogger.com (கண்மணி/kanmani) — Fri, 19 Mar 2010 16:32:00 +0530

இப்படியாக

அப்படியாகவென

யாராகவும் படைக்கப் படவில்லை

எப்படியாகவும் ஆகலாம்

யாராக வேண்டுமென்பதை

தாமாகவே

தீர்மானிக்கச் சொல்லி

ஒவ்வொரு கணத்திலும்

காதுகளில்

கிசுகிசுத்துக் கொண்டிருக்கிறது

வாழ்க்கை

விதிக்கப் படுவதில்லை

நாமாக வகுத்துக்கொள்வதே

வாழ்க்கை

கிடைத்ததோடு சந்தோஷிப்பவன்

சாமான்யன்

தேடலை நீட்டிப்பவன்

சாதனையாளன்

சித்திரம் இல்லாச் சட்டமாய்

காத்திருக்கிறது வாழ்க்கை

அன்பு பாசம் நேசம்

காதல் கடமை கருணை

நட்பு தியாகம் தேடல் என

வண்ணங்களின் கலவை குழைத்து

ஓவியம் நிரப்பி காவியமாக்க

நம் காதுகளில்

கிசுகிசுத்துக் கொண்டேயிருக்கிறது

வாழ்க்கை

90/10 ம் ...பூமராங் வாழ்க்கையும்....

noreply@blogger.com (கண்மணி/kanmani) — Wed, 10 Mar 2010 17:13:00 +0530

கொஞ்ச நாளாக தமிழ் மணத்துல ஒரே தத்துவ பதிவுகள். சரி நம்ம பங்குக்கு ஒன்னு போட்டுடுவோம்னு தோணிச்சு.மிகவும் இரசித்துப் படித்த மிகச் சரியான தீர்வாகப் பட்ட மனவியல் ரீதியான பிரச்சனைகளுக்கு ஏற்ற தத்துவம் இந்த 90/10 தத்துவம்.
நம் வாழ்க்கையில் நடக்கும் எதையும் நாம் யாரோடவோ அல்லது விதியோடவோ சம்மந்தப் படுத்தியே பழகி விட்டோம்.
எல்லாம் அவனால் வந்தது..அவளால்தான் இப்படியாச்சு என்றோ அல்லது எல்லாம் என் விதி இப்படி நடக்கனும்னு இருக்கு என்றோ தப்பித்தலுக்கே முனைகிறோமேயன்றி நம் தவறு என்ன என்பதை உணரவோ அல்லது உணர்ந்திருந்தாலும் ஏற்றுக் கொள்ளவோ மனம் சம்மதிப்பதில்லை.
உண்மையில் 100 ல் 10 பங்கே நம்மையறியாமல் நம் வாழ்வில் நடக்கிறது.மீதமுள்ள 90 பங்கும் நம் வார்த்தைகள் மற்றும் செயல்பாடுகளால் நாமே உருவாக்கிக் கொள்பவைதான்.
10 பங்காக வாழ்வில் ஏற்படும் நல்லவை கெட்டவைகளை நாம் எப்படி எதிர் கொள்கிறோம் அணுகுகிறோம் என்பதே மீதியான் 90 பங்கு.அவையே பெரும்பாலும் நம் அன்றாட வாழ்க்கை நிகழ்வுகளைத் தீர்மானிக்கின்றன.
உதாரணமாக ஒரு நிகழ்வைச் சொல்கிறார் உளவியலார்.

நிகழ்வு1:

அலுவலகம் கிளம்பும் அவசரத்தில் அப்பா

அம்மாவும் அதே அவசரத்தில்

பள்ளிக்குக் கிளம்பும் அவசரத்தில் மகள்

மூவரும் அவசரமாக உணவு மேசையின் முன்.அவசரத்தில் சாப்பிட்டுக் கொண்டிருக்கும் போது மகளின் கை பட்டு கோப்பையில் இருந்த காபி அப்பாவின் சட்டை மீது தெறித்துக் கறையாகிவிடுகிறது.

அப்பாவுக்கு கோபம் தலைக்கேற மகளைக் கடுமையாகக் கடிந்து கொள்கிறார்.பயத்தில் அழுதபடியே மகள் மன்னிப்புக் கேட்டும் மனைவி சமாதானப் படுத்தியும் ஆத்திரத்தில் கத்தித் தீர்த்து வேறு உடை மாற்றச் செல்கிறார்.திரும்பி வரும்போது மனைவி கிளம்பிப் போயிருக்க மகள் பள்ளி வேனைத் தவற விட்டு விட்டு இன்னும் அழுதபடியே.எரிச்சலும் சலிப்பும் அதிகரித்தபடி மகளைக் கூட்டிப் போய் பள்ளியில் விட்டு விட்டு தாமதமாக அலுவலகம் வந்தால் மேலாளரின் வசவு.வேலையில் கவனம் சிதற மீண்டும் சிக்கல்.சக ஊழியரிடம் சிடுசிடுப்பு.மாலை வீடு திரும்பினால் முகத்தைத் தூக்கி வைத்துக் கொண்டிருக்கும் மகள்.வாயே திறக்காமல் வேலையில் மூழ்கிப் போன மனைவி.அழகாய் விடிந்தபொழுத இப்படிகோபத்துடன் வேதனையுடன் கழிகிறது.

நிகழ்வு 2:

அலுவலகம் கிளம்பும் அவசரத்தில் அப்பா

அம்மாவும் அதே அவசரத்தில்

பள்ளிக்குக் கிளம்பும் அவசரத்தில் மகள்

மூவரும் அவசரமாக உணவு மேசையின் முன்.அவசரத்தில் சாப்பிட்டுக் கொண்டிருக்கும் போது மகளின் கை பட்டு கோப்பையில் இருந்த காபி அப்பாவின் சட்டை மீது தெறித்துக் கறையாகிவிடுகிறது

அப்பாவுக்குக் கோபம் வரவில்லை.தெரியாமல்தானே கை பட்டு காபி சிந்தி விட்டது என பயந்து போன மகளை சமாதானம் செய்ய மகள் பூ வாய் மலர்ந்துசிரிக்கிறாள்.தெரியாமல் செய்ததற்கு மன்னிப்பும் கேட்கிறாள்.மனைவி நிம்மதியாகிறாள்.அப்பா வேறு உடை மாற்றிக் கொண்டு வர மகள் பள்ளி வேனில் ஏறும்வரை கையசைத்து விடை கொடுத்து விட்டு மனைவியுடன் சொல்லிக் கொண்டு கிளம்பி நேரத்தோடு அலுவலகம் செல்கிறார்.நிம்மதியிலும் மன நிறைவிலும் அலுவலக வேலை எல்லாமும் அழகாகவும் அமைதியாகவும் நடக்கிறது.மாலை வீடு திரும்பியதும் மகள் சந்தோஷமாக பள்ளியில் நடந்தவைகளைச் சொல்ல மனைவியோடு சேர்ந்து இரசித்தப்படியே அன்றைய பொழுது இனிமையாக கழிகிறது.

