Mohanlal only മോഹന്‍ലാല്‍ All Information

മലയാള സിനിമയിലെ വഴിത്തിരിവായ സിനിമയായ ട്രാഫിക്ക് സംവിധായകനൊപ്പം മോഹന്‍ലാല്‍

noreply@blogger.com (Unknown) — Sun, 3 Jun 2012 22:22:00 +0530

ധീരമായ ചുവടുവെപ്പുകള്‍ക്ക് മലയാളസിനിമയ്ക്ക് ധൈര്യം പകര്‍ന്നു നല്‍കിയ ചിത്രമായിരുന്നു ട്രാഫിക്. മോളിവുഡ് അന്നുവരെ കണ്ടിട്ടാത്ത ശൈലിയിലുള്ള കഥയും അവതരണവും കഥാപാത്രങ്ങളുമെല്ലാം നിറഞ്ഞുനിന്ന ട്രാഫിക് മോളിവുഡില്‍ പുതിയൊരു തുടക്കത്തിന് തന്നെ നാന്ദി കുറിച്ചുവെന്ന് പറയാം. മലയാള സിനിമയിലെ വഴിത്തിരിവായ സിനിമയായി ട്രാഫിക്ക് മാറിയെങ്കിലും ഇതിന് ശേഷം രാജേഷ് പിള്ളയുടെ പേരില്‍ ഒരു സിനിമയും തിയറ്ററുകളിലെത്തിയിട്ടില്ല. ട്രാഫിക്കിന്റെ തമിഴ്-ഹിന്ദി റീമേക്കുകളുടെ പിന്നാലെയായിരുന്നു സംവിധായകന്‍ ഇത്രയും കാലം. എന്നാല്‍ ഇതെല്ലാ അനന്തമായി നീണ്ടുപോയതോടെ രാജേഷിന് മലയാളത്തില്‍ നീണ്ട ഗ്യാപ്പ് തന്നെ വന്നു. ഇപ്പോഴിതാ മലയാളത്തില്‍ ശക്തമായൊരു തിരിച്ചുവരവിനൊരുങ്ങുകയാണ് രാജേഷ്. മലയാളത്തിന്റെ പ്രിയതാരം മോഹന്‍ലാലിനെ നായകനാക്കി സിനിമയെടുക്കാനൊരുങ്ങുകയാണ് സംവിധായകന്‍. 2012ലെ ബ്രില്യന്റ് സിനിമകളൊന്നായി വിശേഷിപ്പിയ്ക്കപ്പെട്ട ഈ അടുത്ത കാലത്തിന്റെ തിരക്കഥാകൃത്ത് മുരളി ഗോപിയാണ് ഈ ചിത്രത്തിന്റെ രചന നിര്‍വഹിയ്ക്കുന്നത്. ഇനിയും പേരിടാത്ത ചിത്രം മോഹന്‍ലാല്‍ ആരാധകര്‍ക്ക് ഒരു വിരുന്നായിരിക്കുമെന്ന് ഒരു മോഹന്‍ലാല്‍ ആരാധകന്‍ കൂടിയായ രാജേഷ് പിള്ള പറയുന്നു.
ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രത്തിന്റെ നിര്‍മാതാവ്. എന്നാല്‍ ലാല്‍ ചിത്രം ഈ വര്‍ഷം ഉണ്ടാകില്ലെന്നാണ് സൂചന. രാജേഷിന്റെയും മോഹന്‍ലാലിന്റെയും തിരക്കുകളാണ് ഈ പ്രൊജക്ട് നീട്ടിവെയ്ക്കാന്‍ കാരണം. ട്രാഫിക്കിന്റെ തമിഴ് റീമേക്ക് സംവിധാനം ചെയ്യുന്നത് രാജേഷ് നേരത്തെ തന്നെ ഉപേക്ഷിച്ചിരുന്നു. എന്നാല്‍ ഹിന്ദി റീമേക്ക് ഒരുക്കുന്നത് രാജേഷ് തന്നെയാണ്. ഇതിന് ശേഷം മോഹന്‍ലാല്‍ പ്രൊജക്ടിന്റെ ജോലികള്‍ ആരംഭിയ്ക്കാനാണ് സംവിധായകന്റെ തീരുമാനം. ജോഷി സംവിധാനം ചെയ്യുന്ന റണ്‍ ബേബി റണ്ണിന്റെ ഷൂട്ടിങിലാണ് മോഹന്‍ലാല്‍.

Thanks : Reported by OneIndiaMalayalam

സ്‌പിരിറ്റ് ജൂണ്‍ മധ്യത്തില്‍ പ്രദര്‍ശനത്തിനെത്തും.

noreply@blogger.com (Unknown) — Sun, 3 Jun 2012 22:12:00 +0530

ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മിച്ച് രഞ്ജിത്ത് രചനയും സംവിധാനവും നിര്‍വഹിക്കുന്ന 'സ്പിരിറ്റ്' എന്ന ചിത്രത്തിന്റെ നിര്‍മാണപ്രവര്‍ത്തനങ്ങള്‍ പൂര്‍ത്തിയായി വരുന്നു. ജൂണ്‍ മധ്യത്തില്‍ പ്രദര്‍ശനത്തിനെത്തും. മോഹന്‍ലാല്‍ കേന്ദ്ര കഥാപാത്രത്തെ അവതരിപ്പിക്കുന്ന ഈ ചിത്രത്തില്‍ കനിഹയാണ് നായിക. മധു, തിലകന്‍, സുരാജ് വെഞ്ഞാറമൂട്, സിദ്ധാര്‍ഥ് ഭരതന്‍, ഗണേഷ് കുമാര്‍, ടിനി ടോം, ടി.പി. മാധവന്‍, ശങ്കര്‍ രാമകൃഷ്ണന്‍, പൂജപ്പുര രാധാകൃഷ്ണന്‍, ലെന, കല്പന, മാസ്റ്റര്‍ പ്രജ്വല്‍ എന്നിവരും വേഷമിടുന്നു. റഫീഖ് അഹമ്മദിന്റെ വരികള്‍ക്ക് ഷഹബാസ് അമന്‍ ഈണം പകരുന്നു. വേണു ഛായാഗ്രഹണം നിര്‍വഹിക്കുന്നു

രഞ്ജിത്തും മോഹന്‍ലാലും ഒരുമിക്കുന്ന സ്പിരിറ്റിന്റെ പ്രചാരണത്തിന് മമ്മുക്ക

noreply@blogger.com (Unknown) — Sat, 2 Jun 2012 16:07:00 +0530

മലയാളത്തില്‍ അത്ര പരിചിതമല്ലാത്ത ഒന്ന് സംഭവിച്ചേക്കാമെന്ന് റിപ്പോര്‍ട്ട്. ഒരു മോഹന്‍ലാല്‍ ചിത്രത്തിന്റെ പ്രചാരണത്തിന് മമ്മൂട്ടി രംഗത്തിറങ്ങുമോ? ഈ രണ്ട് പേരും ഒരു ചിത്രത്തില്‍ ഒന്നിച്ച് അണിനിരക്കുന്നത് തന്നെ വലിയ വാര്‍ത്തയാകുന്ന മലയാള സിനിമയിലാണ് ഇങ്ങനെയൊരു ആലോചന നടക്കുന്നത്.

അഞ്ച് വര്‍ഷത്തെ ഇടവേളയ്ക്ക് ശേഷം രഞ്ജിത്തും മോഹന്‍ലാലും ഒരുമിക്കുന്ന സ്പിരിറ്റിന്റെ പ്രചാരണാര്‍ഥം മമ്മൂട്ടിയെ അണിനിരത്താനാണ് അണിയറക്കാര്‍ ആലോചിക്കുന്നത്. മനുഷ്യനില്‍ ആല്‍ക്കഹോളിന്റെ ഉപയോഗം സൃഷ്ടിക്കുന്ന മാറ്റങ്ങളാണ്് ചിത്രത്തിന്റെ പ്രമേയം. മലയാളിയുടെ മദ്യാസക്തി വര്‍ധിച്ചുവരുന്ന കാലഘട്ടത്തില്‍ കാലികപ്രസക്തമായ ഈ വിഷയം സിനിമയ്ക്ക് പശ്ചാത്തലമാക്കുകയാണ് പ്രാഞ്ചിയേട്ടനും ഇന്ത്യന്‍ റുപ്പിക്കും ശേഷം രഞ്ജിത്. സ്പിരിറ്റ് ജൂണ്‍ രണ്ടാം വാരമാകും പ്രദര്‍ശനത്തിനെത്തുക. നേരത്തെ ജൂണ്‍ ഏഴിന് റിലീസ് ചെയ്യാന്‍ നിശ്ചയിച്ചിരുന്നെങ്കിലും 10 ദിവസം കൂട്ടി നീട്ടുകയായിരുന്നു. ചിത്രത്തിന്റെ പ്രചാരണപരിപാടികള്‍ക്കായിട്ടാണ് റിലീസ് നീട്ടിയിരിക്കുന്നത്. ഇതില്‍ പ്രധാനമായും സ്പിരിറ്റിന്റെ പ്രചാരണാര്‍ഥം തയാറാക്കുന്ന പ്രമോ വീഡിയോയില്‍ മമ്മൂട്ടിയെ അഭിനയിപ്പിക്കാനാണ് അണിയറക്കാര്‍ നീക്കംനടത്തുന്നത്. യൂറോപ്പില്‍ കുടുംബത്തോടൊപ്പം അവധിക്കാലം ചിലവഴിക്കുന്ന മമ്മൂട്ടി ജൂണ്‍ അഞ്ചിന് മാത്രമേ തിരിച്ചെത്തൂ. വിദേശത്ത് നിന്ന് മമ്മൂട്ടി എത്തിയ ശേഷം താരവുമായി സംസാരിച്ചശേഷമേ ഇക്കാര്യത്തില്‍ അന്തിമമായി എന്തെങ്കിലും പറയാനാകൂവെന്ന് സംവിധായകനോട് അടുപ്പമുള്ള വൃത്തങ്ങള്‍ പറഞ്ഞു. ചര്‍ച്ച ഫലവത്തായാല്‍ മലയാളത്തില്‍ ആദ്യ സംഭവമാകുമിത്. വോയ്‌സ് ഓവറിന്റെ കാര്യത്തില്‍ മലയാളത്തില്‍ ഇത് നേരത്ത നടന്നിട്ടുണ്ട്. മമ്മൂട്ടി അഭിനയിച്ച പഴശ്ശിരാജയുടെ കഥാവിവരണം മോഹന്‍ലാലാണ് നടത്തിയത്. അതുപോലെ അമല്‍നീരദിന്റെ പൃഥ്വിരാജ് ചിത്രം അന്‍വറിന് മമ്മൂട്ടിയുടെ ശബ്ദമായിരുന്നു അവതരണം നടത്തിയത്.

Reported by Mathrubhumi

Run Baby Run Malayalam Movie Showtime, Trailers, Reviews , Posters

noreply@blogger.com (Unknown) — Sat, 19 May 2012 23:04:00 +0530

Run Baby Run is an upcoming 2012 Malayalam film written by Sachy and directed by Joshiy with Mohanlal and Amala Paul in the lead roles. Mohanlal plays the role of a cameraman with a news channel and Amala Paul plays a senior editor, with the film tracing their relationship and professional conflicts.

