GARGAAR

Shir caalamiya oo dhex maray wufuud ka socda Somaliland iyo Baarlamaanka Falamishka ee dalka Belgium oo ka dhacay xarunta caasimada Europe ee Brussels

noreply@blogger.com (Samotalis) — Sat, 26 May 2012 21:20:00 +0000

Shir caalamiya oo dhex maray wufuud ka socda Somaliland iyo Baarlamaanka Falamishka ee dalka Belgium oo ka dhacay xarunta caasimada Europe ee Brussels

Shirkan oo ay ka soo shaqeeeyeen hirgalinteedana lahaayeen ururka Diaspora ee ka dhisan wadankan Belgium(Daawo Sawiro)

(GNs)Brussels:- Shir caalami ah oo ay soo qabanqabiyeen ururka Diaspora ee ka dhisan wadanka Belgium ayaa ka dhacay magaalada Brussels shirkan o ay ka qaby qaadanayeen wufuud ka timid somaliland oo ay kamid ahaayeen Gudoomiyaha golaha wakiilada Somalialnd ahan gudoomiyaha xisbiga Wadfani Mr Cabidiraxmaan Maxamed Cabdilaahi (Ciro) ,Adna Aadan , xildhibaaan Cabdiqadir Xaaji Ismaaciil Jirde , gudoomiyaha urukla isku xidhka Jaaliyadaha dibada ee SSE Cabdiraaxmaan Awliyo iyo xubno ka kala socda jaaliyada dibada ee Somaliland ee ku dhaqan qaaradan Europe.Shirkan oo xubnaha ka socday baarlamaanka Flaamishka ay ka tirsanaayeen xisbiga NVA ayaa si qiiro ku jirta u dhagaysanayay qudbadaha kala duwan ee ay soo jeediyeen xubnihii ka socday Somaliland.

Gudoomihaha golaha wakiilada Somaliland Cabdiraxmaan ciro o qudbad dheer ka jeediyay shirka ayaa ka sheekeeyay isbadalkii dheeraa ee Somaliland u soo martay inay maanta soo gaadho marxalada ay marayso , waxaanu ku nuuxnuuxsaday in dadaal badan u galeen sidii dimuqraadiyada dhamaystiran looga hirgalin lahaa wadanka .

Gudoomiyaha shirkada caalamiga ah ee Dahabshil Cabdirashiid siciid oo isna gobta ka hadlay ayaa ka sheekeeyay taariikhdii shirkada Dahabshiil iyo doorka wayn ay ku yeelatay kobcinta dhaqaalaha wadanka

, iyo sida ay ugu fududaysay boqolaal kun Somali ah oo ku kala noool aduunka inay si dhib yar lacag ugu diraan eheladooda wadankii ku dhibaataysan, waxaanu tilmaamay in shirkada Dahabshiil qayb wayn ka qaadato horumarinta wadanka gaar ahaan taakulaynta dadka saboolka ah.

Adna Aadan oo ka mid ahayn xubnaha ka socday Somaliland ayaa iyaduna si mug leh oo waafi ah uga warantay marxaladihii kala duwanaa ee wadanku soo maray , waxayna aad u ga sheekaysay xasuuqii loo gaystay umada Somaliland iyo sidi ay naftooda ugu hureen xornimada ay maanta hadhsanayaan, waxaanay tilmaamtay in loogu baahn yahay in wadanka xaaladaha kala duwanaa soo maray ee aan cidna taakule siyaasadeed iyo mid dhaqaale siin la barbar istaago mutaysteena in ay helaan aqoonsi caalami ah.

Shirkan oo ahaa mid heer caalami ah soona jiitay indhaha warbaahinta wadanka Belgium , waxaana goobta kusugnaa wariyaal ka socday talifishinka ku hadla afka dutchka oo ah kan ugu afka dheer wadanka Belgium, waxaanay si dareeen ku jiro ula socdeen shirka intii uu socday.

Dadwaynaha Reer somaliland ee ku dhaqan wadanka Belgium ayaa dareen farxadleh ka muujiyay markii ay xalay markii ugu horaysay ka daawadeen talafishinka VrtN (een )oo xalay ka halday shirka iyo nuxurka uu xanbaarsanaa shirka .

Maaha markii u horaysay ee xubno ka socda somaliland ka hadlaan qadiyada Somaliland iyagoo ku sugan baarlaanka Europe , waxaa ka horeeyay wafti uu hogaaminayo wasiirka Arimaha dibada Somaliland Dr Maxamed Cabdiolmaahi Cumar oo sidoo kale qudbad dheer ka jeediyay baarlamaanka Europe .

Wafuuda ka socda somaliland ayaa u muuqda kuwo fahmay ahmiyada ay leedahay in xoogga la saaro xarunta midawga Yurub ee Brussels oo ah xarun wayn oo kulmisa xubno matala 27 wadan oo ku bahoobay barwaaqo sooranka europe, waana goob muhiim ah oo laga gooyo go,aano saamayn ku leh aduunka.

Saciid cali (Sacadguray)
Gabileynews desk
Brussels

Nuxurka shir wasiirada H/Yoonis kaga jira xukumada Siilaanyo abaabuleen oo burburay

noreply@blogger.com (Samotalis) — Sat, 26 May 2012 20:35:00 +0000

Nuxurka shir wasiirada H/Yoonis kaga jira xukumada Siilaanyo abaabuleen oo burburay

Hargysa,(Qaran news)-Shir ay soo abaabuleen wasiirada beesha Habar-yoonis kaga jira xukumadda Siilaanyo ayaa burburay xalay markii ka soo qeyb galayaashii shirka oo ay ka mid ahaayeen agaasimayaasha xukumada Siilaanyo,qaar ka mida shaqaalaha khusuusiga ee xukumada ,cuqaalo iyo laba suldaan oo ka mid ah salaadiinta beesha Habar-yoonis oo xukumadda Siilaanyo isku jaal yihiin dareen shaki iyo sas lahi galay.Sawaxan iyo buuq ayaa shirku isla oogsaday markii dhawr xubnood oo beesha ka mida balse aan wasiirada xukumada Siilaanyo jecalysan si habaqle ah u soo galeen madashii shirku ka ugaamaayey,laguna murmay bixitaankooda iyo joogitaankooda,murankaasina wuxuu wax ka bedelay ajeendihii iyo jihadii shirku u socday.

Shirkan oo lagu qabtay Hotel Shiraaqle oo ku yaala bariga Hargeysa oo uu hagaayey,gadhwadeen ka ahaa Agaasimaha siyaasada iyo xidhiidhka golayaasha ee madaxtooyada Bashiir Cabdi Xariir ayaa ujeedadiisu ahayd sidii qaar ka mid ah cuqaasha iyo xubnaha kaley soo casuumeen ee madasha ku sugnaa ugu qancin lahaayeen ama uga dhaadhicin lahaayeen in la dhaleeceeyo,la qaso,lagana hortago ama la joojiyo shir diyaar garowgiisa iyo abaabulkiisu socdo oo beesha Habar-yoonis dhawaaan ku qabsan doonto gobolka Sanaag ,shirkaas oo ujeedadiisu tahay sidii loo horumarin lahaa ,nabadgelyadana loo adkayna lahaa degaanada beeshu degto iyo weliba sidoo loo dardargelin lahaa fulinta mashaariic qaar ka mid ah qurbajooga beeshu hore u balanqaadeen inay ka fulinayaan degaanada bariga markay xagga xukumada Siilaanyo ka quusteen.

Madasha shirka oo ay ku sugnaayeen wasiirada xanaanada xoolaha Cabdi Aw-daahir,wasiirka kalluumaysiga Cabdilaahi Geeljire iyo xayn isagu jirta Xildhibaano qaran iyo kuwo degaan,Agaasimeyaal guud,Agaasime waaxeedyo iyo madax dhaqameed kala jaadjaad ah ayaa ku bilaabmay jawi degan oo markiiba Agaasimaha siyaasada iyo xiriirka madaxtooyada Bashiir Cabdi Xariir ayaa soo qadimay ujeededa shirka ee ay ugu yeedheen oo ah in xukumada Siilaanyo ee ay ka tirsan yihiin diidan tahay,kana soo horjeedo shir waxgaradka ,aqoonyahanka iyo madax dhaqameedka beeshu ku qabanayaan Ceerigaabo, waxayna sheegeen in ujeedaday ugu yeedheen tahay sidii shirkaas loo burburin lahaa xoog iyo xeeladba.

Agaasimaha siyaasada iyo xiriirka madaxtooyada Bashiir cabdi xariir ayaa isagoo hadalkiisa wata wuxuu gocday carabkana ku dhuftay inay madasha shirka fadhiyaan xubno isla beesha iyo xukumadaba ku wada jiraan,shirku aanu ku talo gelin inay ka soo qeyb qalaan balse cidhiidhsadey, talada iyo rayiga shirkana ku kala duwan yihiin isagoo u jeeday haday xubnahaasi hadal u kacaan ama holadaan inaan warkooda la qaadan, ujeedada shirkana aaney ka mid ahayn maadabay daadihiyaasha shirku waayeen tab iyo xeelad kale oo ay xubnahaa shirka banaanka uga dhigaan ama debeda isaga saaraan.

Waxa iyana xusuus mudan intii shirku socday ayaa waxaa madasha shirka si lama filaana u soo galay Caaqil Bulbul Cali Madoobe oo ka tirsan cuqaasha beesha Habaryoonis ee qaarkood shirka loo qabtay balse markiiba agaasimaha xidhiidhka golayaasha madaxtooyada Bashiir cabdi Xariir ayaa ku wargeliyey in Caaqil Bulbul madasha shirka banaanka uga baxo maadabuu ka talo duwanaadey oo ka leexday xukumada Siilaanyo oo cududii iyo taageeradii beeshiisa u weeciyey urur siyaasadeedka UMADDA ee Gaboose hogaamiyo,Caaqil BULBUL-na banaanka ayuu uga baxay shirka balse wuxuu Huteelkii shirku ka socday gudahiisa ka abaabulay duufaano iyo mucaaradad siyaasadeysan oo ka dhan ah shirka iyo weliba sidii loo burburin lahaa.

Qadar yar dabadeed waxaa gudaha madashii shirku ka socday ka dhextoosay Caaqil Cabdiweli Budhyare oo ka tirsan cuqaasha Habaryoonis iyo xubin kale oo ka cadhooday sababta loogu diiday shirka Caaqil Bulbul Cabdi Madoobe oo ka socday beesha Cali Saciid oo aan cidi ka fadhiyin madasha shirka hase yeeshee iyagiina agaasimaha madaxtooyada Bashiir cabdi Xariir ayaa ku wargeliyey inay shirka banaanka uga baxaan basle wey ka gows adaygeen taasina waxay soo dedejisay burburka shirkaa laga soo abaabulay qasirga madaxtooyada rimuudna ku hagaayey wasiirka madaxtooyada Xirsi Gaab oo ujeedadiisuba ahayd in la dhaleeceeyo,lana canbaareeyo shirweynaha beesha Habar yoonis ee dhawaan la filaayo inuu ka dhaco magaalada Ceerigaabo kaas oo khaas u ah danaha beesha Habar-yoonis gudaheeda,Ajeendayaasha shirka lagaga hadlayaana yihiin kuwo horumarineed balse aan siyaasad ku shaqo lahayn.

Salaadiinta shirka fadhidey oo aan badnayn ayaa waxaa ugu tun weynaa Suldaan Cismaan Suldaan Cali Madar iyo Suldaan Xiiray oo bilo ka hor ahaa salaadiin mucaarid ku ah siyaasada xukumada Siilaanyo jihaday u dhaqaaqday balse dhawaan galay gudaha xukumada Siilaanyo, sir iyo caadna u taageera qorshayaasha iyo barnaamijyada xukumada Siilaanyo wadato.

Suldaan xiiray oo hadalka u baxay markii xubno ka mid ah beesha oo soo galay madasha shirka laga dalbaday inay shirka banaanka uga baxaan ayaa ka dhawaajiyey in madashu tahay mid furan,Hotel gudihii cidkasta oo ka mid ah beeshana u fududahay inay soo geli karto balse haddii wasiirada xukumada Siilaanyo doonayaan inay war khusuusi ah ama fariin la soo faray u sheegaan goobo kale isla tagaan laakiin aan halkan laysku xagxagan taas ayuu u cuskaday Suldaan Xiiray kuna dhawaaqey in shirku xidhan yahay oo la kala dareero,markii hoolka banaankiisa loo baxayna waxaa dhacay buuq iyo sawaxan ay dareemeen dadkii Huteelka gudihiisa ka adeeganaayey iyo kuwii Super marketka ka dukaansanaayeyba.

Sidoo kale wasiir Geeljire oo ka mid ahaa wasiiradii shirka abaabulkiisa iyo hagidiisaba wax ku lahaa ayaa markii shirkii ka fashilmay isagoo la hadlaaya xubno ka mid ah kuwii aan shirka lagu casuumin ee haddana soo galay gudaha hoolkii shirku ka socday ku tiraabay in xubno ka ka soo jeeda urur siyaasadeedka UMADDA oo dardaaran gaara qabaa shirka iska soo galeen, ujeedadooduna ahayd inay shirkooda burburiyaan tiina waad ku guulaysateen balse waynu eegi doonaa waxaad mudataan.

Isku soo wada duuboo xubnaha wasiirada xukumada Siilaanyo ee shirka daadihinaayey iyo salaadiiintii meesha fadhidey ayaa isku afgartay in shirka sidaas lagu xidho maadaba ay madasha soo galeen xubno isla beesha oo aan lagu casuumin ahaydna in laga xan qarsado,iyana ku adkaystay inay baxayn ee doonayaan inay ogadaan qadiyada meesha lagu hayo maadaba magaca beesha shirka lagu qabtay,waxaana burburka shirkaa soo dedejiyey tuhun iyo sas kooxdii daadihinaysay ka qabtay xubnaha soo galay oo ay siyaasad ahaan ka afkaar iyo aragti duwan taageersana shirweynaha beeshu ku qabsanayso Ceerigaabo.

Xumadda Siilaanyo oo la Jaan-qaadi kari la’ Isbed-bedelka Siyaasada Somaliya ee ay isku soo faruurta

noreply@blogger.com (Samotalis) — Sat, 26 May 2012 10:30:00 +0000

Xumadda Siilaanyo oo la Jaan-qaadi kari la’ Isbed-bedelka Siyaasada Somaliya ee ay isku soo faruurta

Hargeysa(waaheen)-Xubno ka socda Maleeshiyada Khaatumo ayaa la sheegay in lagu casuumay shirka Soomaalida loogu qabanayo Magaalada Istanbul ee dalka Turkiga bisha June bilowgeeda ee Somaliland ka qayb gelayso.

Ma jiro war rasmiya oo ka soo baxay Madaxda Kooxda Khaatumo oo ku saabsan ka qayb galkooda Shirka Turkiga, hase ahaatee warar hoose oo la helayo ayaa sheegaya in Dr. Cali Ciise Cabdi oo ah Gudoomiyaha gudida fulinta G10 ee Kooxda Khaatumo State lagu wado inuu dhowaan ka ambabaxo magaalada Addis ababa ee dalka Itoobiya ,una kicitimo dhanka Magaalada Istanbuul si uu shirkaas uga qaybgalo.

Dhanka kale waxa la sheegay in shakhsiyaad kale oo ka tirsan Kooxda Khaatumo ka tegayaan Muqdisho, kuwaasoo iyaguna ku sii jeeda Turkiga, waxaana ka mid ah Cabdikariim Xasan Jaamac oo xubin ka ah gudida G10.

Xukuumadda Somaliland oo ka mida dhinacyada lagu wada hadal siinayo Shirka Istanbuul ee la hadal hayo inay ka qayb gelayaan Kooxda Cali Khaliif iyo calin Ciise Cabdi ee sheegta in Maamul uga dhisanyahay Deegaamada Bariga Somaliland, ayaan la ogayn mawqifka ay iska taagi doonto hadii ay dhab noqoto Casuumadda loo fidiyay hogaamiyayaasha khaatumo, inkasta oo Dhawaan la sheegay inay Somaliland shirkaasi kaga qayb gelayso meeqaam dawladeed oo la mida kii London.

Somaliland ayaa hore u qaadacday tegitaanka shirkaasi, ka dib markii dawlada Sh. Shariif Guddida uga qayb gelaysa ku dartay laba xubnood oo ka socda Puntland, balse deegaan ahaan ka soo jeeda Gobolada Somaliland ee Bariga, waxaanay taasi caqabad ku noqotay habsami u socodkii diyaar garawga shirka ee labada dhinaca ilaa markii dambe DKM sheegtay in wax laga bedelay qaabkii wada hadalada iyo meeqaamka madaxda uga qayb gelaysa labada dhinac oo la tibaaxay in lagu soo koobay Madaxweynayaasha TFG-da iyo Somaliland oo ay Weheliyaan laba wasiir oo ka kala tirsan labada xukuumadood.

