I, Macedonian

Честито петто место

noreply@blogger.com (Eddie Rebel) — Fri, 27 Jan 2012 17:12:00 +0000

Македонијо, честито петто место на европското првенство во ракомет!

2012 European Men's Handball Championship

Sweden 26 – 26 Macedonia
Macedonia 23 – 24 Germany
Czech Republic 21 – 27 Macedonia
Denmark 33 – 32 Macedonia
Poland 25 – 27 Macedonia
Serbia 19 – 22 Macedonia
Macedonia 28 – 27 Slovenia

И за крај, да запомниме добро дека "нема ништо поуспешно од успех"

Преименување

noreply@blogger.com (Eddie Rebel) — Thu, 26 Jan 2012 09:55:00 +0000

Претседателот на СМК, Тодор Петров, неодамна иницираше идеја за преименување на општина Центар во Александрија:

Општина Центар треба да се преименува во општина Александрија... Името е достојно за централната општина на македонската метропола, имајќи предвид дека и скулптурите на Филип Втори Македонски и Александар Трети Македонски се наоѓаат на подрачјето на оваа општина, од левата и десната страна на реката Вардар.

На ова од порталот Sky Mk (22 Јануари 2012) се надоврзаа со свое тврдење:

Власта... има план да менува имиња на градови, велат извори блиски до власта.

Како градови и општини, кои најчесто се споменуваат за нови имиња се општините Центар, Аеродром и Кисела Вода.

Едно од имињата кои најчесто се вртат во јавноста е Александрија.

Од своја стана јас би ја покренал идејата, доколку навистина желбата е да се оддаде почит кон нашите великани и историја, најпрво улиците како: Кратовска, Кочанска, Кривопаланечка... кои што ги има во повеќе македонски градови, а во некои населби од осумдесетите години безмалку сите улици во недостаток на инвентивност се именувани по овој принцип, да добијат нови имиња по заслужни македонски дејци, без оглед на тоа во кој период живееле и работеле.

Ставот на Германија во врска со името на нашата земја

noreply@blogger.com (Eddie Rebel) — Wed, 25 Jan 2012 07:56:00 +0000

На неодамнешниот ракометниот натпревар на Македонија против Германија, на германската телевизија нашата земја беше претставена со името Македонија.

Курир (среда, 18 Јануари 2012):

За време на преносот на вчерашниот ракометен натпревар, германската национална телевизија нè претстави под уставното име.

Ова секако не го отсликува официјалниот став на Германија, но е добар показател кон каде би се придвижиле работите.

На англиската Википедија, на темата Macedonia naming dispute, во врска со тоа кој назив го користат за нашата земја, Германија е класифицирана во земјите кои не признаваат под привремената референца (Countries/entities using "the former Yugoslav Republic of Macedonia" for all official purposes).

Ист е случајот и на македонската Википедија, на темата Спор за името помеѓу Македонија и Грција, каде што Германија е сместена во листата на земји кои ја признаваат Македонија како "поранешна Југословенска Република Македонија"

Но дали ова е потполно точно?

На сајтот на Бундестагот, Македонија на повеќе места е ословувана како Mazedonien (Македонија), а не со привремената референца (благодарност до Зоки Л. за инфото). Еве само два примери:

Deutsch-Südosteuropäische Parlamentariergruppe besucht Mazedonien und Serbien - 28.10.2011

Vom 31. Oktober bis 5. November 2011 wird sich eine Delegation der Deutsch-Südosteuropäischen Parlamentariergruppe unter Leitung des Abgeordneten Peter Weiß (CDU/CSU) in Mazedonien und Serbien aufhalten....In Mazedonien sind auch Gespräche mit den Vorsitzenden der albanisch geprägten Parteien in Tetovo geplant.

Im Bundestag notiert: Sprachanforderungen beim Ehegattennachzug - 07.12.2011

Berlin: (hib/STO) „Sprachanforderungen beim Ehegattennachzug“ thematisiert die Fraktion Die Linke in einer Kleinen Anfrage (17/7921)... Kuba, Mazedonien, Serbien...

Напомена: на сајтот на Бундестагот постојат и места на кои Македонија е ословувана со привремената референца, иако според моја лична проценка нивниот број е помал.

На сајтот на германското министерство за надворешни работи, Македонија се чини дека официјално е ословувана со привремената референца но постојат места каде што стои само името Mazedonien (Македонија).

На пример овде може да се види и името Mazedonien (во URL-to, во самиот наслов и долу во текстот), но ја има и привремената референца.

Најважно од се' се чини е тоа што на амбасадата на Германија во Македонија, Македонија е ословувана не со привремената референца туку со името Mazedonien (Македонија).

На пример за адресата на амбасадата стои:

Deutsche Botschaft Skopje
ul. Lerinska 59
1000 Skopje
Mazedonien

Упатувам апел до уредниците на Википедија, на темата Macedonia naming dispute да се заложат за преместување на Германија од листата на земји кои ја признаваат Македонија под привремената референца, во листата на земји за кои ставот не е прецизиран (Countries/entities where naming is unclear).

Уште повеќе затоа што доказниот материјал со кој моментално се оправдува тврдењето дека Германија ја признава Македонија под привремената референца се тргнати од Нет, следователно невалидни.

Исто така упатувам апел, на темата Спор за името помеѓу Македонија и Грција, да ја преместат Германија од листата Земји кои ја признаваат Македонија како "поранешна Југословенска Република Македонија" во списокот на земји со кои не е дефинирано прашањето. Исто како и во претходниот случај и овде ниедна врска со која се потврдува нивното моментално тврдење не е функционална.

Иницијативата Германија кажи Македонија кој беше претставена и на овој блог, ќе продолжи до остварување на зацртаните цели.

Вредносниот систем на нивната унија

noreply@blogger.com (Eddie Rebel) — Mon, 23 Jan 2012 07:25:00 +0000

Напис со кој сакам да дадам безрезервна подршка на Хрватите кои на 21 се обидоа да го отстранат незаконски поставеното знаме на ЕУ од централниот плоштад во Загреб и поради тоа беа уапсени од хрватските власти.

