from the dungeOn

Pagbati sa Kaarawan ni Inay

LordCM — Sat, 19 May 2012 11:01:07 +0000

Birthday ngayon ng Mamang ko at ng isa kong ate. Hindi ako makapunta dahil andito pa ako sa Palau. Siguro sa oras na ito binabasa na ng panganay kong anak ang mensaheng nasa baba na para sa aking nanay.

Hello Mamang, Musta? Birthday mo na naman, ilang taon na rin na hindi ako nakakapunta sa birthday mo. Pero alam ko intindi mo na yun, dahil basta para sa mga anak, lahat gagawin ng kahit sinong magulang. Naalala ko pa nung mga bata pa kami, madaling araw pa lang nasa palengke ka na, nagbubukas ng tindahan para kumita at may panggastos tayo. Nasanay na nga kaming gigising sa umaga ng wala kayo.

Ngayon mga anak ko naman ang gumigising sa umaga ng wala ako sa tabi nila, ang mahirap pa, kada dalawang taon ko na lang sila, kayo nakikita. Ngayon ko narealize kung anong sakripisyo ang ginagawa nyo dati para sa aming magkakapatid para lang may kainin at makapag-aral. Alam mo yun, kahit halos gumapang ka na sa pagod at sobrang pagka-homesick, napapawi kapag iniisip mong ang ginagawa mo ay para sa mga mahal mo sa buhay. Ang sarap lang sa pakiramdam na kahit papaano may magandang resulta yung mga paghihirap natin, ung pagsasakripisyo mo para sa aming magkakapatid. Look at me now! Hehehe

Alam ko, Mang, marami akong pagkukulang sa inyo. Bihira lang tayo makapag-usap, makapag-usap man, ilang minutong kumustahan lang. Halos kalahati nga ng buhay ko, magkahiwalay tayo. Pero ganun pa man, Mang, wag mo sanang isipin na hindi ko kayo mahal. Mahal na mahal ko kayo, hindi lang talaga ako ung taong marunong magparamdam o magpakita ng pagmamahal sa tao, pero sa isip ko at sa puso, alam ko, ikaw ang nag-iisa kong mamang, ikaw ang una’t huling iintindi sa mga pagkakamali ko, ikaw yung yayakap sa akin sa panahong kailangan ko ng masasandalan. Ikaw lang yun, Mang.

Sabi ni Ate Bheng, ivideo ko raw sarili ko o kaya irecord ung message ko para sayo. Para namang hindi nila alam na mahiyain ako.Saka kapag nakavideo ako makikita mo pang naiyak ako habang binabati kita, birthday mo kaya! Kaya dapat masaya

Ayan, hanggang dito na lang. Lapit na rin naman bakasyon ko eh. Happy Birthday sayo, Mang! At kay Ate Mhet..Sana marami pang birthday ang dumaan sa inyo at sana isa sa mga birthday na yun ay magkakasama tayong lahat.

Ang tisoy nyong anak…ngayon hindi na

Porket ba Sikat, Suportado Na?!

LordCM — Tue, 15 May 2012 12:07:00 +0000

Hindi naman siguro lingid sa kaalaman nating lahat ang nangyari nitong nakaraang araw sa Airport, di ba? Halos ilang araw na rin pinag-uusapan sa kung saan-saan ang issueng Santiago at Tulfo kaya walang dahilan kung bakit hindi mo ito alam…

Ayon sa balita, nagsimula ito sa paninigaw ni Claudine sa babaeng staff ng airport sa kadahilanang nagkaruon ng problema sa mga bagahe nila Claudine. Dumating sa eksena si Mon Tulfo at bilang isang journalist kinunan nya ng picture ang nagwawalang artista at dito na nga nagsimula ang pagsusuntukan nila Mon Tulfo at grupo nila Raymart na asawa ni Claudine at isa pang lalakeng kaibigan raw nila.

Maraming haka-haka tungkol sa tutuong nangyari pero hanggang ngayon wala pang makakapagbigay linaw kung sino talaga ang nagsimula ng gulo at kung sino ang may kasalanan.

Eto ang malupit, Ang grupong Gabriela ay naghayag ng pagsuporta kina Claudine kanina lamang sa TV Patrol. Kilala ang Grupong Gabriela na tumutulong sa mga babaeng naapi. Sa mga babaeng walang kalaban-laban at kailangan ng suporta ng nakakarami.