Waxaana markaasi ka dib soo baxayay warar sheegayay in Madaxweynaha Somaliland Axmed Maxamed Maxamuud Siilaanyo 20 Bishan May ee aynu ku jirno u safrayo Dalka Ingiriiska, halkaasoo uu kaga qayb galayay shirar loogu gogol xaadhayo Shirka Istanbuul oo ay dawlada Biritan marti- gelinayso, kaasoo sida cad aan ilaa hada qabsoomin, isla markaana madaxweynaha Somaliland tegin.

Dhinaca kale Somaliland ayaan ilaa hada meel cad iska taagin ka qayb galka Shirka Stanbuul iyo kulamada kale ee Kooxaha Somalida loogu qabanayo wadamada dibada, kuwaasoo dhamaantood daba socda Shirkii London, isla markaana ku taxaluqa ansixinta Dastuurka somaliya iyo Road-map-ka oo saamayn ku leh Gobolo ka mida dalkeeda.

Waxaana kulamadaasi ugu dambeeyay kii Maalintii Khamiista lagu soo gabagabeeyay Magaalada Addis ababa ee wadanka Itoobiya oo ay goob joog ka ahaayeen dhamaan dhinacyada Somalida ee kuwada jira qorshaha road-map-ka, kuwaasoo ka garnaqsanayay qodoba ku jira dastuurka oo aan qaarkood u cuntamin iyo arimo kale oo ay ugu weyntahay dardar gelinta qorsheyaasha looga gudbayo wakhtiga ku meel-gaadhka ah ee Somaliya ku jirto.

Si kastaba ha ahaatee Xukuumadda madaxweyne Siilaanyo oo tan iyo markii ay ka qayb gashay Shirkii London ee horaantii sanadkan la jaan-qaadi kari la’ is-bed-bedelka Siyaasada Somaliya ee ay isku soo faruurtay ayaa laga wer-wersanyahay inay ceel ku rido gooni-isu taaga wadanka, isla markaana lagu shir-qoolo shirka Istanbuul ee aanay wali ajandihiisa iyo dadka lala hadashiinayo toona.

Waaheen

http://gargaar.blogspot.com/

Wasiirka Duulista iyo Hawada Md Maxamoud Xaashi Cabdi Adeer Fashil Ayaad Taagantahaye...

noreply@blogger.com (Samotalis) — Tue, 22 May 2012 11:57:00 +0000

Wasiirka Duulista iyo Hawada Md Maxamoud Xaashi Cabdi Adeer Fashil Ayaad Taagantahaye Iska Casil Xilka! By Jaamac C/Laahi Biime

Waxaan Marka Salaamaya Dhamaan Ummada Reer Somaliland ee Ku Kala Dabaal Degaysay Aduunka Dacaladiisa Maalinti 18 MAY Waxaanan halkan ka Salaamaya Dhamaan Saxaafada Somaliland oo Dedaal aan yarayn uu Wada Dadkeeda.

Maanta oo aan jeclayn inaan Qalinka uu Qaata Arrimaha Ka socda Somaliland, ayaan Iska Hayn Kari waayay Wax Caqliga Ummada Reer Togdheer Ka Dhaadhici waayay, Iyado Horta Xukummada Somaliland ay Dhamaan Cadeysay Inay Dalka Somaliland Horumar ka Wado, Iyado aan Indhaheena Maalinba Maalinta Ka Dmabeyso Arkeyno Mashruucyo aan La Tirin Karin oo Xadhiga Laga Jarayo, ayy Xukummada uu Hogaaminayo Md Axmed Silaanyo Hirgelisay, ayaad Haddana Mooda Wasiiro Ka Tirsani Xukummadiisa aany Khibradaas Horumarinta La Wadaagin.

Waxa Maalinti 18 May ee Burco, iyado Habeenki Xaflad Halkaas Loo sameeyay Wasiirada Kaga Jira Xukummada Somaliland oo Halkaas ay ka soo Qayb Galeen Wasiirka Madaxtooyada, Wasiirka Duulista iyo Hawada, wasiirka Xnaanada Xoolaha iyo Masuuliyin aad uu Badani oo Ka Tirsan Xukummada iyo weliba Salaadin iyo Cuqaal badan oo reer Burco ahi, waxaana Halkaas Ka Madhnayn Maamulka Gobolka Togdheer, Dowlada Hoose ee Burco iyo Dhamaan Dadweyne aad uu Badan.

Haddaba Iyada Jilbaha La isko aasay oo Suaalo Badan laga Rabay Inay ka Jawaaban Wasiiradana Ka soo Jeeda Burco, waxa Horumarka Ka socda Somaliland Loogu Diiday Gobolada Bariga Somaliland sida Togdheer, Sanaag iyo Sool, ayaad Mooda inay Wasiiradi halkaasi Ku sugna Midna si Caqli Gal ah uga Jawaabi waayen..

Wasiirka Duulista Iyo Hawada Md Maxamoud Xaashi Cabdi aya Isna Halkaas Laga sugayay Ino reer togdheer uga Jawaaabo waxo La Damacsanyahay Airportka Magaalada ee ay Sahqadiisi Tahay ino Dayac Tiro Funding'na uu Doono sido uu Hirgelin laha, aanay Bulshada reer Togdheer uu istcimaalin Kari lahaayen.

Haddaba Wasiirka aya Ugu Jawaabay reer Burco wax aan Caruur 3 Jir Caqligiisa Geli Karayn Taas oo ah, Reer Burcoy, Airportka Magaalada Burco Idinka ayo inii Xidhanyahay, waxu sheegay Haddi La Dhisayo ay Ku Baxeyso Lacag Gaadheysa 500.000 Dollar, Taas oo ah Runti mid aan Kabi Karayn Taarka Lagu Wareejinayo oo keliya, waxaano Sheegay Maxamoud Xaashi Qurbo Joogiina iyo Ganacsatada reer Burco ha Iska Kaashadeen Intaas yar oo si La Inoogu Dhisi, Taas Salaadiinti iyo Odayaashi reer Burco Yaaab Ku Noqotay:

Wasiirkani waa Ninki Ku Bixiyay Magaalooyinka Hargeisa iyo Berbera in Laga Dhiso Airportska Ku Kacaya 10 Millyan oo Dollarka Mareykanka, Lacgtaasi oo ay Bixisay Dalka Kuwait, Lacagtaas oo Loogu Talo Galay in Loo Qaybiyo 6 Gobol ee Somaliland Iyado Gobolkiiba Laga Dhisi Kari Laha Airport Ku Kacayso 1 Millyan oo Dollar halka Caasimada ay Ku Kici Lahayd 4 Milyan oo Dolar, Laakin Caqligiiso waa siin waayay, oo Labadaas Magaalo oo keliya ayo uu Qaybiiyay oo aad Moodo iinay Somaliland Tahayba..

Wasiirka aya isna Ugu Hanjabay Guryaha Laga dhistay Agagaarka Airportka inay ka Dumin Doonan dadkaas Marka La Bilaabayo Airportka yare Caanteynka ah ee ay Ku Baxeyso 500kun oo dollar oo weliba laga soo Uruurinayo Jeebka Ummada Reer Burco.

Wasiir Maxamoud Xaashow Dalka Cadaalad Kuma Maamuleysid, Waxna Cadaalad Kuma Qaybinaysid, Haayadaha waxi kuugu soo Dhiiban Sommaliland waxaad iskaga Dhaadhicia Reer Hargeisa, Kaama Yaalayno hadaan Nahay Reer Burco inaad Dadkyaga Qadisid, waxaan Kuugu Baaqeyna Inaad Iska Casishid Xilka aad Gudan Kari weyday ee aad uu haysid Xukummada Somaliland ee uu Hogaaminayo Md Axmdd Silaaanyo.

waa Billahi Towfiiq

Jaamac C/Laahi Biime

London

18 MAY IYO SHARQIYA, SACUUDI ARABIA

noreply@blogger.com (Samotalis) — Sun, 20 May 2012 10:27:00 +0000

18 MAY IYO SHARQIYA, SACUUDI ARABIA

Waxa munaasabad heer sare ah lagu qabtay markii ugu horeysay magaalada Khobar ee mandaqadda Sharqiya Sacuudiga laguna xusaayey munaasabadda 18ka May 2012. Waxaa isagu myimid hormoodka jaaliyadda ee ku nool magaalooyinka gobalka sida Dhahran, Khobar, Dammaam, Jubail iyo Xasa. Waxaa marti sharaf ahaa Mudane Axmed Xasan Carwo, Mustashaarka Madaxwenaha ee Arrimha Dhaqaalaha, Ganacsiga iyo Maalgashiga.Waxa kaloo marti ku ahaa Mudane Xasan Meygag Samatar aqoonyahan, siyaasi iyo oday taariikheed.

Waxa xafladda abaabulay Ururka Dhalinyarada Soomaliland oo manta si rasmi ah u hawl galay. Ururkan oo la yidhaahdo Alsharqaawi Somaliland Youth. Waxa xafladda lagu furay aayadaha quraanka deedna waxa la daawaday barnaamaj laga soo duubay Hargeysa iyo horumarkeeda, Deedna waxa hadal taariikhda mandaqadda iyo Somaliland ka akhriyey. Sh Rashiid Hassan M Caydiid oo tilmaamay sida ilaa SNM ay gobalkanai ahaa mid halka hore kaga jira taakulinta iyo ka qaybgalka horumarinta dalka hooyo. Isagoo tibaaxay inay bilaabeen tartanka caanka ah ee Xifdiga Quranka lana qabto bil kasta oo Ramadaan ah. Sidoo kalena ay taakulin u fidiyeen Wasaaradda Waxbarashada iyo Wasaaradda diinta iyo Awqaafta.

Waxa isna si cilmiyeysan soo bandhigay taariikhda Somaliland ilaa xiligii faraaciinta, xidhiidhka dhaqan ee inaga dhexeeya qawmiyadaha kale ee geeska, dunida Islaamka iyo asalka reer Soomaliland nin dhalinyaro ah oo cilmi-baadhis ku sameeyey arrimahaas Mudane Cabdiraxman Maxamed A Da'uud.

Waxa xigay oday Xasan Meygaag Samatar oo ka warbixiyey israaci Soomalida hadafkii shanta lagu doonaayey, iyo maamul xumadii himmiladaas dumisay ee xaqsoor la'aantu la bilaabantay isla xiligii israaca bal se ay gaadhay heer dil iyo burburin iyo xadhig ay ku kordhisay xukunkii macangaga ahaa ee askarta. Waxuu si mug leh iyana oga hadlay aasaaskii SNM iyo taariikhdii halganka.

Waxa barnamajka dhextaalo u ahaa nashiidooyin wadani ah iyo ciyaar Somali hidaha iyo dhaqanka ah oo ay wadeen dhalinta Sharqiya ee Somaliland.

Waxa la gaadhay xiligii khudbadii rasmiga ahayd ee martida xukuumadda Mustashaar Axmed Xasan Carwo. Axmed waxuu ku bilaabay salaan iyo hanbalyo munaasabadda ah oo uu ka sido Madaxweynha, waxuuna tilmaamay sida uu ugu faraxsanyahay inuu Sharqiya oo 20 sano ka hor uu ka shaqayn jiray mudadii halkanaka SNM na uu ka ahaa guddiyadii mandaqadda inuu ku soo laabto munaasabaddana kala qayb galo asxaab iyo ehel ay in badan kala maqnaayeen.

"Waxa sharaf gaar ah ii ah in xafladani tahay tii idiinku horeysay ee Khobar ku qabsataan xuska 18ka May iyo inaydun isla halkan ku aasaastaan urur dhalinyaro ee Somalilnad ..Sharqaawi Somaliland. Guul iyo horumar ayaan u rajeynayaa.."

Axmed waxuu ka hadlay taariikhda dalka iyo SNM oo uu goobjoog u ahaa shirkii lagaga dhawaaqay 1981 London. Axmed waxuu ka xusay sidii shirkaas aanu ku habaysnayn sifo qabiil ee ay jaliyaduhu soo dirteen cid matasha, golahana ay yimaadeen in badan oo isku reer ah, reero kalena ka maqnaayeen.. bal se sida cadada noqotay aan leys weydiin…lana odhan dhan ayey ka rarantay..waayo midnimo ayaa wax lagu doonaayey, jaaliyaduhuna waxay soo dirteen wufuud aan qabiil loo eegin. "Waxaan kale oon ku xusuustaa in mudada 10 Sano ay iska bedeleen 5 Madaxweyne oo inoo barbaariyey dimuquraadiyada aynu ku naaloonayno. Xilka ay isu dhiibeen Axmed Jimcaale, Yuusuf Cali Guray Sh, Cabdiqaadir Koosaar, Axmed Silaanyo, Cabdiraxmaan Axmed Cali ayaa inoo fududeeyey ku dhaqanka dimuquraadiyada. Alle ha u naxariito afarta Madaxweyne ee SNM ka geeriyooday iyo Madaxweyne Cigaal. Maantana wax sharaf SNM u ah in Madaxweynaha dalka maamulaa yahay kan keliya ee ka nool …"

Axmed waxuu ka hadlay guulaha xukuumadda oo uu ka xusay miisaaniyadda is-labalabtay iyo la dagaalanka musuqa oo arrintaas dhaliyey. Waxuu se sheegay in wax badan ay hor joogto kartida iyo aqoonta shaqaalaha oo aad u hooseysa haddeerna loo wado tababaro iyo dib u habayn…

Waxuu Axmed ku booriyey inay qurbajooga looga fadhiyo inay maalgashi la yimaadeen dhinac kastana u furan yahay bad iyo bariba. "Dalku wuu dihin yahay waa inaydun abuurtaan sharkado ood wax isku darsataan lana timadaan maal gashi dhinaca kalluunka, iyo wershadaha, beerha, macdanta iyo xoolahaba..xukuumaddu diyaar ayey idiin tahay gacan qabasho..cidna uma xidhan waa suuq furan..mudnantana waxa leh muwaadinka debed iyo gudaba.

Axmed waxuu sheegay inaan dalka lagu lahayn deyn xukuumad iyo shacbiba taasna tahay sifo Somaliland u gooni ah…"Waxa inoo diyaar ah bangiyo maalgashi kolkaan ansixino sharciga baananka ganacsiga ah..waxayna noqon doontaa mid dhaqaalaheen balaayin doolar soo gelisa…bal taas dhinac dhig miisaaniyadeen manta ee 100ka Milyan ah oo la mid ah mushaharka 2000 jaamici oo hadduun ka qalin jabiyey Sacuudiga…."

Waxa xigtay bixintii shahaadad sharaf lagu maamusay Mustashaarka Axmed Xasan Carwo, iyo oday Xasan Meygaag iyo oday ka tirsan jaaliyadda ahaan macalin muddo dheer Oday Ibraahim Maxamuud Cali.

Xafladani waxay ahayd mid taariikhi ah oo waayeel iyo dhalinyaraba ku mideysnaayeen korna u qaaday macnawiyadda iyo nufuudda jaaliyadda oo bilaabay is habayn iyo hawl gelin, iyagoo shirar gooni gooni ah la yeeshay Mustashaar Axmed Carwo si ay u helaan xogo badan oo la xidhiidha dhinaca
maalgashiga.

Maxamed Haragwaafi

haragwaafi4@yahoo.co.uk

Guul iyo hanbalyo.

Guddoomiyaha Urur siyaasadeedka UDHIS Mujaahid Ibraahim Xuseen Dhegoweyne ayaa shallay shir jaraa’id oo uu ku qabtay hotelka Xaraf ee caasimadda Hargeysa wuxuu ka jeediyey dhaliishii ugu weynayd ee uu abid u jeediyo Hogaamiye Somaliland maamula

noreply@blogger.com (Samotalis) — Thu, 17 May 2012 16:21:00 +0000

Hargeysa (wargeysyada)– Guddoomiyaha Urur siyaasadeedka UDHIS Mujaahid Ibraahim Xuseen Dhegoweyne ayaa shallay shir jaraa'id oo uu ku qabtay hotelka Xaraf ee caasimadda Hargeysa wuxuu ka jeediyey dhaliishii ugu weynayd ee uu abid u jeediyo Hogaamiye Somaliland maamula isagoo badka soo dhigay siro duugna.

