கிரி Blog

சங்கரன்கோவில்

கிரி — Tue, 14 Feb 2012 02:07:34 +0000

இடைத்தேர்தல் என்பது ஆளுங்கட்சி தன்னுடைய பலத்தைக் காட்ட மட்டுமே பயன்படுகிறது. எதிர்க்கட்சிகள் எவ்வளவு கூப்பாடு போட்டாலும் எடுபடுவதில்லை இதற்குக் காரணம் ஆளுங்கட்சி அதிகாரபலத்தில் இருப்பது என்பது அனைவருக்கும் தெரிந்த ஒன்று.

கடந்த திமுக ஆட்சியில் நடந்த திருமங்கலம் இடைத்தேர்தல் இதுவரை நடந்த இடைத்தேர்தல்களிலேயே ஆளுங்கட்சியால் “கவனிக்கப்பட்ட” தேர்தல் என்ற பெருமையைப் பெற்றது. கிட்டத்தட்ட இந்தத் தொகுதிக்கு 70 கோடிக்கும் மேல் பணம் ஆளுங்கட்சி திமுகவால் செலவிடப்பட்டது என்று அப்போது பத்திரிக்கைகளால் கூறப்பட்டது. இதன் பிறகு எந்தத் தேர்தல் நடந்தாலும் “திருமங்கலம் ஃபார்முலா” என்று கூறும் அளவிற்கு அந்த ஊருக்கு அவப்பெயர் ஆகி விட்டது.

தற்போது நடைபெறப்போகும் சங்கரன்கோவில் இடைத்தேர்தலும் தற்போது இதே நிலையில் காணப்படுகிறது. ஆளுங்கட்சிக்கு எப்போதுமே இடைத்தேர்தல் என்பது தன்மானப் பிரச்சனை ஆனால் அது ஜெ விட்ட அறிக்கையால் அது மேலும் சூடாகி இருக்கிறது. சட்டசபையில் ஜெ கேப்டன் சண்டை அனைவரும் அறிந்தது. ஜெ எப்போதுமே பிடிவாதமாக இருப்பவர் தான் நினைத்ததை செய்ய வேண்டும் என்று விரும்புவர் யாருக்கும் அடங்காதவர் எவருடைய அறிவுரையையும் காதில் வாங்காதவர் என்ற “பெருமையைப்” பெற்றவர். இந்த நிலையில் அவர் கேப்டனைப் பார்த்து கூறிய பின்வரும் சவால் தான் பலரை கடுப்படித்து இருக்கிறது

“பேருந்துக் கட்டணத்தை உயர்த்திய பிறகு, பால் விலையை உயர்த்திய பிறகு வரும் சங்கரன்கோவில் இடைத்தேர்தலில் நாங்கள் தனித்து நிற்கப் போகிறோம். உங்களுக்குத் திராணி இருந்தால் நீங்களும் தனித்து வேட்பாளரை நிறுத்துங்கள். நாங்கள் அடையப் போகிற மகத்தான வெற்றியை நீங்கள் பார்க்கத்தான் போகிறீர்கள். உங்களால் தடுக்க முடியுமா? என்பதை யோசித்துப் பேசுங்கள்”

இவர் பேசியதில் தன்னம்பிக்கையை விட “நான் என்ன வேண்டும் என்றாலும் செய்வேன் மக்கள் ஓட்டுப் போட்டு விடுவார்கள்” என்கிற மமதை மட்டுமே அதிகமாக தெரிகிறது. ஜெ வெற்றி பெற்ற போது பலரும் ஜெ விடம் மாற்றம் உள்ளது முன்பு போல இல்லை என்று கூறினார்கள் ஆனால் “அப்படி எல்லாம் இல்லை அதற்குள் அனைவரும் தப்புக்கணக்கு போட்டு விடாதீர்கள்” என்று கூறாமல் அவ்வப்போது நிரூபித்து வருகிறார் இந்த சவாலில் அதை உறுதிப் படுத்தி இருக்கிறார்.

அவசரப்பட்டு வார்த்தையை விட்டுட்டோமோ என்று அடுத்த நாள் “வேறு வழி இல்லாததால் கட்டணங்களை உயர்த்த வேண்டியதாகி விட்டது” என்று கூறி இருந்தார் அதாவது பாலிஷாகக் சமாளித்து இருந்தார்.

ஜெ இதுவரை பல்வேறு திட்டங்களை அறிவித்து இருக்கிறார், அடிக்கடி இத்தனை கோடியில் அதை செயல்படுத்தப்போகிறேன் இதை செயல்படுத்தப்போகிறேன் என்று ஆனால் இதுவரை எந்தத் திட்டமும் உருப்படியாக வந்தது போல தெரியவில்லை. அந்த நேர பரபரப்பிற்கு மட்டுமே அது பயன்படுகிறது. கலைஞர் அறிவித்த திட்டங்களை முடக்குவதில் இவர் காட்டும் ஆர்வத்தை இவர் தான் கூறிய திட்டங்களை செயல்படுத்துவதில் காட்டலாம் அனைவருக்கும் பயனுள்ளதாக இருக்கும்.

இன்று வரை மின்சாரப்பிரச்சனைக்கு எந்த ஒரு ஆக்கப்பூர்வமான நடவடிக்கையும் எடுக்கவில்லை நாளுக்கு நாள் பிரச்சனை அதிகம் ஆகிக்கொண்டே செல்கிறது, சென்னை குப்பைப் பிரச்னைக்கு தீர்வு இல்லை. இந்த எட்டு மாதத்தில் குறிப்பிட்டு பாராட்டும்படியான எந்த செயலையும் கூற முடியவில்லை. கலைஞர் அடிக்கடி திரையுலகினர் நடத்தும் பாராட்டு விழாக்களில் கலந்து வெறுப்பேற்றிக்கொண்டு இருந்தார் ஜெ அது போல செய்வதில்லை. இது ஒன்று தான் பரவாயில்லை என்று கூறும்படி உள்ளது.

இவ்வளவு பிரச்சனைகளை வைத்துக்கொண்டு விலையும் ஏற்றி இருக்கிறோம் என்று கூறி விட்டு தில்லு இருந்தா ஜெயித்துப் பாருங்க என்று கூறுவது எந்த விதத்தில் சரியானது என்று புரியவில்லை! வெறும் சவால் விடுவதற்கும் இது போல கூறுவதற்கும் நிறைய வித்யாசம் இருக்கிறது. இதன் காரணமாகத்தான் தற்போது இந்தத் தொகுதிக்கு 26 அமைச்சர்களை நியமித்து இலவசங்களை அள்ளிக்கொடுத்து இருக்கிறார், மாபெரும் வித்தியாசத்தில் ஜெயித்துக் காட்ட வேண்டும் என்கிற பயம் வந்து விட்டது. எங்கே வேறு மாதிரி ஆகி விட்டால் என்ன ஆவது என்கிற இயல்பான பயம் தான் இவ்வளவு சீக்கிரம் அனைத்தையும் செய்ய வைக்கிறது.

இவை ஒரு பக்கம் இருந்தாலும் திமுக ஆதரவாளர்கள் அதற்கு மேல் இருக்கிறார்கள். “ஓட்டுப் போட்டீங்கல்ல! அனுபவியுங்க!!” என்று கூறிக்கொண்டு இருக்கிறார்கள். இவர்கள் என்னமோ காமராஜர் ஆட்சி புரிந்தது போலவும் மக்கள் இவர்களுக்கு துரோகம் இழைத்து விட்டது போலவும் பேசிக்கொண்டு இருக்கிறார்கள். இவர்கள் ஆட்சியில் செய்த ஊழல், குடும்ப ஆட்சி எல்லாம் தற்போது மறந்து விட்டார்கள் இவர்கள் என்னமோ உத்தமர் போல பேசிக்கொண்டு இருக்கிறார்கள். திரும்ப திமுக ஆட்சிக்கு வந்து இருந்தால் தமிழ்நாட்டின் நிலை என்ன ஆகி இருக்கும் என்று தெரியாது? தொடர்ந்து பத்து வருடம் டேமேஜ் செய்வதற்கும் கேப் விட்டு டேமேஜ் செய்வதற்கும் வித்யாசம் இருக்கிறது. எப்படியெல்லாம் யோசிக்க வைத்து விட்டார்கள்!!

எது எப்படியோ சங்கரன் கோவில் இடைத்தேர்தலில் அதிமுக தோற்க வேண்டும் என்பது தான் என் விருப்பம் அப்போது தான் ஜெ வின் ஆணவத்திற்கு ஒரு கடிவாளம் போட்டது போல இருக்கும், இல்லை என்றால் கேட்கவே ஆள் இல்லை என்பது போல மேலும் மேலும் நடந்து கொண்டு இருப்பார். இடைத்தேர்தலில் ஆளுங்கட்சி தோற்பது என்பது மிக அதிசயமான நிகழ்வே!

கொசுறு 1

”பெரியவரே சுவிட்சு போர்ட்டுல தண்ணி ஊத்தி கைய விட்டு கழுவரீங்களே ஷாக் அடிச்சிராது?”

”தம்பி தமிழ்நாட்டுக்கு புதுசா?”

Credit – Swami Omkar G+

கொசுறு 2

கொசுறு 3

Image Credit – facebook

சங்கரன்கோவில் is a post from: கிரி Blog

இணையம் பற்றிய செய்திகள் [09-02-2012]

கிரி — Thu, 09 Feb 2012 04:27:20 +0000

Bing

மைக்ரோசாப்ட்டின் பிங் (Bing) தேடல் இயந்திரம் யாஹூ தேடுதல் இயந்திரத்தை விஞ்சி சமீபத்தில் இரண்டாவது இடத்தைப் பிடித்து இருக்கிறது. முதல் இடத்தில் அனைவருக்கும் தெரிந்த கூகுள் தேடுதல் தான்.

facebook

சமூகத்தளங்களில் மிகப்பிரபலமான facebook ஆகஸ்ட் மாதம் 1 பில்லியன் பயனாளர்களைப் பெறும் என்று எதிர்பார்க்கப்படுகிறது. சமீபத்தில் இந்தியா அதிகம் facebook பயன்படுத்துபவர்கள் வரிசையில் இரண்டாம் இடத்தைப் பிடித்துள்ளது குறிப்பிடத்தக்கது. கிட்டத் தட்ட இரட்டை மடங்கு வளர்ச்சி இந்தியாவில் ஏற்பட்டுள்ளது.

Apple in China

சமீபத்தில் ஆப்பிள் நிறுவனம் தனது சமீபத்திய அறிமுகமான iPhone 4S ஐ சீனாவில் வெளியிட திட்டமிட்டு இருந்தது இதற்காக முந்தைய இரவில் இருந்தே ரசிகர்கள் வரிசையில் நின்று கொண்டு இருந்தார்கள். காலையில் பெரும்கூட்டம் கூடியதால் கலவரம் ஏற்ப்பட்டது இதனால் காலவரையின்றி வெளியீட்டை இங்கே ஆப்பிள் நிறுவனம் தள்ளி வைத்து விட்டது.

