http://www.globaltamilnews.net/rss.php Global Tamil News - RSS for News en-us admin@globaltamilnews.net (Admin) admin@globaltamilnews.net (Admin) admin@globaltamilnews.netnoGlobal Tamil News - RSS for News http://www.globaltamilnews.net/tamil_news.php?nid=19316 http://www.globaltamilnews.net/tamil_news.php?nid=19316  பங்களாதேஷில் நடைபெற்று வரும் முக்கோண ஒருநாள் போட்டித் தொடரின் இரண்டாவது போட்டியில் இந்திய அணியை வீழ்த்தி இலங்கை வெற்றியீட்டியுள்ளது. மிர்பூரின் பங்களா மைதானத்தில் நடைபெற்ற இன்றைய போட்டியில் இலங்கை அணி ஐந்து விக்கட்டுகளினால் இந்தியாவை வீழ்த்தியுள்ளது. நாணய சுழற்சியில் வெற்றியீட்டிய இலங்கை அணியின் தலைவர் குமார் சங்கக்கார இந்தியாவை துடுப்பெடுத்தாடுமாறு பணித்தார். இதன்படி களமிறங்கிய இந்திய அணி நிர்ணயிக்கப்பட்ட 50 ஓவர்களில் ஒன்பது விக்கட்டுகளை இழந்து 279 ஓட்டங்களைப் பெற்றுக் கொண்டது. இதில் யுவராஜ் சிங் 74 ஓட்டங்களையும், விரேந்தர் ஷெவாக் 47 ஓட்டங்களையும் பெற்றுக் கொண்டனர். பந்து வீச்சில் சானக வெலகெதர அபாரமாக பந்து வீசி இந்தியாவின் ஐந்து விக்கட்டுகளை வீழ்த்தினார். 280 என்ற வெற்றி இலக்கை நோக்கித் துடுப்பெடுத்தாடிய இலங்கை அணி 48 ஓவர்களில் ஐந்து விக்கட்டுகளை இழந்து 283 ஓட்டங்களைப் பெற்றுக் கொண்டது. இதில் திலான் சமரவீர ஆட்டமிழக்காது 105 ஓட்டங்களையும், குமார் சங்கக்கார 60 ஓட்டங்களையும், திசார பெரேரா ஆட்டமிழக்காது 15 பந்துகளில் 36 ஓட்டங்களையும் பெற்றுக் கொண்டனர். பந்து வீச்சில், ஹர்பஜன் சிங் மூன்று விக்கட்டுகளை வீழ்த்தினார். போட்டியின் ஆட்ட நாயகனாக திலான் சமரவீர தெரிவு செய்யப்பட்டுள்ளார். Tue, 05 Jan 2010 17:50:30 -0600 http://www.globaltamilnews.net/tamil_news.php?nid=19315 http://www.globaltamilnews.net/tamil_news.php?nid=19315  வெளிநாட்டு அமைப்புக்களுடனான உறவுகளை துண்டிக்குமாறு ஈரான் அந்நாட்டு மக்களுக்கு உத்தரவு பிறப்பித்துள்ளதாகத் தெரிவிக்கப்படுகிறது. நாட்டில் குழப்ப நிலையை ஏற்படுத்த சில வெளிநாட்டு சக்திகள் முயற்சி மேற்கொள்வதாகவும், இவ்வாறான வெளிநாட்டு அமைப்புக்களை தடை செய்யத் தீர்மானித்துள்ளதாகவும் ஈரானிய அரசாங்கம் அறிவித்துள்ளது. ஆளும் கட்சியை கவிழ்க்க சதித் திட்டம் தீட்டப்பட்டு வருவதாக ஈரான் அரசாங்கம் குற்றம் சுமத்தியுள்ளது. ஈரானிய எதிர்க்கட்சி இணையத் தளங்கள், பி.பி.சீ உலக சேவை, அமெரிக்க ஊடக நிறுவனங்கள், ஊடக அமைப்புக்கள், மனித உரிமை அமைப்புக்கள் என 60 வெளிநாட்டு நிறுவனங்களை ஈரான் கறுப்புப் பட்டியல் இட்டுள்ளது. குறித்த அமைப்புகள் நாட்டிற்கு எதிரான மென்மை போரைத் தொடுத்துள்ளதாக ஈரானிய பிரதிப் புலானய்வு அமைச்சர் தெரிவித்துள்ளார்.  பி.பி.சி உலக சேவை, வொய்ஸ் ஒப் அமெரிக்கா, அமெரிக்க தேசிய பாதுகாப்பு பல்கலைக்கழகம், கிழக்கு ஐரோப்பிய ஜனநாயக அமைப்பு, மனித உரிமை கண்காணிப்பகம் ஆகியவை ஈரானில் இயங்கத் தடை விதிக்கப்பட்டுள்ளது. இதற்கு முன்னரும் ஈரான் இவ்வாறான தடைகளை விதித்துள்ள போதிலும் என்ன கரணத்திற்காக தடை விதிக்கப்படுகின்றது என்பது குறித்து தெளிவுபடுத்தப்படவில்லை என சுட்டிக்காட்டப்பட்டுள்ளது. குறித்த அமைப்புக்களுடன் இணைந்து செயற்படுதல், ஒப்பந்தங்களை கைச்சாத்திடல், உதவிகளை வழங்குதல் போன்ற நடவடிக்கைகள் சட்டவிரோதமானதென ஈரான் அறிவித்துள்ளது. வெளிநாட்டு தூதுவராலயங்கள் மற்றும் வெளிநாட்டு நபர்களுடன் தேவையற்ற உறவுகளை ஈரானிய பிரஜைகள் பேணக்கூடாது என எச்சரிக்கை விடுக்கப்பட்டுள்ளது. Tue, 05 Jan 2010 16:25:53 -0600 http://www.globaltamilnews.net/tamil_news.php?nid=19314 http://www.globaltamilnews.net/tamil_news.php?nid=19314 நாட்டின் ஜனநாயகத்திற்காகவும் சிறந்த நிர்வாகத்தை ஏற்படுத்த வேண்டும் எனக் குரல் கொடுத்த தம்பர அமில தேரரை உடனடியாக விடுவிக்குமாறு கோரி பௌத்த பிக்குகள் பொரல்லை திலக்கரட்னராய விகாரைக்கு அருகில் இருந்து விஹாரமஹாதேவி பூங்காவில் உள்ள புத்தர் சிலை வரை இன்று பேரணியொன்றில் ஈடுபட்டனர்.   புத்தர்களை சித்திரவதை செய்யும் ராஜபக்ஷ அரசாங்கத்தை உடனடியாக இல்லாதொழிப்போம் என்ற தொனிப் பொருளில் இந்த பேரணி நடைபெற்றது. இந்த பேரணியில் தேசிய பிக்கு முன்னணியின் செயலாளர் அத்தனகல்லே சமித தேரர் உள்ளிட்ட ஏராளமான பௌத்த பிக்குகள் கலந்துகொண்டனர். Tue, 05 Jan 2010 15:08:15 -0600 http://www.globaltamilnews.net/tamil_news.php?nid=19313 http://www.globaltamilnews.net/tamil_news.php?nid=19313  அமைச்சர்களின் குடும்ப உறுப்பினர்கள் நாட்டை விட்டு வெளியேறிச் செல்வதாக ஐக்கிய தேசியக் கட்சியின் பாராளுமன்ற உறுப்பினர் லக்ஸ்மன் செனவிரட்ன தெரிவித்துள்ளார். எதிர்வரும்; 26ம் திகதி நடைபெறவுள்ள ஜனாதிபதித் தேர்தல்களுக்கு முன்னதாக அமைச்சர்களின் குடும்ப உறுப்பினர்கள் நாட்டை விட்டு வெளியேறிச் செல்வதாக லக்ஸ்மன் செனவிரட்ன பாராளுமன்றத்தில் தெரிவித்துள்ளதாக ஆங்கில ஊடகமொன்று செய்தி