കമ്പ്യൂട്ടർ സഹായി

1.4 - ചോദ്യങ്ങളും സംശയങ്ങളും ഭാഗം നാല്‌.

noreply@blogger.com (Helper | സഹായി) — Wed, 15 Jun 2011 12:24:00 +0000

ചോദ്യങ്ങളും സംശയങ്ങളും പുതിയ പോസ്റ്റായി ഇവിടെ തുടരുന്നു. കമന്റ്‌ ആധിക്യം മൂലം കഴിഞ്ഞ രണ്ട്‌ പോസ്റ്റുകൾക്കും തുടർക്കമന്റുകൾ നൽകുവാൻ കഴിയില്ല. പുതിയ കമന്റുകൾ ഇവിടെ നൽകുക.

സഹകരിച്ച എല്ലാവർക്കും നന്ദി.

40 - Animated Blog Title

noreply@blogger.com (Helper | സഹായി) — Sun, 21 Nov 2010 06:46:00 +0000

അനിമേറ്റേഡ്‌ ബ്ലോഗ്‌ ടൈറ്റിൽ.

ബ്ലോഗ്‌ ടൈറ്റിലുകളിൽ എങ്ങനെ അനിമേറ്റേഡ്‌ ചിത്രങ്ങളും, അക്ഷരങ്ങളും നൽക്കാമെന്ന് ചില സുഹൃത്തുകൾ ചോദിക്കുകയുണ്ടായി. അവർക്കായി, ഇതാ, അനിമേറ്റേഡ്‌ ബ്ലോഗ്‌ ടൈറ്റിലുകൾ.

ആദ്യം, നിങ്ങൾക്കാവശ്യമുള്ള അനിമേറ്റേഡ്‌ ടൈറ്റിലുകൾ നിർമ്മിക്കുക. ഇതിനായി നിരവധി സോഫ്റ്റ്‌ വെയറുകൾ ഇന്ന് ലഭ്യമാണ്‌. അനിമേഷൻ അറിയാത്തവർ, നെറ്റിൽ ലഭ്യമായ ഫ്രീ സൈറ്റുകളുടെ സേവനം ഉപയോഗപ്പെടുത്തുക.

ഫ്രീയായി അനിമേഷൻ ടെക്സ്റ്റുകൾ നിർമ്മിച്ചുനൽക്കുകയും, നമ്മുടെ അനിമേഷൻ ഫയൽ സൂക്ഷിക്കുകയും ചെയ്യുന്ന അത്തരം ചില സൈറ്റുകൾ:-

http://h2.flashvortex.com/

http://mnsls.com/text

ഇവയിലോന്നിൽ, നിങ്ങൾക്കാവശ്യമുള്ള അനിമേഷൻ നിർമ്മിക്കുക. നിങ്ങളുടെ ഗ്രാഫിക്ക്‌ ക്രിയേറ്റിവിറ്റി പരമാവധി പ്രയോജനപ്പെടുത്തുകയും, നയനമനോഹരമായ ടെക്സ്റ്റുകൾ നിർമ്മിക്കുകയും ചെയ്യുക.

ഇനി, നിങ്ങൾ നിർമ്മിച്ച അനിമേഷൻ ഫയലിന്റെ കോഡ്‌ ഇവിടെ ലഭ്യമാണ്‌. അത്‌ കോപ്പി ചെയ്യുക.

ബ്ലോഗ്‌ തുറന്ന്, നിങ്ങളുടെ ഡാഷ്‌ ബോഡിൽ കയറുക. ഡിസൈൻ ടാബ്‌ ക്ലിക്കുക. ബ്ലോഗ്‌ ലേഔട്ടിൽ Add a Gadget ക്ലിക്കുക. HTML/JavaScript ക്ലിക്കുക. ഇവിടെ, നിങ്ങളുടെ അനിമേഷൻ ഫയലിന്റെ കോഡ്‌ പേസ്റ്റ്‌ ചെയ്യുക. സേവ്‌ ചെയ്യുക. തിരിച്ച്‌ ഡിസൈൻ ടാബിലെത്തി, ഇപ്പോൾ നിങ്ങൾ ആഡ്‌ ചെയ്ത്‌ കോഡ്‌, നിങ്ങളുടെ ബ്ലോഗിന്റെ മുകൾ ഭാഗത്ത്‌, Navbar എന്ന ബാറിന്‌ താഴെയുള്ള, Header എന്ന ഗഡ്‌ജെറ്റിനു താഴെയുള്ള സ്ഥലത്തേക്ക്‌ വലിച്ചെടുത്തിടുക. ചില ടെബ്ലേറ്റുകൾ, ഇങ്ങനെ ഹെഡറിനു താഴെയുള്ള സ്ഥലത്ത്‌ ഗഡ്‌ജറ്റ്‌ ആഡ്‌ ചെയ്യുവാൻ സമ്മതിക്കില്ല, അത്‌ പ്രതേകം ശ്രദ്ധിക്കുക.

ഇനി പ്രിവ്യൂ ബട്ടൻ ക്ലിക്കിയാൽ നിങ്ങളുടെ അനിമേഷൻ ബ്ലോഗ്‌ ടെറ്റിൽ കാണാം. നിങ്ങൾ സംതൃപ്തരാണെങ്കിൽ, സേവ്‌ ചെയ്യുക.

നിലവിലുള്ള ബ്ലോഗ്‌ ഹെഡിങ്ങ്‌ എങ്ങനെ കളായമെന്നാണ്‌ അടുത്തത്‌. ഇതിനായി ടെബ്ലേറ്റ്‌ ഡിസൈനറിൽ പോവുക. അവിടെ Advanced ടാബിൽ ക്ലിക്കുക. Blog Title ക്ലിക്കുക. Font ന്റെ പേരും, അതിന്‌ താഴെ, ഫോണ്ട്‌ പിക്സലും കാണുന്നില്ലെ. അവിടെ, ഫോണ്ട്‌ പിക്സൽ, 0px എന്ന് ടൈപ്പ്‌ ചെയ്യുക. സേവ്‌ ചെയ്യുക.

ഇപ്പോൾ നിങ്ങളുടെ നിലവിലുള്ള ഹെഡിങ്ങ്‌ മറഞ്ഞിരിക്കും. നിലവിലുള്ള ഹെഡിങ്ങ്‌ പൂർണ്ണമായും ഒഴിവാക്കുവാൻ, HTML കോഡിൽ ചില മാറ്റങ്ങൾ വരുത്തിയാൽ മതിയാവും. എന്നാൽ ഇത്‌ ചില സങ്കേതിക പ്രശ്നങ്ങൾ സൃഷ്ടിക്കുന്നത്‌ കാരണം, തൽക്കാലം നമ്മുക്ക്‌, നിലവിലുള്ള ഹെഡിങ്ങ്‌ മറച്ച്‌വെക്കാം.

ഇനി നിങ്ങളുടെ ബ്ലോഗ്‌ തുറന്ന് നോക്കൂ. സുന്ദരമായ അനിമേറ്റേഡ്‌ ഹെഡിങ്ങ്‌ കാണുന്നില്ലെ.

ശ്രദ്ധിക്കുക. ഇവിടെ ഞാൻ പറഞ്ഞ ക്രമപ്രകാരമുള്ള പ്രവർത്തികളും, ഡിസൈൻ വഴികളും, നിങ്ങളുടെ ടെബ്ലേറ്റുകൾക്കനുസരിച്ച്‌ മാറിയിരിക്കും. പക്ഷെ, അടിസ്ഥാനപരമായി എല്ലാം ബ്ലോഗ്‌ ടെബ്ലേറ്റ്‌ ഡിസൈനറിൽ തന്നെയാണ്‌.

സംശയങ്ങളും ചോദ്യങ്ങളും, വിശദമായി എഴുതുക. സഹായി നിങ്ങൾക്കരിക്കിലുണ്ടാവും.

22617

35- Autorun Eater - ഒട്ടോറൺ വൈറസ്‌

noreply@blogger.com (Helper | സഹായി) — Wed, 06 Oct 2010 06:59:00 +0000

സാധരണ, USB മെമ്മറികാർഡ്‌ എന്നിവ ഉപയോഗിക്കുന്ന കമ്പ്യൂട്ടറുകളിൽ പെട്ടെന്ന് ബാധിക്കുന്ന ഒരു വൈറസാണ്‌, ഒട്ടോറൺ വൈറസ്‌.

ഒട്ടോറൺ വൈറസ്‌ ബാധിച്ചാൽ, താഴെ പറയുന്ന പ്രശ്നങ്ങൾ നിങ്ങളുടെ കമ്പ്യൂട്ടറിൽ കാണാം.

1. ഡിസ്ക്‌ ഡ്രൈവുകൾ ഡബിൾ ക്ലിക്ക്‌ ചെയ്ത്‌ തുറക്കുവാൻ സാധിക്കില്ല.
2. എതെങ്കിലും ഡ്രൈവിൽ ഡബിൾ ക്ലിക്ക്‌ ചെയ്താൽ, സെർച്ച്‌ വിൻഡോ തുറന്ന് വരും.
3. ഡിസ്ക്‌ ഡ്രൈവുകളിൽ ഡബിൾ ക്ലിക്ക്‌ ചെയ്താൽ Open with എന്ന ഡയലോഗ്‌ ബോക്സ്‌ തുറന്ന് വരും.
4. ഡിസ്ക്‌ ഡ്രൈവുകളിൽ ഡബിൾ ക്ലിക്ക്‌ ചെയ്താൽ പുതിയ ഒരു വിൻഡോയിൽ തുറന്ന് വരും.

ഇത്തരം പ്രശ്നങ്ങൾ നിങ്ങളുടെ കമ്പ്യൂട്ടറിൽ ഉണ്ടെങ്കിൽ, നിങ്ങളുടെ കമ്പ്യൂട്ടറിൽ ഒട്ടോറൺ വൈറസ്‌ ഉണ്ടെന്ന് കരുതാം.

ഒട്ടോറൺ വൈറസ്‌ എങ്ങനെ കളയാമെന്നും ഇപ്പോൾ ഫ്രീയായിട്ട്‌ ലഭിക്കുന്ന Autorun Eater എന്ന പ്രോഗ്രാം എങ്ങനെ ഉപയോഗിക്കാമെന്നും വിവരിക്കുകയാണ്‌.

ഒട്ടോറൺ വൈറസ്‌ സാധരണ, USB ഡിവൈസുകൾ വഴിയാണ്‌ പകരുന്നത്‌. ഇന്ന് കമ്പ്യൂട്ടർ ലോകത്ത്‌ എറ്റവും കൂടുതൽ വേഗതയിൽ പടരുന്ന വൈറസും ഇത്‌ തന്നെയാണ്‌.

ഒരു യൂസർ, ഈ വൈറസ്‌ ബാധിച്ച്‌ പോർട്ടബിൾ ഡ്രൈവിൽ ഡബിൾ ക്ലിക്ക്‌ ചെയ്യുമ്പോൾ, ആ വൈറസ്‌, യൂസറുടെ കമ്പ്യൂട്ടറിലേക്കും ഒട്ടോമറ്റിക്കായി പടരുകയും, നിങ്ങലുടെ എല്ലാ ഡ്രൈവുകളിലും "autorun.inf" എന്ന ഒരു ഫയൽ ഉണ്ടാക്കുകയും ചെയ്യുന്നു.

ഈ വൈറസിന്റെ പ്രവർത്തനം മുഴുവൻ autorun.inf എന്ന ഫയലിനെ ആടിസ്ഥാനമാക്കിയാണ്‌. അത്‌കൊണ്ട്‌ ഈ ഫയൽ ഡിലീറ്റ്‌ ചെയ്താൽ പോരെ എന്നാവും നിങ്ങൾ ചോദിക്കുന്നത്‌. അതത്ര എളുപ്പമല്ല. ഈ വൈറസ്‌ ബാധിച്ച കമ്പ്യൂട്ടറുകളിൽനിന്നും ഈ ഫയൽ കണ്ട്‌പിടിക്കുക പ്രയാസമാണ്‌. ഈ ഫയൽ ഒളിഞ്ഞായിരിക്കും കിടക്കുന്നത്‌. ഇനി കണ്ട്‌പിടിച്ച്‌ ഡിലീറ്റ്‌ ചെയ്യുവാന്ന് ശ്രമിച്ചാൽ, അതും നടക്കില്ല. നിങ്ങൾക്ക്‌ ഇവനെ ഡിലീറ്റ്‌ ചെയ്യുവാനുള്ള പെർമ്മിഷൻ ഇല്ലെന്ന് പറയും.

"ശെടാ, എന്റെ കമ്പ്യൂട്ടറിൽനിന്നും ഫയൽ ഡിലീറ്റ്‌ ചെയ്യുവാൻ ഞാൻ നാട്ടുകരുടെ പെർമ്മിഷൻ വാങ്ങണോ" എന്ന് ചിന്തിക്കാൻ വരട്ടെ. ഇവൻ നിങ്ങളുടെ സിസ്റ്റത്തിൽ കയറി, നിങ്ങളറിയാതെ തന്നെ നിങ്ങളുടെ പെർമ്മിഷൻ മാറ്റിമറിക്കും.

മാത്രമല്ല, ഇവൻ സിസ്റ്റത്തിൽ ബാധിച്ചാൽ, Task Manager ഡിസേബിൾ ചെയ്യുക, Registry editing ഡിസേബിൾ ചെയ്യുക, Hidden Folder option കളയുക എന്നിത്യാധി തരികിട പരിപടികളും നടത്തും.

ഈ വൈറസ്‌ കളയുവാൻ, പലമാർഗ്ഗങ്ങളിൽ ഒരു മാർഗ്ഗം, ഒട്ടോറണിനെ തിന്നുന്ന Autorun Eater എന്ന ഫ്രീ സോഫ്റ്റ്‌വെയർ ഉപയോഗിക്കാം. വളരെ ചെറിയ ഒരു ഫയലാണ്‌ ഇത്‌. വെറും 1.33 MB മാത്രം.

Autorun Eater എന്ന പ്രോഗ്രാം ഇവിടെനിന്നും ഡൗൺലോഡ്‌ ചെയ്യാം.

ഈ പ്രോഗ്രാം ഇൻസ്റ്റാൾ ചെയ്യുമ്പോൾ, അവിറ യും മറ്റു ചില വൈറസ്‌ പ്രോഗ്രാമുകളും ഇത്‌ വൈറസാണ്‌ എന്ന് പറയും. അതും ഒട്ടോറൺ വൈറസിന്റെ കളിയാണ്‌.

വളരെ പോപ്പുലറായ Autorun Eater ഉപയോഗിക്കുക. സിസ്റ്റം സുരക്ഷിതമാക്കുക.

19390

മമ്മൂട്ടിയുടെ വെബ്സൈറ്റ്‌ ഹാക്ക് ചെയ്തു

noreply@blogger.com (Helper | സഹായി) — Sun, 12 Sep 2010 19:17:00 +0000

കോട്ടയം: സൂപ്പർതാരം മമ്മൂട്ടിയുടെ വെബ്സൈറ്റ്‌ www.mammootty.com ൽ നുഴഞ്ഞു കയറിയ അജ്ഞാതനായ ഹാക്കർ പ്രവർത്തനം സ്തംഭിപ്പിച്ചു. ഇതേത്തുടർന്ന് സൗദി അറേബ്യ ഹാക്കർ എന്ന തലക്കെട്ടിലുള്ള ഹോംപേജാണ്‌ ഈ സൈറ്റ്‌ സെർച്ച്‌ ചെയ്യുമ്പോൾ ലഭിക്കുന്നത്. സൈറ്റ്‌ സ്തംഭിപ്പിച്ചതായി മിസ്റ്റർ സ്കൂർ എന്ന പേരാണ്‌ രേഖപ്പെടുത്തിയിരിക്കുന്നത്‌.

വെബ്സൈറ്റ്‌ തകരാറിലാക്കിയതിന്റെ ആഹ്ളാദ സൂചകമായി ‘ഗെയിം ഓവർ’ എന്ന സന്ദേശവും സൈറ്റ്‌ അഡിമിനിസ്ട്രേറ്ററിന്‌ ഹാക്കർ നല്കിയിട്ടുണ്ട്‌. മിസ്റ്റർ സ്കൂർ അറ്റ്‌ ഹോട്ട്മെയിൽ.ഡോട്ട്കോം എന്ന ഇമെയിൽ വിലാസവും ഹാക്കർ രേഖപ്പെടുത്തിയിട്ടുണ്ട്‌

കടപ്പാട്‌: ദീപിക.കോം.
.

ഞാനും സ്വന്തമാക്കി ഒരു ഫവികോൺ.

noreply@blogger.com (Helper | സഹായി) — Wed, 08 Sep 2010 10:38:00 +0000

ഞാനും സ്വന്തമാക്കി ഒരു ഫവികോൺ.

എന്താണ്‌ ഫവികോൺ?.

നിങ്ങൾ കാണുന്ന വെബ്‌സൈറ്റിന്റെ ഐകണുകളെയാണ്‌ ഫവികോൺ എന്ന് പറയുന്നത്‌. സാധാരണ ബ്ലോഗർ ഫവികോൺ B എന്ന ഒരു ചിത്രമാണ്‌. നിങ്ങളുടെ വെബ്‌അഡ്രസ്‌ ബാറിൽ അത്‌ കാണുന്നില്ലെ. അത്‌ തന്നെയാണ്‌ ഫവികോൺ.

