விஷயம் வேறொன்றும் இல்லை, தன் மகளுக்காக புதிதாக லேப்டாப் ஒன்று வாங்கி இருந்தார். 750 ஜி.பி. ஹார்டு டிஸ்க்குடன். வீட்டிற்கு வந்து விண்டோஸில் பார்க்கும் பொழுது, அளவு குறைவாக இருப்பதுபோல் தோன்றவே, காய்கறி கடையில் அளவு குறைவாக கொடுத்து ஏமாற்றுவது போல் ஹார்ட் டிஸ்க் விஷயத்திலும் தன்னை ஏமாற்றி விட்டார்கள் என்று எண்ணி உடனே விற்பனையாளருடன் தொலைபேசியில் பேசியிருக்கிறார்.

“நீங்கள் விளம்பரப்படுத்தியிருந்த அளவைவிட குறைவான அளவுடைய ஹார்டு டிஸ்க்கை கொடுத்திருக்கிறீர்களே..” என்று இவர் கேட்க, “விண்டோஸில் குறைவாகத்தான் சார் காண்பிக்கும், ஆனால் சொல்லப்பட்ட அளவு உள்ளே இருக்கும்”, என்று விற்பனையாளர் சமாளிக்க, “எனக்கு உபயோகப்படாத அளவு உள்ளே இருந்து என்ன பயன்? அதற்கும் சேர்த்தல்லவா பணம் கொடுக்கிறேன்..” என்று இவர் பொரிந்து தள்ள, அடுத்த முனையில் இருந்தவர் கடைசி அஸ்திரமாக ”அதெல்லாம் கொஞ்சம் டெக்னிக்கலான விஷயம் சார் உஙகளுக்குச் சொன்னால் புரியாது” என்று சொல்ல.. அவ்வளவுதான்!

தான் இதுவரை தனது சகாக்களிடம் பிரகடனப் படுத்திக் கொண்டிருந்த கணினிப் புலமையின் பெருமையெல்லாம் ஒரு நொடியில் தவிடு பொடியானது போல் உணர்ந்தார். உடனே தொலைபேசியை துண்டித்து விட்டு மிகவும் சூடாக கணினி தயாரித்த நிறுவனத்தின் தொலைபேசி எண்ணைத் தேடிக்கொண்டிருந்தார்.

இந்த நேரம் பார்த்துதான் நான் சென்றிருந்தேன்!

நடந்ததையெல்லாம் கூறி என்னிடம் ஒரு குறை அழுது தீர்த்தார். ”ஏதோ ஒரு சில எம்.பி கணக்கிலே குறைஞ்சிருந்தா கூட பரவாயில்லை போனால் போகிறது என்று விட்டு விடலாம், சொளையா ஐம்பது ஜி.பி கொறையுதே… எம்.பி இல்லே சார்! ஜி.பி!! புரியுதா? ஐம்பது ஜி.பி. குறையுது. அந்தக் கம்பனியோடே பேசி இரண்டுலெ ஒண்ணு பாக்காம விடமாட்டேன் பாருங்க..” என்றார்.

அவரைப் பார்க்க எனக்கு சற்று பாவமாக இருந்தது. ஆம். இந்தக் கணக்கு ரொம்ப நாட்களாகவே கணினி உபயோகஸ்தர்களிடம் ஒரு குழப்பமாகவே இருந்து வருகின்றது. நண்பருக்கு இந்த குழப்பத்தை தீர்க்கும் விதமாக ஒரு விளக்கம் அளித்தேன். இதோ அந்த விளக்கம் உங்களுக்கும் தான்!

கிலோ, மெகா என்பதெல்லாம் டெசிமல் சிஸ்டத்தின் அடிப்படையில் அமையப் பெற்றவை. கிலோ என்பது 10³ மடங்கு அதாவது 10 x 10 x 10 = 1000 மடங்கு.

உதாரணத்திற்கு, ஒரு கிலோமீட்டர் என்பது ஆயிரம் மீட்டர். ஒரு கிலோகிராம் என்பது ஆயிரம் கிராம்.

கணினியோ பைனரி சிஸ்டத்தின் அடிப்படையில் இயங்குகிறது. 10 x 10 என்பது சாத்தியமில்லை. 2 x 2 என்றுதான் கணிக்க வேண்டும். அதனால் ஆயிரத்திற்கு சராசரியாக நமக்கு கிடைப்பது 2¹⁰  அதாவது 1024.

