கதம்பம் வலைப்பூ

நில அதிர்வுகள் ஏன் ஏற்படுகின்றன?

noreply@blogger.com (கதம்பம் வலைப்பூ) — Mon, 31 Aug 2009 11:09:00 +0530

பூமிப் பந்தின் மையப்பகுதி (core) இன்னும் சூடாகவும், கொதிக்கும் குழம்பாகவும்தான் உள்ளது. இந்த மையப்பகுதிக்கு மேலாக mantle எனப்படும் பகுதி உள்ளது. அதற்கும் மேலாக crust எனப்படும் மேலோடு உள்ளது. ஆமையில் முதுகில் உள்ள ஓடு மாதிரி இருக்கும் என்று வைத்துக்கொள்ளுங்களேன்!

இந்த மேலோடு நல்ல விளாம்பழத்தின் ஓடு மாதிரி ஒப்பமாக ஆக இருக்காது. சில இடங்களில் பிளந்து, அழுத்தம் அற்ற ஓடுகளாக இருக்கும். அங்குதான் பிரச்னையே ஆரம்பமாகிறது.

மேலே உள்ள படத்தில் கறுப்புக் கோடுகள் காணப்படும் இடங்களில்தான் இரண்டு பிளேட்கள் அல்லது ஓட்டாஞ்சில்லுகள் ஒன்றை ஒன்று மோதி உரசுகின்றன. தினம் தினம் இவை நங் நங் என்று மோதிக்கொள்ளா. ஆனால் பலவேறு காரணங்களால் இந்த ஓட்டாஞ்சில்லுகள் ஒன்றை ஒன்றை நசுக்கித் தள்ள முயற்சி செய்யும். அடிப்பகுதியில் பீறிட்டு எழ முயற்சி செய்யும் கொதிக்கும் குழம்பு ஒரு காரணம். இதன் விளைவாக அந்த கறுப்புக் கோட்டுப் பகுதிகளில் எப்போதும் அழுத்தம் அதிகமாக இருக்கும்.

அதை நீங்கள் கவனித்தால், ஒரு கோடு அந்தமான், இந்தோனேசியா பக்கமாகப் போகும். அதே கோடு ஜப்பானை உரசிக்கொண்டு போவதையும் பார்க்கலாம். இதே கோடுதான் பங்களாதேசம் வழியாக இமயமலை மேலே ஏறி மீண்டும் குஜராத் வழியாக அரபுக் கடலில் இறங்குவதைப் பார்க்கலாம். இதனால்தான் இந்தப் பகுதிகள் சீஸ்மிக் இயக்கம் அதிகமாக இருக்கும் பகுதிகள் எனப்படும். கடந்த இருபது ஆண்டுகளில் குஜராத், மஹாராஷ்டிரா பகுதிகளில் நடந்துள்ள நில நடுக்கத்தைப் பற்றிக் கேள்விப்பட்டிருப்பீர்கள். 2004-ல் இந்தோனேசியா, அந்தமான் நிலநடுக்கமும் அதனால் ஏற்பட்ட சுனாமியும் உங்களுக்கு நன்றாகவே நினைவில் இருக்கும்.

நில நடுக்கம் என்பது எப்படி ஏற்படுகிறது? இரண்டு சில்லுகள் ஒன்றுக்கு ஒன்று பக்கவாட்டில் காகிதம் கிழிவதுபோல நகரலாம். அல்லது, ஒன்று ஒன்றைக் கீழே அழுத்திவிட்டு மேலே போகலாம்.

இந்தக் கிழிசல் அல்லது நகர்தல் நடக்கும் பகுதி எபிசெண்டர் (நடுக்க மையம்) எனப்படும். இந்த நடுக்க மையம் பூமியின் மேல்பரப்புக்கு வெகு அருகில் இருந்தால், அதிர்ச்சி பலமானதாக இருக்கும். ஆழத்தில் இருந்தால், அதிர்ச்சி அவ்வளவாக இருக்காது. நடுக்க மையம் கடலுக்கு அடியில் இருந்து, அதனால் ஒரு சில்லு இன்னொரு சில்லை அழுத்திவிட்டு மேலே எழுந்தால் நிகழ்வதுதான் சுனாமி. பல கிலோமீட்டர் நீளத்துக்கு, ஒரு சில்லு ஒரு மீட்டர் உயரத்துக்கு எழுகிறது என்றால், எந்த அளவுக்கு கடல் நீரை நகர்த்தும் என்று பாருங்கள். அத்தனை கடல் நீரும் உயர எழும்பி கரையை நோக்கிப் பாயும்போதுதான் ஆழிப் பேரலை என்ற நிகழ்வு நடைபெறும்.

நிலம் அதிரும்போது அதன் அதிர்ச்சியைக் கணக்கிட ரிக்டர் அளவுகோல் என்பதைப் பயன்படுத்துவார்கள். நிலம் அதிரும் என்று நாம் சொல்லும்போதே ஒருவித அலைகள் பரவுவதாக நம் சொல்கிறோம் என்று புரிந்துகொள்ளவேண்டும். இரண்டு சில்லுகள் ஒன்றோடு ஒன்று மோதினால், மோதிய வேகத்தில் இரண்டும் எதிர்த் திசையில் பின்வாங்கும். பின் இரண்டும் மீண்டும் ஒன்றை ஒன்று நெருங்கு மோதும். இப்படி மோதிக்கொண்டே இருக்கும் இரு சில்லுகளும் கொஞ்சம் கொஞ்சமாக மோதல் வீச்சில் குறைந்து (amplitude attenuation) அமைதியாகும். அப்படி அவை மீண்டும் மீண்டும் மோதும்போது நில அதிர்வலைகள் உருவாகும் அல்லவா? அவற்றை நுட்பமான கருவிகள் கொண்டு அளக்கலாம். அந்தக் கருவியில் பதிவாகும் அதிர்வலைகளின் வீச்சைக் கொண்டு, நில நடுக்கம் எவ்வளவு மோசமானது என்று தெரிந்துகொள்ளலாம்.

இந்த ரிக்டர் அளவு என்பது லாகரிதமிக் அளவுகோலில் வருவது. அதாவது ரிக்டர் அளவு 6 என்பது ரிக்டர் அளவு 5-ஐப்போல பத்து மடங்கு பெரியது. ரிக்டர் அளவு 7 என்பது ரிக்டர் அளவு 6-ஐப்போல பத்து மடங்கு பெரியது; 5-ஐப்போல 100 மடங்கு பெரியது. மாபெரும் சுனாமி 2004 நேரத்தில் நடந்த நில நடுக்கம் ரிக்டர் அளவில் 9-ஐத் தாண்டியது. எனவே மிகக் கோரமானது. திங்கள் அன்று நடந்த நிலநடுக்கம் சுமார் 6.5 என்ற ரிக்டர் அளவு. அதாவது 2004 நில நடுக்கத்தைப் போல சுமாராக ஆயிரத்தில் ஒரு பங்குதான். எனவேதான் உயிர்ச்சேதம், பொருள் சேதம் இன்றித் தப்பித்துள்ளோம்.

நிலநடுக்கம் என்பதைத் தடுக்கமுடியாது. எப்போது வரும் என்பதைக் கணிப்பதும் கடினம். நாம் நிலநடுக்கப் பகுதியில் எங்கு இருக்கிறோம் என்பதைப் பொருத்து, சரியான கட்டுமானங்களைக் கட்டி, சுனாமியிலிருந்து பாதுகாப்பாக இருக்க என்ன செய்யவேண்டுமோ அதனைச் செய்துகொள்ளவேண்டும். அவ்வளவுதான் மனிதனால் செய்யமுடிந்தது.

படங்கள் மற்றும் தகவல்கள் : விக்கிமீடியா,அறிவியல்.info, Moorland School Earth Sciences

அமெரிக்காவின் நவீன உளவுச் செய்கோள்

noreply@blogger.com (கதம்பம் வலைப்பூ) — Mon, 31 Aug 2009 11:05:00 +0530

அமெரிக்காவினால் தயாரிக்கப்பட்ட நவீன உளவு செய்கோள் ஒன்று 2011ம் ஆண்டு விண்ணுக்கு ஏவவுள்ளதாக அறிவிக்கப்பட்டுள்ளது. பேசிக் (BASIC) என பெயரிடப்பட்ட இந்த செய்கோள் ஏற்கனவே அமெரிக்காவினால் விண்ணுக்கு ஏவப்பட்டிருக்கும் பல செய்கோள்களை விட மிகவும் நவீன தொழில் நுட்பங்களைக் கொண்ட அடுத்த தலைமுறை செய்கோள் என தெரிவிக்கப்பட்டுள்ளது.

பன்னாட்டு படைகளில் வலிமை, படை நடவடிக்கைகள் என பல உளவுத் தகவல்களை மிகவும் துல்லியமாக படம் பிடித்து சரியான ஆழ்கூறைக் கணிப்பிடக்கூடியளவுக்கு இச் செய்கோள் திறன்கொண்டது.

இதனைத் தயாரிக்க 4 பில்லியன் அமெரிக்க டொலர்கள் செலவாகின்றது. இதனைத் தயாரிப்பதற்கு அமெரிக்க பாதுகாப்புத்துறையின் தலைமையகமான பென்டகன் 2005ம் ஆண்டு இத் தயாரிப்புக்கு மறுப்புத் தெரிவித்த போதும் தற்போது இதற்கு அனுமதி அளித்துள்ளது.

எனினும் இச் செய்கோள் தயாரிப்புக்கு 4 பில்லியன் அமெரிக்க டொலர்கள் செலவாவதை நாடாளுமன்ற உறுப்பினர்களும் பாதுகாப்பு வல்லுநர்களும் இதற்கு கடும் எதிர்ப்புத் தெரிவித்து வருகின்றனர்

வால்நட்சத்திரத்தில் உயிரின மூலக்கூறு கண்டுபிடிப்பு

noreply@blogger.com (கதம்பம் வலைப்பூ) — Thu, 27 Aug 2009 12:26:00 +0530

அமெரிக்க நாசா விஞ்ஞானிகள் வால்நட்சத்திரம் ஒன்றில் இருந்து பெறப்பட்ட மாதிரியை ஆராய்ந்ததில் அதில் கிளைசின் (glycine) எனும் அமினோ அமிலம் இருந்ததை இனங்கண்டுள்ளனர்.

அமினோ அமிலங்கள் உயிரினங்களை ஆக்கியுள்ள பெரிய இரசாயன மூலக்கூறுகளில் புரத மூலக் கூறுகளை ஆக்குவதில் பங்களிக்கும் ஒரு வகை எளிமையான உயிர் இரசாயனக் கூறுகள் ஆகும்.

மனிதன் போன்ற உயிரினங்களில் மொத்தம் 20 அமினோ அமிலங்கள் உள்ளன. அதில் கிளைசினும் அடங்குகிறது.

வால்நட்சத்திரத்தில் காணப்பட்ட கிளைசினின் கட்டமைப்பில் உள்ள காபன் மூலக்கூறு பூமியில் உள்ள கிளைசின் கொண்டுள்ள காபனை விட கனதியானது என்றும் நாசா விஞ்ஞானிகள் கூறுகின்றனர்.

விண்கற்கலில் ஏலவே இவ்வாறான உயிர் இரசாயன மூலக்கூறுகள் முன்னரும் கண்டுபிடிக்கப்பட்டிருந்தமை இங்கு நினைவு கூறத்தக்கது.

பூமியில் உயிரின் உற்பத்தி என்பது பூமியோடு வால்நட்சத்திரங்களின் மோதலால் கூட ஏற்பட்டிருக்கலாம் என்பது போன்ற விஞ்ஞான கோட்பாடுகள் முன்னைய காலங்களில் வெளி வந்திருந்தமை இங்கு குறிப்பிடத்தக்கது.

எனினும் இந்தக் கண்டுபிடிப்பு தற்போது இருக்கும் பூமியில் நிகழ்ந்த இரசாயன கூர்ப்பின் மூலமான உயிரின் உற்பத்தியை நிராகரிக்கப் போதுமானது அல்ல.. என்றே கணிக்கப்படுகிறது. அதற்கு இன்னும் நிறைய ஆதாரங்களை விஞ்ஞான உலகம் திரட்ட வேண்டி இருக்கும் என்று கூறப்படுகிறது.

நன்றி : lankasritechnology

பெண்களின் இதயத்தை பாதிக்கும் நெடுந்தூக்கம்! பெண்களின் இதயத்தை பாதிக்கும் நெடுந்தூக்கம்!

noreply@blogger.com (கதம்பம் வலைப்பூ) — Wed, 19 Aug 2009 16:57:00 +0530

இரவில் ஒன்பது அல்லது அதற்கு மேற்பட்ட மணி நேரம் தூங்கும் நடுத்தர மற்றும் வயதான பெண்களுக்கு, இதயக் கோளாறுகள் வருவதற்கான வாய்ப்பு மிகுதியாகவுள்ளது.

தெற்கு கரோலினா பல்கலைக்கழக மருத்துவ ஆய்வாளர்கள், நடுத்தர வயது பெண்களின் தூக்கத்துக்கும், இதய கோளாறுகளுக்கும் உள்ள தொடர்பு குறித்து ஆய்வு ஒன்றை மேற்கொண்டனர்.

50 முதல் 79 வயது வரையிலான மொத்தம் 93,175 பெண்களும், அவர்களது தூக்க நேரங்களும் ஏழரை ஆண்டுகாலம் கண்காணிக்கப்பட்டது.

இந்தப் பெண்களில் 1,166 பேருக்கு மிகவும் பொதுவான வகையைச் சேர்ந்த இதயக் கோளாறான 'இஸ்கெமிக் ஸ்ட்ரோக்'கை அனுபவித்திருப்பது ஆய்வில் தெரியவந்தது.

ஆய்வின் முடிவில் சராசரியாக 7மணி நேரம் தூங்குவோருடன் ஒப்பிடுகையில், 6 மணி நேரம் அல்லது அதற்கு குறைவான நேரம், 8மணிநேரம் மற்றும் 9 அல்லது அதற்கும் மேற்பட்ட மணிநேரம் தூங்குவோருக்கு முறையே 14சதவிகிதம், 24சதவிகிதம் மற்றும் 70 சதவிகிதம் அளவில் இதயக் கோளாறு வருவதற்கான அபாயம் உண்டு என்பது கண்டறியப்பட்டது.