നിങ്ങൾക്കും ഇത്‌പോലെ നിങ്ങളുടെ സ്വന്തം ഫവികോൺ ഉണ്ടാക്കുവാൻ കഴിയും. ഇത്‌ ബ്ലോഗിൽ മാത്രമല്ല, ഏത്‌ വെബ്‌സൈറ്റിലും പ്രദർശിപ്പിക്കുവാൻ കഴിയും.

ആദ്യമായി നിങ്ങൾക്കിഷ്ടപ്പെട്ട ഒരു ചിത്രം .ico ഐക്കൺ ഫോർമ്മേറ്റിലേക്ക്‌ മാറ്റുക. ഇതിന്‌ നിരവധി പ്രോഗ്രാമുകൾ നെറ്റിൽ ലഭ്യമാണ്‌. എനിക്ക്‌ എറ്റവും ഇഷ്ടപ്പെട്ടതും, ഉപയോഗിക്കുവാൻ വളരെ എളുപ്പവും http://www.iconj.com/ആണ്‌. മാത്രമല്ല, രജിസ്ട്രേഷൻ ഇല്ലാതെ തന്നെ, നമുക്ക്‌ അവരുടെ സേവനം ലഭ്യമാണെന്നതും, ico ഫയലുകൾ അവരുടെ സെർവ്വറിൽ സൂക്ഷിക്കാമെന്നതും സൗകര്യപ്രദമാണ്‌.

വളരെ ഈസിയായി നമ്മുടെ ഫവികോൺ സെറ്റ്‌ ചെയ്യാവുന്നതാണ്‌.

1. ആദ്യം ബ്ലോഗറിൽ ലോഗിൻ ചെയ്യുക. design ---> Edit HTML എന്നത്‌ ക്ലിക്കുക.

2. നിങ്ങളുടെ ചിത്രം ico ഫയലാക്കി മാറ്റുക. അനിമേറ്റേഡ്‌ gif ഫയലുകൾ പോലും ഇങ്ങനെ നിങ്ങൾക്ക്‌ ഫെവികോൺ ആക്കുവാൻ കഴിയും.ചിത്രം ico ഫൊർമേറ്റിലേക്ക്‌ മാറ്റുവാൻ എറ്റവും നല്ല വഴി, ഇവിടെ ക്ലിക്കുക.

3. ഒരു ചിത്രം അപ്‌ലോഡ്‌ ചെയ്യുക. ഇവിടെ നിങ്ങളുടെ ചിത്രം ഐകൺ ഫയലാക്കി മാറ്റുന്നു. മാത്രമല്ല, ഐക്കൺ ഫയലുകളുടെ ഒരു യുഅർഎലും, ബ്ലോഗിൽ പ്രദർശിപ്പിക്കാനുള്ള കോഡും ഇവിടെനിന്ന് ലഭിക്കുന്നു.

ഇനി ബ്ലോഗിൽ പോയി, Edit HTML പേജിൽ ഈ കോഡ്‌ പേസ്റ്റ്‌ ചെയ്യുക. ശ്രദ്ധിക്കുക ഇത്‌ പേസ്റ്റ്‌ ചെയ്യേണ്ടത്‌, "head" എന്നതിന്‌ താഴെയാണ്‌. "title" എന്നതിന്‌ മുകളിൽ.

ഇവിടെ നിങ്ങളുടെ കോഡ്‌ പേസ്റ്റ്‌ ചെയ്തിട്ടുണ്ടെങ്കിൽ, എല്ലാം ശരിയാണെങ്കിൽ, സേവ്‌ ചെയ്യുക. ഇനി നിങ്ങളുടെ ബ്ലോഗ്‌ തുറന്നാൽ, അഡ്രസ്‌ ബാറിൽ നിന്നളുടെ ഫവികോൺ കാണാവുന്നതാണ്‌.

സംശയങ്ങൾ ചോദിക്കുക.

പുതിയ ലാപ്പുകളിൽ എങ്ങനെ XP ഇൻസ്റ്റാൾ ചെയ്യാം

noreply@blogger.com (Helper | സഹായി) — Tue, 31 Aug 2010 17:07:00 +0000

വിൻഡോ XP യുടെ മരണശേഷം വരുന്ന പുതിയ ലാപ്പ്ടോപ്പുകളിൽ വിൻഡോ വിസ്തയോ, അല്ലെങ്കിൽ വിൻഡോ എഴോ പ്രീ ഇൻസ്റ്റാൾഡ് ആയിരിക്കും. പക്ഷെ നിങ്ങൾ XP ഇൻസ്റ്റാൾ ചെയ്യാൻ അഗ്രഹിക്കുന്നു. സാധരണ പുതിയ ലാപ്പിൽ XP യുടെ ഒറിജിനൽ സിഡിയിൽനിന്ന് നേരിട്ട്, XP ഇൻസ്റ്റാൾ ചെയ്യാൻ സാധിക്കില്ല. എന്താണ്‌ പരിഹാരം.

പരിഹാരം വളരെ സിമ്പിളാണ്‌.

രണ്ട് സോഫ്റ്റ്വെയറുകളും, സാറ്റ ഡ്രൈവും, XP യുടെ ഇൻസ്റ്റാലേഷൻ സിഡിയും കൈയിലുണ്ടെങ്കിൽ, നിങ്ങൾക്ക് സുഖമായി XP ഈൻസ്റ്റാൾ ചെയ്യാം.

എന്തിനാണ്‌ മൈക്രോസോഫ്റ്റ് ഇത്രയും ബുദ്ധിമുട്ടികുന്നത് എന്ന ചോദ്യത്തിനുത്തരം, XP യുടെ ഒറിജിനൽ സിഡിയിൽ സാറ്റ ഡ്രൈവ് ഫയലുകൾ ഇല്ല. അത്‌കാരണം, നിങ്ങളുടെ ഹാർഡ് ഡിസ്ക് ഇൻസ്റ്റലേഷൻ സമയത്ത് തിരിച്ചറിയാതെ പോവുന്നു എന്നത് മാത്രമാണ്‌.

ആദ്യം തന്നെ, nLite എന്ന സൊഫ്റ്റ്വെയർ ഇൻസ്റ്റാൾ ചെയ്യുക. nLite ഇവിടെനിന്നും ഡൌൺലോഡ് ചെയ്യാം.

പിന്നിട്, നിങ്ങളുടെ ലാപ്പിന്റെ മദബോഡ് അനുസരിച്ച്, അതിന്റെ സാറ്റ ഡ്രൈവ് ഡൌൺലോഡ് ചെയ്യുക. സാധരണ Intel മദർബോഡുകളാണ്‌ ഉപയോഗിക്കുന്നത്. അതിവിടെ കിട്ടും. സാധരണ സാറ്റ ഡ്രൈവ് ഇവിടെനിന്ന്‌ കിട്ടും.

ഇനി, XP യുടെ സിഡിയിട്ടശേഷം, nLite തുറക്കുക.

ഇവിടെ നമുക്ക് ഒരു Windows XP യുടെ പുതിയ സിഡിയുണ്ടാക്കാം.

ഇവിടെ നിങ്ങളുടെ വിൻഡോ XP യുടെ സിഡി ലോക്കേറ്റ് ചെയ്യുക.

അടുത്ത പേജിൽ നമ്മുക്ക് സാറ്റ ഡ്രൈവ് കൂട്ടിചേർക്കാം. അതിന്‌, Drivers എന്ന ടാബിൽ ക്ലിക്കുക. Bootable ISO option ക്ലിക്കുവാൻ മറക്കരുത്. നിങ്ങൾ സാറ്റ ഡ്രൈവ് ഡൌൺളോഡ് ചെയ്ത ലോക്കേഷൻ സെലക്റ്റ് ചെയ്യുക. അവിടെ എതാനും inf ഫയലുകൾ കാണാം. അതിലോന്ന് സെലക്റ്റ് ചെയ്യുക. പിന്നീട് എല്ലാ ഡ്രൈവറുകളും സെലക്റ്റ് ചെയ്യുക. ക്ലിക്ക് നെസ്റ്റ്.

ഇവിടെ ISO ഫയൽ കൺഫേർമേഷൻ ചോദിക്കും. യെസ് ക്ലിക്കുക. ഇപ്പോൾ സാറ്റ ഡ്രൈവുകളോട് കൂടി ഒരു XP യുടെ സിഡി ഉണ്ടാക്കിയിരിക്കും. അത് ഒരു സിഡിയിലേക്ക് Burn ചെയ്യുക.

ഈ സിഡി ഉപയോഗിച്ച്, നിങ്ങളുടെ ലാപ്പിൽ XP ഇൻസ്റ്റാൾ ചെയ്യാം.

.

1.2 - ചോദ്യങ്ങളും സംശയങ്ങളും ഭാഗം മൂന്ന്

noreply@blogger.com (Helper | സഹായി) — Sun, 29 Aug 2010 10:03:00 +0000

ഹാർഡ്‌ ഡിസ്ക്‌ ഘടിപ്പിക്കൽ.

noreply@blogger.com (Helper | സഹായി) — Wed, 18 Aug 2010 11:14:00 +0000

ഹാർഡ്‌ ഡിസ്ക്‌ ഘടിപ്പിക്കൽ.

നിങ്ങളുടെ കമ്പ്യൂട്ടറിൽ ഹാർഡ്‌ ഡിസ്ക്‌ ഘടിപ്പിക്കുവാനോ, പഴയ ഹാർഡ്‌ ഡിസ്ക്‌ മാറ്റി പുതിയത്‌ ഘടിപ്പിക്കുവാനോ, മറ്റോരു ഹാർഡ്‌ ഡിസ്ക്‌ കൂടി ഘടിപ്പിക്കുവാനോ നിങ്ങൾ ആഗ്രഹിക്കുന്നുവോ?.

ഒരു സ്കൃൂ ഡ്രൈവർ, ഹാർഡ്‌ ഡിസ്ക്‌, ഇത്തിരി ധൈര്യം എന്നിവയുണ്ടെങ്കിൽ, ആർക്കും ഹാർഡ്‌ ഡിസ്ക്‌ ഫിറ്റ്‌ ചെയ്യാവുന്നതാണ്‌. ആർക്കും.

പെട്ടെന്ന് കേട്‌വരുന്നതോ, ഘടിപ്പിക്കുവാൻ പ്രയാസമുള്ളതോ ആയ ഒരു ഭാഗമല്ല ഹാർഡ്‌ ഡിസ്ക്‌. ഒരൽപ്പം ശ്രദ്ധയും, ധൈര്യവുമുണ്ടെങ്കിൽ ആർക്കും ഹാർഡ്‌ ഡിസ്ക്‌ ഘടിപ്പിക്കാവുന്നതാണ്‌.

പഴയ മദർ ബോഡുകളിൽ, രണ്ട്‌ IDE ഡ്രൈവ്‌ കണക്റ്ററുകളുണ്ടായിരിക്കും. മൊത്തം നാല്‌ IDE ഡ്രൈവുകൾ കണക്റ്റ്‌ ചെയ്യാം. IDE ഡ്രൈവുകളുടെ ന്യൂനത അതിൽ ജമ്പെറുകൾ സെറ്റ്‌ ചെയ്യാനുള്ള പ്രയാസം മാത്രമാണ്‌. SATA ഡ്രൈവുകളിൽ ജമ്പെറുകൾ ഇല്ല.

നിങ്ങൾ നിലവിലുള്ള ഹാർഡ്‌ ഡിസ്കിന്റെ കൂടെ മറ്റോരു ഹാർഡ്‌ ഡിസ്കാണ്‌ ഉപയോഗിക്കുവാൻ അഗ്രഹിക്കുന്നതെങ്കിൽ, ആദ്യത്തെ ഹാർഡ്‌ ഡിസ്കിൽ, ഓപ്പറേറ്റിങ്ങ്‌ സിസ്റ്റം ഇൻസ്റ്റാൾ ചെയ്തിട്ടുണ്ടെന്ന് ഉറപ്പ്‌ വരുത്തുക, അതിന്റെ ജമ്പെർ, മാസ്റ്ററിൽ സെറ്റ്‌ ചെയ്യുക. എങ്കിൽ മാത്രമേ, നിങ്ങളുടെ പുതിയ ഡ്രൈവ്‌ രണ്ടാമതായി സ്വീകരിക്കുകയുള്ളൂ. കമ്പ്യൂട്ടർ തുറന്ന്, ഹാർഡ്‌ ഡിസ്ക്‌ ബേയിൽ പുതിയത്‌ ഫിറ്റ്‌ ചെയ്യുക. ഡാറ്റ കേബിളും, പവർ കേബിളും ഉണ്ടായിരിക്കും. സാറ്റ ഹാർഡ്‌ ഡിസ്കാണെങ്കിൽ, നേരെ സാറ്റ 1, സാറ്റ 2 എന്ന ക്രമത്തിൽ കൊടുക്കുക.

ഡാറ്റ കേബിൾ പിന്നുകളും, പവർ കേബിൾ പിന്നുകളുമെല്ലാം വളരെ വിത്യസ്ഥമായാണ്‌ നിർമ്മിച്ചിരിക്കുന്നത്‌. അത്‌കൊണ്ട്‌ തന്നെ, അവയുടെ ക്രമം മാറി പോകുവാൻ വഴിയില്ല.

IDE ഡ്രൈവുകളാണെങ്കിൽ, ജമ്പെറുകൾ ശ്രദ്ധിക്കണമെന്ന് മാത്രം. അവയുടെ ക്രമം, ഹാർഡ്‌ ഡിസ്കുകളുടെ മുകളിൽ വിവരിച്ചിരിക്കും.

13830

രൂപയുടെ പുതിയ ഫോണ്ട്

noreply@blogger.com (Helper | സഹായി) — Sun, 18 Jul 2010 11:18:00 +0000

രൂപയ്ക്കു രൂപം ലഭിച്ചു 24 മണിക്കൂറിനുള്ളിൽ ആ രൂപം ഏതൊരു കംപ്യൂട്ടറിലും ഡൗൺലോഡ്‌ ചെയ്‌ത്‌ ഉപയോഗിക്കാൻ സാധിക്കത്തക്ക വിധം അക്ഷരരൂപം (ഫോണ്ട്‌) തയാറാക്കി മലയാളി യുവാക്കൾ മികവു തെളിയിച്ചു. കാസർകോട്‌ സ്വദേശികളായ ഉണ്ണി കോറോത്ത്‌, അബ്ദുൽ സലാം, അബ്ദുല്ല ഹിഷാം, എ. വിശ്വജിത്ത്‌, ജി.എസ്‌ അരവിന്ദ്‌ എന്നിവരാണു രൂപയുടെ ഫോണ്ടിനു പിന്നിൽ. രൂപയ്ക്കു രൂപം നൽകിയ മുംബൈ ഐഐടി ഇൻഡസ്ട്രിയൽ ഡിസൈൻ സെന്ററിലെ ഡി. ഉദയകുമാർ അടക്കം ഈ‍ ഫോണ്ട്‌ ശുപാർശ ചെയ്യുന്നു എന്നതു മലയാളി യുവാക്കളുടെ മികവിന്‌ തെളിവായി.

കൂടുതൽ വാർത്ത മനോരമയിൽ.

കൂടുതൽ വാർത്ത ഇവിടെ, മനോരമയിൽ. =@@@

സുഹ്ര്‌ത്തുകൾക്ക് സഹായിയുടെ അഭിനന്ദനങ്ങൾ.

ഉണ്ണി കോറോത്ത്‌
അബ്ദുൽ സലാം
അബ്ദുല്ല ഹിഷാം
എ. വിശ്വജിത്ത്‌
ജി.എസ്‌ അരവിന്ദ്‌

മലയാളികൾക്ക് അഭിമാനിക്കാം. നിങ്ങളെയോർത്ത്.

ഫോണ്ട് ഇവിടെനിന്നും ഡൌൺലോഡ് ചെയ്യാം.

.

വരമൊഴിയും കീമാനും വിൻഡോ ഏഴും.

noreply@blogger.com (Helper | സഹായി) — Wed, 09 Jun 2010 10:49:00 +0000

വരമൊഴിയും കീമാനും വിൻഡോ ഏഴും.

വരമൊഴിയും, കീമാനും വിൻഡൊ 7-ൽ പ്രവർത്തിക്കുന്നില്ലെന്ന പരാതി കേട്ടു. പരീക്ഷണത്തിന്‌, വിൻഡോ 7-ൽ ഞാൻ വരമൊഴി ഇൻസ്റ്റാൾ ചെയ്തു. Tavultesoft കീമാനും ഇൻസ്റ്റാൾ ചെയ്തു.

എന്റെ കീമാനും വരമൊഴിയും സുഖമായി പ്രവർത്തിക്കുന്നുണ്ട്‌. അജ്ഞലി ഒൾഡ്‌ ലിപിയാണ്‌ ഫോണ്ട്‌ സെറ്റ്‌ ചെയ്തിരിക്കുന്നത്‌.

