ഷാനവാസ്.എന്‍.കെ

ദസറ കാണാൻ മൈസൂരിലേക്

2019-02-05T05:06:00.001-08:00

ദസറ കാണാൻ മൈസൂരിലേക്
ഒരു പക്കാലോക്കൽ ദസറ ട്രിപ്പ്
ചൊവ്വാഴ്ച്ച രാവിലെയായിരുന്നു സാബീറിന്റെ വാട്‌സ്ആപ്പ് വോയ്സ് ക്ലിപ്പ് കണ്ടത് "ടാ മൈസൂരിൽ ദസറ ഉത്സവം നടക്കുന്നുണ്ട് നമ്മക്ക് പോയാലോ" ദാസറയെ പറ്റി കേട്ടിട്ടുണ്ടെങ്കിലും ഇത് വരെ കാണാൻ പറ്റിയിട്ടില്ല. ഒന്നും നോകീല പോകാൻ തീരുമാനിച്ചു. മൂന്നാർ ബൈക് റൈഡ് കഴിഞ്ഞു ശെനിയാഴ്ച്ച വീട്ടിലെത്തിയിട്ടേയുള്ളൂ ഇനിയും ട്രിപ്പ് ഉണ്ടെന്നു പറഞ്ഞാൽ വീട്ടിൽനിന്നും ആട്ടുകേൾക്കും അത്കൊണ്ട് പോക്ക് ബസ്സിലാക്കി ട്രിപ്പ് എന്നുള്ളത് മാറ്റി ബാംഗ്ളൂർക്ക് ഓൻക്ക് സാധനം വാങ്ങാൻ പോകുമ്പോൾ കൂടെ പോകാണെന്ന് പറഞ്ഞു ഉച്ചക്ക് തന്നെ വീട്ടീന്ന് ചാടി കോഴിക്കോട്ടെക്ക് ട്രെയിൻ കിട്ടിയില്ല പിന്നെ അടുത്ത ട്രെയിൻ കാത്തുനിന്നില്ല കെ. എസ്.ആർ.ടി. സി ക്ക് വെച്ചുപിടിച്ചു. ഏഴുമണിയോടെ കോഴിക്കോട് അവിടുന്ന് മൈസൂർ ബസ്സിൽ പോകാനാണ് പ്ലാൻ പക്ഷെ അടുത്തദിവസം കേരളത്തിൽ ഹർത്താൽ ആയത്കൊണ്ട് എല്ലാ മൈസൂർ ബസ്സും ഫുൾ. ഇനി സീറ്റ് ഉള്ളബസ് 11 മണിക്കാണ് അതിനു തന്നെ റിസർവ് ചെയ്തു . പക്ഷെ ഇനിയും ഒരുപാട് സമയം ബാക്കി സ്പോർട്ട് പ്ലാൻ ഉണ്ടാക്കി നേരെ കോഴിക്കോട് ബീച്ച് ലക്ഷ്യമാക്കി നടന്നു. "ഖൽബിൽ തേനൊഴുകുന്നൊരു കോഴിക്കോട് ...കടലമ്മ മുത്തണ കര കോഴിക്കോട് .... അലുവാ മനസ്സുള്ളൊരു കോഴിക്കോട്..."
കോഴിക്കോട് നഗരകാഴ്ച്ച കണ്ടു ഞങ്ങള് നടന്നു.നാവിൽ കൊതിയൂറും നല്ല വെജിറ്റബിൾ ബ്രെഡ്ഡ് സാൻഡ് വിച്ച് "സാൻഡ്വിച് വലാ" അവിടുന്നു തുടങ്ങി കോഴിക്കോട് വിഭവങ്ങൾ നേരെ കോഴിക്കോട് സ്പെഷ്യൽ പാൽ സർബത്ത് നന്നാറിയും പാലും ഐസും ചേർത്തൊരു സ്പെഷ്യൽ ഐറ്റം.
"കായ വറുത്തു തരടോ കറുമുറെ വയറു നിറച്ച് കയിച്ചോ..." കോഴിക്കോട്ടെ ഉരുളക്കിഴങ്ങു ചിപ്സും കൊറിച്ചു നടത്തം തുടങ്ങി . രാത്രികാഴ്ചയിൽ കോഴിക്കോട് ബീച്കാണാൻ നല്ല ചേലാണ് .പാൽ നിറത്തിൽ ബൾബുകൾ അലങ്കരിച്ച തട്ടുകടയിൽ നല്ല ചൂടുള്ള കല്ലുമ്മക്കായയും കാട മുട്ട ഫ്രെയ്‌യും കുത്തിപൊരിയും ഐസൊരതിയും പിന്നെ ബാബുക്കന്റെ ഗസലും എല്ലാംകൂടി കോഴിക്കോട് ബീച്ച് ഖൽബിൽ തേനൊഴുകും ഫീൽ തന്നെയാണ്.ബീച്ചിൽ സമയം പോയതറിഞ്ഞില്ല 10.30 ആയി ഇനി 30 മിനിറ്റ് കൂടിയുള്ളൂ മൈസൂർപോകുന്ന ബസ്സിന്‌ നേരെ ബസ്സ് സ്റ്റാന്റിലേക്ക് ഓട്ടോപിടിച്ചു . 11 ആയപ്പോഴേക്കും ഞങ്ങൾക്ക് പോകാനുള്ള കെ.സ്.ആർ.ടി. സി.സൂപ്പർ ഫാസ്റ്റ് വന്നു ഹർത്താലും ദസറ കാണാനുള്ള തിരക്കും കൂടി ബസ്സിൽ ഇനി ഒരിഞ്ച് സ്ഥലമില്ല . താമരശ്ശേരി ച്ചുരം കയറിതുടങ്ങിയപ്പോളേക്കും തണുപ്പ് തുടങ്ങി . മാനന്തവാടി കുട്ട വഴിയാണ് യാത്ര മാനന്തവാടി വടി കഴിഞ്ഞാൽ പിന്നെ കടാണ്
. കാട്ടിലൂടെയുള്ള തണുത്ത യാത്ര അവസാനിച്ചത് രാവിലെ ആറുമണിക്ക് മൈസൂരിൽ എത്തിയപ്പോഴാണ്.
ഒന്നു ഫ്രഷായി മൈസൂർ നഗരത്തിൽ കാഴ്ച്ചകൾ കാണാൻ ഇറങ്ങി . ആയുധ പൂജ ആയതിനാൽ മൈസൂർ കൊട്ടാരം ഉച്ചക്ക് ശേഷമാണ് കണാൻ കഴിയുക എന്നറിഞ്ഞപ്പോൾ നേരെ ചെറിയൊരു പർച്ചേസിന് പോയി 3 മണിക്ക്‌ പലസിനകത്ത് കയറിയപ്പോൾ ദസറ കാഴ്ച്ചകൾ നിറഞ്ഞു തുടങ്ങുയിരുന്നു . വൈകീട് 7 മണിയോടുകൂടി കൊട്ടാരത്തിലെ നിറപ്പകിട്ടാർന്ന ബള്ബുകൾക്ക് ജീവൻ തുടിയ്ക്കാൻ തുടിങ്ങി.മാനത്ത് ഇരുട്ടുവീണപ്പോൾ മൈസൂർ കൊട്ടാരവും നഗരവും സർണ്ണ വർണ്ണ നിറത്തിൽ പ്രകാശിക്കുന്നത് വർണ്ണനകൾക്കതീതമായ കാഴ്ചയായിമാറി . മനം നിറഞ്ഞ കാഴ്‌ച്ച ആവോളം കണ്ടു മനസ്സില്ലാമനസ്സോടെ മടക്കയാത്രക്ക് വീണ്ടും കെ.സ്.അർ.ടി. സി. സ്റ്റാൻഡിലേക്ക് . പക്ഷെ നേരം പുലരുവോളം ഇനി ബസിൽ സീറ്റ് ഇല്ല എന്തായാലും നേരം വെളുപ്പിക്കാൻ ബസ്റ്റാന്റിൽ കിടന്നുറങ്ങേണ്ടിവന്നു . രാവിലെ 9 മണിക്കുള്ള ബസ്സിൽ കയറി മുത്തങ്ങവഴി വീണ്ടും ഖൽബിൽ തേനൊഴുകുന്നൊരു കോഴിക്കോട്ടേക്ക് .
"മിട്ടായി തെരുവൊരു ബീവി.... സൽക്കാര മിടുക്കുള്ള ബീവി...."
കോഴിക്കോട് പോയാൽ പിന്നെ കോയിക്കോടൻ ഹൽവായില്ലാതെ എങ്ങനെ പോകും നേരെ മിട്ടായിത്തീരുവിൽ പോയി ഹൽവ കടയിലോക്കെ കയറി ടേസ്റ്റ് നോക്കാനെന്നും പറഞ്ഞ് ഹൽവകൾ തിന്നാൻ തുടങ്ങി അവസാനം 100 ഗ്രാം ഹൽവായും വാങ്ങി മടക്കയാത്രക്ക് ട്രെയിൻ കയറി . ജലകത്തിനടുത്തിരുന്നു കണ്ടകഴ്ച്ചകൾ മനസ്സിൽ റീ പ്ലേ എടുക്കുന്നു. കോഴിക്കോട് ബീച്ച്, രുചിയൂറും കോഴിക്കോടൻ വിഭവങ്ങൾ ,മൈസൂർ കാഴ്ച്ചകൾ , മുത്തങ്ങ കാട്ടിലൂടെ, മിട്ടായ്‌തെരുവ് അങ്ങനെ അങ്ങനെ.....

മാധ്യമങ്ങളിലൂടെ

2017-07-08T00:20:00.001-07:00

എന്‍റെ യാത്രാ വിവരണം വിവിധ മാധ്യമങ്ങളില്‍ പ്രസിദ്ധീകരിച്ചത് നിങ്ങള്‍ക്ക് വായിക്കാം

മനോരമ ഒണ്‍ലൈന്‍

കെ വാര്‍ത്ത ഓണ്‍ലൈന്‍

സത്യം ഓണ്‍ലൈന്‍-

ജന്മഭൂമി-

ചൊക്കന , ചിമ്മിനി ഡാം (26-1-2017)

2017-01-26T23:55:00.001-08:00

കേട്ടറിവിനേക്കാൾ സുന്ദരമാണ് ചൊക്കനയെന്ന സ്ത്ഥലം...........

കുറച്ച് ദിവസാമയി വാ‍ർട്സാപ്പിൽ ചൊക്കനയെന്ന സത്ഥലത്തെ കുറിച്ചുള്ള വിവരണങ്ങളും കൂടെ മനോഹരമായ ചിത്രങ്ങളും യാത്രാ ഗ്രൂപ്പുകളിൽ അങ്ങോട്ടുംമിങ്ങോട്ടും ഷെയർ ചെയ്ത്കൊണ്ടിരിക്കുന്നു. ഷെയർചെയ്യുന്നവരെല്ലാം ചൊക്കന കണ്ടിട്ടുണ്ടാവുമോ ആവൊ?.എന്തായാലും ‍ഞാൻ അങ്ങനെയൊരു സത്ഥലത്തെപറ്റി കേട്ടിട്ടേയുള്ളു .ആങ്ങനെയെങ്കിൽ അതൊന്ന് കാണണം എന്ന് തീരുമാനിച്ചു. അങ്ങെനെയാണ് ഈ ജനുവരി 26 റിപ്പബ്ലിക്ക് ദിനത്തിൽ ഞാനും സുഹൃത്തുംകൂടി ചൊക്കന കാണാനിങ്ങിയത്.

രാവിലെ നാലരമണിക്ക് മൊബൈലിന്‍റെ അലാറംഅടിക്കുന്നത് കേട്ടാണ് എഴുന്നേറ്റത്. അഞ്ചരക്ക് വീട്ടിൽനിന്നും ഇറങ്ങി നേരേ സുഹൃത്തിനേയും കൂട്ടി തൃശൂര് വച്ച്പിടിച്ചു. ജനുവരിമാസം അവസാനമായത് കൊണ്ടാണോ എന്നറിയില്ല ഹൈവേയിൽ മഞ്ഞും തണുപ്പും കുറവായിരുന്നു.തൃശൂരിൽന്നും എറണാകുളം ഹൈവേയിൽ കൊടകര കോടാലി വഴി ചൊക്കനയിലെത്തി.

ചൊക്കനയിലേക്കുള്ള വഴിയിൽ സുഹൃത്ത് പറഞ്ഞു ഈ വഴി ബന്ദീപൂർ വനത്തിലൂടെ പോകുന്നപോലെ യുണ്ടല്ലോ എന്ന് .എനിക്കും തോന്നി. .ചിമ്മിനി വന്യജീവി സംരക്ഷണ മേഘലക്ക് കീഴിലുള്ള വനത്തിലൂടെയായിരുന്നു അപ്പോൾ ഞങ്ങൾ പോയിരുന്നത് . ഹാരിസൺ കമ്പനിയുടെ കീഴിലുള്ള ഹെക്ടർകണക്കിന് റൂബ്ബർ എസ്റ്റേറ്റിന്‍റെ നടുവിലൂടെയാണ് ചൊക്കനിയിലേക്കുള്ള വഴി. വേനൽകാലമായതിനാൽ റബ്ബ‍ർമരത്തിന്‍റെ ഇലകൾ പഴുത്ത്ചുവന്ന നിറത്തിൽ നിൽക്കുന്നത് കാണാൻ പ്രത്യേക ഭംഗിയാണ്.

റബ്ബർഎസ്റ്റേറ്റുകളാൽ മനോഹരമായ ആ കാട്ടുവഴിക്കരികിലൂടെ ഒരു കൊച്ചു പുഴയും കടന്ന് പോകുന്നുണ്ട് . ചൊക്കനയിലെ ഗ്രാമവാസികൾക്ക് പുഴമുറിച്ച് കടക്കാന്‍വേണ്ടി മരപ്പലകയാൽ ഉണ്ടാകിയ തൂക്കുപാലങ്ങൾ കാണാം .തൂക്കുപാലത്തിന് മുകളിൽനിന്നുമുള്ള കാഴ്ച്ച് ശെരിക്കും കുളിരണിയിക്കുന്നതാണ്.

കുറച്ച് നേരം റബ്ബർഎസ്റ്റേറ്റിന് നടുവിലൂടെയും തൂക്കുപാലത്തിന് മുകളിൽകയറിയും ഞങ്ങൾ സമയം പോയതറിഞ്ഞില്ല. ചൊക്കനയിൽ നിന്നും 16 കിലോമീറ്റർ കൂടിയുള്ളു ചിമ്മിനിഡാമിലേക്ക്.ചിമ്മിനി വന്യജീവി സംരക്ഷണ മഘലയായ വനത്തിലൂടെ കുറച്ച് ദൂരം പോയാൽ ഡാം കാണാം.അങ്ങോട്ടുള്ള വഴിയിൽ സ്ഥിരമായി കാട്ടാനകൾ ഇറങ്ങാറുണ്ടെന്നും സൂക്ഷിച്ച് പോകണമെന്നും വഴിചൊദിക്കുന്ന ഗ്രാമവാസികൾ ഞങ്ങളോട് പറഞു.

അവിടെ ചിമ്മിനി ജലവൈദ്യുത പദ്ദതി ,കാട്ടിലൂടെയുള്ള ട്രക്കിങ്ങ് ,മെഡിസിനൽ ഗാർഡന്‍ ബട്ടർഫ്ലൈ സഫാരി,ഭാമ്പൂ റാഫ്റ്റിങ്ങ് ,ഇക്കോഷോപ്പ് മുതലായവ കാണാം ചിമ്മിനി ഡാംമിൽ കെട്ടിനിറുത്തിയ മനോഹരമായ ജലാശയത്തിൽ കുറച്ച്നേരം സമയം ചിലവഴിച്ച് ഞങ്ങൾ ചിമ്മിനി ഡാമിനോടും ചൊക്കനയെന്ന മനോഹരമായ ഗ്രാമത്തിനോടും യാത്ര പറഞ്ഞു ഞങ്ങൾ മടങ്ങി. ചൊക്കന വാർട്സാപ്പിൽ ഫോർവേഡ് ചെയുന്ന ഈ സുന്ദരമായ ഇടം ഇനിയും കാണാത്ത സുഹൃത്തുകളോട് എനിക്ക് പറയാനുള്ളത് കേട്ടറിവിനേക്കാളും വായിച്ചറിഞ്ഞതിനേക്കാളും സുന്ദരമാണ് മ്മെടെ ചൊക്കന. നന്ദി തശൂ‍ർ ജില്ലക്ക്.ചൊക്കനെയെ ചൊറുക്കുള്ള ചൊക്കനയാക്കി കാത്ത് സൂക്ഷിച്ച് വരുന്നതിന് നന്ദി.......................

യാത്രാവിവരണം

ഷാനവാസ് എന്‍.കെ

Mob:-9037224261

കോഴിക്കോടിന്‍റെ ഗവിയിലേക്ക് ഞാനുമെന്‍റെ ബുള്ളറ്റും കൂടി

2017-01-13T08:57:00.000-08:00

സോളോ റൈഡ് ടു വയലട കോഴിക്കോട്

കോഴിക്കോട് കണ്ണൂര്‍ റൂട്ടില്‍ പാരഗണ്‍ റസ്റ്റോറന്റിന്റെ എതിര്‍വശം പാല്‍സര്‍ബത്ത് കട. പാരഗണ്‍ ഹോട്ടലിന്റെ മുന്നിലൂടെ അങ്ങോട്ടുമിങ്ങോട്ടും നടക്കാന്‍ തുടങ്ങിയിട്ട് സമയം കുറെയായി അങ്ങനെയൊരു സര്‍ബത്ത് കട കാണാനില്ല. ടേസ്റ്റിസ്പോട്ട് ആപ്പിലൂടെ കോഴിക്കോട് സ്പെഷ്യല്‍ പാല്‍സര്‍ബത്ത് അന്യേഷിച്ച് ഗൂഗിള്‍മാപ്പ് നോക്കി ഇറങ്ങിപുറപ്പെട്ടതാണ് രാവിലെ. ഇനി ഗൂഗിള്‍മാപ്പും ആപ്പും പറ്റിച്ചതാണോ. ഉച്ചവെയിലിന്റെ ചൂട് ശെരിക്കും പണിതന്നിരിക്കുന്നു.ദാഹവും ക്ഷീണവും കൊണ്ട് തളര്‍ന്നപോലെ .ഇനി മുന്നോട്ട് പോണമെങ്കില്‍ വല്ലതും കഴിക്കണം നിരാശയോടെ നില്‍കുമ്പോളതാ ഹാട്ടലിന്റെ മറുവശത്ത് റോഡിനരികില്‍ ഒരു കടയുടെ മുന്നില്‍ കുറച്ചാളുകള്‍ എന്തിനോ കാത്ത് നില്‍ക്കുന്നത് പോലെ . പ്രതീക്ഷയോടെ അങ്ങോട്ടുചെന്നപ്പോള്‍ ഒരാള്‍ പുട്ട്കൂറ്റിയോളം വലുപ്പമുള്ള നിരത്തി വച്ചിരിക്കുന്ന ചില്ലുഗ്ലാസില്‍ നന്നാറിസര്‍ബത്തും നാരങ്ങാനീരും കാച്ചിയപാലും ചേര്‍ത്തോരു സ്പെഷ്യല്‍ ഐറ്റം തയ്യാറാക്കുന്നു. ഓര്‍ഡര്‍ചെയ്യാതെ തന്നെ തിക്കിതിരക്കി ഒരെണ്ണം ആദ്യം തന്നെ ഞാനെടുത്തു .അത് വരെയുണ്ടായിരുന്ന ക്ഷീണവും ദാഹവുംമെല്ലാം പാല്‍സര്‍ബത്ത് കഴിച്ചപ്പോള്‍മറന്നിരിക്കുന്നു.ഇനിയും ഒരു നൂറ്കിലോമീറ്റര്‍ റൈഡ്ചെയ്യാന്‍ മനസ്സ് സജ്ജമായിക്കഴിഞു. ഗൂഗിള്‍മാപ്പെടുത്തു റൂട്ടിങ്ങ് തുടങ്ങി വയലട കോഴിക്കോടിന്റെ ഗവിയെന്നും ഊട്ടിയെന്നുമൊക്കെ അറിയപ്പെടുന്ന സ്ഥലം നാല്‍പത് കിലോമീറ്ററും കൂടി പോകണം. തിരിച്ചുവരുവാനുള്ള പെട്രോളൂം കൂടി വണ്ടിയില്‍നിറച്ച് വിണ്ടും യാത്രതുടങ്ങി.

