Daily Scripture Reading

O Yerushalayimi; (Yerushalayimi)

2013-09-30T13:10:00.001+12:00

Thought: YHWH Made Her Beautiful!

,,,,,,,,,,,,,,,,,,,

Serving For Yom Sheini, [Seventh Month] Tishri 26, 5774

MAI NA NEVI’IMI AKARONIMI (FROM THE NEVI’IM ACHRONIM)

A qai baci yaco tale mai vei au na vosa i Yahuwe (YHWH) ni kaya, 2 Tamata, cakava vei Yerushalayimi me kilakasamataka na vakasisila ni veika era dau cakava, 3 Kaya ni tukuna o Yahuwe na Sau (Sovereign YHWH) vei Yerushalayimi, Mai na kemu itekitekivu kei na nomu sucu, o iko o vu mai na vanua o Kena'ani; na tamamu e dua na Emori, kei na tinamu e dua na Hiti. 4 Ia e na veika me baleta na nomu sucu, e na siga o a sucu kina, e sega ni dua a [bau] drutia laivi na wa i na nomu ivicovico, vakasilimi iko e na wai me vakasilimi iko, walia na yagomu e na masima se ologi iko e na isulu. 5 E sega ni dua vei ira era a raici iko, a bau tubu na nona lomani iko me cakava vei iko e dua vei na ka oqo e na vukumu, e a sega sara ga ni dua a bau lomani iko. [Ia na ka ga a yaco], ni o kolotaki tu ga i tautuba e na loma ni rara, e na nomu dukaduakali, e na siga o a vakasucumi kina.

6 ¶ Au a tavali tiko, au qai raici iko e keya, ni o veimoqeyaki tiko e na nomu dra o iko vakataki iko; ia o se kotora tu ga na nomu drau, au qai kaya [Mo] bula! 7 Au na vakalevu taka na kemu iwiliwili me vaka sara na kau era tubu tu e loma ni rara. Oti a qai tubu dina na kemu iwiliwili, o a tubu cake, o tadolova na yabaki o rawa ni vakatubu kawa kina (puberty) a rarai mai na sucumu, qai tubu balavu na drauniulumu; ia o a luvawale ka laurai levu [tu na nomu luvawale]. 8 Oti au baci toso siviti iko tale, vakaraici iko au qai raica ni sa yaco mai na nomu gauna ni dodomo. Au dedeka yani na noqu kote e delamu, meu ubia na nomu iyaya vuni, au na curu e na dua na veidinadinati vata kei iko, e kaya o Yahuwe na Sau (Sovereign YHWH), qori o qai yaco kina mo noqu. 9 Oti au qai vakasilimi iko e na wai, au savata laivi na dra mai vei iko, ka lumuti iko e na waiwai. 10 Au vakaisulutaki iko talega e na isulu tali veivolavolai, vakaivavataki iko e na ivava beleti leca; au vauca na ulumu e na dua na ivau lineni matailalai, ka vakasulutaki iko e na silika. 11 Au solia vei ira na iyaya ni sasauni mo vakayagataka; na qato mo tokara e ligamu kei na dua na taube e domomu, 12 E dua na mama [mo tokara] e ucumu, na sau me baleta na daligamu, kei na dua na isala vakatui totoka vakaoti mo tokara e ulumu. 13 Qori o a vakaiukuukutaki kina e na koula kei na siliva; o a vakaisulutaki e na lineni matailalai, na silika kei na isulu tali veivolavolai; o kania na falawa matailalai duadua, na hani kei na waiwai olive. O a tubu rairai vinaka vakaoti, e a rauti iko sara ga mo ranadi. 14 Na kemui irogorogo a qai tete yani e na kedra maliwa na veimatanitu, baleta na kemu irairai totoka baleta ni daumaka vakaoti, baleta niu a vakatokara vei ira na noqu lagilagi, e kaya o Yahuwe na Sau (Sovereign YHWH).

Yekezeki’yili (Isikeli) 15:1-8

NA IVAQA NI BULA (FOOD FOR THE SOUL)

Io, vueti ira era vakayarayarataki laivi tiko me ra lai vakamatei, o iko beka o na sega ni vueti ira era vakarau vakamatei. 12 Kevaka o kaya, Keitou a sega ni kila kina e dua na ka, e na sega beka ni kila mai o koya e dau vakatulewataka na vuniyalo? Io, o koya e dau taqomaki iko e na kila, e na qai veisausaumi lesu vei ira yadua me veiraurau kei na ka e dodonu me sauti koya.

Mishlei(Vosa Vakaibalebale) 24:11-12

LOMANI YAHUWE NA NOMU KALOU (LOVE YHWH YOUR MIGHTY ONE)

E NA vukuna na iliuliu. Laga vata kei na ivakatagi wa. E dua na sere, e dua na same. 2(1) Kemuni na Kalou (Mighty One), ni yalololoma mai vei keimami, ká vakalougatataki keimami. Me cakava mada ga o koya me serauni keimami na matana, Selaa. 3(2) Me rawa ni kilai e vuravura na nomuni ivalavala, kei na nomuni dau veivueti vei ira na veimatanitu kecega. 4(3) Laivi ira na tamata me ra vakamuduo vei kemuni, kemuni na Kalou (Mighty One); laivi ira na tamata me ra vakamuduo vei kemuni, o ira taucoko. 5(4) Laivi ira na veimatanitu me ra mamarau ka kaikaila e na reki, baleta o kemuni oni na vakatulewa vakadodonu, ka tubera na veimatanitu e vuravura. 6(5) Laivi ira na tamata me ra vakamuduo vei kemuni, kemuni na Kalou (Mighty One), laivi ira na tamata me ra vakamuduotaki kemuni, o ira taucoko kece sara. 7(6) O vuravura sa vuataka na kena tatamusuki; me vakalougatataki keda mada ga na Kalou (Mighty One), kemuni na neimami Kalou (Mighty One) ni vakalougatataki keimami. 8(7) Me vakalougatataki keda tikoga o Yahuwe (YHWH); me rawa ni rerevaki koya tiko ga na [veivanua me yacova] na iyalayala kei vuravura.

Tehillim (Same) 67:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 25 in 5774 (Total 2100)	September 30 2013
Reading	Hebrew Date
Hoshea (Hosea) 7-9	M #7: Tishri 26, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Taba ni Vaini (The Vine Branch)

2013-09-29T12:33:00.001+12:00

Thought: Through Its Use, You Will Know Who YHWH Is!

Serving For Yom Rishon, [Seventh Month] Tishri 25, 5774

MAI NA NEVI’IMI AKARONIMI (FROM THE NEVI’IM ACHRONIM)

Na vosa i Yahuwe (YHWH) a qai lako mai vei au: 2 Tamata, Na cava beka na vuna e vinaka cake kina na kau ni vaini, mai na vo ni veimataqali kau tale eso, vata talega kei na so na tabanikau e dua e rawa ni raica, e na maliwa ni veivunikau mai veikau? 3 Na kena kau e sega ni rawa ni buli kina e dua na ka, sega mada ga ni dua na ivakokau, e rawa ni dau vakaliligi kina na iyaya? 4 Ia qo sa qai kolotaki e loma ni bukawaqa me kena buka, na bukawaqa e na qai yameca yavu na ucuna ruarua, ia na tolona, ni sa kama tu vakavo, e na yaga beka me buli kina e dua na ka? 5 E na gauna e se taucoko tu kina, e a sega ni yaga e na dua na ka, sa na qai wacava na kena tawayaga ni sa yameca na yameni bukawaqa, me kama tu vakavo, e na rawa beka ni vakayagataki me buli kina e dua na ka? 6 O koya oqo e kaya kina o Yahuwe na Sau (Sovereign YHWH); Me vaka niu sa solia na kau ni vaini e na kedra maliwa na veivunikau ni veikau me ivakawaqa ni bukawaqa, e vaka kina niu sa soli i ira talega vaka o ira era vakaitikotiko mai Yerushalayimi. 7 Au na tekia na mataqu meu saqati ira, era na rawa ni levea e dua na bukawaqa, ia na bukawaqa e na tilomi ira tikoga [e muri]. Niu sa tekia na mataqu me saqati ira, oni na qai kila ni o au o Yahuwe (YHWH). 8 Au na cakava na vanua me laladidi, baleta era a nakita me ra cakava tiko na itovo vakasisila, e kaya o Yahuwe na Sau (Sovereign YHWH).

Yekezeki’yili (Isikeli) 15:1-83

NA IVAQA NI BULA (FOOD FOR THE SOUL)

Na nona vakananavu ni cakaca e dua na lialia era ivalavala ca; o ira na tamata era cata e dua e dau veivakalialiai.10 ¶ Kevaka o guce e na siga ni veivakatacaqetaki, na nomu kaukaua sa gogo dina sara ga.

Mishlei (Vosa Vakaibalebale) 24:9-10

LOMANI YAHUWE NA NOMU KALOU (LOVE YHWH YOUR MIGHTY ONE)

E NA vukuna na iliuliu. E dua na same i Dawide; e dua na sere: 2(1) Vei kemuni na Kalou (Mighty One), mai Zaiyoni, na toka vakanomodi, [qori] na vakavinavinaka; na bubului era soli vei kemuni, qori me ra na vakayacori. 3(2) O kemuni oni dau rogoca na masu, vei kemuni na kabula taucoko era toso mai. 4(3) Ni rawai au na vei cakacaka tawa kilikili, o kemuni ga oni na vakasavasavataka na cala ni neimami basulawa. 5(4) Era kalougata o ira, oni digitaki ira ka tosoi ira vakavoleka [yani vei kemuni] me rawa ni ra tiko voli ga e na nomuni loma ni bai! Keimami na vakacegui e na vinaka ni nomuni vale, oya na Tikina Tabu ni nomuni valenisoro. 6(5) E dodonu moni vosa mai vei keimami e na vakaitamera ni nomuni cakacaka, kemuni na Kalou (Mighty One) ni neimami vueti, o kemuni era taqara vei kemuni na nodra inuinui, me yaco i na yalayala kei vuravura, kei na veiwasawasa era tu mai vakayawa.

7(6) ¶ E na nomuni kaukaua oni a vakataudeitaka na vei ulunivanua. Oni sa vakasulumi tu e na lewa (power). 8(7) Oni vakamaravutaka na seuseua ni wasawasa kei na vavadugudugu ni nodra veibiau, kei na nodra veileqayaki na tamata. 9(8) Qo na vuna era dau tu kina e na vakarokorokotaki ni nomuni ivakatakilakila o ira era vakaitikotiko mai na iyalayala kei vuravura. Na veivanua e dau cadra kina se dromu kina na matanisiga, oni vakavuna me ra dau seresere e na mamarau. 10(9) Oni kauwaitaka na vuravura ka dau vakasuasua, oni vakabulabulataka sara vakalevu; e na uciwai ni Kalou (Mighty One), e vuabale tu e na wai, oni solia vei ira na witi, ka vakarautaka na qele. 11(10) Oni vakasuasuataka na qele sa vakarautaki me teivaki; oni vakamalumutaka e na uca taumalumu, ka vakalougatataka na kena tubu. 12(11) Oni vakalougataka (crown) na yabaki e na nomuni vinaka; na nomuni sala e vuabale na kena bulabula. 13(12) Na vanua ni vakana manumanu dravuisiga e titiri kina na wai, na kena veidelana era ologi e na reki. 14(13) Na bai ni vakana manumanu e roboti e na qelenisipi bulabula; ia na veibucabuca e ubi vakadua tu e na witi; era mani kaikaila e na reki, ka kacabote mai e na lagalaga sere.

Tehillim (Same) 65:1-14

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 25 in 5774 (Total 2100)	September 29 2013
Reading	Hebrew Date
Hoshea (Hosea) 4-6	M #7: Tishri 25, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26 May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Noaka, Dani’yili kei Iyove (Noach, Dani’yl & Iyov)

2013-09-28T04:00:00.000+12:00

Thought: Sins Remove Our Lives Eternally; Righteous People Cannot Save Us!

................

Serving For Shabbat, [Seventh Month] Tishri 24, 5774

MAI NA NEVI’IMI AKARONIMI (FROM THE NEVI’IM ACHRONIM)

Na vosa i Yahuwe (YHWH) a qai yaco tale mai vei au, 13 Tamata, ni dua na vanua e valavala ca saqati au, e na vakayacori ni itovo lawaki ca e mataqu, qai vakavuna na noqu dodoka yani na ligaqu [e na dela ni vanua oya] meu muduka laivi na ivurevure ni [kedra] kakana; au qai tala yani me kovuta e dua na lauqa, me vakarusai ira, ruarua, na tamata kei na manumanu mai keya; 14 Kevaka mada ga eratou qai tiko kina o ratou na tamata tolutolu oqo; o Noaka, o Dani'yili vata kei Iyove, o ratou, e na nodratou [dui] yalododonu, eratou na vueta ga na nodratou bula o ratou ga vakataki iratou, e kaya o Yahuwe na Sau (Sovereign YHWH). 15 Kevaka au talai ira yani na manumanu kila e loma ni vanua, era qai vakamatei ira na kena gone lalai me ra vakalala vakadua, qai vakavuna me sega ni dua na tamata e takosova baleti ira na manumanu kila; 16 Kevaka mada ga eratou mani tiko kina o ratou na tamata tolutolu oqo, me vaka niu bula tiko, e kaya o Yahuwe na Sau (Sovereign YHWH), eratou na sega ni vueta rawa na luvedratou tagane se na luvedratou yalewa; o ratou ga vakataki ratou, ratou na vueti, ia na vanua e na biu laladidi tu ga.17 Se, kevaka au mani kauta mai na seleiwau i loma ni vanua oya, au qai kaya, Laiva na seleiwau, me curuma na vanua, meu rawa kina ni kauti ira laivi kina, ruarua na kena tamata kei na kena manumanu kila; 18 E dina ga ke ratou tiko mai keya o ratou na le tolu oqo; me vaka niu bula tiko, e kaya o Yahuwe na Sau (Sovereign YHWH ) eratou na sega ni vueta rawa na luvedratou tagane se na luvedratou yalewa, o ratou ga vakataki ratou, eratou na vueti.19 Se kevaka meu vakauta yani e dua na matedewa i loma ni vanua, au qai sovaraka na noqu cudru katakata e loma e na vakadavei ni dra, meu rawa ni kauti ira laivi ruarua na kena tamata kei na kena manumanu; 20 Ia, kevaka eratou tiko kina o Noaka, o Dani'yili kei Iyove, me vaka niu bula tiko, e kaya o Yahuwe na Sau (Sovereign YHWH), eratou na sega ni vueta rawa e dua na luvedratou tagane se dua na luvedratou yalewa; eratou na vueti iratou ga vakataki iratou, e na vukuni nodratou dui yalododonu. 21 Baleta oqo na ka e kaya o Yahuwe na Sau (Sovereign YHWH); Kevaka mada ga meu vakayacora vei Yerushalayimi na noqu lewa taumosi e va; na seleiwau, na lauqa, na manumanu kila kei na matedewa, me kauti ira ruarua na kena tamata kei na kena manumanu; 22 Era na vo tiko ga mai loma o ira era na vueti, me ra na kau laivi mai, oya me wili kina, ruarua o ira na luvedra tagane kei na luvedra yalewa. E na gauna era sa kau tani mai kina vei iko, o qai dikeva na nodra itovo ni bula kei na veika era dau cakava; oni na qai loma vakacegu, e na vuku ni veika ca au a kauta mai i Yerushalayimi, bau kina na veika kece au sa vakayacora oti mai keya. 23 Io, era na vakacegui iko, ni o raica na nodra itovo ni bula kei na nodra ivalavala; oni na qai kila kina niu a sega ni cakava tu vakaveitalia na veika kece au a cakava [mai Yerushalayimi], e kaya o Yahuwe na Sau (Sovereign YHWH).

Yekezeki’yili (Isikeli) 14:12-23

NA IVAQA NI BULA (FOOD FOR THE SOUL)

O koya e navuca me vakayacora na veika ca, era na vakatokai koya na tamata, na dau ni vakavu ca.

Mishlei (Vosa Vakaibalebale) 24:8

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E dua na same i Davide. 2(1) Rogoca na domoqu, i Yahuwe (YHWH) niu vakamamasu tiko [yani]; taqomaka na noqu bula mai na noqu nuiqawaqawataki ira na kequ meca.3(2) Vunitaki au mai na nodra ivadi ca vuni [o ira] na vakasisila; kei na nodra vakavunene o ira era dau cakacakataka na ca. 4(3) Era na vakayagata na yamedra me vaka na seleiwau; era loveca na nodra dakaititi, na vosa veivagagai, 5(4) Me rawa ni ra vanai vakavuni na tawacala, me ra vana vakasauri ka sega ni bau taqayataka e dua na ka. 6(5) Era veitokonitaka na nodra dui vakananavu ca, era veitalanoataka me vunitaki na tudai era qai taroga, O cei e na raici ira? 7(6) Era vaqara sala me ra vakayacora kina na basulawa, era qai vakacavara na nodra vaqaqara ni ra sa dui vakasamataka vakavinaka sara mai e na ruku titobu ni vuniyalodra.

8(7) ¶ E vakasauri ni vanai ira me ra bale o Yahuwe (YHWH) e na gasau ni dakaititi, qai biuti ira tu ni ra sa mamavoavoa; 9(8) Na yamedra e vakatacaqetaki ira. O ira kece era raici ira era kurea na uludra. 10(9) O ira yadudua era kurabui, era qai vakadinata ni nona cakacaka na Kalou (Mighty One) ka kilakasamataka ni o koya ga a cakava. 11(10) O ira na yalododonu era na marau vei Yahuwe (YHWH), era na taura me ra vakaruru tiko vua; o ira kece era tu dodonu e vuniyalodra, era na vakacerecerei [mai vua].

Tehillim (Same) 64:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 24 in 5774 (Total 2099)	September 28 2013
Reading	Hebrew Date
Hoshea (Hosea) 1-3	M #7: Tishri 24, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Qaravi Kalou Matakau (Idol Worship).

2013-09-27T04:00:00.000+12:00

Thought: Seriously Turn Away From Idolatry And Return To YHWH!

Serving For Yom HaShishi, [Seventh Month] Tishri 23, 5774

(Shemini Atzeret/Simchat Torah, 5774).