Pero ito ang tanong, kung suportado ng Gabriela si Claudine dahil isa syang babae na “inapi”, paano naman yung babaeng sinasabing pinagmumura ni Claudine sa harap ng maraming tao na nabalitang hindi na pumapasok sa trabaho dahil sa nasabing pangyayari. Sino ang susuporta sa kanya?

Porke’t ba sikat, suportado na? Hindi ba pwedeng ung mga taong mas nangangailangan muna ng suporta at hirap sa buhay ang suportahan nila bago ang mga taong sikat at may kaya sa buhay? Dapat ba talagang sikat na tao at artista ang suportahan?

Is LifeTimeShares a Scam?

LordCM — Fri, 04 May 2012 12:24:17 +0000

Paano mo nga ba malalaman kung fake, scam, safe o legit ang isang site kung saan kailangan mong mag-invest ng pera at walang kahirap-hirap na basta ka na lang kikita? Ikaw lang makakasagot nyan, subukan mo!

Nitong nakaraang May 3, 2012 sinubukan kong mag-invest sa Lifetimeshares dahil ang dami kong nababasa na nawiwithdraw daw nila ung earnings nila mula sa iniinvest nilang pera. Tingnan nyo na lang ung mga images, yan ang magsasabi sayo kung scam nga ba ito o hindi.

$1.34 per position ang pwede mong iinvest dito, pero ako sinubukan kong

mag-invest ng 3 position sa halagang $4.02.

After 24 hours, kailangan kong icheck ung earnings ko kung ano na nga ba ang nangyari.

Ung ininvest kong $4.02 nung May 3, pagtingin ko ngayong May 4 ay may earnings na!

Wala pa akong ginagawang pagpopromote, ni wala pa nga akong referral

pero kumita na ako ng $1.05!

Ano pa nga bang gagawin ko? i-WITHDRAW na yan!!!

Kaso kailangan pang maghintay ng 48 Hours.

Oh, ano pa hinihintay mo? Subukan mo na rin!

Malay mo dito tayo yumaman.

Click here to register.

UPDATES

May 12 : Ilang araw nang On and Off ang site, at ngayon wala na talaga ang website…SCAM nga ata! Ewan, di ko alam, baka di lang nila nasolusyunan ang sunod-sunod na problema…

May 19 : UP na uli ang site kaso pag click mo ng login link eto nakalagay, “You will be able to login to your account soon.“

Salamat, Uncle Google

PAYASO

LordCM — Sun, 29 Apr 2012 12:24:00 +0000

Astig kung iisipin,
nagagawa nyang ngumiti
sa kabila ng bigat na nararamdaman
sa likod ng maskarang pilit
binabago ang nararamdaman
ng nakapaligid sa kanya

(Salamat sa http://www.hieloazul.com,
hinablot ko lang ung drowing eh)

Paunawa : Ito po ay repost, dalawang taon ang nakaraan.

Huminga ng malalim, bago basahin!

LordCM — Sun, 22 Apr 2012 05:51:09 +0000

gusto kong huminto kahit saglit para di na mag isip at piliting namnamin ang sarap ng pagiging inosente sa anumang bagay na gumugulo sa pag inog ng mundo at nagpapakumplikado sa pag ikot ng kamay ng relo upang ng sa gayon makasabay sa paglipad ng laruang eroplano na kontrolado ng batang walang kamuwang-muwang O kaya’y tumakbo sa ilalim ng buwan kasalubong ang sasakyang nakakasilaw ang ilaw upang makaiwas sa nagbabantang pag ulan na sa bumbunan ko’y tutusok ng walang humpay at aagos sa mura kong katawan upang subukang basain ang natutuyo kong kalamnan at balaking buhayin ang naghihingalo nang isipan.

Tama ba naman Yun?!

LordCM — Tue, 27 Mar 2012 00:43:08 +0000

source : amandabasse.com

Tama ba naman yun?!

Mekaniko ka, may nagpagawa ng sasakyan at hindi mo nagawa. Ngayon itong nagpagawa ay nagrereklamo sa may-ari ng pagawaan dahil nga hindi magawa ang pinapagawa nya. Tama bang bigyan ung nagpagawa ng bagong sasakyan ng libre kapalit ng sasakyan nyang sira at ipaako sa mekaniko ang pagbabayad ng bagong sasakyan?

Tama ba naman yun?!

Uminom ka ng isang soda o softdrinks sa store na pinagtatrabahuhan mo sa oras ng trabaho. At dahil pagnanakaw daw un, terminate ka! Pero ung taong lantaran na nagnanakaw sa kumpanya, may mga ebidensya at mga taong makakapagpatunay, na halos daang dolyar ang ninakaw ay nananatili pa rin sa kumpanya.

