Iftin Education - Arimaha Bulshada

Saif Ali Khan oo Xabsi loo taxaabay kadib markii uu feeray Ganacsade (Daawo Sawirada)

2012-02-26T05:35:00.000+07:00

iftineducation.com - Saif Ali Khan ayaa xabsiga loo taxaabay kadib markii uu dagaal ku galay star hotel oo uu deganaa habeenkii taladada ee aynu soo dhaafnay kadib markii Ganacade Iqbal Sharma oo fadhiya miis u dhawaa Aktarka u sheegay in uu hoos u hadlo uuna dhimo dhawaqiisa.

Booliiska ayaa waxay fureen Kiis dacwad ka dhana loogu furayo Jilaagan kaasoo ay fureen Ganacsade kasoo jeeda dalka India balse heysta dhalasho South African ah oo ay dhexmaray gacan kahadal iyaga iyo Saif Ali Khan sida ay sheegtay Bbc da .

Goor dambe ayaa lagu soo daayay Jilaaga lacag dhan 15,000 rupees ($304; £194).iyadoo ay arintaasi ka xumaadeen qaar ka mid ah asxaabtiisa iyo jeceylkisa Kareena Kapoor,booliiska ayaa sheegay in Iqbal Sharma oo ah ninka uu gacankahadalka dhexmarey isaga iyo Saif Ali Khan lagu dabiibayo Cisbitalka waxaana uuna ka jabay sanka.

Sanadii 2008 dii ayaa waxaa Kiis laga furay SaiF Ali Khan kaidb markii uu Aflagaado u geystay Wariye tani waxay noqonaysa Kiiskii labaad ee laga furo Aktarkan balse waxa uu hada Booliiska u sheegay in uu is difaacayay.

Khan waxa uu jilay in kabadan 40 Filim tan iyo markii uu kusoo biirey Boolywoodka waxaana dhawaan lagu soo eedeeyay inuu caayay Filim Sameeye lagu magacaabo Shirish Kunder mar uu Qamri ka dhargay.

____________________________________
Wax Yar Akhri Wax Badan Ogoow
iftineducation Media Network
Admin@iftineducation.com

Maxaa Haweenka Ku Keeni Kara In Aysan Raaxo Dareemin Marka Xiliga Ciyaarta Socoto?

2012-02-26T03:29:00.003+07:00

Haweenka Raaxada Dareemin

iftineducation.com - Baaritaano la sameeyay ayaa lagu ogaaday in %75 haweenka aysan gaarin gariirka galmada(macaanka raaxada) waxa ayna qubarada ku xeel dheer nolosha qoyska u cuskadeen in tani ay sabab u tahay arimahaan soo socda.

Iyada oo ka cabsi qabta in ay ka baxdo qadka: haweenka si weyn ayay uga baqaan in ay banaanka soo dhigaan dareemahooda ee ay ka helayaan macanka raaxada xiliga ay socoto ciyaar sariireedka taasina waxa ay ku qasabtaa in ay aysan helin gariirka galmada maadaama ay ku jiraan is caburin dhanka dareemaha ah.

In aysan isku kalsooneen ama ku kalsooneen dhismaheeda banaanka: haddii maskaxdaada mashquulsna tahay oo ay ka fekareyso waxa uu ninkaada ka aamisan yahay hab dhismeedkaada dibada ama in aad iso weydiineyso in ninkaada siineyso macaan oo uu dareemayo raaxadada , hadaba ogaaw hadii maskaxdada waxa ay doonto mashquul haku ahaatee in marnaba aadan heleyn raaxo garabryaheey.

Hadaba iFtinEdUCaTiOn ayaa kuula talineysa in dareemahaada qarin xiliga ciyaaraadka una sheeg ninkaada si wleiba oo aad dareen ku heli karto maadam haweenka ka dareen adag yihiin ragga .

____________________________________

Wax Yar Akhri Wax Badan Ogoow

iftineducation Media Network

Admin@iftineducation.com

Roberto Mancini oo aqbalay raali gelinta Tevez.

2012-02-26T01:54:00.000+07:00

Carloz teves iyo Roberto Mancini

iftineducation.com - Tababaraha kooxda Manchester City Roberto Mancini ayaa aqbalay raali gelin uu bixiyey carlos Tevez oo in muddo ah kooxda ay kala gadoodsanaayeen.

Carloz Tevez ayaa raali gelin ka bixiyey wixi qalad ah oo uu ka galay qof walba oo Man.City ah,isagoona sheegay inuu diyaar u yahay inuu mar kale u ciyaaro kooxda.

Tevez ayaa sheegay inuu kooxda ka raali gelinayo habdhaqankiisi iyo qaladaadki uu kooxda kaa galay muddooyinki u dambeeyey sida ay qortay jariiradda The Guetz.

“ waxaan si samaan ah raali gelin ka bixinayaa qof walba oo aan sharaftiisa wax u dhimay,waxaana doonayaa in haatan aan wax ka baddelo habdhaqankeygi billihi ugu dambeeyey”.

Carlos Tevez ayaa sidoo kale la sheegay inuu dib u ceshaday racfaan uu ka qaatay ganaax dhawaan ay kooxda dul dhigtay,waxaana laga yaabaa inuu mar kale kooxda ka muuqdo si uu kooxdiisa uga caawiyo dagaalka ay ugu jirto inay ku guuleysato koobka Premier League-ga tan iyo 1968.

Tababare Mancini ayaa dhawaan sheegay in hadii Carlos Tevez uu raali gelin ka bixiyo wixi uu sameeyey uu kooxda mar kale u ciyaari karo.

____________________________________
Wax Yar Akhri Wax Badan Ogoow
iftineducation Media Network
Admin@iftineducation.com

Aabo Soomaaliyeed oo Isagoo Qabiil eegaya Qoyskiisa Ku Bur Buray (Qiso dhab ah oo Murugo badan Xumbaarsan)

2012-02-26T01:27:00.000+07:00

iftineducation.com - Aduunyada Waa Safar aad U dheer uu Ruuxa kala Kulmo Dhibaatooyin aad u adag Waxaana Laga Doonayaa Ruux Walba oo Cariir Aduun la Kulma In uu Samir Kaashado

Qisadaan Waa Qiso dhab ah oo ka dhacday Dalka Ingiriiska Kuna Dhacday Oday Soomaaliyeed oo lagu magacaabo Jaamac. Waxa uuna In Mudo ah Jaamac Isagoo Qax ah Ku sugan yahay Dalka Koofur Afrika Magaaladiisa Johannesburg

Wariyaha Allbanaadir.com ee Dalkaasi Koofur Afrika C/llaahi Balwan Ayaa La Kulmay Jaamac Si uu Wax uga Waydiiyo Qisada Yaab kaleh uu la Kulmay Iyo Xiliga Qisadaasi dhacday Halka uu Ku sugnaa? Waxa uuna ka Diyaariyay War Bixintaan

Jaamac waxuu ku dhashay magaalada Gaalkacyo, waxabarashadiisa dugsiga sare waxuu ku dhamaystay magaalada Mogadishu, waxuuna nasiib u helay in waxabarasho Jaamacadeed u aado dalka Ingriiska. Jaamac toddobo sanno ayuu Jamacad London ku taalo wax kabaranayey, muddaasi waxuu qaatay laba darajo oo waxbarasho sare ah bachelor iyo master isagoo bartay cilmiga Chimical Engineering. Muddassi uu ardayga ahaa, waxay Jaamacadda ay isku barteen gabar caddaan ah oo reer Britsh ah,

Gabadhaas oo dhanka waxbarashada iyo dhanka dhaqaalaha ka caawini jirtay, xiriirka gabadha iyo Jaamac ayaa u xuubsiibtay jaceyl aad u xoog badan, waxayna ku heshiiyeen markay jaamacadda dhameystaan inay is guursadaan, oo Jaamac uusan ku laaban dalkiisii hooyo ee Soomaliya iyo dowladdii iyo dadkii soo dirsaday wixii uu bartay inuusan ugu faa’ideyn.