പരാജയപ്പെട്ട വിൻഡോയുടെ വിസ്തയെക്കാൾ എത്രയോ നല്ലതാണ്‌ വിൻഡോ 7. ഗ്രാഫിക്ക്സ്‌ കൂടുതലാണെന്ന എന്റെ സ്ഥിരം പരാതിയുണ്ടെങ്കിലും, നല്ല മെമ്മറിയും പ്രോസസറും നിങ്ങളുടെ കമ്പ്യൂട്ടറിലുണ്ടെങ്കിൽ, വിൻഡോ 7 ഇൻസ്റ്റാൾ ചെയ്യൂ.

കീമാൻ ഉപയോഗിച്ച് എനിക്ക്‌ നോട്ട്‌പാഡിൽ മലയാളം ടൈപ്പ്‌ ചെയ്യുവാൻ കഴിയുന്നുണ്ട്‌.

പക്ഷെ, നേരിട്ട്‌, ബ്ലോഗ്‌ പോസ്റ്റുകളിലും കമന്റ്‌ ബോക്സിലും ടൈപ്പ്‌ ചെയ്യുവാൻ സാധിക്കുന്നില്ല. അതിന്‌ കാരണം എന്ത്‌?.

ഈ പോസ്റ്റ്‌, വിൻഡോ 7 നകത്ത്‌നിന്നാണ്‌ ചെയ്യുന്നത്‌.

പരീക്ഷണങ്ങൾ വീണ്ടും തുടരുന്നു...

10174
.

IT@School - ലിനക്സ്‌ ഗ്നു വിൻഡോസിൽ

noreply@blogger.com (Helper | സഹായി) — Sun, 06 Jun 2010 09:53:00 +0000

IT@School എന്ന ലിനക്സ്‌ ഡിസ്സ്ട്രിബ്യൂഷൻ എങ്ങനെ വിൻഡോ ഒപ്പറേറ്റിങ്ങ്‌ സിസ്റ്റത്തിൽ ടെസ്റ്റ്‌ ചെയ്യാം എന്ന് നോക്കാം.

IT@School ഇന്ന് സ്കൂളുകളിൽ നിർബന്ധമായ പ്രോഗ്രാമാണ്‌. വിദ്യർത്ഥികൾ പ്രതേകിച്ച്‌, ഈ ലിനക്സ്‌ ഒസിയെ അറിഞ്ഞിരിക്കുന്നത്‌ നല്ലതാണ്‌.

ആദ്യം IT@School ലിനക്സ്‌ ഗ്നു, http://www.itschool.gov.in/linux/linux3.8.iso ഇവിടെനിന്നും ഡൗൺലോഡ്‌ ചെയ്യുക. ISO ഫയൽ ഫോർമേറ്റാണ്‌. അത്‌ സീഡിയാക്കുക.

ഇവിടെ നാം വെർച്ച്യുൽ ഡ്രവിന്‌ ഉപയോഗിക്കുന്നത്‌, VMware Player തന്നെയാണ്‌. അത്‌ ഇവിടെനിന്നും ഇൻസ്റ്റാൾ ചെയ്യാം.

വിൻഡോ-XP യിലാണ്‌, നാം ഈ ലിനക്സ്‌ ഗ്നു ഇൻസ്റ്റാൾ ചെയ്യുന്നത്‌.

VMware player എങ്ങനെ ഇൻസ്റ്റാൾചെയ്യാമെന്ന് ഇവിടെ വിശദീകരിച്ചിരിക്കുന്നു.

വിഎം പ്ലയർ തുറക്കുക. IT@School സീഡി, ഡ്രൈവിലിടുക. അപ്പോൾ വരുന്ന സ്ക്രീൻ. ഇവിടെ നിങ്ങൾ IT@School ലിനക്സ്‌ സെറ്റപ്‌ ഫയൽ സീഡി ആക്കിയിട്ടില്ലെങ്കിൽ, നേരെ ISO ഡിസ്ക്‌ ഫയലിന്റെ ലോക്കെഷൻ സെലക്റ്റ്‌ ചെയ്ത്‌കൊടുത്താൽ മതി.

വെർച്ച്യൂൽ മെഷിൻ പേര്‌ (എന്തും നൽക്കാം) ഇവിടെ മാറ്റങ്ങൾ ആവശ്യമില്ല.

ആവശ്യമുള്ള ഡിസ്ക്‌ സ്ഥലം 8 GB തന്നെയാണ്‌. അടുത്തത്‌...

Customize Hardware-ൽ ക്ലിക്കിയാൽ മെമ്മറി കൂടുതൽ കൊടുക്കുവാൻ സാധിക്കുമെങ്കിലും, ഇവിടെയും മാറ്റങ്ങൾ ആവശ്യമില്ല. അടുത്തത്‌....

ഇവിടെയും മാറ്റങ്ങൾ ആവശ്യമില്ല, അടുത്തത്‌...

VMware പ്ലയർ ലിനക്സ്‌ വേർഷൻ ഡൗൺലോഡ്‌ ചെയ്യുവാനുള്ള മേസേജ്‌ , Remind me later ക്ലിക്കുക. കാരണം ഇപ്പോൾ ലിനക്സ്‌ വേർഷൻ നമുക്ക്‌ ആവശ്യമില്ല. അടുത്തത്‌...

Debian IT@School GNU/Linux ഇൻസ്റ്റാൾ ചെയ്യുവാനുള്ള ഒപ്ഷനാണ്‌ ഈ സ്ക്രീനിൽ, Install എന്നത്‌ ക്ലിക്കുക. അടുത്തത്‌...

ഭാഷ ഇഗ്ലീഷ്‌,

കീലോഡ്‌ ലേഔട്ട്‌.

ലിനക്സ്‌ ഗ്നൂ ഇൻസ്റ്റാൾ ചെയ്യുന്നു.

ഹോസ്റ്റ്‌ പേര്‌, അതായത്‌, നെറ്റ്‌വർക്കിൽ നമ്മുടെ കമ്പ്യൂട്ടരിന്റെ പേര്‌. അടുത്തത്‌...

ഡോമിൻ പേര്‌. (ഇവിടെയും സാധരണ മാറ്റം ആവശ്യമില്ല) അടുത്തത്‌.

ഇവിടെ, Guided use entire disk എന്ന് സെലെക്റ്റ്‌ ചെയ്യുക.

അടുത്തത്‌.

ഇവിടെ റെക്കമെന്റെണ്ട്‌ ഒപ്ഷൻ സെലെക്റ്റ്‌ ചെയ്ത്‌ തുടരുക.

Finish paritioning and write changes to disk എന്നത്‌ സെലക്റ്റ്‌ ചെയ്യുക. അടുത്തത്‌...

ഇപ്പോൾ വരുത്തിയ മാറ്റങ്ങളോക്കെ ഡിസ്കിലേക്ക്‌ എഴുതുകയാണെന്ന മുന്നറിയിപ്പാണ്‌. Yes എന്ന് ക്ലിക്കുക. അടുത്തത്‌...

Root പാസ്‌വേഡ്‌, ഇത്‌ സിസ്റ്റം അഡ്‌മിൻ പാസ്‌വേഡാണ്‌. ഇത്‌ മറക്കാതിരിക്കുക. തൽക്കാലം പെട്ടെന്ന് ഒർമ്മിക്കുന്ന ഒരു പാസ്‌വേഡ്‌ മതിയാവും.

ഇവിടെ പുതിയ യൂസർ അക്കൗണ്ട്‌ ഉണ്ടാക്കാം.

സീഡിയിൽ കൂടുതൽ ലിനക്സ്‌ പ്രോഗ്രാമുകളുണ്ടെങ്കിലോ, നിങ്ങളുടെ കൈയിൽ ലിനക്സിന്റെ കൂടുതൽ പ്രോഗ്രാം സിഡിയുണ്ടെങ്കിലോ, അത്‌ ഒട്ടോമാറ്റിക്കായി സെർച്ച്‌ ചെയ്ത്‌ ഇൻസ്റ്റാൾ ചെയ്യും. അത്‌ വേണോ എന്നാണ്‌ ചോദ്യം, നമ്മൾ വെറും ടെസ്റ്റല്ലെ നടത്തുന്നത്‌. No എന്ന് സെലക്റ്റ്‌ ചെയ്യുക. അടുത്തത്‌...

ലിനക്സിന്റെ പ്രോഗ്രാമുകൾ നെറ്റ്‌വർക്കിൽനിന്നും ഡൊൺലോഡ്‌ ചെയ്യണോ എന്നാണ്‌ ചോദ്യം. സൂക്ഷിക്കുക, യ്യെസ്‌ എന്നാണുത്തരമെങ്കിൽ, നിരവധി ഫയലുകൾ ഡൗൺലോഡ്‌ ചെയ്യും. ഇന്റർനെറ്റ്‌ ഡാറ്റ കൂടുതലാവും. അത്‌കൊണ്ട്‌, No, അടുത്തത്‌...

ഇവിടെ നമുക്ക്‌ Desktop environment, IT@School GNU/Linux, Standard system എന്നീ മൂന്ന് വിദാഗങ്ങൾ സെലക്റ്റ്‌ ചെയ്യാം. അടുത്തത്‌...

ബൂട്ട്‌ലോഡർ ഇൻസ്റ്റാൾ ചെയ്യണം. Yes എന്ന് ക്ലിക്കുക. അടുത്തത്‌...

ദാറ്റ്‌സ്‌ ആൾ. ഇൻസ്റ്റാലേഷൻ കഴിഞ്ഞു. ഇനി സീഡി എടുത്തൊഴിവാക്കാം. അടുത്തത്‌...

ബൂട്ട്‌ സ്ക്രീൻ. ആദ്യത്തെ ഐറ്റം സെലക്റ്റ്‌ ചെയ്യുക. എന്റർ അടിക്കുക.

വൗ, നാം ലിനക്സ്‌ ഗ്നൂ IT@School എന്ന ഒപ്പറേറ്റിങ്ങ്‌ സിസ്റ്റത്തിലാണ്‌. യൂസർ നെയിം, പാസ്‌വേഡ്‌ എന്നിവ കൊടുക്കുക. (ഇത്‌ രണ്ടും നാം ആദ്യം നിർമ്മിച്ചിട്ടുണ്ട്‌)

മലയാളം ചില്ലക്ഷരങ്ങൾ കാണിക്കുന്നതിൽ ഇപ്പോഴും യൂണികോഡ്‌ വിവേചനം കാണിക്കുന്നു എന്നാണ്‌ മനസിലാവുന്നത്‌. എന്തായാലും IT@School - ലുള്ള Iceweasel എന്ന ബ്രൗഷറിൽ, മലയാളം യൂണികോഡ്‌ ഫോണ്ട്‌ അജ്ഞലിക്ക്‌ പകരം രചനയെ തിരഞ്ഞെടുക്കുക.

പുതിയ രചന ഇവിടെനിന്നും ഇൻസ്റ്റാൾ ചെയ്യാം.

എങ്ങനെ സെറ്റ്‌ ചെയ്യണമെന്നറിയാൻ ഈ ഷോട്ടുകൾ സഹായകരമാവും.

(അടുത്ത പരീക്ഷണം, ........)

9623

2 - ഉബുണ്ടു എങ്ങനെ വിന്‍ഡോസിൽ ഇൻസ്റ്റാൾ ചെയ്യാം?.

noreply@blogger.com (Helper | സഹായി) — Sat, 05 Jun 2010 11:14:00 +0000

ഉബുണ്ടു എങ്ങനെ വിന്‍ഡോസിൽ ഇൻസ്റ്റാൾ ചെയ്യാം?.

ലിനക്സ്‌ എന്ന കേൾക്കുമ്പോൾതന്നെ, പലർക്കും അലർജ്ജിയാണ്‌. എല്ലാം ‌ കമാൻഡിലൂടെയാണെന്ന ധാരണ, എല്ലാറ്റിനും കമാൻഡ്‌കൾ ടൈപ്പ്‌ ചെയ്യണമെന്ന പഴയ പല്ലവിയിൽ പലരും ലിനക്സിനെ മറക്കുകയാണ്‌.

പക്ഷെ, ഇന്ന്, നിരവധി ലിനക്സ്‌ അധിഷ്ടിതമായ, ഗ്രാഫിക്ക്‌ യുസർ ഇന്റർഫെസുള്ള (GUI Based) നിരവധി ഒപ്പറേറ്റിംഗ്‌ സിസ്റ്റം ഇന്ന് നിലവിലുണ്ട്‌.

ഇവിടെ നാം പരീക്ഷിക്കുന്നത്‌, ഉബുണ്ടു 10.04 എന്ന വേർഷനാണ്‌.

ഉബുണ്ടു എങ്ങനെ ഒരു വിൻഡോ XP യിൽ ടെസ്റ്റ്‌ ചെയ്യാമെന്നണ്‌ നാം ആദ്യം പരീക്ഷിക്കുന്നത്‌. അതിന്‌ ആദ്യം ഒരു വെർച്ച്യുൽ ഡ്രൈവ്‌ നാം ഉണ്ടാക്കുന്നു. നിരവധി പ്രോഗ്രാമുകൾ ലഭ്യമാണെങ്കിലും, VMware എന്നവൻ നേരിട്ട്‌ ഉബുണ്ടു ഇൻസ്റ്റാൾ ചെയ്യുന്നു എന്നത്‌കൊണ്ട്‌ ഞാൻ ഇവിടെ VMware player 3.1.0 ആണ്‌ ഉപയോഗിച്ചിരിക്കുന്നത്‌.

നമ്മുടെ വിൻഡോ കമ്പ്യൂട്ടറിനെ ഒരുത്തരത്തിലും ബാധിക്കാതെ എങ്ങനെ ഉബുണ്ടുവിനെ ഇൻസ്റ്റാൾ ചെയ്യമെന്ന് നോക്കാം.

ആദ്യം, ഉബുണ്ടു 10.04 ഇവിടെനിന്നും ഡൗൺലോഡ്‌ ചെയ്യുക.

ഇത്‌ ഒരു സിഡി ബേർണിങ്ങ്‌ ഫോർമേറ്റിലാണ്‌. ഡൗൺലോഡ്‌ കഴിഞ്ഞാലുടനെ, ഒരു സിഡിയിലേക്ക്‌ നേരിട്ട്‌ ബേൺ ചെയ്യാം. അല്ലെങ്കിൽ ഡൗൺലോഡ്‌ ചെയ്ത ISO ഫയൽ തന്നെയായാലും മതി.

ഇനി VMware ഇവിടെനിന്നും ഡൗൺലോഡ്‌ ചെയ്യുക. ഇൻസ്റ്റാൾ ചെയ്യുക.

സ്ക്രിനിൽ വരുന്ന മേസേജുകൾ ശ്രദ്ധയോടെ വായിക്കുക.ഇനി വി.എം (VMware) തുറക്കുക. അവരുടെ ലൈസൻസ്‌ എഗ്രിമന്റ്‌ അംഗീകരിച്ചാൽ, ദാ, ഇങ്ങനെ ഒരു സ്ക്രീൻ കാണാം.അവിടെ Create a New Virtual machine എന്ന് ക്ലിക്കുക.

ഇവിടെ നിങ്ങൾക്ക്‌ എവിടെനിന്നാണ്‌ പ്രോഗ്രാം ഇൻസ്റ്റാൾ ചെയ്യേണ്ടതെന്ന് ചോദിക്കും. നിങ്ങൾ ഉബുണ്ടു സിഡിയാക്കിയിട്ടുണ്ടെങ്കിൽ, അത്‌ സിഡി ഡ്രൈവിൽ വെക്കുക. അല്ലെങ്കിൽ ISO ഫയൽ ഡൗൺലോഡ്‌ ചെയ്ത സ്ഥലം browse ചെയ്ത്‌ കാണിച്ച്‌കൊടുക്കുക.ഇതോന്നുമില്ലാതെ നമ്മുക്ക്‌ പിന്നിട്‌ ഒരു ഒസി ടെസ്റ്റ്‌ ചെയ്യാമെന്നും പറയാം. നെസ്റ്റ്‌.

(ഈ സ്ക്രിൻ ഷോട്ട്‌, ഉബുണ്ടുവിന്റെ സിഡി ഡ്രൈവിലുള്ള സമയത്താണെടുത്തത്‌)

ഈ സ്ക്രിനിൽ നിങ്ങളുടെ പേര്‌, യൂസർ പേര്‌, പാസ്‌വേഡ്‌ എന്നിവ കൊടുക്കുക. യൂസർനൈം, ചെരിയക്ഷരങ്ങൾ മാത്രമേ സീകരിക്കുകയുള്ളൂ. പാസ്‌വേഡ്‌ മറക്കരുത്‌. അത്‌ ഇടക്കിടെ ആവശ്യമായിവരും. നെസ്റ്റ്‌.

ഈ ഷോട്ടിൽ പ്രതേകിച്ചോന്നും ചെയ്യാനില്ല. നെസ്റ്റ്‌.

ഇവിടെ ഹാർഡ്‌ ഡിസ്ക്‌ 20 GB എന്ന് കൊടുക്കുക. നെസ്റ്റ്‌.

