JAYAAR

ഹിന്ദു ഏകതാ സമ്മേളനം

2026-02-20T21:28:00.000-08:00

മാർച്ച്‌ 1, ഞായറാഴ്ച വൈകീട്ട് 4.30 ന് കാട്ടുങ്കൽ ഭഗവതി ക്ഷേത്രം ഓഡിറ്റോറിയത്തിൽ. അടുത്ത രണ്ടു പതിറ്റാണ്ടിനുള്ളിൽ ഭാരതം പരമ വൈഭ ശാലിയാകും . അതിനെ ഹിന്ദു സമാജത്തെ ശക്തമാക്കണം ഹിന്ദു സമൂഹം നേരിടുന്ന ആഭ്യന്തരവും ബാഹ്യവുമായ പ്രശ്നങ്ങൾക്ക് പരിഹാരം ഉണ്ടാവണമെങ്കിൽ സർവ സജ്ജമായ സമൂഹ സൃഷ്ടിയാണ് കാരണീയ മായിട്ടുള്ളത്. സദാജാഗ രൂകമായ ഹിന്ദുസമാജത്തെ രൂപപ്പെടുത്തുവാൻ മുഴുവൻ കുടുംബങ്ങളിലും ബോധപൂർവ്വമായ ശ്രമം തന്നെ വേണ്ടിവരും. പാരമ്പര്യവും മഹിമയും മഹിതമാർന്ന ആചാരാനുഷ്ഠാനങ്ങളും പുലർത്തി ജീവിക്കുന്ന സാംസ്കാരിക ജീവിതങ്ങളിലൂടെ കുടുംബ ഗ്രാമങ്ങളെ കണ്ടറിയണം. ഈ ദൃഷ്ടിയിൽ ആണ് ഹിന്ദു ഏകതാ സമ്മേളനങ്ങൾ മുഴുവൻ പഞ്ചായത്തുകളിലും നഗരങ്ങളിലും സംഘടിപ്പിക്കുന്നത്. വൈകീട്ട് 4.30 ന് വി എസ് സോമനാഥന്റെ അധ്യക്ഷതയിൽ നടക്കുന്ന ഹിന്ദു ഏകതാ സമ്മേളനത്തിൽ വൈറ്റില രാമകൃഷ്ണ മഠം അധ്യക്ഷൻ സ്വാമി ഭൂവനാത്മാനന്ദ അനുഗ്രഹ പ്രഭാഷണം നടത്തും. ദക്ഷിണ കേരളം പ്രാന്ത വിദ്യാർത്ഥി പ്രമുഖ് ശ്രീനിഷ് മുഖ്യപ്രഭാഷണവും നടത്തും. തുടർന്ന് വിവിധ കലാപരിപാടികൾ അരങ്ങേറും. ഹൈക്കോടതി റിട്ട. ജഡ്ജി പി എസ് ഗോപിനാഥൻ, സീനിയർ അഭിഭാഷക വി പി സീമന്തിനീ, തൃക്കണാർവട്ടം നായർ സമാജം പ്രസിഡന്റ്‌ ടി പങ്കജാക്ഷൻ,അഡ്വക്കേറ്റ് രാമൻ കർത്താ, കൊച്ചി നഗരസഭ കൗൺസിലർ ഡോ ജലജ എസ് ആചര്യ എന്നിവരാണ് രക്ഷാധികാരികൾ. പി കെ ജയഗോപൻ ( ജന. കൺവീനർ) സ്വാഗതവും പി രാജീവ്‌ രാമ കമ്മത്ത് ( ഖജാൻജി) നന്ദിയും പറയും.

ഡെപ്യൂട്ടി മേയർക്ക്

2026-02-09T22:33:00.000-08:00

*ഡെപ്യൂട്ടി മേയർക്ക് നിവേദനം നല്‍കി* ടാറ്റാപുരത്ത് പുതിയ ബാർ ആരംഭിക്കുവാനുള്ള നീക്ക് പോക്കുകൾ നടക്കുന്നതിനിടയിൽ അനുഗ്രഹ റസിഡൻസ് അസോസിയേഷൻ കൊച്ചി നഗരസഭ ഡെപ്യൂട്ടി മേയർ ദീപക് ജോയിക്ക് നിവേദനം നൽകി. ഈ കെട്ടിടത്തിൽ ബാർ ആരംഭിച്ചാൽ ജനവാസ മേഖലയായ പ്രദേശം ക്രിമിനലുകളുടെ താവളമായി മാറുകയും, പ്രദേശവാസികളുടെ ജീവിതം ദുരിത പൂർണ്ണമായി മാറുകയും ചെയ്യും. അർദ്ധരാത്രി വരെ തുറന്ന് പ്രവർത്തിക്കുന്ന പെട്ടിക്കടകൾ കൊണ്ട് തന്നെ പൊറുതിമുട്ടിയിരിക്കുന്ന പ്രദേശവാസികൾക്ക് ബാർ വന്നാൽ ജീവിതം കൂടുതൽ ദുസ്സഹമാകും. സ്റ്റാർ ക്ലാസിഫിക്കേഷന് ഉതകുന്ന തരത്തിൽ ഉള്ള കെട്ടിടം അല്ല ഇത്. ആവശ്യമായ പാർക്കിങ് സൗകര്യമോ, കൊമ്പോണ്ട്‌ വാളോ ഇല്ലാത്ത ഈ കെട്ടിട്ടത്തിൽ ബാർ തുറക്കുന്നതിനുള്ള എൻ ഒ സി നഗരസഭയുടെ ഭാഗത്ത്‌ നിന്നും ഉണ്ടാവരുതെന്ന് കാണിച്ച് വി. ശങ്കർ പ്രസിഡണ്ട് , വൈസ് പ്രസിഡന്റ്‌ സി ആർ രതീഷ്ബാബു, സെക്രട്ടറി എ എച്ച് ജയറാം, ജോയിൻ സെക്രട്ടറി എ കെ ഉണ്ണികൃഷ്ണൻ, ട്രഷറർ പി എം ശിവാനന്ദൻ, കമ്മിറ്റി അംഗങ്ങൾ ആയ മേഴ്സി ജോസഫ്, കെ ആർ ഉണ്ണികൃഷ്ണൻ, സുനിൽ നാരായണൻ, ജിമ്മി ഫ്രാൻസിസ്, മനു ബി മേനോൻ, പോൾസൺ എന്നിവരും പ്രദേശത്തെ 150 ഓളം കുടുംബങ്ങളും ചേര്‍ന്ന് നല്‍കിയ നിവേദനത്തിലൂടെ അഭ്യര്‍ത്ഥിച്ചു .

നവാമുകുന്ദന്റെ മണ്ണിൽ

2026-02-02T05:46:00.000-08:00

നിളയുടെ പുണ്യം തേടി നവാമുകുന്ദന്റെ മണ്ണിൽ ലക്ഷങ്ങൾ രാവിലെ 9 മണിയോടെ എറണാകുളത്ത് നിന്നും തിരുനാവായയിലേക്ക് യാത്ര തിരിച്ചു. 11.45 മണി അടുപ്പിച്ച് തിരുനാവായിൽ എത്തി. നിളയുടെ പുണ്യം തേടി ലക്ഷങ്ങൾ പൊരിവെയിൽ വകവെക്കാതെ നാവാമുകുന്ദന്റെ മണ്ണിലേക്ക് ഒഴുകുകയാണ്. കുംഭമേള സംഘാടക സമിതി ഒരുക്കിയ പാർക്കിങ്ങിൽ വാഹനം കൊണ്ടിട്ടു പുറത്തിറങ്ങുമ്പോൾ 12 മണിക്ക് ആരംഭിക്കുന്ന അന്നദാനത്തിന്റെ നിര തിരൂർ റോഡിൽ കിലോ മീറ്ററോളം നീണ്ടിരുന്നു. വെയിലിന്റെ ചൂടിൽ വരി നിൽക്കാൻ ബുദ്ധിമുട്ട് തോന്നിയതിനാൽ ഊട്ട് പുരയിലേക്ക് പോയില്ല. അകാലത്തിൽ മരണപ്പെട്ടു പോയ മകളുടെ ഓർമ്മയ്ക്കായി ദിവസേന എത്തുന്ന ഭക്തർക്ക് അന്നദാനം നൽകുന്നത് മോഹൻജി ആണ്. പഴയിടം ആണ് ഇവിടെ സദ്യ ഒരുക്കുന്നതും. വാസുദേവ വിലാസത്തിൽ കയറി ഊണ് കഴിക്കാമെന്ന് കരുതി അവിടേക്ക് ചെന്നപ്പോൾ അവിടെയും നീണ്ട നിര. ദേവതയുടെ അനുജ്ഞ പോലെ തിരുനാവായിൽ മൂന്നാം തവണയാണിത്. “ഗംഗേ ച യമുനേ ചൈവ…” “ ഓം നമോ നാരായണായ” / “ഹരേ രാമ ” മന്ത്രം ജപിച്ച് നിളയിൽ മൂന്ന് തവണ മുങ്ങി നിവർന്നു. ജീവജലം ഉള്ളം കൈയ്യിൽ കോരിയെടുത്തു നിലയിലേക്ക് ഒഴുക്കി മൃതിയടഞ്ഞ പിതാമഹാന്മ്മാർക്കും കാണണവന്മ്മാർക്കും, വർഷങ്ങൾക്ക് മുൻപ് തിരുനാവായയുടെ പവിത്ര ഭൂമിയിൽ ഇസ്ലാമിക അധിനിവേശ ശക്തികളുടെ കൊടും ക്രൂരതയ്ക്ക് ജീവൻ ബലിയർപ്പിക്കേണ്ടി വന്ന നമ്മുടെ പൂർവികരെ സ്മരിച്ചു സദ്ഗതി നേർന്നു. കുളികഴിഞ്ഞ് നാവാമുകുന്ദനെ തൊഴുതു. പിന്നെ ഉപമൂർത്തീകളെ വലയം വെച്ച് അക്കരക്ക്. ഫെബ്രുവരി 3 ന് മഹാമാഘ മഹോത്സവത്തിന്റെ അവസാനദിനമായി ആചരിക്കപ്പെടുന്നു. മകം നക്ഷത്രം, ദ്വിതീയ തിഥി എന്നീ അത്യന്തം ശുഭയോഗങ്ങളോടെയാണ് മഹാമാഘത്തിന്റെ സമാപനം കുറിക്കുന്നത്. സമാപനദിനത്തിലെ പ്രധാന ആചാരമായി മാഘമകം അമൃതസ്നാനം രാവിലെ 8 മണിക്ക് ആരതി ഘാട്ടിൽ നടക്കും. മഹാമാഘ മഹോത്സവത്തിലെ ഏറ്റവും വിശുദ്ധമായ ആചാരങ്ങളിലൊന്നായ അമൃതസ്നാനത്തിൽ നാഗസന്ന്യാസിവര്യന്മാർ ഉൾപ്പെടെയുള്ള സന്യാസിമാരും ആയിരക്കണക്കിന് ഭക്തജനങ്ങളും പങ്കുചേരും. ഹിന്ദു പുരാണപരമ്പരകളനുസരിച്ച്, അമൃതസ്നാനം ആത്മശുദ്ധിയെയും അമരത്വസാധനയെയും പ്രതീകാത്മകമായി സൂചിപ്പിക്കുന്നു. ഈ ദിവ്യയോഗത്തിൽ നടത്തുന്ന പുണ്യസ്നാനം പാപമുക്തി നൽകുകയും ജന്മമരണചക്രത്തിൽ നിന്നുള്ള മോചനത്തിന് വഴിയൊരുക്കുകയും ആത്മീയ ഉണർവിലേക്കുള്ള യാത്ര സഫലമാക്കുകയും ചെയ്യും. അമൃതസ്നാനത്തിന് ശേഷം യതി പൂജ നടക്കും. സനാതനധർമ്മത്തിന്റെ നിലനിൽപ്പിനായി സർവ്വതും ഉപേക്ഷിച്ച് ജീവിതം സമർപ്പിച്ച സന്ന്യാസിമാരെയാണ് യതി എന്ന് വിളിക്കുന്നത്. ധർമ്മത്തെ നയിക്കുന്ന ഇത്തരം യതി ആചാര്യന്മാരെ പൂജിക്കുന്നത് ഭക്തർക്ക് ഗുരുത്വബോധവും ജീവിതത്തിൽ സൽമാർഗ്ഗഗതിയും ലഭിക്കുമെന്ന് വിശ്വസിക്കപ്പെടുന്നു. ജ്ഞാനികളായ സന്ന്യാസിമാരുടെ പാദപൂജയും അവർക്കുള്ള അന്നദാനവും വ്യക്തികൾക്കും കുടുംബങ്ങൾക്കും സമൂഹത്തിനും മഹത്തായ പുണ്യം നൽകുമെന്നാണ് ശാസ്ത്രവിശ്വാസം. ഭണ്ഡാര — സമത്വത്തിന്റെ ആത്മീയ സമാപനം തുടർന്ന് ഭണ്ഡാര എന്ന വിശിഷ്ട ആചാരവും നടക്കും. സന്ന്യാസിവര്യന്മാർക്ക് സമൃദ്ധമായ അന്നദാനം നടത്തുന്ന ഈ ചടങ്ങിന് വലിയ ആത്മീയ പ്രാധാന്യമുണ്ട്. സനാതനധർമ്മത്തിൽ ഒരു സന്ന്യാസിയെ ദൈവത്തിന്റെ ജീവനുള്ള രൂപമായാണ് കണക്കാക്കുന്നത്. അതിനാൽ സന്ന്യാസിമാർക്ക് ഭക്ഷണം നൽകുന്നത് ദൈവത്തിന് നേരിട്ട് സമർപ്പിക്കുന്ന സേവനമായി കരുതപ്പെടുന്നു. ഭണ്ഡാരയിലെ ഏറ്റവും ശ്രദ്ധേയമായ കാഴ്ചയാണ് ‘പംഗത്’ — രാജാവിനും സാധാരണക്കാരനും തമ്മിൽ യാതൊരു വ്യത്യാസവുമില്ലാതെ എല്ലാവരും നിലത്ത് ഒരേ നിരയിൽ ഇരുന്ന് ഒരുമിച്ച് ഭക്ഷണം കഴിക്കുന്ന ദൃശ്യം. എല്ലാ സാമൂഹിക വേർതിരിവുകളെയും ഇല്ലാതാക്കുന്ന ഈ ആചാരം സനാതനധർമ്മത്തിന്റെ സമത്വബോധത്തെയും മാനവിക മൂല്യങ്ങളെയും ശക്തമായി ഓർമ്മിപ്പിക്കുന്നു. മാഘമകം അമൃതസ്നാനം, യതി പൂജ, ഭണ്ഡാര വൈകീട്ട് നടക്കുന്ന നിള ആരതി എന്നീ ചടങ്ങുകളോടെ ഫെബ്രുവരി 3-ന് മഹാമാഘ മഹോത്സവം ഔപചാരികമായി സമാപിക്കുമ്പോൾ, തിരുനാവായയിലെ ഭാരതപ്പുഴ തീരം ആത്മീയ ഉണർവിന്റെയും സമുഹധാർമ്മിക ബോധത്തിന്റെയും സാക്ഷിയായി മാറുമെന്ന് സഭാപതി മഹാമണ്ഡലേശ്വർ സ്വാമി ആനന്ദവനം ഭാരതി പറഞ്ഞു.

