iPhone Albania - Blog shqiptar mbi Apple iPhone

Skype: i disponueshëm falas për iOS dhe Mac funksionin për regjistrimin e Video Mesazheve

2013-06-18T20:49:00.000+02:00

Skype sjell falas edhe në iOS dhe Mac, funksionin që bën të mundur regjistrimin dhe dërgimin video-mesazheve. Ky funksion ka qenë deri më tani në një fazë testi dhe parashikohej që të ishte me pagesë, por tani që është lëshuar për të gjithë me sa duket do të jetë falas për të gjithë përdoruesit.

Video-mesazhet janë të disponueshëm në të gjitha platformat më të rëndësishme si Mac, iPhone, iPad, Android, BlackBerry dhe Windows, ndërsa për Windows Phone duhet të prisni akoma. Në thelb ky shërbim na lejon të regjistrojmë video të shkurtra nga jeta jonë e përditshme, për t'i ndarë ato me miqtë dhe të afërmit tanë, kur këto të fundit nuk janë online në Skype.

Për të parë një shembull se si funksionon ky shërbim, ju ftojmë të shikoni videon: në rradhë të parë duhet të shtypni butonin "video message" dhe më pas atë të regjistrimit. Çdo mesazh mund të zgjasë maksimumi 3 minuta, dhe nëse jeni të kënaqur me rezultatin, mund t'ia dërgoni atë njërit nga kontaktet tuaja. /iPhoneAlbania

Shfaqet në një foto gamepad i parë për iPhone 5 i realizuar nga Logitech për iOS 7

2013-06-18T17:58:00.000+02:00

Të kesh një gamepad për të luajtur lojëra të ndryshme në iPhone, është dëshira e shumë të apasionuarve . Gjërat me sa duket po ndryshojnë, dhe pas njoftimit se iOS 7 do të suportojë një të tillë, me sa duket edhe Logitech po punon për një zgjidhje të këtij lloji, këtë e konfirmon edhe fotoja e mësipërme që ka qarkulluar në rrjet gjatë këtyre orëve.

Bëhet fjalë për një aksesor me një kryq për drejtimet në njërin krah të iPhone dhe pesë butona në krahun tjetër. Në qendër ka një boshllek për të vendosur një iPhone 5, ndërsa djathtas shfaqet konektori Lighting. Mund të shohim edhe logon "G", që me shumë mundësi karakterizon linjën e re të aksesorëve Logitech. /iPhoneAlbania

Aplikacione në ofertë - 18 Qershor 2013

2013-06-18T08:45:00.000+02:00

Ja ku jemi në takimin tonë të përditshëm me rubrikën "Aplikacione në ofertë" ku do ofrojmë aplikacionet dhe lojërat më interesante në ofertë nga App Store, të përzgjedhura për ju nga iPhoneAlbania. Aplikacione të ndryshme falas apo me çmim më të ulët se ai i zakonshmi në App Store për një periudhë të limituar kohe. Ja dhe lista e disa prej aplikacioneve më interesante në ofertë për ditën e sotme:

- Pulse O Matic, nga 0.89€, falas. /iPhone

Ky program na jep një grafik të rrahjeve të zemrës duke shfrytëzuar dritën që kalon nëpërmjet gishtave. Kur drita kalon nëpërmjet gishtit ajo humbet intensitetin dhe kur kalon më shumë gjak ajo e humbet akoma më shumë. Pra ky program mat sasinë e dritës që del nga gishti dhe çdo rrahje zemre shton dhe pakëson gjakun për çdo rrahje. Sa herë që sasia e gjakut pakësohet ose rritet, e njëjta gjë ndodh edhe me sasinë e dritës kur deporton gishtin.

- Mech Guardian, nga 1,79€, falas /iPhone, iPad
Mech Guardian është një lojë që trajton një argument mjaft delikat. Pas qindra vitesh që njeriu ka braktisur tokën, të gjitha mbeturinat janë transformuar në përbindësha, duke e ndotur akoma më shumë tokën, por një ka ende një roje që duhet ta mbrojë atë. Loja është shumë e thjeshtë, sa më shumë përbindësha të kapni aq më shumë pikë do të mblidhni.

- Commando Jack, nga 0.89€, falas. /iPhone, iPad
Në këtë lojë ju duhet të ndihmoni personazhin e lojë, Jack të shpëtojë botën nga sulmet aliene. Për të bërë këtë gjë do të keni në dispozicion disa lloje të ndryshme armësh.Kur të keni nevojë për armë të fuqishme atëherë do të mund ti keni ato duke lujtur shpesh këtë lojë. Ja vlen ta keni në iPhone-in ose iPad-in tuaj.

- AXL: Full Boost, nga 0.89€, falas. /iPhone
AXL është një lojë mjaft e bukur ku ju duhet të drejtoni makinat e së ardhmes në pista fantastike dhe të garoni për çmime të ndryshme. Loja ka një veshje grafike mjaft të bukur dhe që ju bën për vete. Ja vlen ta keni në iDevice-in tuaj.

- Atomic Ball, nga 1,79€, Falas /iPhone, iPad
Atomic Ball, një nga lojërat arcade më të suksesshme të historisë është sot në ofertë falas. Me një grafikë HD, e bazuar tek fizika ku qëllimi ynë do të jetë të thyejmë tullat dhe objektet e tjerë me topat që kemi në dispozicion.

Ju kujtojmë që për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e rregjistrimit në këtë artikull ose të shikoni video guidën tonë nga ky link.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme.

iOS 7 vs iOS 6: Ja çfarë ka ndryshuar!

