-Illa Verde-

FESTA ENTROIDO ANPA CEIP ILLA VERDE-VENRES 27 DE FEBREIRO

noreply@blogger.com (ANPA) — Wed, 28 Jan 2026 17:05:00 +0000

Estimadas familias:

Dende a xunta directiva da ANPA do CEIP Illa verde dámosvos a benvida no ano 2026. Aproveitamos tamén informar que a festa de entroido será venres 27 de Febreiro pola tarde na discoteca "Exágono" en Lugo a partir das 17:30.

Este ano a festa do entroido é nunha data tan tardía debido a que a discoteca está en obras ata xusto as vacacións de entroido.

O alumnado de sexto será o encargado do mercado de entroido onde atoparedes comida e artesanía. O diñeiro recadado destínase a viaxe de fin de curso.

Como ben sabedes a festa será organizada pola ANPA e contará con animación musical cun DJ (Disc Jockey) e mercadiño a cargo do alumnado de 6º de primaria.

A temática para disfrazarse será o teu grupo musical ou artista preferido. Pero se o/a voso/a neno/a prefire outro disfraz, pois por suposto pode disfrazarse do que queira.

Como a discoteca ten un aforo limitado teredes que anotarvos no seguinte enlace https://forms.gle/UThK9YUXAivNYYKT7 , ata o Xoves 12 de febreiro, dado como xa sabedes o aforo é limitado soamente poden asistir membros da familia, xa que as entradas serán nominativas.

Se a demanda de entradas supera ao aforo, terán preferencia as familias socias.

IMPORTANTE!!! Esta festa é gratuita para as familias socias. As familias non socias pagarán 5€ por entrada,

Animádevos a facer coreografías en grupo (nenas e nenos ou familias completas) usando música non discriminatoria, podedes apuntarvos no recadro que hai ao final e entregarllo ao voso titor ata o Xoves 12 de febreiro, atención entregalos datos soamente unha vez por cada grupo!!

Animádevos a participar na festa do entroido 2026!

Saúdos dende a ANPA do CEIP Illa Verde

Curso ou cursos e número de integrantes

Título da canción

Nome do artista ou grupo musical

Nome artístico do voso grupo

Cantos de nadal 2025

noreply@blogger.com (ANPA) — Sun, 21 Dec 2025 18:46:00 +0000

Os nenas/os do CEIP Illa Verde de 4º e 5º de educación primaria cantaron o cantos de nadal polo barrio de Fingoi e Augas Férreas, onde visitaron entre outros sitios, o mercado de Fingoi, COGAMI, CEE Santa Maria, Centros de día, gardería, CIFP As Mercedes, pero antes tiveron moito traballo con clases teóricas e ensaios coa monitora Azucena Pérez. A verdade é que o fixeron moi ben!!

Esta actividade foi cofinanciada pola área de cultura da Deputación Provincial de Lugo.

RECORDATORIO! HOXE!! FESTA DE NADAL DA ANPA DO CEIP ILLA VERDE

noreply@blogger.com (ANPA) — Wed, 10 Dec 2025 10:03:00 +0000

Bo día! Lembramos que esta tarde celebraremos a festa de Nadal do noso colexio.

Esperámosvos!!!

Aproveitamos para dar os parabéns a Valeria Castro de 5º de E.Infantil polo seu debuxo!!

FESTA DE NADAL-MÉRCORES 10 DE DECMBRO-AUDITORIO GUSTAVO FREIRE

noreply@blogger.com (ANPA) — Tue, 02 Dec 2025 18:40:00 +0000

Benqueridas Familias

A festa de Nadal será o mércores 10 de decembro ás 17:00 h. no Auditorio Gustavo Freire de Lugo, e rematará ás 19:30 h.

O programa da festa require deste espazo para garantir unha temperatura axeitada e poder desfrutar das actuacións que temos programadas.

Programa completo de actos:

17:00 h apertura de portas e comezo do mercadiño de Nadal a cargo do alumnado de sexto de primaria, nel poderedes mercar agasallos de artesanía, libros de segunda man, xoguetes e mais cousas.