Orkut Apps

சாகுற நேரத்தில் சங்கரா சங்கரா என்று கூறுவது போல ஒரு காலத்தில் மிகப் பிரபலமாக இருந்து தற்போது காற்று வாங்கிக்கொண்டு இருக்கும் ஆர்குட்டிற்கு iPhone iPad apps ஐ வெளியிட்டுள்ளது. இதை இன்னும் பயன்படுத்துபவர்கள் ஆப்பிள் ஸ்டோரில் இருந்து தரவிறக்கம் (Download) செய்து கொள்ளலாம்.

Yahoo flickr

கூகுள் பிக்காசா மற்றும் facebook புகைப்பட வசதியால் யாஹூ Flickr அடி வாங்க ஆரம்பித்து இருக்கிறது. யாஹூ சமீபத்தில் Flickr ஊழியர்கள் 12 % பேரை வேலையை விட்டு அனுப்பியது அதோடு சமீப வருடத்தில் எந்த வித குறிப்பிடத்தக்க முன்னேற்றமும் இல்லை.புதிய வசதிகளும் குறிப்பிடத்தக்க அளவில் கொடுக்கவில்லை எனவே மற்ற சேவைகளுக்கு வந்த கதி இதற்கும் வர வாய்ப்பு இருப்பதாக கருதப்படுகிறது. எப்படி இருந்த நிறுவனம் திறமையான நிர்வாகம் இல்லாததால் படு மோசமான நிலைக்குப் போய்க்கொண்டு இருப்பதை நினைத்தால் முன்னாள் யாஹூ பயனாளர் என்ற முறையில் வருத்தமாகத் தான் இருக்கிறது.

Orkut

ஆர்குட் பிரேசிலிலும் இந்தியாவிலும் தான் மிகப்பிரலமாக இருந்தது தற்போது ஆர்குட்டை பிரேசிலில் facebook வளர்ச்சியில் விஞ்சி விட்டது. இந்தியாவில் அது எப்போதோ நடந்து விட்டது என்று நினைக்கிறேன்.

Google +

வளர்ந்து வரும் சமூகத்தளமான கூகுள் + தற்போது 100 மில்லியன் பயனாளர்களைப் பெற்றுள்ளது. இதற்கு ஒரு காரணம் தனது அனைத்து சேவைகளிலும் இதை புகுத்தி இருப்பதாகும்.

Megaupload

உலகிலேயே மிகப்பிரபலமான தளங்களில் ஒன்றான megaupload.com ஐ அமெரிக்க அரசு காப்பி ரைட்ஸ் பிரச்சனையால் முடக்கி இதன் நிறுவனரை கைது செய்துள்ளது. இவருடைய ஆடம்பர பங்களாவும் இவருடைய வசதியான வாழ்க்கை முறைகளும் படங்களாக இணையத்தில் சுற்றிக்கொண்டு இருக்கிறது.

YouTube

உலகின் மிகப்பிரலமான காணொளித் தளமான YouTube ஐ தினமும் 4 பில்லியன் பார்வையாளர்கள் பார்வையிடுகிறார்கள் என்று சமீபத்தில் அறிவிக்கப்பட்டது.

Content Blocking

சமூகத்தளமான ட்விட்டரை தொடர்ந்து கூகுள் ம் தன்னுடைய வலைப்பதிவுகளுக்கான கட்டுப்பாட்டை நிறைவேற்றியுள்ளது. blogspot.com ல் இருந்து blogspot.in ஆக மாற்றியுள்ளது. இது பற்றி பிறகு விரிவாகப் பார்ப்போம்.

Smart phone beat computer sales

கணிப்பொறி விற்பனையை ஸ்மார்ட் ஃபோன் விற்பனை 2011 ல் விஞ்சி இருக்கிறது.

உலவிகளில் வேகமாக தனது மதிப்பை இழந்து கொண்டிருக்கும் IE விண்டோஸ் 7 கணினிகளில் விருப்பமான உலவியாக மாறி வருவதாக கூறப்பட்டுள்ளது. எனக்கு IE பிடிக்காது என்றாலும் இதன் முந்தைய பதிப்புகளைக் காட்டிலும் இதில் மோசமில்லை.

Mark Zuckerberg salary

facebook நிறுவனர் Mark Zuckerberg நம்ம ஜெ மாதிரி ஒரு அறிவிப்பை வெளியிட்டு இருக்கிறார் அதாவது 2013 ம் ஆண்டில் இருந்து தனது சம்பளமாக 1 $ மட்டும் பெற்றுக்கொள்ளப்போகிறாராம்

கொசுறு 1

அட! அட!! என்னே பக்தி என்னே பக்தி!

கொசுறு 2

நேற்று இலங்கை ஜெயித்து இருக்க வேண்டியது.. எப்படியோ அஸ்வின் தயவுல இந்தியா வெற்றி பெற்று விட்டது. நான் இந்தியா தோற்று விட்டது என்று முடிவே செய்து அதன் பிறகு போட்டியைப் பார்க்கவே இல்லை. செய்தி பார்க்கும் போது தான் தெரிந்து கொண்டேன். இந்தியா இப்படி கேவலமாக போகும்னு கொஞ்சம் கூட எதிர்பார்க்கவில்லை. வெற்றி பெற்றாலும் வெற்றி பெற்றது போன்ற திருப்தி இல்லை. என்னமோ போங்க! இந்திய வீரர்கள் இப்படி ஒரேயடியா மரண மொக்கையாவாங்க என்று நினைக்கவே இல்லை. யுவராஜ் சிங் பாவம்… நினைத்தாலே கஷ்டமாக இருக்கிறது. நமது இந்திய அணி உலகக் கோப்பையைப் பெற மிக முக்கிய காரணமாக இருந்தவர்.. அவருக்கு கேன்சர் எனும் போது…

இணையம் பற்றிய செய்திகள் [09-02-2012] is a post from: கிரி Blog

அழகன் முருகன்

கிரி — Tue, 07 Feb 2012 02:17:40 +0000

இது பகுத்தறிவாளர்களுக்கும் நாத்திகர்களுக்கும் உண்டான பதிவல்ல.

இன்று தைப்பூசம். எனக்கு ரொம்ப நாளா முருகனைப் பற்றி எழுத வேண்டும் என்று ஆசை ஆனால் சரி எழுதுவது முருகனுக்கு ஒரு ஸ்பெஷல் நாளில் எழுதினால் நன்றாக இருக்குமே என்று நினைத்து தாமதித்து தாமதித்து இன்று எழுதுகிறேன்.

கடவுள் நம்பிக்கை என்பது ஒரு புறம் இருந்தாலும் ஒவ்வொருவருக்கும் (இந்து மதத்தில்) தனக்கு பிடித்த கடவுள் என்று ஒருவர் இருப்பார். இதற்கு சிலருக்கு காரணம் கூற முடியும் சிலருக்கு ஏன் என்றே தெரியாது ஆனால் பிடிக்கும். சிலருக்கு பெருமாள், சிலருக்கு ஐயப்பன், சிலருக்கு முருகன், சிலருக்கு விநாயகர் [இவருக்கு மட்டும் "ர்" வந்து விடுகிறதே ஏன்? ரொம்ப நாள் சந்தேகம் ] என்று .. எனக்கு பிடித்தவர் முருகன் தான்.

இதற்கு உளவியல் ரீதியாக ஒரு காரணத்தை என் அம்மா கூறினார்கள் அதாவது என் அம்மா கற்பமாக இருக்கும் போது பையன் வேண்டும் என்று எங்கள் ஊரில் உள்ள முருகன் கோவிலில் தினமும் படியேறி வேண்டினார்களாம் அதோடு எங்கள் முன்னோர்கள் அனைவரும் முருகன் பக்தர்கள் அதனால் நீ முருகன் பக்தன் ஆனதில் ஆச்சர்யம் இல்லை என்று கூறினார். பொதுவாக குழந்தை வயிற்றில் இருக்கும் போது தாய் எது பற்றி அதிகம் நினைக்கிறாரோ அதன் தாக்கம் இருக்கும் என்று படித்து இருக்கிறேன் அதனால் அதை புறம் தள்ள முடியவில்லை.

ஆனால் இவற்றை எல்லாம் தாண்டி முருகனை பிடிக்க இரு முக்கியக்காரணங்கள் ஒன்று எளிமை இரண்டு இயற்கை சூழ்ந்த இடங்களில் இவரது கோவில் இருக்கும் அதாவது குன்று இருக்கும் இடமெல்லாம் குமரன் இருப்பான். முருகனுக்கு இன்னொரு சிறப்பு இவர் தமிழ்க் கடவுளாக இருப்பது ஆனால் முருகன் கிட்ட பிடிக்காத ஒரே விஷயம் இவர் இரண்டு மனைவிக்காரர் இது தான் எனக்கு முருகனிடம் பிடிக்காத ஒரே விஷயம்.

மற்ற கடவுள்களிடம் எல்லாம் எதோ ஒரு ஆடம்பரம் இருப்பது போலவே எனக்கு தோன்றும் ஆனால் முருகனிடம் மட்டும் அப்படிப்பட்ட எண்ணம் எனக்கு எப்போதும் வருவதில்லை அதற்கு அவருடைய தோற்றம் ஒரு காரணமாக இருக்கலாம். எனக்கு இயற்கை ரொம்பப் பிடிக்கும், மரங்களை மிகவும் நேசிப்பவன். முருகன் கோவில்கள் பெரும்பாலும் மலைப்பகுதிகளிலே இருப்பதால் இயல்பாகவே இயற்கை சூழ்ந்து காணப்படும். இவைகளே முருகனை எனக்குப் பிடிக்க முக்கியக்காரணங்கள்.