எனவே, பெண்கள் 9 மற்றும் அதற்கும் அதிகமான மணிநேரங்கள் தூங்குவதைத் தவிர்த்து, சராசரியாக 7 மணி நேரம் தூங்குவதே சாலச் சிறந்தது என்று மருத்துவ ஆய்வாளர்கள் அறிவுறுத்துகின்றனர்.

நன்றி : லங்காஸ்ரீ இணையம்

முழுவதும் வைரமாக மாறி வரும் நட்சத்திரம்

noreply@blogger.com (கதம்பம் வலைப்பூ) — Mon, 17 Aug 2009 15:56:00 +0530

முழுவதும் வைரமாக மாறி வரும் ஒளி வீசும் நட்சத்திரத்தை வான மண்டலத்தில் விஞ்ஞானிகள் கண்டுபிடித்துள்ளனர். அந்த நட்சத்திரம் விஞ்ஞானிகளுக்கு பெரும் ஆச்சரியத்தை ஏற்படுத்தியுள்ளது.
அமெரிக்காவில் ஹார்வர்டுஸ்மித்சோனியன் விண்வெளி அறிவியல் ஆய்வு மையத்தை விஞ்ஞானி திராவிஸ் மெட்கப் என்பவர் தலைமையில் ஒரு குழு இந்த நட்சத்திரம் பற்றி பல ஆண்டுகளாக ஆய்வு நடத்தி வருகின்றது.

பூமியில் இருந்து 50 ஒளி ஆண்டுகள் தூரத்தில் ஒரு நட்சத்திரக் கூட்டத்தில் இந்த நட்சத்திரம் மின்னுகின்றது. ஒரு காலத்தில் சூரியன் போல் அனல் கக்கி ஒளி வீசிய நட்சத்திரம் பிற்காலத்தில் முற்றிலும் எரிந்து அதில் இருந்த கார்பன் இறுகி முழுவதுமாக வைரமாக மாறிவிட்டதாக விஞ்ஞானிகள் கூறுகின்றனர்.நான்காயிரம் கி.மீ சுற்றளவு கொண்டதாக விளங்குவதாக விஞ்ஞானிகள் கூறுகின்றனர்.

வைரத்தை carat என்ற அளவில் தான் குறிப்பிடுவார்கள். தென் ஆப்பிரிக்காவில் உள்ள ஒரு சுரங்கத்தில் 546 Carat அளவில் ஒரு வைரம் வெட்டி எடுக்கப்பட்டது. உலகளவில் அது தான் பெரிய வைரம். ஆனால் வானில் உள்ள நட்சத்திரம் பல கோடி Carat அளவில் உள்ளதாக வானியல் நிபுனர்கள் தெரிவிக்கின்றனர்.

முன் இவ் நட்சத்திரத்துக்கு "BPM37093" என்று பெயர் வைக்கப்பட்டிருந்தது இப்பொழுது வைர நட்சத்திரத்திற்கு Lucy என்று விஞ்ஞானிகள் பெயர் மாற்றம் செய்துள்ளனர்.வைர நட்சத்திரம் நன்கு ஒளிவீசியதால் 40 ஆண்டுகளுக்கு முன்பே விஞ்ஞானிகள் கவனத்தை ஈர்த்தது.

அப்பொழுது நட்சத்திரத்தின் உட்பகுதி பளிங்காக மாறி இருக்கும் என கருதிய விஞ்ஞானிகள், அது முழுவதுமாக வைரமாக இருக்கிறது என்பதனை தற்பொழுது கண்டுபிடித்துள்ளனர். சூரியனும் இன்னும் 500 கோடி ஆண்டுகளுக்குப் பிறகு முற்றிலும் எரிந்து வெள்ளை நட்சத்திரமாக மாறிவிடும்.அதன் பின்னர் 200 கோடி ஆண்டுகளுக்கு பிறகு சூரியனும் ஒரு வைர நட்சத்திரமாக மாறிவிடும் என விஞ்ஞானிகள் கருதுகின்றனர்.

பூவிலும் பாலுண்டு

noreply@blogger.com (கதம்பம் வலைப்பூ) — Sun, 16 Aug 2009 11:12:00 +0530

மூன்றாம் நூற்றாண்டிலேயே தாவரங்களில் ஆண்பால் - பெண்பால் என
இரு வகைகள் இருப்பதை மனிதன் கொஞ்சம் அறிந்துவத்திருக்கிறான் என
ஆதராங்கள் இருந்தாலும்,

ஜெர்மனியைச் சேர்ந்த கேமராரியஸ்தான் இதைச் சோதனைகள் மூலம்
உலகுக்கு அழுத்தமாக நிரூபித்தவர்.

நம் நாட்டிலும் நம் மூதாதையர்கள் இயற்கையைக் கவனித்து
இத்தாவர பாலின விதியை என்றோ நிச்சயமாய் அறிந்திருப்பார்கள்.
கார்த்திகை தீபம் அன்று, கவண் நடுவே துணியில் வைத்து
பூப்பூவாய் பொறி பறக்க எரிக்கும் கரி தருவது - பனைமரத்தின் ஆண் பூ என
சொல்லக் கேட்டிருக்கிறேன்.

செடிகள் - மலர்களில் ஆண் -பெண் பால் பேதம் பற்றி
விவரமானக் குறிப்பு பண்டைய இலக்கியங்கள், ஏடுகளில் இருந்தால்
அறிந்தவர்கள் கூறுங்கள். அறியக் காத்திருக்கிறேன்.

ஒரு மரம் அல்லது செடி காய்க்க அதன் மலரில் ''போலன்'' எனப்படும் மகரந்தம்
சேரவேண்டும் என சோதனைகள் மூலம் நிறுவியவர் கேமராரியஸ்.

ஆமணக்குப் பூவின் ''ஸ்டேமனையும்'', சோளப்பூவின் ''ஸ்டிக்மா''வையும்
நீக்கிய அவர், அவை ''விதை'' உருவாகமல் மலடாயிருப்பதை நிரூபித்தார்.

http://www.urbanext.uiuc.edu/gpe/case4/c4facts1a.html

ஸ்பினாச், பாலக் என அழைக்கப்படும் கீரைச்செடிகள் ஆண், பெண் என
இரு வகையில் இருப்பதையும், அவற்றைப் பிரித்து தூரத்தில் வளர்த்தால்
இதே போல் வாரிசு இல்லாமல் அழிவதையும் செய்துகாட்டினார்.

மிருகங்கள் போலவே , தாவரங்களும் ''பாலினச் சேர்க்கை''யாலேயே பல்கிப் பெருகுகின்றன
என தம் முடிவை ஆணித்தரமாக 1694 -ல் வெளியிட்டார்.

அறிவியல் உலகில் அடிக்கடி நடக்கும் விசேஷம் ஒன்றுண்டு. எங்கோ ஒருவர் தனியாய் பாடுபட்டு
ஒரு கண்டுபிடிப்பை நிகழ்த்துவார். ஏறக்குறைய அதே காலகட்டத்தில் கொஞ்சம் பிந்தி
இன்னொருவர் உலகின் இன்னொரு மூலையில் அதே முடிவை எட்டுவார்.

இங்கும் பூக்களின் பால் இனம் பற்றி 1696-ல் இலண்டனில் நெஹமய்யா க்ரூ என்பவரும்
ஆராய்ச்சி கட்டுரை ஒன்றை அதே முடிவுகளுடன் சமர்ப்பித்தார்.

கேமராரியஸ் கண்டுபிடிப்பின் பலன்கள் விரைவில் தெரிய ஆரம்பித்தன.
ஒரே ஸ்பீஷிஸ் (இனம்) பூக்களின் ஆண் -பெண் சேர்க்கை இயற்கை!
மனிதன் செயற்கையாய் வேறு வேறு இனப் பூக்களின் ஆண் -பெண்ணைச் சேர்த்தான்.
விநோத, வேடிக்கை வண்ணங்களில் புதிய பூக்கள் தோன்றின.
அதே போல் அபூர்வ இனப் பூக்களை விரும்பும் அளவுக்கு சேர்த்து பெருக்க வைத்தான்.
முன்னர் அத்திப்பூ என்பன அதன்பின் சந்தைப்பூ ஆயின!

பின்னர் நுண்ணோக்கியால், ஆண் மகரந்தம் எப்படி ஒரு குழாய் முளைத்து (போலன் டியூப்)
பெண் மகர்ந்த ''முட்டை''யை சிறு துவாரம் போட்டு துளைத்து கருவாய் உருவாகிறது
என்ற தேவ ரகசியமும் அறிந்தான்..

உச்சமாய் கிரகர் மெண்டல் என்ற துறவி.. அறிவியல் துறக்காத துறவி...
அவரைப்பூக்களின் மகரந்தச் சேர்க்கையை அளவானக் கட்டுப்பாட்டில் நிகழ்த்தி
மரபின் விதிகளையே இம்மாநிலம் அறியத் தந்தான்!

பிறப்பின் மரபுச் சிக்கல் அறிந்து சொன்னவர் - ஒரு துறவி!
அறிவியலில் எனக்கு மிகவும் பிடித்த முரண் இது!!

நன்றி : தமிழ்மன்றம்

எங்கையோ சுட்டவை-3

noreply@blogger.com (கதம்பம் வலைப்பூ) — Sat, 15 Aug 2009 18:34:00 +0530

நீ
முத்தமிடுவதைவிட
முத்தமிடும்போது நீ
மிகையழகு
அதையும்
சில வேளைகளில்
ரசிக்காமல் பண்ணிவிடுகிறாய்
கண்களில் முத்தமிட்டு

உன்னைக்
காதலிக்கவும்
வேறு யாரையும்
காதலிக்காமலும்
இருக்க கற்றுத் தந்த
என் காதல் ஆசிரியை நீ

குயில் பாடுவதைவிட
அதை ரசிக்க நீ படாது
பாடு படுவதுதான்
என்னைரசிக்க வைக்கிறது

நாய்க்கு நீ பயந்து
என்னைக் கட்டிப்பிடிப்பதால்தான்
எனக்கு நாய் நன்றி
உள்ள மிருகம்

உன்னைத் தேடி
கிறுக்கியகிறுக்கல்கள் எல்லாம் உன்னைக்காட்டிக்
கொடுத்துவிட்டு
தலைமறைவாகிவிட்டன
அவைகளை நீ படித்தால்
எழுதிய என்னை உனக்கு
பிடிக்காமல் போய்விடுமோ
என்ற பயத்தில்

நன்றி : யாழ் அகத்தியன்

விமான தொழில் நுட்பத்தின் முன்னோடிகள் உண்மையில் யார்?

noreply@blogger.com (கதம்பம் வலைப்பூ) — Fri, 14 Aug 2009 19:15:00 +0530

இன்று விஞ்ஞானம் பல மடங்கு வளர்ந்துவிட்டது. வான்வெளியில் விண்கலங்கள் ஏவுகணைகள். எனப்பல விண்ணை அலங்கரித்துக் கொண்டிருக்கின்றது. இவைகள் அனைத்தும் விண்வெளி உலகின் தத்துவமேதை எனப்படும் ரஷ்யா நாட்டைச் சேர்ந்த கொன்ஸ்டன்டின் ஸியோல்கோவிஸ்கி என்பவரின் தீர்க்க தரிசணத்தால் உருவானவையே இன்று உலகத்தில் நாம் வானை அளந்துகொண்டிருக்கின்ற விமானங்களுக்கு ஆதாரமிட்டவர்கள் ரைட் சகோதரர்களே (1903) என உலகம் புழகாங்கிதம் அடைந்தாலும் உன்மையில் முதன் முதலில் விமானத்தைக் கண்டுபிடித்தவர் கொன்ஸ்டன்டின் ஸியோல்கோவிஸ்கி என்பவரே 1894ஆம் ஆண்டு அவர் இந்தசாதனையை நடாத்தி முடித்தார்.
பல நாட்டு நூல்களிலும் விமானங்கள் ஏவுகணைகள் பற்றிய செய்திகள் காணப்பட்டாலும் கூட தமிழ் மற்றும் சமஸ்கிருத மொழிகளில் மிகப்பழைய காலம் முதலே இவை பற்றி குறிப்புக்கள் காணப்படுவதோடு அவற்றின் அமைப்பு முறைகள் பற்றியும் குறிப்பிடப்பட்டிருப்பதிலிருந்து விமானத்தின் முன்னோடிகள் நம் மூதாதையர்களான இந்துக்களா? என்று நமக்கு எண்ணத் தோன்றுகின்து

ரிக்வேதம். இராமாயணம். மகாபாரதம். சமரங்கன சூத்திரா. வைமானிக சாஸ்திரம் எனப்பழைய நூல்களில் விமானம் பற்றிய குறிப்புக்கள் காணப்படுகிறது. இவை வெறும் கற்பனையில் உருவானவை என்றோ மூடநம்பிக்கையை விதைக்கின்ற புராண இதிகாசங்கள் என்றோ நம்மால் அப்படியே ஒதுக்கி விடவும் முடியவில்லை.

ரிக் வேதமானது நான்காயிரம் ஆண்டுகள் பழமை வாய்ந்தது என கருதப்படுகிறது. இதில் போர்க்கடவுளான இந்திரன் விமானரதத்தில் பறந்து வந்து அசுரர்கள் மீது போர் நடத்தியதாகவும் மயன் இவ் வானவூர்தியை ஓட்டியதாகவும் தகவல்கள் உள்ளன அத்துடன் வருணன் போன்ற தேவர்கள் மிகச்சிறந்த வானவ+ர்தியில் வானவெளியில் சென்றதாகவும் புஷன் என்பவன் மிகச்சிறந்த ஓட்டியாக திகழ்ந்தான். என்ற குறிப்பும் காணப்படுகிறது. இது கற்பனையில் உருவானது எனக்கூறினாலும் வானில் பறப்பது சாத்தியமே எனக்கூறியதிலிருந்து விமானத்தின் முன்னோடிகளாக எமது இந்துக்கள் திகழ்ந்தனர் எனக்கருதவும் இடமுண்டு.

