غَجَـريـّـات

Events

2011-06-13T18:25:00.000+02:00

ما بـيبعصني غير هَدول يـَاللي بـيبعتولي Events عَ الفيسـبوك للاشتراك مثلاً بأحداث بتخصّ البلد، لأنّو العينتين ما عندو غير 3 خيارات:

1- يا بتقول Attending، فبيعتبروا أنّك داعم للنظام وبرأين بتكون مجرّد بوق ومخبر قمعيّ وضدّ حقوق الإنسان ومعادي للحرية والديمقراطيّة... إلخ.

2- يا بتقول Not Attending، فبيعتبروا أنّك مندسّ وعميل وحامل أجندات خارجيّة وسلفي أخونجي وشحّاطة... وقرد!

3- أو بتقول Maybe Attending، فبيعتبروا أنّك بوق ومندسّ بنفس الوقت (إي لأنّو رأفت الهجّان أنا!!).

فيا جماعة الخير ويا أهل المكارم والأخلاق، حلّوا عن طيزي لسببين مبدئيًّا:

أوّلاً: أنا ماني بالبلد حتّى Attending، أو Not Attending، أو Maybe Attending...

ثانيًا: لأنّي لاني بوق قمعيّ، ولا مندسّ رجعيّ، ولا حتّى عَ الحياد!

بكل بساطة أنا ضدّ العنف وبس!

خيـانَـة!

2011-03-22T13:16:00.000+01:00

الآنَ باتَ عليك أن تفهمَ

أنَّ الزّمنَ يشرعُ في خيانتِك

حينَ تكون قَد سلَّمتَه توًّا

صكَّ التأمين على حياتِك!

فلا ترجُ منه أيّة شفقة أو رحمة!

*******

اعتراف!

2011-03-03T02:55:00.006+01:00

وصلَ بي اليأسُ إلى حدِّ الرّغبة في الاعتراف بكلِّ الجرائم التي حدثتْ للبشريّة ولم يُعرَف مرتكبوها بعد! وهذه أهمُّها:

نعم، أنا هو المخطّط الرّئيسيّ والحقيقيّ لاغتيال الرّئيس الأميركيّ الكاثوليكيّ جون كندي.

وأنا مَن أقنع بلفور بقطع الوعد الشّهير لليهود.

صدّقوني، إنّي جادّ، وأقول ذلك بكلّ قواي العقليّة والنفسيّة. حتّى أنّني أعترفُ بمقتل أسمهان بعد دفع سيّارتها إلى إحدى التّرع، وبقتل مارلين مونرو بعد إعطائها حقن شرجيّة متتالية!!

أنا مَن صنعَ شخصيّة هتلر وموسّوليني وستالين... وبرلوسكوني اليوم وأسامة بن لادن والقذّافي إن أردتم! لكن لا علاقة لي بصدّام، ولا بجورج بوش!!

أنا من أنتج الجمرة الخبيثة وأنفلونزا الطّيور وجنون البقر وحديثًا ما أصاب الخنازير من حمّى!

أنا وراء جميع الاغتيالات السياسيّة والعسكريّة التي حدثت في لبنان وسورية ومصر وفلسطين وسائر بلدان الشّرق الأوسط!

أنا من ثقبَ الأوزون... ومن فجّر براكين التسونامي... وفيضانات أستراليا وغيرها! أنا السّبب الرئيسيّ في الاحتباس الحراريّ وتلوّثات البيئة وتدمير الغابات والأمطار الملوّثة وتبدّلات الطّقس! أنا الدّاعم لكلّ أوضاع النفايات المأساويّة في العالم، ومشجّع البطالة الكثيفة والسّباق إلى التسلّح ومشاكل العالم الثّالث من جوع وجهل وتخلّف...

مَن منكم يملك الشّجاعة والذّكاء والمقدرة على الوصول إليَّ، واعتقالي، وتقديمي إلى العدالة؟!

فهل من مجيب على هذا الاعتراف؟!

خذوني، اشنقوني، اقتلوني رميًا بالرّصاص، أو حرقًا إن أردتم، أسرعوا لأنّي بدأتُ التفكير في استنساخ نفسي لأكون للعالم كابوسًا أبديًّا يبقيه تحت ظلّ الحروب والمجاعات والظّلم على مختلف أشكاله!

تعالوا، أريحوني، وافعلوا بي ما تشاؤون وما تفعلونه بأنفسكم وبشعوبكم البريئة الضّعيفة.

خذوني واجعلوني محرقةً وليرتفع الدّخان إلى الأعلى لترضى آلهتكم وليحلّ الأمنُ والسّلامُ والعدلُ والتسامحُ والأخوّةُ والتعاونُ والسّكينة والمحبّة لجميع المخلوقات.