കൃത്യമായ പ്ലാനിങ്ങോന്നുമില്ലാതെ രാവിലെ ഒമ്പത് മണിക്കിറങ്ങിയതാണ്. കോഴിക്കോട് വയലടക്ക് പോകാന്‍തീരുമാനിച്ച് വരാമെന്ന്പറഞ്‍ ഫ്രണ്ട് വന്നില്ല. തീരുമാനിച്ചയാത്രമുടക്കണ്ടാന്ന് കരുതി വണ്ടിയെടുത്തുനേരേ കോഴിക്കോട്ക്ക് തന്നെവിട്ടു.ഒറ്റക്ക് വയലടക്ക് പോകാന്‍കഴിയുമോന്നറിയില്ല.എന്തായാലും എത്തുന്നത് വരെ പോകാന്‍തീരുമാനിച്ചു.ചമ്മ്രവട്ടം തിരൂര്‍ താനൂര് കടലുണ്ടി . കടലുണ്ടി പാലത്തില്‍ കുറച്ച് നേരം ചിലവഴിച്ചു. അവിടെത്തെ തട്ടുകടയില്‍ന്ന് ഉപ്പിലിട്ട നെല്ലിക്കയും പൈനാപ്പിളും വാങ്ങി നേരേ ചാലിയം ജങ്കാറിലേക്ക് . വണ്ടി ജങ്കാറില്‍കയറ്റി നങ്കൂരമിട്ടു.അക്കരെ ബേപ്പൂര് തൂറമുഖത്ത് ലക്ഷദ്വീപിലേക്കുള്ള വലിയ കാര്‍ഗോ ഷിപ്പ് ഇന്ത്യന്‍ നേവിയുടെ ബോട്ടുകള്‍ കോസ്റ്റ്ഗാര്‍ഡിന്റെ ബോട്ടുകള്‍ മുതലായവ നിറുത്തിയിട്ടിരിക്കുന്നു. നേരേ ബേപ്പൂര് തുറമുഖത്തേക്ക് പാസ്സെടുത്ത് അകത്ത്കയറി കപ്പലിനടുത്തുചെന്ന് കുറച്ച് സെല്‍ഫിയും ഫോട്ടോസുമെടുത്ത് വണ്ടിതിരിച്ചു കോഴിക്കോട് ബീച്ച്.ഇനിയങ്ങോട്ട് വഴിയറിയില്ല.ആകെ ആശ്രയം ഗൂഗിള്‍മാപ്പാണ്. ഉച്ചവെയില്‍ ശരിക്കും പണിതന്നിരിക്കുന്നു. ദാഹവും ക്ഷീണവും കൊണ്ട് തളര്‍ന്നപോലെ .ഇനി മുന്നോട്ട് പോണമെങ്കില്‍ വല്ലതും കഴിക്കണം .അങ്ങനെയാണ് ടേസ്റ്റിസ്പോട്ട് ആപ്പില്‍നിന്നും പാല്‍സര്‍ബ്ബത്തിനെ കുറിച്ചറിയുന്നത്.കണ്ണൂര്‍റൂട്ടിലൂള്ള പാരഗണ്‍ ഹോട്ടിലിന് മുന്നിലുള്ള ഒരു ചെറിയകട.അവിടെന്ന് പാല്‍സര്ബത്തും കഴിച്ചു വയലടക്ക് യാത്രതുടങ്ങി.

കോഴിക്കോട്നിന്നും നാല്‍പത്കിലോമീറ്റര്‍ ബാലുശേരി കക്കയം റൂട്ടിലാണ് വയലട. മൂപ്പത് കിലോമീറ്റര്‍ നാല്‍പത് മിനിറ്റ്കൊണ്ട്കഴിഞ്ഞു.ഇനിയങ്ങോട്ട് ഹൈറേഞ്ചാണ്. റോഡിനിരുവശവും കാഴ്ചകള്‍ നിറഞ്ഞുതുടങ്ങി ഒരു വശത്ത് കത്തിജ്വലിക്കുന്ന സൂര്യകിരണങ്ങളെ ഭൂമിയില്‍പതിയാതെ തടഞ്ഞു നിര്‍ത്തുന്ന റബ്ബര്‍ മരങ്ങള്‍ മറുവശത്ത് കാട്ടരുവികളും കരിമ്പാറ ക്കല്ലുള്‍കിടയിലൂടെ വെള്ളിനൂല്‍പോലെ ഒലിച്ചിറങ്ങുന്ന ചെറിയവെള്ളച്ചാട്ടങ്ങളും. 10 കിലോമീറ്റര്‍ നീണ്ടയാത്രക്കൊടുവില്‍ വണ്ടിചെന്നെത്തിയത് കരിങ്കല്ലുകള്‍പതിച്ച വഴിയിലാണ്.അവിടെന്നങ്ങോട്ട് ഓഫ് റോഡാണ് കാറിന്കയറാന്‍കഴിയില്ല ജീപ്പ് മാത്രമാണ് പോകുന്നത് .ഒന്നരകിലോമീറ്റര്‍ വലിയകരിങ്കല്ലുകള്‍ വിരിച്ച കയറ്റം. അല്‍പം സാഹസികതയോടെ ബൈക്ക് മുകളിലേക്ക് കയറ്റി .മുകളില്‍ നട്ടുച്ചക്ക് പോലും നല്ല തണുപ്പാണ് . സൈന്‍ബോഡില്‍ മൌണ്ട് വയലട വ്യൂ പോയിന്റ് , മുള്ളന്‍പാറ എന്ന് എഴുതിയിരിക്കുന്നത് കണ്ടപ്പോള്‍ എനിക്ക് ആവേശം കൂടി. ഉരുണ്ട് ആകൃതിവന്നിരിക്കുന്ന പാറക്കല്ലുകള്‍ക്കിടയിലൂടെ മുള്ളന്‍പാറ്ക്ക് മുകളിലേത്തി.

പേരുപോലെത്തന്നെ മുള്ളുകള്‍പോലെ പാറമുനകള്‍ കൂര്‍ത്തിരിക്കുന്നു.ഒരുനിമിഷം എങ്ങോട്ട് നോക്കണം എന്നറിയാതെ നിന്നു.താഴെ കക്കയം ഡാമതാ ചൈനാവന്‍മതിലിന്റെ ആകാശകാഴ്ചപോലെ നെഞ്ച് വിരിച്ച് നില്‍കുന്നു .ഡാമില്‍ കെട്ടിനിര്‍ത്തിയിരിക്കുന്ന വെള്ളം നിറഞ്ഞ തടാകത്തിന്ചുറ്റും തിങ്ങിനിറഞ്ഞ വനങ്ങള്‍ മേഘങ്ങള്‍ തൊട്ടുതലോടിക്കൊണ്ട് പോകുന്ന മലകള്‍ വിധൂരതയില്‍ കാട്ടുപച്ചപ്പ് രണ്ടായിരത്തിലധികം ഉയരത്തില്‍നിന്നും ആ കാഴ്ച കണ്ണിനെ കുളിരണിയിക്കുന്നതാണ്. കുറച്ച് നേരം അവിടെ കണ്ണില്‍കണ്ടതെല്ലാം കാമറയില്‍പകര്‍ത്തി മലയിറങ്ങി. .കാഴ്ചകള്‍ കണ്ട് മലയിറങ്ങുമ്പോള്‍ ഒരു കൊച്ചു വെള്ളച്ചാട്ടത്തിലിറങ്ങി ഫ്രഷായി വീണ്ടും ബൈക്കെടുത്ത് തിരിഞ്ഞ് നോക്കിയപ്പോള്‍ വയലടമല എന്നെ നോക്കി യാത്രപറയുന്നപോലെ. ഇനിയിത്പോലെ സമയം കിട്ടുമ്പോള്‍ കൂട്ടുകാരെയും കൂട്ടി വരാട്ടോ.... ഞാന്‍ മനസ്സില്‍ പറഞു. ഇനി പോകാനുള്ളത് വനപര്‍വം ഇക്കോ ടൂറിസത്തിലേക്കാണ് പക്ഷേ ആകെ വഴിപറഞുതരുന്ന മൊബൈലിലെ ബാറ്ററി തീര്‍ന്നിരിക്കുന്നു ഇനി ഗൂഗിള്‍മാപ്പും ജി.പി.എസ്സും ക്കിട്ടില്ല തിരിച്ച് നേരേ കോട്ടക്കലിലേക്ക്

കോട്ടക്കല്‍ വി.എച്ച് അവില്‍ മില്‍ക്ക് .കോട്ടക്കലിലെ ഒരു സ്പെഷ്യല്‍ ഐറ്റം അവില്‍മില്‍ക്കാണ് . അവില്‍മില്‍ക്ക് ഇഷ്ടമുള്ളവര്‍ കോട്ടക്കലിലെ വി.എച്ച് അവില്‍മില്‍ക്ക് കടയിലെ എസ്.പി അവില്‍മില്‍ക്ക് കഴിക്കുണം .അങ്ങനെ അവില്‍മില്‍ക്കും കഴിച്ച് ഇനി മലപ്പുറം കോട്ടക്കുന്നിലേക്ക്.സോഷ്യല്‍മിഡിയയില്‍ വളരെ ഫേമസ്സാണ് കോട്ടക്കുന്നിലെ മ്യൂസിക് ലേസര്‍ വാട്ടര്‍ ഫൌണ്ടന്‍ഷോ ഇന്ത്യയിലെ തന്നെ നമ്പര്‍വണ്‍ മ്യൂസിക് ലേസര്‍ വാട്ടര്‍ ഫൌണ്ടന്‍ഷോ ആണെന്ന് പറയുന്നു നമ്മുടെ മലപ്പുറം കോട്ടക്കുന്നില്‍ ആഴ്ചയില്‍ ശെനിയും ഞായറും .എങ്കില്‍ അതൊന്ന് കാണണം ഏഴരക്കാണ് ഷോ .വെറുതെ പറയുന്നതല്ലട്ടോ കിടു. മലപ്പുറത്തിന്റെ ചരിത്രം ലേസര്‍ പ്രോജക്ടറിലൂടെ ജലതരങ്കങ്ങള്‍ കൊണ്ട് പശ്ചാതലം ഒരുക്കിയ സ്ക്രീനില്‍ , മ്യൂസിക്ക് ലേസര്‍ വാട്ടര്‍ ഡാന്‍സും അരമണിക്കൂര്‍ സമയം പോളിച്ചു എന്നല്ല പൊളിച്ചടക്കി എന്ന് വേണം പറയാന്‍.

വീട്ടിലെത്തിയപ്പോള്‍ സമയം ഒമ്പത് മണിയായിരക്കുന്നു .അപ്പോഴാണൊരുകാര്യം ആലോജിച്ചത് രാവിലെ വീട്ടില്‍നിന്നിറങ്ങിയതും ഒമ്പത് മണിക്കായിരുന്നു.12മണികൂറിലെ ഒരു പകല്‍സമയം കൊണ്ട എന്തല്ലാം കാഴ്ചകള്‍ മിന്നിമറഞ്ഞിരിക്കുന്നു. ബേപ്പൂര് തൂറമുഖം,കോഴിക്കോട് ബീച്ച്,പാല്‍ സര്‍ബത്തിന്റെ രുചി,വയലട മുള്ളന്‍പാറ,കോട്ടക്കല്‍ അവില്‍മില്‍ക്ക്,മലപ്പുറം കോട്ടക്കുന്ന്.അങ്ങെനെയങ്ങെനെ...........

Sholayar malakkappara valppara bike ride

2016-12-03T21:37:00.001-08:00

400 kilometers one day 3 bikes 5members include 2bullet and one pulsur
From Kadanchery riders
Ride start kadanchery Trissur angamali vazhachal shollayar malakkappara valppara pollachi palakkad Kadanchery
Awesome trip
We could see many animals in shillayar forest there is elephants monkey's wild cock, Black monkey ,lions tail monkey, wild goat etc....

മലക്കപ്പാറ ബൈക്ക് റൈഡ്

എല്ലാ ഹർത്താൽ ദിവസവും ബോറടിച്ച് വീട്ടിൽ ഇരിക്കലായിരുന്നു.എന്നാൽ ഇക്കഴിഞ അർത്താൽ ഞങ്ങൾ ശെരിക്കും ആസ്വദിച്ചു. മൂന്ന് ബൈക്കിൽ ഞങ്ങൾ അഞ്ച് പേര് ഒരു പൾസറും രണ്ടു റോയൽ എനഫീൽഡും ഞങ്ങൾക്ക് കൂട്ടിനുണ്ടായിരുന്നു.

അതിരപ്പള്ളി ഷോളയാർ മലക്കപ്പാറ വാൽപ്പാറ ആളിയാർ പോള്ളാച്ചി പാലക്കാട്

സോളോ റൈഡ് ടു ഊട്ടി ഫ്ലവർ ഷോ?

2016-11-01T01:45:00.001-07:00

* എന്റെയാത്രാ വിവരണം * *ooty flower show * ഒരുപാട് നാളെത്തെ ആഗ്രഹമായിരുന്നു. നീലഗിരിയുടെ മണ്ണിലൂടെ തണുപ്പിന്റെ ലോകമായ ഊട്ടിയിലേക്ക് ഒറ്റക്ക് ബൈക്കിൽ ഒരു റൈഡ്. അതിനു സാധിച്ചത് കഴിഞ്ഞ ഞായറാഴ്ച്ച 29-5-2016 ന്ആയിരുന്നു. ഊട്ടി ഫ്ലവർ ഷോ 2016 കാണാൻ ഞാനും എന്റെ ക്ലാസിക്ക് 350 യും കൂടി രാവിലെ യാത്ര തുടങ്ങി .രാവിലെ 11:30 ആയപ്പോഴേകും 180 കി.മി. കൂളായി സഞ്ചരിച്ച് ഊട്ടിയിലെത്തി ,സമ്മർ വെക്കേഷന്റെ അവസാനമായതിനാലും ഊട്ടി ഫ്ലവർ ഷോ കാണാനും ഒരു പാട് മല്ലൂ ബോയ്സ് ബൈക്കുമെടുത്ത് വന്നിരുന്നു. നാടുകാണി ചുരത്തിലൂടെ ക്ലാസിക്ക് 350 വളെരെ ഈസിയായി കടന്ന് പോന്നു. ഗൂഡല്ലൂർ കഴിഞ്ഞാൽ പിന്നങ്ങോട്ട് മഞ്ഞ് പെയ്യുകയായിരുന്നു. ഒരു ഷർട്ടും ഇന്നറും സെട്ടറും പിന്നെ റെയിൻകോട്ടും ധരിച്ചായിരുന്നു യാത. എന്നിട്ടും കൈ തണുത്ത് മരവിച്ച പോലെയായിരുന്നു. ഊട്ടിയിൽ ബോട്ടാണിക്കൽ ഗാർഡനും റോസ് ഗാർഡനിലും മായിരുന്നു ഫ്ലവർ ഷോ. പൂക്കളുടെ ഒരു ചാകരയായിരുന്നു ഉട്ടിയിൽ .അന്ന് രാത്രി ഉട്ടിയിൽ തങ്ങാൻ യൂത്ത് ഹോസ്റ്റലിൽ ഡോർമെറ്റി റി അന്വേഷിച്ചു സീസണായതിനാൽ ഒഴിവുണ്ടായിരുന്നില്ല. വൈക്കീട്ട് മൂന്ന് മണിക്ക് അവിടെ നിന്നും തിരിച്ചു 9:45 ന് വീട്ടിൽ എത്തി .യാത്രയുടെ ക്ഷീണം ഉണ്ടായിരുന്നെങ്കിലും ഉറങ്ങാൻ കിടന്നപ്പോൾ ഞാൻ ആലോജിച്ചത് അടുത്ത റൈഡ് ഇനി എന്ന് പോക്കാൻ പറ്റും എങ്ങോട്ട് പോണം എന്നായിരുന്നു.. റൈഡ് തുടങ്ങിയത് മുതൽ തിരിച്ച് വീട്ടിൽ എത്തുന്നത്. വരെ ഒരു ബുദ്ധിമുട്ടും പ്രയാസങ്ങളും വരുത്താത്തതിന് റബ്ബിനോട് നന്ദി പറഞ്ഞിട്ടാണ് ഉറങ്ങിയത്.......