2013-06-17T20:46:00.000+02:00

iOS 7 ka sjellur një ndryshim radikal në disa aspekte. Një ndryshim që shumë pak e prisnin. Një pamje të re që do ta bëjë iPhone të duket më i gjallë. Por çfarë ka ndryshuar në iOS 7? Në këtë artikull do të bëjmë një krahasim të iPhone "përpara dhe pas", duke vënë përballë njëra tjetrës disa imazhe të realizuara në iOS 6 majtas dhe djathtas ato të iOS 7.

Lockscreen
Lockscreen është edhe gjëja e parë që na bie në sy tek një pajisje me iOS 7, dha ka ndryshuar krejtësisht nga versioni i mëparshëm. Sfondi zë të gjithë ekranin dhe nuk ka më asnjë element grafik në ekran. Gjithashtu, mund të aktivizoni edhe Qendrën e Njoftimeve dhe Control Center direkt nga lockscreen.

Home
Ikonat e aplikacioneve kanë ndryshuar komplet dhe tani ka një dizajn më të gëzuar le të themi. Ka ndryshuar ikona e sinjalit të valëve lart dhe ajo e baterisë. Ndryshe nga iOS 6, iOS 7 ofron edhe sfonde të animuar dhe Home merr një efekt 3D. Janë shuar edhe disa efekte të tjera që nuk ishin të pranishëm në të kaluarën.

Folder
Edhe dosjet (folder) janë krijuar nga fillimi, tani nuk do të kemi më asnjë limit dhe mund të vendosim sa aplikacione të dëshirojmë. Edhe grafika e tyre ka ndryshuar krejtësisht.

Multitasking
Multitasking në iOS 7 është diçka tjetër, si dita me natën në krahasim me iOS 6. Grafika e re është studiuar mirë nga Apple. Tani aplikacione në background mund të shfletohen në horizontal pa asnjë limit, dhe mund të mbyllen thjeshtë me një rrëshkitje të gishtit.

Qendra e Njoftimeve
Në iOS 7 është ndarë në tre seksione (Sot, Të gjitha dhe Të humbura) dhe tani kemi edhe një pamje të re për orën, bursën, kalendarin dhe motin që ngjajnë më shumë si një widget.

Siri
Edhe pamje e asistentit vokal Siri ka ndryshuar në iOS 7 dhe janë shtuar edhe shumë funksione të tjera.

Aplikacionet
Aplikacionet kryesore të sistemit janë ridizenjuar krejtësisht në iOS 7 dhe tani janë më elegante. Le t'i shohim sëbashku se si kanë ndryshuar ato në krahasim me iOS 6.

Mesazhet

Kalendari

Imazhet

Fotokamera

Mail

Safari

Ora

Busulla

Moti

Makina llogaritëse

Bursa

Siç mund ta shikoni dhe vetë, ndryshimet grafike në iOS 7 janë të mëdha dhe prekin çdo aspekt të sistemit operativ. Ju pëlqen grafika e iOS 7? /iPhoneAlbania

iOS 7 sjell më në fund një menaxhim më të mirë të konsumit të internetit në iPhone

2013-06-17T15:09:00.001+02:00

Ndër të rejat e shumta të iOS 7 është edhe një për të cilën nuk ju kemi folur akoma, por që sipas mendimit tonë është diçka shumë interesenta dhe e nevojshme. Bëhet fjalë për menaxhimin e konsumit të të dhënava të telefonit. Më në fund në iOS 7 mund të kontollojmë megabytet që konsumojmë direkt nga Settings, duke mbajtur gjithmonë nën kontroll lidhjen tonë të internetit.

Për të shfrytëzuar këtë funksion, mjafton të shkoni tek Settings më pas Celular, dhe duke zbritur poshtë do të keni mundësi të shikoni aplikacionet e ndryshme që kanë konsensus për të përdorur internetin. Mund të vendosni që bllokoni ndonjë program të caktuar që të mos lidhet me internetin, kjo vetëm nëse jeni të lidhur me internetin e telefonit.

Një tjetër funksion ju tregon edhe se sa MB konsumoni. Për shembull mund të kontrolloni sa MB harxhoni duke qëndruar në Facebook apo duke shkruar në WhatsApp. Një aplikacion me të vërtetë i nevojshëm. /iPhoneAlbania

Aplikacione në ofertë - 17 Qershor 2013

2013-06-17T08:45:00.000+02:00

- Net Master: IT Tools & Lan Scanner, nga 5.49€, falas. /iPhone
Net Master është një program i cili i dedikohet personave që punojnë si IT dhe sjell për ato disa funksione mjaft profesionale për punën e tyre. Këto funksione sillen në mënyrë mjaft të thjeshtë nëpërmjet këtij programi i cili do t'ju lehtësojë disi punën tuaj. Ja vlen ta keni në iPhone.

- Posing App, nga 2.69€, falas. /iPhone, iPad
Posing App është një program i cili i dedikohet të gjithë juve që jeni të apasionuar mbas modës dhe që doni të keni ide në lidhje me pozimin e modeleve përpara objektivit. Në program ruhen disa ilustrime me ide të ndryshme se si një model/e mund të pozojë.

- Touch LCD: Designer Speaking Clock, nga 1.59€, falas. /iPhone, iPad
Ky program instalon një temë inovative për treguesin e orës si dhe ofron dhe shumë opsione të tjera në lidhje me zgjimin, si dhe lajmërimin me vokal. Programi do të na tregoj se sa është ora me vokal e po ashtu edhe për zgjimin në mëngjes. Në qoftë se duam mund ta programojmë në mënyrë të tillë që për çdo alarm programi të riprodhojë edhe muzikën tonë të preferuar.

