iPhone Albania - Blog shqiptar mbi Apple iPhone

Aplikacioni falas i javës: Angry Birds Space

2013-05-25T21:30:00.000+02:00

Ja ku jemi me rubrikën tonë javore “Aplikacioni falas i javës”, takimi i shumëpritur me ofertën falas të javës të zgjedhur nga stafi i Apple. Çdo javë një aplikacion ose lojë e famshme mund të shkarkohet falas për një periudhë të limituar kohe. Kësaj here Apple ka zgjedhur Angry Birds Space, një lojë që nuk ka shumë nevojë për shumë prezantime.

Historia e lojë është e njëjta dhe zogjtë janë të zemërua përsër me derrkucët të cilët jetojnë në hapësirën galaktike dhe kanë vjedhur vezët e zogjve tanë. Angry Birds Space përmban rreth 60 nivelet e gravitetit ndëryjor dhe do t'ju sjellë një përvojë lojë spektakolare me puzzles dhe shkatërrimin në lëvizje të ngadaltë në shpejtësinë e dritës.

Si çdo app i përzgjedhur nga Apple si "Aplikacioni falas i javës", edhe Angry Birds Space do të jetë falas për një periudhë të limituar, kështu që ju këshillojmë ta shkarkoni sa më shpejt nëse jeni të interesuar. Është kompatibël me iPhone 3GS, iPhone 4, iPhone 4S, iPhone 5, iPod Touch (gjenerata 3-të), iPod touch (gjenerata 4-të), iPod touch (gjenerata 5-të) dhe iPad. Kërkon iOS 4.3 ose një version më të ri. /iPhoneAlbania

iRec, një aplikacion për iPhone dhe iPad që regjistron aktivitetin tuaj gjatë gjumit

2013-05-25T18:51:00.000+02:00

A jeni kuriozë të dini çfarë bëni gjatë natës? Flisni në gjumë ose gërrhisni tepër? iRec është një alternativë mjaft e mirë për të monitoruar gjumin tuaj dhe për ditur pak më shumë rreth vetes, duke përdorur një pajisje iOS si mjet vlerësimi dhe regjistrimi të tingujve.

iRec është një aplikacion që ju lejon të regjistroni zhurmat e dhomës tuaj gjatë kohës që ju jeni në gjumë, duje ju lejuar të dëgjoni ditën tjetër elementët audio të shpëtuar dhe të zbuloni nëse gërrhisni shumë gjatë natës, ose nëse e keni zakon të flisni kur jeni në gjumë të thellë.

Ndër opsionet që ofron ky aplikacione është edhe modifikimi manual i zhurmave, për të evituar për shembull që të regjistrohen edhe zhurmat jashtë dhomës, duke kursyer në këtë mënyrë dhe baterinë. Ekziston opsioni battery safe, falë të cilit pajisja juaj do të regjistrojë vetëm në praninë e zhurmave.

iRec është i disponueshëm në App Store me çmimin 0,89 €. Është kompatibël me iPhone 3GS, iPhone 4, iPhone 4S, iPhone 5, iPod Touch (gjenerata 3-të), iPod touch (gjenerata 4-të), iPod touch (gjenerata 5-të) dhe iPad. Kërkon iOS 5.0 ose një version më të ri. /iPhoneAlbania

Konkurs: fito 5 kode redeem për aplikacionin PhotoNova 2 [Fituesit]

2013-05-25T15:09:00.000+02:00

iPhoneAlbania Redeem Contest është konkursi i faqes tonë ku do të keni mundësinë të fitoni kode promocionale për të shkarkuar falas aplikacione dhe lojëra nga App Store, krejtësisht falas dhe në mënyrë legale duke futur kodin redeem që ne do ju dërgojmë me email nëse zgjidheni fitues. Sot mund të fitoni 5 kode redeem për programin PhotoNova 2 (0,89€), është një aplikacion për iOS i dedikuar modifikimit të fotografive i realizuar nga zhivilluesi shqiptar, Loran Dyrmishi. Për më shumë informacion për sa i përket kërtij aplikacioni mund të lexoni recensionin tonë.

Konkursi do të përfundojë më 25 Maj në orën 15:00 (me orën shqiptare) dhe fituesit do të caktohet si në një llotari me anë të një programi që e bën në mënyrë automatike. Për të marrë pjesë keni tre mënyra. Sa më shumë mënyra të shfrytëzoni, aq më shumë mundësi keni që të përzgjidheni fitues!

Pjesëmarrje me anë të komenteve:

Ju mjafton të lini një koment poshtë këtij artikulli me fjalën "Marr pjesë", duhet të lidheni si përdorues i thjeshtë ose me profilin tuaj Disqus dhe duhet një email i saktë që t'ju dërgojmë kodin nëse shpalleni fitues, përndryshe nëse nuk vendosni një email të saktë, nuk do ta marrim fare në konsideratë pjesëmarrjen tuaj.

Pjesëmarrje me anë të Facebook:

Për të marrë pjesë me këtë mënyrë duhet të bëheni fan të faqes tonë në Facebook duke klikuar thjeshtë "Më pëlqen". Pastaj duhet të komentoni linkun e këtij artikulli në Facebook, dhe gjithashtu duhe të komentoni edhe këtë artikull duke lënë emrin dhe mbiemrin që përdorni në Facebook (duke e shkruar në koment ose duke e përdorur si nickname)

Shembull: "Marr pjesë edhe me anë të Facebook. Taulant Kola"

Pjesëmarrje me anë të Twitter:

Mund të merrni pjesë edhe me anë të Twitter. Ju mjafton të ndiqni iPhoneAlbania11 duke klikuar këtu. Më pas bëni një tweet, duke shkruar:

#Konkurs @iPhoneAlbania11: fito 5 kode redeem për aplikacionin #PhotoNova 2 http://goo.gl/fb/abcd redeemcontest #fitoaplikacione

dhe lini edhe një koment në këtë artikull duke sjellë edhe linkun e tweet-it tuaj. Ju kujtojmë që çdo tweet duhet të jetë publik dhe jo i mbrojtur.

