ஜும்ஆ

கலிமா மொழிந்த மதகுரு! கானொலி இணைப்பு

noreply@blogger.com (Unknown) — Thu, 14 Aug 2014 11:33:00 +0000

அல்லாஹ்வின் திருனாமத்தை கோழியே உச்சரிக்க!!!. மணிதன் கோழியை கொலை செய்யும் கானொலி.

noreply@blogger.com (Unknown) — Fri, 01 Aug 2014 03:55:00 +0000

அல்லாஹ்வின் திருனாமத்தை கோழியே உச்சரிக்க!!!.
மணிதன் கோழியை கொலை செய்யும் கானொலி.

(இலங்கையின் மலைநாட்டுப் பகுதியில் கோழி இறைச்சிக்கடைகளில் குர்பான் செய்யும் முறை)

தெஹிவளை கல்வல வீதி மதரஸாவுக்கு எதிரான ஆர்ப்பாட்டம்

noreply@blogger.com (Unknown) — Sat, 03 Dec 2011 02:57:00 +0000

தெஹிவளை பிரதேசத்தில் கல்வல வீதியில் அமைந்துள்ள சிறுவர் மதரஸா ஒன்றுக்கு எதிராக ஆர்ப்பாட்டம் ஒன்று இடம்பெற்றுள்ளது. தெஹிவளை பிரதேசத்தின் கல்வல வீதி மிருகக்காட்சி சாலைக்கு பின்புறம் அமைந்துள்ள சிறுவர் மதரஸாவாகவும் , மஸ்ஜித்தாகவும் இயங்கிவந்த கட்டடத்திற்கு எதிராகவே அந்த ஆர்ப்பாட்டம் பெளத்த பிக்குகள் தலைமையில் இடம்பெற்றுள்ளது .

குறித்த கட்டிடம் சட்டவிரோதமான கட்டடம் என்றும், அனுமதி பெறாமல் மஸ்ஜித்தாக இயங்குவதாகவும் கூறியே அதற்கு எதிராக ஆர்பாட்டம் மேற்கொள்ளபட்டுள்ளது. கடந்த 26 ஆம் திகதி பெளத்த பிக்குகள் தலைமையில் பேரணியாக சென்ற ஆர்ப்பாட்டம் குறித்த மதரஸாவை சூழ்ந்து அங்கு நுழைந்துள்ளது எனினும் போலீசார் அதை தடுத்து நிறுத்தியுள்ளனர் என்று அந்த பிரதேச மக்கள் தெரிவிக்கின்றனர். குறித்த மதரஸா 140 பேர்ச் கொள்வனவு செய்யப்பட்ட காணியில் சிறிய மதரஸாவாக இயங்கி வருவதாக பிரதேசவாசிகள் தெரிவித்தனர்.

கடந்த ஜூன் மாதம் கொழும்பு தெஹிவளை கல்போவில பாத்தியா மாவத்தையில் அமைந்துள்ள அல் பௌசுல் அக்பர் மதரஸா, மஸ்ஜித் ஒன்றுக்குள் பெளத்த மதகுருமார்கள் சிலர் நுழைந்து அதனை மூடிவிடுமாறு எச்சரிக்கை விடுத்ததை தொடந்து அது மூடப்படும் அச்சுறுத்தலை எதிர்கொண்ட போதும் உரிய நேரத்தில் சமூக தலைமைகளும் , அரசியல் பிரதிநிதிகள் சிலர் மேற்கொண்ட நடவடிக்கைகளால் இன்று பௌசுல் அக்பர் மதரஸா, மஸ்ஜித் முழு அளவில் இயங்கிவருகின்றது என்பது குறிப்பிடத்தக்கது.

அல் பௌசுல் அக்பர் மதரஸா, மஸ்ஜித்திற்கு தேவையான போது போலீஸ் பாதுகாப்பும் வழங்கப்பட்டு வருகின்றது என்று பாத்தியா மாவத்தை மஹல்லா வாசிகள் தெரிவித்தனர்.

பெளத்த பிக்குகள் தலைமயிலான ஆர்பாட்டத்தைத் தொடர்ந்து தற்போது அந்த குறித்த மதரஸா மற்றும் மஸ்ஜித் போலீசாரினால் மூடப்பட்டுள்ளது என்று அறிய முடிகின்றது .

வஹ்ஹாபிப் பணம் வருவதால் இலங்கையில் இஸ்லாம் வளரவில்லை!

noreply@blogger.com (Unknown) — Thu, 17 Nov 2011 01:18:00 +0000

“அஜ்மான் ஸஹ்ரானி”. பலரிற்கும் தெரியாத பெயர். பெயரை தெரிந்த சிலரிற்கு அவர் புரியாத புதிர். இலங்கை, இந்தியா போன்ற தேசங்களில் தவ்ஹீத் பள்ளிவாசல்களை அமைக்க பணம் கொடுக்கும் மனிதர். எமது இஸ்லாமிய இயக்கங்களிற்கு அவர் ஒரு “தஃவாவின் கோட் பாதர்”. இன்று அரபு ஸ்டிக்கர் ஒட்டிய வேன்களில் டிப்டொப் தஃவா செய்யும் இஸ்லாமிய இயக்கங்கள் அவர் மடியில் விளையாடும் பூனைக்குட்டிகள்.

அமெரிக்காவின் (இரண்டாம் ஸியோனிஸ தேசம்) முகங்கள் பல. அதில் நோர்வேயும் ஒன்று. நாம் அறியாத முகங்களும் இப்போது வெளிவருகின்றன. அதில் ஒன்று குவைத். இலங்கையில் “இகாமத்தே தீன்” என்று முழங்கிய இஸ்லாமிய இயக்கத்திற்கு லாடம் கட்டிய தேசம். இதன் பூரண கட்டுப்பாடு ஸஹ்ரானி வசமே. சவுதி அரேபியாவின் அரம்கோ வளாகத்தினுள் பாதுகாப்பாக குடியிருக்கும் சீ.ஐ.ஏ. யின் முக்கிய பங்காளி. கட்டாரிலும் கூடாரமிட்டு இஹ்வான்களை விலை பேசும் வியாபாரி இவர்.

இந்த பின்புல களத்தில் இலங்கையில் இன்றைய நிலை பற்றி சகேதரர் அசீஸ் நிசார்தீன் எழுதிய கட்டுரையின் பகுதி இது. நாம் சொல்ல வரும் விடயத்தை உணர்வுகளால் விளங்க முற்படாதீர்கள். மூளையினால் வடிகட்டிப் பாருங்கள். பல உண்மைகள் புரியும்.

அரபு பணம் இலங்கையில் வந்து குவிந்துக் கொண்டிருக்கிறது. பாதை நெடுகிலும் பள்ளிவாசல்கள் நாளுக்கு நாள் முளைத்துக் கொண்டிருக்கின்றன. விரல் ஆட்ட ஒரு பள்ளிவாசல், விரல் நீட்ட ஒரு பள்ளிவாசல், அது அவர்களின் பள்ளிவாசல், இது இவர்களின் பள்ளிவாசல் முஸ்லிம் சமூகம் முரண்பட்டு , பிரச்சினைப் பட்டு, பிரிந்து கிடக்கிறது. பாவம் பாமர மக்கள் ! இந்த றியால், தீனார் தஃவா காரர்களின் பின்னணி புரியாமல் நடு வீதியில் தட்டுத் தடுமாறி திணறி நின்றுக்கொண்டிருக்கின்றார்கள்.

ஒற்றுமையை உரத்துப் பேசி பேசி ஒருவரின் உதிரத்தை மற்றவர் உறிஞ்சி உறிஞ்சி குடித்துக் கொண்டிருக்கிறார்கள். வஹாபிஸம் என்ற சஊதி, குவைத் மன்னராட்சியை மறைமுகமாய் பாதுகாக்கின்ற சித்தாந்தம் பொது ம்ககளை மட்டுமல்ல அவர்களிடம் பணம் வாங்கும் கூலிப்பட்டாளத்தைக் கூட குறி வைத்து பிரித்துத் தான் வைத்திருக்கிறது. அத்தனை இயக்கங்களும் இந்த வஹ்ஹாபி பணத்தில் வாழ்ந்துக் கொண்டிருப்பவையே.

வஹ்ஹாபி பணத்தில் போஷிக்கப்படும் அத்தனை இயக்கங்களும் நாளுக்கு நாள் முரண்பாட்டை தமக்கிடையே வளர்த்து முரண்பட்டு பிரிந்து செல்வதை நாம் பார்த்துக்கொண்டுதான் இருக்கிறோம். வஹ்ஹாபிப் பணம் வருவதால் இங்கு இஸ்லாம் வளரவில்லை. வன்முறை வளர்ந்திருக்கிறது. ஒற்றுமை குறைந்திருக்கிறது. இவையெல்லாம் உருவானது தனக்கென தனித்தனி பள்ளிவாசல் உருவாவதன் பின்னால் தான் என்ற உண்மையை நாம் பலாத்கதரமாகவே மறந்தும் இரு்க்கிறோம். தனித்தனி பள்ளிவாசலின் உருவாக்கம் ஒற்றுமையை தவிடுபொடியாக்கி இருக்கிறது.

ஒற்றுமையை சீர்குலைக்கும் தனித் தனி பள்ளிவாசல் கலாசாரத்தை இஸ்லாம் அங்கீகரிக்கின்றதா?குறைஷிக் காபிர்களால் றசூலுல்லாஹ்விற்கு கஃபாவில் வணங்க தடை வந்த போது மக்காவில் வாழத் தடை வந்த போது நபி (ஸல்) அவர்கள் என்ன செய்தார்கள்? தனது கொள்கையை மாற்றிக்கொண்டு, கஃபாவை அபூஜஹ்லுக்கும், அபூலஹபுக்கும் கொடுத்துவிட்டு மதீனாவில் கஃபாவைப்போல் பள்ளிவாசல் ஒன்றைக் கட்டிக்கொண்டு மறைந்து வாழ்ந்திருக்கலாமே? அப்படி வாழ்ந்திருந்தால் மக்கா வெற்றி என்று ஒன்று வரலாற்றுக்கு வந்திருக்குமா?

றஸுலுல்லாஹ்வின் தஃவா இஸ்லாத்தின் கொடியின் கீழ், ஒரே தலைமைத்துவத்தின் அனைவரையும் ஒன்று திரட்டுவதாகவே இருந்தது. அனைத்து கோத்திரங்களையும், குழுக்களைகயும் , கொள்கைகளையும் ஓரணியில் திரட்டி பிரிவினைக்கு முற்றுப்புள்ளி வைத்தார்கள். பிரிவினையையும் பிரச்சினைகளையும் இல்லாதொழிக்கும் மத்திய நிலையங்களாக மஸஜித்கள் செயலாற்றின.

இன்று நிலைமை தலைகீழாக மாறியிருக்கிது. பிரிவினைக்காகவே பள்ளிவாசல்கள் உருவாகின்றன. உருவாக்கப்படுகின்றன. “அல்லாஹ்வின் கயிற்றைப் பலமாக பற்றிப்பிடியுங்கள். பிரிந்து விடாதீர்கள்” என்று அல்குர்ஆன் அறைகூவல் விடுகிகிறது. அல்லாஹ்வின் இல்லங்களாலேயே நாங்கள் பிளவு பட்டு நிற்கின்றோம். ஒற்றுமையாய் வாழுங்கள் என்ற அல்லாஹ்வின் அறைகூவலையே நாம் அலட்சியப்படுத்தியிருக்கிறோம். பிரிவினைக்காகவே உருவாகின்ற இந்த பள்ளிவாசல்களின் பின்னணி என்னவாக இருக்கும் என இதுவரை யாரும் சிந்திக்காமலேயே இருந்து வருகிறோம்.

தஃவா என்ற போர்வையில் நற்செயல்கள் என்ற போலி முலாம் பூசி வந்து சேர்கின்ற இந்த அரபு பணத்தின் பின்னணி என்ன? என்பதை யாரும் சிந்திக்காமல் விட்டதன் விளைவை இலங்கை முஸ்லிம் சமூகம் இன்று அனுபவித்துக் கொண்டிருக்கிறது.

தனத நாட்டில் இஸ்லாத்தைப் பாதுகாக்க முடியாத அரபிகள்,

தனது நாட்டில் மனித நேயத்தைப் பாதுகாக்காத அரபிகள்

எப்படி மற்றைய நாடுகளில் இஸ்லாத்தைப் பாதுகாக்க முடியும்?

இந்த அரபு நாடுகளில் மஸ்ஜித்கள் ஏராளம் இருக்கின்றன. ஆனால் அவர்களிடம் இஸ்லாம் இருக்கின்றதா? அந்த நாட்டுக்கு பயணம் செய்யும் மாற்று மதத்தைச் சேர்ந்த ஒருவருக்கு இஸ்லாத்தின் மீது ஆர்வம் வரும் அளவிற்கு அவர்களின் வாழ்க்கை இருக்கிறதா? இல்லவே இல்லை. இஸ்லாத்தின் தாயக பூமியை, அரபு பூமியை, மனித நேயத்தாலும், நீதியாலும், நேர்மையாலும் நிரப்பி அல்லாஹ்வின் தீனை பாதுகாக்க முடியாத இவர்களின் பணத்தால் இலங்கையில் இஸ்லாத்தை வளர்க்க முயல்வது மடமையிலும் மடமையன்றோ.

முஸ்லிம்களையே முட்டி மோத வைப்பதால் இஸ்லாம் எப்படி வளரும்? மாற்று மதத்தவருக்கு இஸ்லாத்தின் மீது அச்சம் அல்லவா ஏற்படும்?ஆப்கானிஸ்தானில் தாலிபான்களை உருவாக்கி அமெரிக்காவும் சஊதியும் அதைத்தானே சாதித்தன? அரபுகள் மடையர்களாக இருக்கலாம், அரபுகளிடமிருந்து பணம் பெறுகின்ற இஸ்லாமிய இயக்க யாசகர்களும் மடையர்களாக மட்டுமல்ல இஸ்லாத்தின் அடிப்படைக்கே மாறு செய்பவர்களாகவே இருக்கின்றார்கள்.

காரணம், இந்த இயக்கங்கள் அரபு அமெரிக்க செயற்திட்டத்தை தஃவாவின் போர்வையில் மனமுரண்டாக நிறைவேற்றியும் வருகின்றார்கள்.மற்றும்-அரபுகள் இஸ்லாத்தின் மீது பற்று வைத்துள்ளதாய் தோற்றப்பாட்டை உருவாக்கும்.

பள்ளிவாசல்கள் கட்டுதல்,

உழ்ஹய்யா கொடுத்தல்,

கிணறு வெட்டுதல்

போன்ற குறுகிய வேலைத்திட்டத்தை தஃவா என்ற அடைமொழிக்குள் சிக்கவைத்து பிரசாரம் செய்யும் அரபுகளின் இந்த செயற்பாட்டுக்கு பின்னணியில் ஓர் அரசியல் மறைந்து இருக்கிறது. அது அமெரிக்க ஏகாதிபத்திய அரசியலுக்குள் சிறைபட்டு நிற்கும் சஊதி மன்னராட்சியை பாதுகாக்கும் மகத்தான பணியை செய்து கொண்டிருக்கிறது. அமெரிக்காவிற்கு இஸ்லாத்தை உலகிலிருந்து ஒழிக்க வேண்டுமாக இருந்தால் அரபுகளின் மன்னராட்சியை அது பாதுகாத்தே ஆக வேண்டும்.

அரபுகளின் மன்னராட்சி உலகில் நிலைத்து நிற்க வேண்டும் என்றால், இஸ்லாத்தின் ஏக போக உரிமை அரபுகளிடம் இருக்கவேண்டும். அப்போது தான் இஸ்லாம் என்ற போர்வையில் தனக்கு தேவையானவற்றை கூட்டியு்ம், தனக்குதேவையில்லாதவற்றை குறைத்தும், மறைத்தும் கூற முடியும். அரபுகளின் நிதி பலத்தில் இஸ்லாமிய தஃவாவை சிறைப்பிடித்து வைப்பதன் மூலம்...

1- அமெரிக்காவினதும், சஊதியினதும் நன்மைக்காக

உலகளாவிய ரீதியில் எழும் இஸ்லாமிய அரசியல் எழுச்சியை அடக்கமுடியும்.

2- முஸ்லிம்களின் சிந்தனையை அடிப்படை பிரச்சினைகளிலிருந்து வேறு பக்கம் திசை திருப்பி சில்லரை பிரச்சினைகளில் சிக்க வைக்கமுடியும்.

3-அரபுகளின் அரசியலுக்கேற்ப இஸ்லாத்தை கூட்டியும், குறைத்தும் வடிவமைக்க முடியும்.

இன்று, மத்திய கிழக்கில் தனது ஆதிபத்தியத்தை உறுதிப்படுத்தி, அரபு மண்ணின் எண்ணெய் வளங்களை சூறையாடிக்கொண்டிருக்கும், முஸ்லிம் நாடுகளுக்குள் அத்துமீறி புகுந்து அநியாயம் புரிந்துக்கொண்டிருக்கும் ஏகாதிபத்திய வாதிகளின் அட்டகாங்களை தஃவாவின் போர்வையில் மூடி மறைப்பதற்கு இந்த அரபு பணத்தைப் பெறும் இஸ்லாமிய இயக்கங்கள் நன்றாகவே பயன்படுத்தப் படுகின்றன.

அரபுகளை திருப்தி படுத்தும் இவர்களது தஃவா, பணத்தை மையப்படுத்தி சுழன்று, வியாபார மயப்படுத்தப்பட்ட ஜாஹிலிய்ய சிந்தனையை நோக்கி நகர்ந்துக் கொண்டிருக்கிறது. உயிரோட்டமான இஸ்லாத்தின் கட்டளைகளை பணத்திற்கு தாரை வார்த்து அநியாயங்களையும், அக்கிரமங்களையும் அடக்கி வாசிக்கும் அளவிற்கு காசின் கைதிகளாக இவர்கள் மாற்றப்பட்டிருக்கின்றார்கள்.

கடைசியாக உங்கள் சிந்தனைக்காக சில வார்த்தைகளை தர முடியும்

ஈராக்கில் புகுந்து பத்து லட்சம் முஸ்லிம்களை கொல்வதற்கு தனது நாட்டில் அமெரிக்கா கொலைகாரர்களுக்கு தளம் அமைத்துக்கொடுத்து, அமெரிக்கா யுத்த விமானங்களுக்கு இலவசமாக எண்ணெய் வழங்கிய சஊதி அரேபியா

ஆப்கானிஸ்தானை அழிக்க அமெரிக்காவுக்கு துணைபோன சஊதி அரேபியா

பலஸ்தீன் முஸ்லிம்களைக் கொன்று குவி்த்து, முதல் கிப்லாவான பைத்துல் முகத்தஸை கபளீகரம் செய்த இஸ்ரேலின் தந்தையான, நண்பனான அமெரிக்காவை மிக மிக நேசிக்கும் சஊதி அரேபியா

இஸ்லாத்தை மறந்து புனித மண்ணில் ஆடம்பர மௌட்டீக மன்னர் ஆட்சி நடாத்தும் சஊதி அரேபியா

இஸ்லாத்தை வளர்க்க உதவி புரியுமா? அதன் பணத்தால் இஸ்லாம் வளருமா? அப்படி வளரும் இஸ்லாத்தை அதன் நேச நாடுகளான அமெரிக்காவும், இஸ்ரேலும் பார்த்துக்கொண்டு சும்மா இருக்குமா? அங்கீகரிக்குமா?

ஆயிரம் கேள்விகளை இப்படி அடிக்கிக்கொண்டே போகலாம்... ஏகத்துவ பிரசாரம் என்ற போர்வையில் எமக்கு சஊதி ஏற்றுமதி செய்திருப்பது முரண்பாடுகளை, மோதல்களை, சண்டைகளை, சச்சரவுகளை....

தமக்குள்ளேயே சண்டையிட்டுக் கொண்டிருக்கும் ஒரு சமூகத்திற்கு தனது எதிரியின் சதியை சரியாக புரிந்துக்கொள்ள அவகாசம் கிடைப்பதில்லை. அதுதான் சஊதிக்கும் அமெரிக்காவிற்கும் தேவை!

இதனால் ஏற்படும்

இழப்பு...

இஸ்லாத்திற்கும்

முஸ்லிம் உம்மத்திற்கும்,

இலாபம்..

அரபு மன்னர்களுக்கும்

அவர்களின் யெஹுதி நஸாரா தோழர்களுக்கும்..!!

நன்றி; யாழ் முஸ்லிம்

2030 இல் இலங்கை முஸ்லிம்கள்!

noreply@blogger.com (Unknown) — Sun, 13 Nov 2011 02:14:00 +0000

பொறுமையாக வீடியோவைப் பார்க்கவும்
இன்று நாம் வருடத்துக்கு உம்ராவுக்கு மட்டும் 4 கோடிக்கு மேலால் செலவழிக்கிறோம். உம்ரா ஒரு சுன்னத்தான வணக்கம் ...

இனச்சுத்திகரிப்பு: ஒரு தமிழரின் குரல்!

noreply@blogger.com (Unknown) — Mon, 31 Oct 2011 14:22:00 +0000

-எஸ்.அருளானந்தம் – முன்னாள் தினகரன் பிரதம ஆசிரியர்.
இரத்தத்தாலும் கண்ணீராலும் எழுதப்பட்ட சோக வரலாற்று நிகழ்வு இது. 1990ஆம் ஆண்டு அக்டோபர் மாதம் வடக்கில் வாழ்ந்து வந்த சுமார் 78ஆயிரம் முஸ்லிம் மக்கள் வடக்குக்கு வெளியே புலிகளால் விரட்டப்பட்டனர். யாழ்ப்பாணத்துக்கு வெளியே ஏனைய மாவட்டங்களில் வாழ்ந்த முஸ்லிம் மக்கள் தமது வாழ்விடங்களைவிட்டு வெளியேற 48 மணிநேர அவகாசம் வழங்கப்பட்டது. யாழ் நகர முஸ்லிம்களுக்கு இரண்டே இரண்டு மணிநேரமே கால அவகாசம் வழங்கப்பட்டது.

1990ஆம் ஆண்டு அக்டோபர் மாதம் முப்பதாம் திகதி யாழ் நகரப் பகுதிகளில் உறுமிக் கொண்டிருந்த புலிகளின் வாகனங்களிலிருந்த ஒலிபெருக்கிகள் அலறிக்கொண்டிருந்தன.

‘யாழ் நகரத்தில் வாழும் அனைத்து முஸ்லிம்களும் வட மாகாணத்துக்கு வெளியே செல்ல வேண்டும். உடுத்த உடுப்புடனும் ஐந்நூறு (50 ரூபா ) ரூபாவுக்கு மேற்படாத பணத்துடனும் அனைத்து முஸ்லிம்களையும் யாழ் ஒஸ்மானியாக் கல்லூரிக்கு வருமாறு இத்தால் அறிவுறுத்தல் விடுக்கப்படுகிறது. இந்த உத்தரவை மீறி நடப்பவர்களுக்கு கடுமையான தண்டனைகள் வழங்கப்படும்’ இதுதான் புலிகளின் அந்த அறிவுறுத்தல்.

ஒஸ்மானியாக் கல்லூரியில் கூடிய அனைத்து முஸ்லிம்களும் லொறிகளில் ஏற்றப்பட்டு வட மாகாணத்துக்கு வெளியே கொண்டு சென்று விடுவிக்கப்பட்டனர். 1981ஆம் ஆண்டின் குடிசன மதிப்பீட்டின்படி யாழ் நகரத்தில் மட்டும் வாழ்ந்த முஸ்லிம் மக்களின் எண்ணிக்கை 14,844. யாழ்ப்பாணம், முல்லைத்தீவு, வவுனியா, மன்னார், கிளிநொச்சி ஆகிய வட மாகாணத்தின் ஐந்து மாவட்டங்களிலும் சுமார் 78ஆயிரம் முஸ்லிம் மக்கள் வாழ்ந்து கொண்டிருந்தார்கள். யாழ் நகர முஸ்லிம் மக்களை இரண்டு மணித்தியால கால அவகாசத்தில் வெளியேற்றிய புலிகள், முப்பதாம் திகதிக்கு முன்னதாகவே வடக்கின் ஏனைய மாவட்டங்களில் வாழ்ந்த முஸ்லிம்களை வெளியேற்றினார்கள். முதன் முதலாக யாழ்ப்பாணத்திலிருந்து சுமார் 12 மைல்கள் அப்பாலுள்ள சாவகச்சேரியில் வாழ்ந்து வந்த சுமார் 1500 முஸ்லிம்கள் விரட்டப்பட்டனர். இது அக்டோபர் மாதம் 28ஆம் திகதி இடம்பெற்றது. இதன் பின்னர் கிளிநொச்சி, மன்னார் என்று அனைத்து வடபுல மாவட்டங்களிலிருந்தும் விரட்டப்பட்டனர்.

தென்னிலங்கையில் வாழ்ந்து வருகின்ற முஸ்லிம் மக்களைப் போலன்றி வடக்கே வாழ்ந்த முஸ்லிம் மக்களின் பேச்சுமொழி தமிழ்தான். அதுவும் பிரதேசப் பேச்சுவழக்கிலேயே இருந்தது. தமிழ்மக்களின் விடிவுக்காக ஆயுதமேந்துகிறோமென்று கூறிக்கொண்ட புலிகள், தமிழையே பேச்சுவழக்காகக் கொண்ட முஸ்லிம் மக்களை ஆயுத முனையில் விரட்டினார்கள். இது அப்பட்டமான இனச் சுத்திகரிப்பு நடவடிக்கை.

வடக்கிலிருந்து முஸ்லிம் மக்கள் விரட்டப்பட்ட காலப் பகுதியை சரிவரப் புரிந்துகொள்ள வேண்டும். 1987ஆம் ஆண்டு ஜூலை மாத இறுதியில் இலங்கையின் வடக்கு மற்றும் கிழக்குப் பகுதிகளில் நிலை கொண்ட இந்தியப் படையினர் 1990ஆம் ஆண்டு மார்ச் முடிவுக்கு முன்னராகவே வெளியேறிச் சென்றுவிட்டனர். இந்தியப் படையை வெளியேற்றக் கோரியும் அரச அதிகாரத்தைக் கைப்பற்றும் நோக்குடனும் தென்னிலங்கையில் ஜே.வி.பி.ஆயுதத் தாக்குதல்களை கட்டவிழ்த்து விட்டிருந்த காலமது.

வடக்கிலும் கிழக்கிலும் நிலை கொண்டிருந்த இந்தியப் படைக்கும் புலிகளுக்குமிடையில் மோதல்கள் இடம்பெற்றுக் கொண்டிருந்தன. இந்தியப் படை நிலைகொண்டிருந்த காலகட்டத்தில் காட்டுப் பகுதிக்குள் விரட்டப்பட்டிருந்த புலிகள், இந்தியப் படை வெளியேறிய பின்னர் வடக்கு, கிழக்கில் பெரும் பகுதியைத் தமது கட்டுப்பாட்டுக்குள் கொண்டு வந்திருந்தனர்.

1989ஆம் ஆண்டு ஜனவரி மாதம் நாடெங்கும் இடம்பெற்ற வன்செயல்களுக்கு மத்தியில் ஜனவரி 2ஆம் திகதி ரணசிங்க பிரேமதாச இலங்கை அதிபராகப் பதவியேற்றுக்கொண்டார். செயலாற்று அதிகாரமிகு ஜனாதிபதியாகத் தெரிவு செய்யப்பட்டதுமே சமாதானப் பேச்சுவார்த்தைக்கு வருமாறு ஜே.வி.பி.க்கும் புலிகள் இயக்கத்துக்கும் பிரேமதாசா அழைப்பு விடுத்தார். உத்தியோகபூர்வமக இந்த அறிவிப்பு 1989ஆம் ஆண்டு ஏப்ரல் மாதம் 20ஆம் திகதி விடுக்கப்பட்டது. புலிகளுக்கு பிரேமதாசா நிதியுதவி மற்றும் ஆயுதங்களை வழங்கினார்.

ஜனாதிபதி ரணசிங்க பிரேமதாசா, புலிகள், ஜே.வி.பி. ஆகிய முத்தரப்பினருக்குமே இந்தியப் படையின் வெளியேற்றம் பொது இலக்காக இருந்தது. இந்தியப் படையின் இறுதி அணி 1990ஆம் ஆண்டு மார்ச் மாதம் 24ஆம் திகதி இலங்கையை விட்டு வெளியேறியது. இந்தியப் படை வெளியேறிக் கிட்டத்தட்ட மூன்று மாதங்களின் பின்னர் இலங்கை இராணுவத்தின் மீது புலிகள் தாக்குதல்களை ஆரம்பித்தனர். சுமார் 14 மாதங்களாகப் பிரேமதாசா அரசாங்கத் தரப்பினருக்கும் புலிகளுக்குமிடையில் இடம்பெற்றுவந்த சமாதானப் பேச்சுவார்த்தையும் இடைநடுவில் முறிந்தது. 1990ஆம் ஆண்டு ஜூன் பத்தாம் திகதி புலிகள் இரண்டாவது ஈழப்போரை ஆரம்பித்தபோது வடக்கு கிழக்கில் பெரும் பகுதி புலிகளின் கட்டுப்பாட்டிலேயே இருந்தது.

1980களின் நடுப்பகுதியில் புலிகள் இயக்கத்துடனும் ஏனைய தமிழ் விடுதலை அமைப்புகளுடனும் இணைந்து சில முஸ்லிம் வாலிபர்களும் செயற்பட்டு வந்திருக்கிறார்கள். 1981ஆம் ஆண்டு செப்டம்பர் மாதம் ஸ்ரீலங்கா முஸ்லிம் காங்கிரஸ் உருவாக்கப்பட்டது. இலங்கை வாழ் முஸ்லிம்கள் ஒரு தனியான தேசிய இனமென்ற கோரிக்கை இதன் பின்னர் வலுவடையத் தொடங்கியது. அத்துடன் புலிகளின் தனித் தமிழீழக் கோரிக்கையை முஸ்லிம் காங்கிரஸ் வலுவாக எதிர்த்தது. முஸ்லிம்களுக்கான சுயாட்சிப் பிரதேசக் கோரிக்கையும் முன்வைக்கப்பட்டது. காலப் போக்கில் இலங்கை அரசின் ஊர்க்காவல் படைகளில் முஸ்லிம் இளைஞர்கள் உள்வாங்கப்பட்டனர். ஸ்ரீலங்கா முஸ்லிம் காங்கிரசுக்குப் பின்னால் முஸ்லிம்கள் அணிதிரளத் தொடங்கியதும் புலிகளுக்குப் பிரச்சினையாகியது. காலவோட்டத்தில் முஸ்லிம் மக்களைப் புலிகள் துரோகிகளாகப் பார்க்கத் தொடங்கினர்.

