துபை TNTJ.

”நயவஞ்சகம்" சத்வா மர்கஸ் பயான்!

noreply@blogger.com (DUBAI TNTJ) — Sun, 27 May 2012 08:09:00 +0000

சத்வா: துபை மண்டல TNTJ சத்வா கிளையில் 25.05.2012 அன்று இஷா தொழுகைக்கு பிறகு சத்வா மர்கசில் நடைபெற்ற பயானில் சகோ.அப்துல் மஜீத் அவர்கள் ”நயவஞ்சகம் ” என்ற தலைப்பில் உரைநிகழ்த்தினார். இதில் ஏராளமான சகோதரர்கள் கலந்துகொண்டார்கள். எல்லா புகழும் இறைவனுக்கே!

Bayan Youtube link : http://youtu.be/be93fPtT9iU

நடுநிலை(?)வாதிகள் பற்றி...!

noreply@blogger.com (DUBAI TNTJ) — Sat, 26 May 2012 13:46:00 +0000

கேள்வி: ”நாங்கள் எந்த இயக்கத்தையும் சாராதவர்கள்” என்று சொல்லும் தவ்ஹீத்வாதிகள் TNTJ வை மட்டும் மறைமுகமாகவோ, நேரடியாகவோ வெறுப்பதும், சாடுவதுமாக உள்ளனரே ஏன்? இவர்கள் நம்மை தாவா செய்ய அல்லது நல்ல பணிகளுக்காக அழைத்தால் நாம் என்ன செய்வது?

பதில்: எந்த இயக்கத்தையும் சாராதவர்கள் என்பது ஒரு போர்வை தான். தவ்ஹீத் ஜமாஅத்தின் பக்கம் மக்கள் நம்பிக்கை வைத்து செல்வதைப் பிடிக்காத சிலர் அவதூறு பரப்பி மக்கள் மத்தியில் வெறுப்பை விதைப்பார்கள். அதைச் சாதாரண மக்களும் புரிந்து கொள்வதால் உரிய முறையில் இதை நாம் எதிர்கொள்ள முடியும்.

தவ்ஹீத் ஜமாஅத் மீது அவதூறு பரப்பினாலும் அதன் வளர்ச்சியைத் தடுக்க முடியவில்லை என்பதைக் காணும் சிலர் தந்திரமான முறையில் மக்களை தவ்ஹீத் ஜமாஅத்தில் இருந்து அப்புறப்படுத்தும் வேலையைச் செய்வார்கள்.

”நமக்கு யாரும் வேண்டாம்; நாம் எதிலும் சேராமல் இருப்போம்’’ என்று கூறுவது தான் அந்தத் தந்திரம்.

”இவர்கள் அவர்களைக் குறை சொல்கிறார்கள். அவர்கள் இவர்களைக் குறை சொல்கிறார்கள். நாம் இவர்களை விட நல்லவர்களாக எதிலும் சேராமல் இருப்போம்’’ எனக் கூறி நடிப்பார்கள்.

ஆனால் இவர்களுக்கும் தோல்வி தான் கிடைத்து வருகிறது. என்ன தான் மறைக்க முயன்றாலும் அவர்களின் கலரை வெளிப்படுத்தும் வகையில் தவ்ஹீத் ஜமாஅத்துக்கு எதிரான இயக்கங்களின் நிகழ்ச்சிகளுக்கு ஆள் பிடிக்கும் போதும், அது போன்ற பிரசுரங்களை வெளியிடும் போதும் இவர்கள் முனாஃபிக்குகள் என்பது வெளிச்சமாகி விடுகிறது. மக்களும் இவர்களை அடையாளம் கண்டு கொள்கின்றனர்.

ஒருவன் மோசடி செய்கிறான். இவன் செய்வது மோசடி என்று இன்னொருவன் சொல்கிறான். இதைப் பார்க்கும் இந்த நடுநிலை சந்தர்ப்பவாதிகள் கூட்டம் மோசடி செய்பவனுக்கு எதிராக இருக்காமல், இருவரும் சண்டையிடுவதால் நான் நடுநிலை வகிக்கப் போகிறேன் என்று கூறினால் இவனும் திருடன் தான். மோசடிக்காரன் தான்.

திருட்டில் பங்கு போடுவதற்காக அல்லது நாளை நாம் திருடும் போது மற்றவர்கள் சப்போர்ட் செய்ய வேண்டுமென்பதற்காக நாங்கள் நடுநிலை எனக் கூறிக் கொண்டு தவ்ஹீத் ஜமாஅத்தை மட்டும் எதிர்ப்பதற்குக் காரணம் இது தான்.

நடுநிலை வேசம் போடுவோரில் ஆயிரத்தில் ஒருவர் அனைவரையும் சமதூரத்தில் வைத்து நடந்து கொள்கிறார். அவர் துரோகம் செய்யவில்லை. நடிக்கவில்லை. ஆனாலும் நல்லவர்களையும் கெட்டவர்களையும் சம் தூரத்தில் வைக்கும் குற்றம் செய்தவராக ஆகிறார். ஆனால் அதிகமான நடுநிலைவாதிகள் சந்தர்ப்பவாதிகளாகவும் சத்தியத்துக்கு எதிராக களம் இறங்கியவர்களுக்கு பலம் சேர்ப்பவர்களாகவும் தான் உள்ளனர்

தவ்ஹீத் ஜமாஅத்துக்கும் மற்ற இயக்கங்களுக்கும் போராட்ட வழிமுறைகள் உட்பட பல வேறுபாடுகள் உள்ளன.

போராட்டம் நடத்துவது நம்முடைய இருப்பைக் காட்டிக் கொள்வதற்கு அல்ல. கோரிக்கைகளை வென்றெடுக்கத் தான் போராட்டம் நடத்த வேண்டும். ஆனால், அதிகமான முஸ்லிம் இயக்கங்களை எடுத்துக் கொண்டால் ஒவ்வொரு காலகட்டத்தில் ஒவ்வொரு பெரிய கட்சியுடன் கூட்டணி வைக்கிறார்கள். தேர்தலின் போது ஆதரவு அளிப்பதுடன் நிற்காமல் தொடர்ந்து அதில் நீடிக்கிறார்கள்.

இவர்கள் திமுக கூட்டணியில் இருந்தால் அந்தக் கட்சியின் கேடுகளை எதிர்த்துப் போராட மாட்டார்கள். அதிமுக கூட்டணியில் இருந்தால் அதன் தீமைகளை எதிர்த்துப் போராட மாட்டார்கள்.

திமுக ஆட்சி நடக்கும் போது அக்கட்சியுடன் கூட்டணி கண்டவர்கள் இட ஒதுக்கீட்டுக்காகக் கூடபோராடியதில்லை.

அதிமுகவுடன் கூட்டணி கண்டவர்கள் அக்கட்சியின் முஸ்லிம் விரோத நடவடிக்கைக்காகப் போராடியது இல்லை.

இரண்டு கூட்டணிகளில் இருந்தும் வெளியேற்றப்பட்டால் மட்டும் தான் போராட்டக்களத்துக்கே வருகிறார்கள்.

அப்படியானால் இவர்களின் நோக்கம் கோரிக்கைகள் அல்ல. தங்கள் கூட்டணிக் கட்சிக்கு ஆதரவாக மக்களை மாற்றுவதும் அதைக் காட்டி அரசியல் ஆதாயம் அடைவதும் தான்.