Directed : Joshiy

Produced : Milan Jaleel

Written : Sachy

Starring : Mohanlal, Amala Paul

Music : Ratheesh Vegha

Cinematography: R. D. Rajasekhar

Editing : Syam

Studio : Galaxy Films

Country : India

Language : Malayalam

Cast - Mohanlal , Amala Paul, Biju Menon, Sreerekha , Siddique, Sai Kumar

മോഹന്‍ലാലിനും ശങ്കര്‍മഹാദേവനും സംസ്‌കൃതഭാരതി പുരസ്‌കാരം

noreply@blogger.com (Unknown) — Sat, 19 May 2012 18:33:00 +0530

കോഴിക്കോട്: സംസ്‌കൃതഭാഷാപ്രചാരണത്തിനുള്ള സന്നദ്ധസംഘടനയായ സംസ്‌കൃതഭാരതിയുടെ 'കലാകോവിദ' പുരസ്‌കാരം നടന്‍ മോഹന്‍ലാലിനും 'സഹൃദയതിലകം' ബഹുമതി ഗായകന്‍ ശങ്കര്‍ മഹാദേവനും നല്‍കും.സംസ്‌കൃതഭാഷ പ്രചരിപ്പിക്കുന്നതിന് നടത്തിവരുന്ന സേവനങ്ങള്‍ പരിഗണിച്ചാണ് മോഹന്‍ലാലിനെ പുരസ്‌കാരത്തിന് തിരഞ്ഞെടുത്തത്. സംവിധായകന്‍ ജി.വി. അയ്യര്‍, കാവാലം നാരായണപ്പണിക്കര്‍ എന്നിവര്‍ക്കാണ് ഈ പുരസ്‌കാരം ഇതിന് മുമ്പ് നല്‍കിയിട്ടുള്ളത്.സംഗീതത്തിലൂടെ സംസ്‌കൃതഭാഷയ്ക്കു നല്‍കിയ സംഭാവനകളാണ് ശങ്കര്‍ മഹാദേവനെ 'സഹൃദയതിലകം' പുരസ്‌കാരത്തിന് അര്‍ഹനാക്കിയത്. ഇതിനുമുമ്പ് കൃഷ്ണശര്‍മ, പട്ടയില്‍ പ്രഭാകരന്‍, യൂസഫലി കേച്ചേരി എന്നിവര്‍ക്കാണ് സഹൃദയതിലകം പുരസ്‌കാരം നല്‍കിയിട്ടുള്ളത്.

നവമാധ്യമരംഗത്തെ മത്സരങ്ങളും വെല്ലുവിളികളും അഭ്രപാളികളിലെത്തിക്കുകയാണ് 'റണ്‍ ബേബി റണ്‍ '.

noreply@blogger.com (Unknown) — Sat, 19 May 2012 18:26:00 +0530

നവമാധ്യമരംഗത്തെ മത്സരങ്ങളും വെല്ലുവിളികളും അഭ്രപാളികളിലെത്തിക്കുകയാണ് 'റണ്‍ ബേബി റണ്‍'. മാസ്റ്റര്‍ ഡയറക്ടര്‍ ജോഷി മോഹന്‍ലാലിനെ നായകനാക്കി ഒരുക്കുന്ന ചിത്രം ഹ്യൂമറിന്റെ നിറവില്‍ ഒരു ത്രില്ലര്‍ എന്ന ലേബലിലാണ് അണിഞ്ഞൊരുങ്ങുന്നത്. സച്ചി-സേതു ടീമിലെ സച്ചി ആദ്യമായി സ്വതന്ത്ര തിരക്കഥാകൃത്താകുന്ന റണ്‍ ബേബി റണില്‍ അമലാപോളാണ് നായിക. ബിജുമേനോന്‍, സായ്കുമാര്‍, വിജയരാഘവന്‍, ഷമ്മി തിലകന്‍,സിദ്ധിക്ക്, മജീദ് തുടങ്ങിയവരാണ് മറ്റു താരങ്ങള്‍.ഗ്യാലക്‌സി ഫിലിംസിന്റെ ബാനറില്‍ മിലന്‍ ജലീല്‍ നിര്‍മിക്കുന്ന ചിത്രത്തിന്റെ ഷൂട്ടിങ് കൊച്ചിയില്‍ പുരോഗമിക്കുന്നു.പതിവു ജോഷിച്ചിത്രങ്ങളില്‍ നിന്ന് ഏറെ അകലം പ്രാപിക്കുന്ന ഈ സിനിമയിലെ അണിയറപ്രവര്‍ത്തകരില്‍ വലിയൊരു ഭാഗവും ജോഷിച്ചിത്രത്തില്‍ ആദ്യമായി സഹകരിക്കുന്നവരാണ്.

സ്‌കൂപ്പുകള്‍ക്കും ഇന്‍വെസ്റ്റിഗേഷന്‍ സ്റ്റോറിക്കും വേണ്ടി സദാ അന്വേഷിച്ചു നടക്കുന്ന മാധ്യമ പ്രവര്‍ത്തകര്‍, ഒരു ചാനലില്‍ നിന്ന് നല്ലൊരു ഓഫര്‍ ലഭിക്കുമ്പോള്‍ അതു വരെ പ്രവര്‍ത്തിച്ചിരുന്ന ചാനല്‍ വിട്ടെത്തുന്നു.ചിലര്‍ സ്വന്തമായി ചാനല്‍ തുടങ്ങുന്നു. അത്തരം നിരവധി കാഴ്ചകള്‍ വരുന്ന മാധ്യമലോകമാണ് റണ്‍ ബേബി റണിലുളളത്. 'ക്രിസ്ത്യന്‍ ബ്രദേഴ്‌സി'നു ശേഷം ജോഷിയും മോഹന്‍ലാലും ഒന്നിക്കുന്ന ചിത്രം കൂടിയാണിത്. അസാധാരണ സ്വഭാവത്തിനുടമയാണ് ക്യാമറാമാന്‍ വേണു.പൂന ഫിലിം ഇന്‍സ്റ്റിറ്റിയൂട്ടില്‍ നിന്ന് ഗോള്‍ഡ് മെഡലോടെ കോഴ്‌സ് പൂര്‍ത്തിയാക്കിയ അദ്ദേഹത്തിന്റെ തട്ടകം ഡല്‍ഹിയാണ്.
ഒരു മാധ്യമ സ്ഥാപനത്തിലും ജീവിതം തളച്ചിടാന്‍ അദ്ദേഹം ആഗ്രഹിച്ചില്ല. അതിനാല്‍ ഫ്രീ ലാന്‍സ് സ്ട്രിങ്ങര്‍ ക്യാമറാമാനായി പ്രവര്‍ത്തിക്കുന്നു. അദ്ദേഹത്തിന്റെ ക്യാമറക്കണ്ണുകള്‍ കണ്ടെത്തുന്ന വിഷ്വലുകള്‍ വന്‍ വില കൊടുത്താണ് ചാനല്‍ മാധ്യമലോകം വാങ്ങുന്നത്. പലപ്പോഴും ഒരു ചാനല്‍ പ്രവര്‍ത്തകന്‍ ഒരു വര്‍ഷം കൊണ്ടു സമ്പാദിക്കുന്ന തുക ഒറ്റ അസൈന്‍മെന്റിലൂടെ വേണു നേടും. ഒരു അസൈന്‍മെന്റിന് താനുമായി എപ്പോഴും അഭിപ്രായവ്യത്യാസമുളള ജേര്‍ണലിസ്റ്റിനൊപ്പം വേണുവിന് പോകേണ്ടി വരുന്നു. ആ യാത്രയ്ക്കിടെ സംഭവിക്കുന്ന ചില കാര്യങ്ങളാണ് റണ്‍ ബേബി റണിന്റെ കഥാഗതിയില്‍ വഴിത്തിരിവുണ്ടാക്കുന്നത്. വേണുവായി മോഹന്‍ലാല്‍ വേഷമിടുന്നു. ചാനല്‍ ജേണലിസ്റ്റ് രേണുകയായി അമലാപോളാണ് സ്‌ക്രീനിലെത്തുന്നത്.

റണ്‍ ബേബി റണ്‍ എന്ന സിനിമയുടെ എലമെന്റ് എങ്ങനെയാണ് കിട്ടുന്നത്?

ഈ ചിത്രത്തിന്റെ എലമെന്റ് കിട്ടുന്നത് ഒരു ഫിലിം ഫെസ്റ്റിവെലില്‍ കണ്ട ഇറാനിയന്‍ ഫിലിമിന്റെ സബ്‌ടൈറ്റില്‍ നിന്നാണ്. ആ സിനിമയുടെ മെറ്റീരിയലുമായി ഒരു ബന്ധവുമില്ലാത്ത ഡയലോഗിലെ ഒരു വാക്കാണ് ഈ സിനിമയിലേക്ക് ചിന്തിക്കാന്‍ പ്രേരണ നല്കിയത്. പ്രധാന കഥാപാത്രങ്ങളെ പെട്ടെന്ന് അതോടെ കിട്ടുകയായിരുന്നു. അവരുടെ ക്യാരക്ടെൈറസേഷന്‍ ,പ്രത്യേകതകള്‍ അതെല്ലാം പെട്ടെന്ന് പ്രോഗ്രസായി. വീണു കിട്ടുകയായിരുന്നുവെന്ന് പറയാം.

സച്ചി-സേതു ടീമില്‍ നിന്ന് സച്ചി സ്വതന്ത്രനായി ആദ്യമായി തിരക്കഥയെഴുതുമ്പോള്‍ ?

ഞങ്ങള്‍ (സച്ചി-സേതു) റോബിന്‍ഹുഡ് ജോഷി സാറിനൊപ്പം ചെയ്യുമ്പോള്‍ തന്നെ റൈറ്റേഴ്‌സിന് ഇത്രയും കംഫര്‍ട്ടായ ഒരു സീനിയര്‍ ഡയറക്ടര്‍ വേറെ ഇല്ലെന്ന് തോന്നിയിട്ടുണ്ട്. ഒരു പാട് സൂപ്പര്‍ ഹിറ്റ് സിനിമകള്‍ ചെയ്ത ആളായിട്ടും നമ്മള്‍ പറയുന്ന കാര്യങ്ങള്‍ ഉള്‍ക്കൊളളാന്‍ അദ്ദേഹം സന്മനസ് കാണിച്ചിരുന്നു.ഒരു പുതിയ ചിന്തയുളള കഥ ഒരു മുതിര്‍ന്ന സംവിധായകരോട് പറയുമ്പോള്‍ അവര്‍ അത് എങ്ങനെ സ്വീകരിക്കും എന്ന ആശങ്ക ഞങ്ങളെപ്പോലുളള പുതിയ ആള്‍ക്കാര്‍ക്കുണ്ടാവും.എന്നാല്‍ എത്ര പോസ്റ്റ് മോഡേണ്‍ രീതിയിലുളള കഥകള്‍ പറഞ്ഞാലും അത് നന്നായി കണ്‍സീവ് ചെയ്യുന്ന സംവിധായകനാണ് ജോഷിസാര്‍. നമ്മുടെ പല മുതിര്‍ന്ന സംവിധായകരും അത് കണ്‍സീവ് ചെയ്യുന്നതിനു പകരം തെറ്റായി കണ്‍സീവ് ചെയ്യുകയും നമ്മളിലെ ആത്മ വിശ്വാസം കെടുത്തുകയും ചെയ്യാറാണ് പതിവ് . ജോഷി സാറില്‍ നിന്ന് നമ്മള്‍ ചിന്തിക്കുന്നതിനേക്കാള്‍ പുതിയ ആശയങ്ങളാണ് ഞങ്ങള്‍ക്ക് റോബിന്‍ഹുഡ് ചെയ്യുമ്പോള്‍ കിട്ടിയിരുന്നത്. അതു പോലെ ഇപ്പോള്‍ ഞാന്‍ ഒറ്റയ്ക്ക് ഒരു കഥയെഴുതുമ്പോഴും പുതിയആശയങ്ങള്‍ സാറില്‍ നിന്ന് കിട്ടുന്നു. ഞാന്‍ വളരെ കംഫര്‍ട്ടാണ്.

ഛായാഗ്രാഹകന്‍ ആര്‍.ഡി.രാജശേഖര്‍ ഈ ചിത്രത്തില്‍ എത്തുമ്പോള്‍?