എന്റെ യാത്രാ വിവരണം വാഗമണ്‍ മൊട്ടക്കുന്നുകള്‍ കാണാനായ്‌

2016-11-01T00:21:00.001-07:00

എന്റെ യാത്രാ വിവരണം വാഗമണ്‍ മൊട്ടക്കുന്നുകള്‍ കാണാനായ്‌
ഓഫീസിലെ നാലു കസേരകളില്‍ ഞങ്ങള്‍ മുഖത്തോട്‌ മുഖം നോക്കി ജോലിചെയ്യാന്‍ തുടങ്ങിയിട്ടൊരുപാട്‌ നാളായി. ജോലി സമയത്തെ ഫ്രീ ടൈമിലെ കൊച്ചു കൊച്ചു സംസാരങ്ങളില്‍ കൂടുതലും കയറിവരുന്ന വിശയം നമുകൊരുമിച്ചൊരു ട്രിപ്പ്‌ പോകണം എന്നായിരുന്നു. ഈ തിരക്കൊന്ന്‌ കഴിഞ്ഞോട്ടെ എന്നിട്ട്‌ പോകാം എന്ന്‌ പറച്ചില്‍ തുടങ്ങിയിട്ട്‌ ഒരുപാട്‌ നാളായി. യൂനസ്സിന്റെ തിരക്ക്‌പിടിച്ച പണികഴിയുമ്പോളെക്കും ഷാജിക്ക്‌ തിരക്കാവും അത്‌ കഴിയുമ്പോഴേക്കും എനിക്ക്‌ വല്ല അര്‍ജന്റ്‌ പണിയും വന്നിട്ടുണ്ടാവും.ഞങ്ങള്‍ മൂന്ന്‌പേരും ഒരുവിധം റെഡിയാകുമ്പോള്‍ ഫൈസലിന്‌ വല്ല അഖിലേന്ത്യ ടൂര്‍ണ്ണമെന്റ്‌ കളിക്കാനുണ്ടാകും . അങ്ങനെ ദിവസങ്ങളും മാസങ്ങളും ഒരുപാട്‌ കടന്ന്‌ പോയി.അവസാനം ആ ദിവസം വന്നു എല്ലാ തിരക്കുകള്‍ക്കും സ്റ്റോപ്പ്‌ പറഞ്ഞ്‌ ഒരു ദിവസം ഞങ്ങള്‍ യാത്ര തിരിച്ചു വാഗമണ്ണിലെ പച്ചപരവതാനിവിരിച്ച മൊട്ടക്കുന്നുകള്‍ കാണാന്‍.
ഒരു ശെനിയാഴ്‌ച്ച വൈകീട്ടാണ്‌ ഞങ്ങള്‍ പ്ലാന്‍ ചെയ്‌തത്‌ . രാത്രി എട്ട്‌ മണിക്ക്‌ യാത്ര തുടങ്ങാം എന്നാണ്‌ തീരുമാനിച്ചിരുന്നത്‌. പോകാനുള്ള എല്ലാകാര്യങ്ങളും ഓകെയായി പക്ഷേ യാത്രക്കുള്ള വണ്ടി മാത്രം ആറുമണിയായിട്ടും ഞങ്ങള്‍ക്ക്‌ കിട്ടിയില്ല.വെള്ളിയാഴ്‌ച്ച തുടങ്ങിയ തിരച്ചിലാണ്‌ വണ്ടിക്ക്‌ .അവസാനം ഞങ്ങള്‍കൊരു മാരുതി അള്‍ട്ടോ കാര്‍കിട്ടി.നാനൂറോളം കിലോമീറ്ററുകള്‍ താണ്ടി ഞങ്ങളെ ഒരു കുഴപ്പവും വരുത്താതെ തിരിച്ചെത്തിച്ചത്‌ ആ കാറാണ്‌ അത്‌കൊണ്ട്‌ മാത്രം ഞങ്ങളാവണ്ടിയെ ബഹുമാനിക്കുന്നു.ഒരു ദിവസത്തിന്‌ എണ്ണൂറ്‌ രൂപ വാടകകൊടുത്തിട്ടാണവനെ കിട്ടിയത്‌ .രാത്രിയായാല്‍ അവന്റെ കണ്ണിന്‌ കാഴ്‌ച്ച തീരെകുറവായിരുന്നു.ആകെ മൊത്തത്തില്‍ ഒരു ലഡാക്ക്‌ വണ്ടിയായിരുന്നു ഞങ്ങള്‍ക്ക്‌ അവസാനം പോകാനായി കിട്ടിയത്‌ .ഈ യാത്രക്ക്‌മുന്നില്‍ എന്ത്‌ തടസ്സങ്ങള്‍ തന്നെ വന്നാലും ഞങ്ങള്‍ പോകും എന്ന ഉറച്ച തീരുമാനം ഞങ്ങള്‍ക്ക്‌ നാലുപേര്‍ക്കും ഉണ്ടായിരുന്നു.
ഒമ്പത്‌ മണിക്ക്‌ എടപ്പാളില്‍നിന്നും തുടങ്ങിയ യാത്ര തൃശൂര്‍ കഴിഞ്ഞു അങ്കമാലിയില്‍നിന്നും മൂവാറ്റുപുഴ റൂട്ടിലൂടെ പോയി കാഞ്ഞാര്‍ വഴി വാഗമണ്ണിലേക്കായിരുന്നു പ്ലാന്‍. കാഞ്ഞാറെത്തിയപ്പോള്‍ സമയം രാത്രി പന്ത്രണ്ട്‌ മണി ആയിരുന്നു.അവിടെ നിന്നങ്ങോട്ട്‌ ഹൈറേഞ്ച്‌ റൂട്ടാണ്‌ രാത്രി മറ്റു വണ്ടികളോന്നും പോകുന്നത്‌ കാണുന്നില്ല. ഇനി അങ്ങോട്ട്‌ നാളെ രാവിലെ പോകാം ഇന്നിവിടെ തങ്ങാം എന്ന എന്റെ നിര്‍ദേശത്തിന്‌ ആരും എതിര്‍ത്തില്ല.താമസിക്കാനോരു ലോഡ്‌ജോ കോട്ടേഴ്‌സോ അവിടെ ഞങ്ങള്‍ക്ക്‌ കാണാന്‍ കഴിഞ്ഞില്ല.തോട്ടടുത്ത പഞ്ചായത്ത്‌ ഓഫീസിന്റെ കെട്ടിടത്തിന്‌ മുന്നില്‍ വണ്ടി പാര്‍ക്ക്‌ ചെയ്‌ത്‌ ഞങ്ങള്‍ ഉറങ്ങാന്‍ തീരുമാനിച്ചു പക്ഷേ ഉറങ്ങാനൊന്നും കഴിഞ്ഞില്ല.രാത്രി സംസാരിച്ചും പുറത്ത്‌ നടന്നുമൊക്കെ നേരം വെളുപ്പിക്കേണ്ടി വന്നു. നാലര മണിആയപ്പോള്‍ രണ്ട്‌ പേര്‌ അങ്ങോട്ട്‌ വന്നു അവിടെ ഞങ്ങളുടെ വണ്ടിക്കരികില്‍ നിറുത്തിയിട്ട ഉന്തുവണ്ടിയില്‍ എന്തോക്കെയോ ചെയ്യുന്നുണ്ടായിരുന്നു.ഞാനും ഷാജിയും കൂടി അടുത്ത്‌ ചെന്ന്‌ നോക്കിയപ്പോള്‍ അവര്‍ മീന്‍കച്ചവടക്കാരാണെന്ന്‌ മനസ്സിലായി. അവരോട്‌ ഞങ്ങളെല്ലാം ചോദിച്ചറിഞ്ഞു. �ഇവിട്‌ന്ന്‌ കുറച്ചങ്ങട്‌ പോയാലോരു ആറ്‌ണ്ട്‌. നേരം വെളുത്താലവിടെ പോയികുളിക്കാം�. 'ആറൊ' ഒരു നിമിഷം ഞാന്‍ ചിന്തിച്ചു എന്താണാവോ ആറ്‌ എന്തായാലു രാവിലെ ഫ്രീ ആയി കുളിക്കാം എന്ന്‌ മനസ്സിലായി. �കുളികഴിഞ്ഞ്‌ട്ട്‌� ഇവിടെ പഞ്ചായത്ത്‌ ടോയ്‌ലറ്റും ഉണ്ട്‌� അപ്പോ അതും ചിലവില്ലാതെ നടക്കും എനിക്ക്‌ ഉള്ളില്‍ ചിരിവന്നു. �അതും കഴിഞ്ഞ്‌ വരുമ്പോഴേക്കും ഹോട്ടലില്‍ ചായ റെഡിയായിട്ടുണ്ടാകും അതും കഴിച്ച്‌ ഉശ്ശാറായിട്ടിവിടെന്ന്‌ പോകാം�. നല്ലവരായ കാഞ്ഞാറിലെ ആ മീന്‍കച്ചവടക്കാരുടെ സഹായമനസ്‌കത ഞങ്ങള്‍ ഒരിക്കലും മറക്കില്ല.ഇനി ഒരു തവണകൂടി കാഞാറിലേക്ക്‌ വരാനുള്ള ഭാഗ്യം ഉണ്ടായാല്‍ ഞങ്ങള്‍ക്ക്‌ നിങ്ങളെകാണാനുള്ള ഭാഗ്യം ഉണ്ടായാല്‍ മതിയായിരുന്നു എന്ന്‌ ഞാന്‍ ചിന്തിച്ചു. നേരം വെളുക്കാനിനിയും സമയമുണ്ട്‌ ഫൈസലും യൂനസ്സും കാറിന്റെ മുന്‍സീറ്റ്‌ നിവര്‍ത്തി നല്ല ഉറക്കമാണ്‌.കുറച്ചപ്പുറത്ത്‌ ഒരു ചായമക്കാനിക്കാരന്‍ തുറന്നുരുന്നു ഞാനും ഷാജിയും അവിടെ പോയി ഒരു നല്ല കട്ടന്‍ചായയും കുടിച്ച്‌ ആതണുപ്പത്ത്‌ അങ്ങാടിയിലൂടെ ഒരു ചെറിയ നടത്തം.അപ്പോഴെക്കും നേരം വെളുത്തു ഫൈസലും യൂനസ്സും ഉറക്കത്തില്‍ നിന്നും എണീറ്റുവന്നു.ഞങ്ങള്‍ നാലുപേരുംകൂടി ഒരോ കട്ടന്‍ചായയും ബെന്നും വെറുംവയറ്റില്‍ പല്ലുതേക്കാതെ അകത്താകി.എന്നിട്ട്‌ കുളിക്കാനുള്ള സോപ്പും, ബ്രഷും പേസ്റ്റും വാങ്ങി കുളിക്കാനുള്ള ആറിലേക്ക്‌.ആറെന്ന്‌ പറഞ്ഞാലാതാണെന്ന്‌ അപ്പോളാണ്‌ മനസ്സിലായത്‌.ഡാമിലെ വെള്ളം കെട്ടി നിറുത്തിയതിന്റെ സുന്ദരമായൊരു തടാകം നല്ല തെളിനീര്‍പോലെത്തെ തണുത്ത വെള്ളത്തിലൊരുകുളി.അതുകഴിഞ്ഞ്‌ പ്രഭാത കര്‍മ്മപരിപാടികളോക്കെ നടത്തി അവിടെന്ന്‌ ചായയും കുടിച്ചു നേരെ വാഗമണ്ണിലേക്ക്‌ യാത്രതിരിച്ചു.
കാഞ്ഞാറില്‍നിന്ന്‌ വാഗമണ്‍വരെ ഹൈറേഞ്ച്‌ റൂട്ടാണ്‌.മനോഹരമായ വഴികള്‍ ശ്രദ്ധിച്ച്‌ വണ്ടിയോടിച്ചില്ലങ്കില്‍ അപകടവുമുണ്ടാകും.കയറ്റവും ഇറക്കവും വളവും തിരിവുമായി വാഗമണ്‍വരെ മലയോരകാഴ്‌ച്ചകള്‍ വെള്ളച്ചാട്ടങ്ങള്‍ ആകാശം മുട്ടാനായ്‌ നില്‍ക്കുന്നപോലുള്ള പച്ചവിരിച്ച മലകള്‍ അങ്ങനെ കാഴ്‌ച്ചകള്‍ ഒരുപാടുണ്ടായിരുന്നു വാഗമണ്ണിലേക്കുള്ള ആ യാത്രയില്‍. സുന്ദരമായ സ്ഥലത്തെല്ലാം വണ്ടി നിറുത്തി സെല്‍ഫികളെടുത്തും മതിയാവോളം ഞങ്ങളവിടെ ആസ്വതിച്ചു.
രാവിലെ പത്ത്‌മണിയോടെ വാഗമണ്ണിലേത്തി.അവിടെത്തിയപ്പോള്‍ അത്‌ വരെ കണ്ടകാഴ്‌ച്ചകളെല്ലാം മാറിയപോലെ ചെറിയ ചെറിയ മൊട്ടാക്കുന്നുകളാണ്‌ ചുറ്റിലും.പച്ചകാര്‍പറ്റ്‌ വിരിച്ചപോലെ മരങ്ങളൊന്നുമില്ലാത്ത നടന്ന്‌ കയറാന്‍കഴിയുന്ന ചെറിയചെറിയ മൊട്ടക്കുന്നുകള്‍.ഏത്‌ മൊട്ടക്കുന്നാണ്‌ കൂടുതല്‍ഭംഗി എന്ന്‌ സംശയിച്ച്‌പോകും.ഒരുവിധം കുന്നിലെല്ലാം ഞങ്ങള്‍ കയറിയിറങ്ങി ഫോട്ടോയും എടത്ത്‌ നേരേ അവിടെ തൊട്ടടുത്ത സ്ഥലമായ തങ്ങള്‍പാറയിലേക്ക്‌.
തങ്ങള്‍പാറലക്ഷ്യമാക്കിപോകുന്നത്‌ ഒരു മലമുകളിലേക്കാണ്‌.വാഗമണ്‍മൊട്ടക്കുന്നുകള്‍ക്കെല്ലാം ഉയരത്തില്‍വരും തങ്ങള്‍പാറ . പേര്‌പോലെതന്നെ പാറക്കുട്ടങ്ങളാണവിടെ. മലപോലെ നില്‍ക്കുന്ന പാറക്ക്‌മുകളിലെത്തിയാല്‍ അവിടെയുള്ള എല്ലാമലകള്‍ക്കും മുകളില്‍ നില്‍ക്കുന്ന പോലെതോന്നും.സൂര്യകിരണങ്ങള്‍ ഉയര്‍ന്ന്‌ നില്‍ക്കുന്ന മലകളുടെ ഒരുവശത്ത്‌ വന്ന്‌ പതിച്ചുണ്ടാകുന്ന പ്രകാശവും മലകള്‍ക്ക്‌ മറുവശം മഞ്ഞ്‌പുതഞ്ഞ്‌ കിടക്കുന്ന അവസ്ഥയും ഒറ്റ നോട്ടത്തില്‍ അവിടെ കാണാന്‍കഴിയും .വളരെ അപകടം പിടിച്ചതാണെന്ന്‌ തോന്നി. പാറക്ക്‌മുകളിലേക്ക്‌ കയറാന്‍പറ്റാത്ത തരത്തില്‍ ഭയങ്കരകാറ്റ്‌ .കാറ്റില്‍ ബാലന്‍സ്‌ തെറ്റിതാഴെക്ക്‌പോകുമോന്ന്‌ പേടിച്ച്‌പോകും.ഒരുവിധത്തില്‍ പകുതിയിലേറേയും ഞങ്ങള്‍കയറി.പിന്നെ അവിടെന്നങ്ങോട്ട്‌ പോകാനാര്‍ക്കും ദൈര്യം വന്നില്ല അത്രക്ക്‌ ശക്തമായിരുന്നു കാറ്റ്‌. അവിടെന്ന്‌ കുറച്ച്‌കൂടി ഉയരത്തിലെത്തിയാല്‍ പാറ്‌ക്ക്‌മുകളില്‍ ഒരു മഖാം ഉണ്ട്‌ അവിടേക്ക്‌ നേര്‍ച്ച നേര്‍ന്നിട്ട്‌ ഒരുപാടു വയസ്സായവരും കുട്ടികളും സ്‌ത്രികളും എല്ലാം വളരെ കൂളായി പോകുന്നത്‌ കണ്ടപ്പോള്‍ ഞങ്ങള്‍ അതിശയിച്ചുപോയി.ഒരു പക്ഷേ മഖാമിലേക്ക്‌ നേര്‍ച്ചനേര്‍ന്ന്‌ പോകുന്നത്‌ കൊണ്ടാകാം അവര്‍ക്ക്‌ കാറ്റിന്റെ ശല്യം ഉണ്ടാകാത്തത്‌ എന്ന്‌ ഞാന്‍കരുതി
സമയം ഉച്ചകഴിയാറായിരിക്കുന്നു.തങ്ങള്‍പാറയില്‍ന്നും താഴെയെത്തി ഞങ്ങള്‍ അവിടെത്തെ കടയില്‍ന്നും ചായയും ലഘുഭക്ഷണങ്ങളും കഴിച്ചു വിണ്ടും യാത്രതുടങ്ങി.കുരിശുമല ലക്ഷ്യമാക്കി. വാഗമണ്ണിലേ ചായക്കെന്തോ കുഴപ്പമുണ്ട്‌ എന്താണെന്നറിയില്ല കുരിശുമലയിലേക്കുള്ള യാത്ര വളരെ സൈലന്റായിരുന്നു കാരണം എല്ലാവരും ഉറങ്ങിപോയി ഒരാളോഴികെ ഡ്രൈവര്‍. ഓനുംകൂടി ഉറങ്ങിയാപ്പിന്നെ നാട്ടിലേക്കുണ്ടാവൂല.കുരിശുമലയിലേക്ക്‌ വഴിചോദിച്ച്‌ യൂനസ്സ്‌ മടുത്തു.ഞാന്‍ ഉറക്കത്തില്‍ന്നും ഉണര്‍ന്നപ്പോള്‍ എല്ലാവരും ഉറക്കത്തിലാണ്‌ വണ്ടിയാടിച്ച്‌ വഴിചോദിച്ച്‌ ഡ്രൈവര്‍ അങ്ങോട്ടുമിങ്ങോട്ടും പോയ്‌കൊണ്ടിരിക്കുന്നു. സംഭവം എന്തെന്ന്‌ ചോദിച്ചപ്പോള്‍ ഇത്‌ശെരിയാകുന്നില്ല വഴിയാകെ തെറ്റിയെന്ന്‌ പറഞ്ഞ്‌ അവന്‍.സമയം നോക്കിയപ്പോള്‍ നാലരകഴിഞ്ഞിരിക്കുന്നു.ഇനിയിപ്പോ വഴിചോദിച്ചറിഞ്ഞങ്ങോട്ടെത്തുമ്പോളെക്കും അവിടെ ചിലപ്പോള്‍ അടച്ചിരക്കും അത്‌കൊണ്ട്‌ നമുക്ക്‌ തിരിക്കാം എന്ന്‌ തീരുമാനിച്ചു.അങ്ങനെ വീണ്ടും ഞാനുള്‍പെടെ എല്ലാവരും വണ്ടിയില്‍ ഉറക്കത്തിലേക്ക്‌ പോയി.യൂനസ്സിനോട്‌ വന്നവഴിപോയാല്‍മതിയെന്ന്‌ പറഞ്ഞ്‌ അവന്‍ എങ്ങോട്ടോ വിട്ടു.ഒടുവില്‍ വഴിതെറ്റിയെന്ന്‌മനസ്സിലായപ്പോള്‍ ഞങ്ങളെയെല്ലാരെയും ഉറക്കത്തില്‍ന്നും വിളിച്ച്‌.എല്ലാരും കണ്ണ്‌തുറന്ന്‌ നോക്കിയപ്പോള്‍ പരിജയമില്ലാത്ത സ്ഥലത്തായിരുന്നുഅപ്പോള്‍.ആരോടെങ്കിലും വഴിചോദിക്കാന്‍ നോക്കിയപ്പോള്‍ അവിടെ ആ വിജനമായ കാട്ടുവഴിയില്‍ ആരെയും കാണാനില്ല. ഒരു വശത്ത്‌ കാടുപിടിച്ച്‌ അഘാതമായ താഴ്‌ച്ചയും മറുവശത്ത്‌ മലഞ്ചരിവുമായ വീതികുറഞ്ഞ ഒരു വഴി. കാട്ടുചുരമാണ്‌ ചുരം ഇറങ്ങുകയാണ്‌.എന്തായാലും വേണ്ടില്ല മുന്നോട്ട്‌ പോകാന്‍തീരുമാനിച്ചു.അങ്ങനെ എവിടെയെത്തുമെന്നറിയാതെ മലയിറങ്ങിക്കോണ്ടിരിക്കുകയാണ്‌.കുറച്ചകൂടിമുന്നോട്ട്‌ പോയപ്പോള്‍ വെള്ളചാട്ടത്തിന്റെ ശബദം കേട്ടു. അവിടെ റോഡിന്‌ വശത്തായി മനോഹരമായ ഒരു വലിയ വെള്ളച്ചാട്ടം കണ്ടു.മലയില്‍നിന്നും പാലൊഴുകുന്നപോലെ മനോഹരമായ കാഴ്‌ച്ച.വെള്ളച്ചാട്ടത്തിലിറങ്ങി കൈയ്യും മുഖവുമെല്ലാം കഴുകി ഫ്രഷായി ഞങ്ങള്‍ വിണ്ടും താഴോട്ടിറങ്ങി.കുറച്ചുകൂടികഴിഞ്ഞപ്പോള്‍ ഞങ്ങള്‍ക്ക്‌ പോകാനുള്ള സ്ഥല്‌ത്തിന്റെ സൈന്‍ബോഡ്‌ കണ്ടു ഞങ്ങള്‍ക്‌ ആശ്വാസമായി.
ജീവിധത്തില്‍ ഒരിക്കലും മറക്കാനാവാത്ത മുഹൂര്‍ത്തങ്ങള്‍ സംഭവിച്ച ആ പകല്‍ കഴിഞ്ഞ്‌കൊണ്ടിരിക്കുന്നു.ഇനി വീട്ടിലേക്കുള്ള മടക്കയാത്രയാണ്‌. ഓരോര്‍ത്തരും ആ സുന്ദരദിവസത്തിലെ അവിസ്‌മരണീയ കാഴച്ചകള്‍ മൊബൈല്‍ഫോണില്‍ പകര്‍ത്തിയത്‌ നോക്കി അത്ഭുതത്തോടെയിരിക്കുന്നു.നല്ല നല്ല മൂഹൂര്‍ത്തങ്ങള്‍ക്ക്‌ കോരിച്ചോരിയുന്ന പെരുമഴ ഒരു നല്ല ലക്ഷണമാണെന്നത്‌ അന്നെനിക്ക്‌ മനസ്സിലായി.മടക്കയാത്രയില്‍ ആ സുന്ദരപ്രകൃതി കഴിഞ്ഞത്‌ മുതല്‍ തിരിച്ച്‌ നാട്ടിലെത്തുന്നത്‌ വരെയും കോരിച്ചോരിയുന്ന മഴയായിരുന്നു�.
യാത്രാ വിവരണം –ഷാനവാസ് കാടഞ്ചേരി

കോഴിപ്പാറ വെള്ളച്ചാട്ടം കക്കാടംപൊയില്‍

2016-10-03T19:28:00.000-07:00

കോഴിപ്പാറ വെള്ളച്ചാട്ടം കക്കാടംപൊയില്‍

ഗള്‍ഫില്‍ ജോലിചെയ്യുന്ന സുഹൃത്ത്‌ ഷെബീര്‍ വന്നാല്‍ എല്ലാ പ്രാവശ്യവും ഞങ്ങള്‍ യാത്രകള്‍ പോകറുണ്ട്‌.ഇപ്രാവശ്യവും ഞങ്ങള്‍ ഒരു യാത്രക്ക്‌ ഇറങ്ങിപുറപെട്ടു.വല്യ പ്ലാനിങ്ങൊന്നുമില്ലായിരുന്നു ഈ യാത്രക്ക്‌.ഇന്നെലെ തീരുമാനിച്ചതാണ്‌ നാളെ പോകാന്ന്‌ അങ്ങനെ രാവിലെ ഒമ്പതരക്ക്‌ കാറെടുത്തെറങ്ങിയതാണ്‌. 'അല്ലാ നമ്മളിപ്പോളെവ്‌ട്‌ക്കാ പോണ്‌.' യാത്രതുടങ്ങി കുറച്ച്‌ദൂരം കഴിഞപ്പോള്‍ കാറിന്റെ പിന്‍സീറ്റില്‍ന്നും ആബിദിന്റെ ചോദ്യം.നാളെ രാവിലെ യാത്രപോകണം എന്ന്‌മാത്രമേ അവനോട്‌ പറഞ്ഞിട്ടുണ്ടായിരുന്നുള്ളു. നമ്മക്കിപ്പോ നേരെ നിലമ്പൂരിലേക്ക്‌ വിടാം അവിടെന്നും കക്കാടംപൊയ്‌ല്‍ ഞാന്‍പറഞ്ഞു.'കക്കാടംപൊയ്‌ലൊ’ ‘അവടെന്താ' ഷെബീറിന്റെ ചോദ്യം 'അവടെണ്‌ കോഴിപ്പാറ വെള്ളച്ചാട്ടം' ഷെബീറിന്റെ ചോദ്യത്തിന്‌ ഞാന്‍ മറുപടി പറഞ്ഞു. 'അത്‌ നമ്മളിന്നാള്‌പോയതല്ലെ' വീണ്ടും കാറിന്റെ പിന്‍സീറ്റില്‍ന്ന്‌ ആബിദിന്റെ ചോദ്യം.ഒരു വര്‍ഷം മുമ്പ്‌ ഞങ്ങള്‍ നിലമ്പൂരിലേക്ക്‌ പോയിരുന്നു അന്ന്‌ കനേലിപ്ലോട്ട്‌,തേക്ക്‌ മ്യൂസിയം, നെടുങ്കയം,ആഡ്യന്‍പാറ വെള്ളച്ചാട്ടം മുതലായവയെല്ലാം കണ്ടതാണ്‌.കക്കാടംപൊയ്‌ലിലേക്ക്‌ അന്ന്‌പോകാന്‍ കഴിഞ്ഞില്ല. 'ആ എന്തായാലുംവേണ്ടില്ല നമ്മക്കൊരു ചായകുടിച്ചാലൊ' ആബിദിന്‌ തീറ്റതന്നെ പ്രധാനം ഇങ്ങള്‌ എവടെപ്പോയാലും വേണ്ടില്ല ഇനിക്ക്‌ ഫുഡിന്റെ കാര്യത്തിലൊരു വിട്ട്‌ വീഴ്‌ച്ചയുമില്ല.അതാണവന്റെ പോളിസി.കാറിന്റെ മുന്‍സീറ്റിലിരുന്ന്‌ ഞാന്‍ ഷെബീറിന്‌ ചായക്കട കാണിച്ച്‌ കൊടുക്കാന്‍തുടങ്ങിയിട്ട്‌ രണ്ട്‌മൂന്ന്‌കിലോമീറ്ററായി.പൈലറ്റ്‌ ഞങ്ങള്‍ പോകുന്ന ഫ്‌ളയ്‌റ്റ്‌ ലാന്റിങ്ങ്‌ചെയ്യാനൊരു സ്ഥലം നോക്കികൊണ്ടിരിക്കുകയാണ്‌.മാരുതി എ.സ്റ്റാറാണ്‌ ഞങ്ങളുടെ ഫ്‌ളയ്‌റ്റ്‌.ചായകുടിക്കന്‍ വണ്ടിപാര്‍ക്കിങ്ങ്‌ സൗകര്യമുള്ള സ്ഥലത്താണെങ്കില്‍ ചായക്കടക്ക്‌ മൊഞ്ചുണ്ടാകൂല.മൊഞ്ചുള്ളചായക്കടയിലാണെങ്കില്‍ പൈലറ്റിന്‌ വണ്ടിനിറുത്താന്‍കഴിയൂല.അവസാനം ഒരു ചായക്കടയില്‍ കയറിപ്പോള്‍ സമയം പന്ത്രണ്ടര ആയി ഇനിയിപ്പോ ചായേണോകുടിക്കണ്ടത്‌ ചോറാണൊതിന്നണ്ടതെന്ന്‌ ആകെ കണ്‍ഫ്യൂഷനായി. 'മൂന്ന്‌ ചായ…കടിക്കാനെന്താണുള്ളത്‌' ചോറ്‌ കുറച്ച്‌ കഴിഞ്ഞ്‌ തിന്നാന്ന്‌ തീരുമാനിച്ചു.അങ്ങനെ ചായയും കൂടെ നല്ല നാടന്‍ അരിനുറുക്കും കഴിച്ച്‌ വീണ്ടും വണ്ടി മുന്നോട്ട്‌കുതിച്ചു.

