என் மன வானில்

Moneyball [2011]

2012-02-19T08:02:00.000+05:30

ஃபர்ஸ்ட் சுயபுராணம் -

இந்த வாரம் முழுவதும் “கண்டிப்பாக பார்க்கிறேன், டவுன்லோடுகிறேன்” அப்படின்னு சொன்ன சில ஹாலிவுட் படங்களையும், தவறவிட்ட சில நல்ல தமிழ்ப் படங்களையும் பார்த்துவிடுவது என்ற முடிவில் ஓட்டிக்கொண்டு இருந்தேன். அனேகமாக அடுத்த வாரமும் இது தொடரும். (ஏன்னா இந்த ஹாலிவுட்ரசிகன் சொன்ன வாக்கை காப்பாற்றுவான். ஹி .. ஹி ... பார்த்தவற்றை கீழே அண்மையில் பார்த்த படங்கள் பகுதியில் சொல்கிறேன்) மேலும் கருந்தேளார் பரிந்துரைத்த ஷெர்லாக் ஹோம்ஸ் நாடகத்தையும் தொடர்ந்து பார்த்து வருவதால் பதிவுகள் எழுத நேரம் பெரிதாக கைகூடி வரவில்லை. சீக்கிரம் கொஞ்சம் அதிகமாக எழுதப் பார்க்கிறேன்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

இனி இன்றைய படம் -

ஸ்போர்ட்ஸ் பற்றிய கதை, ஆஸ்கார் விருதுக்கு பரிந்துரைக்கப்பட்ட இயக்குனர், ப்ராட் பிட், ஓக்லாண்ட்(???) ஏஸின் 2002ம் வருட 20 தொடர் வெற்றிக்குப் பின் உள்ள உண்மைக் கதை என பல எதிர்ப்பார்ப்புகளுடன் பார்த்த படம். எதிர்பார்ப்பை நிறைவேற்றியதா என்றால் கொஞ்சம் நிச்சயமாக என்றுதான் சொல்லவேண்டும். ( இந்த ஸ்டைல் எங்கேயோ பார்த்த மாதிரி இல்ல? ஹி ஹி )

ஃபுட்போல் அளவிற்கு எனக்கு பேஸ்போல் பற்றிப் பெரிய அளவில் ஞானம் இல்லாததால் 100 வீதம் படம் என்னுடன் ஒட்டவில்லை. நிறைய சொற்கள் படம் பார்க்கும் போது எனக்கு புரியவில்லை [Playoffs, Post-Season, First Base, Getting on Base …. ] . ஆனாலும் யதார்த்தமான, உண்மைக் கதையாலும், ப்ராட் பிட்டின் நடிப்பாலும் படம் பிடித்திருந்தது. ஏதோ … என்னால் முடிந்தவரை, புரிந்தவரை படத்தைப் பற்றி சொல்ல முயற்சிக்கிறேன்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

படத்தின் கதை

படம் நகர்வது பில்லி பீன் எனும் ஓக்லாண்ட் அத்லெடிக்ஸின் ஜெனரல் மனேஜரை சுற்றி. சிறுவயதில் பேஸ்போலில் ஆல்ரவுண்டராக இருந்து படத்தின் ஆரம்பத்தில் 2011ம் ஆண்டின் சீசனில் நியுயோர்க் யான்கீஸிடம் தோற்றதால் கடுப்பிலும், டீமின் முக்கிய புள்ளிகள் 3 பேர் (பேரெல்லாம் எதுக்கு இப்ப? கன்டினியு ரீடிங்) கன்டிராக்ட் பீரியட் முடிந்து லீக்கின் பெரிய டீம்களுடன் ஒப்பந்தமாவதால் டென்சனிலும் ஆபிஸில் உட்கார்ந்து என்ன செய்யலாம் என யோசிக்கிறார். நல்ல ப்ளேயர்ஸ் சிலரை எடுத்துப் போடலாம் என்றால் டீம் நிர்வாகத்திடம் சல்லிக் காசு இல்லை. ஏதாவது புது முறையை இவ்வருடம் கையாளலாம் என்றால் அவரிடம் வேலை செய்யும் ஸ்கௌட்ஸ்க்கும் என்ன செய்வது எனத் தெரியவில்லை.

அந்த மூவரையும் ஈடு செய்வதற்காக பில்லி Cleveland Indians டீமிடம் விளையாட்டு வீரர்களை கைமாற்றச் செல்லும்போது பீடர் ப்ராண்ட் எனும் யேல் யுனிவர்ஸிட்டி பட்டதாரியின் அறிமுகம் அவருக்கு கிடைக்கிறது. பீட்டரிற்கு பேஸ்பால் வீரர்களை தெரிவு செய்வதில் ஒரு வித்தியாசமான விதம் இருப்பதை தெரிந்துகொள்ளும் பில்லி மறுநாளே பீட்டரை தன்னிடம் அஸிஸ்டென்ட் மனேஜராக வேலைக்கு சேர்த்துக் கொள்கிறான்.

பீட்டர் புள்ளிவிபரவியல் (அதாங்க Statistics) முறையை பாவித்து ப்ரொஃபெஷனலாக விளையாடாததால் மற்ற டீம்களால் ஒதுக்கப்பட்ட, மிகவும் குறைந்த விலைக்கு வாங்கக் கூடிய நல்ல திறமையான வீரர்களை தேர்ந்தெடுத்து (சேற்றில் இருக்கும் செந்தாமரைகள்) பில்லிக்கு சொல்கிறான். ஆனால் அவர்களின் திறமைகளை அவர்கள் தற்போது எவ்வாறு விளையாடுகிறார்கள் என மதிப்பிடாமல் கம்ப்யுட்டர் மூலம் அவர்களின் புள்ளிவிபரங்களை மட்டும் வைத்து மதிப்பிடுகிறான். பில்லியின் பழைய ஸ்கௌட்ஸ்க்கு இந்த புதிய முறை பிடிக்கவில்லை. அவர்கள் ப்ளேயர்ஸ் எவ்வாறு விளையாடுகிறார்கள் என்பதை வைத்தே வாங்கவேண்டும் என சொல்கிறார்கள்.

இதுப் போதாததற்கு ஏஸின் கோச், பில்லியுடன் ஏற்படும் கண்ட்ராக்ட் பிரச்சினையால் டீமை பழைய முறையிலேயே விளையாட வைக்கிறான். டீம் தோற்க பழி பில்லி மேல் விழுகிறது.

நடப்புச் சாம்பியனான நியுயோர்க் யான்கீஸின் பட்ஜெட்டின் 1/3 பங்கு பட்ஜெட்டுடன் பில்லியும், பீட்டரும் எவ்வாறு சீசனை சமாளித்தார்கள், பின்னர் என்ன நடந்தது என்பதை கட்டாயம் படத்தைப் பார்த்து தெரிந்துகொள்ளுங்கள்.

நூறு ரன் எடுக்க, அந்த நூறு ரன்களையும் அடிக்கக் கூடிய ஸ்டார் ப்ளேயர்ஸ் தேவையில்லை. பத்து ரன்கள் அடிக்கக்கூடிய 10 பேர் போதும்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

படத்தின் கதையை மேலோட்டமாகப் பார்த்தால் அனேகமான ஸ்போர்ட்ஸ் படங்கள் போல ஒரு நோஞ்சான் டீம் கடைசியில் எப்படி சாதிக்கிறார்கள் என்பது போல இருக்கும். மெயின் கதை பழைய மேட்டர் போல தெரிந்தாலும் என்றாலும் புள்ளிவிபரங்கள், டீமைச் சுற்றி படத்தை நகர்த்தாமல் மேனேஜரை வைத்து எடுத்தது என ஒரு புதிய பரிமாணத்தில் படத்தை கொடுத்திருக்கிறார்கள். திரைக்கதை எழுதியவர் ஸ்டீவன் செய்லியன் (The Girl With Dragon Tatoo [2011], Schindler’s List). இயக்கியவர் பென்னட் மில்லர் (2005ம் ஆண்டு சிறந்த டைரக்டருக்கான ஆஸ்கார் விருது).

இவர்கள் தவிர படத்தின் உயிர்நாடி என்று சொல்லக்கூடியவர் ப்ராட் பிட் (மேலே ஃபோடோவில் சிரித்துக் கொண்டு இருக்கிறாரே. அவர் தான்). இவரை தெரியாதவங்க இங்கிலீஸு படம் பார்க்காதவங்க என சொல்லலாம். (Oceans சீரீஸில் வந்திருப்பார்). இவரின் நடிப்பின் வித்தியாசம் பிரமிக்கத்தக்கது. The Curious Case of Benjamin Button படத்திலும், Oceans series, Mr & Mrs. Smith படங்களிலும் இவரின் நடிப்பிற்கு உள்ள வித்தியாசத்தைப் பார்க்கலாம். படத்தின் கரெக்டருக்கு இவர் பொருந்தாமல், அந்தக் கரெக்டர் இப்படித் தான் இருக்கும் என காட்டுவது இவரின் ஷ்பெஷாலிட்டி. படம் முழுவதும் இவர் ராஜ்ஜியம் தான். மிக அழகாக பில்லி பீன் கதாபாத்திரத்தை நடித்திருக்கிறார். தான் நம்பும் விடயத்தை நம்பாமல் நொட்ட சொல்லிக்கொண்டு இருப்பவர்களை ஒதுக்கிவிட்டு தான் சரியென நினைப்பதை செய்து சாதிக்க நினைக்கும் வெறி, நெருங்கிப் பழகினால் விளையாட்டு வீரர்களை கைமாற்றுவது கடினம் என டீமை விட்டு ஒதுங்கியே இருப்பது என நன்றாக நடித்திருக்கிறார்.

அடுத்த பாராட்டு அவருக்கு பக்கத்தில் நிற்கும் ஜோனா ஹில்லிற்கு. Superbad படத்தில் பார்த்ததைவிட இதில் காமெடிக்கான பங்கு கொஞ்சம் கம்மியாக இருந்தாலும் நிறைவான நடிப்பு. ஒரு கணனி கீக் ஆக நடிக்க, பேச தனியாக ஒரு ஸ்டாடிஸ்டிக்ஸ் டியுடரிடம் ட்ரெயினிங் எடுத்தாராம். மற்றபடி படத்தில் வரும் கோச், மற்றும் விளையாட்டு வீரர்கள் தம் பாத்திரங்களை அழகாக நடித்து கொடுத்திருக்கின்றனர்.

படத்தின் தொழில்நுட்ப விடயங்களும் நன்றாகவே இருந்தன. படத்தின் அதிகமான காட்சிகள் ஒரு பேஸ்போல் ஸ்டேடியத்தின் அடியில் எடுக்கப்பட்டிருக்கின்றன. பின்னணி இசை கலக்கலாக இல்லாவிட்டாலும் சில நேரங்களில் வரும் அமைதி படத்தின் நொடிகளின் சூழலுக்கு பெரிய உதவி.

குறை என்று சொல்லப் போனால், படம் அங்கங்கே கொஞ்சம் அதிகமாக இழுக்கப்பட்டது போன்ற ஒரு ஃபீலிங். கிட்டத்தட்ட இரண்டு மணி நேரம். இடையில் வரும் ப்ராட் பிட்டிற்கும் அவரின் மகளிற்கும் இடையிலான காட்சிகள் தேவையில்லாதது போல காட்சியளித்தாலும் படத்தின் இறுதியில் பில்லியின் முடிவிற்கு இதுவும் ஒரு காரணம் என நினைக்கிறேன்.

2012ம் ஆண்டிற்கான ஆஸ்கார் விருதுகளுக்கு சிறந்த திரைப்படம், சிறந்த நடிகர், சிறந்த துணை நடிகர், ஏற்கனவே வெளிவந்த விடயங்களில் இருந்து எழுதப்பட்ட சிறந்த திரைக்கதை, சிறந்த எடிட்டிங், Best Sound Mixing என 6 பிரிவுகளில் போட்டியிடுகிறது. கோல்டன் க்ளோப் விருதுகளில் பரிந்துரைக்கப்பட்டாலும் தவறவிட்டுவிட்டது. Midnight in Paris (சீக்கிரம் எழுதுவேன்) தவிர மற்ற பரிந்துரைக்கப்பட்ட படங்களைப் பார்க்காததால் விருதைப் பெற எவ்வளவு சான்ஸ் இருக்கிறது என சரியாக கூற முடியவில்லை.

ஆனாலும் நேரத்தை போக்க நல்ல படம் ஒன்று தேடிக் கொண்டு இருந்தால் கட்டாயம் எடுத்துப் பாருங்கள். இரண்டு மணி நேரம் ஒதுக்கி அமைதியான மூட் உடன் பாருங்கள்.

Moneyball – 81 / 100

படத்தின் ட்ரெயிலர் :

பி.கு – யாராவது முடிந்தால் இப்பதிவு சேர்க்கப்படாத திரட்டிகளி்ல் சேர்த்துவிடுங்கப்பா. God Bless You !!!

Forgetting Sarah Marshall [2008] (18+)

2012-02-05T08:58:00.001+05:30

இந்தா … இப்பவே சொல்லிட்டேன். இது காமெடி சப்ஜெக்ட் படம் தான். ஆனால் அடல்ட் ஜோக்ஸ், செக்ஸ், ஷேம் ஷேம் பப்பி ஷேம் காட்சிகளைப் பார்ப்பதில் ஒரு விதமான பிரச்சினையோ சங்கடமோ உங்களுக்கு இல்லைன்னா (நம்ம சி.பி மாதிரி) மட்டும் இப்படத்தைப் பாருங்க. இல்ல நான் ரொம்ப டீசண்டான ரோயல் ஃபாமிலி அப்படின்னா இப்பவே எஸ்ஸாகிடுங்க. (நான் பொல்லாதவன்) நல்ல ஒரு படம் பற்றி எழுதினதும் சொல்லி அனுப்புறேன்.

ஓ.கே. வார்னிங் கொடுத்தாச்சு. இனி யாரும் என்னை ஒன்னும் சொல்ல முடியாது. லெட்ஸ் பிகின் …..

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

படத்தின் கதை

நம்ம படத்தின் ஹீரோ பீட்டர் ஒரு கம்போஸர். மொத ஷாட்டுலயே காட்டும் குப்பையான அறை, இறைந்து கிடக்கும் ட்ரஸ்ஸில் இவரு நம்ம மாதிரி ஒரு ஆளுங்கறது தெரியவருகிறது. ஆனாப் பாருங்க, இப்படி ஒரு சொங்கி மாதிரி அபார்ட்மென்டில் இருக்கிறவரு 90மார்க் ஃபிகரான டி.வி நடிகை சாரா மார்ஷல ஓட்டுறாரு (ஹ்ம் நாமளும் இவரு மாதிரி தான் ரூம வச்சிருக்கோம். சாரா வேணாம், அட்லீஸ்ட் ஒரு செல்லம்மா சரி கிடைக்குதில்லையே).

ஒரு நாள் நம்ம ஹீரோ குளிச்சுட்டு வெளியே வாராரு. பார்த்தா வீட்டு ஹாலில் சாரா. ஹீரோ டவல கட்டியிருக்காரு. சரி தான் மேட்டர் ஸ்டார்ட்டுன்னு பார்த்தா அதுக்கேத்த மாதிரியே அவரும் டவல கழற்றி அத ஆட்டிக்கொண்டே “ I’ve got a surprise for you ”ன்னு சொல்ல அதுக்கு அந்தப் புள்ள டப்புன்னு “நாம நம்ம காதல்ல ஒரு ப்ரேக் எடுத்துக் கொள்வோம்”ன்னு சொல்லிடுது. ஷாக்ல விழுந்த டவலக் கூட எடுத்து கட்டிக்காம அப்சட் ஆகிடறாரு பீட்டர்.

அப்பறம் இவரு “அஞ்சல அஞ்சல”ன்னு சாராவை நினைத்து சிந்தி சிந்தி அழுறாரு. இவரின் அழுகைக்கு நம்ம இந்தியன் ட்ராமா ஆண்டிங்க தோத்துருவாங்க போல. அப்புறம் ஒரு சேன்ஜுக்காக மனசை ரிலாக்ஸ் பண்ண ஹவாய்க்கு ஒரு ஹாலிடேல போறாரு. ஆனா அங்க இவர் தங்கப்போகும் ஹோட்டலில் சாராவும் அவளின் புது பாய்பிரண்ட் அல்டஸும் நிக்கறாங்க. பீட்டர் அப்படியே ஷாக் ஆயிட்டாரு. அங்கு ஹோட்டல் ரிஷப்ஷனிஸ்ட் ரேச்சல் இவரின் கதையைக் கேட்டு பரிதாபப்பட்டு அங்கு இருக்கும் 6000 டாலர் மதிப்புள்ள சுயிட்டை தங்கக் கொடுக்கிறாள் ஃப்ரீயாக.

அப்பறம் கொஞ்சம் கொஞ்சமா ரேச்சலும் பீட்டரும் பீட்டர் விட்டு செட்டாகிடறாங்க. ஆனாப் பாருங்க அந்த டைம்ல அல்டஸ்க்கும் சாராவுக்கும் சண்டை வந்து ரெண்டு பேரும் பிரிஞ்சுடுறாங்க. இந்த நேரத்தில் பீட்டர் கவலையாக இருக்கும் சாரா மேல் ஃபீல் ஆகி ஆறுதல் சொல்லப் போய் பின் பிரபுதேவா-நயன்தாரா மாதிரி ஆறுதல் செக்ஸ் வரைக்கும் போகுது. என்ன பாவமோ தெரியல இவரு மேட்டர் செய்யப் போகும் போது இவரின் மேட்டர் வேல செய்யாம போகுது. அப்புறம் இவரு லூசு மாதிரி போய் ரேச்சலிடம் நடந்ததை சொல்ல அவளும் பீட்டரை துரத்திவிடுகிறாள். கடைசியில் ரெண்டும் கெட்டானாக இருக்கும் பீட்டர் கடைசியில் யாருடன் சேர்ந்தார் என்பதை படத்தைப் பார்த்து தெரிந்து கொள்ளுங்க.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

படத்தின் முக்கியமான கரெக்டர் பீட்டர் (ஜேசன் சீகல்). படத்தின் ஸ்க்ரிப்ட் எழுதினவரும் இவருதான். இவர சுத்தித் தான் கதை நகருது. ஆனா எனக்கென்னவோ, படத்திலேயே ஒன்னுக்கும் உருப்படாத நடிகர் இவர்தான்னு தோணுது. காமெடிங்கறது நடிப்புல சுத்தமா ஒட்டல. நல்லா அழுறாரு. இவர விட படத்தில் வரும் மைனர் கரெக்டர்கள் மனசுல நல்லா பதியுறாங்க குறிப்பா அந்த புதுத் தம்பதியினர்.

நம்ம டாக்குடர் விஜய் “நான் காட்டு காட்டுன்னு காட்டுவேன்னு” வாய்ல மட்டும் தான் சொல்றார். ஆனா ஒன்னையும் காணோம். ஆனால் சீகல் டயலாக் ஒன்னும் விடாமல் உண்மையாகவே காட்டு காட்டுன்னு காட்டுறார். படத்தின் பல இடங்களில் தேவையில்லாமல் இவரின் ப்ரைவேட் இடத்தை பப்ளிக் ஸ்பாட் மாதிரி காட்டுறானுங்க. சரி … ஒரு சீன் ரெண்டு சீன்னா பரவால்ல. படம் முழுவதும் பார்க்கும்போது காமெடி என்பது போய் வெறும் அருவருப்பு தான் வருது.

படத்தின் முக்கிய ஹைலைட்டே படத்தின் ஹீரோயின்ஸ் தான். ஆர்டிஸ்ட் செலக்ஷன் பண்ணினவன கோயில் கட்டி கும்பிடனும். ரெண்டு பேருமே A-க்ளாஸ் ஃபிகருங்க. ஒவ்வொரு விதத்தில் இருவரும் யுனிக். சத்தியமா Kristen Bell (சாரா மார்ஷல்), Mila Kunis (ரேச்சல்) இருந்தனால தான் சீன் இப்போ வரும், அப்போ வரும்னு முழுக்க பார்த்தேன். (எவ்வளவு நேரம் தான் நாங்களும் வெறும் சீகலின் ப்ரைவேட் ஏரியாவை பாத்துகிட்டு இருக்கிறது?) இல்லாட்டி நிப்பாட்டிட்டு வேற ஏதாவது பாத்திருப்பேன். அதுவும் Friends With Benefits விமர்சனத்துல சொன்னது போல ஒரு சின்ன கவலை இருந்தது. இந்தப் படத்தில் அந்த குறை தீர்ந்துவிட்டது. ஹி ஹி

திரைக்கதை பற்றி ஒரு வசனம் பேசுவதற்கில்லை. “குறையொன்றும் இல்லை மறைமூர்த்தி கண்ணா நிறையொன்னும் இல்லை கண்ணா” தான். எல்லாம் தெரிந்த கதை தான். படுமொக்கை ஸ்க்ரிப்ட். ஆனால் படத்தில் உள்ள காமெடிகளுக்காக நிச்சயம் பார்க்கலாம். வாய் விட்டு சிரிக்கக்கூடிய இடங்கள் பல இடங்களில் இருக்கின்றன. ஃப்ரீயா டைம்பாஸுக்காக மட்டும் பார்க்கக்கூடிய படம். சீரியஸா எதையும் எதிர்ப்பார்த்து பார்க்காதீங்க. அப்புறம் நான் பொறுப்பு கிடையாது.

படம் பாக்குறதா யோசித்தா, எங்கயாவது தேடி Unrated/Extended edition இருந்தா எடுத்துப் பாருங்க. நிச்சயம் பெட்டரா இருக்கும்.

Forgetting Sarah Marshall – Just for Laughs – 64 (59+10) / 100

(10 போனஸ் மார்க்ஸ் என் மிலா குனிஸ் குறையை நீக்கியதற்கு. 10/2 for each ஹி ஹி)

படத்தின் ட்ரெயிலர் :

டிஸ்கி – யாராவது கீழே Upcoming Movie Trailers பதிலாக பாவிக்க ஏதாவது யோசனை இருந்தா கூறுங்களேன். ப்ளீஸ். அத்தோட ப்ளாக் ஹோம்பேஜ்ல ஒரு போஸ்ட் மட்டும் இருக்கிற மாதிரி செட் பண்ணியிருக்கேன். அது நல்லாயிருக்கா இல்லாட்டி பழையபடி 5 போஸ்ட்களை Read More option உடன் போடவா?

Liebster Blog Award - இது விமர்சனம் இல்லைங்க

2012-02-04T21:14:00.002+05:30

எழுதத் தொடங்கி இரண்டு மாசம் ஆகுது. இன்னும் 20 விமர்சனம் முழுசா தாண்டல (வெட்டிப்பய) . அதுக்குள்ள விருதெல்லாம் கொடுத்து அசத்துறாங்கப்பா ... அதுவும் இன்டர்நேஷனல் லெவல்ல. (ஒருவேளை நான் இன்டர்நேஷனல் லெவல்ல விமர்சனம் பண்ணுறனாலயோ. ஹி ஹி) .

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

நண்பர் K.S.S.Rajh அவர்கள் தனது தளத்தில் தான் பெற்ற லீப்ச்டர் விரு(ந்)தினை எனக்கும் பகிர்ந்திருக்கிறார். நான் அப்படி என்னத்த கிழிச்சேன்னு கொடுக்கிறார்னு தெரியல. ஆனாலும் கொடுத்ததை இன்முகத்துடன் வாங்கிக் கொள்கிறேன். நம்மளையும் இந்த வலையுலகம் கொஞ்சம் கவனிக்கிறது அப்படீங்கறது இப்பத் தான் தெரியுது. (ஐஸ்ஸு ஃபுல்லா டியரு) வலையுலகில் எனக்கு கிடைத்த முதல் அங்கீகாரம்/விருது. மிகவும் நன்றி நண்பா.

விருது கிடைத்த மேடை - http://www.nanparkal.com/2012/02/blog-post_04.html

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

இந்த விருதைப் பற்றிய தகவல்கள்

'லீப்ச்டர்' என்கிற, இளம் வலைப்பதிவாளர்களுக்கு வழங்கப்படும் ஒரு ஜெர்மானிய விருது இது. இதன் அர்த்தம் 'மிகவும் பிடித்த' என்பதாகும். இதைப் பெறுபவர், மேலும் தான் விரும்பும் 5 இளம் வலைப்பூக்களுக்கு அதாவது 200 உறுப்பினர்களுக்கு குறைவாக உள்ள வலைகளுக்கு விருது வழங்க வேண்டும். இதை தாங்கள் ஏற்றுக் கொண்டதன் அடையாளமாக அதன் படத்தை தங்கள் வலையில் காப்பி -பேஸ்ட் செய்து கொள்ளவும். அந்த தொடர் சங்கிலியை உடைத்து விடாமல் மறவாமல் 5 பேர்களுக்கு வழங்கி புளங்காகிதம் அடைக.

Rules :

•Thank your Liebster Blog Award presenter on your blog.
•Link back to the blogger who presented the award to you.
•Copy and paste the blog award on your blog.
•Present the Liebster Blog Award to 5 blogs of 200 followers or less who you feel deserve
to be noticed. (Some say just 3 or more blogs of less than 200 followers each).
•Let them know they have been chosen by leaving a comment at their blog.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

அவர் கூறியபடியே நானும் சங்கிலியை தொடர்கிறேன். நான் பிறமொழி சினிமா விமர்சனங்களை பெரும்பாலும் விரும்பி வாசிப்பதால் எனக்கு கிடைத்த 5 விருதுகளில் 4 விருதுகளை என் ஏரியா சம்பந்தப்பட்டவர்களுக்கே பகிர்கிறேன்.

என்னிடம் விருது பெறும் அந்த 5 அதிர்ஷ்டசாலிகள் யார்? (இப்போ தான் லிஸ்ட்ல தேடிக் கொண்டு இருக்கிறேன்) தெரிந்து கொள்ள அடுத்த பதிவு வரை காத்திருக்கவும்.

..............................
..............................
..............................

..............................
..............................

ஹி ஹி சும்மா சொன்னேன். (கடுப்பேத்றார் மைலார்ட்ன்னு சொல்லுவது கேட்கிறது). சரி சரி ... இவங்க தான் அந்த ஐந்து பாக்கியசாலிகள் (ஹி ஹி) .

1. குமரன் @ kumaran-filmthoughts.blogspot.com/

உண்மையில் நான் எழுதத் தொடங்க நான்கு மாதங்களுக்கு முன்பே இவரு ஆரம்பிச்சிட்டாரு. நான் வெறும் மொக்கை ஆங்கிலப் படங்களா அறிமுகப்படுத்தும்போது மிக அருமையான உலகப்படங்கள், ஹிட்ச்காக்கின் படங்கள் பற்றி நல்ல அழகாக விமர்சித்திருக்கிறார்.

2.ராஜ் @ hollywoodraj.blogspot.com/

என் முதல் போஸ்டில் முதல் பின்னூட்டம் இட்டு இன்று வரை ஆதரவளிப்பவர். இவரும் நம்ம கேஸ் தான். உலகப்படம் எல்லாம் இல்ல (பொறுமை இல்ல) மிக நல்ல ஹாலிவுட் படங்கள் பற்றி எழுதியிருக்கார் (The Dollars Trilogy).

