ITISMOVIE | Movies, Trailers, Soundtracks

Жүжигчин Б.Амарсайхан гологдож явжээ

2012-01-29T09:00:00.004+08:00

Бодлын хулгайч киноны гол дүрд тоглон “бодлын хулгайч” хэмээх нэрийг хүртээд авсан жүжигчин Б.Амарсайхан сүүлийн үед рейтинг өндөртэй жүжигчнээр тодроод байгаа. Нэр хүнд нь өсөхийн хэрээр түүний талаарх янз бүрийн мэдээлэл дуулдаж л байдаг болж. Энэ цагийн сайн жүжигчдийн тоонд багтах болсон жүжигчин Амраа анх СУИС-т шалгуулахдаа архаг жүжигчдэд “сөөнгө” хоолойтой хэмээн гоочлуулаан байж арайхийн хүссэн сургуульдаа тэнцсэн гэдэг. Угтаа бол урлагийн мэргэжлээр суралцаж буй залуусыг багш нар нь хоолойн тембр, царай төрхийн байдал зэргийг нь нарийн судлан байж цаашид жүжигчин болох эсэхийг шийддэг байж л дээ. Тэгтэл азтай гэмээр тохиолдлоор жүжигчин Б.Амраа шалгаруулалтанд тэнцэн ирээдүйн энэ зэргийн жүжигчин болох гараагаа эхлүүлж байсан гэдэг шүү. Хортой, шартай аавын хүү багш нарынхаа шүүмжлэлийг ирээдүйн амжилтын гараагаа хэмээн үзэж өөрийгөө ирлэж, хурцлан амжилтаа ахиулж явсан ч юм билүү. Хэн мэдлээ. Сөөнгө хоолойтой хэмээн гологдож байсан жүжигчин Амраагийн хаа явсан газар сенсааци болж байдгаас үзвэл өөрийгөө нотлоод авсны хэрэг шүү дээ гэмээр.

Эх сурвалж: fact.mn

Ану хатны төслийн талаар

2012-01-29T09:00:00.003+08:00

Зохиолч Б.Шүүдэрцэцэгийн "Домогт Ану хатан" зохиол өнгөрсөн онд театрын тайзнаа жүжиг болж байсан бол энэ онд дэлгэцийн бүтээл болохоор болоод байгаа билээ. Шинээр бүтээгдэх уг киноны гол дүр болох Ану хатны дүрд Voice группын дуучин Д.Отгонжаргал тоглохоор болсон бол харин Галдан Бошготын дүрд Ц.Цэрэнболд дүр бүтээхээр болжээ. Түүхэн томоохон хэмжээний энэхүү кино төслийн зураг авалт ирэх 3-дугаар сард эхлэхээр болсон байна.

Жүжигчин Ц.Цэрэнболд /Галдан бошгот/

Дуучин Д.Отгонжаргал /Ану хатан/

Эрчүүдийг эндүүртэл гоолиг явлаа

2012-01-29T09:00:00.002+08:00

Нэрт найруулагч Б.Балжинням гуайн "Мөнх тэнгэрийн хүчин дор" киноны зураг авалтын үеэр эр хүн эр хүнд татагдсан сонин тохиолдол гарч байжээ. Учир юу вэ гэхээр киноны олны хэсгийн зураг авалтад оролцохоор очсон СУИС-н оюутнуудын нэг болох жүжигчин Ононг кино багийнхан эмэгтэй гэж харснаас болж энэ хэрэг мандсан байна. Энэ талаар жүжигчин Онон Өдрийн сонинд өгсөн ярилцлагандаа

"-Үнэхээр болсон явдал л даа. Одоо энэ А.Энхтайван гуай Чингэс болдог “Мөнх тэнгэрийн хүчин дор” кино бид нарыг оюутан байхад хийгдсэн юм. Олны хэсэгт оюутнуудыг тоглуулахаар авчраад бүгд баатрын хувцас өмсчихсөн зураг авалтын газар иртэл нэг өндөр биерхүү хар залуу ирээд “Ачааг тань майханд чинь оруулаад өгөх үү” гээд хүрээд ирсэн. Би ч нэг их юм бодолгүй өөрөө өргөөд явчихгүй юу. Гэтэл нөгөө залуу чинь “Манайхаан зураг авалт дуусахад энэ охин минийх болсон байна” гэсэн байгаа юм. Дараа нь бид хоёр танилцаад бөөн инээдэм болж байлаа. Яг тэр зураг авалтын үеэр дүр гарвал найруулагч “Оюутнуудаа дүр гарлаа шүү” гээд хашгирдаг. Тэгэнгүүт оюутнууд пир гээд л гүйдэг. Тэр дунд ороод гүйхээр Доржсамбуу багш Онон буц л гэдэг байсан. Найруулагч нь Балжинням гуай байсан. Багш яагаад намайг тоохгүй байгаа юм бол Балжинням найруулагчийн нүдэнд өртчих юмсан гээд морь унаад л зураг авалтын талбай дундуур давхиад юм шүүрээд л давхиад байв. Нүдний булангаараа найруулагчийн зүг харахаар намайг огт анзаарсан шинжгүй. Хэд хэдэн удаагийн үйлдэл хийгээд нэг хартал ашгүй над руу заагаад хоорондоо юм ярьж байна аа. Дотроо баярлаад за нэг дүрд тэнцчихэж гээд бодож амжаагүй байтал Доржсамбуу багш дуудаж байна. Хүрээд очтол юу ч билээ нэг юм асуугаад би хариултал “Тээр эрэгтэй л байгаа биз дээ” гэхээс өөр юм хэлсэнгүй. Гэтэл Балжинням найруулагч юун эмэгтэй хүүхэд морь унаад давхиад байгаа юм. Эмэгтэй хүүхэд морь малнаас унаад бэртчихнэ болиул гэтэл манай багш эрэгтэй хүүхэд гэсэн итгэхгүй дуудсан нь тэр юм билээ. Тэр зураг авалтаас би эмэгтэй хувцас өмссөн нэг зурагтай л үлдсэн дээ. Хүн болгон эмэгтэй гээд байхаар нь эмэгтэй хувцас зориудаар өмсч зураг авахуулсан юм." гэжээ

Мөнх тэнгэрийн хүчин дор киноны зураг авалтын үе
Жүжигчин Онон эмэгтэй болсон байгаа нь.

Marion Cotillard-тай адилхан монгол бүсгүй

2012-01-29T09:00:00.001+08:00

Оскарын шагналт францын нэрт жүжигчин Marion Cotillard-г танихгүй мэдэхгүй хүн байхгүй байх. Тэгвэл алдарт жүжигчинтэй хошин урлагийн "Шинэ үе" продакшны жүжигчин Ундармаа өөрийгөө төстэй гэж боддог гэнэ. Энэ талаар тэрээр "Хэрэв хэзээ нэгэн цагт миний амьдралаас сэдэвлэн Холливуудын кино хийхээр болбол би алдарт дуучин Édith Piaf-ийн дүрд тоглосон Marion Cotillard-г өөрийнхөө дүрд сонгоно. Тэдний аль алинтай нь би ямар нэг талаараа адилхан юм шиг санагддаг" гэжээ.

