ആയിരത്തിലേറെ പേറ്റന്റുകളുമായി, ലോകത്തിലെ തന്നെ മികച്ച ഉപജ്ഞാതാവെന്ന ഖ്യാതിയുമായി എഡിസണ്‍ ചരിത്ര താളുകളില്‍ നിറഞ്ഞു നില്‍ക്കുമ്പോള്‍ അതിലേറെ പ്രതിഭാശാലിയായിരുന്ന നികോള ടെസ്ല അവഗണിക്കപ്പെട്ടു. ടെസ്ലക്ക് ചരിത്രത്തില്‍ സ്ഥാനം ലഭിക്കാതിരിക്കാന്‍ വേണ്ടതെല്ലാം എഡിസണ്‍ മനമറിഞ്ഞു ചെയ്തു.

ഡയറക്റ്റ് കറന്റ്‌ വക്താവായ എഡിസണും ആൾട്ട൪ണേറ്റി൦ഗ് കറന്റിനെ അനുകൂലിക്കുന്ന ജോര്‍ജ് വെസ്റ്റിംഗ്ഹൌസ്-ടെസ്ല സഖ്യവും തമ്മിലുള്ള ശത്രുത പില്‍ക്കാലത്ത് ‘കറന്റ് യുദ്ധം’ എന്ന് തന്നെ അറിയപ്പെട്ടു.
അവസാന വിജയം ടെസ്ലക്കൊപ്പമായിരുന്നുവെങ്കിലും അദ്ദേഹത്തെ കരി വാരി തേക്കുന്നതില്‍ എഡിസണ്‍ കുറെയേറെ വിജയിച്ചു.

തുടര്‍ന്നാണ്‌ വൈദ്യുതി വിതരണത്തില്‍ എഡിസനുമായി യുദ്ധമുണ്ടാകുന്നത്. വൈദ്യുത ബള്‍ബുകള്‍ പ്രധാന ലോഡ് ആയിരുന്ന അക്കാലത്ത് ഡി സി ഉപയോഗിച്ചുള്ള ഒരു വിതരണ സംവിധാനവും അതിന്റെ ഉപയോഗം അളക്കാനുള്ള മീറ്റും ഒക്കെ വികസിപ്പിച്ചു സ്ഥിരമായ ഒരു വരുമാന മാര്‍ഗവും സൃഷ്ടിച്ചു കഴിഞ്ഞിരുന്ന എഡിസണ്‍ ടെസ്ലയുടെ മെച്ചപ്പെട്ട സംവിധാനം അംഗീകരിച്ചു കൊടുക്കാന്‍ ഒരുക്കമല്ലായിരുന്നു.
സ്ഥിരമായ ഒരു വോൾട്ടേജില്‍ വിതരണം നടത്തിയിരുന്ന ഡി സി യില്‍ കൂടുതല്‍ ചെമ്പ് കമ്പികള്‍ ആവശ്യമുള്ളതിനു പുറമേ പ്രസരണ നഷ്ടവും കൂടുതലായിരുന്നു. എ സി ആകട്ടെ ട്രാന്‍സ്ഫോര്‍മര്‍ ഉപയോഗിച്ച് വോൾട്ടേജ് കൂട്ടാനും കുറയ്ക്കാനും സാധിക്കുമെന്നതിനാല്‍, ഉയര്‍ന്ന വോൾട്ടേജില്‍ വിതരണം നടത്തുകയും ഉപഭോഗത്തിനായി വോൾട്ടേജ് കുറയ്ക്കാനും സാധിക്കുമെന്നായി.

കാര്യങ്ങള്‍ കൈ വിട്ടു പോകുമെന്ന് ഉറപ്പായതോടെ എഡിസണ്‍, ടെസ്ലക്കും എ സി ക്കുമെതിരെ പ്രചരണം തുടങ്ങി. ആൾട്ട൪ണേറ്റി൦ഗ് കറന്റ് അപകടകാരിയാണെന്ന് കാണിച്ചു കൊണ്ടുള്ള പോസ്റ്ററുകള്‍ നാടെങ്ങും ഉയര്‍ന്നു. എഡിസണും സംഘവും ചേര്‍ന്ന് പട്ടിയും പൂച്ചയും ഉള്‍പ്പടെയുള്ള മൃഗങ്ങളെ കരണ്ടടിപ്പിച്ചു കൊന്നു. ‘ടോപ്സി’ എന്ന ഒരു സര്‍ക്കസ് ആനയെ ഷോക്കടിപ്പിച്ചു കൊല്ലുന്നത് എഡിസണും സംഘവും ഷൂട്ട്‌ ചെയ്തു വെച്ചു.ആൾട്ട൪ണേറ്റി൦ഗ് കറന്റിനോടുള്ള എഡിസന്റെ വിദ്വേഷം ഇലക്ട്രിക്‌ ചെയറിന്റെ കണ്ടുപിടുത്തത്തിന് വഴി തെളിച്ചു.നയാഗ്ര വെള്ളച്ചാട്ടത്തില്‍ നിന്ന് ടെസ്ലയുടെ രീതിയില്‍ കറന്റ്‌ ഉത്പാദിപ്പിക്കുകയും അതൊരു വിജയം ആവുകയും ചെയ്തതോടെ കറന്റ് യുദ്ധത്തിനു വിരാമമായി.

