H@ki Ngowi

TAARIFA MAALUM KUTOKA IKULU:Rais Jakaya Kikwete Hajabariki Swala La Posho Za Wabunge

noreply@blogger.com (haki) — Tue, 31 Jan 2012 07:47:00 PST

Rais wa Jamhuri ya Muungano wa Tanzania Mheshimiwa Jakaya Mrisho Kikwete

Gazeti la Mwananchi la leo, Jumanne, Januari 31, 2012 limeandika habari zenye kichwa cha habari – JK abariki posho mpya za Wabunge: Kila mmoja kulipwa sh 330,000 kwa siku.

Habari hizi siyo za kweli na Kurugenzi ya Mawasiliano ya Rais inataka kutoa ufafanuzi ufuatao:

Maelekezo ya Rais wa Jamhuri ya Muungano wa Tanzania Mheshimiwa Jakaya Mrisho Kikwete kuhusu suala hili yako wazi kabisa na hakuna mahali ambako Rais Kikwete amebariki posho hizi.

Maelekezo ya Mheshimiwa Rais kuhusu suala hili ni kama ifuatavyo:

Kwanza, Mheshimiwa Rais Kikwete anakubali haja ya kuangalia upya posho kwa Wabunge lakini amewataka wabunge kutumia hekima na busara katika kulitafakari suala hili.

Pili, Mheshimiwa Rais Kikwete amewataka Wabunge kutumia Kikao cha sasa cha Bunge kulizungumza upya suala hilo.

Mwisho.

Imetolewa na:
Kurugenzi ya Mawasiliano ya Rais,
Ikulu.
Dar es Salaam.
31 Januari, 2012

Balozi wa Marekani nchini Tanzania Na Ujumbe Wake Wamtembelea Rais Wa Zanzibar Dk Ali Shein

noreply@blogger.com (haki) — Tue, 31 Jan 2012 07:38:00 PST

Rais wa Zanzibar na Mwenyekiti wa Baraza la Mapinduzi Dk Ali Mohamed Shein,akisalimiana na Balozi wa Marekani Nchini Tanzania Alfonso Lenherdt,alipofika Ikulu Mjini Zanzibar Leo.

Rais wa Zanzibar na Mwenyekiti wa Baraza la Mapinduzi, Dk. Ali Mohamed Shein, akisalimiana na Ujumbe uliofuatanana Balozi wa Marekani nchini Tanzania,Alfonso Lenherdt, walipofika Ikulu, mjini Zanzibar Leo

Rais wa Zanzibar na Mwenyekiti wa Baraza la Mapinduzi Dk Ali Mohamed Shein,akizungumza na Balozi wa Marekani Nchini Tanzania Alfonso Lenherts,alipofika Ikulu Mjini Zanzibar Leo 31/01/2012.Picha na Ramadhan Othman,IKULU-ZANZIBAR

VIJANA MKOANI MWANZA WAJINOA KWA AJILI YA GWARIDE LA 'KUFA MTU' KWENYE SHEREHE ZA KILELE CHA MIAKA 35 YA CCM

noreply@blogger.com (haki) — Tue, 31 Jan 2012 07:26:00 PST

Vijana wa CCM wakionyesha ukakamavu wao wakati wa mazoezi hayo leo

Makamanda wa gwaride hilo nao wakifanya mazoezi kuhakikisha kwamba watakuwa hodari siku hiyo

Vijana wa CCM kutoka wilaya zote za mkoa wa Mwanza , wakiwa katika siku ya pili ya mazoezi ya gwaride maalum la sherehe za kilele cha maadhimisho ya miaka 35 ya CCM, leo kwenye Uwanja wa CCM Kirumba, sherehe hizo pia zitafanyika Kitaifa katika Uwanja huo ambapo mgeni rasmi atakuwa Mwenyekiti wa CCM, Rais Jakaya Kikwete

Vijana wa CCM wakifanya mazoezi jisni watakavyokuwa wakitoa saluti kwa Mwenyekiti wa CCM, Rais Jakaya Kikwete wakati wa gwaride maalum watakalocheza siku ya kilele cha maadhimisho ya miaka 35 ya CCM, Jumapili ijayo, Februari 5, 2012

Vikosi vya vijana hao vikiwa katika mazoezi ya kutembea katika gwaride leo

Kama kawaida hakuna gwaride bila brass band. Hawa vi vijana waliokuwa wakifanya mazoezi leo kwa ajili ya gwaride hilo la Februari 5, yaani Jumapili ijayo.

Kutokana na vijana hao kuweka kambi kwenye Uwanja huo ili kufanikisha maandaloizi yao hupata chakula na chai humo humo uwanjani. Hapa msosi unaandaliwa na vijana wenzao kwa ajili yao.

Taswira Kutoka Viwanja Vya Bunge Mjini Dodoma

noreply@blogger.com (haki) — Tue, 31 Jan 2012 07:13:00 PST

Waziri Mkuu Mizengo Pinda akiteta jambo na Mbunge wa Viti Maalum(CCM)Rita Mlaki(katikati)Kwenye viwanja vya bunge Mjini Dodoma

Waziri Mkuu Mizengo Pinda akizungumza na Mbunge wa Busega Titus Kimani Kwenye Viwanja Vya Bunge Mjini Dodoma Leo

Waziri Mkuu Akifurahia Jambo Kwenye Mazungumzo na kati yake na Mbunge wa Mkuranga na Naibu Waziri wa Nishati na Madini,Adam Malima(Wa tatu Kulia),Mbunge wa Kigoma kusini David Kafulila (Wa Pili Kulia)na Mbunge wa Gairo Ahmed Shabiby

Mkuu wa Mkoa wa Ruvuma Said Mwambungu:Wakulima Mkoani Ruvuma Limeni Kwa Wingi Mahindi Katika Msimu Huu Kwa Kuzingatia Kanuni Bora Za Kilimo

noreply@blogger.com (haki) — Tue, 31 Jan 2012 06:59:00 PST

Mkuu wa Mkoa wa Ruvuma Said Thabit Mwambungu akiongea na watendaji wa vijiji vya Magagula.Muungano Zomba na Lugagara wilaya ya Songea jana alipotembelea kuhamasisha wakulima kuzalisha mahindi kwa kuzingatia kanuni bora za kilimo.Wengine ni Mkuu wa Wilaya ya Songea Thomas Sabaya(kulia) na mwenyekiti wa Halmashauri ya Songea Rajab Mtiula

Mkuu wa Mkoa wa Ruvuma Said Mwambungu (mwenye kaunda suti nyeusi) akisikiliza maelezo ya kilimo kutoka kwa Mkuu wa wilaya ya Songea Thomas Sabaya (kulia) wakati wa ziara ya kukagua usambazaji wa pembejeo kijiji cha Lugagara wilaya ya Songea

Wakulima wa kijiji cha Magagula wilaya ya Songea wakimsikiliza mkuu wa mkoa wa Ruvuma Said Mwambungu (hayupo pichani) jana alipofanya ziara ya kukagua shughuli za kilim.Picha na Ofisi ya Mkuu wa Mkoa wa Rukwa

Serikali imewataka wakulima mkoani Ruvuma kulima kwa wingi mahindi katika msimu huu kwa kuzingatia kanuni bora za kilimo licha ya changamoto za soko lililowakabiri msimu wa kilimo uliopita.