வெளியிட்டுள்ளது. அமைச்சர் ஒருவரின் புதல்வி நாட்டை விட்டு வெளியேறிச் சென்றுள்ளதாகவும், மற்றுமொரு அமைச்சரின் மனைவி சில தினங்களில் நாட்டை வெளியேறிச் செல்ல உள்ளதாகவும் அவர் குறிப்பிட்டுள்ளார். அவசரகாலச் சட்டம் தொடர்பில் இன்றைய தினம் பாராளுமன்றத்தில் நடைபெற்ற விவாதத்தின் போது அவர் இதனைத் தெரிவித்துள்ளார். மேலும் பலர் நாட்டை விட்டு வெளியேறிச் செல்ல உத்தேசித்துள்ளதாக அவர் குறிப்பிட்டுள்ளார். இதேவேளை, டிசம்பர் ஜனவரி மாதங்களில் அனேகமான அமைச்சர்கள் விடுமுறையில் செல்வது வழமை எனவும், பல்வேறு நாடுகளில் அமைச்சர்களும் அவர்களது குடும்ப உறுப்பினர்களும் விடுமுறையைக் கழிப்பது வழமையானதெனவும் மற்றுமொரு செய்தி சுட்டிக்காட்டுகின்றது. தேர்தல் காரணமாக அமைச்சர்கள் வெளிநாட்டு பயணங்களை ரத்து செய்திருக்கக் கூடுமென தெரிவிக்கப்படுகிறது.   அச்சுறுத்தல் காரணமாகவே ரி.எம்.வி.யினர் எதிர்க்கட்சியில் இணையத் தயக்கம் காட்டுகின்றனர் � ஐ.தே.க : அச்சுறுத்தல்கள் காரணமாகவே தமிழ் மக்கள் விடுதலைப் புலிகள் கட்சியைச் சேர்ந்த சிலர் எதிர்க்கட்சியில் இணையத் தயக்கம் காட்டுவதாக ஐக்கிய தேசியக் கட்சியின் பொதுச் செயலளார் திஸ்ஸ அத்தநாயக்கத் தெரிவித்துள்ளார். மாகாணசபையின் பிரதித் தலைவர் உள்ளிட்ட சில தமிழ் மக்கள் விடுதலைப் புலி உறுப்பினர்கள் ஜெனரல் சரத் பொன்சேகாவிற்கு ஆதரவளிக்க விருப்பம் தெரிவித்துள்ளதாக அவர் குறிப்பிட்டுள்ளார். எனினும், ஆளும் கட்சியினால் விடுக்கப்பட்டு வரும் அச்சுறுத்தல்களினால் குறித்த உறுப்பினர்கள் ஆதரவளிப்பதற்கு பின்வாங்குவதாக அவர் சுட்டிக்காட்டியுள்ளார். அச்சுறுத்தல்களின் காரணமாக பகிரங்கமாக அவர்களினால் எதிர்க்கட்சிக்கு ஆதரவளிக்க முடியாத நிலை உருவாகியுள்ளதென அவர் தெரிவித்துள்ளார். பாதுகாப்பு கருதி தேர்தல்களுக்கு ஓரு வாரத்திற்கு முன்னதாக குறித்த உறுப்பினர்களின் பெயர் விபரங்கள் வெளியிடப்படும் என அவர் குறிப்பிட்டுள்ளார். Tue, 05 Jan 2010 14:58:36 -0600 http://www.globaltamilnews.net/tamil_news.php?nid=19312 http://www.globaltamilnews.net/tamil_news.php?nid=19312  மெய்யான தமிழ்ப் பிரதிநிதிகள் அனைவரும் எதிர்க்கட்சிகளின் பொது ஜனாதிபதி வேட்பாளர் ஜெனரல் சரத் பொன்சேகாவிற்கே ஆதரவளிப்பார்கள் என அவரது ஊடகப் பேச்சாளரும், ஜே.வி.பி பாராளுமன்ற உறுப்பினருமான அனுரகுமார திஸாநாயக்க தெரிவித்துள்ளார். ராஜகீய மாவத்தையில் அமைந்துள்ள ஜெனரல் சரத் பொன்சேகாவின் தேர்தல் காரியாலத்தில் நடைபெற்ற ஊடகவியலார் சந்திப்பில் கலந்து கொண்ட போது அவர் இதனைக் குறிப்பிட்டுள்ளார். தமிழ்த் தேசியக் கூட்டமைப்பினருடனான பேச்சுவார்த்தைகள் சாதகமானதாகவே அமைந்துள்ளதென அவர் தெரிவித்துள்ளார். ஜெனரல் பொன்சேகாவின் குடும்பத்தார் மீது சுமத்தப்படும் ஆயுத கொடுக்கல் வாங்கல் மோசடி குற்றச்சாட்டு முற்றிலும் அடிப்படையற்றதென அவர் சுட்டிக்காட்டியுள்ளார். குற்றச்சாட்டுக்களை மெய்ப்பிக்க ஆதாரங்களை சமர்ப்பிக்குமாறு அவர் கோரிக்கை விடுத்துள்ளார். Tue, 05 Jan 2010 15:01:45 -0600 http://www.globaltamilnews.net/tamil_news.php?nid=19311 http://www.globaltamilnews.net/tamil_news.php?nid=19311 ஜெனரல் சரத் பொன்சேகாவின் பெயரைப் பயன்படுத்தி பணம் சேகரித்த இரண்டு பேரை காவல்துறையினர் கைது செய்துள்ளனர். எதிர்க்கட்சிகளின் பொது ஜனாதிபதி வேட்பாளர் ஜெனரல் சரத் பொன்சேகாவிற்கு ஆதரவளிக்கும் முகமாக தாம் பணம் சேகரிப்பதாக குறித்த நபர்கள் தெரிவித்து மோசடியில் ஈடுபட்டுள்ளனர். சிலாபம் பிரதேசத்தில் இந்த சம்பவம் இடம்பெற்றுள்ளதாகவும், கைது செய்யப்பட்டவர்கள் எதிர்வரும் 7ம் திகதி வரையில் விளக்க மறியலில் வைக்கப்படுவார்கள் எனவும் தெரிவிக்கப்படுகிறது. பாராளுமன்ற உறுப்பினர் ரங்கே பண்டாரவின் தகவலுக்கு அமைய குறித்த நபர்கள் கைது செய்யப்பட்டுள்ளனர். பிரச்சார சாதனங்கள் மற்றும் திரட்டப்பட்ட பணம் ஆகியவற்றையும் காவல்துறையினர் கைப்பற்றியுள்ளனர்.  Tue, 05 Jan 2010 14:57:18 -0600 http://www.globaltamilnews.net/tamil_news.php?nid=19310 http://www.globaltamilnews.net/tamil_news.php?nid=19310  அவசரகால சட்டம் மேலும் ஒரு மாதத்திற்கு நீடிக்கப்பட்டுள்ளதாகத் தெரிவிக்கப்படுகிறது. அவசரகாலச் சட்டத்தை நீடிப்பதற்கு ஆதரவாக 97 வாக்குகளும், எதிராக 18 வாக்குகளும் அளிக்கப்பட்டுள்ளன. வழமைபோன்று ஆளும் கூட்டணி கட்சிகள் அவசரகாலச் சட்டத்திற்கு ஆதரவாகள வாக்களித்ததுடன், தமிழ்த் தேசியக் கூட்டமைப்பு கட்சி எதிராக வாக்களித்தது. ஐக்கிய தேசியக் கட்சி, ஸ்ரீலங்கா முஸ்லிம் காங்கிரஸ் மற்றும் ஜே.வி.பி ஆகிய கட்சிகள் வாக்களிப்பில் கலந்து கொள்ளவில்லை. Tue, 05 Jan 2010 12:44:12 -0600 http://www.globaltamilnews.net/tamil_news.php?nid=19292 http://www.globaltamilnews.net/tamil_news.php?nid=19292 சோமாலியாவில் உள்ள கடற்கொள்ளையர்களை போன்று அமைச்சர் டக்ளஸ் தேவானந்தா யாழ்பாண மக்களிடம் கப்பம் பெற்று வருவதாக ஜே.வீ.