வடக்கிலிருந்து முஸ்லிம் மக்களை விரட்டுவதற்கு முன்னதாகவே கிழக்கில் முஸ்லிம் மக்களுக்கு எதிரான வன்செயல்களைப் புலிகள் கட்டவிழ்த்து விட்டிருந்தனர். 1990ஆம் ஆண்டு ஆகஸ்ட் மாதம் மூன்றாம் திகதி கிழக்கில் காத்தான்குடியிலுள்ள இரண்டு பள்ளிவாசல்களுக்குள் வைத்து 140 முஸ்லிம்களைப் புலிகள் சுட்டுக்கொன்றனர். அன்று ஒரு வெள்ளிக்கிழமை காத்தான்குடி ஹுசைனியா பள்ளிவாசலுக்குள்ளும் மீரா ஜும்மாப் பள்ளிவாசலுக்குள்ளும் ஆயுதபாணிகளாகப் புகுந்த புலிகள் தொழுதுகொண்டிருந்த அப்பாவி முஸ்லிம்களைச் சுட்டுக் கொன்றனர். இத் தாக்குதலின்போது சுமார் 70 முஸ்லிம்கள் காயங்களுக்கு இலக்கானார்கள்.

இக் கொடூரம் இடம்பெற்றுச் சரியாக ஒன்பது நாட்களுக்குப் பின்னர் மற்றொரு இரத்த வேட்டையைப் புலிகள் நடத்தினார்கள். ஏறாவூர், பிச்சிநகர் என்ற முஸ்லிம் கிராமத்துக்குள் ஆயுததாரிகளாகப் புகுந்த புலிகள் 118 முஸ்லிம் மக்களைச் சுட்டும் வெட்டியும் கொன்றனர். இந்த ஈனத்தனமான நடவடிக்கையின்போது கொல்லப்பட்டவர்களில் 51 பேர் ஆண்கள், 36 பேர் பெண்கள், 31 பேர் பிள்ளைகள். நகைகளையும் பெறுமதி வாய்ந்த பொருட்களையும் கூடப் புலிகள் கொள்ளையடித்துச் சென்றனர். மட்டக்களப்பு – பொலநறுவை வீதியில் ஏறாவூர் அமைந்துள்ளது. மட்டக்களப்பிலிருந்து ஒன்பது மைல்கள் அப்பால் ஏறாவூர் உள்ளது. பிச்சிநகர்ப் படுகொலை ஆகஸ்ட் மாதம் 12ஆம் திகதி நடைபெற்றது.

1990ஆம் ஆண்டு கிழக்கில் சுமார் ஐநூறுக்கு மேற்பட்ட முஸ்லிம்களைப் புலிகள் சுட்டுக் கொன்றனர். அந்த வருடம் ஜூலை மாதம் முப்பதாம் திகதி அக்கரைப்பற்றில் 14 முஸ்லிம்கள் புலிகளால் சுட்டுக் கொல்லப்பட்டனர். ஆகஸ்ட் மாதம் ஐந்தாம் திகதி அம்பாறை, முள்ளியன்காடு என்ற கிராமத்தில் வயல்வெளியில் வேலை செய்துகொண்டிருந்த 17 முஸ்லிம் விவசாயிகளைப் புலிகள் சுட்டுக் கொன்றனர். மறுநாள் ஆறாம் திகதி அம்பாறையில் மேலும் 33 முஸ்லிம் விவசாயிகள் சுட்டுக் கொல்லப்பட்டனர். 15ஆம் திகதி அம்பாறை, அவரந்தலாவைக்கு அருகேயுள்ள முஸ்லிம் கிராமமொன்றுக்குள் புகுந்த புலிகள் ஒன்பது முஸ்லிம்களைச் சுட்டுக் கொன்றனர். இவற்றை விடவும் மேலும் பல படுகொலைச் சம்பவங்கள் இடம்பெற்றிருக்கின்றன.

வடக்கிலிருந்து முஸ்லிம் மககள் விரட்டப்படுவதற்குச் சில மாதங்கள் முன்னதாக 35 முஸ்லிம் வர்த்தகர்களைப் புலிகள் கடத்திச் சென்றனர். கப்பம் கோரியே இந்த வடபகுதி முஸ்லிம் வர்த்தகர்கள் கடத்தப்பட்டனர். இவர்களில் 18 பேர் கடத்தப்பட்டுச் சில மாதங்களின் பின்னர் விடுவிக்கப்பட்டனர். ஏனைய 17 வர்த்தகர்களுக்கும் என்ன நடந்ததென்ற மர்மம் இன்றுவரை மூடுமந்திரமாகவே இருக்கிறது. புலிகளுக்குக் கப்பம் வழங்கிய வர்த்தகர்கள் மட்டுமே விடுவிக்கப்பட்டனர்.

வடக்கிலிருந்து விரட்டப்பட்ட முஸ்லிம் மக்கள் புத்தளம், அநுராதபுரம், குருநாகல் உட்படப் பல தென்னிலங்கைப் பகுதிகளில் 150இற்கு மேற்பட்ட அகதி முகாம்களில் தஞ்சமடைந்திருந்தனர். இருபது வருடங்கள் கழிந்துவிட்ட இன்றைய நிலையில் அந்த மக்களின் எண்ணிக்கை பல்கிப் பெருகியுள்ளது. இன்னமும் அந்த மக்கள் தமது சொந்த வாழ்விடங்களில் முற்றுமுழுதாக மீள்குடியேற்றப்படவில்லை என்ற நிலைமை தொடரத்தான் செய்கிறது. கிழக்கிலங்கையில் அன்றைய யுத்தச் சூழ்நிலையில் ‘ஜிகாத்’ நடத்த முயன்ற சில வெறியர்கள் அப்பாவித் தமிழர்கள் சிலரை வேட்டையாடினார்கள் என்ற உண்மையையும் மறுதலிக்க முடியாது. இன, மத ரீதியான கோர முகத்துடன் ஜிகாத்துகளைத் தலையெடுக்காமல் தடுத்த நல்லெண்ணம் கொண்ட முஸ்லிம் தலைவர்களைப் பாராட்டாமல் இருக்க முடியாது.

கிட்டத்தட்ட மூன்று தசாப்த காலமாக நடைபெற்ற இந்த மோதலில் படையினரிலும் புலிகளிலும் பார்க்க அப்பாவி மக்களின் உயிர்களே பெருமளவுக்குப் பலியெடுக்கப்பட்டன. புலிகள் முஸ்லிம் மக்களை மட்டுமல்ல, எல்லைக் கிராமங்களிலுள்ள சிங்களக் கிராமங்களுக்குள் புகுந்து அப்பாவிச் சிங்கள மக்களை வகை தொகையின்றிக் கொன்றிருக்கிறார்கள். அதேபோன்று கொக்கட்டிச்சோலை, மைலந்தன்னை, வவுனியா உட்படப் பல்வேறு தமிழ்ப் பிரதேசங்களிலும் நூற்றுக்கணக்கில் அப்பாவித் தமிழ் மக்கள் நரவேட்டையாடப்பட்டிருக்கிறார்கள்.

யுத்தம் பெருமளவில் காவு கொண்டது அப்பாவிகளைத்தான்.

சிங்களம், தமிழ், முஸ்லிம் என்ற வேறுபாடின்றி இனவெறியர்கள் சிலரின் நடவடிக்கைகளால் கொல்லப்பட்ட மக்கள் அதிகம். அவர்கள் அப்பாவி மக்களுக்குள் பாய்ச்சிய இனவாதம் இன்றுவரை அரசியல்வாதிகளால் பயன்படுத்தப்படுகிறது. சர்வதேசங்களால் பயன்படுத்தப்படுத்தப்படுகிறது. இன்றுவரை தீர்க்கப்படாத இனப்பிரச்சினையால் இலங்கை தேசம் கண்ணீரில் மிதக்கிறது. -lankamuslim.org

2012ல் உலகம் அழியப் போவதாக நம்பும் பேராசைக்கார மனிதன்!

noreply@blogger.com (Unknown) — Wed, 19 Oct 2011 00:41:00 +0000

அடுத்த வருடம் பெரும் வெள்ளத்தில் உலகம் அழியப் போவதாக நம்பும், சீனாவைச் சேர்ந்த செல்வந்தவர் ஒருவரின் உத்தரவின்பேரில் 30 அடி நீளமான 'நோவாவின் படகு' ஒன்றை வெல்டிங் கலைஞர் ஒருவர் தயாரித்துள்ளார். பைபிளின்படி, உலகெங்கும் பாரிய வெள்ளம் ஏற்பட்டபோது நோவா தயாரித்த படகொன்றில் ஒவ்வொரு உயிரினத்தினதும் தலா ஒரு சோடி அடைத்து வைக்கப்பட்டு பாதுகாக்கப்பட்டதால் அந்த உயிரினங்கள் ; காப்பாற்றப்பட்டதாக தெரிவிக்கப்படுகின்றமை குறிப்பிடத்தக்கது. இதே பாணியிலேயே மேற்படி செல்வந்தரும் தனது குடும்பத்தினருக்காக படகொன்றை உருவாக்கியுள்ளார்.
சீனாவின் மத்தியப் பகுதியில் உள்ள ஹெனான் மாகாணத்தைச் சேர்ந்த கோ ஜியான் எனும் இந்த வெல்டிங் கலைஞரான கோ ஜிஹான், எண்ணெய் பீப்பாய்கள் மூலம் இந்த படகை தயாரித்துள்ளார்.
30 அடி நீளமான இந்த படகில் சமயலறை, படுக்கையறை என்பனவும் உள்ளடக்கப்பட்டுள்ளன. நீர் புகமுடியாத இந்த அறைகளில் கதவுகள், ஜன்னல்கள் உள்ளன.

உலகளாவிய ரீதியான வெள்ளத்தால் அனைவரும் அழிந்துபோய்விடுவார்கள் என்று கருதும் மேற்படி செல்வந்த வர்த்தகர், தன்னையும் தனது குடும்பத்தினரையும் பாதுகாத்துக் கொள்வதற்காக இந்த படகை தயாரித்துள்ளார்.

யாரும் உரிமையை விட்டுத்தரத் தயாராக இல்லை!

noreply@blogger.com (Unknown) — Sat, 15 Oct 2011 14:23:00 +0000

11 கி.பி. நான்காம் நூற்றாண்டைப் பிரதிநிதித்துவப் படுத்தும் விதமாக ஒரே ஒரு விஷயத்தைக் குறிப்பிடவேண்டும் என்றால், ஒட்டு மொத்த சரித்திர ஆசிரியர்களும் சுட்டிக்காட்டுவது, கிறிஸ்துவத்தின் பரவலைத்தான்.

இயேசுவின் மரணத்தை அடுத்து ஆரம்பமான இயக்கம் அது. இன்றுவரையிலும் தொடர்ந்துகொண்டிருக்கும் ஒரு நடவடிக்கையே என்றபோதும், நான்காம் நூற்றாண்டில் அதன் வீச்சு, கற்பனைக்கு அப்பாற்பட்டதாக இருந்தது.

மத்தியக் கிழக்கிலும் ஐரோப்பாவிலும் நன்கு பரவி, வேரூன்ற ஆரம்பித்துவிட்டிருந்தது அது. கான்ஸ்டன்டைனை அடுத்து வந்த ரோமானிய ஆட்சியாளர்களும் கிறிஸ்துவத்தின் வளர்ச்சிக்காக என்ன வேண்டுமானாலும் செய்யத் தயாராக இருந்ததால், கிறிஸ்துவர்கள் ஒரு பொற்காலத்துக்குள் நுழைகிற உணர்வில் திளைத்திருந்தார்கள்.

இந்நிலையில் பாலஸ்தீன நிலப்பரப்பில் வாழ்ந்துகொண்டிருந்த கிறிஸ்துவர்கள், ஜெருசலேமையும் அதன் சுற்றுப்புறப் பகுதிகளையும் முழுவதுமாக கிறிஸ்துவ பூமியாகக் காட்டும் முடிவில், கண்ணில் பட்ட இடங்களிலெல்லாம் தங்கள் தேவாலயங்களை எழுப்ப ஆரம்பித்தார்கள்.

இதனால், ஒருபக்கம் ரோமானியச் சக்கரவர்த்தியையும் சந்தோஷப்படுத்திய மாதிரி ஆகும்; இன்னொரு பக்கம், புனித பூமியான ஜெருசலேமும் கிறிஸ்துவர்களின் நகரமாகவே காலப்போக்கில் அங்கீகரிக்கப்பட்டுவிடும்.

பெரும்பாலான யூதர்கள் ஜெருசலேமின் சுற்றுப்புறங்களிலிருந்து வெளியேறிவிட்ட நிலையில் இதற்குப் பெரிய தடைகளும் வராது என்று அவர்கள் கருதினார்கள்.இப்படி ஜெருசலேமிலும் சுற்றுப்புற நகரங்களிலும் பெரிய பெரிய தேவாலயங்களை எழுப்பிய கிறிஸ்துவர்கள், அப்போது கிறிஸ்துவம் நன்கு பரவியிருந்த ஐரோப்பிய நாடுகளிலிருந்து குறிப்பாக கிரீஸ், இத்தாலி, பால்கன் தீபகற்பம் யாத்ரீகர்கள் பலரை ஜெருசலேமுக்கு வரவழைக்கவும் ஏற்பாடுகள் செய்தார்கள்.

மேலை நாட்டு யாத்ரீகர்கள், இயேசுவின் பூமிக்கு வந்து தரிசித்துவிட்டு, திரும்பிச்சென்று தங்கள் நாட்டில் கிறிஸ்துவத்தை மேலும் பரப்ப வேண்டுமென்பதே அவர்களின் விருப்பமாக இருந்தது. அப்படி வருகிற மேலை யாத்ரீகர்களுள் சிலரை நிரந்தரமாகவே ஜெருசலேமில் தங்கவைத்து, அவர்களைக் கொண்டும் உள்ளூரில் கிறிஸ்துவத்தைப் பரப்ப முடிவு செய்தார்கள்.

அதாவது, "நமது மண்ணின் பெருமையை, அயல்நாட்டுக்காரர்களே உணர்ந்திருக்கிறார்கள் பார், நீ இன்னும் உணரவில்லையா?" என்று பாலஸ்தீனத்து யூதர்களையும் அரேபியர்களையும் பார்த்து மறைமுகமாகக் கேட்பது.இந்த முயற்சியில், பாலஸ்தீனக் கிறிஸ்துவர்களுக்குக் கணிசமான வெற்றி கிடைத்தது என்றே சொல்லவேண்டும்.

ஏராளமான அரேபியர்களையும் அதிகபட்சம் சுமார் ஆயிரம் யூதர்களையும் அவர்கள் அப்போது கிறிஸ்துவர்களாக மாற்றிக்காட்டினார்கள்.

நான்காம் நூற்றாண்டின் இறுதியில் (கி.பி. 375-395) ரோமை ஆண்ட மன்னன் தியோடோசியஸ் (Theodosius 1) ஒரு சட்டமே பிறப்பித்தான். ரோமானிய சாம்ராஜ்ஜியத்தில் கிறிஸ்துவத்தைத் தவிர, வேறு எந்த மதத்துக்கும் அனுமதியே கிடையாது!

இதன் தொடர்ச்சியாக, அடுத்து வந்த புதிய நூற்றாண்டின் தொடக்கத்தில் சில கிறிஸ்துவத் துறவிகள் பாலஸ்தீனில் இருந்த யூத தேவாலயங்களை (யூதக் கோயில்களுக்கு Synagogues என்று பெயர்.) இடிக்க ஆரம்பித்தார்கள்.

சிரியாவின் வடக்குப் பகுதியிலிருந்து வந்த பார் ஸெளமா (Bar Sauma)

என்கிற ஒரு கிறிஸ்துவப் பாதிரியார் ஜெருசலேமின் சுற்றுப்புறங்களிலிருந்த ஏராளமான யூத தேவாலயங்களை இடித்ததாக யூத சரித்திர ஆசிரியர்கள் பலர் குறிப்பிடுகிறார்கள்.இடிக்கப்பட்ட தேவாலயங்களை மீண்டும் கட்டுவது, மீண்டும் அவை இடிக்கப்படுவது என்று இது ஒரு தொடர் நடவடிக்கையாக இருந்து வந்திருக்கிறது.

கி.பி. 614-ல் யூதர்கள் சற்று நிம்மதிப் பெருமூச்சு விடும் விதமாக ஒரு சம்பவம் நடந்தது.அப்போது ரோமானியர்களுக்கு எதிராக யுத்தம் செய்ய பெர்சிய ராணுவமொன்று கிளம்பி, ஜெருசலேமை நோக்கி வந்துகொண்டிருந்தது. பாலஸ்தீன யூதர்கள், இதனை ஒரு வாய்ப்பாகக் கருதி அவர்களுடன் பேசினார்கள். ஒப்பந்தம் என்னவென்றால், ஜெருசலேமை பெர்சிய ராணுவம் வெற்றி கொள்ள, பாலஸ்தீன யூதர்கள் உதவுவார்கள்.

பதிலாக, ஜெருசலேமில் பெர்சியாவுக்குக் கட்டுப்பட்டதொரு யூத அரசு அமைய அவர்கள் உதவவேண்டும்.இந்தத் திட்டம் வெற்றிகரமாக நடந்தேறியது. கி.பி. 614-ல் நடந்த யுத்தத்தில் பெர்சிய ராணுவத்துடன் பாலஸ்தீன யூதர்களும் இணைந்து, ரோமானிய ஆட்சியாளரை எதிர்த்துப் போரிட்டார்கள். இறுதி வெற்றியும் யூதர்களுக்கே கிடைத்தது. பெர்சியத் தளபதி கொடுத்த வாக்குப்படி நெஹேமியா பென் ஹுஸெய்ல் (Nehemiah ben Husheil) என்கிற யூத இனத் தலைவர் ஒருவரை ஜெருசலேமின் மன்னனாக அமர்த்திவிட்டு ஊர் போய்ச் சேர்ந்தார்.

நீண்ட நெடுநாட்களுக்குப் பிறகு சுதந்திர யூத அரசு!

யூதர்களால் முதலில் நம்பவே முடியவில்லை. சந்தோஷத்தில் என்ன செய்வதென்றே புரியாமல், நாட்டில் இருந்த அத்தனை கிறிஸ்துவர்களையும் அவர்கள் துரத்தித் துரத்தி விரட்ட ஆரம்பித்தார்கள். பாலஸ்தீனின் எல்லை வரை ஓடஓட விரட்டிவிட்டே திரும்பி வந்தார்கள். அங்கிருந்த அத்தனை கிறிஸ்துவ தேவாலயங்களும் உடனடியாக இழுத்துப் பூட்டப்பட்டன. இஸ்ரேலில் ஒரு கிறிஸ்துவரும் இருக்கக்கூடாது என்று கோஷம் செய்தார்கள். கொண்டாடினார்கள். குதித்துக் கும்மாளமிட்டார்கள்.இதெல்லாம் மூன்றாண்டுகள் வரைதான்.

யூதர்களுக்காக கிறிஸ்துவர்களைப் பகைத்துக்கொள்வது எதிர்காலத்துக்கு நல்லதல்ல என்று பெர்சிய மன்னர் முடிவு செய்துவிட்டார். மேலும், இஸ்ரேல் விஷயத்தில் மட்டும் தலையிடாமல் இருந்தால் ரோமானியப் பேரரசால் எந்தப் பெரிய தொல்லையும் எக்காலத்திலும் வராது என்றும் அவர்களுக்குத் தோன்றியது. ஆகவே, அரசியல் ராஜதந்திரம் என்கிற ரீதியில், பாலஸ்தீன யூதர்களுக்குத் தாங்கள் அளித்து வந்த ஆதரவை விலக்கிக்கொண்டுவிடுவது என்று முடிவு செய்துவிட்டார்கள்.

இதெல்லாம் ஒரு பெரிய காரியமா? மீண்டும் ஒரு படையெடுப்பு. ஒரு யுத்தம். தாங்கள் பதவியில் அமர்த்திவிட்டு வந்த அதே யூத மன்னன் நெஹேமியா பென் ஹுஸெய்லைக் கொன்றுவிட்டு, கிறிஸ்துவர்களுக்கே தங்கள் ஆதரவு என்று சொல்லிவிட்டு வந்துவிட்டது பெர்சிய ராணுவம்.

அடுத்த ஐந்தாண்டு காலத்துக்கு பாலஸ்தீன மண், பெர்சியர்களின் ஆளுகைக்கு உட்பட்டு இருந்தது. யூதர்கள் மீண்டும் தங்கள் பழைய கஷ்டங்களை அனுபவிக்கப் பணிக்கப்பட்டார்கள்.

வழிபடக்கூடாது; மதப்பள்ளிக்கூடங்களை நடத்தக்கூடாது; மத போதனைகள் கூடாது; கிறிஸ்துவத்துக்கு எதிரான நடவடிக்கைகள் எதையும் மேற்கொள்ளக்கூடாது. இஷ்டமிருந்தால் பாலஸ்தீனில் வாழலாம்; இல்லாவிட்டால் வேறெங்காவது கிளம்பிப் போக எந்த ஆட்சேபணையும் இல்லை.

இந்தச் சமயத்திலும் பல யூதர்கள் தேசத்தை விட்டு வெளியேறினார்கள்.

ஒழுங்காக ரோமானியச் சக்ரவர்த்தியிடமே கோரிக்கை வைத்து, தமது மதக்கடமைகளை நிறைவேற்றிக்கொள்ள அனுமதி கோரியிருக்கலாம். தாமதமானாலும் நிச்சயம் கிடைத்திருக்கும். இப்படி அவர்களையும் பகைத்துக் கொண்டுவிட்டோமே என்று வருந்தினார்கள்.

கிறிஸ்துவர்களுடனேயே கூட சமரசமாக நடந்துகொண்டிருக்க முடியும். சம்பந்தமில்லாமல் ஒரு மூன்றாம் தரப்பினரை நம்பி மோசம் போய்விட்ட வருத்தம் அவர்களுக்குப் பல்லாண்டு காலம் தொடர்ந்து இருந்து வந்தது.ஆனால், வருந்திப் பயனில்லை. ஹெராக்ளிடஸ் (Heraclitus) என்கிற ரோமானிய மன்னன் பாலஸ்தீன் மீது மீண்டும் படையெடுத்து வந்தான். மிகக் கடுமையான யுத்தம். இறுதியில் மீண்டும் பாலஸ்தீன் ரோமானிய ஆட்சிக்குள் வந்தது.

அங்கு மிச்சமிருந்த கொஞ்ச நஞ்ச யூதர்களையும் துடைத்து நாடு கடத்தினார்கள். மன்னிப்புக் கேட்டுக்கொண்டு, கிறிஸ்துவத்தை ஏற்கச் சம்மதித்த சில யூதர்கள் மட்டுமே இஸ்ரேலில் வாழ அனுமதிக்கப்பட்டார்கள்.

அப்படி அனுமதி பெற்று, பிறகு முரண்டு பிடித்தவர்களையெல்லாம் கணக்கு வழக்கில்லாமல் கழுவில் ஏற்றினார்கள். (நூற்றுக்கணக்கானோரை வலுக்கட்டாயமாக கிறிஸ்துவத்துக்கு மாற்றியதாகவும் சில குறிப்புகள் இருக்கின்றன.)

தொடர்ந்து அவல வாழ்வைத்தான் வாழவேண்டும் என்று இருந்த தம் விதியை நினைத்து யூதர்கள் வருந்தினார்கள். அதுவும் இம்முறை ரோமானியப் படையெடுப்புக்குப் பிறகு சிவில் அரசல்ல; ஒரு ராணுவ அரசாகவே அங்கே ஆட்சி அமைக்கப்பட்டது. கிறிஸ்துவ ராணுவம். ரோமானியச் சக்ரவர்த்தியின் பிரதிநிதியாக பாலஸ்தீனை ஆள நியமிக்கப்பட்டவர்,

சக்ரவர்த்தியின் மந்திரிப் பிரதானிகளுள் ஒருவரல்லர். ராணுவத் தளபதிகளுள் ஒருவர். இன்னும் எத்தனை காலம் இந்தப் போராட்டமோ என்று ஒவ்வொரு இஸ்ரேலிய யூதரும் மனத்துக்குள் அழுதார்கள்.

உண்மையில், யூதர்கள் அப்போது ரோமானிய ஆட்சியை நினைத்துக் கலங்கியிருக்கவே வேண்டாம். கிறிஸ்துவர்களுடனான அவர்களது உரசல்கள் எல்லாமும் கூட அர்த்தமே இல்லாதவையாக ஆகிப்போகும் காலம் வெகு சீக்கிரம் வரவிருப்பதை அப்போது அவர்கள் உணரவில்லை.

யூதர்களாகவும் இல்லாமல், கிறிஸ்துவர்களாகவும் இல்லாமல் பாலஸ்தீனமண்ணின் பழங்குடி இனத்தவர்கள் என்கிற ஒரே அடையாளமுடன் எவ்வித கலாசார வளர்ச்சியும் அற்று, வெறும் மனிதர்களாக வாழ்ந்துகொண்டிருந்த அரேபியர்களின் வாழ்க்கையில் அப்போதுதான் முதல்முறையாக ஒரு மலர்ச்சி ஏற்பட்டது.

ரோமானியர்கள் ஆண்டாலும், கிரேக்கர்கள் ஆண்டாலும், வேறு யார் ஆண்டாலும் அதுவரை அவர்கள் வெறும் சுண்டைக்காயாகவே இருந்தார்கள்.

ஆள்பவர்கள் அவர்களைப் பொருட்படுத்தமாட்டார்கள். யூதர்கள் அவர்களைக் கண்டுகொள்ளமாட்டார்கள்.

கிறிஸ்துவர்களோ, மதம் மாற்றமுடியுமா என்கிற நோக்கில் மட்டுமே அவர்களைப் பார்ப்பார்கள்.

இத்தனைக்கும் அவர்கள்தாம் அங்கே பெரும்பான்மை மக்கள்!யூதமதமும் கிறிஸ்துவ மதமும் பண்பட்ட மதங்கள் என்றும், சிறு தெய்வ வழிபாடுகளில் மூழ்கியிருந்த அரேபியர்களின் நம்பிக்கைகள் எதுவுமே பொருட்படுத்தத்தக்கவையல்ல என்றும் ஒரு கருத்து அங்கே ஆழமாக வேரூன்றியிருந்தது.

அரேபிய மண்ணின் ஆதிவாசிகளான அவர்களுக்குக் கல்வி கூடக் கிடையாது. உழைப்பது, சாப்பிடுவது, சந்ததி பெருக்குவது என்கிற மூன்று காரியங்கள் தவிர, வேறு எதற்குமே லாயக்கற்றவர்கள் என்று கருதப்பட்டார்கள்.

அப்படிப்பட்ட இனத்தில் முதல் முதலாக ஓர் எழுச்சி கி.பி. ஏழாம் நூற்றாண்டின் தொடக்கத்தில் ஏற்பட்டது.எழுச்சி என்றால், வெறும் சொல்லில் அடங்கிவிடக்கூடிய எழுச்சியல்ல
அது. உலக சரித்திரத்தில் வேறு எங்கும், எப்போதும், எந்தக் காலத்திலும் இன்றுவரையிலும் கூட அதற்கு நிகரான எழுச்சி நடந்ததில்லை.

ஒட்டுமொத்த அரேபியர்களின் வாழ்க்கையையும் புரட்டிப்போட்ட எழுச்சி அது.

அது கி.பி. 622-ம் வருடம், செப்டம்பர் மாதம் 27-ம் தேதி, திங்கட்கிழமை. ஒரு மனிதர், ஓர் ஊரிலிருந்து இன்னொரு ஊருக்கு இடம் பெயர்ந்தார்.

அவ்வளவுதான். ஒட்டுமொத்த அரேபியர்களும் மதம் பெயர்வதற்குத் தயாராகிவிட்டார்கள்.அவர் பெயர் முகம்மது.

இயேசுவுக்குப் பிறகு இறைவன் அனுப்பியதாக நம்பப்படும் இறைத்தூதர் (நபி) இறுதித் தூதரும் அவரேதான்.

12] இறைதூதர் முகம்மது.

முகம்மது என்கிற மனிதரின் பிறப்பு, அவர் ஓர் இறைத்தூதர் என்று அறியப்பட்ட தருணம் - இந்த இரண்டுமே அரேபியர்களின் சரித்திரத்தில் மிக முக்கியமான அம்சங்கள்.

ஒரு மனிதரின் பிறப்பே எப்படி முக்கியத் தருணமாகும்? என்கிற கேள்வி எழலாம்.

மற்ற இறைத்தூதர்களைப் பற்றிய தகவல்களுக்கு நாம் புராணக் கதைகளையே ஆதாரங்களாகக் கொள்ள வேண்டியிருக்கிற நிலையில், இவர் ஒருவரைக் குறித்த விவரங்களை மட்டும்தான் கதைகளிலிருந்து அல்லாமல், சரித்திரத்தின் பக்கங்களிலிருந்தே நாம் பெற முடிகிறது.

காலத்தால் நமக்கு மிகவும் நெருக்கமானவர் என்பது மட்டுமே இதற்குக் காரணமல்ல. அவரது காலத்தில் வாழ்ந்தவர்கள், அவருடன் நேரில் பழகியவர்கள், அவரது பிரசங்கங்களை, போதனைகளைக் கேட்டவர்கள் எழுதிவைத்த குறிப்புகள் ஏராளமாக இருக்கின்னறன.

முகம்மது குறித்த ஒவ்வொரு தகவலும் பல்வேறு நிலைகளில் சரிபார்க்கப்பட்டு, ஒப்புநோக்கப்பட்டு, அவருடன் நேரடியாகப் பழகியவர்கள் விவரித்துள்ளவற்றுடன் பொருந்தினால் மட்டுமே அச்சேறின.
இதனால், முகம்மது குறித்த விவரங்களின் நம்பகத்தன்மை பற்றிய அத்தனை கேள்விகளும் அடிபட்டுப் போய்விடுகின்றன.

ஆதாரம் இல்லாத ஒரு குட்டிக்கதை, கதையின் ஒருவரி... ஒரு சொல் கூடக் கிடையாது.
இதன் அடிப்படையில்தான் இப்படியொரு முடிவுக்கு வரவேண்டியிருக்கிறது.