3. பேபி ஆனந்தன் @ babyanandan.blogspot.com/
மிகவும் அற்புதமான விரிவான திரைப்பட விமர்சனங்கள். உண்மையில் வளர்ந்து வரும் பதிவாளர்களுக்கானது என்றாலும் இவர் ரொம்ப வளர்ந்தவரு. 2009ல் இருந்து எழுதுகிறார். மிக அழகான எழுத்துநடைக்கு உரியவர்.

4. JZ @ cinemajz.blogspot.com/
இவரும் நம்மள மாதிரி ஹாலிவுட் சரக்க வச்சு தான் கடைய ஓட்டுறாரு. நல்ல ஹாலிவுட் படங்கள் பற்றி எழுதியிருக்கார். ரொம்ப பொறுமைசாலின்னு நினைக்கிறேன். ஏன்னா Tree of Life படம் பார்க்க பொறுமை ரொம்ப முக்கியமாம் (பொறுமைசாலி நண்பன் சொன்னான்)

5. Chilled Beers @ chilledbeers.blogspot.com/
இவர் வேற டிபார்ட்மெண்ட்டு ஆளு. எல்லா ஏரியாவுலயும் கலந்து கட்டுறார். இவரின் எழுத்தைப் பார்த்தா இளம் எழுத்தாளர் போல எனக்கு தோணல. ரொம்ப எழுத்தில் ஊறியவர்னு மட்டும் தெரியுது. இவருடைய “நாட்டுப்புற பாலியல் கதைகள் பதிவுகள்” என் பேவரிட் லிஸ்டில் உண்டு. இவரின் எல்லாப் பதிவுகளிலும் நக்கல் இழைந்தோடும். என்னைவிட விருதிற்கு மிகவும் தகுதியான ஆளுன்னா அது இவருதான்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

ஸ்ஸ்ஸ்ஸ்ஸ்ஸபப்பா .... ஒரு மாதிரி ஐந்து பேரை தெரிவு செய்தாச்சு. உண்மையில் வளர்ந்து வரும் புதிய பதிவர்கள் பற்றிய விருது என்பதாலும் 5 தான் லிமிட் என்பதாலும் பலரைப் பற்றி நான் எழுதவில்லை. அப்படி விடுபட்டவங்களில் சிலர்

புன்னகையே வாழ்க்கைன்னு கிடக்கும் Mohammed Faaique

நாற்று நட்டுக்கொண்டே இருக்கும் நிரூபன் மற்றும்

அவரின் அல்லக்கை ஐடியாமணி

காணாமல் போன கனவுகளை இன்னும் தேடும் சகோதரி ராஜி

வேலி இல்லாமல் படலையை மட்டும் வைத்திருக்கும் ஜே.கே

நம்ம முரட்டு சிங்கம்

அட்ராசக்க ன்னு பதிவு போட்டு நம்மை சக்கையை எடுக்கும் சி.பி

மற்ற பதிவர்களுக்கு விருது கொடுக்கும் அளவிற்கு நான் அப்பாடக்கர் இல்லை என்பதாலும் அவங்களுக்கு அடியேனின் விருதெல்லாம் ஒரு பொருட்டாக இருக்குமோ தெரியாது என்பதாலும் இத்தோடு என் ரீல் ஸ்டாப்.

என் விருதையும் ஏற்றுக் கொண்டு உங்களுக்குப் பிடித்த 5 இளம் பதிவர்களுக்கு பகிருங்கள்.

என்னுடைய மற்ற பிரபல பேவரிட் பதிவர்களை வலதுப்பக்கத்தில் பார்த்து தெரிந்துகொள்ளுங்கள்.

அப்பாடா ஒருமாதிரி 20 பதிவு தேத்தியாச்சு. நிம்மதியா தூங்கலாம். ஹி ஹி.

The Big Bang Theory [2007-Present]– காமெடி தொலைக்காட்சி சீரீஸ்

2012-02-03T19:53:00.001+05:30

சென்ற தொலைக்காட்சித் தொடர் பதிவில் Dexter எனும் சீரியஸான சீரியல் கில்லர் நாடகம் ஒன்றைப் பற்றி எழுதியிருந்தேன். அதான் இதோ இந்தமுறை கொஞ்சம் ரிலாக்ஸ்டாக சிரித்து வயிறு வலிக்க ஒரு சூப்பரான காமெடி நாடகம்.

Sitcom ன்னு நாடகங்களில் ஒரு வகை உண்டு. ஆங்கில தொலைக்காட்சி நாடகங்கள் பார்ப்பவங்களுக்கு இந்த சொல் மிகவும் பரிச்சயமாக இருக்கும். விளக்கமா சொல்லனும்னா Situation Comedy. மில்லியன் கணக்கான அமெரிக்கர்களை உருப்படவிடாமல் கட்டிவைத்திருக்கும் ஒரு விடயம். பிரமாண்டமான செட், அனிமேஷன், லொகேஷன்ஸ், ஸ்க்ரீன்ப்ளே, சினிமாட்டோகிராஃபி ன்னு நாம ஒரு திரையில் எதிர்ப்பார்க்கும் ஒரு விடயங்களும் இல்லாமல் ஒரு செட்டிற்குள் டைமிங்கான வார்த்தைகளை மட்டும் நம்பி பண்ணும் காமெடி.

இன்னக்கி பார்க்கப்போறதும் இந்த மாதிரி ஒரு சிட்காம் தான். ஓகே … ஃபாலோ மீ.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

ஏதோவொரு டாக்குடர் (அதாங்க விசர் … அடச்சீ விசயி) படம் ஒன்னுல ஒரு வசனம் வரும் (ஐயா தமிழ்ப்படங்களில் கொஞ்சம் வீக்கு). ஒரு பொண்ணு, 5 பையன் … ஒரு ரூம்ல விட்டா என்ன ஆகும்? அதே கதைதான் தான் இங்கும். பட் ஒரு சின்ன சேஞ்ச். 4 அம்மாஞ்சி பையன்களிடம் ஒரு ஃபிகரு மாட்டிக்கிட்டா என்ன பண்ணும்?

அமெரிக்காவில் கலிபோர்னியா மாவட்டத்தில் பசடீனா எனும் நகரிலுள்ள ஒரு அபார்ட்மெண்டில் வசிக்கிறாங்க இரு சயின்டிஸ்ட்ஸ். டாக்டர் ஷெல்டன் கூப்பர் மற்றும் லெனர்ட் ஹொஃப்ஸ்டேடர். அவங்களுக்கு இரண்டு ஃப்ரெண்ட்ஸ் ஹௌவர்ட் வோலோவிட்ஸ் மற்றும் ராஜேஷ் கூத்ரபாலி. பொதுவாக படிப்பு கூடினவங்க பழக்கவழக்கம் போலத் தான் இவங்களின் பழக்கங்களும். கணக்கு போடுவது, கேம் விளையாடுவது, Star Trek படங்களை மீண்டும் மீண்டும் பார்ப்பது, காமிக் புத்தகங்களை தவறவிடாமல் வாசிப்பது என கீக்கி, நெர்டியான பழக்கங்கள். சுருக்கமாச் சொன்னா “கிணற்றுத் தவளைகள்”. சயின்ஸில் நூற்றுக்கு நூறு மார்க் வாங்கக்கூடிய இவங்களின் சமூகத்திறனிற்கான மார்க் ஜீரோ.

இவங்களின் அபார்ட்மெண்ட்டுக்கு எதிர் ஃப்ளாட்டில் குடிவருகிறாள் பென்னி. இந்த நான்கு பேரின் மேதாவித்தனத்திற்கு ஈடுகொடுக்க முடியாமல் பென்னி படும் பாடும், பென்னியின் சமூகத்திறனுக்கு முன் தடுமாறும் இந்த நால்வரின் அனுபவங்கள், அட்டகாசங்கள் தான் The Big Bang Theory.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

187 ஐ.க்யுவுடன் 16வயதில் Ph.D பட்டம் வென்று தான் மட்டுமே அறிவாளி மற்றவர்கள் அனைவருமே மடையர்கள் என நினைக்கும் ஷெல்டன், 23 வயதில் Ph.D பட்டம் பெற்ற lactose-Intolerant சிக்கலுள்ள லெனர்ட், எந்த நேரமும் தான் ஒரு “மன்மதக் குஞ்சு” என நினைத்துக் கொண்டிருக்கும் ராக்கெட் எஞ்சினியரான ஹேளவர்ட், மற்றும் மப்பில் இருக்கும் நேரம் தவிர பெண்களுடன் பேச இயலாத இந்தியன் Ph.D பிஸிஸிஸ்ட் ராஜேஷ். இந்த அறிவாளிகளுடன் நட்பு வைத்துக் கொள்ளவேண்டிய பென்னியின் பெரிய சாதனை அவள் வேலை செய்யும் சீஸ்கேக் ஃபாக்டரியின் மெனுவை பாடமாக்கியது (ஒரு எபிசோடில் ஷெல்டன் நக்கலடிக்க கூறும் வசனம்).

பெரும்பாலும் கதை இவர்கள் ஐவரைச் சுற்றியே நடந்தாலும் பின்னர் வந்த சீசன்களில் ஷெல்டனுக்கு ஜோடியாக எமி ஃபாரா ஃபௌலர் எனும் நியுராபயாலஜிஸ்டும் மற்றும் ஹௌவர்டுக்கு பெர்னடெட் எனும் மைக்ரோபயாலஜிஸ்டும் ஜோடியாக அறிமுகப்படுத்தப்பட்டனர். மற்றும் இடையில் அடிக்கடி வந்துப்போகும் ஷெல்டன், லெனார்ட்டின் அம்மாக்களும் கதாபாத்திரங்களில் அடக்கம்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

அது என்ன ராசியோ தெரியல … CBS தொலைக்காட்சிக்கும் இந்த சிட்கொம் நாடகங்களுக்கும் ஏகப்பொருத்தம். எத்தனையோ நாடகங்கள் இந்தச் சேனலில் ஒளிபரப்பாகி மெகா ஹிட்டாகியுள்ளன. Two and a Half Men, Everybody Loves Raymond, How I met your Mother என்பன இதற்கு சிறந்த உதாரணங்கள்.

இதை இயக்கியவர் Two and a Half Menஐ இயக்கிய அதே Chuck Lorre. மனுஷனுக்கு கடவுள் கொடுத்த வரமோ என்னமோ, சென்ஸ் ஒப் ஹியுமர் அற்புதம். சும்மா பிச்சு பெடலெடுத்துட்டாரு. Two and a Half Men இல் டபுள் மீனிங் வசனங்கில் கவனம் செலுத்தியவருக்கு புதிய ஒரு பிரச்சினை. அது சயின்ஸ். பென்னி தவிர நடிக்கும் அனைத்து பேரும் சயின்டிபிக் பீபிள் என்பதால் காமெடிக்கு ஏற்றாப்போல ஃபிஸிக்ஸ் தியரிகள், காமிக் புத்தகங்கள், படங்கள் என ஏகப்பட்ட ஹோம்வொர்க் பண்ணியிருக்காங்க.

உங்களுக்கு ஸ்டார்வோர்ஸ், ஸ்டார்ட்ரெக் போன்ற ஹாலிவுட் க்ளாஸிக்ஸ், காமிக்ஸ், ஆன்லைன் ரோல் ப்ளேயிங் கேம்ஸ் போன்றவற்றில் கொஞ்சம் ஞானம் கொஞ்சமிருந்தால் கட்டாயம் வயிறு வலி நிச்சயம் … அட சிரிச்சு தாங்க. இல்லாட்டி அட்லீஸ்ட் கொஞ்சம் சயின்ஸ் அறிவாவது வளரும்.

நிச்சயமா இந்தத் தொடரின் ஹீரோ ஷெல்டனாக நடிக்கும் ஜிம் பார்ஸன்ஸ் தான். சான்ஸே இல்ல இவரின் நடிப்பிற்கு. ஹீ ஜஸ்ட் ஸ்டீல்ஸ் தி ஷோ. அந்தக் கதாபாத்திரத்தின் இயல்பிற்கு இவரின் உருவமும், பேச்சும் நடிப்பும் அப்படியே ஒத்துப் போகிறது. கண்டிப்பாக இவரின் நடிப்பு கரியரில் இது ஒரு மைல்கல்லாக இருக்கும். வருடாந்தம் அமெரிக்காவில் நடக்கும் நிறைய தொலைக்காட்சி விருதுகளுக்கும் எனக்கு தெரிந்து காமெடி செக்சனில் இவரின் பெயர் கட்டாயம் நொமினேட் செய்யப்பட்டிருக்கும். மேலும் அமெரிக்காவின் மிக முக்கிய சின்னத்திரை விருதான எமி அவார்ட் இல் பெஸ்ட் லீட் அக்டர் இன் காமெடி சீரிஸ் 2010, 2011ம் ஆண்டுகளில் இவருக்குத் தான் சொந்தமாகின.

எனக்குப் பிடித்த மற்ற கரெக்டர் ராஜேஷ். இந்தியாவிலிருந்து அமெரிக்காவிற்கு குடியேறியவனாக வரும் இவன் சிலவேளைகளில் பேசும் போது இந்தியாவைப் குத்திக் காட்டுவது, நக்கலடிப்பது எரிச்சல் மூட்டினாலும் கட்டாயம் சிரிப்பு வரும். இவனுக்குள்ள சரக்கடிக்காமல் பெண்களிடம் பேசமுடியாத பிரச்சினை இதன் இன்னொரு இயக்குனரான Bill Pradyக்கும் இருந்ததாம். அதுவும் ஹேளவர்டுக்கும் இவனுக்கும் இடையில் ஒரு ஹோமோ கனெக்சன் உறவு இருப்பதுபோல சித்தரிக்கப்படும் இடங்கள் அட்டகாசம். ஆனால் ரொம்ப சீரியஸான மேட்டர் எதுவுமில்லை.

Raj Koothrappali: OK, Sheldon, I'm going to be leading you through a series of meditation exercises. These methods come from the ancient gurus of India and have helped me overcome my own fears.
Sheldon: And yet you can't speak to women.
Raj Koothrappali: True, but thanks to meditation I'm able to stay in the same room with them without urinating.

Raj Koothrappali: Do you know the Kama Sutra?
Missy: The sex book?
Raj Koothrappali: The Indian sex book. If you've ever wondered, wondered who wrote the book of love, it was us.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

இதுவரைக்கும் மொத்தம் ஐந்து சீசன்கள். (இன்னும் மூன்று வரும்னு சொல்றாங்க. நல்லது) முதல் சீசன் தவிர மற்றைய சீசன்கள் ஒவ்வொன்றும் 22நிமிட எபிசோட்கள் 23 அல்லது 24 கொண்டவை. Two and a Half Men இன் காமெடியை விட எனக்கு இதன் ஹியுமர் மிகவும் பிடித்திருந்தது. பார்க்கத் தொடங்கிய புதிதில் முதல் சீசனை ஒரே நாளில் பார்த்து முடித்தேன். இதுவரை ஒரே நாளில் முழு சீசனும் பார்க்கத் தூண்டிய இன்னொரு நாடகம் The Game of Thrones (காலை 5.30 மணிக்கு முன்னோட்டத்திற்காக வீடியோ க்வாலிட்டி பார்க்க ஆரம்பித்தது இரவு 8.30 மணிக்கு முழு சீசனும் பார்த்து முடித்தேன்). நீங்கள் காமெடிப் பிரியர் என்றால் நிச்சயம் தவறவிடக்கூடாத ஒரு நாடகம் இது. எதற்கும் சப்டைட்டிலுடன் பார்ப்பது நன்மை பயக்கும்.

டோன்ட் மிஸ் இட்!!!!

The Big Bang Theory – Comedy Bang !!!

எக்ஸ்ட்ரா பிட் I – இந்த நாடகம் இப்போது ஜீ-கஃபே சானலில் பகலில் ஒளிபரப்பாகிறது. வீட்டில் நேரம் கிடைத்தால் ஒரு மூன்று நான்கு எபிசோட்களைப் ட்ரையல் பாருங்கள்.

எக்ஸ்ட்ரா பிட் II – The Game of Thrones இன் இரண்டாவது சீசன் ஏப்ரலில் ப்ரீமியர் ஆகிறது. நானும் இப்பொழுது தான் முதல் புத்தகத்தை வாசித்துக் கொண்டிருக்கிறேன். ஆனால் இந்த சீசனில் ராணியின் தம்பியாக வரும் Tyrionஇன் பங்கு மிக அதிகமாக இருக்கும் என நினைக்கிறேன். இன்னும் பார்க்கவில்லை என்றால் கட்டாயம் ஏப்ரலிற்கு முன் பார்த்துவிடுங்கள். அதற்கான அட்டகாசமான டீசர் ட்ரெயிலர் கீழே.

A very small man can cast a very large shadow.

அடுத்த பதிவில் சந்திக்கும்வரை அன்புடன்
ஹாலிவுட்ரசிகன்.

Body of Lies [2008]

2012-01-31T22:06:00.001+05:30

The Blade Runner, Gladiator, Hannibal, Black Hawk Down எனப் பல வெற்றிப் படங்களை இயக்கிய ரிட்லி ஸ்கொட் இன் இன்னொரு படைப்பு Body of Lies. Titanicஇல் அப்பாவிப் பையனாக வந்தது முதல் Inception, Shutter Island வரை நடிப்பில் கலக்கிய லியனார்டோ டிகாப்ரியோ, A Beautiful Mind, Gladiator, 3:10 to Yuma என்பவற்றில் நல்ல நடிப்பை வெளிப்படுத்திய ரசல் க்ரோவ் மற்றும் மார்க் ஸ்ட்ரோங் என சிறந்த நடிகர்கள் கூட்டணி. போதாக்குறைக்கு உளவாளிகள் பற்றிய படம் என்பதாலும்,ட்ரெயிலர் வேறு அட்டகாசமாக இருந்ததாலும் ரொம்ப சுவாரஸ்யத்துடன் பார்க்கத் தொடங்கினேன்.எதிர்பார்ப்பில் கிட்டத்தட்ட 75வீதத்தை இந்தக் கூட்டணி நிறைவேற்றியுள்ளனர் ஆனால் நான் நினைத்தது போல இல்லாமல் கொஞ்சம் வித்தியாசமாக.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

படத்தின் கதை

“I and the public know
What all schoolchildren learn,
Those to whom evil is done
Do evil in return."

படம் இந்த கவிதை வரிகளுடன் தொடங்குகிறது. உண்மையில் இந்த வரிகள் உலகப்போரின் போது ஜேர்மனியை மையப்படுத்தி எழுதப்பட்டது. (இலங்கைக்கு நன்றாகவே ஒத்துப்போகும் வரிகள்) ஆனால் சி.ஐ.ஏ உளவாளிகளை சுற்றி இடம்பெறும் படத்திற்கு ஏன் இந்த வரிகளை போட்டாங்கன்னு இன்னும் புரியல. ஒருவேளை மத்திய கிழக்கு நாடுகளுக்கு இந்த வரிகள் ஒத்துவருமோ தெரியாது. (நமக்கு அரசியல் அறிவு சுத்தமா இல்லைங்க. ஏன்னு தெரிஞ்சா சொல்லிட்டுப் போங்க).

ரோஜர் ஃபெரிஸ் ஒரு சி.ஐ.ஏ உளவாளி. (அவனுக்கு கல்யாணமாகி டிவோர்ஸ் ஆகிவிட்டது என்பது மட்டும் ஒரு வசனத்தின் மூலம் தெரியவரும்) அவனுடைய சூப்பர்வைஸர் இன் சார்ஜ் எட் ஹொஃப்மான். யூரோப் முழுவதும் குண்டுகள் வைக்க திட்டமிடும் ஒரு தீவிரவாதக் கும்பலைப் பற்றி ஆராய்ந்து அல்-ஸலீம் எனும் அதன் தலைவனைக் கைது செய்ய ஈராக்கில் தங்கியிருக்கிறான். ஆனால் எந்தத் தகவலையும் சேகரிக்க வழி இல்லை. ஏனென்றால் அந்தக் கும்பல் தொடர்புகளுக்கு மின்னஞ்சல், தொலைபேசி, இணையம் என எந்த முறையையும் பயன்படுத்துவதில்லை. ஓன்லி மௌத் அன்ட் டைரக் டீலிங். அமெரிக்காவில் அடைக்கலம் கேட்டு துப்பு கொடுப்பதற்காக வரும் நிஸார் எனும் மனிதனும் எட்டின் அவசரத்தன்மையால் தீவிரவாதிகளிடம் மாட்டி கடத்தப் படும்போது ரோஜர் சித்திரவதைகளிடம் இருந்து காப்பாற்ற நிஸாரை சுட்டுக் கொல்கிறான். கிடைத்ததையும் தான் சொல்லிக் கேட்காமல் சொதப்பியதற்காக ரோஜர் எட்டிடம் கோபம் கொள்கிறான்.

அங்குத் தேடி இங்குத் தேடி கிடைத்த தகவல்கள் மூலம் கடைசியாக ரோஜர் ஜோர்டானுக்கு வந்து சேர்கிறான். அங்கு உதவிக்காக ஹானி சலாம் எனும் ஜோர்டானிய உளவுத்துறையின் தலைமை அதிகாரியை சந்திக்கிறான்.உதவி செய்ய சம்மதிக்கும் ஹானி கூறும் ஒரே வசனம் “என்னிடம் பொய் கூறக்கூடாது. இந்த விடயம் தொடர்பாக எதையும் எனக்குத் தெரியாமல் செய்யக்கூடாது”. ஒரு பக்கம் தனக்குத் அறிவிக்காமல், அவசரக்குடுக்கைப் போல செயல்படும் அதிகாரி எட், “எதையும் மறைக்காதே. அது உடம்புக்கு நல்லதல்ல” என்று எச்சரிக்கும் ஹானி என மற்றப்பக்கம் என இருவருக்கும் நடுவே மாட்டிக்கொண்டு தவிக்கும் ரோஜர் தீவிரவாதிக் கும்பல் பற்றிய பிரச்சினைகள், அமெரிக்க-ஜோர்டானிய உளவுச் சூழ்ச்சிகளை, படத்தின் இடையில் வரும் ஒரு நர்ஸுடனான காதல் என்பவற்றை எப்படி சமாளித்தான் என்பது திரையில்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

அட … ரொம்ப நல்ல டீமா இருக்கே. ஸ்பை மூவி வேறு. இந்தப் படமும் நம்ம ஜேம்ஸ்பாண்ட் வகைல ஒன்னு தான் நினைச்சுப் பார்த்தா … இட்ஸ் எ டோடலி டிஃபரண்ட் எக்ஸ்பீரியன்ஸ். வழக்கமான உளவாளிப் படங்களில் வருவது போல அதிரடி சண்டைக்காட்சிகள், துப்பாக்கி வச்ச கார்கள், படத்துல வர்ற எல்லா பெண்களுடனும் படுக்கும் உளவாளி (நான் சொல்ற உதாரணம் எல்லாம் ஜேம்ஸ்பாண்ட் படத்துக்கு செட் ஆகுதே) என்றும் இல்லாமல் உட்கார்ந்த இடத்தில் 20 x 20 அறைக்குள் இருந்து தீவிரவாதிகள் மூலம் பேச்சுவார்த்தை நடத்தி திட்டத்தை முறியடிக்கும் படமாகவும் அல்லாமல் உண்மையான ஒரு உளவாளியின் நிலைமை எப்படியிருக்கும் என்பதை மிக அழகாக சொல்லியிருக்காங்க.

அதுக்காக படம் கொலகொலான்னு வெறும் சப்பையாப் போகும்ணு கணக்கு போடாதீங்க. ஆக்சன் காட்சிகள், கொஞ்சம் காதல் காட்சிகள், சில வன்முறை அப்படின்னு ஒரு ஸ்பை மூவியில் எதிர்ப்பார்க்கும் அத்தனை விடயமும் இதில் உண்டு. ஆனால் இந்தப் படத்திற்கு காதல் கத்திரிக்கா இல்லாம இருந்திருந்தா இன்னும் நல்லா இருந்திருக்கும். அது வலுக்கட்டாயமா திணிக்கப் பட்டதாகவே தெரிகிறது.

படத்தில் வரும் முக்கிய நடிகர்கள் அனைவரின் நடிப்பு பற்றி குறை எதுவும் சொல்ல இல்லீங்க. ரோஜராக வரும் லியனார்டோ டிகாப்ரியோ, எட் ஆக வரும் ரசல் க்ரோவ், ஹானி ஆக நடித்திருக்கும் மார்க் ஸ்ட்ரோங் இலிருந்து அந்த நர்ஸாக வரும் பெண் வரை எல்லாருமே நல்லா நடிச்சிருக்காங்க. லியனார்டோ பற்றி சொல்வதற்கில்லை. நல்லா நடிச்சிருக்கார். ஆனா என்ன தான் ஒட்டுத் தாடி வைத்தாலும் டைட்டானிக்கில் வந்த அந்த அப்பாவி ஜாக்கின் முகம் தெரிகிறது. ரசல் இப்படத்திற்காக கொஞ்சம் உடம்பு போட்டிருக்காரு. பின்விளைவுகளை யோசிக்காத அவசரக்குடுக்கையாக, சிலசமயங்களில் நமக்கு அந்த கேரக்டர் மேல் கோபம் வரும் அளவிற்கு நடிச்சிருக்கார். ஆனாலும் எனக்கு மார்க் ஸ்ட்ரோங்கின் நடிப்பு மிகவும் பிடித்தது. அந்த ஹான்ட்ஸம் லுக், அமைதியாக பேச்சு, காதுல பூ சுத்திட்டாங்க என தெரிந்ததும் கோபப்படும் இடம் என வரும் இடங்களில் எல்லாம் ரசிக்க வைக்கிறார். “You Americans, you are incapable of secrecy because you are a Democracy” எனக் கூறும் இடம் நச்.

படத்தின் இன்னொரு பலம் கமெரா. ஒரு இடத்தில் கார் RPG அடிபட்டு தரையில் உருண்டு செல்லும்போது அதற்குள் இருந்து எடுத்த விதம், மற்றும் அந்த உளவறியும் ஆளில்லா விமானத்திலிருந்து பார்ப்பது போன்ற ஏரியல் ஷாட்கள் என பல இடங்களில் கமெரா புகுந்து விளையாடி இருக்கிறது.

படத்தின் கதை அமெரிக்கா-தீவிரவாதம்-மத்திய கிழக்கு நாடுகள் பற்றிய மிகவும் சூடான டாபிக்கை கொண்டு எடுத்ததால் டுபாயில் படத்தை எடுக்க தடை விதித்து விட்டார்களாம். பிறகு அமெரிக்காவுலயே செட் போட்டு எடுத்தாங்களாம். ரிட்லி உண்மையில் துப்பறியும் ஒரு உளவாளியின் பார்வையில் உலகம் எப்படி இருக்கும் என எடுத்துக் காட்டியிருக்கிறார். தத்ரூபமான திரைக்கதை, நல்ல நடிப்பு, நிறைய ட்விஸ்ட், சஸ்பென்ஸ் உங்களை படத்திற்குள் ஈர்த்தாலும் தேவையில்லாத காதல் காட்சிகள் வந்து ஒரு ஒட்டுதலை இல்லாமல் பண்ணிடுது.

ஆனால் கொஞ்சம் வன்முறையுள்ள, செக்ஸ் சீன்கள் இல்லாத, ட்விஸ்டுகளுடனான செயற்கைத்தனம் இல்லாத ஒரு உளவறியும் படம் ஒன்று பார்க்கணும்னு நினைச்சீங்கண்ணா திஸ் இஸ் எ வெரி குட் சாய்ஸ். அட்லீஸ்ட் நடிப்புக்காக சரி பார்க்கலாம்.