- SimplePhysics, nga 0.89€, falas. /iPhone, iPad
SimplePhysics është një lojë në të cilën ju duhet të ndërtoni objekte duke rrespektuar të gjitha ligjet e fizikës dhe për më tepër, për të qënë inxhinieri i parë në Game Center duhet ti ndërtoni objektet me koston më të ulët. Mund të lidheni online me të gjithë botën për të parë ndërtimet e miqve tuaj kudo qofshin.

- Call Of Mini: Brawlers, nga 0.89€, falas. /iPhone
Në këtë lojë ju duhet të ndihmoni personazhin e lojë të shpëtojë vëndin e tij nga sulmet e armiqve. Ambjenti grafik është mjaft i këndshëm dhe i ndërtuar në një kohë kur njerëzimi po bën luftra biokimike. Banorët e qytetit të tij preken nga një virus që i shpërthen trurin dhe i shëndërron në njerëz gjysëm të vdekur. Ja vlen ta provoni në kohën tuaj të lirë këtë lojë.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme.

Top 10 lajmet e javës në iPhoneAlbania

2013-06-16T22:30:00.000+02:00

Një javë e re po vjen, por kjo nuk do të thotë që ju duhet të humbisni ato çfarë kanë ndodhur javën e kaluar. Nëse mendoni se keni humbur ndonjë lajm të rëndësishëm gjatë kësaj jave, mos u mërzisni, ne kemi mendur të krijojmë një post me top 10 lajmet më popullore nga iPhoneAlbania të javës së kaluar që ju të keni mundësinë ti shikoni. Shfrytëzojmë rastin t'ju ftojmë edhe njëherë tjetër të bëheni miq me ne në Facebook e Google+, dhe të na ndiqni në Twitter...

Kjo ësihtë një përmbledhje e lajmeve më popullore të kësaj jave:

Keto ishin edhe lajmet më interesante të publikuara gjatë kësaj jave në faqen tonë që kemi përzgjedhur për rubrikën tonë "Top 10 lajmet e javës". /iPhoneAlbania

Ja çfarë thonë ekspertët në lidhje me dizajnin e ri të iOS 7: Kush kritikon nuk kupton!

2013-06-16T20:40:00.000+02:00

Apple ka prezantuar sistemin e re iOS 7 pak ditë më parë gjatë WWDC 2013. Si pasojë e dizajnit të ri, krejtësisht të rinovuar, ka pasur edhe shumë kritika për sa i përket punës së bërë nga Apple. Por nuk e mendojnë të gjithë kështu. Cap Watkins, një dizajnër i njohur, argumenton se të gjithë ato që kritikojnë e bëjnë thjeshtë sepse nuk kanë kuptuar atë që ka prezantuar Apple të hënën e kaluar.

“Apple ka shtypur buronin reset për të gjithë pjesën estetike të iOS”, shkruan ai në blogun e tij personal. “Funksionet janë pak a shumë ato, por Apple i ka marrë të gjitha perfenksionimet, evolucionet e sistemit operative dhe i ka lënë menjanë, për të nisur gjithçka nga zero. Për të nisur edhe një herë një evolucion nga fillimi. Por askush nuk e ka vënë në dukje këtë aspekt.”

Përdoruesit iOS këkuan një revolucion, dhe kur ai erdhi - dhe në stil të madh - prisni që të ishte i përfunduar dhe me të gjitha detajet që e kanë bërë iOS ashtu siç e njohim ne sot, një sistem të qëndrueshëm. “Do ta përmirësojnë. Do të jetë perfekt.”, shkruan Watkins.“Do të kalojnë gjashtë vitet e ardhshme për të përfunduar këtë grafikë deri sa ne të ankohemi përsëri.”

Watkins specifikon se iOS 7 është aktualisht një pikënisje e mirë për rrugën e re të Apple nga pikëpamja e stilit dhe do të evolohet akoma përpara se të prezantohet për publikun. Personalisht endoj se iOS 7 është një sistem fantastik. Mundem vetëm të imagjinoj kur të gjitha aplikacionet do të mbështeten tek grafika e re, si do të jetë rezultati, një pamje shumë më e bukur se versioni i vjetër iOS. Është mirë të presim versionin final, përpara se të gjykojmë. /iPhoneAlbania

Së shpejti në Cydia do të prezantohet një program i cili grupon ikonat sipas funksionit të tyre në iOS

2013-06-16T18:30:00.000+02:00

Në këtë javë të mbushur me lajme lidhur me prezantimin e iOS 7, ku ne ju kemi percjellur pothuajese të gjitha funksionet e reja të këtij sistemi operativ për iDevice-et e kompanisë Apple. Edhe pse duket sikur interesi për programe që vijnë nga Cydia nuk ka patur fokusin e duhur këtë javë, ne do të sjellim në këtë artikull një lajm në lidhje me një program i cili do të prezantohet në Cydia dhe që pritet të sjellë një ide të re në menaxhimin e ikonave të iOS.

Caughtinflux bashkë me Sentry janë 2 zhvillues që publikojnë shpesh programe në Cydia, dhe kanë premtuar se së shpejti në Cydia do të sjellin një program mjaft interesant i cili akoma nuk ka një emër por që bazohet tek një koncept i hedhur nga Sentry, dhe që e ka quajtur konceptin e tij "fan out app grouping", grupim i programeve sipas një kushti në qoftë se do ta quajmë kështu.

