தமிழர் தேசிய இயக்கம்

புலி வால் பிடித்த நாயர் (கட்டுரை)- பழ. நெடுமாறன்

noreply@blogger.com (மகேந்திரன் எட்டப்பராசன்) — Fri, 06 Jan 2012 19:42:00 +0000

27-2-2006 அன்று உச்சநீதி மன்றம் அளித்த தீர்ப்பின்படி முல்லைப் பெரியாறு அணையில் 142 அடிவரை நீரைத் தேக்க கேரள அரசு ஒப்புக் கொள்ளும்படி செய்யவேண்டும்.
புதுப்பிக்கப்பட்ட அணை வலிமையாகவும், பாதுகாப்பாகவும் இருப்ப தால் புதிய அணை கட்டும் எந்த முயற் சியிலும் ஈடுபடக்கூடாது என கேரள அரசுக்கு அறிவுரை வழங்கவேண்டும்.
மத்திய நீர்வள ஆணையம் 1980ஆம் ஆண்டில் பரிந்துரைத்தபடியும் 2006ஆம் ஆண்டில் உச்சநீதிமன்றம் பிறப்பித்த ஆணையின்படியும் அணையை வலுப்படுத்தும் வேலையில் எஞ்சியுள்ள பேபி அணையை வலுப் படுத்தும் பணியை செய்யவிடாமல் கேரள அரசு 31 ஆண்டு காலமாக தடுத்து வருகிறது. எனவே அணையை வலிமைப்படுத்தும் பணிகளுக்கும் வழக்கமான பராமரிப்புப் பணிகளுக்கும் இடையூறு எதுவும் செய்யாமல் இருப்ப துடன் அவற்றுக்கு ஒத்துழைப்பு வழங்கு மாறு கேரள அரசுக்கு அறிவுரை கூறவேண்டும்.
பெரியாறு அணை நீரைத் தேக்கு வதற்காக தமிழகத்திற்கு குத்தகையாக வழங்கப்பட்ட இடங்களில் உள்ள ஆக்கிரமிப்புகள் அனைத்தையும் அகற்று மாறு கேரள அரசுக்கு அறிவுறுத்த வேண்டும்.
முல்லைப் பெரியாறு அணை மற்றும் குத்தகைக்கு வழங்கப்பட்ட இடம், அத்துடன் இணைந்துள்ள கட்டு மானங்கள் ஆகியவற்றைப் பாதுகாக்கும் பொருட்டில் மத்திய தொழில் பாது காப்புப் படையை ஈடுபடுத்த வேண்டும்.
முல்லைப்பெரியாறு அணைப் பகுதியில் ஆபத்து ஏற்பட்டால் மேற் கொள்ள வேண்டிய பணிகளைத் திட்ட மிட அமைக்கப்பட்ட நிபுணர்குழு பற்றிய அறிவிப்பு ஆணையைத் திரும்பப்பெறவேண்டும்.
மேலே கண்ட கோரிக்கைகளை உள்ளடக்கிய மனு ஒன்றினை பிரதமர் மன்மோகன்சிங்கிடம் முதல்வர் ஜெயலலிதா அளித்து வற்புறுத்தியுள்ளார்.
இந்தக் கோரிக்கைகள் அனைத் தும் தமிழக மக்களின் ஒருமித்த கோரிக் கைகளாகும். இதற்காகத்தான் தேனி உள்ளிட்ட ஐந்து மாவட்ட மக்கள் தொடர்ந்து போராடி வருகிறார்கள். அவர்களுக்கு ஆதரவாக தமிழகத்தின் பிறபகுதிகளிலும் போராட்டங்கள் நடைபெற்று வருகின்றன. குறிப்பாக கம்பம் பள்ளத்தாக்கில் பல்லாயிரக் கணக்கான மக்கள் திரண்டு அணை யைப் பாதுகாக்கச் சென்று தினமும் போராடி வருகிறார்கள்.
பெரியாறு அணைப் பிரச்சினைக் காக ஒருவர் உயிர்த் தியாகம் செய்தும் மற்றுமிருவர் தீக்குளித்து உயிர் ஊசலாடும் நிலையிலும் உள்ளனர்.
தமிழகத்தில் உள்ள சகல கட்சிகளும் இப்பிரச்சினைக்காக தனித்தனி யாகவும், கூட்டாகவும் போராட்டங்களை நடத்தி வருகின்றன.
தமிழகத்திலிருந்து உணவுப் பொருட்கள், பழங்கள், காய்கறிகள், பால், முட்டை, கோழி, ஆடு, மாடு போன்ற எந்தப் பொருளையும் கேரளத்திற்கு அனுப்ப மறுத்து தமிழக விவசாயிகள் நடத்தும் போராட்டம் வரலாறு காணாத தாகும். தங்களுக்கு இழப்பு ஏற்பட்டாலும் பரவாயில்லை. பெரியாறு அணைப் பிரச்சினையில் நல்ல தீர்வு ஏற்பட வேண்டுமானால் இவ்வாறு செய்வதைத் தவிர வேறுவழியில்லை என்ற உணர்வு டன் அவர்கள் போராடி வருகிறார்கள். இந்தப் போராட்டங்கள் மக்களின் தன் னெழுச்சியான போராட்டங்கள் ஆகும். பெரியாறு பாசன நீர் பாயும் ஐந்து மாவட் டங்களில் மட்டுமல்ல, தமிழகத்தின் எல்லா மாவட்டங்களிலும் சகல தரப்பி னரும் தாமாக முன்வந்து இந்தப் போராட்டங்களில் ஈடுபட்டுள்ளனர்.
பெரியாறு அணைப்பிரச்சினை தீரும்வரை கேரள மாநிலத்திற்கு எந்தப் பொருளையும் ஏற்றிச் செல்ல மாட்டோம் என லாரி உரிமையாளர்கள் அறிவித்து அதைச் செயல்படுத்தி வருகிறார்கள். தமிழக வணிகர்கள் கடையடைப்பு நடத்தி தங்கள் உணர்வை வெளிப் படுத்தியிருக்கிறார்கள்.
வெளிவரவுள்ள உச்சநீதிமன்றத் தீர்ப்பு தனக்கு எதிராக அமைந்து விடுமோ என்ற அச்சம் கேரளத்திற்கு இருக்கிறது. எனவே அண்மைக்காலமாக நிலநடுக்க அபாயப் புகாரை முன் வைத்து கேரளம் பொய்ப்பிரச்சாரம் செய்கிறது. கேரள முதலமைச்சரும், மத்திய அமைச்சரவையில் அங்கம் வகிக்கும் கேரள அமைச்சர்களும் மத்திய அரசில் உள்ள முக்கிய கேரள அதி காரிகளும் இணைந்து பிரதமருக்கு நெருக்குதல் கொடுத்து புதிய ஆய்வுக் குழு ஒன்றினை நியமிக்கச் செய்திருக் கிறார்கள். பெரியாறு அணைப் பகுதியில் நிலநடுக்கம், வெள்ளப்பெருக்கு போன்ற எதிர்பாராத நிகழ்வுகள் ஏற்பட்டால் அவற்றை எதிர்கொள்வதற்கான செயல் திட்டங்களை வகுப்பதற்காக தேசிய பேரிடர் மேலாண்மை ஆணையத்தின் சார்பில் தனியான ஒரு குழு ஏற்படுத்தப் பட்டுள்ளது. இந்த ஆணையத்திற்கு தலைவராக பிரதமர்தான் இருக்கிறார் என்பது குறிப்பிடத்தக்கதாகும். கேரள அரசின் சூழ்ச்சிக்கு பிரதமர் இணங்கி யிருக்கிறார் என்பதையே இது எடுத்துக் காட்டுகிறது.
ஏற்கெனவே உச்சநீதிமன்றம் அமைத்துள்ள குழு அணை தொடர்பாக பல்வேறு ஆய்வுகளை மேற்கொண்டுள் ளது. தனது அறிக்கையை பிப்ரவரி மாதம் உயர்நீதிமன்றத்தில் தாக்கல் செய்ய உள்ளது. இந்த நிலைமையில் அணையின் வலிமையை பரிசோதிக்க மற்றொரு குழுவை அமைக்கவேண்டிய அவசியம் என்ன?
இந்தக் குழு அமைக்கப்பட்ட முறை ஆழமான ஐயங்களுக்கு வழி வகுத்திருக்கிறது.
ஏற்கெனவே சில ஆண்டுகளுக்கு முன்னால் கேரள அரசின் சார்பில் ரூர்க்கி ஐ.ஐ.டி.யைச் சேர்ந்த பேராசிரியர் டி.கே. பால் என்பவர் தலைமையில் அமைக்கப்பட்ட குழு பெரியாறு அணையைப் பரிசோதித்து விட்டு அணை பலவீனமாக இருக்கிறது என்ற ஒரு அறிக்கையை கொடுத்தது. ஆனால், இந்த அறிக்கையையும் அணைப் பிரச்சினை தொடர்பான வழக்கில் ஒரு சாட்சியாக டி.கே. பாலை யும் சேர்க்க வேண்டும் என்ற கேரள அரசின் கோரிக்கையை உச்சநீதிமன்றம் ஏற்க மறுத்துவிட்டது. ஆனால் உச்சநீதி மன்றம் ஏற்க மறுத்த ஒருவரை பிரதமர் ஆய்வுக் குழுவில் நியமித்திருப்பது நேர்மையற்ற செயலாகும்.
புதிய அணையை கட்டுவது குறித்து ஆய்வு செய்வதற்கான எந்த கோரிக்கையும் கேரள அரசு இதுவரை அனுப்பவில்லை என மத்திய சுற்றுச் சூழல் அமைச்சர் ஜெயந்தி நடராசன் கூறியிருக்கிறார். ஆனால், மத்திய அரசின் அனுமதியைப் பற்றி கொஞ்ச மும் கவலைப்படாமல் புதிய அணை கட்டுவதற்கான ஆய்வை முடித்து அணை கட்டுவதற்கான கருத்துருவைத் தயாரித்து உச்சநீதிமன்றம் அமைத்த விசாரணைக்குழுவிடம் கேரள அரசு அளித்தது எப்படி? மத்திய அரசின் அனுமதி பெறாமல் இவ்வாறு நடக்க கேரள அரசு துணிந்ததற்கு பின்னணி என்ன?
இவ்வாறு சட்டத்திற்கு புறம்பான வகையிலும் உச்சநீதிமன்றம் மத்திய அரசு ஆகியவற்றின் ஆணைகளைப் புறக்கணித்தும் கேரளம் தொடர்ந்து செயல்படுகிறது. இதற்கு மேலாக தமிழ்நாட்டையும் இந்திய அரசையும் ஏமாற்றுவதற்காக பேச்சுவார்த்தைக்குத் தயார் என்ற நாடகத்தை நடத்துகிறது. கேரள முதலமைச்சர் உம்மன்சாண்டியின் தலைமையில் அனைத்துக் கட்சிக்குழு ஒன்று பிரதமரை நேரில் சந்தித்து இரு மாநில முதல்வர்கள் பேச்சுக்கு ஏற்பாடு செய்யும்படி வேண்டுகோள் விடுத்தது. அதை ஏற்று பிரதமரும் தமிழக முதலமைச்சருக்குக் கடிதம் எழுதினார்.
15-12-11 அன்று உச்சநீதிமன்றத் தில் இரு மாநில முதல்வர்கள் பேச்சுக்கு ஏற்பாடு செய்ய பிரதமருக்கு வேண்டு கோள் விடுக்கும்படி கேரளம் முறையீடு செய்தது. ஆனால் அதை ஏற்க உச்ச நீதிமன்றம் மறுத்துவிட்டது.
பேச்சுவார்த்தையின் மூலம் பிரச்சி னையைத் தீர்க்கத் தயார் என கூறும் உம்மன்சாண்டி புதிய அணையைக் கட்டவேண்டும் என்ற முடிவை எப் போதும் விட்டுக்கொடுக்க மாட்டோம் என்றும் நிபந்தனை விதிக்கிறார். புதிய அணை கட்டப்பட்டாலும் தண்ணீர் கிடைக்கும் அளவைப் பொறுத்துதான் தமிழகத்திற்கு தரப்படும் என்றும் கூறு கிறார். புதிய அணையைக் கட்டும்போது முல்லைப்பெரியாறு அணையை எவ் வாறு, எந்தந்த நிலைகளில் உடைப்பது என்பது குறித்தும் உடைக்கப்படும் அணையின் பகுதிகளை புதிய அணை யின் கட்டுமானத்திற்கு எவ்வாறு பயன் படுத்துவது என்பது குறித்தும் கேரள அமைச்சர்களும் அரசியல் தலைவர் களும் பேசுகிறார்கள்.
உச்சநீதிமன்றத்தின் தீர்ப்பை கடந்த 15 ஆண்டுகாலத்திற்கு மேலாக கேரளம் மதிக்காதது போலவே, உச்சநீதி மன்றத்தால் அமைக்கப்பட்ட தொழில் நுட்பக் குழுவினரின் ஆய்வையும் கேரள அதிகாரிகள் புறக்கணிப்பதாக அறிவித்திருக்கிறார்கள். இவர்கள் கூறியபடி அந்தக் குழுவினர் செயல்பட மறுத்ததுதான் இதற்குக் காரணமாகும்.
இடுக்கி அணை நிரம்பினால் கேரளம் 2391 மில்லியன் யூனிட் மின் சாரம் உற்பத்தி செய்யமுடியும். அம் மாநிலத்தில் மொத்த மின்உற்பத்தியில் இது 20 விழுக்காடு ஆகும். இப் போதுள்ள நிலைமையில் பெரியாறு அணையில் உள்ள நீரை முழுமையாக இடுக்கிக்குக் கொண்டுபோனால்தான் இவர்களின் இந்த நோக்கம் நிறைவேறும். எனவேதான் புதிய அணை கட்டுவது என்ற பெயரில் பெரியாறு அணையை இடிப்பதில் குறியாக இருக்கிறார்கள்.
கேரளம், தமிழ்நாடு ஆகிய இரு மாநிலங்களில் உள்ள அகில இந்திய கட்சிகள் எதிர்எதிர் நிலை எடுத்துள்ளன. இக்கட்சிகளின் அகில இந்தியத் தலை மைகள் வாய்மூடி மெளனம் சாதிக் கின்றன. இரு மாநிலத் தலைமைகளையும் அழைத்துப் பேசி பிரச்சினைக்குத் தீர்வு காணவோ அல்லது தவறு செய்யும் மாநிலத் தலைமையைக் கண்டிக்கவோ அகில இந்தியத் தலைமைகள் முன்வர வில்லை. உண்மையைச் சொல்லப் போனால் தேசியத் தலைமைகள் இப்பிரச்சினையில் செயலற்றுவிட்டன. இதன் விளைவாக தேசிய ஒருமைப்பாடு செயல் இழக்கும். உடலின் ஒருபகுதி செயல் இழக்கும்போது மெல்லமெல்ல உடல் முழுவதும் அது பரவும். இந்த அபாயம் நாட்டைச் சூழ்ந்து வருகிறது.
தங்களுடைய அரசியல் ஆதா யத்திற்காக கேரள அரசியல்வாதிகள் பொய்க்கூக்குரல் எழுப்பி தங்கள் மாநில மக்களிடம் தேவையற்ற அச்சத்தை ஏற்படுத்தியிருக்கிறார்கள். உச்சநீதிமன்றத் தீர்ப்பு கூறப்படும்வரை காத்திராமல், "புதிய அணை'' என கேரள அரசியல் வாதிகள் குதிக்கிறார்கள். கேரள உயர் நீதிமன்றத்தில் அம்மாநில அட்வகேட் ஜெனரல் "அணை வலிமையாக இருப்ப தாகவும் அணை உடைந்தாலும் அந்தத் தண்ணீர் கீழே உள்ள இடுக்கி மற்றும் இரு அணைகளில் தேக்கப்படும். ஆகவே மக்களுக்கு அபாயம் இல்லை' என்று கூறியிருக்கிறார். அவர்மீது நடவடிக்கை எடுக்கிற துணிவு கேரள அரசுக்கு இல்லை. அவ்வாறு எடுத்தால் உச்சநீதிமன்றம் தலையிடும் என்ற அச்சம் இருக்கிறது. உச்சநீதிமன்றத்தின் மீது நம்பிக்கை இல்லாவிட்டால் அங்கு ள்ள தங்களது வழக்கைத் திரும்பப் பெறும் துணிவு கேரள அரசியல் வாதிகளுக்கு உண்டா?
கொதித்துப் போராடும் தமிழக மக்களின் உணர்ச்சி விரைவில் வடிந்து விடும் என கேரள அரசியல்வாதிகள் நினைக்கிறார்கள். தமிழகக் கட்சிகள் ஒரு போதும் ஒன்றுபட்டுப் போராடப் போவதில்லை என மத்திய அரசு நினைக்கிறது.
உச்சநீதிமன்றத்தில் சட்டரீதியாக நமது உரிமைகளை நிலைநிறுத்த தமிழக அரசு மேற்கொள்ளும் முயற்சிகளுக்கு அனைத்துக்கட்சிகளின் ஆதரவை முதல்வர் ஜெயலலிதா நாடிப்பெற வேண் டும். கட்சிகளும் அவருக்கு முழுமை யான ஒத்துழைப்பு அளிக்க வேண்டும்.
இது ஒரு கட்சிப் பிரச்சினை அல்ல. 5 மாவட்ட மக்களின் வாழ்வா தாரப் பிரச்சினை என்பதை மனதில் கொண்டு அனைவரும் ஒன்றுபட வேண்டும்.
தமிழக விவசாயிகள் உற்பத்தி செய்யும் காய்கறிகள், பழங்கள், முட்டை, பால் போன்றவற்றை கேரளத்திற்கு அனுப்பாமல் தாங்கள் நட்டத்தைச் சந்திக்க நேர்ந்தாலும் சகித்துக்கொண்டு உறுதியாகப் போராடுகிறார்கள். இந்தப் போராட்டம் ஒன்றுதான் கேரள அரசியல்வாதிகளை சிந்திக்க வைக்கும். எனவே விவசாயிகளின் இந்தப் போராட் டத்திற்கு தமிழக அரசு ஆதரவுக் கரம் நீட்டவேண்டும். நமது விவசாயிகளின் உற்பத்திப் பொருள்களை அந்தந்தப் பகுதிகளில் அரசே கொள்முதல் செய்து அந்தந்தப் பகுதிகளில் உள்ள சத்துண வுக் கூடங்களுக்கு வழங்கவேண்டும். இதன்மூலம் விவசாயிகளின் நட்டம் தவிர்க்கப்படும். பொருளாதாரத் தடைப் போராட்டமும் வெற்றிபெறும்.
கேரள மக்கள் பயன்படுத்தும் மாட்டிறைச்சியில் 90% தமிழகத்திலிருந்து அனுப்பப்படும் அடிமாடுகளின் மூலம் கிடைக்கிறது. எனவே, தமிழக அரசே மாட்டிறைச்சியை தயாரிக்கும் தொழிற் சாலைகளை பல பகுதிகளில் அமைத்து விவசாயிகளின் அடிமாடுகளை விலைக் குப் பெற்று, உற்பத்தி யாகும் மாட்டி றைச்சியை அரேபிய நாடுகளுக்கு ஏற்றுமதி செய்வதன் மூலம் அரசுக்கும் விவசாயிகளுக்கும் அதிக வருமானம் கிடைக்கும். கேரள அரசியல்வாதி களையும் பணியவைக்க முடியும்.
பெரியாறு அணை குறித்து பொய்யான கூக்குரலை எழுப்பி கேரள மக்களை வீண் அச்சத்திற்கு உள்ளாக்கிய கேரள அரசியல்வாதிகள், தண்ணீர் கிடைக்காத தமிழக மக்கள் கொதித் தெழுந்து பொருளாதாரத் தடைப் போராட்டம் நடத்தும் அளவுக்குக் சென்றதை சற்றும் எதிர்பாராத நிலையில் இப்போது என்ன செய்வது என்பது புரியாமல் திணறுகிறார்கள். புலிவால் பிடித்த நாயரின் நிலையாக கேரள அரசி யல்வாதிகளின் நிலை ஆகிவிட்டது.