அடுத்து இராமாயண காலத்தில் இராவணன் என்னும் தமிழ் மன்னன் புஷ்பக விமானத்தில் பறந்ததாகவும். மயன் என்பவனின் கைவண்ணத்தினால் இது உருவாகியதாகவும். குபேரன் என்னும் மன்னனுக்கே இப்புஷ்பக விமானம் சொந்தமானது எனவும் இதை இராவணன் கைப்பற்றி அதில் அவன் விண்வெளி முதல் கொண்டு பல உலகங்களையும் சுற்றி வந்தான் எனவும் இராமாயணத்தில் குறிப்பிடப்பட்டிருப்பதைக் காண்கின்றோம். இது வால்மீகியின் கற்பனையாகக் கூட இருக்கலாம்.

ஆனால் இவற்றை ஆதாரப்படுத்துவது போல் இலங்கையிலே நுவரேலியா என்னும் மாவட்டத்திலே இராவணன் என்னும் மாமன்னன் இராமரின் மனைவியான சீதையை சிறை வைத்ததாகக் கூறப்படும் சீதாஎலிய என்று ஒரு இடம் உண்டு. இந்த இடத்திலிருந்து உலகத்தின் முடிவு (World End ) என்று அழைக்கப்படும் இடம் நோக்கி கிட்டத்தட்ட 8 மைல் தூரம் வரை சென்றால் “ குவான் பொல (Guvaan Pola) என்ற இடத்தை அடையலாம் இச் சிங்களப் பெயரின் தமிழ் வடிவம் விமானச்சந்தை என்பதே இந்த இடத்தில் விமானத்தின் இரு ஓடுபாதைகள் இருந்ததற்கான அடையாளங்களாக மலையில் நீண்ட மலைச் சமவெளிகளைக் கொண்டஇரு பிரதேசங்கள் உண்டு. இது இராவணன் பயன் படுத்தியதாகக் கூறப்படும் புஷ்பக விமானத்தின் ஓடுபாதை என்பது பலரது கூற்று. இதை உறுதிப் படுத்துவது போல் 1971ஆம் அமெரிக்க புவியியல் ஆய்வாளர் ஒருவர் இராவணன் என்றதொரு தமிழ் மன்னன் வானவூர்தியுடன் சிறப்பான ஆட்சி செய்தான். என்பதனை அறிந்து இப்பிரதேசத்திற்கு வந்து இப்பிரதேசத்தினை ஆராய்ந்து இது இராமாயணத்தில் வரும் இராவணன் பயன்படுத்திய புஷ்பக விமானத்தின் ஓடுபாதையாக முன்னர் இருந்திருக்கலாம் எனவும். அதற்கான ஆதாரங்கள் காணப்படுகின்றன. என்று தனது நூலில் கூறியுள்ளார். இதுவும் அவரின் கற்பனை என்று கூடக் கூறலாம்.

இக்கருத்துக் கூட கற்பனை என்று மட்டுமே நம்மால் எண்ண முடிகின்றது. உன்மையில் விஞ்ஞானக் கருவிகள் இருக்க முடியாத அந்தக்காலத்தில் ஆகாயத்தில் விமானங்கள் மூலம் பறப்பது பற்றியும் பல மைல்கள் ஏவுகணைகள் போல நெடுந்தூரம் தாண்டிச் சென்று தாக்கக் கூடிய அஸ்திரங்கள் பற்றியும் எப்படி அவர்களால் கற்பனை கூடச் செய்ய முடிந்தது. என்று நாம் சற்று நேரம் சிந்தித்துப் பார்க்க வேண்டியவர்களாகவும் எம் இந்துக்களான பழந்தமிழர் விமானத்தின் முன்னோடிகள் தானா ஆராயவும் தலைப்பட்டவர்களாக உள்ளோம். அத்துடன் மயனால் எழுதப்பட்ட மயன் மதம் என்னும் நூலிலும் அதன் விளக்க உரை காட்டும் நூலிலும் வானவூர்தியைப் பற்றியும் அவைகளின் அமைப்புமுறை பற்றிக் குறிப்பிடப்பட்டுள்ளது.

சமரங்கன சூத்திரா 11ம் நூற்றாண்டில் “இராமச்சந்திர தீட்சிதர் என்பவரால் எழுதப்பட்டது என்பார்கள் இதில் வானவெளிக்கப்பல்கள் எப்படிச் செலுத்தப்பட்டன. அதன் அமைப்பு முறை. என்பன பற்றி விரிவாகக்கூறுகின்றன. அதில் மூன்று விதங்களில் வான்வெளிக் கப்பல்களைச் செலுத்த முடியும் என்கிறது. 1. கீழிலிருந்து(பூமியிலிருந்து) விண்ணை நோக்கிப் பறப்பது.

2. வானவெளியில் பல திசைகளில் பறப்பது.

3. மேலிருந்து (விண்ணிலிருந்து) கீழே இறங்குவது. (பூமி நோக்கி வருதல்)

சில வான்வெளிக் கப்பல்களில் சூரியமண்டலம். மற்றும் நட்சத்திரங்கள் வரை சென்றுவர முடியும் என்றும் இவை மிக வேகமாகச் செல்லக்கூடியவை. அத்துடன் அவை பூமியிலிருந்து பறக்கும் போது அதன் ஒலி புவியில் உள்ளவர்களுக்கு மிக மெல்லிதாகவே கேட்கும் என்றும் கூறப்பட்டுள்ளது.
மகாபாரதத்திலும் இராமாயணத்திலும் வான்வெளி விமானங்கள் விண்வெளியில் ஏவப்படும் போர்க்கருவிகள் பற்றியெல்லாம் கூறப்பட்டாலும் கூட இதில் சில விடயங்கள் இருந்திருக்கலாம் என்று கருதலாமே தவிர. அவை இருந்தன. என்று கூறுவதற்கு புராண இதிகாசங்கள் ஆதாரமாகிவிடாது. அத்துடன் இதில் வரும் பாத்திரங்கள் கடவுளாகவும் அவதாரங்களாகவும் இருப்பதால் அவர்களால் மனிதனால் நடாத்தமுடியாத அற்புதங்களை நிகழ்த்தினார்கள் எனச்சொல்லலாம். நம்முன்னோர்கள் கர்ன பரம்பரையாகச் சொல்லப்பட்ட கதைகளை காவியமாக வடித்தனர் இருந்த போதும் அந்தக்காவியங்களில் கற்பனை இடம் பெறுவது தவிர்க்க முடியாததே. இருந்தபோதும் அந்தக்கால மனிதருக்கு விமானம் பற்றி தெளிவான சிந்தனை வெளிப்பட்டது வியப்பானதே.

அடுத்து வைமானிகா சாஸ்திரம் எனும் நூல் “பரத்துவாஜரால் எழுதப்பட்டு இப்போதுள்ள சமஸ்கிருத வடிவில் சுப்புராய சாஸ்திரியால் உருவாக்கப்பட்டது. எனினும் இதை மொழிபெயர்த்த மொழிபெயர்ப்பாளர்கள் இதனை “பறக்கும் சாஸ்திரம் பற்றிய விஞ்ஞானம் என்றே குறிப்பிட்டுள்ளனர். இதில் உள்ள கருத்துக்கள் பழங்கால விஞ்ஞான அறிவுக்கு அப்பாற்பட்டு நவீனகால விஞ்ஞான அறிவையும் மிஞ்சி நிற்கின்றது.
விமானம் என்றால் என்ன என வைமானிகா சாஸ்திரம் இலக்கணம் கூறும் போது ஒரு இடத்திலிருந்து இன்னோர் இடத்திற்கு காற்று வழியாக பறந்து செல்லும் கருவியே விமானம் என்கிறது. விமானத்தில் 32 சூட்சுமங்கள் இருப்பதாகவும் இவை அனைத்தும் விமானிக்குத் தெரிந்திருக்க வேண்டும் என்றும் கூறியதுடன் விமான அமைப்பு. விமானம் பறப்பது (ஏறுவது). இறக்கும் போது விமானத்தின் கட்டப்பாடு. எனும் 3 தலைப்புக்களில் இந்த 32 சூட்சுமங்களும் அடக்குகின்றன.

அத்துடன் இதில் (வைமானிகா சாஸ்திரம்) விமான ஓட்டத்தைப் பதிவு செய்யும் கருவி. விமானத்திலிருந்து எதிரிகளைத் தாக்கும் ஏவுகணைகள். விஷவாயுக்கள். இறக்கைகளை நீட்டுவதும் மடக்குவதும். பருவ நிலைகளை உணர்த்தும் அமைப்பு சூரிய சக்தியைப் பயன்படுத்துதல். விமான ஓட்டி அணிய வேண்டிய உடை. உணவுப்பழக்க வழக்கம். விமானம் செய்யப் பயன்படுத்தப்படும் உலோகம். என்பன பற்றியெல்லாம் விரிவாகக் கூறுகின்றது.

குறிப்பாக விமானம் செய்யப்பயன்படும் உலோகம் பற்றிக் கூறும் போது வெப்பத்தைக் கிரகித்துக் கொள்ளும் உலோகமே உகந்தது எனக் கூறுகிறது. அத்துடன் விமானம் செய்யப் பயன்படும் உலோகங்களின் வகைகளும் சொல்லப்பட்டிருக்கிறது.

மேலும் விமானத்தில் ஏழுவகையான கண்ணாடிகளும் லென்சுகளும் பொருத்தப்பட வேண்டும் இந்தலென்சுகள் ஆயுதங்களைப் பிரயோகிக்க உதவியதாகவும் இந்த வைமானிகா சாஸ்திரம் கூறுகின்றது.

அத்துடன் எதிரி விமானியின் கண்களை இருட்டாக்க லென்சுகளைப் பயன்படுத்த வேண்டும். என்றும் சூரிய ஒளியில் மின்சத்தியைப்பெற்று அதன் மூலம் எதிரி விமானிகளை அழிக்கும் முறைகளையும் கூறிப்பிட்டுள்ளது.

இது நவீன விமானத்தின் லேசர் தொழில் நுட்பத்தையும் விஞ்சி நிற்பதிலிருந்து விமானத்தின் முன்னோடிகள் எம் மூதாதையர்களா? என எண்ணத் தோன்றுகிறதல்லவா.

மேலும் ஏழு மோட்டார்கள் மூலம் இவ்விமானங்களை இயக்க சக்தி கிடைப்பதாகவும். சூரியசக்தி. இரசாயண சக்தி. மின்சக்தி. என்பவற்றின் மூலம் விமானம் முன்னோக்கி செலுத்தப்பட்டு வெற்றிகரமாக பறப்புக்களை மேற்கொண்டதாகவும் இதில் பெரும்பாலும் சூரியஒளியே பயன்படுத்தப்பட்டது. எனும் தகவலும் (வைமானிகா சாஸ்திரத்தில்) உள்ளது.

இந்தத்தகவல் நமக்கு ஆச்சரியத்தை உண்டுபண்ணுகிறது. அல்லவா!. அத்துடன் இதில் ருக்ம, சுந்தர, திரிபுர, சகுண, என நான்கு வகையான விமானவகைகள் இருந்ததாகக் கூறுகின்றது. அதில் ருக்மவிமானம், சுந்தவிமானம், ஆகியன சந்திர மண்டலத்திற்குச் சென்ற அப்போலோ விண்கலத்தை போன்ற அமைப்புடன் இருப்பதும் குறிப்பிடத்தக்கது.

திரிபுர விமானம் தரையிலும் நீரிலும் செல்லக்கூடியது. இதன் வேகம் குறைவானது. என்றும் கூறப்பட்டுள்ளது. அத்துடன் சகுன விமானமானது நம்முடைய நவீன விமானத்திற்கும் ராக்கெட்டுக்கும் இடைப்பட்ட அமைப்பைக்கொண்டது. இந்த விமானம் மூலம் எந்தக் கிரகத்திற்கும் சென்றுவர முடியும். என்றும் அதில் கூறப்பட்டுள்ளது.

ஆகவே இது வெறும் கற்பனையில் உருவான நூல் (வைமானிகா சாஸ்திரம்) என்று கூறமுடியாதுள்ளது. எனினும் அவற்றை கற்பனை எனக் கூறினாலும் அதில் உள்ள விமானம் பற்றி வியத்தகு நவீன தொழில் நுணுக்கங்கள் பற்றி பழங்கால மனிதன் ஒருவனுக்குத் தெரிந்திருந்தது வியப்பானதே.

சங்க இலக்கியமான புறநானூறு மணிமேகலை, சீவகசிந்தாமணி, பெருங்கதை, போன்றவற்றிலும் வானவூர்தி பற்றிய கருத்து காணப்படுகிறது. பெருங்கதை என்னும் பழந்தமிழ்க் காவியத்தில் வானவூர்தி வடிவமும் அதை இயக்கும் விதமும் விவரிக்கப்பட்டுள்ளன.

சீவகசிந்தாமணியில் வரும் மயிற்பொறியின் (மயில் போன்ற பறக்கும் பொருள்) செய்தியானது நமக்கு வியப்பினை ஏற்படுத்துகிறது.

அதன் பொறியினை வலஞ்சுழி மற்றும் இடஞ்சுழியாக திருகுவதன் மூலம் அம்மயிற் பொறி வானமேகங்களிடையே பறக்கவோ காண்பவர் மயிர்சிலிர்க்கும் வகையில் தரையில் இறங்கச்செய்யவோ முடியும் என்கின்றது அந்நூல்.

இராமாயணத்தில் இராவணன் செலுத்திய புட்பக விமானம் சீவகசிந்தாமணியில் விவரித்த மயிற்பொறி விமானத்தை விட எல்லாவகையிலும் மேம்பட்டது என்கின்றனர் சான்றோர். மணிமேகலையிலும் கூட வான்வழிப் பயணங்கள் பற்றிச்சித்தரிக்கப்பட்டுள்ளன.

சிலப்பதிகாரத்திலும் வானவூர்தி பற்றிய செய்திகள் காணப்படுகின்றது. சங்கஇலக்கியமான புறநானூற்றில் வலவன் ஏவா வான ஊர்தி (புறம் -27.

என்ற வரி விமானத்தை ஓட்டுபவர் இல்லா வானவூர்தியைக் கொண்டிருந்தான். என்கின்ற கருத்து நம் தலையைச் சுற்ற வைக்கின்றது. விமான ஓட்டியை வலவன் எனஅழைக்கின்றது புறநானூறு. இது நிச்சயமாக கற்பனையில் உருவான கதை என கூற முடியாது.