ആര്‍ .ഡി.രാജശേഖര്‍ ജോഷിസാറിന്റെ വലിയ ഫാനാണ് . ജോഷി സാറിന്റെ ന്യൂ ഡല്‍ഹി മുതല്‍ എല്ലാ സിനിമകളും കാണുന്ന ഛായാഗ്രാഹകനാണ്. ജോഷി സാറിനൊപ്പം എപ്പോഴെങ്കിലും വര്‍ക്ക് ചെയ്യണമെന്ന് ആഗ്രഹിച്ചിരിക്കുമ്പോഴാണ് അദ്ദേഹത്തെ വിളിക്കുന്നത്. അതു പോലെ രാജശേഖറിന് ഏറ്റവും ഇഷ്ടമുളള നടനാണ് മോഹന്‍ലാല്‍. അദ്ദേഹത്തിന്റെ ചിത്രത്തില്‍ വര്‍ക്കു ചെയ്യാനും രാജശേഖര്‍ ആഗ്രഹിച്ചിരുന്നു. ഇത് രണ്ടും കൂടി അപ്രതീക്ഷിതമായി വന്നതിന്റെ ത്രില്ലിലാണ് ആ കലാകാരന്‍. ജോഷിസാറിന്റെ മകന്‍ അഭിലാഷാണ് രാജശേഖറുടെ പേര് സജസ്റ്റ് ചെയ്തത്.ഒരു പുതിയ കാഴ്ച ഈ ചിത്രത്തിന് ആവശ്യമാണ് .കഥ പറയുന്ന ദൃശ്യങ്ങള്‍ അതിനാല്‍ ഈ ചിത്രത്തില്‍ പ്രതീക്ഷിക്കാം. തന്റെ എല്ലാ പടങ്ങളും കാണുന്ന ആളാണ് രാജശേഖറെന്നത് ജോഷി സാറിന് അറിയില്ലായിരുന്നു.ഒരു തെലുങ്ക് പടത്തിന്റെ ഷെഡ്യൂള്‍ വരെ മാറ്റിയാണ് രാജശേഖരന്‍ ഈ ചിത്രത്തില്‍ വര്‍ക്കു ചെയ്യാന്‍ വന്നത്.

റണ്‍ ബേബി റണ്‍ ഒരുക്കുന്നവര്‍ .

ബാനര്‍-ഗ്യാലക്‌സി ഫിലിംസ്, നിര്‍മാണം -മിലന്‍ ജലീല്‍, സംവിധാനം- ജോഷി, കഥ-തിരക്കഥ-സംഭാഷണം-സച്ചി, ഛായാഗ്രഹണം-ആര്‍.ഡി.രാജശേഖര്‍, എഡിറ്റര്‍-ശ്യാം, കലാസംവിധാനം-ജോസഫ് നെല്ലിക്കല്‍ ,സാബു പ്രവ്ദ, സംഗീതം-രതീഷ് വേഗ, ഗാനരചന-റഫീഖ് അഹമ്മദ്, വസ്ത്രാലങ്കാരം -പളനി, ചമയം- പ്രദീപ് രംഗന്‍, പ്രൊഡക്ഷന്‍ കണ്‍ട്രോളര്‍-സെവന്‍ ആര്‍ട്‌സ് മോഹന്‍, പ്രൊ.എക്‌സിക്യുട്ടീവ്‌സ്-ജയന്‍,നന്ദു പൊതുവാള്‍,പ്രണവ്, വീഡിയോ മേക്കിങ്-അമീര്‍ താനൂര്‍.

ടി.എസ്. പ്രതീഷ്‌
കടപ്പാട് : മാതൃഭൂമി

ഹൌസ് ഫുള്‍ ആയി ‘ഗ്രാന്‍ഡ് മാസ്റ്റര്‍ ’ മുന്നോട്ട്

noreply@blogger.com (Unknown) — Sat, 12 May 2012 17:14:00 +0530

മോഹന്‍ലാല്‍ ചിത്രമായ ‘ഗ്രാന്റ് മാസ്റ്റര്‍ ’ തിയേറ്ററുകളിലെത്തി. കുറ്റാന്വേഷണകഥകളുടെ സ്വഭാവത്തില്‍ കുറ്റമറ്റ ത്രില്ലര്‍ ഒരുക്കാന്‍ ഗ്രാന്റ് മാസ്റ്ററിലൂടെ തിരക്കഥാകൃത്തും സംവിധായകനുമായ ബി ഉണ്ണികൃഷ്ണന് സാധിച്ചെന്ന് ആദ്യദിനപ്രതികരണങ്ങള്‍ വ്യക്തമാക്കുന്നു.ആഖ്യാനവേഗത്തില്‍ നിന്നകലാതെ കഥാന്ത്യം വരെ പ്രേക്ഷകനെ കൂടെ നിര്‍ത്താന്‍ ഗ്രാന്‍ഡ് മാസ്റ്ററിന് സാധിച്ചു. കവര്‍ സ്റ്റോറി മുതല്‍ ത്രില്ലര്‍ വരെ പ്രചോദിത തിരരൂപങ്ങള്‍ കണ്ട് തിരക്കെഴുത്തില്‍ സിനിമയൊരുക്കിയ സംവിധായകന് കയ്യൊപ്പിടാവുന്ന ചിത്രമാകുന്നുണ്ട് ഗ്രാന്‍ഡ് മാസ്റ്റര്‍. ക്രൈം ത്രില്ലറുകളുടെ സാമ്പ്രദായിക കഥാഗതിയും ട്വിസ്‌ററുകളും പിന്തുടരാതെ പിഴവുകളില്ലാത്ത പുതിയ കഥപറച്ചിലിന്റെ സസ്‌പെന്‍സ് സമ്മാനിക്കുന്നുണ്ട്.പ്രായത്തെ ഉള്‍ക്കൊള്ളുന്ന കഥാപാത്രത്തെ സ്വീകരിച്ച് മാനറിസങ്ങളിലെ ആകര്‍ഷണത്തിനൊപ്പം ഐജി ചന്ദ്രശേഖറായി മോഹന്‍ലാല്‍ എത്തുമ്പോള്‍ ആരാധകര്‍ക്ക് മാത്രമല്ല നല്ല സിനിമയുടെ ആസ്വാദകര്‍ക്കും കലര്‍പ്പില്ലാത്ത കാഴ്ചയാകുന്നു ചിത്രം.കെട്ടിയാടലുകളില്‍ കാഴ്ച മറഞ്ഞ ആസ്വാദകര്‍ക്ക് തൃപ്തിയേകുന്ന ചിത്രം അവധിക്കാല മത്സരത്തില്‍ പിന്നിലാകില്ലെന്ന് ഉറപ്പാണ്.

മലയാള സിനിമാലോകം വളരെ പ്രതീക്ഷയോടെ കാത്തിരുന്ന ഗ്രാന്‍ഡ്‌ മാസ്റ്റര്‍ ഒടുവില്‍ തീയറ്ററുകളിലെത്തിയിരിക്കുന്നു. ചിത്രത്തിലൂടെ ഇന്ത്യയിലെ ഏറ്റവും വലിയ ചലച്ചിത്ര നിര്‍മ്മാണ കമ്പനികളിലൊന്നായ യുടിവി മോഷന്‍ പിക്ചേഴ്സ് മലയാള സിനിമാ ലോകത്തേയ്ക്ക് വന്നിരിക്കുകയാണ്.ബി ഉണ്ണികൃഷ്ണന്‍ തിരക്കഥയും സംവിധാനം നിര്‍വഹിച്ചിരിക്കുന്ന ഈ മോഹന്‍ലാല്‍ ചിത്രം പറയുന്നത് ഒരു പോലീസ്‌ സ്റ്റോറിയാണ്.പോലീസ്‌ കഥകള്‍ പറയുന്ന സിനിമകളില്‍ സാധാരണ കണ്ടു വരാറുള്ള നെടുങ്കന്‍ ഡയലോഗുകളും വിശ്വസനീയമല്ലാത്ത ആക്ഷന്‍ രംഗങ്ങളുമായി കളം നിറയുന്ന സിനിമാ സങ്കല്‍പ്പങ്ങളെ പൊളിച്ചെഴുതുകയാണ് ഗ്രാന്‍ഡ്‌ മാസ്റ്ററിലെ ഐ ജി ചന്ദ്രശേഖര്‍ എന്ന കഥാപാത്രത്തിലൂടെ മോഹന്‍ലാല്‍.മാറി വരുന്ന സിനിമാ സങ്കല്‍പ്പങ്ങള്‍ക്ക് അനുസരിച്ച് സ്വാഭാവികമായ അഭിനയ ശേഷിയുടെ പിന്‍ബലത്തോടെ തന്നിലെ നടനെ പരിവര്‍ത്തനങ്ങള്‍ക്ക് വിധേയമാക്കുകയാണ് മോഹന്‍ലാലെന്നു നിസ്സംശയം പറയാം.ഓരോ നിമിഷവും പ്രേക്ഷകരെ മുള്‍മുനയില്‍ നിര്‍ത്തുന്ന ഒരു ത്രില്ലറാണ് ഗ്രാന്‍ഡ്‌ മാസ്റ്റര്‍.അനാവശ്യമായ ഗാനരംഗങ്ങളോ സംഘട്ടന രംഗങ്ങളോ ചിത്രത്തിലില്ല.ശത്രുവിന്‍റെ നീക്കങ്ങള്‍ മുന്‍കൂട്ടിയറിയുന്ന ഐ ജി ചന്ദ്ര ശേഖറിനെ ചുറ്റിപറ്റി എ,ബി,സി,ഡി മാതൃകയിലുണ്ടാകുന്ന കൊലപാതകമാണ് ചിത്രത്തിന്‍റെ ഇതിവൃത്തം.കൊലയാളി ചന്ദ്രശേഖറിനെ വെല്ലുവിളിക്കുന്നതോടെ ചിത്രത്തിനു നിഗൂഡതയുടെ ആവരണം കൈവരുന്നു.പതിഞ്ഞ താളത്തില്‍ തുടങ്ങി ഇന്റര്‍വല്‍ ആകുമ്പോഴേക്കും ചിത്രം ഒരു യദാര്‍ത്ഥ ത്രില്ലെര്‍ എന്തായിരിക്കണമെന്ന് കാണിച്ചു തരുന്നു.പ്രേക്ഷകരുടെ ഹൃദയമിടിപ്പ് കൂട്ടുന്ന ക്ലൈമാക്സ് ചിത്രത്തിന്‍റെ ഹൈലൈറ്റാണ്.

അടിത്തറയുള്ള ഒരു തിരക്കഥയും സംവിധാന മികവും ചിത്രത്തെ വ്യത്യസ്തമാക്കി അതോടൊപ്പം വളരെ നാളുകള്‍ക്കു ശേഷം മോഹന്‍ലാല്‍ എന്ന നടന്‍റെ അവിസ്മരണീയ അഭിനയ ശേഷി പ്രകടമായ സിനിമ കൂടിയാണ് ഗ്രാന്‍ഡ്‌ മാസ്റ്റര്‍.സൂപ്പര്‍ സ്റ്റാര്‍ പരിവേഷങ്ങളില്ലാതെ വളരെ അനായാസമായി മോഹന്‍ലാല്‍ ചിത്രത്തെ മുന്നോട്ടു കൊണ്ട് പോകുന്നു.സാധാരണ കണ്ടു മടുത്ത പോലീസ്‌ വേഷങ്ങളില്‍ നിറഞ്ഞു നില്‍ക്കുന്ന അലറി വിളികളില്ലാതെ സര്‍ഗാത്മകമായ രീതിയില്‍ മോഹന്‍ലാല്‍ പറയുന്ന നര്‍മ്മം നിറഞ്ഞു നില്‍ക്കുന്ന ഡയലോഗുകള്‍ തീയറ്ററില്‍ കൈയടി ഉയര്‍ത്തുന്നത് വ്യത്യസ്ത അനുഭവമായി.കുറച്ചു രംഗങ്ങളില്‍ മാത്രമേ ഉള്ളുവെങ്കിലും പ്രിയാമണിയുടെ കഥാപാത്രവും പ്രേക്ഷക മനസിലിടം നേടി.നരേന്‍,ജഗതി ശ്രീകുമാര്‍,അനൂപ്‌ മേനോന്‍ ,റോമ എന്നിവരെ കൂടാതെ ബാബുആന്‍റണിയുടെ ശക്തമായ തിരിച്ചു വരവിനും ഗ്രാന്‍ഡ്‌ മാസ്റ്റര്‍ വേദിയാകുന്നു.മികച്ച വിഷ്വലുകള്‍,കൃത്യതയുള്ള എഡിറ്റിംഗ്,നിലവാരം പുലര്‍ത്തുന്ന ബാക്ക്ഗ്രൌണ്ട് സ്കോര്‍ തുടങ്ങിയവയും ചിത്രത്തിന്‍റെ പ്രത്യേകതകളാണ്.