Собирот на противниците на ЕУ заврши со апсења (DW 21.01.2012):

Полицијата и демонстрантите против влез на Хрватска во ЕУ денеска се судрија во Загреб откако неколкумина учесници на протестите се обидоа го симнат знамето на ЕУ од столбот на централниот плоштад. Има и уапсени.

Според досегашните информации, полицијата привела неколкумина организатори на протестите на околу двеста граѓани, кои се противат на влез на Хрватска во ЕУ. Организаторите на протестите ги повикаа граѓаните да гласаат против ЕУ на утрешниот (22.01) референдум и да почнат со, како што велат, „симнување на противзаконски истакнатите знамиња на ЕУ во Загреб“.

Хрватската држава уапси недолжни хрватски граѓани поради тоа што сакаа да отстранат незаконски поставено туѓо знаме. Ова ли се ЕУ вредностите кон кои се стремиме?

Знамиња на ЕУ се истакнуваат и од нашите власти во Македонија, и исто како и во Хрватска таквата практика е НЕЗАКОНСКА, односно не е регулирана со ниеден закон.

Ние не сме земја членка на нивната унија па да треба да го вееме знамето на ЕУ, а со оглед на нивните фашистички и геноцидни барања за укинување на македонската нација и бришење на македонскиот идентитет и име, влез под такви услови е крајно понижувачки и според мене непотребен.

Апсурдно е да вееме знаме на унија во која не само што не сме земја членка, туку и истата таа унија не покажува знаци дека сака нашата земја Република Македонија (под уставното име) да стане нејзина полноправна земја членка.

Упатувам апел до македонските власти да престанат да истакнуваат знамиња на ЕУ, особено не во објектот на Собранието и на Владата на Република Македонија. Во спротивно не е исклучено хрватското сценарио со апсења на недолжни граѓани, еден ден да се повтори и кај нас.

Сликата е превземена од FB и најверојатно е изработена од Хрвати кои се против пристапувањето на Хрватска во ЕУ.

Поука од промената на името на Унгарија

noreply@blogger.com (Eddie Rebel) — Sun, 22 Jan 2012 04:43:00 +0000

Неодамна Унгарија, го измени својот Устав при што го промени и официјалното име на државата од "Република Унгарија", во само "Унгарија".

Канал 5 (03.01.2012, 10:41):

Невладините организации и опозицијата протестираа под слоганот „Ќе биде повторно Република“, изразувајќи го своето незадоволство што земјата веќе не се вика Република Унгарија туку само Унгарија.

Овој случај за нашата земја е особено значаен поради некои настани кои што логично следуваат да се случат, односно поради прочување на начинот на кој промената на уставното име на Унгарија ќе биде прифатена во Обединетите Нации.

Како што сите знаеме - нашата земја во ООН е заведена не под уставното име туку под привремената референца. Па доколку начинот на прифаќање на промената на уставното име на Унгарија е само преку просто известување до секретарот на ООН, тогаш тоа значи дека државниот врв на Република Македонија може да побара уште веднаш бришење на привремената референца и на нејзино место впишување на уставното име - Република Македонија и истото тоа да биде прифатено.

За ова имаат пишувано Јанко Бачев и Владимир Голубовски во нивната книга Предлог државна стратегија за одбрана на уставното име на Република Македонија (1 јули, 2009):

Македонија може да бара да го промени своето име преку Секретаријатот, едноставно известувајќи го Генералниот секретар дека сака да биде нарекувана со името „Република Македонија“. Во овој контекст, му препорачуваме на државниот врв да го проучи востановениот прецедент од страна на Белорусија и Украина, кои своевремено го променија своето име со едноставна нотификација до Генералниот секретар за промена на името.

Во моментот не е сосема јасно дали Генералниот секретар ќе ги нотифицира другите членки и органи на ОН за промена на името или ќе му го препушти прашањето на Генералното Собрание или на Советот за безбедност. Генералниот секретар може да одлучи да го достави барањето до Генералното Собрание поради овластувањето на Собранието да одлучува за работи што се однесуваат на продолжено членство. Причините за одлуката на Генералниот Секретар да го достави барањето до Советот за безбедност содржат факти што се однесуваат на меѓународниот мир и безбедност како и фактот дека Советот прв даде препорака за прием на Македонија во Обединетите Нации.

Не чекајќи што ќе преземе Генералниот Секретар, сметаме дека тактички е добро, веднаш по известувањето на Генералниот секретар, Македонија да започне да го употребува своето уставно име на својата табличка во ОН, притоа повикувајќи се на своето домашно право, пред се', на Уставот.

Нејасностите за начинот на промена на името во рамки на ООН, македонскиот државен врв може да ги проучи активно во текот на нивното случување преку случајот со Унгарија.

Американска неконзистентност кон Македонија

noreply@blogger.com (Eddie Rebel) — Thu, 19 Jan 2012 08:08:00 +0000

Тодор Петров, Светски Македонски Конгрес (19 јануари 2012 година, Скопје, Македонија):

Рикер во Скопје декларира американска неконзистентност кон Македонија!

После изјавата на американскиот заменик помошник државен секретар надлежен за европски и евроазиски прашања во Стејт Департментот, Филип Рикер, од вчерашната средба со премиерот Никола Груевски, дека Македонија поканата за членство во НАТО ќе ја добие штом со Грција договори заемно прифатливо решение за името, Светскиот Македонски Конгрес (СМК) изразува разочарување од непринципиелноста и неконзистентноста на американската администрација, спротивно на одлуката за признавање на државното име Македонија од 3 ноември 2004 година и на македонско-американскиот Договор за стратешко партнерство.

СМК за навредливо го смета барањето за промена на државното име Македонија, како флагрантно кршење на Повелбата на Обединетите Нации и на Универзалната Декларација за човекови права.

Пресудата на Меѓународниот суд во Хаг претставува обврска не само за Грција и Македонија, туку за сите членки на НАТО, затоа што го суспендира грчкото право на вето против Македонија за членство во меѓународни организации и сојузи на држави. Доколку членките на НАТО и понатаму се придржуваат на грчкото вето со цел промена на државното име Македонија и тие го прекршуваат меѓународното право. Грчкото вето против Македонија за сојуз со НАТО ги дестабилизра мирот и безбедноста на Балканот, и во основа ја нарушува успешноста и ефикасноста на НАТО!