MAI NA NEVI’IMI AKARONIMI (FROM THE NEVI’IM ACHRONIM)

E na gauna oya, e vica na iliuliu e Yisira'yili era a lako mai vei au; ia e na gauna era dabe tiko kina vata kei au, 2 Na vosa i Yahuwe (YHWH) a qai yaco mai vei au: 3 Tamata, o ira na tamata qo era sa taura vakabibi e vuniyalodra na nodra [kalou] qori era sa biuta kina e matadra o ira vakataki ira, na itatacaqe sa tuberi ira i na ivalavala ca. 4 O koya oya mo vosa kina vei ira, mo tukuna vei ira, ni kaya vakaoqo o Yahuwe na Sau (Sovereign YHWH); O ira yadua e na loma ni matavuvale i Yisira'yili, e katona e vuniyalona na nona [kalou] matakau i vuniyalona, oya me biuta e matana o koya vakataki koya na itatacaqe e veituberi i na ivalavala ca; oti qai lako mai vua na parofita; o au vakataki au, o Yahuwe (YHWH), au na sausaumi lesu e na kena ivalavala e veiraurau kei na iwiliwili ni nona [kalou] matakau, 5 Meu rawa ni taura na matavuvale i Yisira'yili e vuniyalodra; baleta e na vuku ni nodra [kalou] matakau, era sa lulutu laivi tiko kina mai vei au. 6 O koya oqori mo kaya kina vei ira na lewe ni matavuvale i Yisira'yili, ni kaya o Yahuwe na Sau (Sovereign YHWH); Veivutuni! Vuki laivi mai vei ira na nomuni dui kaloumatakau; vukica laivi na matamuni mai na nomuni ivalavala vakasisila kece sara! 7 Baleta o kemuni yadua, se mai na matavuvale i Yisira'yili, se dua na vulagi [tavuki] e vakaitikotiko e Yisira'yili, e wasei koya tani mai vei au, e na nona katona e vuniyalona o koya vakataki koya; oya me viria e matana na itatacaqe e tuberi koya tiko i na ivalavala ca, oti qai lako vua e dua na parofita me lai vaqaqara ivakasala vua, e na nona kerea me vakatarogi au e na vukuna, o au vakataki au, o Yahuwe (YHWH) au sauma vua. 8 Au na tekia na mataqu meu saqata na tamata oya, au na cakava me dua na ivakatakilakila ni tuveivakarautaki, ka dua na ivakaraitaki, ka muduki koya laivi mai vei ira na noqu tamata. Qori oni na qai kila kila kina ni o au o Yahuwe (YHWH). 9 Ia qo, e na veigauna kece e vakauqeti kina e dua na parofita me kaya e dua na vosa, [me kilai tiko] ni o au, o Yahuwe (YHWH) e na vakauqeta na parofita oya. Au na qai dodoka yani na ligaqu, meu vakacacani (destroy) koya, mai na kedra maliwa na noqu tamata o Yisira'yili.10 Ni o ira na parofita era na colata na cala ni nodra ivalavala ca; na nona ivalacala ca na parofita e na tautauvata vinaka kei na nona ivalavala ca o koya e mai vakatataro.11 Me kakua kina ni lako sese tale mai vei au, o ira na lewe ni matavuvale i Yisira'yili, me ra vakadukadukalitaki ira vakataki ira, e na nodra caka cala kecekece; ia me ra yaco ga me ra noqu tamata, ia o au meu qai nodra Kalou (Mighty One) e kaya o Yahuwe na Sau (Sovereign YHWH).

Yekezeki’yili (Isikeli) 14:1-11

NA IVAQA NI BULA (FOOD FOR THE SOUL)

Na vuku e rui cecere vua e dua na lialia; o koya e na sogota tikoga na gusuna e na matamata ni korolevu.

Mishlei (Vosa Vakaibalebale) 24:7

LOMANI YAHUWE NA NOMU KALOU (LOVE YHWH YOUR MIGHTY ONE)

Na same i Dawide e na gauna a tiko kina e na vanua dravuisiga mai Ye'huda. 2(1) Kemuni na Kalou (Mighty One), o kemuni oni noqu Kalou (Mighty One); Au na vaqarai kemuni vagumatua. Na vuniyaloqu e via gunu [mai vei kemuni] na yagoqu e gadrevi kemuni, me vaka e dua na vanua mamaca ka mate, e sega ni kune kina na wai: 3(2) Au dau vakasamataki kemuni e na loma ni valetabu, niu raica na nomuni kaukaua kei na nomuni dokai;

4(3) ¶ Baleta na nomuni loloma e uasivita na bula. Na tebenigusuqu e na vakacaucautaki kemuni, 5(4) Io au na vakavinavinaka tiko vei kemuni, e na veigauna kece au na bula tiko kina; e na yacamuni au na laveta cake na ligaqu. 6(5) Au sa vakacegui e na kakana bulabula; na gusuqu e vakacaucautaki kemuni, ni toka na mamarau e tebenigusu, 7(6) Niu nanumi kemuni e na noqu imocemoce, ka vakanananu me baleti kemuni e na veigauna ni matayadra e na lomaloma ni bogi. 8(7) Baleta o kemuni oni dau noqu dauniveivuke, e na [ruku ni] iyaloyalo (shadow) ni tabamuni au na mamarau; 9(8) Na vuniyaloqu e kabiti kemuni [vakaukaua]; na ligamuni imatai e tokoni au. 10(9) Ia o ira era vaqara tiko me ra vakarusa na noqu bula; me ra sobu mada ga [o ira] e na tikina lolovira duadua kei vuravura. 11(10) Me ra soli laivi mada ga i na kaukaua ni se!eiwau; me ra dau vakasasataki mada ga vei ira na jakele. 12(11) Ia na tui e na mamarau ga vei Yahuwe (YHWH). O ira kece era bubului vua era na lagilagi; na gusudra o ira era dau lasulasu e na vagalui.

Tehillim (Same) 63:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 23 in 5774 (Total 2098)	September 27 2013
Reading	Hebrew Date
Yechezk’yl (Ezekiel) 47-48	M #7: Tishri 23, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Lasu Kei Na Veivakacalai (Lies And Deceit)

2013-09-26T04:00:00.000+12:00

Thought: Liars And Deceivers Are Successful, For People Love To Hear Lies!

.................

Serving For Yom Chamishi, [Seventh Month] Tishri 22, 5774

8th Day: Festival of Sukkot, 5774.

MAI NA NEVI’IMI AKARONIMI (FROM THE NEVI’IM ACHRONIM)

O iko tamata, vakaraitaka e matamu na nomu saqati ira na luvedra yalewa o ira na nomu tamata, era dau parofisai tiko mai na nodra vakasama ga o ira vakataki ira. Parofisai saqati ira; 18 Tukuna vei ira, ni o Yahuwe na Sau (Sovereign YHWH) e kaya, Na leqa levu e na tau vei ira na yalewa era talia na qato ka cula na iubi ni ulu me rauti ira na veimataqali tamata e duidui na kedra ilevu, me rawa ni ra tudaitaka kina na bula ni tagane. O iko beka o na vakasasataka na nodra bula na noqu tamata, mo qai taqomaka tiko kina na nomu bula o iko vakataki iko? 19 Oni vakarogorogocataki au e matadra na noqu tamata e na vuku ni dua na iluku na barile kei na miramira ni madrai, [oni] vakamatei ira na tamata e sega ni dodonu me ra mate, oni vakabulai ira na tamata e dodonu me ra mate, e na nomuni lasutaki ira tiko na noqu tamata, o ira era sa dau taleitaka tu mada ga me ra rogoca na itukutuku lasulasu. 20 O koya oqori e kaya kina oqo o Yahuwe na Sau (Sovereign YHWH); Au cata na nomuni isulu tali oni dau vakayagataka moni vakasasataki ira kina na tamata me vaka na manumanu vuka. Au na dresuka laivi mai ligamuni, au na qai sereka na nodra bula me ra galala, na bula ni tamata oni vakasasataki ira tiko vaka na manumanu vuka. 21 Au na dresuka laivi talega na nomuni iubi, ka vueti ira na noqu tamata mai na nomuni tatakube, me ra kakua tale ni tiko e na ruku ni nomuni kaukaua moni rawa ni vakasasataki ira. Qori oni na qai kila kina ni o au o Yahuwe (YHWH). 22 Baleta oni sa vakayalolailaitaki ira na yalododonu, e na nomuni [vosa] lasulasu, e na gauna au segata tiko kina meu kakua ni vakavuna na nodra lomabibi; e na gauna vata au vakayaloqaqataki ira tiko kina na vakasisila me vuki laivi mai na nodra ivalavala vakasisila, me ra na qai rawa kina ni vueti. 23 O koya oqori, oni sa na sega ni raica tale kina na raivotu tawayaga, oni sa na sega talega ni cakava na caka i sausau. Au sa na vueti ira na noqu tamata mai na nomuni tatakube, oni na qai kila ni o au o Yahuwe (YHWH).

Yekezeki’yili (Isikeli) 13:17-23

NA IVAQA NI BULA (FOOD FOR THE SOUL)

E dua na tamata vuku e kaukaua; io, e dua na tamata kilaka e na tubu e na nona kaukaua. 6 E na ivadi vuku o iko o na valuta na nomu ivalu, ia na qaqa e rawa mai na kedra ilevu o ira na nomu dau ni ivakasala.

Mishlei (Vosa Vakaibalebale) 24:5-6

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Buli e na kena ivalavala vei Ye'dutuni. E dua na same i Dawide. 2(1) Na noqu bula (soul) e waraki Yahuwe (YHWH) toka ga e na vakanomodi; na noqu vueti e na lako [ga] mai vua. 3(2) O koya duadua na noqu vatu ka noqu ivakabula, na noqu itataqomaki; au na sega ni yavalati vakalevu. 4(3) E na vakacava na kena dede na nomuni vakarerea tiko e dua na tamata me rawa ni oni qai labati koya, o kemuni kece, me vaka beka ni o koya e dua na lalaga sa kasura tiko se na bai sa tu tataivatia? 5(4) Baleta oni nanuma ga moni dreti koya sobu mai na [nona itutu] cecere; era taleitaka na lasulasu, mai gusudra era na vosa veivakalougatataki, ia mai loma era veiru. 6(5) Na noqu bula e waraki Yahuwe (YHWH) duadua ga e na vakanomodi baleta na noqu inuinui e lako mai vua. 7(6) O koya duadua ga na noqu vatu kei na ivakabula, na noqu itataqomaki; au na sega ni via yavalati. 8(7) Na noqu tiko vinaka kei na noqu dokai e cegu toka ga vei Yahuwe (YHWH). Na noqu vatu kaukaua kei na noqu ivunivuni era toka ga vei Yahuwe (YHWH).

9(8) ¶ Vakanuinui vua; kemuni na tamata, e veigauna kece; talaucaka yani vua na vuniyalomuni e matana: o Yahuwe (YHWH) e itataqomaki vei keda kece. (Selaa) 10(9) O ira na tamata tawavanua era vaka e dua na icegu; ia o ira na tamata rogo era ka wale ga ni vakarairai; kevaka o biuti rau vata e na dua na ivakarau ni bibi, rau na talave cake ruarua ni rau mamada [cake] mai na ka e sega. 11(10) Kakua ni vakanuinui i na veivakasaurarataki, kakua ni biuta na nuinui lasutaki e na butabutako; kevaka mada ga ke tubu cake na iyau, kakua ni laiva na vuniyalomu [me marautaka]. 12(11) O Yahuwe (YHWH) sa kaya oti oqo vakadua; o au, au sa rogoca oti vakarua; na kaukaua e taukena o Yahuwe (YHWH).13(12) O kemuni talega, i Yahuwe (YHWH), oni itaukei ni yalololoma; baleta oni na vakaicovitaka [na tamata kece] me veiraurau ga kei na nodra dui cakacaka.

Tehillim (Same) 62:1-13

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 22 in 5774 (Total 2097)	September 26 2013
Reading	Hebrew Date
Yechezk’yl (Ezekiel) 44-46	M #7: Tishri 22, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iNuinui Lasutaki (False Hope).

2013-09-25T04:00:00.000+12:00

Thought: False Prophets And Shepherds Bring False Hope To People Unaware!

.......................

Serving For Yom R’vi’ii, [Seventh Month] Tishri 21, 5774

7th Day: Festival of Sukkot, 5774.

MAI NA NEVI’IMI AKARONIMI (FROM THE NEVI’IM ACHRONIM)

Sa rauti ira vinaka sara ga oqori, baleta ni ra vakayarayarataki ira tiko na noqu tamata me ra lako sese, e na nodra kaya ni levu tu na sautu (peace), e dina ga ni sega tu na sautu. Ke dua na tamata e tara e dua na lalaga qai sega ni vakayagata na mota, [o koya] e na vakayagoyagovinakataka e na simede vulavula [me rairai kaukaua kina]. 11 Tukuna sara vei ira era dau vakayagoyagovinakataki lalaga, ni dua na uca taubi sa voleka mai, e na lako vata mai vata kei na uca qereqere, kei na cagi laba kaukaua; 12 Na lalagabai e na qai caqera. O ira na tamata era na qai taroga, Evei ga na simede vulavula oni a vakayagata me vakayagoyagovinakataki kina? 13 Qori a qai kaya kina o Yahuwe na Sau (Sovereign YHWH); E na noqu leva cecekia, au na vakavurea kina e dua na cagi kaukaua me liwa; ia e na noqu cudru, e na yaco kina e dua kabasu ni o, qai tu mai vata kei na uca qereqere vakaitamera, me tilomi ira e na vakadomobula. 14 Oqo na sala au na basuka kina na bailalaga vatu oni a boroya e na lase vulavula, au na vakotora e dela ni qele, me la la cake mai na kena yavu. Na lalaga e na bale vakadua i ra, o kemuni oni na qai tilomi e na kena maliwa. Qori oni na qai kila kina ni o au o Yahuwe (YHWH). 15 E na kena ivalavala oqo, au na vakayagataka kina na noqu yalokatakata e na bailalaga, kei ira era ubia e na lase vulavula; au na qai kaya vei kemuni, Na bailalaga sa yali, ka vaka talega kina o ira era a boroya. 16 Oya, o ira na parofita ni Yisira'yili, era dau parofisaitaki Yerushalayimi, o ira era dau raica na raivotu ni tiko vua na bula sautu, ni sega tu mada ga na bula sautu, e kaya o Yahuwe na Sau (Sovereign YHWH).

Yekezeki’yili (Isikeli) 13:10-17

NA IVAQA NI BULA (FOOD FOR THE SOUL)

E na vuku, e dua na vale e na tara; ia e na qai vakataudeitaki e na yalomatua, 4 Ia e na kilaka na kena veiloqi era na vakasinaiti e na veimataqali iyau saulevu ka talei.

Mishlei (Vosa Vakaibalebale) 24:3-4

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Laga vata kei na ivakatagi wa. Maivei Dawide. 2(1) Rogoca noqu tagi, kemuni na Kalou (Mighty One); Vakarogoca na noqu masu. 3(2) Mai na iyalayala kei vuravura, ni sa gogo na vuniyaloqu, au qai kaci yani vei kemuni. Vakatikori i au sobu e na dua na vatu e cecere cake mai na kena au toka kina oqo. 4(3) Baleta oni dau ivakaruru vei au, e dua na valecere ni kaukaua vei au e matadra na kequ meca, 5(4) Au na bula tiko e na loma ni nomuni valelaca me tawamudu; au na kunea na noqu isasabai e na ruku ni iyaloyalo ni tabamuni. (Selaa) 6(5) Baleta o kemuni, kemuni na Kalou (Mighty One) oni sa rogoca oti na noqu yalayala, oni sa solia oti vei au e dua na ivotavota e nodra ga o ira era rerevaka na yacamuni. 7(6) Oni vakadedetaka na nona bula na tui! Me qai toso tiko mada ga na nona bula me vica vata tale na itaba tamata. 8(7) Me qai vakatikori mada ga me na tui e na mata i Yahuwe (YHWH) me tawamudu! Lesia na loloma kei na dodonu me maroroya tiko na nona bula. 9(8) Oti au na qai seretaka tiko kina na vakamuduo e na vuku ni yacamuni me tawamudu, e na veisiga au vakayacora tiko tiko kina na noqu yalayala.

Tehillim (Same) 61:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 21 in 5774 (Total 2096)	September 25, 2013
Reading	Hebrew Date
Yechezk’yl (Ezekiel) 43-44	M #7: Tishri 21, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26. May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Parofita Lasulasu (False Prophet)

2013-09-24T04:00:00.000+12:00

Thought: YHWH Never Commissioned False Prophets So They Will Lie!

......................

Serving For Yom Shlishi, [Seventh Month] Tishri 20, 5774

6th Day: Festival of Sukkot, 5774.

MAI NA NEVI’IMI AKARONIMI (FROM THE NEVI’IM ACHRONIM)

Na vosa i Yahuwe (YHWH) a lako mai vei au, 2 Tamata, parofisai saqati ira [mada] na parofita ni Yisira'yili era parofisai tiko. Tukuna vei ira era parofisai tiko mai na nodra vakasama o ira vakataki ira, Rogoca na vosa e kaya o Yahuwe (YHWH)! 3 O Yahuwe na Sau (Souvereign YHWH) e kaya; Na leqa levu e na sauti ira na parofita vakasisila vakaoti era vakamuria tikoga na yalodra o ira vakataki ira, kei na veika era se bera ni raica! 4 I Yisira'yili, o ira na nomu parofita era vaka na jakele e na vanua rusa. 5 O kemuni na [parofita] oni se sega ni cabe cake i na veitikina kabasu e na bai lalaga, oni se bera tale ga ni lai vakavinakataka e na vuku ni vale i Yisira'yili, me rawa ni ra tu dei e na gauna ni ivalu e na siga i Yahuwe. 6 Na nodra raivotu e [veivakacalai] kei na nodra vakaraimata e lasutaki; era kaya, E kaya o Yahuwe (YHWH), ni o Yahuwe (YHWH) mada ga a sega ni talai ira; ia era nuitaka ga ni na vakadeitaki na ka era kaya! 7 Oni se sega vakadua ni raica e dua na raivotu veivakacalai ka vosa e na dua na vakaraimata lasutaki ni oni kaya, O Yahuwe (YHWH) e kaya, ia o au, au a sega ni vosa? 8 O koya oqo na ka dina a kaya o Yahuwe na Sau (Sovereign YHWH); Baleta ni oni raica na raivotu lasu, oni qai cavuta na vosa lasutaki; qori sa vakavuna me saqati kemuni, e kaya o Yahuwe na Sau (Souvereign YHWH). 9 Na ligaqu e na saqati ira na parofita era raica na raivotu lasulasu, ka cavuta na vosamana lasutaki; o ira era na sega ni vakatarai me ra tiko e na nodra matabose na noqu tamata, se me vakaleweni na yacadra e na ivola (ni matavuvale) i Yisira'yili, se curu i na vanua o Yisira'yili. Qori oni na qai kila kina ni o au o Yahuwe na Sau (Sovereign YHWH).

Yekezeki’yili (Isikeli) 13:1-9

NA IVAQA NI BULA (FOOD FOR THE SOUL)

Kakua ni vuvutaki ira na tamata ca, se gadreva mo tiko vata kei ira, 2 Baleta na vuniyalodra e vakaosoti tu e na itovo kaukaua, ia na tebenigusudra e veivosakitaka ga na vakacaca.

Mishlei (Vosa Vakaibalebale) 24:1-2

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E na ilagalaga ni Senilili ni Veidinadinati (Lily Of testimony). E dua na vucu (Mikhtam) i Dawide e na nona veivakatavulici wavoki, 2 E na gauna a valuti Arama-Naharayimi kina, vata kei Arama-Zovaa, kei na gauna a lesu mai kina o Yo'ave qai mai vakamatea e 12,000 mai Idomi e na Bucabuca ni Masima. 3(1) Kemuni na Kalou (Mighty One) oni sa vakalecalecavi keimami; oni bikai keimami; oni a yaloca; ia qo ni bau vakabulai keimami tale. 4(2) Oni a cakava na vanua me sakure na vuravura; oni qai sea rua; ia oqo ni vakavinakataka na tikina kamusu, baleta e sa tekivu me caqera. 5(3) Oni cakava vei ira na nomuni tamata me ra sotava na veigauna dredre, oni cakava me keimami gunuva na waini e mai cakava me keimami tataivatia. 6(4) Vei ira era rerevaki kemuni e na vuku ni dina, oni solia e dua na drotini me ra soqosoqo wavolivolita. (Selaa) 7(5) Me rawa vei ira era taleitaki kemuni me ra vueti; o koya oya moni veivueti kina e na liagamuni imatau, ka rogoci keimami.

8(6)¶ O Yahuwe (YHWH) sa vosa oti e na nona yalosavasava; o au, au qai ciqoma [na nona yalayala] e na mamarau: Au na wasei She'kehema ka vakatulewataka na iwasewase e na bucabuca mai Sukota. 9(7) O Qili'adi e noqu, o Ma'nashe e noqu, o Ifirayimi na isala kaukaua ni uluqu; ia o Yahuda na noqu itoko (scepter) vakatui. 10(8) O Mo'avi e noqu kuro ni vuivui; vei Idomi au na kolo na noqu ivava; o Pe'leshete e na bikai baleti au! 11(9) O cei e na kauti au mai i na korolevu ni tataqomaki? O cei e na kauti au mai i Idomi? 12(10) Kemuni na Kalou (Mighty One) oni sa besetaki keimami beka? Oni sega ni bau lako vata kei ira na neimami mataivalu kemuni na Kalou (Mighty One).13(11) Vukei keimami me keimami saqati ira na keimami meca; baleta na veivuke ni tamata e tawayaga wale. 14(12) E na veivuke i Yahuwe (YHWH) keimami na vala vagumatua; baleta o koya e na butuki ira sobu na keimami meca.