Jaamac ayaa dowlada Engriiska ka codsaday in la siiyo degganaasho joogta ah, isagoo ku andacooday, inuusan la shaqeyn karin maamulka Militariga ee Digteetarka ah ee aan ku dhisneen Diimoqaraadiyad inuusan la shaqeyn karin.

Jaamac waxuu helay warqadda deganaashaha dalka Ingriiska, waxayna isaga iyo gabadhii shaqo ka wada heleen warshad ku taalla magaaladda Bedford ee dalka Engriiska. Gabadhii British-ka aheyd ayaa hooyadeed iyo aabaheed la socodsiisay inay Jaamac is guursanayaa, iyadoo waalidka horay u ogaa isla socdkoodii hore, inkastoo uu waalidka jecleen, haddana waxay yiraahdeed hadii aad adiga ninkaasi madow jeclaatay waxba kama qabno, madaama uu yahay nin aqoon leh, oo aad muddo wada socoteen.

Jaamac iyo gabadhii ayaa wada aqal galay, waxay gabadhii Britsh-ka aheyd u dhashay Jaamac gabar, muddo kadib, Jaamac waxuu guri ka iibsaday magaalada London halkaas oo uu shaqadiisii labaad uu ka bilaabay.

Gabadhii yareyd oo iska dhalka aheyd ayaa waxay bilaawday dugsiga hoose, inkastoo gabadha hooyadeed aysan muslimin, hadana Jaamac wuxuu gabadhiisa maalin kasta u sheegi jiray, in ay tahay gabar Muslimad ah, gabar Somaliyeed tahay, dhaqankan inuusan dhaqankooda aheyn, inaay tahay gabar Afrikaan ah, oo Soomaali ah, oo Muslim ah, wuxuu ku oran jiray ha raacin qof aan Soomaali aheyn ama aanan Muslim aheyn.

Gabadhii markii ay dugsi dhexe gaartay, ayaa waxay dugsigii isku barteen, wiil Soomaali ah, oo la yiraahdo Faarax, way is walaalsan jireyn, gabadhii waxay faarax keentay gurigooda si’ay u barto, hooyadeed, iyo aabaheed, maadaama uu aabaha ku waanin jiray ha raacin cidaan Soomaali ama Muslim aheyn.

Odey Jaamac wiilka markuu arkay wijiga ayuu ka kaduuday, waxuu u malaynayey Jameekaan, ama Afrikaan kale, markaas ayey gabadhiisa ku tiri aabo wiilkaan magaciisa waa Faarax waa Soomaali, sidee ku garatay inuu Soomaali yahay, Afsoomaliga ayuu yaqaanaa ayey tiri, kadib Odaygii ayaa Faarax ku yiri waryaa magacaa, markaas ayuu yarkii yiri Faarax

kadib wuxu yiri waan ku gartay waa kuwii webiyada degi jiray, bal ii waran, xagee daggen tihiin, xafadooda ayuu u sheegay, aabahaada xaguu ka shaqeeyaa buu yiri, aabahay waa kuuk(cook) buu yiri,

oday Jaamaca ayaa wiilkii ku yiri gabadhan waa walaashaa yeysan raacin gaalada iyo madowga kale, hadii ay aad ku dhaanto daruusta ka caawi ok buu yarkii.

Faarax isbuuc walba wuxuu imaadaa guriga gabadha wuxuu ka caawiyaa daruusta, markaas odayga Jaamac ayaa sii dhaweyn jiray marka uu baxaayo uu hooyanaayo Faarax/

oday jaamac wuxuu xaaskiisa u sheegay, Faarax inuu yahay wiil fiican oo Soomaaliyeed, aabihiis baan arkay, waa dad fiican waa dadka laga nabadda helo, qabiil qabiil ma yaqaanaan, waa dad shaqeysta, waa dad nabadda jecel oo beeralay u badan, inkastoo kuwa magaalooyinka jooga ay u badan yihiin Farsamo yaqaano.

Faarax iyo gabadhii waxay wada dhameysteen ilaa dugsi sare, waxay wada galeen hal Jaamacad. Sheekadii markaan home work waa ka weynaatay dad waaweyn ayaa la noqday, waxaa la bilaabay in laga sheekeysto mustaqbal iyo jaceyl, gabadhii iyo wiilkii, waxay ku balameen markay Jaamacadda u dhamaato, oo ay shaqo bilaabaan inay is guursadaan. Muddo kadib, Jaamacdii ayaa dhamaatay, Faarax wuxuu bartay aqoonta Computer Programer, gabadhana waxay baratay aqoonta Cilmiga Bulshada (Sociology). shaqo ayaa la wada bilaabay, waxaana lagu heshiiyey in gabadha ay hooyadeed iyo aabaheed ku wargeliso in iyada iyo Faarax ay rabaan inay is guursadaan.

Hooyadii ayaa aqbaarta aad ugu faraxday, waxay tiri Faarax waa wiil fiican, oo Soomali ah, aabahaadana mar walba wuu amaani jiray faarax hadiiba aad ku heshiiseen inaad is guursataan aad baan ugu faraxsanahay, aabahaadana caawa ayaan u sheegeynaa aqbaartaan farxadda badan.

Gabadha hooyadeed, ayaa farax dartiis, waxay jecleysatay, in caawa cashado banaanka loo aado hotel-lada waaweyn ee quraxda badan casha loo aado halkaasi ay gabadha aabaheed ugu soo bandhigto aqbaarta farxadda badan.

Odey Jaamac ayaa galabtii shaqadii ka soo laabtay, hooyadii ayaa waxay odaygeedii u sheegtay in uu jiro aqbaar aad u weyn aadna u faraxad badan, sidaasi darteed caawa waxaan cashada u aadeynaa, hotelka quruxda badan ee ku yaal xeebta, si ay gabadhaada kuugu sheegto aqbaarta oo aad ugu farxi doontid.

Reerkii ayaa soo wada labistay, Odayga wuxuu u malaynayaa aqbaarta loo hayo inuu yahay, in gabadhiisa ay xagga shaqada ay dalacaad ka heshay.

Markii Hotelkii quruxda badnaa ee ku yeelay xeebta Atlantiga, la tagay, cashadii la bilaabay ayaa hooyadii ku tiri gabadheeda hooyo aabahaa u sheeg aqbaarta maanta aad ii sheegtay, Gabadhii ayaa ayadoo faraxsan aabaheeda u sheegatay inay caawa uhayso aqbaar aad u fiican, madaama aan jaamacadeydii ka soo qalin jebiyey, shaqo fiican-na aan haysto, waxaan rabaa inaan idiin sheego idinkana farxiyo aqbaar aad u fiican aniguna igu weyn idinkuna aan filayo inaad ku farxi-doontaan, qaasatan Aabe.

Waxay gabadhii aabaheeda ku tiray “abbo iyo hooyo anigoo oofinayo ballantii aabahay waxaan ku dadaalay inaan idin niyad jebin, gaar ahaan aabahayga, waxaan doortay wiil Soomaaliyeed inaan guursado, sida uu aabahay iigula dardaarmay, wiilka aan guursanayo oo aan is jecelnahay wiil kale maahan ee waa Faarax Adan Aabihii, ayaa ku mergaday cad hilib ah uu cunnaayey, huq, huq,huq buu ku waashay, markaas hooyadii ku waalatay he choked, he choked, he choked, (Alla wuu mergaday, Alla wuu mergaday, Alle wuu mergeday,”

Rag meesha fadhiyey oo qibrad u lahaa qofka cuntada ku mergata sida looga fujiyo, ayaa dusha ka dharbaaxo kaga dhuftay,kadib ayaa neefweyn oo cad hilib ah ay la socoto ka soo booday, waxaa oday jaamac fax ka soo yiri wejigiisa dhidid, hooyadii iyo gabadhii oo walaacsanaa ayaa miirkii ku soo noqday,

Cashadii iyo aqbaartii ay gabadha wax ka bilaawday ayaa halkii ku joogsaday, gaarigii ayaa laysku soo guray, waxaa dib loogu soo laabtay gurigii. Oday Jaamac ayaa musqusha intuu gallay xogaa biyo isku soo shubay, xaaskii ayaa koob yar oo Kafee ah u keentay, markaas ayey ku tiray Macaane caawa waad sigatay, oo hilibkaa ayaad ku dhiman gaartay, markaasi ayuu oday jaamac ku yiri, waxa i dili gaaray maahan hilibkee, waa warkii naxdinta lahaa ee gabadheyda ka soo yeeray.

