Yan Aung

အမေရိကားမှာ ကျောင်းတက်မယ်ဆိုရင် (၁)

noreply@blogger.com (Yan) — Sat, 28 Oct 2017 04:29:00 +0000

အားလုံးပဲ မင်္ဂလာပါ ခင်ဗျာ…

မြန်မာပြည်က အထက်တန်းအောင် ကျောင်းသား၊ ကျောင်းသူများအတွက် အမေရိကားမှာ တက္ကသိုလ်တက်ရောက်ချင်တယ်ဆိုရင် ဘယ်လိုမျိုးတွေ ပြင်ဆင်ထားသင့်တယ်၊ ဘာအချက်အလက်တွေ သိထားသင့်တယ် ဆိုတာကို အခန်းဆက် ဆောင်းပါးလေးတွေ အနေနဲ့ ဆွေးနွေးတင်ပြပေးချင်ပါတယ်။ အခါအားလျော်စွာ အမေရိကားက ကျောင်းသား၊ ကျောင်းသူများကို အင်တာဗျူးထားတာလေးတွေကိုလည်း တင်ဆက်ပေးသွားမှာ ဖြစ်ပါတယ်။

အမေရိကားမှာ ကျောင်းတက်တော့မယ်လို့ ဆုံးဖြတ်လိုက်ပြီ ဆိုတာနဲ့ ပထမဦးဆုံး စဉ်းစားရမယ့် အချက်က စကောလားရှစ် လိုမလို ဖြစ်ပါတယ်။ ဘာကြောင့် သည်လိုမေးရတာလဲဆိုတော့ အမေရိကားကို ကျောင်းလာတက်မယ်ဆိုရင် မိဘက စိုက်ထုတ်ပေးတဲ့ ကျောင်းစရိတ်နဲ့ လာတက်သူတွေ ရှိသလို၊ ပညာသင်ဆု အကူအညီနဲ့ လာတက်သူတွေလည်း ရှိတာဖြစ်တဲ့အတွက် အုပ်စုတစ်ခုချင်းစီရဲ့ လိုအပ်ချက်အတိုင်း အဆင့်ဆင့် ပြောပြပေးသွားဖို့ လိုတဲ့အတွက်ကြောင့် ဖြစ်ပါတယ်။

ကျောင်းလျှောက်တဲ့အခါမှာ ကိုယ့်ဖက်က ပြင်ဆင်ရမယ့် စာရွက်စာတမ်းတွေ၊ ဖြေဆိုရမယ့် စာမေးပွဲတွေ၊ ဗီဇာဖြေဆိုရမှာ တင်ပြရမယ့် အထောက်အထားတွေ စသည်ဖြင့် များပြားလွန်းလှတဲ့အတွက် နိုင်ငံရပ်ခြားမှာ ကျောင်းတက်တော့မယ်လို့ ဆုံးဖြတ်လိုက်ရင် စိတ်ဓာတ်အင်အား ကြံ့ခိုင်ဖို့ အရေးကြီးလှပါတယ်။ ဘယ်လိုကျောင်းတက်ချင်တယ်၊ ဘာမေဂျာယူချင်တယ် စတာတွေအပြင် မိဘအနေနဲ့ ဘယ်လောက်ထိ ပံ့ပိုးပေးနိုင်တယ်၊ ကျောင်းပြီးရင် ဘာတွေဆက်လုပ်မယ် ရည်ရွယ်ထားတယ် စသည်ဖြင့်ပေါ့။

ယေဘုယျအားဖြင့် အမေရိကားကို တက္ကသိုလ်ပညာရေးအတွက် ကျောင်းလာတက်တော့မယ်ဆို အဓိကအချက် (၅) ချက်လိုပါတယ်။ အဓိကအချက်တွေကို ဆွေးနွေးသွားရင်းနဲ့ တစ်ခြားလိုအပ်မယ့် အကြောင်းအရာလေးတွေကိုလည်း ကြားဖြတ်ပြောပြပေးသွားပါမယ်။

အဓိက လိုအပ်တဲ့ အချက် (၅) ချက်ကတော့

(၁) High School Diploma & Transcripts

တက္ကသိုလ်ဝင်တန်း အောင်မြင်ကြောင်းလက်မှတ် (သို့) ဆယ်တန်းအောင်လက်မှတ်နှင့် ရမှတ်များ

တကယ်လို့ စာဖတ်သူဟာ Private High School ကျောင်းထွက် မဟုတ်ဘူးဆိုရင် စာဖတ်သူရရှိထားတဲ့ ကျောင်းအောင်လက်မှတ်နဲ့ ရမှတ်တွေဟာ အင်္ဂလိပ်လို မဖြစ်ဖို့ များပါတယ်။ မိမိရဲ့ အောင်လက်မှတ်နဲ့ ရမှတ်မူရင်းကို ယူပြီး နိုတြီပြန်လိုက်ရင် ကိစ္စပြီးပါတယ်။

(၂) Standardized Tests (TOEFL, ACT, SAT I, SAT II etc.)

ကျောင်းလျှောက်ရင် ဖြေဆိုရမယ့် အရည်အချင်းစစ် စာမေးပွဲရမှတ်များ

အင်္ဂလိပ်စကားပြောတဲ့ တိုင်းပြည်မှာ အနည်းဆုံး ၂ နှစ်အထက်နေထိုင် ကျောင်းတက်ခဲ့တာ မဟုတ်တဲ့ နိုင်ငံတကာ ကျောင်းသားတိုင်းဟာ TOEFL (Test of English as a Foreign Language) ကို ဖြေဆိုဖို့ လိုအပ်ပါတယ်။ အခုဆိုရင် TOEFL ဟာ paper-based တင် မဟုတ်တော့ဘဲ computer-based နဲ့ပါ ဖြေဆိုလို့ ရနေပြီ ဖြစ်ပါတယ်။

ACT (American College Testing) ကို အမေရိကားက ကျောင်းတိုင်းနီးပါး လက်ခံပါတယ်။ အမှတ်က 1 ~ 36 အတွင်းမှာ ဖြစ်ပြီး ပါဝင်တဲ့ ဘာသာရပ်တွေကတော့ English, Math, Reading, Science, and Writing (Optional) တို့ပဲ ဖြစ်ပါတယ်။ တစ်ချို့ကျောင်းတွေကျတော့ ACT with Writing လို့ကို အတိအလင်းပြောဆိုပြီး တောင်းခံတာမျိုး ရှိတဲ့အတွက် ဖြေမယ်ဆိုရင်တော့ Writing ကိုပါ တစ်ပါတည်း ဖြေဆိုထားတာ ပိုကောင်းပါတယ်။

SAT (Scholastic Aptitude Test) ကို စကောလားရှစ်လျှောက်မယ့် ကျောင်းသားတိုင်း ဖြေဆိုကြပါတယ်။ SAT I နဲ့ SAT II ဆိုပြီး ထပ်ကွဲပါသေးတယ်။ SAT I မှာ Verbal & Math ဆိုပြီး Section ၂ ခု ရှိပါတယ်။ တစ်မျိုးကို ပေးမှတ် ၈၀၀ နဲ့ စုစုပေါင်း အမှတ် ၁၆၀၀ ဖြစ်ပါတယ်။ SAT II ကိုတော့ Subject Tests လို့ ခေါ်ပါသေးတယ်။ ဖြေဆိုနိုင်တဲ့ ဘာသာရပ်တွေကတော့
English Literature,
History (U.S. or World),
Language (Chinese, French, Hebrew, German, Italian, Japanese, Korean, Latin, Spanish or German),
Math (Level 1 or Level 2),
and Science (Biology-Ecological, Biology-Molecular, Chemistry or Physics)

စတာတွေပဲ ဖြစ်ပါတယ်။ တစ်ဘာသာကို ၂၀၀ နဲ့ ၈၀၀ ကြားမှာ အမှတ်ပေးပါတယ်။ Perfect Score ကတော့ ၈၀၀ ဖြစ်ပါတယ်။

Scholarship လျှောက်မယ်ဆိုရင်တော့ SAT I အမှတ်ကို ၁၃၀၀ အထက်မှာ ရှိစေချင်ပါတယ်။ SAT II အမှတ်ကတော့ ၇၃၀ အထက်မှာ ရှိနေရင် ကောင်းပါတယ်။ SAT I ကို သုံးကြိမ်အထိ ဖြေဆိုနိုင်ပါတယ်။ ၃ ကြိမ်အထက် ဖြေဆိုလည်း ရပါတယ်။ ဒါပေမယ့် ကျောင်းတွေဖက်က သိပ်မကြိုက်ပါဘူး။ အမှတ်ယူတဲ့အခါမှာ ဖြေဆိုတဲ့ အကြိမ်တွေထဲက အများဆုံး အမှတ်တွေကိုပဲ ယူပြီး ပေါင်းသွားတာ ဖြစ်ပါတယ်။ Superscoring လုပ်တယ်လို့ ခေါ်ပါတယ်။

Superscoring is the process by which colleges consider your highest section scores across all the dates you took the SAT. Rather than confining your scores to one particular date, these schools will take your highest section scores, forming the highest possible composite score.

ဆိုလိုတာက မောင်ကျော်ကျော်ဟာ SAT I ကို အောက်ပါအတိုင်း ၃ ကြိမ် ဖြေဆိုပါတယ်။

(က) First Try: Test No. 1

Verbal ရမှတ် 550၊ Math ရမှတ် 690

(ခ) Second Try: Test No. 2

Verbal ရမှတ် 650၊ Math ရမှတ် 720

(ဂ) Third Try: Test No.3

Verbal ရမှတ် 620၊ Math ရမှတ် 750

Superscore လုပ်ပါမယ်။ မောင်ကျော်ကျော် ဖြေဆိုသမျှထဲမှာ Verbal ရမှတ် အမြင့်ဆုံးက 650 ဖြစ်ပြီး Math ရမှတ် အမြင့်ဆုံးက 750 ဖြစ်တဲ့အတွက် SAT Composite Score ဟာ 1400 ဖြစ်ပါတယ်လို့ အဖြေထွက်ပါတယ်။

SAT II ကိုတော့နာမည်ကျော် ကျောင်းကြီးတွေက ပိုတောင်းလေ့ ရှိပါတယ်။ ဖြေဆိုတဲ့အခါမှာ ဘာသာရပ်တွေကို ရမ်းသမ်းမဖြေဆိုသင့်ပါဘူး။ Math (or) Writing ကို တစ်ဘာသာ အနေနဲ့ ဖြေသင့်ပါတယ်။ ကျန်တဲ့ တစ်ဘာသာကိုတော့ Science ထဲက ဖြေဆိုတာ ပိုကောင်းပါတယ်။ ကိုယ်လျှောက်မယ့် ကျောင်းရဲ့ လိုအပ်ချက်ကိုလည်း မပြတ်ကြည့်ရှုပြီးမှ ဆုံးဖြတ်တာ ပိုကောင်းပါတယ်။ ဥပမာ. စာဖတ်သူဟာ Liberal Arts College တစ်ခုခုကို သွားမယ်ဆိုပါတော့။

Math IC (or) Math IIC နဲ့ U.S History/Global History ဖြေလို့ရပါတယ်။ Engineering ကျောင်းတစ်ခုခုကို လျှောက်မယ်ဆိုပါတော့။ Math IIC နဲ့ Phy/Chem/Bio တစ်ခုခုကို ရွေးဖြေနိုင်ပါတယ်။ SAT II Subject ကို ၃ ခုထိဖြေထားလည်း အကောင်းဆုံး ရမှတ်ရှိတဲ့ ၂ ခုကိုပဲ ကျောင်းဖက်က ကြည့်ပါတယ်။ မိမိစိတ်ဝင်စားတဲ့ ကျောင်းရဲ့ Testing Requirement ကို ကြည့်ပြီးမှ ဖြေဆိုဖို့ ဘာသာရပ်ကို ရွေးချယ်တာ စိတ်အချရဆုံးပါပဲ။

လောလောဆယ်မှာ ဘယ်ကျောင်းကိုလျှောက်ရမယ်ဆိုတာလည်း မသိ။ နာမည်ကြီးကျောင်းတွေကို စကောလားရှစ်နဲ့ လျှောက်ချင်တယ်လို့လည်း ဆိုတဲ့ ရည်မှန်းချက်ကြီးသူ ကျောင်းသား၊ ကျောင်းသူများကိုတော့ အခုလိုမျိုး Rule of Thumb အနေနဲ့ ယေဘုယျ အကြံပေးချင်ပါတယ်။

· TOEFL ကို ၂ ကြိမ်ထိဖြေဆိုပါ။ Paper-Based မှာ ၆၀၀ နဲ့ ၆၅၀ ကြားလောက်ရအောင်လုပ်ပါ။ Computer-Based မှာ ဆိုရင်တော့ ၉၀ နဲ့ ၁၁၀ ကြားရအောင်လုပ်ပါ။
· SAT I ကို ၂ ကြိမ် (သို့) ၃ ကြိမ်ထိ ဖြေဆိုပါ။ ၁၄၅၀ နဲ့ ၁၆၀၀ ကြားရအောင် လုပ်ပါ။
· SAT II ကို Math IIC, Physics, Chemistry, Literature, History, Language စတာတွေထဲက ၂ ခု (သို့) ၃ ခုထိ ဖြေဆိုပါ။ ၇၅၀ နဲ့ ၈၀၀ ကြား ရအောင်လုပ်ပါ။
· ACT ကိုလည်း ဖြေပါ။ ၃၁ နဲ့ ၃၄ ကြား ရအောင်လုပ်ပါ။ ၃၆ ရဖို့ကတော့ တော်တော်ခဲယဉ်းပါတယ်။ မရလည်း ဖြစ်ပါတယ်။

သည့်ထက်အသေးစိတ်ကိုတော့ နောက်ဆက်တွဲ ဆောင်းပါးများမှာ ဆက်လက် ရှင်းပြပေးသွားပါမယ်။

(၃) Recommendation Letters

မိမိအကြောင်းကို ကောင်းကောင်းသိတဲ့ ဆရာ၊ ဆရာမများဆီမှ ထောက်ခံစာ (၂) စောင် (သို့) ၃ စောင်ထိ လိုအပ်ပါတယ်။

ထောက်ခံစာတစ်စောင်ဟာ သချာင်္ဆရာ၊ ဆရာမဆီက ဖြစ်ဖို့ လိုပြီး နောက်တစ်စောင်ကတော့ Social Science (ပထဝီ၊ သမိုင်း၊ ဘောဂ) (သို့မဟုတ်) Science (ရူပ၊ ဓာတု၊ ဇီဝ) စတဲ့ ဆရာ၊ ဆရာမများဆီက ဖြစ်ဖို့လိုပါတယ်။ ထောက်ခံစာ (၂) စောင် အနည်းဆုံးလိုပါတယ်။ ကျောင်းတံဆိပ် (Letterhead) အောက်မှာ အင်္ဂလိပ်လို ရေးသားထားပြီး ဆရာ၊ ဆရာမရဲ့ လက်မှတ်ပါရှိရပါမယ်။ မိမိလျှောက်မယ့် ကျောင်းတွေဆီကို တိုက်ရိုက်ပို့ပေးနိုင်သလို ကျောင်းလျှောက်တဲ့ စာအိတ်ကြီးထဲမှာ အတူတကွ စာအိတ်နောက်တစ်လုံးနဲ့ တွဲထည့်ပြီးတော့လည်း ပို့ပေးလို့ ရပါတယ်။

(၄) Extracurricular Activities

ကျောင်းပြင်ပလှုပ်ရှားဆောင်ရွက်မှုများလို့ နားလည်ထားလို့ ရပါတယ်။ ကျွန်တော်တို့ မြန်မာနိုင်ငံက လူငယ်တစ်ချို့အတွက်တော့ အမြင်စိမ်းကောင်း စိမ်းနေနိုင်ပါတယ်။ အမေရိကားမှာ ရှိတဲ့ အထက်တန်းကျောင်းသားတိုင်းဟာ ကျောင်းတက်နေစဉ်ကာလမှာ ကျောင်းတွင်း ဘာသာရပ်ဆိုင်ရာ လိုအပ်ချက်တွေကို ဖြည့််ရရုံသာမကဘဲ Volunteer Hours (or) Community Service Hours လို့ခေါ်တဲ့ မိမိနေထိုင်ရာ ပတ်ဝန်းကျင်၊ နယ်၊ မြို့၊ ကျောင်း၊ ဆေးခန်း၊ စာကြည့်တိုက် စသည်ဖြင့် ဆိုင်ရာဆိုင်ရာတွေမှာ အခမဲ့ကူညီလုပ်ဆောင်ပေးရပါသေးတယ်။ အထက်တန်းကျောင်းသား တစ်ယောက်အတွက် ပျမ်းမျှ Community Service Hour Requirement ဟာ နာရီ ၄၀ ဖြစ်ပါတယ်။

ဘယ်လိုနေရာတွေမှာ သွားပြီး Volunteer လုပ်မလဲ ဆိုတာကလည်း အရေးကြီးပါသေးတယ်။ တက္ကသိုလ်တက်ရင် ဆေးပညာဘာသာရပ်ဖက်ကို လေ့လာမယ်လို့ ရည်ရွယ်ထားတဲ့ ကျောင်းသားတစ်ယောက်ဟာ ဆေးရုံတွေမှာ Volunteer လုပ်တာ ပိုသင့်တော်သလို အင်ဂျင်နီယာဘာသာရပ်ကို လိုက်စားချင်သူ လူငယ်တစ်ယောက်အတွက် ဆားကစ်စက်ရုံတွေ၊ လေယာဉ်ကွင်းလို နေရာမျိုးတွေမှာ Volunteer လုပ်တာ ပိုလျော်ကန်ပါတယ်။ ဒါမှ တက္ကသိုလ်တွေကို လျှောက်တဲ့အခါမှာ အက်ဆေးရေးတာမျိုးပဲ ဖြစ်ဖြစ်၊ လူတွေ့အင်တာဗျူးမေးတာမျိုးမှာပဲ ဖြစ်ဖြစ် ကိုယ်ဟာ ဘာကြောင့် သည်ကျောင်းအတွက် သင့်တော်တဲ့ကျောင်းသား တစ်ယောက်ဖြစ်ကြောင်း ဒိုးဒိုးဒေါက်ဒေါက် ပြောဆိုနိုင်မှာ ဖြစ်ပါတယ်။ ကျောင်းသားစိစစ်ရွေးချယ်ရေးအဖွဲ့ကလည်း ပိုသဘောကျမှာ ဖြစ်ပါတယ်။

(၅) College Application Essays & Personal Interview

ကျောင်းတွေကိုလျှောက်တဲ့အခါမှာ ကျောင်းသားတွေ အဆင်ပြေအောင် ကျောင်းတွေဖက်ကလည်း Common Application ဆိုတဲ့ ကျောင်းလျှောက်လွှာလေးကို ပြုလုပ်ထားပါတယ်။ ဆိုလိုတာက Application ကို တစ်ကြိမ်ဖြည့်ပြီးရုံနဲ့ ကိုယ်လျှောက်ချင်တဲ့ ကျောင်းတွေကို ဆက်တိုက်လှမ်းပို့ရုံပါပဲ။ အဲသည့်လျှောက်လွှာလေးကို အခုဆိုရင် အွန်လိုင်းမှာ ဖြည့်ပြီး ကျောင်းတွေကိုလည်း အွန်လိုင်းကနေ တိုက်ရိုက်လျှောက်နိုင်နေပြီ ဖြစ်ပါတယ်။ www.collegeboard.org မှာ မိမိကိုယ်ပိုင် အကောင့်လုပ်ထားနိုင်ပါတယ်။ နိုင်ငံတကာကျောင်းသားတွေအတွက်ကတော့ www.international.collegeboard.org/ မှာ သွားပြီး အကောင့်တစ်ခု လုပ်ယူနိုင်ပါတယ်။ သည်စာကို ဖတ်ပြီးသွားရင် အကောင့်တစ်ခု သွားယူထားဖို့ တိုက်တွန်းချင်ပါတယ်။ နောက်ဆက်ရေးမယ့် ဆောင်းပါးတွေမှာ အဲသည့် Collegeboard Account ကနေ ကျောင်းတွေကို ဘယ်လိုရှာတယ်၊ မိမိနဲ့ ကိုက်မကိုက် ဘယ်လိုမျိုး ဆန်းစစ်သုံးသပ်တယ်၊ မေဂျာတွေကို ဘယ်လိုရွေးချယ်တယ်၊ ကျောင်းစရိတ်တွေကို ဘယ်လိုတွက်ချက်တယ် စတာတွေကို Screen Shot များ၊ Video Files များနဲ့ ရှင်းပြသွားမှာ ဖြစ်လို့ပါ။

Common Application အကြောင်းကို ပြန်ဆက်ရရင် ရည်ရွယ်ချက်ကတော့ ကျောင်းတွေလည်း Application Form တွေအတွက် ကုန်ကျစရိတ်သက်သာ၊ ကျောင်းသားတွေအတွက်လည်း ဖောင်တွေ ခဏခဏဖြည့်နေရတဲ့ အချိန်သက်သာတဲ့အတွက် နှစ်ဦးနှစ်ဖက် အကျိုးများစေပါတယ်။ ဒါကတော့ သူ့ရဲ့ ဝက်ဘ်ဆိုက်ပါ။

ဖောင်ထဲမှာ ဘယ်လိုဖြည့်ရမယ်ဆိုတာကိုလည်း နောက်ပိုင်းဆောင်းပါးများမှာ အသေးစိတ်ရှင်းလင်းပြသွားပါမယ်။ အခုဆက်ပြောပြချင်တာကတော့ College Essay ပါ။ ကျောင်းလျှောက်တဲ့သူတိုင်း ရေးရပါတယ်။ ၂၀၁၇ ~ ၂၀၁၈ အတွက် Common Apps က သတ်မှတ်ပေးထားတဲ့ အက်ဆေးခေါင်းစဉ်လေးတွေကို တစ်ချက်ကြည့်ကြည့်ပါ ခင်ဗျာ။

2017-2018 Common Application Essay Prompts

1. Some students have a background, identity, interest, or talent that is so meaningful they believe their application would be incomplete without it. If this sounds like you, then please share your story.

2. The lessons we take from obstacles we encounter can be fundamental to later success. Recount a time when you faced a challenge, setback, or failure. How did it affect you, and what did you learn from the experience?

3. Reflect on a time when you questioned or challenged a belief or idea. What prompted your thinking? What was the outcome?

4. Describe a problem you've solved or a problem you'd like to solve. It can be an intellectual challenge, a research query, an ethical dilemma - anything that is of personal importance, no matter the scale. Explain its significance to you and what steps you took or could be taken to identify a solution.

5. Discuss an accomplishment, event, or realization that sparked a period of personal growth and a new understanding of yourself or others.

6. Describe a topic, idea, or concept you find so engaging that it makes you lose all track of time. Why does it captivate you? What or who do you turn to when you want to learn more?

7. Share an essay on any topic of your choice. It can be one you've already written, one that responds to a different prompt, or one of your own design.

သည်ခေါင်းစဉ်လေးတွေက ဘာကိုမီးမောင်းထိုးပြနေလဲဆိုတော့ သက်ဆိုင်ရာ ကျောင်းတွေအနေနဲ့ မိမိတို့ကျောင်းကို လျှောက်လာတဲ့ ကျောင်းသား၊ ကျောင်းသူတွေအကြောင်းကို Academic (ပညာရေး)၊ Standardized Tests (TOEFL/SAT/ACT etc.) အရည်အချင်းစစ် စာမေးပွဲ စတာတွေနဲ့တင် အလုံးစုံ မသိနိုင်တဲ့အတွက်ကြောင့် သင်ဟာ ဘယ်လိုလူစားမျိုးလဲဆိုတာကို ဆန်းစစ်ဖို့အတွက် Personal Statement (မိမိကိုယ်ကို ဖွင့်ဟဝန်ခံချက်) သဘောမျိုး ရေးခိုင်းတာ ဖြစ်ပါတယ်။ အက်ဆေးကောင်းရင် ကျောင်းကောင်းကောင်းကို ရနိုင်သလို အက်ဆေးမကောင်းရင် အမှတ်ဘယ်လောက်ကောင်းကောင်း ဝင်ခွင့်ဆုံးရှုံးနိုင်ပါတယ်။ ကျောင်းသားရွေးချယ်ရေးအဖွဲ့က ဘယ်လိုအက်ဆေးမျိုးတွေကို သဘောကျတယ်ဆိုတာကိုလည်း နောက်အခန်းဆက် ဆောင်းပါးတွေမှာ ဆက်လက်ဖော်ပြပေးသွားပါမယ်။

နောက်ဆုံးတစ်ဆင့်ကတော့ Personal Interview (လူတွေ့စစ်ဆေးခြင်း) ပဲ ဖြစ်ပါတယ်။ မိမိနဲ့ တစ်ခြားတစ်ယောက် အကြိတ်အနယ် ယှဉ်ပြိုင်နေစဉ်မှာပဲ ဖြစ်ဖြစ်၊ (သို့မဟုတ်) မိမိအကြောင်းကို ပိုပြီးသေချာအောင် သိချင်တာမျိုးမှာပဲ ဖြစ်ဖြစ် မိမိလျှောက်ထားတဲ့ ကျောင်းကနေ လူတွေ့စစ်ဆေးဖို့ စာပို့ပါတယ်။ နိုင်ငံတကာ ကျောင်းသားတွေအတွက်တော့ မဖြစ်လာနိုင်ဘူးလို့ မထင်ပါနဲ့။ နည်းပညာခေတ်မှာ Skype ကနေလည်း အင်တာဗျူးလို့ ရပါတယ်။ ဒါကြောင့် ရည်မှန်းချက်ကြီးတဲ့ လူငယ်များအနေနဲ့ စကားပြောစွမ်းရည်နဲ့ ကိုယ်ရည်ကိုယ်သွေးကိုပါ မြှင့်တင်ထားဖို့ အရေးကြီးပါတယ်။

နောက်ဆက်မယ့် ဆောင်းပါးမှာ ၂ နှစ်တက်ပြီး ဒီပလိုမာရတဲ့ Community College တွေ အကြောင်းနဲ့ ၄ နှစ်တက်ပြီး ဒီဂရီရတဲ့ 4-Year College တွေအကြောင်းကို အကျယ်တဝင့် ဆွေးနွေးပေးသွားမှာ ဖြစ်ပါတယ် ခင်ဗျာ….

အားလုံးကို ချစ်ခင်လေးစားလျက်

ရန်ေအာင်

Citations:

1. https://international.collegeboard.org/prepare-to-study-in-the-us
2. https://www.capella.edu/blogs/cublog/5-differences-of-associates-vs-bachelors-degree/
3. http://www.commonapp.org/whats-appening/application-updates/common-application-announces-2017-2018-essay-prompts
4. https://www.quora.com/Whats-a-good-TOEFL-score-Asking-for-a-friend-who-scored-102

သစ်ကြွေရွတ်သော ဟိုက်ကူ....

noreply@blogger.com (Yan) — Wed, 05 Oct 2016 05:52:00 +0000

တနင်္လာနဲ့ အင်္ဂါနှစ်ရက် ကလေးတွေ ကျောင်းပိတ်တာနဲ့ SPEC ကျောင်းလေးကိုလည်း ပိတ်ဖြစ်ခဲ့တယ်။ ကျောင်းဖွင့်ရက်တွေမှာ အလုပ်များလွန်းတာကြောင့် ဘယ်ကိုမှ မသွားနိုင်ဖြစ်နေတုန်း ကျောင်းလေးနှစ်ရက်ပိတ်လိုက်တာ အပြင်ထွက်ဖို့ အခွင့်အရေး တစ်ခုရလိုက်သလိုပဲ။

သူငယ်ချင်းကို ဖုန်းဆက်လိုက်တော့ သူကလည်း သစ်ရွက်တွေ အရောင်ပြောင်းချိန် ဓာတ်ပုံထွက်ရိုက်ဖို့ စိုင်းပြင်းနေတာနဲ့ အတော်ပဲ ဖြစ်သွားခဲ့တယ်။ သည်လိုနဲ့ သူငယ်ချင်းရယ်၊ သူ့အမေရယ်၊ နောက်ထပ်ညီလေး သူငယ်ချင်းတစ်ယောက်ရယ်၊ ကျွန်တော်ရယ် မွန်းကြပ်တဲ့ နယူးယောက်မြို့ပြကြီးကနေ တိတ်တဆိတ် ပြေးထွက်ခဲ့ကြတယ်။

ရက်သိပ်မရတာကြောင့် နေ့ချင်းပြန်ခရီးစဉ်ပဲ ဆွဲလိုက်ပြီး နယူးယောက်ပြည်နယ်ရဲ့ မြို့တော် Albany ရှိတဲ့ဖက် သွားမယ်၊ လမ်းမှာရှိတဲ့ သက်သက်လွတ် တရုတ်ဘုန်းကြီးကျောင်းကို ဝင်မယ်ဆိုပြီး မနက်အစော ထွက်လာခဲ့လိုက်ကြတယ်။ ကားလမ်းတလျှောက် တရိပ်ရိပ်လှမ်းမြင်နေရတဲ့ သစ်ရွက်လေးတွေက အဝါတစ်ဖက်၊ အနီစွက်လို့၊ အစိမ်းရင့်မှောင်၊ အရောင်လုနေခဲ့ကြလေရဲ့။

တောင်ကုန်းလေးပေါ်မှာရှိတဲ့ Chung Yen သက်သက်လွတ် ဘုန်းကြီးကျောင်းလေးကိုရောက်တော့ မနက် ၉ နာရီခွဲ။ စဖွင့်ချိန်က ၉ နာရီဆိုတော့ လူခြေတိတ်လို့။ ခပ်လှမ်းလှမ်း တောအုပ်လေးထဲက ငှက်အော်သံလေးတွေ၊ သစ်ရွက်လေတိုးသံလေးတွေ၊ လမ်းလျှောက်လိုက်တိုင်း ခြေထောက်အောက်က မကျေမချမ်း မြည်တွန်နေကြတဲ့ ကျောက်စရစ်ခဲလေးတွေ၊ ဟိုဟိုသည်သည် တဝီဝီနဲ့ ပျံဝဲနေကြတဲ့ ပျားပိတုန်းလေးတွေကို စိတ်လိုလက်ရ ငေးကြည့်ရင်း မနက်ခင်းရဲ့ ကျက်သရေအလှထဲမှာ ပျော်ဝင်နေခဲ့မိပေါ့။

တောအုပ်လေးကို နောက်ခံထားပြီး နန်းတော်ကြီးအလား ထီးထီးမားမားကြီး တည်ရှိနေတဲ့ Great Buddha Hall ကြီးကို ကြည့်ရတာ အားမာန်တွေ ဟုတ်ခနဲ ပြည့်ဝလာသလို ခံစားရစေတယ်။ အခုချက်ချင်းပဲ ဘုန်းတန်ခိုးကြီးမားတဲ့ ဘုရင်နဲ့ မိဖုရားကြွချီလာတော့မလို မျက်စိထဲ မြင်ယောင်ကြည့်လိုက်တော့ သိင်္ဂါရရသ ငွေ့ငွေ့လေးခံစားလိုက်ရပြီး တစ်ချက်ပြုံးမိလိုက်တယ်။ ဘေးနှစ်ဖက်မှာရှိတဲ့ မျှော်စင်ပေါ်က ဗုံကြီးနှစ်လုံးကလည်း တက်ပြီးတော့ ထီခနဲ၊ ထိန်ခနဲ တက်တီးချင်စရာ။

Great Buddha Hall ကြီးပေါ်ကို တက်လာလိုက်တော့ လှေကားထိပ်ဆုံးမှာ အမွှေးတိုင်ထွန်းဖို့ အိုးကြီးတစ်လုံး တွေ့တာနဲ့ ခပ်လှမ်းလှမ်းမှာ အသင့်ထားပေးထားတဲ့ အမွှေးတိုင်တွေထဲက သုံးတိုင်ကို ယူလိုက်တယ်။ ပြီးတော့မှ နောက်ထပ် နှစ်တိုင်ထပ်ယူလိုက်တယ်။ ဟုတ်တယ်။ အနန္တောအနန္တ (၅)ပါးဆိုတာ ခွဲခြားလို့မှ မရစကောင်းပဲ။ အမွှေးတိုင်လေးတွေကို ကိုင်ပြီး ပြာပုံလေးထဲ စိုက်ထူခါနီး အရှေ့ကိုကြည့်လိုက်တော့ စကျင်ကျောက်နဲ့ ထုထားတဲ့ ဘုရားရုပ်ထုကြီးက အပေါ်ကနေမိုးပြီး ပြုံးကြည့်နေလေရဲ့။

ဖိနပ်ကို အပြင်ဖက်က စင်လေးပေါ် ချွတ်ခဲ့ပြီး ခန်းမထဲကိုဝင်လို့ ဘုရားဝတ်ပြုနေချိန်မှာ သူငယ်ချင်းဖြစ်သူကတော့ ဓာတ်ပုံတွေ တဖျပ်ဖျပ်နဲ့ လိုက်ရိုက်နေခဲ့တယ်။ ဘာသာမတူပေမယ့် သူ့ဘုရားကျောင်းသွားရင်လည်း ကျွန်တော်က ကြုံကြိုက်ရင် လိုက်သွားလေ့ရှိသလို ကျွန်တော်ဘုန်းကြီးကျောင်းနဲ့ ဘုရားသွားရင်လည်း အဖော်လိုက်ပေးလေ့ရှိသူ၊ ကောလိပ်တက်ခါစက ကွန်ပျူတာလိုနိုင်တယ်ဆိုပြီး သူ့ရဲ့ လက်ပ်တော့ အပိုတစ်လုံးကို ကယ်လီဖိုးနီးယားကနေ အဆောင်ထိ စရိတ်ကုန်ခံကာ ပို့ခဲ့ပေးသူ၊ SPEC ကျောင်းလေး စဖွင့်တော့ ပိုက်ဆံနည်းနည်းလိုချိန် လိုနေတဲ့ ပမာဏကို အမေးအမြန်းမရှိဘဲ ချက်လက်မှတ်ရေးပို့ပေးသူ၊ ကျွန်တော်ဘယ်လို ပို့စ်ပေးပေး မငြီးမငြူနဲ့ ဓာတ်ပုံရိုက်ပေးသူ။ သည်လိုသူငယ်ချင်းမျိုး တစ်ယောက်ရထားတာလည်း ဘဝမှာ ကောင်းချီးပေးခံရတာပါပဲ။

ခန်းမထဲက ဘုရားဆင်းတု သေးသေးလေးတွေကို မြင်တော့ မုံရွာက မိုးညှင်းသမုဒ္ဓေ စေတီတော်ကြီးကို သွားသတိရမိခဲ့တယ်။ ဘုန်းကြီးကျောင်း ရုံးခန်းထဲက လက်ကမ်းစာစောင်လေးကို ယူဖတ်ကြည့်ရင်း သဒ္ဓါတရား ကောင်းလှတဲ့ အလှူရှင် Dr. Chia Theng Shen ကို စိတ်ထဲကနေ ချီးမွမ်းမိတယ်။ ၁၂၅ ဧကကျယ်တဲ့ မြေနေရာကြီး အတွက် ငှားရမ်းခက တစ်နှစ်ကို တစ်ဒေါ်လာတဲ့။ ၁၉၇၅ ကနေ ၁၉၈၉ ထိ ငှားရမ်းခဲ့ပြီးနောက် အပြီးလှူလိုက်တယ်လို့ သိရတယ်။ ၂၀၀၇ မှာ ဆုံးသွားခဲ့တဲ့ Dr. Shen ကောင်းရာသုဂတိ လားပါစေ…

In November 1975, the Buddhist Association of the United States (BAUS) leased 125 acres of land in Putnam County from Dr. C.T. Shen (one of the co-founders of BAUS and late Vice President of BAUS) for the development of Chuang Yen Monastery. According to the temple, the lease was for ninety-nine years with an annual payment of one dollar. As suggested by the local government, Dr. Shen donated the land to BAUS in 1989.

ခန်းမကြီးထဲက ထွက်လာပြီး အနောက်ဖက်က Gift Shop မှာ လက်ဆောင် ပစ္စည်းလေးတွေ လျှောက်ကြည့်ဖြစ်တယ်။ သမိုင်းကြောင်းကို အသေအချာ သိချင်လာတာနဲ့ ဖုန်းဖွင့်လို့ အွန်လိုင်းမှာ လိုက်ဖတ်ကြည့်တော့ အဆောက်အဦးတွေက Tang Dynasty (တန် မင်းဆက်) ခေတ်က ပုံစံမျိုး ဆောက်ထားတာလို့ သိလိုက်ရတယ်။ Great Buddha Hall ကြီးက နန်းတော်ကြီးနဲ့ တူနေတာ ဒါကြောင့်ကိုးလို့ မှတ်ချက်ချမိရင်း ပထမဦးဆုံး အဆောက်အဦးဖြစ်တဲ့ Kuan Yin Hall ဖက် သွားကြည့်ဖြစ်တယ်။

အမျိုးအမည် မသိတဲ့ ပန်းဝါဝါလေးတွေ၊ နဂါးမောက်လိုလို အဖူးအပွင့်လေးတွေနဲ့ ပန်းပင်လေးတွေ၊ ရေပန်းလေးတွေကြားထဲက ပိန်းကြာဖက်လေးတွေကို လိုက်ငေးကြည့်ရင်း Kuan Yin Hall ရဲ့ တစ်ဖက်ကို လှမ်းကြည့်လိုက်တော့ ဝါးတံတားလေးတွေကို တွေ့လိုက်ရတယ်။ “လှလိုက်တာ” လို့ စိတ်ထဲက တွေးမိနေတုန်း ခြေလှမ်းတွေက ဝါးတံတားလေးရဲ့ အစပ်ကို ရောက်နှင့်နေခဲ့ပြီ။

တံတားလေးပေါ်မှာ ပုံစံအမျိုးမျိုးနဲ့ ဓာတ်ပုံရိုက်ပြီး Seven Jewels Lake ဖက်ကို သွားခဲ့လိုက်တယ်။ လမ်းမှာ တောင်ကုန်းလေးတစ်ခုပေါ်ကို တက်သွားတဲ့ လှေကားလေးတွေ့တာနဲ့ တက်သွားကြည့်လိုက်တယ်။ အပေါ်ရောက်ခါနီး ဘုန်းကြီး ဘုရားစာရွတ်နေသံလိုလို ကြားရတာနဲ့ သိချင်စိတ်က ပိုပြင်းပြသွားခဲ့မိတယ်။

ခပ်သွက်သွက် ပြေးတက်သွားရင်း လှေကားလေးလည်း ဆုံးရော တောင်ကုန်းနောက်ခံနဲ့ သေတ္တာလေးတွေ စီထားတဲ့ နံရံအမြင့်ကြီးကို ဘွားခနဲ တွေ့လိုက်ရတယ်။ စိတ်ထဲမှာ “ဩော်….” လို့ တွေးပြီး နံရံလေးကို မှီလို့ ထိုင်ချလိုက်တယ်။ ခပ်လှမ်းလှမ်းမှာ မိသားစု တစ်စု စားပွဲလေး ချခင်းလို့ စားစရာ၊ သောက်စရာလေးတွေ စီပြီး ဆုတောင်းနေကြတယ်။ အဘိုးတွေ၊ အဘွားတွေကို မမေ့မလျော့ လာပြီးဂါရဝပြုတတ်တဲ့ ဓလေ့လေးက ချစ်စရာ။

နောက်ကနေ ဖြည်းဖြည်းချင်း လိုက်တက်လာတဲ့ သူငယ်ချင်း အမေက အပေါ်ရောက်တော့မှ သူလည်း သဘောပေါက်သွားခဲ့တယ်။

“သြော်… ပြာအိုးတွေပဲ” တဲ့။

ဘေးဘီနှစ်ဖက်ကို ကြည့်ပြီးတော့ အန်တီက ဆက်ပြောပါတယ်။

“သူတို့ စကားပြောနေတာ အန်တီတို့နဲ့ အမျိုးတူတယ်။ စကားလုံးတွေ တူတူပဲ။ သည်နေရာလေးက တရုတ်အယူအဆအရဆို သိပ်ကောင်းတယ်။ နောက်ဖက်မှာ တောင်ကုန်းနဲ့ တောအုပ်လေးရှိတယ်။ အရှေ့ဖက်မှာ ရေကန်ရှိတယ်။ သေပြီး နောက်ဘဝတွေမှာ ကောင်းစားဖို့ အထောက်အပံ့ကောင်းတွေပဲ…”

အန်တီရှင်းပြတာကို နားထောင်ရင်း ကျွန်တော့်မျက်စိတွေကို ခဏမှိတ်ထားလိုက်မိတယ်။

“ သေခြင်းတရားဆိုတာကို ဘယ်နှစ်ကြိမ်လောက် ငါဖြတ်သန်းခဲ့ရပြီလဲ….”

Memorial Terrace ပေါ်က ဆင်းလို့ Seven Jewels Lake ဖက်ကို တောလမ်းလေးအတိုင်း ဆက်လျှောက်သွားခဲ့လိုက်တယ်။ အရောင်စုံ သစ်ရွက်လေးတွေကြားထဲကနေ မြင်နေရတဲ့ ကွမ်ရင်မယ်တော် ရုပ်တုကြီးက တည်ငြိမ်နေတဲ့ ကန်ရေပြင်ထက်မှာ အေးချမ်းတင့်တယ်စွာ စက္ကုနြေ္ဒချလို့…

ဗွက်ခနဲ ခပ်လှမ်းလှမ်းမှာ ရေပွက်ကလေး ထသွားချိန် ကန်ရေပြင်ထက်က ပုံရိပ်တစ်ချို့ ရိုက်ခတ်သွားပေမယ့် ခဏနေတော့ တိတ်ဆိတ်မှုက သူ့နေရာသူ ပြန်ယူနေခဲ့တယ်။ ကဗျာဆရာ Matsuo Basho ရဲ့ Haiku ကဗျာလေးကို ခပ်တိုးတိုးလေး ရေရွတ်မိတယ်။ ဟုတ်တယ်။ ခပ်တိုးတိုးလေးပဲ။

An old silent pond,

A frog jumps into the pond,

Splash!

Silence again…

ဘုန်းကြီးကျောင်းလေးထဲက ပြန်ထွက်လာတော့ တစ်ခုခုပဲ ကျန်ခဲ့သလိုလို၊ တစ်ခုခုပဲ ပြန်ပါလာခဲ့သလိုလို…

ကျန်ခဲ့တာ အတိတ်တွေ ဖြစ်နိုင်သလို ပြန်ပါလာခဲ့တာ မှတ်ဥာဏ်တွေ ဖြစ်နိုင်တယ်…

ဒါမှမဟုတ် ကျန်ခဲ့တာ မှတ်ဥာဏ်တွေ ဖြစ်ပြီး ပြန်ပါလာခဲ့တာ အတိတ်တွေ ဆိုရင်ရော….

ကားလေးက တောင်ဆင်းလမ်းလေးအတိုင်း တရိပ်ရိပ်ပြေးဆင်းနေချိန်မှာ သစ်ရွက်လေးတွေက တရှီးရှီးတရှဲရှဲနဲ့ လွမ်းမောနာကျင်စွာ ညည်းညူကျန်ခဲ့ကြတယ်…

ကားရေဒီယိုလေးထဲ သီချင်းသံက Cold Play ရဲ့ “Every Teardrop is a Waterfall…” တဲ့…

ကားမှန်ကို အဆုံးထိတင်လိုက်တယ်...

သီချင်းသံပဲ ကြားရတော့တယ်….

~ ရေခဲငှက် ~

အောက်တိုဘာ (၄) ရက်၊ ၂၀၁၆ ခုနှစ်။ ။

သဏ္ဍာန်မဲ့ တိမ်တိုက်များ

noreply@blogger.com (Yan) — Sat, 20 Aug 2016 07:36:00 +0000

တိမ်တွေ လွင့်မျောနေကြတယ်…

အနှိုင်းမဲ့ ကျယ်ပြောတဲ့ ကောင်းကင်ပြာကြီးထဲ အိပ်မောကျခွင့်မရတာ အတော်ကြာခဲ့ပြီပဲ…

စီးထားတဲ့ ဖိနပ်ကိုချွတ်၊ ခြေအိတ်ကို အပေါ်ပစ်တင်ပြီး လည်ပင်းစေ့အောင် တပ်ထားတဲ့ အပေါ်ဆုံး အင်္ကျီကြယ်သီးတစ်လုံးကို ဖြုတ်လိုက်တယ်.

ခုံတန်းလေးပေါ်ကို လှဲချလိုက်ပြီး ခေါင်းအောက်မှာ လက်နှစ်ဖက်ကို ယှက်လို့ သစ်ရွက်လေးတွေကြားထဲက နေခြည်ကို မက်မက်မောမောနဲ့ ငေးကြည့်နေချိန်မှာ ပုံရိပ်တွေက လှစ်ခနဲ လှပ်ခနဲ…

တစ်ခါတလေ မစဉ်းစားချင်ဘဲနဲ့လည်း အတွေးတွေက ခေါင်းထဲကို ရောက်ရောက်လာတတ်သလို နက်နက်နဲနဲ တွေးတောချင်ပေမယ့် ဘယ်ကစလို့ စဉ်းစားရမှန်း မသိတာမျိုးတွေလည်း ဖြစ်တတ်တယ်.

“လူပဲလေ. စက်ရုပ်မှ မဟုတ်တာ” ဆိုတဲ့ ဖြေသိမ့်မှုလေးတွေနဲ့ပဲ ကိုယ့်ကိုယ်ကို ပြန်နှစ်သိမ့်လို့ အတွေးစဉ်တွေ စိတ်ပြန်လည်လာမယ့် အချိန်ကို စိတ်ရှည်လက်ရှည် ပြန်စောင့်နေလိုက်တော့တယ်.

မလောချင်တော့ပါဘူး. နှစ် ၃၀ ကျော်ကြာအောင် လောခဲ့ပြီပဲ…

…..

“စာတွေ ပြန်ရေးဖြစ်သေးလား သား”

Viber ကနေ တစ်ခုတ်တရ လှမ်းမေးတဲ့ အမေ့မျက်နှာကို ပြန်ကြည့်ပြီး မချိပြုံးတစ်ချက် ပြန်ပြုံးပြမိခဲ့တယ်…

“အလုပ်တွေ နည်းနည်းပါးတဲ့ တစ်နေ့တော့ ပြန်ရေးဖြစ်မှာပါ.. အခုတော့ သိပ်မလွယ်သေးပါဘူးဗျာ”

သည်လိုနဲ့ပဲ ပျိုမျစ်မှုတွေ ပါးလျားသွားခဲ့တာ အတော်ကြာပေါ့. အချိန်တွေ ကြာလာတော့လည်း နုပျိုမှုတွေ ဆုံးရှုံးသွားတယ်လို့ မမြင်မိတော့ဘဲ ရင့်ကျက်မှုတွေကို သိမ်းပိုက်ဖို့ ပိုနီးစပ်လာတယ်လို့ပဲ ကိုယ့်ကိုယ်ကို ပြန်အားပေးဖြစ်တော့တယ်.

အဝေးမှာ ပျံသန်းနေတဲ့ လေယာဉ်ပျံကြီးတွေကို ငေးကြည့်ရင်း မိသားစုနဲ့ အဝေးမှာ ဘာကြောင့်များ (၁၂) နှစ်ကြာအောင် နေခဲ့ရတာလဲလို့ ကိုယ့်ကိုယ်ကို အပြစ်တင်မိပြန်တယ်.

နှင်းတွေကျနေတဲ့ မနက်ခင်းထဲ တိုးဝင်လို့ ကျောင်းချိန်မီအောင် ပြေးခဲ့ရတာတွေ၊ ကျောင်းစရိတ်မရှိလို့ ရရာ အလုပ်တွေလုပ်ရင်း မာနတွေကို မျိုသိပ်ခဲ့ရတာတွေ၊ နေ့တဓူဝ ဆက်ဆံတွေ့ကြုံခဲ့ရင်းက အရောင်မတူညီတဲ့ ပန်းချီကားချပ်တွေပေါ်မှာ ကိုယ်ရေးတဲ့ ဆေးရုပ်တွေ စည်းအပြင်ဖက်ရောက်ခဲ့ရတာတွေကို ပြန်တွေးမိတော့လည်း (၁၂) နှစ်ဆိုတာတောင် မလောက်ချင်သေးသလိုလို…

စိတ်မှာ အသားမာတွေ သိပ်များနေပြီပဲ…

…

ဘာသာရေးဆိုတာ တံဆိပ်ခတ်နှိပ်ခြင်း တစ်မျိုးတဲ့.

သည်လိုနဲ့ပဲ ငါ့တံဆိပ်က အမှန်၊ သူ့တံဆိပ်က အမှားဆိုတာတွေ ဖြစ်လာသလို၊ ငါ့မှာ ဘာတံဆိပ်မှ မရှိဘူးဆိုတာကို ပြချင်တဲ့ အတ္တတွေကလည်း ပိုကြီးလာကြတယ်.

တော်ပြီပေါ့. တံဆိပ်တွေက အရေးမကြီးပါဘူး. ကျင့်သုံးမယ့် နှလုံးသားကပဲ အရေးကြီးတာ.

ကြာလာတော့လည်း တိုင်းတစ်ပါးသား လူမျိုးခြားတွေ ရေးတဲ့ ကိုယ့်ဘာသာအကြောင်းကို ဖတ်ရတာမှ ပိုပြီး စိတ်ထဲရှင်းသန့်သလို ခံစားလာရတော့တယ်.

အမှန်တရားဆိုတာ သူ့အတိုင်းလေးပဲ ကောင်းတယ်. မှန်ပါတယ် ဆိုတာကို အပိုဆာဒါးတွေ သိပ်ထည့်လွန်းရင် ပြင်ဆင်လွန်းလို့ ပင်ကိုယ်အလှ ပျောက်သွားတဲ့ မိန်းမပျိုလေး တစ်ယောက်လိုပဲ အရောင်တွေ စွန်းထင်းလွန်းအားကြီးသွားတတ်တယ်.

ရိုးရိုးလေးက ရှင်းပါတယ်…

မနက်တိုင်း အိပ်ယာမထခင် ရင်ဘတ်ပေါ် လက်နှစ်ဖက်ယှက်လို့ စကားတစ်ခွန်း အမြဲပြောဖြစ်တယ်.

“သည်နေ့ အသက်ရှင်သန်ခွင့် ရနေသေးလို့ ကျေးဇူးတင်ပါတယ်…”

ညဖက် အိပ်ယာဝင်ခါနီးတိုင်း ကိုယ့်အသက်ရှုသံကို ဖြည်းဖြည်းချင်း နားထောင်လို့ ခပ်တိုးတိုးလေး အမြဲပြောဖြစ်တယ်.

“သည်နေ့ အကောင်းဆုံး နေထိုင်ခဲ့ပါတယ်….”

နေဝင်ချိန်တွေကို စိတ်လွတ်ကိုယ်လွတ် ငေးမောကြည့်နိုင်မယ့် တစ်နေ့တော့ ရောက်လာဦးမှာပါလေ…

….

အတ္တတွေနဲ့ ထွန်းညှိတဲ့ စစ်မီးလျှံတွေကြားထဲ မိသားစုတွေ ဆုံးရှုံး၊ မျက်နှာတစ်ခြမ်းလုံး သွေးသံရဲရဲ ဖြစ်နေတဲ့ ကလေးငယ်လေး လူနာတင်ကားထဲမှာ ငြိမ်ငြိမ်သက်သက်လေး ထိုင်နေတာကို ကြည့်ရင်း သတင်းကြေငြာသူခမျာမှာလည်း ဆို့နင့်၊ ကိုယ်ကိုယ်တိုင်ကလည်း ရင်ထဲမှာ စကားလုံးတွေ ပျောက်ဆုံးနေခဲ့တယ်.

John Lennon ရဲ့ Imagine သီချင်းလေးထဲကအတိုင်း ဖြစ်ရင်သိပ်ကောင်းမှာပဲလို့လည်း မချင့်မရဲ ဖြစ်မိပြန်ရဲ့.

Imagine there’s no countries

It isn’t hard to do,

Nothing to kill or die for,

No religion too,

Imagine all the people

Living life in peace…

မဖြစ်နိုင်ပါဘူးလေ… မမွေးခင်ကတည်းကလည်း စစ်ပွဲပေါင်းများစွာ ဖြစ်ခဲ့ပြီးပြီ. အခုထိလည်း ဖြစ်နေတုန်း. နောက်နှစ်ပေါင်းများစွာမှာလည်း မတူညီတဲ့ အကြောင်းပြချက်တွေနဲ့ စစ်မီးလျှံတွေကို ဆက်လက်ထွန်းညှိကြဦးမှာပဲ….

မဖြစ်နိုင်တဲ့အရာကို မဖြစ်နိုင်မှန်းသိပြီး အရှိကို အရှိအတိုင်း လက်ခံနားလည်လိုက်ရတာကို ရင့်ကျက်မှု လို့ တွေးခေါ်ပညာရှင် တစ်ယောက်က ပြောသွားခဲ့ဖူးတာကိုပဲ ကြေကွဲစွာ လက်ခံရတော့မယ်. လူတွေအားလုံးကို မပြောင်းလဲနိုင်မယ့်အတူတူ ကိုယ့်ကိုယ်ကို ပြောင်းလဲနိုင်အောင် ကြိုးစားတာ အကောင်းဆုံးပဲ.

စိတ်မကောင်းပါဘူး ကလေးရေ…

ဒါပေမယ့် အနည်းဆုံးတော့ မင်းအသက်ရှင်နေသေးတယ်လေ.

သည်ခံစားချက်တွေကို အရင်းပြုလို့ အနာဂတ်မှာ မင်းနိုင်ငံရဲ့ စစ်ပွဲတွေကို ရပ်တန့်နိုင်မယ့် ခေါင်းဆောင်ကောင်းတစ်ယောက်ဖြစ်အောင် ကြိုးစားနိုင်ပါစေလို့ ဆန္ဒပြုပေးပါတယ် ကလေးငယ်…

….

လမ်းမီးတိုင်လေးတွေ တဖျောက်ဖျောက်နဲ့ လင်းလက်လာကြပြီ..

အိပ်တန်းတက်ဖို့ စိုးစီစိုးစီ ပြင်ဆင်နေတဲ့ ငှက်ကလေးတွေ၊ အမွှေးပွ ခွေးလေးကို ထိန်းကျောင်းရင်း လမ်းလျှောက်နေကြတဲ့ အဘိုးကြီးနဲ့ အဘွားကြီးစုံတွဲ၊ သမီးငယ်လေးကို စက်ဘီးစီးသင်ပေးနေရင်းက လက်လွှတ်ပေးလိုက်ရင်း “You can do it, Honey” လို့ အော်ပြောနေတဲ့ ဖခင်တစ်ယောက်ရဲ့ မေတ္တာပြည့်လျှမ်းနေတဲ့ အသံ၊ ရေပန်းလေးတွေအောက်မှာ ခုန်ပေါက်ရင်း တစ်ယောက်နဲ့တစ်ယောက် ရေသေနတ်လေးတွေနဲ့ လိုက်ပစ်နေတဲ့ ကလေးအုပ်စု၊ ပန်းခြံထောင့်၊ လမ်းထောင့်လေးတွေမှာ စုရပ်လို့ အကောင်ဖမ်းနေတဲ့ ပိုကီမွန်ဂိမ်မာတွေ၊ တီးလုံးတစ်ခုတည်းကိုပဲ ပြန်ပြန်ကျော့နေတဲ့ ရေခဲမုန့်ရောင်းတဲ့ ကားကြီး၊ ဟိုဟိုသည်သည် လမ်းသလားနေတဲ့ မြီးကောင်ပေါက်မလေးတွေ၊ စကိတ်လေးတွေ စီးရင်း ဟန်ရေးပြနေတဲ့ ချာတိတ်လေးတွေ၊ ခါးပတ်ပေါ် လက်တင်ရင်း မြင်မြင်သမျှလူတွေကို ခြေဆုံးခေါင်းဆုံး လိုက်ကြည့်နေတဲ့ ပန်းခြံထဲ ကင်းလှည့်နေသူ ရဲသားကြီး….

ကမ္ဘာကြီးရဲ့ တစ်နေရာမှာ စစ်ပွဲတွေ ဖြစ်နေကြတယ်။

ကမ္ဘာကြီးရဲ့ တစ်နေရာမှာတော့ ငှက်ကလေးတွေ တေးဆိုနေကြတယ်….

ကမ္ဘာကြီးရဲ့ တစ်နေရာမှာ အလုပ်ကို အလောတကြီး ပြေးလွှားနေကြတယ်…

ကမ္ဘာကြီးရဲ့ တစ်နေရာမှာတော့ ညနေခင်းကို စိတ်လိုလက်ရ ဖြတ်သန်းနေကြတယ်…

…..

ဖိနပ်နဲ့ ခြေအိတ်ကို စုကိုင်လို့ မြက်ခင်းပြင်ကျယ်ကြီးအတိုင်း ခြေဗလာနဲ့ လျှပ်တိုက်လျှောက်လာခဲ့ချိန်မှာ အသက်များစွာ ပြန်ငယ်သွားသူ တစ်ယောက်လို ခံစားလိုက်ရတယ်…

ဆံပင်တွေကို အားရပါးရ ခါပစ်လိုက်ပြီး အပေါ်ကို မော့ကြည့်လိုက်တယ်…

တိမ်တွေ လွင့်မျောနေကြတယ်…

အနှိုင်းမဲ့ ကျယ်ပြောတဲ့ ကောင်းကင်ပြာကြီးထဲ အိပ်မောကျခွင့်မရတာ အတော်ကြာခဲ့ပြီပဲ…

~ ရေခဲငှက် ~

သြဂုတ် (၂၀) ရက်၊ ၂၀၁၆ ခုနှစ်။ ။

ရေမရသော တောင်စဉ်များ...

noreply@blogger.com (Yan) — Fri, 27 May 2016 17:38:00 +0000

နာရီသံ တချက်ချက်ကြားမှာ ဘဝတွေဟာ မိန်းမောနေကြတယ်။ ယောင်ယမ်းပြီးတော့များ ကိုယ့်ကိုယ်ကို သတိမရလိုက်နဲ့။ ပိုင်ဆိုင်မှုတွေ အကြောင်းပြောကြမယ်။ အနာဂတ်တွေအကြောင်း ချရေးကြမယ်။ လတ်တလောထွက်ထားတဲ့ ဒရာမာကားထဲက မင်းသမီး သိပ်ချောတယ်။ မြန်မာပြည်ကို ရုရှသင်္ဘောတွေ ရောက်လာတာ သိပ်အရသာရှိတယ်။ တစ်နေ့နဲ့ တစ်နေ့ မတူအောင်ဝတ်၊ မထပ်အောင်စားနေကြပေမယ့် အတွေးအခေါ်တွေ ဆန်းသစ်လာမှာ၊ အနေအထားတွေ ပြောင်းလဲသွားမှာ ဒါတွေကိုတော့ သိပ်ကြောက်တယ်။ အေးအေးဆေးဆေးပေါ့။ တစ်နေ့ သေရမယ့် သူတွေချည်းပဲလေ…

ပြောင်းလဲသွားတဲ့ ဘဝနေထိုင်မှု တစ်ခုအကြောင်းကို ဆန်းစစ်ရင်း စိတ်ကျန်းမာရေးကို ဂရုစိုက်ခဲ့ရပြန်တယ်။ ဘာလို့များ လူတစ်ချို့ဟာ သိမ်ငယ်စိတ်ကို အားပြုပြီး ငြင်းခုန်ချင်ကြရတာလဲ။ ငြင်းခုန်သူကို စွမ်းဆောင်ရည်မြင့်မားသူလို့ မြင်ယောင်တတ်ကြပြီး ငြင်းခုန်ရမှာ စက်ဆုပ်သူကိုတော့ မြုံစေ့စေ့၊ အုံ့ပုန်း၊ ကုပ်ကမြင်း စသည်ဖြင့် ရစရာ မရှိအောင် ပြောတတ်ကြပြန်တယ်။ သည်လိုနဲ့ပဲ ကျီးအာသီးတစ်ချို့ ပန်းချီကားချပ်တွေထဲမှာ စံနမူနာဖြစ်ခဲ့ရပြန်ပေါ့။

အသက်လေးဆယ်နား နီးလာလေလေ ဘဝကြီးကို မြင်တဲ့အမြင်တွေကို နည်းနည်းလန့်လာလေလေပဲ။ နိုက်ကလပ်ထဲ ဝင်ကြည့်မိတယ်။ ဒီဂျေရဲ့ မြူးကြွတဲ့ သံစဉ်တွေအောက်မှာ နှလုံးသားတွေတော့ တဆတ်ဆတ် ခုန်လာပါရဲ့။ ခြေတွေလက်တွေက လိုက်လာဖို့ တွန့်ဆုတ်နေခဲ့ကြတယ်။ ဆယ်မိနစ်လောက်နေတော့ အခန်းထဲက ထွက်ပြေးလာခဲ့ဖြစ်တယ်။ လရောင်အောက်မှာ ဆေးလိပ်ပဲ ထိုင်ဖွာနေမလား။ မြစ်ကမ်းနံဘေး ကားထိုးရပ်လို့ ရေလှိုင်းသံလေးတွေကြားမှာ စိတ်ကူးယဉ်ပြီး နစ်မျောနေမလား။ ကိုယ့်အကြိုက်နဲ့ ကိုယ်ပေါ့။ မတူတာကို တွန်းပြီးတုလုပ်ရင်းက ကိုယ်ရည်ကိုယ်သွေး ပျောက်ဆုံးသွားမှာကိုတော့ မလိုလားဘူး။

သဇင်တွေလှသလို ခရေတွေလည်း လှပါတယ်။ ဘုရားစင်ပေါ်တင်ထားတဲ့ ခရေနဲ့ မိန်းမပျက်တစ်ယောက် ပန်ဆင်ထားတဲ့ သဇင်ဆိုပြီး ခိုင်းနှိုင်းဖို့ ကြိုးစားလာရင်တော့ ဒါဟာ လုပ်ဇာတ်ထွင်ပြီး လိုရာဆွဲပြောခြင်း (ဝါ) ဒရာမာတိုက်ဇေးရှင်း (သို့မဟုတ်) ခေတ်စကားနဲ့ ပြောရရင်တော့ အိုဗာတင်းဖျော်ခြင်း တစ်မျိုးပဲ ဖြစ်သွားလိမ့်မယ်။ တစ်ဖက်သားရဲ့ လွတ်လပ်ခွင့်နဲ့ အကျိုးစီးပွားကို မထိခိုက်တဲ့ ပျော်ပါးမှုမှန်သမျှဟာ အတိုင်းအတာတစ်ခုထိ အပြစ်ကင်းပါတယ်။ အပျော်တမ်း အမဲလိုက်သူတွေ၊ ငါးဖမ်းသူတွေကိုတော့ နောက်ထပ်အုပ်စုတစ်ခုထဲ ထည့်ရလိမ့်မပေါ့။

……

မျှခြေဆိုတဲ့ အရာသာမရှိရင် စီးဆင်းမှုဆိုတာလည်း ဖြစ်ပေါ်လာမယ် မထင်ဘူး။ ရေပုံးနှစ်ခုကြားထဲ ပိုက်နဲ့ဆက်လိုက်ရင် ရေများတဲ့ရေပုံးဖက်က စီးဆင်းမှုဖြစ်ပေါ်လာမှာ ဓမ္မတာပဲ။ ဒါဟာ မျှဝေခြင်းလို့ မြင်သူတွေ ရှိတတ်သလို လျော့ပါးသွားတာလို့ မြင်သူတွေလည်း မရှား။ ကပ်တစ်ခုခုကျရောက်လို့ လူတွေပျက်စီးကုန်ကြရင်၊ လေယာဉ်ပျံတစ်စီးစီး ပျက်ကျလို့ ခရီးသည်တွေ တိမ်းပါးကုန်ကြရင်၊ သံဝေဂသံလေးနှောလို့ ပြောတတ်ကြပြန်ရဲ့။ “လူတွေကိုတော့ လျှော့နေပြီနော်။ ဘုရားတရားနဲ့ နေကြ…”

မြန်မာပြည်ကို စောင့်ရှောက်နေတဲ့ သာသနာပြု နတ်မင်းကြီးတွေလည်း အယ်နီညိုကြောင့် ဂုဏ်သိက္ခာမှေးမှိန်ကုန်ကြရပြီ။

သစ်ပင်တွေ လျော့နေပြီ။

မဟုတ်ဘူး။ သစ်ပင်တွေ အလျှော့ခံနေရပြီ။

သတိဝီရီယနဲ့ နေကြ…

….