கோவிலுக்கு போனால் ஃபிகர்ஸ் பார்த்து மனம் சலனப்படுகிறது என்று கோவிலுக்கு யாரோடு போனாலும் வேகமாக ஒரு ரவுண்டு வந்து அனைத்து சாமியையும் பேருக்கு கும்பிட்டு விட்டு வந்து அமர்ந்து விடுவேன் பிறகு அனைவரும் கிளம்பும் போது நானும் கிளம்பி விடுவேன் இதற்கு காரணம் கோவிலுக்கு வந்து விட்டு இப்படி மனது அலைபாய்கிறதே என்கிற குற்ற உணர்ச்சி மட்டுமே. இது இப்படி இருந்தாலும் அந்தக் கோவிலில் முருகன் சிலை இருந்தால் அங்கே மட்டும் என்னால் முழு மனதுடன் வணங்க முடிகிறது இது மட்டும் எப்படி என்று தெரியவில்லை ரொம்பப் பிடிப்பதால் இருக்கலாம். பல நாள் குழப்பம்

இது வரை எத்தனையோ கோவிலுக்கு சென்று இருக்கிறேன் அதில் வெகு சில கோவில்களிலே மன நிறைவை அடைந்து இருக்கிறேன் இதை வார்த்தைகளால் கூற முடியாது என்று உங்களுக்குத் தெரியும் அதை அனுபவிக்க மட்டுமே முடியும் அப்படிப்பட்ட கோவில்களில் ஒன்று எங்கள் ஊரில் உள்ள ஒரு முருகன் கோவில். இங்கு எப்போது ஊருக்கு சென்றாலும் தவறாமல் சென்று விடுவேன் செல்ல முடியவில்லை என்றால் எதோ ஒன்றை தவற விட்டது போலவே இருக்கும். இங்கே எந்த ஆடம்பரமும் கிடையாது இயற்கை சூழ்ந்து இருக்கும் பழைய கட்டிட அமைப்பே இன்னும் இங்கே பராமரிக்கப்படுகிறது. இன்னும் டைல்ஸ் கிரானைட் எல்லாம் போட்டு அசிங்கப்படுத்தாமல் இருக்கிறார்கள்.

திருப்பதிக்கு அடுத்து பணம் கொழிக்கும் இடம் பழனி ஆனால் பழனி முருகன் கோவில் என்றாலே வெறுப்பு வரும்படி அங்கே மாற்றி விட்டார்கள். எதற்கு என்றாலும் பணம் கொடுக்கவேண்டும். இதைப்போல பணம் பணம் என்று இருக்கும் இடத்தில் கடவுளிடம் என்ன பெற விரும்புகிறார்கள் என்று தெரியவில்லை. கொஞ்சம் பணம் கூடுதலாக கொடுத்தால் சிலையையே பேத்து நம்மிடம் கொடுத்து விடுவார்கள் அந்த அளவிற்கு அங்குள்ளவர்கள் மோசமானவர்கள். இதனாலே அங்கே செல்ல பிடிப்பதில்லை ஆனால் இவர்கள் இதைப்போல செய்வதற்கு முருகன் என்ன செய்வார்? இதனால் கூட்டம் விசேசம் இல்லாத நாட்களில் செல்ல வாய்ப்புக் கிடைத்தால் சென்று வருவேன்.

முருகனை அவன் இவன் என்று ஏகவசனத்தில் அழைக்கலாம் செல்லப்பிள்ளை மாதிரி. வேறு எந்தக் கடவுளையும் இப்படி அழைக்கலாமா என்று தெரியவில்லை. இதற்குக் காரணம் முருகன் சிறிய வயது செயல்களே முன்னிலைப் படுத்தப்படுவதால் இருக்கலாம். இன்னும் முருகனை அனைவரும் சிறுவனாகவே பார்ப்பதால் அவர் இது போல அழைக்கப்படுகிறாரோ என்னவோ! “விஷயம் அறிந்த முருக பக்தரான” KRS போன்றோர் இதை விளக்கலாம்

நியாயமாகக் கூறினால் கடவுள் என்பவர் ஒருவரே! நாம் தான் நம்முடைய வசதிக்கு, மதங்களுக்கு ஏற்ப பல்வேறு பெயர்களில் வடிவங்களில் அழைக்கிறோம். இவ்வாறு அழைக்கப்படும் பெயரில், வடிவத்தில் எனக்கு முருகன் பிடித்தவராக இருக்கிறார் அவ்வளோ தான்.

ஒவ்வொரு வருடமும் தைப்பூசம் அன்று எப்படியும் முருகன் கோவிலுக்கு சென்று விடுவேன். இந்த வருடம் வார நாட்களில் வருவதால் செல்ல முடியவில்லை கடந்த வருடங்களில் எடுத்த புகைப்படங்கள்.

Read: சிங்கப்பூரை அதிரவைத்த தைப்பூசம் [2009 படங்கள்]

Read: சிங்கப்பூர் தைப்பூசம் குவிந்த வெளிநாட்டினர்! [2010]

எங்க ஊரில் உள்ள கருங்கரடு முருகன் கோவில் தைப்பூசமான இன்று அமர்க்களமாக இருக்கும். சிறிய வயதில் காவடி எடுத்துச் சென்றது அதன் பின் பள்ளியில் ஹாஸ்டல், சென்னையில் வேலை அதன் பின் சிங்கப்பூர் வேலை என்று கிட்டத்தட்ட 20 வருடங்களுக்கு மேல் செல்ல முடியவில்லை அடுத்த முறையாவது செல்ல வேண்டும் என்று நினைத்து இருக்கிறேன். பார்ப்போம்!

Read: என்னுடைய கிராமத்து பயணம் புகைப்படங்களுடன் [கருங்கரடு முருகன் கோவில்]

இன்று மாலை கோவிலுக்குச் செல்லலாம் என்று இருக்கிறேன்.

கொசுறு

தைப்பூசக் கொண்டாட்டம் நேற்று இருந்தே துவங்கி விட்டது. நேற்று எங்கள் அலுவலகம் இருந்த சாலையில் காவடி ஊர்வலம் சென்றது. ஒரு ஹைடெக்கான நாட்டில் அதிலும் அலுவலகங்களுக்கு மிகவும் பிரபலமான சாலையில் இதைப்போல நம்ம காவடி ஊர்வலம் போவதைப் பார்க்கும் போது வரும் மகிழ்ச்சிக்கு அளவில்லை மலேசியாவில் நேற்று இன்று இரு நாட்கள் அரசு விடுமுறை… தற்போது பத்து மலை முருகன் சென்றால் சரவெடியாக இருக்கும். எங்கள் ஊர் முருகன் கோவிலை ரொம்ப மிஸ் பண்ணுகிறேன்.

அழகன் முருகன் is a post from: கிரி Blog

No related posts.

கோச்சடையான் – முதல் பார்வை

கிரி — Sun, 05 Feb 2012 08:10:01 +0000

பல பிரச்சனைகளை தாண்டி மீண்டு(ம்) வந்துள்ள ரஜினியின் “கோச்சடையான்” வெற்றி பெற ஒரு ரசிகனாக வாழ்த்துக்கள்.

கோச்சடையான் – முதல் பார்வை is a post from: கிரி Blog

“பெரிய நடிகர்”களும் பண்டிகை நாட்களும்

கிரி — Thu, 02 Feb 2012 02:11:56 +0000

பெரிய நடிகர்களின் படங்கள் பண்டிகை காலங்களில் மட்டுமே வெளியிடப்பட வேண்டும் என்று தமிழ் திரையுலகில் கட்டுப்பாடு உள்ளது. கட்டுப்பாடு மட்டும் உள்ளது ஆனால் யாரும் பின்பற்றுவது இல்லை தற்போது மீண்டும் ஆரம்பித்து இருக்கிறார்கள்.

பெரிய நடிகர்கள் படம் பண்டிகை காலங்களில் மட்டும் வெளியானால் சிறிய பட்ஜெட் படங்களுக்கு மற்ற நாட்களில் வெளியிட பிரச்சனையில்லை திரையரங்கு கிடைக்கும், பெரிய நடிகர்கள் தனது அடுத்த படத்திற்கு பிடித்து வைத்துக்கொள்ள முடியாது என்பதும் இதனால் தயாரிப்பாளர்கள் நஷ்டம் அடைவது தவிர்க்கப்படும் அல்லது குறைக்கப்படும் என்கிறார்கள்.

“பெரிய நடிகர்கள்” என்று அவர்களது சம்பளம் சந்தை மதிப்பு ஆகியவற்றை வைத்து முடிவு செய்கிறார்கள் அதாவது இவர்களே ஒருவரை தேவையில்லாமல் “பெரிய நடிகர்” என்று உருவாக்கம் செய்து சம்பளத்தை ஏற்ற வழிவகை செய்து விடுகிறார்கள். பிறகு பெரிய நடிகர்கள் சம்பளத்தைக் குறைக்க வேண்டும் என்று அழுகிறார்கள்.

இந்த பெரிய நடிகர்கள் லிஸ்ட்டில் சிம்பு தனுஷ் கூட இருக்கிறார்கள். இதனால் பிப் 3 வெளியாகவிருந்த ஐஸ்வர்யா தனுஷ் படமான “3″ ஐ ஏப்ரல் மாதம் தள்ளி வைத்து விட்டார்கள் தனுஷ் “பெரிய நடிகர்”!!! என்பதால். தற்போது இரண்டு மாதத்திற்கு அவசியமில்லாமல் இந்தப்படம் பணம் முடங்கி இருக்கும். இதனால் ஏற்படும் நஷ்டம் எந்தக்கணக்கில் வரும் என்று தெரியவில்லை. கார்த்தி நடித்த “சகுனி” படமும் இந்த மாதம் வெளியாகி இருக்க வேண்டியது ஏப்ரல் மாதம் சென்று விட்டது இதன் காரணம் என்னவென்று தெரியவில்லை. இவரும் “பெரிய நடிகர்” என்பது தான் காரணமாக இணையத்தளங்களில் கூறப்பட்டுள்ளது.

யோவ் என்னங்கய்யா! மூன்று ஹிட் படம் கொடுத்தால் அவரும் பெரிய நடிகரா! அப்ப யாரு தான் சின்ன நடிகர்…விட்டால் குழந்தை நட்சத்திரங்கள் மட்டும் தான் சின்ன நடிகர் என்று கூறுவார்கள் போல இருக்கு. போகிற போக்கைப் பார்த்தால் நம்ம பவர் ஸ்டாரும் நானும் “பெரிய நடிகர்” தான் என்று கோதாவுல குதிக்கப் போகிறார் என்று நினைக்கிறேன். இவர் வேற சிவப்பா சுகாசினி சொன்ன மாதிரி “அழ்கா” இருக்காரு “உள்ளத்தை அள்ளித்தா” படத்தில் இரண்டு மணிவண்ணன்களும் ஹை! நான் தான் விஸ்வநாதன் என்று குதிக்கிற மாதிரி இனி எல்லோரும் ஹை! இனி நானும் “பெரிய நடிகர்” என்று கூறுவார்கள் போல இருக்கு.

“நண்பன்” படம் ஓடிக்கொண்டு இருக்கும் போது “3″ மற்றும் “சகுனி” வெளியானால் நண்பன் வசூல் பாதிக்கப்படும் என்று தயாரிப்பாளர் சங்கத் தலைவர் SA சந்திரசேகர் செய்த வேலை தான் என்று பலரும் கருதுகிறார்கள். இது போல நிலை மறுபடியும் வரும் அப்போது என்ன செய்கிறார்கள் என்று பார்ப்போம். எப்படி இருந்தாலும் நாளை வெளியாகும் பாண்டிராஜ் “மெரினா” படமும் 10 ம் தேதி வெளியாகப்போகும் “அட்டகத்தி” படமும் எதிர்பார்ப்பில் உள்ள படங்களாக உள்ளது. ஒன்று சென்னை மெரினாவைச் சுற்றி அடுத்தது சென்னை புறநகரைப் பற்றி எடுக்கப்பட்ட படங்களாகும். இவை இல்லாமல் பல முக்கியப் படங்கள் வர உள்ளன.