இரண்டு நிகழ்விலும் ஒரே மாதிரியான சூழல்கள் தான்.மகளின் கை பட்டு தவறுதலாக சட்டையில் கறை பட்டது எதிர்பாராமல் நிகழ்ந்த ஒன்று.இதில் எந்த திட்டமிடுதலும் இல்லை.
இதுதான் வாழ்வில் தானாக நிகழக்கூடிய 10 சதவீத நிகழ்வுகள் என்பது.இது போல கோபம் எரிச்சலை வரவழைக்கக் கூடிய சின்னச் சின்ன தவறுகள் எதிர் பாராமல் தாமாக நிகழக் கூடும்.
அடுத்த 90 சதம் என்பதுதான் நம் கையில் உள்ளது.அதற்கு முழுக்க முழுக்க நாமே பொறுப்பாளிகள்.
மேலே சொன்ன இரண்டு நிகழ்விலும் அந்த 90 சதம் எப்படி மாறு பட்டது என்பதையும் அதன் பின் விளைவுகள் எத்தகைய உணர்வுகளைத் தந்தது என்பதையும் பாருங்கள்.
சூழ்நிலையின் தன்மையை உணர்ந்து நம் உணர்வுகளைக் கட்டுப் படுத்திச் செயல்பட்டால் அதன் பலனும் அதற்கு ஏற்றாற் போலத்தான் இருக்கும்.
தவறு மகள் மீதோ,சிந்திய காபி மீதோ அல்லது வசை பாடிய மேலாளர் மீதோ இல்லை.
10 சதம் தானாக நடந்தவைகளுக்காக அதைப் பெரிது படுத்தி 90 சதம் ரியாக்ட் செய்த அப்பா தான் காரணம்.
சந்தோஷமோ வருத்தமோ நம் செயல்பாடுகளாலேயே அவை தீர்மானிக்கப் படுகின்றன.
நாம் என்னக் கொடுக்கிறோமோ அதுவே திரும்ப பூமராங் மாதிரி திரும்பக் கிடைக்கிறது.
கோபமும் வெறுப்பும் வேதனையாக மாறுகிறது
பொறுமையும் மன்னிப்பும் சந்தோஷமாக மாறுகிறது
நமக்கு நாமே முதலாளி...நம் மனதைக் கட்டுப் படுத்தும் சக்தி வெளியில் இல்லை.நமக்குள்ளேதான் இருக்கு.
90 சதம் ஆற்றலும் முடிவுகளைத் தீர்மானிக்கும் ஆளுமையும் நம்மில் இருக்கும் போது 10 சதம் புற நிகழ்வுகள் நம்மை ஆட்டிப் படைக்க விடலாமா?
இதுதான் வில்லியம் காவி என்ற உளவியலார் சொல்லியிருக்கும் 90/10 வாழ்க்கைத் தத்துவம்
படித்தேன்.பிடித்திருந்தது.பகிர்ந்து கொண்டேன்.இனி கொள்வதும் தள்ளுவதும் உங்கள் கையில்
என்றும் அன்புடன்

பெண்ணாய்ப் பிறந்திடவே........

noreply@blogger.com (கண்மணி/kanmani) — Mon, 8 Mar 2010 15:16:00 +0530

கழுத்தில் விழுந்த பந்தம்
கண்ணுக்குத் தெரியாத
விலங்குகளாய் மாறும்
அடிமைத்தனம் வேண்டாம்
வாழ்த்துக்களும் பூச்செண்டுகளும்
வேண்டாம்
பொன்னகையும் புகழும்
வேண்டாம்
இதழோரத்துப் புன்னகை
ஒன்றே போதும்
தவறுகளை பொருட்படுத்தாத
பெருந்தன்மை போதும்
புலம்பலே ஆனாலும்
உணர்வுகளை மதிக்கும்
தாராளப் பொறுமை போதும்
ஆஹா அருமையென
நல்லவைகளை அங்கீரிக்கத்
தயங்காத மனது போதும்
துன்பத்தில் தோள்கொடுக்கும்
தோழமை போதும்
எல்லாம் கிடைக்குமெனில்
இன்னொரு முறையும்
பெண்ணாய்ப் பிறந்திடவே
மாதவம் செய்திடுவேன்

