இலக்கியச் சாரல்

வேற்றுமையில்லா நாளொன்று

2018-08-17T00:06:00.002-04:00

தேதியில்லா நாளொன்று கண்டேன்
வேற்றுமையில்லா வாழ்வொன்று அன்று கேட்டேன்
யாரோ ஒருவன் சொல்ல!

- உதயபிரகாஷ்

2018-08-06T00:48:00.001-04:00

அழுகை சில நேரம் இன்பத்தால் வரும்
காற்றில் உங்கள் குரல் கேட்கும்போது

- உதயபிரகாஷ்

2018-07-30T00:24:00.002-04:00

உண்மை எதுவென தேடித்திரியும் மனம் சற்று
அடங்கி நின்று பெறும் மூச்சிக்காற்றும்
தெளிவைத் தருமே!

- உதயபிரகாஷ்

எல்லையில்லா காலம்

2018-07-04T20:13:00.004-04:00

எல்லையில்லா காலத்தின் சிறு துளியை நுகரப்பிறந்தேனோ
இவ்வுலகில் நான் அதை மறந்தும் வாழ்வேனோ!

- உதயபிரகாஷ்

கடந்துசெல்லும் பாதை

2018-06-23T23:13:00.001-04:00

கடந்துசெல்லும் பாதையில் நுண்ணுயிர்கள் இறப்பதஞ்சி
பார்த்து பார்த்து நடந்தனர் - துறவிகள் அன்று
விரைவாகக் கடக்க வயல்வெளியையும் இயற்கை கொடுத்த மலையையும்
அழித்துவிட்டு பாதை போட துடிக்கின்றனர் - தீயோர் இன்று !!

- உதயபிரகாஷ்

சூரியன்

2018-06-08T01:21:00.001-04:00

யாரும் இல்லா வான்வெளியில்
சுற்றித்திரியும் சூரியனே
யாரை நீ தேடுகிறாய்
கண்டவுடன் குளிர்வாயோ!

- உதயபிரகாஷ்

காவலுக்கு இருப்பவன்...

2018-05-28T09:15:00.000-04:00

காவலுக்கு இருப்பவன் சுட்டுக்கொல்ல நினைக்கிறான்
தப்பியோடும் மக்களை துரத்தித்துரத்தி அடிக்கிறான்
செய்வதேதும் அறியாமல் பார்த்துக்கொண்டு நிற்கிறோம்
ஓட்டு போடும் நேரத்தில் கேள்வி கேட்க மறக்கிறோம்
மறதியென்னும் ஆற்றினில் இதையும் கரைத்துவிடுவோமோ !!

- உதயபிரகாஷ்

அரசியல்வாதிகள்

2018-05-03T22:09:00.001-04:00

அரசனென்று நினைத்துக்கொண்டு வாழும்
அரசியல்வாதிகள் மக்களிடம் கையேந்துவதை
எண்ணி சிறு சிறு நன்மைகளையைச் செய்தால்மட்டும்தான்
வாங்கும் ஓட்டுகள் சம்பளமாகும் !

- உதயபிரகாஷ்

உலகம்

2018-04-26T23:57:00.004-04:00

நல்ல உலகம் எப்படி இருக்க வேண்டும் என்று நினைக்கிறாயோ
அந்த உலகம் உருவாகும் வரை முயற்சி செய்துகொண்டேயிரு.

- உதயபிரகாஷ்

தேடுதல்

2018-04-20T02:00:00.002-04:00

உள்ளம் ஒன்று சொல்லும்போது செவிக்குக் கேட்பதில்லை
பள்ளம் ஒன்று இருக்கும்போது கண்கள் காண்பதில்லை
அறிவைப் பலர் கற்பிக்கும்போது மூளை ஏற்பதில்லை
அனைத்தும் இருந்தபோதும் எதுவும் தேடாமல் கிடைப்பதில்லை.

- உதயபிரகாஷ்

நேசிக்க கற்றுக்கொள்

2018-04-17T23:59:00.006-04:00

உலகத்தை நேசிக்க கற்றுக்கொள்
உயிரினம் அனைத்தும் நேசிக்க கற்றுக்கொள்
உலகில் வாழும் காலம் மிகக்குறுகியது என்ற
உண்மை புரிந்துகொள் !

- உதயபிரகாஷ்

கடவுளுக்கு என்ன வேலை

2018-04-04T23:09:00.000-04:00

மலையில்லையேல் மழையில்லை
   மழையில்லையேல் ஆறில்லை
      ஆறில்லையேல் நீரில்லை
         நீரில்லையேல் வயலில்லை
            வயலில்லையேல் உணவில்லை
         உணவில்லையேல் வாழ்வில்லை
      வாழ்வில்லையேல் உலகில்லை
   உலகில்லையேல் பூமியில்லை
பூமியில்லையேல் கடவுளுக்கு வேலையில்லை!!!

- உதயபிரகாஷ்

இயற்கை

2018-03-26T23:22:00.000-04:00

சிறு புற்களும் அழகு

இமய மலையும் அழகு

சூரிய ஒளியும் அழகு

எண்ணமுடியா நட்சத்திரங்களும் அழகு

இயற்கையின் அழகைக் காண்பதும் அழகு

அவ்வழகைக் காப்பதும் அழகு!!

- உதயபிரகாஷ்

பொய்யான உண்மை

2018-03-24T19:33:00.002-04:00

உண்மையென நினைத்த செய்தி
பொய்யென மாறிய பின்னர்
கோபம் வருவது பொய்யின்மேலா
உண்மையின்மேலா?

- உதயபிரகாஷ்

வாழ்வியல் புரிதல்

2018-03-17T22:59:00.000-04:00

வாழ்வியலைப் புரிந்துகொள்ள இன்பமும் துன்பமும்
இணைந்தே உதவுகிறது!

- உதயபிரகாஷ்

மழை

2018-03-17T13:42:00.002-04:00

சிறுதுளியாய்ப் பெய்யும் மழைத்துளியும்
பூமிக்குத் தாகம் தீர்க்கும் அருமருந்தாகும்.

- உதயபிரகாஷ்

அன்பே அறம்

2018-03-15T19:18:00.003-04:00

பகையென வேண்டாம் எவர் இடத்தும்
பண்புடன் வாழ இன்பம் பெருகும்
பல்லுயிர் ஓம்ப வளம் உண்டாகும்
பற்றுடன் நடக்க நன்நட்பு வளரும்
பின்னென்னத் தள்ளிவை ஆகா விருப்பம்
புன்னகை காட்ட அன்பே மலரும்!

- உதயபிரகாஷ்

வாழ்க தமிழ்

2018-03-15T18:56:00.000-04:00

நாவில் அழகிய தாண்டவம் ஆடுகிறாய்
விரல்களின் நுனியில் சிற்றோவியம் தீட்டுகிறாய்
காதில் மெல்லிய தென்றல் வீசுகிராய்
எண்ணிய இடத்தில் கண்முன் தோன்றுகிறாய்
பிறமொழி வாழ கொடையள்ளித் தருகிறாய்
என்றென்றும் பைந்தமிழாகக் திகழும் செந்தமிழே!
வாழிய வாழியவே!

- உதயபிரகாஷ்