СМК и натаму го реафирмира ставот, дека доколку антимакедонизмот на Хеленската Република, грчкиот геноцид врз македонскиот народ и нацистичкото барање на Атина за промена на државното име Македонија се вредност за солидарност на Вашингтон и Брисел со Елада, Македонците го отфрлаат пристапувањето на Македонија во сојуз со НАТО!

Протестна нота за Порта Македонија !?

noreply@blogger.com (Eddie Rebel) — Wed, 18 Jan 2012 09:08:00 +0000

Во врска со изградбата на Порта Македонија, според информации на Канал 5 грчките власти ќе испратат протестна нота до македонското МНР.

Канал 5 (Сања Ристовска 12.01.2012):

Протестна нота за портата „Македонија“ ќе испрати грчкото до македонското МНР. Нашата влада не само што не била конструктивна, и не покажувала волја за решение, туку и паралелно преземала активности во рамките на проектот„Скопје 2014“, меѓу кои и портата за која ќе реагираа грчкото МНР - ова денеска го соопшти портпаролот на министерството.

Причините за ваквата протестна нота која би ни ја упатиле јужните соседи за Портата Македонија не се регулирани во Времената спогодба.

Но за разлика од ова во Времената спогодба е регулирано нешто друго:

Времена спогодба (член 7):

3. Ако која било од страните смета дека еден или повеќе симболи кои претставуваат дел од нејзиното историско или културно наследство се користат од страна на другата Страна, таа ќе и го предочи тоа на другата Страна, и другата Страна ќе превземе соодветни корективни активности или ќе објасни зошто не сметаат дека е неопходно да го стори тоа.

Наместо постојано да се браниме од грчките барања, вета и протестни ноти, пожелно е ние да ја превземеме иницијативата и да побараме од Грција да престане да ги користи нашите национални симболи како шеснаесеткракото македонски сонце (тн Сонце од Кутлеш).

Според Времената спогодба ние не смееме да го користиме овој симбол, но тоа не пречи да побараме и тие да не смеат да го користат. Според Времената спогодба ова право им стои на располагање на македонските власти. Грција едвај ли би го прифатила таквото наше барање, но доколку мудро се искористи истото би било добра алатка за вршење притисок во врска со спорот за името.

Идејно решение 2

noreply@blogger.com (Eddie Rebel) — Tue, 17 Jan 2012 08:14:00 +0000

Зошто гласав за вториот предлог решение за реконструкција на фасадата на објектот на Владата на Република Македонија:

Затоа што дизајнот е едноставен и функционален, без излишни елементи кои ќе чинат и дополнителни сретства, а воедно и ќе ја намалат функционалноста на објектот со попречувањето на влезот на природната сончева светлината во истиот.

Според мене ова идејно решение минимално го менува, односно само го осовременува постојниот изглед на објектот кој да не заборавиме дека е дело на жив автор-архитект.

Најмногу соодветствува на денешното време, а за мене тоа е една од главните поенти на уметноста - делото да е белег на времето во кое е градено, а не да биде носталгичарско навраќање на градбите од некое "златно време" или субститут за некое пропуштено време.

До жителите на Скопје

noreply@blogger.com (Eddie Rebel) — Mon, 16 Jan 2012 08:00:00 +0000

До жителите на Скопје,

Драги сожители на град Скопје, сведоци сме на остварувањето на проектот Скопје 2014, кој е архитектонско урбанистички неоправдан за градот. Кога велиме урбанистички, мислиме на поставеноста во просторот, големината, односот со неговата околина. Никој од нас не ја оспорува, ниту е против идејата за изградба на нови објекти, министерства, музеи или споменици во Скопје, меѓутоа сме против нетранспарентните конкурси, наметнатата естетика, сквернавењето на постојните објекти, урбанистичкиот хаос и игнорирањето на институциите како архитектонскиот факултет, асоцијацијата на архитекти, студентите и големите домашни и странски архитектонски имиња.

Целта на оваа порака е да се спречи ширењето на тој проект, кој наметна пракса за се' што се случува во центарот на градот да личи на него. Последната провокација е конкурсот за менување на фасадата на Владата на Р.М. како и небришењето на градежната парцела на плоштадот Македонија, која сега е наменета за 9катна зграда.

Објектот на Владата на Р.М. е изграден во 1970 година и претставува објект кој во свое време ги прати архитектонските и конструктивните текови на современиот живот. Проектант на овој објект е архитектот Петaр Муличковски (1929-) кој сеуште е меѓу нас и кој во целост е игнориран од Владата. Не постои светска практика, да се менува изглед на значаен објект, а притоа да не се консултира неговиот творец. Уште помалку, објект наградуван во свое време од архитектонските кругови да се обидете да го облечете во фасада чиј стил е одамна мртов! Во моментов во тек е анкета на веб страната на Владата, на која се пристигнати конкурсните решенија за новата фасада на овој објект. Ве молиме не дозволувајте да продолжи естетиката на Ск 2014. Не фаворизираме ниту едно решение бидејќи во ниту едно не е влучен авторот на објектот, меѓутоа ако треба да се спречи злото ве молиме внимавајте на својот избор!

Објектот е инспириран од македонската традиционална архитектура и претставува успешен процес на инспирација од минатото и негово користење за современите потреби.

(Фотографијата е превземена од Build.mk)

(превземено) Од група студенти при Архитектонскиот факултет - Скопје / УКИМ / кои не припаѓат на ниту една политичка партија, владини и невладини организации, ниту официјални и неофицијални здруженија. Единствена припадност е нашата професионална ориентација!

Нова фасада за објектот на Владата

noreply@blogger.com (Eddie Rebel) — Fri, 13 Jan 2012 16:57:00 +0000

На сајтот на Владата на Република Македонија (врска) гласајте за идејното решение за реконструкција на фасадата на објектот на Владата на Република Македонија кое што сметате дека е најдобро.