Guddoomiyaha urur-siyaasadeedka hadhay ee UDHIS Md. Ibraahim Cabdillaahi Xuseen (Dhegoweyne), ayaa dhaliilihii ugu cuslaa abid u jeediyey xukuumadda Somaliland ee uu hoggaamiyo Madaxweyne Axmed Maxamed Maxamuud (Siilaanyo), taas oo uu ku tilmaamay inay marayso heer ka liita tii maamulkii nacabka ahaa ee Maxamed Siyaad Barre.

Muj. Dhegoweyne oo hadal ka jeediyey shir jaraa'id oo shalay qaar ka mid ah ururradii siyaasadda ee dhacay ku qabteen huteel Xaraf, waxa uu ka sheegay in xukuumadda talada haysa ku sifowday musuqmaasuq, boob, been iyo caddaaalad-darro, isla markaana marayso meel qaranimadii dalku halis tahay, sidaa darteedna ay u muuqato inay ka hoosayso nidaamkii kelitaliskii Siyaad Barre.

"Waxan aynu ka hadlaynaa waa sharcigii ummadda u dhexeeyey, haddii sharci la waayo iyo waxa ummaddu ku kala socoto bini'aadamku wuu lumayaa, dawladdana maanta inoo joogtaa sharci bay meesha ku timi oo aynu ku dhisnay, kuna ixtiraamaynay, xaqii bini'aadamku lahaa ee waxna wuu dooran karaa, waana la dooran karaa weeye, wixii kale oo dhan waynu ku sii daynay lacag ha xado, qamadi iyo mucaawano ha gurato, dhulka ha boobto, been ha inoo sheegto ilaa idaacadeenii iyo telefisheenkii ayey beentu ka baxaysaa; tii Maxamed Siyaad Barre hoos bay ka martay. Dhulkiinnii ayaa laaluush lagu bixinayaa, qarannimadiinii ayaa la isweydiinayaa, colaad aan damayn oo taa saaka (shaqaaqadii shalay ee wershada kabista) iyo dhiig la daadiyo ayaa taagan."

"Car waakaasi nabad ha ku gaadhsiiyaan dalka muddadii loogu talogalay, anigu xaqiiqada ayaan ogahay, doorasho ayeynu ka hadlaynaa ee waa ta laga werwereegayo, caddaaladdu waa ta laga werwereegayo, in dhiig faraha la idiin geliyo ayaa la rabaa, u malaynmaayo dalkani inuu wada joogo inay doonayaan waa xaqiiq," ayuu yidhi Ibraahim Dhegoweyne.

Waxa kale oo Muj. Dhegaweyne uu ku eedeeyey Madaxweyne Siilaanyo in aannu daacad ka ahayn daminta colaadaha ka taagan dalka, isagoo tusaale u soo qaatay shaqaaqooyinkii ka dhacay degaannada Ceelbardaale iyo Kalshaale oo uu sheegay in talooyin isagu uu u geeyey Madaxweynuhu qaadan waayey.

Dhinaca kale, Guddoomiyaha UDHIS waxa uu naqdiyey tallaabada xukuumaddu kaga ansixisay Baarlamanka ka qaybgalka shirarka Soomaaliya oo uu ku sifeeyey mid furtay albaab habeen walba koox ka gasho Muqdisho, waxaannu soo jeediyey in talo midaysan laga yeesho arrimaha Soomaliya.

"Albaab kaloo Xamar ah ayaa la innagu furay oo habeen walba waataa cid guure ku sii socoto. Waar doorasho lama rabo oo caddaalad lama rabo oo dalkani inuu jiro lama rabo ee waxan aynu ka hadlaynaa waa meel soke; waa baaba'eenii oo in nin waliba Xamar guure ku tago ayaa la inala rabaa.

"Maba diidanin Xamar ee bal aynu talo uun ku tagno. Waa ummad Soomaaliyeed oo heshiisiintooda iyo wanaaggooda innaga ayaa ugu sokayna Xamar cid Ilaahay abuuray. Waa la ina dilay odhan mayno oo lama inama dilene waxbaynu iska celinay, in aynu ku ciil qabnana maaha ee dhibtooda wax baynu ka qabanaynaa oo waa dad inala dhashay, dawaynteeda ayeynuna leenahay," ayuu raaciyey hadalkiisa Muj. Ibraahim Cabdillaahi Xuseen (Dhegoweyne).

Lafo-gurka Weedhihii Wasiir Duur U Adeegsaday Rabashadihii Sariibada Inji Iyo Warshada Kabista

noreply@blogger.com (Samotalis) — Thu, 17 May 2012 10:06:00 +0000

Lafo-gurka Weedhihii Wasiir Duur U Adeegsaday Rabashadihii Sariibada Inji Iyo Warshada Kabista

“dawladdani way dhaaftay markii innamo yaryar oo koox ah meel xidhay looga yaaci lahaa”Duur 16.4.2012

“Dadka direyska inoo sita ee amnigeena ilaalinaya inaga oo shacab ah hala ixtiraamo”Duur 15.05.2012

Hargeysa (Waaheen) – Wasiirka wasaarada arimaha gudaha Somaliland Maxamed Nuur Carraale (Duur) ayaa wejiyo kala gedisan ku qaabila shaqaaqooyinka nabadgalyo daro ee ka dhaca caasimada Hargeysa iyo guud ahaan dalkaba.

Wasiirka arimaha gudaha Maxamed Nuur Carraale (Duur) oo ah masuulka xukuumadda Madaxwayne Axmed Siilaanyo iyo shacabkaba uga masuulka ah arimaha la xidhiidha amaanka guud ee gudaha dalka, ayaa shaqaaqooyinkii u dambeeyay ee ka dhacay Magaaladda Hargeysa siyaabo kala duwan u waajahay isaga shaqaaqooyinkaasi qaarkood uga hadlay si adag, isaga oo adeegsanaya weedho falaadh ku ah cida ka masuulka ah dhibaatada dhacday, taasi oo mararka shacabku warbaahinta ka daawanayaan ay u arkaan masuul xilkiisa u gudanaya si wanaagsan, kana hor-tagaya dhibaato amaanka waxyeesha oo timaada, balse wasiir Duur kalmadaha uu rabshadaha ka hadalkooda u adeegsadaa maaha kuwo dhacdo kasta uu u isticmaalo, balse rabshadaha qaarkood oo laga yaabo inay ka khasaare badan yihiin kuwa uu sida adag uga hadlay ayaa ayuu uga hadlaa si daciifnimo iyo habrasho badani.

Wasiir Maxamed Nuur Carraale (Duur) oo inta uu xilka wasaarada daakhiliga la wareegay ay dalka ka dhaceen rabshado badan oo galaaftay nolosha dad badan oo ciidan iyo rayidba isugu jira isla-markaana ah masuul jecel in fariinta uu gudbinayaa noqoto mid shacabka iyo cida dhibaato wadaaba ay ku camal falaan ayaa kalmadihii ugu adkaa ee afkiisa ka soo baxa uu u adeegsaday dhalinyaradii rabashada ka samaysay Sariibada Inji ee xaafada Dumuluq 16-kii bishii April ee sanadkan, kuwaasi oo rabashada ay sameeyeen ka sakow ciidamada boolisku ay afar dhalinyaradaasi ah ay dhaawaceen ka dib markii ay u adeegsadeen rasaas nool, ayaa wasiirka oo og isla-markaana isha ku haya dhibaatada gaadhay dadkaasi uu haddana u hadlay sidan “Waxaanan idiin sheegayaa in cid kasta oo tallaabooyin nabadgelyada dalka iyo dadka waxyeelaya ku kacda tallaabo sharci ah laga qaadayo, ciidankuna waajibkoodii ayay gudanayaan”ayuu yidhi isaga oo dhex taagan dad badan oo ka murugaysan dhalinyarada rasaasta lala dhacay, waxaanu intaa ku daray maalintaasi hadalkiisa “Dhammaan dadkii halkaas lagu qab-qabtay waa dembiilayaal, dawladdani way dhaaftay markii innamo yaryar oo koox ah meel xidhay looga yaaci lahaa. Looga baqan maayo in ay innamo yaryari wax u dhimaan”

Wasiir Duur oo looga baahan yahay inuu shacabka kii dhibaato sameeya iyo kii kaleba u sinaado, ayaa isaga oo hore dhalinyaro boolisku badhna dhaawacyo gaadhsiiyeen badhna ay u qabqabteen sidaa adag ula hadlay, kuna tilmaamay inay yihiin dhalinyaro dambiilayaal ah, ayuu haddana dhacdadii doraad ka dhacday duleedka warshada kabista ee ciidamada qaranka ee kooxda ciidanka kaga duushay xaafada uu deggan yahay Hargeysa ay ku laayeen saddexda askari uu ku qaabilay si ka duwan sidii uu uga hadlay dhacdadii hore ee marta tan la barbar dhigo ka fududeyd.

Wasiir Duur oo la filayey inuu si ka adag sidii hore uga hadlo dhacdadan oo ahayd mid ugub ah isla-markaana fadeexad iyo ceeb ku ah dalka iyo dadkaba uga hadlay is-dhul-dhigid iyo jilayc badani ka muuqdo, waxaanu si taxadar badani ka muuqdo ugu baaqay in nabadgalyada la ilaaliyo “Somaliland maanta maan moodayn inay halkaasi marayso, laakiin isku heli-mayno qaranimo iyo qabiilnimo oo labada midbaynu qaadanaynaa oo ay noqono qaran amni ah oo aynu dadka direyska inoo sita ee amnigeena ilaalinaya inaga oo shacab ah la ixtiraamo, maaha inaynu noqono qabiilooyin qoryo la kalaha”ayuu yidhi waxaanu intaa ku darayaa isaga oo adeegsanaya kalmado nabad ilaalineed oo aan hore ugu badnayn isla-markaana aanu mar kaliya u adeegsan cid hore rabshad u samaysay “Waxaan leeyahay shacabka tan oo kale maynaan filayn ee aynu nabadgalyada dhowrano ilayn Tacsi iyo tiiraanyo ku jiri-maynee”

Kala duwanaanshaha hadalada wasiir Duur ee la xidhiidha rabshadaha dalka ka dhaca ayaa muujinaya in shaqada uu qaranka u hayaa ay tahay mid dhinac ka raran isla-markaana ay jiraan dad uu si gaar ah uga dhowro afkiisa iyo adinkiisa, halka dadka qaarkoodna bartilmaameed u yihiin, taasi oo meesha ka saareysa dhexdhexaadnimadii masuuliyada uu hayo, ceebna ku ah milgaha dawladnimo ee calanka Jamhuuriyadda ee la wada hoos joogo.

Short URL: http://waaheen.com/?p=37759

http://gargaar.blogspot.com/

Mudaharaadyo xalay Gil-gilay New Hargeysa, xukuumadda oo Ciidamo dhoobtay iyo Wasiiro ka qaxay xaafadihii ay ka deganaayeen

noreply@blogger.com (Samotalis) — Thu, 17 May 2012 10:01:00 +0000

Mudaharaadyo xalay Gil-gilay New Hargeysa, xukuumadda oo Ciidamo dhoobtay iyo Wasiiro ka qaxay xaafadihii ay ka deganaayeen

Xukunkii Maxkamadda Ciidamadda oo Xalay Hurdada u diiday Reer New Hargeysa iyo Xukuumadda oo Cabsi ladi weyday

Wasiir Duur iyo Wasiir Xirsi oo la sheegay cabsi awgeed inay ka qaxeen xaafadahoodii iyo kuwo kale oo Amnigooda la adkeeyay

Hargeysa(Waaheen) Kooxo is abaabulay Dhawaqii Xukunka Maxkamadda Ciidamadda kadib ayaa xalay xidhay Jidka dheer ee dhex mara Xaafadda New Hargeysa ee bariga Hargeysa, waxaanay ku gooyeen Taayiro ay gubeen, hase yeeshee waxa markii danbe la tacaalay Ciidamo badan oo Booliis ah oo ay Xukuumaddu ku filqisay xaafadaasi iyo Madax dhaqameedka beesha degtam inkasta oo ay ku guulaysan kari waayeen inay seexiyaan.

Dhinaca kalena warar aanu xalay ka helnay xaafadaasi kadib markii ay xaaladdu sii cakirantay ayaa Waaheen u xaqiijiyay in Wasiiradda Arrimaha Gudaha Maxamed Nuur Carraale Duur iyo Wasiirka Madaxtooyadda Xirsi X Cali ay cabsi darted guryahoodii faaruqiyeen oo ay u qaxeen meelo aan la garanayn.

Xukunka Maxkamadda ayaa Soomal haad iyo soo jeed ku riday dadka xaafadaas degan oo ka cadhooday Go’aankaasi, halka Xukuumadda Somaliland-na xalay oo dhan ay Heegan ugu jirtay inay xakamayso dadkaasi si aanay khasaare kii doraad ka dhacay Xerada Ciidanka u sababin.

Dad goob jog ahaa oo aanu ka waraysanay siday wax u dhacayeen xalay oo magacyadooda ka gaabsaday ayaa yidhi “ dadku aad bay u gadoodsan yihiin waxaanay taagan yihiin Jidka iyo xafadaha Taayiro ayay gubeen, Ciidamo Booliis ahbaana lagu soo daadiyay si ay u kala kaxeeyaan, waxaase yimi Suldaan Yuusuf Xiiray iyo Suldaan Saleebaan oo isku dayay inay kala kaxeeyaan laakiin way diideen oo gidaarada ayay wali tuban yihiin dadkii “ ayuu yidhi

Waxaanu intaa raaciyay “ Suldaan Xiiray dadkii way ku gadoodeen oo way eryadeen laakiin Suldaan Saleebaan ayaa ku beerlaxawsaday imikaan Madaxweyanaha ka soo baxay xukunkani maaha mid la fulinayo waxa la doonayaa uun inaanay dad danbe Xero Ciidan weerarin anigaa idiinka balanqaadaya oo Madaxweynaha imikaaban ka socdaa” ayuu yidhi wuu ku tiraabayay

Mid kale oo aanu isna khadka Telefoonka kula xidhiidhnay ayaa yidhi “ Guriga Wasiir Duur baan hor taaganahay sadex Laydh oo kuwa banaanka ah ayaa shidan laakiin gurigu wuu bakhtiisan yahay, waxaana la ii sheegay inaanu joogin. Imikadan dad Telefoon ii soo diray ayaa igu leh wuu ka qaxay oo xagaa iyo Dunbuluq buu u sii socday, Xirsi-na isna gurigiisu waa faaruq” ayuu yidhi

Goor danbe oo aanu isku daynay inaanu la socono xaalada ayaanu helnay qof kale oo goobta joogay “ taayiraa la gubayaa imika oo qiiqii iyo Ololkii baa is qabsaday Ciidamo Booliis ah ayaa soo weeraray oo rasaas ku riday dadkii gubayay markaa way kala eryeen waxaana ii muuqda Askar badan oo Bilays ah oo iyaga laftigoodu baqaya oo feejignaani ka muuqato”ayuu yidhi.

Mid kale oo ka mid ahaa dadka u dhaw jidka New Hargeysa ayaa yidhi “ waxaan ka baqayaa xaaladu inay sii xumaato, dadkii way is abaabulayaan Xukuumadduna Xoog bay adeegsanaysaa oo Ciidamo dhar cad ah iyo kuwo qoryoolay ahba way soo dhoobtay xataa kuwo kale oo xaga Dararweyne ka soo socda ayaan maqlayaa inay Haleeya soo gaadheen markaa mooyi si waaguba ku baryi doono” ayuu kaga baxay

Saacadihii danbe ee xalay ayaa lagu daad gureeyay Ciidamo Tikniko wata si ay u ilaaliyaan Amaanka masuuliyiinta iyo dadka magaca leh ee xaafadaas degan si aan waxyeelo loogu geysan, waxaana xaafadaha qaarkood la geeyay ciidan xoogan oo sugi kara Amnigooda.

Si kasta ha ahaatee go’aanka Maxkamadda sare ayaa xalay dood dheer dhaliyay marka laga yimaado dhacdooyinkii xaafadda New Hargeysa xalay ku gedaanaa, waxaanay dadka qaarkood u arkayeen talaabo loo baahnaa oo lagu abaal marin karo cidii falkii waxashnimada ahaa ee Xerada Ciidanka weeraray geysatay, halka ay dad kale go’aanka Maxkamadda u arkayeen mid lagu dajinayo khasaarihii dhacay oo aan la fulin doonin.

Hase yeeshee waxa loo wada fadhiyi doonaa halka uu ku danbeeyo Go’aanka Maxkamaddu iyo sida ay XukuumaddA Somaliland uga dabaalato khasaare danbe oo intii hore ka balaadhan oo dhaca.