Duhet të lini patjetër një koment poshtë këtij artikull duke u regjistruar me një email të saktë. Të gjithë ato që nuk do ti ndjekin ashtu siç duhet këto hapa, nuk do të jenë pjesë e konkursit tonë. Në këtë konkurs mund të marrin pjesë të gjithë, përveç autorëve të blogut dhe të gjithë stafit. Ju kujtojmë që seicili nga ju mund të lëjë maksimumi tre komente: një duke lënë një koment këtu poshtë "Marr pjesë", një duke shkruar emrin dhe mbiemrin që përdorni në Facebook dhe një duke sjellë linkun e tweet-it tuaj. Tentativat për të marrë pjesë dy herë duke përdorur emra dhe emaile të ndryshme nuk do të merren parasysh. Fituesi do të kontaktohet me anë të emailit në përfundim të llotarisë, për këtë është e rëndësishme që të përdorni një adresë emaili të rregullt. /iPhoneAlbania

Fituesit
Trim Roka
Kleton Doko
Basri Gashi
Arban Dubovci
Fatjon Ejlli

Apple zbret çmimet e iPad mini dhe iPad 4 të rinovuar

2013-05-25T11:44:00.006+02:00

Apple ka ulur ndjeshëm çmimet për modelet e rinovuar te iPad mini dhe iPad të gjeneratës se katërt. Për të gjitha modelet tani ka rreth 15% zbritje në krahasim me njësite më të reja. Janë të disponueshme të gjitha versionet, me përjashtim të atij 128GB. Ja lista e çmimeve të reja që do të gjeni në dyqanin Apple Store online:

iPad mini

- 16 GB Wi-Fi: 299 $, zbret deri në 279 $ dhe 329 $ marka e re.

- 32 GB Wi-Fi: 389 $, zbret deri në 359 $ dhe 429 $ marka e re.

- 64 GB Wi-Fi: 489 $, zbret deri në 439 $ dhe 529 $ marka e re.

- 16 GB Wi-Fi + Cellular: 429 $ , zbret deri në 389 $ dhe 459 $ marka e re.

- 32 GB Wi-Fi + Cellular: 519 $ , zbret deri në 469 $ dhe 559 $ marka e re.

- 64 GB Wi-Fi + Cellular: 619 $ , zbret deri në 549 $ dhe 659 $ marka e re.

iPad i gjeneratës së katërt

- 16 GB Wi-Fi: 449 $, zbret deri në 419 $ dhe 499 $ marka e re.

- 32 GB Wi-Fi: 499 $, zbret deri në 549 $ dhe 599 $ marka e re.

- 64 GB Wi-Fi: 649 $, zbret deri në 579 $ dhe 699 $ marka e re.

- 16 GB Wi-Fi + Cellular: 579 $ , zbret deri në 529 $ dhe 629 $ marka e re.

- 32 GB Wi-Fi + Cellular: 679 $ , zbret deri në 609 $ dhe 729 $ marka e re.

- 64 GB Wi-Fi + Cellular: 779 $ , zbret deri në 689 $ dhe 829 $ marka e re.

Aplikacione në ofertë - 25 Maj 2013

2013-05-25T08:46:00.003+02:00

Ja ku jemi në takimin tonë të përditshëm me rubrikën "Aplikacione në ofertë" ku do ofrojmë aplikacionet dhe lojërat më interesante në ofertë nga App Store, të përzgjedhura për ju nga iPhoneAlbania. Aplikacione të ndryshme falas apo me çmim më të ulët se ai i zakonshmi në App Store për një periudhë të limituar kohe. Ja dhe lista e disa prej aplikacioneve më interesante në ofertë për ditën e sotme:

- Sticks HD, nga 0.89€, falas. /iPhone
Sticks është një lojë e thjeshtë dhe zbavitëse që mund të luhet nga kushto. Nga një grumbull lapsash me ngjyrë ju duhet ti lëvizni një nga një pa lëvizur në asnjë mënyrë tufën e lapsave. Pra është një lojë mjaft e thjeshtë për të kaluar kohën e lirë.

- Draw Pad Pro, nga 1.79€, falas. /iPhone, iPad
Draw Pad Pro është një program i cili na jep mundësinë të kemi në iPhone ose iPad një telajo virtuale ku mund të vizatoni idetë tuaja. Programi do ju vërë në dispozicion shumë funksione për të realizuar idenë tuaj si të ishte në letër. Ja vlen ta keni këtë program.

- Astron Bang, nga 0,89€, Falas /iPhone, iPad

Astro Bang është një lojë e karakterizuar nga një grafikë tredimensionale dhe e ambientuar në hapësirë. Një space shooter ku duhet të drejtojmë anijen tonë kozmike rreth disa planeteve, duke shkatërruar asteroide dhe armiqtë tonë me anë të armëve që kemi në dispozicion.

- Analytiks: Google Analytics App, nga 2,69€, falas. /iPhone
Analytiks është një program i cili na jep mundësinë të kemi direkt në iPhone të dhëna mbi website-in personal. Programi do të na japë informacione me numrin e vizitorëve, do të na krijojë statistika të ndryshme dhe disa funksione të tjera mjaft të dobishme në qoftë se jeni një webmaster. Ja vlen ta provoni këtë program.

