ગુજરાતી સાહિત્ય

મને ભૂલી નથી એ.. - 'હું' કિરણકુમાર રોય (૨૮-૦૯-૨૦૨૨)

noreply@blogger.com (KK Roy) — Wed, 28 Sep 2022 17:51:00 +0530

મને યાદ કર્યા નું સબૂત મળ્યું છે,
કાલે એનું ઓશીકું ભરપૂર ભીનું મળ્યું છે.

મારા આલિંગન માત્ર થી મહેકી ઉઠતી હતી એ,
એના કબાટ માં મારુ પસંદીદા અત્તર મળ્યું છે.

મને ભુલાવવા રોજ લખે છે મને,
એની ડાયરી માં મારી ગઝલ નું કાગળિયું મળ્યું છે.

'હું' રોજ ભૂલો પડું છું મયખાના થી ઘરે જતા,
મને ક્યાંક થી એના નવા ઘર નું સરનામું મળ્યું છે.

- 'હું' કિરણકુમાર રોય (૨૮-૦૯-૨૦૨૨)

ચાંદલો -'હું' કિરણકુમાર રોય (૧૪-૦૫-૨૦૨૨)

noreply@blogger.com (KK Roy) — Thu, 12 May 2022 12:03:00 +0530

તારા ચાંદલા એ ખુબ રંગ રાખ્યો છે,

મને હંમેશા તારા મસ્તક પર જીવંત રાખ્યો છે...

-'હું' કિરણકુમાર રોય (૧૪-૦૫-૨૦૨૨)

તને રજા છે - 'હું' કિરણકુમાર રોય (Tane raja che. - 'Hun' KiranKumar Roy)

noreply@blogger.com (KK Roy) — Thu, 25 Nov 2021 12:04:00 +0530

ભલે તું રડી રડી ને દરિયો ભરે,

પણ મને તો તારી સ્મિતમાં મજા છે..

હું તને વ્યોમ ભરી પ્રેમ કરું,

તું મને મધ દરિયે છોડ તને રજા છે..

- 'હું' કિરણકુમાર રોય

૨૫/૧૧/૨૦૨૧

હેપી કાલી ચૌદસ - ૨૦૨૧

noreply@blogger.com (KK Roy) — Wed, 3 Nov 2021 11:26:00 +0530

માઁ આદિ શક્તિ મહાકાળી તમારા જીવન માં

સુખ શાંતિ અને સમૃદ્ધિ પ્રદાન કરે એવી શુભકામના સાથે

હેપી કાલી ચૌદસ

રહસ્ય -'હું' કિરણકુમાર રોય (Rahasy - 'Hun' KiranKumar Roy)

noreply@blogger.com (KK Roy) — Fri, 18 Jun 2021 12:28:00 +0530

મારા માટે એ ખરેખર એક રહસ્ય હતું,

કે મારા નવા કપડાં નું મૂલ્ય, પપ્પા ના શર્ટ નું નવું થીગડું હતું.

-'હું' કિરણકુમાર રોય

૧૮/૦૬/૨૦૨૧

મારી ગઝલો - 'હું' કિરણકુમાર રોય (Mari Gazalo - 'Hun' KiranKumar Roy)

noreply@blogger.com (KK Roy) — Thu, 28 Mar 2019 12:23:00 +0530

મારી ગઝલો શબ્દો નથી લાગણી ના માળા છે,
મારે મન રત્નો મોંઘા, તારે મન પત્થર કાળા છે.

- 'હું' કિરણકુમાર રોય (27/03/2019)

લવની ભવાઇ - વાલમ આવો ને.. (LOVE ni Bhavai - Vaalam aavo ne)

noreply@blogger.com (Anonymous) — Mon, 18 Dec 2017 12:33:00 +0530

ચિત્રપટ : લવની ભવાઇ
ગીત : વાલમ આવો ને
સ્વરકાર : જિગરદાન ગઢવી
ગીતકાર : નીરેન ભટ્ટ
ગાના લીંક (ગીત અહીં સાંભળો)
================================

હું મને શોધ્યા કરુ,
પણ હું તને પામ્યા કરુ..

તુ લઈ ને આવે લાગણી નો મેળો રે...

સાથ તુ લાંબી મદલ નો
સાર તુ મારી ગઝલ નો...