ടെസ്ലയുടെ സ്വഭാവ വൈചിത്രവും അദ്ദേഹത്തെ ആളുകളില്‍ നിന്ന് അകറ്റിയിട്ടുണ്ടാവാം. അധികം സംസാരിക്കാത്ത, അവിവാഹിതനായി ജീവിച്ച ടെസ്ല മൂന്നു കൊണ്ട് ഹരിക്കാവുന്ന സംഖ്യ ഉള്ള ഹോട്ടല്‍ മുറികള്‍ മാത്രമേ തിരഞ്ഞെടുത്തിരുന്നുള്ളു.

154 ാമത്തെ ജന്മദിനമാഘോഷിക്കുന്ന, അര്‍ഹിക്കുന്ന അംഗീകാരം ലഭിക്കാതെ പോയ ആ മഹാ പ്രതിഭയ്ക്ക് വേണ്ടി ‘നികോള ടെസ്ല മൂവ്മെന്റില്‍’ പങ്കു ചേരൂ.
കൂടുതല്‍ വിവരങ്ങള്‍ ഇവിടെ…

http://www.facebook.com/teamtesla

http://www.cafepress.com/teamtesla

http://twitter.com/team_tesla

ഹാര്‍വാര്‍ഡില്‍ വെച്ച് houseSYSTEM എന്ന വെബ് പോര്‍ട്ടല്‍ വികസിപ്പിച്ച ഗ്രീന്‍സ്പാന്‍, 2003 സെപ്റ്റംബര്‍ 19 ന് വിദ്യാര്‍ത്ഥികള്‍ക്ക് അയച്ച ഇ-മെയില്‍ സന്ദേശത്തില്‍ പോര്‍ട്ടലിലെ Face Book എന്ന് വിളിക്കുന്ന സംവിധാനത്തില്‍ ലഭ്യമായ നിരവധി സൗകര്യങ്ങളെ പറ്റി പറയുന്നുണ്ട്. മീറ്റിങ്ങുകള്‍ സംഘടിപ്പിക്കുന്നതിനും, ഫോട്ടോ ആല്‍ബം സൃഷ്ടിക്കുന്നതിനും, അധ്യാപനത്തിന്റെ ഫീഡ് ബാക്ക് നല്‍കുന്നതുള്‍പ്പടെയുള്ള സൗകര്യങ്ങള്‍ക്കൊപ്പം മറ്റു വിദ്യാര്‍ഥികളെ കണ്ടുമുട്ടുന്നതിനായി സ്റ്റുഡ൯റ് എക്സ്ചേഞ്ച് എന്ന സിസ്റ്റവും ലഭ്യമായിരുന്നു.
സക്കര്‍ബര്‍ഗ് സ്വന്തമായി thefacebook.com എന്ന സൈറ്റ് തുടങ്ങുന്നതിനും നാല് മാസം മുന്‍പായിരുന്നു ഇത്. പില്‍ക്കാലത്ത് ഫേസ്ബുക്കില്‍ വന്ന പല സംവിധാനങ്ങളും ഗ്രീന്‍സ്പാനുമായുള്ള ചര്‍ച്ചയില്‍ ഉടലെടുത്തവയായിരുന്നു. ഒരുമിച്ചു പ്രവര്‍ത്തിക്കാനുള്ള ആശയം ഇടക്ക് ഉരുത്തിരിഞ്ഞുവെങ്കിലും പിന്നീട് സക്കര്‍ബര്‍ഗ് സ്വന്തമായി സൈറ്റ് തുടങ്ങാനുള്ള ആശയവുമായി മുന്നോട് പോവുകയും വന്‍ വിജയമായ കമ്പനി തുടങ്ങുകയും ചെയ്തു.

നാല് വര്‍ഷങ്ങള്‍ക്കു ശേഷം Authoritas: One Student’s Harvard Admissions and the Founding of the Facebook Era എന്ന പേരില്‍ ഫേസ്ബുക്കിന്റെ ഉദ്ഭവത്തെ കുറിച്ച് ഗ്രീന്‍സ്പാന്‍ ഒരു പുസ്തകം ഇറക്കി. ഒരു ഇന്റര്‍നെറ്റ്‌ ബുക്ക്‌ ആയി ഈ പുസ്തകം ലഭ്യമാണ്.
തിങ്ക്‌ കമ്പ്യൂട്ടര്‍ കോര്‍പ്പറേഷന്‍ എന്ന കമ്പനി തുടങ്ങിയ ഗ്രീന്‍സ്പാന്‍ സക്കര്‍ബര്‍ഗിനയച്ച കത്ത് ഇവിടെ വായിച്ചു നോക്കാവുന്നതാണ്.

എങ്കിലും രസകരമായ മറ്റൊരു വസ്തുത, ഫേസ്ബുക്ക്‌ മോഷണമാണെന്ന ആരോപണം ഉന്നയിക്കുന്ന ആദ്യത്തെ വ്യക്തി ഗ്രീന്‍സ്പാന്‍ അല്ല എന്നുള്ളതാണ്. ഹാര്‍വാര്‍ഡ് കണക്ഷന്‍ (പിന്നീട് ConnectU) എന്ന പേരില്‍ സോഷ്യല്‍ നെറ്റ് വര്‍ക്കിംഗ്‌ സൈറ്റ് തുടങ്ങിയ മൂന്നു സഹപാഠികളുടെ കൂടെ കൂടുകയും അവിടുന്നു സോഴ്സ് കോഡ് ഉള്‍പ്പടെ മോഷ്ടിച്ച് ഫേസ്ബുക്ക്‌ തുടങ്ങുകയും ചെയ്തു എന്ന കേസില്‍ പെട്ട് കുറെ നാള്‍ സക്കര്‍ബര്‍ഗ് കോടതി കയറി.
ഗ്രീന്‍സ്പാനാകട്ടെ വിപണിയില്‍ തരംഗം സൃഷ്ടിക്കാവുന്ന മറ്റൊരു ആശയവുമായി രംഗത്തെത്തുകയും ചെയ്തു. അതാണ്‌ ഫേസ് കാഷ്!