இப்படி நன்றாகத் தெரியும் போது நாம் எப்படி அவர்களுடன் சேர்ந்து போராட முடியும்? நாளைக்கு கோரிக்கைகளைக் கைகழுவி விட்டு நீர்த்துப் போகச் செய்து விட்டால் நடத்திய போராட்டம் அர்த்தமில்லாமல் போய் விடும்.

தமிழ்நாடு தவ்ஹீத் ஜமாஅத்தும் ஒரு நேரத்தில் அதிமுக கூட்டணியை ஆதரித்துள்ளது. இன்னொரு கட்டத்தில் திமுக கூட்டணியை ஆதரித்துள்ளது. ஆனால் தேர்தல் முடிந்த மறுகணமே ஆதரித்த கட்சி தவறு செய்யும் போது எதிர்த்துக் களம் இறங்கத் தயங்கவில்லை.

ஜெயலலிதாவை 2001 சட்டமன்றத் தேர்தலில் தவ்ஹீத் ஜமாஅத் ஆதரித்தது. தேர்தல் முடிந்தவுடன் நரேந்திர மோடிக்கு ஜெயலலிதா 64 வகை உணவளித்து விருந்து அளித்த போது உடனே ஜெயலலிதாவைக் கண்டித்து ஆர்ப்பாட்டமும் நடத்தியது. அதிமுக நடத்திய நோன்பு துறக்கும் நிகழ்ச்சிக்கு அழைப்பு வந்தும் நோன்பு துறக்கும் நிகழ்ச்சியில் கலந்து கொள்ளவில்லை.

அது போல் சென்ற நாடாளுமன்றத் தேர்தலில் திமுக கூட்டணியை தவ்ஹீத் ஜமாஅத் ஆதரித்தது. ஆனால் அதைத் தொடர்ந்து முதல்வர் வீடு முற்றுகை உள்ளிட்ட பலபோராட்டங்களை தவ்ஹீத் ஜமாஅத் நடத்தத் தயங்கியதில்லை.

இது போல் ஒருபக்கச் சார்பு இல்லாமல் முஸ்லிம் இயக்கங்கள் செயல்படுவதில்லை என்பதால் அவர்களின் சுயநலனுக்கு நாம் உதவக் கூடாது என்பதற்காக நாம் மற்றவர்களின் போராட்டங்களில் கலந்து கொள்வதில்லை.

சில லட்டர் பேடு இயக்கங்கள் தங்களை வளர்த்துக் கொள்வதற்காக சார்பற்ற போராட்டங்கள் நடத்தினாலும் அவர்கள் மார்க்கத்தில் சமரசம் செய்கின்றனர். தாரை தப்பட்டை அடித்தும்,தனிநபர்களைத் துதித்தும் இன்னும் பல சமரசங்களைச் செய்வதையும் பார்க்கிறோம்.

முஸ்லிம் அல்லாதவர்களையும் இஸ்லாம் பற்றி அறியாதவர்களையும் அழைத்து கவுரவப்படுத்தும்வகையிலும் அவர்களை சமுதாயத்தின் காவலர்களாகவும் சித்தரிக்க முயல்கின்றனர்.

இவற்றில் தவ்ஹீத் ஜமாஅத்துக்கு உடன்பாடு இல்லாததால் மற்றவர்களின் போராட்டங்களில் கலந்து கொள்வதில்லை.

நன்றி: உணர்வு

"நித்திய வாழ்க்கை” ஹோர் அல் அன்ஸ் மர்கஸ் பயான்!

noreply@blogger.com (DUBAI TNTJ) — Sat, 26 May 2012 13:34:00 +0000

ஹோர் அல் அன்ஸ் மர்கஸ் : துபை TNTJ ஹோர் அல் அன்ஸ் கிளை மர்கசில் 25.05.2012 அன்று மார்க்க சொற்பொழிவு நடைபெற்றது. இதில் சகோ. ஸ்ரீ லங்கா ஹுசைன் ஸலஃபி அவர்கள் ”நித்திய வாழ்க்கை” என்ற தலைப்பில் உறையாற்றினார்கள். இதில் அதிகமானோர் கலந்து கொண்டார்கள் அல்ஹம்துலில்லாஹ்!

சத்வா மர்கஸ் குர்ஆன் விளக்கவுரை

noreply@blogger.com (DUBAI TNTJ) — Sat, 26 May 2012 13:27:00 +0000

சத்வா: தமிழ்நாடு தவ்ஹீத் ஜமாஅத் துபை மண்டல TNTJ சத்வா கிளையின் வாராந்திர "குர்ஆன் விளக்கவுரை " 23.05.2012 அன்று புதன்கிழமை இஷா தொழுகைக்கு பிறகு சத்வா மர்கஸில் வைத்து நடைபெற்றது. இதில் துபை மண்டல அழைப்பாளர் சகோ.சாஜிதுர் ரஹ்மான் அவர்கள் விளக்கம் அளித்தார். இதில் சகோதரர்கள் ஆர்வமுடன் கலந்து கொண்டனர். அல்ஹம்துலில்லாஹ்!

சோனாப்பூர் கிளை பவர் கேம்ப் ”குர்ஆன் விளக்கவுரை”

noreply@blogger.com (DUBAI TNTJ) — Sat, 26 May 2012 13:24:00 +0000

சோனாப்பூர்: துபை மண்டல TNTJ சோனாப்பூர் கிளையில் 23.05.2012 அன்று 'குர் ஆன் வகுப்பு' பவர் கேம்பில் நடைப்பெற்றது. இதில் சகோ.புஹாரி அவர்கள் குர்ஆன் விளக்கயுரையாற்றினார். அல்ஹம்துலில்லாஹ்!

நபிகளாரின் நற்குணங்கள்!

noreply@blogger.com (DUBAI TNTJ) — Thu, 24 May 2012 06:29:00 +0000

கண்ணியமிகு ஒழுக்கங்களையும் உயர்ந்த நாகரீகங்களையும் கற்றுத்தரும் கருணையாளனாகிய அல்லாஹ் தன்திருமறையில் கூறுகிறான்:

நூன். எழுதுகோல் மீதும் அவர்கள் எழுதுவதன் மீதும் சத்தியமாக! (முஹம்மதே) உமது இறைவனின் அருட்கொடையால் நீர் பைத்தியக்காரராக இல்லை. உமக்கு முடிவுறாத கூலி உண்டு. நீர் மகத்தான குணத்தில் இருக்கிறீர் (அல்குர்ஆன் 68 : 1-4)

நபி(ஸல்) அவர்கள் முழுமைப் பெற்ற தன்மைகளால் அலங்கரிக்கப்பட்டு இருந்தார்கள். நற்பண்புகளில் அவர்களுக்கு நிகர் கிடையாது. அல்லாஹ் நபியவர்களுக்கு மிக அழகிய முறையில் ஒழுக்கங்களைக் கற்றுக் கொடுத்தான். வார்த்தைகளால் வர்ணிக்க முடியாத வகையில் அழகிய பண்புகளையும் சிறந்த குணங்களையும் கொண்டவர்களாக நபி(ஸல்) அவர்கள் திகழ்கிறார்கள்...

மக்களுடைய உள்ளங்களின் ஆழத்தில் அவர்களது கண்ணியம் வேரூன்றி இருந்தது. நபியவர்களைப் பாதுகாக்க மக்கள் தங்களையே அர்ப்பணித்தார்கள்.