Kauli hiyo ilitolewa jana na Mkuu wa Mkoa wa Ruvuma Said Thabit Mwambungu wakati wa ziara yake katika vijiji vya Magagula, Lugagala na Muungano Zomba vilivyopo wilaya ya Songea .

Mwambungu aliwaeleza wananchi kuwa serikali inatambua kero ya ununuzi wa mahindi iliyotokea msimu wa 2011/2012 ambapo wakulima wengi walichelewa kupokea fedha zao kutoka Wakala wa Hifadhi za Chakula (NFRA).

Aliongeza kusema kuwa changamoto ya fedha za wakulima hazitajitokeza tena msimu ujao kwani tayari serikali imejiandaa kwa kutengwa fedha katika bajeti ili kuhakikisha mahindi yote yatanunuliwa kwa wakati.

“Limeni kuliko mwaka jana kwani serikali imejipanga kununua kwa wakati na kuhakikisha kuwa hakuna mkulima atakayecheleweshewa malipo na serikali” alisema Mwambungu na kuongeza kuwa hakuna mkulima sasa anayeidai serikali wote wamelipwa.

Mkuu wa mkoa Mwambungu alisisitiza kuwa serikali inafanya kila linalowezekana kuondoa kero ya kukopa mahindi ya wakulima hivyo ni vema wakulima wakaendelea kuunga mkono juhudi hizi za serikali kwa kuongeza uzalishaji.

Katika msimu 2011/2012 wa kilimo kwa mujibu wa taarifa za Wakala wa Hifadhi ya Chakula jumla ya tani 50,018 za mahindi zimenunuliwa kutoka kwa wakulima mkoani Ruvuma zenye thamani ya shilingi bilioni 17.5 ambapo kilo ilinunuliwa kwa shilingi 350.

Mkuu wa Mkoa alitumia fursa hiyo kuwapongeza wakulima wa vijiji hivyo alivyovitembelea kwa kutumia vema pembejeo za ruzuku kwa mfumo wa vocha kwani wameongeza uzalishaji wa mahindi na kuifanya wilaya ya Songea kuongoza katika kuzalisha mahindi mkoani.

Ziara ya Mkuu wa mkoa ilihusisha pia kukagua zoezi la ugawaji wa vocha za pembejeo ambapo kwa mujibu wa taarifa ya iliyotolewa na Mkuu wa wilaya ya Songea Thomas Sabaya alisema wilaya imepata mgao wa vocha 64,417 ambazo zimesambazwa kwa wakulima.

Sabaya alisema vocha hizo zinahusisha mbegu bora za mahindi, mbolea ya kupandia na mbolea ya kukuzia ambapo bei ya mfuko wa mbolea ya kupandia (DAP) inauzwa shilingi 80,000/=huku mkulima akichangia shilingi 52,000/=.

Kuhusu mbolea ya kukuzia (UREA) mfuko unauzwa shilingi 72,000/= na mkulima anachangia shilingi 52,000/= huku serikali ikilipia zinazobaki na kwa mbegu bora mfuko unauzwa shilingi 40,000/= huku mkulima akichangia 20,000/= na serikali zinazobakia.

Kwa upande wake Afisa Mtendaji wa kijiji cha Lugagara Bi Taifa Mahundi katika risala yake alisema wakulima wana changamoto kubwa ya upungufu wa vocha za ruzuku hivyo akaiomba serikali kuongeza mgao kwa kijiji.

Mkuu wa mkoa akijibu hoja hiyo aliwafahamisha wananchi kuwa vocha zinazotolewa ni vigumu kufanana na idadi ya wakulima kwani hiyo ni ruzuku itolewayo na serikali kuwasaidia wakulima kujenga uwezo wa kujitegemea.

Katika msimu huu wa kilimo mkoa wa Ruvuma umepatiwa vocha za ruzuku ya pembejeo za kilimo 192,000 ambapo kwa mwaka uliopita ulipatiwa vocha 204,000 hivyo kuwa na upungufu wa vocha 12,000/=.

Mkoa wa Ruvuma ni kati ya mikoa sita maarufu kwa uzalishaji wa mahindi nchini ambapo mikoa mingine ni Iringa, Mbeya, Rukwa, Kigoma na Morogoro.

MWISHO

Revocatus A.Kassimba

Afisa Habari

Ofisi ya Mkuu wa Mkoa Ruvuma

Spika Anne Makinda Aongoza Kikao Cha Kamati ya Uongozi Ya Bunge

noreply@blogger.com (haki) — Tue, 31 Jan 2012 03:26:00 PST

Spika wa Bunge Mhe. Anne Makinda (Mb) akiongoza kikao cha Kamati ya uongozi ya bunge mara baada ya kipindi cha maswali na majibu Bungeni Dodoma Leo. kamati ya Uongozi imekaa kupitia upya ratiba ya mkutano wa Bunge ulioanza leo kwa lengo la kuboresha na kupanga siku ya kujadili miswada mbalimbali itakayowasilishwa Bungeni. Picha na Owen Mwandumbya-Bunge.

Katibu Wa Organaizesheni Ya CCM Taifa Bi Asha Abdallah Juma Anaendelea Vizuri Baada Ya Kufanyiwa Matibabu Ya Mguu Nchini india

noreply@blogger.com (haki) — Tue, 31 Jan 2012 03:19:00 PST

KATIBU WA ORGANAIZESHENI WA CCM TAIFA BI ASHA ABDALLA JUMA AKIWA NA PROF MOHANDAS MKUU WA HOSPITALI HIYO YA MIOT NCHINI INDIA.