ஆரம்பகால கணினி மென்பொருள் தயாரிப்பாளர்களும் அப்போதைக்கு வேறு வழியில்லாமல் 1024 பைட்டுகளை ஒரு கிலோ பைட்டு என்று கூறினர். புதிதாக சாஃப்ட்வேர் பயின்றவர்கள், கணினியைப் பொறுத்த மட்டில் கிலோ என்றால் 1000 அல்ல 1024என்று போதிக்கப் பட்டனர்.

ஆனால் வன்பொருள் தயாரிப்பாளர்களுக்கோ சற்று குழப்பம். அதிகார பூர்வமாக கிலோ என்றால் 10³ மடங்கு மற்றும் மெகா என்றால் 10⁶ மடங்கு தானே? அதனால் 1000,000 பைட்டுக்களை சேமிக்கும் திரன் கொண்ட பொருளை ஒரு மெகாபைட் கொள்ளும் திரன் கொண்டது என்றுதானே அறிவிக்க வேண்டும்? என்று எண்னினர். அதனால் ஒரு சிலர் கிலோ என்றால் 1024 என்றும், வேறு சிலர் மெகா என்றால் 1000,000 என்றும் கணக்கிட்டனர்.

ஆரம்ப கால கணினி உபயோகஸ்தர்களுக்கும் இந்த வித்யாசம் பெரிதாகத் தெரியவில்லை. ஆனால், ஒரு காலகட்டத்திற்கு மேல் கொள்ளும் திறனானது கிகாபைட்டுகள் கணக்கில் கூடிப் போகவே, தொழில்நுட்ப வல்லுனர்கள் ஒன்றுகூடி குழப்பத்தை தீர்க்க முனைந்தனர். அதன்படி, 1998ஆம் வருடம், பைனரி அளவுகளில் பெருக்கல்களை குறிக்க பிரத்யேக குறியீடுகளை அறிவித்தனர்.

டெசிமல் >>> பைனரி

கிலோபைட் – KB – 10³  >>> கிபைபைட் – KiB – 2¹⁰

மெகாபைட் – MB – 10⁶  >>> மெபைபைட் – MiB – 2²⁰

கிகாபைட் – GB – 10⁹   >>> ஜிபைபைட் – GiB – 2³⁰

இப்படியே டெரா, பெடா என்று அடுக்கிக் கொண்டே போகலாம்.

இதற்குப் பின் வன்பொருள் தயாரிப்பாளர்கள், MB, GB, என்கின்ற குறியீடுகளுடன் டெசிமல் கணக்கையே கையாண்டனர். பிரத்யேகமாக பைனரி கணக்கில் அறிவிக்க வேண்டும் என்றால் MiB, GiB என்கின்ற குறியீடுகளை பயன்படுத்தினர்.

இப்பொழுது நம் நண்பரின் ஹார்டு டிஸ்கு கணக்கிற்கு வருவோம். 750 GB என்று ஹார்டு டிஸ்கு தயாரிப்பாளர் அறிவித்திருந்தது டெசிமல் கணக்கில். அதாவது 750 x 10⁹ = 750,000,000,000 பைட்டுகள்.

நண்பரின் விண்டோஸ் பதிப்பு கணக்கிடுவது பைனரியில். அதாவது 750,000,000,000 பைட்டுகளை விண்டோஸ் 750,000,000,000 / 2³⁰ அதாவது 698.491931 GiB என்று கணக்கிடும். நண்பர் 50 ஜி.பி. மாயமாகிவிட்டது என்று ஏன் நினைத்தார் என்று புரிகிறதா?

இதில் ஒரே ஒரு குழப்பம் என்னவென்றால் நண்பரின் விண்டோஸ் பதிப்பில் GiB முறையில் கணக்கிட்டு விட்டு,  GiB என்ற குறியீட்டை உபயோகப்படுத்தாமல் GB என்றே அறிவிப்பது தான்!

இதே உபுண்டு லீனக்ஸில் இரண்டு குறியீடுகளும் உபயோகப் படுத்தப்படுகிறதை படத்தில் காணவும்.

உபுண்டு லீனக்ஸில் GB மற்றும் GiB உபயோகப் படுத்தப்படுகிறது.

இதே கணக்கை உபயோகித்து, உங்கள் 4 GB பென் டிரைவ் உண்மையில் எந்த அளவிலான கோப்புகளை கொள்ளும் திறன் கொண்டது என்று நீங்களே கணக்கிட்டுக் கொள்ளுங்களேன்! நண்பரே! நீங்களும்தான்!!