இது போன்றதொரு மரியாதையையும் மதிப்பையும் வேறு எவரிடமும் இவ்வுலகம் கண்டதில்லை. அவர்களோடு வாழ்ந்தவர்கள் அவர்களை ஆழமாக நேசித்தனர். தங்களின் கழுத்துக்கள் வெட்டப்படுவதைக் கூட பொறுத்துக் கொள்வார்கள். ஆனால் நபி(ஸல்) அவர்களின் நகத்துக்கு ஓர் இடையூறு ஏற்படுவதைக்கூட பொறுத்துக் கொள்ள மாட்டார்கள். சிறந்த பண்புகளும், அழகிய குணங்களும் நபி(ஸல்) அவர்களிடம் இருந்தது தான் தோழர்களின் நேசத்திற்குரிய காரணமாகும். நபியவர்களின் குணங்களையும், பண்புகளையும் முழுமையாக நம்மால் இங்கு விவரிக்க இயலாது.

இருந்த போதும் அம்மாமனிதரின் சில அம்சங்களை இங்கே கோடிட்டுக் காட்டுவதன் மூலம் நல்லுள்ளம் கொண்ட மனித சமூகம் அவர்களைப் பற்றி அறிவதிலும், பின்பற்றுவதிலும் இன்ஷாஅல்லாஹ் ஆர்வங்கொள்ளும் என்ற நம்பிக்கையில் சில சொட்டுத்தேன்களை இங்கே கொட்டித் தருகிறோம்.

நபி(ஸல்) அவர்கள் காலத்தில் வாழ்ந்த நாகரீகமில்லாத சமுதாயத்தினர் இஸ்லாத்தை தங்களின் வாழ்க்கை நெறியாக ஏற்றுக் கொண்டனர். உலகில் உள்ள எல்லா மதங்களையும் ஆய்வு செய்து, இது தான் சரியான மார்க்கம் என்று முடிவு செய்து அவர்களில் யாரும் இஸ்லாத்தை ஏற்கவில்லை.

இறைவன் நபி(ஸல்) அவர்களை தூதராக நியமித்ததை கண்ணால் கண்டு விட்டு இறைத்தூதர் என்று நம்பினார்களா? என்றால், இல்லை.

திருக்குர்ஆனை அலசி ஆராய்ந்து பார்த்து விட்டு இது இறைவனின் வேதம் தான் என்று முடிவு செய்து இஸ்லாத்தை ஏற்றார்களா? அதுவும் இல்லை. மேலும், திருக்குர்ஆன் வசனங்களில் நூறில் ஒரு பகுதி அருளப்படுவதற்கு முன்பே பலர் இஸ்லாத்தை ஏற்றுக் கொண்டனர்.காரணமென்ன?. அந்த மக்கள் முஹம்மது நபியை கண்டார்கள்!

அவர்களின் நாற்பது வருட வாழ்க்கையில் தூய்மையைக் கண்டார்கள். நபி(ஸல்) அவர்கள் பொய் சொல்லி பார்த்தது கிடையாது. அவர்கள் யாரையும

ஏமாற்றியதாகவோ அல்லது யாருக்கும் அநீதி இழைத்ததாகவோ அவர்கள் கண்டதில்லை.

ஊரில் மிகப் பெரும் செல்வந்தராக இருந்தும் அதனால் ஏற்படும் செருக்கு எதனையும் அவர்கள் கண்டதில்லை. மாறாக, தமது செல்வத்தைப்பிறருக்கு வாரி வழங்குவதில் இன்பம் காண்பதை கண்டார்கள். சுயநலனில்லாத அவர்களின் பரிசுத்த வாழ்க்கையை கண்டு, இவரை நூறு சதவீதம் நம்பலாம் என்ற நம்பிக்கை தான் அவர்கள் இஸ்லாத்தை ஏற்றுக் கொள்ள முதல் காரணமாக இருந்தது.

எந்த ஒரு மனிதனும் தனது கடந்தகால வாழ்க்கையை மக்களுக்கு நினைவூட்டி என்னை நம்புங்கள் என்று கூற முடியாது. ஏனெனில் எவரது கடந்தகால வாழ்க்கையும் முழு தூய்மையாக இருக்க முடியாது. பெரும் பெரும் மகான்களேயானாலும் அவர்களின் இப்போதைய நிலையைத்தான் பார்க்க வேண்டுமே தவிர கடந்த காலத்தைப் பார்க்க கூடாது என்பதை வலியுறுத்தும் வகையில் ''நதிமூலம் ரிஷிமூலம் பார்க்கக் கூடாது'' என்ற சொல் வழக்கும் நம்மிடையே உள்ளது. ஆனால், தான் இறைத்தூதர் என்பதற்கு தனது கடந்த கால வாழ்க்கையையே சான்றாகக் காட்டும் தைரியம் உலகிலேயே நபி(ஸல்) அவர்களுக்கு மட்டுமே இருந்தது.

திருமறைக் குர்ஆனும் இதை தான் முன் வைக்கிறது:

"அல்லாஹ் நாடியிருந்தால் இதை உங்களுக்குக் கூறியிருக்க மாட்டேன்.அவனும் உங்களுக்கு அறிவித்திருக்க மாட்டான். உங்களிடம் இதற்கு முன் பல வருடங்கள் வாழ்ந்துள்ளேன். விளங்க மாட்டீர்களா?'' (அல்குர்ஆன் 10 : 16)

நபி(ஸல்) அவர்கள், தம் தோழர்களிடம் நற்குணங்களை போதிப்பதற்கு முன்னால் அவற்றை தம் நடைமுறை மூலம் அவர்களிடையே விதைத்தார்கள்.

அப்துல்லாஹ் இப்னு அம்ரு இப்னுல் ஆஸ் (ரலி) அவர்கள் அறிவிக்கிறார்கள்: ''நபி(ஸல்) அவர்கள் கெட்ட குணம் உள்ளவர்களாகவோ,கெட்ட செயல் உள்ளவர்களாகவோ இருந்ததில்லை. குணத்தில் அழகானவரே உங்களில் சிறந்தவர் என சொல்பவர்களாக நபி(ஸல்) அவர்கள் இருந்தார்கள்.( புகாரி, முஸ்லிம், திர்மிதி, அஹ்மது)

அனஸ்(ரலி) அவர்கள் அறிவிக்கிறார்கள்: நான் பத்து வருடங்கள் நபி(ஸல்) அவர்களுக்கு பணி செய்துள்ளேன். அல்லாஹ்வின் மீதாணையாக! அவர்கள் சீ என்று என்னிடம் கூறியது கிடையாது. எந்த விஷயம் குறித்தும் ஏன் இப்படி செய்தாய்? இவ்வாறு செய்திருக்க கூடாதா? என்று கேட்டதும் கிடையாது. (நூல் : முஸ்லிம்)

அன்னை ஆயிஷா (ரலி) அவர்கள் அறிவிக்கிறார்கள்: நபி(ஸல்) அவர்கள் தங்களது காலணிகளையும், ஆடைகளையும் தாங்களே தைத்துக் கொள்வார்கள்.உங்களில் ஒருவர் வீட்டில் வேலை செய்வது போன்றே நபியவர்களும் தங்களது வீட்டில் வேலை செய்வார்கள். மனிதர்களில் ஒருவராகவே இருந்தார்கள். தங்களது ஆடைகளை தானே சுத்தம் செய்வார்கள். தனது ஆட்டில் தானே பாலைக் கறப்பார்கள். தங்களது வேலைகளை தானே செய்து கொள்வார்கள். (நூல் :மிஷ்காத்)

ரூபைய் பின்த் முஅவ்வித்(ரலி) அவர்கள் அறிவிக்கிறார்கள்: நபி(ஸல்) அவர்களை நீ பார்த்தால் அவர்கள் உதிக்கும் அதிகாலை சூரியனைப் போல் இலங்குவார்கள். (நூல் :தாரமி)

