இந்நேரம்.காம்

முழு அடைப்பு - சில மாநிலங்களில் இயல்பு வாழ்க்கை பாதிப்பு

editor@inneram.com (மல்லிகை நேசன்) — Thu, 31 May 2012 09:55:45 +0000

தில்லி: இன்று இந்தியாவில் நடைபெற்று வரும் பந்த் காரணமாக பொதுமக்களின் வாழ்க்கை பாதிக்கப்பட்டுள்ளதாக செய்திகள் தெரிவிக்கின்றன.

ஈராக்கில் தொடர் குண்டு வெடிப்புகள்

editor@inneram.com (மல்லிகை நேசன்) — Thu, 31 May 2012 09:41:11 +0000

ஈராக்கில் இன்று நடைபெற்ற குண்டு வெடிப்புகளில் ஏழு பேர் உயிரிழந்ததுடன் 25 பேருக்கு படுகாயம் ஏற்பட்டுள்ளது.

கவாஸ்கரின் தந்தை மரணம்

editor@inneram.com (மல்லிகை நேசன்) — Thu, 31 May 2012 05:44:15 +0000

சுனில் கவாஸ்கரின் தந்தை காலமானார். இந்திய கிரிக்கெட் அணியின் முன்னாள் கேப்டன் சுனில் கவாஸ்கரின் தந்தை மனோகர் (88) பெங்களூருவில் 30.05.2012 அன்று மரணமடைந்தார்.

தனது மகள் கவிதா வீட்டில் மனோகர் மரணமடைந்தார். தந்தையின் மரணத்தையடுத்து, துபையில் இருந்து கவாஸ்கர் நாடு திரும்புகிறார்.

கவாஸ்கரின் சகோதரி கவிதா, முன்னாள் கிரிக்கெட் வீரர் குண்டப்பா விஸ்வநாதின் மனைவி என்பது குறிப்பிடத்தக்கது.

நடிகர் சங்கத் தலைவராக மீண்டும் சரத்குமார்

editor@inneram.com (மல்லிகை நேசன்) — Thu, 31 May 2012 05:23:26 +0000

தென்னிந்திய நடிகர் சங்கத்தின் தலைவராக சரத்குமார் மீண்டும் தேர்வு செய்யப்பட்டுள்ளார்.

”பிரதமர் பதவியில் மகிழ்ச்சியாக இருக்கிறேன் " - மன்மோகன்சிங்

editor@inneram.com (பாபுஜி) — Thu, 31 May 2012 05:02:58 +0000

"குடியரசுத் தலைவர் தேர்தலில் போட்டியிடுகிறீர்களா? என்ற கேள்விக்கு, ‘தற்போது வகிக்கும் (பிரதமர்) பதவியில் மகிழ்ச்சியாகவே இருக்கிறேன்’ என்று பிரதமர் மன்மோகன்சிங் பதில் அளித்துள்ளார்.

தற்போதைய குடியரசுத் தலைவர் பிரதிபா பாட்டீலின் பதவிக்காலம் வரும் ஜூலை 24ம் தேதியன்று முடிவடைகிறது. அதற்கு மறுநாள் புதிய குடியரசுத் தலைவர் பொறுப்பேற்க வேண்டும். அடுத்த குடியரசுத் தலைவருக்கான தேர்தல் செயற்பாடுகள் அடுத்த மாதம் இரண்டாவது வாரத்தில் தொடங்கும் என்று தெரிகிறது. காங்கிரஸ் சார்பாக நிதியமைச்சர் பிரணாப் முகர்ஜி அல்லது தற்போதைய குடியரசுத் துணைத் தலைவர் ஹமீது அன்சாரி நிறுத்தப்படலாம் என்று யூகங்கள் வெளியாயின. மேலும் தமிழக முதல்வர் ஜெயலலிதா மற்றும் ஒடிசா முதல்வர் நவீன் பட்நாயக் ஆதரவுடன் தேசியவாத காங்கிரஸ் தலைவர்களில் ஒருவருமான பி.ஏ.சங்மா குடியரசு தலைவர் தேர்தலில் போட்டியிடப் போவதாக அறிவித்துள்ளார்.

இதற்கிடையில் குடியரசுத் தலைவர் தேர்தலில் காங்கிரஸ் சார்பாக பிரதமர் மன்மோகன்சிங் நிறுத்தப்படுவதற்கான வாய்ப்புகள் இருப்பதாக கடந்த வாரம் செய்திகள் வெளியானது. வெளிநாட்டு சுற்றுப்பயணத்திலிருக்கும் பிரதமர் மியான்மரிலிருந்து நாடு திரும்பும் வழியில் விமானத்தில் செய்தியாளர்களுக்கு பேட்டி அளித்த போது இதுகுறித்து கேள்வி எழுப்பப்பட்டது. அதற்கு விடையளித்த மன்மோகன்சிங் இப்போது இருக்கும் (பிரதமர்) பதவியில் தாம் மகிழ்வுடன் இருப்பதாக பதில் அளித்துள்ளார்.

சிரிய அதிபர் தலைக்கு $450,000 டாலர்கள் : சவூதி மதகுரு

editor@inneram.com (பாபுஜி) — Thu, 31 May 2012 04:39:44 +0000

சிரிய அதிபர் பஷர் அல் அஸ்ஸாதை கொல்பவருக்கு சுமார் 450,000 அமெரிக்க டாலர்கள் பரிசளிக்கப் போவதாக சவூதி அரேபிய மதகுரு ஒருவர் அறிவித்துள்ளார்.

பெண்களையும், குழந்தைகளையும் படுகொலை புரிந்துவரும் பஷர் அல் அஸ்ஸாத் புரியும் அட்டூழியங்களை இனியும் பொறுத்துக்கொள்ள இயலாது என்று கூறியுள்ள இஸ்லாமிய அறிஞர் அலீ அல் ரபீய்யி, பஷர் அல் அஸ்ஸாத்தை கொல்பவருக்கு, சுமார் 450,000 டாலர்கள் பரிசளிக்க உள்ளதாகத் தெரிவித்துள்ளார்.