- நன்றி : தினமணி

முல்லைப்பெரியாறு அணைப் பிரச்சினை போராட்டத்தில் ஈடுபட்ட மக்கள் மீது தடியடியா? பழ. நெடுமாறன் கண்டனம்

noreply@blogger.com (மகேந்திரன் எட்டப்பராசன்) — Fri, 23 Dec 2011 13:43:00 +0000

முல்லைப் பெரியாறு அணை உரிமை மீட்புக்குழுவின் ஒருங்கிணைப்பாளர்
பழ. நெடுமாறன் விடுத்துள்ள அறிக்கை:
கேரளம் நோக்கிச் செல்லும் சாலைகளில் முற்றுகைப் போராட்டம் நடத்துவதற்காகச் சென்ற என்னையும் வைகோ அவர்களையும் மற்றும் தோழர்களையும் சீலையம்பட்டி அருகே வழிமறித்து காவல்துறையினர் கைது செய்தனர்.
இதற்குக் கண்டனம் தெரிவிக்கும் வகையில் கூடலூர் மற்றும் லோயர் கேம்ப் பகுதிகளில் அறப்போராட்டத்தில் ஈடுபட்ட மக்களைக் கண்ணீர்ப் புகைக் குண்டுகளை வீசியும் தடியடி நடத்தியும் தாக்கிய காவல்துறையின் செயலை வன்மையாகக் கண்டிக்கிறேன். பெண்கள், செய்தியாளர்கள் உள்பட பலரும் மிகக் கடுமையாகத் தாக்கப்பட்டிருக்கிறார்கள். அத்துமீறிச் செயல்பட்ட காவல்துறை அதிகாரிகள் மீது நடவடிக்கை எடுக்க வேண்டும் என வலியுறுத்துகிறேன்.
பெரியாறு அணைப் பிரச்சினைக் குறித்து தன்னெழுச்சியானப் போராட்டங்களில் ஈடுபட்டிருக்கும் மக்களை ஒடுக்கும் முயற்சியை மேற்கொள்வது என்பது தமிழகத்தின் நலனுக்கு எதிரானதாகும். மக்களோடு இணைந்து தமிழக அரசும் இந்தப் போராட்டத்தில் ஒத்துழைக்க வேண்டும் என வேண்டிக்கொள்கிறேன்.
இங்ஙனம்

(பழ. நெடுமாறன்)
ஒருங்கிணைப்பாளர்

பிரதமருக்கு எதிராகக் கருப்புக்கொடி - பழ. நெடுமாறன் அழைப்பு‏

noreply@blogger.com (மகேந்திரன் எட்டப்பராசன்) — Fri, 23 Dec 2011 13:41:00 +0000

தமிழர்களின் உணர்வை மதிக்காத
பிரதமருக்கு எதிராகக் கருப்புக்கொடி
பழ. நெடுமாறன் அழைப்பு

முல்லைப் பெரியாறு அணை உரிமை மீட்புக்குழுவின் ஒருங்கிணைப்பாளர்
பழ. நெடுமாறன் விடுத்துள்ள அறிக்கை:
முல்லைப்பெரியாறு அணைப் பிரச்சினையில், உச்சநீதிமன்றம் அளித்தத் தீர்ப்பை நிறைவேற்றத் தவறியும், அணையைப் பாதுகாக்க மத்திய தொழில் பாதுகாப்புப் படையை அனுப்ப வேண்டும் என்ற தமிழகக் கோரிக்கையை ஏற்க மறுத்தும் பிரதமர் மன்மோகன்சிங் தமிழக நலன்களுக்கு எதிராகச் செயல்படுகிறார்.
கூடங்குளம் அணுமின்உலைப் பிரச்சினையில் போராட்டக் குழுவினருடன் ஒருபுறம் பேச்சு நடத்திக்கொண்டே மறுபுறம் 15 நாட்களில் அணுமின் உலை செயல்படத் தொடங்கும் என எதேச்சதிகார முறையில் அறிவித்திருக்கிறார் பிரதமர் மன்மோகன்சிங்.
தமிழக மக்களின் நலன்களைச் சிறிதும் எண்ணிப் பாராமல் தொடர்ந்து செயல்பட்டு வரும் பிரதமர் மன்மோகன்சிங் தமிழர்களைத் துச்சமாக மதித்து தமிழகத்திற்கு வருவதை வன்மையாகக் கண்டிக்கிறேன்.
அவருக்கு எதிராக டிசம்பர் 26ஆம் தேதியன்று மாலை காரைக்குடியில் கருப்புக்கொடி போராட்டம் கா. பரந்தாமன் தலைமையில் நடத்தப்படும். தோழமை அமைப்புகளுடன் இணைந்து நடைபெறவிருக்கும் இப்போராட்டத்தில் கலந்துகொண்டு தமிழர்களின் கொதிப்புணர்வை பிரதமருக்குத் தெரிவிக்க முன்வருமாறு அனைவரையும் வேண்டிக்கொள்கிறேன்.

இங்ஙனம்

(பழ. நெடுமாறன்)
ஒருங்கிணைப்பாளர்

சிதம்பரத்தை மிரட்டும் கேரள அரசியல்வாதிகள் -பழ. நெடுமாறன் கண்டனம்

noreply@blogger.com (மகேந்திரன் எட்டப்பராசன்) — Sun, 18 Dec 2011 19:06:00 +0000

முல்லைப் பெரியாறு அணை உரிமை மீட்புக் குழுவின் ஒருங்கிணைப்பாளர் பழ. நெடுமாறன் விடுத்துள்ள அறிக்கை :

கேரள மாநிலத்தில் விரைவில் நடைபெறவிருக்கும் சட்டமன்ற இடைத் தேர்தலை மனதில் கொண்டு முல்லைப் பெரியாறு அணைப் பிரச்னையை கேரள அரசியல்வாதிகள் ஊதி பெரிதாக்குகிறார்கள் என மத்திய உள்துறை அமைச்சர் ப. சிதம்பரம் கூறியுள்ளதை கண்டித்து கேரள முதலமைச்சர் உம்மன் சாண்டி, எதிர்க்கட்சித் தலைவர் அச்சுதானந்தன் உட்பட பல கட்சித்தலைவர்களும் சிதம்பரத்தை அமைச்சர் பதவியிலிருந்து நீக்க வேண்டுமென கூக்குரலிட்டுள்ளனர்.

மத்திய அமைச்சராகப் பொறுப்பு வகிக்கும் ஒருவர் எவ்வாறு இப்படி கூறலாம் என்றும் கண்டித்துள்ளனர்.

மத்திய பாதுகாப்புத் துறை அமைச்சராக இருக்கும் ஏ. கே. அந்தோணி கடற்படை நீர்மூழ்கி வீரர்களை பெரியாறு அணைக்கு அனுப்பி அணையை சோதனை செய்ய ஆணையிட்டு அவர்களும் தமிழக அரசின் அனுமதியின்றி அவ்வாறு செய்தார்கள். உச்சநீதிமன்றத்தின் பரிசீலனையில் பெரியாறு அணைப் பிரச்னை இருக்கும் போது இவ்வாறு ஏ. கே. அந்தோணி அத்துமீறி செயல்பட்ட போது அதை கேரள அரசியல்தலைவர்கள் உற்சாகமாகப் பாராட்டி வரவேற்றார்கள். ஆனால் இப்போது ஒரு பொதுக் கூட்டத்தில் மூத்த காங்கிரசு தலைவர் என்ற முறையில் ப. சிதம்பரம் பேசியதை அவர்களால் பொறுத்துக் கொள்ள முடியவில்லை.

கேரளத்தின் சார்பில் மத்திய அமைச்சர்களாக இருக்கும் ஏ. கே. அந்தோணி, வயலார் ரவி போன்றவர்கள் முல்லைப் பெரியாறு அணைப் பிரச்னை சம்பந்தமாக பிரதமரை சந்தித்து தங்கள் தரப்பை வற்புறுத்தியிருக்கிறார்கள். ஆனால் தமிழகத்தின் சார்பில் மத்திய அமைச்சர் பதவி வகிப்பவர்கள் பிரதமரைச் சந்தித்து நமது தரப்பை நியாயங்களை எடுத்துக் கூற முன்வரவில்லை.

ஆனால் மூத்த காங்கிரசு தலைவர் என்ற முறையில் ப. சிதம்பரம் இப்போதாவது முல்லைப் பெரியாறு அணைப் பிரச்னை குறித்து தமிழ்நாட்டின் நிலைக்கு ஆதரவு தெரிவித்துப் பொதுக்கூட்டத்திலேயாவது பேசியிருப்பதை நான் பாராட்டுகிறேன். மத்திய அரசில் அங்கம் வகிக்கும் மற்ற தமிழர்களும் வெளிப்படையாக ஆதரவு தெரிவிக்க முன் வரவேண்டும் என வேண்டிக் கொள்கிறேன்.

முல்லைப்பெரியாறு அணைப் பிரச்சினை கம்பம் மக்கள்மீது தடியடி- பழ. நெடுமாறன் கடும் கண்டனம்

noreply@blogger.com (மகேந்திரன் எட்டப்பராசன்) — Fri, 16 Dec 2011 19:11:00 +0000

முல்லைப் பெரியாறு அணை உரிமை மீட்புக்குழுவின் ஒருங்கிணைப்பாளர் பழ. நெடுமாறன் விடுத்துள்ள அறிக்கை:

முல்லைப் பெரியாறு அணையை இடிப்பதற்கும் கேரளம் சென்ற அய்யப்ப பக்தர்களைத் தாக்கியும் தொடர்ந்து அடாத நடவடிக்கையில் ஈடுபட்டு வரும் மலையாளிகளின் செயலைக் கண்டிக்கும் வகையில், கம்பம் பகுதி மக்களின் தன்னெழுச்சியை ஒடுக்கும் வகையில், அந்த மக்கள் மீது கொடுமையான வகையில் தடியடி நடத்திய தமிழக காவல்துறை அதிகாரிகள் மீது உடனடியாக நடவடிக்கை எடுக்க வேண்டும் என முதலமைச்சர் ஜெயலலிதாவை நான் வற்புறுத்துகிறேன்.
பெரியாறு அணைப் பகுதியில் அத்துமீறிப் புகுந்து அணையை இடிக்க முயற்சி செய்தவர்கள்மீதும் தமிழக ஐயப்ப பக்தர்களைத் தாக்கியவர்கள் மீதும் இதுவரை கேரள காவல்துறை எந்த நடவடிக்கையையும் எடுக்கவில்லை. ஆனால் அதேவேளையில் அமைதி வழியில் எதிர்ப்புத் தெரிவித்த தமிழக விவசாயிகளை தமிழக காவல்துறை தாக்கியிருப்பது கண்டனத்துக்குரியதாகும். இந்தப் போக்கை உடனடியாகத் தடுத்து நிறுத்தாவிட்டால் தமிழகமெங்கும் இந்தப் போராட்டம் பரவும் என எச்சரிக்கிறேன்.
இங்ஙனம்

(பழ. நெடுமாறன்)
ஒருங்கிணைப்பாளர்

பேச்சுவார்த்தையில் கலந்து கொள்ள மறுத்ததற்கு பாராட்டு- பழ. நெடுமாறன் அறிக்கை

noreply@blogger.com (மகேந்திரன் எட்டப்பராசன்) — Sun, 04 Dec 2011 18:24:00 +0000

முல்லைப் பெரியாறு அணை உரிமை மீட்புக் குழுவின் ஒருங்கிணைப்பாளர் பழ. நெடுமாறன் விடுத்துள்ள அறிக்கை

முல்லைப் பெரியாறு அணை தொடர்பாக தில்லியில் இரு மாநில அதிகாரிகள் மட்டத்தில் நடைபெறவிருந்த பேச்சு வார்த்தையில் பங்கேற்கப் போவதில்லை என தமிழக அரசு அறிவித்திருப்பதை வரவேற்றுப் பாராட்டுகிறேன்.

பெரியாறு அணையின் வலிமை குறித்தும் புதிய அணையை கட்ட வேண்டும் என்ற கேரளாவின் திட்டம் குறித்தும் ஆராய்வதற்காக உச்சநீதிமன்றம் அமைத்த உயர்நிலைக் குழு திசம்பர் 5-ஆம் தேதி கூடி இறுதி முடிவை அறிவிக்க இருக்கிறது. குழுவின் முடிவு தனக்கு சாதகமாக இல்லை என உணர்ந்து கொண்ட கேரளம் அதை தடுத்து நிறுத்துவதற்கான முயற்சியாகத்தான் அணையில் வெடிப்புகள் தோன்றி இருக்கின்றன என்ற பொய்க் கூப்பாடு போடுகிறது.

இரு மாநில முதலமைச்சர்களையும் அழைத்துப் பேச வேண்டுமென பிரதமர் கேரள முதலமைச்சர் வலியுறுத்தி இருப்பதும் சூழ்ச்சிகரமானது. மீண்டும் பேச்சுவார்த்தைத் தொடங்கப்பட்டால் அதையே காரணமாக காட்டி உச்சநீதிமன்றம் இறுதி தீர்ப்பு வழங்க இருப்பதைத் தடுத்துவிடலாம் எனற் திட்டத்துடன் கேரளம் விரித்த வலையில் சிக்க மறுத்த தமிழக அரசை மீண்டும் பாராட்டுகிறேன்.

உச்சநீதிமன்றத்தின் தீர்ப்பு வரும் வரை எந்த காரணத்தைக் கொண்டும் முதலமைச்சர்கள் மட்டத்திலேயோ அதிகாரிகள் மட்டத்திலேயோ எத்தகைய பேச்சுவார்த்தைக்கும் இணங்கக் கூடாது என தமிழக முதலமைச்சரை வேண்டிக் கொள்கிறேன்.

நூல்கள் அறிமுக விழா

noreply@blogger.com (மகேந்திரன் எட்டப்பராசன்) — Sun, 04 Dec 2011 18:22:00 +0000

அய்க்கிய நாடுகள் அவையின் வல்லுநர் குழு அறிக்கை" - (தமிழாக்கம் - பூங்குழலி)

"முள்ளிவாய்க்கால் - எமது சாட்சியம்" (கண. குறிஞ்சி, பேரா. ராஜ் இருதயா)

திசம்பர் 10, 2011, சனிக்கிழமை மாலை 5:30 மணி

தேவநேயப் பாவாணர் நூலக கருத்தரங்கக் கூடம், சென்னை

தலைமை : திரு. பானுமதி, மக்கள் உரிமைப் பேரவை, திருச்சி

முன்னிலை : திரு. அற்புதம் அம்மாள், திருவள்ளுவர் பெரியார் மானுட ஒன்றியம்; திருச்சி. திரு கே. சவுந்தரராஜன்; ஓவியர் திரு. வீர. சந்தனம்; கீற்று திரு. நந்தன்; திரு. மு. பாண்டியராஜன், ஊடகவியலாளர்; திரு. அரணமுறுவல், உலகத்தமிழ்க் கழகம்; பேராசிரியர். ராஜ் இருதயா

அறிமுகவுரை : கண. குறிஞ்சி (புதுமலர் பதிப்பகம்)

கருத்துரை :

திரு. வைகோ, ம. தி. மு. க

திரு. விடுதலை ராசேந்திரன், பெரியார் திராவிடர் கழகம்

திரு. சுரேஷ், மக்கள் சிவில் உரிமைக் கழகம்

பேராசிரியர் மணிவண்ணன், சென்னைப் பல்கலைக்கழகம்

திரு. புனிதபாண்டியன், தலித்முரசு

திரு. மு. வீரபாண்டியன், இந்திய கம்யூனிஸ்டுக் கட்சி

திரு. வ. கவுதமன், திரைப்பட இயக்குநர்

நன்றியுரை : திரு. சோழநாடன், தமிழீழ இனப்படுகொலைக்கு எதிரான மக்கள் இயக்கம்

அனைவரும் வருக - புதுமலர் பதிப்பகம். 94433 07681 begin_of_the_skype_highlighting 94433 07681 end_of_the_skype_highlighting. gana.kurinji@gmail.com

தமிழர் இறைமைப் புரிந்துணர்வு ஈழத்தமிழர் தேசியக்கேள்விக்கு உலகளாவிய நீதிகேட்கும் பிரகடனம்

noreply@blogger.com (மகேந்திரன் எட்டப்பராசன்) — Sun, 04 Dec 2011 18:19:00 +0000

தமிழ்நாடு, கனடா, அமெரிக்கா, சுவிற்சர்லாந்து ஆகிய நாடுகளில் வசிக்கும் சமூகச் செயற்பாட்டு ஆர்வலர்களாகிய நாம் இலங்கைத்தீவிலும், இந்தியாவிலும் புலம்பெயர்ந்த உலகத்திலும் வாழும் ஒத்தபோக்குடைய பல தரப்பினரோடும், குறிப்பாக இளந்தலைமுறையினரோடு, தொடர்பாடி விவாதித்த பின்னர் இப்பிரகடனத்தை வெளியிடுகிறோம். இலங்கைத்தீவில்

புரையோடிப் போயிருக்கும் ஈழத்தமிழர் தேசியக்கேள்வி உரிய முறையில் அணுகப்படுவதன்மூலம் அமைதியும் உலகளாவிய நீதியும் நிலைநிறுத்தப்படவேண்டும் என்பதே இதன் நோக்கம்.

