Islam-tim

Hytbeja e Profetit Muhamed a.s. për Ramazan

noreply@blogger.com (Ekipi7) — Sat, 21 Jul 2012 11:06:00 +0200

O njerëz, ju jeni duke hyrë nën hijen e një muaji të bekuar. Një natë e tij është më e mirë se njëmijë muaj. Allahu e bëri agjërimin obligim në këtë muaj dhe nxiti njerëzit të falen më shumë në netët e tij. Të kërkosh afërsinë me Allahun nëpërmjet një vepre të mirë do konsiderohet si kryerja e një akti të obligueshëm adhurimi. Në anën tjetër, kryerja e një akti të obligueshëm adhurimi do shpërblehet 70 herë më shumë se në çfarëdo muaji tjetër. Është muaji i vetëpërmbajtjes dhe shpërblimi për vetëpërmbajtjen është Xheneti. Është muaji i mbështetjes dhe ndihmës së të tjerëve dhe muaji në të cilin besimtarët do shijojnë begati.

Bëni shpesh katër gjëra, dy prej të cilave do kenë kënaqësinë e Zotit tuaj dhe dy të tjerat janë të domosdoshme për shpëtimin tuaj në jetën tjetër. Për sa i përket dy gjërave që pëlqehen nga Zoti juaj ato janë: të dëshmuarit të të qenët Një të Allahut dhe të kërkuarit falje. Ndërsa dy të tjerat janë: të kërkuarit prej Allahut të mirësisë së hyrjes në parajsë dhe të kërkoni mbrojtje prej Tij nga zjarri…”

(Transmeton Ibn Huzejme)

Konferenca e Shejtanit

noreply@blogger.com (Ekipi7) — Fri, 11 Feb 2011 14:51:00 +0100

“Njerëzit janë si Hëna, edhe ata e kanë anën e tyre të errët”

Në këtë fjalë hyrëse, duke iu drejtuar shërbëtorëve të tij të këqij, shejtani ka thënë: “Nuk mund ti ndalojmë myslimanët të shkojnë në xhamia. Nuk mund t’i ndalojmë të lexojnë Kur’an dhe ta mësojnë të vërtetën. Nuk mund ti ndalojmë të formojnë lidhjen intime me All-llahun xh.sh. Kur e vendosin këtë lidhje me Allahun xh.sh. nuk do të kemi më fuqi mbi ta. Ndaj, lejoni të shkojnë në xhamia. Lejoni që të drejtojnë jetën e tyre konservative ashtu që të mos kenë mundësi të vejnë kontakt me All-llahun xh.sh.
Kjo është ajo që dëshiroi ta arrini, shërbëtorët e mi. Tërhiquani vëmendjen që të mos kapen për Krijuesin e tyre dhe që ta mbajnë këtë lidhje thelbësore me Atë gjatë gjithë ditës!”.
“Si do ta arrijmë këtë ?” bërtitën shërbëtorët.
“Bëni çmos që të angazhohen me gjëra jo të rëndësishme në jetë dhe shpikni kurthe të panumërta që mendjet e tyre të jenë të preokupuara”, u përgjigj.
“Thirrni të shpenzojnë... shpenzojnë... shpenzojnë dhe le të japin... të japin... të japin. Bindi gratë që të punojnë me orë të tëra, kurse burrat të punojnë 6 – 7 ditë të javës, 10 -12 orë në ditë, për t’u mundur që vetvetes t’i lejojnë të përballojnë jetën e tyre boshe. Parandaloni dhe pengoni të mos e kalojnë kohën me fëmijët e tyre. Kur familjet e tyre të shpërndahen, së shpejti shtëpia e tyre nuk do të jetë e mjaftueshme që t’iu ofroi strehim nga presioni i punëve....!”
“Përforconi mendjet e tyre ashtu që mos ta dëgjojnë atë zë të vogël të qetë as në vetvete. Joshni ata që ta ndezin radion ose kasetofonin kur janë duke e drejtuar makinën, që vazhdimit ta mbajnë të ndezur TV-në, DVD-në dhe llogaritarët në shtëpitë e tyre. Kujdesuni që çdo dyqan – lokal afarist dhe restorant kudo në botë vazhdimisht të mbajë të lëshuar muzikën. Kjo do t’ju mbinkargoj mendjet e tyre dhe do ta shkatërroj atë lidhje me All-llahun xh.sh.”
“Stërmbushni tavolinat e tyre me revista dhe me gazeta. Bombardoni mendjet e tyre gjatë 24 orëve me lajme. Tërhiquani vërejtjen me pano – plakata përskaj rrugës kur janë duke udhëtuar me makinë. Vërshoni – përmbytni kutit e tyre të postës me postë – dërgesa të pa vlefshme, me katalogje promovuese dhe me llojet e biltenava dhe ofertave të prodhimeve pa pagesë, shërbime dhe shpresa të kota. Në faqet e para të revistave të modës vendosni manekinet e bukura, ashtu që bashkëshortët të bëhen të pa kënaqur me bashkëshortet e tyre. Kjo së shpejti do t’i shkatërroi familjet e tyre!”.
“Ndikoni te ata që ta teprojnë edhe në momentet e rekreacionit. Po ashtu ndikoni që nga rekreacioni të kthehen të lodhur, të shqetësuar dhe të papërgatitur për javën e ardhshme. Mos i lejoni që të dalin në natyrë që të mahniten me bukuritë e krijimtarisë së All-llahut xh.sh. Në vend të saj dërgoni në Luna Parqe, në ndeshje sportive, në koncerte, kinema. Ndikoni që të jenë të zënë... të zënë... të zënë.!!!! E, kur të takohen për tema fetare, shoqërimit shpirtëror, inkurajoni në thashetheme dhe në tregime të pa vlefshme, ashtu që në fund të shpërndahen me konfuzion në ndërgjegjësim dhe me ndjenja të çrregulluara.
“Nuk ka lidhje, lejoni ju atyre që të merren me fitoren e kërkesave të tyre. Por, ngarkoni jetën e tyre me shumë gjëra, ashtu që të mos kenë kohë, mos t’iu mbetet kohë që të kërkojnë fuqi nga All-llahu. Së shpejti do të fillojnë të mbështeten në fuqinë e vet ose forcat vetanake, duke sakrifikuar shëndetin dhe familjen e tyre në emër të atyre gjërave të mira. Do të fitojmë! Do të fitojmë!”

Kjo ishte e drejta konvencionale e vërtetë. Shërbëtorët Evil u nisën me entuziazëm që t’i kryejnë detyrat e tyre, që t’i bëjnë myslimanët e angazhuar... të angazhuar... të angazhuar dhe të vrapojnë andej e këndej. Unë mendoi se tash na shtrohet pyetja:

A ka pasur shejtani sukses me kurthet - intrigat e tij ?
Ju vendosni.
Vetëm një pyetje .....
A jeni të ZËNË ????

Përktheu dhe përshtati
Esat ef.Rexha

Rrënohen muret e kishës në Kala

noreply@blogger.com (Ekipi7) — Fri, 11 Feb 2011 14:33:00 +0100

Pas reagimeve të shumta dhe stopimit të punëve, mbrëmë vonë ka filluar rrënimi i konstruksionit në Kala, për të cilin zyrtarët thoshin se do të jetë muze, por që kishte formën e kishës.

Tani për tani, nuk dihet se me urdhër të kujt ka filluar të rrënohet objekti në Kala, pasi ende nuk ka informata nëse është ndërmarr kjo iniciativë nga institucionet shtetërore apo nga popullata e revoltuar.

Në kohën kur dhe u dha alarmi për fillimin e ndërtimit të kësaj kishe, Bashkimi Demokratik për Integrim (BDI), hodhi poshtë se aty do të ndërtohet kishë, pasi, sipas kësaj partie në pushtet, bëhej fjalë për objekte në të cilat do të eksponohen artefaktet e gjetura gjatë hulumtimeve arkeologjike të bëra në këtë lokacion.

