கணனிக் களஞ்சியம்

வலைப்பதிவில் பேபால் நன்கொடைப் பட்டனை இணைப்பது எப்படி?

noreply@blogger.com (HK Arun) — Wed, 03 Mar 2010 12:45:00 +0000

வலைப்பதியும் தமிழ் வலைப்பதிவர்களுக்கு வலைப்பதிவின் ஊடாக வருமானம் ஈட்டுவதற்கான வழிகள் எதுவும் சாதகமாக இல்லை. கூகிள் எப்சன்ஸ் விளம்பரங்களும் தமிழ் வலைப்பதிவர்களுக்கு கைகொடுப்பதாக இல்லை.

தமிழ் கூறும் நல்லுலகம் நலம் பெறவேண்டும் எனும் நன்நோக்கில், எவ்வித இலாபமும் இன்றி, இணையத்தில் தன்னார்வப் பணியாக, பல அளப்பரிய பணிகளைச் செய்து வருவோர் இருக்கின்றனர். இன்றைய பொருளாதார நெருக்கடி மிக்க உலகில், அவர்களுக்கு சிறிதேனும் ஒரு தொகை நன்கொடையாக கிடைக்கப்படுமானால், அவர்களது பணி மேலும் ஊக்கத்திறனுடன் மேலோங்கும்.

உங்கள் இணைய சேவை அல்லது நீங்கள் உங்கள் வலைத்தளத்தில் வழங்கும் தகவல்கள் பலருக்கும் பயன்மிக்கதாக இருந்தால், உங்கள் பணியை ஊக்குவிக்கும் முகமாக, ஒரு தொகையை நன்கொடையாக வழங்கி, உங்களை மேலும் ஊக்குவிக்க வேண்டும் என எண்ணும் தயாள குணவாலர்கள் எம்மில் இருக்கவே செய்வர்.

அதற்கு நீங்கள் உங்கள் வலைத்தளத்தின் வருகையாளர்கள் நன்கொடை அளிப்பதற்கான வசதியை செய்திருக்க வேண்டும். அதை எப்படி செய்வது? அதற்கானதே இவ்விடுகை. இந்த வசதியை பேபால் தளம் வழங்குகிறது. முதலி பேபால் நன்கொடை பட்டனை உங்கள் வலைத்தளத்தில் தோன்றச் செய்ய வேண்டும். வலைத்தளத்தின் தோன்றும் பேபால் நன்கொடை பட்டனை சொடுக்கி, பேபால் இணைய பணமாற்று வசதியூடாக நன்கொடை அளிக்க விரும்புவோர் வழங்கமுடியும். அதற்கு நன்கொடை பெறுவோர் (வலைப்பதிவர்) பேபால் இணையத்தளத்தில் ஒரு கணக்கு வைத்திருக்க வேண்டும்.

இதுவரை பேபால் கணக்கு இல்லாதவர்கள், இங்கே Sign Up Todayசென்று ஒரு கணக்கை திறந்துக்கொள்ளலாம். கணக்கு ஒன்றை திறப்பதற்கு எந்த கட்டணமும் அறவிடப்படுவதில்லை. கணக்கு திறத்தல் இலவசமாகும்.

இனி பேபால் நன்கொடை பட்டனை எப்படி உங்கள் வலைத்தளத்தில் தோன்றச் செய்வது எனும் வழிமுறைகளைப் பார்ப்போம்.

வழிமுறைகள்

1. முதலில் உங்கள் மின்னஞ்சல் முகவரி மற்றும் கடவுச்சொல்லை இட்டு புகுபதிகை Log in செய்துக்கொள்ளுங்கள்.

2. "Merchant Services" எனும் தேர்வில் சொடுக்குங்கள் (கீழுள்ள படத்தைப் பார்க்கவும்.)

3. "Merchant Services" எனும் தேர்வை சொடுக்கிய உடன் தோன்றும் சாளரத்தை அப்படியே கீழ்நோக்கி இழுத்தால் வலப்பக்கம் "நன்கொடை" (Donations) எனும் தேர்வை காண்பீர்கள். அதனை சொடுக்குங்கள். (கீழுள்ள படத்தைப் பார்க்கவும்.)

4. அதை சொடுக்கியவுடன் மேலும் பல தேர்வுகளைக் (Options) காண்பீர்கள், அப்படியே சற்று கீழே இழுங்கள். அதில் "ஒரு பட்டனை உருவாக்கு" (Create a button now) எனக் காணப்படும் தேர்வை சொடுக்குங்கள்.

5. அங்கே உங்களுக்கு ஒரு எச்டிஎம் எல் நிரல் துண்டு கிடைக்கும். அதனை நகலெடுத்து உங்கள் வலைத்தள வார்ப்புருவில் (Blogger Dashboard > Layout > Add a Page Element > html/Javascript) விரும்பும் இடத்தில் ஒட்டி, சேமித்துக்கொள்ள வேண்டியதுதான். கீழுள்ளவாறு தோற்றமளிக்கும்.

இனி உங்கள் வலைப்பதிவின் இடுகைகள் பயனுள்ளது என கருதுவோர், உங்களின் உழைப்பை மேலும் ஊக்கவிக்க விரும்புவோர், தங்கள் விரும்பும் ஒரு தொகையை, நன்கொடையாக அளித்துச்செல்ல முடியும். அந்த நன்கொடையை நீங்கள் (வலைப்பதிவர்) உங்கள் பேபால் கணக்கின் ஊடாகப் பெற்றுக்கொள்ளலாம்.

நன்றி!

அன்புடன்
அருண் HK Arun

உங்கள் தளத்திற்கான அரிய வசதிகள்

noreply@blogger.com (HK Arun) — Wed, 17 Feb 2010 20:03:00 +0000

உங்கள் வலைப்பதிவிற்கு வருகைத் தருவோர்; உங்கள் வலைப்பதிவை புத்தகக்குறியாக இட்டு வைத்துக் கொள்வதற்கான வசதி, இடுகைகளை அச்சுப் பதித்துப் பெற்றுக் கொள்வதற்கான வசதி, மின்னஞ்சல் ஊடாகப் பலரிடம் பகிர்ந்துக்கொள்வதற்கான வசதி, இன்னும் இன்னும் டிவிட்டர், பேஸ்புக், போன்ற பலதளங்களில் பகிரவும் என பல்வேறு வசதிகளை இலவசமாக செய்து தருகிறது ஒரு தளம். இதனால் எமது தளத்தின் வருகையாளர் எண்ணிக்கையைப் பெருக்கிக்கொள்ளவும் முடியும். ஆம்! இத்தனையும் ஒரு சிறிய பட்டன் ஊடாகக் கிடைக்கப்பெறும் அரிய வசதிகள்.

இதோ இத்தளத்தின் முகவரி: http://www.addthis.com/

இப்பட்டனை எவ்வாறு எமது இடுகைகளில் தோன்றச் செய்வது, என அறிந்துக்கொள்ள விரும்புவோர், முதலில் Get Your Button எனும் இத்தேர்வை சொடுக்கி தளத்திற்குச் செல்லுங்கள்.

1. இணையத்தளம், வேர்ட் பிரஸ், ப்ளொக்கர் எனும் (Select your service) தேர்வுகளில் உங்களுக்கு தேவையானதை தேர்வு செய்துக்கொள்ளுங்கள்.

2. நீங்கள் விரும்பும் வடிவத்தை (Select a button style) தேர்வு செய்யுங்கள். மேலதிக தேர்வுகளும் (More Option) உள்ளன. நீங்கள் விரும்பினால் (Customize your button) எனும் தேர்வை சொடுக்கி தனித்துவமான வடிவிலும் பெற்றுக்கொள்ளலாம்.

3. Get the Code எனும் தேர்வு பட்டனை அழுத்தி நிரல் துண்டை வெட்டி எடுத்துக்கொள்ளுங்கள்.

எப்படி இணைப்பது?

1. உங்கள் வலைப்பதிவை திறந்து, (Layout) வார்ப்புருவில், Edit HTML எனும் தேர்வை சொடுக்குங்கள்.

2. "Expand Widget Templates" என இடப்பட்டிருக்கு சிறிய பெட்டிக்குள் ஒரு சொடுக்கிடுங்கள்.

3. இனி div class='pst-footer' என இடப்பட்டிருக்கும் இடத்தை தேடிப்பிடித்து, அதற்கு கீழ் நிரல் துண்டை ஒட்டிவிட வேண்டியதுதான். (கீழுள்ள படத்தில் காட்டப்பட்டுள்ளதை கவனிக்கவும்.)

4. என்ன ஒட்டி விட்டீர்களா? இனி தளத்தை (Save) சேமித்துக்கொள்ளுங்கள். அவ்வளவுதான். (எனது தளத்தின் அடியில் காட்சியளிப்பதைப் பார்க்கவும்.)

இனி உங்கள் தளத்திற்கு வருவோர் மேலுள்ள வசதிகளை எளிதாகப் பெற்றுக்கொள்வர்.

இதன் விபரங்களை இக்காணொளி ஊடாகவும் அறிந்துக் கொள்ளலாம்.

இன்னுமொரு வசதி

ஒரே சொடுக்கில் 233 தளங்களூடாக உங்கள் இடுகைகளின் RSS ஓடையை பகிர்ந்தளிக்கும் வசதியையும் இத்தளம் வழங்குகின்றது. அதற்கு உங்கள் தளத்தின் RSS ஓடை முகவரியை இங்கே இட்டு அதற்கான நிரல் துண்டை பெற்று உங்கள் தளத்தில் இணைத்துக்கொள்ள வேண்டும்.

இவ்வசதியை அமெரிக்க வெள்ளை மாளிகையின் அதிகாரப் பூர்வ தளம் முதல், உலகில் பிரசித்திப்பெற்ற முன்னனி தளங்கள் எல்லாம் பயன்படுத்துகின்றன. அத்தளங்களின் பட்டியலையும் நீங்கள் பார்வையிடலாம். பலத்தளங்கள் தனித்துவமான வடிவமைப்புடன் தங்கள் தளங்களில் இணைத்துள்ளன. சில தளங்களில் "Flash Effect" வடிவிலும் வடிவமைத்து இட்டுள்ளதைக் காணக்கிடைக்கிறது. உங்களால் முடிந்தால் நீங்களும் அவ்வாறு வடிவமைத்து பொதித்துக்கொள்ளலாம். சில மூன்றாம் தளங்கள் அவ்வாறு தனித்துவமான வடிவமைப்புடன் செய்துக்கொள்ளவும் உதவுகின்றன.

குறிப்பு:

இவ்வசதியினை பயன்படுத்தும் பதிவர்கள் சிலர் இருப்பினும், மேலும் பலரது பயன்பாட்டிற்கு கொண்டு செல்லும் முகமானதே இவ்விடுகை.

நன்றி

அருண் HK Arun

எந்தவொரு வலைப்பதிவையும் பிடிஎப் கோப்பாக பதிவிறக்கி பயன்படுத்தும் வசதி

noreply@blogger.com (HK Arun) — Thu, 11 Feb 2010 07:27:00 +0000

எமது ஆங்கிலம் வலைத்தளத்தில் "பாடங்களை பிடிஎப் கோப்புகளாகப் பதிவிறக்கி பயன்படுத்தும் வசதி செய்யப்பட்டுள்ளது" எனும் செய்தியை அன்மையில் வெளியிட்டிருந்தேன். அவ்வசதியினை என்னைப்போல் பலரும் தங்கள் தங்கள் வலைப்பதிவுகள் ஊடாக வழங்கியிருப்பீர்கள். அதன் பயனால் வருகையாளர்கள் எளிதாக தாம் விரும்பும் எந்தவொரு இடுகையையும் பதிவிறக்கி பயன்படுத்துவர்.

ஆனால் அவ்வாறான வசதியை அளிக்காத எத்தனையோ எண்ணற்ற சிறப்பான வலைப்பதிவுகள், இணையத்தளங்கள் இணையக் கடலில் குவிந்து கிடக்கின்றனவே! அவற்றை பதிவிறக்கி பயன்படுத்தவது எப்படி? அவற்றை எமது கணனிகளில் PDF கோப்புகளாக பதிவிறக்கி பயன்படுத்த முடியுமானால், எவ்வளவு எளிதாக இருக்கும்?

அதற்கான வசதியை PDF my URL தளம் அளிக்கிறது.

நாம் விரும்பும் இடுகையின் URL முகவரியை இட்டு பதிவிறக்குவதற்கான அடையாள படத்தை சொடுக்கியுடன், அடுத்த செக்கன்களின் நமக்குத் தேவையான இடுகை, பிடிஎப் கோப்பு வடிவமாக நமது கணனிகளில் சேமிக்கப்பட்டுவிடுகிறது.

மேலதிகத் தேர்வுகள்

Advanced Options எனும் மேலதிகத் தேர்வுகள் சுட்டியை சொடுக்கி மேலும் உங்கள் வலைப்பதிவில் இதனை பயன்படுத்தும் வசதிகளை செய்துக்கொள்ளலாம்.