اخدمني لخوزقك...

2011-01-02T09:56:00.002+01:00

دقّلي تلفون المنظوم، قال: شلونك أبو المين؟! خيّو، بدنا منّك خدمة صغيرة... من بعد إذنك يعني! (وكالعادة حطّيت إيدي على قلبي، قلت صحتين، خازوق جديد، صار ومَ حدا خوزقك هالشّهر). طبعًا أنا بسماحتي المعتادة: ولو يا بو السّيم، اطلاع، عيوني ألك. لـَه لـَه يا زلمة، خدمة صغيرة، بس عنوانك البريدي بروما! (طبعًا هوّ عم يحكي منين؟! مالبلد الصّامد). في عندي شب صديقي بدّو يبعتلي طرد من إسرائيل... (أنا بقلبي بلّشت قول: الله لا يوفّق حليب أمّك يا عـرص، بدّك تروّحني، بعدين حمار أنت عم تحكي من هونيك وتجيب سيرة إسرائيل، العمى شو دب، بلعت الغصّة وقلت معلش، أنا بإيطاليا). ثانيتين وقبل ما أحكي شي، سمعتو بيقول: العمى! أنا شو قلت؟! شلون جبت سيرة هالبلد؟! (أنا وبذكائي المعتاد ردّيت عليه بالإيطالي، على أساس هنّ خواريف ما رح يفهموا علينا شو عم نحكي، المهمّ مالكن بالطّويلة، وصل الطّرد يللي هوّ عبارة عن كتاب (مجموعة قصصيّة لكاتب ناشئ مغمور) محطوط بظرف عليه ختم وطابع إسرائيليّ قد الجحش... إش فكّرت بيني وبين حالي، قلت ما مشكلة، هلا بكبّ الظّرف وبدحش الكتاب بالشنتاية، مَ حدا رح يفتح شي بالمطار... طبعًا أنا وبضرب الذّكاء كمان المعتاد تبعي، جمعتلو أغراضو وحطيتن بكيس بدون ما كبّ الظّرف وضبّ الشنتة وزرّ البوط وسافر على سورية.

بعد ما راحت الشنتاية بالتشِك إين، وهوّ متأكّد أنّو راحت الشنتاية بالتشِك إين، وأنا معبوط بشنتة الإيد، والعرق عم يشرشر شرشرة، ولا يجيني تلفون صاروخيّ مالبلد الصّامد، قال: أشّو؟ ضبّيت الكتاب بالشنتة؟! قلتلو: إي لكن، ولو من عيوني. قلّي: راحت عليك يا معلّم... لـَه لـَه لك شو عملت؟! قلتلو: لك ليش؟! قلّي: لك أنت شقّيت أوّل صفحة تبع مكان الطّبع؟! قلتلّو: يلعن شرفك! أهلي يا ابن الحرام... بس يلا المهمّ ما يموتوا جوع! جبولي حلاوة الله لا يوفقك، هاد إذا لقيتوني! وصّلت عَ البيت وفتحت الشنتاية، وشفت معدّل الـ IQ (قياس الذّكاء) عندي ضارب صولد. لأنّي مو بس نسيان شق الورقة الأولى، كمان عايف الكتاب بالظّرف والختم والطابع أَد الجحش!! طبعًا ما نمت بيومتا وكان مساء وكان نهار وخازوقٌ جديد! ونصيحة منّي ألك بمطلع هالسّنة الجديدة، خلّي طيزك مزيّتة لأنّك ما بتعرف إيمتا بتتوخزق ومنين بتجيك الخوازيق، وكل عام وأنت بخير...

أخـتـك يـا زمـن... !

2009-11-15T14:09:00.002+01:00

مرحبا خيّو... أهلين... ردّيت السّلام ولا لطيزي ما ردّيت... بْرد لحالي!

ومن هلا وبلا مقدّمات الموضوع فيو كلمات بتْخرّي، بقى لي تَرْبيتو ما بتسْمَحْلو، لا يقرا، وعفوًا من السيّدات والآنسات لأنّو بعرف رح تتجَرْوَح أدنيكون، وينخدش حياءكون بقراءة هيك كلمات، لأن السَّلام لاسمكون كلكون متل السيّدة العـد... -يالله بلا ما نذكر اسمها هون، حرام نجيب سيرتها بهيك سيرة- بقى ما تقولوا ما نبّهتكون.