ஹூம்… இதற்கெல்லாம் கொடுத்து வைத்திருக்க வேண்டும்… என்று நினைக்கையில் என் பக்கம் திரும்பிய குரு, ”இதற்கு ஒரு வழி இருந்தால் கொஞ்சம் சொல்லுங்களேன்” என்று கேட்டவுடன் தான் ஏதோ பிரச்சினை என்று புரிந்தது. பொறுமையாக விசாரித்ததில் அவருடைய பிரச்சினையும் புரிந்தது.

ஃபைல் செர்வரில், ஒவ்வொறு செக்‌ஷனுக்கென்று தனித் தனியாக இடம் ஒதுக்கிக் கொடுத்திருக்கிறார். பயனாளர்களோ, தங்கள் ஃபோல்டர்களில் அலுவலக கோப்புகளைத் தவிர எம்.பி.3, மூவி என்று ஜி.பி. கணக்கில் நிரப்பி வைத்து விட, இவர் பாவம் அவ்வப்பொழுது தேவையற்ற கோப்புகளை மேனுவலாக டெலீட் செய்கிறார். அவ்வாறு செய்யவில்லை என்றால் பேக்கப் எடுக்கும் பொழுது மணிக்கணக்கில் ஓடுகிறது என்கிறார்.

இவ்வளவுதான் பிரச்சினை! ஆனால் இதற்காக அவரைப்போல் மூன்றாம் நபர் யுட்டிலிட்டி எல்லாம் தேடத் தேவையில்லை. விண்டோஸ் செர்வரிலேயே இதற்கான தீர்வு இருக்கிறது. இந்தத் தீர்விற்குப் பெயர், ஃபைல் செர்வர் ரிஸோர்ஸ் மேனேஜர். இது விண்டோஸ் 2003-இல் ஆறிமுகப்படுத்தப்பட்டது. குரு உபயோகிப்பது விண்டோஸ் 2008. பிறகென்ன?

ஃபைல் செர்வர் ரிஸோர்ஸ் மேனேஜர் (எஃப்.எஸ்.ஆர்.எம்) என்றால் என்ன?

எஃப்.எஸ்.ஆர்.எம் என்பது, செர்வரில் சேமிக்கப்படும் கோப்புக்களின் அளவு மற்றும் வகைகளை கட்டுப்படுத்தவும், சேமிக்கப்படும் கோப்புக்களைப் பற்றிய ஆடிட் ரிப்போர்டுகள் மற்றும் மின்னஞ்சல் அறிவிப்புகளை உருவாக்கவும் உதவும் கருவிக் கூட்டாகும் (டூல் செட்).

குருவிற்கு இது எப்படி உதவும்?

• கோட்டா மேனேஜ்மென்ட்:

குரு முதலில் செய்ய வேண்டியது, இந்த கோட்டா மேனேஜ்மென்ட்தான். எந்தெந்த ஃபோல்டரில் எந்த அளவு வரை உபயோகிக்கலாம் என்று நிர்ணயித்து விட்டால், அந்த அளவிற்கு மேல் பயனாளர்களால் அந்த ஃபோல்டரில் கோப்புகளை சேமிக்க முடியாது.

• ஃபைல் ஸ்கிரீனிங் மேனேஜ்மென்ட்:

குரு இரண்டாவதாக செய்ய வேண்டியது இது. ஃபைல் ஸ்கிரீனிங் என்பது ஒருவித ஃபில்டர் என்று நினைத்துக் கொள்ளுங்கள். அவ்வளவுதான்! எம்.எஸ். ஆஃபீஸ் கோப்புக்களை மட்டும் பயனாளர்கள் சேமிக்க அனுமதிக்க வேண்டும் என்று விரும்பினால், doc, docx, xls, xlsx, ppt, pptx போன்ற எக்ஸ்டென்ஷனைக் கொண்ட கோப்புக்களை மட்டும் அனுமதிக்குமாறு செட்டிங்குகளை அமைக்க வேண்டும். அல்லது தவிற்கப்பட வேண்டிய எக்ஸ்டென்ஷன்களை மட்டும் எக்ஸ்குளூட் செய்யுமாறு செட்டிங்குகளை அமைக்கலாம்.

இதற்கென டிஃபால்ட்டாக ஒரு சில டெம்பிளேட்டுகள் உள்ளன. அவற்றையே உபயோகிக்கலாம். அல்லது உங்கள் தேவைக்கேற்ப நீங்களே செட்டிங்குகளை அமைத்துக் கொள்ளலாம்.