Dhinaca kale xukuumada oo aanu isku daynay inaanu Dhacdooyinkan wax ka waydiino ayaanay noo suurto galin

Short URL: http://waaheen.com/?p=37762

http://gargaar.blogspot.com/

Laba Wariye oo maalintii Labaad u Xidhan Sawiro ay ka qaadeen Wasiiradda Madaxtooyada iyo Daakhiliga

noreply@blogger.com (Samotalis) — Thu, 17 May 2012 08:38:00 +0000

Laba Wariye oo maalintii Labaad u Xidhan Sawiro ay ka qaadeen Wasiiradda Madaxtooyada iyo Daakhiliga

Labada wariye oo kala ah Tafaftirihii Wargeyska Yool Maxamed cabdi Curad iyo Khadar Hayaan Xuseen

Hargeysa(GNS)-Waxa maalintii labaad saldhiga dhexe ee magaalada Hargeysa ku xidhan laba Wariye oo ka hawl-gala Wargeyska Madaxa banaan ee Yool, kuwaasoo maalintii Salaasada ee aynu soo dhaafnay laga qabtay Agagaarka Warshada Kabista Magaalada Hargeysa, ka dib markii ay sawiro ka qaadeen Wasiiradda Madaxtooyada iyo Arrimaha Gudaha oo halkaasi u tegay Rabshadihii sababay Iska hor-imaadka Dhimashada iyo Dhaawaca keenay ee dhex maray Ciidamada Qaranka iyo dablayda hubaysan ee Dhulka ku muransanaa.

Labada wariye oo kala ah Tafaftirihii Wargeyska Yool Maxamed cabdi Curad iyo Khadar Hayaan Xuseen oo ka mida hawl-wadeenada Wargeyskaasi ayaan ilaa hada la ogayn sababta loo haysto mudada intaasi le’eeg, hase ahaatee wararka aanu helayno ayaa sheegaya inay u xidhanyihiin Sawiarrada ay labadaasi masuul ka qaadeen oo kaliya.

Suxufiyiintan ayaan sidoo kale ilaa hada wax Maxkamad ah la keenin, taasoo noqonaysa arin gef ku ah Madaxbanaanida Saxaafada, milgaha dawladnimada iyo Xuquuqda mawaadiniinta dalka u dhashay ee dastuurka Somaliland jideeyay inaanu mawaadinku xukun la’aan xidhnaan Karin wakhti ka badan 48 saacadood.

Xadhiga labadan wariye ayaa sidoo kale ah mid sharci daro ah oo ka hor-imanaya Madaxbanaanida Saxaafada iyo Xoriyatul-qawlka, kuwaasoo ay si toosa u qeexayaan dastuurka dalka u yaala iyo Xeerka Saaxafada Somaliland ee tirsigiisu yahay 27/ 2004, kaasoo si cad u xaarantimaynaya inaan qof wariye ah lagu xidhi Karin Mihnadiisa shaqo isagoo gudanaya hawl-qabadkiisa suxufinimo hadii aanu ku kicin fal ka baxsan xayndaabka Xeerka iyo qawaaniinka wadanka u yaala.
http://gargaar.blogspot.com/

Kiiskii Raashinka la dhacay oo si toosa u galay Madaxtooyada,iyo Eedaysanayaasha oo la dhagaystay

noreply@blogger.com (Samotalis) — Tue, 15 May 2012 09:37:00 +0000

Kiiskii Raashinka la dhacay oo si toosa u galay Madaxtooyada,iyo Eedaysanayaasha oo la dhagaystay

Hargysa,-Iyadoo maanta oo isniina 14/05/2012, maxkamada Gobolka hargeisa
dhegeysatay wareegii lixaad ee kiiska raashinkii mucaawinada ahaa
ayaa waxaa si toosa u cadaatay oo dadweynihii dhegeysanayey
qireen in muwaadiniinta xidhan aysan wax denbi ah gelin laguna xad
gudbay cadaalad darana lagu soo xidhay kuwii raashinka dhacay
ee xatooyada sameeyeyna ay suuqa marayaan iyagoo madax banaan
oo aan cidna ka baqanaynin.

Muwaadiniinta xaq darada ku xidhan oo kala ah:-
1. Mujaahid Ahmed Omer Abdilahi(Xamarji)-Badhasaabkii Maroodi-jeex.
2. Ahmed Cilmi Barre. Agaasimihii guud ee dib-u-dejinta
3. Cisman Siciid. lataliyihii madweyne ku xigeenka.

Maanta maxakamadu waxay dhegeysatay laba darawal oo ka
mid ah darawaliintii raashinka daabuleysey waxay cadeeyeen in ay
labaatan(20) baabuur ay kaga soo baxeen Berbera markii ay soo
gaadheen Hargeisa waxaa raashinkii la wareegtey Gabadha magaceeda
la yidhaahdo Deeqa oo leh NGO magaciisa yahay ( Bilan ) NGO-gaasi
waxaa laga maamulaa Madaxtooyada,goobta ay gabadhaasi kula
wareegtey raashinka waa Kaah Huteel marka Berbera laga yimaado
ee Hargeisa la soo galo, ama marka aad Hargysa xaga Berbera uga sii baxaysid isweydiintu waxay tahay Gabadha Deeqa xagay Raashinkii marisay miyeysan ahayn in maxkamada la keeno.

Waxaa kale oo xamaaliintii raashinku sheegeen in ay raashin ka
daabuleen bakhaaro ku yaala idaacada kuna rogeen dib-u-dejinta
markii ay dejiyeena ay lacagtii xamaalista u doonteen Samafalka
Madaxtooyada waa Amina Maxamuud, Amina waxay xamaaliintii
ku tidhi Madaxweyne ku xigeenka ayaa idin siinaya ee u doonta
weli xamaaliintii way sugayaan lacagtii xamaalista,waxaa halkaasi
ka cad in xafiiska Amina ee samafalka Madaxtooyada iyo Madax-
weyne ku xigeenku ay isla ogaayeen raashinkaasi masuulna ka
ahaayeen, sadexda muwaadin ee kor ku xusan ee xidhanina aysan
wax shuqul ah ku lahayn raashinkaasi.

Askariga la yiraahdo( Abokor) oo booliska ka tirsan body guardna
u ahaan jirey wasiirkii hore ee arrimaha gudaha( Ciro) ayaa masuul
ka ahaa Raashinkii bakharada Idaacada lagu dejiyey.
Waxaa kale oo maxkamadu dhegeysatey Mujaahid Xamarji iyo
Ahmed cilmi yare,waxayna maxkamada iyo dadweynihii
dhegeysanayey si mug leh ugu cadeeyeen in haba yartee aysan
raashinkaasi wax lug ah ku lahayn xaqdarana ku xidhan yihiin.

Dacwadani waa mid gebogebo ah todobaadkana waa la
soo gebagebeynayaa caalamka iyo guud ahaan geeska afrikaba
waxay la socdeen dhegeysiga dacwadan sidoo kalena qurba jooga reer
somalilandna ay kala socdeen saxaafada xorta ah,cadaalada
somaliland waxay ku xidhnaan doontaa sida maxkamadaasi u dhacdo
iyada oo laga wada dheregsan yahay in uu musuqmaasaqaasi ku
hoydey Madaxtooyada,taasi waxa sii dheer madaxweyne ku xigeenka
oo diidey inuu maxkamada hor yimaado kadib markii maxkamada looga
yeedhay si suaalo loo weydiiyo taasi oo uu markii hore ogolaa in uu
yimaado kadibna uu isbedeley markii uu ogaaday in kiiskii soo galay
madaxtooyada.

La soco gebogebada kiiskan todobaadkan gudihiisa.

Xukuumadda Siilaanyo oo ku Fashilantay Dhaqan-gelinta Xeerkii ay Salaadiinta u Laqimtay iyo Racii labaad ee Isimada Xamar Qabtay oo shalay Buuhoodle Gaadhay

noreply@blogger.com (Samotalis) — Tue, 15 May 2012 08:30:00 +0000

Xukuumadda Siilaanyo oo ku Fashilantay Dhaqan-gelinta Xeerkii ay Salaadiinta u Laqimtay iyo Racii labaad ee Isimada Xamar Qabtay oo shalay Buuhoodle Gaadhay

Waxa la hadal hayaa inay salaadiin kale oo aan magacyadooda la shaacin u Xidh-xidhanyihiin Xamar

Hargeysa(GNS)-Xukuumadda madaxweyne Siilaanyo ayaa ku guul-daraysatay inay hogaamiyayaasha Dhaqanka Beelaha Somaliland ka xakamayso tegitaanka Shirka lagu ansixinayo Dastuurka Somaliya , ka dib markii ay bilowgii sanadkan baabiisay Xeerkii loogu talo galay in lagu ciqaabo ama lagaga hor-tago shakhsiyaadka reer Somaliland ee aaminsan Somaliweyn.
Tan iyo markii xeerkaasi la laabay, waxa si toosa u xalaaloobay ka qayb galka shirarka Soamlida loo qabanayo oo uu bilaabay madaxweyne Axmed maxamed Maxamuud Siilaanyo markii uu ka qayb galay kulankii bishii febraury ka dhacay Magaalada London ee cariga ingiriiska, kaasoo albaabka ka furay daneeyayaashii somaliwyn ee bulshada reer Somaliland oo iminka markay Xamar u socdaan ku marmarsooda ka qayb galkii Somaliland ee shirkaasi.
Inkasta oo aanay siyaasada xukuumadda siilaanyo xiligaasi ka fekerin natiijada ka dhalan doonta jebinta xeerkaasi ay Golayaasha Qaranku ansixiyeen , hadana waxa muuqata inay ka dhaxashay guul-daro siyaasadeed oo solansiisay inay laba bilood ka dib dib u barido Hogaaamiyayaasha Dhaqanka Somaliland oo ay ka codsatay inay sameeyaan Xeer-dhaqameed lagu joojinayo ka qayb galka Shirka lagu ansixinayo Dastuurka Somaliya ee ka socda Muqdisho, kaasoo sida muuqata ay si weyn u quudaranaysay markii hore Xukuumaddu, hase yeeshee ay ka booday markii ay wax iska bedeleen talooyinkii laga soo jeediyay Shirkii London.
Isbedelka ku yimi mawqifka Somaliland ee ku salaysnaa wadahadaladii ay somalliya la geli lahayd, waxa uu sababay inay xukuumaddu hadh-cad isugu yeedho in ka badan siddeetan Suldaan (80) oo ka mida madaxdhaqameedyada dalka ee ay ka baqaysay inay tagaan xamar si ay uga qayb galaan Shirka lagu naaqishayo Dastuurka Qabyada ah e dalkaasi, kuwaasoo ay u yeedhaysay Xeer-dhaqameed ka kooban Lix qodob oo midkood si toosa u xaarantimaynayay tegista shirarka lagaga hadlayo arimaha Somaliya, waxaana taasi ka dhashay dareen la yaab leh oo bulshada ku noqday amakaag iyo wax aan la liqi Karin, isla markaana hoos u dhigay sumcadii Golayaasha sharci dejinta iyo xukuumadda ee awoodaha sharci ku qotomay , kuwaasoo lagu dhaliilay sababta ay Salaadiintu tunka ugu qaateen shaqadood ahayd ilaalinta Shuruucda wadanka iyo meel marinta xeerarka lagu xoojinayo qodobada dastuuriga ah.
Sidoo kale xeer dhaqameedkaasi waxa ka dhashay xilfatan, Xaasad iyo xiqdi siyaasadeed oo ku abuurmay qayb ka mida madaxda Dhaqanka ee aan shirkaasi goob-jooga ka ahayn, kuwaasoo markii go’aankaasi soo baxay Waysada u biyaystay sidii ay meesha uga saari lahaayeen Jibbada xukuumadda iyo Salaadiinta Taageertaa ku laaleen mar kale Hunguraynta arimaha Somaliya, taasoo ay u xusul-duubteen sidii ay uga soo qaadi lahaayeen hees caruureed aan soo dhaafin Huteelka Maansoor iyo aqalka Madaxtooyada oo laga soo laqimay.
Waxaanu ficiltanka siyaasadeed ee ka dhashay arintaasi gaadhay labadii todobaad ee ugu dambeeyay inay xuduudka Somaliland iyo Itoobiya ee Magaalada Buuhoodle ka talaabaan Hogaamiyayaal dhaqan iyo siyaasiyiin ka soo jeeda Beelaha Bariga Hargeysa iyo Galbeedka Galbeedka burco,kuwasoo madaxoodu gaadhay Muqdisho, qayb kalena ogaalkii shalay ku sugnaayeen Magaalada Buuhoodle oo wado u noqotay raga u baqoolay Somaliya, iyadoo dhinaca kalena la hadal hayo koox kale oo qayb ka ah qolyahaasi tegay oo u xadhko xidhan sidii ay uga daba tegi lahaayeen, inkasta oo aanay wali dalka ka bixin.
Ma cadda ilaa hada talaabada ay xukuumadda madaxweyne Siilaanyo ka qaadi doonto ragaasi hadii ay dalka ku soo noqdaan, hase yeeshee xeerkii ay wada galeen Madaxda dhaqanka ayaa dhigayay in talaabo sharciga waafaqsan iyo ciqaab la marin doono qofkii jebiya xeerkaasi, waxaana go’aankaasi markiiba gaashaanka ku dhuftay mid ka mida Hogaamiyayaasha dhaqanka oo aragtidaasi ku tilmaamay mid aan sharciyad ku dhisnayn “Dalka waxa ka jira Shuruuc iyo qawaaniin ay Golayaasha sharci dejintu ansixiyeen, laakiin warqad qof yari soo qor-qoray oo meel laga akhriyay waxaan u arkaa inay dhaqanka ceeb ku tahay, ninka leh nin reer soo doortay ayaan xidhayaa ee ku hanjabayaana waxaanu awood u lahayn ayuu yidhi”sidaasi waxa yidhi Boqor Raabi Yuusuf C./lahi oo ka mid ahaa Madaxdhaqameedyada sida weyn u qaadacay go’aamadaasi ay xukuumadda iyo Salaadiinta reer Somaliland wada gaadheen.
Dhinaca kale qaar ka mida Isimadii Xukuumadda la qaatay go’aankaasi oo aanu labadii maalmood ee la soo dhaafay markii ay arimahani soo baxeen wax ka waydiinay sida ay u arkaan dacwareenka ku yimi xeer dhaqameedkii ay soo saareen ayaa aaminsan inaanay raga tegay miisaan culus ku lahayn beelaha Somaliland, metelina Maseerka Umadda ay ku abtirsadaan, hase yeeshee waxayse qirsan yihiin inaanay Hay’adaha dawliga ah ee Somaliland salaadiinta Beelaha si gaara u xukuumin, isla markaana ay yihiin masuuliyiin u shaqeeya beelahooda.
Si kastaba ha ahaatee xukuumadda Somaliland ka arimisaa wax talaabo ah oo kale may qaadin ilaa wakhtigan si ay wax uga qabato faashilka muuqda ee soo wajahay go’aankeedii siyaasadeed, hase yeeshee waxa la eegi doonaan halkay wax ka bilowdo marka ay shakhsiyaadkan jebiyay xeerkeedu dalka ku soo laabtaan ama kuwo sii baxaya la qabto si ay isaga dulqaado dhaliilaha isa soo taraya ee looga soo jeedinayo arimahaasi.

http://gargaar.blogspot.com/

Berbera: Maxkamada Saaxil Oo Diiday Dhageysiga Dacwad Caqliyada Ka Fog Oo Guddoomiye Ramaax Doonayey

noreply@blogger.com (Samotalis) — Sat, 12 May 2012 21:47:00 +0000

Berbera: Maxkamada Saaxil Oo Diiday Dhageysiga Dacwad Caqliyada Ka Fog Oo Guddoomiye Ramaax Doonayey

Berbera,(Ramaas )-Maxkamada Gobolka Saaxil ee Magaaladda Berbera ayaa layaab ka muujisay kiiska loo haysto Wariye Maxamed Cabdilaahi Faarax (Soo Fadhiiste) oo badhasaabka Gobolka Saaxil Maxamuud Cali Saleebaan (Ramaax) uu Khamiistii todobaadkii hore la xidhay.

Maxkamada ayaa diiday inay furto Dacwada loo haysto Wariyahan taasi oo ah inuu wax ka duubay Xidhibaan ka tirsan golaha deegaanka degmada Sheekh ee gobolka Saaxil, kaasi oo badhasaabka Saaxil ku eedeeyay inuu baloodho u qaybiyey Madaarkii diyaaradaha ee degmadaasi.