Tehillim (Same) 60:1-14

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 20 in 5774 (Total 2095)	September 24, 2013
Reading	Hebrew Date
Yechezk’yl (Ezekiel) 41-42	M #7: Tishri 20, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vakatitiqa O Yisira’yili (Yisra’yl Doubted)

2013-09-23T04:00:00.000+12:00

Thought: YHWH’s Prophesies Will Or Have All Come To Pass Promptly!

............................

Serving For Yom Sheini, [Seventh Month] Tishri 19, 5774

5th Day: Festival of Sukkot, 5774.

MAI NA NEVI’IMI AKARONIMI (FROM THE NEVI’IM ACHRONIM)

Na vosa i Yahuwe (YHWH) a qai lako mai vei au: 18 Tamata, yavavala toka ga ni o kania tiko na kemu kakana; sautaninini e na ilevu ni taqaya ni o gunuva tiko na memu wai; 19 Qai kaya vei ira na lewenivanua, Oqo na ka e kaya o Yahuwe na Sau (Soveregin YHWH) me baleti ira era tiko mai Yerushalayimi, e na qele kei Yisira'yili: Era na kania na kedra madrai e na nuiqawaqawa, ka gunuya na medra wai e na domobula; baleta na vanua e na biu laladidi tu mai na veika era tawana tiko, baleta na nodra ivakarau kaukaua o ira era vakaitikotiko kina. 20 Ia na veikorolevu era tawani tu era na biu tawayaga tu, na vanua e na yaco me ra biu laladidi; oni na qai kila ni o au o Yahuwe (YHWH).

21 ¶ Na vosa i Yahuwe (YHWH) a qai lako mai vei au, 22 Tamata, e sega beka ni tiko e na loma ni vanua o Yisira'yili, na vosa vakatautauvata oqo; Na gauna e toso tikoga, ia e sega ni dua na raivotu e se bau yaco? 23 O koya oqo mo kaya kina vei ira, ni kaya vakaoqo o Yahuwe na Sau (Sovereign YHWH); Au sa na muduka laivi na vosa vakaibalebale oya; era na sega vakadua tale ni vakayagataka na vosa vakaibalebale oya e Yisira'yili; tukuna vei ira, Sa yaco mai na gauna me ra yaco kece kina na raivotu kecekece sara. 24 Sa na sega vakadua tale na raivotu lasutaki se na vosamana veicavilaki e na loma ni matavuvale i Yisira'yili. 25 Baleta o au o Yahuwe (YHWH); Au na vosa; ia na vosa ga au tukuna, au na vakayacora; e na vakavatukanataki. E na sega tale ni vakaberaberataki; baleta e na nomu veisiga, o kemuni na matavuvale dau vakadrecike, au na vosa au na qai vakavatukanataka sara, e kaya o Yahuwe na Sau (Sovereign YHWH). 26 E baci lako tale mai vei au na vosa i Yahuwe (YHWH); 27 Tamata, raica! O ira na tamata mai na matavuvale i Yisira'yili era sa kaya tiko, Na raivotu e raica tiko o koya, e baleta na gauna e se yawa sara mai muri; o koya e parofisai tiko me baleta e dua na gauna e se yawa [sara mai muri]. 28 O koya oya mo kaya tale kina vei ira ni o Yahuwe na Sau (Sovereign YHWH) e kaya, E sega ni dua na noqu vosa e na vakaberaberataki tale, na vosa kece au kaya era na vakavatukanataki e kaya o Yahuwe na Sau (Sovereign YHWH).

Yekezeki’yili (Isikeli) 12:17-28

NA IVAQA NI BULA (FOOD FOR THE SOUL)

O cei e tu na vuna me vakaoilei kina? O cei e tu na vuna me veivutuni kina? O cei e dauveileti, qai dau vosa kudrukudru e veigauna kece? O cei e mavoa tu ga vakasakasaka? O cei e dau wadadamu na yaloka ni matana? 30 O ira ga era vakayalia na nodra gauna e na gunu waini; kei ira era dau vinakata me ra wakia ga na medra gunu [kaukaua] 31 Kakua ni vaqoroqoroya na waini ni damudamu tu, ni solia tu mai na rokana e na loma ni kena bilo. E na rawa ni drodro malua sobu e na gauna oqo; 32 Ia e muri e na qai kati me vaka na gata, io e na kata vakasauri me vaka na gata poisoni. 33 Na matamu e na raica na veika tawakilai, na vuniyalomu e na kaya na veika e sega ni vakaibalebale. 34 Io, o iko o na nanuma ga ni o dadavo tu e na dela ni biau ni wasawasa, se davo tu vakababa e na dela ni ivana. 35 Era mokulaki au, ia au a sega ni vakila! Era vakavaculaki au, au qai sega mada ga ni kila! E na gauna cava beka au na qai yadra kina? Au na lako tale meu lai gunu tale.

Mishlei (Vosa Vakaibalebale) 23:29-35

LOMANI YAHUWE NA NOMU KALOU (LOVE YHWH YOUR MIGHTY ONE)

Ia o kemuni, i Yahuwe (YHWH) oni dredrevaki ira; oni vakalialiai ira na veimatanitu.10(9) Noqu Kaukaua, au na vakararai tiko [meu raici kemuni] baleta o kemuni na Kalou (Mighty One) oni noqu valecere ni isasabai. 11(10) O kemuni na Kalou (Mighty One) oni solia vei au na yalololoma, oni na lako mai vei au; o kemuni na Kalou (Mighty One) oni na vakatara vei au meu raici ira na kequ meca, e na qaqa.12(11) Kakua ni vakamatei ira, de ra qai guilecava o ira na noqu tamata; ia e na nomuni kaukaua ga, cemuri ira me ra lako sese tu mada; ia qai vakamalumalumutaki ira sobu; i Yahuwe (YHWH) na noqu isasabai. 13(12) Baleta na ivalavala e cakava na gusudra, mai na vosa ni tebenigusudra. Laiva ira me ra coko e na nodra qaciqacia e na vuku ni veirukaki kei na lasulasu era dau cavuta. 14(13) Vakaoti i ira e na nomuni leva waromisa, vakaoti i ira, cakava me ra oti vakadua, qai laivi ira me ra kila ni o Yahuwe (YHWH) e dau Vakavulewa vei Ya'akove. (Selaa) 15(14) Era na suka mai e na yakavi bogi, era qai veivakasosataki tiko mai me vaka na koli, ni ra veitosoyaki tiko e loma ni korolevu. 16(15) Era na veitosoyaki e veiyasana, me ra vaqaqara kakana, era veiyasayaki e na bogi, kevaka e sega ni tawa vinaka na ketedra. 17(16) Ia o au, au na seretaka na nomuni kaukaua; e na mataka lailai, au na seretaka e na domolevu na nomuni loloma. Baleta o kemuni oni noqu isasabai, oni noqu ivunivuni niu sotava na leqaleqa. 18(17) Kemuni na noqu Kaukaua, au na lagata na noqu vakamuduo vei kemuni, baleta na Kalou (Mighty One) e noqu itataqomaki, na Kalou (Mighty One) e dau solia vei au na loloma.

Tehillim (Same) 59:9-18

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 19 in 5774 (Total 2094)	September 23, 2013
Reading	Hebrew Date
Yechezk’yl (Ezekiel) 39-40	M #7: Tishri 19, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

O Yekeseki’yili Na Parofita (Yechezk’yl The Prophet)

2013-09-22T04:00:00.000+12:00

Thought: Yechezk’yl Warned Yisra’yl, But They Won’t See Or Hear!

..................

Serving For Yom Rishon, [Seventh Month] Tishri 18, 5774

4th Day: Festival of Sukkot, 5774.

MAI NA NEVI’IMI AKARONIMI (FROM THE NEVI’IM ACHRONIM)

NA vosa i Yahuwe (YHWH) a yaco mai vei au: 2 Tamata, o iko o bula tiko e na kedra maliwa e dua na kawatamata dau vakabebe. E tiko na matadra me ra rai kina, ia era se sega [ni galeleta] me ra raica; e tiko na daligadra me rawa ni ra rogo kina, ia era sega [ni galeleta] me ra rogoca; baleta ni ra dau vakabebe. 3 O koya oqo, tamata, vakarautaki iko e na veika [e gadrevi] baleta na veicemuri; ia e na loma ni siga, ni ra rai kece tu, mo biubiu me vaka ni o sa cemuri, biuta na nomu vanua, mo lako i na dua tale na vanua ni ra vakadikevi iko tu mai. De dua era na qai galeleta, e dina ga ni ra matavuvale dau vakadrecike. 4 Kauta mai na nomu iyaya, e na loma ni siga, ni ra rai tu, me vaka era iyaya gadrevi ni sa yaco na cemuri vakabobula; ia o iko vakataki iko, ni ra rai tu, mo qai biubiu me vaka era dau cakava o ira era cemuri tiko vakabobula. 5 Basuka e dua na qara me basikata na bailalaga, ni ra rai tu; qai curumaka kina na [nomu iyaya]. 6 Ni ra rai tu, o iko mo na colata cake na nomu iyaya i na usouso ni tabamu, qai colata yani i na butobuto; ia na matamu me na ubi tu, me kakua ni raica na qele na matamu; baleta au sa qisi i iko mo dua na ivakatakilakila vei ira na matavuvale i Yisira'yili. 7 Au qai vakayacora me vaka e vakarota vei au o koya, au colata mai na noqu iyaya e na lomaloma ni siga me vaka e dua e colata tiko na nona iyaya i na veivakabobulataki, ia e na yakavi au qai basuka e dua na qara, basikata na bailalaga, au qai lako yani e na butobuto kau colata tiko yani e na usouso ni tabaqu na noqu iyaya ni ra rai kece tu. 8 E a mataka lailai, a qai yaco mai vei au na vosa i Yahuwe (YHWH); 9 Tamata, na matavuvale i Yisira'yili, na matavuvale vakadrecike oya, ni tarogi iko se cava o cakava tiko, 10 Kaya vei ira ni kaya o Yahuwe na Sau (Sovereign YHWH) e cavuta na parofisai oqo, me baleta na ravouvou ni Yerushalayimi kei ira kece na matavuvale i Yisira'yili era tiko mai keya. 11 Kaya: O au e dua na ivakatakilakila vei kemuni. Me vaka sara ga na ka au cakava tiko, e na caka vaka kina vei ira, era na cemuri me ra kau vakabobula. 12 Ia na ravouvou e tiko vata kei ira e na colata na nona iyaya e na usouso ni tabana, ka biubiu e na butobuto. Era na kelia e dua na qara e na bailalaga, me ra vakacuruma kina na nodra iyaya. O koya e na ubia tu na matana me kakua ni raica rawa na dela ni qele e na matana. 13 Au na dedeka na noqu lawa e delana o koya, e na qai tacori e na noqu tudai o koya. Oti au na qai kauti koya mai i Bavela, i na nodra vanua na Kasidimi. O koya e na sega ni raica, e dina ga ni o koya e na qai mate mai keya. 14 Au na kaburaki ira i na veimatanicagi kece o ira kece era tiko vata kei koya me ra vukei koya, vata kei ira na nona mataivalu; au na qai vakamuri i ira e na noqu seleiwau. 15 Era na qai kila ni o au o Yahuwe (YHWH), niu sa ceburaki ira e na kedra maliwa na veimatanitu ka veibiuyaki ira i na veivanua.16 Ia au na vakavotaka e vica vei ira mai na seleiwau, na dausiga kei na matedewa; me rawa ni ra na lai tukuna na nodra ivalavala vakasisila e na kedra maliwa na veimatanitu, era na dui lako kina; qori era na qai kila talega kina ni o au o Yahuwe (YHWH). (Kena ikuri nimataka)

Yekezeki’yili (Isikeli) 12:1-17

NA IVAQA NI BULA (FOOD FOR THE SOUL)

O koya oya mo laivi rau kina o tamamu kei tinamu me rau daumarau [e na vukumu]; laivi koya [na marama] a vakasucumi iko me nona na reki. 26 I luvequ tagane, solia vei au na vuniyalomu, laiva na matamu me dikeva na noqu ivalavala. 27 Baleta na yalewa saqamua (harlot) e dua na ikeli titobu; ia na yalewa tawa kilai e vaka e dua na ikeli qiqo. 28 E na wawa toka me toqovi koya e ganova, qai vakavuna me tubu na iwiliwili ni tagane e sega na nodra vakabauta.

Mishlei (Vosa Vakaibalebale) 23:25-28

LOMANI YAHUWE NA NOMU KALOU (LOVE YHWH YOUR MIGHTY ONE)

NA vukuna na iliuliu. E na ilagalaga ni Kakua ni Vakarusa; Maivei Dawide; Na nona vakabauta vuni (mikhtam) e na gauna a talai ira mai kina na tamata o Sha'ula me ra mai yadrava na nona vale, me ra qai vakamatei koya. 2(1) Kemuni na noqu Kalou (Mighty One), vueti au mai vei ira na kequ meca! Laveti au cake, me ra kakua ni tarai au rawa o ira era saqati au tiko. 3(2) Vueti au maivei ira era dau caka ca, vakabulai au mai vei ira na tagane dauvakadavedra. 4(3) Baleta raica, era waraka tiko na noqu bula, me ra vakamatei au. Era sa soqo vata sara ga me laurai levu na nodra saqati au; sega baleta niu a basulawa se baleta niu a valavala ca i Yahuwe (YHWH). 5(4) Ni sega [mada ga] ni dua na noqu cala, o ira era se veiciciyaki ga me ra vakavakarau. Yadra cake moni vukei au, moni raica! 6(5) O kemuni, i Yahuwe na Kalou Cecere ni lewevuqa (YHWH Ylohei-Tzva'ot) na Kalou (Mighty One) i Yisira'yili, yavavala mai moni totogitaki ira na veimatanitu; kakua ni vakavotaka e dua vei ira na dauveiliumuritaki lawaki ca oqori. (Selaa) 7(6) Era lesu mai e na yakavi, era qai veivakasosataki e na domodra me vaka na koli, ni ra veitosoyaki wavolita na loma ni korolevu. 8(7) Raica, na cava so e talivi tiko mai gusudra; na seleiwau e toka e tebenigusudra [ni ra kaya vei ira vakataki ira,] E sega ga ni dua e vakarorogo tiko. [Kena ikuri nimataka]

Tehillim (Same) 59:1-8

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 18 in 5774 (Total 2093)	September 22, 2013
Reading	Hebrew Date
Yechezk’yl (Ezekiel) 37-38	M #7: Tishri 17, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Cemuri Laivi o Yisira‘yili.(Yisra’yl Removed)

2013-09-20T19:47:00.002+12:00

Thought: Yisra’yl Removed, Yes But YHWH Continue To Protect Them!

.......................

Serving For Shabbat, [Seventh Month] Tishri 17, 5774

3rd Day: Festival of Sukkot, 5774.

MAI NA NEVI’IMI AKARONIMI (FROM THE NEVI’IM ACHRONIM)

A qai yaco maivei au na vosa i Yahuwe (YHWH) ni kaya, 15 Tamata, o ira era vakaitikotiko mai Yerushalayimi, era a tukuna vei ira na nomu kaivata, oya o ira na tacimu, na wekamu kei ira na lewe ni matavuvale kece i Yisira'yili; Lako tani mai vei Yahuwe (YHWH)! Na qele oqo a soli vei keimami me keimami taukena. 16 O koya oqo mo kaya kina, Oqo na ka e kaya o Yahuwe na Sau (Sovereign YHWH); E ka dina, niu a cemuri ira laivi vakayawa sara i na kedra maliwa na veimatanitu; Au qai kolotaki ira laivi i na kedra maliwa na veivanua, ia veitalia ga oqori, baleta o au, au na nodra itataqomaki tikoga e na veivanua kece era na dui lako kina. 17 O koya oqori mo kaya kina, Oqo na ka e kaya o Yahuwe na Sau (Sovereign YHWH), Au na vakasoqoni kemuni mai na kedra maliwa na tamata, ka soqoni kemuni mai na veivanua oni a lai kaburaki tu kina, au na qai solia tale vei kemuni na vanua o Yisira'yili. 18 Era na qai lako yani i keya, era na qai lai talaraka laivi mai keya na veika vakasisila kei na vei itovo vakasevaki. 19 Au na solia vei ira e dua na yalo ni duavata. Au na biuta e kemuni maliwa e dua na yalo vou! Au na kauta laivi mai yagodra na vuniyalo vatu ka sosomitaka e na vuniyalo vakalewe. 20 Me rawa ni ra bula muria na noqu ivakaro, talatalai rawarawa i na noqu lesilesi, me ra qai vakayacora. Oti oya era na qai noqu tamata, ia o au, au na qai nodra Kalou (Mighty One). 21 Ia o ira e lomadra me ra muria ga na nodra veika vakasisila, kei na nodra ivalavala velavela, au na qai veisausaumitaka vei ira [na ca] ni nodra ivalavala vakasisila e na dui uludra o ira yadudua, e kaya o Yahuwe na Sau (Sovereign YHWH).

22 ¶ Eratou qai laveta cake na tabadratou kei na yava ni qiqi e yasadratou o iratou na ke'ruvimi; ia na lagilagi ni nodra Kalou (Mighty One) na Yisira'yili, a qai basika e deladratou: 23 Tarava, na lagilagi i Yahuwe (YHWH) a qai tubu cake mai na loma ni korolevu, qai lai tu mai na dela ni ulunivanua, e toka e na tokalau ni korolevu. 24 A qai laveti au cake e dua na cagi, qai kauti au, e na dua na raivotu, e na yalo ni Kalou (Mighty One) vei ira na bobula e na loma ni qele vaka Kasidimi; oti qai biuti au na raivotu au a raica. 25 Au qai vakasavuya vei ira era tu bobula na veika kece e a vakaraitaka vei au o Yahuwe (YHWH).

Yekezeki’yili (Isikeli) 11:14-25

NA IVAQA NI BULA (FOOD FOR THE SOUL)

Volia na dina, kakua ni volitaka; ka vakakina na yalomatua, na ivakavuvuli kei na lewa matau.

Mishlei (Vosa Vakaibalebale) 23:23

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. E na ilagalaga ni “Kakua ni Vakarusa”. Maivei Dawide, Na nona vakabauta vuni (Mikhtam). 2(1) Kemuni [na daunivakavulewa], na nomuni galu tiko e vakaraitaka vakaidina tiko beka na lewadodonu? 3(2) [E sega!] E vuniyalomuni oni navuca tiko na caka ca, na ligamuni e dau vakayacora na ivalavala kaukaua e na loma ni vanua. 4(3) Mai na katonigone, o ira na ca era sa tu [tani maivei ira na yalomatua]; era dau lasulasu, era se dau lako sese [me ra muria] na sala cala mai na gauna sara ga era se qai sucu mai kina. 5(4) Na nodra gaga e tautauvata kei na weligaga ni gata (serpent); era vaka na gata (adder) e sogota na daligana; 6(5) Me kakua kina ni rogoca na domona o koya e veivakamanoataki, veitalia sara ga na totoka ni [ivakatagi] e vakatagitaka tiko.

7(6) ¶ Kemuni na Kalou (Mighty One), voroka na batidra e loma ni gusudra! Vaqera na bati sika ni laione, i Yahuwe (YHWH). 8(7) Laiva me ra yali vakasauri, me vaka na wai e drodro laivi. Me qai vakamucui na nodra gasau ni dakaititi, e na gauna era loveca kina na nodra dakaititi me ra vanataka. 9(8) Me vaka mada ga na bosucu e dau waicala ni toso tiko, se na gone sucudole e sega ni raica na matanisiga.10(9) Ni se bera ni vakila na kuro ni vakasaqa na katakata mai na kauvakavotona era kama tiko, me qai uvuci ira laiva mada ga, na kena era se drokadroka kei na kena era sa caudre tu. 11(10) Na yalododonu e na marau ni raica ni caka na veisausaumi, era na savuya na yavadra e na nodra dra na daucaka ca; 12(11) O ira na tamata era na qai kaya, Io, o ira na yalododonu era na vakaicovi; [sa na qai matata] ni oti kece oqo, ni dua tiko na Kalou (Mighty One), o koya e na vakatulewataki vuravura.