கடந்த சனியன்று சிரியாவில் படுகொலை செய்யப்பட்டு மசூதி ஒன்றில் பெண்கள் மற்றும் சிறுவர்களின் சடலங்கள் கிடத்தப்பட்டிருந்த ஒளிப்படக் காட்சி உலகையே திடுக்கிட வைத்துள்ளது என்று தனது ட்விட்டர் செய்தியில் அலீ அல் ரபீய்யி தெரிவித்துள்ளார்.

சிரியாவின் அல்ஹவ்லா நகரில் நடத்தப்பட்ட தாக்குதலில் சுமார் 108 பேர் கொல்லப்பட்டனர். அவர்களுள் 32 குழந்தைகள் பத்து வயதிற்கும் குறைவானவர்கள் என்று செய்திகள் தெரிவிக்கின்றன.

இதற்கிடையில் இப்படுகொலைகளில் தமக்குப் பங்கில்லை என்று சிரியாவின் இராணுவம் மறுத்துள்ளது

கண்ணதாசனின் மனைவி காலமானார்

editor@inneram.com (மல்லிகை நேசன்) — Wed, 30 May 2012 14:43:38 +0000

கவிஞர் கண்ணதாசனின் மனைவி பொன்னம்மா ஆச்சி இன்று காலமானார். அவருக்கு வயது 79.

முஸ்லிம்களுக்கு இட ஒதுக்கீடு - நீதிமன்ற தீர்ப்பினை எதிர்த்து முறையீடு

editor@inneram.com (மல்லிகை நேசன்) — Wed, 30 May 2012 13:57:40 +0000

மத்திய அரசுப் பணிகள் மற்றும் உயர் கல்வி நிறுவனங்களில் இதர பிற்படுத்தப்பட்டோருக்கான இடஒதுக்கீட்டில் முஸ்லிம்களுக்கு 4.5 சதவிகிதம் உள் ஒதுக்கீடு வழங்கும் மத்திய அரசு ஆணையினை ஆந்திர உயர் நீதிமன்றம் 28.05.2012 அன்று ரத்து செய்தது.

உலக செஸ் சாம்பியன்சிப் - ஐந்தாவது முறையாக வென்றார் ஆனந்த்

editor@inneram.com (மல்லிகை நேசன்) — Wed, 30 May 2012 13:43:01 +0000

உலக செஸ் சாம்பியன்சிப் பட்டத்தை மீண்டும் கைப்பற்றி சாதனை படைத்துள்ளார் செஸ் மாஸ்டர் விஸ்வநாதன் ஆனந்த்.

சுவிஸ் வங்கிக் கணக்கு விபரங்களை வெளியிடுவோம் - பாஜக

editor@inneram.com (மல்லிகை நேசன்) — Wed, 30 May 2012 13:12:35 +0000

வாஷிங்டன் - வரும் பொதுத்தேர்தலில் வெற்றி பெற்று விட்டால் சுவிஸ் வங்கிகளில் பணம் வைத்திருப்பவர்களின் விபரங்களை தெரிவிப்போம் என பாரதீய ஜனதா கட்சி அறிவித்துள்ளது.

பொதுவாழ்விலிருந்து விலகத் தயார் - மன்மோகன் சிங்

editor@inneram.com (பொன்மலர்) — Wed, 30 May 2012 13:05:04 +0000

டில்லி :- தம் மீது கூறப்பட்டுள்ள குற்றச்சாட்டுகளை நிரூபித்து விட்டால் தாம் பொதுவாழ்விலிருந்து விலகத்தயார் என பிரதமர் மன்மோகன்சிங் தெரிவித்துள்ளார்.

வாபஸ் எச்சரிக்கையை வாபஸ் வாங்கினார் கருணாநிதி

editor@inneram.com (சத்யா) — Wed, 30 May 2012 09:41:08 +0000

பெட்ரோல் விலை உயர்வுக்கு எதிராக இன்று காலை ஆர்பாட்டம் நடத்திய திமுக தலைவர் கருணாநிதி, விலை உயர்வு திரும்ப பெறாவிட்டால் மத்திய அரசுக்கு திமுக கொடுத்து வரும் ஆதரவை வாபஸ் பெறுவோம் என்று செய்தியாளர்களிடம் கூறியிருந்தார். தற்போது தான் அவ்வாறு கூறவில்லை என்றும், பத்திரிக்கைகள் தவறாக திரித்து கூறியுள்ளன என்று கூறியுள்ளார்.

ரூபாய் மதிப்பு கடும் சரிவு - 56 ரூபாயை தாண்டியது

editor@inneram.com (சத்யா) — Wed, 30 May 2012 06:46:24 +0000

ஒரு அமெரிக்க டாலருக்கு நிகரான இந்திய ரூபாய் மதிப்பு இன்று காலை ரூபாய் 56.15 என்ற அளவில் விற்கப்பட்டது. இது சாதனை சரிவாக கருதப்படுகிறது. கடந்த திங்களன்று ரூபாய் 55 என்ற அளவில் இருந்து வந்த மதிப்பு, இன்று எண்ணெய் இறக்குமதியாளர்களின் அதிக டாலர் தேவையால் சாதனை சரிவை தொட்டதாக வர்த்தகர்கள் தெரிவித்தனர்.

மத்திய அரசுக்கு ஆதரவு வாபஸ் - கருணாநிதி எச்சரிக்கை

editor@inneram.com (சத்யா) — Wed, 30 May 2012 06:32:53 +0000

பெட்ரோல் விலையுயர்வை திரும்ப பெறாவிட்டால் மத்திய அரசுக்கு திமுகவின் ஆதரவு வாபஸ் பெறப்படும் என திமுக தலைவர் கருணாநிதி எச்சரிக்கை விடுத்துள்ளார். கடந்த வாரம் அறிவிக்கப்பட்ட பெட்ரோல் விலை உயர்வின் காரணமாக நாடு முழுவதும் ஆர்ப்பாட்டங்கள் நடைபெற்று வருகின்றன. மத்திய ஆட்சியில் அங்கம் வகிக்கும் முக்கிய கூட்டணி கட்சிகளான திமுகவும், திரினாமூல் காங்கிரஸும் விலை உயர்வை கடுமையாக எதிர்த்து வருகின்றன. இதற்காக தமிழகத்திலும், கொல்கத்தாவிலும் ஆர்பாட்டங்களுக்கு இரு கட்சிகளும் அழைப்பு விடுத்துள்ளன.