Официјални моментални резултати од анкетата на Владата на Република Македонијa:

Решение 1 29% (2500)
Решение 2 33% (2858)
Решение 3 16% (1384)
Решение 4 7% (633)
Решение 5 12% (1049)
Не знам / Нема одговор 3% (227)
Вкупно гласови 8651

Моментални резултати од анкетата на форумот Build.mk:

Решение 1 17.65% [3]
Решение 2 29.41% [5]
Решение 3 0.00% [0]
Решение 4 0.00% [0]
Решение 5 11.76% [2]
Ниту едно решение 23.53% [4]
Да се задржи сегашниот изглед 17.65% [3]

Соломон Кејн - осумзрачно сонце

noreply@blogger.com (Eddie Rebel) — Thu, 12 Jan 2012 14:04:00 +0000

Пред година и кусур (24/10/2010) на блогот на Дарвел, во статијата Сонцето од Кутлеш беше претставена слика од вториот дел од филмот Господарот на прстените, на која што се гледа штит со 16 зрачно сонце, слично на она од претходното знаме на Република Македонија:

Сонцето од Кутлеш:

Очигледно на некој од сценографите му здосадило да измислува симболи за сите штитови и знамиња, па позајмил нешто наше… На еден од ѕидовите од Хелмс Дип беше оној штитот од погоре…

Еве што јас забележав гледајќи го филмот Соломон Кејн (Solomon Kane):

Којзнае, можеби и на некој од сценографите на филмот Соломон Кејн му здосадило да измислува симболи, па на штитот на кочијата (00:45:23) поставил 8зрачно македонско сонце за кое се знае дека ги украсувало античките македонски штитови и монети.

Монета од времето на македонскиот крал Александар III Македонски, со 8зрачно сонце:

Секако можеби се работи за чиста случајност, но сепак е нешто интересно да се сподели.

Дали Македонија е хеленска?

noreply@blogger.com (Eddie Rebel) — Tue, 10 Jan 2012 14:21:00 +0000

На Интернет страната Topix по којзнае кој пат се води вистинска Интернет војна меѓу Македонците и Грците. Овој пат тоа е по прашањето "Дали е Македонија хеленска?".

За ова досега се изјасниле 2 412 591 посетители, од кои со ДА одговориле 1 276 316 (52%), а со НЕ 1 136 275 (47%).

Во врска со анкетава на 6 јануари оваа година Hürriyet Daily News напиша (благодарност за инфото до Благојче Андонов):

A recent online polls asked users to decide whether “Macedonia” was a Greek name, drawing millions of users to its page.

Over 2 million voters so far took their sides on the dispute, with 53 percent of the votes favoring the Greek argument and 46 percent against it.

Greece alleges that use of the name Macedonia suggests a territorial claim to the northern Greek province of the same name, while Skopje maintains that changing the name would be a denial of its own national identity and language.

The International Court of Justice had recently ruled against Greece for breaching its obligations by blocking Macedonia’s admission to NATO in 2008 because of the name dispute.

The dispute has continued for years and is yet to be resolved.

"Неодамнешна онлајн анкета побара од корисниците да одлучат дали "Македонија" е хеленска, привлекувајќи милиони корисници на својата страница.

Над 2 милиони гласачи досега зазедоа страна по спорот, со 53 проценти од гласовите фаворизирајќи ги грчките аргументи и 46 отсто против.

Грција тврди дека користењето на името Македонија сугерира територијални претензии кон северната грчка истоимена провинција, а Скопје тврди дека промена на името ќе биде негирање на нејзиниот сопствен национален идентитет и јазик.

Меѓународниот суд за правдата неодамна пресуди против Грција за прекршување на своите обврски со блокирање на приемот на Македонија во НАТО во 2008 година поради спорот со името.

Спорот трае со години и тепрва треба да се реши."

На 9 јануари 2012 за ова Курир напиша:

На Интернет анкетата со прашањето „Дали Македонија е грчка“ до моментов се изјасниле 2.398.750 читатели.

53 отсто од нив имаат одговорено потврдно, а 1.124.306 одговориле со „НЕ“. Освен одговор со потврда или негација, посетителите на www.topix.com можат да оставаат и сопствени коментари. Очекувано, жестока дебата се разви меѓу македонски и грчки посетители на сајтот.

Навреди, историски факти и спротивставени мислења го одбележаа прашањето на оваа анкета, чувствително за Македонија и Македонците.

Доколку сакате да гласате на оваа анкета кликнете овде - Topix

Воин на коњ???

noreply@blogger.com (Eddie Rebel) — Fri, 06 Jan 2012 12:18:00 +0000

На повеќе места го прочитав изговорот дека причината поради која споменикот на плоштадот Македонија го носи официјалниот назив "Воин на коњ", а не "Александар III Македонски" или "Александар Велики" е Времената спогодба потпишана во 1995 година.

Ова е целосно погрешно. Во Времената спогодба никаде не пишува за некаква забрана да се поставуваат статуи на Александар III Македонски односно да се именуваат како такви.

Еве врска кон времената спогодба, па кој не верува - нека најде каде во неа пишува за таквата забрана.

Не помал доказ е и тоа што во Р. Македонија веќе постојат статуи на Александар III Македонски во Прилеп и во Штип. И на двете споменати статуи стои називот "Александар III Македонски", а не "Полугол воин со сариса" односно "Набиен џуџест воин".

Доколку во Времената спогодба имаше нешто за ова, Грција ќе го искористеше против нас за време на тужбата во Хаг, односно судот ќе досудеше дека и ние сме ја прекршиле Времената спогодба.

Среќна Нова 2012 година!

noreply@blogger.com (Eddie Rebel) — Sun, 01 Jan 2012 06:37:00 +0000

Уште една година помина, уште една година дојде. Среќна Нова година на сите читатели на овој блог, сите граѓани на Република Македонија и до сите Македонци каде и да се!

Многу среќа, љубов, здравје, радост во новата 2012 година! Нека оваа година донесе повеќе причини за насмевки за сите оние на кои Македонија им значи нешто.

Леб и сол - Среќна Нова година

Среќна Нова година!
Желби и сеќавања
се мешаат ноќеска
во една прегратка.

Среќна Нова година!
Барем една минута,
сите да запееме
на планетава.

Тетовско Кале со албански етнички симболи ???

noreply@blogger.com (Eddie Rebel) — Sat, 24 Dec 2011 08:25:00 +0000

Протестно писмо до повеќе институции во врска со новопоставените етнички симболи на споменикот на културата од доцната антика и од османлискиот период - Тетовско Кале.