Tehillim (Same) 58:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 17 in 5774 (Total 2092)	September 21, 2013
Reading	Hebrew Date
Yechezk’yl (Ezekiel) 35-36	M #7: Tishri 17, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Sakasakavakani O Yisira’yili! (Yisra’yl Was Arrogant!)

2013-09-20T04:00:00.001+12:00

Thought: Yechezk’yl Was Worried: Would YHWH Exterminate Yisra’yl Completely?

........................

Serving For Yom HaShishi, [Seventh Month] Tishri 16, 5774

2nd Day: Festival of Sukkot, 5774.

MAI NA NEVI’IMI AKARONIMI (FROM THE NEVI’IM ACHRONIM)

Oti, a qai laveti au e dua na yalo, qai kauti i na matamata e na tokalau ni vale i Yahuwe, oya na matamata e vakanamata tu vaka i na tokalau. E na icurucuru ni matamata, au raica kina e rusagavulukalima na tagane; e na kedra maliwa, [au raici rau] o Ya'azanayahu na luvetagane i 'Azuri, kei Pe'latayahu na luvetagane i Be'nayahu, na nodra iliuliu na tamata. 2 E kaya vei au [o Yahuwe (YHWH)], Tamata, o ira qo na tamata era navuca tiko na inaki ca, era qai solia tiko kina na ivakasala ca, e na loma ni korolevu oqo; 3 Era kaya tiko, Na gauna e se bera ni yaco mai me caka kina na tara vale. Na korolevu oqo e dua na kuro ni vakasaqa, ia o keda na kena lewe ni manumanu! 4 Qori mo parofisai saqati ira kina, Tamata, parofisai. 5 A qai sobuti au na Yalo i Yahuwe (YHWH), qai kaya vei au, Kaya; Oqo na veika e kaya o Yahuwe (YHWH); Na veika oni kaya tiko e donu, kemuni na lewe ni matavuvale i Yisira'yili; baleta au kila na imoimoi ni nomuni vakasama. 6 Oni sa vakamatea e le levu e na loma ni korolevu oqo, oni sa vakasinaitaka na nomuni veisalevu vei ira era sa mate. 7 Oqori a qai kaya kina oqo o Yahuwe na Sau (Sovereign YHWH), O ira oni vakamatei ira oni qai ceburaki ira tu yani kina, o ira qori na lewe ni manumanu, ia na korolevu oqo e ka dina ni kena kuro ni vakasaqa; ia o kemuni oni na kau laivi mai kina. 8 Oni domobulatata na seleiwau; ia au na kauta yani na seleiwau vei kemuni, e kaya o Yahuwe na Sau (Sovereign YHWH). 9 Au na qai kauti kemuni laivi mai kina, ka soli i kemuni i ligadra na kai tani, au na qai vakayacora na lewa vei kemuni. 10 Oni na bale e na seleiwau; au na vakatulewataki kemuni e na iyalayala kei Yisira'yili; oni na qai kila ni o au o Yahuwe (YHWH).11 Na korolevu oqo e na sega ni nomuni kuro ni vakasaqa; o kemuni oni na lewe ni manumanu e loma; au na qai vakatulewataki kemuni e na iyalayala kei Yisira'yili: 12 Oni na qai kila ni o au o Yahuwe (YHWH). Baleta oni sega ni bula muria tiko na noqu ivakaro se vakayacora tiko na noqu lewa, ia oni qai vakamuria tiko na nodra lawa na veimatanitu era tiko vakavolivoliti kemuni.13 A qai yaco niu parofisai tiko, ni a mate o Pe'latayahu na luvetagane i Be'nayahu. Au mani lutu sobu e mataqu, au qai rubica na tagi e na domo levu niu kaya, Isa lei Yahuwe na Sau (Sovereign YHWH)! Oni sa na vakawabokotaki ira kece beka vakadua na kedra vo vo na Yisira'yili?

Yekezeki’yili (Isikeli) 11:1-13

NA IVAQA NI BULA (FOOD FOR THE SOUL)

Na tamana e dua na tamata yalododonu e na reki vakalevu; io, o koya e vuku na luvena tagane e na reki vakalevu e na vukuna.

Mishlei (Vosa Vakaibalebale) 23:23

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Laga e na ilagalaga ni “Kakua Ni Veivakarusai.” Maivei Dawide, Na nona vakabauta vuni (mikhtam) e na gauna a dro kina mai vei Sha'ula i loma ni qaravatu: 2(1) Ni lomani au kemuni na Kalou (Mighty One) vakaraitaka vei au na yalololoma: baleta vei kemuni au sa kunea na noqu taqomaki. Io, au na kunea na noqu taqomaki e na ruku ni yaloyalo ni tabamuni, me yacova ni sa sivi na cavaa. 3(2) Au na kaci vei Yahuwe (YHWH) o koya e cecere sara, vua na Kalou (Mighty One) o koya e vakayacora tiko na nona inakinaki vei au. 4(3) O koya e na talatala mai lomalagi meu mai vueti, e na gauna era vakalialiai au tiko kina o ira era via buturaki au sobu. (Selaa) O Yahuwe (YHWH) e na vakauta mai na nona loloma kei na nona dina. 5(4) Era tu vakavolivoliti au na laione, au koto sobu no e na kedra maliwa na tamata era ceguva tiko na bukawaqa, na tagane e gagata na batidra me vaka na moto, kei na gasau [ni dakaititi] kei na yamedra e vaka na seleiwau gagata. 6(5) [O kemuni] moni vakacerecerei cake sara, kemuni na Kalou (Mighty One) me sivia na lomalagi! Laiva na nomuni dokai me cecere cake mai vuravura! 7(6) Era viria e dua na lawalawa me coko kina na yavaqu; ia au qai cuva sobu [meu levea]

8(7) ¶ Na vuniyaloqu e toka dei, o kemuni i Yahuwe (YHWH) oni toka dei. Au na lagasere ka qiria na ivakatagi. 9(8) Yadra, noqu dokai! Yadra tiko noqu soliteri kei na hapi! Au na vakayadrata na mataka ca ca. 10(9) Au na vakamolimoli vei kemuni i Yahuwe (YHWH) e na kedra maliwa na tamata; Au na qiria na ivakatagi vei kemuni e na kedra maliwa na veimatanitu; 11(10) Baleta na nomuni yalololoma e vakaitamera, e kala vakadua sara i lomalagi (heaven) kei na nomuni dina e kala vakadua sara i lomalagi (sky). 12(11) [Moni] vakacerecerei, kemuni na Kalou (Mighty One) me sivia na lomalagi, laiva na nomuni dokai me cecere tiko ga e vuravura taucoko.

Tehillim (Same) 57:1-12

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 16 in 5774 (Total 2091)	September 20, 2013
Reading	Hebrew Date
Yechezk’yl (Ezekiel) 33-34	M #7: Tishri 16, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Ke’ruvimi (The K’ruvim).

2013-09-19T04:00:00.000+12:00

Thought: Some Mysterious Thing That Yechezk’yl Saw!

.................

Serving For Yom Chamishi, [Seventh Month] Tishri 15, 5774

1st Day: Festival of Sukkot, 5774.

MAI NA NEVI’IMI AKARONIMI (FROM THE NEVI’IM ACHRONIM)

OTI au a qai rai, me vakasauri ga, e qai laurai e na deladrau na ke'ruvimi, e dua na ka e rairai vaka na vatu safaia, ka vaka na ibulibuli ni dua na idabedabe vakatui. 2 O koya a qai vosa vua na tamata e dara tu na isulu lineni, qai kaya, Curu mada i na maliwa ni yava ni qiqi e rukudratou na ke'ruvimi, yakuta mai ligamu ruarua na qilaiso waqawaqa e tu e na kedratou maliwa na ke'ruvimi, qai kaburaka yani i loma ni korolevu. Niu raica tu yani, sa lako sara o koya. 3 O ratou na ke'ruvimi ratou a tucake tu e na yasa imatau ni vale, ni sa curu yani na tamata; ia na o a qai vakasinaita na lomanibai. 4 Oti qai tubu cake mai vua na ke'ruvi e duri tu e na dela ni ilago ni vale, na iserau ni Kalou (Mighty One); qai vakavuna me vakasinaiti na loma ni vale na o, kei na lomanibai a sinai vutuvutu e na remoremo ni iserau i Yahuwe (YHWH). 5 Na rorogo ni tabadrau na ke'ruvimi e lai voqa sara tiko e na lomanibai e taudaku, na kena rorogo a vaka na domo ni Kalou (Mighty One) o Shadai, e na gauna e vosa kina. 6 E na gauna a vakarota kina na tamata e dara tu na isulu lineni, me lukuta mai na bukawaqa mai na maliwa ni yava ni qiqi mai na kedrau maliwa na ke'ruvimi; ni a curu o koya qai lai duri tu e na yasa ni yava ni qiqi. 7 E dua na ke'ruve a qai dodoka na ligana mai na kedratou maliwa na ke'ruvimi, i na bukawaqa e no e na kedratou maliwa na ke'ruvimi, qai taura mai kina eso, ka biuta e ligana o koya [e vakaisulu tu e na lineni]: taura [sara] o koya, qai curu i tautuba.

8 ¶ Au rai, au qai raica ni votu maivei iratou na ke'ruvimi na ibulibuli ni dua na liga ni tamata, mai na ruku ni tabadratou. 9 Au rai, au qai raica, e va na yava ni qiqi, e yasadratou na ke'ruvimi, e dua na yava ni qiqi e toka e yasana e dua na ke'ruvi, e dua na yava ni qiqi e toka e yasa ni dua na ke'ruvi, na roka ni yava ni qiqi e vaka na roka ni vatu berili.10 Ia na kedratou irairai kei na kedratou ibulibuli e tautauvata va va, me vaka e dua na yava ni qiqi e toka e loma ni dua tale na yava ni qiqi. 11 Ni ratou sa toso, e rawa ni ratou toso e na dua ga vei iratou na yasana va va; ia ratou na sega ga ni veigoleyaki ni ratou sa lako tiko; ia na yasana ga e raica yani na uluna, eratou na toso kina, ka ratou na sega ni veigoleyaki ni ratou sa lako tiko. 12 Ia na yagodratou taucoko, bau kina na dakudratou, na ligadratou, na tabadratou kei na yava ni qiqi, e kovuta wavoki tu na yalokanimata, ni ratou vuki e na yasadratou. 13 Ia na yava ni qiqi, au a rogoci ratou ni ratou a vakatoka, na yavaniqiqi nI vakatoqiqi; 14 O iratou yadua [na ke'ruvimi] e va na matadratou; na imatai ni matadratou e dua na mata ni ke'ruvi, na ikarua ni matadratou na mata ni dua na tamata, na kena ikatolu na mata ni laione, kei na na kena ikava na mata ni ikeli. 15 Oti eratou qai tucake na ke'ruvimi. Oqo o ratou na ibulibuli bula vata ga au a raica mai na Uciwai o Ke'vaa. 16 Ia ni ratou toso na ke'ruvimi, na yava ni qiqi talega e toso vata kei iratou; ia e na gauna e ratou laveta cake kina na tabadratou na ke'ruvimi, me ratou talave cake mai na dela ni qele, na yava ni qiqi e na sega ni tarova na nodratou lako vata kei iratou.17 Ni ratou tu vakadua [na ke'ruvimi], era na tu vakadua talega [na yava ni qiqi]; ia ni tucake [na imatai], na ikarua talega e na tu vata kei iratou; baleta na yalo ni ibulibuli bula e tiko e lomadratou. 18 Na iserau i Yahuwe (YHWH) a qai biubiu mai na ilago ni valenisoro, qai lai duri tu e deladratou na ke'ruvimi. 19 E ratou qai laveta cake na tabadratou o ratou na ke'ruvimi, e ratou qai talave cake mai na dela ni vuravura; au raici iratou tu yani ni ratou sa lako yani vata kei na yava ni qiqi e yasadratou. Eratou qai lai tu e na katuba ni matamata e na tokalau ni valetabu i Yahuwe (YHWH); me qai serau tu mai deladratou na iserau ni Kalou (Mighty One) i Yisira'yili. 20 Oqo na ibulibuli bula au a raica e na ruku ni Kalou (Mighty One) i Yisira'yili mai na Uciwai na Ke'vaa; qori au kila kina ni ratou ke'ruvimi. 21 O ratou yadudua eratou tauya va na matadratou, ka ratou tauya va na tabadnatou; qai toka mai ruku ni tabadratou e dua na ka e vaka na liga ni tamata na kedra ibulibuli. 22 Ia na irairai ni matadratou, e tautauvata ga kei na irairai ni mata au a raica mai na Uciwai o Ke'vaa, na kedratou irairai e tautauvata. O ratou yadudua eraou toso vakadodonu tiko ga iliu.

Yekezeki’yili (Isikeli) 10:1-22

NA IVAQA NI BULA (FOOD FOR THE SOUL)

Vakarorogo vei tamamu, o koya e a solia vei iko na bula; kakua ni vakasisilataki tinamu e na gauna sa qase kina.

Mishlei (Vosa Vakaibalebale) 23:22

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Laga e na ilagalaga ni “Na Ruve Galu Mai Na Vanua Yawa”. Maivei Dawide, E dua na vosa ni nona vuli (miktam) e na gauna era a vesuki koya kina na Pi'lishitimi mai Qata: 2(1) Ni bau lomani au kemuni na Kalou (Mighty One); baleta o ira na tamata era sa butuki au sobu tiko e ruku ni yavadra, e na loma ni siga taucoko era valuti au ka bikai au tiko; 3(2) O ira era sa koto no me ra waraki au, era qai butuki au sobu e na loma ni siga taucoko. O ira era valuti au tiko era le levu. Kemuni na cecekia, 4(3) E na gauna au domobula kina, au dau biuta na noqu inuinui vei kemuni. 5(4) O Yahuwe (YHWH), au vakacerecerea na nona vosa; vei Yahuwe (YHWH) au sa vakataqara na noqu inuinui; au sega ni nuiqawaqawa; na cava e rawa ni cakava na tamata, vei au? 6(5) E na loma ni siga taucoko era vakatanitaka na noqu vosa, e nodra vakasama ga me ra vakamavoataki au. 7(6) Era sosoqoni vata era qai vunitaki ira, me ra qai dikeva tiko vakavuni na na noqu itosotoso, e na nodra inuinui me ra na vakamatei i au. 8(7) Baleta na nodra caka cala, era na sega ni drobula rawa; e na leva ni Kalou (Mighty One) e na mokuti ira sobu na tamata.

9(8) ¶ Kemuni na Kalou (Mighty One) oni sa wilika tiko na ilevu ni noqu wavoki, maroroya na wainimataqu e na tavaya leca ni wai; era sega beka ni volai kece tu e na nomuni ivola. 10(9) O ira na kequ meca era na saumaki lesu e na siga au na kaci kina; oqo na ka au kila: na noqu Kalou (Mighty One) e na [tokoni] au. 11(10) Vua na Kalou (Mighty One) au na vakacaucautaka na nona vosa, vei Yahuwe (YHWH) au vakavinavinakataka na nona vosa, 12(11) Vei Yahuwe (YHWH) au biuta na noqu inuinui; e sega vei au na taqaya; Na cava e rawa ni cakava na tamata wale vei au? 13(12) Vei kemuni na Kalou (Mighty One), au sa cakava na noqu bubului; au na vakayacori ira e na isoro ni vakavinavinaka vei kemuni. 14(13) Baleta oni a vueti au mai na mate, oni taqomaka na yavaqu [meu kakua] ni tacaqe, me rawa niu taubale e mata ni Kalou (Mighty One) e na rarama ni bula.

Tehillim (Same) 56:1-14

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 15 in 5774 (Total 2090)	September 19, 2013
Reading	Hebrew Date
Yechezk’yl (Ezekiel) 31-32	M #7: Tishri 15, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Cala Ni Vakasama (Mistaken Thought)

2013-09-18T04:00:00.000+12:00

Thought: Idolatry and False Worship Is So Prevalent, That YHWH Seems Invisible!

....................

Serving For Yom R’vi’ii, [Seventh Month] Tishri 14, 5774

MAI NA NEVI’IMI AKARONIMI (FROM THE NEVI’IM ACHRONIM)

Oti qai kaci e na domolevu e daligaqu o koya ni kaya, Samanitaki ira na komada ni korolevu vata kei na nodra iyaragi ni veivakarusai me ra taura yadudua tu mai e ligadra. 2 E gauna vata oya, e ono na tagane era lako cake sara mai na gaunisala e na matamata e cake, vaka i na vualiku, o ira yadua era taura tu mai e ligadra, na nodra dui iyaragi ni veivakarusai. E na kedra maliwa e dua na tagane e vakaisulu tu e na lineni, e oro tu mai e tolona na iyaya ni volavola ni vunivola. Era qai curu era qai lai duri tu e na yasa ni icabocabo ni soro barasa. 3 Na iserau ni Kalou (Mighty One) i Yisira'yili a qai serau cake mai dela ni ke'ruvi, mai na tikina e tu kina, i na tutuni vale. A qai kaci vua na tagane e vakaisulu tu e na lineni, o koya e oro tu na tolona na iyaya ni volavola ni vunivola; 4 Kaya o Yahuwe (YHWH) vua, Lako wavokita na korolevu, ka vaka kina i loma i Yerushalayimi, mo tabaka na ivakatakilakila e yadredra na tamata era vutugu tiko, e na vuku ni ivalavala vakasisila kei na veika ca kece e caka tiko e loma.

5 ¶ Vei ira na kena vo, au rogoci koya ni kaya, Lako muri i koya i loma ni koro, lai ravuravu! Kakua ni laiva na matamuni me veivakavotaki; se veivosoti! 6 Vakamatei ira na tagane qase, na cauravou, na goneyalewa, na gone lalai na yalewa; vakamatei ira kece! Ia kakua ni toro volekata e dua e kune vua na ivakatakilakila. Tekivu yani mai na loma ni noqu valetabu. Era mani tekivu mai vei ira na iliuliu e na mata ni vale. 7 Oti qai kaya vei ira o koya, Vakadukara na vale! Vakaosota na lomanibai e na yagonimate! Vakayacora sara! Era mani lako yani, era qai lai veivakamatei e loma ni korolevu. 8 Ia ni yaco tiko na veivakamatei, au a sa biu taudua tu ga. Au qai lutu sobu e mataqu, au qai tagi lagalaga niu kaya, Isa, i Yahuwe na Sau (Sovereign YHWH)! E na nomuni sovaraka tiko na nomuni leva cecekia e Yisira'yili, oni sa na vakarusai ira kece beka o ira na vo vo vei ira na Yisira'yili? 9 Oti qai kaya mai vei au o koya, Na nodra cala na yavusa Yisira'yili kei [na yavusa] Ya'huda e ka vakaitamera dina sara ga, na vanua sa robota vakadua tu na dra, kei na korolevu sa sinai tu e na kena bureitaki na lewadodonu; baleta ni ra kaya, O Yahuwe (YHWH) sa biuta na vanua, o Yahuwe (YHWH) e sega ni raici [keda tiko mai]. 10 Ia o au vakataki au, na mataqu e na sega tale ni veivakavotaki, au na sega tale ni yalololoma; au sa na kauta mai vei ira [na isau e veirauraua] kei na nodra ivalavala [ca] i dui uludra o ira vakataki ira. 11 E na gauna vata oqo, na tagane e a vakaisulu lineni tu, qai lili tiko mai tolona na iyaya ni volavola, sa qai lesu mai, qai mai vakasavu itukutuku ni kaya, Au sa cakava oti mai na veika kece oni a vakarota vei au me lai cakava.