தள முகவரி: http://pdfmyurl.com/

குறிப்பு:

இந்த வலைத்தளத்தில் 2008 ஆம் ஆண்டுக்கு பிறகு இன்று தான் எழுதுகிறேன். எழுதாமல் விடுப்பட்டு போனமைக்கு காரணங்கள் இரண்டு உள்ளன. முதல் காரணம்; அதிகமான வலைப்பதிவுகளை தொடர்ந்து எழுதி பராமரிக்க முடியாமை. இரண்டாவது காரணம்; என்னைவிட சிறப்பாக கணனி தொழில் நுட்பத் தகவல்களை எழுதிவரும் முன்னோடி பிகேபி, அனைவரதும் அன்புக்கு இலக்கான நெஞ்சம் தமிழ்நெஞ்சம் போன்றொரின் எழுத்துக்கள். தற்போது இந்த வரிசையில் போட்டோ சொப் சிறப்பாளர் வேலன், அன்மையில் கலக்கும் tvs50 போன்று இன்னும் பலர் சிறப்பாக எழுதிவருகின்றனர். இவ்வனைவரும் வழங்கும் தொழில் நுட்பத் தகவல்களால்; தமிழ் கணனி உலகம் மேலும் வளர்ச்சி பாதை நோக்கி செல்கின்றது என்பது மகிழ்வான செய்தி.

நன்றி

அன்புடன்
அருண் HK Arun

ஓர்குட்டில் புதிய நண்பர்கள்

noreply@blogger.com (HK Arun) — Fri, 22 Feb 2008 04:05:00 +0000

நீங்கள் ஓர் ஓர்குட் பயனரா? இன்றைய இணையப் பாவனையில் ஓர்குட் பயனர் கணக்கு இல்லாதவர்களே இல்லை எனலாம். இந்த ஓர்குட் சேவையை 2004 ஜனவரி 22 ஆம் நாள் கூகிள் நிறுவனம் அறிமுகப்படுத்தியது.

கூகிளில் பணியாற்றும் "ஓர்குட் பியூகோட்டன்" என்பவரே இம்மென்பொருளை உருவாக்கியவர். அதனால் இச்சேவைக்கும் "ஓர்குட்" என்றேப் பெயரிட்டது கூகிள் நிறுவனம்.

நீங்கள் ஓர்குட் பயனர் என்றால், உங்களுக்கும் ஓர்க்குட்டில் பல நண்பர்கள் இருப்பார்கள். அந்த ஓர்குட்டை உருவாக்கியவரான ஓர்குட் பியூகோட்டன் என்பவரையே உங்கள் நண்பராக்கிக்கொண்டால் ...?

சரி! நண்பராக்கிக்கொள்ளாவிட்டாலும் பரவாயில்லை. அவரது புகைப்படங்கள், விபரங்கள், அவரது நண்பர்கள் வட்டம் என்று பல விடயங்களை அறிந்துக்கொள்ளலாம். சில நேரம் பயனுள்ள பல தகவல்கள் கிடைக்கவும் வாய்ப்புள்ளது அல்லவா?

அப்படியானால் இதோ அவருடைய தளத்திற்கானச் சுட்டி.

http://www.orkut.com/Profile.aspx?uid=325082930226142255

கூகிள் நிறுவனத்தை உருவாக்குனர்களான "சேர்ஜி பிறின்" மற்றும் "லாறி பேஜ்" அவர்களுடைய பக்கங்களுக்கு வேண்டுமானாலும் செல்லலாம்.

http://www.orkut.com/Profile.aspx?uid=2990496069118008637

http://www.orkut.com/Profile.aspx?uid=14278765755902856939

நீங்கள் விரும்பினால் கூகிள் நிறுவனத்தில் பணிப்புரியும் பணியாளர்களையும் ஓர்குட்டில் உங்கள் நண்பர்களாக்கிக்கொள்ளலாம். இதோ அவர்களது பக்கத்திற்கான சுட்டிகள்.

http://www.orkut.com/Profile.aspx?uid=11896824899287314528
http://www.orkut.com/Profile.aspx?uid=17148822584528112020
http://www.orkut.com/Profile.aspx?uid=12757970461778905710
http://www.orkut.com/Profile.aspx?uid=18159094750008782722
http://www.orkut.com/Profile.aspx?uid=16388496693262706185
http://www.orkut.com/Profile.aspx?uid=5890672755287005477

இது "மைக்ரோசொப்ட் விஸ்டா 2007" குழுவினர் பக்கத்திற்கானது.

http://www.orkut.com/CommInvite.aspx?cmm=27272039

இது சர்வதேச ஓர்குட்டிற்கான பொதுவானச் சுட்டி, இதை அழுத்தி நேரே உங்கள் தளத்திற்கே செல்லலாம்.

http://www.orkut.com/Profile.aspx???2pid=11731517960896443124

நேரடியாக கிறுக்கள் (Scarp) பக்கத்திற்கு இந்த சுட்டி எடுத்துச்செல்லும்.

http://www.orkut.com/Scrapbook.aspx?2uid=6849219260034274333

நேரடியாக உங்கள் நண்பர்கள் பக்கத்திற்கு செல்ல

http://www.orkut.com/Map.aspx

இங்கே சில பயனுள்ள வசதிகளை செய்துக்கொள்வதற்கானது.

குறிப்பு:

மேலே கொடுக்கப்பட்டுள்ள சுட்டிகள் உங்களுக்கு ஓர்குட் ஓர் பயனர் கணக்கிருந்தால் மட்டும் தான் செயல்படும். பயனர் கணக்கு இல்லாதவர்கள் புதிதாக ஒரு பயனர் கணக்கை ஆரம்பித்து நேராக குறிப்பிட்டப் பக்கங்களிற்கு உள்நுழையலாம்.

நன்றி

அன்புடன்
அருண் HK Arun

கூகிளும் அதன் வரலாற்றுப் பாதையும்

noreply@blogger.com (HK Arun) — Tue, 29 Jan 2008 06:05:00 +0000

இன்றைய இணைய உலகிள் கூகிள் எமக்குத் தரும் சேவைகளோ ஏராளம் ஏராளம்.

எனவே இந்த கூகிள் நிறுவனத்தையும் அதன் வரலாற்றையும் ஒரு சிறிய பார்வையிடுவோம்.

கலிபோர்னியா (Stanford University) இஸ்டான்போர்ட் பல்கலைக்கழகத்தில் சேர்ஜி பிரின் (Sergy Brin) லெரி பேஜ் (Larry Page) எனும் இரண்டு கலாநிதிப் பட்டப்படிப்பு மாணவர்கள் தமக்கு வழங்கப்பட்ட ஒரு ஆராய்ச்சிக்காக தொடங்கிய ஒரு முயற்சியே கூகிள் எனும் தேடு இயந்திரம் தோன்றுவதற்கு வழிவகுத்தது எனலாம்.

இது இஸ்டான்போர்ட் பல்கலைக்கழகத்தின் ஆராச்சிக்கான ஒரு விடயமாக மட்டும் இருந்தப்போதிலும், சேர்ஜி பிரின் மற்றும் லெரி பேஜ் இருவரும் இந்த ஆய்வை ஒரு தேடு இயந்திரத்திற்கான ஆய்வாக முன்னெடுத்தனர். தேடப்ப்படும் ஒரு சொல் அல்லது விடயம் எந்தெந்த இணைய பக்கங்களிலிருந்தாலும் அதை அலசி ஆராய்ந்து நமது தேடலுக்குறிய பக்கங்களை தேடுபதிலாக பட்டியலிடும் தொழில் நுட்ப முறையைச் சிறந்ததாக இவர்கள் கருதினர். இது இவர்களின் இசுடான்போர்ட் பல்கலைக்கழகத்தின் தமது பட்டப்படிப்பிற்கான ஆராய்ச்சியாக மட்டும் இருந்தப் போதிலும், ஆராய்ச்சியின் பயனாக இஸ்டான் போர்ட் பல்கலைக்கழகத்தின் பக்கங்களை தேடுவதற்கான ஒரு தேடு இயந்திரமாக "google.standford.edu" எனும் (டொமைன்) பெயரில் பாவனைக்கு உள்ளானது.

அதன் பின்பு இவ்விருவரும் 1998 ஓகஸ்ட் மாதம் தமது நண்பர் ஒருவரது வீட்டு வாகன நிறுத்தகத்தில் அதிகாரபூர்வமாக கூகிள் நிறுவனத்தை வர்த்தக நோக்குடன் ஆரம்பித்தனர். அதே மாதம் 1998 ஆகஸ்ட் 15 ம் நாள் இந்நிறுவனத்திற்கு http://www.google.com/ எனும் பெயரும் பதிவுசெய்யப்பட்டது. இவர்களின் இப்புதிய நிறுவனத்தின் முதலீட்டிற்காகப் பலரை அணுகினர்.

இறுதியில் ஒருவாறு 1.1 மில்லியன் டொலர்களை தேடிக்கொண்டு கூகிளின் செவையை தொடர்ந்ததனர்.

வாகன நிறுத்தகத்திலிருந்த இந்நிறுவனம் 1999 மார்ச் மாதம் Silicon Valley எனும் இடத்திற்கு இடமாற்றப்பட்டது. இந்நிறுவனத்தின் அபார வளர்ச்சியால் ஏற்பட்ட இடப்பற்றாக்குறைவு; இந்நிறுவனத்தை வேறு ஒரு பெரிய கட்டிடத்திற்கு இடமாற்றம் செய்ய வேண்டிய தேவையை ஏற்படுத்தியது. அதனால் 2003 ம் ஆண்டு வேறு ஒரு கட்டிடத்தை வாடகைக்குப் பெற்றனர். அந்த கட்டிடத்திற்கு Googleplex என்று பெயரிட்டனர். 2006 ம் ஆண்டு அதேக் கட்டிடத்தை 319 மில்லியன் டொலர்களுக்கு கூகிள் நிறுவனம் விலைக்கு வாங்கிக்கொண்டது. கூகிளின் தேடு இயந்திர தொழில் நுட்பம் 2001 செப்டம்பரில் காப்புரிமை செய்யப்பட்டது. அத்துடன் இஸ்டான்போர்ட் பல்கலைக்கழகத்தில் அதிகாரபூர்வ காப்புரிமையிலும் பட்டியலிடப்பட்டது. 2004 ஆகஸ்ட் 19 ம் நாள் கூகிள் நிறுவனத்தை ஒரு பொது நிறுவனமாக பதிவு செய்துக்கொள்ளப்பட்டது. கூகிள் தமது தேடு இயந்திரத்தினூடாக புதியப் புதிய மாற்றங்களைச் செய்து இணைய பாவனையாளர்களை வெகுவாக கவரத்தொடங்கியது. 2000 ம் ஆண்டிலிருந்து தேடு இயந்திரத்தில் தேடப்படும் சொல் அல்லது விடயம் தொடர்பானத் தேடுபதில்களுடன் விளம்பரங்களையும் கூகிள் நிறுவனம் காட்சிப்படுத்தி அதனூடாகவும் வருமானத்தை ஈட்டத் தொடங்கியது. 2007 செப்டம்பர் 30 ம் நாள் கணக்கெடுப்பின் படி இந்த நிறுவனத்தின் முழுநேரப் பணியாளர்கள் 15, 916 இருக்கின்றனர். NASDAQ இல் பட்டியலிடப்பட்டப் பொது நிறுவனங்களில் கூகிள் நிறுவனமே பெரியதாகும். லெரி பேஜ் , சேர்ஜி பிரின் ஆகிய இவர்களால் உருவாக்கப்பட்ட கூகிள் NASDAQ பங்குச்சந்தையில் 2004 ஓகஸ்ட் 19 ம் நாள் 1.67 பில்லியன் டொலர்களுக்கு பங்குகள் விற்பனையாகின. அத்துடன் 23 பில்லியன் டொலர்களுக்கும் மேலாக கூகிள் நிறுவனம் மதிப்பாகியிருந்ததும் குறிப்பிடத்தக்கது. இன்று பல நூற்றுக்கணக்கான தேடு இயந்திரங்கள் தோன்றியுள்ளப்போதும் 87% வீதமானோர் கூகிள் தேடு இயந்திரத்தையே பாவிக்கின்றனர் எனக் கணிப்புகள் கூறுகின்றன.

இன்று Google எனும் பெயர் பிரசித்தி பெற்று இருந்தாலும்; "Googol" எனும் பெயரே எழுத்துப்பிழையாக "Google" என தட்டச்சு செய்யப்பட்டு விட்டதால், "Google" எனும் பெயரே பதிவுச்செய்யப்பட்டு தற்போதும் நிலைத்து நிற்கிறது.Googol என்றால் 1 ன்றுடன் 100 பூச்சியங்களை இணைத்தால் வரும் எண்ணிக்கையை குறிக்கும் தொகைக்கான சொல்லாகும். எப்படியோ Googol எனும் வார்த்தை Google என்று தவறாக தட்டச்சப்பட்டது என்றாலும், "Google" எனும் இவ்வார்த்தை இன்று உலகளவில் எல்லா மொழிகளிலுமே பயன்படும் ஒரு சொல்லாக நிலைத்துவிட்டது.