Дашрамд сонирхуулахад жүжигчин Marion Cotillard домогт "Non Je Ne Regrette Rien" дууны эзэн дуучин Édith Piaf-н тухай өгүүлэх La Vie en rose кинонд бүтээсэн дүрээрээ Оскарын шагнал тэргүүтэй кино урлагийн хамгийн эрхэм шагналуудыг хүртэж байсан юм билээ.

Холливудын өвөрмөц агаар

2012-01-29T09:00:00.000+08:00

Найруулагч Тим Бартоныг кино сонирхогчид, дэлгэцийн урлагийн фэнүүд андахгүй. Холливудын өвөрмөц агаар болсон энэхүү сод найруулагчийн амьдрал, уран бүтээлийн талаар дор сийрүүлье. Холливудад төдийгүй дэлхийд данстай найруулагчдын нэг тэрбээр кино урлагийн түүхэнд мөнхрөн үлдэх бүтээлүүдээрээ олноо танигдсан нэгэн.

Тим Бартоны кинонууд ер бусын зохиолтой, санаанд ч оромгүй өнгө будгийн сонирхолтой шийдлүүд, өвөрмөц уур амьсгал, үзэгчдийг алмайруулсан зураглалуудаар дүүрэн байдаг.

Бүтээлүүд шигээ өвөрмөц төрхтэй Тим Бартон 1958 оны наймдугаар сарын 15-нд АНУ-ын Калифорни мужийн Бурбанк хотноо бэйсболын багийн тамирчин Уилл Бартоны гэрт мэндэлжээ. Тим багадаа нам гүм, хааяахан л нэг дуугардаг, маш ихийг тунгаан бодож бясалгадаг үеийнхнээсээ содон хүү байсан гэдэг.

Амралтын өдрүүдээр кино театруудаас салдаггүй унжгар, сулхан биетэй хүүгээ эцэг эх нь чанга биетэй болгохын тулд тамирчин болгоно хэмээн спортод дуртай болгохыг хичээдэг байжээ. Гэвч хүү сэтгэл зүрхээ урлагт нэгэнт булаалгасан байлаа. Түүнд бэйсбол, хоккей, хөлбөмбөг, хүүхэд болгоны шимтэн үздэг тэмцээн уралдаанууд огтхон ч сонин биш байлаа. Дээхэн үеийн америкийн кино од Винсент Прайсыг шүтээнээ болгосон Тим аварга динозавр хотод дайран орж ирдэг “Годзилла”-гийн анхны хувилбарыг үзэх тун дуртай байсан гэдэг.

Дунд сургуулиа төгсөөд Тим Калифорнийн Урлагийн институтад хүүхэлдэйн киноны зураачийн мэргэжлийг эзэмшихээр суралцсан. Энд тэрбээр өдгөөгийн анимэйшн урлагийн мангас гэгдэх “Pixar animation”-ы уран бүтээлч Жон Лассетертэй танилцаж дотно нөхөрлөсөн нь түүнд өөрийн сод бүтээлүүдээ өвөрмөц, этгээд содон талаас нь харж бүтээдэг болоход нь тун ч их нөлөөлсөн хэмээн хожим Тим ярьж байлаа.

Тэрбээр амжилттай суралцаж сургуулийнхаа шилдэг оюутнуудын нэгээр тодорч Уолт Диснейн тэтгэлэг хүртэв. Улмаар сургуулиа төгсөөд дэлгэцийн бүтээлийн асар том үйлдвэрлэгч “Уолт Дисней”-н анимэйшн студид орж ажиллалаа. Түүний мөрөөдөл биелэж эхлэв.

Кино найруулахыг эртнээс мөрөөдсөн тэрбээр 1982 онд анхны уран бүтээл “Винсент” хэмээх таван минутын богино хэмжээний хүүхэлдэйн киног найруулж, бүх ажилд нь гар бие оролцон бүтээлээ. Энэхүү хүүхэлдэйн кино нь хар цагаан өнгөтэй бөгөөд өөрийнхөө стилийг гол дүрийн баатрын төрх байдалд шингээсэн хэмээдэг. Улмаар 1985 онд анхны бүрэн хэмжээний киногоо бүтээсэн нь “Пи Вигийн гайхалтай адал явдал”. Энэ бол инээдмийн кино байлаа.

1989 онд Тим Бартон “Бэтмэн”-ийн анхны ангийг найруулж, дэлгэцнээ шилжүүлсэн нь 250 сая долларын ашиг орлого авчирч, түүнийг толгой эргэм амжилт хүрээлж, алдрын тавцанд дуудсан билээ. Гурван жилийн дараа хоёрдугаар анги “Бэтмэн эргэж ирсэн нь”-ээ бүтээж байлаа. Найруулагчийн бас нэгэн сонирхолтой шийдлийг агуулсан, өргөн цар хүрээтэй бүтээл бол “Ангарагийн дайралт” байлаа. Цэнхэр гариг руу маань биднээс ч өндөр соёл иргэншил бүхий, үзэшгүй муухай царай, хэрцгий харийнхан довтолно. Иймэрхүү кино Холливудаас тун ч их төрж гарсан ч Тим Бартоны харийнхныг үзэх үзэл огт өөр байлаа. Киног нь үзсэн зарим хүмүүс айн хирдхийж ирээдүйд ийм юм болох нь лавтай хэмээн шуугиан дэгдээж байсан гэдэг. Энэ үеэс хойш өдгөөг хүртэл Тим Бартон 30-аад кинонд найруулагч, продюссерээр ажиллаж, өвөрмөц бүтээлүүдээрээ дэлгэцийг чимсээр байна.

Тим Бартоны гурвал

Найруулагчийн маань хамгийн дотны найз нь Холливудын энэ цаг үеийн шилдэг жүжигчин супер од Жонни Депп. 1990 онд “Хайчин гарт Эдвард” хэмээх алдартай киногоо бүтээж, гол дүр болох олны нүднээс нуугдаж, харанхуй цайзад ганцаар амьдрагч, хайчин гартай, этгээд хачин дүр төрхтэй ч сайхан сэтгэлтэй залуугийн дүрд Жонни Деппийг тоглуулснаар тэдний нөхөрлөл, хамтын ажиллагаа эхэлсэн түүхтэй. Түүний өвөрмөц дотоод ертөнцөөс тасран гарсан алдартай бүтээл нь яах аргагүй энэ кино юм. Түүнээс өөр ямар ч найруулагч хурууныхаа оронд хайч суулгасан залуугийн сонирхолтой түүх бүхий ийм гайхалтай зохиол биччихээд түүнээ дэлгэцэнд амилуулж, үзэгчдийг алмайруулж чадах байсан гэж үү. Бас тэр дүрийг нь бүтээсэн дүрдээ нэвт шингэж ордог, өөрийгөө танихаа больтлоо өөрчлөгдөж чаддаг Деппээс өөр жүжигчин олны сэтгэлд хүртэл амьдруулж чадах байсан болов уу.