ஒரு பேச்சுக்கு சூர்யா “மாற்றான்” ஏப்ரல் 14 வெளியிட திட்டமிடுகிறார்கள் என்று வைத்துக்கொள்வோம் எதோ ஒரு காரணத்தால் படம் வெளியாக தாமதமாகி விடுகிறது இதற்காக இனி அடுத்த பண்டிகை வரை வைத்துக்கொண்டு இருக்க முடியுமா? அந்த இடைப்பட்ட நாட்களுக்கான வட்டி என்ன ஆவது? தயாரிப்பாளருக்கு பணத்தை முடக்கி வைத்தால் நஷ்டம் ஆகாதா? தற்போது எதிர்பாராத விதமாக தயாரிப்பாளர்கள் பெப்சி பிரச்சனை வந்து பல படப்பிடிப்புகள் நின்று விட்டன இது போல காலங்களில் எப்படி திட்டமிட்ட படி ஒருவர் வெளியிட முடியும்.

எந்த நாளில் வெளியிட்டாலும் படம் நன்றாக இருந்தால் தான் ஓடப்போகிறது இல்லை என்றால் பெட்டியில் தான் தூங்கப்போகிறது இதில் பெரிய நடிகர் படம் என்ன சின்ன நடிகர் படம் என்ன?

“மௌனகுரு” படம் வெளியான போது வரவேற்பு இல்லை திரையரங்கு கிடைக்கவில்லை ஆனால் அனைவரும் படம் நன்றாக உள்ளது என்று கூறியதால் பின் மெதுவாக பிக்கப் ஆகி பின் நல்ல வசூல் பார்த்தது. கடந்த வாரம் சென்னை பாக்ஸ் ஆபிசில் கூட இருந்தது பலருக்கு ஆச்சர்யமாக இருந்து இருக்கும். எனவே எந்தப்படமும் நன்றாக இருந்தால் தான் ஓடும். “எங்கேயும் எப்போதும்” போன்ற படங்கள் எந்த நாளில் வெளிவந்தாலும் வெற்றிகரமாகத்தான் ஓடி இருக்கும் காரணம் அனைவரும் அறிந்தது.

இவர்களின் இந்த விளங்காத கட்டுப்பாடு நீண்ட நாளைக்கு நிலைக்காது.

கொசுறு 1

கேப்டன் படத்தில் மட்டுமல்ல, தேர்தல் பிரச்சாரத்தில் மட்டுமல்ல எங்கேயும் ஒரே மாதிரி தான் போல நேற்று சட்டசபையில் நடந்த வாக்குவாதத்தில் தான் இப்படி நாக்கை கடித்து மிரட்டிக்கொண்டு இருக்கிறார். பண்ருட்டி ராமச்சந்திரனும், ஸ்டாலின் அருகில் இருக்கும் துரைமுருகனும் (அவர் தானே!) கொஞ்சம் மிரண்டு தான் பார்க்கிறார்கள். தொடையைத் தட்டி பேசினாரா என்று தெரியவில்லை ஹி ஹி ஹி

கொசுறு 2

facebook ல் நமது நண்பர்கள் என்ன செய்து கொண்டு இருக்கிறார்கள் என்பதைக் காண facebook அறிமுகப்படுத்தி இருக்கும் வசதி வலது புறத்தில் உள்ள Ticker. இதை தற்போது வேண்டாம் என்று கருதினால் மறைக்க facebook வசதி செய்து இருக்கிறது அதில் உள்ள அம்புக்குறியை அழுத்துவதன் மூலம் மறைக்க முடியும்.

“பெரிய நடிகர்”களும் பண்டிகை நாட்களும் is a post from: கிரி Blog

அசத்தலான கூகுள் க்ரோம் இந்திய விளம்பரம்

கிரி — Tue, 31 Jan 2012 01:10:42 +0000

கூகுள் என்றால் வித்யாசம் புதுமை. இதை அடிக்கடி நிரூபித்துக்கொண்டே இருப்பார்கள்…. இதற்காக இவர்கள் முயற்சிகள் எடுப்பது போல தெரியவில்லை அவர்கள் சாதாரணமாக செய்வதே அவ்வாறு தான் உள்ளது சமீபத்தில் தான் க்ரோம் இந்தியாவில் பிரபலமான உலவியாக அறிவிக்கப்பட்டது இதற்கு அவர்கள் இந்தியாவில் செய்த விளம்பரங்களும் ஒரு காரணம். இவர்களுடைய சேவைகளின் தரத்தில் மட்டுமல்ல இவர்களுடைய விளம்பரத்தின் தரத்தில் கூட இவர்களை யாரும் நெருங்க முடியாது போல இருக்கு.

கூகுள் + க்ரோம் ரசிகனான எனக்கு இந்த விளம்பரம் தமிழக கலாச்சாரத்தை மையப்படுத்தி இருப்பது கூடுதல் சந்தோசம். க்ரோம் மீது அளவுகடந்த காதலாக இருக்கிறேன்

Earth from Space

விண்வெளியில் இருந்து பூமியைப் பார்த்து ரசிப்பது விண்வெளி வீரர்களாலே சாத்தியம் நமக்கெல்லாம் அவர்களும் சேட்டிலைட்டும் எடுத்து அனுப்பும் படங்கள் தான் ஒரே வழி! தற்போது நாசா மிக சக்தி வாய்ந்த சேட்டிலைட் கேமரா மூலம் அட்டகாசமாக ஒரு படத்தை எடுத்து இருக்கிறது. இது வரை எடுக்கப்பட்ட படங்களிலேயே இது தான் சிறந்த படம் என்று கூறுகிறார்கள். படம் 8000×8000 பிக்சலில் உள்ளதால் அதை சுருக்கி இங்கே கொடுக்கப்பட்டுள்ளது. ஒரிஜினல் படத்தைக் காண இங்கே செல்லவும் கண்டிப்பாக இதில் பார்க்கவும் மிகப்பெரிய அளவில் தெளிவாக உள்ளது.

எனக்கு உண்மையிலேயே ரொம்பப் பொறாமையாக இருக்கிறது. நாம் ஒரு விண்கலத்தில் இருந்து கொண்டு பளிச்சென்று இருக்கும் வட்ட வடிவமான வண்ணமயமாக இருக்கும் பூமியை பார்த்தால்…. நினைத்தாலே சிலிர்ப்பாக இருக்கிறது. காணக் கண்கோடி வேண்டும்.

விண்வெளி சம்பந்தப்பட்ட செய்திகள் என்றால் எப்போதும் ஆர்வமாக பார்ப்பேன். நம்ம ஊர் மசாலாப்படம் போல 1998 ல் வெளிவந்த Bruce Willis நடித்த Armageddon படம் தற்போது கூட எனக்கு ரொம்பப் பிடித்த படம். ஏகப்பட்ட விண்வெளிப்படங்கள் வந்து இருந்தாலும் மற்றவை ரொம்ப அட்வான்சாக இருக்கும் இந்தப்படம் என்னைப் போன்றவர்களும் ரசிக்கும் வகையில் இருக்கும். நம்ம ஊர் படம் போல சில நம்பமுடியாத காட்சிகள் இருந்தாலும் ரசிக்கும்படி இருக்கும். இது வரை நீங்கள் பார்க்கவில்லை என்றால் நிச்சயம் பாருங்கள். சென்னை தேவி திரையரங்கில் பார்த்த படம்.

Image Credit : Mashable.com, NASA/NOAA/GSFC/Suomi NPP/VIIRS/Norman Kuring

கொசுறு 1

நான் சற்றும் எதிர்பார்க்காத கூட்டணி கவுதம் மேனன் படமான “நீ தானே என் பொன்வசந்தம்” படத்தில் ஏற்ப்பட்டு இருக்கிறது. இந்தப்படத்திற்கு இசையமைக்கப்போகிறவர் இசைஞானி இளையராஜா, இதை ஜீவா தனது ட்விட்டரில் கூறியிருக்கிறார். எனக்கு இது மிக மிக ஆச்சர்யம் கலந்த சந்தோசமான விஷயம். இளையராஜா மிகத்திறமையானவராக இருந்தாலும் ரகுமான் வருகைக்குப் பின்னர் அவரது இசை சிறப்பாக அமையவில்லை. கமல் பாசில் பாலுமகேந்திரா போன்ற வெகு சிலரே அவரை திறமையாகப் பயன்படுத்திக்கொண்டனர். மற்றவர் படங்களில் எல்லாம் இளையராஜா என்பதால் சிலாகித்து கூறினார்களே தவிர அனைத்து மக்களின் விருப்பப்பாடல்களாக வரவில்லை.

கவுதம் மேனன் படங்களில் இசை மிக அற்புதமாக இருக்கும் அதோடு அதை காட்சியமைக்கப்பட்டதும் மிகச் சிறப்பாக இருக்கும். இந்த நிலையில் ஹாரிஸ் உடன் சண்டை ரகுமான் தற்போது பிஸி என்பதால் இளையராஜாவிடம் வந்து இருக்க வேண்டும் என்று நினைக்கிறேன். எது எப்படியோ இவர்கள் இருவரின் கூட்டணியில் பாடல்கள் அசத்தலாக வரும் என்ற முழு நம்பிக்கை எனக்குண்டு. சமீபத்தில் இளையராஜா நடத்திய இசைக் கச்சேரி மிகப்பெரிய ஹிட் ஆனது. இதுவரை நடந்த இசை நிகழ்ச்சிகளிலே அனைவரும் சிலாகித்து கூறும் அளவிற்கு சிறப்பாக அமைந்து விட்டது. இந்த சந்தோசமே முடியாத நேரத்தில் இந்த அறிவிப்பு இளையராஜா ரசிகர்களுக்கு நிச்சயம் கூடுதல் மகிழ்ச்சியை அளித்திருக்கும் என்பதில் சந்தேகமில்லை. Raja back with BANG!

கொசுறு 2

பெரிய நடிகர்கள்!!! படம் பண்டிகைக் காலங்களில் மட்டுமே வெளியிட வேண்டும் என்ற அதி புத்திசாலித்தனமான உத்தரவைப் பற்றி அடுத்த பதிவில் விவாதிக்கலாம் (போட்டு சாத்தலாம்) Stay Tuned!

அசத்தலான கூகுள் க்ரோம் இந்திய விளம்பரம் is a post from: கிரி Blog

Get back on board, damn it!