Body of Lies : 82/100

படத்தின் ட்ரெயிலர்

டிஸ்கி – அண்மையில் பார்த்த 5 படங்கள் Widget மற்றும் சில விடயங்களை கீழே உள்ள புதுப் பகுதியில் போட்டுள்ளேன். அதனால் இனி அடிக்கடி அந்த பகுதி பதிவுகளை விட அந்தப் பகுதி அதிகமாக அப்டேட் ஆகும். நான்காவது டேப்பில் தற்போதைக்கு, இனி வரவுள்ள புதிய ஹாலிவுட் திரைப்படங்களின் ட்ரெயிலர்கள் பற்றி போட யோசிக்கிறேன். யாராவது இன்னும் அதைப் பிரயோசனமாக்க இன்னும் நல்ல ஐடியாவக் கொடுத்தீங்கன்னா புண்ணியமாப் போகும் சாமி.

In Time [2011]

2012-01-23T21:47:00.002+05:30

In Time கிட்டிய எதிர்காலத்தில் நடக்கும் ஒரு ஃபிக்ஷன்-த்ரில்லர் வகையை சேர்ந்த படம். Andrew Niccol இன் இயக்கத்தில் Justin Timberlake, Amanda Seyfried மற்றும் பல இளவயது நட்சத்திரப் பட்டாளத்துடன், “காலம் பொன்னானது”, என்ற ஒரு வித்தியாசமான கான்செப்டை வைத்துக் கொண்டு களமிறங்கியிருக்கும் படம்.

மிகவும் நல்ல ஒரு ஸ்கோப் உள்ள இன்ட்ரஸ்டிங்கான கான்செப்ட். நல்ல நடிகர் கூட்டணி. திரைக்கதையின் நன்றாக படத்தில் பயன்படுத்தியுள்ளனரா? படத்தை சுவாரஸ்யமாக பார்வையாளனுக்கு தருவதில் எந்தளவுக்கு வெற்றி பெற்றுள்ளனர் என்பதைப் பார்க்கலாம் வாங்க.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

படத்தின் கதை

அனேகமாக பூமியில் எதிர்காலத்தில் ஏதோ ஒரு வருடத்தில் (ஒன்னுமே சொல்றாய்ங்க இல்ல) பொறக்குற மனுஷங்க எல்லாருக்கும் வாழ்க்கை 25 வருஷம் தான். அப்படி மரபணு முறையில் மாற்றங்கள் செய்துவிடுகிறார்கள். 25 வயது ஆனதும், கையில் ஒரு Count-Down கடிகாரம் தொடங்கும். யார் வேண்டுமானாலும் நேரத்தை டொப்-அப் செய்து கொள்ளலாம். (கிட்டத்தட்ட மொபைல் பக்கேஜ் ஒன்னைப் போல இல்லை?) அப்படி செய்வதன் மூலம் தொடர்ந்து இளமையாகவே இருப்பதற்கு வாய்ப்புகள் உண்டு. தற்பொழுது நம் உலகில் நாம் எவ்வாறு பணம் சம்பாதிக்கிறோமோ, அதே போல அங்கு நேரம் கூலியாக, பரிசாக கொடுக்கப்படும். அட … அதான் ஒரு வருஷம் இருக்கே. அதுக்குள்ள வேலை செய்து நிறைய நாட்கள் சம்பாதித்துக் கொள்ளலாமேன்னு நீங்க நினைக்கலாம். ஆனால் அங்க இருக்கு ஒரு பிரச்சினை. உங்கள் வாழ்க்கைத் தேவைகளை நேரத்தை செலவளித்தே வாங்கவோ பெறவோ முடியும். உதாரணமாக கூலி வீடானால் அதன் மாதக்கூலி இரண்டு வாரங்கள், காப்பி ஒரு கோப்பை வாங்குவதானால் 5நிமிடங்கள் கொடுக்கவேண்டும். மனிதர்கள் தமக்கிடையே நேரத்தை கைகளை மேலாக இறுக்கிப் பிடிப்பதன் மூலம் நேரத்தைப் பெற முடியும். யாரிடம் அதிக நேரம் உள்ளதோ, அவனே பணக்காரன்.

படத்தில் உலகம் 12 நேர வலயங்கள் எனப்படும் பகுதிகளாக பிரிக்கப்பட்டுள்ளது. அதாவது செல்வந்தர்கள் வாழும் இடம் ஒரு வலயம், ஏழைகள் வாழ்வது ஒரு தனி வலயம் என வசதிக்கேற்றாப் போல பிரிக்கப்பட்டுள்ளது. ஏழைகளின் வலயத்தில் மற்றவர்களிடம் இருந்து நேரத்தைப் பறிக்க கொள்ளை, கொலை என்பன நடப்பது வழக்கம். நம் ஹீரோ வில் சலஸ் (Will Salas) ஏழைகளின் நேர வலயத்தில் ஒரு அன்றாடங் காய்ச்சி. வில் இன் தாயின் ஆசை செல்வந்தர்களின் வலயமான Time Zone 1 Greenwich இற்கு செல்வது. அன்று விலையுயர்வு காரணமாக அவளிடம் இருக்கும் நேரத்தைவிட பஸ் கட்டணம் அதிகமாக இருப்பதால் ஓடி வந்து வில்லை சந்திக்கும் போது தாய் இறந்துவிடுகிறாள். ஒரு நாள் வில் பாருக்கு வரும் 100வருடங்கள் வாழ்நாள் கொண்ட மனிதனின் நேரத்தைக் கொள்ளையடிக்க முயற்சிக்கும் ஒரு கூட்டத்திடமிருந்து அவனைக் காப்பாற்றுகிறான். மறுநாள் காலை, அம்மனிதன் தான் ஏற்கனவே பல வருடங்கள் வாழ்ந்துவிட்டதாகவும் வாழ்க்கை அலுப்படித்து விட்டதாகவும் கூறி விட்டு Willக்கு அவனின் நூறு வருடங்களையும் கொடுத்துவிட்டு 5நிமிடங்கள் வைத்துக்கொண்டு இறந்துவிடுகிறான். ஆனால் மரணத்தை விசாரிக்கும் Time Keepers எனும் நேரத்தை கட்டுப்படுத்தும் போலிஸார், வில் 100வருடங்களுக்காக அம்மனிதனை கொலை செய்ததாக எண்ணி வில்லை துரத்துகிறது. வில் தன்வசம் அதிக நேரம் இருப்பதால் பணக்காரர்களின் Greenwich வலயத்திற்கு பயணமாகிறான்.

அங்குள்ள வீஸ் எனப்படும் ஒரு பெரிய செல்வந்தனினதும் அவனின் மகளான சில்வியாவின் அறிமுகமும் அவனுக்கு கிடைக்கிறது.போலிஸ் வில்ஐ கொலைக்குற்றத்தில் கைது செய்ய முயற்சிக்கும்போது வில் துப்பாக்கி முனையில் சில்வியாவை பணயக்கைதியாக வைத்து தப்பிக்கிறான். இதன் பினனர் போலிஸ்காரர்கள் மூலம் நேரத்தை பராமரிப்பதில் நடக்கும் குளறுபடிகள், மோசடிகள், பாதிப்புகள் என்பவற்றை தெரிந்து கொண்டு சில்வியாவின் உதவியுடன் நேரத்தை பாங்க் போன்றவற்றிலிருந்து கொள்ளையடித்து ஏழை மக்களுக்கு பகிர்ந்தளிக்கிறான். இதனால் ஏற்படும் பிரச்சினைகளையும் எப்படி அனைத்து மக்களும் பாரபட்சமின்றி சமத்துவமாக வாழுமாறு வில் செய்கிறான் என்பதே கதை.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

மேலே குறிப்பிட்டது போல மிகவும் சுவாரஸ்யமான, புதிய வித்தியாசமான கதைக்களம். அவரவர் வாழ்க்கை அவர் கையில் என்பது போல நேரத்தை வீணடிக்காமல் வாழ்க்கையை வாழ உழைக்கவேண்டும் என்பது எனக்கு பட்ட மெசேஜ். படம் பார்க்கும் போது யோசித்தேன். இப்படியான சிஸ்டம் நமக்கு இருந்திருந்தால்??? படம் பார்த்து முடித்ததும் என் மனதில் தோன்றியது “நாம் தினமும் எத்தனை மணித்தியாலங்களை பதிவுகளுக்காக செலவு செய்கிறோம். செலவளியும் ஒவ்வொரு செக்கனும் வீணாகுவது உன் வாழ்க்கையல்லவா. இனியாவது கொஞ்சம் பிரயோசனம் எடுக்கப் பார்”. படத்தில் வரும் ஏழைகள் அடிக்கடி நம் நேரம் வந்துவிட்டதா எனப் கையைப் பார்த்துக் கொண்டிருப்பது மிகப் பெரிய கொடுமை. நல்ல பல மெசேஜ்களை இயக்குனர் சொல்லியிருக்கலாம். அடித்து விளையாட நல்ல ஆடுகளம் இருந்தும் நம் இந்திய, இலங்கை அணிகள் தடுமாறுவது போல இயக்குனரும் மெதுவான திரைக்கதை, போரடிக்கும் இரண்டாம் பாகம் என அடிக்கடி நாம் எம் கடிகாரத்தைப் பார்க்க வைக்கிறார். 2011ம் வருடம் X-Men : First Class, Rise of the Planet of the Apes (விமர்சனம் இங்கே) என வெற்றிப் படங்களை சுவைத்த 20th Century Fox நிறுவனத்திற்கு இந்தப் படம் ஒரு சிறு சறுக்கல். ஆனாலும் அவர்களைச் சொல்லிக் குற்றமில்லை. கான்செப்டை கேட்டவுடன் நல்லாயிருக்கேன்னு காசப் போட்டிருப்பாங்க.

படத்தில் அனைவருமே 25 வயதுடன் வயதாவதை நிறுத்திவிடுவதால் படத்தில் வரும் அனைத்து முக்கிய கதாபாத்திரங்களும், பின்னணியில் வரும் மனிதர்களும் கிட்டத்தட்ட அந்த வயதினர் போல காட்ட முயற்சித்து இருப்பது பாராட்டத்தக்கது. இதில் எனக்கு ஹீரோவான Justin Timberlake, Amanda Seyfried இருவர் மட்டுமே 25வயதினர் போல் தோற்றமளித்தனர். Justin Timberlakeக்கு 2011இல் சுக்கிரன் உச்சத்தில் இருந்தான் போலயிருக்கு. ஏகப்பட்ட படங்கள் கைவசம். இப்படத்தில் Friends With Benefits (விமர்சனம் இங்கே) இல் காட்டிய நடிப்பை விட ஒருபடி மேலேயே நடித்திருக்கிறார். ஆனால் சென்டிமெண்ட் சீன்களில் கொஞ்சம் நடிப்பில் செயற்கைத் தனம் தெரிகிறது. கில்மா காட்சிகள் பெரிதாக இல்லாததால் நடிப்பை இதற்கு மேல் ஒப்பிடமுடியவில்லை. ஹி … ஹி. படத்தில் இவரின் கரெக்டர் பணக்காரனான வீஸிடமிருந்து கொள்ளையடித்து ஏழைகளுக்கு பகிர்ந்தளிப்பது கொஞ்சம் Robin-Hood பாத்திரத்தை எனக்கு ஞாபமூட்டியது.

படம் எதிர்காலத்தில் நடப்பது போல் காட்டப்பட்டிருந்தாலும், Real Steel படம் போல அனேகமாக இப்படத்தில் வரும் இடங்களாகட்டும், கார்களாகட்டும் தற்போதுள்ளவை மாதிரியே தான் இருக்கின்றன. மனுஷனுக்கு இதுக்கு மேல முன்னேற்றம் தேவையில்ல என டைரக்டர் நினைச்சுட்டாரு போலருக்கு.

படம் கான்செப்ட் விளங்கியதும் எனக்கு மனதில் தோன்றிய முதல் கேள்வியே “நீ எவ்வளவு நேரத்த சும்மா கம்ப்யூட்டர் முன் உட்கார்ந்து வீணடிச்சுகிட்டிருக்க? அங்க பார் எத்தனப் பேரு நேரமில்லாம சாகிறாங்கண்ணு … நீ மட்டும் அங்க பொறந்து இருந்த … செத்தடா”. நேற்று சனிக்கிழமை படத்தைப் பார்த்து முடித்ததும் ஒரு பதிவு எழுதத் தொடங்க முதலில் ஒரு செக்கன் யோசித்தேன். எழுத எப்படியும் 2-3மணித்தியாலங்கள் போகும். எதுக்கு சும்மா ப்ளாக், ஃபேஸ்புக்குன்னு சும்மா டைம் வேஸ்ட் பண்ணி? போய் உருப்படியா ஒரு வேல வெட்டிய பார்ப்போமேன்னு. ஆனாலும் பொழுதுபோக்க (அடப்பாவி திருந்தமாட்ட போலருக்கே) வேறு எதுவும் கிடைக்காததால் இந்தப் பதிவு எழுதப்படுகிறது. அனேகமாக படம் பார்க்கும் அனைவருக்கும் இந்தக் கேள்வி எழுவது டைரக்டரினதும், கதாசிரியரினதும் வெற்றி.

நீங்கள் ஆக்சன், ஃபிக்சன் கதைகளை விரும்பிப் பார்ப்பவரானால் படத்தைப் பார்க்க தவறிடாதீங்க. இந்த விமர்சனம் என் பார்வை மட்டுமே என்பதை ஞாபகம் வைத்துக் கொள்ளுங்கள். சிலவேளை உங்களுக்கு இந்தப் படம் ரொம்ப பிடிக்கலாம்.

In Time : 56/100

Title: In Time
Cast: Amanda Seyfried, Justin Timberlake, Cillian Murphy, Olivia Wilde
Language: English
Release Date: October 28, 2011
Directed By: Andrew Niccol
Runtime: 109 minutes
Distributed by : 20th Century Fox
Budget: $40 million
Box Office: $143,827,637

UPDATE – பதிவை ஞாயிறு பகலிலிருந்து ட்ராஃப்டில் போட்டு வைத்திருந்தேன். நேற்று Real Steel படவிமர்சனத்தை போட்டதால் இன்னும் இரண்டு நாட்களில் இதைப் போடுவோம் என்று. இடையில் நண்பர் JZ அவர்கள் அவரின் விமர்சனத்தையும் எழுதியுள்ளார். முடிந்தால் அதையும் வாசித்து விடுங்கள். (அவரின் விமர்சனத்திற்கு இங்கே க்ளிக்கவும்)

டிஸ்கி – நான் கைய வச்சிகிட்டு சும்மா இருக்க முடியாம என்னுடைய பழைய Feedburner லிங்க் மாத்திவிட்டதால், முன்பு Subscribe செய்து இருந்தவர்கள், http://feeds.feedburner.com/hollywoodrasigan என்ற புதிய முகவரியினை தங்கள் Readerஇல் போட்டுக்கங்க. Sorry for the Disturbance.

Real Steel [2011]

2012-01-22T10:47:00.003+05:30

WWE, Smackdown, ECW, TNA, எனப் பலதரப்பட்ட பொழுதுபோக்கு நிகழ்ச்சிகள். தினமும் மனிதர்கள் வலிகளை பொறுத்துக் கொண்டு பார்வையாளர்களை மகிழ்விக்க தமக்குள் அடித்துக் கொள்வது என்பது இவற்றில் சர்வ சாதாரணம். (இவற்றில் இவர்கள் உண்மையாக அடித்துக்கொள்வது இல்லை என்பது வேறு விடயம்). ஆனாலும் ரத்தம் வரும்வரை கொலைவெறித்தனமாக மனிதர்கள் சண்டையிட்டுக் கொள்ளும்போது, அதிலும் முக்கியமாக சாகும்வரை சண்டையிடுவது என்றால் கட்டாயம் அதை ரசிக்கும் இந்த நல்ல எண்ணம் படைத்த??? மனிதக்கூட்டம். எதிர்காலத்தில் இம்மனிதர்களின் கொலைவெறிக்கு ஈடுகொடுக்க முடியாமல், ரோபோக்களின் மூலம் சண்டையிட்டால்?? ரத்தம், காயம், உயிர்ப்பலி என ஒரு பிரச்சினையும் இல்லை. வீணாகப் போவது வெறும் இரும்பு தானே?

அப்படி முன்னர் புகழ்பெற்ற பாக்ஸிங் வீரனாக இருந்து தற்பொழுது சோத்துக்கு சிங்கியடிக்க ரோபோ பாக்ஸிங் செய்யும் தந்தையையும், ரோபோக்களில் ஆர்வம் கொண்ட மகனையும் மையப்படுத்திய கதை தான் இந்த Real Steel.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

படத்தின் கதை

மேலே இரண்டாவது பாராவில் நான் சொன்ன இரண்டு வரிகளே போதும். அதைவைத்து நீங்கள் ஹாலிவுட் படங்களை அடிக்கடி பார்ப்பவர், ரசிப்பவர் என்றால் இந்நேரம் கதையை ஊகித்திருப்பீர்கள். எதுக்கு சும்மா. கதையை “டக்”என்று சொல்லிடுறேனே. (பதிவ கொஞ்சம் பெரிசாக்க இப்படி சிலசமயங்களில் பிட்டு போடணும். தொழில் ரகசியம்)

சார்லி கென்டன் – புகழ் பெற்ற பாக்ஸிங் வீரர். ஏதோ செவ்வாய் தோஷமோ, ஜாதகத்துல கிரகமோ தெரியல. சர்ர்ன்னு சரிக்கி விழுந்துட்டார் (வாழ்க்கையிலப்பா) ஊரெல்லாம் கடன். என்ன செய்யலாம் என யோசித்துக் கொண்டிருக்கும் போது, ரெண்டு பேர் அவர பார்க்க வாராங்க. “உங்க மனைவி இறந்துட்டாங்க. 11 வருஷத்துக்கு முன்னாடி இல்லற வாழ்க்கையில் கிழிச்சதன் ரிசல்ட் மேக்ஸ் என்ற பேர்ல இருக்கு. கோர்ட்டுல வந்து பாரம் எடுத்துக் கொள்ளுங்க”ன்னு சொல்லிடறாங்க. சார்லியின் மனைவிக்கு பணக்கார அக்கா. அவ மகனான மேக்ஸை தத்தெடுக்க விரும்புகிறாள். அதனால மகனை தத்தெடுக்க சார்லியிடம் அக்காவின் கணவன் கேட்க ரேட் ஒன்னு பிக்ஸ் பண்ண கேட்க, “கரும்பு தின்ன கூலியா” என்பது போல வந்த தொல்லையை காசையும் வாங்கிட்டு கொடுத்துவிடுவோம் என சார்லி அட்வான்ஸும் வாங்கிடறான்.

ஆனால் மகன் மேக்ஸ் தன் தந்தை தன்னை காசுக்காக தத்துக் கொடுத்துவிட்டாரே என சார்லி மீது கோபமாக இருக்கிறான். இப்படியே கதை கொஞ்சம் கொஞ்சமா நகருது. ஒரு நாள் ரோபோ ஒன்று செய்ய சாமான் தேடப் போகும் போது, எதிர்பாராத விதமாக மேக்ஸ் ஒரு பழைய ஜெனரேஷன் ரோபோ ஒன்றை கண்டெடுக்கிறான். அது ஃபைடர் ரோபோக்கள் ப்ராக்டிஸ் செய்ய யூஸ் ஆகும் ரோபோ ஒன்று. அதற்கு உள்ள ஒரு வித்தியாசமான திறமை என்னவென்றால், அது தன்னெதிரில் உள்ளவர்களைப் பார்த்து அப்படியே இமிடேட் செய்யக்கூடியது. மேக்ஸ் அந்த ரோபோவின் திறமையை கண்டறிந்து சார்லி மூலம் குத்துச்சண்டை நுட்பங்களை அப்லோட் செய்கிறான். மேலும் அதனை இயக்க ரிமோட்-கன்ட்ரோல், Voice-Recognition என அதை மெருகேற்றுகிறான். பின்னர் WRC எனும் ரோபோச் சண்டை லீக் வர, இருவரும் அதில் எப்படி கலந்து ஜெயிக்கிறார்கள் என்பது தான் கதை (தெரிந்த கதையை மீதியை திரையில் காண்கன்னு சொல்லி போரடிக்க வைக்க விரும்பல).

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

முதலாவதாக கதையைப் பற்றிப் பார்ப்போம். திரைக்கதை என்னவோ நாம ஹாலிவுட், கோலிவுட், பாலிவுட் என பலதரப்பட்ட மொழிகளில் பார்த்து சலித்து போன கதை தான். நோஞ்சான் போல இருக்கும் ஹீரோ (இங்கு ரோபோ). ஃபைட் பண்ணி ஜெயித்துக் கொண்டு போகும். கடைசியில் பெரிய வில்லனிடம் அடி வாங்கி அடி வாங்கி (பத்ரி, M. குமரன்) கடைசில எப்படியாவது ஜெயிச்சுருவாரு. ஆனால் அதை சுவாரஸ்யமாக அலட்டாமல் மக்களுக்கு (முக்கியமாக குழந்தைகளுக்கு) கொண்டு சேர்த்த பணியை மிகவும் கச்சிதமாக செய்துள்ளனர்.

சார்லியாக வருபவர் XMen சீரிஸில் Wolverine ஆக நடித்த John Hughman. வழக்கம் போல கலக்குகிறார். முதலில் அவருக்கேற்ற முரட்டு அலட்சியத்தன்மையுடனான கரெக்டராகட்டும், பின்னர் தவறை உணர்ந்து ரோபோவுடன் போட்டிகளில் கலக்குவதாகட்டும், தனக்கு இடப்பட்ட பணியை நன்றாகவே செய்கிறார். அதே சமயத்தில் முதலில் மேக்ஸ் மேலே கோபமாக இருந்தாலும் பின்னர் ஒரு தந்தை-மகன் உறவு வளரும்போது நல்ல கரெக்டராக மாறிவிடுகிறார். (நேக்கு என்னமோ இவர் Wolverineஇல் வரும் காட்சிகள் போன்றவற்றிக்கே சரிப்பட்டு வருவார் போல தோணுது) மேக்ஸாக வரும் சிறுவனும், Atomஎனும் ரோபோவும் செய்யும் போட்டிகளுக்கு முன்பான டான்ஸ் போன்றவை என் போன்ற??? சிறு பிள்ளைகளை ரசிக்கவைக்கும். கடைசியில் வழக்கமான நம் தமிழ்ப்படங்கள் போல ரோபோ விழுந்து விழுந்து அடிவாங்கும்போது இதோ இன்னும் கொஞ்சம் நேரத்தில் …….. ஒரே குத்து … ஜெயித்து விடுவார். படம் முடிந்துவிடும் என தெரிந்தாலும் ஃபைட் சீன்கள் கொஞ்சம் ரசிக்கவே வைக்கிறது. இல்லையென்றால் கடைசி ஃபைட் முடிந்தபின் Atomஇன் வெற்றிக்காக என் மனம் சந்தோஷப்பட்டது ஏன்???

கிராபிக்ஸ் நல்லாவே பண்ணியிருக்காங்க. ஆனால் படத்தின் அந்த Futuristic லுக் ரோபோக்களில் மட்டுமே தெரிகிறது. மற்றபடி படத்தில் வரும் இடங்கள், கார், போன்களுக்கும் தற்போதுள்ள நிலைமைக்கும் பெரிதாக வித்தியாசப்படவில்லை.

பெரியவர்களுக்கு இந்தப் படம் எந்தளவு பிடிக்கும் எனத் தெரியவில்லை. ஆனால் சுட்டிகள் நல்லா ரசிப்பாங்க. குடும்பத்துடன் ஒரு விடுமுறையில் படம் பார்க்கவேண்டும் என்றால் ஒருமுறை பார்த்துவிடுங்களேன்.

Title: Real Steel Cast: Hugh Jackman, Dakota Goyo, Evangeline Lilly

Language: English

Release Date: October 7, 2011

Directed By: Shawn Levy

Runtime: 127 min

Distributed by : Touchstone Pictures (USA)

Budget: $110 million

Box Office: $292,493,410

Real Steel : 64/100

டிஸ்கி - இந்தப் படம் போல நான் விமர்சனம் எழுதிய சில படங்களும் ஏற்கனவே விமர்சிக்கப்பட்டிருப்பதால் புதிதாக “அண்மையில் பார்த்தவை” என்ற Gadgetஇனை ப்ளாக்கின் இடது பக்கம் போட்டுள்ளேன். அதிலுள்ள படங்களுக்கு நான் ஏற்கனவே தமிழ் விமர்சனங்கள் வாசித்திருந்தால் அதில் லிங்க் கொடுத்துவிடுகிறேன். (நமக்கும் கொஞ்சம் டைம் மிச்சம் ஆகும் பாருங்க) … இல்ல வேணாம் நீ பேசாம எழுதிரு அப்படின்னு நினைச்சீங்கண்ணா தயவு செய்து உங்கள் கருத்தை கீழே போட்டுவிட்டு போங்க.

50/50 [2011]

2012-01-14T19:44:00.002+05:30

I am sorry ... உங்களுக்கு கான்சர்.

.................................

டாக்டர் - சார் ... சார் ... நான் பேசுறது கேக்குதா? (எப்படிய்யா கேக்கும்? எப்படி கேக்கும்? அதான் எல்லாம் போச்சே.)

இப்படி டாக்டர் உங்களிடம் சொல்லிவிட்டால் எப்படி இருக்கும்? சொன்னால் அனேகமானவர்களின் ரியாக்ஷன் இப்படித்தான் இருக்கும். முந்தி எல்லாம் தமிழ் சினிமால இப்படி ஒரு சீன் வந்தா போதும். ஹீரோ அவர் இஷ்டத்திற்கு உலகமே இருண்டு போய் சுற்றி இருக்கும் எல்லாமே Out-of-Focus ஆகின மாதிரி எல்லாம் ஆக்சன் பண்ணி சோகப்பாட்டு பாடி நம்ம கண்ணுல தண்ணி வந்து கடைசில இம்சை தாங்கமுடியாம நாமளே “பேசாம சீக்கிரம் செத்து தொலைப்பா” என்று சொல்லிவிடுற ரேஞ்சுக்கு இருக்கும் அவரின் நடிப்பு.

இங்கும் அப்படித்தான். ஹீரோக்கு முள்ளந்தண்டில் ஷ்வனோமா நியூரோ#%*&^#%^#( ன்னு வாய்ல நுழையாத ஒரு அரிய வகை ட்யூமர். ( பேசாம கான்சர்னு சொல்லேன்யா? நாம இத வச்சி எக்ஸாமா எழுதப்போறோம்? ) ஹீரோக்கு குணமாகக்கூடிய வாய்ப்புத் தான் படத்தின் டைட்டில்.