உலக ஆதிக்க சக்திகளின் மறைமுகமான ஒப்புதலுடன் இலங்கை அரசானது இத்தீவின் வடக்குக் கிழக்குத் தாயகத்தில் வாழும் தமிழ் மக்கள் மீது இன அழிப்பு மற்றும் இனக் கட்டுமான அழிப்பு அணுகுமுறைகளைத் தொடர்ச்சியாகப் பிரயோகித்துவருவதானது தென்னாசியாவின் அமைதியையும் திடநிலையையும் அச்சுறுத்துவதுடன் முழு உலகுக்கும் ஆபத்தான முன்னுதாரணம் ஒன்றையும் உருவாக்கியுள்ளது.

ஆதலின், இலங்கைத்தீவின் வடக்கு-கிழக்கு வழிவந்தவர்களாக, அத்தீவிலும் புலம்பெயர்ந்தும் மற்றும் ஏதிலிகளாக இந்தியாவிலும் பிற இடங்களிலும் வாழும் மக்களிடையே, தன்னாதிக்கமும் இறைமையும் கொண்ட தமிழீழ நாட்டை உருவாக்குவது தொடர்பான வாக்கெடுப்பொன்று உலகப்பன்நாட்டு முடிவொன்றின் மூலம் மேற்பார்வையிட்டு நடத்தப்படவேண்டும் என்று நாம் பிரகடனம் செய்கின்றோம்.

ஈழத்தமிழர்களின் வரலாற்றுவழிவந்த இறைமை, போராடிப்பெற்ற இறைமை என்பனவற்றுடன், அழிவிலிருந்து பாதுகாப்பதற்காக உலகத்தால் வழங்கப்படவேண்டிய இறைமை என்ற அரசியற் கோட்பாடும் இவ்விடயத்தில் பொருத்தமுடையது என்ற அடிப்படையில் இப்பிரடகனம் வெளியிடப்படுகிறது.

வரலாற்றுவழிவந்த இறைமை: இலங்கைத் தீவின் மிகப்பழைய ஆவணச் சான்றுகளின் காலத்திலிருந்து ஒரு தேசிய இனமாக இருந்துவந்துள்ள ஈழத்தமிழர்கள், வரலாற்று அடிப்படையிலும் புவியியல் அடிப்படையிலும்

வரையறுக்கப்படக்கூடிய தாயகம், தனித்துவமான மொழி, பண்பாடு என்பனவற்றுடன் தமக்குரிய தேசம் பற்றிய கூட்டுப்பிரக்ஞை உடையவர்களாகவும் கூர்ப்படைந்திருக்கிறார்கள். ஐரோப்பிய காலனிய காலத்தில் போர்த்துக்கேயருக்கும் தொடர்ந்து ஒல்லாந்தருக்கும்

ஆங்கிலேயருக்கும் தமது இறைமையை இழந்து, காலனிய முடிவில் அதை மீளப்பெறாத வரலாறு இவர்களுக்கு உண்டு.

ஐரோப்பியக் காலனியத்தில் இருந்து விடுதலைபெற்ற இலங்கையில் சிங்களத் தேசத்துடன் இறைமையைப் பகிர்வதற்காக ஜனநாயக முறையில் தொடர்ச்சியாக 30 ஆண்டுகள் போராடிய வரலாறும் இவர்களுக்கு உண்டு.

வெற்றிபெறாத இப்போராட்டத்தின் விளைவு, 1976 இல் வரலாற்று முக்கியத்துவம் வாய்ந்த சுதந்திரப் பிரகடனமாக வெளிப்பட்டதும், அதை 1977 பொதுத் தேர்தலில் வடக்கு - கிழக்கு மக்கள் உறுதிப்படுத்தியதுமான வரலாறும் இவர்களுக்கு உண்டு.

போராடிப்பெற்ற இறைமை: ஜனநாயக முறைகள் பலிக்காமற்போன பின்னர் இலங்கை அரசின் அடக்குமுறையால் உந்தப்பட்டு ஆயுதப் போராட்டமொன்றை அடுத்த 30 ஆண்டுகள் நடத்தியதன் விளைவாக, நடைமுறையிலான அரசு ஒன்றை ஈழத்தமிழ்மக்கள் உருவாக்கி அதற்கூடாக ஓர் இறைமையைச் சம்பாதித்திருந்தார்கள். 2002ம்

ஆண்டு சர்வதேசப் பின்னணியுடன் வந்த அமைதித் திட்டம் இந்த இறைமைக்கு மறைமுகமாகக் கிடைத்த ஒப்புதலாகும்.

இந்த நடைமுறை அரசால் அடையாளங்காட்டப்பட்ட அரசியற் குழுமம் 2004ம் ஆண்டு பொதுத் தேர்தலில் வெற்றிபெற்றமை ஈழத்தமிழ் பொதுமக்கள் இந் நடைமுறை அரசுக்கூடாகப் பெறப்பட்ட இறைமையை

உறுதிப்பL;த்தியிருப்பதைக் காட்டுகிறது.

அழிவிலிருந்து பாதுகாப்பதற்காக உலகத்தால் வழங்கப்படவேண்டிய இறைமை: நடைமுறை அரசுக்கு எதிராக சமநிலை குலைக்கப்பட்டமை தமிழினப் பேரழிவில் முடிந்தமையை, ஐக்கிய நாடுகள் செயலாளர் நாயகத்திற்கு வழங்கப்பட்ட அறிக்கையும் நோர்வேயின் அமைதி நடவடிக்கை மீதான ஆய்வறிக்கையும் – இனப் பேரழிப்பு என்று பெயர் குறிப்பிடாவிட்டாலும் கூட – மறைமுகமாக ஏற்றுக்கொண்டுள்ளன. இனத்தால் சிங்கள இராணுவமொன்று தமிழர் தாயகத்தை ஆக்கிரமித்து ஆளுவதும், குடிசார் மாற்றங்களுக்காகவும் வேண்டுமென்றே நில அளவு,

மக்கட்பரப்பைத் தொகுதிப் பிரதிநிதித்துவத்தில் குறுக்குவதற்காகவும் இராணுவப் பின்பலத்துடன் நிகழும் சிங்களக் குடியேற்றமும், மற்றும் அரசின் பல்வேறு அமைப்புகளாலும் மேற்கொள்ளப்பட்டுவரும் தமிழர் தாயகத்தின் சமூக, பொருளாதார, பண்பாட்டு அடிமைப்படுத்தலும், வெளிப்படையான, முனைப்பான, திட்டமிடப்பட்ட, முழுவேகமாக முடுக்கிவிடப்பட்ட இனக்கட்டமைப்புப் பேரழிவொன்றைச் சுட்டிக்காட்டுகின்றன.

இது, ஈழத்தமிழர் தேசத்தை முழு அழிவிலிருந்து பாதுகாக்கக் கோரும் உரிமையை கட்டாயமாக்குகிறது. எனவே, ‘அழிவில் இருந்து பாதுகாக்கும் இறைமை’ என்ற அரசியற் கோட்பாடு, இனப் பேரழிப்பில் இருந்தும் இனக் கட்டுமானப் பேரழிப்பில் இருந்தும் தம்மைப் பாதுகாப்பதற்காக சுதந்திரம் கோரும் ஈழத்தமிழர் விடயத்தில் கையாளப்படக்கூடியது.

ஒருங்கிணைந்த இலங்கைக்குள் மட்டுந்தான் தீர்வு காணப்படவேண்டும் என்று வலியுறுத்துவதை இவ்விவகாரத்தில் ஈடுபட்டிருக்கும் எல்லாச் சக்திகளும் நிறுத்திக்கொள்ளவேண்டும் என்று நாம் பிரகடனம் செய்கின்றோம்.

இலங்கை - தமிழீழப் பிணக்கை தேசங்களுக்கிடையிலான ஒரு சிக்கலாக அணுகி, நீடித்த அமைதியையும் நீதியையும் கொண்டுவந்து, முரண்பட்டிருக்கும் தேசங்கள் தத்தமது இறைமையை முழுமையாகக் கையாளுவதற்கூடாக அமைதியாக இயைந்து வாழ்வதற்கு உதவும் வகையில், ஒரு முனைப்பான, வெளிப்படையான, சர்வதேசச் செயற்திட்டம் ஒன்றை பன்நாட்டு விவகாரங்களில் பாத்திரம் வகிப்போர் கொண்டுவரவேண்டும் என்றும், உள்நாட்டுத் தீர்வு என்று சொல்லிக்கொள் ளும் நடிப்பை அவர்கள் கைவிடவேண்டிய காலம் வந்துவிட்டதென்றும், நாம் பிரகடனம் செய்கின்றோம்.

ஈழத்தமிழர்களின் போராட்டம் சார்ந்த குறியீடுகளும் வெளிப்பாடுகளும் அவதூறு செய்யப்படாமல் ஆதரவளிக்கப்படவேண்டியவை என்றும், ஈழத்தமிழர்களின் விடுதலைக் குறிக்கோளுக்காக தமது உயிர்களை ஈந்த அனைவரும் அங்கீகரிக்கப்படவேண்டியவர்கள் என்றும், ஈழத்தமிழர்களின்

விடுதலைப் போராட்டத்திற்கு அரசியல் தீர்வைக் கொண்டுவருவதற்கான ஒருங்கிணைந்த உலக நடவடிக்கைக்கு உலகெங்குமுள்ள எல்லா ஜனநாயக சக்திகளும் பங்களிக்கவேண்டும் என்றும் நாம் மேலும் பிரகடனம் செய்கின்றோம்.

பூங்குழலி நெடுமாறன், தமிழ்நாடு, இந்தியா

கிருஸ்ணா சரவணமுத்து, ரொறன்ரோ, கனடா

ரஜீவ் சிறீதரன், வாசிங்டன், அமெரிக்கா

லதன் சுந்தரலிங்கம், லுசேர்ன், சுவிற்சர்லாந்து

27.11.2011

தினமலர் நிருபரை தாக்கியதாக வழக்கு - மக்கள் மன்றத் தோழர்கள் கைது

noreply@blogger.com (மகேந்திரன் எட்டப்பராசன்) — Mon, 28 Nov 2011 17:57:00 +0000

தோழர் செங்கொடி அவர்களை பற்றி அவதூறான செய்தி வெளியிட்ட தினமலர் நிருபரைத் தாக்கியதாக வழக்குத் தொடரப்பெற்ற மக்கள் மன்றத் தோழர்கள் கைது செய்யப்பட்டனர். நீதிபதி அவர்களை காவலில் வைக்க உத்தரவிட்டதை தொடர்ந்து இன்று வேலூர் சிறைக்கு கொண்டுச் செல்லப் படுகின்றனர்.

கைதான தோழர்கள் - மகேஷ், ஜெசி, உமா, சரவணன், தஞ்சை தமிழன், கடாபி, முருகன், மணி, சேகர், மகேந்திர வர்மா, மற்றும் பெரியார் திராவிடர் கழகத்தைச் சேர்ந்த தோழர் டேவிட் பெரியார்.

கேரளத்தின் சதியை முறியடிக்க தமிழகக் கட்சிகள் ஒன்றுபட வேண்டும்-பழ. நெடுமாறன்‏

noreply@blogger.com (மகேந்திரன் எட்டப்பராசன்) — Mon, 28 Nov 2011 17:42:00 +0000

முல்லைப் பெரியாறு அணை உரிமை மீட்புக்குழுவின் ஒருங்கிணைப்பாளர்
பழ. நெடுமாறன் விடுத்துள்ள அறிக்கை:
பெரியாறு அணை பலவீனமாக இருப்பதாகவும் அண்மையில் ஏற்பட்ட நிலநடுக்கத்தின் காரணமாக அணையில் வெடிப்புகள் ஏற்பட்டுவிட்டதாகவும் கேரள முதலமைச்சர் உம்மன்சாண்டி மற்றும் அம்மாநிலத்தைச் சேர்ந்த நாடாளுமன்ற உறுப்பினர்கள் டில்லியில் பிரதமர் மன்மோகன் அவர்களையும் அனைத்துக்கட்சித் தலைவர்களையும் சந்தித்து முற்றிலும் பொய்யானப் புகாரைக் கூறியிருக்கிறார்கள்.
பெரியாறு அணை உடைந்து அதன் விளைவாக ஏற்பட்ட வெள்ளப்பெருக்கில் ஏராளமான மக்கள் செத்து மிதப்பது போன்ற பொய்மை நிறைந்த காட்சிகள் அடங்கிய "அணை 999' என்ற திரைப்படத்தை கேரள முதல்வர் தலைமையில் அனைத்துக்கட்சித் தலைவர்கள் நாடாளுமன்ற உறுப்பினர்கள் பத்திரிகையாளர்கள் பார்த்த திரைப்படக் காட்சி ஒன்றும் தில்லியில் நடைபெற்றிருக்கிறது. ஆக டில்லியிலிருந்து சகல முயற்சிகளும் செய்து பெரியாறு அணையை இடித்துத் தகர்த்துவிட்டு புதிய அணை கட்டியே ஆகவேண்டும் என பிடிவாதமாக கேரள அரசும், அம்மாநில அனைத்துக் கட்சிகளும் செயல்படுகின்றன.
கேரளத்தின் பொய்யானப் பிரச்சாரத்தை தமிழக முதல்வர் ஜெயலலிதாவும் மற்றும் அனைத்துக்கட்சித் தலைவர்களும் கண்டனம் செய்திருந்த போதிலும் அதுமட்டும் போதாது, கேரளத்தின் சதியை முறியடிக்க வேண்டுமானால், தமிழக முதல்வர் தலைமையில் அனைத்துக் கட்சித் தலைவர்களையும் கொண்ட குழு உடனடியாக டில்லி சென்று பிரதமரையும் மற்ற கட்சித் தலைவர்களையும் சந்தித்து தமிழகத்தின் நியாயங்களையும் உரிமைகளையும் விளக்கிக் கூறவேண்டும். அதைத் தொடர்ந்து அடுத்த நடவடிக்கைக்குறித்து அனைவரும் ஒற்றுமையுடன் பேசி முடிவெடுத்துச் செயல்பட்டாக வேண்டும். விரைவாக இந்த நடவடிக்கைகளில் நாம் ஈடுபடாவிட்டால் கேரளம் தனது சூழ்ச்சியில் வெற்றிபெற்றுவிடும். தமிழகத்தில் ஐந்து மாவட்டங்களைச் சேர்ந்த விவசாயிகளின் எதிர்காலம் இருள்சூழ்ந்து போகும்.
இங்ஙனம்

(பழ. நெடுமாறன்)
ஒருங்கிணைப்பாளர்

முன்பதிவுத் திட்டம்- பழ. நெடுமாறன் எழுதிய பிரபாகரன் தமிழர் எழுச்சியின் வடிவம்- 1000 பக்கங்கள் கொண்ட அரிய நூல்

noreply@blogger.com (மகேந்திரன் எட்டப்பராசன்) — Mon, 07 Nov 2011 06:37:00 +0000

முன்பதிவுத் திட்டம்
பழ. நெடுமாறன் எழுதிய
பிரபாகரன் தமிழர் எழுச்சியின் வடிவம்
1000 பக்கங்கள் கொண்ட அரிய நூல்

