Гурман™

Лиснати ѕвездички со кајмак

Gurman MK — Sun, 09 Jan 2022 20:35:24 +0000

Па, веројатно не постои рецепт со лиснато тесто, а да не ви стане омилен на вас и вашите најмили откако ќе го направете дома. Таков е и случајот со овие декоративни лиснати ѕвездички кои ни ги испрати @gotvime.so.teofanija. Не чекајте до утре, направете ги уште веднаш.

Лиснати ѕвездички со кајмак

Course печиво

Keyword печиво

Prep Time 15 minutes

Cook Time 15 minutes

Total Time 30 minutes

Ingredients

500гр готово лиснато тесто
1-2 жолчки
кајмак по потреба
салама по потреба
оригано по потреба и вкус
семиња по вкус и желба

Instructions

Го расукуваме лиснатото тесто на набрашнета површина со дебелина околу 5 мм, ама може и подебелко.
Со помош на голем калап вадиме парчиња од тестото, а со помош на помал калап вадиме парчиња од салама.
На секоја втора ѕвезда од тесто ставаме мала лажичка кајмак, парче салама и прстофат оригано.
Од страните премачкуваме со разматена жолчка од јајце.
Преклопуваме со друга ѕвезда од тесто, притискаме од страните да ни се залепи жолчката.
Одозгора секоја ѕвезда ја премачкуваме со жолчка и ја наросуваме со семиња по желба.
Печеме во загреана рерна на 200 степени.
Забелешка:
По вкус можете да си ставите и парче кашкавал или други состојки. Ако сакате да ви бидат посветли ѕвездите премачкајте ги со белка.

The post Лиснати ѕвездички со кајмак appeared first on Gurman MK.

Божиќни Колачиња

Gurman MK — Thu, 06 Jan 2022 15:45:15 +0000

Празничниот период дефинитивно не смее да помине без најубавите и најоригиналните Божиќни колачиња кои се омилени не само помеѓу децата, туку и меѓу возрасните. Оваа година се одлучивме да ги споделиме Божиќните колачиња кои ни ги испрати me_mother_of_three. Уживајте и имајте убави празнични денови.

Божиќни Колачиња

Course Десерт

Keyword Божиќни Колачиња, десерт, колач

Prep Time 20 minutes

Cook Time 10 minutes

Total Time 30 minutes

Ingredients

200гр мек путер
150гр шеќер во прав
прстофат сол
8 лажици мед
2 лажички рум арома
1 лажичка цимет
малку ѓумбир во прав
малку морско оревче
1 лажичка ванила арома
2 жолчки
4 лажици млеко
460гр брашно (годинава користев интегрално)
140гр мелени ореви (може и лешници /бадеми)

За Декорација

2 белки
300гр шеќер во прав
неколку капки лимонов сок

Instructions

Се замесува тесто од сите состојки и се остава да се излади во фрижидер минимум два часа. Се расукува кора со дебелина од 2 см, се прават форми со калапчиња и се печат во загреана рерна на 180 степени, 10 минути.
Се оставаат да се изладат па се декорираат со смесата од белка, која се подготвува со матење на белката до шеќерот во прав и неколку капки лимон и со додавање на бои по желба.

The post Божиќни Колачиња appeared first on Gurman MK.

Пица од Лиснато Тесто

Gurman MK — Fri, 31 Dec 2021 11:35:16 +0000

Кога ќе ве фати мрза и не ви се меси, а сепак треба да пласирате вкусен појадок или вечера, тука е замрзнатото лиснато тесто да ви излезе во пресрет. Пицава може и со туна да се подготви, ама тогаш веќе не спаѓа во веганска храна, ама за денови кога може во пости да се јаде риба е одличен оброк. Едноставно расфрлате по неа што сакате и што ќе ви се најде во фрижидер. На здравје вкусниов оброк! И благодариме на gotvime.so.teofanija за овој прекрасен рецепт.