முகம்மது பிறக்கும் முன்னரே அவரது தந்தை இறந்துவிட்டார். பிறந்த சிலகாலத்துக்குள்ளாகவே தாயையும் இழந்தவர் அவர். ஏழை வியாபாரியான அபூதாலிப் என்கிற தமது பெரியப்பாவின் அரவணைப்பில்தான் அவர் வளர்ந்தார்.இந்தப் பின்னணியை ஒரு காரணமாகக் கருதிவிட முடியாது என்றாலும், மிக இளம் வயதிலேயே கேளிக்கைகளையும் விளையாட்டுப் பேச்சுகளையும் அறவே தவிர்க்கக் கூடியவராக இருந்திருக்கிறார்.

இளம் வயதென்றால் பத்துப் பன்னிரண்டு வயதுகளிலேயே. அபூதாலிப்பால் முகம்மதுவுக்குச் சரியான பள்ளிப்படிப்பைத் தர இயலவில்லை. அவரது ஏழைமை அதற்குப் பெரும் தடையாக இருந்தது. அன்றைய தினம் அரேபியாவின் பெரும்பான்மை மக்களின் நிலைமை இதுதான்.

வளமை என்பது மிகச்சிலருகக்கே உரிய விஷயமாக இருந்திருக்கிறது. கல்வியும் அத்தகையவர்களுக்கே உரித்தானதாக இருந்திருக்கிறது. படிப்பில் ஈடுபடாத அரபுக் குழந்தைகள், இளம் வயதிலேயே முரட்டு விளையாட்டுகளில் ஈடுபடுவதும், வாலிப வயதில் வாளேந்துவதும் சர்வ சாதாரணமாக இருந்திருக்கிறது.

முகம்மதுவின் வயதில் இருந்த அத்தனை பிள்ளைகளும் வீதியில் ஆடிப்பாடி, அடித்துப் பிடித்து விளையாடிக் கொண்டிருந்த காலத்தில், முகம்மது மட்டும் தனியே எதையோ சிந்தித்தபடி அமர்ந்திருப்பவராக இருந்திருக்கிறார்.

அதைப் பார்த்து கேலி செய்யும் பிள்ளைகளிடம் "பிறவி எடுத்ததன் நோக்கம் இந்தக் கேளிக்கைகளில் இருப்பதாக நான் கருதவில்லை" என்று சொல்லக்கூடியவராக இருந்திருக்கிறார்.
அவரது தனிமை விரும்பும் சுபாவத்தையும், எப்போதும் சிந்தித்தபடி இருக்கும் இயல்பையும் மிகச்சிறிய வயதிலிருந்தே மற்றவர்கள் கவனித்து வந்திருந்தாலும், அதை ஆன்மிகத்துடன் தொடர்புபடுத்தி அப்போதே யாரும் யோசித்ததில்லை.

அன்றைய அரேபியர்களின் இயல்புக்குச் சற்றும் நெருக்கமில்லாதது அது. அவர்கள் பக்திமான்களாகத்தான் இருந்திருக்கிறார்கள். இப்ராஹிம் (ஆபிரஹாம்) நபி கட்டுவித்த "கஃபா" என்கிற பல நூற்றாண்டுகள் புராதனமான வணக்கஸ்தலத்தை பயபக்தியுடன் வலம் வந்து வணங்குபவர்களாகத்தான் இருந்திருக்கிறார்கள்.

எங்கெங்கிருந்தோ முந்நூற்று அறுபது இறை உருவங்களை எடுத்துவந்து அங்கே பிரதிஷ்டை செய்து தினமொரு கடவுளை பிரார்த்திப்பவர்களாகவும் இருந்திருக்கிறார்கள்.

ஆனால், இந்த பக்திப்பாதை, முகம்மதுவின் ஆன்மிகப் பாதைக்குச் சற்றும் சம்பந்தமில்லாததாக இருந்தது. துளியும் படிப்பறிவில்லாதவராக இருந்த முகம்மது, தமக்குள் ஒடுங்கி, அதன்மூலம் பெற்றிருந்த ஆன்மிகத் தேர்ச்சியை அநேகமாக யாராலுமே உணர இயலவில்லை.

ஆனால், அவர் மீது அனைவருக்குமே ஒரு மரியாதை இருந்தது. பண்பான இளைஞர், பக்தி மிக்க இளைஞர் என்கிற அளவில் ஏற்பட்டிருந்த மரியாதை. ஏழைகளுக்கு வலிந்து போய் உதவக்கூடியவராக இருக்கும் இளைஞர் என்பதால் உண்டாகியிருந்த மரியாதை.
தாம் ஓர் இறைத்தூதர் என்பதை அவர் அறிவதற்கெல்லாம் பல்லாண்டுகளுக்கு முன்பே உருவாகியிருந்த மரியாதை அது.

என்ன வித்தியாசம் என்றால், அரேபியர்களிடம் அன்று பக்தி உண்டே தவிர, "ஆன்மிகம்" என்பது அவர்களுக்கு அந்நியமானதொன்று.

தமது குழுச் சண்டைகளுக்கும் இனப்போர்களுக்கும் கடவுளர்களைத் துணை நிற்கச் சொல்லி வேண்டுவார்களே தவிர, உள்ளார்ந்த அன்பை விதைத்து, சகோதரத்துவம் பயிரிடும் உத்தேசம் யாருக்கும் கிடையாது.

இந்தக் காரணத்தினால்தான் அரேபியர்களிடையே சுலபமாக கிறிஸ்தவம் ஊடுருவ முடிந்தது. இதே காரணத்தினால்தான் யூதர்களுக்கும் கிறிஸ்தவர்களுக்கும் அடுத்தபடியாகவே அவர்கள் பொருட்படுத்தப்பட்டார்கள். இதனாலேயேதான் "காட்டரபிகள்" என்றும் அவர்கள் அன்று வருணிக்கப்பட்டார்கள்.

இப்படிப்பட்டதொரு இனத்தில்தான் முகம்மது பிறக்கிறார். ஒன்றல்ல; இரண்டல்ல; முந்நூற்று அறுபது கடவுள்களை சிலைகளாகச் செய்துவைத்து வணங்கும் இனம். உழைத்துச் சாப்பிட்டு, சந்ததி பெருக்கி, மாண்டுபோய்க்கொண்டிருந்த இனம். பெண்கள் படைக்கப்பட்டதே, சந்ததி பெருக்குவதற்குத்தான் என்று உறுதிபட நம்பியதோர் இனம்.

ஏராளமான மூட நம்பிக்கைகளுடன் முட்டிமோதிக்கொண்டிருந்த இனம். படிப்பறிவில்லாத இனம். முரட்டு இனம். யுத்தவெறி பிடித்த இனம். தமது பெருமை என்னவென்றே உணராமல் காலம் காலமாக வீணடித்துவிட்ட இனம்.

ஒரு சம்பவம் நடந்தது. கடும் மழை. பெரிய வெள்ளம். மெக்கா நகரின் மத்தியில் இருந்த "கஃபா" ஆலயத்தின் புராதனமான சுவர்கள் வெள்ளத்தில் இடிந்து விழுந்துவிட்டன. ஏற்கெனவே மிகவும் பழுதாகியிருந்த ஆலயம் அது. இடித்துவிட்டுப் புதுப்பிக்கலாம் என்று நினைத்த அரேபியர்களுக்குக் கொஞ்சம் பயம் இருந்தது. இறைவனின் ஆலயத்தை இடிப்பதன்மூலம் ஏதாவது அபவாதம் நேருமோ என்கிற பயம்.

ஆனால், அந்த வெள்ளத்தில், ஆலயத்தின் சுவர்கள் தாமாகவே இடிந்ததில் மிகவும் நிம்மதியடைந்தார்கள்.இனி பிரச்னையில்லை. இறைவனே உத்தரவு கொடுத்துவிட்டான்; ஆலயத்தை மீண்டும் திருத்தமாக எழுப்பிவிடலாம் என்று முடிவு செய்தார்களள்.

பல்வேறு இனக்குழுவினராகப் பிரிந்து இருந்த அரேபியர்கள் இந்த ஒரு விஷயத்தில் ஒன்றுசேர்ந்து, நிதி சேர்த்து, ஆலயப் புனரமைப்புப் பணியில் ஈடுபடத் தொடங்கினார்கள்.ஆரம்பத்தில் எல்லாமே சிறப்பாகத்தான் இருந்தது. கட்டுமானப்பணி வேகமாகத்தான் நடைபெற்று வந்தது. ஆனால், ஒரு குறிப்பிட்ட கட்டம் வந்தபோது, அவர்களின் இயல்பான முரட்டு சுபாவம் மேலோங்கி, அடித்துக்கொள்ளத் தயாராகிவிட்டார்கள்.

விஷயம் இதுதான். "கஃபா"வின் இடிக்கப்பட்டதொரு சுவரிலிருந்து, "ஹஜ்ருல் அஸ்வத்" என்ற கல் ஒன்றை எடுத்து பத்திரப்படுத்தி வைத்திருந்தார்கள். கொஞ்சம் விசேஷமான கல் போலிருக்கிறது. அதைத் திரும்பப் பதித்தாகவேண்டும். ஆனால் யார் பதிப்பது?

எத்தனையோ இனக்குழுவினர் (கோத்திரத்தார் என்று அவர்களைக் குறிப்பிடுவது இஸ்லாமியர் வழக்கம்.) சேர்ந்துதான் கோயிலைக் கட்டிக்கொண்டிருந்தார்கள். கோயிலைச் சேர்ந்து கட்டுவதும் ஹஜ்ருல் அஸ்வத்தைத் திரும்பப் பதிக்கும் பணியை மேற்கொள்வதும் ஒன்றல்ல.

இது பெருமை சம்பந்தப்பட்டது. கௌரவம் தொடர்பானது.ஆகவே, நீயா நானா போட்டி எழுந்துவிட்டது.

எந்தக் கணமும் மோதல் யுத்தமாகி, ரத்தம் பெருகலாம் என்கிற நிலைமை. முன்னதாக, இதேபோல் எத்தனையோ பல உப்புப் பெறாத காரணங்களுக்காக வாளேந்தித் தலைசீவியவர்களே அவர்கள். சமாதானமல்ல; சண்டையே அவர்களின் அடையாளமாக இருந்தது. ஒரு சிறு வாய்ப்புக்கிடைத்தாலும் அடித்துக்கொண்டு மடிவதற்கு அத்தனை பேருமே தயாராக இருந்தார்கள்.

இவர்களின் இத்தகைய இயல்பையும், "கஃபா" மறுகட்டுமானம் தொடர்பாக எழுந்துள்ள பிரச்னையையும் நன்கறிந்த மெக்கா நகரப் பெரியவர்களுக்கு மிகவும் அச்சம் ஏற்பட்டது. எப்படியாவது ரத்த நதி பெருகுவதைத் தடுத்தாகவேண்டும் என்று நினைத்தார்கள். எத்தனையோ விதமாகக் குரைஷிகளிடம் (மெக்காவில் வசித்துவந்த அரேபியர்கள் இவர்கள்தாம்.) பேசிப்பார்த்தார்கள்.ஆனால் எதற்கும் பலனில்லை. யாரும் உரிமையை விட்டுத்தரத் தயாராக இல்லை என்று சொல்லிவிட்டார்கள்.
யுத்தம் செய்வோம். வெற்றி பெறுபவர்கள் அந்தப் புனிதக் கல்லைத் திரும்பப் பதிக்கும் பரிசினைப் பெறுவார்கள் என்று தீர்மானமாகச் சொல்லிவிட்டார்கள்.

கட்டக்கடைசி முயற்சியாக ஒரு முதியவர், தன் பங்குக்கு ஒரு யோசனையை முன்வைத்தார். யுத்தத்தை ஒருநாள் ஒத்திப்போடலாம். யாராவது ஒருவர் சொல்லும் யோசனைக்காவது கொஞ்சம் செவிசாய்க்கலாம்.

ஆனால், யார் அந்த ஒருவர்?அன்றைய பொழுது மறைந்து, மறுநாள் காலை விடியும்போது யார் முதலில் "கஃபா"வுக்குள் வணங்குவதற்காகச் செல்கிறாரோ, அவர்தான். யாராயிருந்தாலும் சரி. அந்த முதல் வணக்கம் செலுத்தப் போகிறவரிடம் பிரச்னையைக் கொண்டுசெல்வது. அவர் சொல்லும் யோசனை எதுவானாலும் கேட்டு, அதன்படி செயல்படுவது.அதுசரி. அவர் என்ன யோசனை சொல்லவேண்டும்? சண்டைக்குத் தயாராக இருக்கும் இனக்குழுவினரிடையே, யார் அந்தக் கல்லைப் பதிக்கலாம் என்று மட்டுமே அவர் சொல்லலாம். அவர் குறிப்பிடும் குழுவினர் கல்லைப் பதிப்பார்கள். மற்றவர்கள் ஒத்துழைக்கவேண்டும்.ஆர்வமுடனும் எதிர்பார்ப்புடனும் இரு தரப்பினருமே அன்றைய இரவு முழுவதும் "கஃபா"வின் வெளியே காத்திருந்தார்கள்.

மறுநாள் பொழுது இன்னும் விடியக்கூட இல்லை. இருள் பிரியாத அந்நேரத்தில் ஓர் உருவம் அமைதியாக "கஃபா"வுக்குத் தொழச் சென்றது. அவர்தான், அவர்தான் என்று அனைவரின் உதடுகளும் முணுமுணுத்தன.

தொழுது முடித்து அவர் திரும்பியபோது அத்தனை பேரும் மொத்தமாக எதிரே வந்து நின்று யாரென்று உற்றுப்பார்த்தார்கள்.முகம்மதுதான் அவர். அப்போது அவருக்கு இருபத்துமூன்று வயது. ஆணழகராகவும் அறிவில் சிறந்தவராகவும் அமைதிவிரும்பியாகவும் ஒட்டுமொத்த மெக்காவுக்கும் அவர் அப்போது நன்கு அறிமுகமாகியிருந்தார்.

முன்பே சொன்னதுபோல், அவரிடம் அனைவருக்குமே அன்பும் மரியாதையும் மேலோங்கியிருந்தது.ஆகவே, ஒரு சரியான நபர்தான் ஆலயத்துள் முதல் நபராகச் சென்றிருக்கிறார், இவரிடம் நமது பிரச்னையைச் சொல்லித் தீர்வு கேட்கலாம் என்று நம்பிக்கையுடன் அவரை அணுகிப் பேசத் தொடங்கினார்கள்.

முகம்மது பொறுமையாகக் கேட்டார். இப்போது நான் என்ன செய்யவேண்டும்?இரு தரப்பினர் இருக்கிறோம். "ஹஜ்ருல் அஸ்வத்" என்கிற கல்லை யார் "கஃபா"வின் சுவரில் பதிக்கவேண்டும்? முகம்மதுதான் சொல்லவேண்டும்.முகம்மது புன்னகை செய்தார்.

இரண்டடி நகர்ந்து, தன் தோளில் போட்டிருந்த துண்டை எடுத்துத் தரையில் விரித்தார். அந்தக் கல்லைக் கொண்டு வாருங்கள் என்று உத்தரவிட்டார்.கல் வந்தது. அதைத் துண்டின் நடுவே வைக்கச் சொன்னார். வைத்தார்கள். அவ்வளவுதான். இனி ஆளுக்கொரு புறம் துண்டின் நுனியைப் பிடித்துக்கொள்ளுங்கள் என்றார். பிடித்துக்கொண்டார்கள். அப்படியே எடுத்துப் போய்ப் பொருத்தி, பூசிவிடுங்கள் என்றார்.

நன்கு கவனிக்கவேண்டிய இடம் இது. முகம்மது மூலம் உலகுக்கு வழங்கப்பட்ட இஸ்லாம் என்கிற மார்க்கத்தின் ஆதாரப்புள்ளி இந்தச் சம்பவத்துக்குள்தான் புதைந்திருக்கிறது.

அரேபியர்களிடையே ஒற்றுமை என்கிற அவரது பெருங்கனவின் தொடக்கப்புள்ளியும் இதுதான்.

அவர் ஒரு நபி என்று அறியப்படுவதற்கெல்லாம் பல்லாண்டுகளுக்கு முன்னதாகவே நடந்த சம்பவம் இது.நாற்பது, நானூறல்ல; நாலாயிரம் துண்டுகளாகச் சிதறிக்கிடந்த அரேபியர்களை ஒரு மேல்துண்டின் நான்கு முனைகளை ஒற்றுமையுடன் பிடிக்க வைத்ததன்மூலம் மாபெரும் யுத்தமொன்றைத் தவிர்த்தாரே, அது. அதுதான் ஆரம்பம்.முகம்மது என்றொருவர் உதிக்காமலே போயிருந்தால் அரேபியர்களுக்கு சரித்திரம் என்று ஒன்று இருந்திருக்குமா என்பதே சந்தேகம்தான்.

இன்ஷா அல்லாஹ் தொடர்வேன்...

அல்குர்ஆன் அறிவுப் போட்டி 2011 சரியான விடைகள்!

noreply@blogger.com (Unknown) — Sat, 15 Oct 2011 03:50:00 +0000

(உலமாக்களிடமோ, ஆசிரியர்களிடமோ கேட்டும் பதில் எழுதலாம்.)
* ஆகக்கூடிய புளளிகளைப் பெறும் 10 பேர்களுக்கு பரிசில்கள் கிடைக்கும்.
* வெற்றி பெறுபவர்களின் பெயர்கள் (ஜும்ஆ) இண்டநெட்டில் வெளிவரும்.
www.jummalk.blogspost.com

சரியான விடையின் கீழ் கீறிடுக.

(1) அல்லாஹ்வுக்கு இணை வைப்பதை அல்லாஹ்
    (1) மன்னிப்பான்        (2) மன்னிக்கவே மாட்டான்

(2)   பள்ளிவாசல்களில் அல்லாஹ்வைத் தவிர‌
       (1) அடுத்தவர்களிடமும் துஆ கேட்கலாம்
        (2) வேறு எவரிடமும் துஆ கேட்கக் கூடாது

(3) இரவு காலத்தில் நீண்ட நேரம் குர்ஆனை ஓதி தொழ‌லாமா?
      (1) இரவு காலத்தில் நீண்ட நேரம் குர்ஆனை ஓதி தொழலாம்
    (2) அப்படி தொழககூடாது

(4) தொழுகையில் களா உண்டா?
   (1) உண்டு           (2) இல்லை

(5) குர்ஆனைத் தொடுவதற்கு வுழு அவசியமா?
      (1) அவசியம்      (2) அவசியமில்லை

(6) குர்ஆன் முஸ்லிம்களுக்கு மட்டும் சொந்தமானதா?
    (1) முஸ்லிம்களுக்கு மட்டும் சொந்தமானது
     (2) உலக மக்கள் அனைவருக்கும் சொந்தமனது

(7) குர்ஆனில் மாறிய வசனங்கள், மாற்றப்பட்ட வசனங்கள் உண்டா?
    (1) உண்டு        (2) இல்லை

(8) மிஹ்ராஜுக்கு முன் பத்துவருடன்களாக நபி (ஸல்) தொழுதார்களா?
      (1) ஆம்    (2) இல்லை

(9) நபி (ஸல்) அவர்களின் வீட்டில் அடிக்கடி ஏழைகளுக்கு சாப்பாடு
      (1) கொடுத்தார்கள் (2) கொடுக்கவில்லை

(10) றமழானில் நோன்பு நோற்பது
        (1) பசிக்கொடுமையை அறிவதற்கு
       (2) குர்ஆன் வேதம் இறக்கப்பட்டதற்கு நன்றி செலுத்துவதற்கு

(11) மரணித்தவர்கள் எழுப்பப்படுவது
    (1) கபுரில்    (2) மறுமையில்

(12) அல் பாத்திஹா சூறாவில் "ஆமீன்" எனும் சொல் உண்டா?
       (1) உண்டு    (2) இல்லை

(13) யெளமுல் ஜும்ஆ என்றால் வெள்ளிக்கிழமை; யெளமுல் ஜுமுஆ        என்றால் கூட்டம் உடைய நாள். குர்ஆனில் இருப்பது?
      (1) யெளமுல் ஜும்ஆ        (2) யெளமுல் ஜுமுஆ

(14) ஈஸா நபி உயிருடன் இருக்கும் காலமெல்லாம் தொழுது, ஸக்காத் கொடுக்கும்படி அல்லாஹ் ஏவி உள்ளான்?
     (1) ஈஸா நபி இப்பொழுதும் தொழுது ஸக்காத் கொடுக்கிறார்
       (2) ஈஸா நபி இப்போது தொழுவதோ, ஸக்காத் கொடுப்பதோ இல்லை

(15) ஸிராத்துல் முஸ்தகீம் என்பது?
         (1) மயிர்ப் பாலம் (2) நேர்வழி

(16) அல்லாஹ்வின் கயிற்றைப் பற்றிப் பிடித்துக் கொள்ளுங்கள் என்பது?
        (1) ஒற்றுமை எனும் கயிறு
    (2) குர்ஆன் வேதம் எனும் கயிறு

(17) பொருளாதார வசதி இல்லாத இளைஞன் திருமணஞ் செய்ய முடியாத நிலயில் இருத்தால்
    (1) வசதி கிடைக்கும் வரை கற்பை பேணி வாழ வேண்டும்
        (2) திருமணம் முடிக்கும் வரை நோன்பு நோற்க வேண்டும்

(18) முன்கர்‍‍‍‍‍ நகீரின் பெயர்கள் குர்ஆனில்
        (1) உண்டு    (2) இல்லை

(19) குர்ஆன்?
    (1) படிப்படியாக காலத்திற்கும், சந்தர்ப்பத்திற்கும் ஏற்படி இறங்கியது
    (2) முழுக் குர்ஆனும் முதலில் திட்டமிடப்பட்டு ஒரே முறையில் கீழ் வானத்திற்கு இறங்கியது

(20) மறுமை நாளில் நபி (ஸல்) அவர்கள் இப்படிக் கூறுவார்கள்?
        (1) இறைவா என் சமூகத்தார் இந்தக் குர்ஆனை ஏற்று அதன்படி நடந்தர்கள்
      (2) இறைவா என் சமூகத்தார் இந்தக் குர்ஆனை வெறுத்து ஒதுக்கித் தள்ளி விட்டனர்.

VOICE OF QURAN - AROOS - BALAPITIYA - SRI LANKA

அல்குர்ஆன் அறிவுப் போட்டி 2011 முடிவுகள்
பாத்திமா   சப்னா பானு அஸ்வர் -‍‍ காலி
(1) மொஹ‌மட் நபீல் - பாணந்துறை
(2) பாத்திமா நவ்ரா - பாணந்துறை
(3) பாத்திமா நுஸ்ரத் - கொழும்பு
(4) பாத்திமா சாயிலா - பலப்பிட்டிய‌
(5) பாத்திமா ஷஸ்னா - பலப்பிட்டிய‌
(6) பத்திமா ஸாலிஹா - பலப்பிட்டிய‌
(7) பாத்திமா ஸப்ரா - பலப்பிட்டிய‌
(8) மொஹமட் ஹிப்லான் - பல‌ப்பிட்டிய
(9) ரஸ்மிலா ரபீக் - பலப்பிட்டிய‌
(10) மொஹமட் மகீன் - பலப்பிட்டிய‌

(குறிப்பு; பிந்திக் கிடைத்த விடைகள் போட்டியில் சேர்த்துக்கொள்ள முடியவில்லை. கவலைப்படுகிறோம்)‌
பலப்பிட்டி- அரூஸ்
ஜும்ஆ ஆசிரியர்

வாழ்நாள் முழுவதும் உழைத்துக் குடும்பத்தைச் சுமப்பவர்களுக்கு சீதனம் கொடுப்பதில் என்ன தவறு

noreply@blogger.com (Unknown) — Fri, 30 Sep 2011 12:44:00 +0000

சீதனம் இது அகராதியில் இல்லாத வார்த்தையுமல்ல.. புதிதாக மெருகேற்றப்பட்ட சொல்லும் அல்ல.. ஆனால் நிரந்தரமானது. எல்லா சமுதாய மட்டத்தின் இதயத்துக்குள்ளும் அடங்கி இதயத்தை அடைக்க வைக்கிற வலிமைமிக்க வார்த்தை.இவ்வையகத்துக்கு பெண் வரம் வேண்டி வந்த சமுகத்துக்தின் காதுகளுக்கு நெருப்பை ஊற்றும் சொல் மட்டுமல்ல.. பெண்ணுக்குப் பெண்ணே (பெரும்பாலும்) எதிரியானவள் என்று வெளிச்சம் போட்டுக்காட்டும் கலங்கரை விளக்கம்.

இந்தச் சீதனம் காலத்துக்குக் காலம் உருமாறி பணமாகப் பொருளாக நகையாக மாற்றமடைந்து தற்போது எதுவுமே வேண்டாமெனக் கூறி (அவசரப்படவேண்டாம்) சிறிதாக ஒரு வீடு அல்லது காணி, நிலம் இப்படி ஏதாவது இருந்தால் போதும் என்ற பவ்வியமான பேச்சு எத்தனை கன்னிகளின் வாழ்க்கைக்குக் கல்லறை கட்டுவிக்கின்றன.

ஏனிந்த அவலம்? காலாகாலம் எழுத்துக்கள் எழுப்பும் வினாதான் இது. இந்நிலை மாறவே மாறாதா? மாறலாம். சீதனம் கேட்கும் பெண் இனமே வாயை மூடவேண்டும். மனமாற்றத்துக்கு உள்ளாக வேண்டும். பெண் எடுப்பவர்கள் விலையை நிர்ணயிக்கிறார்கள். பெண்ணைப் பெற்றவர்கள் பெண்ணை ஏலம்போட்டு ஆணுக்கு விற்கிறார்கள். இதுதான் வாழ்க்கையின் மிகப் பெரிய வியாபாரம். மிச்ச சொச்சம் எல்லாவற்றையும் விற்று மகளுக்காக முதலீடு செய்கிறார்கள். ஆனால,; வருவாய்தான் இல்லை. சீதனத்தின் ஆளுமை பெரும்பாலான குடும்பங்களை கண்ணீர் விடவைக்கிறது. இளம் கன்னியர்களின் வயது முதுமையை நோக்கி அரங்கேறுகிறது.

வசதிபடைத்தவர்களின் சீதனம் சம்பந்தமான கொடுக்கல், வாங்கல்கள் அவர்களின் ‘டீல்’ வேறு விதமாக இருக்கும். அந்தஸ்தை உயர்த்திக் காட்டும் விதத்திலும் வியாபார நோக்கிலும் இப்படிப் பல பரிமாற்றங்கள் நடைபெறலாம்.

ஆனால், நடுத்தர வர்க்கத்தின் நிலை மிகவும் அபாயகரமானது. மதில்மேல் பூனையாக அவர்களின் வாழ்க்கைத்தரம். அழகிருந்தால் கல்வித்தரம் கேட்கிறார்கள். கல்வித்தரம் இருந்தால் நல்ல அழகான மூக்கும் மொழியுமான பெண்ணைக் கேட்கிறார்கள். இரண்டும் இருந்தால் சொந்த வீடு அல்லது காணி… இப்படிக் கேட்கிறார்கள். ஆண் பிள்ளைகளை வைத்திருக்கும் பெரும்பாலானவர்கள் படிப்பு உயர்தரத்துக்கு ஏற்றமாதிரி சீதனத்தை நிர்ணயிக்கிறார்கள்.

ஆனால், ஆண் குட்டையோ நெட்டையோ கறுப்போ சிவப்போ கல்வி அறிவு குறைந்தவனாக இருந்தாலும் அங்கேயும் ஆண்மகன் என்ற அதிகாரமும் ஆதிக்கமும் தலைதூக்கி நிற்கிறது. ஆனால், பெண் மாத்திரம் அத்தனை அவதாரங்களையும் எடுத்திருக்க வேண்டும். இதனால்தான் மணமாகாத பல பெண்கள் மணமுடிக்கவே வெளிநாட்டுக்கும் உழைக்கப் போகிறார்கள்.

சிலரின் வாதம் இதுதான்.. வாழ்நாள் முழுவதும் வைத்து உழைத்துக் குடும்பத்தைச் சுமப்பவர்களுக்கு சீதனம் கொடுப்பதில் என்ன தவறு என்று கேட்கிறார்கள். குடும்ப பாரத்தை ஆண் மட்டுமல்ல.. அதைவிடப் பலமடங்கு பெண் சுமக்கிறாள். அதனால்தான் பாரபட்சமின்றி அவளை ஒரு தியாகத்தின் மறுவடிவாகப் பார்க்கின்றனர். ஆணுக்குப் பெண்ணும் பெண்ணுக்கு ஆணுமாகப் படைக்கப்பட்டுள்ள இந்த வையகத்தில் எந்தக் காலக்கட்டத்திலும் இவர்கள் தனித்து வாழ்ந்திட முடியாது. இறைவனின் நாட்டப்படி ஒருவரை ஒருவர் சார்ந்தே பல தேவைகளும் அபிலாஷைகளும் உருவாக்கப்பட்டுள்ளன. இந்த நிலையில் தனித்து நின்று செயற்பட முடியுமென்ற கர்வம் ஆண்களைப் பிடித்தாட்டுவது அறியாமையும் அறிவீனமுமாகும்.

தற்போதுள்ள சீதனப் பிரச்சினையில் ஓரளவு இளைஞர்கள் திருந்தினாலும் பெற்றோரும் உற்றோரும் விடுவதாக இல்லை. திருமணப் பதிவுக்கு முன்பே வீட்டையோ காணியையோ அவர்களது பெயருக்கு எழுதிக் கையெழுத்திட்டால் மாத்திரமே தலையெழுத்து இல்லறத்தில் அழகாக அமையும்.

ஆனால், ஆண் வயது கடந்து சென்றாலும் இளம்பெண்களை மணம் முடிக்கலாம். பொருளாதார பிரச்சினை காரணமாக வயது கடந்த முதிர்கன்னிகள் வீடுவாசல்களை வைத்துக் கொண்டு மணமகன் தேடினாலும் நரைவிழந்த மணமகன் கூட வரம்கொடுப்பது அரிது. என்றாலும் எல்லா ஆண்களையும் குறைசொல்லமுடியாது. சமுதாய சீர்திருத்தம் என்ற பெயருக்கு ஏற்ப வாழ்க்கையை அழகாக அமைத்துக் கொண்டவர்களும் உண்டு. சமுதாய மேம்பாட்டுக்காக உழைப்போம் என்ற பெயரில் பெண் வர்க்கத்தைச் சுரண்டியவர்களும் உண்டு.