புறநானூற்றுத்தமிழன் உண்மையில் நமக்கு முன்னோடிகளே! அந்த முன்னோட்டத்தை இன்றைய தமிழராகிய நாம் உணரவில்லை மாறாக தமிழை மறக்கவே முனைவது கவலையையே தருகின்றது. ஒரு காலத்தில் கற்பனையாக இருப்பது பிறிதொரு காலத்தில் நிஜமாகி விடுவதுண்டு உதாரணமாக ஜூல்வொர்னி என்பவர் 100 ஆண்டுகளுக்கு முன்பு எழுதிய உலகைச்சுற்றிவர எண்பது நாட்கள்.

எனும் கற்பனை நூலில் நீருக்கடியில் செல்லும் கப்பல்கள். சந்திர மண்டலத்திற்கு வான்வெளிக்கப்பல்களின் மூலம் பயணம் செய்வது பற்றியெல்லாம் எழுதியிருந்தார் ஆங்கிலத்தில் விமானப் பயணம் பற்றி எழுந்த நூல்களில் இதுவே முக்கியமானதாகும்.

பொதுவாக ஆங்கிலத்தில் எழுந்த நூல்கள் எல்லாம் பிரித்தானியாவில் ஏற்பட்ட கைத்தொழில் புரட்சியின் பின்னரே எழுந்தது எனலாம் விண்ணியல் பற்றிய வரலாற்றை இற்றைக்கு 2500 ஆண்டுகளுக்கு முன்பே மனிதஇனம் அறிந்திருந்தது. ஆனால் இது எங்கே அறிமுகமானது எனத்தெரியவில்லை. தமிழில் மட்டுமல்ல வேறு மொழிகளிலும் இவைபற்றிய அறிவுகாணப்பட்டது.

1232 களில் சீனத்தார்த்தாரி இனத்தவர்கள் ராக்கட்கள் பயன்படுத்தியதற்கான வரலாற்றுச்சான்றாக மொங்கோலிய அரசனான ஜெங்கிஸ்கானின் மகனான ஒக்டாயின் தலமையின்கீழ் மொங்கோலியர்கள் சீனத் தார்த்தாரியர்களின் காய்பெங்பூ நகரைத்தாக்கியபோது சீனர்கள் தமது நகரைக்காக்க ராக்கட்களை பயன்படுத்தினர். என்பதிலிருந்து அவர்கள் வானியல் பற்றி அறிந்திருந்தனர். என்பதனை உணர்ந்து கொள்ளலாம்.

ஆனால் இது பிற்பட்ட காலத்திலேயே இதை இவர்கள் அறிந்திருந்தனர் எனவே விமான தொழில் நுட்பத்தின் முன்னோடிகள் நிச்சயமாக இந்துக்களாகவே இருந்திருக்க வாய்ப்புள்ளது.

மேலும் கி.பி.1280ல் ஹசன் அல்ரமா என்பவரால் அரபு மொழியில் எழுதப்பட்ட கையெழுத்துப்பிரதி ஒன்றில் ராக்கட்களை அமைப்பது விண்வெளியில் பயணத்தை மேற்கொள்வது அவற்றை எப்படி அமைப்பது வெடிமருந்து தயாரிப்பது என்பதுபற்றிய குறிப்புக்கள் காணப்படுகிறது. ஆங்கிலேயருக்கெதிராக 1780இல் இளவரசன் ஹைதர்அலிகான் ராக்கட் தாக்குதல் செய்து ஆங்கிலேயரை வியப்பில் ஆழ்தினான் என்றுஒரு குறிப்பும் உண்டு.

இவையும் பிற்பட்ட காலத்தில் எழுந்தவைகளே எனலாம். அத்துடன் கிறிஸ்துவின் காலத்திலும் வானதேவதைகள் பற்றிக் குறிப்பிட்டாலும் அதற்கு முன்னரே இந்து இலக்கியங்களில் விமானம் பற்றிய சிந்தனை காணப்படுகிறது.

சீன. மற்றும் இலத்தீன் மொழிகளில் விமானம் பற்றிய செய்திகள் அந்நூல்களில் காணப்பட்டாலும் அவை எல்லாம் பிற்காலத்தில் எழுந்தவைகளே! எனலாம் ஆகவே இந்துதர்மத்தைக் கூறுகின்ற புராணங்கள். இதிகாசங்கள் காப்பியங்கள். ஆகியவற்றில் கிறிஸ்துவுக்கு முற்பட்ட காலத்திலிருந்தே விமானம் பற்றிய சிந்தனை இருந்திருக்கின்றது.

இதிலிருந்து விமானத்தொழில் நுட்பத்தின் முன்னோடிகள் இந்துக்களாகவே இருந்திருக்கின்றார்கள் என்ற கருத்தே முதன்மை பெறுகின்றது. இவை கற்பனைக்கதை எனக் கூறினாலும் இதிலுள்ள விமானத் தொழில்நுட்பம் வியப்புக்குரியது.

'வாய்விட்டு சிரித்தால், நோய்விட்டுப் போகும்'

noreply@blogger.com (கதம்பம் வலைப்பூ) — Thu, 13 Aug 2009 17:42:00 +0530

'வாய்விட்டு சிரித்தால், நோய்விட்டுப் போகும்' என்ற பழமொழி அனைவராலும் ஏற்றுக்கொள்ளப்பட்ட ஒன்று. இதனை ஏற்றுக்கொள்ளாத சில நபர்களும் உண்டு.

அத்தகையோரும் உணர வேண்டும் என்ற நோக்கில், 'இந்தப் பழமொழி என்றென்றும் உண்மையானதே' என நவீன அறிவியல் மருத்துவ ஆய்வுகளும் எடுத்துரைக்கின்றன.

சிரிப்பினால் உடலுக்கு உண்டாகும் நன்மைகள், சிரிக்கும்போது வெளியே மின்னும் பற்களின் எண்ணிக்கையைக் காட்டிலும் அதிகம் என்பதை அம்மருத்துவ ஆய்வுகள் வாயிலாக அறியலாம்.

சிரிப்பின் பலன்கள்

* சிரிக்கும்போது, உடலுக்குள் போதுமான அளவில் ஆக்ஸிஜன் செல்கிறது. இதனால், உடல் ஆரோக்கியம் சிறந்தோங்கும்.

* தசைகளில் வலிகள் உண்டாகாமல் பார்த்துக்கொள்வதுடன், மன அழுத்தத்தையும் போக்குகிறது. தகவல்களை உடனுக்குடன் உள்வாங்கும் வகையில் செயல்பட, மூளைக்கு உறுதுணையாக இருக்கிறது.

* சமூகத்தோடு ஒன்றி, மகிழ்ச்சியுடன் வாழ வழிவகுக்கிறது. நகைச்சுவை உணர்வும், எப்போதும் சிரித்துக்கொண்டே இருக்கும் நபர்களைச் சுற்றி, ஒரு கூட்டம் இருப்பதே இதற்குச் சான்று.

* உடல் சோர்வு ஏற்படாமல் தவிர்த்து, புத்துணர்வுடன் செயலாற்ற உதவுகிறது. எவ்வளவு கடினமான பணிகளை மேற்கொண்டாலும், புதிய உத்வேகம் கிடைக்கும் வண்ணம் தூண்டுதலை ஏற்படுத்துகிறது.

* இரத்த ஓட்டம் சீராக இருக்க துணைபுரிகிறது.

* இருதயம் தொடர்பான நோய்கள் வராமல் இருக்கவும் வகை செய்வதாக ஆய்வுகள் தெரிவிக்கின்றன.

இத்தகையை பலன்களைத் தரும் சிரிப்பினை, நாம் ஒரு நாளைக்கு 15 தடவைகளாவது உதிர்க்க வேண்டும். அதுவும் வாய்விட்டு, வயிறு குலுங்க சிரித்தால் மேலும் நன்மை பயக்கும்.

நாள்தோறும் சிரிப்பதெற்கென, பிரத்யேக யோகா பயிற்சிகளும் உள்ளன என்பதை கருத்தில்கொண்டு, சிரித்து வாழலாம்.

அதுக்காக வீதிகளிலை போகும்போதும் சிரிக்கதையுங்கோ. பிறகு தெரியும் தானே.........

நன்றி : நூலகம்

திராவிடப் பல்கலைக்கழகம்

noreply@blogger.com (கதம்பம் வலைப்பூ) — Thu, 13 Aug 2009 08:22:00 +0530

திராவிட மொழிகள் உலகின் மிகப் பழமையான மொழிக் குடும்பங்களில் ஒன்றாகும். திராவிட மொழிகளாக 27 மொழிகள் அடையாளம் காணப்பட்டுள்ளன. அவற்றில் தமிழ், தெலுங்கு, கன்னடம், மலையாளம் ஆகிய மொழிகள் சிறப்பான வளர்ச்சியைப் பெற்று தற்காலம் வரை சிறப்பான வரலாற்றையும் பெருமையையும் உடையதாக உள்ளன. இம்மொழிகள் கால மாற்றங்களினால் தனித்தனியாக பிரிந்து, தனித்தனி வரலாற்றை உருவாக்கி கொண்டன. மேலும் திராவிட இனமாக ஒன்றுப்பட்டு இருந்த மக்கள் அனைவரும், மொழி சார்ந்து பிரிய வேண்டிய நிலையும் ஏற்பட்டது. இந்நிலையில் திராவிட மொழிகளின் பொதுவான பண்புகள், சிறப்புகள் மற்றும் இவற்றிட்கு இடையே உள்ள தொடர்புகளை அறியவும், அதன் மூலம் உயர்வான பல இலக்குகளை அடையவும் ஒரு அமைப்பு தேவைப்பட்டது. இந்த தேவையை நிறைவு செய்யவும் திராவிட மற்றும் தேசிய ஒருமைபாட்டுக்கு ஆதாரமாகவும் உருவாக்கப்பட்டதே "திராவிடப் பல்கலைக்கழகம்".

இப்பல்கலைக்கழகம் தமிழ்நாடு, ஆந்திரம், கர்நாடகம் ஆகிய மாநிலங்களுக்கு இணைப்புப் பாலம் போல் இருக்கின்ற "குப்பம்" என்ற நகரத்தில் அமைந்துள்ளது. இந்நகரம் ஆந்திர மாநிலத்தில் அமைந்திருந்தாலும் தமிழ், தெலுங்கு, கன்னடம் ஆகிய திராவிட மொழிகள் பேசும் மக்கள் இங்கு வசிப்பதால் இது "மும்மொழி சந்திப்பு" என்றே அழைக்கப்படுகிறது. இதனால் திராவிட பல்கலைக்கழகம் இங்கு அமைந்துள்ளது சிறப்பான பொருளை கொள்கிறது. 'திராவிடப் பல்கலைக்கழகம்' 1997-ம் ஆண்டு ஆந்திர அரசால் தமிழ்நாடு, கேரளா, கர்நாடகா ஆகிய மாநில அரசுகளுடன் இணைந்து உருவாக்கப்பட்டது.

திராவிடப் பல்கலைக்கழகம், எல்லா திராவிட மொழிகளுக்கும் உள்ள பொதுவான பண்பாட்டு, இலக்கிய மற்றும் வரலாற்று அடிப்படைகளை கண்டறிவது மற்றும் அதனை மேம்படுத்துவது போன்ற பணிகளை செய்து வருகிறது. பல்கலைக்கழகத்தின் முக்கிய நோக்கம் திராவிட மொழிகளுக்கு இடையே ஒருமைப்பாட்டை உருவாக்குவதாகும். மொத்தம் 27 மொழிகள் திராவிட மொழிகளென அறியப்பட்டாலும் அவற்றில் நான்கு மொழிகள் மட்டுமே எழுத்துகளுடன் நிலைப்பெற்றுள்ளன. சரியான எழுத்து வடிவத்தை அடையாத, சமூக, பொருளாதார ரீதியில் பின் தங்கிய மக்களால் பேசப்பட்ட மற்ற திராவிட மொழிகள் முழுமையாக வளர்ச்சியடையாமல் போய்விட்டன. இவ்வாறு சரியான எழுத்து வடிவம் பெறாமல் வளமையான பேச்சு வழமையை மட்டும் கொண்டுள்ள திராவிட மொழிகளுள் 'துளு' மொழியும் ஒன்று. பேச்சு வழக்கில் மட்டும் உள்ள மொழிகள் இத்தனைக் காலம் தாக்குப் பிடித்திருந்தாலும் அதனை பேசுவோர் எண்ணிக்கை குறைந்து கொண்டே வருவது குறிப்பிடத்தக்கது. இந்நிலையில் இவ்வகையில் வழக்கொழிந்து வரும் திராவிட மொழிகளை காக்கவும் மற்றும் வளர்ச்சியடைந்த திராவிட மொழிகளுக்கு இடையே ஒருமைப்பாட்டை ஏற்படுத்தவும் வேண்டியது வரலாற்று அவசியமாகும். இத்தேவையை நிறைவு செய்யக்கூடிய விதமாக உருவாக்கப்பட்டுள்ளது திராவிடப் பல்கலைக்கழகம். இதற்கான செயல்களை செய்வது இன்றைய தலைமுறையின் மிகவும் முக்கியமான கடமையும் ஆகும். தற்போது 'துளு' மொழியில் கல்விப் பிரிவுகளை திராவிட பல்கலைக்கழகம் இந்தியாவிலேயே முதல் முறையாக அறிமுகப்படுத்தியுள்ளது.

திராவிட பல்கலைக்கழகம் சமூக, பொருளாதார ரீதியில் பின் தங்கிய மக்களால் பேசப்பட்ட மற்ற திராவிட மொழிகளின் வளர்ச்சிக்கு துணை செய்யும் வகையில் அம்மொழிகளில் கற்றல் கருவிகள், வாய்ப்புகள் போன்றவற்றை உருவாக்கி வருகிறது. கூடவே அந்தந்த மொழி சார்ந்த அடையாளங்களிலும் கவனம் செலுத்தி வருகிறது. இவ்வாறு பலதரப்பட்ட முயற்சிகளால் திராவிட மொழிகளின் அடிப்படைகளிலும், திராவிட பண்பாட்டு கூறுகளிலும் ஆர்வத்துடன் செயல்பட்டு அதனை பாதுகாக்கவும், மேம்படுத்தவும் செயல்பட்டு வருகிறது திராவிட பல்கலைக்கழகம். திராவிட பல்கலைக்கழகம் அமைக்கப்பட்டதன் முக்கிய நோக்கமாவது, திராவிடத்துவத்தின் உலகளாவிய பார்வை, உயர்கல்வி ஆக்கம் மற்றும் கிராம மற்றும் பின் தங்கிய மக்களின் முன்னேற்றம் ஆகியவை ஆகும்.