பிரேமானந்தா டூ நித்தியானந்தா

noreply@blogger.com (கண்மணி/kanmani) — Thu, 4 Mar 2010 13:21:00 +0530

இது போன்ற பிரச்சினைகளை பெரும்பாலும் பெண் பதிவர்கள் தொடுவதில்லை.பெண்ணுரிமைன்னு போராடும்போது பிரச்சினையில் பெண் பங்கு ஆண் பங்குன்னு இருக்கான்னு வாதம் எழுலாம்.
எத்தனைத் துணிச்சலான பெண்ணும் இது போன்ற படுக்கையறை சம்மந்தப் பட்ட செய்திகளில் விமர்சனம் செய்யத் தயங்கக் கூடும்.
கடந்த இரண்டு நாளாக தமிழ்மணம் முழுக்க நித்தியானந்தா விண்ணைத் தாண்டி வந்து இடம் பிடித்து விட்டார். அவரைப் போல அவரென்ன அவர்...... வயதிலும் குணத்திலும் சிறிய அவனைப் போல போலிகள் தோலுரித்துக் காட்டப் பட வேண்டும் தான்.
ஒவ்வொருவர் பதிவிலும் ஒவ்வொரு விதமான விவாதம் எடுத்து வைக்கப் பட்டிருந்தாலும் ஒட்டு மொத்த கோபமும் அந்த போலியின் மீதும் ஊடகத்தின் மீதுமே மையம் கொள்கிறது.
நேற்று 10.30 மணி 'நிஜம்' செய்தியில் நடிகை எப்படி மாட்டினார் யார் வீடியோ எடுத்தது இதன் பின்னணி என்ன என ஸ்கோரோலிங் செய்தி போட்டு விட்டு மீண்டும் அந்த வீடியோவையே இன்னும் விலாவரியாக எடிட் செய்ததையும் சேர்த்து ஓட விட்டார்களே தவிர கடைசி வரை மர்ம முடிச்சு அவிழவே இல்லை.
7.30 மணிக்கும் 8 மணிக்கும் போட்டால் வீட்டில் இருக்கும் குழந்தைகளை சமாளிக்க முடியாமல் தவற விட்டவர்களுக்கு'மிட் நைட் ஷோ' போட்டதால் பார்க்க முடிந்து கதி மோட்சம் கிடைத்தது.அசிங்கமேயானாலும் மீடியாக்களில் வராதவரை அதிகம் பேர் இதைப் பார்க்கவோ நம்பவோ வாய்ப்பில்லை என்பதால் திரும்பத் திரும்ப காட்டும் அவலத்தைப் பொறுத்துக் கொள்ளலாம்.
ஒவ்வொருவருக்குள்ளும் எழுந்த பல கேள்விகளைப் போல என் மனதில் எழுந்தவைகளையும் இங்கு பதிவாக்குகிறேன்
இதற்கு எழக்கக்கூடிய விமர்சனங்கள் பற்றி எனக்கு கவலையில்லை.
முதலில் இப்படிப் பட்ட போலிச் சாமியார் எப்படி உருவாகிறான்.இதென்ன நமக்குப் புதிதா?
எனக்குத் தெரிந்தவரை சாமியார்கள்னா தமிழ் சினிமா போல உடம்பைச் சுற்றி மண் புற்று வைத்திருக்க கண்மூடி தியானம் செய்யும் முனிவர்கள்தான்.அடுத்து அரவிந்தர்,இரமணர் போன்றவர்கள்.
முற்றும் துறந்தவனுக்கு கோடிக் கணக்கில் பணமோ அதி நவீன வசதிகளோ மாளிகைகளோ அடி பிடி ஆட்களோ ஏன்.
மன்னாதி மன்னனாக இருந்த கௌதமரே வசதிகளையும் ஆசைகளையும் விட்டொழித்துத்தான் புத்தனானார்.
பேச்சாற்றலும் பணமுமே ஒருவரை கடல் கடந்த புகழோடு பிரபலமாக்கி விடுகிறது.அறிவுரைகளையும் அருளாசிகளையும் கேட்பதோடு நிறுத்திக் கொண்டால் போதுமே.கணக்கில் வராத பணத்தை கொட்டிக் கொடுத்து அவர்களை வளர்த்து விடுவதும் மக்கள் தான் இன்று செருப்பாலடித்து கொடும்பாவி கொளுத்துவதும் அவர்கள்தான்.
நம் மக்களுக்கு எல்லாமே ஏதாவது ஒரு extreme.
பிரேமானந்தா விஷயத்துக்குப் பிறகு இதை உணர்ந்திருந்தாலே அதற்கப்புறமும் வருடத்திற்கு நாலு போலி சாமியார் உருவாக முடியுமா?
நிதி நிறுவன மோசடின்னு டிவியில பாத்தாலும் நாம எங்காச்சும் சீட்டு போடத்தானே செய்யறோம்.அவரு மாதிரியில்லை.இவரு நல்லவரு ன்னு கற்பித்துக்கிட்டு.
சாமியாரா இருந்துட்டுப் போகட்டும்.புலன் அடக்க முடியாதவன் குடும்ப சகிதமா சாமியாரா இருக்கட்டும்.கடவுள்களே அப்பா அம்மா அண்ணன் தங்கை சித்தப்பா மாமி மச்சினன் என இருக்கும் போது இவர்களை வேண்டாம் எனச் சொல்லப் போவதில்லை.
ஆனால் 'பிரம்மச்சர்யம்' 'தியானம்' னு சொல்லி மக்களை ஏமாற்றிக் கொண்டே ஒரு பக்கம் 'தேவநாத' வேஷம் போடுபவர்கள் தோலுரித்துக் காட்டப் படனும்.
நேத்து சன் டிவியில ' நான் திருவண்ணாமலையில் பிறந்தவன் அந்த தலம் ஒரு 'spiritual incubator' மாதிரி.ஞானிகள் தங்கள் உடம்பை விட்டுட்டு ஆன்மாவில் கலக்கும் இடம்' னு நித்யாவின் அருளுரை கிளிப்பிங்.
துறவியாகப் போகிறவர்களுக்குன்னு எந்த விதிமுறைகளும் ஏன் இல்லை.
ஆளாளுக்கு தங்க வெள்ளி வைரக் கோயில்கள் கட்டுவதும் கல்விக்கூடங்கள் தியான மண்டபங்கள் மருத்துவ மனைகள் கட்டவும் யார் அனுமதிப்பது?
இவ்ர்களின் அளவற்ற சொத்துகளுக்கெல்லாம் முறையான கணக்குகளோ அல்லது வரியோ செலுத்தப் படுகிறதா?
சாமியாராப் போனவங்க அப்படியேப் போய் போதனையோடு நிறுத்திக்கனும்.அரசியலிலும் இப்படி பொதுச் சேவைகளிலும் மூக்கை நுழைக்க ஏன் அனுமதிக்கிறோம்.
இதையெல்லாம் நாமே வளர்த்து விட்டிருக்கிறோம்
இன்னும் வளர்த்தும் விடுவோம்.
குழி மாற்றுத்திருவிழா
தலையில் தேங்காய் உடைத்தல்
உயிருக்கு ஆபத்தான ஜல்லிக் கட்டு
இப்போ புதுச 'கவாளம்' னு வாயாலேயே பக்தைக்கு வாழைப்பழ பிரசாதம் ஊட்டும் கதை வெளிவந்திருக்கிறது கீழ விழாம சாப்பிட்டல் நினைத்தது நடக்குமாம்.
இது எல்லாம் தொடர்ந்து நடந்து கொண்டுதானிருக்கும்.
சென்சிடிவான இந்தப் பிரச்சினைகளைக் கையில் எடுத்து வில்லங்கம் தேடிக் கொள்ள எந்த அரசும் துணியாது.
முடிந்தால் தங்களுக்கு சாதகமான விஷயங்களுக்கு மீடியாவில் பப்ளிசிட்டி தந்து வியாபாரம் செய்வார்கள்.
சிவசங்கர் பாபாவுக்கு ஒரு சானல் ஒரு நேரம்
சத்யசாயிக்கு ஒரு சானல் ஒரு நேரம்
நித்தியானந்தாவுக்கு ஒரு மீடியா
சுதபோதானந்தாவுக்கு ஒரு மீடியா
கல்கி பகவானுக்கு ஒரு சேனல் ஒரு நேரம்னு
மீடியாப் போட்டியில் ஆளுக்கொரு ஆஸ்தான வாஸ்து நிபுணர் அதிர்ஷ்டக்கல் சோதிடர் போல ஆகிப் போயிடுச்சி.இது கடைகோடியில் இருக்கும் மக்களுக்கும் போய்ச் சேர்ந்து ஆகா இவருகிட்டப் போன கேன்சர் குணமாகும் வேலை கிடைக்கும் நல்லது நடக்கும் னு விரதம் இருந்து பாத யாத்திரை கிளம்பிடறாங்க.
இந்த நித்தியானந்தாவோ அல்லது வேறு ஏதாவது ஆனந்தாவோ எக்கேடும் கெட்டுப் போகட்டும்.என்னோட வருத்தம் அந்தப் பாழாய்ப் போன பெண்மீதுதான்.
தனிப்பட்ட வாழ்க்கையின் வேதனைகளுக்காகவோ ,வசதிகளுக்காகவோ எதற்காகவேனும் இருந்தாலும் அவள் விருப்பப்பட்டு ஒருவருடன் போனது அவளின் உரிமை எனும்போது அவளை முன்னிறுத்தி அம்பலப் படுத்துவது ஏன்?
நடிகையாக இல்லாமல் அது ஒரு உயர் அதிகாரியின் வீட்டுப் பெண்ணாக இருந்தால் இப்படிக் காட்டியிருப்பார்களா?
யாராகவாவது இருக்கட்டும் என்று மக்களின் யூகத்திற்கே விட்டு விட்டு அவளை மறைத்த படியே இதைக் காட்டியிருக்கலாம்.
சந்தனமுல்லை கேட்பது போல் யார் யோக்யவான்கள் அவர்களே கல்லெறியட்டும்.
மூனு நாலு கல்யாணம் செய்து கொள்ளும் நடிகைகளையோ நடிகர்களையோ அங்கீகரித்து ஏற்றுக் கொள்கிறோம்.
ஒரே கல்யாணம் செய்து கொண்ட நடிகை யாரும் கடைசி வரை சேர்ந்து வாழ்ந்ததாக சான்று இருக்கா?
காதலனுக்காக கணவனையே கொலை செய்யுமளவுக்கு சாதாரண குடும்பத்துப் பெண்களே ஒழுக்கமற்றுப் போன கதைகள் தினமும் அரங்கேறும்போது
நடிகையாகப் போனதால் விருப்பப்பட்டே நடக்கும் அவளின் அந்தரங்கத்தை வெளிப்படுத்த யார் அதிகாரம் தந்தது.நடிகையானாலும் அவளும் பெண்தானே
காமமும் படுக்கையறை நிகழ்வும் தனி மனித உரிமை.சட்டப் படி அதை கேட்க முடியாது .ஆனால் பிரம்மச்சர்யம் என்ற போர்வையில் பிரசங்கம் செய்யும் ஒருவர் இப்படி பொதுமக்களை ஏமாற்று வதை மனசாட்சிப் படி தப்புன்னு சொல்லவே இதை சொல்கிறோம்னு சொல்கிறது சேனல்.செய்யுங்கள்.
ஆனால் நடிகையின் அடையாளத்தைக் காட்டியிருக்க வேண்டாம்.
போலிச்சாமியாரைத் தோலுரிக்கும் நோக்கமென்றால் பலியானவர் புகார் தராதவரையில் அவரது அனுமதியின்றி இதை எப்படி வெளிச்சம் போட்டுக் காட்டலாம்.