તુ અધુરી વાર્તા નો છેડો રે..

મીઠડી આ.... સજા છે
દર્દોની મજા છે.

તારો વિરહ પણ લાગે વાલો રે

વાલમ..... આવો ને આવો ને.
વાલમ..... આવો ને આવો ને......

માન્ડી છે લવની ભવાઇ.

ઓ તા થૈયા થૈયા તા થૈયા થૈ
તા થૈયા થૈયા તા થૈયા થૈ

કે વાલમ..... આવો ને આવો ને.
મન ભિંજાવો ને, આવો ને.

કેવી આ દિલ નિ સાગાઈ
કે માન્ડી છે લવની ભવાઇ

ઓ તા થૈયા થૈયા તા થૈયા થૈ
તા થૈયા થૈયા તા થૈયા થૈ

રોજ રાતે કે સવારે ચાલતા ફરતા
હુ અને તારા વિચારો મારતા ગપ્પા

તારી બોલકી આંખો, જાણે ખોલતી વાતો
હર વાતમા હુ જાત ભુલુ રે

કે વાલમ..... આવો ને આવો ને.
વાલમ..... આવો ને આવો ને......

માન્ડી છે લવની ભવાઇ

ઓ તા થૈયા થૈયા તા થૈયા થૈ
તા થૈયા થૈયા તા થૈયા થૈ

કે વાલમ..... આવો ને આવો ને.
મન ભિંજાવો ને, આવો ને.

કેવી આ દિલ નિ સાગાઈ
કે માન્ડી છે લવની ભવાઇ

ઓ તા થૈયા થૈયા તા થૈયા થૈ
તા થૈયા થૈયા તા થૈયા થૈ - (૨)

યાદો ના બાવળ ને..

આવ્યા ફુલ રે હવે

તુ આવે તો દુનિયા આખી ધુળ રે હવે
(થૈયા થૈયા તા થૈયા થૈ)

સપના આશા, મન્છા
છોડ્યા મુળ રે હવે

તુ આવે તો દુનિયા આખી ધુળ રે હવે

ધુળ રે હવે
ધુળ રે હવે
(તા થૈયા થૈયા તા થૈયા થૈ)

પરિંદા - ઉમૈર નજમી.

noreply@blogger.com (KK Roy) — Wed, 25 Jan 2017 09:49:00 +0530

નિકાલ લાયા હૂં ઇક પિંજરે સે ઇક પરિંદા,
અબ ઇસ પરિંદે કે દિલ સે પિંજરા નિકાલના હૈ.

-ઉમૈર નજમી.

હું ક્યાં કહું છુ આપની હા હોવી જોઈએ - મરીઝ

noreply@blogger.com (KK Roy) — Wed, 27 Jan 2016 14:05:00 +0530

હું ક્યાં કહું છુ આપની હા હોવી જોઈએ,
પણ ના કહો છો એમાં વ્યથા હોવી જોઈએ..

પુરતો નથી નસીબ નો આનંદ ઓ ખુદા,
મરજી મુજબ ની થોડી મજા હોવી જોઈએ..

એવી તો બે દિલી થી મને માફ ના કરો,
હું ખુદ કહી ઉઠું કે સજા હોવી જોઈએ..

આ તારું દર્દ હો જો બીજાને તો ના ગમે,
હમણા ભલે કહું છુ દવા હોવી જોઈએ..

મેં એનો પ્રેમ ચાહ્યો બહુ સાદી રીત થી,
નહોતી ખબર કે એમાં કળા હોવી જોઈએ...

ઝાહેદ આ કેમ જાય છે મસ્જીદ માં રોજ રોજ,
એમાં જરાક જેવી મજા હોવી જોઈએ.

બાકી ઘણા હકીમ હતા પણ આ મારી હઠ,
બસ તારા હાથથી જ સિફા હોવી જોઈએ..

પૃથ્વી ની આ વિશાળતા અમથી નથી 'મરીઝ',
એના મિલન ની ક્યાંક જગા હોવી જોઈએ..