சோலை மறைவு

editor@inneram.com (பொன்மலர்) — Wed, 30 May 2012 05:22:12 +0000

சென்னை :-- பிரபல தமிழ் எழுத்தாளர் சோலை மரணமடைந்துவிட்டார்.

சிரியா நிலவரம் - பஷாரைச் சந்தித்தார் கோபி அன்னான்

editor@inneram.com (மல்லிகை நேசன்) — Tue, 29 May 2012 16:01:21 +0000

ஐநா மற்றும் அரபு லீக் தூதர் கோபி அன்னான் இன்று சிரிய ஜனாதிபதி பஷார் அல் அஸத்தை சந்தித்து பேசினார்.

அல்காய்தாவின் முக்கியத் தலைவர் கொல்லப்பட்டார் - நேடோ

editor@inneram.com (மல்லிகை நேசன்) — Tue, 29 May 2012 15:12:23 +0000

ஆப்கானிஸ்தானில் அல்காய்தாவின் இரண்டாம் நிலை தலைவராக இருந்தவர் வான் தாக்குதலில் கொல்லப்பட்டுள்ளதாக நேடோ அறிவித்துள்ளது.

சென்னையில் பெட்ரோல், டீசல் விநியோகம் மீண்டும் ஆரம்பம்

editor@inneram.com (சத்யா) — Tue, 29 May 2012 14:46:36 +0000

கடந்த வாரம் அறிவிக்கப்பட்ட பெட்ரோல் விலை உயர்வினால் கடுப்பில் இருந்த மக்களின் கோபத்தை அதிகரிக்கும் வகையில் சென்னையில் திடீரென ஏற்பட்ட பெட்ரோல் டீசல் பற்றாக்குறையினால் சென்னை நகர வாழ்க்கை கடந்த மூன்று தினங்களாக நரகமாகிவிட்டது.

தொடரும் நிலநடுக்கம் - அதிர்ச்சியில் இத்தாலி

editor@inneram.com (மல்லிகை நேசன்) — Tue, 29 May 2012 14:36:50 +0000

இத்தாலியில் தொடர்ச்சியாக நடைபெற்று வரும் நில நடுக்கத்தினால் அங்குள்ள மக்கள் அதிர்ச்சியடைந்துள்ளனர்.

விமானிகளின் வேலை நிறுத்தத்தால் ஏர் இந்தியாவின் நஷ்டம் ரூபாய் 325 கோடி தான் !

editor@inneram.com (சத்யா) — Tue, 29 May 2012 04:51:07 +0000

கடந்த 21 நாட்களாக நடந்து வரும் ஏர் இந்தியா விமானிகளின் வேலை நிறுத்தத்தால் இதுவரை சுமார் 325 கோடி ரூபாய் இழப்பு ஏற்பட்டுள்ளதாக அறிவிக்கப்பட்டுள்ளது. மேலும், ஏர் இந்தியாவின் சர்வதேச விமான சேவை தொடர்ந்து பாதிக்கப்பட்டு, சர்வதேச வழி தடங்கள் மேலும் குறைக்கப்பட்டு வருகின்றன.

புதுக்கோட்டை இடைத் தேர்தலில் திமுக ஆதரவைப் பெறுவோம்!

editor@inneram.com (வெற்றி) — Mon, 28 May 2012 14:35:46 +0000

புதுக்கோட்டை சட்டமன்ற உறுப்பினர் முத்துக்குமரன் சாலை விபத்தில் மரணமடைந்ததை அடுத்து ஜூன் 12 அன்று புதுக்கோட்டை தொகுதியில் இடைத் தேர்தல் நடைபெற உள்ளது.

ஜெகன்மோகன் ரெட்டிக்கு 14 நாள் நீதிமன்றக் காவல்!

editor@inneram.com (வெற்றி) — Mon, 28 May 2012 14:28:32 +0000

சொத்துக் குவிப்பு வழக்கில் 3 ஆம் நாள் விசாரணைக்குப் பின்னர் நேற்று மாலை ஒய்.எஸ்.ஆர்.காங்கிரஸ் தலைவர் ஜெகன்மோகன் ரெட்டி சி.பி.ஐ யால் கைது செய்யப்பட்டார்.

நித்யானந்தா மடத்துக்கு நான் சென்றதே இல்லை!

editor@inneram.com (வெற்றி) — Mon, 28 May 2012 14:25:13 +0000

நித்யானந்தா மடத்துக்கு நான் சென்றதே இல்லை என்று மதுரை மாவட்ட புதிய ஆட்சியர் அன்சுல் மிஸ்ரா தெரிவித்துள்ளார்.

பெண் சிசுக் கொலையை எதிர்த்து லாலுவின் மகள்

editor@inneram.com (மல்லிகை நேசன்) — Mon, 28 May 2012 12:42:03 +0000

பெண் சிசுக் கொலைகளுக்கு எதிராக போராடுவதற்கு லாலு பிரசாத் யாதவின் மகள் தீர்மானித்துள்ளார்.

மத்திய,மாநில அரசுகளைக் கண்டித்து ஆர்ப்பாட்டம் - விஜயகாந்த்

editor@inneram.com (மல்லிகை நேசன்) — Mon, 28 May 2012 09:18:12 +0000

மத்திய அரசு மற்றும் மாநில அரசு என இரண்டு அரசுகளுமே வரியினைக் குறைக்காமல் மக்களின் தலையில் வரிச்சுமையை ஏற்றுவதாக தேமுதிக தலைவர் விஜயகாந்த் குற்றம் சாட்டியுள்ளார்.