இச்சொல்லை 2006 ல் ஒக்ஸ்போர்ட் அகராதியில் "இணையத்தில் தகவல்களை தேடுவதற்கான ஒரு தொழில் நுட்பச் சொல்" என்று இணைக்கப்பட்டுள்ளது.

எப்படியோ இன்று இணையத்தில் நூற்றுக்கணக்கான தேடு இயந்திரங்கள் தோன்றியுள்ளப் போதும். எல்லோரது மனதிலும் நின்று நிலைத்து விட்ட ஒரு தேடு இயந்திரம் “கூகிள்” ஆகும். ஒரு நாளைக்கு பல பில்லியன் வார்த்தைகளைக் கண்ணிமைக்கும் நேரத்தில் தேடித்தரும் தேடு இயந்திரமாக எல்லோர் மனதிலும் பதிந்து விட்டது.

அத்துடன் நின்றுவிடாது; புதிய பொருட்களின் வடிவமைப்பு, மற்றைய நிறுவனங்களை கொள்முதல் செய்தல், பங்குதாரர்கள், விளம்பரங்கள், வியாபார யுக்திகள் என இணையத்தில் பல்துறைகளிலும் புகுந்து விளையாடுகிறது.

மைக்ரோசொப்ட் பில் கேட்ஸ் அவர்கள்

noreply@blogger.com (HK Arun) — Tue, 08 Jan 2008 21:14:00 +0000

பில் கேட்ஸ் (William Henry Bill Gates III) என்றால் இன்றைய உலகில் தெரியாதவர்கள் இருக்கமுடியாது. கடந்த இரண்டுத் தலைமுறைகளில் பில் கேட்ஸ் அளவிற்கு உலக மக்களிடையே பெரும் தாக்கத்தை ஏற்படுத்திய எவரும் இருக்க முடியாது. உலகின் போக்கையே மாற்றியமைத்துவிட்ட சாதனையாளர். மைக்ரோசொப்ட் நிறுவனத்தின் தலமைக் கணனி மென்பொருளாரும், அதன் தலமை நிறைவேற்று அதிகாரியும் ஆன பில் கேட்ஸின் தற்போதைய வயது 52. உலக பணக்காரர்கள் வரிசையில் “பில் கேட்ஸ்” தொடர்ந்து பல வருடங்களாக முதலிடத்திலேயே இருந்து வருகிறார். 1999 களிலேயே இவரது சொத்தின் மதிப்பு 100 பில்லியன்கள் ஆகும். இன்று இவரது மைக்ரோசொப்ட் நிறுவனத்தில் உலகெங்குமாக 78,000 பேர்கள், 105 நாடுகளில் சேவை புரிகின்றனர்.

வாழ்க்கை வரலாறு

பில் கேட்ஸ் 1955 ஆம் ஆண்டு ஒக்டோபர் 28 ஆம் நாள் அமெரிக்கா, சியேட்ல், வொசிங்டன் (America, Seattle, Washington) எனும் நகரில் பிறந்தார். இவரது தந்தையின் பெயர் 'வில்லியம் கெச் கேட்ஸ்' அவர் ஒரு சிறந்த வழக்கறிஞர் ஆவார். தாயாரின் பெயர் 'மேரி மேக்ஸ்வெல்' வொசிங்டன் பல்கலைக்கழகத்தின் ஆசிரியை ஆவார். இவர்களின் மகனான பில் கேட்ஸ் சிறு வயதிலேயே கணிதம், அறிவியல் பாடங்களில் சிறந்து விளங்கியுள்ளார். பில் கேட்ஸ் தனது பதி்மூன்றாவது வயதில் சியாடில் பகுதியில் சிறந்தப் பாடசாலையான லேக்சைட் பாடசாலைக்கு மாற்றம் பெற்றார். அங்கு கல்வி கற்கும் காலங்களில் இவரது கணனி ஆர்வமும் திறைமையும் ஆசிரியர்களால் இனங்காணப்பட்டது. சிறு வயது முதலே மென்பொருள் எழுதுவதில் ஆர்வமுள்ளவரானார்.

13 வயதான அக்காலத்திலேயே மென்பொருள் எழுதவும் தொடங்கிவிட்டார்.

1973 ஆம் ஆண்டு ஹாவர்ட் பல்கலைக்கழகம் (Harvard University) சென்றார். அங்கே இஸ்டீவ் பாள்மர் என்பவர் இவரது நண்பரானார். இஸ்டீவ் பாள்மரின் வீட்டில் இருந்தே படித்தார். இருப்பினும் இவரது ஆர்வம் கணனி மென்பொருள் எழுதுவதிலேயே இருந்தது.

1975 ஆம் ஆண்டு ஹாவர்ட் பல்கலைக்கழகக் கல்வி முற்று பெற்றப் பின் தனது சிறு வயது நண்பரான பவுல் எலன் (Paul Allen) என்பவருடன் இணைந்து மைக்ரோசொப்ட் நிறுவனத்தை ஆரம்பித்தார். கணனித்துறை பிற்காலத்தில் பெரும் புரட்சியை ஏற்படுத்தும் எனும் தீர்க்கத்தரிசனம் இவருக்குள் இருந்ததோ என்னவோ, இவரும் இவரது நண்பரும் இணைந்து மென்பொருள்களை மும்முரமாக எழுதினர். இவருடைய இத்தொலை நோக்குச் சிந்தனைத்தான் பிற்காலத்தின் இவருடைய அபார வெற்றிகளுக்கு வழிவகுத்தது எனலாம்.

இன்றை உலகில் சாதாரணக் கணனி பாவனையாளர் முதல் அலுவலகங்கள், நிறுவனங்கள் வரை மைக்ரோசொப்ட்டின் மென்பொருள் இன்றி ஒன்றுமே செய்ய முடியாத அளவிற்கு வளர்ச்சி கண்டுள்ளது. கணனி இயங்குத் தளங்களை (ஒப்பரேடிங் சிஸ்டம்) பொருத்தவரையிலும் 85% சதவீதமானவை மைக்ரோசொப்ட் நிறுவனத்தின் இயங்கு தளங்களாகவே உள்ளன. மைக்ரோசொப்ட் நிறுவனத்தின் "விண்டோஸ் XP" ஒரு புரட்சியையே ஏற்படுத்திய இயங்கு தளமாகும். மைக்ரோசொப்ட்டின் கடைசியான இயங்குதளமான “விண்டோஸ் விஸ்டா” 2007 ஆம் ஆண்டு வெளியிடப்பட்டது.

இதனைக் கிட்டத்தட்ட 6 ஆண்டுகள், 600 கோடி டொலர்கள் செலவில், 5000 கணனி மென்பொருள் வல்லுநர்கள் உழைப்பில் உருவாகியுள்ளது. இதில் 300 இந்திய கணனி மென்பொருள் வல்லுநர்களும் செயலாற்றியமை குறிப்பிடத்தக்கது.

இன்றையக் கணனி உலக நுட்ப வளர்ச்சிக்கும், அறிவியல் மாற்றத்திற்கும் பில் கேட்ஸ் அவர்களின் தனிமனிதத் திறமையும், மைக்ரோசொப்ட் நிறுவனத்தினதும் பங்கும் அளப்பரியது. பொருளாதாரத் துறையை எடுத்துக்கொண்டாலும் இன்றைய உலகின் "பொருளாதாரத் தந்தை" என்று பில் கேட் அவர்களையே குறிப்பிடலாம் என கூறுவோரும் உளர்.

பில் கேட்ஸ் எழுதிய நூல்கள்

பில் கேட்ஸ் "கொலின்ஸ் எமிங்வே" (Collins Hemingway) என்பவரும் சேர்ந்து எழுதிய “Business @ the speed of Thought” எனும் நூல் 25 மொழிகளில் வெளியாகி பெரும் பறப்பறப்பை ஏற்படுத்தியது. இந்நூல் பல பத்திரிக்கைகளினதும் சஞ்சிகைகளினதும் பாராட்டுக்களை பெற்றது. பில் கேட்ஸின் “The Road Ahead' எனும் நூல் 1995 ஆண்டு பிரசுரிக்கப்பட்டு அதுவும் பெரும் பாராட்டினைப் பெற்றது. அதே ஆண்டு நியூயோர்க் டைம்ஸ் செய்தித்தாளில் அதிகம் விற்பனையான நூல்களின் பட்டியலில், தொடர்ந்தும் ஏழு வாரங்கள் முன்னணி நூலாக இருந்ததும் குறிப்பிடத்தக்கது. ஒரு தொழிலதிபராக மட்டுமன்றி, எழுத்துலகிலும் தடம் பதித்தவர் பில் கேட்ஸ்.

இந்நூல்கள் மூலம் இவர் பெற்ற இலாபத்தை தொழில் நுட்பக் கல்வி நிறுவனங்களுக்கும், இலாப நோக்கற்று இயங்கும் நிறுவனங்களிற்கும் நன்கொடையாகக் கொடுத்தார்.

இவற்றைத் தவிர உலகம் முழுவதும் வாழும் மக்களின் கல்வி மற்றும் சுகாதார அபிவிருத்திக்கான நிறுவனம் ஒன்றைத் திறந்து அதற்கு பல பில்லியன் அமெரிக்க டொலர்களை செலவிட்டு பணியாற்றியும் வருவதாக செய்திகள் கூறுகின்றன. இந்நிறுவனத்திற்கு "பில் எண்ட் மெலிண்டா கேட் பவுண்டேசன்” எனப் பெயரிட்டுள்ளார். "மெலிண்டா" என்பது இவரது துணைவியாரின் பெயராகும்.

இதோ தளமுகவரி: http://www.gatesfoundation.org/Pages/home.aspx

இருவரும் இணைந்தே இந்நிறுவனத்தை நடாத்தி வருகின்றனர்.

இன்று நம்மைப் போன்ற சாதாரணமானவர்கள் கைகளில் எல்லாம் கணனி தவழ்கின்றது என்றால் அதற்கான ஆரம்ப வித்திடவர் பில் கேட்ஸ் என்றே கூறவேண்டும். உண்மையில் பொதுமக்களின் பயன்பாட்டிற்கு கணனி அறிமுகமாகியதன் பெரும் பங்கு பில் கேட்ஸையும் அவரது மைக்ரோசொப்ட் நிறுவனத்தையுமே சாரும்.

நன்றி

அன்புடன்
அருண் HK Arun

கூகிளின் இணைய மொழிமாற்றி [CLIR]

noreply@blogger.com (HK Arun) — Tue, 25 Dec 2007 07:38:00 +0000

இன்று எத்தனையோ விதமான அறிவியல் நுட்பத் தகவல்களும், கணனிசார் பதிவுகளும், எண்ணற்றக் கற்கை நெறிகளும் இணையத்தில் குவிந்துக் கிடக்கின்றன. ஆனால் இவைகள் அதிகமாக ஆங்கிலத்திலேயே இருக்கின்றன. ஆங்கில அறிவு அற்றவர்களுக்கோ அவற்றின் முழுமையான பயனை பெறமுடியாமல் இருக்கின்றது. ஏன் தமிழர்களது நம்பகமான ஆங்கில இணையதளம் தமிழ்நெட் கூட பார்க்க முடிவதில்லை என்ற கவலை பலருக்கு இருக்கிறது.

உதாரணமாக "தமிழ்நெட்" இணையத்தளத்தின் இணைய முகவரியை (www.tamilnet.com) இட்டால் அத்தளம் தமிழில் காட்சி தருகிறது என வைத்துக்கொள்வோம் எப்படியிருக்கும்...? ஆம்! ஆங்கிலமே அவசியமில்லாமல் போய்விடும். அனைத்து ஆங்கிலத் தளங்களையும் தமிழிலேயே மொழிமாற்றி வாசித்துவிடலாம். ஆங்கிலம் அல்லாத உலக மொழிகள் அனைத்தையுமே தமிழில் மொழிமாற்றி வாசித்துவிடலாம்.

என்ன நினைக்கும் போதே மகிழ்ச்சியாக இருக்கிறதா?

ஆம்! அப்படியான ஓர் வசதியை விரைவில் Google ஏற்படுத்தித் தரப்போகிறதாம்.

Cross – Language Information Retrieval [CLIR] எனப்படும் கூகிளின் இணைய மொழிமாற்று வசதியை, கூகிள் நிறுவனம் கடந்த 2007 மே மாதம் அறிமுகப்படுத்தியது. அதன் ஆரம்பக் கட்டமாக தற்போது ஆங்கிலத்துடன் 12 மொழிகளை மொழிமாற்றும் வசதியை கூகிள் ஏற்படுத்தியுள்ளது. தமிழுக்கும் இந்த வசதி விரைவில் கிடைக்கும் என எதிர்பார்க்கப்படுகிறது.