பீயின் தலைவர் சோமவன்ச அமரசிங்க தெரிவித்துள்ளார். வவுனியா, மன்னாருக்கு சென்றால்  ஈபிஆர்எல்எப் அமைப்பினர் மக்களை பாதிப்புக்கு உள்ளாக்கி வருகின்றனர். கிழக்கிற்கு சென்றால் அமைச்சர் கருணா  செயற்பட்டு வருகிறார்.   600 காவற்துறையினரையும் அரந்தலாவ பகுதியில் பிக்குமாரை கொன்றவர்களுக்கு எதிராகவும் ஜெனரல் சரத் பொன்சேக்காவின் வெற்றிக்கு பின்னர் நடவடிக்கை எடுக்கப்படும் எனவும் சோமவன்ச குறிப்பிட்டுள்ளார். அரசாங்கத்திற்கு எதிராக நேற்று கெம்பல் மைதானத்தில் நடைபெற்ற கூட்டத்தில் உரையாற்றும் போதே அவர் இதனைக் கூறியுள்ளார். ராஜபக்ஷவினரின் ஏகாதிபத்திய வெறிமுடிவுக்கு கொண்டு வரவே எதிர்க்கட்சிகள் பொது இணக்கத்தை ஏற்படுத்திக் கொண்டன.   பெரும் எண்ணிக்கையிலான மக்கள் கெம்பல் மைதானத்திற்கு கொண்டு வந்து சேர்த்தமைக்காக ஜனாதிபதி மகிந்த ராஜபக்ஷவுக்கும் அவரது சகோதரர்களுக்கும் நன்றி கூறவேண்டும் எனவும் சோமவன்ச கூறியுள்ளார். அங்கு தொடர்ந்தும் உரையாற்றி சோமவன்ச, யாழ்ப்பாணத்தில் சில பிரச்சினைகள் காணப்பட்டாலும் ஜெனரல் சரத் பொன்சேக்காவின் வெற்றி உறுதியானது.   யாழ்ப்பாணத்திலும் காவற்துறையினர் வெயிலில் காய்கின்றனர் கொழும்பிலும் காவற்துறையினர் வெயிலில் காய்கின்றனர். அங்கும் சோதனைகள் இடம்பெறுகின்றன. இங்கும் சோதனைகள் மேற்கொள்ளப்படுகின்றன. தற்போதாவது மக்களை சுதந்திரமாக நடமாடவிட வேண்டும். ராஜபக்ஷவினரே அச்சம் கொண்டுள்ளனர். காவற்துறையினர் தற்போது மகிந்த ராஜபக்ஷவின் கட்அவுட்டுகளை காவல் காக்கின்றனர். ராஜபக்ஷவின் கட்அவுட்டுகளை பாதுகாக்க வேண்டாம் என நாம் காவற்துறையினரிடம் கேட்டுக்கொள்கிறோம்.   எவருக்கும் அஞ்சாமல் சுகவீன விடுமுறையில் செல்லுங்கள். எதிர்வரும் 26 ஆம் திகதியின் பின்னர் மீண்டும் பணிக்கு திரும்புங்கள். அதுவும் முடியாவிட்டால் பணியில் இருந்த விலகிச் சென்று 26 ஆம் திகதியின் பின்னர் ஊதியத்துடன் பணியில் இணைந்து கொள்ளுங்கள். பயப்பட வேண்டாம். பொன்சேக்கா வெற்றிப் பெறுவார். ராஜபக்ஷவின் பின்புறத்தை கழுவ போகாதீர்கள். சுயகௌரவத்துடன் பணியாற்றுங்கள். ராஜபக்ஷவினர் களனி நாய்களை கொண்டே அரசியல் செய்கின்றனர். எதிர்வாதிகளை கொலை செய்வதா, வெட்டுவதா என்பதை இன்று அலரி மாளிகையில் தீர்மானிக்கின்றனர்.   அப்படி செய்து கொண்டு எதிர்க்கட்சியினர் வைராக்கிய அரசியலில் ஈடுபடுவதாக கூறுகின்றனர் எனவும் சோமவன்ச அமரசிங்க குறிப்பிட்டுள்ளார். அதேவேளை பொன்சேக்கா வெற்றிப் பெற்றப் பின்னர் அவசரகாலச் சட்டம் நீக்கப்படும். இடம்பெயர்ந்த மக்கள் பிரச்சினைகள் இன்றி வாழக்கூடிய சூழல் ஏற்படுத்தப்படும். வடக்கு கிழக்கு மக்களுக்கு அதுவே தற்போதைய தேவையாக உள்ளது.   தேர்தல் ஆணையாளர் சட்டத்தை அமுல்படுத்துகிறார். ஆனால் காவற்துறை மா அதிபர் அதனை நடைமுறைப்படுத்துவதில்லை. காவற்துறை மா அதிபர் சரியாக தனது கடமைகளை செய்வதில்லை. அப்படியெனில் இதனை யாரால் தடுத்து நிறுத்த முடியும்?. நாட்டு மக்களினால் மாத்திரமே அதனை தடுத்து நிறுத்த முடியும். மக்கள் அவ்வாறு தடுத்து நிறுத்தாது போல் அனைவரும் அடிமைகளாக வாழநேரிடும் எனவும் சோமவன்ச அமரசிங்க குறிப்பிட்டுள்ளார்.     Tue, 05 Jan 2010 11:57:26 -0600 http://www.globaltamilnews.net/tamil_news.php?nid=19291 http://www.globaltamilnews.net/tamil_news.php?nid=19291   நிபந்தனையின்றி தம்மை விடுவிக்க வேண்டுமென கோரி நாடு முழுவதில் உள்ள அரசியல் கைதிகள் இன்று அதிகாலை முதல் சாகுவரையான உண்ணாவிரதப் போராட்டமொன்றை ஆரம்பித்துள்ளனர்.கொழும்பு களுத்துறை, யாழ்ப்பாணம், அனுராதபுரம், மட்டக்களப்பு உள்ளிட்ட சிறைச்சாலைகளில் தடுத்து வைக்கப்பட்டுள்ள தமிழ், சிங்கள, முஸ்லீம் அரசியல் கைதிகள் இணைந்து இந்த உண்ணாவிரதப் போராட்டத்தை ஆரம்பித்துள்ளனர்.   கனேடிய பிரஜையான ரோய் மனோஜ் குமார் என்ற கைதியும் இந்த உண்ணாவிரதத்தில் இணைந்து கொண்டுள்ளார். இது குறித்து சிறைச்சாலை திணைக்களத்தின் பேச்சாளர் கென்னத் பெர்ணான்டோவிடம் கேட்ட போது,  புதிய மெகசீன் சிறைச்சாலையில் உள்ள கைதிகள் மாத்திரமே இந்த உண்ணாவிரதப் போராட்டத்தை ஆரம்பித்திருப்பதாகவும் அங்கு தடுத்து வைக்கப்பட்டுள்ள 96 கைதிகள் தமக்கு எதிராக துரிதமாக வழக்குகளை தாக்கல் செய்யுமாறும்  அல்லது விடுதலை செய்யுமாறு கோரி இந்த உண்ணாவிரதப் போராட்டத்தை ஆரம்பித்துள்ளதாக தெரிவித்துள்ளார். Tue, 05 Jan 2010 10:52:45 -0600 http://www.globaltamilnews.net/tamil_news.php?nid=19290 http://www.globaltamilnews.net/tamil_news.php?nid=19290   இலங்கையில் சமாதானம் ஏற்பட இந்திய முழுமையான ஒத்துழைப்புகளை வழங்கும் என இந்திய உயர்ஸ்தானிகர் அசோக் கே. காந்தா தெரிவித்துள்ளார். கண்டியில் நேற்று மல்வத்து மாநாயக்க தேரர்களை சந்தித்த பின்ன ஊடகவியலாளர்களிடம் அவர் இதனைக் குறிப்பிட்டுள்ளார்.   