Un ano máis estanse a celebrar as festas do Corpus Christy en Arca, no concello de O Pino… que é onde vivo. Este ano cun cartel que inclúe as tres grandes orquestras, Panorama, Olympus e Paris de Noia que están amenizando as noites desta fin de semana nas que o tempo está sendo xeneroso sen deixar rastro de chuvia.

Fotos da festa

Vídeos da festa

Logo de revisar unha nova nun blog sobre un caso de pishing, e de comprobar que a mesma tiña un fail (vídeo no que se amosa o concepto de fail) no que amosaba os datos do servidor real que realizaba o ataque, decidín descargar os arquivos públicos para ver que se escondía tras eles.

Chamoume a atención un flash, que logo de descompilalo, un dos seus recursos, era a tipografía usada… realmente moi minimalista!

Tipografia minimalista

Procesando; por favor, espere…

]]> http://heroma.es/index.php/2010/05/simpleza/feed/ 0 http://heroma.es/index.php/2010/05/simpleza/ http://feedproxy.google.com/~r/heroma/blog/~3/rCo8gyBTtDc/ http://heroma.es/index.php/2010/05/porque-privalia-aumenta-os-prezos/#comments Thu, 13 May 2010 12:49:34 +0000 heroma http://heroma.es/?p=144

Eu, dende que coñezo as páxinas de ventas con desconto (Ofertix, Privalia, BuyVip…), sempre me preguntei de onde sacan o prezo de venta en tenda sobre o cal aplican un desconto e ao final obteñen o hiper-mega-reducido prezo de venta dende o outlet, que loxicamente acada uns descontos superiores ao 60% na maioría dos casos.

Eu, coma home claramente tecnolóxico que son, fágome esta pregunta cada vez que entro nunha destas páxinas e atopo unha promoción dalgunha compañía tipo Sony, Canon… (non é que queira mercar unha reflex… si, é iso).

Por exemplo, hoxe entrei na páxina de Privalia e boteille un ollo ás cámaras dixitais compactas para ver si tiñan a nova Canon IXUS 300 HS, e novamente, coma é lóxico, non a tiñan (creo que aínda non chegou aos mercados españois, e menos aos galegos). Centrándome no tema, por curiosidade entrei nunha das promocións, en concreto na da Cámara Dixital “Ixus 120″ Negro 12,1 Mp Gran Angular Tarxeta de 2GB de agasallo. Unha cámara normaliña que destaca polo seu prezo no mercado, nada máis e nada menos que 269€ (cando a nova IXUS estiman que terá un prezo so 100€ superior), pero grazas a Privalia ofrécese un desconto do 70% quedando a cámara nuns 189€ irrisorios.

Isto que parece unha gran oferta, provoca que o consumidor faga caso das, tan antigas, tres bes…

bo, bonito e barato

e non faga caso do tan antigo, tamén,

busque, compare e se atopa algo mellor cómpreo.

Porque a estas compañías, non lles interesa que compares, por iso son reducidas, e de acceso so con invitación; por iso, teñen superdescontos por curto prazo de tempo para que penses en mercar xa, en lugar de comparar e buscar o mellor prezo.

Cun mínimo de criterio, e á hora de mercar produtos tecnolóxicos, recomendo a páxina QueSabesDe.com, onde poderedes atopar comparativas, análises, opinións… e tamén prezos actuais, de moitos destes produtos tecnolóxicos que abundan nestes outlets. Así, por exemplo, e aplicado a esta cámara temos que os prezos segundo, QueSabesDe.com, varían entre os 181€, e os 264€.

Os prezos máis altos correspóndense con Kits onde a cámara está presente; por exemplo, a opción máis cara de 264€ correspóndese cun Kit composto da Cámara, máis o estoxo, máis tarxeta de memoria de 4GB de alta velocidade, máis batería adicional, máis ampliación de garantía coa empresa encargada de facer as reparacións de Canon.

Eu, en ningún momento falo de timo xa que como se pode ver o prezo que ofrecen é o prezo real de mercado, pero si que considero que existe certo grado de publicidade enganosa que, podería quedar totalmente mitigada, no caso que publicaran a fonte do prezo orixinal.