စာသင်နေရင်း ကျောင်းသားလေး တစ်ယောက်က ထမေးတယ်။

“ဆရာ အကြိုက်ဆုံး အမေရိကန်သမ္မတက ဘယ်သူလဲ” တဲ့.

“ရော်နယ်လ်ရေဂင်” ဆိုတော့..

“ဘာလို့ ကြိုက်တာလဲ” တဲ့.

“အင်အားကြီးတဲ့ ဆိုဗီယက်ယူနီယံကြီးကို ပြိုကွဲသွားအောင် စိတ်ပိုင်းဆိုင်ရာ၊ စီးပွားရေးပိုင်းဆိုင်ရာ၊ နိုင်ငံရေးပိုင်းဆိုင်ရာ အမြင်တွေနဲ့ ထိုးစစ်ဆင်နိုင်ခဲ့လို့ပဲ”

“But, he lied.”

“Yup. That’s also one of the trades politicians have to master.”

ကလေးတွေကို အပြစ်ကင်းတဲ့ ယုန်သူငယ်လေးတွေဖြစ်အောင် မသင်ပေးချင်ဘူး။ လိမ္မာပါးနပ်ပြီး စွမ်းဆောင်ရည်ထက်မြက်သူ၊ မျက်စိပွင့် နားစွင့်တတ်တဲ့သူတွေပဲ ဖြစ်စေချင်တယ်။ လောကမှာ အပြစ်ကင်းသူတွေဟာ အစားခံရတယ်။ ကိုယ်ကလည်း မစားနဲ့။ ကိုယ်တိုင်လည်း သူများအစာ မဖြစ်စေနဲ့။ မက်ဒဂတ်စတား ကျွန်းလေးပေါ်က တိရစ္ဆာန်တွေမှာ မတူထူးခြားတဲ့ ရုပ်ပိုင်းဆိုင်ရာတွေ ပါဝင်နေတာ ရေမြေသဘာဝရဲ့ လိုအပ်ချက်ကြောင့်ပဲလို့ ချားလ်စ်ဒါဝင် ကိုယ်တိုင်ပြောခဲ့ဖူးသားပဲ။ သည်လောကကြီးမှာ Survival of the fittest… တွေပဲ အသက်ရှင် ကျန်ရစ်နိုင်မယ်။ လူသားတွေဟာ အပြောင်းအလဲကို ညှိယူနိုင်ဆုံး သတ္တဝါတွေ ဖြစ်သလို အပြောင်းအလဲတွေအပေါ်မှာ အသုံးချနိုင်ဆုံး သတ္တဝါတွေလည်း ဖြစ်တယ်။

အတွေးအခေါ်ပညာရှင်ကြီး ကွန်ဖြူးရှပ်က သူ့တပည့်တွေကို သွန်သင်ဆုံးမခဲ့ဖူးတယ်။

By three methods, we may learn wisdom: First, by reflection, which is noblest; Second, by imitation, which is easiest; and third by experience, which is the bitterest.

ကိုယ့်ကိုယ်ကို ပဲ့ပြင်ဆုံးမခြင်း၊ တစ်ပါးသူရဲ့ အမှားကနေ သင်ခန်းစာယူခြင်း၊ ကိုယ်ပိုင်အတွေ့အကြုံကနေ လေ့လာသင်ယူခြင်း ဆိုတာတွေ အကုန်လုံးကို နားလည်နေပေမယ့်လည်း အရွဲ့တိုက်ပြီး ဘာမှကို ဂရုမစိုက်ဘဲ နေချင်မိတယ်။ သံပတ်ပေးထားသလို လည်ပတ်နေတဲ့ ဘဝရထားကြီးကို တစ်ခါတစ်ရံ စက်ဆုပ်နေမိပြန်ရဲ့။

ဘာပဲပြောပြော House of cards တီဗွီ ဇာတ်လမ်းတွဲထဲက ဇာတ်ကောင်တွေ သိပ်သဘာဝကျတယ်။ အပြုံးမပျက်ဘဲ ကိုယ်ပြောချင်တဲ့ အချက်ကို ထိရောက်အောင် ငြင်းခုန်ပြောဆိုနိုင်စွမ်းဟာ အတွေ့အကြုံအရဘဲ ဆည်းပူးလေ့လာနိုင်မယ် ထင်ပါတယ်လေ။ ခံနိုင်ရည်မရှိရင်တော့လည်း အခါးသည်းဆုံး ခံစားမှုတွေနဲ့ နှလုံးသားဟာ ပွင့်ထွက်သွားနိုင်လောက်တယ်။

….

များမြောင်လှတဲ့ အလုပ်တွေကြားထဲ နစ်မွန်းနေရင်းက ဘဝဆိုတာကို တွေးဖို့ မေ့လျော့နေတတ်ပြန်ရော။ ဖိအားတွေ၊ မလွန်ဆန်နိုင်မှုတွေ၊ အလိုက်မသိတတ်မှုတွေ၊ စိတ်အလိုမပြည့်နိုင်မှုတွေကို ခပ်တိုးတိုးလေး ထိုင်ကြည့်နေရင်း တရားတွေ ရနေမိပြန်တယ်။ အရင်တစ်ပတ်က မိတ်ဆွေတစ်ယောက်အိမ်မှာ ဆရာတော်တစ်ပါးကို ဆွမ်းကပ်လို့ တရားသွားနာဖြစ်ခဲ့တယ်။ ဆရာတော်က မေတ္တာသုတ်ကို အကျယ်တဝင့် ဟောပြောနေချိန်မှာ ကိုယ့်ကို မေတ္တာရှိသူတွေ၊ ကိုယ်က မေတ္တာရှိသူတွေ၊ ကိုယ့်အပေါ် မေတ္တာခမ်းသူတွေ၊ ကိုယ်က မေတ္တာခမ်းမိသူတွေ အကြောင်းကို ရုပ်ရှင်ဖလင်ကွက်တွေလို တစ်ခုပြီးတစ်ခု မြင်ယောင်ခဲ့မိတယ်။ ကိုယ်တိုင်လည်း ပြုပြင်ယူရမှာတွေ အများကြီးပဲလို့ ပြောမိသလို “အိုး.. လူပဲလေ. သည်လောက်တော့ ရှိမှာပေါ့” လို့လည်း ဖြေတွေးတွေးမိပြန်တယ်။ ကိုယ့်စိတ်နဲ့ကိုယ်မှ ညီညွတ်အောင် မနေတတ်ရင် သည်လောကကြီးထဲနေရတာ သိပ်အဓိပ္ပါယ်ရှိမှာ မဟုတ်တော့ဘူး။

မျောက်တစ်ကောင်ကို အုန်းသီးတစ်လုံးနဲ့ ထောင်ဖမ်းတဲ့ အကြောင်း သတိသွားရမိတယ်။ တောထဲမှာ မျောက်တစ်ကောင်ကို အရှင်ဖမ်းမိဖို့အတွက် အုန်းသီးတစ်လုံး၊ ကြိုးတစ်ချောင်းနဲ့ အချိုမုန့်လေး တစ်ခုပဲ လိုတယ်။ အုန်းသီးကို မျောက်ရဲ့ လက်တစ်ဖက်ဝင်ဆန့်နိုင်ရုံလေး အပေါက်ဖောက်ပြီး အထဲကို အချိုမုန့်လေး တစ်ခုထည့်ထား၊ ပြီးတော့ မျောက်တွေအနေများတဲ့ သစ်ပင်အောက်မှာ အုန်းသီးကို ကြိုးချည်ပြီး တိုင်နဲ့ မြေကြီးမှာ ငုတ်ရိုက်ထားလိုက်ရုံနဲ့တင် မျောက်အုန်းသီး ထောင်ချောက်တစ်ခု ရတယ်။

မုန့်နံ့ရတဲ့မျောက်က စပ်စုပြီး အုန်းသီးပေါက်ထဲ လက်ဝင်လျှိုလို့ မုန့်ကိုနှိုက်တယ်။ မုန့်ကို ကိုင်လျက်သား လက်သီးဆုပ်နဲ့ ပြန်ထုတ်တဲ့အခါ သူ့လက်က အပေါက်ဝမှာ တစ်နေခဲ့တယ်။ ကြောက်အားလန့်အားနဲ့ ရုန်းလေလေ အားကုန်လေပဲပေါ့။ နောက်ဆုံးမှာ မုဆိုးရောက်လာခဲ့ပြီး မျောက်ကို အသာလေး ကြိုးနဲ့ချည်လို့ ဖမ်းသွားခဲ့တော့တယ်။ တကယ်ဆို မျောက်ဟာ သူ့လက်ထဲက မုန့်ကိုလွှတ်ပြီး ရုန်းရင် အုန်းသီးအပေါက်ကနေ လွတ်ထွက်သွားမှာပါ။ ဒါပေမယ့် လက်ထဲရပြီးသား အရာကို မလွှတ်ဘဲ ဆုပ်ကိုင်ထားမိရင်းက နောက်ဆုံးမှာ ပျက်စီးခြင်းကို ရောက်ခဲ့ရတယ်။

အသက်အရွယ်လေး ရလာချိန်မှာ ဘဝပေါ်မြင်တဲ့ အမြင်တွေ၊ လူတွေအပေါ် မြင်တဲ့အမြင်တွေ နည်းနည်းပြောင်းလဲလာခဲ့ပေမယ့် ခံစားချက်တွေကတော့ လှောင်ပိတ်မိနေဆဲဆိုတာ အထိတ်တလန့် တွေ့လိုက်ရချိန် အပြင်မှာ နေမွန်းတည့်ခဲ့ပြီ။ မဖြစ်သေးဘူး။ လွှတ်ချင်သင့်တာ လွှတ်ချပြီးခရီးဆက်မှ။ မဟုတ်ရင်တော့ သည်ထောင်ချောက်မှာ ဘဝပေါင်းများစွာ ပိတ်မိနေနိုင်တယ်။

ဟိုးထား…

သိပ်မပြောနဲ့. သိပ်မတွေးနဲ့…

ဘုရားတောင်မှ အလယ်အလတ်လမ်းစဉ် ကျင့်သုံးဖို့ တိုက်တွန်းခဲ့သေးတာပဲ။

သည်လိုနဲ့ပဲ ကမ္ဘာတစ်ခြမ်းကို အမှောင်ပြန်ချဖြစ်ခဲ့တယ်….

တိုင်ကပ်နာရီကတော့ နောက်တစ်ကြိမ် သံစုံတီးလုံးမြည်ဖို့ အားယူနေဆဲ….

~ ရေခဲငှက် ~

မေ (၂၇)၊ ၂၀၁၆ ခုနှစ်။ ။

အတ္တစုတ်တံနှင့် စေတသိတ် ကင်းဗတ်စ်...

noreply@blogger.com (Yan) — Sun, 15 May 2016 16:08:00 +0000

တရွေ့ရွေ့လွင့်မျောနေတဲ့ တိမ်တွေကို ငေးကြည့်ရင်း ဘဝဆိုတဲ့ ရထားကြီးကို တစ်ခါတလေ ခေတ္တခဏလောက် ရပ်တန့်ထားကြည့်မိတယ်။ တစ်ရက်တစ်ရက် လုပ်စရာကိုင်စရာတွေကလည်း ဘယ်တော့မှ ကုန်ဆုံးသွားတတ်တာမျိုး မရှိ။ တစ်ချို့အရာတွေကို ထပ်ခါထပ်ခါလုပ်ရင်း ပိုကျွမ်းကျင်လာသလို ဒါတွေကိုပဲ အကြိမ်ကြိမ်လုပ်နေရလို့ တစ်ခါတရံကျတော့လည်း လူ့ဘဝကြီးကို ငြီးငွေ့တတ်လာပြန်တယ်။

ဘာလုပ်မှာလဲ ငွေကြေးဥစ္စာတွေ။ ဘာလုပ်မှာလဲ အောင်မြင်ကျော်ကြား လူသိများမှုတွေ။ ဘာလုပ်မှာလဲ အိမ်၊ ကား၊ ခြံတွေ၊ ပိုင်ဆိုင်မှုတွေ။ ဒါမျိုးတွေ မေးဖူးမှာပေါ့။ အထူးသဖြင့် ကိုယ်သိကျွမ်းတဲ့ တစ်စုံတစ်ယောက် မမျှော်လင်ဘဲ အကြောင်းတစ်စုံတစ်ရာနဲ့ ကွယ်လွန်သွားတတ်တဲ့ အခါမျိုးတွေမှာ။

တတ်သလောက် မှတ်သလောက်တော့ ခံစားနေရသူတွေကို အားပေး၊ စုတ်လေးတစ်ချက်သတ်၊ ခေါင်းလေးတစ်ချက်ရမ်းရင်း သည်လိုမေးခွန်းလေးတွေကို မေးမိကောင်းမေးမိနိုင်ရဲ့။ ခဏပါပဲ။ ပြီးတော့လည်း ရထားကြီးက သူ့အရှိန်နဲ့သူ ဆက်ခုတ်မောင်းလို့။ လိုင်းကားပေါ်မှာ ကားကြပ်ခဲ့သမျှ ကားပေါ်ကဆင်းလိုက်တဲ့ အချိန်မှာ လွတ်လပ်ပေါ့ပါးသွားသလိုမျိုး သိပ်ခက်ခက်ခဲခဲတွေကို အချိန်ပေး မစဉ်းစားချင်ဘူး။ ဖြစ်ကာမှဖြစ်ရော အခုထိတော့ ကိုယ့်ဘဝထဲမှာ ကိုယ်အဆင်ပြေအောင် နေလိုက်ဦးမယ်။

ကန်ဘေးနားမှာ အေးအေးဆေးဆေး ထိုင်ရင်း ဘဲအုပ်မိသားစုလေး အစာရှာနေတာကို ငေးကြည့်နေရတာမျိုး။ ပန်းခြံထဲမှာ လမ်းလျှောက်တတ်ခါစ ကလေးငယ်လေး မတ်တပ်ထလိုက်၊ ပြန်လဲကျလိုက် ဖြစ်နေတာလေးကို စိတ်လိုလက်ရ ပြုံးကြည့်မိနေတာမျိုး။ မြူမှုန်တွေဆိုင်းနေတဲ့ မနက်ခင်းထဲကို ကော်ဖီခွက်လေးကိုင်ရင်း ပတ်ဝန်းကျင်ကို ခံစားလို့ အေးအေးလူလူ တိုးဝင်လမ်းလျှောက်နေရတာမျိုး။ ဒါတွေကို ခံစားတတ်ဖို့ အချိန်မှ မရှိရင် ဘဝဆိုတာ ကျော့ကွင်းတစ်ခုလိုပဲ ရုန်းလေနစ်လေ။ စိတ်ထဲမှာ ရှင်သန်ခြင်းတွေရှိဖို့ အကြိမ်ကြိမ် ပြန်ကျော့နေရတဲ့ ထောင်ချောက်မျိုးတွေကို ပါးပါးနပ်နပ် ကိုင်တွယ်တတ်ဖို့ လိုတယ်။

ပန်းသီးကုမ္ပဏီတည်ထောင်ခဲ့တဲ့ စတိဂျော့ဘ်က သူ့အိမ်မှာ ဘာပရိဘောဂမှ မထားဘဲ ရိုးရိုးရှင်းရှင်းထားတာကို နှစ်သက်သတဲ့။ ဖေ့စ်ဘွတ်ခ်လူမှုကွန်ယက်ကို စတင်ခဲ့တဲ့ ဇူကာဘတ်(ခ်)ကတော့ သူ့အဝတ်ဗီရိုထဲမှာ မီးခိုးရောင် တီရှပ်အင်္ကျီတွေပဲထားပြီး တစ်နေ့တစ်နေ့ ဘာအရောင်၊ ဘယ်အင်္ကျီဝတ်ရမလဲဆိုတာကို စဉ်းစားဖို့အတွက် အချိန်မပေးချင်ဘူးတဲ့။ ဘဝကို ရိုးရိုးရှင်းရှင်း နေထိုင်ပြီး သူတို့တွေရဲ့ ဦးနှောက်တွေကို အရေးကြီးတဲ့ ဆုံးဖြတ်ချက်တွေ၊ အကြံဥာဏ်တွေ အတွက်ပဲ နေရာပေးထားချင်သူတွေကို လေးစားမိပါရဲ့။ Eleanor Roosevelt ပြောခဲ့တဲ့ အဖိုးတန် စကားတစ်ခွန်းလိုပေါ့။

Great minds discuss ideas. Average minds discuss events. Small minds discuss people. တဲ့။

ကိုယ်တွေကတော့ လူတွေအကြောင်း၊ အဖြစ်အပျက်တွေအကြောင်း များများပြောနေမိရင်း ကမ္ဘာကြီးကို ပြောင်းလဲနေသူတွေထဲမှာ ပါနေသလိုမျိုး သွေးနားထင် ရောက်ချင်ရောက်နေမိတတ်တာ။ အင်း. ဒါလည်း လူ့သဘာဝ တစ်ခုပဲလို့ဆိုရင်း ကိုယ့်ကိုယ်ကို ရသေ့စိတ်ဖြေတွေးမိပြန်ရော။ ဖြေသိမ့်တွေးတာမျိုးဟာ ကိုယ်ဘယ်လိုမှ လက်လှမ်းမမီတဲ့ အရာမျိုးတွေအတွက် ပူလောင်ကျွမ်းနေတဲ့ စိတ်ကိုနှစ်သိမ့်ပေးနိုင်သလိုမျိုး ကောင်းတာတွေလည်း ရှိပါရဲ့။ ရုန်းထွက်သင့်တဲ့ အခြေအနေဆိုးတွေကို မရုန်းထွက်ဘဲ ကံကိုယိုးမယ်ဖွဲ့လို့ ဖြေသိမ့်တွေးနေတာမျိုးကျပြန်တော့လည်း နစ်မွန်းမှုတွေကို ဖြစ်ပေါ်နိုင်စေပြန်တယ်။ ဘယ်အရာမှ အစွန်းမရောက်တာ အကောင်းဆုံးပါပဲလေ။ ဖြေသိမ့်သင့်၊ မသင့်ဆိုတဲ့ အစွန်းတရားနှစ်ခုကို ဝေဖန်ပိုင်းခြားနိုင်ဖို့ သင့်တော်တဲ့ ပညာဥာဏ်တစ်ခုရယ်၊ ဘက်မလိုက်တဲ့ ဆုံးဖြတ်ချက်တစ်ခုရယ်တော့ လိုအပ်မှာ သေချာတယ်။

ခုတလော ရာသီဥတုကလည်း အပြောင်းအလဲ သိပ်မြန်လွန်းတယ်။ မနေ့ကပဲ နွေရာသီအတိုင်း နေကျဲကျဲတောက်ပူနေခဲ့ပြီးတော့ သည်မနက်ကျတော့ လေတဟူးဟူးနဲ့ အနွေးထည် နှစ်ထပ်ဝတ်တာတောင် သိပ်မနွေးချင်လှဘူး။ လူသားတွေရဲ့ အတောမသတ်တဲ့ အတ္တတွေထဲမှာ ကမ္ဘာကြီးရဲ့ သစ်ပင်တွေ စတေးခံခဲ့ရတာ ဘယ်လောက်များနေပြီလဲ မသိ။ အယ်လ်နီညို သက်ရောက်မှုဆိုတာ တကယ်တော့ ခုတ်လှဲခံလိုက်ရတဲ့ သစ်ပင်တွေရဲ့ အရိုးတွန်သံ ဖြစ်ချင်ဖြစ်နေမှာ။ သစ်ပင်တစ်ပင်ဖြစ်ဖို့ နှစ်ပေါင်းများစွာ ကြာတတ်ပေမယ့် ခုတ်လှဲပစ်လိုက်ဖို့က တခဏပဲ လိုအပ်သလို တစ်ယောက်နဲ့တစ်ယောက်ကြား ယုံကြည်ချစ်ခင်မှုတွေ ဖြစ်ထွန်းဖို့ အချိန်အတိုင်းအတာ တစ်ခုလိုအပ်ပေမယ့် မုန်းတီးပြတ်စဲဖို့က တဒင်္ဂအထင်လွဲမှားမှု တစ်ခုပဲ လိုအပ်နေတတ်တာ သိပ်တော့ မတရားလှဘူး။ အနုတ်လက္ခဏာဆောင်တဲ့ အကြောင်းတရားတွေဟာ အကျိုးသက်ရောက်မှု ပိုကြီးနေတတ်တာမျိုးလား။ ဒါမှမဟုတ် လူသားတွေရဲ့ ခံယူမှုဟာ အဆိုးဖက်ကို တိမ်းလွန်းနေတာမျိုးလား။

တစ်ခါတုန်းက ကော်ဖီဆိုင်မှာ ထိုင်စကားပြောရင်း သူမနှုတ်ခမ်းလွှာလှလှလေးက စကားလေးတစ်ခွန်း အမှတ်မထင် ထွက်ကျခဲ့ဖူးတယ်။

“အကျင့်တစ်ခုကို တည်ဆောက်ဖို့ (ဒါမှမဟုတ်) ဖျောက်ဖျက်ပစ်ဖို့ ပျမ်းမျှ အချိန် သုံးပတ်ကြာတယ်” တဲ့။ အဲဒီ့တုန်းက ရုတ်တရက် ပြန်ပြောဖြစ်လိုက်တဲ့ ကိုယ့်စကားကို ရယ်သွမ်းသွေးနေတဲ့ သူမမျက်နှာလေးကိုတော့ သုံးနှစ်ကြာတောင် မေ့လို့မရသေးဘူး။

“စစ်မှန်တဲ့ ချစ်ခြင်းမေတ္တာဆိုတာ ကမ္ဘာတွေခြားနေခဲ့ရင်တောင် မေ့ဖျောက်ပစ်ဖို့ မလွယ်လောက်ဘူး ထင်တယ်။ တစ်စုံတစ်ယောက်ကို မြင်လိုက်တာနဲ့ သူ့ကို ရင်းရင်းနှီးနှီး သိကျွမ်းချစ်ခင်ခဲ့ဖူးသလိုမျိုး မင်းမှာ မဖြစ်ဖူးဘူးလား။ ကိုယ်တော့ ဖြစ်ဖူးတယ်။ မင်းကို စမြင်လိုက်တဲ့ အချိန်အခိုက်အတန့်ကပေါ့…”

“ခံစားချက် ကြီးတာ၊ အစွဲအလမ်းကြီးတာမျိုးက မကောင်းဘူး အစ်ကိုရဲ့။ သေရင် မကျွတ်မလွတ် ဖြစ်တတ်တယ်”

နှုတ်ခမ်းလေးတွန့်ပြီး မျက်မှောင်ကျုံ့ပြတဲ့ သူမမျက်နှာလေးကို နှလုံးသားထောင့်တစ်နေရာက ပြန်ထုတ်ကြည့်ရင်း ခပ်တိုးတိုးလေး ပြောမိတယ်။

“ကိုယ် ခုထိ မကျွတ်မလွတ် ဖြစ်နေဆဲပါပဲ ကလေးရယ်…”

ဖျတ်ခနဲ ထလင်းတဲ့ လမ်းမီးတိုင်တွေက အတိတ်ကို ရောက်သွားတဲ့ ကိုယ့်စိတ်ကူးတွေကို ပစ္စုပ္ပန်ထဲ ပြန်ဆွဲခေါ်တယ်။ နေ့ပြီးရင် ညလာသလို အခက်အခဲတွေကို ကျော်လွှားပြီးရင် အေးချမ်းတည်ငြိမ်တဲ့ ဘဝတစ်ခုကို ရဖို့ ပိုနီးစပ်လာတတ်စမြဲပါပဲ။ ပိုင်ဆိုင်ခြင်း၊ ဆုံးရှုံးခြင်း၊ ဝမ်းမြောက်ခြင်း၊ ကြေကွဲခြင်း၊ ချီးမွမ်းခံရခြင်း၊ ကဲ့ရဲ့ခံရခြင်းဆိုတဲ့ အစွန်းတရားတွေကြားထဲမှာ တတ်နိုင်သလောက် တည့်မတ်အောင် လျှောက်ရင်း ဘဝခရီးလည်း နေမွန်းတည့်ခဲ့ပြီ။

ကိုယ့်ဘေးမှာ တစ်ချို့ရှိခဲ့ပေမယ့် သူတို့ မရှိခဲ့ဘူး။ တစ်ချို့မရှိခဲ့ပေမယ့် သူတို့ ရှိနေခဲ့တယ်။ ငှက်ကလေးတွေလည်း အိပ်တန်းဝင်ကုန်ကြပြီ။ တစ်နေ့တာ လောင်ကျွမ်းတောက်ပမှုတွေကို အသာရုပ်သိမ်းလို့ ဘဝဇာတ်ခုံကို ခေတ္တပိတ်သိမ်းကြဦးစို့။ ထိုင်ခုံတွေကိုတော့ မသိမ်းလိုက်နဲ့ဦး။ မနက်ဖြန်တွေအတွက် လိုချင်လိုဦးမှာ။

မမြင်စေချင်ရင် ကန့်လန့်ကာ ချထားလိုက်ရုံပဲပေါ့။

အဝတ်ဘီရိုကို ဖွင့်ကြည့်လို့ နောက်တစ်နေ့အတွက် ဝတ်စားဆင်ယင်ရမယ့် ဝတ်စုံကို အဆင်ပြေမပြေ တစ်ချက်စစ်ကြည့်တယ်။

သေချာတာကတော့ အဝတ်အစားတွေ အားလုံးဟာ အရောင်တစ်ရောင်တည်း မဟုတ်ကြဘူး…

~ ရေခဲငှက် ~
မေ (၁၅)၊ ၂၀၁၆ ခုနှစ်။ ။

အစွန်းများ၏ အခြားတစ်ဖက်...

noreply@blogger.com (Yan) — Tue, 12 Jan 2016 07:46:00 +0000

သည်ရက်ပိုင်း နယူးယောက် မြို့တော်ကြီးဟာ အပူအအေး တော်တော်လေး မမျှမတ ဖြစ်နေခဲ့သလို ရာသီဥတုကလည်း မှန်းရခပ်ခက်ခက် ဖြစ်နေခဲ့တယ်။ အရင်တစ်ပတ်က အပူချိန် အနုတ်အောက် ၁၈ ဒီဂရီ စင်တီဂရိတ်လောက်ထိ ကျသွားခဲ့သလို လွန်ခဲ့တဲ့ နှစ်ရက်လောက်ကကျတော့လည်း တိမ်ညိုတွေ တစ်နေကုန် အုံ့မှိုင်းပြီး မိုးတွေ တစွပ်စွပ် ရွာနေခဲ့တယ်။ မနေ့က မြူတွေဆိုင်းနေပြီး သည်နေ့ကျပြန်တော့ လေတွေက ကျွတ်ဆတ်ဆတ်နဲ့ အေးခဲနေပြန်ရော။ ဖုန်းထဲက Weather Apps လေးကို ကြည့်ရုံနဲ့တင် မလုံလောက်ဘဲ ကိုယ်တိုင် အပြင်ထွက်ပြီး လမ်းလေး နည်းနည်းလျှောက်ကြည့်လိုက်မှပဲ အင်္ကျီဘယ်လောက်ထူထူ ဝတ်သင့်တယ်၊ လက်အိတ်ဆောင်သင့်၊ မဆောင်သင့်ကို ဆုံးဖြတ်လို့ရတယ်။

မနေ့က Seminar ကို မြန်မာမိသားစုတွေ သိပ်မလာနိုင်ဖြစ်ခဲ့ကြပေမယ့် သူတို့ကိုယ်စား မေးခွန်းတွေကို ကိုယ်တိုင်လည်း မေးဖြစ်သလို သူများတွေ မေးတာကိုလည်း ကျွန်တော့်မှတ်စုလေးထဲမှာ မှတ်လာခဲ့ဖြစ်တယ်။ တစ်ခါတလေကျတော့လည်း ကိုယ့်ကိုယ်ကို ပြန်ဆုံးမနေရတယ်။ လူဆိုတာ ဘာမဆို ကိုယ်ကချည်းပဲ အရင်ဆုံး ရချင်တတ်တဲ့အပြင် သိထား၊ တတ်ထားတဲ့ အချက်အလက်တွေကို သိပ်မပေးချင်တတ်ကြတဲ့ စိတ်အခံလေးက ရှိတတ်ကြစမြဲ။ အဲဒါနဲ့ ဆန့်ကျင်ဖက် စိတ်တစ်မျိုးကလည်း ရှိတတ်ပြန်တယ်။ ကိုယ်သိထားတတ်ထားတဲ့ အခံနည်းနည်းလေးနဲ့ အရာအားလုံးကို သိပြီးတတ်ပြီးသယောင် ထင်မိလုပ်မိတတ်ပြန်တယ်။ သည်အစွန်းနှစ်ဖက်ကို လွတ်အောင်ရှောင်ပြီး ကိုယ့်စိတ်အနေအထား ဘယ်နေရာမှာ ရှိနေသလဲဆိုတာကို မျက်ခြည်မပြတ် စောင့်ကြည့်ဖို့အတွက် မာန်မာနဆိုတဲ့ သဘောတရားကို နားလည်ဖို့ရယ်၊ အတိုင်းအတာတစ်ခုထိ ရင့်ကျက်ပြည့်ဝတဲ့ စိတ်အခံတစ်ခုရယ် ရှိဖို့လိုအပ်တယ်လို့ ထင်မိတယ်။

“မြန်မာကျောင်း ဖွင့်သတဲ့၊ ငါတို့ ကလေးတွေအတွက် မြန်မာလို တိုင်ပင်ဆွေးနွေးပေးနိုင်မယ့် နေရာတစ်ခု၊ အပြင်က အခုမှ ရောက်လာမယ့် မြန်မာလူငယ်၊လူကြီးတွေအတွက် အင်္ဂလိပ်စကား ရေး၊ဖတ်၊ပြော သင်ပေးနိုင်မယ့် နေရာတစ်ခု၊ ကလေးတွေ ဘယ်လိုစာမေးပွဲတွေ ဖြေသင့်တယ်၊ ဘယ်လိုကျောင်းတွေ လျှောက်သင့်တယ်၊ ကျောင်းလျှောက်တဲ့ အက်ဆေးကို ဘယ်လိုရေးသင့်တယ်ဆိုတာကို လမ်းညွှန်ပေးနိုင်မယ့် နေရာတစ်ခုတော့ ပေါ်လာပြီဟဲ့” ဆိုပြီး ဝမ်းမြောက်ဝမ်းသာနဲ့ လှိုက်လှိုက်လှဲလှဲ ချီးကျုးဂုဏ်ပြူသူတွေ ရှိကြသလို “သူက ဘာမို့လဲ၊ ဒီမှာ Born တာမို့လို့လား၊ E ကရော ဘယ်လောက်ကောင်းလို့လဲ၊ မြန်မာလို သင်နေရင်တော့ ကလေးတွေ ဟိုမရောက်သည်မရောက် ဖြစ်ဦးမယ်၊ သည်ကျောင်းက ဘယ်လောက်များ စနစ်ကျမှာမို့လဲ၊ သည်ဆရာနာမည် ကြားတောင်မကြားဖူးဘူး၊ အမေရိကားမှာ ကျောင်းတွေက အကုန်တာဝန်ယူ သင်ပေးပြီးသား၊ ငါတို့ကလေးတွေက သည်လိုကျောင်းတွေ ထားဖို့ မလိုဘူး၊ အဖြူဆရာတွေ သုံးတော့ရော သူတို့က အတွေ့အကြုံ ဘယ်လောက်ရှိလို့လဲ” စသည်ဖြင့် နောက်ကွယ်ကနေ ထောမနာပြုသူတွေလည်း များလှပါတယ်။

သည်းခံရပါတယ်။ ကျွန်တော့်ကို ချစ်ခင်သူ၊ အားကိုးလိုသူ၊ တိုင်ပင်လိုသူတွေ အတွက် ညီတစ်ယောက်လို၊ တူတစ်ယောက်လို၊ သားတစ်ယောက်လို ဝိုင်းဝန်းကူညီ အဖြေရှာပေးတဲ့အခါမှာ တစ်ခုခု ပြန်ရမှ ဆိုတဲ့ စိတ်မျိုး လုံးဝမမွေးဘဲ ကိုယ်သိထား၊ တတ်ထားတဲ့ အချက်အလက်ပေါ် မူတည်ပြီး သူတို့ စိတ်ထဲမှာ သံသယတွေ၊ ဒွိဟတွေ ကင်းပါစေရော့ဆိုတဲ့ စိတ်စေတနာ သန့်သန့်ထားနိုင်ဖို့ ကိုယ့်ကိုယ်ကို အမြဲသွန်သင်ဆုံးမထားပါတယ်။ သည်လိုပါပဲ။ ကိုယ့်အရည်အချင်းကို မယုံကြည်သူ၊ ကိုယ့်ကို မချစ်ခင် မနှစ်မြို့သူ၊ ကိုယ့်ထက် သူတို့သိတဲ့အရာတွေက သာတယ်၊ ပိုတယ်လို့ မှတ်ယူယုံကြည်ပြီး ခပ်ကင်းကင်း နေလိုသူတွေအတွက်လည်း လှိုင်းဘယ်လောက်ပုတ်ပုတ် ကျောက်ဆောင်ဟာ မတုန်လှုပ်တတ်သလိုမျိုး ကိုယ်ရည်ကိုယ်သွေးကို တည်ငြိမ်ရင့်ကျက်အောင် ကျွန်တော့်ဖက်က လေ့ကျင့်ထားရပြန်ပါတယ်။

သမိုင်းပညာရှင်လည်းဖြစ်၊ စာရေးဆရာလည်းဖြစ်တဲ့ Jacques Barzun ပြောထားဖူးတဲ့ စကားလေးတစ်ခွန်းရှိတယ်။

“You should have education enough so that you won’t have to look up to people; and then more education so that you will be wise enough not to look down on people.

“ခင်ဗျားဟာ တစ်ဖက်သားအပေါ် အထင်တွေ အရမ်းကြီးနေရတဲ့ အနေအထားမျိုး မဖြစ်ရအောင် လုံလောက်တဲ့ ပညာတစ်ခုကို တတ်မြောက်ထားသင့်တယ်။ ပြီးတော့ တစ်ဖက်သားကို အထင်သေးနှိမ့်ချတဲ့ အမြင်မျိုး မဝင်မိအောင် သည့်ထက်ပိုပြီး ပညာတတ်ထားသင့်တယ်” တဲ့။

လူဆိုတာတော့ အမြင်အမျိုးမျိုး၊ ခံစားချက် အမျိုးမျိုးနဲ့ ပြောကြဆိုကြမှာပဲလေ။ သူတို့အားလုံးမှာ သံသယဖြစ်ပိုင်ခွင့် ရှိပါတယ်။ အဓိက အချက်က သူတို့ထားတဲ့ သံသယတွေအောက်မှာ ကိုယ်ဟာ နစ်မွန်းသွားဖို့ မဟုတ်ဘဲ ကိုယ့်အရည်အချင်းကို ပြသနိုင်ဖို့က လိုရင်းလို့ မှတ်ယူပြီး ပုံမှန်ထက် ပိုကြိုးစားဖြစ်အောင် ကိုယ့်ကိုယ်ကို ပြန်တွန်းအားပေးဖြစ်ပါတယ်။

ပထမတစ်ကြိမ် Seminar လုပ်ပြီးကတည်းက ကျောင်းသားမိဘတွေ တော်တော်များများနဲ့ ကျွန်တော် စကားပြောဖြစ်ခဲ့တယ်။ တစ်ချို့က လူကိုယ်တိုင်၊ တစ်ချို့က ဖုန်းကတစ်ဆင့်၊ တစ်ချို့ကတော့ မေးလ်ကတစ်ဆင့်၊ တစ်ချို့ကတော့ ဖေ့စ်ဘွတ်ခ် ချက်ဘောက်စ်က တစ်ဆင့် သိချင်တာလေးတွေ မေးကြပါတယ်။ သူတို့ ကလေးငယ်တွေရဲ့ အတန်းပေါ်မူတည်ပြီး ဘယ်အရာတွေကို စလုပ်သင့်တယ်၊ ဘယ်အရာတွေကိုတော့ တိုက်တွန်းသင့်တယ် စသည်ဖြင့် တတ်နိုင်သလောက် ကျွန်တော်ပြန်ဖြေပေးဖြစ်ပါတယ်။

တကယ်တော့ ကျွန်တော်တို့တွေဟာ အသက်အရွယ် ရလာတာနဲ့အမျှ ကိုယ်စီကိုယ်ငှ အတွေ့အကြုံတွေ ပိုရလာတတ်တာကြောင့် တစ်ခါတလေမှာ ကိုယ်ကျွမ်းကျင်တဲ့ နယ်ပယ်ရပ် မဟုတ်ပေမယ့်လည်း အနည်းငယ်သိရုံနဲ့ အလုံးစုံ တတ်ကျွမ်းနားလည်သယောင် လုပ်မိတတ်ကြပါတယ်။ ဒါတွေဟာ လူအများစုရဲ့ သဘော သဘာဝ ဖြစ်ကောင်းဖြစ်ပေမယ့်လည်း သတိရှေ့ထားပြီး ဆင်ခြင်ဆုံးမနိုင်မယ်ဆိုရင်တော့ ဘယ်လိုအချိန်မှာ စကားပြောပြီး၊ ဘယ်လိုအချိန်မှာ နားထောင်သင့်တယ်ဆိုတဲ့ အစွန်းနှစ်ဖက်ကို ကောင်းကောင်းချိန်ဆနိုင်မှာပါပဲ။ သည်အစွန်းနှစ်ဖက်ကြားမှာ အံဝင်ခွင်ကျ မဖြစ်ဘဲ ငါ့စကားနွားရ ပြောမိဆိုမိတဲ့ အခိုက်အတန့်တွေလည်း ကျွန်တော့်မှာ အကြိမ်ပေါင်းများစွာ ရှိခဲ့ဖူးရဲ့။

သည်ညနေ စာသင်ဖို့အတွက် စာရွက်တွေ အိမ်မှာ မိတ္တူဆွဲနေတုန်း မက်ဆေ့ခ်ျတစ်ခု ဝင်လာတာနဲ့ ဖွင့်ကြည့်မိလိုက်တယ်။ ကျွန်တော်စာသင်ပေးနေတဲ့ ကျောင်းသူတစ်ယောက်ရဲ့ အဖေဆီက မက်ဆေ့ခ်ျပါ။ ကျွန်တော်နေတဲ့ ရပ်ကွက်နားမှာ သူ့အိမ်တစ်လုံး ရှိတယ်။ အဲသည့်အိမ်ကို လာစစ်ရင်း အပြန် သူ့သမီးကို စာသင်ဖို့အတွက် ကျွန်တော်တစ်ခါတည်း လိုက်မလားလို့ လှမ်းမေးတာပါ။ နောက်နာရီဝက်လောက်နေတော့ Supermaket တစ်ခုနားမှာ ကျွန်တော်တို့ ဆုံဖြစ်ကြတယ်။ သူ့အိမ်ကို မောင်းရင်း ကားထဲမှာ အေးအေးဆေးဆေး စကားပြောဖြစ်ခဲ့ကြတယ်။ ဆရာဝန်တစ်ယောက် ဖြစ်ပေမယ့် စကားပြောတာ တော်တော်လေး ယဉ်ကျေးပြီး ပညာတတ်ပီသပါတယ်။ ကိုယ့်ကိုယ်ကိုလည်း နာမ်စား “ကျွန်တော်” လို့ သုံးတတ်ပြီး သူ့ထက် အသက်အများကြီးငယ်တဲ့ ကျွန်တော့်ကိုလည်း “ကိုရန်အောင်” လို့ တလေးတစား ခေါ်ဝေါ်ပြောဆိုတတ်တဲ့အတွက် သူ့ကို ကျွန်တော့်ဖက်က ပိုလို့တောင် ပြန်လေးစားမိပါတယ်။

ဟိုဟိုသည်သည် စကားစပ်မိရင်းက ဒေါက်တာစောဝေလှ အကြောင်းကို ရောက်သွားခဲ့တယ်။ သူ့ဘဝဖြတ်သန်းမှု အကြောင်း ဆွေးနွေးရင်းကနေ မြန်မာပြည်သူပြည်သားတွေဟာ အခွင့်အရေးသာ ရခဲ့မယ်ဆိုရင် တကယ်ကို ထူးထူးချွန်ချွန် ကြိုးစားသင်ယူနိုင်သူတွေ ဖြစ်တဲ့အကြောင်း ဆက်ပြောဖြစ်ခဲ့ကြတယ်။ သူကိုယ်တိုင် ဖြတ်သန်းခဲ့တဲ့ ရုန်းကန်မှုတွေအကြောင်း ဖောက်သည်ချပြောဆိုခဲ့သလို ကျွန်တော့်ကိုလည်း အားမလျှော့ဘဲ အောင်မြင်တဲ့ စာသင်ကျောင်းတစ်ခု ဖြစ်အောင် ကြိုးစားဖို့ အားပေးပါတယ်။

အဲသည့်နောက် သူသိထားတဲ့ ထူးချွန်တဲ့ မြန်မာကျောင်းသား၊ ကျောင်းသူတွေအကြောင်း၊ သာမန်မိဘတွေ ဖြစ်ပေမယ့်လည်း အားပေးပုံ မှန်ကန်တဲ့အတွက် သူတို့ရဲ့ ကလေးငယ်တွေ ဘယ်လိုဘယ်ပုံ အောင်မြင်ထူးချွန်သွားကြတဲ့ အကြောင်း ပြောပြပါတယ်။ ကျွန်တော်လည်း ကျွန်တော်သိထားတဲ့ မိတ်ဆွေအပေါင်းအသင်းတွေထဲကမှ Harvard တို့၊ Princeton University တို့၊ Standford တို့ကို ရောက်သွားသူတွေအကြောင်း၊ Columbia University မှာ ပရော်ဖက်ဆာ ဖြစ်နေတဲ့ ကျောင်းနေဖက် သူငယ်ချင်းတစ်ယောက်အကြောင်း၊ ဩစတြေးလျမှာ ပညာသင်ပြီး မြန်မာပြည်မှာ Management Institute ဖွင့်ထားတဲ့ ကျွန်တော်လေးစားမိတဲ့ ဆရာတစ်ယောက်အကြောင်း၊ မြန်မာပြည်မှာပဲနေပြီး နိုင်ငံတကာကျောင်းတစ်ခုကို အောင်အောင်မြင်မြင် ဖွင့်လှစ်နိုင်ခဲ့တဲ့ တိုင်းရင်းသားကျောင်းဆရာ တစ်ယောက်အကြောင်း စသည်ဖြင့် ပြောဖြစ်ခဲ့ကြတယ်။

ကောင်းတာတွေ ပြောပြီးတော့ မကောင်းတာတွေဖက်ကို ရောက်သွားခဲ့ပြန်တယ်။ မြန်မာပြည်မှာ နှစ်ကာလ ကြာမြင့်စွာ စနစ်တကျ ဖျက်ဆီးခံထားရတာမို့ စိတ်ဓာတ်ပိုင်းဆိုင်ရာ စည်းလုံးမှု၊ တာဝန်သိတတ်မှုတွေ လျော့ရဲတဲ့ အကြောင်း၊ အလုပ်နဲ့ တာဝန် ဝတ္တရားကို ကိုယ်ရေးကိုယ်တာနဲ့ မခွဲခြားနိုင်ဘဲ တာဝန်မဲ့စွာ ပြုမူလုပ်ကိုင်တတ်ကြတဲ့ အကြောင်း၊ ကိုယ်သိထားတတ်ထားတာကို တစ်ဖက်လူကို မဝေမျှနိုင်ဘဲ ကြိတ်ပုန်းလေးတွေ လုပ်ပြီး ခွင်တွေနဲ့ လှုပ်ရှားလုပ်စားနေတတ်ကြတဲ့ အကြောင်း၊ ကျောင်းသားတွေ၊ ဝန်ထမ်းတွေအတွက် ပညာတော်သင်ဆုတွေ၊ နိုင်ငံခြားမှာ သင်ယူဖို့ အခွင့်အလမ်းတွေ ချပေးတာကိုတောင် အစိုးရက အားမပေးဘဲ နည်းအမျိုးမျိုးနဲ့ ပိတ်ပင်တားဆီးတဲ့ အကြောင်းတွေကို ပြောဖြစ်ခဲ့ကြပြန်တယ်။

မြန်မာပြည်မှာ နှစ်နှစ်နီးပါးလောက် အလုပ်ပြန်လုပ်ခဲ့လိုက်တဲ့အတွက် ကျွန်တော့်ရင်ထဲမှာလည်း ပြောစရာစကားတွေက ပြည့်နှက်နေရဲ့။ လေးနှစ်တိတိ ချွေးနှဲစာနဲ့ လုပ်ကိုင်စုဆောင်းလို့ အိမ်အပြန်မှာ မိသားစုလုပ်ငန်းအတွက် စာအုပ်ချုပ်စက်နဲ့ ပုံနှိပ်စက်တွေကို ကွန်တိန်နာနဲ့ သွင်းခဲ့ပါတယ်။ စက်တွေကို ဆိပ်ကမ်းမှာ သွားထုတ်တော့ ကာစတန်ဗိုလ်မှူးဆိုသူက ကွန်တိန်နာတစ်လုံးကို ၇၅ သိန်း ပေးမှ ထုတ်ခွင့်ပေးမယ်ဆိုလို့ အသားလွတ် ပေးခဲ့ရပုံတွေ၊ တရားမျှတတဲ့ စနစ်တစ်ခု မရှိတဲ့အတွက် အာဏာလက်ဝယ်ရှိသူတွေက အာဏာမဲ့ ပြည်သူတွေအပေါ် ဘယ်လိုဘယ်ပုံ အခွင့်အရေးယူ နှိပ်စက်ကလူ လုပ်ဆောင်နေပုံတွေ၊ နေပြည်တော်မှာ ခေါ်တဲ့ ကျောင်းသုံးစာအုပ် ရိုက်နှိပ်ရေးတင်ဒါမှာ ညွှန်မှူးဆိုသူတွေ၊ ဒုဝန်ကြီးသားဆိုသူတွေနဲ့ ဆိုင်ရာတွေက ဘယ်လိုဘယ်ပုံ ကြားကနေ မွှေနှောက်ဖြတ်စားသွားပုံတွေ စတဲ့အကြောင်းတွေကိုတော့ ကျွန်တော် မပြောဖြစ်ခဲ့လိုက်ဘူး။

စကားခဏနားချိန်မှာ ဘာရယ်မဟုတ်ဘဲ ကျွန်တော် မေးဖြစ်လိုက်ခဲ့တယ်။

“ဦးရော Retire ယူရင် မြန်မာပြည် ပြန်နေဖို့ အစီအစဉ် ရှိလား”

သူ့ဖက်က ချက်ချင်း အဖြေမထွက်လာသေးဘဲ ရှေ့ကို ငေးကြည့်နေရင်း ခပ်ဆဆလေး ပြန်ဖြေခဲ့ပါတယ်။

“ကလေးတွေ တက္ကသိုလ် ရောက်ပြီးရင်တော့ မပြောတတ်ဘူးဗျ။ လောလောဆယ်တော့ ကျွန်တော့်မိန်းမကလည်း မပြန်ချင်ဘူး။ သည်မှာနေတာလည်း အသားကျသလောက်ဖြစ်နေပြီဆိုတော့ မြန်မာပြည် ပြန်တယ်ဆိုလည်း အလည်အပတ်လောက်ပဲ ဖြစ်တော့မှာပါလေ”

ဆိုတဲ့ စကားကြားမှာ ကျွန်တော်လည်း ကိုယ့်ကိုယ်ကို မေးခွန်းတွေ ထုတ်နေမိခဲ့တယ်။

----------

အဝေးပြေးလမ်းမကြီးပေါ်မှာ ဦးတည်ရာ မတူတဲ့ ကားတွေ ရှိသလို ဦးတည်ရာ တူညီတဲ့ ကားတွေလည်း ရှိနေခဲ့တယ်။ ကားတိုင်းကတော့ ကိုယ်မှန်မယ်ထင်တဲ့ လမ်းကို အရှိန်အဟုန်နဲ့ မောင်းနှင်နေကြဆဲ။

ခပ်လှမ်းလှမ်းကို ငေးကြည့်လိုက်တော့ အရိုးပြိုင်းပြိုင်းထနေတဲ့ သစ်ခြောက်ပင် တစ်ပင်မှာ ငှက်တစ်ကောင်နားလို့ သူ့နှုတ်သီးကို သစ်ကိုင်းနဲ့ ပွတ်တိုက်ရင်း သွေးနေခဲ့တယ်။ ဆောင်းခိုနေတဲ့ သစ်ခြောက်ပင်ပေါ်မှာ နောက်ဆုံးသစ်ရွက်လေးများ တစ်ရွက်တလေ ကျန်မလားရယ်လို့ အားစိုက်ကြည့်မိလိုက်ချိန်မှာ ကျွန်တော်စီးလာတဲ့ ကားလေးက လှစ်ခနဲ အဝေးကို ရောက်သွားခဲ့ပြီ။

တစ်ချို့အရာတွေဟာ တကယ်မရှိလို့ မမြင်နိုင်တာ ဖြစ်နိုင်မှာပါ။

တစ်ချို့အရာတွေကတော့ တကယ်ရှိပေမယ့်လည်း အလှမ်းဝေးသွားလို့ မမြင်နိုင်တာမျိုး ဖြစ်ကောင်းဖြစ်နိုင်ပြန်တယ်။

ကျွန်တော် သိပ်အလှမ်းဝေးနေခဲ့ပြီလား။

လောလောဆယ်တော့ ရင်ဘတ်ထဲက နရီမဲ့အော်သံတွေကို ကြိုးညှိရင်း သည်ညနေတေးသွားကို နားဝင်ချိုအောင် တီးခတ်ရဦးမယ်...

~ ရေခဲငှက် ~

ဇန်နဝါရီ ၁၂၊ ၂၀၁၆ ခုနှစ်

လေဆန်ငါး

noreply@blogger.com (Yan) — Sat, 02 Jan 2016 05:45:00 +0000

နှစ်ဟောင်းတစ်ခု ကုန်ဆုံးလို့ နှစ်သစ်ကို ရောက်ခဲ့ပြန်ပြီ။

မနက်ခင်း သတင်းတွေ လိုက်ဖတ်ကြည့်တော့ ဒူဘိုင်းမှာ ဟိုတယ်ကြီးတစ်ခု မီးလောင်၊ အစ္စရေးမှာ သေနတ်နဲ့ပစ်လို့ နှစ်ယောက်သေ၊ ပီကင်းမှာတော့ အစောဆုံးထွက်တဲ့နေကို စောင့်မျှော်ကြ၊ ဂျပန်မှာတော့ ဘုရားရှိခိုးလို့ နှစ်သစ်အတွက် ဆုမွန်ကောင်းတွေ တောင်းကြနဲ့ ကမ္ဘာတလွှားမှာ နှစ်သစ်ဟာ မင်္ဂလာလည်းရှိ၊ အမင်္ဂလာလည်း ရှိခဲ့ကြတယ်။

တစ်နှစ်တာရဲ့ ကုန်ဆုံးချိန်ဖြစ်လို့ တစ်နှစ်လုံး ဘာတွေပဲလုပ်ခဲ့လုပ်ခဲ့၊ ဘယ်လိုတွေပဲ မေ့မေ့လျော့လျော့ နေခဲ့နေခဲ့ နောက်တစ်နှစ်စာ အတွက်တော့ ဆုံးဖြတ်ချက်လေးတွေ ချမှတ်တတ်ကြစမြဲပါပဲ။ သည်နှစ်ကိုတော့ ခါတိုင်းနှစ်တွေနဲ့ မတူအောင် ကြိုဆိုမယ်လို့ ဆုံးဖြတ်ပြီး နှစ်သစ်ကူးညမှာ ဘာဆုံးဖြတ်ချက်မှ မချဘဲ၊ ဘာကိုမှ ချမရေးဘဲ စန္ဒရားသံလေးကို နားထောင်လို့ အိပ်ယာဝင်ခဲ့တယ်။

မနက်ခင်း အိပ်ယာနိုးလာတော့ ပထမဦးဆုံး ကိုယ့်ကိုယ်ကို ပြောလိုက်မိတာက “အခုလို ကြည်ကြည်လင်လင် အိပ်ယာနိုးထခွင့်ရတဲ့ ရှင်သန်မှုတစ်ခုအတွက် ကိုယ့်ကိုယ်ကို ကျေးဇူးတင်ပါတယ်” ဆိုတာပါပဲ။ ကောင်းတာတစ်ခုခု ဖြစ်ခဲ့ရင် “ဘုရားသခင်ရဲ့ ကျေးဇူးတော်ကြောင့်ပဲလေ” ဆိုတဲ့ ခရစ်ယာန်လူမျိုးတွေရဲ့ အလေ့အထကောင်းလေးတစ်ခုကို သဘောကျနှစ်သက်မိပြီး မွေးမြူဖြစ်ခဲ့တဲ့ အကောင်းမြင်စိတ်လေးကို ကြုံကြိုက်တိုင်း ကျင့်သုံးနေဖြစ်ခဲ့ပြီ။

တကယ်တော့ ဘဝဆိုတာ နေတတ်ဖို့လည်း လိုသလို စိတ်ထားတတ်ဖို့လည်း လိုတယ်လို့ အကြိမ်ကြိမ်အခါခါ ကျရှုံးခဲ့ဖူးတဲ့ အတွေ့အကြုံတွေက သင်ပေးခဲ့ပြီ။ မျှော်လင့်ထားတဲ့ ကောင်းသတင်းတွေ မဖြစ်လာတတ်ဘဲ မမျှော်လင့်ထားတဲ့ မကောင်းသတင်းတွေ ဖြစ်လာတတ်သလို ထိတ်လန့်နေခဲ့တဲ့ စိုးရွံ့မှုတွေ ဖြစ်မလာဘဲ မထင်မှတ်ထားတဲ့ ကံကောင်းတိုက်ဆိုင်မှုတွေလည်း ဖြစ်လာတတ်တာမို့ ကိုယ့်စိတ်ကို ဖြေလျော့နေထိုင်ရင်း အလိုက်သင့် နေထိုင်တတ်ခဲ့ပြီ။

….

ကျောင်းဖွင့်ဖို့ ကိစ္စကြောင့် အလုပ်နည်းနည်းများနေခဲ့တာနဲ့ မဝင်ဖြစ်လိုက်တဲ့ စာသင်ချိန်လေးတွေကို အစားပြန်ပေးဖို့ ခပ်စောစောပဲ ထွက်လာခဲ့ဖြစ်လိုက်တယ်။ အပြင်လောကကြီးတစ်ခုလုံးက ငှက်ကလေးတွေရဲ့ စိုးစီစိုးစီ အော်မြည်သံလေး တစ်ချို့ကလွဲလို့ ပကတိ တိတ်ဆိတ်ငြိမ်သက်လို့။ လူတွေအားလုံး နှစ်သစ်ကူးညမှာ ခုန်ပေါက်မြူးတူးပြီး နှစ်သစ်ရဲ့ မနက်ခင်းမှာ မောပန်းနွမ်းနယ်နေကြပြီ ထင်ပါရဲ့လေ။

အချိန်နည်းနည်းလေး စောနေသေးတာနဲ့ ကော်ဖီဆိုင်လေးထဲ ဝင်ပြီး ပေါက်စီတစ်လုံးနဲ့ ကော်ဖီတစ်ခွက် မှာသောက်လို့ မနက်ခင်း နေခြည်လေးက ရပ်ကွက်လေးရဲ့ လမ်းလေးတွေထဲကို ချဉ်းနင်းတိုးဝင်လာပုံလေးကို ညင်ညင်သာသာလေး စောင့်ကြည့်နေဖြစ်လိုက်တယ်။ နေရောင်ခြည်က မပြောင်းလဲပါဘူး၊ နေရောင်ခြည်ကို မြင်တွေ့နေတဲ့ လူတွေကသာ တဖြည်းဖြည်း ပြောင်းလဲနေကြတာ။

ကော်ဖီဆိုင်လေးထဲမှာ လူနည်းနည်းများလာချိန် ခပ်လှမ်းလှမ်းမှာ အမျိုးသမီးတစ်ယောက် လာထိုင်လို့ အမှတ်မထင် လှမ်းကြည့်ဖြစ်ခဲ့တယ်။ လွန်ခဲ့တဲ့ ၃ နှစ်လောက်က သူ အလုပ်လုပ်တဲ့ စားသောက်ဆိုင်မှာ ဘဲကင်ဝယ်ခဲ့ဖူးတာကို ပြန်သတိရမိတယ်။ ဖောက်သည်ကို ကောင်းကောင်းမဆက်ဆံဘဲ ကြိုက်ရင်ယူ၊ မကြိုက်ရင် မယူနဲ့ဆိုတဲ့ မျက်နှာပေးနဲ့ အလုပ်လုပ်နေတဲ့ အမျိုးသမီးဟာ ကော်ဖီသောက်နေချိန်မှာလည်း မျက်နှာကြော ခပ်တင်းတင်းနဲ့ပါပဲ။ ပတ်ဝန်းကျင်က လူတွေကို ဂရုမစိုက်ဘဲ နားကြပ်တပ်လို့ ဖုန်းပြောလိုက်၊ မျက်မှန်ကို ဟန်ပါပါနဲ့ ပင့်တင်လိုက်နဲ့ သူ့ရဲ့စ်ိတ်တွေ တဖျတ်ဖျတ်လှုပ်ခတ်နေတာကို အတိုင်းသားကြားနေခဲ့ရတယ်။ အမှတ်မထင် မျက်လုံးချင်း ဆုံမိခဲ့တယ်။ မြင်တာတွေက မပြောင်းလဲပါဘူး၊ မြင်တာရဲ့နောက်က သိစိတ်၊ ထိစိတ်တွေကသာ တဖြည်းဖြည်း ပြောင်းလဲနေကြတာ။

ကော်ဖီကို ဖြည်းဖြည်းချင်း မှုတ်သောက်ရင်း လမ်းမပေါ်မှာ အရောင်အသွေးတွေ စီးဆင်းနေတာကို အလိုက်သင့် ကြည့်နေမိတယ်။ ရာသီဥတု အေးလာတာနဲ့ အမျှ လူတွေက အနွေးထည်ထူထူတွေ ဝတ်ပြီး ပိုကြီးထွားလာသလိုလို။ ကုန်းတံတားပေါ်မှာ ရထားတစ်စင်းက အရှိန်နဲ့ ခုတ်မောင်းသွားခဲ့တယ်။ လေအရှိန်နဲ့ လှုပ်ခတ်သွားတဲ့ အရိုးပြိုင်းပြိုင်း သစ်ကိုင်းလေးတွေကို ငေးကြည့်ရင်း နှင်းမှုန်လေးတွေ ကျလာခဲ့ရင် ဘယ်လိုပုံလေးတွေ ဖြစ်နေမလဲလို့ စိတ်ကူးနဲ့ ပုံဖော်နေကြည့်ခဲ့တယ်။

သည်နှစ်ကျမှ နှင်းက လာခဲပါဘိတောင်း။

….