கிரி — Fri, 27 Jan 2012 02:25:19 +0000

இத்தாலியில் சமீபத்தில் ஒரு சொகுசு கப்பல் பாறையில் மோதி கவிழ்ந்து அதில் 11 பேர் இறந்து விட்டார்கள் மற்றும் 21 பேரை காணவில்லை (அவர்களும் இறந்து இருக்க வேண்டும்). இது பற்றி நீங்கள் படித்து இருப்பீர்கள்.

இந்த விபத்து நடந்த போது கப்பல் கேப்டன் Francesco Schettino பயணிகளை காப்பாற்ற முயற்சிக்காமல் முதல் ஆளாக இவர் ஒரு படகில் தப்பித்து கரைக்கு வந்து விட்டார். விபத்து குறித்து தகவல் அறிந்த கடலோர படையினர் விரைந்து வந்து கப்பலில் சிக்கி உள்ளவர்களை மீட்க உதவினர் அப்போது கடற்படை அதிகாரி Gregorio De Falco கப்பலை தொடர்பு கொண்டு கேப்டனை விசாரிக்க அவர்கள் அங்கே இல்லை என்பதை அறிந்து அங்கே உள்ள மற்ற பணியாளரிடம் கப்பல் கேப்டனின் தொலைபேசி எண்ணை பெற்று அதில் தொடர்பு கொண்டு பேசிய போது தான் கப்பல் கேப்டன் தப்பித்து கரைக்கு வந்தது தெரிய வந்தது.

இதனால் கடுப்பான Gregorio De Falco கப்பல் கேப்டனை கடுமையாக திட்டி “இப்படி கொஞ்சம் கூட பொறுப்பில்லாமல் நடந்து கொண்டுள்ளீர்களே! பயணிகள் அங்கே தவிக்கும் போது நீங்கள் எப்படி இங்கே வரலாம்” என்று திட்டியவுடன் கேப்டன் “சாரி இது ராங் நம்பர்” என்று கூறி தப்பிக்க முயல ஆனால் விடாது கருப்பாக மறுபடியும் போட்டு சாத்து சாத்துன்னு சாத்தி “நீ மட்டும் இப்ப கப்பலுக்கு வரல உன்னை தொலைத்து விடுவேன்” என்று கூறி இருக்கிறார். இவர்கள் பேசிய உரையாடல் வெளியே கசிய பெரும் பரபரப்பு ஆகி விட்டது.

டைட்டானிக் கப்பல் கவிழ்ந்த போது அதில் இருந்து தப்பித்து வெளியே வராமல் (தப்பிக்க வாய்ப்பிருந்தும்) கப்பல் கேப்டன் ஸ்மித் அதிலேயே இறந்தது இங்கே குறிப்பிடத்தக்கது.

கேப்டனை பின்னர் கைது செய்து சிறையில் அடைத்து விட்டார்கள் ஆனால் Gregorio De Falco கூறிய Get back on board, damn it! என்று கூறியது மிகப்பெரிய ஹிட் ஆகி விட்டது. இணையத்தில் இதை வைத்து facebook தளம் ஆரம்பிக்கப்பட்டு அது சக்கை போடு போடுகிறது.

இந்த வாசகத்தை டி ஷர்ட் ல் வைத்து ஒரு நிறுவனம் விற்பனை செய்ய அது மிகப்பெரிய ஹிட் ஆகி விட்டது. இதற்கு பல்வேறு நாட்டில் இருந்தும் ஆர்டர்கள் குவிகின்றனவாம். பலர் இறந்த நிகழ்வை வைத்து இப்படி காசாக்குகிறீர்களே! என்று திட்டுகளும் வந்தன அதற்கு அந்நிறுவன அதிகாரி “நாங்கள் Gregorio De Falco வை ஹீரோ போலத்தான் பார்க்கிறோம். நெருக்கடியான நேரத்தில் தன் பொறுப்பை மறந்து விலகி ஓடிய கேப்டனை Gregorio De Falco சரியான முறையில் கையாண்டு இருக்கிறார் அது எங்களை மிகவும் கவர்ந்தது அதுமட்டுமல்லாமல் தற்போது இத்தாலி நெருக்கடியான சூழலில் உள்ளது தங்களுடைய பொறுப்புகளை உணராமல் தப்பிக்க நினைக்கும் அனைவருக்கும் இந்த வாசகம் பொருந்தும்” என்று கூறி இருக்கிறார்.

இணையத்தில் அவ்வப்போது ஏதாவது ஒரு விஷயம் ரவுண்டு கட்டி அடிக்கும் தற்போது இது!

டி ஷர்ட் தலைப்பு நாகரீகமாக இருந்தாலும் உண்மையில் Gregorio De Falco கூறியது Vada a bordo, cazzo அதாவது Get on board, d**k (ஆணுறுப்பு) ஆனால் இத்தாலியில் இதையே அப்படியே டி ஷர்ட்டில் வைத்து விட்டார்கள்

நம்ம ஊருக்கும் விரைவில் வந்து விடும்

கொசுறு

கிரிக்கெட் ல நம்மை திணறத் திணற அடித்து துவைக்கிறார்கள். நம்ம ஆளுங்களும் அசராம அடி வாங்கறாங்க.. மகா கேவலமாக இருக்கு. நேற்று எதோ நமக்கு ஆறுதல் அளிக்கும் வகையில் கோலி 100 அடித்தார். பேட்டியில் ஆஸியில் எல்லோரும் திட்டிட்டே இருக்காங்க வீரர்களும் திட்டுறாங்க பார்வையாளர்களும் திட்டறாங்க இதனால் எங்கள் கவனத்தை சிதறடிக்கிறார்கள், நாங்க விளையாடத்தான் வந்தோம் திட்டு வாங்க இல்ல என்று பொங்கி இருக்கிறார். அதானே நாம தான் திட்டலாம் நமக்கு தான் ஃபுல் ரைட்ஸ் இருக்கு அவங்க எப்படி திட்டலாம் ஆனாங்க கொஞ்சம் கூட சூடு சொரணை வெட்கம் மானமே இல்லாமல் இந்த அளவிற்கு கேவலமா அடி வாங்கக் கூடாதுங்க. கொஞ்சம் கூட எதிர்ப்புக் காட்டாமல் இப்படியா ஒரேயடியா சரணடைவது… என்னமோ போங்க! Vada a bordo, cazzo

Get back on board, damn it! is a post from: கிரி Blog

மின்னஞ்சல் அழியப்போகிறதா?

கிரி — Tue, 24 Jan 2012 04:02:50 +0000

முதன் முதலா விமானத்தில் போகும் போது உள்நாட்டு விமானத்துல போகாம இன்டர்நேஷனல் விமானத்துல போன மாதிரி இருக்கு எழுத வந்து ஆறு வருடங்கள் ஆனாலும் இது வரை எந்த தளத்திலும் என் கட்டுரை வெளிவந்தது இல்லை. நாம அந்த அளவுக்கு வொர்த் இல்ல போல இருக்கு நானும் முயற்சி செய்யவில்லை என்பதும் உண்மை தான்.

இந்தக்கட்டுரை எழுதி ஒரு மாதம் ஆகிறது ஆனால் பல்வேறு காரணங்களால் தாமதமாகி விட்டது past is past தற்போது இந்தக்கட்டுரை தமிழில் மிகப்பிரபலமான மற்றும் இந்தியாவின் முக்கிய தளங்களில் ஒன்றான One India (thatstamil) வில் வெளியாகி இருக்கிறது. எனக்கு இது ரொம்ப சந்தோசமான செய்தி என்றாலும் இதில் ஒரு ஸ்பெஷல் இருக்கிறது. நான் எழுத வந்ததே தட்ஸ்தமிழால் தான் அதிலேயே வந்தது கொஞ்சம் கூடுதல் சந்தோசம் தான். உங்க கட்டுரை இதில் வந்து விட்டது என்று சும்மா அடித்து விடாதீங்க கிரி! என்று நினைத்து விடாதீங்க. இதை நான் தற்போது கூறவில்லை மூன்று வருடம் முன்பே இது பற்றி என் பதிவில் விரிவாக கூறி இருக்கிறேன். எனவே இது டகால்ட்டி மேட்டர் இல்லை உண்மை தான்

Read: தட்ஸ்தமிழும் நானும்! [2009]

பொதுவாக கட்டுரையை அனுப்பினால் ஓரளவு மாற்றம் செய்து தான் வெளியிடுவார்கள் அதனால் எடிட் செய்யாத கட்டுரையை இங்கே பகிரலாம் என்று நினைத்தேன் ஆனால் கிட்டத்தட்ட 95 % எந்த மாற்றமும் செய்யாமல் வெளியிட்டதால் அதை அப்படியே இங்கே பகிர்கிறேன். நன்றி

One India Link

மின்னஞ்சல் (Electronic Mail (a) Email) என்பது நமது தின வாழ்க்கையில் தவிர்க்க முடியாத ஒன்றாகிவிட்டது. மற்றவர்களுடன் வேகமாக தொடர்பு கொள்ள செலவில்லாத ஒரு தகவல் பரிமாற்ற சாதனமாக விளங்குகிறது.

துவக்கத்தில் மின்னஞ்சல் என்றால் அனைவருக்கும் தெரிந்தது ஹாட்மெயில் தான். முதலில் துவங்கப்பட்ட மின்னஞ்சல் சேவையும் இது தான். இந்த மின்னஞ்சல் சேவையை இந்தியரான சபீர் பாட்டியா தனது நண்பர் ஜாக் ஸ்மித்துடன் துவங்கினார் (ஜூலை 4, 1996) என்பது நமக்கு பெருமையளிக்கும் விஷயம். தகவல்களை பகிர்ந்திட எளிமையாகவும் வேகமாகவும் இருந்ததால் அனைவரிடமும் விரைவில் வரவேற்ப்பை பெற்றது. இதனுடைய வளர்ச்சியைப் பார்த்து பிரபல மைக்ரோசாப்ட் நிறுவனம் இதை USD 400 மில்லியனுக்கு (டிசம்பர் 1997) வாங்கிக்கொண்டது!

ஹாட்மெயில் உடன் வந்த இன்னொரு மின்னஞ்சல் சேவை “ராக்கெட் மெயில்”. இதுதான் பின்னாளில் “யாஹூ”வாக மாறியது. இன்று வரை மின்னஞ்சல் சேவையில் முன்னணியில் இருப்பது ஹாட்மெயில்… அடுத்தது யாஹூ. தொடர்ந்து ஜிமெயில் சேவை. நம்மிடையே தற்போது ஜிமெயில் பிரபலமாக இருந்தாலும் மின்னஞ்சல் ரேங்கிங்கில் மூன்றாவது இடத்திலேயே உள்ளது.