Sipas Sentry, nuk do të ekzistojë koncepti i folderit, dhe ju do të jeni në gjëndje të fshihni 4 ikona mbas një ikone në Home Screen dhe në qoftë se bëjmë një rrëshkitje të lehtë të gishtit mbi ikonën që mban të fshehur 4 ikonat e tjera, këto të fundit do të shfaqen dhe të jenë të gatshme për tu ekzekutuar. Gjithsesi këtë koncept mund ta shikoni edhe në fotografinë në krye të artikullit. Ne ju ftojmë të na ndiqni më tej në lidhje me këtë temë sepse sapo të prezantohet ky program do të sjellim për ju një artikull më të detajuar dhe më të qartë. /iPhoneAlbania

iOS 7 sjell edhe telefonatat VOIP me anë të FaceTime Audio

2013-06-16T14:30:00.000+02:00

Me iOS 7, përveç video-thirrjeve klasike të FaceTime, do të integrohet edhe një funksion i ri që me shumë mundësi do të ndryshojë botën e telefonatave VOIP, të paktën në iOS. Në fakt, përveç video-thirrjeve klasike, tani mund të bëjmë edhe një telefonatë normale, nëpërmjetlidhjes së internetit. Tani edhe Apple i ka kushtuar një vëmëndje të veçantë këtij funksioni.

Natyrisht mund të përdorim FaceTime Audio, vetëm nëpërmjet pajisjeve që kanë të instaluar iOS 7 dhe për momentin funksionon vetëm nëpërmjet lidhjes Wi-Fi dhe jo me atë 3G. Opsioni FaceTime Audio, ndodhet praktikisht gjithkund në iOS 7, në aplikacionet Phone, Message dhe natyrisht dhe në aplikacionin e ri të dedikuar FaceTime.

Një shërbim i ri mjaft interesant, që sipas mendimit tim do të ketë shumë sukses. Po ju çfarë mendoni? Mendoni se do ta përdorni këtë funksion të ri pasi të keni instaluar iOS 7? /iPhoneAlbania

Aplikacione në ofertë - 16 Qershor 2013

2013-06-16T08:54:00.001+02:00

- Tapatalk Forum App, nga 0.89€, falas. /iPhone, iPad
Tapatalk Forum App është një program i cili do të na lejojë të kemi akses në mijëra forume nëpërmjet iPhone ose iPad. Do të keni mundësi të ruani mesazhe, të shkarkoni dhe hidhni foto dhe mbi të gjitha të komunikoni me të forumet e të gjithë botës duke bërë pyetje ose ndihmuar njërëz kudo në botë. Ja vlen ta keni në iPhone ose iPad-in tuaj.

- My Measures & Dimension, nga 2.69€, falas. /iPhone
Ky program është perfekt për të matur dimensionet e objekteve dhe rregjistrimin e tyre në një file. Mund të masni çdo gjë që ka një dimension. Programi do të vendosë vetë konturet dhe ju do të mjaftojë të ruani ato dimensione. Më pas mund të ndani ato në email ose me ndonjë mik tuajin në rrjetet sociale.

- Amazing Breaker, nga 0.89€, falas. /iPhone
Amazing Breaker është një lojë "Puzzle" ku detyra juaj është të thyeni akullin i cili mbulon objekte të ndryshme. Kini kujdes sepse nuk do të jetë një detyre e thjeshtë dhe nuk duhet lënë pa përmëndur që në këtë lojë rrespektohen të gjitha ligjet e fizikës.

- Final Freeway, nga 0.89€, falas. /iPhone, iPad
Final Freeway është një lojë e cila kujton lojërat e viteve 90' dhe ju duhet të garoni për të fituar vëndin e parë në çdo garë që të kaloni nga një nivel në tjetrin. Grafika e lojës është mjaft e bukur dhe është stimul për të luajtur akoma më shumë.

- SmartScan Express, nga 1.79€, falas. /iPhone
SmartScan është një program mjaft i dobishëm i cili na lejon të skanojmë në mënyrë të shpejtë çdo lloj dokumenti që kemi në dorë. Hapni programin, klikoni tek menu-ja "Scan" dhe nga aty mund të rregulloni kontrastin, dritën dhe më pas të krjoni dokumentin dixhital. Në qoftë se dëshironi mund ta përpunoni me funksionet që programi ofron dhe në fund ta nisni tek email-i juaj ose i ndonjë mikut tuaj, ose ta ruani në iPhone.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme.

iOS 7: Apple zbulon ikona të reja në faqen e saj!

2013-06-15T21:30:00.000+02:00

iOS 7 përfshin disa ikona të reja, aplikacionet kryesore janë ridizenjuar duke u nisur nga ikonat bazë. Naryrisht ky mund të mos jetë versioni final, Apple mund të vendosë të ndryshojë akoma pamjen e ikonave në iOS 7. Me sa duket Apple ka bërë një gafë duke publikuar në faqen e saj ikonat e reja. Mund të shikojmë aplikacionet Passbook, Moti dhe të tjera që janë modifikuar.

Aplikacioni i Motit shfaq gradëd celsius, që sugjeron se iOS mund të tregojë temperaturën live. Nuk do të ishte edhe aq e habitshme duke qenë se edhe aplikacioni i Orës tregon orën e saktë. Ndërsa tek aplikacionet e tjera janë bërë vetëm disa ndryshime për sa i përket ngjyrave, siç mund ta shikoni edhe vetë nga fotoja.

Është e mundur që në versionin e ardhshëm beta të ketë akoma ndryshime. Javën e ardhshme do të vijë zyrtarisht edhe versioni beta i iOS 7 për iPad, siç njofton dhe vetë Apple. /iPhoneAlbania

iPhone 6, ja si mund të jetë!

2013-06-15T20:00:00.000+02:00

ADR është një studio grafike e cila ka menduar të publikojë konceptin e saj në lidhje me produktin e ardhshëm të kompanisë Apple, produkti i cili sipas ADR do të quhet iPhone 6. Ekrani do të ndërtohet me teknologjinë Retina 2 dhe do të ketë dimensione rreth 4.3 Inch.