- Rune Gems, nga 2.69€, falas. /iPhone, iPad
Rune Gems është një lojë ku duhet të gjeni dy objekte ose më shumë me të njëjtën figurë për të shktatërruar murin që është ndërtuar me ato. Mund të ruani pikët në Game Center dhe ti krahasoni me miqtë tuaj. Kini kujdes sepse duhet të jeni të shpejtë në qoftë se doni të klasifikoheni të parët. Ja vlen ta keni në iPhone ose iPad.

Ju kujtojmë që për të shkarkuar aplikacionet që janë falas në App Store nuk ka nevojë për rregjistrim me kartë krediti. Për të shkarkuar në këtë mënyrë ju ftojmë të ndiqni guidën e rregjistrimit në këtë artikull ose të shikoni video guidën tonë nga ky link.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme.

Apple publikon një spot të ri publicitar për iPhone 5 “Music every day” [Video]

2013-05-24T22:00:00.000+02:00

Apple sapo ka puplikuar një spot të ri publicitar për iPhone 5 të quajtur "Muzikë çdo dite". Videoja është publikuar edhe në kanalin zyrtarë të Apple në YouTube dhe përqëndrohet tek mundësitë që odron iPhone 5 për të dëgjuar muzikë me kualitet të lartë. Një muaj më parë Apple publikoi reklamën "Foto çdo ditë". Te dyja reklamat jane fokusuar më shumë tek njerëzit, dhe më saktësisht tek ato që përdorin iPhone.

Si të bëni restore një iPhone pa e humbur jailbreak falë programit Semi-Restore [Guida]

2013-05-24T19:54:00.004+02:00

Semi-Restore është një program, akoma në fazën beta për të cilin ju kemi folur përpara disa ditësh në këtë artikull, që ju lejon të bëni restore iPhone pa humbur jailbreak. Deri dje diçka e tillë nuk ishte e mundur, por tani falë këtij programi mund të bëni restore pa ndryshuar versionin e iOS. E gjithë kjo ka lindur për shkak të lëshimit të iOS 6.1.3 dhe pamundësisë për të bërë jailbreak, pasi Apple e ka bllokuar atë në këtë version.

Sapo kemi marrë një email nga zhvilluesi i programit Semi-Restore ku shpjegohet se si funksionon ai. Për këtë kemi vendosur të bëjmë një guidë për të gjithë lexuesit e faqes tonë. Nuk do të keni nevojë për çertifikatat SHSH për të bërë restore me anë të Semi-Restore, mjafton të keni një pajisje iOS jailbroken dhe të instaloni dy paketa nga Cydia: OpenSSH dhe APT 0.7 strict. Gjithashtu ju kujtojmë që versioni beta që ne kemi pasur mundësinë të testojmë, nuk është akom a i disponueshëm për të gjithë, kështu që nuk do të keni mundësinë ta përdorni për momentin!

| Guida:

Hapi 1: Shkarkoni SemiRestore (sapo të lëshohet versioni i plotë për të gjithë) dhe shpëtojeni në kompjuter.

Hapi 2: Instaloni në pajisjen tuaj iOS (iPhone, iPad, iPod Touch) paketat OpenSSH dhe APT 0.7 strict.

Hapi 3: Hapni Terminalin.

Hapi 4: Shkruani “cd Downloads” për tu spostuar tek dosja ku ndodhet programi Semi-Restore.

Hapi 5: Tani kopjoni në Terminal këtë komandë: scp SemiRestore-beta5 root@192.168.1.130:/var/root/SemiRestore-beta5

Shënim: që programi të funksinojë siç duhet, zëvendësoni “SemiRestore-beta5″ me emrin e versionit përfundimtarë të programit dhe ndryshoni adrësn IP (192.168.1.130) me atë të pajisjes tuaj në bazë të rrjetit WiFi që jeni lidhur. Më pas duhet të vendosni password-in SSH të pajisjes tuaj: nëse nuk e keni ndryshur, atëherë ajo është “alpine”.

Hapi 6: Lidhurni me SSH me pajisjen tuaj duke përdorur këtë komandë: ssh root@10.0.1.12

Hapi 7: Shkoni tek /var/root directory (nëse nuk ju hapet automatikisht Terminali). Këtu duhet të shihni file-in SemiRestore. Për të verifikuar, shtypni komandën “ls” tek shell.

Hapi 8: Tani shtypni komandën: chmod +x SemiRestore-beta5

Hapi 9: Shkruani: ./SemiRestore-beta5 për të vazhduar.

Hapi 10: Tani duhe të shikoni disa komanda që ju shfaqen në ekran. Çdo gjë do të jetë në mënyrë automatike, deri sa t'ju kërkohet që të lidhni pajisjen tuaj nëpërmjet SSH duke shtypur “0″ (zero) dhe më pas Enter.

Ky veprim mund të zgjasë pak, dhe pajisja juaj do të fiket dhe rindizet disa herë. Ky është një restore i vërtetë kështu që përpara se të përdorni këtë program ju këshillojmë të bëni një backup të materialeve tuaja. Për momentin Semi-Restore është akoma në fazën beta, por sapo të jetë i disponueshëm për të gjithë, do ju njoftojmë menjëherë. /iPhoneAlbania

Elhaida Dani: këngëtarja shqiptare që po shkëlqen në The Voice Of Italy, zbarkon në iTunes me këngën e saj më të re “When love calls your name”

2013-05-24T18:30:00.000+02:00

Elhaida Dani, shqiptarja që po mahnitë Italinë me zërin e saj të mrekullueshëm, ka zbarkuar edhe në Itunes Store me këngën më të re që titullohet “When love calls your name”, me muzikë të Riccardo Cocciante-s, të prezantuar mbrëmbjen e së enjtes në spektaklin "The Voice Of Italy". Me këtë rast ftojmë të gjithë lexuesit tanë ta shkarkoni atë, për të ndihmuar Elhaidën, një nga talentet e rinj shqiptarë, të arrijë sa më lart.