Tama ba naman yun?!

Ikaw itong taon na ang binilang sa pagtatrabaho sa isang kumpanya na kahit kailan hindi na-increase-san. Halos ikaw na nga ang nag-ayos ng isang magulong sistema sa iyong departamento, eto at may baguhang empleyado na tulad mo rin ang trabaho ngunit mas mataas pa sayo ang sweldo at paglipas ng tatlo o apat na buwan magreresign dahil hindi kaya ang trabaho.

Tama ba naman yun?! O may tama lang talaga?!

I-Google mo Kaya!

LordCM — Sun, 18 Mar 2012 12:40:17 +0000

Simula’t sapul gustong-gusto ko nang tumulong sa kahit napakasimpleng paraan. Yung paraan na kakayanin ko, kumbaga, basta posible at may oras naman ako, sige! Go tayo jan, tulong tayo jan.

Kaya nga nabuo ang Isang Minutong SMILE, para sa mga Kids na mas nangangailangan. Kaya nga may Ask Pinoy Bloggers para masagot ang mga tanong ng baguhang bloggers. Kumbaga kung ano ang maiseshare ko bigay lang ng bigay.

Sa bawat tanong nga ng iba, pilit kong sinasagot sa abot ng aking makakaya. Andiyan na nga ung ako pa ang mag-search sa google para lang may maisagot sa tanong nila na kung tutuusin pwede ko namang sabihing “I-Google mo! Kaya nga may internet eh!”

Kaso hindi, kadalasan isinasantabi ko yung mga bagay na makakasakit sa iba, bagkus ako na lang ang gagawa ng paraan para makatulong kahit papaano. Ang sarap kaya sa pakiramdam na ikaw ung pinagkatiwalaan nilang sumagot sa tanong na hindi nila masagot, diba?

Pero alam mo yun?, Hindi naman sa humihinge ako ng kapalit pero ung malaman na tama ba ung isinagot ko sa tanong nila, kung gumana ba ung solusyon na binigay ko, para naman sa susunod na may magtanong ng kaparehas ng tanong nila ay buong talino kong sasagutin dahil alam kong tama yun, na gumagana yun. Yun na lang sana, kaso ni “hi” o “hello”, wala nang reply!, Maisip man lang nila sanang ilang minuto o oras din ang inilaan ko para humanap ng isasagot sa tanong nila. Pero wala talaga. Tapos makikita mo na lang na ginawa nila ung isinagot mo sa tanong nila.

Sa tutuo lang ilang beses ko na itong naranasan, ilang beses ko na ring sinubukang ilabas dito kung ano ba yung nararamdaman ko sa tuwing sasagot ako sa tanong nila na walang kumpirmasyon kung nakatulong nga ba ako o mali ang mga isinagot ko.

Minsan tuloy iniisip ko, magdamot na lang kaya ako para di ko nararamdaman ‘to?

Hindi na nga ba Natuto o Sadyang Gipit lang?

LordCM — Thu, 15 Mar 2012 04:35:53 +0000

Hindi na lingid sa kaalaman ng karamihan ang mga naglalabasang issue tungkol sa Human Trafficking, Illegal Recruiter o kung ano-anong gimik ng mga kapwa nating Filipino para lang makapanloko ng kapwa, pangakuan ng magandang sweldo sa ibang bansa, magandang trabaho at kung ano-ano pang matatamis na pangako, ngunit pasakit naman ang daratnan pagdating sa bansa ng mga banyaga.

Alam mo yun?…Ang saya-saya mong aalis ng Pinas, baon ang mga pag-asa na matupad ang mga pinangarap mo para sa iyong sarili, para sa iyong mga anak, magulang at mga kapatid. Minsan hindi ka pa nga magkandaugaga dahil sa sobrang dami mong iniisip na gagawin kapag nakaipon ka na dahil sa pagtatrabaho sa ibang bansa, Excited. Tapos bigla-bigla, pagdating mo sa gintong bansa, eto ka puro pasa, sugat, walang maipadalang pera sa Pinas at higit sa lahat hindi mo makausap ang pamilya mo na sana’y magbibigay lakas ng loob sayo para lumaban dahil hindi ka pinapayagang makipag-usap kahit kanino. Ang masaklap pa, kung uuwi kang nakaka-kahon.