பிற மதத்தவர்களிடம் அன்பு பாராட்டுதல்:

நபி(ஸல்) அவர்களின் மகத்தான நற்பண்புகளில் ஒன்று பிற மதத்தவர்களிடம் அன்பு பாராட்டி அவர்கள் நடந்துக் கொண்ட முறையைச் சொல்லலாம். பொதுவாகவே ஒரு மதத்தின் ஆன்மீகத்தலைவர்கள் வேறு மதத்தவர்களை இழிவாக கருதுவது வழக்கம். அதுபோல் பெரும்பான்மை பலத்துடன் ஆட்சி செய்பவர்கள் ஒரு மதத்தின் மீது ஆழ்ந்த பற்றுடையோராக இருந்தால், அவரும் பிற மதத்தவர்களை இழிவாகவே கருதுவார். ஆனால் ஒரே நேரத்தில் ஆன்மீகத்தலைமையையும், ஆட்சித் தலைமையையும் பெற்றிருந்த அண்ணல் நபி(ஸல்) அவர்கள் முஸ்லிமல்லாத மக்களுடன் அன்பு பாராட்டி நடந்துக் கொண்ட மனித நேய சம்பவங்கள் பலவற்றை அவர்களது வரலாற்றில் நாம் காணலாம்.

இஸ்லாமிய மார்க்கத்தில் ஜகாத் எனும் தர்மம் கட்டாயக்கடமை என்பதை முஸ்லிமல்லாத மக்களும் அறிவார்கள். செல்வந்தர்களிடம் திரட்டப்படும் இந்த நிதி எட்டுவிதமான பணிகளுக்கு செலவிடப்பட வேண்டும். முஸ்லிம் அல்லாதவர்களுடன் நல்லிணக்கம் வளர்வதற்காக அவர்களுக்காக வழங்குவதும் அப்பணிகளுள் ஒன்று என இஸ்லாம் இயம்புகிறது. (பார்க்க : அல்குர்ஆன் 9:60)

உலகில் எந்த மதத்திலும் பிற மதத்தினருக்கு உதவுவது மார்க்கத்தில் கட்டாயக் கடமையாக ஆக்கப்பட்டதில்லை. எந்த மதத்திலும் இத்தகைய ஒரு சட்டத்தை காணவே முடியாது.

சில தனிப்பட்ட நபர்கள் வேண்டுமானால் மதம் கடந்த மனித நேயத்துடன் நடந்துக் கொள்வார்கள். இத்தகையோர் குறைந்த எண்ணிக்கையில் எல்லா மதங்களிலும் இருப்பார்கள். இது அந்த தனிப்பட்ட நபர்களின் பெருந்தன்மையினால் ஏற்படும் விளைவு தானே தவிர அவர்கள் பின்பற்றும் மதத்தில் கடமையாக்கப்பட்டதால் அல்ல.

ஆனால் நபி(ஸல்) அவர்களோ, இவ்வாறு பிற சமய மக்களுக்கு வழங்குவதை இஸ்லாத்தின் கடமைகளில் ஒன்றாக ஆக்கினார்கள். முஸ்லிம் அல்லாதவர்களுக்கு இவ்வாறு முஸ்லிம் அரசின் கருவூலத்திலிருந்து கண் துடைப்பாகவோ, அற்பமாகவோ வழங்குவதா என்றால் நிச்சயமாக இல்லை.மாறாக மிக அழகிய முறையில் வழங்க வேண்டும். அதற்கு நபி(ஸல்) அவர்களின் வாழ்வில் நடந்த நிகழ்ச்சி ஒன்று அதனை நமக்கு படம் பிடித்து காட்டுகின்றது.

ஒரு மனிதர் நபி(ஸல்) அவர்களிடம் வந்து இஸ்லாத்தின் பெயரால் உதவிகள் கேட்டார். இரு மலைகளுக்கிடையே அடங்கும் அளவுக்கு அவருக்கு ஆடுகளை வழங்கினார்கள். அவர் தனது சமுதாயத்தினரிடம் சென்று, என் சமுதாயமே! நீங்கள் இஸ்லாத்தை ஏற்றுக் கொள்ளுங்கள். ஏனெனில் நிதி நெருக்கடியைப் பற்றி அஞ்சாமல் முஹம்மது வாரி வழங்குகிறார் எனக் கூறினார் . (நூல்:முஸ்லிம் 4627)

இரு மலைகளுக்கிடையே அடங்கும் அளவுக்கு ஆடுகள் என்ற சொற்றொடர் மிக அதிகமாக வழங்கும் போது கூறப்படும் சொல் வழக்காகும். நபி(ஸல்) அவர்கள் முஸ்லிமல்லாத மக்களுக்கு அளவுக்கதிகமாக வாரி வழங்குவது எந்தளவுக்கு இருந்ததென்றால், இதற்காகவே பலரும் இஸ்லாத்தை நோக்கி தங்கள் கவனத்தை திருப்பும் அளவுக்கு இருந்தது. மற்றொரு சான்றையும் இங்கு காண்போம்.

எங்களைப் பிரேதம் ஒன்று கடந்து சென்றது. அதற்காக நபி(ஸல்) அவர்கள் எழுந்து நின்றார்கள். நாங்களும் நின்றோம். அல்லாஹ்வின் தூதரே! இது யூதருடைய பிரேதம் என்று நாங்கள் கூறினோம். அதற்கு நபி (ஸல்) அவர்கள் நீங்கள் பிரேதத்தைக் கண்டால் எழுந்து நில்லுங்கள் என்று கூறினார்கள் (புகாரி 1311)

இறந்தவரின் உடலை எடுத்துச்செல்லும்போது இந்த இருபதாம் நூற்றாண்;டில் கூட கலவரங்கள் நடைபெறுவதை காண்கிறோம். எதிரி சமுதாயத்தவரின் உடல்களை எங்கள் தெருவழியாக கொண்டு செல்லக் கூடாது என்று ஓரே மதத்தைச் சேர்ந்தவர்களே வெட்டி, குத்திக் கொண்டு கலவரத்தில் ஈடுபடுவதை நாம் தினமும் நேரிலும், பத்திpரிகை மூலமாகவும் காண்கிறோம்.

உயிருடன் இருக்கும்போது நடமாடுவதற்கு அனுமதியளித்தவர்கள், இறந்த உடலுக்கு அந்த உரிமையை மறுத்து வருவதையும் காண்கிறோம். ஆனால் இந்த மாமனிதரின் வரலாற்றைப் பாருங்கள். நபி(ஸல்) அவர்கள் ஆட்சித்தலைவராக இருக்கிறார்கள். அவர்களின் எதிரி சமுதாயமாகவும், சிறுபான்மை சமுதாயமாகவும் யூதர்கள் இருந்தனர். எதிரியாகவும், சிறுபான்மையாகவும் இருந்த யூதரின் உடல் முஸ்லிம் அரசின் அதிபர் வசிக்கும் தெரு வழியாக சர்வசாதாரணமாக எடுத்துச் செல்ல முடிகிறது.