மேலும் திராவிட பல்கலைக்கழகம் உருவாக்கப் பட்டதன் பின்னணியில், தேசிய அளவில் மொழி மற்றும் பண்பாடு சார்ந்த ஒருமைப்பாட்டை உருவாக்க வேண்டும் என்கிற உயரிய நோக்கமும் உள்ளது. இப்பல்கலைக்கழகம் சென்னை, பெங்களூர் போன்ற நகரங்களில் இருந்து எளிதில் அடையக்கூடிய தொலைவில் உள்ளது. தற்போது இங்கு திராவிட "கலைகள் மற்றும் பண்பாடு - ஒப்பீடு, கல்வி மற்றும் மனித வள மேம்பாடு, அறிவியல் மற்றும் தகவல் தொழில்நுட்பம், திராவிட இயற்கை மருத்துவம் மற்றும் இயற்கை முறை நோய் தீர்வு" ஆகிய தனித்தனி துறைகளை கொண்டுள்ளது. ஒவ்வொரு துறையும் அதனுள் மேலும் சில பிரிவுகளை கொண்டிருக்கிறது. தவிர "பிராசரங்கா" என்ற பதிப்பு பிரிவும், "அனுஸ்ருஜான" என்ற மொழிப்பெயர்ப்பு பிரிவும் உள்ளன.

திராவிட மொழி சார்ந்த புத்தகங்கள், உரைகள், கட்டுரைகள் போன்றவற்றை நான்கு முக்கியமான திராவிட மொழிகளிலும், ஆங்கிலத்திலும் வெளியிடப்படுகின்றன. மேலும் திராவிட சார்ந்த கல்வியை பிரபலமாக்க மற்ற இந்திய மொழிகளிலும் இவ்வகை வெளியீடுகள் திட்டமிடப்பட்டுள்ளன. மொழிமாற்றத் துறையை சார்ந்த வரை இப்பல்கலைக்கழகத்தின் மிக முக்கிய துறையாக உள்ளது. ஏனெனில் ஒருமைப்பாடு என்பது ஒவ்வொரு மொழியும் அதன் இலக்கிய மற்றும் எழுத்து வளத்தை மற்றொன்றோடு பரிமாறிக் கொள்வதில் அடங்கியிருக்கிறது. இவ்வகையில் ஒரு மொழியில் உள்ள வளங்கள் மற்ற திராவிட மொழிகளில் மொழிமாற்றம் செய்யப்படுகின்றன. மேலும் திராவிட மொழிகளுக்கு பொதுவான சொல்கள், திராவிட மொழிகளுக்கு பொதுவான அகராதிகள் போன்றவற்றை உருவாக்கும் முயற்சியிலும் திராவிட பல்கலைக்கழகம் முனைப்புடன் செயல்பட்டு வருகிறது. மேலும் பல ஆய்வுத் திட்டப் பணிகளும் வேகமாக நடைப்பெற்று வருகின்றன.

இவை தவிர படிக்கும் மாணவர்கள், ஆய்வு செய்யும் மாணவர்கள் ஆகியோரை ஊக்கப்படுத்தும் விதமாக பல்வேறு விருதுகளையும், உதவித் தொகையையும், பரிசுத் தொகைகளையும் பல்கலைக்கழகம் வழங்கி வருகிறது. இப்பல்கலைக்கழகம் சிறப்பான வளர்ச்சியை அடைவது திராவிட மொழிகளுக்கும், ஒன்றுப்பட்ட திராவிட பாரம்பரியத்திற்கும் மிகவும் அவசியமான ஒன்றாகும். திராவிட மொழிகளின் ஒருமைப்பாட்டையும் திராவிட பண்பாட்டின் ஒருமைப்பாட்டையும் ஒரே இடத்தில் கற்கவும், ஆய்வுகள் செய்யவும், மேம்படுத்தவும் ஆதாரமாக விளங்கும் திராவிடப் பல்கலைக்கழகம் விரைவாக அதன் இலக்குகளை அடையவும், மேலும் பலமடங்கு விரிவடையவும் வாழ்த்துவோம்.

இப்பல்கலைக் கழகத்தை பற்றிய மேலும் விவரங்களுக்கு http://www.dravidianuniversity.ac.in என்ற இணையத்தள முகவரியை காணவும்.

நன்றி : இணைய நூலகம்

பறக்கும் தட்டுகளும் பிறக்கும் கேள்விகளும்-1

noreply@blogger.com (கதம்பம் வலைப்பூ) — Wed, 12 Aug 2009 21:47:00 +0530

பறக்கும் தட்டுக்கள், அயல் கிரகவாசிகளின் வருகை போன்றவை நிஜம்தானா அல்லது பார்த்ததாகக் கூறுபவர்களின் கற்பனையா என்று இன்னமும் அறுதியிட்டுத் தீர்க்கமாகக் கூற முடியவில்லை- இது போல் அடையாளம் கண்டுபிடிக்க முடியாத, ஆராய்ச்சியினாலும் உறுதி செய்யப்படமுடியாத அன்னியத் தோற்றங்களை UFO ( Unidentified Flying Objects) என்று சொல்கிறார்கள் இப்படிப்பட்ட அபூர்வமான பொருட்கள் ஆங்காங்கே காட்சியளிப்பதாக பன்னெடுங்காலங்களாக செய்திகள் பரவிவந்தாலும் 1947ம் ஆண்டுக்குப் பிறகுதான் இதைப்பற்றிய அதிகமான செய்திகள் உலகின் பார்வைக்கு வரத் துவங்கின.

1947ம் ஆண்டில் அமெரிக்காவில் வானில் பறக்கும் தட்டைக் கண்டதாக வந்த செய்திக்குப் பிறகு உலகின் பல்வேறு பாகங்களிலிருந்தும் பல்லாயிரக்கணக்கானவர்கள் தாங்களும் அத்தகைய பொருட்களைக் கண்டதாக வெளியில் கூறத் துவங்கினர். இன்னும் பலர் பார்த்திருந்தால் கூட வெளியே சொன்னால் ஏளனம் செய்வார்களோ என எண்ணி வெளியே சொல்லாமல் கூட இருந்திருக்கலாம். உலகம் முழுதும் UFO என்றாலே வேற்று கிரகத்திலிருந்து பூமிக்குள் நுழைந்துள்ள ஒரு வான ஊர்தி என்றே நம்பினார்கள் - பெரும்பாலும் பறக்கும் தட்டுக்கள் என்று அவற்றைக் குறிப்பிட்டார்கள்.

இன்று நேற்றல்ல - மிகப்பழைய காலம் முதலாகவே இதுபோன்ற அபூர்வக் காட்சிகளை வானில் பார்த்ததாகச் செய்திகள் உள்ளன. இவைகளில் பல வழக்கமாக ஏற்படும் வால் நட்சத்திரங்கள், எரிகற்கள் போன்று வானவியல் மாற்றங்களாக இருக்கலாம். கி.மு1450ல் ஐந்து மீட்டர் அளவு கொண்ட, சூரியனை விடப் பிரகாசமான ஒளிவட்டங்களை வானில் கண்டதாகவும் அவை பல நாட்கள் தோன்றியதாகவும் பின்னர் உயரே சென்று மறைந்ததாகவும் செய்திகள் உள்ளன. ரோமானிய சிரியர் ஜூலியஸ் ப்சிக்வின்ஸ் கி.மு 99ம் ஆண்டு சூரியன் மேற்குதிசையில் மறையும் வேளையில்ஒரு உருண்டையான பொருள் மேற்கிலிருந்து கிழக்கு நோக்கிச் சென்றதாகக் குறிப்பிட்டுள்ளார். 1561ம் ஆண்டு ஜெர்மனியிலுள்ள நியூரம்பெர்க் நகரில் ஏதோ ஒன்றுக்கொன்று கடும் சண்டையிட்டுக் கொள்வது போல வானில் இங்கும் அங்கும் பறந்து செல்லும் பல்வேறு வினோதப் பொருட்கள்- ஒரு பெரிய சிலிண்டரிலிருந்து பல கோளங்களும் தட்டுக்களும் (பீரங்கியிலிருந்து குண்டுகள் பாய்வதுபோல்) வெளிவந்தனவாம். இவையெல்லாம் என்னவோ விபரீதமாக நடக்கப் போகிறது என்பதற்கான அறிகுறியாகவோ கெட்ட சகுனமாகவோஅல்லது தேவதைகள் வானில் காட்சி அளிப்பதாகவோ கருதப்பட்டு வந்தன. இந்தச் செய்திகள் எல்லாம் இன்றும் கூட பறக்கும் தட்டுக்களைப் பார்த்ததாகச் சொல்லப்படும் செய்திகள் போன்றவைதான் என்று UFO பற்றி ஆராய்ச்சி செய்பவர்கள் சொல்கிறார்கள்.

1870ம் ஆண்டு சிலி நாட்டிலுள்ள கோபியபோ நகரில் ஜான் மார்டின் என்ற விவசாயி
வானில் கருப்பான உருண்டையாக பலூன் போல் காட்சியளித்த பொருள் ஒன்று படுவேகமாகப் பறந்து செல்வதைப் பார்த்ததாக உள்ளூர் தினசரி ஒன்று குறிப்பிட்டிருக்கிறது. 1882ம் ஆண்டில் கிரீன்விச் அப்செர்வேடரியின் குறிப்புகளில் "'ஒரு வட்ட வடிவான' 'அரிதான வானுலக விருந்தாளி' யைப் பற்றிய் குறிப்பு காணப்படுகிறது. இது எரிநட்சத்திரத்திலிருந்து முற்றிலும் வேறுபட்டது என்றும் கூறியது. இந்த அதிசய நிகழ்வை ஐரோப்பாவைச் சேர்ந்த இன்னும் பல வானசாஸ்திர ஆராய்ச்சியாளர்களாலும் கண்டதாகச் சொன்னார்கள். 1904ம் ஆண்டு அமெரிக்காவின் கப்பற்படையைச் சேர்ந்த மூவர் தாங்கள் வானில் கண்ட அதிசயத்தைப் பற்றிக் கூறினர். மூன்று பிரகாசமான சிவந்த உருண்டையான சாதனங்கள் அணிவகுத்து மேகங்களுக்குக் கிழே சென்றதாகவும் பின்னர் பாதை மாறி விண்ணை நோக்கிப் பறந்ததாகவும் குறிப்பிடுகின்றனர். அவை நம் பார்வையில் தெரியும் சூரியனை விட ஐந்து அல்லது நூறு மடங்கு பெரியவையாய் இருந்தனவாம்.

1926ம் ஆண்டு சூரியனைவிடப் பெரிய அளவில் மிகுந்த பிரகாசமாக கோளவடிவத்தில் ஒரு சாதனம் வெகுவேகமாகச் சென்றதாக ஒரு செய்தி. 1942ல் கலிபோர்னியாவில் ஒரு அடையாளம் தெரியாத விமானம் வானிலேயே நிலைத்து நின்றதாக வேறு ஒரு செய்தி என்று இப்படிப் பல செய்திகள் உலவின. இதில் கலிபோர்னியா சம்பவம் "லாஸ் ஏன்ஜலீஸ் யுத்தம்" என்று சொல்லப்பட்டது.

இதே நேரத்தில் ஸ்கான்டினேவியன் நாடுகளில் இதே போன்று அடையாளம் தெரியாத விமானங்களைக் கண்டதாக கிட்டத்தட்ட 2000 செய்திகள் வந்தன. இது தவிர •பிரான்ஸ், போர்ச்சுகல், இத்தாலி, கிரேக்க நாடுகளிலிருந்தும் தகவல்கள்- ஜெர்மனியில் சண்டையின் போது கைப்பற்றிய ராக்கெட்டுகளில் ரஷ்யா நடத்திய சோதனைகள்தான் இவை எனக் கருதப்பட்டதால் இந்த நிகழ்வுக்கு "ரஷ்யப் பொழிவு" என்று பெயர் சூட்டினர். ஆனால் உண்மையில் ரஷ்யர்கள் நடத்திய சோதனையல்ல என்று பின்னால் தெரிந்தது. இன்னும் இந்த நிகழ்விற்கான சரியான விளக்கம் கிடைக்கவில்லை. இத்தகைய விமானங்களில் கிட்டத்தட்ட 200 விமானங்களை ரேடாரிலும் காண முடிந்தது. எனவே அந்தச் செய்திகள் உண்மையானவையாகவே இருந்திருக்க வேண்டும் எனச் சொல்லப்படுகிறது. மற்றவை யாவும் எரிகற்கள், வால் நட்சத்திரங்கள் இவற்றைப் பார்த்துவிட்டுத் தவறாகப் புரிந்துகொண்டதால் இருந்திருக்கலாம்.

(பறக்கும் தட்டுகளின் பயணம் தொடரும் )

நன்றி : இணையம்,நண்பர்கள்,நூலகங்கள்

சங்க காலத்தில் வட்டத்தின் பரப்பை கண்டுபிடிக்க சூத்திரம்

noreply@blogger.com (கதம்பம் வலைப்பூ) — Wed, 12 Aug 2009 11:33:00 +0530

செய்யுளில் கணிதம் சங்க காலத்தில் கணிதத்திலும் நம் முன்னோர்

.....வட்டத்தின் பரப்பை கண்டு பிடிக்க சூத்திரம் :

வட்டத் தரை கொண்டு

விட்டத் தரை காண

சட்டென்று தோன்றும் குழி-

எழுதியவர் பெயர் தெரியவில்லை.

வட்டத்து அரை - அதாவது சுற்றளவில் பாதி ( 1/2 * circumfrence= pi*r)

கொண்டு - அந்த அளவைக் கொண்டு

விட்டத்து அரை - ஆரை ( 1/2 * diameter = r)

காண - 'காண' என்பது பெருக்கலைக் குறிக்கிறது

சட்டென்று தோன்றும் குழி - குழியின் அளவு,அதாவது பரப்பளவு கிடைக்கும்.

வட்டத்து அரையை விட்டத்து அரையால் பெருக்க பரப்பளவு கிடைக்கும்.