Masisisi mo nga ba sila?…

Oo nga’t naloko sila, pero alam mo ba kung ano ang rason nila kung bakit tinatanggap nila ang pangakong trabaho sa ibang bansa?…Kahirapan, kawalan ng pag-asang may madudulot pang maganda para sa kanila ang kasalukuyang sistema ng ating bansa, at ang pag-asang maiaahon nila ang kanilang pamilya sa kaunting taon na pagsasakripisyo at pagtitiis sa ibang bansa na hindi kayang ibigay ng sarili nating bansa.

Nakakalungkot man isipin na marami na sa atin ang nakaranas ng mga panloloko ng ating kapwa, pero eto pa rin tayo, patuloy na yumayakap sa mga ganitong klase ng oportunidad. Nariyan pa rin ang maling sistema ng mga Ahensya ng ating Gobyerno patungkol sa paglabas ng mga Pinoy patungo sa ibang bansa.

Sabi nga ng iba, Hindi na natuto, o sadyang gipit lang at kailangang kumapit sa patalim.

Narito ang isang sample email mula sa isang banyaga na naghahanap ng trabahador mula sa ibang bansa tulad ng Pinas;

Good Day to yo, My name is i live in ,with my daughter, The reason why i contacted you is because i need a nanny ,driver and house maid for my house all to serve my daughter as i work in and do not return home until weekend , so i want this workers to handle my home and work together to enhance cordial relations ship within employees in my home.

According to fact , i heard people from your country are the best to handle this position , am willing to pay 2000 pounds each as salary and a 120 pounds weekly allowance .

Accommodation and feeding is free provided by me if you re interested in this offer contact my email with your applications and resume,my email is . we can also chat on my yahoo im

Panigurado, Isa sa sampung tao na makakatanggap ng ganitong email ay magkakatinteres, susubukang magreply at magbabakasakaling ito na pagkakakataon nya at ng kanyang pamilya na umahon sa kahirapan.

Ikaw, ano kaya ang iyong magiging reaksyon kung ikaw ang makakatanggap ng ganitong email?

Narito ang isang kwento mula sa isang kaklase nuong high school. Human Trafficking Victim in Malaysia, Part 1, Part 2, Part 3, Part 4, Part 5…

Nawa’y may matutunan tayo sa lahat ng kwento, istorya at balitang napapanuod natin bago tayo pumasok sa isang bagay na walang kasiguruhan

Magpapakatotoo Ka ba o Makikipaglaro?

LordCM — Fri, 09 Mar 2012 00:36:53 +0000

Ano nga ba talaga ang purpose ni Kuya para sa mga Housemates ng Pinoy Big Brother House?…Sa pagkakaalam ko, gamit ang mga task bilang pagsubok sa kakayanan ng mga housemate, ito rin ang nagsisilbing paraan ni Kuya upang ilabas ng bawat housemate ang kanilang TUNAY NA PAGKATAO. At dahil din sa mga task na ito, narerealize ng mga housemates kung ano nga ba ang tunay na mukha ng buhay.

Oo nga’t may punto si Kuya, pero hindi kaya may mali sa mga nangyayari sa Pinoy Big Brother House?…

Unang-una, ang bawat housemate na pumasok sa bahay ni Kuya, alam na ito ay isang contest, na mananalo ang isa sa kanila ng isang milyon o mahigit pa, na magkakaruon sila ng bahay at lupa kung sila ang mananalo , at may posibilidad na maging artista ang bawat housemate na makikitaan nila ng potensyal sa pag-arte o pagpapatawa.

Pangalawa, Kung magpapakabait sila, pakikisamahan ang bawat housemate at susunod sa lahat ng utos ni Kuya, malake ang tsansa nilang maging isa sa Big 4 na tinatawag.

Kung ikaw ang isa sa mga Housemates, Ilalabas mo kaya ang tunay mong pagkatao sa Pinoy Big Brother House?

Sigurado, marami ang sasagot ng Oo, maski naman ako, Bakit?, Tulad ng pag-amin ng karamihan sa atin, HINDI AKO PLASTIK!…Pero sa nangyayari ngayon sa loob ng bahay ni Kuya, mailalabas mo pa kaya ang tunay mong pagkatao?

Sa aking opinyon, hindi.

Paano mo ilalabas ang tunay mong pagkatao kung alam mong ang bawat kasabwat ni Kuya na pumapasok sa bahay ay umaarte lang?, Na kunwari’y pinagnanakawan kayo?, Na kunwari’y isa silang Don at Donya na panay ang sigaw at utos sa mga housemate?, Na kunwari’y isa kang housemate kahit ang katotohan ay isa ka nang house spy?

Paano mo ilalabas ang iyong tunay na pagkatao sa isang bahay na puno ng pagkukunwari?