துவக்கத்தில் மிகக் குறைவான அளவிலேயே சேமிப்பு அளவு கொடுத்தார்கள். 2 MB அளவுக்குதான் இருந்தது. ஜிமெயில் 1 GB என்று அதிரடியாக இடம் கொடுத்த பிறகு அரண்டு போன மைக்ரோசாப்ட் யாஹூ நிறுவனங்கள், பின் தங்களின் அளவையும் அதிகரிக்க வேண்டிய கட்டாயத்திற்கு தள்ளப்பட்டன. ஜிமெயில் வந்த பிறகு ஹாட்மெயில், யாஹூ மின்னஞ்சல்களுக்கு இறங்கு முகமாகவே உள்ளது. இன்று வரை பயனாளர்களை அதிகளவில் கொண்டு மின்னஞ்சல் சேவையில் முதல் இரண்டு இடங்களில் ஹாட்மெயில், யாஹூ இருந்தாலும் வளர்ச்சியின் அடிப்படையில் ஜிமெயில் முன்னணியில் உள்ளது.

இந்த நிலையில் ஃபேஸ்புக், ட்விட்டர் போன்ற சமூகத்தளங்கள் பிரபலமான பிறகு பலரும் தங்கள் தகவல்களை இதிலேயே பரிமாறிக் கொள்வதால் மின்னஞ்சல் பயன்பாடு குறைந்து வருவதாக பேசப்பட்டது. இதற்கு சிகரம் வைத்தது போல ஃபேஸ்புக் மின்னஞ்சல் சேவையை துவங்கியது இது ‘Messaging Service’ என்று அழைக்கப்பட்டது. ஃபேஸ்புக் மின்னஞ்சல் சேவை என்பது வழக்கமான மின்னஞ்சல் சேவை போல இல்லாமல் Email, IM, SMS ஆகியவற்றை உள்ளடக்கி அமைத்து இருந்தது. இது “Gmail Killer” என்று அழைக்கப்பட்டது. ஆனால் எதிர்பார்க்கப்பட்டது போல எதுவும் நடக்காமல் புஸ்ஸாகிவிட்டது!

ஃபேஸ்புக் மின்னஞ்சல், ஜிமெயிலுக்கு எந்த பாதிப்பையும் ஏற்படுத்தவில்லை. இன்னும் சொல்லப்போனால் இப்படி ஒரு சேவை வந்தது என்றே பலருக்கு தெரியவில்லை.

இவை இப்படி இருந்தாலும் பலர் மின்னஞ்சலை பயன்படுத்தாமல் ஃபேஸ்புக் ட்விட்டரிலியே பேசிக்கொள்வது அதிகரித்துக் கொண்டு வருவது உண்மை. நீங்கள் அதிகம் சமூகத்தளங்கள் பயன்படுத்துபவராக இருந்தால் மின்னஞ்சலில் உங்கள் நண்பர்களை தொடர்பு கொள்வதை விட சமூகத்தளங்களில் தொடர்பு வைத்திருப்பதே அதிகமாக இருக்கும். யோசித்துப் பார்த்தீர்களென்றால் தனிப்பட்ட முறையில் நீங்கள் அனுப்பும், பெறும் மின்னஞ்சல்களின் எண்ணிக்கை முன்பை காட்டிலும் இப்போது குறைந்திருக்கும். குழும மின்னஞ்சல்கள் (Group Mails), அறிவிப்பு மின்னஞ்சல்கள் போன்றவை இந்தக்கணக்கில் வராது.

மின்னஞ்சலில் இருப்பது போல சமூகத் தளங்களிலும் நமக்கு தேவையானவர்களை பிரித்து தகவல்களை தெரிவிக்க முடியும். அதாவது குறிப்பிட்ட நபர்களுக்கு மட்டும் நமது தகவலை தெரிவிக்க முடியும். சமூகத் தளங்களில் Bubble notification என்ற அற்புதமான வசதியின் மூலம் நம்மால் மின்னஞ்சலைப் பார்க்காமலே நமக்கு வந்திருக்கும் தகவலை உடனடியாக அறிய முடியும். இணைய தொலைபேசிகளில் Push notification என்ற முறையில் விரைவாக அறிய முடியும்.

ஃபேஸ்புக் சமீபத்தில் நமக்கு வரும் தகவல்கள் அறிவிப்பு முறையில் மின்னஞ்சல் முறையை மாற்றி Bubble notification முறையை ஊக்குவித்துள்ளது. நமக்கு மின்னஞ்சல் வேண்டும் என்றாலும் மாற்றிக்கொள்ளலாம். முன்பு நமக்கு வந்த தகவலை அறிய அனைவரும் மின்னஞ்சலையே ஃபேஸ்புக்கில் பயன்படுத்திக்கொண்டு இருந்தோம். தற்போது Bubble notification எளிதாக இருக்கிறது. அதோடு மின்னஞ்சல்களின் எண்ணிக்கையையும் குறைந்து விட்டது குறிப்பிடத்தக்கது. கூகுள் + ம் இதே முறையில் சிறப்பாக செயல்பட்டு வருகிறது.

@ சிம்பல் மூலம் நாம் விரும்பும் நபரின் பெயரை கொடுத்து உடனடியாக அவரது கவனத்தைப் பெற முடியும். இதைப்போல எளிதான வசதி இருக்கும் போது மின்னஞ்சல் அனுப்புவது எல்லாம் பழைய ஸ்டைல் ஆகிவிட்டது. இதை எளிதாக ஃபேஸ்புக் மற்றும் கூகுள் + ல் செய்ய முடியும் என்பதால் பெரும்பாலான ஃபேஸ்புக் மற்றும் கூகுள் + பயனாளர்கள் இந்த முறையையே பின்பற்றுகிறார்கள்.

எடுத்துக்காட்டாக ஒருவரைப் பற்றிய தகவலை ஃபேஸ்புக், கூகுள் + ல் பதிகிறோம் என்றால் நாம் @ <நண்பர் பெயர்> கொடுத்து உடனே அவரது கவனத்தை ஈர்க்கலாம் அதாவது “நான் உங்கள் தொடர்புள்ள செய்தியை இங்கே கூறி இருக்கிறேன் இங்கே வாருங்கள்” என்பதாகும். இதன் மூலம் அந்த நபர் உடனடியாக தன்னைப்பற்றிய தகவலுக்கு பதில் தர முடியும் அந்த செய்தியை தாமாக கவனிக்கும் வரை காத்திருக்கத் தேவையில்லை.

உலகளவில் அதிகம் பார்வையிடும் தளமாக தொடர்ந்து இரண்டாவது ஆண்டாக தன்னுடைய முதல் இடத்தை ஃபேஸ்புக் தக்க வைத்து இருப்பது குறிப்பிடத்தக்கதாகும். சமூகத்தளங்கள் வளர்ச்சியைக் கண்டு மிரண்ட கூகுள் இதன் காரணமாகத் தான் கூகுள் + சமூகத் தளத்தை துவங்கியது. எதிர்காலத்தில் சமூகத்தளங்கள் முக்கியப் பங்கு வகிக்கும் என்று அனைவரும் கூறுவதால் இதற்கு முக்கியத்துவம் கொடுக்கப்படுகிறது.

சமூகத்தளங்கள் மூலம் பல நாடுகளின் தலை எழுத்தே மாற்றி அமைக்கப்பட்டு இருக்கிறது. இதற்கு உதாரணமாக துனீசியா, எகிப்து, லிபியா என்று கூறிக்கொண்டே போகலாம். இந்தியாவில் அன்னா ஹசாரே போராட்டத்திற்கு பெரிதும் துணையாக இருந்தது சமூகத் தளங்களே என்பதும் இங்கே குறிப்பிட வேண்டிய விசயமாகும்.

இது போல போராட்டங்களின் செய்தியை மக்களிடம் வேகமாக கொண்டு செல்ல பயன்பட்டவை சமூகத் தளங்களே! இதற்கு யாரும் மின்னஞ்சலை முக்கிய தகவல் பரிமாற்ற சாதனமாக பயன்படுத்தவில்லை என்பதை இங்கே நாம் உணர வேண்டும். பரபரப்பு செய்தி என்றால் ட்விட்டரில் காட்டுத்தீயாக சில நிமிடங்களில் உலகம் முழுவதும் பரவி விடுகிறது.

இன்னொரு முக்கியமான விஷயம் தற்போதைய தலைமுறையின் துவக்கமே சமூகத் தளங்களோடு உள்ளது அவர்கள் மின்னஞ்சலை குறைவாகவே பயன்படுத்தி இருப்பார்கள். இந்த நிலையில் எதிர் வரும் தலைமுறையினர் மின்னஞ்சல் என்ற வசதிக்கே போகாமல் சமூகத் தளங்களுக்கே முன்னுரிமை அளிப்பார்கள். இதனால் படிப்படியாக மின்னஞ்சல் பயன்பாடு குறைய அதிக வாய்ப்பு இருப்பதாகவே தோன்றுகிறது.

எளிமையாகக் கூற வேண்டும் என்றால் முன்பு கடிதம் பிரபலமாக இருந்தது. தற்போதைய தலைமுறையினர் நேராக மின்னஞ்சல், தொலைபேசிக்கு வந்து விட்டார்கள் அதாவது கடிதப் பயன்பாடு என்ற ஒன்றை தொடாமலே! அதே போல அடுத்த தலைமுறையினர் மின்னனஞ்சலுக்கு செல்லாமலே நேராக சமூகத்தளங்களுக்கு வந்து விடுவார்கள். அவர்கள் மின்னஞ்சலை முக்கிய சேவையாக பயன்படுத்த வேண்டிய தேவையே இருக்காது அல்லது அவர்களுக்கு பயன்படுத்த அதிகம் வாய்ப்பு அமையாது.

இதனாலே நிபுணர்கள் மின்னஞ்சலுக்கு சிறப்பான எதிர்காலம் இல்லை என்கிறார்கள்.

எப்போதுமே எந்த ஒரு விஷயத்திற்கும் மாற்றுக்கருத்து நிச்சயம் இருக்கும். அப்படி மின்னஞ்சல் சமாச்சாரத்தில் மாற்றுக்கருத்து சிலவற்றை பார்ப்போம்.

நிறுவனங்கள் தங்கள் தகவல் பரிமாற்றத்திற்கு மின்னஞ்சலையே பயன்படுத்த முடியும். சமூகத்தளங்களை பயன்படுத்த முடியாது.

சமூகத் தளங்கள் சீனா போன்ற பல நாடுகளில் தடை செய்யப்பட்டுள்ளது. சீனாவில் நீங்கள் ஃபேஸ்புக், ட்விட்டர் பயன்படுத்த முடியாது. இது போல சமயங்களில் நமக்கு அங்கே நண்பர்கள் இருந்தால் இதில் தொடர்பு கொள்ள முடியாது. இதற்கு மின்னஞ்சல்தான் மாற்று தகவல் பரிமாற்ற சாதனம்.

அலுவலகங்களில் சமூகத் தளங்களுக்கு தடை உள்ளது. எனவே இதில் தகவல்களை பார்க்க முடியாது. இதற்கு அந்த சமயங்களில் நமது இணைய தொலைபேசி போன்ற சில மாற்று வசதிகள் இருந்தாலும் உடனடி பயன்பாட்டிற்கு சிரமமாகவே இருக்கும்.