BDI-ja u zotua se çdo tentative tjetër nuk do të ketë sukses. “Këtu do ketë artefakte për kultura dhe histori të popujve të ndryshëm që kanë qenë në këto troje, duke përfshirë këtu edhe fiset ilire dhe popullin shqiptar, çdo tentativë tjetër nuk do të ketë sukses”, thuhej ne deklaratën e BDI-së.

Bota e Melekëve

noreply@blogger.com (Ekipi7) — Thu, 10 Feb 2011 21:59:00 +0100

Një shikim mbi natyrën e melekëve (engjëjve)

Melekët janë krijuar që ta respektojnë Zotin, ata nuk kanë mundësi të kundërshtojnë ”…nuk kundërshtojnë Allahun për asgjë që ai urdhëron dhe punojnë atë që janë te urdhëruar”. (Et-tahrim:6)
Natyra e melekeve apo engjëjve është e tillë që ata gjithnjë i nënshtrohen urdhrave të Allahut dhe kjo nuk u shpenzon kurrfarë mundi, sepse ata nuk kanë kurrfarë pasioni.

Pozita e melekëve(engjëjve)

- Veçoria e më bukur me të cilën përshkruhen melekët është se ata janë robër të Allahut, robër të fisnikëruar. Me parë kemi përmendur se pretendimi i politeistëve kinse melekët janë “bijat e zotit” është pretendim i kotë, nuk ka kurrfarë korrektësie dhe Allahu i përgënjeshtroi ata që supozuan një gjë të tillë dhe në te njëjtën kohë sqaroi realitetin dhe pozitën e melekëve (engjëjve) në shumë ajete kuranore:

E ata thanë: "I Gjithëmëshirshmi ka fëmijë!" Larg saj qoftë madhëria e Tij! Ja, ata janë robër të ndershëm!

Që nuk flasin para Tij, ata veprojnë me urdhrin e Tij.

Ai (All-llahu) e di çka vepruan më parë dhe çka do të veprojnë, dhe ata nuk përpiqen të ndihmojnë pos për atë me të cilin është i kënaqur Ai, e ata nga frika prej tij janë të kujdesshëm.

Ndërsa, kush thotë prej tyre se unë jam zot pos Tij, ndëshkimi për të është xhehennemi. Kështu i ndëshkojmë Ne zullumqarët. (21:26.27.28.29)

Cilësitë fizionomike dhe ajo që ka të bëj me to

Materia nga e cila u krijuan dhe koha e krijimit të tyre

Meleket u krijuan nga drita, këtë e dëshmon edhe hadithi (thënia)e profetit
Muhamed a.s. të cilin e transmeton Ajshja (gruaja e tij) nga babai I saj, se ka thënë se: ”Meleket u krijuan nga drita, xhinnët u krijuan nga flaka e zjarrit, kurse Ademi (Adami) u krijua nga ajo që u është përshkruar (dheu).” Një thënie tjetër thotë: “Meleket u krijuan nga drita e fuqisë, ndërsa iblisi (djalli/shejtani) nga zjarri i fuqisë”

Shikimi i melekëve(engjëjve)

Pasi që melekët janë trupa te krijuar nga drita e fort, njeriu nuk ka mundësi t’i shoh ata, posaçërisht kur dihet se Allahu nuk i dha mundësi shikimit tonë qe ti shoh ata. Asnjë njeri në botë nuk i ka pa melekët (engjëjt) në formën e tyre të vërtet përveç Muhamedit a.s., i cili e pa Xhibrilin (Gabrielin) dy herë në formën e tij të vërtetë. Ndërsa në baze të disa argumenteve tjera thuhet se njerëzit mund ti shohin meleket, kur ata personifikohen në pamje të njeriut.

Madhësia e krijimit të tyre

Allahu i madhërishëm për melekët të cilët janë kujdestar te Xhehnemit ka thënë në Kuran:

O ju që besuat, ruajeni veten dhe familjen tuaj prej një zjarri, lëndë djegëse e të cilit janë njerëzit dhe gurët. Atë (zjarrin) e mbikëqyrin engjëjt e rreptë e të ashpër që nuk e kundërshtojnë All-llahun për asgjë që Ai i urdhëron dhe punojnë atë që janë të urdhëruar. (66:6.)

Madhësia e krijimit të Xhibrilit

Imam ahmedi një sahabi (shok i Muhamedit) transmeton se profeti Muhamed a.s. e ka parë Xhibrilin (Gabrielin) në formën e tij, e ai kishte gjashtëqind flatra, çdonjëra prej tyre kishte mbuluar horizontin…një transmetim tjetër nga Ebu Dawudi se Muhamedi a.s ka thënë “Më është lejuar mua të flas për një nga meleket e Allahut bartës të Arshit, ai është aq i madh sa që largësia mes veshit dhe supeve të tij është sa udhëtimi 700 vjet..

Krahët e melekëve (engjëjve)

Melekët kan krah, sikurse na lajmëron Allahu në kuran: 35:1. Falënderimi i qoftë All-llahut, Krijuesit të qiejve e tokës, Sajuesit të engjëjve me nga dy palë, tri palë e katër palë krahë, ndërmjetësues (midis Tij dhe pejgamberëve). Ai shton në krijim atë që do, vërtet All-llahu ka fuqi për çdo send.

Bukuria e melekëve (engjëjve)

Bukuria e melekëve (engjëjve) është aq e bukur saqë nuk mund te përshkruhet, edhe ndër njerëz është traditë që kur bëjnë krahasim për ndonjë çështje të bukur thonë: ky është i bukur si melekë (engjëll) pra e pergjasojnë bukurin e njeriut me bukurin e (engjëjve) . Allahu ne kuran lidhur me Xhibrilin thotë:

53:5. Atë ia mësoi Ai, fuqiforti, (Xhibrili)
53:6. Që ka mendje precize dhe që u përqendrua në formën e vet (reale).

Ibn Abazi e komenton këtë ajet kuranorë,tha: “…që u përqendrua në formën e vet” d.m.th. me pamje te bukur”, kurse katadaja thotë: ”Me trup te gjatë e te bukur”..

Ata nuk i takojnë asnjërës gjini

Ajo që i bën njerëzit të devijojnë në momentet kur flasin për botën metafizike është fakti se ata orvaten këtë botë të panjohur të ia nënshtrojnë kritereve të tyre njerëzore. Prandaj e sheh se si njeri prej tyre në një shkrim te tij habitet se si ishte e mundshme që Xhibrili t’ia sillte përgjigjen të dërguarit Muhamedit a.s. menjëherë pas pyetjeve te cilat u parashtroheshin,kur është e ditur se për të arritur drita prej largësive te qiellit deri te ne ka nevojë për miliona vite dritë?!Ky i gjorë nuk ka kuptuar se shembulli i tij është i ngjashëm me shembullin e mushkonjës e cila përpiqet që shpejtësinë e saj ta krahasoj me shpejtuesin e aeroplanit duke iu referuar kritereve te njohura për atë. E njëjta gjë vlen edhe për këtë njeri , sikurse te mendonte më thellë do të kuptonte se bota e melekëve posedon kritere të cilat plotësisht dallojnë prej kritereve te njohura te njeriut.