KATIBU WA ORGANAIZESHENI WA CCM TAIFA BI ASHA ABDALLA JUMA BAADA YA KUFANYIWA MATIBABU YA MGUU WAKE HUKO CHENNAI INDIA,KAAMA ANAVYOONEKANA PICHANI AKIWA NA WAUGUZI WALIOKUWA WAKIMPATIA HUDUMA KATIKA HOSPITALI YA MIOT INDIA.PICHA KWA HISANI YA MHESHIMIWA ASHA ABDALLA JUMA, INDIA

Mbwembwe Za Mpiga Gitaa Wa Extra Bongo

noreply@blogger.com (haki) — Tue, 31 Jan 2012 03:03:00 PST

Mpiga gitaa la bass wa Extra Bongo akipiga gitaa huku mnenguaji wa bendi hiyo akicheza mbele yake wakati msafara huo ulipopita katika barabara ya Uhuru Jana .

Chadema Wazindua Kampeni Rasmi Jimbo la Uzini Zanzibar, Freeman Mbowe na Dk Wildrod Slaa Waudhuria Mazishi Wadi Ya Bambi

noreply@blogger.com (haki) — Tue, 31 Jan 2012 02:59:00 PST

Mwenyekiti Wa CHADEMA, Mbunge wa Hai na Kiongozi Wa Kambi Rasmi ya Upinzani Bungeni Mh Freeman Mbowe akisalimiana na Wadau mbalimbali Uzini Zanzibar

Katibu Mkuu wa CHADEMA Dk Wilbrod Slaa akisalimiana na Wadau mbalimbali Uzini Zanzibar

Viongozi wa CHADEMA Wakiongozwa na Mwenyekiti Wa CHADEMA, Mbunge wa Hai na Kiongozi Wa Kambi Rasmi ya Upinzani Bungeni Mh Freeman Mbowe na Katibu Mkuu wa CHADEMA Dk Wilbrod Slaa wakitoka Kuhudhuria maziko kwanye wadi ya Bambi eneo jirani na ulipofanyika mkutano wa uzinduzi kampeni.

Wadau mbalimbali Wakiudhuria maziko kwanye wadi ya Bambi eneo jirani na ulipofanyika mkutano wa uzinduzi kampeni.

Baadhi Ya Viongozi wa CHADEMA wakitoka Kuhudhuria maziko kwanye wadi ya Bambi eneo jirani na ulipofanyika mkutano wa uzinduzi kampeni.

Wadau Mbalimbali walishiriki kwenye Mkutano wa uzinduzi kampeni za CHADEMA Jimbo la Uzini Zanzibar Juzi.Picha na Mdau Wa Mjengwa

Edward Lowassa,Familia Yake Wachangia Ujenzi Wa Dayosisi Mpya ya Shinyanga na Simiyu Millioni 21

noreply@blogger.com (haki) — Tue, 31 Jan 2012 02:40:00 PST

Waziri Mkuu wa zamani, Edward Lowassa

---

KANISA la Kiinjili na Kilutheli Tanzania (KKKT), linalotarajia kuanzisha Dayosisi mpya ya Shinyanga na Simiyu limefanikiwa kukusanya Sh milioni 116 taslimu ambapo kati ya hizo, Waziri Mkuu wa zamani, Edward Lowassa na familia yake walichangia Sh milioni 21.

Katika harambee hiyo, Mchungaji wa KKKT, Philbert Celestine alimshukuru Lowassa na familia yake pamoja na wageni waalikwa kwa kufanikisha mchango huo ambao ulivuka lengo.

Awali, harambee hiyo ilikuwa na lengo la kupata Sh milioni 114 ili kukamilisha ujenzi wa kanisa hilo lakini walifanikiwa kuvuka lengo na kupata Sh milioni 204, kati ya hizo fedha
tasilimu zikiwa ni Sh milioni 116.

Kwa upande wake, Lowassa akizungumza waumini hao, alisema kuwa suala la ujenzi wa makanisa nchini ni zuri na ni vema kwa sasa kutokuwategemea wafadhili kama ilivyokuwa awali na badala yake tubadilike kwa kujenga sisi wenyewe.

“Zamani tulikuwa tumezoea kujenga makanisa kwa kuwategemea wafadhili mbalimbali kutoka nje ya nchi hasa wazungu, lakini kwa sasa tubadilike tujenge wenyewe kwani uwezo tunao wa kuchangishana,” alisema Lowassa.

Lowassa alisisitiza kuwa yeye yupo tayari kurudi akiitwa katika harakati zozote za kuchangia ujenzi wa nyumba za ibada. Askofu wa Dayosisi ya Mashariki ya Ziwa Victoria, Andrea Gule akitoa shukrani zake katika harambee hiyo, aliwataka wananchi na waumini kwa ujumla kuwa na moyo wa kuthubutu katika kuchangia ujenzi hasa wa nyumba za ibada ili kuwakomboa
watu kiroho.*Habari Hii na Raymond Mihayo, Shinyanga

RAIS JAKAYA KIKWETE NA WATANZANIA WATUNUKIWA TUZO MAALUM YA ALMA

noreply@blogger.com (haki) — Tue, 31 Jan 2012 02:33:00 PST

TAARIFA KWA VYOMBO VYA HABARI

Tanzania na Rais wa Jamhuri ya Tanzania, Mheshimiwa Jakaya Mrisho Kikwete wametunukiwa Tuzo Maalum kutokana na juhudi zilizotukuka katika kupambana na ugonjwa wa malaria katika Tanzania na katika Bara la Afrika.

Tuzo hiyo inayojulikana kwa lugha ya Kiingereza kama Alma Award for Excellence imetolewa kwa Tanzania na Rais Kikwete na Umoja wa Marais wa Afrika katika Kupambana na Ugonjwa wa Malaria – African Leaders Malaria Alliance (ALMA) na kukabidhiwa kwake leo, Jumatatu, Januari 30, 2012, mjini Addis Ababa, Ethiopia.

Tuzo hiyo imekabidhiwa kwa Rais Kikwete na Mwenyekiti Mpya wa ALMA, Rais Sirleaf Johnson wa Liberia wakati wa chakula maalum cha mchana kilichoandaliwa na ALMA kwenye makao makuu ya Umoja wa Afrika (AU), ikiwa ni sehemu ya Mkutano wa 18 wa Viongozi wa AU uliomalizika leo mjini Addis Ababa. Mkutano huo ilianza jana na Rais Kikwete yupo Addis Ababa kuhudhuria mkutano huo.