നിളയുടെ പുണ്യം തേടി നവാമുകുന്ദന്റെ മണ്ണിൽ

2026-01-31T22:09:00.000-08:00

നിളയുടെ പുണ്യം തേടിയുള്ള കുംഭമേളയിലേക്കും , മാഘമഹോൽസവത്തിലേക്കും എത്തിയിരിക്കുന്നു. ഓരോ കാലത്തും സംഭവിക്കാനുള്ളത് സംഭവിക്കും..... അതാണ് സനാതന ധർമ്മത്തിൻ്റെ സവിശേഷത. നിളയുടെ പുണ്യം തേടി പതിനായിരങ്ങൾ നാവാമുകുന്ദൻ്റെ മണ്ണിലെത്തുകയാണ്. തിരുനാവായ ക്ഷേത്രത്തിനടുത്ത് ഭാരതപ്പുഴയുടെ തീരത്താണ് ഇതിഹാസ പ്രശസ്തമായ മാമാങ്കം നടന്നിരുന്നത്. ശ്രാദ്ധപൂജകൾക്ക് പ്രസിദ്ധിയാർജ്ജിച്ചതാണ് ഇവിടുത്തെ നിളാതീരം. എന്റെ ഭാര്യ മാതാവിന്റെ ത്രിപക്ഷപിണ്ഡ ബലികർമ്മത്തിന് പങ്ക്കൊള്ളാൻ എത്തിയപ്പോൾ ആണ് ഞാൻ ആദ്യമായി ഈ ക്ഷേത്രത്തിൽ ദർശനം നടത്തുന്നത്. നാവാമുകുന്ദ ക്ഷേത്രത്തിലെ ഭഗവാൻ മോക്ഷദായകനാണ്.അതുകൊണ്ട് തന്നെ കർക്കടകം, തുലാം, കുംഭം, ഇടവം എന്നീ നാല് മാസങ്ങളിലെ അമാവാസിനാളുകളിൽ ഇവിടെ മരിച്ചവർക്ക് വേണ്ടി ബലിയിടാൻ വൻ ഭക്തജനത്തിരക്കുണ്ടാകും. മഹാമാഘമഹോത്സവം നടക്കുന്ന തിരുനാവായയുടെ അത്ഭുതങ്ങളെക്കുറിച്ച് വിശദീകരിച്ചത് മലപ്പുറം സ്വദേശിയും കോറിയോഗ്രാഫർ ആയ രോഷ്‌ണി വിജയകൃഷ്ണൻ ആണ്. ക്ഷേത്രപരിസരത്തെ ഭാരതപ്പുഴയുടെ ഒഴുക്ക് കിഴക്കോട്ടോ പടിഞ്ഞാട്ടോ എന്നറിയില്ല. പെരുന്തച്ചന്റെ ഉളി ഇപ്പോഴും ശ്രീകോവിലിൻ്റെ വടക്കുകിഴക്കേ മൂലയിൽ കാണാം. പാതാളത്തിൽ തപസ്സുചെയ്യുന്ന മഹർഷിമാർ ഈ വഴി വന്ന് നാവാമുകുന്ദനെ തൊഴുതുപോകുന്ന വഴിയത്രേ. മുടങ്ങിപ്പോയ എല്ലാ ആചരണങ്ങളും വീണ്ടും തുടങ്ങാൻ കാവുകളിൽ കോമരങ്ങൾ തുള്ളി, ദേവതയുടെ അനുജ്ഞ പുറപ്പെടുവിക്കുന്നു. 250 വര്‍ഷം മുമ്പ് ബ്രിട്ടീഷ് ഭരണകാലത്ത് നിര്‍ത്തലാക്കപ്പെട്ട ഈ ധര്‍മസംഗമം പൂര്‍വകാല പ്രൗഢിയോടെ വീണ്ടെടുക്കുന്നതിന്റെ തുടക്കമായാണ് ഈ മഹോത്സവം സംഘടിപ്പിക്കപ്പെട്ടത്. പരമ്പരാഗതമായി മഹാമാഘമഹോത്സവത്തിൽ പങ്കെടുത്തിരുന്ന ഓരോരുത്തരായി, ദേവതകളുടെ നിർദ്ദേശപ്രകാരം ഭാരതപ്പുഴയിലെത്തി. ചെല്ലൂരിലെ പ്രധാന ക്ഷേത്രമായ ശ്രീ പറക്കുന്നത്ത് ഭഗവതീക്ഷേത്രത്തിൽ നിന്നും പാലൂർകൊല്ലൊടി, പാക്കത്ത്, വടക്കേ പുരയ്ക്കൽ,തെക്കേ പുരയ്ക്കൽ, അന്തിമഹാകാളൻ കാവ്, പള്ളിയാൽ, രാമൻകുളങ്ങര, ചേലക്കാട് പറമ്പ്, പുളിയം തൊടി, പൂഴിക്കുന്ന്, പറക്കുന്ന് മുത്തപ്പ മണ്ഡപം എന്നീ തറവാട്ടു ദേവസ്ഥാനങ്ങളിൽ നിന്നും പകർന്ന അഗ്നി നാവാമുകുന്ദനെ വണങ്ങി, ആൽ പ്രദിക്ഷണം നടത്തി. കാശിയിലെ ഗംഗാ ആരതിക്ക് സമാനമായി, വാരണാസിയിൽ നിന്നുള്ള പണ്ഡിറ്റുകളെ എത്തിച്ച് നിള ആരതി ( ഭരതപുഴ ) സംയോചിപ്പിക്കുന്നത് മോഹൻജി ആണ്. മോഹൻജി ഫൗണ്ടേഷൻ യുഎസ്എ അയ്യായിരത്തിലധികം പരിപാടികൾ, ശക്തമായ ഗ്രൂപ്പ് ധ്യാനങ്ങൾ, ബോധപൂർവ്വമായ നടത്ത പരിപാടികൾ, ഗ്രൂപ്പ് മൈ-ത്രി രോഗശാന്തികൾ, ബോധവൽക്കരണ ക്രിയ സെഷനുകൾ, ആത്മീയ ധ്യാനങ്ങൾ, ആയിരക്കണക്കിന് ഓൺലൈൻ പ്രോഗ്രാമുകളിൽ പങ്കെടുത്തവർ നിരവധിയാണ്. ഭാരതത്തിലെ ഏറ്റവും പഴയതും ഏറ്റവും വലുതുമായ സന്ന്യാസിസൈന്യം, ജൂനാ അഖാഡയുടെ ദേവതയാണ് ദത്താത്രേയൻ. ദത്താത്രേയൻ ദേവതയായ ജൂനാ അഖാഡയുടെ മഹാമണ്ഡലേശ്വർ ആണ് മലപ്പുറത്ത് നടക്കുന്ന മഹാമാഘമഹോത്സവത്തെ നയിക്കുന്നത് എന്നതും ശ്രദ്ധേയം. മലയാളി അസോസിയേഷന്‍ ഓഫ് നോര്‍ത്ത് അമേരിക്കന്‍ ഹിന്ദൂസ്- മന്ത്ര ആണ് മാഘയജ്ഞ ക്രിയകളുടെ സംഘാടനം നിര്‍വഹിക്കുന്നത്. മഹാമാകമഹോത്സവത്തിന്റെ ഭാഗമായി മാതാ അമൃതാനന്ദമയീ മഠത്തിലെ സംന്യാസിനികളും ബ്രഹ്മചാരിണിമാരും നടത്തിയ മഹാ സുദര്‍ശന ഹോമം ശ്രദ്ധേയമായിരുന്നു. സ്ത്രീകളെ പൂജകളും ഹോമങ്ങളും പഠിപ്പിച്ച് അവരിലൂടെ സമൂഹത്തില്‍ പരിവര്‍ത്തനം നടത്തുക എന്നതാണ് ഇതിലൂടെ മാതാ അമൃതാനന്ദമയീ ദേവി ലക്ഷ്യമാക്കുന്നത്. തിരുന്നാവായയിൽ പിതൃക്രിയകൾക്കായി കേരളത്തിനകത്തും പുറത്തു നിന്നും ആളുകൾ എത്തുന്നത് ഇവിടം ത്രിമൂർത്തി സംഗമസ്ഥാനമായതിനാലാണ്. തിരുനാവായയിലെ കുംഭമേളയോട് അനുബന്ധിച്ച് നടക്കുന്ന നിളയിലെ സ്നാനവും ആരതിയും വലിയ ആത്മീയ അനുഭവമാണ് നൽകുന്നത്. മാഘമാസത്തിലെ പുണ്യദിനങ്ങളിൽ പുണ്യസ്നാനം നടത്തുന്നത് ഐശ്വര്യത്തിനും സമാധാനത്തിനും ഉത്തമമായി കണക്കാക്കപ്പെടുന്നു. ഭാരതപ്പുഴയുടെ തെക്കെകരയിൽ നടത്തിയ അക്രമങ്ങൾ ഹൈദരാലിയുടെ അക്രമി സംഘത്തിലുണ്ടായിരുന്ന കണ്ണൂർ മാപ്പിളമാരാണ്. തിരുന്നാവായയുടെ നേരെ തെക്കേ കരയിലാണ് തവനൂർ. ഇവിടെ ഏതൊക്കെ ക്ഷേത്രങ്ങൾ നശിപ്പിച്ചുവെന്ന് വെള്ള വ്യക്തമായി രേഖപ്പെടുത്തിയിട്ടില്ലെങ്കിലും ഓത്താൻമാർ മഠം അഗ്നിക്കിരയാക്കിയത് വ്യക്തമായി പറഞ്ഞിട്ടുണ്ട്. കുംഭമേളയ്ക്കെത്തിയവർ നിളാ സ്നാനം തുടരുകയാണ്. ഫെബ്രുവരി മൂന്നിന് കുംഭമേള അവസാനിക്കുന്നതുവരെ രാവിലെ നിളാ സ്നാനത്തിന് അവസരമുണ്ട്. തീരാ രോഗങ്ങൾ കൊണ്ട് കഷ്ടപ്പെടുന്നവർക്ക് അതിൽ നിന്ന് മുക്തി ലാഭിക്കാനും, ആയുരാരോഗ്യ സൗഖ്യത്തിനും വേണ്ടി നടത്തുന്ന ധന്വന്തരി പൂജ ഏറെ പ്രസിദ്ധമാണ്. മലബാർ ദേവസ്വം ബോർഡിന്റെ കീഴിൽ കോഴിക്കോട് സാമൂതിരി രാജാവിന്റെ നേതൃത്വത്തിലുള്ള ഒരു ട്രസ്റ്റാണ് ക്ഷേത്രഭരണം നടത്തുന്നത്. തിരുനാവായയിൽ ദർശനം നടത്തുന്നവരിൽ നല്ലൊരു ഭാഗവും തൃപ്രങ്ങോട്ടും, തവനൂർ ബ്രഹ്മക്ഷേത്രത്തിലും, ശിവക്ഷേത്രത്തിലും ദർശനത്തിനെത്താറുണ്ട്. ശിവക്ഷേത്രത്തിൻ്റെ തെക്കുള്ള വേദപാഠശാലയായ ഓത്താൻമാർ മഠം പരശുരാമനും, വസിഷ്ഠാദി മുനിമാരും തുടങ്ങി വെച്ച കേരളത്തിലെ ആദ്യ വേദ പാഠശാലയാണ്. ദക്ഷിണേന്ത്യയിലെ ഏറ്റവും പ്രസിദ്ധമായ ഈ തീർത്ഥ സങ്കേതത്തിലെ ബ്രഹ്മാവിൻ്റെ ക്ഷേത്രമാണ് മൈസൂർപ്പട മുച്ചൂടും മുടിച്ചത്. ദക്ഷിണകാശി' എന്നൊരു അപരനാമവും തിരുനാവായയ്ക്കുണ്ട്. നിശബ്ദമാക്കപ്പെട്ട സത്യങ്ങൾ കുംഭമേളയിലൂടെ ചരിത്രമാകും. നിളാതീരത്തെ ഈ ജനസാഗരം അതിനുള്ള തെളിവാണ്. ഫെബ്രുവരി മൂന്നിന് മകം നാളില്‍ രാവിലെ നടക്കുന്ന അമൃതസ്‌നാനത്തോടേയും യതിപൂജയോടെയുമാണ് മഹോത്സവം സമാപിക്കുന്നത്. follow : jayaargroups.blogspot.com https://www.instagram.com/stories/a.h.jayaram