Wariyaha ayaa maanta markii maxkamada la geeyay isla-markaana Guddoomiyaha maxkamada loo gudbiyay dacwada Wariyaha loo haysto layaab ka muujiyey dacwadaasi oo ah mid caqliyada qofka khalad ku ah, waxaana la sheegay in guddoomiyaha maxkamadu diiday inuu kiiskaasi furo una sheegay in dib loo celiyo, isaga oo guddoomiyuhu su'aal ka keenay sababta suxufigan loo haysto isaga oo uu joogo qofkii uu wax ka duubay.

Wariyaha ayaa la sheegay in markii maxkamadu kiiskiisa ku qanci wayday dib loogu xidhay saldhiga dhexe ee booliska Magaaladda Berbera, isaga oo ku xidhan amar uu bixiyay badhasaabka gobolka Saaxil Maxamuud Cali Saleebaan (Ramaax) oo si shakhsi ah u haysta Wariyahan oo ka tirsan Telefiishanka Somali-Chanel iyo Wargeyska Caalami.

Diidmada Maxkamada gobolka Saaxil ee furida dacwadan ayaa muujinaysa inaanu jirin wax dambi ah oo Wariyaha lagu haystaa, balse badhasaabku uu ku amar ku taaglaynayo Wariyaha iyo guud ahaanba saxaafada ka hawl-gasha gobolka Saaxil, kuwaasi oo dhibaato ku qabba Badhasaabka oo aan ogolayn inay si waafi ah hawlahooda u gutaan oo ay wax ka duubaan cid kasta oo sheegaysa wax badhasaabka lid ku ah.

Dhanka kale, ururka saxaafada Somaliland ee SOLJA oo suxufiyiinta dalka u xil-saaran furdaaminta waxyaabaha la soo darsa sida xadhigooda ayaan ilaa hadda wax talaabo ah oo ay ku doonayaan inay Wariyahan ku soo daayaan qaadin, isaga oo xidhan maalintii saddexaad.

Ramaas

Nuxurka Kulan Fursan Waaya Oo Dhexmaray Dhegaweyne Iyo Wasiir Xirsi

noreply@blogger.com (Samotalis) — Sat, 12 May 2012 09:59:00 +0000

Nuxurka Kulan Fursan Waaya Oo Dhexmaray Dhegaweyne Iyo Wasiir Xirsi

Hargysa,(Qaran news)-Kulan gogol xaadha,lagana fursan waayey ku darsoo aadna looga soo shaqeeyay ayey haboon hore fiidkii goroda is dareen wasiirka madaxtooyada Somaliland ahna mulkiilaha urur siyaasadeedka NASIYE Xirsi Cali Xasan oo dhinaca madaxweyen Siilaanyo ka socday iyo Gudoomiyaha urur siyaasadeedkii xukumada Siilaanyo ka reebtay saaxada siyaasada Somaliland ee UDHIS Ibraahin Xuseen Dhegaweyne.

Xogo aanu ka helay masuul kulankaas agaasinkiisa hore wax ku lahaa balse aan madasha kulanka ka qeyb gelin ayaa noo xaqiijiyey in wasiir Xirsi Gaab u qadimay Dhegaweyne inuu ka aqbalo fariin mihiima oo uu ka sido madaxweyne Siilaanyo oo ku saabsan sidii ay wadahadalo fool ka fool ah isu soo hor fadhiisan lahaayeen isaga iyo madaxweyne Siilaanyo oo beryahanba khaati ka taagnaa shirar doceedyo iyo dhaqdhaqaaqyo Dhegaweyne iyo madaxda urur siyaasadeedkiisii la reebay ee UDHIS ka wadaan gobolada Togdheer iyo Saaxil oo laga yaabo inay abuuraa n mucaaradad ka xoog badan tan hadda siilaanyo iyo xukumadiisa ku wajahan.

Tibaaxahanu helaynaa waxay intaas ku darayaan in intii kulanka wadahadalada u dhexeeyay Dhegaweyne iyo wasiir Xirsi socdeen in Xirsi dhawr jeer u kacay xiriir xaga telefoonka oo uu la yeeshay madaxweyne Siilaanyo si uu uga qeyb geliyo wadahadalada kulanka,go'aana uga gaadho ama u fududeeyo caqabado dhawra oo ka soo baxay kulanka uu la yeeshay Dhegaweyne oo aanu markii hore ka sii gaashaaman oo suurtogal ka dhigi kara inuu burburo dedaalka iyo juhdigay wadaan haddaan degdeg go'aan looga gaadhin intaanu dhamaan kulanka uu Xirsi la leeyahay Dhegweyne.

Dhinaca kalena Dhegaweyne ayaa la sheegay in kulan uu la yeesho madaxweyne Siilaanyo ku xidhay dhawr shuruudood oo u baahan in la fuliyo intaaney kulmin ka hor kuwaas oo wasiir Xirsi balanqaadey inuu qaar ka mid ah fulin doono balse u baahan yahay in waqti la siiyo.

Kulankan ay yeesheen wasiirka ma daxtooyada Xirsi Cali Xasan iyo Dhegaweyne habeen hore waxaa ka horeeyay kulan madhalays noqday oo uu Muuse Biixi u soo dhexmaray la kulanka Dhegaweyne gudi isku-dhafa oo beesha Subeer Awal ah oo labadooduba taageerayaal culculus ku leeyihiin balse kulankaasi midho dhal ma noqon.

Qarannews
Hargeysa

http://gargaar.blogspot.com/

Fadeexad horleh oo fursado shaqo lagu musuqmaasuqay oo dul hoganaysa wasaarada Macdanta iyo biyaha

noreply@blogger.com (Samotalis) — Fri, 11 May 2012 10:16:00 +0000

Fadeexad horleh oo fursado shaqo lagu musuqmaasuqay oo dul hoganaysa wasaarada Macdanta iyo biyaha

Dhalinyaro sheegay in laba jeer laga musuqmaasuqay boosas ay imtixaan u galeen oo dad ay wasiirka isku hayb yihiin la keenay

Dhalinyaro shaqo raadis ah oo cadaalad daro kala kulmay wasaarada macdanta iyo biyaha, ka dib markii la musuqmaasuqay boosaskii ay imtixaanka u galeen, isla markaana la qabyaaladeeyey jagooyinkii ay soo codsadeen.

Boosaskan banaan ee ay wasaaradu rabtay ayaa ah mashruuc ay hay’adda IOM oo doonayso inuu kala dagaalanto shaqo yaraanta dhalinyaradda Somaliland haysta, waxaanay wasaaraddaha qaarkood siisay mashruuc dhalinyaradaha jaamacadaha ka soo qalinjabiyey ee aan shaqadda haysan loogu abuurayo shaqo loogu tobabaro, khibradda shaqana uga heli lahaayeen, isla markaana la siiyo mushahar muddo sanadka ah.

Haseyeeshee, wasaaradda Macdanta iyo biyaha ayaa ka leexatay waddadii loogu tallogalay in shaqaalaha lagu qaato oo ahayd inay cadaato oo hay’adda shaqaalaha dawladu ay imtixaankaasi qaado si ay dadku ugu qanci karaan cadaaladda imtixaanka, waxaana dhalinyaradan shaqo doonka ahi ku eedeeyeen wasaaradda Macdanta iyo biyaha gaar ahaan agaasimaha maamulka iyo lacagta Faysal Cali Xaashi inuu boosaskaasi la rabay ka wada dhigtay dad ay qaraabo yihiin, isla markaana ay agaasimaha iyo wasiirkiisuba isku hayb yihiin.

Wasiirka Macdanta iyo biyaha ayaa agaasimahan oo wasaaradda ku cusub kana yimid dibadda oo ay isku hayb yihiin u magacaabay agaasimaha maamulka iyo lacagta, halka agaasimaha waaxda biyaha uu isna magaacaabay nin kale oo ay isku reer yihiin.

Dhalinyaradan cadaaladda darada kaga dhacday wasaaradda macdanta iyo biyaha ayaa ku eedeeyey agaasimaha maamulka iyo lacagta inuu maray dariiqii lagu keenay oo uu isna fursad uga faa’idaystay inuu lixdan boos shan ka mid ah siiyo dad ay isku beel yihiin, halka hal qof oo kali ah beelaha kale yahay, , isla markaana la sheegay in saddex ka mid ah dadkaasi ay isku guri ku nool yihiin agaasimaha.

Fadeexadan wasaaraddu macdanta iyo biyuhu ku kacday ayaa dhalinyaradan cadaalad darada tirsanayaa sheegeen qaabka ay u dhacday, iyagoo ka waramaya waxay yidhaahdeen sidan “Hay’adda IOM ayaa wasaaraddaha qaarkood u samaysay shaqo abuur si dhalinyaradda shaqo yaraantu haysto u helaan meelo ay ku tobabartaan, isla markaana mushaharka ay siinayaan muddo sanad ah oo qofkiiba qaadanayo ilaa saddex boqol, boosaskan wasaaradda macdanta iyo biyaha la siiyey ayaa ahaa jagooyinka maamulka iyo lacagta, waxaana la doonayey lix jaggo, waxaanu ku xaraysanay 15 qof, iyadoo waliba aan warbaahinta lagu soo qorin boosaskaasi si loogu tartamo balse wasaaradda dhexdooda uun aanu ka ogaanay inay jiraan mashruucaasi dadka lagu tobabarayo, dadkuna meelo kala duwan ka soo ogaaday ay xaraysteen, maalintii imtixaanka aanu galaynay oo aanu u soo diyaargarownay ayaa agaasimaha maamulka iyo lacagtu Faysal nagu yidhi afar qof baa idinka habsaamee maalin kale kaalaya, afartan qof ee u sheegaya waa dad uu si hoose ugu yeedhayey oo aan ahayn dadkan CV- yada soo xaraystay, ka dib maalintii labaad waxa meesha imtixaanka yimid dhawr iyo labaatan kale oo isla maalintaasi laga qabanayey CV-yada, iyadoo bari hore uu dhacay wakhtigii lagu xaraynayey CV-yadda, iyadoo sidaas tahay waxa imtixaanka ilalinayey noo qaybiyeyna agaasimaha maamulka iyo lacagta oo lagu hagaajinayey CV-yada, waxa iyana meesha joogtay inan kuwa qurbojoogta ah oo la yidhi waxay ka socotaa hay’ada balse iyadu mar bay noo soo gashay markii dambana way baxday oo wasaaradda ayey iska dhexjoogtay, markii aanu iyada u sheegnay in dad aan markii hore CV-yada soo xaraystay yimaadeen ay noogu jawaabtay isaga wakiil ka ah ee isaga kala hadla arrimahaasi. Ka dib imtixaankii ayaa la soo dhajiyey waxa helay shan ay isku reer yihiin agaasimaha maamulka iyo qof kale oo aan reerkiisa ahayn oo beelaha kale ah, waxaanay u badnaayeen dadkii markii imtixaanka galaynay CV-yada laga qaaday iyo qaar aan liiskaba ku jirin oo la na dulkeenay sidii baa iskaga samirnay oo iskaga tagnay”ayuu yidhi mid ka mid ah lixda qof oo ka mid ah dadkan cadaalad darada tirsanayey.

Mar kale ayaa hadana isla inamadii markii hore cadaalad darada lagu sameeyey hadana wasaaradu ku sameeyey ka dib markii lixdii boos laba boos banaanaadeen oo mid ay agaasimaah isku reer yihin iyo kii kale ku dheeraadka ahaa ay booskii baneeyeen.

“Billo ka dib waxaanu ogaanay hadana in laba ka mid ah jagooyinkii la baneeyey oo mid ay agaasimaha maamulka isku reer yihiin iyo kii kale ee dheeraadka ku ahaa ee reeraha kale ahaa ay shaqadii ka tageen, ka dib waxaanu u keenay CV-yadii waxa uu nagu yidhi agaasimaha maamulkii dad cusub baan doonayaa ee kuwii hore imtixaanka u galay ma doonayo, waxaanan u sheegnay in wasaaradaha kaleba tixgaliyaan sidii loo kala sareeyo imtixaanka oo haddii qof baneeyo kii ku xigey uu galo meesha balse wuu diiday, adigu markii dambe ayaa qaar naga mid ahi uu ogolaaday oo aanu ku qancinay in aanu nasiibkayaga ka soo qaadano oo u tartano labadan boos ee la baneeey, imtixaankii labaad ayuu hadana inan meesha joogay oo nagu dulwareegayey oo ay isku xaafad yihiin iyo inan aanan garan kari cidda ay tahay, waxaanu tiradii noqotay shan ay reer yihiin iyo inantaasi oo uu iyada bilaa imtixaan ku keenay, labadan dambe mid baa laba galinba ka shaqeeya somtel oo isagu marka horaba shaqo haysta, hay’aduna waxay doonaysaa dadka bilaa camalka ah, Ta labaad dadkan la qortay inta badan maba yimaadaan wasaaradda oo bisha uun bay qaataan, waxaanay ahayd inay shaqada ku bartaan oo tobabarku qaataan, arrintaasi waa mid aad u daran oo shaqadii laga dhigay ilmaadeer, sidaa darteed, marka hore ayuu agaasimaha maamulka wasaarada macdantu sifo reernimo ah ku yimid, isna waxa uu maray jidkii oo shan ay isku reer yihiin u qortay, waana dhibaato ay xukuumadan cusubi la kawsatay”ayuu yidhi.

“mashruucan wasaaradan oo kaliya lama siin, wasaaradaha la siiyey ee hay’aduhu ka caawiyeen waxa ka mid ah wasaarada qorshaynta, Maaliyada iyo Cadaaladda, wasaaradda Maaliyadda iyo Qorshayntu waxa imtixaanka markii la qaadayey goob joog ka ahaa hay’ada shaqaalaha oo waxa imtixaanka lagu galay hoolka hay’ada shaqaalaha oo warbaahintuna ay ogaayeen, waana la soo xayeysiisay oo jaraa’idka ayey ku taallay oo dhawr boqol ayaa u fadhiistay imtixaankaasi, inkastoo wasaaradda Cadaaladda wasaarada lagu dhexqaaday, laakiin labadan wasaaradood meel shaarac ah ayaa imtixaanka lagu qaaday, shalay oo u dambaysay ayey sidan oo kale shaqaale u qaadanaysay wasaaradda qorshayntu oo hay’adaha shaqaaluhu ka qaaday oo warbaahintuna goobjoog ka ahayd, walina may dhicin imtixaan wasaarada gudaheed lagu qaado oo agaasimaha maamulka oo kaliya goobjoog ka noqdo, imtixaankiina u uu qaado”ayey yidhaadheen dhalinyaratan.

Dhalinyaradan ayaa ka dayriyey qaabka cusub ee hadda la isku shaqaalaysiiyo, iyadoo madaxweynuhu sanadkii hore baarlamaanka hortiisa ka sheegay inuu shaqaalaysiin doono laba kun iyo dheeraad dhalinyarada jaamacadaha ka soo qalinjabiyey, balse boosaskaasi uu madaxweynuhu sheegay in wasaaradaha iyo hay’adaha dawlada ka shaqaalaysiin doono ay madaxda wasaaradaha iyo hay’adaha dawladu si reeraysan u shaqaalaysiisteen, isla markaana aan warbaahinta lagu xayeysiin shaqooyinkii madaxweynuhu sheegay, iyadoo ilaa hadda ay dhalinyaraddu raadinayso boosaskii uu madaxweynuhu golaha ka dhex sheegay iyo halka ay qabteen, iyadoo inta badan aad wasaaradaha ku arkaysid shaqaale cusub oo sifaha ay ku yimaadeen tahay garaso iyo eex.

Dhalinyaradan cadaalad darada ku dhacday ayaa waxa ka mid ah:

Cabdiraxmaan Abshir Cabdi

Raxma Cabdikariin Maxamed

Xasan Cali Aadan.
http://gargaar.blogspot.com/

Waraysi Gaar Ah: Wasiir Axmed Cabdi Xaabsade

noreply@blogger.com (Samotalis) — Fri, 11 May 2012 09:37:00 +0000

Waraysi Gaar Ah: Wasiir Axmed Cabdi Xaabsade

Hargaysa,(Geeska Afrika )-Wasiirka hawlaha guud iyo gaadiidka Md. Axmed Cabdi Xaabsade, ayaa markii igu horaysay ka hadlay guddida wada hadalada Somaliya ee lagu daray, kana waramay khibradiisa waayo aragnimo iyo waxii uu u soo joogay, sida uu u arko dhaliilaha xukuumada uu ka tirsan yahay loo soo jeediyo, xaalada goabalka Sool iyo wasaarada uu haatan wasiirka ka yahay.