ஜெகன்மோகன் ரெட்டி கைது - போராட்டத்தில் குதித்தார் தாய்

editor@inneram.com (மல்லிகை நேசன்) — Mon, 28 May 2012 09:14:25 +0000

ஒய்எஸ்ஆர் காங்கிரஸ் கட்சித் தலைவர் ஜெகன்மோகன் ரெட்டி கைது செய்யப்பட்டதைக் கண்டித்து அவருடைய தாயார் போராட்டத்தில் ஈடுபட்டுள்ளார்.

ஜனாதிபதி ஆகிறாரா திமுக தலைவர் கருணாநிதி?

editor@inneram.com (வெற்றி) — Mon, 28 May 2012 08:30:04 +0000

திமுகவின் நிலை என்ன என்பது எனக்குத் தெரியும் திமுக சார்பில் குடியரசுத் தலைவர் வேட்பாளர் நிறுத்துவதற்கு முயற்சி செய்யவில்லை என்றும் ஆதரவு கேட்டு யாரையும் திமுக எம்.பி க்கள் அணுக வில்லை என்றும் திமுக தலைவர் கருணாநிதி தெயவித்துள்ளார்.

டீசல், சமையல் எரிவாயு விலை உயர்வு இப்போது இல்லை - ஜெய்ப்பால் ரெட்டி!

editor@inneram.com (வெற்றி) — Mon, 28 May 2012 08:00:13 +0000

பெட்ரோல் விலையை லிட்டர் ஒன்றுக்கு ரூ 7.50 உயர்த்தி பொதுமக்களுக்கு மத்திய அரசு அதிர்ச்சி அளித்த நிலையில் டீசல், சமையல் எரிவாயு மற்றும் மண்ணெண்ணெய் விலையும் உயர்த்தப்படும் என்று கூறப்பட்டு வந்தது.

அதிமுக போராட்டம் கண் துடைப்பு நாடகம் - கருணாநிதி கண்டனம்!

editor@inneram.com (வெற்றி) — Mon, 28 May 2012 07:46:02 +0000

அதிமுக அறிவித்துள்ள பெட்ரோல் விலை உயர்வுக்கு எதிரானப் போராட்டம் கண்துடைப்பு நாடகம் என திமுக தலைவர் கருணாநிதி தெரிவித்துள்ளார்.

ஐ.பி.எல் சாம்பியன் - யூசுப் பதான் சாதனை!

editor@inneram.com (வெற்றி) — Mon, 28 May 2012 07:37:40 +0000

ஐ.பி.எல் 5 வது சீசனில் நேற்று சென்னையில் நடைபெற்ற இறுதிப் போட்டியில் 5 விக்கெட்கள் வித்தியாசத்தில் சென்னை சூப்பர் கிங்ஸ் அணியை வீழ்த்தி கொல்கத்தா நைட் ரைடர்ஸ் அணி முதன் முறையாக கோப்பையைத் தட்டிச் சென்றது.

மாங்காய் லாரி கவிழ்ந்து 12 பேர் பலியான சோகம்!

editor@inneram.com (வெற்றி) — Mon, 28 May 2012 07:24:19 +0000

தருமபுரி மாவட்டம் பாலக் கோடு அருகே உள்ள கிராமத்தில் இருந்து மாங்காய் லோடு ஏற்றிக் கொண்டு பெங்களூரு நோக்கி சென்று கொண்டு இருந்த லாரி ஜித்தடகள்ளி மலைப் பகுதியில் உள்ள ஒரு வளைவில் திரும்பிய போது லாரி கட்டுப் பாட்டை இழந்து தலைகுப்புறக் கவிழ்ந்தது.

சங்மா - சொந்த செலவில் சூனியம்

editor@inneram.com (பொன்மலர்) — Sun, 27 May 2012 18:29:07 +0000

வாழ்க்கையில் நாம் படிப்பினை பெறுவது தோல்வியிலா ?ஏமாற்றத்திலா ?அவமானத்திலா ? இல்லை பிறர் கூறும் அறிவுரையிலா? - இப்ராஹிம் அலி,கத்தர்

தோல்வியே வெற்றிக்குப் படிக்கட்டு என்பதை வெற்றியாளர்கள் அனைவருமே நிரூபித்துள்ளார்கள்.

தோல்வியில் துவளாமல் தோல்வியைத் தோற்கடிக்க வேண்டும் ; வென்றாக வேண்டும் என்ற உறுதியைத்

தருவது அவமானம்.

மிதிவண்டி ஓட்டப் பழகியதை நினைத்துக் கொண்டால் புரிந்து விடும்.

ஜெயலலிதா ஆதரிக்கும் சங்மா வெற்றி பெறுவாரா? - கண்ணன், கொடுங்கையூர்

சங்மா சொந்தச் செலவில் சூனியம் வைத்துக் கொண்டார்.

ஆம்! வெளிநாட்டுக்காரி சோனியா என்று சொன்னதற்கு சோனியாவிடம் மன்னிப்புக் கோரிவிட்டார்.

தம் முன்னே தவிரப் பிறர் முன் குனிந்து பணியும் எவரையும் ஜெயலலிதாவுக்குப் பிடிக்காது.

அதுவும் சோனியாவின் முன்....

எனவே சங்மாவுக்கு ஜெயலலிதாவின் ஆதரவு தொடருமா அல்லது வாஜ்பாய்க்கு அளித்த 13 நாள் ஆதரவு

போல் இருக்குமா என்பதைப் பொறுத்திருந்துதான் பார்க்க வேண்டும்.

பெண்ணிடம் சொல்லக் கூடாத ரகசியம் என்ன? - பாபு, மதுரை

எந்த ரகசியத்தையுமே யாரிடமும் சொல்லக் கூடாது.அடுத்தவர் அறிந்தால் அதன் பெயர் ரகசியம்

அன்று..விளம்பரம்.

இரண்டாம் ஆள் அறிந்த பின் அது ரகசியம் இல்லையே!

மனோன்மணியம் நாடகத்தில் சுந்தரனார் எழுதிய

"ஒருவர் அறியின் இரகசியம்; இருவர் அறியின் பரசியம்" என்ற வரிகள் பொருள் பொதிந்தவை.