Gjithashtu kasa mbrojtëse do të jetë një trupëshe dhe e ndërtuar me material alumini. Tjetër koncept i veçantë janë dhe borderat e rrumbullakosura të kasave si dhe ekrani nuk do të ketë borde anësore, por vetëm border në gjatësi. Fotokamera do të ketë një kualitet prej 18 Mpx dhe supozohet që do integrojë një skedë llogjike me një proçesor Quad Core.

Tjetër fakt interesant tek ky koncept është inekzistenca e butonin Home, funksionet e të cilët do të realizohen nëpërmjet prekjen në ekran. Gjithsesi ky përshkrim është vetëm një koncept dhe do të na duhet të presim vjeshtën e këtij viti për të konfirmuar këtë lajm. Ne ju ftojmë të na ndiqni më tej në lidhje me këtë temë. /iPhoneAlbania

Aplikacioni falas i javës: Toca Hair Salon 2

2013-06-15T17:07:00.001+02:00

Ja ku jemi me rubrikën tonë javore “Aplikacioni falas i javës”, takimi i shumëpritur me ofertën falas të javës të zgjedhur nga stafi i Apple. Çdo javë një aplikacion ose lojë e famshme mund të shkarkohet falas për një periudhë të limituar kohe. Kësaj here Apple ka zgjedhur Toca Hair Salon 2, një lojë argëtuese për iPhone ku do të kemi mundësinë të menaxhojmë një parukier dhe të krijojmë prerje të personalizuara.

Në këtë lojë shumë simpatike mund të punoni në parukerinë tuaj, ku mund të zgjidhni midis katër personazheve. Prerje flokësh, lyerje dhe piastrim sipas dëshirës, duke përdorur disa mjete: nga krëhëri i thjeshtë me gërshërët profesionale e deri tek piastrat për të drejtuar ose për t'i bërë flokët kaçurrela. Një lojë mjaft argëtuese për më të vegjlit.

Si çdo app i përzgjedhur nga Apple si "Aplikacioni falas i javës", edhe Toca Hair Salon 2 do të jetë falas për një periudhë të limituar, kështu që ju këshillojmë ta shkarkoni sa më shpejt nëse jeni të interesuar. Është kompatibël me iPhone 3GS, iPhone 4, iPhone 4S, iPhone 5, iPod Touch (gjenerata 3-të), iPod touch (gjenerata 4-të), iPod touch (gjenerata 5-të) dhe iPad. Kërkon iOS 5.0.3 ose një version më të ri. /iPhoneAlbania

Ja si të shikoni një preview të iOS 7 në iPhone pa instaluar versionin beta

2013-06-15T14:28:00.000+02:00

Apple ka lëshuar iOS 7, dhe natyrisht çdo përdorues dëshiron ta provojë menjëherë sistemin e ri operativ të Apple. Nëse dëshironi të shikoni një preview të iOS 7 pa instaluar versionin veta, atëherë ne kemi një zgjidhje për ju. Mund të shikoni disa video fullscreen direkt nga iPhone. Videot janë të përshtatura me ekranin e iPhone 5, por mund t'i shikoni edhe nga pajisjet e tjera megjithëse nuk përshtatet mirë me ekranin. Për iPhone 4 dhe 4S, mund të shikoni edhe disa screenshot, që ju ofrojnë një pamje më të mirë të iOS 7.

Lexojeni këtë artikull nga iPhone dhe klikoni sipër njërit nga lidhjet e mëposhtme për të parë videon.

Këto video ofrohen nga Apple dhe duke klikuar në çdo link do të hapet një video në një dritare të re ku mund të shikoni funksionet kryesore të iOS 7. Më poshtë keni edhe disa screenshot me cilësi të lartë që mund t'i shkarkoni në pajisjen tuaj për t'i parë më pas në full screen.

iOS 7 për ekranet 3,5 ” të iPhone 4 dhe iPhone 4S:

Control Center:

Mesazhet:

Njoftimet:

Tabs Safari:

Siri:

Settings:

Pjesa më e madhe e këtyre fotove ofrohet nga Apple, por ne i kemi huazuar nga faqja Beiphone për të mos përdorur fotot tona, pasi ishin në cilësi më të dobët. /iPhoneAlbania

Aplikacione në ofertë - 15 Qershor 2013

2013-06-15T08:41:00.000+02:00

- Bladeslinger Episode 1, nga 2.69€, falas. /iPhone, iPad
Në episodin e parë të kësaj loje do të ndihmoni personazhin e lojës i cili do të rikthehet në qytetin e tij për ta çliruar ate nga krijesa të frikshme që duan të transformojnë çdo banor në njeri gjysëm të vdekur. Loja është ambjentuar në periudhën e Far West në Amerikë dhe sigurisht është mjaft e bukur dhe reale. Ja vlen ta provoni këtë lojë.

- Astron Bang, nga 0,89€, Falas /iPhone, iPad

Astro Bang është një lojë e karakterizuar nga një grafikë tredimensionale dhe e ambientuar në hapësirë. Një space shooter ku duhet të drejtojmë anijen tonë kozmike rreth disa planeteve, duke shkatërruar asteroide dhe armiqtë tonë me anë të armëve që kemi në dispozicion.

- Jet Dudes, nga 0.89€, falas. /iPhone, iPad
Jet Dudes është një lojë në të cilën ju duhet të komandoni personazhin e lojës i cili fluturon me ndihmën e disa pajisjeve fluturuese. Pra është një lojë pa fund dhe qëllimi juaj do të jetë të evitoni ose të vrisni armikun dhe të përshkruani sa më shumë metra për të qënë të parët në Game Center.