നിലമ്പൂരിലെത്തിയപ്പോള്‍ ഒരുമണികഴിഞ്ഞിരുന്നു.നേരേ കക്കാടംപോയ്‌ലേക്ക്‌ .നിലമ്പൂരില്‍ന്നും എകദേശം ഇരുപതഞ്ച്‌ കിലോമീറ്ററോളം ഉള്ളിലേക്ക്‌ പോയാല്‍ കക്കാടം പോയ്‌ലെത്താം .ആഡ്യന്‍പാറ വെള്ളച്ചാട്ടത്തിലേക്ക്‌ പോകുന്നവഴി കുറച്ച്‌ദൂരം കഴിഞ്ഞ്‌ തിരിഞ്ഞ്‌ പോകണം കോഴിപ്പാറവെള്ളച്ചാട്ടത്തിലേക്ക്‌.
മനോഹരമായ റബ്ബര്‍ത്തോട്ടത്തിന്‌ നടുവിലൂടെയാണ്‌ പോകുന്നത്‌.പ്രകൃതിയില്‍ പച്ചപന്തല്‍ വിരിച്ചപോലെ റബ്ബര്‍ മരങ്ങള്‍തിങ്ങിനിറഞവഴിയിലൂടെയുള്ള ആയാത്ര ശെരിക്കും മനോഹരമായിരുന്നു . കൂടുതല്‍ മുന്നോട്ട്‌ പോകുംതോറും ഞങ്ങള്‍പോകുന്ന റോഡ്‌ വളഞ്ഞപുളഞ്ഞ്‌ കുണ്ടും കുഴിയും കയറ്റവും ഇറക്കവും ഹെയര്‍പിന്‍വളവുകളും നിറഞതായിരുന്നു.ഒരുവശത്ത്‌ അഘാതമായ താഴ്‌ച്ചയും മറുവശത്ത്‌ മലഞ്ചെരിവും കണ്ട്‌കൊണ്ടുള്ള ആയാത്ര നല്ലരസമായിരുന്നു.ബൈക്കില്‍ ഓഫ്‌റോഡ്‌ റൈഡിന്‌ പോകുന്നസത്ഥലം പോലെ കുണ്ടും കുഴിയും നിറഞതായിരുന്ന

ഞങ്ങളുടെ വണ്ടിഓടിച്ചിരുന്ന ഡ്രൈവറെ സമ്മദിക്കണംട്ടോ എത്ര വിദഗ്‌ദമായാണ്‌ അയാള്‍ വണ്ടിഓടിക്കുന്നതെന്നോ.അങ്ങനെ ഒരു ഹെയര്‍പിന്‍ വളവ്‌ കയറി തിരിരിഞുവരുമ്പോളതാ പെട്ടന്ന്‌ മുന്നില്‍ ഒരു ആന ഞങ്ങള്‍ വരുന്നവഴിയില്‍ താഴോട്ട്‌ ഇറങ്ങിവരുന്നു. ഞങ്ങള്‍മൂന്ന്‌പേരും ആകെ പേടിച്ചു.ഇടുങ്ങിയ റോഡും ഒരു വശത്ത്‌ താഴ്‌ച്ചയും ഹെയര്‍പിന്‍ വളവും. ഇനിയെന്തുചെയ്യും എന്ന്‌ ചിന്തിക്കാന്‍ നേരമില്ല.അവന്‍കുഴപ്പമൊന്നും കാണിക്കാതെ കടന്ന്‌ പോയ്‌ക്കോട്ടെ എന്ന്‌ ഞങ്ങള്‍തീരുമാനിച്ചു.അങ്ങനെ വണ്ടി പരമാവഡി ഒതുക്കിക്കോടുത്തു. അവന്‍പോകുമ്പോള്‍ ഞങ്ങളെയും വണ്ടിയെയും തകര്‍ക്കുമോന്ന്‌ ഞന്‍ ഭയന്നു പക്ഷെ അവന്‍ ഞങ്ങളെയും ഞങ്ങളുടെ വണ്ടിയെയും ഒന്നും മൈന്റ്‌ ചെയ്‌തില്ല.കുണ്ടും കുഴിയും നിറഞ ഹെയര്‍പിന്‍ വളവിലൂടെ കൂളായി കടന്ന്‌ പോയി.നമ്മുടെ കേരളാ ഗവണ്‍മെന്റിന്റെ ആനവണ്ടിയല്ലെ(കെ.എസ്‌.ആര്‍.ടി.സി) കുണ്ടും കുഴിയുമൊന്നും അവര്‍നോക്കില്ല കേടുവന്നാല്‍ അവിടെ ഇട്ടിട്ട്‌ അവര്‍പോകും

ഞങ്ങള്‍ കുറച്ച്‌കൂടിപോയപ്പോള്‍ കക്കാടംപോയ്‌ലെന്ന സ്‌ത്ഥലതെത്തി.പ്രകൃതി മരപന്തലിട്ടപോലെ സുന്ദരമായ സ്ഥലം. ഞങ്ങള്‍ കക്കാടംപൊയ്‌ലെത്തിയപ്പേള്‍ നരം നാലുമണിയായിരുന്നു.കാട്ടിനുള്ളില്‍ന്നും വരുന്ന തണുത്തമലവെള്ളത്തില്‍ കുളിക്കാനു വസ്‌ത്രങ്ങളുമായായിരുന്നു ഞങ്ങള്‍പോയത്‌. ഡ്രസ്സുമായുള്ള ഞങ്ങളുടെ വരവ്‌കണ്ടപ്പോള്‍തന്നെ വനപാലകര്‍ക്ക്‌ മനസ്സിലായി ഞങ്ങളവിടെ കുളിച്ചലമ്പാക്കാനാണ്‌പരിപാടി എന്ന്‌ .ആദ്യംതന്നെ അവര്‍പറഞ്ഞു “വെള്ളത്തിന്റെ കുത്തൊഴുക്ക്‌ കൂടുതലാണ്‌ അത്‌ കൊണ്ട്‌ വെള്ളത്തിറങ്ങരുത്‌”. തലയാട്ടി സമ്മദിച്ച്‌ വെള്ളച്ചാട്ടത്തിലേക്ക്‌ നടന്നുപോകുമ്പോള്‍ ഞാന്‍ മനസ്സില്‍പറഞു “കുന്നും മലയും കയറിയിറങ്ങി ഇത്രയും ദൂരം താണ്ടി ഞങ്ങളിവിടെ വന്നുഎങ്കില്‍ ഞങ്ങള്‍കുളിച്ചിരിക്കും” . മനോഹരമായ വനപാതയിലൂടെ കുറച്ച്‌ നടന്നാല്‍ വെള്ളച്ചാട്ടത്തിനടുത്തെത്താം. നാലുമണിയായത്‌ കൊണ്ടാവാം ആരെയും കാണുന്നുല്ല അവിടേക്ക്‌ ഞങ്ങള്‍മാത്രമാണ്‌ പോകുന്നത്‌. അതാവെള്ളച്ചാട്ടത്തിന്റെ ശബിദം കേക്കുന്നു .മനോഹരമായ വനപാത ഞങ്ങളെകൊണ്ടെത്തിച്ചത്‌ തെളിഞ്ഞ ആകാശത്തില്‍ ഒരു വലിയപാറക്ക്‌ മുകളിലൂടെ വളഞ്ഞ്‌ തിരിഞ്ഞ്‌ പാറയില്‍ തട്ടി ചിതറി ഉറക്കെ ശബ്‌ദമുണ്ടാകി താഴെക്ക്‌ വീഴുന്ന മനോഹരമായ വെള്ളച്ചാട്ടം. ചുറ്റിലും കാട്‌ കാട്ടിനുള്ളിലാണിവെളളച്ചാട്ടം.മഴക്കാലമായതിനാല്‍ പാറയില്‍നല്ലവഴുക്കലുണ്ട്‌.വെള്ളത്തിന്റെ ഒഴുക്കിന്‌ നല്ലശക്തിയുമുണ്ട്‌.അതുകൊണ്ടാണ്‌ വനപാലകര്‍ വെള്ളത്തിലേക്കിറങ്ങണ്ടാ എന്ന്‌പറഞ്ഞെതെന്ന്‌ മനസ്സിലായി. കാലൊന്ന്‌ വഴുതി വെള്ളത്തിലേക്ക്‌ വിണാല്‍ പിന്നെ മരണം ഉറപ്പാണ്‌.എന്തായാലും ആവെള്ളത്തിലൊന്ന്‌ മുഖം കഴുകാന്‍ തീരുമാനിച്ചു. അങ്ങനെ ഒഴുക്കില്ലാത്ത ഒരുസ്ഥലത്ത്‌ വനപാലകര്‍കണ്ടാലും വേണ്ടില്ലാന്ന്‌ പറഞ്ഞു പാറക്ക്‌മുകളിലൂടെ ചാടക്കടന്ന്‌ ഞങ്ങള്‍ വെള്ളത്തിലിറങ്ങാന്‍തീരുമാനിച്ചു. കാട്ടിനുള്ളില്‍ നിന്നും വരുന്ന ഔഷധഗുണമുണ്ടെന്ന്‌ പറയുന്ന ആ വെള്ളത്തില്‍കുറച്ച്‌ നേരം നീരാടി കഴിഞ്ഞതിന്‌ശേഷം ഞങ്ങള്‍മടങ്ങാന്‍തീരുമാനിച്ചു.കക്കാടം പൊയ്‌ലില്‍ന്നും മലയിറങ്ങി വരുന്നസമയത്ത്‌ ഞങ്ങള്‍ സംസാരിച്ചിരുന്നത്‌ ആ വെള്ളച്ചാട്ടതിനെകുറിച്ചും അവിടെത്തെ സ്ഥലങ്ങളെകുറിച്ചുമായിരുന്നു.ഇത്രയും മനോഹരമായ സത്ഥലങ്ങള്‍ നമ്മുടെ മലപ്പുറത്ത്‌ തന്നെയുണ്ട്‌ .പലരും അതൊക്കെ കാണാതെ പോകുന്നു. നമുക്ക്‌ കിട്ടുന്ന ഒഴിവുസമയങ്ങളില്‍ കുറച്ച്‌ സമയം നമുക്കുചുറ്റുമുള്ള ദൈവത്തിന്റെ അത്ഭുത സൃഷ്‌ടികള്‍ അവക്കൊരു കോട്ടവും വരുത്താതെ കാണാനും ആസ്വദിക്കാനും സമയം കണ്ടെത്തുന്നത്‌ ജീവിധയാത്രയിലെ അപൂര്‍വം ചില കളങ്കമില്ലാത്ത അനുഭൂതികളായിമാറും……..

മാരോട്ടിച്ചാല്‍ വെള്ളച്ചാട്ടത്തിലേക്ക്‌ റോയല്‍ എന്‍ഫീല്‍ഡില്‍ ഒരു റൈഡ്‌(12-10-2016)

2016-07-05T00:43:00.000-07:00

മഴക്കാല യാത്ര ആസ്വദിക്കണമെങ്കില്‍ മാരോട്ടിച്ചാലിലേക്ക്‌ തന്നെ പോകണം.എറണാകുളത്തുള്ള എന്റെ സുഹൃത്ത്‌ മധു സാറിന്റെ യാത്രാ ബ്ലോഗില്‍ നിന്നാണ്‌ ഞാന്‍ മാരോട്ടിച്ചാലിനെ കുറിച്ചറിയുന്നത്‌. മാരോട്ടിച്ചാലിനെ കുറിച്ചറിഞ്ഞപ്പോള്‍ നമ്മുടെ അടുത്ത ജില്ലയായ എകദേശം 50 കിലോമീറ്റര്‍ മാത്രം ദൂരമുള്ള തൃശൂരിലാണ്‌ കാട്ടിനുള്ളില്‍ ഒളിഞ്ഞിരിക്കുന്ന പുറം ലോകം അിറയാത്ത ഈ മനോഹരമായ വെള്ളച്ചാട്ടം ഉള്ളത്‌ എന്നറിയാന്‍ കഴിഞ്ഞു.എന്നാല്‍ പിന്നെ ഒന്ന്‌ പോകണം എന്ന്‌ തീരുമാനിച്ചിട്ട്‌ കുറെ ആയി . അവസാനം ഈ മഴക്കാലത്ത്‌ ഞാനും ഫൈസലും പിന്നെ ഞങ്ങളുടെ സഹയാത്രികനായ റോയല്‍ എന്‍ഫീല്‍ഡ്‌ ക്ലാസിക്‌ 350 ബുള്ളുമോനും കൂടി ഞായറാഴ്‌ച്ച രാവിലെ യാത്ര തുടങ്ങി.തൃശൂര്‍ എടപ്പാള്‍ ഹൈവെയിലൂടെ ഞങ്ങളെ രണ്ടുപേരേയും താങ്ങി ബുള്ളുമോന്‍ കുതിച്ച്‌ പാഞ്ഞു.ജൂണ്‍മാസത്തിലെ രാവിലെത്തെ തണുപ്പും ചാറ്റല്‍ മഴയും യാത്രയില്‍ ഞങ്ങള്‍ക്ക്‌ ഹരം പകര്‍ന്നു. നോമ്പകാലമായതിനാല്‍ യാത്രയില്‍ ഭക്ഷണം കഴിക്കാനൊന്നും വണ്ടി നിര്‍ത്തേണ്ടി വന്നില്ല. പക്ഷേ യാത്ര പകുതിയോളം കഴിഞ്ഞപ്പോത്തിള്‍ ഞങ്ങളുടെ സഹയാത്രികന്‌ നോമ്പ്‌ മുറിക്കേണ്ടി വന്നു. “എനിക്കിനി വയ്യ നിങ്ങളെയും താങ്ങികൊണ്ട്‌പോകാന്‍.” പെരുമ്പാവൂരിലെത്തിയപ്പോള്‍ ബുള്ളുമോന്‍ കിതക്കാന്‍തുടങ്ങി . “ഉം ശെരിയാണ്‌ ഇവനിന്നലെ അത്താഴത്തിന്‌ ഒന്നും കൊടുത്തിട്ടില്ല മിനിഞ്ഞാന്ന്‌ ഒഫീസ്‌ കഴിഞ്ഞ്‌ വരുമ്പോള്‍ 150 രൂപക്ക്‌ ഫുഡ്‌ വാങ്ങികൊടുത്തതാണ്‌ പാവം വിശക്കുന്നുണ്ടാവും.” അങ്ങനെ തൊട്ടടുത്ത പെട്രോള്‍ പമ്പില്‍ നിന്നും ബുള്ളുമോന്‌ വയറുനിറയെ ഫുഡും വാങ്ങികൊടുത്തു ഞങ്ങള്‍ യാത്ര തുടങ്ങി. തൃശൂരില്‍ നിന്നും 16 കിലോമീറ്ററുംകൂടി പോകണം മാരോട്ടിച്ചാലിലേക്ക്‌. 10 മണിയോടെ മാരോട്ടിച്ചാലിലെത്തി.

മാരോട്ടിച്ചാലെന്നാല്‍ തൃശൂര്‍ ജില്ലയിലെ പീച്ചി കാടുകളുടെ അതിര്‍ത്തിയിലുള്ള ഒരു മലയോരഗ്രാമമാണ്‌. വെള്ളച്ചാട്ടം പക്ഷേ കാട്ടിനുള്ളിലാണ്‌ പീച്ചി ഫോറസ്റ്റിന്റെ കീഴിലുള്ളതാണ്‌.മാരോട്ടിച്ചാല്‍ വരെ മാത്രമേ വാഹനങ്ങള്‍ പോകു. അവിടെ ബൈക്ക്‌ നിറുത്തി വനവകുപ്പിന്റെ അനുമതിയില്ലാതെയാണ്‌ കാട്ടിനുള്ളിലേക്ക്‌ പോകുന്നത്‌. വെള്ളച്ചാട്ടം കാണാന്‍ കാട്ടിലൂടെ നാലു കിലോമീറ്റര്‍ നടക്കണം .നടക്കാനായി പ്രത്യേകം വഴിയൊന്നുമില്ല.വല്ലപ്പോഴും ഞങ്ങളെപ്പോലെയുള്ള യാത്രാ ഭാന്തന്‍മാര്‍ നടന്ന്‌ പോയതിന്റെ അടയാളം മാത്രം ചിലയിടത്ത്‌ ഒരു അടയാളവും കാണില്ല. കാട്ടിലൂടെ ഞങ്ങള്‍ രണ്ട്‌ പേരുംകൂടി നടത്തം തുടങ്ങി .ഒരു വശത്ത്‌ തിങ്ങിനിറഞ്ഞ്‌ നില്‍ക്കുന്ന കാടുകള്‍ മറുവശത്ത്‌ വെള്ളച്ചാട്ടത്തില്‍നിന്നും ഒലിച്ച്‌വരുന്ന കാട്ടുചോലപോലെ

.
കുറ്റിക്കാടുകള്‍ക്കിടയിലുടെയാണ്‌ നടത്തം കൂറെചെന്നപ്പോള്‍ വഴികാണുന്നില്ല മുന്നില്‍ ആനപോലെ ഒരു വലിയപാറ. മഴപെയ്‌ത്‌ നല്ല വഴുക്കലുമുണ്ട്‌ .എന്തായാലും ഞങ്ങളുടെ മുന്നില്‍ കുറച്ച്‌ ഫ്രീക്കന്‍മാര്‍ കഴിക്കാനുള്ള ഭക്ഷണവും കൊണ്ട്‌ പോയവഴിനോക്കി ഞങ്ങള്‍ ആ വലിയ പാറക്ക്‌ മുകളില്‍ കയറി അവിടെ അവര്‍ മുന്നില്‍ പോകുന്നുണ്ടായിരുന്നു.
വലിയ കല്ലുകളും അരുവികളും എല്ലാം ചാടിക്കടന്നുഞങ്ങള്‍ രണ്ട്‌ കിലോമീറ്ററോളം ഉയരത്തിലെത്തി ചിലയിടത്ത്‌ മരങ്ങള്‍ മുറിഞ്ഞുവിണുകീടക്കുന്നതിന്റെ മുകളിലൂടെ ചാടിക്കടന്ന്‌ വേണം പോകാന്‍ “ ഹൊ വല്ലാത്തോരു യാത്ര .” എന്നാലും കാട്ടീലൂടെയുള്ള ആ യാത്ര ശെരിക്കും ഞങ്ങളെ ത്രില്ലടിപ്പിച്ചിരുന്നു. അങ്ങനെ കാഴ്‌ച്ചകള്‍ കണ്ട്‌ നടന്ന്‌ നടന്ന്‌ കൂറെ മുകളിലെത്തി . അവിടെ ഞങ്ങള്‍ക്ക്‌ മുമ്പേ പോയ തൃശുരിലെ കുറച്ച്‌ സുഹൃത്തുക്കള്‍ വിശ്രമിക്കുന്നുണ്ടായിരുന്നു. ഞങ്ങളും അവിടെ കുറച്ച്‌ നേരം ഇരുന്നു. അപ്പോഴാണ്‌ ഒരുകാര്യം എനിക്ക്‌ മനസ്സിലായത്‌ ഇവിടേക്ക്‌ വരുന്നവരെല്ലാം കഴിക്കാനുള്ള ഭക്ഷണവും കരുതിയാണ്‌ വരുന്നത്‌ .പക്ഷേ ഞങ്ങള്‍ക്ക്‌ ഭക്ഷണം കൊണ്ട്‌ പോകാന്‍ കഴിയില്ല .കാരണം ഞങ്ങള്‍ക്ക്‌ നോമ്പുണ്ടായിരുന്നു.അത്‌ കൊണ്ട്‌ തന്നെ നല്ല ക്ഷീണവും ഉണ്ടായിരുന്നു.