Hooyadii ayaa yaabtay, waxayna tiri Macaane waa maxay waxa aad dhibsatay ama kaa nixiyey oo ay gabadheena sheegaty, waxaan ka aheyn warkii farxadda lahaa ee ay ku saabsanaa in ay doonayso inay guursato Faarax.

Oday Jaamac ayaa yiri, adiga iyo gabadha xunta ah warkaasi mar kale yaan idiinka maqlin, hooyadii oo yaaban ayaa waxay ku celisay, Macaane gabadheena waa 25 jir hadday ninka aad soo jeclaatay oo weli nin Soomaali ah, maxaa ku jaban,

Odaygii ayaa si carro leh hadalka kor ugu qaaday oo ku yiri, naa Soomaali waxba kama taqaanidee, ninkaan faarax ah yuusan gurigeyga cagta soo dhigin. Odaygii ayaa, waxuu u wacay gabadhiisa, waxuuna ku yiri, gabar yahay, kuguma ag arki karo, mana kuugu maqli karo Faarax iyo wax la mid ah.

Gabadhii ayaa yaabtay, hooyadii ayaa amakaaktay, Gabadhii ayaa waxay aabaheed ku tiri aabe Faarax xaguu la’yahay, soo wiil Soomaaliyeed maaha, soo wiikaad tiqiinay oo aad amaani jirtay soo maaha, soo nin aqoon leh, oo shaqeysto oo sharaf iyo aqoon leh sooma ahan, maxaad hadeer iigu diidee?

Odaygii ayaa wuxu ku jawaabay, faarax kuma guursan karo, gabadhii ayaa ku tiri sababta uu igu guursan karin waa maxay? kuma guursan karo, ee warka badan iga daa. Aabe aniga waxaan ahay gabar 25 jir ah, waxaan xaq u leeyahay ninka aan is jeclaano inaan guursado, adiga ninka aan rabo ii doonimaysid.

Hooyadii ayaa isku dayday inay gabadha iyo aabaheed dhex gasho, waxayna tiri gabadheedii qolkaaga gal oo iska seexo, Jaamacow, adigana qolkeena na geli. Hooyadii oo yaaban, ayaa Jaamac weydiisay Macaane, Faarax soo mahan wiilkii aad noo amaantay, soo wiil Soomaaliyeed oo aad sku dhaqan isku Diin tihiin, soo maaha, wiilkaa dhallinta yar oo quruxsan, oo aqoonta iyo asluubta wanaagsan leh, maxaad ku nacady? ii sheeg waxa aad gebadhaada ugu diideysid.

Odey Jaamac ayaa wuxuu ku yiri Macaan, wiilkaasi reerahooda iyo annaga isma guursanno, maxaa yeelay, waxuu ka soo jeeda reero aan yasno, oo ah kuwo webiyada dega, asalkooduna addoomo ahaan jiray.

Hooyadii ayaa qosashay, oo weydiisay; Jaamacow, wiilkan iyo adiga waxaad ku kala duwan tihiin ma garanayo, Afrikaan baad wada tihiin, waad wada madowdihiin, Muslim-na waa wada tihiin, inaad Soomaali wadatihiin oo ay dad fiican yihiin isagoo yar ayaad noo sheegtay, hadda markuu gabadheena soo doontay, maxaa cilaaqdan iyo isma guursano iyo adoomo ayey noo ahaayeen maxaa keenay?

Waxuu ku yiri, haa wa dad wanaagsan oo shaqeysta oo nabadda jecel, laakiin hadana isma guursano, sidaasi miyaa ayey xaaskiisa ku tiri, haa buu yiri, markaasi ayey ku tiri, waxaan kuu mooday nin u fikirayo sida dadka aqoonta leh u fikiraan, waxaanse, la yaabanahay, inaad u fikirayso sidii Ingiriiskii gumeystaha ahaa, hadaan ogahay inaad cunsuri tahay runtii kuma guursadeen, aqoonkastoo aad leedahay, adduunka waxaan ugu nacbanahay qof cunsuri ah, ee waxaad yeesha aniga iyo adiga ma wada noolaan karno mar hadii ay waxaan oo cunsuriyad ah kugu aasan tahay.

Khilaafkii reerka soo kala dhex galay, ayaa waxaa ka war helay dadkii Brtish-ka ahaa ee hooyada reerkeeda, waxay isku dayeen inay soo kala dhex galaan, markaasi ayey hooyadii u sheegtay waxa uu khalaafka salka ku hayo.

Jaamac ayaa isagana isku difaacay, in gabadhiisa uusan guursan karin wiilkan, markaasi ayaa la weydiyey waa maxay sababta uu wiilkaan u guursan karin gabadhaada, waxuu ku yiri, annaga haddan Soomaali nahay, waxaa jirta reero aan is guursanin, sida reerka uu wiilkan ka soo jeedo iyo reerkeena isma guursadaan.

kadib ayaa odoyaashii Biritshaka ahaa ee gabadha xigtadooda ahaa ku yiraahdeen,”Jaamacow hadiiba idiinkood Afrikaan wada ah, oo madmadow aydaan is guursan, ma reerkiina iyo reerkeena oo Britsh ah ayaa is guursada, marka aan gabadheena British-ka ha ku siinay-na, ma waxaad moodey inaan kugu siinay in reerkiina iyo reekeena is guursadaan, sidaasi maaha ee waxaanu kugu siinay dooqeeda iyo dooqaada oo iska helay.

Jaamacow ileen waxaad aheyd cunsuri xag jir ah, Gabadhaasi cidey doonto ayey guursanaysaa, adigana hadiiba ay cuqdadaasi kuu qarsaneed, waxaan kugula dhaqmeynaa si cunsurinimo ay ku dheehan tahay.

Odey Jaamac, isaga oo ka xun ayaa gabadhisii waxay guursatay Farax Aadan, iyadoo arooskaasi ay ka soo qeyb galeen dad badan oo British ah.

Waxa uuna Jamac Go'aan saday In uu Ka Soo Guuro Yurub oo dhan iyo reerkiisa Kuna Noolaado Qaarada uu ka soo Jeedo ee Afrika oo uu sheegay In uu Ka soconayo Dhaqankii Ay soomaali lahayd.

Hada Oday Jaamaca waxa uu Ku nool yahay Xaafada Mayfair Magaalada Johannesburg ee Dalka Koofur Afrika Isagoo Aan Gacan Ku hayn Xaaskiisa Iyo gabadhii uu Dhalay Xitaa Teleefonadoodii ayeey Ka badashteen

____________________________________
Wax Yar Akhri Wax Badan Ogoow
iftineducation Media Network
Admin@iftineducation.com

Ra’iisul Wasaaraha Soomaaliya oo sheegay in meesha ka baxday shakigii laga qabay shirka London

2012-02-25T18:39:00.002+07:00

raisulwasaare gaas

iftineducation.com - Ra’iisul Wasaaraha Soomaaliya Dr. C/wali Maxamed Cali Gaas ayaa sheegay inuu guul ku soo dhamaaday shirkii London ee Madaxda Caalamka iyo dhinacyada qeybaha siyaasada Soomaalida shalay ugu soo gaba gaboobay, kaasoo laga soo saaray 26-qodob.