Akiwasilisha maelezo ya uteuzi wa Rais Kikwete kutunukiwa Tuzo hiyo, Katibu Mtendaji wa ALMA, Mama Johannah-Joy Phumaphi amemweleza Rais Kikwete: “Ni heshima isiyo kifani kwangu kukujulisha kuwa umeteuliwa kupokea Tuzo ya ALMA Award for Excellence, kwa kutambua juhudi nyingi na mchango mkubwa uliotolewa na Tanzania, chini ya uongozi wako, katika kupambana na balaa la malaria.”

Viongozi na nchi nyingine zilipokea Tuzo hiyo katika sherehe hiyo fupi ya leo ni Benin, Cameroun na Kenya.

Hii ni mara ya pili kwa Tuzo hiyo kutolewa katika historia ya ALMA. Na Tuzo hiyo linalenga kutambua mchango mkubwa wa nchi ambazo zimefikia malengo makuu katika mapambano dhidi ya ugonjwa wa malaria, ugonjwa ambao unaendelea kuua watu wengi zaidi katika Afrika kuliko ugonjwa mwingine wowote.

Washindi wa Tuzo hiyo huchaguliwa na jopo linalojitegemea la watalaamu na mabingwa wa kupambana na malaria ambao huchaguliwa na wadau wakubwa wa mapambano dhidi ya ugonjwa huo kutoka sekta ya umma na sekta binafsi, taasisi zisizokuwa za kiserikali (NGO’s), na wasomi na wanazuoni.

Mwaka huu Tuzo hiyo imetolewa kwa nchi ambazo zimeondoa kodi na vikwazo visivyokuwa vya kodi kwenye dawa na vifaa maalum vya kupambana na ugonjwa wa malaria, zilizopiga marufu baadhi ya dawa zisizokubalika kimataifa katika kupambana na ugonjwa wa malaria, ama nchi zilizoonyesha mafanikio yasiyokuwa ya kawaida katika kukabiliana na ugonjwa huo.

Mbali na jitihada zake kubwa za kupambana na ugonjwa wa malaria katika Tanzania katika kipindi chake chote cha uongozi wake, Rais Kikwete pia amekuwa Mwenyekiti Mwanzilishi wa ALMA na ameongoza Umoja huo tokea ulipoanzishwa Septemba mwaka 2009 hadi leo, Jumatatu, Januari 30, 2012, alipokabidhi uongozi huo kwa Rais Sirleaf Johnson ambaye amekuwa Makamu wake kwa miaka yote miwili na miezi minne iliyopita.

ALMA ni Umoja Maalum wa wakuu wa nchi za Afrika ambao wanafanya kazi pamoja na kushirikiana katika kukabiliana na ugonjwa wa malaria katika Bara hilo. Mpaka sasa Umoja huo unao wanachama 41 ambao ni Wakuu wa Nchi za Afrika pamoja na Umoja wa Afrika wenyewe.

Mbali ya Umoja wa Afrika na Tanzania, nchi nyingine wanachama wa ALMA ni Angola, Benin, Botswana, Burkina Faso, Cameroun, Cape Verde, Comoro, Jamhuri ya Congo, Jamhuri ya Kidemokrasia ya Congo (DRC), Djibout, Misri, Equatorial Guinea, Ethiopia, Gambia, Ghana, Guinea, Kenya, Lesotho, Liberia, Madagascar, Malawi na Mali.

Nyingine ni Mauritania, Mauritius, Mozambique, Namibia, Nigeria, Rwanda, Sao Tome and Principe, Senegal, Syechelles, Sierra Leone, Somalia, Afrika Kusini, Sudan Kusini, Sudan, Togo, Uganda, Zambia na Zimbabwe.

ALMA inalenga kutoka mchango wake kwenye jitihada na mafanikio ya AU, wadau wa taasisi ya Roll Back Malaria na malengo ya Umoja wa Mataifa kwa kuongeza kasi ya kuhakikisha kuwa kila binadamu analindwa dhidi ya malaria na kila mgonjwa anatibiwa kwa lengo la kuhakikisha kuwa hakuna binadamu atakayekuwa anakufa kwa ugonjwa huo ifikapo mwaka 2015.

Kwenye sherehe ya leo, pia nchi nyingine tatu zimepokea Tuzo maalum kwa juhudi na jtihada zao katika kuondoa vikwazo vya kodi na visivyokuwa vya kodi kwenye dawa na vifaa vya kupambana na malaria na pia kupiga marufuku dawa zisizokubalika duniani katika vita dhidi ya malaria. Nchi hizo ni Burundi, Mozambique na Rwanda.

Imetolewa na:

Kurugenzi ya Mawasiliano ya Rais,

Ikulu.

Dar es Salaam.

30 Januari, 2012

Mwakilishi Mkaazi wa UN Umoja wa mataifa nchini Tanzania Amtembelea Rais Wa Zanzibar Dk Ali Shein

noreply@blogger.com (haki) — Tue, 31 Jan 2012 02:28:00 PST

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akizungumza na Mwakilishi Mkaazi wa UN Umoja wa mataifa nchini Tanzania Dk. Alberic Kacou,alipofika Ikulu Mjini Zanzibar jana

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akisalimiana na Mwakilishi Mkaazi wa UN Umoja wa mataifa nchini Tanzania Dk. Alberic Kacou,alipofika Ikulu Mjini Zanzibar jana.

Mgomo Wa Madaktari Nchini:Hali Si Nzuri Hospitali ya Rufaa Mkoani Mbeya Madaktari Watano tu Waripoti Kati Ya Madaktari 75

noreply@blogger.com (haki) — Tue, 31 Jan 2012 02:17:00 PST

Akiongea na waandishi wa habari mkurugenzi wa Hospitali ya Rufaa Mbeya Dokta Eliuta Sanker amesema mpaka sasa ni madaktari watano 5 tu walioripoti kazini hapo kati ya madaktari 75 waliogoma

Mwonekano wa Hospitali ya Rufaa ya Mbeya

Baadhi ya madaktari wakisoma matangazo ya kutaka warejee kazini

Baadhi ya wagonjwa wakiendelea kuandikiwa vyeti vya kuwaona madaktari

Madaktari wakiwa wanatoka katika hospitali ya rufaa mbeya baada ya kusaini kitabu cha mahudhurio yakuwa wamefika kazini lakini huduma hawatoi.Picha na Habari na Mbeya Yetu