அதாவது நாம் எழுதிய ஒரு பகுதியை அல்லது நாம் வாசித்து அறிய விரும்பும் ஒரு பகுதியை Copy Paste செய்து, எந்த மொழியிலிருந்து, எந்த மொழிக்கு என்று தெர்வுசெய்து, "Translate" எனும் சுட்டியை அழுத்தி, நாம் விரும்பும் மொழியில் வாசித்துக்கொள்ளலாம்.

Translate a Web Page எனும் தேர்வூடாக ஓர் இணையத்தள முகவரியை இட்டு, அந்த இணையத்தளத்தின் அனைத்து உள்ளடக்கங்களையும் இன்னுமொரு மொழியில் மொழிமாற்றம் செய்து பார்க்கவும் முடியும்.

நான் ஒரு சீன மொழி இணையத்தள முகவரியை இட்டு Chinese to English என தேர்வு செய்து பரீட்ச்சார்த்துப் பார்த்தேன். என்ன ஆச்சரியம்! சீன மொழியில் தென்பட்ட இணையத்தளம் ஆங்கிலத்தில் அருமையாக காட்சியளிக்கிறது.

இதுதான் அந்த சீன இணையத்தளம். (மொழிமாற்றும் முன்)

மொழிமாற்றிய பின், ஆங்கிலத்தில் இவ்வாறு காட்சியளிக்கிறது.

என்ன தமிழுக்கும் இவ்வாய்ப்பு கிடைத்தால் ஒரு கை பார்த்துவிடாலாம் என்கிறீர்களா!

அது சரி! அவ்வாய்ப்பை கூகிள் விரைவில் வழங்கும் என்று கூகிள் ஆண்டவரை வேண்டிக்கொள்வோம். அதுவரை பிற மொழிகளை மொழிமாற்றி பார்ப்போம் வாருங்கள்.

http://translate.google.com/translate_t

நன்றி

அன்புடன் அருண்

மாற்று வழியில் மின்னஞ்சல் அனுப்புவோமா?

noreply@blogger.com (HK Arun) — Mon, 17 Dec 2007 19:50:00 +0000

நீங்கள் வழமையாக உங்கள் மின்னஞ்சல் சேவையை பயன்படுத்துவதற்கு; உங்கள் பயனர் பெயர், கடவுச் சொல் போன்றவற்றை இட்டு உங்கள் மின்னஞ்சலை திறந்து அதன் பின்பே அவசியமானவர்க்கு மின்னஞ்சல் அனுப்புவீர்கள். ஆனால் அவ்வாறு இல்லாமல் வேறு ஒரு வழியிலும் மின்னஞ்சல் அனுப்ப முடியும்.

வித்தியாசமாக அதுவும் ஆங்கில கூட்டெழுத்துக்களில். எப்படி என்று முயன்று பாருங்கோவன். அதுவும் இத்தளத்தில் இருந்தே அனுப்பலாம்.

கீழே இணைக்கப்பட்டிருக்கும் படத்தைப் பாருங்கள். உண்மையில் அது படமல்ல. அதுதான் மாற்றுவழி மின்னஞ்சல். அதன்மேல் சொடுக்கியை வைத்து சுட்டி தட்டச்சிடலாம்.

எப்படி?

To: - சென்றடைய வேண்டியவரின் மின்னஞ்சல் முகவரியை இடுங்கள்

From: - அனுப்புவரின் மின்னஞ்சல் முகவரியை (உங்கள்) இடுங்கள்

Name: - அனுப்புவரின் பெயர்

Subject: - நீங்கள் எழுதப்போகும் விசயத்தின் தலைப்பு

Message: - நீங்கள் எழுதவேண்டியத் தகவலை எழுவதற்கான இடம்.

இனி தகவலை எழுதி முடிந்தவுடன் "Send" எனக் காணப்படும் இடத்தில் ஒரு சொடுக்கு போடுங்கள் அவ்வளவு தான்.

மின்னஞ்சல் உரியவருக்குச் சென்றடைந்து விடும்.

குறிப்பு:

"From" எனும் இடத்தில் உங்கள் மின்னஞ்சல் முகவரியை இடாமல், வேறு ஒருவரின் முகவரியை இட்டும் அனுப்பலாம். வேண்டுமானால் மைக்ரோசொப்ட் நிறுவனத்தின் மின்னஞ்சல் முகவரியைக் கூட இடலாம். மின்னஞ்சலை பெற்றவர் குழம்பிப்போய்விடவும் வாய்ப்பிருக்கிறது. இருப்பினும் குழப்பத்தை தவிர்ப்பதற்கு உங்கள் மின்னஞ்சலை மட்டும் பயன்படுத்தி அனுப்புங்கள்.

இனிமையான மாற்று வழி மின்னஞ்சல் அனுப்புதலுக்கு வாழ்த்துக்கள்!

நன்றி

அன்புடன் அருண்
HK Arun

எம் எஸ் வேர்டில் தேடல் (Quick Search Box)

noreply@blogger.com (HK Arun) — Wed, 12 Dec 2007 20:11:00 +0000

எம் எஸ் வேர்டில் வேலை செய்துக்கொண்டிருக்கும் பொழுது உடனடியாக ஒரு சொல்லைப் பற்றியோ, விடயத்தைப் பற்றியோ தேடுதல் செய்யவேண்டும் என்று வைத்துக்கொள்வோம். அப்போது நாம் வேலை செய்துக்கொண்டிருக்கும் எம் எஸ் வேர்ட்டிலேயே கூகிள் தேடலை தொடர முடியும்.

எப்படி என்று பார்ப்போமா?

மிக இலகுவானது கொண்ட்ரோல் Ctrl கீயை இரண்டு முறை தட்டுங்கள். [Quick Search Box] மேலே காட்டப்பட்டவாறு தோன்றும். பிறகு என்ன அதனூடாகவே கூகிள் தேடல்களைத் தொடர வேண்டியதுதான்.

மீண்டும் Ctrl இரண்டு முறைத் தட்டினால் கூகிள் தேடு இயந்திரம் மறைந்துவிடும்.

குறிப்பு:

உங்கள் கணனி இணையத்துடன் இணைக்க்கப் பட்டிருக்க வேண்டும்.

உலகக் கடிகாரத்தின் ஓட்டம்

noreply@blogger.com (HK Arun) — Wed, 05 Dec 2007 17:35:00 +0000

உலகில் மக்கள் அதிகரிப்பால், பல நாடுகள் குடும்பக் கட்டுப்பாடு குறித்த சட்டத்திட்டங்களையும் நடவடிக்கைகளையும் விழிப்புணர்வுகளையும் ஏற்படுத்தி வருகின்றன. இந்த மக்கள் தொகை அதிகரிப்பு விகிதம் எப்படி என்று அறிந்துக்கொள்ள வேண்டுமா? இந்த நிமிடத்தில் உலக மக்கள் தொகை எவ்வளவு? எவ்வளவு விகிதத்தில் அதிகரித்து செல்கிறது? போன்ற விபரங்களை கீழுள்ள உலகக் கடிகாரத்தில் Now என்பதை சொடுக்கி அறிந்துக்கொள்ளலாம்.

அத்துடன் ஒரு மணித்தியாளத்தில், ஒரு நாளில், ஒரு வாரத்தில், ஒரு மாதத்தில், ஒரு ஆண்டில் என வட்ட வடிவில் காணப்படும் பட்டன்களை சொடுக்கி அறிந்துக்கொள்ளலாம்.

பாருங்கள் உலகக் கடிகாரம், கைக்கடிகாரத்தையும் விட வேகமாக ஓடிக்கொண்டு இருக்கின்றது!

எதிர்கால மக்கள் தொகை இன்னும் ஒரு ஆண்டில் எப்படி இருக்கும், இன்னும் பத்து ஆண்டுகளில் எப்படி இருக்கும் என ஆண்டுகளை கூட்டி, கழித்து அறிந்துக்கொள்ளலாம். இது ஒரு மக்கள் தொகை எதிர்வுக்கூறல் விபரக் கணிப்பு. மேல் நோக்கியும் கீழ் நோக்கியும் சொடுக்கி அறிந்துக்கொள்ளுங்கள்

மேலுள்ள கடிகாரம் போன்றே இந்த நொடியில், ஒரு மணித்தியாளத்தில், ஒரு நாளில், ஒரு வாரத்தில், ஒரு மாதத்தில், ஒரு ஆண்டில் உணவாகப் பெறப்படும் அளவின் கடிகாரம் இது.

நன்றி

அன்புடன்
அருண் HK Arun

கூகிள் ஏர்த் [Google Earth]

noreply@blogger.com (HK Arun) — Mon, 03 Dec 2007 20:44:00 +0000

இணைய உலகில் கூகிள் ஏர்த் பற்றி பேசாதவர்களே இல்லை எனலாம். ஆனாலும் இதுப் பற்றி தெரியாதவர்களும் இருக்கிறார்கள் என்பதால் இந்த இடுகை.

இந்த கூகிள் ஏர்த் [Google Earth] எனும் மென்பொருளானது; முன்பு "ஏர்த் வியூவர்" [Earth Viewer] என்ற பெயரில் கீஹோல் [KEYHOLE] எனும் நிறுவனத்தால் உருவாக்கப்பட்டது. இதை 2004 ம் ஆண்டு கூகிள் நிறுவனம் வேண்டி "கூகிள் ஏர்த்" எனும் பெயரில் வெளியிட்டது. இது செய்மதியூடாக உலகில் நாம் விரும்பும் எந்த ஒரு இடத்தையும் துள்ளியமாகப் பார்ப்பதற்கு உதவுகிறது. வீதிகள், கட்டிடங்கள், தெருக்கள் போன்றவை மட்டுமன்றி, வாகனங்கள், வீடுகள், மரங்கள் கூட சில இடங்களில் தெளிவாகத் தெரிகின்றன.

கொழும்பு காலிமுகத்திடலின் ஒரு பகுதியே மேலே காட்டப்பட்டுள்ளது.

இந்த கூகிள் ஏர்த்தில் மூன்று பதிப்புகள் வெளியிடப்பட்டுள்ளன.

1. கூகிள் ஏர்த் புரொபெசனல் பதிப்பு

2. கூகிள் ஏர்த் பிளஸ் பதிப்பு.

3. கூகிள் ஏர்த் இலவச பதிப்பு

இவற்றில் கூகிள் ஏர்த் இலவச பதிப்பினை பதிவிறக்கி இங்கே சென்று பதிவிறக்கி கொள்ளலாம்.

http://earth.google.com/

இலவச பதிப்பையும் விட தெளிவாக பார்ப்பதானால்; கூகிள் ஏர்த் பிளஸ் US$ 20 க்கும், கூகிள் ஏர்த் புரோபெசனல் US$ 400 க்கும் பெற்றுக்கொள்ளலாம்.

கூகிள் ஏர்த் புரொபெசனலை 7 நாட்களுக்கு பரீட்சார்த்தமாக தருகிறார்கள். அதை பதிவிறக்கி பயன்படுத்திப் பார்க்க விரும்புவோர் கீழுள்ள இணைப்பை சொடுக்கி செல்லுங்கள்.

http://earth.google.com/earth_pro.html

புதிதாக வெளியிடப்பட்டிருக்கும் “கூகிள் ஏர்த் 4.2” யில் செய்மதியூடாக விண்வெளியையும் பார்க்கக் கூடியதாக உள்ளது.

அதன் விளம்பரக் காணொளி

தமிழ் யுனிகோட் பதிவிறக்கி பயன் படுத்துவது எப்படி?

noreply@blogger.com (HK Arun) — Mon, 03 Dec 2007 19:54:00 +0000

தமிழ் எழுத்துருக்கள் எத்தனையோ பயன் படுத்தப்பட்டு வந்தன. அவை எல்லாவற்றிலும் ஏதோ ஒரு குறைபாடு இருந்தே வந்துள்ளது. ஆனால் தற்போது மிகவும் சிறப்புடன் செயல்படும் ஒரு சிறந்த எழுத்துரு மென்பொருளாக "ஈ-கலப்பை தமிழ் யுனிகோட்" எழுத்துருவை சொல்லலாம். ஒரே நேரத்தில் தமிழிழும் ஆங்கிலத்திலும் மாறிமாறி தட்டச்சக்கூடியது. இது மிகவும் இலகுவானதும், தற்போது அதிகமானோரால் பாவிக்கப்படுவதும் ஆகும். இந்த வலைப்பதிவு கூட தமிழ் யுனிகோட் எழுத்துரு கொண்டே எழுதப்பட்டுள்ளது.