Dr. C/wali Gaas oo wareysi siiyay Laanta Afka Soomaaliga ee VOA-da ayaa sheegay in Soomaalida shirkaas ka qabeen shaki iyo warxuma tashiil, kasoo uu tilmaamay inay maleynayeen dadka in Maxmiyad lagu gelinayo shirka.

“Shirka guul ayuu ku soo dhamaaday, runtiina meesha waxaa ka baxday shakigii iyo wararka dadka ay qabeen ee ahaa in dalka la gelinayo Maxmiyad, shirka waan soo dhoweyneynaa”ayuu yiri Dr. C/wali Gaas.

Ra’iisul Wasaaraha ayaa sheegay inay soo dhoweynayaan wada hadal dhex mara Somaliland, isagoo ku bogaadiyay dadaalka iyo horumarka ay sameeyeen, waxaana uu cadeeyay in Somaliland ay yihiin walaalo.

Shirkii London oo ay ka qeyb galeen ilaa 40-hogaamiye ka socday Caalamka ayaa waxaa uu ku soo dhamaaday si is af-garad ah, iyadoo Caalamka markan u soo jeestay Xaalada Soomaaliya sidii wax looga qaban lahaa.

____________________________________
Wax Yar Akhri Wax Badan Ogoow
iftineducation Media Network
Admin@iftineducation.com

Tahriibayaal Soomaali ah oo la siinayo lacago magdhow ah kadib markii dib loogu celiyey Libya

2012-02-25T17:38:00.000+07:00

Tahriibayaal Soomaali ah oo la siinayo lacago magdhow ah

iftineducation.com - Maxkamada Yurub ayaa waxaa ay amartay dowlada Talyaaniga inay siiso kumanaan Yuro ah 24 ruux oo Soomaali iyo Eritrean ah kuwaasoo ka soo cararay dalka Talyaaniga oo gaaray xeebaha Talyaaniga sanadkii 2009.

Markab dagaalo oo dalka Talyaaniga laga leeyahay ayaa dadkan tahriibka ah waxa ay ka soo qabteen badda Mediterranean waxana ay dib ugu celiyeen dalka Libya iyagoo gacanta loo geliyey dowlada Libya.

Maxkamada Yurub ee xuquuqda aadanaha ayaa khamiistii shalay waxa ay sheegtay in dadka tahriibka ay kala kulmeen gacanta xukuumada Libya dhibaatooyin iyadoo lagu xirey dalka Libya isla markaana mudan karay in dib loogu celiyo dalalka Somaliya iyo Eretrea halkaasoo ay xarig ama jirdil ay kala kulmi kareen.

Sida lagu daabacay AP Maxkamadan ayaa wax ay ku xukuntay qof kasta oo ka mid ah dadkaas tahriibka ah in la siiyo lacag dhan $20,000 iyo lacagaha kale ee ku baxay dacwada.

Maxkamada ayaa xustay in dadkan tahriibka ahaa ayaa kala tageen isla markaana dadkii u doodayay ayba la xiriiri waayeenqaar kamid ah, mana cada sida lacagahaas magaadhowga ah loo gaarsiin lahaa dadkii lahaa.

Hore ayaa hay’ada Qaramada Midoobay u qaabilsan Qaxootiga UNHCR waxa ay u eedeysey siyaasada ah in dadka tahriibaya badda laga celiyo iyadoo aanla weydiin sababaha ay u soo cararayaan.

Siyaasada ah in dib looga celiyo badda dadka tahriibka ah ayaa waxaa hore u kala saxiixday sanadkii 2008dii hogaamiyihii Libya Mucammar Alqadafi iyo R/wasaarihii hore ee Italy Silvio Berlusconi kaasoo dhigayay in dowlada Libya ay ka caawiso Talyaaniga sidii loogaga hortagi lahaa dadka magangalyo doonka ah ee soo galaya dalka Talyaaniga.

Illaa iyo hadda ma cada sida dadkan tahriibka ahaa ee dib loogu celiyey dalka Libya ay u heli doonaan lacagtan magdhowga ah ee u xukuntay maxkamada Yurub.

____________________________________
Wax Yar Akhri Wax Badan Ogoow
iftineducation Media Network
Admin@iftineducation.com

Oday Wariye ah oo ku Qafiifay kooxda Ac Milan iyo Odaygaan oo Caalamka Qosolkii ka dhameeyay (Daawo yaabkaan)

2012-02-24T23:24:00.001+07:00

iftineducation.com - Mid ka mid ah Odayaasha Wariyaasha ah ee ugu caansan dalka Talyaaniga ayaa waxaa la xaqiijiyay inuu ku Qafiifay Naadiga Ac Milan oo hogaanka u haya horyaalka dalka Talyaaniga ee Serie A. Odaygaan oo wax ka tabiyo Ciyaaraha horyaalka Talyaaniga marka ay Live-ka yihiin ayaa waxaa dad badan La Yaab ku noqotay marka Naadiga Ac Milan Gool dhaliyaan Odaygaan waxaa ka dhamaado Cabaadka waxeeyna dadka qaar u maleeyaan inuu oonaayo oo kale.

Dad badan oo aan taageerin kooxda AC Milan ee Rossoneri ayaa Odaygaan Waayeelka ah Qeeyladiisa iska taageera waxeeyna iska jecleeysteen sida uu xaraarada ugu yeelaayo Ciyaaraha in kastoo Qofkii aan aqoon uu ku matali lahaa Shaqsi qac ah ama waalan oo ku Qafiifay naadiga Ac Milan.

Kulankii ugu dambeeyay ee naadiga Cesena Vs Ac Milan (1-3) wuxuu Odaygaan Wariyaha ah ku ooyay magaca Xiddiga Qaranka Ghana iyo kooxda Ac Milan Sulley Muntaari oo xiligaas kooxda Ac Milan Gool u saxiixay.

Taageerayaasha kooxda Inter Milan oo ay si aad ah isku neceb yihiin kuwa dariskooda AC Milan marka Telefishinada laga soo daayo Odaygaan Milan ku qafiifay waxaa la xaqiijiyay ineey ku sigtaan iska daminta Tv-ga maadaama uu Odaygaan Wariyaha ah si aan caadi aheeyn ugu qafiifay kooxda AC Milan

____________________________________

Wax Yar Akhri Wax Badan Ogoow

iftineducation Media Network

Admin@iftineducation.com

Saraakiisha AMISOM iyo Kenya oo ku sheekeystay Video Conference - Daawo

2012-02-24T21:22:00.000+07:00

iftineducation.com - Saacado kadib markii Golaha Ammaanka uu ballaariyay howl galka AMISOM, isla markaana ku kordhiyay tirada Ciidamada AMISOM ee haatan gaareysa 12-kun askari la gaarsiiyay 17,700 askari ayaa Saraakiisha AMISOM iyo Kenya markii u horeysay wada hadal ku qaaday qadka Isgaarsiinta ee maqalka iyo muuqaalka ee la yiraahdo video conference.

Hogaanka ugu sareeya AMISOM Major Fred Mugisha, Kuxigeenka Wakiilka Midowga Afrika.

Wafula Wamunyinyi iyo Saraakiisha Kenya sida Afhayeenka Milateriga Col. Cyrus Oguna, Major Emmanuel Chirchir iyo Saraakiisha Wasaarada Gaashaandhiga Kenya ayaa kaga munaaqishooday howl galada Milateri ee ka socda Gobolada Koofurta Soomaaliya, iyo sidii ay isaga kaashan lahaayeen la dagaalanka Shabaab.