Yekezeki’yili (Isikeli) 9:1-11

NA IVAQA NI BULA (FOOD FOR THE SOUL)

O iko, i luvequ tagane: Mo dau vakarorogo, dau yalomatua, ka vakataudeitaka na vuniyalomu e na ivalavala vinaka. 20 Kakua ni dua vei ira e dau gunuva vakasivia na waini, se dua vei ira e dau kania vakasivia na kakana.21 Baleta o rau ruarua, na daumateni kei koya e dau kanakanalevu, rau na yaco ruarua me rau dravudravua; na wakewake (mai na kana se gunu vakasivia) e na vakaisulutaki ira e na isulu madra.

Mishlei (Vosa Vakaibalebale) 23:19-21

LOMANI YAHUWE NA NOMU KALOU (LOVE YHWH YOUR MIGHTY ONE)

I Yahuwe (YHWH), cakava me veilecayaki ka sega na betena na nodra vosa! Baleta au raica na itovo kaukaua kei na veivala e na loma ni korolevu. 11(10) E na siga kei na bogi era na veitosoyaki wavokita na bailalaga; e loma, na tawadodonu kei na vakacaca; 12(11) Na veivakacacani sa sinai e loma; na veivakasaurarataki kei na lawaki ca e sega ni biuta na kena veisaqata. 13(12) Baleta e sega ni dua na meca a vakalialiai au, ke vaka kina keu a rawa ni vosota. E a sega ni dua na noqu itatacaqe e a vakaraitaka vei au na ivalavala ni veibeci; ke a vaka kina, keu a rawa ni vunitaki au vakataki au. 14(13) Ia qo, o iko sara ga, e dua na tamata e mataqali vata kei au, e dua na noqu itokani, e dua au kila vinaka.15(14) Keirau a dau veiwasei vakayalo; e na loma ni vale ni Kalou (Mighty One) keirau dau taubale vata e na kedra maliwa na [lewe ni] isoqosoqo. 16(15) Me qai biuta mada ga na mate vei ira, o koya; laivi ira me ra lako bulabula i She'ola: baleta na ca sa tiko e loma ni nodra itikotiko ka vakatale ga kina e loma ni vuniyalodra.

17(16) ¶ Ia o au, au na kaci vua na Kalou (Mighty One); o Yahuwe (YHWH) e na qai vueti au. 18(17) Yakavi, mataka kei na sigalevu au dau vosa kudrukudru ka qolou; ia o koya e [dau] rogoca na domoqu. 19(18) O koya e vueta na noqu bula ka solia vei au na vakacegu, me kakua ni dua e torovi au mai. Baleta e le levu era dau valuti au. 20(19) Na Kalou (Mighty One) o koya na tawamudu, e na rogoca qai vakamalumalumutaki ira, io, o koya e dau dabe toka e na nona idabedabe vakatui mai na kena itekivu. (Selaa) Baleta era sega ni veisau, ka ra sega ni rerevaki Yahuwe (YHWH). 21(20) [Na noqu itokani] a valuti ira era dau tu veisaututaki vata kei koya; o koya e a voroka kina na nona vosa sara ga ni bubului. 22(21) Na irogorogo ni nona veivosa a kaya o koya, e a dravidravia cake mai na bata, ia na vuniyalona e a nakita tiko na ivalu. 23(22) Talaca yani na nomu veileqa [kecekece] vei Yahuwe (YHWH), o koya e na qai tabei iko tiko. O koya e na sega vakadua ni vakatara me ra yavalati o ira na yalododonu. 24(23) Ia o kemuni i Yahuwe (YHWH) oni na dreti ira sobu i loma ni qara titobu taudua. O ira na tamata oqori, e kaukaua na nodra dau vakadavedra kei na nodra dau veivakacalai, era na sega ni bula me ra vakaotia na veimama ni nodra veisiga. Ia o au, mai na noqu yasana [i Yahuwe (YHWH)] au na biuta tiko ga na noqu inuinui vei kemuni.

Tehillim (Same) 55:10-24

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 14 in 5774 (Total 2089)	September 18, 2013
Reading	Hebrew Date
Yechezk’yl (Ezekiel) 29-30	M #7: Tishri 14, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

SoKaloutaki Matanisiga (Sun Worship).

2013-09-17T04:00:00.000+12:00

Thought: YHWH Hated Sun Worship, And Sun Worship Is Still Prevalent Today!

...............

Serving For Yom Shlishi, [Seventh Month] Tishri 13, 5774

MAI NA NEVI’IMI AKARONIMI (FROM THE NEVI’IM ACHRONIM)

E kaya talega vei au o koya, O na qai raica e vuqa sara na veika vakasisila era lelevu cake ni ra cakava tiko. 14 E kauti au mai o koya i na katuba ni matamata ni vale i Yahuwe (YHWH) e toka vaka e na vualiku; e keya e mataqu era tu kina na o ira na marama era tagitagi tiko vei Tamuza. 15 Tamata, e tarogi au o koya, O raica beka oqori? O na raica na ivalavala e vakasisila cake tale mai na kena oqo. 16 E kauti au mai o koya i na lomanibai-e-loma ni vale i Yahuwe (YHWH), e keya, e na kedrau tadrua na varada kei na icabocabo ni soro ni valenisoro i Yahuwe (YHWH); e rauta e ruasagavulu ka lima na tagane, era dui vakanadakuya tu na valenisoro i Yahuwe (YHWH), me ra vakanamata tu vaka i na tokalau; qo era qai sokaloutaka tiko na matanisiga mai na tokalau. 17 E tarogi au o koya, Tamata o raica beka qo? E ka wale beka vei ira na lewe ni yavusa Ya'huda, na nodra vakayacora tiko na veika vakasisila era vakayacora tiko eke, me ra vakasinaita na vanua e na ivalavala kaukaua, era qai vakacudrui au sara vakalevu? Raica! Era sa biuta tiko na tabana i loma ni qara ni ucudra! 18 O koya oqori au na cakacaka kina e na dela ni noqu leva cecekia; na mataqu e na sega ni veivosoti, au na sega talega ni yalololoma. Kevaka mada ga me ra mai tagi vakadomolevu sara e daligaqu, au na sega ga ni vakarorogo vei ira.

Yekezeki’yili (Isikeli) 8:13-18

NA IVAQA NI BULA (FOOD FOR THE SOUL)

Kakua ni didivaki ira era dau valavala ca; ia bula muri i ira ga o ira era rerevaki Yahuwe (YHWH) e veigauna kece. 18 Baleta qori e na vakadeitaka ni na dua na nomu itabagauna mai muri; na veika o nuitaka tu e na sega ni muduki koso.

Mishlei (Vosa Vakaibalebale) 23:17-18

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Vata kei na ivakatagi wa. E dua na vucu ni vuli (maskil) nei Dawide. 2(1) Kemuni na Kalou (Mighty One) vakatudaliga i na noqu masu! Kakua ni vakanadakuya na noqu kerekere! 3(2) Rogoci au ka tama mai vei au! Sa tarai i au na nuiqawaqawa, niu tauca tiko yani na noqu kudru, au sautaninini; 4(3) E na ivalavala ni nodra kaikaila o ira na kequ meca, kei na ivalavala ni nodra veivakararawataki; baleta era binia tikoga mai vei au na leqa, ka ra vakararawataki au tiko e na dela ni nodra cudru. 5(4) Na vuniyaloqu e lomaqu sa vavadugudugu tiko e na vutugu, na domobulataki ni mate e bikai au sobu tiko, 6(5) Na nuiqawaqawa kei na sautaninini sa rawai au mai, na iyaloyalo ni mate sa kovuti au tu. 7(6) Au kaya, Au diva me a tiko na tabaqu [ni vuka] me vaka e dua na ruve! Ke vakaoqori, au na vuka laivi sara yani meu lai vakacegu. 8(7) Io, ke vaka oqori, keu a vuka sara vakayawa, meu lai vakaitikotiko e na loma ni vanua liwa. (Selaa) 9(8) Au na vaqara sara vakatotolo e dua na noqu ivakaruru mai na cagilaba kei na cavaa.

Tehillim (Same) 55:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 13 in 5774 (Total 2088)	September 17, 2013
Reading	Hebrew Date
Yechezk’yl (Ezekiel) 27-28	M #7: Tishri 13, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Ka E Cata O Yahuwe (What YHWH Hates).

2013-09-16T04:00:00.000+12:00

Thought: People Think YHWH Does Not See Their Idolatrous Behaviors!

........................

Serving For Yom Sheini, [Seventh Month] Tishri 12, 5774

MAI NA NEVI’IMI AKARONIMI (FROM THE NEVI’IM ACHRONIM)

E na ikalima ni siga ni ikaono vula ni ikaono ni yabaki, niu a dabe tiko e noqu vale, ka ra dabe tiko vata kei au o ira na iliuliu ni [yavusa] Ya'huda, e a qai [tarai] au mai na liga i Yahuwe na Sau (Sovereign YHWH). 2 Au rai cake au qai raica e dua na ka e tautauvata kei na dua na tamata e buli mai na yameyame ni bukawaqa. Mai na [tiki ni yagona] e rairai vaka na tolona kauta sobu e bukawaqa, ia mai tolona kauta cake e vaka na rarama remoremo me vaka na rarama ni qilaiso waqawaqa. 3 E [dua na ka] vaka na ibulibuli ni liga a dodo mai, qai tauri au e na dua na tobe ni uluqu; ia e dua na yalo a qai laveti au cake i na tadrua ni vuravura kei lomalagi, qai kauti au, e na raivotu oqo mai vua na Kalou (Mighty One) i Yerushalayimi, i na katuba ni matamata e loma, e vakanamata tu vaka i na vualiku. E keya e duri tu kina na kalou matakau e dau vakavurea na nona didi na Kalou (Mighty One) ka vakauqeta na nona yalokatakata e na nona yalododonu. 4 E keya, me vaka e na dua na raivotu, e laurai tu mai e mataqu na lagilagi ni Kalou (Mighty One) i Yisira'yili, na kena vata au a raica mai na buca. 5 Oti qai kaya vei au o koya, Tamata, matacake mo rai vaka i na vualiku. Au mani matacake meu rai vaka i na vualiku, au qai raica, e na yasana vaka i na vualiku ni Matamata ni iCabocabo ni Soro [ni duri tu mai kina] e dua na ivakatakarakara e dau [vakatubu didi vua na Kalou (Mighty One)] e na yasa ni kena icurucuru. 6 Oti qai tarogi au o koya, Tamata, o raica beka na ka era cakava tiko, na veika vakasisila lelevu era cakava tiko eke o ira na lewe ni yavusa Yisira'yili, na veika sa vakavuna na noqu toso yawa kalia mai na noqu valetabu? Ia o na raica e levu cake tale na veika vakasisila lelevu.

7 ¶ Oti sa qai kauti au mai o koya i na katuba i na lomanibai; ia niu rai, au qai raica e dua na qara e na bailalaga vatu. 8 Sa qai kaya [sara] vei au o koya, Tamata, kelikeli mada yani e na bailalaga; ia niu sa kelia yani na bailalaga, au raica e dua na katuba. 9 Curu i loma, e kaya o koya, mo raica na veika ivalavala vakasisila era vakayacora tiko eke. 10 Au mani curu i loma au qai vakararai; e keya, e ceu tu wavokita na lalaga kece, na veimataqali manumanu daudolo, na manumanu vakasisila vata kei na nodra kalou matakau na matavuvale i Yisira'yili. 11 E keya era duri tu mai kina e vitusagavulu na tagane rogo e na kedra maliwa na qase ni veimataqali i Yisira'yili; ia e loma donu e duri tu o Ya'azanayahu na luvetagane i Shafani. O ira na tagane [qori] era taura tu e na dui ligadra na nodra dui miqa; qai kuvu cake tiko mai kina na kubou ni o ni ka boi kamica. 12 Oti qai kaya vei au o koya, Tamata, o sa raica beka na ka era cakava tiko e na butobuto o ira na iliuliu ni veimataqali Yisira'yili, na tamata yadudua e na loma ni nodra dui loqi matakau ceuceu, baleta qori era kaya tiko, O Yahuwe (YHWH) e sega ni raici keda rawa; baleta o Yahuwe (YHWH) sa biuta na vanua.

Yekezeki’yili (Isikeli) 8:1-12

NA IVAQA NI BULA (FOOD FOR THE SOUL)

I luvequ tagane, kevaka e matua na vuniyalomu, ia na vuniyaloqu talega e na marau.16 Na vuniyaloqu sara mai loma e na mamarau ni kaya na veika dodonu na tebenigusumu.

Mishlei (Vosa Vakaibalebale) 23:15-16

LOMANI YAHUWE NA NOMU KALOU (LOVE YHWH YOUR MIGHTY ONE)

E na vukuna na iliuliu. Vata kei na ivakatagi wa. E dua na vucu ni vuli (maskil) i Dawide. 2 E na gauna era lako mai kina na Zifimi era qai tukuna vei Sha'ula, O Dawide e vuni tiko vata kei keimami. 3(1) Vueti au kemuni na noqu Kalou (Mighty One) e na vukuni yacamuni: e na nomuni kaukaua, tokoni au. 4(2) Kemuni na Kalou (Mighty One) rogoca na noqu masu; vakatudaliga i na vosa ni gusuqu. 5(3) Baleta o ira na vulagi era sa mata cake tiko me ra saqati au, o ira na tamata ivalavala kaukaua era sa vaqara tiko mai na noqu bula; era sega ni bau solia e dua na vakasama vua na Kalou (Mighty One). (Selaa) 6(4) Ia na Kalou (Mighty One) sa vukei au tiko; o Yahuwe (YHWH) e noqu ivakadei. 7(5) Kauta mai na leqa vei ira na kequ meca; vagalui ira e na nomuni dina: 8(6) Au na vakacabora vei kemuni na isoro e na yalo galala: Au na vakamuduotaka na yacamuni, i Yahuwe (YHWH); baleta ni vinaka. 9(7) Baleta oni a vakabulai i au mai na veileqaleqa taucoko; na mataqu a qai raici ira na kequ meca ni ra sa vakadrukai.

Tehillim (Same) 54:1-9

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 12 in 5774 (Total 2087)	September 16, 2013
Reading	Hebrew Date
Yechezk’yl (Ezekiel) 25-26	M #7: Tishri 12, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veisau E Na Siga I Yahuwe (Changes On The Day Of YHWH)

2013-09-15T04:00:00.000+12:00

Thought: Only In Pain And Shame Will Many People Eventually Learn Who YHWH is!

......................

Serving For Yom Rishon, [Seventh Month] Tishri 11, 5774

MAI NA NEVI’IMI AKARONIMI (FROM THE NEVI’IM ACHRONIM)

Ia ke so vei ira e mani drobula rawa, o ira era na dro sara i na veiulunivanua me vaka na ruve mai na vei veibucabuca, o ira kece era na vutugu tiko yani, e na vuku ni nodra dui ivalavala ca. 17 Na liga kecekece era na wadamele kei na duru kece era na waicala. 18 Era na daramaka na isulutaga; na na domobula e na kovuti ira; na madua e na kune votu e matadra, na ulu kece era na tasipori. 19 Era na kolo laivi na nodra siliva i gaunisala, na nodra koula era na vaka na ka e tawasavasava. E na siga ni leva i Yahuwe ( YHWH), na nodra siliva kei na koula era na sega ni vueti ira rawa. Na veika oqo e na sega ni vakamamautaka rawa na nodra viakana, na veika oqo e na sega ni tawana na ketedra, baleta oqo na veika a vakavuna na nodra ivalavala ca. 20 Mai na nodra iyaya ni sasauni totoka, era dau dokadokataka vakalevu, era a bulia kina na nodra kaloumataka vakasisila kei na veika tale eso e dau vakasevaki; o koya oya, vei ira, au a vakavuna me ka dukadukali. 21 Au na soli i ira laivi i ligadra na kaitani, me ra butakoca; vei ira na tamata ca kei vuravura me nodra itoki ni ivalu, era na qai vakadukadukalitaka. 22 Oti au qai vagolea tani na mataqu mai vei ira: o [Bavela] e na vakadukara na noqu tikina vuni, o ira na daubutako era na curuma era qai vakadukara.

23 ¶ Bulia e dua na sinucodo, baleta na vanua as sinai kina na caka ca lelevu kei na veikorolevu sa sinai kina na ivalavala kaukaua. 24 Qori au na kauti ira mai kina na veivanua cacalaivi me ra mai taukena na nodra veivale; au na tinia na nodra qaciqacia na qaqa; na nodra veitikina tabu era na qai vakadukadukalitaki. 25 E na gauna sa yaco mai kina na veika vakadomobula, era na qai vaqara na sautu (peace); ia sa na sega tu. 26 Na leqa vakaloloma e na veitavatavai mai; na itukutuku ciri e na veitataqavi mai; era na vaqara na raivotu mai vua na parofita, ia na Toraa sa na rusa mai vei ira na kohena, kei na veivakasalataki mai vei ira na iliuliu. 27 Na tui sa na dabe sobu me vakaloloku, na ravouvou e na vakaisulu e na domobula; kei na ligadra talega na lewenivanua e na sautaninini mai na nodra taqaya. Au na vakarautaka ga vei ira [na veika] e veiraurau kei na nodra dui bula, ka vakatulewataki ira me vaka na nodra a dau vakatulewataki ira na tani. Qori era na qai kila kina ni o au o Yahuwe (YHWH).

Yekezeki’yili (Isikeli) 7:16-27

NA IVAQA NI BULA (FOOD FOR THE SOUL)

Kakua ni tarova na veivakavulici mai vua e dua na gone lailai; [baleta] kevaka o kuitataki koya, o koya e na sega ni mate.14 Kevaka o kuitataki koya e na dua na kau, o iko o vueti koya tiko ga mai na ibulubulu (Sh'ol).

Mishlei (Vosa Vakaibalebale) 23:13-14

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E na dela ni tauvimate (machalat). Na vucu ni vakavuvuli (maskil) i Dawide; 2(1) Na lialia e kaya e lomana, E sega ni dua na Kalou (Mighty One); O ira na tamata vaka oqo e sa ca [na uludra], na ka kece era cakava e vakasisila, e sega sara ga ni dua vei ira e cakava e dua na ka vinaka. 3(2) Na Kalou (Mighty One) e rai sobu mai lomalagi me dikevi ira na kawa tamata me raica se dua mada ga vei ira e vuku; se dua mada ga e vakasaqara tiko na Kalou (Mighty One). 4(3) O ira yadudua era dukadukali, o ira vata kece era dau veidabui; e sega sara ga ni dua vei ira e cakava na ka vinaka, e sega sara ga ni dua vei ira. 5(4) Era na sega beka ni vuli o ira na dau caka ca oqo? Era tilomi ira na noqu tamata me vaka era kana madrai tiko, era qai sega vakadua ni bau kacivi Yahuwe (YHWH)! 6(5) E na qai tarai ira na domobula, e dina ga ni ra sega ni bau taqaya [tiko e na gauna oqo]; baleta na Kalou (Mighty One) e na yanaraka na nodra sui o ira era vakasaurarataki kemuni tiko. Oni sa vakamaduataki ira tiko, baleta na Kalou (Mighty One) e cati ira. 7(6) O cei e tiko e na taudaku kei Zaiyoni e na solia na veivueti vei Yisira'yili? E na gauna e na vakasuka kina vei ira na nodra iyau o Yahuwe (YHWH), sa na dua mada ga na ka na reki i Ya'akove! E na wacava na mamarau i Yisira'yili!

Tehillim (Same) 53:1-7

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 11 in 5774 (Total 2086)	September 15, 2013
Reading	Hebrew Date
Yechezk’yl (Ezekiel) 23-24	M #7: Tishri 11, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Veivutuni E Dredre (Repentance Was Difficult)

2013-09-14T04:00:00.000+12:00

Thought: YHWH Had To Resort To Punishment Because People Won’t Repent

.....................