Тэдний хамтарсан бүтээл эндээс эхлээд “Эд Вуд”, “Морь унасан толгойгүй хүн”, “Чарли ба шоколадны үйлдвэр”, “Свини Тодд”, “Алиса гайхамшгийн оронд” гээд л үргэлжилнэ. Депп нэгэн ярилцлагадаа найруулагчийн талаар “Тим бол бүх талаараа өвөрмөц нэгэн, хэн ч түүний сэтгэснийг сэтгэж чадахгүй, ”Морь унасан толгойгүй” хүнээс сэдэвлээд дэлгэцийн бүтээл хийх санаа түүнээс өөр хэнд ч төрөөгүй, ер нь түүний дотоод ертөнц тэр чигээрээ үлгэрийн орон л гэсэн үг. Нэг удаа тэр надад хэлсэн юм. Тэнгэрийг газар доор, дэлхий ертөнцийн гүнд байдаг гэж төсөөлбөл ямархуу дүр зураг гарч ирэх бол гэж. Тэр ийм л этгээд ертөнцөөр аялж явдаг хүн. Тийм дээ ч түүний хийсэн бүхэн амжилтад хүрдэг” хэмээсэн байдаг. Дотоод ертөнц, сэтгэлгээ, амьдралыг үзэх үзэл шигээ өвөрмөц гадаад төрхөөр олон жил гоёж яваа Тим Бартоны бас нэгэн уран бүтээлийн сайн хамтрагч нь түүний эхнэр жүжигчин Хелена Бохем Картер билээ.

Анхны эхнэрээсээ салаад удаагүй байхдаа 2001 онд “Сармагчны ертөнц” хэмээх алдарт киноныхоо зураг авалтын үеэр Тим жүжигчин бүсгүйтэй дурлалын холбоо үүсгэж, олныг шуугиулж байлаа. Одоо тэд хоёр ч хүүхэдтэй гэр бүл бөгөөд хүүхдүүдээ төрөхөд нь Жонни Деппээр загалмайлуулж байлаа. Өөрийн хамгийн сүүлд найруулсан зургаан том бүтээлдээ эхнэрээ тоглуулснаас дөрөвт нь найз Жонни Деппээ урьж, киноныхоо гол дүрийг өгсөн. Энэ нь ч тийм буруу сонголт бус. Тэд маш сайн гар нийлж ажилладаг бөгөөд түүнээс нь дурдья.

-2001 онд Тим маш сонирхолтой зохиол сонгож авсан нь нэгэн гариг дээр сармагчнууд соёл иргэншлийг бүтээж, хүмүүсийг боолчилж байгаа тухай гардаг. Үүнийгээ тэрбээр кино болгож Марк Уолберг, Тим Рот, эхнэр Хелена Бохем Картер нарыг гол дүрд нь тоглуулсан. Сармагчин эмэгтэйн дүрд эхнэрээ хувиргасаны дараа найруулагч маань гайхан дуу алдсан гэдэг. “Planet of the Apes” буюу сармагчны ертөнц кино нь 180 сая долларын ашиг орлого түүнд авчирч байлаа.

-2003 онд “Big fish” хэмээх бас нэгэн ээлжит сенсаацаа тэрбээр кино ертөнцөд өргөн барив. Гол дүрд нь Титаникийн сөрөг дүр Эван Макрегор бас түүний эхнэр нь тоглож байлаа. Бүр хоёр ч дүрд. Эхлээд шулам эмэгтэйд, дараа нь нэгэн тосгоны төгөлдөр хуурын багш эмэгтэйн дүрийг чадварлагаар бүтээсэн.

-2005 оны “Чарли ба шоколадны үйлдвэр” хэмээх үлгэр домгийн мэт орчин, ер бусын адал явдлаар дүүрэн кино түүний бас нэгэн ээлжит домог болоод буй бүтээл. Гол дүрд нь алдарт Жонни Депп бас Хелена.

-Мөн 2005 онд бас л нэгэн өвөрмөц зохиолтой этгээд сонин бүтээл гаргалаа. Энэ удаад тэрбээр хүүхэлдэйн кино бүтээж, анимэйшнээр хүч үзлээ. “Сүнс сүйт бүсгүй” хэмээх үхсэн бүсгүйн сүнстэй гэрлэж, үхдлүүдийн сүнсийг амар амгалан тэнгэрт илгээхийн төлөө тэмцэх нэгэн залуугийн адал явдал бүхий бүрэн хэмжээний хүүхэлдэйн киног та санаж буй биз ээ. Тэгвэл энэ аймаар ч юм шиг хөгжилтэй ч юм шиг өвөрмөц бүтээл бас л Тим Бартоных. Гол дүрийнх нь хоёрт бас л найз, эхнэр хоёр нь дуу оруулсан гэж байгаа. Хүүхэлдэйн кинонд хүртэл уран бүтээлийн үнэнч хамтрагчид гэдгээ харуулж байна.

-2007 онд тэр мюзикл жанраар кино гаргасан. Түүний гараас гарсан бүх бүтээлүүд хит болж тэнгэрт тулсан ашиг орлого авчирдгын нэг жишээ нь бас л энэ кино. Уйдмаар ч юм шиг бас л Жонни Депп, Хелена хоёр гол дүрд нь ая дуу эгшиглүүлсээр тоглосон.

Эцэст нь энэхүү гайхалтай гурвалын хамгийн сүүлд гаргасан бүтээлийн талаар ярилцая. Нээлтээ хийгээд удаагүй байхдаа л АНУ-ын кино театруудаас 330 сая ам.долларын ашиг олсон “Алиса гайхамшгийн оронд” кино нь түүнийг ямархуу дорвитой уран бүтээл хийдгийг харуулна. Үлгэр домгийн ертөнцийг амилуулж чаддагаараа алдартай Тим Бартон өнөөх алдартай зохиолыг чинь шүүрч аваад л нэрээ цууриатуулж амжлаа шүү дээ. Гайхамшгийн орныг зөвхөн Тим Бартон л нүдэндээ төсөөлж, үзэгчдэд хүргэж чадна. Тэр үүнийгээ ч энэ кинонд дахин баталсан юм. Гол дүрийг нь гайхамшигт Жонни Депп бас л амьдруулсан. Харин эхнэр нь туслах дүрд тогложээ. Энэ найруулагчтай үнэхээр ярих юм байхгүй. Жүжигчдийн сонголт, киноны өнгө зүс гээд түүний бүтээлд өөлөх зүйл алгаа. Тэрбээр зөвхөн найруулагч биш. Зохиолч, мөн авьяслаг шоу мэйкер, зураач, дизайнер хүн. Түүний хувцасны этгээд гаж гэмээр загваруудаар “эксцентрик” маягийн шоу зохион байгуулдаг юм. Өөрийнх нь үз зүс, хувцас хунар тэр чигээрээ л реализмаас бусад модерн, элдэв янзын урсгалууд тэр чигээрээ ханхална.

Эх сурвалж: Шууд.мн

"Миний ахын эхнэр" МУСК тун удахгүй

2012-01-27T13:29:00.003+08:00

"National Film" продакшинаас бүтээсэн хөнгөн драм чиглэлийн "Миний ахын эхнэр" уран сайхны кино тун удахгүй кино театруудын дэлгэцнээ гарч эхлэх гэж байна. Киноны найруулагчаар Д.Ханьсаг ажиллаж, кино зохиолыг Ж.Баярбаатар, Д.Амараа нар хамтран бичсэн байна.