கேரளாவில் குவியும் தமிழர்களின் நகைகள்

noreply@blogger.com (மகேந்திரன் எட்டப்பராசன்) — Mon, 07 Nov 2011 06:33:00 +0000

தமிழ்நாட்டில் சமீப காலமாக நகைகளை அடமானமாகப் பெற்றுக்கொண்டு வட்டிக்குப் பணம் கொடுக்கும் கேரள நிதி நிறுவனங்களான முத்தூட் பைனான்சு, மணப்புரம் பைனான்சு ஆகிய நிறுவனங்கள் தமிழகமெங்கும் சிற்றூர்கள் வரை கிளைகளைத் திறந்துள்ளன.
ஏழை மக்களும், நடுத்தர மக்களும் அவசரத் தேவைக்கு பணம் பெற கூட்டுறவு கடன் வங்கிகளை நாடி பணம் பெறமுடியாமல், மார்வாடிகள் நடத்தி வரும் அடகுக்கடைகளைத் தேடிச் சென்று நகைகளை அடகு வைத்து பணம் பெறுகிறார்கள். கூட்டுறவு வங்கிகளைவிட இந்த அடகுக் கடைகளில் வட்டி விகிதம் மிகமிக அதிகமாகும். குறைந்தபட்சமாக 24% வட்டிக்கு மார்வாடிகள் கடன் வழங்குகிறார்கள்.
இப்போது தமிழகத்தில் ஆழமாகவும், விரிவாகவும் காலூன்றியுள்ள கேரள நிதி நிறுவனங்கள் பத்திரிகைகள், தொலைக்காட்சிகள் மூலம் பகட்டான விளம்பரங்களைச் செய்து, மக்களைக் கவர்ந்துள்ளன. வாடிக்கையாளர்களின் அவசரக் கடன் தேவையை சில நிமிடங்களில் பூர்த்தி செய்து நகைகளின் பேரில் கடன் தருகின்றனர். மேலும், இந்த நிறுவனங்கள் வேறு யாரும் தராத அளவிற்கு அடமான நகைகளுக்கு அதிகப்பட்சக் கடன் வழங்குகின்றனர்.
சென்னையில் ஒரு சவரன் தங்க நகையின் விலை 21 ஆயிரம் ரூபாயாக இருக்கும் வேளையில் இந்நிறுவனங்கள் ஒரு சவரனுக்கு 17 முதல் 18 ஆயிரம் ரூபாய் வரை கடன் தருகின்றன. இக்கடனுக்கு 12% முதல் 24%வரை வட்டி விகிதங்கள் வசூலிக்கப்படுகின்றன. மாதந்தோறும் வட்டியை ஒழுங்காகக் கட்டாவிட்டால் 2 சதவீதம் அபராதத் தொகை விதிக்கப்படுகிறது. வட்டி விகிதமும் உயர்த்தப்படும். ஆனால் நகைக்கடன் பெற்றோரில் பெரும்பாலோர் ஒழுங்காக வட்டிசெலுத்த முடிவதில்லை. இதன் விளைவாக வட்டியும் அபராதமும் உயர்ந்து நகையை மீட்க முடியாத நிலை ஏற்பட்டு விடுகிறது.
அதனால், அடகு வைக்கப்பட்ட நகைகள் இந்த நிறுவனங்களுக்குச் சொந்தமாகிவிடுகின்றன. அடகு வைக்கப்பட்ட 15வது மாதத்தில் நகைகளை ஏலம் விடுவது என்ற பெயரில் தங்களுக்கு வேண்டிய ஆட்கள் மூலம் இந்த நிறுவனங்களே ஏலத்தில் எடுத்து விடுகின்றன. இந்த வகையில் தமிழக மக்களின் பல ஆயிரம் கோடி ரூபாய் மதிப்புள்ள தங்க நகைகள் கேரள நிறுவனங்களுக்குச் சொந்தமாகிவிடுகின்றன. கேரள நிறுவனங்களின் இந்த நகைக்கொள்ளையைத் தடுத்து நிறுத்த அரசு முன்வரவேண்டும்.

படரும் பாசிச சர்வாதிகாரம்! - பழ. நெடுமாறன்

noreply@blogger.com (மகேந்திரன் எட்டப்பராசன்) — Mon, 07 Nov 2011 06:28:00 +0000

லிபியாவின் சர்வாதிகாரியாக 42 ஆண்டுகள் கோலோச்சிய கடாபி படு கொலை செய்யப்பட்டு, அந்நாட்டில் புரட்சிக்காரர்களின் கை ஓங்கியிருக் கிறது. லிபியாவில் மட்டுமல்ல மத்திய கிழக்கு நாடுகளில் சர்வாதிகாரிகளுக்கு எதிராக மக்கள் கிளர்ச்சிகள் வெடித்துக் கிளம்பிய வண்ணம் உள்ளன. சர்வாதி காரத்திற்கு எதிரான மக்களின் போராட் டங்களுக்குப் பின்னணியில் அமெரிக்கா வின் கைவரிசையும் இருக்கிறது என்ற குற்றச்சாட்டில் உண்மை இல்லாமல் இல்லை. இந்நாட்டில் உள்ள எண்ணெய் வளங்களைக் குறிவைத்து அமெரிக்கா வும் இப்போராட்டங்களை ஊக்குவிக் கிறது. ஆனாலும் சர்வாதிகாரிகளின் இரத்த வெறிபிடித்த ஊழல்மயமான ஆட்சிக்கெதிராக மக்கள் கிளர்ந் தெழுந்து போராடுகிறார்கள் என்பது அதைவிட மகத்தான உண்மையாகும்.

எகிப்தில் அதிபர் முபாரக்கின் ஆட்சிக்கு எதிராக மக்கள் போராட்டம் நடந்து அதன் விளைவாக அவர் பதவியிலிருந்து இறக்கப்பட்டார். சிரியாவிலும் அதிபர் பசார்-அல்- ஆசாத், ஏமன் அதிபர் அலி அப்துல்லா சலே ஆகியோருக்கு எதிராக மக்கள் போராட்டம் தொடர்ந்து நடைபெற்றுக் கொண்டிருக்கிறது. விரைவில் இவர் களின் ஆட்சிகளும் முடிவுக்கு வரும் காலம் நெருங்கிக்கொண்டிருக்கிறது.
உகாண்டா அதிபர் இடிஅமீன், காங்கோ அதிபர் முபுடு செட்கோ, யுகோஸ்லேவிய அதிபர் ஸ்லோபோடன் மிலோசெவிக், பிலிப்பைன்சு அதிபர் பெர்டினான்டு மார்கோஸ் போன்ற பல சர்வாதிகாரிகளின் ஆட்சிகள் மக்களால் ஏற்கெனவே வீழ்த்தப்பட்டுள்ளன.
சர்வாதிகாரிகளின் ஆட்சிகளில் முதலில் பலியாவது சனநாயகம்தான். அது மட்டுமல்ல சர்வாதிகாரமும் ஊழ லும் ஒட்டிப்பிறந்த சகோதரப் பிறவிகள்.

பிரான்சில் 14ஆம் லூயி மன்னரின் கொடுங்கோல் ஆட்சிக்கு எதிராக பிரெஞ்சுப் புரட்சி வெடித்தது. மன்னன் மற்றும் அரசியின் தலைகள் கில்லட்டி னில் வெட்டப்பட்டன. ஆனால் மன்னர் ஆட்சியை வீழ்த்திய பிறகு உண்மை யான சனநாயக ஆட்சி மலரவில்லை. இதன் விளைவாக நாட்டில் பெரும் குழப்பமும் கொந்தளிப்பும் மூண்டன. இதன் விளைவாக நெப்போலியன் என்ற சர்வாதிகாரி தோன்றி ஆட்சியைக் கைப்பற்றினார். தொடர்ந்து பல போர் களை பிரான்சு மட்டுமல்ல ஐரோப்பாவே சந்திக்க நேர்ந்தது. பேரழிவு தொடர்ந்தது.

இரஷ்யாவில் ஜார் மன்னனின் கொடுங்கோல் ஆட்சிக்கு எதிராக லெனின் தலைமையில் புரட்சி வெடித் தது. இந்தப் புரட்சி உலகத்தையே புரட்டிப்போட்டு திருத்தியமைக்கப் போகும் புரட்சி எனக்கருதிய பாரதி இதை யுகப்புரட்சி என வருணித்தான். பிரஞ்சுப் புரட்சியின் பாடத்தை நன்கு உணர்ந்திருந்த லெனின் மக்களின் துயரம் துடைப்பதில் முழு கவனம் செலுத்தி மக்களாட்சியை மலரச்செய்தார். அவர் ஒரு போதும் சர்வாதிகாரியாக விரும்பியதுமில்லை. எண்ணிப் பார்த்தது மில்லை.
ஏகாதிபத்திய ஆட்சிகளையோ மன்னர் ஆட்சிகளையோ எதிர்த்துப் போராட சனநாயக ரீதியில் மக்களைத் திரட்டி அப்போராட்டத்திற்குத் தலைமை தாங்குபவர்கள் போராட்டத்தில் வெற்றி பெற்றவுடன் மக்களால் ஆட்சிப் பொறுப் பில் அமர்த்தப்படுகிறார்கள். ஆனால் அவர்கள் பதவி போதையில் மக்களை மறந்து மதோன்மத்தர்களாக மாறுகிறார் கள். இவர்கள் தொடங்கிய கட்சிகளில் சனநாயகம் சாகடிக்கப்படுகிறது. சர்வாதி காரம் தலை தூக்குகிறது. அதன் தொடர்ச்சியாக ஆட்சியிலும் சர்வாதி காரம் படர்கிறது.

ஜெர்மனியில் இட்லரின் நாஜிக் கட்சியில் சனநாயகம் மருந்துக்குக்கூட இருந்ததில்லை. எனவே இட்லர் ஆட்சி பீடம் ஏறியபோது சர்வாதிகாரியானார். விளைவு. உலகப் போர் மூண்டது. அப்போரில் ஜெர்மனியும் அழிந்தது. ஐரோப்பா சுடுகாடாயிற்று.
அதே காலக்கட்டத்தில் இத்தாலியில் முசோலினியின் ஃபாசிச ஆட்சி ஏற்பட்டது. அந்த மக்களுக்கும் அதே கதிதான் நேர்ந்தது.
இட்லர், முசோலினி ஆகியோ ரைத் தங்களது வழிகாட்டிகளாகக் கொண்டு கடாபி போன்றவர்கள் இயங்கினார்கள். தங்களின் வழிகாட்டி களைப் போலவே இவர்களும் தங்கள் மக்களைச் சொல்லொண்ணாத துன்பங் களுக்கு ஆளாக்கிவிட்டுத் தாங்களும் இரத்தக் களரியில் சிக்கி உயிரிழந்தார்கள். வரலாறு கற்பித்த இந்தப் பாடத்தை மறந்தவர்கள் அதற்குரிய தண்டனையை அடைந்தார்கள்.
ஏகாதிபத்திய ஆட்சிகளிலிருந்து விடுதலை பெறப், போராடிய பல தலை வர்கள், தங்களுடைய நாடுகள் விடுதலை பெற்ற பிறகு சனநாயகத்தை நிலை நிறுத்தவும் பாடுபட்டார்கள். சுதந்திர இந்தியாவின் முதலாவது பிரதமரான ஜவஹர்லால் நேரு 17 ஆண்டுகாலம் அந்தப் பதவியில் யாராலும் அசைக்க முடியாதபடி வீற்றிருந்தார். மக்கள் அவர் மீது அன்பு மழை பொழிந்தனர். அவர் விரும்பியிருந்தால் சர்வாதிகாரியாகி யிருக்க முடியும். ஆனால் அவருக்கு நாடாளுமன்ற சனநாயகத்தில் அளவு கடந்த நம்பிக்கை இருந்தது. அதன் விளைவாக இந்தியாவில் சனநாயகம் ஆழமாக வேரூன்றியது.

நேருவின் சமகாலத்தில் வாழ்ந்த இந்தோனேசிய அதிபர் சுகர்ணோ போன்றவர்கள் தங்கள் நாட்டின் விடுதலைப் போராட்டத்திற்குத் தலைமை தாங்கி நடத்தியபோதிலும், சனநாயகத் தில் நாட்டம் கொள்ளவில்லை. இந்தோ னேசியாவின் அரசியல் சட்டம் உரு வாக்கப்பட்டபோது சுகர்ணோ உயிருள்ள வரை அவர்தான் அந்நாட்டின் அதிபர் என்பது சட்டமாக்கப்பட்டது. அத்தகைய நிலை இந்தியாவில் தனது காலத்தில் வந்துவிடக்கூடாது என்பதில் நேரு மிக எச்சரிக்கையாகவும், கவனமாகவும் இருந்தார்.

ஆனால், அவருக்குப் பிறகு அவரது மகள் இந்திரா பிரதமர் ஆன பிறகு சர்வாதிகாரப் போக்கு தலைதூக்கி மெல்லமெல்ல வளர்ந்தது. தனது விருப் பத்திற்கு வளைந்துகொடுக்க மூத்த தலைவர்கள் மறுத்த காரணத்தினால் காங்கிரஸ் கட்சியையே இரண்டாக உடைக்கவும் இந்திரா தயங்கவில்லை. இந்திராவின் தலைமையில் காங்கிரஸ் கட்சி சர்வாதிகாரத்திலும் வாரிசு உரிமை யிலும் கட்டுண்டது. இன்னமும் அதிலிருந்து அக்கட்சியால் மீளமுடிய வில்லை.

தனது ஆட்சியின் மீதான எதிர்க் கட்சியினரின் விமர்சனங்களைக் கண்டு வெகுண்ட இந்திரா 1975ஆம் ஆண்டில் அவசர நிலையை முதன்முதலாகக் சுதந் திர இந்தியாவில் கொண்டு வந்து, முழு மையான சர்வாதிகாரியானார். ஆனால் ஜெயப்பிரகாசு நாராயண் தலைமையில் மக்கள் போராட்டம் வெடித்து சர்வாதி காரத்தை முளையிலேயே கிள்ளி யெறிந்தது. மீண்டும் சனநாயகம் தழைத்தது. இந்திராவும் தனது தவறை உணர்ந்து மக்களிடம் பகிரங்கமாக மன்னிப்புக் கோரினார்.
ஆனாலும், காங்கிரஸ் கட்சிக்குள் இந்திராவினால் அழிக்கப்பட்ட சனநாயகம் மீண்டும் எழமுடியவில்லை. சன நாயக ரீதியில் அந்தக் கட்சி இயங்கவும் முடியவில்லை. இந்திராவுக்குப் பிறகு சனநாயக ரீதியில் ஒரு தலைவரைத் தேர்ந்தெடுக்க காங்கிரஸ் கட்சியினால் முடியவில்லை. அரசியலில் அனுப வமோ, ஆட்சித்திறமையோ சிறிதும் இல்லாத இராசீவ் காந்தி, இந்திராவின் மகன் என்ற ஒரே காரணத்திற்காக பிரத மராக வந்தார். கட்சித் தலைவராகவும் பதவியேற்றார். அவருக்குப் பின் அரசி யலுக்கு கொஞ்சமும் சம்பந்தமில்லாமல் போனாலும் அவரின் மனைவி என்ற ஒரே தகுதியினால் சோனியா காங்கிரஸ் தலைவரானார். அவரைத் தொடர்ந்து வாரிசாக ராகுல் உருவாகிக்கொண்டிருக் கிறார். தியாகப் பாரம்பரியம் மிக்க தலை வர்கள் வகித்த காங்கிரஸ் தலைமைப் பதவியின் மாண்பு சீர்குலைக்கப் பட்டுவிட்டது.
இதன் விளைவாக பல கட்சிகளி லும் உட்கட்சி சனநாயகம் சாகடிக்கப்பட்டு சர்வாதிகாரத் தலைமையும் வாரிசு அரசியல் உரிமையும் பரவிவிட்டன. பல கட்சிகள் சில குடும்பங்களின் கட்டுப் பாட்டுக்குள் இன்னமும் திணறுகின்றன.

ஆனாலும் அந்தந்தக் கட்சிக்குள் இது ஏன் என்றோ, இது கூடாது என்றோ குரல் எழுப்ப யாரும் இல்லாமல் அனைவருமே ஆமைகளாய், ஊமை களாய் அடங்கிக் கிடக்கின்றனர். சனநாயகத்திற்கு இது பெரும் கேடாகும்.
அரசியல் கட்சிகளிடையே பரவிவிட்ட சர்வாதிகாரப் போக்கின் விளைவாக, நாட்டில் ஃபாசிசம் படர்ந்துள்ளது. இந்தப் போக்கு முடிவில் ஆட்சியிலும் சர்வாதிகாரம் நிலைபெறுவதற்கு வழி வகுத்துவிடும் என்பதில் ஐயமில்லை.

ஆசியாவில் மிகப்பெரிய சன நாயக நாடாக இந்தியாவை உலகம் கருதுகிறது. ஆனால், இங்கு சனநாயகத்திற்கு நேர்ந்துவிட்ட ஊனம் உலகிற்கு இன்னும் தெரியவில்லை. கட்சிகளில் குடிகொண்டுவிட்ட சர்வாதிகாரப் போக்கின் விளைவாக சனநாயகத்தின் குரல் வளையை நெறிப்பதற்கான ஒடுக்குமுறைச் சட்டங்கள் பெரும் பாலான கட்சிகளின் ஆதரவுடன் கொண்டுவரப்பட்டு மக்களுக்கு எதி ராகப் பயன்படுத்தப்படுகின்றன. உரிமைகள் கோரி மக்கள் நடத்தும் போராட்டங்கள் ஈவு இரக்கம் இல்லாமல் ஒடுக்கப்படுகின்றன.
சர்வாதிகாரச் சாயல் படிந்துவிட்ட ஆட்சியில் பதவியில் இருப்போர்கள் கொஞ்சமும் அஞ்சாமல் பெரும் ஊழல் களில் துணிவாக ஈடுபட்டு வருகின்ற னர். தங்களை யாரும் எதுவும் கேட்க முடியாது எனக் கருதி நாட்டின் வளங்களைச் சூறையாடுகின்றனர்.
கடாபியும், இடி அமீனும், மிலோ சேவிக்கும், மார்கோசும் மக்களை மதியாத போக்கில் செயல்பட்டு நாட் டையே ஊழல் காடாக்கினார்கள். பொறுத்துப் பொறுத்துப் பார்த்த மக்கள் கொதித்தெழுந்ததின் விளைவாக இந்த சர்வாதிகாரிகள் வீழ்ந்தனர்.