சீதனப் பிரச்சினையால் ஒரு குடும்பத்தில் எத்தனை விதமான பாதிப்புகள் ஏற்படுகின்றன? வாயையும் வயிற்றையும் கட்டி சேமிப்பில் ஈடுபட்டு அல்லது கடன் வாங்கி மூத்தவளுக்குச் செய்த மாதிரியே இரண்டாம் மகளுக்கும் செய்ய வேண்டிய கடமை அல்லது கட்டாய நிர்ப்பந்தம் அந்தக் குடும்பத்தின் பொருளாதாரம், கல்வி, ஆரோக்கியத்தைப் பாதிக்கிறது. கடன்சுமை தாங்காமல் நோயில் விழுந்தவர்களுமுண்டு. தற்கொலை செய்தவர்களும் உண்டு. அவரவர் வசதிக்கு ஏற்ப எதையென்றாலும் கொடுக்கட்டும் கடைசி வரை நல்லபடியாக வாழ்ந்தால் போதும் என்று சொல்லும் நல்ல மனம்படைத்த பெற்றோரும் உள்ளனர். நான் சம்பாதித்து வீடு வாசல் வாங்கி நல்லபடியாக வாழவைக்கிறேன் என்று சொல்லும் ஆண்மகன்களும் இல்லாமல் இல்லை. இவர்கள் வாழ்த்துக்கும் போற்றுதலுக்கும் கௌரவத்துக்கும் உரியவர்கள்.

சமுதாயத்தில் சீதனத்துக்கு எதிரான மறுபடிவம்,மறுமலர்ச்சி பத்து சத வீதம் என்றாலும் சீர்கேடுகளும் பிடுங்கித் திண்ணும் வர்க்கமுமே 90 சத வீதம் இருக்கின்றன என்பது மட்டும் நிஜம்.

ஏழு வருஷம் மதரசாவில் படித்த பட்டம் எங்கே" சஹாபாக்கள் எந்த மதரசாவில் படித்தனர்..?

noreply@blogger.com (Unknown) — Thu, 29 Sep 2011 11:44:00 +0000

சென்ற வருடம் ஒரு தமிழ் தொலைக்காட்சியில் ஒவ்வோர் வாரமும், இரண்டு நாள், இரவு அரை மணி நேரம் "ஒற்றுமை வேண்டி" ஒரு நிகழ்ச்சி நடத்தப்பட்டது. அதில் தமிழகத்தில் உள்ள அனைத்து இஸ்லாமிய இயக்கங்களையும் ஒற்றுமைப்படுத்தி ஒட்டுமொத்த தமிழக மக்களுக்கான ஒரே ஒரு "முஸ்லிம் இயக்கமாக" உருவாக்கிவிடுவது என்ற ஒரு நல்ல நோக்கத்தில் அனைத்து இயக்கங்களையும்
தனித்தனியாக அழைத்து "ஒன்று படுங்களேன்" என்று மிகுந்த பொருட்செலவில் ஒற்றுமைக்கான அறிவுரை கூறப்பட்டது. பலவாரங்கள் நான் அதை பார்த்து வந்தேன். இறுதியில் விளைவு பூஜ்யம்..! ஏன்..? எதனால்..? எப்படி இந்த ஒற்றுமை முயற்சி நம் இயக்கங்களிடையே பலனளிக்காமல் போனது..? என்ன தவறு நேர்ந்தது இதில்..? ஏனோ இதை யாருமே சிந்திக்கவில்லை..! 'எதனால் பிரிந்தனர்', 'அதற்கு என்ன காரணம்', 'அதனை இப்போது தீர்க்க வழியுண்டா'... என்றெல்லாம் விவாதிக்காமல், வெறுமனே "ஒன்று படுங்கள்" "ஒன்று படுங்கள்" எனப்பட்டனர். அதனால், யாருமே ஒன்று படவில்லை. ஆனாலும், அதேபோன்ற "ஒற்றுமை வேண்டும்" என்ற கோஷம் மட்டும் இன்னும் தொடரத்தான் செய்கிறது.

சகோ..! நான் ஒற்றுமைக்கு எதிரானவன் அல்லன். அது ரொம்ப அவசியம் நமக்கு. ஆனால், அதை உண்டாக்க நாமாக நம் இஷ்டத்துக்கு ஏனோ தானோ என்று முயற்சி செய்யாமல்... இவ்விஷயத்தில் அல்லாஹ் சுபஹானஹுதஆலாவும் அவனின் திருத்தூதர் முஹம்மத் நபி (ஸல்) அவர்களும் காட்டித்தந்த வழியில் முயற்சிப்பதே நம்மிடையே ஒற்றுமை ஏற்பட முழுப்பலனளிக்கும் என்று மிக உறுதியாக தெரிவிக்கவே இந்த பதிவு..!

70-களில் நம்மிடம் 'ஒற்றுமை' இருந்தது. இஸ்லாத்திற்கு எதிரான எல்லாவித பித்அத், அனாச்சாரம், ஷிர்க் மற்றும் மூட நம்பிக்கைகளிலும் நம்மிடம் 'ஒற்றுமை' இருந்தது..! அன்று அரசியலிலும் கூட ஒரே கட்சி என்ற 'ஒற்றுமை'தான் நிலவியது..! காரணம், அப்போது மக்கள் அனைவரும், பள்ளி இமாம்களும் பெரியவர்களும் என்ன சொல்கிறார்களோ அதையே இஸ்லாம் என்று நம்பி வந்த காலம். 'அவர்கள் சொல்வது சரிதானா' என்று உரசிப்பார்க்க இப்போதுள்ளது போன்று தர்ஜுமாக்கள் எனும் உரைகல் அப்போது இல்லை.

இந்நிலையில்தான், 80-களின் மத்தியில் மதஹப்களுக்கு அப்பாற்பட்ட உண்மையான இஸ்லாம் பற்றி மதரசாவில் தான் கசடற கற்ற கல்வியை கூற முற்பட்ட ஒரு சிலரால்தான் மேற்படி 'ஒற்றுமைக்கு' வேட்டு வைக்கப்பட்டது. அதிலிருந்து மக்களை காக்க, அப்போது... ஜும்மா பயான்கள், ஆடியோ கேசட்டுகள், வீதி மேடைகள், சந்தனக்கூடு, கந்தூரி, மீலாது விழாக்கள்... என இங்கெல்லாம் ''ஒற்றுமை எனும் கயிற்றை பற்றிப்பிடித்துக் கொள்ளுங்கள்'' என்று ஒரு திருக்குர்ஆன் வசனம் கூறுவதாக தமிழகத்தில் நீண்ட காலமாக தவறாக சொல்லப்பட்டு வந்தது. அவர்கள் கூறும் வசனம் எது என்று தேடிப்பார்த்தால்... அது இதுதான்..!

அல்லாஹ்வின் ~~(ஒற்றுமை எனும்)~~ கயிற்றை அனைவரும் சேர்ந்து பிடித்துக் கொள்ளுங்கள். பிரிந்து விடாதீர்கள். நீங்கள் பகைவர்களாக இருந்த நிலையில் அல்லாஹ் உங்களுக்குச் செய்த அருளை எண்ணிப் பாருங்கள். அவன் உங்கள் உள்ளங்களுக்கிடையே இணைப்பை ஏற்படுத்தினான். எனவே, அவனது அருளால் சகோதரர்களாகி விட்டீர்கள். நரகத்தின் விளிம்பில் இருந்தீர்கள். அதிலிருந்து உங்களைக் காப்பாற்றினான். நீங்கள் நேர்வழி பெறுவதற்காக இவ்வாறே அல்லாஹ் தனது சான்றுகளை தெளிவுபடுத்துகிறான். (அல்குர்ஆன்- 3: 103)

ஆனால், மேற்கண்ட வசனத்தில் பிராக்கட் போட்டு 'ஒற்றுமை'யை வலுக்கட்டாயமாக உள்ளே சொறுகித்தான் நோட்டிஸ் அடித்து பிரச்சாரம் புரிந்தார்கள். 'நமக்கிடையே எத்தகைய தீமைகள் நிலவினாலும் அதை எடுத்துச் சொல்வதால் ஒற்றுமை பாதிக்கும் என்றால் ஒற்றுமைக்குத் தான் முக்கியத்துவம் கொடுக்க வேண்டும்' என்றும் இதனடிப்படையில் வாதிட்டு வந்தனர். (இன்னும் இப்படி வெகுசிலர் உள்ளனர்)

"ஓர் ஊரில் அனைவரும் ஒற்றுமையாக இஸ்லாம் தடுத்த ஒரு தீமையை செய்தால் அவர்களுடன் சேர்ந்து ஒற்றுமையாக அந்த தீமையை செய்யுமாறு அல்லாஹ் எப்படி கூறுவான்" என்று சிந்தித்த மக்கள் இதுவல்ல ஒற்றுமை என்று தெளியத்துவங்கினர். பிற்காலத்தில் குர்ஆன் தர்ஜுமாக்கள் வந்தவுடன், ஒற்றுமை பற்றியான அந்த வசனத்தை தேடத்துவங்கினர். அதில், ''அல்லாஹ்வின் கயிற்றை அனைவரும் சேர்ந்து பிடித்துக் கொள்ளுங்கள்'' என்று தான் அவ்வசனம் கூறுவதை கண்டனர்.

இந்த வசனத்தில், எல்லாம் வல்ல மகத்தான இரட்சகன், "அல்லாஹ்வின் கயிற்றை அனைவரும் சேர்ந்து பிடித்துக் கொள்ளுங்கள்" என்றுதான் கட்டளையிடுகின்றான். மேலும் அல்லாஹ்வின் கயிறு என்பது திருக்குர்ஆனும், நபிமொழிகளும் தான். அனைவரும் சேர்ந்து திருக்குர்ஆனையும், நபிமொழிகளையும் பற்றி பிடியுங்கள் என்று இயம்புகின்றது என்றும்...

(இஸ்லாமிய) மார்க்கத்தில் (எவ்வகையான) நிர்ப்பந்தமுமில்லை; வழிகேட்டிலிருந்து நேர்வழி முற்றிலும் (பிரிந்து) தெளிவாகிவிட்டது; ஆகையால், எவர் வழி கெடுப்பவற்றை நிராகரித்து அல்லாஹ்வின் மீது நம்பிக்கைக் கொள்கிறாரோ, அவர் அறுந்து விடாத கெட்டியான கயிற்றை நிச்சயமாகப் பற்றிக் கொண்டார் – அல்லாஹ் (யாவற்றையும்) செவியுறுவோனாகவும் நன்கறிவோனாகவும் இருக்கின்றான். (அல்குர்ஆன்: 2;256)

...... குர்ஆனில் ஆல்லாஹ்வின் வார்த்தைகள் மூலமே தெளிவும் பெற்றனர்.

எனவே, 'அல்லாஹ்வின் கயிறை' அதாவது... "திருக்குர்ஆனையும், நபிமொழிகளையும் பின்பற்றி வாழ்ந்தால் மட்டுமே முஸ்லிம்களிடையே ஒற்றுமை உருவாகும்" என்று இங்கே தெளிவாக புரிகிறது.

ஆனால், "குர்ஆன், ஹதீஸில் உள்ளவைகளை எடுத்துச்சொல்வதால் உண்மையில் ஒற்றுமை கெடுகின்றது; எனவே அதைச் சொல்லாதீர்கள்" என்று இஸ்லாத்திற்கு விரோதமான தீய செயல்களில் இருப்போர் அதற்கு நேர் மாறான விளக்கத்தை தருகின்றனர். இது ஓர் அரசியல் சூழ்ச்சி சகோ..!

ஆனால், 'அல்லாஹ்வின் கயிற்றை' நாம் பிடிக்கும் போது மற்றவர்கள் அதைப் பிடிக்க முன் வராவிட்டால் நமது பிடியை நாம் விட்டு விடாமல், அவர்களையும் பிடிக்குமாறு, நன்மையை ஏவி அழைப்பது தான் நம் மீதுள்ள கடமையாகும். அவர்கள் மீறினால், அவர்கள் செய்யும் தீமையை தடுக்கவும் வேண்டும். ஹி...ஹி... இதை நானாக சொல்ல வில்லை சகோ..! அல்லாஹ்வே அந்த வசனத்துக்கு அடுத்து சொல்லிக்கொண்டே செல்வதை நீங்களே படியுங்கள்..!

நன்மையை ஏவி, தீமையைத் தடுத்து நல் வழியை நோக்கி அழைக்கும் சமுதாயம் உங்களிடம் இருக்க வேண்டும். அவர்களே வெற்றி பெற்றோர். (அல்குர்ஆன்- 3 : 104)

இதுதான் தெளிவான சான்று. இதைப்பின்பற்றி இதன்படி செய்யாவிட்டால் என்னவாம்..? நரகக்கேடாம்..! இதையும் நான் சொல்லலீங்க..!

தம்மிடம் தெளிவான சான்றுகள் வந்த பின்பு முரண்பட்டுப்பிரிந்து விட்டோரைப்போல் ஆகாதீர்கள்! அவர்களுக்கே கடும் வேதனை உண்டு. (அல்குர்ஆன்- 3 : 105)

நன்மையை ஏவினால் ஒற்றுமை குலையாது. ஆனால், தீமையை தடுத்தால் ஒற்றுமை குலையும். பகைமையும் வெறுப்பும் நமக்குள் உண்டாக்கும். இப்படியெல்லாம் ஒற்றுமையை குலைப்பது சரியா..? --சந்தேகம் வருகிறதா..?

'உங்களை விட்டும், அல்லாஹ்வையன்றி எதனை வணங்குகிறீர்களோ அதை விட்டும் நாங்கள் விலகியவர்கள். உங்களை மறுக்கிறோம். அல்லாஹ்வை மட்டும் நீங்கள் நம்பிக்கை கொள்ளும்வரை எங்களுக்கும், உங்களுக்குமிடையே பகைமையும் வெறுப்பும் என்றென்றும் ஏற்பட்டு விட்டது' என்று கூறிய விஷயத்தில் இப்ராஹீமிடமும் அவருடன் இருந்தோரிடமும் உங்களுக்கு அழகிய முன்மாதிரி இருக்கிறது. (அல்குர்ஆன்- 60 : 4 -ல் முற்பகுதி)

அப்பாடா..! இப்போ ஓகேவா..? இனி வேறு ஏதேனும் உங்களுக்கு தயக்கம் உண்டா "ஒற்றுமையை குலைக்கும்" ஏகத்துவ வேலையிலே..?

ஹலோ..! ஹலோ..! சகோ.ஆஷிக்..! நிறுத்துங்கள். அந்த வசனம் இறைநிராகரிப்பாளர்கள் சம்பந்தப்பட்டது. அது முஸ்லிம்களிடத்தில் எங்ஙனம் பொருந்தும்..?

அட..! யாருங்க அது..? 'இணைவைத்தல்' எவ்வளவு பெரிய பாவம்..? தர்ஹா தட்டு தாயத்து செய்வினை ஷிர்க் என்று முஸ்லிம்களே அதை செய்துவிட்டால், அப்புறம் அவர்கள் யார்..?

தனக்கு இணை கற்பிக்கப்படுவதை அல்லாஹ் மன்னிக்க மாட்டான். அதற்குக் கீழ் நிலையில் உள்ள (பாவத்)தை தான் நாடியோருக்கு மன்னிப்பான். அல்லாஹ்வுக்கு இனை கற்பிப்பவர் மிகப் பெரிய பாவத்தையே கற்பனை செய்தார் (அல்குர்ஆன் 4: 48)

அல்லாஹ்வுக்கு இனை கற்பிப்போருக்கு சொர்க்கத்தை அல்லாஹ் விலக்கப்பட்டதாக ஆக்கி விட்டான். அவர்கள் சென்றடையும் இடம் நரகம். (அல்குர்ஆன்: 5:72)

உமக்குக் கட்டளையிடப் பட்டதைத் தயவு தாட்சண்யமின்றி எடுத்துரைப்பீராக! இணை கற்பிப்போரைப் புறக்கணிப்பீராக! (அல்குர்ஆன்- 15 : 94)

அதெல்லாம் சரிதான் சகோ..! இணை கற்பிக்காமல் மற்ற பாவங்களை செய்வோரிடம் எப்படி சண்டை போட்டு ஒற்றுமையை குலைக்க முடியும்..?

அப்படியா..? கொஞ்சம் இருங்கள்... இதையும் தொடர்ந்து படியுங்கள்..!

அல்லாஹ்வையும், இறுதி நாளையும் நம்பக்கூடிய சமுதாயத்தினர், அல்லாஹ்வையும், அவனது தூதரையும் பகைப்போர் தமது பெற்றோராக இருந்தாலும், பிள்ளைகளாக இருந்தாலும், சகோதரர்களாக இருந்தாலும், தமது குடும்பத்தினராக இருந்தாலும் அவர்களை நேசிப்பதை நீர் காண மாட்டீர். அவர்களின் உள்ளங்களில் அல்லாஹ் நம்பிக்கையைப் பதித்து விட்டான். (அல்குர்ஆன்: 58:22)

இங்கே... "அல்லாஹ்வையும், அவனது தூதரையும் பகைப்போர்" என்றால்.. என்ன அர்த்தம்..? குர்ஆன் மற்றும் நபிவழியை புறக்கணித்து அல்லாஹ்வின் கயிற்றை பற்றாமல் விட்டோர்தானே..? ஆக, அவர்கள் நம் குடும்பதாராகவே இருந்தாலும் நமக்கு "அல்லாஹ்வின் கயிறு தானே" முக்கியம் சகோ..? ஒற்றுமை அல்லவே..? சரிதானே..? ஆக, "ஒற்றுமையை குலைக்க" தயாராகுங்கள்..! :-)

இப்படி 'அல்லாஹ்வின் கயிற்றை' பற்றிப்பிடிப்போரை பலர் ஆளுக்கு ஒரு பிரச்சாரம் செய்து குழப்பி வெவ்வேறு திசைகளில் இழுத்துச்செல்கின்றனரே..? இப்போது நாம் யாரை-எந்த இயக்கத்தை பின்பற்றுவது..? ஒருவருக்கொருவர் முரணாக அல்லவா கூறுகின்றனர்..?

இப்படியெல்லாம் குழப்பமே வேண்டாம் சகோ..! மனிதனை படைத்து 'முதல் மனிதஜோடியே இவ்வுலகில் எப்படி வாழ்வது' என்பதற்கு இஸ்லாம் எனும் வாழ்வியல் நெறியை (catalog - manual) கூடவே கொடுத்துதானே இறைவன் இவ்வுலகிற்கு அனுப்பி வைத்தான்..? நம்மை மட்டும் இப்படி அனாமத்தாக பதிலின்றி விட்டுவிடுவானா..?

உங்கள் இறைவனிடமிருந்து உங்களுக்கு அருளப்பட்டதையே பின்பற்றுங்கள்! அவனை விடுத்து (மற்றவர்களை) பொறுப்பாளர்கள் ஆக்கி பின்பற்றாதீர்கள்! குறைவாகவே படிப்பினை பெறுகிறீர்கள்! (அல்குர்ஆன்- 7:3)

ஆக, அல்லாஹ் இங்கே சொல்வது என்ன..? நாம் குர்ஆன் மற்றும் நபி வழிகள் இவற்றை மட்டுமே பின்பற்ற வேண்டுமாம். எந்த அறிஞறையோ, பெரியாரையோ, ஆசிரியரையோ அதற்கு பொறுப்பாக்கி பின்பற்றக்கூடாதாம்.

ஆனால், எனக்கு அந்த அளவுக்கு இஸ்லாமிய அறிவு இல்லையே..? நான் மவுலவி இல்லையே..? ஆலிம் இல்லையே..? பின் எப்படி குர்ஆன் நபிவழி அறிவது..?

இப்படித்தான் நாம் நம்மிடம் இல்லாத இஸ்லாமிய அறிவிற்காக ஒவ்வொரு உலமாவாக கேள்வி கேட்டுக்கொண்டு பதிலுக்காக விளக்கத்திற்காக தொங்கிக்கொண்டு இருக்கிறோம்.

ஆலிம்/மவுலவி :- உங்களை யாருங்க இப்படி எல்லாம் ஆக வேண்டாம் என்று தடுத்தது..? டாக்டர் ஆகிறீங்க.. இஞ்சிநியர் ஆகிறீங்க.. கலெக்டர் ஆகிறீங்க.. ஆனால், ஆலிம் மட்டும் ஆக மாட்டீங்களா..?

மற்றதெல்லாம் ஆகணும்னா அதுக்கு படிப்பு மட்டும் போதாது. சான்றிதழ் வேண்டும். உதாரணமாக, ஒரு அஞ்சு வருடம் வீட்டில் அமர்ந்து கடும் பிரயத்தனப்பட்டு மூன்று வருட சட்டக்கல்வியை கரைத்து குடித்துவிட உங்களால் முடியும்தானே..? அந்த அறிவைக்கொண்டு நீங்கள் ஏதாவது ஒரு நீதிமன்றத்தில் அருமையாக வழக்காடி வெல்ல முடியுமா..? அங்கே BL டிகிரி சர்டிஃபிகேட் அல்லவா கேட்பார்கள். அதை வைத்து பார் கவுன்சிலில் பதிவும் பண்ணி இருக்க வேண்டுமே..?

ஆனால், மறுமையில் அல்லாஹ்விடம் ஆலிம் ஆகவேண்டுமானால்... "ஏழு வருஷம் மதரசாவில் படித்த பட்டம் எங்கே" என்று அல்லாஹ் கேட்பான் என்றா நினைக்கிறீர்கள்.? அல்லது, ஏழு வருஷம் படித்து பட்டம் பெற்றும் அனைத்தையும் மறந்து விட்டால் அவர் அல்லாஹ்விடம் ஆலிம் ஆகுவாரா..? சஹாபாக்கள் எந்த மதரசாவில் படித்தனர்..? ஆக, ஆலிம் என்றால் அறிந்தவர்-கற்றவர்..! அவ்ளோதான்.

சுவர்க்கம் அடைதல் மட்டுமே நம் இலட்சியம் என்றால், யாரும் ஆலிம் ஆகலாமே..! அதற்கு நாம் இஸ்லாமிய மார்க்கத்தை கசடற கற்க வேண்டும்..! கடுமையாக நேரம் ஒதுக்கி உழைக்க வேண்டும். கற்றபடி வாழ வேண்டும். நாமே நமக்கான - நம் இஸ்லாமிய வாழ்க்கைக்கான ஃபத்வாக்களை வழங்கிக்கொள்ளும் அளவுக்கு உறுதியான தெளிவான அறிவை பெற வேண்டும்.

இப்படியாக... நன்மையை ஏவி தீமையை தடுத்து நல்லமல்கள் செய்து ஏக இறைவனை மட்டுமே வணங்கி பித்அத்களை புறக்கணித்து நபிவழியில் வாழ்ந்தால்... அப்படி வாழும் நாம் யார்..? நமது பெயர் என்ன..?

என்னது... தவ்ஹீத்வாதியா..? ஏகத்துவவாதியா..? அது நாமே நமக்கு வச்சிக்கிட்ட பெயர்..! அந்த பெயர் வேண்டாம். ஏதோ நாம் முஸ்லிம் அல்லாத வேறொரு பிரிவினர் என்பது போல ஆகிறது..! இப்படி வாழும் நமக்கு ஒரு பெயர் அல்லாஹ் வைத்திருக்கிறான்..! அதைக்கொண்டே நம்மை அழைத்துக்கொள்வோம். அது என்ன..?

உங்கள் தந்தை இப்ராஹீமின் மார்க்கமான இம்மார்க்கத்தில் அவன் உங்களுக்கு எந்தச் சிரமத்தையும் ஏற்படுத்தவில்லை. இதற்கு முன்னரும் இதிலும் அவனே உங்களுக்கு முஸ்லிம்கள் எனப் பெயரிட்டான். (அல்குர்ஆன்- 22:78-ல் இடைப்பகுதி)

ஆம்..! நபி இப்ராஹீம் (அலை) அவர்களுக்கு முன்ன்ன்னர் முதல்மனிதர் நபி ஆதம் (அலை) முதலாக... இதோ இன்றைக்கும் "அல்லாஹ்வின் கயிற்றை பற்றிப்பிடித்து" வாழும் மக்களுக்கும் பெயர் முஸ்லிம்கள்தான்..!

இப்படி வாழும் மக்கள் நன்மையை ஏவி தீமையை தடுக்கும் போதும், அப்படி தீமைகளில் மூழ்கி இருப்போரிடமிருந்து தம் இருப்பை பிரித்துக்காட்ட அல்லது அந்த தீமையை தடுக்கும் பணியில் உண்டாகும் எதிர்ப்பை களத்திலும், சட்டரீதியாக வழக்குகளிலும் சமாளிக்க, ஜனநாயக அரசியல் ரீதியாக தம் கருத்தை அரசுக்கு கொண்டு போக "ஒரு முஸ்லிம்களின் அமைப்பு" என்று ஒன்று இருத்தல் அவசியம் ஆகிறது.

அப்படி குர்ஆன் மற்றும் ஹதீஸ் அடிப்படையில் ஓர் அமைப்பாக உருவாகி உண்டானோரில், பின்னாளில் மார்க்க விஷயங்களின் புரிதல்களிலோ, தாவா பணிக்காக அந்நிய நிதியை பெறுவதா-வேண்டாமா என்ற கருத்திலோ, அரசியலில் ஈடுபடலாமா வேண்டாமா என்ற முடிவிலோ, தம்மீதே குற்றச்சாட்டுகள் கூறப்பட்டதால் 'தான்தான்' என்ற ஈகோ காரணமாகவோ மேலும் மேலும் மேலும் பிரிந்து விட்டனர்..! ஆனால், அவர்கள் அனைவரும் 'தாம் அல்லாஹ்வின் கயிற்றை பற்றிப்பிடிப்போராக' இருக்கும் பட்சத்தில் தம்மை 'முஸ்லிம்கள்' என்றே அழைத்துக்கொள்ளுதல் மிக மிக அவசியம்.

அப்படி அவர்கள் 'அல்லாஹ்வின் கயிற்றை' பற்றிப்பிடிப்போராக இருந்திருந்தால் இவ்வுலக பிரச்சினைக்காக பிரிந்திருக்கவும் வாய்ப்பில்லை. இதில், 'யாரிடம் எங்கே தவறு' என்று அறிந்து, அலசி ஆராய்ந்து அதைக்கண்டு, உடன்பாடு கண்டு, பின் அதை களைந்து, அவர்களுக்குள் ஒன்றுபட வேண்டும். அப்படி ஒன்றுபடவில்லை என்றால்... அதற்கு சாத்தியமில்லை என்றால், ஒவ்வொரு முறையும் பிரிந்த இருவரில் ஒருவரிடம் தவறு இருப்பது உறுதி..! எந்த அமைப்பிடம் எந்த விஷயத்தில் தவறு உள்ளது என்று அறிந்து அதனை அந்த விஷயத்தில் நாம் புறக்கணிக்க வேண்டும்.

நான் எந்த அமைப்பிலும் இல்லை. ஆனால், எந்த அமைப்பு 'அல்லாஹ்வின் கயிற்றை பற்றிப்பிடித்து' இருப்பதாக என் இஸ்லாமிய அறிவு தீர்மாணிக்கிறதோ அவர்களின், 'நன்மையை ஏவி தீமையை தடுக்கும் செயல்'களில் என்னை தவறாது இணைத்துக்கொள்வேன். இயலாவிடின் அவற்றை செய்வோரை ஆதரிப்பேன். அச்சமயம் நான் இணையாத மற்ற இயக்கங்கள் குறித்து அவதூறு, பொய், புறம், கோல், வசைபாடுதல் இவற்றை செய்யவே மாட்டேன். 'இறந்த சகோதரனின் இறைச்சியை உண்பதல்லவா அது'..?

நான் அப்படி செய்தால்... அதுவே போதுமான சான்று பகரும்... நான் 'அல்லாஹ்வின் கயிற்றை' விட்டுவிட்டேன் என்று..! அதேநேரம் பிற இயக்கங்களின் தீமை/குற்றம் குறித்து என்னிடம் தக்க ஆதாரம் இருந்தால் நன்மையை ஏவி தீமையை தடுக்கும் வேலை எனக்கு உண்டு..! இதை செய்யும் போது நாம் மார்க்க கல்வியை கற்று 'அல்லாஹ்வின் கயிற்றை' விடாது பற்றியவராக- இறையச்சம் உடையவராக இருக்க வேண்டும்..!

இதேபோல ஒவ்வொருவரும் இஸ்லாமிய மார்க்க கல்வியை (குர்ஆன் & சுன்னா =அல்லாஹ்வின் கயிறு) கசடற கற்று அதன்படி தம் வாழ்க்கையினை இறையச்சத்துடன் அமைத்து அல்லாஹ்வின் கயிற்றை பற்றிப்பிடிப்பதன் மூலம் ஒன்றிணைந்தால் மட்டுமே இன்ஷாஅல்லாஹ் முஸ்லிம்களிடத்தில் ஒற்றுமை தானாகவே வரும்..! யாருடைய எந்த ஒற்றுமை கோஷத்துக்கும் முயற்சிக்கும் அவசியமே இலலாமல் இன்ஷாஅல்லாஹ் முஸ்லிம் களிடத்தில் ஒற்றுமை தானாக வந்தே தீரும்..! எனக்கிதில் சந்தேகமில்லை..!

இதுதான் உண்மையான ஒற்றுமை..!
பிரிக்கவே இயலாத ஒற்றுமை..!
குழப்பமே இல்லாத ஒற்றுமை..!
பிணக்குகளே வராத ஒற்றுமை..!
நல்லோரின் ஒற்றுமை..!
நபி (ஸல்) அவர்கள் காலத்து ஒற்றுமை..!
முஸ்லிம்களின் ஒற்றுமை..!

இது ஏற்படும்போது... நம்மிடையே எந்த ஒரு பிரிவும், மதஹபும், அமைப்பும், இயக்கமும், பேரவையும், ஜமாஅத்தும், ஃபிரண்ட்டும், லீக்கும், கழகமும், கட்சியும், கொடிகளும் இருக்கவே இருக்காது..! அனைத்தும் அவசியமற்றதாகி விடும்..! ஒழிந்துவிடும்..! முஸ்லிம் என்ற ஒரே ஒரு பெயர் மட்டுமே எஞ்சி நிற்கும்..!