குருவிற்கு இன்னும் விளக்கமாக சொல்லியா தரவேண்டும்? ஒரு புள்ளி வைத்துக் கொடுத்தால் போதாதா?

எங்கு தேடியும் எஃப்.எஸ்.ஆர்.எம் – ஐ காணவில்லையே?

டிஃபால்ட்டாக நிறுவப்படாமல் இருக்கலாம். கன்ட்ரோல் பானலிற்கு சென்று விண்டோஸ் காம்பொனென்ட்ஸ் – இல் எஃப்.எஸ்.ஆர்.எம் – ஐ தெரிவு செய்து நிறுவுங்கள். நிறுவியபின் ஞாபகமாக செர்வரை ரீபூட் செய்யுங்கள். இப்பொழுது அட்மினிஸ்ட்ரேட்டிவ் டூல்ஸ் – இல் எஃப்.எஸ்.ஆர்.எம் – ஐ தெரிவு செய்து உபயோகியுங்கள்.

இனி உங்கள் பிரச்சினை ஆட்டோமேட்டிக்காக கவனிக்கப்பட்டுவிடும். என்ன குரு? சரிதானே?

ஆர்.டி.எஸ். என்பது “ரேடியோ டேட்டா சர்வீஸ்” என்பதன் சுருக்கமாகும். ரேடியோ டேட்டா சர்வீஸ் என்பது ஒரு தகவல் தொழில்நுட்ப நெறிமுறையாம். இந்நெறிமுறையின் கரு என்னவென்றால், ரேடியோ அதாவது வானொலி அலைகளுடன் டேட்டா–வையும் சேர்த்து ஒலிபாரப்புவதுதான்.

சரி புரிந்து விட்டது. ஆனால் இவ்வாறு டேட்டாவையும் சேர்த்து ஒலிபரப்புவதால் என்ன பயன்? என்று வினவுவீர்களானால் அதையும் இப்பொழுது பார்த்து விடுவோம்.

சாதாரண ரேடியோவில் ஒவ்வொறு வானொலி நிலையத்தையும் அதன் அதிர்வலை எண்ணை நினைவில் கொண்டு நாம் தெரிவு செய்ய வேண்டும். அல்லது அவ்வப்பொழுது அறிவிப்பாளரால் அறிவிக்கப்படும் வரை பொறுத்திருந்து வானொலி நிலைய பெயரை அறிந்து கொள்ள வேண்டும். அல்லவா?

ஆர்.டி.எஸ். தொழில்நுட்பத்தில், வானொலி நிலையத்தின் பெயர், அப்பொழுதைய நேரம், ஒலிபரப்பப்படும் நிகழ்ச்சி அல்லது பாடலின் விவரங்கள் போன்ற தகவல்களை (டேட்டா) ஒலிபரப்பினூடே சேர்த்து அனுப்ப முடியும். இவ்வாறு அனுப்பும் பொழுது, உங்களிடம் ஆர்.டி.எஸ் வசதியுடன் கார் ஸ்டீரியோவோ, மொபைல் ஃபோனோ இருக்குமானால், அதன் திரையில் இந்த தகவல்கள் தெரியும்.

இதெல்லாம் அடிப்படை வசதிகளே. இத்தொழில்நுட்பத்தில் வசதிகள் இன்னும் பல உண்டு.

காரில் நெடுந்தூரம் பயணம் செய்யும் பொழுது, ஒரு நிலையத்தின் எல்லையைக் கடப்பீர்களானால், அந்நிலைய அலைகளின் சக்தி குறையுமல்லவா? அப்பொழுது, அதே நிகழ்ச்சி வேறொரு நிலையத்தில் ஒலிபரப்பாகிக் கொண்டிருக்குமானால் அந்த அதிர்வலைக்கு வானொலி தன்னிச்சையாக மாறிக்கொள்ளும் வசதி; ஏதாவது ஒரு வானொலி நிலையத்தில் முக்கியமான பயண அறிவிப்பு ஒலிபரப்பானால், உங்கள் வானொலியில் வேறு எந்த நிலையம் ஒலித்துக் கொண்டிருந்தாலும், அது தானாக தற்காலிக மாற்றம் செய்யப்பட்டு பயண அறிவிப்பு ஒலிக்கப்படும் வசதி – போன்ற மேம்பட்ட வசதிகளும் இத்தொழில்நுட்பத்தில் உண்டு.