ကျောင်းသားအိမ်မှာ စာသင်ပြီး ပြန်ထွက်လာတော့ အသိအန်တီ တစ်ယောက်က ဖုန်းဆက်တယ်။

“ကိုရန်အောင် ပေးလိုက်တဲ့ ပန်းအိုးလေးက ပန်းလေးတွေ ပွင့်နေပြီ၊ သည်ဖက်ရောက်ရင် ဝင်ခဲ့ပါဦး၊ လက်ဆောင်ပေးစရာလည်း ရှိလို့” တဲ့။

ကျောင်းဖွင့်ပွဲနေ့က အသိညီမလေး တစ်ယောက် လက်ဆောင်ပေးတဲ့ Lily ပန်းအိုးလေးကို လိုချင်တယ်ဆိုပြီး ယူသွားခဲ့တာကို အမှတ်ရမိတယ်။ နှစ်သစ်မှာ ပန်းပင်လေး ပွင့်တယ်ဆိုတော့ ကောင်းတာပေါ့။

“ကျွန်တော် ကျောင်းသားနောက်တစ်ယောက်ဆီကို ဆက်သွားနေလို့ အဲသည့်ဖက် မရောက်ဖြစ်လောက်တော့ဘူး အန်တီ၊ ဟက်ပီးနယူးရီးယားပါ၊ အောင်မြင်ပျော်ရွှင်ပြီး ရာထူးတွေ တက်ပါစေ အန်တီ..” ဆိုတော့ တဟားဟားနဲ့ ရယ်နေလေရဲ့။ သွေးမတော် သားမစပ်ပေမယ့် အကျိုးလိုလားသူ အချင်းချင်း ရင်းနှီးခင်မင်ကြတာ ဓမ္မတာပါပဲလေ။ ကျောင်းဖွင့်ပွဲနေ့က ဧည့်သည်တွေ ပြန်သွားတော့ တံမြက်စည်း တစ်ချောင်းယူပြီး ခန်းမတစ်ခုလုံးကို လှည်းကျင်းပေးနေတဲ့ အန်တီကို မြင်လိုက်ရတော့ တော်တော်လေး အားနာသွားခဲ့ရတယ်။

“ရတယ် ကိုရန်အောင်၊ တော်ကြာ ပြောစရာ ဖြစ်သွားမှာစိုးလို့၊ ကိုယ်လုပ်စရာရှိတာ လုပ်ပါ” တဲ့။

တကယ်တော့ ကျောင်းဖွင့်ဖို့အတွက် အခန်းရှာနေချိန်မှာ ကူညီခဲ့တာလည်း အဲသည့်အန်တီပါပဲ။ အိမ်ပွဲစား နှစ်ယောက် ပြောင်းရှာတာတောင် စာသင်ခန်းအတွက် နေရာအဆင်မပြေ ဖြစ်နေခဲ့ရာကနေ သူက တရုတ်သတင်းစာ တစ်စောင်ယူလာခဲ့လို့ ကြော်ငြာတွေကို အကုန်ဖတ်ပြပေးတယ်။ သတင်းစာထဲက ကြော်ငြာတွေကို ဖုန်းခေါ်ပြီး တရုတ်လိုပြော၊ ကျွန်တော့်ကို မြန်မာလို ပြန်ပြော၊ ကျွန်တော်သိချင်တာကို ဟိုဖက်ပြန်ပြောနဲ့ နောက်ဆုံးမှာ လိုချင်တဲ့ အခန်းကို လိုချင်တဲ့ နေရာမှာ ရလိုက်တယ်။

သူ့သမီးအငယ် ကောလိပ်အက်ဆေးရေးဖို့ အခက်အခဲ ဖြစ်နေချိန်မှာ ကျွန်တော့်ကို ဖုန်းဆက်ခေါ်လို့ တစ်ပတ်လောက် ခေါင်းချင်းဆိုင်ပြီး ကူညီရေးပေးခဲ့တော့ သူကလည်း ကျေးဇူးတွေပြန်တင်ပြီး ခေါက်ဆွဲတွေ ကိုယ်တိုင်ကြော်ကျွေးလေရဲ့။

ဖတ်ခဲ့ဖူးတဲ့ ပုံပြင်လေးတစ်ပုဒ်ကို အမှတ်ရမိပြန်တယ်။

တစ်ခါက ခရီးသွားတစ်ယောက် သူတစ်ခါမှ မရောက်ဖူးတဲ့ မြို့တစ်မြို့ကို ရောက်လာခဲ့တယ်။ မြို့အဝင်တံခါးဝဘေးမှာ ပန်းတောင်းကြီးချလို့ ဈေးရောင်းနေတဲ့ အမျိုးသမီးကြီးက ပျူငှာစွာနဲ့ နှုတ်ခွန်းဆက်ပါတယ်။

“ကြိုဆိုပါတယ် မောင်ရင်”

ခရီးသွားက အမျိူးသမီးကြီးကို တစ်လှည့်၊ ပန်းတောင်းကြီးကို တစ်လှည့်ကြည့်ပြီး မေးလိုက်တယ်။

“အဒေါ်ကြီးရေ. သည်မြို့ကလူတွေက ဘယ်လိုပုံစံတွေ ရှိလဲခင်ဗျ.”

အမျိုးသမီးကြီးက တစ်ချက်ပြုံးလိုက်ပြီး ခရီးသွားကို ပြန်မေးလိုက်တယ်။

“မောင်ရင် လာခဲ့တဲ့ မြို့လေးက လူတွေကရော ဘယ်လိုပုံစံတွေရှိလဲ”

ခရီးသွားက စုတ်တစ်ချက်သပ်လို့ ညည်းညူလိုက်ပါတယ်။

“သိပ်ဆိုးတယ် အဒေါ်ရေ. သူတို့တွေက ကောက်ကျစ်စဉ်းလဲတယ်၊ လ်ိမ်ညာလှည့်ဖြားတတ်တယ်၊ ယုံလည်း မယုံရဘူး၊ ဘနဖူး သိုက်တူးမယ့် သူတွေချည်းပဲဗျ.”

“သည်မြို့ကလူတွေလည်း အဲလိုပါပဲ၊ သိပ်မခြားနားပါဘူး မောင်ရင်.” လို့ပြောပြီး အမျိုးသမီးကြီးဟာ ပန်းတွေကို ဆက်စည်းနေခဲ့တယ်။

ခဏကြာတော့ နောက်ထပ် ခရီးသွားတစ်ယောက် ရောက်လာခဲ့ပြန်တယ်။ အမျိူးသမီးကြီးက ထုံးစံအတိုင်း ပြုံးလို့ နှုတ်ဆက်ခဲ့တယ်။

“ကြိုဆိုပါတယ် မောင်ရင်”

ခရီးသွားက အမျိုးသမီးကြီးကို ပြုံးပြလို့ မေးပြန်တယ်။

“အဒေါ်ရေ. သည်မြို့ကလူတွေက ဘယ်လိုပုံစံတွေ ရှိပါသလဲ ခင်ဗျာ.”

အမျိုးသမီးကြီးက ပြုံးပြီး ခရီးသွားကို ပြန်မေးပြန်တယ်။

“မောင်ရင် လာခဲ့တဲ့ မြို့လေးက လူတွေကရော ဘယ်လိုပုံစံတွေရှိလဲ”

ခရီးသွားက အားရပါးရပြုံးလိုက်ပြီး ဝမ်းသာအယ်လဲ ပြန်ပြောပါတယ်။

“အရမ်းချစ်ဖို့ကောင်းတဲ့ လူတွေပေါ့ဗျာ။ ကူညီတတ်တယ်၊ အလုပ်လည်းကြိုးစားကြတယ်၊ ခင်မင်ဖို့လည်း သိပ်ကောင်းကြတယ်.”

အမျိုးသမီးကြီးက ပြုံးပြီး ခရီးသွားကို ပြန်ပြောလိုက်တယ်။

“သည်မြို့မှာလည်း အဲလိုလူတွေကို မောင်ရင်တွေ့ရပါလိမ့်မယ်ကွယ်” တဲ့…

တကယ်တော့ ကျွန်တော်တို့ရဲ့ အမြင်တွေက ကျွန်တော်တို့ရဲ့ အတွင်းစိတ်ကို ဖန်တီးသလို အတွင်းစိတ်တွေရဲ့ တုံ့ပြန်မှုကလည်း အမြင်အာရုံရဲ့ အရောင်တွေကို ဖြစ်ပေါ်စေတာကို သတိချပ်မိမယ်ဆိုရင် အပြန်အလှန် ကူညီရင်းက ချစ်စရာကောင်းတဲ့ မိတ်ဆွေအပေါင်းအသင်းတွေကို ပိုင်ဆိုင်လာမှာ လောကရဲ့ နိယာမတစ်ခုပေပဲပေါ့။

မကောင်းသူတွေ ရှိပေမယ့် ကိုယ့်ဖက်က စိတ်ထားပြန်ယုတ်မာစရာ မလိုဘဲ ကူညီချင်လို့ ကူညီပေးလိုက်တာ ဆိုတဲ့ စိတ်မျိုးထားနိုင်သရွေ့ “လူတိုင်းဟာ စေတနာနဲ့ မတန်ဘူး” ဆိုတဲ့ စကားကို ပြောမိကြမှာ မဟုတ်တော့ပါဘူး။

သည်နှစ်အတွက် နှစ်သစ်ဒိုင်ယာရီ စာမျက်နှာမှာ ဂန္ဒီကြီးရဲ့ ဆုံးမစကားတစ်ခုကို ထည့်ရေးဖို့ တေးထားမိလိုက်တယ်။

“Be the change you want to see in the world.”

….

ဒုတိယကျောင်းသားအိမ်မှာ စာသင်ပြီး အိမ်ချင်းနီးနေတာမို့ ကျောင်းသူတစ်ယောက်အိမ်ကို မက်ဆေ့ခ်ျပို့လို့ လှမ်းမေးဖြစ်ခဲ့တယ်။

“တနလာင်္နေ့အတွက် ပေးရမယ့် Global History Paper ရေးတာ ဘယ်လိုနေလဲ သမီး၊ ဆရာလာပြီး စစ်ပေးဖို့ လိုသေးလား”

"”အဆင်ပြေပါတယ် ဆရာ” ဆိုတာနဲ့ ဆေးဆိုင်ဖက် လျှောက်သွားပြီး ခဲရောင် ဒိုင်ယာရီ စာအုပ်လေးတစ်အုပ် ဝယ်နေချိန်မှာပဲ မက်ဆေ့ခ်ျတစ်ခု ဝင်လာခဲ့တယ်။

“သမီး ဘာဆက်ရေးရမှန်း မသိတော့ဘူး ဆရာ”

သည်ကလေးမလေးဟာလေ ဆိုပြီး တစ်ချက်ပြုံးလိုက်မိတယ်။

“သမီးအိမ်နဲ့ ဆရာနဲ့ ဝေးသွားပြီ၊ ကွန်ပျူတာနဲ့ စာအုပ်သယ်ပြီး ကော်ဖီဆိုင်ဖက်ကိုပဲ လာခဲ့လိုက်တော့” လို့ ပြန်ပို့လိုက်ရတယ်။

ကော်ဖီဆိုင်ထဲမှာ ကော်ဖီမှာနေချိန်မှာပဲ ဖုန်းထပ်ဝင်လာခဲ့တယ်။

“ဆရာ ကိုရန်အောင်လား မသိဘူး”

“ဟုတ်ကဲ့. ပြောနေပါတယ် ခင်ဗျာ.”

"”ကျောင်းဖွင့်တယ်ဆိုလို့ စုံစမ်းချင်လို့ပါ"”

"အစ်ကို့ သမီးက ဘယ်နှစ်တန်းလဲ မသိဘူး”

“၂ တန်းပါ၊ အင်္ဂလိပ်စာနဲ့ သင်္ချာပိုင်းလေး နည်းနည်း အားနည်းနေလို့ အဲဒါ လာသင်ပေးလို့ ရမလား မသိဘူး”

အတတ်နိုင်ဆုံး ချိုသာစွာနဲ့ ငြင်းဆန်လိုက်ရပါတယ်။

“အိမ်တွေကို လိုက်သင်တာ သည်နေ့ နောက်ဆုံးပါပဲ အစ်ကို. ကျွန်တော် နောက်ရက်တွေ ကျောင်းမှာပဲ ရှိပါလိမ့်မယ်”

ကျောင်းချိန်တွေ၊ သင်တန်းကြေးတွေ ဆက်မေးတာကို ပြန်ဖြေပြီးချိန်မှာတော့ သူ့ဖက်က ပြန်ပြောပါတယ်။

“ကျေးဇူးပါပဲ ကိုရန်အောင်၊ ကျွန်တော့်သမီးကို လာပို့လိုက်ပါမယ်” တဲ့.

ဖုန်းချပြီး မော့ကြည့်လိုက်ချိန်မှာ ကောင်တာက ကုလားမလေးက သွားဖွေးဖွေးလေးတွေ ပေါ်အောင် ပြုံးပြီး ပြောပါတယ်။

“Your coffee is ready, sir!”

ကော်ဖီနှစ်ခွက်ကို ခုံပေါ်တင်ပြီး အေးစက်နေတဲ့ လက်တွေကို အချင်းချင်း ပွတ်သပ်ရင်း အနွေးဓာတ်ရအောင် ယူနေခဲ့လိုက်တယ်။ ခဏနေတော့ ကျောင်းသူဝင်လာတာနဲ့ လက်ပြလှမ်းခေါ်ပြီး သူရေးလက်စ အက်ဆေးကို ဝိုင်းဖတ်ပေးဖြစ်ခဲ့တယ်။

သူရေးထားတဲ့ အက်ဆေးလေးကို ဖတ်ပြီး လိုတာလေးတွေကို ပြင်ပေးလိုက်တယ်။ ပြီးတော့ ထပ်ဖြည့်သင့်တာလေးတွေကို အကြံပေးပြီး အင်တာနက်ပေါ်မှာ ရှာဖတ်သင့်တဲ့ ဆောင်းပါးလေးတွေကို နည်းနည်း ရှင်းပြပေးလိုက်တယ်။ ကျောင်းသူလေးရဲ့ ခေါင်းစဉ်က စိတ်ဝင်စားစရာ ကောင်းသလို ရေးဖို့လည်း ခက်ပါတယ်။

“How did the French Revolution and Haitian Revolution affect the respective countries? Discuss your points of view politically, socially and economically.” တဲ့လေ။

အမေရိကားရဲ့ သင်ကြားရေးစနစ်မှာ စဉ်းစားတွေးခေါ်ပုံကို အဓိကထားပြီး သင်တာကို တော်တော်လေး နှစ်သက်မိတယ်။ ပါးစပ်ထဲကို အဆင်သင့် ခွံ့ကျွေးတာထက် ကျောင်းသား၊ကျောင်းသူကို စဉ်းစားခိုင်းပြီး ကိုယ်ထင်တာကို ရဲရဲဝံ့ဝံ့ သုတေသနလုပ်ပြီး တင်ပြခိုင်းတာ တကယ်တော့ ကျောင်းသား၊ ကျောင်းသူတွေရဲ့ စဉ်းစားတွေးခေါ်ပုံကို လေ့ကျင့်ပေးရုံသာမက ကိုယ်မှန်တယ်ထင်ရင် ရှေ့ထွက်ရဲတဲ့ ကိုယ်ရည်ကိုယ်သွေးကိုပါ လေ့ကျင့်ပေးနေတယ်လို့ ခံစားမိတယ်။

ကိုယ့်ကိုယ်ကို ယုံကြည်မှု အပြည့်နဲ့ ပြန်သွားတဲ့ ကျောင်းသူလေးကို နှုတ်ဆက်ပြီး အိမ်ကို ခပ်သွက်သွက် ပြန်လျှောက်လာခဲ့လိုက်တယ်။ နောက်ထပ် ကျောင်းသားလေးတစ်ယောက် စောင့်နေရှာရော့မယ်။

….

အိမ်ရောက်ပြီး ထမင်းအမြန်စားလို့ Singapore Math စာအုပ်လေးကို ကိုင်ပြီး ကျောင်းသားလေးအိမ်ဖက်ကို ထွက်လာခဲ့တယ်။ အိမ်ပေါ်ကို ရောက်တော့ မျက်နှာစိမ်း မိသားစု တစ်စုကိုတွေ့တယ်။ ကျောင်းသားမိဘတွေရဲ့ ဧည့်သည်တွေပဲလေလို့ တွေးလိုက်ချိန်မှာပဲ သူတို့က မတ်တပ်ရပ်လို့ နှုတ်ဆက်တယ်။

“ဆရာ့ကို တွေ့ချင်လို့ စောင့်နေတာ” တဲ့။

အချင်းချင်း မိတ်ဆက်တော့မှ သူတို့မိသားစုလေး အကြောင်းကိုပါ သိခွင့်ရလိုက်တယ်။ မလေးရှားက ပြောင်းလာပြီး တစ်နှစ်လောက်ပဲ ရှိသေးတဲ့ သူတို့သားလေးရဲ့ ပညာရေးအတွက် လာဆွေးနွေးတာပါတဲ့။

ကလေးက ၇ တန်းကျောင်းသားလေးပါပဲ။ International School မှာ တက်လာခဲ့တယ် ဆိုတာနဲ့ နည်းနည်းမေးမြန်းကြည့်လိုက်တယ်။ ပြီးတော့ သူ့ရဲ့ Report Card လေးကို ကြည့်လိုက်တော့ ကလေးက အိမ်စာတွေမှာ အမှတ်သိပ်မနည်းပေမယ့် ကျောင်းတွင်းစာမေးပွဲတွေ၊ အင်္ဂလိပ်စာ ဖတ်တာနဲ့ ရေးတာတွေမှာ အမှတ်တွေ တော်တော်လေး နည်းနေတာ တွေ့လိုက်ရတယ်။

ကလေးနဲ့ အပြန်အလှန် စကားပြောပြီးချိန်မှာ သိလိုက်ရတာက Immigrant ကလေးတွေရဲ့ ရုန်းကန်ရင်ဆိုင်ရတဲ့ Culture Shock (ယဉ်ကျေးမှု အပြောင်းအလဲ) က အဓိက ဖြစ်နေတာကို တွေ့လိုက်ရတယ်။ မိဘတွေကို စိတ်မပူဖို့နဲ့ အချိန်တစ်ခု ပေးပြီး ကလေးကို ဆွဲခေါ်သွားဖို့ ရှင်းပြပေးပြီး သူတို့မေးတဲ့ S.P.E.C စာသင်ကျောင်းမှာ သင်မယ့် အတန်းတွေအကြောင်း အသေးစိတ် ပြန်ရှင်းပြပေးခဲ့တယ်။

အပြန်အလှန် စကားတွေပြော၊ ကလေးအတွက် သိသင့်တာလေးတွေ ရှင်းပြပြီးချိန်မှာ အဖေလုပ်သူက လက်ဆွဲနှုတ်ဆက်လို့ ဝမ်းသာအားရ ပြောပါတယ်။

“ကျေးဇူး အရမ်းတင်ပါတယ် ဆရာ၊ ခရီးထွက်စရာလေး ရှိနေသေးလို့ ပြန်လာတာနဲ့ ကလေးကိစ္စ အသေးစိတ် ထပ်ပြောချင်ပါတယ်၊ မြန်မာစာနဲ့ အဘိဓမ္မာသင်မယ့် ကိစ္စကိုလည်း အရမ်းစိတ်ဝင်စားပါတယ်၊ ကလေးကိုလည်း လာပို့ချင်ပါတယ်၊ ကျောင်းအချိန်ဇယားလေးကို တစ်ချက် မေးလ်ပို့ပေးလို့ ရမလား” တဲ့.

သူတို့ မိသားစုလေး ပြန်သွားတော့မှ ကျောင်းသားလေးကို စာဆက်သင်ဖြစ်တယ်။

ကျောင်းသားလေး စာထိုင်လုပ်နေချိန်မှာ လွန်ခဲ့တဲ့ ၄ နှစ်လောက်က အဝတ်လျှော်ဆိုင်မှာ ပင်ပင်ပန်းပန်း အလုပ်လုပ်ခဲ့ရတဲ့ နေ့ရက်တွေကို ပြန်တွေးမိဖြစ်ခဲ့တယ်။

ငှက်တွေရဲ့ အားဟာ လေ၊ ငါးတွေရဲ့ အားဟာ ရေ တဲ့။

ဒါဆို ပညာဖြန့်ဝေလိုသူရဲ့ အားဟာ စာသင်ကျောင်းပဲပေါ့လို့ တွေးပြီး ပြုံးမိလိုက်ချိန်မှာ ကျောင်းသားလေးက မော့ကြည့်လို့ မေးပါတယ်။

“Is Santa Claus real?” တဲ့…

 ~ ရေခဲငှက် ~

ဇန်နဝါရီ (၁) ရက်၊ ၂၀၁၆ 

၁၂း၃၀

အလွမ်းသင့်ဒိုင်ယာရီ...

noreply@blogger.com (Yan) — Sat, 12 Dec 2015 05:59:00 +0000

တစ်ခါတလေတော့လည်း ဘာရယ်မဟုတ်ဘူး။ ကောင်းကင်ပြာမှာ ပြေးချင်တိုင်းပြေးနေတဲ့ တိမ်လွှာဖြူဖြူလေးတွေကို ငေးကြည့်ရင်း စိတ်ကူးတွေ ပျံ့လွင့်နေမိတယ်။ ဟုတ်တယ်လေ။ ကလေးတွေမှပဲ တိမ်တွေကို အကန့်အသတ်မဲ့ ငေးကြည့်ခွင့် ရထားတာမှ မဟုတ်တာ။ တကယ်ဆို ငေးကြည့်ဖြစ်ဖို့ စိတ်လေးရယ်၊ ငေးကြည့်ဖြစ်ဖို့ အချိန်လေးရယ်ပဲ လိုတာပါ။

ကိုယ့်ကိုယ်ကို ပြန်ငယ်ချင်လားမေးတော့လည်း အဖြေက မရေမရာ။ စာတွေပြန်မကျက်ချင်တော့လို့ မငယ်ချင်တာလည်း မဟုတ်။ အခုချိန်ထိ အလုပ်အတွက် လိုအပ်တဲ့ စာတွေကို နေ့တိုင်းလိုလို ကျက်မှတ်နေရတာ ကိုယ်တိုင်သာ အသိဆုံး။ ပြန်ငယ်ချင်လား၊ မငယ်ချင်တော့ဘူးလား။ မှားယွင်းခဲ့ဖူးတဲ့ အမှားတစ်ချို့ကို ပြန်ပြင်ဆင်ဖို့အတွက်တော့ ငယ်ချင်မိတယ်။ အဲသလို ပြန်ပြင်ခွင့်ရလိုက်ရင်ရော အခုလက်ရှိအနေအထားထက် ပိုကောင်းမွန်တဲ့ နေရာမှာ ရှိနေမှာလား။ Click ဆိုတဲ့ ရုပ်ရှင်ထဲကလို ရီမုတ်ကွန်ထရိုးလေးကို နှိပ်ပြီး အတိတ်ကို ပြန်သွား၊ ပြင်ချင်တာတွေ သွားပြင်ပြီး ကိုယ်လိုချင်တဲ့ ရလာဒ်တွေရအောင် လုပ်ယူချင်မိသလား။ အဲလိုမျိုး လုပ်ချင်တိုင်း လုပ်ခွင့်ရနေရင်လည်း ဘဝဆိုတာ အခက်အခဲတွေ၊ အမှားအယွင်းတွေ နည်းလွန်းလို့ ဆားမပါတဲ့ ဟင်းတစ်ခွက်လို ပေါ့ချွတ်ချွတ် ဖြစ်နေလောက်တယ်။ တကယ်တော့ ကျရှုံးခြင်းတွေ၊ နာကျင်ခံခက်ဖြစ်ရခြင်းတွေက အောင်မြင်မှုတွေ၊ ဝမ်းမြောက်ပီတိ ဖြစ်ရခြင်းတွေအတွက် အဖြည့်ခံတွေလို့လည်း ပြောလို့ရတယ်၊ တွန်းအားတွေလို့လည်း ပြောလို့ရတယ်။ မငယ်ချင်ပါဘူး။ အချိန်တွေကိုတော့ ပြန်လိုချင်မိတယ်။ နည်းနည်းတော့ အမြီးအမောက်မတည့်သလိုပဲ။ အဟတ်။ အဲသလို ရယ်ချလိုက်တာပဲ ခပ်ကောင်းကောင်း။

ဘလော့ဂ်မရေးဖြစ်တာလည်း ကြာပြီ။ မြန်မာပြည်ပြန်ရင် အချိန်တွေ ပိုထွက်လာပြီး ကုန်ကြမ်းတွေပိုရလာမယ်ဆိုတဲ့ မျှော်လင့်ချက်လေးတွေ၊ တစ်ပတ်တစ်ခါ ကော်ဖီဆိုင်လေးမှာ အေးအေးဆေးဆေးထိုင်ပြီး အတွေးလေးတွေကို ကွန့်မြူးလို့ စာလေးတွေ ရေးမယ်ဆိုတဲ့ စိတ်ကူးစိတ်သန်းလေးတွေ၊ တောင်တန်းဒေသတွေကို စိတ်ရှိတိုင်း ခရီးထွက်လို့ ဓာတ်ပုံလေးတွေ တဖျတ်ဖျတ်ရိုက်ရင်း ဒေသန္တရ ဆောင်းပါးလေးတွေ ရေးပစ်လိုက်မယ်ဆိုတဲ့ ခပ်တိုးတိုး ရင်ခုန်သံလေးတွေ။ ဒါတွေအားလုံးက လေယာဉ်ကွင်းက ဆင်းလို့ နောက်တစ်နေ့မနက် အလုပ်ထဲ ရောက်တဲ့အချိန်ကတည်းက ပြေးထွက်သွားလိုက်တာ မျက်ခြည်ကိုပြတ်လို့။ ဩော် မယုံနိုင်စရာပဲ။ မြန်မာပြည်မှာ တစ်နှစ်နဲ့ ရှစ်လတောင် နေဖြစ်ခဲ့လိုက်တယ်။

သည်နိုင်ငံကို ပြန်ရောက်လို့ လေယာဉ်ကွင်းက စထွက်လိုက်တော့ လွန်ခဲ့တဲ့ ၁၁ နှစ်ကျော်လောက်က အိပ်မက်တွေ တပုံကြီးနဲ့ ရောက်ရှိလာခဲ့ဖူးတဲ့ လူငယ်လေးတစ်ယောက်ကို ပြေးမြင်မိတယ်။ ကိုယ့်အနာဂတ်အတွက် ဘယ်လိုအခက်အခဲတွေပဲ လာလာ ရင်ဆိုင်ပစ်လိုက်မယ်ဆိုတဲ့ စိတ်တွေ၊ ကိုယ့်ကျောင်းစရိတ်ရဖို့အတွက် ဘယ်လိုအလုပ်မျိုးပဲ လုပ်ရလုပ်ရ လုပ်ပစ်လိုက်မယ်ဆိုတဲ့ ခိုင်ကျည်ပြတ်သားတဲ့ စိတ်တွေ၊ ကိုယ်လိုချင်တဲ့ ပညာရေးအတွက် ဘယ်လိုအတားအဆီးနဲ့ပဲ ကြုံကြုံ ထိုးဖောက်ပစ်မယ်ဆိုတဲ့ ဆုံးဖြတ်ချက်တွေ။

လူငယ်တစ်ယောက်မှာ ကောင်းမွန်တဲ့ စိတ်ကူးတွေကို အကန့်အသတ်မဲ့ ပိုင်ဆိုင်ခွင့် ရှိသလို အိပ်မက်ပိုင်ခွင့်လည်း ရှိတာပဲ။ တစ်ချို့အရာတွေကို ကြိုမြင်နိုင်ခဲ့ရင်တော့ တစ်ချို့အရာတွေကို မလုပ်ဖြစ်ဘဲ တစ်ချို့အရာတွေကို လုပ်ခဲ့မိမှာပေါ့။ မေ့ပစ်သင့်တဲ့ ဖြစ်ရပ်တစ်ချို့ရှိသလို မမေ့သင့်တဲ့ ဘဝသင်ခန်းစာ တစ်ချို့လည်း ရှိခဲ့တယ်။ တကယ်တော့ အဲသည့်လူငယ်လေးဟာ အောင်လည်း အောင်မြင်ခဲ့တယ်၊ ရှုံးလည်းရှုံးနိမ့်ခဲ့တယ်။ တိမ်လွှာဖြူဖြူတွေနောက်ကို ပြေးလိုက်ရင်း လဲကျခဲ့ဖူးသလို တိမ်လွှာဖြူဖြူတွေကို ငေးမောရင်း ဆုံးရှုံးခဲ့ရတဲ့ အားအင်တွေကို ပြန်ဖြည့်တင်းခဲ့ရတယ်။ ဘဝဆိုတာ ခရီးရှည်တစ်ခုပဲလေ။

လေပူတစ်ချို့ကို မှုတ်ထုတ်ရင်း လေယာဉ်ကွင်းထဲက ထွက်လာတော့ ရင်ခုန်သံတွေက လွန်ခဲ့တဲ့ ၁၁ နှစ်တုန်းကလောက်တော့ မမြန်တော့တာ သေချာတယ်။ လုပ်သင့်တာတစ်ချို့ လုပ်ခဲ့ပြီးပြီ။ လုပ်ချင်တာတစ်ချို့ ပြန်လုပ်ဖို့အတွက် ထားသင့်တဲ့ စိတ်ဓာတ်မျိုး ထားတတ်ဖို့က ပိုအရေးကြီးခဲ့ပြီလေ။ မမျှော်လင့်တဲ့ အခက်အခဲတွေကို မတုန်မလှုပ် ရင်ဆိုင်နိုင်ဖို့ ကိုယ့်ကိုယ်ကို လေ့ကျင့်နေသူတစ်ယောက်အတွက် တည်တည်ငြိမ်ငြိမ်လေး ထိုင်နေရင်း ကားရထား မှန်ပြတင်းပေါက်မှာ ပေါ်လာတဲ့ သစ်ပင်တွေ၊ တိုက်တာအဆောက်အအုံတွေ၊ ခပ်လှမ်းလှမ်းက အရှိန်အဟုန်နဲ့ ပြေးလွှားနေတဲ့ ကားတွေ၊ ကောင်းကင်ပေါ်မှာ အဆက်မပြတ် ပျံဝဲနေတဲ့ လေယာဉ်ပျံတွေကို သည်တိုင်းလေး ငေးကြည့်နေရတာ ပိုပြီးတော့ နေလို့ကောင်းသလို ခံစားရတယ်။

ဖတ်ခဲ့ဖူးတဲ့ ဇင် ရဟန်းတော်နှစ်ပါးရဲ့ ဇာတ်လမ်းလေးကို သတိရမိတယ်။ ဇင် ရဟန်းတော်နှစ်ပါး ခရီးသွားရင်း လမ်းခုလတ်မှာ ရေစီးသန်တဲ့ မြစ်တစ်စင်းကို တွေ့တယ်။ အဲသည့်မြစ်နားမှာ ဖြတ်ကူးဖို့ မဝံ့မရဲ ဖြစ်နေတဲ့ အင်မတန်မှ ချောမောလှပတဲ့ မိန်းမပျိုတစ်ယောက်ကိုလည်း တွေ့တယ်။ မိန်းမပျိုက မြစ်ကို ဖြတ်ကူးဖို့ သူမကို အကူအညီပေးနိုင်မလားလို့ မေးတဲ့အခါ ရဟန်းတော်နှစ်ပါးဟာ တစ်ယောက်ကိုတစ်ယောက် ကြည့်လိုက်ကြတယ်။ ဒါပေမယ့် ရဟန်းတော် အကြီးက ဘာမှမပြောဘဲ မိန်းမပျိုကို ထမ်းပိုးလို့ မြစ်တစ်ဖက်ကို ခေါ်သွားပြီး တစ်ဖက်ကမ်းမှာ အသာအယာ ချပေးခဲ့လိုက်တယ်။ ရဟန်းတော်အငယ်ဟာ စိတ်ထဲမှာ တော်တော်လေး ကသိကအောက် ဖြစ်နေခဲ့တယ်။ တစ်နာရီ၊ နှစ်နာရီ၊ နောက် သုံးနာရီလောက် ခရီးဆက်ပြီးတဲ့ အခါကျတော့ ဘယ်လိုမှ သည်းမခံနိုင်တော့တာနဲ့ ရဟန်းတော်အကြီးကို သူက မေးခွန်းထုတ်လိုက်တယ်။

“ငါ့ရှင်ဟာ ရဟန်းတရားနဲ့ မညီဘဲ အနှီ မာတုဂါမကို ထမ်းပိုးလုိ့ ကမ်းတစ်ဖက်ကို ပို့ခဲ့တယ်။ အသင့်လုပ်ရပ်ဟာ ဘယ်လောက်ထိ ရုပ်ဆိုးတယ်ဆိုတာ သင်သိပါရဲ့လား” တဲ့။

အဲသည့်တော့ ရဟန်းတော်အကြီးက

“အရှင်ဘုရား၊ တပည့်တော်က မာတုဂါမကို သယ်ပိုးပြီးခဲ့လို့ ကမ်းတစ်ဖက်မှာ ချခဲ့ပြီးပါပြီ။ အရှင်ဘုရားက အနှီမာတုဂါမကို အခုထိ သယ်ပိုးနေတုန်းပဲလား” လို့ ပြန်မေးလိုက်ပါတယ်။

အနှစ်ချုပ်လိုက်တော့ လူသားတွေဟာ အတိတ်က သူတို့ရဲ့ ခံစားချက်တွေ၊ နာကျင်မှုတွေကို လွှတ်မချနိုင်ဘဲ လက်ရှိအချိန်ထိ ဆက်လက်သယ်ယူရင်း ဘဝကို ကြည်ကြည်လင်လင် ရှင်းရှင်းသန့်သန့် နေထိုင်ဖို့ကို မေ့လျော့နေကြတယ်။ အတိတ်ရဲ့ ကျေးကျွန်ဖြစ်နေကြတယ်ဆိုတဲ့ ဇင် တရားတော်လေးကို မှတ်သားမိခဲ့ဖူးတယ်။

တကယ်တော့ အတ်ိတ်ကို လွှတ်ချနိုင်ဖို့အတွက် သတ္တိနဲ့ ဥာဏ်ပညာလိုတယ်ဆိုတာကို အတွေ့အကြုံနဲ့ ရင်းနှီးပြီးမှ သိခဲ့ရတယ်။ ဒါတွေကြောင့် ပြန်မငယ်ချင်တော့ပါဘူး။ တစ်ချို့အချိန်တွေက ကုန်ဆုံးခဲ့ပေမယ့် အရင်းအနှီးတွေ အဖြစ် ဘဝမှာ ပြန်အရေးပါလာတတ်တယ်။ ထိုက်တန်တဲ့ ပေးဆပ်မှု မရှိဘဲ ခိုင်မာတဲ့ ဘဝအတွေးအခေါ်တွေ ရလာဖို့ဆိုတာ မဖြစ်နိုင်ပါဘူးလေ။

နီးစပ်ရာ ဆိုင်တစ်ဆိုင်မှာ ဖုန်းကဒ်ဝယ်၊ ကိုယ့်နံပါတ်အသစ်ကို မှတ်မိအောင် ချရေးပြီး ဖုန်းစာအုပ်လေးထဲမှာ ရေးမှတ်ထားတဲ့ အရေးကြီးဖုန်းနံပါတ်လေးတွေကို ဆက်သွယ်လိုက်တယ်။

“ဟုတ်ကဲ့ ကျွန်တော် ပြန်ရောက်ပါပြီ။ လက်ဆောင်တွေလည်း ပါလာခဲ့တယ်။ ဘယ်တော့လောက် တွေ့ရင် အဆင်ပြေမလဲ”

မြေအောက်ခန်းလေးထဲကို ပြန်ဝင်လိုက်တော့ တစ်ချက်ပြုံးမိလိုက်တယ်။ သမိုင်းမှ တစ်ပတ်ပြန်လည်တာ မဟုတ်ဘဲ ကိုယ်တိုင်လည်း တစ်ပတ်ပြန်လည်နေခဲ့ပြီ ဆိုတဲ့ အတွေးတစ်ခုနဲ့ရယ်ပေါ့။ ဘယ်လိုအလုပ် ပြန်လုပ်မလဲ၊ ဘယ်သူတွေနဲ့ ပြန်ဆက်သွယ်မလဲ၊ ဘာတွေကို ဝယ်ရမလဲ၊ ဘယ်နေရာမှာ ရေရှည်နေထိုင်ဖို့ ဆုံးဖြတ်မလဲ ဆိုတဲ့ အတွေးတွေကို ခဏဘေးဖယ်လို့ ရေနွေးအိုးလေးတည်ပြီး ကော်ဖီတစ်ခွက် ဖျော်သောက်နေလိုက်တယ်။

“Well, it’s so good to be here again!”

အခန်းထဲမှာ ပစ္စည်းတစ်ချို့ကို နေသားတကျ ပြန်ထားပြီးတာနဲ့ ဒိုင်ယာရီ စာအုပ်လေးကို ထုတ်လို့ အခန်းသစ်တစ်ခု စရေးလိုက်တယ်။ လုပ်ချင်တာတွေ မရေးခင် မလုပ်ချင်တာတွေ အရင် ချရေးလိုက်တယ်။

“ဘယ်သူ့လက်အောက်မှာမှ အလုပ်မလုပ်ချင်ဘူး”

“ဘယ်သူ့မျက်နှာကိုမှ ကြည့်ပြီး အလုပ်မလုပ်ချင်ဘူး”

“ပိုက်ဆံပဲရပြီး မတိုးတက်တဲ့ အလုပ်တစ်ခုအတွက် အချိန်မကုန်ချင်ဘူး”

မလုပ်ချင်တဲ့ စာရင်းကို ရေးပြီးတော့ မျက်နှာချင်းဆိုင် စာမျက်နှာမှာ လုပ်ချင်တဲ့ စာရင်းကို ရေးဖြစ်တယ်။

“လူတွေ မက်မောတမ်းတတဲ့ အရာတွေထက် ကိုယ့်နှလုံးသားက လာတဲ့ အသံကိုပဲ နားထောင်ပြီး အလုပ်လုပ်ချင်တယ်”

“အွန်လိုင်းမှာ အချိန်ကုန်နေမယ့်အစား လက်တွေ့ဘဝထဲမှာ လက်တွေ့လူသားတွေနဲ့ ထိစပ်လို့ ဘဝကို အဓိပ္ပါယ်ရှိရှိ နေသွားချင်တယ်”

“ကိုယ်တတ်ကျွမ်းတဲ့ ပညာနဲ့ သမ္မာအာဇီဝ လုပ်ငန်းတစ်ခုကို စိတ်ဝင်တစား လုပ်သွားချင်တယ်”

ဘာလုပ်ရမယ်ဆိုတာနဲ့ ဘာမလုပ်ချင်ဘူးဆိုတာကို ပိုင်ပိုင်နိုင်နိုင် ဆုံးဖြတ်ထားလိုက်ပြီးတဲ့နောက် ဘာတွေပဲလာလာ ဘယ်အရာဟာ လုပ်သင့်ပြီး ဘယ်အရာဟာ မလုပ်သင့်ဘူးဆိုတာ အဖြေထွက်ပြီးသား ဖြစ်နေခဲ့တယ်။ ဘာတွေရချင်တယ်ဆိုတာထက် ဘာတွေပေးနိုင်မလဲ ဆိုတဲ့ ရွှေရောင်စည်းမျဉ်းတစ်ခုကို အခြေတည်လိုက်တာက ကိစ္စတော်တော်များများကို ဖြေရှင်းနိုင်မယ့် အညှာတစ်ခု ရလိုက်သလိုပါပဲ။

မြစ်တစ်ခုမှာ ရေနှစ်ခါမချိုးနိုင်ပေမယ့် စီးနေတဲ့ ရေတွေကိုတော့ အကြိမ်ပေါင်းများစွာ ငေးကြည့်နိုင်တယ်။ လူပေါင်းများစွာနဲ့လည်း ပြောဆိုဆက်ဆံခဲ့ဖူးပြီ။ ကိုယ့်ကို လှည့်စားသူတွေနဲ့ ကြုံခဲ့ဖူးသလို ကိုယ်က လှည့်စားခဲ့သူတွေရဲ့ ဒဏ်ရာတွေအတွက်လည်း ကိုယ်ချင်းစာမိခဲ့ပြီ။ မသေခင်စပ်ကြားမှာ ဘဝကို အကောင်းဆုံးနေတော့မယ်လို့ ဆုံးဖြတ်မိလိုက်ကတည်းက ရရှိခြင်း၊ မရရှိခြင်း၊ ပိုင်ဆိုင်ခြင်း၊ မပိုင်ဆိုင်ခြင်း၊ ချစ်ခင်ခြင်း၊ မုန်းတီးခြင်းတွေက သိပ်အရေးမပါတော့သလို ခံစားလာမိခဲ့တယ်။ ကိုယ်လုပ်နိုင်တာ လုပ်ပေး၊ ကိုယ်လုပ်နိုင်သမျှ လုပ်ပေးဖို့ပဲ အရေးကြီးတယ်။ တစ်ဖက်က ကိုယ့်စေတနာကို သဘောပေါက်ခြင်း၊ မပေါက်ခြင်း၊ တုံ့ပြန်ခြင်း၊ မတုံ့ပြန်ခြင်းက အရေးမကြီးတော့ဘူး။ သည်လိုနဲ့ပဲ ဘဝကို ကွက်လပ်တွေနဲ့ နေတတ်လာခဲ့တယ်။ ကွက်လပ်တွေ များတာကြောင့်လည်း နားလည်ရခက်သူရယ်လို့ မိတ်ဆွေတစ်ချို့က နောက်ကွယ်မှာ တီးတိုးတီးတိုး သဖန်းပိုး လုပ်ကြပြန်တယ်။

ဘဝကို အကောင်းဆုံးနေဖို့ နည်းနှစ်ခုကို တွေ့လာမိတယ်။ လူကောင်းတစ်ယောက်ဖြစ်အောင် နေဖို့ (သို့မဟုတ်) လူဆိုးတစ်ယောက်ဖြစ်အောင် မနေဖို့။ ကိုယ်တိုင်လည်း အပြစ်ကင်းသူ တစ်ယောက် မဟုတ်လေတော့ လူတိုင်းမျက်စိထဲမှာတော့ ပန်းသီးတစ်လုံး မဖြစ်နိုင်ဘူးပေါ့လေ။ အတိတ်ကို လွှတ်ချနိုင်ခဲ့ပြီးနောက်မှတော့ ပစ္စုပ္ပန်ကို ကောင်းကောင်း စူးစိုက်နိုင်ပြီပေါ့။ မသယ်ချင်တော့ဘူး။ ဘဝက တစ်ခါတလေ သိပ်လေးလွန်းတယ်။

တစ်ခါတလေတော့လည်း ဘာရယ်မဟုတ်ဘူး။ ကမ်းစပ်ကို တဝုန်းဝုန်း ပုတ်ခတ်နေတဲ့ ရေလှိုင်းလေးတွေရယ်၊ နေရောင်အောက်မှာ ဖွာခနဲ ဖြာဆင်းသွားတဲ့ လှိုင်းခေါင်းဖြူလေးတွေရယ်ကို ငေးကြည့်ရင်း စိတ်ကူးတွေ ယဉ်နေမိတယ်။ ဟုတ်တယ်လေ။ ကလေးတွေမှပဲ ရေလှိုင်းလေးတွေကို အကန့်အသတ်မဲ့ ငေးကြည့်ခွင့် ရထားတာမှ မဟုတ်တာ။ တကယ်ဆို ငေးကြည့်ဖြစ်ဖို့ စိတ်လေးရယ်၊ ငေးကြည့်ဖြစ်ဖို့ အချိန်လေးရယ်ပဲ လိုတာပါ။

~ ရေခဲငှက် ~

ဒီဇင်ဘာ ၁၂ ရက်၊ ည ၁၂း၅၈

မက်တာမော်ဖိုးဆစ် ကောက်ကြောင်း

noreply@blogger.com (Yan) — Sat, 31 Aug 2013 09:38:00 +0000

(၁)

ဘလော့ဂ်ဆိုတာကြီးနဲ့ ကျွန်တော်စတင် ရင်းနှီးခဲ့တာ ၂၀၀၆ ခုနှစ် နှောင်းပိုင်းကာလလောက်မှာပါ။ အဲဒီ့အချိန်တုန်းက ကျောင်းလေးပြေးတက်လိုက်၊ အချိန်ပိုင်းအလုပ်လေး ပြေးလုပ်လိုက်နဲ့ ဘဝရည်မှန်းချက်တွေနောက်ကို မျက်ခြည်မပြတ် ဆက်တိုက်လိုက်နေခဲ့ပေမယ့်လည်း အားလပ်ချိန်လေးတွေမှာ အိမ်ကထည့်ပေးလိုက်တဲ့ မြန်မာစာအုပ်လေးတွေကို ဖတ်ရတာလောက် ပျော်ရွှင်နှစ်သက်ခဲ့မိတာမျိုး မရှိခဲ့ဖူးဘူး။ နောက်ပိုင်း သတင်းဝက်ဘ်ဆိုက်လေးတွေ ခေတ်စားလာတော့ ခေတ်ပြိုင်၊ ဒီဗွီဘီ၊ မိုးမခ စတဲ့ နေရာလေးတွေမှာ ကျင်လည်ဖြစ်ခဲ့သလို ရသစာပေလေးတွေကို စုစည်းတင်ပေးထားလေ့ရှိတဲ့ အိပ်မက်ဒေါ့ကွန်း၊ သံလွင်အိပ်မက် စတဲ့ဝက်ဘ်ဆိုက်လေးတွေဆီကိုပါ ရောက်ဖြစ်လာခဲ့တယ်။ အဲဒီ့မှာပဲ တဖြည်းဖြည်းနဲ့ ခေတ်ဦးဘလော့ဂါတစ်ချို့ ရေးထားတဲ့စာလေးတွေကို စတင်ဖတ်ရှုခွင့် ရလာခဲ့တယ်။ ရှေ့ကစီနီယာ ဘလော့ဂါတွေကတော့ ယောင်္ကျားလေးတွေထဲမှာဆိုရင် ကိုညီလင်းဆက်၊ ကိုမောင်လှ၊ ကိုသခင်ကြီး၊ Arloo၊ ByteOrder နဲ့ ကိုကယ်(လ်)ဗျင်ကြီး၊ မိန်းကလေးတွေထဲမှာဆိုရင်တော့ မမေဓာဝီ၊ မနိုင်းနိုင်းစနေ၊ မအိမ့်ချမ်းမြေ့နဲ့ မဟနစံ စတဲ့ ဘလော့ဂါတွေပါပဲ။

ဘလော့ဂ်ဆိုတာကိုအင်္ဂလိပ်လို ရေးနေကြတာ မြင်ဖူးဖတ်ဖူးနေခဲ့ပေမယ့်လည်း မြန်မာလို ရေးလို့ရတယ်ဆိုတာကို သိလိုက်ရတဲ့အချိန်မှာ ကျွန်တော်တစ်ယောက် အရမ်းကို ရူးသွပ်သွားခဲ့မိတယ်။ ‘ငါလည်း သူတို့လို ရင်ထဲရှိသမျှ အကြောင်းအရာလေးတွေကို ရေးတတ်ချင်လိုက်တာ၊ မြန်မာဘလော့ဂ်လေးတစ်ခု လုပ်တတ်ချင်လိုက်တာ’ ဆိုတဲ့စိတ်လေး တဖွားဖွားနဲ့ပေါ့။

အဲဒီ့အချိန်တုန်းက တစ်ခြားမြန်မာစကားလုံးတွေ ပေါ်နေခဲ့ပြီ ဆိုပေမယ့် ဘလော့ဂ်မှာ မြန်မာလိုရေးဖြစ်ဖို့ အများစုရွေးချယ်ဖြစ်ခဲ့ကြတာကတော့ ဇော်ဂျီဖောင့်ပါ။ ဘလော့ဂ်တစ်ခု တည်ဆောက်နည်းကစလို့ ဘလော့ဂ်မှာ မြန်မာဖောင့်သွင်းနည်း၊ FireFox တို့ Internet Explorer တို့မှာ မြန်မာစာပေါ်အောင် Setting ပြောင်းနည်းစတာတွေကို စိတ်ရှည်လက်ရှည်နဲ့ ပို့စ်လေးတွေတင်ပြီး ရှင်းလင်းရေးသားပေးခဲ့တဲ့ ခေတ်ဦးဘလော့ဂါတွေကို တကယ်ပဲ ကျေးဇူးတင်မိတယ်။ ဘလော့ဂ်တစ်ခု တည်ဆောက်ရာမှာ ကြုံတွေ့လာရနိုင်တဲ့ အခက်အခဲလေးတွေကို Screenshot ပုံလေးတွေရိုက်လို့ စိတ်ရှည်လက်ရှည် ရှင်းပြလိုရှင်းပြ၊ ကော်မန့်မှာလာမေးတဲ့ မေးခွန်းလေးတွေကို ပြန်ဖြေလိုပြန်ဖြေနဲ့ တကယ်ကို လက်တွဲခေါ်ခဲ့ကြတယ်။ ဒါ့အပြင် မြန်မာဘလော့ဂါတွေရဲ့ ဘလော့ဂ်နာမည်လေးတွေကို စုစည်းပြီး ဖော်ပြပေးထားတဲ့ မြန်မာဘလော့ဂ်လမ်းညွှန်(Myanmar Blogs Directory) ဘလော့ဂ်လေးတစ်ခုကိုလည်း လုပ်ပေးထားခဲ့ကြတယ်။ ကိုယ့်ဘလော့ဂ်နာမည်လေး ပါချင်တယ်ဆိုရင် အဲဒီ့ဘလော့ဂ်လမ်းညွှန်ရဲ့ ပို့စ်လေးအောက်မှာ ကော်မန့်လေးသွားရေးခဲ့ရုံပဲ။ နောက် သုံးလေးရက်၊ ဒါမှမဟုတ် တစ်ပတ်လောက်ကြာရင် ကိုယ့်ဘလော့ဂ်နာမည်လေးကို မြင်လာရတဲ့အချိန်မှာ ဘာရယ်မဟုတ်ဘဲ ရင်ထဲမှာ ပီတိလေးတစ်ခုကို ဖြစ်လို့။

(၂)

ဘလော့ဂ်တစ်ခု စတည်ဆောက်လိုက်တဲ့ အချိန်မှာ သူများတွေလို ကလောင်နာမည်တွေ ဘာတွေပေးဖို့ ရည်ရွယ်ချက် မရှိခဲ့သေးဘူး။ လောလောဆယ် ရေးချင်တာရေးရပြီးရော ဆိုတဲ့စိတ်လေးနဲ့ပဲ ဘလော့ဂ်တစ်ခုကို ခပ်လွယ်လွယ် တည်ဆောက်လိုက်တယ်။ ပြီးတော့ မြန်မာဖောင့်လေးတွေ သွင်းတယ်။ ကိုယ့်ဘလော့ဂ်လေးကို ကျောင်းခန်းထဲက တစ်ခြားကွန်ပျူတာလေးတွေနဲ့ ပြန်လိုက်ဖတ်ကြည့်လိုက်၊ Template ပြောင်းတာလေးတွေ လုပ်ကြည့်လိုက်နဲ့ ဈာန်ဝင်စားပြီး နစ်မျောနေခဲ့မိလိုက်တာများ သောကြာ၊ စနေလို ညမျိုးတွေဆို သူငယ်ချင်း ကျောင်းသားတွေ ပါတီမှာ ကဲနေသလောက် ကျွန်တော်ကတော့ အခန်းလေးထဲမှာ တကုပ်ကုပ်နဲ့ ကိုယ့်ဘလော့ဂ်ကို ကောင်းကောင်းကလိနေခဲ့မိတဲ့အထိ။ ဘာတွေပြန်ရမယ် မရဘူးဆိုတဲ့ အတွေးမျိုးတော့ စိုးစဉ်းမျှ မရှိခဲ့ပါဘူး။ လုပ်ချင်တာလေးကို စိတ်ဝင်စားမှုအပြည့်နဲ့ လုပ်နေရရင်ကို ကျေနပ်နေတတ်တဲ့ စိတ်ခံစားချက်မျိုးလေးနဲ့ပါပဲ။

စရေးဖြစ်ခါစတုန်းကတော့ ဘာရယ်မဟုတ်ဘူး။ ဖတ်ဖူးမှတ်ဖူးတဲ့ စာတိုပေစလေးတွေကို တစ်ခြားသူတွေ ဖတ်စေချင်တဲ့ စိတ်လေးနဲ့ ပြန်ပြီးရိုက်တင်တာမျိုး၊ နေ့စဉ်ဖြတ်သန်းမှု ဘဝပုံရိပ်လေးတွေထဲက အဆင်မပြေမှုလေးတွေကို ဟာသလေးနှောပြီး ပြန်လည်ဖောက်သည်ချတာမျိုး၊ ဘလော့ဂါတစ်ယောက်နဲ့ တစ်ယောက်စကြ၊ နောက်ကြတဲ့ တက်(ဂ်)ပို့စ်လေးတွေကို အပျော်သဘော ရေးတာမျိုးလောက်ပဲ ရှိခဲ့တယ်။ နောက်ပိုင်းမှာ ကိုယ့်ဘလော့ဂ်အတွက် လိုင်းတစ်ခုခုတော့ ယူပြီးရေးသင့်တယ်လို့ ထင်လာမိတယ်။ သူများတွေလို ရသဝတ္ထုလေးတွေ၊ ကဗျာလေးတွေ ကျွန်တော်က မရေးတတ်လေတော့ ကိုယ်တတ်နိုင်တာကို ပြန်ကြည့်တဲ့အခါမှာ ဘလော့ဂ် ကလိတာကို စိတ်ဝင်စားတယ်လို့ ကိုယ့်ကိုယ်ကို မှတ်ချက်ချမိလိုက်တယ်။

ဒီလိုနဲ့ပဲ ဘလော့ဂ်တစ်ခုကို အီးအိုတီထည့်နည်း (မြန်မာစာမထည့်ထားတဲ့ ဘယ်ကွန်ပျူတာကနေမဆို ကိုယ့်ဘလော့ဂ်ကို မြန်မာလို ဖတ်လို့ရအောင်လုပ်တာပါ)၊ Music Player လေးတွေနဲ့ သီချင်းတင်နည်း၊ CBox လေးတွေကို အလှဆင်နည်း၊ တန်းပလိတ်လေးတွေကို ပြင်နည်းစတဲ့ နည်းပညာပိုင်းဆိုင်ရာTutorial ပို့စ်လေးတွေကို ဆက်တိုက်ဆိုသလို ရေးဖြစ်လာခဲ့တယ်။ အဲဒီ့အချိန်တုန်းက ကျွန်တော့်နည်းတူ နည်းပညာပိုင်းဆိုင်ရာပို့စ်လေးတွေကို ရေးဖြစ်နေတဲ့ ဘလော့ဂါတွေ ရှိကြပါတယ်။ ထင်ထင်ရှားရှား မှတ်မိနေခဲ့တာတွေကတော့ ကိုစေတန်ဂေါ့၊ ကိုဖိုးချမ်း (ချမ်းမြစိုး)နဲ့ ကိုမင်းကျော် တို့ပဲ ဖြစ်ပါတယ်။ နောက်ထပ်မျိုးဆက်သစ်အနေနဲ့ ကိုသံလုံငယ်၊ ကိုညီနေမင်း စတဲ့ဘလော့ဂါတွေက နည်းပညာပိုင်းဆိုင်ရာ ပို့စ်လေးတွေကို ဆက်လက်ရေးသားဖြစ်တာကို သတိထားလာမိခဲ့တယ်။

ကျွန်တော်ဘလော့ဂ်စရေးဖြစ်တဲ့ နောက်ပိုင်းမှာတော့ ကိုညီလင်းဆက်တို့၊ ကိုမောင်လှတို့က နည်းပညာပိုင်းဆိုင်ရာပို့စ်တွေကို သိပ်ပြီးမရေးတော့သလောက် ဖြစ်သွားကြတယ်။ သူတို့လုပ်ပေးနိုင်သလောက် လုပ်ပေးခဲ့ပြီးပြီလို့ ယူဆမိလို့လည်း ဖြစ်ကောင်းဖြစ်နိုင်ပါတယ်။ ကျွန်တော့်အနေနဲ့တော့ ဘလော့ဂ်နည်းပညာပို့စ်လေးတွေအတွက် ကုန်ကြမ်းရနိုင်မယ့် တစ်ခြားနိုင်ငံပေါင်းစုံက ဘလော့ဂါတွေရဲ့ Tutorial Post လေးတွေကို ကျယ်ကျယ်ပြန့်ပြန့် လိုက်လံဖတ်ဖြစ်ခဲ့တယ်။ ပြီးတော့ သူတို့ပြောတာလေးတွေကို စမ်းသပ်ကြည့်ဖို့အတွက် Test Blog လေးတွေကိုလည်း တည်ဆောက်ခဲ့တယ်။ ကျောင်းကပြန်လာတာနဲ့ ကျောပိုးအိတ်ကို ကုတင်ပေါ်ပစ်တင်၊ အဆာပြေမုန့်စားပြီး ကျွန်တော်ဖတ်ထား၊ စမ်းထားတာလေးတွေကို ပုံလေးတွေနဲ့တွဲလို့ ဝေဝေဆာဆာလေးတွေ တင်ပေးခဲ့တယ်။ စာသင်တာကို ဝါသနာပါခဲ့တဲ့ အထုံပါရမီကြောင့်ပဲ ထင်ပါရဲ့။ နည်းပညာပို့စ်လေးတွေအတွက် ရှင်းပြ၊ ရေးပြပေးခဲ့ရတာတွေကို မောတယ်ပမ်းတယ်လို့ ကျွန်တော်မယူဆခဲ့မိဘဲ ပျော်ရွှင်နေခဲ့မိတယ်။ နည်းပညာပို့စ်လေးတွေအပြင် ကြားညှပ်လို့ ကဗျာလေးတွေ၊ အက်ဆေးလေးတွေ၊ အပျော်တမ်း ဝတ္ထုတိုလေးတွေ စမ်းသပ်ရေးကြည့်ဖြစ်ခဲ့တယ်။

ဒါ့အပြင် စိတ်တူကိုယ်တူ ဘလော့ဂါတွေ စုပေါင်းတည်ထောင်ထားခဲ့တဲ့ မြန်မာဘလော့ဂါဖိုရမ်မှာလည်း ဖိုရမ်ထိန်း (မော်ဒရေတာ) တစ်ယောက်အနေနဲ့ တက်တက်ကြွကြွ ဝင်ရောက်ဆွေးနွေးဖြစ်ခဲ့တယ်။ အတိုင်းအတာတစ်ခုထိ ကိုယ့်ဖက်က အချိန်တွေ ပေးဆပ်ခဲ့ရတဲ့အတွက် ဘဝအောင်မြင်ရေးအတွက် ကြိုးစားနေခဲ့ချိန်လေးတွေထဲက ပဲ့ထွက်ဆုံးရှုံးမှုတွေ ရှိကောင်းရှိခဲ့နိုင်ပါတယ်။ ဒါပေမယ့် ကိုယ့်မြန်မာလူငယ်တွေ အချင်းချင်းကြားမှာ နည်းပညာပြန့်ပွားသည်ထက် ပြန့်ပွားအောင် တတ်နိုင်သလောက် အပြန်အလှန် ယိုင်းပင်းကူညီနေခြင်းဆိုတဲ့ ခံစားချက်လေးက အလုပ်ကိစ္စ၊ ကျောင်းကိစ္စနဲ့ ပင်ပန်းနွမ်းလျနေတဲ့ စိတ်အမောကို ဖြေဖျောက်ပေးစွမ်းနိုင်ခဲ့တယ်။ ဒါကြောင့်မို့ ကျောင်းစာတွေကိုလည်း နိုင်အောင်ထိန်းရင်း တစ်ဖက်မှာလည်း ဘလော့ဂ်ပို့စ်လေးတွေကို ပုံမှန်ဆက်ရေးဖြစ်ခဲ့တယ်၊ ဖိုရမ်မှာလည်း အချိန်မှန်မှန် ဝင်ရောက်ဆွေးနွေးဖြစ်ခဲ့တယ်။ အခုတော့ အဲဒီ့မြန်မာဘလော့ဂါ ဖိုရမ်လေးလည်း ဘယ်ဆီရောက်သွားတယ် မသိတော့ပါဘူး။

ဒါပေမယ့် အဲဒီ့ဖိုရမ်လေးကတဆင့် ကျွန်တော်တို့ မြန်မာဘလော့ဂါတွေ ပိုမိုစည်းလုံးလာခဲ့ကြတယ်။ ကမ္ဘာအရပ်ရပ်မှာ ရှိနေခဲ့ကြတဲ့ မြန်မာဘလော့ဂါတွေ စုပေါင်းပြီး အပျော်တမ်း စာအုပ်လေးတစ်အုပ် စုစည်းထုတ်ဝေဖို့ထိ ကြိုးစားခဲ့ကြတယ်။ စိတ်ဝင်စားတဲ့ ဝါသနာရှင်တွေရဲ့ ပို့စ်လေးတွေကို စုစည်းပြီး စာအုပ်လေးတစ်အုပ် ဖြစ်မြောက်ဖို့ ကြိုးစားခဲ့ကြရာမှာ စာမူစုစည်းဖော်ပြရေးအဖွဲ့၊ စာမူရွေးချယ်ရေးအဖွဲ့၊ ရန်ပုံငွေကောက်ခံရေးအဖွဲ့၊ စာအုပ်နာမည်ရွေးချယ်ရေးအဖွဲ့ စသည်ဖြင့် ကော်မတီလေးတွေဖွဲ့လို့ တက်ညီလက်ညီ လက်တွဲဆောင်ရွက်ခဲ့ကြတယ်။ တစ်ယောက်နဲ့တစ်ယောက် ကမ္ဘာကြီးတစ်ဖက်ဆီမှာ ခြားနေခဲ့တယ်ဆိုတဲ့ နယ်တွေစည်းတွေဟာ ကျွန်တော်တို့ ဘလော့ဂါတွေအကြားမှာတော့ ရယ်စရာတစ်ခုလိုကို ဖြစ်လို့။ အဲဒီ့တုန်းက ပေးခဲ့တဲ့ ဘလော့ဂ်စာအုပ်လေးရဲ့ နာမည်လေးကို မှတ်မိနေသေးတယ်။ “အနာဂတ်လှိုင်း၏ ဆုံမှတ်များ” တဲ့။

(၃)

၂၀၀၇ ရွှေဝါရောင် တော်လှန်ရေးနဲ့အတူ မြန်မာဘလော့ဂ်တွေ တဟုန်ထိုးခေတ်စားလာခဲ့တယ်။ ဘလော့ဂ်တစ်ခု တည်ဆောက်ရတာဟာလည်း ငှက်ပျောသီးအခွံခွာစားရတာထက်တောင် ပိုမိုလွယ်ကူလာခဲ့တယ်။ ဒါ့အပြင် ဒီမိုကရေစီ အရေးလှုပ်ရှားတက်ကြွတဲ့ ဘလော့ဂါတွေနဲ့ စစ်အစိုးရဖက် ထောက်ခံရေးသားတဲ့ ဘလော့ဂါတွေဆိုပြီး ကွဲပြားလာကြပြန်တယ်။ ဘလော့ဂ်တွေရဲ့ လွှမ်းမိုးလှုပ်ကိုင်နိုင်စွမ်းကို သဘောပေါက်နားလည်ခဲ့တဲ့ စစ်အစိုးရကလည်း မြန်မာဘလော့ဂ်တွေကို အငြိုးထားပြီးတော့ကို ပိတ်ပင်ချေမှုန်းခဲ့တယ်။ ဘလော့ဂါ ကိုနေဘုန်းလတ်ကို အီလက်ထရွန်းနစ် အက်ဥပဒေအကြောင်းပြပြီး ဖမ်းဆီးထောင်ချခဲ့တယ်။ ဘလော့ဂါတွေ မှတ်လောက်သားလောက်အောင် ဆိုတဲ့ သဘောနဲ့ စံနမူနာထားပြီး ခပ်ကြမ်းကြမ်း အရေးယူပြခဲ့တယ်။