இலங்கைக்கான இந்திய உயர்ஸ்தானிகராக பதவியேற்ற பின்னர் காந்தா முதல் முறையாக மல்வத்து மாநாயக்க தேரர் திப்பட்டுவாவே ஸ்ரீசுமங்கள தேரரை சந்தித்துள்ளார். உயர்ஸ்தானிகர் மாநாயக்க தேரருக்கு இந்தியாவில் தயாரிக்கப்பட்ட புத்தர் சிலையொன்றை வழங்கியதுடன் மாநாயக்க தேரும் புத்தர் சிலையொன்றை வழங்கியுள்ளார். Tue, 05 Jan 2010 09:17:31 -0600 http://www.globaltamilnews.net/tamil_news.php?nid=19289 http://www.globaltamilnews.net/tamil_news.php?nid=19289     அரச அதிகாரத்தைப் பயன்படுத்தி ராஜபக்ஷவினர்களினால் முறைகேடாக பெற்றுக்கொண்ட பணம் ஜனாதிபதித் தேர்தல் முடிவுகள் வெளியாவதற்கு முன்னர் வெளிநாட்டிற்கு அனுப்பிவைக்க இலங்கை மத்திய வங்கி சந்தர்ப்பம் வழங்கியிருப்பதாக தெரியவருகிறது.   மத்திய வங்கியின் அந்நியச் செலாவணிக் கட்டுப்பாட்டை தளர்த்துவதாகக் கூறி ஜனாதிபதி உத்தரவின் பேரில் அந்நிய செலாவணிச் சட்டங்கள் தளர்த்தப்பட்டுள்ளன. மத்திய வங்கியின் இந்தத் தீர்மானத்தின் அடிப்படையில், இலங்கையைச் சேர்ந்தவர்கள் தாம் சம்பாதித்த வழிமுறை தகவல்களை வழங்காமல் வெளிநாட்டு வங்கிகளில் தமது பணத்தை வைப்பிலிட சிறந்த சந்தர்ப்பம் கிடைத்துள்ளது.   ராஜபக்ஷவினர் மற்றும் அவர்களது வர்த்தக நண்பர்கள் மக்களிடம் கொள்ளையிட்ட பணத்தொகை ஜனாதிபதித் தேர்தல் முடிவுகள் வெளியாக முன்னர் நாட்டிலிருந்து வெளியில் எடுத்துச் செல்ல சந்தர்ப்பம் கிடைத்துள்ளதாகவும் இதற்கெதிராக இன்று நாடாளுமன்றத்தில் விசேட அறிக்கையொன்றை சமர்ப்பிக்கவிருப்பதாக ஐக்கிய தேசியக் கட்சியின் நாடாளுமன்ற உறுப்பினர் தயாசிறி ஜயசேகர தெரிவித்துள்ளார். Tue, 05 Jan 2010 07:46:37 -0600 http://www.globaltamilnews.net/tamil_news.php?nid=19288 http://www.globaltamilnews.net/tamil_news.php?nid=19288  விடுதலைப் புலிகளுக்கு எதிரான யுத்தத்தை நிறுத்துமாறு இந்தியா, பிரித்தானியா, பிரான்ஸ் ஆகிய நாடுகள் கோரிய போதிலும் ஜனாதிபதி மஹிந்த ராஜபக்ஷ அதற்கு இணங்கவில்லை. வீரமுள்ள சிங்கள குடிமகனாக அவர் அப்போது செயற்பட்டார். இதனால் தான் மேற்கத்தைய நாடுகள் கோபமடைந்து ஜி.எஸ்.பி. பிளஸ் வரிச்சலுகைஎமது நாட்டுக்கு கிடைப்பதனை கேள்விக்குறியாக்கி உள்ளன என்று ஜனாதிபதியின் செயலாளர் லலித் வீரதுங்க தெரிவித்தார். நேற்று திங்களன்று திருகோணமலை 22 ஆவது படைப்பிரிவின் திருகோணமலை மாவட்ட தலைமை அலுவலகத்தில் இடம்பெற்ற 150 பௌத்த பிக்குமாருக்கு தானம் வழங்கும் நிகழ்வில் முதன்மை விருந்தினராக கலந்து கொண்டு உரையாற்றுகையில் ஜனாதிபதியின் செயலாளர் இவ்வாறு தெரிவித்தார். லலித் வீரதுங்க தொடர்ந்து அங்கு பேசுகையில், இந்திய அமைச்சரவை மேற்கொண்ட அவசர தீர்மானத்தின்படி நீங்கள் நடத்திக் கொண்டு இருக்கும் யுத்தத்தை உடனடியாக நீங்கள் நிறுத்த வேண்டும் என்று இந்திய பாதுகாப்பு ஆலோசகர் எம்.கே. நாராயணனும் அன்றைய வெளியுறவுச் செயலாளர் சிவ்சங்கர் மேனனும் கூறினர். அப்போது நானும் பாதுகாப்புச் செயலாளரும் ஜனாதிபதி என்ன பதில் கூற போகின்றார் என்று மிகுந்த பதட்டத்துடன் இருந்தோம். ஆனால் வீரமுள்ள சிங்கள குடிமகனாக அப்போது ஜனாதிபதி நீங்கள் எங்கள் நாட்டை ஆக்கிரமிக்கவும் முடியும், இல்லாவிடில் முன்;னர் நடந்தது போல் வானத்தில் இருந்து உணவுப் பொட்டலங்களைப் போடவும் முடியும். எது நடந்தாலும் நான் தொடங்கிய புலிகளுக்கு எதிரான போரை நிறுத்தமாட்டேன். மக்கள் எனக்கு தந்த ஆணையை நான் நிறைவேற்றுவேன். இறுதிவரை போர் தொடரும் என்று அழுத்தம் திருத்தமாக அவர்களைப் பார்த்து கூறினார். மேலும் நீங்கள் தமிழ் நாட்டை சாந்தப்படுத்தவும் காங்கிரஸ் கட்சிக்கு வெற்றி தேடிக் கொடுக்கவும் ஏன் எங்களிடம் வருகின்றீர்கள் என்றும் கேட்டார். அதுமட்டுமின்றி இந்த பேச்சுவார்த்தைக்கு சில நாட்கள் கழித்து பிரித்தானிய வெளிவிவகார அமைச்சர் டேவிற் மிலி பான்ட்டும் பிரான்ஸ் வெளிவிவகார செயலர் குச்சனரும் ஜனாதிபதியை சந்தித்தனர். அவர்களும் தமிழ் மக்களுக்கு எதிரான யுத்தத்தை உடனடியாக நிறுத்துங்கள் என்று கூறி னர். அதற்கு ஜனாதிபதி கூறிய பதில் அவர் ஒரு உறுதிமிக்க தலைவர் என்பதை வெளிப் படுத்தியது. இங்கிலாந்திடமிருந்து நாம் சுதந்திரம் பெற்று 60 வருடங்கள் முடிந்து விட்டது.   நாம் இப்போது சுதந்திர நாடு, நீங்கள் இப்போதும் நாங்கள் உங்களுக்கு அடிமைப் பட்ட நாடு என்று எண்ணி பேசுகிறீர்கள்.அது முடியாத காரியம், எந்த நிலைமை ஏற்பட்டாலும் யார் எதிர்த்தாலும் தொடங்கிய போரை நான் நிறுத்தமாட்டேன். புலிகள் முற்றாக அழிக்கப்படும்வரை எமது போர் தொடரும் என்று ஜனாதிபதி கூறினார். அவரது இந்த பதில் தான் மேலைத்தேய நாடுகளை கோபமடையச் செய்து ஜி.எஸ்.