வட்டத்தின் பரப்பளவு = வட்டத்து அரை * விட்டத்து அரை

= (1/2 * circumfrence) * (1/2 * diameter)

= (π*r) * (r)

= π*r²

இதன் மூலம் π(pi) என்ற அளவைப் பயன்படுத்தாமலேயே வட்டத்தின் பரப்பை நம் முன்னோர் கணக்கிட்டனர் என்பது தெளிவாகிறது.

நானும் எதோ ஒரு புத்தகத்திலை வாசிச்சனான் பாருங்கோ......

ஆனால் எனக் என்றால் கணிதம் மட்டம்

விளங்கிட்டுதோ???? 0000000000000000000000000000

இன்னும் விளங்கலையோ??? சுழியம் (பூச்சியம்)

இப்ப விளங்கியிருக்குமே.........

குழந்தைக்கு காய்ச்சலா... முத்தமிடுங்கள்!

noreply@blogger.com (கதம்பம் வலைப்பூ) — Tue, 11 Aug 2009 11:06:00 +0530

அழுகை

பல்வேறு குழந்தை நல நிபுணர்கள், குழந்தைகளின் அழுகைகளை ஆராய்ச்சி செய்து, எப்போது, எதற்காக குழந்தை அழுகிறது என்பதைக் கண்டறிந்துள்ளனர். ஒரு குழந்தை அழும்போது அம்மா செல்லமாகக் கொஞ்சினால் குழந்தை தற்காலிகமாக உடனே அழுகையை நிறுத்திவிடுகிறதாம். அதற்குள் குழந்தைக்கு உணவூட்டவோ, தாலாட்டவோ, மசாஜ் செய்யவோ, குளிப்பாட்டவோ செய்யலாம்.

தூக்கம்

பல பெற்றோர்கள் தங்கள் குழந்தைக்குத் தூக்கத்தை வரவழைப்பதற்காக காரில் அல்லது ஏதாவது வாகனத்தில் எடுத்துச் செல்வதை வழக்கமாகக் கொண்டுள்ளனர். ஆனால் இது, பணத்தையும், நேரத்தையும் வீணடிக்கும் ஒரு பழக்கமாக மாறிவிடக்கூடும். மாறாகக் குழந்தையை அதன் சக்கர நாற்காலியில் வைத்து மெதுவாக உருட்டலாம். அப்போது ஏற்படும் மெல்லிய அதிர்வு, நகர்வுக்குக் குழந்தை பழகி தூங்கத் தொடங்கி விடும்.

பாலூட்டுதல்

குழந்தைக்குப் பாலூட்டும்போது அதை மார்பகத்தை நோக்கி அழுத்த வேண்டாம். அப்போது குழந்தை அதன் இயல்பின்படி தனது தலையைப் பின்னோக்கித் தள்ளும்.

குழந்தையைத் தூக்குதல்

குழந்தையைத் தூக்கும்போது அதன் முதுகுப் புறமாக அதிகமாகப் பிடித்துத் தூக்கக்கூடாது, அது குழந்தையின் தண்டுவடத்தைப் பாதிக்கும் என்று சிலர் `அறிவுரை' சொல்வார்கள். ஆனால் உண்மை என்னவென்றால், பின்னால் பிடித்துத் தூக்குவது குழந்தையின் `ரிப்ளெக்ஸ்' திறனை மேம்படுத்துகிறது. பின்புற மற்றும் கழுத்துத் தசைகளையும், தண்டுவடத்துக்குத் துணையாக உள்ள தசைகளையும் வலுப்படுத்துகிறது.

ஆடை அணிவித்தல்

தங்கள் குழந்தையைக் கதகதப்பாக வைத்திருப்பதற்காக அம்மாக்கள் அவற்றுக்கு கை, கால் தெரியாமல் ஆடைகளை மாட்டிவிடுகிறார்கள். அதற்குப் பதிலாக காற்றோட்டமான, மெல்லிய துணி ஆடைகளை அணிவிக்கலாம். அது குழந்தை யின் இயல்பான உடல் வெப்பநிலையைப் பரா மரிக்க உதவுவதுடன், புற வெப்பநிலையிலிருந்தும் பாதுகாக்கும்.

மெதுவாகத் தட்டுதல்

குழந்தையின் நெற்றி, நெஞ்சு அல்லது பின்புறத்தில் மெதுவாகத் தட்டுவது ஒரு தூண்டலாகச் செயல்பட்டு குழந்தையைத் தூக்கத்தில் ஆழ்த்துகிறது. அப்போது எழும் ஓசையும் `பாசிட்டிவ்'வான பலனைத் தருகிறதாம்.

மஞ்சள் காமாலை

குழந்தை பிறந்த முதல் வாரத்திலேயே மஞ்சள் காமாலை பாதிப்பு அபாயம் ஏற்படலாம் என்று மருத்துவர்கள் எச்சரிப்பார்கள். அப்போது குழந்தையின் சருமம் வெளிர் மஞ்சளாகலாம். ரத்தத்தில் சேரும் `பிலிரூபினால்' தேகம் இப்படி மஞ்சளாக மாறுகிறது. குழந்தையின் மலம் பச்சை நிறத்திலிருந்து மஞ்சள் நிறமாக மாறுகிறது என்றால், ரத்தத்தில் உள்ள `பிலிரூபினை' உங்கள் குடல் வெளியேற்ற முயல்கிறது என்று அர்த்தம்.

வெப்பநிலையைச் சோதித்தல்

குழந்தைக்கு காய்ச்சல் அடிக்கிறது என்றால், பெரியவர்களைப் போல நெற்றியைத் தொட்டுப் பார்க்காமல், குழந்தையின் கழுத்தின் பின்புறம் முத்தமிடுவதன்மூலம் அதன் உடல் வெப்பநிலையைத் துல்லியமாக அறியலாம். நனைத்துப் பிழிநëத துணியை குழந்தையின் தலையில் போடுவதன் மூலம், மருத்துவச் சிகிச்சை அளிக்கும்வரை அதன் உடல் வெப்பநிலையைக் கட்டுப்படுத்தலாம்.

குளியல்

இளந்தாய்மார்கள் பலர் குழந்தையை எப்படி குளிப்பாட்டுவது என்று தெரியாமல் திகைத்துப் போகிறார்கள். அந்நேரத்தில் குழந்தை அழுதால் என்ன செய்வது என்று புரியாமல் தடுமாறிப் போகிறார்கள். அப்போது, பெரியவர்கள் அல்லது கணவரின் உதவியை நாடலாம்.

இடுப்பு ஆடை

குழந்தையின் இடுப்பு ஆடையை உடனுக்குடன் மாற்றத் தவறுவதால் நோய்த் தொற்று ஏற்படலாம். இன்று நவீன `டயாப்பர்கள்' வந்துவிட்டன. குழந்தையின் சருமத்தைச் சுத்தமாகவும், உலர்வாகவும், வாசனையற்றும் வைத்துக்கொள்வது முக்கியம்

நன்றி: தமிழ்மன்றம்

எங்கையோ சுட்டவை தொடர்ச்சி-2-காசியானந்தனின் உணர்வின் வரிகள்-

noreply@blogger.com (கதம்பம் வலைப்பூ) — Mon, 10 Aug 2009 19:14:00 +0530

பாடம்

புரட்சியாவது வெங்காயமாவது

என்கிறாய்

தெரிந்து பேசு

காயப்படுத்தியவனின் கண்ணீரை

வாங்கும் வெஙகாயம்.

சென்னிரை வாங்கும் புரட்சி

மாவீரன்

இது உயிருக்கு வந்த சாவு அல்ல

சாவுக்கு வந்த உயிர்

நிழல்
எதிரிகளால் அழிக்கப்பட்டன எங்கள் காடுகள்

நிமிர்ந்தோம்

இன்று-போராளிகளின் நிழலில் மரங்கள்

தளை

கணவனிடம் ஓப்புதல் கேட்கிறாள்

பெண்கள் விடுதலை அமைப்பில்சேர

கோயில்

செருப்புகளை வெளியே விட்டு

உள்ளே போகிறது அழுக்கு.

ஞானம்

ஞானம் பெற்றது

நீ-உன்மண்ணில்

பள்ளிக் கூடங்கள் கட்டப்பட்டதால்

நான்-என் மண்ணில்

பள்ளிக்கூடங்கள் இடிக்கப்பட்டதால்

நாற்காலி

இங்கே வேறுபாடு அதிகம் இல்லை

நாற்காலிக்கும் கட்டிலுக்கும்.

வீடு தூங்க கட்டில்

நாடு தூங்க நாற்காலி

நிமிர்வு
தேவை பயில்வன்களல்ல வீரர்கள்

உன் உடலின் கூனல்பற்றிய கவலைவிடு

வில்லில் இல்லாத நிமிர்வா?

மந்தை
மேடை தமிழா!

ஆடாய் மாடாய்

ஆனாயடா...நீ

என்றேன் கைதட்டினான்

மானம்
உன் கோவணம் அவிழ்க்கப்பட்டதா?

அவன் கைகளை வெட்டு

கெஞ்சி கோவணம் கட்டாதே

அம்மணமாகவே போராடு

மனிதன்
இவன் பசுவின் பாலைக்கறந்தால்

பசு பால் தரும் என்கிறான்.

காகம் இவன் வடையை எடுத்தால்

காகம் வடையை திருடிற்று

என்கிறான்

இப்படியாக மனிதன்....

போர்
ஊரில் உங்கள் சுடுகாடு.

சுடுகாட்டில் எங்கள் ஊர்.

இனவெறி
மாடுகள் காணாமல்போகும் என்று

தோலில் குறிபோடும் எங்கள் மண்

கொஞ்சநாளாய்...

மனிதர்களையே காணவில்லையே.

எங்கையோ சுட்டவை தொடரும்.............

எங்கையோ சுட்டவை-காசியானந்தனின் உணர்வின் வரிகள்

noreply@blogger.com (கதம்பம் வலைப்பூ) — Sun, 9 Aug 2009 08:44:00 +0530

சுனாமி

கடற்கரை மணல்
திரும்பிப்பார்த்தேன் காணவில்லை
சுவடுகள்.......

உலகமைதி

மாந்த நேயம் பேசின அணுகுண்டுகள் புறாக்களை பறக்கவிட்டன கழுகுகள். போராடிக்கொண்டிருக்கிறது அமைதி.

முரண்

இறைவனின் வாகனம் என்றான் நாயை

அவதாரம் என்றான் பன்றியை

இறைவனே என்றான் குரங்கை

இவனே திட்டினான் என்னை

நாயே!பன்றியே!குரங்கே!

கூண்டு

விடுதலை ஆவாரா சிறையில்
இருந்து என்கணவர்?
சோதிடம் கேட்கிறாள்
கூண்டுக்கிளியிடம்

கொலை

ஒரு நாள் வாழ்க்கை பூவுக்கு... விரியுமுன்பே பறித்து இனறவனுக்கு அர்ச்சனை செய்கிறான் நூறாண்டு வாழ்ககை வேண்டி தனக்கு

கொடை

தங்க வளையலைக்கழற்றி போராளியிடம் தந்தாள் செலவுக்குவைத்துக்கொள் உங்களில் பலருக்கு கைகளே இல்லை எனக்கு எதுக்கு வளையல்

மண்

என்னை என் மண்ணில் புதைத்தாய் பகைவனே! என் மண்ணை எங்கே புதைப்பாய்?

திமிர்

வேலைக்காரன்மேல் பாய்ந்தார்
நாயே பீட்டரை கவனித்தாயா?
இவர் வீட்டில் பீட்டர் என்றால் நாய் நாய் என்றால் மனிதன்

சாமி

எங்கள் குடிசையில்
அடிக்கடி சாமிஆடுவாள்
அம்மா ஏனோ தெரியவில்லை
அன்றும் இன்றும்
குடிசைக்கே வருகிறது சாமி
மாடிக்கே போகிறது வரம்

தாஜ்மஹால்

காதலி புதைக்கப்படட இடம் காட்டுகிறாய் காதலை புதைத்த இடம் காட்டு எங்கே ஷாஜஹானால் கசக்கி எறியப்பட்ட அந்தப்புரப்பெண்களின் கறுப்புகல்லறைகள்?

எங்கையோ சுட்டவை தொடரும்.............

சிறப்பாக பிளாக்(Blog) அமைய சில யோசனைகள்

noreply@blogger.com (கதம்பம் வலைப்பூ) — Mon, 3 Aug 2009 11:30:00 +0530

Blogs எவ்வாறு அமைய வேண்டும் என்பதை இந்த இணையத்தளம் தருகின்றது

http://www.sitesketch101.com/ என்ற முகவரியில் உள்ள தளம் பிளாக்குகள் அமைக்கவும் வெப்சைட்டுகளை உருவாக்கவும் பல வழிகளில் ஆலோசனை கூறும் தளமாக உள்ளது. இந்த தளத்தின் மேலாக உள்ள நேவிகேஷன் பாரில் இத்தளம் தரும் உதவிகளை வகைகளாகப் பட்டியல் இட்டுத் தந்துள்ளது. அவை:

Blogging Tips: இங்கு உங்களுடைய பிளாக்குகளைச் சிறப்பாக்க அவற்றில் தரப்படும் கருத்துக்கள் எதைப் பற்றி எப்படி இருக்க வேண்டும் எனவும் அந்த வலைமனைகளுக்கு நிறைய பேர் வருவதற்கான சூழ்நிலையை எப்படி உருவாக்க வேண்டும் எனவும் டிப்ஸ்கள் நிறைய தரப்பட்டுள்ளன.

Fonts: உங்களுடைய பிளாக்குகளின் தலைப்பை அமைக்க ஒரு நல்ல பாண்ட் வேண்டுமா? அதுவும் ஷார்ப்பாக சிறப்பாக இருக்க வேண்டுமா? அப்படியானால் இந்த பிரிவில் நிச்சயம் நுழைய வேண்டும். இங்கு இலவசமாகக் கிடைக்கக் கூடிய தளங்கள் குறித்தும் எழுத்து வகைகள் குறித்தும் தகவல் கள் தரப்படுகின்றன. உங்கள் வலைமனை களை எந்த எழுத்துக்களைக் கொண்டு கவர்ச் சியாக அமைத்திடலாம் என்றும் எடுத்துக் காட்டப்படுகிறது.