இந்த மேம்பட்ட வசதிகளெல்லாம் இத்தொழில்நுட்பம் உருவான ஐரோப்பாவில் உபயோகப் படுத்தப் பட்டு வருகிறது. இந்தியாவில் ஆர்.டி.எஸ் வசதி கொண்ட நிலையங்களில், அடிப்படை வசதிகளான நிலையத்தின் பெயர், பாடல்களின் பெயர் மற்றும் விவரங்கள் உபயோகப்படுத்தப்படுகின்றது.

இந்த வசதியை நீங்கள் உங்கள் மொபைல் ஃபோனில் உபயோகிப்பதற்கு, செட்டிங்குகளில் ஆர்.டி.எஸ் வசதியை தெரிவு செய்து எனேபிள் செய்ய வேண்டியிருக்கலாம். இன்றே அதை செய்து ஆர்.டி.எஸ்–ஐ உபயோகப்படுத்தி மகிழுங்களேன்!

படங்களின் மேலாண்மை:

உங்கள் கணினியில் பல நூறு படங்களை சேமித்து வைத்திருப்பீர்களானால் அவற்றை தரம் பிரித்து இலகுவாக கையாள பிகாஸா, டிஜிகேம், ஐஃபோட்டோ போன்ற ஃபோட்டோ மேனேஜ்மென்ட் மென்பொருட்களை உபயோகிக்கிறீர்கள் அல்லவா? இந்த மென்பொருட்கள் உங்கள் படங்களை, பிடிக்கப்பட்ட தேதிவாரியாக (மாதவாரியாக, வருடவாரியாக) அடுக்க மற்றும் தேட இந்த எக்ஸிஃப் தகவலையே உபயோகிக்கிறது. (அதனால் நீங்கள் படங்களை எடிட் செய்து சேமிக்கும் பொழுது, இந்த எக்ஸிஃப் தகவல் அழியாமல் கவனம் கொள்ள வேண்டும்). தற்போதைய உயர்தர காமிராக்களில் படம் பிடிக்கப்பட்ட இடம் கூட ஜிபிஎஸ் வாயிலாக அறியப்பட்டு எக்ஸிஃப் தகவலில் பதியப்படுகிறது.

டிஜிட்டல் ஃபோட்டோகிராஃபி பயில:

நீங்கள் எடுக்கும் படத்தின் தரம், படம் எடுக்கப்படும் சூழலுக்கு ஏற்றவாறு காமிரா செட்டிங்குகளை அமைப்பதில் தான் பெருவாரியாக அடங்கியுள்ளது. ஒரே நாளில் பல படங்களை எடுக்கும் பொழுது, எந்த ஷாட்டிற்கு என்ன செட்டிங்கு உபயோகித்தோம் என்று நினைவில் கொள்வது கடினம். நீங்கள் எடுத்த படங்களை கணினியில் பார்த்து ஆராயும் பொழுது, இந்த எக்ஸிஃ ப் தகவலில் உள்ள காமிரா செட்டிங்குகளை ஆராய்வதன் மூலம் எந்த மாதிரியான செட்டிங்குகள் நல்ல தரமான படங்களை உருவாக்குகின்றது என்று காண முடியும். நீங்கள் எடுத்த புகைப்படங்களை மட்டுமல்லாது மற்றவர்கள் எடுத்த தரமான படங்களையும் இவ்வாறு ஆராய்வதன் மூலம், எந்தெந்த காமிராக்களில் என்னென்ன செட்டிங்குகளை உபயோகப்படுத்துகிறார்கள் என்று அறிந்து கொண்டு, நீங்களும் தரமான படங்களை எடுக்க கற்றுக் கொள்ளலாம்! எல்லாம் ஓ.கே! ஆனால் ஒரு படத்தின் எக்ஸிஃப் தகவலை எவ்வாறு காண்பது? அடடே! இது ஒன்றும் பிரமாதம் இல்லை! நீங்கள் உபயோகிக்கும் ஃபோட்டோ மேனேஜ்மென்ட் மென்பொருள் எதுவாக இருந்தாலும் அதில் இந்த வசதி நிச்சயம் இருக்கும். மேலும் உங்கள் ஆப்பரேட்டிங் சிஸ்டத்திலுள்ள ஃபைல் எக்ஸ்புளோரரின் ஃபைல் புராப்பர்டீஸ் அப்லெட் (வலது கிளிக் >> புராப்பர்டீஸ்) வாயிலாகவும் எக்ஸிஃப் தகவலை காணலாம்.