Kitu Kipya CHIDI BENZ FT TINAH ( KILA NAPOKUONA )

noreply@blogger.com (haki) — Tue, 31 Jan 2012 02:00:00 PST

Msanii Chidi Benz

CHIDI BENZ FT TINAH ( KILA NAPOKUONA ) mix2.mp3

CHIDI BENZ FT TINAH ( KILA NAPOKUONA ) mix2 beat.mp3

PRESIDENT JAKAYA KIKWETE HANDS OVER ALMA CHAIR TO PRESIDENT ELLEN JOHNSON SIRLEAF OF LIBERIA

noreply@blogger.com (haki) — Tue, 31 Jan 2012 01:56:00 PST

New ALMA Chair President Ellen Johnson Sirleaf confers to out-going chair President Jakaya Mrisho Kikwete an award of Excellence from the UN Secretary General and the African Union Chairman for sound policies and effort to combating malaria

President Jakaya Kikwete makes his opening speech and give the status of Malaria. Others from left is the new AU Chairman President of Benin, the Executive Secretary of ALMA, Ms Joy Phumaphi , new ALMA Chair and President of Liberia Madame Ellen Johnson Sirleaf, and newly elected ALMA Vice Chair and President of Mozambique, Mr Armando Guebuza

A cross section of African Leaders Malaria Alliance (ALMA) leaders at the working session luncheon at the Africa Union Summit during which out-going Chairman President Jakaya Mrisho Kikwete handed over the ALMA chair to President Ellen Johnson Sirleaf in the side-lines of the AU Summit in Addis Ababa, Ethiopia. ALMA is an alliance of African Heads of State and Government working to end malaria-related deaths. This body was founded by African Heads of State to utilize their individual and collective power across country and regional borders.Photos By STATE HOUSE

New video by Mzungu Kichaa

noreply@blogger.com (haki) — Tue, 31 Jan 2012 01:46:00 PST

Mzungu Kichaa’s 4th video Ndugu na Jirani is released today. Caravan Records held a screening in Dar es Salaam yesterday and East African television premiered the video on their popular show Friday Night Live.

The video was produced by Louise Kamin and shot by the Danish/Tanzanian cinematographer Talib Rasmussen for Caravan Records. The video was shot in a derelict building belonging to the Egyptian embassy along Kenyatta Drive which has now been torn down. It features some of the musicians who perform with Mzungu Kichaa and the legandary Tanzanian boxer Sheni who met with Mohammad Ali during the “rumble in the jungle” fight in Congo in 1974.

The song is about the process of saying goodbye to a loved one and metaphorically could be interpreted as saying goodbye to life. Mzungu Kichaa sings: 'We have struggled in this world together and now the time has come to say goodbye. It will make me happy if you smile rather than cry. Who knows if we'll meet in the heavens? We must respect and help each other here on earth, for we might never return again'.

Twalumba kabotu / Twalumba kabotu mama... baba
Ndugu zangu, nawashukuru sana / Tumepambana katika ulimwengu / Muda umefika wa kuachana / Tuagane kwa furaha sitaki lawama / Ninakokwenda nayo nikuzuri / Majani yanaota na maji yanakwenda / Nitafurahi ukicheka kuliko kusononeka / Kilatukiachana tutaonana tena
Ninaenda zangu, nina kimbia / Ukiniomba kubaki nita anza kulia
Ndugu na jirani, rafiki na mtu flaani / Muko na mimi moyoni / Mola tu ndyio ana jua / Ndiyo maana tusaidiane / Tuheshimiane / Kuna siku tuta achana, peponi je tutaonana? / Ulimwenguni haturudi tena / Tupendane tukiwa hai

Mzungu Kichaa | Ndugu na Jirani [Official Music Video]

video: Talib Rasmussen / Caravan Records

links to Mzungu Kichaa:

www.facebook.com/MzunguKichaa

www.twitter.com/MzunguKichaa

www.youtube.com/nuttywhite

For media interest please contact CARAVAN RECORDS email: kichaamusic@gmail.com

Wauguzi wa Hospitali ya Taifa ya Muhimbili Wakitafakari Wakati Madaktari Wakiwa Bado Kwenye Mgomo

noreply@blogger.com (haki) — Tue, 31 Jan 2012 01:42:00 PST

Wauguzi wa Hospitali ya Taifa ya Muhimbili wakitafakari wakati madaktari wakiwa bado kwenye mgomo katika viwanja vya hospitali hiyo Dar es Salaam jana. Wauguzi hao wamedai wanashindwa kutimiza majukumu yao kutokana na madaktari kutokuwepo kazini.Picha na Robert Okanda

MAPACHA WATATU, TID, SUPER SHINE, MR BLU WAFANYA KUFURU DAR LIVE

noreply@blogger.com (haki) — Mon, 30 Jan 2012 06:06:00 PST

Wanamuziki wa Mapacha Watatu, Kalala Junior (aliyebebwa) na Khaleed Chokoraa, wakionyesha uwezo wao jukwaani hapo.

Chokoraa na Halima Kimwana wakishuka kwenye ndege ya Dar Live.

Mwimbaji wa kundi la Super Shine Modern Taarab, Ally Mikidadi, akiwajibika.

Bosi wa TOP Bandi, mwanamuziki TID, akiwajibika.

Dogo Hamidu a.k.a Nyandu Tozi akiwa na Mr Blue.

Dogo Faume akiwajibika.

Mr Blu akitoa burudani kwa kila mtu.

: Msanii Zuhura akipagawisha mashabiki.

Bosi wa TOP Bandi, mwanamuziki TID, akiwajibika.

Kundi la Wakali Dancers likitesa jukwaani.

Watoto wakiserebuka ukumbini.

Msanii wa kucheza na kuigiza, Mpella Shaa ‘Kidevu cha Kuku’ akiwa amekaa juu ya chupa jukwaani hapo.

Umati uliokuwa ukumbini ukifuatilia burudani hizo. Picha: Musa Mateja/GPL

---

WASANII wa muziki wa kizazi kipya na dansi Bongo, Khaleed Mohamed ‘TID’, Herry Samir ‘Mr Blu’, wakiwa na kundi la Mapacha Watatu ambalo linaongozwa na Khaleed Chuma ‘Chokoraa’, Junior Kalala ‘Kalala Junior’, na Joseph Michael ‘Jose Mara’, na kundi la muziki wa mwambao la Super Shine, usiku wa kuamkia leo wamefanya kufuru ndani ya ukumbi wa kisasa wa Dar Live uliopo Mbagala jijini Dar es Salaam. Wanamuziki hao walivunja rekodi ya mashabiki wengi waliowahi kushuhudia makamuzi kama hayo katika kituo hicho cha burudani nchini.

Shoo hiyo pia ilisindikizwa na makundi mengine kama Wakali Dancers, na wasaniii wengine wa Bongo Fleva wakiwemo Zuhura na Dogo Mfaume na Hejos Band.

