ജീവിതം കവിതാമയം

വിമര്‍ശം

2010-12-21T16:35:00.000+05:30

വിമര്‍ശനം അല്ലെ ശരിയായ വാക്ക്? വിമര്‍ശം എന്ന് പലയിടത്തും എഴുതിക്കാണുന്നു. അതും ശരി ആണോ. ശബ്ദതാരാവലീ കയ്യില്‍ ഇല്ല :(

ബാന്ധവം

2009-11-25T09:01:00.001+05:30

അടുത്ത ലോക സഭയില്‍ ബി ജെ പി യും ഇടതു പക്ഷവും ഒരു ബന്ധം ഉണ്ടാക്കിയാല്‍ അത് ക്ലിക്ക് ആകാന്‍ സാധ്യത ഉണ്ട്. അഫ്റെര്‍ ഓള്‍ കമ്മ്യൂണിസവും, കമ്മ്യൂണലിസവും തമ്മില്‍ ഒരക്ഷരത്തിന്റെ വ്യത്യാസം അല്ലെ ഉള്ളൂ. ഇന്നത്തെ നിലയില്‍ അടി പറ്റി നില്‍കുന്ന രണ്ടു പര്ട്ടികളുടെയം അണികള്‍ക്ക് അതൊരു ആശ്വാസം ആയേക്കും.

ഓര്‍ഗാസം

2009-11-18T09:19:00.003+05:30

ഒരു ദീര്‍ഘ ദൂര ബസ്‌ യാത്രയിലോ മറ്റോ

കലശലായ മൂത്രശങ്ക ഉണ്ടാകുമ്പോള്‍

ഏതാണ്ടൊരു അര മണിക്കൂറോ അതിലധികമോ പിടിച്ചു വച്ചതിനു ശേഷം

അതൊഴിവാക്കാന്‍ പറ്റിയ ഒരു സ്ഥലം കണ്ടു പിടിച്ചു

അതോഴിവക്കുമ്പോള്‍ കിട്ടുന്ന ഒരു ആശ്വാസം ഇല്ലേ

അതിനല്ലേ ഓര്‍ഗാസം എന്ന് പറയുന്നത്.

അബദ്ധധാരണകള്‍

2009-09-25T15:50:00.000+05:30

കുട്ടിക്കാലതുണ്ടായ, എന്നാല്‍ പല പ്രായത്തിലായി മാറിയ ചില ധാരണകള്‍

പൂച്ചകള്‍ വലുതായി കാടു കയറി, പുലികള്‍ ആകുന്നു.
അനിയത്തിയെ തവിട് കൊടുത്തു വാങ്ങിച്ചതാണെന്ന്.
ആനയെ എന്നും രാവിലെ പാപ്പാന്‍ വിമും കക്കൂസ് കഴുകുന്ന ബ്രഷും വച്ചു പല്ലു തേപ്പിക്കുന്നു.
സ്വപ്നം കാണാന്‍ ഒരു സ്ക്രീന്‍ വേണം. സ്വപ്നം കാണാതിരിക്കാന്‍, ചുമരിലേക്കു നോക്കി കിടക്കാതിരിക്കുക.
അച്ഛന് ഓഫീസില്‍ ഇരുന്നാല്‍, ഏതൊരു ഒരു സ്ക്രീനില്‍ വീട്ടില്‍ നടക്കുന്നതെല്ലാം കാണാന്‍ കഴിയുന്നു. (വെബ് കാം പോലെ എന്തോ? )
എല്ലാ കുട്ടികളും ലിംഗവുമായി ജനിക്കുന്നു. എന്നാല്‍ പെണ്‍കുട്ടിയെ വേണ്ട മാതാപിതാക്കള്‍ അതങ്ങ് നുള്ളിക്കളയുന്നു.
കുട്ടികള്‍ ഉണ്ടാകാനായി വിവാഹശേഷം ഭാര്യയും ഭര്‍ത്താവും ചേര്ന്നു ഒരു ഡോക്ടറെ കണ്ടു കുത്തിവൈപ്പ് നടത്തുന്നു.
കുത്തിവൈപ്പിലൂടെ അകത്തായ കുട്ടി, വയറ്റില്‍ കിടന്നു വലുതാകുമ്പോള്‍ ഡോക്ടര്‍ തന്നെ ശസ്ത്രക്രിയയിലൂടെ പുറത്തെടുക്കുന്നു. ഓപ്പറേഷന്‍ നടത്താന്‍ ഒരുപാടു കാശു വേണം, അതില്ലാത്തവര്‍ മാത്രം ചന്തിയിലൂടെ പ്രസവിക്കുന്നു.
സുന്നത്ത് എന്നാല്‍ ലിംഗത്തിന്റെ ഏകദേശം കാല്‍ ഭാഗം മുറിച്ചു കളയുന്നു.