மேலும், பிரேதம் கடந்து செல்லும் போது, உள்ளத்தில் வெறுப்பைச் சுமந்துக் கொண்டு வேண்டா வெறுப்பாக நபி(ஸல்) அவர்களும், அவர்களின் தோழர்களும் எழுந்து நின்றார்களா என்றால் நிச்சயமாக இல்லை. பிரேதத்திற்கு எழுந்து நின்று மரியாதை செலுத்தியதன் மூலம் உளப்பூர்வமாகவே செய்தார்கள் என்;பதை அறியலாம். உயிரோடு இருப்பவருக்காக எழுந்து நின்று மரியாதை செலுத்துவதை அடியோடு தடை செய்த நபி(ஸல்) அவர்கள், இறந்த உடலுக்கு மட்டும் எழுந்து நின்று மரியாதை செய்ய் கட்டளையிட்டதில் சமுகத்திற்க்கு பல படிப்பினைகள் அடங்கி உள்ளன. எல்லா வல்ல ரஹ்மான் அல்லாஹ் நம் அனைவரையும் இந்த மாமனிதரை பின்பற்றும் நன்மக்களாக ஆக்கி அருள் புரிவானாக!

அன்புடன் வெளியிடுவோர்...

தமிழ்நாடு தவ்ஹீத் ஜமாஅத்,

துபை மண்டலம்.

Visit us : www.tntj.net , www.onlinepj.com

www.jesusinvites.com , www.dubaitntj.net

சோனாப்பூர் பல்தியா கேம்ப் “குர்ஆன் விளக்கவுரை”

noreply@blogger.com (DUBAI TNTJ) — Thu, 24 May 2012 06:04:00 +0000

சோனாப்பூர்: துபை மண்டல TNTJ சோனாப்பூர் கிளையில் 23.05.2012 அன்று 'குர் ஆன் வகுப்பு' பல்தியா கேம்பில் நடைப்பெற்றது. இதில் சகோ.அப்துல் ரஹ்மான் அவர்கள் குர்ஆன் விளக்கயுரையாற்றினார். அல்ஹம்துலில்லாஹ்!

துபை தலைமை மர்கசில் நடைப்பெற்ற பேச்சுப் பயிற்சி!

noreply@blogger.com (DUBAI TNTJ) — Thu, 24 May 2012 05:54:00 +0000

தேய்ரா: அல்லாஹ்வின் கிருபையால் தமிழ்நாடு தவ்ஹீத் ஜமாஅத் துபை தலைமை மர்கசில் வாராந்தோறும் செவ்வாய் கிழமைகளில் புதிய தாயிக்களை உருவாக்கும் விதமாக 'பேச்சுப் பயிற்சி' வகுப்பு நடைப்பெற்று வருகின்றது. அதன் அடிப்படையில் 22.05.2012 அன்று நடைப்பெற்ற பேச்சுப் பயிற்சி வகுப்பில் துபை மண்டல அழைப்பாளர் சகோ.சாஜிதுர் ரஹ்மான் அவர்கள் பேச்சாளர்களுக்கு பயிற்சியினை அளித்தார். அல்ஹம்துலில்லாஹ்!

சோனாப்பூர் சில்லி கேம்ப் பேச்சுப் பயிற்சி!

noreply@blogger.com (DUBAI TNTJ) — Thu, 24 May 2012 05:35:00 +0000

சோனாப்பூர்: தேய்ரா: அல்லாஹ்வின் கிருபையால் தமிழ்நாடு தவ்ஹீத் ஜமாஅத் துபை மண்டல சோனாப்பூர் கிளையில் புதிய தாயிக்களை உருவாக்கும் விதமாக 'பேச்சுப் பயிற்சி' வகுப்பு சில்லி கேம்பில் 22.05.2012 அன்று நடைப்பெற்று. இதில் கிளை செயலாளர் சகோ.முஹையத்தீன் அவர்கள் பேச்சாளர்களுக்கு பயிற்சியினை அளித்தார். அல்ஹம்துலில்லாஹ்!

”சகோதரத்துவம்” சோனாப்பூர் கென்னடி கேம்ப் பயான்!

noreply@blogger.com (DUBAI TNTJ) — Mon, 21 May 2012 07:57:00 +0000

சோனாப்பூர்: துபை மண்டல TNTJ சோனாப்பூர் கிளையில் 20.05.2012 அன்று கென்னடி கேம்பில் வாராந்திர பயான் நடைப்பெற்றது. இதில் கிளை செயலாளர் சகோ.முஹையத்தீன் அவர்கள் 'சகோதரத்துவம்' என்ற தலைப்பில் உரையாற்றினார். இதில் சகோதரர்கள் கலந்து கொண்டு பயன்பெற்றனர். அல்ஹம்துலில்லாஹ்!

"இறையச்சம்” சோனாப்பூர் பல்தியா கேம்ப் பயான்!

noreply@blogger.com (DUBAI TNTJ) — Sun, 20 May 2012 07:51:00 +0000

சோனாப்பூர்: துபை மண்டல TNTJ சோனாப்பூர் கிளையில் 18.05.2012 அன்று பல்தியா கேம்பில் வாராந்திர பயான் நடைப்பெற்றது. இதில் மண்டல இனை செயலாளர் சகோ.முஹம்மது இபுராஹிம் அவர்கள் ”இறையச்சம்” என்ற தலைப்பில் உரையாற்றினார். இதில் சகோதரர்கள் கலந்து கொண்டு பயன்பெற்றனர். அல்ஹம்துலில்லாஹ்!

சோனாப்பூர் ஜும்மா மஸ்ஜித் கேம்ப் ”குர்ஆன் விளக்கவுரை”

noreply@blogger.com (DUBAI TNTJ) — Sun, 20 May 2012 07:48:00 +0000

சோனாப்பூர்: துபை மண்டல TNTJ சோனாப்பூர் கிளையில் 17.05.2012 அன்று 'குர் ஆன் வகுப்பு' ஜும்மா மஸ்ஜித் கேம்பில் நடைப்பெற்றது. இதில் சகோ.அப்துல் ரஹ்மான் அவர்கள் குர்ஆன் விளக்கயுரையாற்றினார். அல்ஹம்துலில்லாஹ்!

”கல்வி” துபை தலைமை மர்கஸ் பயான்!

noreply@blogger.com (DUBAI TNTJ) — Sat, 19 May 2012 12:39:00 +0000

தேய்ரா: தமிழ்நாடு தவ்ஹீத் ஜமாஅத் துபை மண்டலத்தின் வாராந்திர சொற்பொழிவு 18.05.2012 அன்று இரவு 9.30 மணிக்கு தலைமை மர்கஸில் நடைபெற்றது. இதில் அமீரக ஒருங்கினைப்பாளர் சகோ.ஹாமீன் இபுராஹிம் அவர்கள் ”கல்வி” என்ற தலைப்பில் உரை நிகழ்த்தினார்கள். இதில் ஏரளாமனேர் கலந்து கொண்டனர். அல்ஹம்துலில்லாஹ்!

துபை மண்டல தாயிக்கள் மஷீரா!

noreply@blogger.com (DUBAI TNTJ) — Sat, 19 May 2012 12:22:00 +0000

துபை: அல்லாஹ்வின் மாபெரும் கிருபையால் தமிழ்நாடு தவ்ஹீத் ஜமாஅத் துபை மண்டல ”தாயிக்கள் (அழைப்பாளர்கள்) மஷீரா” 18.05.2012 அன்று காலை 10.00 மணியளவில் மண்டல தலைவர் மெளலவி.முஹம்மது நாஸிர் MISC அவர்களின் தலைமையிலும் தஃவா செயலாளர் சகோ.முஹம்மது அலி மற்றும் செயலாளர் சகோ.அபுதாஹிர் ஆகியோரின் முன்னிலையில் தேய்ரா தலைமை மர்கசில் நடைப்பெற்றது.