Пица од Лиснато Тесто

Course главно јадење, печиво

Keyword веге, пица, пица од лиснато тесто, посно

Prep Time 15 minutes

Cook Time 10 minutes

Total Time 25 minutes

Ingredients

450гр лиснато тесто
неколку маслинки (или сечкани по избор)
кромид на тркалца сечкан
2-3 лажици ајвар или кечап
неколку печурки шампињони
оригано

Instructions

Го расукуваме одмрзнатото лиснато тесто во квадратна форма, која треба да биде поголема за 5 см од дното на тавчето. Тавчето ни е со димензии 27х27. Дното на пицата треба да ни е колку тавчето во кое ќе ја печеме. На краевите го сечкаме на ленти (со должина околу 5 см).
Тестото го премачкуваме со ајвар, редиме сечкани печурки, сечкани маслинки, кромид на тркалца, посипуваме оригано.
Краевите кои ни се на ленти ги преклопуваме во форма на крст, еден преку друг ги втиснуваме на краевите за да не се отвораат при печење. Остатоците од тестото ги расфрламе врз пицата.
Печеме во загреана рерна на 200 степени.
Освежете ја со свеж босилок, рукола или магдонос.

The post Пица од Лиснато Тесто appeared first on Gurman MK.

Украсни Елки со Локум

Gurman MK — Fri, 31 Dec 2021 11:33:40 +0000

Слатки и декоративни елкички кои ќе ги израдуваат вашите најмили и ќе ја збогатат вашата новогодишна прослава. Ова беше една успешно реализирана идеја за што пошарена и украсна новогодишна трпеза. Уживајте вечерва во овој рецепт кој ни го испрати gotvime.so.teofanija.

Украсни Елки со Локум

Course Десерт

Keyword lokum, десерт, Украсни Елки со Локум

Prep Time 30 minutes

Total Time 30 minutes

Ingredients

100гр бело чоколадо
50гр лешници
50гр сушена брусница
150гр локум
150гр шеќер во прав
зелена и црвена прехрамбена боја
шеќерни ѕвездички, кокос

Instructions

Чоколадото го топиме на најниска температура, додаваме црвена боја, соединуваме и потоа ги ставаме сечканите лешници и брусница. Промешуваме и смесата ја оставаме да се подизлади.
Откако малку ќе стегне ја ставаме помеѓу најлонска фолија и од смесата формираме триаголник, кој го оставаме на ладно, по можност во замрзнувач. Ако имате калапи за тоблероне колачи уште поубаво, ставете ја смесата во нив.
Од локумот и шеќерот во прав замесуваме смеса, од која на 1/3 од неа и ставаме зелена боја растворена во 2-3 капки вода, а останатата смеса ја оставаме бела.
Од зелената локум смеса сукаме со помош на шеќер во прав тенка кора, со која ја обвиткуваме црвената веќе стегната смеса. Претходно го навлажнуваме зелениот дел за да се залепи убаво локумот, ама во многу тенок слој. Над зелениот дел ја обвиткуваме белата расукана кора. Ги измазнуваме сите три страни и го оставаме ролатот да се стегне.
Над белиот дел со четкичка премачкуваме малку вода и посипуваме со кокос. Ова може да се направи и со секоја елкичка посебно откако ќе ги исечеме. На врвот ги украсуваме со шеќерни ѕвезди.

The post Украсни Елки со Локум appeared first on Gurman MK.

Енергетски бомбици од три состојки

Gurman MK — Mon, 29 Nov 2021 16:37:01 +0000

Бомбици од три состојки, во нова комбинација. Вкусни, здрави, неодоливи. Мора да ги пробате!
Измешајте, формирајте бомбици и уживајте во овој рецепт кој ни го испрати @me_mother_of_three

Енергетски бомбици од три состојки

Course Десерт

Keyword бомбици, Енергетски бомбици од три состојки

Prep Time 15 minutes

Total Time 15 minutes

Ingredients

200гр путер од кикирики
50гр мелени лешници
50гр темно чоколадо

Instructions

Во длабок сад се става путерот, се додаваат лешниците кои сме ги измелиле и на крај стопеното чоколадо. Се меша додека се добие хомогена смеса, се формираат топчиња големи колку орев и се ставаат во фрижидер да се стегнат.

The post Енергетски бомбици од три состојки appeared first on Gurman MK.

Крошка Картошка

Gurman MK — Thu, 18 Nov 2021 13:48:29 +0000

Крошка Картошка извадена од еден спомен од Москва и сервирана на маса. Русија не е единствената земја на светот каде вака се приготвуваат компири, но веројатно е една од малкуте (ако не и единствена) каде постои ланец на брза храна посветен на вака приготвен компир. Од него и името крошка картошка. Врели печени компири со путер и кашкавал и сервирани со ладни освежителни салати, што повеќе човек да посака…

Уживајте во овој рецепт кој ни го испрати @madmona7.