Serving For Shabbat, [Seventh Month] Tishri 10, 5774 (Yom Kippur)

MAI NA NEVI’IMI AKARONIMI (FROM THE NEVI’IM ACHRONIM)

Na vosa i Yahuwe (YHWH) a qai lako mai vei au; 2 Ia me baleti iko, tamata, oqo na ka e kaya na Sau o Yahuwe (Sovereign YHWH) me baleta na vanua o Yisira'yili: Na ivakataotioti! Na ivakataotioti sa yaco mai i na tutu va va ni vanua! 3 Qo na ivakataotioti sa yaco mai vei iko! Au na vakauta yani vei iko na noqu leva cecekia, au na vakatulewataki iko me veiraurau kei na nomu ivalavala. Au na kauta [lesu] mai vei iko na nomu ivalavala vakasisila kece sara. 4 Na mataqu e na sega ni vakavotaki iko, au na sega tale ni yalololoma; ia au na kauta lesu yani vei iko na nomu ivalavala, na nomu ivalavala vakasisla e na vakayacori e na kemuni maliwa. Qori oni na qai kila kina ni o au o Yahuwe (YHWH). 5 Oqo na veika e kaya na Sau o Yahuwe (Sovereign YHWH); Na leqa, na leqa vovou, sa yaco mai oqo! 6 Na ivakataotioti sa tadu mai! Na ivakataotioti sa tadu mai! E na vakauqeti koya vakataki koya me saqati kemuni. 7 Na tavuki (doom) sa lakovi iko mai, o iko o bula tiko e na loma ni vanua. Sa yaco mai na kena gauna, sa voleka na siga, ni mamaue, sega ni kaikaila ni reki e na vei ulunivanua. 8 Qo sara ga, sa voleka sara, au na sovaraka yani na noqu yalokatakata vei kemuni, au na vakayacora na noqu leva vei kemuni; au na vakatulewataki kemuni me veiraurau kemuni na nomuni valavala, au na kauta yani me lai yaco vei kemuni na nomuni ivalavala. 9 Na mataqu e na sega ni vakavotaki kemuni, au na sega talega ni yalololoma; ia au na kauta yani vei kemuni na veika e veiraurau kei na nomuni ivalavala; na nomuni ivalavala vakasisila sa na tiko e na kemuni maliwa. Qori, oni na qai kila kina ni o au o Yahuwe (YHWH) o koya e samuti kemuni tiko. 10 Oqo na kena siga! Sa lako mai oqo! Na tavuki (doom) sa biubiu oti yani, na ititoko sa se, na qaciqacia sa kubu. 11 Na itovo kaukaua sa tubu cake me dua na ititoko ni itovo ca. E sega ni dua vei ira e na vo, e sega ni dua vei ira na lewe vuqa, e sega ni dua na nodra iyau, e sega ni dua na ka yaga e kune kina. 12 Na gauna sa yaco mai, na siga sa tu oqo; laiva me kakua ni marau na dauvolivoli se na dau volivolitaki me rarawa; baleta na leva sa tau tiko mai vakararaba vei ira kece na nona tamata era lewe levu. 13 Baleta na dauvolivolitaki e na sega ni lesu i na veika a volitaka, kevaka mada ga e se bula tikoga o koya; baleta na raivotu a vakatakilai vei ira kece na nona tamata era lewe levu, ia e sega ga ni dua a veivutuni. O ira yadua era a bula tikoga e na nodra dui ivalavala vakasisila. Era sega ni kaukaua vinaka [me ra veivutuni]. 14 Na shofa sa rogo oti, na ka kece era sa vakarau oti, ia e sega ni dua e lako i na ivalu, baleta na noqu leva sa lako tiko yani vei ira na nona tamata era lewe levu. 15 E tautuba na seleiwau, e loma na mate veidewavi kei na lauqa. O ira era tu mai loma ni vanua era na mate e na seleiwau. Ia o ira era tiko voli ga e na loma ni veikorolevu, na mate veidewavi kei na lauqa e na tilomi ira.

Yekezeki’yili (Isikeli) 7:1-15

NA IVAQA NI BULA (FOOD FOR THE SOUL)

Vagolea na vuniyalomu i na veivakadodonutaki kei na daligamu i na vosa ni yalomatua.

Mishlei (Vosa Vakaibalebale) 23:12

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E dua na vucu ni veivakatavulici (maskil) i Dawide, 2 E na gauna a lako mai kina, qai lai tukuna o Do'eqa mai Idomi, vei Sha'ula, o Dawide a sa yaco e na vale i Akimeleki: 3(1) Na cava o dokadokataka tiko kina na nomu ca, o iko na tamata qaciqacia, e na gauna sa kune tu ga kina e veisiga na yalololoma i Yahuwe (YHWH)? 4(2) Na yamemu e gagata me vaka na [na yame ni] itoro, e navuca tiko na veivakacacani, ka dau vakayacora na veivakacalai. 5(3) O domona vakalevu cake na ca mai na vinaka; kei na lasulasu mai na vosa vakadodonu. Selaa. 6(4) O dau taleitaka na vosa kece e tilomi ira na tamata, o iko o gusu dau veivakaisini. 7(5) Oqori na vuna e na mokuti iko sobu kina ka vesuki iko o Yahuwe (YHWH) oti qai talaci iko laivi mai na nomu valelaca, ka cavuivuvutaki iko mai na nodra vanua na bula. (Selaa)

8(6) ¶ O ira na yalododonu era na raica era na qai kurabui; era na vakalialiai koya ni ra kaya, 9(7) Na tagane qo, e sega ni via cakava me nona itataqomaki o Yahuwe (YHWH); ia qai vakanuinui ga e na nona iyau e levu tu, ka nuitaka tu ga na nona inakinaki ca. 10(8) Ia o au, au vaka na vuniolive [coka i drauna] drokadroka e na vale nei Yahuwe (YHWH); au biuta na noqu inuinui i na yalololoma i Yahuwe (YHWH) me tawamudu ka sega ni mudu. 11(9) Au na vakacaucautaki kemuni me tawamudu, baleta na veika oni sa cakava oti; au na qai tekia na noqu inuinui e na yacamuni; baleta qo e vinaka e matadra na nomuni digitaki.

Tehillim (Same) 52:1-11

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 10 in 5774 (Total 2085)	September 14, 2013
Reading	Hebrew Date
Yechezk’yl (Ezekiel) 21-22	M #7: Tishri 10, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na SoKaloutaki Matakau (Idolatry)

2013-09-13T11:42:00.002+12:00

Thought: To Know YHWH, The Source Of Life, First Discard Idolatry!

.....................

Serving For Yom HaShishi, [Seventh Month] Tishri 9, 5774

MAI NA NEVI’IMI AKARONIMI (FROM THE NEVI’IM ACHRONIM)

Na vosa i Yahuwe (YHWH) a qai lako mai vei au: 2 Tamata, vakanamata i na ulunivanua eso e Yisira'yili, qai parofisai saqati ira: 3 Kemuni na veiulunivanua i Yisira'yili; rogoca na nona vosa na Sau o Yahuwe (Sovereign YHWH); oqo na ka e kaya na Sau o Yahuwe (Sovereign YHWH) me baleti ira na veiulunivanua, na veidelana, kei na veibuca; O au sara ga au na kauta yani e dua na seleiwau, meu vakarusa na nomuni veitikina cecere; 4 Na nomuni icabocabo ni soro e na basuraki kei na nomuni duru ni lotutaki matakau e na musulaki; au na qai kolotaki ira na nomuni tagane vuetaki e na mata ni nomuni kalou matakau. 5 Au na qai vakotora na yagonimate ni vale i Yisira'yili e na mata ni nomuni kaloumatakau; au na qai ceburaka na nomuni sui wavolivolita na nomuni icabocabo ni soro. 6 E na veivanua kece oni vakaitikotiko kina, na korolevu e na vakarusai kei na vei tikina cecere era samulaki; me rawa ni vakarusai ka vakalalai na nomuni icabocabo ni soro, na nomuni kalou matakau me ra vorolaki ka boko laivi Na nomuni duru ni lotutaki matanisiga me ra musu sobu, kei na veika kece oni a bulia me ra vakawabokotaki. 7 O ira era vakamatei me ra na bale e na kemuni maliwa; oni na qai kila ni o au o Yahuwe (YHWH).

8 ¶ Ia au na biuta tiko e dua na kemuni vo vo, eso era na drobula mai na seleiwau e na kedra maliwa na veimatanitu, ni oni sa tayana oti yani i na loma ni veivanua. 9 O ira vei kemuni era drobula era na lai nanumi au mai, e na kedra maliwa na veimatanitu oni sa kau kina vakavesu. E wacava na noqu rarawa baleta na vuniyalodra [dau saqamua] ni a biuti au, kei na matadra ni a saqamua yarayara me muria na nodra kalomatakau! Era na qai vakasisilataki ira vakataki ira, e na vuku ni veika ca ca era a dui vakayacora e na nodra ivukivuki vakasisila. 10 E na gauna oqori, era na qai kila ni o au o Yahuwe (YHWH); ka ni a sega ni cavuti wale na noqu a tukuna niu na kauta mai na vei leqa oqo vei ira.

11 ¶ O koya oqo na veika a kaya na Sau o Yahuwe (Sovereign YHWH), Samusamu e na ligamu ka butubutu e na yavamu, qai kudruvaka na veika ca kece ka vakasisila era dau vakayacora na lewe ni matavuvale i Yisira'yili. Baleta o ira era na bale e na seleiwau, na lauqa kei na mate veidewavi. 12 O ira era tu mai vakayawa era na mate e na mate veidewavi, ia o ira era tu voleka era na bale e na seleiwau; ia o ira era drobula, era qai tu mai era na mate e na lauqa. Oqori na kena ivalavala au na vakayacora kina vei ira na noqu yalokatakatataki ira. 13 Oni na qai kila ni o au o Yahuwe (YHWH), e na gauna era sa veikotori matemate no kina e na kedra maliwa na nodra kaloumatakau, o ira na nodra tamata vuetaki, wavolivolita na nodra icabocabo ni soro, e na veidelena cecere ka vaka kina e na dela ni veiulunivanua, e na ruku ni veikau drokadroka, e na ruku ni veioki rugurugua, e na veiyasana kece era dau vakacabora kina na sede boi totoka vei ira na nodra kalou matakau. 14 Au na dodoka yani na ligaqu e deladra au na qai cakava na vanua, e na veivanua era vakaitikotiko kina, me ra biu laladidi tu, me vakalevu cake mai na vanua Dravuisiga o Divilaa. Qori era na qai kila kina ni o au o Yahuwe (YHWH).

Yekezeki’yili (Isikeli) 6:1-14

NA IVAQA NI BULA (FOOD FOR THE SOUL)

Kakua ni vosa i daligana na lialia: baleta o koya e na cata na vuku e kune e na nomu vosa. 10 ¶ Kakua ni tosoya na iyalayala makawa ni vanua; se lai suguta na kedra vanua na luveniyali, 11 Baleta na nodra ivakabula e kaukaua; o koya e na tokona na nodra ile me saqati iko.

Mishlei (Vosa Vakaibalebale) 23:9-11

LOMANI YAHUWE NA NOMU KALOU (LOVE YHWH YOUR MIGHTY ONE

Vakamiraci au e na hisopi, au na qai savasava; savati au, au na qai vulavula cake mai na uca vulavula cevata. 10(8) Laivi au meu rogoca na rorogo ni reki kei na mamarau; me rawa ni marau tale na sui o a bika (crush). 11(9) Vukica tani na matamuni mai na noqu ivalavala ca, bokoca laivi vakadua na noqu caka cala kece sara. 12(10) Bulia e lomaqu e dua na vuniyalo savasava kemuni na Kalou (Mighty One); vakavoutaka na yalodina e vuniyaloqu. 13(11) Kakua ni botolaki au laivi mai matamuni; kakua ni kauta laivi na yalomuni tabu (ruach qodesh) mai vei au. 14(12) Solia lesu mai vei au na marautaki ni nomuni veivueti; ka laiva e dua na yalo talatalai rawarawa me tabei i au cake tiko. 15(13) Oti au na qai vakatavulici ira era dau vorata na nomuni sala; era na qai saumaki lesu mai vei kemuni o ira era dau valavala ca; 16(14) Vakabulai au mai na cala ni noqu vakadave dra, kemuni na Kalou (Mighty One), na Kalou (Mighty One) na noqu vakabulai! Qori e na qai seretaka kina na yamequ na nomuni yalododonu. 17(15) I Yahuwe (YHWH), dolava na tebenigusuqu; e na qai vakacaucautaki kemuni na gusuqu. 18(16) Baleta oni sega ni gadreva na imadrali, keu a cabora vei kemuni; oni sega ni taleitaka na isorokama. 19(17) Na noqu isoro vei Yahuwe (YHWH) e dua na vuniyalo ramusu; kemuni na Kalou (Mighty One) oni na sega ni cata e dua na vuniyalo ramusu ka bibivoro. 20(18) E na nomuni yalololoma cakava me vutuniyau o Zaiyoni; tara tale na bailalaga mai Yerushalayimi. 21(19) Oqori oni na qai taleitaka kina na isoro ni yalododonu, e na isorokama; na isoro e kama sara vakaoti; oqori era na qai cabora kina na bulumakau tagane e na nomuni icabocabo ni soro.

Tehillim (Same) 51:9-21

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 9 in 5774 (Total 2084)	September 13, 2013
Reading	Hebrew Date
Yechezk’yl (Ezekiel) 19-20	M #7: Tishri 9, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Veikanikani E Yisra’yili. (Cannibalism in Yisra’yl)

2013-09-12T09:02:00.001+12:00

Thought: Yisra’yl Surpassed All Her Neighbors For Violating YHWH’s Laws

.......................

Serving For Yom Chamishi, [Seventh Month] Tishri 8, 5774

MAI NA NEVI’IMI AKARONIMI (FROM THE NEVI’IM ACHRONIM)

Ia o iko, tamata, taura e dua na seleiwau gagata; qai vakayagataka me vaka e dua na nona itoro na dauveikoti, mo tasia kina na ulumu kei na kumimu. Oti qai vakarautaka na drauniulu, e na dua na ivakarau ni bibi, qai wasea na drauniulu. 2 Na dua na ikatolu ni kena iwasewase mo vakama e loma donu ni korolevu, e na gauna sa oti kina na kena tuvaivalutaki. Taura e dua tale na ikatolu, qai tataya vakamatailalai e na seleiwau, e veiyasa kece ni korolevu. Ceburaka na iotioti ni kena ikatolu i na cagi; au na qai vakamuri i ira e na iseleiwau [sa ucu rawa tu mai na kena bola]. 3 Mo taura talega eso na drauniulu, qai buki i ira vata kei na ilobi ni nomu isulu. 4 Mo qai taura eso tale, qai kolotaki ira e loma ni bukawaqa, mo vakamai ira vakaoti; mai keri e dua na yame ni bukawaqa e na lako mai kina me mai saqata na matavuvale kece i Yisira'yili.

5 ¶ Oqo na ka e kaya na Sau o Yahuwe (YHWH): Oqo o Yerushalayimi! Au sa vakatikori koya e kedra maliwa na veimatanitu; na veivanua era na rawa ni kune vakavolivoliti koya. 6 Ia o koya, e a talaidrdre i na noqu lewa, qai vakayacora kina e levu cake na ivalavala vakasisila mai vei ira na veimatanitu, e na nona saqata na noqu ivakaro vakalevu cake mai na veikorolelevu era toka wavolivoliti koya; baleta era sa vakanadakuya na noqu lawa ka ra sega ni bula muria na noqu ivakaro. 7 O koya oqori e kaya kina vakaoqo na Sau o Yahuwe (Sovereign YHWH); Baleta ni o sa siviti ira na veimatanitu era toka wavolivoliti kemuni, e na nomuni sega ni via bula muria na noqu lawa, ka sega talega ni galeleta na noqu lewa, ia oni qai lai muria sara na lewa mai na veimatanitu era tu vakavolivoliti kemuni; 8 O koya qori e kaya kina na Sau o Yahuwe (Sovereign YHWH); O au talega au sa na saqati kemuni, io o au; au na qai vakayacora na noqu lewa e na kemuni maliwa ni ra rai kece tu na veimatanitu. 9 Kena ikuri, baleta na nomuni ivalavala vakasisila kece sara, au na cakava vei kemuni, na veika au se bera vakadua ni cakava mai liu, kau na sega ni cakava tale na veimataqali ka vakaoqo mai muri. 10 O ira na itubutubu e na kemuni maliwa era na kania na nodra dui lalai, kei ira na lalai era na kania na nodra dui itubutubu! Au na qai vakayacora na ka au lewa vei kemuni; ka ceburaki ira laivi i na veimatanicagi, o ira era kemuni vo vo. 11 O koya oya, baleta niu bula tiko, e kaya na Sau o Yahuwe (Sovereign YHWH); Baleta ni oni a vakadukara na noqu valetabu e na nomu veika vakasevaki kei na nomu vei ivalavala vakasisila, o koya oqori au yalataka kina oqo, niu na muduki kemuni laivi, na mataqu e na sega na vakavotaka e dua, au na sega tale ni veivosoti. 12 E dua na ikatolu vei kemuni era na mate e na matedewa se tilomi e na dausiga e loma [i Yerushalayimi]; e na tilomi ira e na kemuni maliwa: e dua na ikatou au na ceburaki ira laivi i na veimatanicagi kecekece, ka cemuria e na seleiwau.13 E na kena ivalavala oqo, na noqu cudru e na vakacegui kina, na noqu leva cecekia vei ira e na qai mate sobu, au sa na qai cegu. Oti oqori, e na gauna sa tau kina na noqu leva cecekia vei ira, era na qai kila, ni o au, o Yahuwe, au a vosa ga yani e na noqu gugumatua.14 Au na cakava moni maumau wale, moni qai vakalialiai e na kedra maliwa na veimatanitu era tu vakavolivoliti kemuni, e matadra kece era tavali tiko yani. 15 E na gauna au sa na vakayacora kina na noqu veivakatulewataki kei na veitotogitaki waromisa e na kemuni maliwa, e na cudru kei na leva vakaitamera, [o Yerushalayimi] sa na yaco me vakalialiai ka vosacataki kei na veivakadomobulataki, me ka ni tuveivakarautaki vei ira na veimatanitu era tu vakavolivoliti kemuni. O au o Yahuwe (YHWH) au sa kaya yani oqori. 16 Au na vanataka yani vei ira na noqu gasau vakadomobula [ni dakaititi] na gasau ni veivakarusai [e vu] mai na lauqa, [qori] au na vakauta yani me vakacacani kemuni. Au na cakava me mosimosi vei kemuni na lauqa e na noqu muduka laivi na [ivurevure] ni kemuni kakana17 Io, au na vakauta yani vei kemuni na lauqa kei na manumanu kila me ra lai vakavuna me sega na luvemuni; na matedewa ca kei na vakadavedra e na curu basikati kemuni; au na qai kauta yani na seleiwau vei kemuni; o au o Yahuwe (YHWH) au sa kaya oqori.

Yekezeki’yili (Isikeli) 5:1-17

NA IVAQA NI BULA (FOOD FOR THE SOUL)

Kakua ni kania na kena kakana e dua e dau veivakaisini, kakua talega ni kocova mo malekata na kena kakana; 7 Baleta o koya e tautauvata kei na dua e dikeva tiko na veika e yaco tiko; o koya e na kaya vei iko, Kania qo! Se gunuva qo! Ia na vuniyalona e sega sara ni tiko vata kei iko. 8 Na tiki ni kakana lailai o kania o na luaraka tale, e na qai tawayaga na nomu vosa ni veivakacerecerei.