50/50

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

படத்தின் கதை :

நம் படத்தோட ஹீரோ அடம் (Adam). ரேடியோ ஒன்றில் ப்ரொடியுசர். அழகான கேர்ள்பிரண்ட் ரேசல் (Rachel). கேன்சர் பற்றிய நியூஸ் கேள்விப்பட்டதும் அப்படியே ஷாக் ஆகிடுறாரு. ஆனாலும் அவனுடைய கேர்ள்பிரண்ட் அடமுக்கு துணையாக இருப்பேன் எனக் கூறி ஆறுதல் அளிக்கிறாள். கூடவே ஒரு நாயும் வாங்கிக் கொடுக்கிறாள். ஆனால் ஹாஸ்பிட்டலுக்கு வராமல் “எனக்கு அங்குள்ள நெகடிவ் எனர்ஜி ஒத்துவரவில்லை என அதற்கு காரணமும் கூறுகிறாள். (சம்திங் ராங்)

அடமின் க்ளோஸ் பிரண்ட் கைல் (Kyle) நோய் பற்றிக் கேள்விப்பட்டதும் இதுவும் சூதாட்டம் போலத் தான். பிழைக்க நிச்சயம் வாய்ப்புண்டு என தேற்றுகிறான். அத்தோடு முக்கியமான நேரங்களிலும் (மொட்டை அடிப்பது, கான்சர் பேஷன்ட்களுடன் நேரம் செலவளிப்பது) அவனுடன் கூட இருந்து கவனிக்கிறான். இடையில் அடமின் தெரபிஸ்ட்டாக வரும் காதரீன் (Katherine) மீது அடமிற்கு ஒரு சின்ன இது. கைல் அடமின் நோயை வைத்து பார் போன்றவற்றில் பெண்களை அனுதாபம் மூலம் மடக்க முயற்சிக்கிறான்.

சில நாட்களில் அடமிற்கு அவனுடைய கேர்ள்பிரண்ட் அவளுடன் வேலை செய்யும் இன்னொரு ஆர்டிஸ்டுடன் தொடர்பு வைத்திருப்பது கைல் மூலமாக தெரியவருகிறது. (நான் சொன்னேன்ல ... சம்திங் ராங்) உடனே வீட்டை விட்டு துரத்தி விடுகிறான். பின் நண்பனும் தன் நோயை வைத்து தன்னை அவனின் சுயநலத்திற்காக பயன்படுத்துகிறான் என அவனையும் விட்டு விலகுகிறான். ஆனால் அன்றிரவே கைல் புல்லா குடிச்சிட்டு மட்டையாகிவிடுவதால் அவனை வீட்டிற்கு விடச் செல்லும்போது, அங்கு கைல் Facing Cancer Together என்ற ஒரு புத்தகத்தை படிப்பது தெரியவருகிறது.

அவனுடைய சின்ன லவ் என்ன ஆயிற்று? அடம் பிழைத்தானா? போன்றவை படத்தில். இறுதியில் வாழ்க்கைக்கு முக்கியமானவை என்ன, முக்கியமானவர்கள் யார் என்பதை தெரிந்துகொள்கிறான் அடம்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

நான் கான்சரை வைத்து வெளிவந்த ஒரு சில படங்கள் பார்த்திருந்தாலும் (A Walk to Remember ...) சற்று சிரிக்கவைத்த காமெடியான படம் என்றால் அது இதுதான். (ரணகளத்திலும் ஒரு கிளுகிளுப்பு) செயற்கைத்தனமான செய்கைகள் இல்லாத காரணத்தினாலோ, அல்லது மிகவும் யதார்த்தமான காட்சிகளாலோ சில இடங்களில் நன்றாகவே சிரிக்க வைத்திருக்கிறார்கள்.

இந்தப் படம் திரைக்கதை எழுதிய Will Reiser என்பவரின் வாழ்க்கையை தழுவியே எடுக்கப்பட்டுள்ளது. அவரும் நம் ஹீரோ போல முதுகெலும்பில் ஏற்பட்ட கேன்சரை எதிர்கொண்ட போது ஏற்பட்ட அனுபவங்களை வைத்தே இந்தப் படத்தை இயக்கியுள்ளார். அப்போது அவருக்கு உதவியாக இருந்தவரும் படத்தில் நடிக்கும் செத் ரோகன்.

அடம் ஆக நடிப்பவர் 500 Days of Summer, Inception இல் நடித்த கோர்டன்-லெவிட் (Gordon-Levitt). நம் தனுஷ் மாதிரி பக்கத்து வீட்டுப் பையன் போல மிகவும் சாதாரணமான நடிப்பின் மூலம் கவர்கிறார். ஆனாலும் முந்தைய படம் போல இல்லாமல் இதில் சற்று உணர்ச்சிகள் கூடிய ஒரு பாத்திரம். ஆனாலும் அசால்டாக நடித்திருக்கிறார். கான்சர் பற்றிக் கேள்விப்பட்டதும் டாக்டரிடம் சாதாரண ஒரு இளைஞன் போல “ஆனாலும் நான் குணமாகிவிடுவேன். இல்லையா” எனக் கேட்கும் இடமும், ஆபரேஷனுக்கு முன் அட்ஸ்ஹைமர்ஸ் நோயுடைய தந்தையிடம் பேசும் இடமும் அருமை.

அடுத்த முக்கிய கதாபாத்திரம் என்றால் அது கைல் கதாபாத்திரத்தில் நடித்த செத் ரோகன் (Seth Rogen). நிஜ வாழ்க்கையில் செய்ததையே மீண்டும் நடிப்பதாலோ என்னவோ அடமுடன் சேர்ந்து வரும் சீன்களில் பட்டைய கிளப்புறார். அந்த சீன்கள் அவருடைய நடிப்பிற்கு நன்றாகவே சூட் ஆகிறது. மற்றும் தெரபிஸ்டாக நடித்த Anna Kendrick, அடமின் பெற்றோராக வருபவர்கள், கான்சர் பேஷன்டாக வருபவர்கள் என அனைவரின் நடிப்பும் நன்றாகவே இருக்கிறது.

24 வயதான தெரபிஸ்ட்டுடன் நேரம் செலவளிக்கும் போது அவள் ஆறுதலுக்காக தொடுவது போன்றவற்றை முதலில் சங்கடத்துடன், கோபத்துடன் ஒதுக்கும் அடம், பின்னர் சற்று சற்றாக அவளுடன் ஒரு கெமிஸ்ட்ரியை வளர்த்துக் கொள்ளும் விதத்தை காட்டியது அழகு.

Title: 50/50

Cast: Joseph Gordon-Levitt, Seth Rogen, Anna Kendrick

Language: English

Release Date: September 30, 2011

Directed By: Jonathan Levine

Runtime: 100 min

Distributed by : Summit Entertainment (USA)

Budget: $8 million
Box Office: $39,187,783

50/50 : 100/100

Dexter - (2006 - Present) தொலைக்காட்சி சீரீஸ்

2012-01-12T20:29:00.000+05:30

முந்தானை முடிச்சு, தென்றல், நாதஸ்வரம், அனுபல்லவின்னு ஒரே கதையை கொஞ்சம் வித்தியாசமான டெக்னிக்கையும், பின்னணி இசையும் மிக்ஸ் பண்ணி மாவாட்டி முழுநாளும் ஒரே இம்சை. தொலைக்காட்சி சீரீஸ்ன்னாலே ரெண்டு சீனுக்கொரு முறை மூக்கை சிந்தவச்சு தொலைக்காட்சி நாடகம்னா இப்படித்தான் இருக்கும்னு ஒரு இமேஜ் க்ரியேட் பண்ணிட்டாங்க இந்தியாவுல. அதுதான் எல்லாரும் சேர்ந்து கொஞ்சம் மேற்கு பக்க தொலைக்காட்சிகளை எட்டிப் பார்ப்போம். விதவிதமான வகைகளில் க்ரைம், த்ரில்லர், சஸ்பென்ஸ், காமெடி என கலந்துகட்டி வெளுத்து வாங்குறாங்க.

சரி நாம இன்றைய டாபிக்குக்கு வருவோம்.

ஒவ்வொருவருக்கும் வாழ்க்கையில் ஒவ்வொரு விதமான அடிக்ஷன். (அடக்க முடியாத ஆசை ) ஒருவிதமான போதை போல. உதாரணமாக தற்பொழுது பெரும்பாலானவர்களுக்கு தினமும் முகநூலை (Facebook) (நமக்கு இல்லப்பா. ஆனால் இணையத்தில் சிறிது பைத்தியம் உண்டு) அல்லது பதிவுலகத்தை தினம் தரிசிக்காவிட்டால் என்னமோ செய்து முழுநாளுமே ஓடாதது போல தோன்றி என்னன்னமோ செய்யும். இதைப் போல் வித்தியாசமான அடிக்ஷன் உடைய ஒருவனின் கதையைத் தான் நாம் இன்று பார்க்கப்போகிறோம்.

உலகமே இப்பொழுது தனுஷின் "கொலைவெறியுடன்" சுற்றிக் கொண்டு இருக்கிறது. ஆனால் உண்மையாகவே ஒருவனுக்கு கொலையில் வெறி இருந்தால் (அதாவது கொலை செய்வதில் ஒரு அடக்கமுடியா வெறி)? அது போதாதென்று பாசம், துயரம் போன்ற சமூக உணர்வுகள் வேறு மிஸிங்கா இருந்தால்? அதை எவ்வாறு சமாளித்து சமூகத்தில் வாழ்வது? Welcome to the world of Dexter Morgan.

டெக்ஸ்டர் மோகன். ஹான்ட்ஸம் சார்மிங் ஃபெல்லோ. அனைவருக்கும் தினமும் doughnut வாங்கி வரும் ப்ரெண்ட்லியானவர். மையாமி மெட்ரோ குற்றப்பிரிவு துறையில் ரத்தப் பரிசீலனை துறை (Blood Splatter) எக்ஸ்பர்ட். அதாங்க ... ஒருத்தரை அடிச்சு கொன்றால் ரத்தம் தெறிக்கும்ல? அந்த ரத்தம் சிதறியிருக்கும் விதம், வழிந்துள்ள விதத்தை வைத்து அந்த கொலை எப்படி நடந்தது என கண்டுபிடிப்பது. ஆனால் இதெல்லாம் டெக்ஸ்டரின் ஆபிஷ்யல் டியூடி. வேலை இல்லாத ஃப்ரீ டைம்ல அவருக்கு இன்னொரு மறுபக்கம் இருக்கு. அது என்னன்னு தான் நான் மேலே சொல்லியிருக்கேன்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

சிறுவயதில் டெக்ஸ்டரின் கண் முன்னே அவனது தாய் ஒரு போதைப்பொருள் விற்பவனுக்கு எதிராக பொலிஸுக்கு சாட்சி கூறினாள் என துண்டம் துண்டமாக வெட்டப்படுகிறாள். ரத்த வெள்ளத்தில் இருந்த குழந்தையை அங்கு வரும் ஹாரி எனும் பொலிஸ்காரர் எடுத்துச் சென்று வளர்க்கிறார். (ஏனென்று ஏதோ ஒரு சீசனில் ரீசன் வரும். மறந்துபோச்சு) ரெண்டு நாட்கள் ரத்தத்தில் இருந்ததால் அவனது மனது ஆழமாக பாதிக்கப்பட்டு ரத்தத்தின் மேலும் கொலை செய்வதிலும் ஒரு ஆர்வம் வருது.

இதை ஹாரி கண்டுகொண்டு அவனின் வெறியை கெட்டவர்கள் மீது டைவர்ட் பண்ணுறாரு. அதாவது கொலை செய்துவிட்டு (கொலை மட்டுமே. களவு, ரேபிங் காய்ஸ் ஓகே) சட்டத்தின் பிடியில் சிக்காமல் தப்பித்துக் கொண்டிருப்பவர்களை தேடிப் பிடித்து கொல்வது. அதற்காக அவனுக்கு டார்கெட்டை எவ்வாறு வீழ்த்துவது, கொன்றபின் எவ்வாறு தடயங்களை அழிப்பது, மற்றும் சமூகத்தில் எவ்வாறு சாதாரண மனிதன் போல நடிப்பது என ட்ரெயின்ங் கொடுக்கிறார். ஹாரிக்கு டெப்ரா என ஒரு மகளும் உண்டு. என்னடா நம்ம அப்பா தத்தெடுத்த புள்ள கூட டைம் செலவளிக்கிறாரு ... நம்மள கணக்குல எடுக்குறாரு இல்லயே என ஒரு சின்ன வருத்தம். சில நாட்களில் ஹாரி இறந்துவிட டெக்ஸ்டர், டெப்ரா இருவரும் மையாமி மெட்ரோவில் வேலைக்கு போறாங்க. டெப்ரா தன் தந்தைக்கு தன்னை நிரூபிக்க ஹோமிசைட் பிரிவில் டிடக்டிவ்வாக ஆசைப்படுகிறாள்.

மையாமி மெட்ரோவில் டெக்ஸ்டர், டெப்ராவுடன் வேலை செய்யும் படிஸ்டா (டெக்ஸ்டரின் ப்ரண்ட்), வின்சன்ட் மசூகா (செக்ஸ் எக்ஸ்பர்ட், காமெடியன்), மரியா (ஹோமிசைட் Lieutenant) போன்றவர்களுக்கும் கதையில் பங்குண்டு.

மையாமி நகரில் சில “விலைமாதுக்கள்” கொலை செய்யப்படுகிறார்கள். சீரியல் கில்லிங்ஸ். கொலைன்னா சும்மா கொலை இல்ல ... உடம்பு துண்டுகளாக வெட்டப்பட்டு அந்த பாகங்களில் சற்றுகூட இரத்தம் இல்லாதவாறு நகரின் ஒவ்வொரு இடங்களில் வைக்கப்படுகிறது. ஆனால் வைக்கப்படும் அந்த இடங்கள் டெக்ஸ்டரின் இறந்தகால வாழ்க்கையுடன் தொடர்புடையதாக இருக்க டெக்ஸ்டர் கொலையாளி தனக்கு க்ழூ கொடுக்கிறான் என நினைக்கிறான். பின்னர் நடக்கும் சந்தர்ப்பங்களும் அதை உறுதி செய்ய, கொலையாளி யார், கொலையாளிக்கும் டெக்ஸ்டருக்கும் என்ன நடந்தது என்பதை டீவிடியிலோ தரவிறக்கியோ பார்த்து தெரிந்து கொள்ளுங்கள். இது முதல் சீசனின் கதை.

ட்ராமா ஆரம்பிச்சதும் டெக்ஸ்டர் தனக்கு ஒரு கேர்ள்பிரண்ட் இருக்கிறதாக சொல்றாரு (Narration) (ஆ சொல்ல மறந்துட்டேன் ... சீரீஸ் முழுவதும் இவ்வாறு டெக்ஸ்டர் அடிக்கடி மைன்ட்வாய்ஸ்ல பேசுவாரு). பெயர் ரீட்டா ... வித் டூ சில்ட்ரன். எக்ஸ் புருஷன் ஜெயிலில். முதலாவது சீசனில் அவன் திரும்பி வந்துவிட அவனை எப்படி டெக்ஸ்டர் சமாளித்தான் என்பது திரையில். பின்னர் இருவருக்கும் லவ் மேலும் டெவலப் ஆகி கல்யாணம், முதலிரவு குட்டி வாரதெல்லாம் அடுத்தடுத்த சீசன்களில்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

இதுவரை மொத்தம் ஆறு சீசன்கள் வந்துள்ளன. முதல்ல ஆறாவது சீசன்ல முடிக்கிறதா சொன்னாலும் இப்ப இன்னும் இரண்டு சீசன்களுக்கு கதையை இழுத்திருக்காங்க. (6வது சீசன்ல ரெண்டு ட்விஸ்ட்கள் உண்டு. 7வது சீசன்ல தான் என்ன நடக்கப்போவுதுன்னு தெரியும்). ஒவ்வொரு சீசனிலும் சராசரியாக 50நிமிடங்கள் ஓடும் 12 எபிசோட்கள். ஒவ்வொரு சீசனும் டெக்ஸ்டரின் வாழ்வில் அவன் எதிர்கொள்ளும் பிரச்சினைகளையும், மையாமி நகரில் புதுசு புதுசா முளைக்கும் சீரியல் கில்லர்ஸையும் டீல் பண்ணும் விதம் பற்றி விளக்கியிருப்பாங்க. முதலாவது இரண்டாவது சீசன்கள் செம இன்ட்ரஸ்டிங். மூன்றாவது சீசனின் பின் சற்று (சற்று தான்) ஸ்பீட் குறைஞ்ச மாதிரி ஒரு ஃபீலிங். ஆனா நீங்க இந்தியன் சீரியல்கள் பார்த்தவராக இருந்தால் இப்படி எல்லாம் ஃபீல் ஆகாது. மீண்டும் 4, 6 ஆம் சீசன்கள் பழையபடி பக் டூ பேஸ்.

இந்த சீரீஸ் Jeff Lindsay என்பவரால் எழுதப்பட்ட கதைகளை தழுவி எடுக்கப்பட்டவை. வித்தியாசமான கதைக்களத்தால் நிறைய ஆடியன்ஸை சம்பாதித்தது. இதுவரை Dexterக்கு கிடைத்த அல்லது Nominate செய்யப்பட்ட விருதுகள்.

Dexter has been nominated for 19 Primetime Emmy Awards, awarded in the category of both Outstanding Drama Series and Outstanding Lead Actor in a Drama Series (for Michael C. Hall), 3 times in a row, from 2008 through to 2010. Dexter has also received over a dozen Creative Arts Emmy Awards. It has also been nominated for 7 Golden Globes (winning 2), 14 Satellite Awards (winning 7), 18 Saturn Awards (winning 5), 8 Screen Actors Guild Awards (winning 1), and 5 Writers Guild of America Awards.

நன்றி - விக்கிபீடியா

WARNING : Matured Audienceஐ மட்டுமே குறிவைத்து எடுத்த நாடகமாதலால் கெட்ட வார்த்தைகளுக்கும், சில செக்ஸ் சீன்களும் இடைக்கிடையே சில எபிசோட்களில் இடம்பெறும்.

நீங்கள் த்ரில்லர் வகையான நாடகங்களை ரசிப்பவர் என்றால் கட்டாயம் Dexter உங்களுக்கு பிடிக்கும்.

டிஸ்கி (டிஸ்கின்னா என்னங்க) - முதலில் The Game of Thrones பற்றித் தான் எழுத யோசித்துக் கொண்டிருந்தேன். ஆனால் பாருங்க (நானே முந்தநாள் தான் பார்த்தேன்) ... ஏற்கனவே நம் கருந்தேளார் அந்த சீரீஸைப் பற்றி என்னைவிட நன்றாக எழுதியிருக்கார். (இங்கே க்ளிக்கவும்) திரும்ப நான் ஏன் அதை ரிப்பீட் பண்ண அப்படின்னு தான் இதை எழுதினேன். அடுத்ததாக தொலைக்காட்சி நாடகங்கள் வரிசையில் The Big Bang Theoryன்னு ஒரு அட்டகாசமான காமெடி நாடகம் பற்றி எழுதுவேன். (அத எப்ப பதிவேனோ தெரியாது. சீக்கிரம் எழுதுகிறேன்)

அடுத்த பதிவில் சந்திக்கும்வரை அன்புடன்
ஹாலிவுட்ரசிகன்.

The Green Mile [1999]

2012-01-05T22:52:00.004+05:30

வணக்கம் நண்பர்களே,

எல்லாரும் வந்தாச்சா? சரி. இன்னக்கி நாம பார்க்கப்போறது The Green Mile அப்படீங்கற கொஞ்சம் வித்தியாசமான தரமான சரக்கு. வெளியிடப்பட்ட வருடம் 1999. சரக்க எப்படி மெதுவா அடிக்க அடிக்க கிங்ண்ணு ஏறுமோ, அதே போல இந்த படமும் கொஞ்சம் நேரம் போகப் போக படுசுவாரஸ்யமாக மாறும். பொறுமையாக கொஞ்சம் நேரம் படத்த கொன்டின்யு பண்ணினா, முடியும் வரை எழுந்திருக்க மாட்டீங்க. ஆனா இப்பவே சொல்லிட்டேன். படம் கிட்டத்தட்ட 3மணி நேரம். (அடப்போங்க பாஸ் அவதார், LOTR series, Shawshank Redemption, சிவாஜி எல்லாங்கூடத்தான் 3மணி நேரம். நாங்க என்சாய் பண்ணல??? )

முதல்ல நாம தலைப்புல இருந்து ஆரம்பிப்போம். Last Mile என்பது மரணதண்டனையை எதிர்நோக்கும் ஒரு கைதி சிறைக்குள் நடக்கும் கடைசிப் பாதை.The Green Mile எனப் பெயரிட காரணம் (உண்மையில் அது ஒரு மைல் தூரம் இல்லை) அந்தப் பாதையை படத்தில் பச்சையாக காட்டியிருப்பாங்க.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

படத்தின் கதை :ஒரு முதியோர் இல்லத்தில் உள்ள ஒரு கிழவர் அங்கு காட்டப்படும் ஒரு திரைப்படத்தினால் சில ஞாபகங்கள் மீட்டப்பட்டு, தன் வாழ்வில் சில காலம் ஜெயில் மரணதண்டனை அதிகாரியாக பணியாற்றியபோது ஏற்பட்ட வித்தியாசமான அனுபவங்களை தன்னுடன் இருக்கும் இன்னொரு பாட்டிக்கு பகிர்வதுடன் படம் ஆரம்பிக்கிறது. போல் எட்ஜ்கோம்ப் (Paul Edgecomb) என்பது தான் கிழவரின் பெயர்.

போல் பணியாற்றும் சிறையில் மொத்தமாக நான்கு பேர். புதிதாக பேர்சி என்பவன் என்ட்ரி. அவனுக்கு ஏற்கனவே ஒரு மென்டல் ஹாஸ்பிட்டலில் பதவி உயர்வு இருந்தாலும் ஒரு மரணதண்டனையை பார்க்கவேண்டும் என்பதற்காக இங்கு வருகிறான். இயல்பில் மிகவும் கொடூரமான இயல்புகளைக் கொண்ட பேர்சி அங்கிருக்கும் கைதிகளை துன்புறுத்தி அதில் இன்பம் காண்கிறான்.

இதற்கிடையில் மரணதண்டனைக்காக ஜோன் கொஃபி (John Coffey) எனும் ஒரு ராட்சத மனிதனை அழைத்துவருகிறார்கள். காரணம் இரண்டு சிறுமிகளை கற்பழித்த குற்றம். WWEஇல் வரும் Mark Henry போன்ற உருவத்தைப் பார்த்து அனைவரும் ஆரம்பத்தில் பயப்பட்டாலும் போகப்போக அவன் ஒரு அமைதியான, இருட்டிற்கு பயப்படும் அப்பாவியான ரொம்ப நல்லவனான கேரக்டர் என தெரியவருகிறது.

தொடர்ந்து சற்ற மெதுவாக நகரும் கதையில் கொஃபிக்கு இருக்கும் அமானுஷ்யமான சில சக்திகள் சிறையில் இருப்பவர்களுக்கு தெரியவருகிறது. அவனுடைய பவர்களை சிறையில் இருப்பவர்கள் நல்ல வகையில் பயன்படுத்தினார்களா? ஜோன் மின்சாரக் கதிரையில் இருத்தப்பட்டானா? கொடூரமான பேர்சிக்கு என்ன நடந்தது என்பவற்றுக்கு விடையையும் இன்னும் இங்கு கேட்கப்படாத ஏகப்பட்ட கேள்விகளுக்கு விடையையும் படத்தைப் பார்த்து தெரிந்து கொள்ளுங்கள்.

நான் இப்பொழுது சொன்னது, மூன்று மணி நேரத்தின் ஆரம்ப 30-45நிமிடங்களே. படத்தில் நான் சொல்லாத விடயங்கள், திருப்பங்கள், சுவாரஸ்யங்கள் என இன்னும் ரசிக்க நிறைய விடயங்கள் இருக்கின்றன. மிஸ் பண்ணாம பாருங்க. ( சுருக்கமாக சொல்ல நினைத்ததால் கதையை ட்ரிம் பண்ணி விட்டேன். நல்லாயிருக்கா அல்லது இன்னும் சற்று விரிவாக சொன்னால் நல்லாயிருக்குமா???? )

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

படத்தை இயக்கியிருப்பவர் The Shawshank Redemption இயக்கிய ப்ரான்க் டரபொன்ட். அதை இயக்கிய பின் இந்தப் படத்தை இயக்கிதாலோ என்னவோ, அதன் சாயல், வாடை இதிலும் வீசுகிறது. இரண்டு படங்களுமே சிறை வாழ்க்கையை சம்பந்தப்படுத்திய திரைப்படங்களாக இருந்தாலும் Green Mile அமானுஷ்ய சக்திகள் பற்றிய சப்ஜெக்டை கையில் எடுத்துக் கொண்டுள்ளது. ஆனால் மனிதர் மூன்று மணித்தியாலங்களும் எம்மை கதிரையில் பிணைத்து வைப்பதில் சக்ஸஸ் ஆகியுள்ளார் என்றே சொல்லவேண்டும். ஆனால் என்னைப் பொறுத்தவரையில் படத்தின் நீளத்தை சற்று குறைத்து 2.30மணித்தியாலங்களாக்கி இருந்தால் நன்றாக இருந்திருக்கும்.

இந்தப் படமும் The Shawshank Redemption எழுதிய Stephen Kingஇன் 6நாவல்கள் கொண்ட ஒரு சீரீஸில் இருந்து தயாரானது தான். 6 நாவல்களை 1.30மணித்தியாலங்களுக்குள் கம்ப்ரெஸ் பண்ணுவது கடினம் என்பதால் 3 மணிநேர நீளத்திற்கு ஒரு எக்ஸ்க்யூஸ்.

படத்தில் நடிக்கும் யாருடைய நடிப்பையும் குறை சொல்ல முடியாது. அனைவரும் தம் பாத்திரத்தை உணர்ந்து அதை நன்றாக பிரதிபலித்திருக்கிறார்கள். மனதில் நிற்பவர்கள் என்று குறிப்பிட்டு கூறக்கூடியவர்கள் போல், ப்ரூடஸ் ஆக நடித்திருக்கும் டாம் ஹேங்க்ஸ் (Tom Hanks) மற்றும் அவரின் நண்பராக வரும் டேவிட் மோஸ் (David Morse). டாம் ஹேங்கின் கதாபாத்திரத்திரம் அவரால் முடியக்கூடிய காரியம். மனிதன் சும்மா ஜுஜுபி சாப்பிடுவது போல செய்திருக்கிறார். ஆனாலும் Forrest Gumpஉடன் ஒப்பிடும் போது அது கொஞ்சம் ஒஸ்தி தான். மேலும் எனக்கு பேர்ஸியாக நடித்தவரின் நடிப்பும் பிடித்திருந்தது. எம் மனதில் ஒரு வெறுப்பை உண்டாக்கும் வகையில் அவரின் நடிப்பு அமைந்திருப்பது அவரின் நடிப்பின் திறமையை காட்டும்.

படத்தில் பேர்ஸி ஒரு கைதிக்கு மரணதண்டனையை நிறைவேற்றும் போது அவனை வேண்டுமென்றே துடிக்கவைத்து ரசித்து கொலை செய்யும் விதம் அனைத்து விதமான கொடுமைகளின் உச்சம். இன்னும் உலகத்தில் மனிதாபிமானம் எவ்வளவு கீழ்த்தரமான நிலையில் உள்ளது என்பதை காட்டும் அந்தக் காட்சி. மின்சார நாற்காலி என்பது தூக்குமேடையை விட எவ்வளவு விபரீதமானது என்பதை படத்தைப் பார்க்கும் அனைவரும் உணர்வர்.