தங்கம் விலை விண்ணை முட்டும் நிலையில் மனைவியை மகிழ்விக்க வேறு ஏதாவது வழி உண்டா? - பிரகாசம், ராயப் பேட்டை

புகழ்ச்சிதான்.

உன் புன்னகைக்கு முன் பொன்னகை பொலிவிழந்து விடுகிறது என்று சொல்லுங்கள்.

நீயே ஒரு பொற்சிலை; உனக்கு எதற்குப் பொன்னகை என்று அள்ளி விடுங்கள்

தானே புயலால் பாதிக்கப் பட்ட பகுதிகளை மடாதிபதிகள் யாரும் சென்று பார்க்க வில்லை என்றும் நித்யானந்தா மட்டுமே தம் சொந்த செலவில் உணவு வழங்கி தானே துயர் துடைத்தார் என்று அகில பாரதீய சேனா அமைப்பு கூறியுள்ளதே? - ரவிச்சந்திரன் , திருநெல்வேலி

தானே துயர் துடைப்புப் பணியில் நித்தியானந்தா ஈடுபட்டது நல்ல சேவைதான்.அது மனிதாபிமானம்.ஆனால் மற்ற எல்லா மடாதிபதிகளும் சென்று பார்க்க வேண்டும் என்று எதிர்பார்ப்பது சரியில்லை.

இப்போது நித்தியானந்தாவுக்கு ஆதரவாக இந்தக் கருத்தைச் சொல்லும் அமைப்பு , தானே புயல் வீசிய சமயத்தில் மடாதிபதிகளுக்கு இக்கோரிக்கையை வைத்திருந்து , அவர்கள் வராமல் இருந்தால் குற்றம் சுமத்தலாம். சும்மா அவருக்கு ஆதரவு என்பதால் இவர்களுக்கு எதிரான கருத்து என எதையும் கூறிவிடக்கூடாது.

குளியல் சோப்பில் தரமான சோப்பு என்பதைக் கண்டறியும் வழி என்ன? - கிருஷ்ண வேணி, விருத்தாச்சலம்

என் வருமானத்துக்கேற்ற தரமான சோப் என்று பார்க்காமல் உண்மையிலேயே தரமான சோப் தானா என்று பார்க்க வேண்டும்.

T F M அளவுதான் குளியல் சோப்பின் தரத்தைக் காட்டும் . TFM என்றால் குளியல் சோப்பில் உள்ள மொத்தக் கொழுப்புச் சத்தின் அளவு Total Fatty Matter.

சோப்பில் 70 முதல் 80 சதவீதம் கொழுப்புப் பொருளும் 10 முதல் 16 சதவீதம் ஈரப்பதமும் இருக்க வேண்டும். அப்படி இருந்தால் அது தரமான சோப்

T F M அளவு 80% க்கு மேல் உள்ளவை உயர்ரகம்.

எந்தக் கட்சி ஆட்சியைப் பிடித்தாலும் மெஜாரிட்டி உறுப்பினர்களைக் கொண்ட கட்சி 6 மாதமும் எதிர்க்கட்சி 6 மாதமும் ஆட்சி நடத்தினால் ஊழல் குறையும் தானே? - ராஜமாணிக்கம், கன்னியாகுமரி

நல்ல ஐடியா கொடுத்துள்ளீர்களய்யா ..ஊழல் குறையுமாவது... அதிகரிக்கும்

ஆறுமாதம் அந்தக் கட்சி சுருட்டியதை விட இந்தக் கட்சி அதிகம் சுருட்ட முயலும். இது சுழற்சி முறையில் தொடரும்.

பிரசவ வலி குழந்தைக்கும் இருக்குமா? - செல்வி, துபை

சாதாரண கிராமத்துப் பழமொழி கேட்டதில்லையா.. முட்டையிடும் கோழிக்குத்தான் வலி தெரியும்

சந்திரன் இருந்தவரை தமிழகத்தில் சூரியன் உதயமாகததற்கு ஏதும் பிரத்யேக காரணம் உண்டா? - அஹமத் கபீர், தமாம்

சந்திரன் மீது மக்கள் வைத்திருந்த அபரிமிதமான அன்பும் நம்பிக்கையும்.

அதுபோல் சூரியன் மீது கொண்ட அவநம்பிக்கை.

சந்திரனை வெளியேற்றி அநீதி இழைத்து விட்டதாகத் தமிழக மக்கள் எண்ணியதால் சந்திரனை உதிக்கச் செய்து

அது மறையும் வரை சூரியனை மறந்தே விட்டனர்.

(வணங்காமுடி பதில்கள் அனைத்தையும் இங்கு காணலாம்)

வணங்காமுடிக்குக் கேள்விகளை அனுப்ப விரும்பும் வாசகர்கள் ask@inneram.com என்ற மின் அஞ்சல் முகவரி மூலம் அனுப்பலாம்.

ஐபிஎல் 5 : கொல்கத்தா புதிய சாம்பியன்

editor@inneram.com (இனியவன்) — Sun, 27 May 2012 18:19:28 +0000

சென்னை :இன்று நடந்த ஐபிஎல் இறுதி போட்டியில் இரண்டு முறை சாம்பியன் சென்னை சூப்பர் கிங்ஸை கொல்கத்தா இரண்டு பந்துகள் மீதமிருந்த நிலையில் வென்று முதல் முறையாக ஐபிஎல் கோப்பையை வென்றது.

ஜெகன்மோகன் ரெட்டி கைது - சி.பி.ஐ அதிரடி நடவடிக்கை!

editor@inneram.com (vetti) — Sun, 27 May 2012 15:58:31 +0000

வருமானத்துக்கு அதிகமாகச் சொத்துச் சேர்த்ததாக எழுந்த புகாரின் அடிப்படையில் சி.பி.ஐ யால் வழக்குப் பதிவு செய்யப் பட்டு குற்றப் பத்திரிக்கையும் தாக்கல் செய்யப் பட்ட நிலையில் கடந்த 3 நாட்களாக ஜெகன்மோகன் ரெட்டியை சி.பி.ஐ விசாரித்து வந்தனர்.