As 17:30 h abrirase o acceso á sala de butacas, co fin de desfrutar das actuacións dos alumnos e alumnas que participan nas seguintes actividades:

Coro de nais e pais
Teatro
Baile moderno de primaria (Grupo extraescolar baile moderno Venres)
Actuación do grupo de ximnasia rítmica I
Actuación do grupo de ximnasia rítmica II
Cantos de nadal nen@s de 4º e 5º de primaria do CEIP Illa Verde
Actuación de baile galego
Sorteo de agasallos organizado polas nenas e nenos da excursión de sexto
Maxia

O auditorio ten un aforo de 800 prazas, polo que vos pedimos que cumprimentedes a petición de entradas neste formulario online,

https://forms.gle/3wj9tHAgKXGNuBG68 sinalando o número de entradas que se precisan para nenos e para adultos. Sinalar que as nenas e nenos que actúen tamén necesitan entrada.

FAMILIAS SOCIAS DA ANPA: Esta actividade é gratuíta para as familias socias da ANPA.

FAMILIAS NON SOCIAS DA ANPA: Esta actividade é gratuíta para as/os nenas/os do CEIP Illa Verde, neste caso soamente pagarán os adultos e as/os nenas/os que non pertenzan ao CEIP Illa Verde, neste caso a actividade ten un custe de 2€ por persoa (As/os nen@s menores de 3 anos non pagan), o pago farase nas taquillas do auditorio.

O prazo límite para anotarse será o 7/12/2025.

Así mesmo, non debemos esquecer que a festa celébrase nun espazo público, nun espazo de todos e que debemos contribuír co noso esforzo e atención a coidalo e mantelo limpo.

Moitas grazas de antemán pola vosa colaboración e un saúdo da xunta directiva da ANPA do CEIP Illa Verde.

CALENDARIO ESCOLAR 2025-2026

noreply@blogger.com (ANPA) — Tue, 25 Nov 2025 09:08:00 +0000

Charla sobre Bulling o venres 28 de novembro de 2025 subvencionada pola Concelleria de Educación e Difusión do coñecemento

noreply@blogger.com (ANPA) — Sat, 22 Nov 2025 15:00:00 +0000

O venres 28 de novembro ás 19:30, terá lugar a charla sobre "BULLING PREVENCIÓN" no CEIP Illa Verde impartida pola psicopedagoga e orientador escolar Mercedes Fernández.7

Actividade subvencionada pola Concellería de Educación e Difusión do Coñecemento do Concello de Lugo

Visita á granxa Sen Máis-As Vacas da Ulloa

noreply@blogger.com (ANPA) — Sun, 16 Nov 2025 18:32:00 +0000

As nenas e nenos do CEIP Illa Verde de 4º de Educación Primaria visitaron o martes 11/11/2025 as instalacións da granxa Sen Máis-As Vacas da Ulloa en Palas de Rei subvencionado pola área de medio rural e do mar e da mocidade da Deputación Provincial de Lugo no programa "da ESCOLA á GRANXA".

A granxa Sen Máis-As Vacas da Ulloa é un proxecto de emprendemento rural arraigado na constancia e vontade das dúas socias mozas ao fronte da sociedade. A elaboración dos seus produtos procede das súas respectivas granxas de leite ecolóxico con vacas de raza parda alpina e frisona. As tarefas son levadas dun xeito tradicional, porén a finalidade última é xerar o maior valor engadido do leite producido de excepcional calidade e propiedades organolépticas.

Teñen un taller integrado nas instalacións da granxa para producir iogur e leite pasteurizado, e tamén producen cosmética ecolóxica galega cunha base de leite cru de vaca acabado de muxir.

As nenas e nenos pasárono moi ben e fixeron un roteiro informativo polos distintos espazos de traballo do proxecto para aproximar aos escolares ás características do modelo produtivo e tamén un taller relacionado co leite e a súa transformación. I+D+I no rural cunha mirada á valorización das producións gandeiras.