Në këtë aspekt devijuan edhe politeistët arab të cilët supozuan se melekët janë femra , kjo thënie e zbrazët e tyre pastaj është përzier me një legjendë më të madhe e cila ishte reale për ta: supozuan se ata melek femra janë bijat e Zotit. Kurani në mënyrë precize shpjegon këtë problematika dhe dihet fort mirë se habia më e madhe qëndron në atë se si ata vet i urrenin femrat aq shumë sa që kur ndonjëri prej tyre lajmërohej se i është lindur vajzë i nxihej fytyra dhe ndihej I mposhtur dhe i turpëruar, e shumica prej tyre për ta larguar këtë turp nga vetja e merrte foshnjën femër dhe e varroste , e pastaj lavdërohej dhe çmohej veprimi i tij nga te tjerët. Lexo ajetet vijuese se si rrëfejnë ato legjenda dhe si diskutojnë me besimtarët e tyre:

E ti (Muhammed) pyeti ata (idhujtarët): "A të Zotit tënd janë vajzat, kurse të tyre djemtë?"
Apo, Ne i krijuam engjëjt femra, e ata ishin dëshmitarë (kur Ne i krijuam engjëjt femra)?!
Vini re se si ata nga trillimet e tyre thonë:

"All-llahu ka lindë!" S'ka dyshim se ata janë gënjeshtarë (kur thonë se engjëjt janë bijat e Zotit).
A thua vajzat Ai i ka bërë më të zgjedhura se djemtë?
Po ç'keni ju kështu, si po gjykoni ashtu?
A nuk jeni duke menduar?
A mos keni ju ndonjë argument të sigurt? (37:149-156)

Këto thëniet e tyre të pa baza, do te merren si argument kundër tyre dhe do japin llogari për to, sepse nga gabimet më të mëdha llogaritet thënia kundër Zotit dhe ti mveshësh Atij atë qe nuk i përket dhe për të nuk ka nevojë:

Edhe engjëjt që janë adhurues të Zotit i quajnë femra? A prezantuan ata në krijimin e tyre (melekëve)? Dëshmia e tyre do të regjistrohet dhe ata do të merren në pyetje. (43:19)

Melekët as nuk hanë e as nuk pinë

Melekët nuk kanë nevojë për ushqim dhe pije sikurse njerëzit. Në kuran ilustrohet mjaft mirë se si meleket i erdhën Ibrahimit (Abrahamit) në formën e njeriut , e ai u ofroi ushqim , por ata refuzuan , kështu qe ai u frikësua, e pasi që ata treguan se kush janë, atij I kaloi frika dhe habia:

A ke arritur të dëgjosh ti për rrëfimin e mysafirëve të ndershëm të Ibrahimit?
Kur patën hyrë te Ai dhe thanë: "Të përshëndesim me paqe!" Ai tha: "Qofshi gjithnjë të përshëndetur me paqe!" (E me vete tha): "Njerëz të panjohur!"

Dhe ai pa u vërejtur shkoi te familja e vet dhe solli një viç të majmë të pjekur.
Atë ua afroi atyre e tha: "Përse nuk po hani?"
Dhe ndjeu njëfarë frike prej tyre, po ata thanë: "Mos ki frikë!" Mandej i dhanë myzhde për një djalë të dijshëm. (51:24-28)

Kur pa se duart e tyre nuk shtrihen kah ai (viç), iu dukën të pazakonshme dhe ndjeu prej tyre njëfarë frike. Ata i thanë: "Mos u frikëso, ne jemi të dërguar te populli i Lutit". (11:70.)

Po nëse ata (kufarët) janë kryeneç (e nuk bëjnë sexhde), atëherë ata që janë pranë Zotit tënd (engjëjt më të lartë), Atij i bëjnë tesbih natën e ditën dhe ata nuk mërziten prej adhurimit. (41:38.)

Qiejt e lartë mbi ta (ose qiejt njëri mbi tjetrin) gati pëlcasin (nga madhëria e Zotit ose nga thëniet e çoroditura të idhujtarëve). Ndërkaq, engjëjt vazhdimisht madhërojnë (bëjnë tesbih) duke e falënderuar Zotin e tyre dhe kërkojnë falje të mëkateve për ata (besimtarët) që janë në tokë. Ta dini se All-llahu është Ai mëkatfalësi, Mëshiruesi!

Vdekja e melekëve (engjëjve)

Meleket vdesin ashtu sikurse vdesin njerëzit dhe Xhinët .ne lidhje me këtë thuhet ne Kuran : 39:68. Dhe i fryhet Surit dhe bie i vdekur çka ka në qiej dhe çka ka në tokë, përveç atyre që do All-llahu (të mos vdesin), pastaj i fryhet atij herën tjetër, kur qe, të gjithë ata të ngritur e presin (urdhrin e Zotit).Pra në fryerjen e parë te gjithë do te vdesin me përjashtim të atij qe do Allahu, kurse kur t’i fryhet Surit te dytë, nuk do ngelet asnjë gjallesë përveç Allahut te Madhërishëm , e atëherë Ai thotë: “I kujt është sundimi sot” te cilën shprehje e përsërit tri herë ,pasi qe nuk ka kush te përgjigjet, Ai përgjigjet vetë “I të vetmit Zot Mposhtësit” edhe ky ajet kuranor dëshmon se ata vdesin “…Çdo send zhduket e Ai (Allahu) jo…”(el Kasas :88)

Kerim Gashi

SHBA: Arrestohet për tentim sulmi ndaj xhamisë në Michigan

noreply@blogger.com (Ekipi7) — Wed, 9 Feb 2011 22:52:00 +0100

Gjashtëdhjetë e tre vjeçari Roger Stockham nga Kalifornia e jugut u arrestua javën e kaluar në Dearborn, periferi e Detroitit, për posedim të eksplozivit me të cilin synonte të hedh në erë njërën nga xhamitë më të mëdha në Miçigan

Stockham u arrestua në parkingun e Qendrës Islamike, derisa një grup i madh i njerëzve ishin në xhami, tha shefi i policisë Ronald Haddad.

Kundër tij është ngritur kallëzim penal për alarm të rremë, rrezik nga terrorizmi dhe posedim të eksplozivit, të cilin e mbante në makinë. Te Stokholm u gjet sasi e papërcaktuar e mjeteve piroteknike të klasit-c, duke përfshirë edhe fishekzjarre m-80, të cilat janë të ndaluara në Michigan. Një nga këto fishekzjarre mund të përmbajë të paktën tre gram eksploziv, e disa më shumë se pesë gram.

Për shkak të dëmtimeve materiale dhe lëndimeve fizike që mund të shkaktojnë, civilëve u është ndaluar të mbajnë fishekzjarre që përmbajnë më shumë se 50 miligram barut shkëlqyes piroteknik.

"Unë jam shumë i kënaqur që këtë njeri e kemi hequr nga rrugët. Tani personat që kishte qëllim t’i sulmonte janë të sigurt", tha Haddad, duke shtuar se autoritetet besojnë se Stockham kishte punuar vetë.

"Stockham ka një histori të gjatë të veprimtarive antiqeveritare", tha Haddad, duke mos dashur të hyjë më shumë në detaje.

Haddad tha se ishin takuar me kryeimamin Hasan el-Qazwini dhe përfaqësuesit e xhamisë dhe i informuan për arrestimin. Sipas tij, përfaqësuesit e xhamisë kanë shprehur shqetësim se publikimi i kësaj ngjarje mund të nxisë sulme të ngjashme në mjediset tjera.

"Kurrë nuk i bartim informacionet për mënyrën e punës dhe aktivitetet e këtyre personave", tha ai, duke shtuar se Stockham jeton pranë San Diegos.

Stockhamit i është caktuar kaucioni prej 500.000 dollarësh, dhe mbetet edhe më tej në paraburgim. Dëgjimi i parë është planifikuar për të premten.

Dearborn, 12 kilometra në perëndim të Detroit, njihet si qytet i komunitetit arabo-amerikan të Detroitit, një nga më të mëdhatë në vend.

Demonstrata në Kajro më e madhja deri tani

noreply@blogger.com (Ekipi7) — Tue, 8 Feb 2011 20:55:00 +0100

E marte 8 Shkurt 2011 19:31

Dhjetëra mijëra vetë kanë dalë në qendër të Kajros për të forcuar rradhët e demonstruesve që ndodhen në sheshin Tahrir për të kërkuar largimin e e presidentit Hosni Mubarak.

Një korrespondent i BBC-së e ka përshkruar këtë si demonstratën më të madhe deri tani në shesh.

Atmosfera ka qënë e qetë gjatë ditës pjesëmarrja nuk mbështet sugjerimet që protestave po u mbaronte fuqia.

Ndërkaq presidenti Mubarak pas takimit në fillim të javës me kabinetin, njoftoi rritje të pagave për punonjësit e qeverisë.

Ndërsa Uashingtoni e zbuti tonin ndaj liderit egjiptian.

Qeveria "merr veten"

Dy javë pasi qeveria egjiptiane u trondit nga vala e parë e protestave, ka shenja se kabineti po e rigjen ekuilibrin.