കൊള്ളാവുന്ന ഒരു മൊബൈല്‍ ഫോണ്‍ കയ്യിലുണ്ടെങ്കില്‍ പിന്നെ പണം കൊണ്ടു നടക്കേണ്ട കാര്യമില്ല, മറിച്ച് ഒരു ഫേസ് കാഷ് അക്കൗണ്ട്‌ തുടങ്ങിയാല്‍ മാത്രം മതി.

• ഫേസ് കാഷ് അപ്ലിക്കേഷന്‍ ഫോണിലേക്ക് ഡൌണ്‍ ലോഡ് ചെയ്യുക (ഐ ഫോണ്‍, ആന്‍ഡ്രോയിഡ് , ബ്ലാക് ബെറി തുടങ്ങിയ സ്മാര്‍ട്ട്‌ ഫോണിലേക്ക്)
• ബാങ്ക് അക്കൗണ്ട്‌ നമ്പര്‍, ഡ്രൈവിംഗ് ലൈസന്‍സ് നമ്പര്‍ തുടങ്ങിയവ നല്‍കുക. കൂടെ ഒരു ഫോട്ടോയും അപ്‌ലോഡ്‌ ചെയ്യുക.
• അതോടെ ഒരു പ്രത്യേക ബാര്‍ കോഡ് ഫോണില്‍ ലഭ്യമാകും.
• ഫേസ് കാഷ് വിനിമയ മാര്‍ഗമായി അംഗീകരിക്കുന്ന കടകളില്‍ പോയി ഈ ബാര്‍ കോഡ് കാണിക്കുമ്പോള്‍ അവര്‍ അത് സ്കാന്‍ ചെയ്യുകയും, ഉപയോക്താവിന്റെ ഫോട്ടോ കമ്പ്യൂട്ടറില്‍ തെളിയുന്നത് നോക്കി അവര്‍ കച്ചവടം നടത്തുകയും ചെയ്യും.

മൊബൈല്‍ ഫോണ്‍ വഴിയുള്ള കച്ചവടത്തിന്റെ വിപണി മൂല്യം 2012 ആകുന്നതോടെ 510 ബില്യന്‍ ഡോളര്‍ ആണെന്നാണ് എഡ്ഗാര്‍, ഡണ്‍ ആന്‍ഡ്‌ കമ്പനി പറയുന്നത്.

ഫേസ് കാഷിന്റെ ഏറ്റവും വലിയ പ്രത്യേകത അത് മൂന്നാമതൊരു കക്ഷിയെ ആശ്രയിക്കുന്നില്ല എന്നുള്ളതാണ്. ട്വിറ്ററിന്റെ സമാന സംരംഭമായ സ്ക്വയര്‍ മൊബൈല്‍ ഫോണ്‍ ഉപയോഗിച്ച് ക്രെഡിറ്റ്‌ കാര്‍ഡിലേക്ക്‌ ഒരു കണക്ഷന്‍ നല്‍കുകയാണ് ചെയ്യുന്നത്. മറ്റുള്ള മൊബൈല്‍ സംവിധാനങ്ങളുടെ ന്യൂനത ഈ ക്രെഡിറ്റ്‌ കാര്‍ഡ് ആശ്രയത്വം ആണ്. ഉപയോക്താവിന്റെ വ്യക്തിത്വം ഉറപ്പു വരുത്താനും വിനിമയം പൂര്‍ത്തിയാക്കുവാനും ബില്‍ നല്‍കുവാനും ഒക്കെ സ്വന്തമായി സംവിധാനമുള്ള ഫേസ് കാഷ് പക്ഷെ ഡെബിറ്റ് മാതൃകയിലാണ് പ്രവര്‍ത്തിക്കുന്നത്. അതായത് ബാങ്കില്‍ കാശുണ്ടെങ്കില്‍ മാത്രമേ വാങ്ങാന്‍ പറ്റുകയുള്ളു. വ്യാപാരികള്‍ ഫേസ് കാഷ് സ്വീകരിക്കാന്‍ തയ്യാറാകും എന്ന് തന്നെയാണ് ഗ്രീന്‍സ്പാന്‍ പ്രതീക്ഷിക്കുന്നത്. കാരണം ക്രെഡിറ്റ്‌ കാര്‍ഡ് ഉപയോഗിച്ച് വിനിമയം നടക്കുമ്പോള്‍ 3.2 ശതമാനം കാര്‍ഡ് കമ്പനി കൊണ്ടു പോകും, എന്നാല്‍ ഫേസ് കാഷ് 1.5 ശതമാനത്തില്‍ നില്‍ക്കും.

ഫേസ്ബുക്ക്‌ നഷ്ടമായ ഗ്രീന്‍സ്പാന്‍ ഫേസ് കാഷുമായി വരുന്നത് വെറുതെയാവില്ല!

ഫേസ് കാഷ് എന്ന പേരിനു ഫേസ്ബുക്കുമായി ബന്ധം ഒന്നുമില്ല എന്നാണ് ഗ്രീന്‍സ്പാന്‍ പറയുന്നത്.

ഓര്‍മ്മകള്‍ മരിക്കുമോ?