ஏற்கனவே இந்தியாவைச் சுற்றி யுள்ள பல நாடுகளில் சனநாயகம் அழிந்து, சர்வாதிகாரம் தலைவிரித்தாடு கிறது. பாகிஸ்தானில் நீண்ட காலமாக இராணுவ சர்வாதிகார ஆட்சி நீடித்தது. அண்மையில்தான் மக்கள் போராட்டத் தின் விளைவாக ஓரளவு சனநாயக ஆட்சி மலர்ந்தாலும், இராணுவத்தின் கை ஓங்கியே உள்ளது. மற்றொரு அண்டை நாடான பர்மாவில் சனநாயக ஆட்சி வீழ்த்தப்பட்டு இராணுவ சர்வாதிகார ஆட்சி ஏற்பட்டு நெடுங்காலமாகிறது. இலங்கையில் இனப்படுகொலை செய் யும் சர்வாதிகார ஆட்சி வெறிக்கூத்தாடு கிறது. உலகக் கண்டனத்தைக் கண்டு அது கொஞ்சமும் கூசியதாகவோ அஞ்சியதாகவோ தெரியவில்லை. இந்த சர்வாதிகார ஆட்சிகளுடன் இந்திய அரசும் கூடிக்குலவுகிறது.

அந்நிய ஆட்சிலிருந்து இந்த நாடு விடுதலை பெற உயிர்த்தியாகம் செய்து இரத்தம் சிந்திப் போராடிய தியாகத் தலைவர்கள் தங்களின் செந்நீரைச் சிந்தி சனநாயகப் பயிரையும் வளர்த்தனர். ஆனால் இன்று சனநாயகப் பயிர் கொஞ்சம் கொஞ்சமாகக் கருகிக் கொண்டிருப்பதை நாம் பார்க்கிறோம்.

சனநாயகம் அழிந்து சர்வாதிகாரம் தலைதூக்குமானால் லிபியா போன்ற நாடுகளில் 40 ஆண்டுகளுக்கு மேலாக அந்த மக்கள் சொல்லொண் ணாத கொடுமைகளுக்கும் துன்பங் களுக்கும் ஆளாகி நலிந்த நிலை இந்தியாவிலும் ஏற்படும் என்பதை எண்ணிப் பார்த்து சர்வாதிகாரப் போக்கு நாட்டிலும், கட்சிகளிலும் தலைதூக்கு வதை முளையிலேயே கிள்ளியெறிய மக்கள் முன்வரவேண்டும்.

நன்றி : "தினமணி'

கூடங்குளம் போராட்டத்திற்கு ஆதரவாக நவம்பர் 5இல் ஆர்ப்பாட்டம் - பழ. நெடுமாறன்‏

noreply@blogger.com (மகேந்திரன் எட்டப்பராசன்) — Thu, 03 Nov 2011 10:14:00 +0000

கூடங்குளம் மக்கள் போராட்டத்திற்கு ஆதரவாக நவம்பர் 5இல் ஆர்ப்பாட்டம்
பழ. நெடுமாறன் வேண்டுகோள்
மக்கள் உரிமைக் கூட்டமைப்பின் அமைப்பாளர்
பழ. நெடுமாறன் விடுத்துள்ள அறிக்கை :
அணுமின் உலைக்கு எதிராக கூடங்குளம் மக்கள் தொடர்ந்து நடத்திவரும் போராட்டத்திற்கு ஆதரவு தெரிவிக்கும் வகையில் நவம்பர் 5ஆம் தேதி சனிக்கிழமை அன்று தென் மாவட்டங்களின் தலைநகரங்களில் ஆர்ப்பாட்டங்கள் நடத்துவது என முடிவு செய்யப்பட்டுள்ளது. இந்த ஆர்ப்பாட்டத்தில் அனைத்துக் கட்சிகள், அனைத்துத் தமிழர் தேசிய அமைப்புகள், அனைத்து மனித உரிமை அமைப்புகள், ஒடுக்கப்பட்டோர் அமைப்புகள் உள்பட அனைவரும் எத்தகைய வேறுபாடும் இல்லாமல் கலந்துகொள்ள வேண்டுகிறேன்.
கூடங்குளத்திற்கு அருகே உள்ள இடிந்தகரையில் ம.தி.மு.க. பொதுச்செயலாளர் வைகோ தலைமையில் அதே நாளில் மாபெரும் உண்ணா விரதப் போராட்டம் நடைபெறும். மற்ற இடங்களில் ஆர்ப்பாட்டங்கள் நடத்தப்படும்.
கூடங்குளம் அணு உலையில் விபத்து ஏற்பட்டால் அந்தப் பகுதி மக்கள் மட்டுமல்ல தென் மாவட்டங்களில் வாழும் பெரும் பகுதி மக்களும் பாதிப்புக்குள்ளாவார்கள் என்பதை நினைவில் கொண்டு கூடங்குளம் மக்களின் போராட்டத்திற்கு ஆதரவாக அணி திரளும்படி அனைவரையும் வேண்டிக்கொள்கிறேன்.
இப்படிக்கு

பழ.நெடுமாறன்
(அமைப்பாளர்)

'ராஜீவ் கொலையில் மர்ம முடிச்சுகள்'' பழ. நெடுமாறன் நேர்காணல்

noreply@blogger.com (மகேந்திரன் எட்டப்பராசன்) — Sun, 23 Oct 2011 18:38:00 +0000

பேரறிவாளன், முருகன், சாந்தன் ஆகியோரின் தூக்குத் தண்டனை நிறுத்தி வைப்புக்கு அய்யா பழ.நெடுமாறன் தலைமையில் எடுத்த முயற்சிக்கும், இந்த வரலாற்றுச் சாதனைக்கும் நம் வாழ்வு சார்பில் நன்றி தெரிவிக்கப்பட்ட நிலையில் ராஜீவ்காந்தி படுகொலையில் இன்னும் அவிழாத மர்ம முடிச்சுகள் பற்றி அவர் வழங்கிய சிறப்பு பேட்டி.

பேரறிவாளன், முருகன், சாந்தன் ஆகியோரின் தூக்குத் தண்டனைக்கு இடைக்காலத் தடை கொடுக்கப்பட்டுள்ள நிலையில் அவர்களின் தூக்குத் தண்டனை ரத்தாகுமா?

சென்னை உயர்நீதி மன்றத்தில் நாங்கள் வழக்குத் தொடர்ந்திருந்தோம். இந்த மூவரின் தூக்குத் தண்டனையை உறுதி செய்து ஏறக்குறைய 11 ஆண்டு காலமாகிவிட்டது. ஏற்கெனவே உச்சநீதிமன்றத்தில் சில தீர்ப்புகள் வழங்கப்பட்டிருக்கின்றன. தீர்ப்புத் தண்டனை உறுதி செய்யப்பட்டு இரண்டு ஆண்டுகள் கடந்த பிறகு காலதாமதமானால் அது நிறைவேற்றப்படக்கூடாது என்று உச்ச நீதிமன்றமே தீர்ப்பளித்திருக்கின்றது. இவர்கள் விசயத்தில் ஏறக்குறைய 11 ஆண்டுகள் ஆகிவிட்டன. தூக்குத் தண்டனை என்பது சில நொடிப்பொழுதில் உயிர் போய்விடும். ஆனால் 11 ஆண்டு காலம் இந்த மூவரும் தூக்கு மரத்தின் நிழலில் ஒவ்வொரு நொடிப்பொழுதும் துடிதுடித்து வாழ்ந்திருக்கிறார்கள். இதுவே இவர்களுக்கு மிகப்பெரிய தண்டனை. இதற்குமேல் ஒரு தண்டனை என்பது இயற்கை நீதிக்கு எதிரானது.
இரண்டாவது, அவர்கள் கைது செய்யப்பட்டு இருபது ஆண்டுகள் ஆகிவிட்டன. ஆயுள் தண்டனை என்றாலும் கூட அது பத்து ஆண்டுகள்தான். இதற்கு மேலும் இன்னொரு தண்டனை என்பது ஒரே குற்றத்திற்கு இரண்டு தண்டனை என்றாகிவிடும். ஆகவே இது கூடாது என்பதுதான் எங்கள் வாதம். தற்போது எட்டு வாரத்திற்கு இடைக்காலத் தடை கிடைத்துள்ளது. எட்டு வாரம் கழித்து மீண்டும் விசாரணை நடக்கும்போது அவர்களின் தூக்குத் தண்டனை ரத்து செய்யப்படும் என்ற நம்பிக்கையுடன் காத்திருக்கிறோம்.
கடந்த 11 ஆண்டுகளாக இவர்களின் கருணை மனுவைக் கண்டு கொள்ளாத குடியரசுத் தலைவர் திடீரென்று தள்ளுபடி செய்திருப்பதில் இலங்கையின் குறுக்கீடு எதுவும் இருப்பதாக நம்புகிறீர்களா?
இதில் இலங்கையின் குறுக்கீடு எதுவுமில்லை. நாடாளுமன்ற தாக்குதல் வழக்கில் மரண தண்டனை விதிக்கப்பட்ட அப்சல் குருவின் மரண தண்டனையை ஏன் நிறுத்தி வைத்திருக்கிறீர்கள் என்று கேட்டு பி.ஜே.பி. கட்சியின் சார்பில் ஒரு மனுவை உச்ச நீதிமன்றத்தில் தாக்கல் செய்தபோது, அதன் விளைவாக அதற்கு முன்னால் தூக்குத் தண்டனை பெற்ற அனைவரின் மனுக்களையும் எடுத்து முடிவு செய்ய வேண்டிய அவசியம் மத்திய அரசுக்கு வந்துவிட்டது. அதன் விளைவாகத்தான் இந்த நிலை ஏற்பட்டது. ஆனால், அப்சல் குரு உட்பட அனைவரின் தூக்குத் தண்டனையையும் நாங்கள் ரத்து செய்கிறோம் என்று குடியரசு தலைவருக்கு மத்திய அரசு பரிந்துரை செய்திருக்க வேண்டும். இந்த அரசுக்கு அந்தத் துணிவும் இல்லை. ஏனென்றால் மகாத்மா காந்தியை தேசத் தந்தையாகப் பெற்ற நாடு இந்த நாடு. அவர் ஒருவேளை உயிரோடு இருந்திருந்தால் இந்தத் தூக்குத் தண்டனைக்கு எதிராகக் குரல் கொடுத்திருப்பார் என்பதில் சந்தேகம் இல்லை.

ராஜீவ் காந்தி படுகொலையில் உண்மைக் குற்றவாளிகள் உல்லாசமாக உலவுகிறார்கள் என்று கூறப்படுகின்றதே?

ராஜீவ் காந்தி படுகொலைக்கான விசாரணையைத் தொடங்குவதற்கு முன்னரே "விடுதலைப் புலிகள்தான் இதைச் செய்தார்கள்' என்று அறிவித்துவிட்டுத்தான் புலன் விசாரணையைத் தொடங்கினார்கள். அதற்கு ஏற்றவாறு அவர்கள் வழக்கை ஜோடித்தார்கள். இந்தக் கொலை நடந்த மூன்றாம் நாள், விடுதலைப் புலிகளின் சர்வதேச செயலகத்தின் எழுத்தாளராக இருந்த கிட்டு இலண்டனிலிருந்து "இந்தக் கொலைக்கும் எங்களுக்கும் எந்தத் தொடர்பும் இல்லை' என்றும், "உண்மையான கொலையாளிகள் பற்றி எங்களிடமும் சில தகவல்கள் உள்ளன. இந்திய அரசு என்னை அணுகினால் அவற்றையெல்லாம் கொடுப்பதற்கு நான் தயாராக இருக்கின்றேன்' என்றும் பகிரங்கமாகவே அறிக்கை கொடுத்தார். பத்திரிகைகளில் எல்லாம் இது வந்திருக்கின்றது. ஆனாலும் இந்திய அரசு சார்பில் அவரை அணுகவே இல்லை.
இரண்டாவதாக, இந்தக் கொலை குறித்து விசாரணை நடத்துவதற்கு ஓர் உயர் போலிஸ் அதிகாரி இலண்டனுக்குப் போனார். அங்கு சில ஆவணங்கள் அவருக்குக் கிடைத்தன. அவைகளும் பத்திரிக்கையில் வந்தன. ஆனால், இலண்டன் விமான நிலையத்தில் அவர் வைத்திருந்த அந்த ஆவணங்கள் அடங்கிய சூட்கேசை யாரோ திருடிக் கொண்டு போய்விட்டார்கள் என்று அறிவித்துவிட்டார். இது பலமான சந்தேகத்தை எழுப்புகிறது. இந்த வழக்கில் 26 பேரில் ஒருவராகக் குற்றம் சாட்டப்பட்ட பெங்களூரைச் சார்ந்த ரெங்கநாத் என்பவர் சிவராஜனுக்கு வாடகைக்கு வீடு பார்த்துக் கொடுத்தார் என்பதுதான் அவர் மீதான முதல் குற்றச்சாட்டு, அவரை அழைத்துக்கொண்டு சிவராஜன் டெல்லிக்குப் போயிருக்கிறார். இவரை வெளியே உட்கார வைத்துவிட்டு சந்திராசாமியைப் பார்த்திருக்கிறார். ஒரு தடவை அல்ல. இரண்டு தடவை. உள்ளே சந்திராசாமியுடன் என்ன பேசினார் என்பது எனக்குத் தெரியாது என்றும் ரெங்கநாத் சொல்லியிருக்கிறார்.
ஆனால், சந்திராசாமியைச் சந்தித்தது உண்மை என்று ரெங்கநாத் சொன்னபோது புலன் விசாரணை அதிகாரிகள் அதனைப் பதிவு செய்யாமல் அவரை சித்திரவதை செய்தார்கள். "இதை நீ வெளியே சொன்னால் உன் உயிர் போய்விடும்' என்று அவரை அடக்கிவிட்டார்கள். பின்னர் அதை அவர் உச்சநீதிமன்றத்தில் ஒரு வாக்குமூலமாக தாக்கல் செய்தார். ஆனால் இன்று வரை சந்திராசாமியை விசாரிக்கவே இல்லை. அவரைக் கைது செய்ய வேண்டும் என்று நான் சொல்லவில்லை. ஆனால், அவர்மீது குற்றச்சாட்டு எழுப்பப்பட்டபோது குறைந்தபட்சம் அவர் விசாரிக்கப்பட்டிருக்க வேண்டும். சந்திராசாமியும், சுப்ரமணியசாமியும் இதில் தொடர்புடையவர்கள் என ஒருவர் அல்ல, பல பேர் குற்றம் சாற்றி விட்டார்கள். ஆனால் இதுவரை நடக்கவில்லை. சந்திராசாமியின் சீடர்தான் முன்னாள் பிரதமர் நரசிம்மராவ், ஆகையால் ராஜீவ் கொலையால் ஆதாயம் அடையக்கூடியவர்கள் யாரோ, அவர்கள்தான் இதைச் செய்திருக்க வேண்டும். அப்படியானால் ஆதாயம் அடைந்தது யார்? இந்தக் கோணத்தில் புலன் விசாரணை அதிகாரிகள் விசாரிக்கவே மறுத்துவிட்டார்கள். ராஜீவ் கொலை யால் உடனடியாக ஆதாயம் அடைந்தவர் பி.வி. நரசிம்மராவ். இவர் பிரதமரான பிறகு சந்திராசாமி சம்பந்தமான கோப்புகள் திடீரென்று மாயமாகிவிட்டன. அந்தக் கோப்புகள் எங்கே போய்விட்டன என்று இதுவரைக்கும் விசாரிக்கவில்லை.

ஜெயின் கமிஷன் அறிக்கை அமைக்கப்பட்டதன் நோக்கம்தான் என்ன?

ராஜீவ் கொலையில் சில மர்ம முடிச்சுகள் உள்ளன. அதை அவிழ்ப்பதற்காகத்தான் ஜெயின் கமிசன் அமைக்கப்பட்டது. இந்தக் கமிசன் தனது விசாரணையின் முடிவில், இன்னும் சில பேரை சி.பி.ஐ. விசாரிக்கத் தவறிவிட்டது என்றும், எல்லோரையும் இதில் விசாரிக்க வேண்டும் என்றும் கூறியது. ஜெயின் கமிசனின் ஆணைக்கிணங்க ஒரு சிறப்பு புலன் விசாரணைக்குழு இந்திய அரசினால் அமைக்கப்பட்டது. அந்த விசாரணைக் குழு இந்தப் படுகொலை நடந்து இத்தனை ஆண்டுகள் கழிந்தும் இன்னமும் விசாரணையை நடத்திக் கொண்டே இருக்கிறது. இதையும் எங்கள் வாதத்தில் கேட்கிறோம். சிறப்புப் புலன் விசாரணைக் குழுவில் வேறு யாரோ சிலர் குற்றவாளிகள் என்று கண்டுபிடிக்கப்பட்டால், இந்த மூவரையும் தூக்கில் போட்டுவிட்ட நிலையில் இவர்களின் உயிரைத் திருப்பித் தர முடியுமா? எனவே, அந்த விசாரணைக் குழு முடிவு வெளிவரும்வரை இதனை நிறுத்தி வையுங்கள் என்று நாங்கள் வாதாடி வருகிறோம்.

ராஜீவ் காந்தியின் கொலையில் அந்நிய சக்திகளின் தலையீடு உள்ளது என்று நம்பலாமா?

