GoodIdea – LU

Achetez en ligne sur Letzshop.lu

goodidea — Mon, 01 Oct 2018 06:00:48 +0000

Vos commerçants luxembourgeois en ligne sur Letzshop.lu

Retrouvez désormais tous vos commerçants favoris et découvrez-en de nombreux autres sur Letzshop.lu, la plateforme e-commerce 100% luxembourgeoise lancée le 14 septembre 2018 !

Vous êtes commerçants ?

Faites vos premiers pas dans le e-commerce et assurez votre présence sur Internet avec une boutique en ligne sur Letzshop.lu !

Intéressés ? L’équipe du GIE Luxembourg for Shopping est à votre disposition pour répondre à toutes vos questions, par e-mail : contact@letzshop.lu ou par téléphone au +352 26 43 00 94.

Schueberfouer 2017

goodidea — Fri, 18 Aug 2017 08:00:27 +0000

D’Schueberfouer ass souwuel d’Kiermes vun der Stad Lëtzebuerg wéi och dat gréisstent Volleksfest vu Lëtzebuerg an der Groussregioun. Si zitt all Joer iwwer 2 Millioune Visiteuren op déi 4 Hektar grouss Fläch vum Glacis matzen an der Stad. Vum 23. August bis den 11. September 2017 ass et nees sou wäit! Da waarde ronn 3,5 Kilometer Kiermesbuden a Spiller op Iech!

D’Schueberfouer ass eng an Europa eemoleg Mëschung aus ronn 180 Attraktiounen: dorënner si grouss Spiller, Spiller fir Kanner, eng Dose Restauranten, vill Gedrénks- a Séissegkeetsstänn, Tombolas- a Schéissbuden an 80 Kreemerchesstänn. Forainen aus vill verschiddene Länner maachen d’Schueberfouer zu engem multikulturelle Volleksfest, dat awer och säin urtypesche Lëtzebuerger Flair behalen huet.

Dir wësst sécher selwer, wat d’Lëtzebuerger mengen, wann se vun hirer “Fouer” schwätzen … ob op engem vun de ville Spiller oder beim Genéisse vun den typeschen “Gromperekichelcher”, dem “gebakene Fësch” oder de leckere Gaufere mat Schlagsahn an Äerdbier! Allez, lass geet et op d’Fouer!

Op den Terrasse vu Lëtzebuerg entspanen!

goodidea — Thu, 20 Jul 2017 06:00:30 +0000

Gënnt Iech eng kleng Auszäit a genéisst d’Sonn a waarm Summerowenter op enger vun de villen Terrasse vu Restauranten a Baren an der Stad an um Land. Wann d’Ambiance stëmmt, dann ass den Erhuelungseffekt ëmsou méi grouss. Mir hunn dofir fir Iech e klenge Choix un Terrassen zesummegestallt – all mat engem gewëssen Extra, dat Iech gefale kéint.

An der Stad zum Beispill fannt Dir matzen am Zentrum beim Cafetin de Buenos Aires e klengen, mee ganz flotte Bannenhaff, eng Oas am Stater Gewulls. Wann Der gär eng Vue op déi berühmtste Fra vu Lëtzebuerg hätt, da wier de Zanzen ze recommandéieren. Dee fannt Der guer net wäit vun der Gëlle Fra ewech! Matzen am liewege Quartier Clausen sollt Der Iech awer op kee Fall d’Terrass vum Le Sud entgoe loossen.

E bësse méi aus der Stad eraus kënnt am Boos Café Vakanzestëmmung op. D’Féiss am Sand, Cocktail an der Hand – wat wëllt ee méi?

Caféen a Kaffikultur

goodidea — Tue, 18 Apr 2017 08:00:05 +0000

„Mir ginn eng Taass Kaffi drénken …“ Wou soss kann ee sech d’Zäit esou wonnerbar verdreiwen, matzen am Do eng Paus aleeën a Frënn treffen wéi an engem Café? Wann dann d’Kaffispezialitéiten och nach vu Meeschterhand zoubereet ginn an een nach e Stéck Kuch oder eng aner Glëtterei derbäi ka kréien, da feelt dach net méi vill zum klenge Gléck!