உலகில் இன்னும் பெரும்பான்மையானோர் மின்னஞ்சலையே பயன்படுத்துக்கிறார்கள். அதோடு நம் நண்பர்கள் அனைவரும் சமூகத்தளங்களில் உறுப்பினராக இருப்பார்கள் என்று கருத முடியாது.

நாம் செய்யும் சிறு தவறு கூட பெரிய அபாயத்தில் முடியலாம். எடுத்துக்காட்டாக சமீபத்தில் ஹாலிவுட் நடிகரான Charlie Sheen பிரபல பாடகரான Justine Bieber க்கு தனிப்பட்ட முறையில் தகவல் அனுப்பவதாக நினைத்து தனது தொலைபேசி எண்ணை அவரை ட்விட்டரில் பின் தொடரும் 5 மில்லியன் நபர்களுக்கும் அனுப்பி விட்டார்.

சமூகத் தளங்கள் மூலம் நாம் நண்பர்களுடன் எளிதாக தொடர்பு கொள்ளலாம். அதையே தொழில் அலுவலக பணி சம்பந்தப்பட்ட நிலை என்று வரும் போது இதை பயன்படுத்துவது அவ்வளவு நாகரீகமாக இருக்காது. அது சில நேரங்களில் சாத்தியமும் இல்லை. இதைப்போல சமயங்களில் மின்னஞ்சலையே பயன்படுத்த வேண்டி இருக்கும்.

மேற்கூறிய தகவல்கள் அனைத்தும் சமீபமாக இணையம் முழுவதும் பரபரப்பாக பேசப்படும் விசயமாக உள்ளது. இது பற்றி எழுதாத தொழில்நுட்பத் தளங்களே இல்லை என்கிற அளவிற்கு இது பற்றி அனைவரும் பகிர்ந்து வருகிறார்கள். முடிவாக தகவல் பரிமாற்றத்துக்கு துவக்கத்தில் புறா, ஓலை அனுப்பினார்கள் பின் கடித முறை வந்தது. அது மெதுவாக உள்ளது என்று மின்னஞ்சல் பிரபலமானது. தற்போது அதுவும் மெதுவாக உள்ளது என்று சமூகத்தளங்களுக்கு மாறியுள்ளனர்… நாளை இதை விட வேகமாக இன்னொரு சேவை வரும். அப்போது… தலைப்பு மாறும். அவ்ளோதான்!!

மின்னஞ்சல் அழியப்போகிறதா? is a post from: கிரி Blog

வேட்டை – A complete entertainer

கிரி — Mon, 23 Jan 2012 02:54:07 +0000

பல கதாநாயர்கள் இணைந்து தற்போது நடிக்க ஆரம்பித்து இருப்பது ஆரோக்கியமான சூழலாக உள்ளது. சமீபமாக பல கதாநாயகர்களுடன் இணைந்து நடித்து இருப்பது சந்தேகமில்லாமல் ஆர்யா தான். ஒருவேளை ஆர்யா தான் பிரச்சனை இல்லாமல் இருக்கிறாரோ என்னவோ!

மாதவன் ஆர்யா அண்ணன் தம்பி இதில் மாதவன் பயந்தவர் ஆர்யா தைரியமானவர். இவர்களின் காவல்துறையில் இருக்கும் தந்தை இறந்ததால் மாதவனுக்கு காவல் துறையில் வேலை கிடைக்கிறது அதை ஆர்யாவை வைத்து எப்படி சமாளிக்கிறார் கடைசியில் என்ன ஆகிறது என்பதே படம்.

வேட்டை படத்தைப் பற்றி கூறியவர்கள் அனைவருமே ஆர்யா வை தான் பெரும்பாலும் புகழ்ந்து இருந்தார்கள் என்னைப் பொறுத்தவரை மாதவனுக்குத் தான் நடிக்க வாய்ப்பு. பயந்தாங்கொள்ளியான மாதவன் முதன் முறையாக காவல் துறை உடை அணிந்து வெளியில் வர அவரைப்பார்த்து தெருவில் சண்டை போட்டுக்கொண்டு இருந்தவர்கள் பயந்து நான் இல்லை நீ இல்லை என்று அவரிடம் பயப்படும் போது அதைப் பார்த்து மாதவன் கொடுக்கும் முகபாவனைகள் அருமை இது மட்டுமல்ல படம் முழுவதும் தூள் கிளப்புகிறார்.

ஆர்யா வழக்கமான கதாநாயகன் வேடம் புதிதாக ஏதுமில்லை. ஆர்யாக்கு நடனம் சண்டை இரண்டுமே சுமார் தான் இருப்பினும் அதை எல்லாம் நம்மை ஒதுக்கிவைத்துப் பார்க்கும் படி நம்மை துறு துறு நடிப்பால் கவர்கிறார். அவருக்கு நகைச்சுவையும் நன்கு வருகிறது. இவர்கள் இவருடைய அண்ணன் தம்பி பாசத்தை பார்க்கும் போது அடடா! நமக்கு இப்படி ஒரு அண்ணனோ தம்பியோ இல்லையே என்று ஏங்க வைத்து விட்டார்கள்.

இவர்களுக்கு ஜோடியாக இவர்களைப் போலவே அக்கா தங்கச்சியாக சமீரா மற்றும் அமலா பால். வாரணம் ஆயிரம் படத்தில் அட்டகாசமான ஃபிகராக வரும் சமீரா இதில் ஆம்பிளை மாதிரி இருக்கிறார். வெறுத்தே போயிட்டேன். உடம்பை சரியாக வைத்துக்கொள்ள வேண்டும் என்று அதிகமாக உடற்பயிற்சி செய்து பெண்களுக்கே உண்டான நளினம், உடல் இல்லாமல் முரட்டுத் தனமாக இருக்கிறார். அதுவும் பாவாடை தாவணியில் சகிக்க முடியலை அதிலும் “தைய தக்கா” பாடலில் வயலில் தைய தக்கா என்று குதிக்கும் போது ஐயையோ… எப்படி இருந்த சமீரா இப்படி ஆனதை நினைத்து குமுறிக் குமுறி அழனும் போல இருக்கே!

அமலா பால் ஓகே. ஆர்யா அமலா பால் ஜோடி படம் முழுவதும் உதட்டோடு முத்தம், நெருக்கம் என்று இளசுகளை சூடேற்றிக்கொண்டு இருக்கிறார்கள். மாதவனுக்கு கீழ் அதிகாரியாக வரும் தம்பி ராமையா அபூர்வ சகோதரர்கள் படத்தில் “சார் நீங்க எங்கேயோ போயிட்டீங்க” என்று கூறுவது போல ஸ்டைலில் இதில் கூறுவது செம ரகளை. மாதவன் தனியாக சண்டைக்கு செல்வதாகக் கூற “சார் சோலோவா!” என்று கூறுவதற்கு திரையரங்கில் சிரிப்பலை.

மாதவனுக்கு பதிலாக ஆர்யா சண்டை போடுவது எல்லாம் காதில் பூ சுற்றும் சமாச்சாரம் என்றால் ஒரு ரயிலில் சரக்கை மாற்றுவது பூக்கூடை சமாச்சாரம் இவற்றை எல்லாம் மறக்கடிக்க இயக்குனர் லிங்குசாமியின் வேகமான திரைக்கதை பெரிதும் உதவியிருக்கிறது. படம் போவதே தெரியவில்லை துவக்கத்தில் இருந்து இறுதி வரை விறுவிறுப்பாக செல்கிறது. படம் நெடுக காமெடி. இதில் வில்லன்களும் காமெடியாகிப் போனது தான் சோகம். வில்லன்கள் நம்மை பயமுறுத்துவதற்குப் பதிலாக நமக்கெல்லாம் கிச்சு கிச்சு மூட்டிக்கொண்டு இருக்கிறார்கள்.

மாதவன் ஆர்யா படம் முழுவதும் வருகிறார்கள் இதனால் யார் முதல் என்று பிரச்சனையே இதில் இல்லை. இருவருக்கும் சமமான அளவிலே காட்சிகள். ஸ்மார்ட்டாக இருந்த மாதவன் தற்போது அரிசி மூட்டை மாதிரி ஆனது தான் வருத்தமாக இருக்கிறது ஆனால் நடிப்பில் தூள் கிளப்புகிறார். மாதவன் பற்றி ஒன்று இங்கே குறிப்பிட விரும்புகிறேன் சாக்லேட் ஹீரோவான மாதவன் “ஆயுத எழுத்து” படத்தில் பக்கா லோக்கலாக நடித்து என்னை ஆச்சர்யப்படுத்தி இருந்தார். கொஞ்சம் கூட காம்ப்ரமைஸ் செய்து கொள்ளாமல் அசத்தி இருப்பார் இதிலும் அதே போல காதாப்பாத்திரத்திற்கு ஏற்ப நடித்து கலக்கி இருக்கிறார்.

பாடல்கள் நன்றாக உள்ளது இருப்பினும் பழைய (பையா) யுவன் இல்லை. படம் முழுவதும் லிங்குசாமியின் பழைய படங்களின் காட்சிகள் நினைவிற்கு வருவதை ஏனோ தவிர்க்க முடியவில்லை. லாஜிக் எல்லாம் ஏறக்கட்டி வைத்து விட்டுப் பார்த்தால் பக்காவான பொழுது போக்கு படம். படம் போவதே தெரியவில்லை.. சும்மா சுர்ருன்னு பறக்குது அதோட படம் முழுவதும் அனைவரும் சிரித்துக்கொண்டே இருந்தார்கள் வேட்டைப் படம் பொங்கல் போட்டியில் மக்களின் மனதை வேட்டை ஆடி இருப்பது உண்மை தான்.

கொசுறு 1

லிங்குசாமியிடம் சமீரா அமலா பால் இதில் யார் அழகு என்று கேட்ட போது அதற்கு “மேக்கப் போடாமல் சமீரா மேக்கப் போட்டு அமலா பால்” என்று கூறி இருந்தார்.

கொசுறு 2

பொதுவாக இதைப்போல விழாக்காலங்களில் வெளியாகும் படங்களில் ஏதாவது ஒன்று தான் தேறும். இதில் இரண்டு படங்கள் வெற்றி அதில் வேட்டையும் ஒன்று. சிங்கப்பூரில் நான் சனி இரவு 9 45 மணி காட்சிக்கு சென்றேன் படம் ஹவுஸ் ஃபுல். இது போல ஹவுஸ் ஃபுல் ஆவது படம் வெற்றியானலே இரண்டாவது வாரத்தில் இங்கே சாத்தியம்.