பி. வரிச்சலுகை நமது நாட்டிற்கு கிடைப்பதை தற்போது கேள்விக்குறியாக்கி உள்ளது. எது எப்படி இருந்த போதும் மகா சங்கமும் பௌத்த குருமார் ஆகிய நீங்களும் ஜனாதிபதிக்கும் அரசிற்கும் வழங்கிய ஆசீர்வாதங்களும் ஆதரவுமே இந்த யுத்தத்தை ஜனாதிபதி வெற்றிகொள்ள பேருதவியாக இருந்தன என்பதை நன்றியுணர்வுடன் இங்கு கூறிக் கொள்கின்றேன் என்றார். Tue, 05 Jan 2010 06:30:35 -0600 http://www.globaltamilnews.net/tamil_news.php?nid=19287 http://www.globaltamilnews.net/tamil_news.php?nid=19287 நானும் சற்குணமும் காட்டிலுள்ள குடிசையில் அமர்ந்திருக்க, பிரபாகரனும் குமரச்செல்வமும் மைக்கலைச் சற்றுத் தொலைவே கூட்டிச்செல்கிறார்கள். மைக்கலைக் கூட்டிச்சென்ற இரண்டு நிமிடத்திற்கு உள்ளாகவே துப்பாக்கி வெடிச் சத்தம் ஒன்று கேட்கிறது. நாம் அதிர்ந்து போகிறோம். மைக்கல் தான் பேசுவது எதையுமே கேட்கிறாரில்லை. அவர் இயக்கத்தை விட்டு வெளியே போகப்போவதாகச் அடம்பிடித்தார் அதனால் நான் சுட்டுக் கொன்றுவிட்டேன் என்கிறார். ஆம், அது நடந்துவிட்டது மட்டக்களப்பில் தமிழுணர்வுப் போராட்டங்களை நடத்திய மைக்கல் இப்போது எம் மத்தியில் இல்லை. வெறுமனே தூய இராணுவக் குழு ஒன்றையும் அதற்கான ஒழுங் முறைகளையும் உருவமைத்துக் கொண்டிருந்த காலகட்டத்தில் இவற்றையெல்லாம் பகுப்பாய்வுக்கு உட்படுத்துவதற்கு எமக்குத் தெரிந்திருக்கவில்லை. உலகில் வெற்றி கொண்ட போராட்டங்களெல்லாம், மக்கள் அமைப்புக்க்களை உருவாக்குவதிலும்,கட்சியை உருவாக்குவதிலும், அவற்றிலிருந்து கெரில்லா இராணுவ அமைப்புக்களைக் கட்டியமைப்பது குறித்தும் தான் நாம் பின்னர் கேள்வியுற்றோம். இதற்கு மாறாக, இராணுவ அமைப்பைக் உருவாக்கிக் கொள்வதைப் பற்றிச் சிந்தித்த எமக்கு, நாமும் எமது போராளிகளும் மட்டுமே மக்கள்.அதிலிருந்து வெளியிலிருப்போரோ, விலகிச்செல்வோரோ, யாராகவும் இருக்கலாம்; எதிரியாகவோ, எதிரியின் நண்பனாகவோ, துரோகியாகவோ யாராக வேண்டுமானாலும் இருக்கலாம். இவ்வாறு தலைகீழாக ஆரம்பித்த எமது அரசியலை வழி நடத்தவோ, எம்மோடு விவாதிக்கவோ, அரசியல் குறித்துப் பேசவோ யாரும் இல்லை. இதனால் இந்தக் கொலையெல்லாம் எமக்கு நியாயமாகத் தான் தெரிந்தன. எமது இரகசியங்களைத் தெரிந்து வைத்திருந்த மைக்கல் வழியாக இவையெல்லாம் வெளியே செல்லுமானால், நாம், நமது இருப்பிடங்கள் காட்டிக்கொடுக்கப்படும். நாம் கனவுகண்ட தமிழ் ஈழம் சிதைக்கப்படும். இவ்வாறு தான் நானும் பிரபாகரனும்  ஏனையோரும் சிந்தித்திருந்தோம். என்ன செய்வது எமது ஆரம்ப அரசியல் தவறுகள் கொலைகளை அங்கீகரிக்கும் வரை எம்மை நகர்த்தி வந்திருக்கிறது என்பதை பிற்காலங்களில் சுயவிமரசன அடிப்படையில் பார்த்திருந்தாலும், அவ்வேளையில் எமக்கு அது நியாயமாகத் தான் தெரிந்தது. சில நிமிடங்களின் முன்னர் எம்மோடு பேசிக்கொண்டிருந்த மைக்கல் இப்போது எம்மோடு இல்லை. இதயம் கனத்தது. தமிழீழக் கனவுக்காக இதையெல்லாம் தாங்கிக் கொண்டோம். பின்னர் சற்குணம், நான், பிரபாகரன், குமரச்செல்வம் ஆகிய நால்வரும் சேர்ந்து இரவிரவாக மைக்கலின் உடலைக் காட்டினுள் எரிக்கிறோம். கோரம் கவ்விய இரவு! ஓசைபடாத தமிழீழக் கனவு மட்டும் தான் எம்முள் ஒளிர்விட்டுக் கொண்டிருந்தது!! நாம் உறங்கவில்லை. தம்பியும் குமரச்செல்வமும் புகையிரத்தில் ஏறி யாழ்ப்பாணம் திரும்புகின்றனர். நானும் சற்குணாவும் காட்டினுள் தொடர்ந்து தங்கியிருந்து இறுதியில் எரிந்து முடியும் வரை காத்திருந்துவிட்டு மதியப் புகையிரதத்தில் ஏறுகிறோம். யாழ்பாணம் நோக்கி எமது புகையிரதம் எமது நினைவலைகளோடே நகர்ந்துகொண்டிருந்தது. இந்தச் சம்பவம் எமது நான்குபேரையும் தவிர வேறு எவருக்குமே தெரிந்திருக்கவில்லை. இந்தக் காலகட்டத்தில் குட்டிமணி, தங்கத்துரை போன்றோர் இந்தியாவிலிருந்து திரும்பி வருகிறார்கள். அவர்களது தொடர்புகளும் எமக்கு மறுபடி கிடைக்கிறது. அவர்கள், எமக்கு வெளியில் தாமே திட்டமிட்டு சில நடவடிக்கைகளை மேற்கொள்கிறார்கள். அவையெல்லாம் முழு வெற்றியளிக்கவில்லை. இந்த நிலையில் அவர்களுடைய நடவடிக்கைகளை ஊக்கப்படுத்தும் நோக்கோடு அவர்களில் இருவருக்கு துப்பாகி சுடக் கற்றுக் கொடுப்பது என்ற முடிபிற்கு வருகிறோம். இந்த முடிபின் அடிப்படையில் எமது புளியங்குளம் முகாமில் தங்கத்துரை மற்றும் ராசுப்பிள்ளை ஆகியோருக்கு துப்பாக்கி சுடும் பயிற்சி வழங்குகிறோம். இவர்கள் புதிய புலிகள் அமைப்பில் இல்லாதிருந்தாலும், நட்புசக்தி என்ற அடிப்படையில் இந்தப் பயிற்சி வழங்கப்படுகிறது. அவர்கள் அப்போது ரெலோ TELO என்ற அமைப்பை உருவாக்கியிருக்காவிட்டாலும், தனியான ஒரு குழுவாகச் செயற்பட்டனர். பிரபாகரனோ அல்லது புதிய புலிகள் அமைப்பிலிருந்த எவருமோ அவரை எம்முடன் இணைத்துக் கொள்ள விரும்பவில்லை. அவர்கள் வேறுபட்டவர்களாக இருப்பதையே நாம் அனைவரும் விரும்பினோம்.தங்கத்துரை குட்டிமணி போன்றோர் பிரதானமாகக் கடத்தல் தொழிலையையும், வன்முறை எதிர்ப்பு நடவடிக்கைகளைப் பகுதி நேரமாகவுமே மேற்கொள்கின்றனர். இதனடிப்படையில் அவர்களை உள்வாங்காமல், நட்பு சக்தி என்ற அடிப்படையில் அவர்களுக்கு உதவிகளை வழங்கினோம். இவ்வேளையில் எமக்கு இன்னொரு பிரச்சனை எழுகிறது. மைக்கலைக் கொலைசெய்வதில் பங்காற்றிய குமரச்செல்வம் எம்முடனான தொடர்புகளைக் குறைத்துக் கொண்டமை எமக்கு அதிர்ப்தியையும் பய உணர்வையும் ஏற்படுத்துகிறது. அவரைப் பலதடவை நாம் நேரடியாகவும், மற்றவர்களூடாகவும் அணுகிய வேளைகளிலெல்லாம், சுகவீனம், வேறு வேலைகள் போன்ற காரணங்களைக் கூறியனுப்பினார். சில மாதங்களில் தொடர்புகளை முற்றாகவே துண்டித்துக் கொள்கிறார். இதே வேளை இயக்கத்திற்குரிய இருபதாயிரம் ரூபா வரையிலான பணமும் அவரிடம் இருந்தது. அவற்றை எம்மிடம் ஒப்படைக்கவோ அதற்குரிய