வேர்களை செல்லறிக்க விட்டு விட்டு கிளைகளைக் கழிப்பதால் பயனில்லை.

இன்னும் இந்த வரிசையில் யாரேனும் வரக் கூடும்.அதுவும் கொஞ்ச நாளைக்கு மீடியாக்களில் பரபரப்பாகி மறந்து போகும் அடுத்து வரும் நிகழ்வில்..

தனிப்பட்ட வாழ்வில் தோல்வியுற்று இம்மாதிரி வழியில் நிம்மதி தேடும் சொர்ணமால்யாக்களோ ரஞ்சிதாக்களோ...நம் டார்கெட் இல்லை.
முடிந்தால் இனியொரு காமச் சாமி கிளம்பாலிருக்க வழி செய்யுங்கள்

வாழ்வின் நம்பிக்கை

noreply@blogger.com (கண்மணி/kanmani) — Tue, 2 Mar 2010 12:28:00 +0530

சுமை தாங்கிய கணங்களில் தான்

சுவையுணரக் கூடும் வாய்ப்பு

வருத்தப்பட சில நூறு

நிகழ்வுகள் என்றால்

ஆனந்திக்க ஆயிரம்

தருணங்கள் கிடைக்கலாம்

எத்தனை கடினம் என்பதல்ல

வாழ்க்கை

எப்படி வாழ்கிறோம் என்பதே

நம்பிக்கை

புதுமணத் தம்பதிகளின் கையில்

புகைப்பட ஆல்பம்

வலது அடி எடுத்து வைக்க

கால்களில்லை அவளுக்கு

ஆசையாய் அரவணைக்க

கைகளில்லை இவனுக்கு

தொட்டு அறிவதில்லை

உணர்ந்து வாழ்வதுதான் காதல்

அன்பாய் பாசமாய்

தியாகமாய் நேசமாய்

காதலின் பரிமாணம்

விழுதுகள் விட்டு வேறூன்றிப் போனதாலே

மனிதம் வாழ்கிறது

இன்னமும்

டிஸ்கி: திருப்பதிக்குப் போறவங்க அல்மேலு மங்காபுரமும் [கீழ்திருப்பதிக்கு]போகனுமாம்.அப்படித்தான் இந்த பதிவு படிச்சவங்க
இந்த ஜோடிப்பதிவையும் படிச்சிடுங்க

தேர்வு எழுதப் போகும் மாணவர்களுக்கும்...தவிப்பான பெற்றோர்களுக்கும்

noreply@blogger.com (கண்மணி/kanmani) — Sun, 28 Feb 2010 16:53:00 +0530

இதோ இன்றிலிருந்து +2 தேர்வுகள் ஆரம்பிச்சிடுச்சி.கொஞ்சநாளாகவே எதிர்வரும் தேர்வுகளை எப்படி எதிர் கொள்ளனும் என்பதை பற்றி பத்திரிக்கைகள் மட்டுமல்லாது பதிவுகளும் எழுதுகின்றன.
நாம சும்மா இருந்தா எப்படியென...இந்தப் பதிவு.

தேர்வை எதிர் கொள்வது எப்படி,பாடங்களை எப்படிப் படிக்க வேண்டும் எப்படி நினைவில் வைத்துக் கொள்ள வேண்டும் என்பதெல்லாம் அடிப்படையான விஷயங்கள்.
தேர்வை எப்படி எழுத வேண்டும் எழுதும்போதும் எழுதிய பிறகும் என்ன செய்ய வேண்டும் செய்யக் கூடாது என்பதுதான் இந்தப் பதிவு.

1.தேர்வுக்கு முதல் நாளே எடுத்துச் செல்ல வேண்டிய பேனா பென்சில் ஸ்கேல் போன்ற தேர்வுக்கான பொருட்கள்,அடையாள அட்டை [ஹால் டிக்கெட்] போன்றவற்றை எடுத்து வைத்துக் கொள்ள வேண்டும்.கடைசி நிமிடத் தேடல் டென்ஷனாக்கி தேர்வு எழுதும் மனநிலையைப் பாதிக்கும்.

2.முடிந்தவரை எழுதிப் பழகிய பேனாவையே பயன்படுத்தினால் விரைவாக எழுத வரும்.புதிதாக வாங்கி எடுத்துப் போவது கிறுக்கினாலோ நம் கை வாகிற்கு சரிவராமல் போனாலோ தொல்லைதான்.எதற்கும் இருக்கட்டுமென அதிகப் படியாக ஒன்றோ,இரண்டோ எடுத்துச் செல்லலாம்.