‘റണ്‍ ബേബി റണ്‍'- ഹിറ്റ്മേക്കര്‍ ജോഷി മോഹന്‍ലാല്‍ ചിത്രവുമായി വീണ്ടും സജീവമാകുന്നു.

noreply@blogger.com (Unknown) — Tue, 10 Apr 2012 23:53:00 +0530

ഹിറ്റ്മേക്കര്‍ ജോഷി വീണ്ടും സജീവമാകുന്നു. മോഹന്‍ലാല്‍ ചിത്രവുമായാണ് ജോഷിയുടെ വരവ്. ഈ മാസം 20ന് ചിത്രീകരണം ആരംഭിക്കുന്ന സിനിമയുടെ തിരക്കഥ സച്ചി - സേതു ടീമിലെ സച്ചിയാണ്. ചിത്രത്തിന് പേര് - ‘റണ്‍ ബേബി റണ്‍’.മോഹന്‍ലാലിന് തെന്നിന്ത്യയിലെ പ്രശസ്ത നായിക അമല പോള്‍ ജോഡിയായി എത്തുന്നു എന്നതാണ് ഈ സിനിമയുടെ പ്രധാന പ്രത്യേകത. കോമഡിയും ആക്ഷനും കുടുംബ പശ്ചാത്തലവുമെല്ലാമുള്ള ഒരു ത്രില്ലറാണ് റണ്‍ ബേബി റണ്‍.മോഹന്‍ലാല്‍ ഈ ചിത്രത്തില്‍ ഒരു ടി വി ചാനല്‍ ക്യാമറാമാനായാണ് അഭിനയിക്കുന്നത്. അമല പോള്‍ ആ ചാനലിലെ സീനിയര്‍ എഡിറ്ററാകുന്നു. ഇവര്‍ തമ്മിലുള്ള രസകരമായ ബന്ധവും ഒരു പ്രത്യേക ദൌത്യത്തിലേക്ക് ഇവര്‍ ഒരുമിച്ചെത്തുന്നതുമാണ് സിനിമയുടെ ഹൈലൈറ്റ്.

സെവന്‍സിന് ശേഷം ജോഷി ഒരുക്കുന്ന ചിത്രമാണിത്. സൂപ്പര്‍ ആക്ഷന്‍ രംഗങ്ങളായിരിക്കും ചിത്രത്തിലുണ്ടാവുക എന്ന് അണിയറ പ്രവര്‍ത്തകര്‍ പറയുന്നു.തമിഴകത്ത് നമ്പര്‍ വണ്‍ നായികയായി മാറിയ അമല പോള്‍ മലയാളത്തില്‍ ആദ്യമായി അഭിനയിക്കുന്ന കൊമേഴ്സ്യല്‍ ചിത്രമാണ് റണ്‍ ബേബി റണ്‍. മുമ്പ് നീലത്താമരയില്‍ ഒരു ചെറിയ വേഷത്തില്‍ അമല എത്തിയിരുന്നു. ഇതു നമ്മുടെ കഥ എന്ന ചിത്രത്തില്‍ അഭിനയിച്ചെങ്കിലും ശ്രദ്ധിക്കപ്പെട്ടില്ല. ഡോ. ബിജു സംവിധാനം ചെയ്യുന്ന ‘ആകാശത്തിന്‍റെ നിറ’ത്തിലും നായിക അമലയാണ്.

മോഹന്‍ലാലിനെ കാണാന്‍ യോദ്ധയിലെ ഉണ്ണിക്കുട്ടന്‍ വരുന്നു

noreply@blogger.com (Unknown) — Thu, 22 Mar 2012 22:51:00 +0530

തൈപ്പറമ്പില്‍ അശോകനെ വട്ടംചുറ്റിച്ച ഉണ്ണിക്കുട്ടനെ ആരും മറക്കാന്‍ വഴിയില്ല. മോഹന്‍ലാലിന്റെ ഹിറ്റ് ചിത്രമായ യോദ്ധയിലെ റിംപോച്ചയെ അവതരിപ്പിച്ച സിദ്ധാര്‍ഥ് ലാമയുടെ കാര്യമാണ് പറഞ്ഞുവരുന്നത്. ഒരു മുത്തശ്ശിക്കഥയിലെപ്പോലെ സിദാര്‍ഥിനെ കണ്ടെത്തിയ വാര്‍ത്ത മലയാളികള്‍ ഏറെ കൗതുകത്തോടെയാണ് കേട്ടത്. ഇതിന് പിന്നാലെ സിദാര്‍ഥിന്റെ വിവാഹവിശേഷവും മലയാളികള്‍ അറിഞ്ഞു.ഇപ്പോഴിതാ നീണ്ട 20വര്‍ഷത്തിനും ശേഷം ഉണ്ണിക്കുട്ടന്‍ തൈപ്പറമ്പില്‍ അശോകനെ കാണാനൊരുങ്ങുകയാണ്. ഇപ്പോള്‍ ലെനിന്‍ രാജേന്ദ്രന്‍ സംവിധാനം ചെയ്യുന്ന ഇടവപ്പാതിയില്‍ അഭിനയിക്കാനെത്തിയിരിക്കുകയാണ് സിദാര്‍ഥ്്. കേരളത്തില്‍ വച്ച് ലാലിനെ കാണാനാവുമെന്ന പ്രതീക്ഷയിലാണ് ഈ നേപ്പാളി പയ്യന്‍.. .

യോദ്ധ ചിത്രീകരിച്ച 1991ലാണ് താന്‍ അവസാനമായി മോഹന്‍ലാലിനെ കണ്ടതെന്ന് നേപ്പാള്‍ സ്‌പോര്‍ട് കൗണ്‍സിലിലെ ഉദ്യോഗസ്ഥനായ സിദാര്‍ഥ് പറയുന്നു. ഇപ്പോള്‍ ഒരുപാടുകാലമായി. സിനിമയുടെ ചിത്രീകരണത്തിന് ശേഷം അദ്ദേഹവുമായി ബന്ധപ്പെട്ടിരുന്നില്ല. എന്നാല്‍ തന്റെ പിതാവ് ലാലുമായി രണ്ടുവര്‍ഷത്തിലൊരിയ്ക്കലെങ്കിലും കത്തുകളിലൂടെ പരിചയം പുതുക്കിയിരുന്നുവെന്ന് സിദാര്‍ഥ് ഓര്‍ക്കുന്നു. കേരളത്തിലെത്തി മോഹന്‍ലാലിനെ കാണമ്പോള്‍ തന്റെ സുഖാന്വേഷണം അറിയിക്കണമെന്ന് പിതാവ് പറഞ്ഞിരുന്നു. യോദ്ധയ്ക്ക് ശേഷം ചെറിയ തോതിലെങ്കിലും സിദാര്‍ഥ് അഭിനയം തുടര്‍ന്നിരുന്നു. മൂന്ന് ഷോര്‍ട്ട് ഫിലിമുകളില്‍ ഇക്കാലത്ത് താന്‍ അഭിനയിച്ചു. ഇടവപ്പാതിയില്‍ ഇരട്ടവേഷത്തിലാണ് സിദാര്‍ഥ് പ്രത്യക്ഷപ്പെടുന്നത്.

കടപ്പാട് : oneindia.in

രഞ്ജിത് മോഹന്‍ലാല്‍ ടീം വീണ്ടും 'സ്‌പിരിറ്റി'ന് തുടക്കമായി

noreply@blogger.com (Unknown) — Mon, 19 Mar 2012 21:39:00 +0530

രഞ്ജിത് എന്ന സംവിധായകന്റെ കൈപ്പടത്തോട് വീണ്ടും മോഹന്‍ലാല്‍ എന്ന നടന്‍ ചേര്‍ന്നുനില്‍ക്കുന്നു. മലയാളം കാത്തിരുന്ന കൂടിച്ചേരല്‍. ടീംസ്പിരിറ്റിന്റെ പഴയകാലം വീണ്ടെടുത്ത് രണ്ടുപ്രതിഭകള്‍ പുതിയ സിനിമയ്ക്കായി ഒന്നിക്കുകയാണ്.വര്‍ഷങ്ങളുടെ ഇടവേഴയ്ക്കുശേഷം മോഹന്‍ലാല്‍-രഞ്ജിത്ത് ടീം വരുന്നത് 'സ്പിരിറ്റു'മായാണ്. ആല്‍ക്കഹോളിന്റെ അടിയൊഴുക്കുകള്‍ തേടുന്ന സിനിമയ്ക്ക് വ്യാഴാഴ്ച തുടക്കമായി. കാക്കനാട് മേത്തര്‍വില്ലയില്‍ നടന്ന ചടങ്ങില്‍ പൃഥ്വിരാജ് സ്വിച്ച് ഓണ്‍നിര്‍വ്വഹിച്ചു. മാതൃഭൂമി സീനിയര്‍ പബ്ലിക്ക് റിലേഷന്‍സ് മാനേജര്‍ കെ.ആര്‍.പ്രമോദ് ആദ്യ ക്ലാപ്പടിച്ചു. സംവിധായകരായ പത്മകുമാര്‍,ദീപന്‍,ബിപിന്‍പ്രഭാകര്‍,നടന്മാരായ നന്ദു,അനില്‍മുരളി ഹെഡ്ജ് ഇക്വിറ്റീസ് എം.ഡി.അലക്‌സ് കെ ബാബു,ബേബി മറൈന്‍ സി.ഇ.ഒ ജേക്കബ്ബ് കെ.ബാബു തുടങ്ങിയവര്‍ പങ്കെടുത്തു. കമ്പ്യൂട്ടറിനുമുന്നിലിരിക്കുന്ന മോഹന്‍ലാലിന്റെ രംഗമാണ് രഞ്ജിത് ആദ്യം ചിത്രീകരിച്ചത്. രഘുനന്ദന്‍ എന്നാണ് ലാലിന്റെ കഥാപാത്രത്തിന്റെ പേര്. കനിഹയാണ് നായിക. തിരക്കഥാകൃത്തും സംവിധായകനുമായ ശങ്കര്‍ രാമകൃഷ്ണന്‍ മറ്റൊരു പ്രധാനകഥാപാത്രത്തെ അവതരിപ്പിക്കുന്നു. മധു,തിലകന്‍,ലെന,കല്‍പ്പന തുടങ്ങിയവരാണ് മറ്റ് താരങ്ങള്‍. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മിക്കുന്ന 'സ്പിരിറ്റി'ന്റെ പ്രധാനലൊക്കേഷന്‍ കൊച്ചിയാണ്. ഛായാഗ്രാഹണം: വേണു. റഫീക്ക് അഹമ്മദിന്റെ ഗാനങ്ങള്‍ക്ക് ഷഹബാസ് അമന്‍ ഈണം പകരുന്നു. യേശുദാസും വിജയ് യേശുദാസും ഗായത്രിയുമാണ് ഗായകര്‍. .