Kerala kumbhamela

2026-01-29T10:42:00.000-08:00

സ്വാമിയും വർക്കിയും

2026-01-29T10:40:00.000-08:00

ക്ഷേത്രം കൊള്ളയടിക്കാൻ ശ്രമിക്കുന്ന താണിശ്ശേരി പ്രഭാകരൻമ്മാരുടെയുംഎതിർത്ത് തോൽപ്പിക്കുന്ന മാധവേട്ടൻമ്മാരുമായി *സ്വാമിയും വർക്കിയും* എത്തുന്നു. അമ്പിളി സംവിധാനം ചെയ്യുന്ന സ്വാമിയും വർക്കിയും എന്ന സിനിമയുടെ ചിത്രീകരണം പൂർത്തിയായി. മുനൂറ്റി അമ്പതോളം വർഷത്തെ പഴക്കമുള്ളതും നാല്പതോളം മുറികളുള്ളതുമായ വടക്കേക്കര തറവാട്ടിൽ താമസിക്കുന്ന സ്വാമിനാഥൻ മാസ്റ്ററുടേയും വർക്കിയുടേയും കഥയാണിത്. അമേരിക്കയിൽ സ്ഥിരതാമസമാക്കിയ സ്വാമിനാഥൻ മാസ്റ്ററുടെ മകൾ ജയ മോളുടേയും, ഭർത്താവായ റോയ്ച്ചൻ്റെയും, അമേരിക്കയിൽ ജനിക്കുകയും വളരുകയും ചെയ്തിട്ടും ശുദ്ധിയോടെ മലയാളം പറയാൻ കഴിയുന്ന കുട്ടികളായ റോസിന്റെയും സഹോദരിയുടേയും , കലകളെ സ്നേഹിക്കുന്ന, തലമുറകൾക്ക് വേണ്ടി അവകൾ ശേഖരിച്ച് വയ്ക്കണമെന്ന് ആഗ്രഹിക്കുന്ന ശ്രീലക്ഷ്മിയുടേയും ഗോപന്റെയും കഥയാണിത് . മോഹ വിലകൊടുത്ത് പഴയ തറവാടുകളും ഭൂമിയും വാങ്ങിച്ചെടുത്ത് അവിടെ ഫ്ലാറ്റുകളും മറ്റ് നിർമ്മാണ പ്രവർത്തികളും നടത്തി വൻ ലാഭം കൊയ്തെടുക്കുന്ന ഭൂമി മാഫിയകളേയും, ദല്ലാളന്മാരേയും , ലഹരിക്ക് അടിമകളായി മറ്റുള്ളവർക്ക് ശല്യമായി മാറുന്ന യുവാക്കളേയും ഈ കഥയിൽ കണ്ടുമുട്ടാനാകും. അമ്പലം കൊള്ളയടിക്കാൻ ശ്രമിക്കുന്ന താണിശ്ശേരിപ്രഭാകരൻ മാരുടേയും, അതിനെ എതിർത്ത് തോൽപ്പിക്കുന്ന മാധവേട്ടൻമാരുടേയും കൂടി കഥയാണിത്. നമ്മുടെ സമൂഹത്തിൻ്റെ യഥാർത്ഥ കഥ. സംഗീതം മോഹൻ സിത്താര .വരികൾ റഫീഖ് അഹമ്മദ്, ബാദുഷ കേച്ചേരി, ശ്രീമൂലനഗരം പൊന്നൻ ,കുഴൽമന്ദം രാമകൃഷ്ണൻ. ആലാപനം -നടൻ അശോകൻ, അപർണ ബാലമുരളി, അഫ്സൽ ,നിത്യ മാമൻ ,ഇന്ദുലേഖ വാര്യർ ,ശ്രീദേവി തിരുവിഴ . വസ്ത്രാലങ്കാരം - ശങ്കരി .ചമയം - പി.വി. ശങ്കർ. ശബ്ദമിശ്രണം - കൃഷ്ണനുണ്ണി. ചിത്രസംയോജനം - ബി. ലെനിൻ. ഛായഗ്രഹണം - പുഷ്പൻ ദിവാകരൻ. നിർമ്മാണം - ശിവദാസൻ വടക്കേ പുരക്കൽ . കല,രചന, സംവിധാനം - അമ്പിളി.

കേരള കുംഭമേള

2026-01-29T00:44:00.000-08:00

ഭാരതത്തിലെ ഏറ്റവും പഴയതും ഏറ്റവും വലുതുമായ സന്ന്യാസിസൈന്യം, ജൂനാ അഖാഡയുടെ ദേവതയാണ് ദത്താത്രേയൻ. ദത്താത്രേയൻ ദേവതയായ ജൂനാ അഖാഡയുടെ മഹാമണ്ഡലേശ്വർ ആണ് മലപ്പുറത്ത് നടക്കുന്ന മഹാമാഘമഹോത്സവത്തെ നയിക്കുന്നത് എന്നതും ശ്രദ്ധേയം.