3.ஆரம்பகட்ட சோதனைகள் இடம் சரி பார்த்தல் எல்லாம் இருக்கும் என்பதால் 15 நிமிடங்களுக்கு முன்பாகவே தேர்வெழுதும் அறைக்கு சென்று விட வேண்டும்.கடந்த சில வருடங்களாக வினாத்தாள்களைப் படிக்கவென கூடுதலாக 10 நிமிடம் தரப் பட்டிருப்பதால் வினாத்தாள் முழுவதும் படித்து விட்டு ஒவ்வொரு பிரிவிலும் தெரிந்த வினாக்களை தெரிவு செய்து டிக் செய்து கொள்ளலாம்.

4.வினாத்தாளை தேர்வு கண்காணிப்பாளரிடமிருந்து பெற்றுக் கொண்டவுடன் அவரவர் பதிவெண்ணை எழுத வேண்டும்.எந்தக் காரணம் கொண்டும் வினாத்தாளில் பதில்களை குறிக்கக் கூடாது.மற்றவரிடம் நம் பதிவெண் எழுதப் பட்ட வினாத்தாள் கொடுக்கக் கூடாது.இது வீண் சந்தேகங்களைத் தோற்றுவிக்கும்.

5.ஒரே அறையில் தேர்வு எழுதும் மாணவர்களுக்கு A B A B என்ற வகையில் இரண்டு விதமான வினாத்தாள்கள் வழங்கப்படும்.முதலாமவருக்கு A என்றால் அடுத்தவருக்கு B யாகும்.இது விருப்பப் பாடங்களுக்கு மட்டுமே.மொழிப் பாடங்களுக்கு ஒரே வகைதான்.
இரண்டு வகைகள் இருந்தாலும் மொத்தகேள்விகளுமஒரேமாதிரியானவைதான்.கேள்விகளின் வரிசை எண் மட்டும் மாறுபட்டிருக்கும்.

6.முதலில் நன்கு விடை தெரிந்த கேள்விகளுக்கு தெளிவாக பதில் எழுத வேண்டும். சந்தேகத்திற்குரிய பதிலை எழுதி அடித்து வைத்தல் கூடாது.first impression is the best impression.கையெழுத்து சுமாராக இருந்தாலும் பதில்களை போதிய இடம் விட்டும் தெளிவாகவும் எழுத வேண்டும்.அதற்காக ஒரு பக்கத்திற்கு நாலே வரி எனவும் இருக்கக் கூடாது.திருத்துபவர்களுக்கு தேவையில்லாத அதிக பக்கங்கள் எரிச்சலைத் தரக்கூடும்

7.மொழிப் பாடங்களைப் பொறுத்தவரை எழுத்துப் பிழைகள் இலக்கணம் கவனத்தில் கொள்ள வேண்டும்.விருப்பப் பாடங்களைப் பொறுத்தவரை சமன்பாடுகள் குறியீடுகள் வரைபடங்கள் தேவையான இடத்தில் இடம் பெற வேண்டும்.

8.எத்தனைப் பக்கம் ஒரு பதிலை விரிவு படுத்தி எழுதுகிறோம் என்பது முக்கியமல்ல.ஒரு கேள்விக்கு வேண்டிய பதிலின் முக்கிய பகுதிகளைக் குறிப்பிட்டும் முடிந்தால் அடிக்கோடிட்டும் அல்லது கலர் ஸ்கெட்சிலும் தனித்து தெரியும்படி எழுத வேண்டும்.

9.விடைத்தாள் மதிப்பீடு என்பது ஒரு கேள்விக்கான பதிலுக்கு மதிப்பெண்கள் குத்து மதிப்பாக வழங்கப் படுவதில்லை.ஒரு பதிலில் இடம் பெற வேண்டிய மொத்த பாயிண்ட்ஸ் மற்றும் சமன்பாடு அல்லது வரைபடம் இப்படித் தனித்தனியாக பிரிக்கப் பட்டிருக்கும்.மிகச்சரியான விடையாக இருந்தாலும் அத்துடன் எழுத வேண்டிய குறியீடு சமன்பாடு படம் இல்லையெனில் மதிபெண்கள் குறைத்தே வழங்கப் படும்.படம் கேட்கவில்லையே சமன்பாடு கேட்கவில்லையே எனக் குறை சொல்ல முடியாது.5 அல்லது 10 மதிப்பெண் வினாவாக இருந்தால் படங்கள் சம்ன்பாடுகள் கட்டாயம் எழுதனும்.

10.ஒவ்வொரு கேள்விக்கும் உரிய பகுதிப் பிரிவு கேள்வி எண் அதன் உட்பிரிவு சரியாக எழுதப்பட வேண்டும்.விடைத்தாளின் முன் பக்கம் மதிப்பீட்டு மதிபெண்கள் பக்கவாரியாகவும் மதிப்பெண் வாரியாகவும் எடுத்து எழுதப் பட்டு டேலி செய்யப்படுவதால் இவை சரியாக எழுதப் பட வேண்டும்.

11.தேர்வு எழுதும் போது அடுத்தவர்கள் என்ன செய்கிறார்கள் என்பதைப் பார்த்துக் கவனம் சிதற விடாமல் தங்கள் பணியில் கவனம் செலுத்த வேண்டும்.விடைத்தாளில் விடைகளைக் குறுத்து வைப்பதும் நாம் அங்கும் இங்கும் பார்ப்பதும் பறக்கும் படை மற்றும் தேர்வு கண்காணிப்பு அதிகாரிகளுக்கு சந்தேகம் தருமானால் பல நிமிடங்கள் சோதனைக்கு மாணவர்களை உட்படுத்தக் கூடும்.இது மன உளைச்சலையும் நேர விரயத்தையும் தருவதோடு தொடர்ந்து எழுதும் மன நிலையையும் பாதிக்கலாம்

12.கேட்கப்படும் வினாக்களின் எண்ணிக்கையைவிட கூடுதலாக எழுதினால் கூடுதல் மதிப்பெண்கள் கிடைக்கும் என நினைப்பது தவறு.பக்கவாரியாகவும் வினாவாரியாகவும் மதிப் பெண்கள் சரி பார்க்கப் பட்டு கூட்டப் படுவதால் அதிகப் படியான வினா இருப்பது தெளிவாகி விடும்.அப்படி நேரும் பட்சத்தில் முதலில் எழுதப்பட்ட வினாவே கணக்கில் எடுத்துக் கொள்ளப் படும்.அடுத்தது அடிக்கப் பட்டுவிடும்.முதலில் எழுதியதற்கு 8 மதிப்பெண்கள் அடுத்து எழுதிய அதிகப்படி வினாவுக்கு 10 மதிப் பெண்கள் என்றால் 8 மட்டுமே கணக்கில் எடுத்துக் கொள்வது விதி.எனவே கவனமாக இருக்க வேண்டும்.

13.ஒவ்வொரு கூடுதல் விடைத்தாளிலும் சரியான பக்க எண்களை தொடர்ச்சியாகப் போட்டு விட்டே எழுத வேண்டும்.பின்னர் எல்லாவற்றையும் சேர்த்துக் கட்டும் போது குழப்பம் வராமல் இருக்கும்.