Кинонд "Зөрлөг", "Сонголт" киноны гол дүрийг бүтээсэн жүжигчин Б.Батзаяа /СТА/, "Тэнгэрийн ивээл" киноны гол дүрийг бүтээсэн жүжигчин Б.Энхбаяр, "Хайрын эрэлд" олон ангит кинонд тоглосон жүжигчин Ж.Мөнгөнсүх, МУ-ын ардын жүжигчин Г.Мягмарнаран, гавъяат жүжигчин Г.Урнаа, гавъяат жүжигчин Г.Эрдэнэбат, жүжигчин МУСТА С.Эрдэнэчимэг, залуу жүжигчин С.Болорбайгал, Д.Даулетжан, Р.Адъяа нарын авяаслаг уран бүтээлчид ажилласан байна.

"Миний ахын эхнэр" киноны хөгжмийг Guys хамтлагийн А.Төгсбаяр /СТА/ ажилласан бөгөөт түүний дуулсан Хайрын гудамж нэртэй soundtrack-г мөн хүргэж байна.

Татах: 3.6mb | mp3 | Төгсбаяр - Хайрын гудамж

Кинон агуулгын хувьд: Адал явдлын жинхэнэ амт, ах дүү гурвын хайр сэтгэлийн дуулиан, амьдралын мананд төөрөх ахын эхнэр, хөгжилтэй бас сонирхолтой адал явдлаар дүүрэн ‘Миний ахын эхнэр” уран сайхны кино. Дуугарвал дуу нэг ах дүү 3 үзэсгэлэнтэй хөөрхөн хөгжилтэй Золзаяатай танилцана. Үзэл бодол нийлдэг ах дүү 3 ахын эхнэр хэн байх дээр санаа нийлэх болвуу.

"Миний ахын эхнэр" МУСК 2-р сарын 2-оос эхлэн кино театруудаар гарч эхэлнэ.

"The Avengers" киноны шинэ 3D poster

2012-01-27T10:14:00.002+08:00

Marvel -ын сүпэр баатруудын нэгдэл "The Avengers" кино ирэх 5-р сарын 4-д дэлхийн нээлтээ хийна. Энэ кино үзэгчдийн 2012 онд хамгийн их үзэхийг хүлээж байгаа киноны тоонд багтаад байгаа.

Сүпэр баатрууд хэрхэн хамтрахыг хэдхэн сарын дараа бид харах нь байна. Одоогоор The Avengers киноны сурталчилгааны ажил эхлээд байгаа бөгөөд саяхан киноны Poster-оо интернетээр 3D хэлбэрээр бүтээж цацаад байгаа юм. Киноны 3D постер өнгөрсөн жилийн гол шинэ санаануудын нэг байлаа. Энэ цаашид ч үргэлжлэх бизээ.

3D постерыг gif форматаар 3D зураг үүсгэх үндсэн аргаар бүтээсэн байна. Ингээд постероо сонирхоцгооё.

Гүнжийн нулимсыг дуслуулсан кино

2012-01-26T15:02:00.000+08:00

Бүсгүй хүний доголон нулимсаа хэр барагтай үзүүлээд байдаггүй Британий хунтайжийн гэргий Миддлетон сэтгэлийн хөдлөлтөө хэт автаж, кинон дундуур нулимс дуслуулжээ. Тэрээр Дэлхийн нэгдүгээр дайны тухай өгүүлэх "Дайны Морь" киног Лондон дахь өргөөндөө киноны найруулагч Стивен Спиелберг болон түүний гэргий Кэйт Капшо нарын хамтаар үзэж байсан гэнэ. Найруулагч Стивен Спиелберг “Эхнэр маань уйлж суусан хатагтай Миддлетонд салфетка авч өгч, тэврэн тайтгаруулсан” хэмээн ярьжээ.

Тэрээр "Түүний уйлж байгааг нь харж, эвгүй байдалд оруулахгүйн тулд би киног дуусан дуустал түүн лүү дахиж хараагүй. Хатагтай Кэйтээр зогсохгүй олон хүн энэ киног үзээд уйлдаг. Би хүртэл анх удаа үзэж байхдаа уйлж байсан маань үнэн" хэмээн тэрээр ярьсан байна.

Эх сурвалж: О.Удвал /unen.mn/

Victor-г орлох дүрийн дуу оруулагч ажлаасаа гарчээ

2012-01-26T09:30:00.006+08:00

Сарыг төвөггүйхэн хулгайлчихдаг Gru болон түүний хөгжилтэй туслахуудын тухай өгүүлэх Despicable Me киноны 2-р ангийг Illumination Entertainment-нхан ирэх 2013 оны 7 сарын 3-нд үзэгчдэд хүргэхээр болоод байгаа. Энэ удаагийн анги дээр өмнөх ангийн жүжигчдээс гадна нэрт жүжигчин Javier Bardem сөрөг талын дүрд дуу оруулах байсан бол Skyfall киноны зураг авалт болон найруулагч Sam Raimi-н шинэ төслөөс болж уг кинонд дуу оруулж чадахааргүй болсон байна.

Нөхөр Гру

Flash кино болно

2012-01-26T09:30:00.005+08:00

Marvel-н түүхэнд дэлхийн 2-дугаар дайнаас төрсөн нилээд олон баатар, тийм хэмжээний сөрөг талын дүрүүд байдаг. Өнгөрөгч зун л гэхэд Ахмад Америк болон Улаан гавал тэргүүтэй нөхдүүд дэлгэцнээ гарсан. Харин Ахмад Америктай мөр зэрэгцэн тулалдаж явсан DC комиксийн Flash-н талаарх яриа нэг хэсэгтээ нам жим болоод байсан бол удахгүй түүний төслийн талаарх ярианд DC анхаарлаа хандуулахаа мэдэгдсэн байна.

Flash-н хувьд кино болгох эрхийг нь ямар нэгэн кино компанид зараагүй байгаа учир нилээд хожуу яригдаж байх шиг байна. Ямартай ч бие даасан өөрийн түүхийг өгүүлэх кинотой болох нь ээ.

Гялбаа-н II дайны үеийн дүр төрх

Marvel-г DC болгож заслаа. Том эндүүрэл гарсан байна ;D.

TDKR: Хуучны сайхан цагаас нэг хүн иржээ

2012-01-26T09:30:00.004+08:00

Joker-гүй Batman гэдгийг давсгүй хоол мэтээр санадаг Batman-г эхлэн сонирхогчдод заримдаа Batman Begins-г үзэх хэрэгтэй гэж зөвлөмөөр байдаг юм. Ер нь Joker vs. Ra's Al Ghul гэдэг тулааны үр дүн чухам яаж гарахыг мэдэхгүй ч Ra's Al Ghul бол хүндэлмээр сөрөг талын дүр. Batman-г том болоход энэ хүн маш их үүрэг гүйцэтгэсэн. Гэхдээ Batman Begins дээр Gotham хотын төлөө өөрийгөө золиослодог. Ингэснээр цуврал дахь түүний түүх төгссөн.