இந்த தாயிக்கள் ஆலோசனை கூட்டத்தில் தாயிக்களின் தேவையை கருதி புதிய தாயிக்களை உருவாக்கும் விதமாக பேச்சுப் பயிற்சி முகாம்களை நடத்தி பேச்சாளர்களை உருவாக்க வேண்டும்.

கிளைகள் தோறும் தஃவா அதிக்கப்படுத்துவது போன்ற முக்கிய விஷயங்கள் கலந்து ஆலோசிக்கப்பட்டு துபை மண்டலத்தில் தஃவா பணியை முடுக்கி விடப்பட்டது.

இந்த தாயிக்கள் மஷீராவில் பல்வேறு கிளைகலிருந்து அழைப்பாளர்கள் கலந்து கொண்டனர். அல்ஹம்துலில்லாஹ்!

”பள்ளிவாசல்களும் அதன் செயல்களும்” ஹோர் அல் அன்ஸ் மர்கஸ் பயான்!

noreply@blogger.com (DUBAI TNTJ) — Sat, 19 May 2012 12:04:00 +0000

ஹோர் அல் அன்ஸ்: துபை TNTJ ஹோர் அல் அன்ஸ் கிளை மர்கசில் 18.05.2012 அன்று மார்க்க சொர்பொழிவு நடைபெற்றது. இதில் சகோ.லெப்பைக்குடிகாடு முஹையத்தீன் அவர்கள் ”பள்ளிவாசல்களும் அதன் செயல்களும்” என்ற தலைப்பில் உரையாற்றினார்கள். இதில் அதிகமானோர் கலந்து கொண்டார்கள். அல்ஹம்துலில்லாஹ்!

”இறையச்சம்” சோனாப்பூர் பவர் கேம்ப் பயான்!

noreply@blogger.com (DUBAI TNTJ) — Sat, 19 May 2012 11:58:00 +0000

சோனாப்பூர்: துபை மண்டல TNTJ சோனாப்பூர் கிளையில் 18.05.2012 அன்று மஃகரிப் தொழுகைக்கு பிறகு பவர் கேம்பில் நடைபெற்ற பயானில் கிளை செயலாளர் சகோ.முஹையத்தீன் அவர்கள் ”இறையச்சம்”என்ற தலைப்பில் உரைநிகழ்த்தினார். இதில் சகோதரர்கள் கலந்து கொண்டார்கள். எல்லா புகழும் இறைவனுக்கே!

ஹோர் அல் அன்ஸ் மர்கஸ்: குர்ஆன் விளக்கவுரை!

noreply@blogger.com (DUBAI TNTJ) — Sat, 19 May 2012 11:41:00 +0000

ஹோர் அல் அன்ஸ்: துபை தமிழ்நாடு தவ்ஹீத் ஜமாஅத் ஹோர் அல் அன்ஸ் கிளை மர்கசில் வைத்து 17.05.2012 அன்று “குர்ஆன் விளக்க உரை” நடைப்பெற்றது. இதில் மண்டல தஃவா செயலாளர் சகோ.முஹம்மது அலி அவர்கள் விளக்க உரை நிகழ்த்தினார்கள். சகோதரர்கள் கலந்து கொண்டனர் . அல்ஹம்துலில்லாஹ்!

சோனாப்பூர் ”அஸ்கான் கேம்ப்” நான் முஸ்லிம் தஃவா!

noreply@blogger.com (DUBAI TNTJ) — Sat, 19 May 2012 11:31:00 +0000

சோனாப்பூர்: தமிழ்நாடு தவ்ஹீத் ஜமாஅத் துபை மண்டல கிளையான சோனாப்பூர் கிளை அஸ்கான் கேம்பில் 17.05.2012 அன்று ”நான் முஸ்லிம் தஃவா நடைப்பெற்றது. இதில் மண்டல தலைவர் மெளலவி.முஹம்மது நாஸிர் MISC அவர்கள் “ஒரிறைக் கொள்கை” என்ற தலைப்பில் உரை நிகழ்த்தினார்கள். அல்ஹம்துலில்லாஹ்!

சோனாப்பூர் கிளை பவர் கேம்ப் ”குர்ஆன் விளக்கவுரை”

noreply@blogger.com (DUBAI TNTJ) — Sat, 19 May 2012 11:03:00 +0000

சோனாப்பூர்: துபை மண்டல TNTJ சோனாப்பூர் கிளையில் 16.05.2012 அன்று 'குர் ஆன் வகுப்பு' பவர் கேம்பில் நடைப்பெற்றது. இதில் சகோ.புஹாரி அவர்கள் குர்ஆன் விளக்கயுரையாற்றினார். அல்ஹம்துலில்லாஹ்!

”வெற்றி பெறுவதற்க்கு வழி” ஹோர் அல் அன்ஸ் மர்கஸ் பயான்!

noreply@blogger.com (DUBAI TNTJ) — Sat, 19 May 2012 10:55:00 +0000

ஹோர் அல் அன்ஸ்: துபை TNTJ ஹோர் அல் அன்ஸ் கிளை மர்கசில் 11.05.2012 அன்று மார்க்க சொர்பொழிவு நடைபெற்றது. இதில் சகோ. மண்டல இனை செயலாளர் சகோ.முஹம்மது இபுராஹீம் அவர்கள் ”வெற்றி பெறுவதற்க்கு வழி” என்ற தலைப்பில் உரையாற்றினார்கள். இதில் அதிகமானோர் கலந்து கொண்டார்கள். அல்ஹம்துலில்லாஹ்!

”தர்மம்” சத்வா மர்கஸ் வாராந்திர பயான்!

noreply@blogger.com (DUBAI TNTJ) — Sat, 19 May 2012 08:07:00 +0000

சத்வா: துபை மண்டல TNTJ சத்வா கிளையில் 18.05.2012 அன்று இஷா தொழுகைக்கு பிறகு மர்கசில் நடைபெற்ற பயானில் சகோ. முஹையத்தீன் அவர்கள் ”தர்மம் "என்ற தலைப்பில் உரைநிகழ்த்தினார். இதில் ஏராளமான சகோதரர்கள் கலந்து கொண்டார்கள். எல்லா புகழும் இறைவனுக்கே!

”தொழுகையின் அவசியம்” சோனாப்பூர் அஸ்கான் கேம்ப் பயான்!

noreply@blogger.com (DUBAI TNTJ) — Fri, 18 May 2012 11:08:00 +0000

சோனாப்பூர்: துபை மண்டல TNTJ சோனாப்பூர் கிளையில் 17.05.2012 அன்று அஸ்கான் கேம்பில் நடைபெற்ற பயானில் மண்டல தலைவர் மெளலவி.முஹம்மது நாஸிர் MISC அவர்கள் ”தொழுகையின் அவசியம்”என்ற தலைப்பில் உரைநிகழ்த்தினார். இதில் சகோதரர்கள் கலந்து கொண்டார்கள். எல்லா புகழும் இறைவனுக்கே!

சத்வா மர்கஸ் ”குர்ஆன் விளக்கவுரை”

noreply@blogger.com (DUBAI TNTJ) — Fri, 18 May 2012 08:03:00 +0000

சத்வா: தமிழ்நாடு தவ்ஹீத் ஜமாஅத் துபை மண்டல TNTJ சத்வா கிளையின் வாராந்திர "குர்ஆன் விளக்கவுரை " 16.05.2012 அன்று புதன்கிழமை இஷா தொழுகைக்கு பிறகு சத்வா மர்கஸில் வைத்து நடைபெற்றது. இதில் கிளையின் துணை தலைவர் சகோ . அப்துல்ஹமீத் அவர்கள் விளக்கம் அளித்தார். இதில் சகோதரர்கள் ஆர்வமுடன் கலந்து கொண்டனர். அல்ஹம்துலில்லாஹ்!