ദീര്‍ഘവീക്ഷണം

2009-08-17T10:52:00.001+05:30

പര്‍ദ്ദ ഉപയോഗിക്കുന്നത് H1N1 ഫ്ലൂ പകരുന്നത് തടയാന്‍ സഹായിക്കുന്നു!!!

വീണ്ടുമൊരു ആഘോഷം

2009-08-02T02:12:00.001+05:30

ഡാ, ഒരു സ്ട്രിപ്പ് പിങ്ക് ആയടാ.

അത് കുഴപ്പം ഇല്ലടി പൊട്ടീ. നീ ആദ്യം മാനുവല്‍ മരദ്യക്ക് വായിച്ചു നോക്ക്.

ഓ രക്ഷപ്പെട്ടടാ മോനെ 2 സ്ട്രിപ്പ് പിങ്ക് ആയാലേ പ്രശം ഉള്ളൂ . ഇന്ന് ഞാന്‍ ഓഫീസില്‍ പോണില്ല. നീയും ഇവിടെ ഇരി . നമുക്കിതോന്നു ആഘോഷിക്കാം.

ഫ്ലാഷ് ബാക്ക് (10 ദിവസത്തിന് മുമ്പ് )
ഡാ ഇന്നലെ നീ എന്ത് പണിയാ ചെയ്തേ. കളി കാര്യമായാല്‍? ഇന്ന് 13th ഡേ ആണ്.

നീ വേഗം ഒരു ഗുളിക എടുത്തു കഴിക്ക് . അതാ നല്ലത്, വെറുതെ റിസ്ക്‌ എടുക്കണ്ട.

ഡാ എന്നാലും അതും 100 % സേഫ് അല്ല എന്നല്ലേ പറയണത് . എന്തെങ്കിലും പറ്റിയാല്‍ നീ കൂടി ആണ് ഉത്തരവാദി, ഞാന്‍ നിന്നോട് മര്യാദക്ക് പ്രോറെക്ടഷന്‍
യൂസ് ചെയ്യാന്‍ പറഞ്ഞതല്ലേ. അപ്പോള്‍ വലിയ കണ്ട്രോള്‍ ആണന്നൊക്കെ പറഞ്ഞിട്ട്.

ഡീ ഇറ്റ്‌ ഈസ് ‌ നെവെര്‍ ടൂ ലേറ്റ് . 72 മണിക്കൂര്‍ വരെ പ്രശ്നം ഒന്നും ഇല്ല എന്നലെ ആഡില്‍ കണ്ടേ? നീ വേഗം അതൊരെണ്ണം കഴിക്ക്. ബാക്കി നമുക്ക് പിന്നെ തീരുമാനിക്കാം.

(അര മണിക്കൂര്‍ മുമ്പ്)

ഹലോ, ഡാ കുഴപ്പം ആയിന്ന തോന്നണേ. രാവിലെ എണീറ്റപ്പോള്‍ എനിക്കൊരു വോമ്മിടിംഗ് ഫീലിംഗ്. നീ വേഗം ആ കിറ്റ്‌ ഒരെണ്ണം വാങ്ങി കൊണ്ട് വാ. വേഗം ഇങ്ങോട്ട് വാ.

ഡീ. 5 മിനിറ്റ് കൊണ്ട് അറിയാം എന്നാ, മാനുവല്‍ പറഞ്ഞേക്കണേ.