മാഘമഹോത്സവം

2026-01-28T07:27:00.000-08:00

നിളയുടെ പുണ്യം തേടിയുള്ള കുംഭമേളയിലേക്കും , മാഘമഹോൽസവത്തിലേക്കും എത്തിയിരിക്കുന്നു. പതിനായിരങ്ങളാണ് രാജ്യത്തിൻ്റെ നാനാഭാഗത്തുനിന്നും ഒഴുകിയെത്തുന്നത്. സന്യാസി ശ്രേഷ്ഠൻമാർ തങ്ങളുടെ കർമ്മഭൂമിയിലേക്ക് എത്തുന്നു. സായംസന്ധ്യയിൽ പുണ്യമായ നിളാ ആരതിയും പുണ്യ സ്നാനവും........ പഴയ കാല പ്രൗഢിയിലേക്ക് നാം തിരിച്ചു പോകുന്നു. ഹൈന്ദവ നവോത്ഥാനത്തിൻ്റെ ഉജ്ജ്വലമായ ശംഖനാദം മുഴങ്ങുന്നു. ഓരോ കാലത്തും സംഭവിക്കാനുള്ളത് സംഭവിക്കും..... അതാണ് സനാതന ധർമ്മത്തിൻ്റെ സവിശേഷത. നിളയുടെ പുണ്യം തേടി പതിനായിരങ്ങൾ നാവാമുകുന്ദൻ്റെ മണ്ണിലെത്തുകയാണ്. # kerala kumbhamela

കേരള കുംഭമേള

2026-01-27T23:46:00.000-08:00

250 വര്‍ഷം മുമ്പ് ബ്രിട്ടീഷ് ഭരണകാലത്ത് നിര്‍ത്തലാക്കപ്പെട്ടതുമായ ഈ ധര്‍മസംഗമം പൂര്‍വകാല പ്രൗഢിയോടെ വീണ്ടെടുത്ത് കാശിയിലെ ഗംഗാ ആരതിക്ക് സമാനമായി നിളയിൽ നടക്കുന്ന നിള ആരതി സംയോജിപ്പിക്കന്നത് മോഹൻജി ഫൗണ്ടേഷൻ ആണ്. തിരുനാവായയിലെ കുംഭമേളയോട് അനുബന്ധിച്ച് നടക്കുന്ന നിളയിലെ സ്നാനവും ആരതിയും വലിയ ആത്മീയ അനുഭവമാണ് നൽകുന്നത്. തിരുനാവായ പടിഞ്ഞാറേക്കടവില്‍നിന്ന് നിളാ ആരതി നടക്കുന്ന സ്ഥലത്തേക്ക് താത്കാലിക പാലത്തിലൂടെ ഭക്തജനങ്ങള്‍ക്ക് എത്തിച്ചേരാം.

പക്വത

2025-01-22T02:28:00.000-08:00

*പക്വത* പലരും പറയുന്നത് കേൾക്കാം അവന് അല്ലെങ്കിൽ അവൾക്ക് പക്വത ഇല്ലെന്ന്! കഴിഞ്ഞ ദിവസവും എന്നെപ്പറ്റിയും ഇങ്ങനെ പറയുന്നത് കേട്ടു. പക്വത എന്നതുകൊണ്ട് ഇവർ എന്താണ് ഉദ്ദേശിച്ചതെന്നു എനിക്ക് മനസ്സിലായില്ല. ആളുകൾ പ്രായത്തിനനുസരിച്ച് പക്വത പ്രാപിക്കുന്നു എന്ന് സാധാരണയായി അനുമാനിക്കുന്നു, എന്നാൽ ഞാൻ ഉൾപ്പെടെ പലരും പ്രായപൂർത്തിയാകുകയും പക്വത പ്രാപിക്കുകയും ചെയ്തിട്ടില്ലെന്നു പറഞ്ഞാലും അത്ഭുതമില്ല. മനുഷ്യാത്മാവിൻ്റെ പക്വത ജീവിതത്തിൻ്റെ ലക്ഷ്യമാണെന്ന് ഞാൻ മുന്നേ എഴുതിയിട്ടുള്ളതാ. അനിശ്ചിതത്വം സഹിക്കാനുള്ള കഴിവാണ് പക്വത. അഭിനന്ദിക്കാനായി ആരെങ്കിലും വിളിച്ചാൽ പോകുന്ന പോലെത്തന്നെ വിമർശിക്കാനായി ആരെങ്കിലും വിളിച്ചാലും ആ ക്ഷണം സ്വീകരിച്ചു അതിനായി പോകും. കാരണമെന്തെന്നാൽ അഭിനന്ദനം ഒരു സുഖം മാത്രമേ തരൂ എന്നാൽ വിമർശനമാണ് എന്നെ ആന്തരികമായി വളരുവാനും പഠിക്കാനും എന്നെ സഹായിക്കുന്ന ശക്തി.

തിരുവാതിര

2025-01-13T21:50:00.000-08:00

*നൃത്ത, നൃത്യ, നാട്യ* _നൃത്തത്തിൻ്റെ ഏറ്റവും അടിസ്ഥാനപരമായ ലക്ഷ്യങ്ങളിലൊന്ന് അതിൻ്റെ ആവിഷ്കാരം._ ഒരു പ്രവർത്തനത്തെ നൃത്തമായി കണക്കാക്കണമെങ്കിൽ, നർത്തകിക്ക് അതിനെ അത്തരത്തിലുള്ളതായി വേർതിരിക്കാനുള്ള കഴിവെങ്കിലും ഉണ്ടായിരിക്കണം. നർത്തകിയും നൃത്തസംവിധായികയുമായ രോഷ്നി തൻ്റെ എർത്ത് എയിഞ്ചൽസിന് വേണ്ടി ഒരു നൃത്തസംവിധായിക എന്ന നിലയിൽ വൈവിധ്യമാർന്ന ചലന ശൈലികൾ ഉപയോഗിച്ചു ചിട്ടപ്പെടുത്തിയ തിരുവാതിരക്കളി സന്ധ്യഭംഗിയുടെ നിലാവു പടർന്ന എറണാകുളം അയ്യപ്പൻകാവ് ക്ഷേത്ര മുറ്റത്ത് രോഷ്നി വിജയകൃഷ്ണന്റെ മനസ്സിലെ തിരുവാതിര ശരീരഭാഷയിലൂടെ ജീവൻ നൽകുന്നതായിരുന്നു. രോഷ്നി വിജയകൃഷ്ണൻ, ഗീത സന്തോഷ്‌, ഷമ്മി ലാൽ, കല ജയറാം, ധന്യ രാജേഷ്, സിനി രാജേഷ്, ജയശ്രീ മുരളി, ജീന മുരുകൻ സ്വയം മറന്ന് തിരുവാതിരച്ചുവടുകളിലേക്ക് ...അവരുടെ മൈലാഞ്ചിചോപ്പുള്ള കൈകൾ പാട്ടിന്റെ താളത്തിൽ ലാസ്യഭംഗിയോടെ മിന്നി മായുന്നു. സാധാരണ നൃത്തരൂപങ്ങളെ അപേക്ഷിച്ച്‌ തിരുവാതിരക്കളിയുടെ ചുവടുകള്‍ക്കും പ്രത്യേകതയുണ്ട്.സാധാരണ ഒരുപാട് വേഗത്തിലുള്ള ചുവടുകള്‍ ഒന്നും തന്നെ ഉപയോഗിക്കാറില്ല. എന്നാൽ വേഗത്തിലുള്ള ചുവടുകളും കാലുകള്‍കൊണ്ട് ചുവടു വെയ്ക്കുമ്പോള്‍ കൈകളും പ്രത്യേക രീതിയില്‍ ചലിപ്പിക്കുന്നതും രോഷ്‌ണീസ് എർത്ത് എയിഞ്ചൽസിന്റെ തിരുവാതിര ശ്രദ്ധേയമാക്കുന്നു. തിരുവാതിരക്കളിയില്‍ കാലങ്ങളായി ഒരേ തരത്തിലുള്ള ചുവടുകളാണ് ഉപയോഗിക്കാറുള്ളതെങ്കിലും, ഭാവ പ്രകടനങ്ങൾക്കാളേറെ, ചലനങ്ങള്‍ക്കും ചുവടുകള്‍ക്കും, ശാരീരിക വഴക്കത്തിനും പ്രാധാന്യം നല്‍കുന്നതരത്തിലുള്ള നൃത്തരീതി ആണ് ഇത്തവണ കോറിയോ ഗ്രാഫർ രോഷ്‌ണി വിജയകൃഷ്ണൻ തിരുവാതിരക്കളിയിൽ ആവിഷ്കരിച്ചിരിക്കുന്നത്. ആത്മീയവും , മാനസികവുമായ ആനന്ദത്തോടെ ഒപ്പം തന്നെ, ശാരീരിക ഗുണഫലങ്ങൾ കൂടി സ്ത്രീകൾക്ക് കിട്ടുന്നതാണ് തിരുവാതിരക്കളി. അച്ചടക്കം, ബഹുമാനം, സൗഹൃദം, നേതൃത്വം, സഹിഷ്ണുത, ടീം വർക്ക്, പ്രതികൂല സാഹചര്യങ്ങളെ തരണം ചെയ്യൽ എന്നിവയിലൂടെ വളർച്ചയുടെയും വികാസത്തിൻ്റെയും നിർണായക ഭാഗമായി ഇന്ന് എർത്ത് എയിഞ്ചൽസ് മാറിയിരിക്കുകയാണ്. മലയാളിയുടെ സാംസ്കാരിക പാരമ്പര്യം കാത്തുസൂക്ഷിക്കുന്ന വേഷവിധാനവും താളവും ഈണവും തന്നെയായിരുന്നു ഈ തിരുവാതിര കളിയുടെ പ്രത്യേകതയും. കൂടുതൽ അപ്‌ഡേറ്റുകൾക്ക് : jayaar © 2025 ഫോട്ടോ കടപ്പാട് : ലാൽ