Гэхдээ энэ хүний талаар цааш нь үргэлжлүүлээд ярьвал их юм бий. Харин хамгийн сонирхолтой мэдээллийг та бүхэнд хүргэхэд Ra's Al Ghul Batman-ий шинэ түүх дээр дахин гарч ирэхээр болсон байна. Энэ бол ердөө хэдхэн хоногийн өмнө нийтэд ил болсон мэдээлэл. Ингэснээр яагаад Bane харанхуйн армийг удирдах болсон, Talia энэ анги дээр гарч ирэх үү зэрэг асуултад хариу гарч ирж магадгүй нь. Шинээр хийгдэж байгаа анги Nolan найруулагчийн хувьд сүүлийнх гэдгээрээ маш их ач холбогдол өгч бүх ангиудаа холбосон сүрхий бүтээл туурвиж байх шиг байна. Одоо нууц ноёнтнуудаас Harvey гараад ирвэл тэгээд бүх зүйл дуусахад бэлэн болсон гэхэд буруудахгүй ээ.

Ra's Al Ghul

Шинэ анги дээр буруутан болсон Batman 8 жилийн дараагаар Bane-г Gotham-г устгахаар гарч ирэхэд дахин гарч ирдэг байна. BANE-г киног бүтээгчдийн зүгээс хүчирхэг мангас гэж тодорхойлжээ. Гэхдээ тархитай.

Энэ баг ингээд хөсөр хэвтэж байсан түүх байхгүй. Гэхдээ л ийм юм болчлоо доо хөөрхий.

Бодит амьдрал дээрх X хүн

2012-01-26T09:30:00.003+08:00

Мутант, мутацийн тухай ойлголтыг ихэнх хүмүүс 10 жилд үздэг биологийн хичээлээс илүү X-Men тэргүүтэй зөгнөлт кинонуудаас сайн ойлгосон байх. Манай дэлхийн шим ертөнц тэр чигээрээ Дарвины онол ёсоор байгалийн шалгарлаар байнга хувьсан өөрчлөгдөж байдаг. Энэ зүйл сүүлийн үед илт хурдацтайгаар явагдаж байгаа нь хүн бүрт ажиглагдаж байгаа. Сонин содон амьтад хаа сайгүй л гарч ирж байна.

Тэгвэл хувьсан өөрчлөлт хүн дээрч явагдаж байгаа ажээ. Хятадын өмнө зүгийн нэгэн суурингаас харанхуй шөнө ч харах чадвартай нэгэн хүү тодрон гарч ирсэн байна. Үеийнхэн нь түүнийг X-Men гэж хочилдог бөгөөд ирээдүйд түүний түүхээр Marvel-нхэн кино хийнэ гэж ярьдаг гэнэ. Riddick шоронд хоригдож байхдаа өөртөө мэс заслын аргаар харанхуйг гэрэлтүүлэгч нүд хийлгэдэг бол. Харин Nong эхээс төрөхдөө л тийм чадвартай төрсөн байна. Энэ талаар эрдэмтэд одоогоор тайлбар хийхгүй байгаа ч мутацийн томоохон хэмжээний илрэл гэжээ.

Stallone-ийн кино амьтдад аюул учруулсан гэв

2012-01-26T09:30:00.002+08:00

1990-ээд оны Холливудын супер баатруудын нэг Итали Азарга хочит Сильвестр Сталлонегийн өөрөө гол дүрд нь тоглосон "The Expendables 2" киноны зураг авалт амьтдад аюул учруулсан тухай хэсэг биологич, амьтан хамгаалагчид мэдээлжээ.

Тэд Болгарийн алдартай Деветашкагийн агуйд зураг авалт хийхдээ өвөл ичиж байсан 40-өөд мянган сарьсан багваахайг цаг нь болоогүй байхад сэрээсний улмаас тэдгээр амьдтыг өлсгөлөнгийн аюулд унагажээ. Европтоо хамгийн олонд тооцогддог сарьсан багваахайн сүргийн ичээг ийн үймүүлсний дараахан эрдэмтэд ердөө 10 мянга гаруйхан сарьсан багваахай олсон бөгөөд бусдыг үхсэн эсвэл дуу чимээнээс дайжин өөр агуй руу дүрвэсэн байх магадлалтай гэж үзэж байгаа аж.

Тэдний мэдэгдэж буйгаар Болгарийн эрх баригчид хоёр км гаруй үргэлжилдэг энэ агуйд өвлийн цагт зурагт авалт хийхийг огт зөвшөөрөх ёсгүй байсан гэнэ.

Уг кинонд Сталлонегаас гадна Арнольд Шварценеггер, Брюс Уиллис, Дольф Лундгрен, өмнөх ангид тоглоогүй Жан Клод Ван Дамм нар оролцон тоглож байгаа юм байна. Кино энэ зун үзэгчдийн хүртээл болох юм байна.

Киноны талаарх бусад мэдээллийг эндээс үзээрэй.

Эх сурвалж: Б.Тамир /gogo.mn/

Summer Wars-г бүтээгчдийн зүгээс

2012-01-26T09:30:00.001+08:00

Энд онд Азид нээлтээ хийх хамгийн сонирхол татахуйц бүтээлүүдийн талаарх мэдээллийг бид та бүхэнд өмнө нь хүргэж байсан билээ. Тэгвэл тус нийтлэлд багтсан японы уран бүтээлч Mamoru Hosoda-н бүтээл "The Wolf Children Ame and Yuki"-н анхны трэйлерийг хүргэж байна.Уг бүтээлийг яагаад онцлож байна вэ гэхээр энэхүү киног найруулж буй найруулагч Mamoru Hosoda нь 2009 онд Оскарын наадамд шилдэг бүрэн хэмжээний хүүхэлдэйн киноны төрөлд нэр дэвшиж байсан "Summer Wars" киноны найруулагч юм. Кино ирэх 7 сарын 21-нд японд нээлтээ хийнэ. Ингээд киноны трэйлерийг та бүхэнд хүргэе. Киноны талаарх бусад мэдээллийг энд дарж уншаарай.

Megan Fox-н аралд уу аль эсвэл ...

2012-01-26T09:30:00.000+08:00

Робинзон Крузогийн араас ороод ямар нэгэн азгүй тохиолдлоор та нэг арал дээр газарджээ. Харин арал дээрх хүмүүс бүгд Megan Fox байвал яах уу? Мэдээж хэрэг хэсэг бүлэг хүмүүст энэ бол маш гайхалтай учрал. Гэхдээ хэл яриаг нь ойлгохгүй бол хэцүү л явдал болдог бололтой. Яг энэ талаар Англи хэлний сургалтын CCAA хэмээх байгууллага нэгэн рекламыг бүтээснийг та бүхэнд хүргэж байна. Хөгжилтэй байна байх аа.

Shortfilm: Найз (Mongolian Action Crew)

2012-01-26T09:20:00.000+08:00

Алдарт жүжигчин Jackie Chan-ны "Who Am I" киноны тулаантай хэсгийг Mongolian Action Crew-ын залуус дуурайн хийж хэр чадварлаг болохоо харуулсан бичлэгийг өмнө нь хүргэж байсан билээ. Тэгвэл эдгээр залуус энэ удаад "Найз" хэмээх богино хэмжээний кино бүтээсэнг хүргэж байна.