- Flower Board, nga 0.89€, falas. /iPhone, iPad
Flower Boardh është një lojë mjaft tërheqëse ku ju duhet të bashkoni bashkë 6 sfera të të njëjtës ngjyrë që ti zhdukni nga tavolina. Kini kujdes sepse duhet të boshatisni sa më shpjet tavolinën përpara se ajo të mbushet plot. Ja vlen ta provoni këtë lojë.

- ContactFlow, nga 1.79€, Falas. /iPhone, iPad

Ky aplikacion na lejon të ndryshojmë stilin grafik të shikimit të kontakteve telefonike, email etj. Një herë që programi instalohet do të shikojmë që mënyra e tregimit të kontakteve në ekran ndryshon totalisht, duke na kujtuar efektin grafik Flow që gjejmë tek Mac OS X. Programi do të karikojë vetë, foto për çdo kontakt edhe nga Facebook në qoftë se dëshironi. Për më tepër ai zgjedh vetë të gjitha fotot që janë me fytyrë personash.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme.

Me iOS 7 vjen edhe përditësimi automatik i aplikacioneve në App Store

2013-06-14T22:00:00.000+02:00

Shpesh na qëllon që të shohim një shenjë të kuqe në aplikacionin e App Store me një numër të madh përditësimesh që duhet të bëjmë. Me sa duket, në iOS 7 nuk do të jetë më kështu. Apple ka njoftuar se përditësimet tani do të jenë krejtësisht automatike. Por a do të jetë diçka pozitive për të gjithë?

Duke parë internetin e ngadaltë dhe me shumë pak gigabyte që ofojnë kompanitë shqiptare, përditësimi automatik i aplikacioneve nuk na duket edhe aq komod. Megjithatë duhet ende të kuptojmë mirë këtë funksion, nëse do të ketë edhe ndonjë funksion për ta ç'aktivizuar atë, ose për të bërë të mundur që të punojë vetëm me Wi-Fi. Gjatë ditëve të ardhshme mundt të kemi më tepër informacion. /iPhoneAlbania

Si të instaloni temën e iOS 7 në të gjitha pajisjet me iOS 6 ose një version më të vjetër [Cydia]

2013-06-14T20:26:00.000+02:00

Ikonat e iOS 7 kanë qenë objekt diskutimi gjatë gjithë këtyre ditëve. Në këtë artikull do ju shpjegojmë si të instaloni temën e re të iOS 7 në të gjitha pajisjet jailbroken, falë një teme interesante. Për të pasur ikonat e reja të iOS 7 edhe në iOS 6 ose një version më të vjetër, mjafton të shkarkoni temën “iOS 7 Theme” nga Cydia dhe ta aktivizoni duke përdorur programin WinterBoard.

Kjo temë do të ndryshojë të gjitha ikonat, duke e lënë ashtu siç është grafikën e aplikacioneve të sistemit. Për të modifikuar pamjen e Lockscreen që të duket si në iOS 7, duhet të shkarkoni, gjithmonë nga Cydia temën “iOS 7 Lockscreen Theme”, edhe kjo do të jetë falas. Kjo temë do të eliminojë elementët e zinj në lockscreen për të pasur një efekt grafik mjaft të pëlqyeshëm, të ngjashëm me atë të iOS 7.

Për të pasur një efekt më të mirë ju këshillojmë të shkarkoni edhe “Roboto Light” nga Cydia, që do të aktivizohet nëpërmjet BytaFont, program që instalohet automatikisht, dhe nëse dëshironi shkarkoni edhe programin “3DBoard” (2.99$) që ju lejon të keni një efekt tridimensional të ikonave, si në iOS 7. /iPhoneAlbania

Mac Pro vjen me një dizajn të ri, dhe jo vetëm!

2013-06-14T18:00:00.000+02:00

Siç mund të na keni ndjekur këto ditë, në kongresin WWDC 2013 Apple prezantoi strategjitë dhe produktet e ardhshme të kësaj kompanie. Ndër më të priturit ishte sistemi operativ iOS dhe ai i dedikur Pc-ve Mac dhe një ndër produktet e serisë Mac të Pc-ve, Mac Pro. Me produktet e prezantuar duket se të apasionuarit e produkteve Apple kanë mbetur të kënaqur nga të rejat që soli ky kongres.

Mac Pro është një nga ato produkte që ka pësuar një ndryshim total nga pikëpamja e paraqitjes fizike të këtij produkti. Besoj të gjithë e keni parasysh stilin e vjetër tashmë të këtij produkti cili ishte një kasë alumini dhe pjesët hardware fshiheshin brënda. Në versionin e ri Apple ka ndryshuar totalisht paraqitjen fizike ku duket qartë edhe nga fotografitë. Por le të shikojmë me rradhë funksionet me të cilat Apple "mburret".

- Dizajni
Përsa i përket paraqitjes fizike të produktit në fjalë ndryshimet janë totale. Deri tek versioni i parafundit, Mac Pro paraqitet si një PC klasik vertikal por i veshur në alumin dhe sigurisht me një dizajn mjaft të bukur. Versioni i prezantuar në WWDC 2013 ka një formë cilindrike dhe siç është shprehur Tim Cook ai është i lartë rreth 9.9 inch dhe 6.6 inch i gjërë. Pra një objekt që mund të mbahet pa problem edhe mbi tavolinën tuaj. Tjetër fakt interesant është se ky produkt nuk ka një lexues DVD apo Blu-Ray kështu që ju duhet të gjeni një lexues të jashtëm.