Patios coeducativos subvencionados pola Área de Muller, Igualdade e Inclusión do Concello de Lugo

noreply@blogger.com (ANPA) — Sun, 16 Nov 2025 14:15:00 +0000

Foi realizado o pintado de actividades de chan nos patios de infantil e primaria subvencionada pola Área de Muller, Igualdade e Inclusión do Concello de Lugo. Estes xogos de chan foron deseñados e executados pola deseñadora Azucena Pérez Souto. Estes patios coeducativos teñen obxectivo fundamental salientar a importancia de continuar traballando por unha coeducación plena e activa. Para iso, debemos orientar, estruturar e actuar no momento do recreo para que non se creen roles de xénero do xogo.

Visita a Daveiga-Galletas mariñeiras

noreply@blogger.com (ANPA) — Sat, 08 Nov 2025 18:24:00 +0000

As nenas e nenos do CEIP Illa Verde de 4º de Educación Primaria visitaron o martes 4/11/2025 as instalacións de Daveiga-Galletas mariñeiras subvencionado pola área de medio rural, do mar e da mocidade da Deputación Provincial de Lugo no programa "da ESCOLA á GRANXA".

Galletas Daveiga é unha empresa de economía social para a elaboración de tostas de pan “MARIÑEIRAS”, que son unha adaptación moderna do pan seco que utilizaban os mariñeiros desde o século XV, unha solución moi antiga dos mariñeiros para conservar o pan nas longas travesías oceánicas de forma natural.
As nenas e nenos pasárono moi ben e visitaron o obradoiro, para ver o proceso de elaboración das Galletas Mariñeiras e explicaronlles aspectos do proxecto como Economía Social, Desenvolvemento Rural, Economía Circular (aproveitamento auga da chuvia, acumulación enerxética, aproveitamento de residuos orgánicos, etc).
E levaron un agasalllo dun lote de mariñeiras por cada nena e neno participante.

Magosto 2025

noreply@blogger.com (ANPA) — Sat, 08 Nov 2025 16:36:00 +0000

O 7 de novembro as nenas e nenos CEIP Illa verde celebraron o magosto, cantaron e fixeron xogos relacionados co magosto co obradoiro de música tradicional Troupelear con por Branca Villares e Manuel Vázquez. E pasárono moi ben todos!

Esta actividade foi cofinanciada pola área de cultura da Deputación Provincial de Lugo

NOVAS DA ANPA DO ILLA VERDE NOVEMBRO DE 2025

noreply@blogger.com (ANPA) — Fri, 07 Nov 2025 12:21:00 +0000

Visita á Milhulloa

noreply@blogger.com (ANPA) — Sun, 26 Oct 2025 18:01:00 +0000

As nenas e nenos do CEIP Illa Verde de 5º de Educación Primaria visitaron o xoves 23/10/2025 as instalacións de Milhulloa en Palas de Rei subvencionado pola área de medio rural e do mar e da mocidade da Deputación Provincial de Lugo no programa "da ESCOLA á GRANXA".

Milhulloa é unha cooperativa de marcado carácter feminino enfocada á produción de herbas medicinais en ecolóxico. Elaboración de infusións, especias, grelos e outras hortalizas deshidratadas e conta con obradoiros de cosmética natural.

As nenas e nenos pasárono moi ben e fixeron un taller sensorial de plantas e elaboración dun dentífrico co extractos medicinais, e tamén unha cata de especias e infusións.

NOVAS DA ANPA DO ILLA VERDE DE OUTUBRO DE 2025

noreply@blogger.com (ANPA) — Sat, 04 Oct 2025 11:17:00 +0000

Maios 2025

noreply@blogger.com (ANPA) — Sun, 01 Jun 2025 15:15:00 +0000

O 30 de maio as nenas e nenos de educación infantil cantaron cantos e fixeron xogos relacionados coa festa dos maios co obradoiro de música tradicional Troupelear formado por Branca Villares e Manuel Vázquez. E pasárono moi ben todos facendo un maio e celebrando a chegada do maio!