Pas javë e javë të tëra lavdërimesh, për 19-vjeçaren e talentuar nga qyteti i Shkodrës, tashmë Elhaida i ka kaluar kufijtë e të mahniturit me performancat e saj. Prej javësh e kurorëzojnë fituesen e këtij edicioni, mendim që përforcohet pas çdo performance të vajzës. “Zëri i Whitney Houstonit, ëmbëlsia e Celine Dionit, në skenë siguria e Madonnas dhe hovi i Tina Turnerit... Të gjitha këto në një vajzë të mrekullueshme 20vjeçare.

Elhaida është ngjitur menjëherë në rënditje dhe kënga e saj është ndër më të shkarkuarat në iTunes. Çdo shkarkim i këngës, do të vlejë sa një votë për Elhaidën, për këtë ju ftojmë ta shkarkoni atë. E dimë që pjesa më e madhe e lexuesve tanë nuk ka blerë ndonjëherë këngë në iTunes, por ky është momenti i duhur, kushton vetëm 0,99€ dhe ia vlen. /iPhoneAlbania

Apple konfirmon eventin WWDC me datë 10 Qershor

2013-05-24T13:13:00.001+02:00

Siç ju kemi njoftuar në artikujt e kalur, në daten 10 Qershor pritet që kompania Apple të prezantojë disa nga produktet e saj si dhe strategjitë e saj për të ardhmen. Ndër produktet më me interes që priten nga kjo konventë, janë iPhone 5S ose 6, sistemi operativ për iDevice si dhe sistemi operativ Mac OS për gjeneratën e re të Pc-ve Mac.

Dihet pak a shumë që iPhone i ardhshëm nuk do të prezantohet në këtë even. Në fakt do të na duhet të presim vjeshtën e ardhshme ndërsa përsa i përket sistemit operativ iOS, me shumë mundësi në datë 10 Qershor do të prezantohet versioni i parë Beta për testimin që i drejtohet programuesve të programeve për këtë sistem. Tjetër fakt interesant për të përdorur është fakti që biletat për këtë event janë shikur në pak se 3 minuta. Pra një rekord i kësaj kompanie. /iPhoneAlbania

Aplikacione në ofertë - 24 Maj 2013

2013-05-24T08:19:00.005+02:00

- Photostein, nga 1.79€, falas. /iPhone, iPad

Photostein është një program mjaft interesant i cili do t'ju lejojë krijoni kolazhe me fotografitë tuaja dhe ti shtoni tekst sipas dëshirës tuaj për të ruajtur kujtimet e asaj fotografie. Ja vlen ta keni në iPhone ose iPad-in tuaj.

- Tongue Twister Pro, nga 0.89€, falas. /iPhone, iPad

Tongue Twister është program mjaft i veçantë i cili do të na ndihmojë të shkathtësojmë të folurën tonë duke na sugjeruar fraza të lehta dhe të vështira për tu shqiptuar. Në fakt programi ofron shprehje në gjuhën angleze që gjithsesi mund t'ju vijnë në ndihmë për të folurën tuaj.

- Weather App + Current Airport Delay, nga 1.79€, falas. /iPhone, iPad
Nëpërmjet këtij programi ju mund të keni në iPhone ose iPad informacione shumë të detajuara të motit në qytetin tuaj si dhe për më tepër mund të merrni informacione në lidhje me oraret e aeroportëve në qytet kryesore të botës. Sot mund ta shkarkoni falas nga App Store këtë program,

- Mega Ringtone, nga 1.79€, falas. /iPhone
Ky program mund të shkarkohet falas për ditën e sotme dhe na lejon të krijojmë melodi për njoftimin e telefonatave, duke u nisur nga muzika që kemi në iPhone. Mjafton të zgjedhim këngën e preferua nga libraria e iPod në iPhone dhe mund të krijojmë melodi per 40 sekonda. Për ta përdorur këtë melodi duhet ta transferojmë në PC duke përdorur iTunes. Më saktë, hapni iTunes selektoni iPhone-nin tuaj dhe shkoni tek menu-ja "Application" dhe selektoni Mega Ringtone. Aty do të gjeni melodin që krijuar në formatin *.mp4 dhe ruajeni atë në PC. Shkoni tek file që ruajtët dhe klikoni 2 her për ta hapur. Automatikisht file do të shtohet tek menu-ja e melodive në iTunes. Sinkronizoni iPhone me iTunes dhe do të gjeni melodin në seksionin e melodive në iOS.

- Tristis, nga 0.89€, falas. /iPhone
Në këtë lojë kuic detyra juaj është shumë e thjeshtë. Duhet të kombinoni kutitë në mënyrë të tillë që shuma vertikalisht ose horizontalisht të jetë 65. Kini kujdes sepse nuk do të jetë e thjeshtë dhe do të luftoni gjithmonë kundra faktorit kohë.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme.

Face Swap dhe Face Bomb: Dy aplikacione fantastike për të shkëmbyer fytyrat në fotot tuaja, në ofertë falas për pak kohë. Nxitoni!

2013-05-23T22:00:00.000+02:00

Nëse ju pëlqen të argëtoheni duke modifikuar fotot tuaja dhe ato të miqve, atëherë nuk mund ta humbisni këtë ofertë që po ju prezantojmë sot. Face Swap dhe Face Bomb janë dy aplikacione fantastike në ofertë falas për një periudhë të limituar, që do ju mundësojë të shkëmbeni fytyrat e njerëzve në fotot tuaja vetëm me një prekje, dhe rezultati do të jetë me të vërtetë argëtues.