கொசுறு 3

ஆர்யா ஒரு பேட்டியில் “முதலில் அமலா பால் என்னைப் பார்த்து சைட் அடிப்பார் என்று நினைத்தேன் ஆனால் அப்படி எதுவும் நடக்கவில்லை” என்று கூறி இருந்தார் அமலா பால் வழக்கமான நம்ம பொண்ணுக போல கமுக்கமா சைட் அடித்து இருப்பார் அது இவருக்கு வழக்கமான பையன் போல தெரியல போல Boys are boys Girls are girls

கொசுறு 4

நீங்க இது வரை படித்தது தென் மாநிலம் என்றால் இது ஜம்ப் அடித்து வட மாநிலம் செல்கிறது Tees Maar Khan என்ற ஹிந்திப்படத்தின் பாடல் இது. ஒரு சில பாடல் ஒரு முறை கேட்டாலே போதும் பச்சக்கனு ஒட்டிக்கும். இது அந்த வகையை சேர்ந்த பாடல். நான் இந்தப்பாட்டை ஒருமுறை எங்கேயோ கேட்டேன் என்ன படம் என்று தெரியாததால் எப்படி பாடலை கூகுளில் தேடுவது என்று மண்டை காய்ந்து இருந்தேன். பிறகு திரும்ப ஒரு முறை ஒரு இடத்தில் கேட்டாலும் பாடல் வரி மட்டும் சுத்தமா புரியலை. ஹரே சாப்! ஹிந்தி நகி மாலும் ஹே பாடலும் தெரியாது ஹிந்தி தெரிந்தால் அல்லது பாடல் வரி புரிந்தால் ஹிந்தி தெரிந்த யாரிடமாவது கேட்கலாம் அதற்கும் வழியில்ல. அப்புறம் அண்ணன் கூகுளிடம் கொஞ்சம் டெக்னிகலா கேட்டு வாங்கிட்டேன்.

பாடல் இசை செம! இதை பெரிய ஸ்பீக்கரில் கேட்க வேண்டும் என்பது ஆசை.. ஆனால் வாய்ப்பு தான் அமைய மாட்டேங்குது. இந்தப்பாட்டை எங்கள் நிறுவன Year end party யில் போட்டு தாக்கிட்டு இருந்தாங்க… பெரிய செட்ல கேட்டோம்னு வைங்க… சும்மா கும்ம்ம்முனு இருக்கும்

Sheila by giriblog

வேட்டை – A complete entertainer is a post from: கிரி Blog

நண்பன் – A perfect remake

கிரி — Mon, 16 Jan 2012 02:05:05 +0000

பிள்ளைகள் விரும்பும் படிப்பை படிக்க பெற்றோர்கள் படிக்க வைக்க வேண்டும் அவர்களது எண்ணங்களை பிள்ளைகள் மீது புகுத்தக்கூடாது என்ற ஒரு வரி விஷயத்தை படமாக்கி இருக்கிறார்கள்.

தற்போதைய தலைமுறை நடிகர்களில் மூன்று கதாநாயகர்கள் இணைந்து நடித்தது இதுவே முதல் முறை. கதாப்பாத்திரத் தேர்வில் விஜய் ஜீவா ஸ்ரீகாந்த் என்று சரியாகவே உள்ளது. அனைவரும் தங்களது பொறுப்பு உணர்ந்து நடித்து இருகிறார்கள்.

வழக்கமான சேட்டைகளை நிறுத்தி அடக்க ஒடுக்கமாக விஜய் நடித்து இருக்கிறார் அல்லது ஷங்கரால் நடிக்க வைக்கப்பட்டு இருக்கிறார். கல்லூரி மாணவர் கதாப்பாத்திரத்திற்கு இன்னும் விஜய் பொருந்தி வருவது ஆச்சர்யமே! அனைத்துப் படங்களிலும் தூங்கி எழுந்து வந்தது போலவே இருக்கிறார் முகத்தில் ஒரு புத்துணர்ச்சி இல்லை. ஷங்கராவது இதில் சரி செய்து இருப்பார் என்று நினைத்தேன் இதிலும் ஏமாற்றமே. முருகதாஸ், கௌதம் மேனன் இதை சரி செய்வார்கள் என்று நம்புகிறேன்.

விஜய்க்கு இணையாக நம் அனைவரையும் கவர்வது சைலன்சராக வரும் சத்யன். இந்தப்படத்திலே என்னைப்பொறுத்தவரை மிகச்சரியான தேர்வு இவர் தான். அட்டகாசமாக பொருந்தி வருகிறார். அதிலும் கடைசியில் உண்மை தெரிந்து சமாளிக்க “நண்பர்களுக்குள்ள இதெல்லாம் சாதாரணமப்பா” என்று கூறுவது செம

ஜீவாக்கு கல்லூரி மாணவர் வேடம் எல்லாம் ஹல்வா சாப்பிடுற மாதிரி அதிலும் அவர் தண்ணியைப் போட்டுட்டு செய்யற அலப்பறை இவரது “சிவா மனசுல சக்தி” அளவிற்கு இல்லை என்றாலும் நன்றாகவே இருந்தது. காலாயிக்கிற ஆளான இவரை சீரியஸ் கதாப்பாத்திரமாக பார்ப்பது தான் கொஞ்சம் கஷ்டமாக இருந்தது இருப்பினும் கிடைத்த கேப்பில் சிரிப்பு வெடியை போட்டுக்கொண்டு இருந்தார். சத்யராஜ் மற்றும் ஸ்ரீகாந்திற்கு நீண்ட நாட்களுக்குப் பிறகு நல்ல வாய்ப்பு.

இலியானாவை ஹன்சிகாகிட்ட அனுப்பி அவங்க என்ன சாப்பிடுறாங்க என்று கேட்டு அதன் படி நடந்துக்கக் கூறலாம் அநியாயத்துக்கு… ம்ம்ம் என்ன சொல்றது போங்க. சரக்கைப் போட்டுட்டு விஜய கலாயிக்கும் இடம் கலக்கல். அதோட சீரியஸ் ஆக கடைசியில் அனைவரும் பேசிக்கொண்டு இருக்கும் போது விஜயிடம் அவருடைய பெயரைக் கூறி சண்டை போட்டுக்கொண்டு இருப்பது ரசிக்கும் படி இருக்கும்.

அதிக நேரம் தேர்வு எழுதி அதில் இருந்து தப்பிக்கும் இடம், ஜீவா அம்மா சப்பாத்தி சுடும் இடம், இலியான அக்கா (இவர் சிவா மனசுல சக்தி கதாநாயகி தானே! அடப்பாவமே!) குழந்தை பெறும் தருணம், கரண்ட் ஷாக் கொடுக்கும் இடம், சத்யன் மேடைப்பேச்சு என்று ரசிக்க பல காட்சிகள். விஜய் – SJ சூர்யா சஸ்பென்ஸ் நம்பக்கூடியதாக இல்லை அதே போல அனைவரும் திருமணம் ஆகி இருக்க விஜய் பற்றிய நிலை என்னவென்றே தெரியாமல் இலியான திருமணம் ஆகாமல் அவ்வளவு வருடம் இருப்பது நம்புகிற மாதிரி இல்லை அதில் வரும் மில்லி மீட்டர் பையனே வளர்ந்து சென்டி மீட்டர் ஆகி விட்டான். பேன்ட்டை அடிக்கடி அனைவரும் கழட்டி பின்புறத்தைக் காட்டுவது எரிச்சலையே தந்தது, நல்லவேளை பேன்ட்டோட நிறுத்தினார்கள்.

வெளிநாட்டுப்பாடல் இல்லாமல் அனைத்தும் இங்கேயே எடுக்கப்பட்டு இருப்பது ஷங்கர் படத்தில் மிக மிக ஆச்சர்யம் பாடல்கள் ஏற்கனவே சூப்பர் ஹிட் ஆகி விட்டதால் படத்திலும் பார்க்க நன்றாக இருந்தது.. இது வரை ஷங்கர் அவரோட படத்தையே ரீமேக் செய்து கொண்டு இருந்தார் தற்போது ஹிந்தி படத்தை ரீமேக் செய்து இருக்கிறார். 3 இடியட்ஸ் படத்தை எந்த வித சேதமும் இல்லாமல் கொடுத்ததற்கு நிச்சயம் அவரைப் பாராட்ட வேண்டும் 3 இடியட்ஸ் பார்க்காமல் இதைப் பார்க்கிறவர்களுக்கு நிச்சயம் பக்காவான படம் பார்த்தவர்களுக்கு மாற்றுக்கருத்துகள் இருக்கும். குடும்பத்துடன் சென்று பார்க்ககூடிய மற்றும் “ஜெ” ஆட்சியில் கேளிக்கை வரிவிலக்கு பெற்ற முதல் படம்.

இந்தப்படத்தில் வரும் கரண்ட் ஷாக் கொடுக்கும் வேலையை விளையாட்டுதனமாக சிறுவர்கள் யாரும் முயற்சித்துப் பார்த்து விடக்கூடாது.

3 இடியட்ஸ் படம் திரைவிமர்சனத்தில் எழுதி இருந்த ஒரு கருத்தை இங்கே திரும்பக் கூற விரும்புகிறேன்

“இந்தப்படத்தில் கூறியுள்ளது போல குழந்தைகளின் விருப்பங்களுக்கு தடையாக பெற்றோர்கள் இருக்கக்கூடாது, மாணவர்களை இயந்திரம் போல நடத்தக்கூடாது என்பது நல்ல விசயமாக இருந்தாலும் இது அனைத்து குழந்தைகளுக்கும் மாணவர்களுக்கும் பொருந்துமா! என்று தெரியவில்லை குறிப்பாக இந்தியாவில். ஒரு சிலர் பெற்றோரின் வழிகாட்டுதலாலே நல்ல நிலைக்கு வந்து இருக்கிறார்கள், ஒரு சிலர் தன் விருப்பமாக செய்வதாக நினைத்து ஒன்றுமில்லாமல் போய் இருக்கிறார்கள். ஏதாகினும் படம் கூறும் செய்தி ரொம்ப அருமை”

கொசுறு 1

“வேட்டை” படமும் நன்றாக இருப்பதாக நண்பர்கள் கூறக்கேட்டேன். அடுத்த வாரம் செல்லலாம் என்று இருக்கிறேன். வந்த இரு படமும் வெற்றி என்பதில் சந்தோசம் தான். திரைத்துறைக்கு 2012 நன்றாக துவங்கி உள்ளது

கொசுறு 2

என்னுடைய தளத்தில் facebook comment box இணைத்துள்ளேன். நீண்ட மாதங்களாக நினைத்தது தற்போது தான் செய்ய முடிந்தது. இனி facebook ல் உள்ளவர்கள் விரும்பினால் இதிலும் கமெண்ட் செய்யலாம்.

கொசுறு 3 கிரிக்கெட் — கிர்ர்ரர்ர்ர்

நண்பன் – A perfect remake is a post from: கிரி Blog