நிச்சயமாக உள்ளது. பாலஸ்தீன விடுதலை இயக்கத்தின் தலைவர் யாசர் அராபத் ராஜீவ் காந்திக்கு இறுதி அஞ்சலி செலுத்துவதற்காக இந்தியாவிற்கு வந்தபோது டெல்லி பத்திரிகையாளர்களிடத்தில் "சில அந்நிய சக்திகள் உங்களை ஒழித்துக்கட்ட திட்டமிட்டுள்ளதால் நீங்கள் ஜாக்கிரதையாக இருங்கள் என்று நான் பத்து பதினைந்து நாட்களுக்கு முன்பே ராஜீவ் காந்தியை எச்சரித்தேன். ஆனால், என்னுடைய எச்சரிக்கையை அவர் கவனத்தில் எடுக்காமல் போனதால்தான் இந்தப் படுகொலை நிகழ்ந்துள்ளது' என்ற உண்மையைச் சொன்னார். இப்படிச் சொன்ன யாசர் அராபாத் பெரிய தலைவர் மட்டுமன்றி ஒரு நாட்டின் அதிபர். சி.பி.ஐ. அவரைச் சந்தித்து அந்த அந்நிய சக்திகள் யார் என்பதை விசாரித்திருக்க வேண்டுமா, வேண்டாமா? ஆனால் அதை செய்ய தவறிவிட்டனர்.
இன்னொன்று, பிரேமதாசா மேல் ஒரு குற்றச்சாட்டை வைக்கிறேன். பிரேமதாசா குடியரசுத் தலைவராக வந்தபின் இந்திய அமைதிப் படையைத் திரும்ப அழைத்துக்கொள்ள வேண்டும் என்று எச்சரிக்கை விடுத்தார். ஆனால் ராஜீவ் காந்தி அதனை ஏற்கவில்லை. ஆகவே இந்த இரண்டு பேருக்கும் ஓர் உரசல் இருந்தது. ஒருவேளை ராஜீவ் காந்தி இந்தத் தேர்தலில் வெற்றி பெற்று பிரதமராகிவிட்டால் அவர் இந்திய அமைதிப் படையை ஒருபோதும் திரும்பப் பெறமாட்டார். நமக்குத் தொந்தரவு கொடுப்பார் என்ற அச்சத்தின் விளைவாக ராஜீவ் படுகொலை நிகழ்ந்திருக்குமோ என்ற சந்தேகமும் இந்தக் கொலைக்குப் பின்னால் இருக்கிறது. ஆகவே, இதனை எல்லாம் தீர்க்கமாக விசாரிக்க வேண்டியது புலன் விசாரணைக் குழுவின் கடமை. ஆனால் இதையெல்லாம் அவர்கள் விசாரிக்கவே இல்லை. ராஜீவ் கொலை நடப்பதற்கு சில நாட்களுக்கு முன்பு பிரேமதாசா படுகொலை செய்யப்பட்டார். அப்படியானால் பிரேமதாசாவின் படுகொலையில் இந்திய உளவுத்துறையின் கை இருக்கிறது என்ற சந்தேகமும் இருக்கிறது. ஆனால் இதையெல்லாம் விசாரிக்காமல் திரும்பத் திரும்ப விடுதலைப் புலிகள் மேல்தான் பழி சுமத்தப்படுகிறது.

இந்திரா காந்தியின் படுகொலைக்குப் பின்பு ஏற்பட்ட சீக்கியர்களுக்கு எதிரான கலவரத்தின்போது, "ஒரு பெரிய மரம் வீழ்கின்றபோது அதைச் சுற்றியுள்ள நிலம் அதிர்வது இயற்கையே' என்று ராஜீவ் காந்தி கருத்து சொன்னார். இம்மாதிரியான மனநிலையில்தான் ஈழத் தமிழர் படுகொலை விசயத்திலும் காங்கிரசார் நடந்து கொள்கிறார்களா?

காங்கிரசாரைப் பொறுத்தமட்டில் உண்மையை அறிந்து கொள்வதைவிட பக்தி விசுவாசத்தைக் காட்டுவதுதான் அவர்களுக்கு மிக முக்கியம். இந்திரா காந்தி, ராஜீவ் காந்தி மீது தங்கள் விசுவாசத்தைக் காட்டிக் கொள்வதற்காக அவர்கள் எதையாவது பேசுவார்கள். ராஜீவ் காந்தி கொலை இருக்கட்டும். அது முழுமையாக விசாரிக்கப்பட வேண்டிய விசயம். ஆனால், இந்திய அமைதிப்படையை இலங்கைக்கு அனுப்பி 7000 அப்பாவித் தமிழர்களைப் படுகொலை செய்தது பற்றி இந்தக் காங்கிரஸ்காரர்கள் யாராவது கவலைப்படுகிறார்களா? நிச்சயம் கவலைப்பட மாட்டார்கள். மேலும் இந்தப் படுகொலை விசயம் இவர்களுக்குத் தெரிந்திருக்குமா என்பதும் சந்தேகமே! குதிரைக்குக் கடிவாளம் போட்டது போன்று அவர்கள் இரு விழிகளையும் மூடிக்கொண்டு, உண்மையைப் பார்க்கவோ அல்லது அது பற்றி தெரிந்து கொள்ளவோ மறுக்கிறார்கள்.

தீர்ப்பு நாளில் உயர் நீதிமன்ற வளாகமே உணர்ச்சியால் நிறைந்திருந்ததைப் பார்க்க முடிந்தது. இந்த உயிர் காக்கும் போராட்டத்தில் தமிழக மக்களின், தமிழக உணர்வாளர்களின் எழுச்சியைப் பற்றி என்ன நினைக்கிறீர்கள்?

இருபது ஆண்டு காலமாக இந்த வழக்கைப் பற்றி வெளியான பல தகவல்கள் தமிழக மக்களை உண்மையை தெரிந்து கொள்ள வைத்திருக்கின்றன. நிரபராதிகளான பேரறிவாளன், சாந்தன், முருகன் ஆகிய மூவரையும் இவர்கள் அநியாயமாகத் தூக்கிலிட முயற்சிக்கிறார்கள் என்றுதான் மக்கள் கருதுகிறார்கள். அதனால்தான் இப்படிப்பட்டதொரு எழுச்சி மக்கள் மத்தியில் ஏற்பட்டிருக்கிறது. இந்தக் கொலை வழக்கில் சென்னை தடா நீதிமன்றம் 26 பேருக்குத் தூக்குத் தண்டனை விதித்தது. உலகத்திலேயே ஒரு கொலைக்கு 26 பேருக்குத் தூக்குத் தண்டனை விதித்த சம்பவம் இது ஒன்றுதான். வேறு எந்த வழக்கிலும் இது செய்யப்படவில்லை. உச்ச நீதிமன்றத்திற்கு நாங்கள் இந்த வழக்கை எடுத்துச் சென்றதன் விளைவாக 19 பேர் நிரபராதிகள் என்று விடுதலை செய்யப்பட்டார்கள். 3 பேருக்கு ஆயுள் தண்டனை. ஆக மொத்தம் 22 உயிர்களை நாங்கள் காப்பாற்றி இருக்கிறோம்.
நாங்கள் இப்போது கேட்கிற கேள்வி, சென்னையிலுள்ள தடா நீதிமன்றத்தில், 22 ஆண்டுகளாக என்னென்ன சாட்சியங்கள், வாதங்கள் வைக்கப்பட்டனவோ அதை வைத்துதான் 26 பேருக்கும் தூக்குத் தண்டனை விதிக்கப்பட்டது. அதே வாதங்களையும், சாட்சியங்களையும், ஆவணங்களையும் உச்ச நீதிமன்றம் ஏற்க மறுத்துத்தானே 19 பேரையும் விடுதலை செய்தது. அப்படியென்றால் நீதியில் ஏதோ கோளாறு இருப்பதாகத்தானே இதற்கு அர்த்தம்? அது எப்படி நடக்கிறது? அவர்களுக்காக நாங்கள் வழக்கு நடத்துவதற்கு நிதி திரட்டி இந்த வழக்கை நடத்தியதால் 22 பேரின் உயிரைக் காப்பாற்ற முடிந்தது. வழக்கு நடத்த முடியாமல் போயிருந்தால் அநியாயமாக இந்த 22 உயிர்களும் பறிக்கப்பட்டிருந்திருக்கும். ஆகவே, நீதி என்பது ஏழைகளுக்கு அல்ல, வசதி படைத்தவர்களுக்கும், உயர் சாதிக்காரர்களுக்கும்தான் என்றாகிவிட்டது.

இந்த விசயத்தில் பல நாட்களாய் மெளனம் சாதித்த நிலையில், உயர் நீதிமன்றத் தீர்ப்பு குற்றவாளிகளுக்குத்தான் சாதகமாய் அமையும் என்பதை யூகித்துதான் முதல்வர் கடைசி நிமிடத்தில் தமிழகச் சட்டமன்றத்தில் தீர்மானம் நிறைவேற்றினார் என்றும் சொல்லப்படுகிறதே!

என்ன காரணத்திற்காக நிறைவேற்றப்பட்டிருந்தாலும் இது ஒரு நல்ல வரவேற்கத்தக்க, வரலாற்றுச் சிறப்புமிக்கத் தீர்மானம். இதை நான் முழு மனதுடன் வரவேற்கிறேன்.
இவர்கள் மூவரின் உயிர் காக்கும் விசயத்தில் தி.மு.க.வும், அ.தி.மு.க.வும் பரஸ்பரம் ஒருவரை ஒருவர் குற்றம் சாட்டிக் கொள்கின்றனரே. இதில் யார் சொல்வது உண்மை?
இந்த விசயம் மட்டுமல்ல, எந்தவொரு விசயமாக இருந்தாலும் இந்த அ.தி.மு.க.வும், தி.மு.க.வும் எதிரும் புதிருமாக நிலைப்பாடு எடுத்து மோதிக்கொள்வதையே அவர்கள் வழக்கமாகக் கொண்டிருக்கிறார்கள்.
கருணாநிதி நினைத்திருந்தால் இவர்கள் மூவரின் உயிரையும் காப்பாற்ற முயற்சித்திருக்கலாம் என்று ஜெயலலிதா கூறுகிறாரே? அது உண்மையா?

உண்மைதான். ஏனென்றால், அப்பொழுது தமிழக ஆளுநராக இருந்த செல்வி பாத்திமா பீவீயிடம் நாங்கள் கருணை மனு கொடுத்தோம். அவர் அதை ரத்து செய்துவிட்டார். நான் உடனே வி.ஆர். கிருஷ்ண அய்யரைத் தொடர்பு கொண்டு "இந்த மாதிரி ஆகிவிட்டதே! என்ன செய்யலாம்?' என்று கேட்டபோது, "உயர்நீதி மன்றத்தில் உடனே வழக்குப் போடுங்கள்' என்று சொன்னார். இன்று நீதியரசராக இருக்கக்கூடிய சந்துருதான் அன்று எங்கள் வழக்கறிஞராக வாதாடினார். ஆளுநராக இருந்தாலும், குடியரசுத் தலைவராக இருந்தாலும் மரண தண்டனையைப் பொறுத்தவரையிலே அல்லது எந்தத் தண்டனையாக இருந்தாலும் மாற்றுதலுக்கான அதிகாரம் அவர்களுக்குக் கிடையாது. சம்பந்தப்பட்ட அமைச்சரவை என்ன பரிந்துரை செய்கிறதோ அதை ஏற்றுச் செயல்பட வேண்டியவர்கள்தாம் ஆளுநர்களும், குடியரசுத் தலைவரும்.
எனவே, ஆளுநர் போட்ட உத்தரவு செல்லாது என்பதுதான் எங்களுடைய வாதம். அதை உயர்நீதி மன்றம் ஏற்றுக்கொண்டு ஆளுநரின் உத்தரவை செல்லாததாக்கிவிட்டது. ஆகவே, அந்த நான்கு பேரின் கருணை மனுவை மீண்டும் முடிவு செய்கிற அதிகாரத்தை உயர் நீதிமன்றம் மூலம் அன்றைக்கு முதலமைச்சராக இருந்த கருணாநிதிக்குப் பெற்றுக் கொடுத்தோம். இந்தியாவிலேயே இது முதல் தீர்ப்பு. அது மட்டுமன்றி, இந்த நால்வருக்கும் இரக்கம் காட்டுங்கள் என்று 25,00,000 பேரிடம் கையெழுத்துப் பெற்று 50,000 மக்களைத் திரட்டி என் தலைமையில் ஊர்வலமாகச் சென்றுதான் இதனை கொடுத்தோம்.
இதைச் செய்கிறேன் என்று சொன்ன கருணாநிதி செய்யவில்லை. ஆனால், நளினிக்கு இரக்கம் காட்டும்படி சோனியா காந்தி கடிதம் எழுதியதால் நளினிக்கு மட்டும் செய்தார். அன்றைக்கே இவர் அந்த நால்வருக்கும் செய்திருந்தால் பிரச்சினையே கிடையாது. இந்தச் சிக்கலும் வந்திருக்காது. ஆனால் கருணாநிதி அப்போது அதைச் செய்யவில்லை.

இந்த விசயத்தில் முதல்வரால் ஒன்றும் செய்ய முடியாது என்று ஜெயலலிதா தொடக்கத்தில் ஏன் கைவிரித்தார்?

அந்த அம்மையாருக்கு அதிகாரிகள் சரியாக வழிகாட்டவில்லை. அரசியல் சட்டத்தின் 72வது பிரிவின்படி குடியரசுத் தலைவருக்கு அதிகாரம் இருக்கிறது. அதே அரசியல் சட்டத்தில் 9வது பிரிவில் ஆளுநருக்கும் அதிகாரம் இருக்கிறது. ஆளுநருக்கு உள்ள அதிகாரம் என்பது இறைமையுடைய அதிகாரம். அதில் யாரும் தலையிட முடியாது. மத்திய உள்துறை செயலாளர் ஒரு சுற்றறிக்கையை அனுப்பியிருக்கிறார். அதில் குடியரசுத் தலைவர் ஒரு முடிவு செய்துவிட்டால் அதை மாற்றும் அதிகாரம் ஆளுநருக்குக் கிடையாது என்று வாதிடுகிறார்கள். ஆளுநருக்கு உள்ள அதிகாரம் என்பது நர்ஸ்ங்ழ்ங்ண்ஞ்ய் டர்ஜ்ங்ழ். உள்துறை செயலாளருக்கு உள்ள அதிகாரம் என்பது ஊஷ்ங்cன்ற்ண்ஸ்ங் டர்ஜ்ங்ழ். இந்த இரண்டில் எவராலும் மாற்றப்பட முடியாத நர்ஸ்ங்ழ்ங்ண்ஞ்ய் டர்ஜ்ங்ழ், (இறைமையுடைய) அதிகாரம் தான் உயர்ந்தது. ஆளுநரே நினைத்தாலும் இதனை மாற்ற முடியாது. காரணம் இது அரசியல் சட்டத்தின் மூலம் வழங்கப்பட்டடிருக்கின்ற அதிகாரம். ஊஷ்ங்cன்ற்ண்ஸ்ங் டர்ஜ்ங்ழ்யைப் பொறுத்தளவில் மாற்றப்படக் கூடியது. இன்னொரு உள்துறை செயலர் வந்தால் இதனை மாற்றிக் கொள்ளலாம். ஆக, முதலமைச்சர் ஜெயலலிதாவுக்கு இவர்கள் சரியான தகவலைக் கொடுக்கவில்லை என்பதுதான் என் கருத்து

.
மரண தண்டனை முற்றிலும் ஒழிக்கப்பட வேண்டும் என்ற கோரிக்கை தற்போது வலுத்து வருகிறது. ஆனால் குற்றம் செய்பவர்களுக்கு இது சாதகமாய் அமைந்துவிடும் என்ற எதிர்வாதமும் வைக்கப்படுகின்றதே! இதை எப்படி பார்க்கிறீர்கள்?

இது ஒரு தவறான கருத்து. 147 நாடுகளில் மரண தண்டனை ஒழிக்கப்பட்டு விட்டது. இந்த மரண தண்டனையை முற்றிலும் ஒழிக்க வேண்டுமென்று ஐ.நா.வும். தீர்மானம் நிறைவேற்றியுள்ளது. மரண தண்டனை ஒழிக்கப்பட்ட நாடுகளிலெல்லாம் குற்றங்கள் அதிகமாகிவிட்டனவா? இல்லையே! ஆனால் மரண தண்டனை இருக்கின்ற இந்தியாவில்தான் கொலைக் குற்றங்கள் அதிகமாக இருக்கின்றன. ஆக, குற்றவாளிகளுக்கு மரண தண்டனை விதிப்பதன் மூலம் குற்றங்கள் குறையும் என்று எதிர்பார்த்ததால் அது தவறு. மகாத்மா காந்தியை சுட்டுக் கொன்ற குற்றவாளிகளுக்கு மரண தண்டனை நிறைவேற்றப்பட்டது. அதனால் இந்திரா காந்தியைக் கொல்ல தயங்கினார்களா என்ன? அதை நம்மால் தடுக்க முடிந்ததா? இல்லையே! இவைகள் வெவ்வேறு காரணங்களினால் நிகழ்கின்றன. அநேகமாக எல்லா ஐரோப்பிய நாடுகளும் மரண தண்டனையை ஒழித்துவிட்டன.
இயேசு பிரான் பாதையை உண்மையாக அவர்கள் பின்பற்றுகிறார்கள். ஆனால், மகாவீரர், புத்தர், காந்தி ஆகிய மகான்கள் வாழ்ந்த இந்தியாவில் இதுமாதிரியெல்லாம் பேசுவது மிகவும் தவறு. ஆகவே, குற்றங்களுக்குக் காரணமாக அமைகின்ற சமுதாயத்தின் சூழல்களை மாற்றினாலே குற்றங்கள் குறைந்துவிடும்.