ஆனால் அதுவரை, தமக்குள் கருத்து வேறுபாடு இருந்தால் அல்லாஹ் காட்டித்தந்த அழகிய முறையில் விவாதித்து தக்க முடிவுக்கு வருவதை விட்டுவிட்டு ஒருவரை ஒருவர் ஆபாசமாக அநாகரிகமாக அவதூறாக ஆதாரமில்லாத குற்றச்சாட்டுகள் கூறி திட்டிக்கொள்வது என்பது அல்லாஹ்வின் கயிற்றை விட்டு விலகி வெகுதூரம் சென்று விட்டதற்கு அடையாளம்.

இவ்வாறு சிலரை பார்த்தால், அவர்களிடம் அழகிய நல்லுபதேசம் கூறி நன்மையை ஏவி தீமையை விலக்கி நம்மால் இயன்ற அளவுக்கு 'அல்லாஹ்வின் கயிற்றை' அவர்கள் கைகளில் திணிக்க முயற்சிக்க வேண்டும். (அப்படியான என்னுடைய மற்றும் சிலரின் ஒரு சிறு முயற்சி இங்கே facebook-ல்) இறை அச்சமூட்டி எச்சரிக்கை செய்து நற்போதனைகள் செய்தால் அவற்றை கேட்காமல் இருக்க... இவர்கள் யாரும் ஈமான் இல்லாத சொன்னால் கேட்காத ரவுடிகள் இல்லை..!

ஆனால், இதை எல்லாம் செய்யாமல்... "அடித்துக்கொள்ளும் இந்த இயக்கங்களே இனி தேவை இல்லை" என்பதும் அனைத்து இயக்கங்களையும் ஒரேயடியாக வெறுத்து ஒதுக்குவதும் அறிவீனம். ஏனெனில், ஒரு சிலரின் மார்க்க முரணான செயலால் இந்த இயக்கங்கள் செய்த... செய்து கொண்டு இருக்கும் நற்செயல்களை எல்லாம் எப்படி புறந்தள்ள முடியும்..?

வீதிகளில், பத்திரிகையில், இணையத்தில், தொலைக்காட்சியில் என்றும் இடையறாத இஸ்லாமிய தாவா, குர்ஆன்-ஹதீஸ் மொழிபெயர்ப்பு செய்தல், ஜகாத்-பித்ரா வசூல்-விநியோகம், கூட்டு குர்பானி ஏற்பாடு, மருத்துவ நிவாரணம், மஸ்ஜித், மதரஸா, பள்ளி கட்டுதல், கற்பித்தல், இரத்ததானம், ஆம்புலன்ஸ், பல்வேறு நலத்திட்ட உதவி, இயற்கை பேரிடரில் உதவி, அனாதை-முதியோர் இல்லம், முஸ்லிம்களின் கல்வி, வேலைவாய்ப்பு சமூக அரசியல் உரிமைக்காக வீதியில் இறங்கி போராடுதல்... புதிதாக இஸ்லாத்தை ஏற்ற மக்களுக்கு சட்ட உதவியிலிருந்து பாதுகாப்பு, நிதி, இஸ்லாமிய கல்விபோதித்தல் என அனைத்தும் செய்தல்... இப்படி சொல்லிக்கொண்டே போகலாம்... ... .....

மேலும், இந்த இயக்கங்கள் அயல்நாடுகளில் -- மிகவும் குறிப்பாக வளைகுடா நாடுகளில் -- பணியாற்றும் பெயர், ஊர், முகம் தெரியா விபரமற்ற தமிழ் பேசும் அப்பாவி தொழிலாளர்களின் நலன், அவர்களின் பிரச்சினைகள், அவர்கள் ஒரு இக்கட்டில் மாட்டிக்கொண்டால் அவர்களுக்கான நிதியை ஒரே ஒரு ஈமெயில் வாயிலாக திரட்டித்தந்து, அவர்களுக்கான அனைத்துவிதமான உதவிகள் செய்தல், தமிழர் யாரேனும் இறந்துவிடின் அவரின் உடலை இந்தியாவிற்கு - அவரின் குடும்பத்தார்க்கு அனுப்பவும் அவருக்கான மீதி நிதியை அவர் பணியாற்றிய இடத்திலிருந்து அவரின் குடும்பத்துக்கு பெற்றுத்தரவும்... என்று எந்த சமயத்தினர் ஆனாலும் தன் வேலையை போட்டுவிட்டு ஓடோடி வந்து உதவிக்கரம் நீட்டுதல்... ... .....

... ...என, இத்தனை அளப்பறிய தொண்டுகள் அனைத்தையும் ஒரே நொடியில் மறந்துவிட்டு... இவர்களிடையே ஒற்றுமை வேண்டி "RSS-காரனிடம் பாடம் கற்போமா?" என்று ஒரு பரபரப்பிற்காக 'சுருக்' தலைப்பிட்டு ஒற்றுமை குறித்து கவலைப்படுதல் என்பது, ஒற்றுமை பற்றிய அரைகுறை புரிதலே அன்றி வேறில்லை..! அப்படியான ஆர்எஸ்எஸ்-ற்கு எதிரான ஓர் ஒற்றுமை இயக்கங்களிடேயே ஏற்கனவே இருக்கத்தான் செய்கிறது. சமீபத்தில்... எமனேஸ்வரம், மாயவரம்... என்று நிறைய ஆதாரங்கள் உள்ளன.

கேவலம்... போயும் போயும் குண்டு வைத்து அப்பாவி மக்களை கொல்லும் பயங்கரவாதிகளிடம் இருந்து ஒற்றுமைப்பாடம் கற்க வேண்டும் என்ற இழிநிலை என்றுமே இந்த இயக்க சகோதரர்களுக்கு ஏற்படாவண்ணம் அல்லலாஹ் பாதுகாப்பானாக..

மேலும் அதுபோன்ற தலைப்பிட்ட பதிவுகள்... இவ்வியக்கங்களின் இத்தனை ஆண்டு இஸ்லாமிய உழைப்புக்கும், நிதி கொடுத்து, நேரம் கொடுத்து, ரத்தம் கொடுத்து, வியர்வை சிந்தி எவ்வித கூலியும் இன்றி மறுமைக்கான நற்கூலியை மட்டுமே எதிர்நோக்கி பணியாற்றிவரும் இவர்களின் சமூக தொண்டுக்கும் மிகப்பெரிய இழுக்கு சேர்க்கும் ஒன்றாகும் என்பதையும், அவர்களின் ஆர்வத்திற்கு பின்னடைவை தோற்றுவிக்கும் என்பதையும் நாம் விளங்க வேண்டும்.

இறைநாடினால்... ஒருவேளை நாளை தமிழகமக்கள் அனைவரும் முஸ்லிம்கள் ஆகி... தமிழ்நாடு ஒரு 'இஸ்லாமிய ஜனநாயக நாடு' என்று ஆனால், ஒரே ஒரு கட்சியாக இருந்து கொண்டு, எதிர்க்கட்சியே இல்லாமல் தேர்தல் நடத்துவது எப்படி..? அப்போது இரண்டு கட்சிகளாவது ஜனநாயகத்தில் வேண்டுமே..? இதற்கு 'ஒற்றுமை' கோரும் மக்கள் என்ன பதில் அளிப்பார்கள்..? ஆகவே, பல இயக்கங்களாக இருந்தாலும் அவைகள் அனைத்தும் "அல்லாஹ்வின் கயிற்றை" பலமாக பற்றி இருக்கிறார்களா என்பதே இங்கே கவனிக்க வேண்டிய முக்கியமான அம்சம். சகோ..!

நம்மிடையே எத்தனை இயக்கங்கள் இருந்தாலும், அவை அனைத்தும் அல்லாஹ்வின் கயிற்றை பற்றி இருந்தால் அவை அனைத்துமே ஒரே உம்மாதான்..!

முடிவாக,

'அல்லாஹ்வின் கயிறு' என்ற குர்ஆன்&நபிவழி இவற்றை பூரணமாக பின்பற்றியவுடன் வருகிறதே... ஓர் ஒற்றுமை... அந்த உன்னதமான மெய்யான ஓர் ஒற்றுமையை நோக்கி நாம் அனைவரும் முன்னேறவும்...

அதற்காக எல்லா இஸ்லாமிய அமைப்புகளும் 'அல்லாஹ்வின் கயிற்றை' பிடித்து, மற்றவரையும் பிடிக்கவைக்க அயராது உழைக்கவும்...

ந்ன்றி;உம்மத்

ஒரு இஸ்லாமியனைப் பார்த்து, 'நீ யார்?. என்று கேள்வி எழுப்பப்பட்டால்?

noreply@blogger.com (Unknown) — Tue, 27 Sep 2011 15:42:00 +0000

தமிழில் : அபு இஸாரா

கேள்வி?

இஸ்லாமியர்கள் அனைவரும் ஒரே குர்ஆனை ஏற்றுக் கொண்டிருக்கும் அதே வேளையில், அவர்களிடையே பல பிரிவுகளையும் - பல வித்தியாசமான கொள்கைகளையும் கொண்டிருப்பது ஏன்?பதில்!

1. முஸ்லிம்கள் ஒன்று பட வேண்டும்:
முஸ்லிம்கள் தங்களுக்கிடையே பல பிரிவுகளாக பிரிந்து கிடக்கின்றனர் என்பது மறுக்க முடியாத உண்மை. இதில் வருத்தப்படக் கூடிய செய்தி என்னவெனில் பிரிவு என்பது இஸ்லாத்தில் சொல்லப்படாத ஒன்று. இஸ்லாமியர்கள் தங்களுக்கிடையே பிரிவுகளின்றி ஒற்றுமையுடன் வாழவேண்டும் என்பதுதான் இஸ்லாம் கற்றுத் தரும் பாடம்.

'நீங்கள் எல்லோரும் அல்லாஹ்வின் கயிற்றை வலுவாக பற்றிப் பிடித்துக் கொள்ளுங்கள்: நீ;ங்கள் பிரிந்தும் விடாதீர்கள்' என்று அருள்மறை குர்ஆனின் மூன்றாவது அத்தியாயம் ஸுரத்துல் ஆல இம்ரானின் 103 வது வசனம் கூறுகிறது.

மேற்கண்ட குர்ஆனின் வசனத்தில் சொல்லப்படும் அல்லாஹ்வின் கயிறு எது தெரியுமா?. அருள்மறை குர்ஆன்தான். அருள்மறை குர்ஆன் என்னும் அல்லாஹ்வின் கயிற்றை இஸ்லாமியர்கள் அனைவரும் ஒன்றிணைந்து பற்றிப் பிடிக்க வேண்டும். இந்த வசனத்தில் இரண்டு கருத்துக்கள் தொணிக்கின்றன. அருள் மறை குர்ஆன் என்னும் அல்லாஹ்வின் கயிற்றை இஸ்லாமியர்கள் அனைவரும் பற்றிப்பிடிப்பதுடன் - இஸ்லாமியர்கள் தங்களுக்கிடையே பிரிந்துத் போகக் கூடாது என்கிற இரண்டு கருத்துக்களை மேற்படி வசனம் வலியுறுத்துகிறது.

'அல்லாஹ்வுக்கு கீழ் படியுங்கள். இன்னும் (அல்லாஹ்வின்) தூதருக்கும் கீழ்படியுங்கள்.' என்று அருள்மறை குர்ஆனின் நான்காவது அத்தியாயம் ஸுரத்துல் நிஷாவின் 59வது வசனம் கூறுகின்றது. மேற்படி வசனங்களிலிருந்து இஸ்லாமியர்கள் பெறும் தெளிவு என்னவெனில் - அருள்மறை குர்ஆனையும் அண்ணல் நபி (ஸல்) அவர்களின் வழிமுறையும் பின்பற்ற வேண்டும் என்பதேயாகும்.

2. இஸ்லாமிய மார்க்கம் பிரிவினைகள் உண்டாக்குவதை தடை செய்துள்ளது:
'நிச்சயமாக எவர்கள் தங்களளுடைய மார்க்கத்தை (தம் விருப்பப்படி பலவாறாகப்) பிரித்து, பல பிரிவினராக பிரிந்து விட்டனரோ அவர்களுடன்(நபியே!) உமக்கு எவ்வித சம்பந்தமுமில்லை. அவர்களுடைய விஷயமெல்லாம் அல்லாஹ்விடமே உள்ளது. அவர்கள் செய்து கொண்டிருந்தவைகள் பற்றி முடிவில் அவனே அவர்களுக்கு அறிவிப்பான்.' என அருள்மறை குர்ஆனின் ஆறாவது அத்தியாயம் ஸுரத்துல் அன்ஆம் - ன் 159வது வசனம் கூறுகிறது. மேற்படி இறை வசனத்திலிருந்து நமக்கு தெரிவிக்கப்படும் செய்தி என்னவெனில் எவர் இஸ்லாமிய மார்க்கத்தை பல பிரிவுகளாக பிரித்து பல வகுப்பினராக பிரிந்து விட்டனரோ - அவர்களைவிட்டு உண்மையான இஸ்லாமியர்கள் விலகிவிட வேண்டும் என்பதுதான்.

ஆனால், ஒரு இஸ்லாமியனைப் பார்த்து, 'நீ யார்?. என்று கேள்வி எழுப்பப்பட்டால் அவரிடமிருந்து வரக்கூடிய பொதுவான பதில் 'நான் ஒரு ஸுன்னி' என்பதாகவோ அல்லது 'நான் ஒரு ஷியா' என்பதாகவோத்தான் இருக்கிறது. இன்னும் சிலர் தங்களை, 'ஷாஃபிஈ' என்றும், 'ஹனஃபிஈ' என்றும் 'ஹம்பலி' என்றும் 'மாலிக்கி' என்றும் அழைத்துக் கொள்கின்றனர். இன்னும் சிலர் 'நான் ஒரு தேவ்பந்திஈ' என்றும் 'நான் ஒரு பெரல்விஈ' என்றும் தங்களை அழைத்துக் கொள்கின்றனர்.
3. அல்லாஹ்வின் தூதர் அண்ணல் நபி (ஸல்) அவர்கள் ஒரு உண்மையான இஸ்லாமியராக இருந்தார்கள்:
மேற்கண்டவாறு தங்களை அழைத்துக் கொள்ளும் இஸ்லாமியர்களைப் பார்த்து அல்லாஹ்வின் தூதர் அண்ணல் நபி (ஸல்) அவர்கள் எந்த பிரிவைச் சார்ந்தவர்கள் - அதாவது அவர்கள் 'ஷாஃபியா' அல்லது 'ஹனஃபியா' அல்லது 'ஹம்பலியா' அல்லது 'மாலிக்கியா?' என்று கேட்டுப் பாருங்கள். இல்லை. அல்லாஹ்வின் தூதர் அண்ணல் நபி (ஸல்) அவர்கள், அவர்களுக்கு முன்புள்ள அல்லாஹ்வின் தூதர்களைப் போன்று ஒரு உண்மையான முஸ்லிம் என்பது மட்டுமே அவர்களது பதிலாக இருக்கும்.
அருள்மறை குர்ஆனின் மூன்றாவது அத்தியாயம் ஸுரத்துல் ஆல - இம்ரானின் 54வது வசனம் நபி ஈஸா (அலை) அவர்கள் ஓர் இஸ்லாமியர் என்பதை சுட்டிக் காட்டுகின்றது. மேலும் அருள்மறை குர்ஆனின் மூன்றாவது அத்தியாயம் ஸுரத்துல் ஆல - இம்ரானின் 67வது வசனம் நபி இப்றாஹிம் (அலை) அவர்கள் ஓர் யூதரோ அல்லது கிறிஸ்துவரோ அல்ல. அவர் அல்லாஹ்வுக்கு முற்றிலும் வழிப்பட்ட ஓர் முஸ்லிம் என்பதை சுட்டிக் காட்டுகின்றது.

4. உங்களை நீ;ங்கள் முஸ்லிம்கள் என்று அடையாளம் காட்டுங்கள் என அருள்மறை குர்ஆன் வலியுறுத்துகிறது:
எவராவது இஸ்லாமியர்களை நீங்கள் யார் என்று கேட்டால் - இஸ்லாமியர்கள் தாங்கள் இஸ்லாமிய மார்க்கத்தைச் சார்ந்தவர் என்று சொல்ல வேண்டுமேத் தவிர தாங்கள் ஓர் ஷாஃபிஈ என்றோ அல்லது தாங்கள் ஓர் ஹனஃபி என்றோ சொல்லக் கூடாது.
அருள்மறை குர்ஆனின் நாற்பத்து ஒன்றாவது அத்தியாயம் ஸுரத்துல் ஹாமீம் ஸஜ்தாவின் 33வது வசனம் கீழ்க்கண்டவாறு கூறுகின்றது.
'எவர் அல்லாஹ்வின் பக்கம் (மக்களை) அழைத்து, ஸாலிஹான (நல்ல) அமல்களைச் செய்து, 'நிச்சயமாக நான் (அல்லாஹ்வுக்கு முற்றிலும் வழிபட்ட) முஸ்லிம்களில் நின்றும் உள்ளவன் என்று கூறுகின்றாரோ, அவரை விட சொல்லால் அழகியவர் யார்?.(இருக்கின்றார்?)

வேறு வார்த்தைகளில் சொல்வதென்றால் - நான் ஒரு முஸ்லிம் - என்று சொல்லுங்கள் என்பதாகும்.

அல்லாஹ்வின் தூதர் அண்ணல் நபி ( ஸல்) அவர்கள் காலத்தில் இஸ்லாத்தை ஏற்றுக் கொள்ளாத மன்னர்களுக்கும், ஆட்சியாளர்களுக்கும் தபால் மூலமாக இஸ்லாத்திற்கு வருமாறு அழைப்பு விடுப்பார்கள். அவ்வாறு அழைப்பு விடுக்கும் போதெல்லாம் அருள்மறை குர்ஆனின் மூன்றாவது அத்தியாயம் 64 வது வசனத்தின் கடைசி வரிகளாக அமைந்திருக்கும் 'நிச்சயமாக நாங்கள் முஸ்லிம்கள் என்பதற்கு நீங்கள் சாட்சியாக இருங்கள்' என்கிற வசனத்தை குறிப்பிட்டு தபால்களை அனுப்பி வைப்பார்கள்.

5. இஸ்லாத்தின் மிகச் சிறந்த மார்க்க அறிஞர்களுக்கு கண்டிப்பாக மதிப்பளிக்க வேண்டும்.
மரியாதைக்குரிய மார்க்க அறிஞர்களான இமாம் ஷாஃபி (ரஹ்), இமாம் அபூ ஹனீஃபா (ரஹ்), இமாம் ஹம்பல் (ரஹ்), இமாம் மாலிக் (ரஹ்) ஆகியோர் உட்பட இஸ்லாத்தின் மிகச் சிறந்த மார்க்க அறிஞர்கள் அனைவருக்கும் நாம் கண்டிப்பாக மதிப்பளிக்க வேண்டும். இஸ்லாத்தைப் பற்றி அவர்கள் ஆய்வு செய்து இஸ்லாத்திற்கு தந்த பல நல்ல செய்திகளுக்காக அல்லாஹ் அவர்களுக்கு மறுமையில் நற்கூலியை வழங்கட்டும். இஸ்லாமியர்கள் இமாம் ஷாஃபி (ரஹ்) அவர்கள் ஆய்வு செய்து வெளியிட்ட கருத்துக்களையோ அல்லது இமாம் ஹனஃபி (ரஹ்) அவர்கள் ஆய்வு செய்து வெளியிட்ட கருத்துக்களையோ - வெளியிடப்பட்ட கருத்துக்கள் குர்ஆன் - ஹதீஸுக்கு மாற்றமில்லாத பட்சத்தில் - எடுத்து செயல் படுத்துவதை எவரும் ஆட்சேபிக்க முடியாது. ஆனால் 'நீ யார்?' என்று இஸ்லாமியரை நோக்கி கேட்கப்படும் கேள்விக்கு 'நான் ஒரு முஸ்லிம்' என்பதுதான் பதிலாக இருக்க வேண்டும்.

1. ஒரு சிலர் அண்ணல் நபி (ஸல்) அவர்கள் அறிவித்த ' எனது சமுதாயம் 73 பிரிவினராக பிரிவர்' (மேற்படி செய்தி அபூதாவூத் என்னும் ஹதீஸ்(செய்தி) புத்தகத்தின் 4579வது செய்தியாக பதிவு செய்யப்பட்டுள்ளது) என்கிற செய்தியை தங்களது பிரிவினை வாதத்திற்கு ஆதாரமாகக் காட்டி வாதிடுவர்.
மேற்படி செய்தியை அண்ணல் நபி (ஸல்) அவர்கள் - இஸ்லாமிய சமுதாயம் 73 பிரிவாக பிரியும் என்று முன்னறிவிப்பு செய்தார்களேத் தவிர, அவர்கள் அறிவித்த நோக்கம் இஸ்லாமிய சமுதாயம் தங்களுக்குள்ளேயே பல பிரிவுகளாக பிரிய வேண்டும் என்பதற்காக அல்ல. அருள்மறை குர்ஆன் இஸ்லாமியர்கள் பல பிரிவுகளாக பிரிந்து விடக்கூடாது என்று இஸ்லாமியர்களுக்கு கட்டளை இடுகின்றது. அருள்மறை குர்ஆன் கட்டளையின்படி - அண்ணல் நபி (ஸல்) அவர்களின் வழிமுறைப்படி யார் இஸ்லாத்தில் பிரிவினைகளை ஏற்றுக் கொள்ளவில்லையோ - அவர்கள்தான் உண்மையான இஸ்லாமிய வழியில் நடப்பவர்கள்.

அண்ணல் நபி (ஸல்) அவர்கள் அறிவித்தார்கள் - என்னுடைய உம்மத்தினர் 73 கூட்டத்தினராக பிரிவர். அதில் ஓரேயொரு கூட்டத்தைத் தவிர மற்ற அனைத்து பிரிவினரும் நரகத்துக்குச் செல்வார்கள். மேற்படி அறிவிப்பை கேட்ட அண்ணல் நபி (ஸல்) அவர்களின் அன்புத் தோழர்கள் கேட்டனர் சொர்க்கத்துக்கு செல்லும் அந்த கூட்டம் எது?. என்று. அதற்கு அண்ணல் நபி (ஸல்) அவர்கள் பதிலளித்தார்கள்: அந்த கூட்டம் நானும் எனது அன்புத் தோழர்களும் உள்ளடங்கிய கூட்டம் என்று. ( மேற்படி செய்தி திர்மிதி என்ற செய்திப் புத்தகத்தின் 171வது செய்தியாக பதிவு செய்யப்பட்டுள்ளது. )
'அல்லாஹ்வுக்கு கட்டுப்படுங்கள். அல்லாஹ்வின் தூதருக்கும் கட்டுப்படுங்கள்' என்று அருள்மறை குர்ஆன் பல இடங்களில் சுட்டிக் காட்டுகிறது. ஒரு உண்மையான முஸ்லிம் அருள்மறை குர்ஆனையும ; - அண்ணல் நபி (ஸல்) அவர்களின் வழிமுறையையும்தான் பின்பற்ற வேண்டும். அருள்மறை குர்ஆனுக்கும், அண்ணல் நபி (ஸல்) அவர்களின் வழிமுறைக்கும் மாற்றமில்லாத பட்சத்தில் எந்த மார்க்க அறிஞர்களின் கருத்துக்களையும் ஒரு உண்மையான முஸ்லிம் ஏற்றுக் கொள்ளலாம். ஒரு மார்க்க அறிஞரின் கருத்து - அருள்மறை குர்ஆனுக்கும், அண்ணல் நபி (ஸல்) அவர்களின் வழிமுறைக்கும் முரண்படுமாயின் அந்த கருத்துக்கு ஒரு உண்மையான முஸ்லிம் மதிப்பளிக்க வேண்டிய அவசியமில்லை. மேற்படி மார்க்க அறிஞர் எவ்வளவு கற்றுத் தேர்ந்தவராக இருந்தாலும் சரியே.
இஸ்லாமியர்கள் அனைவரும் அருள்மறை குர்ஆனை - கற்றறிந்து - அண்ணல் நபி (ஸல்) அவர்கள் காட்டித் தந்த வழிமுறையை சரிவர பின்பற்றுவோம் எனில் இறை நாட்டத்தில் நமக்கிடையே இருக்கும் இந்த பிரிவினை என்ற வேறுபாடு நம்மிடமிருந்து மறையும். நமக்குள்ளே பிரிவினையற்ற சிறந்த ஒற்றுமையும் உருவாகும்.

“முஹம்மத் - ஒரு தனித்துவ மிக்க இராணுவ அறிவு ஆளுமை”

noreply@blogger.com (Unknown) — Mon, 26 Sep 2011 04:42:00 +0000

“இராணுவ வரலாறு” என்பது இராணுவ வரலாற்று ஆய்வுகளுக்கான சஞ்சிகை. இச்சஞ்சிகையின் வாசகர்கள் பிரதானமாக அமெரிக்கப் படைப்பிரிவினர்களாவர். 22,000 பிரதிகள் விற்பனையாகும் இச்சஞ்சிகையில் அமெரிக்காவைச் சேர்ந்த இராணுவ வரலாற்றாய்வாளர்களே எழுதுவர். அப்பத்திரிகையில் அண்மையில் வெளிவந்த ஆய்வுத் தலைப்பு

இந்த ஆய்வை ரிட்ஷட் கப்ரீல் என்ற வரலாற்றாசிரியர் எழுதியுள்ளார். கப்ரீல் அமெரிக்க மத்திய உளவு ஸ்தாபனத்தில் பணி புரிந்தார். அவர் நான்கு நூல்களின் ஆசிரியர். இப்போது கனடாவில் அரச இராணுவக் கல்லூரியில் “வரலாறும் அரசியலும்” என்ற துறையில் விரிவுரையாளராக உள்ளார். அந்த ஆய்வில் சில பகுதிகள் மட்டும் கீழே தரப்படுகிறது.

“இறை தூதர் (ஸல்) அவர்களின் தனித்துவமான இராணுவ நோக்கும் சாணக்கியமும் இல்லாதிருந்தால் இஸ்லாம் நிலைத்திருப்பதோ, எதிர்ப்புகளை சமாளித்து வெற்றி கொண்டிருப்பதோ, பரவியிருப்பதோ சாத்தியமற்றுப் போயிருக்கும்.”

இறைத்தூதர் (ஸல்) அவர்கள் இராணுவத் தளபதி என்றவகையில் வெற்றிகரமானவராக இருந்திராவிட்டால் அவர்களது மரணத்தின் பின்னர் பாரசீக, ரோம் என்ற இரு பெரும் சாம்ராஜ்யங்களை வெற்றி கொண்டிருப்பது சாத்தியமில்லை.”
“இறை தூதர் (ஸல்) ஒரு முதல் தரமான இராணுவத் தளபதி. அவர்கள் ஒரு தசாப்த காலத்திற்குள் யுத்தங்களுக்குத் தலைமை தாங்கினார்கள். 18 படையெடுப்புக்கள் நடாத்தினார்கள். வரையறுத்த 38 இராணுவ நடவடிக்ககைகளுக்குத் திட்டம் வரைந்தார்கள்.
'இறைத் தூதர் அவர்கள் வெறும் சாணக்கியம் மிக்க இராணுவத் தளபதியாக மட்டுமன்றி, இராணுவக் கொள்கை வகுப்பாளராகவும், புரட்சிப் போராளியாகவும், நீண்டகால திட்டவரைவு(Strategy) சிந்தனையாளராகவும் இருந்தார்கள்.
இறைத் தூதர் (ஸல்) உருவாக்கிய உளவுப் பிரிவை விவரிக்கும் ஆய்வு அது அக்காலப் பிரிவில் காணப்பட்ட ரோம, பாரசீக சாம்ராஜ்யங்களின் உளவுப் பிரிவையும் விட மேம்பட்டுக் காணப்பட்டதாகக் குறிப்பிடுகிறது.

அறபிகளுக்கு மத்தியில் பிரதான நகர்களுக்கு வெளியே சிறு சிறு பாலைவனச் சோலைகளை அண்டி வாழ்ந்தோரும், நகர்களில் வாழ்ந்தோரும் காணப்பட்டனர். முதற் பிரிவினர் சாதாரண போராளிகளைக் கொண்டிருந்தனர். அடுத்த பிரிவினர் திறமைமிக்க போராளிகளைக் கொண்டிருந்தனர். இறைத்தூதர் அவர்கள் முதற் பிரிவினரை சிறந்த காலாற் படையினராகவும் இரண்டாம் பிரிவினரை தலைசிறந்த குதிரைப் படையினராகவும் அமைப்பதில் வெற்றி கண்டார்கள்.

இஸ்லாத்திற்கு முன்னர் அரபிகள் தம் நேரடி குறுகிய நலன்களில் கவனம் செலுத்துபவர்களாகவே காணப்பட்டனர். எனவே மிகச் சிறு படையெடுப்புகளே காணப்பட்டன. பொருட்களை சூறையாடிச் செல்லும் சிறு தாக்குதல் நடவடிக்கைகளே காணப்பட்டன. இறைத் தூதர் அவர்களே முதலில் ஒரு ஒழுங்குபடுத்தப்பட்ட கட்டுப்பாடான இராணுவமாக அமைத்தார்கள்.

கோத்திரம் என்ற குறுகிய எல்லையினுள் அந்த நலன்களுக்காகப் போராடி வந்த அரபிகளை 'உம்மா என்ற கொள்கைவாத விரிந்த எல்லையுள் போராடும்இராணுவமாக இறைத்தூதர் மாற்றினார்கள். இந்த வகையில் அரபிகளின் போர் முறையில் ஒரு புரட்சிகரமான மாற்றத்தை இறைதூதர் அவர்கள் ஏற்படுத்துவதில் வெற்றி கண்டார்கள்.

“இறைத்தூதர் அவர்கள் எட்டு இராணுவ சீர்திருத்தக் கொள்கைகளை முன்வைத்தார்கள். அவை அரபிகளின் இராணுவப் படையணியின் அமைப்பிலும் கொள்கையிலும் பாரிய மாற்றங்களை உருவாக்குவதில் பாரிய செல்வாக்கு செலுத்தின.