படத்தின் இறுதிக் காட்சிகள் அருமை. மரணத்தை எதிர்நோக்கியுள்ள வயதான போல் "We each owe a death - there are no exceptions - but, oh God, sometimes the Green Mile seems so long" எனக் கூறும் வரிகள் அற்புதம்.

நாம் அனைவருமே மரணத்தை நோக்கி க்ரீன் மைலை நடந்து கொண்டிருக்கிறோம். விதியைப் பொறுத்து நடக்கும் நேரம் மாறுபடும்.

மூன்று மணிநேரம் முடிந்தபின் The Shawshank Redemption போன்ற அளவிற்கு உணர்வு வராவிட்டாலும் ஒரு சின்ன எஃபெக்ட்டும் ஒரு நல்ல ஃபீல் குட் படம் பார்த்த உணர்வும் வருவது நிச்சயம். பார்த்துட்டு சொல்லுங்க.

படத்தின் ட்ரெயிலர் இங்கே :

என் ரேடிங் -
The Green Mile : 8.8 / 10

-------------------------------------------------------------------------------------------

Download Links :

டைரக்ட் லிங்கில் பதிவிறக்க இங்கே க்ளிக்குங்கள்

டொரண்டில் பதிவிறக்க இங்கே க்ளிக்குங்கள்
-------------------------------------------------------------------------------------------

அடுத்த பதிவில் சந்திக்கும்வரை அன்புடன்

ஹாலிவுட்ரசிகன்.

குறும்படம் - செம்ம காண்டு

2012-01-05T18:54:00.004+05:30

இன்று நான் பார்த்த ஒரு செம காமெடியான குறும்படத்தை உங்களுடன் பகிர்கிறேன். (பதிவு எழுத சோம்பேறித்தனத்துல குறும்படம் போட்டு படம் காட்டுறியா? UR mindvoice I can hear) குறும்படத்தின் பெயர் செம்ம காண்டு ( உங்களுக்கும் என் மேல செம்ம காண்டாகுதில்ல? சரி மேல படிக்கலாம் வாங்க. )

பெரிசா கதை என்று ஒன்றும் இல்லை (எனக்கு இருக்கிற மாதிரி ஃபீல் ஆகல ஏன்னா நேக்கு சத்தியமா புரியல) . ஆனால் படத்தை இயக்கியவருக்கு நல்ல காமெடி சென்ஸ் இருக்க வேண்டும். அங்கங்கே வசனங்கள் நச்.

ஓபனிங்லயே இது ஒரு காமெடிக்கான சைன் விளங்குகிறது.
All characters appearing in this film are NOT FICTIOUS. Any resemblance to real persons living or dead, WE REALLY DON'T CARE. வித்தியாசமான ஓபனிங்.

படத்தில் எனக்கு பிடித்த சில இடங்கள் உங்கள் பார்வைக்காக -

ஹீரோ கீழே குனிந்து பார்த்துக் கொண்டு,
" என்ன பார்க்குற? 25 வயசாவுது. யூஸ் பண்ணினதே இல்ல. நீ வேணா பாரு, இந்த ரெண்டு கையும் தான் உனக்கு பொண்டாட்டி "
" யார் கால்-சென்டர்ல??? பாஸ் ... இப்ப எதுக்கு அசிங்கமா பேசுறீங்க? ”
" Nice Lyrics. ஆனாலும் இப்ப சாப்பிட்டுகிட்டு இருக்கேன். ஜீரணமாக கொஞ்சம் ரசம் ஊத்துங்க " (இது அடுத்தவன் கெட்ட வார்த்தைகளில் ஒருவரை திட்டிய பின்)
செருப்பு பிஞ்சிரும்ன்னு எகோவா சொல்லி காப்டன், சரத்குமார், இந்தியன் டீம், நம்ம டீ.ஆர் போன்றவர்களின் மொக்கை சீன்களை போட்டது செம்ம.
தற்போதுள்ள லீடிங் டைரக்டர்கள் பற்றிய காமெண்ட்ஸ் நன்று.

இப்படி படம் முழுவதும் நல்ல காமெடி வசனங்கள். ஆனால் சில இடங்களில் வசனங்கள் க்ளாரிட்டி இல்லாமல் போவதால் என்ன பேசுகிறார்கள் என்பது சரியாக புரியவில்லை. சில சீன்கள் போடப்பட்டதை தவிர்த்திருக்கலாம் என்பது என் கருத்து (ஹிட்லர், முரளி மைன்ட்வாய்ஸ் சீன்ஸ்) . காமெரா ஆங்கில்ஸ், வசனங்கள் போன்றவற்றில் செலுத்திய கவனத்தை மேலும் எடிட்டிங், மேக்கிங் என்பவற்றில் மெனக்கெட்டிருந்தால் (ஸ்டாட்டில் வரும் Proudctions spelling mistake) படம் இன்னும் அருமையாக இருந்திருக்கும். (டேய் டேய் போதும்டா ... படம் பார்க்கிற டைம்ம விட உன் விமர்சனம் வாசிக்குற டைம் அதிகமா இருக்கு)

ஆனால் நல்ல காமெடியான ஒரு குறும்படம். நல்ல முயற்சி. நிச்சயம் ரசிப்பீர்கள். பார்த்து விட்டு உங்கள் கருத்துக்களை இங்கு பகிருங்கள்.

Dexter சீரீஸ் பற்றி எழுதவும் யோசித்திருக்கிறேன். பார்ப்போம்.

அடுத்த பதிவில் சந்திக்கும் வரை அன்புடன்

ஹாலிவுட்ரசிகன்.

Stardust [2007]

2012-01-01T20:21:00.002+05:30

போன வாரம் நம்ம தோஸ்த் ஒருத்தன் "மச்சி ... ஒரு சூப்பர் படத்தின் ப்ளூரே பிரிண்ட் டவுன்லோட் பண்ணியிருக்கேன். வா ... நம்ம வீட்டு 40'' HDTVல பாப்போம்ன்னு கூப்பிட்டான். ஓசில படமும் கூல்ட்ரிங்ஸ், ஸ்நாக்ஸ் கொடுத்தா நாங்க தான் எங்க வேணா ஆஜர் ஆகிடுவோம்ல . இதுல ப்ளூரே பிரிண்ட் வேற. உடனே கிளம்பிப் போனேன். அப்போ தான் இந்தப் படத்தை காட்டினான். ”நல்ல படம்னு போட்டிருந்துச்சு மச்சி. அதான்டா" அப்டீன்னான். நான் இந்த படத்தை ஏற்கனவே ரெண்டு முறை பார்த்துட்டேண்டா. நீ பாரு. பிறகு வாரேன்டான்னு சொல்லி ஏன் ஃப்ரீயா கிடைக்கிற சாப்பாட்டு ஐடங்களை வேஸ்ட் பண்ணனும்? அதனால சரிடா ... வா பாப்போம் ஒன் செலக்ஷனன்னு பாக்க உட்கார்ந்தோம். ஆனாலும் மூன்றாம் முறை பார்க்கிறோமே என்ற அலுப்பே இல்லாமல் சுவாரஸ்யமாக நான் இதைப் பார்த்தேன் (சாப்பிட்டேன்) என்பதிலிருந்து எனக்கு இந்தப் படம் எந்தளவு பிடித்திருந்தது என உங்களுக்கு தெரிந்திருக்கும் (சிலவேளை High Definitionல பாத்த ஃபீலிங்கோ என்னவோ).

ஒரு ஃபாண்டஸி படத்தில் இருக்கவேண்டிய அனைத்து விடயங்களும் இதில் இருப்பதால் நீங்கள் ... "ஐய்யய்யோ மாஜிக் படமா? என்ன இது சின்னப்புள்ளத் தனமா இருக்கு? நான் Adults படம் மட்டுமே பார்ப்பேன்னு" சொல்ற ஆளா நீங்க இருந்தாலும் உங்களுக்கு இந்தத் திரைப்படம் பிடிக்க வாய்ப்பு உண்டு.

Title: Stardust

Cast: Charlie Cox, Claire Danes, Sienna Miller, Robert De Niro

Country: UK | USA | Iceland

Language: English

Release Date: 10 August 2007

Directed By: Matthew Vaughn

Runtime: 127 min

Distributed by : Paramount Pictures

Budget: $70 million

Box Office: $135,560,026

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

ஒரு ஆறடி சுவர். நடுவுல ஒரு இடைவெளி. இந்தப்பக்கம் இங்கிலாந்து. அந்தப்பக்கம் ஸ்டோம்ஹோல்ட் (Stormhold) அப்படிங்கற மாஜிக் நாடு. இங்கிட்டு இருந்து யாரும் அங்கிட்டு போகக்கூடாதுன்னு தன் வாழ்நாளையே காவலுக்காக வீணாக்கிய ஒரு வயசான பெரியவர். இதுவரை யாருமே அந்த ஆறடி சுவரை தாண்டி மாஜிக் நாட்டிற்குள் பிரவேசிக்கவில்லையாம் (இதே இங்கேயா இருந்தா சும்மா தாண்டு தாண்டுன்னு தாண்டியிருப்போம்ல). கடைசில எப்படியோ டன்ஸ்டன் (Dunstan) எனும் ஒருவன் சுவரை தாண்டி அட்வென்சருக்காக ஸ்டோம்ஹோல்ட் நாட்டிற்குள் பிரவேசிக்கிறான். செல்லும் வழியில் ஒரு நகரத்தின் மார்க்கெட்டில் இருக்கும் ஒரு கடையில் ஒரு மந்திரக்காரியால் பிடித்து வைக்கப்பட்டிருக்கும் ஒரு அழகான ராஜகுமாரியை சந்திக்கிறான். அந்தப் பாப்பாவும் நீ ஒரு கிஸ் கொடு. நான் உனக்கு கண்ணாடிப் பூ ஒன்று தாரேன்னு சொல்ல பையனும் இந்த டீலிங் நல்லாயிருக்கேன்னு போறான். பக்கத்தில் உள்ள மந்திரக்காரியின் வண்டிக்குள் கிஸ் கேட்ட பாப்பா கசமுசாவை கமுக்கமாக முடித்துவிடுது. பையனும் திரும்பி ஊருக்கு வந்துவிடுகிறான். 9 மாதங்களின் பின் நம் காவலாளி தாத்தா ஒரு ஆண் குழந்தையை அந்த பையன் வீட்டு முன்னாடி வச்சு இவன் உன் மகன். பெயர் ட்ரிஸ்டன் என சொல்லிட்டு போறார்.

ங்கொய்ங்ங்ங் ... 18 வருஷங்கள் உருண்டு ஓடிவிடுகின்றன. வீட்டு முன்னாடி வச்ச பாப்பா ட்ரிஸ்டன் வளர்ந்து பெரியவனாக இருக்கிறான்.(ஆமா 18 வருஷமா பாப்பாவாகவேவா இருப்பான்?). வழக்கம்போல அந்த ஊரின் அழகுராணியான விக்டோரியா மேல ஒன்சைட் லவ். லவ்வுனா லவ்வு லவ்வோ லவ்வு ... ஆனா அந்த ஃபிகருக்கு ஏற்கனவே வாள் வீசக்கூடிய பணக்கார பாய்பிரண்ட் இருக்கிறான். நம்ம ஹீரோ சாதாரண கடையில் வேலை செய்யும் சோப்ளாங்கி. ஒரு சில சந்தர்ப்பத்தால் அந்த ஃபிகருக்கு இவன் மேல் ஒரு இது வந்து ட்ரிஸ்டனிடம் "என் பாய்பிரண்ட் ஒரு வாரத்தில் என்னை கல்யாணத்திற்கு ப்ரபோஸ் பண்ணப் போறான்" அப்படின்னு சொல்ற நேரத்தில் அவர்களுக்கு மேலே ஒரு வால்வெள்ளி ஒன்று செல்கிறது.

வெயிட் ... அந்த வால்வெள்ளி போனதற்கும் ஒரு கதை இருக்கிறது. ஸ்டோம்ஹோல்ட் நாட்டின் ராஜா வயசாகி மேல்மூச்சு கீழ்மூச்சு வாங்கிட்டு இருக்கார். அவருக்கு மகன்மார் மூன்று. யார் அடுத்த ராஜான்னு மூவரும் யோசித்துக் கொண்டிருக்க பழைய ராஜா அவரின் சிவப்பு மாணிக்க நெக்லஸை தூக்கி போட்டுட்டு "இந்த மாணிக்கத்தை யார் கொண்டு வாரீங்களோ அவன் தான் அடுத்த ராஜா". அந்த நெக்லஸ் பறந்து போய் ஒரு நட்சத்திரத்துடன் மோதுகிறது. பூம்ம்ம்ம்ம்ம் ... பெரிய எக்ஷ்ப்லோஷன். பின் அந்த நட்சத்திரம் வால்வெள்ளியாக ஸ்டோம்ஹோல்ட் நாட்டின் மேல் பறந்து சென்று நிலத்தில் விழுகிறது. இப்போ இளவரசர்கள் மூவரும் மாணிக்கத்திற்கு ஹண்டிங்.

இப்போ திரும்ப நம் ட்ரிஸ்டன்-விக்டோரியா லவ் சீனுக்கு ரிடர்ன். ட்ரிஸ்டன் சொல்றான், நான் உன்னை கல்யாணம் செய்ய அந்த வால்வெள்ளியை உனக்கு கொண்டு வந்து தருவேன்னு சொல்ல விக்டோரியாவும் சரி ... இன்னும் ஒரு வாரத்தில் அவன் ப்ரபோஸ் பண்ணிடுவான். அவ்வளவுதான் உன் டைம்ன்னு சொல்லுது. ட்ரிஸ்டன் சுவரைத் தாண்டி ஸ்டோம்ஹோல்ட் செல்லப் பார்க்கும்போது நம் காவலாளி தாத்தா சிலம்பாட்டம் மூவ்ஸ் கொஞ்சம் போட்டு ட்ரிஸ்டனை துரத்திவிடுகிறார். ட்ரிஸ்டன் தன் தந்தை மூலம் கிடைக்கும் மந்திர மெழுகுவர்த்தி மூலம் வால்வெள்ளி விழுந்த இடத்திற்கு பிரயாணம் செய்கிறான். சென்று பார்த்தால் வால்வெள்ளி விழுந்த இடத்தில் ஒரு அழகிய இளம்பெண் வித் சிவப்பு மாணிக்கம் இன் த கழுத்து. ஆனாலும் ட்ரிஸ்டன் அவளை கட்டி விக்டோரியாவிடம் அளிக்க கூட்டி செல்கிறான்.

இதற்கிடையில் வால்வெள்ளியை கண்ட மூன்று மந்திரவாதி கிழவிகளில் ஒருத்தி சங்கூதுற வயசில சங்கீதாவாக ஆசைப்பட்டு அந்த பெண்ணாக மாறிய நட்சத்திரத்தின் இதயத்தை சாப்பிடவேண்டி அவளைத் தேடி பிரயாணமாகிறாள்.

இந்த மூவரின் நிலை என்னவாயிற்று? ட்ரிஸ்டன் இறுதியில் நட்சத்திரப் பெண்ணுடன் இணைந்தானா? அல்லது விக்டோரியாவிடம் அவளைக் காட்டி அவளுடன் இணைந்தானா? கிழவி சங்கீதாவாக மாறினாளா? மந்திரவாதிக் கிழவி ஒருத்தியிடம் அடிமையாக இருந்த ட்ரிஸ்டனின் தாய்க்கு என்ன நடந்தது? இறுதியில் யார் ஸ்டோம்ஹோல்டின் ராஜாவானது? என பல கேள்விகளுக்கு பதிலை சுவாரஸ்யமான அழகான இந்த திரைப்படத்தைப் பார்த்து தெரிந்து கொள்ளலாம்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

படத்தின் ஆரம்பத்தில் என் மண்டையை குடைந்த ஒரு கேள்வி, ஒரு ஆறடிச் சுவரை தாண்ட முடியாதவங்களா அந்த ஊரில இருக்காய்ங்க? யாரும் தாண்டிப் போகவோ வரவோ கூடாது என்றால் எதற்காக ஒரு இடைவெளி? ஒரு மூட்டை சீமெந்து எடுத்தமா இடைவெளிய அடைச்சமா வேலய பாத்துட்டு போவமான்னு இல்லாம பாவம் ஒரு மனிதனின் (காவலாளி தாத்தா) வாழ்க்கையை வீணாக்கிவிட்டாய்ங்கய்யா.

படத்தில் எனக்கு தெரிந்த நடிகர்ன்னு சொல்லப்போனா அது ரொபர்ட் டீ நிரோ தான். இவரை இந்தப் படத்தில் பார்த்து இவரின் நடிப்புத் திறமையை முடிவெடுக்கும் முன் இவரின் முன்னைய படங்களை பார்த்துவிட்டு இதைப் பார்க்குமாறு கேட்டுக்கொள்கிறேன். இதில் பைரேட்டாக வரும் இவரின் நடிப்பு திறன் நொட் டாப் ஒவ் தி பெஃபோமன்ஸ். ஆனால் நடிப்பு மோசமில்லாவிட்டாலும் ரசிக்கக்கூடியதாகவே இருக்கிறது. (வயசாயிருச்சுல்ல)

படம் ஆரம்பித்த நேரத்திலிருந்து இறுதி வரை சுவாரஸ்யமாக மாஜிக், சில ட்விஸ்டுகள் என சலிப்படைய வைக்காமல் செல்கிறது. இடையில் உள்ள கதை ஊகிக்கக்கூடியதும் பொதுவான ஹாலிவுட் படங்களில் உள்ள க்ளிஷே காட்சிகளைக் கொண்டிருந்தாலும் படத்தின் ஆரம்பமும் க்ளைமாக்ஸும் மற்றவற்றை மறக்க செய்து ஒரு நல்ல எண்டர்டெயின்மெண்ட் படத்தைப் பார்த்த திருப்தியை கொடுக்கின்றன. படத்திற்கு அழகான விஷுவல் எஃபெக்ட் காட்சிகளும் ஒரு நல்ல பலம்.

ஒரு சூப்பரான படம். கட்டாயம் தவறவிடக்கூடாத படம் அப்படீன்னு எல்லாம் நான் சொல்லமாட்டேன். ஒரு அழகான டைம் பாஸுக்காக ஜாலியா ஒரு படம் பாக்கணும்னு நினைச்சா எடுத்துப் பாருங்க. புடிச்சா திரும்பி வந்து சொல்லிட்டுப் போங்க. புடிக்கலைன்னா ... வந்து திட்டிட்டு எல்லாம் போகாதீங்க. புடிக்கும் பாஸ். நம்பிப் பாருங்க.

படத்தின் ட்ரெயிலர் இங்கே :

Stardust : 8.2 / 10

எக்ஸ்ட்ரா பிட் - இந்தப் படம் நீல் கீமன் என்பவரால் 1999ல் வெளியிடப்பட்ட Stardust எனும் நாவலை தழுவி எடுக்கப்பட்டது. கதையை வாசிப்பது எப்போதும் படத்தை பார்ப்பதை விட நன்றாக இருக்கும். முடிந்தால் வாசிக்கப் பாருங்கள்.

-------------------------------------------------------------------------------------------
Download Links :

டைரக்ட் லிங்க்ஸ் :
Part I | Part II | Part III | Part IV | Part V

டொரண்டில் பதிவிறக்க
-------------------------------------------------------------------------------------------

அடுத்த பதிவில் சந்திக்கும்வரை அன்புடன்

ஹாலிவுட்ரசிகன்.

கணனியில் இருக்கும் திரைப்படங்களை ஒழுங்குபடுத்துவது எப்படி? Part III

2011-12-30T16:21:00.001+05:30

எனக்கு சிறுவயது முதலே திரைப்படங்கள் பிடிக்கும் என்பதை என் முதல் பதிவில் சொல்லியிருப்பேன் (சொன்னேனா என்று கொஞ்சம் பார்த்து சொல்லுங்களேன்). முன்பு காசட்டுகளில் அப்பா வாங்கி வரும் தி லயன் கிங், டைட்டானிக், பம்பி (Bambi) போன்ற படங்களை ரசித்து ரசித்து பார்த்த போது தோன்றிய ஆர்வம் தான் படங்கள் சேகரிப்பது. ஆனால் அப்போது காசட்டுகள் சொந்தமாக வாங்குவது சற்று விலை அதிகம் என்பதாலும் ரொம்ப சிறு வயதில் ஏன்டா உனக்கு இந்த ஆசை? போய் பேசாம ஏதாவது ஸ்டாம்பு கீம்பு சேர்த்துக் கொள் என்று அப்பா செல்லமாக கன்னத்தில் ரெண்டு தட்டு தட்டி (கொஞ்சமாக வீங்கும் அளவிற்கு) சொன்னதாலும் அந்த ஆசையை கொஞ்சம் மனசோரமா பாய போட்டு படுக்கப் போட்டிருந்தேன்....

சில வருஷங்களுக்கு முன்பு தான் நம் நாட்டில் ப்ரோட்பாண்ட் சேவை அறிமுகப்படுத்தப்பட்டது. அதற்கு முன் டையல்-அப் தான். அந்த 64kbps கனெக்ஷன் முன்பு புதுப் பாடல் ஒன்றை டவுன்லோட் செய்வதற்கு கிட்டத்தட்ட 10-15 நிமிடங்கள் வரை செல்லும். அதிலும் எப்படியாவது ஒன்று-இரண்டை எடுத்து கொண்டு போய் ப்ரைவேட் க்ளாஸிற்கு வரும் சக-வகுப்பு பெண்களின் முன் என் பழைய Sony Ericsson K-700ல் போட்டு காட்டுவதில் உள்ள அந்த கிக், இப்போ எத்தனை கிளாஸ் உள்ளே விட்டாலும் வராது.

சரி - விஷயம் வேற எங்கேயோ டைவர்ட் ஆகிக் கொண்டு இருக்கிறது. அந்த மனசோரமா தூங்கிக் கொண்டிருந்த அந்த படங்கள் சேகரிக்கும் ஆசை நம் வீட்டிற்கும் ப்ரோட்பாண்ட் கனெக்ஷன், அதுவும் unlimited package எடுத்ததும் விழித்துக் கொண்டது. அறிமுகப்படுத்தப்பட்ட நேரத்தில் Fair Usage Policy மண்ணாங்கட்டி எதுவும் இல்லாத காரணத்தினால் வகுப்பில் ப்ரோட்பாண்ட் எடுத்திருந்த பையன்களோடு போட்டி போட்டு ஆங்கில படங்களை தரவிறக்கி பார்த்துவிட்டு க்ளாஸில் போய் சுற்றி க்ளாஸ் தோழர்கள் இருக்க நடுவில் அமர்ந்து கதையை நாமும் ஏழெட்டு பிட்டு சேர்த்து சொல்வதில் ஒரு சிறு பெருமை. ஆனால் அப்போதிருந்த கம்ப்யூட்டரில் 80gb ஹாட்-டிஸ்க் இருந்த காரணத்தினால் அப்போதும் படங்கள் சேகரிக்க முடியாமல் போனது. கொஞ்சம் கொஞ்சமாக என் கணனியை அப்டேட் பண்ணி இப்போது தான் என்னால் கொஞ்சம் கனவளவை அதிகரிக்க முடிந்தது.

ஆனா ஒரு ஓடர் இல்லாமல் Folderகள் டொரண்ட சைட்களில் ரிலீஸ் பண்ணுபவர்களின் பேர்களுடன் ஒரு அழகு இல்லாமல் இருந்தது கண்ணை உறுத்தவும் நான் அப்போது இருந்த படங்களை ஒன்றொன்றாக ரீநேம் பண்ணி கொஞ்சம் அழகாக்கினேன். பின்னர் ஒரு இமேஜ் பைலை Folder.jpg எனப் பெயரிட்டால் அது போல்டரின் கவராக மாறும் எனத் தெரிந்தபின் மீண்டும் கூகுள் இமேஜில் பட போஸ்டர்களை டவுன்லோட் செய்து ஒவ்வொரு போல்டரையும் அழகாக்கினேன்.

திரைப்படம் இப்போது இரண்டு மாதங்களுக்கு முன்பு ஒரு வலைத்தளத்தில் நான் வாசித்து தெரிந்து கொண்ட ஒரு அருமையான மென்பொருள் (கள்) பற்றித் தான் இன்று இந்தப் பதிவு மூலம் கூறப் போகிறேன்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

XBMC என்பது தான் இந்த மென்பொருளின் பெயர். இதை நீங்கள் Ember Media Manager என்ற மென்பொருளுடன் சேர்த்து பயன்படுத்தும்போது திரைப்படங்கள் ஆட்டோமட்டிக்காக பெயர், வருடம் என பெயரிடப்பட்டு உள்ளே உள்ள ஃபைல்களும் சரியாக பெயரிடப்படும். பேஸிக்காக பார்த்தால் Ember Media Manager திரைப்படத்தை ஒழுங்குபடுத்த தேவையான விடயங்களைப் பெற்று அவற்றை சரியாக பெயரிட்டு அந்தந்த போல்டர்களில் போட XBMC அதை அழகாக ஷோகேஸ் பண்ணும் வேலையை செய்கிறது. இதற்காக சில ஸ்கின்ஸ் போன்றவை இந்த மென்பொருளிற்காக இதன் தளத்தில் கிடைக்கிறது.

பயன்கள் -

நீங்கள் அதிகமான திரைப்படங்களை உங்கள் கணனியில் சேமித்து வைத்திருந்தால் இந்த மென்பொருள் அவற்றை அழகாக காட்சிப்படுத்த, நண்பர்களுக்கு உங்கள் கலெக்ஷனைக் காட்ட மிகவும் உதவும். மேலும் ஒரு திரைப்படத்தின் பெயரையும் அதன் பெயரையும் வழங்கினால் பெரும்பாலும் இது IMDBஇல் இருந்து அப்படத்தின் கதை, ரேடிங், நடிகர்களின் பெயர்கள் போன்ற பல தகவல்களையும் பெற்றுத்தரும். மேலும் இதை உங்களுக்கு விருப்பமான வகையில் அழகாக வடிவமைத்துக் கொள்ளலாம். மேலும் இந்த மென்பொருள் திரைப்படங்கள் மட்டும் அல்லாமல் உங்களிடமுள்ள மியூசிக் ஃபைல்ஸ் மற்றும் ஆங்கில தொலைக்காட்சி நாடகங்களையும் ஓழுங்குபடுத்த உதவும்.

நீங்கள் உங்கள் வீட்டில் ஒரு HDTVயும் ஒரு சாதாரணமான பழைய (அதுக்காக எங்கிட்ட PII பீ.ஸீ ஒன்னு இருக்கு பரவால்லியா என்றெல்லாம் கேக்கப்படாது. ஒரு சாதாரண வேகமுள்ள பீ.ஸீ) ஓரமாக வைத்திருந்தால் அதை ஒரு ஹோம்-தியேட்டர் கம்ப்யூட்டராக பயன்படுத்தலாம். இதற்காக பூட் ஆகக்கூடிய வர்ஷன் ஒன்றும் இந்த மென்பொருளின் தளத்தில் கிடைக்கிறது. எனவே வின்டோஸ் எல்லாம் ஒன்றும் இல்லாமல் டீவியில் வெறும் படங்கள், நாடகங்கள் மட்டுமே பார்க்க அந்த கணனியை பயன்படுத்திக் கொள்ளலாம். கொஞ்சம் மெனக்கெட்டால் Universal Remote ஒன்றின் மூலம் கன்ட்ரோல் பண்ணக்கூடிய வகையிலும் செய்து கொள்ளலாம்.