Доколку ја подржувате оваа иницијатива пратете и ви протестни писма на посочените (и други) адреси.

(Фотографијата е превземена од MacedonianSpark)

До
Министерство за култура
info@kultura.gov.mk или контакт форма

До МАНУ (секретаријат)
manu@manu.edu.mk

Јавен обвинител на Република Македонија
jorm@jorm.org.mk

Почитувани,
Во врска со новопоставените албанскиот етнички симболи - двоглав орел, на отворите на Тетовското Кале сакаме да упатиме апел до Вас да влијаете за да се отстранат.

Најстарите ѕидини на Тетовското Кале датираат од IV-III век пне и се надградени во доцноантичко време. Калето својот конечен облик го добива за време на средниот век и владеењето на Отоманската Империја, поточно за време на Отоманскиот император Абдурахман паша, во околу 1820 година.

Сметаме дека поставување на албански етнички симболи е со цел да се добие впечаток дека Калето е албанско етничко културно наследство, нешто за што нема докази.

Тетовското Кале е споменик на културата на Република Македонија, заштитен уште во 1953 година и како таков мора да се чува и негува во неговиот автентичен облик, а не со додавање на наводно естетски елементи и етнички симболи кои никогаш претходно не постоеле таму.

Намибија ја призна Македонија

noreply@blogger.com (Eddie Rebel) — Wed, 21 Dec 2011 22:21:00 +0000

Оваа година ќе остане значајна за уште еден настан: Македонија воспостави дипломатски односи со Намибија, под уставното име.

MFA. gov.mk:

"Република Македонија и Република Намибија, денес попладне во Њујорк, воспоставија дипломатски односи на амбасадорско ниво.

Амбасадорите на двете земји при Обединетите нации, Пајо Авировиќ и Вилфрид Емвула, го потпишаа Заедничкото соопштение, кое што понатаму, согласно протоколот на Обединетите Нации, ќе биде дистрибуирано до сите земји членки.

Односите меѓу двете држави, според Соопштението, ќе се развиваат согласно принципите на заемно почитување, пријателство, немешање во внатрешните работи, како и признавање на територијалниот интегритет и суверенитет на двете земји. Воедно, со овој чин, се отвараат широки можности за продлабочување на соработката меѓу Македонија и Намибија во сите области од заеднички интерес.

Намибија е 133-тата земја која официјално го призна уставното име на Република Македонија."

Благодариме Намибија!

Беџ со шеснаесеткрако сонце - аватар

noreply@blogger.com (Eddie Rebel) — Mon, 19 Dec 2011 22:18:00 +0000

Аватар со димензии 180х180 пиксели, со шеснаесеткрако македонско сонце.

Кликнете на сликата за целосен размер! / Click on the image to enlarge!

Автор А.С.

I-Macedonian.Blogspot.com

Егејскиот дел на Македонија со македонски називи - мапа

noreply@blogger.com (Eddie Rebel) — Sun, 18 Dec 2011 13:44:00 +0000

Одлична алатка преку која на мапата на егејскиот дел на Македонија, покрај грчките називи на градовите и селата (како што е на Google Earth), можат да се видат и нивните македонски имиња.

View Larger Map

Алатката е дел од страната Makedonija.Name

Лириа ???

noreply@blogger.com (Eddie Rebel) — Sat, 17 Dec 2011 16:12:00 +0000

Протестно писмо поради непочитување на македонскиот јазик и на законот за македонски јазик при именувањето на спортската сала (и основното училиште) во селото Жеровјане, упатено до повеќе државни институции.

Доколку сметате дека со ова се деградира македонскиот јазик и се нарушува законот за македонски јазик, пратете и вие протестно писмо на посочените (и други) адреси.

(Фотографијата на која јасно се гледа називот на салата е превземена од MacedonianSpark и VMORO.Blog.mk)

До
Министерство за образование и наука
contact@mon.gov.mk

До
Агенција за млади и спорт
contact@ams.gov.mk

До МАНУ (секретаријат)
manu@manu.edu.mk

Јавен обвинител на Република Македонија
jorm@jorm.org.mk

Почитувани,

Во врска со називот на спортската сала "Лириа" во селото Жеровјане, општина Боговиње, Република Македонија, пуштена во употреба на 30 јануари 2010 година (и во врска со истоименото основно училиште кое се наоѓа на тоа место), Ве информираме дека е во спротивност со законот за македонски јазик и со член 7 од Уставот на Република Македонија.

Зборот "Лириа" на македонски јазик нема никакво значење, односно во македонскиот јазик не постои таков збор. Со самото тоа називот на оваа сала (и основното училиште) на македонски јазик е во спротивност со законот на македонски јазик и член 7 од Уставот на Република Македонија.

Член 7 од Уставот: "Во Република Македонија службен јазик е македонскиот јазик и неговото кирилско писмо."

Да појасниме: називот на салата (и основното училиште) на албански јазик е "Liria" што е легитимно. Проблемот е што овој назив на албански јазик наместо да се преведе на македонски јазик како "Слобода" тој само е препишан на кирилица и гласи "Лириа".

Тоа би било исто како спортска сала (или основно училиште) со назив на македонски јазик "Слобода", да се преведе на албански јазик како "Sloboda".

Според досега кажаното оваа сала (и основно училиште) нема назив на македонски јазик туку само на албански јазик и тоа и на латиница "Liria" и на кирилица "Лириа". Со ова сериозно се нарушува законот за македонски јазик кој е официјален на територијата на цела Република Македонија, односно член 7 од Уставот на Република Македонија.

Бараме од вас оваа грешка да ја исправите што побрзо и називот на македонски јазик официјално да биде "Слобода" што всушност е и точен превод на зборот на албански јазик "Liria".

Лав - аватар

noreply@blogger.com (Eddie Rebel) — Fri, 16 Dec 2011 20:08:00 +0000

Аватар со димензии 180х180 пиксели, со македонскиот симбол лавот.

Кликнете на сликата за целосен размер! / Click on the image to enlarge!

Автор А.С.