വിശ്രമിക്കുന്നതിനിടയില്‍ ഞങ്ങള്‍ അവരെ പരിജയപെട്ടു അവരില്‍ ഒരാള്‍ ഇതിനു മുമ്പും വെള്ളച്ചാട്ടം കാണാന്‍ ഈ കാട്ടിലൂടെ പോയിട്ടുണ്ടെത്രെ ഞങ്ങള്‍ അവരോട്‌ അവിടുത്തെ മുഴുവന്‍ കാര്യങ്ങളും ചോദിച്ചറിഞു. പോകുന്ന വഴിയില്‍ സ്‌ത്ഥിരമായി ആന ഇറങ്ങാറുള്ള വഴിയാണെത്രെ. ഞങ്ങളെ വിശ്രമിക്കുന്ന സത്ഥലത്ത്‌ ആനമൂത്രം മണക്കുന്നുണ്ടന്നും അവര്‍ പറഞ്ഞു.ആനകള്‍ സ്‌ത്ഥിരമായി വെള്ളച്ചാട്ടത്തില്‍ നിന്നും വരുന്ന ചോലയില്‍ വെള്ളം കുടിക്കാന്‍ വരവുണ്ടത്രെ.പുറം ലോകം അതികം ആരും അിറയാത്ത്‌ ഈ സ്‌ത്ഥലത്തെ പറ്റി എങ്ങനെ അിറഞ്ഞു എന്നവര്‍ ചോദിച്ചു.
അങ്ങനെ കാട്ടിനുള്ളിലെ തണുത്ത കാലാവസ്‌ത്ഥയില്‍ ഞങ്ങള്‍ രണ്ടുപേരും മറ്റു സുഹൃത്തുക്കളും കൂടി കുറച്ച്‌ നേരം കഴിഞു. ഈ കാട്ടില്‍ മനോഹരങ്ങളായ അഞ്ച്‌ വെള്ളച്ചാട്ടങ്ങള്‍ ഒളിഞ്ഞിരിപ്പുണ്ടെന്ന്‌ അവര്‍ പറഞു നമുക്ക്‌ പോകുന്ന വഴിയില്‍ അതെല്ലാം കാണാന്‍ കഴിയും എന്നവര്‍ പറഞ്ഞു .എകദേശം രണ്ടര കിലോമീറ്റര്‍ നടന്ന്‌ കഴിഞിട്ടുണ്ടാകും അപ്പോള്‍ . ഇനിയും കാട്ടിലൂടെ ഉള്‍ക്കാട്ടിലേക്ക്‌ ഇത്രകൂടി നടക്കേണ്ടിവരും എന്നവര്‍ പറഞപ്പോള്‍ ഞങ്ങളൊന്ന്‌ ഭയന്നു. മറ്റൊന്നും കൊണ്ടല്ല്‌ നോമ്പായതിനാല്‍ നല്ല യാത്രാക്ഷീണം ഉണ്ട്‌ . ഇനിയും ഈ കാട്ടിലൂടെ അതും ആനയും മറ്റും ഉണ്ടാവാന്‍ സാദ്ധ്യതയുള്ള ഉള്‍ക്കാട്ടിലേക്ക്‌ ഈ പാറകെട്ടുകള്‍ക്ക്‌ മുകളിലുടെ തെന്നി തെന്നി ഇനി നടക്കാന്‍ സാദ്ധമല്ലന്ന്‌ ഞങ്ങള്‍ പറഞു. ഇത്രയും ദൂരത്ത്‌നിന്ന്‌ വന്നിട്ട്‌ മുകളിലെ വെള്ളച്ചാട്ടം കാണാതെ പോകുന്നത്‌ നഷ്‌ടമാണന്നവര്‍ പറഞു.അവരുടെ കൂടെ ഒരുമിച്ച്‌ ഇനി യാത്രചെയ്യാം എന്നും അവര്‍ പറഞു. ഇനി മുകളിലേക്ക്‌ എത്താന്‍ കഴിഞ്ഞാല്‍ തന്നെ അവിടെയെത്തി വെള്ളച്ചാട്ടവും കണ്ട്‌ വിശ്രമവും കഴിഞ്ഞ്‌ മടങ്ങി നോമ്പ്‌ തുറക്കാനുള്ളസമയമാകുമ്പോഴേക്കും വീട്ടില്‍ എത്തുന്നത്‌ അസാദ്ധ്യമാണെന്ന്‌ ഞങ്ങള്‍ അവരോട്‌ പറഞ്ഞു. എന്നാലു#ം ഇത്രയും ദൂരെനിന്ന്‌ വന്ന്‌ മുകളിലെവെള്ളച്ചാട്ടം കാണാതെ മടങ്ങി പോകുകയെന്ന്‌ പറഞ്ഞപ്പോള്‍ ഞങ്ങളെക്കാളേറെ അവര്‍ക്കാണ്‌ സങ്കടം എന്ന്‌ അവരുടെ സംസാരത്തില്‍നിന്ന്‌ എനിക്ക്‌തോന്നി . “ഞങ്ങള്‍ മടങ്ങിപോകുകയല്ല…..ഇപ്പോള്‍ തല്‍ക്കാലം പോകേണ്ടിവരുന്നു എന്ന്‌ മാത്രം”..തീര്‍ച്ചയായും ഞങ്ങള്‍ ഈ നോമ്പ്‌ മാസം കഴിഞ്ഞാല്‍ മടങ്ങിവരും കാട്ടിനുള്ളിലെ ആ സുന്ദരിയെ കാണാന്‍….. ഇത്രയും പറഞപ്പോളാണ്‌ തൃശൂര്‍ സ്വദേശികളായ ആ സുഹൃത്തുക്കള്‍ക്ക്‌ സന്തോഷമായത്‌. യതാര്‍തത്തില്‍ അവരെ സമാധാനിപ്പിക്കാന്‍വേണ്ടി മാത്രമല്ല ഞാനത്‌ പറഞത്‌ രാജമാണിക്യം സിനിമയില്‍ മമ്മുട്ടി പറഞ്ഞപോലെ “ഒരു വരവുകൂടി വരേണ്ടിവരും.” തീര്‍ച്ചയായും ഈ മഴക്കാലം കഴിയുന്നതിന്‌ മുമ്പ്‌ പ്രകൃതിയുടെ ഈ കാനനഭംഗി മതിയാവോളം ആസ്വതിക്കാന്‍ ഒരു വരവുകൂടി ഞങ്ങള്‍ വരും എന്ന്‌ അടിവരയിട്ട്‌ തീരുമാനിച്ചിട്ടാണ്‌ ഞങ്ങള്‍ അവിടെനിന്നും മടങ്ങിയത്‌.

മസിനഗുഡി മൈസൂര്‍ ഗോപാല്‍ സ്വമി പേട്ട്‌

2016-06-23T04:21:00.001-07:00

15-ആഗസ്റ്റ്‌-2016 ഭ്രിട്ടീഷ്‌ കാട്ടാളന്‍മാരില്‍ നിന്ന്‌ ഇന്ത്യയെന്ന മഹാ രാജ്യത്തിന്റെ മാനം കാത്തിട്ട്‌ 56 വര്‍ഷം തികഞ്ഞ ദിവസം.ഓരോ ഇന്ത്യക്കാരന്റെയും മനസ്സിന്റെ ഉള്ളില്‍ നാമെല്ലാവരും ഇന്ത്യക്കാരാണെന്നും നമ്മുടെ രാജ്യത്തോടുള്ള സ്‌നേഹവും കടപ്പാടും ആദരവും കുറച്ചെങ്കിലും ഉണ്ട്‌ എന്ന്‌ ഓരോ ഇന്ത്യക്കാരനും ചിന്തിക്കുന്ന ദിവസം.അത്‌കൊണ്ടൊക്കെയാണല്ലോ നമ്മളെല്ലാവരും ആഗസ്റ്റ്‌ 15 ന്‌ നമ്മുടെ വാഹനത്തിന്‍മേല്‍ ഇന്ത്യയുടെ പതാകയും റിബ്ബണുംമെല്ലാം വെക്കുന്നതും വീടിന്റെ ഉമ്മറപടിയില്‍ പതാക പതിച്ചും മധുരപലഹാരങ്ങള്‍ വിതരണംചെയ്‌തും നാമെല്ലാവരും ആഗസ്റ്റ്‌ 15 ന്റെ മഹത്ത്വം ഓര്‍ക്കുന്നു.ഒരു സാധാരണ ഇന്ത്യക്കാരനെന്നനിലയില്‍ എന്റെമനസ്സിലേക്കും ആ ദിവസത്തെ ഓര്‍മ്മകള്‍ കടന്നു വന്നപ്പോള്‍ സമയം എട്ടുമണി ആകാറായിരുന്നു. റോഡിനിരുവശവും വിദ്യാര്‍ത്തികള്‍ ദേശീയ പതാകയും വര്‍ണ്ണകടലാസുകളും കൊണ്ട്‌ സ്‌കൂളിലേക്ക്‌ പോകുന്നു.റോഡിന്റെ വശത്തുള്ള സ്‌കൂളുകളില്‍ വര്‍ണ്ണകടലാസ്‌കൊണ്ടും മറ്റും അലങ്കരിച്ചിരിക്കുന്നു.കുട്ടികള്‍ ഗ്രൗണ്ടിലേക്ക്‌ ചെറിയ പതാകയും പിടിച്ച്‌ വരിവരിയായി വരുന്ന കാഴ്‌ച്ചകള്‍.വാഹനങ്ങളെല്ലാം ദേശീയ പതാകയും ത്രിവര്‍ണ്ണ റിബ്ബണുകളും മറ്റും കൊണ്ട്‌ അലങ്കരിച്ചിരിക്കുന്നകാഴച്ചകള്‍...ഞാന്‍പിന്നൊന്നും ചിന്തിച്ചില്ല..വണ്ടി നിര്‍ത്ത്‌…. വണ്ടി നിര്‍ത്ത്‌ ….വണ്ടി ഓടിച്ചിരുന്നത്‌ സമദ്‌ ഭായ്‌ ആണ്‌. ഭായിക്ക്‌ ആഫ്രിക്കയില്‍ ബിസിനസ്സാണ്‌. ഭായിടെതാണ്‌ സ്വിഫ്‌റ്റ്‌ ഡിസയര്‍ കാര്‍ അതിലാണ്‌ ഞങ്ങളുടെ യാത്ര.

സമദ്‌ ഭായ്‌ വണ്ടി ഒന്ന്‌ സ്ലോ ആക്കിയിട്ട്‌ ..എന്തെ മുള്ളാണ്ടാ…..അടുത്ത പമ്പില്‍ നിറുത്താം എണ്ണിംഅടിക്കാനുണ്ട്‌….. ഭായ്‌ വണ്ടി വീണ്ടും മുന്നോട്ടെടുത്തു .ച്ചെ..അതല്ലഭായ്‌…ഇന്ന്‌ ആഗസ്റ്റ്‌ പതിനഞ്ച്‌ അല്ലെ നമ്മുടെ വണ്ടിമ്മെ ഒരു കൊടി കെട്ടിയാലോ പോകുന്ന വഴിക്ക്‌ തമിഴ്‌നാട്ടിലെയും കര്‍ണാടകയിലെയും പോലീസ്‌കാര്‍ക്ക്‌ നമ്മളോട്‌ ചിലപ്പോള്‍ ഒരു ഭഹുമാനം ഉണ്ടാകും…സമദ്‌ഭായ്‌ എതിര്‍ക്കുമെന്നാണ്‌ ഞാന്‍ വിജാരിച്ചത്‌.പതിനായിരക്കണക്കിന്‌ കിലോമീറ്ററുകള്‍കപ്പുറത്ത്‌ ആഫ്രിക്കയെന്ന ഭൂഘണ്ടത്തില്‍ നിന്നും പറന്ന്‌ വന്ന ഭായുടെ മനസ്സിലും ഉണ്ട്‌ ഇന്ത്യ എന്ന മഹാരാജ്യത്തിനോടുള്ള സ്‌നേഹം എന്ന്‌ എനിക്കപ്പോള്‍ മനസ്സിലായി…..ഞാനും അത്‌ പറയാനിരിക്കയായിരുന്നു എന്ന്‌ ഭായ്‌ പറഞ്ഞു. എവ്‌ട്‌ന്നാപ്പോ ഒരു കൊടി കിട്ടാ… പോകുന്ന വഴിക്ക്‌ റോഡിനിരുവശവും നോക്കി ഞാന്‍ …ദാ..ആകാണുന്ന സ്‌കൂളിനടുത്തുള്ള കടയിലുണ്ടാകും�വണ്ടി നിറുത്തിയിട്ട്‌ ഞങ്ങള്‍ കടയിലേക്കിറങ്ങുമ്പോള്‍ കാറിന്റെ പിന്‍സീറ്റില്‍ നിന്നും ഒരു ശബദം �അതിനപ്പുറത്ത്‌ നല്ല ഒരു വെജിറ്റേറിയന്‍ ഹോട്ടല്‍ കാണുന്നുണ്ടല്ലോ..നമ്മക്ക്‌ വല്ലതും കഴിച്ചാലോ..മൂന്നരക്കിറങ്ങിയതല്ലെ�വയറ്‌കാള്‌ണ്ട്‌..�അത്‌ മറ്റാരുമല്ലാ മ്മെടെ ദോസ്‌ത്‌ ലത്തീഫാണ്‌. ലത്തീഫിന്റെ ബന്ദുവാണ്‌ ഭായ്‌ .ലത്തീഫ്‌ വഴിയാണ്‌ ഞാന്‍ ഭായിയെ പരിജയപെട്ടത്‌..ഞങ്ങള്‍ മൂന്ന്‌ പേരുംകൂടിയാണ്‌ യാത്ര ചെയ്യുന്നത്‌ ന്നാപിന്നെ ആദ്യം ഫുഡ്‌ കഴിച്ചിട്ടാകാം കൊടികെട്ടലെന്ന്‌ പറഞ്‌ ഞ്ഞങ്ങള്‍ നേരേ ഹോട്ടല്‍ ലക്ഷ്യമാക്കി നടന്നു.

ഞങ്ങള്‍ ഹോട്ടലില്‍ കയറി ഭക്ഷണം കഴിക്കാനിരുന്നു. ചുറ്റുമൊന്ന്‌ നോക്കിയപ്പോള്‍ കുറച്ച്‌ അപരിചിതര്‍ തൊട്ടപ്പുറത്തിരിക്കുന്നു.പുറത്ത്‌ നിര്‍ത്തിയിട്ടിരിക്കുന്ന ബൈക്കുകള്‍ കണ്ടപ്പോള്‍ മനസ്സിലായി അവര്‍ റൈഡര്‍മാരാണ്‌.എങ്ങോട്ടോ ഉള്ള ദീര്‍ഘയാത്രക്കിടയിലാണവര്‍.എന്തായാലും മലയാളികളെല്ലാന്ന്‌ അവരുടെ കേട്ടാല്‍മനസ്സിലാകാത്ത വള വളാന്നുള്ള സംസാരം കേട്ടപ്പോള്‍ മനസ്സിലായി �മസാലദോശ നെയ്‌റോസ്റ്റ്‌ പൂരിമസ്സാല ദോശ� ഹോട്ടല്‍ ജീവനക്കാരന്‍ വന്നുപറഞ്ഞു. � പുട്ട്‌ണ്ടാ�?� പുട്ടവിടെ കിട്ടാനില്ല യാത്രകളിലെ എന്റെ ഫേവറൈറ്റ്‌ ഐറ്റം കിട്ടാതെ കിട്ടിയ ഭക്ഷണം കഴിച്ചിരിക്കുന്ന സമയത്താണ്‌ ഞാനെന്റെ മൊബൈല്‍ അടിക്കുന്നതറിഞ്ഞത്‌..നോക്കിയപ്പോള്‍ ഫൈസലാണ്‌...ഇവനെന്തിനാണീരാവിലെ എന്ന്‌ വിജാരിച്ച്‌ ഫോണെടുത്തപ്പോള്‍�ഹലോ..ടാ..ഓഫീസിന്റെ ചാവി എവിടേണ്‌�ഇന്നെലെ ഓഫീസ്‌ കഴിഞ്ഞ്പൂട്ടിയിട്ട്‌ ചാവി ബൈക്കില്‍ വെച്ചതാണ്‌.രാവിലെ ബൈക്കെടുത്ത്‌ നേരേ ഭായുടെ വീട്ടിലേക്ക്‌പോന്നു ബൈക്കിപ്പോള്‍ ഭായുടെ വീട്ടിലാണുള്ളതെന്ന്‌ അപ്പോളാണോര്‍ത്തത്‌..അവിടെ നാട്ടില്‍ എല്ലാവരും സ്വാതന്ത്രദിനം കൊണ്ടാടാനുള്ള ഒരുക്കത്തിലാണെന്ന്‌ ഫൈസല്‍ വിളിച്ചപ്പോള്‍ മനസ്സിലായി. പ്രഭാത ഭക്ഷണം കഴിഞ്ഞ്‌ കാറിന്റെ മുന്നില്‍ ത്രിവര്‍ണ്ണ പതാകയും പിന്നില്‍ ത്രിവര്‍ണ്ണ റിബ്ബണുകളും കെട്ടി ഞങ്ങള്‍ യാത്ര തുടങ്ങി.

അവിടെ ആഫ്രിക്കയില്‍ കാടെന്ന്‌ വെച്ചാല്‍ ഇതൊന്നുമല്ല ഭയങ്കരാണ്‌ ആര്‍ക്ക്‌ വേണമെങ്കിലും കാട്ടിനുള്ളിലേക്ക്‌ പോകാം കാട്ടിലെ ആനകളെ കണ്ടാലുണ്ടല്ലൊ ഇവിടത്തെ ആനയെക്കാള്‍ ഭയങ്കരവലുപ്പമുള്ള കൊമ്പും തടിയുമൊകെയാണ്‌� വയനാട്‌ മുത്തങ്ങ കാട്ടിലൂടെ പോകുമ്പോള്‍ സമദ്‌ ഭായ്‌ ആഫ്രിക്കയിലെ കാര്യങ്ങള്‍ പറഞ്ഞ്‌ നല്ല താങ്ങലാണ്‌ . ആഫ്രിക്കയില്‍ കാട്ടിനുള്ളില്‍ മൃഗങ്ങളെക്കാള്‍ സൂക്ഷിക്കേണ്ടത്‌ കറുപ്പന്‍മാരെയാണത്രെ ഭായ്‌ പറയുന്നു. കാട്ടിലൂടെയുള്ളയാത്രക്കിടയില്‍ കറുപ്പന്‍മാര്‍ നമ്മുടെ കൈവശമുള്ളത്‌ മുഴുവനും കൊള്ളയടിക്കുന്നതവിടെ പതിവാണത്രെ.എന്തായാലും ഭായുടെ താങ്ങലുനൊരു മറുപടികൊടുക്കാന്‍ ഞാന്‍ തീരുമാനിച്ചു മുത്തങ്ങയില്‍ നിന്ന്‌ കുറച്ച്‌ കാട്ടുമൃഗങ്ങളെ ഭായ്‌ക്ക്‌ ലൈവായി കാണിച്ച്‌ കൊടുക്കണം. സ്വാതന്ത്രദിനമായത്‌ കൊണ്ടാതോന്നുന്നത്‌ ഒരോറ്റ മൃഗങ്ങളെയും കാട്ടിലെങ്ങും കാണുന്നില്ല.ആങ്ങനെയിരിക്കുന്ന സമയത്താണ്‌ ഞങ്ങളുടെ കാറിന്റെ മുന്നില്‍ വെച്ചിരുന്ന ത്രിവര്‍ണ്ണപതാക ഒടിഞ്ഞ്‌ വീഴാറായത്‌ ലത്തീഫിന്റെ കണ്ണില്‍ പെട്ടത്‌. കാട്ടില്‍ യാതൊരുകാരണവശാലും വണ്ടി നിര്‍ത്തുകയോ പുറത്തിറങ്ങുകയോ ചെയ്യാന്‍ പാടില്ലാത്തതാണ്‌ എന്നാലും ദേശീയപതാകയോട്‌ അനാദരവ്‌കാണിക്കാന്‍ പാടില്ലല്ലോ എന്ന്‌ കരുതി ഞങ്ങള്‍ വണ്ടി നിറുത്തി.ലത്തീഫ്‌ ഇറങ്ങി പതാകക്ക്‌ വേണ്ടി ഒരു വടിക്കഷ്‌ണം നോക്കിയിറങ്ങിയ സമയത്തായിരുന്നു കുറ്റിക്കാടുകള്‍കിടയില്‍ നിന്നും ഒരു ശബ്‌ദം കേട്ട്‌ അവന്‍ ഓടി.പെട്ടന്നതാ വണ്ടിയില്‍നിന്നും ഭായ്‌ വിളിച്ച്‌ പറയുന്നു �ഹായ്‌ അതാ മാന്‍ കൂട്ടം ഓടുന്നു� ഞാന്‍ നോക്കിയപ്പോള്‍ ഒരു കൂട്ടം പുള്ളിമാനുകളായിരുന്നു അത്‌. മാനുകള്‍ സ്വാതന്ത്രദിന പരേട്‌ നടത്തുന്നപോലെ വരിവരിയായ്‌ കുറ്റിക്കാടുകള്‍ക്ക്‌ മുകളിലൂടെ ചാടിപ്പോകുന്ന കാഴ്‌ച്ച.മൃഗങ്ങള്‍ അവയുടെ ആവാസസ്ഥലത്ത്‌ സൗര്യവിഹാരം നടത്തുന്നത്‌ കാണാന്‍ ഒരു പ്രത്യേക ഭംഗിതന്നെയാണ്‌.