எல்லாம் வடிவமைத்து முடித்தபின்னர் உங்கள் கலெக்ஷனில் உள்ள படங்களை ஆக்ஷன், த்ரில்லர், அனிமேஷன் என ஜென்டராக ப்ரவுஸ் பண்ணலாம். அல்லது IMDBஇல் வழங்கியுள்ள ரேடிங் அடிப்படையில் ஒழுங்குபடுத்தலாம். மேலும் ஒரு படத்தில் நடித்துள்ள நடிகரின் பெயரின் அடிப்படையில், அல்லது ஒரு இயக்குனரின் பெயரின் அடிப்படையில் அவர்கள் பங்காற்றி இருக்கும் வேறு படங்கள் உங்களிடம் இருந்தால் தெரிந்து கொள்ளலாம். இவ்வாறு பல அம்சங்கள் இதில் உள்ளன.

உங்களிடம் நிறையப் படங்கள் இருந்தால் அவற்றை முதன் முதலாக ஒழுங்கு படுத்துவது கொஞ்சம் கடினமான (கஷ்டம் என்றால் கொஞ்சம் நேரம் போகும்) விடயமாக இருந்தாலும் ஃபைனல் ரிஸல்டைப் பார்க்கும்போது நேரம் சும்மா வீணாகவில்லை என்பது தெரியும்.

என்னவோ சொல்ல வந்து, என் ஹிஸ்ட்ரியை உளறியதால் இந்த பதிவு அளவு மீறி பெரிதாக போய்க்கொண்டிருப்பதால் எவ்வாறு ஒழுங்குபடுத்துவது என்று அடுத்த பதிவில் பார்க்கலாம். (நீங்க க்ர்ர்ர்ர்ர்ர் ங்கறது கேக்குது பாஸ்)அதற்கு முன்பு ஃபைனல் ரிசல்ட் எவ்வளவு அழகாக வரும் என்பதை காட்டுவதற்காக நான் கஸ்டமைஸ் செய்து ஒழுங்குபடுத்தியுள்ள என் திரைப்பட லைப்ரரியின் சில ஸ்க்ரீன் ஷாட்ஸ். (படத்தை கிளிக்கி பெரிதாக்கி பார்க்கலாம்)

மென்பொருள் தொடங்கியவுடன் வரும் ஸ்க்ரீன்

ஹோம் ஸ்க்ரீன் அண்மையில் சேர்த்த படங்களுடன்

அடிக்கடி Background Image மாறும் ஹோம் ஸ்க்ரீன்

ஹோம்-ஸ்க்ரீனில் டீ.வி ஸீரீஸ்

எனக்கு பிடித்த காமெடி டீ.வி ஸீரிஸ் (The Big Bang Theory)

தற்பொழுது மிக இன்ட்ரெஸ்டாக பார்க்கும் டீ.வி ஸீரிஸ் (Dexter)

ஒரு சீரீஸில் உள்ள சீசன்கள் தோன்றும் விதம்

ஒரு சீசனிலுள்ள எபிசோட்கள் அவற்றின் கதைச் சுருக்கத்துடன்

டீ.வி ஸீரீஸ்களை பார்க்கும் இன்னொரு வியூ

லிஸ்ட் ஆரம்பம்

இதுவும் படங்களின் வரிசை

படங்களின் லிஸ்ட் காட்சியளிக்கும் விதம். இன்னும் பல வியூஸ் உண்டு.
அடுத்த பதிவில் போடுகிறேன்.

பைரேட் ஒவ் தி கரேபியன் சீரீஸ் பில்டர் பண்ணி

வெவ்வேறு பெயரிகளில் வரும் சீரீஸ் ஒன்றை தேடும்போது வரும் ரிசட்ஸ்
(இங்கு ஜேம்ஸ் பாண்ட்)

ஹோம் ஸ்க்ரீன்

நடிகர்களின் லிஸ்ட்

டாம் ஹாங்க்ஸ் நடித்துள்ள/குரல் கொடுத்துள்ள படங்களை தனியாக பார்க்கும் போது

படத்தை Pause செய்து வைக்கும்போது காட்டப்படும் படம் பற்றிய தகவல்கள்,
முடியும் நேரம் என்பன சோ கூல்!!!

பகுதி இரண்டைப் படிக்க இங்கே க்ளிக் செய்யவும்.

நல்லாயிருக்கா???

முடிஞ்சா ஒரு பின்னூட்டம் போட்டுட்டு போங்க.

கணனியில் இருக்கும் திரைப்படங்களை ஒழுங்குபடுத்துவது எப்படி? Part II

2011-12-29T20:34:00.001+05:30

பகுதி ஒன்றைப் படிக்க இங்கே க்ளிக்கவும்.

சரி ... போன முறை மாதிரி சுத்தி வளைச்சு மேட்டரைத் தொடாம இன்னக்கி நேரா விஷயத்துக்கே வாரேன்.

XBMC என்பது அனேகமாக அனேகமாக அனைத்து ப்ளாட்பாம்களிலும் (ரயில்வே ப்ளாபாம் இல்ல) (வின்டோஸ், மக், லினக்ஸ் போன்றவற்றில்) இயங்கக்கூடிய ஒரு மென்பொருள். அதனால் நீங்கள் மேலுள்ள எதில் வேண்டுமானாலும் இதனை இயக்கலாம்.

கீழுள்ள Step I என்பது கட்டாயம் அவசியமல்ல. வேண்டுமானால் இந்த வேலையை XBMC இல் செய்யலாம். ஆனால் திடீரென உங்கள் விண்டோஸை போர்மட் செய்ய வேண்டி வந்தால் நீங்கள் செய்த அனைத்து வேலையும் வீணாகிவிடும். மீண்டும் அனைத்து படங்களையும் திருத்தவேண்டும். இம்முறையை பாலோ செய்வதன் மூலம் அனைத்து தகவல்களும் ஃபோல்டரில் சேவ் செய்யப்படுவதால் அடுத்தமுறை போர்மட் செய்தாலும் XBMCஇல் சேர்க்கும் வேலை மட்டுமே உங்களுக்கு. மேலும் இன்னொரு கம்ப்யூட்டருக்கு படத்தை ட்ரான்ஸர் செய்தாலும் அங்கும் XBMCஇல் நேராக இணைக்க வேண்டிய வேலை மட்டுமே இருக்கும்.

சோ ... இட்ஸ் யுவர் சாய்ஸ் வாட் ஸ்டெப் டூ பாலோ.

லெட்ஸ் பிகின் .... (படங்களை க்ளிக்கி பெரிதாக்கி பார்க்கவும்)

Step I - Ember Media Manager (EMM) ஐ இன்ஸ்டால் செய்தல்

முதலில் இந்த லிங்கிற்கு சென்று அதில் உங்கள் வின்டோஸ் வெர்ஷனுக்கு ஏற்றவாறு v2421 (64bit அல்லது 32bit) ஃபைலை தரவிறக்கிக் கொள்ளவும்.

பின்னர் இறக்கிய ஃபைலை வின்ரார் அல்லது 7ZIP பாவித்து extract செய்து கொள்ளுங்கள்.

Extract செய்யப்பட்ட ஃபோல்டரில் உள்ள Ember Media Manager.exe ஃபைலை ஓபன் செய்யவும். அதில் ஏதேனும் அப்டேட் செய்யக் கேட்டால் தவறாமல் அப்டேட் செய்து விடுங்கள்.

முதலாவதாக தோன்றுவதை Next செய்து விட்டு, இரண்டாவது விண்டோவில் உங்கள் திரைப்படங்கள் உள்ள ஃபோல்டர்களை செலக்ட் செய்து விட்டு பின் Nextஐ க்ளிக்குக.

அடுத்ததாக வரும் விண்டோவில் கீழ்க்கண்டவாறு டிக் செய்து கொள்ளுங்கள். (<movie> என்று சொல்லப்பட்டதை டிக்கினால் அது வீடியோ ஃபைல் என்ன பெயரில் உள்ளதோ, அதே போன்று தேவையான தகவல்கள், பட போஸ்டர் போன்றவை சேவ் செய்யப்படும்)

பின் அடுத்த விண்டோவில் முதல் போன்று உங்களிடம் டீவி சீரீஸ் ஏதும் இருந்தால் அவை சேவ் செய்யப்பட்டிருக்கும் இடத்தை தெரிவு செய்து Nextஐ க்ளிக்குங்கள்.

பின்னர் கீழுள்ள படத்தில் உள்ளவாறு டிக் செய்து கொள்ளுங்கள். (உங்கள் விருப்பத்திற்கு ஏற்ப சாய்ஸை மாற்றிக் கொள்ளலாம்)

கொஞ்சம் வெயிட் பண்ணுங்க (உங்களிடமுள்ள படங்களின் அடிப்படையில் நேரம் வித்தியாசப்படும்). EMM அனைத்து ஃபோல்டர்களையும் இறக்கி ஃபோல்டரின் பெயரின் அடிப்படையில் லிஸ்ட் பண்ணும். திரைப்படங்கள் Movies என்ற Tab கீழும் டீவி ஸீரீஸ் TV Shows என்ற Tab கீழும் பட்டியலிட்டு காட்டப்படும்.

இனி தான் மெயின் வெர்க் ஸ்டார்ட்.

ஆனால் அதற்கு முன் சில Settingsகளை நாம் நமக்கு ஏற்றவாறு மாற்றிக் கொள்ளுதல் பின்னாடி மிகவும் வசதியாக இருக்கும்.

முதலாவதாக எடிட் மெனுவிற்கு சென்று செடிங்ஸ் ஐ ஓபன் செய்து கொள்ளவும். அதில் Movies என்ற Tab இனை க்ளிக் செய்து அதில் ஸ்க்ரேப்பர்ஸ் - டேட்டா (Scrapers - Data) என்ற பகுதியை க்ளிக் செய்தால் அதில் கீழ்கண்டவாறு தோன்றும். உங்களுக்கு தேவையான தகவல்களை தெரிவு செய்த பின் Apply பட்டனை அழுத்தவும். பின் அதன் கீழுள்ள Native Ember Movie Scrapers என்பதை Disable செய்துவிட்டு பின்னர் Rogue's Movie Scraper என்பதை Enable செய்து கொள்ளுங்கள். என் செடிங்ஸ் இதோ.

இங்கு Cast இனை லிமிட் பண்ணுவது நல்லது ஏனெனில் அப்போது IMDB
இல் தரப்பட்ட வரிசையில் நடிகர்களின் லிஸ்ட் பெறப்படும்.

அடுத்ததாக Scrapers - Images & Trailers என்ற பகுதியில் சென்று உங்களுக்கு வேண்டியவாறு மாற்றிக் கொள்ளுங்கள். இதில் உங்கள் ஹார்டில் இடம் இருந்தால் Enable Actors Cache என்பதையும், Download All Fanart Images of the Following Size as Extrathumbs என்பதையும் டிக் செய்து கொள்ளவும். வேண்டுமானால் யூட்யூபில் இருந்து ட்ரெயிலர்களையும் டவுன்லோட் செய்து கொள்ளலாம் (ஆனால் அதிகம் ஸ்பேஸ் வீணாகும் என்பதாலும் Bandwidth வேஸ்ட் காரணத்தினாலும் அதை தெரிவு செய்யவில்லை). என்னுடைய செடிங்ஸ் இதோ.

இங்கு காஷ் ஆப்ஷன் கட்டாயமல்ல. இது பெறப்படும் அனைத்து படங்களையும்
ஹார்டில் சேவ் செய்து பின்னாளில் தேவைப்பட்டால் மீண்டும் பதிவிறக்குவதை
தவிர்க்கலாம்.

பின்னர் கீழுள்ள Rogue's Ember Movie Scraper என்ற பகுதியில் சென்று Get Images From என்பதன் மூலம் கீழுள்ள வலைத்தளங்களை டிக் செய்து கொள்ளவும்.

ஓல்மோஸ்ட் Ember Media Manager செடிங்ஸ் ஓவர். கடைசியாக Modules என்ற பகுதியில் Renamer என்பதை க்ளிக் செய்து அதில் உங்கள் ஃபோல்டர் மற்றும் மூவி ஃபைல்கள் எவ்வாறு பெயரிடப்பட வேண்டும் என்பதை மாற்றிக் கொள்ளுங்கள். (என்ன values எதைக் குறிக்கும் என்பது பக்கத்தில் கூறப்பட்டுள்ளது)

என் செட்டிங்ஸ்க்கு ஏற்ப ஃபோல்டர்கள் எவ்வாறு தோன்றும் என்பதை கீழே
சென்று பார்க்கவும்

அவ்வளவு தான் செடிங்ஸ். சேவ் பண்ணிவிட்டு இனி Movies இல் காணப்படும் படங்களை வேண்டுமானால் ஒன்றொன்றாக தயார் செய்யலாம். (இந்த முறை பெரும்பாலும் விரும்பத்தக்கது ஏனெனில் ஒவ்வொரு படத்தின் போஸ்டர், ஃபான்ஆர்ட் [XBMC இல் பின்னால் தோன்றும் படம்] என்பவற்றை உங்களுக்கு பிடித்தமாதிரி தெரிவு செய்து கொள்ளலாம்). இதைச் செய்ய ஒரு படத்தை ரைட்-க்ளிக்கி வரும் மெனுவில் (Re)Scrape Movie எனும் ஒப்ஷனை தெரிவு செய்தால் கீழ்க்கண்டவாறு ஒரு விண்டோ பாக்ஸ் தோன்றும். அதில் ஃபோல்டரின் பெயருக்கு ஏற்ற படங்கள் தேடப்பட்டு பட்டியலிடப்படும். அவ்வாறு ஃபோல்டரின் பெயர் பிழையானால், நீங்கள் படத்தின் பெயரை தேடி அந்தப்படத்தை தெரிவு செய்யலாம்.

அல்லது லிஸ்டிலுள்ள அனைத்து படங்களையும் வேண்டுமானால் ஓரே முறையில் ஆட்டோமேடிக்காக ஒழுங்குபடுத்துமாறு பணிக்கலாம் (சில படங்கள் மாறுபட்டு வருவதற்கு வாய்ப்புகள் உண்டு. காரணம் சில படங்கள் ஒரே பெயரில் ஆனால் வெவ்வேறு வருடங்களில் வந்திருக்கலாம், அல்லது உதாரணமாக ஒரு கொரிய படமானால் அதன் ஒரிஜினல் பெயர் வேறு விதமாக இருக்கும்), அல்லது அனைத்து படங்களையும் ஆட்டோமாடிக்காக தயார் செய்யுமாறும் ஆனால் சந்தேகத்திற்குரிய படங்களை உங்களிடம் தெரிவு செய்ய கேட்குமாறும் (மேலே உள்ள முறையை விட பிழைகள் வர வாய்ப்புகள் குறைவு. ஆனால் முடியும் வரை நீங்கள் பக்கத்தில் இருந்து பார்த்துக் கொண்டிருக்க வேண்டும்) கொடுத்து ஒழுங்குபடுத்த செய்யலாம். இதற்கு Mark All என்ற பட்டனின் பக்கத்தில் உள்ள Scrape Media என்பதை தெரிவு செய்து வரும் Dropdown Menuவில் All Moviesக்கு சென்று Automatic அல்லது Ask என்ற ஆப்ஷனுக்குள் உள்ள All Items என்பதை தெரிவு செய்து படங்களின் விவரங்கள் சேகரிக்கப்படும் வரை பொறுத்திருங்கள்.

நீங்கள் மேலுள்ள Renamer பகுதியில் இரு Automatically Rename பாக்ஸையும் டிக் செய்திருந்தால் உங்கள் ஃபோல்டர்கள் Rename செய்யப்பட்டுவிடும். அல்லது ஒன்றொன்றாக நீங்கள் ரீநேம் செய்யவேண்டி வரும்.

அனைத்து படங்களையும் ஒரேயடியாக செய்ய வேண்டும் என்று கட்டாயமில்லை. வேண்டுமானால் கொஞ்சம் கொஞ்சமாக முடிக்கலாம்.

முடித்தபின் உங்கள் திரைப்படங்கள் EMMஇல் காட்சியளிக்கும் விதம்.

உங்கள் திரைப்பட ஃபோல்டர்கள் திருத்தியமைக்கப்பட்டு இவ்வாறு தோன்றும்.

போல்டர்கள் (இப்போ நீட்டா இருக்குல்ல? )

போல்டரின் உள்ளே

எக்ஸ்ட்ரா பிட் - IMDB தமிழ்ப்படங்கள் பற்றி பெரிதாக அலட்டிக் கொள்ளாததால் தமிழ்ப்படங்கள் பற்றிய தகவல்கள் குறைவாகவே கிடைக்கும். ஆனால் சற்று மென்பொருளுடன் ஃபார்ம் ஆன பின் நீங்களே வேண்டிய தகவல்களையும், போஸ்டர், ஃபான்ஆர்ட் போன்றவற்றையும் கூகுள் இமேஜில் இருந்து பெற்று மானுவலாக ஒழுங்குபடுத்திக் கொள்ளலாம். நான் எங்கேயும் எப்போதும் படத்தின் டீவிடி இமேஜை ஒழுங்கு செய்து XBMCஇல் சேர்த்திருக்கும் விதம்.

ஹை ... ஜாலி

Step II ஆன XBMCஇனை நிறுவி மெருகூட்டி எவ்வாறு படங்களையும் டீவி சீரிஸையும் அதில் இணைப்பது என்பது பற்றி அடுத்த பதிவில் பார்க்கலாம். (அடப்பாவி ... உனக்கு இந்த தொடரை முடிக்கிறதா ஐடியாவே இல்லையா? இன்னும் முழுசா பத்து பதிவு எழுதல. அதுக்குல்ல தொடரா அப்படின்னு கேக்குறது புரியுது. என்ன செய்ய. தொடங்கினா நிறுத்த முடியல ...)

பகுதி I படிக்க இங்கே க்ளிக் செய்யவும்

மீண்டும் அடுத்த பதிவில் சந்திக்கும்வரை.
ஹாலிவுட்ரசிகன்.

கணனியில் இருக்கும் திரைப்படங்களை ஒழுங்குபடுத்துவது எப்படி? Part I

2011-12-29T16:47:00.004+05:30

மென்பொருள் தொடங்கியவுடன் வரும் ஸ்க்ரீன்

ஹோம் ஸ்க்ரீன் அண்மையில் சேர்த்த படங்களுடன்

அடிக்கடி Background Image மாறும் ஹோம் ஸ்க்ரீன்

ஹோம்-ஸ்க்ரீனில் டீ.வி ஸீரீஸ்

எனக்கு பிடித்த காமெடி டீ.வி ஸீரிஸ் (The Big Bang Theory)

தற்பொழுது மிக இன்ட்ரெஸ்டாக பார்க்கும் டீ.வி ஸீரிஸ் (Dexter)

ஒரு சீரீஸில் உள்ள சீசன்கள் தோன்றும் விதம்

ஒரு சீசனிலுள்ள எபிசோட்கள் அவற்றின் கதைச் சுருக்கத்துடன்

டீ.வி ஸீரீஸ்களை பார்க்கும் இன்னொரு வியூ

லிஸ்ட் ஆரம்பம்

இதுவும் படங்களின் வரிசை

பைரேட் ஒவ் தி கரேபியன் சீரீஸ் பில்டர் பண்ணி

ஹோம் ஸ்க்ரீன்

நடிகர்களின் லிஸ்ட்

பகுதி இரண்டைப் படிக்க இங்கே க்ளிக் செய்யவும்.

நல்லாயிருக்கா???

முடிஞ்சா ஒரு பின்னூட்டம் போட்டுட்டு போங்க.

Rise of the Planet of the Apes [2011]

2011-12-28T13:01:00.001+05:30

நம் மனித இனம் ஒவ்வொரு நாளும் விஞ்ஞானத்துறையில் பல வகைகளில் சாதனைகளை புரிந்து வருவது நாம் அனைவரும் அறிந்ததே. தினமும் தோன்றும் புதுப்புது வகையான நோய்களுக்கு மருந்துகள், மரபணு சிகிச்சைகள் என பட்டியலிட முடியாத அளவுக்கு முன்னேற்றம். ஆனால் அதன் பின் ஆராய்ச்சிக்காக பயன்படுத்தப்படும், கொல்லப்படும் எண்ணற்ற உயிரினங்களைப் பற்றி நாம் என்றுமே யோசித்துப் பார்த்ததில்லை. எத்தனையோ ஆயிரம் எலிகள், சிம்பன்சிகள், Guinea Pigs என்பவற்றில் மருந்துகளை ஏற்றி சோதனைகள் செய்து பார்த்து, வெற்றி பெற்ற பின்பே ஒரு மருந்து நமக்கு அளிக்கப்படுகிறது. இடையில் அந்த மருந்து பிழைத்துவிட்டாலோ, அல்லது ஓவர்டோஸ் ஆகிவிட்டாலோ, அல்லது பக்கவிளைவுகள் இருந்தாலோ அந்த உயிருக்கு உத்தரவாதம் இல்லை.

இவ்வாறு மருத்துவ ஆராய்ச்சிக்காக அடைத்துவைக்கப்படும் சிம்பன்சிகளில் ஒன்று எவ்வாறு தன் இனத்தின் சுதந்திரத்திற்காக போராடுகிறது என்பதே இந்தப் படத்தின் ஒன்லைன் கதை.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

படத்தின் கதை :

ஒரு சிம்பன்ஸி காட்டிலிருந்து ஆராய்ச்சிக்காக பிடித்துவரப்படும் குரங்குக்கூட்டத்தில் அகப்படுகிறது. வில் என்னும் விஞ்ஞானி அல்ட்ஸ்ஹய்மர்ஸ் நோய்க்கு மருந்தாக ஒரு மருந்தை கண்டுபிடிக்கிறான். ஆராய்ச்சியின் போது ALZ-112 என்ற அந்த மருந்து சிம்பன்ஸிக்கு அளிக்கப்படுகிறது. அதன் ஒரு விளைவாக அந்த சிம்பன்ஸி சாதாரண குரங்குகளை விட அறிவில் முன்னேறிய செயற்பாடுகளை காண்பிக்கிறது. இதனால் அந்த நிறுவனம் அதன் ஆராய்ச்சிக்காக பண முதலீடு செய்பவர்களுக்கு சிம்பன்ஸியின் திறமைகளை டெமோ காட்ட மீட்டிங் ஒன்றை ஒழுங்குபடுத்தும் போது அந்த சிம்பன்ஸி தப்பித்து கலவரம் ஒன்றை உண்டாக்குகிறது. அதன்போது ஒரு காவலாளியால் சுட்டுக் கொல்லப்படுகிறது.

ALZ-112 என்ற அந்த மருந்தின் பக்கவிளைவாகத் தான் அந்த சிம்பன்ஸி கோபமான நடத்தையை காட்டியது என முடிவு செய்கிறார்கள். அதனால் மற்றைய குரங்குகளை அழிக்குமாறு உத்தரவிடப்படுகிறது. ஆனால் பின்னர் அந்த சிம்பன்ஸி ஒரு குட்டி ஈன்றதும், அதை பாதுகாக்கவே அவ்வாறு ஆவேசப்பட்டு நடந்ததும் தெரிய வருகிறது. அப்போது வில்லிற்கு அந்தக் குட்டியை தந்து அதனை பராமரிக்குமாறு அங்கு வேலை செய்பவன் கூற, வில் அந்தக் குட்டியை தன் வீட்டில் வளர்க்கிறான். அங்கு அந்தக் குட்டி சீசர் என பெயரிடப்பட்டு வில் உடனும், அல்ட்ஸ்ஹய்மர்ஸ் நோயால் பாதிக்கப்ட்ட வில் இன் தந்தையுடனும் வளர்கிறது. சிறு வயது முதலே அந்தக் குட்டி அதிகப்படியான அறிவாற்றலுடன் வளர்கிறது. வில் அதன் தாய்க்கு வழங்கப்பட்ட மருந்து, இதற்கும் மரபணுக்கள் மூலம் வந்திருக்கலாம் என முடிவு செய்கிறான்.

வில் பின்னர், தன் தந்தைக்கு தான் கண்டுபிடித்த மருந்தை உபயோகிக்க, அவரும் அவரின் நோய் குணமாகி, முன்னர் இருந்ததை விட சுறுசுறுப்பாகவும், ஆரோக்கியமாகவும் இருக்கிறார். ஆனால் சில வருடங்களின் பின், அவரின் நோய் எதிர்ப்பு தொகுதி அந்த மருந்தை முறியடிக்க மீண்டும் அல்ட்ஸ்ஹய்மர்ஸ் நோய் தாக்குகிறது. இதற்குள் சீசரும் வளர்ந்து விடுகிறது.

ஒருமுறை வில்லின் தந்தை ஞாபக மறதியில் பக்கத்து வீட்டுக்காரனின் காரை எடுத்து இடித்து விட அவன் அவரின் காலரை பிடித்து போலிஸை கூப்பிடுவதாக மிரட்டுகிறான். இதனை ஜன்னல் வழியாக பார்த்துக் கொண்டிருக்கும் சீசர், உடனே வந்து அவனை தாக்கி அவனின் விரலை கடித்து துண்டாக்கிறது.

இதன் பின் சீசர் நீதிமன்ற உத்தரவு கிடைக்கும் வரை குரங்குகளை அடைத்து வைக்கும் காப்பகத்தில் வைக்கப்படுகிறது. அங்கு வேலை செய்யும் குரங்குகளை துன்புறுத்தி அதில் இன்பம் காணும் பையனால் சில துன்புறுத்தல்களுக்கு சீசர் ஆளாகின்றது. மேலும் அங்கு வாழும் ஏனைய குரங்குகள் படும் அவஸ்தையையும், அவை சுதந்திரம் இன்றி வாழ்வதையும் கண்டு பொங்கி எழுகிறது.

சீசர் தன் இனத்தை எவ்வாறு விடுவித்தது? சீசர் மீண்டும் வில்லுடன் சேர்ந்ததா? அந்த குரங்குகளின் எதிர்காலம் என்ன ஆனது என்பதை படத்தை பார்த்து தெரிந்து கொள்ளுங்கள்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

படத்தின் மிக முக்கிய பலம் என்று கூறக் கூடியது இதன் சீ.ஜீ எஃபெக்ட்ஸ். இந்த சீரீஸில் முன்னைய படங்களில் குரங்கு வேஷம் போட்டு மனிதர்களை நடிக்க வைத்தது போல அல்லாமல் தற்போது பிரபலமாகி வரும் Motion-Capture தொழில்நுட்பத்தை பாவித்து அனிமேஷன்கள் செய்யப்பட்டுள்ளன. சீ.ஜீ செய்தவர்கள் Avatar, Tin Tin : Secret of Unicorn, The Lord of the Rings படங்களுக்கு சீ.ஜீ எஃபெக்ட் கொடுத்த பீட்டர் ஜக்சனின் (Lord of the Rings) நிறுவனமான வீட்டா டிஜிடல்ஸ் (Weta Digitals). இந்த படத்தில் வரும் குரங்குகள் அனைத்தும் கம்பியூட்டரில் உருவாக்கப்பட்டவை என்று சொன்னால் யாரும் எளிதில் நம்பமாட்டார்கள். அவ்வளவு தத்ரூபமாக அவற்றை அமைத்திருக்கிறார்கள், முக்கியமாக ஹீரோவான சீசர். சீசரின் அசைவுகளை நடித்துக் கொடுத்தவர் Motion-Capture இல் பிரபலமான அன்டி சேர்கின்ஸ் (2005 கிங்-காங் படத்தில் கிங்-காங்காக நடித்தவர்).