Киноны зураг авалт, гэрэлтүүлэг, дүрс боловсруулалт зэрэг дээр бага зэргийн алдаатай санагдлаа. Дараагийн бүтээлдээ улам илүү ихийг хийж сайжрана гэж найдаж байна.

Оскарт нэр дэвшигчид тодорлоо

2012-01-24T23:15:00.001+08:00

Дөнгөж сая 84 дахь удаагийн Оскарын наадамд нэр дэвшигчдийг Оскарын албан ёсны youtube-н сувгаар шууд дамжуулан үзэгчдэд хүргэлээ. Энэ жилийн Оскарын наадмын хувьд онцлууштай зүйл бол яахын аргагүй Golden Globe-с арай өөр хэмжээнд болох нь ээ гэсэн сэтгэгдэл төрүүлж байгаа явдал юм. Үүнээс гадна нөгөө нэг алдарт улс төр, дайны сэдэвт уур амьсгал ч энэ жилийн оскарын наадмыг тойролгүй дайрч өнгөрөхөөр болжээ. Үүнийг шилдэг 10 киноны төрлөөс илт харж болохоор байна.

Томоохон кино судлаачид болон шүүмжлэгчдийн урьдчилсан таавраас илт өөрчлөлт өрсөлдөгчдийн дунд үүсчээ. Шилдэг бүрэн хэмжээний бүтээлийн төрөлд Daldry болон Speilberg нарын бүтээл орж ирсэн байгаа нь нэн сонирхолтой. Харин David Fincher-т энэ жилийн Оскарын наадам нилээд хатуу хандаж байгаа бололтой ямар нэгэн төрөлд өөрийнх нь бүтээл алга байна. Шилдэг эрэгтэй гол дүрд Clooney-с илүү Oldman илүү өнгөлөг харагдаж байна. Энэ жил уг нь Dicaprio болон Oldman-ий хооронд өрсөлдөөн үүснэ гэж байсан ч харамсалтай нь J.Edgar тийм ч сайн бүтээл болж чадаагүй билээ.

Харин эмэгтэй гол дүрд үнэндээ өрсөлдөөн төдийлөн үүсэхгүй, тохирсон юм шиг л Meryl Streep шилдгийг авах нь тодорхой. Түүний хувьд гол дүрийн Оскарыг өмнө нь авч байгаагүй болохоор энэ шагнал нилээд эзнээ олсон гэж нэрлэгдэх байх. Харин Tilda Swinton ядаад шилдэг 5 багтаагүй нь харамсалтай. Үүнээс Оскар болон европын томоохон кино наадмуудын ялгааг шууд харж болох юм.

Шилдэг найруулагчийн төрөлд David Fincher байхгүй байгаа нь түүнийг DGA-г авах байх гэж бодож байсан олон хүний тааврыг үгүй хийж байна. Энэ төрөлд тэгэхээр Woody Allen юм уу Martin Scorsese 2-н аль нэг л илүү боломжтой болж байх шиг байна. Tin Tin шилдэг бүрэн хэмжээний хүүхэлдэйн кино төрлөөс хасагдсан нь харин нүдээ олсон зүйл болсон байх. Үүнээс үүдэн Rango-д маш том боломж гарч ирж байх шиг байна. Гэхдээ испани болон франц кинонууд маш хүчтэй болсон талаар яриа гараад байгаа. Ялангуяа нөхөрлөлийн тухай өгүүлэх Chico & Rita нилээд хүчтэй өрсөлдөгчдийн тоонд орох байх.

Гадаад хэл дээрх шилдэг киног мэдээж хэрэг A Separation /иран/ авах байх. Энэ нэрсийг зарлахаас өмнө Pina энэ төрөлд өрсөлдөж магадгүй талаарх яриа гараад байсан. Тэгвэл их сонирхолтой өрсөлдөөн үүсэх байсан биз. Харин Pina баримтат киноны төрөлд нэр дэвшжээ. Энэ төрөлд уг нь Project Nim-г Pina-тай өрсөлдөх бүтээлээр тодруулаад байсан бол харамсалтай нь уг кино өрсөлдөөнөөс хасагдсан байна.

Зураглаачдын ажлын хувьд өнгөрөгч оны шилдэг бүтээлээр Tree of Life тодорсон бөгөөд энэ төрөлд ч мөн өрсөлдөхөөр торойн үлджээ. Хүчтэй өрсөлдөгч мэдээж War horse кино багийнхан байгаа. Киноны хөгжмийн хувьд John Williams-н 2 ч бүтээл энэ жил өрсөлдөхөөр болсон байна. Howard Shore л гарч ирэхгүй бол энэ төрөл бараг ойлгомжтой. Pixar-нхан өнгөрсөн жил Cars 2-г дэлгэцнээ гаргасан ч амжилтанд хүрч чадаагүй муу нэр зүүсэн харин богино хэмжээний төрөлд La Luna ямар нэг зүйл дуулгана биз ээ. Хувцас дизайн болон нүүр будалтын төрлийн хувьд Albers Nobbs болон Jane Eyre аль эртнээс яригдаж эхэлсэн байгаа. Визуал эффектийн тал дээр харин мичнүүдийн түүх хол тасархай ялалт байгуулах биз ээ. Ингээд та бүхэнд нэр дэвшигчдийг танилцуулж байна.

Улаан өнгө- боломжит хувилбар /миний бодлоор/
Ногоон өнгө- Golden Globe-н шилдэг
Та өөрийн боломжит хувилбараа сэтгэгдлээр үлдээгээрэй.

Шилдэг бүрэн хэмжээний уран сайхны кино

War Horse
The Artist
Moneyball
The Descendants
The Tree of Life
Midnight in Paris
The Help
Hugo
Extremely Loud and Incredibly Close

Шилдэг эрэгтэй гол дүрийн жүжигчин

Demian Bichir (A Better Life)
George Clooney (The Descendants)
Jean Dujardin (The Artist)
Gary Oldman (Tinker, Tailor, Soldier, Spy)
Brad Pitt (Moneyball)

Шилдэг эмэгтэй гол дүрийн жүжигчин

Glenn Close (Albert Nobbs)
Viola Davis (The Help)
Rooney Mara (The Girl with the Dragon Tattoo)
Meryl Streep (The Iron Lady)
Michelle Williams (My Week with Marilyn)

Шилдэг эрэгтэй туслах дүрийн жүжигчин

Kenneth Branagh (My Week with Marilyn)
Jonah Hill (Moneyball)
Nick Nolte (Warrior)
Christopher Plummer (Beginners)
Max von Sydow (Extremely Loud and Incredibly Close)

Шилдэг эмэгтэй туслах дүрийн жүжигчин

Berenice Bejo (The Artist)
Jessica Chastain (The Help)
Melissa McCarthy (Bridesmaids)
Janet McTeer (Albert Nobbs)
Octavia Spencer (The Help)