നിങ്ങളുടെ വെർച്ച്യൂൽ ഡ്രവിന്റെ ഡിറ്റെയിൽസാണിത്‌. സാധരണ ഇനി മാറ്റങ്ങൾ ആവശ്യമില്ല. നെസ്റ്റ്‌.

കൂടുതൽ മെമ്മറി വേണമെങ്കിൽ ഇവിടെ അഡ്‌ജസ്റ്റ്‌ ചെയ്യാം.

സിഡി ഡ്രവോ, മറ്റെന്തെങ്കിലും ഹാർഡ്‌വെയറുകളോ കണ്ടെത്തി എന്ന മേസേജ്‌ വരും. OK ക്ലിക്കുക.

VMware ലിനക്സ്‌ വേർഷൻ ഡൗൺലോഡ്‌ ചെയ്യാൻ നിർദ്ദേശിക്കുമ്പോൾ Remind me later എന്ന് ക്ലിക്കുക. ഇപ്പോൾ അത്‌ നമ്മുക്ക്‌ ആവശ്യമില്ലല്ലോ.

വൗ, നിങ്ങളുടെ സിസ്റ്റത്തിൽ, ഉബുണ്ടു ഉരുണ്ട്‌കളിക്കുന്നത്‌ കണാം.

ഉബുണ്ടു ഇൻസ്റ്റാലേഷൻ മിക്കവാറും ഒട്ടോമാറ്റിക്കാണ്‌. 30-60 മിനിറ്റ്‌ സമയമെടുക്കും ഉബുണ്ടു ഇൻസ്റ്റാൾ ചെയ്യുവാൻ.പ്രതേകിച്ച്‌ നിങ്ങളുടെ ഇൻപുട്ടുകൾ ആവശ്യമില്ലാതെ തന്നെ, ഉബുണ്ടു ഇൻസ്റ്റാളാവും.

ദെ കണ്ടോ, ഉബുണ്ടു ലോഗിൻ സ്ക്രീൻ. പാസ്‌വേഡ്‌ അടിക്കുക. അകത്ത്‌ കടക്കുക.

അങ്ങനെ ഞാനും ഉബുണ്ടു ഇൻസ്റ്റാൾ ചെയ്തു. ഇതിന്റെ കൂടെ ഒപ്പൺ ഒഫീസ്‌ അപ്ലീക്കേഷൻസ്‌ എല്ലാമുണ്ട്‌.

തീകുറുക്കനാണ്‌ നെറ്റ്‌ ബ്രൗഷർ.ദാ, ലിനക്സിൽ, ഉബുണ്ടുവിൽ, ഞാൻ എന്നെ തന്നെ തുറന്ന്‌വെച്ചിരിക്കുന്നു.

ചില്ലക്ഷരങ്ങൾക്ക്‌ പ്രശ്നമുണ്ടെങ്കിൽ, Encoding - UTF8 എന്നാക്കുകയും, അജ്ഞലി ലിപി ഇവിടെനിന്നും ഡൗൺലോഡ്‌ ചെയ്യുകയും ചെയ്യുക. ഫോണ്ട്‌ ഇൻസ്റ്റാൾ ചെയ്തശേഷം, ബ്രൗഷർ അടച്ച്‌ തുറന്നാൽ, മലയാളം ഒരു പ്രശ്നവുമില്ലാതെ വായിക്കാം.

സംശയങ്ങൾ ധൈര്യപൂർവ്വം ചോദിക്കുക.

ഉബുണ്ടുവിനായി ഒരു ബ്ലോഗ്‌ തുടങ്ങുവാൻ താൽപര്യമുണ്ട്‌, പക്ഷെ എന്നെ പിന്തുടരുന്ന സ്നേഹമുള്ള വായനക്കാർക്ക്‌ പ്രയാസമാവില്ലെങ്കിൽ അറിയിക്കുക.

9251

ഉബുണ്ടു, ഉബുണ്ടു, ഞാനുണ്ട്‌.

noreply@blogger.com (Helper | സഹായി) — Thu, 03 Jun 2010 08:57:00 +0000

ഉബുണ്ടു, ഉബുണ്ടു, ഞാനുണ്ട്‌.

ബിൽഗേറ്റിനെ പാപ്പരാക്കിയിട്ട്‌, എനിക്ക്‌ ഒരു കമ്പനി തുടങ്ങികളയാമെന്ന മോഹമൊന്നും ഇല്ലാത്ത ഞാൻ, എന്തിന്‌ ലിനക്സിൽ കയറിപറ്റി എന്ന് ചോദിച്ചാൽ, ഉത്തരം സിമ്പിൾ.

വർഷങ്ങളായി വിൻഡോ 3 മുതൽ 95 ലും 98 ലും എക്സ്‌പിയിലും വിസ്തയിലും പിന്നെ 7 ലും എല്ലാം പുതുമയുള്ളത്‌ വല്ലതും കിട്ടുമോ എന്നായിരുന്നു അനേഷണം.വെറുതെ വർഷങ്ങൾ പഴാക്കി എന്ന് പറയുന്നില്ല. ഒരോ വേർഷനും, പുതിയതെന്തെങ്കിലും സമ്മാനിച്ചുകൊണ്ട്‌തന്നെയാണ്‌ കടന്ന് പോയത്‌.

പക്ഷെ, നെറ്റുപയോഗിക്കുമ്പോൾ, എത്ര പ്രോട്ടക്ഷനുണ്ടെങ്കിലും വൈറസുകൾ അനുവാദം ചോദിക്കാതെ അകത്ത്‌ വരുന്നത്‌ തടയുവാനുള്ള അനേഷണത്തിലും, പുതുമയെ ഇഷ്ടപ്പെടുന്നത്‌കൊണ്ടും, ലിനക്സിനെക്കുറുച്ചുള്ള പഴയ സങ്കൽപ്പങ്ങൾക്ക്‌ മാറ്റം വന്നുവോ എന്ന അന്വേഷണത്തിൽ, ഞാൻ പുതിയ ഒരാളെ കണ്ടെത്തി. അവനാണ്‌ ഉബുണ്ടു.

ഇൻസ്റ്റാൾ ചെയ്യാനെളുപ്പം, വിൻഡോയുടെകൂടെതന്നെ ഡുവൽ ബൂട്ട്‌ സെറ്റ്‌ ചെയ്യാം. വിൻഡോയെപോലെ, ഗ്രഫിക്ക്‌ യൂസർ ഇന്റർഫൈസ്‌. സംഗതി കൊള്ളാമല്ലോ എന്ന ചിന്തക്ക്‌ തീ പിടിച്ചപ്പോൾ, ഇവനെ ഞാൻ സ്വന്തമാക്കി.

വൈറസുകളെ പ്രോട്ടക്റ്റ്‌ ചെയ്യുവാൻ നല്ല കഴിവുള്ളവയാണ്‌ ലിനക്സ്‌. അത്‌കൊണ്ട്‌ തന്നെ, മനസമാധാനത്തോടെ ഉറങ്ങാം എന്ന് പ്രതീക്ഷിക്കുന്നു. കൈയിലുള്ള, കോൺഫ്ലിക്കർ, ILU, തുടങ്ങി ചുള്ളൻ വൈറസുകളെ ഞാൻ ഇതിൽ പരീക്ഷിച്ചു. എന്റെ സമയദോഷമോ, ലിനക്സിന്റെ നല്ല കാലമോ, എന്താണെന്നറിയില്ല, ചുള്ളന്മാർ മുട്ട്‌മടക്കി.

വിൻഡോ ഉപയോഗിക്കുന്ന സാധരണക്കാർക്ക്‌ പോലും വളരെ സുഗമമായി ഉബുണ്ടു ഇൻസ്റ്റാൾ ചെയ്യാം. പ്രവർത്തിപ്പിക്കാം.

എറ്റവും വലിയ ഗുണം, ഇത്‌ സൗജന്യമാണെന്നതാണ്‌. ലോകത്തിന്റെ വിവിധഭാഗങ്ങളിലെ ലക്ഷകണക്കിന്‌ ലിനക്സ്‌ ആരാധകർ, തികച്ചും സൗജന്യമായി ഉബുണ്ടു നിർമ്മിക്കുന്നു എന്നത്‌, അത്ഭുതമുള്ളവാക്കുന്നു. ലഭേഛയില്ലാതെ, സഹജീവികളെ സാഹായിക്കുക എന്ന മഹത്തായ ദൗത്യത്തിൽ പങ്കാളികളാകുവാൻ, നിങ്ങളെയും വിനയപൂർവ്വം ക്ഷണിക്കുന്നു.

നിങ്ങളുടെ കൈയിൽ ഒരു പഴയ കമ്പ്യൂട്ടറുണ്ടോ?.

പൊടിപിടിച്ച്‌ മൂലയിലിരിക്കുന്ന അവൻ മതി ഉബുണ്ടു ഇൻസ്റ്റാൾ ചെയ്യുവാൻ.1 Ghz പ്രോസസർ, 256 MB മെമ്മറി, 40 GB ഹാർഡ്‌ ഡിസ്ക്‌, എന്നിവ മാത്രം മതി, ഉബുണ്ടു പ്രവർത്തികുവാൻ.

ഒരു പുതിയ ഒപ്പറേറ്റിങ്ങ്‌ സിസ്റ്റം പഠിക്കുവാൻ, വരൂ.

അഭിമാനത്തോടെ നമ്മുക്ക്‌ പറയാം, എനിക്കും ലിനക്സ്‌ അറിയാമെന്ന്.

-----------

എങ്ങനെ ഉബുണ്ടു ഇൻസ്റ്റാൾ ചെയ്യാമെന്നും, എങ്ങനെ പ്രവർത്തിപ്പിക്കാമെന്നും വരും നാളുകളിൽ നമുക്ക്‌ പഠിക്കാം.

ആദ്യം തന്നെ ഒരപേക്ഷയുണ്ട്‌. ഞാൻ ഉബുണ്ടുവിൽ കാലെടുത്ത്‌ വെക്കുന്നവനാണ്‌. തെറ്റുകളുണ്ടെങ്കിൽ, ലിനക്സ്‌ പുലികൾ തിരുത്തണം.

.

11 - കമ്പ്യൂട്ടറിന്റെ സ്പീഡ്‌ എങ്ങനെ വർദ്ധിപ്പിക്കാം -2

noreply@blogger.com (Helper | സഹായി) — Sun, 30 May 2010 09:47:00 +0000

കമ്പ്യൂട്ടർ ബൂട്ടപ്പ് സമയവും, സ്പീഡും, പെർഫോമൻസും കൂട്ടുവാനുള്ള കുറുക്കു വഴി ഒന്ന് ഇവിടെ.

നാം, മൈക്രോസോഫ്റ്റ്‌ വിൻഡോ - XP തുറക്കുമ്പോൾ, അതിന്റെ കൂടെതന്നെ, നിരവധി സർവ്വിസുകൾ ഒട്ടോമാറ്റിക്കായി പ്രവർത്തിക്കാറുണ്ട്‌. ഇവയിൽ പലതും നമ്മുക്ക്‌ ആവശ്യമില്ലാത്തതും, ചിലത്‌, ചിലയവസരങ്ങളിൽ മാത്രം ആവശ്യമുള്ളതുമാണ്‌.

നിങ്ങൾക്ക്‌ എന്തോക്കെ സർവ്വിസുകളാണവശ്യമെന്ന് പറയുക പ്രയാസമാണെങ്കിലും, സാധരണഗതിയിൽ ഉപയോഗശൂന്യമായ ചില സർവ്വിസുകളെക്കുറിച്ചാണ്‌ ഇവിടെ പറയുന്നത്‌. ചില സർവ്വീസുകൾ ഒഴിവാക്കിയാൽ സിസ്റ്റം ശരിക്കും പ്രവർത്തിക്കില്ല. അങ്ങിനെയുള്ള അവസരങ്ങളിൽ, വീണ്ടും ആ സർവ്വിസുകൾ പ്രവർത്തിപ്പിക്കാവുന്നതാണ്‌.

നിങ്ങളുടെ കമ്പ്യൂട്ടറിൽ പ്രവർത്തിക്കുന്ന, മൈക്രോ സൊഫ്റ്റിന്റെ സർവ്വിസുകൾ ലഭിക്കുന്നതിന്‌ കണ്ട്രോൾ പാനലിൽ പോയി, ആഡ്‌മിനിസ്ട്രറ്റീവ്‌ ടുൾസ്‌ തുറന്ന്, സർവ്വീസസ്‌ തുറക്കുക.

Control Panel -> Administrative Tools -> Services.

അല്ലെങ്കിൽ, Start -> run എന്നിട്ട്‌, Services.msc എന്ന് ടൈപ്പ്‌ ചെയ്യുക.

(ചിത്രം ക്ലിക്കിയാൽ വലുതായി കാണാം. ഇതിൽ എങ്ങനെ റൺ കമന്റ് ഏടുക്കുന്നതെന്നും, സെർവിസസിന്റെ സ്ക്രിനു കാണാം. അതിൽ നിങ്ങൾക്കാവശ്യമുള്ള സർവിസിൽ ഡബിൾ ക്ലിക്ക് ചെയ്യുക. Startup type ഡിസേബിൾ ചെയ്യാം. ഇപ്പോൾ സർവീസ് പ്രവർത്തിക്കുന്നുണ്ടെങ്കിൽ, STOP ക്ലിക്കിയാൽ ആ സർവീസ് നിർത്താം.)

ഇവിടെ നിങ്ങൾക്കാവശ്യമുള്ളതും ഇല്ലാത്തതുമായ നിരവധി സർവ്വിസുകൾ പ്രവർത്തിക്കുന്നതായി കാണാം. ഇവിയിൽനിന്നും, ആവശ്യമുള്ള സർവ്വീസുകൾ എടുത്ത്‌, ആവശ്യമില്ലാത്ത സർവ്വിസുകൾ ഒഴിവാക്കിയാൽ, കമ്പ്യൂട്ടറിന്‌ നല്ല സ്പീഡും പെർഫോർമൻസും ലഭിക്കും.

എല്ലാവർക്കും എല്ലഴ്‌പ്പോഴും ആവശ്യമില്ലാത്തതും, ധൈര്യപൂർവ്വം എടുത്ത്‌കളയാവുന്നതുമായ ചില സർവ്വിസുകൾ:-

Portable Media Serial Number - ഇത്‌ നിങ്ങളുടെ കമ്പ്യൂട്ടറുമായി ബന്ധിപ്പിച്ച പോർട്ടബിൾ മ്യൂസിക്‌പ്ലയറിന്റെ സിരിയൽ നമ്പർ തിരയുന്ന സർവ്വീസാണ്‌. ഇത്‌ ഒഴിവാക്കാം.

Task Scheduler - ഇത്‌ നിശ്ചിതസമയക്രമങ്ങളിൽ, ഒട്ടോമാറ്റിക്കായി തുറക്കുവാൻ നിങ്ങൾ നിർദ്ദേശിച്ചിട്ടുള്ള ചില പ്രോഗ്രാമുകളെ തുറക്കുവാനുള്ള ഉപയോഗിക്കുന്ന സർവ്വീസാണ്‌. ഒട്ടോമാറ്റിക്ക്‌ ഷെഡ്യൂൽ ടാസ്കുകൾ നിങ്ങൾക്കില്ലെങ്കിൽ ഇത്‌ ഒഴിവാക്കാം.

Uninterruptible Power Supply - കമ്പ്യൂട്ടറുമായി ബന്ധിപ്പിച്ചിരിക്കുന്ന UPS നിയന്ത്രിക്കുന്ന സർവ്വീസാണിത്‌. UPS ഇല്ലെങ്കിൽ ഇത്‌ ഒഴിവാക്കാം.

Automatic Updates - വിൻഡോ അപ്പ്‌ഡേഷൻ ഒട്ടോമാറ്റിക്കായി നൽക്കുന്നത്‌, പലപ്പോഴും പ്രശ്നമാവാറുണ്ട്‌. ഇത്‌ മാനുവലായി ചെയ്യുന്നതാണുത്തമം.

Telnet (service available on XP Pro only) - റിമോട്ട്‌ യൂസർ, നിങ്ങളുടെ കമ്പ്യൂട്ടർ തുറക്കുവാനുപയോഗിക്കുന്ന സർവ്വിസാണിത്‌. നിങ്ങളുടെ കമ്പ്യൂട്ടർ റിമോട്ടായി നിങ്ങൾ അക്‌സസ്‌ ചെയ്യുന്നില്ലെങ്കിൽ ഇത്‌ ഒഴിവാക്കാം.

Wireless Zero Configuration Service - ഒട്ടോമാറ്റിക്കായി, Wi-Fi നെറ്റ്‌വർക്ക്‌ കാർഡുകളെ നിയന്ത്രിക്കുന്ന സർവ്വീസ്‌. നിങ്ങൾ Wi-Fi നെറ്റ്‌വർക്ക്‌ കാർഡല്ല ഉപയോഗിക്കുന്നതെങ്കിൽ ഇത്‌ ഒഴിവാക്കാം.

Smart Card / Smart Card Helper - നിങ്ങളുടെ കമ്പ്യൂട്ടറിൽ ഒരു സ്മാർട്ട്‌ കാർഡ്‌ സിസ്റ്റം ഇല്ലെങ്കിൽ ഇത്‌ ഒഴിവാക്കാം.