கொலைகாரக் கழுகும்! கோழை முஸ்லிம்களும் !

noreply@blogger.com (Unknown) — Mon, 26 Sep 2011 04:38:00 +0000

ஈராக் 296, ஆப்கானி 117, பாக்கிஸ்தான் 96. இவை என்ன தெரியுமா? இந்த வருடத்தின் ஜனவரி 19 வரை கொல்லப்பட்ட முஸ்லிம்களின் எண்ணிக்கை. தற்கொலைத் தாக்குதல் கார் குண்டு வெடிப்பு துப்பாக்கிச்சூடு என தாக்குதல்களின் விதங்கள் வேறுபட்டாலும் இவை அனைவற்றையும் பின்னால் இருந்து இயக்குவது C.I.A.
ஆம் அமெரிக்க அரசின் "ஈரான் முதல் இந்தியா" வரையான அதனது நவீன காலனித்துவக் கனவை நிறைவேற்ற செய்யப்படும் அதனது நிகழ்ச்சி நிரலே இது. திட்டமிடுவது மட்டும்தான் அமெரிக்கா. அதை நிறைவேற்றுவது முஸ்லிம்களே. ஸியா சுன்னி என முஸ்லிம் கிறிஸ்தவர்கள் என முஸ்லிம் யுதரென பிரித்து அழிக்கிறது அமெரிக்கா. பென்டகன் பண்ணையில் மேயும் ஜிஹாதிய மந்தைகளே இதை செய்கின்றன. ஈராக்கின் எண்ணெய் ஆப்கானிஸ்தானின் எரிவாயு பாக்கிஸ்தானின் செறிந்த யுரேனியம் என ஓநாயின் வேட்டை தொடர்கிறது. நாம் இன்னமும் C.N.N., B.B.C. ROUITER செய்திகளை நம்பிக்கொண்டு நமக்குள் முரண்பட்டு கொள்கிறோம். எமது குழந்தைகளிற்கு ஸஹாதத் கலிமாவை கற்றுக் கொடுப்பது போல் அமெரிக்க ஸியோனிஸ எதிர்ப்புணர்வையும் தாய்பாலிலேயே ஊட்டி வளர்க்க வேண்டும் எம்மைக் காத்துக்கொள்ள வேண்டாமா?
நன்றி;கைபர்

அழிந்து போகும் முஸ்லிம்கள்

noreply@blogger.com (Unknown) — Mon, 26 Sep 2011 04:33:00 +0000

மியன்மாரில் முஸ்லிம்களிற்கு நடந்த, நடைபெறும் அநியாயங்கள் எழுத்தில் வடிக்க முடியாதவை. பலமற்ற, கல்வி அறிவற்ற அப்பாவிகளான ஆயிரக்கனக்கான முஸ்லிம்கள் அங்கே கொன்றொழிக்கப் பட்டுள்ளார்கள். விசாரனை அற்ற சிறைவாசம், மிகவும் மோசமான சித்திரதைகள், வகை தொகை அற்ற பாலியல் வல்லுறவுகள் என அவர்களின் சோகம் நீண்டு செல்கிறது. பல்லாயிரக்கணக்கான முஸ்லிம்கள் பங்களாதேசத்து மண்ணில் அகதி முகாம்களில் முடங்கிக் கிடக்கிறார்கள். இவர்களை வங்க தேச அரசு நடாத்தும் விதம் மிகவும் கவலைக்குறியதாக உள்ளது. மியன்மார் இராணுவ அரசும், பௌத்த மதவாதிகளும் இதுவரை சர்வதேச நீதிமன்றத்தில் நிறுத்தப்படவுமில்லை குற்றவாளிகளாக அறிவிக்கப்படவுமில்லை. மனித உரிமை அமைப்புக்களாகட்டும், சர்வதேச ஊடகங்களாகட்டும், ஜனநாயகம் பேசும் அமெரிக்காவாகட்டும் எல்லாமே அடக்கியே வாசிக்கின்றனர். போகட்டும் அவர்கள் காபிர்கள். முஸ்லிம் நாடுகளின் நிலை இதைவிடக் கேவலமாக உள்ளது. பல முஸ்லிம் தலைவர்களிற்கு மியன்மாரில் முஸ்லிம்கள் வாழ்வதே தெரியாது. தலைவர்கள் மட்டுமல்ல முல்லாக்களும் மொளனமே சாதிக்கின்றனர். சவுதியில் ஒரு முடுக்கில் தீ பிடித்தால் முழு முஸ்லிம் உம்மாவும் ஜும்ஆவில் துஆ செய்கிறது. ஏன் மியன்மாரில் ஜிஹாத் பர்ளு அய்ன் இல்லையா? தமிழ் பேசும் சமுகமும் இதற்கு விதிவிலக்கு அல்ல. பாவம் அவர்களிற்கு தெரிந்ததெல்லாம் பர்மாவில் இருந்து வந்து நீதிமன்றத்தில் வசனம் பேசிய பராசக்தி சிவாஜி கணேசனை மட்டுமே!
நன்றி;கைபர்

இராணுவத்திற்கு எதிரான நடவடிக்கையில் இஸ்லாமியக்குழுக்கள்: பெளத்த நிலையம்!

noreply@blogger.com (Unknown) — Mon, 26 Sep 2011 04:13:00 +0000

சிறிலங்காவைச் சேர்ந்த இஸ்லாமியத் தீவிரவாதக் குழுக்கள் இன்று பயங்கரவாதிகளாக மாறிவிட்டனர் என்றும் இதனால் சிங்கள தேசத்துக்குப் பாதுகாப்புப் பிரச்சினை ஏற்பட்டுள்ளதாகவும் சிங்கள ராவய பௌத்த நிலையம் என்ற அமைப்புகுற்றம் சாட்டியுள்ளது

நேற்று கொழும்பு விஹாரமகாதேவி பூங்காவுக்கு முன்னால் இடம்பெற்ற இந்த அமைப்பின் ஆர்ப்பாட்டப் பேரணியிலே இவ்வாறு குற்றம் சுமத்தப்பட்டு கோஷம் எழுப்பப்பட்டது.

கிறீஸ் பூதங்களைச் சாட்டாக வைத்து சிறிலங்கா இராணுவ முகாம் அமைந்துள்ள பிரதேசங்களில் பிரச்சினைகளைத் தோற்றுவித்து அமைதி இன்மையை ஏற்படுத்தவும் முஸ்லிம் தீவிரவாதிகள் திட்டமிட்டுள்ளனர் எனவும் அந்த அமைப்பு அங்கு கோஷமிட்டனர்.

எம்மால் இதுவரை காலமும் உடைக்க முடியாத குப்ரிய கோட்டை. இன்று குப்பார் இதை உடைத்து விட்டார்கள்.! ந‌ன்றிகூறும் முஸ்லிம்க‌ள்!

noreply@blogger.com (Unknown) — Mon, 26 Sep 2011 04:08:00 +0000

அநுராதபுரம், குருணாகல் சந்தியில் அமைந்திருந்த (ஒட்டுப் பள்ளம்) மிகப் பழமைவாய்ந்த முஸ்லிம் ஸியாரம் ஒன்று கடந்த திங்கட்கிழமை திடீரென அங்கு வந்த ஒரு குழுவினரால் முற்றாகத் தரைமட்டமாக்கப்பட்டத

சிங்கள ராவய தேசிய அமைப்பு, அதன் கீழான பெளத்த பாதுகாப்பு அமைப்புகள், பெளத்த அமைப்புகள் ஆகியனவற்றைச் சேர்ந்தவர்களே இந்த முஸ்லிம் ஸியாரத்தைத் தரைமட்டமாக்கிச் சென்றுள்ளனர் என்ற தகவல்கள் தற்போது வெளிவந்துள்ளன”. (News)
sinhala ravaya.

ஸியாரம். இஸ்லாத்தின் ஓரிறை கொள்கைக்கு முரணான இணைவைப்பாளர்களின் வணக்கஸ்தலம். ஏகத்துவத்தை மேலோங்கச்செய்ய, எம்மால் இதுவரை காலமும் உடைக்க முடியாத குப்ரிய கோட்டை. இன்று குப்பார் இதை உடைத்து விட்டார்கள்.

“அல்ஹம்துலில்லாஹ்” என நாம் சந்தோஷப்பட்டு நமது உடலில் “தவ்ஹீத் சார்ஜ்” பண்ண போகிறோமா? நாளை இஹ்வான்களினதும், தப்லீக்கினதும், ஜமா அதே இஸ்லாமியினரதும் ஏன் ஸலபிகளினதும் பள்ளிகள் சிங்கள இனவெறியர்களால் உடைக்கப்படும் போது நாம் பரஸ்பரம் கொள்கை முரண்பாட்டை அடிப்படையாக வைத்து “அல்ஹம்துலில்லாஹ்“ சொல்லிக்கொள்ள போகிறோமா?

நெருப்பு நெருங்கி வருகிறது. நாளை நம் வீட்டு வாயற்கதவுகளையும் அது தட்டப்போகிறது. அப்போது எல்லாமே அமைதியாக இருக்கும். நமக்காக யாரும் குரல் கொடுக்கப்போவதில்லை. இலங்கையில் இன்று பேரினவாதமே ஆட்சியை கட்டுப்படுத்துகிறது.. பொலிஸ் அதிகாரிகள் பார்த்து நிற்க ஸியாரம் தரைமட்டமாக்கப்பட்டுள்ளது.

காபிரிற்கு, ஷிர்க் என்றால் என்ன? குப்ர் என்றால் என்ன? பித்ஆ என்றால் என்ன? ஜாஹிலியா என்றால் என்ன என்பதெல்லாம் தெரியாது. சிங்கள பொளத்த பேரினவாதிகளிற்கு தெரிந்ததெல்லாம் ”தம்பிலாட்ட கஹன்டஒன” அவ்வளவுதான். அநுராதபுர ஸியாரம் ஒரு ஆரம்பம் மட்டும் தான். அது நாளை கொழும்பு பெரிய பள்ளிவாசல் வரை தனது இனவாத பாசிஸ கரங்களை நீட்டத்தான் போகிறது.

கிண்ணியாவில் கிறிஸ் மனிதன் விவகாரத்தில் பள்ளியினுள் புகுந்து மொஹித்தீன் சாப்பை தாக்கியபோதே அதற்கான எதிர்ப்பை நாடு தழுவிய ரீதியில் வெளிக்காட்ட நாம் தவறி விட்டோம். இது தொடர்பாக கைபர் தளம் அன்றே எச்சரித்துள்ளது. இப்போது ஊர்வலமாக வந்து ஸியாரத்தை உடைத்துள்ளார்கள். இப்படித்தான் தெஹிவலை பாத்தியா வீதி பள்ளிவாயலிலும் ஊர்வலமாக வந்து அதை ஆக்கிரமித்து அடாவடித்தனம் பண்ணினார்கள்.

முஸ்லிம்களிற்கு எதிரான இனவாதம், அதாவது தெளிவான இனவாதம் முன்னிறுத்தப்படும் காலமிது. இனவாத சக்திகள் “மக்கள் கூட்டம்” எனும் அமைப்பில் முன்னணியில் பௌத்த மத குருமார்களை முன்னிறுத்தி தனது இலக்கிற்கான அடைதல்களை இலகுவாக தட்டிச்செல்கிறது.

நேற்றைய தினம் அமைச்சர் மேர்வின் சில்வா பலாத்காரமாக சிலாபம் முன்னேஸ்வரம் கோயில் முற்றலில் பலியிட கட்டிவைக்கப்பட்ட ஆடுகளை பலாத்காரமாக அவிழ்த்து சென்று சிலாபம் பொலிஸாரிடம் ஒப்படைத்துள்ளார். பொலிஸ் பொறுப்பதிகாரியும் அதனை பாரம் எடுத்துள்ளார். இது நல்ல செய்தியல்ல. நாளை முஸ்லிம்களின் ஹஜ் காலத்தில் அல்லாஹ்விற்காக அறுக்கப்படும் குர்பான் நிகழ்வை சம்பூரணமாக தடுத்து நிறுத்தும் இனவாத கும்பலின் ஒத்திகையே முன்னேஸ்வரம் கோயில் ஆட்டுச்சமாச்சாரம்.

கிறிஸ் மனிதன் விவகாரத்தில் பாதிக்கப்பட்ட மக்கள் கூட சட்டம் ஒழுங்கை கையில் எடுக்கக் கூடாது என பாதுகாப்பு செயளர் முதல் ஸ்ரீ லங்கா பொலிஸின் அடிமட்ட கான்ஸ்டபிள் வரை சத்தமிட்டுக்கொண்டிருக்கும் போதுதான் அநுராதபுர நிகழ்வு பொலிஸ் உயர் நிலை அதிகாரிகள் முன்னிலையில் நிகழ்த்தப்பட்டுள்ளது. இங்கு சட்டத்தை கூட்டாக கையில் எடுத்ததும் பொதுமக்களே. பொளத்த மதகுருமாக்களே.

இனி என்ன. முஸ்லிம் உலமா சபையும், பிரமுகர்கள் பட்டாளமும் “மத நல்லிணக்க பேச்சுவார்த்தை“ என்ற பெயரில் புத்தனின் புதல்வர்களிடம் மண்டியிடுவார்கள். கெஞ்சுவார்கள். அவர்கள் கொடுக்கும் மத உரிமை பிச்சையை எடுத்து வந்து முஸ்லிம் சமூகத்தின் மத்தியில் “தாங்கள் சாணாக்கியமான வழியில் வியூகமமைத்து பிரச்சனைகளை வென்றெடுத்ததாக பிரஸ்தாபிப்பார்கள். “இதற்கு பெயர் சாணாக்கியமல்ல. சரணாகதி” பொளத்த பேரினவாதத்திடம் புனித இஸ்லாத்தை அடகு வைக்கும் செயல்.

மீண்டும் நாம் சொல்கிறோம். “குப்ரிய அரசியல் எம்மை ஒரு போதும் பாதுகாக்காது. காபிரால் அல்லாஹ்வின் அடிமையை ஒரு போதும் பாதுகாக்கவும் முடியாது.”

அபூ மஸ்லமா

காக்கியுடை தரித்தவர்கள் கைகட்டிப் பார்த்துக் கொண்டிருக்க! காவியுடை தரித்தவர்கள் ஸியாரம் உடைப்பு!

noreply@blogger.com (Unknown) — Mon, 26 Sep 2011 03:25:00 +0000

பாபர் மஸ்ஜித்தினை உடைத்த காவியுடைகும்,
இங்குள்ள காவியுடை தரித்தவர்களுக்கும் இடையில் எங்களால் வேறுபாடு காண முடியவில்லை.

நியாயம் கேட்டு நீதிமன்றம் செல்வேன்:

நீதியமைச்சர் ரஊப் ஹக்கீம்

அநுராதபுரம் ஸியாரம் உடைப்பு தொடர்பில் நியாயம் கிடைக்கவில்லை என்றால், இந்த அரசாங்கத்திலுள்ள நீதியமைச்சர் என்பதைக் கூடப் பார்க்காமல் நிச்சயமாக நானும் நீதிமன்றம் செல்வேன்.
ஸியாரம் உடைக்கப்பட்டபோது கைகட்டிப் பார்த்துக் கொண்டிருந்த காக்கியுடைக்காரர்களுக்கு எதிராக நான் வழக்குத் தாக்கல் செய்வேன். யார் தடுக்க முயன்றாலும் இதை நான் செய்தே தீருவேன்’ என்று முஸ்லிம் காங்கிரஸ் தலைவரும் நீதியமைச்சருமான ரவூப் ஹக்கீம் தெரிவித்தார்.
மருதமுனையில் நேற்று திங்கட்கிழமை இடம்பெற்ற தேர்தல் பிரசாரக் கூட்டமொன்றில் கலந்து கொண்டு உரையாற்றும் போதே அமைச்சர் மேற்கண்டவாறு குறிப்பிட்டார். இது தொடர்பில் அவர் அங்கு மேலும் தெரிவிக்கையில்,
‘அநுராதபுரத்தில் ஸியாரமொன்று உடைக்கப்பட்டது. காவியுடை தரித்தவர்கள் சிலர் அங்கு பிரசன்னமாகியிருந்தனர். காக்கியுடை தரித்தவர்கள் கைகட்டிப் பார்த்துக் கொண்டிருந்தார்கள். இப்படியானதொரு லட்சணத்தில் இந்த அரசாங்கத்தில் நான் ஓர் அமைச்சராக இருக்கின்றேன். இதைப் பார்த்துக் கொண்டு என்னால் கோபப்படாமல் இருக்க முடியாது. மு.காங்கிரசின் தலைவருக்கு இவற்றினைப் பார்த்தால் கோபம் வரத்தான் செய்யும்.
அநுராதபுரம் ஸியாரம் உடைப்பு விவகாரம் தொடர்பில் அரசாங்கத்தின் உயர் மட்டத்தவர் ஒருவருடன் இன்று காலை கடுமையான வாக்குவாதமொன்றில் ஈடுபட்டேன். அப்போது அவரிடம் நான் கூறினேன்.
இந்தியாவில் பாபர் மஸ்ஜித் இடிக்கப்பட்டமைக்கும், அநுராதபுரத்தில் ஸியாரம் உடைக்கப்பட்டமைக்கும் இடையில் எந்தவிதமான வித்தியாசங்களையும் நான் காணவில்லை. பாபர் மஸ்ஜித்தினை உடைத்த காவியுடை தரித்த இந்துத் தீவிரவாதிகளும், இங்குள்ள காவியுடை தரித்தவர்களுக்கும் இடையில் எங்களால் வேறுபாடு காண முடியவில்லை.
பாபரி மஸ்ஜித் உடைக்கப்பட்ட போது, பாதிக்கப்பட்டோர் அங்கு நீதிமன்றம் சென்றனர். ஓரளவு நியாயமும் வழங்கப்பட்டது. அதேபோன்று, அநுராதபுரம் ஸியாரம் உடைப்பு தொடர்பில் நியாயம் கிடைக்கவில்லை என்றால், இந்த அரசாங்கத்திலுள்ள நீதியமைச்சர் என்பதைக் கூடப் பார்க்காமல் நிச்சயமாக நானும் நீதிமன்றம் செல்வேன்.
ஸியாரம் உடைக்கப்பட்டபோது கைகட்டிப் பார்த்துக் கொண்டிருந்த காக்கியுடைக்காரர்களுக்கு எதிராக நான் வழக்குத் தாக்கல் செய்வேன். யார் தடுக்க முயன்றாலும் இதை நான் செய்தே தீருவேன் என்று அந்த உயர் மட்டத்தவரிடம் நான் கூறிய நிலையில்தான் – அரசாங்கத்தின் செலவில் அந்த ஸியாரத்தினை மீண்டும் கட்டித்தருவதாக அறிவித்தல் வந்திருக்கின்றது.
இதுபோல இன்னுமொரு விடயமும் உள்ளது. அரசாங்கத்திலுள்ள அந்த நபர் எனக்கும் கூட்டாளிதான். ஆனால், சிலவேளைகளில் காட்டு தர்பார் நடத்துவார். ஒரு தடவை சமுர்த்தி உத்தியோகத்தர் ஒருவரை மரத்தில் கட்டினார். பிறகு – தான் அவரைக் கட்டவில்லை என்றும் குறித்த உத்தியோகத்தர் தன்னைத் தானே கயிற்றால் கட்டிக் கொண்டதாகவும் கூறினார்.
இரண்டு நாட்களுக்கு முன்னரும் அந்த நபர் ஓர் அறிக்கை விடுகிறார். அதாவது, மாடுகளை அறுப்பவர்களைக் கண்டால் அவர்களின் கைகளை வெட்டுவேன் என்கிறார். இந்தக் காட்டுத் தர்பார் மிகவும் மோசமானதாகும். இதைக் கேட்டுக் கொண்டு என்னால் பேசாமல் இருக்க முடியாது. இவ்வாறான கூற்றுகளும் செயற்பாடுகளும் மிகப் பெரிய விபரீதங்களை ஏற்படுத்தும். இந்த நிலையில், இவ்விடயங்களை நாமும் மிகப் பக்குவமாக அணுக வேண்டியுமுள்ளது.
இன்னும் சில நாட்களில் ஹஜ் பெருநாள் வருகின்றது. அப்போது மாடுகளை அறுத்து உழ்ஹியா எனும் மார்க்கக் கடமையினை நாம் மேற்கொள்ள வேண்டியுள்ளது. அதன்போது என்ன நடக்கின்றது என்பதைப் பார்ப்போம். அதேவேளை, முஸ்லிம்களாகிய நாமும் சற்று பக்குவத்துடன் நடந்து கொள்ள வேண்டும். இப்போதுள்ள பிரச்சினையை மேலும் ஊதி வளர்த்து விடும் வகையில் நடந்து கொள்ளாமல் உழ்ஹியாவை மேற்கொள்ளும் போது – சாதுரியமாகச் செயற்பட வேண்டும்.
எது எவ்வாறினும், கையை வெட்டுவேன், காலை வெட்டுவேன் என்கிற காட்டுத் தர்பார்களையெல்லாம் அனுமதிக்க முடியாது. மு.கா. தலைமைத்துவம் இதைப் பார்த்துக் கொண்டு இருக்கவும் மாட்டாது.
நமது சமூகத்துக்கு அபிவிருத்தி தேவைதான். ஆனால், முதுகெலும்புடன்தான் அதை மேற்கொள்ள வேண்டியிருக்கிறது. அதைவிடுத்து, அரசின் முன்னால் நாலாக – எட்டாக மடிந்து வளைந்து கொண்டு, தருவதைத் தாருங்கள் நாம் எதுவும் பேச மாட்டோம் எனக் கூறி, ஒரு மூலையில் மடங்கிக் கிடக்க முஸ்லிம் காங்கிரஸ் தலைமையால் முடியாது”.
நீதிஅமைச்சர் அவர்களே! நியாயம் கேட்டு நீதிமன்றம் சென்றுவந்து உரையாற்றிருந்தால் நல்லதாக இருக்கும் அல்லவா?

நன்றி: தமிழ் மிறர்

முஸ்லிம்களின் குர்பானுக்கு எதிராக நான் கருத்துத் தெரிவிக்கவில்லை - மேர்வின் சில்வா

noreply@blogger.com (Unknown) — Sat, 24 Sep 2011 03:24:00 +0000

சட்டவிரோதமாக மாடுகளை அறுப்பவர்களின் கைகளையே நான் வெட்டுவதாகத் தெரிவித்தேன்.இஸ்லாத்தின் பெயரில் நடத்தப்படும் குர்பானுக்கு எதிராக நான் கருத்துத் தெரிவிக்கவில்லை என்று அமைச்சர் மேர்வின் சில்வா இன்று தெரிவித்தார்.

பிரதி அமைச்சர் பைஸர் முஸ்த்தபா. கொழும்பு மாநகர சபையின் முன்னாள் மேயர் அஸாத்சாலி ஆகியோருடன் அமைச்சர் மேர்வின் சில்வா கொழும்பு தெவட்டகஹா ஜும்மா பள்ளிவாசலுக்கு விஜயம் மேற்கொண்ட போதே அமைச்சர் இவ்வாறு தெரிவித்தார்.

இதன் போது அமைச்சர் தொடரந்து ஊடகங்களுக்கு கருத்துத் தெரிவிக்கையில், அல்லாஹ்வின் பேரில் முஸ்லிம்களால் மேற்கொள்ளப்படும் குர்பான் மத அனுஸ்டானத்திற்கு எதிராக நான் ஒருபோதும் செயற்படமாட்டேன். சட்டவிரோதமாக மாடுகளை அறுப்பவர்களின் கைகளையே நான் வெட்டுவதாகத் தெரிவித்தேன். 1802 ஆம் ஆண்டு சிங்களப் பெண்மணியினால் கட்டப்பட்ட இந்த பள்ளிவாசலிலிருந்து உறுதி அளிக்கிறேன் என்றார்.

முஸ்லிம்கள் பயங்கரவாதத்தின் அனுதாபிகள்: FBI போதனை!

noreply@blogger.com (Unknown) — Mon, 19 Sep 2011 06:49:00 +0000

அமெரிக்க உளவு பிரிவான FBI தனது உறுப்பினர்களுக்கு பயிற்சி வழங்கு போது அமெரிக்காவில் பிரதான, பெரும்பாலான முஸ்லிம்கள் பெரும்பாலும் பயங்கரவாதத்தின் அனுதாபிகளாக இருகின்றார்கள் -main stream” American Muslims are likely to be terrorist sympathizers- இஸ்லாத்தை பின்பற்றும் முஸ்லிம்கள் கொடூரமானவர்கள் “violent” . போன்ற மிகவும் மோசமான முறையிலான பயிற்சி வழங்கும் முறை அம்பலமாகியுள்ளது.

அதில் அல்லாஹ்வின் தூதரையும் ”வழமைக்கு புறம்பான நடத்தைகளை கொண்ட மத குழுவின் தலைவர்” – “cult leader” என்றும் வர்ணிக்கப்பட்டுள்ளது என்று wired.com என்ற இணையத்தளம் தான் கைப்பற்றிய தகவல்களை வெளியிட்டுள்ளது.

அதேபோன்று யுத்தம் நிரந்தரமானது என்றும் சமாதானம் தற்காலிகமானது என்று இஸ்லாம் கூறுவதாகவும் முஸ்லிம்கள் அதை விசுவாசிப்பதாகவும் “War is the rule and peace is only temporary” குறிபிடுகின்றது. மேலும் முஸ்லிம்கள், கிறிஸ்தவர்கள் , யூதர்களைவிடவும் வன்முறை நிறைந்தவர்கள். இவை போன்ற முஸ்லிம்களை மிகவும் மோசமான விரோதிகளாக, பயங்கரவாதிகளாக சித்தரிக்கும் பயிற்சியைத்தான் அமெரிக்க FBI தனது ஊழியர்களுக்கு வழங்கி வருகின்றமை அம்பலமாகியுள்ளது.

இஸ்லாமிய நடைமுறையான நன்கொடை வழங்குதல் யுத்ததிற்கு பணம் சேகரிக்கும் நடைமுறைதான் என்றும் அந்த பயிற்சி கோவை குறிபிடுகின்றது .

அமெரிக்காவில் முஸ்லிம்கள் பல ஒடுக்கு முறைகளை சந்திக்கின்றனர், பலர் போலியான குற்றசாட்டின் பெயரில் தடுத்து வைக்கப்பட்டுள்ளனர், அமெரிக்காவின் உள்நாட்டு உளவு பிரிவான FBI க்கு தகவல் வழங்குமாறு நிர்பந்திக்கப்படுகின்றனர் , மறுப்பவர்கள் போலியான குற்றசாட்டுக்களில் வதை முகாம்களில் அடைக்கப்படுகின்றனர்.

அமெரிக்காவில் மஸ்ஜித்துகள் பல அடக்கு முறைகளை எதிர்கொள்கின்றது , இரகசிய கமராக்கள் பொருத்தப்பட்டு அவை கண்காகிக்கபடுகின்றது. மஸ்ஜிதுகள் மீது தாக்குதல்கள் இடம்பெற்று வருகின்றது இன்னும் மஸ்ஜிதுகள் முற்றாக எரித்து அழிக்கப்பட்டுள்ளது.

அமெரிக்காவில் வாழும் முஸ்லிம்கள் கடத்தல், கைது, விசாரணை ,சித்திரவதை, கொலை போன்ற அமெரிக்க அரச பயங்கரவாத்தின் பிடியில் சிக்கி தவிக்கின்றனர் இவற்றை அமெரிக்காவின் மனித உரிமைக்கான அமைப்புகள் கூட பெரிதாக கண்டுகொள்ளவதில்லை. அமெரிக்காவில் பல மஸ்ஜிதுகள் எரிக்கப்பட்டுள்ளன. பல மஸ்ஜித் இமாம்கள் கைதாகி சிறைகளில் வதையுருகின்றனர். சில இமாமகள் சுட்டு கொல்லப்பட்டுள்ளனர் இவர்களின் வரிசையில்

கடந்த 2009 அக்டோபர் 28ஆம் திகதி அமெரிக்க உள்நாட்டு உளவு துறையான FBI யினால் லுக்மான் அமீன் அப்துல்லாஹ் என்ற டெட்ராயிடில் நகர மஸ்ஜித் இமாம் 21 தடவைகள் சுடப்பட்டு கொல்லபட்டார் என்பது சிறந்த உதாரணம். அரசுக்கெதிராக தாக்குதல் நடத்த மக்களை தூண்டிவிடுகிறார் என்ற போலியான குற்ற சாட்டு இவர்மீது சுமத்த பட்டிருந்தது. இவர் தேவையற்ற முறையில் சுட்டுகொள்ளபட்டார் என்பது பின்னர் வெளியாகியது.

இதேபோன்று அமெரிக்க இராணுவ புலனாய்வு இயந்திரங்களினால் வதைக்கபட்ட டாக்டர் ஆபியாவை அமெரிக்க நீதித்துறை 86 வருடங்கள் சிறையில் தள்ளியது இவரின் எந்தவொரு விடையத்திலும் கூட சர்வதேச அளவில் புகழ் பெற்ற அமெரிக்கவை தளமாக கொண்டு இயங்கும் சர்வதேச மனித உரிமைகளுக்கான அமைப்பான அமஷ்டி இன்டர்நேஷனல் கூட வாயை திறக்கவில்லை என்பது குறிபிடத்தக்கது.

அதேபோன்று தாரிக் மேஹன்னா என்ற டாக்டர் இவர் 28 வயது நிரம்பிய இளம் முஸ்லிம் அமெரிக்க டாக்டர் இவர் அமெரிக்காவில் பிறந்து அமெரிக்காவில் உயர்கல்வி கற்று Phd பட்டம் பெற்ற ஒரு புத்திஜீவி இவரின் இஸ்லாமிய துடிப்பு , சமூக சேவை , மாற்று மத சமூகங்கள் மத்தியில் இவரின் சமாதான செயல்பாடுகள் போன்றவற்றால் மிகவும் அறியப்பட்டவர் இவரிடம் இருந்த சமூக தொடர்பாடல், முஸ்லிம் சமுகத்தில் இவருக்கு இருந்த செல்வாக்கு, முஸ்லிம் வாலிபர்களுடன் இவருக்கு இருந்த உறவு என்பன அமெரிக்காவின் கழுகு கண்களான FBI உளவு துறைக்கு தேவைபட்டது.

பல தடவைகள் தாரிக்கை அணுகிய FBI தமக்கு தகவல் வழங்கும் ஒருவனாக வேலை செய்யுமாறு கேட்டது முஸ்லிம் சமுகத்தின் இருக்கும் இஸ்லாமிய துடிப்புள்ள வாலிபர்கள் பற்றி தமக்கு தகவல் தெரிவிக்குமாறு கேட்டது அதற்கு தாரிர் திடமாக மறுத்துவிட்டார். இதன் காரணமாக இவரை கடந்த 2008 ஆம் ஆண்டு சிறையில் தள்ளியது இவர் நியாயமற்ற முறையில் சிறையில் அடைக்கப்பட்டு இன்றுடன் 696 நாட்கள் என்பது குறிபிடத்தக்கது.