အရောင်တွေဝင်လာတဲ့ ဘလော့ဂ်တွေအကြားမှာ အရင်တုန်းကလို ဘလော့ဂါတွေ အချင်းချင်း ပျော်ပျော်ရွှင်ရွှင် ကူးလူးယှက်နွယ်ပြီး စခဲ့နောက်ခဲ့ကြတာတွေဟာလည်း အရှိန်နည်းနည်းတန့်ကုန်ကြတယ်။ ဘလော့ဂ်တွေရဲ့ ကော်မန့်တွေနေရာမှာလည်း ချစ်စဖွယ် စကားလုံးလေးတွေအစား ရုန့်ရင်းကြမ်းတမ်းတဲ့ ဝေါဟာရတစ်ချို့ အစားဝင်ရောက်လာခဲ့တယ်။ ဘလော့ဂါတစ်ဦးနဲ့ တစ်ဦးကြားမှာလည်း သတိလေးထားလို့ ဆက်ဆံပြောဆိုတတ်လာကြတယ်။ ဒီလိုနဲ့ ဘလော့ဂါတစ်ချို့ စိတ်ပျက်လက်ပျက်ဖြစ်ပြီး ဘလော့ဂ်ရေးသားခြင်းကနေ အပြီးအပိုင် အနားယူခဲ့ကြသလို ဘလော့ဂါတစ်ချို့လည်း ဂုဏ်သတင်း ပိုမိုထင်ပေါ်လာခဲ့ကြတယ်။ နစ်နေမန်း၊ ဆုံစည်းရာ၊ ရဲရင့်(ကနေဒါ)၊ ဖိုးတရုတ်၊ ယောဟန်အောင်၊ မင်းဒင်စတဲ့ ဘလော့ဂါတွေကို လူသိပိုများလာခဲ့ကြတယ်။

ဘလော့ဂါတွေကြား ကျယ်ပြန့်လာခဲ့တဲ့ အက်ကြောင်းလေးတစ်ခုနဲ့အတူ ကျွန်တော်တို့ရဲ့ ဘလော့ဂ်စာအုပ် ထုတ်ဝေဖို့အစီအစဉ်လေးဟာလည်း တဖြည်းဖြည်း ရေစုန်မျောသွားခဲ့ရတယ်။ တစ်ခုအဖတ်တင်လိုက်တာကတော့ ဘလော့ဂါဖိုရမ်ကနေ တဆင့် မြန်မာပြည်ရဲ့ ပထမဆုံးဘလော့ဂ်ဒေးကို ကျင်းပဖို့ တိုင်ပင်စီစဉ်နိုင်ခဲ့ကြတယ်။ ဘလော့ဂ်ဒေး ကျင်းပဖို့အတွက် ရန်ပုံငွေလေးတွေကိုတောင် လုပ်ခလစာလေးထဲကနေ တစ်နိုင်ပို့ဖြစ်လိုက်သေးတယ်။ ရန်ကုန်နဲ့ မန္တလေးမှာ ဘလော့ဂ်ဒေး ကျင်းပကြတာလေးတွေကို လိုက်ဖတ်ရင်း ဘလော့ဂ်ဒေးကို တစ်နေ့တော့ ကိုယ်တိုင်ကိုယ်ကျ တက်နိုင်အောင် ကြိုးစားဦးမယ်ဆိုတဲ့ စိတ်လေးတောင် ဖြစ်ခဲ့မိဖူးပါရဲ့။ ဘလော့ဂ်ဒေးနဲ့အတူ မြန်မာဘလော့ဂါရပ်ဝန်း (သို့) Myanmar Bloggers Society (MBS) ဆိုတဲ့ အဖွဲ့အစည်းလေးတစ်ခုကိုလည်း တည်ထောင်နိုင်ခဲ့ကြတယ်။ MBS ရဲ့ လက်စွဲဆောင်ပုဒ်လေးက “We Unite. We Blog” တဲ့။

၂၀၀၇ နောက်ပိုင်းမှာတော့ ကျွန်တော်လည်း တဖြည်းဖြည်း စာရေးကျဲလာခဲ့တယ်။ နောက်ပိုင်း တစ်လကို တစ်ပုဒ်မပြောနဲ့၊ သုံးလေးလနေလို့မှ တစ်ပုဒ်တောင် ရေးမထွက်တော့ပါဘူး။ ဒီလိုနဲ့ပဲ ကျွန်တော့်ဘလော့ဂ်လေးလည်း ဖုတ်လှိုက်ဖုတ်လှိုက်နဲ့ အသက်ငင်နေခဲ့တာ ဒီနေ့ဒီအချိန်ထိပါပဲ။ ပိုဆိုးသွားစေတာက မြန်မာလိုရေးနိုင်တဲ့ ဖေ့စ်ဘွတ်ခ်ဆိုတာကြီး ပေါ်လာခဲ့တယ်။

ဖေ့စ်ဘွတ်ခ်ရဲ့ လွှမ်းမိုးမှုကို အစက အဲဒီ့လောက်ထိ ထည့်တွက်မထားမိခဲ့ဘူး။ ကိုယ့်ဖာသာ ဘလော့ဂ်မှာ ရေးတာက တစ်ပိုင်း၊ ဖေ့စ်ဘွတ်ခ်သုံးတာက တစ်ပိုင်းလို့ပဲ ခပ်လွယ်လွယ် မှတ်ယူထားခဲ့မိတယ်။ ဒါပေမယ့် နောက်ပိုင်းမှာ ဖေ့စ်ဘွတ်ခ်ရဲ့ လွှမ်းမိုးမှုက အက်ဆစ်တိုက်စားသလို တရွေ့ရွှေ့နဲ့ ဘလော့ဂ်တွေကို တိုက်စားလာခဲ့တယ်။ ဘလော့ဂ်ပေါ်မှာ ပို့စ်တစ်ခုတင်ဖို့အတွက် ပြင်ဆင်ရေးသားရတာ ကြာသလောက်၊ ဖေ့စ်ဘွတ်ခ်ပေါ်မှာကျတော့ စာတစ်ကြောင်း၊ စာတစ်ပိုဒ်လောက်နဲ့တင် ပို့စ်တစ်ခု ဖြစ်လာတတ်လေတော့ လိုရင်းတိုရှင်းပြောကြ ဆိုကြ၊ အတွေးအမြင်တွေ ဖလှယ်ကြတဲ့ဖက်ကို ပိုအားသန်လာကြတယ်။ ဒီလိုနဲ့ပဲ ဘလော့ဂါတွေ တော်တော်များများဟာ မိမိတို့ရဲ့ ဘလော့ဂ်လေးတွေကို ဖယ်ခွာပြီး ဖေ့စ်ဘွတ်ခ်ပေါ်မှာပဲ အချိန်ပိုသုံးလာကြတော့တယ်။

ဖေ့စ်ဘွတ်ခ်က လူတွေတော်တော်များများရဲ့ စိတ်ကိုဖမ်းစားထားနိုင်တယ်။ သူ့ပေါ်မှာ စတေးတပ်စ်လေးတစ်ခု တင်လိုက်တာနဲ့တင် ကိုယ့်ရင်ထဲက ခံစားချက်တစ်ခုခုကို ပြောပြနိုင်လေတော့ ဘလော့ဂ်မှာ ပို့စ်တွေ မတင်နိုင်ကြတော့တာ သိပ်တော့မဆန်းလေဘူးလို့လည်း ကျွန်တော်တွေးမိတယ်။ ဒါပေမယ့် ဖေ့စ်ဘွတ်ခ်ပေါ်မှာ တင်လိုက်တဲ့ စတေးတပ်စ်လေးတွေဟာ ကျွန်တော်တို့ ဘလော့ဂ်တွေပေါ်မှာ ရေးခဲ့ဖူးတဲ့ ဘလော့ဂ်ပို့စ်လေးတွေလောက် မှတ်မှတ်ထင်ထင် ဖြစ်ကျန်ခဲ့တာမျိုး မရှိတတ်ကြပြန်ဘူး။ တစ်ချိန်က ကျွန်တော်တို့ ခံစားချက်တွေ သွန်ပြီးရေးခဲ့တင်ခဲ့တဲ့ ဘလော့ဂ်ပို့စ်လေးတွေဟာ အခုချိန်ထိ မဂ္ဂဇင်း၊ ဂျာနယ် စတာတွေကို ပို့ဖို့အတွက် ဒေါင်ဒေါင်မြည် အစမ်းသပ်ခံနိုင်ကြသလို ဘလော့ဂါတွေ အချင်းချင်း စုစည်းထုတ်ဝေကြတဲ့ စာအုပ်လေးတွေအတွက်လည်း ဝံ့ဝံ့စားစား စင်တော်ကောက်ခံနိုင်ကြတယ်။ ပြီးတော့ သတင်းအချက်အလက် တစ်ခုခုအတွက် ပြန်ပြီးညွှန်းဆိုတာမျိုးလေးတွေ လုပ်နိုင်ဖို့အတွက်လည်း ခိုင်ခိုင်မာမာ နေရာလေးတစ်ခုကို ရယူထားတတ်ကြပြန်တယ်။ ဒါ့အပြင် ဖေ့စ်ဘွတ်ခ်မှာ စာရေးဖို့လုပ်ပေးထားတဲ့ Notes ဆိုတဲ့ Feature လေးကလည်း စာပိုဒ်တွေကို အဆင်ပြေအောင် စီမံခန့်ခွဲတာမျိုး၊ ပြင်ဆင်နေရာချတာမျိုးလေးတွေ လုပ်မရပြန်လေတော့ ဘလော့ဂ်ဖက်ကိုလည်း ကျွန်တော်တို့မှာ လုံးလုံးကြီး စိတ်မကုန်နိုင်ကြပြန်လေဘူး။

ဒီလိုနဲ့ နောက်ပိုင်းမှာ ဘလော့ဂ်ကို စိတ်မကုန်နိုင်သေးတဲ့ ကျွန်တော်တို့ ဘလော့ဂါတွေဟာ ဖေ့စ်ဘွတ်ခ်မှာလည်း စာရေးလို့ မိတ်ဆွေအပေါင်းအသင်းတွေကို ဆက်လက်ထိန်းသိမ်းထားရင်း ဘလော့ဂ်မှာ ရေးဖြစ်တဲ့ ပို့စ်အသစ်လေးတွေကိုလည်း ဖေ့စ်ဘွတ်ခ်မှာ ဝေမျှတာမျိုးလေးတွေကို တပြိုင်တည်း လုပ်လာကြတယ်။ ဒီလိုမျိုးလုပ်လာရလိမ့်မယ်လို့ ဘယ်သူကမှ မမျှော်လင့်ခဲ့ကြပေမယ့်လည်း ကြုံဆုံလာတဲ့ အခြေအေနမှာ ကိုယ်သံယောဇဉ်ရှိနေဆဲဖြစ်တဲ့ ဘလော့ဂ်လေးတွေကို တတ်နိုင်သလောက် လက်တွဲခေါ်ယူနေကြတဲ့ လုပ်ရပ်လေးကို ကျွန်တော်တော့ ချစ်မြတ်နိုးမိတယ်။

(၄)

အချိန်တွေပြောင်းလဲလာတာနဲ့အမျှ အွန်လိုင်းပေါ်က ဘလော့ဂါစာရေးဆရာတွေဟာ အပျော်တမ်းရေးသားရုံတင် မကတော့ဘဲ ပုံနှိပ်စာပေလောကထဲကိုပါ ခြေလှမ်းဆန့်လာခဲ့ကြပါတော့တယ်။ သက်ဝေ၊ နေဘုန်းလတ်၊ သတိုး၊ ဏီလင်းညို၊ ပန်ဒိုရာ၊ ချော(အစိမ်းရောင်လွင်ပြင်)၊ ညီညီသံလွင်၊ ချစ်ကြည်အေး၊ မြသွေးနီ၊ သူရဿဝါ၊ အိမ့်ချမ်းမြေ့၊ မောင်ရေချမ်း စတဲ့နာမည်လေးတွေဟာ ဂျာနယ်၊ မဂ္ဂဇင်းစာမျက်နှာလေးတွေထက်မှာ ဟိုဟိုသည်သည် တွေ့လာခဲ့ရပါတယ်။ ကဗျာကဏ္ဍမှာ ဆိုရင်လည်း ဘလော့ဂါ ပန်ဒိုရာရဲ့ စီစဉ်မှုနဲ့ “ကြိုးညှိခြင်း” မြန်မာအမျိုးသမီးကဗျာများ စုစည်းမှုဆိုတဲ့ စာအုပ်လေးဟာ ၂၀၁၂ ခုနှစ် ဩဂုတ်လမှာ ထွက်ရှိခဲ့ပါတယ်။

တစ်ချိန်က မဖြစ်မြောက်ခဲ့တဲ့ အိပ်မက်တစ်ချို့ကို အကောင်အထည် ပြန်ဖော်ဖို့အတွက် မြန်မာဘလော့ဂါ ဆယ်ဦးပါဝင်တဲ့ စာအုပ်လေးတစ်အုပ်ကို စာရေးဆရာ ဘလော့ဂါ မမြသွေးနီရဲ့ ဆက်သွယ်ပေးမှုနဲ့ ၂၀၁၂ မေလမှာ အဝေးကနေပဲ ကျွန်တော်စီစဉ်ဖြစ်ခဲ့တယ်။ အဲဒီ့နောက် ၂၀၁၂ စက်တင်ဘာလကုန်လောက်မှာ AMK Creations က ကိုမော်ကြီး (သို့) စာရေးဆရာ ကိုညိုရင့်ရဲ့ အနီးကပ်ပံ့ပိုးကူညီပေးမှုတွေနဲ့အတူ “သက်တံဆယ်စင်း” ဆိုတဲ့ ရသစာစု စာအုပ်လေးတစ်အုပ်ကို ထုတ်ဝေနိုင်ခဲ့တယ်။ အကျိုးအမြတ်ကို ပဓာနမထားဘဲ မက်ခဲ့ဖူးတဲ့ အိပ်မက်လေးတစ်ခုကို ပြန်လည်အသက်သွင်းနိုင်ခဲ့တာကြောင့် ကိုယ့်ကိုယ်ကို ယုံကြည်မှုတွေ တက်လာခဲ့သလို ခံစားခဲ့ရတယ်။

အဲဒီ့နောက်မှာတော့ ဘလော့ဂါတွေကြား စုစည်းထုတ်ဝေတဲ့ ပုံနှိပ်စာအုပ်လေးတွေဟာ ဆက်တိုက်ဆိုသလို AMK Creations ကနေ ထွက်ရှိလာခဲ့ကြတယ်။ “မိုင်တိုင်နှစ်ဆယ်”၊ “ကြယ်စင်ဆယ့်တစ်” စသည်ဖြင့်ပေါ့။ ဘလော့ဂါ အိန်ဂျယ်လှိုင် စီစဉ်ထုတ်ဝေတဲ့ “မိုင်တိုင်နှစ်ဆယ်” စာအုပ်လေးရဲ့ အောင်မြင်မှုက အခုချိန်ထိ စာပေလောကရဲ့ အရောင်းရဆုံး စာအုပ်စာရင်းမှာ မှတ်တမ်းဝင်နေတုန်း။

တစ်ဦးတစ်ယောက်ချင်း ထုတ်ဝေမှုအနေနဲ့လည်း Synergy Publications က မိတ်ဆွေ ကိုသုတရဲ့ စီစဉ်ဖြန့်ချိမှုနဲ့အတူ ထွက်ရှိခဲ့တဲ့ မနိုင်းနိုင်းစနေရဲ့ စာအုပ်လေးတွေကို ကျွန်တော်တို့ သတိထားလာမိခဲ့ကြတယ်။ အဲဒီ့ထဲမှာမှ “အမေ့လက်ရေး” ဆိုတဲ့စာအုပ်လေးက တော်တော်လေးကို ပေါက်ခဲ့တယ်လို့ ဆိုရပါလိမ့်မယ်။

နောက်ထပ် တစ်ဦးချင်း စီစဉ်ထုတ်ဝေမှုအနေနဲ့ ကျွန်တော်မှတ်မိသမျှကတော့ “အိပ်မက်ကောက်ကြောင်း” (မြသွေးနီ)၊ “လမင်းရှိုက်သံ” (အိမ့်ချမ်းမြေ့)၊ “ကျွန်တော်လွတ်ကျခဲ့တဲ့ မြို့တော်” (နေဘုန်းလတ်)၊ “ညီလေးရေ” (နေဘုန်းလတ်)၊ “အသင်နားမလည်နိုင်သော မိန်းမတစ်ယောက်”(မယ့်ကိုး)၊ “သော့လေးတစ်ချောင်း”(သက်တံ့ချို)၊ “စိန်ပန်းနဲ့ ကံ့ကော်တွေ အတူပွင့်ခဲ့တယ်”(ကေသွယ်)၊ “ကျွန်ုပ်နှင့် ကမောက်ကမ အိုင်တီလောက သရော်စာများ” (သူရဿဝါ)၊ “မိတောရဲ့ ရှတတနေ့စွဲများ”(အိမ့်ချမ်းမြေ့)၊ “စိတ်လိုလက်ရများ” ကဗျာစုစည်းမှု (ရှင်မားရု)၊ “ထင်ကျန်ရစ်စေ” (မိဇုစံ) စတဲ့ စာအုပ်လေးတွေ စဉ်ဆက်မပြတ် အသီးသီး ဆက်လက်ထွက်ရှိခဲ့ကြတယ်။ မကြာခင်မှာပဲ ဘလော့ဂါ စာရေးဆရာ သူရဿဝါရဲ့ ဒုတိယမြောက်ခြေလှမ်းဖြစ်တဲ့ “ထိထိရှရှ သရော်စာများ” ဆိုတဲ့စာအုပ်လေးကို စံပယ်စာအုပ်တိုက်ကနေ ထုတ်ဝေဦးမှာ ဖြစ်ပါတယ်။

(၅)

“ဘလော့ဂ်တွေ သေသွားကြပြီ”၊ “ဘလော့ဂါတွေ ဘလော့ဂ်မရေးကြတော့ဘူး” ဆိုတဲ့အသံလေးတွေကို နောက်ပိုင်းမှာ ကျယ်ကျယ်လောင်လောင် ကြားလာရပါတယ်။ လိုအပ်ချက်တစ်ခုကြောင့် တစ်စုံတစ်ရာဟာ ပေါ်ပေါက်လာခဲ့ရသလို လိုအပ်ချက်တစ်ခုကြောင့်ပဲ တစ်စုံတစ်ရာဟာ ကွယ်ပျောက်တတ်ရပြန်တယ်။ ဘလော့ဂ်တွေ ပေါ်ပေါက်ခဲ့တယ်။ စာရေးကောင်းတဲ့ ဘလော့ဂါတွေကို မွေးထုတ်ပေးနိုင်ခဲ့တယ်။ တစ်ချိန်မှာတော့ ဘလော့ဂ်တွေ လုံးဝကွယ်ပျောက်သွားနိုင်ပါတယ်။ ဘလော့ဂါတွေလည်း ဘလော့ဂ်တွေဖက်ကို ခြေဦးလှည့်ချင်မှ လှည့်ဖြစ်နိုင်ပါတော့မယ်။ ဒါပေမယ့် ဒါဟာ ဘလော့ဂ်သေဆုံးသွားခြင်းတော့ မဟုတ်ခဲ့ပြန်ဘူး။ စာရေးဆရာ နေဝင်းမြင့်ရဲ့ “မနုဿီဟ ဝတ္ထုတိုများ” ထဲက အက်ဆေးခေါင်းစဉ်လေးတစ်ခုကို အငှားသုံးစွဲလိုက်ရရင်တော့ ဒါဟာ ‘မက်တာမော်ဖိုးဆစ်’ (Metamorphosis) အသွင်ကူးပြောင်းခြင်း ဖြစ်စဉ်တစ်ရပ်လို့ပဲ ကျွန်တော်ဆိုချင်ပါတယ်။

စာရေးသူနဲ့ စာဖတ်သူကြား ကူးလူးဆက်သွယ်ပေးနိုင်တဲ့ လိုအပ်ချက်ကို မြန်မြန်ဆန်ဆန် ဖြည့်စွမ်းပေးနိုင်ခဲ့တာကြောင့် ဘလော့ဂ်တွေဟာ ဝက်ဘ်ဆိုက်တွေထက် ပိုပြီးထင်ပေါ်ကျော်ကြားခဲ့တယ်။ အဲဒီ့အချက်ကို ပေးစွမ်းနိုင်ရုံသာမက သတင်းအချက်အလက် လျင်လျင်မြန်မြန် ပြန့်ပွားပေးနိုင်တဲ့ အားသာချက်ကိုပါ ဖြည့်စွမ်းပေးနိုင်ခဲ့လို့ ဖေ့စ်ဘွတ်ခ်ဟာ ဘလော့ဂ်တွေကို နောက်ပိုင်းမှာ အနိုင်ပိုင်းနိုင်ခဲ့ပြန်တယ်။ ဒီအားသာချက်ကို ကျွန်တော်တို့ ဘလော့ဂါတွေအနေနဲ့ မုန်းတီးရှောင်ခွာနေလို့ မရပါဘူး။ မီးကို ကောင်းကောင်းအသုံးချတတ်ရင် ကိုယ့်အတွက် အသုံးဝင်သလိုပါပဲ။ ဖေ့စ်ဘွတ်ခ်ရဲ့ အားသာချက်ကို ကျွန်တော်တို့ ဘလော့ဂါတွေ မှန်မှန်ကန်ကန် အသုံးချတတ်ရင် အင်မတန်လှပတဲ့ မက်တာမော်ဖိုးဆစ် ဖြစ်စဉ်လေးကို ကျွန်တော်တို့တွေ ဖန်တီးကူးပြောင်းနိုင်ပါလိမ့်မယ်။

ကျွန်တော်တို့ ဘလော့ဂါတွေအနေနဲ့လည်း ပဓာနနဲ့ သာမညကို ခွဲခြားသိမြင်တတ်ဖို့ လိုပါလိမ့်မယ်။ ထမင်းစားတဲ့အခါမှာ ပန်းကန်နဲ့ စားတတ်ကြပေမယ့် ပန်းကန်ဟာ တကယ်တော့ အရေးမပါလှပါဘူး။ အထဲက ထမင်းက ပိုအရေးပါတယ်ဆိုတာ ကျွန်တော်တို့ တွေးကြည့်လိုက်တာနဲ့တင် သိနိုင်ပါတယ်။ ပန်းကန်မရှိရင် ကျွန်တော်တို့တွေ ငှက်ပျောဖက်လေးတွေပေါ် ထမင်းပုံလို့ လက်ရည်တပြင်တည်း ခင်းစားလို့ရတယ်။ သန့်ရှင်းတဲ့ သတင်းစာစက္ကူပေါ်မှာ ပုံစားလို့ရတယ်။ တကယ်တော့ ပန်းကန်တွေဆိုတာဟာ ကြားခံပစ္စည်းတစ်ခုသာသာပါပဲ။ ထမင်းကသာ ကျွန်တော်တို့ရဲ့ ရှင်သန်မှုအတွက် လိုရင်းပဓာနဆိုတာ သတိချပ်မိဖို့ အရေးကြီးပါတယ်။

ဒီလိုပါပဲ။ ကျွန်တော်တို့တွေ ရေးသားဖတ်ရှုနေကြတဲ့ စာပေအက္ခရာတွေကို ပညာရှင်တွေက ဆူးတွေ၊ ဆောက်တွေသုံးလို့ ကျောက်ထက်အက္ခရာပေါ် တစ်ချိန်က တပင်တပန်း ရေးထွင်းခဲ့ကြတယ်။ နောက်ပိုင်းမှာ အင်ကညစ်သုံးလို့ ထန်းရွက်ပေရွက်တွေပေါ်မှာ ရေးသားခဲ့ကြတယ်။ အဲသည့်နောက်ပိုင်းမှာတော့ မင်ခြောက်၊ မင်စိုတွေသုံးလို့ စက္ကူတွေပေါ်မှာ မှတ်တမ်းတင်ခဲ့ကြတယ်။ နည်းပညာတွေ တိုးတက်ပြောင်းလဲလာတဲ့နောက် စီဒီ၊ ဒီဗွီဒီတွေပေါ်မှာ မှတ်တမ်းတင်ရုံသာမက မိုက်ကရိုချစ်(ပ်)လေးတွေမှာ ထည့်လို့ စာအုပ်ပေါင်းများစွာကို သိုလှောင်သိမ်းဆည်းလာနိုင်တဲ့အထိ ဆင့်ကဲပြောင်းလဲမှု ဖြစ်စဉ်တွေကို ကြုံတွေ့ရင်ဆိုင်လာခဲ့ရတယ်။ သူ့ခေတ်သူ့အခါနဲ့ သူ့အသုံးအဆောင် သူ့ပစ္စည်းတွေဟာ ကိုယ်စီကိုယ်ငှ အသုံးဝင်ခဲ့ကြမှာပါပဲ။ ဆူးဆောက်ကိုင်ထားတဲ့ ပဝေသဏီက ပညာရှင်တွေကို ကီးဘုတ်ကိုင်ထားတဲ့ ခေတ်သစ်နည်းပညာရှင်တွေက သရော်လှောင်ပြောင်မယ်ဆိုရင်တော့ ဒါဟာ တော်တော်လေးကို မရင့်ကျက် မပြည့်ဝတဲ့ စိတ်နေစိတ်ထားပဲ ဖြစ်မှာပါ။

ကျွန်တော်တို့ ဘလော့ဂါတွေအနေနဲ့လည်း “ဘာကြောင့်ဘလော့ဂါ ဖြစ်ခဲ့ရသလဲ၊ ဖြစ်ချင်ခဲ့သလဲ” ဆိုတာကို ကိုယ်တိုင်ပြန်မေးကြည့်ဖို့ လိုပါလိမ့်မယ်။ စာရေးချင်တဲ့စိတ် အရင်းခံနဲ့ ဘလော့ဂါဖြစ်လာသူတွေ အတွက်ကတော့ ဘလော့ဂ်သေဆုံးခြင်း၊ မသေဆုံးခြင်းဟာ ပြဿနာတစ်ရပ် မဖြစ်သင့်သလို လွမ်းမောတမ်းတနေရမယ့် ငိုချင်းတစ်ပုဒ်လည်း မဖြစ်သင့်ဘူး။ မိမိရေးလိုက်တဲ့စာကို စာဖတ်သူအကြား ဘယ်လိုဘယ်ပုံ ပျံ့နှံ့ရောက်ရှိစေမယ်ဆိုတဲ့ လိုရင်းအချက်ကိုသာ အာရုံစိုက်ပြီး မိမိချစ်မြတ်နိုးတဲ့ စာပေရေးသားခြင်း အနုပညာကို စဉ်ဆက်မပြတ် ဆက်လက်ဖန်တီးသင့်တယ်လို့ ကျွန်တော်ယူဆမိတယ်။

အဲသလိုရေးသားတဲ့အခါမှာ ပုံနှိပ်စာရေးဆရာသော၊ ဘလော့ဂါ စာရေးဆရာသောလို့ ခွဲခြားရှုမြင်မှုမရှိဘဲ မြန်မာစာပေလောကကောင်းကင်ကြီး ပိုမိုပြည့်စုံ၊ လင်းလက်လှပစေဖို့အတွက် ဝိုင်းဝန်းဖြည့်ဆည်းပေးနေကြတဲ့ ကြယ်စုလေးတွေ၊ အလင်းတန်းလေးတွေ၊ ဂလက်ဆီလေးတွေအဖြစ် တစ်ဦးပေါ်တစ်ဦး အပြန်အလှန် ရှုမြင်မိကြဖို့ကိုလည်း ကျွန်တော်တောင့်တမိတယ်။ ပုံနှိပ်စာရေးဆရာတွေမှာ သူတို့ဖြတ်သန်းခဲ့ရတဲ့ စာပေခရီးက အယ်ဒီတာစားပွဲပေါင်းများစွာကို ဖြတ်သန်းခဲ့ပြီးမှ နာမည်တစ်ခုကို ထူထောင်နိုင်ခဲ့တာကြောင့် မှတ်ကျောက်တင်ခံနိုင်တဲ့ စာပေအရေးအသားတစ်ရပ် ရှိတယ်လို့ ယုံကြည်ယူဆမှု ရှိတတ်ကြပါတယ်။ ဒါဟာ ငြင်းဆိုနေရမယ့် အချက်တစ်ရပ်မဟုတ်ပါဘူး။ ဒါပေမယ့် အဲသလိုမျိုး အယ်ဒီတာစားပွဲတွေကို မဖြတ်သန်းဘဲ မိမိဖာသာ သုတ်သင်ရေးသားပြုစုလိုက်တဲ့ အရေးအသား၊ အတွေ့အကြုံတွေဟာ အဆင့်မမီနိုင်ဘူးလို့ သတ်မှတ်လာမယ်ဆိုရင်တော့ ဒါဟာတစ်ဖက်သတ် အတွေးအခေါ် တစ်ရပ်ဖြစ်သွားပြီ။ ဘက်မမျှတဲ့ ဆင်ခြင်သုံးသပ်မှု တစ်ခုဖြစ်သွားပြီလို့ ဆိုရပါလိမ့်မယ်။

ကျွန်တော်တို့ ဘလော့ဂါတွေဟာ စာကိုချစ်လို့ ရေးကြသူတွေ များပါတယ်။ ချစ်လို့ရေးတဲ့အတွက် ရေးချင်မှ ရေးသလို အလုပ်မအားလပ်တဲ့အခါမျိုး၊ စာရေးချင်စိတ်မရှိတဲ့ အခါမျိုးကျပြန်ရင်လည်း မရေးကြပြန်ပါဘူး။ ဒါဟာသိပ်ကောင်းတဲ့ လက္ခဏာတော့ မဟုတ်ပါဘူး။ ဒါပေမယ့် ဘလော့ဂါတွေ စာရေးပြီဆိုရင်တော့ တကယ်ကို ရေးချင်လာလို့ ရေးတဲ့အတွက် စိတ်အားထက်သန်မှုက တရှိန်ရှိန်နဲ့ စီးဆင်းဖြစ်ပေါ်နေတတ်ပါတယ်။ ရေးပြီဆိုတဲ့အခါမှာလည်း တစ်ဦးတစ်ယောက်က ဆင်ဆာဖြတ်တောက်မှု မရှိတဲ့အတွက် လွတ်လပ်စွာ တွေးခေါ်ပါတယ်။ စံစနစ်တစ်ခုနဲ့ ထိန်းချုပ်ထားမှု မရှိတဲ့အတွက်လည်း လွတ်လပ်စွာ ရေးသားပါတယ်။ ဒါကြောင့် ဘလော့ဂါတွေရဲ့ စာတွေကို ဖတ်ရတာ စာဖတ်သူရဲ့ နှလုံးသားကို တိုက်ရိုက်ထိမှန်စေသလို ခံစားရတယ်။ ကိုယ့်အနားမှာ လာထိုင်ပြီး တတွတ်တွတ် ပြောပြနေသလို အသက်ဝင်တယ်။

စာရေးတဲ့ဘလော့ဂါတွေက ပုံနှိပ်စာရေးဆရာတွေကို ဘယ်လိုမှ သဘောမထားတတ်ကြပေမယ့်လည်း ပုံနှိပ်လောကထဲက စာရေးဆရာတစ်ချို့ကတော့ ဘလော့ဂါတွေပေါ်ကို အမြင်တိမ်းစောင်းမှုတွေ၊ ပြစ်တင်ကဲ့ရဲ့မှုလေးတွေ ရှိတယ်လို့ ကြားရတဲ့အခါမျိုးမှာ တော်တော်လေးကို စိတ်မကောင်းဖြစ်ရပါတယ်။ စာရေးတယ်ဆိုတာဟာ စာသင်ခန်းမှာ ဆရာမက စာသင်သလိုမျိုး ဘယ်နေရာမှာ ဘယ်လိုရေး၊ ဘယ်နေရာမှာ ဘယ်လိုဖွဲ့ဆိုပြီး ရေးရတဲ့အရာမျိုးမှ မဟုတ်တာ။ အဆင့်မီတယ်၊ မမီဘူးဆိုတဲ့ ပေတံတွေ၊ စည်းကနားတွေနဲ့ အနုပညာမြောက်တယ်၊ မမြောက်ဘူးဆိုတာကို သတ်မှတ်တိုင်းတာလို့ ရတဲ့အရာတွေမှ မဟုတ်တာ။ ဂျက်လန်ဒန်ဟာ ရွှေတူးသမား မဟုတ်ခဲ့ဘဲ ပညာတတ် လူကုံထံ အသိုင်းအဝိုင်းကသာ လာခဲ့သူတစ်ယောက်ဆိုရင် ‘Call of the Wild’ တို့၊ ‘The White Fang’ တို့လိုမျိုး ကမ္ဘာကျော် ဝတ္ထုရှည်တွေ ရေးနိုင်ခဲ့ပါ့မလားလို့ ကျွန်တော်သံသယ ဝင်မိတယ်။

ဒီလိုပြောလို့လည်း ဘလော့ဂါတွေဟာ ကြုံရာကျပမ်း လုပ်ကိုင်စားသောက်နေကြသူများရယ်လို့ မမှတ်ယူစေချင်ပါဘူး။ ကျွန်တော်တို့ ဘလော့ဂါတွေမှာ ရာထူးရာခံ ကြီးကြီးမားမားတွေကို တာဝန်ယူလုပ်ကိုင်နေကြတဲ့ နိုင်ငံတကာ အတွေ့အကြုံ ပြည့်ဝရင့်ကျက်သူတွေ ပါသလို၊ အဆင့်မြင့်တက္ကသိုလ်တွေမှာ ပညာဆည်းပူးလေ့လာနေကြတဲ့ ပညာရှင်တွေလည်း ပါပါတယ်။ ကျောင်းသားအရွယ် ငချွတ်လေးတွေလို့ ထင်ရပေမယ့်လည်း ကိုယ့်လက်ကိုယ့်ခြေနဲ့ ကိုယ့်ထမင်းကိုယ်ရှာစားပြီး ကိုယ့်ဝမ်းကိုယ်ကျောင်းနေကြရတဲ့ ကိုယ့်ထူးကိုယ်ချွန်သမားတွေလည်း ပါပါတယ်။ ဘဝဖြတ်သန်းမှု အတွေ့အကြုံအားဖြင့် လျော့တိလျော့ရဲ ရှိကြသူတွေ မဟုတ်ဘူး၊ ဝမ်းစာမပြည့်သူတွေ မဟုတ်ဘူးလို့ ဆိုလိုချင်တာပါ။ စုန်းပြူးတစ်ချို့တော့ ပါကောင်းပါလိမ့်လေမပေါ့။ ဒါကတော့ ဘယ်နေရာမှာမှ ရှောင်လွှဲလို့ မရတဲ့ သဲအရောရော ကျောက်အရောရော ဖြစ်စဉ်မျိုးပါ။

မြန်မာစာပေလောက ဖွံ့ဖြိုးတိုးတက်ဖို့ဆိုတာ စာပေလိုက်စားတဲ့ မျိုးဆက်သစ်တွေကို စဉ်ဆက်မပြတ် မွေးထုတ်ပေးနေနိုင်ဖို့၊ ပြုစုပျိုးထောင်ပေးနေနိုင်ဖို့ လိုပါတယ်။ ဒီလိုအချိန်မှာ အင်အားအပြည့်နဲ့ စီးဆင်းလာတဲ့ နိုင်ငံတကာက မြန်မာဘလော့ဂါလူငယ်ထုကြီးကို မကြိုဆို မဝမ်းမြောက်နိုင်တာကတော့ အင်မတန်မှ ဝမ်းနည်းဖွယ်ရာ ဆုံးရှုံးမှုတစ်ရပ်ပါပဲ။ ကျွန်တော်တို့ ဘလော့ဂါတွေဟာ မြန်မာစာပေကို ချစ်လွန်းလို့ ရေးတာပါ။ မြတ်နိုးလွန်းလို့ ရေးတာပါ။ ဒါကို လက်တွဲခေါ်ယူမှု မလုပ်နိုင်ရင်နေ၊ ပြစ်တင်ကဲ့ရဲ့မှုလုပ်တာမျိုး၊ တန်းညှိတာမျိုးတွေတော့ မလုပ်သင်ဘူးလို့ ယူဆမိတယ်။ ဒီလိုတွေ ပြောနေလို့ အသနားခံနေတယ်လို့လည်း မယူဆပါနဲ့။ ဒါဟာ မိမိကိုယ်ကို ယုံကြည်ချက်ပြည့်ဝကြောင်း ပြသနေတာပါ။ စိန်ခေါ်မှုတစ်ရပ်လို့လည်း မတွေးခေါ်ပါနဲ့။ ဒါဟာ ခေတ်ပြိုင်ရေစီးကြောင်းတစ်ရပ် ရှိတယ်ဆိုတာကို သိသာစေချင်ရုံ သက်သက်ပါ။

(၆)

နေ့ထူးနေ့မြတ်လေးတစ်ခုကို ကျွန်တော်တို့တွေ သတ်မှတ်လေ့ရှိတာဟာ အဲဒီ့နေ့ရက်လေးကို ရောက်တိုင်းရောက်တိုင်း အကြောင်းအရာလေးတစ်ခု (သို့မဟုတ်) ဖြစ်ရပ်လေးတစ်ခုကို အထူးတလည် အမှတ်ရအောက်မေ့နေစေချင်တဲ့ ရည်ရွယ်ချက်လေး အရင်းခံလို့ပါပဲ။ သစ်တောသစ်ပင်တွေကို ထိန်းသိမ်းစိုက်ပျိုးဖို့ အချိန်တိုင်း သတိရချင်မှ ရတတ်ပါလိမ့်မယ်။ ဒါပေမယ့် “ကမ္ဘာ့သစ်ပင်စိုက်ပျိုးရေးနေ့” လို နေ့မျိုးလေးမှာတော့ သစ်တောသစ်ပင်တွေရဲ့ အရေးပါပုံကို တဒင်္ဂလောက်ဖြစ်ဖြစ် ဆင်ခြင်သုံးသပ်မိပြီး သဘာဝပတ်ဝန်းကျင် ထိန်းသိမ်းရေးအတွက် တတ်နိုင်သလောက် ဝိုင်းဝန်းပံ့ပိုးဖို့ သတိချပ်မိနိုင်ကြပါလိမ့်မယ်။ ကျွန်တော်တို့ ဗိုလ်ချုပ်အောင်ဆန်းကို မကြာခဏ သတိရမိချင်မှ ရမိနိုင်ပါတယ်။ ဒါပေမယ့် အာဇာနည်နေ့မှာတော့ ဗိုလ်ချုပ်နဲ့တကွ ကျဆုံးလေပြီးသော အာဇာနည်ခေါင်းဆောင်ကြီးတွေ အကြောင်းကို ခဏလောက်လေးပဲဖြစ်ဖြစ် အချိန်ပေးပြီးတော့ကို တွေးတောဆင်ခြင်မိတတ်ကြတယ်။

ဒီလိုပါပဲ။ ကျွန်တော်တို့ တစ်ချိန်က ဘလော့ဂ်တွေပေါ်မှာ ပျော်ပျော်ပါးပါး ရေးခဲ့ကြတာ၊ ဘလော့ဂါအချင်းချင်း ချစ်ခင်ရင်းနှီးစွာ ကျီစယ်နောက်ပြောင်ခဲ့ကြတာ၊ ကိုယ့်ဘဝဖြတ်သန်းမှု ပုံရိပ်လေးတွေကို လွတ်လပ်ရဲတင်းစွာ မှတ်တမ်းတင်ခဲ့ကြ၊ ရိုးသားပွင့်လင်းစွာ ဆွေးနွေးခဲ့ကြတာလေးတွေကို သတိရမိကောင်း ရမိနိုင်ပါတယ်။ ဒါမှမဟုတ် မေ့လျော့ကောင်းလည်း မေ့လျော့နေနိုင်ပါတယ်။ ဒါပေမယ့် ကမ္ဘာ့ဘလော့ဂင်းဒေး (World Bloggers’ Day) ဖြစ်တဲ့ ဩဂုတ် (၃၁) ရက်နေ့မှာတော့ တစ်ချိန်က ကိုယ်တိုင် ရင်ခုန်ယစ်မူးစွာနဲ့ စီးဆင်းဖြတ်သန်းခဲ့ဖူးတဲ့ မြန်မာဘလော့ဂ်လေးတွေအကြောင်းကို ကျွန်တော်တို့တွေ တခုတ်တရလေး တမ်းတလွမ်းဆွတ် သတိရနေကြမယ်ဆိုရင်ဖြင့်….

အားလုံးကို ချစ်ခင်လေးစားလျက်

ရန်အောင်.
မှတ်ချက်။ ။ ဘလော့ဂါတိုင်းရဲ့ နာမည်ကို ပါအောင်ရေးဖို့ မဖြစ်နိုင်တဲ့အတွက် တစ်ချို့ကျန်ရစ်ခဲ့တဲ့ နာမည်လေးတွေကိုယ်စား နားလည်ပေးနိုင်ကြမယ်လို့ မျှော်လင့်ပါတယ်။ ဘလော့ဂါတစ်ယောက် အနေနဲ့ အများကို ကိုယ်စားပြုတဲ့ပို့စ်လေးတစ်ခုလို့ နားလည်ပေးမယ်ဆိုရင် ရေးရကျိုးနပ်ပါတယ်. :)

အိတ်မှောက်သွန်ပစ် နှစ်ဆယ့်ရှစ်

noreply@blogger.com (Yan) — Thu, 29 Aug 2013 02:43:00 +0000

“လူတစ်ယောက်အကြောင်း ကောင်းကောင်းသိချင်ရင် သူနဲ့ခရီးအတူတူ ထွက်ကြည့်” တဲ့။ ခရီးတူတူထွက်တဲ့ အခါကျတော့မှ အဲဒီ့လူဟာ ကြုံလာသမျှ အခက်အခဲတွေကို ပြုံးပြုံးရွှင်ရွှင်နဲ့ ရင်ဆိုင်ဖြေရှင်းတတ်သူလား၊ ခြူသံပါအောင် ညည်းညူပြစ်တင်ပြီး ဇီဇာကြောင်တတ်သူလား ဆိုတာတွေကို သိလာနိုင်သလို ထကြွလုံ့လရှိမရှိ၊ တစ်ကိုယ်ရေ သန့်ရှင်းမှုရှိမရှိ၊ တစ်ဖက်သားအပေါ် စိတ်စေတနာကောင်း ထားမထား စတာတွေကိုပါ အကဲခတ်လေ့လာနိုင်ပါတယ်တဲ့။ ဘလော့ဂါမသက်ဝေကတော့ သူနဲ့အတူတူ ခရီးတူတူထွက်ဖို့ မဖြစ်နိုင်တဲ့ အဝေးက လူတွေအကြောင်းကို လှမ်းပြီး စနည်းနာချင်ပုံ ပေါက်ပါတယ်။ ပညာသားပါပါနဲ့ သူတို့တွေရဲ့ အိတ်တွေဖာတွေကို သွန်ခိုင်းမှောက်ခိုင်းပါလေတော့တယ်။ အထဲမှာ ဘာတွေများ ရှိမလဲဆိုပြီးတော့ပေါ့လေ။

တစ်ဖက်ကကြည့်မယ်ဆိုရင်လည်း နေ့စဉ်ကိုင်တွယ်နေကျ ပိုက်ဆံအိတ်၊ လက်ဆွဲအိတ်လေးတွေထဲမှာ ထည့်ထားတဲ့ ပစ္စည်းပစ္စယလေးတွေဟာ လူတစ်ယောက်ရဲ့ လူမှုဘဝ နေပုံထိုင်ပုံကို ရောင်ပြန်ဟပ်နေ တတ်တယ်ဆိုရင် မမှားပါဘူး။ ဒါကြောင့်မို့ ပိုက်ဆံအိတ်လေးတွေ ဖွင့်ပြခိုင်းတဲ့ တက်(ဂ်)ပို့စ်လေးတွေကို ရေးခိုင်းတာဟာ တစ်ယောက်အကြောင်းကို တစ်ယောက်က ပိုမိုသိရှိနားလည်လာစေနိုင်တဲ့ အခွင့်အရေးတစ်ခုလို့ ကျွန်တော်မြင်မိတယ်။

နောက်တစ်ခု ရှိသေးတာက ယောင်္ကျားတစ်ယောက်နဲ့ မိန်းမတစ်ယောက်ဟာ သူတို့နေ့စဉ် ကိုင်တွယ်သုံးစွဲလေ့ရှိတဲ့ ပိုက်ဆံအိတ်အရွယ်အစား ကွာခြားမှုရှိသလို ရုံးသွားရုံးပြန် သယ်ဆောင်သွားလေ့ရှိတဲ့ ပစ္စည်းပစ္စယတွေလည်း အနည်းအများ ကွာခြားတတ်ပြန်တယ်။ ယေဘုယျအားဖြင့် မိန်းမတွေဟာ ယောင်္ကျားတွေထက် ပစ္စည်းတွေကို ပိုသယ်ဆောင်ထားတတ်လေ့ ရှိတယ်။ ဒါဟာလည်း သိပ်တော့ မဆန်းကြယ်လှပါဘူး။ ယောင်္ကျားတစ်ယောက်အတွက် သူ့အိတ်ကပ်ထဲမှာ ခေါင်းဖြီးတွေ၊ ရေမွှေးတွေ ဆောင်ထားဖို့ မလိုအပ်ပေမယ့် မိန်းမတစ်ယောက် အတွက်တော့ အလှပြင်ပစ္စည်းတွေနဲ့ တစ်ခြားအရေးပေါ် အသုံးအဆောင်တွေကို ထည့်ထားဆောင်ထားဖို့ လိုအပ်နေတတ်တယ်။

ဒီမှာတင်ပဲ မိန်းမတွေဟာ ပစ္စည်းများများ ဝင်ဆန့်မယ့် စလင်းဘတ်အကြီးကြီးတွေ၊ ပိုက်ဆံအိတ်အကြီးကြီးတွေ ကိုင်ဆောင်လာရုံသာမက တစ်ချို့ဆိုရင် ရုံးသွားရုံးပြန် အိတ်နှစ်လုံးလွယ်တဲ့အထိ ဖြစ်လာခဲ့ပါတယ်။ ရုံးသွားချိန်မနက်ခင်းတွေမှာ ကျွန်တော်သတိထားမိသလောက် မိန်းမတွေဟာ လက်တစ်ဖက်မှာ စလင်းဘတ်တွေ၊ ပိုက်ဆံအိတ်တွေကို လွယ်ထား၊ ကိုင်ထားတတ်သလို တစ်ခြားလက်တစ်ဖက်မှာလည်း ထမင်းချိုင့်၊ ရေဗူး၊ စာအုပ်စတာတွေကို သယ်ဖို့ နောက်ထပ်အိတ်တစ်လုံးကို ကိုင်ထားတတ်ပြန်တယ်။ ဒါတောင် Laptop ကွန်ပျူတာထည့်တဲ့ အိတ်မပါသေးဘူး။

ယောင်္ကျားလေးတွေအတွက်ကတော့ ပိုက်ဆံအိတ်ကို ဘောင်းဘီအိတ်ထဲ၊ ကုတ်အင်္ကျီအိတ်ထဲ ထိုးထည့်ထားတတ်ပြီး နေ့လယ်စာကိုတော့ ထမင်းချိုင့်လေး (သို့) ထမင်းချိုင့်ထည့်ထားတဲ့ အိတ်ကလေး ကိုင်သူကိုင်၊ ဒါမှမဟုတ် အပြင်မှာ ဝယ်စားသူဝယ်စား လုပ်တတ်ကြပါတယ်။ ဒါကြောင့် ယောင်္ကျားလေးတွေ ရုံးသွားရုံးပြန် ဝတ်စားဆင်ယင်မှုဟာ ဘာမှအပိုဆာဒါး မပါသလောက် ရိုးရှင်းမှုရှိပါတယ်။ ဒီတော့လည်း တစ်ဖက်က ကြည့်ပြန်ရင် ယောင်္ကျားလေးတွေဟာ ပစ္စည်းထည့်နိုင်ဖို့အတွက် အိတ်ကပ်ပါတဲ့ အင်္ကျီ၊ ဘောင်းဘီတွေကို မိန်းမတွေထက် ပိုပြီးရွေးချယ် ဝတ်ဆင်တတ်ကြပါတယ်။

ဒါကတော့ အိတ်ဋီကာ ဖွင့်ဆိုချက်ပါ။ ဘာကြောင့် ဒီလိုမျိုး ရှည်လျားထွေပြား ဖွင့်ဆိုရသလဲ ဆိုရင်တော့ မိန်းမတစ်ယောက်အတွက် သူတို့ကိုင်နေတဲ့ အိတ်တစ်လုံးကို ဖွင့်ပြလိုက်ရုံနဲ့ သူတို့ဘာတွေ သယ်လာတယ်ဆိုတာကို သိနိုင်ပေမယ့် ယောင်္ကျားတစ်ယောက်အတွက်တော့ သူတို့ဝတ်စားထားတဲ့ အင်္ကျီ၊ ဘောင်းဘီတွေထဲမှာ ဘာတွေထည့်ထားသလဲ ဆိုတာထိပါ လိုက်ကြည့်တတ်ဖို့ လိုတယ်လို့ ပြောချင်တာပါ။

….

ဩော်… သူများတကာတွေ အိတ်တွေသွန်ကြ၊ ဖာတွေမှောက်ကြလေတော့ သူ့ဖာသာသူ သွန်ကြ၊ မှောက်ကြတာပဲဆိုပြီး သူများတွေ မှောက်ထားသွန်ထားတာတွေကို သွားကြည့်လိုက်၊ ခိုးခိုးခိခိ လုပ်လိုက်၊ ဖေ့စ်ဘွတ်(ခ်)မှာ တင်ထားတာဆိုရင် လိုက်ခ်လုပ်လိုက်၊ ဘလော့ဂ်မှာ တင်ထားတာဆိုရင် ကော်မန့်ရေးလိုက် လုပ်နေခဲ့တယ်။ မနေ့ကတော့ မိုးအေးအေးလေးရှိတာမို့ အခန်းထဲမှာ အေးအေးဆေးဆေးလေး တစ်ယောက်တည်း ‘မိုးစက်တင်လေ’ သီချင်းလေးနဲ့ တန်ဂိုအကလေ့ကျင့်နေမယ်ကြံသေး၊ ကိုရန်အောင်လည်း မှောက်ပြသင့်တယ်၊ မဟုတ်ဘူး၊ မှောက်ပြရမယ်၊ နိုး. နိုး. မှောက်ရမယ်ဆိုပြီး တက်(ဂ်)လာကြပါလေရော။

တကယ်တော့ ကျွန်တော်ဟာ ဘဝမှာ ကြောင်လက်သည်းဝှက်သလို ရိုးရိုးကုတ်ကုတ်လေးပဲ နေချင်ခဲ့တဲ့ မြေပြန့်က မြန်မာအမျိုးသားလေး တစ်ယောက်ပါ။ (အဟမ်း.. အဟမ်း.. ချောင်းဆိုးသံကြားလိုက်မိသလိုပဲ။ အဟတ်ဟတ်.) အဲလိုပြောလိုက်လို့လည်း ကျွန်တော့်အိတ်ထဲမှာ စိတ်ဝင်စားစရာ ဘာမှမရှိဘူးလို့လည်း မဆိုနိုင်ပါဘူး။ ကမ္ဘာပေါ်မှာ စိတ်ဝင်စားစရာ အကောင်းဆုံးသတ္တဝါဟာ မိမိကိုယ်တိုင်ပါပဲဆိုတဲ့ စကားလေးလိုပေါ့။ လူတိုင်းက ကိုယ့်ကိုယ်ကိုတော့ စိတ်ဝင်စားစရာ ကောင်းတယ်လို့ ထင်မြင်ယူဆတတ်ကြတာချည်းပါပဲ။ အပေါ်မှာ စကားပလ္လင်ခံခဲ့သလိုပါပဲ။ ကျွန်တော့်အိတ်ကို မှောက်တဲ့အခါမှာ ပိုက်ဆံအိတ်သာမကဘဲ ဘောင်းဘီအိတ်ကိုပါ သွန်မှောက်ပြပါမယ်။

ရှိရှိသမျှ မှောက်ပြလိုက်ရရင်တော့ ဒါလေးတွေ ထွက်လာပါတယ်။

ပိုက်ဆံအိတ်လေးရယ်၊ သော့လေးတစ်စုံရယ်၊ ဖုန်းလေးတစ်လုံးရယ်၊ နားကြပ်လေးတစ်ခုရယ်၊ ဘောင်းဘီဘေးအိတ်ထဲ ထည့်ထားလေ့ရှိတဲ့ သင်ပုန်းကွန်ပျူတာလေးတစ်ခုရယ်နဲ့ အရေးအကြီးဆုံးဖြစ်တဲ့ မင်နီဘောလ်ပင်လေးတစ်ချောင်းရယ်ပါပဲ။

သော့လေးကတော့ အပြင်တံခါးနဲ့ အခန်းတံခါးသော့ပါ။ ငယ်ငယ်တုန်းကတော့ သော့လေးကို ကီးချိန်းလေးတွေ တပ်ပြီးထားတတ်ပေမယ့် အခုကြီးလာတော့ ဘာမှကို တပ်ထားချင်စိတ် မရှိတော့ဘူး။ အဲဒါနဲ့ပဲ သော့လေးလည်း အခုလိုမျိုး တုံးတိတိလေး ဖြစ်နေရှာတော့တယ်။ ဖုန်းနဲ့ နားကြပ်လေးကတော့ ဘာမှရှင်းပြနေစရာ မလိုတဲ့ နေ့စဉ်အသုံးအဆောင် ပစ္စည်းလေးတွေပါပဲ။

သင်ပုန်းကွန်ပျူတာလေးကတော့ ကျွန်တော့်ဘဝအတွက် တော်တော်လေးကို အရေးပါတဲ့ အနေအထားမှာ ရှိနေခဲ့တယ်။ ကျောင်းသားငယ်လေးတွေကို စာသင်တဲ့အခါမှာ အသံထွက်ပြောပြချင်ရင်ပဲ ဖြစ်ဖြစ်၊ သူတို့မသိမမြင်ဖူးတဲ့ အရာတစ်ခုခုကို ပြဖို့အတွက် ပုံလေးတွေပြချင်ရင်ပဲ ဖြစ်ဖြစ်၊ သက်ဆိုင်ရာ ဝက်(ဘ်)ဆိုက်လေးတွေကို သွားချင်ရင်ပဲ ဖြစ်ဖြစ်၊ အတန်းကြီးသမားတွေကို Reading Assignment လေးတွေ ပေးဖို့အတွက် ဆောင်းပါးလေးတွေ ရှာပေးတဲ့အခါမှာပဲ ဖြစ်ဖြစ် အမြဲတမ်း အသုံးပြုနေရတယ်။ ဒါ့အပြင် ရထားစောင့်၊ ကားစောင့်နေတုန်း၊ ကော်ဖီဆိုင်၊ အအေးဆိုင်ထိုင်နေတုန်း အချိန်ဖြုန်းချင်ရင် သင်ပုန်းကွန်ပျူတာလေးထဲမှာ ထည့်ထားတဲ့ Ebook လေးတွေကို ထုတ်ဖတ်ဖြစ်တယ်။ အထဲမှာ ထည့်ထားတဲ့ စာအုပ်တစ်ချို့ကတော့ ဆရာသော်တာဆွေရဲ့ ဘဝဇာတ်ကြောင်း၊ ဆရာနေဝင်းမြင့်ရဲ့ မြို့ပြပိုးမွှားများ၊ မနုဿီဟအက်ဆေးများ၊ ဆရာပါရဂူရဲ့ စာအုပ်တစ်ချို့၊ ဆရာမ ခင်ခင်ထူးရဲ့ ရက်ကန်းလွန်း၊ ဆံရစ်ဝိုင်း ဝတ္ထုတိုလေးတွေ၊ ဒဿနစာအုပ်လေးတစ်ချို့နဲ့ အင်္ဂလိပ်စာအုပ် နည်းနည်းပါးပါးပေါ့။ အချစ်အလွမ်း သရုပ်ဖော်ဝတ္ထု အရေးအသားတွေထက် အက်ဆေး၊ ဆောင်းပါး၊ အတွှေးအခေါ်စတဲ့ စာအုပ်လေးတွေကို ပိုဖတ်ဖြစ်တဲ့အကြောင်းရင်းက ကျွန်တော်ဘယ်လိုစာတွေ ရေးဖြစ်တယ် ဆိုတာပေါ်မှာ အများကြီး လွှမ်းမိုးသက်ရောက်မှု ရှိနေခဲ့တယ်။

ပိုက်ဆံအိတ်လေးကတော့ ရန်ကုန်ကအပြန်မှာ တစ်ယောက်သောသူလေးက အမှတ်တရလေး ပေးခဲ့တာပေါ့။ အဲဒီ့နေ့က သာကေတ ရွှေပုဇွန်မှာ နောက်ဆုံးအကြိမ် ကျွန်တော်တို့ ဆုံဖြစ်ခဲ့ကြတယ်။ သူလေးက ညနေခင်း ပုစွန်ဆီရောင်လေးနဲ့ လိုက်ဖက်လှတဲ့ ပန်းသွေးရောင် ဂါဝန်လေးဝတ်လို့။ အခုမှ ခေါင်းလျှော်ပြီးခါစ ပုံစံလေးနဲ့ ဆံပင်ရှည်လေးတွေဆီက မွှေးရနံ့လေးတွေက လေအဝှေ့မှာ သင်းခနဲပျံ့ခနဲ။ ကျွန်တော်က သူလေးကို ကားပါကင်ထဲမှာ ဆင်းကြိုခဲ့တယ်။ ရွှေပုစွန်ရဲ့ နောက်ဖက်က ပန်းခြံလေးထဲမှာ သူလေးကို ထိုင်ခိုင်းထားပြီး ကောင်တာမှာ Mocha ကော်ဖီလေးနှစ်ခွက် မှာနေချိန် ကျောက်ခတ်ရေမှော်လေးတွေကို ဖြတ်သန်းလာတဲ့ ရေစီးသံလေးတွေက တလွင်လွင်နဲ့ သစ်ပင်လေးတွေကြားမှာ ရိုက်ခတ်လို့။ ဆက်မပြောတော့ပါဘူးလေ။ ခေါင်းစဉ်နဲ့ မဆီလျော်တာတွေ ပြောမိတော့မယ်။ အဟတ်ဟတ်.