Happiness Katabazi:Ni Mgomo Wa Madaktari Au?

noreply@blogger.com (haki) — Mon, 30 Jan 2012 04:31:00 PST

Mwandishi Wa Makala Happiness Katabazi

---

KWA takribani wiki moja sasa vyombo vya habari vimekuwa vikipambwa na habari za mvutano baina ya serikali na madaktari kuwa wamegoma kufanyakazi kwa kile wanachodai kupandishiwa mishahara, kujengewa nyumba za kuishi na kuongezewa masurufi yao.

Taarifa za mvutano huo binafsi zimekuwa zikinikosesha raha na kunikera mno na kuanza kutamani kuwa na viongozi madikteta.

Nao baadhi ya madaktari walinukuliwa wakisema wameishapita kiwango cha kuongea na waziri wa afya na Ustawi wa Jamii, Dk.Juma Mponda kwani ameshindwa utatua mwenye uwezo wa kuongea nae hivi sasa ni Waziri Mkuu Mizengo Pinda na kushinikiza Katibu Mkuu wa Wizara ya Afya Brandina Nyoni, hii ni dharau ya aina yake.

Wakati madaktari hao wakitoa maneno hayo, Waziri wa Afya na Ustawi wa Jamii Dk.Mponda, Alhamisi ya wiki iliyopita aliifanya mkutano na waandishi wa habari na kutoa tamko la serikali na ufafanuzi kuhusu madai ya madaktari hao na bila kumung’unya maneno alisema serikali haiwezi kuwaongezea mishahara na kufikia shilingi milioni 3.5 kwa kuwa kada hiyo inalipwa vizuri.

Dk.Mponda alisema mishara ya watumishi wa serikali hufuata miundombinu ya watumishi iliyopo ambayo iliboreshwa kwa sekta ya afya na hivi sasa watumishi wa afya wanapata mishahara mikubwa kuliko watumishi wengine serikalini.

Ieleweke kwamba baadhi ya madai ya madaktari ni ya msingi na tayari serikali imesema inayafanyia kazi.

Ila sikubaliani na hatua ya madaktari hao kukiuka viapo vyao walivyoapa kuwa wataakikisha wanahudumia wagonjwa katika mazingira yoyote yale lakikini hivi sasa wameamua kuwatoroka wagonjwa nakwenda kufanya migomo na kufanya deiwaka katika mahospitali binafsi ili waweze kujiongezea kipato.

Na kitendo hicho hakina tofauti na jambazi ambaye anamwelekezea bunduki kichwani mwananchi akimtaka ampatie fedha ama sivyo anamuua au akina tofauti na daktari ambaye anamtibu mgonjwa halafu anamwambia hawezi kukupatia dawa hadi unipatie hongo..

Kwanza nakubaliana na maelezo ya Waziri Mponda kuwa suala la kupandishiwa mishahara na masurufi mingine kwa watumishi wa umma kuna utaratibu wake.Wafanyakazi wa serikali wanaodai kuongezewa mishahara na masurufi mengine wanapaswa kufuata utaratibu mahususi ulianishwa ndani ya Civil Service Negotiation Machinery Act, na kama serikali itashindwa kutekeleza madai yao yaliyofuata utaratibu wa sheria sheria hiyo wanaruhusiwa kugoma.

Sasa tuwaulize hawa madaktari walifuata utaratibu ulioanishwa katika sheria hiyo hadi wafikie uamuzi wa kugoma ?

Na kama hawakufuata utaratibu sheria za nchi zipo wazi ambazo zinawabana wale wote wanaofanyakazi au kutoa ushahidi chini ya kiapo na pindi wanapokiuka viapo vyao wanatakiwa waadhibiwe mara moja.

Maana ni wenyewe walieleza kuwa madai yao waliyafikisha wizarani na waziri Mponda akasema aliupokea ujumbe wa chama cha madaktari na wakajadiliana na serikali ikaueleza ujumbue huo kuwa baadhi ya madai yao serikali inayafanyia kazi.

Na baada ya Dk. Mponda kutoa ufafanuzi huo,hatujakisikia chama hicho cha madaktari kikipinga maelezo ya waziri huyo kwa kutoa ushahidi mbadala matokeo yake tunakisikia chama hicho kikisema kuwa hadhi hayo kwa sasa si ya kuongea na waziri huyo ,hadhi yao hivi sasa ni yakuzungumza na waziri mkuu.

Haya Pinda waliokuwa wakimtaka alikwenda Karimjee kuzungumza na madaktari hao lakini madaktari hao walishindwa kutokea kwa sababu za kijinga ambazo sasa zimetulazimu tuanze kuwamini huu siyo mgomo wa madaktari bali unaajenda mbaya nyuma yake.

Hivi nani kairoga nchi hii?Madaktari ndiyo wenye shida na waziri Mponda ndiyo waziri wao lakini cha kushangaza madaktari hao ambao ndiyo wenye shida wamegeuka kuwa manyapara wa kutoa amri ya wanataka nini na nani wazungemze na nani na cha ajabu hadi sasa serikali inaendelea kuwakumbatia?

Nyie madaktari kwa akili zenu waziri alichokizungumza mnafikiri kabla ya kukizungumza huyo waziri mkuu Pinda alikuwa akijui? Waziri wenu kasema serikali inayafanyiakazi madai yenu hamsikii sasa mnataka nini?

Tuulize ule ujumbe wa madaktari uliokiwenda kuzungumza na Dk.Mponda kuhusu madai yao na akawasikiliza, walikuwa hawajui waziri huyo siyo saizi yao na kwamba hana huwezo wa kuwatatulia kero zao?Mlimfuatia nini ?

Ni lini wamegundua waziri Mponda siyo saizi yao? Je ni baada ya waziri huyo kuwaambia ukweli kuwa haitaweza kuwapandishia mshahara?

Na wewe Pinda aibu uliyoipata jana ulijitakia kwani haiwezekani wewe ndiyo Waziri Mkuu Mawaziri wote wapo chini yako na wanakusaidia katika utendaji kazi wako wa kila siku, madaktari hao wanamtolea maneno ya shombo waziri wa Afya Dk.Mponda na maofisa wake ambao ndiyo wenye dhamana ya sekta hiyo, halafu na wewe unakubaliana na upuuzi na dharau hiyo ya madaktari kwa waziri wako , unakwenda kuwaona , na matokeo yake na wewe wamekudhalilisha umejikuta ukumbini peke yako.