நன்றி : "நம்வாழ்வு' 18-09-2011

காவிரி-ஜெயலலிதா கோரிக்கை கருணாநிதியின் திசை திருப்பும் முயற்சிக்கு பழ. நெடுமாறன் கண்டனம்

noreply@blogger.com (மகேந்திரன் எட்டப்பராசன்) — Wed, 19 Oct 2011 12:14:00 +0000

மக்கள் உரிமைக் கூட்டமைப்பின் அமைப்பாளர்
பழ. நெடுமாறன் விடுத்துள்ள அறிக்கை :
காவிரி நடுவர் மன்ற இறுதித் தீர்ப்பினை மத்திய அரசு இதழில் அறிவிக்கையாக வெளியிட வேண்டும் என முதலமைச்சர் ஜெயலலிதா விடுத்துள்ள கோரிக்கைக்கு தமிழகத்தில் உள்ள சகல கட்சிகளும் ஆதரவு தந்து துணை நிற்க வேண்டும். ஆனால், தி.மு.க தலைவர் மு. கருணாநிதி, இக் கோரிக்கையை திசை திருப்ப முயற்சி செய்கிறார்.
2007ஆம் ஆண்டில் நடுவர் மன்றம் வழங்கிய இறுதித் தீர்ப்பு இன்றுவரை அறிவிக்கையாக வெளியிடப்படவில்லை. ஏற்கனவே 1991ஆம் ஆண்டில் அளிக்கப்பட்ட நடுவர் மன்றத்தின் இடைக்காலத் தீர்ப்பினை உடனடியாக மத்திய அரசு இதழில் வெளியிட வேண்டும் என தமிழக அரசு வற்புறுத்தியதை செயல்படுத்த மத்திய அரசு முன்வரவில்லை. உச்ச நீதிமன்றம் தலையிட்டு இதை உடனடியாக அறிவிக்கையாக வெளியிட வேண்டும் என ஆணையிட்டப்பிறகும் கூட இந்திய அரசு அதைச் செய்யவில்லை.
நடுவர் மன்றத்தின் தீர்ப்பினை அரசு இதழில் அறிவிக்கையாக வெளியிட்டால் ஒழிய அது ஒரு போதும் யாரையும் கட்டுப்படுத்தாது.
மத்திய அரசின் ஒரு அங்கமாக விளங்கும் தி.மு.க. மத்திய அரசை வற்புறுத்தி தமிழகத்தின் நியாயமான கோரிக்கையை ஏற்க செய்யாமல் திசை திருப்பும் நடவடிக்கையில் ஈடுபடுவதை நான் வன்மையாக கண்டிக்கிறேன்.
இப்படிக்கு

பழ.நெடுமாறன்
(அமைப்பாளர்)

மூன்று தமிழர்கள் உயிர் காக்க, மரணதண்டனையை அறவே ஒழிக்க காந்தியடிகள் பிறந்த நாளில் பழ. நெடுமாறன் உண்ணா விரதம்

noreply@blogger.com (மகேந்திரன் எட்டப்பராசன்) — Sat, 01 Oct 2011 20:09:00 +0000

மூன்று தமிழர்கள் உயிர்காப்புக் குழுவின் ஒருங்கிணைப்பாளர்
பழ. நெடுமாறன் விடுத்துள்ள அறிக்கை:

மூன்று தமிழர்கள் உயிர்கள் காக்கப்பட வேண்டும், மரணதண்டனையை அறவே ஒழிக்க வேண்டும் என்ற கோரிக்கைகளை முன்வைத்து மகாத்மா காந்தியடிகள் பிறந்த அக்டோபர் 2ஆம் தேதியன்று காலை 9 மணி முதல் மாலை 5 மணி வரை தமிழகமெங்கும் அனைத்து நகரங்களிலும், ஊர்களிலும் உண்ணா விரதப் போராட்டம் நடைபெறவிருக்கிறது.
சென்னையில் காயிதே மில்லத் கல்லூரி அருகில் பழ. நெடுமாறன் தலைமையில் நடைபெறவிருக்கும் உண்ணாவிரதப் போராட்டத்தை ம.தி.மு.க. பொதுச்செயலாளர் வைகோ தொடக்கி வைக்கிறார். இந்தியக் கம்யூனிஸ்டுக் கட்சியின் தமிழ் மாநிலச் செயலாளர் தா. பாண்டியன் முடித்து வைக்கிறார். மூன்று தமிழர்கள் உயிர்காப்பு இயக்கத்தில் அங்கம் வகிக்கும் பல்வேறு அமைப்புகளின் தலைவர்களும் தோழர்களும் இப்போராட்டத்தில் பங்கேற்கிறார்கள். இப்போராட்டத்தில் திரளாகக் கலந்து கொள்ளுமாறு தமிழர்கள் அனைவரையும் வேண்டிக்கொள்கிறேன்.
இப்படிக்கு

( பழ. நெடுமாறன் )
ஒருங்கிணைப்பாளர்
3 தமிழர்கள் உயிர்காப்பு இயக்கம்

அலைக்கற்றை விவகாரம் சிதம்பரம் பதவி விலகி விசாரணையை நேர்கொள்ள வேண்டும் - பழ. நெடுமாறன் வேண்டுகோள்

noreply@blogger.com (மகேந்திரன் எட்டப்பராசன்) — Fri, 23 Sep 2011 12:58:00 +0000

மக்கள் உரிமைக் கூட்டமைப்பின் அமைப்பாளர்
பழ. நெடுமாறன் விடுத்துள்ள அறிக்கை :
2ஜி அலைக்கற்றையை ஏலம் மூலமே விற்பனை செய்ய வேண்டும் என முன்னாள் நிதியமைச்சர் ப. சிதம்பரத்திடம் நிதியமைச்சக அதிகாரிகள் வலியுறுத்தியும் அவர் அதற்கு செவிசாய்க்கவில்லை என்பது அம்பலமானதின் மூலம் இந்த ஊழலில் ப. சிதம்பரத்திற்கும் பங்கு உண்டு என்பது தெளிவாகத் தெரியவந்துள்ளது. எனவே அவர் உடனடியாக பதவி விலகி விசாரணையை நேர்கொள்ள வேண்டும் என வலியுறுத்துகிறேன்.
சுதந்திர இந்தியாவின் முதலாவது நிதியமைச்சராக இருந்த ஆர்.கே. சண்முகம் செட்டியார் அவர்களும் பின்னர் நிதியமைச்சராக இருந்த டி.டி.கிருஷ்ணமாச்சாரி அவர்களும் தங்கள் மீது ஊழல் புகார்கள் நாடாளுமன்றத்தில் எழுப்பப்பட்டவுடன் கொஞ்சமும் தாமதிக்காமல் தங்கள் பதவிகளை விட்டுவிலகி விசாரணையை நேர்கொண்டார்கள். அந்த இரு தமிழர்களும் காட்டிய நேர்மையான பாதையை ப. சிதம்பரம் பின்பற்ற வேண்டும் என தமிழர்கள் எதிர்பார்க்கிறார்கள்.

இப்படிக்கு
பழ.நெடுமாறன்
(அமைப்பாளர்)

பழ. நெடுமாறன் அறிக்கை : காந்தியடிகள் பிறந்தநாளில் தமிழகமெங்கும் பட்டினிப் போராட்டம்

noreply@blogger.com (மகேந்திரன் எட்டப்பராசன்) — Wed, 21 Sep 2011 17:47:00 +0000

3 தமிழர்கள் உயிர்காப்பு இயக்கம்

ஜி 2, கீழ்த்தளம், 58, மூன்றாவது முதன்மைச் சாலை, ஆழ்வார் திருநகர் விரிவாக்கம், சென்னை 600 087.

தொலைபேசி : 91-44-2377-5536 தொலைநகலி : 91-44-2377-5537

ஒருங்கிணைப்பாளர் : பழ. நெடுமாறன்

மரண தண்டனை ஒழிப்பு

===================

காந்தியடிகள் பிறந்தநாளில் தமிழகமெங்கும் பட்டினிப் போராட்டம்

பழ. நெடுமாறன் வேண்டுகோள்

3 தமிழர் உயிர்காப்பு இயக்கத்தின் ஒருங்கிணைப்பாளர் பழ. நெடுமாறன் விடுத்துள்ள அறிக்கை :

தூக்குத் தண்டனை விதிக்கப்பட்டுள்ள 3 தமிழர்களின் உயிர்களை காக்க வேண்டும், இந்தியாவில் மரண தண்டனையை அறவே ஒழிக்க வேண்டும் என்ற இரு கோரிக்கைகளையும் முன் வைத்து, காந்தியடிகள் பிறந்த நாளான அக்டோபர் 2-ஆம் தேதி அன்று காலை 9 மணி முதல் மாலை 5 மணி வரை, தமிழ்நாடு முழுவதிலும் அனைத்து நகரங்களிலும் ஊர்களிலும் பட்டினிப் போராட்டம் நடத்த வேண்டும் என 3 தமிழர் உயிர்காப்பு இயக்கம் முடிவு செய்துள்ளது.

இந்த இயக்கத்தில் அங்கம் வகிக்கும் அனைத்துக் கட்சிகளும், தமிழ்த் தேசிய அமைப்புகளும், மனித உரிமை இயக்கங்களும் பங்கு கொள்ள வேண்டுமென வேண்டிக் கொள்கிறேன்.

தங்களையே அழித்துக்கொள்ளும் முறையை தொடர வேண்டாம் - தலைவர் கொளத்தூர் மணி அறிக்கை

noreply@blogger.com (மகேந்திரன் எட்டப்பராசன்) — Mon, 29 Aug 2011 05:40:00 +0000

பெரியார் திராவிடர் கழகத் தலைவர் கொளத்தூர் மணி அறிக்கை:

ஈழத்தமிழர் உரிமைப்பார்வையில் போர்க்குற்றவாளிகளைத் தண்டிக்க தமிழக மக்களும் தமிழக அரசும் வலியுறுத்தி வந்த நிலையில், தமிழர் உணர்வுகளை உதாசீனப்படுத்தியதல்லாமல் மனிதமே அதிர்கிற வகையில் 20 ஆண்டுகளுக்கு மேலாக சிறையில் கழித்துவரும் பேரறிவாளன், சாந்தன், முருகன் ஆகியோருக்கு மரணதண்டனையை நிறைவேற்ற மைய அரசு ஆணை பிறப்பித்துள்ளது. தமிழர்களுக்கும் மனித உரிமை ஆர்வலர்களுக்கும் இது பேரதிர்ச்சியாகவே இருந்தது.

அதற்கென மக்கள்திரள் போராட்டங்களும் சட்டப்போராட்டமும் நடந்துவருகிற இவ்வேளையில் இக்கோரிக்கையை வலியுறுத்தி காஞ்சி மக்கள் மன்றத் தோழர் செங்கொடி அவர்கள் தீக்குளித்ததாக வந்துள்ள செய்தி அனைவரையும் மேலும் அதிரவைத்துள்ளது.

கோரிக்கையின் நியாயத்தை வலியுறுத்த ஆயிரம் வழிமுறைகள் இருக்க, போராடும் சக்திகள் தங்களையே அழித்துக்கொள்ளும் இம்முறையை அருள்கூர்ந்து யாரும் தொடர வேண்டாம் என வலிறுத்தி வேண்டிக்கொள்கிறோம்.

அவர்களது உணர்வுகள் நமக்குப் புரிகிறது. ஆனால் அதிகார வெறிகொண்ட மத்திய பாசிச ஆட்சியாளர்களுக்கு இது சிறு அசைவையாவது ஏற்படுத்துமா என்பது அய்யமே

நாம் தொடர்ந்து நமது தமிழ்நாட்டு ஆட்சியாளர்களை வலிறுத்திப் போராடுவோம்.

3 தமிழர் உயிர்காப்பு இயக்கத்தின் ஒருங்கிணைப்பாளர் பழ. நெடுமாறன் விடுத்துள்ள அறிக்கை :

noreply@blogger.com (மகேந்திரன் எட்டப்பராசன்) — Mon, 29 Aug 2011 05:38:00 +0000

மரண தண்டனை விதிக்கப்பட்டுள்ள 3 தமிழர்களின் உயிர்களை காக்க வேண்டும் என்ற கோரிக்கையை முன் வைத்து காஞ்சிபுரத்தில் செங்கொடி எனும் இளம் பெண் தீக்குளித்து தன்னுயிரை தியாகம் செய்த செய்தி கேட்டு அதிர்ச்சியும் அளவற்ற வேதனையும் அடைந்தேன்.

முதல்வரிடம் முறையிடுவது, நீதி மன்றத்தில் வாதாடுவது, மக்களை திரட்டிக் குரல் கொடுப்பது ஆகிய வழிகளில் நாம் இணைந்து ஒன்று பட்டுப் போராடுவதின் மூலமே மூவரின் உயிர்களை காக்க முடியும். நம்மை நாமே அழித்துக் கொள்வதின் மூலம் அதை செய்ய முடியாது என்பதை உணருமாறு அனைவரையும் வேண்டிக் கொள்கிறேன்.

3 உயிர்களை காக்கத் தொடர்ந்து போராடுவதற்கு பதில் நமது உயிர்களை அழித்துக் கொள்வது என்பது நமது நோக்கத்திற்கே முரணானதாகும். இத்தகைய செயல்களில் யாரும் ஈடுபட வேண்டாமென வேண்டிக் கொள்கிறேன்.

பழ. நெடுமாறன்

3 தமிழர் உயிர்காப்பு இயக்கத்தின் ஒருங்கிணைப்பாளர்

தூக்குத் தண்டனையை எந்த நேரத்திலும் எதிர் நோக்கியிருக்கும் பேரறிவாளன், சிறையிலிருந்து குடும்பத்தினருக்கு எழுதியுள்ள கடிதம்:-