Qeveria riktheu masat popullore, si rritja prej 15 për qind e pagave për punonjesit e saj. Ndërsa sipas opozitës, është rritur kërcënimi dhe arrestimi i aktivistëve të saj.

Presidenti Obama i ka zbutur kritikat. Ai foli me pozitivizëm për procesin e dialogut që opozita egjiptiane thotë se nuk po shkon gjëkundi.

Madje as monedha vendase, paundi egjiptian, nuk ka rënë në vlerë sa pritej, e ndihmuar kjo mbase nga ndërhyrja e qeverisë vendase dhe atyre të huaja.

Megjithatë protestuesit kanë dalë për çdo ditë në rrugë dhe në masë të madhe. Ata nuk kanë marrë ende përgjigje për kerkesat e tyre.

Një korrespondent i BBC-së thotë se gjithçka duket se parashikon një periudhë të zgjatur paqëndrushmërie për Egjiptin dhe rajonin.

Seria e ligjerateve per femra: Ligjeruese: Rejhane Fazliu

noreply@blogger.com (Ekipi7) — Sat, 5 Feb 2011 20:19:00 +0100

Seria e ligjerateve per femra: Perterije jeten tende Ligjërata 1: Perterije jeten, 03.02.2011 Ligjeruese: Rejhane Fazliu Qendra Kulturore AKEA - Prishtinë.

Gabriella kthehet në Islam në Qendrën Islame Shqiptare të Arizonës

noreply@blogger.com (Ekipi7) — Mon, 31 Jan 2011 20:02:00 +0100

“Allahu është më i Madhi”, dëgjoheshin fjalët që dilnin nga zemrat e të pranishëmve në Xhaminë “Greenway Masjid” të Arizonës.

Me datën 29 Janar 2011, pas namazit të Jacisë, Gabrielle (Khadija) kishte vendosur të kthehej në fenë Islame. Ajo vendosi kurorën martesore me të riun Musliman nga Senegali, Ahmedu (lojtar basketbolli në NBA), një javë përpara në Qendrën Islame Shqiptare Amerikane të Arizonës “Greenway Masjid” dhe sonte ajo kthehet përsëri po në këtë xhami të pranojë Islamin.

Khadija admironte sjelljet e burrit të saj, i cili sillej si i ri musliman i vërtetë dhe pëlqeu të mësonte më shumë për Islamin. Allahu ia hapi zemrën drejt së vërtetës dhe me konsultimet me burrin e saj dhe me Imam Didmar Faja, Gabrielle (Khadija) u bë Muslimane.

AAIC of AZ - “Greenway Masjid”

Kishë apo muze po ndërtohet në kalanë e Shkupit!

noreply@blogger.com (Ekipi7) — Thu, 27 Jan 2011 19:47:00 +0100

Kishë apo muze? Ky është shqetësimi i qytetarëve të besimit mysliman në Shkup, menjëherë pas ngritjes së një objekti në brendinë e Kalasë. Ata besojnë se objekti përmbush të gjitha elementet e një kishe, pasi brenda saj shihet qartë një altar, si dhe është e kthyer nga lindja si të gjithë objektet fetare ortodokse. Ndërkohë Drejtori i Qendrës Nacionale për Konservim, Behixhudin Shehapi sqaron gjithashtu se në bazë të plan-projekteve që janë bërë deri tani për Kalanë e Shkupit nuk është parashikuar ndërtimi i ndonjë objekti fetar.

“Është fakt se ky objekt i përngjan kishës….. bëhet fjalë për një maket përkatësisht për një objekt të vogël që do të funksionojë si pjesë e muzeut arkeologjik dhe aty do të eksponohen ose do të ruhen artefaktet që janë zbuluar nga lokaliteti i Kalasë…. Nuk bëhet fjalë për Kishë por për një maket e cila do të funksionon si pjesë e muzeut arkeologjik” tha Behixhudin Shehapi – Drejtor i Qendrës Nacionale për Konservim.

Të pyetur për qëndrimet e tyre, në telefon zyrtarë të Ministrisë së Kulturës dhe Drejtorisë për Mbrojtjen e Monumenteve Kulturore konfirmuan të njëjtin version ‘objekti në Kalanë e Shkupit nuk është kishë por objekt që do të shfrytëzohet si pjesë e muzeut arkeologjik ku do të eksponohen të gjitha artefaktet e gjetura në atë lokalitet që nga viti 2007 kur dhe filluan gërmimet.

(Alsat-m)

Në botën arabe ka nisur një epokë e re?

noreply@blogger.com (Ekipi7) — Thu, 27 Jan 2011 16:54:00 +0100

Në Tunizi lëvizja protestuese rrëzoi regjimin e Ben Alisë, në Egjipt Mubaraku druhet se po i rrëshqet nga duart pushteti. Si do të rrjedhin ngjarjet: në botën arabe ka nisur një epokë e re.

A do të kapërcejë shkëndija në vende të tjera? Dje Tunizia, sot Kajro, nesër Sanaa apo Damasku? A do të përfshihet i gjithë rajoni arab nga një kryengritje e përgjithshme popullore, në fund të së cilës është çlirimi nga despoti në krye të shtetit? Sot regjime autoritare – nesër demokraci? Jo, kaq e thjeshtë nuk do të jetë.

Që rebelimi politik tani po përshin njërin vend pas tjetrit ka të bëjë edhe me faktin që shkaqet e protestave janë të krahasueshme, ashtu si dhe objektivat. Protesta drejtohet kundër pushtetarëve dhe elitave, të cilat kanë vënë në shërbimin e tyre personal ekonominë dhe politikën. Këta zotërinj për dekada me radhë kanë jetuar në mirëqënie në rrethin e tyre familjar, në kolltukët e rehatshëm të pushtetit, dhe pallatet u pengonin të shihnin popullin.

Ata kishin harruar plotësisht se mbajnë përgjegjësi politike, që zhvillim nuk do të thotë zhvillim vetëm për një grusht njerëzish, por për shumicën. Oligarkët në pallatet qeveritare të botës arabe prej kohësh e kanë humbur sensin e realitetit, nuk i njohin hallet e popujve të tyre. Dhe ato janë të thjeshta: A mund të paguaj bukën e gojës? A mund të gjej punë? Çfarë perspektive jete kam?

Por Tunizi nuk ka gjasa të bëhet Gdansku i botës arabe, vendi ku filloi kryengritja e punëtorëve polakë të portit në vitin 1980. Në Tuniz nuk do të nisë një revolucion demokratik si në Gdansk, i cili të ketë pastaj ndikim në gjithë rajonin. Pasi në ndryshim nga Bashkimi Sovjetik i dirigjuar nga Moska, qendrat politike në botën arabe nuk kanë një udhëheqje të përbashkët, por janë shumë heterogjene.

Megjithatë ekzistojnë edhe forca, të cilat gjenerojnë një ndjenjë bashkësie në shoqëritë arabe, forca, në sajë të të cilave tani ndahen përvojat e protestave dhe zemërimi popullor. Para së gjithash këtë rol e luajnë mediet panarabe: Al Xhazira dhe Al Arabija janë ndoshta motorët më të rëndësishëm për lëvizjet, pasi ato përcjellin pamje dhe informacione nga njëri vend në tjetrin.

Izolimi nga informacioni mund të funksionojë ndoshta në shtetet e varfra dhe të drejtuara nga despotë në Afrikë, por kjo nuk funksionon më në botën arabe. Shoqëritë civile në botën arabe në vendet e tyre dhe sipas këndvështrimit të aparateve politike, ndoshta nuk kanë të drejtë fjale, por në internet, në bloge dhe forume, ato janë një zë me peshë.

Egjipti ende përpiqet me televizionin e tij shtetëror të përballojë konkurencë të fortë nga mediet arabe, por sa i takon besueshmërisë, makina shtetërore e propagandës ka kohë që ka humbur. Dhe në shumë vende të rajonit, blogerat dhe gazetarët janë nën trysni, pasi regjimet e dinë se zërat e lirë mund të bëhen të rrezikshëm për ta.