Face Swap ju ofron mundësinë të shëmbeni fytyrat në një foto të zgjedhur nga ju, ndërsa me anë të Face Bomb mund të modifikoni një foto duke vendosur të njëjtën fytyrë për të gjithë personat. Ju ftojmë t'i provoni pasi ja vlen me të vërtetë, do të argëtoheni jashtë mase me miqtë tuaj. Nxitoni. /iPhoneAlbania

Trunk, një karikues fleksibël dhe i qëndrueshëm për iPhone

2013-05-23T20:07:00.000+02:00

Duke u fokusuar tek aksesorët më të rinj, iLoveHandles sapo ka prezantuar një karikues mjaft të dobishëm dhe shumëfunksional për iPhone që e eliminon kavon e gjatë të karikuesve normalë. Ai quhet Trunk, një karikues fleksibël, i hollë dhe i vogël që mund të përshtatet me një shumëllojshmëri prizash.

E veçanta e këtij karikuesi është se ka një përbërje mjaftë të fortë për ta mbajtur iPhone vertikalisht nderkohë që është në karikim. Është mjaft komod për tu përdorur në GPS apo për të bërë video thirrje. Nuk zë shumë vend dhe është i përsosur për tu mbajtur me vete gjatë udhëtime. Trunk mund ta porosisni për $19.99 direkt nga iLoveHandles.

Dhe pse në treg qarkullojnë shumë karikues të ngjashëm me Trunk, ju do ta dalloni atë menjëherë sepse ka një përbërje më të fortë dhe është më i miri i këtij lloji. /iPhoneAlbania

Tani mund të blini në dyqanin Apple Store online edhe me anë të llogarisë tuaj PayPal

2013-05-23T18:00:00.000+02:00

Apple do të ofrojë mundësinë për të blerë në dyqanin online Apple Store direkt me anë të një llogarie PayPal. Apple e ka ofruar më parë këtë shërbim në Shtetet e Bashkuara, por vetëm në iTunes, App Store dhe Mac App Store, ndërsa tani ky opsion do të vijë edhe për blerjet në Apple Store.

Tani mund të bleni në dyqanin online Apple Store duke përdorur një llogari PayPal, theshtë duke vendosur email-in dhe password-in tuaj. Për momentin ky opsion është i disponueshëm vetëm për shtetet kryesore, por së shpejti do të vijë edhe në Shqipëri dhe në vendet e tjera. /iPhoneAlbania

Aplikacione në ofertë - 23 Maj 2013

2013-05-23T08:23:00.002+02:00

- Angry Birds Space, nga 0.89€, falas. /iPhone, iPad
Duke parë suksesin e këtij versioni si dhe faktin që këtë një rrobot i Agjensisë Amerikane Të Hapësirës NASA do të arrij në planetin Mars, ndoshta krijuesti e kësaj loje janë inspiruar dhe kanë krijuar versionin e lojës Angry Birds Space. Loja një veshje të re grafike si dhe shumë misione të reja për zogjtë e inatosur të cilët do të luftojnë me derrkucat në hapësirë. Nxitoni ta merrni falas.

- Makanim, nga 2.69€, falas. /iPhone, iPad
Makanim është një program mjaft interesant i cili do të tentojë t'ju relaksojë kur jeni të lodhur. Por si? Në këtë program, duke prekur mbi ekranin e iPhone mund të krijoni imazhe abstrakte dhe të luani me ngjyrat sipas dëshirës. Ja vlen ta keni në iPhone ose iPad-in tuaj.

- Push Panic, nga 1.79€, falas /iPhone, iPad
Push Panic është një lojë tjetër në ofertë për ditën e sotme, lojë me temë "Quiz" në të cilën duhet të rrëzoni blloqet me shumë ngjyra. Kini kujdes sepse duhet të jeni të shpejtë për ti rrëzuar në qoftë se doni të vazhdoni lojë.

- Tap Dictionary, nga 8.99€, falas. /iPhone, iPad
Ndërkohë që mund të jeni duke eksploruar rrjetin e internetit me Safari-in mund t'ju lindë nevoja të përktheni ndonjë fjalë apo fjali nga një gjuhë në një tjetër. Për këtë funksion na vjen në ndihmë pikërisht ky program që me të prekur mbi një link apo seleksionuar një fjalë teksti, automatikisht dhe në mënyrë të shpejtë do të na e përkthejë në gjuhën e dëshiruar. Programi suporton edhe gjuhën Shqipe.

- Mini Ninjas, nga 0.89€, falas. /iPhone, iPad
Mini Ninjas është një lojë në të cilën duhet të luftoni në Kinën antike në aventura pa fund. Përveç kësaj do t'ju duhet të luftoni në misione pa fund me krijesa të mitologjisë Kineze. Ja vlen ta provoni këtë lojë sepse është sigurisht një lojë mjaft e bukur për kohën tuaj të lirë.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme.

Apple vendosë "Ditën e Babait" në faqen kryesore të Apple Store

2013-05-22T22:48:00.000+02:00

Siç e thamë dhe më parë, Apple Store ka marrë një kuptim të ri. Ajo është ridizenjuar duke e bërë akoma më të thjeshtë mundësinë për të blerë produkte të reja. Një nga ndryshimet parësore që Apple ka bërë është edhe titulli në krye të Apple Store ku shkruhet "Bëje perfekte Ditën e Babait".

Pra kjo do të thotë, që për festën e baballarëve Apple do të sjellë një shumëllojshmëri produktesh, ku kryesori është iPad mini, siç ndodhi dhe me ditën e nënës. Shumë aplikacione dhe aksesorë i janë shtuar Apple Store ku përfshihet dhe Nike+ FuelBand - Medium/Large apo GoPro HD HERO3 Video Camera. /iPhoneAlbania

Ndryshon grafika e dyqanit online Apple Store: E ardhja e Apple nisë nga këtu!