Wasiir Cabdi Xaabsade waxa uu arimahan kaga waramay waraysi gaar ah oo uu xafiiskiisa ku siiyay wargayska Geeska Afrika, waxaanu u dhacay waraysigaasi sidan.

Ugu horayn wax =aad war baxin kooban naga siisaa wasaarada hawlaha guud ee dhawaan wasiirka lagaaga dhigay?

Wasaarada hawlaha guud ee aan hadda wasiirka ka ahay, waa wasaarad culus, dalkana u haysa macne weyn, wasaaradan waxay haysaa dhismayaashii dalka oo dhan iyo gaadiidkii dalka, labadubana maanta waxay u baahan yahiin in laga shaqeeyo oo wax laga qabto, nashqadii qaranka ayaa ay wasaaradani haysaa oo aan raacnaa, miisaaniyada ay ku shaqayso iyo hawsha laga doonayaana waa wax kala badan, markaas miisaniyadan maanta la ansaxiyay aniga way iga horaysay oo kama aanan hawl galin, laakiin wax lagu shaqayn karo waa ay ka yartahay, hasa yeeshee dalkoo dhan ayaa iska faqiir ah, dhib kalena ma jirto oo hawshii waa in la qabtaa, waxii lagu qaban lahaana dawlada ayay u taala in laga helo.

Mudane wasiir waxa aad ku jirtay gudidii loo xulay hordhaca wada hadalada Somaliland ay Somaliya la galayso, wada hadaladaas qaab caynkeeya ayaad ku bilaabaysaan? Mida kale wasiiradii kale waxay kugu tilmaameen inaad ugu weyntahay da' ahaan uguna khibrad badantahay, arintaas iyadana sideed ugu faa'idaynaysaa?

Horta sideedaba Somaliland iyo Somaliya waxay ahaayeen laba dal oo walaalo,oo jaar ah, oo xadna kala leh, laba dawladood oo reer Yurub ahina ay kala xukumaan, nasiib daro iyo nasiib wanaag miday doontaba ha noqotee waa laysku geeyay, mudadii laysku geeyay anigu talaabaday qaadaba waan la socday, ilaa markii xoriyada la doonayay ee Ingiriiska la waydiisanayay, ilaa markii laynoo ogalaaday iyo isku darkiiba, runtiina Somaliya may doonayn inaan raacno, laakiin Somaliland ayaa ku qasabtay, waanata keentay in la yidhaahdo wax la kala qoranayaa ma jirtee, duuduubkaas aan ku galno, duuduubkii muddo yar oo aan bil dhamayn ayaa laga soo booday, ilaa maanta burburkaas la soo gaadhay, Somaliland tabashadeedu waa ay taagnayd, inqilaab shacbi ah iyo mid milatariyaba waa laysku dayay, intaasba waa ay soconaysay, imikana anigu ma arko wax dib laysugu noqdo.

Waa la xisaabtamayaa waa laysku tagayaa, waxa waaqica ahna waa lagu wada hadlayaa, hadday garawsadaan walaalahayo inaanu ka go'no, waa ahlan wasahlan, hadday garawsan waayaana muranku waa uu iska taagnaanayaa.

Gudidayadii la saarayna wali isumaanu iman, waxaana naga carqaladeeyay inaan isku nimaadno markii wada hadalkaan ku soconay lagu soo daray laba nin oo Somaliland ka tirsan, waxaana looga jeeday si ay carqalad u timaado, markaas anaguna waanu diidnay inay nimankaasu soo galaan, waayo waxa shirkii London lagu go'aamiyay Somaliland oo gaara iyo Somaliya oo ay matasho dawladaas kumeel gaadhka ah inay wada hadlaan, Somalilandna xadbay leedahay dadna wa ay leedahay.

Wasiir Xaabsade xukuumadan aad kamidka tahay dhaliilo badan ayaa loo soo jeediyaa, dhaliilahaas sideebaad u aragtaa?

Anagu dhaliilo uma aragno ee waxaan u aragnaa mucaarad, dawlada Axmed Siilaanyo waa dawlad la soo xulay oo hawsheeda qabsan karta, oo intaanu qabanay labada sanno ee wax yar ka hadhayna waa wax la taaban karo, markaas ninka maanta dhaliil sheegayaa waxanu ogayn dhaqaalaha dalka, waxaanu doonayaa in lacag inta layska soo qaad qaato oo cid walba la siiyo, waxyaabaha badan ee laga cabanayaana waxa weeye dawladii hore dadka ayay wax siin jirtay, tana shaqaalahii ayay lacagtii u kordhisay.

Adiga oo mahadsan xaalada guud ee gobalkii Sool bal wax warbixin aha naga sii?

Qaylada iyo dagaalkaas aad arkaysaan waxa wada, niman yar oo iyagu dan gaar ah leh oo aan u danaynayn dadka meesha dagan, dadka nina igama jecla inay wanaag helaan, waayo waan ka dhashay,waan ku dhashay,waxna waan ku bartay, waar wax sheegta ayaa la leeyahay oo gogal soo fadhiista hadlana, xagaasna waxa la leeyahay ha hadlina ee meesha ka taga, iskuulada ha galina ee qalimaanta tuura, xabad baanu idiin soo diraynaaye qaata xabada, umaddana looma hoggaamiyo meel halaag ah, walaalahay waxaan leeyahay halaaga iska saara oo wada hadal qaata, dooda, haddii waxii aad doonayseen la yeeli waayo markaas hadla, laakiin marka ugu horaysa nin kugu yidhi aan wada hadalno waa aan heshiino, lamana diidi karo gaalo iyo islaam cidii ku tidhaahda aan wada hadalno. Gogashiina dhiga oo fadhiista anaguna waanu idiin imanaynaa, waxaad doontana sheego xataa xidigaha cirka, laakiin horta wax sheego.

Muddo bil iyo ayaamo ah deegaanadaas waxba kama ay dhacin, daganaasho ayaana ka muuqda, daganaashahaasu maxuu salka ku hayaa, ma wada hadalo hoose ayaa jira?

Dawladu wax dagaal ah ma wado, waxa jirtay mar Kalshaale qolaba mar soo weerartay, laakiin hadda dawladu waxay taagantahay aan wada hadalno, aanu wada fadhiisano, wax allaale iyo waxaad doontaan waraaqdaas cad qaatoo ku qorta, dadkuna dad kala maarmaya maaha, Puntland waa la diiday, Xamarna horaa looga yimi, Somalilandna waxa loo wada qaatay in aan dawladan wada dhisano waana la wada dhistay,bina'aadam baynu nahay oo khaladaad badana waa ay iska jiraan,laakiin waxay hadda taagantahay aynu wad hadalno oo wax qaybsano isuna nimaadno oo aynu walaalawno.

Geeska Afrika

Wasiir si mug leh u dhaleeceeyay garsoorka Somaliland iyo xukumada Siilaanyo ee uu ka tirsan yahay

noreply@blogger.com (Samotalis) — Thu, 10 May 2012 19:51:00 +0000

Wasiir si mug leh u dhaleeceeyay garsoorka Somaliland iyo xukumada Siilaanyo ee uu ka tirsan yahay

Hargysa,-Wasiirka wasaarada shaqada iyo arimaha bulshada Somaliland Maxamed Axmed Garaaad oo shalay hadal ka jeediyey munaasibad loo qabtay shir lagu lafaguraayey garsoorka somaliland iyo galdaloolooyinka iyo dhaliilaha dhex yuurura ayaa si mug leh u dhaleeceeyay garsoorka iyo xukumada siilaanyo labadaba, isagoo farta ku fiiqay inaaney had iyo jeer sidii laga rabay u fulin xukunada maxkamaduhu soo saaraan,wuxuuna Garaadku fulin la'aanta hawshaas dhaliisheeda dusha u saarey xukumada Siilaanyo ee uu wasiirka ka yahay.

Wasiir Garaad wuxuu si badheedh oo aan gabasho lahayn daaha uga feyday inaanay had iyo jeer fulin go'aamada maxkamadaha dalku gaadhaan wuxuuna sheegay inay tahay taasi dhibaato xasaasiya oo jirta,masuuliyadeedana aaney cidi la wadaagin xukumada siilaanyo oo isaga Garaadka laftiisu wasiir ka yahay,wuxuuna qadiyadaas ku tilmaamay boog madow oo ku taal xukumada Siilaanyo.

Wasiir Garaad wuxuu mar labaad iyo mar sadexaadba ku celceliyey in haddii maxkamadahu go'aan gaadhaan ama soo saaraan go'aanka fulintiisu ku adag tahay xukumada maadaba aan aad daacad looga ahayn, wuxuuna soo jeediyey xukumada Siilaanyo ee uu ka tirsan yahay inay guntiga dhiisha isaga dhigaan sidii ay si cadaalada ugu fulin lahaayeen go'aamada maxkamadaha dalku soo saaraan.

Ugu danbayn wasiir Garaad wuxuu iftiimiyey inaaney shacabka laftiisu aad ugu qanacsayn ama ugu kalsoonayn garsoorka Somaliland ee ay had iyo jeer lacag isticmaalaan,taasna wuxuu ku tilmaamay bar madow oo xukumada Siilaanyo iyo garsoorkaba ku taala maadaba laga aamin baxay,wuxuuna wasiirku intaas ku daray in dadka laga saaro waxay ka aaminsan yihiin garsoorka oo ah haddaney lacag isticmaalin ama bixin qadiyaduu dhinaca ka yahay laga xukumaayo ama laga eexaanaayo.

Isku soo wada duuboo waxaa madal kasta oo wasiirada xukumada Siilaanyo ka hadlaan ka soo fakanaaya ama si aan ku talogal ahayn uga soo baxaaya dhaliilo,dulmi,eedo iyo tabashooyin dul yaala xukumadooda ama ay dugsanayso taas oo ka markhaati kacaysa inay qarin kari waayeen ama difaaci kari waayeen maadabaan xukumada Siilaanyo looga baran in wax dhegaha iyo indhaha dadku wanaagsan laga maqlo ama laga arko.

Dozens dead in twin Damascus blasts

noreply@blogger.com (Samotalis) — Thu, 10 May 2012 10:57:00 +0000

http://gargaar.blogspot.com/

Waa Kuma Hogaamiyaha Somaliland Axmed Maxamed Maxamuud (Siilaanyo)?

noreply@blogger.com (Samotalis) — Thu, 10 May 2012 10:44:00 +0000

Waa Kuma Hogaamiyaha Somaliland Axmed Maxamed Maxamuud (Siilaanyo)?

Muddo aad u dheer buu ahaa hogaamiye mucaarad laakiin wuxuu hadana mar kale ku guulaystay inuu hantiyo................

Muddo badan wuxuu ahaa nin aftahan ah , codkar ah hadana karti badan oo hadal yaqaan ah ..wuxuu ahaa nin si fudud u gudbin kara bulshada uu markaa ku dhex jiro waxna u sheegi kara wuxuu doonayo , wuxuu ahaa nin Saxaafada SXB, dhawlahaa marka uu hadlayo aad loo dhagaysto , dadku waxay jeclaayeen inay maqlaan codkiisa ama arkaan shir jaraa id oo uu qabtay. waxay dadweynaha reer somaliland ka sinaayeen inay dhagaystaaan ama dhuuxaan fariinta uu markaas u gudbinayo ,...Wuxuuna inta badan ku guulaysan jiray inuu hanto quluubta shacbi weynaha reer somaliland oo uu la soo maray jid aad u dheer oo ka soo bilaabma halgankii loogu jiray dib u xoraynta somaliland Sideedta naadkii.Rabi ku guulee halgankaas isaga iyo shacabkii taageersanaa halgankaba!!!!!!!!! waxay ku dhawaaqeen jamhuuriyada somaliland . waxayna halkii ka sii wadeen isaga iyo shacabkii reer somaliland inay dib u dhistaan wadan horumar iyo dimoqoraadiyad ku dhisan rabi ku guulee taasna .iyaga oo isku ujeedo ah oo dhinac u wada socda !!!!!!!! muddo badan oo somaliland dhisnayd ka dib wuxuu u xuub siibtay inuu mucaarad adag ku noqdo maamuladii markaas ka jiray somaliland .isaga oo isu arkayay inuu xaq u leeyahay inuu kursiga dalka ugu sareeya ku fadhiisto si uu u hogaamiyo shacbigii uu soo hogaamiyay markay ku jireen degaalkii qadhaadhaa ee ay dib ugula soo noqdeen xornimadii ka luntay 1960kii.

Muddo aad u dheer buu ahaa hogaamiye mucaarad laakiin wuxuu hadana mar kale ku guulaystay inuu hantiyo ama helo quluubta shaciga reer Somalilandka ka dib markii isaga oo mucaarad ah uu noqday hogaamiyaha mucaaradka ugu taageerada badan mararka qaarna qiil qiil gelin jiray maamulkii markaas talada dalka gacanta ku hayay ..wuxuu ku dhex jiray mawjadaha mucaaradnimada muddo aad u badan isaga oo maalinba maalinta ka danbaysa helayay mawjado ama raxan raxan ka mid ah shacbi weynaha reer somaliland ..waxaan is waydiin mudan akhriste maxay tahay sababta uu isaga oo mucaarad ah ku helay dadkaas aad u tirada badan ? waxaan jawaabta si fudud isu tusnay inuu ku hantay codkarnimo iyo aftahanimo uu dheeraa mamulkii markaas talada dalka gacanta ku hayay . isaga oo ku guulaystay inuu ka raarido shacbi weynaha reer somaliand inay iska tuuraan maamulka meesha ka taliya, isagana ay saaraan kursiga dalka looga teliyo ama ugu sareeya .

Wuxuu maalin iyo habeen qaban jiray shirar jaraaid oo uu dadka reer somaliland ugu gudbin jiray marba halka xaalada dalku marayso .isaga oo aad u naqdiyi jiray maamulkii markaas talada dalka hayay un dhaliili jiray.wuxuu isla goob kasta kaga jawaabi jiray suaalo aad u tiro badan oo ay waydiin jireen dhalinyarta saxaafada somaliland ka shaqaysaa isaga oo weliba su¨aalaha si hufan oo fudud uga jawaabi jiray sababtaaas darteedna uu saaxiib fiican kula noqday saaxaafada somaliland oo dhan ..ka dib markii uu ogaaday inuu hantay quluubta shacbiga reer somalilanmd iyo saxaafada xorta ah iyo mid dawladeeda oo niyad ahaan ula socotayba wuxuu isu dhigay inuu yahay hogaamiyaha kaliya ee somaliland shanta sano ee soo socota .laakiin waxa riyadaas u rumowday maalin taariikhi ah markii shacbiga reer somaliland u dareereen goobaha codbixinta 26/june/2010 waxayna si aan kala hadh lahayn codkooda u siiyeen sxbkoodii halganka ilaa Mucaaradnimada ee AHMED MAXAMED MAXAMUUD (silaanyo!!!!!!) isla 01 july 2010 waxa lagu dhawaaqay inuu noqday madaxweynihii afraad ee somaliland yeelato wuxuuna hogaamiyaha qaranka ahaanayaa shanta sano ee socota 2010 ilaa 2015 hadii eebe idmo-...