Шилдэг найруулагч

Michel Hazanavicius (The Artist)
Alexander Payne (The Descendants)
Martin Scorsese (Hugo)
Woody Allen (Midnight in Paris)
Terrence Malick (The Tree of Life)

Шилдэг кино зохиол(Шинэчилсэн)

The Descendants
Hugo
The Ides of March
Moneyball
Tinker, Tailor, Soldier, Spy

Шилдэг кино зохиол(Шинэ)

The Artist
Bridesmaids
Margin Call
Midnight in Paris
A Separation

Шилдэг бүрэн хэмжээний хүүхэлдэйн кино

A Cat in Paris
Chico &Rita
Kung Fu Panda 2
Puss in Boots
Rango

Шилдэг бүрэн хэмжээний баримтат кино

Hell and Back Again
If a Tree Falls: A Story of the Earth Liberation Front
Paradise Lost 3: Purgatory
Pina
Undefeated

Шилдэг бүрэн хэмжээний гадаад хэл дээрх кино

Bullhead
Footnote
In Darkness
Monsieur Lazhar
A Separation

Шилдэг зураг авалт

The Artist
The Girl with the Dragon Tattoo
Hugo
The Tree of Life
War Horse

Шилдэг эвлүүлэг

The Artist
The Descendants
The Girl with the Dragon Tattoo
Hugo
Moneyball

Шилдэг уран сайхны найрууллага

The Artist
Harry Potter and the Deathly Hallows Part 2
Hugo
War Horse

Шилдэг хувцас дизайн

Anonymous
The Artist
Hugo
Jane Eyre
W.E.

Шилдэг нүүр будалт

Albert Nobbs
Harry Potter and the Deathly Hallows Part 2
The Iron Lady

Шилдэг киноны хөгжим

The Adventures of Tintin: John Williams
The Artist: Ludovic Bource
Hugo: Howard Shore
Tinker Tailor Soldier Spy: Alberto Iglesias
War Horse: John Williams

Шилдэг богино хэмжээний хүүхэлдэйн кино

Dimanche/Sunday
The Fantastic Flying Books of Mr. Morris Lessmore
La Luna
A Morning Stroll
Wild Life

Шилдэг богино хэмжээний кино

Pentecost
Raju
The Shore
Time Freak
Tuba Atlantic

Шилдэг дууны эвлүүлэг

Drive
The Girl with the Dragon Tattoo
Hugo
Transformers: Dark of the Moon
War Horse

Шилдэг дууны найрууллага

The Girl with the Dragon Tattoo
Hugo
Moneyball
Transformers: Dark of the Moon
War Horse

Шилдэг визуал эффект

Harry Potter and the Deathly Hallows Part 2
Hugo
Real Steel
Rise of the Planet of the Apes
Transformers: Dark of the Moon

TDKR: Хамгийн бяцхан нь хүртэл ам нээсэнгүй

2012-01-24T18:19:00.001+08:00

Сарьсан багваахай залууг шүтэгчдийн арми энэ удаад үг алдуулж болох хүнээр The Dark Knight Rises киноны хамгийн залуу жүжигчин Joey King-г сонгож ярилцлага авсан байна. Ер нь киноны талаарх яриаг жүжигчдээс нилээдгүй авч байгаа ч ямар нэгэн тоймтой зүйл хэлсэн хүн одоогоор гарч ирээгүй л байна.

Тэрээр My Entertainment World-д өгсөн ярилцлагандаа киноны талаар ямар ч үг цухуйлгаагүй бөгөөд сэтгүүлчийн асуусан киноны талаарх асуултад "Би энэ кинонд Talia al Ghul-н хүүхэд насны дүрийг бүтээж байгаа. Өөр ямар нэгэн зүйл хэлэх боломж алга. Учир нь Nolan найруулагчид би киноны талаар ямар нэгэн зүйл ярихгүй гээд амлачихсан юм" гэжээ. Тэрээр киноны сонирхолтой үйл явдлын зангилаа болон дүрүүдийн учир шалтгааныг зөвхөн кинон дээрээс л үзсэн нь илүү сайхан байх болно гэж хэлсэн байна.

Talia al Ghul-н хувьд өмнөх ангиуд дээр гарч байгаагүй дүр бөгөөд магадгүй энэ анги дээр Marion Cotillard энэ дүрийг амилуулсан байх магадлалтай гэнэ. Энэ таамаг үнэний хувьд арай дөхөм очоод байгаа учир нь Batman-ий багийг Bane ганцаараа бут цохино гэдэг бол их л сонин үзэгдэл билээ.

Кино 7 сарын 20-нд нээлтээ хийнэ. Киноны талаарх бусад мэдээллийг энд дарж уншаарай.

Megan Fox vs. Lindsay Lohan

2012-01-24T17:48:00.001+08:00

Холливүүдийн продюсерүүдийн тархийг чилээсэн нэг асуудал гарч иржээ. Энэ бол өнгөрөгч онд хорвоог орхисон нэрт жүжигчин Elizabeth Taylor-н хайр дурлалын тухай өгүүлэх кино төсөл юм.Уг төслийг одоогоор аль кино компани санхүүжүүлж үзэгчдэд хүргэх нь тодорхой болоогүй байгаа ч гол дүрд хэн тоглох вэ гэдэг хамгийн том асуудал болоод байгаа аж. Кино судлаачид болон продюсерүүдийн зүгээс Lindsay Lohan-г энэ дүрд тохирох хамгийн ойрын хүн гэж тодорхойлсон боловч түүний дампуурлын эрин үе дууссан эсэхт эргэлзэж байгаа төдийгүй түүнийг шинэ бүтээлд тоглуулснаар шууд утгаараа киноны амжилтад сөргөөр нөлөөлж болзошгүй гэсэн болгоомжлолтой байгаа юм байна.

Харин жүжигчний зүгээс энэ дүрийг бүтээх маш их сонирхолтой байгаа гэнэ. Нөгөө талаас энэ дүрийг Lohan-с булааж чадах жүжигчнээр Megan Fox тодроод байна. Кино төслийн продюсерүүд түүнтэй уулзаж энэхүү бүтээлийн талаар багагүй яриа өрнүүлээд амжжээ. Одоогоор өөрийн гэсэн томоохон хэмжээний олонд танил болсон дүр бүтээж чадаагүй байгаа жүжигчний хувьд энэ бол алтан боломж ч байж болох юм. Гэхдээ Megan энэ дүрд тохирох хүн мөн үү гэдэг бас л эргэлзээтэй. Энэ 2-с ч өөр сонголт гарч ирэхийг үгүйсгэхгүй. Чухам ямар хүн алдарт жүжигчний дүрийг бүтээх нь тун удахгүй тодорхой болно биз ээ.

Кино бүтсэн түүх: Хөх толбот хүмүүс

2012-01-24T16:42:00.000+08:00

Би хүн болж төрсөн. Эхлээд бурхан надаас хаана төрөх вэ? гэж асуусан. Харин би шууд л энд төрөхөөр шийдчихсэн байсан юм. Энэ миний түүх биш л дээ Хөх толбот хүмүүс киноны гол дүрийн залуугийн хаана төрөхөө өөрөө шийдсэн түүх. Сүр дуулиантайгаар төрийн ордонд нээлтээ хийсэн энэхүү кинонд хүмүүс нилээд ам сайтай байгаа. Харин та бүхэн тус киног үзэж амжаагүй байгаа бол үзэх сонирхолыг тань төрүүлэх кино хэрхэн бүтсэн талаарх түүхээс хуваалцаж байна.