- મરીઝ

પરીક્ષા છે બાકી...

noreply@blogger.com (KK Roy) — Sat, 11 Jul 2015 22:40:00 +0530

ભલે આપણે સૌ મુસીબત ના માર્યા,
પરંતુ છે હિંમત, નથી હામ હાર્યા..
સપનાઓ, ઈચ્છાઓ, તિતિક્ષાઓ છે બાકી,
તું લેતોજા છોને પરીક્ષા છે બાકી...

- અજ્ઞાત.
(આ લાઈન મેં એક ગુજરાતી નાટક માં સાંભળી હતી. સખણા રે'તો સાસુ નહિ)

ચાહતમાં એકબીજાની ફિકર હોવી જોઇએ - બરકત વિરાણી ‘બેફામ’

noreply@blogger.com (Anonymous) — Wed, 4 Dec 2013 18:06:00 +0530

ચાહતમાં એકબીજાની ફિકર હોવી જોઇએ,
આ વાતની તને ય ખબર હોવી જોઇએ.

એક રોશની રહે છે સતત મારા પંથમાં,
મારા ઉપર તમારી નજર હોવી જોઇએ.

લાગે છે ઠોકરો ને છતાં દુઃખ થતું નથી,
બસ આ જ તારી રાહગુજર હોવી જોઇએ.

નિષ્ફળ પ્રણયનો દોષ તો દઉં હું તને મગર,
મારી ય લાગણીમાં કસર હોવી જોઇએ.

ચાલું છું એમ થાઉં છું મંઝિલથી દૂર હું,
ઊલટી દિશાની મારી સફર હોવી જોઇએ.

હટવા દો અંધકાર, એ દેખાઇ આવશે,
આ રાતમાં જ ક્યાંક સહર હોવી જોઇએ.

આ બહારનું જગત તો જૂઠાણાંનો ખેલ છે,
દુનિયા ખરી તો દિલની ભીતર હોવી જોઇએ.

‘બેફામ’ જ્યાં ચણાયો હશે એમનો મહેલ,
એની જ નીચે મારી કબર હોવી જોઇએ.

- બરકત વિરાણી ‘બેફામ’

સારો નથી હોતો - શેખાદમ આબુવાલા

noreply@blogger.com (Anonymous) — Sat, 6 Jul 2013 13:00:00 +0530

ધરો ધીરજ વધુ પડતો પ્રણય સારો નથી હોતો;
અતિ વરસાદ કૈ ખેડૂતને પ્યારો નથી હોતો.

તમારા ગર્વની સામે અમારી નમ્રતા કેવી?
ગગનમાં સૂર્યની સામે કદી તારો નથી હોતો.

અગન એની અમર છે મૃત્યુથી પર પ્રેમ છે ઓ દિલ,
બળીને ભસ્મ થનારો એ અંગારો નથી હોતો

હવે ચાલ્યા કરો ચાલ્યા કરો બસ, એ જ રસ્તો છે,
ત્યજાયેલા પથિકનો કોઇ સથવારો નથી હોતો

જરી સમજીવિચારી લે પછી હંકાર હોડીને,
મુહબ્બતના સમંદરને કદી આરો નથી હોતો.

ચમકતાં આંસુઓ જલતા જિગરનો સાથ મળવાનો,
ન ગભરા દિલ પ્રણયનો પંથ અંધારો નથી હોતો.

ઘણાંય એવાંય તોફાનો ઊઠે છે મનની નગરીમાં,
કે જેનો કોઇ અણસારો કે વરતારો નથી હોતો.

ફક્ત દુ:ખ એ જ છે એનું તરસ છીપી નથી શકતી,
નહીંતર પ્રેમનો સાગર કદી ખારો નથી હોતો.

- શેખાદમ આબુવાલા

રંગ - પ્રિયમ

noreply@blogger.com (KK Roy) — Fri, 21 Jun 2013 15:17:00 +0530

કયો રંગ મોકલું પ્રિયમ?
આખો નો ગુલાબી સપના મઢેલો મોકલું કે
હૈયે નીતરતો ભીનો આસમાની?

અડકેલો તારો વાદળી મોકલું કે મોકલું લાલ?
કે પછી રંગો ની અદલાબદલી માં
ભેલાવેલી મારી આશ મોકલું?