മുത്തങ്ങ കാടുകള്‍ കഴിഞ്ഞ്‌ നേരേ ഗുണ്ടല്‍പേട്ടിലേക്ക്‌.ഗുണ്ടല്‍പേട്ടില്‍ പുക്കളുടെ സീസണ്‍ കഴിയാറായിരിക്കുന്നു.ചെണ്ടുമല്ലിപ്പൂക്കളെല്ലാം അവസാന വിളവെടുപ്പിലാണ്‌. പൂക്കളുടെ നിറമെല്ലാം മങ്ങിതുടങ്ങിയിരുന്നു.പൂപാടങ്ങള്‍ കണ്ടപ്പോള്‍ ഭായും ലത്തീഫും ഭയങ്കര സന്തോഷത്തിലായിരുന്നു. ഞങ്ങള്‍ പൂപ്പാടങ്ങള്‍ക്കുള്ളിലൂടെ കുറെദൂരം സഞ്ചരിച്ചു.ചിലയിടങ്ങളില്‍ പൂ വിളവെടുപ്പ്‌ കഴിഞ്ഞ്‌ അടുത്ത കൃഷിയിറക്കിതുടങ്ങിയിരുന്നു.കൃഷിയിടത്തിലൂടെ കുറച്ച്‌ ദൂരം ചെ ന്നപ്പോള്‍ മനോഹരമായ മഞ്ഞപരവതാനി വിരിച്ചപോലെ മഞ്ഞ നിറത്തിലുള്ള ചെണ്ടുമല്ലികള്‍ പൂത്ത്‌ നില്‍ക്കുന്ന മനോഹരമായ തോട്ടങ്ങള്‍.കേരളത്തിലേക്ക്‌ ഓണത്തിന്‌ അത്തപ്പൂക്കളമിടാന്‍ കയറ്റി അയക്കാനുള്ളതാണത്രെ അത്‌.മഞ്ഞ ചെണ്ടുമല്ലി പ്പൂക്കള്‍ കൂട്ടം കൂടിനില്‍ക്കുന്നത്‌ കണ്ടാല്‍ ആരുമൊന്ന്‌ തലോടിനോക്കും അത്‌പോലെ പ്പൂക്കളെ ഞാനൊന്ന്‌ വാരിയെടുത്തു അപ്പോളതാ തൊട്ടപ്പുറത്ത്‌ നിന്ന്‌ കേട്ടാല്‌ മനസ്സിലാകാത്ത ഭാഷയില്‍ ഒരാള്‍ എന്തൊക്കെയോ വിളിച്ച്‌ പറയുന്നു.എന്തായാലും ചീത്തവിളിക്കാനും അത്‌ കേള്‍ക്കാനും പ്രത്യേകിച്ച്‌ ഭാഷയൊന്നും വേണ്ടാന്ന്‌ അന്ന്‌ മനസ്സിലായി. �ഇങ്ങളൊക്കെ കേരളത്തിലേക്ക്‌ വരിം കാണിച്ച്‌ തരണ്ട്‌ � ലത്തീഫ്‌ ഓന്റെ മനസ്സമാദനത്തിനു വേണ്ടി പറഞ്ഞു.അങ്ങനെ കന്നടയില്‍ ചീത്തവിളിയും കേട്ട്‌ ഞങ്ങള്‍ വണ്ടിതിരിച്ചു നേരേ മൈസൂരിലേക്ക്‌.

മൈസൂരിലെത്തിയപ്പോള്‍ ഉച്ച കഴിഞ്ഞിരുന്നു.വൃന്ദാവന്‍ പൂന്തോട്ടമായിരുന്നു ലക്ഷ്യം.പോകുന്നവഴിക്കാണ്‌ ബലമുറി എന്ന സ്‌ത്ഥലം എന്ന്‌ ഞാന്‍ പറഞ്ഞു. �ബലമുറി അവടെന്താ� ലത്തീഫിന്റെ ചോദ്യം. കുട്ടനാടന്‍ ഗ്രാമഭംങ്ങിപോലെ സുന്ദരമായൊരിടം. വയലുകളും തെങ്ങുകളും മരങ്ങളും തിങ്ങിനിറഞ്ഞ സുന്ദരമായൊരുസ്‌ത്ഥലം.അവിടെ ഒരു ചെറിയ വെള്ളച്ചാട്ടം ഉണ്ട്‌ അതില്‍ കുളിക്കാം.വെള്ളച്ചാട്ടത്തിനടുത്തുള്ള കച്ചവട സ്റ്റാളുകളില്‍ അവിടെ നിന്നും പിടിച്ച മീന്‍ ധാരാളമായി ആവശ്യക്കാര്‍ക്ക്‌ പൊരിച്ച്‌ കൊടുക്കാന്‍ പാകത്തില്‍ കായം പുരട്ടി വെച്ചിരിക്കുന്നു.അങ്ങനെ അവിടെല്ലാം കണ്ടു വൃന്താവന്‍ പൂന്തോട്ടത്തിലേക്ക്‌. വൃന്താവന്‍ പൂന്തോട്ടത്തിലേ മനോഹരമായ ഉദ്യാനവും വൈകുന്നേരത്തേ വാട്ടര്‍ഫൗണ്ടന്‍ ലേസര്‍ ഷോയും കണ്ട്‌ നേരേ റുമിലേക്ക്‌.

പിറ്റേദിവസം കാലത്ത്‌ ഞങ്ങള്‍ ഫ്രഷായി വണ്ടിയെടുത്തു നേരേ കുടഗിലേക്ക്‌ പോകാനിറങ്ങി.അങ്ങനെ ഒരു കാലിച്ചായയും കുടിച്ചു കുടഗിലേക്ക്‌.കുറച്ച്‌ ദൂരം ചെന്നപ്പോള്‍ റോഡ്‌ ബ്ലോക്കായിരിക്കുകയാണ്‌. ട്രാഫിക്ക്‌ ബ്ലോക്കില്‍ പെട്ട്‌ ഞങ്ങളുടെ വിലപ്പെട്ട കുറച്ച്‌ സമയം പോയി.അങ്ങനെയിരിക്കുമ്പോളാതാ കുറച്ച്‌പേര്‍ ചേര്‍ന്ന്‌ ഒരാളെ അടിച്ചവശനാക്കി നടത്തി കൊണ്ട്‌പോകുന്നു. കാര്യം അന്യേഷിച്ചിറങ്ങിയപ്പോളതാ കുടഗിലേക്ക്‌ പോകുന്ന വഴിയില്‍ ഒരു നാഷനല്‍ പെര്‍മിറ്റി ലോറി നില്‍ക്കുന്നു ചുറ്റും ആളുകള്‍ വട്ടംകൂടിനില്‍ക്കുന്നുമുണ്ട്‌. ഞാനും ഭായും അടുത്തേക്ക്‌ ചെന്ന്‌ നോക്കിയപ്പോളാതാ ഒരാള്‍ ലോറിക്കടിയില്‍ ടയറുകള്‍കിടയില്‍ ചതഞ്ഞരഞ്‌ കിടക്കുന്ന വേദനിപ്പിക്കുന്നകാഴ്‌ച്ച.സമയം ഏഴുമണിയായിട്ടും പോലീസൊന്നും എത്തിയിട്ടില്ല ആളുകള്‍ നോക്കിനില്‍ക്കുന്നു ചിലര്‍ മൊബൈല്‍ ഫോണില്‍ പകര്‍ത്തുന്നു.ആ ലോറിഡ്രൈവറെയാണ്‌ നാട്ടുകാര്‍ അടിച്ചവശനാക്കികൊണ്ട്‌ പോകുന്നത്‌.ഇത്തരത്തിലുള്ള ഒരു സാഹചര്യം ആര്‍ക്കും ഉണ്ടാകരുതേ എന്ന്‌ പറഞ്‌കൊണ്ട്‌ വണ്ടിയില്‍ കയറി. കുടഗിലേക്ക്‌ പോകാനിനി ഇന്ന്‌ പറ്റില്ല.

ഗൂഡല്ലൂരിലേക്ക്‌ പോകുന്ന വഴിയിലാണ്‌ ഗോപാല്‍ സ്വാമിബേട്ട എന്ന സ്ഥലവും മസിനഗുഡിയും എന്ന്‌ ഞാന്‍പറഞ്ഞു.യാത്ര ഞങ്ങള്‍ അങ്ങോട്ട്‌ തിരിച്ചു.ഗോപാല്‍സ്വാമി ബേട്ടിലേക്ക്‌ പോകുന്നവഴിയില്‍ ഒരു മലയാളി ഹോട്ടലില്‍ കയറി പ്രഭാത ഭക്ഷണം കഴിക്കാനിറങ്ങി �പുട്ട്‌ണ്ടാ�� ഹോട്ടല്‍ ജീവനക്കാരനോട്‌ ഞാന്‍ ചോദിച്ചു .എന്ത്‌ ചെയ്യാനാണ്‌ നമ്മുടെ നാടന്‍ പുട്ട്‌ ഇവിടൊന്നും കിട്ടാനില്ല.അങ്ങനെ കിട്ടിയതും കഴിച്ച്‌ വീണ്ടും യാത്ര ഗോപാല്‍ സ്വാമിപേട്ടയിലേക്ക്‌. ഗോപാല്‍സ്വാമി ബേട്ട എന്നാല്‍ മഞ്‌ പുതഞ്ഞ്‌കിടക്കുന്ന മനോഹരമായൊരു മലമുകളില്‍ ഒരു കൊച്ചു ദേവാലയം സ്ഥിതി ചെയ്യുന്നുണ്ട്‌. അങ്ങോട്ടുള്ള യാത്രക്കിടയില്‍ നമ്മള്‍ സൂര്യകാന്തി ചെണ്ടുമല്ലി ചോളത്തോട്ടങ്ങള്‍ വിവിധ കാര്‍ഷിക വിളകള്‍ ഇവക്കെല്ലാം നടുവിലൂടെയാണ്‌ യാത്ര.റോഡിനരികിലൂടെ ഗ്രാമീണര്‍ ചെമ്മരിയാടുകളെ തെളിച്ച്‌ കൊണ്ടുപോകുന്നു ധാന്യങ്ങളുമായി കാളവണ്ടികള്‍ പോകുന്നു. ഗ്രാമീണ കാഴ്‌ച്ചകള്‍ കഴിഞ്ഞ്‌ ചെന്നത്തുന്നത്‌ ഒരു മലയുടെ അടിവാരത്താണ്‌ അവിടെ നിന്നും അനുവാദം വാങ്ങി വേണം പോകാന്‍. മൂന്ന്‌ മണിക്കുര്‍ മാത്രമാണ്‌ മലമുകളിലെത്തിയാല്‍ ചിലവഴിക്കന്‍ കഴിയുക.പരുക്കന്‍ റോഡിലൂടെ സാവധാനത്തിലെ മല കയറാന്‍ കഴിയൂ.വളരെ മനോഹരമാണ്‌ ആ യാത്ര ഹെലിക്കോപ്‌റ്ററില്‍ നിന്ന്‌ ചെണ്ടുമല്ലി തോട്ടത്തിലേക്ക്‌ നോക്കുന്നപോലെ മലമുകളില്‍ നിന്ന്‌ ചെണ്ടുമല്ലിതോട്ടങ്ങള്‍ കാണാന്‍ നല്ലരസമാണ്‌. വളരെ സൂക്ഷിച്ച്‌ വേണം മലമുകളിലേക്കുള്ള വഴിയില്‍ വണ്ടിയോടിക്കാന്‍ ഒരുഭാഗത്ത്‌ ബന്ദീപൂര്‍ കാടുകളും മറുഭഗത്ത്‌ താഴെ ഗുണ്ടല്‍പേട്ടിലേ ഗ്രാമങ്ങളും സ്ഥിതിചെയ്യുന്ന ചുരംപോലെത്തെ വഴിയാണ്‌.മലമുകളില്‍ എല്ലാസമയവും മഞ്ഞ്‌പുതഞ്ഞ്‌ കിടക്കുകയാണ്‌ .മലമുകളില്‍ നിന്ന്‌ താഴെയുള്ള കാഴ്‌ച്ചകാണാന്‍ അതി മനോഹരമാണ്‌. അവിടെ നിന്ന്‌ നോക്കിയാല്‍ ബന്ദീപൂര്‍ മുതുമല കാടുകള്‍ക്ക്‌ മുകളില്‍ നിന്നുള്ള കാഴ്‌ച്ചകാണാന്‍ കഴിയും. അവിടെ നിന്നും തിരിച്ച്‌ പോകുന്നവഴിയില്‍ യാത്രക്കാര്‍ വണ്ടി നിറുത്തി ബന്ദീപൂര്‍കാട്ടില്‍ മൃഗങ്ങളെ നോക്കുന്നത്‌ ഞങ്ങള്‍ കണ്ടു ഞങ്ങള്‍ നോക്കിയപ്പോള്‍ കുറേ ദൂരെ ആനകള്‍ ചെളിയില്‍ കുളിക്കുന്നത്‌പോലെ അത്ര വെക്തമല്ലാതെ ഞങ്ങളും കണ്ടു.ഗോപാല്‍സ്വാമിബേട്ടിലെ കാഴ്‌ച്ചകളെല്ലാം കണ്ടു ഞങ്ങള്‍ അവിടെ നിന്നും മടങ്ങി നേര മസിനഗുഡിയിലേക്ക്‌.

മുതു മല എന്ന സ്ഥലത്ത്‌ നിന്നും തിരിഞ്ഞ്‌ വേണം മസിനഗുഡിലേക്ക്‌ പോകാന്‍. മസിനഗുഡി കാട്ടിനുള്ളിലേക്ക്‌ പോകുന്ന വഴിയില്‍ ധാരാളം സൊകാര്യ വാഹനങ്ങള്‍ അങ്ങോട്ട്‌ പോകുന്നതും തിരിച്ച്‌ വരുന്നതും കണ്ടു. �ഈ കാട്ടില്‍ ഫുള്‍ മരങ്ങളാണല്ലോ� സമദ്‌ഭായിടെ തമാശ.ഞാന്‍ റോഡിനിരുവശവും തുറിച്ച്‌ നോക്കുകയാണ്‌ വല്ല മൃഗങ്ങളെയും ലൈവായി കാണാന്‍ . കാട്ടിലുടെ കുറച്ച്‌ ദൂരം ചെന്നപ്പോള്‍ റോഡിനരികിലായി പുല്‍മൈതാനം പോലെ നല്ല വൃത്തിയുള്ള കാട്‌ ഇടക്ക്‌ തേക്ക്‌ മരങ്ങളാല്‍ മനോഹരമാണവിടെ . കുറച്ച്‌ കഴിഞ്ഞപ്പോള്‍ ഒരു പോലീസ്‌ വണ്ടി റോട്ടില്‍ നിറുത്തിയിട്ടിരിക്കുന്നു പോലീസുകാര്‍ പരിശോധക്കിറങ്ങിയ പോലെ റോട്ടിലേക്കിറങ്ങി നില്‍ക്കുന്നു.�ഭായ്‌ പോലീസ്‌ വണ്ടിയുടെ പേപ്പറുകളെല്ലാം ക്ലിയറെല്ലെ�ഞാന്‍ ചോദിച്ചു �ആ ഇതു പുതിയ വണ്ടിയല്ലെ എല്ലാം ഓകെയാണ്‌� �എന്നാല്‍ സീറ്റ്‌ ബെല്‍റ്റിട്ടോ�പേടിയുണ്ടെങ്കിലും പുറത്ത്‌ കാട്ടാതെ ഭായ്‌ വണ്ടിയെടുത്തു പോലീസുകാര്‍ക്‌ അടുത്തെത്തിയപ്പോളാണ്‌ മനസ്സിലായത്‌ അവര്‍ കുറച്ച്‌ വി.ഐ.പി കള്‍ക്ക്‌ എസ്‌കോട്ട്‌ നില്‍ക്കുകയാണ്‌.ഈ കാട്ടിലും വി.ഐ.പി കളോ അതെ കാട്ടിലെ സാക്ഷാല്‍ വി.ഐ.പി കള്‍തന്നെ ആനക്കുട്ടന്‍മാര്‍ ഒന്നല്ല ഒരു കൂട്ടം അതും റോഡിനു തൊട്ടടുത്തായി നില്‍ക്കുന്നു. അവരുടെ സൗര്യ വിഹരത്തിനാണ്‌ പോലീസുകാര്‍ എസ്‌കോട്ടായി നില്‍ക്കുന്നത്‌. യാത്രക്കാര്‍ വണ്ടി നിറുത്തി അവയെ ശല്യം ചെയ്യാതിരിക്കാനാണവര്‍ അവിടെ നില്‍ക്കുന്നത്‌.പച്ചപുല്‍മേട്ടുകള്‍ കിടയിലെ തേക്കിന്‍ തോട്ടത്തില്‍ ആനകള്‍ കൂട്ടമായിമായി നില്‍ക്കുന്ന കാഴ്‌ച്ച അത്യതികം മനോഹമാണെന്ന്‌ പറയാതെ വയ്യ. തള്ളയാനയുടെ കാലിന്റെ ചുവട്ടിലായി ആനക്കുട്ടികളെ നിര്‍ത്തിയിരിക്കുന്നു.ആനക്കുട്ടികളുടെ കുസൃതികാണാന്‍ നല്ല രസമാണ്‌. പോലീസുകര്‍ നില്‍ക്കുന്നത്‌ കൊണ്ട്‌ വണ്ടി നിരുത്തി കാണാന്‍ കഴിഞില്ല . പക്ഷേ ഞങ്ങള്‍ തിരിച്ച്‌ വരുമ്പോഴും ആനക്കൂട്ടം അവിടെ റോഡിനു മറുവശത്തായി നിന്നിരുന്നു അപ്പോള്‍ പോലീസുകാരവിടെ ഇല്ലായിരുന്നു. ഞങ്ങള്‍ വണ്ടി നിറുത്തു അവയുടെ കുറേ ഫോട്ടോസെടുത്തു.അങ്ങനെ കാട്ടിലൂടെ കുറച്ച്‌ ദൂരം ചെന്നപ്പോള്‍ മസിനഗുഡി എന്ന ഒരു കൊച്ചു ഗ്രാമം കണ്ടു അവിടെ നിന്ന്‌ അത്യാവശ്യം കഴിക്കാന്‍ സാധനങ്ങള്‍ വാങ്ങി കാട്ടീലൂടെ വീണ്ടും യാത്ര തുടങ്ങി ആയാത്ര ചെന്നവസാനിക്കുന്നത്‌ ഒരു കൊച്ചു തടാകത്തിനരികിലാണ്‌. അതുവരെ വാഹനങ്ങള്‍ പോകു അവിടെ നിന്നും തിരിച്ച്‌ വരുന്നിടത്ത്‌ ആദിവാസികള്‍ പണ്ടുകാലത്ത്‌ മനുഷ്യകുരുതി നടത്തിയിരുന്ന സ്ഥലവും ദേവാലയവും കാണാം . അവിടെ നിന്ന്‌ നോക്കിയാല്‍ വീരപ്പന്റെ സത്യമംഗലം കാടുകള്‍ കാണാന്‍കഴിയും.അങ്ങനെ അവിടെയെല്ലാം കണ്ടു ഞങ്ങള്‍ വണ്ടിതിരിച്ചു. മസിനഗുഡി കാട്ടിലൂടെ തിരിച്ചുവരുമ്പോള്‍ കുറ്റികാടുകള്‍കിടയില്‍ ഒരു കറുത്ത സാധനം അനങ്ങുന്നു ഞങ്ങള്‍ വണ്ടി ഒതുക്കി നോക്കിയപ്പോള്‍ ആഹാ നല്ല ഒന്നാന്തരം ബീഫ്‌. ബീഫെന്നാല്‍ അതാണ്‌ നല്ല പച്ചപുല്ല്‌ മാത്രം തിന്ന്‌ പ്രകൃതിയില്‍ ഇഷ്‌ടം പോലെ ഓടിച്ചാടി നടന്ന്‌ വളര്‍ന്ന്‌ വലുതായ ബീഫ്‌ ഹാവൂ��ഒന്നാലോജിച്ച്‌ നോക്കിയപ്പോള്‍ വായില്‍ വെള്ളം വന്നു.ഭായ്‌ ഇവിടെത്തെ ഹോട്ടലിലെ ബീഫ്‌ ഈ കാട്ട്‌ പോത്തുകളാകുമോ കറിവെച്ചിട്ടുണ്ടാകുക ഞാന്‍ ചോദിച്ചു. ആ ചിലപ്പോ ആകും കാട്ടില്‍ നിന്നും കാശ്‌ കൊടുക്കാതെ പിടിച്ചോണ്ട്‌ വരുകആവും.ആഫ്രിക്കയിലുള്ള ഭായ്‌ക്ക്‌ നരേന്ദ്രമോഡി കര്‍ണ്ണാടകയില്‍ ബീഫ്‌ നിരോധിച്ചതോന്നും അിറഞിട്ടില്ല പാവം !.