உபுண்டு லீனக்ஸின் ஃபைல் புராப்பர்டீஸ் அப்லெட்

பிறகென்ன? நீங்களும் ஒரு கைதேர்ந்த டிஜிட்டல் ஃபோட்டொகிராஃபர் ஆக வேண்டியதுதானே!

இணைய இணைப்பு என்றாலே அதிவேக இணைய இணைப்புதான் என்னும் அளவிற்கு இன்று பிராட்பேண்டு சேவைகள் பெருகி விட்டன. அப்படி இருந்தும், பல்வேறு நிறுவனங்கள் மூலம் நமக்கு கிடைக்கும் பிராட்பேண்டு சேவைகளின் வேகத்தில்தான் எவ்வளவு வித்யாசங்கள். எந்த நிறுவனத்தின் சேவையில் வேகம் அதிகம், எந்த நிறுவனத்தின் சேவையில் டவுன்லோடு லிமிட் அதிகம் என்றெல்லாம் நாம் ஆராய்ந்து, இணைப்பை வாங்க வேண்டியிருக்கிறது. அப்படி வெகுவாய் ஆராய்ந்து வாங்கிய பின்னரும் சில சமயங்களில் நமக்கு வேகம் திருப்தி அளிப்பதில்லை.

அவ்வாறு திருப்தியடையாத வேகம் விரும்பிகளுக்கு ஓர் நற்செய்தி. அதாவது இந்திய அரசு, பிராட்பேண்டு இணைய இணைப்பிற்கான வரையறுப்பை மேம்படுத்தியுள்ளது. அதாவது, இனி பிராட்பாண்டு சேவை என்பது குறைந்த பட்சமாக வினாடிக்கு 512 கிலோபைட்டுகள் வேகம் உடையதாக இருக்க வேண்டும். இதுவரை இந்த வரையறுப்பு வினாடிக்கு 256 கிலோபைட்டுகள் வேகமே இருந்து வந்தது. இந்த புதிய வேக வரையறுப்பு இந்த ஆண்டில் இருந்து கடைப்பிடிக்கப் படும் என்று அறிவிக்கப்பட்டுள்ளது.

‘இந்த ஆண்டில் பாதிக்கு மேல் முடிந்து விட்டது… சற்று முன்னரே அறிவித்திருக்கக் கூடாதா?…’ என்று கேட்பவர்களுக்கு மேலும் ஒரு செய்தி. வரும் 2015ஆம் வருடம் முதல் அதிவேக இணைய இணைப்பு என்பது வினாடிக்கு குறைந்தபட்சமாக 2 மெகாபைட்டுகள் வேகம் உடையதாக இருத்தல் வேண்டும் எனவும் அரசு அறிவித்துள்ளது!

அப்புறம் என்ன? இனி உடனே உங்களுக்கு இணைய சேவை அளிப்பவரிடம் பேசி உங்கள் இணைப்பின் வேகத்தை அறிந்து கொள்ளுங்கள். அப்படி 512 கிலோபைட்டுகளுக்கும் குறைவாக இருந்தால் மேம்படுத்தச் சொல்லுங்களேன்!

முதலில் வேர்டை எடுத்துக் கொள்வோம். டேபிளின் ஏதாவது ஒரு செல்லில் இருந்து கொண்டு மெனுவில் டேபிள் >> சார்ட் என்று தெரிவு செய்யவும். உங்கள் டேபிள் தானாகவே தெரிவு செய்யப்பட்டு வரிசைப்படுத்துதல் டயலாக் பெட்டி காண்பிக்கப்படும். இதையே நீங்கள் டேபிள் >> செலக்ட் >> டேபிள் என்று டேபிளை முதலில் தெரிவு செய்து கொண்டு அதற்குப் பின் டேபிள் >> சார்ட் என்றும் தெரிவு செய்யலாம். ஆனால் வேர்டு இண்டெலி-சென்ஸ் (intelli-sense) திறன் கொண்டது. அதாவது நாம் என்ன செய்யப் போகிறோம் என்று புரிந்து கொண்டு அதற்கேற்றவாறு செயல்படும். நாம் டேபிளை செலெக்ட் செய்யா விட்டாலும் டேபிளை சார்ட் செய்ய முற்படும் பொழுது அதுவாகவே டேபிளை செலெக்ட் செய்து கொள்ளும்.