Waxay shacbi weynaha reer somaliland u ahayd farxad maadaama ay saaxiibkoodii ilaa halganka ilaa mucaaradnimada madaxweyne ka dhigteen waa saaxiib ay muddo badan ka dhagaysan jireen hadalkiisa iyaga oo aan aqoon u lahayn bay ka barteen hawada iyo saxaafada. noocyada badan ee uu u adeegsan jiray inuu ugu gudbiyo ujeedada uu leeyahay .farxad dheer ka dib wuxuu noqday madaxweyne . waxayna asxaabtiisa kursiga saartay waa shacabkii reer somalilane sugayeen inuu ahaan doono saaxiib ay mar kasta maqlaan arkaan lana sheekaynsan karaan oo uga jawaabi doona suaalo badan oo jawaabtood ay u baahnayd inuu madaxweyne ka jaawaabo. markaas maadama uu saaxiibkoodii muddada dheer la soo kifaaxay noqday Madaxwweynaha somaliland waxay sugayeen inuu jawaabo ka siiyo waxabadan oo ay tabayeen !!!!!!!!!

wuxuu mid ka mida saxiibdii uu ka yidhi hadal muhiim ah oo uu ku cabirayayhogaamiyaha dadkiisu dhagaystaan wuxuu tusaale u soo qaatay berigii lagu jiray halgankii lagu soo celinayay xoriyaii somaliland oo shacabku si weyn u dhegaysan jireen marka gudoomiye SIILAANYO ka hadlayo BBC da..laakiin muu noqon hogaamiye la dhagaysto markuu ku guulaystay talada dalka u saraysa ..wuxuu noqday madaxweyne laakiin ma hadlo mana u gudbiyo shacbigii la soo kifaaxay halka xaal aduun marayo ...iska dhaaf inuu hadleee waxa yaaaban saaxiibadiissii gaarka ahaa ee saxaafada oo ahayd rukun culus oo ka mid ah kuwa kursiga saaray .waxay saaxafadu yaabtay markii saaxiibkood oo dhoofaya ama soo degaya la yidhi ha waydiinina hal su'aaal ama sadex su'aalood oo weliba la soo xulay ..yaabay oo saxaafadu yaabtay oo shacbigii uu inta badan dhagahooda haystay yaabay ninka su'aalaha loo xulayaa miyaanuu ahayn saaxiibkoodii sida fudud uga jawaabi jiray suaalaha kuwooda ugu adag xili uu mucaarad ahaa, waxay leeyihiin maxaa helay markuu Madaxweynaha dalka ugu sareeya noqday !!!!!!!!!ma qabo akhrist mana lihin ha u hadlo sidii markii uu Mucaaradka ahaa ee uu doonayay codka shacabka laakiin waxaan sugaynay inuu nala hadlo xiliyada aan u baahnahay inaan wax badan ka ogaano halka talada dalku marayso .Wax qabsoomay iyo wax jidka ku soo jira iyo waxa uu mustaqbalka umada u hayo waayo sadex milyan iyo badh ayaa mustaqbalkoodii gacanta u geliyay yagoo ku raacay hadalkii uu la soo hor taagnaa muddo badan maantana ma helaan 30 minit oo ay madaxweynahooda ku waydiin karaan suaalo adag oo naftooda gubaysa ..

Qof kasta oo muwaadin reer Somaliland ah ama taageere u ahaa hogaamiyahaas ilaa hagankii soo hogaaminayay ayaaa is waydiin kara waxa ku dhacay saaxiibkoodii wakhtiga dheer ee af tahanka ahaa ...qaar baa aaminsan in madaxweyne ahmed maxamed maxamuud dhaafay xiligii hadalka oo uu yahay oday da- weyn laakiin waxaan taas rumaysan waaya marka aan arko isaga oo ka hadlaya xafladaha ama meelaha uu ka jeediyo khudabadaha sida barlamaanada iyo mararka uu waraysiyada ku bixinayo afafka qalaad sida englishta oo kale oo aan ka dhex arko in weli sxbkay ama saaxiibkeen madaxweyne SIILAANYO yahay nin codkar ah hadalkiisana gudbin kara laakiin ma garan sababta uu uga aamusay shacbigii reer somaliland ee uu inta badan hogaanka u ahaaaa...

Waxaan hubaa akhriste in adiga iyo shacbiga oo dhan aan ka simanahay in Madaxweyne siilaanyo laga waaayo fagaaarayaasha laysku waydiiyo su'alaaha xorta si aan uga dharagno fikradaha uu ka bixiyo su'aal mucaarad iyo muxaafadba qabaan laakiin waxaan rajayanaya in Madaxweyna siilaanyo si deg deg ah uu jawaab inoo soo siin doono. isaga oo tix gelinaya kifaaxa dheer ee umada reer somaliland u soo gashay sidii ay u saari lahayd kursiga dalka ugu sareeya . uuna gar waaqsan doono in Saaxiibadiisa saxaafadu sugayaan jaanis uu u siiyo si ay u waydiin karaan su'aalo door ah oo ay kaga bogtaan Saaxiibkoodii ay is waysanaayeen ilaa june 2010 Markii uu fuulay Kursigii ilaa iyo haatan .

abdirahman
dhore77@gmail.com

Published: 2012-05-09

Xukuumadda Kulmiye oo sanadkii labaad keeni kari la’ Xisaab xidhadii Miisaaniyaddihii 2010-2011-kii

noreply@blogger.com (Samotalis) — Thu, 10 May 2012 09:39:00 +0000

Xukuumadda Kulmiye oo sanadkii labaad keeni kari la' Xisaab xidhadii Miisaaniyaddihii 2010-2011-kii

Hargeysa(waaheen)-Xukuumadda uu Hogaamiyo Madaxweyne Axmed Siilaanyo oo ah dhaqaale yahan weyn oo la filayay inuu iska basrin doono halka ay ku baxaan dhaqaalaha Dalka soo gala si ay Xukuumaddiisu uga fogaato tuhun Musuq maasuq ayaa sanadkii labaad keeni kari la' Xisaab xidhadii Miisaaniyadihii 2010-2011-kii.

Qodobka 55aad ee Dastuurka Somaliland ayaa qeexaya qaabka, Cida iyo Masuuliyadda Golaha Wakiiladda ee Xisaab Xidh sanadeed kasta, sida ku cad faqradihiisa 6-7aad ee isla qodobkaasi oo u dhigan sidan:-

6. Waa waajib u soo bandhigidda Golaha Wakiilada xisaab-xidhka sannad-maaliyadeedkii dhammaaday muddo aan ka badnayn lix bilood oo ka bilaabanta taariikhda dhammaadka sannad-maaliyadeedka, iyadoo Golaha Wakiilladu ka doodayo, go'aanna ka soo saarayaan.

7. U soo bandhigidda xisaab-xidhka miisaaniyadda waxa u xilsaaran Hantidhawraha Guud.

Iyadoo uu Dastuurku sidaa cad u qeexayo ayaan hadana Xukuumadda talada haysay labadii sanadood ee u danbeeyay aan laga haynin wax Xisaab xidh ah ama sabab kale oo lagu qanco inkasta oo aanay jirin wado kale oo looga Leexdaa in la horkeeno Golaha Wakiiladda mooyaane.

Mid ka mid ah Xisaab Xidhada laga doonayo oo ah kii 2010-kii oo ah sanadkii uu Madaxweyne Siilaanyo xilka la wareegay bishii July ayuu Hanti dhawraha Guud mar u keenay Golaha Wakiiladda Xisaab xidh uu soo sameeyay sanadkaas oo ay labadii xukuumadood ee Xilka la kala wareegay midba badh isticmaalay Miisaayadaas hase yeeshee khilaaf xisaab xidhkaas laftiisa dhex maray Wasiirkii Maaliyadda Maxamed Xaashi iyo Hanti-dhawraha guud awgeed ayay Golaha Wakiiladdu dib ugu soo celiyeen Xukuumadda si ay ugu soo Heshiiyaan, taasoo aanay Xukuumaddu aanay ilaa hada celinin.

Guddoomiyaha Golaha Wakiiladda Somaliland C/raxmaan Maxamed C/laahi Cirro ayaa xidhitaankii Kal-fadhiga Golaha Wakiiladda ee fasaxiisii lagu jiro Xukuumadda ku Eedeeyay inay Dib ugala dhacday keenista Miisaaniyadaha wakhtigoodii isagoo sheegay inay ahayd in ay keento dabayaaqada sanad kasta iyadoo isla maalintaasi Golaha Wakiiladdu uu Ansixiyay Misaaniyad Sanadeedka 2012-ka ee imika la Isticmaalayo.

Si kasta ha ahaatee dibu-dhaca Xisaab Xidhada Miisaaniyadaha ayaa waxay muujinayaan in aanay Xukuumaddu xil ba iska saarin keenidooda, Golaha Wakiiladda oo ay ahayd inay culays ku saaraan arrintan Xukuumadduna ilaa hada wax talaabo ah kamay qaadin.

Waaheen

Shalay Iyo Maanta : Masalooyinka Madaxweynuhu Uu UguNebcaa In Dhagihiisu Maqlaan

noreply@blogger.com (Samotalis) — Wed, 09 May 2012 20:29:00 +0000

Shalay Iyo Maanta : Masalooyinka Madaxweynuhu Uu UguNebcaa In Dhagihiisu Maqlaan Xilliyadii Uu Mucaaridka ahaa

Written by Qaran news
May 09, 2012 at 02:03 PM
Shalay Iyo Maanta : Masalooyinka Madaxweynuhu Uu UguNebcaa In Dhagihiisu Maqlaan Xilliyadii Uu Mucaaridka Ahaa

Madaxweynaha Somaliland Axmed Maxamed Maxamuud Siilaanyo oo lagu tilmaamo in isbadal wayni ku dhacay habdhaqanadii iyo dabeecadihii uu ku Jilli jiray Saaxada Siyaasada xilliyadii uu ahaa Mucaaridka, gaar ahaana Gudoomiyaha Xisbiga Kulmiye iyo wakhtigan xaadirka ah oo uu dalka ka yahay Madaxweyne, ayaa marka dib loo milicsado waayaha kala duwan ee labada xilli iyo labada mansab uu kala taagnaa shalay iyo maanta oo faraq weyni u dhexeeyo.

Marka la eego culayska iyo miisaanka uu leeyahay Mansabka Madaxweynenimo ayaa hadana xilliyadii uu Madaxweyne Siilaanyo Mucaaridka ahaa waxaa jiray waxyaalo uu nebcaysan jiray in dhagihiisu maqlaan oo uu si weyn u dhaliili jiray iyo waxyaalo uu jeclaysan jiray oo uu taageri jiray.

Madaxweyne Siilaanyo waxa uu ugu nebcaa in dhagihiisu maqlaan xilliyadii uu mucaaridka ahaa waxa ka mid ahaa:-

Qodobka 83aad ee Distoorka Qaranka muddo kordhinta Golaha Guurtidu u adeegsato.

Dibu dhaca ku yimaada Doorashooyinka dalka iyo muddo dhaafka xileed ee Golayaasha Baarlamaanka iyo Xukuumada.

Mudaharaadka loo diido Shacbiga iyo Ciidamo loo adeegsado ayaa ka mid ahaa waxyaalaha uu ka hortagi jiray.

Hanti Qaran oo la musuqmaasuqay.

Qof Ra'yigiisa loo xidho iyo Cabudhinta Saxaafada.

Diiwaangalin la'aan lagu galo Doorashooyinka.

Khudbadaha laga akhriyo waraaqaha.

Kooxaha Somalia oo wada hadal lala yeesho ka qaybgalka shirarkooda.

Shaqaale Dawladeed oo taageero xisbi siyaasadeed shaqada lagaga eryo.

10. Darajo la'aanta Ciidamada

11. Shakhsiyaadka Madaxweynayaasha isku Xeera.

12. Wasiiru dawlayaasha la magacaabo oo uu odhan jiray Wasiir bilaa Wasaaro.

13. Maamulka Dekadda Berbera iyo Dakhliga ka soo baxa oo Qasriga Madaxtooyada la hoos geeyo.

14. Wararka ay baahiyaan Radio Hargeysa iyo TV-ga Qaranku oo dhinac ka raran.

Haatuf

http://gargaar.blogspot.com/

HADH - Suldaan Saleebaan Cali Ismaaciil Oo Si Weyn Loogu Soo Dhaweeyay B...

noreply@blogger.com (Samotalis) — Wed, 09 May 2012 17:11:00 +0000

http://gargaar.blogspot.com/

C/raxmaan Cirro Gudoomiye Sharaftii Kursiga Golaha ka Dhigtay Shaadh uu ku Maxaafsado.

noreply@blogger.com (Samotalis) — Wed, 09 May 2012 15:02:00 +0000

C/raxmaan Cirro Gudoomiye Sharaftii Kursiga Golaha ka Dhigtay Shaadh uu ku Maxaafsado.

Khiyaamadda Qaranku waa mid lagala Xisaabtami doono Masuul kasta oo u Adeegsada Sifooyin gurracan

Golaha Wakiilada Somaliland Waa hay’adda Sharci Dajinta Dalka, Waana Awooda labaad ee Dalka, taasi oo u baahan in la Dhawro Sharafta Golaha, Masuuliyadna la iska saaro Waxyaabaha loo doortay iyo Meeqaamka ay Dalka ka taaganyihiin.

Dad badan oo ka mid ah indheer garadka Somaliland ayaa iswaydiinaya Sababaha ku kalifay odayga karaama dilka Kursiga Milgaha wayn ugu Fadhiya Qaranka Somaliland, iyo Waxyaabaha ka hortaagan inuu u Madax banaanaado Gudoomiyenimada Urursiyaadeedkiisa.
Cirro waxa uu ahaa Xildhibaankii ugu Codka Badnaa Gobolka Saaxil doorashadii golaha Wakiilada, Waxaanu ahaa Xildhibaan u Muuqday in uu Miisaan Culus ku yeelan doono Golaha taasi oo Markii uu ku Guulaystay ka dib uu la soo baxay Hami kale oo siyaasadeed oo ka hor imanaya Kursiga uu ku Fadhiyo, Khiyaamadii ugu horaysay ee uu ka Sameeyay waxay ahayd Khilaafkii lahaanshaha Xisbiga UCID oo markii danbe uu kaga Guulaystay Eng.Faysal Cali Waraabe.

Cirro Waxaa kale oo Siyaasadeeyay Alle ha u Naxariistee Aadan Mire Waqaf oo ahaa Gudoomiyaha Garabka isbedel doonka UCID oo Maanta Noqday Wadani, waxa uu maroorsaday awoodii Garabkaasi oo meesha ka Saaray Alle ha unaxariistee Marxuum Waqaf.
Hamiga Cirro halkaa marka uu marayo Waxa Noqday Gudoomiyaha ku meel gaadhka ah ee Ururka Wadani, Waxaana uu Golaha hordhigay Xeer Cusub oo uu ku Xalaashanayo Jagadda Ururka oo uu ku Guulaystay, Khiyaamooyinka Cirro waxay Saameeyeen Qaranka, waxaana loo Adeegsaday Hantidii Golaha, Gawaadhidii iyo Shaqaalihiiba Ololohii Madaxtaabashada ururka iyo Shirwaynohoodii oo ay ku Baxday Hanti badan.

Dad badan ayaa ku Baraarugay Shirwaynihii koowaad ee ururka oo uu ka Soo qayb galay Gudoomiyaha Baanka Jabuuti oo marar badan Warbaahintu Qortay in uu Maalgalinayo Shirwyanaha Wadani iyada oo aan illaa hadda la garan Karin Damaca jabuuti ka leedahay ururka, dhinaca kale Ururka Wadani ayaa ahaa urur kaliya ee Xafiis ka Furtay Dalka jabuuti isla markaana Xaflad Balaadhan loogu Qabtay.
Bulshada waxa Tusaale Cad ugu Filan halka uu Marayo Golihii Shacabku soo doorteen iyo hanaanka Maamul ee Danaysigu ka muuqdo.

Khiyaamadda Qaranku waa mid lagala Xisaabtami doono Masuul kasta oo u Adeegsada Sifooyin gurracan, Hogaaminta Toosan Uma Baahna Khiyaamooyin Ragaadiya Sumcadda iyo Milgaha Hogaanka, Talaabo kasta oo aad qaado waa mid ku Xardhan Diiwaankaaga Siyaaseed, Indha Shacabku Waxay Qabtaan Baa Tusaale kuugu Filan, waxaa kula gudboon inaad dib u Tixraacdo Sooyaalkaaga Siyaaseed inta aanu Hamigu Meel fog kula gaadhin.

Guuleed Muxumed Ibraahin
Guuto_143@hotmail.com
Hargeysa Somaliland
http://gargaar.blogspot.com/

Xeerka Ciqaabta ee Buur Madow Loo Cuskaday

noreply@blogger.com (Samotalis) — Wed, 09 May 2012 14:46:00 +0000

Xeerka Ciqaabta ee Buur Madow Loo Cuskaday

Osman Awad

Qof kasta oo Muwadaadin Somaliland ahi waxaa damaanad qaaday
xuquuqdiisa Dustoorka Qaranka. Qodobka 20aad Xubintiisa 3aad waxa uu
leeyahay: Qodobada la xidhiidha xuquuqda iyo xorriyaadka aasaasiga ah
waxa loo fasirayaa si waafaqsan bayaannada caalamiga ah ee xuquuqda
aadamaha iyo xeerarka caalamiga ah ee Dastuurka ku xusan.

Waxaan maalintii ay bishani May 7, 2012- ahayd aan ka akhriyey websit-yadda
waraysi uu bixiyey Xeer ilaalyaha guud ee Qaranka Muddane Xasan Axmed
Adan, waraysigaa oo uu ka warameyey xadhiga Boqor Buur Madow. Wuxuu
xeer ilaaliyuhu sheegay in Boqorku ku eedeysan yahay laba qodob oo kala
aha qodobka ciqaabta Somaliyeed (waa xeerkii uu ka tegey keligii
taliyey Maxamed siyaad Barre) ee 212 iyo 215 , waxaa uu raaciyey
Xeer-ilaaliyuhu muddane Xasan Axmed adan inuu Boqorku ku kacay falaal
waxa u dhimaya Qaranka Somaliland.