Remote Registry service - നിങ്ങളുടെ രെജിസ്റ്റ്രി റിമോട്ട്‌ കമ്പ്യൂട്ടർ വഴി എഡിറ്റ്‌ ചെയ്യുന്നില്ലെങ്കിൽ, ഇത്‌ ഒഴിവാക്കാം.

Error Reporting Service- വിൻഡോ എററുകളും, സിസ്റ്റം ക്രഷുകളും മൈക്രോസോഫ്റ്റിന്‌ റിപ്പോർട്ട്‌ ചെയ്യുവാനുള്ള സർവ്വീസ്‌. ബിൽ ഗേറ്റിന്‌ ഇതുപയോഗിച്ച്‌, അടുത്ത OS മോഡിഫൈ ചെയ്യാമെങ്കിലും, നിങ്ങളുടെ കമ്പ്യൂട്ടറിന്റെ CPU സൈക്കിൾ കൂട്ടുവാൻ മാത്രമേ നിങ്ങൾക്കിതുപകരിക്കൂ. ഒഴിവാക്കാം.

Alerter - ഒഴിവാക്കാം.

Clipbook – നെറ്റ്‌വർക്കിൽ കട്ട്‌ അൻഡ്‌ പേസ്റ്റിനുള്ള സർവ്വീസ്‌. ഇത്‌ എല്ലാ പ്രോഗ്രാമുകളിലും വെവ്വെറെയുണ്ട്‌. ഒഴിവാക്കാം.

Computer Browser – LAN നെറ്റ്‌വർക്കിലുള്ള മറ്റുള്ളവരുടെ കമ്പ്യൂട്ടറുകളുടെ വിവരങ്ങൾ നിങ്ങൾക്കെത്തിക്കുന്ന സർവ്വിസ്‌. നിങ്ങൾ LAN നെറ്റ്‌വർക്കിലാണെങ്കിൽ ഇത്‌ വേണം. അല്ലെങ്കിൽ, ഒഴിവാക്കാം.

FastUser Switching Compatibility – നിങ്ങളുടെ കമ്പ്യൂട്ടർ ഒരു യുസർ മത്രമാണെങ്കിൽ, ഇത്‌ ഒഴിവാക്കാം. പലരും അവരുടെ യുസർ നെയിം ഉപയോഗിച്ച്‌ ഒരു കമ്പ്യൂട്ടർ തുറക്കുന്നെങ്കിൽ, ഇത്‌ ആവശ്യമാണ്‌.ഇത്‌ ഒഴിവാക്കാം.

Messenger Service – നെറ്റ്‌ മെസഞ്ചർ വഴി IM സ്പാം വരാനുള്ള സാധ്യതയുണ്ട്‌. ഇത്‌ വിൻഡോ മെസഞ്ചറുമായി ബന്ധമുള്ളതല്ല. മറിച്ച്‌, സെർവ്വറിൽനിന്നും ക്ലയ്ന്റിലേക്ക്‌ IM മേസേജുകളയകുവാനുള്ള സർവ്വീസാണ്‌.

NetMeeting Remote Desktop Sharing Service – നെറ്റ്‌ മീറ്റിങ്ങ്‌ ഉപയോഗിക്കുന്നില്ലെങ്കിൽ, ഇത്‌ ഒഴിവാക്കാം.

Network DDE/Network DDE DSDM – DDE DSDM മൈക്രോസൊഫ്റ്റിന്റെ പരാജയപ്പെട്ട ഒരു ടെക്‌നോളജി. ഇത്‌ ഒഴിവാക്കാം.

Remote Desktop Help Session Manager Service – നിങ്ങൾ റിമോട്ട്‌ ഡെസ്ക്‌ ടോപ്പ്‌ ഉപയോഗിക്കുന്നില്ലെങ്കിൽ, ഇത്‌ ഒഴിവാക്കാം.

Telnet Service – ടെലിനെറ്റ്‌ ഉപയോഗിച്ച്‌, റിമോട്ട്‌ കമ്പ്യൂട്ടർ ഉപയോഗിക്കുന്നില്ലെങ്കിൽ, ഇത്‌ ഒഴിവാക്കാം.

നിങ്ങൾക്ക്‌ നല്ല കമ്പ്യൂട്ടർ പരിജ്ഞാനമുണ്ടെങ്കിൽ, ഓരോ സർവ്വീസും എന്തിനാണെന്ന് നിങ്ങൾക്കറിയാമെങ്കിൽ, ഈ ലിങ്കിൽ ക്ലിക്കിയാൽ, വിൻഡോ XP യുടെ മുഴുവൻ സർവ്വീസ്‌ വിവരങ്ങളും ലഭിക്കും. അതിൽ സുരക്ഷ മേഖലയും, Tweaked മേഖലയും നിങ്ങൾക്ക്‌ ശ്രമിക്കാം. കമ്പ്യൂട്ടർ പരിജ്ഞാനം നല്ലത്‌പോലെയുണ്ടെങ്കിൽ മാത്രം Bare-Bones കാറ്റഗറി ശ്രമിക്കുക.

ഇത്‌ നിങ്ങളുടെ സ്വന്തം ബാധ്യതയിൽ മാത്രം ഉപയോഗിക്കുക. ഈ ലേഖനത്തിലെ വിവരങ്ങളനുസരിച്ച്‌, നിങ്ങളുടെ കമ്പ്യൂട്ടറിന്‌ സംഭവിക്കുന്ന കഷ്ടനഷ്ടങ്ങൾക്ക്‌ ഞാൻ ഉത്തരവാദിയല്ല. Try at your own risk

7648

10 - കമ്പ്യൂട്ടർ ബൂട്ടപ്പ്‌ സമയം ലാഭിക്കാം

noreply@blogger.com (Helper | സഹായി) — Mon, 24 May 2010 12:51:00 +0000

കമ്പ്യൂട്ടറിന്റെ സ്പീഡും പ്രവർത്തനക്ഷമതയും വർദ്ധിപ്പിക്കുവാനുള്ള വഴികളിൽ ചിലത്‌ നാം കണ്ടു. (ഇവിടെ ക്ലിക്കുക)

ഇനി കമ്പ്യൂട്ടർ ബൂട്ട്‌ ചെയ്യുന്ന സമയത്ത്‌, വിൻഡോ വെൽക്കം സ്ക്രീൻ വന്നശേഷം, വിൻഡോ തുറക്കുവാൻ വളരെയധികം സമയമെടുക്കുന്നു എന്ന പരാതിയുണ്ടോ നിങ്ങൾക്ക്‌?.

എങ്കിൽ, നിങ്ങളുടെ കമ്പ്യൂട്ടർ ബൂട്ട്‌ ചെയ്യുന്ന സമയത്ത്‌, വിൻഡോ മാത്രമല്ല, നിരവധി അനുബന്ധ പ്രോഗ്രാമുകളും ഒട്ടോമാറ്റിക്കായി സ്റ്റാർട്ടാവുകയും മെമ്മറിയിൽ തങ്ങി നിൽക്കുകയും ചെയ്യുന്നുണ്ടാവും.

സത്യത്തിൽ, വിൻഡോ തുറന്നാൽ, മറ്റോരു പ്രോഗ്രാമും ഒട്ടോമാറ്റിക്കായി വിൻഡോയുടെ കൂടെ അത്യവശ്യമുള്ളതല്ല. ചുരുക്കം ചിലയവസരങ്ങളിൽ അന്റിവൈറസ്‌ പ്രോഗ്രാമുകൾ ഒട്ടോമാറ്റിക്കായി സ്റ്റാർട്ട്‌ ചെയ്യേണ്ടിവരും. ചില പ്രോഗ്രാമുകൾ ബാഗ്രണ്ടിൽ വിൻഡോയോടോപ്പം സ്റ്റാർട്ടാവുകയും അങ്ങനെ കമ്പ്യൂട്ടർ ക്രാഷാകുവാൻ വരെ സാധ്യതയുണ്ട്‌. അത്യവശ്യമില്ലാത്ത ഇത്തരം പ്രോഗ്രാമുകളെ ഒട്ടോമാറ്റിക്കായി സ്റ്റാർട്ട്‌ ചെയ്യുന്നതൊഴിവാക്കിയാൽ, കമ്പ്യൂട്ടറിന്റെ ബൂട്ട്‌ അപ്പ്‌ സമയം വളരെയധികം കുറയുന്നതാണ്‌.

ഇതിന്‌, മൈക്രോസോഫ്‌റ്റ്‌ വിൻഡോയുടെകൂടെതന്നെ വരുന്ന ഒരു പ്രോഗ്രാം നമ്മുക്കുപയോഗിക്കാം. അതാണ്‌ MSCONFIG - Microsoft System Configuration Utility.

MSCONFIG-ൽ പോയി ഒട്ടോമാറ്റിക്കായി പ്രോഗ്രാമുകൾ തുറക്കുന്നതൊഴിവാക്കുവാൻ:-

go to Start > Run - അവിടെ MSCONFIG എന്ന് ടൈപ്പ്‌ ചെയ്യുക. എന്റർ അടിക്കുക, അല്ലെങ്കിൽ OK ക്ലിക്കുക.

ഇപ്പോൾ, Microsoft's System Configuration Utility പ്രോഗ്രാം തുറന്ന് വന്നിരിക്കും. അവിടെ Startup റ്റാബിൽ ക്ലിക്കുക.(ഇത്‌, XP-SP2-ൽ അവസാനത്തെ റ്റാബും, SP-3 അവസാനത്തെ രണ്ടാമത്തെയുമാണ്‌.

ഇവിടെ സ്റ്റാർട്ട്‌ അപ്പ്‌ ചെയ്യുന്ന പ്രോഗ്രാമുകളുടെ വലിയൊരു ലിസ്റ്റ്‌ കാണാം. അതിൽ ടിക്ക്‌ മാർക്കുള്ള എല്ലാ പ്രോഗ്രാമുകളും വിൻഡോയുടെ കൂടെ ഒട്ടോമാറ്റിക്കായി തുറന്ന്‌പ്രവർത്തിക്കുന്നു എന്ന് കാണുബോൾ അത്ഭുതം തോന്നുന്നു, അല്ലെ.

വിൻഡോ XP യുടെ കൂടെ, വിൻഡോ പ്രവർത്തിക്കുവാൻ അവശ്യമായ എല്ലാ അനുബന്ധ പ്രോഗ്രാമുകളും തുറന്ന്‌വരുന്നത്‌, Windows Services എന്ന കോഡിലൂടെയാണ്‌. അതായത്‌, ഇവിടെ കാണുന്ന ഒരു പ്രോഗ്രാമും വിൻഡോ പ്രവർത്തിക്കുവാൻ ആവശ്യമുള്ളതല്ല. എങ്കിലും നിങ്ങൾ നെറ്റ്‌വർക്ക്‌ അന്തരീക്ഷത്തിലാണെങ്കിൽ, ഓഫീസിലാണെങ്കിൽ, ചില പ്രോഗ്രാമുകൾ വിൻഡോയുടെ കൂടെതന്നെ തുറക്കുന്നത്‌ ആവശ്യമായി വരും. അത്‌പോലെ അന്റിവൈറസ്‌ പ്രോഗ്രാമുകളും. ബാക്കിയുള്ള എല്ലാ പ്രോഗ്രാമുകളും നിങ്ങൾക്ക്‌ ഒഴിവാക്കാം. (നിങ്ങളുടെ കമ്പ്യൂട്ടറിൽ കാണുന്ന പ്രോഗ്രാമുകളെക്കുറിച്ച്‌ സംശയമുണ്ടെങ്കിൽ ചോദിക്കുക)

ഇവിടെ നിങ്ങൾക്കാവശ്യമില്ലാത്ത എല്ലാ പ്രോഗ്രാമുകളും ഒഴിവാക്കി (ടിക്ക്‌ മാർക്ക്‌ ഒഴിവാക്കുക) Apply ക്ലിക്കുക. OK ക്ലിക്കുക

ഇപ്പോൾ നിങ്ങളോട്‌ കമ്പ്യൂട്ടർ റീസ്റ്റാർട്ട്‌ ചെയ്യുവാൻ പറയും. ചെയ്യുക.

വീണ്ടും ഒരിക്കൽ ഇങ്ങനെ സിസ്റ്റം കോൺഫിഗർ ചെയ്യണമെങ്കിൽ, ഇതെ വഴികൾ തുടരാം

സൂക്ഷിക്കുക.

നിങ്ങൾക്കറിയാത്ത പ്രോഗ്രാമാണെങ്കിൽ ഒഴിവാക്കാതിരിക്കുക. അറിയുന്നവരോട്‌ ചോദിക്കുക. (എന്റെ സഹായം ആവശ്യമെങ്കിൽ, Startup item എന്താണെന്നും, command -ൽ പ്രോഗ്രാം വഴി എന്താണെന്നും ഇവിടെ കമന്റായി നൽകിയാൽ, സഹായിക്കുന്നതാണ്‌)

വിൻഡോ XP-2 ന്റെ സ്ക്രീൻ ഷോട്ടുകളാണ്‌ ഇവിടെയുള്ളത്‌.

മറ്റു വേർഷനുകളും മറ്റു വിൻഡോകളെയുംകുറിച്ച്‌ അറിയണമെങ്കിൽ ചോദിക്കുക.

7132

9 - കമ്പ്യൂട്ടറിന്റെ സ്പീഡ്‌ എങ്ങനെ വർദ്ധിപ്പിക്കാം

noreply@blogger.com (Helper | സഹായി) — Mon, 17 May 2010 08:23:00 +0000

എങ്ങനെ കമ്പ്യൂട്ടറിന്റെ സ്പീഡും, പെർഫോർമൻസും കൂടുതലാക്കാം എന്ന് ചോദിച്ച്‌കൊണ്ട്‌ നിരവധി സുഹൃത്തുകൾ മെയിൽ അയക്കുകയുണ്ടായി. അവർക്ക്‌ വേണ്ടി.

നാം കമ്പ്യൂട്ടർ വാങ്ങിയ സമയത്തുള്ള സ്പീഡ്‌ ഇപ്പോൾ കമ്പ്യൂട്ടറിന്‌ ലഭിക്കുന്നില്ല അല്ലെ. മാത്രമല്ല, ഏറ്റവും നല്ല, ഏറ്റവും പുതിയ കമ്പ്യൂട്ടർ പോലും കുറഞ്ഞ ദിവസത്തിനകം സ്ലോ ആയി പോകുന്നില്ലെ. പെന്റിയം 4 കമ്പ്യൂട്ടറിനെക്കാളും, നിങ്ങളുടെ പഴയ കമ്പ്യൂട്ടർ, പെന്റിയം 3 സ്പീഡുണ്ടെന്ന് തോന്നുന്നുണ്ടോ?. ചിലതോക്കെ സത്യമാണ്‌.

നാം ഉപയോഗിക്കുന്ന കമ്പ്യൂട്ടറിന്റെ സ്പീഡ്‌ എങ്ങനെ വർദ്ധിപ്പിക്കാം?. സ്റ്റാർട്ടപ്പ്‌ സമയം എങ്ങനെ വർദ്ധിപ്പിക്കാം?.

മൈക്രോസോഫ്‌റ്റ്‌ വിൻഡോ എക്‌സ്‌ പി അടിസ്ഥാനമാക്കി പ്രവർത്തിക്കുന്ന കമ്പ്യൂട്ടറുകളുടെ പ്രവർത്തന ക്ഷമത എങ്ങനെ വർദ്ധിപ്പിക്കാമെന്ന് നമ്മുക്ക്‌ നോക്കാം.

1. ഡിസ്ക്‌ എറർ ശരിയാക്കുക. (Clean up disk error)

നാം കമ്പ്യൂട്ടർ ഉപയോഗിക്കുന്ന സമയത്ത്‌ സംഭവിക്കുന്ന പ്രോഗ്രാം ക്രാഷുകൾ, വൈദ്യുതിബന്ധം പെട്ടെന്ന് നിലച്ച്‌ പോവുക തുടങ്ങി കരണങ്ങളാൽ, നമ്മുടെ ഹാർഡ്‌ ഡിസ്കിൽ ഏറർ ഉണ്ടായിതീരുന്നു. കാലക്രമേണ ഈ ഡിസ്ക്‌ ഏറർ നമ്മുടെ കമ്പ്യുട്ടറിന്റെ പ്രവർത്തനത്തെ ബാധിക്കുന്നു.വിൻഡോ ഒപ്പറേറ്റിംഗ്‌ സിസ്റ്റത്തിന്റെ കൂടെ വരുന്ന Disk check program ഇത്തരം ഏററുകളെ ശരിയാക്കുവാനും, ഹാർഡ്‌ ഡിസ്ക്‌ സുരക്ഷിതമായി സൂക്ഷിക്കുവാനും അത്‌വഴി കമ്പ്യൂട്ടറിന്റെ പ്രവർത്തനം സുഗമമായി നടത്തുവാനും നമ്മെ സഹായിക്കുന്നു.