Saraakiisha Sar sare ee AMISOM ayaa qadkan video conference kaga qeyb qaadanayay iyagoo ku sugan Xarunta Xalane oo xilligan ah Taliska ugu weyn ee aad loo ilaaliyo, iyo sidoo kale Saraakiisha Kenya oo iyana Nairobi kaga qeyb qaadanayay qadkan maqalka iyo muuqaalka.

Labada dhinac ayaa soo dhoweeyay go’aanka Golaha Ammaanka ee awooda ugu ballaariyay AMISOM, in Gobolada Koofureed tagi karaan, iyo in 4,700 Askari Kenyan ah ay howl galka AMISOM ku soo biiraan.

Hogaanka sare AMISOM Major Fred Mugisha ayaa sheegay in sanad ka hor Al-Shabaab ay meelo badan maamulayaan, halka Dowladda KMG iyo AMISOM kaga sugnaayeen Caasimada Muqdisho goobo kooban.

Mugisha ayaa sheegay in Al-Shabaab ku jebiyeen dagaalada, isagoo xusay in 300-ka mid ah dagaalyahanada Ajaaniibta ay bilaabeen inay u qaxaan dalka Yemen oo ay doonyo ku baxsadaan sida uu yiri.

Waxaa uu sheegay in furimaha dagaalka ay soo gelinayaan caruur yar yar oo ay soo qaldeen, isla markaana aanay u babac dhigi karin.

Afhayeenka Milateriga Kenya Col. Cyrus Oguna ayaa sheegay in Al-Shabaab ay ku wiiqeen awoodooda Gobolada Jubooyinka, isagoo xusay in qorshahooda dhow uu yahay sidii ay u qabsan lahaayeen Magaalada Kismaayo ee Xarunta Jubada Hoose.

Wada hadaladan khadka taleefanka maqalka iyo muuqaalka ee video conference oo ahaa kii u horeeyay ee AMISOM iyo Saraakiisha Kenya dhex mara ayaa ku soo beegmaya xilli Al-Shabaab shalay lumisay Magaalada Baydhabo oo ah magaalo istiraatiiji ah oo ku taal Koofur Galbeed Soomaaliya, markii kumanaan ka tirsan Ciidamada Itoobiya la wareegeen saddex sano kadib.

Al-Shabaab ayaa culeysyo baaxad leh ka soo fuulay Gobolada Koofurta Soomaaliya, oo aagag cusub dagaal ay kaga fureen Ciidamada Kenya, kuwa Itoobiya oo ka soo tallaabay xuduuda, iyagoo ka qabsaday dhowr deegaan muhiim ahaa.

xigasho:jowhar

____________________________________

Wax Yar Akhri Wax Badan Ogoow

iftineducation Media Network

Admin@iftineducation.com

Dhalinyarada ku dhaqan Muqdisho oo qaati bilaahi iyo yaa naga qabta ka taagan Raga Soomaaliyeed ee ka yimaada S/Afrika

2012-02-24T18:40:00.002+07:00

iftineducation.com - Dhalinyarada ku dhaqan Magaalada Muqdisho ayaa cabasho aad u xoogan waxa ee ka keeneen Raga Soomaaliyeed ee ka yimaada Dalka K/Afrika kuwaa oo boorsiiyin lacago ah hore usoo qaata taa ee dhalinyaro ku sheegeen mid iyagu lagu dhibaateenayo lacagahaasi.

Dhalinyarada ayaana waxa ee ka cabayaan ah in Raga South Africa ka yimaada ee lacaga wata in ee iibsadaan Jaceylkooda in mudo ah soo dhisayeen joogayna heer gabo gabo ah kuwaa ee ku baa bi’iyaan lacago fara badan ee Waalidiinta siiyaan Dhalinyarada South Africa ka timaada.

Raga Soomaaliyeed ee Koonfur Afrika kayimaada ayaa sidoo kale gabdhaha ee shukaansanayaan ugu sheekeeya in ee yihiin rago ganacsato waa weyn ah oo Dukaamo ku leh Dalka S/Africa aroos Qatar ahna u dhigayaan deetana u kaxeesan doonaan Dalka K/Afrika oo lacagta iskataal gabdahana sidaaba ee kusoo jilcaan deetanaya ujeedkooga ugu soo fududaayo.

Marka intaa loo sheego ayaa gabdhuhu waxa ee bilaabaan in ee iska iloobaan Jaceylkoodii baahida ku dhisnaa durbana isku diyaariyaan aroos ee la galaan Raga South Africa ka yimaada taa oo niyad jab iyo dhibaato xoogan ku noqata Dhalinyaradii gabdhahaasi Jaceyl wadaag ahaayeen.

Raga South Africa ka yimaada qaarkood waxa ee sameeyaan in bil gudaheed guursadaan labo Xaas iyagoo furaya tii hore hadana mid kale sidii hore oo kale u guursadaan taa oo hada ee sameeyaan badi Raga South Africa kayimaada kuwooda lacaga heesta.

Raga qaarkood ayaa mudo bi lama labo bil ah waxa eek u guursadeen gabdho labo ilaa Sadax gaaraya kuwaa ee hadana dib u furan inta ee isla muqdisho joogaan.

Waxaana dhacda markii dib u laabanayaan Raga qaarkood markii dantooda iyo Muraadkooda gabdha ka gaaraan Jaceylkoodii horena Gabdhahaasi bur buriyeen in ee furaan eena kaga tagaan Magaalada Muqdisho iyaga oo uga baxaya waxii balamo ahaa ee la galeen.

Mid kamid ah Dhalinyarada Muqdisho aan la kulmay ayaa ii sheegay in Qaati bilaahi uu ka tagan yahay Raga South Africa ka yimaada mar iyo labana eesan aheyn dhibka ee u geesteen isaga oo aad u murugsanaa markii aan la kulmayay.

‘’Walaalow Waxaa kuu sheego ma aqaan Dhib aan yareyn ayey nagu hayaan Raga lacaga boorsada kuwata ee South Africa ka yimaada aniga markii labaad ayaan marayaa oo gabar aan Jeclaa iga guursadaan oo Jaceylkeygii halkaas aan ku waayo ,maxaan sameynaa ma Xamar ayaana uga tagnaa mise waan iska celinaa Ragan lacagta nagu gumeesanaya ‘’ ayuu yiri Cabdi Salaad oo kamid ah Dhalinyarada Muqdisho ku dhaqan.

Dhalinyarada kunool Dalka South Africa ayaana heesan lamanae ee ku guursadaan ama kula saaxiibaan gudaha South Africa taasina ee tahay mid inta badan adag taa badalkeeda ayeena sameeyaan in Muqdisho ama wadamada kale ee jaarka ah tagaan eena guursadaan hadba tii ifeysa xitaa iyaga oon shukaansan.

Mar aan la kulmay Dhalinyaro badan oo ka timid Dalka South Africa ujeedkoodana ahaa in ee guursadaan qaarkoodna guursaday ayaa waxa ee in badan oo kamid ah ii sheegeen in Muqdisho u yimaadeen in ee guursadaan gabdhaha quruxda badan ee Magaalaad ugu ifaya iyagoona intaa ku daray markii ee laabanayaan in ee iska furaan maadaama ee adagtahay in ee sii wataan ee kula noolaadaan Dalka South Africa.

Hadaba Dhalinyarada Magaalada Muqdisho ayaa ugu baaqday Raga Soomaaliyeed ee South Africa ka yimaada in ee ka dhaafaan dhibka ee ku hayaan Jaceylkooda ee lacagaha dul dhigaan eena sameestaan Jaceyl ee guursadaan iskana daayaan guurka daneysiga.