പി എൻ പ്രസന്ന കുമാർ

2025-01-04T06:33:00.000-08:00

*ഓർമ്മകൾ മരിക്കുന്നില്ല.* ചെക്കോസ്ലൊവാക്യയിലെ പ്രാഗില്‍ നിന്നും ജേണലിസത്തില്‍ ഫെലോഷിപ്പ് നേടി. കേരള യൂണിവേഴ്‌സിറ്റി യൂണിയന്‍ എക്‌സിക്യൂട്ടീവ് മെമ്പറായി പിന്നീട് വീക്ഷണം പത്രത്തിന്റെ കൊച്ചി ബ്യൂറോയില്‍ ചീഫ് റിപ്പോര്‍ട്ടറായി ഇരിക്കുമ്പോൾ ആണ് ജേർണലിസം കഴിഞ്ഞു നിൽക്കുന്ന എനിക്ക് വീക്ഷണവുമായി ചേർന്ന് പ്രവർത്തിക്കുവാനുള്ള അവസരം പ്രസന്നൻ ചേട്ടൻ നൽകുന്നത്. മനസിൽ അക്ഷരങ്ങൾ കൊണ്ട് മഴവില്ല് തീർത്ത കാലം. എഴുത്തിന്റെ വെളിച്ചം എനിക്കു നൽകിയ പ്രസന്നൻ ചേട്ടനെ സ്നേഹത്തോടെയല്ലാതെ എനിക്കോർക്കാൻ കഴിയില്ല. പ്രത്യക്ഷത്തിൽ വാചാലരാകാറില്ലെങ്കിലും കണ്ണുകൾ കൊണ്ട് സംസാരിക്കുകയും മനസ് കൊണ്ട് അനുഗ്രഹിക്കുകയും ചെയ്തിരുന്ന പ്രസന്നൻ ചേട്ടനെയും, വീക്ഷണത്തിലെ ദത്തൻ സാറിനെയും, എ ഡി രാജൻ സാറിനെയും എനിക്കൊത്തിരി ഇഷ്ടമായിരുന്നു. ഞങ്ങളുടെ ഇടയിലെ സ്നേഹം, സഹവർത്തിത്വം ഇവയെല്ലാം പിന്നീട് ഓ ർക്കാനുള്ള മധുരമുള്ള സന്ദർഭങ്ങളായിത്തീരുകയായിരുന്നു. വീക്ഷണത്തിൽ നിന്നും പിന്നീട് മനോലോകത്തിനും ക്രൈംമിന് വേണ്ടിയും പ്രവർത്തിക്കുമ്പോഴും പ്രസന്നൻ ചേട്ടനെ കാണാൻ വീക്ഷണത്തിൽ പോകാറുണ്ടായിരുന്നു. ജയ് ഹിന്ദ് ചാനൽ ആരംഭിച്ചപ്പോഴും എന്നെ അദ്ദേഹം വിളിച്ചിരുന്നു. ഒരു പത്രപ്രവർത്തകൻ മാത്രമായിരുന്നില്ല പ്രസന്നൻ ചേട്ടൻ. മണ്ണില്‍ കാലു തൊട്ടു നില്‍ക്കുന്ന പച്ച മനുഷ്യനായിരുന്നു. കാപട്യം കലരാത്ത രാഷ്‌ട്രീയക്കാരനായിരുന്നു. പത്രപ്രവർത്തക ലോകത്ത് നിറഞ്ഞ് നിൽക്കുമ്പോൾ തന്നെ അദ്ദേഹം ഞാൻ താമസിക്കുന്ന ഡിവിഷനിലെ കൗൺസിലർ ആയി രണ്ട് തവണ തെരഞ്ഞെടുക്കപെട്ടിട്ടുണ്ട്. ജനപ്രതിനിധി എന്ന നിലയിലും അദ്ദേഹം മികവുറ്റ പ്രവർത്തനം കാഴ്ചവെച്ചു. പ്രസന്നൻ ചേട്ടനുമായി എനിക്ക് പുലർത്താൻ കഴിഞ്ഞ ആത്മബന്ധം എന്റെ ജീവിതത്തിലെ വലിയ മുതൽക്കൂട്ടു തന്നെയാണ്. ഇന്നും ഒരു റോഡിന്റെ മറുവശത്തു നിന്നുകൊണ്ട് അല്ലെങ്കിൽ എതിരെയുള്ള വാഹനത്തിൽ യാത്രചെയ്തു കൊണ്ട് മറുവശത്തുള്ള മറുവശത്തു കൂടി പോകുന്ന എന്നെ കണ്ടാൽ നോക്കി പുഞ്ചിരിച്ചു അനുഗ്രഹവർഷം ചൊരിയുന്ന പ്രസന്നൻ ചേട്ടൻ ഇനി ഓർമകളിൽ മാത്രം. പ്രിയ പ്രസന്നൻ ചേട്ടന് പ്രണാമം.

Brackish Kayal Resort

2024-12-29T02:31:00.000-08:00

@ *Brackish Kayal Resort* #Cherai #Kochi #India

ആരാരും കാണാതെ

2024-12-28T03:48:00.000-08:00

*ആരാരും കാണാതെ...* രോഷ്‌ണീസ് എർത്ത് എയിഞ്ചൽ സിന്റെ വിന്റർ ഫെസ്റ്റ് 2024 ൽ പങ്കെടുക്കുവാൻ ചെറായിലെ ബ്രാകിഷ് കായൽ റിസോർട്ടിന്റെ കവാടം എത്തുമ്പോൾ ഗിരീഷ് പുത്തഞ്ചേരി എഴുതി വിദ്യസാഗർ ഈണം പകർന്ന് ജയചന്ദ്രൻ ആലപിച്ച ചന്ദ്രോത്സവത്തിലെ ആരാരും കാണാതെ ആരോമൽ തൈമുല്ല പിന്നേയും പൂവിടുമോ... ഈ വരികളുടെ സംഗീതം കേൾക്കാമായിരുന്നു. എനിക്കും എന്റെ സഹധർമ്മിണിക്കും ഈ വരികളോട് അഭേദ്യമായ ബന്ധം ഉണ്ട്. മറ്റൊന്നും അല്ല എന്റെ വിവാഹം കഴിഞ്ഞ് എറണാകുളത്തേക്ക് യാത്ര തിരിക്കുന്നതിന് മുന്നെയായി കല അമ്മയുടെയും അവരുടെ ചേട്ടൻമ്മാരുടെയും ഏട്ടത്തിമാരുടെയും കാലിൽ വീണ് അനുഗ്രഹം വാങ്ങുമ്പോൾ ലൗഡ് സ്പീക്കറിലൂടെ ഉയർന്ന് കേട്ടത് ഈ വരികൾ ആയിരുന്നു. ബ്രാക്കിഷിന്റെ കവാടം കടന്ന് ചെല്ലുമ്പോൾ ഒരിക്കൽ കൂടി ഈ വരികൾ കേട്ടപ്പോൾ ഞാൻ ഒരു നിമിഷം 2006 ലേക്ക് തിരിച്ചു പോകുകയായിരുന്നു. ഏതെങ്കിലും യുട്യൂബ് ചാനലിൽ നിന്നും ആയിരിക്കും ഈ ഗാനം വെച്ചിരിക്കുന്നത് എന്ന ധാരണയിൽ ആയിരുന്നു ഞാൻ. എന്നാൽ പ്രധാന ഹാളിൽ കടന്നെത്തുമ്പോൾ ആണ് മനസിലാകുന്നത് ഗാനം ആലപിച്ചിരുന്നത് യുവ സംഗീത സംവിധായകനും ഗായകനുമായ പ്രസാദ് ആയിരുന്നെന്ന്. പ്രസാദിന്റെയും ബിനീഷിന്റെയും കഴിവിനെക്കുറിച്ച് രോഷ്നി എന്നോട് നേരത്തെ പറഞ്ഞിട്ടുള്ളതാ. ഈ വേദിയിൽ വെച്ച് രണ്ട് മികച്ച കലാകാരൻമാരെ എനിക്ക് പരിചയപ്പെടുവാൻ സാധിച്ചു. പ്രസാദ് പൊന്നാനിയെയും ബിനീഷ് കതിരേറ്റത്തെയും. വിന്റർ ഫെസ്റ്റ് 2024 പ്രോഗ്രാമിന്റെ ഹൈലൈറ്റ് എന്ന് പറയാവുന്നത് പ്രസാദിനെയും ബിനീഷിനെയും കൂടാതെ പാലക്കാട് നിന്നെത്തിയ കൊച്ചു ഗായിക അനാമികയുടെയും അന്ന വിനോദിന്റെയും അവന്തികയുടെയും പെർഫോമെൻസ് തന്നെയായിരുന്നു. പ്രസാദ് പൊന്നാനി ഒരു മികച്ച ഗായകനും സംഗീത സംവിധായകനും കൂടിയാണ്.ഭാവി ശ്രമങ്ങൾക്ക് പ്രസാദിന് എല്ലാ ആശംസകളും നേരുന്നു. ഇന്ത്യ യിലുടനീളമുള്ള കൂടുതൽ യുവാക്കളെ നിങ്ങൾ പ്രചോദിപ്പിക്കട്ടെ. © 2024 jayaar