Arsyet sociale të protestave mund të ndreqen pjesërisht. Por mbetet të shihet nëse guximi dhe vullneti i njerëzve për ndryshime do të kënaqet me aq. Pasi lëvizja është më e madhe se kurrë: nuk janë vetëm studentë, jo vetëm intelektualë, dhe nuk janë as islamistët, që mbajnë të vetëm barrën e protestave. Është mësuesi i thjeshtë, avokati, punonjësi i bankës, të cilët mbrohen. Tani madje ngre zërin, ashtu si në Tunizi, edhe popullsia rurale, e cila për vite me radhë është lënë jashtë jetës politike.

Pra punët nuk duken mirë për zgjedhjet jodemokratike të planifikuara për këtë vit: në Jemen presidenti Salih, prej tre dekadash në pushtet, kërkon të marrë një mandat të pakufizuar. Po aq gjatë është në postin e presidentit edhe Hosni Mubarak në Egjipt. Ai manipuloi zgjedhjet e fundit presidenciale dhe kërkon të kandidojë sërish për postin e presidentit. Çështjen e pasuesit të tij, politikani i trajtuar nga Perëndimi si partner, e zgjidh brenda familjes: ashtu si në familjen Asad në Siri, po pregatitet për postin e kryetarit të shtetit, djali i Mubarakut.

Çfarë do të ndodhë në fund të protestave? Mediet evropiane shpesh parashikojnë se në rajon do të marrin frenat në duar islamistët. Por kundër kësaj teze flet madhësia e lëvizjes së protestave. Fitimtare do të jetë shoqëria civile, e cila tani tregon kaq shumë guxim: aty këtu do të ketë ndryshim regjimi, zgjedhjet do të jenë më të pastra, parlamentet ndoshta do të luajnë një rol më të fuqishëm, spektri i partive do të bëhet më i gjerë, të gjithë këta hapa të rëndësishëm për më shumë demokraci. Dhe mësimi ndoshta më i rëndësishëm për të gjithë despotët është se në një botë të globalizuar shoqëritë nuk mund të izolohen më, nuk mund të ndalet apo filtrohet sipas dëshirës informacioni. Sa më shumë bota rritet së bashku, aq më e madhe bëhet trysnia ndaj regjimeve për të dhënë llogari dhe për të lejuar ndryshimin.

Ute Schäffer, DW

Film dokumentar "Shqiperia Muslimane"

noreply@blogger.com (Ekipi7) — Wed, 26 Jan 2011 23:57:00 +0100

Film dokumentar "Shqiperia Muslimane" (Shqip) çfarë përjetojë në kohen e komunizmit islami në Shqipëri çfar po përjetonë tash Shqipëria Muslimane

A jeni grua e Islamit ?

noreply@blogger.com (Ekipi7) — Wed, 26 Jan 2011 23:57:00 +0100

Me emrin Allahut Meshiruesit Meshirberesit

Roli i gruas në islam është aq madhështorë sikurse i burrit, dhe në disa rrethana përgjegjësia e saj është shumë më e madhe se sa e burrit. Statusi i saj nuk është ashtu siç e ngjyrosin mediat e perëndimit, një robëreshë e lidhur për tu fundosur dhe e mangët në mendje dhe ndjenja përkundrazi statusi i saj është krenar dhe i ngritur.

Në mesin e muslimanëve njihet se shoqëria e mirë dhe e keqe është si rezultat i kontributit të grave. Nëse gratë janë në të mirë dhe të devotshme dhe e pasojnë Kuranin dhe Sunetin atëherë shoqëria do ta reflekton madhështinë e saj dhe nëse ajo është e pamoralshme dhe e ligë dhe e braktis Kuranin dhe Sunetin shoqëria do të jetë reflektim i të ligës së saj. Kjo është për arsye se gruaja është ajo e cila e formon shoqërinë, pasi që ajo është mësuesja e parë e njerëzve të së nesërmes.

Gratë në islam janë nëna, mësuese, dijetare, motra, këshilltare; ajo është një universitet i plotë dhe e zhvillon popullin e saj.

Fshehtësia e rëndësisë së saj qëndron në barrën e pamasë dhe përgjegjësia që është vendosur mbi të, dhe vështirësitë që ajo duhet ti bartë në kraharor.

Në fenë hyjnore të islamit gratë janë përgjegjëse që ti mësojnë fëmijët deri në moshën e pubertitetit, ajo i edukon studentet e saja në fik’h (rregullat fetare), fe, Kuran, etik, moral, sjellje etj. Kështu që gratë janë model dhe duhet të demonstrojnë shembull praktik se si një person duhet të mendojë, të sjellët, të flas.

Fatkeqësisht shumë gra të shekullit 21 i shikojnë gratë e Hollivudit dhe Bollivudit për frymëzim, ku për shkak të tyre ajo më nuk dëshiron që të duket si muslimane, të flas si muslimane, të vishet si muslimane, të mendoj si muslimane. Ajo më shumë preferon që të ecë e zbuluar se sa ti mbulojë flokët e saj me shami, ajo më shumë preferon të jetë e poshtëruar dhe e keqpërdorur se sa të jetë një person i përulur dhe e devotshme. Ajo më shumë preferon të veshë farmerka të ngushta se sa xhilbab, e që është shenjë e modestisë dhe pastërtisë.

Në vend se të dëshiroj të duket si Merjemi, Hadixha dhe Aishah (Allahu qoftë i kënaqur me ato) shumë prej tyre dëshirojnë të bëjnë gara me yjet e popit dhe aktoret të cilat nuk kanë respekt për veten e tyre dhe janë bërë pronë publike për të gjithë që ti shohin dhe ti prekin ato siç dëshirojnë ata.

Pra pyete veten tënde motër e dashur muslimane, a dukesh si muslimane apo si prodhim i kinemave perëndimore/lindore?

Xhaferi nga Shqipëria

noreply@blogger.com (Ekipi7) — Wed, 26 Jan 2011 21:34:00 +0100

Tregimi mbi dashurinë e haxhi Xhaferit, nga Shqipëria mbi dashurinë ndaj Islamit.

Trazira të mëdha në Egjipt

noreply@blogger.com (Ekipi7) — Tue, 25 Jan 2011 21:40:00 +0100

Këto janë inçizimet e para nga Egjipti ku protestuesit të inspiruar nga revolucioni në Tunis kërkojnë ndërimin e Hosni Mubarakut sipas lajmeve të al Xhezirës.

Roli i Turqisë në Ballkan alarmon Perëndimin

noreply@blogger.com (Ekipi7) — Mon, 24 Jan 2011 15:59:00 +0100

Dokumente të reja të platformës së internetit “Wikileaks” nxjerrin në sipërfaqe të dhëna për shqetësimet e Perëndimit për rritjen e ndikimit të Turqisë në rajonin e Ballkanit.

E hëne 24 Janar 2011 13:16

Në një bisedë të ndihmës sekretarit amerikan për çështje politike, Uiliam Berns me nënsekretarin e Ministrisë së jashtme turke, Feridun Sinirlioglu nënvizohet se Bashkimi Evropian (BE) kundërshton angazhimin e fuqishëm të Turqisë në Ballkan dhe se SHBA me kujdes shohin këtë zhvillim, informon agjencia e lajmeve INA.

Sipas dokumentit që ambasadori amerikan në Ankara e ka dërguar në Uashington në shtator të vitit të kaluar, pasqyrohet vendosmëria e Qeverisë turke për të kundërshtuar përpjekjet e vazhdueshme të BE-së për të shmangur Turqinë nga Ballkani.

Në një korrespodencë drejtuar Uashingtonit, thuhet se shefi i diplomacisë turke Ahmet Davutogllu ka shkaktuar një valë reagimesh dhe rezistencës së hapur për praninë turke në Ballkan.

"Ky qëndrim që na rikthen në të kaluarën, i kombinuar me tendencën e Turqisë për të zbatuar atë në bashkëpunim me politikanët vendorë me orientim islam, vazhdimisht krijon probleme të reja," paralajmërohet në korrespondencën e Ambasadës në Ankara drejtuar Departamentit të Shtetit.