I-Macedonian.Blogspot.com

Представка до уставен за табличките

noreply@blogger.com (Eddie Rebel) — Tue, 13 Dec 2011 17:51:00 +0000

Иницијативата за преиспитување на уставноста на Правилникот за формата и содржината на регистерските таблици на возилата и начинот на нивно издавање, објавен во сл. весник на РМ бр.107 од 10.08.2011 , е заведена во Уставниот суд под: у.бр. 224/2011, поднесена на 09.12.2011.

Представка до уставен за табличките

До
Уставниот суд на Република Македонија - Скопје

Предлог

за поведување на постапка за преоценување на Уставноста на членови од Правилникот за формата и содржината на регистарските таблици и на пробните таблици на возилата и начинот и постапката на нивно издавање, објавен во Службениот весник на РМ, бр. 107 од 10.8.2011 година.

Бараме да се поведе постапка за преоценување на член 2, став 1 од Правилникот за формата и содржината на регистарските таблици и на пробните таблици на возилата и начинот и постапката на нивно издавање, објавен во Службениот весник на РМ, бр. 107 од 10.8.2011 година, од причина што:

Во горенаведениот член, како ОСНОВНО писмо кое го дефинира изгледот и функцијата на регистарските таблички е ЛАТИНСКОТО.

И тоа е прецизирано вака:

„ (1) Регистарската таблица за моторно и приклучно возило е изработена од метал прекриена со ретрорефлектирачка фолија во бела боја на која со црни букви и броеви е испишано: буквена ознака на регистрационото подрачје на латиница, регистарски број составен од четири броеви и променлива буквена ознака составена од две букви на латиница.“

Почитуван суде,

Регистарските таблички на моторните возила учесници во сообраќајот претставуваат јавни ознаки и како такви се дел од јавната комуникација во Републиката, што се остварува на македонски јазик, како службен јазик во Републиката и со неговото кирилско писмо, и тоа е јасно дефинирано во

Уставот на Република Македонија во член 7 кој гласи:

„Во Република Македонија службен јазик е македонскиот јазик и неговото кирилско писмо.“

Сепак овој орган на јавната управа не го почитувал овој член на уставот и ОСНОВНАТА форма на оваа јавна ознака ја дефинирал на писмо кое НЕ Е СЛУЖБЕНО.

Министерството за Внатрешни работи по понатамошниот текст на превилникот вметнал член со кој се обидел да го легализира ОСНОВНИОТ ОБЛИК НА ЛАТИНСКО писмо, со кирилски превод со следниот став:

„Помеѓу буквената ознака на регистрационото подрачје и регистарскиот број на возилото е поставена црвена правоаголна подлога, на која со жолти букви се испишани буквената ознака на регистрационото подрачје и променливата буквена ознака, на кирилица.“

Со ова тие го ставиле службеното кирилско писмо во подредена, второстепена, НЕОСНОВНА положба, и му доделиле НЕСУШТЕСТВЕНА улога, туку е ставен како објаснителен елемент во оваа јавна ознака.

Ова е видливо помеѓу другото и од графичкиот прилог – Образец бр1. Каде Латинското писмо има ОСНОВНА ФУНКЦИЈА во овој јавен знак.

Освен од правната поставеност, каде е јасно дека службеното писмо на Република Македонија е од второстепен значај, од графичкиот прилог е јасно видливо дека службеното писмо е во несуштествена употреба, и има субмисивна местоположба, со големина – ДЕСЕТКТРАТНО ПОМАЛА, И НА НЕСУШТЕСТВЕНО МЕСТО, од неслужбеното – латинско писмо кое е видливо доминантно и со основна функција на предметните таблички.

Јасно е дека уставотворецот не предвидел дека Македонскиот јазик и неговото писмо се во службена употреба како второстепен, туку како ПРВОСТЕПЕН и во својот основен вид.

Без сенка од сомнеж е видливо дека МВР го оформило предметниот правилник и наведените членови од него - на Латински писмо, а во понатамошниот текст додал не са основна, суштинска употреба, кирилски букви туку ги вметнал на табличките за законска мимикрија, обид да се прелаже јавноста и чуварите на правото дека всушност табличките се на кирилско писмо.

Неспорен е фактот дека табличките предмет на овој челен на правилникот

НЕ СЕ на Кирилски писмо, - туку покрај другото, ВО НИВ ИМА И кирилско писмо.

Овој факт суштествено ја менува правниот и фактичкиот статус на употребеното службено писмо.

Поради овие причини, бараме од судот, да го прогласи член 2, став 1 од Правилникот за формата и содржината на регистарските таблици и на пробните таблици на возилата и начинот и постапката на нивно издавање, објавен во Службениот весник на РМ, бр. 107 од 10.8.2011 година, за НЕУСТАВЕН, и да го УКИНЕ.

Апел за спас на Алшар

noreply@blogger.com (Eddie Rebel) — Mon, 12 Dec 2011 22:19:00 +0000

Светски Македонски Конгрес:

Апел за спас на Алшар!

12 декември 2011 година, Скопје, Македонија - Македонскиот рудник Алшар на Кожуф е најголемото наоѓалиште на талиумовите минерали во светот. Од десетиците регистрирани дури седум ги има само во Македонија, а за најзначен се смета - лорандитот, што служи за детекција на неутринот, кој директно потекнува од јадрото на Сонцето и единствено на планетата го има во Македонија. Талиумот во Алшар, а со тоа и неутринот, по своето количество во Македонија е светски планетарен раритет, и претставува најголема тајна на човештвото, бидејќи во себе ги крие одговорите на постанокот, минатото и иднината на вселената и на сончевиот систем, а истовремено се користи во вселенските истражувања и во телекомуникациските технологии!

Истражувањата со неутринот треба да покажат како се создава енергијата на сонцето и на таа база да се создаде нов моќен енергетски извор, соодветен на сонцето, што ќе ја измени алармантната состојба на загадувањето со фосилни горива и ќе доведе до производство на еколошки чиста енергија без радијација. Науката смета дека единствено лорандитот во светот ги препознава реакциите кои доаѓаат директно од јадрото на Сонцето. Истражувањата треба да докажат дека од тие реакции може да се добие таканаречено “вештачко сонце” кое би ослободувало енергија за потребите на огромни простори.