14.பத்து நிமிடம் முன்பாக முடித்து விட்டு பக்க எண்களைச் சரி பார்த்து விடைத்தாள்களை ஒருங்கிணைத்துக் கட்ட வேண்டும்.ஒருமுறை விடைகளையும் சரி பார்க்கலாம்.

15.முடிந்த தேர்வுகளைப் பற்றிய விமர்சனம் அதற்கு தாங்களே மதிப்பெண் போட்டுப் பார்த்தல் போன்றவைகளைத் தவிர்த்தல் வேண்டும்.இது அடுத்த தேர்விற்கான ஆயத்தப் படுத்துதலை பாதிக்கக் கூடும்.முன்பே சொன்னபடி விடைத்தாள் மதிப்பீட்டு முறையும் நம் யூகமும் மாறுபடக் கூடும்.

பெற்றோர்களுக்கு:
பிள்ளைங்க பரிட்சை எழுதும்வரை வயித்துல நெருப்பைக் கட்டிக் கொண்டிருக்கிறேன்னு சொல்லும் பெற்றோர் அதிகம்.உங்க பரபரப்பும் தவிப்பும் பிள்ளைகளை பாதிக்கக் கூடாது.
டென்ஷன் இல்லாமல் தேர்வுக்கு தயார் படுத்தி அனுப்ப வேண்டும்.உணவுமுறைகளில் கூடுதல் கவனம் செலுத்த வேண்டும்.
உடல்நலத்திலும் கவனமாக இருக்க வேண்டும்.தேவையில்லாத டென்ஷன் மனரீதியாகப் பிள்ளைகளைப் பாதிக்கக் கூடும்.
சில வருடங்களுக்கு முன்பு ஒரு நண்வரின் மகன் +2 தேர்வு எழுதினான்.நண்பர் ஒரு பல்கலையில் பேராசிரியர்.மகனும் படிப்பில் கெட்டி.இருந்தும் கடைசி இரண்டு தேர்வுகளுக்கு முன்பாக அவனின் உடல்நிலை கெட்டுப் போனது.சரிவர நீர் பிரியாமல் சிறுநீரகக் கோளாறு என்று மீதித் தேர்வுகளை எழுத முடியாமல் போனது.
அதே வருடம் மீண்டும் எழுதிய போதும் அதே நிலையே.அடுத்தமுறை போதிய மருத்துவ ஆலோசனைகளுடன் மீண்டும் வேறு பள்ளியில் சேர்ந்து புதிதாகப் படித்து எழுதி முடித்தான்.இரண்டு வருடங்கள் வீணாகப் போனது.
உடம்பில் பெரிதாக எந்தக் கோளாறும் இல்லையென்றாலும் ஏதோ பயமும் டென்ஷனும் அவனை இப்படியாக்கி விட்டது.இத்தனைக்கும் ஸ்கூல் டாப்பர்.
என் தோழி ஒருத்திக்கு என் பொண்ணு +2 எழுதி முடிக்கிறதுக்குள்ள எனக்கு ஹாட்ட் அட்டாக் வந்துடும் போல இருக்குன்னு தினமும் புலம்பல்.பிள்ளைங்க முடிந்தவரைப் படிக்கட்டுமே.அவர்களையும் கஷ்டப் படுத்தி நீங்களும் கஷ்டப் படனுமா?
பெற்றோர்களின் மனநிலை அவர்களைப் பாதிப்பதால்தான் தேர்வில் தோல்வி காணும் மாணவர்கள் தற்கொலை போன்ற தவறான முடிவுகளுக்குத் தள்ளப் படுகின்றனர்.
இலகுவான மனதுடன் பிள்ளைகளைத் தயார் படுத்தி தன்னம்பிக்கையளிக்க வேண்டியது நிச்சயம் பெற்றோர்கள் கையில்தான் உள்ளது.

டாப் டென் பின்னூட்டங் [வகை] கள்

noreply@blogger.com (கண்மணி/kanmani) — Wed, 24 Feb 2010 17:31:00 +0530

இந்தப் பதிவுக்குப் பின்னூட்டம் தேவையில்லை.அப்படி பின்னூட்டம் போட்டால் அது எந்த வகையினது என்பதை நீங்களே முடிவு செய்து கொள்ளவும்.நிறைய ஆராய்ச்சி செய்து ;)யோசித்து வைத்தேன் என்றாலும் ஒரு பத்துவகையை மட்டுமே பட்டியலிடுகிறேன்.

1:அப்ரசெண்டு பின்னூட்டம்:

புதுசா பதிவெழுதவந்தங்கதான் இந்த அப்ரசெண்டுங்க.யாருக்குப் போடனும் எதற்குப் போடனும் என பாகுபாடு இல்லாமல் கண்ணுல கண்ட பதிவுகளுக்கெல்லாம் போடும் அப்பாவிகள்.
[பின்னாடி தெளிஞ்சி உஷாராயிடுவாங்கல்லே]

2:மொய் பின்னூட்டம்:

எனக்கு நீ போட்டா உனக்கு நான் போடுவேன் வகை.கிட்டதட்ட நல்லது கெட்டதுக்கு மொய் எழுதறாப்போலதான் இதுவும்.
[மொய்யின்னா கூட குறையவும் இருக்கும் கண்டுக்கப் படாது]

3:வால்பிடி பின்னூட்டம்:

யாரு என்னன்னே தெரியாது.புதுசா நமக்குப் பின்னூட்டம் போட்டுட்டாங்களேன்னு அவங்க உரலை பிடிச்சிப் பின்னாடியே போயிடனும்.இந்தா வச்சிக்கோன்னு பதிலுக்குப் போட்டுட்டு ஓடி வந்திடுவது.
[பெரும்பாலும் எப்பவாச்சும் நடப்பது.]

4:கடமை பின்னூட்டம்:

தெரிந்த ஊர்காரங்களோ நண்பர்களோ பதிவு போட்டுட்டா ஒரு அட்டெண்டஸ் போடுவது கடமை தவறாத பின்னூட்டம்.இதுக்குப் பதிவைப் படிக்க வேண்டிய கட்டாயமில்லை
[அதிகபட்சம் சிரிப்பான் அல்லது அருமை னு சொன்னாப் போதும்]

5:தாராள பின்னூட்டம்:

எந்த ஒரு கமிட்மெண்ட்டும் இல்லாம பதிவுகளை படிக்கும் ஆர்வத்திலும் புதியவர்களை ஆதரிக்கும் நோக்கிலும் யாருக்கு வேண்டுமானாலும் பின்னூட்டம் போட்டு வைப்பது.கொஞ்சம் அனுபவஸ்தர்கள் செய்வது.
[பொதுவாக பதிவெழுத மாட்டாங்க.படிக்க மட்டும் செய்பவர்கள் ]

6:விளம்பரப் பின்னூட்டம்:

எங்கும் எதிலும் தவறாது பின்னூட்டம் போட்டுட்டு அப்படியே என் பதிவைப் பாருங்கன்னு தங்கள் வலைப் பக்கத்தின் உரலைக் கொடுப்பது.
[ஒரு விளம்பர யுக்தி.சில திரட்டிகள் செய்வது]

7:கும்மி பின்னூட்டம்:

மொக்கையோ சக்கையோ கும்மியடிக்கவும் பொழுது போக்கவும் போடப் படுவது.வார்த்தைகளாக இருக்கனும்னு அவசியமில்லை நெம்பர்களாகவும் போடலாம் ஒருவரே எத்தனை வேண்டுமானாலும் போடலாம்.இதில் பதிவருக்கோ பதிவுக்கோ சம்மந்தமில்லை
[பிலாக்கர் சாட் விண்டோ]

8:குரூப் பின்னூட்டம்:

ஒரே இடத்தில் பணி ஒரே இடத்தில் இருப்பவர்கள் அல்லது சாட் மூலம் இணைந்த நண்பர்கள் இப்படி ஏதோ காரணத்தால் குரூப் ஆனவங்க ஒருவருக்கொருவர் பதிவிடும்போது கட்டாயமாகப் போடுவது.இதுவும் ஒரு விதக் கடமையே
[நட்பு வட்டம்]

9:ஊர்ப் பின்னூட்டம்:

யார் எந்த இடத்தில் வேனும்னாலும் இருக்கலாம்.ஆனால் பதிவர் நம்மா ஊர்க் காரவங்கன்னு தெரிஞ்சிட்டாப் பாசக்கார பயபுள்ளைங்க பின்னூட்டம் தவறாம போட்டுடுவாங்க
[இது நம்மாளு வகை]

10:சென்சார் பின்னூட்டம்:

அரசியல்,ரஜினி,விஜய்,அஜீத் இப்படி சென்சிவான மேட்டர் வச்சி பதிவெழுதிட்டால் பிரசுரிக்க முடியாத பின்னூட்டங்கள் வரலாம்.இது பின்னூட்ட கணக்கில் வராது.
[மட்டுறுத்தல் அவசியம்]

இந்த டாப் டென் வகைப் பின்னூட்டங்கள் தவிர சில உப வகைகளும் இருக்கு.இதெல்லாம் வளர்ந்து வரும் பதிவர்களுக்குத்தான்.ரொம்பப் பெரிய பதிவராயிட்டா அப்பால யாருக்குமே பின்னூட்டம் போடத் தேவையில்லை.
அது போலத்தான் ஓட்டளிப்பும்.அப்புறம் இந்த ஃபாலோயர்ஸுக்கும் பின்னூட்டத்திற்கும் சம்மந்தமில்லை.தமிழ்மணத்துல மூன்று இலக்க ஃபாலோயர்ஸ் இருக்கிற பதிவர்கள்தான் அதிகம்.அவங்களுக்கெல்லாம் அதே எண்ணிக்கையில் பின்னூட்டம் வரும்னு எதிர் பார்த்தா நீங்க இன்னமும் பெரிய பதிவராகவில்லைனு பொருள்.

~~அனானி பின்னூட்டம்:~~ ..

இது பேர் சொல்ல விரும்பாதவங்க, பிலாக்கரில் நுழைய விரும்பாதவங்க ,சில நேரம் நமக்கு நாமே திட்டத்தைப் பயன்படுத்திக்கிறவங்க செய்வது என்பதால்இது கணக்கில் வராது,அதனால டாப் டென்னில் சேராது

டிஸ்கி-1:
பதிவு படிக்கிறவங்க எல்லாம் பின்னூட்டம் போடுவதில்லை.
பின்னூட்டம் போட்டவங்க எல்லாம் பதிவு படிச்சாங்கன்னும் அர்த்தமில்லை.
டிஸ்கி-2:
ஓட்டு போட்டவங்கஎல்லாம் பின்னூட்டம் போடுவதில்லை.
பின்னூட்டம் போட்டவங்க எல்லாம் ஓட்டு போடுவதில்லை

நம் பதிவுகளும் கூகுள் தேடலும்

noreply@blogger.com (கண்மணி/kanmani) — Sat, 20 Feb 2010 13:45:00 +0530

பதிவு எழுதும் எல்லோருக்குமே என்ன வேண்டியிருக்கும்?பின்னூட்ட எல்லை 40 களைத் தாண்டிய பின்னூட்டங்களும் 20,30 ஓட்டுகளும் முகப்பில் பரிந்துரைக்கப் பட்ட இடுகையாக அல்லது மகுடமாக பதிவுகள் இருக்கனும்னு ஆசைப்படுவோம்.
தமிழ்நாட்டு மக்கள் எப்போ யாருக்கு ஓட்டுப் போடுவாங்கன்னு சொல்ல முடியாதது போலவே நம் மக்கள் கவிதையோ ,மொக்கையோ,அனுபவமோ விழிப்புணர்வோ எதற்கு வேண்டுமானாலும் தங்களுக்கு பிடித்திருந்தால் ஓட்டு போட்டுடுவாங்க.
இதெல்லாம் எத்தனை நாளைக்கு?அதிகபட்ச ஓட்டு பின்னூட்டம் வாங்கிய பதிவுகள் கூட ஒரு வார கால அளவிற்கே முகப்பில் இடம் பிடிக்கலாம்.அடுத்தடுத்து வேறு பதிவுகள் அதைப் பின் தள்ளி கொண்டிருக்கும்.அதன் பின் யாரும் அது குறித்து விவாதிக்கப் போவதில்லை என்றேனும் பழைய பதிவுகள் மேற்கோள் காட்டப் படும் நேரம் தவிர.
ஆனால் இதையும் தாண்டி நம் பதிவுகள் பின்னூட்டம் பெறாமல் ஓட்டு வாங்காமல் வாசிக்கப் படுகிறது பல நேரங்களில்.