Shefi i diplomacisë turke, Ahmet Davutolgu ka theksuar se Turqia po punon në ngritjen e një Ballkani të ri, i cili ka qenë një shembull i suksesit në kohën e Perandorisë otomane.

“Ne duam një rajon të ri të Ballkanit, i bazuar në themelet e vlerave politike, bashkëpunimit ekonomik, bashkëpunimit në harmoninë kulturore. Ky ka qenë edhe Ballkani otoman. Ne do të përtërijmë këtë Ballkan, sepse shekujt e këtij Ballkani kanë qenë një rrëfim i suksesshëm, por tani duhet ta përtërijmë”, ka theksuar Davutogllu. (INA)

Protesta në Jemen

noreply@blogger.com (Ekipi7) — Sun, 23 Jan 2011 15:21:00 +0100

Mijëra studentë, simpatizues të opozitës kanë dalë nëpër rrugët e Sanës, duke kërkuar largimin e kryetarit Ali Abdullaha Salehut, transmeton el Xhezira.

"Ali, bashkangjitju mikut tënd Ben Aliut" kanë brohoritur protestuesit.

Policia me lotsjsellës ka provuar të shpërndajë protestuesit, hidhërrimi i të cilëve u rrit kur u bë ndërimi i kushtetutës me të cilën kryetari i tanishëm do të mundej që detyrën e vet ta kryej deri në vdekje. JAnë arrestuar diku te 30 protestues, sipas informatave të sigurimeve shtetërore

Mbas "tërmetit politik" tunisian, Saleh urdhëroi zvogëlimin e tatimeve deri më 50% dhe kontrollin e rreptë të çmimeve. Siç' duket i mësuar nga rasti i Ben Aliut dëshiron që ta anashkalojë fatin e njëjtë.

Poashtu për një kohë të shkurtë në vendet kyçe janë shpërndarë një numër i madh i forcave të sigurisë.

Gati gjysma e popullatës së Jemenit jeton në kufirin e varfërisë i cili bën diku te 2$ në ditë

Qeveria mbytet në korrupsion dhe nuk ka, ose fare pak ka, ndikim jashtë kryeqytetit Sana.

Protesta janë mbajtur edhe në jug, në Aden, me thirjet kundër Salehut, mundeshin të dëgjohen edhe parola për secesionizëm. Policia ka gjuajtur ndaj protestuesve, duke lënduar një person, njëzeet e dy janë të burgosur.

Prezantuesja e BBC qan kur e dëgjon Ezanin

noreply@blogger.com (Ekipi7) — Sat, 22 Jan 2011 20:39:00 +0100

Ezani qe degjohej nga minaret e qytetit ngjallen emocione te papershkrueshme per gazetaren britanike saqe nga syte i rrodhen lotet.

Vazhdojn protestat në Tunizi për katër ditë radhazi

noreply@blogger.com (Ekipi7) — Sat, 22 Jan 2011 14:47:00 +0100

Vazhdojn protestat në Tunizi për katër ditë rradhazi duke kërkuar largimin e të gjithë pjesmarrësve në ish pushtetin e diktatorit Zejnul Abidin Bin Ali.

E shtune 22 Janar 2011 9:41

Një gjë të tillë këshilloi edhe Dr.Jusuf Kardavi i cili shfrytëzoi hutben e xhumasë nga kryeqyteti i Katarit Doha ku kërkoi që mos të përfshihen në qeverinë e përkohshme asnjeri nga ndihmësit e ish diktatorit.

Unioni i Përgjithshëm Tunizian vazhdon angazhimet për krijimin e qeverisë së përkohshme e cila do të qeveris vendin deri ne kohen e krijimit të kushteve për zgjedhje të qeverisë e cila do të perzgjidhet nga populli.

Dhe për herë të parë pas 23 viteve nuk u përmend emri i ish- diktatorit në xhamit e vendit në hutben e ditës së xhuma ku deri tani nje gje e tillë kërkohej në mënyrë të prerë nga ish-pushteti diktatorial.

Te gjithe imamet e xhamive neper hutbet e dites se xhuma kerkuan nga popullata qe te ruajn rendin dhe qetesin e vendit. Pas faljes se namazit te xhumas u be falja e namazit te xhenazeve per te gjithe ata te cilet u vran gjate kesaj kryengritje dhe bene lutje per shpirtrat e tyre./Al-jazeera.net

Pengohet vizita e ministres franceze në Gaza

noreply@blogger.com (Ekipi7) — Fri, 21 Jan 2011 21:51:00 +0100

E premte 21 Janar 2011 13:12

Protestuesit palestinezë kanë penguar sot vizitën e ministres palestineze Mishel Aliot-Mari në Rripin e Gazës, duke iu vërsulur makinës së saj, në kohën kur ajo mbërriti në territorin që sundohet nga Hamasi.

Dhjetra protestues u përpoqën ta bllokojnë makinën e ministres Aliot-Mari nga vendkalimi Erez në Izrael, dhe pastaj u mblodhën para zyrës së Kombeve të Bashkuara, e cila ishte ndalesa e parë e saj.

Protestuesit ishin zemëruar nga komentet e ministres franceze të bëra dje në Izrael, ku ajo foli në mbështetje të ushtarit izraelit, i cili mbahet nga Hamasi, por nuk i përmendi hallet e palestinezëve në burgjet izraelite.

Ahmadinexhad: Tunizia drejt sundimit islamik

noreply@blogger.com (Ekipi7) — Fri, 21 Jan 2011 01:09:00 +0100

Presidenti i Iranit, Mahmud Ahmadinexhad, tha se tunizianët janë në rrugë të vendosjes së sundimit islamik, pas rrëzimit të “diktatorit pro-perëndimor”.

Të martën, 228 ligjvënës të Parlamentit 290-anëtarësh të Iranit kanë shprehur mbështetjen e tyre për atë që kanë quajtur “lëvizja revolucionare” e popullit tunizian.

Ngjarjet në Tunizi kanë nxitur protesta edhe në vende të tjera të botës arabe, përfshirë Algjerinë, Egjiptin dhe Jordaninë./rel/

Shoqëria britanike gjithmonë e më pak tolerante ndaj muslimanëve

noreply@blogger.com (Ekipi7) — Fri, 21 Jan 2011 01:06:00 +0100

Shoqëria britanike po bëhet gjithmonë e më pak tolerante ndaj muslimanëve dhe kjo është kthyer në një standard të pranuar, deklaroi Saeda Varsi. Varsi është myslimanja e parë që mban një post në kabinetin qeveritar britanik. Ajo është ministre pa portofol në qeverinë Kamerun.

Komentet e Varsit janë marrë nga një fjalim që ajo do të mbajë gjatë ditës. Në të njëjtin vend Varsi thotë se ndjekësit e islamit në Britani përshkruhen ose si të moderuar ose si ekstremistë, çfarë nxit keqkuptime dhe mungesën e tolerancës.

Çështja e ekstremizmit në Britani është kthyer në një problem kyç veçanërisht pas sulmeve me bomba në Londër në korrik të vitit 2005.

Oj robëreshë e All-llahut!

noreply@blogger.com (Ekipi7) — Thu, 20 Jan 2011 23:41:00 +0100

Unë jam i befasuar ndaj Zjarrit të Xhehennemit – si ka mundësi që dikush që ka ikur prej tij të fle?

Unë jam i befasuar ndaj Xhennetit – si ka mundësi që dikush që mallëngjehet për te të fle?

Pasha All-llahun!

Nëse ti as që mallëngjehesh për Xhennet!

As që e ke frikë Zjarrin e Xhehennemit!

Ti do të jesh e humbur!

Dhe i dhimbshëm do të jetë dënimi yt!

Dënimi yt do të jetë i përhershëm dhe lotët tuaj nuk do të përfundojnë.

Ti do të jesh prej të mallkuarave, e dënuar!

Pra nëse pohon se je njëra prej tyre...?

Kush kërkon mbrojtje prej Zjarrit të Xhehennemit?

Dhe kush mallëngjehet për Xhennet?