செலவீனங்களுக்குரிய காரணங்களை முன்வைக்கவோ அவர் முன்வரவில்லை. நாம் விசாரித்த வரையில் அவர் மேடை நாடகக் கலைஞனாகவும் இருந்ததால் எமது பணத்தை வைத்து தனது நாடகத் தொழிலில் முதலிட்டு செலவாக்கியிருந்தார் எனத் தெரிந்து கொண்டோம். இந்தச் சந்தர்ப்பத்தில் குலம் கூட மைக்கல் கொலை செய்யப்பட்டதை அறிந்து கொள்கிறார். ஆக, நான் மற்றும் குலம் ஆகியோர் மைக்கலைப் போலவே குமரச்செல்வமும் தவறிழைத்திருக்கிறார் அவரும் கூடக் காட்டிக் கொடுப்பாளனாக மாறலாம் என்று பிரபாகரனிடம் சுட்டிக்காட்டுகிறோம். மைக்கல் சுடப்பட்டது சரியானால் குமரச்செல்வமும் சுடப்பட வேண்டும் என்று நாங்கள் கோரிக்கையை முன்வைக்க, பிரபாகரன் வெவ்வேறு காரணங்களைச் சொல்கிறார். குமரச்செல்வம் பிரபாகரனின் நெருங்கிய நண்பரும் ஒரே ஊரைச் சேர்ந்தவரும் ஆவர். அவ்வேளைகளில் தனக்குப் பிறகு குமரச் செல்வத்தையே எல்லா விடயங்களிலும் முதன்மைப் படுத்துவார். இறுதியில், குமரச்செல்வத்தைப் பேசுவதற்கு அழைத்தால் அவர் வர மறுத்துவிடுவார், தவிர வல்வெட்டித்துறையில் வைத்து பொதுமக்கள் மத்தியில் சுட்டால் ஊரில் பிரச்சனையாகிவிடும் அதனால் வேறு சந்தர்ப்பங்கள் வரும் போது கொலை செய்துவிடலாம் என்கிறார். ஆனால் இறுதிவரை அவர் கொலை செய்யப்படவே இல்லை. இப்போது மத்திய குழுவில் அவரும் இல்லை. உதயகுமார் தான் ஒரு பெண்ணைக் காதலிக்கிறேன் எனக் காரணம் காட்டித் தொடர்புகளைக் குறைத்துக் கொள்கிறார். பின்னதாக முற்றாக தொடர்பற்றுப் போகிறார். சில மாதங்களுக்கு உள்ளாகவே பட்டண்ணாவும் உடல் நிலை குன்றியிருந்த காரணத்தால் தொடர்புகளை நிறுத்திக் கொள்கிறார். இப்போது மத்திய குழுவில் நானும் தம்பி பிரபாகரனும் மட்டுமே எஞ்சியிருந்தோம். ராகவன் போன்றோர் இன்னும் மாணவர்களாகக் கல்வி கற்றுக்கொண்டிருந்த சூழலில் ஆதர்வாளர் மட்டத்திலேயே தொழிற்பட்டனர். எமது ஆரம்ப உறுப்பினர்களின் நிலையற்ற தன்மை தொடர்ந்து கொண்டே இருக்கிறது. புத்தூர் வங்கிக் கொள்ளைப் பணத்தில் தனது குடும்பச் செலவிற்கு என்று ஐந்தாயிரம் ரூபா பெற்றுக்கொண்ட ஜெயவேல் இப்போது நம்மை நோக்கி வருவதே இல்லை. அவர் ஒரு மீன் பிடித் தொழிலாளி தான். எம்மிடம் பணம் பெற்றுக்கொண்ட பின்னர், அதை வைத்து ஆடம்பரமாக செலவாடித் திரிவதாக நாம் தகவல் அறிந்திருந்தோம். இவர் பண்ணைக்கு வருவார் என வவுனியா புகையிரத நிலையத்தில் நான் எதிர்பார்த்துக் காத்திருந்த சம்பவத்தை முன்னமே கூறியுள்ளேன். இவையெல்லாவற்றையும் பிரபாகரன் மறுபடி நினைவுறுத்தி, அவரையும் கொலைசெய்ய வேண்டும் என்கிறார். பிரபாகரன் எம்மிடம் சொல்கிறார்,கொலை செய்து பழக்கப்பட்டால் தான் மனத்தில் உரமேறும். அதை நீங்கள் தான் இப்போது நிறைவேற்ற வேண்டும் என்கிறார்.வழமை போலவே எமக்கும் அது நியாயமாகப் படுகிறது. ஆக, கொலை செய்யப்பட வேண்டும் என்ற முடிபுக்கு வருகிறோம். ஜெயவேலைக் கொலைசெய்வதற்கான பொறுப்பை சற்குணத்திடமும் என்னிடமும் தம்பி பிரபாகரன் ஒப்படைக்கிறார். ஆரம்பத்தில் நாம் தயங்கினாலும், பின்னர் பிரபாகரனின் தொடச்சியான வற்புறுத்தியதால் இணக்கம் தெரிவித்துக் கொள்கிறோம். பின்னதாக ஜெயவேலைச் சுட்டுக் கொலை செய்வதைவிட விஷம் கொடுத்துக் கொலைசெய்வதே சிறந்த வழியென்று பிரபாகரன் எமக்கு அறிவுறுத்துகிறார். அதற்கான விளக்கத்தை அவரே முன்வைக்கிறார். ஜெயவேல் கராத்தேயில் தேர்ச்சி பெற்றவர். நாங்களோ கொலைக்குப் புதியவர்கள்; அனுபவமற்றவர்கள். ஆக, நாம் கொலைசெய்ய முற்படும் போது அவர் எங்களை மீறி எம்மைத் திருப்பித் தாக்கிவிடுவார் என்பதே பிரபாகரனின் அந்த விளக்கமாக இருந்தது. இது கூட எமக்கு நியாயமாகத் தான் தெரிகிறது. பின்னதாக ஜெயவேலைப் புளியங்குளத்திற்கு அழைக்கிறோம். கொழுத்தும் வெயிலில், நானும் சற்குணமும், குலமும் ஒருவரை ஒருவர் பார்த்துக் கொண்டே நேரத்தை விரட்டியடித்துக் கொள்கிறோம். நேரம் நகர்கிறது. ஒரு புறத்தில் ஒப்படைக்கப்பட்ட பொறுப்பை நிறைவேற்றி முடித்துவிட வேண்டும் என்ற ஆதங்கம். மறுபுறத்தில் எம்மைத் தடுக்கும் மனிதாபிமானமும் பய உணர்வும். எமது நீண்ட மனப் போராட்டம் மூளையில் உட்கார்ந்து சோகமாய் குடைந்து கொண்டிருக்க ஜெயவேல் வருகிறார். நாம் எதிர்பார்த்திருந்தது போலவே அவர் நேரத்தைத் தவறவிடாமல் அங்கு வந்து சேர்கிறார். அன்றெல்லாம் பல்தேசியக் கம்பனிகளின் கோலாவும், பன்டாவுமா இருக்கும்? வெறும் சோடா தான். இலங்கையின் தேசிய உற்பத்தி! நாம் ஒவ்வொரு சோடாவையும் வாங்கிக் கொள்கிறோம். அதில் ஒன்று ஜெயவேல் அருந்துவதற்கானது. அது மட்டுமல்ல அது அவரின் உயிரையும் அருந்தப்போகும் பானம். ஆம் அதற்குள் நஞ்சைக் கலந்திருந்தோம். சில நிமிடங்களில் எமது கண்முன்னேயே ஜெயவேல் மரணிக்கப் போகிறார். ஜெயவேல் எம்மோடு உட்கார்ந்து கொண்டு நண்பர்கள் போல உரையாடுகிறோம். சோடாவை அவர் தனது வாய்க்கருகே கொண்டு போகிறார். நாம் ஒருவரை ஒருவர் பார்த்துக் கொள்கிறோம். சோடாவைச் சுவைத்த ஜெயவேல் அது கசக்கிறது என்றும் தனக்குக் அருந்த விருப்பமின்றி இருப்பதாகவும் கூறி அங்கேயே வைத்துவிட்டு சில மணி நேரங்களின் பின்னர் அங்கிருந்து