Pinipilit ng bawat kasabwat ni Kuya na palabasin ang tunay na pagkatao ng mga housemate sa paraang pag-ubos ng pasensya ng bawat isa. Hanggang sa ikaw ay sumuko at tuluyan nang magalit, sumigaw, magmura at mang-away ng kapwa housemate. At kung lumabas na ang galit mo, ano sa palagay mo ang magiging tingin sayo ng kasama mo sa bahay, ng mga manonood? Masama?, Maikli ang pasensya?, Mayabang?

Pero dahil alam mong ang lahat ay pagkukunwari lang, pwede mong subukang habaan ang pasensya mo at ngitian lang ang bawat pangyayari. Ang problema, tatawagin ka namang PLASTIK.

Plastik ka rin namang matatawag kung sadyang mahaba talaga ang pasensya mo, tahimik, mabait at masunurin dahil hindi mo nilalabas ang gustong makita sayo ng mga manonood. Eh sadya ngang ganun ka, ano pang ilalabas mo?!

Ngayon, saan ka lulugar? Magpapakatotoo ka ba o makikipaglaro sa Pinoy Big Brother PLAY House?

Sa hirap ng buhay ngayon, malake na ang isang milyon, bahay at lupa kapalit ng pakikipagplastikan mo sa bawat housemate, sa bawat manonood at kay Kuya na Panginoon ng bawat housemate.

Ano nga ba naman yung kumilos ka sa loob ng bahay ni Kuya ng naaayon sa kagustuhan ni Kuya, ng mga manonood, at ng tulad mong housemate kahit pa hindi naman ito ang tunay mong pagkatao, at nang sa gayon ikaw ang tanghaling Big Winner.

HostGator.com Coupon Code – 25% OFF

LordCM — Wed, 22 Feb 2012 05:32:32 +0000

Nitong nakaraang linggo lang napagpasyahan kong kumuha na ng Unlimited Web Hosting sa HostGator.Com para sa ilang kadahilanan.

Una, ewan ko kung natatandaan nyo ung naging problema ko sa bandwidth last january dahil sa Ramgen-Janelle Scandal na yan, halos maghapon akong pressured dahil nga magda-down ang site ko kapag nagpatuloy pa ang pagbisita ng mga manyakis dito sa site ko. Kung naka-unlimited hosting ako, wala nang pangamba.

Pangalawa, Ang hirap mag-maintain ng maraming cpanel, mas maganda para sa akin yung isang cpanel lang, andun na lahat ng website ko, hindi na palipat-lipat, isang login lang, andun na lahat.

Pangatlo, yung mga benepisyo na makukuha ko sa Unlimited Web Hosting. Syempre andyan yung mas makakamura ako kaysa kada isang blog, isang host, diba? Andiyan din yung, unlimited domains, unlimited bandwidth, unlimited disk space, at marami pang unlimited sa presyong kayang-kaya!

Eto na nga, nakapagpasya na akong kumuha. Syempre hindi maiiwasan na maghanap ng discount. Oo, dapat kapag magpupurchase ka online, maghanap ka muna ng coupon code, sayang ung madidiskwento mo no! Nakakita naman ako, 25% OFF, o diba, mura na, pinamura pa uli! Saan ka pa?!

Ayun! Kung trip nyong kumuha ng Unlimited Web Hosting para sa mga blogs nyo. Nirerekomenda ko ang HostGator. Mula pagpurchase, activation, hanggang sa pagsetup ng host ko, nasubukan ko na ang support nila. Astig! Minsan kailangan mo lang pumila kagaya ng ibang ahensya, pero kapag nakausap mo na ang isa sa mga support nila…Tapos ang problema mo!

At kung gusto nyo makakuha ng discount sa lahat ng Hosting Plans nila, Gamitin mo lang ang Coupon Code na LIEGATOR25 para makakuha ka ng 25% Discount.

COUPON CODE : LIEGATOR25

Di pa ako tapos! lolzz, pagkatapos kong makapagpurchase at masetup ang lahat sa host ko pati na rin ang ilang blogs ko, alam mo ba ang nangyari?! Nanalo ako ng 1 year Unlimited Web Hosting sa pa-giveaway ni orphicPIXEL! Oo, pagkapurchase ko ng Unlimited Web Hosting sa HostGator, kasunod nyan nanalo ako ng Unlimited Web Hosting sa ZYMA.COM

Dalawa na ngayon host ko, UNLIMITED PA! Ano gagawin ko sa isa? Di ko pa alam