வெல்லப் போவது யார்? ஐ.பி.எல் இறுதிப் போட்டியில் கொல்கத்தா - சென்னை மோதல்!

editor@inneram.com (வெற்றி) — Sun, 27 May 2012 10:45:05 +0000

இன்று சென்னையில் சேப்பாக்கத்தில் நடைபெறும் ஐ.பி.எல் தொடரின் இறுதிப் போட்டியில் சென்னை சூப்பர் கிங்ஸ் அணியும் கொல்கத்தா நைட் ரைடர்ஸ் அணியும் பலப் பரீட்சை நடத்த உள்ளன.

ஆன்ட்ராய்டு ஃபோன்கள் திருட்டு போனால் கண்டுபிடிக்க....

editor@inneram.com (சின்னமுத்து) — Sun, 27 May 2012 10:03:34 +0000

AVG ஆண்டி வைரல் ஆப்ஸை ஆண்ட்ராய்டில் நிறுவினால் இலவசமாக போனின் இருப்பிடத்தைக் கண்டுபிடிக்க உதவுவதோடு, உரிமையாளர் நினைத்தால் சைரன் ஒலி எழுப்பச்செய்து திருடியவனை மாட்டச் செய்யலாம்.

இந்திய நிறுவனங்கள் மீது அமெரிக்க அரசு விசாரணை - மென்பொருள் நிறுவனங்கள் கவலை

editor@inneram.com (சத்யா) — Sun, 27 May 2012 09:37:13 +0000

இந்திய மென்பொருள் நிறுவனங்கள் மீது அமெரிக்க குடியுரிமை துறை நடத்தி வரும் விசாரணை குறித்து தேசிய சேவைகள் நிறுவனங்களின் சங்கம் கவலை தெரிவித்துள்ளது.இந்தியர்களுக்கு வழங்கப்படும் அமெரிக்க விசா படிவங்கள் முறைகேடாக பயன்படுத்தப்பட்டு விசா பெறபட்டுள்ளதாக அமெரிக்க உள்நாட்டு பாதுகாப்பு துறை இன்போஷிஸ் உள்ளிட்ட மென்பொருள் நிறுவனங்கள் மீது நடவடிக்கை எடுத்து வருகிறது.

கறைபடுத்தப்பட்டேனே தவிர கறை பட வில்லை - நித்யானந்தா!

editor@inneram.com (வெற்றி) — Sat, 26 May 2012 12:52:00 +0000

'' நான் கறைபடுத்தப் பட்டேனே தவிர கறை பட வில்லை. ஆதீனச் சொத்துக்களை 140 பேர் ஆக்கிரமித்துள்ளனர். உரிய நடவடிக்கை எடுத்து சொத்துக்கள் மீட்கப் படும் '' என்று நித்யானந்தா தெரிவித்துள்ளார்.

இலவச மருத்துவ முகாம் தொடக்க நிகழ்ச்சியில் கலந்து கொண்ட நித்யானந்தா செய்தியாளர்களிடம் பேசிய போது '' இலவச மருத்துவ முகாம் இன்றும் நாளையும் நடைபெற உள்ளது. இந்த முகாமில் சுமார் 10000 பேருக்கு சிகிச்சை அளிக்கப் பட உள்ளது.சேலத்தைச் சேர்ந்த டாக்டர் ராஜகோபால் மேற்பார்வையில் இந்த மருத்துவ முகாம் நடைபெற உள்ளது.

ஒவ்வொரு 15 நாட்களுக்கு ஒரு முறை மருத்துவ முகாம் நடைபெறும். மதுரை ஆதீன மடத்தில் உள்ள காபித் தூள் விற்பனைக் கடையில் டயாலிசிஸ் சென்டர் அமைக்க அவர்களைக் காலி பண்ணச் சொன்னோம். காலி பண்ண அவர்கள் மறுத்து விட்டதால் உரிய நடவடிக்கை எடுத்து அங்கு டயாலிசிஸ் சென்டர் அமைத்து 24 மணி நேரமும் இயங்கும்.

ஆதீன மடத்தின் சொத்துக்களை 140 பேர் ஆக்கிரமித்து உள்ளனர்.அவர்கள் மீது உரிய நடவடிக்கை எடுக்கப் பட்டு சொத்துக்கள் மீட்கப் படும். எனக்கு உலகம் முழுவதும் 1 கோடி சீடர்கள் உள்ளனர். நான் கறைபடுத்தப் பட்டேனே தவிர கறை பட வில்லை.

நீதித்துறை மீது எனக்கு நம்பிக்கை உள்ளது.என் மீதான வழக்குகளைச் சட்டப் படிச் சந்திப்பேன். முதல்வரைச் சந்திக்க மனுச் செய்துள்ளேன்.அனுமதி கிடைத்ததும் முதல்வரைச் சந்திப்பேன். ஞான பீடத்தின் சார்பில் மருத்துவ உதவி, கல்விச் சேவை செய்து வருகிறோம்.விரைவில் சுய உதவிக் குழுக்களுக்கு வட்டி இல்லாக் கடன் வழங்க உள்ளோம் ''என்று தெரிவித்தார்.

எடியூரப்பா பாஜகவின் மனித வெடிகுண்டு - பால்தாக்கரே கிண்டல்

editor@inneram.com (வெற்றி) — Sat, 26 May 2012 13:14:37 +0000

மும்பையில் நடைபெற்ற பாஜகவின் தேசிய செயற் குழு கூட்டத்தில் எந்த முக்கிய முடிவும் எடுக்கப் பட வில்லை. நிதின் கத்காரி இரண்டாவது முறையாக தலைவராகத் தேர்ந்தெடுக்கப் பட்டதும் நரேந்திர மோடி கலந்து கொள்ள சஞ்சய் ஜோஷி பலிகடா ஆக்கப் பட்டதும் தான் நடந்தேறியுள்ளது என சிவசேனா தலைவர் பால் தாக்கரே சாம்னாவில் எழுதியுள்ள தலையங்கத்தில் தெரிவித்துள்ளார்.