மேலே இருப்பது போல் சார்ட் டயலாக் பெட்டி காண்பிக்கப் பட்டவுடன் இலகுதான் நம் வேலை. நாம் வரிசைப் படுத்தவேண்டிய பத்தியை தெரிவு செய்து கொண்டு, நம் டேபிளில் தலைப்பு இருந்தால் ஹெடர் ரோ ரேடியோ பட்டனையும், தலைப்பு இல்லாவிடில் நோ ஹெடர் ரோ ரேடியோ பட்டனையும் தெரிவு செய்து கொண்டு, ஓகே பட்டனை கிளிக் செய்யவும். அவ்வளவுதான்!

இனி ஓப்பன் ஆஃபீஸ் ரைட்டருக்கு வருவோம். ஓப்பன் ஆஃபீஸ் தொகுப்பில் இண்டெலி-சென்ஸ் இல்லை. டேபிளை நாம் தான் தெரிவு செய்ய வேண்டும். வரிசைப்படுத்தும் வசதி (sort command) டேபிள் மெனுவில் இல்லை! டூல்ஸ் மெனுவில் உள்ளது!! இது தவிர டேபிளை தெரிவு செய்யும் பொழுது ஹெட்டிங் ரோ இருந்தால் அதை தவிர மற்றவற்றை தெரிவு செய்ய வேண்டும். (இது ஏன் என்று இன்னும் சற்று நேரத்தில் பார்ப்போம்.)

ஆகவே டேபிளின் ஏதாவது ஒரு செல்லில் இருந்து கொண்டு, மெனுவில் டேபிள் >> செலக்ட் >> டேபிள் என்று தெரிவு செய்து டேபிளை செலக்ட் செய்து கொள்வது ஹெட்டிங் ரோ இல்லையென்றால் தான். ஹெட்டிங் ரோ இருந்தால் ஹெட்டிங் ரோவிற்கு கீழே முதல் ரோவின் முதல் செல்லில் கீபோர்டு கர்சரை வைத்து, ஷிஃப்ட் கீயை பிடித்தபடி கடைசி ரோவின் கடைசி செல்லில் கிளிக்கினால் ஹெட்டிங் ரோவை தவிர மற்ற செல்கள் அனைத்தும் தெரிவு செய்யப்படும்.

அதன் பின் மெனுவில் டூல்ஸ் >> சார்ட் என்று தெரிவு செய்யவும். இங்கே கவனிக்க வேண்டியது என்னவென்றால் நீங்கள் எதையும் செலக்ட் செய்யாமல் டூல்ஸ் >> சார்ட் மெனுவை தேர்ந்தெடுக்க முடியாது. ஏனென்றால் சார்ட் மெனு மங்கலாக்கப் பட்டு டிசேபிள்டு ஆகியியிருக்கும். இவ்வாறு சார்ட் மெனுவை தேர்ந்தெடுத்த பின்னர் சார்ட் டயலாக் பெட்டி திரையில் காண்பிக்கப் படும்.

வேர்டை ஒப்பிட்டு பார்க்கும் பொழுது இதில் சில வித்தியாசங்கள் இருப்பதை காண்பீர்கள். உங்கள் டேபிளில் ஹெட்டிங் ரோ இருக்கிறதா இல்லையா என்று கேட்கும் ஆப்ஷன் இதில் இல்லை. அதனாலே தான் மேலே குறிப்பிட்டபடி டேபிளை செலக்ட் செய்யும் பொழுதே ஹெட்டிங் ரோவை தவிர்த்து மற்ற செல்களை செலக்ட் செய்ய வேண்டும். நீங்கள் வரிசைப்படுத்த விரும்பும் பத்தி, டேபிளில் எத்தனையாவதாக அமைந்திருக்கிறது என்று தெரிவு செய்து கொண்டு ஓகே பட்டனை அழுத்தவும். அவ்வளவுதான்!

ரைட்டரின் சார்ட் டயலாக் பெட்டியைப் பார்க்கும் பொழுது, இதில் மேலிருந்து கீழ் மட்டுமல்ல இடமிருந்து வலமாகவும் வரிசைப்படுத்தலாம் என்று அறிந்து கொள்ள முடியும்! இதைப் பற்றியும், மேலும் சில வரிசைப்படுத்தும் வழிகள் பற்றியும் மேலும் எழுதுகிறேன்…

இந்த மாதிரி சமயங்களில் சிலர் விளையாட்டாக கைக்கு வந்தபடி “sdsdsad qwwqwrr fsdfsdfadf…” என்றெல்லாம் தட்டச்சித்து தம் தேவையை பூர்த்தி செய்து கொள்ளுவார்கள். வேறு சிலரோ ஏற்கனவே சேமிக்கப்பட்டிருக்கும் ஏதாவது ஒரு கோப்பை திறந்து, அதை வைத்து, நண்பருக்கு சொல்லிக் கொடுப்பதையோ அல்லது பிரிண்டரை பரிசோதிப்பதையோ செய்து விட்ட பின் தாம் செய்த மாற்றங்களை சேமிக்காமல் அந்த கோப்பை மூடி விடுவார்கள்.