Esta actividade foi cofinanciada pola área de cultura da Deputación Provincial de Lugo

FESTA FIN DE CURSO 2024-2025, VENRES 30 DE MAIO

noreply@blogger.com (ANPA) — Thu, 29 May 2025 08:09:00 +0000

ESPERÁMOSVOS!!!!

Semana das Letras Galegas -As Cantareiras

noreply@blogger.com (ANPA) — Sun, 18 May 2025 17:50:00 +0000

O día das letras galegas no ano 2025 estivo dedicado ás cantareiras, e fíxose unha sesion formativa co alumnado en cada curso para explicar quen son as cantareiras e poder vivenciar o modo de tradición oral e os ritmos percutivos da pandeireta, cada ciclo preparou unha peza acompañada da pandeireta, e na semana das letras galegas fíxose unha posta en escena na que todo o alumnado do centro cantou e tocou. E a verdade é que o fixeron moi ben!!

Esta actividade foi cofinanciada pola área de cultura da Deputación Provincial de Lugo.

ROTEIROS POLA COMARCA- Lagos de Teixeiro

noreply@blogger.com (ANPA) — Wed, 12 Mar 2025 18:46:00 +0000

ADICCIÓNS, DROGAS, ALCOHOL E COMPORTAMENTAIS. LUNS 17-03-25. IES SAN XILLAO

noreply@blogger.com (ANPA) — Wed, 12 Mar 2025 18:41:00 +0000

MATEMÁTICAS NA RÚA. DOMINGO 16 DE 11H-12H

noreply@blogger.com (ANPA) — Wed, 12 Mar 2025 18:40:00 +0000

MANIFESTACIÓN NACIONAL LINGUA VITAL XA!

noreply@blogger.com (ANPA) — Fri, 21 Feb 2025 15:23:00 +0000

FESTEXANDO O ENTROIDO DESDE O ANPA DO ILLA VERDE

noreply@blogger.com (ANPA) — Thu, 20 Feb 2025 12:09:00 +0000

CANCELADO ROTEIRO DOMINGO 26 POR CIRCUNSTANCIAS METEOROLÓXICAS

noreply@blogger.com (ANPA) — Fri, 24 Jan 2025 16:17:00 +0000

ROTEIROS POLA COMARCA: DOMINGO 26 DE XANEIRO ÁS 10:30H

noreply@blogger.com (ANPA) — Mon, 20 Jan 2025 19:42:00 +0000

PREZADAS FAMILIAS! CONTINUAMOS COAS CAMIÑADAS!

RUTA DOS MUÍÑOS DO REGO DAS GÁNDARAS EN VILASANTAR

É un roteiro lineal que discurre seguindo o cauce do Río Gándara e onde poderemos ver ata 22 muíños en diferentes estados de conservación. Ao ser lineal, cada un pode ir medindo as súas forzas e facer ata o BATÁN DE MEZOUZO, 5km ida e volat, ou seguir ata a Ponte da Gándara, o que serían uns 12km ida e volta.

CHARLA DE FORMACIÓN "Como acompañar ás fillas e fillos no seu desenvolvemento sexual"

noreply@blogger.com (ANPA) — Mon, 20 Jan 2025 19:27:00 +0000

A Anpa Ceip Illa Verde organiza esta charla de formación para familias con fillas e fillos en 4º,5º e 6º de primaria.

CANDO? MÉRCORES 22 DE XANEIRO ÁS 19:30H NO NOSO COLEXIO

QUEN IMPARTE? Colexio Oficial de Enfermería

Actividade subvencionada pola Concellería de Educación e Difusión do Coñecemento do Concello de Lugo

Cantos de nadal

noreply@blogger.com (ANPA) — Sat, 21 Dec 2024 18:59:00 +0000

Os nenas/os do CEIP Illa Verde de 4º e 5º de educación primaria cantaron o cantos de nadal polo barrio de Fingoi e Augas Férreas, antes tiveron clases teóricas e ensaios coa monitora Azucena Pérez. A verdade é que o fixeron moi ben!!

Esta actividade foi cofinanciada pola área de cultura da Deputación Provincial de Lugo.