2013-05-22T20:24:00.003+02:00

Dyqani online Apple Store ka marrë një pamje të re, me një theks më të fortë tek imazhet e produkteve të reja. Tani faqja kryesore ofron një shpërndarje më të pastër të produkteve, me imazhe të mëdha, ndryshe nga e kaluara. Tani vëmëndja e përdoruesit përqëndrohet tek pajisjet, duke eliminuar kategoritë anash që ishin më përpara.

Tani lidhjet me menunë kryesorë janë spostuar në fund të faqes, ndërsa lart do të shikoni seksionet e ndryshme të produkteve Apple. Mjafton të zgjedhni një kategori dhe më pas modelin që ju intereson. Brenda faqes do të gjeni më tepër informacion rreth produkteve.

Ndryshime të vogla, por që të japin e idenë e një kompanie që dëshiron të ofrojë një shërbim gjithmonë e më të mirë, modern dhe të përqëndruar tek raporti midis klientit dhe produktit, duke hequr dorë nga gjërat e tepërta. /iPhoneAlbania

SubIc0ns, program që na lejon të kemi shortcut-e të programeve tona të preferuara [Cydia]

2013-05-22T18:00:00.000+02:00

Në këtë artikull do t'ju prezantojmë një program interesant të prezantuar së fundmi në Cydia. Programi quhet SubIc0ns dhe do të na lejojë të krijojmë një sub menu të cilën mund ta aksesoni kudo në iOS. Në fakt programe të tilla ekzistojnë dhe mund të përmëndim programe si Axis, Grabby apo JellyLock.

Pasi të instaloni programin, nga Menu-ja Settings e iOS mund të rregulloni funksionet e këtij progrmi. Nga aty do të keni mundësi të aktivizoni rreth 7 ikon për secilën kolonë në qoftë se keni një iPhone 5. Në fakt ideja e këtij programi është mjaft interesante por nga ana grafike nuk ofron maksimumin. Gjithsesi në qoftë se doni ta provoni këtë program mund ta shkarkoni falas nga repozitori i ModMyi. /iPhoneAlbania

SHBA: Tim Cook mbron Apple ndaj akuzave për evazion fiskal!

2013-05-22T14:48:00.000+02:00

Gjiganti i teknologjisë “Apple” u mbrojt ndaj akuzave, se ka shmangur pagimin e taksave për dhjetra-miliarda dollarë fitime, duke thënë se i ka shlyer të gjithë detyrimet e veta, ashtu siç i dikton ligji. Përpara komisionit hetimor të Senatit, shefi ekzekutiv Tim Cook tha se vitin e kaluar, “Apple” i ka paguar Thesarit amerikan 6 miliardë dollarë.

“Apple është kthyer në koorporatën më të madhe taksapaguese në Amerikë. Vitin e kaluar, tatimi ynë ka qenë në masën 30,5% dhe kemi derdhur në Thesar rreth 6 miliardë dollarë, që do të thotë më shumë se 16 milionë dollarë në ditë. Këtë vit, mund të paguajmë akoma më shumë. Ne, jo vetëm që zbatojmë ligjin, por jemi plotësisht në linjë me frymën e tij”, tha Tim Cook, drejtor ekzekutiv i “Apple”.

Shkak i ngërçit janë bërë pretendimet se kompania ka shmangur miliarda dollarë taksa, përmes krijimit të entiteteve jashtë vendit.

Sipas hetuesve të Kongresit, detyrimet e saj tatimore do të mbërrinin në gati 9 miliardë dollarë, po të mos përfitonte ligjërisht nga dispozitat e kodit të taksave, që lejon dërgimin e një pjese të të ardhurave në një llogari në Irlandë.

Cook i tha komisionit se çështja e taksave është “mjaft komplekse”, por shtoi se ai nuk e konsideron të padrejtë, që kompania e vet ta pakësojë shumën e taksave që duhet të paguante, duke përdorur llogari bankare jashtë vendit.

Burimi - Top Channel

Aplikacione në ofertë - 22 Maj 2013

2013-05-22T08:13:00.001+02:00

- Knockball, nga 0.89€, falas. /iPhone, iPad
Knockball është një lojë me temë "Quiz" dhe ku rrespektohen të gjitha rregullat e fizikës. Detyra juaj do të jetë të fusni sferat në vëndet e duhura por kini kujdes sepse nuk do të jetë detyrë e lehtë, sidomos me kalimin e niveleve. Ja vlen ta provoni këtë lojë.

- FlickStackr For Flickr, nga 1.79€, falas. /iPhone, iPad
FlickStackr është një program që integrohet me programin Flickr dhe na jep mundësinë të menaxhojmë të gjitha file-et e imazheve. Ju mund të sinkronizoni fotografitë tuaja me Flickr në mënyrë mjaft të thjeshtë dhe ti ndani ato me miqtë tuaj.

- PipeRoll 2: Ages, nga 0.79€, falas. /iPhone, iPad
PipeRoll është një lojë puzzle në të cilën ju duhet të lidhni hotelet dhe shtëpitë me depozitën e ujit duke pasur në dispozicion disa tuba. Detyra juaj është të lidhni këto tuba në mënyrë të tillë që uji të rrjedhë nga depozita e të përfundojë tek hotelet ose shtëpitë. Loja ofron rreth 160 nivele dhe çdo nivel ka një gradë vështirësie nga 1 deri në 4. Ja vlen ta provoni.