- Sistemi i ftohjes
Sistemi i ftohjes është një funksion jetësor për një Pc profesional dhe nga kjo anë inxhinierët e Apple e kanë rinovuar totalisht mënyrën e uljes së temperaturës së brëndshme të Mac Pro. Në fakt produkti ka vetëm një ftohës të madh dhe disa piastra anësore të cilat do të shërbejnë për ftohjen dhe eliminimin e zhurmës së ftohësit të madh i cili është gjithmonë në punë.

- Proçesori dhe memoria
Tek ky produkt Apple ka vendosur të montojë gjithmonë proçesorin e kompanisë Intel por versionin Xeon E5 Family të proçesorëve të kësaj kompanie, i cili arrin deri në 12 njësi ALU të pavarura, pra 12 CORE si dhe kryen instruksione me 256 bit për numra me presje ose floating point. Kjo përllogaritje instruksionesh na lejon që të montojmë mbi 60 Gb Ram me teknologji DDR 3 dhe shpejtësi 1866Mhz për modul.

- Hard Disk
Përsa i përket memories fikse ky produkt do të montojë Hard Disk me teknologjinë SATA SSD që është rreth 2.5 herë më e shpejtë se teknologjia klasike me disqe. Gjithsesi mund ta blini me të dyja versionet në fjalë.

- Grafika
Përsa i përket përpunimit të grafikës Mac Pro do të montojë teknologjinë e re të kompanisë AMD, Fire Pro e cila bazohet në teknologjinë e chip-eve me silikon, ku chip-i do të ketë rreth 4906 proçesorë streaming, 384 bit për transferimin e të dhënave në BUS te skedës grafike si dhe një sasi transferimi prej 540GBps të të dhënave në bus-in e skedës grafike.

- Çmimi dhe data e publikimit
Deri tani Apple nuk ka bër akoma të ditur zyrtarish çmimin e këtij prodkti dhe datën se kur ky produkt do të jetë në treg për të gjithë.

Sigurisht që duke e krahasuar këtë produkt me versioni e paraardhshëm, do të gjemë shumë ndryshime që sigurisht nuk janë të pakta. Ne ju ftojmë të na ndiqni më tej në lidhje me këtë temë. /iPhoneAlbania

Ka nisur puna për Jailbreak të iOS 7!

2013-06-14T14:59:00.000+02:00

Po prisnin vetëm prezantimin e iOS 7 dhe tani që është realiatet, hakerat më të njohur kanë nisur punën për jailbreak të sistemit të ri operativ Apple. P0sixninja, nëpërmjet një mesazhi në Twitter, ka bërë të ditur se ka nisur punën për Jailbreak të iOS 7. Ai ka gjetur exploit-ët e parë të sistemit të ri. Pra, vijnë edhe lajmet e para të mira për sa i përket Jailbreak.

Për momentin nuk kemi shumë informacion, ky exploit i parë duhet të bëjë të mundur Jailbreak të tipit Tethered. Jemi vetëm në fillim, situata do të ndryshojë gjatë javëve të ardhshme. Edhe një herë tjetër, hakerat duhet të përballen me sistemin e ri të Apple. Nuk kemi një datë të mundshme, por sigurisht duhet të presim lëshimin final të iOS 7. /iPhoneAlbania

Aplikacione në ofertë - 14 Qershor 2013

2013-06-14T08:45:00.000+02:00

- Rush Galaxy, nga 1.79€, falas. /iPhone, iPad
Rush Galaxy është një lojë e thjeshtë po me një grafikë mjaft të bukur. Ju duhet të udhëtoni nga një planet në tjetrin duke shmangur pengesat që do të gjeni gjatë rrugës. Kini kujdes sepse mund të bëheni pjesë e një "sulmi" meteorësh. Ja vlen ta provoni këtë lojë.

- Calculator Infinite, nga 2.69€, falas. /iPhone, iPad
Calculator Infinite është një program i cili na jep mundësinë të kemi në iPhone ose iPad një makinë llogaritësë mjaft profesionale dhe me shumë funksione si përshëmbull llogaritje e funksioneve komplekse.. Programi është ndërtuar me një veshje grafike mjaft të bukur dhe sigurisht është një plus në programet që keni në iDevice-in tuaj.

- Crazy Bikers 2, nga 0.89€, falas. /iPhone, iPad
Crazy Bikers është një lojë mjaft e bukur ku ju duhet të garoni në vënde të ndryshme të botës me biçikleta. Gjatë lojës duhe të kini kujdes nga pengesat dhe nga sulmet e kundërshtarëve se do të provojnë tju eliminojnë gjatë garës. Ja vlen ta provoni këtë lojë.

- Optical Illusions, nga 0.89€, falas. /iPhone
Optical Illusions është një lojë me quiz ku ju mund të testoni illusionin tuaj optik duke luajtur në testet që lojë ju vë në dispozicion. Ja vle ta provoni në kohën tuaj të lirë këtë lojë të thjeshtë por mjaft tërheqëse.

- Beyond Ynth, nga 1.79€, falas. /iPhone
Beyond Ynth është një lojë mjaft e bukur me aventurë ku ju do të eksploroni botën duke ndihmuar një buburrec të vogël të quajtur Kribl. Gjatë rrugës së tij ai duhet të gjejë diamantët që rrezatojnë dritë për të përfunduar misionin e tij. Ja vlen ta provoni.

- Merge, nga 0.89€, falas. /iPhone, iPad
Merge është një lojë mjaft impenjative ku ju jeni një shkencëtar biologjik dhe duhet të pastroni nga solucionet tuaja mikrobet nga qeliza që ju duhen. Kini kujdes sepse kjo detyrë nuk do të jetë shumë e thjeshtë dhe duhet të tregoheni shumë të shpjetë për të pastruar solucionet që ju duhen. Ja vlen ta provoni në iPhone ose iPad-in tuaj.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme.