အဲဒီ့ပိုက်ဆံအိတ်လေးကို ဆက်ဖွင့်လိုက်ရင် အထဲမှာ ဟောသလိုလေး စမြင်ရပါလိမ့်မယ်။ ပြည်နယ်မှတ်ပုံတင်ကဒ်ပြားလေးပါ။ သူ့နောက်မှာတော့ ရထားစီးတဲ့ Metro ကဒ်လေးပေါ့။

ဆက်ဖွင့်လိုက်ရင် ဒီလိုလေးတွေ မြင်ရပါလိမ့်မယ်။

ပထမကော်လန်မှာ ရှိနေခဲ့တာတွေကတော့ နယူးယောက်မှာ ရှိတဲ့ဘဏ်အများစုရဲ့ ကဒ်ပြားတွေပါ။ TD၊ Chase၊ Citi ဘဏ်သုံးခုလုံးရဲ့ ကဒ်ပြားကို ကိုင်ထားနိုင်ရင် နယူးယောက်တခွင် ဘယ်ကိုသွားသွား ပိုက်ဆံထုတ်ရတာ အဆင်တော်တော်ပြေပါတယ်။ ATM စက်တွေကိုလည်း တကန်တက လိုက်ရှာနေစရာ မလိုတော့ဘူးပေါ့။ တစ်ချို့ဆေးဆိုင်တွေမှာ Chase ATM ရှိတတ်သလို ရထားမှတ်တိုင်၊ ကားမှတ်တိုင်တွေနဲ့ အနီးဆုံးတွေမှာကျတော့ Citi ATM တွေ ရှိနေတတ်ပြန်တယ်။ အဝါရောင်ကဒ်ပြားလေးကတော့ စာကြည့်တိုက် အသင်းဝင်ကဒ်ပြားလေးပါ။ အဲဒီ့နောက်မှာ ဆက်ရှိနေခဲ့တဲ့ တံဆိပ်တုံးထုထားတဲ့ ကဒ်ပြားလေးကတော့ အစဉ်အမြဲ အားပေးနေကျ Bubble Tea ဆိုင်လေးက Promotion ကဒ်ပြားလေးပါ။ ဆယ်ခွက်ဝယ်ရင် တစ်ခွက်အလကားပေးမယ်ဆိုတဲ့ သဘောပေါ့။

ဒုတိယကော်လန်ရဲ့ စစချင်းမှာ တွေ့ရတာကတော့ မြန်မာပြည်ကို ဖုန်းခေါ်ဖို့ အသင့်ဆောင်ထားတဲ့ Real Asia ဖုန်းကဒ်လေးတွေပါ။ ဖုန်းကဒ်တွေက ၂ ဒေါ်လာတန်နဲ့ ၅ ဒေါ်လာတန်ဆိုပြီး ရှိပါတယ်။ ၅ ဒေါ်လာတန်နဲ့ ခေါ်ရင် ၁၈ မိနစ်လောက် ရတတ်ပြီး ၂ ဒေါ်လာတန် တစ်ကဒ်နဲ့ ခေါ်ရင်တော့ ၈ မိနစ်ကနေ ၁၀ မိနစ်လောက် ရတတ်ပါတယ်။ ၂ ဒေါ်လာတန် ၃ ကဒ်ဝယ်ရင် ၅ ဒေါ်လာပဲ ပေးရတာကတစ်ကြောင်း၊ ကဒ်ပြားအသေးနဲ့ ဖုန်းခေါ်ရင် လိုရင်းတိုရှင်းပြောလို့ ရတာကတစ်ကြောင်းကြောင့် ၂ ဒေါ်လာတန်လေးတွေပဲ နောက်ပိုင်းအားပေးဖြစ်တော့တယ်။ Viber တွေ၊ Tango တွေ ရလာပြီ ဆိုပေမယ့်လည်း မြန်မာပြည်ရဲ့ MPT က အများသိကြတဲ့အတိုင်းပဲ ဆိုတော့ ဖုန်းကဒ်လေးတွေက ကျွန်တော့်ပိုက်ဆံအိတ်လေးထဲမှာ အမြဲရှိနေတတ်တာ အဆန်းမဟုတ်တော့ပါဘူး။

ဖုန်းကဒ်လေးတွေအောက်မှာက ရထားကဒ်၊ ပြီးတော့ ကားမောင်းသင်တန်းကျောင်းက ယူလာခဲ့တဲ့ လိပ်စာကဒ် ၂ ကဒ်။ တစ်နေရာရောက်လို့ လိပ်စာကဒ်ယူရင် ၂ ကဒ်ယူလေ့ရှိတာ ကျွန်တော့်အကျင့်တစ်ခုလို ဖြစ်နေခဲ့ပါပြီ။ ဘာရယ်မဟုတ်ပါဘူး။ တစ်ယောက်ယောက်ကို ပြောပြလို့ရအောင် တစ်ကဒ်အပိုယူလိုက်ရုံ သက်သက်ပါပဲ။

တတိယကော်လန်ရဲ့ စစချင်းက ဇယားကွက်လေးတွေကတော့ အသည်းရောင် အသားဝါဘီပိုး ကာကွယ်ဆေးထိုးဖို့ ရက်တွေကို ဆရာဝန်က မှတ်ပေးထားတာပါ။ အတွဲလိုက်ထိုးရမှာဆိုတော့ ရက်တွေနောက်မကျအောင် ကဒ်ပြားလေးမှာ ရေးပေးထားတာကို ပိုက်ဆံအိတ်လေးထဲ ဆောင်ထားခဲ့တာပါ။ တတိယ ကာကွယ်ဆေးကို နိုဝင်ဘာ ၁၅ ရက်ဝန်းကျင်မှာ ထိုးရဦးမယ်။ တစ်ပတ်ကြိုလောက် ထိုးလို့ရတယ်ဆိုတော့ နိုဝင်ဘာ ၈ ရက်မှာ ထိုးလို့ရပြီပေါ့။ ကျွန်တော်သတိမေ့နေခဲ့ရင် သတိပေးကြဦးနော့။ မှတ်မိကြမယ်ဟုတ်။ အောက်ဖက်ကို ဆက်ဆင်းသွားလိုက်ရင်တော့ သွားဆေးခန်းက လိပ်စာကဒ်၊ အထွေထွေကုသတဲ့ ဆရာဝန်ရဲ့ လိပ်စာကဒ်နဲ့ ဆီးဝမ်းအထူးကုဆရာဝန်ရဲ့ လိပ်စာကဒ်လေးတွေကို အစီအရီလေး ပြထားတာ တွေ့ရပါလိမ့်မယ်။

စတုတ္တကော်လန်မှာတော့ ပြည်နယ်မှတ်ပုံတင်ကဒ်ပြား၊ ယာဉ်မောင်းလိုင်စင်၊ ကျန်းမာရေး အာမခံကဒ်ပြား (Health Insurance Card) နဲ့ သူငယ်ချင်းနဲ့ ဈေးအတူတူ ဝယ်ထားတဲ့ ပြေစာဖြတ်ပိုင်းလေးတွေကို တွေ့ရပါလိမ့်မယ်။ ၄၆ ဒေါ်လာနဲ့ ၇၅ ဆင့် ကျွန်တော့်သူငယ်ချင်းကို ပေးခဲ့ပြီးနောက် ဖြတ်ပိုင်းလေးကို လွှင့်မပစ်ဖြစ်သေးဘဲ ပိုက်ဆံအိတ်လေးထဲကို ထိုးထည့်ထားခဲ့မိတာပါ။ ဖြတ်ပိုင်းလေးရဲ့ ဘယ်ဖက်မှာတော့ အရေးအကြောင်းဆိုရင် အသုံးပြုဖို့အတွက် ဆောင်ထားတဲ့ ဆေးပလာစတာလေးပါ။

ဆေးပလာစတာလေး ဆောင်ဖို့အကျင့်ကို ကျွန်တော်လုပ်ယူခဲ့တာ အခုဆိုရင် ၃ နှစ်ထဲကို ရောက်ခဲ့ပါပြီ။ ဘာရယ်မဟုတ်ဘူး။ သွားရင်းလာရင်း၊ လုပ်ရင်းကိုင်ရင်း ထိခိုက်ဒဏ်ရာရခဲ့တဲ့အခါ အရေးပေါ် အသုံးပြုလို့ရအောင် ဆောင်ထားခဲ့တာပါ။ ကိုယ့်အတွက်တင် မဟုတ်ဘဲ တစ်ခြားသူတွေအတွက်ပါ အသုံးတည့်ခဲ့တာတော့ ဝမ်းသာစရာပါပဲ။ တစ်ခါ လုပ်ငန်းခွင်ထဲမှာ ချိတ်နဲ့ထိုးမိပြီး လက်ချောင်းပြဲသွားတဲ့ လုပ်ဖော်ကိုင်ဖက်တစ်ယောက်ကို ပေးခဲ့ဖူးတယ်။ ဘူတာရုံကအထွက်မှာ ချော်လဲလို့ ခြေထောက်နည်းနည်း ထိသွားခဲ့တဲ့ မျက်နှာစိမ်း မိန်းမကြီးတစ်ယောက်ကိုလည်း ပေးခဲ့ဖူးတယ်။ ကျောင်းဆင်းချိန်မှာ စကူတာစီးရင်း ချော်လဲသွားတဲ့ ကျွန်တော့်ကျောင်းသားလေးရဲ့ ဒူးခေါင်းက ဒဏ်ရာကိုလည်း ကိုယ်တိုင် ကပ်ပေးခဲ့ဖူးတယ်။

ပလာစတာလေးရဲ့ အောက်ဖက်မှာတော့ ထီလက်မှတ်လေးတွေပေါ့။ ပေါက်နိုးပေါက်နိုးနဲ့ ထိုးခဲ့ရတာလည်း ရှစ်နှစ်ကျော်ခဲ့ပါပြီ။ နောက်ပိုင်းကျတော့ ထိုးသာထိုးလိုက်တယ်၊ ထီတောင်မတိုက်ဖြစ်တော့ပြန်ဘူး။ အဲသလိုနဲ့ ထီလက်မှတ်အဟောင်းလေးတွေက ကျွန်တော့်ပိုက်ဆံအိတ်လေးထဲမှာ အခန့်သားထိုင်ရင်း အချင်းချင်း မိတ်ဆွေတွေကို ဖြစ်လို့။

နောက်ဆုံးတစ်ခုကတော့ ဒီနိုင်ငံရဲ့ ငွေစက္ကူလေးတွေပါပဲ။

ကဲ. ကျွန်တော့်အိတ်လေးထဲက ပစ္စည်းလေးတွေက ကျွန်တော့်အကြောင်းကို တစ်စုံတစ်ရာသော အတိုင်းအတာထိ ပြောပြပေးနေမယ်ဆိုရင် ဒီပို့စ်လေး ရေးရကျိုးနပ်ပြီလို့ ယူဆပါတယ်။

ထပ်ပြီး တက်(ဂ်)လုပ်ချင်တာကတော့ ကိုကြီး၊ ကီုညီလင်းသစ်၊ ကိုဏီလင်းညို၊ ကိုသတိုးနဲ့ မောင်မျိုးတို့ပဲ ဖြစ်ပါတယ်။ ဒါ့အပြင် ဘလော့ဂါမဟုတ်တဲ့ ဖေ့စ်ဘွတ်(ခ်)ပေါ်က မိတ်ဆွေကြီး ကိုရန်မင်းအောင်ကိုလည်း တက်(ဂ်)လုပ်ပါတယ်ခင်ဗျား.....

အားလုံးကိုချစ်ခင်လေးစားလျက်

ရန်အောင်.

ပန္နက်တိုင်များ...

noreply@blogger.com (Yan) — Thu, 06 Jun 2013 20:24:00 +0000

တရံတစ်ခါမှာ သိပ်ကိုကြီးကျယ်

မြင့်မြတ်လွန်းချင်ခဲ့သလို

တစ်ခါတရံမှာ အတတ်နိုင်ဆုံး

သိုသိပ်လျှို့ဝှက်ထားချင်တယ်...

တစ်ခါတစ်ခေါက်မှာ အမြင့်ဆုံးထိ
တက်မဟဲ့လို့ ကြုံးဝါးကြိုးစားချင်မိသလို
တစ်ခေါက်တစ်ခါမှာ ရှိတာလေးနဲ့ ရောင့်ရဲပြီး
သူလိုကိုယ်လိုလေးပဲ နေချင်မိတယ်...

နွေမှာ ငှက်ကျေးစုံလင်
ပန်းမာန်ပုရစ်ဖူးလေးတွေနဲ့ လှပကျူးရင့်နေတတ်သလို
နွေဟာ တဖျစ်ဖျစ်နဲ့ ပူပြင်းခြောက်သွေ့လွန်းလှတယ်...

မိုးမှာ စိုပြည်စိမ်းလန်း
တောတောင်စိမ့်စမ်းတွေ တသွင်သွင်နဲ့ စီးဆင်းနေတတ်သလို
မိုးဟာ တဖျောက်ဖျောက်နဲ့ စွတ်စိုထိုင်းမှိုင်းလွန်းလှတယ်.

ဆောင်းမှာ နှင်းမှုန်နှင်းစက်
ရေခဲကျောက်ခက်တွေနဲ့ လှပဆန်းကြယ်မှုတွေ ရှိနေတတ်သလို
ဆောင်းဟာ တဝေါဝေါနဲ့ ခြောက်သွေ့ကျွတ်ဆတ်လွန်းလှတယ်...

ဒီလိုပါပဲ..
အကောင်းနဲ့အဆိုး ဒွန်တွဲနေသမျှမှာ
ကိုယ့်ခံစားချက်အတိုင်း လောကဟာ
ရုပ်ဆင်းပျိုမြစ် ကညာအပျိုစင်စစ်လေး ဖြစ်ချင်ဖြစ်လိုက်
ရုပ်ဆိုးခက်ထန် ယက္ခဂုမ္ဘာန်လည်း ဖြစ်ချင်ဖြစ်လိုက်..

တကယ်တော့ ခံစားတတ်တဲ့ နှလုံးသားဟာ
ဟိုး အတွင်းထဲမှာ နက်နက်ရှိုင်းရှိုင်းရှိနေတတ်သားနဲ့
ထစ်ခနဲဆို ပြင်ပကမ္ဘာကိုပဲ အပြစ်ဆိုနေမိတာ
မရင့်ကျက်မှုရဲ့ ပြယုဂ်တစ်ခုလေပဲလား...

ဘာပဲဖြစ်ဖြစ်
ကိုယ်ကိုယ်တိုင်နဲ့ ပတ်သက်လာရင်တော့
ကျွန်တော်တို့အားလုံး ရိုးသားတယ်လို့
ပန္နက်တိုင်တွေ ရိုက်မိနေတုန်း....

~ ရေခဲငှက် ~

ပန်းခြွေမိုး

noreply@blogger.com (Yan) — Sat, 25 May 2013 07:22:00 +0000

(၁)

မနေ့ညက သတင်းမှာ ကြေငြာထားတာ မိုးကြိုးမုန်တိုင်းရှိတယ်တဲ့။ ညနေကတည်းက မိုးလေးက တစ်ခါတလေမှာ ရှက်ကိုးရှက်ကန်းဟန်ပြုပြီး မစို့မပို့လေး ရွာလိုက်၊ တစ်ခါတလေမှာ လေနဲ့အတူ ခပ်ရဲရဲလေး စီးမျောလာလိုက်၊ တစ်ခါတလေမှာတော့ ပျိုးကြဲသလို ဖွားခနဲ ဖွားခနဲ ပက်ချလာလိုက်နဲ့ တစိမ့်စိမ့်လေး ရွာချင်တိုင်း ရွာနေခဲ့တယ်။ နေ့လယ်ခင်းလောက်ကျတော့ လျှပ်စီးတွေ ကြိုကြားကြိုကြားလက်ပြီး ကမ္ဘာ့စည်ကြီးက တစ်ချက်တစ်ချက် အကျယ်ကြီး ထတီးလာခဲ့တယ်။ ဩော်… မျက်နှာမည်းကြီးလည်း ငိုချိန်တန်ပါပေါ့လား…

မြို့ထဲမှာတော့ မိုးကပိုသည်းတယ်လို့ မိတ်ဆွေတစ်ယောက်က ပြောတယ်။ သူပြောတဲ့အတိုင်း အတိအကျ ပြောရရင်တော့ “ရွာတာက ဟက်ပက်ကြီးပဲဗျ” တဲ့။ အလုပ်ဒီဖက်ပြောင်းလာကတည်းက မြို့ထဲဖက်ကို ရထားမစီးဖြစ်တာလည်း အတော်ကြာခဲ့ပြီပဲ။ သည်တော့လည်း သူပြောတဲ့ ဟက်ပက်ကြီးရွာတယ်ဆိုတာကို စိတ်ကူးနဲ့ပဲ မြင်ယောင်ကြည့်လိုက်ရတယ်။ ဘာပဲဖြစ်ဖြစ် မနေ့ညက မိုးသံလေသံ တရှဲရှဲ တဟဲဟဲနဲ့ အိပ်လို့တော့ အကောင်းသား။

(၂)

ဒီနေ့မနက် အိပ်ယာထလို့ အပြင်ဖက်ကို လှမ်းကြည့်လိုက်တော့ မှန်ပြတင်းတံခါးလေးက မိုးစက်လေးတွေကို ဟိုနားတစ်စက်၊ သည်နားတစ်စက် လိမ်းခြယ်လို့ ရေမှုန်ရေမွှားလေးတွေကြားထဲမှာ မခိုးမခန့်လေးရပ်နေခဲ့တယ်။ အပြင်မှာ မိုးလေးကတော့ ခပ်ပါးပါးလေး အုံ့နေတုန်း။ ခပ်လှမ်းလှမ်းက သစ်ရွက်လေးတွေက တစ်ချက်တစ်ချက် အရိုင်းဆန်ချင်သွားတဲ့ လေပြည်ကို ဟိုဖက်ယိမ်းလိုက်၊ သည်ဖက်ယိမ်းလိုက်နဲ့ မထိတထိ ရှောင်တိမ်းရင်း ခိုးခိုးခစ်ခစ် လုပ်နေကြလေရဲ့။ သူတို့လေးတွေကိုကြည့်ရင်း ကိုယ်ပါစိတ်ထဲက မြူးတူးပျော်ရွှင်ချင်လာမိတယ်။

ပြတင်းတံခါးကို အသာလေးဆွဲတင်လိုက်တော့ လေနုအေးလေးက အခန်းထဲကို ကသုတ်ကရက်နဲ့ တိုးဝင်လာခဲ့တယ်။ မျက်စေ့ကိုမှိတ်၊ လက်နှစ်ဖက်ကို ခေါင်းပေါ်မြှောက်လို့ အကြောဆန့်လိုက်ရင်း လေကိုတစ်ဝကြီး ရှူသွင်းပစ်လိုက်တယ်။ ဘေးအိမ်ခေါင်မိုးပေါ်မှာ မိုးစက်လေးတွေက စစ်ချီတက်သလို အတန်းလိုက်လေးတွေ စီးဆင်းနေရင်း ရေတံလျှောက်လေးထဲကို အဆက်မပြတ်ခုန်ချနေကြလိုက်တာ အိုလံပစ်ပြိုင်ပွဲဝင် အားကစားသမားတွေအလား။

သူ့ရဲ့ မသိစိတ်က တစ်စုံတစ်ရာကို လိုက်ရှာနေခဲ့မိတယ်။ ဟုတ်တယ်။ ခြံစည်းရိုးလေးတွေပေါ်မှာ ပြေးလွှားခုန်ပေါက်နေတတ်တဲ့ ရှဉ့်ညိုလေးတွေ ဒီနေ့ ဘယ်ချောင်မှာ သွားကုပ်နေပါလိမ့်။ သူတို့လေးတွေက ရာသီဥတု ပွင့်လင်းသာယာချိန်မှာ အစာရေစာလေးတွေကို တကုပ်ကုပ်နဲ့ စုဆောင်းသိမ်းဆည်း ထားတတ်ကြတာမျိုးဆိုတော့ အခုလို မိုးလေးတဖွဲဖွဲ ရွာနေချိန်မှာ သစ်ခေါင်းလေးတွေထဲ ခပ်ကွေးကွေးလေး ဇိမ်ယူပြီး အိပ်နေမလားပဲ။

အိမ်နောက်ဖေးမှာရှိတဲ့ မြက်ခင်းစိမ်းလေးကတော့ မိုးစက်လေးတွေကြားထဲမှာ တဖျတ်ဖျတ် လှုပ်ခါနေလိုက်တာ အပျိုမလေးတစ်ယောက် သူ့ကိုယ်လုံးလေးကို ရမ်းခါပြီး စိတ်လိုလက်ရ ရယ်မောနေသလိုမျိုး။ ပျော်ရှာမှာပေါ့လေ။ တစ်ဆောင်းတွင်းလုံး သူတို့ခေါင်းလေးတွေကို တိုးလျှိုးနှစ်မြုပ်ထားခဲ့ရပြီပဲ။ သည်လိုနွေဦးရာသီမှာ ပထမဆုံးတွေ့ခွင့်ရတဲ့ မိုးစက်လေးတွေက သူတို့ဘဝရှေ့ရေးအတွက် အများကြီးအရေးပါနေနိုင်တာကိုး။

တစ်ချို့မြက်ပင်လေးတွေကတော့ ပိုင်ရှင်မရိတ်သိမ်းဘဲ ပစ်ထားခဲ့တာ ကြာလို့ထင့်။ အရှည်လွန်ပြီး တစ်ဖက်ကိုတောင် ကိုင်းကျနေလိုက်သေးတယ်။ ရုတ်တရက်ကြည့်လိုက်ရင် မြက်ပင်တံတားလေး ဖြစ်နေသလိုမျိုး။ ခပ်ကွေးကွေးလေးကျချင်နေတဲ့ မြက်ပင်တံတားလေးပေါ်မှာမှ ကပ်သီးကပ်သတ် တွယ်ကပ်ချင်နေတဲ့ မိုးစက်လေးတွေကလည်း ရှိသေးတယ်။ ခက်လိုက်ပါဘိနှယ်။

လေပြင်းလေးတစ်ချက် သုတ်ခနဲ တိုက်လိုက်ရင် မြက်ပင်လေးတွေပေါ်မှာ တင်နေတဲ့ မိုးရေစက်လေးတွေ ဝေ့ဝဲလွင့်စင်သွားတာလေးတွေက စင်မြင့်ပေါ်မှာ ရော့ခ်အဆိုတော်တစ်ယောက် သူ့ဆံပင်ရှည်တွေကို အားရပါးရ ခါယမ်းပြီး သီချင်းဆိုနေသလိုမျိုး ဖွားခနဲ ဖွားခနဲ။ ဩော်. နွေမှာ ပန်းတို့ပွင့်မှ လှတတ်တာမဟုတ်ဘူး။ မိုးမှာလည်း သဘာဝရဲ့သမီးပျိုက မိုးစက်လေးတွေ စွတ်စိုလို့ လှချင်တိုင်းလှနေတတ်သေးတာပဲ။

(၃)

မျက်နှာသစ်၊ သွားတိုက်၊ ကိုယ်လက်သန့်စင်ပြီးတော့ ကော်ဖီပူလေးတစ်ခွက်ဖျော်ပြီး အခန်းလေးထဲ ပြန်ဝင်လာခဲ့လိုက်တယ်။ စားပွဲပေါ်မှာ တင်ထားတဲ့ လက်(ပ်)တော့ကွန်ပျူတာလေးကို ပြတင်းပေါက်နားမှာ ထားထားတဲ့ အံဆွဲလေးပေါ် ပြောင်းတင်လိုက်တယ်။ ကွန်ပျူတာအဖုံးလေးကို လှပ်လိုက်တော့ မနေ့ညက အိပ်ခါနီး နားထောင်ခဲ့တဲ့ သီချင်းလေးတစ်ပုဒ်က ဖန်သားပြင်ပေါ်မှာ ရှိနေဆဲပဲ။ Play ခလုတ်လေးကို နှိပ်လိုက်ပြီး ထိုင်ခုံနောက်ကျောကို မှီလို့ အပြင်ဖက်ကို ငေးကြည့်နေခဲ့လိုက်တယ်။ ကော်ဖီနံ့လေးက သူ့နှာခေါင်းထဲ တစိမ့်စိမ့် တိုးဝင်မြှူဆွယ်နေတာကို မသိကျိုးကျွံပြုရင်း မျက်နှာချင်းဆိုင်အိမ်က ခေါင်မိုးလေးပေါ် မိုးစက်တွေ တဖွဲဖွဲကျနေတာကို သည်အတိုင်း စိုက်ကြည့်နေခဲ့လိုက်တယ်။

ရေညှိလေးတွေတက်နေတဲ့ အိမ်ခေါင်မိုးလေးပေါ်မှာ မိုးစက်လေးတွေ စီးဆင်းနေပုံက အာရုံစိုက်ပြီး ကြည့်လေလေ စိတ်ထဲမှာ နှစ်လိုချစ်ခင်ဖွယ် သိင်္ဂါရ ရသလေးကို ခံစားလာရလေလေပါပဲ။ လက်ဆင့်ကမ်း ပြေးပွဲဝင်နေကြတဲ့ အပြေးသမားတွေလို အရှေ့က စီးသွားတဲ့ မိုးစက်လေးက တစ်နေရာမှာ ခဏရပ်နေတုန်း အနောက်က စီးလာတဲ့ မိုးစက်လေးက ဆတ်ခနဲလာပြီး ထိတွေ့တယ်။ ပြီးတော့ သူတို့နှစ်ဦးသား အတူတူပေါင်းပြီး ရေစက်လေးနောက်တစ်ခုအဖြစ် ထပ်မံစီးဆင်းရင်း ရေတံလျှောက်လေးထဲကို တောက်ခနဲ ကျသွားတယ်။

မိုးစက်လေးတွေ ရေတံလျှောက်ထဲကျသွားတဲ့နောက် သူ့မြင်ကွင်းထဲက ပျောက်ကွယ်သွားခဲ့ပေမယ့် သူကတော့ မိုးစက်လေးတွေနဲ့အတူ ရေတံလျှောက်အဆုံးထိ လိုက်ပါစီးဆင်းနေခဲ့မိတယ်။ တစ်စက်ချင်း စုဆောင်းလာတဲ့ မိုးရေစက်လေးတွေက ရေတံလျှောက်အဆုံးမှာ ရှိတဲ့ ထွက်ပေါက်လေးကနေ အားရှိတဲ့ ရေစီးကြောင်းလေး တစ်ခုအဖြစ် ဆက်လက်စီးဆင်းသွားမှာကို တွေးရင်း သူ့စိတ်ထဲမှာ အင်အားတစ်ခု တိုးပွားလာနေတာကို ခံစားသိရှိနေခဲ့မိတယ်။

မိုးစက်လေးတွေကို ငေးကြည့်နေဆဲမှာပဲ သင်းကွဲငှက်ကလေးတစ်ကောင်က မျက်နှာချင်းဆိုင် အိမ်ခေါင်မိုးပေါ် လာနားတယ်။ မိုးရေစက်တွေရွှဲရွှဲစိုလို့ တစ်ကိုယ်လုံး ဖွာလန်ကြဲနေတဲ့ ငှက်ကလေးကို ကြည့်ရင်း သနားစိတ်တွေက တဖွားဖွားပေါ်ပေါက်လာနေမိတယ်။ ဘယ်သူနဲ့ သူကွဲလာတာပါလိမ့်။ ငှက်ဖိုလေးလား၊ ငှက်မလေးလား။ သူ့မှာ သားသမီးတွေရော မရှိဘူးလား။ ကလေးတွေရှိရင် သူ့ကိုမျှော်နေရှာတော့မှာပဲ။ အတောင်ညောင်းလို့ ဆက်မပျံနိုင်တော့ရင် သည်မိုးသည်လေနဲ့ သူအိမ်ပြန်နိုင်ပါဦးတော့မလား။ အစာရှာထွက်တဲ့ သိမ်းငှက်၊ စွန်ရဲတွေနဲ့ တွေ့ခဲ့ရင် အသက်ဘေးက လွတ်အောင် သူပြေးနိုင်ပါဦးတော့မလား။ သူမရှိတော့ရင် ကျန်ခဲ့မယ့် ငှက်ကလေးတွေရဲ့ အနာဂတ် ဘယ်လိုရှိလိမ့်မလဲ။

ငှက်ကလေးကတော့ သူ့အတွေးတွေကို သိနိုင်ပုံမထင်။ ဟိုဖက်ကြည့်လိုက် သည်ဖက်ကြည့်လိုက်နဲ့ လမ်းပျောက်နေသလိုလို၊ တစ်စုံတစ်ယောက်ကို လိုက်ရှာနေသလိုလို။ ပြီးတော့ သူ့နှုတ်သီးလေးနဲ့ အမွှေးလေးတွေကြားထဲ ဟိုဟိုသည်သည် ထိုးထည့်လိုက်၊ ကိုယ်လုံးလေးကို တဖွားဖွားခါလိုက်နဲ့ အတောင်ပံလေးတွေကို ခြောက်သွေ့အောင် မနည်းလုပ်နေရရှာတယ်။

ဘာရယ်မဟုတ်ဘဲ ရင်ထဲမှာ သနားချစ်ခင်စိတ်လေးတွေ ပေါ်လာလို့ ထိုင်နေရာက ရုတ်ခနဲထပြီး စာအုပ်စင်လေးအောက်မှာ သိမ်းထားတဲ့ ကင်မရာကို ဆွဲယူလိုက်မိတယ်။ မှန်ဘီလူးအနီးအဝေးချိန်ပြီး သုံးလေးချက်လောက် ဆက်တိုက်ရိုက်ချလိုက်တယ်။ ငှက်ကလေးကလည်း တစ်ကောင်တည်း၊ သူကလည်း အခန်းငယ်လေးထဲမှာ တစ်ယောက်တည်း။ ငှက်ကလေးကလည်း လမ်းပျောက်နေသူ၊ သူကလည်း ဘဝအဓိပ္ပါယ်ကို မျက်ခြည်ပြတ်နေသူ။ ငှက်ကလေးကလည်း ပြူးပြူးပြဲပြဲ၊ သူကိုယ်တိုင်ကလည်း စိတ်ဖိအားတွေနဲ့ အလူးလူးအလဲလဲ။ သင်းကွဲငှက်ကလေးတစ်ကောင်ကို ငေးကြည့်ရင်း သင်းကွဲလူတစ်ယောက်ရဲ့ ခံစားချက်တွေက ရင်ထဲမှာ အင်နဲ့အားနဲ့ ပွင့်အန်ထွက်လာချင်နေကြတယ်။

ကင်မရာကို နေသားတကျ ပြန်ထားပြီး ပြတင်းပေါက်လေးဖက် လှည့်ကြည့်လိုက်ချိန်မှာ ငှက်ကလေးက နေရာမှာ မရှိတော့။ ဩော်. သူ လမ်းပဲတွေ့သွားခဲ့တာလား။ ဒါမှမဟုတ် ပျံမိပျံရာကိုပဲ စွတ်ပျံသွားတာလား။ ဘာပဲဖြစ်ဖြစ် သူ့ဘဝရှင်သန်ရေးအတွက် တစ်စုံတစ်ခုကိုတော့ သူလုပ်ရမှာပဲမဟုတ်လား။

ကော်ဖီတစ်ကျိုက်ကို နှစ်နှစ်ခြိုက်ခြိုက် သောက်ချလိုက်ရင်း အိမ်ခေါင်မိုးလေးကို ဆက်ကြည့်နေခဲ့မိတယ်။ သည်တစ်ခါတော့ သူ့မျက်စိထဲမှာ တုံ့ဆိုင်းဆိုင်း စီးဆင်းနေတဲ့ မိုးစက်လေးတွေကို မတွေ့တော့ဘဲ တသွင်သွင် စီးဆင်းနေတဲ့ ရေစီးကြောင်းလေးကိုပဲ တွေ့ရတော့တယ်။ အရှိန်တစ်ခု ရသွားခဲ့ပြီပဲ။

နှုတ်ခမ်းထောင့်နားလေးတွေ ကွေးတက်သွားသည်ထိ ပြုံးလိုက်ပြီး နောက်ဆုံးလက်ကျန် ကော်ဖီကို မော့ချလိုက်တယ်။ ပြီးတော့ ကော်ဖီခွက်လေးကို စားပွဲပေါ် အသံမြည်အောင် ဆောင့်ချလိုက်ရင်း “Hotel California” သီချင်းလေးထဲက စာသားလေးတစ်ကြောင်းကို ခပ်မြူးမြူးလေး အသံထွက်ရွတ်လိုက်မိတယ်။

“Some days to remember… Some days to forget….”

သတိရတတ်ဖို့လည်း လိုသလို စနစ်တကျ မေ့ဖျောက်တတ်ဖို့လည်း လိုမှာပဲလေ။ တစ်နေရာကို ခရီးရောက်အောင် သွားချင်ရင် ခြေလှမ်းတွေကို လက်ရှိရောက်နေတဲ့ နေရာတစ်ခုကနေ လှမ်းကြွနိုင်ဖို့ ဆုံးဖြတ်ချက်တစ်ခုတော့ ရဲရဲချရမှာပဲ မဟုတ်လား။

(၄)

ခြေဆန့်လက်ဆန့်ဆိုပြီး အိမ်အပြင်ဖက် ခဏလမ်းလျှောက်ထွက်ခဲ့လိုက်တယ်။ အိမ်ထဲမှာ နေတုန်းက သိပ်မသိသာပေမယ့် အပြင်ထွက်လိုက်တော့မှ ရာသီဥတုက တကယ့်ကို အေးစိမ့်စိမ့်နဲ့ရယ်။ ထီးလည်းမဆောင်းချင်တော့တာနဲ့ အနွေးထည်လေးမှာပါတဲ့ ခေါင်းစွပ်လေးကိုပဲ ထုတ်ပြီးဆောင်းလိုက်တယ်။ ဇစ်ကို လည်ပင်းနားထိရောက်အောင် ဆွဲတင်၊ အနွေးထည်လေးထဲ လက်နှစ်ဖက်ကို ထိုးထည့်လိုက်ပြီး လေမဝင်နိုင်အောင် ကိုယ်ကို အနည်းငယ်ကျုံ့လို့ လမ်းထိပ်ဖက်ကို လမ်းလျှောက်ထွက်လာခဲ့လိုက်တယ်။

မိုးစက်လေးတွေက မျက်နှာပြင်ကို တဖွဲဖွဲနဲ့ အပြေးအလွှား ကျီစယ်နှုတ်ဆက်ကြတာလေးကို အသာတကြည်ပဲ ခံယူလိုက်တယ်။ နွေဦးရာသီ အမီပွင့်ဖူးလာကြတဲ့ လမ်းဘေးဝဲယာက ဒက်ဖိုးဒေးလ်ပန်းဝါဝါလေးတွေက လေပြည်အသုတ် မိုးအရုတ်မှာ ဟိုဟိုသည်သည် ယိမ်းနွဲ့နေလိုက်ကြတာ တစ်ပင်နဲ့တစ်ပင် တွတ်တီးတွတ်တာ စကားမမြည် ပြောနေကြသလိုမျိုး။ သူတို့ဘာတွေများ ပြောနေကြပါလိမ့်၊ သိစမ်းချင်ပါဘိ။

လမ်းထိပ်နားမရောက်ခင် ညာဖက်ဘေးမှာ နှစ်ထပ်တိုက်ဖြူကြီး တစ်လုံးရှိတယ်။ တိုက်ပိုင်ရှင် အဘွားကြီးက ဥရောပသူ မျက်နှာပေါက်မျိုးနဲ့ တစ်ခါတလေ မာဖလာလေးကို သူ့လည်ပင်းမှာ ပတ်ထားလို့ နှင်းဆီရုံလေးတွေကို ပန်းညှပ်ကတ်ကြေးလေးတစ်လက်နဲ့ ဟိုညှပ်သည်ညှပ် လုပ်နေတတ်တယ်။ သူနဲ့ မျက်လုံးချင်းဆုံမိတိုင်း ခေါင်းတစ်ချက်ညိတ်လို့ အသိအမှတ်ပြု ပြုံးပြလေ့ရှိတဲ့ အဘွှားကြီးလည်း မိုးအေးအေးမှာ အိမ်ထဲအောင်းလို့ ရှေးသီချင်းတွေများ နားထောင်နေရော့မလား။ ပိုင်ရှင်ကိုယ်တိုင် တယုတယ ပြုစုပျိုးထောင်ထားခဲ့တဲ့ နှင်းဆီပင်ပျိုတွေကတော့ အပြိုင်းအရိုင်းနဲ့ သဘာဝလောကရဲ့ အင်အားစွမ်းပကားကို ကိုယ်စားပြုနေလိုက်ကြတာ တကယ့်ကို အားရစရာ။ ခုပဲရုတ်ချည်း ပွင့်အာတော့မယောင် ဟန်ရေးပြင်နေကြတဲ့ နှင်းဆီဖူးငုံလေးတွေကလည်း မိုးရေစက်လေးတွေကြားထဲမှာ ကြွားဝင့်ငွားစွင့်နေလိုက်တာများ သဇင်၊ သစ်ခွတို့တောင် အရှုံးပေးရတော့မလို။

လမ်းထောင့်ပန်းခြံနားလေးမှာတော့ အဖြူရောင် ဂါဝန်ရှည်ကြီး ဝတ်ထားသလို တစ်ပင်လုံး အဖြူရောင်ပန်းဖူးပန်းငုံတွေနဲ့ ဖွေးဖွေးလှုပ်နေကြတဲ့ အမျိုးအမည်မသိ သစ်ပင်ကြီးတွေရှိတယ်။ အမြဲလိုလို ခေါင်းမော့ရင်ကော့နေကြတဲ့ သစ်ပင်မြင့်ကြီးတွေ သည်တစ်ခါတော့ မိုးရေစက်တွေ တစ်ကိုယ်လုံး လွှမ်းခြုံထားလို့ ခြေကုန်လက်ပမ်းကျနေကြပုံပဲ။ သူတို့တွေရဲ့ အောက်မှာတော့ မိုးနဲ့လေ နှစ်ဦးသား စိတ်တူကိုယ်တူ ဝိုင်းဝန်းဖဲ့ခြွေထားကြတဲ့ ပန်းပွင့် အကြွေလေးတွေ၊ ပွင့်ဖတ်လေးတွေက ဟိုမှာသည်မှာ တောင်လိုယာလို ပုံလို့။

သစ်ပင်ကြီးရေ။ ဝမ်းနည်းနေသလား။ ဒါဟာ တကယ်တော့ သဘာဝပါပဲလေ။ ပန်းဆိုတာ ဝေချိန်ရှိသလို ကြွေချိန်လည်း ရှိတတ်တာပဲ။ ကံမကောင်းအကြောင်းမလှလို့ အကြွေစောသွားတတ်ကြတဲ့ ပန်းပွင့်ငယ်လေးတွေလည်း ရှိတတ်တာပဲလေ။ ဘာပဲဖြစ်ဖြစ် အစဉ်အလာမပျက်၊ အပြုံးမပျက် ပန်းဖူးငုံလေးတွေ ဆက်လက်ပွင့်အာပေးနိုင်ဖို့က သင့်တာဝန်ပဲ မဟုတ်လား။ ဝမ်းနည်းပါ၊ ခံစားပါ။ ပြီးရင်တော့ နောက်နေ့တွေ၊ နောက်လတွေ၊ နောက်နှစ်တွေအတွက် အားအင်အသစ်တွေ မွေးလို့ ဘဝကြီးမှာ ဆက်လက်ရှင်သန်နိုင်ပါစေ သစ်ပင်ကြီးရေ။

သည်စကားတွေဟာ တကယ်တော့ သစ်ပင်ကြီးကို ပြောနေတာ ဖြစ်နိုင်သလို သူ့ကိုယ်သူ ပြောနေတာလည်း ဖြစ်နေနိုင်တယ်။ သည်လိုပါပဲလေ။

“Good Judgment comes from experience, and a lot of that comes from bad judgment.” ဆိုပြီးတော့ Will Rogers ဆိုတဲ့ ပညာရှိတစ်ယောက်က ပြောသွားခဲ့ဖူးတယ် မဟုတ်လား။ ဖြတ်သန်းလာခဲ့သမျှ ဘဝတလျှောက်မှာ မှန်ကန်တဲ့ ဆုံးဖြတ်ချက်တွေကြောင့် အကျိုးရခဲ့ဖူးသလို မှားယွင်းတဲ့ ဆုံးဖြတ်ချက် တွေကြောင့်လည်း သင်ခန်းစာအတွေ့အကြုံတွေ ရယူခဲ့ဖူးတယ်။ မြတ်တယ်၊ ရှုံးတယ်ဆိုတာထက် ဘဝဆိုတာ နေတတ်ရင် ပျော်စရာကောင်းပြီးတော့ ယူတတ်ရင် နေရာတကာမှာ ပညာတွေရှိနေတတ်တာပဲလေ။

သစ်ပင်ကြီးကို အားပေးရင်း မိုးနဲ့လေကို သည်တစ်ခါတော့ နည်းနည်းစိတ်တိုသွားခဲ့မိတယ်။ အထူးသဖြင့် အချိန်အခါထက် နည်းနည်းစောပြီး ရောက်လာခဲ့တဲ့ မိုးကိုပေါ့။ လက်ဖဝါးတစ်ဖက်ကို ဖြန့်လိုက်ရင်း ကောင်းကင်ထက်က ခရီးရှည်ကြီး နှင်လာခဲ့ရတဲ့ မိုးစက်ကလေးတစ်ပွင့်ကို ဖမ်းဆုပ်လိုက်တယ်။ ပြီးတော့ နှုတ်ခမ်းနားကပ်လို့ ခပ်တိုးတိုးလေး အမည်ပေးလိုက်တယ်။

“ပန်းခြွေမိုး” လို့…

~ ရေခဲငှက် ~

ခံစစ်

noreply@blogger.com (Yan) — Wed, 08 May 2013 19:13:00 +0000

အတ္တတွေ စစ်ချီသံပေးနေကြတယ်.

အားလုံးကတော့ မှန်ကြတာချည်းပဲ

နေပါဦးလေ.

ကိုယ်မှန်တယ်ဆိုရုံနဲ့ မရသေး

အားလုံးသိအောင် ကြေငြာပေးရဦးမယ်တဲ့.

ငါကတော့ ဘယ်သူဘယ်ဝါ

နင်ကတော့ ဘယ်ပုံဘယ်မျိုး

မဲပြာပုဆိုးတွေကို ဝတ်လို့

မရိုးတမ်း ကခုန်နေလိုက်ကြတာများ

သေရည်တွေတောင် မူးယစ်ဖို့မေ့ကုန်တယ်.

အမဲလိုက်အကတဲ့ကွ

ရှုံးတဲ့သူ လဲကျလိမ့်မယ်.

တစ်ချို့က မလဲခင်ကတည်းက ရှုံး

တစ်ချုိ့လည်း မရှုံးခင်ကတည်းက လဲ

လူသိရှင်ကြား တရားစောင့်ပြကြတယ်.

လူသိရှင်ကြား မိုးခါးရည်တော့ မသောက်ပြကြသေးဘူး.

ဘာပဲဖြစ်ဖြစ်ပါ

ကိုယ်တိုင်တောင် ဥပုသ်မစောင့်ဖြစ်တာကြာပြီပဲ

မုဆိုး မဟုတ်ခဲ့သေးရင်တောင်

အလိုက်ခံရရင် ကတတ်ဖို့

ခံစစ်တွေကို အသင့်ပြင်ထားတယ်.

ချွန်လို့မြလို့…

~ ရေခဲငှက် ~

အိပ်တန်းပြန်ငှက်

noreply@blogger.com (Yan) — Fri, 16 Nov 2012 16:38:00 +0000

ငှက်တစ်ကောင်ဟာ နေရာစုံမှာ ခွန်အားရှိသမျှ ဖြန့်ကျက်ပျံသန်း ကျင်လည်ကျက်စားခဲ့ပြီး နေခြည်တွေ မျက်ကွယ်မပြုခင် အချိန်မီလေး အိပ်တန်းတက်ဖို့ ပြန်လာခဲ့ပြီ။ အဝေးခပ်လှမ်းလှမ်းမှာ မြင်နေရတဲ့ မိုးကုပ်စက်ဝိုင်းဟာ သူ့အတောင်ပံတစ်ချက်ခတ်လိုက်တိုင်း ပိုမိုနီးကပ်လာနေတယ်ဆိုတဲ့ အသိနဲ့ သူ့ကိုယ်သူ အားပေးရင်း ဆက်လက်ပျံသန်းနေခဲ့တယ်။ သူနဲ့အတူတူ ခရီးနှင် ပျံသန်းနေကြတဲ့ ငှက်မျိုးစုံကိုလည်း တွေ့ရဲ့။ ဟိုးအဝေးခပ်မြင့်မြင့်မှာ၊ သူနဲ့ မတိမ်းမယိမ်းလောက်မှာ၊ သူ့အောက်ခပ်လှမ်းလှမ်းမှာ၊ သူ့နဲ့ဦးတည်ချက်တူရာ၊ သူနဲ့ ဆန့်ကျင်ဖက်လားရာ စသည် စသည် အသီးသီးအသက ပျံသန်းနေကြတဲ့ ငှက်မျိုးစုံဟာ သူ့နည်းသူ့ဟန်၊ သူ့အကြောင်းတရားနဲ့သူ၊ သူ့လျှို့ဝှက်ချက်နဲ့သူ ရှိကြမှာပဲပေါ့။ တစ်ချို့က အိပ်တန်းရှာတဲ့ငှက်၊ တစ်ချို့ကတော့ အိပ်တန်းကို ခွာတဲ့ငှက်။

သူမြင်နိုင်သလောက် ငှက်တွေရဲ့ မျက်ဝန်းတွေကို အကဲခတ်ကြည့်မိတယ်။ ငှက်တစ်ချို့ရဲ့ မျက်ဝန်းတွေက မျှော်လင့်ခြင်းကြီးစွာ၊ တစ်ချို့ကတော့ စိတ်ပျက်အားငယ်စွာ၊ တစ်ချို့က အေးတိအေးစက်၊ တစ်ချို့ကတော့ ဖာသိဖာသာ။ အတောင်ပံတွေကို ဖြန့်ကျက်လို့ လေထဲမှာ အရှိန်လေးတစ်ခုနဲ့အတူ အလိုက်သင့်စီးမျှောရင်း မျက်ဝန်းတွေကို ခေတ္တပိတ်ထားမိလိုက်တယ်။

သူ့မျက်ဝန်းတွေရော ဘယ်လိုအရောင်တွေ ပြောင်းလဲနေခဲ့ပြီလဲ။ သူ့စိတ်ဓာတ်နဲ့ နှလုံးသားရော ဘယ်လိုခံစားချက်တွေနဲ့ ပြည့်နှက်နေတတ်ပြီလဲ။ ဒီမျက်ဝန်းတွေ ရိုးသားတောက်ပနေဖို့မလိုပါဘူး။ ဒါပေမယ့် ကောက်ကျစ်စဉ်းလဲခြင်း အလျဉ်းမရှိဖို့လိုတယ်။ ဒီနှလုံးသားက နူးညံ့ပျော့ပျောင်းနေဖို့ မလိုပါဘူး။ ဒါပေမယ့် မေတ္တာဓာတ်ခမ်းခြောက်ပြီး အေးစက်မာကျောမနေဖို့တော့ လိုတယ်။ သူဟာ အစကတည်းက သိုးတစ်ကောင် ဖြစ်ခဲ့ချင်တာမှ မဟုတ်ဘဲ။ သူဟာ အမြင့်ပျံ ငှက်တစ်ကောင် ဖြစ်ချင်ခဲ့တာ။ အမြင့်ပျံချင်လို့ ငှက်အုပ်ထဲက ဖောက်ထွက်ခဲ့ပြီး အိပ်တန်းကို ခွာခဲ့တာ။

တစ်ချိန်ကတော့ သူဟာ အခုထက် အများကြီး နုပျိုငယ်ရွယ်ခဲ့တဲ့ ငှက်ပျိုတစ်ကောင်ပေါ့။ မိဘမောင်ဖွား စုံစုံလင်လင်နဲ့ ပျော်ရွှင်ကျေနပ်စွာ ဖြတ်သန်းခဲ့ရတဲ့ ငယ်ရွယ်စဉ်အခါ ပုံရိပ်တွေဟာ တခုတ်တရ သူပြန်တွေးမိလိုက်တဲ့အခါတိုင်း အမြဲတမ်း လန်းဆန်းသစ်လွင်ခဲ့တယ်။ ဖခင်ကြီးနဲ့အတူတူ ကျောက်ဆောင်ကမ်းပါးတွေထဲမှာ အပျံသင်ခါစက ဖခင်ကြီးရဲ့ကြီးမားကျယ်ပြောတဲ့ အတောင်ပံနှစ်ဖက်ကို အားကိုးတကြီးနဲ့ ဘေးကနေ လှမ်းကြည့်ခဲ့ဖူးတယ်။ သူအတောင်ပံအချက်ပေါင်းများစွာ ခတ်မှ ဖခင်ကြီးရဲ့ အတောင်ပံတစ်ခါ ခတ်ခါစလောက်ပဲ ရှိတာကို အားမလိုအားမရဖြစ်ပြီး စိတ်ဆိုးမာန်ဆိုးနဲ့ အားကုန်ဆက်တိုက်ခတ်တော့ ဖခင်ကြီးက ခပ်ပြုံးပြုံးနဲ့ လှမ်းကြည့်နေခဲ့သလို မိခင်ကြီးကလည်း သူ့ခေါင်းကို အသာလေးပွတ်ပေးပြီး နူးညံ့ညင်သာစွာလေး ပြောခဲ့ဖူးတယ်။

“မလောပါနဲ့ သားရယ်. တစ်ချို့အရာတွေက အချိန်မတန်သေးတာကို အားစိုက်လုပ်ရင် အားကုန်တာပဲ အဖတ်တင်တယ်. အခန့်မသင့်ရင် အတောင်ညောင်းပြီး ပင်လယ်ထဲ ပြုတ်ကျသွားနိုင်တယ်. ပျံသန်းရမယ့် ခရီးက အရှည်ကြီးရယ်. အားကိုထိန်းပြီး ပျံရတယ် သားရဲ့. အချိန်ရောက်လာရင်တော့ သားမပျံချင်လည်း အားကုန်ပျံရမှာပဲလေ. အခုလောလောဆယ်တော့ အတောင်ပံတွေကို အသုံးပြုတတ်အောင် အရင်သင်လိုက်ပါဦး”

ဖခင်ကြီးကတော့ သူ့ကို မခံချင်အောင် စလိုက်သေးရဲ့။

“ငါ့သား တစ်ချိန်မှာ အတောင်အလက်စုံလာခဲ့ရင် အဖေ့လို ခပ်ဝေးဝေး ခပ်မြင့်မြင့် ပျံနိုင်ပါ့မလားကွ…” တဲ့..

သူကတော့ ဘာစကားတစ်ခွန်းမှ ပြန်မပြောဘဲ နှုတ်ခမ်းကို တင်းတင်းစေ့ထားခဲ့မိတယ်။

အဲဒီ့နေ့က မှတ်မိနေသေးတာတစ်ခုကတော့ အိမ်ပြန်ချိန်မှာ သူ့ကို အလယ်မှာထားပြီး ဖခင်ကြီးနဲ့ မိခင်ကြီးက တစ်ဖက်တစ်ချက်ကနေ တွဲပြီးထိန်းပျံလာခဲ့တာကိုပဲ။ ခပ်လှမ်းလှမ်းမှာတော့ အစ်ကိုနဲ့ အစ်မတွေက သူတို့ရဲ့ အတောင်ပံတွေကို ကျင်လည်စွာ အသုံးပြုလို့ ပျံသန်းဆော့ကစားနေကြလေရဲ့။ မိုးကုပ်စက်ဝိုင်းထဲကို တရွေ့ရွေ့ ငုပ်လျှိုးစပြုနေတဲ့ နေလုံးဝါဝါကြီးကို တရှိုက်မက်မက် ငေးကြည့်ရင်း ဖခင်ကြီးနဲ့ မိခင်ကြီးကြားမှာ ပျံသန်းနေရတာဟာ သူ့အတွက်တော့ တကယ့်ကို လှပတဲ့နေ့ရက်များပါပဲ။

လေဟုန်မျှောစီးနေရင်းက သူ့မျက်ဝန်းတွေကို ဖွင့်ကြည့်မိလိုက်တယ်။ နေမင်းကြီးက မိုးကုပ်စက်ဝိုင်းကို မေးတင်စပြုနေပြီပဲ။ ဒါပေမယ့် သူ့ဘေးမှာတော့ ဖခင်ကြီးလည်းမရှိ၊ မိခင်ကြီးလည်းမရှိ၊ ညီအစ်ကိုမောင်နှမတွေလည်း မရှိ။ ဒီအချိန်သူ အတောင်ညောင်းလို့ ပင်လယ်ထဲ ပြုတ်ကျသွားခဲ့ရင်လည်း အားပေးဆယ်ယူမယ့်သူမရှိ။ ဘေးကနေ တွဲပြီးဖေးမ ပျံသန်းပေးမယ့်သူလည်း မရှိ။ ဒါတွေဟာ တကယ်တော့ သူသူကိုယ်ကိုယ် ကြုံတွေ့ရမယ့် အမှန်တရားတစ်ခုဆိုတာကို သိနေခဲ့လည်း ချိုမြတဲ့ ငယ်ရွယ်စဉ်အခါ ပုံရိပ်လေးတွေကို အခုအချိန်မှာ သိပ်ကိုတမ်းတနေမိခဲ့တယ်။ ဒီနှလုံးသားက ကျောက်သားနဲ့ ထုဆစ်ခဲ့ထားတာမှ မဟုတ်ဘဲလေ။ နင့်ခနဲ ဖြစ်သွားတဲ့ ရင်ဘတ်ထဲက ခံစားချက်က ခပ်ပြင်းပြင်း အားစိုက်ပျံသန်းလိုက်တဲ့ အတောင်ပံတစ်ချက် ခတ်သံထဲမှာ စီးမျောလွင့်စင်သွားခဲ့တယ်။ ဒီနှလုံးသား နူးညံ့ခွင့် ရှိပါတယ်။ ပျော့ညံ့ခွင့်တော့ မရှိစေရဘူး။

တစ်ရက်မှာ ဖခင်ကြီး အိပ်တန်းကို ပြန်မလာနိုင်ခဲ့ဘူး။ (၅၅) နှစ်တာ ပင်ပင်ပန်းပန်း ပျံသန်းခဲ့ပြီးနောက် ငှက်တစ်ကောင်ရဲ့ အတောင်ပံတွေ အားကုန်မောပန်းခဲ့ရှာတယ်။ ဖခင်ကြီးရဲ့ နောက်ဆုံးခရီးမှာ တွင်းဝကနေပြီး မြေစာခဲလေးတွေကို သူ့အတောင်ပံလေးတွေနဲ့ ခတ်ပြီးပစ်ထည့်နေခဲ့ရင်း အေးချမ်းပျော်ရွှင်ဖွယ်ရာ အသိုက်အမြုံလေးတစ်ခု တစ်စစီ ပြိုကွဲလွင့်စင် သွားခဲ့တာကို မယုံကြည်နိုင်အောင် ဖြစ်ခဲ့ရတယ်။ တကယ်ဆို အချိန်မတန်သေးဘူးပဲ မေမေရယ်. တစ်ချို့အရာတွေက အချိန်မတန်လည်းဘဲ ဆုံးရှုံးပျက်စီးရတာပဲလားဟင်။ ဒီမေးခွန်းတွေကို မမေးဖြစ်ခဲ့ပါဘူး။ မေးလည်း မမေးရက်ခဲ့ပါဘူး။

ဖခင်ကြီး မရှိတော့ကတည်းက ရေကြည်ရာမြက်နုရာ ရှာဖွေရင်း သူတို့မိသားစု အိပ်တန်းပေါင်းများစွာ ပြောင်းလဲအိပ်စက်ခဲ့ရတယ်။ လုံခြုံစိတ်ချရမယ်ထင်ခဲ့တဲ့ အိပ်တန်းတွေဟာ တကယ်တော့ မျှော်လင့်သလို မဖြစ်ခဲ့တာတွေ အကြိမ်ပေါင်းများစွာ ကြုံတွေ့ရပြီးနောက် ကောင်းတဲ့ အိပ်တန်းကို ရှာဖွေဖို့ထက် အိပ်တန်းကောင်းတစ်ခုကို ကိုယ်တိုင်ဖန်တီးယူမယ်လို့ ဆုံးဖြတ်ချက်ချဖြစ်ခဲ့တယ်။ ဒီမခံချင်စိတ်တွေက သူချစ်တဲ့ မိသားစုကို စွန့်ခွာပြီး အဝေးတစ်နေရာကို ရှစ်နှစ်ကြာ ပျံသန်းနေထိုင်ခဲ့ရတဲ့ အကြောင်းတရား ဇစ်မြစ်တွေပဲပေါ့။ အခုတော့ သူဖန်တီးယူထားခဲ့တဲ့ အိပ်တန်းလေးဆီကို ပြန်လာခဲ့ပြီ။ သည်မြေ သည်ရေ သည်လေတွေဟာ အရင်လို နွေးထွေးပျူငှာနေဦးမလား။ အရင်လို ရင်းနှီးကျွမ်းဝင်နေဦးမလား။ အရင်လို ဖော်ရွေလှိုက်လှဲနေဦးမလား။

ဒေါင်းဖန်ဝါနေမင်းကြီးက အနောက်စွန်းစွန်းကို ယွန်းလေပြီ။ နေဝင်ဆည်းဆာဟာ တကယ်တော့ ပင်လယ်နဲ့ ကောင်းကင်ကြီးကြား နေမင်းကြီးကို အညီအမျှ ခွဲဝေပေးတဲ့ တရားသူကြီး တစ်ယောက်ပါပဲ။ ပင်လယ်ထဲတစ်ဝက်၊ ကောင်းကင်ပြင်ထဲမှာ တစ်ဝက် ရှိနေတဲ့ နေမင်းကြီးကို ကြည့်ရင်း သူ့အတောင်ပံတွေကို ခပ်တင်းတင်း အားစိုက်ပျံသန်းလိုက်တယ်။

အဝေးမှာ လှမ်းမြင်နေရတဲ့ အဝါရောင် နေဝန်းကြီးထဲမှာတော့ အတောင်ပံနှစ်ဖက် အစွမ်းကုန်ဖြန့်လျက် ပျံသန်းနေတဲ့ ဖခင်ကြီးရဲ့ ပုံရိပ်ယောင်တစ်ခုကို သူတွေ့လိုက်ရတယ်။ မရည်ရွယ်ဘဲ စကားတစ်ချို့ သူ့နှုတ်ဖျားက လွင့်စင်ကျလာခဲ့တယ်။

"အဖေရေ… အခုတော့ ကျွန်တော်ရယ်လေ အဖေမသိတဲ့ အဝေးကြီးက နယ်မြေသစ်တစ်ခုမှာ ကိုယ့်ခွန်ကိုယ့်အားနဲ့ အစွမ်းကုန် ပျံသန်းနေတတ်ခဲ့ပြီ။ အဖေခေါင်းချခဲ့တဲ့ နေရာကို ပြန်လည်ခြေချဖို့အတွက်လည်း အဝေးကြီးကနေ ကျွန်တော်ပြန်လာနေခဲ့ပြီ။ ကျွန်တော့်အတောင်ပံတွေ အဖေ့လောက် မကြီးမားခဲ့ပေမယ့် ရောက်ရာနေရာ၊ ကျရာဘဝမှာ ပျော်ရွှင်လိမ်မာစွာ ကျွန်တော်ပျံသန်းနေတတ်ခဲ့ပါပြီ။ ကျွန်တော့်အတောင်ပံတွေ အဖေ့လောက် ပွန်းတီးစုတ်ပြတ်ခဲ့ခြင်း မရှိခဲ့ပေမယ့်လည်း ဘဝပေးအသိနဲ့ လောကဓံကို အထိုက်အလျောက် ခံယူကျင့်သုံးနေတတ်ခဲ့ပါပြီ။

တကယ်တော့ ခရီးဝေးဝေး ပျံနိုင်တယ် မပျံနိုင်ဘူး၊ ခပ်မြင့်မြင့် ပျံနိုင်တယ် မပျံနိုင်ဘူးဆိုတာထက် ရောက်ရာဘဝ ကျရာနေရာမှာ အတောင်ပံတစ်ချက်ခတ်လိုက်တိုင်း ဘဝအားမာန်တွေ တရွှမ်းရွှမ်း မြည်ကြွေးနေနိုင်ဖို့က ပိုအရေးကြီးတယ်လို့ အဖေပဲ ပြောခဲ့ဖူးတယ်လေ..

ငှက်ဆိုတာ ပျံရင်းသေတယ်တဲ့…

ဘဝထဲကပညာတွေကို ဆည်းပူးလေ့လာခဲ့တဲ့ ငှက်တစ်ကောင်ကတော့ အတောင်ပံတွေကို မရပ်မနား ရိုက်ခတ်ပျံသန်းလို့ အိပ်တန်းတက်ဖို့ ပြန်လာနေခဲ့ပြီ အဖေ..."

~ ရေခဲငှက် ~

(ဒီစာစုလေးကို လေယာဉ်ပေါ်မှာ ရေးခဲ့တာ ဖြစ်ပါတယ်။ ကိုယ်တိုင်ကိုယ်ကျ ပျံသန်းနေတယ်ဆိုတဲ့ ခံစားချက်မျိုးရအောင် ပြတင်းတံခါးလေးကို ဖွင့်ထားခဲ့ချိန်မှာ အပြင်က နေမင်းကြီးက အရမ်းကို လှပနေခဲ့တယ်...)