Nchi hii hivi sasa si ngazi ya familia wala nje ya familia, hatuheshimiani tunadharauliana bila sababu za msingi. Hajulikani baba ni nani, mama ni nani, mkubwa ni nani,mtoto ni nani na kiongozi ni nani kila mtu anaongea na kufanya analotaka.Na hali hii isipotokomezwa ipo siku taifa hili litajikuta limetumbukia mtoni.

Kwa akili yenu nyie madaktari mliogoma, hivi hayo madai mnayodai ya kupandishwa mshahara ndiyo mtapandi leo leo? Je hizo nyumba mnazodai mjengewe ndiyo ujenzi wake utakuwa umekamilika ndani ya siku mbili?

Lakini wafanyakazi wengine kwa uhalisia wa fani zao walioajiriwa serikali hawawezi kufanyakazi kazi serikali na sekta binafsi kwa wakati mmoja lakini wafanyakazi wa aina hiyo hatujawasikia wakigoma.

Sasa kama hivyo ndivyo ni kwanini madaktari mnaofanyakazi sehemu mbili na mwisho wa mwezi mnapata mishahara miwili.Mbona kule kwenye hospitali za sekta binafsi mnapofanyiakazi hamuwagomeagi mnakuja kuigomea serikali?

Na kama mnaona serikali iliyowaajiri haiwalipi vizuri si mtafute sehemu nyingine ambako mtalipwa vizuri kuliko kung’ang’ania kufanyakazi sehemu ambayo hulipwi vizuri ambapo mwishoe mtakuja kuwaua makusudi wagonjwa kwa kuwachoma sindano za mikojo ili wafe?

Na kama siyo ubinafsi na unafki ni nini, kipindi hicho mmeongezewa mishara na masulufi hatukuwasikia mkijitokeza adharani kutangaza mmeongezewa mishahara?
Watanzania wanaheshimu haki za binadamu sote tuamke tuupinge mgomo huo kwani mgomo huo ni haramu na umeanza kuleta madhara makubwa kwa wananchi wetu ambao hawana uwezo wa kwenda kutibiwa hospitali binafsi na nje ya nchi.

Ieleweke wazi kuwa ni kweli gharama za maisha zimepanda na ukali huo wa maisha unatuhumiza wote lakini hicho kisiwe kigezo cha madaktari wetu kutoroka wagonjwa mahospitali na kwenda kufanya migomo huku wananchi wasiyo na hatia wakipoteza maisha kwa kukosa huduma.

Minaamini kuwa kila mtu awe na elimu na asiye na elimu ana umuhimu hapa duniani na wote tunategemeana hivyo ni vyema na haki madaktari wakaacha na kingizio kuwa taaluma yao ni muhimu kuliko taaluma zingine.

Mwisho nimalizie kwa kuishauri serikali ijenge utaratibu wa kuyashughulikia mapema malalamiko ya kada yoyote inayoyalalamikia kabla ya kada hizo kuanza kujichukulia sheria mkononi na kugoma kwani mwisho wa siku wanaothirika ni wananchi na taifa linajikuta likipata sifa mbaya kuwa taifa la Tanzania hivi sasa limekuwa ni taifa la migomo.

0716 774494

Mbunge Wa Jimbo la Mvomero,(CCM)mkoani Morogoro,Amos Makalla Atembelea Mradi wa Visima na Ujenzi wa Hospitali Jimboni Kwake

noreply@blogger.com (haki) — Mon, 30 Jan 2012 04:23:00 PST

MBUNGE wa Jimbo la Mvomero,(CCM)mkoani Morogoro,Amos Makalla akibadilishana mawazo na Mmoja wa Wanakijiji Jimboni Kwake

Kiongozi akiwa amekaa katika madawati na wanafunzi wa shule ya msingi mgudeni kata ya mvomero ,makalla alitoa jumla ya shilingi milioni 1.6 kwajili ya kutengeneza madawati hayo kama miezi miwili iliyopita baada ya kuelezwa wanafunzi wake wanakaa chini kutokana na upungufu wa madawati.

MBUNGE wa Jimbo la Mvomero,(CCM)mkoani Morogoro,Amos Makalla akisalimiana na wanafunzi jimboni kwake

MBUNGE wa Jimbo la Mvomero,(CCM)mkoani Morogoro,Amos Makalla,akimpa pole mwanamama wa jamii ya kimasa aliyekuwa akisubiri kupatiwa matibabu,wakati alipotembelea Zahanati ya kijiji cha dakawa wilayani humo kwajili ya ukaguzi wa zahanati hiyo,Makalla alitoa kiasi cha shilingi milioni 1 papo hapo kwajili ya kukarabati miundombinu ya umeme ndani ya zahanati hiyo kwajili ya maandalizi ya kuingiza

MBUNGE wa wa Jimbo la Mvomero,(CCM)mkoani Morogoro,Amos Makalla na Wahusika wakionyeshwa michoro ya ramani ya ujenzi wa hospitali ya wilaya ya Mvomero na Meneja wa wakala wa majengo mkoani Morogoro Edwin Mndunduma(kulia) kushoto ni Mchovu Charo ambaye mkandarasi wa kampuni ya Mavondas LTD inayojenga hospitali hiyo.

Katika hii picha kinachoonekana ni moja ya visima kati ya 20 kilichochimbwa katika kijiji cha Milama kata ya dakawa kwa ufadhili wa taasisi Health Community ya nchini Marekani,wengine ni viongozi wa kijiji hicho.

Taswira Za Twiga Stars

noreply@blogger.com (haki) — Mon, 30 Jan 2012 02:34:00 PST

Wachezaji wa Twiga Stars kutoka kushoto ni, Mwanahamisi Omari, Etoe Mlenzi na Pulkaria Charaji wakishangilia ushindi wa timu yao.

Kikosi cha timu ya taifa ya Wanawake ‘Twiga Stars’ kikiwa katika picha ya pamoja kabla ya mchezo wao na timu ya Namibia wa kufuzu Fainali za Mataifa Afrika kwa Wanawake (AWC) uliofanyika Jana kwenye Uwanja wa Taifa jijini Dar es Salaam. Twiga Stars imeshinda 5-2.

Mbunge Wa Bumbuli(CCM)Mh.January Makamba Awasilisha Hoja Binafsi Bungeni

noreply@blogger.com (haki) — Mon, 30 Jan 2012 02:31:00 PST

MBUNGE wa Bumbuli, January Makamba (CCM),

Na Elizabeth John

MBUNGE wa Bumbuli, January Makamba (CCM), amewasilisha hoja zake binafsi katika ofisi ya Bunge akitaka mkutano ujao, Bunge liazimie kuitaka serikali ilete muswada wa sheria ya kudhibiti upangaji wa nyumba pamoja na sheria ya kuwalinda watumiaji wa huduma za kifedha.