அல்லாஹ்வை நினைவு கூறுவோம்!

noreply@blogger.com (DUBAI TNTJ) — Thu, 17 May 2012 10:02:00 +0000

கண்ணியமிக்க வல்ல நாயன் தன் திருமறையில் கூறுகிறான்:

நம்பிக்கைக் கொண்டோரின் உள்ளங்கள் அல்லாஹ்வின் நினைவால் அமைதியுறுகின்றன. கவனத்தில் கொள்க! அல்லாஹ்வின் நினைவால் தான் உள்ளங்கள் அமைதியுறுகின்றன. (அல்குர்ஆன்: 13:28) இவ்வுலகில் பிறந்த அனைவரும் ஒருவர் மற்றவரை நினைக்கின்றனர். எதையாவது நினைக்காத உள்ளங்கள் இல்லை எனலாம். தன்னை நேசிப்பவர் களையோ தனக்கு விருப்பத்திற்குரிவர்களையோ குடும்பத்தினரையோ தொழில் முன்னேற்றம் அடைவதை பற்றியோ எதிர்காலத்தை பற்றியோ தன்னை விட்டு கடந்து போன தனக்கு வரவிருக்கின்ற இன்ப துன்பங்களைப் பற்றியோ அவர்களுடைய நினைவலைகள் நீண்டு கொண்டே செல்கின்றது...

இச்சிந்தனை போக்குகள் அவனுடைய நிம்மதி, தூக்கம், உணவு போன்ற அன்றாடம் அவன் செய்யக்கூடிய அனைத்து காரியங்களையும் நிறுத்தி விடுகின்றது. இச்சிந்தனை போக்குகளின் தாக்கம் சில நேரங்களில் தவறான முடிவுகளின் பக்கமும் தற்கொலைகளின் பக்கமும் கொண்டு செல்கின்றது. நம்முடைய செயல்பாடுகள் அனைத்தையும் சரியான முறையில் கொண்டு செல்லக்கூடிய ஒரு சிந்தனை போக்கு இறைநினைவு மட்டுமே!

அல்லாஹ் கூறுகிறான்:

தொழுகை முடிக்கப்பட்டதும் பூமியில் அலைந்து அல்லாஹ்வின் அருளைத் தேடுங்கள். அல்லாஹ்வை அதிகம் நினையுங்கள். நீங்கள் வெற்றி பெறுவீர்கள். (அல்குர்ஆன்: 62:10)

நம்பிக்கைக் கொண்டோரே! (களத்தில்) ஓர் அணியைச் சந்தித்தால் உறுதியாக நில்லுங்கள். அல்லாஹ்வை அதிகம் நினையுங்கள். நீங்கள் வெற்றியடைவீர்கள். (அல்குர்ஆன்: 8 : 45)

உங்களை எச்சரிப்பதற்காக உங்களைச் சேர்ந்த மனிதருக்கு உங்கள் இறைவனிடமிருந்து அறிவுரை வருவது ஆச்சரியமாக உள்ளதா? நூஹூவுடைய சமுதாயத்திற்குப் பின் உங்களை வழித்தோன்றல்களாக அவன் ஆக்கியதையும் உடலமைப்பில் உங்களுக்கு வலிமை அதிகப்படுத்தியதையும் எண்ணிப் பாருங்கள். நீங்கள் வெற்றியடைவதற்காக அல்லாஹ்வின் அருட்கொடைகளை எண்ணிப் பாருங்கள்! (என்றும் அவர் கூறினார்) (அல் குர்ஆன்: 7 : 69).

மன நிம்மதி தரும் மாமருந்து:

அனைத்து மனிதர்களுமே நிம்மதியையும் ஆறுதலையும் தேடியே அலைகின்றனர். விருப்பத்திற்குரிய எத்தனையோ நபர்கள் இவ்வுலகில் இருந்தாலும் அவர்களை நினைக்கும்போது நிம்மதி கிடைப்பதில்லை.

இன்னும் உற்று நோக்குவோமேயானால் இவ்வாறு நினைக்கும் போது இருக்கின்ற நிம்மதியும் தொலைந்து போவதை உணர்கின்றோம். பொருளாதாரத்தாலோ உடலாலோ பிறர் பேசக்கூடிய பேச்சுக்களினாலோ மனிதனின் மனம் காயப்படுத்தப்படுகின்றது.

இச்சூழ்நிலையில் ஒருவன் இறைவனையும் இறைவனின் வார்த்தைகளையும் நினைவு கூர்ந்தால் மனிதனுக்கு அவன் நினைத்தது யாவும் கிடைக்காது என்றும் இறைவனின் விருப்பத் திற்குரியவர்கள் சோதிக்கப்படுவார்கள் என்றும் இறைவன் தூதர்களாக தெர்ந்தெடுத்த நபிமார்களுக்கே பெரும் பெரும் சோதனைகள் வந்தது என்றும் நமக்கு ஏற்பட்ட துன்பம் இறைவன் புறத்திலிருந்து வந்தது ஆகையால பிஸ்மில்லாஹிர்ரஹ்மானிர்ரஹீம் அல்லாஹ்வை நினைவு கூறுவோம்!

நபி(ஸல்) அவர்கள் கூறினார்கள்:

உயர்ந்தோன் அல்லாஹ் கூறுகின்றான்: என் அடியான் என்னைப் பற்றி என்ன நினைக்கின்றானோ அதற்கேற்ப நான் நடந்துக் கொள்வேன். அவன் என்னை நினைவு கூறும்போது நான் அவனுடன் இருப்பேன். அவன் என்னைத் தன் உள்ளத்தில் நினைவு கூர்ந்தால் நானும் அவனை என் உள்ளத்தில் நினைவு கூறுவேன். அவன் ஓர் அவையோர் மத்தியில் என்னை நினைவு கூர்ந்தால் அவர்களை விடச் சிறந்த ஒர் அவையினரிடம் அவனை நான் நினைவு கூர்வேன். அவன் ஒரு சாண் அளவுக்கு என்னை நெருங்கினால் நான் ஒரு முழமளவுக்கு அவனை நெருங்குவேன். அவன் ஒரு முழம் அளவுக்கு என்னை நெருங்கினால் நான் (வலதும் இடதும் விரித்த) இரு கைகளின் நீள அளவுக்கு அவனை நெருங்குவேன். அவன் என்னை நோக்கி நடந்து வந்தால் நான் அவனை நோக்கி ஓடிச் செல்வேன். ( அபூஹூரைரா(ரலி) புகாரி 7405)

இறைவனை வணங்குவதற்கு காரணமும் இறைச்சிந்தனையே!

சாதுவான கால்நடைகளை அவர்களுக்கு வழங்கியதற்காக அல்லாஹ்வின் பெயரை நினைப்பதற்கு ஒவ்வொரு சமுதாயத்திற்கும் வழிபாட்டு முறையை ஏற்படுத்தியுள்ளோம். உங்கள் இறைவன் ஒரே இறைவனே! அவனுக்கு கட்டுப்படுங்கள்! பணிந்தோருக்கு நற்செய்தி கூறுவீராக! (அல்குர்ஆன்: 22: 34)

இறைவனுக்குரிய வணக்க வழிபாடுகளை சரியாக கடை பிடிப்பவர்களை உற்று நோக்கினால் அவர்களிடத்தில் இறைச்சிந்தனை அதிகமாக இருப்பதை காண்கிறோம்.