တံခါးမဲ့ နိုဝင်ဘာ...

noreply@blogger.com (Yan) — Thu, 08 Nov 2012 01:20:00 +0000

စာအုပ်တစ်အုပ်ထဲမှာ ဖတ်ခဲ့ဖူးတယ်။ လူတစ်ယောက်ဟာ ဘဝအောင်မြင်တိုးတက်ရေးအတွက် စဉ်ဆက်မပြတ်ကြိုးစားနေဖို့ လိုအပ်သလို ရံဖန်ရံခါမှာလည်း ကိုယ်သွားနေတဲ့ လမ်းကြောင်းလေးကနေ ဘေးကိုခဏဖောက်ထွက်ပြီး လာရာလမ်းကြောင်းကို ပြန်လည်သုံးသပ်တတ်ဖို့လည်း လိုအပ်တယ်တဲ့။ သိုးဆောင်းစကားနဲ့ ပြောရရင်တော့ Reflection Time ပေါ့။

လူတွေဟာ သိပ်ကို အောင်မြင်ထွန်းပေါက်နေချိန်မှာ ကိုယ့်ကိုယ်ကို ပြန်လည်သုံးသပ်ဖို့ သတိမရတတ်ကြသလို သိပ်ကို စိတ်ဆင်းရဲအားငယ်နေချိန်တွေမှာလည်း ပြန်လည်သုံးသပ်မှုတွေ လုပ်ဖို့အတွက် ခွန်အားမပြည့်ဝတတ်ကြပြန်ဘူး။ သင့်တော်တဲ့ အချိန်မှာ သင့်တော်တဲ့ အတိုင်းအတာနဲ့ သင့်တော်စွာ ပြန်လည်သုံးသပ်တတ်ဖို့အတွက် သင့်တော်တဲ့ အားစိုက်မှုတစ်ခုတော့ ရှိသင့်တာအမှန်ပါပဲ။ ဒီ့အတွက် သင့်တော်တဲ့ အခွင့်အရေးတစ်ခုတော့လည်း လိုအပ်ပေလိမ့်ဦးမယ်။

ကျွန်တော့်အတွက်တော့ တစ်နှစ်မှာ လေးကြိမ် ကိုယ့်ကိုယ်ကို မဖြစ်မနေ ပြန်လည်သုံးသပ်ဖို့ ကိုယ်တိုင်အကြံပြုထားတယ်။ အဲဒါတွေကတော့ ဒီဇင်ဘာ (၃၁) ရက်၊ ဇန်နဝါရီ (၂) ရက်၊ ဇူလိုင် (၄) ရက်နဲ့ နိုဝင်ဘာ (၈) ရက်တို့ပါပဲ။

ဒီဇင်ဘာ (၃၁) ရက်နေ့ကတော့ နှစ်ဟောင်းကုန်လို့ နှစ်သစ်ကို ကူးချိန်ဖြစ်တဲ့အတွက် ကျွန်တော်တင် မကဘူး၊ လူတိုင်းလိုလို ကိုယ့်ကိုယ်ကိုနဲ့ ကိုယ်ရောက်ရှိနေတဲ့ အနေအထားကို ပြန်လည်သုံးသပ်ဖြစ်ကြမယ့် အချိန်လို့ ယူဆမိပါတယ်။ နှစ်ဟောင်းမှာ သင်ယူခဲ့ရတဲ့ ဘဝသင်ခန်းစာတွေကို အခြေပြုပြီး နှစ်သစ်အတွက် ဆုံးဖြတ်ချက်အသစ်တွေ ချမှတ်တဲ့အခါမှာ ရည်ရွယ်ထားတဲ့ ဆုံးဖြတ်ချက်တွေ အကုန်လုံးကို အကောင်အထည်ဖော်ဖို့ကတော့ မလွယ်လှပါဘူး။ လူတွေမှာ ဖြစ်ချင်တာတွေက အတော်များလှတာကိုး။

ချမှတ်ထားတဲ့ ဆောင်ရွက်ရန် အများစုထဲက တစ်ချို့တစ်လေကို အကောင်အထည်ဖော်ဖြစ်ခဲ့ပြီး အဲဒီ့တစ်ချို့တစ်လေကလည်း ကိုယ့်အတွက် တကယ့်ကို အကျိုးများစေမယ့် အရာတွေ ဖြစ်ခဲ့မယ်ဆိုရင်တော့ အတိုင်းထက်အလွန် တံခွန်နဲ့ ကုက္ကားပေပဲပေါ့။ ဒီဇင်ဘာ (၃၁) ရက် ညချမ်းတွေမှာ မိတ်ဆွေအပေါင်းအသင်းတွေနဲ့ အတူတူ နှစ်သစ်ကို တပျော်တပါး ကြိုဆိုတတ်သလို ကျွန်တော့်ရဲ့ နှစ်ဟောင်းက လုပ်ဆောင်ချက်တွေကိုလည်း ပြန်လည်သုံးသပ်ဖြစ်တယ်။ တစ်ဆက်တည်းမှာပဲ နှစ်သစ်အတွက် ကျွန်တော့်ရဲ့ ရည်မှန်းချက်အသစ်တွေကိုလည်း ချမှတ်ဖြစ်တယ်။

ဇန်နဝါရီ (၂) ရက်ကတော့ ဖခင်ကြီး ဆုံးပါးသွားခဲ့တဲ့ နေ့တစ်နေ့အဖြစ် ကျွန်တော့်ရင်ထဲမှာ နှစ်ပေါင်းများစွာ မှတ်မှတ်ရရ ရှိနေခဲ့တုန်းပဲ။ အဲဒီ့နေ့ကိုရောက်တိုင်း ကျွန်တော့်ကို ချစ်ခင်ယုံကြည်တဲ့ ဖခင်ကြီးအကြောင်း တစ်ိမ့်စိမ့်တွေးပြီး တိတ်ဆိတ်တဲ့ နေရာလေးတစ်ခုမှာ ကျွန်တော်စာရေးချင်ရေးတယ်။ ဒါမှမဟုတ် မြစ်ကမ်းစပ်နားလေးမှာ ထိုင်ပြီး ခပ်လှမ်းလှမ်းမှာ မြင်နေရတဲ့ ထုထည်ကြီးမားတဲ့ သဘောင်္ကြီးတွေကို အမျိုးအမည်မဲ့ ခံစားချက်တွေနဲ့အတူ ငေးကြည့်ချင် ကြည့်နေတတ်တယ်။ ဖခင်ကြီးမျှော်မှန်းခဲ့တဲ့ ဘဝပန်းတိုင်နဲ့ ကျွန်တော်လက်တွေ့ လျှောက်လှမ်းနေခဲ့ရတဲ့ ဘဝလမ်းကြောင်း ဘယ်လောက်များ နီးစပ်မှုရှိလဲ။ ဖခင်ကြီးဖြစ်စေချင်ခဲ့တဲ့ လူသားတစ်ယောက်ရဲ့ တန်ဖိုးနဲ့ ကျွန်တော်လက်ရှိ ပြုစုပျိုးထောင်နေတဲ့ လူသားတစ်ယောက်ရဲ့ ကိုယ်ရည်ကိုယ်သွေး ဘယ်လောက်များ တိုက်ဆိုင်မှုရှိလဲ။ ဒါတွေတင်မကဘဲ ကျွန်တော့်အပေါ် ဂရုစိုက် သွန်သင်ခဲ့ပေးတဲ့ ဖခင်ကြီးအကြောင်းကို တခုတ်တရ တွေးတောပြီး စိတ်ဓာတ်အင်အားတွေကို ပြန်လည်ဖြည့်ဆည်းပေးတတ်တာ ဇန်နဝါရီ (၂) ရက် ညနေချမ်းတွေပေါ့။

ဇူလိုင် (၄) ရက်နေ့မှာ ကျွန်တော့်မိခင်ကို မွေးဖွားခဲ့တယ်။ အမေဟာ ပဲနွယ်ကုန်းဆိုတဲ့ အညာမြို့လေးတစ်မြို့က မထင်မရှား ကျေးတောသူမလေး တစ်ယောက်။ အဖေနဲ့ အကြောင်းပါပြီး အဖေတာဝန်ကျရာ မြို့ရွာပြည်နယ်တွေမှာ လျှောက်နောက်ဆံထုံးပါခဲ့ရင်း မိသားစုလေးတစ်ခုကို ပြုစုပျိုးထောင်ခဲ့တယ်။ အမေ ပညာတွေ အများကြီးမတတ်၊ နားဝင်ချို စကားတွေလည်း မဆိုတတ်ပေမယ့် ကျွန်တော့်အပေါ် ယုံကြည်ကိုးစားစိတ် ကြီးမားတယ်။ တစ်ခြားဘယ်သူမှ မလုပ်နိုင်ရင်နေ၊ ငါ့သားလုပ်ရင် ရတယ်ဆိုတဲ့ စိတ်ဓာတ် အမေ့မှာ ရှိတယ်။ ဒီစိတ်ဓာတ်ရှိကြောင်းကိုလည်း ကျွန်တော့်ကို အခါအားလျော်စွာ ဂုဏ်ယူပြောပြလေ့ရှိတယ်။ တစ်ချို့ကိစ္စရပ်တွေ ကျွန်တော်လက်မလျှော့တမ်း ကြိုးစားဖြစ်ခဲ့တာ အမေ့ရဲ့ယုံကြည်မှုတွေကို ကျွန်တော်မက်မောစွာနဲ့ ဆက်လက်ထိန်းသိမ်းထားခဲ့ချင်လို့လည်း ပါတယ်။ ဒီရက်လေးကိုရောက်တိုင်း ကျွန်တော့်အပေါ် ချစ်ခင်ကိုးစားတဲ့ အမေ့မေတ္တာအကြောင်း လေးလေးနက်နက် တွေးတောမိသလို အမေ့အပေါ် ကျွန်တော် တာဝန်ပျက်ကွက်မှုတွေ ရှိမရှိကိုလည်း ပြန်လည်သုံးသပ် ဆင်ခြင်မိတယ်။

နိုဝင်ဘာ (၈) ရက်နေ့ကတော့ ဒီလူ့လောကကြီးထဲကို ကျွန်တော်ဝင်ရောက်ခဲ့တဲ့ အမှတ်တရ နေ့ရက်လေးတစ်ခုပေါ့။ ဒီရက်လေးကိုရောက်တိုင်း ကျွန်တော့်ကို ချစ်ခင်တဲ့၊ ကျွန်တော်ကချစ်ခင်တဲ့ မိတ်ဆွေအပေါင်းအသင်း မိသားစုဝင်တွေကို သူတို့နှစ်သက်မယ့် အစားအသောက်လေးတွေ ဝယ်ကျွေးလေ့ရှိတယ်။ တူ၊ တူမလေးတွေအတွက် ရွှေပုစွန်ရေခဲမုန့်၊ အမေနဲ့ မိသားစုဝင်တွေအတွက် ကြက်သားချိုချဉ်ကြော်နဲ့ ခေါက်ဆွဲကြော်၊ မိတ်ဆွေအပေါင်းအသင်းတွေအတွက် ထမင်းတစ်ဝိုင်း၊ လက်ဖက်ရည်တစ်ဝိုင်း စသည်ဖြင့်ပေါ့။ မြန်မာပြည်က ထွက်ခွာလာခဲ့ပြီး နောက်ပိုင်းမှာတော့ ကျွန်တော့်မွေးနေ့ပွဲလေးဟာ အိမ်က ခေါ်လာတဲ့ ဖုန်း၊ မိတ်ဆွေတွေ ပို့ပေးတဲ့ မွေးနေ့ကတ်ပြားနဲ့ ဆုတောင်းစာလေးတွေ၊ အီးမေးလ်လေးတွေနဲ့ပဲ ရိုးရှင်းစွာ ဖြတ်သန်းကုန်ဆုံးဖြစ်တော့တယ်။

နိုဝင်ဘာ (၈) ရက်မှာ တွေးဖြစ်တဲ့ အတွေးတွေကတော့ ပုံစံတစ်မျိုး ဆန်းနေတတ်တယ်။ များသောအားဖြင့်တော့ ကိုယ့်ကိုယ်ကို ပျော်ရွှင်ကြည်နူးစေမယ့် အတွေးမျိုးတွေပါပဲ။ ကိုယ့်မွေးနေ့ဆိုတော့ ကိုယ့်ကို ဂရုတစိုက် သတိတရရှိနေခြင်း ခံရတာကို နှစ်သက်ဝမ်းမြောက်မိတဲ့ ခံစားချက်ကလည်း ကဲနေတာပေါ့လေ။ ဒီနေ့ကိုရောက်ရင် ပျော်ရွှင်ခြင်းတွေနဲ့အတူ ကိုယ်ဖြတ်သန်းလာခဲ့ရတဲ့ အောင်မြင်မှုတွေအကြောင်းကို ပိုပြီးတော့ အသားပေး တွေးတောဆင်ခြင်မိတယ်။ ကိုယ့်ယုံကြည်မှုကို ပိုပြီးမီးထိုးပေးရုံသာမကဘဲ ကိုယ်လုပ်ချင်နေတဲ့ အရာတွေကို ပိုလုပ်ဖြစ်ဖို့လည်း တွန်းအားပေးဖြစ်တယ်။ တကယ်တော့ နိုဝင်ဘာ (၈) ရက်ဟာ ကျွန်တော့်အတ္တတွေ မင်းမူကြီးစိုးတဲ့ နေ့တစ်နေ့ပါပဲ။

ဒီနှစ်ရဲ့ နိုဝင်ဘာ (၈) ရက်မှာတော့ ဒီဇင်ဘာ (၃၁) ရက်၊ ဇန်နဝါရီ (၂) ရက်နဲ့ ဇူလိုင် (၄) ရက်ကို ဧည့်သည်တော်တွေ အဖြစ် ဖိတ်ထားခဲ့တယ်။

ဒီတစ်ညတော့ ကျွန်တော် တိတ်တိတ်လေးနေချင်တယ်။ ကျွန်တော် ဖြတ်သန်းလာခဲ့ရတဲ့ မိုင်တိုင်တွေကို အတွေးရပ်ဝန်းထဲမှာ ပြန်စီစဉ်လို့ ငြိမ်ငြိမ်ဆိတ်ဆိတ်လေး တွေးတောနေချင်တယ်။

မိတ်ဆွေ...

ဝင်လာမယ်ဆိုရင်လည်း ခြေသံဖွဖွလေးပဲ နင်းလာခဲ့ပါ။ တံခါးပိတ်ထားမလားလို့တော့ စိတ်မပူနဲ့နော်။

ကျွန်တော့်ကို ချစ်သူခင်သူတွေအတွက် ဒီနေရာလေးဟာ တံခါးလည်းမရှိ ဓားလည်းမရှိ ချစ်ခင်မြတ်နိုးခြင်းများနဲ့သာ ပကတိ…

~ ရေခဲငှက် ~
နိုဝင်ဘာ (၈) ရက်၊ ၂၀၁၂ ခုနှစ်။ ။

ချစ်သူမရှိတဲ့မြို့...

noreply@blogger.com (Yan) — Sun, 16 Sep 2012 04:23:00 +0000

အိပ်မရညက တရိပ်ရိပ်နဲ့ သူ့ပေါ်ကို ပြိုကျနေတယ်.

မွန်းကြပ်နေတဲ့ ခံစားချက်တွေက ရင်ထဲကနေ ဗလောင်ဗဆူနဲ့ ရုန်းထွက်ဖို့ ကြိုးစားနေကြလေရဲ့.

“မင်းဘယ်မှာလဲ..” ဆိုတဲ့ အဖြေမထွက်တဲ့ မေးခွန်းတွေနဲ့အတူ ဘ၀ငရဲခန်းပြဇာတ်ကို ခုတော့ ကိုယ်တိုင်ကပြနေတတ်ခဲ့ပြီ.

မင်းဘယ်မှာလဲကွယ်…

အိပ်ရာပေါ်ပက်လက်အိပ်နေလျက်က ဘေးတိုက်ကိုစောင်း၊ ဘေးတိုက်လှဲနေရာက မှောက်လျက်ပုံပြောင်း၊ မှောက်လျက်အိပ်မရတာနဲ့ ငုတ်တုတ်ထထိုင်၊ ထိုင်ရတာကို စ်ိတ်မရှည်တော့တာနဲ့ အခန်းထဲမှာ လူးလာခေါက်ပြန် လမ်းလျှောက်နဲ့ ညတာဟာ တကယ့်ကိုပဲ ရှည်လျားလွန်းနေခဲ့တယ်။

အခန်းထောင့်မှာ ထောင်ထားတဲ့ နီညိုရောင် ဂစ်တာလေးရဲ့ ဂစ်တာကြိုးလေးတွေက လရောင်နဲ့အတူ တစ်ချက်တစ်ချက်မှာ လက်ခနဲဝင်းခနဲ ဖြစ်သွားတာကို ခံစားချက်မဲ့ စိုက်ကြည့်နေခဲ့မိတယ်။ တစီစီအော်နေတဲ့ ပုရစ်တစ်ကောင်ရဲ့ ခြေထောက်ချင်းပွတ်ခတ်သံကို ဆက်လက်နားထောင်ဖို့ရန် သည်းမခံနိုင်တော့လို့ အခန်းထောင့်မှာ ဖွင့်ထားတဲ့ လေအေးပေးစက်ကို အဆုံးထိတင်ချပစ်လိုက်တယ်။

ထွက်စမ်းပါစေ. တ၀ူဝူနဲ့ အသံကုန်အောင်.

အေးစမ်းပါစေ.. တဂတ်ဂတ်နဲ့ မေးဖျားတွေ ရိုက်ခတ်လာအောင်.

အကြောင်းပြချက်မရှိဘဲ လေအေးပေးစက်ကို ၀ုန်းခနဲ လက်သီးနဲ့ ဆောင့်ထုမိလိုက်သေးတယ်.

အင်း… စိတ်တွေ သိပ်ကျွတ်ဆတ်နေပါပေါ့လား…

အိပ်ရာဘေးနား ပြန်ထိုင်ချလိုက်ပြီး အားသွင်းထားတဲ့ ဖုန်းခလုတ်လေးကို နှိပ်လိုက်တော့ အချိန်က မနက် ၃ နာရီ ၄၀ တဲ့.

ဘာရယ်မဟုတ်ဘဲ ဖုန်းလေးထဲမှာ သိမ်းထားတဲ့ ဓာတ်ပုံအဟောင်းလေးတွေကို ပြန်ဖွင့်ကြည့်နေမိတယ်။

ဖုန်းကို ဆုပ်ကိုင်ထားတဲ့ လက်ချောင်းတွေက တဖြည်းဖြည်းနဲ့ တင်းကြပ်စပြုလာတာကို စိတ်က မသိချင်ဘဲ သိနေခဲ့ရတယ်။

အံတစ်ချက် တင်းတင်းကြိတ်လိုက်ရင်း ဖုန်းကို အိပ်ရာပေါ် ပစ်တင်လိုက်တယ်။

သွားစမ်းပါကွာ…

အိပ်ရာပေါ်မှာ ဖုန်းလေးက လင်းလျက်သား၊ ဖုန်းလေးထဲမှာ ဖွင့်ထားတဲ့ ဓာတ်ပုံလေးတစ်ပုံကလည်း သူ့ကို မထီတထီလေး ကြည့်လျက်သား…

သူ့ဆံပင်တွေကြားထဲ လက်ချောင်းတွေကို ထိုးသွင်းလိုက်ပြီး ခေါင်းကိုမော့လို့ ထိုင်ခုံပေါ်ကို အရုပ်ကြိုးပြတ် ထိုင်ချပစ်လိုက်တယ်…

“မင်း သိပ်ရက်စက်တယ်…”

“မင်း သိပ်နေနိုင်လွန်းတယ်ကွာ….”

တစ်ယောက်တည်း ကြိတ်မနိုင်ခဲမရ တတွတ်တွတ် ရေရွတ်နေမိချိန်မှာ တစီစီထွက်ပေါ်နေတဲ့ ပုရစ်သံရော၊ တ၀ူဝူ အော်မြည်နေတဲ့ လေအေးပေးစက်သံတွေရော ခေတ္တ ရပ်ဆိုင်းသွားကြတယ်.….

တကယ်တော့လည်း ရပ်သွားကြတယ်လို့ သူထင်နေတာ သက်သက်ပဲ ဖြစ်မှာပါလေ…

“သူတောင်မှ နေနိုင်သေးတာပဲ. နေပေါ့” ဆိုပြီး ထိန်းချုပ်ထားသော မခံချင်စိတ်တွေ၊ မာနတွေက စိုးရိမ်စိတ်အဖြစ်ကို တဖြည်းဖြည်း ကူးပြောင်းစပြုလာခဲ့သည်။

သူမတစ်ယောက် နေမှကောင်းရဲ့လား. စကားမပြောဖြစ်တာလည်း ကြာပြီ. မတွေ့ဖြစ်တာလည်း ကြာပြီ။

နောက်ဆုံးတစ်ကြိမ် စကားပြောခဲ့စဉ်က အကြောင်းအရာလေးတစ်ချို့ကို ပြန်တွေးမိလိုက်သည်။

“ခုပဲ ခရီးက ပြန်ရောက်တယ်. လမ်းမှာ ရင်ကြပ် ပြန်ထနေလို့ ဆေးသောက်ပြီး မနေ့ညက အိပ်ပျော်သွားခဲ့တာ အခုချိန်ထိပဲ”

တွေးရင်းက စိတ်ပူလာမိသည်။

အဆင်မှပြေရဲ့လား. တစ်ယောက်တည်း ရင်တွေကြပ်ပြီး အိပ်ရာထဲမှာ ပြုစုသူမဲ့ ငြိမ်ငြိမ်သက်သက်လေး လဲလျောင်းနေလေမလား. အဆင်မပြေမှုတွေ များလှတဲ့ ရပ်ဝေးမြေခြားမှာ တိုင်ပင်ဖွင့်ဟဖော်မဲ့စွာနဲ့ အားငယ်စိတ်ပျက်နေလေမလား…

သူ့ကိုယ်သူ ပြန်သတိထားမိလိုက်ချိန်မှာ ဖုန်းလေးက သူမဆီကို တတီတီနဲ့ ခေါ်နေခဲ့ပြီ။

တစ်ချက်.

နှစ်ချက်..

သုံးချက်…

လေးချက်….

ငါးချက်…..

တစ်ဖက်မှ ဖုန်းပြန်ဖြေမည့် လက္ခဏာ ရှိဟန်မတူ။

စိတ်ကိုလျှော့လိုက်ပြီး ဖုန်းကို နားဘေးမှ ခွာလိုက်ချိန်တွင် တစ်ဖက်မှ မျှော်လင့်နေခဲ့သော အသံလေးတစ်သံ ထွက်ပေါ်လာခဲ့သည်။

“ဟဲလို…”

အသက်ရှူသံတို့ ခေတ္တရပ်ဆိုင်းသွားသည်ဟု ထင်လိုက်မိသည်။

ဖုန်းကို နားဘေးနား အလျင်အမြန် ပြန်ကပ်လိုက်ပြီး တင်းကြပ်နေသော စိတ်တို့ကို အတတ်နိုင်ဆုံး ဖြေလျော့ပစ်လိုက်သည်။

“ဟေး...ကောင်မလေး..မင်းဘယ်တွေပျောက်နေလဲ. နေရောကောင်းရဲ့လားဟင်..”

တစ်ဖက်မှ အသံပိုင်ရှင်က အသံကို တတ်နိုင်သလောက် ပုံမှန်ဖြစ်အောင် ထိန်းထားပုံဖြင့် ပြန်ဖြေသည်။

“ကောင်းပါတယ်. အခု သူငယ်ချင်းနဲ့ အပြင်ရောက်နေတာ..”

“အင်း. ကိုက မင်းအတွက် စိတ်တွေပူနေတာ. အလုပ်အကိုင်တွေ၊ စာရွက်စာတမ်းကိစ္စတွေ အဆင်မှ ပြေရဲ့လားလို့လေ…”

တစ်ဖက်မှ ချက်ချင်းပြန်မဖြေသေးဘဲ ဖုန်းခဏကိုင်ထားဖို့ ပြောသည်။ ထို့နောက် သူမနှင့် သူမ၏ မိတ်ဆွေတစ်ယောက် အချင်းချင်း တိုင်ပင်ဆွေးနွေးနေသည့် အသံလေးက ဖုန်းထဲသို့ တိုးဝင်လာသည်။

“ဆောရီးနော်… သူငယ်ချင်းက လက်သည်းနီ အရောင် ဘာရွေးရမလဲမေးလို့ ပြန်ပြောနေတာ..”

မချိပြုံးတစ်ချက် ပြုံးမိလိုက်သည်ဟု သူထင်လိုက်မိသည်။

“ရပါတယ်ကွာ. အေးဆေးလုပ်နော်. ကို ဖုန်းခေါ်လိုက်တာ မင်းအတွက် အနှောင့်အယှက်ဖြစ်သွားရင် ဆောရီးပါ.”

“ဟင့်အင်း အဆင်ပြေပါတယ်. ကိုရော မအိပ်သေးတာလား. အိပ်ရာနိုးလာတာလား.”

ပင့်သက်တစ်ချက်ကို ခက်ခက်ခဲခဲ ရှူရှိုက်လိုက်ရင်းက သူ ပြန်ဖြေဖြစ်သည်။

“အိပ်နေခဲ့တာပါ. ဒါပေမယ့် မင်းကို သိပ်သတိရလာလို့ ပြီးတော့ ဘာတွေများဖြစ်နေလဲဆိုပြီး စိတ်လည်း အရမ်းပူလာလို့ ဖုန်းခေါ်လိုက်မိတာ..”

နှစ်ဦးသားကြား ဆက်ရန်စကားမရှိတော့သလို ခေတ္တနှုတ်ဆိတ်သွားခဲ့သည်။

အတန်ကြာမှ သူမက ဆက်ပြောသည်။

“ဒါဆိုလည်း ပြန်အိပ်လိုက်တော့လေ. နော်. ကိုယ့်ကိုယ်ကို ဂရုစိုက်ပါ.”

အောက်နှုတ်ခမ်းကို ခပ်တင်းတင်း ဖိကိုက်ထားရင်းက သက်ပြင်းတစ်ချက်ကို ခပ်မျှင်းမျှင်းလေး ချလိုက်မိသည်။

“ကောင်းပါပြီ ကောင်မလေးရယ်… မင်းလည်း ကျန်းမာရေး ဂရုစိုက်နော်…”

တစ်ဖက်မှ ဖုန်းချသွားချိန်တွင် ကြာမြင့်ချိန်ကို သူ ကြည့်လိုက်တော့ တကယ့်ကို ၂ မိနစ်တည်းရယ်..

တစ်ချိန်က တစ်ညလုံး ဖုန်းတွေပြောခဲ့စဉ်က သူနဲ့ကိုယ်အကြား ပြောစရာစကားပေါင်းများစွာ ပြော၍ပင် ကုန်နိုင်မည်မဟုတ်ဟု ထင်ခဲ့မိသည်။

အခုတော့ ၂ မိနစ်ကိုတောင် အနိုင်နိုင် ဆက်သွယ်ယူလိုက်ရသည်။

ဖုန်းလေးကို စားပွဲပေါ် ပြန်တင်လိုက်ရင်းက အခန်းထောင့်တွင် ထားသည့် ရေကရားမှ ရေကို ငှဲ့သောက်လိုက်သည်။

ထိုင်ခုံဖက်သို့ ပြန်လာပြီး အမှောင်ထဲတွင် ခေတ္တ ထိုင်နေလိုက်သည်။

သူမဖက်မှ ဖုန်းချသွားခဲ့သော်လည်း သူ့ဖက်မှ ပြောစရာလေးတွေက ရင်ထဲတွင် အပြည့်ကျန်နေခဲ့သေးသည်။

ဖုန်းကို ပြန်ဖွင့်လိုက်ပြီး Voice Memo Application လေးကို ဖွင့်လိုက်သည်။

မျက်စိအစုံကို မှိတ်လိုက်သည်။ အသက်ကို တစ်ချက် ခပ်ပြင်းပြင်း ရှုသွင်းလိုက်ပြီး Voice Memo Application လေးပေါ်မှ Record ဆိုသည့် ခလုတ်လေးကို နှိပ်လိုက်သည်။

သူပြောချင်သည့် စကားများကို သူမကိုယ်တိုင် အနားတွင် ရှိနေသည့်အလား ခံစားလျက် တစ်လုံးချင်း ပြောသွားလိုက်သည်။

ထို့နောက် Share ခလုတ်လေးမှ တစ်ဆင့် သူမထံသို့ အီးမေးလ်အဖြစ် ပို့လိုက်သည်။ စိတ်ထဲတွင် အနည်းငယ် ကျေနပ်သွားသလို ခံစားလိုက်ရသည်။

အိပ်ရာပေါ်သို့ ပြန်တက်ပြီး မျက်စိကို စုံမှိတ်လျက် အိပ်ပျော်နိုင်အောင် ကြိုးစားလိုက်သည်။

၁၅ မိနစ်ခန့်ကြာသည်ထိ အိပ်မရသည်နှင့် ကွန်ပျူတာကို ပြန်ဖွင့်ရင်း စာတစ်စောင်ကို ခပ်သွက်သွက်ရိုက်လိုက်သည်။

ငယ်လေး…

နေကောင်းလား.

ညနေက ငယ့်အသံလေးကြားရတဲ့အတွက်ရော၊ သူငယ်ချင်းနဲ့အတူတူ လျှောက်လည်နေတာကို သိရတဲ့အတွက်ရော ကိုလေးဝမ်းသာပါတယ်.

ဖုန်းချပြီးသွားတော့ ငယ့်ကို စကားဆက်ပြောချင်စိတ် ရှိနေတာနဲ့ Audio File လေးတစ်ခု ကို ထပ်ပို့လိုက်သေးတယ်.

ငယ်လေး နားထောင်ဖြစ်မဖြစ်တော့ မသိပါဘူး.

ဘုရားရှိခိုးပြီးတိုင်းလည်း ငယ်လေးအဆင်ပြေပါစေ၊ ကျန်းမာပျော်ရွှင်နေပါစေလို့ ကိုလေး အမြဲ ဆုတောင်းပေးနေဆဲပါပဲ..

အစစအရာရာ ပျော်ရွှင်ချမ်းမြေ့ပါစေ ငယ်လေးရေ…

ကျန်းမာရေးလည်း အထူး ဂရုစိုက်ပါ…

ချစ်ခြင်းများစွာဖြင့်

ကို.

တစ်ချိန်က ဖတ်ခဲ့ဖူးသည့် ကဗျာလေးတစ်ပုဒ်ကို သွားသတိရမိလိုက်ပြီး အင်တာနက်ထဲတွင် အပြေးအလွှား ပြန်ရှာမိလိုက်သည်။

စကားလုံးများကို တစ်လုံးချင်း အသံထွက်ဖတ်ရင်းက သူ့ရင်ဘတ်တွေ နာကျင်အောင့်တက်လာသည်ကို ခံစားနေမိခဲ့သည်။

ရာသီမရှိတဲ့ ဒီမြို့မှာ

ရာသီတွေသိအောင်

မင်းပဲ ကြိုးညှိပေးခဲ့တာ

မင်းရှိတဲ့ဆောင်းက နွေးလွန်လွန်းလို့

နောက်တစ်ရာသီ မပြောင်းပါစေနဲ့လို့တောင် ဆုတောင်းခဲ့ဖူးတယ်

မင်းရှိတဲ့မိုးကလည်း မရိုးနိုင်တဲ့ တိမ်ရိပ်တွေအောက်

မစိုစေတဲ့ မိုးစက်တွေနဲ့ ခပ်တိတ်တိတ် စွေခဲ့ဖူးရဲ့.

မင်းရှိခဲ့တဲ့ နွေကလည်း

လေပြည်ညှင်းလေး ခပ်ဖွဖွနဲ့ အေးမြသာယာခဲ့လိုက်တာကွယ်..

မင်းပေးတဲ့ ရာသီလွန်ချိန်မှ…

ဆောင်းဆိုတာ မပြောင်းမလဲ အေးခဲတတ်မှန်း

မိုးဆိုတာ ထစ်ချုန်းလျှပ်ရောင်နဲ့ ခပ်မှောင်မှောင် ရွာတတ်မှန်း

နွေဆိုတာ ဥဩကလွဲလို့ ပူလောင်ဆင်းရဲခြင်းတွေသာ ရှိတတ်မှန်း

ကိုယ် တပင်တပန်း နားလည်ခဲ့ရပြီ…

ထာဝရ မပေးနိုင်တဲ့ ရာသီတွေကို

(ဘာလို့များ) ခဏယာယီ လာပေးခဲ့ရတာလဲကွယ်..

အခုတော့

ရာသီမရှိတဲ့ ဒီမြို့မှာ

ကိုယ်..

ရာသီတွေ အပြိုင်းအရိုင်းနဲ့

ခပ်ထိုင်းထိုင်း တုန်ခိုက်ရင်း

မိုးတဖြိုက်ဖြိုက်အောက် လမ်းတွေလျှောက်လို့..

ဥဩသံတွေလည်းကြား… နားတွေလည်း ခါးလို့..

<ရွှေပြည်သူ>

ခုတော့လည်း ချစ်သူမရှိတဲ့မြို့လေးမှာ အထီးကျန်ရာသီတွေကို တနင့်တပိုးသယ်ဆောင်ရင်း သူ ခရီးဆက်နေတတ်ခဲ့ပြီ…

~ ရေခဲငှက် ~

စက်တင်ဘာ (၁၆)၊ ၂၀၁၂ ခုနှစ်။ ။

Credits:

* "မင်းပေးတဲ့ရာသီ" <ရွှေပြည်သူ>

ရင်နှင့်ပျိုးသော သစ်ပင်ငယ် (သို့မဟုတ်) .....

noreply@blogger.com (Yan) — Tue, 11 Sep 2012 07:18:00 +0000

၂၀၀၇ အစောပိုင်းကာလတုန်းက ကျွန်တော်နဲ့ မိတ်ဆွေဘလော့ဂါ သူငယ်ချင်းတစ်စု အိပ်မက်တစ်ခုကို အတူတကွ မက်ခဲ့ဖူးကြတယ်။ အွန်လိုင်းပေါ်မှာ ရှိတဲ့ ဘလော့ဂ်စာမူလေးတွေထဲက ကောင်းနိုးရာရာလေးတွေကို စုစည်းပြီး ပုံနှိပ်စာအုပ်လေးတစ်အုပ်အဖြစ် ထုတ်ဝေဖြန့်ချိဖို့ပေါ့။ အဲဒီ့အိပ်မက်လေးကို အကောင်အထည်ဖော်ဖို့အတွက် အွန်လိုင်းပေါ်မှာရှိတဲ့ မြန်မာဘလော့ဂါဖိုရမ် (ယခုမရှိတော့)မှာ နေ့စဉ်ညဆက် ကျွန်တော်တို့တွေ ဆုံစည်းဖြစ်ခဲ့ကြတယ်။ စာအုပ်လေးတစ်အုပ် အောင်မြင်စွာ ဖြစ်ပေါ်လာနိုင်ရေးအတွက် ကိုယ်စီကိုယ်ငှ တာဝန်လေးတွေ ခွဲဝေယူပြီး အဆင့်ဆင့် ကြိုးစားခဲ့ကြတယ်။

စိတ်ကူကိုယ်တူ ၀ါသနာတူသူများကလည်း မိမိတို့ရဲ့ ချွေးနှဲစာလေးတွေကို ထည့်ဝင်လို့ တစ်တပ်တစ်အား ပါဝင်ပံ့ပိုးပေးခဲ့ကြတယ်။ ဒါပေမယ့် ကျွန်တော်တို့ ပန်းတိုင်ရောက်ခါနီးမှာမှ အကြောင်းကြောင်းကြောင့် လှော်တက်ကျိုးခဲ့ရတယ်။ အဲဒီ့ကတည်းက ဘလော့ဂ်စာမူတွေကို စုစည်းထုတ်ဝေဖို့ အစီအစဉ်ဟာ ဖြစ်မြောက်လာခဲ့ခြင်း မရှိတော့ဘဲ Ebook အဖြစ်နဲ့သာ ရောင့်ရဲတင်းတိမ်ခဲ့ရပါတော့တယ်။

အဲဒီ့နောက်ပိုင်း ကျွန်တော်တို့ ဘလော့ဂါတွေ အချင်းချင်းကြားမှာလည်း အဆက်အသွယ်တွေ တဖြည်းဖြည်းချင်း ကျဲပါးသွားခဲ့ကြတယ်။ ဒီကြားထဲမှာ ဘလော့ဂ်စာမူလေးတွေကို စုစည်းထုတ်ဝေဖို့ အသီးသီးအသက ကြိုးစားအားထုတ်မှုလေးတွေလည်း ရှိခဲ့ကြပါသေးတယ်။ ဒါပေမယ့် ပုံနှိပ်စာမူ ထုတ်ဝေနိုင်တဲ့ အဆင့်ထိကို မရောက်လာနိုင်ခဲ့ကြပါဘူး။

ဘလော့ဂါများထဲမှာ ပုံနှိပ်စာမူ ထုတ်ဝေနိုင်ခဲ့သူများအနေနဲ့ မှတ်မှတ်ရရ သတိထားမိသူများကတော့ မနိုင်းနိုင်းစနေ၊ မအိမ့်ချမ်းမြေ့၊ မမြသွေးနီ၊ မပန်ဒိုရာ၊ ကိုနေဘုန်းလတ်၊ ကိုမိုးလှိုင်ည၊ ကိုသက်တံ့ချိုတို့ပဲ ဖြစ်ကြပါတယ်။ ဘလော့ဂ်စာမူများကို စုပေါင်းထုတ်ဝေမှုအနေနဲ့ကတော့ သေသေချာချာ တိတိပပ မရှိကြသေးဘူးလို့ ကျွန်တော် ထင်မြင်မိပါတယ်။

အဝေးကနေ စီစဉ်ထုတ်ဝေရတာ အဆင်ပြေနိုင်မှာ မဟုတ်ဘူးလို့ ကျွန်တော်ထင်မိတဲ့အတွက် စာအုပ်ထုတ်ဝေရေး အစီအစဉ်ကို ကျွန်တော်ထပ်မံ မကြိုးစားခဲ့တော့တာ ဘလော့ဂါတစ်ယောက်နဲ့ အွန်လိုင်းမှာ တွေ့ဆုံသိကျွမ်းမိတဲ့ အချိန်ထိလို့ ဆိုရပါလိမ့်မယ်။

သူကတော့ “အိပ်မက်ကောက်ကြောင်း” ဆိုတဲ့ ရသ၀တ္ထုတိုစုစည်းမှု စာအုပ်လေးတစ်အုပ် ထွက်ရှိခဲ့ပြီး မကြာခင်မှာ “အသိသစ်တံခါးချပ်များ” ဆိုတဲ့ ဒုတိယမြောက် စာအုပ်လေးထွက်ရှိဖို့ စိုင်းပြင်းနေတဲ့ ဘလော့ဂါ စာရေးဆရာမ မမြသွေးနီပါ။

သူနဲ့တွေ့ဆုံသိကျွမ်းခဲ့ဖူးနောက် မကြာခင်မှာပဲ သူ့ရဲ့ ပါရမီဖြည့်ဖက် ကိုမော်ကြီး (ခ) စာရေးဆရာ ညိုရင့်ကိုလည်း နာမည်အားဖြင့် ရင်းနှီးကျွမ်းဝင်လာခဲ့ရပါတယ်။ အဲဒီ့ကမှ သိလာရတာကတော့ ကိုမော်ကြီးဟာ “AMK Creation” ဆိုတဲ့ နာမည်နဲ့ စာအုပ်ထုတ်ဝေရေးလုပ်ငန်းကို ကိုယ်တိုင်ဦးစီး လုပ်ကိုင်နေသူတစ်ဦး ဖြစ်တယ်လို့လည်း ၀မ်းမြောက်ဖွယ်ရာ ထပ်မံကြားသိလိုက်ရပါတယ်။

အဲဒါနဲ့ပဲ ကျွန်တော့်ရဲ့ ကာလရှည်ကြာ မက်ခဲ့ရတဲ့ အ်ိပ်မက်သစ်ပင်လေးကို ပြန်လည်ပျိုးထောင် မြေတောင်မြှောက်ပေးဖို့ အားမာန်တွေ ပြန်ဝင်လာခဲ့ရတယ်။ ကိုမော်ကြီးတို့ မမြသွေးနီတို့နဲ့ မကြာခဏ အွန်လိုင်းမှာ တွေ့ဆုံဖြစ်ကြပြီး စာအုပ်ထုတ်ဝေနိုင်ရေးအတွက် အဆင့်ဆင့် အကောင်အထည်ဖော်ခဲ့ကြတယ်။ ကျွန်တော့်ကို လူအားဖြင့် မကူညီနိုင်ပေမယ့် အကြံဥာဏ်အားဖြင့် ကူညီပံ့ပိုးပေးခဲ့ကြတဲ့ မိတ်ဆွေ ဘလော့ဂါတွေထဲမှာ ကနေဒါနိုင်ငံမှ မအိမ့်ချမ်းမြေ့၊ ဂျပန်နိုင်ငံမှ မခင်လေးငယ်၊ စင်ကာပူနိုင်ငံမှ ဘလော့ဂါ ညီမငယ် မမြတ်ပန်းနွယ်နဲ့ နယူးယောက် ကုလသမဂ္ဂရုံးချုပ်မှ စာရင်းကိုင် မမိုးပွင့်ဖြူတို့လည်း ပါဝင်ခဲ့ကြပါတယ်။

ဒီလိုနဲ့ ရက်ပေါင်းများစွာ အရိပ်တကြည့်ကြည့် ပြုစုပျိုးထောင်လာခဲ့ရတဲ့ သစ်ပင်ငယ်လေးဟာ မကြာခင်မှာ စာဖတ်ပရိသတ် ရှေ့မှောက်ကို ရောက်ရှိလာတော့မှာ ဖြစ်ပါတယ်။

ဒီသစ်ပင်ငယ်လေးကို ကျွန်တော်တို့အားလုံးရဲ့ အနုပညာဝိညာဉ်များနဲ့ အကောင်းဆုံးဖြစ်နိုင်ဖို့ ၀ိုင်းဝန်းထုံမွှန်းထားပါတယ်။ ဒါ့အပြင် ကျွန်တော်တို့ လေးစားနှစ်သက်ရတဲ့ မြန်မာစာပေလောကမှ ကလောင်အကျော်အမော် ဆရာဆောင်းဝင်းလတ်နဲ့ ဆရာရဲသျှမ်းတို့ကလည်း စေတနာရှေ့ထား ပွင့်လင်းရိုးရှင်းတဲ့ အမှာစာများနဲ့တကွ ကျွန်တော်တို့ရဲ့ အိပ်မက်သစ်ပင်လေးကို မီးမောင်းထိုး စင်တင်ပေးထားကြပါသေးတယ်။

ဒါတင်ပဲလားဆိုတော့ မဟုတ်ပါဘူး။ ဒီစာအုပ်လေးရဲ့ အတွင်းစာမျက်နှာများမှာလည်း ဘလော့ဂါတစ်ဦးချင်းစီရဲ့ ၀တ္ထုနဲ့ အက်ဆေးတစ်ပုဒ်စီကို အကြောင်းအရာနဲ့ ဆီလျော်လိုက်ဖက်စေမယ့် သရုပ်ဖော်ပုံလေးများနှင့်တကွ ဝေေ၀ဆာဆာ စီစဉ်ပေးထားပါသေးတယ်။

အဲဒါတင်ပဲလားဆိုတော့ မဟုတ်သေးပြန်ပါဘူး။ စာရေးသူ ဘလော့ဂါမောင်မယ်များရဲ့ ကိုယ်ရေးအကျဉ်းနဲ့ သူတို့ ဘယ်လိုဘယ်ပုံ ဘလော့ဂါစာရေးဆရာတွေဘ၀ကို ရောက်ရှိခဲ့ကြတယ် ဆိုတာလေးတွေကိုလည်း စာရေးသူကိုယ်တိုင် မိတ်ဆက်အမှာစကားလေးများနှင့်တကွ စာအုပ်လေးရဲ့ တစ်နေရာမှာ တစ်စုတစ်စည်းတည်း ဖော်ပြပေးထားပါသေးတယ်။ ပိုပြီး စိတ်ဝင်စားစရာကောင်းအောင် သူတို့ပြောတဲ့ စကားလုံးလေးတွေနဲ့ လိုက်ဖက်မယ့် ပရိုဖိုင်းလ် သရုပ်ဖော်ပုံလေးတွေကိုလည်း ယှဉ်တွဲပုံနှိပ်ပေးထားပါသေးတယ်။

စာချစ်သူများ စိတ်ကျေနပ်နှစ်သက်မှုရရှိစေနိုင်မယ့် စာအုပ်လေးတစ်အုပ်အဖြစ် ကျွန်တော်တို့ အထူးပဲ ကြိုးပမ်းအားထုတ်ထားပါတယ်။

အိပ်မက်တစ်ချို့ဟာ တိုတောင်းပေမယ့် ရင်ထဲမှာ ထိရှတယ်။

အိပ်မက်တစ်ချို့ကတော့ ရှည်လျားပေမယ့် နှလုံးသားထဲမှာ စွဲကျန်ရစ်တယ်။

ကျွန်တော်တို့ ဘလော့ဂါမောင်မယ် ဆယ်ဦး အတူတကွ မက်ခဲ့ကြတဲ့ အိပ်မက်သစ်ပင်လေးဟာ စာဖတ်သူပရိသတ်တွေရဲ့ ရင်ထဲမှာ၊ နှလုံးအိမ်ထဲမှာ ဘယ်လောက်ကြာကြာ စွဲကျန်ထိရှရစ်မလဲ ဆိုတာကိုတော့ စက်တင်ဘာ ၂၂ ရက်၊ ၂၀၁၂ ခုနှစ် စနေနေ့နံနက် ၉ နာရီက အဆုံးအဖြတ်ပေးပါလိမ့်မယ်။

သစ်ပင်ငယ်လေးရဲ့ နာမည်ကတော့ “သက်တံဆယ်စင်း” တဲ့…

အားလုံးပဲ ပျော်ရွှင်ချမ်းမြေ့စွာ ဘလော့ဂင်းနိုင်ကြပါစေခင်ဗျာ...

လေးစားခင်မင်လျက်

ရန်အောင်.

စက်တင်ဘာ ၁၁၊ ၂၀၁၂ ခုနှစ်။ ။

နေသားတကျ...

noreply@blogger.com (Yan) — Sun, 05 Aug 2012 14:33:00 +0000

ပြတင်းတံခါးကိုဖွင့်လိုက်တော့ တစ်ညလုံး သူ့ဆီကို ပြေးဝင်ဖို့ ကြိုးစားနေခဲ့တဲ့ လေပြည်ညှင်းက သူ့မေးစေ့နဲ့ လည်ပင်းကို တိုးတိုးလေး ပွတ်သပ်ကျီစယ်သွားခဲ့တယ်။ အပြင်ဖက်မှာ နေရောင်က ပြည့်ပြည့်၀၀တောင် မထွက်လာနိုင်သေးဘူး။ ကောင်းကင်မှာ တိမ်မည်းညိုတစ်ချို့က ဟိုတစ်ကွက် ဒီတစ်ကွက်နဲ့ မိုးရိပ်ဆင်နေတဲ့ လက္ခဏာတစ်ချို့တော့ တွေ့ရလေရဲ့။ အမှန်ဆို ညက မိုးရွာဖို့ကောင်းခဲ့တာ…

အိပ်ယာခင်းကို သပ်သပ်ရပ်ရပ် ဖြစ်အောင်ပြင်ဆင်ပြီး ဘေးနားက စာကြည့်စားပွဲပေါ်မှာ တင်ထားတဲ့ ဖတ်လက်စ စာအုပ်ကို စာအုပ်စင်ပေါ် ပြန်တင်လိုက်တယ်။ နံရံမှာ ချိတ်ထားတဲ့ ၀ှိုက်ဘုတ်ကို တစ်ချက်လှမ်းကြည့်လိုက်ပြီး ဒီနေ့လုပ်ရမယ့် ကိစ္စတွေကို ပြန်စစ်ကြည့်လိုက်တယ်။ ဖရိုဖရဲဖြစ်နေတဲ့ ဆံပင်တွေကြားထဲ လက်ချောင်းတွေကို ထိုးသွင်းလိုက်ပြီး ဆံပင်တွေကို စုကိုင်သပ်တင်လိုက်ရင်းက ဆံပင်ညှပ်ရင်ကောင်းမလား ဆိုပြီး တွေးမိလိုက်သေးတယ်။

ခေါင်းအုံးဘေးနားမှာ အားသွင်းထားတဲ့ ဖုန်းလေးကို အသာလှမ်းယူလိုက်ရင်းက သူ့ဆီကိုခေါ်ထားတဲ့ နံပါတ်တစ်ချို့နဲ့ ပို့ထားတဲ့ မက်ဆေ့ခ်ျလေးတွေကို ခဏဖတ်လိုက်တယ်။ သူမရဲ့ မက်ဆေ့ခ်ျ တစ်ခုတစ်လေများ အမှတ်မထင် တွေ့ရလိုငြားဆိုတဲ့ မရဲတရဲ မျှော်လင့်ချက်လေးနဲ့အတူပေါ့…

ရင်ဘတ်ထဲမှာ ရုတ်ခြည်းဆောင့်တက်လာတဲ့ နှလုံးသားရဲ့ ပြင်းပြင်းရှရှ ရှိုက်ငိုသံတစ်ချို့က သူ့ဆံပင်တွေကို ခပ်ကြမ်းကြမ်းသပ်တင်လိုက်တဲ့ ညာဖက်လက်တစ်ချက်အဝှေ့မှာ အဝေးကို ပြန်လည်လွင့်စင်သွားခဲ့တယ်။ ရေခဲသေတ္တာကို ဆွဲဖွင့်လိုက်ပြီး အထဲမှာအအေးခံထားတဲ့ ကော်ဖီအေးတစ်ခွက်ကို တစ်ကျိုက်ထဲ မော့သောက်ချလိုက်တယ်။ မျက်နှာသစ် သွားတိုက်ပြီးတော့ ဖိနပ်စင်အောက်ဆုံးမှာ ထားထားတဲ့ စကိတ်ဖိနပ်လေးတစ်ရံကို ဆွဲလို့ လမ်းထိပ်က ပန်းခြံလေးဖက် လမ်းလျှောက်လာခဲ့လိုက်တယ်။

ပန်းခြံလေးထဲမှာ ကိုယ်လက်လှုပ်ရှား လေ့ကျင့်ခန်းလုပ်နေကြတဲ့ လူကြီးလူငယ်တစ်ချို့ကို တွေ့ရတယ်။ လူငယ်တစ်သိုက်ကတော့ ဘယ်အချိန်ထဲက ရောက်နေကြတယ်မသိ၊ ဘတ်စကတ်ဘော ကစားနေကြတာ တော်တော်လေးတောင် အရှိန်ရနေကြပြီ။ သူတို့ကို ဖြတ်လျှောက်သွားပြီး အခြားတစ်ဖက်မှာရှိနေတဲ့ တင်းနစ်လေ့ကျင့်တဲ့ကွင်းလေးဖက်ကို ဆက်လျှောက်သွားလိုက်တယ်။

ထိုင်ခုံလေးပေါ်မှာ စကိတ်ဖိနပ်လေးကို ခဏတင်ထားလိုက်ပြီး ခြေမြှောက်လက်မြှောက် သွေးပူလေ့ကျင့်ခန်း နည်းနည်းလုပ်လိုက်တယ်။ ပြီးတော့ ထိုင်ခုံလေးပေါ် ထိုင်ချလိုက်ပြီး စကိတ်ဖိနပ်လေးထဲမှာ ထိုးထည့်ထားတဲ့ ခြေအိတ်လေးကို ဆွဲထုတ်လို့ ခြေသလုံးနားထိရောက်အောင် ဆွဲဝတ်လိုက်တယ်။ စကိတ်ဖိနပ်လေးကို ကြိုးသေချာသိုင်းဝတ်လိုက်ပြီး မတ်တပ်ထရပ်ခါနီးမှာ စိတ်ထဲ စနိုးစနောင့် တစ်ချက်ဖြစ်သွားလိုက်သေးတယ်။

တကယ်တော့ သူက စကိတ်ကို သေချာစီးတတ်သေးတာမဟုတ်ဘူး။ ၀ယ်ထားခဲ့တာကြာပြီ ဆိုပေမယ့် တစ်ခါတလေမှ ထုတ်စီးဖြစ်သလို သေသေချာချာလည်း လေ့ကျင့်သင်ယူထားခဲ့တာ မဟုတ်သေးဘူး။ စကိတ်ဘယ်လိုစီးရတယ်ဆိုတဲ့ ဗွီဒီယိုလေးတွေကို အင်တာနက်မှာလိုက်ကြည့်၊ ဆောင်းပါးလေးတစ်ချို့ လိုက်ဖတ်ပြီး တစ်ကိုယ်တော် လေ့ကျင့်ခဲ့ရတာသာ များတယ်။ အခု စကိတ်မစီးဖြစ်တာ ကြာပြီဆိုတော့ သူစီးနိုင်ပါဦးမလား ဆိုတဲ့ သံသယစိတ်လေးက သူမတ်တပ်မရပ်ခင်မှာ သူ့အတွေးတွေကို လွှမ်းမိုးချုပ်ကိုင်ဖို့ ကြိုးစားလာခဲ့တယ်။

ထီမထင်တဲ့ အပြုံးတစ်ချက်က သူ့နှုတ်ခမ်းထောင့်စွန်းမှာ သွားငြိတွယ်တယ်။

“Why not?” ဆိုတဲ့ ခပ်တိုးတိုး စကားသံလေးနဲ့အတူ သူ မတ်တပ်ထရပ်လိုက်တယ်။

ဟန်ချက်နည်းနည်းပျက်သွားခဲ့တယ်။ ခြေထောက်နှစ်ဖက်ကို အသာလေးချဲလိုက်လို့ ကြက်ခြေခတ်ပုံစံ ရပ်လိုက်ပြီး ကိုယ့်ကိုယ်ကို ပြန်ထိန်းလိုက်တယ်။ ဖိနပ်အောက်က ဘီးလုံးလေးတွေ တစ်လှိမ့်နှစ်လှိမ့် ဆက်လှိမ့်သွားသေးတယ်။ ညာဖက်ခြေထောက်ကို အသာလေးမော့ထောင်လို့ ဘရိတ်ကို ပြန်ဖမ်းလိုက်တယ်။ ခါးကို နည်းနည်းမတ်လိုက်တယ်။ ခြေထောက်နှစ်ဖက်ကို ဘယ်ညာရှေ့တိုးနောက်ဆုတ် နည်းနည်းစီ လှိမ့်ကြည့်လိုက်တယ်။ လက်ခုပ်သံတွေ ကိုယ့်နားထဲ ကိုယ်ပြန်ကြားလိုက်ရသလို ခံစားလိုက်ရတယ်။

ယိုင်လဲချင်သလိုဖြစ်နေတဲ့ စ်ိတ်ကို ပြန်ဆုံးမလိုက်ပြီး ကိုယ့်ကိုယ်ကို ယုံကြည်စိတ်ရှိအောင် ပြန်အားပေးလိုက်တယ်။ “မင်းလုပ်နိုင်တယ်” ဆိုတဲ့စိတ်နဲ့ “ဖြစ်ပါ့မလား. လဲမယ်နော်. ဒူးခေါင်းထိမယ်နော်. ခေါင်းကွဲမယ်နော်.” ဆိုတဲ့ စိတ်နှစ်ခုက သူ့ခြေထောက်နှစ်ဖက် အရွှေ့တိုင်းမှာ အားပြိုင်နေကြတယ်။ တကယ်တော့ မကြောက်တတ်တာမဟုတ်ပါဘူး။ သူကြောက်တယ်။ ဒါပေမယ့် ကြောက်စိတ်နဲ့တော့ သူ့ကိုယ်သူ လွှမ်းမိုးခံမနေဘူး။ မရဲတရဲခြေလှမ်းတွေနဲ့အတူ ကိုယ့်ကိုယ်ကို အားပေးရင်း သူဆက်သွားနေခဲ့တယ်။

“လဲကျမယ်နော်” ဆိုတဲ့စိတ်က သူ့ကို လဲကျဖြစ်အောင် တွန်းအားပေးနေသလို ခံစားလာရတယ်။ ဘာကြောင့်လဲဆိုတော့ အဲဒီ့စိုးရိမ်စိတ်ကပဲ သူ့ခြေထောက်တွေကို ချုပ်ကိုင်ထားသလို ဖြစ်နေခဲ့တယ်။ စိုးရိမ်စိတ်တွေကို ဖြည်းဖြည်းချင်း ဖြေလျှော့ပေးနေခဲ့ရင်းက ငယ်ငယ်တုန်းက လမ်းလျှောက်သင်ခါစ ကလေးငယ်လေးတွေ အကြောင်းတွေးရင်း ကိုယ့်ကိုယ်ကို အားပေးလိုက်တယ်။

ဟိုစမ်းစမ်းသည်စမ်းစမ်း၊ တောက်တောက်တက်တက်၊ ယိုင်တိယိုင်ထိုး လမ်းလေးလျှောက်နေချိန်မှာ လူကြီးဖြစ်တဲ့သူက အရှေ့ကနေ လက်ခုပ်လက်ဝါးလေးတီးရင်း အားပေးနေခဲ့တယ်။ ဖင်ထိုင်လဲကျသွားတဲ့ အချိန်မှာ လာပြေးထူပေးလိုက်၊ လက်လေးတွဲလို့ အသာလေး ကူပြီးလိုက်လျှောက်ပေးလိုက်၊ ဟန်ချက်နည်းနည်း ငြိမ်သွားတဲ့အချိန်မှာ လွှတ်ပေးလိုက်ပြီး ဆက်သွားရဲအောင် အားပေးလိုက်နဲ့ မကြာခင်မှာ ကလေးငယ်လေး အကူအညီမလိုဘဲ တစ်ယောက်တည်း လမ်းလျှောက်လာနိုင်ခဲ့တယ်။

စကိတ်ဖိနပ်အောက်က ဘီးလုံးလေးတွေနဲ့ ကွန်ကရစ်မျက်နှာပြင်တို့ တဂျီးဂျီး ပွတ်တိုက်သံက ခပ်မှန်မှန်လေး ထွက်ပေါ်လာနေခဲ့တယ်။ တင်းနစ်ကွင်းလေးထဲမှာ ဆယ်မိနစ်လောက် ဟိုဟိုသည်သည် စီးကြည့်ပြီး ဘတ်စကတ်ဘောကွင်းဖက်ကို ကူးသွားခဲ့လိုက်တယ်။

ဘတ်စကတ်ဘောကွင်း လေးကွင်းစာလောက်ထဲမှာ နှစ်ကွင်းမှာပဲ လူက ပြည့်နေခဲ့တာဆိုတော့ ခပ်လှမ်းလှမ်းက လူမရှိတဲ့ကွင်းဖက်ကို ဆက်စီးသွားခဲ့လိုက်တယ်။ ကွင်းထောင့်မှာ ထိုင်နေတဲ့ လူငယ်တစ်ချို့က သူစကိတ်စီးနေတာကို ပြုံးစေ့စေ့နဲ့ လှမ်းကြည့်နေကြတယ်။ ဒီလိုမျိုး စီးဖြစ်အောင်၊ စီးရဲအောင် ကိုယ့်ကိုယ်ကို ဘယ်လောက်ထိ တွန်းအားပေးခဲ့ရတယ်ဆိုတဲ့ အကြောင်းတွေကိုတော့ သူတို့နားလည်အောင် ရှင်းပြနေဖို့ မလိုတော့ပါဘူး။ တကယ်တော့ သူများနားလည်အောင် လုပ်ပြရှင်းပြနေဖို့ထက် ကိုယ့်ကိုယ်ကို နားလည်အောင် ကြိုးစားလုပ်ကိုင်နေတတ်ဖို့က ပိုအရေးကြီးတာပဲ မဟုတ်ဘူးလား။

ဘတ်စကတ်ဘောကွင်းက တင်းနစ်ကွင်းထက် ပိုကျယ်တာမို့ သူ့အတွက် ပိုပြီးလှုပ်သာရှားသာ ရှိခဲ့တယ်။ ကွင်းလေးထဲမှာ ဘယ်ကွေ့ညာကွေ့၊ အရှိန်တင်စီး၊ ဘရိတ်အုပ် စတာလေးတွေကို အမျိုးမျိုးလေ့ကျင့်ပြီးနောက် ကွင်းအပြင်ဖက်က အပြေးလေ့ကျင့်နေကြတဲ့ ကတ္တရာလမ်းလေးဖက်ကို ထွက်စီးကြည့်ဖို့ စိတ်ကူးရလိုက်တယ်။

ကွန်ကရစ်မျက်နှာပြင်ကနေ ကတ္တရာလမ်းပေါ်ကို ကူးလိုက်တဲ့ တစ်ခဏမှာ ကြမ်းတမ်းတဲ့ အထိအတွေ့က သူ့ခြေသလုံးတွေထဲ တဒုတ်ဒုတ်နဲ့ စီးဝင်နေခဲ့တယ်။ မျက်နှာပြင်ချောမွေ့မှု မရှိတော့တဲ့အတွက် စကိတ်ဘီးလုံးလေးတွေရဲ့ လှုပ်ရှားမှုက သိပ်မမှန်ချင်တာကို ခံစားသိနေမိတယ်။ ကွန်ကရစ်ခင်းပေါ်မှာ ခြေထောက်တစ်ချက် ရွှေ့လိုက်တိုင်း ဘီးလုံးလေးတွေက ချောချောမွေ့မွေ့နဲ့ ပြေးလွှားသွားတတ်ပေမယ့် ကတ္တရာခင်းပေါ်မှာတော့ သူမှန်းထားတဲ့ အတိုင်းအတာအတိုင်း ဘီးလုံးလေးတွေက မရွှေ့ချင်ကြဘူး။ တစ်ချက်တစ်ချက်ကျရင် ကတ္တရာခင်းပေါ်က ခဲလုံးဗြုတ်စပ်လေးတွေကြားမှာ ဘီးလုံးလေးတွေက နည်းနည်းညပ်ချင်သလိုလို၊ ရပ်ချင်သလိုလို ဖြစ်သွားတတ်သေးရဲ့။

မျက်နှာချင်းဆိုင်က အပြေးလေ့ကျင့်နေတဲ့ တရုတ်မိန်းမကြီးတစ်ယောက်ကို မြင်လိုက်ရလို့ သူစကိတ်စီးနေတာကို အရှိန်လေး နည်းနည်းလျှော့ချလိုက်တယ်။ အဲဒီ့မိန်းမကြီး ဖြတ်သွားတော့မှ ပြန်အရှိန်တင်ပြီး ဆက်စီးနေခဲ့လိုက်တယ်။ အခုချိန်ထိ လဲကျတာမျိုး မရှိသေးတဲ့အတွက် စိတ်ထဲမှာတောင် ခပ်မြောက်မြောက် ဖြစ်သွားချင်လိုက်သေးတယ်။

ဆယ့်ငါးမိနစ်လောက် စီးနေခဲ့ရင်းက ချွေးနည်းနည်းစို့လာတာနဲ့ ဘေးက ခုံတန်းလေးမှာ ခဏထိုင်ချလိုက်တယ်။ သစ်ပင်လေးတွေကြားက ဖြတ်တိုက်လာတဲ့ လေညှင်းလေးနဲ့ သူ့လည်ကုပ်ပေါ်က ချွေးစက်လေးတွေ အထိအတွေ့မှာ အေးခနဲဖြစ်သွားတဲ့ ခံစားချက်လေးကို နှစ်သက်နေခဲ့မိတယ်။

နေလုံးကြီးက တဖြည်းဖြည်း မြင့်တက်လာတာနဲ့အတူ ပန်းခြံလေးထဲမှာ အားကစားလေ့ကျင့်ခန်း လုပ်တဲ့သူတွေလည်း တဖြည်းဖြည်း များလာခဲ့တယ်။ နည်းနည်းလောက် အမောပြေသွားတာနဲ့ ပြန်ထပြီး ကတ္တရာလမ်းပေါ် နောက်တစ်ခေါက် ထပ်စီးလိုက်တယ်။ အနိမ့်အမြင့် မညီမညာဖြစ်နေတဲ့ ကတ္တရာလမ်းပေါ်မှာ စကိတ်စီးရတဲ့ အရသာက ပိုပြီး လက်တွေ့ဆန်သလိုလို ခံစားလာရတာကြောင့် စိတ်ထဲမှာ နည်းနည်းပျော်သလိုလို ဖြစ်လာခဲ့တယ်။ ခုနက အပြေးလေ့ကျင့်နေတဲ့ တရုတ်မကြီးက လမ်းသွယ်လေးဘေးမှာ သူ့မိတ်ဆွေတစ်ယောက်နဲ့ စကားစမြည်ပြောနေခဲ့တယ်။

သူခြေထောက်တစ်ဖက်ကို အရှိန်လေးနည်းနည်းတင်လိုက်တယ်။ အမှတ်မထင် ခဲလုံးလေးတစ်ခုကို သွားတိုက်မိတယ်။ ဟန်ချက်ပျက်သွားခဲ့တယ်။ ခြေထောက်က ဘေးဖက်ကို ကားထွက်သွားပြီး ခန္ဓာကိုယ်က ချာခနဲ လည်ထွက်သွားခဲ့တယ်။

ပစ်လဲတယ်။ ဗိုင်းခနဲပဲ။

တရုတ်မကြီးက “အမလေး” လို့ ထအော်တယ်။ တကယ်တော့ တရုတ်လို အော်တာနေမှာပါ။ သူ့စိတ်ကူးထဲမှာတော့ မြန်မာလိုပြန်ပြီး အမလေးအော်တာပဲလို့ တွေးယူလိုက်တယ်။ ကတ္တရာလမ်းပေါ် ဖင်ထိုင်လျက်သားလဲကျနေရင်းက လက်နှစ်ဖက်ကို နောက်ဖက်ထောက်လိုက်ရင်း တရုတ်မကြီးကို မချိသွားဖြဲ ရယ်ပြလိုက်တယ်။ ရင်ခုန်သံတွေကတော့ တဒိန်းဒိန်းနဲ့ရယ်ပေါ့။ တရုတ်မကြီးကြောင့် မဟုတ်ပါဘူး။ ရှေ့ကို ပစ်မလဲဘဲ နောက်ဖက်ကို ပစ်လဲသွားလို့ ကိုယ့်ကိုယ်ကို ကံကောင်းတယ်ဆိုပြီး တွေးနေမိတာကြောင့်ပါ။

ဟုတ်တယ်လေ။ ရှေ့ဖက်ကို ပစ်လဲလို့ကတော့ သူ့ဒူးခေါင်းနဲ့ တံတောင်ဆစ် တစ်ခုခုတော့ ပွန်းပဲ့မှာ သေချာတယ်။ ကံကောင်းစွာနဲ့ နောက်ဖက်ကို လဲကျသွားတော့ တော်သေးရဲ့လို့ တွေးနေမိလိုက်တယ်။ ငယ်ငယ်တုန်းက သမိုင်းမှာ သင်ယူခဲ့ရတဲ့ ဗြိတိသျှ စစ်တပ်ရဲ့ အောင်မြင်စွာ ဆုတ်ခွာခြင်းဆိုတဲ့ အသုံးအနှုန်းကို သတိရမိလိုက်တယ်။

တကယ်တော့ဘ၀မှာ ရုပ်ပျက်ဆင်းပျက် ကျရှုံးတာမျိုး မဟုတ်ဘဲ အစီအစဉ် ကျကျနန ရှုံးနိမ့်တတ်ဖို့လည်း အရေးကြီးတယ်ဆိုတာ အတွေ့အကြုံနဲ့ရင်းပြီး သိလိုက်ရတယ်။ အရှိန်သိပ်မပြင်းတာလည်း ပါမှာပေါ့လေ။ တကယ်လို့သာ အရှိန်နဲ့ဆိုရင်တော့ သူ့ကိုယ်သူ ထိန်းနိုင်မှာ မဟုတ်တော့ဘဲ ဒီ့ထက်ဆိုးဝါးတဲ့ ရလာဒ်တစ်ချို့ ဖြစ်ကောင်းဖြစ်သွားနိုင်တယ်။ ဒါကြောင့် အရှိန်လေးတစ်ခုရနေချိန်ှမှာ ခြေချော်လက်ချော် မဖြစ်ဖို့ ပိုပြီး သတိထားသင့်တယ်လို့ ကိုယ့်ကိုယ်ကို သတိပေးလိုက်မိပြန်တယ်။

ဖုတ်ဖက်ခါထပြီး ဟန်ချက်ပြန်ထိန်းလို့ သူ့ခြေထောက်တွေကို ခပ်ရဲရဲဆက်ရွှေ့လိုက်တယ်။ တရုတ်မကြီးက စိုးရိမ်စွာနဲ့ ကြည့်နေဆဲပဲ။ သူမ မျက်ဝန်းတွေက သူ့ကို စကိတ်ဆက်မစီးစေချင်တော့တဲ့ အရိပ်အယောင် သမ်းနေခဲ့တယ်။ နောက်တစ်ကြိမ် လဲကျခဲ့ရင်ရော ဆိုတဲ့အတွေးမျိုး သူမခေါင်းထဲ ၀င်ကောင်းဝင်နေနိုင်တယ်။ သူ့အတွက်တော့ လဲကျဖို့ထက် ဆက်ရွေ့နေနိုင်ဖို့ကိုပဲ စ်ိတ်စောနေခဲ့မိတယ်။

လဲရင်ရော…

ပြန်ထရုံပဲပေါ့…

နောက်ထပ် ဆယ့်ငါးမိနစ်လောက် အမှားအယွင်းမရှိ စကိတ်ဆက်စီးနေပြီး ကွင်းထဲမှာ ခဏထိုင်ချလိုက်ပြီး အမောဖြေလိုက်တယ်။ ပြီးတော့ စကိတ်ဖိနပ်ကို ပြန်ချွတ်လို့ ခြေညှပ်ဖိနပ် ပြောင်းစီးပြီး အိမ်ဖက်ကို လမ်းလျှောက်ပြန်လာခဲ့လိုက်တယ်။ တစ်စုံတစ်ရာကို အဖန်တလဲလဲ လေ့ကျင့်ရင်းကနေ ကျွမ်းကျင်တတ်မြောက်လာပြီး တမင်သက်သက် အားစိုက်ထုတ်နေစရာမလိုဘဲ နေသားကျမှု ဆိုတဲ့ အနေအထားကို ရောက်လာနိုင်ပုံကို အိမ်ပြန်လမ်းတလျှောက်မှာ တွေးနေမိခဲ့တယ်။

စကိတ်ဖိနပ်ကို ဖိနပ်စင်ပေါ် ပြန်တင်၊ အခန်းထဲပြန်ဝင်၊ ကွန်ပျူတာဖွင့်လို့ အီးမေးလ်ခဏစစ်၊ ချွေးခဏတိတ်အောင် စောင့်ပြီး ရေမိုးချိုး ကိုယ်လက်သန့်စင်လိုက်တယ်။ ရေချိုးခန်းထဲက ပြန်ထွက်လာပြီးနောက် ဆံပင်ပေါ်တင်ကျန်နေတဲ့ ရေစက်လေးတွေကို မွှေးပွတဘက်နဲ့ ခပ်ကြမ်းကြမ်းလေး သုတ်နေခဲ့ရင်းက ပြတင်းပေါက်အပြင်ဖက်ကို ငေးကြည့်နေခဲ့မိတယ်။

မနက်က မိုးရိပ်ဆင်နေခဲ့တဲ့ တိမ်မည်းညိုတွေ အခုတော့ ဘယ်ဆီလွင့်ပျယ်ကုန်ပြီမသိ။ ခြိမ်း၍မရွာသောမိုးလေလား၊ မခြိမ်းလည်းမခြိမ်း မရွာလည်းမရွာသော မိုးလေလား။ မိုးမင်းကြီးသာ သိပေလိမ့်မည်။

သူ့အတွက်တော့ အလွမ်းတွေနဲ့ နေသားတကျ ရှိနေတတ်ခဲ့ပြီ…

~ ရေခဲငှက် ~
သြဂုတ် (၅) ရက်၊ ၂၀၁၂ ခုနှစ်။ ။

ဒါတွေ ဒီလိုဖြစ်သွားခဲ့တယ်...

noreply@blogger.com (Yan) — Fri, 03 Aug 2012 06:57:00 +0000

အားလုံးပဲ မင်္ဂလာပါခင်ဗျာ…

ဒီရက်ပိုင်းအတွင်း ကျွန်တော့်ရဲ့ ဘလော့ဂ်ဒိုမိန်းကို Renew လုပ်တာမှာ အဆင်မပြေတာလေးတွေ ဖြစ်သွားခဲ့ရပါတယ်။

ဖြစ်ပုံအကြောင်းစုံကတော့ လက်ရှိသုံးနေတဲ့ Hosting Site ကနေ နောက်တစ်ခုကို ကျွန်တော်ပြောင်းသုံးလိုက်ပါတယ်။ တစ်ချိန်တည်းမှာပဲ Primary Domain နာမည်ကိုလည်း ကျွန်တော်ပြောင်းလိုက်ပါတယ်။ အကျိုးဆက်အနေနဲ့ Hosting Site နှစ်ခုထဲမှာ ဘာတွေဖြစ်လို့ ဖြစ်ကုန်မှန်းကို မသိတော့ဘဲ ရှုပ်ယှက်တွေခတ်ကုန်ပါတော့တယ်။

ဒါကြောင့်မို့ လောလောဆယ် www.yanaung.net ထဲ ၀င်လာသူတွေကို www.yanaung.blogspot.com ကိုပဲ ပြန်ပြီး လွှဲပြောင်းပေးထားပါတယ်။

တစ်ဆက်တည်းမှာပဲ ရေခဲငှက်ဆိုတဲ့ ကလောင်နာမည်အတွက် ၀က်ဘ်ဆိုက်လေးတစ်ခု ခွဲထုတ်လိုက်ပါတယ်။

http://www.yaykhaenget.com/ ဆိုတာလေးပါ။

Wordpress အတွေ့အကြုံလေးတွေ လေ့လာအသုံးချချင်လို့ ဒီဆိုက်လေးကိုတော့ Wordpress Platform နဲ့ ရေးထားပါတယ်။

စာတွေကို တတ်နိုင်သလောက် အချိန်လေးပေးပြီး ရေးနိုင်အောင် ကြိုးစားသွားပါမယ်..