- PipeRoll 3D New York , nga 0.89€, falas. /iPhone, iPad
PipeRoll është një lojë puzzle në të cilën ju duhet të lidhni hotelet dhe shtëpitë me depozitën e ujit duke pasur në dispozicion disa tuba. Detyra juaj është të lidhni këto tuba në mënyrë të tillë që uji të rrjedhë nga depozita e të përfundojë tek hotelet ose shtëpitë. Loja ofron rreth 101 nivele dhe çdo nivel ka një gradë vështirësie nga 1 deri në 4. Ja vlen ta provoni.

- Rolling Hero, nga 0.89€, falas. /iPhone, iPad
Rolling Hero është një lojë mjaft e bukur ku ju duhet të kontrolloni personazhet e lojës në rrugë rrethore në të cilat duhet të zgjidhni enigmat për të kaluar nivelin. Kini kujdes sepse me kalimin e niveleve gjërat vështirësohen së tepërmi.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme.

Si të krijoni një backup të mesazheve në iPhone dhe t'i eksportoni ato në formatin PDF ose Excel [Guida]

2013-05-21T20:50:00.001+02:00

iOS nuk na lejon të menaxhojmë siç duam ne një backup për mesazhet, pasi mundësia më e mirë që kemi është të përdorim iTunes për të shpëtuar të gjitha të dhënat tona. Për fat të mirë, ka një mënyrë tjetër për të krijuar një backup personal të mesazheve normale dhe iMessage, duke i shpëtuar në kompjuter për t'i lexuar ato më pas direkt nga aty.

Kjo mënyrë bazohet tek backup-i që kemi ruajtur në iTunes, mund të nxjerrim nga ky backup vetëm pjesën me mesazhet e ruajtura, duke i eksportuar ato në pdf apo formate të tjera që mund të lexohen pa problem edhe nga pajisjet e tjera.

Hapi 1: gjëja e parë që duhet të bëni është, të ruani një backup të pajisjes tuaj në iTunes. Është shumë e thjeshtë, mund të ndini edhe guidën tonë nëse keni probleme. Një herë që e keni ruajtur atë, mund të vazhdoni me hapin e dytë.

Hapi 2: tani duhet të gjeni file-in e backup në kompjuterin tuaj. Kjo varet nga sistemi operativ që keni të instaluar në kompjuter. Mund të veproni në këtë mënyrë:

Windows XP: C:\Documents & Settings > [username juaj] > Application Data > Apple Computer > MobileSync > Backup
Windows 7 dhe 8: C:\Users > [username juaj] > AppData > Roaming > Apple Computer > MobileSync > Backup
OS X: User > Library > Application Support > MobileSync > Backup

Aty do të gjeni një dosje me të gjitha mesazhet e shpëtuara që mban emrin: “3d0d7e5fb2ce288813306e4d4636395e047a3d28″. Kopjojeni atë në desktop.

Hapi 3: ky backup është i koduar, kështu që do ju duhet edhe një shërbim për ta anashkaluar atë. Më i miri është iphone-sms.com, që ju kërkon të ngarkoni file-in e mesazheve për ta dekriptuar atë në një formë të lexueshme, si prsh HTML, PDF ose Excel. Shumë i thjeshtë për tu përdorur, nuk do të keni probleme. /iPhoneAlbania

iPhone 6 do të ketë ekran më të madh dhe karikim të baterisë nëpërmjet rrjetit Wi-Fi, sipas një koncepti

2013-05-21T18:30:00.000+02:00

Sot do t'ju sjellim një koncept mjaft të bukur të iPhone-it të ardhshëm. Sipas një disajneri të njohur në nivel ndërkombëtar, Ran Avni, iPhone i ardhshëm do të ketë një ekran me teknologjinë Retina në Full HD ndërsa për sitemin e Qëndrës së Njoftimeve ai ka imagjinuar që sinjalizimi i përdoruesit për mbërritjen e një njoftimi do të bëhetë nëpërmjet një drite led të vendosur në trupin e iPhone.

Sipas Ran iPhone i ardhshëm do të ketë një trashësi shumë më të vogël se iPhone 5, teknologji audio Stereo, ndërsa teknologjia e karikimit të baterisë do të bëhet edhe nëpërmjet rrjetit Wi-Fi. Ndërsa struktura e jashtme e iPhone do të jetë e padeportueshme nga lëngjet si dhe butonat e volumit do të jenë vetëm me teknologjinë Touch Sensitive. Ju çfarë mendoni? Është e mundur të realizohet një produkti i tillë nga Apple? /iPhoneAlbania

Apple po teston një ekran Oled 1.5" për një smart watch!

2013-05-21T14:11:00.000+02:00

Sipas një lajmi të publikuar së fundmi nga faqja Macotakara, Apple ka nisur testimin e disa ekraneve Oled 1.5" polësh për t'i përdorur më pas në të ardhmen në një smart watch. Apple në fillim ka qenë më e vendor të përdorte një ekran 1.8", por duke e hedhur poshtë më vonë duke qenë se ky format ishte tepër i madh për një samrt watch.

Ndërsa në një raportim tjetër të bazuar tek "thashethemet e tregut", thuhet se Foxconn ka marrë disa porosi për sa i përket "iWatch", orës revolucionare të Apple, prenotimi që arrijnë shifrën 1000 pajisje. Nëse do të konfirmohen këto shifra, atëherë do të thotë që Apple dëshiron të testojë këtë produkt në një shkallë të vogël. /iPhoneAlbania

Aplikacione në ofertë - 21 Maj 2013

2013-05-21T08:08:00.002+02:00

- Oldify, nga 0.89€, falas. /iPhone
Keni menduar ndonjëherë se si do të jeni kur të jeni plakur? Ky program aplikon fotove dhe videove tuaja një efekt grafik 3D në pjesën e fytyrës duke e plakuar atë. Gjithashtu mund të krijoni edhe një video me fytyrën tuaj ose të miqve tuaj të plakur ku mund të lëvizni gojën, sytë etj, dhe më pas mund ta dërgoni këtë video me Email ose në rrjetet sociale.