இந்த "தமிழ் யுனிகோட்" எழுத்துருவை உங்கள் கணனிகளில் பயன்படுத்துவதற்கு கீழே கொடுக்கப்பட்டிருக்கும் மீயிணைப்பை அழுத்தி பதிவிறக்கிக் கொள்ளுங்கள்.

http://thamizha.com/modules/mydownloads/viewcat.php?cid=3

இதை எவ்வாறு உங்கள் கணனிகளில் பதிவிறக்கி பயன்படுத்துவது என்பதை அறிந்துக்கொள்ள விரும்புவோர்; கீழுள்ள தளத்திற்குச் செல்லுங்கள். மிக இலகுவான செயல்முறை விளக்கம் கொடுக்கப்பட்டுள்ளது.

http://www.thozhi.com/tamiltyping.htm

தமிழில் எவ்வாறு தட்டச்சு செய்வது என பயிற்சி பெற விரும்புவோர் கீழுள்ள தளத்திற்கு செல்லலாம்.

http://ezilnila.com/tane/unicode_Writer.htm

யுனிகோட் என்றால் என்ன? அது கணனியில் எவ்வாறு இயங்குகின்றது போன்றவற்றை கற்க விரும்புவோர் கீழுள்ள தளத்தில் கற்றுக்கொள்ளலாம். மிகவும் அருமையான விளக்கத்துடன் சுரதா யாழ்வாணன் அவர்கள் காணொளி ஊடாக கற்றுத் தருகின்றார்.

http://www.suratha.com/tamilunicode.html

இன்றைய நாணயப் பெறுமதி [Currancy Rate]

noreply@blogger.com (HK Arun) — Fri, 30 Nov 2007 18:32:00 +0000

இன்றைய நாணயப் பெறுமதி (Currancy Rate) எவ்வளவு என்பதை அறிந்துக்கொள்ள பல இணையத்தளங்கள் உள்ளன. ஆனால் இலங்கை போன்ற நாடுகளின் நாணயப் பெறுமதியை அறிந்துக் கொள்ளும் வசதியை எல்லா இணைய தளங்களும் வழங்குவது இல்லை. ஆனால் இந்த இணையத் தளத்தில் இலங்கையின் நாணய பெறுமதியையும் உடனுக்குடன் அறிந்துக்கொள்ளக் கூடியதாக உள்ளது. சொடுக்கிப் பாருங்கள்.

இந்த இணையத்தளத்திலும் அறிந்துக்கொள்ளலாம்.

http://www.x-rates.com/

சில நேரங்களில் நமக்கு கடந்த ஆண்டுகளின் நாணயப் பெறுமதியை அறிந்துக்கொள்ள வேண்டிய தேவை ஏற்படலாம். அப்படியான சமயம் நாம் எவ்வாறு அறிந்துக்கொள்வது? அதற்கும் ஒரு இணையத்தளம் வழிவகுத்துள்ளது. கடந்தக் காலங்களில் எத்தனையாம் திகதி, எத்தனையாம் மாதம், எத்தனையாம் ஆண்டு என்பதை சொடுக்கி Convert Now எனும் அழுத்தியை அழுத்துவதன் மூலம் அறிந்துக்கொள்ளலாம். இதோ அத்தளத்தின் முகவரி.

http://www.oanda.com/converter/classic?user=advsport&lang=en

எந்த நாட்டில் எத்தனை மணி?

noreply@blogger.com (HK Arun) — Fri, 30 Nov 2007 17:40:00 +0000

கடிகாரத்தில் தெரிவது ஹொங்கொங்கின் நேரம். இந்நேரம் எந்தெந்த நாட்டில் எத்தெத்தனை மணியாக இருக்கும் என்று அறிந்துக்கொள்ள விரும்புகிறீர்களா?

கீழே சொடுக்கி பார்த்துக்கொள்ளுங்கள்.

http://www.timeanddate.com/worldclock/full.html

"சட்டர்லைட்" ஊடாகவும் அறிந்துக்கொள்ளலாம்

குறிப்பிட்ட நாட்டின், குறிப்பிட்ட பிரதேசத்தின் மேல் சுட்டியை நகர்த்துவதன் மூலம், நாம் அறிய விரும்பும் பிரதேசத்தின் தற்போதைய நேரத்தைச் சரியாக அறிந்துக்கொள்ளலாம். அங்கே காணப்படும் Close Up எனும் சொற்களை அழுத்துவதன் மூலம் நாம் விரும்பும் பிரதேசத்தை அண்மித்து அதன் நேரத்தை அறிந்துக்கொள்ள கூடிய வசதியும் உள்ளது.

http://www.qlock.com/time/

பயன்மிக்க புள்ளி விபரங்கள்

noreply@blogger.com (HK Arun) — Fri, 30 Nov 2007 16:03:00 +0000

உலக மக்கள் தொகை

உலக மக்கள் தொகை காட்டும் நேரடிக் கணிப்பான் இது. கீழே "Word Population" என இடப்பட்டிருக்கும் இடத்தில் பாருங்கள் இந்த நிமிடத்தின் மக்கள் தொகையை அறிந்துக்கொள்ளலாம். உலக உருண்டையின் ஒவ்வொரு கண்டத்தையும் சொடுக்கினால் அதனதன் மக்கள் தொகை விபரத்தை அறிந்துக்கொள்ளலாம்.

கருத்தடை

இந்த நிமிடத்தில் உலகில் எத்தனை கருத்தடைகள் நடைப்பெற்றுக்கொண்டிருக்கின்றன எனும் புள்ளி விபரக் கடிகாரம்.

இணையத்தில் கணிப்பான்

இணையத்தில் கணிப்பான் [கல்கியூலேடர்] பாவிக்க வேண்டுமா?

உடல் வெப்பமானி

இது என்ன புள்ளி விபரம்?

இது என்ன புள்ளி விபரம் என்று நீங்களே ஒரு முறை பார்த்துக்கொள்ளுங்கள்.

உலக நேர வலையம்

காணும் உலகில் நீங்கள் விரும்பு பகுதியில் மேல் சொடுக்கி, அப்பகுதியின் நேர விபரத்தை அறிந்துக்கொள்ளலாம்.

இன்னும் எத்தனை நாட்கள்

இன்றிலிருந்து இன்னும் எத்தனை நாட்களும், மணித்தியாளங்களும், நிமிடங்களும், செக்கனும் இருக்கின்றன கிருஸ்மஸ் தினத்திற்கு?

நன்றி

அன்புடன்
அருண் HK Arun

உங்கள் வயதின் புள்ளி விபர அறிவிப்பான்

noreply@blogger.com (HK Arun) — Mon, 19 Nov 2007 17:24:00 +0000

உங்கள் வயது உங்களுக்கு தெரிந்திருக்கும். ஆனால் இந்த நொடியுடன் உங்கள் வயது எத்தனை ஆண்டுகளும், எத்தனை மாதங்களும், எத்தனை நாட்களும், எத்தனை மணித்தியாளங்களும், எத்தனை நிமிடங்களும், நொடிகளும் ஆகின்றன என்பதை உடனடியாகக் கூற முடியாது.

இதோ கீழுள்ள வயது புள்ளி விபரக் கணிப்பானிடம் உங்கள் பிறந்தத் திகதி, நேரத்தை கொடுத்தீர்களானால். புள்ளி விபர அறிக்கையாகக் காண்பிப்பான்.

Poodwaddle.com

என்ன! வயது புள்ளி விபரக் கணிப்பான் உங்கள் வயதை சரியாகக் கணித்துக் கூறினானா?

கூகிள் தேடுதளமும் தமிழும்

noreply@blogger.com (HK Arun) — Mon, 19 Nov 2007 15:35:00 +0000

கூகிள் தேடுதளமும் தமிழும் Google Top Searches that 'Tamil.
Welcome to Tamilot.

பிரயோசனமானத் தளங்கள்

noreply@blogger.com (HK Arun) — Sun, 18 Nov 2007 19:29:00 +0000

உங்கள் IP இலக்கம்

உலகில் இருக்கும் எண்ணற்ற கணனிகளில் இருந்து ஒவ்வொரு கணனியையும் வேறுப்படுத்தி அறிந்துக்கொள்வதற்கு, இணைய இணைப்பை இணைத்தவுடன் சேவை வழங்கிகளால் ஒரு IP இணைய இலக்கம் வழங்கப்பட்டு அதினூடாகவே எமக்கு இணைய சேவை வழங்கப்படுகிறது.

அவ்வாறு நமக்கு வழங்கப்படும் இணைய இலக்கத்தை நாம் கீழே உள்ள தளங்களினூடாக அறிந்துக்கொள்ளலாம்.

http://whatismyip.com/

http://whatismyipaddress.com/

http://www.ipchicken.com/

ஒரு கணனியின் IP விலாசம் உட்பட ஊர் மற்றும் அதன் சேவை வழங்கிகளின் விபரங்களையும் அறியத்தரும் இணையத்தளங்கள்.

http://www.ip2location.com/

http://www.ip-adress.com/ipaddresstolocation/

http://www.geobytes.com/IpLocator.htm?GetLocation

ஒரு இணையத்தளத்தைப்பற்றிய விபரம்

ஒரு இணையத்தளத்தை யார் இயக்குகிறார்கள், எங்கிருந்து இயக்குகிறார்கள், அதன் உரிமையாளர் யார் என்பதை அறிந்துக்கொள்வதற்கு அந்த இணையத்தளத்தின் பெயரை WHOIS Search பக்கம் ஆங்கிலத்தில் பிழையின்றி இட்டு Seacch எனும் அழுத்தியை அழுத்துவதன் மூலம் குறிப்பிட்டத் தளத்தின் முழுவிபரத்தையும் அறிந்துக்கொள்ளலாம்.

http://www.networksolutions.com/whois/index.jsp

IP இலக்கத்தை மறைப்பதற்கு

உங்கள் கணனியின் IP இலக்கத்தை அறிந்துக்கொண்டால் உங்கள் கணனியின் வழங்கி உற்பட உங்களது முழுவிபரத்தையும் பெற்றுக்கொள்ளலாம். ஏன் உங்கள் வீட்டு விலாசத்தையே அறிந்துக்கொள்ளும் வாய்ப்பு உண்டு. அப்படியானால் உங்கள் கணனியின் IP இலக்கத்தை மற்றவர்கள் பார்க்காமல் மறைக்க என்ன செய்யலாம்? இதோ இந்த இணையத்தளம் அதற்கான சேவையை வழங்குகின்றது.

http://www.ip-adress.com/hide_my_ip/

உங்கள் கணனியின் வேகம்

உங்கள் கணனியின் பதிவிறக்கம் Download செய்யும் வேகம்,
பதிவேற்றும் Upload வேகம் போன்றவற்றை அறிந்துக்கொள்ள உதவும் இணையத்தளம்.

http://www.ip-adress.com/speedtest/

வீடியோ கிளிப்புகள்

வீடியோ கிளிப்புக்களை பார்ப்பதற்கு யூ டியூப் மற்றும் ஈழம் வீடியோ போன்று வேறு சிலத் தளங்கள்.

http://www.dailymotion.com/

http://www.burlysports.com/play/channel/89196

நேரடி ஒலி ஒளி பரப்பு

நிகழ்வுகளை நேரடியாக உங்கள் அழைப்பேசியின் ஊடாகவே ஒலி ஒளி பரப்புச் செய்ய:

http://qik.com/

நேரடி கிரிக்கெட் நிகழ்ச்சிகள்

கிரிக்கெட் மற்றும் டெஸ்ட் போட்டிகளை நேரடியாக பார்வையிடுவதற்கு. இங்கிருக்கும் சில மென்பொருற்களை பதிவிறக்கி பார்வையிடலாம்.

http://www.sopcast.com/

நேரடி சன் டீ வீ

Sun TV போன்ற சில தமிழ் தொலைக்காட்சி சேவைகளை நேரடியாகப் பார்வையிடக்கூடிய தளங்கள்.

http://www.vaanam.com/

http://www.isaitamil.net/ (இத்தளத்தில் பதிவு செய்து பார்க்கவேண்டும்)

ஞாபகப்படுத்தும் இணையத்தளம்

செய்யவேண்டி இருப்பவற்றை மறக்காமல் இருப்பதற்கு நினைவூட்டும் ஒரு இணையத்தளம்.

http://www.tadalist.com/

இன்றைய நாணயப் பெறுமதி

இன்றைய Currency Rate எவ்வளவு என்பதை துள்ளியமாக அறிந்துக்கொள்வதற்கு.

http://www.xe.com/

இலவச இணையத் தொலைப்பேசி

இலவசமான தொலைப்பேசி வசதிகளை ஏற்படுத்தித்தரும் இணையத்தளங்கள்.

http://www.cheapvoip.com/

http://www.voipcheap.com/en/index.html

http://www.myvoipprovider.com/blogcategory/Betamax/

http://www.softonic.com/

நாள்காட்டி

நாள்காட்டி இணையத்தளம். இந்த நாள்காட்டியில் இன்றைய நாளை சொடுக்கினால் இன்றைய நாளின் பிரசித்திப்பெற்ற நபர்களின் விபரம் மற்றும் முக்கிய நிகழ்வுகளை அறிந்துக்கொள்ளலாம்.

http://www.infoplease.com/calendar.php

தனிம வரிசை அட்டவணை

தனிம வரிசை அட்டவணைகளை பார்வையிடுவதற்கு.

http://www.shivamaha.com/chemistry/elements.htm

http://code.jalenack.com/periodic/

நச்சு நிறல்களின் பட்டியல் (வைரஸ்)

500.000 க்கும் மேற்பட்ட நமது கணனி பாவனையில் பாதிப்புக்களை உண்டு பன்னும் வைரஸ்களின் பெயர் விபரங்களையும் அதற்கான சிறந்த எண்டி வைரஸ்களையும் பற்றிய விபரங்களை தரும் இனையத்தளம்.

http://www.av-comparatives.org/

கணனி நோட்டம்

Firewall உடன் இணைக்கப்படாத ஒரு கணனியில் இருக்கும் தகவல்களை அறிய விரும்பினால் அக்கணனியின் IP Address சை மட்டும் அறிந்துக்கொண்டால் போதும். அதனை எடுத்துக்கொண்டு LAN card security scanner எனும் மென்பொருளை பதிவிறக்கி அதனுள் எங்களுக்கு தேவையான கணனியின் IP இலக்கத்தை இடுவதன் மூலம் அக்கணனியில் நடைப்பெறும் நிறையவே விடயங்களை அறிந்துக்கொள்ளலாம். அம்மென்பொருளிற்கான தளம்.

http://www.gif.com/

கணனி பாதுகாப்பு

இலவச மற்றும் வர்த்தக Firewall மென்பொருற்களை பதிவிறக்கி உங்கள் கணனிகளைப் பாதுகாத்துக்கொள்வதற்கு.