ആനയും അമ്പാരിയും ഇല്ലാതെ എന്ത് ഉത്സവം

2024-12-10T22:27:00.001-08:00

*ആനയും അമ്പാരിയും ഇല്ലാതെ എന്തോന്നുത്സവം*! _പാരമ്പര്യങ്ങളെ അനുസ്മരിക്കാൻ ഒത്തുചേരുന്ന ഈ ആഘോഷങ്ങൾ സംസ്ഥാനത്തിന്റെ മതപരമായ വൈവിധ്യത്തെ കോർത്തിണക്കുന്നതാണെങ്കിലും ഇന്ന് സ്ഥിതിയാകെ മാറിമാറിഞ്ഞിരിക്കുന്നു._ ക്ഷേത്രത്തിലെ ചൈതന്യം ഉത്സവസമയത്തു നടക്കുന്ന ചടങ്ങുകളുടേയും ബലികളുടെയും, ശുദ്ധികർമ്മങ്ങളുടേയും ഫലമായി വർദ്ധിച്ചു പൊങ്ങി വിഗ്രഹത്തിൽ നിന്നു ശ്രീകോവിലിലേക്കും, ചുറ്റമ്പലങ്ങളിലേക്കും മതിൽകെട്ടിനകത്തേക്കും വ്യാപിച്ച് അവിടെനിന്ന് വീണ്ടും ഉയർന്ന് ക്ഷേത്രം നിൽക്കുന്ന മാറ്റിടങ്ങളിലേക്കും മുഴുവൻ പരന്ന് പ്രദേശമാകെ ഐശ്വര്യം പരത്തുന്നു എന്നാണ്‌ ഉത്സവത്തെ സംബന്ധിച്ചുള്ള വിശ്വാസം. ഉത്സവം ആഘോഷിക്കുന്നതിലെ സത്യസന്ധതയാണ് പഴയകാലം മുന്നോട്ട് വച്ചതെങ്കിൽ ഇന്ന് അതാണോ സ്ഥിതി?! ഉത്സവങ്ങള്‍ക്ക് ഉണ്ടായിരുന്ന നന്‍മയും തനിമയും ശാലീനതയും നഷ്ടമായിരിക്കുന്നു .ഇപ്പോള്‍ എല്ലാം സ്‌പോന്‍സറിങ്ങാണ്. ചാനല്‍ പരിപാടികള്‍ക്കിടയില്‍ പറയുംപോലെ ഉത്സവങ്ങളുടെ ഓരോ ഭാഗവും നാട്ടിലെ സാമ്പത്തിക ശേഷി കൂടുതല്‍ ഉള്ളവര്‍ സ്‌പോന്‍സര്‍ ചെയ്യുകയാണ്. സമ്പന്നരുടെ പണക്കൊഴുപ്പാണ് ഇപ്പോള്‍ നമ്മുടെ ഉത്സവങ്ങള്‍ക്ക് കൊഴുപ്പ് കൂട്ടുന്നത്. ഉത്സവത്തിന് കൊടിയേറാന്‍ കൊടിമരത്തില്‍ ചേര്‍ക്കേണ്ട കൊടിക്കൂറ വരെയും സ്‌പോന്‍സറിങ്ങിലൂടെ കണ്ടെത്തുകയാണ്. ഉറക്കമൊഴിയാന്‍ തയ്യാറായിരുന്ന ഒരു പഴയകാലമൊന്നുണ്ടായിരുന്നു എനിക്ക്. നാട്ടിലെ ഏഴ് പകലും രാവും ചലനാത്മകമായി നിര്‍ത്തിയ ഉത്സവ രാവുകൾ ഒളിമങ്ങുകയാണോ? വീടിന് അടുത്ത അമ്പലത്തിലെ ഉത്സവം കാണുവാന്‍ പോവുക എന്നത് ഒഴിച്ചു കൂടാന്‍ പറ്റാത്ത ഒന്നായിരുന്നു. ആബാലവൃദ്ധമാണ് ഉത്സവത്തിനായി എത്തിയിരുന്നത്. വെടിക്കെട്ട്‌ കഴിഞ്ഞുള്ള രാത്രിയിലെ കലാപരിപാടികള്‍ കാണാൻ മുൻനിരയിൽ ഇരിപ്പിടം കണ്ടെത്താനുള്ള ഓട്ടം ഉണ്ടല്ലോ അതിപ്പോഴും മറന്നിട്ടില്ല. ഉത്സവ പറമ്പിള്‍ ഇല്ലാത്തതായി ഒന്നുമില്ല. ഒരിടത്ത് പണം വച്ചുള്ള ചീട്ട് കളി. മറ്റൊരിടത്ത് ഒന്ന് വച്ചാല്‍ രണ്ട് കിട്ടും, രണ്ട് വച്ചാല്‍ നാല് കിട്ടും എന്നു പറയുന്ന കുലുക്കി കുത്ത്. തൊട്ടടുത്ത് ആന-മയില്‍-ഒട്ടകം, മണിയടിയും തട്ടുംമുട്ടുമായി കപ്പലണ്ടിയും പട്ടാണിയും വില്‍ക്കുന്നവര്‍. ചാന്തും കണ്‍മഷിയും പൊട്ടും വളയും റിബണും വില്‍ക്കുന്ന വച്ചുവാണിഭ കച്ചവടക്കാരുടെ നീണ്ട നിര. ബലൂണും പീപ്പിയും തോക്കും പൊട്ടാസും പാവയും ഒക്കെയായി മറ്റൊരു കൂട്ടര്‍. ചുക്കു കാപ്പിയും പപ്പട ബോളിയും വില്‍ക്കുന്നവര്‍ വേറെ. ഉത്സപറമ്പുകളില്‍ ഇല്ലാത്തതായി ഒന്നുമില്ല എന്നു പറയുന്നത് വളരെ ശരിയാണ്. എല്ലാം കൂടിച്ചേരുന്ന ഇടമായിരുന്നു ഉത്സവ പറമ്പുകള്‍. പലപ്പോഴും കഥകളിയും ഓട്ടന്‍ തുള്ളലും ഞാൻ കാണാറുണ്ടായിരുന്നില്ല. നാടകവും കഥാപ്രസംഗവും ബാലയുമൊക്കെയാകും മറ്റ് കലാപരിപാടികള്‍. നേരം വെളുക്കുവോളം ഉള്ള പരിപാടികൾ. ഇന്ന് അതൊക്കെ പോയി. രാത്രി 10 മണി കഴിഞ്ഞാൽ ശബ്ദം പാടില്ല. അതുകൊണ്ട് 10 മണിക്ക് ശേഷം പരിപാടികൾ ഒന്നും ഇല്ലാതായി. ഈ നിയമം മൂലം കുറെ കലാകാരന്മ്മാരുടെ കഞ്ഞികുടി മുട്ടിച്ചു എന്നല്ലാതെ മറ്റൊന്നും ഉണ്ടായില്ല. ഇപ്പോൾ ആനകൾക്ക് കൂടെ നിയന്ത്രണം വന്നതോടെ ഉത്സവത്തിന്റെ ഹരം തന്നെ ഇല്ലാതായി. എന്നാൽ അർദ്ധരാത്രി വരെ തുറന്നിരിക്കുന്ന പെട്ടിക്കടകളും, അവിടെ തടിച്ചു കൂടുന്ന സാമൂഹ്യ വിരുദ്ധരും ഒന്നും പ്രശ്നമല്ലത്രേ! എന്റെ കുട്ടിക്കാലത്ത് ഉത്സവത്തിന് പോയികൊണ്ടിരുന്നത് മസാല ദോശ കഴിക്കാനായിരുന്നു വെന്ന് കോറിയോ ഗ്രാഫർ രോഷ്ണി വിജയകൃഷ്ണൻ. എന്റെയൊക്കെ കുട്ടിക്കാലത്ത് വൃതം നോറ്റ് ആണ് ഉത്സവത്തിന് പങ്കെടുത്തിരുന്നത്. ഇന്ന് ആരെങ്കിലും അങ്ങനെ ചെയ്യുന്നുണ്ടോ? മറ്റുള്ളവരുടെ കുറ്റോം കുറവും പറഞ്ഞു വൃതം നോക്കുന്നതിലും അർത്ഥം ഇല്ല. ഭഗവാനെ സ്തുതിച്ചത് കൊണ്ട് ഭഗവാൻ ഒന്നും തരില്ല. നമ്മൾ നമ്മളെ തന്നെ വിലയിരുത്തി നല്ല കർമ്മങ്ങൾ ചെയ്യുക. ഒരു ചോദ്യത്തിന് ഉത്തരമായി അവർ പറഞ്ഞു. ഇന്നത്തെ പോലെ ആന നിയന്ത്രണങ്ങൾ ഒന്നും അന്ന് ഉത്സവങ്ങളിൽ പതിവില്ലാതിരുന്നു. ഉത്സവസ്ഥലത്ത് കുട്ടികളെയും കൂട്ടി പോകുന്നത് ആന ചന്ദം കാണാൻ തന്നെയാണ്. പൂരങ്ങളിൽ ആനകൾക്ക് ഏർപ്പെടുത്തിയ നിയന്ത്രണം വഴി എല്ലാവിധമായ സാമൂഹിക തിന്‍മകളും സാമൂഹിക വിരുദ്ധരും ചേര്‍ന്ന് ഉത്സവങ്ങള്‍ ഹൈജാക്ക് ചെയ്യുകയല്ലേ എന്ന് കരുതുന്നതിൽ എന്താണ് തെറ്റ്!?

Brackish Kayal Resort

2024-12-09T00:09:00.001-08:00

*Brackish Kayal Resort* Cherai, Kochi, Kerala This vacation, Explore the enchanting backwaters of Kerala and make wonderful memories with your family and friends. Paddle through calm lake in a kayak, enjoy a fun ride in a pedal boat, try your luck at fishing, taste delicious local food while floating on the water and more fun activities waiting for you! 15+ Cultural Experiences 20+ Activities For information +91 77366 59769

Leena Theatre

2024-12-07T09:29:00.001-08:00

*കോട്ടയ്ക്കല്‍ ലീനയ്ക്ക് അന്‍പതാണ്ട്;* കോട്ടയ്ക്കലിലെ ആദ്യകാല തിയേറ്ററുകളിലൊന്നായ ലീന സുവർണജൂബിലിയിലേക്ക് കടക്കുമ്പോൾ ലീനയിൽ സിനിമ കണ്ട അനുഭവം പങ്ക് വെക്കുകയാണ് കോട്ടക്കലിലെ പ്രമുഖ വ്യവസായി ബാലകൃഷ്ണന്റെ മകളും കോറിയോ ഗ്രാഫറുമായ രോഷ്‌ണി വിജയകൃഷ്ണൻ. _അഞ്ചുപതിറ്റാണ്ടുമുൻപാണ് എം.കെ. രാമുണ്ണിനായർ എന്ന മാനുക്കുട്ടൻനായർ കോട്ടയ്ക്കലിൽ ലീന തിയേറ്റർ ആരംഭിക്കുന്നത്. രോഷ്‌ണി വിജയകൃഷ്ണന്റെ വീടിനോട് ചേർന്നായിരുന്നു. ബാലകൃഷ്ണന്റെ അടുത്ത ചങ്ങാതിയായ മാനുകുട്ടൻ നായർ ഓരോ സിനിമയുടെ റിലീസിനും ബാലകൃഷ്ണനായി ഒരു സീറ്റ് ഒഴിച്ചിടുന്ന പതിവും ഉണ്ടായിരുന്നു._മാനുകുട്ടൻ _നായരുടെ മകനും രോഷ്‌ണിയും കോട്ടക്കലിലെ എൻ എസ് എസ് സ്കൂളിലെ വിദ്യാർത്ഥികളുമായിരുന്നു._ അച്ഛനും അമ്മയും ഒപ്പം സിനിമ കാണാൻ ചെല്ലുമ്പോൾ ഞാൻ കൈക്കുഞ്ഞായിരുന്നു എന്ന് അമ്മ പറഞ്ഞത് ഇപ്പോഴും ഓർക്കുന്നു. അതായിരിക്കണം എന്റെ കോട്ടക്കലിലെ ആദ്യത്തെ തീയറ്റർ സിനിമ. പക്ഷേ, തീർച്ചയായും അത് ഓർത്തിരിക്കാൻ സാധ്യതയില്ലല്ലോ. അച്ഛനും അമ്മയും തീയറ്റർ പോയി ഒരുപാട് സിനിമകൾ കാണുന്ന കൂട്ടത്തിലായിരുന്നു. ആ പാരമ്പര്യം ഞങ്ങൾ മക്കൾക്കും കിട്ടിയിട്ടുണ്ട്. ഒരു പക്ഷേ ഈ സിനിമ കമ്പം തന്നെയാകാം കലയോട് കൂടുതൽ ബന്ധം ഉണ്ടാക്കാൻ പ്രേരിപ്പിച്ചതും. ഞാൻ രാവിലെ സ്കൂളിലേക്ക് പോകുന്നതും വൈകുന്നേരം തിരിച്ചു വരുന്നതും നടന്നായിരുന്നു. ലീനയുടെ മുന്നിൽ എത്തുമ്പോൾ ഞാനൊന്ന് നിൽക്കും. മറ്റൊന്നുമല്ല ഗേറ്റിന് മുന്നിലിരിക്കുന്ന സിനിമാ പോസ്റ്ററുകളിലെ താര പ്രതിഭകളെയും നോക്കി നിന്ന്, ആസ്വദിച്ചു പിന്നീടുള്ള ആ നടത്തത്തിന് പ്രത്യേക ഒരു സുഖം തന്നെയായിരുന്നു എനിക്ക്. അമ്മയോട് മാത്രം പറഞ്ഞു അച്ഛൻ അറിയാതെ വളരെ രഹസ്യമായി ചേട്ടനോടും ചേച്ചിമാരോടും ഒപ്പം മൂന്നാം ക്ലാസ്സിൽ പഠിക്കുമ്പോൾ ലീനയിൽ പോയി സിനിമ കണ്ടിട്ടുണ്ട്. സിനിമ കഴിഞ്ഞു വീട്ടിലേക്കു വരാൻ ഷോർട്കട്ട്‌ ഉണ്ടെങ്കിലും രാത്രി ആരും ആ വഴി നടക്കാറില്ലാത്തതിനാൽ പ്രധാന വഴി തന്നെ വരേണ്ടി വന്നു. അച്ഛന്റെ കടയുടെ മുന്നിലൂടെ വേണം വരാൻ. ഫസ്റ്റ് ഷോ കഴിഞ്ഞു ആളുകൾ പോകുമ്പോൾ കച്ചവടം ഉള്ളത് കൊണ്ട് ഷോ കഴിഞ്ഞ ശേഷം മാത്രമേ അച്ഛൻ കട അടക്കാറുളൂ. അച്ഛൻ കടയിൽ ഇരിക്കുന്നത് കണ്ട് ഞങ്ങൾ പകച്ചു. പെട്ടെന്നു തന്നെ ഞങ്ങൾ സിനിമ കണ്ടിറങ്ങിയവരുടെ പുറകിൽ മറഞ്ഞു നടന്ന് ജംഗ്ഷനിൽ എത്തി. അച്ഛന് ഞങ്ങളെ കാണാൻ കഴി‍ഞ്ഞില്ല എന്ന വിശ്വാസത്തിൽ പിന്നെ ഓടി വീട്ടിൽ കയറി. ഇന്ന് അതേക്കുറിച്ചൊക്കെ ഓർക്കുമ്പോൾ ചിരിയും, ഒപ്പം അച്ഛനെ പറ്റിച്ച് സിനിമക്ക് പോയതോർക്കുമ്പോൾ സങ്കടവും വരും. എത്ര പെട്ടെന്നാണ് വർഷങ്ങൾ പോയത്. ലവ് ഇൻ സിങ്കപ്പൂർ, ഏഴാം കടലിനക്കരെ, മദനോത്സവം, തച്ചോളി അമ്പു, മഞ്ഞിൽ വിരിഞ്ഞപൂക്കൾ അങ്ങനെ ഒട്ടു മിക്ക സിനിമകളും ഞാൻ ലീനയിൽ തന്നെയാണ് കണ്ടത്. ലീനയിൽ ഞാൻ 14 തവണ കണ്ട സിനിമയാണ് ആലിബാബയും 41 കള്ളന്മാരും. 1974-ൽ പ്രേംനസീറും വിജയശ്രീയും മുഖ്യ കഥാപാത്രങ്ങളെ അവതരിപ്പിച്ച 'അങ്കത്തട്ട് ' ആണ് ലീന തിയേറ്ററിൽ ആദ്യം പ്രദർശിപ്പിച്ച സിനിമ. കളർസിനിമകൾ പ്രചാരത്തിലായിത്തുടങ്ങിയ സമയമായിരുന്നു അത്. 2012-13 ൽ ആണ് തിയേറ്റർ മൾട്ടിപ്ലക്സ് ആകുന്നതും റിലീസ് സിനിമകൾ പ്രദർശിപ്പിച്ചുതുടങ്ങുന്നതും. ഒരു സ്ത്രീയുടെ സ്വപ്നങ്ങൾക്ക് എന്നും ഒരു എക്സ്പ്പീരി ഡേറ്റ് ഉണ്ടാവും! അവളുടെ വിവാഹ തിയതി. അന്നത്തോട് കൂടി അവളുടെ ഭർത്താവിന്റെ സ്വപ്‌നങ്ങൾ ആണ് അവളുടെയും. അങ്ങനെ ആയിരിക്കണം എന്നാണ് 'നാട്ടുനടപ്പ്'. എന്നാൽ എന്റെ ജീവിതം അങ്ങനെആയിരുന്നില്ല. എന്റെ ഭർത്താവും ഒരു സിനിമ കമ്പക്കാരൻ തന്നെ ആയിരുന്നതിനാൽ ധാരാളം സിനിമകൾ ഒരുമിച്ചു കണ്ടു. എറണാകുളത്തേക്ക് താമസം മാറി വന്നപ്പോൾ ഒരു സിനിമ കുടുംബത്തെ ഫാമിലി സുഹൃത്തായി കിട്ടിയതോടെ സിനിമ കാണൽ കൂടിയെന്ന് വേണം പറയാൻ.