Bleift d’Fro, wou ee sech nidderléisst … Mir präsentéieren Iech no dësem Artikel eng kleng Auswiel vun eise Good Ideas! A wann Der Äre Kaffi léiwer doheem genéisst, da fannt Der an de Supermarchéen am Land eng grouss Auswiel un internationale Marken.

Iwwregens gëtt och zu Lëtzebuerg Kaffi geréischtert: zum Beispill bei „Mondo del Caffè“ zu Iechternach an an der „Maison Santos“ an der Stad. Déi lëtzebuergesch Kaffisréischterei Bruno huet – nieft hire Clienten aus der Gastronomie – och nach 13 Bruno Coffee Shops uechter d’Land.

Ouschteren zu Lëtzebuerg

admin — Mon, 10 Apr 2017 17:00:31 +0000

Ouschteren ass zu Lëtzebuerg, dat zum gréissten Deel kathoulesch ass, eent vun de wichtegste Fester am Joer. Nieft dem Ouschterhues an alle méigleche Variatiounen a ville faarwegen Eeër mécht Lëtzebuerg sech op Ouschteren nees en Numm, wat déi kulinaresch Highlights ubelaangt! Iwweregens ass Karfreideg keen offizielle Feierdag am Grand-Duché. D’Geschäfter sinn also op!

Vill Supermarchéen, Epicerien, Bäckereien a Chocolaterië bidden Iech e risege Choix u Gourmandisen: Lëtzebuerger Spezialitéiten, mee och vill däitsch a franséisch Produiten. Gutt Tuyaue fir Är kulinaresch Entdeckungstour fannt Dir an der Kategorie “Restauranten & Liewesmëttel“.

E ganz besonnescht kulturellt Evenement ass op Ouschterméindeg: An der Stad um Fëschmaart an zu Nouspelt (am Weste vum Land am Kanton Capellen) ass déi traditionell “Emaischen”, d’Fest vum Emmaus. Zéngdausende vu Leit lauschteren dann erëm op d'”Péckvillercher”, kleng Villercher aus Toun, déi et op deenen zwee Mäert an alle Faarwen a Formen ze kafe gëtt.

Kiermesstänn, Kënschtler mat hire Kreatiounen an natierlech eng grouss kulinaresch Offer maachen den Ouschterméindeg zu engem onvergiesslechen Erliefnes vun urlëtzebuergescher Traditioun!

Lëtzebuerger Bio-Wäiner am Trend

goodidea — Tue, 21 Feb 2017 06:00:00 +0000

Wäin huet zu Lëtzebuerg eng laang Traditioun a wéinst senger gudder Qualitéit huet e vill zum gudde kulinareschen Image vum Land bäigedroen. Och Bio-Wäiner ginn zënter 1995 zu Lëtzebuerg ugebaut. Hutt Der schonn ee vun dëse grénge Wäiner probéiert?

Well d’Nofro no Bio-Wäiner klëmmt, geet och d’Zuel vun de Wënzer, déi Wäin op biologescher Basis ubauen, hei an d’Luucht, grad wéi d’Gréisst vun der Ubaufläch. Um Herrenberg zu Waasserbëlleg zum Beispill ass zurzäit das gréisst Ubaugebitt fir biologesch Wäiner am Grand-Duché.

Dat ass innovative Wäibau op historeschem Buedem, well Mönche vun Tréier hu scho viru méi wéi 800 Joer Wäin do produzéiert – mat Sécherheet och ouni chemeschen Dünger oder Sprëtzmëttel. Sou gesinn ass d’Beplanzung vum Buedem mat eenheemesche Kraider a Blummen wuertwiertlech en “zeréck bei d’Wuerzelen”, well eng excellent Buedemqualitéit ass déi bescht Viraussetzung fir en excellente Wäin.

Wéi wier et also bei der nächster Geleeënheet mat engem Lëtzebuerger Bio-Wäin? Bei deenen heite Betriber kënnt Dir der fannen:

Caves Sunnen-Hoffmann
Domaine Krier-Welbes
Domaine Krier-Bisenius
Domaine Mathes
Domaines Vinsmoselle
Maison Viticole Roeder
Carlo Entringer, Projekt « Canecher Wengertsbierg ».

Loscht op en eegene Riefstack? Da kuckt Iech mol déi ausgefale Good Idea hei un.