အားလုံးပဲ ပျော်ရွှင်ချမ်းမြေ့ကြပါစေ..

ခင်မင်လျက်

ရန်အောင်

ပစ်တိုင်းထောင်...

noreply@blogger.com (Yan) — Sat, 30 Jun 2012 17:12:00 +0000

ဇူလိုင်လထုတ် Youth မဂ္ဂဇင်းမှာ ပုံနှိပ်ဖော်ပြခံရတဲ့ "ပစ်တိုင်းထောင်" ဆိုတဲ့ အက်ဆေးလေးတစ်ခုပါ။ Youth နဲ့ ဆက်သွယ်ပေးတဲ့ ကိုမော်ကြီး နဲ့ မမြသွေးနီ တို့ကို အထူးပဲ ကျေးဇူးတင်ရှိပါတယ်ခင်ဗျာ...

ပစ်တိုင်းထောင်

လောကကြီးမှာ ကိုယ်ဖြစ်ချင်တဲ့ အရာတစ်ခုကို ဖြစ်လိုက်တာ၊ ရလိုက်တာ အောင်မြင်မှုလို့ ဆိုနိုင်ပါသလား.

ဒါဆိုရင် ကိုယ်ရည်မှန်းလိုက်တဲ့ အရာတစ်ခုကို မရလိုက်တာ၊ မဖြစ်မြောက်လိုက်တာကရော ကျရှုံးမှုလို့ ဆိုနိုင်ပါသလား.

လက်တွေ့ဘ၀တွေနဲ့ နီးစပ်အောင် မေးခွန်းကို ပြင်ပြီးတော့ မေးရမယ်ဆိုရင် တက္ကသိုလ်ဝင်တန်းစာမေးပွဲကို အောင်မြင်ပြီးနောက် ဆေးတက္ကသိုလ်၊ နည်းပညာတက္ကသိုလ်၊ ရေကြောင်းသိပ္ပံတက္ကသိုလ် စသည်တို့ကို ၀င်ခွင့်ရသွားတဲ့ ကျောင်းသားကျောင်းသူများဟာ အောင်မြင်သူတွေ ဖြစ်ပြီးတော့ ၀င်ခွင့်မရလိုက်သူများက မအောင်မြင်သူတွေလို့ ပြောလို့ရနိုင်ပါသလား။

တကယ်လို့သာ အဲဒီ့လို ၀င်ခွင့်မရလိုက်လို့ စိတ်ပျက်အားငယ်နေမယ့် ကိုယ့်သားသမီး၊ ညီအစ်ကို မောင်နှမ၊ မိတ်ဆွေသူငယ်ချင်းတွေကို ကျွန်တော်တို့တွေဟာ အောင်မြင်မှုဆိုတဲ့ အကြောင်း ဘယ်လိုရှင်းပြပြောဆိုမလဲ။ အကယ်၍များ အဲဒီ့လို ၀င်ခွင့်မရလိုက်တဲ့သူဟာ မိမိကိုယ်တိုင် ဖြစ်နေခဲ့မယ်ဆိုရင်ရော ကျွန်တော်တို့ မိမိကိုယ်တိုင်ရဲ့ စိတ်ဓာတ်ကို ဘယ်လိုပြန်လည်ညှိယူမလဲ။

ဒါတွေဟာ တကယ်တော့ ယေဘုယျဆန်ဆန် တင်ပြလိုက်တဲ့ ပြဿနာတွေပဲ ဖြစ်ပါတယ်။ လက်တွေ့ဘ၀ထဲမှာတော့ ဒီ့ထက် နက်နဲရှုပ်ထွေးတဲ့ ပြဿနာတွေ၊ စိန်ခေါ်မှုတွေ အများကြီးရှိနေခဲ့တယ်။

အောင်မြင်မှုဆိုတဲ့ စကားလုံးကို အဓိပ္ပါယ်တွေ အမျိုးမျိုး ဖွင့်ဆိုကြတယ်။ စာအုပ်စာတမ်းတွေ အမျိုးမျိုး ရေးသားပြုစုကြတယ်။ အောင်မြင်သူတွေလို့ အများက လက်ခံယူဆသူတွေအကြောင်း မှတ်တမ်းတင်ဖြန့်ဝေကြတယ်။ ဒီတော့ အောင်မြင်မှုဆိုတာ ဘာလဲလို့မေးလိုက်ရင်တောင် တစ်ဦးစီ၊ တစ်ယောက်စီရဲ့ နားလည်လက်ခံမှုတွေ တူညီမယ်လို့ မထင်မိဘူး။ ဒီလိုမတူညီနိုင်တာကိုလည်း ကျွန်တော်တို့ နားလည်သင့်တယ်။ ဘာလို့လဲဆိုတော့ အောင်မြင်မှုဆိုတာ ရှုထောင့်တစ်ခုတည်းကနေ ကြည့်လို့ရတဲ့ အရာမဟုတ်လို့ပဲ။ အောင်မြင်မှုမှာ ရှုထောင့်ပေါင်းများစွာ ပါဝင်နေတယ်။

အောင်မြင်မှုဆိုတာ ငွေကြေးသက်သက်လည်းမဟုတ်သလို ကျော်ကြားမှုသက်သက်လည်း မဟုတ်ဘူး။ ကိုယ်ဖြစ်ချင်တာ ဖြစ်နေလို့၊ ရနေလို့လည်း အောင်မြင်မှုလို့ မဆိုနိုင်ပြန်ဘူး။ စိတ်ချမ်းသာနေတိုင်းလည်း အောင်မြင်မှုဆိုပြီး သမုတ်လို့ မရပြန်ဘူး။ ဘာလို့လဲဆိုတော့ မိမိတစ်ကိုယ်တည်း စိတ်ချမ်းသာ အဆင်ပြေပြည့်စုံရင်ပြီးရော၊ တစ်ခြားသူတွေ ဘယ်လိုပဲဖြစ်ဖြစ် ဆိုတဲ့ ၀ိသမလောဘသမားများဟာ ဓနအားကိုး၊ အရှိန်အ၀ါအားကိုးနဲ့ သူတို့ဖြစ်ချင်တာဖြစ်နေနိုင်တယ်၊ လိုချင်တာတွေလည်းရနေနိုင်တယ်၊ စိတ်လည်းချမ်းသာနေနိုင်တယ်။ ဒါပေမယ့် သူတို့တွေဟာ ဘ၀မှာ အောင်မြင်နေသူတွေလို့ ပြောမလားဆိုရင် မပြောနိုင်တာကို ကျွန်တော်တို့ သိရှိနားလည်လာကြလိမ့်မယ်။ ဘာကြောင့်လဲဆိုရင် သူတို့ဟာ မိမိတစ်ကိုယ်တည်း ကောင်းစားရေးအတွက်သာ ရှေ့ရှုပြီး အများအဆင်ပြေဖို့အတွက်ကို ထည့်သွင်းစဉ်းစားလုပ်ဆောင်ပေးဖို့ ပျက်ကွက်ခဲ့တာကြောင့် ဖြစ်တယ်။

တကယ်တော့ အောင်မြင်မှုဆိုတာ မိမိကိုယ်တိုင်အတွက်သာမက မိမိနဲ့ ပတ်သက်နှီးနွယ်နေတဲ့ အသိုင်းအ၀ိုင်း ပတ်ဝန်းကျင်ကိုလည်း အကျိုးဖြစ်ထွန်းမှု ရှိစေတဲ့ စွမ်းအင်တစ်ခုဖြစ်သင့်တယ်။ အဲဒီ့လို အောင်မြင်မှုကို ကျော်ကြားမှုတွေ၊ လူသိများမှုတွေ၊ ဓနဥစ္စာတွေနဲ့ တန်ဖိုးဖြတ်တိုင်းတာလို့ မရဘူး။ ပြည်တွင်းမှာ အများကို ကူညီဖို့ စုစည်းတည်ထောင်ထားတဲ့ ပရဟိတ အဖွဲ့အစည်းလေးတစ်ခုက စေတနာရှင်လူငယ်များဟာ ပြည်ပမှာ လစာအများကြီးရပြီး ဘယ်သူ့ကိုမှ ပြန်လည်ကူညီဖို့ မစဉ်းစားတဲ့ လူချမ်းသာဟု ဆိုသူတွေထက် အများကြီး အောင်မြင်တယ်၊ ဂုဏ်ပြုထိုက်တယ်၊ လေးစားဖွယ်ဖြစ်တယ်။ ဘာကြောင့်လဲဆိုတော့ သူတို့လေးတွေရဲ့ မွန်မြတ်တဲ့ စွမ်းဆောင်မှုတွေဟာ အမှန်တကယ်လိုအပ်နေတဲ့ ပြည်သူပြည်သားတွေကို ထိထိရောက်ရောက် အကျိုးပြုပေးနိုင်တာကြောင့်ပဲ ဖြစ်တယ်။

ဒါကြောင့် ဒီဆောင်းပါးလေးရဲ့ အစမှာ မေးခဲ့တဲ့ မေးခွန်းလေးတွေကို ပြန်ဖြေရရင် ကျွန်တော်တို့တွေ ရည်မှန်းလိုက်တဲ့ တစ်စုံတစ်ရာဟာ အများစုလက်ခံပြီးသား စံချိန်စံနှုန်းတွေ ဖြစ်နေနိုင်တယ်။ ကြီးရင် ဆရာဝန်ဖြစ်ရမယ်၊ အင်ဂျင်နီယာဖြစ်ရမယ် ဆိုတာတွေဟာ ရည်မှန်းချက်ပန်းတိုင်တွေ ဖြစ်တယ်။ အဲဒီ့ပန်းတိုင်ကို ရရှိခြင်း၊ မရရှိခြင်းဟာ အလုံးစုံသော အောင်မြင်မှုလို့ မဆိုနိုင်ပါဘူး။ ကိုယ်လိုချင်တဲ့အရာတစ်ခုကို ရလိုက်တယ်၊ မရလိုက်ဘူး၊ ဖြစ်လိုက်တယ်၊ မဖြစ်လိုက်ဘူး ဆိုတာပဲ ကွာခြားသွားပါတယ်။

ဒါဆိုရင် ထပ်မေးစရာရှိပါတယ်။ တစ်ချို့အရာတွေဟာ နောက်တစ်ကြိမ် ထပ်မံကြိုးစားဖို့ အခွင့်အလမ်း မရှိတော့ဘူး။ တစ်ကြိမ်တစ်ခါသာ ဖြေဆိုကြိုးစားပိုင်ခွင့်ရှိတဲ့ စမ်းသပ်မှုမှာ ကိုယ်ဟာ လွဲချော်ခဲ့တယ်ဆိုရင်ရောလို့ အမေးရှိလာနိုင်ပါတယ်။ အဲဒီ့အခါကျရင်တော့ မိမိရဲ့ ရည်မှန်းချက်ကို ပြန်လည်ညှိယူပါလို့ အကြံပြုချင်ပါတယ်။ ပညာရပ်ဆိုင်ရာ ဝေါဟာရကို ယူသုံးရရင်တော့ “Compromise Your Goal” လို့ ဆိုရမှာ ဖြစ်ပါတယ်။

“မိမိရဲ့ ရည်မှန်းချက်ကို ညှိယူခြင်း” ဆိုတဲ့ စကားလုံးကို ပျော့ညံ့တဲ့စိတ်ဓာတ်၊ အရှုံးသမားအားပေးတဲ့ စိတ်ဓာတ်လို့ မယူဆစေချင်ပါဘူး။ ဘ၀ခရီးလျှောက်လှမ်းတဲ့အခါမှာ ခရီးပိုရောက်လာလေလေ ဒီစကားလုံးလေးရဲ့ အဓိပ္ပါယ်ကို ပိုမိုနားလည်လာလေလေ ဖြစ်မယ်လို့ ယုံကြည်ပါတယ်။ ဘာလို့လဲဆိုတော့ ဘ၀ဆိုတာကြီးက အမြဲတမ်း ကိုယ်ဖြစ်ချင်တာတွေကို ဖြစ်ခွင့်ပေးမနေလို့ပါပဲ။

ကိုယ်မလုပ်ချင်တဲ့အခြေအနေ၊ မဖြစ်ချင်တဲ့ အခြေအနေကို အကြောင်းအမျိုးမျိုးကြောင့် လုပ်နေရတဲ့ အဖြစ်မျိုးနဲ့ ကြုံဆုံလာခဲ့ရရင် မိမိရဲ့ စ်ိတ်နဲ့ကိုယ်နဲ့ တသားတည်းဖြစ်နေအောင်၊ လိုက်လျောညီထွေမှု ဖြစ်နေအောင်၊ ဘ၀ကို အရှုံးမပေးဘဲ ဆက်လက်ကြိုးစားလိုစိတ်တွေ ပြင်းထန်ရှင်သန်နေအောင် ဒီစကားလုံးလေးအဓိပ္ပါယ်ကို ကျွန်တော်တို့ နားလည်သဘောပေါက်ထားသင့်တယ်။

သိုးဆောင်းစကားပုံတစ်ခုရှိတယ်။ “ဘ၀ဆိုတာ ခရီးတစ်ခု ဖြစ်တယ်။ ပန်းတိုင်မဟုတ်ဘူး” တဲ့။ အဲဒီ့စကားလေးအတိုင်းပါပဲ။ ကျွန်တော်တို့တွေဟာ ဘ၀ခရီးကို လျှောက်လှမ်းနေကြသူတွေ ဖြစ်တယ်။ ရည်မှန်းချက်တွေဆိုတာ တကယ်တော့ ဘ၀ခရီးလမ်းကြောင်းမှာ စိုက်ထူလိုက်တဲ့ ပန်းတိုင်တွေပဲ ဖြစ်ပါတယ်။ တစ်ချို့ပန်းတိုင်တွေကို ကျွန်တော်တို့ ရောက်ရှိခဲ့တယ်။ တစ်ချို့ပန်းတိုင်တွေကိုတော့ ကျွန်တော်တို့ ရောက်ရှိဖို့ ကြိုးစားပေမယ့်လည်း လက်လှမ်းမမီလိုက်နိုင်တာတွေ ဖြစ်ကောင်းဖြစ်နိုင်တယ်။

ဒါကြောင့် မိမိရည်မှန်းလိုက်တဲ့ ပန်းတိုင်ကို မရောက်ရှိခဲ့ရင် စိတ်မပျက် အားမလျှော့ပါနဲ့။ ထပ်မံကြိုးစားနိုင်ခွင့် ရှိသေးရင် ကြိုးစားပါ။ မိမိရဲ့ လိုအပ်ချက်၊ အပြစ်အနာအဆာတွေကို တွေ့အောင်ရှာပြီး ပြုပြင်ယူလို့ တိုက်ပွဲကို အသစ်တဖန် ဆင်နွှဲပါ။ အမှားအယွင်းတွေကို သင်ခန်းစာမယူဘဲ အရိုးစွဲနေတဲ့ ပုံစံနဲ့ ထပ်ခါတလဲလဲ ကြိုးစားနေပြီး မအောင်မြင်ရတဲ့ အကြောင်းတရားကို ကံတရားပေါ် အပြစ်ပုံချခဲ့ရင်တော့ ဒါဟာ မိမိရဲ့ မိုက်မဲမှုသက်သက်ပဲ ဖြစ်မှာပါ။

“တိုက်ပွဲတစ်ရာ စစ်ပွဲတစ်ခု” ဆိုသလိုပဲ ဘ၀ဆိုတာ စစ်ပွဲတစ်ခုလို့လည်း ဆိုနိုင်ပါသေးတယ်။ စစ်ပွဲတစ်ပွဲတိုက်ရာမှာ တိုက်ပွဲပေါင်းများစွာ ပါဝင်ပေါင်းစပ်နေကြတယ်။ တစ်ချို့တိုက်ပွဲတွေမှာ ကျွန်တော်တို့ အောင်နိုင်ပေမယ့် တစ်ချို့တိုက်ပွဲတွေမှာ ကျွန်တော်တို့ ဆုတ်ခွာရနိုင်တယ်။ တိုက်ပွဲတွေကို အောင်နိုင်တိုင်း ကျွန်တော်တို့ စစ်နိုင်ပြီ ပြောလို့ မရသလို တိုက်ပွဲတစ်ချို့ကို ရှုံးနိမ့်သွားတိုင်းလည်း စစ်ရှုံးပြီလို့ ပြောလို့မရပါဘူး။ အဓိက အခရာကျတဲ့ တိုက်ပွဲတစ်ချို့မှာ မရှုံးနိမ့်မိစေဖို့ ကိုယ်တိုက်ယူရမယ့် စစ်မြေပြင်ကို ကင်းထောက်ရမယ်၊ စူးစမ်းလေ့လာရမယ်၊ ရန်သူအခြေအနေကို နားစွင့်ရမယ်၊ ပတ်ဝန်းကျင် တောတောင် ရာသီဥတု အပြောင်းအလဲတွေကို မှတ်သားရမယ်။

ဒီလိုပါပဲ ကျွန်တော်တို့ ချမှတ်လိုက်တဲ့ ရည်မှန်းချက်ပန်းတိုင်ကို အောင်အောင်မြင်မြင် ရောက်ရှိနိုင်ဖို့အတွက် ရှေ့မှာအောင်မြင်သွားသူတွေဆီက နည်းနာယူရမယ်၊ ကိုယ့်ကို အလဲထိုးရှုံးနိမ့်သွားစေနိုင်မယ့် ထောင်ချောက်တွေ၊ လှည့်ကွက်တွေကို သတိထားရှောင်ကြဉ်ရမယ်၊ ခေတ်စနစ် နည်းပညာသဘောတရားတွေနဲ့ ရင်ဘောင်တန်းလိုက်နိုင်အောင် ကြိုးစားရင်း တစ်ချိန်တည်းမှာပဲ မိမိရဲ့ ကိုယ်ရည်ကိုယ်သွေးတွေကို စဉ်ဆက်မပြတ် မြှင့်တင်ပေးနေရမယ်။ ဒါမှသာ တကယ့်တကယ် အရေးကြီးတဲ့ ဘ၀တိုက်ပွဲမျိုးနဲ့ ကြုံဆုံလာခဲ့ရင် ကျွန်တော်တို့တွေဟာ အရည်အချင်းပြည့်ဝပြီး အတွေ့အကြုံရင့်ကျက်တဲ့ စစ်သူကြီးတွေလို မားမားမတ်မတ် ရွပ်ရွပ်ချွံချွံ နောက်မဆုတ် သွေးမကြောင်စတမ်း စမ်းသပ်စိန်ခေါ်မှုတွေကို အကောင်းဆုံး တုံ့ပြန်တွန်းလှန်ပြီး ဘ၀အောင်နိုင်ရေး အလံကို စိုက်ထူနိုင်မှာ ဖြစ်ပါတယ်။

ဒါ့အပြင် ကျွန်တော်တို့ဟာ မိုးကိုမျှော်နေရုံနဲ့ မပြီးဘဲ မိုးရွာလာခဲ့ရင် ခံယူနိုင်ဖို့ ရေပုံးရေကန်တို့ကိုလည်း အသင့်ပြင်ဆင်ထားဖို့ လိုပါတယ်။ အဲလိုမှ မဟုတ်ခဲ့ရင်တော့ အခွင့်အလမ်းက ကိုယ့်ဆီ တံခါးလာခေါက်နေချိန်မှာ ကိုယ်က ကြားနိုင်စွမ်းမရှိလိုက်တဲ့ အဖြစ်မျိုးနဲ့ ကြုံတွေ့ရနိုင်ပါတယ်။

ဒါကြောင့် အောင်မြင်မှုဆိုတဲ့ အဓိပ္ပါယ်ဟာ အများလက်ခံယုံကြည်ထားတဲ့ အရာတွေကို ရခြင်း မရခြင်းနဲ့ မပတ်သက်ပါဘူး။ ပန်းတိုင်တစ်ချို့ကို ရောက်ရှိနိုင်တယ်၊ တစ်ချို့ကိုတော့ ဆုံးရှုံးရနိုင်တယ်။ ဘာပဲဖြစ်ဖြစ် ရောက်ရာနေရာ၊ ကျရာဘ၀မှာ အားမာန်မလျှော့ဘဲ မိမိရည်မှန်းချက်တွေကို အကောင်းဆုံးဖြစ်အောင် ညှိယူရင်း နောက်ထပ်ဆင်နွှဲရမယ့် ဘ၀တိုက်ပွဲတွေအတွက် အသင့်ဖြစ်အောင် ပြင်ဆင်ထားဖို့က ပိုအရေးကြီးပါတယ်။

“ဘယ်တော့မှ မလဲကျတာ အောင်မြင်မှုမဟုတ်ဘူး။ လဲတိုင်းပြန်ထနိုင်မှသာ တကယ့် အောင်မြင်မှုအစစ်” ဆိုတဲ့ ဆိုရိုးစကားကိုလည်း ကြားဖူးကြမယ်ထင်ပါတယ်။ မိမိလဲကျသွားခဲ့ရင်လည်း ပြန်ထနိုင်အောင် ကြိုးစားပါ။ မိမိနဲ့ နီးစပ်တဲ့ မိတ်ဆွေသူငယ်ချင်း၊ ညီအစ်ကိုမောင်နှမများ လဲကျသွားခဲ့ရင်လည်း ပြန်ထနိုင်အောင် အားပေးကူညီပါ။ ဆရာ ဦးအေးငွေက သူ့ရဲ့ “ရုန်းရင်းကန်ရင်း” ကဗျာလေးထဲမှာ ဒီလိုလေး ရေးခဲ့ဖူးပါတယ်။

“ဘ၀သည်ကား တိုက်ပွဲများပင်၊

လှုပ်ရှားရသော လူ့ရွာတောဝယ်၊

လင်းသောမှောင်သော အောင်သောရှုံးသော၊

မုန်းသောချစ်သော၊ သစ်သောဟောင်းသော၊

ပူသောအေးသော နုသောကြမ်းသော၊

စောကြောစိတ်ဖြာ မနေသာပေ၊

လဲရာကထ ကျရာကတက်၊

ပျက်ရာကဆောက် ရှေ့သို့လျှောက်၍၊

ရောက်ရာဘ၀ အားမာန်ပြရင်း၊

ရုန်းရကန်ရမည် တကား။”

လူငယ်လူရွယ်များ ပစ်တိုင်းထောင်စိတ်ဓာတ် မွေးမြူနိုင်ပြီး ဘ၀ခရီးကို အကောင်းဆုံး လျှောက်လှမ်းနိုင်ကြပါစေလို့ အဝေးတစ်နေရာကနေ ဆန္ဒမွန်ပြုလိုက်ပါတယ်။

~ ရေခဲငှက် ~

ဇွန် ၃၀၊ ၂၀၁၂ ခုနှစ်။ ။

ပျားဖွပ်သူများ...

noreply@blogger.com (Yan) — Tue, 26 Jun 2012 06:41:00 +0000

ဒီပို့စ်လေးကတော့ မအိမ့်ချမ်းမြေ့ မေးထားတဲ့ အွန်လိုင်းပေါ်ကစာများ ဆိုတဲ့ ပို့စ်လေးကို ပြန်လည်ဖြေကြားထားတာ ဖြစ်ပါတယ်။

မေး။ ။ မလေးတို့လို ပရော်ဖက်ရှင်နယ်တွေလည်း မဟုတ်၊ အွန်လိုင်းပေါ်မှာ စာရေးသူတွေရဲ့စာတွေဟာ ထောက်မယ်ဆိုရင် ထောက်စရာတွေအများကြီး၊ လိုအပ်မှုတွေအများကြီး ရှိပါတယ်။ အွန်လိုင်းစာရေးသူတွေရဲ့စာတွေကို မိမိရဲ့အချိန်တွေဖဲ့ပေးပြီးတော့ ဘာဖြစ်လို့ ဖတ်ကြတာလဲ ဆိုတာလေးကို အချိန်ရရင် ဖြေပေးကြပါရှင်။

ကျွန်တော်ကတော့ မလေးမေးခွန်းကို နှစ်ပိုင်းခွဲဖြေချင်တယ်ဗျ။

တစ်ပိုင်းက ပရော်ဖက်ရှင်နယ်နဲ့ အပျော်တမ်းကိစ္စ၊ နောက်တစ်ပိုင်းကတော့ မလေးရဲ့အဓိကမေးခွန်းဖြစ်တဲ့ အွန်လိုင်းစာရေးသူတွေရဲ့ စာတွေကို ဘာကြောင့် ဖတ်ဖြစ်ကြလဲဆိုတဲ့ ကိစ္စပါ။

ကျွန်တော့်စိတ်ထဲရှိတဲ့အတိုင်း မသွယ်ဝိုက်ဘဲ ပြောမှာမို့ တစ်ချို့နေရာတွေ ပွင့်လင်းလွန်းသွားရင်တော့ ခွင့်လွှတ်ပါလို့ တင်ကြိုပြီး စကားပလ္လင်ခံထားပါရစေ…

မလေး မေးခွန်းအရဆိုရင် စာပေနယ်ထဲမှာ ကျင်လည်ကျွမ်းဝင်နေတဲ့ ပရော်ဖက်ရှင်နယ် စာရေးဆရာ ဆိုတာနဲ့ပဲ သူတို့ရေးတဲ့စာတွေဟာ အပြစ်ကင်းနေသလို၊ သိပ်ကိုကောင်းမွန်နေသလို၊ ပရော်ဖက်ရှင်နယ် မဟုတ်သေးသူတွေကပဲ လေးစားအားကျ အတုယူစရာ ကောင်းနေသလိုများ ဖြစ်နေတာလား.

အွန်လိုင်းပေါ်မှာရေးပြီး အပြင်မှာ စာအုပ်တစ်အုပ်မှ မထွက်ဖူးသေးတဲ့ အွန်လိုင်း စာရေးဆရာများ၊ ဘလော့ဂါများဟာလည်း အပျော်တမ်းဆိုတာနဲ့ပဲ သူတို့ရေးတဲ့စာတွေဟာ လိုအပ်ချက်တွေ၊ မပြည့်စုံမှုတွေ ရှိနေတာလား.

စာပေလောကမှာ နာမည်ရပြီး ပရော်ဖက်ရှင်နယ် စာရေးဆရာလို့ ခံယူထားသူ တစ်ချို့တွေရဲ့ အားနည်းချက်တွေ၊ ဟာကွက်တွေကို သိထားသမျှ ဖောက်သည်ချချင်ပါတယ်။ သူများစာတွေကို မှီငြမ်းကူးချပြီး မိမိကိုယ်တိုင်ရဲ့ ကိုယ်ပိုင်အတွေးအခေါ်တွေပဲ ဖြစ်သယောင်ယောင် လုပ်တာမျိုးတွေ၊ ကိုယ့်မှာ အသိအမှတ်ပြုခံထားရတဲ့ နာမည်ရှိတယ် ဆိုပြီး ဟုတ်သော်ရှိ မဟုတ်သော်ရှိ ကမ္ဘာနဲ့ချီပြီး ဝေဖန်ရေး လေကန်ရေး လုပ်တာမျိုးတွေ၊ တက်ကျမ်းအစောင်စောင်ကို ဖတ်ရှုမွှေနှောက်ပြီး မိမိကိုယ်တိုင်ပဲ ထုံးနည်းအစဉ်အလာတွေကို နားလည်တတ်မြောက်ထားသယောင်ယောင်၊ အကောင်အထည်ဖော် အောင်မြင်ထမြောက်ပြီးသယောင်ယောင် ဆရာလုပ်ပြီး ဟောပြောရေးသားတာမျိုးတွေကို ကျွန်တော် တွေ့ဖူးမြင်ဖူး ဖတ်ဖူးကြားဖူးတယ်။ ဒီလူတွေကို ကျွန်တော့်အနေနဲ့ ပရော်ဖက်ရှင်နယ် စာရေးဆရာတွေရယ်လို့ မသတ်မှတ်ပါဘူး။

တစ်ဖက်ကကြည့်မယ်ဆိုရင်လည်း အွန်လိုင်းပေါ်မှာ အပျော်သဘောနဲ့ ရေးသားတတ်ကြတာမှန်ပေမယ့် တကယ့်ကို စေတနာပါပါနဲ့ ဘ၀အတွေ့အကြုံတွေကို ရင်းပြီးပြန်လည် ဝေမျှတာမျိုးတွေ၊ အပြင်မှာ စာတစ်အုပ်မှ မထုတ်ဖူးသေးပေမယ့် တကယ့်ကို လက်ရာမြောက်တဲ့ အရေးအသားမျိုးတွေ၊ ပရော်ဖက်ရှင်နယ် စာရေးဆရာရယ်လို့ နာမည်တစ်လုံး မထူထောင်နိုင်သေးပေမယ့် ကိုယ်ရေးတဲ့စာကို ရဲရဲဝံ့ဝံ့ တာဝန်ယူဖြေရှင်းရဲတဲ့ အဆင့်မြင့် စိတ်ဓာတ်ပိုင်ရှင်မျိုး တွေကို ကျွန်တော် ကြုံဖူးဆုံဖူး မှတ်ဖူးနာဖူးတယ်။ ဒီလူတွေကို ကျွန်တော်ကတော့ Unsung Heroes of Literature (သို့) အသိအမှတ်ပြု မခံရသေးတဲ့ စာပေသူရဲကောင်းများ အဖြစ် လက်ခံယုံကြည်မိတယ်။

ဒါကြောင့် မလေးပြောသွားတဲ့ ပထမမေးခွန်းကို ပြန်လည်ချေပရရင်တော့ စာပေနယ်ထဲမှာ နာမည်ရှိတိုင်း ပရော်ဖက်ရှင်နယ် စိတ်ဓာတ်ကို ပိုင်ဆိုင်ထားသူတွေ မဟုတ်နိုင်ကြသလို စာပေနယ်ထဲမှာ ခြေမချနိုင်သေးတဲ့ နာမည်မရှိသေးသော အပျော်တမ်းစာရေးဆရာ ဘလော့ဂါတွေ ဖြစ်တိုင်းလည်း စာပေအရေးအသား အဆင့်အတန်း မမီဘူးလို့ ပြောလို့မရပါဘူး။

ဒုတိယပိုင်းအနေနဲ့ မလေးမေးသွားတဲ့ အွန်လိုင်းစာရေးသူတွေရဲ့ စာတွေကို ဘာကြောင့် ဖတ်ဖြစ်လဲဆိုတဲ့ ကိစ္စကို ဆွေးနွေးချင်ပါတယ်။

အွန်လိုင်းပေါ်မှာ စာရေးတာကို တစ်ချို့က လွတ်လပ်တယ်၊ ပွင့်လင်းတယ်လို့ မြင်ကြတယ်။ စိစစ်တာ၊ ဖြတ်တောက်တာ၊ တင်းကြပ်တာမျိုးတွေကို အလုပ်မခံရတဲ့အတွက်ကြောင့် သူတို့ရေးတဲ့ စာတွေဟာ ပိုမိုပွင့်လင်းတယ်၊ ရဲတင်းတယ်၊ ရိုးသားတယ်လို့ ထင်ကြတယ်။

စည်းမရှိတိုင်း ကောင်းတာမဟုတ်ပါဘူး။ စည်းလွတ်ရင် ၀ါးလွတ်တတ်ပါတယ်။ ဒါကြောင့် “စည်းလွတ်ဝါးလွတ်” မဖြစ်စေနဲ့လို့ ဆိုစမှတ်ပြုကြတာပေါ့။ စည်းမျဉ်းဆိုတာ ရှိသင့်သလောက်ရှိမှလည်း တိုးတက်တယ်၊ ကောင်းရာမွန်ရာဖက်ကို ဦးတည်တယ်လို့ ကျွန်တော်မြင်ပါတယ်။ မြစ်ဟာ သူ့စည်းသူ့ကမ်းကို ကျော်ပြီး စီးဆင်းရင် လူတွေ၊ သတ္တ၀ါတွေ ဒုက္ခရောက်ပျက်စီးတတ်ကြရတာကို သတိချပ်စေချင်ပါတယ်။

ဘလော့ဂ်တွေပေါ်မှာ တင်ချင်ရာတင်၊ ရေးချင်ရာရေးလို့ ရတဲ့အတွက် စကားလုံးအသုံးအနှုန်း ခက်ထန်ကြမ်းတမ်းတာတွေ၊ ကိုယ့်အမြင်နဲ့ မတိုက်ဆိုင်တာနဲ့ဘဲ နင်ပဲငဆ စိန်ခေါ် ပုတ်ခတ်တာတွေ၊ နည်းနည်းသိရုံနဲ့ အများကြီးပဲ တတ်မြောက်နားလည်ထားသယောင်ယောင် အတွေးအခေါ်ပိုင်းဆိုင်ရာ မရင့်ကျက်မပြည့်ဝမှုတွေ၊ စာပေအရေးအသား လေ့လာမှုအားနည်းချက်ကြောင့် သတ်ပုံနဲ့ ခွဲထားစနစ်မကျမှုတွေကို ပိုလို့တောင် တွေ့နိုင်သေးတယ်ဆိုတာကိုလည်း တစ်ဖက်က အမှန်အတိုင်း သိမြင်ထားသင့်တယ်။

ဒါက ဆိုးတဲ့ဖက်က ပြောတာပေါ့လေ။

ကောင်းတဲ့ဖက်က ပြောရမယ်ဆိုရင်တော့ အွန်လိုင်းစာမျက်နှာတွေ၊ ဘလော့ဂ်ဝက်ဘ်ဆိုက်တွေပေါ်မှာ တင်ထားကြတဲ့ တစ်ချို့တစ်ချို့သော စာတွေဟာ စာဖတ်သူတွေအတွက် တကယ့်ကို အကျိုးရှိစေတတ်တယ်။ အထွေထွေ ဗဟုသုတ၊ ခံစားချက်ရသ၊ အတွေးအမြင်၊ ဘ၀အတွေ့အကြုံ၊ စီးပွားရေး၊ ကြီးပွားတိုးတက်ရေး၊ နိုင်ငံရပ်ခြား အလုပ်အကိုင် အတွေ့အကြုံ၊ ပညာသင်အတွေ့အကြုံ၊ ခရီးသွားမှတ်တမ်းအတွေ့အကြုံ၊ နည်းပညာ ဗဟုသုတ၊ နိုင်ငံအကျိုးပြု ဆောင်းပါးများ၊ ဟင်းချက်နည်း၊ ဟာသရသ၊ ဓာတ်ပုံပညာ စသည်ဖြင့် ရေတွက်လို့ မကုန်နိုင်တဲ့ အကြောင်းအရာမျိုးစုံကို မိမိအားသန်ရာ ဘာသာရပ်အလိုက် အထူးပြု ရေးသားတတ်ကြတဲ့ စာကောင်းပေမွန်တွေ အများကြီး ရှိနေတတ်ကြတယ်။

အဲဒီ့ဘလော့ဂ်တွေ၊ ၀က်ဘ်ဆိုက်တွေမှာ ဝေမျှရေးသားထားကြတဲ့ စာတွေကို ဘလော့ဂါများသော်လည်းကောင်း၊ ဘလော့ဂါမဟုတ်သော စာဖတ်သူများသော်လည်းကောင်း တွေ့မြင်ဖတ်ရှုမိကြမယ်လို့ ကျွန်တော်ယုံကြည်ပါတယ်။

ဒါကြောင် အဲဒီ့လို စာကောင်းပေမွန်တွေနဲ့ ကြုံကြိုက်မိတဲ့ တခဏမှာ အဲဒီ့စာရေးသူရဲ့ သူရေးတဲ့စာအပေါ် ထားရှိတဲ့ စေတနာကို ယုံကြည်နှစ်သက်မှုနဲ့ အတူ နောက်တစ်ခေါက် ပြန်လာပြီး ဖတ်ဖြစ်ပါတယ်။ တစ်ခါတစ်ခေါက် ဖတ်ရုံနဲ့ အားမရတဲ့ အခါမှာ အကြိမ်ကြိမ် အခေါက်ခေါက် လာရောက်ပြီး ဖတ်ဖြစ်ပြန်ပါတယ်။ စာရေးသူရဲ့ မိမိရေးတဲ့ စာပေါ်မှာ အမှန်တကယ် စေတနာထက်သန်မှု ရှိမရှိဆိုတာကလည်း သူရေးတဲ့စာကို ဖတ်လိုက်ရုံနဲ့ မြင်သာသိရှိနိုင်ပါတယ်။

ဘလော့ဂါအချင်းချင်း တစ်ယောက်နဲ့ တစ်ယောက် အပြန်အလှန်လည်ပတ်တာမျိုးကတော့ စာရေးတာ ကောင်းမကောင်းနဲ့ သက်ဆိုင်မှုရှိတတ်သလို မိမိနဲ့ ခင်မင်ရင်းနှီးမှု အတိုင်းအတာပေါ်လည်း မူတည်တတ်ပါတယ်။ တစ်ချို့က အချင်းချင်း ခင်မင်ကျွမ်းဝင်မှုဆိုတဲ့ အကြောင်းပြချက် သက်သက်နဲ့ကို မိမိဘလော့ဂ်က စာတွေကို လာဖတ်တတ်ကြပါတယ်။ တစ်ချို့ကတော့ မိမိရဲ့ ဘလော့ဂ် (သို့) ၀က်ဘ်ဆိုက်ကို လာလည်ဖူးတယ်ဆိုတဲ့ လူမှုရေးအကြောင်းပြချက်နဲ့ အပြန်အလှန် လည်ပတ်ပြီး ကော်မန့်ရေးကြ၊ ပဋိသန္တာရ စကားဆိုတတ်ကြပါတယ်။

ဒီတော့ မလေးမေးသွားတဲ့ ဒုတိယမေးခွန်းကို ဖြေရရင်တော့ “လူကိုခင်လို့ တရားကိုမင်” တတ်ကြပြီး မိမိဘလော့ဂ် (သို့) ၀က်ဘ်ဆိုက်ကို လာရောက်ဖတ်ရှုတတ်ကြတာတွေ ရှိတတ်ကြပါတယ်။ ဒါကတော့ ပထမအမျိုးအစား စာဖတ်သူတွေပါ။ ပထမအမျိုးအစားလို့ သတ်မှတ်ရတာက သာလွန်ကောင်းမွန်နေတဲ့ သဘောမျိုး မဟုတ်ပါဘူး။ ကဏ္ဍအလိုက် ပိုင်းခြားခွဲပြောချင်လို့ ပထမအုပ်စုအဖြစ် သတ်မှတ်လိုက်တာမျိုးပဲ ဖြစ်ပါတယ်။

ဒုတိယအမျိုးအစား စာဖတ်သူတွေကတော့ မိမိဝေဖန်ဆွေးနွေး၊ ဝေမျှရေးသားသွားတဲ့ အကြောင်းအရာတွေကို သဘောကျနှစ်သက်မိရာက “တရားကိုမင်လို့ လူကိုခင်”ပြီး တိတ်တဆိတ် စာဖတ်ကာ ပြန်သွား၍သော်လည်းကောင်း၊ မိမိတို့ရဲ့ ထင်မြင်ယူဆချက်များကို မှတ်ချက်ကော်မန့်များရေးပြီး ပွင့်ပွင့်လင်းလင်း ဝေဖန်ဆွေးနွေး၍ သော်လည်းကောင်း ပြုလုပ်လေ့ရှိတတ်ကြတဲ့ စာဖတ်သူတွေပဲ ဖြစ်ပါတယ်။ သူတို့ဟာ ဘလော့ဂါတွေ ဖြစ်ချင်မှဖြစ်မယ်။ မိမိတို့နဲ့ ရွယ်တူ၊ မိမိတို့အောက် ငယ်သူများ ဖြစ်နေနိုင်သလို မိမိတို့ထက် အသက်အရရော၊ ၀ါအရရော ကြီးမြင့်သူတွေ ဖြစ်နေနိုင်ပါတယ်။

ဘယ်စာဖတ်သူတွေက မိမိရေးတဲ့စာတွေအတွက် အကောင်းဆုံး ဝေဖန်တုံ့ပြန်နိုင်တဲ့ အကဲဖြတ်ဒိုင်လူကြီးတွေ ဖြစ်တယ်ဆိုတာကိုတော့ အချိန်ဆိုတာရယ်၊ မိမိရေးတဲ့စာတွေအပေါ်ကို မိမိကိုယ်တိုင်က ဘယ်လောက်ထိ စေတနာ စစ်မှန်မှုရှိတယ်ဆိုတာရယ်က အဖြေပေးသွားပါလိမ့်မယ်။

ဒါကြောင့် ကျွန်တော့်အနေနဲ့ မလေးရဲ့မေးခွန်းကို ပြန်ပြီး အနှစ်ချုပ်ဖြေရမယ်ဆိုရင်တော့ အွန်လိုင်းပေါ်မှာရေးမှ၊ စာပေနယ်ထဲမှာ နာမည်ရှိပြီးသား စာရေးဆရာတွေရေးမှရယ်လို့ မဟုတ်ပါဘူး။

ငယ်ငယ်တုန်းက ဖတ်မှတ်ခဲ့ဖူးသလိုပါပဲ။ ပျားရည်ရှာသူဟာ ပျားအုံရှိတဲ့သစ်ပင်ကိုပဲ သွားပါတယ်။ အင်ကြင်းပင်ဖြစ်မှ၊ ပိတောက်ပင်ဖြစ်မှရယ်လို့ မဟုတ်ပါဘူး။ ကျွန်တော်တို့ရဲ့ ဘလော့ဂ်များ၊ ၀က်ဘ်ဆိုက်များဟာ ပျားအုံရှိတဲ့ သစ်ပင်များနဲ့ တူပြီးတော့ စာဖတ်သူများကတော့ ပျားရည်ရှာသူများနဲ့ အလားသဏ္ဍာန် တူညီပါလိမ့်မယ်လို့ ကျွန်တော် တင်စားဆွေးနွေးလိုပါတယ်။

အားလုံးကိုချစ်ခင်လေးစားလျက်

ရန်အောင်.

ကြယ်တစ်ပွင့် ကြွေလွင့်ကယ်စော...

noreply@blogger.com (Yan) — Mon, 18 Jun 2012 09:24:00 +0000

“From the Cradle to the Grave” ဆိုတဲ့ အီဒီယမ်လေးကို ကျွန်တော် ငယ်စဉ်က ဖတ်ခဲ့မှတ်ခဲ့ဖူးတယ်။ အင်္ဂလိပ်အဘိဓာန်စာအုပ်လေးကို လှန်လှောကြည့်မိတော့ Cradle ဆိုတာ ကလေးသိပ်တဲ့ ပုခက်၊ Grave ဆိုတာ လူသေတွေမြှုပ်နှံတဲ့ သင်္ချိုင်းဆိုတာကို နားလည်မိပြီး ဒီစကားစုလေးဟာ ဘ၀တစ်ခုရဲ့ အစကနေ အဆုံးတိုင်လို့ ပြောချင်တာဖြစ်မယ်ဆိုပြီး မှတ်ယူခဲ့တယ်။ ဒါပေမယ့် ဘ၀ခရီးကို ကိုယ်တိုင်လျှောက်လှမ်း နေရချိန်တွေမှာတော့ “ပုခက်ထဲကနေ သချိင်္ုင်းထိ” ဆိုတဲ့ စကားစုလေးကို ရံဖန်ရံခါမှသာ ကျွန်တော်တစ်ယောက် တွေးတောမိတော့သလို တွေးတောမိပြီး မကြာခင်မှာပဲ မေ့မေ့လျှော့လျှော့ ပေါ့ပေါ့ဆဆ နေဖြစ်ခဲ့ပြန်တယ်။

ဒီနေ့ ဖေ့စ်ဘွတ်ခ်ပေါ်တက်တော့ မမျှော်လင့်ရဲခဲ့တဲ့ သတင်းတစ်ပုဒ်ကို ဖတ်လိုက်ရတယ်။

“ဆရာကြီး လူထုဦးစိန်ဝင်း ဆုံးပြီ” တဲ့လေ။

တကယ်တော့ ဒီသတင်းဟာ တစ်နေ့နေ့တော့ ဖတ်ရလိမ့်မယ်လို့ သိနေပြီးသားပါ။ ဒါပေမယ့် မမျှော်လင့်ချင်ခဲ့ဘူး။ ဆရာကြီးလို ပုဂ္ဂိုလ်မျိုးတွေ မြန်မာပြည်အတွက် ဆက်လက်ရှင်သန်နေစေချင်သေးတယ်။ အထူးသဖြင့် အခုလိုမျိုး ခေတ်ပြောင်းကာလမှာ နိမ့်ကျပြည်သူတွေအတွက် ဘက်မလိုက်ဘဲ အာဏာပိုင်အစိုးရကို မြန်မာပြည်တွင်းကနေ မကြောက်မရွံ့ရေးသားဝေဖန်ရဲတဲ့ ဆရာကြီးလို ကလောင်မျိုးဟာ အင်မတန်မှ ရှားတယ်။

"ညီညွှတ်ရင် အလုပ်တွင်တယ်၊ ကောင်းတယ်။ မညီညွတ်ရင် အလုပ်မတွင်ဘူး၊ ဖင့်နှေးတယ်။ ဒါပေမယ့် မညီညွတ်တာ မကောင်းဘူးလို့တော့ တစ်ထစ်ချ ပြောလို့မရဘူး။ ညီညွတ်တိုင်း ကောင်းတယ်လို့ ပြောမရနိုင်တာမျိုးရှိသလို မညီညွတ်လို့ ကောင်းသွားတာမျိုးလည်း ရှိတယ်။"

"အတင်းအကြပ်ပေါင်းစည်းခိုင်းရင် ပိုပြီးဝေးကွာသွားမှာ သေချာတယ်။ မတူတာကို တူအောင်ဇွတ်ညှိရင် နှစ်ဦးနှစ်ဖက် ထိခိုက်မှာ သေချာတယ်။ မတူတဲ့အတိုင်း ပေါင်းစည်းနေထိုင်ခြင်းဟာ ဒီမိုကရေစီရဲ့ အနှစ်သာရဖြစ်တယ်။ ငါနဲ့မတူ ငါ့ရန်သူလို့ သဘောထားခြင်းဟာ နိုင်ငံရေးအရ ရင့်ကျက်မှုမရှိတဲ့ သဘောဖြစ်တယ်၊"

"ဒီမိုကရက်တစ် လူ့အဖွဲ့အစည်းမှာ အရောင်အသွေး၊ အမျိုးအစားစုံ ပန်းတိုင်းပွင့်စေရမယ်။ အတွေးအခေါ် အယူအဆပေါင်းစုံ လွတ်လွတ်လပ်လပ် ထွန်းကားစေရမယ်။ အားလုံးလွတ်လွတ်လပ်လပ် ငြင်းခုန်ဆွေးနွေးဖို့ အားပေးရမယ်။ ငြင်းခုန်ခြင်းဟာ ရန်ဖြစ်တာ မဟုတ်ဘူး။ မတူတဲ့ အယူအဆတစ်ခုကို ထုတ်ဖော်တင်ပြတာ ဖြစ်တယ်။ ရှေးခေါမခေတ် လူသားတွေ အပြန်အလှန် ဆွေးနွေးငြင်းခုန် လုပ်ကြရာက ဒီမိုကရေစီ သဘောတရားတွေ ပေါ်ထွန်းလာရတာ မဟုတ်လား။"

"အစိုးရဆိုတာလည်း လူပဲ။ သတင်းသမားကလည်း လူပဲ။ ပြည်သူကလည်း လူပဲ။ လူဆိုရင် ဘယ်သူဖြစ်ဖြစ် အမှားတော့ ရှိမှာပဲ။ သူတစ်ပါး ဘ၀ပျက်လောက်တဲ့ အမှားကို ကျူးလွန်တဲ့သူဟာ တစ်နေ့တော့ တစ်ဘ၀မှာတော့ သူခံရမှာပဲ။"

"နောက်တော်ပါတွေနဲ့ အောက်ခြေဆင်းတယ်ဆိုပြီး နောက်တော်ပါ တစ်ပြုံကြီးနဲ့ သွားကြည့်ရင်လည်း ပကတိ အခြေအနေမှန်ကို မသိနိုင်ဘူး။ သနပ်ခါးလိမ်း၊ ပန်းပန်ပြထားတာတွေပဲ တွေ့ရလိမ့်မယ်။ တကယ့်အဖြစ်မှန်၊ အခြေအနေမှန်ကို သိချင်ရင် ကျောင်းသားမိဘတွေနဲ့ ကျောင်းသားတွေကို တွေ့ဆုံမေးမြန်းမှပဲ ဖြစ်လိမ့်မယ်။

ကျောင်းထဲမှာ အစည်းအဝေးခေါ်ပြီး ပြောပါဆိုရုံနဲ့တော့ ဘယ်သူမှ ပြောမှာမဟုတ်တာ သေချာတယ်။ အတိုင်ခံရသူတွေက ဘာမှမဖြစ်ဘဲ တိုင်ကြားသူသာ အရေးယူခံရတဲ့ အဖြစ်မျိုးတွေ ကြုံဖူးပေါင်းများပြီဆိုတော့ လူတွေက ရှေ့ထွက်ပြီး လူစွမ်းကောင်း မလုပ်ချင်ကြတော့ဘူး။ ဥပဒေအထက်မှာ ဘယ်သူမှ မရှိဆိုတာကလည်း သိသိသာသာ ဖြစ်လာတာ မတွေ့မမြင်ရသေးဘူး။"

ဒီလို ရဲရဲတောက် စကားမျိုးတွေကို ကျွန်တော်တို့တွေ နောက်နောင် ဖတ်ရဖို့ အခွင့်အလမ်းမရှိတော့ဘူး။ ဆရာကြီးဟာ ကျွန်တော့်အတွက် မြင်ဆရာ၊ ကြားဆရာတစ်ယောက်ပါ။ ဆရာကြီးနဲ့ ကျွန်တော် တစ်ကြိမ်တစ်ခါမှ မကြုံဖူး မဆုံဖူးခဲ့သလို ဆရာကြီးသိတဲ့ အသိုင်းအ၀ိုင်းထဲမှာလည်း ကျွန်တော့်ကို တစ်ခါမှ ကြားဖူးခဲ့လိမ့်မှာ မဟုတ်ပါဘူး။ ဒါပေမယ့် ကျွန်တော် ဆရာကြီးရဲ့ စာပေဂုဏ်သိက္ခာကို အထူးပဲ လေးစားမြတ်နိုးမိတယ်။

သာမန်ရောဂါလေးတွေ ဖြစ်ရင်တောင် အမေကယ်ပါ အဘကယ်ပါဆိုပြီး ရှူနာရှိုက်ကုန်း အကြောင်းအမျိုးမျိုးပြလို့ ရေသာခိုချင်နေသူတွေကို ဆရာကြီးအိမ်ကို ခေါ်ပြသွားချင်မိတယ်။ အောက်ဆီဂျင်ပိုက်တန်းလန်းနဲ့ အသက်ကို ခဲရာခဲဆစ် ရှုကာ တစ်ရက်ကို အကျိုးပြု ဆောင်းပါးနှစ်ပုဒ်နှုန်းကျ ရေးသားပြုစုနေတဲ့၊ မိမိအတွက်သာမကဘဲ လူငယ်လူရွယ်တွေရဲ့ အကျိုးစီးပွားအတွက် ခက်ခက်ခဲခဲ အချိန်တွေကို ဝေမျှပေးဖို့ ၀န်မလေးတဲ့ ဆရာကြီးရဲ့ ပရိဟိတစိတ်ဓာတ်ကို အတုယူအားကျမိတယ်။

ကြုံကြိုက်ကွဲ အချစ်ဇာတ်လမ်းတွေ၊ အညှီအဟောက်ဆန်တဲ့ အပေါစား စာပေမျိုးတွေဆိုရင် အမှာစာရေးပေးဖို့ မပြောနဲ့၊ ပြတ်ပြတ်သားသား ဝေဖန်ရှုတ်ချတတ်တဲ့ ဆရာကြီးရဲ့ ကလောင်ဂုဏ်သိက္ခာကို ကျွန်တော်ကိုယ်တိုင် မြန်မာစာပေလောကထဲ တိုးဝင်ကြည့်မိတော့မှ ပိုပြီးသိရှိနားလည်လာခဲ့ရတယ်။ အဲဒီ့လို သိရှိလေလေ၊ ဆရာကြီးပေါ်ကို ကြည်ညိုလေးစားစိတ်တွေ ပိုမိုဖြစ်ထွန်းလာလေလေပါပဲ။

ပြက္ခဒိန်ရက်စွဲကို ကြည့်မိတော့ တိုက်ဆိုင်လွန်းတာပဲလား မသိဘူး။ ဆရာကြီး ဆုံးသွားခဲ့တဲ့ ဇွန်လ ၁၇ ရက်နေ့ဟာ “အဖေနေ့” ဖြစ်နေခဲ့တယ်လေ။

ဆရာကြီး ရောက်လေရာရာ ဘ၀တိုင်းမှာ အများအကျိုးအတွက် ရှင်သန်နိုးကြားနေမယ်ဆိုတာကို ပြောစရာမရှိ အကြွင်းမဲ့ ယုံကြည်နေပြီးသားပါ။

ကျွန်တော်က ဒီနှစ်ထဲမှာ ဆရာကြီးကို တွေ့မယ်ဆိုပြီး အားခဲထားခဲ့တာ။ ရှေ့ဆက်လျှောက်လှမ်းရမယ့် စာပေခရီးအတွက် အကျိုးပြုကလောင်တစ်ချောင်းဖြစ်အောင် ဘယ်လိုခံယူချက်တွေနဲ့ ရပ်တည်နေထိုင်သင့်သလဲ ဆိုတာတွေကို ဆရာကြီးနဲ့ လူကိုယ်တိုင် တွေ့ဆုံမေးမြန်းပြီး ဩ၀ါဒ ခံယူချင်ခဲ့တာ။ လူငယ်လူရွယ်တွေကို စေတနာထားလွန်းတဲ့ ဆရာကြီးရဲ့ နေ့စဉ်ဘ၀လှုပ်ရှားမှု ပုံရိပ်တွေကို ကိုယ်တိုင်ကိုယ်ကျ တွေ့မြင်ချင်ခဲ့တာ။

ဒီလိုပါပဲလေ. ချစ်ခင်မြတ်နိုးလေးစားရသူတွေကို အသက်ရှည်ရှည် နေထိုင်စေချင်ပေမယ့်လည်း မဖြစ်လာခဲ့တာတွေ အတိတ်မှာ ရှိခဲ့ဖူးပြီမို့ ကျွန်တော် ဖြေသာအောင် ဖြေလိုက်ပါတော့တယ်။ ဒါပေမယ့် စာရေးကျဲတဲ့ ကျွန်တော့်ဘလော့ဂ်မှာတော့ ဆရာကြီးနဲ့ ပတ်သက်တဲ့ ပို့စ်လေးတစ်ခုကို ခံစားချက်တွေနဲ့အတူ ရေးတင်ဖြစ်ခဲ့တယ်…

မြန်မာစာပေကောင်းကင်မှာ ကြယ်ပွင့်ကြီးတစ်ပွင့် ဒီနေ့ ကြွေလွင့်သွားခဲ့တယ်။

ကျွန်တော်တို့အတွက်၊ အထူးသဖြင့် ကျွန်တော့်အတွက် အစားထိုးမရတဲ့ ဆုံးရှုံးမှုကြီးတစ်ခုပါပဲ…

လူထုစိန်ဝင်း ကိုယ်ရေးအကျဉ်း

လူထူစိန်ဝင်း ဆောင်းပါးများ စုစည်းမှု

~ ရေခဲငှက် ~

Photo Credits: Internet

အပြာရောင်နွေဦး

noreply@blogger.com (Yan) — Tue, 22 May 2012 05:48:00 +0000

ပြတင်းတံခါးကို အသာအယာတွန်းဖွင့်လိုက်တော့ နံနက်ခင်းလေနုအေးလေးက အခန်းငယ်လေးထဲကို အသာအယာ တိုးဝှေ့ဝင်ရောက်လာခဲ့တယ်။ သူ့တံခါးဖွင့်သံကို ကြားလို့ထင့်၊ အိမ်အပေါ်ထပ်ခေါင်မိုးနားလေးဆီက ငှက်ကလေးနှစ်ကောင်က အလန့်တကြား ရုတ်ခနဲ ထပျံသွားတာကို သဘောကျစွာနဲ့ အစအဆုံး လိုက်ကြည့်နေလိုက်မိတယ်။ အိမ်ရှေ့တည့်တည့်က ဓာတ်ကြိုးလေးပေါ်မှာတော့ စာဝါငှက်ကလေးတစ်ကောင်က သူ့ကိုယ်လုံး ၀၀တုတ်တုတ်လေးပေါ်က အမွှေးလေးတွေကို တဖျပ်ဖျပ်ခါလိုက်၊ သူ့နှုတ်သီးလေးနဲ့ တောင်ပံလေးတွေကို ဟိုဟိုဒီဒီ တို့ထိလိုက်နဲ့ အလုပ်ရှုပ်နေလေရဲ့။

အပေါ်ထပ်ကမြင်တွေ့နေရတဲ့ ရှုခင်းလေးတွေက စိမ်းစိုလန်းဆန်းနေတယ်။ ဆောင်းအကုန် နွေအကူး ရာသီအကူးအပြောင်းလေးက အရင်ကထက်စာရင် ပိုပြီး ရဲတင်းလာသလို သူခံစားရတယ်။ ဟုတ်တယ်။ အရင်အပတ်တွေကဆို နွေဦးလို့သာဆိုတယ်။ မိုးလေးက တစ်ပြိုက်နှစ်ပြိုက် ရွာချင်ရွာလိုက်၊ မုန်တိုင်းဝင်ချင်တဲ့ အရိပ်အယောင်လေးတွေ သမ်းချင်သမ်းလိုက်၊ ညနေခင်းဆို အအေးဓာတ်လေးက ပိုချင်ပိုိလာလိုက်နဲ့ နွေဦးဟာ သူ့ရဲ့ တောင်ပံတွေကို လွတ်လွတ်လပ်လပ် မဖြန့်ကျက်နိုင်ခဲ့ရရှာဘူး။ ရာသီစက်ဝိုင်းမှာ မေးတင်ပြီး သူ့အလှည့်ကို စောင့်စားနေခဲ့တဲ့ နွေဦး သမီးပျိုဟာ ခုတော့လည်း တင့်တယ်ကြော့ရှင်းစွာနဲ့ လှလှပပ အရွယ်ရောက်ခဲ့ပြီပဲ။