આજે હાથમાં મુકેલી મહેંદી ભીનો
કેશારીયો મોકલુ સાથે હાથ થી તારા લગાવેલો
સીન્દુરીયો પણ મોકલું

-પ્રિયમ

એ ગભરાઈ જાય છે - 'હું' કિરણકુમાર રોય ( E Gabharai jay chhe - 'Hun' KiranKumar Roy)

noreply@blogger.com (KK Roy) — Sat, 23 Mar 2013 16:20:00 +0530

મને ઉદાસ જોઈ એ ઉદાસ થઇ જાય છે,
મને રોતો જોઈ માં રઘવાઈ થઇ જાય છે.

કોઈ વાર કાંટા ને પણ પ્રેમ કરી લો,
જેના લીધી બાગ માં ફૂલો સચવાઈ જાય છે.

નદીનો તો પ્રેમ છે કે એ સાગર ને મળે છે,
તળાવ બિચારા એકલા ગરમીમાં સુકાઈ જાય છે.

જ્યાં પૂજા પાઠ ને ભક્તિ નથી હોતી,
એ આંગણે તુલસીનો છોડ કરમાઈ જાય છે.

કદી આસ્થાથી તૂટેલી નાવ માં બેસી જુવો,
સમંદર તો શું? ભવપાર પણ તરી જવાય છે.

ના પૂછો મને કેમની મળી હતી નજરો બાઝારમાં,
આ ચર્ચાયેલો વિષય છે ફરી ચર્ચાઈ જાય છે.

ભલે ડરતું હોય આખું જંગલ એની ગર્જનાથી,
'હું' શ્વાસ પણ જોરથી લઉં તો એ ગભરાઈ જાય છે.

- 'હું' કિરણકુમાર રોય
૨૩ માર્ચ ૨૦૧૩

ગુલાબ બધા ઝાંખા લાગે છે - 'હું' કિરણકુમાર રોય (Gulab badha zankha lage che - 'Hun' KiranKumar Roy)

noreply@blogger.com (KK Roy) — Wed, 20 Mar 2013 21:42:00 +0530

આજ ગુલાબ બધા ઝાંખા લાગે છે,
બધા પતંગિયાની રજા લાગે છે.

સમંદર આટલો શાંત તો નથી હોતો,
દુરથી આવતું કોઈ તુફાન લાગે છે.

અમસ્તા નથી ઢળતો-ખીલતો આ ચાંદ,
અમાસ માં એની ક્યાંક હાજરી લાગે છે.

રાધા કૃષ્ણ છે સદિયોં થી સાથે,
તો પણ યુગલ એક નવું લાગે છે.

પ્રેમ ક્યાં કોઈનો પુરો થાય છે,
એ શબ્દજ થોડો અધુરો લાગે છે.

શહેરમાં અમન-શાંતિ કેમ છે??
સંસદમાં પડ્યા તાળા લાગે છે.

ઘેલું લાગ્યું છે બધી ગોપીઓને,
કાન્હાએ વગાડી વાંસળી લાગે છે.

લોઢું હતો ને સોનું બની ગયો,
તમારા સ્પર્શનો કમાલ લાગે છે.

મેહુલાને તો વરસવુંજ રહ્યું,
મોરલાએ કર્યો સાદ લાગે છે.

'હું' ફરી અચાનક રડી પડ્યો આજ,
માંએ મને કર્યો યાદ લાગે છે.

- 'હું' કિરણકુમાર રોય
૧૬ માર્ચ ૨૦૧૩

પત્થર ભગવાન બની ગયો - 'હું' કિરણકુમાર રોય (Paththar Bhagawan bani gayoi - 'Hun' KiranKumar Roy)

noreply@blogger.com (KK Roy) — Thu, 14 Mar 2013 18:56:00 +0530

જેને માન્યો હતો ભગવાન એ પત્થર બની જોતો રહ્યો,
જેનાથી લાગીતી ઠોકર એ પત્થર ભગવાન બની ગયો.

ઉડવાની તલપ હતી ને પોતાની પાંખો કાપતો રહ્યો,
ખબર ના પડી ક્યારે એ, માણસ માંથી હેવાન બની ગયો.

એ મુફલસીના દિવસોમાં હતો મારા ગામમાં તવંગર,
આજ શહેરમાં આવી એ તવંગર, ગરીબ બની ગયો.