Leena Theatre kottakkal

2024-12-07T09:26:00.002-08:00

Brackish Kayal Resort

2024-11-30T18:33:00.001-08:00

Mura

2024-11-11T01:19:00.004-08:00

*ഹൃദു ഹാറൂൺ* _ദുൽക്കറിന് വെല്ലുവിളിയാകുമോ?!_ മുറയിലെ അനന്ദു എന്ന കഥാപാത്രത്തെ അവതരിപ്പിച്ച ഹൃദ്യൂ ഹാറൂൺ ദുൽക്കറിന് വെല്ലുവിളിയാകുമോ എന്ന സംശയം മുറയുടെ റിലീസ് കഴിഞ്ഞു രണ്ടാം ദിനം മുതൽ പലരും പ്രകടിപ്പിച്ചു കഴിഞ്ഞു. യുവതാരം ഹൃദു ഹാറൂണിന്റ അഭിനയമാണ് മുറയുടെ റിയലിസം വർദ്ധിപ്പിച്ചത്. യുവതാരങ്ങൾ എല്ലാം തന്നെ തകർപ്പൻ പ്രകടനമാണ് കാഴ്ച വയ്ക്കുന്നത്. അവരുടെ സൗഹൃദം മനോഹരമായി പര്യവേക്ഷണം ചെയ്യപ്പെടുന്നു. പരിഹാസവും തീവ്രമായ നിമിഷങ്ങളും അക്രമാസക്തമായ ഏറ്റുമുട്ടലുകളും ഉണ്ട്. ആക്ഷൻ സീക്വൻസുകൾ സമീപകാലത്തെ ഏറ്റവും മികച്ചവയാണ്. തമീൻസ് ഫിലിംസ് ഷിബു തമീൻസിൻ്റെ മകനാണ് ഹൃദു ഹാറൂൺ. 2022 ഓഗസ്റ്റിൽ ആമസോൺ പ്രൈമിൽ റിലീസ് ചെയ്ത് വിജയ് മൗര്യ സംവിധാനം ചെയ്ത ക്രാഷ് കോഴ്‌സ് എന്ന നാടകത്തിലൂടെയാണ് ഹാറൂൺ ആദ്യമായി അഭിനയിച്ചത് . 2023-ൽ ബൃന്ദ മാസ്റ്റർ സംവിധാനം ചെയ്ത തഗ്സ് എന്ന ചിത്രത്തിലൂടെയാണ് അദ്ദേഹം തൻ്റെ ഫീച്ചർ ഫിലിം അരങ്ങേറ്റം കുറിച്ചത്.

Navrathri

2024-10-14T06:15:00.000-07:00

നവരാത്രി

2024-10-10T18:29:00.000-07:00

*നവരാത്രി ആഘോഷം; ഭക്തി സാന്ദ്രമാക്കി ഷമ്മിലാലിന്റെ ഭരതനാട്യം* നവരാത്രി മഹോത്സവത്തിന്റെ എട്ടാം ദിനത്തിൽ എറണാകുളം പരമാര ദേവി ക്ഷേത്രത്തിൽ ഷമ്മിലാൽ അവതരിപ്പിച്ച ഭരതനാട്യം ഭക്തി സാന്ദ്രമായി. നവരാത്രി ഉത്സവത്തിൽ നൃത്തത്തിന് വളരെ പ്രാധാന്യമുണ്ട്. ഒമ്പത് ദിവസത്തേക്ക്, ലോകമെമ്പാടുമുള്ള ഹിന്ദുക്കൾ ഗംഭീരമായ നൃത്തങ്ങളിൽ ഭാഗമാകുന്നത്. ശക്തിസ്വരൂപിണിയായ ദുർഗ്ഗയുടെ ഒൻപത് ഭാവങ്ങളെ (നവദുർഗ്ഗ) ആരാധിക്കുന്നു. ഇത് ശൈലപുത്രി, ബ്രഹ്മചാരിണി, ചന്ദ്രഘണ്ഡാ, കുഷ്മാണ്ഡ, സ്കന്ദമാതാ, കാർത്യായനി, കാളി(കാലരാത്രി), മഹാഗൗരി, സിദ്ധിദാത്രി എന്നിവരെ ഒൻപത് ദിവസങ്ങളിലായി ആരാധിക്കുന്നു. ചിലർ സപ്തമാതാക്കളായ ബ്രാഹ്മി, വൈഷ്ണവി, മഹേശ്വരി, ഇന്ദ്രാണി, വാരാഹി, ചാമുണ്ഡി എന്നിവരെയും ആരാധിക്കുന്നു. ഭഗവതി ക്ഷേത്രങ്ങളിൽ ഏറ്റവും പ്രധാനപ്പെട്ട ദിവസങ്ങളാണിത്. ദിവ്യ സ്ത്രീത്വത്തിൻ്റെ ബഹുമാനാർത്ഥം നടക്കുന്ന പ്രധാന ഉത്സവം കൂടിയാണ് നവരാത്രി.