المهمّ بدّي بلّش باعتذار عن التأخّر بالنشر، وهالتأخير بسبب أنّو هالمدوّنة بتعتمد على المصخرة عَ العالم... ، وهالشي صاير كتير صعب لسبب من تْنين: يا أمّا العالم كلون صايرين أوادم -ما عاذ الله- وما خرج نتمصخر عليون، يا أما أنّو كلون صايرين منايـ*** وما بقى بتعرف على مين بدك تلحّق تتلحّق. بس أمركون لله مضطرّين تقروا خريناتي هالمرّة كمان... شايفين ملا زمن بشرفكون مو كس أخت هالزمن لي خلا واحد متلي يكتب ويدوّن...

"كس أختك يا زمن" إي هاد هوّ عنوان مدوّنة اليوم، وبالعربي الفصيح والشوارعجي، لأنّو كلو صار متل بعضو، ولأن الشَّرْمَطَة كمان أنواع: شي مبهدل وشي فصيح...

إيههههه كس أختك يا زمن... لي خلّيت مثلاً يهود الخبر يصيروا ملوك وخدّام الحـ... ، وعلويّي بلاد الشّام يتحكّموا مو بس بالبلد، كمان عَ شوي رح يتحكّموا بكلّ الدنيا، والحريري هالصَّبي الأدعر (دَعَرَ يَدْعَرُ دَعْرَنَةً ودعارةً فهو داعرٌ وأدعر) -سيمون إذا بتقلّي هالتَّصريف للكلمة غلط بدّي أشخّ بتمّـ... بعرف أنّو أصلها دعرة- ، لأ والأنيك من هيك قال شو هاد ابن الستّين صرماية صاحب أغنية "بابا فين" بدّو يرفع دعوى على هيفا وهبه لأنها استعملت مقطع من غنّيتو بالفيديو كليب الجديد تبعا. والدعوى بخصوص حقوقو الفكرية، ليك أخو الستّين شرموطة ليك، قال حقوقو الفكرية قال، إي تقولوا كاتبلو شي رواية يا شي ديوان شعر، إي شو هالغنيّة لي كلها فكر وإعجاز فنّي وأدبي، ولا مفكّر حالو منزّل قرآن جديد ومالنا خبر...

لك كس أختك يا زمن لي خلا الأميّة بحلب من أعلى المستويات، والشَّرْمطة كمان بأعلى المستويات وأدناها كمان، بعد ما كانت منارة الفكر والأدب والحشمة والدَّهب، لك حتى الدَّهب صار مناظر ومصخرة وقلّة أدب.

خلص زْهقت وما عاد بدّي كمّل، اكتأبت وبدّي قوم غيّر شكل بيكفّي كَسْكَسه... بس عنجد أحكي وبلا منيـ***

التدوينة الجايه رح تكون نظيفة ميّة بالميّة، يا سيدي ومدونتين كمان مو وحدة، رح يكونوا نظاف، بس فيون شوية عنصريّة. وفوق هالشّي بوعدكون أنّو ما رح أتأخّر بتنزيلون كتير، يالله عيشو... عمرو مَ حدا يرت، قروا وتسقّفوا...

والسَّلام، بشرفي أنا أزعر وما بستحي، شْلون طلع معي كل هالحكي؟! سيدي كس أخت هالزّمن لي عمل ناس متلي مكبوتين وعم يفشّوا خلقون بالسَّب، بس وينكون لي ما عجبو لطيزي ما يعجبو، يالله روحوا التهولكن بشي مفيد أحسن من هالـ أكل الـ خرى عَ النت لي بلا طعمة...

حكّوا يا جماعة!

2009-04-27T00:43:00.003+02:00

قال شو: اليوم آخر يوم إلي بروما وبدي أحكّ تـَـ أربح. وحكوِك يا معلّم...

دَقّلّي هالحَكْوَكْجي وقَلّي نْزيل نحن ناطرينك! قلت بقلبي: عشت عشت إجا مين أتمشَّى معو وشيل الهمّ يلّي راكبني.

تحمّمت وبخبخت برفان، يعني ظبّطت شبوبيتي وشَكْلست أموري شَكْلسة دبّاحة حريم، وشَدّيت العزم ونزلت راكضًا لألحق الباص، لأنو من وقت ما طلعت عَ الشارع شفتو مارق وقلت: يا ولد ركوض وبلا بغلنة ولحّق هالباص لأنو ما عَ طول بيمرق... ومالكون بالطَّويلة وصلت وطلعت... وهون صارت الشَّكلسة شَكْلَطة، لأنّو العرق زرب ووصل لط... قعدتْ قدّام صبيّة طبّوشة وما هي إلا ثواني وعَطَستْلك عَطستين عَ رقبتي حمَّمتْني فيون مرّة تانية، ولك يخرب بيتك... أس أخت اللي نفضك... ضروري تقربي منخارك وتشمّي الريحة؟! ما قلنالك لوين موصّل العرق!!!