കാസനോവ ജോഷിക്കും ഷാജി കൈലാസിനും ഇഷ്ടപ്പെട്ടു!

noreply@blogger.com (Unknown) — Sat, 25 Feb 2012 00:06:00 +0530

‘കാസനോവ’എന്ന സിനിമയുടെ അണിയറ പ്രവര്‍ത്തകര്‍ പറയുന്നത് അനുസരിച്ചാണെങ്കില്‍ പടം മെഗാഹിറ്റാണ്. മലയാളത്തില്‍ ഇത്രയും ഇനിഷ്യല്‍ കളക്ഷന്‍ നേടിയ സിനിമ വേറെയില്ലെന്നൊക്കെയാണ് അവകാശവാദം. എന്നാല്‍ സിനിമ സമ്മിശ്ര പ്രതികരണമാണുണ്ടാക്കിയത് എന്നതാണ് സത്യം. സാധാരണ ജനങ്ങള്‍ക്ക് ദഹിക്കാനാകാത്ത സബ്‌ജക്ടും അസ്വാഭാവികമായ കഥാഗതിയുമൊക്കെയാണ് കാസനോവയ്ക്ക് തിരിച്ചടിയായത്. പക്ഷേ സംവിധായകന്‍ പറയുന്നത് - ‘മറ്റൊരു ഉദയനാണ് താരമോ ട്രാഫിക്കോ പ്രതീക്ഷിച്ചെത്തിയവര്‍ മാത്രമാണ് കാസനോവ കണ്ട് നിരാശരായത്’ എന്നാണ്.“മലയാളത്തില്‍ നിരവധി ആക്ഷന്‍ സിനിമകള്‍ ചെയ്ത ജോഷി സാറും ഷാജി കൈലാസ് സാ‍റും ചിത്രത്തേക്കുറിച്ച് നല്ല അഭിപ്രായങ്ങളാണ് പറഞ്ഞത്. അത്രയും അനുഭവ സമ്പത്തുള്ളവരില്‍ നിന്ന് നല്ല അഭിപ്രായങ്ങള്‍ കേട്ടപ്പോള്‍ ചാരിതാര്‍ത്ഥ്യമുണ്ട്. തമിഴ് സംവിധായകന്‍ ഷങ്കറും നടന്‍ വിക്രമും കാസനോവ കാണാന്‍ വരാമെന്ന് അറിയിച്ചിട്ടുണ്ട്” - റോഷന്‍ ആന്‍ഡ്രൂസ് പറയുന്നു.

രഞ്ജിത്തും മോഹന്‍ലാലും വീണ്ടും ഒന്നിക്കുന്ന 'സ്പിരിറ്റ'ില്‍ പ്രകാശ് രാജും കനിഹയും വേഷമിടുന്നു

noreply@blogger.com (Unknown) — Fri, 24 Feb 2012 23:46:00 +0530

പരിഭവങ്ങളുടെ ഇടവേളയ്ക്ക് ശേഷം രഞ്ജിത്തും മോഹന്‍ലാലും വീണ്ടും ഒന്നിക്കുന്ന 'സ്പിരിറ്റ'ില്‍ പ്രകാശ് രാജും കനിഹയും വേഷമിടുന്നു. കൊച്ചിയിലെത്തിയ പ്രകാശ് രാജ് സിനിമയുടെ കഥകേട്ട് ഇഷ്ടമായി കരാര്‍ ഒപ്പിട്ടു. മോഹന്‍ലാലുമായി ഒന്നിക്കുന്ന വിവരം ട്വിറ്ററിലൂടെയാണ് പ്രകാശ് രാജ് വെളിപ്പെടുത്തിയത്. 'ഒരു ഗ്യാപ്പിന് ശേഷം മലയാളത്തില്‍ ഒരു ചിത്രം ഫൈനലൈസ് ചെയ്തു. മോഹന്‍ലാല്‍ കനിഹ എന്നിവര്‍ക്കൊപ്പം ഒരു വേഷം ചെയ്യുന്നു, രഞ്ജിത്തിന്റെ സ്പിരിറ്റില്‍. മാര്‍ച്ചില്‍ ചിത്രീകരണം തുടങ്ങും'-പ്രകാശ് രാജിന്റെ വാക്കുകള്‍.
അഭിനയത്തിനൊപ്പം സംവിധായകന്റെ ദൗത്യം കൂടി ഏറ്റെടുത്ത 'ധോനി' എന്ന ചിത്രം പ്രേക്ഷകരും നിരൂപകരും ഏറ്റെടുത്ത സന്തോഷത്തിനിടെയിലാണ് പുതിയ ചിത്രത്തിന് പ്രകാശ് രാജ് കരാര്‍ ഒപ്പിട്ടത്. പാണ്ടിപ്പട, അന്‍വര്‍, ഇലക്ട്ര തുടങ്ങിയ സിനിമകളിലൂടെ മലയാളത്തിലും തിളങ്ങിയ പ്രകാശ് രാജിന് ഏറെ അഭിനയപ്രാധാന്യമുള്ള വേഷമാണ് സ്പിരിറ്റിലും. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മിക്കുന്ന സ്പിരിറ്റിന്റെ ചിത്രീകരണം മാര്‍ച്ച് 10ന് ആരംഭിക്കും. 2007 ല്‍ പുറത്തിറങ്ങിയ 'റോക്ക് ആന്‍ഡ് റോള'ായിരുന്നു രഞ്ജിത്-ലാല്‍ കൂട്ടുകെട്ടില്‍ പുറത്തിറങ്ങിയ അവസാന ചിത്രം.

കാസനോവ ത്രീഡി പോസ്റ്റര്‍ പ്രകാശനം

noreply@blogger.com (Unknown) — Tue, 24 Jan 2012 23:25:00 +0530

ആര്‍ത്തിരമ്പുന്ന ആരാധക നിരയുടെ ഇടയിലൂടെ മലയാളത്തിന്റെ പ്രണയ നായകന്‍ വന്നു. ക്യാറ്റ് വാക്ക് ചെയ്ത് വന്ന സുന്ദരികള്‍ക്കിടയിലൂടെ ലാല്‍ വന്നപ്പോള്‍ ആകാംക്ഷയോടെ നിന്ന മുഖങ്ങളില്‍ ആവേശം തിരതല്ലി. നീലയും വെള്ളയും കലര്‍ന്ന ചെക് ഷര്‍ട്ടും നീല ജീന്‍സും അണിഞ്ഞെത്തിയ സൂപ്പര്‍ സ്റ്റാര്‍ വലതുകരം ഒന്നുയര്‍ത്തി കാണികളെ അഭിവാദ്യം ചെയ്തു. കളിയുടെ വിജയം തീര്‍ത്ത സന്തോഷക്കടല്‍ ലാലിന്റെ മുഖത്ത് പ്രകടമായിരുന്നു. കളി നല്‍കിയ ആവേശമായിരിക്കാം, മോഹന്‍ലാല്‍ തീര്‍ത്തും ചെറുപ്പമായതു പോലെ. മലയാള സിനിമാ ലോകം പ്രതീക്ഷയോടെ കാത്തിരിക്കുന്ന 'കാസനോവ' എന്ന ചിത്രത്തിന്റെ ത്രീ ഡൈമന്‍ഷണല്‍ പോസ്റ്റര്‍ പ്രദര്‍ശനത്തിനാണ് ഒബ്‌റോണ്‍ മാളില്‍ മോഹന്‍ലാല്‍ എത്തിയത്.
മലയാളവും മലയാള സിനിമാ ലോകവും ക്രിക്കറ്റ് നല്‍കിയ വിജയലഹരിയിലാണെന്ന് മോഹന്‍ലാല്‍ പറഞ്ഞു. വളരെ പ്രത്യേകതകളോടെ എത്തുന്ന കാസനോവയ്ക്കും ഇത്തരത്തിലൊരു വിജയമാണ് വേണ്ടത്. സിനിമയുടെ പ്രചാരണവും തികച്ചു പ്രത്യേകതകള്‍ നിറഞ്ഞതാണെന്ന് മോഹന്‍ലാല്‍ കൂട്ടിച്ചേര്‍ത്തു. മലയാളത്തില്‍ ആദ്യമായി ത്രീഡി പോസ്റ്റര്‍ പ്രചാരണമാണ് സിനിമയ്ക്കായി നിര്‍മാതാക്കള്‍ ഒരുക്കിയിരിക്കുന്നത്. ക്രിസ്റ്റല്‍ ഗ്രൂപ്പ് ചെയര്‍മാന്‍ കെ.കെ. നമ്പൂതിരിയാണ് പോസ്റ്റര്‍ ഡിസൈന്‍ ചെയ്തിരിക്കുന്നത്.
വിദേശരാജ്യങ്ങളില്‍ കാണുന്ന ഫോര്‍ഡ് നാവിഗേറ്റര്‍ കാര്‍ഡില്‍ ത്രീഡി പോസ്റ്ററുകള്‍ സ്ഥാപിച്ചാണ് കേരളത്തിലുടനീളം പ്രചാരണം നടത്തുന്നത്. കോണ്‍ഫിഡന്റ് ഗ്രൂപ്പാണ് ചിത്രത്തിന്റെ നിര്‍മാതാക്കള്‍. കോണ്‍ഫിഡന്റ് ഗ്രൂപ്പ് സാരഥി ഡോ. സി.ജെ. റോയ്, കാസനോവയില്‍ അഭിനയിച്ച സഞ്ജന തുടങ്ങിയവര്‍ ചടങ്ങില്‍ പങ്കെടുത്തു. ലോകമെമ്പാടുമുള്ള ആയിരത്തോളം തീയറ്ററുകളില്‍ കാസനോവ 26ന് റിലീസാകും.

‘അരക്കള്ളന്‍ മുക്കാക്കള്ളന്‍‘ ഉപേക്ഷിച്ചിട്ടില്ല! ഉടന്‍ തന്നെ ഈ കഥ നല്‍കുമെന്നും സിബിയും ഉദയകൃഷ്ണയും

noreply@blogger.com (Unknown) — Tue, 27 Dec 2011 22:46:00 +0530

താരപദവിയുള്ള ഇരട്ട തിരക്കഥാകൃത്തുക്കളാണ് ഉദയകൃഷ്ണയും സിബി കെ തോമസും. സിനിമയില്‍ അഭിനയിക്കുന്ന താരങ്ങളുടെ ഒര‌ു ലിസ്റ്റ് കൊടുത്താല്‍ മതി, ഇവരെയൊക്കെ വച്ച് ഒര‌ുഗ്രന്‍ തിരക്കഥ ഉടന്‍ തന്നെ സംവിധായകര്‍ക്ക് നല്‍കും. താരങ്ങളുടെ ഡേറ്റ്വരെ ഇവര്‍ സംഘടിപ്പിച്ച് കൊടുക്കുമെന്നാണ് കേള്‍വി.ഈയിടെ ഇവര്‍ സംവിധായകരാകാന്‍ പോകുന്നു എന്ന് വാര്‍ത്തകളുണ്ടായിരുന്നു. മമ്മൂട്ടി, മോഹന്‍ലാല്‍, ദിലീപ് ഇവരെയൊക്കെ അണിനിരത്തി ഒര‌ു വെടിക്കെട്ട് സിനിമ സംവിധാനം ചെയ്യുമെന്നാണ് വാര്‍ത്തയുണ്ടായ്ത്. ദിലീപിന് തുല്യമായ വേഷമുണ്ടങ്കില്‍ പ്രിഥ്വിരാജും ചിത്രത്തില്‍ അഭിനയിക്കുമെന്നായിരുന്നു വാര്‍ത്ത. ചിത്രത്തിന് ‘അരക്കള്ളന്‍ മുക്കാക്കള്ളന്‍‘ എന്ന് പേരുമിട്ടു. എന്നാല്‍ പ്രേക്ഷകര്‍ കാത്തിരുന്നത് മിച്ചം, ചിത്രത്തിന്റെ പൂജ പോലും നടത്തിയില്ല. ഇതിനിടയില്‍ ചിത്രം ഉപേക്ഷിച്ചെന്ന രീതിയിലുള്ള വാര്‍ത്ത വന്നു.എന്നാല്‍ ‘അരക്കള്ളന്‍ മുക്കാക്കള്ളന്‍‘ എന്ന പ്രൊജക്ട് ഉപേക്ഷിച്ചിട്ടില്ലെന്നാണ് സിബിയും ഉദയകൃഷ്ണയും പറയുന്നത്. ഇത് തങ്ങളുടെ ഡ്രീം പ്രൊജക്ടാണ് ഇത് എന്തായാലും ചെയ്യുമെന്ന് ഇവര്‍ വ്യക്തമാക്കി. ചിത്രത്തില്‍ മോഹന്‍‌ലാലും മമ്മൂട്ടിയും വ്യത്യസ്തരായ കള്ളന്‍‌മാരെയാണ് അവതരിപ്പിക്കുന്നത്. ഇവര്‍ക്കിടയില്‍ കണ്‍ഫ്യൂഷന്‍ ഉണ്ടാക്കുന്ന പെരുങ്കള്ളനായിട്ടാണ് ദിലീപ് വേഷമിടുന്നത്. എന്നാല്‍ ചിത്രത്തില്‍ പൃഥ്വിരാജ് ഉണ്ടായിരിക്കില്ല.