____________________________________
Wax Yar Akhri Wax Badan Ogoow
iftineducation Media Network
Admin@iftineducation.com

Nuxurka Qodobada Heshiiskii London

2012-02-24T16:20:00.000+07:00

iftineducation.com - Maxaa Kasoo Baxay Shirkii Soomaalida Maanta uga furmay magaalada London (War Murtiyeed +Sawiro)

Waxaa lasoo Afjaray Shirkii Soomaalida uga furmay Maanta magaalada London ee xarunta Dalka Britain, waxaana shirka oo ka dhacayay xarunta Lancaster House ee bartamaha London marti galinayay Ra’iisul wasaaraha Britain David Cameron.

Gabagabada Kullanka ayaa waxaa war murtiyeedka akhriyay RW David Cameron oo ay dhinacyadiisa taagan yihiin RW Cabdiweli Maxamed Cali Gaas, RW DFKMG Soomaaliya, Jean Ping xoghayaha guud ee Midawga Afrika, Ban-ki-moon Xoghayaha guud ee Qaramada Midoobay waxaana uu uu war murtiyeedku u qornaa sidatan:

1.Shirka London ee ku saabsan Soomaaliya waxaa uu aqalka Lancaster House uu ka dhacay 23kii Febraayo 2012, waxaana ka soo qaybgaley konton iyo shan wefdi oo ka kala socdey Soomaaliya iyo beesha caalamka.

2.Waxa aan shirney waqti muhiim u ah Taariikhda Soomaaliya. Soomaaliya waxaa ay hadda ka soo baxaysaa dhibaatooyin bani’aadamnimo kuwii waqtigan ugu xumaa dunida. Ciidamo Afrikaan iyo Soomaali ah ayaa Al Shabaab ka saarey Muqdisho iyo degaamo kale. Hay’adaha ku-meelgaarka ah waxaa uu waqtigoodu dhammaanayaa Agoosto 2012, waxaana dadka Soomaaliya ay doonayaan in la caddeeyo waxa ka dambeyn doona. Xaaladdu weli ma deggana, waxaana ay u baahan tahay taageero degdeg ah oo ay siiso bulshada caalamka.

3.Go’aanka ku saabsan mustaqbalka Soomaaliya waxaa leh dadka Soomaalida ah. Hoggaanka siyaasadda ee Soomaaliya waa in ay ahaadaan kuwo ay la xisaabtamaan dadkooda. Kaalinta bulshada caalamka u furan waa in ay fududeeyaan horumarka iyo koboca: xooggeenu waxaa uu ku jiraa midnimo iyo taageero isku dubaridan oo aan siinno Soomaaliya.

Waxaa markii la qabanqaabinayey shirkan aan aqoonsanney muhiimadda ay leedahay in aan dhegeysanno oo aan la shaqeyno dadka Soomaaliyeed ee jooga gudaha iyo dibadda Soomaaliya, waxaana aan ku soo dhoweynney la kulankooda ka hor shirkan.

4.Shirku waxaa uu diiradda saarey sababaha dhalinaya degganaan la’aanta, iyo sidoo kale waxyaabaha calaamadaha u ah (macaluusha, burcad-badeednimada, iyo argagaxisanimada). Annaga oo bulshada caalamka ah, waxaan isla garanney: in aan dardar cusub gelinno geeddi-socodka siyaasadda; in aan xoojinno AMISOM oo aan Soomaaliya gacan ka siinno kobcinta ciidankeeda ammaanka; in aan gacan ka geysanno degannaanshaha heer degaan; in aan ku dhaqaaqno tallaabo wax looga qabanayo burcad-badeedda iyo argagaxisada.

Siyaasadda

1.Waxaan ku heshiinney in waqtiga Hay’adaha Federalka ee Ku-meelgaarka ah uu dhammaanayo Agoosto 2012. Waana in aan mar kale waqti loo kordhin. Waxaan soo dhoweyney heshiisyada tilmaamaya waddada lagu gaarayo dowlad si middan ka badan dadka u matasha: Axdiga Federalka ee Ku-meelgaarka ah, Heshiiskii Kampala, iyo Khadiiddada Waddada/Roadmap.

Waxaa aan ayidney mudnaanta, lagu xusey Mabaa’diida Garowe, oo sheegayey in degdeg la isugu keeno Gole Ta’siisi ah (Constituent Assembly), waxaana aan carrabka ku adkeyney in Golaha uu ahaado mid ay ka wada muuqdaan fikradaha dadka Soomaaliyeed ee dhammaan gobollada iyo degaamada kala duwan, iyo in ay waajib tahay in haweenku ay qayb ka noqdaan geeddi-socodka siyaasadda.

Si waafaqsan heshiiskii Garowe II ayaan isula oggolaaney in la dhiirrigelinno horumarka oo aan tallaabo ka qaadno kuwa qasaya geeddi-socodka nabadda, iyo in aan tixgelin doonna talooyinka arrintan la xiriira inta ka horreysa Shirka Istanbul ee la qaban doono bisha Juunyo.

2.Shirku waxaa uu aqoonsadey baahida loo qabo in bulshada caalamku ay taageerto wada-hadal kasta ee Somaliland iyo TFG-da ama ciddii beddesha ay ku heshiiyaan in ay yeeshaan si loo caddeeyo xiriirkooda mustaqbalka.

3.Waxaan cambaareyney argagaxisanimada iyo xagjirnimada gacan-ka-hadalka wadata, haddii ay ku kacaan Soomaali ama ajnebiba. Waxaan ugu baaqney in dhammaan kuwa oggol in ay ku gacan-seyraan rabshadda/gacan-ka-hadalka ay ku soo biiraan geeddi-socodka nabadda ee Jabuuti. Waxaan ku heshiinney in aan sameyno barnaamij loogu talogaley kuwa soo goosta oo lagu taageerayo kuwa ka soo baxa kooxaha hubeysan.

4.Waxa aan carrabka ku adkeyney sida degdegga ah ee loogu baahan yahay in Soomaaliya ay awooddo in ay maalgeliso adeegyadeeda dowladda, oo ay hantideeda u adeegsato waxyaabaha dadka faa’iidada u leh, iyo sidoo kale wax ka qabashada musuq-maasuqa. Waxaan soo dhoweyney horumarka laga sameeyey dhisidda Guddi Wadajir u Maareeya Maaliyadda/ Joint Financial Management Board (JFMB) si loo kordhiyo daahfurnaanta iyo xisaabtanka ee dhinacyada soo ururinta iyo in si habboon u isticmaalidda dakhliga dowladda, iyo sidoo kale gargaarka caalamiga ah ee horumarinta, kaas oo gacan ka geysanaya xoojinta hay’adaha maareynta maaliyadda dowladda ee Soomaalida ah. Baaq ay soo saareen xubinihii u horreeyey ee JFMB waxaa uu ku qoran yahay Lifaaqa A.

5.Geeddi-socodka nabadda waa in ay xuddun u ahaataa ixtiraamidda xuquuqaha aadanaha. Waxaan ku baaqney in la qaado tallaabo gaar ahaan mid wax looga qabanayo ku-tumashada iyo xadgudubyada waaweyn ee xuquuqaha aadanaha ee haysta haweenka iyo carruurta. Waxaan carrabka ku adkeyney in ay waajib tahay in suxufiyiintu ay hawshooda u qabsadaan si xor ah oo aan cabsiyi ku jirin.

Waa in la ilaaliyaa dadka rayidka ah. Waxaan madaxda Soomaalida ugu baaqney in ay qaadaan tallooyin lagu xaqiijinayo xuquuqaha aadanaha laguna joojinayo dhaqanka ah in aan waxba la isu raacan (impunity). Waxaan ku heshiinney in aan xoojinno dadaallada caalamiga ah ee ay ka mid tahay in loo maro hay’adaha Qaramada Midoobey ee xuquuqaha aadanaha.

Ammaanka iyo Caddaaladda

1.Waxaan ku heshiinney in ammaanka iyo caddaaladdu ay muhiim u yihiin in la helo geeddi-socod siyaasadeed oo guuleysta iyo horumarkaba. Ammaan wanaagsan waxaa si joogto ah loogu heli karaa oo keliya marka ay barbar socdaan caddaalad wanaagsan iyo talinta sharciga.