Vältesdag – Zäit vun de Gefiller

goodidea — Mon, 30 Jan 2017 06:00:46 +0000

De 14. Februar ass Vältesdag! Maacht deen Dag zu engem besonneschen Erliefnes fir Iech an Äre Partner oder Är Partnerin. Klassiker ënnert de Cadeaue si Blummen a Knippercher. Déi Lëtzebuerger Fleuristen erwaarden Iech mat spezielle Kreatiounen an erfëllen och gär Är ganz individuell Wënsch. Geheit mol e Bléck an eis Kategorie “Blummebutteker“.

Ënner “Gourmandisen” kritt Dir Iddie fir Är perséinlech Formel vun der séisser Verféierung. Schléisst den Dag mat engem Besuch am Restaurant of a schenkt Zäit, fir zu zwee ze genéissen. D’Gastronomie zu Lëtzebuerg léisst keng Wënsch onerfëllt, wéi eis Kategorie “Restauranten” et weist. Entspanung zu zwee bidden iwwregens och vill Wellnesszentren am Land. Eng Auswiel fannt Dir hei.

Wantersolden am ganze Land

goodidea — Wed, 28 Dec 2016 08:00:04 +0000

D’Equipe vu Goodidea.lu wënscht Iech all Guddes fir 2017! Et ass de Shopping-Highlight am neie Joer: Vum 30. Dezember 2016 bis den 28. Januar 2017 sinn am ganze Land Wantersolden. Dat ass de Moment, wou vill Geschäfter am Land mat speziellen Offeren an héije Remisë lackelen!

Profitéiert vun dëser aussergewéinlecher Méiglechkeet! Wann Dir nach op der Sich no enger flotter Boutique oder engem Restaurant sidd, consultéiert eis Gudd Iddien!

Vu lokal bis international: Kaddoen aus Lëtzebuerg

goodidea — Mon, 28 Nov 2016 12:37:10 +0000

Hutt Der schonn all Är Kaddoen zesummen? Wann net, hätte mer nach e puer Iddie fir Iech! Wéi et sech fir e Chrëschtkaddo gehéiert, sti bei der Auswiel d’Individualitéit an d’Qualitéit vun de Produiten un éischter Plaz. De Lëtzebuerger Commerce zeechent sech duerch zwee Aspekter aus, déi wierklech predestinéiert sinn, fir passend Kaddoen ze fannen: lokal an international Produiten.

A ville vun eisen “Good Ideas” stelle mer Iech ënnert dem Titel “I love local” Kreativer, Producteuren a Commerçantë vun heiheem vir. Hei fannt Dir Marke resp. Wueren, déi Dir an där Form dacks nëmmen zu Lëtzebuerg kënnt kréien: vu Bëbeeskleedung iwwer Designkleeder bis hin zum eenzegaartege Lëtzebuerger Cider.

De Grand-Duché lieft vu Kontraster, dofir begeeschtert nieft de spannende lokale Produiten och déi international Marken-a Produiten-Villfalt d’Clienten. D’Rubrik “I love Europe” stellt Iech déi multikulturell Säit vu Lëtzebuerg am Commerce vir. Wéi wier et mat engem aussergewéinlechen, rumänesche Wäin, portugiseschen, skandinaveschen oder britesche Spezialitéiten?

Eis Good Ideas ginn Iech vill europäesch Geschenkiddien – ganz lëtzebuergesch eben.

Lokales ass IN – “I love local”

goodidea — Wed, 07 Sep 2016 05:00:53 +0000

Hutt Dir och gär lokal an individuell Produiten, Saachen, déi ee soss néierens kritt? Lëtzebuerg huet méi lokalen Design a Produite vun heiheem ze bidden, wéi ee mengt! Mir presentéieren Iech eng Auswiel vu Good Ideas an enger spezieller “I ♥ local”-Kategorie.

Verschidde Schneekegkeeten, Moud an Accessoiren, Kaddosartikelen … D’Iddie stamen aus ganz ënnerschiddleche Kategorien an hunn awer eppes gemeinsam: Et kann een déi Produiten all zu Lëtzebuerg kafen. D’Lëscht gëtt iwwregens stänneg méi grouss, well de Grand-Duché ass um beschte Wee, sech zu enger echter “I ♥ local”-Destinatioun ze entwéckelen!