ഈ ചിത്രം നേരത്തെ പ്ലാന്‍ ചെയ്തതാണെങ്കിലും മറ്റ്ചിത്രങ്ങള്‍ക്ക് തിരക്കഥ ഒരുക്കാനുള്ളതിനാലാണത്രേ ചിത്രം നീണ്ടുപോയത്. ദിലീപ് നായകനാവുന്ന ‘മിസ്റ്റര്‍മരുമകന്‍’ ആണ് ഇവരുടെ തിരക്കഥയില്‍ പുറത്ത് വരാനുള്ള ചിത്രം. സന്ധ്യാമോഹനാണ് ചിത്രം സംവിധാനം ചെയ്യുന്നത്. ദിലീപിനെ നായകനാക്കി ജോസ്തോമസ് സംവിധാനം ചെയ്യുന്ന ‘മായമോഹിനി‘ എന്ന ചിത്രത്തിന്റെ പണിപ്പുരയിലാണ് ഇവര്‍ ഇപ്പോള്‍‍. ഈ ചിത്രം പൂര്‍ത്തിയാക്കിയാല്‍ അരക്കള്ളന്‍ മുക്കാല്‍ കള്ളന്റെ വര്‍ക്ക് തുടങ്ങുമെന്ന് ഇവര്‍ വ്യക്തമാക്കുന്നു.

മോഹന്‍‌ലാലിനെ നായകനാക്കാന്‍ തമിഴിലെ പ്രശസ്ത സംവിധായകന്‍ ശെല്‍‌വരാഘവന്‍

noreply@blogger.com (Unknown) — Tue, 27 Dec 2011 22:45:00 +0530

മോഹന്‍ലാല്‍ ഇന്ത്യയിലെ മികച്ച നടനാണെന്ന കാര്യത്തില്‍ ആര്‍ക്കും എതിരഭിപ്രായമില്ല. ആ പ്രതിഭ കണ്ടിട്ടാണ് തമിഴില്‍ നിന്ന് മണിരത്നവും ഹിന്ദിയില്‍ നിന്ന് രാംഗോപാല്‍ വര്‍മ്മയുമൊക്കെ മോഹന്‍ലാലിനെ അവരുടെ ചിത്രങ്ങളില്‍ അവതരിപ്പിച്ചത്. മോഹന്‍ലാലിനെ നായകനാക്കി ഒരു സിനിമ ചെയ്യാന്‍ ഏതൊരു സംവിധായകനും താല്പര്യം കാണും. ഇപ്പോഴിതാ തമിഴിലെ ഒര‌ു പ്രശസ്ത സംവിധായകന്‍ മോഹന്‍ലാലിനെ നായകനാക്കണമെന്ന് ആഗ്രഹം പ്രകടിപ്പിച്ചിരിക്കുന്നു. ധനുഷിന്റെ സഹോദരനും ‘മയക്കം എന്ന‘ എന്ന ചിത്രത്തിന്റെ സംവിധായകനുമായ ശെല്‍‌വരാഘവനാണ് മോഹന്‍ലാലിനെ നായകനാക്കി സിനിമ ചെയ്യാന്‍ തല്‍‌പര്യമുണ്ടെന്ന് വെളിപ്പെടുത്തിയിരിക്കുന്നത്. താന്‍ മോഹന്‍‌ലാലിന്റെ ആരാധകനാണെന്നും അദ്ദേഹത്തെ വച്ച് ഒര‌ു സിനിമ ചെയ്യാന്‍ തത്പര്യമുണ്ടെന്നുമാണ് ശെല്‍‌വരാഘവന്‍ പറയുന്നത്. മോഹന്‍‌ലാലിന് പറ്റിയ ഒര‌ു സബ്ജക്ട് കിട്ടിയാലുടന്‍ അദ്ദേഹത്തെക്കണ്ട് സംസാരിക്കാനാണ് ശെല്‍‌വരാഘവന്റെ തീരുമാനം.

നിരവധി ഹിറ്റ് ചിത്രങ്ങള്‍ ഒരുക്കിയ ശെല്‍‌വരാഘവന്‍ തമിഴിലെ സൂപ്പര്‍ ഡയറക്ടറാണ്. ശെല്‍‌വരാഘവന്റെ തുള്ളുവതോ ഇളമൈ, കാതല്‍കൊണ്ടേന്‍ എന്നീ ചിത്രങ്ങള്‍ തമിഴ് സിനിമയെ മാറ്റത്തിന്റെ വഴിയിലേക്ക് നയിച്ച ചിത്രങ്ങളാണ്.

മോഹന്‍ലാലിനൊപ്പം മമ്മൂട്ടിയുടെ മകന്‍ ദുല്‍ക്കര്‍ സല്‍മാ

noreply@blogger.com (Unknown) — Tue, 27 Dec 2011 22:45:00 +0530

മോഹന്‍ലാലിനെ നായകനാക്കി വൈശാഖ് സംവിധാനം ചെയ്യുന്ന പുതിയ ചിത്രത്തില്‍ ലാലിനൊപ്പം മമ്മൂട്ടിയുടെ മകന്‍ ദുല്‍ക്കര്‍ സല്‍മാന്‍ പ്രധാന കഥാപാത്രത്തെ അവതരിപ്പിക്കുന്നു.പ്രേക്ഷകരെ രസിപ്പിക്കുന്ന കൂട്ടുകെട്ടുള്ള ഈ ചിത്രത്തിന്റെ അണിയറ പ്രവര്‍ത്തനം പുരോഗമിക്കുന്നു. ഹിറ്റ് സ്‌ക്രിപ്റ്റ് റൈറ്റേഴ്‌സായ സിബി-ഉദയന്‍ ടീമാണ് ചിത്രത്തിന്റെ തിരക്കഥയൊരുക്കുന്നത്. മുളകുപാടം ഫിലിംസാണ് ചിത്രം നിര്‍മ്മിക്കുന്നത്. പോക്കിരിരാജക്കു ശേഷം മുളകുപാടത്തിനുവേണ്ടി വൈശാഖ് ഒരുക്കുന്ന ചിത്രമാണിത്.

ഒടുവില്‍ ഭീമന്‍ മോഹന്‍ലാല്‍ , "രണ്ടാമൂഴം " വരുന്നു .

noreply@blogger.com (Unknown) — Wed, 26 Oct 2011 22:39:00 +0530

ഒടുവില്‍ ഭീമന്‍ മോഹന്‍ലാല്‍ , "രണ്ടാമൂഴം " വരുന്നു . പഴശ്ശിരാജയ്ക്കുശേഷം എം.ടി.യും ഹരിഹരനും ഒന്നിക്കുന്ന 'രണ്ടാമൂഴ'ത്തില്‍ ഭീമനായി മോഹന്‍ലാല്‍ എത്തുന്നു. മോഹന്‍ലാല്‍ ആരാധകര്‍ കേള്‍ക്കാന്‍ കൊതിച്ചതായിരുന്നു രണ്ടാമൂഴത്തിലെ ഭീമന്‍ എന്ന കഥാപാത്രം . പക്ഷെ മമ്മൂട്ടി ആയിരിക്കും ഈ കഥാപാത്രം ചെയ്യുക എന്നായിരുന്നു ഗോസിപ്പുകള്‍ .ഗോസിപ്പുകള്‍ക്കെല്ലാം വിരാമമിട്ടാണ് ഈ വാര്‍ത്ത എപ്പോള്‍ വന്നിരിക്കുന്നത് .
പഴശ്ശിരാജയ്ക്ക് ശേഷം ഒരു വമ്പന്‍ ഹിറ്റാണ് എം ടിയും , ഹരിഹരനും ,ഗോകുലം ഗോപാലനും ലക്ഷ്യമിടുന്നത് .മലയാളത്തിലെയും തമിഴിലെയും ഉള്‍പ്പെടെ വലിയൊരു താരനിര ഇതിലുണ്ടാകും. ഗോകുലം മൂവീസിന്റെ ബാനറില്‍ ഗോകുലം ഗോപാലന്‍ നിര്‍മിക്കുന്ന രണ്ടാമൂഴത്തിന്റെ ചിത്രീകരണം ജനവരിയില്‍ ആരംഭിക്കും. മോഹന്‍ലാലിനു ഒരു നല്ല അവസരമാണ് ഇതിലൂടെ വന്നിരിക്കുന്നത് . നാടകത്തില്‍ ഭീമന്‍ എന്നാ കഥാപാത്രം മോഹന്‍ലാല്‍ അനശ്വരമാക്കിയിരുന്നു. എന്തായാലും കാത്തിരിക്കാം .

ബി ഉണ്ണിക്കൃഷ്ണന്‍ ചിത്രത്തിന് 'ഗ്രാന്‍ഡ് മാസ്റ്ററായി' മോഹന്‍ലാല്‍: നായിക ആന്‍ഡ്രിയ

noreply@blogger.com (Unknown) — Sat, 22 Oct 2011 02:18:00 +0530

ബി ഉണ്ണിക്കൃഷ്ണന്‍ രചനയും സംവിധാനവും നിര്‍വഹിക്കുന്ന പുതിയ ചിത്രത്തിന് 'ഗ്രാന്‍ഡ്മാസ്റ്റര്‍' എന്ന് പേരിട്ടു. മോഹന്‍ലാല്‍ നായകാനാകുന്ന ചിത്രത്തിന് ഇരുണ്ടനാഗരിക ജീവിതമാണ് പശ്ചാത്തലം. ഒരു സര്‍ക്കാര്‍ ഉദ്യോഗസ്ഥനാണ് ലാലിന്റെ കഥാപാത്രം. മികച്ച ചെസ്സ് കളിക്കാരനാണ്. ഭാര്യയുമായി വേര്‍പിരിഞ്ഞാണ് കക്ഷിയുടെ താമസം. ചെസ്സില്‍ എതിരാളിയെ വീഴ്ത്താന്‍ കൃത്യമായ കരുനീക്കങ്ങള്‍ നടത്തുന്നതില്‍ വിജയിക്കുന്ന കഥാപാത്രം പക്ഷേ ജീവിതത്തില്‍ നടത്തുന്ന നീക്കങ്ങള്‍ പരാജയപ്പെട്ടുകയാണ്. അലസ ജീവീതം നയിക്കുന്ന ഇയാളുടെ ജീവിതത്തിലേക്ക് നിര്‍ണായക ഘട്ടത്തില്‍ ഒരാള്‍ കടന്നുവരുന്നു. ഇയാളുടെ രംഗപ്രവേശം ലാലിന്റെ കഥാപാത്രത്തിലുണ്ടാക്കുന്ന മാറ്റങ്ങളും ഒരു സുപ്രധാന ഘട്ടത്തില്‍ അതിസൂക്ഷ്മമായ കരുനീക്കങ്ങളിലൂടെ വലിയ ഒരു പ്രതിസന്ധിയെ എങ്ങനെ അയാള്‍തരണം ചെയ്യുന്നുവെന്നതുമാണ് സിനിമയുടെ പ്രമേയമെന്ന് ബി.ഉണ്ണിക്കൃഷ്ണന്‍ മാതൃഭൂമി ഓണ്‍ലൈനോട് പറഞ്ഞു.