இவ்வாறான ஆயிரக்கணக்கான சம்பவங்கள் அமெரிக்காவில் நடந்த வண்ணமுள்ளது. மேலே சொன்னவை சில உதாரணங்கள் மட்டும்தான். இதற்கான பிரதான காரணம்தான் தற்போது வெளியாகியுள்ள FBI பயிற்சி முறை அமெரிக்க அரச பாதுகாப்பு தரப்பு அமெரிக்க முஸ்லிம்கள் அனைவரையும் பயங்கரவாதிகள் என்றும் பயங்கரவாதிகளின் அனுதாபிகள் என்றும் போதிக்கின்றமை.

இந்த கீழ்த்தரமான பயிற்சி முறை அமெரிக்க பொது மக்களையும் முஸ்லிம்கள் மீது தூண்டிவிட காரணமாக அமைகின்றது என்பதை ஊகிக்க முடியும் , அமெரிக்க அரசாங்கம் அரச முஸ்லிம்களுக்கு எதிரான அரச பயங்கரவாத்தை ஊட்டி வளர்கின்றது என்பதுதான் தற்போது வெளியாகியுள்ள தகவல் சொல்லும் செய்தி. இந்த தகவல் பலருக்கு அதிர்ச்சியாக இருந்தாலும் அமெரிக்காவின் உண்மை முகம் தெரிந்த சிலருக்கு இதுவொன்றும் புதிய செய்தியல்ல.

அஷ்ஷெய்க் எஸ் .எம் மஸாஹிம் (இஸ்லாஹி)

முஸ்லிம்கள் எதிர்கொள்ளப்போகும் பிரச்சினைகளை கையாள ஒரு பொறிமுறை வேண்டும்

noreply@blogger.com (Unknown) — Sat, 17 Sep 2011 05:32:00 +0000

கொழும்பு தெஹிவளை பாத்தியா மாவத்தையில் அமைந்துள்ள மஸ்ஜித் ஒன்றுக்குள் பெளத்த மதகுருமார்கள் சிலர் நுழைந்து அதனை மூடிவிடுமாறு எச்சரிக்கை விடுத்துள்ளதாகவும் அந்த அச்சுறுத்தல் பின்னர் அதை தொடர்ந்த அச்சுறுத்தல்கள் காரணமா குறித்த மஸ்ஜித் அதன் ஜமாஅத் தொழுகைகளை இடைநிறுத்தியுள்ளது என்ற செய்தி நம் அனைவருக்கும் தெரியும்.

ஒரு நாட்டில் ஒரு இனத்தின் உரிமைகளுக்காக அந்த இனத்தின் நிறுவங்கள் குரல் எழுப்புவது அதன் உரிமை ஆனால் அந்த உரிமை குரல்கள் மற்ற இனத்தின் அல்லது மதத்தின் உரிமைகளை முடக்குவதாகவே அதன் குரல் வலையை நசுக்குவதாகவே இருக்குமாக இருந்தால் அது தெளிவான இனவாதமாக மாறிவிடுகின்றது .இலங்கை சுதந்திரம் அடைந்த 1949 ஆம் ஆண்டில் இருந்து இலங்கையை எண்ணிக்கையை அடிப்படையாக கொண்டு இலங்கை பெளத்த நாடு என்ற வாதம் முன்வைக்கப்பட்டு வந்துள்ளது பின்னர் 1972 ஆம் விரிவாக ஆண்டில் இலங்கையின் முதல் குடியரசு யாப்பின் 2 ஆம் பகுதி 6ஆம் உறுப்புரை இலங்கை ஒரு பெளத்த நாடு என்றும் பௌத்தத்தை பாதுகாப்பதும் அதை போசிப்பதும் அரசின் கடமை என்றும் தெரிவிக்கின்றது அதேவேளை அந்த யாப்பு இலங்கையில் உள்ள அனைத்து மதங்களுக்குமான உரிமைகளின் பாதுகாப்பையும் உறுதிப் படுத்துகின்றது.

25 வருட கால யுத்தத்தை அனுபவித்த இலங்கை போன்ற பல்லின சமூகம் வாழும் நாட்டில் யுத்தத்துக்கு பின்னரான இலங்கயில் சிறுபான்மையினரின் அனைத்து உரிமைகளையும் யாப்பு ரீதியாகவும் நடைமுறை ரீதியாகவும் அரசு உத்தரவாதப்படுத்துவது அரசின் முன்னால் இருக்கும் பாரிய பொறுப்பாக இன்று உள்ளது.

இனவாத கருத்துகளும் செயல்பாடுகளும் இலங்கையின் சிறுபான்மை சமூகங்களை இந்த நாட்டில் அன்னியத்தை உணரவும் அதை அவர்களின் ஆழ்மனதில் ஆழமாக பதிந்து கொள்ளவும் தொடர்ந்து காரணாமாக இருக்காதவாறு அரசு நடவடிக்கைகளை மேற்கொள்ளவேண்டும் என்பது காலத்தின் கட்டாயம். ஒரு இனம் , சமூகம் தனது உரிமைகளுக்காக குரல்கொடுப்பது அதற்காக செயல்படுவது என்பது பெரும்பான்மை சிறுபான்மை என்ற வித்தியாசம் இன்றி அது அவர்களின் உரிமை ஆனால் அது எப்போதும் மாற்று சமூகங்களின் உரிமைகளை முடக்கவும் கட்டுப்படுத்தவும் முற்படுவதை அனுமதிக்க கூடாது.

இலங்கையில் சிறுபான்மை சமூகத்தின் ஒன்றான தமிழர்கள் அவர்களின் உரிமை போராட்டம் என்று அறிவித்து மேற்கொண்ட போராட்டத்தினால் முஸ்லிம்களுக்கு பாரிய இன ஒடுக்கு முறையை பரிசாக வழங்கியுள்ளார்கள் தமது உரிமைகளுக்காக போராடியதாக கூறியவர்கள் முஸ்லிம்களை ஒடுக்கினார்கள் யுத்தம் முடிந்த பிறகும் முஸ்லிம்களுக்கு தமிழர்களின் ஆயுத போராட்டம் ஏற்படுத்திய காயங்கள் ஆறாத புண்ணாகி விட்டுள்ளது.

இந்த தொடரில் சிங்கள பெளத்த மக்களின் உரிமைகளை பாதுகாப்பதாக அதற்காக போராடுவதாக கூறும் ‘சிங்கள் சிறுபான்மை அரசியல் கட்சிகள்’ முஸ்லிம்களின் உரிமைகளை முடக்குவதாகவே அதன் குரல் வலையை நசுக்குவதாகவே இருக்க அரசு அனுமதிக்க முடியாது.

யுத்தம் முடிந்துள்ள நிலையில் பல அரசியல் கட்சிகள் புலிகளை காட்டி அரசியல் செய்யமுடியாத நிலை ஏற்பட்டுள்ளது, இதனால் இனவாத அரசியல் சக்திகள் தமது கொள்கை உயிர் வாழத் தேவையான புதிய களங்களை திறக்க தயங்காது அதுதான் உலக இனவாத அரசியல் வரலாறு விபரீதங்கள் நடக்க முன்னர் முஸ்லிம் அரசியல் மற்றும் அரசியல் சார்பற்ற நிறுவங்கள் கூட்டாக புதிய பொறிமுறை ஒன்றை உருவாக்க முன்வரவேண்டும் உருவாக்கப்பட்டும் பொறிமுறையின் ஊடாக முஸ்லிம் சமூகம் எதிர்கொள்ளும் எதிர்கொள்ளப்போகும் பிரச்சினைகளை கையாளவேண்டும். இந்த பொறிமுறை பற்றி ஆராயவும் செயல்படவும் அகில இலங்கை ஜம்மியதுல் உலமா சபைதான் மற்ற அரசியல் மற்றும் அரசியல் சாரா நிறுவனங்களுக்கு அழைப்பு விடுக்கவேண்டும்.

புலிகளின் பின்னரான வடக்கு கிழக்கில் இவ்வாரான பிரச்சினைகள் தற்போது பலமும் பலவீனமும் என்ற சமன் பாட்டை தொட்டுள்ளது ஆனால் வடக்கு கிழக்கிற்கு வெளியில் இனவாத சிந்தனை பலம் பெற்றுள்ளதாக உணரமுடிகின்றது தென்பகுதி முஸ்லிம்கள் மஸ்ஜிதுகளை நிர்மானிப்பதிலும் நிர்வாகம் செய்வதிலும் புதிதாக பல பிரச்சனைகளை எதிர்கொள்கின்றார்கள் என்பதை நடைபெறும் சம்பவங்கள் காட்டுகின்றது கொழும்பு தெஹிவளை கல்போவில பாத்தியா மாவத்தை மஸ்ஜித் சம்பவத்தை போன்ற பல சம்பவங்கள் இதற்கு முன்னரும் இடம்பெற்றுள்ளன இடம்பெற்றும் வெளிவராமலும் இருக்கலாம்

கடந்த 2010ஆண்டு மே மாதம் குருநாகல் மாவட்டத்தில் இப்பாகமுவ பிரதேச செயலகத்திற்கு உட்பட்ட மெல்சிறிபுர பிரதேச கிராமத்தில் அமைத்துள்ள நூர் ஜும்மாஹ் மஸ்ஜிதின் உள்பகுதியினுள் நுழைந்த பெரும்பான்மை இன குழுவொன்று அங்கிருந்த மஸ்ஜிதின் உபகரணங்களை அடித்து உடைதுள்ளதுடன் மஸ்ஜிதின் கட்டிட தொகுதிக்கும் சேதம் ஏற்படுத்தியது பின்னர் உரிய அனுமதியுடன் சிறிய அளவில் மஸ்ஜித் கட்டிடம் கட்டப்பட்டது தற்போது அங்கு வெளிப் பிரதேச முஸ்லிம்கள் தொழுகையில் ஈடுபடகக் கூடாது என்று அச்சுறுத்தப் படுவதாக தெரியவருகின்றது

அதேபோன்று கடந்த 2010ஆண்டு கண்டி வட்டாரத்தென்னை என்ற பிரதேசத்தில் நீண்டகாலமாக இயங்கிவந்த தக்கியாவும் அல் குர்ஆன் மாலை நேரப்படசாலையும் காடையர் குழுவினால் தாக்குதளுக்கு உள்ளானது பின்னர் மூடி திறக்கும் நிலை ஏற்பட்டது அதேபோன்று கடந்த 2009 ஆம் ஆண்டு ஏப்ரல் மாதம் கண்டி அம்பிட்டிய என்ற பிரதேசத்தில் இயங்கிவந்த அல் குர்ஆன் மாலை நேரப்படசாலையையும் , மஸ்ஜிதையும் உடன் மூடிவிட வேண்டும் அல்லது உடைத்து தகர்க்க படும் என்று கூறிக்கொண்டு குறித்த மஸ்ஜிதினுள் நுழைந்த பௌத்த தேரர்கள் உட்பட பலர் மஸ்ஜிதின் இமாமை மிக கடுமையாக விரட்டிவிட்டு சென்றனர் இதை தொடர்ந்து போலீஸ் வழக்கு நீதிமன்றம் செலும்வரை அல் குர்ஆன் மாலை நேரபடசாலையை தடை செய்தது.

சில ஆண்டுகளுக்கு முன்னர் கண்டி தெய்யன்வய என்ற கிராமத்தில் மஸ்ஜித் ஒன்று தொடர்பாக பலத்த எதிர்ப்பு நிலவியுள்ளது குறித்த மஸ்ஜிதை மூடும்படி சுவரொட்டிகளும் ஒட்டப்பட்டுள்ளது ஆனால் தெய்யன்வய முஸ்லிம்கள் இந்த பயமுறுத்தல்களை வெற்றிகரமாக முறியடித்து மஸ்ஜிதின் செயல்பாடுகளை தொடர்ந்து முன்னெடுத்து வருகின்றனர்.

அதேபோன்று கடந்த 2010ஆண்டு ஜனவரி மாதம் கண்டி அரும்பொலை என்ற பிரதேசத்தில் முஸ்லிம்களால் நடாத்தப்படும் இஸ்லாமிய முறையிலான சர்வதேச பாடசாலை ஒன்றுக்கு அந்த பாடசாலையை உடனடியாக மூடிவிட்டு அங்கிருந்து வெளியேறுமாறு அச்சுறுத்தும் சுவரொட்டிகள் அந்த பிரதேசத்தில் ஒட்டப்பட்டது. இவ்வாறான பல பிரச்சினைகளை முஸ்லிம்கள் எதிர்கொண்டுள்ளனர் .

மறுபுறத்தில் முஸ்லிம்கள் எதிர்கொள்வதை விடவும் பாரிய நெருக்கடிகளை சிங்கள கிறிஸ்தவர்கள் எதிர் கொள்கின்றனர் கடந்த ஆண்டுகளில் நூற்றுக் கணக்கான தாக்குதல்கள் கிறிஸ்தவ மையங்கள் மீது நடத்தப்பட்டுள்ளது இவற்றில் கிறிஸ்தவ தேவாலையங்கள் மீதும் பாதிரியார்கள் மீதான தாக்குதல்கள் மற்றும் ஆர்பாட்ட பேரணிகள் என்பனவும் இடம்பெற்றுள்ளன.

கடந்த ஆண்டு ஜூன் மாதம் ராஜகிரியவில் சட்டவிரோத கட்டிடம் என்று அடையாளம் காணப்பட்ட தமிழ் கிறிஸ்த தேவாலையம் ஒன்று நகர அபிவிருத்தி அதிகாரசபையால் முற்றாக இடித்து தகர்க்கப்பட்டது இதேபோன்று சிங்கள கிறிஸ்தவ தேவாலையங்கள பல அச்சுறுத்தல்களை எதிர்கொண்டு உள்ளதாக கிறிஸ்தவ தகவல்கள் தெரிவிக்கின்றன.

கொழும்பு மாலபே , ஜாயல போன்ற பகுதிகளிலும் இதேபோன்ற சம்பவங்கள் இடம்பெற்றுள்ளன கொழும்புக்கு வெளியிலும் பல மாவட்டங்களில் அவர்கள் பிரச்சினையை எதிர்கொள்வதாக தெரிவிக்கின்றனர் குறிப்பாக கம்பஹா ,அனுராதபுரம் , ஹோமாகம, வாட்டுவா, அம்பன்போல, எம்பிலிபிட்டிய, ரட்னபுர, கண்டி சிலாபம் ஆகிய பிரதேசங்களில் அவர்கள் பிரச்சினைகளை எதிர்கொண்டுள்ளனர் என்றாலும் அவர்கள் தற்போது கையாளும் பொறிமுறை ஒன்றின் ஊடாக பல சம்பவங்கள் குறைவடைந்துள்ளது என்று தெரிகின்றது .

முஸ்லிம் சமூகத்தை நோக்கி வரும் இவ்வாறான பிரச்சினைகளை சரியாக எதிர்கொள்ள மிகவும் பொருத்தமான பொறிமுறை ஒன்று உருவாக்கப்படவேண்டும் அதை உருவாக்குவதில் முஸ்லிம் அரசியல்வாதிகள் , இஸ்லாமிய நிறுவங்கள் , மனித உரிமை அமைப்புகள் , முஸ்லிம் அல்லாத அரசியல்வாதிகள் என்று பலரையும் உள்ளடக்கி ஒரு பொறிமுறை உருவாக்குவது பல பாரிய பிரச்சினைகளைக் கூட மிகவும் இலகுவாக தீர்த்துக்கொள்ள வழிகாட்டலாம் இதை அகில இலங்கை ஜம்மியதுல் உலமா தொடங்கி வைப்பதுதான் பொருத்தமாக அமையும் .

M.ஷாமில் முஹம்மட்

நன்றி;

அப்படி ஒன்றும் அநுராதபுரத்தில் நடக்கவில்லை: பொலிஸ்

noreply@blogger.com (Unknown) — Sat, 17 Sep 2011 05:18:00 +0000

அனுராதபுரம் சியாரம் தொடர்பில். இப்படியான சம்பவம் ஒன்றும் அநுராதபுரத்தில் நடக்கவில்லை என்று இலங்கை பொலிஸ் தரப்பில் பேசவல்ல அதிகாரி மறுத்துள்ளார். என்று BBC Tamil இணையத்தளம் தெரிவித்துள்ளது. அந்த செய்தியை இங்கு பதிவு செய்கின்றோம்

இலங்கையின்
அநுராதபுரத்தில் அமைந்திருந்த ஒரு முஸ்லிம் தர்காவை சில பொளத்த பிக்குகள் அடங்கிய குழு ஒன்று சில நாட்களுக்கு முன்னர் இடித்து தரைமட்டமாக்கியதாக சில ஊடகச் செய்திகள் கூறியுள்ளன.

இந்தச் சம்பவம் பொலிசாரின் முன்னிலையிலேயே நடந்ததாகவும் அந்தச் செய்திகள் கூறின.

இந்தத் தர்கா , பௌத்தர்கள் புனிதமான இடமாகக் கருதும் சிங்கள மன்னன் துட்டகெமுனுவின் அஸ்தி புதைக்கப்பட்ட இடத்திற்கு அருகே அமைந்திருப்பதால் அது இடிக்கப்பட்டிருக்கலாம் என்றும் கூறப்பட்டது.

இந்தச் சம்பவம் குறித்து தமிழோசையிடம் பேசிய அனுராதபுரம் மொய்தீன் ஜும்மா பெரிய பள்ளிவாசலின் முன்னாள் செயலாளர் அப்துல் ரசாக் அவர்கள், இந்தச் சம்பவம் கடந்த சனிக்கிழமை நடந்ததாகவும், பிக்குமார் அடங்கலாக சுமார் 60 பேர் கொண்ட குழு ஒன்று இந்தத் தாக்குதலை நடத்தியதாகவும் கூறினார்.

அதேவேளை அந்த தர்கா தாக்கப்படுவதில் இருந்து பாதுகாக்க வந்த முஸ்லிம்களை பொலிஸார் தடுத்து விட்டதாகவும் அவர் குறிப்பிட்டார்.

ஆனால் இப்படியான சம்பவம் ஒன்றும் அநுராதபுரத்தில் நடக்கவில்லை என்று இலங்கை பொலிஸ் தரப்பில் பேசவல்ல அதிகாரி மறுத்துள்ளார்.

இது குறித்து இணையத்தளங்களில் புகைப்படங்கள் வெளிவந்துள்ளமை குறித்துக் கேட்டதற்குப் பதிலளித்த அவர், அப்படி இலங்கையில் உள்ள எந்த ஊடகமும் தகவல் வெளியிடவில்லை என்றும், வெளிநாட்டு ஊடகங்களில் அப்படி எதுவும் வந்திருந்தால் அது குறித்து தனக்கு எதுவும் தெரியாது என்றும் கூறினார்.

தாம் மேற்கொண்டுள்ள

விளையாட்டை ராவைய அமைப்பு தனது சிங்கள மொழி இணையத்தளத்தில் பதிவு செய்துள்ளது அவற்றை இங்கு தருகின்றோம. The Sinhala Ravaya National Organization, The Baudda Arakshaka Padanama , the Dhamma Vijaya Padanama ஆகியவற்றுடன் இன்னும் பல இயக்கங்கள் இணைந்து இதில் ஈடுபட்டுள்ளதாக தகவல்கள் தெரிவிக்கின்றது. இந்த கட்டத்தை சட்டவிரோதமானது என்று கூறியே உடைத்துள்ளனர். இந்த படங்கள் பல செய்திகள் சொல்கின்றது.

நன்றி;bbc

இலங்கை அரபு கலாசாலைகளுக்கான ஒரு பொதுப் பாடத்திட்டம் தயார்: அஷ்ஷெய்க் ஏ.சீ. அகார்

noreply@blogger.com (Unknown) — Wed, 14 Sep 2011 02:59:00 +0000

அரபு கலாசாலைகளுக்கான பொது பாடத்திட்டம் ஒன்றை உருவாக்கி நடைமுறைப் படுத்தும் முயற்சி இறுதி கட்டத்தை அடைந்துள்ளது. இது தொடர்பாக அகில இலங்கை ஜம்இயதுல் உலமாவின் உப தலைவர்களுள் ஒருவரும் ஜாமியா நழீமியாவின்
பிரதிப்பணிப்பாளரும், இத்திஹாதுள் மதாரிஸில் அரபியா ஒன்றியத்தின் உறுப்பினருமான அஷ்ஷெய்க் ஏ.சீ. அகார் முஹமத் தெரிவித்தார்.

மேலும் அவர் தெரிவிக்கையில் கடந்த முப்பது ஆண்டுகளாக அரபு கலாசாலைகளுக்கான பொது பாடத்திட்டம் ஒன்றை உருவாக்கும் முயற்சி மேற்கொள்ளபட்டு வந்தாலும் பல காரணங்களால் தடைப்பட்டிருந்த இந்த முயற்சி முஸ்லிம் சமைய பண்பாட்டலுவல்கள் திணைக்களத்தின் ஏற்பாட்டில் கடந்த சில வருடங்களாக இலங்கையின் விசேட ஆலிம்கள் குழு, நிபுணர்கள் குழு மூலம் மேற்கொண்டு வந்த முயற்சி இறுதிக் கட்டத்தை அடைந்துள்ளது .

முஸ்லிம் சமைய பண்பாட்டலுவல்கள் திணைக்களத்தின் இலங்கையில் உள்ள அரபு கலாசாலைகளுக்கான பொது பாடத்திட்டம் ஒன்றை உருவாக்கும் நோக்கில் தேற்றுவிக்கப்பட்ட ”இத்திஹாதுள் மதாரிஸில் அரபியா” என்ற அமைப்பு அரபு கலாசாலைகளுக்கான பொது பாடத்திட்டத்தை பலர் அமர்வுகளின் ஊடாக தயாரித்து அனைத்து தரப்பினரின் அங்கீகாரத்தையும் பெற்றுள்ளது. தற்போது பூர்த்தியடைந்துள்ள பொது பாடத்திட்டத்தை. முஸ்லிம் சமைய பண்பாட்டலுவல்கள் திணைக்களம் அரபு, மற்றும் ஆங்கிலம் , தமிழ் , சிங்களம் ஆகிய மொழிகளுக்கு மொழிமாற்றம் செய்துள்ளது.

உருவாகப்பட்டுள்ள பொது பாடத்திட்டதிற்கான பரீட்சைகள் இலங்கை அரசாங்கத்தின் பரீட்சைகள் திணைக்களத்தினால் மேற்கொள்ளப்படவேண்டும் என்ற நோக்கில் முயற்சிகள் மேற்கொள்ளபட்டு வருகின்றது . இதற்கான கலந்துரையாடல் ஒன்று இலங்கை பரீட்சைகள் திணைக்களத்துடன் மேற்கொள்ளப்பட்டு பரீட்சைகள் திணைக்களத்தின் சில ஒழுங்கு முறைக்கு அமைவாக திருத்த வேலைகள் இடம்பெற்றுவருகின்றது இன்ஷா அல்லாஹ் இன்னும் ஒரு மாதகாலத்தில் இதற்கான எஞ்சியுள்ள வேலைகளும் பூர்த்தியாகி இலங்கை பரீட்சைகள் திணைக்களத்தினால் பரீட்சைகள் மேற்கொள்ளுவதற்கான ஏற்பாடுகள் வெற்றிபெறும் என்று எதிர்பார்கலாம் என்றும் அகில இலங்கை ஜம்இயதுல் உலமா மற்றும் இத்திஹாதுள் மதாரிஸில் அரபியாவும் மிக விரைவில் அரபு கலாசாலைகளின் அதிபர்கள் , நிர்வாகிகளை அழைத்து இந்த பொது பாடத்திட்டத்தை அறிமுகப்படுத்திவைக்கவுள்ளது அதேவேளை முஸ்லிம் சமைய பண்பாட்டலுவல்கள் திணைக்களம் இலங்கை பரீட்சைகள் திணைக்களத்தினால் மூலம் இந்த பாடதிட்டதிற்கான பரீட்சைகளை நடாத்தத்தேவையான ஏற்பாடுகளை செய்துவருகின்றது எனவும் தெரிவித்தார்.

நியமிக்கப்பட்ட விசேட ஆலிம்கள் கொண்ட நிபுணர்கள் குழு பல அமைப்புகளின் முக்கிய பிரதிநிதிகளை கொண்டுள்ளது இந்த இத்திஹாதுள் மதாரிஸில் அரபியா அமைப்பில் அஷ்ஷெய்க் ஏ.சீ. அகார் முஹமத் அவர்களும் அங்கம் வகிக்கின்றார். இந்த பொது பாடத்திட்டம் மூன்று கட்டங்களை கொண்டது ஒன்று முதல் பிரிவு கா.போ.தா.(சா/த) தரத்திளான பாடத்திட்டத்தையும் , இரண்டாம் பிரிவு கா.போ.தா.(உ /த) தரத்திளான பாடத்திட்டத்தையும் மூன்றாம் பிரிவு பல்கலை கழக பட்டப் படிப்பு தரத்திளான பாடத்திட்டத்தையும் கொண்டதாக தயாராகியுள்ளது.

இருந்த போதிலும் முதல் இரண்டும் இலங்கை பரீட்சைகள் திணைக்களத்தினால் அதற்கான பரிச்சைகளை மேற்கொள்ள முடியுமாயினும் மூன்றாம் பிரிவு பல்கலை கழக பட்டப் படிப்பு தரத்திளான பாடத்திட்டம் இலங்கை பல்கலை கழக மானியங்கள் ஆணைக்குழுவினால் அங்கீகரிக்கப் பட்ட பின்னர் பல்கலை கழகம் ஒன்றினால் நடாதத்ப்படவேண்டி இருப்பதால் அது தொடர்பாக இலங்கை பரிட்சைகள் திணைக்களத்தினால் தீர்மானம் எடுக்க முடியாது என்று திணைக்களம் தெரிவித்துள்ளது.

மேற்படி அரபு கலாசாலைகளுக்கான பொது பாடத்திட்டம் இலங்கையின் அரபு கலாசாலைகளில் நடைமுறையில் இருக்கும் பாடத்திட்டத்தில் எந்த மாற்றத்தையும் மேற்கொள்ளவில்லை என்பதும். உருவக்கபட்டுள்ள பாடத்திட்டத்தை மாணவர்கள் மேலதிகமாக கற்று பரீட்சைக்கு தயாராக வேண்டும் என்றும் இது கட்டாய பரிச்சையாக மாணவர்களுக்கு அமையாது என்றும் இந்த பாடத்திட்டத்தை பயின்று பரீட்சை எழுதுபவர்கள் அரசினால் அங்கீகரிக்கப் பட்ட சான்றிதல்களை பெறுவதுடன் எதிர்காலத்தில் அரசாங்க தொழில்களை பெறுவதற்கும் துணை புரியும் என்றும் மாணவர்கள் வெளிநாட்டு பல்கலை கழகங்களுக்கு செல்வதற்கு இதனை ஒரு தகமையாக கொள்ளமுடியும் என்றும் தெரிவித்தார். அரபு கலாசாலைகளுக்கான பொது பாடத்திட்டம் மொழி , சட்டம் , வரலாறு , அகீதா, தப்ஸீர் போன்ற படங்களை உள்ளடக்கியது என்பது குறிபிடத்தக்கது.

இலங்கை முஸ்லிம்களின் வரலாற்று சின்னமொன்று உடைதெரியப் பட்டுள்ளது

noreply@blogger.com (Unknown) — Wed, 14 Sep 2011 02:40:00 +0000

வட மத்திய மாகாணமான அநுராதபுரம் பழைய நகர் பகுதியில் ஊர்வளமாக வந்த பெரும்பான்மை இனக் குழுவொன்று மிகவும் பழமையான ஸியாரம் ஒன்றினை உடைத்து தகர்த்துள்ளது
என்று அனுராதபுரம் பிரதேச மக்கள் lankamuslim.org க்கு தெரிவித்தனர்.

அநுராதபுரம், குருணாகல் சந்தியில் அமைந்திருந்த எல்லாளன் சிலை அமைந்துள்ள பகுதியில் ஒட்டுப் பள்ளம் என்று அழைக்கபடும் மிகப் பழமைவாய்ந்த முஸ்லிம் ஸியாரம் ஒன்றினை நேற்று மாலை அங்கு வந்த ஒரு குழுவினர் முற்றாகத் தரைமட்டமாக்கிச் சென்றுள்ளனர்.

இது தொடர்பாக பிரதேச மக்கள் கருத்து தெரிவிக்கையில் நேற்று சுமார்4.00 மணியளவில் வந்த ஒரு குழுவினர் ஸியாரத்தை முற்றாக நிர்மூலமாக்கிச் சென்றனர்.தற்போது சியாரத்தின் சுற்று மதில்கள் மட்டும் எஞ்சியுள்ளது. என்றும் தெரிவிக்கின்றனர்.

இது தொடர்பாக குறித்த பிரதேசத்தின் ஆசிரியர் ஒருவர் எமக்கு தகவல் தெரிவிக்கையில் போலீஸாரின் முனிலையில் சியாரம் உடைக்கப்பட்டுள்ளது. உடைக்க வந்த குழுவில் பெளத்த பிக்குகளும் இருந்துள்ளனர். உடைத்த பின்னர் அங்கு பெளத்த கொடியொன்று ஏற்றப்பட்டுள்ளதாகவும் தெரிவிக்கப்படுகின்றது. சில மாதங்களுக்கு முன்னர் குறித்த சியாரம் பெளத்த மதக் குழுவொன்றினால் உடைக்கப்பட்டது பின்னர் மீண்டும் முஸ்லிம்களால் கட்டப்பட்டது அந்த சம்பவம் கூட சில இனவாத இணையத்தளங்களில் முஸ்லிம்கள் பலவந்தமாக பெளத்த புனித பகுதியில் புதிதாக மஸ்ஜித் ஒன்றை நிர்மாணித்து வருவதாக உண்மைக்கு புறம்பான தகவல்களை தெரிவித்தகாக அறிகின்றேன் என்றும் தெரிவித்தார்.

அனுராதபுரம் முஸ்லிம்களின் பிரதேசமான அநுராதபுரம் பழைய நகர் பகுதியில் அமைந்திருந்த பழமை வாய்ந்த இந்த ஸியாரத்தை முஸ்லிம்களின் வரலாற்று சின்னமாகவே பிரதேச முஸ்லிம்களில் பெரும்பாலானவர்கள் பார்க்கின்றனர். இங்கு ஷிர்க் இடம்பெறுவதில்லை என்று தெரிவிகின்றனர். இன்று இந்த முஸ்லிம்களின் வரலாற்று சின்னம் அடித்து உடைக்கப்பட்டுள்ளது. முஸ்லிம்களும் ,தமிழர்களும் அதிகமாக வாழ்ந்த அநுராதபுரம் பழைய நகர் பகுதியில் இருந்து அந்த பிரதேசத்தின் மக்கள் பலர் வெளியேற்ற பட்டனர். அவர்கள் தமது நகர பகுதி காணிகளை இழந்த நிலையில் தற்போது புறநகர், பிரதேசசபை பகுதியில் காணிகள வழங்கப்பட்டு நகரத்துக்கு வெளியில் வாழ்கின்றனர்.