ആക്ഷനായാലും കണ്ണീരില്‍ മുക്കി പിഴിഞ്ഞെടുത്തതായാലും യൂണിവേഴ്സല്‍ സ്റ്റാറായാലും മെഗാ സ്റ്റാറായാലും ഒട്ടു മിക്ക പടങ്ങളും നീല/കറുപ്പ് പശ്ചാത്തലത്തില്‍ വെളുപ്പ്‌/മഞ്ഞ അക്ഷരങ്ങളില്‍ പേരെഴുതി സമത്വം പാലിച്ചിരുന്നു. ഇരു വശങ്ങളിലേക്കും നീളുന്ന ഒരു ചുവന്ന വരയും ഇടക്ക് കാണാം.

ഇതിനര്‍ത്ഥ൦ എല്ലാ ചിത്രങ്ങളും ഇങ്ങനെ ആണെന്നല്ല. ഫാസില്‍ സംവിധാനം ചെയ്ത ‘പൂവിനു പുതിയ പൂന്തെന്നല്‍’ എന്ന ചിത്രത്തില്‍ വീട്ടില്‍ നിന്ന് ഓടി പോകേണ്ടി വന്ന ബാലന്‍ ഒറ്റപ്പെടുന്ന അവസ്ഥ പശ്ചാത്തലത്തില്‍ രേഖാ ചിത്രങ്ങളായി പ്രത്യക്ഷപ്പെടുന്നു. അധികം ചെലവില്ലാതെ തന്നെ വ്യത്യസ്തമായ ടൈറ്റിലുകള്‍ ആ സിനിമ നല്‍കി. പുതുതായി ഇറങ്ങുന്ന ചിത്രങ്ങള്‍ എല്ലാം തന്നെ അവതരണം വ്യതസ്തമാക്കാറുണ്ട്. ആഷിക് അബു സംവിധാനം ചെയ്ത ‘ഡാഡി കൂള്‍’ തീര്‍ത്തും സ്റ്റൈലിഷ് ആയി തന്നെ ടൈറ്റില്‍സ് നല്‍കി.

ഹോളിവുഡ് സിനിമകളില്‍ വളരെ ചെലവു ചെയ്ത് തന്നെ ഓപ്പണി൦ഗ് ക്രെഡിറ്റ്സ് സൃഷ്ടിക്കാറുണ്ട്. സിനിമയിലേക്ക് പ്രേക്ഷകനെ തുടക്കം മുതല്‍ തന്നെ ആകര്‍ഷിക്കാനും, ചിലപ്പോഴൊക്കെ സിനിമയില്‍ നിന്ന് എന്താണ് പ്രതീക്ഷിക്കേണ്ടത് എന്നതിനെ കുറിച്ച് ഒരു ധാരണ നല്‍കാനും ഇത് സഹായകരമാകാറുണ്ട്.

1) Catch Me If You Can (2002)
ഫ്രാങ്ക് അബഗ്നേല്‍ എന്ന പ്രശസ്ത തട്ടിപ്പ് വീരന്റെ ആത്മകഥ അടിസ്ഥാനമാക്കി സ്പീല്‍ബെര്‍ഗ് സംവിധാനം ചെയ്ത ചിത്രം. 19 വയസാകുന്നതിനു മുന്‍പേ ഫ്രാങ്ക് പാന്‍ അമേരിക്കന്‍ എയര്‍ വേയ്സ് ഉള്‍പ്പടെ അനേകം സ്ഥാപനങ്ങളെ വ്യാജ ചെക്കുകള്‍ നല്‍കി കോടിക്കണക്കിനു ഡോളറുകള്‍ കവര്‍ന്നു. പൈലറ്റായു൦ ഡോക്ടറായും അഭിഭാഷകനായും ഒക്കെ വേഷമിട്ട് ആള്‍ക്കാരെ സമര്‍ഥമായി ഫ്രാങ്ക് കബളിപ്പിച്ചു. ഒടുവില്‍ പിടിയിലാവുകയും, ജയില്‍ വാസത്തിനു ശേഷം സമാനമായ തട്ടിപ്പുകള്‍ തടയാന്‍ എഫ്.ബി.ഐ യെ സഹായിക്കുകയും ചെയ്യുന്നു.

2) Snatch (2000)
ഗൈ റിച്ചി സംവിധാനം ചെയ്ത ഈ ചിത്രത്തില്‍ മനോഹരമായി എഡിറ്റ്‌ ചെയ്ത് സൃഷ്‌ടിച്ച ഒരു സീക്വന്‍സ് ഉണ്ട്. സമാന്തരമായി വികസിക്കുകയും പിന്നീട് ഒന്നാവുകയും ചെയ്യുന്ന കഥാ തന്തുക്കള്‍ ഉള്ള ഈ ചിത്രം റിച്ചിയുടെ തന്നെ Lock, Stock and Two Smoking Barrels ചിത്രത്തിന്റെ ശൈലിയില്‍ ഉള്ളതാണ്.

3) Casino Royale (2006)

ഡാനിയല്‍ ക്രെയ്ഗ് ബോണ്ടിനെ അവതരിപ്പിച്ചു തുടങ്ങിയതിനൊപ്പം, നാല്‍പ്പതു വര്‍ഷത്തിനു ശേഷം ജെയിംസ് ബോണ്ടിന്റെ കഥ ആദ്യം മുതല്‍ ആരംഭിക്കുകയും ചെയ്തു. പ്രശസ്തമായ ഗണ്‍ ബാരല്‍ സീക്വന്സിനൊപ്പം ചീട്ടുകള്‍ കൊണ്ടുള്ള മനോഹരമായ അനിമേഷന്‍സ് കാണാം.