Светскиот Македонски Конгрес го поздрави своевремено донесувањето на Законот за прогласување на локалитетот Алшар за споменик на природата во јули 2009 година, заради заштита на неговите геолошко-ботанички особености, кои се од исклучително значење за заштита на природата, како и воспоставувањето на зона за негова строга заштита. СМК смета дека Министерството за животна средина и просторно планирање - Управата за животна средина, кому е доверено управувањето со Алшар и натаму треба да презема строги и квалитетни мерки за спречување на штетни активности од физички и правни лица, односно да обезбеди максимално поволни услови за заштита и развој на природата, и да го елиминира искористувањето на минералните суровини од споменикот на природата за какви било цели и намени.

Меѓутоа, СМК располага со сознанија дека во Владата се води процедура за донесување на Закон за престанок на важноста на Законот за прогласување на локалитетот Алшар за споменик на природата, заради овозможување профитна експлоатација на злато во рудниците на Алшар на приватна компанија, што може да го уништи овој светски раритет и талиумовите минерали и кристали.

СМК ја анимира домашната и странската јавност, еколошките здруженија, интелектуалците и младите, граѓаните, да побараат и извршат притисок врз Владата да го повлече од натамошна процедура предлогот за донесување на Закон за престанок на важноста или за изменување на Законот за прогласување на локалитетот Алшар за споменик на природата.

СМК смета дека Алшар и натаму треба да остане под режимот на споменик на природата уреден со закон, како зона на строга заштита, додека не се воспостават технологии кои ќе овозможат научно-истражувачка работа со цел детекција на сончевите неутрина, битно за производство на бесплатна енергија и спас на човековата цивилизација со анализа на процесите во сончевото јадро.

Macedonian wolf

noreply@blogger.com (Eddie Rebel) — Sun, 11 Dec 2011 23:08:00 +0000

Аватар со димензии 180х180 пиксели којшто не многу одамна го изработив за еден мој пријател.

На сликата е прикажан волк и македонското знаме.

Автор А.С.

I-Macedonian.Blogspot.com

Македонија ја победи Грција во Хаг

noreply@blogger.com (Eddie Rebel) — Mon, 05 Dec 2011 18:50:00 +0000

Судот во Хаг донесе пресуда во корист на Македонија во врска со прекршувањето на времената спогодба од страна на Грција. На НАТО самитот во Букурешт, Романија, Грција стави вето за влез на Македонија во таа организација, што претставува јасно кршење на времената спогодба потпишана во 1995 година, во која Грција се обврзува да го блокира членство на Македонија во некоја организација, во која Грција претходно станала член, и да ѝ дозволи Македонија да се зачлени под временото име, односно под референцата Поранешна Југословенска Република Македонија.

Поради фактот дека Македонија иако ги исполни сите услови за влез во НАТО, Грција сепак стави вето и Македонија извиси на НАТО состанокот во Букурешт. Република Македонија се одлучи да ја искористи правната можност за да докаже дека времената спогодба е прекршена од страна на Грција и поднесе тужба во судот на правдата во Хаг, Холандија.

Извор Fingerprint

Писмо за одблокирање на Македонија во ЕУ и НАТО

noreply@blogger.com (Eddie Rebel) — Sun, 04 Dec 2011 22:06:00 +0000

Писмо до одговорните во ЕУ и НАТО и до нивни земји членки, во врска со постојаното прекршување на Времената спогодба од страна на нивната земја членка Република Грција (на ден пред меѓународниот суд во Хаг да се произнесе за тужбата), и за моментално најверојатниот и најбрз можен начин за прием на Република Македонија во ЕУ и НАТО.

Хозе Баросо, претседател на европската комисија
jose.barroso@ec.europa.eu

Европска комисија за проширување
elarg-info@ec.europa.eu

Делегација на ЕУ во Македонија
delegation-fyrmacedonia@eeas.europa.eu

НАТО - контакт форма

Амбасада на САД во Македонија
EmbSkoWebM@t-home.mk
consularskopje@state.gov

Амбасада на Франција во Македонија
franamba@nic.mpt.com.mk

Амбасада на Германија во Македонија
dtboskop@unet.com.mk
dt.boskop@mol.com.mk

...

Почитувани,

Во врска со Република Македонија, наметнатиот апсурден спор со името и најлесниот начин за членство на земјата во Европската Унија:

За разлика од 1995 година кога го премолчеа приемот на нивната земја во ООН не под уставното име како што е правилно, туку под привремената референца, Македонците денес пробните балони за промена на име ниту ги премолчуваат, а промена на име нема никогаш да дозволат.

За разлика од 1995 година кога Република Македонија беше млада земја без искуство, во нејзино соседство се водеа војни, а нејзините граѓани беа исплашени и не доволно информирани, денес националното чувство на Македонците е на највисоко можно ниво, а увереноста во нивниот македонски идентитет е нешто што никој не може да го промени.

Размислете самите дали вие би дозволиле вашата земја да биде преименувана затоа што некоја друга земја тоа го бара. И Македонците размислуваат исто како вас и ништо помалку не ја сакаат нивната земја одошто вие си ја сакате вашата.

Не само што под сечие достоинство е под уцена да се прифати промена на името на својата земја, но е и во спротивност со здравиот разум.

До кога Европската Унија и НАТО ќе ги толерираат овие барања за етноцид на Македонците и ништење на се' што е македонско од страна на нивната членка Република Грција. Дали еден ден Европската Унија и НАТО нема да се срамат од нивната игнорантност?

Доколку Вие вистински, а не само декларативно сакате Република Македонија да стане ваша полноправна земја членка, наместо за апсурдниот наметнат спор од страна на Република Грција, да барате да се реши што побрзи подобро преиспитајте ја таа позиција затоа што до тоа посакувано решение за Република Грција за целосно обезимување и обезличувње на Република Македонија не се стигна ниту за две децении, а нема да се стигне ни за уште толку.

Доколку не сакате Република Македонија да остане единствено парче во Европа кое нема да биде дел од Европската Унија и од НАТО поради непринципиелноста на самите организации и геноцидните барања на една нивна земја членка, наместо да барате Република Македонија да си го смени името и да си изврши идентитетско самоубиство, преземете чекори за почитување на меѓународното право односно времената спогодба според која нема пречки, доколку Република Македонија ги исполнува условите да ги започне преговорите, а потоа и да биде примена во Унијата и НАТО под привремената референца.