ညက ရွာထားခဲ့တဲ့ မိုးရေစက်လေးတွေကို မက်ရေစက်ရေ သောက်သုံးထားပြီး သန့်စင်ဝင်းပနေတဲ့ နွေဦးရဲ့ သစ်ရွက်လေးတွေဟာ နံနက်ခင်းရဲ့ နေရောင်ခြည်အောက်မှာ ခုမှ ရေမိုးချိုးပြီး အလှဆင်ထားတဲ့ အပျိုမလေးတစ်ယောက်လို အစွမ်းကုန်လှပ ၀ံ့ကြွားနေကြတယ်။ သူကြည့်နေရင်းမှာကိုပဲ ခပ်လှမ်းလှမ်းက ချုံပုတ်ပင်လေးရဲ့ သစ်ရွက်လေးဆီက စီးကျလာတဲ့ ရေစက်လေးဟာ သူ့အောက်မှာရှိနေတဲ့ သစ်ရွက်လေးအပေါ်ကို တောက်ခနဲ စီးကျသွားခဲ့တယ်။ အဲဒီ့ကမှတဆင့် ရေစက်ကလေးက အောက်ဖက်မှာ ရှိနေတဲ့ သစ်ရွက်လေးတွေဆီကို ထပ်ကာထပ်ကာနဲ့ ကျသွားခဲ့တယ်။ ဘယ်လောက်လှလိုက်တဲ့ ဆင့်ကဲဖြစ်စဉ်လေးလဲ။

ခပ်လှမ်းလှမ်း သစ်ပင်လေးရဲ့ သစ်ခေါင်းလေးထဲကနေ ရှဉ့်ညိုလေးတစ်ကောင် ခေါင်းလေး ပြူတစ်ပြူတစ်လုပ်ရင်း ပတ်ဝန်းကျင်ကို စူးစမ်းလေ့လာနေတယ်။ ခဏနေတော့ သစ်ခေါင်းလေးထဲကနေ လွှားခနဲ ခုန်ထွက်လာခဲ့ပြီး သစ်ကိုင်းလေးတွေကတဆင့် ကျင်လည်စွာ ဖြတ်လျှောက်လို့ သစ်ပင်အောက်ခြေကို ဆင်းလာခဲ့တယ်။

သစ်ပင်အောက်နားလေးကို ရောက်ခါနီးတော့ သူက လွှားခနဲတောင် တစ်ချက် ခုန်ချလိုက်သေးရဲ့။ သူခုန်ချလိုက်တဲ့ မြက်ပင်လေးတွေပေါ်က ရေမှုန်မွှားလေးတွေ ဖွာခနဲ ဖြစ်သွားတာလေးကိုက ရုပ်ရှင်ကားတွေထဲမှာ ရေအိုင်ထဲကို မော်တော်ကားတစ်စင်း ခပ်ကြမ်းကြမ်း ဖြတ်မောင်းသွားသလိုမျိုး ကြည့်လိုတစ်မျိုး ကောင်းနေခဲ့တယ်။

ရေနွေးအိုးကို ရေအနည်းငယ်ထပ်ဖြည့်ပြီး မီးဖိုပေါ်မှာ တည်လိုက်တယ်။ မျက်နှာသစ်၊ ကိုယ်လက်သန့်စင်ပြီး ရေချိုးခန်းထဲက ပြန်ထွက်လာချိန်မှာ ရေနွေးအိုးက တရွှီရွှီနဲ့ ၀ီစီမှုတ်နေခဲ့ပြီ။ သူမ သိပ်ကြိုက်တယ်ဆိုတဲ့ အပြာရောင် ကော်ဖီခွက်လေးထဲကို သကြားတစ်ဇွန်း၊ ကော်ဖီမိတ်နှစ်ဇွန်း၊ နက်စ်ကော်ဖီမှုန့် တစ်ဇွန်းထည့်ပြီးတော့ ရေနွေးတစ်ဝက်လောက် ထည့်လိုက်တယ်။ ဇွန်းလေးနဲ့ နည်းနည်းမွှေပြီး ဇွန်းကို ပန်းကန်ဆေးစင်လေးထဲ ထားခဲ့လိုက်တယ်။ မနေ့ညနေက စိတ်လိုလက်ရ တိုက်ချွတ်ဆေးကြောထားခဲ့တဲ့ ပန်းကန်စင်လေးက သူ့ကို ကျေးဇူးတင်တဲ့အကြည့်လေးနဲ့ ပြန်ကြည့်ပြီး သူချထားခဲ့တဲ့ ဇွန်းလေးကို အသာတကြည်လေးပဲ လက်ခံယူထားခဲ့လိုက်တယ်။ စိတ်ကမဖြောင့်တော့ဘူး။ အဲဒါနဲ့ပဲ ရေဘုံဘိုင်ကို ဖွင့်ချပြီး ဇွန်းလေးကို ရေနည်းနည်းကျင်းလို့ ခပ်မြန်မြန်လေးပဲ ဆေးကြောလိုက်တယ်။

သင်းခနဲ ဝေ့တက်လာတဲ့ ကော်ဖီနံ့လေးကို တရှိုက်မက်မက် ရှုသွင်းလိုက်ပြီး ကော်ဖီခွက်လေးကို ကိုင်လို့ အိမ်ရှေ့တံခါးမကြီးဖက်ကို ထွက်လာခဲ့လိုက်တယ်။ တံခါးကို အဆုံးတိုင် ဖွင့်လိုက်ပြီး နံနက်ခင်းရဲ့ လေကောင်းလေသန့်လေးတွေကို အိမ်လေးထဲ အပြည့်အ၀ ဖိတ်ခေါ်လိုက်တယ်။ အိမ်ရှေ့အုတ်ခုံလေးပေါ်မှာ ကော်ဖီခွက်လေးကို တင်ပြီး မသောက်သေးဘဲ ခဏနှပ်ထားလိုက်တယ်။ မတ်တပ်ရပ်လို့ ခါးနှစ်ဖက်ကို ဘယ်ညာလှည့်ချိုးလိုက်ပြီး အပြာရောင်ကောင်းကင်ကြီးကို မော့ကြည့်လို့ “မင်္ဂလာပါ လောကကြီးရေ..” လို့ ခပ်တိုးတိုးနှုတ်ဆက်လိုက်မိတယ်။

မိုးသားတိမ်လိပ်တွေ ကင်းစင်လို့ ကြည်လင်သာယာနေတဲ့ ဒီလို နံနက်ခင်းမျိုးလေးတွေနဲ့ ကင်းကွာနေခဲ့တာ ကြာပြီပဲ။ ကော်ဖီပူပူလေးကို ရှူးခနဲ တမင်သက်သက် အသံမြည်အောင် သောက်လိုက်တယ်။ ကလေးများ ဆန်သွားပြီလားလို့ တွေးမိပြီး တစ်ယောက်တည်း ကြိတ်ပြုံးမိလိုက်သေးရဲ့။ နေရောင်ခြည်က တဖြည်းဖြည်းနဲ့ အရှိန်ရစပြုလာတယ်။ အိမ်ရှေ့ မြေကွက်လပ်လေးမှာ စိုက်ထားတဲ့ သစ်ပင်လေးတွေမှာ အဖူးအနုလေးတွေက အစီအရီပေါ်ထွက်လို့ အလှချင်းပြိုင်နေကြတယ်။

“နွေဦးဆန်းသစ် ရွက်ရော်လှစ်လို့ ပုရစ်ကယ်ရွှေဥ ပင်တိုင်းစုကြသည် နုညိုစင်ငယ်တဲ့လေ” ဆိုတဲ့ တပေါင်းညှာကျင် အဲချင်းလေးကို ရေးစပ်ခဲ့တဲ့ ဦးယာရဲ့ ခံစားချက်ကို ကိုယ်တိုင်ကိုယ်ကျ ကိုယ်ချင်းစာမိသွားခဲ့ရတယ်။ ဩော်… ငယ်လိုက်ပါဘိ၊ နုလိုက်ပါဘိ၊ သန့်လိုက်ပါဘိ၊ စင်ကြယ်လိုက်ပါဘိ။

ကော်ဖီကို တမျှင်းမျှင်းနဲ့ ဇိမ်ခံသောက်နေချိန်မှာ “ဂွဒ်မောနင်း” ဆိုတဲ့ နှုတ်ဆက်သံက လမ်းမဖက်က ထွက်ပေါ်လာခဲ့တယ်။ လှမ်းကြည့်လိုက်တော့ ကလေးလေးတစ်ယောက်ကို ချီထားတဲ့ နှစ်အိမ်ကျော်က မြန်မာ အစ်ကိုကြီးတစ်ယောက် ဖြစ်နေခဲ့တယ်။ တစ်ယောက်နဲ့တစ်ယောက် အပြန်အလှန်နှုတ်ဆက်ပြီး “ရာသီဥတုကောင်းတယ်နော်” ဆိုတဲ့စကားကို မှတ်မှတ်ရရ ပြောဖြစ်အောင် ပြောလိုက်မိသေးတယ်။

…

တစ်ကောင်နဲ့ တစ်ကောင် အပြန်အလှန် တွန်ထူးဘာသာ မြည်ကြွေးနှုတ်ဆက်နေကြတဲ့ ငှက်ကလေးတွေရဲ့ အသံလေးတွေကလည်း တဖြည်းဖြည်းနဲ့ ပိုကျယ်လောင်လာခဲ့တယ်။ အစိမ်းရောင်သမ်းနေတဲ့ ပုရစ်ဖူးရွက်နုငယ်လေးတွေ၊ အ၀ါတစ်ချို့ အဖြူတစ်ချို့နဲ့ လေအသိမ်းမှာ ယိမ်းကနေကြတဲ့ အလေ့ကျပေါက် တောပန်း အပင်ငယ်လေးတွေ၊ အိမ်ရှေ့က မြေကွက်လပ်လေးထဲမှာ က္ကုနြေ္ဒရရ လဲလျောင်းအိပ်စက်နေတဲ့ အပင်စိုက်ဖို့ တူးဆွထားတဲ့ မြေအညိုရောင်လေးတွေ၊ မျက်နှာချင်းဆိုင်အိမ်အပေါ်ထပ် ပြတင်းတံခါးလေးဆီက လေတိုက်တိုင်း ဟိုဟိုဒီဒီ မျောလွင့်နေတဲ့ ခန်းဆီးဖြူဖြူလေးတွေကို လိုက်ငေးကြည့်ရင်း တစ်ချိန်တုန်းက သူမပြောခဲ့ဖူးတဲ့ စကားတစ်ချို့ကို ကြားယောင်မိလာခဲ့တယ်။

“သဘာဝကို ခံစားတတ်ဖို့၊ သဘာဝရဲ့ အရောင်အသွေးတွေကို နှလုံးသားနဲ့ ကြည့်မြင်တတ်ဖို့ဆိုတာ ပန်းချီပညာကို လေ့လာနေသူတွေအတွက် သိပ်ကိုအရေးကြီးတယ်။ တစ်စုံတစ်ယောက်ရဲ့ ပယောဂမပါဘဲ သူ့နဂိုမူလအတိုင်း ဖြစ်ပေါ်နေတဲ့ အရောင်တွေကို ကျွန်မ စိတ်ဝင်စားတယ်”

"ဒါဆိုရင် ပန်းချီဆရာရဲ့ ပယောဂကြောင့် ဖြစ်ပေါ်လာတဲ့ သဘာဝလွန် အရောင်တစ်ချို့ကိုရော ဘယ်လိုမြင်လဲ၊ ဥပမာ ဗင်းဆင့်ဗန်ဂိုးရဲ့ နေကြာပန်း ပန်းချီကားလိုပေါ့.”

အဲလို သူပြန်မေးတော့ သူမက ခေါင်းလေးကိုမော့လို့ ဟက်ဟက်ပက်ပက် ရယ်မောခဲ့ဖူးတယ်. ပြီးတော့မှ ချောင်းလေးတစ်ချက်ရှင်းလိုက်ပြီး ခပ်ဝေးဝေးမှာ မြင်နေရတဲ့ မေပယ်လ်ပင်လေးကို ငေးကြည့်လို့ သူမတစ်ယောက်တည်း ပြောသလို ခပ်တိုးတိုးလေး ပြန်ဖြေခဲ့တယ်။

“သဘာဝက ပေးအပ်ထားတဲ့ အရောင်ပေါ်မှာ လူရဲ့ အနုပညာကို ခံစားတတ်တဲ့ စိတ်ခံစားချက်ကို ထပ်မံပေါင်းစပ်ပေးလိုက်လို့ တစ်ချို့အရောင်တွေဟာ ရှိရင်းစွဲထက် ပိုအားကောင်းလာတတ်သလို ရှိရင်းစွဲထက်လည်း ပိုအားဖျော့သွားတတ်သေးတယ်. အနုပညာဆိုတာ အရှိကို အရှိတိုင်းပဲ တင်ပြရစကြေးဆို ပန်းချီကားချပ်တွေ အကုန်လုံးဟာ လူပုံတူ၊ သဘာဝပုံတူ ပန်းချီကားချပ်တွေကြီးပဲ ဖြစ်နေတော့မှာပေါ့.”

ကော်ဖီကို နောက်ဆုံးတစ်ကျိုက်မော့သောက်လိုက်ချိန်မှာ သူမကို နက်နက်ရှိုင်းရှိုင်း သတိရလွမ်းဆွတ်မိသွား ခဲ့ရတယ်။

အဲဒီ့နေ့က လေယာဉ်ကွင်းထဲ ၀င်ခါနီး သူ့မျက်ဝန်းတွေကို တည့်တည့်မတ်မတ် စိုက်ကြည့်လို့် သူမ ခပ်ပြုံးပြုံးလေးပြောခဲ့တယ်။

“ငွေကြေးအားဖြင့် ကြေးမမြင့်မားပေမယ့် တန်ဖိုးအားဖြင့်တော့ နှိုင်းဆလို့ မရတဲ့ အရာလေးတစ်ခုပါ. ကော်ဖီကြိုက်တတ်တဲ့ ရှင့်အတွက် အမြဲပဲ အသုံးဝင်နေမယ်လို့ ကျွန်မ မျှော်လင့်ပါတယ်”

သူ့ကိုကမ်းပေးလိုက်တဲ့ ဘူးလေးကိုယူပြီး ပဟေဠိဆန်လွန်းတဲ့ သူမရဲ့ ရီဝေေ၀ မျက်ဝန်းတွေကို သူအကြာကြီး စိုက်ကြည့်နေဖြစ်ခဲ့တယ်။ အထဲမှာ ဘာပါလဲဆိုတာ သူမက မပြောပြခဲ့သလို သူကလည်း မမေးခဲ့ပါဘူး။ မျက်ဝန်းတွေက နွေးထွေးဆွတ်ပျံ့ဖွယ် ကောင်းသလောက် သူမရဲ့ ပိရိသေသပ်တဲ့ နှုတ်ခမ်းဖျားလေးတွေဆီက ထွက်ပေါ်လာတဲ့ စကားသံလေးတွေကတော့ ခန့်မှန်းရခက်လွန်းစွာ အေးစက်တည်ငြိမ်နေခဲ့တယ်။

အိမ်အပြန် တရိပ်ရိပ်ပြေးနေတဲ့ အမြန်ရထားပေါ်မှာ သူမ ပေးခဲ့တဲ့ ဘူးလေးကို ရင်ခုန်မြတ်နိုးစွာနဲ့ ဖွင့်ကြည့်ဖြစ်ခဲ့တယ်။ ထောင့်ချွန်လေးတွေနဲ့ အနုပညာဆန်ဆန် ရေးထားတဲ့ သူမလက်ရေးလေးတွေက သူ့ကို မှော်အတတ်ပညာနဲ့ ပြုစားထားသလိုပဲ မလှုပ်မယှက် ငြိမ်သက်နေစေခဲ့တယ်။

“အပြာရောင်ဆိုတာ ကောင်းကင်နဲ့ ပင်လယ်ကို ကိုယ်စားပြုတဲ့ အရောင်…

အပြာရောင်ဆိုတာ နက်ရှိုင်းခြင်းနဲ့ တည်ငြိမ်ခြင်းကို ပေါင်းစည်းပေးထားတဲ့အရောင်…

အပြာရောင်ဆိုတာ တစ်ဦးအပေါ်တစ်ဦး သစ္စာရှိမှု၊ အသိဥာဏ်ပညာနဲ့ ပြည့်စုံမှု၊ ကိုယ့်ကိုယ်ကို

ယုံကြည်စိတ်ချမှု၊ အတွေးအခေါ် ထက်မြက်သန်စွမ်းမှု စတာတွေကုို သိမ်းဆည်းပိုက်ထွေးထားတတ်တဲ့ အရောင်…

ကျွန်မ ရှိနေစဉ်အချိန်ကာလ တလျှောက်လုံး ဂရုတစိုက်ရှိခဲ့တဲ့အတွက်ရော...

ကျွန်မ ပြောတဲ့ စကားတွေကို အေးချမ်းတည်ငြိမ်စွာ အမြဲနားထောင်တတ်ခဲ့တဲ့အတွက်ရော...

ကျွန်မအပေါ် ယုံကြည်နွေးထွေးမှုတွေ အမြဲ ပေးစွမ်းနိုင်ခဲ့တဲ့အတွက်ရော...

ကျွန်မ ရှင့်ကို အမြဲတမ်း သတိရနေမှာပါ ၀ိုင်…”

ကဒ်ပြားလေးကို အသာဖယ်ကြည့်လိုက်တော့ အထဲမှာ စက္ကူစလေးတွေနဲ့ သပ်သပ်ရပ်ရပ် ထုပ်ပိုးထားတဲ့ အပြာရောင် ကော်ဖီခွက် လေးတစ်ခွက်ကို တွေ့လိုက်ရတယ်။

…

နွေဦးရဲ့ ပိုက်ထွေးယုယမှုအောက်မှာ တစ်မျိုးစီ အသက်ဝင်လှုပ်ရှားနေကြတဲ့ ပန်းမာန်လေးတွေ၊ သစ်ပင်လေးတွေ၊ ငှက်ကျေးလေးတွေ၊ ရှဉ့်ညိုလေးတွေ၊ ခန်းဆီးလေးတွေ၊ တိမ်တိုက်လေးတွေကို ငေးကြည့်ရင်း သဘာဝရဲ့ အရောင်အသွေးတွေကို သူခံစားနေခဲ့မိတယ်ဆိုတာကို သူမတစ်ယောက် သိစေချင်ပါတယ်.

နွေဦးနံနက်ခင်းရဲ့ အပြာရောင် ကောင်းကင်က အခါအခွင့်ရတိုင်း ကြည်လင်သာယာစေဖို့ အစွမ်းကုန်ကြိုးစားနေဆဲပါပဲ..

နွေဦးနံနက်ခင်းရဲ့ သဘာဝတေးသံက ဘယ်သူ့ကိုမှ ဘက်မလိုက်ဘဲ အချိန်မှန်မှန် ကျူးရင့်သီကြွေးနေဆဲပါပဲ..

နွေဦးနံနက်ခင်းရဲ့ ရင်ခွင်ထဲမှာ အပြာရောင် ကော်ဖီခွက်လေးကလည်း သဘာဝအရောင်တွေနဲ့ လိုက်လျောညီထွေစွာ ဆက်လက် ဖြစ်ပေါ်တည်ရှိနေဆဲပါပဲ…

~ ရေခဲငှက် ~
မေ ၂၂၊ ၂၀၁၂ ခုနှစ်။ ။

တိမ်နဲ့ရေးတဲ့အိမ်...

noreply@blogger.com (Yan) — Tue, 01 May 2012 09:16:00 +0000

သူ...

အေးမြတဲ့ နှင်းရည်စက်တွေကို စုဆောင်းလို့ တောင်စဉ်တန်းတွေတလျှောက် ခက်ခက်ခဲခဲ ပင်ပင်ပန်းပန်း ဖြတ်သန်းခဲ့ရတယ်. အရောင်နွမ်းခြောက်နေတဲ့ သစ်ရွက်ကြွေလေးတွေကို အမှတ်တရအဖြစ် သူ့ကျောပေါ်မှာ သယ်ဆောင်လာခဲ့ဖူးသလို သစ်ပင်ထက်က မတော်တဆ ပြုတ်ကျလာခဲ့တဲ့ ငှက်ပေါက်စလေးတွေကိုလည်း သူ့ရင်ခွင်ထဲမှာ တယုတယ ယူဆောင်လာခဲ့ဖူးတယ်. တစ်ချို့နေရာတွေမှာ သူဖြတ်သန်းခဲ့ရတဲ့ ခရီးလမ်းတွေက ပြေပြစ်ညီညာနေတတ်ပေမယ့် တစ်ချို့နေရာတွေမှာတော့ ကျောက်ဆောင်ကျောက်သား ကျောက်ခါးပန်းတွေကြား ခဲခဲယဉ်းယဉ်း ရင်တဖိုဖို ကျော်ဖြတ်ခဲ့ရတယ်. တစ်ချို့နေရာမှာကျတော့ ဟာလာဟင်းလင်း ဝေါခနဲ တောင်အောက်ကို အမှတ်မထင် ပြုတ်ကျခဲ့ဖူးတယ်. ဒါပေမယ့် သူ ဘယ်တော့မှ စိတ်မပျက်ဘဲ ရောက်ရာနေရာကနေ ဖုတ်ဖက်ခါထလို့ သွားရမယ့်ခရီးလမ်းကို တစိုက်မတ်မတ် လျှောက်လှမ်း ရင်ဆိုင်ခဲ့တယ်…

ရွာငယ်လေးတွေနားက သူဖြတ်လျှောက်ခဲ့ဖူးတယ်. သူလာပြီဆိုတာ သိရင် လူတွေ သိပ်ပျော်တတ်ကြတယ်. အထူးသဖြင့် ကလေးတွေပေါ့. သူ့ရင်ထဲ အတင်းတိုးဝင်လို့ ဒီတစ်နွေလုံး သူ့ကို ဘယ်လိုလွမ်းဆွတ်နေခဲ့ရတယ် ဆိုတဲ့အကြောင်း တီတီတာတာ ပြောလားပြောရဲ့. သူ့လက်ကို အတင်းချိတ်ဆွဲလို့ ရွာရိုးကိုးပေါက် မရပ်မနား ပြေးလားပြေးရဲ့. ပျော်လွန်းလို့ဆိုပြီး သူ့ရှေ့မှာ ရှေ့ဂျွမ်းနောက်ဂျွမ်းထိုးပြလား ပြရဲ့နဲ့ပေါ့… သိပ်ချစ်ဖို့ကောင်းလိုက်တဲ့ တကယ့်ကို အပြစ်ကင်းစင်တဲ့ ပီဘိကလေးငယ်လေးတွေပါပဲ…

မြို့ပြညရဲ့ ချစ်သူစုံတွဲလေးတွေ ထိုင်နေတတ်တဲ့နားကလည်း သူမကြာခဏ ဖြတ်လျှောက်ခဲ့ဖူးတယ်. ချစ်သူမိန်းကလေးကို ဘယ်လောက်ထိ မေတ္တာရှိ ပါကြောင်း၊ မြတ်နိုးတွယ်တာပါကြောင်း ချစ်သူကောင်လေးတွေက တိုင်တည်သစ္စာ ဆိုပြနေချိန်မှာ ချစ်ရည်ရွှန်းလဲ့နေတဲ့ မျက်ဝန်းအစုံနဲ့ ငေးကြည့်နေတတ်တဲ့ ချစ်သူမိန်းကလေးတွေကို မြင်တွေ့မိတိုင်း၊ ပျော်ရွှင်ကြည်နူးနေကြတဲ့ ချစ်သူစုံတွဲလေးတွေရဲ့ ခိုးခိုးခစ်ခစ် ရယ်သံလေးတွေကို ကြားရတိုင်း သူ့စိတ်တွေက ဟိုးတောင်ပေါ်ကို ပြန်လည်ရောက်ရှိသွားခဲ့ရတယ်. ထင်းရှူးနံ့လေးတွေ သင်းပျံ့နေတဲ့ အုံ့ဆိုင်းဆိုင်း တောအုပ်ငယ်လေးရယ်၊ နှင်းရည်လေးတွေနဲ့ အေးခဲ ပြောင်လက်နေတဲ့ ကျောက်စရစ်ခဲ ငယ်ငယ်လေးတွေရယ်၊ နှင်းသီးလေးတွေကို မနိုင့်တနိုင် ထမ်းပိုးထားရတဲ့ မြက်ပင်ငယ်ငယ်လေးတွေရယ်၊ မီးခိုးလေးတွေ အူနေတဲ့ သစ်လုံးအိမ်လေးထဲက ရဲထွေးနီစွေးနေတဲ့ ပါးလေးနှစ်ဖက်ပိုင်ရှင် သူမရယ်…..

သိပ်ကိုလွမ်းဆွတ်မိပါတယ်လေ…

နွေ၊ မိုး၊ ဆောင်း ဥတုသုံးပါးက သူ့မျက်နှာပြင်ထက် အပြေးအလွှားဖြတ်သန်းတတ်ကြပေမယ့် သူကတော့ ဖြတ်သန်းခဲ့ရတဲ့ ခရီးစဉ် ရှည်ကြာလာတာနဲ့အမျှ ပိုပြီး ရင့်ကျက် တည်ငြိမ်လာခဲ့တယ်. အတွေ့အကြုံတွေ၊ ခံစားချက်တွေရဲ့ သင်ကြားပြသပေးမှုကြောင့်လည်း ခုဆိုရင် သူဟာ လွယ်လွယ်နဲ့ စိတ်လှုပ်ရှားတတ်သူ တစ်ယောက် မဟုတ်တတ်တော့ဘူး. ဒါကြောင့်လည်း တစ်ချို့က သူ့ကို မထုံတက်တေး၊ အေးတိအေးစက်နဲ့ ဆက်ဆံရခက်တဲ့သူလို့ မကြားတကြားပြောဆို ဝေဖန်လာကြတယ်. တစ်ချို့ကတော့ သူ့အကြောင်းသိရဖို့၊ သူ့ခံစားချက်တွေကို နားလည်ဖို့ ခဲယဉ်းတယ်တဲ့. တစ်ချို့ကတော့ သူ့ကို ချီးမွမ်းချင်တာလား ကဲ့ရဲ့ချင်တာလား မသိရတဲ့ အဓိပ္ပါယ်နှစ်ခွထွက်တဲ့ စကားမျိုး ပြောတတ်သေးတယ်.

“သူ့ရဲ့ စိတ်သဘောနဲ့ ခံစားချက် အတိမ်အနက်က ခန့်မှန်းရခက်တယ်”

သူကတော့ ဘာမှ ချေပပြောဆိုခြင်းမျိုး မလုပ်တော့ပါဘူး. တစ်ချို့က အသက်ကြီးလာရင် စကားတွေ ပိုပြောလာတတ်တယ်. တစ်ချို့ကတော့ အသက်ကြီးလာရင် စကားပိုနည်းသွားတတ်တယ်တဲ့. သူကတော့ ဒုတိယအမျိုးအစားထဲမှာ ပါနေမယ်လို့ ထင်ပါတယ်လေ.

သူသွားစရာရှိတဲ့နေရာ သွားတယ်. လုပ်စရာရှိတဲ့အလုပ် လုပ်ပေးသွားတယ်. ယူစရာရှိတာယူတယ်. ပေးစရာရှိတာပေးတယ်. တခါတလေ သူတို့တောင်းသလောက် သူ့ဖက်က မပေးနိုင်ရင် အပြစ်တင်ကြိမ်းမောင်းခံရတတ်သလို သူတို့လိုချင်တာထက် ပိုပေးမိပြန်ရင်လည်း ကဲ့ရဲ့ရှုတ်ချခံရ တတ်သေးတယ်. “မလျှော့မတင်း စောင်းကြိုးညှင်း” ဆိုတဲ့ သဘောကို သူနားလည်ပါတယ်. ဒါပေမယ့် လောကနိယာမကြီးက သူဖြစ်ချင်သလို ဖြစ်နေခဲ့တာလေ. ဒီတော့ လောကနိယာမကြီးကို အကောင်အထည်ဖော်ပေးနေရတဲ့ သူ့အတွက် “အစွယ်ကိုလိုသူ မိဖုရား၊ အသွားစေခိုင်းသူ မင်းဧကရာဇ်၊ လေးပစ်သူ ဘုရားကျွန်တော်၊ ဤကြံဖော်ကြံဖက်၊ သုံးယောက်သားအနက်တွင်မှ၊ ကံကွက်ကျား၍၊ ငမိုက်သားမုဆိုးလေ၊ နင့်ချည်းပင် သေပေတော့” ဆိုသလို သူ့ဘ၀တလျှောက်လုံး ဆိုးတဲ့ကံကွက်ကျားမိုး ရွာချခံခဲ့ရပေါင်း များသလို ကောင်းတဲ့ကံကွက်ကျားမိုးနဲ့ ကင်းကွာခဲ့ရပေါင်းလည်း များခဲ့ပါပြီ.

သူ တွေးနေမိတယ်..

ဒီလို အချိန်ဆို သစ်လုံးအိမ်လေးဘေးနားမှာ ဒက်ဖိုဒေးလ် ပန်းဝါ၀ါလေးတွေ ပွင့်ဖူးနေကြလောက်ပြီ. နှင်းသီးလေးတွေ မြက်ဖျားလေးတွေပေါ်ကနေတဆင့် ပေါင်းဆုံလို့ ရေစီးကြောင်းသေးသေးလေးဖြစ်ပြီး ကျောက်စရစ်ခဲလေးတွေကို တိုးဝှေ့နေချိန်မှာ စမ်းရေစီးသံ လွင်လွင်လေး တောအုပ်လေးထဲမှာ လွင့်ပျံ့နေလောက်ပြီ. ထင်းရှူးသီးလေးတွေ မြေပြင်ထက် ကြွေကျလာချိန်မှာ အလန့်တကြားဖြစ်သွားမယ့် ရှုဉ့်ဝါ၀ါလေးတွေ၊ ငှက်ကျားလေးတွေကို ကြည့်ရင်း သူမ တစ်ယောက် ကိုယ်လေးသိမ့်သိမ့်တုန်အောင် လှုပ်ခါရင်း ရယ်မောပျော်ရွှင်နေလောက်ပြီ…

သူ လွမ်းနေမိတယ်…

အေးခဲကျွတ်ဆတ်နေတဲ့ ရာသီဥတုအောက်မှာ တဖျောက်ဖျောက်မြည်နေတဲ့ သစ်ကိုင်းခြောက်လေးတွေရဲ့ အသံလေးတွေ၊ တောအုပ်လေးကို ဖြတ်ပြီး တိုက်ခတ်လာတဲ့ လေအေးလေးတွေနဲ့အတူ စည်းချက်ညီစွာ ယိမ်းထိုးလှုပ်ရှားနေတဲ့ ထင်းရှူးရွက်ချွန်ချွန်လေးတွေ၊ ကြောက်စရာကောင်းပေမယ့် တောရဲ့ မရှိမဖြစ်သင်္ကေတ တစ်ခုဖြစ်တဲ့ သားရဲဟိန်းသံ၊ ၀ံပုလွေအူသံ၊ အိပ်တန်းတက်နေကြတဲ့ ကျေးငှက်သာရကာတွေ အချင်းချင်း သတိပေးသံလေးတွေ…

ဒါတွေဟာ ရှိနေစဉ်က သူ့အတွက် တစ်သက်လုံး မပျောက်ပျက်တော့မယ့် အရာတွေလို့ ထင်ခဲ့မိပြီး တန်ဖိုးထား နားမထောင်တတ်ခဲ့ပေမယ့် ပြန်မရနိုင်တော့တဲ့အခါကျမှ တမ်းတမ်းတတ မှန်းဆလို့ အာရုံစိုက်ပြီး နားထောင်ချင်နေမိခဲ့တယ်…

တောအုပ်လေးထဲ ဖြတ်လျှောက်နေချိန် ကိုယ့်ခြေသံကိုယ် ပြန်ကြားပြီး အထိတ်တလန့်ဖြစ်ခဲ့မိတာတွေ၊ ဆောင်းတွင်းကြီးမှာ ချွေးစို့ခဲ့ရတဲ့ သည်းထိတ် ရင်ဖိုညတွေကို ခုတော့ သူ သိပ်ကိုလွမ်းဆွတ်နေမိတယ်..

သူ သတိရနေမိတယ်…

လသာညတစ်ခုမှာ နှင်းပြင်ကျယ်ကြီးကို ဖြတ်လျှောက်လို့ ထင်းရှူးပင်လေးအောက် အမောဖြေထိုင်ချလိုက်ချိန်မှာ သူတစ်ယောက်တည်း ကြားလောက်ရုံအသံလေးနဲ့ သူမ ခပ်တိုးတိုးလေး ကပ်ပြောခဲ့ဖူးတယ်…

“တစ်နေ့နေ့တော့ နင့်ကိုမွေးဖွားပေးခဲ့တဲ့နေရာကို ပြန်လာခဲ့ပါဟာ” တဲ့…

လမင်းကြီးကို မော့ကြည့်ရင်း သူ့မျက်တောင်တစ်ချက်မှိတ်လိုက်မိတော့ မျက်ရည်တစ်ချို့ ညင်သာတိုးတိတ်စွာ ဖြတ်စီးသွားခဲ့ကြတယ်…

ငါပြန်လာနိုင်အောင် ကြိုးစားပါမယ်ဟာ…

သူ့ရှေ့မှာ ဆက်လက်လျှောက်လှမ်းရမယ့် လမ်းမကြီးက တမျှော်တခေါ်ကြီး ကျန်နေသေးတယ်.

ဆက်လက်တိုက်ယူဆင်နွှဲရမယ့် ဘ၀တိုက်ပွဲတွေဟာလည်း ဘယ်တော့မှ ဆုံးခန်းတိုင်သွားခဲ့တယ်ရယ်လို့ မရှိခဲ့ဘူး.

ငယ်ငယ်တုန်းက နားထောင်ခဲ့ရတဲ့ အိပ်ရာဝင်ပုံပြင်လေးတွေထဲမှာတော့ “Happily Living After…ပျော်ရွှင်စွာ နေထိုင်သွားကြလေသတည်း” ဆိုတဲ့ ဇာတ်ပေါင်းခန်းလေးတွေနဲ့ နားယဉ်ခဲ့ရပေမယ့် လက်တွေ့ဘ၀ကတော့ တစ်ခန်းရပ် ပြဇာတ်လိုမျိုး ဇာတ်သိမ်းချင်တဲ့နေရာမှာ ရပ်ထားလို့မရဘဲ ဆက်လက်ရုန်းကန် ရင်ဆိုင် ဖြတ်သန်းနေရတုန်း…

သူစဉ်းစားမိတယ်. တကယ်တော့ ဘ၀ဆိုတာ တိုက်ပွဲမဟုတ်ဘဲ စစ်ပွဲလို့ တင်စားဖို့ကောင်းခဲ့တယ်… တိုက်ပွဲပေါင်းများစွာကို တိုက်ယူပြီးမှ စစ်ပွဲကြီးတစ်ခုလုံးကို အနိုင်ယူနိုင်သလိုမျိုးပါပဲ ဘ၀ထဲမှာ တိုက်ပွဲပေါင်းများစွာ ပါဝင်ပေါင်းစပ်နေခဲ့တယ်. သူ့အတွက် နိုင်ခဲ့တဲ့ တိုက်ပွဲတွေလည်းရှိရဲ့၊ ကျရှုံးခဲ့တဲ့ တိုက်ပွဲတွေလည်း ရှိရဲ့၊ အဖြေမပေါ်ဘဲ သူတင်ကိုယ်တင် ဖြစ်နေခဲ့တဲ့ တိုက်ပွဲတွေလည်း ရှိရဲ့… ဘာပဲဖြစ်ဖြစ် သူကတော့ ဆက်လက်တိုက်ပွဲဝင်နေတုန်းပါပဲလေ…

ဒီတိုက်ပွဲတွေ တစ်ချိန်ချိန်တော့ ရပ်သင့်တယ်လို့ တဆက်တည်းတွေးမိတယ်. ဘယ်အချိန်မှာ ရပ်မလဲဆိုတဲ့ ပြဿနာက တဆက်တည်း တွဲပါလာခဲ့တယ်. တိုက်ပွဲပေါင်းများစွာကို ဆင်နွှဲရင်း တိုက်ပွဲအတွေ့အကြုံတွေ ရင့်ကျက်ပြည့်ဝလာတဲ့ စစ်သူကြီးကောင်းတစ်ယောက်ပဲ ဖြစ်ချင်တယ်. အောင်မြင်မှုပေါင်းများစွာကို ရယူရင်း မိမိရဲ့ နယ်နိမိတ်အတွက် လောဘမသတ်နိုင်တဲ့ ဧကရာဇ်တစ်ယောက်မျိုးတော့ သူ ဘယ်တုန်းကမှ မဖြစ်ချင်ခဲ့ဘူး. တချိန်တည်းမှာပဲ တစ်စုံတစ်ရာကို တွေးမိရင်း ကြောင့်ကြပူပင်လာမိခဲ့တယ်.

“ငါ အမှန်တကယ်ပဲ ရပ်တန့်နိုင်ပါ့မလား”

သူ့ရှေ့မှာ မြင်နေရတဲ့ မြင်ကွင်းက ရုတ်ချည်းဆိုသလို ကျယ်ပြန့်သွားခဲ့တယ်…

သူ့ရင်ထဲ ထိတ်ခနဲဖြစ်လို့ သူ့ကိုယ်သူ ပြန်ငုံ့ကြည့်မိတယ်. သူ့ခြေလှမ်းတွေက အရင်ကထက်ပဲ ပိုမြန်လာသလိုလို၊ သူ့ခြေထောက်တွေကိုပဲ သူမပိုင်တော့သလိုလို ခံစားလာမိတယ်.

ခါတိုင်းသူမြင်တွေ့နေကျ ရှုခင်းတွေ၊ ခါတိုင်း သူကြားယောင်နေကျ ဒေသန္တရ ဘာသာစကားတွေ၊ ခါတိုင်း သူထိတွေ့နေကျ ပတ်ဝန်းကျင်တွေ အားလုံး သူ့အတွက် တစိမ်းပြင်ပြင်လို ဖြစ်လာခဲ့တယ်…

ဘေးဘီဝန်းကျင်ကို အကဲခတ်ကြည့်လိုက်တော့ ခပ်လှမ်းလှမ်းမှာ သူ့လိုမျိုး ဒရွတ်တိုက်ဆွဲပါနေသူ တစ်ချို့ကို တွေ့ရတယ်. တစ်ချို့က ပျော်ပျော်ပါးပါး. တစ်ချို့က မရေမရာ. တစ်ချို့က အိပ်မှုံစုတ်ဖွား. တစ်ချို့က ပြူးပြူးပျာပျာ…

တဝေါဝေါနဲ့ အသံတွေက ပိုမိုကျယ်လောင်လာခဲ့တယ်. သူနဲ့ ပုခုံးချင်း ယှဉ်လုနီးပါး နီးကပ်လာတဲ့ တစ်ယောက်ကို အသံမြှင့်ပြီး လှမ်းမေးလိုက်တယ်.

“ဗျို့ ကိုယ့်လူ… ကျုပ်တို့ကို ဆွဲခေါ်နေတဲ့သူက ဘယ်သူလဲဗျ…”

တစ်ဖက်ကလူက လေပူတစ်ချက်မှုတ်ထုတ်ရင်း ပြန်ဖြေလိုက်ချိန်မှာ သူ့ရင်ထဲဗလောင်ဆူသွားခဲ့ရတယ်…

ဟင့်အင်း မဖြစ်နိုင်ဘူး..

လုံးဝ မဖြစ်သင့်ဘူး.

ဘယ်လိုမှ မဖြစ်စေရဘူး…

ဟုတ်တယ်. တောင်ပေါ်ကို သူပြန်သွားရဦးမယ်.

ဒက်ဖိုဒေးလ်ပန်းလေးတွေကို သူနမ်းရှိုက်ချင်သေးတယ်.

ထင်းရှူးပင်လေးတွေကြား ပြေးလွှားဆော့ကစားချင်သေးတယ်.

နှင်းခဲပြင်ကြီးထက် လျှောတိုက်စီးရင်း တောအုပ်လေးထဲက ထွက်ပေါ်လာမယ့် တောခြောက်သံလေးတွေကို နားထောင်ကြည့်ချင်သေးတယ်.

စမ်းချောင်းလေးဘေးမှာ ရှဉ့်ညိုလေးတွေနဲ့အတူ ပြေးလွှားဆော့ကစားနေမယ့် သူမကို တိတ်တိတ်လေး သူငေးကြည့်ချင်သေးတယ်….

ထင်းရှူးနံ့လေးတွေ သင်းပျံ့နေတဲ့ အုံ့ဆိုင်းဆိုင်း တောအုပ်ငယ်လေးရယ်…

နှင်းရည်လေးတွေနဲ့ အေးခဲ ပြောင်လက်နေတဲ့ ကျောက်စရစ်ခဲ ငယ်ငယ်လေးတွေရယ်…

နှင်းသီးလေးတွေကို မနိုင့်တနိုင် ထမ်းပိုးထားရတဲ့ မြက်ပင်ငယ်ငယ်လေးတွေရယ်…

မီးခိုးလေးတွေ အူနေတဲ့ သစ်လုံးအိမ်လေးထဲက ရဲထွေးနီစွေးနေတဲ့ ပါးလေးနှစ်ဖက်ပိုင်ရှင် သူမရယ်…..

ငါဟာ တိုက်ပွဲကို အဆုံးသတ်မယ့်သူ ဖြစ်ချင်ခဲ့တာ…

ငါ နင့်ဆီကို ပြန်လာချင်သေးတာ…

.....

….

ကမ်းဝေးမြစ်တစ်စင်းကတော့ ပင်လယ်ဆီကို အရှိန်အဟုန်နဲ့ စီးလို့မျောလို့ကောင်းနေတုန်း…

~ ရေခဲငှက် ~
မေ ၁၊ ၂၀၁၂ ခုနှစ်။ ။

ခရီးသည်တစ်ဦး၏ ဒိုင်ယာရီ...

noreply@blogger.com (Yan) — Wed, 04 Apr 2012 08:02:00 +0000

တစ်တောင်ပေါ်တစ်တောင်ဆင့်

တောင်အမြင့်ပတ်ခြံရံ

တစ်တောင်ဆုံးပြန်တော့ တစ်လုံးကျန်ပေသမို့

ဖန်ဖန်လေ အားအင်နှိုးလို့ရယ်

ကြိုးလျှောက်ရပြန်။

ခါတလေ တကယ်ပန်းတာကြောင့်

တော်ပါပြီဆက်မလှမ်းချင်ဘု

ရပ်တန်းကရပ်မယ်ကြံ

အမှန်တော့ဖြစ်နိုင်မလား?။

စခဲ့မိဟာပေါ့

တစ်နေ့မှာဆုံးရာရောက်ပါလိမ့်

အားလျှော့ကာဆုတ်ချင်စမ်းပါနဲ့

စိတ်နွမ်းအသာဖြေဦး

မာလာငွေကန်ရေအေးရယ်နဲ့

ငှက်တေးကိုအာရုံဆင်လို့

မူတသွင်အားအင်သစ်လိုက်ပေါ့

ချစ်ဖွယ့်လူသား။ ။

(ငွေတာရီ)

ဒီကဗျာလေးကို ငယ်ငယ်တုန်းက ကျောင်းသားဘ၀မှာ သင်ခဲ့ရဖူးတာကို ပြန်ပြီး စဉ်းစားမိတယ်. အဲဒီ့တုန်းက မြန်မာစာ ဆရာမက ကျောင်းသားတွေ နားလည်အောင် ရိုးရိုးလေးပဲ ရှင်းပြခဲ့ဖူးပါတယ်.

“ရည်မှန်းချက်တွေဆိုတာ ဘယ်တော့မှ အဆုံးသတ်မသွားနိုင်ဘူး. တောင်တစ်လုံးထိပ်ပေါ်ရောက်တော့ နောက်ထပ်တောင်တစ်လုံး ဆက်တက်ဖို့ ပေါ်လာသလိုပဲ ရည်မှန်းချက်တွေကလည်း တစ်ခုပြီးသွားရင် နောက်တစ်ခု ပေါ်လာတတ်တယ်. အဲဒါကို ဇွဲမလျှော့ဘဲ လူသားပီသစွာ ရှေ့ဆက်လှမ်းရမယ်.”

လူတွေဟာ ကိုယ်တိုင်သတ်မှတ်ထားတဲ့ တောင်တွေဆီကို ရှေးရှုဦးတည်ပြီး တက်လှမ်းသွားကြသူတွေ ရှိသလို လူအများစု လိုက်တက်နေတဲ့ တောင်နောက်ကို ကောင်းနိုးနိုးနဲ့ လိုက်တက်နေကြသူတွေလည်း ရှိတတ်ကြပါတယ်.

တောင်တက်ခရီး တလျှောက်မှာ အခက်အခဲတွေ အမျိုးမျိုးနဲ့ ရင်ဆိုင်ကြုံတွေ့ရပြီး နောက်ပြန်လန်ကျသွားသူတွေ ရှိတတ်သလို ရောက်နေတဲ့ လမ်းခုလတ်လေး မှာပဲ အဆင်ပြေသလိုလေး စခန်းချနေထိုင်သွားသူတွေလည်း ရှိတတ်ပါတယ်.

တစ်ချို့က တောင်ထိပ်ကို ရောက်သွားပြီး နောက်ထပ် ပိုမိုမြင့်မားတဲ့ တောင်တစ်တောင်ကို လှမ်းမြင်ရင် မဆုတ်မနစ် ရှေ့ဆက်လှမ်းကာ ထပ်တက်ကြပါတယ်. တစ်ချို့ကတော့ ခေတ္တခဏ အနားယူပြီးကာမှ နောက်တစ်ဆင့် တက်လှမ်းကြပါတယ်. တစ်ချို့ကတော့ ဒီလောက်ဆို တော်ပါပြီလေ ဆိုပြီး ရောင့်ရဲတင်းတိမ်ကာ ကိုယ်ရောက်ရှိနေတဲ့ တောင်ထိပ်လေးပေါ်မှာပဲ မီးစာကုန် ဆီခမ်းသည့်တိုင် နေထိုင်သွားတတ်ကြပါတယ်.

တကယ်တော့ လူတွေဟာ ကိုယ့်အထုပ်ကိုယ်ထမ်းပြီး ဘ၀ခရီးကို လျှောက်လှမ်းနေကြတဲ့ သံသရာခရီးသည်တွေ မဟုတ်ပါလား. တောင်တက်ခရီးလမ်းတလျှောက် ကိုယ်ကူညီနိုင် သလောက် အချိန်လေးတွေ၊ ခွန်အား လေးတွေထဲကဖဲ့ပြီး ဖေးမကူညီရင်း ဘ၀ခရီးကို လူသားပီသစွာ လျှောက်လှမ်းသွား ကြသူတွေရှိတတ်သလို တောင်ခါးပန်းမှာ ကိုယ်နဲ့ ရည်ရွယ်ချက်တူသူတွေကို တွန်းတိုက်ဖြတ်ချခဲ့ချင်ကြတဲ့ လူတစ်ချို့ရှိတတ်တာကိုလည်း သတိကြီးစွာ ထားရပါလိမ့်မယ်.

ကျွန်တော်တက်ခဲ့ဖူးတဲ့ တောင်တွေအကြောင်း လေးလေးနက်နက် ပြန်စဉ်းစားမိခဲ့တယ်. ကျွန်တော်နဲ့ အတူ တောင်ခြေက စပြီး ခွန်အားအပြည့်နဲ့ လှမ်းတက်ခဲ့ကြတဲ့ မိတ်ဆွေတစ်ချို့တွေအကြောင်းကိုလည်း ပြန်ပြောင်းတွေးတောမိတယ်. တစ်ချို့က ကျွန်တော်တက်ခဲ့တဲ့ တောင်ပေါ်မှာရှိနေသလို၊ တစ်ချို့က တစ်ခြားတောင်ထိပ်တွေမှာ ရှိနေကြတယ်. တစ်ချို့ကတော့ တောင်ကြားထဲမှာ ဒလိမ့်ခေါက်ကွေး လဲပြို ကျဆုံးနေကြတယ်. တစ်ချို့ကတော့ တောင်သေးသေးလေးထိပ်မှာ ရပ်ရင်း သူတက်ခဲ့တဲ့ တောင်သာ အမြင့်ဆုံး၊ အကောင်းဆုံးလို့ ကြွေးကြော်နေကြလေရဲ့..

ကျွန်တော်အောက်ကို ငုံ့ကြည့်လိုက်တော့ ကျွန်တော်တက်ခဲ့ဖူးတဲ့ တောင်တစ်ချို့ရဲ့ ထိပ်ဖျားလေးတွေကို ဟိုမှာ သည်မှာ လှမ်းမြင်ရတယ်. ဘေးကိုလှမ်းကြည့်လိုက်တော့ ဒီတောင်ထိပ်ပေါ်မှာ ကျွန်တော်နဲ့အတူတူ ရပ်နေကြတဲ့ လူတစ်ချို့ကို တွေ့ရတယ်. အထက်ကိုမျှော်ကြည့်လိုက်တော့ မိုးသားတိမ်မှုန်တွေကြားမှာ မားမားမတ်မတ် ရပ်နေတဲ့ တောင်အကြီးကြီးတစ်လုံးကို မြင်လိုက်ရတယ်.

ဒါပေမယ့် ကျွန်တော်ရောက်ရှိနေတဲ့ တောင်ထိပ်ဟာ ကျွန်တော်ရောက်ချင်ခဲ့တဲ့ တောင်ရဲ့ ထိပ်မဟုတ်ဘူးဆိုတာကို မကြာခင်မှာဘဲ ၀မ်းနည်းစွာ သိလိုက်ရတယ်. ဒီ့ထက်ပိုပြီး ရှုပ်ထွေးသွားစေတဲ့ အချက်တစ်ချက်က ကျွန်တော် ရောက်ချင်ခဲ့တဲ့ တောင်ထိပ်ကို ကျွန်တော်ဖြတ်လျှောက်ခဲ့ပြီးပြီ ဆိုတာပါပဲ.

တကယ်တော့လည်း လူတွေဆိုတာ အတ္တတွေ၊ မာနတွေ၊ မခံချင်စိတ်တွေနဲ့ ပြည့်လျှမ်းနေတတ်တော့ ဘ၀ခရီးကို လျှောက်လှမ်းရင်း အပြိုင်အဆိုင်တွေကြားထဲ လမ်းပျောက်သွားတတ်ကြတာမျိုးလည်း ရှိတတ်သေးတယ်မဟုတ်လား. အဲဒီ့လိုမျိုး လမ်းပျောက်သွားခဲ့တဲ့ ဘ၀ခရီးသွားတွေထဲက တစ်ယောက်ဟာ ကျွန်တော်ကိုယ်တိုင်ဖြစ်နေခဲ့ပြီလေ.

မကြာသေးခင်က ဆောင်းပါးလေးတစ်ပုဒ်ဖတ်မိတယ်. အဲဒီ့ထဲမှာ ပြင်သစ်နိုင်ငံကို ထွက်ခွာလာပြီး ပညာသင်ခဲ့တဲ့ တရုတ်လူမျိုး ကျောင်းသားလေးတစ်ယောက်အကြောင်း ပါလာခဲ့တယ်. သူက အသက် ၁၅ နှစ်အရွယ်မှာ ပြင်သစ်ပြည်ကို ထွက်လာခဲ့ပြီး ပညာဆက်လက်သင်ယူခဲ့တယ်. ဘွဲ့လည်းရပြီးရော အနောက်နိုင်ငံသားတွေ အများဆုံး အထင်ကြီးတတ်ကြတဲ့ Investment Banking လိုင်းထဲကို တိုးဝင်ခဲ့တယ်. မကြာခင်မှာပဲ Investment Banker တစ်ယောက်ဖြစ်လာခဲ့တယ်. သုံးနှစ်လောက် အလုပ်လုပ်ပြီး အဲဒီ့အလုပ်ကနေ သူထွက်လာခဲ့တယ်.

မကြာခင်မှာပဲ ကိုယ်ပိုင်လုပ်ငန်းတစ်ခုကို ထူထောင်ခဲ့တယ်. Investment Banking နဲ့ ဘယ်လိုမှ မပတ်သက်တဲ့ ပရိဘောဂပစ္စည်းတွေ ရောင်းဝယ်ရေးလုပ်ငန်းပါ. တရုတ်ပြည်က ပရိဘောဂပစ္စည်းတွေကို ပြင်သစ်မှာ ဈေးကြီးကြီးနဲ့ ပြန်ယူရောင်းတဲ့ လုပ်ငန်းမျိုးပေါ့. အခုတော့ သူ့လုပ်ငန်းဟာ သိပ်ကိုအောင်မြင်နေတဲ့ လုပ်ငန်းကြီးတစ်ခုဖြစ်နေပါပြီ. ဒါပေမယ့် အဓိကပြောချင်တာက သူပြောသွားတဲ့ စကားလေးတစ်ချို့ပါ.

အင်တာဗျူးလုပ်တဲ့သူကမေးတယ်. ခင်ဗျားဘာကြောင့် ဒီလုပ်ငန်းကို ရွေးချယ်လုပ်ဖြစ်ခဲ့တာလဲဆိုတော့ သူက ပြန်ဖြေတယ်.

“Investment Banking လိုင်းထဲကို ကျွန်တော်တိုးဝင်ခဲ့တာ ဒီဟာကို ကျွန်တော်ဖြစ်အောင် လုပ်နိုင်တဲ့အကြောင်း ကိုယ့်ကိုယ်ကို ပြသချင်လို့ပါပဲ. ဒါပေမယ့် ကျွန်တော်တကယ်လုပ်ချင်ခဲ့တာ ဒီလုပ်ငန်းမဟုတ်ဘူးဆိုတာ တဖြည်းဖြည်း ကျွန်တော်သိလာခဲ့ရတယ်.”

ဒီတော့ အင်တာဗျူးလုပ်တဲ့သူက ထပ်မေးတယ်. ဘာကြောင့် Investment Banker အနေနဲ့ နှစ်အနည်းငယ်ပဲ လုပ်ပြီး ထွက်လိုက်တာလဲဆိုတော့ သူက ဒီလိုလေးပြန်ဖြေတယ်.

“အဲဒီ့အလုပ်က ကျွန်တော့်ကို အများကြီးအတွေ့အကြုံတွေ ရစေပါတယ်. ဒါပေမယ့် ဒီလုပ်ငန်းထဲမှာ ကြာကြာနေလေ. လခကပိုကောင်းလာလေဖြစ်ပြီး ကျွန်တော့်အတွက် ရုန်းထွက်ပြီး ကိုယ်ပိုင်လုပ်ငန်းထူထောင်ဖို့ ပိုခဲယဉ်းလာလေလေ ဖြစ်လာစေနိုင်ပါတယ်. ဒါကြောင့် ကျွန်တော် ဘာလုပ်ချင်တယ် ဆိုတာကို သိပြီးနောက်မှာ အဲဒီ့အလုပ်က ခပ်မြန်မြန်ပဲ ထွက်ဖို့ ဆုံးဖြတ်ခဲ့တာပါ”

သူ့နာမည်ကတော့ Ning Li ပါ.( ဒီနေရာမှာ သူ့အကြောင်း အပြည့်အစုံ ဖတ်လို့ရပါတယ်)

သူပြောခဲ့တဲ့ စကားလေးတွေထဲမှာ “ဒီအရာကို ဖြစ်အောင်လုပ်နိုင်ကြောင်း ကိုယ့်ကိုယ်ကို ပြသဖို့” ဆိုတဲ့ စကားလေးက ကျွန်တော့်နားထဲကို စွဲဝင်ခဲ့တယ်.

ကိုယ့်ကိုယ်ကို တန်ဖိုးထားမှု(Self-esteem) အတွက်ကြောင့် ဒီလိုမျိုး အများက မြင့်တယ်လို့ သတ်မှတ်တဲ့ အရာတစ်ခုကို ရအောင်လုပ်ပြခဲ့တာကို နားလည်လို့ရပါတယ်. ဒါပေမယ့် အဲဒါဟာ တစ်ဖက်ကကြည့်ရင် ကိုယ်တကယ် လုပ်ချင်ခဲ့တဲ့ အရာမဟုတ်ခဲ့တာကြောင့် သက်သက်မဲ့ အချိန်ဖြုန်းတီးမှုတစ်ခု မဖြစ်နေနိုင်ဘူးလားလို့ ကျွန်တော်တွေးကြည့်မိလာခဲ့တယ်.

ဒါပေမယ့် နောက်တစ်မျိုး စဉ်းစားဆင်ခြင်ကြည့်ပြန်ရင်လည်း တစ်ချို့အရာတွေက ကိုယ်တိုင်လုပ်ကြည့်ပြီးမှ ကိုယ်နဲ့ ကိုက်ညီသည်၊ မကိုက်ညီသည်ကို သိလာနိုင်တာမျိုးမို့ ကြိုးစားကြည့်ပြီးမှ သိလာရတဲ့ အကြောင်းပြချက်ကို လက်ခံနားလည် နေမိပြန်တယ်.

တဆက်တည်းမှာပဲ ငွေဆိုတဲ့ အရာရဲ့ သွေးဆောင်မှုနဲ့ ကိုယ်မလုပ်ချင်တဲ့အလုပ်တစ်ခုထဲမှာ ကြာလေလေ နစ်သွားနိုင်လေလေ ဆိုတဲ့ သဘောတရားကိုလည်း ထိတ်လန့်တုန်လှုပ်စွာ ကျွန်တော် နားလည်လာမိခဲ့တယ်.

တစ်စုံတစ်ခုကို လက်ခံတာနဲ့ ငြင်းပယ်တာမှာ ငြင်းပယ်ခြင်းဟာ ပိုပြီး ခွန်အားကြီးမားနေတတ်လေ့ ရှိတယ်လို့ ယေဘုယျအားဖြင့် ကျွန်တော်သုံးသပ်မိပါတယ်. အထူးသဖြင့် အကျိုးအမြတ်နဲ့ ရင်းနှီးဆက်နွှယ်လာနေနိုင်တဲ့ တစ်စုံတစ်ခုမျိုးပေါ့.

အဲဒီ့လိုမျိုး ကိုယ့်ကိုယ်ကို တုပ်နှောင်မိစေတဲ့ အနှောင်အဖွဲ့တစ်ချို့ဟာ အခွင့်အလမ်းဆိုတဲ့ ခေါင်းစဉ်အောက်မှာ လမ်းကြုံဝင်လိုက်လာတတ်သေးရဲ့.

စိတ်ထဲမှာ အမှန်တကယ် ပါခဲ့လို့မဟုတ်ဘဲ တစ်စုံတစ်ရာကို လုပ်ပြနိုင်ကြောင်း သက်သေထူခဲ့တဲ့အချိန်မှာ ပေးဆပ်ခဲ့ရတဲ့ အချိန်အရင်းအနှီးတွေ၊ အင်အားအရင်းအမြစ်တွေကို ခုနောက်ပိုင်း တော်တော်လေး နှမြောမိတယ်. ဒါပေမယ့် ပြန်မရနိုင်တော့တဲ့အရာတွေ အတွက် ကျွန်တော် မတမ်းတလိုတော့ပါဘူးလေ. ဘယ်အရာမဆို ယူတတ်ရင် အတွေ့အကြုံတွေ၊ သင်ခန်းစာတွေဆိုတာ တင်းကြမ်းပြည့်နေတတ်တာမျိုး မဟုတ်လား.

ဆရာမ ငွေတာရီက ရည်မှန်းချက်တွေကို မြင့်အောင် ထားပြီးရင်းထားဖို့ ထိပ်ဆုံးသို့ ကဗျာလေးနဲ့ ရေးဖွဲ့နှိုးဆော်ခဲ့ပါတယ်.

ဒါပေမယ့် တောင်တွေတွေ့တိုင်း ကျွန်တော် မတက်ဖြစ်တော့ပါဘူး. ကျွန်တော်ရောက်ရှိခဲ့ဖူးတဲ့၊ ကျွန်တော် ပြန်လည်ရောက်ရှိချင်တဲ့ တောင်ထိပ်လေးတစ်နေရာကို ပြန်သွားဖို့ လက်ရှိအရိပ်ကနေ ကျွန်တော့်ခြေဖ၀ါးတွေ ရဲဝံ့စွာ စွန့်ခွာခဲ့ပါတယ်…

အချို့က ကဲ့ရဲ့စကားတင်း ဆိုနေနိုင်ပါတယ်. အချို့က ချီးကျူးအားကျနေနိုင်ပါတယ်.

အချို့ကတော့ ကျွန်တော်ဟာ အကျိုးစီးပွားကို မမြင်အံ့သော လူမိုက်လို့ သမုတ်နေနိုင်သလို အချို့ကတော့ ကျွန်တော်ဟာ လိုချင်တာကို ရအောင်ယူပြီး မလိုချင်တာကိုလည်း ငြင်းပယ်နိုင်စွမ်းရှိသူလို့ သတ်မှတ်နေနိုင်ပါတယ်.

စိတ္တ၀တော-ထက်သန်သော စိတ်ရှိသူအား၊ ကိံနာမ-အဘယ်မည်သော၊ ကမ္မံ-အမှုကိစ္စ ဟူသမျှသည်။ န သိဇ္ဈတိ-မပြီးစီးဘဲ ရှိနိုင်အံ့နည်း။ သိဇ္ဈတိဧ၀-မုချဧကန် အမှန် ပြီးစီးအောင်မြင်ရမည်သာတည်း။

ဘာပဲဖြစ်ဖြစ် ဘယ်သူ့ဘယ်သူနဲ့မှ နှိုင်းယှဉ် ချိန်ထိုးနေစရာမလိုဘဲ ကိုယ်ယုံကြည်ရာကို ရှေ့ရှုပြီး လျှောက်လှမ်းနေတဲ့ စိတ်နဲ့ကိုယ်နဲ့ တသားတည်းကျတဲ့ ခြေလှမ်းတွေဟာ သိမ်မွေ့နူးညံ့စွာ အင်အားကြီးမားနေမြဲ...

~ ရေခဲငှက် ~
ဧပြီ ၄၊ ၂၀၁၂ ခုနှစ်။ ။