Mishlei (Vosa Vakaibalebale) 23:6-8

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E dua na same i Dawide, 2 E na gauna a mai raici koya kina o Netani na parofita, ni oti na nodrau lasa i tuba kei Bata-Sheva. 3(1) I Yahuwe (YHWH) e na nomuni yalololoma, ni bau lomani au; e na vakaitamera ni nomuni yalovinaka, bokoca laivi na noqu basulawa. 4(2) Savati au sara vakaoti mai na noqu talai dredre, ka quaraka laivi vakadua na noqu ivalavala ca. 5(3) Baleta au kila na noqu talatalai dredre, na noqu ivalavala ca sa matata vinaka tu e mataqu e veigauna kece. 6(4) E saqati kemuni, o kemuni duadua ga, na noqu caka ca, niu a vakayacora na ka e vakasisila e na nomuni rai; e donu vinaka na nomuni totogitaki au. 7(5) E dina, au a buli vata kei na ca (iniquity); au (tamata) ivalavala ca, mai na tikinigauna sa kunekunetaki au kina o tinaqu. 8(6) Ia o kemuni oni gadreva na dina mai na yalo ni tamata sara mai loma; ni a bulia meu kila na vuku mai na uto sara ga ni vuniyaloqu.

Tehillim (Same) 50:16-23

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 8 in 5774 (Total 2083)	September 12, 2013
Reading	Hebrew Date
Yechezk’yl (Ezekiel) 17-18	M #7: Tishri 8, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Vavi Na Madrai E Na Deni Okisi (Bake Bread In Ox Dung)

2013-09-11T09:52:00.001+12:00

Thought: Yechezk’yl Laid On His Left And Right Side, Quantifying Yisra’yl’s Sins!

......................

Serving For Yom R’vi’ii, [Seventh Month] Tishri 7, 5774

MAI NA NEVI’IMI AKARONIMI (FROM THE NEVI’IM ACHRONIM)

Ia o iko, tamata, taura e dua na raba ni papa qele, vakotora e matamu, qai droinitaka kina na ituvatuva ni korolevu o Yerushalayimi. 2 Vakaraitaka ni tuvaivalutaki tiko; na tara ni valecere e yasana, na suva era bini cake e veiyasana, qai viria na ituki ni basubai me ra tu vakavolivolita. 3 Oti qai taura e dua na lawalawa kaukamea, qai viria me dua na bailalaga e na kemudrau maliwa o iko kei na korolevu; qai vakadikeva vinaka, na korolevu sa tuvaivalutaki tiko, ia o iko sara ga o tuvaivalutaka tiko. Oqo e na dua na ivakatakilakila me baleti ira na veimatavuvale i Yisira'yili. 4 Tarava, mo qai davo sobu mo bika na sarisarimu i mawi, me colata toka na caka cala ni matavuvale i Yisira'yili; e na dede ga ni nomu davo tiko e na yasamu, o na colata tiko na nodra cala. 5 Au sa wasea tani toka vei iko, e dua na siga e na veiyadua na yabaki ni nodra caka cala, o koya oya mo na colata tiko kina na nodra caka cala na matavuvale i Yisira'yili me 390 na siga. 6 Ia, ni o sa vakayacora oti oqori, mo qai vuki mo bika na sarisarimu imatau, mo colata tiko na nodra caka cala na lewe ni matavuvale i Ya'huda me vasagavulu na siga; na veisiga yadua me veidutai kei na dua na yabaki. 7 O iko mo vakadodoka toka na nomu rai e na kena tuvaivalutaki tiko o Yerushalayimi, ia ni sa vagalalataki na gauniligamu, mo qai parofisai saqata. 8 Au sa na vesuki iko sobu tiko e na [vica] na dali; o iko mo kakua ni vuki mai na dua na yasana i na dua tale na yasana, me yacova ni sa oti vinaka na veisiga ni veituvaivalutaki tiko.

9 ¶ Taura na witi, na bali, na bini, na lenitili, na sila kei na raye, sovari ira vata kece e na loma ni dua na beseni; qai buli madrai mai kina. E na kena dede ga na nomu koto no e yasamu, oya 390 na siga, oqo na ka mo na kania tiko. 10 E na veisiga yadua, na kakana mo kania me ruasagavulu ga na shekele (ikatolu ni kilo) na kena bibi. O na rawa ni kania vagauna [e na loma ni dua na siga]. 11 O iko talega me vakaiyalayala ga na ilevu ni wai mo gunuva, oya me dua na ikaono na hini (lima na lita); e rawa ni o na gunuva vagauna [e na loma ni dua na siga]. 12 [Na madrai] o kania me na vavi me vaka na keke [buli mai na bali]; o iko mo na vavia sara ga ni o vakaraica tiko yani e matamu, ia mo vakayagataka na deni tamata me kena buka. 13 Kaya o Yahuwe (YHWH), Qori sara ga na ivalavala ni nodra na kania na kedra madrai, oya e na dukadukali, o ira na luve i Yisira'yili, e na vanua au cemuri ira tiko kina. 14 Au mani vosa lesu, Sega [saka] i Yahuwe na Sau (Sovereign YHWH)! Au se sega vakadua ni vakadukadukalitaki au vakataki au; mai na gauna ni noqu gone me yacova mai qo, au se bera vakadua ni kania na ka e mate [vakataki koya] se basuraki mai vei ira na manumanu kila; e se bera vakadua ni curu i gusuqu na mataqali kakana vakasisila vaka oqori. 15 Sauma mai o koya, Sa vinaka, au sa na solia vei iko na deni okisi me isosomi ni deni tamata, mo na vavia kina na kemu madrai. 16 Oti qai kaya tale vei au, Tamata, au na muduka laivi na ivakarau ni madrai e Yerushalayimi: me rawa kina ni ra na dau vakarautaka na madrai era kania, e na nuiqawaqawa ka vakarautaka na wai me ra gunuva, e na taqaya. 17 Kena itinitini ga, baleta na lailai ni madrai kei na wai; era sa na dau veiwanonovi e na rusa vata kece tikoga, ka sa na lutu tikoga e na domobula, ka lutu tikoga na yagodra, baleta na nodra ivalavala ca.

Yekezeki’yili (Isikeli) 4:1-17

NA IVAQA NI BULA (FOOD FOR THE SOUL)

Kakua ni vakaceguocataki iko (vakatabakidua) e na vaqara iyau; vakayalomatuataki iko mo rawa ni tarovi iko. 5 Kevaka o cakava na matamu me rai vaqunaquna kina, o na kunea ni na yali vakatawamacala! Baleta na iyau e na bulia vakataki koya na tabana, ka na vaka na ikeli, ni na vuka vakayawa sara i lomalagi.

Mishlei (Vosa Vakaibalebale) 23:4-5

LOMANI YAHUWE NA NOMU KALOU (LOVE YHWH YOUR MIGHTY ONE

Ia vei ira era dau valavala ca e kaya vei ira na Kalou (Mighty One); Na dodonu cava e tiko vei kemuni moni tusanaka tiko na noqu lawa, se taura na noqu veidinadinati e na tebe ni gusumuni, 17 Ni laurai votu tu ga ni oni cata na noqu ivakaro; oni qai dau kolo laivi i dakumuni na noqu vosa? 18 Ni oni raica e dua na daubutako, oni lako sara moni lai to mai kei koya, o qai dau duavata kei ira era dauveidauci, 19 Oni solia i na gusumuni na galala, me vakayaco ca, ka cakaca na yamemuni me [cavuta na vosa ni] veivakacalai. 20 Oni dabe, oni qai vosa saqata na tacimuni; oni qai vakaucacataka tale na luve i tinamuni. 21 Ni oni cakava na veimataqali ka vata oqo, e dodonu beka vei au meu vagaluya tu ga? De dua oni nanuma tiko ni o au, au tautauvata kei kemuni; o au, au na vunauci kemuni ka vakacalai kemuni e matamuni. 22 Vakasamataka oqo, o kemuni oni guilecavi Yahuwe (YHWH) tiko, deu na qai basuraki kemuni vakamatailalai, qai sega ni dua me vueti kemuni. 23 O koya e cabora na vakavinavinaka me nona isoro, e vakarokorokotaki au; ia vei koya e bula muria na sala dodonu au na vakaraitaka vua na veivakabulai ni Kalou (Mighty One).

Tehillim (Same) 50:16-23

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 7 in 5774 (Total 2081)	September 11, 2013
Reading	Hebrew Date
Yechezk’yl (Ezekiel) 15-16	M #7: Tishri 7, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Veivakatuvakarautaki (The Warnings).

2013-09-10T07:44:00.000+12:00

Thought: Yechezk’yl Was Tasked To Warn All Peoples To Avoid Sins!

....................

Serving For Yom Shlishi, [Seventh Month] Tishri 6, 5774

MAI NA NEVI’IMI AKARONIMI (FROM THE NEVI’IM ACHRONIM)

Ni oti e vitu na siga, na vosa i Yahuwe (YHWH) a qai lako mai vei au; 17 Tamata, au sa lesi i iko mo dua na ivakatawa e na vale i Yisira'yili. e na gauna o rogoca kina e dua na vosa mai gusuqu, o iko mo na tuvakarautaki (warn) ira e na vukuqu. 18 Kevaka au kaya vua e dua e dau valavala ca, O iko o sa na mate dina ga; ia o qai sega ni tuvakarautaki koya, oya mo vosa ka tuvakarautaka na tamata ca me biuta na nona ivalavala ca me rawa ni vueta na nona bula; na tamata oya e na mate ga e na vukuni nona cala; ia au na beitaki vei iko nona mate. 19 Ia e na tabana kadua, kevaka o a tuvakarautaki koya na tamata ivalavala ca, ia qai sega ga ni saumaki mai na nona ivalavala ca, se na nona itovo vakasisila, ia o koya sa na mate ga e na vuku ni nona ivalavala ca; ia o iko o sa na vueta na nomu bula o iko vakataki iko. 20 E vaka kina, ke dua na tamata yalododonu e saumaki laivi mai na nona ivalavala dodomu qai vakayacora e dua na ivalavala ca; au na biuta e dua na itatacaqe e matana, o koya sa na mate [ga]; baleta o a sega ni tuvakarautaki koya, o koya sa na mate ga e na vukuni nona ivalavala ca; na nona ivalavala dodonu a vakayacora sa na sega ni nanumi; o au, au na beitaka vei iko nona mate. 21 Ia kevaka o a tuvakarautaka na tamata yalododonu oya, ni sega ni dodonu vua e dua na tamata yalododonu me valavala ca, oti qai sega kina ni valavala ca; ia o koya sa na bula dina ga, baleta ni a ciqoma o koya na nomu veivakatuvakatautaki; o iko talega o sa na vueta na nomu bula.

22 ¶ Na liga i Yahuwe (YHWH) e a tarai au mai e keya, qai kaya vei au o koya, Cavutu, lako yani i na veibuca, au na qai lai vosa vei iko mai keya. 23 Au mani tucake, au qai lako yani i na buca. Na lagilagi i Yahuwe (YHWH) e a tu mai keya, e tautauvata ga kei na lagilagi au a raica mai na bati ni uciwai mai Ke'va: au qai lutu sobu i mataqu. 24 Sa qai curumi au e dua na yalo, qai vakaduri i au e yavaqu. Oti qai vosa mai vei au, ni kaya mai vei au, Lako, lai sogoti iko tu e loma ni nomu vale. 25 Tamata, o iko o na lai vesu e na dali, o na qai sega kina ni lako rawa kina i na kedra maliwa na tamata. 26 Au na cakava na yamemu me kabita na gadromu, o na qai galu tu ka sega ni vunauci ira rawa; baleta o ira era lewenivale dauvakabebe. 27 Ia niu sa vosa vei iko, au na dolava na gusumu; o iko o na qai tukuna vei ira, Oqo na ka e kaya na Sau o Yahuwe (Sovereign YHWH), O koya ga e via rogoca e na rogoca, ia o koya e bese [ni rogoca] e na bese, baleta o ira, era lewe ni matavuvale dauvakabebe.

Yekezeki’yili (Isikeli) 3:1-15

NA IVAQA NI BULA (FOOD FOR THE SOUL)

E na gauna mo dabe kina mo kana vata kei na tui, vakasama vakavuku me baleti ira era tu e matamu. 2 Kevaka o dau kanakana vakalevu, biuta e dua na isele e na nomu itilotilo! 3 Kakua ni garova na kena kakana; baleta era kakana veivakaisini.

Mishlei (Vosa Vakaibalebale) 23:1-3

LOMANI YAHUWE NA NOMU KALOU (LOVE YHWH YOUR MIGHTY ONE

Rogoca, kemuni na noqu tamata, o au, au vosa tiko; i Yisira'yili au na vakadinadina saqati kemuni, o au na Kalou (Mighty One), na nomuni Kalou (Mighty One).8 Au sega ni vakadodonutaki kemuni tiko e na vuku ni nomuni isoro, na nomuni isorokama e dau tu ga oqo e mataqu. 9 O au, au sega ni gadreva e dua na bulumakau mai nomuni were se na metagane mai nomuni lomanibai. 10 Baleta na manumanu yavaiva kece ni veikauloa era a dau noqu tu ga mai liu [sara], ka vaka kina na manumanu kece e na udolu na veidelana; 11 Au kilai ira kece na manumanu vakatabana ni macawalala e na veiulunivanua; na ka ga e yavala e na loma ni vanua, qori era noqu [kece]. 12 Kevaka mada meu a viakana, au na sega ni lai tukuna yani vei iko, baleta na vuravura e noqu, vata kei na veika kece era tu kina. 13 O au, beka au kania na lewe ni bulumakau tagane se gunuva na dra ni me? 14 Cabora na nomuni vakavinavinaka me nomuni isoro vei Yahuwe (YHWH), vakayacora na nomuni yalayala Vua sa Cecere sara, 15 Qai kaci mai vei au e na gauna oni leqaleqa kina; au na vueti kemuni, oni na qai vakarokorokotaki au.

Tehillim (Same) 50:7-15

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 6 in 5774 (Total 2080)	September 10, 2013
Reading	Hebrew Date
Yechezk’yl (Ezekiel) 13-14	M #7: Tishri 6, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na Vosa I Yahuwe (YHWH’s Words).

2013-09-09T09:05:00.002+12:00

Thought: YHWH Emphasized To Yechezk’yl That He Carried His Words!

....................

Serving For Yom Sheini, [Seventh Month] Tishri 5, 5774

MAI NA NEVI’IMI AKARONIMI (FROM THE NEVI’IM ACHRONIM)

E kaya vei au o koya, Tamata, kania na na cava ga e tu oqori e matamu; kania na ivola vivigi oqo. Oti qai lako mo lai vosa vei ira e na vale i Yisira'yili. 2 Au mani dolava na gusuqu, qai solia vei au o koya na ivola vivigi meu kania, 3 Ni kaya mai vei au o koya, Tamata, kania na ivola vivigi oqo, au solia tiko yani vei iko; vakasinaita kina na lomamu. E na gauna au sa kania kina, na kena ikanakana e kamikamica me vaka na hani.4 Tamata, e kaya vei au o koya, lako i na nodra vale na Yisira'yili, mo lai tukuna vei ira na noqu vosa vei ira. 5 Baleta o sega ni talai tiko vei ira e dua na kawa tamata e dredre na nodra vosa ka kilakilai dredre na icavucavuti ni nodra vosa, ia vei ira sara ga e na vale i Yisira'yili; 6 Sega [ni] vei ira e levu na tamata e dredre na nodra matuavosa ka sega ni matata nodra ivosavosa, me na dredre kina vei iko mo kila se cava era kaya tiko ni o rogoci ira. E sega ni vakataraitutu kevaka au talai iko vei ira, ni ra na vakarorogo vei iko. 7 Ia na vale i Yisira'yili e na sega ni via vakarorogo vei iko; baleta o ira era sega [mada ga] ni via vakarorogo vei au: baleta o ira kece e na loma ni vale i Yisira'yili era viavialevu ka yalodredre. 8 Ia, au sa na cakavi iko mo babamatua ka yalodredre talega me vakataki ira ga. 9 Io, o au, au na cakava na yalomu me kaukaua cake mai na vatuqiwa, ka wakakau cake me vaka na daimani. O koya oya mo kakua kina ni taqayataki ira se yalolailai ni o raica na kedra irairai ni vakaraici iko tu mai, baleta ni o ira era dua na vale dauvakabebe. 10 Oti qai kaya vei au o koya, Tamata, Ciqoma e vuniyalomu, ka rogoca e na daligamu, na vosa kece au kaya tiko vei iko oqo. 11 Oti qai lako vei ira era sa cemuri (exiles), vei ira na kai nomu; mo lai vosa vei ira. Tukuna vei ira, Oqo na veika e kaya na Sau o Yahuwe (YHWH); veitalia ke ra vakarorogo se sega. 12 E dua na icegu (spirit) a qai laveti au cake, au qai rogoca mai dakuqu e dua na rorogo rogo levu, me vakavinavinakataki na lagilagi i Yahuwe e na nona tikotiko. 13 Qori na rorogo [ga] ni tabadratou na ibulibuli bula, ni carocaroba tiko ni ra veitaratarai tiko, kei na rorogo ni qiqi e toka e yasadratou, qo e dua na rorogo sa bau rogo levu sara ga. 14 A mani laveti au cake e dua na icegu (spirit), qai kauti au laivi. Au qai lako e na kaukaua ni yaloqu, kei na liga I Yahuwe (YHWH) a toka vakaukaua vei au. 15 Au lako vei ira na cemuri (exiles) mai Teli-Avivi, e na bati ni Uciwai o Ki'va, au qai tiko vata kei ira e keya e na kedra maliwa, e na kidroa levu me vitu na siga.

Yekezeki’yili (Isikeli) 3:1-15

NA IVAQA NI BULA (FOOD FOR THE SOUL)

Kakua ni tosoya na iyalayala ni vanua era a biutu tu o ira na nomuni itubutubu. 29 ¶ O raica tiko beka e dua na tamata e dau ni nona cakacaka? O koya e na veiqaravi vei ira na tui, e na sega ni tabonaki ira na tamata.

Mishlei (Vosa Vakaibalebale) 22:28-29

LOMANI YAHUWE NA NOMU KALOU (LOVE YHWH YOUR MIGHTY ONE

E dua na same i Asafa. Na Kalou (Mighty One) na noda Kalou (Yl), o Yahuwe (YHWH), e vosa tiko ka samanitaka tiko na vuravura, mai na tokalau [vakadua sara] i na vuaira. 2 Mai Zaiyoni, e na lagilagi e totoka vakaoti, o Yahuwe (YHWH) e serau tu mai. 3 Na noda Kalou (Mighty One) sa lako tiko mai, ka sa na sega ni tu vagagalu. E dua na bukawaqa e na kama tiko yani me liu tiko vua, kei na dua na cava vakaitamera e liwa vakavolivoliti koya tiko mai, 4 E kaci cake i lomalagi ka vaka kina i vuravura, me rawa ni mai vakatulewataki ira na nona tamata. 5 Soqoni ira vata mai o ira na noqu yalodina, o ira era a cakava e dua na veiyalayalati vata kei koya, e na nodra isoro. 6 Na lomalagi e na tusanaka na nona yalododonu; baleta o Yahuwe (YHWH) vakataki koya na daunilewa.

Tehillim (Same) 50:1-6

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 5 in 5774 (Total 2079)	September 9, 2013
Reading	Hebrew Date
Yechezk’yl (Ezekiel) 11-12	M #7: Tishri 5, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Yisira’yili E Vakabebe (Yisra’yl Defiant)

2013-09-08T09:25:00.002+12:00

Thought: Yechezk’yl Sent To A Defiant And Hardhearted Children Of Yisra’yl!

....................