Waxaan marka hore jecelhay in akhristayaashu ila eegan qodobadu uu
xeer-ilaaliyuuhu u cuskadda boqorka oo sidan hoos ku qoran u dhigan:

Qodobka 212
Lidka dhaqdhaqaaqa wadaniyadeed ee muwaadin dibedda ku nool qofka (4
Pc) qofka ku nool ga’yiga qaranka dibediisa (4 Pc), fidiya ama faafiya
been, buunuunin, marin habaabin ama wararku saabsan xaaladaha gudaha ee
qaranka si uu u yareeyo sharafta iyo wanaaga qaranka ee dibeda, ama
falkastaoo kale oo sababaya waxyeello danaha ummada, waxaa lagu ciqaabi
doonaa xabsi (96 Pc) aan ka yarayn 5 sano.
Qodobadan waa xeerkii ciqaabata ee xukumaddii keligii taliye Maxamed
Siyaad Barre wadanka ku xakumi jirey, waxaa mid aad looga xishoodo aha
in maata Somaliland laga dhaqan geliyo xeerarkii aan ka dagaalanay ee
ay ku dhinteen boqolaalka muwaadan ee reer Somaliland ah, waxaa ku hati
beelay malayiin reer Somaliland ah.
Waxay Somaliland xor ahay muddo 21 sannadood ah waxaan weli lagu
dhaqamayaa xeerkii laga daagalamay ee wadanka laga xoreyey ee dhiig iyo
hanta badan loo huray. Haddii aan dib u soo noqdo qodabkan 212 uu
xeerilaaliyuhu cuskadday wuxuu leeyahay waa inuu muwaadinku dibedda ku
nool yahay, waxaase og nahay in Boqorku wadanka ku nool yahay inkasta
oo ay jirto inuu muddadii u danbeysey uu United Arab Emirates degaana,
hadan waa muwaadin ku nool dalka gudahiisa. Waxa kale oo qodobku
leeyahay qofkii wadanka dibediisa ku nool ee fidiya ama faafiya been,
buunbuuniya, marin habaabin ama wararku saabsan xaaladaha gudaha ee
qaranka si uu u yareeyo sharafta iyo wanaaga qaranka ee dibeda. Hadaba,
waxaa is weydiin leh maxay tahay waxa uu Boqor Buur Madow fidiyey ama
faafiyey? Haddii ay jirto arrinmo uu faafiyey oo wax u dhimaysa
qaranimadda Somaliland iyo Danta Ummadda waa inuu si cad u sheega
xeer-ilaaliyhu.laakin waxay u egtahay weli in xeerkan loo adeegsanayo
sidii xukumaddii Siyaad Barre, waan in sida ugu dhakhsaha badan loo
tirtiro. Muwaadinkan loo soo ceiyo xoriyaddii raaligelin buuxdan la
siiyo.

Osman Awad

waaba2003@yahoo.ca

http://gargaar.blogspot.com/

Maantana Dirray Maax Deyeyaan

noreply@blogger.com (Samotalis) — Wed, 09 May 2012 12:41:00 +0000

Maantana Dirray Maax Deyeyaan

Axmed Cali Ibrahiim Sabeyse

Wuxu yidhi ninkii gabyey:

"Dar uu miriray maankiyo qalbigu Moharaddii nuurku
Maandhow qur'aanbaan u marin magane waa yaabe
Adoo miim macnaha uga waduu gidaar madax saaraaye
Allaa maaligay muran ka keenaane."

Muddo kow iyo labaatan sannadood ah ayaa ka soo wareegtay markuu dalka la isku odhan jiray Soomaaliya haligmay. Burburkii ku habsaday dalkaa Soomaaliya la odhan jirey ka dib dadka reer Somaliland waxay bulshada caalamka u gudbiyeen Bishii May 18, 1991 war murteed ay ku caddeeyeen in ay dib ula noqdoon lahaanshihii qarannimadoodii iyo madaxbannaanidoodii ay heleen Bishii June 26, 1960 iyaga oo ka duulaya sharciyada iyo qawaaniinta dunidfa laga dhaqmo. Isla kow iyo labaatanka sannadood waxa la sameeyey cilmi baadhis tiro badan iyo faalooyin ku saabsan sharciyadda ay ku qotonto in Somaliland xaq u leedahay qarannimo ay kaga mid noqoto beesha caalamka isla markaana aanay ka horimanayn shuruudaha lagu xujeeyo aqoonsi dal. Xaqiiqada jirtaana waxa weeye in caalamku hore Somaliland u aqoonsaday iyadoonay jirin wax "Jamhuuriyad Soomaaliyeed" la yidhaa haba yaraate.

Shaadkan Jamhuuriyadda Soomaaliyeed waxa iska leh Somaliland, Soomaali konfureed mid ay iyadu gaar u leedahay ma jiro e kii Somaliland ayey muddo kow iyo sodon sannadood ku dhow ergisey u gashanayd; markuu ninkii huga lahaa maradiisa ka xayuubiyeyna waataa Soomaali konfureed meehanaabaysa ee sidii ninkii bugaanka ahaa boqol u talida noqotay. Maaweelo iyo mededaalo waxa walaaleheen reer konfureed u noqotay "MIDNIMADA SOOMAALIYEED WAA MUQADAS" oo ah weedho liddi ku ah diinta suuban ee Islaamka, sababtoo ah shayga keli ah ee muqadas lagu tilmaamay lana bedel karini waa Qur'aanka Kariimka. Aadama ha yidhaa midnimo Soomaaliyeed ayaa muqadas ah kaafir baadiyaysan.

Somaliland ayaa hormood ka ahayd in la mideeyo qowmiyadda Soomaaliyeed ee Geeska Afrika ku dhaqan ee gumeystuhu kala qeybiyey. Arrintaasi iyo sheekadeediiba madhalays ayey noqdeen uu sidii loogu hungoobay weynu ka warqabnaa oo maanta tafaasiil dheeraad ah inoogama baahna: Waxa u horeysey DJibouti oo maanta waa dal madaxbannaan, midnimo shan Soomaaliyeedna ma hadal hayaan; intii Kililka Shanaad ee Itoobiya ku noolaydna maamul hoosaad ay u madaxbannaanyihiin ayey haystaan iyadoo weliba distoorka Itobiya jideynayo in qowmiyaddii rabtaa go'i karto; Gobolkii Waqooyi Bari ee dalka Kiiniya Soomaalidii ku noolayd waxay doorbideen in ay dowladda Kiiniya wax la qaybsadaan halkoodana ku negaadaan mar haddii la waayey hummaagii shantoo isweheshaday!

Walaaleheen reer bani Muqadas wasxan odhan lahaa dhallaan habaabistaa soo hiraysa ayaa harraadka iyo surmiyiga idin haya labadaba idinka demindoontee durdurada haka daalin abidkiin. Maalin dhoweyd mid aad moodo in aanu geeridii nebi Muxamed (Sallalaahu calayhi wasalam) ogeyn oo lagu magacaabu Ina Xoosh oo idaacad laga wareysanayey ayaa wariyihii sua'aalay ergooyinka Somaliland ee distoorka la dhaqan gelinaya inta ay tiradooda iyo magacyadoodu yihiin; waxanu ku jawaabay, "Haddee liistadii magacyadu ima hortaalo, waxase kuu sheegahayaa in intii hadhsanaydna soo qulqulayso!!" Kuwa uu xilka u hayana maxaad u malayn sow xaalkoodu ma aha: " Subaxaan al-alidii khalaqa al bahiimata wal bashar."

waxa intabase ka sii meeqaam hooseeya kuwan madax dhaqmeedka isku sheegaya ee reer Somaliland ee garbaduubka looga hayo shirka beelaha koonfureed uga socda Xamar. Iyagana waxa lagu sifayn: "Noole mootan oo inta qubuuraha ku duugani ka karaamo roontahay."

Nin dadkii hore ahaa ayaa laga hayaa: "Wallee haddan karinkaa laga guurin gorayo heeryeysan ayaa inagaga soo bixi; maalintii dambe ayaa gorayadii oo qoorta ku sidata karbaash hilinkii ka soo mudh tidhi.." Waxan uga socdaa irrid labaatan sannadood quful ku xidhnaa ayaa xukuumadda Somaliland afartii ferdadoodba mar keli ah ballaqda iyada oo lagu andacoonayo fursad aan hore u jirin ayaa maanta Somaliland heysataa; shirka London ha laga qeyb galo; laga qeybgelye maxaa faa'iido ah ee laga helay? Waxa keli ah ee laga korodhsaday intii marka horeba ka soo horjeeday qarannimada iyo jiritaanka Somaliland oo ad moodo in xabsi laga sii daayey; durba fadal dheertii maratoonku waa kuwa istaadyo Circolo Centro Sportivo iska xaadiriyey.

Haddiise markii dabarka laga furayey sharicigii xakamaynayey, xukuumaddu waxay u martay Goleyaasha sharci dejinta ee ummaddu u igmatay hawlahaas, maxay hadda xukuumaddu hadba ula shiraysaa madax dhaqmeedka dalka markay arrintani soo foodsaartay? Madax dhaqmeedka dalku hay'ad sharci dejineed oo distoori ah ma aha sabab loo hawl geliyaan ma jirto e' waa maxay qiiq isku qariskani? Waa xaajo la majara habaabinayo oo anshaxii iyo hab dhaqankii dowladnimoba ka baxsan; sheekadu ma siday bes uga tahay mise wax mise messha ammuuro kale ayaa ka hig leh?

Shirkii London intii uu socday wax aynu warbaahinta ku arkeynay in xukuumadda Somaliland codsi ay kaga qeyb gasho shirka Soomaalida loogu qabano dalka Turkiga u gudbisey dowladda shirka qaban qaabinaysa. Hadda xukuumadda Somaliland waxa ka soo yeedhaya in laga noqday ka qeybgalka shirka Istanbuul. Sida la ogsoony ahay markii dowladda Ingriisku ku dhawaaqday shirkii London, xukuumadda Somaliland wey ku qacansaydhay; markii wufuud farabadan dalka galaabixiyeen, go'aankaasi wuu dhicisoobay. Maantana marka dhow wefti oo Turki Jumhuuriyet ka socdaa sidii caadada ahayd dalka yimaadaan, marlabaad ma laga yaaba xukuumadda Somaliland in ay tidhaa IGAMA QUDHUNTOW, IGA GUBATOW?

Waxa kaloo intaa dheer ceelalyadii shirkii Embagathi waatan loo magacaabay danjiraha xarunta laga maamulo dalkii la odhan jirey Soomaaliya; wallee waxan maalinba mid aan loo fadhiyin ummadda lagu soo dhextuurayo fari kama qodhnee, waxan u malayn in maalin dhowna la arki innagoo ciddi dalkan lagu aaminay raad goobayna.

Isku soo wada xooriyoo hadda waxa inagu soo foolaya mawjado siyaasadeed oo u baahan in lagaga hortago qorshe iyo xeel dhidibo adag ku taagan oon hadba sida gabal dayaha dhanka qoraxdu jirto u janjeedhsan. Geedu hadda halka ay maraysaa waa ciirciir iyo.....? Shirka Turkigu qabqaabinayo meel Somaliland uga bannaani majirto, ka qeybgalkiisuna wax innoga soo kordhayaa haba yaraate ma jiro. Sida awgeedna u hanqaltaagiisu wuxu durayaa karaamada, sharafta, iyo milgaha dowladnimo, waxa kale oo uu meel ka dhac ku yahay jiritaankeena ummad ahaaneed. Shirkii London hadday bulshada caalamku ku baaqday in ay wada hadlaan Soomaaliya iyo Somaliland, waxa arrintaa jidgooyo u dhigay wadaad Shariif oo ilaa hadda farogelin badheedh ah ku haya qarannimada Somaliland. Hore wuxu u sheegay in uu aqoonsaday qowlaysatadii Taleex. Markuu horjoogaha Budhcad badeeda Majeerteniya u hanjebayna waa kan ergadii wadahadalka uga qeygelilahayd ku soo darsaday dad ka soo jeeda Somaliland. Haddana waxa uu u gacan haadinayaa madax dhaqmeed dhuuni raac ah oo Somaliland ku abtirsada. Sidan marka xaalku yahay
mooryaankan wadaad Shariif hor boodayaa ma yihiin kuwo wada hadal lala yeesho? Bushada Caalamku xaq inooghuma laha in ay inagu xujayso dal aan jirin ka raadsada qarannimadiina; sababtuna waa arrin toos uga hor imanaysa waaqicii iyo sooyaalkii taariikheed, sharciyeed, iyo siyaasadeed ee Soomaaliya. Soomaali koonfureed hadday ka kori weydey in ay qori dableh hadba dhinac inaga qabadsiiyaan, sida aynu ula dhaqmayno waa in wax weyn laga bedelaa iyaguna maangadahaa abaarta ah iyo diiridaa maax ha ka dayaan.

Axmed Cali Ibrahiim Sabeyse
May 9, 2012.

Wasiir maagis iyo hatigaad isagu daray ururada xukumadda Siilaanyo sida badheedhka u reebtay

noreply@blogger.com (Samotalis) — Wed, 09 May 2012 12:37:00 +0000

Wasiir maagis iyo hatigaad isagu daray ururada xukumadda Siilaanyo sida badheedhka u reebtay

Hargysa,-Wasiirka wasaarada kalluumaysiga Somaliland Cabdilaahi Jamac Cusmaan Geeljire ayaa dhawaan maruu hadal ka jeediyey baroordiiq loo sameeyey tobanguuradii ka soo wareegtay geeridii madaxweynihii hore Maxamed Xaaji Ibraahin Cigaal ayaa si badheedh ah u weeraray ururadii siyaasadda ee xukumada Siilaanyo reebtay oo qaarkood hogaamiyayaashooda isku jifo hoose ka soo jeedaan.Wasiir Geeljire wuxuu kaloo dhex cararey khilaaf muddo huursanaa oo xisbiga Udub ka dhex dilaacay,garabyona u kala qeybiyey.

Wasiir Geeljire oo had iyo jeer ku badan mikirifoonada iyo shaashada TV-yada,waqti iyo dedaal badana geliya sidii uu uga hadli lahaa munaasibad walba oo lagu qabto Hotelada Hargeysa ama beel ha soo abaabusho ama xisbi ama xukumadibe ayaa beryahan danbe ku darsadey farsamo cusub oo ah inuu maalin walba cid caayo ama maago sidii berigii hore ee uu mucaardidka ahaa dhaqanka u ahaan jirtay,ku darsoo weliba waxa intaas u dheer hanjabaad digaag.

Wasiir Geeljire ayaa mar uu ka h adlaayey xafladii baroordiiqdii tobanguuradii marxuum Cigaal wuxuu si ba'an u weeraray ururada siyaasada ee xukumada Siilaanyo reebtay islamarkaana qancin kari weyday wuxuuna wasiir Geeljire sheegay inay ka waantoobaan afxumada iyo hanjabada ay caadaysteen ee warbaahinta la hor tuban yihiin waxaana ka mid ahaa hadalkiisa" Ururada hadhay waxaan leeyahay way dhaaftay waqtigii aynu isu hanjabi jiray ee dawlada loo hanjabi jiray ee daaya oo joojiya afxumada,laaqiga iyo hanjabaada,dawlad baanu nahay shacabkuna dawlada inuu u hanjabo ma aha, markaa hooy nin walowba(horjoogayaasha ururada) waajibkaaga garo".

Dhinaca kale wasiir Geeljire ayaa hadal siyaasadeed oo munaasibaadaa uu joogey iyo afka xukumada Siilaanyo ee uu metelaayey midna ku haboonayn ku soo dhex tuuray khilaafka huursan ee beryahanba ka dhex oognaa hogaanka xisbiga UDUB,khilaafkaas oo galay maxakamadaha iyo gudiyada doorashooyinka iyo kuwa diiwaangelintaba xukumada Siilaanyana meel uga banaaneyn inay soo dhexg asho.Wuxuuna Geeljire yidhi "Waxay UDUB isku haysaa mabda maha,xisbinimo maha waxaan u malaynayaa in laysku hayo kursiga musharaxnimada oo aan iminka lahayn,mana filaayo buu yidhi in xisbigu Gurmad debeda uga baahan yahay".

Qarannews