Одговорните во ЕУ кои тврдите дека истата таа Унија е збир на различни идентитети наместо да бараат обезличување од една земја треба да сторат се' што е во нивна моќ за да го зачуваат тој идентитет. Затоа што тој засебен идентитет колку што им припаѓа на Македонците исто толку ќе и припаѓа и на Европската Унија откако Република Македонија ќе стане полноправна земја членка.

Дали идните генерации и историјата ќе веруваат на сегашни залагања за Европа без граници и Европа во која сите идентитети се почитуваат во услови кога земјите членки на ЕУ сега го толерираат барањето на една земја членка на ЕУ и НАТО да ја присили мирољубивата Република Македонија да се обезличи и ја блокира при приемот во Европската Унија и НАТО. Истата таа земја членка на Еввропската Унија и НАТО не само што е пречка за приемот на Република Македонија во Унијата и НАТО туку и самата нанесе огромна економска штета на целата Еврозона и за угледот на НАТО со ставањето на вето за прием на Република Македонија на самитот во Букурешт.

Доколку Република Грција својот фокус наместо кон преименување на Република Македонија го насочеше кон својата економија и гломазна администрација, можеби и немаше да се дојде до ситуација пред банкрот во која сите граѓани на Европската Унија мораат да се жртвуваат за да ја спасат.

Не бараме од вас прогледување меѓу прсти и заобиколување на правилата кога е во прашање нашата земја туку напротив. Бараме и за Република Македонија да важат истите правила за прием во ЕУ и НАТО, а не да се поставуваат нови услови како апсурдниот спор со името.

Сакаме да нагласиме дека спорот со името веќе еднаш беше решен и тоа во 1995 година со потпишување на привремената спогодба (UNITED NATIONS, Document 95-27866, NEW YORK, 13 September 1995) кога Република Грција ја призна Република Македонија под привремената референца:

Upon entry into force of this Interim Accord, the Party of the First Part (Greece) recognizes the Party of the Second Part (Macedonia) as an independent sovereign state, under the provisional designation.

Исто така Република Грција се обврза (повторувам се обврза!) да не го попречува (не само да не става вето, туку и да не го попречува!) приемот на Република Македонија во меѓународните институции кога е под привремената референца:

1. Upon entry into force of this Interim Accord, The Party of the First Part (Greece) agrees not to object to the application by or the membership of the Party of the Second Part (Macedonia) in international, multilateral and regional organizations and institutions of which the Party of the First Part is a member;

Наместо да барате решение до кое нема шанси да се дојде имајќи ја предвид апсурдноста на целиот овој спор за името, имајќи ги предвид грчките максималистички барања кои навлегуваат и во уставното име, јазикот, нацијата и идентитетот на Република Македонија, како и кристално јасната национална свест на Македонците, доколку вие вистински сакате Македонија да стане земја членка на Европската Унија и НАТО, тогаш треба да се погрижите времената спогодба да се почитува при приемот на Република Македонија во ЕУ и НАТО.

Во услови кога сега не се почитува ваквиот договор (Времената спогодба) кој што го потпишале двете земји кој би бил гарантот дека и да се дојде до нов договор истиот ќе биде почитуван и во иднина од страна на Република Грција.

Република Македонија со Времената спогодба направи огромен компромис со тоа што дозволи наместо под уставното име да биде примена во Обединетите Нации под привремената референца, а исто така и се откажа од своето демократски избрано знаме поради тврдењето ексклузивитет над тој симбол од страна на Република Грција.

Република Македонија со потпишувањето на Времената спогодба таа голема жртва ја направи со цел да не биде попречувана од страна на соседот за приемот во ООН и во другите меѓународни оргнизации (како ЕУ и НАТО). Во случајот со приемот на Република Македонија во Европската Унија засега се покажува дека таа жртва била напразна и неоправдана.

Време е да и ставите до знаење на Република Грција дека освен правата што ги добила со времената спогодба таа исто така си презела и обврски кои мора да ги почитува.

Согласно Времената спогодба Република Македонија може да ги отпочне преговорите за членство во Европската Унија и НАТО под привремената референца, а Република Грција не смее да се противи на тоа затоа што во времената спогодба како што беше кажано погоре се обврзала:

1. Upon entry into force of this Interim Accord, The Party of the First Part (Greece) agrees not to object to the application by or the membership of the Party of the Second Part (Macedonia) in international, multilateral and regional organizations and institutions of which the Party of the First Part is a member;

Со приемот на Република Македонија во ЕУ и НАТО, преговорите со Република Грција нема да запрат, туку напротив ќе продолжат затоа што и двете земји се обврзале на тоа во Времената спогодба. Според ова сценарио нема да има ниту победници ниту поразени, што значи дека Република Грција нема ништо да изгуби. Моменталната владеачка гарнитура во Република Грција на грчката јавност, приемот на Република Македонија во Европската Унија и НАТО ќе го објасни со преземените обврски од Времената спогодба, а со истата причина и македонските власти на своите граѓани ќе објаснат дека приемот не е под уставното име туку под привремената референца.

Почитувањето на Времената спогодба во вакви услови се покажала како најефикасна практика што може да се види и од резултатите - членството на Република Македонија во други меѓународни организации каде што Република Грција е членка.

Доколку Времената спогодба не се почитува и не станеме членка на Европската Унија и НАТО тогаш ништо не не спречува нас граѓаните на Република Македонија да покренеме барање до македонските власти за прогласување на истата за неважечка, враќање на старото знаме и прием во ООН под уставното име.

Доколку Република Македонија се држи во заложништо и патот кон Европската Унија и НАТО се држи затворен поради апсурдниот спор со името наметнат од страна на една ЕУ и НАТО земја членка тогаш нема да е далеку денот кога евроскептицизмот меѓу нејзините граѓани ќе нарасне до таа мера што неопходно ќе биде да се побара алтернатива. Нема дилема дека Македонците нема вечно да ја толерираат неодлучноста на Европската Унија и НАТО во врска со приемот на Република Македонија. Прашање е дали Европската Унија и НАТО вечно ќе ја толерира каприционоста на една нивна земја членка која со своите барања го кочи процесот на проширување на Унијата и НАТО.