சாம்னாவில் எழுதியுள்ள தலையங்கத்தில் '' முன்னர் பிரதமர் வேட்பாளராக மூத்தத் தலைவர் எல்.கே.அத்வானி மட்டுமே இருந்த நிலையில் தற்போது மோடி,கத்காரி, அருண் ஜெட்லி, சுஷ்மா சுவராஜ் என புதிதாக பல ஹீரோக்கள் கிளம்பியுள்ளனர்'' என்று தெரிவித்துள்ளார்.

பாஜக கூட்டணியில் முன்னர் இடம் பெற்று இருந்த மம்தா பானர்ஜி, ஜெயலலிதா,நவீன் பட்நாயக் போன்றோரை மீண்டும் கூட்டணிக்கு திரும்ப அழைத்து வர வேண்டும் என்று கூறியுள்ள பால் தாக்கரே, கர்நாடக முன்னாள் முதல்வர் எடியூரப்பா பாஜகவின் மனித வெடிகுண்டு என்று தெரிவித்துள்ளார்.

மன்மோகன் சிங், அழகிரி உள்ளிட்ட 15 பேர் மீது நடவடிக்கை எடுக்க அன்னா குழு கடிதம்!

editor@inneram.com (வெற்றி) — Sat, 26 May 2012 12:37:37 +0000

ஊழலில் ஈடுபட்டதாக பிரதமர் மன்மோகன் சிங் உள்ளிட்ட 15 அமைச்சர்கள் மீது நடவடிக்கை எடுக்கக் கோரி அன்னா குழு பிரதமர் மன்மோகன் சிங்கிற்கு கடிதம் எழுதியுள்ளது.

செய்தியாளர்களிடம் பேசிய அன்னா குழுவைச் சேர்ந்த வழக்கறிஞர் பிரசாந்த் பூஷன் '' பிரதமர் உள்ளிட்ட 15 அமைச்சர்கள் மீது ஊழல் புகார் அளிக்கப் பட்டுள்ளதாகவும் விசாரணைக் குழு அமைத்து அமைச்சர்கள் மீதான ஊழல் குறித்து விசாரணை நடத்தப் பட வேண்டும்'' என்றும் தெரிவித்தார்.

அன்னா குழு அளித்துள்ள பட்டியலில் இடம்பெற்றுள்ள அமைச்சர்கள் : டாக்டர் மன்மோகன் சிங், ப.சிதம்பரம், பிரணாப் முகர்ஜி, சரத் பவார்,எஸ்.எம்.கிருஷ்ணா, கபில் சிபல்,சல்மான் குர்ஷித், ஜி.கே.வாசன், பரூக் அப்துல்லா, சுஷில் குமார் ஷிண்டே, மு.க.அழகிரி,கமல் நாத். பிரபுல்படேல், விலாஸ்ராவ் தேஷ்முக், வீரபத்திர சிங்

அன்னா குழு அளித்துள்ள 15 பேர் பட்டியலில் 3 தமிழர்கள் இடம்பிடித்துள்ளனர்.

மத்திய அரசில் அங்கம் வகித்து மக்களை மடையராக்கும் தி மு க

editor@inneram.com (வெற்றி) — Sat, 26 May 2012 09:29:36 +0000

டாலரைக் காரணம் காட்டி , பெட்ரோல் விலையை லிட்டர் ஒன்றுக்கு ரூ 7.50 உயர்த்தி , நடுத்தர மக்களின் கோபத்துக்கு ஆளாகியுள்ளது மத்திய அரசு. விலைவாசி உயர்வால் அல்லல் படும் நடுத்தர வர்க்கத்தினர் தற்போதைய பெட்ரோல் விலை உயர்வால் கடும் அவதியைச் சந்திக்கும் சூழல் ஏற்பட்டுள்ளது.

பெட்ரோல் விலை உயர்வு - முக்கிய நகரங்களில் விற்கப்படும் விலை

editor@inneram.com (சத்யா) — Sat, 26 May 2012 05:07:38 +0000

சமீபத்தில் அறிவிக்கப்பட்ட பெட்ரோல் விலை உயர்வால் நாடு முழுவதும் அதிர்ச்சி நிலவுகிறது. மத்திய காங்கிரஸ் கூட்டணியில் உள்ள முக்கிய கூட்டணி கட்சிகளான திமுகவும், மம்தா பானர்ஜியின் திரினாமூல் காங்கிரஸ் கட்சியும் விலை உயர்வுக்கு எதிராக போராட்டங்கள் அறிவித்திருக்கின்றன. மேலும் முக்கிய எதிர் கட்சியான பாஜகவும் நாடு தழுவிய போராட்டத்திற்கு அழைப்பு விடுத்துள்ளன.

கோவிலுக்குள் இருப்பவர்களை விட, வெளியே இருப்பவர்களுக்குத்தான் பக்தி அதிகம் - நடிகர் கமல் பரபரப்பு பேச்சு!

editor@inneram.com (அல் அமீன்) — Sat, 26 May 2012 01:29:31 +0000

"கோவிலுக்குள் இருப்பவர்களை விட, வெளியே இருப்பவர்களுக்குத்தான் பக்தி அதிகம்" என்று நடிகர் கமல்ஹாசன் விழா ஒன்றில் பேசும் போது கூறியுள்ளார்.

பெட்ரோல் விலையைக் குறைக்க மத்திய அரசு நடவடிக்கை!

editor@inneram.com (அல் அமீன்) — Sat, 26 May 2012 01:15:44 +0000

பொதுமக்களிடையே எழுந்துள்ள கடுமையான எதிர்ப்பினைத் தொடர்ந்து பெட்ரோல் விலையைக் குறைக்க மத்திய அரசு நடவடிக்கை எடுப்பதாக மத்திய அமைச்சர் நாராயணசாமி கூறியுள்ளார்.