Atëherë përpiqu për atë që mallëngjehesh.

Dhe mos u devijo prej kësaj dynjaje.

Njëherësh derisa sekondat po kalojnë

Duke mos pritur për ty.!

Dhe vdekja e merr një hapë afër teje.

Për çdo sekondë.

Pra kush je ti para All-llahut?

Përpiqu që të jesh njëri prej njerëzve të Kur`anit.

Ata të cilët vazhdimisht e lexojnë Kur`anin.

Dhe gjuha e të cilëve i donë fjalët e All-llahut.

Që ti shijosh të njëjtat fjalë që gjuha e Pejgamberit të Muhammedit (sal-l All-llahu alejhi ue sel-lem) i ka shijuar.

Oj robëreshë e All-llahut..!

Oj ti që pohon se e donë All-llahun.

Sa kohë ke shpenzuar për Atë sot?

Sa dua ekstra i ke shtuar në sexhdën tënde?

Sa faqe i ke shfletuar në Librin e All-llahut?

Sa herë ka qenë gjuha yte e lagur duke e përmendur All-llahun?

Sa orë prej ditës kanë qenë të dobishme për ty?

Apo mos ka qenë kjo ditë sikurse çdo ditë tjetër?

Një ditë e cila do të dëshmoj kundër teje në Ditën e Gjykimit.

A je ulur dhe po e lexon këtë letër!

Me më shumë dituri se sa që kishe dje.?

Në të vërtet, njëri prej karakterit të myslimanit është..

Që ti ta shtosh të mirën në vetën tënde çdo ditë

Dhe të mos qëndrosh në të njëjtën gjendje sikurse dje..

Për arsye se është një lumë që uji i tij është ende i ndotur,

Sikurse lumi i cili ç'doherë është në lëvizje!

Uji i tij mbahet i pastër.

Dhe ti je njashtu

Njëra në veprim

Apo njëra

E cila është shumë e përtacuar që të lëviz në shërbim të All-llahut.

Kur të vdekurit janë të gjallë e të gjallit të vdekur

noreply@blogger.com (Ekipi7) — Thu, 20 Jan 2011 23:38:00 +0100

Të vdekurit jetojnë përmes fjalëve dhe përmes asaj çfarë kanë shkruar gishtat e tyre. Ata jetojnë përmes së vërtetës të fjalëve të tyre dhe përmes qëndrueshmërisë në pozicionet e tyre, edhe përkundër shkatërrimit të trupave të tyre dhe shpirtrave të tyre të ndershëm.

Fjalët e shkruara me duart e tyre do të qëndrojnë dhe do të ndriçojnë dhe do ta zgjojnë shpresën pasi që ata e kanë sakrifikuar veten, pasurin e tyre, gjakun dhe jetët e tyre për atë çfarë kanë shkruar, që ka rrjedh nga vlerat e tyre të forta dhe principet e futura thellë në rrugën për këtë fe.

Atë ditë, edhe pse ata janë të vdekur, islami dhe muslimanët do të triumfojnë përmes fjalëve të tyre që i kanë lënë pas tyre.

Njerëzit e fesë do të lavdërohen derisa njerëzit e shirkut dhe idoleve do të poshtërohen. Gjaku dhe sakrifikimi i tyre janë lëndë për djegie e cila do ta eliminoj padrejtësinë dhe do ta largoj vuajtjen dhe dhembjen. Drejtësia do të fitoj dhe të shtypurit do të ngadhënjejnë. Burgjet do të zbrazen dhe ata në të do të lirohen. Nuk do të ketë asnjë e drejte e humbur, nuk do të ketë tatim dhe as tarife.

Kur të gjallit janë të vdekur, edhe pse trupat e tyre ende ecin mbi tokë, ata nuk kanë jetë. Zemrat e tyre kanë vdekur sepse ata jetojnë për arsye se duhet të jetojnë, për arsye të komforit dhe dëshirave të mbetura. I kanë mbledhur pagat nga punët e tyre, pagat që i kanë fituar për hutbet e tyre dhe fetvat e tyre, për paturpësinë kundër islamit dhe atyre që e mbrojnë këtë fe. Ata janë të “matur” dhe çmimi ka qenë i ulët: disa dërhem apo popullaritet, i përzier me gjakun e të ndershmëve dhe të lirëve. Ata përulen para Zotit të gjithë krijesave në mbrëmjet dhe rrjetet e tyre satelitore, derisa në anën tjetër, shkrihen në devijimet e tyre. Janë shkrirë në ato devijime prej këmbëve të tyre, deri te kurora në kokat e tyre. Ata i largojnë njerëzit nga islami, i mashtrojnë dhe i arsyetojnë për mosdijen e tyre, me gojët e tyre flasin se ata që i kundërshtojnë ata janë të marrë apo të rinj. Ata flasin për kualitetet e mira të atyre që e rrënojnë këtë fe ndërsa heshtin për veprat e këqija dhe mjetet që i përdorin ata në punën e tyre për shkatërrim e saj. Kjo nuk është befasi ku ata vetë janë vegël e nënshtruar në duart e atyre të ligjve. Tek ata, njerëzit e hakut - të së vërtetës dhe bindjes janë njerëz përçarës dhe në devijim të hapur. Kur frikacakët e kanë lënë vendin e braktisur...vetëm humbja e besimit dhe grindja do të priten kur ata janë që flasin për gjendjen e umetit dhe shtetet muslimane. Islami dhe muslimanët do të poshtërohen dhe jeta do të jetë e turpshme dhe e keqpërdorur. Nuk do të ketë asgjë tjetër vetëm nënshtrim dhe skllavërim.

Vendet do të okupohen dhe Kurani do të nënçmohet. Ajo çfarë është e shenjët do të ndyhet, vajzat e pastërta do të dhunohen dhe nderi do të zhduket, me qëllim që të vetëdijesohen për vdekjen Lake ibn Lake, mbi kafkat e të pafajshmëve, gjakun e të ndershmëve dhe vdekjen e të pafajshmëve. Në duar të tyre (të gjallëve të vdekur, KE) do të vijë dita kur e tëra do të pastrohet nga islami ashtu siç pastrohet rroba, dhe as agjërimi, dhe sadakaja, as devotshmëria nuk do të kuptohen. Por ata do të takohen me fatin e turpshëm dhe keq do të përfundojnë, me lejen e të Vetmit, Mëshirëbërësit, derisa tu jepen pagat e tyre për atë çfarë i kanë bërë ummetit, për gjakun që e kanë derdh me fetvat e tyre, për heshtjen e të vërtetës dhe për ndihmën që i kanë dhënë të pavërtetës. Megjithatë, ata do të mendojnë se kanë vepruar drejtë: “A atij që vepra e vet e keqe i është hijeshuar dhe e sheh si të mirë (a është i njëjtë me atë që i largohet asaj)?”

Ibn Ebu Davudi (është ai i cili e ka futur fitnen për krijimin e Kuranit) ka jetuar në gjakun e El-Bavajtit (student i imam Shafiut, Allahu e mëshiroftë) edhe pse ka qenë i njohur për nga dituria, fjalët dhe bujarin, ai ka qenë nga ata me qëllim të keq dhe fe të shtrembër, ashtu që askush nga ai nuk ka pas dobi dhe ka pasur përfundim të keq, për arsye se ka kritikuar, shpifur dhe dëmtuar njerëzit nga e vërteta dhe nga feja.

Sejjid Kutubi ka qenë njëri nga ata të cilët kanë besuar se fjalët e tij do të mbyten dhe shkronjat e tij do të fshihen nga zemra dhe mendja. Megjithatë, fjalët e tij kanë mbijetuar sikur të kenë qenë gdhendur në gur apo shkëmb. Fjalët e atyre që janë munduar ta shkatërrojnë nderin dhe shkrimin e tij, megjithatë, kanë vdekur, edhe pse kanë qenë të hedhura në shkrimet dhe librat e tij. Kanë shpifur mbi të dhe kanë aktruar se fjalët e tij kanë ardhur nga mendja e tij. Allahu i ka zbuluar, i ka turpëruar dhe i ka karakterizuar shtëpitë e tyre si shtëpi pagane. Ata kanë vdekur edhe pse ende jetojnë, derisa Sejjid Kutubi jeton edhe pse ka vdekur. Sejjid Kutubi e ka paguar çmimin e fjalëve të tij me gjakun e tij. Ndërsa sa ju përket atyre që i kanë marrë pagat e tyre nga shtëpitë botuese, ose e kanë promovuar veten dhe reputacionin e tyre në rrjetin satelitor duke e kritikuar atë; Sejjid Kutubi është nga të gjallët edhe pse ka vdekur, ndërsa ata kanë vdekur edhe pse disa prej tyre janë ende gjallë.