- a Boom, nga 1.79€, falas. /iPhone, iPad
A Boom është një lojë në të cilën ju duhet të mbroni shtëpinë tuaj nga sulmet gërrmuesve që do të tentojnë të hyjnë brënda. Nue dispozicion keni disa armë që do ti shkaktojn shumë dëm këtyre krijesave të cilat kanë si qëllim shkatërrimin e shtëpisë tuaj. Ja vlen ta provoni.

-TanZen, nga 2.69€, falas. /iPhone
TanZen është një lojë mjaft e bukur me kuic dhe me rrënjë mjaft antike në Azinë e vjetër. Ju duhet të kombinoni figurat gjeometrike për të krijuar figurat që kërkohen nga çdo nivel që do të kaloni gjatë lojës. Ja vlen ta provoni këtë lojë.

- Mech Guardian, nga 1,79€, falas /iPhone, iPad
Mech Guardian është një lojë që trajton një argument mjaft delikat. Pas qindra vitesh që njeriu ka braktisur tokën, të gjitha mbeturinat janë transformuar në përbindësha, duke e ndotur akoma më shumë tokën, por një ka ende një roje që duhet ta mbrojë atë. Loja është shumë e thjeshtë, sa më shumë përbindësha të kapni aq më shumë pikë do të mblidhni.

- Recording Pro, nga 1.79€, falas. /iPhone, iPad
Ky program na lejon të bëjmë rregjistrime duke shfrytëzuar mikrofonin e iPhone ose iPad. Mundë rregjistrojmë duke e kompresuar rregjistrimin ose duke e lënë atë në formatin origjinal për të ruajtur kualitetin. File-et e rregjistrimit do të ruhen në iDevice dhe në qoftë se dëshironi mund ti ruani ato edhe në iCloud.

Shënim: Çmimet dhe ofertat e përmendura në këtë artikull janë të vlefshme gjatë periudhës që janë shkruar dhe këto mund të ndryshojnë në orët e ardhshme.

Albanian Tourism Map, një aplikacion për të njohur më mirë vendin tonë, me harta 3D dhe imazhe fantastike të Shqipërisë [Recension iPhoneAlbania]

2013-05-20T21:07:00.000+02:00

Zbuloni vendet më të bukura të Shqipërisë me imazhe të mrekullueshme. Histornë, hotelet, restorantet, vendet më argëtuese dhe aktivitetet e ndryshme natyrore. Me anë të Albanian Tourism Map, çdo përdorues do të ketë mundësinë të navigojë nëpër qytetet e vendit tonë dhe të marrë informacione të ndryshme rreth tyre. Ky aplikacion nuk ka nevojë për një lidhje interneti, çdo informacion ofrohet me anë të imazheve ose tekstit.

Albanian Tourism MAP është një aplikacion i programuar dhe përshtatur për të qenë i lehtë për tu përdorur me udhëzime të thjeshta përdorimi, i cili mund të përdoret nga çdo moshë. Ky aplikacion mund të përdoret nga turistët për pikat arkeoligjike, kuluturore dhe historike që përmban. Gjithashtu apliakcioni ka një sasi të madhe fotosh të Shqipërisë.

Për aventurierët e rinj që duan të vizitiojnë çdo anë të Shqipërisë, aplikacioni ofron informacion për sportet ekstreme, vënde të pa eksploruara më parë të ilustruara me foto, aktivitetet si gjueti, ski, sporte ujore, zhytje, alpinizëm, hedhje me parashutë, kajak, eksplorim shpellash etj... Vëzhguesit e thjeshtë që duan të admirojnë varietetin e informacionit dhe numrin e madh të fotove të pikave më të rëndësishme të Shqipërisë.

Albanian Tourism MAP është me të vërtetë një aplikacion i realizuar dhe e përgëzojmë jashtëmase zhvilluesin që ka arritur të sjellë diçka të tillë edhe për vendin tonë, pasi janë me të vërtetë të pakta aplikacionet e këtij lloji në App Store. Një udhëzues vërtetë i domosdoshëm për të njohur më mirë vendin tonë, me harta 3D dhe një galeri fotografike me pikat më interesante të Shqipërisë. Ju këshillojmë ta shkarkoni.

Albanian Tourism Map është i disponueshëm falas në App Store. Është kompatibël me iPhone 3GS, iPhone 4, iPhone 4S, iPhone 5, iPod touch (gjenerata 3-të), iPod touch (gjenerata 4-të), iPod touch (gjenerata 5-të) dhe iPad. Kërkon iOS 4.0 ose një version më të ri. /iPhoneAlbania

Circul8, një temë grafike mjaft e bukur për iPhone dhe iPad [Cydia]

2013-05-20T18:30:00.000+02:00

Aktualisht në Cydia mund të gjeni me qindra tema grafike për iPhone ose iPad por një pjesë e mire e tyre janë mjaft të ngarkuara dhe jo aq tërherqëse. Në fakt ekzistojnë edhe tema grafike mjaft të këndshme dhe të thjeshta. Në këtë artikull kemi zgjedhur t'ju prezantojmë një temë grafike për iPhone mjaft interesante.

Circul8 është një temë mjaft e thjeshtë por dhe e kompletuar që do të thotë se mbulohen shumë ikona të gatshme për një pjesë të mirë të programeve që përdorim në iDevice-in tonë. Programi që na instalon këtë temë grafike na jep mundësinë të përdorim edhe mbi 550 ikona të ndryshme që ky ofron. Ai integrohet mjaft mire me iOS iOS 6 dhe mbi të gjitha është falas. Ja vlen ta provoni këtë temë grafike në iPhone-in tuaj. /iPhoneAlbania