അഞ്ച് സ്ത്രീ കഥാപാത്രങ്ങള്‍ ചിത്രത്തിലുണ്ടാവും. ഇതില്‍ ഒരു വേഷം അവതരിപ്പിക്കുക മിക്കവാറും തമിഴ് നടി ആന്‍ഡ്രിയ ജര്‍മ്മിയയായിരിക്കും. 'ആന്ദ്രിയയോട് കഥാപാത്രത്തെക്കുറിച്ച് സംസാരിച്ചിട്ടുണ്ട്. 80 ശതമാനവും അവര്‍ തന്നെയാകും ചിത്രത്തില്‍. കമലാഹസ്സന്റെ 'വിശ്വരൂപം' എന്ന ചിത്രത്തില്‍ അഭിനയിക്കുന്നതിനാല്‍ ഡേറ്റ് സംബന്ധമായ പ്രശ്‌നമുണ്ട്. എങ്കിലും കഥ ഇഷ്ടപ്പെട്ട അവര്‍ സമ്മതം അറിയിച്ചിട്ടുണ്ടെന്ന്' ഉണ്ണക്കൃഷ്ണന്‍ പറഞ്ഞു.മറ്റ് താരങ്ങള്‍ ആരൊക്കെയാണെന്ന് സ്ഥിരീകരണമായിട്ടില്ല. ദീപക് ദേവും ഗോപി സുന്ദറുമാണ് സംഗീതം വിഭാഗം കൈകാര്യം ചെയ്യുക. വിജയ് ഉലക്‌നാഥാണ് കാമറ. കലാ സംവിധാനം-ജോസഫ് നെല്ലിക്കല്‍. നവംബര്‍ അവസാന വാരം ചിത്രീകരണം തുടങ്ങും.
ഗ്രാന്‍ഡ് മാസ്റ്ററിലൂടെ വമ്പന്‍ പ്രോഡക്ഷന്‍ ബാനറായ യു.ടി.വി മലയാളത്തിലേക്കും എത്തുകയാണ്. 'മാടമ്പി'ക്ക് ശേഷം മോഹന്‍ലാലും ബി ഉണ്ണിക്കൃഷ്ണനും വീണ്ടും കൈകോര്‍ക്കുകയാണ് ഈ ബിഗ് ബജറ്റ് ചിത്രത്തിലൂടെ.

'പ്രണയം' കാണാന്‍ സുകുമാര്‍ അഴീക്കോട് തിയ്യറ്ററിലെത്തി.

noreply@blogger.com (Unknown) — Sat, 22 Oct 2011 02:04:00 +0530

മോഹന്‍ലാല്‍ നായകനായുള്ള ബ്ലസ്സി ചിത്രം 'പ്രണയം' കാണാന്‍ സുകുമാര്‍ അഴീക്കോട് തിയ്യറ്ററിലെത്തി. 'ശ്രീ' തിയ്യറ്ററിലെത്തിയ അഴീക്കോടിനെ മോഹന്‍ലാല്‍ ഫാന്‍സ് അസോസിയേഷന്‍ പ്രവര്‍ത്തകര്‍ പൂച്ചെണ്ടുകള്‍ നല്‍കി സ്വീകരിച്ചു. വര്‍ഷങ്ങള്‍ക്കുശേഷം മോഹന്‍ലാല്‍ അയാളിലെ നടനെ സ്വയം തിരിച്ചറിഞ്ഞഭിനയിച്ച സിനിമയാണ് പ്രണയമെന്ന് അഴീക്കോട് വിലയിരുത്തി.
മോഹന്‍ലാലിനെതിരെ മാനനഷ്ടക്കേസ് ഫയല്‍ ചെയ്ത അഴീക്കോട് ലാലിന്റെ ചിത്രം കാണാനെത്തിയത് തര്‍ക്കം പരിഹരിക്കുന്നതിന്റെ ഭാഗമായാണോ എന്ന മാധ്യമപ്രവര്‍ത്തകരുടെ ചോദ്യം അഴീക്കോട് ചിരിച്ചുതള്ളി. തര്‍ക്കത്തെക്കുറിച്ച് പറയാനുള്ള വേദി ഇതല്ലെന്ന് അദ്ദേഹം കൂട്ടിച്ചേര്‍ത്തു.
സുഹൃത്തുക്കളും അടുത്ത പരിചയക്കാരും കാണേണ്ട സിനിമയാണ് എന്നു പറഞ്ഞതിനെ ത്തുടര്‍ന്നാണ് സിനിമ കണ്ടത്. ഇടക്കാലത്ത് വഴിതെറ്റിപ്പോയ മലയാള സിനിമയുടെ ശക്തമായ ഒരു തിരിച്ചുവരവാണ് 'പ്രണയം'.
സിനിമയിലെ പ്രധാന കഥാപാത്രങ്ങളായി വേഷമിട്ട മൂന്നുപേരും അവരവരുടെ റോളുകള്‍ ഗംഭീരമാക്കി. യൗവ്വനത്തിനപ്പുറത്തും പ്രണയം നില്‍ക്കുന്നുവെന്നു പറഞ്ഞ സിനിമ നിറയെ പ്രണയത്തിന്റെ പ്രയാണം തന്നെയാണ്-അഴീക്കോട് പറഞ്ഞു.
സാമാന്യസമൂഹത്തെ സാംസ്‌കാരികമായി ഉയര്‍ത്തിക്കൊണ്ടുവരുവാനും നടന്മാരെ അവരുടെ ചെറിയ ലോകത്തുനിന്ന് രക്ഷപ്പെടുത്താനും പ്രണയം പോലുള്ള സിനിമകള്‍ ഉണ്ടാകേണ്ടത് ആവശ്യമാണെന്ന് അഴീക്കോട് കൂട്ടിച്ചേര്‍ത്തു.

കടപ്പാട് : മാതൃഭൂമി

ജോഷി ചിത്രത്തില്‍ മോഹന്‍ലാല്‍ ചാനല്‍ കാമറാമാനാകുന്നു.

noreply@blogger.com (Unknown) — Tue, 11 Oct 2011 22:17:00 +0530

ജോഷി സംവിധാനം ചെയ്യുന്ന പുതിയ ചിത്രത്തിലാണ് ഇതുവരെ ചെയ്യാത്ത വേഷത്തില്‍ ലാല്‍ അഭിനയിക്കുന്നത്. സച്ചി സേതു ടീമിലെ സച്ചിയാണ് ചിത്രത്തിന്റെ രചന. മികച്ചൊരു സസ്‌പെന്‍സിന്റെ അകമ്പടിയുള്ള റൊമാന്റിക് കോമഡിയായിരിക്കും ചിത്രമെന്ന് സച്ചി പറയുന്നു.
ലാല്‍ ചെയ്യുന്ന കഥാപാത്രത്തിന്റെ പഴയകാല കാമുകി ചാനലിന്റെ വീഡിയോ എഡിറ്ററായി എത്തുന്നതോടെ സിനിമയുടെ കഥ മാറുന്നു. പല വിഷയങ്ങളിലും ഇരുവരും തമ്മില്‍ അഭിപ്രായഭിന്നത പതിവാണെങ്കിലും ചാനലിനെ സംബന്ധിച്ച് ഒരു വിവാദ വിഷയം വരുമ്പോള്‍ ഭിന്നതകള്‍ മറന്ന് ഇരുവരും ഒന്നിക്കുന്നു. ഏറെ വിവാദമായ ഒരു സാമൂഹിക പ്രശ്‌നത്തെ ആധാരമാക്കി ഒരു വീഡിയോ ചിത്രീകരിക്കേണ്ടിവരുന്നതോടെയാണ് കഥാഗതിയില്‍ നിര്‍ണായക വഴിത്തിരിവുണ്ടാകുന്നത്. ഗ്യാലക്‌സി ഫിലിംസിന്റെ ബാനറില്‍ മിലന്‍ ജലീലായിരിക്കും ഈ ചിത്രം നിര്‍മ്മിക്കുക.

പനി ആയതുകൊണ്ട് മോഹന്‍ലാല്‍ വീട്ടില്‍ വിശ്രമം

noreply@blogger.com (Unknown) — Mon, 10 Oct 2011 00:11:00 +0530

മോഹന്‍ലാലിന് കടുത്ത വൈറല്‍ പനി ബാധിച്ചിരിക്കുന്നു. അദ്ദേഹം ഇപ്പോള്‍ വീട്ടില്‍ വിശ്രമത്തിലാണ്. പനി കുറഞ്ഞിട്ടുണ്ടെന്ന് ഡോക്ടര്‍മാര്‍ അറിയിച്ചു. എന്നാല്‍ ഇനി ഒരാഴ്ചത്തെ വിശ്രമം കൂടി ആവശ്യമാണെന്നും നിര്‍ദ്ദേശിച്ചിട്ടുണ്ട്. സാധാരണ വൈറല്‍ പനി മാത്രമാണെന്ന് ഡോക്ടര്‍മാര്‍ നിഗമനത്തില്‍ എത്തിയിട്ടുണ്ട്. പ്രിയദര്‍ശന്‍ സംവിധാനം ചെയ്യുന്ന ‘അറബിയും ഒട്ടകവും പി മാധവന്‍ നായരും’ എന്ന സിനിമ നവംബര്‍ നാലിന് റിലീസ് നിശ്ചയിച്ചിരിക്കുകയാണെന്ന് മലയാളം വെബ്‌ദുനിയ റിപ്പോര്‍ട്ട് ചെയ്തിരുന്നല്ലോ. അതിനായി കഠിന പ്രയത്നം നടത്തി വരവേയാണ് മോഹന്‍ലാലിനെ പനി പിടികൂടിയത്. ഇതോടെ ഷൂട്ടിംഗ് ഷെഡ്യൂള്‍ ആകെ തെറ്റി. വളരെ കുറച്ചു സീനുകളുടെ ചിത്രീകരണമാണ് ഇനി ബാക്കിയുള്ളത്. ഈയാഴ്ച പൂര്‍ത്തിയാക്കി പോസ്റ്റ് പ്രൊഡക്ഷന്‍ ജോലികള്‍ ആരംഭിക്കാം എന്നായിരുന്നു പ്രിയദര്‍ശന്‍ തീരുമാനിച്ചിരുന്നത്. എന്തായാലും പനി കാരണം ഷൂട്ടിംഗ് നീട്ടിവച്ചിരിക്കുകയാണ്. ഈ മാസം 14, 15 തീയതികളില്‍ ഷൂട്ടിംഗ് നടത്താനാണ് ഇപ്പോള്‍ തീരുമാനിച്ചിരിക്കുന്നത്. മോഹന്‍ലാലിന്‍റെ ക്ഷീണാവസ്ഥയില്‍ രണ്ടു ദിവസത്തെ ഷൂട്ടിംഗ് എന്നത് ചിലപ്പോള്‍ കൂടുതല്‍ ദിവസമെടുത്തേക്കാമെന്നും സൂചനയുണ്ട്. എന്തായാലും റിലീസ് ഡേറ്റ് മാറ്റില്ലെന്ന നിലപാടിലാണ് പ്രിയനും മോഹന്‍ലാലും. കാരണം അറബിയും ഒട്ടകവും റിലീസാകാന്‍ വൈകിയാല്‍ അത് ലാലിന്‍റെ ക്രിസ്മസ് ചിത്രമായ കാസനോവയെ ബാധിക്കും. മോഹന്‍ലാലിനെ കൂടാതെ മുകേഷ്, ഭാവന, ലക്ഷ്മി റായ് തുടങ്ങിയവരും ഈ ചിത്രത്തില്‍ അഭിനയിക്കുന്നുണ്ട്. അറബിയും ഒട്ടകവും എന്ന പേര് മാറ്റി ‘ഒരു മരുഭൂമിക്കഥ’ എന്ന പേരില്‍ ചിത്രം പ്രദര്‍ശനത്തിനെത്തിക്കാനും ആലോചനയുണ്ട്.