கூகுள் தேடுதளத்தில் தமிழில் ஏதேனும் தட்டச்சு செய்து தேடினால் முதலில் வந்து விழுவது தமிழ் வலைப் பதிவுகள்தாம். backlinks கண்டறிவதன் மூலமோ அல்லது
Feedjit traffic feed widget உங்க வலைப் பக்கத்தில் இணைத்திருப்பீர்களானால் இதை நீங்கள் தெரிந்து கொள்ள முடியும்.
என்னுடைய குறிப்பிட்ட இரண்டு பதிவுகள் பலமுறை [இப்போதும் கூட] கூகுள் தேடு பொறியில் முன்னிறுத்தப் படுகின்றன.இரண்டுமே சாதாரண மொக்கைப் பதிவுகள்தான்.
ஒன்று சுலபமாக உடற்பயிற்சி செய்வது எப்படின்னு ஒரு மகா மெகா மொக்கை.ஒபிஸிட்டி பற்றிய விழிப்புணர்வு அதிகமாகிப் போன இன்றைய சூழலில் என்ற அது குறித்த கூகுள் தேடலுக்கு ("சுலபமாக எடையைக் குறைக்க") என் மொக்கைப் பதிவும் முன்னிறுத்தப் படுகின்றது. இதற்காக நான் சந்தோஷப் படுவதா அல்லது தேடி வந்தவர்களுக்குத் தேவையான தகவல் தரவில்லையே என வருத்தப் படுவதா?
போகட்டும் இதாவது சாதாரண மேட்டர்.இன்னொரு பதிவு சம்மந்தப் பட்டது பற்றி என்ன சொல்ல?ச்சீ இதையெல்லாமா சொல்லிக் கொண்டிருப்பது என பல மாதங்கள் தவித்துப் போய் பின் ஒரு கட்டத்தில் பப்லிஷ் செய்திருந்த அந்தப் பதிவையே இப்போது draft ல் போட்டு விட்டேன்.
என்ன பில்டஃப் பலமாக இருக்குன்னு பாக்கறீங்களா?என்னுடைய ஆரம்பகால பதிவுகள் எல்லாம் கிட்டு மாமா,அம்புஜம் மாமி பதிவுகள் தான்.கொஞ்சம் நகைச்சுவையோடு இருந்ததால் பலர் விரும்பிப் படித்தனர்.அதனால் பெரும்பாலான பதிவுகளில் மாமி என்ற பேர் இடம் பிடித்திருக்கும்.
கூகுள் தேடலில் பலர் 'மாமி' யைத் தேடப் போக என்னோட அம்புஜமும் 'வகையாக' மாட்டிக்கிட்டாள்.இதற்கு மேலும் விளக்கம் தேவையில்லைனு நினைக்கிறேன்.
பல மாதங்களுக்கு முன்பு போட்ட சாதாரண ஒரு நகைச் சுவைப் பதிவு 'அம்புஜம் மாமியின் புது வருடப் பலன்' அடிக்கடி ரெஃபர் செய்யப் படுவதும் அந்த லிஸ்ட்டோடு காணக் கிடைத்த பலான பதிவுகளும் தந்த எரிச்சலில் அதை டிராஃப்ட் ஆக்கிவிட்டேன்.நல்லவேளை மற்ற மாமி பதிவுகளை கூகுளார் கண்டுக்காததால் தப்பித்தன.இல்லாவிட்டால் எல்லாத்தையும் டிராப்ட் பண்ணிட்டு உட்கார்ந்திருக்க வேண்டியிருக்கும்.
யார் எதைத் தேடினால் என்ன நம்ம பதிவு ரெஃபர் செய்யப் பட்டு நம் வலைப் பக்கம் வந்தால் டிராஃபிக் கூடும் தானே இதுக்கேன் இந்த அலட்டல்?கரெக்ட் தான்.அது அவரவர் தனிப்பட்ட மனநிலையைப் பொறுத்தது.கண்மணி ன்னா இப்படித்தான் இருக்கனும் என்பது என்னோட விருப்பம்,முடிவு.
ஆனால் சொல்ல வந்தது இப்படி நடக்கிறது என்பதைத்தான்.நம் பதிவுகள் அதில் இடம் பெறக்கூடிய பொருளடக்கம்,வார்த்தைகள் எத்தனை முக்கியம் பெற்றவை என்பதைச் சொல்லவே இந்தப் பதிவு.இதொன்றும் புதிதில்லை.முன்னமே பலர் அறிந்திருக்கக் கூடும்.இருந்தாலும் என் அனுபவத்தை பதிவாக்குகிறேன்.
சொற்ப நாட்களுக்குக் கிடைக்கக் கூடிய பரபரப்பு,மறுமொழிகளின் எண்ணிக்கை,ஓட்டுக்கள் இவைகளுக்காக வேண்டி 'பளிச்' தலைப்பையோ வார்த்தைகளையோ பயன் படுத்துகிறோம்.ஆனால் அது தேடுபொறியில் சேமிக்கப் பட்டு எந்நேரமும் காணக்கிடைக்கும் என்பதுதான் உண்மை.

ஸ்வர மாதுரி........

noreply@blogger.com (கண்மணி/kanmani) — Fri, 19 Feb 2010 16:56:00 +0530

zoom n see

ஏற்கனவே டிவியிலும் சினிமாவிலும் காஸ்ட்யூம்ஸ் டிரஸ்ஸஸ் பார்த்து நம்ம மக்களுக்கு காதுல புகை வரும்.வஸ்த்ர கலா,பரம்பரா,சாமுத்ரிகா ன்னு இன்னும் கொஞ்சம் வெறுப்பேறும்.
ராசுக்குட்டிப் படத்துல ஒரு லட்சரூபாய் புடவைன்னு தங்க சரிகையும் கற்களும் பதித்த புடவைஒன்றை ஐஸ்வர்யாவுக்கு பாக்யராஜ் குடுப்பாரு.ஒரு லட்சரூபாயில் அப்படியென்ன பட்டுப் புடவைன்னு அப்போ ரொம்ப யோசித்தது உண்டு.

சமீபத்துல தங்கத்துலயே ஜாக்கெட் ஒன்னு அறிமுகப் படுத்தினாங்க.செருப்பு முதக் கொண்டு தங்கத்துல போடும் போது இதெல்லாம் பெரிசில்லை.இப்பெல்லாம் டிசைனர் புடவைகளே 3000,5000 னு இருக்கு.அதையே லட்சரூபாய்ரேஞ்சுக்கு கட்டிக்கிறோம்.இதையெல்லாம் மிஞ்சி பாட்டுப் பாடும் புடவை ஒன்னு ஆந்திராவுல தயாரிச்சிருக்காங்களாம்.

இது பத்தின நகைச்சுவையான பதிவு ஒன்றை சித்ரா போட்டிருக்காங்க இங்கே பாருங்க.எல்லளும் எகத்தாளமுமாக அவங்களே பிரிச்சி மேஞ்சிட்டதால புடவை பத்தி நானொன்னும் சொல்லப் போறதில்லை.

கூடிய விரைவில் டிவி வச்ச புடவைகளும் வந்துட்டா எங்கிருந்தாலும் இந்த அழுகாச்சி சீரியல்களை மிஸ் பண்ணாம பாத்திடலாம்.
அப்படியே லேப்டாப் போல பல்லுடாப் [pallu top]கண்டுபிடிச்சிட்டா இருந்த இடத்திலேருந்தே பதிவுகளும் போட்டுடலாம்.ரங்ஸ்களும் நம்ம முந்தானையைப் பிடிச்சிக்கிட்டே வருவாங்கல்ல:))))))))
கிரியேட்டிவிடி இருக்க வேண்டியதுதான்.ஆனா இப்படியா?

டிஸ்கி: சித்ரா புடவையைக் கண்ணுல காட்டாததால் பொறுப்பா படத்துடன் இந்தப் பதிவு.சிகப்புகலர்ல புடவை ரொம்பத்தான் ஜொலிக்குது ;)