ഒരിക്കലും മറക്കാനാകാത്ത മസിനഗുഡി കാടുകളുടെ മനോഹാരിതയും കണ്ടു ഞങ്ങള്‍ മനസ്സില്ലാ മനസ്സോടെ മുതുമലയില്‍ നിന്നും മടങ്ങി.നാട്ടില്‍ നിന്നും യാത്ര തുടങ്ങിയിട്ട്‌ രണ്ട്‌ രാത്രിയും രണ്ട്‌ പകലും അവസാനിക്കാറായി എന്നിട്ടും പ്രകൃതിയുടെ ഈ സൗന്ദര്യത്തില്‍ മതിമറന്ന്‌ ഞങ്ങള്‍ മറ്റെല്ലാം മറന്നു.ഭായ്‌ അടുത്ത 15 ദിവസത്തിനുള്ളില്‍ ആഫ്രിക്കയിലേക്ക്‌ മടങ്ങും പിന്നെ രണ്ട്‌ വര്‍ഷം കഴിഞ്ഞാണ്‌ നാട്ടില്‍ വരുക . എല്ലാ യാത്രകളെയും പോലെ തിരിച്ച്‌ വരുമ്പോള്‍ ഞങ്ങള്‍ അടുത്ത പ്രാവശ്യം ഭായ്‌ വരുമ്പോള്‍ പോകാനിരിക്കുന്ന യാത്രകൂടി പ്ലാന്‍ ചെയ്‌തു.കാറിന്റെ പിന്‍സീറ്റിലിരുന്ന്‌ ഞാന്‍ ഉറക്കത്തിലേക്ക്‌ പോകാറായിരുന്നു.ലത്തീഫും ഭായും രണ്ട്‌ ദിവസമായി കണ്ട കാഴ്‌ച്ചകളെകുറിച്ച്‌ സംസാരിച്ച്‌കൊണ്ടിരിക്കുന്നു.മുത്തങ്ങ കാടുകള്‍,ഗുണ്ടല്‍പേട്ടിലെ പൂപാടങ്ങള്‍,മൈസൂരിലെ കാഴ്‌ച്ചകള്‍,ബന്ദീപൂര്‍,മുതുമല,മസിനഗുഡി കാടുകള്‍��.അങ്ങനെ ജീവിതത്തില്‍ ഒരിക്കലും മറക്കാനാവാത്ത നിമിഷങ്ങള്‍ സമ്മാനിച്ച ദിനങ്ങള്‍��..

യാത്രയുടെ കൂടുതല്‍ ചിത്രങ്ങള്‍ കാണാം

ഗുണ്ടല്‍പേട്ടിലേ ചെണ്ടുമല്ലിക്കടല്‍

2015-08-05T23:14:00.000-07:00

രാവിലെ അഞ്ചുമണിക്ക്‌ അലാറം അടിച്ചത്‌കേട്ട്‌ ഉറക്കത്തില്‍ നിന്നെണീറ്റപ്പോള്‍ ഭയങ്കര തണുപ്പ്‌ ചാറ്റല്‍മഴയും.കുറച്ച്‌കൂടി കഴിഞ്ഞ്‌ നീക്കാം .വീണ്ടും പുതപ്പിനുള്ളിലേക്ക്‌വലിഞ്ഞു.അഞ്ച്‌മിനിറ്റ്‌ കഴിഞ്ഞില്ല മൊബൈല്‍ അടിക്കുന്നു.ഫൈസലാണ്‌...എന്താണ്‌ പോണ്ടെ..നല്ല മഴയുമുണ്ട്‌.....മഴ മാറുമോന്ന്‌ നോക്കാം...ഓകെ....വീണ്ടും പുതപ്പിനുള്ളിലേക്ക്‌. ഇന്നെലെ അവനോട്‌ വീരവാദം മുഴക്കിയതാണ്‌ രാവിലെ അഞ്ചിന്‌ ഞാന്‍ നീച്ച്‌ട്ട്‌ അന്നെ വിളിക്കാന്ന്‌....കുറച്ച്‌ കഴിഞ്ഞ്‌ വീണ്ടും കോള്‍....മഴ നല്ലകുറവുണ്ട്‌ പോയാലോ.....ഹൊ..ഈ മഴയെന്തെ കുറഞ്ഞത്‌.. ഒരു നിമിഷം ഞാന്‍ ചിന്തിച്ചു..അവന്‍ യാത്രക്ക്‌ തയ്യാറെടുത്ത്‌കഴിഞ്ഞന്ന്‌ പറഞ്ഞു..പിന്നൊന്നും നോക്കീല വേഗം ഫ്രഷ്‌ ആയി യാത്ര പുറപ്പെട്ടു..യാത്ര തുടങ്ങിയപ്പോള്‍ പിന്നെ അവനേക്കാളേറേ ഞാനായിരുന്നു ത്രില്ലടിച്ചിരുന്നത്‌..

കോഴിക്കോടെത്തുമ്പോളേക്കും നേരം വെളുത്ത്‌ തുടങ്ങിയിരുന്നു..ഒരു കട്ടന്‍ചായ കുടിക്കാന്‍ നോക്കിയിട്ട്‌ ഒരൊറ്റ ഹോട്ടല്‍ പോലും കാണാനില്ല. അവസാനം ഞാന്‍ പറഞ്ഞു..ടാ..ഇന്നിവിടെ ഹര്‍ത്താലാ തോണ്ണ്‌ട്ടാ....എന്തായാലും പോയ്‌നോക്കാംന്ന്‌ തീരുമാനിച്ചു.അങ്ങനെ അടിവാരത്തെത്തി ഒരു ഹോട്ടല്‍ കണ്ടു ഞങ്ങള്‍ ചായകുടിക്കാന്‍ തീരുമാനിച്ചു..നല്ല പുട്ടും കടലക്കറിയും ച്ചൂടോടെ.....യാത്രയില്‍ രാവിലെ ചൂടുള്ള പുട്ട്‌ എന്റെ ഫേവറൈറ്റ്‌ ഐറ്റമണ്‌ കൂടെ പപ്പടവുംകൂടി ഉണ്ടെങ്കില്‍ പിന്നെ ഒരു കുറ്റി പുട്ട്‌ എനിക്ക്‌ മാത്രം.....

പ്രഭാത ശാപ്പാട്‌ കഴിഞ്ഞ്‌ ചുരം കയറാനോരുങ്ങുകയാണ്‌.വയനാട്‌ താമരശ്ശേരി ചുരം ഒരു പാട്‌തവണ യാത്രയില്‍ കണ്ടുട്ടുള്ളതാണ്‌.പക്ഷേ ഈ യാത്രയില്‍ ചുരം കാണാന്‍ ഒരു പ്രത്യേക രസം തന്നെയാട്ടാ. കാരണം എന്തെന്നാല്‍ മുമ്പെല്ലാം ചുരം കയറിയത്‌ കാറോടിച്ച്‌കൊണ്ടാണ്‌. പക്ഷേ ഇപ്പം പോണത്‌ ബൈക്കോടിച്ചാണ്‌ . ആതും ബൈക്കുകളുടെ രാജാവായ റോയല്‍ എന്‍ഫീല്‍ഡില്‍..ബുള്ളറ്റുകൊണ്ട്‌ ചുരത്തിലൂടെയുള്ള യാത്ര മനോഹരമാണ്‌..

താമരശ്ശേരി ചുരം കയറി നേരെ ചെമ്പ്ര പീക്ക്‌ കാണാന്‍.അവിടെ ചെന്നപ്പോള്‍ ട്രക്കിങ്ങാണ്‌ നടന്ന്‌പോണം കാട്ടിനുള്ളിലേക്ക്‌ രണ്ടര കിലോമീറ്റര്‍ നടന്ന്‌ മലകയറി ചെന്നാല്‍ മലമുകളില്‍ ലൗ ആകൃതിയില്‍ മനോഹരമായ തടാകമാണുള്ളത്‌. നടന്നുചെല്ലണം എന്ന്‌ പറഞ്ഞപ്പോള്‍ ഞങ്ങള്‍ വേണ്ടാന്ന്‌ വെച്ചു.നൂറ്റിച്ചില്ലാനം കിലോമീറ്റര്‍ ബുള്ളറ്റോടിച്ച്‌ വന്ന്‌ നടക്കാന്ന്‌വെച്ചാ..വണ്ടി തിരിച്ചു 45 കിലോമീറ്റര്‍ നേരെ മുത്തങ്ങ കാട്ടിനുള്ളിലേക്ക്‌..40 കിലോമീറ്ററോളം വിശാലമായ കാട്‌ മാത്രം. ഇടക്ക്‌ വണ്ടി നിറുത്തി കാടിന്റെ ഭംഗി ആസ്വദിച്ചു.

വയനാട്‌ മുത്തങ്ങ വനത്തിലൂടെയുള്ള മനോഹരമായ ബുള്ളറ്റ്‌ യാത്ര ഞങ്ങളെ എത്തിച്ചത്‌ ശരിക്കും ഒരു മഞ്ഞ കടലിലേക്കായിരുന്നു.ഈ കടലില്‍ വെള്ളത്തിനുപകരം സുഗന്ദം നല്‍കുന്ന ചെണ്ടുമല്ലി പൂക്കള്‍ മാത്രം.ആഹാ�എവിടെ നോക്കിയാലും ഓറഞ്ച്‌ കളര്‍മാത്രം.വയനാടില്‍ന്നും മുത്തങ്ങ വഴി ഗുണ്ടല്‍ പേട്ടിലേക്ക്‌ പോകുന്ന വഴിയിലാണീ ചെണ്ടുമല്ലി കടല്‍. മുത്തങ്ങ വനമേഖല കഴിഞ്ഞാല്‍ പിന്നങ്ങോട്ട്‌ പത്ത്‌ കിലോമീറ്ററോളം ഗുണ്ടല്‍ പേട്ടിലേ പൂപാടങ്ങളും വിവിധ കാര്‍ഷിക വിളകളും മാത്രമാണുള്ളത്‌. ജൂണ്‍മാസം മുതലാണ്‌ കൃഷി തുടങ്ങുന്നത്‌. ജൂലൈ ആഗസ്റ്റ്‌ മാസങ്ങളിലാണ്‌ പൂക്കള്‍ വിരിയുന്നത്‌ ചെണ്ടുമല്ലിയെ കൂടാതെ പൂക്കളുടെ രാജാവായ സൂര്യകാന്തിയും ഇവിടെ കാണാം.ഞങ്ങള്‍ ജൂലൈ അവസാനത്തിലാണ്‌ പൂക്കള്‍ കാണാന്‍ പോയത്‌ അത്‌കൊണ്ട്‌ സൂര്യകാന്തിയെല്ലാം കൊഴിയാറായിരുന്നു.എന്നാലും ഇത്രയും ദൂരെ നിന്ന്‌ വന്നതല്ലെ എന്ന്‌ വിജാരിച്ചാവും ചിലതോട്ടങ്ങളില്‍ പൂക്കള്‍ ഞങ്ങളെയും കാത്ത്‌ കൊഴിയാതെ നിന്നിരുന്നു�..പിന്നൊന്നും നോക്കീല ഉടനെ സെല്‍ഫീസ്റ്റിക്കെടുത്ത്‌ ആകാശത്തേക്ക്‌ നീട്ടിപിടിച്ച്‌ വടക്കോട്ടും തെക്കോട്ടും കിഴക്കോട്ടും പടിഞ്ഞാറും തിരിഞ്ഞ്‌നിന്ന്‌ ഒരു പത്തിരുപത്തഞ്ചെണ്ണങ്ങട്ട്‌ കാച്ചി..സെല്‍ഫിയെടുക്കാന്‍ ഇതിലും നല്ല ബാക്ക്‌ഗ്രൗണ്ട്‌ ഇനി എവിടെന്ന്‌ കിട്ടാന്‍�.നാച്ച്വറല്‍ ഒറിജിനല്‍ കളര്‍ഫുള്‍�.പവര്‍ഫുള്‍�ഭയങ്കര പവര്‍ഫുള്‍...!!!!

ഉച്ച ആയപ്പോഴേക്കും ഗുണ്ടല്‍പേട്ടിലെത്തി അവിടെത്തെ മദീന ഹോട്ടലില്‍ന്നും നെയ്‌ച്ചോറും കാടപൊരിച്ചതും�ആഹാ..മറുനാട്ടില്‍ വന്ന്‌ ഇത്രയും ടേസ്റ്റുള്ള ഫുഡ്‌ കിട്ടാന്‍ കഴിഞ്ഞത്‌ ഭാഗ്യം തന്നെ എന്ന്‌ ഫൈസല്‍ പറഞ്ഞു.മദീന ഹോട്ടലില്‍ കാട മാത്രമല്ലട്ടോ മുമ്പോരിക്കല്‍ ഓഫീസില്‍ന്നും മുതുമല,മസിനഘുടി കാടുകള്‍ കണ്ട്‌ മൈസുരിലേക്ക്‌ പോകുമ്പോള്‍ അന്നത്തെ ബി.പി.ഒ സിദ്ധീക്‌ മാഷാണ്‌ മദീന ഹോട്ടല്‍ കാണിച്ച്‌ തന്നത്‌.അന്ന്‌ ഞങ്ങള്‍ മാനിറച്ചി കാട്ടുകോഴി കാട്ടു കാട മുതലായ വന്യ മൃഗങ്ങളുടെ ഇറച്ചി കഴിക്കാനിടയുണ്ടായി..അങ്ങനെ ഉച്ചയൂണും കഴിഞ്ഞ വീണ്ടും യാത്ര തുടങ്ങി. സൂര്യകാന്തി പൂപാടങ്ങളും ചെണ്ടുമല്ലി പൂത്തുനില്‍ക്കുന്ന ഗ്രാമങ്ങളും പിന്നിട്ടു മുതുമല ബന്ദീപൂര്‍ കാട്ടിലേക്ക്‌..

ഈ കാട്ടിലോന്നും വന്യമൃഗങ്ങളോന്നുമില്ലേ ഫുള്‍ മാനുകളും കുരങ്ങുകളും പന്നികളും മയിലുകളും മാത്രമുള്ളോ�.എന്ന്‌ ചിന്തിച്ച്‌ പോകുമ്പോളതാ റോഡിന്‌ തൊട്ടരികിലായി ഭീമാകാരനായ ഒരു കാട്ട്‌ പോത്ത്‌�ഹമ്പോ!!!!!കാട്ട്‌ പോത്തെന്ന്‌ പറഞ്ഞാല്‍ ഒരു ജമണ്ടന്‍ കാട്ട്‌പോത്ത്‌.പുള്ളിക്കാരന്‍ റോഡ്‌ മുറിച്ച്‌ കടക്കാന്‍ നില്‍ക്കുന്ന സമയത്തായിരുന്നു ഞങ്ങള്‍ ബുള്ളറ്റുമായി വരുന്നത്‌.എന്നാല്‍പിന്നെ ഇവന്‍മാര്‍ പോയിട്ട്‌ റോഡ്‌മുറിച്ച്‌ കടക്കാം എന്ന്‌ വെച്ചപ്പോളാതാ അവന്‍മാര്‍ ക്യാമറ എടുക്കുന്നു. പോകുന്നുണ്ടെങ്കില്‍ ഒന്ന്‌ പോ..പിള്ളേരെ എന്നുപറഞ്ഞ്‌ ഞങ്ങളെ അതൊന്ന്‌ നോക്കി.ഫൈസല്‍ വണ്ടി കുറച്ചൊന്ന്‌ മുന്നോട്ടെടുത്തു. അപ്പോ പുള്ളിക്കാരന്‍ റോഡ്‌മുറിച്ച്‌ കടന്നു.എന്തായാലും വേണ്ടില്ലാ പോകുന്ന പോക്കില്‍ ഞാന്‍ ക്യാമറയെടുത്ത്‌ രണ്ടമൂന്നെണ്ണം ചാമ്പി..ഇനിയൊരവസരം കിട്ടില്ലല്ലോ..

മുതുമല ബന്ദീപൂര്‍ കാടുകള്‍ കഴിഞ്ഞ്‌ ഗൂഡല്ലൂര്‍ വഴി ഞങ്ങള്‍ നാടുകാണി ചുരം ഇറങ്ങി നിലമ്പൂര്‍ വഴി തിരിച്ചത്തിയപ്പോളും യാത്രയുടെ ത്രില്ലിലായിരുന്നു ഞാന്‍�താമരശ്ശേരിചുരം മുത്തങ്ങയിലെ കാടുകള്‍ ചെണ്ടുമല്ലിപാടങ്ങള്‍ സൂര്യകാന്തിപാടങ്ങള്‍ ബന്ദീപൂര്‍ മുതുമല കാടുകള്‍ നാടുകാണിചുരം തുടങ്ങിയ യാത്രയിലെ സുന്ദര നിമിഷങ്ങളുടെ ചിത്രങ്ങള്‍ മാത്രമായിരുന്നു മനസ്സ്‌നിറയെ�...

യാത്രാ വിവരണം : ഷാനവാസ്‌ എന്‍.കെ, ഫോണ്‍:9037224261,9400086337 ,shnvs.nk@gmail.com , http://shanavasnk.blogspot.in

സഹയാത്രികന്‍ : ഫൈസല്‍ പാറപ്പുറം

യാത്രയുടെ കൂടുതല്‍ ചിത്രങ്ങള്‍ കാണാം

മലപ്പുറം ജില്ലയിലെ വിനോദസഞ്ചാരയിടത്തില്‍ ലോക ശ്രദ്ധനേടിയ സ്ഥലം

2015-05-16T07:46:00.000-07:00

നിലമ്പൂര്‍

1കനോലിപ്ലോട്ട്‌

ലോകത്തി ആദ്യത്തെ തേക്ക്‌ തോട്ടമാണ്‌ കനോലിപ്ലോട്ട്‌ . 1846 ല്‍ നട്ട്‌പിടിപ്പിച്ച തേക്ക്‌കളാണ്‌ ഇന്നും കനോലിപ്ലോട്ടില്‍ നിലനില്‍ക്കുന്നത്‌.1933 ല്‍ 14.8 ഏക്കര്‍ തോട്ടം കനോലിപ്ലാന്റേഷന്‍ എന്ന നാമകരണത്തില്‍ ഗവേഷക ആവശ്യത്തിനായി ഒരു സ്ഥിരസംരക്ഷണ പ്ലോട്ടായി സംരക്ഷിച്ച്‌ പോരുന്നു.1943 ല്‍ ഇതില്‍ നിന്നും 9.1 ഏക്കര്‍ രണ്ടാം ലോക മഹായുദ്ധത്തില്‍ പങ്കെടുത്ത സഖ്യ കക്ഷികളുടെ തടി ആവശ്യങ്ങള്‍ക്കായി മുറിച്ചുനീക്കി.ബാക്കിയുള്ള 5.7 ഏക്കര്‍ ഇപ്പോഴും ചരിത്രപരവും ഗവേഷണപരവുമായ ആവശ്യങ്ങള്‍ക്കായി സംരക്ഷിച്ച്‌ വരുന്നു.

അങ്ങനെയെങ്കില്‍ ലോകത്തിലെ എറ്റവും വലിയ തേക്ക്‌ തോട്ടം മലപ്പുറം ജില്ലയിലാണെന്നതില്‍ നമ്മള്‍ മലപ്പുറത്ത്‌കാര്‍കഭിമാനിക്കാം. അതിലുപരി രണ്ടാം ലോക മഹായുദ്ധത്തിന്‌ തടി കോണ്ട്‌പോയതും മലപ്പുറം ജില്ലയിലെ ഈ കനോലിപ്ലോട്ടില്‍ നിന്നാണങ്കി ആ സ്ഥലം ഒന്ന്‌ കാണാതെപോകുന്നത്‌ തീര്‍ച്ചയായും നഷ്‌ടം തന്നെയാണ്‌.