ഡിസ്ക്‌ ചെക്ക്‌ (Disk check) പ്രവർത്തിപ്പിക്കുവാൻ:-

1. Start മെനുവിൽ My computer തുറക്കുക.
2. My computer-ൽ പരിശോധിക്കേണ്ട ഡിസ്ക്‌ ഡ്രൈവ്‌, സാധരണ C drive ക്ലിക്കുക. വലത്‌ മോസ്‌, (Right mouse) ക്ലിക്കി പ്രോപർട്ടീസ്‌ (Properties) എടുക്കുക.
3. Properties - ൽ tools റ്റാബ്‌ ക്ലിക്കുക. അവിടെ Error-ckecking എന്നതിന്‌ താഴെ Check Now എന്ന ബട്ടൺ ക്ലിക്കുക. അപ്പോൾ ചിത്രത്തിൽ കാണിച്ചിരിക്കുന്നപോലെ, ഒരു Dialogog box കാണാം.

4. ഈ Dialog box - ലുള്ള Automatically fix file system errors എന്നതും, Scan for and attempt recovery of bad sector എന്നതും ടിക്ക്‌ മാർക്ക്‌ ചെയ്യുക. സ്റ്റാർട്ട്‌ ക്ലിക്കുക.
5. ഇങ്ങനെ നിങ്ങൾ സ്റ്റാർട്ട്‌ ക്ലിക്കിയാൽ ഉടൻ, ഒരു മെസേജ്‌ വരും. വിൻഡോ ഫയലുകൾ ഉപയോഗത്തിലാണ്‌, അത്‌കൊണ്ട്‌ ഇപ്പോൾ ഡിസ്ക്‌ സ്കാൻ ചെയ്യുവാൻ കഴിയില്ല. അടുത്ത പ്രവശ്യം നിങ്ങൾ വിൻഡോ റീസ്റ്റാർട്ട്‌ ചെയ്യുബോൾ, ഡിസ്ക്‌ ചെക്ക്‌ ഷെഡ്യൂൾ ചെയ്യണമോ എന്നാണ്‌ ഈ മെസേജ്‌ ചോദിക്കുന്നത്‌. അവിടെ യെസ്‌ എന്ന ബട്ടൻ ക്ലിക്ക്‌ ചെയ്യുക.

നിങ്ങൾ അടുത്ത പ്രവശ്യം വിൻഡോ റീസ്റ്റാർട്ട്‌ ചെയ്യുബോൾ, ലോഗിൻ സ്ക്രീൻ വരുന്നതിന്‌ മുൻപ്‌, ഡിസ്ക്‌ ചെക്ക്‌ നടന്നിരിക്കും. ശ്രദ്ധിക്കുക. ചില ഡിസ്കുകൾ ചെക്ക്‌ ചെയ്യുവാനും, ഡിസ്ക്‌ ഏറർ ക്ലീൻ ചെയ്യുവാനും മണിക്കുറുകളെടുക്കും.

2. താൽക്കാലിക ഫയലുകൾ ഒഴിവാക്കുക. (Remove temporary files)

നാം ഇന്റർനെറ്റ്‌ സന്ദർശിക്കുബോഴും, ഓഫീസ്‌ അപ്ലിക്കേഷനുകളായ, വേഡ്‌, എക്സൽ തുടങ്ങിയ പ്രോഗ്രാമുകൾ ഉപയോഗിക്കുബോഴും, നിരവധി താൽക്കാലിക ഫയലുകൾ നമ്മുടെ ഹാർഡ്‌ ഡിസ്കിൽ ഉണ്ടായിതീരുന്നു. ക്രമേണ ഇത്തരംഫയലുകൾ നമ്മുടെ കമ്പ്യൂട്ടറിന്റെ പ്രവർത്തനത്തെ തന്നെ സാരമായി ബാധിക്കുന്നു.

Disk cleanup പ്രവർത്തിപ്പിക്കുവാൻ:-
1. Start - My Computer തുറക്കുക
2. My computer-ൽ പരിശോധിക്കേണ്ട ഡിസ്ക്‌ ഡ്രൈവ്‌, സാധരണ C drive ക്ലിക്കുക. വലത്‌ മോസ്‌, (Right mouse) ക്ലിക്കി പ്രോപർട്ടീസ്‌ (Properties) എടുക്കുക.
3. Properties ലെ General റ്റാബിൽ തന്നെ Disk Cleanup എന്ന ബട്ടൺ കാണാം. അത്‌ ക്ലിക്കുക.

4. Disk Cleanup ഇനി നിന്നളുടെ കമ്പ്യൂട്ടർ മുഴുവൻ പരിശോധിച്ച്‌, ഏതോക്കെ ഫയലുകൾ ഒഴിവാക്കാം എന്നും ഏതോക്കെ വിഭാഗത്തിൽ, ഏത്ര ഡിസ്ക്‌ സ്ഥലം ലാഭിക്കാമെന്നും പറഞ്ഞു തരും.

5. പരിശോധനക്ക്‌ ശേഷം, ആവശ്യമെങ്കിൽ, ഒരോ വിഭാഗത്തിലെയും ഫയലുകൾ നിങ്ങൾക്ക്‌ കാണാവുന്നതാണ്‌. അതിന്‌, View files എന്ന ബട്ടൺ ക്ലിക്കിയാൽ മതി. ഇവിടെ, ഏതോക്കെ ഫയലുകൾ ഒഴിവാക്കാം എന്നും, ഏതോക്കെ ഒഴിവാക്കരുതെന്നും നിങ്ങൾക്ക്‌ നിർദ്ദേശിക്കാം. അതിന്‌, ഓരോ വിഭാഗത്തിന്‌ നേരെയും കാണുന്ന ടിക്ക്‌ മാർക്ക്‌ ഒഴിവാക്കുകയോ, ടിക്ക്‌ ചെയ്യുകയോ ചെയ്യുക. എല്ലം പരിശോധിച്ച ശേഷം ഡിസ്ക്‌ ക്ലീൻ ചെയ്യുവാൻ നിങ്ങൾ തയ്യറാണെങ്കിൽ, OK ക്ലിക്ക്‌ ചെയ്യുക.

6. More options എന്ന ടാബിൽ, നിങ്ങൾ ഉപയോഗിക്കാതിരിക്കുന്ന പ്രോഗ്രാമുകളും, ഉപയോഗമില്ലാത്ത വിൻഡോ സിസ്റ്റത്തിലെ പ്രോഗ്രാമുകളും മറ്റും ഒഴിവാക്കുവാനുള്ള മാർഗ്ഗങ്ങൾ കൂടിയുണ്ട്‌. നിങ്ങൾക്ക്‌ കമ്പ്യൂട്ടർ പരിജ്ഞാനം കുറവാണെങ്കിൽ, ഇവിടെ ഒന്നും ചെയ്യാതിരിക്കുക.

3. ഡാറ്റകൾ ക്രമീകരിക്കുക (Rearrange your data)

നിങ്ങൾ സാധരണ ഉപയോഗിക്കുന്ന ഫയലുകൾ, എടുക്കുവാൻ പാകത്തിൽ, കഷ്ണം കഷ്ണമാക്കി വിൻഡോ മുറിച്ച്‌ വെച്ചിരിക്കും എന്ന് കേട്ടിട്ട്‌ അത്ഭുതം തോന്നുന്നുവോ?. ഇങ്ങനെ കഷ്ണങ്ങളാക്കിയ ഫയലുകൾ ക്രമേണ ഡിസ്കിന്റെ വിവിധ ഭാഗങ്ങളിൽ സൂക്ഷിക്കുകയും, ഡിസ്ക്‌ സെക്റ്ററുകൾ ക്രമം തെറ്റുകയും ചെയ്യുന്നു. ഇത്‌ കമ്പ്യൂട്ടറിന്റെയും, ഫയലുകളുടെയും പ്രവർത്തനക്ഷമത കുറയ്ക്കുവാൻ കരണമായിതീരുന്നു. വിൻഡോയുടെ കൂടെ തന്നെയുള്ള Disk Defragmenter എന്ന പ്രോഗ്രാം, ഡിസ്കുകളെയും ഫയലുകളെയും വീണ്ടും ക്രമീകരിച്ച്‌, പ്രവർത്തനക്ഷമത വർദ്ധിപ്പിക്കുവാൻ സഹായിക്കുന്നു.

Disk Defragment പ്രവർത്തിപ്പിക്കുവാൻ:-

1. Start - My Computer തുറക്കുക.
2. My computer-ൽ പരിശോധിക്കേണ്ട ഡിസ്ക്‌ ഡ്രൈവ്‌, സാധരണ C drive ക്ലിക്കുക. വലത്‌ മോസ്‌, (Right mouse) ക്ലിക്കി പ്രോപർട്ടീസ്‌ (Properties) എടുക്കുക.
3. Properties - ൽ - Tools ടാബ്‌ ക്ലിക്ക്‌ ചെയ്യുക., അവിടെ Defragment Now... എന്ന ബട്ടൺ ക്ലിക്ക്‌ ചെയ്യുക.
4. Defragment Dialog Box - ൽ നിങ്ങൾക്ക്‌ പരിശോധിക്കേണ്ട ഡ്രൈവ്‌ സെലക്റ്റ്‌ ചെയ്യുക. സാധരണ C ഡ്രൈവായിരിക്കും. എന്നിട്ട്‌, Analuz എന്ന ബട്ടൺ ക്ലിക്കുക.

5. ഈ പ്രോഗ്രാം നിങ്ങളുടെ ഡിസ്ക്‌ പരിശോധിച്ച ശേഷം, ഡിസ്ക്‌ ഇപ്പോൾ തന്നെ Defragment ചെയ്യണോ അല്ലെങ്കിൽ ഡിസ്ക്‌ എത്ര ശതമാനം Defragment ആയിട്ടുണ്ട്‌ എന്ന് കാണിച്ച്‌ തരും. അവിടെ Defragment എന്ന ബട്ടൺ ക്ലിക്കുക.ഫയലുകൾ ക്രമപ്പെടുത്തി, ഡിസ്ക്‌ കൂടുതൽ മികവോടെ പ്രവർത്തനസജ്ജമാകുവാൻ ഈ പ്രോഗ്രാം ഉപകരിക്കും.

അവസാനമായി, എന്നാൽ ആദ്യം ചെയ്യേണ്ടത്‌, ഒരു നല്ല അന്റി വൈറസ്‌ പ്രോഗ്രാമും, അന്റി സ്പൈവെയർ പ്രോഗ്രാമും നിങ്ങളുടെ കമ്പ്യൂട്ടറിൽ ഇൻസ്റ്റാൾ ചെയ്യുക എന്നതാണ്‌.

കൂടാതെ, ആവശ്യമില്ലാത്ത പ്രോഗ്രാമുകൾ കഴിവതും ഒഴിവാക്കുക. ഇന്ന് നിലവിലുള്ള പല പ്രോഗ്രാമുകളും ധാരാളം ഡിസ്ക്‌ സ്ഥലവും മെമ്മറിയും ഉപയോഗിക്കുന്നവയാണ്‌.

കൂടുതൽ സംശയങ്ങൾ, ദയവായി ചോദിക്കുക.

6196

3 - വിവിധ തരം നെറ്റ്‌വർക്കുകൾ.

noreply@blogger.com (Helper | സഹായി) — Sun, 16 May 2010 06:42:00 +0000

സാധരണ നിങ്ങൾ കേട്ടിരിക്കുക രണ്ട്‌ തരം നെറ്റ്‌വർക്കുകളെക്കുറിച്ചാണ്‌.

1. ലോക്കൽ ഏരിയ നെറ്റ്‌വർക്ക്‌ - LAN
2. വൈഡ്‌ ഏരിയ നെറ്റ്‌വർക്ക്‌ - WAN

എന്നാൽ ഇവ രണ്ടും കൂടാതെ മറ്റനവധി നെറ്റ്‌വർക്കുകളും നിലവിലുണ്ട്‌. ഇവയെക്കുറിച്ച്‌ മനസിലാക്കുന്നതിന്‌ മുൻപ്‌ നമ്മുക്ക്‌ എന്താണ്‌ LAN എന്താണ്‌ WAN എന്ന് നോക്കാം.

ലോക്കൽ ഏരിയ നെറ്റ്‌വർക്ക്‌ - LAN

ഒരു ചെറിയ ഏരിയയിൽ, രണ്ടോ അതിലധികമോ കമ്പ്യൂട്ടറുകൾ തമ്മിൽ ബന്ധിപ്പിക്കുന്ന രീതിയാണ്‌ ലാൻ. വിവിധ നെറ്റ്‌വർക്ക്‌ ഉപകരണങ്ങൾ, ഉദഹരണത്തിന്‌, രണ്ട്‌ കമ്പ്യൂട്ടറുകൾ, പ്രിന്ററുകൾ തുടങ്ങിയ തമ്മിൽ കേബിൾ വഴിയോ, വയർലെസ്‌ വഴിയോ, ബന്ധപ്പെടുത്തുന്ന രീതി. സാധരണ ലാൻ, ഒരു കെട്ടിടത്തിലോ, ഒരു സ്കൂളിലോ ആണ്‌ ഉപയോഗിക്കുക. വളരെ ചെറിയ ഏരിയ കവർ ചെയ്യുന്നതിനാണ്‌ ലാൻ ഉപയോഗിക്കുന്നത്‌.

Ethernet അല്ലെങ്കിൽ Token Ring ടെക്‌നോളജി ഉപയോഗിച്ചാണ്‌ ലാൻ പ്രവർത്തിപ്പിക്കുന്നത്‌.

വൈഡ്‌ ഏരിയ നെറ്റ്‌വർക്ക്‌ - WAN

പേര്‌ സൂചിപ്പിക്കുന്ന പോലെ, ഒരു വലിയ ഏരിയ കവർ ചെയ്യുന്നതാണ്‌ വാൻ. എറ്റവും വലിയ നിലവിലുള്ള വാൻ, ഇന്റർനെറ്റാണ്‌. അതിന്റെ പരിധി ലോകം മുഴുവനുമാണ്‌. നിരവധി ലോക്കൽ ഏരിയ നെറ്റ്‌വർക്കുകൾ അടങ്ങിയതാണ്‌ വാൻ. ലോക്കൽ ഏരിയ നെറ്റ്‌വർക്കിൽനിന്നും റൂട്ടർ എന്ന നെറ്റ്‌വർക്ക്‌ ഉപകരണമുപയോഗിച്ചാണ്‌ വാനിലേക്ക്‌ കണക്‌റ്റ്‌ ചെയ്യപ്പെടുന്നത്‌. (നിങ്ങളുടെ DSL മോഡം, ഒരു റൂട്ടർ കൂടിയാണ്‌. അതാണ്‌ നിങ്ങളുടെ കമ്പ്യൂട്ടറിലെ ഡാറ്റ പാക്കറ്റുകൾ, എങ്ങിനെ, ഏത്‌ വഴി അയക്കണമെന്ന് തീരുമാനിക്കുന്നത്‌) നെറ്റ്‌വർക്കിന്റെ റൂട്ട്‌ തിരുമാനിക്കുന്ന ഉപകരണമാണ്‌ റൂട്ടർ എന്ന് ലളിതമായി പറയാം.

മറ്റു നെറ്റ്‌വർക്കുകൾ:-

1. WLAN - Wireless Local Area Network
ലാൻ നെറ്റ്‌വർക്ക്‌ അടിസ്ഥാനമാക്കി പ്രവർത്തിക്കുന്ന, വയർലെസ്സ്‌ ആയ Wifi ഉപയോഗിച്ചുള്ള നെറ്റ്‌വർക്ക്‌.

2. MAN - Metropolitian Area Network
ഒരു പട്ടണ പ്രദേശം മുഴുവൻ കവർ ചെയ്യുന്ന ലാനിനെക്കൾ വലിയ നെറ്റ്‌വർക്ക്‌.

3. SAN - Storage Area Network, System Area Network, Server Area Network or Small Area Network

ഫൈബർ ചാനൽ (Fibre Channel) ടെക്‌നോളജി ഉപയോഗിച്ച്‌, കമ്പ്യൂട്ടർ സെർവ്വറുകളെ ഡാറ്റ സൂക്ഷിച്ചിരിക്കുന്ന ഉപകരണങ്ങളുമായി ബന്ധിപ്പിക്കുന്ന നെറ്റ്‌വർക്ക്‌.

4. CAN - Campus Area Network, Controller Area Network, or Cluster Area Network
ഒന്നിലധികം ലാൻ നെറ്റ്‌വർക്കുകൾ അടങ്ങിയ, എന്നാൽ MAN നെറ്റ്‌വർക്കിനെക്കാൾ ചെറിയ നെറ്റ്‌വർക്ക്‌. സാധരണ ഒരു യൂണിവൈസിറ്റിയോ ഒരു ബിസിനസ്സ്‌ ക്യമ്പസോ കവർ ചെയ്യുന്നതാണ്‌ CAN

5. PAN - Personal Area Network
ഒരാളുടെ പരിധിയിലുള്ള ഇൻഫോർമേഷൻ ടെക്‌നോളജി ഉപകരണങ്ങൾ തമ്മിൽ വയർലെസ്സ്‌ വഴി ബന്ധപ്പെറ്റുത്തുന്ന നെറ്റ്‌വർക്ക്‌. ഉദാഹരണത്തിന്‌, ഒരാളുടെ ലാപ്പ്‌ടോപ്പ്‌, PDA, പോർട്ടബിൾ പ്രിന്റർ എന്നിവ തമ്മിൽ വയർലെസ്സ്‌ വഴി ബന്ധപ്പെടുത്തുന്ന രീതി.