Крошка Картошка

Course главно јадење

Keyword Крошка Картошка

Prep Time 20 minutes

Cook Time 1 hour 30 minutes

Total Time 1 hour 50 minutes

Ingredients

компири по избор
200 гр урда
3 лажици грчки јогурт
свеж копар
свежи шампињони
лук
маслиново масло
кисели краставички

Instructions

Еден голем компир е сосем доволен за еден човек. Компирите најпрво се мијат убаво и темелно, се бришат со крпа и се виткаат во алуминиумска фолија еден по еден. Се печат во рерна на 220°С час, до час и половина (зависно колкави се и колку е силна рерната), после еден час може со чепкалка или нож да се провери дали се готови. Додека се печат, се приготвуваат ладните салати:
1. 200 гр урда со 3 полни лажици грчки јогурт и мнооогууу свеж копар;
2. Пржени шампињони (свежи, не маринирани) со лукче и маслиново масло, изладени, па измешани со кисели краставички. Кога ќе се готови компирите, внимателно се отстранува фолијата, им се сече капаче по должина, дебело колку да има пристап до внатрешноста на компирот, се гмечи внатре со вилушка, се става путер и кашкавал, и се печат во рерна уште 5 - 10 минути додека не се растопи кашкавалот. Се сервираат топли со салатите натрупани врз нив.

The post Крошка Картошка appeared first on Gurman MK.

Мов Торта

Gurman MK — Mon, 23 Aug 2021 10:49:36 +0000

Дали некогаш би претпоставиле дека зелената боја на оваа торта се добива од спанаќ? Навистина магична комбинација со необичен вкус, кој дефинитивно не смеете да го пропуштите. Погледнете што сѐ ви е потребно за подготовка на оваа мов торта која ни ја испрати bake_someonehappy_.

Мов Торта

Course Десерт

Keyword торта

Prep Time 20 minutes

Cook Time 40 minutes

Total Time 1 hour

Ingredients

3 поголеми јајца
1 чаша шеќер (150гр)
1 чаша масло за јадење (120мл)
1 ванилин шеќер
1 прашок за пециво
2 чаши брашно
150-200 гр спанаќ

Фил

150-200гр малини, капини
50-70гр шеќер во прав
250гр крем сирење
рендана кора од еден лимон
1 лажица лимонов сок

Instructions

Исчистениот и измиен спанаќ ,бланширајте го 1-2 минути во врела вода. Убаво исцедете го. Сомелете го во блендер. Уклучете ја рерната на 180° С
Во длабок сад, матете ги јајцата и шеќерот (5 минути). Додадете ги останатите состојки и матете уште 1-2 минути. Добиената смеса истурете ја во претходно подготвен калап за печење (20 цм). Печете 40 минути на 180°С (проверете!) Печената кора оставете ја целосно да се олади.
Состојките за фил ставете ги во длабок сад и со стап-миксер, мешајте додека добиете хомогена смеса. Испапчениот дел од кората исечете го да се израмни. Со раце изронете го да добиете покрупни трошки. Кората исечете ја на два дела. Ставете од филот помеѓу двете кори, а потоа по краевите и одозгора (целиот колач да биде покриен со фил). Врз филот посипете од трошките. Оставете го колачот да се излади (2-3 часа во фрижидер).

The post Мов Торта appeared first on Gurman MK.

Зелена Пица

Gurman MK — Thu, 05 Aug 2021 15:35:01 +0000

За овој пеколно топол четврток ја одбравме зелената убавица на bake_someonehappy_. Оваа зелена пица е вистинска магија, особено за оние кои секогаш се расположени да експериментираат и пробуваат здрави и нескојдневни вкусови. Рецептот погледнете го подолу.

Зелена Пица

Course главно јадење

Keyword pizza, пица

Prep Time 15 minutes

Cook Time 25 minutes

Total Time 40 minutes

Ingredients

Тесто

100гр овесни снегулки (изблендирајте ги да добиете брашно)
100гр младо сирење/урда
2 јајца + 2 белки
1 лажица ленено семе
1/2 прашок за пециво
спанаќ (обарете го кратко и потоа со миксер направете пире)

Фил

песто сос
моцарела и козјо сирење
пршут
маслинки
ореви

Instructions

Состојките за тесто ставете ги во блeндер/мултипрактик.
Добиената смеса/тесто печете ја 5 минути на 200 °С.
Запеченото тесто премачкајте го со песто сос, а потоа редете моцарела, пршут, ореви и маслинки.
Печете на 200°С 15-20 минути

The post Зелена Пица appeared first on Gurman MK.