மினிலாரியில் பயங்கர வெடிபொருட்கள்: அரூரில் பரபரப்பு!

editor@inneram.com (அல் அமீன்) — Sat, 26 May 2012 00:52:58 +0000

தர்மபுரி: மினிலாரியில் ரகசிய அறை அமைத்து கடத்தப்பட்ட 71 ஜெலட்டின் ரோல்கள், 20 ஆயிரம் டெட்டனேட்டர் குப்பிகள் உள்ளிட்ட பயங்கர வெடிபொருட்களைக் காவல்துறையினர் வாகன சோதனையின் போது கைப்பற்றியுள்ளனர். இதனால் அரூர் பகுதியில் பெரும் பரபரப்பு ஏற்பட்டுள்ளது.

பெட்ரோல் விலை: மத்திய அரசுக்கு எதிராக திமுக!

editor@inneram.com (அல் அமீன்) — Sat, 26 May 2012 00:35:25 +0000

சென்னை: "பெட்ரோல் விலையைக் குறைக்கக்கோரி தமிழ்நாடு முழுவதும் மத்திய-மாநில அலுவலகங்கள் முன்பு 30-ந் தேதி ஆர்ப்பாட்டம் நடைபெறும்" என்று தி.மு.க அறிவித்துள்ளது.

பாஜக கூட்டணியில் இணைய மம்தாவுக்கு அழைப்பு!

editor@inneram.com (அல் அமீன்) — Sat, 26 May 2012 00:21:01 +0000

மும்பை: "மீண்டும் தேசிய ஜனநாயக கூட்டணிக்கு வாருங்கள்'' என்று மம்தா பானர்ஜிக்கு பா.ஜ.க அழைப்பு விடுத்துள்ளது.

பா.ஜனதா கட்சியின் தேசிய செயற்குழு கூட்டம் கடந்த 2 நாட்களாக மும்பையில் நடந்தது. நேற்று கூட்டம் முடிந்ததும் அந்தக் கட்சியின் செய்தி தொடர்பாளர் ரவி சங்கர் பிரசாத் செய்தியாளர்களிடம் பேசும்போது மம்தா தொடர்பான கேள்விக்கு,

"மம்தா பானர்ஜி முன்பு தேசிய ஜனநாயக கூட்டணியிலும் இடம் பெற்று இருந்தார். வாஜ்பாய் தலைமையிலான மந்திரி சபையில் இடம் பெற்று இருந்தார். எங்களுடன் அவர் பணியாற்றியபோது, அவருக்கு உரிய முக்கியத்துவம், மதிப்பு, மரியாதையை நாங்கள் கொடுத்தோம்.

இப்போது ஐக்கிய முற்போக்கு கூட்டணியில் இடம் பெற்று இருந்தாலும், அங்கு வெளியில் சொல்ல முடியாத அதிருப்தியில், கிட்டத்தட்ட மூச்சு திணறும் நிலையில் இருக்கிறார். முதலில் அவர் எங்களை அணுகட்டும்."

என்று பதிலளித்தார்.

எண்ணெய் நிறுவனங்களுக்கு டாலரை விற்க ஆலோசனை!

editor@inneram.com (அல் அமீன்) — Sat, 26 May 2012 00:10:02 +0000

புதுடெல்லி: ரூபாயின் மதிப்பு கடுமையாக வீழ்ச்சி அடைந்திருக்கும் நிலையில், பொதுத்துறை எண்ணெய் நிறுவனங்களுக்கு அமெரிக்க டாலரை விற்கும் யோசனை பரிசீலனையில் இருப்பதாக ரிசர்வ் வங்கி கவர்னர் டி.சுப்பாராவ் தெரிவித்துள்ளார்.

கேரளாவில் பான் மசாலா மற்றும் குட்காவுக்குத் தடை - முதல்வர் அறிவிப்பு!

editor@inneram.com (வெற்றி) — Fri, 25 May 2012 18:29:53 +0000

கேரளாவில் பான் மசாலா மற்றும் குட்கா போன்ற புகையிலைப் பொருட்களை உற்பத்தி செய்வதற்கும், விற்பனை செய்வதற்கும் தடை விதிக்கப் படுவதாக முதல்வர் உம்மன்சாண்டி தெரிவித்துள்ளார்.

புகையிலைப் பொருட்களால் வாய் புற்றுநோய் வருவது அதிகரித்துள்ளதால் புகையிலைப் பொருட்களுக்குத் தடை விதிக்கப் பட்டுள்ளதாகத் தெரிவிக்கப் பட்டுள்ளது. இந்த சட்டம் 22 ம் தேதி அறிவிக்கை வெளியிடப் பட்டு உடனடியாக அமலுக்கு வருவதாகும் தெரிவிக்கப் பட்டுள்ளது.

இது குறித்து செய்தியாளர்களிடம் பேசிய உம்மன் சாண்டி '' கடந்த மாதம் புகையிலைப் பொருட்களை இந்தியா முழுவதும் தடை செய்யக் கோரி பிரதமருக்குக் கடிதம் எழுதியதாகவும், உணவு பாதுகாப்பு சட்டத்தின் படி பான் மற்றும் மசாலாப் பொருட்களுக்கு மாநிலங்களே தடை விதித்துக் கொள்ளலாம் என்று மத்திய அரசு பதில் அளித்ததாகவும் தெரிவித்தார்.

விஜய் அதிரடி சதம், சென்னை இமாலய வெற்றி

editor@inneram.com (இனியவன்) — Fri, 25 May 2012 18:09:06 +0000

சென்னை : சென்னையில் இன்று நடைபெற்ற ஐ.பி.எல் இறுதி போட்டிக்கு தகுதி பெற வேண்டிய ஆட்டத்தில் விஜய்யின் அதிரடி சதத்தால் 86 ரன்கள் வித்தியாசத்தில் தில்லியை வென்று சென்னை அணி மகத்தான வெற்றி பெற்றது. இதன் மூலம் வரும் ஞாயிறன்று நடைபெற உள்ள இறுதி போட்டியில் கொல்கத்தாவை எதிர்த்து சென்னை மோத உள்ளது.