இதிலிருக்கும் இன்னொரு நன்மை என்னவன்றால் நமக்கு வரும் தேவையற்ற மின்னஞ்சல்களை வடிக்கட்டி தானாகவே கட்டுப்படுத்திக்கொள்ளும் வசதி இந்த மென்பொருளில் உள்ளது.

http://www.zonealarm.com/store/content/home.jsp

http://www.zonealarm.com/store/content/catalog/catalog_main.jsp

எழுத்துருவாக்கும் ஆர்வம் உள்ளவர்களுக்கு

ஒவ்வொரு மொழியிலும் எத்தனையோ விதவிதமான எழுத்துருக்கள் உள்ளன. இப்படியான அழகிய எழுத்துருக்கள் பார்ப்பவரை கவரும் விதமாக இருக்கும். தமிழிலும் எத்தனையோ விதவிதமான அழகிய எழுத்துருக்களை காண்கின்றோம். உங்களுக்கும் அழகிய தமிழ் எழுத்துக்களை உருவாக்குவதில் ஆர்வம் இருக்குமாயின் நீங்களும் ஒரு முறை முயன்று பார்க்கலாம்.

http://www.myfirstfont.com/

அழகிய 124 விதமான தமிழ் எழுத்துருக்கள்

தமிழில் அழகழகான 124 தமிழ் எழுத்துருக்களை [Tamil Fonts] சிவம் என்பவர் வடிவமைத்துள்ளார். அவற்றை இத்தளத்திலிருந்து பதிவிறக்கிக் கொள்ளலாம்.

http://www.pcpages.com/sivam/index.html

Favlcon ஐகொன்

இன்று சில இணையத்தள உலாவிகளைப் பார்த்தீர்களானால்
உலாவியின் முகவரியுடன் ஒரு சிறிய ஐகொன் தென்படும். அதை ஆங்கிலத்தில் Favlcon Icon என்று அழைக்கின்றனர். நீங்கள் விரும்பினால் உங்கள் இணைய முகவரியுடன் இந்த Favlcon ஐகொன் ஒன்றையும் நிறுவிக்கொள்ளமுடியும். இதோ அதற்கான தளங்கள்.

http://www.favicon.co.uk/

http://tools.dynamicdrive.com/favicon/

விமான நிலையங்கள் விபரம்

இலங்கை விமான சேவை கோட் என்றால் SL. ஹொங்கொங் விமான சேவை கோட் என்றால் HK என்பதுப்போல், ஒவ்வொரு நாட்டு விமான சேவைக்கும் விமான சேவை கோட், விமான நிலய கோட் மற்றும் வானூர்தி கோட் போன்றவை இருக்கும். இதை வைத்து ஒரு விமான சேவை மற்றும் அதன் விபரங்களை அறிந்துக்கொள்ளலாம். அவ்வாறு உலகில் உள்ள அனைத்து விமான நிலைய கோட் மற்றும் விபரங்களையும் இதோ இந்த தளத்தில் பார்வையிடலாம். அகரவரிசையில் அட்டவணைப்படுத்தப் பட்டுள்ளன.

http://www.world-airport-codes.com/alphabetical/country-name/a.html

இனியனின் எழுத்துப்பெயர்ப்பு செயலி

இந்திய மொழியில் அமைந்த ஒருங்குறி உரையை இடப்பக்க பெட்டியில் ஒட்டி 'மாற்று' எனும் பொத்தானை அழுத்தினால், அது எழுத்துப்பெயர்க்கப்பட்டு வலப்பக்க பெட்டியில் தமிழில் காட்டும் அருமையான செயலி

இக்செயலி இந்தி, தமிழ், மலையாளம், தெலுங்கு, கன்னடம், வங்காளம், ஒரியா, குஜராத்தி, பஞ்சாபி மற்றும் தேவநாகரி எழுத்தில் எழுதப்பட்ட இந்திய மொழிகளை ஆதரிக்கிறது.

http://transliterator.blogspot.com/

இந்த எழுத்துப்பெயர்ப்புக் கருவியை உருவாக்கியவரின் கருத்துக்களை அறிய இங்கே அழுத்திப் பாருங்கள்.

போட்காஸ்ட் மற்றும் பாடல் கோப்புகளை வலையேற்றல்

பாடல்களை வலையேற்றவதற்கும் வலையேற்றிய பாடல்களை வலைப்பதிவுகளில் தவழ விடுவதற்கும் சிறந்த தளம்.

http://odeo.com/

லேனா தமிழ்வாணனின் மின்னூல்

லேனா தமிழ்வாணனின் "நீங்கள் ஓர் ஒரு நிமிட சாதனையாளர்" எனும் தலைப்பில் எழுதப்பட்டிருக்கும் பயனுள்ள ஆக்கங்களை கீழே சொடுக்கி பார்க்கலாம். இவை PDF கோப்புகளாக உள்ளன.

http://static.scribd.com/docs/3s74g6o8yhuio.pdf

ஒரே உலக நாணயம் Single Global Currency

அமெரிக்காவில் டொலர், ஐரோப்பாவில் யூரோ இலங்கையில் ரூபா என்று ஒவ்வொரு நாடுகளிலும் ஒவ்வொரு நாணயம் பயன்படுகின்றன. இந்நிலையை மாற்றி எல்லா நாடுகளுக்கும் ஒரே நாணயத்தை உருவாக்குவது பல வழிகளில் நன்மை பயக்கும் என ஒரு இணையத்தளம் கூறுகிறது. Single Global Currency எனும் இந்தக் கொள்கையை 2025 க்குள் அமுல்படுத்துவது பற்றி அக்குழு ஆராய்ந்து வருகிறது. இது எந்த அளவிற்கு ஏற்புடையது என்பதை பொருத்திருந்துத் தான் பார்க்கவேண்டும். மேலதிக விபரங்களை அத்தளத்திற்கு சென்று அறிந்துக்கொள்ளுங்கள்.

http://www.singleglobalcurrency.org/

கோப்புகளை பதிவேற்றிவைப்பதற்கான தளங்கள்

எமது பத்திரக்கோவைகள், நிழல்படங்கள், ஒலிப்பதிவு போன்றவற்றை இந்த இணையத்தளங்களில் பதிவேற்றி வைத்துக்கொண்டால், நமக்கு தேவையான போது தேவையான இடத்தில் பதிவிறக்கி பயன்படுத்திக்கொள்ளலாம். இது இன்றைய இணைய பாவனையில் ஒரு இன்றியமையாத சேவையாகும். இந்த சேவையை வழங்கும் இணையத்தளங்கள். 5 GB வரையான இடத்தை இலவசமாகத் தருகின்றன.

குறிப்பு: Private, Public என்று போடப்பட்டுள்ள இடத்தில் உங்களது கோப்புகளை பிறர் பார்க்காமல் இருக்கவேண்டும் என்றால் Private எனும் இடத்தில் ஒரு சொடுக்குப் போட மறவாதீர்கள்.

http://www.rapidshare.de/

http://www.4shared.com/

வரையரையற்ற இடவசதியை தரும் ஒரு இணையத்தளம்.

http://www.uploading.com/

எக்ஸல் கடவுச்சொல்லை மறந்திவிட்டீர்களா?

எம் எஸ் எக்ஸல் சீட்டில் உங்கள் கடவுச்சொல்லை மறந்துவிட்டீர்களா? அப்படியானால் இந்த தளம் அக்கடவுச்சொல்லை நீக்கி உங்கள் கோப்புகளை பார்ப்பதற்கான வசதியை வழங்குகிறது. அதற்கான மென்பொருளை பதிவிறக்கி பயன்படுத்தலாம்.

http://www.straxx.com/excel/password.html

தவறுதலாக அழிப்பட்ட கோப்புகளை மீட்க

MP3, ஐபொட், டிஜிட்டல் கெமரா போன்றவற்றில் உள்ள கோப்புகள் தவறுதலாக அழிக்கப்பட்டுவிட்டால், அவற்றை மீற்க இந்த மென்பொருளின் உதவியை நாடலாம்.

http://www.recuva.com/

குப்பைத்தொட்டியிலிருந்தும் அழிக்கப்பட்ட கோப்புகளை எவ்வாறு மீட்கலாம்?

உங்கள் கணனியில் இருக்கும் கோப்புகளை குப்பை தொட்டியிலிருந்தும் அழித்துவிட்டப் பிறகு, அக்கோப்புகளை எப்படி மீட்பது என்று சிந்தித்துக்கொண்டிருக்கிறீர்களா? இதோ இந்த தளம் உங்களுக்கு கைகொடுக்கும்.

http://www.snapfiles.com/get/restoration.html

ஒரு கணனியின் செயல்பாடுகளை அவதானிக்க

ஒருவருடைய கணனியில் ஒரு நபர் என்னென்ன செய்கிறார்? என்னென்னெ தட்டச்சுகிறார்? என்று அனைத்து செயல்பாடுகளையும் அந்நபர் அறியாமலேயே அவதானிக்க விரும்புகின்றீர்களா? கீழ் உள்ள தளத்தில் இருக்கும் மென்பொருளை அக்கணனியில் நிறுவி விட்டீர்களானால் போதும், அக்கணனியில் நடைப்பெறும் ஒவ்வொரு அசைவுகளை மட்டுமல்ல அவர் தட்டச்சுப்பலகையில் தட்டும் ஒவ்வொரு எழுத்துக்களையும் கூட அவதானிக்கலாம்.

அதேவேளை வேறு யாரும் இது போன்ற ஒரு மென்பொருளை உங்கள் கணனியில் நிறுவி உங்களை அவதானிக்காமல் இருக்கப் பார்த்துக்கொள்ளுங்கள். அவ்வாறு நிறுவி விட்டால் உங்களது ஒவ்வொரு அசைவுகளையும் உங்கள் கணனியிலிருந்தே மின்னஞ்சல் ஊடாக பெற்றுக்கொள்ளக்கூடிய வசதிகளும் மிக அதிகமாகவே உள்ளன.

http://www.refog.com/keylogger/

http://www.revealerkeylogger.com/

யாழ் கருத்துக்களம் - தேவகுரு

கணனி திருத்துதல் (Trouble Shooting) தொடர்பான சிறப்பான விளக்கங்களை யாழ் கருத்துக்களத்தில் தேவகுரு என்பவர் வழங்கி வருகின்றார். இணையத்தில் வேறு எந்த தளத்திலும் காணப்படாக பயன்மிக்கத் தகவல்கள் அவை. (அவரது தகவல்கள் 2003 ஆம் ஆண்டிலிருந்தே தொடர்ந்து வருவதால், நிகழ்காலத்துக்கு பயன்படக்கூடிய தகவல்களைத் தேடிப் பயன்பெறுங்கள்.)

அவரின் உழைப்புக்கு வாழ்த்துக்கள்

http://www.yarl.com/forum3/index.php?showtopic=14994

நன்றி

தீய மென்பொருற்கள்

noreply@blogger.com (HK Arun) — Sun, 18 Nov 2007 19:24:00 +0000

எமது கணனிகள் இணையத்துடன் இணைக்கப்பட்டிருக்கும் போது அதன் செயற்திறன் வெகுவாக குறைவது அல்லது பாதிப்பதற்கான காரணம் Virus, Adware, Spyware போன்ற தீய மென்பொருற்களின் செயல்பாடுகளே ஆகும். அதன் ஒவ்வொன்றினதும் தனிப்பட்ட குணயியல்புகளை பார்ப்போம்.