noreply@blogger.com (மகேந்திரன் எட்டப்பராசன்) — Fri, 19 Aug 2011 17:37:00 +0000

பேரன்புமிக்க அம்மா / அப்பா / சகோதர / சகோதரிகளே,
.
வணக்கம். நான், அ.ஞா.பேரறிவாளன், ராஜீவ் காந்தி கொலை வழக்கில் 19 வயதில் பொய்யாக குற்றம் சாட்டப்பட்டு அதன் விளைவாய் தூக்கு தண்டனை பெற்றவனாக கடந்த 20 ஆண்டுகளுக்கும் மேலாக சிறைவாசம் இருந்து வருபவன். எள் முனையளவும் தொடர்பே இல்லாத வழக்கில் அரசியல் காழ்ப் புணர்ச்சியாலும், கேட்க நாதியற்றவன் என்பதாலும், அநீதியான தீர்ப்பை சுமந்து நிற்பவன்.
.
தந்தை பெரியாரின் கொள்கையால் நிரம்பிய குடும்ப வழி வந்தவன் என்பதால் மனிதநேயத்தின் அடிப்படையிலும், தொப்புள் கொடி உறவு என்பதால், இன உணர்வின் அடிப்படையிலும் சிங்கள இனவாதத்திற்கு எதிரான ஈழத் தமிழர் விடுதலைப் போராட்டத்தை ஆதரித்து அதற்காக தமிழக மண்ணில் அரசியல் செயல்பாடுகளை முன்னெடுத்தவன் என்ற காரணத்தால் என் மீது தவறான குற்றச்சாட்டு புனையப்பட்டது என்பதை தங்களுக்கு தெளிவுபடுத்த விரும்புகிறேன்.
.
19 வயது இளைஞனாய் கைது செய்யப்பட்டு, வாழ்வின் வசந்த காலங்களையெல்லாம் சிறையில் செய்யாத குற்றத்திற்காகத் தொலைத்து, இன்று 40 வயதுடன் பக்குவப்பட்ட குடிமகனாய் உங்கள் முன் இக்கடிதத்தின் மூலம் பேசுகிறேன்.
.
1. திரு. ராஜீவ் காந்தியின் கொலையை நியாயப்படுத்துவதல்ல இக்கடிதத்தின்நோக்கம். மாறாக இக்குற்றத்திற்கு எவ்வித தொடர்பு மில்லாத நானும், என்னைப் போன்றவர்களும் மரண தண்டனைக்கு உரியவர்கள் அல்லர் என்று எடுத்துரைப்பது மட்டுமே.
.
2. திரு. ராஜீவ் காந்தி கொலை விஷயமாக விசாரிக்க வேண்டும் என்று சொல்லி 11.06.1991 அன்று விசாரணைக்காக அழைத்துச் செல்லப்பட்ட நான் இன்று வரை நீதி மறுக்கப்பட்டு தூக்கு மரத்தின் நிழலிலேயே வாழ்ந்து வருகிறேன்.
.
3. அக்கொலைக்கு பயன்பட்ட பெல்ட் குண்டு செய்வதற்கு நான் உதவினேன் என்பதே என் தண்டனைக்கு வழி வகுத்தக் குற்றச்சாட்டு. இதற்கு ஏதுவாக ஊடகங்களில் பொய் செய்தி பரப்பப்பட்டது. இந்தியா டுடே நாளிதழும் நான் எப்படி வெடிகுண்டு செய்தேன் என்று பொய்யாக ஒரு செய்முறை விளக்கம் வெளியிட்டிருந்தார்கள். ஆனால், சி.பி.ஐ.யால் இறுதி வரை கண்டுப்பிடிக்க முடியாத கேள்விகளுள் ஒன்று, அந்த பெல்ட் குண்டினை செய்தவர் யார் என்பதே என்று.
.
இந்த வழக்கை விசாரித்த தலைமை புலனாய்வு அதிகாரி இரகோத்தமன் தான் ஓய்வு பெற்றவுடன் எழுதிய நூலிலும், பல்வேறு பேட்டிகளிலும் கூறியுள்ளார். ஆக விடை தெரியா கேள்விக்கு விடையாக நான் பலியிடப் படவேண்டுமா?
.
4. அந்த பெல்ட் குணட்டிற்கும்’ 9வி மின்கலம் வாங்கித் தந்தேன் என்பதின் மூலமே நான் அந்த பெல்ட் வெடிகுண்டனை செய்தேன் என வழக்குரைத்தனர் அரசு தரப்பு வழக்கறிஞர்கள். அதற்கு வசதியாக என்னுடைய மின்னணுவியல் மற்றும் தகவல் தொடர்பியலில் பட்டய படிப்பும் இவர்களின் கதைக்கு கருவானது. ஆனால் வழக்கின் எந்தவொரு இடத்திலும் நான் வாங்கித் தந்த 9வி மின்கலம்தான் பெல்ட் வெடிகுண்டு வெடிக்கப் பயன்பட்டது என்பது நிரூபிக்கப்படவில்லை.
.
5. உண்மை என்னவெனில் நான் 9வி மின்கலத்தை வாங்கவுமில்லை, அதனை யாருக்கும் தரவு மில்லை. ஆனால் நான் 9வி மின்கலத்தை வாங்கினேன் என்பதற்கு வழக்கிலுள்ள ஒரே ஆதாரம், ஒரு பெட்டிக் கடைக்காரரின் சாட்சி தான். இந்த சாட்சியை ஏற்க முடியாது என்று தடா நீதிமன்றத்தில் கூறிய நீதிபதி, பிறகு என்ன காரணத்தினாலோ இந்த சாட்சியை ஏற்றுக் கொண்டு விட்டார். நான் வாங்காத மின்கலத்தை வாங்கினேன் என்று ஒருவர் மூலம் சொல்ல வைப்பது நம் காவல்துறைக்கு எத்தனை சுலபம் என்று சற்றே சிந்தியுங்கள்.
.
6. தடா சட்டத்தில் இவ்வழக்கு விசாரிக்கப்பட்டதே தவறு என்று உச்சநீதிமன்றம் இடித்துரைத்தது. காரணம் இந்தக் கொலைக் குற்றவாளிகளுக்கு கொலை செய்யப்பட்டவர்களைத் தவிர யாதொருவரையும் அச்சுறுத்தவோ, கொல்வதோ நோக்கமாக இருந்திருக்கவில்லை என்று எடுத்துரைத்தது. அப்படி இருக்கும் வேளையில், எங்களை தடா சட்டத்தின் கீழ் கைது செய்து, உரிமைகள் மறுக்கப்பட்டு, தடா சட்டத்தின் கீழ் விசாரிக்கப்பட்டு, பெறப்பட்ட வாக்கு மூலம் மட்டும் எப்படி செல்லுபடியாகும்?
.
மேலும் நம் நாட்டில் வாக்கு மூலங்கள் எப்படிப் பெறப்படுகின்றன என்பதும் உங்களுக்கு நன்றாகவே தெரியும். கடுமையான சித்திரவதை, மிரட்டல், அடி உதைக்கு பயந்துதான் பல வாக்குமூலங்கள் ரத்தத்தால் கையெழுத்தாகின்றன. பொதுவாக அப்படிப் பெறப்படும் வாக்கு மூலங்களை மட்டுமே வைத்து நீதிமன்றங்கள் தீர்ப்பினை தருவது கிடையாது. ஆனால் என் வழக்கில் மட்டும் நீதிமன்றம் அவ்வாக்கு மூலத்தை மட்டுமே அடிப் படையாகக் கொண்டு, வேறு எந்த ஆதாரமும் இல்லாமல் எனக்குத் தூக்குத் தண்டனை வழங்கியுள்ளது.
.
7. ஒப்புதல் வாக்குமூலத்தை பதிவு செய்த திரு. தியாகராஜன் என்ற அதிகாரி கேரள மாநிலத்தில் 1993 இல் நடைபெற்ற அருட்சகோதரி அபயா கொலை வழக்கை தற்கொலை என முடிக்க அழுத்தம் கொடுத்தவர் என்பதும், அவரது முறைகேட்டை எதிர்த்ததால், அவருக்கு கீழ் பணிபுரிந்த துணை காவல் கண்காணிப்பாளர் திரு. தாமஸ்வர்கீஸ் என்பவர் தனது பதவியை துறந்தார் என்பதையும் இங்கு குறிப்பிட விரும்புகிறேன். பிறகு இந்த வழக்கு பாலியல் பலாத்காரம் மற்றும் கொலை என்று திரும்பியது. எர்ணாகுளம் தலைமை நீதிமன்ற நடுவர் 23.06.2000 அன்று அளித்த தீர்ப்பில் கடுமையான கண்டனங்களை வாங்கியவர் இந்த தியாகராஜன். இவர் என்னிடம் வாங்கிய வாக்குமூலங்கள் ஏன் உண்மையாக இருக்க வேண்டும்? யாருக்காகவோ வழக்கை எப்படியும் வளைப்பவர்கள்தானே இவர்கள்....
.
8. தடா சட்டத்தில், சிறப்பு தனி நீதிமன்றத்தில் இவ்வழக்கு விசாரிக்கப்பட்டதால், பெரும் பான்மையான உரிமைகள் எனக்கு மறுக்கப்பட்டன. அதுவே என் தரப்பு நியாயங்களை எடுத்துக் கூற இயலாமற் செய்துவிட்டது. பொதுவாக ஒரு மாவட்ட நீதிமன்றம் வழங்கும் தீர்ப்பிற்கு, உயர்நீதிமன்றம், பிறகு உச்சநீதிமன்றம் என்று இருமுறை மேல் முறையீடு செய்யும் வாய்ப்புள்ளது.
.
இந்த செயல்பாடு ஒரு இடத்தில் இல்லாவிட்டாலும் மறு இடத்தில் நீதி சரியாக கிடைக்க உதவியது. ஆனால் எங்கள் விஷயத்தில் தடா கொடுங்கோல் வழக்கு என்பதால், உயர்நீதிமன்றம் செல்லும் வாய்ப்பு மறுக்கப்பட்டு, இரண்டில் ஒரு மன்றத்தின் கதவு அடைக்கப்பட்டுப் போனது. இப்பொழுது தடா சட்டம் தவறு என்று அந்த சட்டமே நம் நாட்டில் மீளப்பெறப்பட்டாலும், அதனால் பாதிக்கப்பட்ட என் போன்றவர்களுக்கு எப்படி நீதி கிடைக்கும்? எப்பொழுது கிடைக்கும்?
.
9. தடா நீதிமன்றத்தின் கீழ் விசாரிக்கப்படுபவர்கள் 20 வயதிற்கு மேற்பட்டவர்களாக இருக்க வேண்டும் என தடா சட்ட வரம்பு சொல்கிறது.
.
10. அவர் அதற்கு முன்னால் குற்றம் ஏதும் புரிந்தவரா என்பதை கவனிக்க வேண்டும்.
.
11. குற்றப் பின்னணி உள்ள குடும்பத்தைச் சார்ந்தவரா என்பதும் கவனத்தில் எடுத்துக் கொள்ளப்பட வேண்டும் என்கிறது தடா சட்டம்.
.
12. எனக்கு மட்டும் இந்த எந்த வரைமுறைகளையும் கடைபிடிக்காமல் தடாவின் கீழ் கைது செய்து விசாரித்து, தண்டனையும் அறிவித்தார்கள்.
.
13. சிறப்பு நீதிமன்றத்தில் 26 பேருக்குத் தூக்குத் தண்டனை வழங்கப்பட்ட நிலையில் உச்சநீதிமன்றம் அதில் 22 பேர் தூக்குத் தண்டனையை ரத்து செய்கிறதென்றால், இவ்வழக்கு சிறப்பு நீதிமன்றத்தில் எத்தன்மையுடன் ஒருதலைப்பட்சமாக, முன் முடிவுகளுடன் விசாரிக்கப்பட்டதென்பதை புரிந்து கெள்ள முடியும்.
.
சட்டத்தின் முன் எல்லோரும் சமம் என்று இருந்தாலும், இந்த வழக்கைப் பொறுத்தவரை கொல்லப்பட்டவர் ராஜீவ் காந்தி என்பதாலும், அவருக்கு இருந்த செல்வாக்கு மற்றும் ஊடக அனுகூலங்களாலும், ஒரு தலைபட்சமாகவே பார்க்கப்பட்டது. இன்னொரு வாய்ப்பு கிடைக்கப் பெற்று, நடுநிலையுடன் விசாரிக்கப்பட்டால் எங்களது தூக்குக் கயிறும் கண்டிப்பாக அறுபடும் என்று என்னால் உறுதியாக கூற முடியும்.
.
அந்த வசதி இங்கிலாந்து உள்ளிட்ட மேலை நாடுகளில் உள்ளது. ஆனால் இனி வழக்கை விசாரிக்கும் வழியில்லை என்கிறது இந்திய குற்றவியல் சட்டம். ஆகையால் கருணை மனுவின் மீதான முடிவே இறுதி முடிவு என்று விடப்பட்ட பரிதாபத்துக்குரியவர்கள் ஆகிப்போனோம் நாங்கள். நான் நிரபராதி, நான் நிரபராதி என்று கத்திக் கொண்டிருக்கும் பொழுதே என் குரல் வளை தூக்குக் கயிற்றால் நசுக்கப்படுமோ?
.
14. திருமதி சோனியா காந்தி, இவ்வழக்கில் தூக்குத் தண்டனைப் பெற்றவர்களுக்கு அத்தண்டனை நிறைவேற்றப்பட வேண்டும் என்பதில் எனக்கோ என் குழந்தைகளுக்கோ (இராகுல் காந்தி, பிரியங்கா காந்தி) சற்றும் விருப்பமில்லை என ஏற்கனவே கூறியுள்ளார்.
.
15. ஆயினும் எங்களை 20 ஆண்டுகளாக இப்படி சிறையில் அடைத்து வைத்திருக்கும் மர்மம் எங்களுக்கு விளங்கவில்லை. நிரபராதிகளான எங்களை இப்படி தூக்குக் கொட்டடியிலேயே வைத்திருக்கும் காரணம் புரியவில்லை.
.
16. 1980களின் இறுதியில் வாழ்ந்த எல்லா இளைஞர்களைப் போலவே நானும் ஈழ விடுதலையிலும், விடுதலைப் போராளிகளின் மீதும் பற்றுக் கொண்டிருந்தேன். அன்று கல்லூரிகளிலும், பணி இடங்களிலும் எல்லோரும் தான் விடுதலைப் போராட்டத்திற்காக உதவி வந்தார்கள்.
.
ஒரு நாள் ஊதியத்தையும் கொடுத்தார்கள். பள்ளிகளில் நன்கொடை வசூலித்தார்கள். ஏன் நம் மத்திய மாநில அரசுகள் கூடத்தான் அவர்களுக்கு உதவிகள் புரிந்தன? ஒரு துர்ச் சம்பவம் நிகழும்பொழுது நான் மட்டும் எப்படி எதிரி ஆகிப் போனேன்? ஏன் தனிமைப்படுத்தப்பட்டேன்? உங்களில் ஒருவன் தானே நானும்?
.
தூக்குத் தண்டனை என்பது சட்டத்தின் பெயரால் செய்யப்படும் திட்டமிட்ட படுகொலை என்கிறார் முன்னாள் உச்சநீதிமன்ற நீதிபதி வி.ஆர். கிருஷ்ணய்யர்.
.
செய்த குற்றத்திற்கு வழங்கப்படும் தூக்கு தண்டனையையே திட்டமிட்டப் படுகொலையெனில், செய்யாத குற்றத்திற்கு வழங்கப்படும் தூக்குத் தண்டனையை என்னவென்று சொல்வது?
.
- முடிவுறா விசாரணையில், முடிவினை நோக்கித் தள்ளப்பட்டுள்ள அப்பாவி

3 தமிழர்கள் உயிர்காப்புக் குழு - அறிக்கை‏

noreply@blogger.com (மகேந்திரன் எட்டப்பராசன்) — Fri, 19 Aug 2011 16:20:00 +0000

18-08-11 வியாழக்கிழமையன்று மாலை 4 மணிக்கு சென்னை "தென்செய்தி' அலுவலகத்தில் அனைத்துக் கட்சிகள், அனைத்துத் தமிழ்த் தேசிய அமைப்புகள், மனித உரிமை அமைப்புகள் ஆகியவற்றின் கூட்டம் நடைபெற்றது.

பழ. நெடுமாறன் தலைமையில் நடைபெற்ற இக்கூட்டத்தில் ம.தி.மு.க பொதுச் செயலாளர் வைகோ, மக்கள் சிவில் உரிமைக் கழக தேசியச் செயலாளர் வி. சுரேஷ், இந்திய கம்யூனிஸ்டுக் கட்சியின் மாநில நிர்வாகக் குழு உறுப்பினர் த. லெனின், பெரியார் திராவிடர் கழகத் தலைவர் தா. செ. மணி, தமிழ்த் தேசப் பொதுவுடைமைக் கட்சிச் செயலாளர் பெ. மணியரசன், தமிழ்த் தேசிய விடுதலை இயக்கப் பொதுச் செயலாளர் தியாகு உட்பட 40க்கும் மேற்பட்ட அமைப்புகளைச் சேர்ந்தவர்கள் கலந்து கொண்டனர்.

இக்கூட்டத்தில் கீழ்க்கண்டத் தீர்மானங்கள் நிறைவேற்றப்பட்டன.

1. ராசீவ் கொலை வழக்கில் உச்சநீதிமன்றத்தினால் தூக்குத் தண்டனை உறுதி செய்யப்பட்ட சாந்தன், முருகன், பேரறிவாளன் ஆகிய மூவருக்கும் 11 ஆண்டுகளுக்குப் பிறகு அவர்களின் கருணை மனுக்களை குடியரசுத் தலைவர் தள்ளுபடி செய்திருப்பதைக் கண்டு இக்கூட்டம் வருந்துகிறது. இம்மூவரின் உயிர்களை எப்படியும் காப்பாற்ற வேண்டும் என தமிழக முதல்வர் செல்வி. ஜெயலலிதா அவர்களை இக்குழுவின் சார்பில் சந்தித்து வேண்டிக் கொள்வது என முடிவு செய்யப்பட்டது.

2. மூன்று தமிழர்களின் மரண தண்டனையை தள்ளுபடி செய்ய வேண்டும் என்ற கோரிக்கையை வலியுறுத்தும் வகையில் சென்னையில் 22-8-11, திங்கள் கிழமை அன்று மாபெரும் மக்கள் திரள் பொதுக் கூட்டம் நடத்துவது எனவும் இக்கூட்டத்தில் பங்கேற்கும்படி அனைத்துக் கட்சித் தலைவர்களையும் அழைப்பது எனவும் முடிவு செய்யப்பட்டது.

3. மூன்று தமிழர்களின் மரண தண்டனையை தள்ளுபடி செய்ய வேண்டும் என்ற கோரிக்கையை வலியுறுத்தும் வகையில் மாவட்டத் தலைநகரங்கள் அனைத்திலும் 26-8-11 வெள்ளிக் கிழமை அன்று மாலை 5 மணி முதல் 6 மணி வரை மனிதச் சங்கிலி இயக்கம் நடத்துவது எனவும் முடிவு செய்யப்பட்டது.

4. மூன்று தமிழர் உயிர்காப்பு இயக்கத்தின் ஒருங்கிணைப்பாளராக பழ. நெடுமாறன் அவர்களைத் தேர்ந்தெடுப்பது எனவும் இக்கூட்டம் முடிவு செய்தது.

இப்படிக்கு

பழ. நெடுமாறன்.

ஒருங்கிணைப்பாளர்.

3 தமிழர்கள் உயிர்காப்பு இயக்கம்.

மூவர் மரண தண்டனை-சட்ட ரீதியான நடவடிக்கை மேற்கொள்வோம்-பழ. நெடுமாறன் அறிக்கை

noreply@blogger.com (மகேந்திரன் எட்டப்பராசன்) — Thu, 11 Aug 2011 10:41:00 +0000

26 தமிழர்கள் உயிர்காப்பு வழக்கு நிதிக்குழுவின் தலைவர் பழ. நெடுமாறன் விடுத்துள்ள அறிக்கை:

இராசீவ் காந்தி கொலை வழக்கில் மரண தண்டனை விதிக்கப்பட்ட முருகன், சாந்தன், பேரறிவாளன் ஆகிய மூவரின் கருணை மனுக்களை குடியரசுத் தலைவர் தள்ளுபடி செய்துவிட்டதாகச் செய்திகள் வெளியாகியுள்ளன.
21 ஆண்டு காலம் சிறையில் வாடிய பிறகும் குடியரசுத் தலைவரிடம் கருணை மனு தாக்கல் செய்து 11 ஆண்டுகளுக்குப் பிறகும் இம்மனுக்கள் தள்ளுபடி செய்யப்பட்டிருப்பது இயற்கை நீதிக்குப் புறம்பானதாகும். 1992ஆம் ஆண்டு சிறப்பு நீதி மன்றம் 26 பேருக்கும் ஒட்டு மொத்தமாக மரண தண்டனை விதித்தபோது அதற்கு எதிராக உச்சநீதிமன்றத்தில் வழக்காடி 18 பேர்கள் குற்றமற்றவர்கள் என விடுவிக்கப்படவும் மூவருக்கு ஆயுள் தண்டனையாகக் குறைக்கப்படவும், இக்குழு வழி செய்தது.
மரண தண்டனை விதிக்கப்பட்ட நால்வருக்காக அப்போதைய ஆளுநரிடம் கருணை மனு தாக்கல் செய்து அவர் அதை தள்ளுபடி செய்தவுடன் அது செல்லாது என உயர்நீதிமன்றத்தில் வழக்காடி வெற்றிபெற்றது இக்குழுவே ஆகும். அதைப்போல இப்போதும் மூவரின் கருணை மனுக்களை குடியரசுத் தலைவர் தள்ளுபடி செய்திருப்பதை எதிர்த்து சட்டரீதியான நடவடிக்கைகளை இக்குழு மேற்கொள்ளும்.
இராசீவ் கொலையில் மேலும் புலன் விசாரணை செய்யப்பட வேண்டும் என ஜெயின் கமிசன் அளித்த பரிந்துரையின் பேரில் அமைக்கப்பட்ட சி.பி.ஐ. புலன் விசாரணைக்குழு இன்னமும் தனது விசாரணையை முடித்து அறிக்கையைத் தரவில்லை. இதுபோன்ற உண்மைகளைக் கவனத்தில் கொள்ளாது இந்த மூவரின் கருணை மனுக்களை குடியரசுத் தலைவர் ஏற்க மறுத்திருப்பது வருந்தத்தக்கதாகும். எனவே சட்டரீதியாக மேற்கொள்ள வேண்டிய நடவடிக்கைகளை இக்குழு விரைந்து எடுக்கும் என்பதை அனைவருக்கும் தெரிவித்துக்கொள்கிறேன்.

இப்படிக்கு

( பழ. நெடுமாறன் )
தலைவர்
26 தமிழர்கள் உயிர்காப்பு வழக்கு நிதிக்குழு