Arabiyum Ottakavum P. Madhavan Nairum - അറബിയും ഒട്ടകവും പി . മാധവന്‍ നായരും [2011]

noreply@blogger.com (Unknown) — Sun, 9 Oct 2011 23:53:00 +0530

Movie : Arabiyum Ottakavum P. Madhavan Nairum - അറബിയും ഒട്ടകവും പി . മാധവന്‍ നായരും
Year : 2011
Directed : Priyadarshan

Produced : Ashok Kumar , Jamal Al Nuaimi ,Naveen Shashidharan
Written : Priyadarshan
Starring : Mohanlal ,Mukesh ,Lakshmi Rai ,Bhavana
Cinematography : Azhagappan
Editing : T. S. Suresh
Studio : Jancos Entertainment
Release date(s) : 4 November 2011
Country : India
Language : Malayalam

Arabiyum Ottakavum P. Madhavan Nairum (English: The Arab, The Camel, and P. Madhavan Nair) is an upcoming Malayalam crime thriller comedy film written and directed by Priyadarshan. The film stars Mohanlal and Mukesh in the lead roles, and Lakshmi Rai and Bhavana in other pivotal roles. Shooting for the film began in Abu Dhabi on March 2011. On 16 March 2011, while filming in the deserts in Abu Dhabi, Canadian film director James Cameron visited the shooting location and had a long chat with Priyadarshan, Mohanlal and the rest of the crew.

Snehaveedu - സ്നേഹവീട് [2011]

noreply@blogger.com (Unknown) — Sun, 9 Oct 2011 23:48:00 +0530

Directed : Sathyan Anthikad
Produced : Antony Perumbavoor
Written : Sathyan Anthikad
Starring : Mohanlal ,Sheela ,Padmapriya ,Biju Menon, Innocent
Music : Ilaiyaraaja
Cinematography : Venu ISC
Editing : K. Rajagopal
Studio : Aashirvad Cinemas
Distributed : Aashirvad Release throughm Maaxlab
Release date(s) : September 30, 2011
Running time : 150 minutes
Country : India
Language : Malayalam

Snehaveedu (Malayalam: സ്നേഹവീട്) is a 2011 Malayalam family drama film written and directed by Sathyan Anthikad. It stars Mohanlal, Sheela and Padmapriya in lead roles.

Plot

The story revolves around Ajayan (Mohanlal), who, after having tried his luck in different cities around the world, comes back to his village to look after his ageing mother Ammukutty Amma (Sheela) and to get her love and the nostalgia of his growing up years. There, he starts a company for producing agricultural equipments and earns his living as a farmer. One day a boy comes and meets Ajayan claiming to be his son. Ajayan used to self Boast himself as a womanizer in his youth is believed to be the boys father by all villagers. Ammukutty Amma starts getting to like the the boy and they form a very friendly relation and eventually she starts accepting the boy as Ajayans real son, though Ajayan ferociously reject the Boys Claim and dislikes him. The boy is persuaded by Ammukkty Amma to get close with Ajayan and subsequent events softens Ajayans attitude towards the boy. Ajayan then set forth to enquire about the real identity of the boy and travels to Chennai. He is absolutely sure that he is not his father as the real truth is his stories about adventures with woman were actually lies to get admiration of his friends. The climax show us that Ajayan accepts the boy as his own Son.

Malayalam :-

പാലക്കാട്ടെ ഒരു ഗ്രാമത്തില്‍ സന്തോഷത്തോടെ താമസിക്കുന്ന അമ്മയും മകനുമാണ് അമ്മുക്കുട്ടിയമ്മ(ഷീല)യും അജയനും(മോഹന്‍ലാല്‍) നിരവധി വര്‍ഷങ്ങള്‍ ചെന്നൈയിലും ബോംബെയിലും ഗള്‍ഫിലും ജോലി ചെയ്ത് ഇനിയുള്ള കാലം സ്വന്തം അമ്മയെ ആവോളം സ്നേഹിച്ച് നാട്ടില്‍ കൃഷിയും മറ്റു പ്രവര്‍ത്തനങ്ങളുമായി കഴിയാം എന്നായിരുന്നു അജയന്റെ തീരുമാനം. വീട്ടിലെ കൃഷിയിടവും അട്ടപ്പാടിയില്‍ ഏക്കറക്കണക്കിനു കൃഷിഭൂമിയും കൂടാതെ കൃഷിക്കാവശ്യമായ പണിയായുധങ്ങള്‍ നിര്‍മ്മിക്കുന്ന ഒരു ഫാക്ടറികൂടി അജയന്‍ വാങ്ങുന്നു. അജയന്റെ അയല്‍കാരായി കരിങ്കണ്ണന്‍ മത്തായി(ഇന്നസെന്റ്)യും ഭാര്യ റീത്താമ്മ(കെ പി എ സി ലളിത)യും ഇളയമകള്‍ റോസും(അരുന്ധതി)മുണ്ട്. മത്തായിയുടെ മൂത്ത മകള്‍ ലില്ലി (ലെന) വര്‍ഷങ്ങള്‍ക്ക് മുന്‍പ് മാതാപിതാക്കളുടേ എതിര്‍പ്പ് വകവെക്കാതെ ബാലചന്ദ്രന്‍ എന്ന പോലീസുകാരനെ പ്രണയിച്ച് വിവാഹം കഴിച്ചവരാണ്. മറ്റൊരു നാട്ടില്‍ എസ് ഐ ആയി ജോലി ചെയ്യുന്ന ബാലചന്ദ്രന്‍ അജയന്റെ വളരെ അടുത്ത കൂട്ടുകാരനാണ്. വര്‍ഷങ്ങള്‍ക്ക് മുന്‍പ് അമ്മുക്കുട്ടിയമ്മയുടേ തറവാട്ടിലെ പെണ്‍കുട്ടിയെ (ഊര്‍മ്മിള ഉണ്ണി) പ്രണയിച്ച് വിവാഹം കഴിച്ച മറ്റൊരു ഗ്രാമ വാസിയായ ചെത്തുകാരനും (ചെമ്പില്‍ അശോകന്‍) ഭാര്യ നളിനിയും (ഊര്‍മ്മിള ഉണ്ണി, അവരുടേ മകള്‍ സുനന്ദ ( പത്മപ്രിയ) യുമാണ് അജയന്റെ അയല്‍ക്കാര്‍. സുനന്ദ കുടുംബ ശ്രീയുടേ സോപ്പ് കമ്പനി നടത്തിപ്പുകാരിയാണ്. അജയന്റേയും അമ്മയുടേയും സന്തോഷകരമായ ജീവിതത്തിലേക്ക അപ്രതീക്ഷിതമായി ഒരു രാത്രി കൌമാരക്കാരനായ ഒരു പയ്യന്‍ എത്തുന്നു. ചെന്നെയില്‍ നിന്നും വരുന്ന താന്‍ അജയന്റെ മകന്‍ എന്നതായിരുന്നു കാര്‍ത്തിക് ( രാഹുല്‍ പിള്ള) എന്ന് പേരുള്ള പയ്യന്റെ അവകാശ വാദം. ചില സാഹചര്യങ്ങളാല്‍ അവനെ ഇഷ്ടപ്പെടുന്ന അമ്മുക്കുട്ടിയമ്മ അവനെ വീട്ടില്‍ താമസിപ്പിക്കുന്നു. അജയന്റെ നിരപരാധിത്വം പക്ഷെ വീട്ടുകാരും നാട്ടുകാരും പൂര്‍ണ്ണമായും വിശ്വസിക്കുന്നില്ല. അവനെ പറഞ്ഞയക്കാന്‍ അജയന്‍ പല ശ്രമങ്ങളും നടത്തുന്നുവെങ്കിലും അതൊന്നും വിജയിക്കുന്നില്ല.അതോടെ സന്തോഷകരമായ അജയന്റെ ജീവിതം താളം തെറ്റുന്നു. ഒടുവില്‍ ഇതിന്റെ സത്യാവസ്ഥ അറിയാന്‍ അജയന്‍ ചെന്നൈയിലേക്ക് പുറപ്പെടുന്നു.

മോഹന്‍ലാല്‍ ചിത്രം പേര് മാറ്റി - ‘ഒരു മരുഭൂമിക്കഥ’

noreply@blogger.com (Unknown) — Fri, 30 Sep 2011 17:28:00 +0530

പ്രിയദര്‍ശനും മോഹന്‍ലാലും ഒന്നിക്കുന്ന ‘അറബിയും ഒട്ടകവും പി മാധവന്‍ നായരും’ എന്ന ചിത്രത്തിന്‍റെ പേര് മാറ്റി - ‘ഒരു മരുഭൂമിക്കഥ’ എന്നാണ് പുതിയ പേര്. ‘അറബിയും ഒട്ടകവും പി മാധവന്‍ നായരും’ എന്ന പേര് അറബികളെ അപകീര്‍ത്തിപ്പെടുത്തുന്നതാണെന്നും ഗള്‍ഫ് മലയാളികള്‍ക്ക് ഇതുമൂലം ബുദ്ധിമുട്ടുണ്ടാകുമെന്നും ആരോപണം ഉയര്‍ന്നതിനെ തുടര്‍ന്നാണ് പേരുമാറ്റാന്‍ അണിയറ പ്രവര്‍ത്തകര്‍ നിര്‍ബന്ധിതരായത്.

സിനിമാ ഷൂട്ടിങ്ങിനിടെ അപകടം , മോഹന്‍ലാല്‍ അത്ഭുതകരമായി രക്ഷപെട്ടു

noreply@blogger.com (Unknown) — Fri, 16 Sep 2011 17:04:00 +0530

സിനിമാ ചിത്രീകരണത്തിനിടെയുണ്ടായ അപകടത്തില്‍ നിന്ന് മോഹന്‍ലാല്‍ അത്ഭുതകരമായി രക്ഷപെട്ടു. റോഷന്‍ ആന്‍ഡ്രൂസ് സംവിധാനം ചെയ്യുന്ന കാസനോവയുടെ ഷൂട്ടിങ്ങിനിടെയാണ് ലാല്‍ അപകടത്തില്‍ പെട്ടത്. സിനിമയിലെ നിര്‍ണായകമായ ആക്ഷന്‍ രംഗം ചിത്രീകരിക്കുന്നതിനിടെ നിയന്ത്രണം തെറ്റി ലാല്‍ ഓടിച്ചിരുന്ന ബൈക്ക് താഴ്ചയിലേക്ക് മറിയുകയായിരുന്നു. ഓടി രക്ഷപെടാന്‍ ശ്രമിക്കുന്ന കഥാപാത്രത്തെ ബൈക്കില്‍ പിന്തുടരുന്ന ഭാഗം ചിത്രീകരിക്കുമ്പോഴാണ് സംഭവം. അണിയറപ്രവര്‍ത്തകരെല്ലാം ഓടിയെത്തി ലാലിനെ പൊക്കിയെടുക്കുകയായിരുന്നു. ഡ്യൂപ്പിനെ വെച്ച് ചിത്രീകരിക്കാനാണ് അണിയറക്കാര്‍ ഉദ്ദേശിച്ചിരുന്നതെങ്കില്‍ അത് വേണ്ട എന്ന നിലപാടില്‍ ലാല്‍ ആക്ഷന്‍ രംഗത്തില്‍ അഭിനയിക്കുകയായിരുന്നു. അപകടം നടന്ന് അരമണിക്കൂറിന് ശേഷം ചിത്രീകരണം പുനരാരംഭിക്കുകയും ചെയ്തു.