Si të vendosim një sfond panoramik të animuan në iOS 7? [Këndi Fillestarëve]

2013-06-13T23:00:00.000+02:00

Një nga ndryshimet thelbësore në iOS 7 është edhe sfondi i animuar që lëviz në lidhje me dorën tonë, dhe jo vetëm. Sot do i'u tregoljmë të veçantën e këtij opsioni tek fotot e mrekullueshme paronamike të bëra nga vet kamera e iPhone. Siç mund ta kuptoni, një sfond panoramik lëviz me ju 240°, tepër e pëlqyeshme apo jo? Por si mund ta vendosim këtë të fundit në iPhone. Duhet të ndiqni vetëm pesë hapa të thjeshtë.

1. Hapni Settings

2. Selektoni Brightnes & Wallpeper

3. Selektoni "Choose Wallpeper" - Zgjidhi sfondin

4. Poshtë fotove, zgjidhni Panoramas

5. Zgjidhi panoramën e preferuar dhe vendoseni si sfond.

/iPhoneAlbania

Apple prezanton sistemin e ri OS X Mavericks: Të gjitha të rejat dhe kompjuterat ku mund të instalohet

2013-06-13T20:26:00.001+02:00

Përveç iOS 7, një nga të rejat më të rëndësishme që u prezantuan gjatë WWDC 2013 më 10 Qershor është edhe OS X Mavericks, sistemi i ri operativ Apple për kompjuterat Mac, që do të dalë në treg në fund të vitit 2013. Në këtë version të ri do të kemi disa të reja mjaft interesante dhe shumë përmirësime që do të rrisin akoma më shumë përformacën e kompjuterave tanë.

OS X Mavericks mund të instalohet në çdo kompjuter Mac që suporton edhe Mountain Lion, dmth: iMac (Mid-2007 ose më i ri) MacBook (13″ Aluminum, në fund të 2008), (13-inch, në fillim të 2009 ose më i ri) MacBook Pro (13-inch, Mid-2009 ose më i ri), (15-inch, Mid/ në fund të 2007 ose më i ri), (17-inch, në fund të 2007 ose më i ri) MacBook Air (në fund të 2008 ose më i ri) Mac Mini (në fillim të 2009 ose më i ri) Mac Pro (në fillim të 2008 ose më i ri) Xserve (në fillim të 2009).

Në OS X Mavericks do të kemi disa Finder Tabs dhe Tag, të nevojshëm për të bërë kërkimin e çdo dokumenti, më të shpejtë dhe të menjëhershëm. Të pajisur me ekrane të shumëfishtë ku mund të bëjmë veprime të ndryshme njëkohësisht. OSX Mavericks është i pajisur me një teknologji të avancuar. Ndër funksionet e shumta gjejmë Compressed Memory, App Nap, Timer Coalascing, që përmirësojnë kohëzgjatjen e baterisë sepse parandalojnë një ngarkim të tepër të proçesorit.

Në OS X Mavericks është rinovuar edhe Safari, me performanca të jashtëzakonshme dhe një sidebar të ri ku mund të lexojmë më shpejtë faqet tona të preferuara dhe të bashkëveprojmë me miqtë tanë në Twitter. Në OS X Mavericks gjejmë edhe një tipologji të re Njoftimesh që do të hapen me një Slide në ekranin e kompjuterit.

Në OS X Mavericks janë shtuar edhe Hartat, si në iOS. Mund të shohim hartat në 3D dhe të dërgojmë një rrugë të caktuar në iPhone. Këta janë disa nga të rejat e OS X Mavericks që pritet të lëshohet në fund të këtij viti. Çmimi akoma nuk dihet por ju ftojmë të na ndiqni vazhdimisht për të mos humbur lajmet e fundit. /iPhoneAlbania

Në iOS 7 mund të vendosim një numër të palimituar aplikacionesh në një folder!

2013-06-13T18:00:00.000+02:00

Ndër të rejat e iOS 7 kemi edhe një ndryshim të kartelave (folder). Me sistemin e ri operativ për iPhone dhe iPad, mund të shtojmë një numër pa limit aplikacionesh brenda një kartele, pasi iOS 7 do të krijojë automatikish një faqe të re çdo 9 aplikacione të shtuara. Diçka shumë e nevojshme.

Një e re tjetër që do të gëzojë shumë përdorues, është dhe mundësia për të vendosur aplikacionin Newsstand brenda një kartele. Një gjë që nuk ishte e mundur më përpara. Duke qenë se këtë aplikacion nuk e përdorim pothuajse asnjëherë, pasi revistat shqiptare nuk përfshihen në të, atëherër besoj se do jeni të lumtur që tani keni mundësinë ta fshehni atë. /iPhoneAlbania

Aplikacioni i mesazheve ndryshon grafikë në iOS 7

2013-06-13T16:00:00.000+02:00

Ajo që kemi cilësuar gjithmonë si një aplikacion i thjeshtë, është thjetësuar akoma më shumë me anë të një grafike të re dhe të pastër. Gjëja e parë që vëmë re është tastiera gjysëm-transparente që do të jetë gri kur shkruajmë një mesazh. Përdorim i aplikacionit nuk ka pësuar shumë ndryshime. Mesazhet normale dhe ato iMessage nuk do të kenë më ngjyra të ndryshme.

Retë e chat-it janë gri për mesazhet e marra dhe blu për ato të dërguara. Pak më komplekse fshirja e mesazheve, nuk është më butoni "Modify", por duhet të klikojmë një re deri sa të na hapet një pop-up, ku duhet të zgjedhim "Other" dhe në këtë mënyrë mund të zgjedhim një ose më shumë mesazhe për të fshirë, nëpërmjet ikonës majtas poshtë. /iPhoneAlbania