As veces un pouco de egocentrismo senta ben, e hoxe é unha desas veces, xa que acábame de chegar un correo de Youtube indicándome que un dos vídeos que teño subidos na canle de Youtube non é nin socialista, nin nacionalista… é ¡¡ POPULAR !! e a data de hoxe ten máis de 16.000 visitas… toda unha marca.

A seguinte gráfica mostra a evolución de visitas dende que foi subido o 7 de Abril de 2008, ata o día de hoxe 3 de Maio de 2010 (as datas están en formato mm/dd/aaaa). Pulsando sobre a imaxe poderedes ver o vídeo de Youtube, titulado “4×4 no pasa la mediana”

Despois de ver esta gráfica so penso… ata o infinito e máis alá !!

O belga Benjamin Heine é un reporteiro gráfico, debuxante de banda deseñada, caricaturista, pintor e algo políglota nado no 1983 cunha forma particular e persoal de vela política.

Pero eu non veño falar diso, se non de “Pencil vs Camera”, que é o nome que da título a unha das súas galerías de Flickr. Nesta galería, pódense ver uns deseños, ao meu parecer moi orixinais, nas que Ben Heine mestura un fondo fotográfico do MundoReal™ cunha libre interpretación sobreposta debuxada, loxicamente, a lapis.

Gozade das súas fotos tanto coma min, déixovos cunha das súas obras, neste caso de Lisboa:

Hoxe atopei unha banda deseñada que me arrancou un sorriso.  Espero que vos, informáticos que me ledes (se hai algún…), lle atopedes a graza. E para aqueles que non sodes informáticos, ou ben non sabedes o que é o “SQL injection [WIKI: ESP]“, dicir que non é máis que a obtención de acceso á información que está nunha base de datos a través de campos que non foron deseñados para iso. Así que, unha vez claro este tema, aquí tedes esta banda deseñada:

Tradución:

1. Ola, chámoo dende a escola do seu fillo. Estamos tendo problemas  informáticos.
2. -Oh, cielos! Rompeu algo? -En certo modo…
3. -Realmente chamou ao seu fillo Robert’); DROP TABLE Students;– ? -Si! chamámoslle pequeno Bobby Tablas.
4. -Ben, acabamos de perder todos os rexistros deste ano dos alumnos. Espero que este contento. -E eu espero que vostede teña aprendido a sanear as súas entradas na base de datos.

Simplemente xenial.

Hoxe, ás 00:20, hai 36 anos emitiuse nunha radio nacional, cantada por militares, unha canción elixida como símbolo para iniciar as operacións da Revolución dos Caraveis e con ela a Democracia en Portugal. A canción elixida polos militares do Movemento das Forzas Armadas (MFA) foi “Grândola, Vila Morena” de Zeca Afonso.

Hoxe, neste día, quero compartir con vos (sempre e cando os que teñan os dereitos da mesma mo permitan) o son desta canción que aínda, 36 anos despois, non perdeu a súa forza.

Espero que vos guste tanto como a min.

Aquí vos deixo os primeiros vídeos da Foliada que cobren algúns dos grupos participantes no concurso “Cantos de Taberna”. Coma sempre, espero que vos gusten.

• Banda na Capela de San Roque
• Cantos de Taberna no Mandil
• Cantos de Taberna n’O noso bar
• Cantos de Taberna no Liñares
• Cantos de Taberna no Esquina
• Pasarúas

Esta tarde tiven a sorte de acudir velo espectáculo “Saltimbanco” do Circo do Sol. Que se pode dicir sobre este espectáculo que non se dixera xa? Supoño que pouco queda… así que simplemente darei a miña opinión que por algo este blog é meu. Antes de comezar agradecer á Miña Raíña pola xestión de conseguir as entradas, chamar a xente… segundo ao meu xefe por deixarme a tarde libre para poder acudir ao evento, seguro que gozas tanto coma min este sábado cando vaias.

O meu primeiro contacto co Circo do Sol

De seguro que foi nalgún noticiario dalgunha cadea de televisión, pero xa se sabe como son estas cousas que por un oído entran e polo outro saen… sen embargo, o meu primeiro contacto real do cal son consciente foi nun bar (vou omitir o nome do bar para evitarlle problemas coa SGAE), máis concretamente nun pub que acompañaban a música cos vídeos de diferentes espectáculo ao longo da súa historia (isto sabíase polos peiteados e vestimentas doutras épocas xa pasadas). Neste pub, estabamos un grupo de amigos e dende aquel día eu namoreime deste espectáculo.