ஒரு இன்னசன்டான சிறுவயது சிம்பன்ஸி குட்டியிலிருந்து வளர்ந்த புத்திசாலியான அடல்ட் ஆக வரும்வரை அதன் பரிமாணத்தை காட்டியிருக்கும் விதம் அற்புதம். படம் முழுவதும் இது அதிகம் பேசாமல் சைலண்டாக இருந்தாலும் படம் பார்ப்பவர்களுக்கு அதன் உணர்வுகள் வருவது க்ராபிக்ஸில் அது காட்டும் எக்ஸ்ப்ரெஷன்ஸால் தான். சிறு வயது குழந்தைகள் விளையாடும் போது ஏக்கத்துடன் பார்க்கும் இடமாகட்டும், பார்க்கில் நாய் தொடர்ந்து குரைக்க கோபம் வந்து பயங்கரமாக பார்க்கும் இடம், வில் தன்னை வீட்டிற்கு கூட்டிச் செல்ல முடியாது என்று கூறிவிட்டு திரும்பிச் செல்லும் போது கோபத்தில் காட்டும் எக்ஸ்ப்ரெஷன், வில்லிடம் தான் தொடர்ந்து காப்பகத்தில் தங்குவதாக கூறிவிட்டு பின்னர் திரும்பி கொடுக்கும் அந்த பாவனைகள் என அனைத்து இடங்களிலும் ஒரு நிஜ மனித-குரங்கின் உணர்ச்சிகளை திரையில் காட்டியிருக்கின்றனர். மொத்தத்தில் வீட்டா நிறுவனத்தினர் வழக்கம் போல தங்கள் பணியை 100% சூப்பராக முடித்துக் கொடுத்துவிட்டனர்.

ஆனாலும் சீசரின் பாத்திரத்தைப் பார்க்கும் போது, அது ஒரு போராளியின் வாழ்க்கையைப் பிரதிபலிப்பதை காண்பது தவிர்க்கமுடியாது. குடும்பத்தை விட்டு தனியாக சிறையில் துன்புறுத்தப்பட்டு அங்கு தன் இனம் அடைத்துவைக்கப்பட்டு அடிமைகளாக இருப்பதைக் கண்டு பொங்கி எழுவது ஒரு போராளியின் சுபாவத்தை வெளிப்படுத்துகிறது.

ஆனால் இந்தக் குரங்கிற்கு படத்தில் கொடுத்த முக்கியத்துவத்தை மனித கதாபாத்திரங்களுக்கு கொடுக்க தவறிவிட்டனர் என்று தான் கூறவேண்டும். கதையின் இன்னொரு ஹீரோவாக வரும் வில் (James Franco), வெட்டரனரியாக வரும் ஹீரோயின்னான இந்திய-அமெரிக்க சின்ன கில்மா அம்மையார் (Frieda Pinto), அல்ட்ஸ்ஹய்மர்ஸ் நோயால் பாதிக்கப்பட்ட தந்தையாக வரும் John Lithgow ஆகியோர் மற்றும் ஏனைய நடிகர்கள் தங்கள் பங்கினை செய்து விட்டு போனாலும் இம்ப்ரெஸிவ் என்று யாரையும் கூற முடியவில்லை. ஆனாலும் நோயால் மனநிலை பாதிக்கப்பட்டவராக நடிக்கும் John Lithgowஇன் நடிப்பு நிச்சயம் பாராட்டத்தக்கது. "மனிதனின் பிடியில் இருந்து குரங்குகள் தப்பிக்கும் ஒரு திரைப்படத்தில் டிஜிடல் குரங்குகளின் ஆதிக்கத்தால் மனித நடிகர்களால் ஜொலிக்க முடியாமல் போனது சற்று வருத்தமே."

படத்தின் மற்றொரு ப்ளஸ் பாயிண்ட் மியூசிக். படம் முழுவதும் இன்ஸ்ட்ருமெண்டல் இசை இருப்பதால் படத்தின் காட்சிகளுக்கான மூடை உருவாக்குவதில் நிச்சயம் இதன் பங்கும் உண்டு என்பது மறுப்பதற்கில்லை. சில இடங்களில் படத்தின் வேகம் சற்றே குறைவது போல இருந்தாலும் அடுத்து வரும் காட்சிகள் நிமிர்ந்து உட்கார்ந்து பார்க்க வைப்பதால் ”அட போங்கப்பா” என சலிப்படையாமல் செல்கிறது. இது குடும்பத்துடன் பார்க்க வேண்டிய தவறவிடக்கூடாத என்டர்டெயினர். வார இறுதியில் ரசிக்கக்கூடிய ஹாலிவுட் மசாலா படம்.

படத்தின் ட்ரெயிலர் இங்கே :

Rise of the Planet of the Apes : 7.5/10

எக்ஸ்ட்ரா பிட் - படத்தில் ஒரு இடத்தில் ALZ-113 என்ற புதிய ரக மருந்து அங்கு வேலை செய்யும் ஒரு மனிதனால் உள்ளெடுக்கப்படுகிறது. ஆனால் அம்மருந்து மனிதர்களில் ஒரு தாக்கத்தை உண்டுபடுத்தி, அவர்களில் மூக்கின் வழியாக ரத்தம் வரப்பண்ணுகிறது. பின்னர் இன்னுமொரு சீனில் பாதிக்கப்பட்ட அம்மனிதன் தும்மும் போது அவனின் ரத்தம் வில்லின் எதிர்வீட்டவனின் மேல் தெறிக்கிறது. இந்த சீன் படத்தில் சும்மா வந்துட்டு போனாலும், Creditsக்கு பின்னால் வரும் ஒரு சீனில் ஏர்போட்டில் வைத்து வில்லின் அயல்வீட்டுக்காரன் தும்ம அவன் மூக்கிலிருந்தும் ரத்தம் தெறிக்கிறது. அனேகமாக இதன்படி அடுத்த படத்திற்கும் ஸ்கிரிப்ட் ரெடி பண்ணிட்டாங்க போல.

The Elder Scrolls V: Skyrim - [Game]

2011-12-26T17:37:00.001+05:30

சரி .... இது மட்டும் ஒரு ஐந்து பதிவுகள் தொடர்ந்து ஹாலிவுட் படங்களைப் பற்றியே போட்டுவிட்டேன். அது தான் இன்னக்கி ஒரு சேஞ்சுக்காக நான் கொஞ்ச நாளா தொடர்ந்து விளையாடிக் கொண்டிருக்கும் இந்த அருமையான கேமைப் பற்றி ஒரு பதிவ எழுதிருவோம்ணு தோணிச்சு.

எனக்கு பீ.ஸீ கேம்கள் மீது அளவிடமுடியா ஆர்வம் உண்டு. முதன் முதலாக Dave என்ற டாஸ் கேம் விளையாடியதில் இருந்து இன்று வரை அந்த ஆர்வம் சற்றும் குறையவில்லை. இதுவரை ஏராளமான கேம்களை விளையாடி முடித்ததுண்டு. அவற்றில் பிடித்த சீரீஸ் என்று சொல்லப்போனால் Age of the Empires, Call of Duty, Price of Persia, Tomb Raider, , Assassins Creed மற்றும் இன்று கூறப்போகும் Elder Scrolls series.

வீடியோ கேம்களில் பல வகை உண்டு. ஆக்ஷன், அட்வென்சர், ஸ்ட்ராடஜி, ரோல் ப்ளேயிங், ஷுடர்ஸ், ரேஸிங் எனப் பல. ஆனால் எனக்கு மிகவும் பிடித்த ஜென்டர் என்று கூறப்போனால் அது ஷுடர்ஸ், மற்றும் ரோல் ப்ளேயிங் கேம்ஸ் தான்.

FPS (First Person Shooter) கேம்களை பொறுத்தவரையில் நமக்கான வேலை மிகவும் குறைவு. கையில் கன்னை எடுத்தமா, பொட்டு பொட்டுன்னு முன்னாடி வருகிறவனை எல்லாம் சுட்டமான்னு போய்க்கிட்டே இருக்கணும். என்ன அடிக்கடி டைமுக்கு ரீலோட் பண்ணிக்கிறணும்.

ஆனால், ரோல் ப்ளேயிங் கேம்களை பொறுத்தவரையில் அப்படியல்ல. நமக்கு ஒரு கதாபாத்திரம் வழங்கப்படும். அந்தக் கதாபாத்திரத்தை நமக்கு வேண்டிய மாதிரி வடிவமைத்து, அந்த கேம் நம் ஸ்டைலுக்கு ஏற்றாப் போல விளையாடப்படும். இதனால் கேமில் நம்முடைய இன்வால்மென்ட் மிகவும் அதிகம். இதனால் தான் நான் RPG (Role Playing Games) கேம்களுக்கு அதிகம் ஆர்வம் காட்டுவது.

Dragonborn

Elder Scrolls V : Skyrim இன் கதை Nirn எனும் ஒரு கற்பனை உலகில் Tamriel எனும் கண்டத்தில் வடபகுதியில் உள்ள Skyrim எனும் இடத்தில் இடம்பெறுகிறது. அந்தப் பகுதியின் பேரரசன் கொலை செய்யப்பட்டுகிறான். இப்போது நாட்டில் பெரும் கலவரம் உண்டாகின்றது. Stormcloaks எனும் கலகக்காரர்கள் பெரும்பான்மையானோர் பேரரசு இல்லாமல் போகவேண்டும் என விரும்பும் அதேவேளையில் சிலர் பேரரசு நீடிக்க வேண்டும் என விரும்புகின்றனர்.

Elder Scrolls தன் சீரீஸில் கையாண்டு வரும் கலாச்சாரமான நாம் ஒரு கைதியாக மரண தண்டனைக்கு அழைத்துச் செல்லப்படுவதில் இருந்து கதை ஆரம்பிக்கிறது. நாம் யார், நம் கதாபாத்திரத்தின் பின்னணி, வரலாறு ஒன்றுமே நமக்கு தெரியாது. எல்லாம் வெட்ட வெளிச்சம். நம் தலையை வெட்டப்போகும் நேரத்தில் ஒரு ட்ராகன் வந்து கோட்டையை தாக்குகிறது. அந்த சமயத்தில் நாம் தப்பிக்க வாய்ப்பு கிடைக்கிறது. இந்த சமயத்தில் எமக்கு இரண்டு சாய்ஸ். நாம் கலகக்காரர்களுடன் தப்பித்து செல்லலாம், அல்லது Imperials எனும் படையை சேர்ந்த வீரனுடன் தப்பிக்கலாம். கதை நம் தெரிவுக்கு ஏற்ப மாறும்.

பனி மலையிலிருந்து புல் தரை வரை ஒரு
உலகம் உங்களுக்காக

ஏற்கனவே வந்த Elder Scrolls கதைகளில் கூறப்பட்ட ஒரு தீர்க்கதரிசனத்தின் படி நமக்கு அல்டுய்ன் (Alduin) என்ற அழிவுகளின் ட்ராகன் கடவுள் மீண்டும் வந்து உலகை அழிக்க திட்டமிடுவது தெரியவருகிறது. ஒரு சமயம் நாம் ஒரு நகரை காக்க ட்ராகன் ஒன்றை அழித்தபின் அதன் ஆவி நம் உடலால் உள்ளெடுக்கப்படுகிறது. அப்போது நாம் தான் கடவுள்களால் ட்ராகன்களை அழித்து அல்டுயினை தடுக்க நியமிக்கப்பட்ட Dragonborn என்ற வீரன் என அந்த நகர தலைவன் எமக்கு அறிவிக்கிறான். கதையில் வரும் ஏனைய கதாபாத்திரங்களின் உதவியோடு எப்படி நாம் அல்டுயினை எதிர்கொண்டு வெல்கிறோம் என்பது தான் மீதிக் கதை.

இந்த கேமிலுள்ள முக்கிய விஷேசத்தன்மை நமக்கு தரப்படும் தெரிவுகள் மற்றும் சுதந்திரம். கேம் ஆரம்பிக்கும்போது நமக்கு சில மானிட வகுப்பு வகைகள் தரப்படும். ஒவ்வொரு வகுப்பிற்கும் சில சிறப்பம்சங்கள் உண்டு. உதாரணமாக ஒரு வகுப்பு சிறப்பாக பேசக்கூடிய திறமை, ஒரு வகுப்பிற்கு மந்திரங்கள் போன்றவற்றில் திறமை, இன்னொரு வகுப்பு கத்திச் சண்டைகளில் சிறந்து விளங்கும், இன்னொரு வகுப்பு வில்-அம்பு சண்டைகளில் சிறந்து விளங்கும். நம் ஸ்டைலுக்கு எந்த வகுப்பு ஒத்து வருமோ அதை தெரிவு செய்து விளையாடலாம். அதே போல நம் கதாபாத்திரத்தின் முக-உடல் கட்டமைப்பு, உடுக்கும் உடை (கவசம்), விளையாட வேண்டிய ஆயுதங்கள் உள்ளிட்ட அனைத்து விடயங்களும் உங்கள் கையில்.

இந்த கேமின் முக்கிய ஹைலைட் ட்ராகன்களுடன் நாம் செய்யவேண்டிய சண்டைகள். சூப்பர் சாலன்ஜ் ...

இந்த சீரீஸில் பழைய கேம்கள் நாம் செலக்ட் செய்யும் வகுப்பின் திறமைகளை மட்டுமே வளர்க்க உதவும். இந்த Skyrim இல் அது போல அல்லாமல், கேமில் தொடர்ந்து செல்லும் போது லெவல்-அப் செய்து கொள்ளலாம். அப்போது நம் வகுப்புக்கு உள்ள திறமைகளையோ அல்லது மேலே கூறப்பட்டது போல வேறு திறமைகளையோ வளர்த்துக் கொள்ள கிடைக்கும் பாயிண்ட்களை செலவளிக்கலாம். ஆகவே நம் திறமைகள் ஒரு கட்டத்திற்குள் அடைபட்டது போல இல்லாமல் மிக ஓபன்னாக வழங்கப்பட்டுள்ளது. அதுபோலவே நாம் தொடர்ந்து ஒரு சில விடயங்களை செய்யும்போது அந்த திறமைகள் மேலும் வளரும் (களவெடுத்தல், இரும்புக் கொல்லன் வேலை, விவசாயம் ... மேலும் பல)

கேம் ஆரம்பித்த பின் ஒரு பெரிய வரைபடம் ஒன்று உங்களுக்கு தரப்படும். அந்த வரைபடத்தில் பல நகரங்கள், குகைகள் என்று செம இன்டரஸ்டிங்கான இடங்கள் உண்டு. வரைபடத்தில் உள்ள எந்த இடத்திற்கும் நீங்கள் கால்நடையாகவோ, அல்லது குதிரை ஒன்று வாங்கியோ பயணிக்கலாம். அதாவது இது நம்ம GTA மாதிரி ஒரு Open World கேம். ஒவ்வொரு இடத்தையும் கண்டுபிடித்த பின்னர் பாஸ்ட்-ட்ராவல் செய்யலாம்.

இந்த உலகில் கதைக்கு சம்பந்தமான ஏகப்பட்ட கதாபாத்திரங்கள் ஒவ்வொரு நகரங்களிலும் இருக்கும். நாம் அவர்களோடு பேசுவதன் மூலம் வேலைகளையும் நமக்கு தரப்படும் வேலைகளை முடிக்கத் தேவையான தகவல்களையும் பெற்றுக் கொள்ளலாம். சில மனிதர்களை நம்மை பின்தொடர்பவர்களாகவும் ஆக்கிக் கொள்ளலாம். சும்மா Random ஆக திரியாமல் அதே கதாபாத்திரங்கள் அந்தந்த இடங்களில் இருப்பதால் நாம் அந்த உலகில் இருப்பது போன்ற ஒரு உணர்வு வருகிறது.

நான் முன்னால் குறிப்பிட்டது போல, இந்த கேமில் நீங்கள் எடுக்கும் ஒவ்வொரு தெரிவும் உங்கள் கதையை திசை திருப்பக்கூடும். எப்படியும் கடைசியாக அங்க சுத்தி இங்க சுத்தி மெயின் பாயிண்ட்டுக்கே விழுந்தாலும் கதை ட்ராவல் பண்ணும் ரூட் மாறுபடும். மேலும் சில மிஷன்களில் நீங்கள் அந்த மிஷனில் வரும் கதாபாத்திரங்களோடு கதைக்கும் போது தெரிவு செய்யும் வசனங்களும் அந்த மிஷனில் தாக்கத்தை ஏற்படுத்தும்.

அதேபோல நீங்கள் கொடுக்கப்படும் வேலைகளை எவ்வாறு வேண்டுமோ அவ்வாறு முடிக்கலாம். எங்காவது தவறு விட்டாலும் வேறு ஏதாவது ஒரு முறையில் முடிப்பதற்கு வாய்ப்பு உண்டு. உதாரணமாக நான் விளையாடும்போது ஒரு மிஷன். அதில் ஒரு அரண்மனைக்குள் பார்ட்டி ஒன்றிற்கு மாறுவேடத்தில் சென்று நைஸாக சில டாக்குமெண்ட்களை திருடி வரவேண்டும். செல்லு முன் அங்கு வேலை செய்யும் நம் ஆள் ஒருவனுக்கு நம் ஆயுதங்கள், கவசங்கள் போன்றவற்றை கொடுத்து விட்டால் அவன் அவற்றை அங்கு ஒரு பெட்டியில் போட்டுவிடுவான். ஆனால் நான் அவனுக்கு என் ஆயுதங்களை கொடுக்கமுன் பார்ட்டிக்கு சென்றுவிட்டேன். இப்போது அரண்மனைக்குள் எந்த காவலாளி கண்டாலும் துரத்தி துரத்தி வெட்டுகிறார்கள். எனக்கும் ஆயுதம், கவசம் எதுவும் இல்லாததால் கொஞ்ச நேரத்தில் நான் காலி. அதனால் நான் அங்கு அரண்மனை கிச்சனில் இருக்கும் கோடரியை எடுத்துக் கொண்டு ஒரு காவலன் தனியாக வரும்வரை அரண்மனை முழுவதும் ஓடி ஓடி, பின் அவனை ஒருமாதிரி கோடரியையும் என் மாஜிக்கையும் பயன்படுத்தி கொன்றுவிட்டு அவனின் கவசம், கத்தி போன்றவற்றை எடுத்து பின்னர் அந்த மிஷனை முடித்தேன்.

உங்கள் மாஜிக் திறமையின் ஒரு சாம்பிள்

கேம்ப்ளே (Gameplay) என்று பார்க்கும் போது செய்வதற்கு எக்கச்சக்கமான விடயங்கள் உள்ளன. நமக்கு சண்டையில் தோற்கும் எதிரிகளின் உடைமைகளை நாம் வேண்டுமானால் எடுத்து வந்து நகரில் இருக்கும் வியாபாரிகளிடம் விற்றுவிடலாம். வரும் தங்கத்தில் வீடுகள், பயணிக்க ஒரு குதிரை, அல்லது நம்முடன் சண்டைபோட ஒரு நாய் என வாங்கிக் கொள்ளலாம். அப்படியும் இல்லாட்டி திறமைகளை வளர்க்க நகர்களில் இருக்கும் சிலரிடம் காசுக்கு ட்ரெயினிங் எடுக்கலாம்.

அதே போல ஒவ்வொரு இடங்களில் கில்ட்ஸ் (Guilds) எனப்படும் அமைப்புகள் உள்ளன. அவை மந்திரவாதிகளுக்கானவை, திருடர்களுக்கானவை, சண்டை வீரர்களுக்கானவை என ஒவ்வொரு விதம். ஒவ்வொன்றிலும் சேர்ந்து அதில் உள்ள மிஷன்களை முடிப்பதன் மூலம் பணமும், விடயங்கள் படிப்பதன் மூலம் எம் திறமைகளையும் வளர்த்துக் கொள்ளலாம்.

மெயின் கதையை ஒவ்வொரு மிஷனாக முடிப்பதற்கே எனக்கு 20 நாட்களுக்கு மேல் எடுத்தன, அதுவும் தினமும் குறைந்தது 1 மணித்தியாலத்திற்கும் மேலாக விளையாடி. அது மட்டுமன்றி சைட்-க்வெஸ்ட்ஸ் (Side Quests) என்று பார்க்கும்போது 100க்கும் மேற்பட்ட மிஷன்கள் உள்ளன. இவற்றை முடிக்க இன்னும் 1 மாதத்திற்கும் மேல் காலம் எடுக்கும்.

இந்த கேமின் முக்கிய பலம் என்று சொல்லக்கூடியது மேலே கூறியது போல இதன் டைவர்ஸிட்டி தான். விளையாடுபவருக்கு இது தான் செய்ய வேண்டும் என்று ஒரு வரையறை இல்லாமல் கேமை எப்படி வேண்டுமோ, அப்படி விளையாடிக் கொள்ளுங்கள் என்று விட்டிருக்கிறார்கள். நீங்கள் ஒரு அட்வன்சரிஸ்டாக இருந்தால் மிஷன்களை செய்யாமல் காடு, மலை, ஆறு, நகரங்கள் என்று அந்த பெரிய்ய்ய்ய்யயய வரைபடத்தை ஆராயலாம். அல்லது மெயின் ஸ்டோரியை முதலில் முடித்து விட்டு பின்னர் கொஞ்ச கொஞ்சமாக மிச்சத்தை முடிக்கலாம். எல்லாம் உங்கள் இஷ்டம்.

பின்னர் அடுத்த பலம் என்று கூறக்கூடியது, இதற்கான பின்னணி இசை. மிக அருமையாக இதற்காக மெனக்கெட்டு இருக்காங்க. கேமின் தீம் மியூசிக்கை 30 பேரை விட்டு கேமிற்காக உருவாக்கப்பட்ட ட்ராகோனிக் மொழியில் பாடவிட்டு பின்னர் அதை 90 பேர் பாடியது போல ஒரு எஃபெக்ட் கொடுத்து இருக்காங்க. கிட்டத்தட்ட சொல்லப் போனால் தி லார்ட் ஒஃப் த ரிங்ஸ் போலவே இந்த சீரீஸிலும் கேமிற்காக ஒரு தனி மொழி, அல்பபெட், ஒரு மாய உலகம் என்று மிகவும் பார்த்து பார்த்து செய்து இருக்காங்க.

இந்த கேம் நொவம்பர் 11ம் திகதி உலகமெங்கும் வெளியிடப்பட்டது. இதுவரை 10 மில்லியனிற்கும் மேற்பட்ட பிரதிகள் விற்கப்பட்டு, 620 மில்லியன் டாலர்களுக்கு மேற்பட்ட தொகையை பெற்றுக் கொடுத்துள்ளது. வெளியிடப்பட்டதில் இருந்து மிகவும் பாஸிடிவ்வான விமர்சனங்களையே பெற்றுள்ளது. அனேகமாக அனைத்து கேம் வெப்சைட்களும் இதற்கு 10ல் 9 அல்லது அதற்கு மேலேயே ரேடிங் கொடுத்துள்ளனர். மேலும் IGN, GameSpot போன்ற முன்னணி வலைத்தளங்களிலும் Game of the Year, PC Game of the Year, Best RPG of all time போன்ற விருதுகளை அள்ளியுள்ளது. Wired.com இன் 2011ன் சிறந்த 20 கேம்களில் முதல் இடத்தையும் இது பிடித்துள்ளது. இது இந்த கேமின் இதற்கு முந்திய பகுதியான Elder Scrolls IV : Oblivion வெளியானபோதும் இதே போன்ற நல்ல விமர்சனங்களும் விருதுகளும் கிடைத்தது குறிப்பிடத்தக்கது.

இந்த ஆண்டு ஏதாவது ஒரு கம்ப்யூட்டர் கேம் தான் விளையாடி ஆகவேண்டும் என்று இருந்தால் கட்டாயம் இந்த கேமை விளையாடத் தவறிவிடாதீர்கள். இந்த முழு வருடத்திற்குமான விளையாட்டை இந்த கேம் ஈடுகட்டும். சிலவேளை ஒரு 3-4 மாதங்களுக்கு இந்த கேமையே நீங்கள் (என்னைப் போல) விளையாடினாலும் விளையாடலாம்.

Elder Scrolls V : Skyim : 100% Satisfaction Guaranteed !!!!

எக்ஸ்ட்ரா பிட் I : இந்த கேம் வெளியானபோது கலெக்டர்ஸ் எடிஷன் என்று ஒன்று வெளியானது. அதில் கேமிற்கான வரைபடம், மற்றும் Skyrim உருவான விதம் பற்றி ஒரு DVD சேர்க்கப்பட்டிருந்தது. அந்த டீ.வி.டி வீடியோ யூடியூபில் இருந்து.

Drive [2011]

2011-12-24T20:57:00.002+05:30

இன்றைய பதிவில் நான் சொல்லப்போகும் படத்தின் பெயர் Drive. படத்தின் பெயரைப் பார்த்துவிட்டு Fast & Furious சீரிஸ் போலவோ, Transporter சீரீஸ் போல இருக்கும் என நம்பிறாதீங்க. படத்தின் கதைக்கு சம்பந்தப்பட்ட தலைப்பாக இருந்தாலும் கதையும் கதை சொல்லப்பட்ட விதமும் டோடலி டிஃபரண்ட்.

இது 2011ம் ஆண்டின் சிறந்த 10 திரைப்படங்களில் ஒன்றாக IMDBயால் பட்டியலிடப்பட்டுள்ளது. படம் வெளிவர முன்பே 2011ம் ஆண்டின் கானஸ் (Cannes) திரைப்பட விழாவில் திரையிடப்பட்டு மிகவும் பாராட்டப்படப்பட்டது, மற்றும் விழாவில் சிறந்த இயக்குனருக்கான விருதையும் நிக்கோலஸ் வைன்டிங் ரெப்ன்க்கு (Nicholas Winding Refn) பெற்றுக்கொடுத்தது. இப்படம் IMDBல் 8.1 ratings பெற்று அத்தளத்தின் சிறந்த 250 படங்களில் 186வதாக இடம்பெற்றுள்ளது. நானும் படத்தைப் பார்த்து விட்டு இன்டர்நெட்டில் தேடிப்பார்த்ததுக்கு அனேகமாக எல்லாமே பாஸிடிவ்வான விமர்சனங்களே இருந்தன. சரி ... பில்டப் போதும். நாம படத்தைப் பற்றிப் பார்ப்போம்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

படத்தின் கதை :

ஊர் பேர் தெரியாத ஒரு கேரக்டர். நமக்கு அந்தப் பாத்திரத்தைப் பற்றித் தெரிந்தது, அதன் பெயர் Driver. நம் ட்ரான்ஸ்போட்டர் போல காசுக்காக கொள்ளைக்காரர்கள் தப்பித்துப் போக வாகனம் செலுத்துபவன். அவன் மேலும் ஒரு ஷனொன் (Shannon) என்பரின் கராஜில் மெக்கானிக்காகவும், மேலும் ஒரு ஸ்டண்ட் ட்ரைவராகவும் வேலை பார்க்கிறான்.