Graphics: இங்கு உங்கள் வலைமனைகளுக்கான கிராபிக்ஸ் எங்கு கிடைக்கும் என்ற தகவல் தரப்படுகிறது. அத்துடன் மிகச் சிறப்பாக வெப் சைட்டுகளையும் பிளாக்குகளையும் அமைத்தவர்களுடன் பேட்டியும் தரப்படுகிறது. கிராபிக்ஸை எப்படி சிறப்பாகப் பயன்படுத்தலாம் என்ற அறிவுரையும் தரப்படுகிறது. குறிப்பாக பிளாக்குகளுக்கான டிசைன்களை வடிமைக்கையில் எப்படி கிராபிக்ஸ் உதவுகிறது என்றும் அறிவுரை தரப்படுகிறது.

Inspiration: இங்கு மற்ற பிளாக்குகளை எடுத்துக் காட்டி எப்படி உங்கள் வலைமனைகளை இன்னும் சிறப்பாக அமைக்கலாம் என்று எடுத்துச் சொல்லப்படுகிறது. இந்த தளத்திலேயே எனக்குப் பிடித்த பிரிவு இதுதான்.

Search Engines: பெரும்பாலான இணைய தளங்கள் அந்த தளங்களில் தங்களுடைய அல்லது பிற நிறுவனங்களின் சர்ச் இஞ்சின் எனப்படும் தேடுதல் தளங்களை அமைக்கின்றனர். தளம் அமைத்தவர்களுடையதோ அல்லது கூகுள் நிறுவனத்தினுடையதோ, இன்டர்நெட்டில் உள்ள எத்தகைய தளத்திலும் ஒரு சர்ச் இஞ்சின் இருக்க வேண்டும் என்பது கட்டாயமாகியுள்ளது. இந்த பிரிவில் அப்படிப்பட்ட ஒரு சர்ச் இஞ்சினை உங்கள் பிளாக்கில் எப்படி அமைப்பது என்ற விபரங்கள் தரப்படுகின்றன.

Updates: கடைசியாகத் தரப்பட்டுள்ள பிரிவானாலும் முக்கியமான பிரிவாகும். இதில் அண்மைக் காலத்தில் வந்த சைட் அப்டேட் பைல்கள் பட்டியல் தரப்படுகிறது. அன்றைய செய்தியும் கிடைக்கிறது. பிளாக்குகள் வைத்துள்ள அனைவரும் கட்டாயம் சென்று பார்க்க வேண்டிய இணைய தளம் இது.

இணையத்தளச்சுட்டி: http://www.sitesketch101.com/

நன்றி: கம்ப்யூட்டர்மலர்

வானத்தை அளந்து பார்க்கலாம் வாங்க!!! :ஒரு மென்பொருள்

noreply@blogger.com (கதம்பம் வலைப்பூ) — Sun, 2 Aug 2009 12:19:00 +0530

சமீப காலமாக வானியல் பற்றிய ஆய்வுகள் அதிகரித்துள்ளன.
அத்தகைய வானியல் பற்றிய தகவல்கள் பல இடங்களில் சிதறிக்கிடப்பதை விட ஒரே இடத்தில் இருந்தால் பயன் மிக அதிகமாக இருக்கும் என கருதுகிறேன்.வானவியல் தகவல்களை, புதிரோ புதிர் போல ஒரே இடத்தில் பெற இது நல்ல வாய்ப்பாக இருக்கும்.

முதலில் Stellarium 0.10.2 மென்பொருள் பதிவிறக்கம் செய்து கொள்ளுங்கள்.
இதை நிறுவிக் கொள்ளலாம்.

இதன் பிறகு வானத்தில் நட்சத்திர மண்டலங்களை 12 இராசி மண்டலங்கள் அதன் பிற்பாடு 88 நட்சத்திர மண்டலங்கள், 8 கிரகங்கள் என பார்ப்போம்.

கிரகங்களைப் பற்றி இதைப் படிப்பவர்கள் உங்கள் கருத்துக்களை பதிவிடுங்கள்.

வானம் மொத்தம் 360 பாகைகளாக இருக்கிறது அல்லவா? இந்த 360 பாகைகளை 12 ஆக 30 பாகைகள் ஒரு இராசி எனப் பிரித்து இருக்கிறார்கள். (30 மில்லி ஒரு பெக்(peg) என்பதை குடிமகன்களும், 30 மில்லி ஒரு அவுன்ஸ்(ounces) என வெறும் மகன்களும் நினைவில் கொள்ளலாம்).இந்தப் பகுதியில் உள்ள பெரிய நட்சத்திரங்களின் வடிவத்தைப் பொறுத்து அவற்றிற்கு பெயரிட்டு இருக்கின்றனர்.

மேச ராசி

ரிசப ராசி:

சரி இப்போ எப்படி இந்த ராசிகளை அடையாளம் காண்பது? சந்திரனை வைத்துதான்http://en.wikipedia.org/wiki/Nakshat...a_descriptions இங்கே நட்சத்திர அடையாளங்கள் கொடுக்கப்பட்டிருக்கும். நமது நாட்காட்டியில் அன்று என்ன நட்சத்திரம் என்று கொடுக்கப்பட்டிருக்கிறதோ அந்த நட்சத்திரத்தின் அருகே சந்திரன் இருக்கும்.
ஆக இதைக் கொண்டு இருபத்தேழு நட்சத்திரங்களையும்.மற்றும் 12 இராசிகளையும் வானத்தில் அடையாளம் காணலாம். இதே போல Stellarium 0.10.2 மென்பொருள் மூலமாக இந்த நட்சத்திர மண்டலங்களை அடையாளம் காணலாம். மொட்டை மாடியில் இனி தூங்கப் போறவங்க எல்லாம் கையைத் தூக்குங்க..இந்த விவரங்களைக் கொண்டு 5கிரகங்கள் மற்றும் 27நட்சத்திரங்கள் 12இராசிகளை அடையாளம் கண்டு பிடியுங்கள்....

நன்றி:தமிழ்மன்றம்

குழந்தைகளுக்கான ஐந்து தளங்கள்

noreply@blogger.com (கதம்பம் வலைப்பூ) — Sat, 1 Aug 2009 14:40:00 +0530

கம்ப்யூட்டர்கள் இன்று நம் வாழ்வின் ஓர் அத்தியாவசிய சாதனமாக மாறிவிட்டது. கம்ப்யூட்டரின் அடிப்படையையும் அதனை இயக்குவதனையும் தெரிந்து கொள்வது இன்றியமையாத ஓர் திறனாக அமைந்துவிட்டது. எனவே குழந்தைகள் கற்கத் தொடங்கியவுடன் கம்ப்யூட்டர் இயக்கத்தினையும் தெரிந்து கொள்ள வேண்டும். கற்றுக் கொள்வது எப்போதும் முறையோடு தொடங்கிச் சீராகச் செல்லவேண்டும். அப்போதுதான் ஆழமாக எதனையும் புரிந்து கற்றுக் கொள்ள முடியும். இங்கு குழந்தைகள் அவசியம் கற்றுக் கொள்ளக் கிடைக்கும் இலவச கம்ப்யூட்டர் புரோகிராம்கள் குறித்த தகவல்கள் தரப்படுகின்றன.

1.Tux of Math Command: அனைத்து அறிவியலுக்கும் கணிதமே அடிப்படை என்று சொல்லப்படுகிறது. குழந்தைகளுக்கு அவர்கள் கற்றலின் தொடக்கத்திலேயே கணிதத்தைக் கற்றுக் கொடுத்தால் கணிதத்தின் அடிப்படை குறித்த நல்ல அறிவு பெறுவதுடன் தொடர்ந்து அறிவியலின் அனைத்து பரிமாணங்களையும் கற்றுக் கொள்ள எளிதாக இருக்கும். இந்த புரோகிராம் அதனைத் தருகிறது. சில விளையாட்டுக்கள் மூலம் முதலில் கூட்டல், கழித்தல், பெருக்கல் மற்றும் வகுத்தலை இது கற்றுக் கொடுக்கும் வழி சிறப்பாக உள்ளது. எடுத்துக் காட்டாக ஓர் எரிநட்சத்திரம் பூமியை நோக்கி வருகிறது. அதில் கணக்கு ஒன்று காட்டப்படுகிறது. கீழே ஐஸ் கட்டி வீடும் அதனுள் பெங்குவின் பறவைகளும் உள்ளன. குழந்தை தான் பெங்குவின் பறவை. எரி நட்சத்திரம் பூமியை நெருங்கும் முன் இந்த பெங்குவின் அதனை அழிக்க வேண்டும். எப்படி அழிக்க முடியும்? அந்த எரிநட்சத்திரத்தில் உள்ள கணக்கிற்கு விடை தர வேண்டும்.இந்த வகையில் கணிதம் கற்றுக் கொடுக்கப்படுகிறது. எந்தக் குழந்தைக்குத்தான் இது மகிழ்ச்சியைத் தராது! அதே சமயத்தில் கணிதத்திலும் திறன் வளரும்! இந்த புரோகிராமினைப் பெற http://tux4kids.alioth.debian.org/tuxmath/download.php என்ற முகவரியில் உள்ள தளத்திற்குச் செல்லவும். விண்டோஸ், மேக் மற்றும் லினக்ஸ் என அனைத்து ஆப்பரேட்டிங் சிஸ்டங்களுக்கான புரோகிராம்கள் தரப்பட்டுள்ளன.

2.Crayon Physics: கணிதத்தை அடுத்து அறிவியலுக்குச் செல்லலாம். கிரேயான் பிசிக்ஸ் என்ற பிரபலமான விளையாட்டிற்கான புரோகிராம் அறிவியல் கற்றுக் கொள்வதில் ஒரு நல்ல தொடக்கத்தைத் தருகிறது. இந்த விளையாட்டில் ஒரு பந்தினை நட்சத்திரக் குறியிட்ட இடத்திற்குக் கொண்டு செல்ல வேண்டும். இதனைக் கொண்டு செல்ல பல வழிகள் தரப்படுகின்றன. இவை ஒவ்வொன்றும் அறிவியலின் அடிப்படைகளைக் கற்றுத் தருகின்றன. இயற்பியல் கோட்பாடுகளின் எளிய விதிகளை விளையாட்டாகக் கற்றுக் கொடுக்கின்றன. இந்த விளையாட்டு ஒரு இரண்டு பரிமாணக் காட்சியில் காட்டப்படுகிறது. பிசிக்ஸ் பிரிவின் gravity, momentum, inertia, mass, friction, kinetic and potential energy எனப் பல கோட்பாடுகள் விளையாட்டு மூலம் விளக்கப்படுகிறது. எந்த லெவலில் குழந்தைகள் விளையாடலாம் என்பதை அவர்களே தேர்ந்தெடுக்கலாம். நன்கு கற்று அறிந்தவர்கள் வெறும் விளையாட்டாகவும் இதனை எடுத்துக் கொண்டு பொழுதைப் போக்கவும் செய்திடலாம். ஆனால் விளையாடுகையில் சிந்திக்கும் திறனை நன்கு வளர்க்கும் விதத்தில் இந்த கேம் வடிவமைகக்ப்பட்டுள்ளது. இந்த கேம் விண்டோஸ் ஆப்பரேட்டிங் சிஸ்டத்தில் மட்டுமே விளையாட முடியும். இதனைப் பெற http://crayonphysics.en.softonic.com/download என்ற முகவரியில் உள்ள தளத்திற்குச் செல்லவும்.

3. Kiran’s Typing Tutor: கம்ப்யூட்டரை எளிதாகவும் வேகமாகவும் பயன்படுத்த வேண்டுமானால் அதன் கீ போர்டை இயக்கத் தெரிந்திருக்க வேண்டும். அதாவது ஆங்கில டைப்பிங் திறன் கொண்டிருக்க வேண்டும். கிரன் குமார் என்பவர் தயாரித்த Kiran’s Typing Tutor என்ற புரோகிராம் இதற்கு உதவுகிறது. டைப்பிங் கற்றுக் கொள்ள மிகவும் பயனுள்ள புரோகிராம் இது. இதனை எளிதாக டவுண்லோட் செய்திடும் வகையில் சிறிய அளவில் இருக்கிறது. விண்டோஸ் சிஸ்டத்தில் எந்த பதிப்பிலும் இதனைப் பயன்படுத்தலாம். http://www.kiranreddys.com/ என்ற முகவரி உள்ள தளத்தில் கிடைக்கிறது. தொடக்கம் முதல் டைப்பிங் செய்வதனை அறிவியல் பூர்வமாகக் கற்றுக் கொடுக்கிறது. எந்த வயதுக் காரர்களும் இதனைப் பயன்படுத்தி டைப்பிங் கற்றுக் கொள்ளலாம். ஏற்கனவே ஓரளவிற்கு டைப்பிங் கற்றுக் கொண்டவர்கள் இதில் உள்ள உயர்நிலைப் பாடங்களைக் கற்று தங்கள் திறனை வளர்த்துக் கொள்ளலாம்.இந்த புரோகிராம் தரும் இன்டர்பேஸ் வண்ணமயமாக இருப்பதால் குழந்தைகள் இதன் மூலம் பழக விரும்புவார்கள். விரல்களை எங்கு வைத்து எப்படி அழுத்த வேண்டும் என்பது திரையில் படமாகவே காட்டப்படுவது குழந்தைகளை நிச்சயம் கவர்ந்திழுக்கும். பழகப் பழக உங்கள் டைப்பிங் திறன் எவ்வளவு துல்லியமானது, நிமிடத்திற்கு எத்தனை சொற்களை உங்களால் டைப் செய்திட முடிகிறது என்றெல்லாம் காட்டப்படுகிறது. உங்களுடைய டைப்பிங் திறன் முன்னேற்றம் ஒரு வரைபடமாகக் காட்டப்படுகையில் எந்தக் குழந்தைக்கும் அது ஒரு நல்ல தூண்டுகோலாகத்தானே இருக்கும். மேலும் இதன் மூலம் ஒரு குழந்தை தன் பிழைகளை உணர்ந்து திருத்திக் கொள்ளவும் முடியும். இந்த புரோகிராமினை இறக்கி இன்ஸ்டால் செய்து உங்கள் குழந்தை டைப்பிங் கற்றுக் கொள்வதனைக் கண்டு நீங்கள் மகிழ்ச்சி அடையலாம்.