തൃപ്രയാർ ശ്രീരാമസ്വാമി

2024-09-14T04:35:00.000-07:00

കൊച്ചി നഗരത്തിന്റെ തിരക്കുകൾ പിന്നിട്ട് ദേശീയ പാത 66 വഴി തൃപ്രയാർ ശ്രീരാമ സ്വാമി ക്ഷേത്രത്തിലേക്ക് ഒരു യാത്ര. 4 വരി പാതയുടെ പ്രവർത്തനങ്ങൾ നടന്നു വരുന്നതിനാൽ റോഡിന്റെ പലയിടങ്ങളിലും ഡൈവെർട്ട് ബോർഡ്‌ കാണാമായിരുന്നു.അത് കൊണ്ട് ഏതാണ്ട് ഒന്നേമുക്കാൽ മണിക്കൂർകൊണ്ട് എത്തെണ്ടയിടത്തു രണ്ടേകാൽ മണിക്കൂർ യാത്രക്കായി എടുത്തു. ഇഷ്ടങ്ങളും ഓര്‍മകളും സ്വപ്നങ്ങളും എല്ലാം ഒത്തുകൂടുന്നു . ഒരുപാട് നാളായി തൃപ്രയാർ ശ്രീരാമൻ എന്നെ വിളിക്കുകയായിരുന്നു. കോറിയോഗ്രാഫർ രോഷ്നി വിജയകൃഷ്ണനോട് ഇക്കാര്യം പറഞ്ഞപ്പോൾ അവരും വരുവാൻ തയ്യാറായി. ഒപ്പം അവരുടെ വിദ്യാർത്ഥികളും. വീട്ടിൽ നിന്നും യാത്രക്ക് ഇറങ്ങുമ്പോൾ സഹധർമ്മിണി കലയോട് അമ്മ പറഞ്ഞു ' ശ്രീരാമൻ ജയിക്കട്ടെ ' യെന്ന്. കേരളത്തിലെ ഏറ്റവും പ്രധാനപ്പെട്ട ശ്രീരാമക്ഷേത്രങ്ങളിൽ ഒന്നായ തൃപ്രയാർ ക്ഷേ ത്ര ദർശനം നടത്തണമെന്ന് മനസ്സിൽ തോന്നിയിട്ട് മാസങ്ങൾ ആയി. 10 വർഷത്തിന് ശേഷം കഴിഞ്ഞ ദിവസമാണ് അതിനുള്ള നിയോഗം ഉണ്ടായത്. അസ്തമയ പ്രഭയിൽ ക്ഷേത്രപരിസരവും ഗോപുരങ്ങളും സ്വർണ്ണവർണ്ണ ശോഭയാർന്ന ഭംഗി പ്രസരിപ്പിക്കുന്നതായി തോന്നി. ചെരുപ്പുകൾ, ബാഗുകൾ തുടങ്ങിയവ വണ്ടിയിൽ തന്നെ വെച്ച് ക്ഷേത്രത്തിലേക്ക് കടന്നു. പഴമയുടെയും പ്രൗഢിയുടെയും ലക്ഷണങ്ങൾ എമ്പാടും കാണാമായിരുന്നു. തൃപ്രയാർ ശ്രീരാമസ്വാമിക്ഷേത്രം. ഹൈന്ദവ വിശ്വാസപ്രകാരം മഹാവിഷ്ണുവിന്റെ ഏഴാമത്തെ അവതാരമായ "മര്യാദാ പുരുഷോത്തമൻ" ശ്രീരാമനെ ഖര-ദൂഷണ-ത്രിശ്ശിരസ്സുക്കളെയും അവരുടെ സൈന്യത്തെയും വധിച്ചശേഷമുള്ള അത്യുഗ്രഭാവത്തിൽ ചതുർബാഹുവായ മഹാവിഷ്ണുവിന്റെ രൂപത്തിൽ ഇവിടെ പ്രതിഷ്ഠിച്ചിരിയ്ക്കുന്നു. കതിനവെടിയും മീനൂട്ടു മാണ് ഇവിടത്തെ പ്രധാന വഴിപാടുകൾ. ഗുരൂവായൂരിൽ സുരേഷ് ഗോപിയുടെ മകളുടെ വിവാഹത്തിൽ പങ്കെടുത്തശേഷം പ്രധാനമന്ത്രി മോദി തൃപ്രയാറിലെത്തി ദർശനം നടത്തിയിരുന്നു. ക്ഷേത്രത്തിലെ പ്രധാന വഴിപാടായ മീനൂട്ട് ചടങ്ങിലും അദ്ദേഹം പങ്കെടുത്തു. നരേന്ദ്രമോദി ക്ഷേത്രക്കുളക്കടവിലെത്തി മത്സ്യങ്ങൾക്ക് ഭക്ഷണം നൽകിയാണ് മടങ്ങിയത്. തൃപ്രയാറപ്പന്റെ വിഗ്രഹത്തിനു കാലപ്പഴക്കം കൊണ്ട് പല കോട്ടങ്ങളും തട്ടിയിരുന്നതിനാല്‍ പുനഃപ്രതിഷ്ഠയെ കുറിച്ചുള്ള ആലോചനകള്‍ നടന്നിരുന്നുവെങ്കിലും ദേവപ്രശ്നം നടത്തിയപ്പോൾ ഭഗവാന് അതിഷ്ടമല്ലെന്ന് തെളിയുകയും ചെയ്തിരുന്നു. ശ്രീരാമദാസനായ ഹനുമാൻസ്വാമിയ്ക്ക് ക്ഷേത്രത്തിൽ പ്രതിഷ്ഠയില്ലെങ്കിലും ശ്രീലകത്ത് അദ്ദേഹം അദൃശ്യനായി കുടികൊള്ളുന്നുവെന്ന് വിശ്വസിച്ചുപോരുന്നു. രാമനാമം ജപിയ്ക്കുന്നയിടങ്ങളിലെല്ലാം ഹനുമദ് സാന്നിദ്ധ്യമുണ്ടാകുമെന്നാണ് വിശ്വാസം.

വ്യാജപരാതി ; സ്ത്രീകൾക്ക് തൊഴിൽ നഷ്ടമാകുമോ!?

2024-09-05T08:21:00.000-07:00

*സ്വകാര്യ മേഖലയിൽ സ്ത്രീകൾക്ക് തൊഴിൽ ഇല്ലാതാകുമോ!?* വ്യാജ പീഡന പരാതികള്‍ വ്യാപകമാകുന്നത് ഭയപ്പെടുത്തുന്നുവെന്ന് മനസ്സിലായതോടെ പല ബിസിനസ് സ്ഥാപനങ്ങളിൽ നിന്നും, വീട്ടിൽ പണിക്ക് എത്തുന്ന സ്ത്രീകളെയും ഒഴിവാക്കാൻ പലരും തീരുമാനിച്ചതോടെ പല സ്ത്രീകളുടെയും നില പരുങ്ങലിലായി തുടങ്ങിയിരിക്കുന്നു. പണിക്കായി വീട്ടിൽ എത്തുന്ന സ്ത്രീകളെയും സ്വന്തം സ്ഥാപനത്തിൽ ജോലിക്ക് നിർത്തിയിരിക്കുന്ന സ്ത്രീകളെയും ഒഴിവാക്കണമെന്ന് നിർബന്ധബുദ്ധി പിടിക്കുന്നത് വീട്ടിലെ സ്ത്രീകൾ തന്നെ യാണ്. മകന് അല്ലെങ്കിൽ മകൾക്ക് വിവാഹപ്രായമാകുന്നു എന്നുള്ള ചിന്ത പല വീട്ടമ്മമാരെയും അലട്ടാൻ തുടങ്ങിയിരിക്കുന്നു എന്ന് സാരം. പലപ്പോഴും പല ഘട്ടങ്ങളിൽ അയൽവാസിയിൽ നിന്നും പണം കടം വാങ്ങിക്കൊണ്ടിരുന്ന ഒരു കുടുംബത്തിലെ സ്ത്രീ വ്യക്തിവൈരാഗ്യം തീര്‍ക്കാന്‍ പണം നൽകി സഹായിച്ചിരുന്ന അയൽവാസിക്ക് എതിരെ കള്ള പരാതി നൽകിയിട്ട് അധികനാൾ ആയിട്ടില്ല. ഈ വാർത്ത കാട്ടുതീ പോലെ പടർന്നത് സമൂഹത്തിൽ മാന്യമായി ജീവിക്കുന്ന പലരെയും ഞെട്ടിക്കുകയും ചെയ്തു. നാളെ ഇത് തങ്ങൾക്കു നേരെയാകും എന്നുള്ളതിൽ എന്താണ് ഉറപ്പ്? സുപ്രിംകോടതി പുറത്ത് വിട്ട റിപ്പോർട്ട്‌ പ്രകാരം 53 ശതമാനവും വ്യാജപരാതികളാണ്. സ്വകാര്യ സ്ഥാപനങ്ങൾ ജോലിക്ക് ആളെ നിയമിക്കുമ്പോൾ പോലീസ് സർട്ടിഫിക്കറ്റ് അല്ലെങ്കിൽ റെസിഡൻസ് അസോസിയേഷനിൽ നിന്നുള്ള കത്ത് ആവശ്യപ്പെടാറുണ്ട്. ആര്‍ക്കെതിരെയും എന്തും പറയാമെന്ന സാഹചര്യമാണ്. പരാതികളുടെ മറവില്‍ ബ്ലാക്ക് മെയിലിംഗ് നടത്തുന്നത് ഗൗരവമായി കാണേണ്ടതുമാണ്. പണം തട്ടിയെടുക്കുകയെന്ന ലക്ഷ്യത്തോടെ യുവതികൾ സൗഹ‍ൃദം സ്ഥാപിക്കുകയും പിന്നീടു വ്യാജ പീഡന പരാതി നൽകിയ കേസുകളും ഉണ്ട്.

ഡ്രാക്കുള

2024-09-01T12:01:00.000-07:00

*ഡ്രാക്കുള* കോറിയോഗ്രാഫർ രോഷ്നി വിജയകൃഷ്ണൻ വിളിച്ചതിനെ തുടർന്നാണ് അവരോടോപ്പം അത്യാധുനിക സാങ്കേതിക സംവിധാനത്തിൽ ചങ്ങനാശ്ശേരി അണിയറ ഒരുക്കിയ ഡ്രാക്കുള എന്ന നാടകത്തിന്റെ ആദ്യാവതരണം കാണാൻ കൊച്ചിയിലെ ഫൈൻആർട്സ് ഹാളിൽ പോയത്. സംവിധായകൻ സിബിമലയിൽ ആയിരുന്നു ഉദ്ഘാടനം നിർവഹിച്ചത്. ഐറിഷ് എഴുത്തുകാരനായ ബ്രാംസ്റ്റോക്കറുടെ ജനപ്രിയവും ഭയപ്പെടുത്തുന്നതുമായ ഡ്രാക്കുള എന്ന നോവലിനെ ആസ്പദമാക്കിയുള്ള ഈ നാടകത്തിന്റെ രചന ഹേമന്ത് കുമാറിന്റെതാണ്. യുകെ യിൽ ഒരു വസ്തുവിന്റെ പ്രമാണം തീർപ്പാക്കാൻ ജോ നാഥൻ ഡ്രാക്കുള കോട്ടയിൽ എത്തുന്നതിൽ നിന്നാണ് കഥ ആരംഭിക്കുന്നത്. കഥ ഇംഗ്ലണ്ടിലേക്ക് കടക്കുന്നു, അവിടെ രണ്ട് യുവതികളായ വിൽഹെമിനയും ലൂസിയും നടത്തുന്ന ഒരു രാത്രി സാഹസികത ലൂസിക്ക് ദുരന്തമായി മാറുന്നു. ലൂസിയുടെ കഴുത്തിൽ രണ്ട് വിചിത്രമായ അടയാളങ്ങൾ മാത്രമേ കാണാനാകൂ, പക്ഷേ അവൾ വിളറിയതായി തോന്നുന്നു, അവളുടെ ശരീരത്തിലെ മുഴുവൻ രക്തവും നഷ്ടപ്പെടുന്നു. ഇതിൽ ആശയക്കുഴപ്പത്തിലായ വീട്ടുകാർ ഒരു ഡോ. ജോൺ സെവാർഡിൻ്റെ സേവനം ഉപയോഗിക്കുന്നു, അദ്ദേഹം തന്നെ ഒരു സ്പെഷ്യലിസ്റ്റ് സുഹൃത്തും തൻ്റെ പ്രൊഫസർ വാൻ ഹെൽസിംഗിൻ്റെ മുൻ ഉപദേശകൻ സഹായിയായി എത്തുന്നതോടെ പിന്നീട് ഉള്ള ഓരോ രംഗങ്ങളും പ്രേക്ഷകരെ മുൾമുനയിൽ നിർത്തുന്നതായിരുന്നു. സങ്കീർണമായ ഒരു പ്രമേയത്തെ കൃത്യമായി രംഗഭാഷയിലൂടെയും ശബ്ദ സംവിധാനത്തിലൂടെയും അവതരിപ്പിക്കുക എന്നതു ചെറിയ വെല്ലുവിളിയല്ല. സൂക്ഷ്‌മവും വേറിട്ടതുമായ രാജേഷ് ഇരുളത്തിന്റെ സംവിധാന മികവ് നാടകത്തിന്റെ വിജയം സാധ്യമാക്കും എന്ന കാര്യത്തിൽ തർക്കമില്ല.