சென்றுவிட்டார். ஜெயவேல் இறுதியில் தப்பிவிட்டார். ஒரு கொலை நிகழவில்லை. அவர் நின்று, நேர்கொண்ட பார்வையுடன் எம்மை விட்டு நகர்கிறார். இதே காலப் பகுதியில், சில இளைஞர்கள் இணைந்து உரும்பிராய் பெற்றோல் நிலைய நடராஜாவை கொலை செய்கின்றனர். இந்தக் கொலையை மேற்கொண்டவர்கள் உரும்பிராய் பாலா, தங்கா , பேபி சுப்பிரமணியம் ஆகியோர். நான் அறிந்தவரை பேபி சுப்பிரமணியம் இந்தச் சம்பவத்தில் நேரடியாக ஈடுபடாவிட்டாலும் இதற்கான திட்டமிட்ட நடவடிக்கைகளை மேற்கொண்டார் என்றே கூறப்பட்டது. தங்கராஜாவும், பாலாவும் இதில் நேரடியாக ஈடுபட்டனர் என்பது உண்மை. இந்த நடராஜா என்பவரே சிவகுமாரனைக் காட்டிகொடுத்தார் என்பதே அவர் மீதான குற்றசாட்டு. இது தவிர அப்போது ஆட்சியிலிருந்த சிறீ லங்கா சுதந்திரக் கட்சியின் உறுப்பினரும் கூட. கொலையைத் திட்டமிட்டு நிகழ்த்திய இந்த மூவரும் தன்னிச்சையாகவே இதை மேற்கொண்டனர். இவர்கள் எந்த நிறுவன மயப்பட்ட அமைப்பையும் சார்ந்தவர்கள் அல்ல எனினும் இவர்கள் மூவருமே தமிழர் விடுதலைக் கூட்டணி ஆதரவாளர்கள். உரும்பிராய் பாலா இந்தச் சம்பவத்தில் ஈடுபட்ட விபரம் தெரியவர அவர் தேடப்படுகிறார்.சில மாதங்களின் பின்னர் இவ்வாறு தேடப்படும் சந்தர்ப்பத்திலேயே பாலா, பேபி சுப்பிரமணியம், தங்கா ஆகிய மூவரும் எம்மைப்பற்றி அறிந்து எம்மோடு தொடர்புகளை ஏற்படுத்திக் கொள்கின்றனர். இந்தத் தொடர்புகளூடான உரையாடல்களின் பின்னர் அவர்களும் எம்மோடு இணைந்து இயங்க ஆரம்பிக்கின்றனர். இதே வேளையில் லண்டனிலிருந்து இலங்கை வந்திருந்த விச்சேஸ்வரன் என்ற விச்சு என்பவரும் எம்மோடு தொடர்புகளை ஏற்படுத்திக் கொள்கிறார். இப்போது நாம் இருவரும் தான் எல்லா முடிபுகளையும் மேற்கொள்வோம். மறு புறத்தில் எமது வேலைப் பழு அதிகமாகிக் கொண்டு செல்கிறது. பண்ணைகளை விஸ்தரித்தல், இராணுவப் பயிற்சி, புதிய உறுப்பினர்களை இணைத்துக் கொள்ளல், பணத்தை ஒழுங்கு படுத்தல் என்ற பல்வேறு சுமைகள் எமது இருவர் பொறுப்பிலும் வந்து சேர்கிறது. துரையப்பா கொலைச் சம்பவத்தில் திட்டமிடல் ஒழுங்குபடுத்தல்களுக்கு உதவிசெய்த நாகராஜாவும் பொலிசாரால் சந்தேகத்தின் பேரில் கைது செய்யப்பட்டு விடுதலை செய்யப்படுகிறார். பின்னர் அவர் கொழும்பில் இலங்கை ஒலிபரப்புக் கூட்டுத் தாபனத்தில் வேலை பார்த்துக் கொண்டே எம்மோடு தொடர்புகளைப் புதுப்பித்து இணைந்து கொள்கிறார். இதே வேளை பூந்தோட்டம் பண்ணையை உருவாக்குவதற்கான காணியைப் பெற்றுக்கொள்ள உதவிய கணேஸ் வாத்தி எம்மோடு தொடர்புகளை வலுப்படுத்திக் கொள்கிறார். இறுதியில் இந்த இருவரும் புதிய புலிகளில் இணைந்து கொள்கிறனர். இருப்பினும் இவர்கள் இருவரும் தமது உழைப்பிற்கான தொழிலைக் கைவிட்டாமலே பகுதி நேரமாக எம்மோடு உறுதியாகப் பங்காற்ற முன்வருகின்றனர். இரண்டு பேராகச் சுருங்கிப் போன மத்திய குழு தவிர, பண்ணையில்ருந்த உறுப்பினர்கள் முழு நேரமாக பண்ணையில் விவசாயம் செய்து கொண்டிருக்கிறார்கள். இவ்வேளையில் புதிய மத்திய குழு ஒன்றைத் தெரிவு செய்யும் முடிபிற்கு வருகிறோம். அந்த மத்திய குழுவில், பேபி சுப்பிரமணியம், நாகராஜா, கணேஸ் வாத்தி, தங்கா, விச்சு, நான், பிரபாகரன், , குலம், பின்னதாக இந்தியாவிலிருந்து வந்து திரும்பி வந்த பற்குணம் ஆகியோர் அங்கம் வகிக்கிறோம். இந்த மத்திய குழுவில் தான் புதிய புலிகள்(TNT) என்ற அமைப்பு தமிழீழ விடுதலைப் புலிகள்(LTTE) என்று � உத்தியோக பூர்வமாக� பெயர் மாற்றம் செய்யப்படுகிறது. 1976 இறுதிப்பகுதிதமிழீழ விடுதலைப் புலிகளின் ஆரம்பமாகவும் அமைகிறது. இந்த மத்திய குழுத் தெரிவுக் கூட்டம் வவுனியா பூந்தோட்டம் பண்ணையில் தான் நடைபெறுகிறது. இங்கு கூடியிருக்கும் ஒவ்வொருவரும் ஒவ்வொரு பெயரை முன்மொழிகிறோம். நானும் கூடத் தான். எமது இயக்கத்தின் புதிய பெயரைத் தெரிவு செய்வதில் அனைத்து உறுப்பினர்களும் ஆர்வம் கொண்டு விவாதிக்கிறோம். வெவ்வேறு பெயர்கள் சொல்லப்பட்டு இறுதியாக பல்வேறு தெரிவுகளின் கூட்டாக �தமிழ் ஈழ விடுதலைப் புலிகள்� என்ற பெயர் உருவாகிறது. மத்திய குழு உறுப்பினர்கள் குறித்த சிறு விபரக் குறிப்பு, இந்தியா சென்றிருந்த பற்குணத்தின் மீழ் வருகை, தமிழீழ விடுத்லைப் புலிகளின் ஆரம்பக் குறிப்புகள், சில தாக்குதல் சம்பங்கள் போன்றன பகுதி நான்கில் வரும்�  பின்னூட்டங்களுக்கான குறிப்பு: தமிழ்ப் பேசும் மக்களின் ஒடுக்கு முறைக்கு எதிரான ஆயுதப் போராட்டத்தில் ஆரம்பகால நிகழ்வுகள் குறித்த இந்தத் தொடரின் பிரதான நோக்கம் இதனை முழுமைப்படுத்தி ஆவண நூலுருவில் வெளிக்கொணருவதே. இதற்கான ஆரம்ப நிலை முயற்சி மட்டுமே இத்தொடர். இதனூடாக பரந்துபட்ட அனுபவத் தளம் ஒன்றை உருவாக்கிக் கொள்வதும், நுண்ணிய தகவல்களை உள்வாங்கிக் கொள்வதும் அவற்றினூடாக எனது நூலை முழுமைப்படுத்துவதுமே எனது நோக்கம். ஆக, ஏனைய வாசகர்களும் ஆர்வலர்களும், என்னோடிணைந்திருந்த சமகாலத்தவர்களும், தகவல்களை மேலும் நுண்ணியமானதாக்க அவர்களின் பங்களிப்பை வழங்குவார்கள் என எதிர்பார்க்கிறேன். இப்போது எனது குறிப்புகள் அனைத்தும் எனது நினைவுகளின் அடிப்படையிலிருந்தே