Spyware - என்பது நமது அனுமதியை பெற்று அல்லது பெறாமல் நம்மையறியாமலேயே நமது கணினியின் தகவல்களைப் பெற்று நமது கணனியின் பாவனை மற்றும் தகவல்களை வேறொரு குறிப்பிட்ட இடத்திற்கு அனுப்பிக்கொண்டிருப்பவைகள் ஆகும்.

Addware - இவை எமது கணனியில் தேவையற்ற ஈ-மெயில்களை ((Spam) உருவாக்குவதுடன், தேவையற்ற பொப்பப்களையும் உருவாக்கி எமது கணனி பாவனையில் இடைஞ்சல்களை ஏற்படுத்துவனவாகும்.

Malware - எனும் மென்பொருற்கள் நமது கணனியிலிருக்கும் முக்கியமான தகவல்களை வேறு ஒரு இடத்திற்கு அனுப்புவதுடன் நமது கணனியிலிருக்கும் memory யை CPU வின் செயல்பாட்டை வேறு தேவைகளிற்காக பயன்படுத்தும். இதனால் நமது கணனியின் செயல்திறன் மிகவும் குறையும். இவை நம்மையறியாமலேயே நமது கணனிகளில் இறங்கக் கூடியவை. குறிப்பாக நாம் இலவசமாக கிடைக்கும் மென்பொருற்களைப் பதிவிறக்கும் போது, இவைகளும் அதனுடன் சேர்ந்து தானாகவே பதிவிறக்கப்பட்டு எமது கணனிகள் மற்ற கணனிகளுடன் தொடர்புக்கொள்ள தாயார் செய்து விடுகின்றன. அத்துடன் நமது browser களும் Hijack பன்னப்படுகின்றன. இதனால் நாம் பாவிக்கும் தளங்கள் அதில் நாம் மேற்கொள்ளும் நடவடிக்கைகள் வேறு இடங்களிற்கு அனுப்பபடுகின்றன.

இவற்றை கட்டுப்படுத்திக்கொள்வதற்கு கூகிள் சில இலவச மென்பொருற்களை அறிமுகப்படுத்துகின்றது. அவற்றை கீழுள்ள தளங்களில் இருந்து பதிவிறக்கிக்கொள்ளலாம்.

http://pack.google.com/

http://www.lavasoft.com/

மைக்ரோ சொப்ட் நிறுவனத்தின் windows update

நாம் வாங்கிய கணனியை பதிவு செய்துக்கொள்வது நல்லது. இதனால் மைக்ரோ சொப்ட் நிறுவனம் நமது கணனியின் பாதுகாப்பிற்கு காலத்திற்குகாலம் இலவசமாக வழங்கி வரும் புதியப்புதிய மென்பொருற்களை பதிவிறக்கிக் கொள்ளக்கூடியதாக இருக்கும். அதனை தானியக்க செயல்பாடாக்கிகொண்டால் அதுவாகவே UPDATE ஆக்கிக்கொள்ளும். இதை பதிவிறக்கிக்கொள்வதற்கு நமது ஒபரேடிங் சிஸ்டம் Genuine Microsoft OPS இருக்கவேண்டியது அவசியம். இதனைப் பெற்றுக்கொள்வதற்கு.

http://www.windowsupdate.com/

இணைய அரட்டை

noreply@blogger.com (HK Arun) — Sun, 18 Nov 2007 19:19:00 +0000

இணைய அரட்டை என்பது, தட்டச்சிட்டு தகவல் பரிமாறிக்கொள்ளும் ஒரு முறையாகும். ஆங்கிலத்தில் (Chat) என அழைக்கப்படுகின்றது. இது மின்னஞ்சல் அனுப்பும் முறையை போன்றிருந்தாலும், மின்னஞ்சல் போல் அல்லாமல் உடனுக்குடன் மற்றவரின் மறுமொழியைப் பார்த்து தகவல் பரிமாறிக்கொள்ள உதவும் ஒரு இணைய வசதியாகும்.

இதனை ஆங்கிலத்தில் மெசஞ்சர் என்று அழைக்கப்படுகின்றது. மெசஞ்சர் என்பது தூதுவன் என்பதற்கான ஆங்கிலப் பதமாகும். அதற்கான காரணம் பழங்காலத்தில் அரசர்கள் தூதுவன் ஊடாகத் தூது அனுப்பியே தமாது தகவல் பரிமாற்றத்தை செய்துக்கொண்டனர். தற்போதைய இணைய உரையாடல் முறையும் அதற்கமைவாகவே கணனியிலிருந்து கணனிக்கு தூதுவனாக செயல்படுவதால் இவற்றையும் தூதுவன் என்றே அழைக்கின்றனர். இவை ஆரம்பத்தில் ASCII எனும் முறையில் அமைந்திருந்த இவ்வுரையாடல்கள், தற்போது யுனிக்கோட் எழுத்துருவில் பலமொழிகளிலும் பயன்படுகின்றது.

இலவச இணைய அரட்டை மென்பொருற்களாவன யாகூ, கூகிள் டோக், எம் எஸ் என், கெய்ன், ஸ்கைப் போன்றவைகளாகும். இவற்றை உங்கள் கணனியில் பதிவிறக்கி இணைய அரட்டையை தொடரலாம்.

யாகூ நிறுவனத்தில் உருவாக்கப்பட்ட யாகூ தூதுவன் ஆரம்பத்தில் யாகூ பேஜர் என்றே அறியப்பட்டது. இந்த யாகூ மெசஞ்சர் சேவையை யாகூ பயனர் கணக்கு ஒன்றைத் திறந்து பயன்படுத்தலாம். அத்துடன் உங்களுக்கு வரும் யாகூ மின்னஞ்சல்கள் குறித்த அறிவிப்புகளையும் உடனுக்குடன் பெற்றுக் கொள்ளலாம். இதைத்தவிர கணனியூடாக குரல்வழி பேசும் வசதி, கணனி தொலைப்பேசி வசதி, மற்றும் கோப்புகளை பரிமாறிக்கொள்ளும் வசதி, குறுஞ்செய்தி அனுப்பும் வசதி, அரட்டை அறை சேவை வசதி என நிறைய வசதிகள் உள்ளன. அத்துடன் யுனிக்கோட் எழுத்துரு பயன்படுத்தி தமிழிலேயே அரட்டை அடிக்கலாம்.

இதை இங்கே பதிவிறக்கிக்கொள்ளலாம்.

http://messenger.yahoo.com/

http://www.yazakpro.com/chatstuff/yahoo/help/messengerdownloads.htm

எம் எஸ் என் மெசஞ்சர் மைக்ரோசொப்ட் நிறுவனத்தினரால் 1999 யூலை 22 ஆம் நாள் முதன்முதல் வெளியிடப்பட்டது. 2006 யூன் 19 ஆம் நாளிருந்து இதை மைக்ரோசொப்ட் நிறுவனம் விண்டோஸ் லைவ் மெசஞ்சர் என்றப் பெயரில் வெளியிட்டது. 2006 யூலை 12 முதல் யாகூ நிறுவனமும் மைக்ரோசொப்ட் நிறுவனமும் மேற்கொண்ட உடன்படிக்கையின் படி, மெசஞ்சர் தூதுவனையும் யாகூ தூதுவனையும் இணைத்து இணையக்கூட்டு உரையாடல்களுக்கு வழுவகுத்துள்ளனர்.

இதை பதிவிறக்கிக்கொள்ளவதற்கு.

http://messenger.msn.com/download/os.aspx

கூகிள் டோக் கூகிள் நிறுவனத்தின் 2005 ஆகஸ்ட் 24 ம் நாள் அறிமுகப்படுத்தப்பட்ட இலவச இணைய உரையாடல் மென்பொருளாகும். கூகிள் டோக் (Google Talk) இது இணணயமூடான ஒலி அழைப்பு வசதியையும் கொண்டுள்ளது. இது மற்ற தூதுவன்களைப் போல் அல்லாது XMPP புரோட்டகோல்லை பயன்படுத்துவடன் சக மற்ற தூதுவன்களையும் இந்த கூகிள் டோக் தூதுவனுடன் இணைவதை விரும்புகின்றது.

இதை பயன்படுத்துவதற்கு கூகிள் நிறுவனத்தின் மின்னஞ்சலான ஜி மெயில் பயனர் கணக்கு ஒன்றைத்திறந்து, பின் பதிவிறக்கிப் பயன்படுத்தலாம்.

இதனை இங்கே பதிவிறக்கிக்கொள்ளலாம்.

http://www.google.com/talk/

கெயிம் இணைய உரையாடல் மென்பொருளின் சிறப்பு என்னவென்றால் இது பல்வேறு இணைய உரையாடல் மென்பொருட்களையும் இணைக்கும் வசதியைக்கொண்டுள்ளது. எனவே தனித்தனியாக மற்ற இணைய உரையாடல் மென்பொருற்களை பதிவிறக்குவதையும் விட, கெய்ம் இணைய உரையாடல் மென்பொருளை மட்டும் பதிவிறக்கி சகல தூதுவர்களையும் பயன்படுத்தலாம். அதனுடன் ஒரு சொற்பிழை திருத்தி மென்பொருளும் இணைக்கப்பட்டுள்ளது.

இங்கே பதிவிறக்கிக்கொள்ளலாம்.

http://www.pidgin.im/

ஸ்கைப் மென்பொருளானது கணனி ஊடாக ஒலிவடிவிலும் எழுத்துவடிவிலும் ஒரே நேரத்தில் பலருடன் கலந்துரையாடக் கூடிய சிறப்பான மென்பொருளாகும். இந்த மென்பொருள் பயர்வோல் பாதுக்காப்பும் கொண்டது.

ஒரு ஸ்கைப் பயனர் இன்னொரு ஸ்கைப் பயனருடன் அல்லது ஸ்கைப் குழுவினருடன் (5 பேர்கள்) முற்றிலும் இலவசமாக ஒலிவடிவில் உரையாட முடியும். அத்துடன் வெப்கம் பொருத்தப்பட்டிருப்பின் ஒருவரை ஒருவர் பார்த்துக்கொண்டே உரையாட முடியும். ஒரு சிறிய தொகை பணம் செலுத்துவதன் மூலம் உள்ளூர் தொலைப்பேசி அழைப்புக்களைப் போன்று மிகத்தெளிவான பன்னாட்டு இணைய தொலைப்பேசி வசதியையும் பெற்றுக்கொள்ளலாம். அதுமட்டுமன்றி இணையம் தவிர்ந்த தொலைப்பேசி மற்றும் கையடக்க தொலைப்பேசிகளினூடகவும் உரையாடமுடியும்.

இதனை பதிவிறக்குவதற்கு

http://www.skype.com/intl/en/download/skype/windows/

இணைய உலாவிகள்

noreply@blogger.com (HK Arun) — Sun, 18 Nov 2007 19:15:00 +0000

இணைய உலாவிகள் என்பது மீயுரை பரிமாற்ற வரைமுறை http மொழியில் எழுதப்பட்டிருக்கும் ஒரு கணனி மென்பொருளாகும். இவை இணையப் பக்கங்களை சொடுக்கி சொடுக்கி பார்ப்பதற்கான இணைப்புக்களை தருவனதாகும்.

கீழே எல்லாவித உலாவிகளையும் பதிவிறக்கிக் கொள்வதற்கான மீயிணைப்பு கொடுக்கப்பட்டுள்ளது. விரும்பியதைப் பதிவிறக்கிக்கொள்ளலாம்.

பயர்பாக்ஸ் (Firefox) உலாவி ஒரு இலவச இணைய உலாவியாகும். இது மொஸிலா எனும் நிறுவனத்தால் உருவாக்கப்பட்டதாகும். இன்றைய உலகில் அநேகமானோரின் விருப்பத்தை பெற்றுவரும் உலாவி இதுவாகும். இவ்வுலாவியை பாவித்தால் வைரஸ் தாக்கம் குறைவு என்று கூறப்படுகின்றது. ஆனால் இவ்வுலாவியை பாவிக்கும் பொழுது தமிழ் போன்ற பிறமொழிகள் திரையில் சரியாக தோன்றுவதில்லை என்ற சிக்கல் இருப்பதாகவும் சிலர் கூறுகின்றனர். இருப்பினும் இதன் பாவனையாளர்கள் எண்ணிக்கை அன்மைகாலமாக அதிகரித்து வருவதை அவதானிக்கக் கூடியதாக இருக்கின்றது.