அநுராதபுரம் பழைய நகர் பகுதியில் பரம்பரை பரம்பரையாக வாழ்ந்து வந்தவர்களின் சுமார் 150 வரையான வீடுகள் கடைகள் என்பன புலிகளுடனான யுத்தம் முள்ளிவாய்காலில் முடிவடைததாக அரசாங்கள் அறிவித்த மே 19 ஆம் திகதிக்கு அடுத்த நாள் 20 ஆம் திகதி புல்டோசர்களால் உடைத்து தகர்க்கப்பட்டது என்றும் அந்த ஆசிரியர் தெரிவிக்கின்றார்.

இந்த சம்பவங்கள் யுத்த வெற்றி முழக்கத்தின் மத்தியில் யாரினதும் காதுகளுக்கு விழவில்லை. இதை எதிர்ந்து கட்டிடங்களினதும் காணிகளினதும் உரிமையாளர்கள் பிரதேசத்தில் பலர் தமக்கு வழங்கப்பட்டுள்ள காணிகளை ஏற்காது கொழும்பில் வழக்கு தொடுத்துள்ளனர். அந்த வழக்கு தற்போதும் விசாரணையில் உள்ளது. அந்த உடைப்பு சம்பவத்தின் போதும் குறித்த சியாரம் உடைக்கப்படவில்லை என்பது குறிபிடத்தக்கது. 1957 இல் UNESCO World Heritage Site, புராதன பிரதேசமாக அனுராதபுரம் அறிவிக்கப்பட்டுள்ளதும், அனுராதபுரம் பௌத்தர்கள் புனித பூமியாக கொண்டுள்ளதும் குறிபிடத்தக்கது.

=============================================================================

அது தொடர்பான படங்களை

பெளத்த ராவைய அமைப்பு தனது இணையத்தளத்தில் வெளியிட்டுள்ளது. அநுராதபுரம், குருணாகல் சந்தியில் அமைந்திருந்த எல்லாளன் சிலை அமைந்துள்ள பகுதியில் ஒட்டுப் பள்ளம் என்று அழைக்கபடும் மிகப் பழமைவாய்ந்த படங்கள் ஸியாரம் ஒன்றினை அங்கு வந்த பெளத்த அமைப்புகளின் உறுப்பினர்களை கொண்ட குழுவினர் முற்றாகத் தரைமட்டமாக்கிச் சென்றுள்ளனர். தாம் மேற்கொண்டுள்ள

நன்றி:லங்காமுஸ்லிம்

பிறை சமுதாயத்தை பிரிக்குமா?

noreply@blogger.com (Unknown) — Fri, 09 Sep 2011 11:45:00 +0000

நாமெல்லாம் மிக ஆவலோடு எதிர்நோக்கியிருக்கும் ஹிஜ்ரி 1432 ஆண்டின் ரமழான் மாதம் நம்மை நெருங்கிக் கொண்டிருக்கிறது – அல்ஹம்துலில்லாஹ்.

இறைவனால் ஒப்புக்கொள்ளப்பட்ட மார்க்கம் இஸ்லாம் (3:19), உங்கள் மார்க்கத்தை பரிபூர்ணமாக்கி விட்டேன். (5:3) என்று இஸ்லாத்திற்கு இறைவனே நற்சான்றிதழ் கொடுத்துவிட்டபோது இறைமார்க்கத்தை பின்பற்றும் முஸ்லிம்களோ பிறையை மையமாக வைத்து சல்லடையாக பிரிந்து கிடக்கின்றனர், இல்லை பிரிக்கப்பட்டுள்ளனர்.

ஓர் இறை, ஓர் மறை, ஒரே பிறை ஆனால் பெருநாள் மட்டும் எப்படி மூன்று? என்று சகோதர சமுதாயத்தவர்கள் கூட வியக்கும் அளவிற்கு நிலைமை மோசமாகிவிட்டது. பிறையை வைத்து சமுதாயம் பிளவுபடக்கூடாது என்பதையும் பிறைகளைப் பற்றிய அடிப்படை தகவல்களையும் மக்களுக்கு விளக்குவதே இப்பிரசுரத்தின் நோக்கம்.

தத்தம் பகுதி பிறை, ஊர்பிறை, மாவட்டபிறை, மாநில அளவு பிறை, சர்வதேச பிறை, பிறைபார்த்த தகவல் என்று அறிஞர்களின் பலவிதமான நிலைபாடுகளால் முஸ்லிம்கள் பிறை விஷயத்தில் பெரும் குழப்பத்தில்தான் உள்ளனர். காரணம் பிறை சம்பந்தமான குர்ஆன், ஹதீஸ், விஞ்ஞானம் முதலியவற்றை ஆராய்ந்ததாகவும் அதனடிப்படையில் தாங்கள் நிலைபாடுதான் சரியென்றும் ஆணித்தரமாக கூறும் அறிஞர்கள், உலக ஆதாயங்களுக்காக சில வருடங்களிலேயே தங்கள் நிலைபாட்டை மாற்றிக்கொண்டு நேர்எதிராக பேசுவதை கண்கூடாகக் காண்கிறோம்.

நம்மில் பெரும்பான்மையினருக்கு ஷஃபான் 29 வது நாள் அல்லது ரமழான் 29ல் தான் பிறைகளை பற்றிய சிந்தனை வருகிறது. இதில் வேடிக்கை என்னவெனில் பிறைபற்றிய அடிப்படை தகவல்களைக்கூட அறிய முற்படாதவர்கள் ரமழான் காலங்களில் பெரும் விஞ்ஞானிகளைப்போல பேசித் திரிவதையும், மேற்குறிப்பிட்ட நாட்களில் மஃரிபுக்குப்பின்னர் பிறை தெரிகிறதா என்று மேற்கு நோக்கி பார்ப்பதையும் வருடம்தோரும் நாம் பார்த்தே வருகிறோம். பின்னர் ரமழான் 2 வது, 3 வது நாட்களில் மஃரிபுக்கு பின்னர் தெரியும் வளர்பிறையை பார்த்துவிட்டு பிறை பெரிதாக அல்லவா தெரிகிறது, நாம் ஒரு நோன்பை விட்டுவிட்டோமே என்று அவர்கள் பரிதாபப்படுவது ஒவ்வொரு வருடமும் நாம் காணும் தொடர் காட்சியாகும்.

அவர்களிடம் இன்று ஷஃபான் / ரமழான் 29ம் நாள் என்று எதை வைத்து நீங்கள் முடிவு செய்தீர்கள்? இன்று 29வது நாள் என்றால் முந்தைய 28 நாட்களின் பிறைகளை நீங்கள் பார்த்து கணக்கிட்டு வந்தீர்களா? ஷஃபான் அல்லது ரமழான் 29ம் தினத்தில் மட்டும் பிறையை பார்க்கச் சொல்லி கட்டளையிட்டது யார்? அதுவும் 29 அல்லது 30 அன்று மேற்கு திசையில் பிறை தெரியும் என உங்களுக்கு யார் சொன்னது? என்று கேட்டுபாருங்கள். ஒன்று அவர்கள் மௌனமாக இருப்பார்கள் அல்லது உங்கள் மீது கோபப்படுவார்கள்.

ஒவ்வொரு மாதமும் தேய்பிறையின் இறுதி நாட்களான 25 முதல் 29 வரை அதிகாலை ஃபஜ்ரு தொழுதுவிட்டு கிழக்கு நோக்கி பிறையை கவனிக்க வேண்டியவர்கள், தெரியாத பிறையை தேடிக்கொண்டு 29 அன்று மஃரிபு வேளையில் மேற்கு திசையை பார்த்துக்கொண்டு நிற்பதை கண்டு நாம் என்ன சொல்வது?. இதை சுட்டிக்காட்டுவது அவர்களை இழிவுபடுத்துவதற்காக அல்ல.

மாறாக நம் சமுதாயத்தில் அறிஞர்களாக அடையாளம் காட்டப்பட்டவர்கள் பிறை விஷயத்தில் சரியான அக்கரை எடுத்துக் கொள்ளாததும், தன் சுய கருத்தை நிலைநாட்டுவதை விட்டுவிட்டு, விருப்பு வெறுப்பின்றி குர்ஆன் சுன்னாவின் அடிப்படையில் பிறை விஷயத்தை ஆய்வு செய்யாததின் விளைவுதான் என்பதை அறியத்தருகிறோம்.

முஸ்லிம்கள் மூன்று வெவ்வேறான நாட்களில் முதல் நோன்பை ஆரம்பிப்பதும், 3 வெவ்வேறான நாட்களில் பெருநாளை கொண்டாடுவதும் நம் சமுதாயத்தில் ஜீரணிக்கப்பட்டுவிட்ட ஒரு சம்பவமாக ஆகிவிட்டது. மார்க்க அறிஞர்கள் எனப்படுவோரிடம் இவ்வாறு தமிழக முஸ்லிம்கள் மூன்று நாட்களில் நோன்பையும், பெருநாட்களையும் அனுசரித்து வேறுபட்டு பிரிந்து கிடக்கின்றனரே என்று எவரும் கேட்டால் இதில் என்ன இருக்கின்றது? என்று துவங்கி தன்னுடைய சுய நிலைபாட்டை நியாயப்படுத்தி பேச ஆரம்பித்து விடுகின்றனர்.

இன்னும் ஒருபடி மேலேபோய் இவ்வாறு 3 வெவ்வேறான நாட்களில் தலைநோன்பை ஆரம்பிப்பதால் லைலத்துல் கத்ரு இரவும் 3 நாட்களில் வரும் சாத்தியம் உண்டோ என்று கேட்டால் ஆம் உண்டு, லைலத்துல் கத்ரு இரவு என்பது இறைவன் நமக்கு அளிக்கும் ஒரு பரிசுதான் என்றுகூட பதில் வருகிறது. எதைப்பற்றி உமக்கு ஞானமில்லையோ அதைச் செய்யத் தொடரவேண்டாம் (17:36) போன்ற இறைவசனங்களை பற்றி இன்று யார்தான் கவலை படுகிறார்கள்?. இத்தகையவர்கள் பிறைவிஷயத்தில் தங்களுடைய தற்பெருமையும், சுயகருத்துக்களை திணிப்பதையும் விட்டுவிட்டு, அல்லாஹ்விற்காக திறந்த உள்ளத்தோடு சிந்திப்பதே நம் சமுதாயத்திற்கு மிகவும் பயன் உள்ளதாக அமையும்.

ரமழான் முதல்நாள் ஞாயிற்றுக்கிழமை, திங்கட்கிழமை மற்றும் செவ்வாய்க்கிழமை என்று மூன்று நாட்களில் மக்கள் ஆரம்பிப்பதை முக்கிய பிரச்சனையாக கருதாமல் அதில் அலட்சியம் காட்டுபவர்கள் ஜூம்ஆ நாளான வெள்ளிக்கிழமை தொழும் ஜூம்ஆ தொழுகையையும் வெள்ளி, சனி, ஞாயிறு என்று மூன்று வெவ்வேறான நாட்களில் முஸ்லிம்கள் தொழலாம் என்று தீர்ப்பளிப்பார்களா? வெள்ளிக்கிழமை ஜூம்ஆ தொழுகையை உலக முஸ்லிம்கள் அனைவரும் வெள்ளிக்கிழமை என்ற ஒருநாளில் 24 மணிநேரத்திற்குள் தொழுது முடிப்பதற்கு சாத்தியப்படும்போது, நோன்பையும் பெருநாளையும் இவ்வாறு ஒரு நாளின் 24 மணிநேரத்திற்குள் அனைத்து முஸ்லிம்களும் ஒற்றுமையாக ஏன் கடைபிடிக்க இயலாது? மக்களே சிந்திப்பீர்!

பிறை என்றவுடனேயே நம் அனைவரின் சிந்தனைக்கும் வருவது ஸூமு லி ருஃயதிஹி வ அஃப்திரு லி ருஃயதிஹி என்ற பிரபலமான ஹதீஸ்தான். ருஃயத் என்ற பதத்திற்கு பல அர்த்தங்கள் இருந்தாலும் கூட பிறையை பார்த்து நோன்பு நோருங்கள் பிறையை பார்த்து நோன்பை விடுங்கள் என்று (ஒரு வாதத்திற்காக) 'புறக்கண்ணால் பிறையை பார்த்து' என்ற பொருளையே கொள்வோம்.

இதில் நாம் கேட்பது என்னவென்றால் ரமழான் மாதம் முழுவதும் மக்களுக்கு மேற்கண்ட நபிமொழியை போதிக்கும் மௌலவிகளில் எத்தனை பேர் பிறைகளை புறக்கண்ணால் பார்த்து வருகின்றனர்? தமிழகத்தில் எந்த பள்ளிவாயிலின் நிர்வாகிகள் பிறைபார்க்கும் விஷயத்தில் அக்கரை எடுத்துள்ளனர்? நம் மாநிலத்தின் எந்த டவுன்ஹாஜி ஒவ்வொரு மாதத்தின் பிறைகளையும் புறக்கண்ணால் பார்த்து அவதானித்து குறித்து வைத்துக்கொண்டு நாட்களை கணக்கிடுகிறார்? எந்த இஸ்லாமிய இயக்கத்தினர் இவ்விஷயத்தில் கவனத்தை எடுத்து வருடத்தில் தென்படும் அனைத்து பிறைகளையும் கண்காணித்து வருகின்றனர்? என்பதை நெஞ்சில் கைவைத்து அல்லாஹ்வுக்காக சற்று சிந்தித்துப் பாருங்கள்.

ஏனெனில் ரமழான் மாதம் வந்துவிட்டால் பிறை அறிவிப்பு, அதனைத் தொடர்ந்து மக்களுக்குள் பிரச்சனைகள் என்று ஆரம்பித்து பெரும் குழப்பங்கள் உட்பட அடிதடி சண்டைகள் வரை நிகழ்வதற்கு மார்க்கம் படித்த மௌலவிகள், பள்ளிவாயிலின் நிர்வாகிகள், டவுன் ஹாஜிகள் மற்றும் இயக்கத் தலைவர்களில் சிலர்தானே முதல்காரணமாக இருக்கின்றனர். மேற்குறிப்பிட்டுள்ள நபர்கள் எவருக்கும் நாம் எதிரானவர்கள் அல்ல. இருப்பினும் தமிழகத்தில் பிறை விஷயத்தில் மேற்கண்டவர்கள்தானே முஸ்லிம் மக்களை வழிநடத்துகின்றனர். பிறையை அவர்களே தொடர்ந்து பார்த்துவராமல் மற்றவர்களை நோக்கி பிறையை பார்த்து நோன்பு வையுங்கள் என்று உபதேசம் செய்வது எந்த விதத்தில் நியாயம்?

ஈமான் கொண்டவர்களே! நீங்கள் செய்யாததை ஏன் சொல்கிறீர்கள்?. நீங்கள் செய்யாததை கூறுவது அல்லாஹ்விடம் பெரிதும் வெறுப்புடையதாக இருக்கிறது (61:2,3) என்ற இறைவசனத்தை இங்கு நினைவு படுத்துகிறோம். இனி பிறையை பார்த்து நோன்பு நோருங்கள் பிறையை பார்த்து நோன்பை விடுங்கள் என எவரும் உபதேசித்து தத்தம் பகுதி பிறை, ஊர்பிறை, மாவட்டபிறை, மாநில அளவு பிறை, சர்வதேச பிறை, பிறைபார்த்த தகவல் போன்ற நிலைபாடுகளில் ஏதேனும் ஒன்றை மக்களிடம் நிலைநிறுத்த கிளம்பினால் அவர்களிடம், இந்த மாதத்தில் எத்தனை பிறைகளை புறக்கண்ணால் நீங்கள் பார்த்தீர்கள்? இந்த மாதத்தின் முதல் பிறையை எந்த தேதியில் பார்த்தீர்கள்? என்று அவர்களை நோக்கி நீங்கள் கேள்வி எழுப்புங்கள். முதலில் நீங்கள் பிறைகளை தொடர்ந்து சரிவர பார்த்து கணக்கீடு செய்ய பழகிவிட்டு எங்களுக்கு உபதேசம் செய்ய முன்வாருங்கள் என்று அவர்களுக்கு அறிவுறுத்துங்கள்.

இன்னும் மக்களே! ஒரு நாளின் ஆரம்பம் ஃபஜ்ருதான் மஃரிபு அல்ல! மிருகங்கள் பறவைகள் உட்பட உலக ஜீவராசிகள் அனைத்தும் தங்கள் நாளின் துவக்கத்தை காலை பொழுதில்தான் துவக்குகின்றன. ஆனால் முஸ்லிம்களாகிய நம்மில் பெரும்பான்மையினர் ஒரு நாளின் துவக்கம் சூரியன் மறைந்த பின் மஃரிபு வேளை என்று நம்பியுள்ளனர்.

யூதர்கள் அவர்கள் நாளை மஃரிபு வேளையில் துவங்குகிறார்கள் என்றால் அவர்களை பின்பற்றுவதற்கு முஸ்லிம்கள் நாம் என்ன அறிவிழிகளா? ஒருநாளின் துவக்கம் பற்றி இறைத்தூதர் (ஸல்) அவர்களின் தெளிவான வழிகாட்டுதல்கள் இருக்க யூதர்களின் வழிமுறையை முஸ்லிம்கள் கண்மூடி நம்புவது எந்த விதத்தில் நியாயம்?

குர்ஆன் கூறும் நடுத்தொழுகையை பேணிக்கொள்ளுங்கள் (2:238) என்ற கட்டளை பற்றி நபிகளாரிடம் நடுத்தொழுகை எது? என்று வினவப்பட்டபோது அது அஸர் தொழுகை என்றார்கள். தினம் நபிகளார் (ஸல்) அவர்களின் இறுதித் தொழுகை வித்ரு ஆக இருந்தது. ஆக ஒரு நாளின் நடுப்பகுதி அஸர் என்றும் இறுதிப்பகுதி இரவு என்றும் தெளிவாகிவிட்ட பின்னர் அந்த நாளின் ஆரம்பம் ஃபஜ்ரு வேளைதான் என்பதை புரிந்து கொள்வதில் என்ன குழப்பம் இருக்கின்றது? நபி (ஸல்) அவர்கள் தமது ரமழான் இஃதிகாஃபை ஃபஜ்ரு தொழுதுவிட்டு ஆரம்பித்தார்கள், பெருநாள் தினத்தின் ஃபஜ்ரு வேளையில்தான் இஃதிகாஃபை முடித்தார்கள்.

எனவே ஒரு நாள் என்பதின் துவக்கம் ஃபஜ்ருதான் என்பதை நபி (ஸல்) நடைமுறை படுத்திவிட்டு சென்றபிறகும்கூட முஸ்லிம்கள் எவ்வித ஆதாரமும் இல்லாமல் மஃரிபிலிருந்து நாட்களை துவக்குவது துர்பாக்கிய நிலையில்லாமல் வேறென்ன?. எனவே மக்களே பிறை குழப்பத்தில் பெரும் பங்குவகிக்கும் ஒரு நாளின் ஆரம்ப நேரத்தை புரிந்துகொள்ளுங்கள். இரவு பகலை முந்தமுடியாது (36:40) என்ற இறைவசனத்திற்கேற்ப ஒரு நாளின் ஆரம்பம் ஃபஜ்ர்தான், மஃரிபு அல்ல என்பதை தெளிவாக அறிந்து கொள்ளுங்கள்.

மேலும் அந்தந்த நாட்களில் தென்படும் பிறை அந்த நாளுக்குரியது, அடுத்த நாளைக்குரியது அல்ல! இன்று நாம் மஃரிபு மற்றும் இஷா தொழுகைகளை தொழுகிறோம் என்றால் அந்த மஃரிபு தொழுகையும் இஷாத்தொழுகையும் இன்றைய தினத்தின் தொழுகைகளே அல்லாமல் நாளைய தினத்திற்குரிய தொழுகை அல்ல. ஆனால் இன்றைய தினத்தில் தொழும் மஃரிபு மற்றும் இஷா தொழுகைகளுக்கு மத்தியில் தென்படும் வளர்பிறையை இன்றைய மஃரிபு வேளையில் பார்த்துவிட்டு இது நாளைக்குரிய பிறை என்று தீர்மானிப்பது சரிதானா? முறைதானா?.

நபிகளார் (ஸல்) அவர்களிடம் பாடம் பயின்ற நபித்தோழர் இப்னு அப்பாஸ் (ரழி) அவர்கள் பிறைகளை பற்றி சொல்லும் போது ஃபஹூவ லி லைலத்தின் ராயித்துமூஹூ - நீங்கள் எந்த தினத்தில் பார்த்தீர்களோ அது அந்த தினத்தின் பிறை என்று தெளிவாக விளக்கியுள்ளதின் மூலம் நீங்கள் எந்த தினத்தில் பிறையை பார்;க்கின்றீர்களோ அது அந்த தினத்தின் நாளைதான் காட்டுகிறது என்பதை தெரிந்து கொள்ளுங்கள்.

அதாவது ஒன்றாம் தேதி தோன்றும் பிறை ஒன்றாம் தேதிக்குரியது, திங்கட்கிழமை பார்க்கும் பிறை திங்கட்கிழமைக்குரியது. எனவே அந்தந்த நாளில் தென்படும்; பிறை அந்த நாளுக்குரியது, அடுத்த நாளைக்குரியது அல்ல என்பதை விளங்கிக் கொள்ளுங்கள்.

பிறைகளின் அனைத்து படித்தரங்களையும் பார்த்து கணக்கிட்டு வரவேண்டும்! பிறைகளை பற்றி திருமறை குர்ஆன் கூறும்போது, நபியே! தேய்ந்து வளரும் பிறைகள் பற்றி உம்மிடம் கேட்கிறார்கள் நீர் கூறும் அவை மக்களுக்குக் காலம் காட்டுபவையாகவும், ஹஜ்ஜையும் அறிவிப்பவையாகவும் உள்ளன. (2:189). இன்னும் உலர்ந்த வளைந்த பழைய பேரீத்த மட்டையைப் போலாகும் வரையில் சந்திரனுக்கு நாம் பல மன்ஸில்களை ஏற்படுத்தியிருக்கின்றோம்.(36:39) என்கின்றது.

நம் காலத்தை, தேதியை பிறை காட்டுகிறது என்றால், இன்னும் அதன் இறுதி வடிவம் பழைய பேரீத்த மட்டையைப்போல் இருக்குமென்றால் பிறைகளின் அனைத்து படித்தரங்களையும் நாம் தினமும் கவனித்தால்தானே அறியமுடியும். ஒரு வருடத்தில் ஷஃபான் மற்றும் ரமழான் 29 ம் நாட்களில் மட்டும் பிறையை பார்க்காமல் பிறைகளின் அனைத்து படித்தரங்களையும் பார்த்து கணக்கிட்டு வரவேண்டும், அவதானிக்க வேண்டும் என்பதைதான் மேற்கண்ட வசனங்கள் தெளிவாக உணர்த்துகின்றன.

உலக முஸ்லிம்கள் ரமழானையும், பெருநாட்களையும் ஒரே தினத்தில் அனுசரிக்க இயலும். பிறையால் சமுதாயத்தில் எந்த குழப்பமும் வர வாய்ப்பில்லை. சிந்திக்காமல் இஸ்லாமிய தலைவர்களை கண்மூடி பின்பற்றும் சில மனிதர்கள் தாம் சக மக்களை குழப்புகின்றனர். ஒரு மாதத்திற்கு 30 நாட்கள் என்றால் நாம் தொடர்ந்து பிறைகளை பார்த்து வருகையில் மேற்காணும் 36:39 இறைவசனம் கூறும் உர்ஜூஃனில் கதீம் என்ற பிறையின் இறுதி வடிவம் 29 அன்று ஃபஜ்ரு வேளையில் கிழக்கில் தென்படும். அதற்கு அடுத்தநாள் 30ம்நாள் அம்மாவாசையாகும், பிறையை பார்க்க இயலாது. அதற்கு அடுத்த நாள் புதிய மாதத்தின் முதல்நாள் என்பதற்கு சாட்சியாக மஃரிபு வேளையில் உலகின் சில பகுதிகளில் வளர்பிறை மேற்கில் தெரியும்.

அதுபோல ஒரு மாதத்திற்கு 29 நாட்கள்தான் என்றால், 28ம் நாள் அன்று உர்ஜூஃனில் கதீம் , 29ம் நாளில் அம்மாவாசை ஏற்படும், (கண்களுக்கு பிறை மறைக்கப்படும் நாள் என நபி (ஸல்) அவர்கள் கூறிய நாள்) அதற்கு அடுத்த நாள் புதிய மாதத்தின் முதல்நாள் ஆகும்.

இவ்வாறாக பிறைகளின் அனைத்து மன்ஸில்களையும் கவனமாக பார்த்து விஞ்ஞானம் கூறும் துல்லிய கணக்கீட்டின் அடிப்படையில் நாம் பின்பற்றிவந்தால் ஜூம்ஆ தொழுகையை வெள்ளிக் கிழமைக்குள் தொழுது முடிப்பதை போல உலக முஸ்லிம்கள் அனைவரும் ரமழானையும், நோன்பு ஹஜ் பெருநாள் தொழுகைகளையும் ஒரே தினத்தில் அனுசரிக்க இயலும். இவ்வாறு ஒற்றுமையுடன் செயல்படுவதை கிருஸ்தவர்களின் கிருஸ்துமஸ் பண்டிகைக்கு ஒப்பிட்டு கொச்சைபடுத்தும் பிரிவினைவாதிகளை அலட்சியம் செய்துவிட்டு பிறைவிஷயத்தில் உலக முஸ்லிம்களின் ஒற்றுமையை நிலைநாட்ட பாடுபடுமாறு உலக முஸ்லிம்கள் அனைவருக்கும் அழைப்பு விடுக்கிறோம்.

பிறைகளை துல்லியமாக கணக்கிடுதலை (Calculation), கணிப்பு (Guess) என்று திரித்து கூறி மக்களை பிரித்தாழ்பவர்கள் இனியாவது அல்லாஹ்வை அஞ்சிக்கொள்ளட்டும்.

நிச்சயமாக எவர்கள் தங்களுடைய மார்க்கத்தை தம் விருப்பப்படி பலவாறாகப் பிரித்து, பல பிரிவினர்களாகப் பிரிந்து விட்டனரோ அவர்களுடன் நபியே! உமக்கு எவ்வித சம்பந்தமுமில்லை...(அல்-குர்ஆன் 6:159)

அல்லாஹ்வின் பேருதவியால் ஹிஜ்ரி கமிட்டியினராகிய நாங்கள் பல ஆண்டு காலமாக பிறைகளை புறக்கண்ணால் பார்த்து அவதானித்து, குறிப்பெடுத்து, குறித்து வைத்துக்கொண்டு, கணிணியின் துணைகொண்டு பிறைகளை துல்லியமாக கணக்கிட்டு வருகிறோம்-அல்ஹம்துலில்லாஹ். ஹிஜ்ரி 1432ன் ரமழான் மற்றும் நோன்பு பெருநாளின் விபரங்கள் கீழே கொடுக்கப்பட்டுள்ளன. சூரியனின் சுழற்சியை எவ்வாறு துல்லியமாக கணக்கிட்டு நேரங்களாக நாம் பின்பற்றுகிறோமோ, அதைபோல சந்திரனின் சுழற்சியையும் மிகச்சரியாக கணக்கிட்டு தலைப்பிறை, பௌர்ணமி, அம்மாவாசை, கிரகணம் உள்ளிட்ட வற்றை எளிதில் அறிந்துகொள்ளக்கூடிய காலத்தில் நாம் வாழ்கிறோம்.

திருக்குர்ஆனின் வசனமான இன்னும் அவனே இரவையும், பகலையும் சூரியனையும், சந்திரனையும் படைத்தான். வானில் தத்தமக்குரிய வட்டவரைக்குள் ஒவ்வொன்றும் நீந்துகின்றன.(21:33) என்பதை மெய்பிக்கும் வகையில் சூரியனும் சந்திரனும் மிகத்துல்லியமாக அவைகளின் பாதையில் சுழன்று வருவதை அறிந்து அல்லாஹ்வின் வல்லமையை புகழ்கிறோம் அல்ஹம்துலில்லாஹ்.

ஹிஜ்ரி 1432ன் ஷஃபான் மாதம் சனிக்கிழமை (CE 02-07-2011) அன்று துவங்கியது. ஷஃபான் மாதம் சனிக்கிழமை (CE 30-07-2011) அன்று 29 நாட்களில் அம்மாவாசையோடு முடிவடைகிறது.

இவ்வருடத்தின் ரமழான் மாதம் ஞாயிற்றுக்கிழமை (CE 31-07-2011) அன்று துவங்குகின்றது. எனவே அன்று முஸ்லிம்கள் அனைவரும் நோன்பு பிடித்திருக்க வேண்டும். ரமழான் மாதம் திங்கட்கிழமை (CE 29-08-2011) அன்று 30 நாட்களில் அம்மாவாசையோடு முடிவடைகிறது.

செவ்வாய்க்கிழமை (CE 30-08-2011) அன்று ஹிஜ்ரி 1432ன் ஈகைத்திருநாள் எனப்படும் நோன்புப் பெருநாளாகும்.

மேலே குறிப்பிடப்பட்டுள்ள தேதிகளில் உங்கள் அமல்களை செய்வதுதான் சரியானது என்பதை புறக்கண்ணால் பிறையை பார்த்து கணக்கிடுபவர்கள் கூட இலகுவாக அறிந்து கொள்ளக் கூடியதுதான் என்பதை இந்திய ஹிஜ்ரி கமிட்டி இத்தருணத்தில் உங்களுக்கு நினைவுபடுத்திக் கொள்கிறது.எனவே சரியான தினத்தில் அமல்களை செய்து அல்லாஹ்வின் திருப்தியை பெற முயற்சிப்போம்.

இவண்

HIJRI COMMITTEE OF INDIA,

160/101, North Main Road, Eruvadi, Tirunelveli, TamilNadu – 627103,

Phone : 0091 4637 241200, Email : hijriindia@gmail.com, www.hijricalendar.com

நன்றி: ஒற்றுமை