பதியப்படுகின்றது. போராட்டத்தின் அவலங்களின் நடுவே எனது முன்னைய எழுதப்பட்ட ஆவணம் தொலைந்து போனது துயர் மிக்க சம்பவமாகும். நூலுருவில் வெளியிடுவதற்கு முன்பதாக, 1. பத்திரிகைகள், துண்டுப்பிரசுரங்கள், புகைப்படங்கள் போன்ற ஆவணங்களைத் திரட்டும் முயற்சியில் ஈடுபட்டுள்ளேன்.2. என்னோடான சமகாலத்தவர்களுடன் தொடர்புகளை வலுப்படுத்தி, திகதி வாரியான தகவல்களைத் திரட்டுகிறேன். இந்த முயற்சிகளுக்கு எனது இணையத் தொடர் பங்களிப்பு வழங்கும் என்பதே எனது எதிர்பார்ப்பு. திருநாவுக்கரசு என்பவர் வட்டுக்கோட்டைத் தொகுதி பாராளுமன்ற உறுப்பினராக இருந்தவர் என்பதைச் சுட்டிக்காட்டிய வாசகருக்கு எனது நன்றிகள். காங்கேசந்துறையை வசிப்பிடமாகக் கொண்ட இவர், நான் குறிப்பிட்ட காலப்பகுதியில் காங்கேசந்துறையில் தேர்தலில் போட்டியிட்டு, பின்னதாகத் தோற்றுப் போனவர். தவிர, இன்று ஐரோப்பா சார் புலம் பெயர் இணையத் தளங்களிடையே நிகழும் குழுவாத கோஸ்டிச் சண்டைக்குள் வரலாற்றுப் பதிவுகள் அமிழ்ந்து போகாது, சமூக உணர்வுடன் அனைவரும் பங்களிக்க முன்வருவதனூடாக புதிய சிந்தனை முறையினை வளர்க்கலாம் என்பதே எனது கருத்து. நன்றி இனிஒரு Tue, 05 Jan 2010 06:44:39 -0600 http://www.globaltamilnews.net/tamil_news.php?nid=19286 http://www.globaltamilnews.net/tamil_news.php?nid=19286 வவுனியா நலன்புரி முகாம்களில் தங்கவைக்கப்பட்டிருந்த நிலையில், மீள்குடியேற்றத்திற்காக கிளிநொச்சிக்கு அழைத்துச் செல்லப்பட்ட 75 குடும்பங்களைச் சேர்ந்த 250 பேர் கிளிநொச்சி மத்திய கல்லூரியில் தங்கவைக்கப்பட்டுள்ளனர்.  கடந்த ஒரு மாத காலத்திற்கு மேலாக பாடசாலையில் தங்கவைக்கப்பட்டுள்ள தம்மை மீளக்குடியேற்ற நடவடிக்கை எடுக்குமாறு இவர்கள் கோரிக்கை விடுத்துள்ளனர். கடந்த டிசம்பர் மாதம் முதலாம் திகதி இவர்கள் வவுனியா நலன்புரி முகாம்களில் இருந்து மீளக்குடியேற்றுவதற்காக கிளிநொச்சிக்குஅழைத்து வரப்பட்டனர். கரைச்சி, திருநகர், உதயபுரம், கனகபுரம் ஆகிய பகுதிகளைச் சேர்ந்த இந்த மக்கள் மீள்குடியேற்றப்படாத நிலையில், அடிப்படை வசதிகள் எதுவுமற்று மிகுந்த கஷ்டத்தின் மத்தியில் வாழ்ந்து வருகின்றனர். கிளிநொச்சி மத்திய கல்லூரியில் தங்கவைக்கப்பட்டுள்ள குடும்பஸ்தர் ஒருவர் கருத்து தெரிவிக்கையில், எம்மை மீளக்குடியேற்றப்போவதாகக் கூறி அழைத்து வந்தனர். நாமும் மிகுந்த மகிழ்ச்சியுடன் சொந்த இடங்களுக்கு திரும்புவதற்காக வருகை தந்தோம். ஆனால், எம்மை எமது ஊருக்கு அனுப்பாது கடந்த ஒரு மாத காலத்திற்கு மேலாக பாடசாலையில் தடுத்து வைத்துள்ளனர். இங்கிருந்து வெளியில் எங்கும் போக முடியாத நிலை காணப்படுகின்றது. நாளை குடியேற்றுவோம், அடுத்த வாரம் குடியேற்றுவோம் என கூறி அதிகாரிகள் எம்மை ஏமாற்றி வருகின்றனர். இதனால், நாம் எதனையும் செய்ய முடியாத நிலையில் இங்கு அடைந்து கிடக்கின்றோம். எமது சொந்த இடம் அருகில் இருக்கின்றபோதும் அங்கு செல்ல முடியாத நிலை காணப்படுகின்றது. அதிகாரிகள் உணவுப் பொருட்களை வழங்குகின்றனர். அதனைக் கொண்டு நாம் சமைத்து உண்ணுகின்றோம். நாள்தோறும் சோறும் பருப்புக் கறியுமே உண்ணவேண்டிய நிலை காணப்படுகின்றது. மீள்குடியேற்றம் என்ற போர்வையில் எம்மை அழைத்து வந்து பாடசாலையில் அடைத்து வைத்திருப்பது எந்த வகையிலும் நியாயமானது அல்ல.       Tue, 05 Jan 2010 04:44:43 -0600 http://www.globaltamilnews.net/tamil_news.php?nid=19285 http://www.globaltamilnews.net/tamil_news.php?nid=19285  நட்சத்திர ஆரம்பத் துடுப்பாட்ட வீரர் திலகரட்ன தில்ஷானின் அபார துடுப்பாட்டத் திறமை காரணமாக பங்களாஷே; அணியை, இலங்கை சுலபமாக வீழ்த்தியது. இந்தியா, பங்களாதேஷ் மற்றும் இலங்கை ஆகிய அணிகள் பங்கேற்கும் முக்கோண ஒருநாள் போட்டித் தொடரின் முதலாவது போட்டி மிர்பூரில் உள்ள பெங்கலா மைதானத்தில் நடைபெற்றது. நாணய சுழற்சியில் வெற்றியீட்டிய இலங்கை அணியின் தலைவர் குமார் சங்கக்கார முதலில் பங்களாதேஷ் அணியை துடுப்பெடுத்தாடுமாறு பணித்தார். இதன்படி களமிறங்கிய பங்களாதேஷ் அணி நிர்ணயிக்கப்பட்ட 50 ஓவர்களில் ஏழு விக்கட்டுகளை இழந்து 260 ஓட்டங்களைப் பெற்றுக் கொண்டது. இதில் நட்சத்திர வீரர் முஹமட் அஷ்ரபுல் 75 ஓட்டங்களையும், அறிமுக வீரர் முஹமதுல்லா 45 ஒட்டங்களையும், தமீம் இக்பால் 40 ஓட்டங்களையும் பெற்றுக் கொண்டனர். பந்து வீச்சில் சுரங்க லக்மால் மற்றும் சுராஜ் ரந்தீவ் ஆகியோர் தலா இரண்டு விக்கட்டுகளை வீழ்த்தினர். 261 ஓட்டங்கள் என்ற வெற்றி இலக்கை நோக்கித் துடுப்பெடுத்தாடிய இலங்கை அணி 44.5 ஓவர்களில் மூன்று விக்கட்டுகளை இழந்து வெற்றி இலக்கை எட்டியது. இதில் மிக அபாரமான துடுப்பாட்டத் திறமையை வெளிப்படுத்திய திலகரட்ன தில்ஷான் 104 ஓட்டங்களையும், குமார் சங்கக்கார 74 ஓட்டங்களையும் பெற்றுக் கொண்டனர். பந்து வீச்சில் ஷபியுல் இஸ்லாம், ருபெல் ஹூசெய்ன் மற்றும் முஹமதுல்லாஹ் ஆகியோர் தலா ஒரு விக்கட்டை வீழ்த்தினர். இந்தப் போட்டியின் ஆட்ட நாயகனாக திலகரட்ன தில்ஷான் தெரிவு செய்யப்பட்டார். Tue, 05 Jan 2010 06:17:15 -0600 nonadult