Галет со Тиквици, Козјо и Фета сирење

Gurman MK — Mon, 14 Jun 2021 16:55:34 +0000

Кога станува збор за готвење вкусни и необични рецепти, времето надвор не смее да ве обесхрабрува во никој случај. Кога велам необични рецепти, мислам на овој прекрасен галет со тиквици, козјо и фета сирење по препорака на bake_someonehappy_. Погледнете ги потребните состојки за негова подготовка:

Галет со Тиквици, Козјо и Фета сирење

Course печиво

Keyword галет

Prep Time 15 minutes

Cook Time 40 minutes

Total Time 55 minutes

Ingredients

За тесто

200 гр брашно (100 гр брашно од спелта + 100 гр пченично брашно)
120 гр путер (ладен)
2 лажици ледено ладна вода
½ сол

За фил

100 гр рендана моцарела (може и трапист, гауда)
100 гр крем сирење
50 гр козјо/фета сирење
1 тиквица со лушпа
1 домат
жолчка за премачкување
дробен корнфлекс
интегрален сусам

Instructions

1. За тесто:
Со раце замесете тесто. Завиткајте го во проѕирна фолија и оставете го најмалку 30 минути во фрижидер.
На хартија за печење развлечете го тестото (3-5мм). Распоредете го филот од сирење до 5 цм од крајот на тестото.
Врз сирењето наредете ги тиквиците и доматот.
Краевите на тестото превиткајте ги кон филот и премачкајте ги со жолчка.
По желба врз жолчката можете да посипете дробен корнфлекс или сусам. Печете на 180°С 35-40 минути.

The post Галет со Тиквици, Козјо и Фета сирење appeared first on Gurman MK.

Салата со Мариниран Пилешки Стек

Gurman MK — Wed, 26 May 2021 15:37:39 +0000

Оваа салата со мариниран пилешки стек по препорака на @kokarche дефинитивно не смеете да ја пропуштите.

Со или без салата, само ваква раскошна маринада може да му даде карактер на еден безличен пилешки стек. Пробајте и веќе нема никогаш да го ставите директно на пржење. Месото омекнува, сочно е и богато со вкус. Шеќерот и слатката компонента од меласата (или балсамико) при пржење карамелизираат, сушениот кромид исто така и без нив, приказната не би била иста. Другите зачини слободно прилагодите ги, додадете ги свежи или сушени.

Салата со Мариниран Пилешки Стек

Course главно јадење

Keyword пилешки стек, пилешко, салата, Салата со Мариниран Пилешки Стек

Prep Time 15 minutes

Cook Time 10 minutes

Total Time 25 minutes

Servings 2 лица

Ingredients

МАРИНАДА (2 парчиња стек)

4 лажици маслиново масло
2 лажици меласа од калинка (или балсамико)
1 лажица балсамико крем или оцет
Сок од 1/2 лимон
1 лажичка италијанска мешавина
1 лажица мусковадо шеќер
1 лажица сушен кромид
Крупна сол
Бибер

САЛАТА (2 порции)

1 пакување микс зелена салата
10 шери домати
5-6 јагоди
1/4 црвен кромид

ПРЕЛИВ (2 дози)

3 лажици маслиново масло
2 лажици меласа од калинка (или балсамико)
Сок од 1/2 лимон
2 лажички мед
Сол и бибер

Instructions

Вечерта или барем 2-3 часа пред подготовка прелијте го стекот со маринадата (сите состојки измешајте ги во длабок сад) и ставете го во фрижидер. Направете го тоа во стаклен сад со поклопец или во кеса со „зип“ механизам. Месото избоцкајте го убаво со вилушка за да навлезат соковите и внатре. Може и убаво да се истолчи пред маринирање.
Стекот се пржи на загреана грил тава сосе маринадата која се залепила за него, од двете страни.

The post Салата со Мариниран Пилешки Стек appeared first on Gurman MK.