2.Waxaan u mahad-celinney dalalka ciidamadoodu ay nabad-ilaaliyeyaal ahaan u joogaan gudaha waxaana aan ammaanney guulihii iyo wixii ay u hureen AMISOM iyo ciidamada kale. Waxaan soo dhoweyney qorshaha wadajirka ah ee ay dejinayaan Qaramada Midoobey iyo Midowga Afrika waxaana aan mar kale ku celinney muhiimadda ay leedahay in la sameeyo hoggaan taabogal ah.

[Waxaan soo dhoweyneynaa in la ansaxiyo Qaraarkii Golaha Ammaanka ee Qaramada Midoobey ee tirsigiisu yahay **** ee ballaarinaya maandeytka (hawsha) AMISOM oo badinayana tirada ciidankooda.] Waxaan AMISOM ku dhiirrigeliney in ay hubiso ilaalinta dadka rayidka ah. Waxaa aan wada-hawlgalayaasha, gaar ahaan deeq-bixiyeyaasha cusub, ku dhiirrigeliney in ay maaliyad siiyaan AMISOM, taas oo ay ka mid tahay mid la soo mariyo Midowga Yurub.

3.Waxaan ku heshiinney in, muddo ka dib, Soomaalidu ay la wareegaan mas’uuliyadda ammaankooda ayna kobciyaan nidaamkooda cadaaladda si ay wax uga qabtaan halista ku wajahan ammaankooda ayna wanaajiyaan helidda caddaaladda. Waxaan aqoonsanney in Soomaalida oo keliya ay u taallo in ay go’aansadaan nooca ammaan iyo caddaalad ee ay doonayaan.

4.Waxaan aqoonsanney hawsha wanaagsan ee socota ee lagu taageerayo waaxaha ammaanka iyo caddaaladda ee Soomaaliya. Waxaan ku heshiinney in aan dhisno qaab wada-hawlgalayaal caalami ah si loo helo isudiwidda aadka loogu baahan yahay iyo si diiradda loo saaro hawlahaas, oo ay xoojinayaan tiro mabaa’dii ah oo lagu qorey lifaaqa B oo si dhow ula shaqeynaya Guddiga Wadajirka ah ee Qaramada Midoobey ee Ammaanka/UN’s Joint Security Committee.

Burcad-badeednimada

1.Waxaan mar kale ku celinney sida ay innooga go’an tahay ciribtirka burcad-badeednimada, annaga oo ogaaney in dhibaatadu ay u baahan tahay in hab ballaaran oo dhulka iyo baddaba ah wax looga qabto. Waxaan muujinney welwelka aan ka qabno la-haystayaasha muddada dheer lagu hayso Soomaaliya ee gacantana loo qaadayo. Waxaan soo dhoweyney hawsha Kooxda Xiriirka arrimaha Burcad-badeedda Dibadda Xeebta Soomaaliya.

Waxaan sidoo kale soo dhoweyney guusha ay gaareen dadaallada ciidamada caalamiga ah, waana ay innaga go’an tahay sii wadista dadaalladaas oo kale oo leh xeerar adag oo hagaya hawlgalka iyo ciidamo ku filan. Waxaan isla oggolaaney in burcad-badeednimada aan lagu xallin karin hawlo mileteri oo keliya, waxaana aan ku celinney muhiimadda ay leedahay in bulshooyinka in ay wax ka qabtaan waxyaabaha sababta u ah burcad-badeednimada, iyo sii wanaajinta in biyaha xeebaha Soomaaliya si waxtar leh loo adeegsado iyada oo loo marayo tallaabooyin lagu dhisayo kartida dhinaca badda ee gobolka.

Waxaan soo dhoweyney dadaallada socda waxaana aan isla oggolaaney in si wanaagsan la isugu duwo loona taageero. Waxaan ku baaqney in si buuxda loo hirgeliyo Xeer-dhaqanka Anashaxa ee Jabuuti (the Djibouti Code of Conduct) iyo in la sameeyo Soon/Degaan Dhaqaale oo Gaar ah (Exclusive Economic Zone). Waxaana sugeynaa waqtiga aan dib u eegi doonno horumarka la gaarey oo uu ka mid yahay kan laga gaarey Shirka Burcad-badeednimada ee lagu qaban doono Imaaraadka Carabta ee Midoobey bisha Juunyo.

2.Waxaan soo dhoweyney dadaalka wada-hawlgalayaasha hawshan/partners in industry ee ka dhanka ah burcad-badeedda, waxaana aan ku baaqney in si sidan ka ballaaran loo qaato Habka Maareynta ee ugu Wanaagsan (Best Management Paractice) ee maraakiibka korkooda. Waxaan soo dhoweyney hawsha hadda socota ee ku saabsan hagidda caalamiga ah ee adeegsiga sharikaadka gaarka loo leeyahay ee ammaanka ee hubeysan.

3.Ma jiri doonto burcad-badeenimada aan waxba la isugu raacan. Waxaan ku baaqney in si weyn loo kobciyo awoodda garsoor ee dacwad ku soo oogista iyo xiridda kuwa ka dambeeya burcad-badeednimada ee Soomaaliya iyo guud ahaan gobolka waxaana aan aqoonsanney baahida loo qabo in la xoojiyo kartida dowlad goboleedyada.

Waxaan soo dhoweyney heshiisyada cusub, ee qaar ka mid ah dowladaha iyo hawlgallada ciidamada badda awood u siinaya in ay kuwa looga shakisan yahay burcad-badeednimada loo maxkamadeeyo marka ay wada-hawlgalayaashu ku qabtaan gobolka Badweynta Hindiya, iyo in marka lagu helo, loo wareejiyo xabsiyo ku yaalla Puntland iyo Somaliland oo heerarkoodu gaarsiisan yihiin jaangooyooyinka caalamiga ah. Waxaan ogaanney ujeedka lagu doonayo in laga sii fekero suuragalnimada in Soomaaliya gudaheeda laga dhiso maxkamado ku takhasusey wax ka qabashada burcad-badeednimada.

4.Waxaan mar kale sheegney sida ay innooga go’an tahay in aan maxkamadeyno kuwa u madaxda ah burcad-badeednimada. Annaga oo aqoonsanneyna hawsha hore loo soo qabtey, waxaan ku heshiinney in aan sii wanaajinno isuduwidda hawlaha wax looga qabanayo isusocodka maaliyadda sharci-darrada ah iyo in la isu duwo sir-doonka iyo baaritaannada.

Waxaan ogaanney in Seychelles laga dhisey Xarun-goboleedda Isuduwidda Sir-doonka-Maxkamadeynta ee La-dagaallanka Burcad-badeedda/Regional Anti-Piracy Prosecutions Intelligence Coordination Centre.

Argagaxisada

1.Argagaxisanimadu waxaa ay halis adag ku tahay ammaanka Soomaaliya, kan gobolka, iyo kan caalamka. Waxaa ay silic weyn u geysatey dadka Soomaaliyeed. Waxaan isla wada oggolaaney in aan u wada shaqeyno si sidii hore ka xooggan, iyo iyada oo si buuxda loo ixtiraamayo talinta sharciga, xuuqaha aadanaha, iyo sharciga caalamiga ah ee bani’aadamnimada, in la dhiso kartida si loo carqaladeeyo argagaxisada gobolka, iyo in wax laga qabto sababaha asalka u ah argagaxisanimada.