Serving For Yom Rishon, [Seventh Month] Tishri 4, 5774

MAI NA NEVI’IMI AKARONIMI (FROM THE NEVI’IM ACHRONIM)

Oti, qai kaya mai vei au o koya, Tamata (human being)! Tucake mai, au via vosa vei iko. 2 E na gauna e vosa tiko kina vei au, na icegu (spirit) a qai curumi au qai vakaduri i au e yavaqu, oti au qai rogoci koya e vosa tiko mai vei au. 3 E kaya, Tamata! Au sa na talai iko tiko vei ira na tamata mai Yisira'yili, na matanitu oya dauvakadrecike, era sa vakabebe tiko vei au; me yacova mai na siga nikua. 4 Baleta ni ra lalai babamatua ka yalodredre; qori au talai iko tiko; ia o iko mo na lai tukuna vei ira, Oqo na ka e kaya na Sau o Yahuwe (Sovereign YHWH). 5 Se ra vakarorogo se sega, na vale vakabebe oqo e na kila tikoga ni dua na parofita a sa mai tiko e na kedra maliwa.

6 ¶ O iko, tamata, mo kakua ni taqayataki ira se na nodra vosa, kevaka mada ga me ra tu vakavolivoliti iko na na soni kei na kauvakavotona, se mo dabe mada ga e na kedra maliwa na batibasaga daukata. Kakua ni domobulataka na nodra vosa, se vakacudrui e na kedra irairai, baleta o ira era dua na matavuvale dau vakabebe. 7 O iko mo na tukuna vei ira na noqu vosa; se ra vakarorogo se sega, baleta ni ra sa rui dau vakabebe sara ga vakalevu. 8 Ia o iko, tamata, rogoca vinaka na ka au kaya tiko vei iko; ka mo kakua ni vakabebe me vakataka na vale dauvakabebe oya. 9 Ia niu rai, [au qai raica[ ni dodo tu mai vei au e dua na liga; e taura tiko e dua na ivivivi i ivola. 10 E qai dedeka mai i mataqu o koya; e robota tu na volavola e matana kei na dakuna. Era volai tu kina na lele, na vucu [ni veibulu] kei na leqa lelevu.

Yekezeki’yili (Isikeli) 2:1-10

NA IVAQA NI BULA (FOOD FOR THE SOUL)

Kakua ni yaco mo dua e dau bubului, mo ivakadei ni dinau e dausoli vei ira na tani; 27 Baleta ke qai sega vei iko na ka mo sausaumilesu kina, era na kauta laivi na nomu loga mai rukumu.

Mishlei (Vosa Vakaibalebale) 22:26-27

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E dua na nodra same na kawa i Kora'aka: 2(1) Rogoca oqo, kemuni na tamata kecekece! O kemuni kece oni vakaitikotiko e vuravura, ni vakarorogo; 3(2) Veitalia se [o] lolovira se [o] cecere, veitalia se [o] vutuniyau se [o] dravudravua. 4(3)Na gusuqu sa vakarau vakamacala me baleta na vuku; na vakanananu ni vuniyaloqu sara e loma e na vakarau solia na yalomatua. 5(4) Au na vakarogoca matua [meu kila vinaka] na vosa vakatautauvata [i Yahuwe (YHWH)]; au na bulia, na kena veitikina e dredre vei au, meu lagata vata kei na ivakatagi ni hapi. 6(5) Na cava na vuna meu domobula kina ni ra kauta mai e veisiga na leqa, e na gauna era wavokiti au kina e na nodra ivadi ca o ira na kequ meca,

7(6) ¶ Na nodra ivadi ca, o ira era dau vakanuinui e na nodra iyau, era qai dau dokadokataka na vakaitamera ni nodra vutuniyau. 8(7) E sega ni dua e na rawa vakadua ni vueti tacina, se solia vua na Kalou (Mighty One) e dua na kena ivoli o koya. 9(8) Baleta na kena ivoli sa rui vakaitamera [biuta tani vakatikitiki na vakasama oqori!]; 10(9) Ni na yaco vua na bula tawamudu, ka na sega ni raica na qara. 11(10) Baleta o koya e rawa ni raica ni o ira na tamata vuku era na mate; ka vaka kina o ira na lialia kei ira era dau ivakarau kaukaua, [o ira kece] era na rusa, era qai biuta tu mai na nodra iyau me nodra na tani. 12(11) Era nanuma ni nodra vale e na tu me tawamudu, ni ra na vakaitikotiko kina e na veitabagauna taucoko; era dau solia na yacadra o ira, me vakayacani kina na nodra vanua. 13(12) Ia na tamata, bau kina o ira era vutuniyau, era na bula tikoga vakalekaleka; oti, me vakataki ira ga na manumanu, era na mate. 14(13) Qo na ivalavala ni nodra bula na lialia kei ira era muri ira mai, era vakadonuya na nodra vosa. (Selaa) 15(14) Me vaka na sipi, era na tini kece ga i na ibulubulu (She'ola), na mate e na nodra ivakatawa [ni sipi]. O ira na yalododonu era na vakavulewa vei ira e na veimataka; ia na kedra irairai e na vakamaumautaki tiko e na ibulubulu, me yacova ni ra sa na sega tale ni gadreva me dua na nodra itikotiko. 16(15) Ia o Yahuwe (YHWH) e na vueti au mai na veivakatulewataki ni ibulubulu (She'ola); baleta o koya e na ciqomi au. (Selaa) 17(16) Kakua ni nuiqawaqawa ni dua sa yaco me vutuniyau, ka sa tubu tiko na nodratou vutuniyau o ratou na nona matavuvale. 18(17) Baleta e na gauna e mate kina, o koya e na sega ni kauta oqori vata kei koya.19(18) E dina, e na gauna e bula tiko kina, e nanuma sara ga o koya ni bula marau tiko, [baleta] o ira na tamata era na vakacaucautaki iko, ni toso vinaka tiko na veika kece me baleti iko vakataki iko, 20(19) Ia o koya e na lai duavata kei ira era itaba vata kei na nona itubutubu, ka na sega tale ni raica na rarama. 21(20) Na tamata, bau kina o ira na vutuniyau, e rawa ni ra sega tiko ni raica na tikina oqori, ni vaka ga na manumanu, o ira [talega] era na mate.

Tehillim (Same) 49:1-21

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 4 in 5774 (Total 2078)	September 8, 2013
Reading	Hebrew Date
Yechezk’yl (Ezekiel) 9-10	M #7: Tishri 4, 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.

Na iBulibuli Bula E Va (The Four Living Creatures)

2013-09-07T09:29:00.000+12:00

Thought: Yechezk’yl Described the Mysterious Living Creature!

................

Serving For Shabbat, [Seventh Month] Tishri 3, 5774

MAI NA NEVI’IMI AKARONIMI (FROM THE NEVI’IM ACHRONIM)

Ia niu raici ratou tiko na ibulibuli bula, au qai raica na qiqi e toka e na dela ni qele, me kabi toka mai na dui yasadratou na ibulibuli bula le va oqo 16 Na qiqi va va e tautauvata na kedratou i rairai; mai loma e caliva tiko mai me vaka na berili: ia na kedratou ibulibuli kei na kedratou i cakacaka e vaka me dua na qiqi, e toka e na loma ni dua tale na qiqi.17 Ni ratou sa toso, eratou na rawa ni toso e na yasadratou va va, i ratou na sega ni veigoleyaki ni ratou toso tiko. 18 Na batibatidratou, e cere ka rerevaki baleta na batibatidratou na le va oqo e sinai vutuvutu tu kina na yaloka ni mata, wavolivoliti ratou. 19 Ia ni ratou sa toso na ibulibuli bula, na qiqi e na toso vata kei iratou; ia ni ratou sa talave cake mai na dela ni qele na ibulibuli bula, na qiqi talega e na talave cake vata kei iratou. 20 Na vanua cava ga me lako kina na yalo, eratou na lako kina; i na yasana e via toso kina na yalo. Na qiqi e na talave cake e na yasadratou, baleta na yalodratou na ibulibuli bula e tiko e na veiqiqi oya. 21 Ni ratou toso [na ibulibuli bula], na [qiqi talega] e na toso; ia ni tu vakadua [na ibulibuli bula], na [qiqi] talega e na tu vakadua; ia ni talave cake mai na delaniqele (na ibulibuli bula], na qiqi talega e na talave cake e yasadratou; baleta na yalodratou na ibulibuli bula e tiko ga e na qiqi. 22 Ia e doka ni uludratou na ibulibuli bula e toka kina e dua na ka e tautauvata kei na macawa (dome) e remoremo tu mai me vaka na waicevata (ice); qo e totoka vakaoti, ka tadede e dela ni uludratou, e cake. 23 E ruku ni macawa e vakatetaba tu vakadodonu na tabadratou me ra veitaratara e delana kei na rukuna ia e rua era ubia kina na dui matadratou ka ratou tauyarua me tabonaka na yagodratou 24 Au a rogoca na rorogo ni tabadratou ni ratou sa yavala; e vaka na rorogo ni wai ni coka tiko, me vaka na domo i Shadai, se vaka na domodra e dua na ibinibini tamata se matasotia, ni ra mamaue tiko, Ni ratou tuvakadua, eratou na uruca sobu na tabadratou. 25 E na veigauna kece e rogo kina e dua na domo mai na macawa e dela ni uludratou, eratou na tu vakadua, ka uruca sobu na tabadratou.

26 ¶ Ia e dela ni macawa e toka e dela ni uludratou, e no kina e dua na idabedabe vakatui, e vaka na [vatu] safaia na kena irairai. E toka kina, e delana, e dua na ka e vaka na irairai ni dua na tamata. 27 Oti au qai raica, e dua na ka e vaka e tatibi tiko mai, na rokana e vaka na [koala waqawaqa] ni caudre tiko, na kena irairai, mai tolona kauta cake. Kauta sobu mai na ka e vaka na irairai ni tolona, au raica e dua na ka e vaka na irairai ni bukawaqa, ni serauna tiko na veika kece a tu wavolivoliti koya. 28 Na [ka e serau tiko] wavolivoliti koya e vaka e dua na drodrolagi e toka e loma ni o, e na dua na siga ucauca. E vaka tu oqori na irairai e tautauvata kei na lagilagi i Yahuwe (YHWH). Niu sa raica, au qai lutu sobu e mataqu, au qai rogoca na domo ni dua e vosa tiko.

Yekezeki’yili (Isikeli) 1:15-28

NA IVAQA NI BULA (FOOD FOR THE SOUL)

Kakua ni cakava me nomu itau e dua na tamata levaleva; kakua ni cakava me nomu icaba e dua na tamata dau yalo katakata. 25 Kevaka o cakava oqori, e na rawa sara ga ni o vakamurimuria na nona ivalavala, o qai kunei iko vakataki iko ni o sa tacori tu e na tudai.

Mishlei (Vosa Vakaibalebale) 22:24-25

LOMANI YAHUWE NA NOMU KALOU (LOVE YHWH YOUR MIGHTY ONE

E dua na sere. Na nodra same na kawa i Kora'aka. 2(1) E vakaitamera o Yahuwe (YHWH), ka dodonu me vakaitamera na nona vakacaucautaki, e na korolevu ni noda Kalou (Mighty One) vata kei na nona ulunivanua tabu, 3(2) E totoka vakaoti na kena cere, ka idivi e vuravura taucoko, na Ulunivanua o Zaiyoni, e na baba mai na vualiku; na nona korolevu na tui cecekia. 4(3) E na nona valecere, o Yahuwe (YHWH) e vakaraitaki e na nona qaqa e na veitaqomaki. 5(4) Baleta o ira na tui era sotasota ni ra veinaki; oti era qai toso vata. 6(5) Era raica era qai vakasinaiti e na kidacala; era nuiqawaqawa, era qai dro laivi vaqunaquna, 7(6) Na domobula a tuburi ira, vata kei na vutu me vaka e dua na yalewa bukete ni taratara, 8(7) Ka vaka na cagilaba mai na vuaicake, ni vorolaka na waqa ni Tasisi.

9(8) ¶ Keimami a rogoca, ia qo keimami sa qai raica o keimami vakataki keimami e na loma ni korolevu i Yahuwe ni lewevuqa (YHWH-Tzva'ot), e na korolevu ni noda Kalou (Mighty One). Me vakataudeitaka mada ga na Kalou (Mighty One), me tawamudu. (Selaa) 10(9) Kemuni na Kalou (Mighty One) e na loma ni nomuni valenihttp://www.biblegateway.com/passage/?search=Ezekiel%207-8&version=CJBsoro keimami vakananuya na nomuni yalololoma. 11(10) Kemuni na Kalou (Mighty One), na nomuni vakavinavinakataki, me vaka na yacamuni, e tete vakadua i na iyalayala kei vuravura. Na ligamuni imatau e sinai vutuvutu e na nomuni yalododonu. 12(11) Laiva na Ulunivanua o Zaiyoni me malaude, laivi ira na luveyalewa i Ye'huda me ra mamarau, baleta na nomuni vakataulewa [me baleti ira na meca]. 13(12) Taubale e loma i Zaiyoni, lako vakavolivolita; wilika na ilevu ni veivalecere e kune kina. 14(13) Dikeva matua na kena suva, curuma na kena veivalecere, me rawa ni oni na talanoataka vei ira na itabatamata mai muri. 15(14) Ni vaka tu oqori na Kalou (Mighty One), na noda Kalou (Mighty One) me tawamudu; o koya e na veituberi vei keda me tawamudu.

Tehillim (Same) 48:1-15

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 3 in 5774 (Total 2077)	September 7, 2013
Reading	Hebrew Date
Yechezk’yl (Ezekiel) 7-8	M #7: Tishri 3, 5774
Click The Bible Text To Read It In Gateway In Another Language Or Version

O Yekezeki’yili Na Parofita (Yechezk’yl The Prophet)

2013-09-06T09:02:00.000+12:00

Thought: Yechezk’yl Called Among The Children Of Yisra’yl In Captivity!

......................

Serving For Yom HaShishi, [Seventh Month] Tishri 2, 5774

MAI NA NEVI’IMI AKARONIMI (FROM THE NEVI’IM ACHRONIM)

A qai yaco e na ikatolusagavulu ni yabaki, e na ikalima ni siga ni ikava ni vula, niu a tiko e na kedra maliwa na bobula e na bati ni Uciwai o Ki'va, ni a tadola mai na lomalagi au qai raica na Kalou (Mighty One) e na dua na raivotu. 2 E na ikalima ni siga ni vula, oya e na ikalima ni yabaki ni nona sa tiko vakabobula o Tui Yo'hoyakini, 3 Na vosa i Yahuwe (YHWH) a qai yaco mai vei Yekezeki'yili na kohena, na luvetagane i Buzi, e na nodra vanua na Kasidimi e na bati ni uciwai na Ki'va; mai keya na liga i Yahuwe (YHWH) e a qai cegu toka vei au.

4 ¶ Au rai, au qai raica e dua na cagilaba ni liwa tiko mai na vualiku, kei na dua na o vakaitamera, e caudre tiko mai kina na bukawaqa, ka cila ramase vakavolivolita mai kina na roka ni koala waqawaqa. 5 E loma, e a basika tiko mai kina e le va na kabula era rairai vakatamata; 6 Ia o ratou yadudua, eratou tau ya va na matadratou, ka ratou tau ya va na tabadratou [ni vuka]. 7 Na yavadratou e dodonu, ia na qeteqete ni yavadratou a tautauvata kei na qeteqete ni yava ni luve ni bulumakau. Eratou cacalivaliva me vaka na roka ni barasa e vakayagoyago vinakataki tu. 8 E ruku ni tabadratou ni vuka, eratou vaka liga ni tamata e na saredratou va va. O ratou va va e vakaoqo na irairai ni matadratou kei na tabadratou. 9 Eratou [dau] veitaratara e na tabadratou; ia ni ratou lako, eratou na sega ni gole, ia o ratou yadua eratou na toso ga vakadodonu i liu; 10 Ia na irairai ni matadratou, o ratou e vaka mata ni tamata [mai liu], e ratou yadua, e vaka na mata ni laione e na yasana imatau, o ratou yadua e ratou vaka mata ni bulumaka tagane e na yasana imawi, ka ratou vaka mata ni ikeli [mai dakudratou]. 11 Qori na irairai ni matadratou. Ia na na tabadratou [ni vuka], o ratou eratou tau yarua na tabadratou e dede cake tu; qai sema vata yani kei iratou na kena vo, ratou qai yarua tale me ubia na yagodratou. 12 O ratou [na ibulubuli bula] e ratou na toso vakadodonu sara ga i liu me muria ga na vanua e vuki tu kina e dua ga vei ira na matadratou; na vanua ga e via toso kina na yalo, eratou na toso tale ga kina o ratou; ia eratou na sega ga ni gole ni ratou sa toso. 13 Qori na kedratou irairai na ibulubuli bula. E tiko vata kei iratou e dua na ka e vaka na irairai ni koala waqawaqa, me vaka e dau laurai e na icina, qai caudre tiko mai na yameyame e na kedra maliwa na ibulibuli bula; ia na yameyame ni bukawaqa e a ramase tiko mai, ia mai na bukawaqa e qai lidi tiko mai kina na yaseyase. 14 O ratou na ibulibuli bula e ratou veitosoyaki tiko vakatotolo, mai i ke ka vaka i keya, me vaka ni lidi tiko na na yaseyase.

Yekezeki’yili (Isikeli) 1:1-14

NA IVAQA NI BULA (FOOD FOR THE SOUL)

Kakua ni cakava me ra ivakarawa ni ka o ira era malumalumu, baleta ga ni ra malumalumu, kakua talega ni vakalolomataki ira na dravudravua e na gauna ni veilewai, 23 Baleta o Yahuwe (YHWH) e na valataka na nodra ile e na vukudra, qai tarova na bula vei ira era butakoci ira.

Mishlei (Vosa Vakaibalebale) 22:22-23

LOMANI YAHUWE NA NOMU KALOU (LOVE YHWH YOUR MIGHTY ONE

E na vukuna na iliuliu. E dua na nodra same na kawa i Kora'aka. 2(1) Vakasausau na ligamuni, kemuni na tamata kecekece; kaila vua na Kalou (Mighty One) e na domo ni mamarau. 3(2) Baleta o Yahuwe (YHWH) Cecere; e vakaitamera, e dua na tui e vuravura raraba. 4(3) O koya ga e vakamalumalumutaka na veimatanitu e rukuda kei na veivanua i na ruku ni yavada. 5(4) O koya e a digitaka na ivotavota me noda, na ka talei i Ya'akove o koya e nona daulomani. (Selaa)

6(5) ¶ Na Kalou (Mighty One) e lako cake e na dua na kaila, o Yahuwe (YHWH) e na domo ni davui. 7(6) Lagata na vakacaucau vei Yahuwe (YHWH), lagata na vakamuduo! Lagata na vakamuduo vua na noda tui, lagata na vakamuduo! 8(7) Baleta o Yahuwe (YHWH) e tui e vuravura taucoko; seretaka na vakamuduo vua e na vucu ni veivakatavulici (maskil). 9(8) O Yahuwe (YHWH) e lewai ira na veimatanitu; o Yahuwe (YHWH) e dabe toka e na nona idabedabe vakatui tabu. 10(9) O ira na iliuliu vei ira na tamata era sosoqoni vata, o ira na tamata ni Kalou ( Mighty One) i Avarahama; baleta o ira na daunivakavulewa e vuravura e ra nei Yahuwe (YHWH); o koya e vakacerecerei mai cake.

Tehillim (Same) 47:1-10

Read The Tanakh in a Year (Wilika Na iVola Tabu E Na Dua na Yabaki).
Siga (Day)/Blog	Tikinisiga (Date)
Blog No. 2 in 5774 (Total 2076)	September 5, 2013
Reading	Hebrew Date
Yechezk’yl (Ezekiel) 5-6	M #7: Tishri 2 5774
Click The Bible Text To Read It In Gateway In Another Language Or Version

YHWH bless you and keep you; 25 YHWH make his face shine upon you and give you life; 26 YHWH lift up his countenance upon you and give you peace. B’midbar 6:24-26.

May the Name of Yahweh, Mighty One of Avraham, Yitz'chak and Ya'akov be freely published in the world today, so people can know him and find blessings.