ઘણા પ્રશ્નો હતા એ હૃદયમાં દબાવતો ગયો,
એ આવ્યા મુજ નિકટ ને હું જ્વાળામુખી બની ગયો.

તડકા છાયા જોયા નહિ ને હું ચાલતો ગયો,
મંજીલની શોધમાં નીકળ્યો ને કોઈ ની મંજીલ બની ગયો.

કુરુક્ષેત્રમાં મારીજ સામે મહાભારત લડતો રહ્યો,
ક્યારેક મુજથી હારતો ને ક્યારેક જીતતો ગયો.

- 'હું' કિરણકુમાર રોય
૧૪ માર્ચ ૨૦૧૩

ગજબ થઇ જાયે - 'હું' કિરણકુમાર રોય (Gazab Thai Jaye - 'Hun' KiranKumar Roy)

noreply@blogger.com (KK Roy) — Thu, 31 Jan 2013 12:04:00 +0530

આજ ફરી એક વાર ગજબ થઇ જાયે,
એ મારા ર્હદય ના ખુબ નજીક થઇ જાયે.

દરિયા માં બેસી ને તોફાનની રાહ જોઉં છું,
મારી આજુ બાજુ હવે બવંડર થઇ જાયે.

એક વાત એ મને કરે અને એક વાત હું,
આમજ વાત વાત માં રાઈ નો પહાડ થઇ જાયે.

આંખો બંધ કરી હું એને યાદ કરું,
ને આખો ખોલું ત્યાં મેળો થઇ જાયે.

કરું વખાણ એના કાગળ પર,
વાંચું તો એ ગઝલ થઇ જાયે..

- 'હું' કિરણકુમાર રોય
૩૧ જાન્યુઆરી ૨૦૧૩

પ્રજાસત્તાક દિન ની શુભેચ્છાઓ - ૨૦૧૩

noreply@blogger.com (KK Roy) — Sat, 26 Jan 2013 10:45:00 +0530

લિજ્જત છે - અમૃત ‘ઘાયલ'

noreply@blogger.com (KK Roy) — Sat, 15 Dec 2012 17:49:00 +0530

ગભરૂ આંખોમાં કાજળ થઈ લહેરાઈ જવામાં લિજ્જત છે;
ચર્ચાનો વિષય એ હોય ભલે ચર્ચાઈ જવામાં લિજ્જત છે.

વેચાઈ જવા કરતાંય વધુ વહેંચાઇ જવામાં લિજ્જત છે;
હર ફૂલ મહીં ખુશબો પેઠે ખોવાઈ જવામાં લિજ્જત છે.

પરવાના પોઢી જાયે છે ચિર મૌનની ચાદર ઓઢીને,
હે દોસ્ત, શમાની ચોખટ પર ઓલાઈ જવામાં લિજ્જત છે.

દુ:ખ પ્રીતનું જ્યાંત્યાં ગાવું શું? ડગલે પગલે પસ્તાવું શું?
એ જોકે વસમી ઠોકર છે પણ ખાઈ જવામાં લિજ્જત છે.

જે અંધ ગણે છે પ્રેમને તે આ વાત નહીં સમજી જ શકે,
એક સાવ અજાણી આંખથી પણ અથડાઈ જવામાં લિજ્જત છે.

બે વાત કરીને પારેવાં થઈ જાયે છે આડાંઅવળાં,
કૈં આમ પરસ્પર ગૂંથાઈ, વીખરાઈ જવામાં લિજ્જત છે.

સારાનરસાનું ભાન નથી પણ એટલું જાણું છું ‘ઘાયલ’,
જે આવે ગળામાં ઊલટથી એ ગાઈ જવામાં લિજ્જત છે.

- અમૃત ‘ઘાયલ'

તને જ માગું છુ

noreply@blogger.com (KK Roy) — Wed, 11 Apr 2012 11:41:00 +0530

તે રાતે મારા સ્વપ્નમાં આવી ઊંઘે છે
ને સવારે ઉઠી હું તેનામાં જાગું છુ

અસ્તિત્વ એક પણ વ્યક્તિત્વ અલગ એથી
એને મળવા ખુદમાં,હું મારાથી ભાગું છુ

તારાથી છુટા પડવાની સ્વતંત્રતા તો કેદ છે
તારા વિના હું મારા જેવોય ક્યાં લાગુ છુ!