Shumë bijë të këtij daveti kanë jetuar, dhe fjalët e tyre kanë jetuar me ta, kur i vetëdijesuan njerëzit me besim e lavdi, dhe kjo u pranua dhe u zgjerua. Të drejtët dhe të vërtetët janë mbledhur rreth tyre dhe në atë ditë pastërtia nuk është përzier me mangësitë e kësaj dynjaje dhe nuk janë goditur me çrregullimin e inatit apo miqësi apo fetva të cilat vetëm arnojnë dhe favirozojnë. Fjala e të vërtetës dhe këshilla ka qenë qëllim i besimtarit. Ata dhe fjalët e tyre jetojnë sikurse ndriçues dhe udhëzues, dhe besimtarët e devotshëm i kanë pasuar hapat e tyre.

Pasuesit tjerë të kësaj dave - thirrje kanë jetuar dhe kanë qenë të dashur dhe të respektuar në zemrat e njerëzve. Befasisht kjo dashuri është zhdukur dhe është marrë bashkë me vdekjen e tyre. Ndoshta dikush iu vije në ndihmë apo ia vënë mendjen kësaj. Për njëherë ajo mbetet asgjë më shumë se kujtim i mbytur në zotëritë e tyre pasi që e kanë zgjedhur jetën e trupave të tyre mbi jetën e fjalëve të tyre dhe pasi kanë zgjedhur të jetojnë në principet dhe idetë e Perëndimit, me mendjen e logjikes dhe shqiptim të racionalizmit.

Ata pohojn se tregojnë miqësi dhe ju shkojnë për qejfi e njerëzve te bidateve dhe devijimeve, kinse e kanë ndryshuar menhexhin e tyre (drejtimin) dhe se i kanë kthyer mbrapshtë idetë dhe bindjet e tyre. Ata i kanë hedhur principet dhe zellin e tyre, dhe rreth tyre janë mbledhur sekularistët. Janë bërë pasues besnik të sekularizmit dhe liberalizmit dhe sipas fjalëve të tyre, edhe vetë janë bërë sekularist. Minberet e tyre janë MBC, IBC dhe El-Xhezira dhe janë bërë lypës me sheriat (fukaha' el-tesavvul) kështu që të drejtit dhe të vërtetit i kanë lënë ata. Askush nuk ka mbet në jetët e tyre përveç mashtruesve, tradhtarëve, sekularistëve, liberalëve dhe demokratëve. Ashtu që ata kanë vdekur edhe pse ende jetojnë. Fetvat e tyre qarkullojnë në mesin e ushtarëve të marinës, përmes vullgarëve; njerëzve të dorëzuar dhe tradhtarë dhe nga njerëzit e disfatës. Ata takohen me rrjetet satelitore dhe kritikojnë ata ku fusha e arenës e të cilëve është xhihadi dhe shehidllëku. Zogjtë e një pendë janë bashkuar në të njëjtën grup.

Ahme Ibn Hanbeli (imam i ehli sunnetit) ka vdekur, e edhe prijësi i fitnes Ibn Ebu Davudi (prijësi i fitnes për krijimin e Kuranit) ka vdekur edhe Bishr Mirisi (shejh i mu´tezilëve) ka vdekur. Megjithatë atë çfarë e ka shkruar Ahmed ibn Hanbeli jeton dhe është arsyetuar me të vërtetën të cilën e kanë shkruar gishtat e tij dhe e ka fol gjuha e tij. Fjalët e tij janë mbledhur me trupin e tij kur është burgosur dhe torturuar nga ana e ekzekutuesve dhe kujtimi i tij edhe më tutje jeton.

Ibn Ebu Davud dhe ata me të kanë vdekur pasi që e kanë kaluar jetën e tyre në pallatin e sulltanit, duke jetuar në komfort dhe në britmën dhe dhimbjet e Ibn Hanbelit. Idetë e tyre dhe besimet kanë vdekur me ta dhe ata nuk kanë kujtim përveç se si lypës, zullumqarë, skllevër dhe robër të njerëzve dhe dashuruesve të epsheve. Si mundet një kujtim i tillë të ketë ndikim në të vërtetën? Ibn Ebu Davudi ka vdekur i mbyllur në trupin e tij të paralizuar i cili katër vite nuk ka pasur mundësi ta lëviz.

Sa i përket Ibn Tejmijes, kujtimi i tij është i pavdekshëm, me lejen e Allahut, derisa Allahu ta trashëgon tokën dhe ata në të. Ai e ka hartuar porosinë e tij, por bidatgjit dhe inatxhit nuk kanë qenë të impresionuar, siç është rasti me ta çdoherë dhe kudo. Ashtu që Ali bin Jaku bel-Bakari e ka sulmuar; ka thënë se Ibn Tejmija e ka quajtur kafir dhe ka kërkuar vdekjen e tij. Por udhëheqësit janë bashkuar dhe e kanë nxit popullin kundër tij (el-Bakarit). Është zbuluar, mallkuar dhe burgosur. Kanë shkuar larg në mënyrë që ta dëmtojnë, derisa nuk janë mbledhur një turmë kundër tij. E kanë sulmuar dhe e kanë dëmtuar derisa nuk u zbulua plotësisht dhe i është dashur të ikë. Kur toka iu bë e ngushtë nuk ka mundur të gjej askënd përveç Ibn Tejmijes, në shtëpinë e të cilit është fshehur. Allahu e ka ngrit kujtimin në Ibn Tejmijen dhe porosia e tij jeton. Armiqtë e tij kane vdekur dhe idetë e tyre kanë vdekur me ta.

Këta kanë sakrifikuar për fjalët dhe shkrimin e tyre. Ata nuk kanë ngrënë nga fjalët e tyre dhe nuk kanë derdhur ngjyrë mbi librat e tyre. Ata janë larguar nga gjërat e pasigurta (Shuhbeli) dhe nga gjërat e ndaluara (haramet). Ata nuk e kanë gjetur të ushqyerit e tyre në përpjekjet e të tjerëveapo zbulimin, shkaktimin e dëmit dhe shpifjen ndaj tjerëve. Ata nuk e kanë pranuar shthurjen dhe kënaqësinë në këtë dunja. Të gjitha këto i kanë hedh pas tyre, për dallim nga kundërshtarët e tyre të cilët, për arsye se kanë shpif, fyer, kritikuar njerëzit e së vërtetës, fes dhe xhihadit, dhe për arsye se kanë qenë të miqësuar me njerëzit e devijimit, mëkateve –kanë rënë në harresë.

Islam audio

noreply@blogger.com (Ekipi7) — Sat, 1 Jan 2011 20:26:00 +0100

Titulli : Qëndrimi i besimtarit ndaj katastrofave natyrore

Gjuha: Shqip

Përshkrim i shkurtër: Kjo ligjëratë është mbajtur pas ndodhisë së tmerrshme të Tsunamit. Përmes saj, hoxha i nderuar, përkujton besimtarët se si duhet të jetë qëndrimi i tyre karshi këtyre katastrofave ku përpos faljes dhe pendimit duhet të ndalen gjithashtu të meditojnë dhe të marrin mësime. Kjo ligjëratë përmban ajete dhe hadithe të shumta të cilat e trajtojnë një tematikë kaq të rëndësishme dhe të ndjeshme për besimtarët.

TV Albislam

noreply@blogger.com (Ekipi7) — Tue, 2 Feb 2010 17:14:00 +0100