6. DAN - Desk Area Network
ATM - Asynchronous Transfer Mode ടെക്‌നോളജി ഉപയോഗിച്ച്‌, വിവിധ ഉപകരണങ്ങൾ തമ്മിലുള്ള നെറ്റ്‌വർക്ക്‌.

സുക്ഷിക്കുക - ഗൂഗിൾ ഇമെയിൽ ഫിഷിംഗ്‌

noreply@blogger.com (Helper | സഹായി) — Sat, 15 May 2010 06:14:00 +0000

ന്യുഡൽഹി: ഇന്ത്യയിലെ ഒരുകോടിയോളം ബ്രോഡ്ബാൻഡ്‌ ഇന്റർനെറ്റ്‌ ഉപയോക്താക്കൾ ജീവനു പോലും ഭീഷണിയാകുന്ന തരത്തിൽ തട്ടിപ്പിനും മോഷണത്തിനും ഇരയാകുന്നതായി റിപ്പോർട്ട്‌. സൈബർ ഭാഷയിൽ ഫിഷിംഗ്‌ എന്നറിയപ്പെടുന്ന ഈ തട്ടിപ്പ്‌ ആഗോളവ്യാപകമായി വർധിച്ചുവരികയാണ്‌.

ഫിഷിംഗ്‌ തടയുക എന്ന ലക്ഷ്യത്തോടെ ഗൂഗിൾ ഇമെയിൽ സർവീസ്‌ ഉപയോക്താക്കൾക്കു അവരുടെ അക്കൗണ്ട്‌ അപ്ഡേറ്റു ചെയ്യുന്നതിനു വേണ്ടി വിശദവിവരങ്ങൾ ആവശ്യപ്പെട്ട്‌ ജി മെയിൽ ടീം ലീഗൽ നോട്ടീസ്‌ നൽകിത്തുടങ്ങിയിട്ടുണ്ട്‌.

എല്ലാ അക്കൗണ്ടുടമകൾക്കും പൂർണ സുരക്ഷ നൽകുക എന്നതാണ്‌ ഉദ്ദേശിക്കുന്നതെന്നും അതുകൊണ്ടാണു കൂടുതൽ വിവരങ്ങൾ ആരായുന്നതെന്നും ജി മെയിൽ കമ്പനി വക്താക്കൾ അറിയിച്ചു.
അക്കൗണ്ടുടമയുടെ പേര്‌, പാസ്‌വേർഡ്‌, ജനനത്തീയതി, രാജ്യം എന്നിവയാണു ഉപയോക്താക്കൾ അപ്ഡേറ്റ്‌ ചെയ്യേണ്ടത്‌. ജിമെയിലിന്റെ മുന്നറിയിപ്പ്‌ നോട്ടീസ്‌ ലഭിച്ച്‌ ഏഴുദിവസത്തിനുളിൽ ഇക്കാര്യങ്ങൾ അപ്ഡേറ്റ്‌ ചെയ്യാത്തവരുടെ അക്കൗണ്ട്‌ എന്നേക്കുമായി നഷ്ടപ്പെടുമെന്ന മുന്നറിയിപ്പും ഇതോടൊപ്പം ചേർത്തിട്ടുണ്ട്‌.

കഴിഞ്ഞ ബുധനാഴ്ച മുതൽ ഉപയോക്താക്കൾക്ക്‌ ഇതു ലഭിച്ചുതുടങ്ങിയതായിട്ടാണു റിപ്പോർട്ട്‌. എന്നാൽ ചില വ്യക്തിഗത വിവരങ്ങൾ സൂത്രത്തിൽ ചോർത്തുന്നതിനു സ്പാം മെയിൽ ഏജന്റുമാർ ഈ അവസരം മുതലെടുത്തു രംഗത്തിറങ്ങിയിട്ടുണ്ട്‌ന്നും ജി മെയിൽ വക്താക്കൾ പറയുന്നു.

സ്പൂഫിംഗ്‌ അല്ലെഗ്ലിൽ പാസ്‌വേർഡ്‌ ഫിഷിംഗ്‌ എന്നാണു ഇത്‌ അറിയപ്പെടുന്നത്‌. ഇത്തരം സ്പാം സന്ദേശങ്ങളോട്‌ ഉപയോക്താക്കൾ ജാഗ്രത പുലർത്തണമെന്നും ഈ രീതിയിലുള മാസ്‌ സന്ദേശങ്ങൾ ഗൂഗിളോ ജിമെയിലോ അയയ്ക്കില്ലെന്നും അറിയിപ്പിൽ പറയുന്നു. ഗൂഗിളിന്റെ സപ്പോർട്ട്‌ സെന്റർ വിലാസമായ
http://mail.google.com/support/bin/answer.py?hl=en&answer=8253 ൽ നിന്നും ഇതുസംബന്ധിച്ച കൂടുതൽ വിവരങ്ങൾ ലഭിക്കും.

കഴിഞ്ഞ ഡിസംബർ മുതൽ ഇന്ത്യയിൽ ഫിഷിംഗ്‌ വർധിച്ചുവെന്നു ഇന്റർനെറ്റ്‌ ആൻഡ്‌ മൊബെയിൽ അസോസിയേഷൻ ഓഫ്‌ ഇന്ത്യ കൺസൾട്ടന്റ്‌ രക്ഷിത്‌ ടാണ്ടൻ പറയുന്നു.

സ്വതന്ത്ര ഇമെയിൽ സെറ്റുകളായ ജി മെയിൽ, യാഹൂ, സോഷ്യൽ നെറ്റ്‌വർക്കുകളായ ഫേസ്ബുക്ക്‌, ഓർക്കുട്ട്‌ എന്നിവ കഴിഞ്ഞാൽ ബാങ്കൂകളുടെ സൈറ്റുകളാണു ഏറ്റവും കൂടുതൽ സൈബർ ആക്രമണത്തിനിരയായിരിക്കുന്നത്‌.

സൈബർ സുരക്ഷയ്ക്കു വേണ്ടി സംഘടന പ്രചാരണം ആരംഭിച്ചിട്ടുണ്ട്‌. രാജ്യത്തെ 13 സംസ്ഥാനങ്ങളിലായി 43 നഗരങ്ങളിലെ 185 സ്കൂളുകളിൽ പഠിക്കുന്ന 3.5 ലക്ഷം കുട്ടികൾക്കിടയിലാണു പ്രചാരണം നടത്തുന്നത്‌.

കടപ്പാട്‌. deepika.com
The Economic Times
----------

ഈയിടെ എന്റെ ജീ മെയിൽ അക്കൗണ്ട്‌ പ്രവർത്തനരഹിതമാവുകയും, എന്റെ അക്കൗണ്ട്‌ വിവരങ്ങൾ പുതുക്കുവാൻ അവശ്യപ്പെടുകയും ചെയ്തിരുന്നു. മാത്രമല്ല അക്കൗണ്ട്‌ ഉറപ്പിക്കുവാൻ അവർ ഒരു കോഡ്‌ എന്റെ മൊബെയിലിലേക്ക്‌ SMS ചെയ്യുകയും ചെയ്തു. ഗൂഗിൾ മെയിലിന്റെ വെബ്‌ സൈറ്റ്‌ പ്രകരം അത്‌ ഗൂഗിളിൽനിന്ന് തന്നെയാണെന്ന് ഉറപ്പിച്ചശേഷമാണ്‌ ഞാൻ എന്റെ മൊബൈൽ നമ്പർ നൽകിയത്‌.

ലിങ്ക്‌ ഇവിടെ.

നിങ്ങളുടെ വ്യക്തിഗത വിവരങ്ങൾ ചോദിച്ച്‌കൊണ്ടുള്ള മെയിലുകളെ സംശയത്തോടെ മാത്രം വീക്ഷിക്കുക. ബാങ്കുകളും മറ്റും ഇത്തരം വിവരങ്ങൾ ചോദിച്ച്‌കൊണ്ട്‌ ഒരിക്കലും മെയിൽ അയക്കാറില്ലെന്ന് പ്രതേകം ഓർമ്മിക്കുക.

നിങ്ങൾക്ക്‌ കിട്ടിയ മെയിലിൽ വരുന്ന ലിങ്ക്‌ ശ്രദ്ധിച്ചാൽ തന്നെ, അത്‌ ഒറിജിനലാണോ എന്ന് മനസിലാക്കുവാൻ കഴിയും. തെറ്റിധരിപ്പിക്കുന്ന തരത്തിലുള്ള വെബ്‌ അഡ്രസുകളെയും സൂക്ഷിക്കുക.

അത്തരത്തിൽ ചിലത്‌.
http://gmailupgrades.com/Gmail-Account-Upgrade

ഇത്‌ ഒറിജിനൽ അല്ല, വ്യജനാണ്‌.

സുക്ഷിക്കുക. ജീ മെയിലിന്റെ ഒറിജിനലിനെ വെല്ലുന്ന വ്യാജൻ നിങ്ങളുടെ മെയിൽ ഹാക്ക്‌ ചെയ്യുവാൻ തയ്യറായി നിൽക്കുന്നുണ്ട്‌.

അക്കൗണ്ടുടമയുടെ പേര്‌, പാസ്‌വേർഡ്‌, ജനനത്തീയതി, രാജ്യം എന്നിവയാണു ഉപയോക്താക്കൾ അപ്ഡേറ്റ്‌ ചെയ്യേണ്ടത്‌. ഇതിന്റെ കൂടെ, നിങ്ങളുടെ ഓപ്പറേറ്റിംഗ്‌ സിസറ്റം, മെയിൽ പ്രോഗ്രാം എതാണ്‌. അന്റിവൈറസ്‌ എതാണ്‌ തുടങ്ങിയ വിവരങ്ങൾ ചോദിക്കുന്നെങ്കിൽ, സൂക്ഷിക്കുക. അത്‌ ഫിഷിംഗ്‌ മെയിലാണ്‌.

.

2 - ഇന്റർനെറ്റിന്റെ പ്രവർത്തനം

noreply@blogger.com (Helper | സഹായി) — Tue, 11 May 2010 08:58:00 +0000

ഇന്റർനെറ്റിന്റെ പ്രവർത്തനം വളരെ ലളിതമായി മനസിലാക്കുവാൻ ചെറിയ ഒരു ഉദാഹരണത്തിലൂടെ നമ്മുക്ക്‌ ശ്രമിക്കാം.

നിങ്ങൾ സുഹൃത്തിന്‌ ഒരു ഫയൽ, ഈമെയിൽ വഴി അയക്കുന്നു എന്ന് കരുതുക.

Transmission Control Protocol / Internet Protocol (TCP/IP) ആണ്‌ അയക്കുവാനും സ്വീകരിക്കുവാനുമുള്ള ഡാറ്റയെ തയ്യാറാക്കുന്നത്‌. മെഷിന്റൊഷ്‌ നെറ്റ്‌വർക്ക്‌ വഴി, ഇത്തരം ഡാറ്റകളെ വിൻഡോ നെറ്റ്‌വർക്കിലേക്കോ, Unix നെറ്റ്‌വർക്കിലേക്കോ, അവിടുന്ന് തിരിച്ചും കൈമാറ്റം ചെയ്യാവുന്ന ഡാറ്റകളാണെന്ന് ഉറപ്പ്‌വരുത്തുക എന്ന ജോലി TCP/IP നിർവ്വഹിക്കുന്നു.

നിങ്ങൾ സുഹൃത്തിനയക്കുന്ന ഫയൽ, നേരെ സുഹൃത്തിന്റെ കമ്പ്യൂട്ടറിലെക്കല്ല അയക്കപ്പെടുന്നത്‌. ഒരുമിച്ച്‌ അയക്കുകയുമല്ല. നിങ്ങളുടെ ഫയൽ ആദ്യം വിവിധ ഡാറ്റ പാക്കറ്റുകളാക്കി മാറ്റുന്നു. TCP/IP യുടെ IP സൈഡ്‌, അതായത്‌ Internet Protocol സൈഡ്‌, ഈ ഡാറ്റ പാക്കറ്റുകളെ പ്രതേകമായ ഇന്റർനെറ്റ്‌ അഡ്രസ്‌ ഉപയോഗിച്ചോ, നിങ്ങളുടെ സുഹൃത്തിന്റെ IP Address ഉപയോഗിച്ചോ പേരിടുന്നു. Transmission Control Protocol - TCP സൈഡ്‌, ഇത്തരം ഓരോ പാക്കറ്റുകൾക്കും ഒരു ക്രമനമ്പർ നൽകുന്നു. ഈ ക്രമ നമ്പറുകളാണ്‌ നിങ്ങളുടെ സുഹൃത്തിന്റെ കമ്പ്യൂട്ടറിൽ, TCP/IP യോട്‌, പാക്കറ്റുകൾ സ്വീകരിച്ച്‌ എങ്ങനെ ക്രമീകരിക്കണമെന്നും, വിവിധ പാക്കറ്റുകളെ എങ്ങനെ ഫയലാക്കണമെന്നും പറയുന്നതും. ഇത്തരം പാക്കറ്റുകൾ വിവിധ റൂട്ടറുകൾ വഴി സഞ്ചരിച്ച്‌, നിങ്ങളുടെ സുഹൃത്തിന്റെ കമ്പ്യൂട്ടറിലെത്തുന്നു. ഇത്തരം അതിസങ്കീർണ്ണമായ TCP/IP യുടെ പ്രവർത്തനങ്ങളെല്ലാം മില്ലിസെക്കന്റുകൾക്കുള്ളിൽ നടത്തപ്പെടുന്നു.

നിങ്ങളുടെ കമ്പ്യൂട്ടറിൽനിന്നും പാക്കറ്റുകൾ വിവിധ റൂട്ടറുകൾ വഴി അയക്കുന്നു. ഒരോ റൂട്ടറും പാക്കറ്റുകളിൽ രേഖപ്പെടുത്തിയിരിക്കുന്ന IP Address വായിക്കുകയും, എറ്റവും വേഗതയുള്ള വഴി (Path) തിരുമാനിക്കുകയും ചെയ്യുന്നു. ഇന്റർനെറ്റിന്റെ വഴിയിൽ (Path) എപ്പോഴും ട്രാഫിക്ക്‌ മാറികൊണ്ടിരിക്കുന്ന കാരണം, ഒരോ പാക്കറ്റുകളും വിവിധ വഴികൾ മുഖേനയും അയക്കപ്പെടുന്നു.

ഒന്നും മനസിലായില്ലെങ്കിൽ, ഒരു ചെറിയ ഉദാഹരണം.

നിങ്ങൾ അയക്കുവനുദ്ദേശിച്ച്‌ ഫയൽ, നിങ്ങളുടെ കമ്പ്യൂട്ടർ a,b,c,d എന്നീ പാക്കറ്റുകളാക്കുകയും, അവയ്ക്‌ 1,2,3,4 എന്നീ ക്രമനമ്പർ നൽക്കുകയും ചെയ്യുന്നു. നിങ്ങളുടെ റൂട്ടറിൽനിന്നും a ഒരു വഴിക്കും, b മറ്റോരു വഴിക്കും പോവുന്നു. നിങ്ങൾ ഉപയോഗിക്കുന്ന ISP യുടെ സൗകര്യങ്ങളും നിങ്ങൾ നിൽക്കുന്ന രാജ്യത്തിന്റെ സൗകര്യങ്ങളും കണക്കിലെടുത്ത്‌, ഏറ്റവും വേഗതയിൽ, ഏത്‌ വഴിയാണ്‌ ഈ പാക്കറ്റുകൾ അയക്കുവാൻ കഴിയുക എന്ന് നിങ്ങളുടെ റൂട്ടർ തീരുമാനിക്കുന്നു. ട്രാഫിക്ക്‌ കുറവുള്ള വഴിയാണ്‌ a യും b യും പോയതെങ്കിൽ, അടുത്ത സെക്കന്റിൽ ആ വഴിയുള്ള ട്രഫിക്ക്‌ കൂടുതലായാൽ, ബാക്കിയുള്ള പാക്കറ്റുകൾ, അതായത്‌ c യും d യും മറ്റോരു വഴിയാവും റൂട്ടർ അയക്കുക. ഒരു റൂട്ടറിൽനിന്ന് മറ്റോന്നിലേക്ക്‌ ഈ പാക്കറ്റുകൾ കൈമാറുംബോൾ, പാക്കറ്റുകളിൽ രേഖപ്പെടുത്തിയ IP Address റൂട്ടർ വായിക്കുകയും, മറ്റോരു ട്രാഫിക്ക്‌ കുറഞ്ഞ വഴിയിലൂടെ ഈ പാക്കറ്റുകൾ അയക്കുകയും ചെയ്യുന്നു.

ഈ പക്കറ്റുകളോക്കെ, നിങ്ങളുടെ സുഹൃത്തിന്റെ കമ്പ്യൂട്ടർ സ്വീകരിക്കുകയും, ക്രമനമ്പർ അനുസരിച്ച്‌, ഫയലാക്കുകയും ചെയ്യുന്നു. അങ്ങിനെ നിങ്ങൾ അയച്ച ഫയൽ, അതേപോലെ സുഹൃത്തിന്‌ കാണുവാൻ സാധിക്കുന്നു.