Xa aquel día negociei co dono do bar a obtención deses vídeos… pero iso é outra historia que, oficialmente, vou rematar dicindo que non foi posible conseguilos, salvo que entrara aquí ou aquí [ENG].

A miña primeira vez

Hoxe, ás 17:30, puntual coma o reloxo máis preciso do mundo [ESP] empezou a sesión de “Saltimbanco”, no Multiusos Fonte do Sar en Santiago de Compostela. Minutos antes, xa tiñamos entrado no recinto miña namorada máis eu, e o resto de amigos, para logo sentar cada un no seu sitio pois foi imposible conseguir entradas para todos xuntos.

Unha vez dentro, asistimos a un espectáculo, que podo definir nunha soa palabra…

XENIAL*

pero tamén, delicioso, brutal, marabilloso, espectacular… hai centos de adxectivos válidos.

Pero, que ven os meus ollos? iso, iso parece un asterisco… si, é un asterisco; pero, onde está a letra pequena? Aquí empeza a letra pequena (*): O meu problema foi ter visto en vídeo outros espectáculos do Circo do Sol, claramente moito máis espectaculares e nalgún caso de maior complexidade. Por isto, o asterisco. O espectáculo é XENIAL, si; pero, e logo de falar con máis xente que estivo noutros espectáculos da mesma compañía ou que viran os vídeos coma min, o espectáculo deixounos un sabor de boca algo decepcionante.

Conclusións

• É unha compañía que hai que ver en directo algunha vez na vida.
• É un espectáculo para todos os públicos, pero os nenos pequenos (menos de 8 anos) non van gozalo por mor de que é un espectáculo visual, que xoga coa música, as luces, as formas, as cores… para crear un conxunto que unha mente de un neno non está afeita (ou máis diplomaticamente, pode non estar afeita). Con todo, os cativos que alí estaban víaselles na cara a ledicia de telo pasado ben.
• Preguntas coma: cantas cicatrices terá ese home? cantos lategazos levaría esa parella?  cantas veces…? son preguntas que van xurdir ao longo do espectáculo por mor da PERFECTA CALIDADE TÉCNICA E ARTÍSTICA da compañía.
• XENIAL*, quere dicir, XENIAL. O asterisco é unha opinión que non desmerece o espectáculo en ningún momento.
• Acudir con tempo para aparcalo coche, ou ben levar chofer coma nos, grazas Enrique! nunca pensei que puideran ir cinco persoas no megane coupé.

Fotos

Hai que ter en conta que estaba prohibido sacar fotos e, por iso, o número de fotos é limitado, e a calidade das mesmas non é moi alto.

Renovarse ou morrer…

…na medida que as novas tecnoloxías aumentan, tamén o fan a calidade das falsificación, por mor disto, moitos gobernos, están actualizando e  incrementando as medidas de seguranzas nos seus billetes. Este é o caso dos billetes americanos e tal como se está a comentar na Internet hoxe toca falar do billete de 100 dólares americanos.

Este novo billete entrará en circulación o 10 de Febreiro de 2011, e é o último dunha serie que comezou no 2003  coa emisión do billete de 20 dólares que destacan polas súas medidas de seguridade. Hai que ter en conta que os billetes anteriores seguirán sendo de curso legal.

Entre as medidas de seguridade, algunhas delas xa incluídas nos billetes de euro, que este novo billete inclúe no anverso están:

• Marca de auga no retrato.
• Banda de seguridade 3D entrelazado no billete. Na banda hai case un millón de micro-letras para crear a ilusión de campás e números “100″ que se moven.
• O número de 100 cambia de cor
• Impresión en releve
• Micro-impresión
• Tecnoloxía “Motion”. Miles de micro-lentes que provocan que imaxe de fondo pareza moverse cando o billete é engurrado.

Este novo billete, para coleccionistas coma min, é unha auténtica delicia… xa me gustaría un taco de 1000 no meu poder para gardar un par deles e dar a entrada do piso.