4. Lego Digital Designer: இது கிட்டத்தட்ட ஒரு சாப்ட்வேர் எனலாம். ஆனால் குழந்தைகள் முதல் பெரியவர்கள் வரை விரும்பிப் பழகும் சாப்ட்வேர் தொகுப்பாக இது நமக்குக் கிடைக்கிறது. Lego Digital Designer என்பது இதன் பெயர். வெகுநாட்களாகக் கம்ப்யூட்டரைப் பயன்படுத்தி வருபவர்கள் Lego bricks என்னும் விளையாட்டினை முன்பு விளையாடியிருப்பார்கள். அந்த விளையாட்டு இப்போது மேலும் டிஜிட்டலாகி டிஜிட்டல் செங்கற்களோடு வந்திருக்கிறது. பல்வேறு வண்ணங்களிலும் வடிவங்களிலும் ஆயிரத்திற்கும் மேற்பட்ட டிஜிட்டல் செங்கற்கள் தரப்படுகின்றன. இவற்றைப் பயன்படுத்தி, உங்கள் புத்திக் கூர்மையின் மூலம் தரப்பட்டுள்ள வெவ்வேறு வடிவங்களை உருவாக்க வேண்டும்.அடிப்படையில் இது ஒரு CAD சாப்ட்வேர் போலத்தான். ஆனால் குழந்தைகள் இதில் விளையாடுகையில் மிகவும் குதூகலத்துடன் சவால்களை எப்படியாவது சந்திக்க வேண்டும் என்ற ஆர்வத்துடனும் விளையாடுவதனைப் பார்க்கலாம். அவர்கள் தங்கள் கற்பனைக் குதிரையத் தட்டிவிட்டு தாங்கள் விரும்பும் வகையில் வடிவங்களை அமைக்கலாம். இதனை கம்ப்யூட்டரில் இன்ஸ்டால் செய்திட 28 எம்பி அளவிலான பைல் http://ldd.lego.com/download என்ற முகவரியில் உள்ள தளத்தில் கிடைக்கிறது. விண்டோஸ் மற்றும் மேக் சிஸ்டங்களுக்கென தனித் தனி புரோகிராம்கள் தரப்பட்டுள்ளன.

5.Scratch: இந்த புரோகிராம் எட்டு அல்லது பத்து வயதுக்கு மேலான சிறுவர் சிறுமியர்களுக்கானது. இது ஒரு புரோகிராமிங் மொழி. விசுவல் புரோகிராமிங் லாங்குவேஜ் வழியாக குழந்தைகளுக்கு புரோகிராமிங் குறித்த அடிப்படைகளைக் கற்றுத் தருகிறது. இதனைப் படித்துத் தெரிந்து கொண்ட பின்னர் சிறுவர்கள் தாங்களாகவே கம்ப்யூட்டருக்கான கேம்ஸ்களை உருவாக்க முடியும். வீடியோ மற்றும் மியூசிக் புரோகிராம்களையும் வடிவமைக்க முடியும். இது ஒரு ஸ்டோரி போர்ட் உருவாக்குவதைப் போல இயங்குகிறது. வண்ணங்களில் இயங்கும் இதன் தன்மை நம்மை ஈர்க்கிறது. புரோகிராமிங்கிற்குத் தேவையான அனைத்தும் பல்வேறு பேனல்களில் தரப்படுகிறது. அவற்றிலிருந்து தேவையானதை எடுத்துப் போட்டு நாம் விரும்புவதனை உருவாக்கலாம். புரோகிராமிங் மொழிகளைக் கற்றுக் கொள்வதற்கு உங்கள் குழந்தைகளுக்குச் சரியான தொடக்கத்தினை இந்த புரோகிராம் கொடுக்கிறது. இந்த புரோகிராமும் விண்டோஸ் மற்றும் மேக் கம்ப்யூட்டர்களுக்கெனத் தரப்படுகிறது. இதனை பெற நீங்கள் செல்ல வேண்டிய தள முகவரி: http://scratch.mit.edu/
நன்றி:கம்ப்யூட்டர்மலர்.

சிஸ்டம் பாஸ்வேர்ட்(System password) மறப்பவர்களுக்கு.

noreply@blogger.com (கதம்பம் வலைப்பூ) — Fri, 31 Jul 2009 10:52:00 +0530

போன் மூலமாகவும் கடிதம் மூலமாகவும் பல வாசகர்கள் என் சிஸ்டம் பாஸ்வேர்டை மாற்றினேன்; அல்லது பல நாட்களாக கம்ப்யூட்டரைத் தொடவில்லை. அதனால் பாஸ்வேர்ட் மறந்து போச்சு. என்ன செய்யலாம்? என்றெல்லாம் கேட்கின்றனர். இவர்களுக்கு ஒரு அருமருந்து ஒன்று தரப்போகிறேன்.பாஸ்வேர்ட் டைப் செய்கிறோம். சில வேளைகளில் தவறாக டைப் செய்கிறோம். சில வேளைகளில் மறந்து போய் பழைய பாஸ்வேர்ட் அல்லது வேறு ஒரு பாஸ்வேர்ட் கொடுக்கிறோம். இதற்குப் பதிலாக ஒரு பிளாப்பி அல்லது யு.எஸ்.பி. டிரைவில் பாஸ்வேர்டைப் போட்டு வைத்து அதனைச் செருகி கம்ப்யூட்டரை ஆன் செய்தால் அதுவே பிளாப்பி அல்லது பிளாஷ் டிரைவிலிருந்து பாஸ்வேர்டை எடுத்துக் கொண்டால் நன்றாக இருக்கும் அல்லவா? ஆஹா! என்கிறீர்களா! கீழே படியுங்கள். ஆஹா அஹஹா!! என்பீர்கள்.இந்த டிஸ்க்கிற்குப் பெயர் பாஸ்வேர்ட் ரீசெட் டிஸ்க் (Password Reset Disk) ஆகும். இந்த டிஸ்க் நீங்கள் பிளாப்பி டிஸ்க் அல்லது யு.எஸ்.பி. டிரைவ் வைத்துப் பயன் படுத்தினால் தான் சரியாக இருக்கும்.
1.முதலில் ஸ்டார்ட் கிளிக் செய்து கண்ட்ரோல் பேனல் தேர்ந்தெடுக்கவும்.
2. அதன்பின் யூசர் அக்கவுண்ட்ஸ் என்ற பிரிவில் கிளிக் செய்திடவும்.
3. இதில் உங்கள் அக்கவுண்ட்டில் கிளிக் செய்திடவும்.
4. இப்போது கிடைக்கும் விண்டோவில் இடது பக்கம் உள்ள சைட் பாரினைப் பார்க்கவும். இதில் Prevent a Forgotten Password என்ற பிரிவில் கிளிக் செய்திடவும்.
5. இனி Forgotten Password விஸார்ட் கிடைக்கும்.
6. இனி உங்கள் பிளாப்பி அல்லது பிளாஷ் டிரைவினைச் செருகவும்.
7. தற்போதைய விண்டோஸ் எக்ஸ்பி யூசர் அக்கவுண்ட் மற்றும் பாஸ்வேர்டினை டைப் செய்திடவும். பின் Nஞுதுt அழுத்தவும். சில நொடிகளில் உங்கள் Password டிஸ்க் ரெடியாகிவிடும்.
8. இனி விஸார்டில் ஓகே கிளிக் செய்து வெளியேறவும்.
9. இதில் Password Reset Disk என எழுதி வைக்க மறக்க வேண்டாம். இதனை எப்படி பயன்படுத்துவது? எப்போதாவது உங்கள் பாஸ்வேர்ட் மறந்து போய்விட்டதா?
1.வெல்கம் ஸ்கிரீன் வந்தவுடன் உங்கள் யூசர் நேம் கிளிக் செய்து என்டர் அழுத்தவும்.
2. அடுத்து ஒரு மெசேஜ் கிடைக்கும். அதில் உங்கள் பாஸ்வேர்ட் ரீசெட் டிஸ்க்கினை செருகவும் என்று இருக்கும்.
3. அடுத்து "Use your password reset disk" என்று இருக்கும் இடத்தில் கிளிக் செய்திடவும்.
4. மீண்டும் Password Reset Wizard என்ற விஸார்ட் திறக்கப்படும். தொடர்ந்து புதிய பாஸ்வேர்ட் அமைப்பதற்கான வழி முறை கிடைக்கும். அதனைப் பின்பற்றவும். புதிய பாஸ்வேர்ட் ஒன்றி னை அமைத்து இயக்கலாம்.
5. இனி மீண்டும் ஒரு Password Reset Disk தயாரிக்க வேண்டியதில்லை. இதனையே எப்போதெல்லாம் உங்கள் பாஸ்வேர்ட் மறந்து போகிறதோ அப்போதெல்லாம் இதனைப் பயன்படுத்தலாம். விஸ்டாவிலும் இதே போல நடைமுறையே கடைப்பிடிக்கப்படுகிறது.

நன்றி:கம்ப்யூட்டர்மலர்.

இலவச சிடி ரிப்பர்(CD Ripper)

noreply@blogger.com (கதம்பம் வலைப்பூ) — Fri, 31 Jul 2009 09:13:00 +0530

கம்ப்யூட்டரில் மட்டுமின்றி தனியாகவும் வைத்து இயக்கும் எம்பி3 பிளேயர்கள் தற்சமயம் அதிக அளவில் விற்பனையாகிப் பயன்படுத் தப்பட்டு வருகின்றன. ஆனால் நமக்குப் பிடித்த அனைத்து பாடல்களையும் நாம் இந்த பிளேயர்களில் கேட்க முடிவதில் லை. ஏனென்றால் அவை எம்பி3 பார்மட்டில் இல்லை என்பதே காரணமாகும். சிடியில் பதிந்து கிடைக்கும் இந்த பாடல்கள் நம் மனதை மயக்கு கின்றன. ஆனால் பிளேயருக்கு மடங்க மறுக் கின்றன. என்ன செய்யலாம்? எப்படி சிடியில் உள்ள பாடல் களை எம்பி3 பார்மட்டில் கொண்டு வருவது என்று பார்க்கையில் இணையத்தில் உள்ள ஒரு இலவச புரோகிராம் கண்களில் பட்டது. அது சிடி ரிப்பர் (CD Ripper) என்னும் புரோகிராம் ஆகும். இதனை வைத்துக் கொண்டு எப்படி இந்த பார்மட் மாற்றத்தினைக் கொண்டு வரலாம் என்று பார்க்கலாம். முதலில் http://www.download.com/FreeCDRipper/30002140_410396883.html என்ற முகவரியில் உள்ள தளம் சென்று இந்த புரோகிராமினை டவுண்லோட் செய்து சிஸ்டத்தில் இன்ஸ்டால் செய்திடவும்.
பின் இந்த புரோகிராமினை இயக்குங்கள். அதன்பின் முதலில் எந்த டிரைவில் இந்த புரோகிராம் உங்கள் மியூசிக் பைல்களை ஸ்டோர் செய்திட வேண்டும் என்பதனை முடிவு செய்து கொள்ளவும். இதற்கு மேலே இருக்கும் Options என்ற டேப்பில் கிளிக் செய்து கிடைக்கும் விண்டோவில் Save and Filename என்ற டேப்பைத் தேர்ந்தெடுக்கவும். அங்கு இருக்கும் போல்டர் ஒன்றைத் தேர்ந்தெடுங்கள். அல்லது உருவாக்கி அதனை உங்கள் தேர்வாக செலக்ட் செய்திடுங்கள். இதனை ஒரு முறை செய்தால் போதும். அதுவும் சிடி ரிப்பர் புரோகிராமினை இன்ஸ்டால் செய்தவுடன் செய்தால் போதும். இனி கம்ப்யூட்டரில் உள்ள சிடி டிரைவில் எந்த சிடியிலிருந்து பாடல்களைப் பெற்று எம்பி3 பார்மட்டிற்கு மாற்ற வேண்டுமோ அந்த சிடியினைச் செருகவும். சிடியினைச் செருகியவுடன், மேலே தரப்பட்டிருக்கும் டிவைஸ் மெனுவிலிருந்து உங்கள் சிடி டிரைவைத் தேர்ந்தெடுக்கவும். பின் வலது புறம் உள்ள Output Format பாக்ஸில் MP3 என்பதனைத் தேர்ந்தெடுக்கவும். பின் சிடி ரிப்பர் விண்டோவின் கீழாக உள்ள “டி” என்பதில் கிளிக் செய்திடவும். இதனால் பாடல்களின் ஆர்ட்டிஸ்ட் பெயர் முதலாக அனைத்து தகவல்களும் பதியப்படும். அடுத்து Extract என்பதில் கிளிக் செய்தால் அனைத்து பாடல்களும் எம்பி3 பார்மட்டில் மாற்றப்பட்டு கிடைக்கும். பின் இந்த எம்பி3 பாடல்களை உங்கள் மீடியா பிளேயருக்கு மாற்றி செல்லுமிட மெல்லாம் இசைக்க வைத்து ரசிக்கலாம்.

கதம்பம் வலைப்பூ ஒரு அறிமுகம்

noreply@blogger.com (கதம்பம் வலைப்பூ) — Fri, 31 Jul 2009 08:54:00 +0530

வணக்கம்.....வாருங்கோ. எப்படி எல்லாரும் சுகமாக இருக்கிறியளோ?எனக்கும் புதிசா ஒரு ஆசை வந்தது பாருங்கோ. புதிசாக ஏதாவது எழுத வேணுமென்று. சரி என்று "கதம்பம் வலைப்பூ" என்று பெயரை வைத்து சும்மா எழுதுவம் என்று வெளிக்கிட்டனான் பாருங்கோ.கதம்பம் என்றாலே என்னவென்று தெரியாதவன் எல்லாம் எழுத வெளிக்கிடுகினம் என்ற உங்கடை ஆதங்கம் எனக்கு புரியுது பாருங்கோ இருந்தும் கம்பன் சொன்னது போல பெரிய பாற்கடல் ஒன்றை சிறிய பூனை ஒன்று நக்கிக்குடிக்க ஆசைப்படுவது போல நானும் இந்த கதம்பம் என்ற பெரிய கடல் ஒன்றுக்கு வாறன் உங்கடை ஆதரவு கிடைக்கும் என்ற நம்பிக்கையில் சரி தொடங்கிறன்....