4) Thank You For Smoking (2005)

ജേസണ്‍ റെയ്റ്റ്മാന്‍ സംവിധാനം ചെയ്ത ഈ ചിത്രത്തില്‍ അണിയറ പ്രവര്‍ത്തകരുടെ പേരുകള്‍ എല്ലാം തന്നെ സിഗരറ്റ് കവറുകളില്‍ സമര്‍ത്ഥമായി ഉള്‍കൊള്ളിച്ചിരിക്കുന്നു.

5) Kiss Kiss Bang Bang (2005)
ഷെയിന്‍ ബ്ലാക്ക് സംവിധാനം ചെയ്ത ഈ ചിത്രത്തിലും നല്ലൊരു അനിമേറ്റഡ് അവതരണം കാണാം.

6) Eurotrip (2004)
ജെഫ് ഷാഫെര്‍ സംവിധാനം ചെയ്ത, ചിലര്‍ക്കെങ്കിലും ഇഷ്ടപെടാന്‍ സാധ്യത ഇല്ലാത്ത, എന്നാല്‍ ചിലര്‍ക്ക് ഒരു പാടു ഇഷ്ടപ്പെടുന്ന കോമഡി ചിത്രം.

7) It’s a Mad, Mad, Mad, Mad World (1963)
സ്റ്റാന്‍ലി ക്രാമര്‍ സംവിധാനം ചെയ്ത 2D അനിമേഷന്റെ സാദ്ധ്യതകള്‍ ഓപ്പണി൦ഗ് ക്രെഡിറ്റ്സില്‍ ഉപയോഗിച്ച ഒരു പഴയ കോമഡി ചിത്രം.

8 ) Superbad (2007)
ഗ്രെഗ് മൊട്ടോല സംവിധാനം ചെയ്ത ഈ കോമഡി ചിത്രത്തില്‍ നിഴല്‍ രൂപങ്ങള്‍ ഉപയോഗിച്ചുള്ള മനോഹരമായ അവതരണം കാണാം

9) Pi (1998)
ഡാരന്‍ അരനോഫ്സ്കി സംവിധാനം ചെയ്ത ഈ സൈക്കോ ത്രില്ലറിന്റെ ടൈറ്റിലുകള്‍ ഏറ്റവും കുറഞ്ഞ ചെലവില്‍ സൃഷ്ടിച്ചതാണ്.

10) The Pink Panther (2006)
ഷോണ്‍ ലെവി സംവിധാനം ചെയ്ത പിങ്ക് പാന്തെര്‍ റീ-മേക്ക്

ആകാംക്ഷ അടക്കാന്‍ വയ്യാത്തവര്‍ക്ക് മാപ്സ് എടുത്തു പരിശോധിക്കാം.
ദാ ഇവിടെ…

കാറ്റ് കൊള്ളാനിറങ്ങിയ വേറൊരാള്‍ ഇവിടുണ്ട്…
ദോ ഇവിടെ…

ഗൂഗിള്‍ മാപ്സില്‍ മാത്രം കാണാവുന്ന കാഴ്ചകള്‍ പലതുമുണ്ട്.
ലാഡ൪ 49, ഫേസ്/ഓഫ്‌ തുടങ്ങിയ ചിത്രങ്ങളിലഭിനയിച്ച ജോണ്‍ ട്രവോള്‍ട്ടക്ക് ഫ്ലോറിഡയില്‍ സ്വന്തമായി ഒരു എയര്‍ പോര്‍ട്ടും ഒരു കൊച്ചു വീടും ഉണ്ട്. ആര്‍ക്കിടെക്ചറല്‍ ഡൈജസ്റ്റ് മാസികയില്‍ പുള്ളിക്കാരന്റെ വീടും വിമാനവുമൊക്കെ പ്രത്യക്ഷപ്പെട്ടിട്ടുണ്ട്.

ദോ, ഇവിടെ നോക്ക്…റണ്‍ വേയും വീടും കാണാം.

മനോജ്‌ ശ്യാമളന്റെ സൈന്‍സ് എന്ന ചിത്രം കണ്ടവര്‍ക്ക് അതിലെ ക്രോപ് സര്‍ക്കിളുകള്‍ ഓര്‍മ കാണും. അത് പോലെ ഒരെണ്ണം ഒറിഗോണ്‍ എന്ന അമേരിക്കന്‍ സ്റ്റേറ്റിലും ഉണ്ട്. പക്ഷെ അന്യഗ്രഹ ജീവികളൊന്നും ഒപ്പിച്ച പണി അല്ല…മറിച്ച് ഫയര്‍ ഫോക്സ് പ്രേമികളുടെ സൃഷ്ടി ആണ്. ഫയര്‍ ഫോക്സ് ലോഗോ ഒരു ക്രോപ് സര്‍ക്കിള്‍ ആക്കി മാറ്റി കളഞ്ഞു വിരുതന്മാര്‍.
മാപ്സില്‍ മാത്രം കാണാന്‍ പറ്റുന്ന കാഴ്ച വേണേല്‍ ഇവിടെ കണ്ടോ.

KFC ചിക്കനും ഇതേ പണി കാണിച്ചു…ഗൂഗിള്‍ മാപ്സില്‍ സൗജന്യമായി ഒരു പരസ്യം ഒപ്പിച്ചു! കൊക്ക കോളയും മോശമല്ല..!