-----------------
ടെക്‌നിക്കൽ വിഷയങ്ങൾ മലയാളത്തിലാക്കുവാൻ വളരെ പ്രയാസമുണ്ട്‌. കഴിവതും ഞാൻ നീതി പുലർത്തിയെന്ന് വിശ്വസിക്കുന്നതോടോപ്പം, ഇത്‌ പൂർണ്ണമാണ്‌ എന്നവകാശപ്പെടാൻ ഒരിക്കലും സാധിക്കില്ല. ന്യൂനതകളും, മറ്റു വിവരങ്ങളും എല്ലാവരും അറിയിക്കുക. തീർച്ചയായും കൂട്ടിചേർക്കലുകൾ നടത്താവുന്നതാണ്‌.

.

1-ഇന്റർനെറ്റ്‌ - ആമുഖം

noreply@blogger.com (Helper | സഹായി) — Mon, 10 May 2010 12:11:00 +0000

1960 കളിൽ, ശീതയുദ്ധകാലത്ത്‌, അതീവ രഹസ്യമായി, വളരെ സുരക്ഷിതമായി ഉപയോഗിക്കാവുന്ന ഒരു ആശയവിനിമയ സംവിധാനം എങ്ങിനെ നിർമ്മിക്കാം എന്ന അമേരിക്കൻ പട്ടാളത്തിന്റെ ഗവേഷണഫലമയാണ്‌, ഇന്റെനെറ്റിന്റെ അടിത്തറ രൂപം കൊള്ളുന്നത്‌. കമ്പ്യൂട്ടറുകളെ തമ്മിൽ ബന്ധിപ്പിക്കുന്ന ഒരു സംവിധാനം എന്ന ആശയമായിരുന്നു ഇതിൽ പ്രധാനം. നെറ്റ്‌ വർക്ക്‌ എന്ന സുന്ദര സ്വപ്നങ്ങളുടെ തുടക്കം.

തുടക്കത്തിൽ ഗവൺമെന്റും, ഏതാനും ചില സർവ്വകലാശാലകളും കമ്പ്യൂട്ടർ മുഖേന ബന്ധപ്പെടുത്തിയിരുന്ന് ഒരു പ്രോജക്റ്റായിരുന്നു ഇത്‌. ഇന്റർനെറ്റ്‌ അന്ന്, Department of Defense ന്റെ Advanced Research Project Agency (ARPA) നിയന്ത്രിക്കുന്ന, പട്ടാളം ഉപയോഗിക്കുന്ന എറ്റവും സുരക്ഷിതമായ ആശയവിനിമയ സംവിധാനമായി മാറുവാൻ താമസമുണ്ടായില്ല. ഇതിന്റെ മൊത്തം പ്രവർത്തന രീതിയെ ARPANET എന്നാണറിയപ്പെട്ടിരുന്നത്‌.

കാലക്രമേണ ARPANET കമ്പ്യൂട്ടറുകൾ പ്രതിരോധ മന്ത്രാലയം സഹയം നൽകുന്ന എല്ലാ യുണിവയ്സിറ്റികളിലും സ്ഥാപിച്ചു. പതിയെ ഇന്റർനെറ്റ്‌, പട്ടാളത്തിന്റെ കൈപിടിയിൽനിന്നും വഴുതി, ശാസ്ത്രജ്ഞരുടെ പ്രധാന ആശയവിനിമയ മാർഗ്ഗമായി മാറി. കൂടുതൽ ശാസ്ത്രജ്ഞന്മാർ ഓൺലൈനിൽ വന്ന് തുടങ്ങിയപ്പോൾ, ഈ സംവിധാനത്തിന്റെ നടത്തിപ്പ്‌ 1950-ൽ ARPA യിൽ നിന്നും National Science Foundation എന്ന എജൻസിക്ക്‌ കൈമാറി.

വർഷങ്ങൾ കടന്ന്‌ പോകവെ, വാണിജ്യവശ്യങ്ങൾക്ക്‌ ഇന്റർനെറ്റ്‌ ഉപയോഗിക്കുവാൻ തുടങ്ങിയതോടെ, ഇന്റർനെറ്റ്‌ നടത്തുന്നതും നിയന്ത്രിക്കുന്നതും പിന്നെയും പല എജൻസികളെയും മാറി മാറി എൽപ്പിക്കപ്പെട്ടു.

എന്നാൽ ഇന്റർനെറ്റ്‌ "പ്രവർത്തിപ്പിക്കുന്ന" ഒരു സംഘടനയോ, എജൻസിയോ, ഇന്ന് നിലവിലില്ല. മറിച്ച്‌, ഇന്റർനെറ്റിന്റെ "നിലനിൽപ്പ്‌" നിരീക്ഷിക്കുന്ന, ഇന്റർനെറ്റിന്റെ ഘടന നിയന്ത്രിക്കുന്ന നിരവധി സംവിധാനങ്ങൾ മാത്രമാണ്‌ ഇന്ന് നിലവിലുള്ളത്‌.

ഇന്റർനെറ്റിന്റെ നടത്തിപ്പിനെക്കുറിച്ച്‌, ക്യപ്റ്റൻ എഴുതിയ ലേഖനം ഇവിടെ

ഇന്റർനെറ്റിന്റെ വേഗതയിൽ വന്ന മാറ്റം, വിവരങ്ങൾ കൈമാറുവാനുള്ള വേഗത, ആശയങ്ങൾ കൈമാറ്റം ചെയ്യുവാനുള്ള സമയലാഭം എന്നിവ നെറ്റ്‌ വിപ്ലവത്തിന്റെ തുടക്കമായിരുന്നു. ഇപ്പോഴും നെറ്റിന്റെ വേഗതയനുസരിച്ച്‌, പുതിയ വിപ്ലവങ്ങൾ സൃഷ്ടിക്കപ്പെട്ട്‌കൊണ്ടിരിക്കുന്നു.

വിവിധതരം ആവശ്യങ്ങൾക്ക്‌, ഇന്ന് ഇന്റർനെറ്റ്‌ ഉപയോഗിക്കുന്നു. ഇന്റർനെറ്റ്‌ പ്രവർത്തിപ്പിക്കുവാൻ, പലതരം രീതികളും ഇന്ന് നിലവിലുണ്ട്‌. ഉദാഹരണത്തിന്‌, ഡയൽ അപ്പ്‌ കണക്‌ഷൻ, DSL, Dedicated Line തുടങ്ങിയവയും, പുതുമുഖമായ Wireless വിദ്യയും ഇന്ന് സുലഭമാണ്‌.

ഈമെയിലുകൾ അയക്കുവാനുള്ള മാർഗ്ഗങ്ങൾ മുതൽ, ചാറ്റിങ്ങിനും ബ്രസിങ്ങിനും തുടങ്ങി, അനേകമാളുകൾക്ക്‌ ലോകത്തിന്റെ വിവിധ ഭാഗങ്ങളിലിരുന്ന്, ഒരു മേശക്ക്‌ ചുറ്റുമെന്നപോലെ, വിഡിയോ കോൺഫറൻസ്‌ നടത്തുവാനുള്ള സൗകര്യങ്ങൾ വരെ, ഇന്ന് നെറ്റ്‌ നമുക്ക്‌ മുന്നിൽ തുറന്ന് വെക്കുന്നു.

.

ഇന്റർനെറ്റിന്റെ ബാലപാഠങ്ങൾ

noreply@blogger.com (Helper | സഹായി) — Mon, 10 May 2010 07:14:00 +0000

എന്താണ്‌ ഇന്റർനെറ്റ്‌?

ഇന്റർനെറ്റ്‌ എങ്ങിനെയാണ്‌ പ്രവർത്തിക്കുന്നത്‌?

LAN & WAN എന്നാലെന്ത്‌?

WEB എന്നാലെന്ത്‌?

വിവിധ ഇന്റർനെറ്റ്‌ വഴികൾ Internet Access എതോക്കെ?

വയർലെസ്സ്‌ ബ്രോഡ്‌ ബാൻഡ്‌

ADSL & Cable ബ്രോഡ്ബാൻഡ്‌

ഈമെയിലുകൾ

വെബ്‌ പോർട്ടലുകൾ

ഓൺ ലൈൻ സുരക്ഷ

ബ്രൗഷറുകൾ

ചാറ്റിങ്ങ്‌

ഫയൽ ഷെയറിങ്ങ്‌.

Skype, Yahoo, Window Messenger എന്നിവ എങ്ങിനെ ഉപയോഗിക്കാം?.

ഓൺലൈൻ ഷോപ്പിങ്ങ്‌

നിത്യജീവിതത്തിൽ ആവശ്യമായ, ഇന്റർനെറ്റിന്റെ വിവിധ ഉപയോഗങ്ങൾ, വളരെ ലളിതമായി, വളരെ ചുരുങ്ങിയ രൂപത്തിൽ വിവരിക്കുന്ന ഒരു പരമ്പര തയ്യറാക്കുന്നു.

എല്ലാവരുടെയും സഹായ സഹകരണങ്ങൾ പ്രതീക്ഷിക്കുന്നു.

സംശയങ്ങളും കൂടുതൽ വിവരങ്ങളും ആവശ്യമുള്ളവർ, നിങ്ങളുടെ സംശയങ്ങൾ കമന്റായി ഇവിടെ ചേർക്കുവാൻ അപേക്ഷിക്കുന്നു.

.

SSLC RESULT

noreply@blogger.com (Helper | സഹായി) — Mon, 03 May 2010 06:47:00 +0000

2010 - ലെ SSLC പരീക്ഷ ഫലം, താഴെ പറയുന്ന വെബ്‌ൽ ലഭ്യമാണ്‌.

http://results.itschool.gov.in/

എല്ലാവർക്കും വിജയാശംസകൾ.

1.1 ചോദ്യങ്ങളും സംശയങ്ങളും - ഭാഗം രണ്ട്

noreply@blogger.com (Helper | സഹായി) — Mon, 28 Sep 2009 11:21:00 +0000

കമ്പ്യൂട്ടറിനെക്കുറിച്ചുള്ള, നിങ്ങളുടെ സംശയങ്ങളും ചോദ്യങ്ങളും വ്യക്തമായി ഇവിടെ എഴുതുക.

ഹാർഡ്‌വെയറായാലും, സോഫ്റ്റ്‌വെയറായാലും, ധൈര്യമായി ചോദിച്ചോളൂ.

.

1 - സംശയങ്ങളും ചോദ്യങ്ങളും

noreply@blogger.com (Helper | സഹായി) — Mon, 20 Jul 2009 15:02:00 +0000

കാർത്തികയും വരമൊഴിയും പിന്നെ ഞാനും

noreply@blogger.com (Helper | സഹായി) — Sun, 19 Jul 2009 20:02:00 +0000

എല്ലാ ഫ്രണ്ടുക്കളും, ഈ ഫ്രണ്ടിന്റെ ബാക്കിൽനിന്ന് ഒരു സഹായം ചെയ്യണം. (ക്രെഡിറ്റ്‌ കാർഡ്‌ എടുക്കരുത്‌, ഹെയ്‌, ഞാനാ ടൈപ്പല്ല)

വരമൊഴിയുടെ എറ്റവും പുതിയ വേർഷൻ, 1.3.3 ആണെന്ന് ആരോ പറഞ്ഞ പ്രകാരം ടാസ്കിവിളിച്ച്‌ ഞാൻ ബൂലോകം മൊത്തം കറങ്ങി, ഞാനും മിറ്ററും കറങ്ങിയതല്ലതെ അവനെ കിട്ടിയില്ല. പകരം പത്പ്പ്‌ 1.07.01 കിട്ടി. അത്‌ കൊള്ളാം. ഇത്തിരിക്കൂടി കറങ്ങിയപ്പോൾ പതിപ്പ്‌ 1.08.02 കിട്ടി. പ്രശ്നം തുടങ്ങുന്നതും അവിടുന്ന്.

1.08.02- പ്രകാരം ടൈപ്പ്‌ ചെയ്ത്‌ അക്ഷരങ്ങളെ സുന്ദരികളാക്കി കയറ്റുമതിചെയ്തപ്പോൾ, മലയാളം തന്നെയായിരുന്നു. എന്നാൽ, അതിനെ ഞാൻ കോപ്പി ബ്ലോഗിൽ പേസ്റ്റ്‌ ചെയ്തപ്പോൾ, ചൈനക്കാരൻ പോലും പേടിക്കുന്ന തരത്തിൽ അക്ഷരങ്ങൾകണ്ട്‌, ഞാനും എന്റെ മോണിറ്ററും ഞെട്ടിതരിച്ചു.

ആവേശം മൂത്ത്‌, എറ്റവും പുതിയതിനെ പിടിച്ച്‌കൊണ്ട്‌വന്ന ഞാൻ വിഡ്ഡിയായോ?.

മറ്റോരു പ്രശ്നം ഞാനും കാർത്തികയും തമ്മിലാണ്‌. കറുബിയുമായും ഉണ്ട്‌.

നെറ്റിൽ കയറി, മലയാളം യൂണികോഡ്‌ ഫോണ്ട്‌, അജ്ഞലിയെയല്ലെതെ ആരെ കൊടുത്താലും, ചില്ലക്ഷരങ്ങൾ ശരിയാവുന്നില്ല. കാർത്തികയും, കറുബിയും, എന്തിന്‌ രചന വരെ തോറ്റു. അജ്ഞലിയാണെങ്കിൽ ഒരു പ്രശ്നവുമില്ല.

ഇത്‌, എന്റെ സൈറ്റിന്റെ മാത്രം പ്രശ്നമാണെന്ന് കരുതി സങ്കടപ്പെട്ടിരിക്കവെ, സന്തോഷകരമായ ഒരു വാർത്ത, ഞാൻ കാർത്തിക ചേച്ചിയെ സിബുവിന്റെ ബ്ലോഗിലേക്ക്‌ വിട്ടു. ഹാ ഹാ ഹാാാ സന്തോഷമ്‌കൊണ്ടെനിക്കിരിക്ക്യാൻ വയ്യെ, അവിടെം ചില്ലുകൾ, കുറച്ചല്ല നിറയെ.

വീണ്ടും രചനെയെ ഞാൻ വിശ്വേട്ടന്റെ ബ്ലോഗിലേക്ക്‌ വിട്ടു.

ഞാനിപ്പം മാനത്ത്‌ വലിഞ്ഞ്‌കേറും എന്ന് പറഞ്ഞ അവസ്ഥ, അവിടെം നിറയെ ചില്ലുകൾ.
--------------
ബൂലോകർ എല്ലവരും ഒന്ന് സഹകരിക്കണം. ഈ പ്രശ്നം നാം അറിയാതെ കിടക്കുവാൻ കാരണം, അജ്ഞലി ഓൾഡ്‌ ലിപി സെറ്റ്‌ ചെയ്താൽ ഒരു പ്രശ്നവും ചില്ലക്ഷരങ്ങൾക്കില്ല എന്നത്‌കൊണ്ടാണ്‌.

നിങ്ങളുടെ എക്സ്‌പ്ലോററിൽ കയറി, Tools -> internet options -> fonts ->
language script: Malayalam
web page font:അജ്ഞലി ഓൾഡ്‌ ലിപിയാണെങ്കിൽ, കാർത്തികയോ, രചനയോ സെലക്റ്റ്‌ ചെയ്ത്‌ OK, OK അടിച്ച്‌, നിങ്ങളുടെ സ്വന്തം ബ്ലോഗ്‌ സന്ദർശ്ശിക്കുക.

ചില്ലക്ഷരങ്ങളും ചതുരകട്ടയും ഉണ്ടെങ്കിൽ, ഞാൻ കൃതജ്ഞനായി.

പ്രശ്നം, യൂണികോഡ്‌ ഫോണ്ട്‌, അജ്ഞലി മാത്രമാണോ?, രചനയും, കാർത്തികയും യൂണികോഡ്‌ ഫോണ്ടായി, സെലക്റ്റ്‌ ചെയ്തവർ, ചില്ലക്ഷരങ്ങൾ ഒഴിവാക്കുവാൻ എന്ത്‌ ചെയ്യണം?ഇത്‌ എന്റെ മാത്രം പ്രശ്നമാണെന്ന് പറയരുത്‌. (ഞാൻ അത്മഹത്യചെയ്യും)

മൊഴി കീമാപ്പ്‌ 1.1.1 ഉപയോഗിച്ചു. ചില്ലക്ഷരങ്ങൾ അങ്ങനെതന്നെ കിടക്കുന്നു.

അജ്ഞലിയല്ലതെ മറ്റുള്ള യൂണികോഡ് ഫോണ്ടുകൾ ഉപയോഗിക്കുന്നവർ എന്ത്‌ചെയ്യണം?

എന്നെ എല്ലാവരും കൂടി തല്ലികൊല്ലരുത്. അപ്പുവേട്ടന്റെ ആദ്യക്ഷരിയിലും, സൈബര്‍ ജാലകത്തിലും ഈ പ്രശ്നമുണ്ട്.

.