അങ്ങനെയിരിക്കുമ്പോള്‍ ആണ്‌ ഞാനും എന്റെ ഒരു സുഹൃത്തുംകൂടി ഒരുദിവസം ബൈക്കില്‍ ഒരു വണ്‍ഡെ ട്രിപ്പായി നിലമ്പൂരിലേക്ക്‌ വന്നത്‌ . നാട്ടില്‍നിന്നും 83 കിലോമീറ്റര്‍ വരണം നിലമ്പൂരിലേക്ക്‌.നിലമ്പൂരില്‍ നിന്നും ഒരു കുലോമീറ്റര്‍ കഴിഞ്ഞാലാണ്‌ കനോലിപ്ലോട്ട്‌.

പ്രകൃതിസുന്ദരമായ പച്ചപ്പിനാല്‍ തീര്‍ത്ത വനത്തിനുള്ളിലൂടെ അരകിലോമീറ്റര്‍ നടന്നാല്‍ ചാലിയാര്‍ പുഴ കാണാം . ചാലിയാര്‍ പുഴക്ക്‌ കുറുകെ ഒരു തൂക്കുപാലം ഉണ്ട്‌ . ആ തൂക്കപാലം കടന്ന്‌ വേണം കനോലിപ്ലോട്ടില്‍ എത്താന്‍. മനോഹരമായ ചാലിയാര്‍ പുഴക്ക്‌ കുറുകെയുള്ള ആ തൂക്ക്‌പാലത്തില്‍ നിന്നുളള ചാലിയാറിന്റെ തീരങ്ങളുടെ കാഴ്‌ച്ച അത്യതികം മനോഹരമാണെന്ന്‌ പറയാതിരിക്കാന്‍വയ്യ.

തൂക്ക്‌പാലം കടന്ന്‌ചെല്ലുന്നത്‌ ചാലിയാര്‍ പുഴയുടെ അങ്ങേകരയിലാണ്‌.ഇവിടെയാണ്‌ നമ്മുടെ കഥയിലെ നായികാ നായകന്‍മാര്‍ സ്ഥിതിചെയ്യുന്ന കനോലിപ്ലോട്ട്‌. നായികാ നായകന്‍മാര്‍ എന്നുദ്ധേഷിച്ചത്‌ തേക്ക്‌ മരങ്ങളെയാണ്‌.
നിറയെ തേക്ക്‌ മരത്താല്‍ തിങ്ങിനിറഞ്ഞ കനോലിപ്ലോട്ടില്‍ സുര്യകിരണത്തിന്റെ ഒരു അംശംപോലും താഴേക്ക്‌ പതിക്കുന്നില്ലാത്തതിനാല്‍ എപ്പോഴും നല്ല തണുപ്പാണവിടെ.

തേക്ക്‌ മരങ്ങളെകുറിച്ച്‌ പറയുകയെങ്കില്‍ ആകാശം മുട്ടുന്നത്ര ഉയരത്തില്‍ മുന്ന്‌പേര്‌ ഒരുമിച്ച്‌ കൈ കോര്‍ത്ത്‌പിടിച്ചാലും എത്താത്തത്ര വണ്ണമുള്ള തേക്ക്‌ മരങ്ങളാണ്‌.

കനോലിപ്ലോട്ടിലുടെയൂളള നടത്തവും തൂക്കപാലവും അവിടത്തേ തേക്ക്‌ മരങ്ങളുടെ തലയെടുപ്പും വണ്ണവും എല്ലാം കണ്ടപ്പോള്‍ ഒരുക്കല്‍കൂടി ബാക്കി സുഹൃത്ത്‌കളെയുംകൂട്ടി വരണം എന്ന്‌ ഞാന്‍ തീരുമാനിച്ചു.

അങ്ങനെ ഒരുവട്ടംകൂടിയാ പഴയതേക്ക്‌ തോട്ടത്തിലേക്ക്‌ ഞനും എന്റ മൂന്ന്‌ സുഹൃത്ത്‌കളുംകൂടി പ്രകൃതിരമണീയമായ പച്ചപ്പ്‌ ആസ്വതിക്കാനായി ചാലിയാറിനെ കീറിമുറുക്കുന്ന തൂക്കപാലത്തിലുടെ കനോലിപ്ലോട്ടിന്റെ പ്രകൃതി ഭംഗി നുകരാനെത്തി.

അങ്ങനെ ജീവിച്ചിരിക്കുന്ന ലോകത്തിലെ ഏറ്റവും വലിയ തേക്ക്‌മരങ്ങളെയും കണ്ട്‌ പുറത്ത്‌ വന്നപ്പോളതാ ഒരുകിലോമീറ്റര്‍ ആപ്പുറത്ത്‌ തേക്ക്‌ മ്യൂസിയം.
2.തേക്ക്‌മ്യൂസിയം

ലോകത്തിലേ ഏറ്റവും വലിയ തേക്ക്‌ മരങ്ങളെ കണ്ട ഞങ്ങള്‍ക്ക്‌ തേക്ക്‌ മരങ്ങളെകുറിച്ച്‌ കൂടുതല്‍ അറിയാന്‍ തേക്ക്‌ മ്യൂസിയത്തില്‍ നിന്നും കഴിഞ്ഞു.

മ്യൂസിയത്തിനകത്തേക്ക്‌ പ്രവേശിക്കുമ്പോള്‍ വിവിധയിനം മുളകള്‍ നട്ടുപിടിപ്പിച്ച്‌ നിര്‍മ്മിച്ചിരിക്കുന്ന മനോഹരമായ ഒരിടം കാണാം
മ്യൂസിയത്തിനകത്തായി വിവിധയിനം തേക്ക്‌ മരങ്ങള്‍ തേക്കമരത്താല്‍ തീര്‍ത്ത ഉപകരണങ്ങള്‍ തേക്കിന്റെ ഉപയോഗം വിശകലനം അങ്ങനെ തേക്ക്‌ മരത്തിനെപറ്റി എല്ലാം നമുക്ക്‌ മനസിലാക്കാം

മൂസിയം കണ്ട്‌ കഴിഞ്ഞാല്‍ നമ്മളിറങ്ങുന്നത്‌ മനോഹരമായ ഒരു ഉദ്ധ്യാനത്തിലേക്കാണ്‌.മനോഹരമായോരു പൂന്തോട്ടം വിവിധയിനം പനകള്‍ നട്ട്‌പിടിപ്പിച്ചുണ്ടാക്കിയ പാം ഗാര്‍ഡന്‍ മനുഷ്യനിര്‍മിതമായ ഒരു കോച്ചു കാട്‌ അവിടെ വിശ്രമസ്ഥലങ്ങള്‍ തുടങ്ങിയവ ഉദ്ധ്യാനത്തില്‍ നമുക്ക്‌ കാണാം.

അങ്ങനെ മ്യൂസിയം കണ്ട്‌ പുറത്തിറങ്ങിയ ഞങ്ങള്‍ നേരെ നിലമ്പൂരില്‍ നിന്നും പന്ത്രണ്ട്‌ കിലോമീറ്റര്‍ മാത്രം ദൂരത്തുള്ള ആഢ്യന്‍പാറ വെള്ളചാട്ടത്തിലേക്ക്‌ യാത്ര തിരിച്ചു.

3.ആഢ്യന്‍പാറ വെള്ളചാട്ടം

കാടിന്റെ വന്യതയില്‍ നിന്നും എത്രയും വേഗം രക്ഷപെടാനെന്നപോലെ ചീറിപ്പായുന്ന ശബ്‌ദത്തോടെ പാറകെട്ടില്‍ വന്ന്‌ വീഴുന്ന വെള്ളചാട്ടം കാണാന്‍ പ്രത്യേകം രസം തന്നെയാണ്‌.

വേനല്‍കാലത്താണങ്കില്‍ വെള്ളം കുറവായതിനാല്‍ വേണമെങ്കില്‍ നല്ലോരു കുളിയും പാസാക്കാം

മഴക്കാലത്ത്‌ വളരെ അപകടം നിറഞ്ഞ ഒരു സ്ഥലമാണിവിടെ.മഴക്കാലത്ത്‌ വെള്ളച്ചാട്ടം കാണാന്‍ നല്ല ഭംഗിയാണ്‌ പക്ഷേ വെള്ളത്തിലിറങ്ങുന്നത്‌ വളരെ അപകടമാണ്‌..

ആഢ്യന്‍പാറ വെള്ളചാട്ടം കാണാന്‍ പോകുന്ന വഴിയിലാണ്‌ കോഴിപാറ വെള്ളചാട്ടം .കോഴിപാറവെള്ളചാട്ടം കാണാന്‍പോകുന്ന വഴി മനോഹരമാണ്‌ .കാട്ടിനുള്ളിലൂടെ 18 കിലോമീറ്റര്‍ സഞ്ചരിച്ച്‌ വേണം കോഴിപാറവെള്ളചാട്ടം കാണാന്‍.പോകുന്ന വഴി മനോഹരമാണ്‌.

കോഴിപ്പാറവെള്ളചാട്ടം കഴിഞ്ഞ്‌ ഞങ്ങള്‍ നടുങ്കയം എന്ന സ്ഥലത്തേക്ക്‌ യാത്ര തിരിച്ചു.

4.നടുങ്കയം

നിലമ്പൂരില്‍നിന്നും അഞ്ച്‌ കിലോമീറ്റര്‍ മാറിയാണ്‌ നടുങ്കയം സ്ഥിതിചെയ്യുന്നത്‌. നടുങ്കയത്ത്‌ നമുക്ക്‌ കാണാന്‍കഴിയുന്നത്‌ മനോഹരമായ കാട്ടിലുടെയുള്ള യാത്രയാണ്‌ .

നടുങ്കയം ഒരു ചിരിത്ര പ്രധാന സ്ഥലംകൂടിയാണ്‌.കാട്ടിലുടെ കൂറച്ച്‌ ദൂരം യാത്രചെയാതാല്‍ 1938 ല്‍ മരണമടഞ്ഞ ഡവ്‌സണ്‍ സായിപ്പിന്റെ ശവകുടീരം കാണാം. ഈ സായിപ്പ്‌ ഒരു പി.ഡബ്ല്യൂ.ഡി എന്‍ഞ്ചിനിയറാണ്‌ .ചാലിയാര്‍ പുഴക്ക്‌ കുറുകെ അദ്ധേഹം നിര്‍മ്മിച്ച പാലം നമുക്ക്‌ നടുങ്കയത്ത്‌ കാണാം.

ഒരിക്കല്‍ സായിപ്പ്‌ കുളിക്കാനായി ചാലിയാറില്‍ ഇറങ്ങിയപ്പോള്‍ ചാലിയാറിലെ ശാന്തസുന്ദരമായ ജലപ്പ്രവാഹത്തിനുള്ളില്‍ ഒളിച്ചിരിക്കുന്ന ഒഴുക്കില്‍ പെട്ട്‌ അദ്ധഹം മരുച്ചു എന്നാണ്‌ പറയുന്നത്‌. അദ്ധഹം മരിച്ചപ്പോള്‍ ഭാര്യയുടെ ആവശ്യപ്രകാരം നടുങ്കയത്ത്‌ മറവുചെയ്യുകയായിരുന്നു.

അക്കാലത്ത്‌ സായിപ്പ്‌ താമസിച്ചിരുന്ന കാട്ടിനുള്ളിലെ മരം കോണ്ട്‌ നിര്‍മിതമായ ഒരു വീടും നമുക്ക്‌ നടുങ്കയത്ത്‌ കാണാം.
നടുങ്കയത്ത്‌ കാട്ടിനുള്ളിലൂടെയുള്ള യാത്ര അത്യതികം മനോഹരമാണ്‌�

ഇത്രയെല്ലാം കണ്ട്‌ കഴിഞ്ഞപ്പോള്‍ ഇതെല്ലാം മലപ്പുറം ജില്ലയിലാണന്നതില്‍ വളരെ അഭിമാനം തോന്നി. ഇതോന്നും കാണാതെ മലപ്പുറത്ത്‌കാര്‍ വിനോദസഞ്ചാരത്തിന്‌ മറ്റുസ്ഥലങ്ങള്‍ അന്വേഷിച്ച്‌ നടക്കുന്നതെന്തിന്‌ എന്ന്‌ എനിക്ക്‌ തോന്നിയിട്ടുണ്ട്‌.

ഈ യാത്രയെകുറിച്ച്‌ കൂടുതല്‍ അറിയാന്‍ താല്‍പര്യം ഉണ്ടെങ്കില്‍ നിങ്ങള്‍ക്കെന്നെ വിളിക്കാം എനിക്കറിയുന്ന കാര്യങ്ങള്‍ ഞാന്‍ പറഞ്ഞ്‌തരാം. വിളികേണ്ട നംമ്പര്‍ 9037224261.....

കോഴിക്കോടിന്‍റെ ചാരത്തായി ഒരു കക്കയം

2015-04-25T08:36:00.000-07:00

കോഴിക്കോടിന്റെ ചാരത്തായി ഒരു കക്കയം

ഇത്തവണ സമ്മര്‍ വെക്കേഷന്‍ യാത്ര സൗദി അറേബിയിലുള്ള എന്റെ സുഹൃത്ത്‌ എന്‍.കെ റാഫിയും നാട്ടിലുള്ള സജീവിന്റെ കൂടെയുമായിരുന്നു. നല്ല ഒരു സ്ഥലം അന്യേഷിച്ച്‌ നടക്കുമ്പോളാണ്‌ കോഴിക്കോടിന്റെ ചാരത്തായി കക്കയം എന്ന മനോഹരമായ സ്ഥലത്തേകുറിച്ച്‌ ഞങ്ങള്‍ അിറഞ്ഞത്‌.

കോഴിക്കോടിന്റെ നഗരത്തിരക്കുകളില്‍ നിന്നും മാറി ഏകദേശം 65 കി.മി അപ്പുറത്ത്‌ പ്രകൃതിയുടെ വിരിമാറില്‍ നിറഞ്ഞ്‌ നില്‍കുകയാണ്‌ കക്കയം ഡാമും വനപ്രദേശവും.

അങ്ങനെ ഒരു ഞായറാഴ്‌ച്ച ഞങ്ങള്‍ യാത്ര തുടങ്ങി. കോഴിക്കോട്‌ നിന്നും താമരശ്ശേരി തലയാട്‌ വഴി ഞങ്ങള്‍ കക്കയം എന്നസ്ഥലത്ത്‌ എത്തിചേര്‍ന്നു.അവിടെ നിന്നും 14 കി.മി യാത്ര ചെയ്യണം കക്കയം ഡാമില്‍ എത്താന്‍.

കക്കയത്ത്‌ നിന്നും ഡാമിലേക്കുള്ള യാത്ര അത്യതികം അത്ഭുതങ്ങള്‍ നിറഞ്ഞതും ഭീതിവരുത്തുന്നതും കണ്ണുകള്‍ക്ക്‌ കുളിര്‍മചൊരിയുന്ന മനോഹരമായ കാഴ്‌ച്ചകള്‍ നിറഞ്ഞതുമായിരുന്നു. രാവിലെ 9.30 ന്‌ കക്കയത്ത്‌ എത്തി ഡാമിലേക്കുള്ള പ്രവേശന ടിക്കറ്റ്‌ എടുക്കാന്‍ചെന്നപ്പോള്‍ അവിടെ നിന്നും രണ്ട്‌ വനിതാ ടൂറിസ്റ്റ്‌ ഉദ്ധ്യോഗസ്ഥര്‍ ഞങ്ങളുടെകൂടെ ഡാമിലേക്കുള്ളയാത്രയില്‍ ചേര്‍ന്നു. അത്‌ ഞങ്ങള്‍ക്ക്‌ തികച്ചും ആശ്വാസമേകുമെന്ന്‌ വിചാരിച്ചു. കാരണം അവര്‍ ഉണ്ടെങ്കില്‍ യാത്ര വഴിതെറ്റാതെയാകുമെന്നും അവിടെത്തെ ടൂറിസ്റ്റ്‌ സാദ്ധ്യതകളെകുറിച്ച്‌ അറിയാമെന്നുമൊക്കെ ഞങ്ങള്‍ കരുതി . പക്ഷേ,, ആ യാത്രയില്‍ വഴിയില്‍ ഉണ്ടായേക്കാവുന്ന വന്യമൃഗങ്ങളുടെ ആക്രമത്തേകുറിച്ച്‌ ഞങ്ങളോട്‌ അവര്‍ ആദ്യംപറഞ്ഞപ്പോള്‍ ഞങ്ങള്‍ പേടിതോന്നിയെങ്കിലും യാത്രയിലെ ഓരോ നിമിഷത്തിലും ഉണ്ടാകുന്ന പേടിയും ആകാംശയും മനോഹരമായ കാഴച്ചകളും കടന്ന്‌പോകുമ്പോള്‍ യാത്ര അത്യതികം മനോഹരമായിരുന്നു.

ഈ കാടുകളില്‍ 680 ല്‍ പരം പുഷ്‌പിക്കുന്ന സസ്യങ്ങളും 39ല്‍ പരം പുല്ലുകളും 22ല്‍ പരം ഓര്‍കിഡുകളും 150ല്‍ പരം ഇനം ചിത്രശലഭങ്ങളെയും കണ്ടത്തിയിരിക്കുന്നു.

ഒരു ഭാഗത്ത്‌ കുരുച്ചി കാടുകളും താമരശ്ശേരി ചുരവും മറുഭാഗത്ത്‌ പെരുവന്നാമൂഴി കാടുകളും ചുറ്റപെട്ട്‌ കിടക്കുന്ന ഈ സ്ഥലത്തേക്കുള്ള യാത്ര അത്യതികം മനോഹരമായതാണ്‌
ആന,പുലി,കടുവ,ചെന്നായ ,കരടി,മുള്ളന്‍പന്നി മുതലായ ജീവികള്‍ ധാരാളമായി കണ്ട്‌വരുന്നു.

അങ്ങനെ കാഴ്‌ച്ചകള്‍ കണ്ട്‌ ഞങ്ങള്‍ ഡാമിനടുതെത്തി .ചുറ്റും വനത്താല്‍ ചുറ്റപെട്ട ആ സ്ഥലത്തിനു നടുവില്‍ ഡാം തലയുയര്‍ത്തി നില്‍കുന്നു.കാട്ടിലൂടെ ഒരുകിലോമീറ്റര്‍ നടന്ന്‌ താഴേക്കിറങ്ങിചെന്നാല്‍ കാടിന്റെ പേടിപെടുത്തുന്ന തരത്തിലുള്ള ശബ്‌ദം കേള്‍ക്കാം,,,വീണ്ടും കുറച്ച്‌കൂടി നടന്നാല്‍ മനോഹരമായ സംഗീതോപകരണങ്ങളില്‍ നിന്നുണ്ടാകുന്ന നാദസ്വരം പോലെ പാറകെട്ടുകള്‍ കിടയിലൂടെ ഒഴുകുന്ന ഒരു കൊച്ചു അരുവിയും അരുവിയില്‍നിന്നും താഴെക്ക്‌ പതിക്കുന്ന ഒരു വെള്ളചാട്ടവും കാണാം�വെള്ളചാട്ടം കാണാനായി ഒരു കൊച്ചു തൂക്ക്‌പാലവും അവിടെയുണ്ട്‌�തൂക്ക്‌പാലത്തിലൂടെ നടന്ന്‌ ചെന്നാല്‍ വെള്ളം ചെന്ന്‌പതിക്കുന്ന അഘാതമായ കൊക്കയും കാണാം��.

ഇവിടെയുള്ള ഘോരവനങ്ങള്‍ ബ്രട്ടീഷ്‌ പട്ടാളക്കാര്‍കെതിരെയുള്ള യുദ്ധങ്ങളില്‍ പഴശ്ശി രാജാവ്‌ ഉപയോഗച്ചിരുന്നു.

കോഴിക്കോട്‌ നിന്നും 50 കി.മി മാറിയാണ്‌ കക്കയം സ്ഥിതിചെയ്യുന്നത്‌ അവിടെ നിന്നും 14 കി.മി മാറിയാണ്‌ കക്കയം ഡാമും സ്ഥിതിചെയ്യുന്നത്‌.

നവംബര്‍ മാസം മുതല്‍ ഏപ്രില്‍ വരെയായിരിക്കും അനുയോജ്യമായ കാലാവസ്‌ത.

മലപ്പുറത്തെ മിനി ഊട്ടി

2015-03-22T21:43:00.001-07:00

കത്തുന്ന ചൂടിലും കുളിരു നുകരാന്‍ മലപ്പുറതേക്ക് സ്വാഗതം

Malappuram kottakkunnu

2015-03-05T01:22:00.001-08:00

My friends

2015-03-05T01:14:00.001-08:00

Palakkad

2015-03-05T01:11:00.001-08:00

Palakkad

2015-03-05T01:09:00.001-08:00

Vilangankunnu thrissur

2015-03-05T01:05:00.001-08:00

Rice plant

2015-03-05T01:03:00.001-08:00

Malappuram Kottakkunnu

2015-03-05T01:02:00.001-08:00

Kasarkode bekkal fort

2015-03-05T00:58:00.001-08:00

Kasarkode Bekkal fort

2015-03-04T23:51:00.001-08:00

My home vegetable garden

2015-03-03T03:54:00.001-08:00

Nilambur trip again

2015-03-01T20:31:00.001-08:00