ഗൂഗിള്‍ സ്ട്രീറ്റ് വ്യൂ കുറെ രാജ്യങ്ങളുടെ മാപ്പില്‍ ഇപ്പൊ ലഭ്യമാണ്. 360° യില്‍ പനോരമിക് കാഴ്ചകള്‍ കാണാന്‍ കഴിയുന്ന ഈ സംവിധാനത്തില്‍ രസികന്‍ കാഴ്ചകള്‍ കുറച്ചൊന്നുമല്ല ഉള്ളത്. സ്ട്രീറ്റിന്റെ പടം പിടിക്കാന്‍ ഗൂഗിളമ്മാവന്‍ ക്യാമറ ഫിറ്റ്‌ ചെയ്ത, സ്ട്രീറ്റ് കാര്‍ എന്ന് വിളിക്കുന്ന ഒരു വണ്ടിയില്‍ കറങ്ങാനിറങ്ങും. വണ്ടി പോകുന്ന വഴി മുഴുവന്‍ ഫോട്ടോ പിടിച്ചു പനോരമിക് ചിത്രങ്ങളായി മാപ്സില്‍ പ്രത്യക്ഷപ്പെടും. സ്വകാര്യതയെ ഹനിക്കുന്നു എന്ന് പറഞ്ഞു കുറേപ്പേര്‍ ഒരു വശത്ത് മുറവിളി കൂട്ടുന്നുമുണ്ട്. കാരണം വേറൊന്നുമല്ല, പബില്‍ കയറി വാള് വെച്ചു തിരിച്ചിറങ്ങാന്‍ നേരത്തോ, ബിക്കിനി ഇട്ടു നില്‍ക്കുമ്പോഴോ, സ്ട്രിപ് ക്ലബ്ബില്‍ കേറാന്‍ നില്ക്കാന്‍ നേരത്തോ ഒക്കെ ആയിരിക്കും ഗൂഗിള്‍ ഫോട്ടോ എടുത്തു മുങ്ങുന്നത്.ഗൂഗിളിന്റെ ക്യാമറ വണ്ടി വരുന്നതറിഞ്ഞ് അതിന്റെ പിന്നാലെ സ്കൂബ ഡൈവിംഗ് വേഷം ഒക്കെ ഇട്ടു ഹാര്‍പൂണ്‍ കൊണ്ട് ഓടി വരുന്ന രണ്ടു അണ്ണന്മാരെ സ്ട്രീറ്റ് വ്യൂ എടുത്താല്‍ കാണാം. നോര്‍വേയിലെ ബെര്‍ഗെന്‍ എന്നാ സ്ഥലത്തുള്ളവരാണ് പഹയന്മാര്‍.

ഇവിടെ ക്ലിക്കിയാല്‍ കാണാം…

ഡാളസില്‍ കെന്നെഡി വെടിയേറ്റു വീണ സ്ഥലവും മാപ് നോക്കിയാല്‍ കാണാം. ഒരു ‘X’ അടയാളം കാണുന്നില്ലേ? ഇവിടെ നോക്ക്…

ഇനി എംപയര്‍  സ്റ്റേറ്റ് ബില്‍ഡിംഗ്‌ സ്ട്രീറ്റ് വ്യൂവില്‍ കാണാം.

അവസാനമായി, ഈ മാപ്പില്‍ ഒരു മുഖം കാണാന്‍ കഴിയുന്നുണ്ടോ? സൂക്ഷിച്ചു നോക്ക്…

ഒരു ടച് സ്ക്രീന്‍ ടാബ് ലെറ്റ്‌ കമ്പ്യൂട്ടര്‍ എന്ന ആപ്പിളിന്റെ സങ്കല്പത്തിന്റെ ഒരു കൊച്ചു പതിപ്പാണ്‌ ഐ പോഡ് അല്ലെങ്കില്‍ ഐ ഫോണ്‍. ആപ്പിള്‍ സ്വന്തമാക്കിയ ഫിങ്ങര്‍വര്‍ക്സ് എന്ന ടച്ച്‌ ഇന്റര്‍ഫേസ് കമ്പനിയുടെ സാങ്കേതിക വിദ്യ പിന്‍ബലം നല്‍കുകയും ചെയ്തു. പത്രങ്ങളും മാസികകളും വായിക്കുന്ന രീതി തന്നെ ഐ സ്ലേറ്റ് മാറ്റി മറിക്കും എന്നാണ് ഓരോരുത്തരുടെ വിശ്വാസം…

ഇന്നേ വരെ ചെയ്തിട്ടുള്ളതില്‍ വെച്ച് ഏറ്റവും മികച്ചതാണ് ഈ ഐ സ്ലേറ്റ് എന്ന് സാക്ഷാല്‍ സ്റ്റീവ് ജോബ്സ് പറഞ്ഞു എന്നാണ് മറ്റൊരു കഥ.അതിനെ പറ്റി കൂടുതല്‍ ഇവിടെ.
എന്തായാലും കഥകള്‍ ഒരിക്കലും അവസാനിക്കില്ല, ആപ്പിള്‍ മറിച്ചു തീരുമാനിക്കും വരെ.