Киноны талаарх бусад мэдээллийг энд дарж уншаарай.

"Мартагдашгүй намар" киноны дуунууд

2012-01-24T16:25:00.000+08:00

Тариан талбай халиуран шаргалтаж, намрын ажил буцална... Энэ л тариан талбайд ажил амьдралын амтыг мэдэрч, анхны хайртайгаа учирч, оюутан насны мартагдашгүй дурсамж дурдатгалыг сэтгэлдээ үлдээдэг... Тиймээс ч хүн бүхний зүрх сэтгэлд “Мартагдашгүй намар”-ын дурсамж үргэлжилсээр....

Найруулагч Д.Отгонзаяа-н шинээр бүтээсэн "Maртагдашгүй намар" кино энэ өдрүүдэд Өргөө кинотеатрын дэлгэцнээ гарч байна. Энэхүү киног UBS телевизийнхэн бүтээсэн бөгөөд дүрүүдэд өнгөрөгч оны Universe Best Songs тэмцээний шилдэг 25 оролцогчид тогложээ. Ингээд тус кино багийнхны зүгээс гаргасан киноны дуунуудыг та бүхэнд хүргэж байна.

Шилдэг 25- Улаан буудай

Татах: mp3|3mb| Шилдэг 25 оролцогч-Алтан буудай /Мартагдашгүй Намар OST/

Э.Урангоо- Анхны Хайр

Татах: mp3|2.1mb| Э.Урангоо-Анхны хайр /Мартагдашгүй Намар OST/

Б.Тамир, Э.Урангоо, Л.Цокто, Ч.Очгэрэл-Зүүдний зовин

Татах: mp3|2.6mb| Зүүдний совин /Мартагдашгүй Намар OST/

Жагар, Мишээл- Найзуудаа санана

Татах: mp3|2.3mb| Жагар, Мишээл- Найзуудаа санана/Мартагдашгүй Намар OST/

Loki-н найз хэн бол? /+зураг/

2012-01-24T09:30:00.005+08:00

Disney кино компанийн бүтээж буй "The Avengers" киноны талаарх яриа томоохон хэмжээний кино төслүүдээс шалтгаалан хэсэг хугацаанд нам жим болоод байсан бол энэ удаад маш сонирхолтой яриагаар эргэн гарч ирж байна. Empire сэтгүүлийн энэ сарын нүүрийг чимсэн тус киноны баатруудыг сандаргах эсрэг талын дүр та бидэнд ганцхан Loki-р төсөөлөгдөж байсан бол нэгэн нууц ноёнтон байгаа талаар кино уран бүтээлчдийн зүгээс мэдэгджээ. Шидийн эрдэмд гаргуун тэрхүү хүний талаар яг таг тодорхой мэдээлэл гараагүй байгаа бөгөөд одоогоор комикчдын дунд багахан хэмжээний форум үүсгээд байна. Тэр нөхөр хэн бол гэдгээс шалтгаалж та бидний дотор төсөөлөгдөж байсан кино орвонгоороо эргэх нь ээ.

Wrath of the Titans шинэ зурагнууд

2012-01-24T09:30:00.004+08:00

Hades-н ахдаа гомдсон сэтгэл түүний шунаг хүсэлтэй нийлэн энэ дэлхий болон бурхадын ертөнцөд дахин аюулын харанга дэлджээ. Чухам үүнийг зогсоох хүчтэй, ухаантай, зоригтой хүмүүс бол мөн л бурхадын цус судсаар нь гүйж буй хөлөг баатрууд юм. Тэр дундаас онцгойрох нэгэн бол Perseus билээ. Эгэл жирийн загасчны амьдралаас агуу бурхан Zeus-н хүү болж тодорсон түүнийг энэ удаад харгис бурангуй хүчин ноёрхсон доод ертөнцийн аялал хүлээж байна. Түүний аялал харин хэрхэн үргэлжлэхийг ирэх 3 сарын 30 -нд 3D-р та бид үзэх нь ээ.

Түүнээс өмнө та бүхэнд тус кино багийнхны зүгээс Empire сэтгүүлд гаргасан зурагнууд болон постерийг сонирхуулж байна.

Киноны трэйлер болон бусад мэдээллийг энд дарж уншаарай.

Bong Joon-ho холливүүд рүү нисч байна

2012-01-24T09:30:00.003+08:00

Сүүлийн үед илт мандан бадарч байгаа солонгосын кино урлагийн томоохон төлөөлөгчдийн нэг болсон найруулагч Bong Joon-ho өөрийн каръертаа хамгийн томоохон гэж хэлж болохуйц уран бүтээлдээ орохоор болсон байна. "The Host", "Memories of Murder" зэрэг киногоороо нэрд гарсан найруулагчийн энэхүү бүтээл хэрвээ амжилттай болвол түүнийг баруунд бүрэн утгаараа хүлээн зөвшөөрөх юм. Учир нь түүний энэхүү бүтээлд алдарт жүжигчин Tilda Swinton, Jamie Bell, Chris Evans нар гол дүрүүдийг бүтээх ажээ. Snow Piercer нэртэй энэхүү киноны зохиолыг 1980-д онд уншигчдын гарт очиж байсан францын "Le Transperceneige" комикс зохиол дээр тулгуурлан бичсэн байна. Зохиолд манай дэлхий ирээдүйд мөсөн бүрхүүлтэй болж түүнээс шалтгаалан хүмүүс зөвхөн вагоноор улс хооронд зорчдог болох бөгөөд санаандгүй байдлаар вагонд учирсан аялагчдын хооронд ер бусын холбоо үүсэж, хачирхалтай зүйлс болж байгаагаар гардаг ажээ.

Кино шинжлэх ухааны уран зөгнөлт, триллэр хэлбэрээр үзэгчдэд 2013 оны Каннын наадмын үеэр хүрэх юм байна.

"Сайн уу? Aмьдрал минь" ээлжит ангийн төсөл эхлэх гэж байна

2012-01-24T09:30:00.002+08:00

Найруулагч 3.Батболд, Уран бүтээлийн I нэгдлийн хамтын бүтээл "Сайн уу? Aмьдрал минь" киноны ээлжит ангийн кино төсөл тун удахгүй эхлэхээр болсон байна. Тэд энэ удаад өмнөх ангийн адил залуучуудын оюутан ахуй үеийн хөгжилтэй үйл явдлуудыг дэлгэцнээ гаргахыг зорьж байгаа бөгөөд өөрсдийн албан ёсны фэйсбүүк хуудсыг нээжээ.

Шинэ ангийн найруулагч болон гол дүрүүдэд ямар жүжигчид тоглож байгаа талаарх мэдээлэл хараахан гараагүй байна. Тун удахгүй бүх зүйл тодорхой болох биз ээ.

Киноны төслийн албан ёсны fb хуудсанд зочлохыг хүсвэл энд дараарай.