அல்லாஹ் கூறுகின்றான்:

(இறை) இல்லங்கள் உயர்த்தப்படவும், அதில் தனது பெயர் நினைக்கப்படவும் (தான்) அல்லாஹ் கட்டளை யிட்டுள்ளான். அதில் காலையிலும் மாலையிலும் அவனை சில ஆண்கள் துதிக்கின்றனர். வணிகமோ வர்த்தகமோ அவர்களை அல்லாஹ்வின் நினைவை விட்டும் தொழுகையை நிலைநாட்டுவதை விட்டும் ஸகாத் கொடுப்பதை விட்டும் திசை திருப்பாது. பார்வைகளும் உள்ளங்களும் தடுமாறும் நாளை அவர்கள் அஞ்சுவார்கள். (அல்குர்ஆன்: 24 : 36-37)

இறைநினைவை தடுக்கும் பொருளாதாரம்!

இன்றைய முஸ்லிம்களில் பெரும்பாலானோர் இறைவன் கட்டளையிட்ட வணக்க வழிபாடுகளான தொழுகை, நோன்பு, தர்மம் போன்ற காரியங்களை செய்வதில்லை. இதற்கு காரணம் காலையில் எழுந்தது முதல் இரவு தூங்கும் வரை அவர்களின் கவனம் பொருளாதாரத்தை பெருக்குவதிலே குறிக்கோளாக அமைகின்றது.

நம்பிக்கை கொண்டோரே! உங்களின் பொருட்செல்வமும், மக்கட்செல்வமும் அல்லாஹ்வின் நினைவை விட்டு உங்களைத் திசை திருப்பி விட வேண்டாம். இதைச் செய்வோரே இழப்பை அடைந்தவர்கள். (அல்குர்ஆன் 63 :9)

இதனால் இறைவனிடம் அதிக நன்மையை பெற்றுத்தரக்கூடிய ஜூம்ஆ என்ற பெரும்பாக்கியத்தையும் கூட சிலர் கடைபிடிப்பதில்லை.

நம்பிக்கை கொண்டோரே! வெள்ளிக் கிழமையில் தொழுகைக்காக அழைக்கப்பட்டால் அல்லாஹ்வை நினைப்பதற்கு விரையுங்கள்! வியாபாரத்தை விட்டு விடுங்கள்! நீங்கள் அறிந்தால் இதுவே உங்களுக்கு நல்லது. அல்குர்ஆன் 62:9.

இங்கு நாம் பனூ இஸ்ரவேலர்களை நினைக்க கடமைப்பட்டுள்ளோம். சனிக்கிழமை அவர்களுக்கு புனிதமாக்கப்பட்டது. அதில் அவர்கள் வரம்புமீறியதால் குரங்குகளாக அவர்கள் மாற்றப்பட்டனர்.

கடல் ஓரத்தில் இருந்த ஊரைப் பற்றி அவர்களிடம் கேட்பீராக! அவர்கள் சனிக்கிழமையில் வரம்பு மீறியதை நினைவூட்டுவீராக! சனிக்கிழமையன்று மீன்கள் நீரின் மேல் மட்டத்தில் அவர்கள் முன்னே வந்தன. சனிக்கிழமை அல்லாத நாட்களில் அவர்களிடம் வருவதில்லை. அவர்கள் குற்றம் புரிந்து வந்ததால் இவ்வாறு அவர்களைச் சோதித்தோம்.

'அல்லாஹ் அழிக்கப்போகின்ற அல்லது கடுமையாகத் தண்டிக்கப்போகின்ற கூட்டத்திற்கு ஏன் அறிவுரை கூறுகிறீர்கள்?'' என்று அவர்களில் ஒரு சாரார் கூறினர். அதற்கவர்கள் 'உங்கள் இறைவனிடமிருந்து (விசாரணையின் போது) தப்பிப்பதற்காகவும், அவர்கள் (இறைவனை) அஞ்சுவோராக ஆவதற்காகவும் (அவர்களுக்கு அறிவுரை கூறுகிறோம்)'' எனக் கூறினர். கூறப்பட்ட அறிவுரையை அவர்கள் மறந்த போது தீமையைத் தடுத்தவர்களை (மட்டும்) காப்பாற்றினோம். அநீதி இழைத்தவர்களை அவர்கள் குற்றம் புரிந்து வந்ததால் கடுமையாகத் தண்டித்தோம். தடுக்கப்பட்டதை அவர்கள் மீறிய போது 'இழிந்த குரங்குகளாக ஆகி விடுங்கள்!'' என்று அவர்களுக்குக் கூறினோம். (அல்குர்ஆன் 7 :163-166)

இவ்வுலகில் ஆடம்பரமாக வாழவேண்டும் என்பதற்காக பொருளாதாரத்தை பெருக்க முயன்று தொழுகையை விடுவோமேயானால் மறுமை தேர்வில் தோல்வியை தழுவுவோம் என்பதை உணரவேண்டும். இறைவனிடத்தில் இருப்பது இவ்வுலகை விட சிறந்ததாகும் .

'(முஹம்மதே) அவர்கள் வியாபாரத்தையோ, வீணானதையோ கண்டால் நின்ற நிலையில் உம்மை விட்டு விட்டு அதை நோக்கிச் சென்று விடுகின்றனர். அல்லாஹ்விடம் இருப்பது வீணானதையும், வியாபாரத்தையும் விட சிறந்தது. அல்லாஹ் உணவளிப்போரில் சிறந்தவன்'' எனக் கூறுவீராக!. - (அல்குர்ஆன் 62:11)

அவர்களின் பொருட்செல்வமும், மக்கட்செல்வமும் அல்லாஹ்விடமிருந்து சிறிதளவும் அவர்களைக் காப்பாற்றாது. அவர்களே நரகவாசிகள். அதில் அவர்கள் நிரந்தரமாக இருப்பார்கள்.(அல்குர்ஆன் 58 : 17)

அதற்காக பொருளாதாரத்தை கவனிக்காமல் எந்நேரமும் தொழுதுகொண்டே இருக்கவேண்டும் என்று இஸ்லாம் கூறவில்லை. இறைவனுக்குரிய கடமைகளை நிறைவேற்றிவிட்டு உலக ஆதாயத்தை தேடவே இஸ்லாம் வலியுறுத்துகின்றது.

தொழுகை முடிக்கப்பட்டதும் பூமியில் அலைந்து அல்லாஹ்வின் அருளைத் தேடுங்கள்! அல்லாஹ்வை அதிகம் நினையுங்கள்! நீங்கள் வெற்றி பெறுவீர்கள். - (அல்குர்ஆன் 62 :10)

அன்புடன் வெளியிடுவோர்...

தமிழ்நாடு தவ்ஹீத் ஜமாஅத்,

துபை மண்டலம்.

சோனாப்பூர் பல்தியா கேம்ப் ”குர்ஆன் விளக்கவுரை”

noreply@blogger.com (DUBAI TNTJ) — Thu, 17 May 2012 09:09:00 +0000

சோனாப்பூர்: துபை மண்டல TNTJ சோனாப்பூர் கிளையில் 16.05.2012 அன்று 'குர் ஆன் வகுப்பு' பல்தியா கேம்பில் நடைப்பெற்றது. இதில் சகோ.அப்துல் ரஹ்மான் அவர்கள் குர்ஆன் விளக்கயுரையாற்றினார். அல்ஹம்துலில்லாஹ்!