അതിനു ശേഷം സാധാരണ ഉപയോഗിക്കുന്ന ഒരു വാക്കിനു പകരം നിങ്ങളുടെ ഭാവനയില്‍ വിരിയുന്ന ഒരെണ്ണം ചേര്‍ക്കുക.
Please എന്നുള്ളതിന് പകരം Pleace എന്നൊക്കെ ചേര്‍ക്കാം. The എന്നുള്ളതിന് പകരം sex എന്നൊക്കെ വെച്ചാല്‍ സംഗതി ജോര്‍ ആകും…

2) സുഹൃത്തിന്റെ കമ്പ്യൂട്ടറില്‍ ചെന്ന് എല്ലാ ആപ്ളിക്കേഷനും മിനിമൈസ് ചെയ്യുക. എന്നിട്ട് ഡെസ്ക്ടോപ്പിന്റെ സ്ക്രീന്‍ ഷോട്ട് എടുക്കുക(Ctrl + PrtScr)
പെയിന്റ് തുറന്നു Ctrl + V(Paste) ചെയ്തിട്ട് ഇമേജ് എവിടെയെങ്കിലും സേവ് ചെയ്യുക. ഡെസ്ക്ടോപ്പില്‍ റൈറ്റ് ക്ലിക്ക് ചെയ്തു ‘Arrange icons by > Show desktop icons’ അണ്‍-ചെക്ക് ചെയ്യുക.

ഇത് ചെയ്തു കഴിയുമ്പോള്‍ ഡെസ്ക്ടോപ്പില്‍ ഐക്കണ്‍ ഒന്നും വരില്ല, വാള്‍പേപ്പര്‍ മാത്രം ഉണ്ടാകും. തുടര്‍ന്ന്‍ Desktop > Properties > Display എടുത്തു വാള്‍പേപ്പര്‍ മാറ്റുക…നമ്മള്‍ ആദ്യം സേവ് ചെയ്ത ടെസ്ക്ടോപിന്റെ സ്ക്രീന്‍ ഷോട്ട് സെറ്റ് ചെയ്യുക. ഇപ്പോള്‍ ‘ഡെസ്ക്ടോപ്പ്’ തികച്ചും സാധാരണമെന്നെ തോന്നു..വാള്‍പേപ്പറിലെ ഐക്കണ്‍ ക്ലിക്ക് ചെയ്തു മടുക്കുമ്പോള്‍ ഒരു ‘കൈ’ സഹായം കൊടുക്കാവുന്നതാണ്.

3) ആദ്യം തന്നെ ഇന്റര്‍നെറ്റ്‌ എക്സ്പ്ലോററിന്റെ ഷോര്‍ട്ട് കട്ട്‌ ഡെസ്ക്ടോപ്പില്‍ നിന്ന് ഡിലീറ്റ് ചെയ്യുക. തുടര്‍ന്നു ഡെസ്ക്ടോപ്പില്‍ റൈറ്റ് ക്ലിക്ക് ചെയ്തു ‘ New > Shortcut ‘ എടുക്കുക. ലൊക്കേഷ൯ ചോദിക്കുമ്പോള്‍ താഴെ കൊടുത്തിരിക്കുന്നത്‌ പേസ്റ്റ് ചെയ്യുക.

shutdown -s -t 45 -c “Your machine is isolated from network due to continuous access to restricted websites”

Next ക്ലിക്ക് ചെയ്യുക. അടുത്ത ഫീല്‍ഡില്‍ Internet Explorer എന്ന് ടൈപ്പ് ചെയ്യുക. ഇപ്പോള്‍ ഡെസ്ക്ടോപ്പില്‍ ഒരു ഐക്കണ്‍ മിന്നി തിളങ്ങുന്നുണ്ടാകും. അതില്‍ റൈറ്റ് ക്ലിക്ക് ചെയ്തു Properties എടുക്കുക. Change icon ക്ലിക്ക് ചെയ്തു, ബ്രൌസ് ചെയ്തു Internet Explorer ഐക്കണ്‍ സെലക്ട്‌ ചെയ്യുക. ഇപ്പോള്‍ ഇന്റര്‍നെറ്റ്‌ എക്സ്പ്ലോറ൪ പോലെ ഇരിക്കുന്ന ഒരു ഷോര്‍ട്ട് കട്ട്‌ നമ്മള്‍ സൃഷ്ടിച്ചു കഴിഞ്ഞു…ക്ലിക്കിയാല്‍ ഷട്ട് ഡൌണ്‍ ആയി പോകുമെന്ന് മാത്രം

4) വളരെ സൂക്ഷിച്ചു ചെയ്യേണ്ട ഒരു വിദ്യ ആണ് അടുത്തത്… Start > Run എടുക്കുക. regedit എന്ന് എന്റര്‍ ചെയ്യുക.
HKEY_CURRENT_USER\Control Panel\Colors എന്ന കീ എടുക്കുക. File > Export എടുത്തു ഈ കീ എവിടെയെങ്കിലും സേവ് ചെയ്തു വെക്കുക. തരിച്ചു പഴയത് പോലെ ആക്കാന്‍ ഇത് import ചെയ്‌താല്‍ മതി.
Data എന്ന കോളത്തിലാണ് വിവിധ വിന്‍ഡോകളുടെ RGB വാല്യൂ സെറ്റ് ചെയ്തു വെച്ചിരിക്കുന്നത്. അതില്‍ ഡബിള്‍ ക്ലിക്ക് ചെയ്തു എല്ലാം 0 0 0 എന്ന് സെറ്റ് ചെയ്യുക(പൂജ്യത്തിനു ശേഷം ഒരു സ്പേസ് ഉണ്ടെന്നു മറക്കണ്ട). ഇത്രയും ചെയ്‌താല്‍ സ്ക്രീന്‍ ശൂന്യമായി കിട്ടും…സൂക്ഷിച്ചു ചെയ്തില്ലെങ്കില്‍ registry കറപ്റ്റ് ആയി കമ്പ്യൂട്ടര്‍ പോയികിട്ടും…

എല്ലാം പരീക്ഷിച്ചു നോക്കുക…എല്ലാ ഭാവുകങ്ങളും നേരുന്നു…!