ட்ரைவர் அதிகம் பேசாத ஒரு கரெக்டர். தப்பித்து செல்ல உதவுபவர்களிடம் சொல்லும் கண்டிஷன்கள், "உங்களுக்கு ஐந்து நிமிடம் டைம். அந்த ஐந்து நிமிடங்களில் எது நடந்தாலும் நான் பொறுப்பு. அந்த ஐந்து நிமிடங்கள் கடந்து விட்டால் உங்களுக்கும் எனக்கும் சம்பந்தம் இல்லை". அவன் ஒரே ஆளிற்கு இருமுறை வேலை செய்வதில்லை.

படம் இப்படி ஒரு கொள்ளை சம்பவத்துடன் தொடங்குகிறது. படம் பெரிய சேஸிங்ஸ், கார் வெடித்தல்கள் என்று ஆர்ப்பாட்டங்கள் இல்லாமல் மெதுவாக ஸைலன்டாக மூவ் பண்ணுகிறது. நமக்கு திடீர் என்று பொலிஸ் கார் முன்னால் வந்து நிற்கும் போதும், ஹெலிகாப்டர் லைட்டை கார் மீது வீசும் போதும் பீ.பி எகிறும். ஆனால் ட்ரைவர் ஒன்றும் ஆகாத ரியாக்ஷனுடன் மெதுவாக செல்லும், திடீர் என்று அக்ஸலரேட்டரை மிதித்து ஸ்பீடாக சைலண்டாக வண்டியை செலுத்துவான்.

ட்ரைவர் வேலை செய்யும் வொர்க் ஷொப் ஓனரான ஷனொனுக்கு ஒரு ரேஸ் கார் ஒன்றிற்கு ஓனராக வேண்டும் என்று கனவு. இதற்காக பர்னி எனும் ரவுடியிடம் 300,000 டொலர்கள் கடனாக கேட்கிறார். பர்னியும் ட்ரைவரின் ட்ரைவிங் திறமைகளை பார்த்து விட்டு காசைக் கொடுக்கிறார்.

இந்நேரத்தில் ட்ரைவரின் அபார்ட்மெண்டிற்கு எதிரே ஐரீன் (Irene) என்ற ஒரு பெண் தன் சிறு மகனுடன் வசிக்கிறாள். ட்ரைவருக்கும் அவளுடன் பழக்கம் ஏற்பட்டு அவளுக்கு உதவுகிறான். மெல்ல மெல்ல அந்தக் குடும்பத்திற்கும் ட்ரைவருக்கும் இடையில் ஒரு உறவு ஆரம்பிக்கிறது. பின்னர் அக்குடும்பத்துடன் ட்ரைவர் நிறைய நேரம் செலவளிக்க ஆரம்பிக்கிறான். இதற்கிடையில் ஐரீனின் கணவன் ஸ்டான்டர்ட் (Standard) ஜெயிலிலிருந்து வருகிறான். அவன் குக் (Cook) எனும் ஒரு காங்ஸ்ட்டருக்கு சிறையில் இருக்கும்போது அவனுக்கு பாதுகாப்பு அளித்ததற்கு 2000 டொலர் கடன் செலுத்த வேண்டியுள்ளது. காசை திருப்பிக் கொடுக்காததால் குக் அவனை அடித்து, பணத்தை திருப்பிக் கொடுக்க ஒரு அடகுக் கடையை களவெடுக்கச் சொல்கிறான். அவ்வாறு செய்யாவிட்டால் ஐரீனையும் மகனையும் தாக்குவதாக மிரட்டுகிறான். ட்ரைவரும் அவ் இருவருக்காகவும் ஸ்டாண்டடுக்கு உதவ சம்மதிக்கிறான் ... அவனின் அதே கண்டிஷன்களுடன்.

நான் சொன்ன இவ்வளவுமே சும்மா ட்ரைலர் தான். இனி தான் PG-13 ஆக வந்திருக்க வேண்டிய படம் R ரேடிங்குடன் வந்ததற்கான காரணங்களுடன் மற்றும் நிறைய திருப்பங்களுடன் மெயின் பிக்சர் ஸ்டார்ட்.

அவர்களின் கொள்ளைத் திட்டம் சக்ஸஸ் ஆகியதா? அந்தக் கொள்ளைக்கு பின்னணியானவர்கள் யார்? ட்ரைவர் ஐரீன் ரிலேஷன்ஷிப் என்ன ஆகியது? ஷனொனின் கார் ஓனர் கனவு நிறைவேறியதா? இவற்றை படத்தைப் பார்ப்பதன் மூலம் தெரிந்துகொள்ளுங்கள்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

படத்தின் முக்கிய பலம் திரைக்கதையும் அது சொல்லப்பட்டிருக்கும் விதமும். படம் மிக மெதுவாகவே நகர்ந்தாலும் அடுத்து என்ன என பார்ப்பவரை யோசிக்க வைக்கும் ஒரு சிறந்த த்ரில்லராக இருப்பதால் நேரம் போவது தெரியவில்லை. ட்ரைவர் பற்றிய ஒன்றையுமே நமக்கு கூறாமல் அவனைப் பற்றி யோசிக்க வைத்திருக்கும் விதம் பாராட்டத்தக்கது. ட்ரைவர் யார்? ஏன் அவன் ஏன் யாரென்று தெரியாத ஒரு குடும்பத்திற்காக ரத்தம் சிந்த வேண்டும்? இவை அனைத்துமே உங்கள் கற்பனைக்கு.

இன்னொரு முக்கியமான பலம் என்று கூறக்கூடியவர் ட்ரைவர் கதாபாத்திரத்தில் நடித்திருக்கும் ரயன் கோஸ்லிங் (Ryan Gosling). அதிகம் பேசாத, ஒரு டைட்டான கதாபாத்திரத்தை மிக அருமையாக நடித்துக் கொடுத்திருக்கிறார். அதிலும் அவரின் சாதாரண இயல்பிற்கும், திடீரென லிப்டில் தாக்க வரும் மனிதனை கொலைவெறியுடன் ரத்தம் தெறிக்க தெறிக்க அடித்துக் கொல்லும் காட்சியிலும் அவரின் டைனமிக் அக்டிங் பிரமிக்கத்தக்கது.

இன்னொரு பலம் என்று சொல்லக்கூடியது படத்தின் பின்னிசை. ஆரம்ப சேஸ் காட்சிகளின் போதும் சரி, படத்தின் போதும் சரி, மிகச் சரியாக பிரயோகிக்கப்பட்டுள்ளது.

எல்லாருக்கும் இந்தப் படம் பிடிக்கும் என என்னால் காரண்டி கொடுக்க முடியாது. நீங்க ஆக்சன் படம்னா தொடங்கியதிலிருந்து சும்மா கணக்கே இல்லாமல் புல்லட்கள் பறக்கணும், காரு பஸ்ஸுலருந்து பக்கத்துல நிக்குற நாய் மட்டும் எல்லாம் வெடிக்கணும் அப்படின்னு நினைக்கிறவரா இருந்தா இந்தப் படம் எந்தளவு ஒத்துப் போகும் அப்படின்னு தெரியல. ஆனால் ஒரு வித்தியாசமான நல்ல கதையை பார்க்கணும் அப்படின்னு நினைச்சுகிட்டு ஒரு எதிர்பார்ப்பும் இல்லாமல் ஒரு கிளியர் மைண்டோட இந்தப் படத்த பாருங்க. நிச்சயம் பிடிக்கும் !!!

படத்தின் ட்ரெயிலர் இங்கே :

Drive - 8.5/10

எக்ஸ்ட்ரா பிட் I - நான் முன்பே கூறியது போல பல பத்திரிகைகளிலும் தளங்களிலும் 2011ம் ஆண்டிற்கான சிறந்த ஒரு படங்களில் இதுவும் ஒன்றாக இடம்பெற்றுள்ளது. மேலும் 2011ம் ஆண்டிற்கான Golden Globe விருதில் சிறந்த துணை நடிகருக்கான விருதிற்காக (Albert Brooks) பரிந்துரை செய்யப்பட்டுள்ளது.

எக்ஸ்ட்ரா பிட் II - இந்தப் படமும் 2005ம் ஆண்டில் இதே பெயரால் வெளியிடப்பட்ட நாவலில் இருந்து தழுவி எடுக்கப்பட்டது.

Friends With Benefits [2011]

2011-12-22T15:43:00.007+05:30

நிறைய வயசுப் பசங்களுக்கு (நமக்கு இல்லப்பா) இருக்கிற ஒரு கனவு வந்து இந்த கல்யாணம், காதல், கத்திரிக்கா எதுவுமே இல்லாம ஒரு பொண்ணு கூட ரிலேஷன்ஷிப் (அந்த விஷயத்துல மட்டும், அதுவும் ஃப்ரீயா) வச்சுக்க முடிஞ்சா எப்படி இருக்கும்??? அதுவும் நமக்கு தெரிஞ்ச, நம்ம ஃப்ரெண்டா இருக்கிற ஒரு பொண்ணா இருந்தா? இந்த மாதிரி சப்ஜெக்ல்ட படம் எடுக்கிறது நம்ம தமிழ் சினிமால சாத்தியமோ தெரியல. எப்பயாவது ஒரு நாளைக்கு நம்ம கௌதம் சார் இத கொஞ்சம் டீசண்டா உல்டா பண்ணுவாருன்னு எதிர்ப் பார்ப்போம்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

சரி .... இன்னக்கி நாம பாக்கப் போற படமும் இந்த வகையில் தான் அடங்கும். ஒரு பையன் டிலன் (Dylan), ஒரு பொண்ணு ஜேமி (Jamie). டிலனாக ஜஸ்டின் டிம்பலேக்கும் (Justin Timberlake), ஜேமியாக மிலா குனிஸ் (Mila Kunis).

ஹீரோவையும், ஹீரோயினையும் அவங்க லவ்வர்ஸ் கழற்றி விடுறதுல இருந்து படம் ஆரம்பிக்குது. டிலன், அதாங்க நம்ம ஹீரோ ஒரு வெப்சைட் ஆர்ட் டைரக்டர் (சிவாஜி விவேக் மாதிரி தமிழ்ல சொல்ல தெரியாதுங்க) . ஜேமிக்கு தனியார் நிறுவனங்களுக்கு ஆட்களை தேடிக் கொடுக்கும் வேலை. இதுல ஒரு வேலையா லொஸ் ஏஞ்சல்ஸ்ல இருக்கும் டிலனை நியு யோர்க்கில் உள்ள ஒரு சஞ்சிகைக்கு இன்டர்வியூக்காக ஜேமி வரவைக்கிறா. ஆனா இன்டர்வியூ முடிஞ்சு டிலன் இந்த வேல வேணாம், திரும்பவும் எல்.ஏ க்கே திரும்பி போய்ருவோம்ன்னு யோசிச்சுட்டு அதப்பத்தி ஜேமிகிட்ட சொல்றான். எங்க இவன் திரும்பி போய்ட்டா நமக்கு வேலையில ஆப்பாகி கமிஷனை வெட்டிடுவாங்களோன்னு ஜேமி டிலனை கூட்டிகிட்டு நியூயோர்க்கின் ஃபன் பத்தி சுத்திக் காட்றா. ஜாலியா ஊர் சுத்திட்டு ஊர் புடிச்சுபோய் (எந்த யூத்துக்கு தான் நியூயோர்க் புடிக்காது???) டிலனும் வேலைக்கு சேர அக்ரீமண்ட்ல கையெழுத்து போட்டுர்றான். பின் இருவருக்கும் தொடர்ந்து பழக்கம் ஏற்பட்டு நல்ல ஃப்ரெண்ட்ஸ் ஆகிடறாங்க.

ஒரு முறை ரொமாண்டிக் படம் ஒன்னு பாக்கும்போது கதை செக்ஸ் லைஃப் பத்தி திரும்புது. அப்போ ஜேமி, தானும் உறவு வைத்துக்கொண்டு ரொம்ப நாளாச்சு அப்படி இப்படின்னு பேச, டிலனுக்கு டக்குணு மண்டைல லைட் எரிஞ்சு ஒரு ஐடியா!!! இரண்டு பேரும், தேவையானப்போ செக்ஸ் வச்சிப்போம். ஆனா நோ ஃபீலிங்ஸ் அன்ட் கொமிட்மெண்ட். ஜஸ்ட் ஃப்ரெண்ட்ஸாவே இருப்போம். ஜேமிக்கும் இந்த ஐடியா பிடிச்சுப் போக ... அப்புறம் என்ன ... படம் சூடு புடிச்சு பறக்கத் தொடங்குது (கொஞ்சம் டீசண்டான சீன்களோட தான்).

இந்த நோ ஃபீலிங், நோ கமிட்மெண்ட் ப்ளான் சக்ஸஸ் ஆகியதா? ஃபீலிங்ஸே இல்லாமல் ஒரு ரிலேஷன்ஷிப் மெயின்டெய்ன் பண்ண முடியுமா? ஜேமியும் டிலனும் என்ன ஆனாங்க ... அப்படிங்கறத டி.வி.டி அல்லது ப்ளூரே ப்ரிண்ட்ல பாத்து தெரிஞ்சுக்கங்க.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

திரைக்கதை அப்படின்னு பாக்கப் போனா வருஷா வருஷம் நமக்கு ஹாலிவுட்ல ரொமாண்டிக் வகை படங்கள்ள பாத்து பாத்து புளிச்சுப் போன கதை தான். ஆனா ஜஸ்டின் டிம்பலேக், மிலா குனிஸ் ஜோடியால படம் ஒரு சலிப்புத் தன்மை இல்லாம போகுது. ரெண்டு பேருக்கும் இடையில் ஒரு நல்ல கெமிஸ்ட்ரி வெர்க் ஆகிறது. படத்தை தூக்கி நிறுத்தும் மிக முக்கியமானர் மிலா குனிஸ். படம் முழுக்க சும்மா துறுதுறுன்னு ஜாலியா பேசியும் தன் எனர்ஜெடிக் நடிப்பாலும் கவர்கிறார். அதனால படம் பாக்கும்போதும் நமக்கு ஒரு படம் பாக்கும் பீலிங் வராமல் ஏதோ தினசரி சந்திக்கும் ஒரு லவ் ஜோடி ஒன்றை பார்க்கும் உணர்வு ஒன்று ஏற்படுகிறது.

இவர்கள் இருவர் தவிர, பத்திரிகையின் ஸ்போர்ட்ஸ் எடிட்டராக வரும் வுடி ஹார்ல்ஸன் (Woody Harrelson), டிலனின் அப்பாவாக வருபவர் அனைவரும் தம் பங்குக்கு சிரிக்க வைக்கின்றனர்.

என்ன தான் செக்ஸ் பத்தின கதையா இருந்தாலும் நான் எதிர்பார்த்த அளவு மிலா குனிஸை பார்க்க முடியாமல் போனது ரொம்ப வருத்தமே. படம் முழுவதும் சின்ன லஞ்சரே டிரஸ்களிலும் குட்டை பாவாடைகளையுமே போடவைத்து முடிச்சுடறாய்ங்கய்யா... இதுவே படத்தின் ஒரு முக்கிய குறையாக நான் கருதுகிறேன், எதிர்க்கிறேன்.

வார இறுதியில, தனியா, கொஞ்சம் சிரிக்க, கொஞ்சம் சூடாக, மனம் ரிலாக்ஸாகனும்னு நினைச்சிங்கன்னா படத்த ஒருமுறை டீவில பாருங்க. தப்பித் தவறி கூட காமெடி ப்லிம் ஆச்சேன்னு குடும்பத்தோட உக்காந்துராதீங்க. அப்பறம் ஒங்க பொழப்பு சிரிப்பா சிரிச்சிடும்.

படத்தின் ட்ரெயிலர் இங்கே :

Friends with Benefits : 7/10

எக்ஸ்ட்ரா பிட் - இந்தப் படத்துல இரண்டு இடங்கள்ள ஃப்ளாஷ் மொப் இடம்பெறுது. இந்த ப்ளாஷ் மொப் கல்சர் இந்தியாவுலயும் வந்துருச்சு போல. டில்லி ரெயில்வே ஸ்டேசனில் இடம்பெற்ற ப்ளாஷ் மொப் வீடியோ இதோ.

How To Train Your Dragon [2010]

2011-12-18T13:39:00.002+05:30

சின்ன வயசுல எனக்கு நாய் ஒன்னு ஓடி வாரத பாத்தாலே உசிரு நின்னுட்டு திரும்பி வரும். பலமுறை ரோட்டுல கடைக்கு ஓடிப் போறப்போ பக்கத்து வீட்டு நாய் துரத்துற டைம்ல நான் அடித்தொண்டைல கத்துறது பக்கத்து தெரு வரைக்கும் கேட்கும். அந்த சத்தத்துல நாயே வந்த ஸ்பீட்ல அப்பீட் ஆகிரும். சில சமயம் பொம்பள புள்ளைங்க வாரப்போ கத்தி மானங் போன சீனும் உண்டு. அஞ்சு வருஷம் முன்னாடி வரைக்கும் நாய்ன்னாலே நம்பியார் ரேஞ்சுக்கு தான் கற்பனை பண்ணி வச்சிருந்தேன்.ஆனால் எங்க வீட்டுல நாய்க்குட்டி ஒன்று வாங்கி வளர்த்த பிறகு தான் நாய் எவ்வளவு நட்பாக இருக்கக்கூடிய பிராணி எனத் தெரிய வந்தது. அது நோய்வாய்ப் பட்டு இறந்தபோது இரண்டு நாள் அழுது கொண்டு இருந்தது இன்னமும் ஞாபகம் இருக்கிறது. என்னோட நாய் (த்தனமான) பிரச்சினையைப் ட்ராகன் ரூபத்தில் எதிர்கொள்ளும் ஒரு வைக்கிங் கூட்டத்தின் கதை தான் இந்த How To Train Your Dragon.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

ஒரு தீவுல பரம்பரை பரம்பரையாக வைக்கிங் கூட்டம் ஒன்றுக்கு இந்த டிராகன்களின் கூட்டத்தினால் பெரும் தொல்லை. அடிக்கடி அவர்களின் கிராமத்தை தாக்கி கால்நடைகளை தூக்கியும், வீடுகளை நாசம் பண்ணியும் விடுகின்றன. அதனால் வைக்கிங்களுக்கும் டிராகன்களுக்கும் தினமும் அக்கப்போர் தான். அந்த வைக்கிங் கூட்டத்திலுள்ள ஒரு வீரனின் திறமை அவன் கொன்றுள்ள டிராகன்களின் அளவை வைத்தே மதிப்பிடப்படுகிறது. ”ஹிக்கப்” தான் நம்ம படத்தோட ஹீரோ. அந்த வைக்கிங் கூட்டத்தோட தலைவரான ஸ்டொய்க் (Stoick)இன் மகன். வைக்கிங்ஸ் என்றாலே பொதுவாக மாமிசமலைகள், காட்டுமிராண்டிகள், மூர்க்கமான போர்க்குணம் படைத்தவர்க்ள் என்று ஒரு கற்பனை வரையறை உண்டு. இங்கும் அப்படித் தான், ஹிக்கப்பைத் தவிர. அவனுக்கு சண்டைகளில் பொதுவாக ஆர்வம் இல்லை. அதனால் ஒரு கொல்லன் பட்டறையில் வேலை செய்கிறான். இது அவனின் அப்பாவுக்கு கவலை அளித்தாலும் பேசாமல் விட்டு விடுகிறார். ஹிக்கப் தானும் ஒரு போர்வீரன் என நிரூபிக்க ஒரு முறை டிராகன் அட்டாக் ஒன்றின் போது தான் தயார் செய்த பொறி ஒன்றின் மூலம் டிராகன் ஒன்றை வீழ்த்துகிறான். ஆனால் யாரும் அவன் சொன்னதை நம்பவில்லை.

மறுநாள் காட்டிற்குள் போகும் ஹிக்கப், அங்கு நைட் ப்யூரி என்னும் டிராகன் ஒன்று வலையில் அகப்பட்டிருப்பதைக் கண்டு அதை கொல்வதற்கு செல்கிறான். ஏனென்றால் கதையில் பல வகையான டிராகன்கள் இருந்தாலும், அவற்றில் மிக முக்கியமானது இந்த நைட் ப்யூரி. டிராகன்களில் அதி-வேகமானது, இதுவரை யாரும் பார்த்திராதது, மற்றும் வைக்கிங்குகளின் எந்த புத்தகங்களிலும் குறிப்பிடப்படாத ஒன்று. அதை கொன்றுவிட்டால் தன்னையும் ஒரு வீரனாக மதிப்பார்கள் என்று ஒரு சின்ன நப்பாசை. ஆனால் அத கொன்னுட்டாத் தான் கதை முடிஞ்சுறுமே ... அதனால அதன் கட்டுகளை அவிழ்த்து விடுகிறான். ஆனால் நைட் ப்யூரியின் இறக்கை ஒன்று உடைந்து விட்டதால் அதனால் பறக்க முடியாமல் தவிக்கிறது. மெல்ல மெல்ல அதனுடன் நட்பு கொண்டு அதற்கு டூத்லெஸ் (Toothless) எனப் பெயர் வைக்கிறான். பின் அதற்காக ஒரு செயற்கை இறக்கையும் செய்து கொடுத்து அதன் மூலம் டூத்லெஸ்ஸை கட்டுப்படுத்தி பறக்கவும் வைக்கிறான்.

இதற்கிடையில் ஹிக்கப்பின் தந்தை தன் வைக்கிங் கூட்டத்தோடு ட்ராகன்களின் இருப்பிடத்தை தேடி படையெடுத்து செல்கிறார். செல்லும் முன் தன் நெருங்கிய நண்பனான கொப்பரிடம் ஹிக்கப்பிற்கு போர்ப்பயிற்சி அளிக்கும் பொறுப்பை அளித்து விட்டு செல்கிறார். அதன்படி ஹிக்கப்பிற்கும், அத்தீவிலுள்ள மற்ற சிறுவர்களுக்கும் டிராகன்களுடன் போரிடுவதற்கான பயிற்சி அளிக்கப்படுகிறது. அதில் அஸ்ட்ரிட் (Astrid) எனும் சிறுமி முதலிடம் வருகிறாள். ஆனால் ஹிக்கப் டூத்லெஸ்ஸுடன் பழகியதை வைத்து அடுத்து வரும் போட்டிகளில் ஜெயிக்க பொறாமைப்படும் அஸ்ட்ரிட் ஹிக்கப்பை பின்தொடர்ந்து அவனுக்கும் நைட் ப்யூரிக்கும் உள்ள நட்பை பற்றி அறிந்து கொள்கிறாள். இருவரும் பின் இந்த டிராகன் அட்டாக்ஸுக்கு காரணம், டிராகன் தீவிலுள்ள க்ரீன் டெத் (Green Death) எனும் இராட்சத டிராகன் தான் என அறிந்து கொள்கின்றனர். அப்போது படையெடுப்பிற்கு சென்ற வைக்கிங்ஸும் முயற்சி தோல்வியடைந்து திரும்பி வருகின்றனர்.

ஒரு மாதிரியாக ட்ரெயினிங்கின் இறுதிக் கட்டமாக ஹிக்கப் நைட்மெயார் (Nightmare) எனும் ட்ராகனை எதிர் கொள்கிறான். ஹிக்கப் ”ட்ராகன்கள் நாம் நினைப்பது போல இல்லை. நாம் அவைகளை கொல்லத் தேவை இல்லை என சொல்லிவிட்டு தன் ஆயுதங்களை கீழே வைத்துவிட்டு அந்த ட்ராகனை தன் கட்டுப்பாட்டுக்குள் கொண்டு வரும் போது ஸ்டொய்க் உணர்ச்சிவசப்பட்டு கத்திவிட ட்ராகன் பயத்தில் ஹிக்கப்பைத் தாக்குகிறது. இதன்போது டூத்லெஸ் இடையில் புகுந்து ஹிக்கப்பை காப்பாற்ற முயற்சிக்கும் போது மாட்டிக்கொள்கிறது. ஏற்கனவே ட்ராகன்களின் இருப்பிடத்தை கண்டுபிடிக்க முயன்று தோற்ற ஸ்டொய்க் நைட் ப்யூரியை சிறைப்படுத்தி அதன் மூலம் ட்ராகன்களின் இருப்பிடத்தை நோக்கி படையெடுக்கிறான்.

வைக்கிங் கூட்டத்தினர் வென்றார்களா? ஹிக்கப் டூத்லெஸ்க்கு என்னவாயிற்று? பெரிய ட்ராகன் அழிக்கப்பட்டதா? வைக்கிங்-ட்ராகன் பகை என்ன ஆயிற்று என்பதை படத்தை பார்த்து தெரிந்து கொள்ளவும்.

= = = = = = = = = = = = = = = = = = = = = = = = = = = = = = = = = = = = = = = = = = = = = = = = = = =

கதை இப்படித்தான் என்று தெரிந்த பின்பும் கொஞ்சம் கூட தொய்வில்லாமல் சுவாரஸ்யமாக செல்கிறது திரைப்படம். ஏனோ தெரியல ... அனிமேஷன் படங்களை பார்க்கும்போது மட்டும் அந்த டல் ஃபீலிங் வருவதில்லை.

படத்தின் சீ.ஜீ எஃபெக்ட்ஸ் மிக அருமை. சுற்றுப்புற காட்சிகள், ட்ராகன்களின் உடலமைப்பு, டிசைன்ஸ் என பல இடங்களில் கலக்கி இருந்தாலும் முக பாவனை (expressions) ஏரியாவுல ஏதோ ஒன்னு குறையுற மாதிரி ஒரு பீலிங். இந்த ஏரியாவுல நம்ம Pixar அனிமேட்டர்களை அடிச்சுக்க ஆளே கிடையாது. அவங்களோட அனிமேஷன்களில் அந்தந்த கரெக்டர்களின் பீலிங்ஸ் நம்மிடமும் சற்று பிரதிபலிக்கும்.

இன்னொரு முக்கிய அம்சம் ஸ்டொய்க்கிற்கு குரல் கொடுத்திருக்கும் நம் Gerald Butler. அவரின் கரகர குரல் ஸ்டொய்க்கின் உருவத்திற்கு அப்படியே அழகாக பொருந்துகிறது.

மொத்தமாக சொல்லப்போனால் அனைத்து வயதினரும் பார்க்கக்கூடிய ஃபாமிலி என்டடெயினர். மிகவும் பயமுறுத்தக்கூடிய சீன்கள் என்றோ, வன்முறைகள் நிரம்பிய சண்டைகள், கில்மாஸ் என்று ஒன்றும் இல்லாத தரமான படம்.

படத்தின் ட்ரெயிலர் இங்கே :

How To Train Your Dragon : 9/10

எக்ஸ்ட்ரா பிட் I - இந்தப்படம் க்ரெஸிடா கௌவெல் என்னும் அம்மையாரால்(Cressida Cowell)எழுதப்பட்ட 9 புத்தகங்களின் முதல் பாகத்தை தழுவி எடுக்கப்பட்ட படம். இரண்டாவது பாகம் 2014ல் வெளியிட தீர்மானிக்கப்பட்டுள்ளது.

எக்ஸ்ட்ரா பிட் II - இந்தப் படத்துல வரைட்டியான ட்ராகன்ஸ் இருக்குன்னு சொன்னேன் இல்லியா??? அவற்றைப் பற்றிய குறிப்புகள் மற்றும் படங்களை பார்ப்பதற்கு இங்கே கிளிக்கவும்.