இதனை பதிவிறக்குவதற்கு.

http://www.mozilla.com/en-US/firefox/

பயர்பொக்ஸ் உலாவிக்கான தமிழ் யுனிக்கோட் எழுத்துருவை கீழுள்ள சுட்டியில் பதிவிறக்கிக்கொள்ளலாம்.

http://thamizha.com/modules/mydownloads/viewcat.php?cid=4

இண்டர்நெட் எக்ஸ்புலோரர் (Internet Explorer) இது மைக்ரோசொப்ட் நிறுவனத்தின் இணைய உலாவியாகும். "காய்த்த மரத்திற்கே கல்லடி விழும்" என்பதற்கு ஏற்ப இவ்வுலாவியை குறிவைத்தே பல நச்சு நிறல்கள் ஏவப்படுகின்றன. இதனால் இவ்வுலாவியில் நச்சு நிறல்களின் தாக்கம் அதிகம் எனக் கூறப்படுகின்றது. இருப்பினும் இன்றைய உலகில் அதிகமானோர் பயன்படுத்தும் உலாவியும் இதுதான் என்பது குறிப்பிடத்தக்கது.

இதனை பதிவிறக்கிக்கொள்வதற்கு.

http://www.microsoft.com/windows/downloads/ie/getitnow.mspx

இது நெட்ஸ்கேப் நெவிகேட்டர் உலாவியாகும். இதை ஆரம்பக்காலங்களின் அதிகமானோர் பயன்படுத்திப்போதும், தற்போது இதனை பெரும்பாலானோர் விரும்புவதில்லை. 2% சத வீதமானோர் மட்டுமே பாவிப்பதாகக் கூறப்படுகிறது.

http://browser.netscape.com/downloads/

இந்த "ஒபேரா" உலாவியை ஒரு குறிப்பிட்ட அளவிளான மக்களே பாவிக்கின்றனர். இதை பாவித்தால் கணனியின் வேகம் வெகுவாக குறைகின்றது எனும் ஒரு கருத்தும் இருக்கின்றது.

http://www.opera.com/download/

உலாவிகளின் பாவனையாளர்களின் புள்ளி விபரம்

மேலே குறிப்பிட்ட உலாவிகளின் பாவனையாளர்களின் புள்ளி விபரங்களை (Internet world stats) கீழுள்ள தளங்களில் அறிந்துக்கொள்ளலாம்.

http://www.w3schools.com/browsers/browsers_stats.asp

http://www.internetworldstats.com/stats.htm

நன்றி

அன்புடன்
அருண் HK Arun

சதுரங்கம் விளையாடுவது எப்படி? (Chess)

noreply@blogger.com (HK Arun) — Sun, 18 Nov 2007 18:46:00 +0000

சதுரங்கம் விளையாட்டு ஒரு புலமைசார் விளையாட்டாகவே இன்று பார்க்கப்படுகிறது. இவ் விளையாட்டிற்கு முன்னுரிமை கொடுத்து சில பாடசாலைகளில் பயிற்சிகளும் வழங்கப் படுகின்றன. ஒரு காலத்தில் அரசர்களின் விளையாட்டாக இருந்து இன்று அனைத்து மட்டத்தினரதும் ஒரு விருப்பு விளையாட்டாக, பன்னாடுகள் எங்கும் பிரசித்திப் பெற்று விளங்குகின்றது.

ஒரு தட்டையான பலகையில், இடப்பட்டிருக்கும் சதுரங்கப் பெட்டிகளூடாக காய்களை நகர்த்தி விளையாடும் ஒரு விளையாட்டு இது. இரண்டு போர் படைகள் தத்தமது போர் தந்திரோபாயங்களுடன் முன்னோக்கி செல்வது போன்ற ஒரு விளையாட்டு. நாம் கவனக்குறைவாகும் போது எதிரி எம்மை வீழ்த்திவிடுவார். எனவே எச்சரிக்கையுடனும் அறிவுத்திறனுடனும் விளையாட வேண்டும்.

மேலே படத்தில் காண்பது போல் 8 X 8 = 160 சதுரங்கள் இருக்கும். சதுரங்கள் கறுப்பு வெள்ளை நிறங்களில் காணப்படும். இதுவே போர் களமாகும். இரண்டு தரப்பும் எதிரெதிர் முனையில் இருந்து முன்னோக்கி செல்ல வேண்டும். அதில் ஒரு படையணி கறுப்பாகவும் மற்றையப் படையணி வெள்ளையாகவும் இருக்கும். ஒவ்வொரு பக்கமும் 16 - 16 காய்கள் இருக்கும். அவற்றை கீழுள்ளவாறு வகைப்படுத்துவர்.

அரசர் - 1
அரசி - 1
அமைச்சர்கள் - 2
குதிரைகள் - 2
கோட்டைகள் - 2
போர் வீர்ரகள் - 8

இனி இரண்டு படையணியும் களத்தில் போரிட வேண்டியதுதான். இவ்விளையாட்டில் ஒவ்வொரு காய்களையும் எவ்வாறு நகர்த்த வேண்டும். எந்த காயை நகர்த்தினால் என்ன நடக்கும் என மிகவும் எளிதாக இணையக் காணொளி ஊடாகக் கற்றுத்தருகிறார் சுரதா யாழ்வாணன்.

இதோ தளமுகவரி: http://www.jaffnalibrary.com/tools/chess1.html

சுரதா யாழ்வாணன் வழங்கும் மேலும் பல சேவைகள்

இணைய வலையமைப்புக்கள் எவ்வாறு செயல் படுகின்றன, என்பதைப் பற்றிய இணையக் காணொளிப் பாடங்கள்.

http://www.jaffnalibrary.com/tools/ip.html

ஒருங்குறி [யுனிகோட்] என்றால் என்ன? அது கணனியில் எவ்வாறு இயங்குகின்றது?

http://www.suratha.com/tamilunicode.html

"விதை முளைத்தால் மரம் இல்லையேல் உரம்" எனும் மகுட வாசகத்துடன் பல செயலிகளையும் உருவாக்கி தமிழ் இணைய உலகிற்கு அரும்பெரும் பங்காற்றி வருகிறார் சுரதா யாழ்வாணன்.

சுரதா யாழ்வாணன் அவர்களுக்கு எமது மனமார்ந்த நன்றிகள்.

நன்றி

அன்புடன்
அருண் HK Arun

இணையத்தில் தமிழ் மின்னூல்கள்

noreply@blogger.com (HK Arun) — Sun, 18 Nov 2007 18:41:00 +0000

ஈழத்து மின்னூல்கள்

ஈழத்து எழுத்தாவணங்களை அடுத்த தலைமுறையினரின் பயன்பாட்டிற்கு கிடைக்கக் கூடியதாக எடுத்துச்செல்ல வேண்டும் எனும் நோக்கில், தன்னார்வலர்களின் கூட்டுழைப்பால், ஈழத்து நூல்கள் மின்னூல்களாக (E- Book) "நூலகம்" தளத்தில் பதிவேற்றி வைக்கப்படுகின்றன.

இவற்றை இணையத்திலிருந்து உங்கள் கணனிகளுக்கு பதிவிறக்கி வாசித்து பயனடையலாம். இவை PDF கோப்புகளாக உள்ளன. இவற்றை கணனிகளில் பதிவிறக்கிக்கொண்டால் நேரம் கிடைக்கும் போது ஆறுதலாக வாசித்துக்கொள்ளலாம்.

http://www.noolaham.net/library/books.htm

இது நூலகம் பங்களிப்பாளர்களின் கூகிள் குழும முகவரி:

http://groups.google.com/group/noolaham

ஈழத்துப் படைப்புக்கள் எதுவானாலும் அதன் படைப்பாளி விரும்பி அளிக்கும் பட்சத்தில் அவை நூலகத்தில் சேர்த்துக்கொள்ளப்படும். நீங்கள் விரும்பினால் நூலகத் திட்டத்தில் இணைந்தும் பங்காற்றலாம்.

தமிழ் இலக்கிய மின்னூலகம்

தமிழக தமிழ் இலக்கிய மின்னூல்களை "சென்னை நூலகம்.காம்" இல் பெற்றுக்கொள்ளலாம்.

http://www.chennailibrary.com/

மதுரை இலக்கிய நூல்களை இந்த இணையத்தளத்தில் பார்க்கலாம்.

http://tamil.net/projectmadurai/

தமிழ்ப் புத்தகங்கள் தொடர்பான அனைத்து தகவல்களையும் திரட்டி, ஒரே இடத்தில் தரும் முயற்சியில் விருபா "இணையதளம்" செயல்படுகிறது. அத்தளத்தில், 20 நாடுகளில் உள்ள, 178 நகரங்களில் வசிக்கும், 956 தமிழ் எழுத்தாளர்கள் எழுதிய, 8 நாடுகளில், 81 நகரங்களில் உள்ள, 394 பதிப்பகங்கள், 100 பிரிவுகளில், வெளியிடப்பட்ட 2099 தமிழ்ப் புத்தகங்களின் தகவல்கள் இதுவரையில் இணைக்கப்பட்டுள்ளதாக அத்தளத்தின் தகவல்கள் கூறுகின்றன.

http://www.viruba.com/default.aspx

இணையக் கண்கட்டி வித்தை

noreply@blogger.com (HK Arun) — Sun, 18 Nov 2007 18:39:00 +0000

கண்முன்னே நின்று மெஜிக் செய்வதையும், கண்கட்டி வித்தைகள் செய்வதையும் நாம் கண்டுள்ளோம். இணைய நுட்பத் திறன் கொண்டு, இங்கே ஒரு நபர் இணையத்தளத்திலேயே கண்கட்டி வித்தைக் காட்டுகிறார்.

அங்கே ஆறு சீட்டாட்டக் காட்கள் உள்ளன.

அதில் ஒரு காட்டை மட்டும் உங்கள் மனதால் நினைத்துக் கொள்ள வேண்டும்.

அதனை சொடுக்க வேண்டியதில்லை.

தொட வேண்டியதில்லை.

தளத்தில் உள்ள நபர் நீங்கள் நினைத்தக் காட்டை கண்டுப்பிடிப்பார்.

எப்படி?

இரண்டாவது பெட்டியில் அந்நபரது கண்களை நேராகப் பாருங்கள். நினைத்தக் காட்டை நினைத்துக்கொள்ளுங்கள்.

அவருக்கு உங்களைத் தெரியாது.
நீங்கள் எந்த காட்டை நினைத்தீர்கள் என்பதும் அவருக்கு தெரியாது.
ஆனால், அவருக்கு நிச்சயமாகத் தெரியும் நீங்கள் எந்தக் காட்டை நினைத்தீர்கள் என்று.

நான்காவது பெட்டியில்

நீங்கள் நினைத்த காட்டை தவிர மற்றைய காட்டுகள் மட்டும் தெரியும். நீங்கள் நினைத்த காட் மட்டும் மறைந்துவிடும்.

இது எப்படி சாத்தியம்?

இதோ முகவரி அவரது தளத்திற்கு செல்லுங்கள். முடிந்தால் கண்டுப் பிடியுங்கள்.

அப்படியே கண்டுப் பிடித்தால் எனக்கும் கொஞ்சம் அதன் விபரத்தை அறியத் தாருங்கள்.

நன்றி

அன்புடன்
அருண் HK Arun

தமிழ் - ஆங்கிலம் அகராதிகள் (Tamil - English Dictionary)

noreply@blogger.com (HK Arun) — Sun, 18 Nov 2007 18:35:00 +0000

இணையத்தில் உலாவும் போதும் சரி, கணனி நுட்பத் தகவல்களை பெற்றுக்கொள்ளும் போதிலும் சரி, சில ஆங்கில சொற்களுக்கான தமிழ் அர்த்தம் தெரியாமல் எவ்வளவு சிரமம் அடைகின்றோம்? அப்படியான நேரங்களில் வீட்டில் இருக்கும் அகராதியை எடுத்து பக்கங்களை புரட்டி புரட்டி தேடிக்கொண்டிருப்போம். அதேவேளை அந்த அகராதியை நாம் போகும் இடமெல்லாம் எடுத்துச் செல்ல முடியாது. அவ்வாறான சமயங்களில் உடனடியாக உதவிக்கு வருவது இந்த இணைய தமிழ்-ஆங்கில அகராதிகள் தான்.

இதோ இந்த அகராதிகளை வழங்கும் இணையத்தளங்கள்.

http://www.lanka.info/dictionary/EnglishToSinhala.jsp

http://www.tamil.net/learn-tamil/tamildic.html

http://www.tamildict.com/display.php?alphabet=search&by=A

விக்சனரி தமிழ் அகராதியையும் பார்வையிடலாம்.

ஆங்கிலம்-ஆங்கிலம் அகராதிகள் (English to English)

கேம்பிரிச் ஆங்கில அகராதி (Cambridge Dictionary)

http://dictionary.cambridge.org/

MSN வழங்கும் ஆங்கில அகராதி

http://encarta.msn.com/encnet/features/dictionary/dictionaryhome.aspx

இங்கே PDF கோப்புகளாக தமிழ்-ஆங்கில அகராதியை பதிவிறக்கிக்கொள்ளலாம்.

நன்றி

அன்புடன்
அருண் HK Arun