મારી જેમજ, તને હું ના ઓળખાયો
હું તારી દુઆ નહીં, તને જ માગું છુ

વૈષ્ણવ ઈશિત

હેપ્પી હોળી

noreply@blogger.com (KK Roy) — Thu, 8 Mar 2012 11:34:00 +0530

પથ્થર - 'હું' કિરણકુમાર રોય (Pththar - 'Hun' KiranKumar Roy)

noreply@blogger.com (KK Roy) — Sat, 3 Mar 2012 12:12:00 +0530

પથ્થર ને આજ જીવંત કરી દઉં,
એના કાન માં આજ ખુદા કહી દઉં..

તરવાની કળા એમાં પણ છે,
ફેંકી એને સમંદર માં એ સાબિત કરી દઉં,

પ્રેમ, વેદના, ભાવના રાખે છે એ,
લાય ને આજ એના પર ગુલાબ ઉગાડી દઉં..

મારી આસ્થા ની તાકાત તો જુઓ એ લોકો,
'હું' પૂજીને એ પથ્થર ને ભગવાન બનાવી દઉં...

- 'હું' કિરણકુમાર રોય (૦૩ માર્ચ ૨૦૧૨)

મજાની ખિસકોલી - ત્રિભુવન વ્યાસ

noreply@blogger.com (KK Roy) — Sat, 25 Feb 2012 11:43:00 +0530

તું અહીંયા રમવા આવ મજાની ખિસકોલી,
તું દોડ તને દઉં દાવ મજાની ખિસકોલી.

તું કેવી હ્સે ને રમે મજાની ખિસકોલી,
તારા કૂદકા તો બહુ ગમે મજાની ખિસકોલી.

તું જ્યારે ખીલખીલ ગાય મજાની ખિસકોલી,
તારી પૂંછડી ઉંચી થાય મજાની ખિસકોલી.

તું ઝાડે ઝાડે ચડે મજાની ખિસકોલી,
કહે કેવી મજા ત્યાં પડે મજાની ખિસકોલી.

બહુ ચંચળ તારી જાત મજાની ખિસકોલી,
તું ઉંદરભાઈની નાત મજાની ખિસકોલી.

- ત્રિભુવન વ્યાસ

ઈશ્વર શક્ય બને - વૈષ્ણવ ઈશિત

noreply@blogger.com (KK Roy) — Thu, 26 Jan 2012 00:30:00 +0530

આ દેશ ની નૌકા વહે એ તો જ શક્ય બને
કે આસું વહે ને વહેણ શક્ય બને

બધી પ્રાર્થનાઓ ફળશે ત્યારેજ જયારે
બે હાથ જોડો ને ઈશ્વર શક્ય બને

ઇતિહાસ,સંસ્કૃતિ ને પરંપરા જ મળે છે રાહમાં
કદાચ મૌન મળે ને ઉકેલ શક્ય બને

લખું છું એટલે કે હું પણ સમજી શકું
આપ પણ સમજો ને ગઝલ શક્ય બને

- વૈષ્ણવ ઈશિત

કરતા જાળ કરોળિયો - દલપતરામ

noreply@blogger.com (KK Roy) — Thu, 19 Jan 2012 11:16:00 +0530

કરતા જાળ કરોળિયો, ભોંય પડી પછડાય
વણ તૂટેલે તાંતણે, ઉપર ચડવા જાય

મે’નત તેણે શરૂ કરી, ઉપર ચડવા માટ,
પણ પાછો હેઠો પડયો, ફાવ્યો નહિ કો ઘાટ.

એ રીતે મંડી રહ્યો, ફરી ફરી બે-ત્રણ વાર
પણ તેમાં નહિ ફાવતા, ફરી થયો તૈયાર

હિંમત રાખી હોંશથી, ભીડયો છઠ્ઠી વાર,
ધીરજથી જાળે જઈ, પોં’ચ્યો તે નિર્ધાર

ફરી ફરીને ખંતથી, યત્ન કર્યો નહિ હોત
ચગદાઈ પગ તળે, મરી જાત વણમોત…

એ રીતે જો માણસો, રાખી મનમાં ખંત
આળસ તજી, મે’નત કરે પામે લાભ અનંત.

- દલપતરામ