1) പാനിക്
ഒരു കൊച്ചു ഫയര്‍ ഫോക്സ് എക്സ്റ്റന്‍ഷന്‍ ആണിത്. ആകെ ചെയ്യേണ്ടത് ഒരു പാനിക് യു ആര്‍ എല്‍ സെറ്റ് ചെയ്യുക എന്നതാണ്. ഉദാ:-http://msdn.microsoft.com/. പിന്നെ ഒരു കീ അസൈന്‍ ചെയ്തു കൊടുക്കുക. പിന്നെ മനസ്സിനെ ശാന്തമാക്കി ബ്രൌസിംഗ് തുടങ്ങുക. ഒരു 10 ട്വീറ്റ് ഇട്ടു കഴിയുമ്പോളായിരിക്കും ആരെങ്കിലും പിന്നില്‍ വരുന്നത്…ആ നിമിഷം തന്നെ നേരത്തെ സെറ്റ് ചെയ്ത കീ അമര്‍ത്തുക. ഞൊടിയിടയില്‍ എല്ലാം ക്ലോസ് ആയി നമ്മുടെ പാനിക് യു ആര്‍ എല്‍(http://msdn.microsoft.com/) പൊങ്ങി വരും.

എക്സ്റ്റന്‍ഷന്‍ ദാ ഇവിടെ കിട്ടും – https://addons.mozilla.org/en-US/firefox/addon/6367

2) മാജിക്‌ ബോസ്സ് കീ
തട്ടിപ്പ് കാണിക്കാനുള്ള അടുത്ത വിദ്യ. മാജിക്‌ ബോസ്സ് കീ എന്ന ഫ്രീവെയര്‍ ഉപയോഗിച്ച് കീ സെറ്റ് ചെയ്തു വെക്കുക. ആവശ്യം വരുമ്പോ ഭഗവാനെ ധ്യാനിച്ച് അമര്‍ത്തുക. അത് വരെ തുറന്നു വെച്ച എല്ലാ വിന്‍ഡോയും ഞൊടിയിടയില്‍ അപ്രത്യക്ഷമായിക്കൊള്ളും. പൊടി പോലും കണ്ടുപിടിക്കാന്‍ പറ്റില്ല. ഒന്ന് കൂടി കീ അമര്‍ത്തിയാല്‍ എല്ലാം വീണ്ടും പൊങ്ങി വന്നുകൊള്ളും.

ദാ കിടക്കുന്നു – http://www.magictweak.com/freeutil/magicboss/magicboss.php

3) ഹൈഡ് ടാബ്
വീണ്ടും ഒരു ഫയര്‍ ഫോക്സ് എക്സ്റ്റന്‍ഷന്‍. പതിവ് പോലെ പാനിക് യു ആര്‍ എല്‍ സെറ്റ് ചെയ്യുക. പിന്നെ Ctrl+Q അമര്‍ത്തിയാല്‍ അത് വരെ തുറന്നു വെച്ച ടാബുകള്‍ എല്ലാം സ്റ്റാറ്റസ് ബാറില്‍ ഒരു കുഞ്ഞു ഐക്കണ്‍ ആയി ഒളിഞ്ഞു കിടന്നോളും. പകരം നമ്മുടെ പാനിക് പേജ് പൊങ്ങി വരും. പിന്നെ Ctrl+Alt+Q അടിച്ചു എല്ലാത്തിനെയും പൊക്കി എടുക്കാം.

ഇവിടെ – http://hidetab.com/

4) വിന്‍ഡോസ്‌ ഹൈഡീ
ഒരു നിമിഷാര്‍ധം കൊണ്ട് അത് വരെ തുറന്ന വിന്‍ഡോസ്‌ അദൃശ്യമാക്കികളയും. അത് പോലെ തന്നെ സെറ്റ് ചെയ്ത കീ ഞെക്കുമ്പോള്‍ എല്ലാം പുനഃസ്ഥാപിക്കപ്പെടും.

ചുമ്മാ നോക്ക് – http://www.xigga.com/hidie/

5) ഡാഡ്’സ് എറൌണ്ട്
ഇതൊന്നും പറ്റില്ലെങ്കില്‍ വേറൊരെണ്ണ൦. കൂടുതല്‍ ഓപ്ഷ൯സ് ഉണ്ട്.

ഇവിടെ – http://elitefreeware.blogspot.com/2009/01/dads-around-is-simple-and-portable-boss.html

6) ഇത്രയും ആയ സ്ഥിതിക്ക് ഇവിടെ കൂടെ ഒന്ന് കയറിയിട്ട് പോ..

http://www.vanishd.com/

ഹാപ്പി ട്വീറ്റിങ്ങ്…!

ഈ വീഡിയോ നോക്കൂ…

നാളെ നിങ്ങളുടെ സുഹൃത്തിന്റെ ഫോട്ടോ എടുത്താല്‍ ഗൂഗിള്‍ എന്തൊക്കെ വിവരങ്ങളാകും  നല്‍കാന്‍ പോകുന്നത്?

ചില ചിത്രങ്ങള്‍ (പി സി വേള്‍ഡില്‍ നിന്ന് ചൂണ്ടിയത്)