சரி, இப்பொழுது உங்களுக்கும் அதுபோல் வேர்டில் சோதனைக்காக சில சாம்பிள் வரிகள் தேவைப்படும் பொழுது என்ன செய்யலாம்? இலகுவாக ஒரு சுருக்கு வழி இருக்கிறது. ஒரு புது வரியில் பின்வருமாறு தட்டச்சு செய்து என்டர் விசையை அழுத்துங்கள்.

=rand()

நீங்கள் எண்டர் விசையை அழுத்திய மாத்திரத்தில் “The quick brown fox jumps over the lazy dog.” என்ற வரிகள் குபுக்கென்று திரையில் தோன்றுவதைப் பார்க்கலாம். நன்றாக கவனித்தீர்களானால் இது போன்ற ஐந்து வரிகளைக் கொண்ட மூன்று பத்திகள் உருவாகியிருப்பதைக் காணலாம்.

இப்படி அல்லாமல், உங்களுக்கு தேவையான எண்ணிக்கை பத்திகளும் (X), அந்த பத்திகளில் உங்களுக்கு தேவையான எண்ணிக்கை வரிகளும் (Y) வேண்டுமானால் ஒரு புது வரியில் பின்வருமாறு தட்டச்சித்து எண்டர் விசையை அழுத்துங்கள்.

=rand(X,Y)

இங்கே X என்பதும் Y என்பதும் எண்ணிக்கையை குறிக்கும். உதாரணமாக உங்களுக்கு 15 வரிகளைக் கொண்ட 10 பத்திகள் வேண்டுமானால் =rand(10,15) என்று தட்டச்சித்து எண்டர் விசையை அழுத்தவும்.

இப்பொழுது அதே சாம்பிள் வரிகள், உங்கள் தேவைக்கேற்ப பத்திகளாய் உருவாகி இருப்பதை காண்பீர்கள்.

இந்த வசதி வேர்டு 97 ற்கு மேல் உள்ள பதிப்புகளில் உள்ளது. வேர்டு 97 முதல் வேர்டு 2003 வரை வரிகளின் அமைப்பு மேலே கூறியவாறு இருக்கும். வேர்டு 2007 மற்றும் 2010 பதிப்புகளில் =rand() என்று தட்டச்சித்து எண்டர் விசையை அழுத்தினால் பின்வருமாறு சாம்பிள் வரிகள் உருவாகும்:

On the Insert tab, the galleries include items that are designed to coordinate with the overall look of your document. You can use these galleries to insert tables, headers, footers, lists, cover pages, and other document building blocks. When you create pictures, charts, or diagrams, they also coordinate with your current document look.

You can easily change the formatting of selected text in the document text by choosing a look for the selected text from the Quick Styles gallery on the Home tab. You can also format text directly by using the other controls on the Home tab. Most controls offer a choice of using the look from the current theme or using a format that you specify directly.

To change the overall look of your document, choose new Theme elements on the Page Layout tab. To change the looks available in the Quick Style gallery, use the Change Current Quick Style Set command. Both the Themes gallery and the Quick Styles gallery provide reset commands so that you can always restore the look of your document to the original contained in your current template.

வேர்டு 2007 & 2010 பதிப்புகளில் உங்களுக்கு ”The quick brown fox jumps over the lazy dog.” என்ற வரிகள் தான் வேண்டும் என்றால் =rand.old() என்று தட்டச்சித்து எண்டர் விசையை அழுத்தவும்.

இனி நீங்களும் பிரின்டரை சோதிப்பது, பி.டி.எஃப். ரைட்டரை சோதிப்பது, ஈமெயில் அட்டாச்மென்டை சோதிப்பது போன்ற காரியங்களுக்கு இந்த யுக்தியை கையாளலாம்.

பி.கு:  வேர்டு 2007 அல்லது 2010 பதிப்பு வைத்திருப்போர் =lorem() என்று தட்டச்சித்து எண்டர் விசையை அழுத்திப் பார்க்கவும்!