Waxaana aan aan isla garanney muhiimadda ay arrintan leedahay. Waxaan isla garanney muhiimadda ay leedahay carqaladeynta safarrada argagaxisada ay ku tagayaan Soomaaliya iyo kan ay kaga imanayaan, iyo muhiimadda ay leedahay carqaladeynta maaliyadda argagaxisada, waxaana aan ugu baaqney dalalka goboka ku yaalla in ay hirgeliyaan talooyinkii Koox-halweedda Tallaabada Maaliyadda/Financial Action Task Force ee ku saabsanaa la dagaallanka dhaqidda lacagta (raad-gadidda lacagta/money laundering) iyo maaliyad-siinta argagaxisada. Waxaan xusney in sir-doon iyo baaritaan taabogal ah, iyo taageero la siiyo nidaamka cadaaladda dembiyada ee Soomaaliya, ay muhiim u yihiin la dagaallanka argagaxisada.

Waxaan ku heshiinney in aan la shaqeyno Golaha Caalamiga ah ee La-dagaallanka Argagaxisada/the Global Counter Terrorism Forum iyo hay’adaha kale ee caalamiga ah iyo kuwa goboleed si looga soo dhalaalo hawshan muhiimka ah.

Degannaanshaha iyo Soo-kabashada

1.Waxaan soo dhoweyneynaa guulaha ay gaareen degaanno ka mid ah Soomaaliya ee ay ku abuureen goobo deggan, waxaana aan ku heshiinney in aan kordhinno taageero lagu dhiso maamul sharci ah oo nabad ku dhisan, iyo si loo wanaajiyo adeegyada ay helaan dadka ku nool degaamadaas.

Waxaan ku heshiinney in dadaallada noocaas ahi ay dhiirrigeliyaan/kor u qaadaan wadajirka, ayna qayb ka noqdaan geeddi-socodka siyaasadeed ee qaranka.

2.Waxaan fulinta Qorshaha Soo-kabashada iyo Dejinta Muqdisho u aqoonsanney mid muhiim ah. Waxaan ku heshiinney in barnaamijyada aan ku baahinno degaannada dhowaan dib loo soo ceshadey. Waxaan diiradda saari doonnaa taageero lagu suuragelinayo in faa’iidooyin degdeg ah oo la joogtana ah loo gaarsiiyo dadka Soomaaliyeed ee caadiga ah: bedqabka iyo ammaanka, fursado dhaqaale iyo adeegyo aasaasi ah.

Waxaan dhiirrigelin doonaa maamullo degaan oo waxtar leh oo lala xisaabtamo, waxaana aan taageeri doonnaa xallinta khilaafaadka.

3.Waxaan ku heshiinney in guud ahaan taageerada arrimaha degannaanshaha ee gudaha loo bixiyo si waafaqsan Heshiiska Cusub ee ka hawlgelidda qaramada jilicsan ee dhowaan lagu ansxiyey Busan, oo aan ka faa’iideysanno istiraatiijiyadihii dejinta ee ay diyaariyeen IGAD iyo Dowladda Federalka ee Ku-meelgaarka ah.

Waxa aan ayidney tiro mabaa’dii ah oo hagaya taageerada caalamiga ah ee la siinayo arrimaha degannaanshaha ee gudaha ee Soomaaliya (Lifaaqa C). Waxaan xusney in la sameeyey Sanduuqa Maaliyad Degganaansho oo cusub kaas oo qaar badan oo innaga mid ahi ay wax ku biirin doonaan[1].

4.Waxa aan isla oggolaaney in dib-u-dhiska iyo koboca dhaqaalaha ee Soomaaliya ee muddada fog ay ku xiran yihiin ganacsi gaar loo leeyahay oo firfircoon, iyo in gargaarka iyo maaliyadda qurba-joogta ay labaduba kobcin karaan qaybaha laga faa’iideysan karo ee xoolaha, kalluumeysiga iyo qaybaha kale ee dhaqaalaha.

Waxaa aan xusney in degganaanshuhu uu shuruud u yahay badi maalgelinta joogtada ah ee kaabayaasha dhaqaalaha sida nidaamyada korontada, waddooyinka iyo biyaha. Waxaan fileynaa in dhammaan arrimahan looga munaaqashoodo Shirka Istanbul.

Bani’aadamnimada

Shirka waxaa ka hormarey kulan gooni ah oo laga yeeshey arrimaha bani’aadamnimada kaas oo ay wada guddoominayeen Qaramada Midoobey iyo Imaaraadka Carabta ee Midoobey. In kasta oo ay dhammaatey macaluushii, haddana ka-qaybgalayaashu waxaa ay welwel ka muujiyeen dhibaatooyinka bani’aadamnimada ee hadda jira, waxaana ay ballanqaadeen in ay bixiyaan gargaar bani’aadamnimo oo sal looga dhigayo baahida jirta oo keliya. Waxaa ay isla oggolaadeen waxyaabo lagu heshiiyey oo la xiriira arrimaha bani’aadamnimada iyo in gargaarka lagu xiro soo-kabashada muddada fog (waxaa lagu faahfaahiyey qoraal gaar ah).

Isuduwid Caalami ah

1.Waxa aan ku heshiinney in hawsha looga heshiiyey London aan u gudbinno Kooxda Xiriirka Caalamiga ah/International Contact Group (ICG) ee Soomaaliya, waxaana aan soo dhoweyney go’aanka ICG ee Jabuuti ee ah in laga fekero dib-u-habeyn si loo noqdo kuwo intan ka waxtar badan. Waxaan ku taliney in ICG ay dhisto guddi hawleedyo u qaabilsan geeddi-socodka siyaasadda, ammaanka iyo garsoorka, iyo degannaanshaha iyo horumarinta.

Waxaan ogaanney in, ICG dhexdeeda, ay koox dalal muhiim ah oo ku hawlan arrinta ay ka shaqeyn doonaan horumar laga gaaro dhinaca taageeridda dadaallada Qaramada Midoobey, Midowga Afrika iyo IGAD.

2.Waxaan soo dhoweyneynaa dadaallada Wakiilka Gaarka ah ee Xoghayaha Guud ee Qaramada Midoobey iyo Xafiiska Qaramada Midoobey ee Siyaasadda Soomaaliya (UNPOS) ay ku fududeynayaan horumarka laga gaarayo Soomaaliya.

Waxa aan sidoo kale soo dhoweyney kaalinta IGAD iyo Midowga Afrika, iyo taageerada Jaamicadda Carabta, Midowga Yurub, iyo Ururka Shirka Islaamka. Waxaa aan dhiirrigelinney in si waxtar leh ay hawlahooda isugu duwaan hay’adaha Qaramada Midoobey ee ka shaqeeya Soomaaliya.

Annaga oo aqoonsan xaaladda ammaan ee culeyska leh ee weli ka jirta Soomaaliya, ayaan haddana soo dhoweyney dib-u-guuritaanka ay UNPOS ay dib ugu guureyso Muqdisho waxaana aan isla oggolaaney in aan higsan doonno in aan waqti badan oo kale ku bixinno gudaha Soomaaliya si Soomaalida loogala shaqeeyo hawlaha adag ee hor yaalla.

Gebogebo

Waxa aan muujinney rajada aan ka qabno in la gaarey waqti cusub oo siyaasadda Soomaaliya, oo ay taageereyso bulshada caalamka, ay nabad ka dhalinayso Soomaaliya.

Waxaa naga go’an in danaha dadka Soomaaliyeed aan xuddun uga dhigno dhammaan tallaabooyinkeenna. Waxaa aan ka dhur sugeynaa maalinta xaaladda ka jirta Soomaaliya ay sameysey horumar dad ugu filan in shir caalami ah lagu qabto halkaa.

Inta laga gaarayo waqtigaas, waxaa aan laba-laabeynaa dadaalkeenna aan dadka Soomaaliyeed ku gacan siineyno doonistooda ay dalkooda u doonayaan mustaqbal wanaagsan.

xigasho:allbanadir

____________________________________

Wax Yar Akhri Wax Badan Ogoow

iftineducation Media Network

Admin@iftineducation.com