Akizungumza na waandishi wa habari jijini Dar es Salaam jana,Makamba alisema asilimia 60 ya wakazi wa mjini wanaishi katika nyumba za kupanga ambapo kwa wastani Chama cha Wapangaji Tanzania, hutumia zaidi ya asilimia 40 ya mapato kulipia kodi ya makazi yao.

Alisema kutokuwepo kwa sheria inayodhibiti biashara ya pango kumewapa wenye nyumba nguvu kubwa dhidi ya wapangaji ambapo wanaweza kuwafukuza bila notisi za kutosha na kuwawezesha kujiandaa kutafuta makazi mapya na unyang’anyi wa mali pale wanaposhindwa kulipa au kuchelewesha kodi.

“Kutokuwepo kwa udhibiti wa pango kumeongeza wahalifu kwa sababu watu wasiojulikana wanaweza kupanga kwenye nyumba na kufanya mambo ya uhalifu bila kufahamika, hii inatokana na kutokuwa na mikataba inayotambulika kati ya wapangaji na serikali,” alisema Makamba.

Alisema kunapotokea majanga kama vile mafuriko na moto, wapangaji hupoteza kila kitu na hawapati fidia yoyote ilhali serikali imekuwa ikiwafidia wenye nyumba ingawaje mara nyingi ndiyo wenye makosa ya kutoweka bima au kujenga maeneo hatarishi.
Kuhusu sheria ya kuwalinda watumiaji wa huduma za kifedha alisema taasisi za kibenki na zisizo za kibenki, vyama vya ushirika vya kuweka na kukopa (saccos); na mashirika yasiyo ya kiserikali (NGOs) hutumia njia zisizo sahihi.

Alisema upanukaji huu wa huduma zinazotolewa na sekta ya kifedha hauendani na udhibiti wa haki za watumiaji wa huduma; kumekuwepo na ongezeko la ripoti za usumbufu, udanganyifu na dhuluma zinazofanywa na watoa huduma dhidi ya watumiaji.
“Wananchi wakiwa na upeo mzuri wa maswala ya kifedha watakuwa na uwezo wa kufanya maamuzi ya busara ya kifedha kwa ajili yao na familia zao, ufahamu huo pia utawawezesha kutambua na kuchagua huduma za kifedha zitakazokidhi mahitaji yao bila kujiingiza katika hatari ya kudhulumiwa au kufilisika,” alisema Makamba.

Aliongeza kuwa ulinzi mahususi wa watumiaji wa huduma za kifedha utaongeza imani katika sekta ya kifedha na utawavuta wananchi wengi katika mfumo rasmi wa kifedha na kupunguza matatizo yanayowadidimiza wananchi kiuchumi.

Dk Harrison Mwakyembe,Samwel Sitta, Anne Kilango Malecela na James Lembeli Washiriki Misa Maalum Kanisa La Ufufuo na Uzima Lilopo Kawe Jijini Dar es Salaam

noreply@blogger.com (haki) — Mon, 30 Jan 2012 02:26:00 PST

Naibu Waziri Wa Ujenzi Dk Harrison Mwakyembe akishuka katika madhabahu mara baada ya kumalizika kwa ibada hiyo Jana

Waziri wa Afrika Mashariki Mbunge wa Urambo Samwel Sitta na akishuka katika madhabahu mara baada ya kumalizika kwa ibada jana

Waziri wa Afrika Mashariki na Mbunge wa Urambo Samwel Sitta akiongea katika ibada hiyo na kumkaribisha Dk Harrison Mwakyembe ili kuzungumza machache na waumini wa kanisa hilo na kutoa ushuhuda wake.

Mbunge wa Kahama Bw. James Lembeli kushoto , akizungumza na Dk. Harrison Mwakyembe wakati wa ibada hiyo jana

Dk. Harrison Mwakyembe wa pili kutoka kulia akiwa katika picha ya pamoja na baadhi ya wabunge, kushoto ni Mbunge wa Same Mashariki Mama Anne Kilango Malecela, Waziri wa Afrika Mashariki Samwel Sitta na Mbunge wa Kahama Bw. James Lembeli.Dk Harrison Mwakyembe Mbunge wa Kyela na Naibu Waziri wa Ujenzi katika ibada iliyofanyika jana kwenye kanisa hilo na kuhudhuriwa na Waziri wa Afrika Mashariki mzee Samwel Sitta na baadhi ya wabunge kadhaa, Mzee Samwel Sitta amesema Mwakyembe amekwenda kanisani hapo ili kutoa ushuhuda kuhusu ugonjwa wake kwa ujumla. Dk. Harrison Mwakyembe ametoa ushuhuda akimshukuru mungu kwa kumbariki na kuendelea kumpa nguvu juu ya afya njema, Mwakyembe ambaye alikuwa amevalia kofia na Glovu katika mikono yake, ameongeza kwamba tangu alipokuwa ameondoka kwenda nchini India kwa matibabu Oktoba 9 mwaka jana hakuwahi kuvaa viatu, lakini leo amevaa, hivyo akamshukuru mungu kwa miujiza yake.Picha na John Bukuku

Twiga Stars Ndio Zao

noreply@blogger.com (haki) — Mon, 30 Jan 2012 02:13:00 PST

Mshambuliaji wa Twiga Stars, Mwanahamisi Omary (kulia) akimtoka mchezaji wa Namibia, Lena Noreses katika mchezo wa kuwania kufuzu fainali za Afrika kwa wanawake jana kwenye Uwanja wa Taifa, Dar es Salaam. Twiga ilishinda mabao 5-2. (Picha na Yussuf Badi).

Polisi Wakiwakamata Vijana Waliofanya Fujo Wakati Wa Mkutano Wa Mkuu wa Wilaya ya Kilosa,Mkoa wa Morogoro Bi Halima Dendego

noreply@blogger.com (haki) — Sun, 29 Jan 2012 08:10:00 PST

Polisi wakiwakamata vijana waliofanya fujo wakati wa mkutano wa Mkuu wa Wilaya ya Kilosa, Mkoa wa Morogoro Halima Dendego(hayupo pichani)katika Kijiji cha Msowero, baada ya wananchi wa Vijiji vya Mambegwa na Msowero kufunga Barabara ya Kilosa- Dumila kwa magogo na mawe wakishinikiza kusikilizwa madai yao ya migogoro ya mipaka ya vijiji vya wafugaji na wakulima juzi.Picha na John nditi