المهم وصلت عَ مكان الاتّفاق - طبعاً ما كان حدا ناطرني ولا وجع - والتقيت بالشَّباب وبدأتْ مسيرة الحَكْوَكة، وحكّيت أنا كمان وكالعادة خسرت، وخسر هوّ كمان! وبعدين عرفت أنّو الآدمي صار مْحَكْوِك بأكتر من خمسين إيورو اليوم بحجّة أنّو آخر يوم ألو بهالبلد، يخروب دْيارك شو قمارجي!

وصرنا كلياتنا ننصحو يوقّف حك عَ أساس نحن أشرف، وهوّ معنّد وعم يعنّد بزيادة، مع إنّو ضعيف متل قصب المصّ بس مخّو كمان يابس متلو (عجب قصب المص يابس؟ ما بعرف مرقوها هلا).

وبعد الحكوكة والبَكْوَكة عْلقنا: ناس بدها ترجع عَ البيت، وناس بدها تسهر برا، وناس بدها تتمشّى، وناس بدها تتمَنْيـَ... والإشارة حمرة ( لك شو جاب قصّة الإشارة هلا؟!!). المهم حتّى نرضي يلّي بدّون يتمشّوا مْشينا، وحتّى نرضي يلّي بدّون يسهروا قعدنا ببار وشربنا كاس وتخورفنا بالفاتورة على شرفو للحكوكجي، وهو كل لحظة عم يغب غبّة ويقول لواحد فينا قوم نحكوك (لأنّو كان في محل قريب بيبيع كْروت حكوكة)، آخر شي قلتلّون حكّوا عن طيـ... وقوموا نروح عَ البيت تنرضي يلّي بدّون يروحوا عَ البيت، هلا نتيجة هالرَّكض والعرق والحكوكة والكاس رجعنا عَ البيت عم نحكوك جيوبنا، وعم نْسَنْود الحكوكجي لأنو سكران.

وحكّوا عن أجرنا بدنا ننام...

بلا مزح... !

2009-04-20T00:43:00.005+02:00

يا أهل الخير... صلّوا على الأنبيا... حيّيّ

منعلنلكون عن افتتاح هالمدوّنة الجديدة يلي بيحب يزورها أهلا وسهلا ويلي ما بيحب بحفض...

بس للأمانة التخريبيّة بحب خبّركون أنو كل مين بيوصلو هالإعلان لازم يتحمل نتيجة ردّة فعلو عليه!

لأن يلي بيستجيب وبيفتح المدونة من وقت لآخر وبيشاركني بردودو وآراؤو رح يصير معو شغلات حلوة على حسب نشاطو، ويلي بيهملها يا ويل ويلو من ظلام ليلو، وهي بعض الأمثلة:

في أبو عبدو المنتوف وصلو الإعلان وفتحو ويا ويلي شو انفتح عليه مصاري وحريم ورزق كتير...

ومرمورة البقرة يلي حلمها تتجوز قَرت الإعلان وجاوبت عليه وأرسلتو لكل صاحباتا... بنفس اليوم ها، بنفس اليوم... إجا حرامي على البيت وبالغلط فكّرها لولو بنت الجيران فات على الفرشة وهات يا دعك... وبس حسّت عليه مسكتو ودغري المسكين قبل يكون عريس الهنا يلي بدو يصير مع الوقت مستر قرون.

أمّا الست شرشورة يلي كلكون بتعرفوها ومنكون زايرينها وراكـ...ها وصلها هالإعلان، قام محتو وسبّت عَ يلي بَعتو... الله وكيلكون قلبت معا نشاف وما عاد زارها لا ركيّب ولا لحّيس.

رئيس دائرة النصب والرشاوي في إحدى أنشط دوائرنا الحكومية كمان كانت مرتو داعية عليه لأنو ما اشتارالها الـ... الاصطناعي يلي كان واعدها فيه، لأنو وضعو صاير صعب، وقام بإهمال هالإعلان ومندون سابق إنذار إجتو كبسة بنت حرام لا بترتشي ولا بينفع معها حريم وأخدوه عالخازووووووووووق بتهمة الرشوة.

بقى يلي سمع سمع ويلي ما سمع سمعوه ياه، واتّقو شر الخوازيق وقطع الأرزاق... سمعوا النصيحة ونشرولنا هالإعلان وفوتوا من وقت للتاني شوفو شو بيطلع معكون مسخرة وأكل هوا وشاركونا فيون.

لا تفكروني عم أمزح وسألوا شرشورة ولا تسألوا دكتور الحريم.

ملاحظة: بلا بزق كتير بتشتش بسرعة.