ഡാ എനിക്ക് പേടി ആകുന്നടാ.

നീ കൊഞ്ചാതെ വേഗം യൂറിന്‍ എടുത്താ ടെസ്റ്റ്‌ ചെയ്യാന്‍ നോക്ക്

യാഹൂവിന്റെ മൈക്രോസോഫ്ട്‌ ബന്ധം

2009-07-31T17:44:00.003+05:30

മലയാളി ബ്ലോഗേര്‍സിന്റെ ഒന്നാം ശത്രുവായ യാഹൂ വിന്റെ കാര്യം ഏതാണ്ട് തീരുമാനമായി.

യാഹൂവും മൈക്രോസോഫ്റ്റും ആയുള്ള ഈ ബന്ധത്തിന്റെ ഫലമായി യാഹൂ നാളുകളായി ഡെവലപ്പ് ചെയ്തെടുത്ത സേര്ച്ച് എന്‍ജിന്‍ മരിക്കുകയാണ്. ഇതിന്റെ ഫലമായി കുറച്ചു നാളുകള്‍ക്ക് ശേഷം നമ്മള്‍ യാഹൂവില്‍ സേര്ച്ച് ചെയ്താല്‍ കിട്ടുനത്‌ ബിംഗ് രിസല്‍ത്സ് ആയിര‌ിക്കും.

ഇതിന്റെ ഫലമായി ഗൂഗിള്നോട് മത്സരിക്കാനുള്ള മൈക്രോസോഫ്ട്‌ ആഗ്രഹം എത്രത്തോളം നടപ്പാകുമെന്ന് കണ്ടറിയണം.

കഴുതക്കഥ

2009-03-10T17:46:00.001+05:30

റേഷന്‍ കടയില്‍ നിന്ന് അരി വാങ്ങി വരുന്ന അച്ഛനും മകനും. ഒരു മൈലോളം നടക്കണം വീടെത്താന്‍. ചാക്ക് ഞാന്‍ എടുത്തോളാം എന്ന് മകന്‍. അയ്യേ ഇത്തിരി പോന്ന ചെക്കനെ കൊണ്ട് ആ മുട്ടന്‍ ചാക്ക് പിടിപ്പിച്ചിരിക്കുന്നത് കണ്ടില്ലേ, കണ്ണില്‍ ചോര ഇല്ലാത്ത തന്ത, എന്ന് നാട്ടുകാര്‍. എന്നാല്‍ ചാക്ക് ഞാന്‍ എടുത്തോളാം മോനെ എന്ന് അച്ഛന്‍. വയസ്സന്‍ തന്തയെ കൊണ്ട് ചാക്കെടുപ്പിച്ചു സുഖിച്ചു നടക്കുന്ന മകനെ കണ്ടില്ലേ, എന്ന് കാണികള്‍. എന്നാല്‍ നമക്ക് രണ്ട് പേര്‍ക്കും കൂടെ ചേര്ന്നു ചാക്കെടുക്കം എടുക്കാം, എന്ന് മകന്‍. ഒരു കൊച്ചു ചാക്കെടുക്കനാണോ ഇത്രയും ബദ്ധപ്പാട്? തന്തക്കും ചെക്കനും വട്ടാണെന്ന് കണ്ടു നിന്നവര്‍. വാ അച്ഛാ നമുക്കൊരു ഓട്ടോ പിടിച്ചു വീട്ടില്‍ പോകാം.

കന്യക

2009-02-23T14:09:00.000+05:30

ഒരു തുള്ളി ചോര പോലും പോടിഞ്ഞില്ല
അവളോ ഒട്ടും വേദന ഭാവിച്ചില്ല
അവള്‍ അഴിഞ്ഞാട്ടക്കാരി എന്ന് വിധി എഴുതാന്‍ വരട്ടെ.
അവള്‍ കലാലയത്തില്‍ എന്നും കലാതിലകം
നൃത്തത്തിലും , കയികമാത്സരങ്ങളിലും എന്നും ഒന്നാമത്
അവനോ അവളെ ആദ്യം കണ്ടത് ഇങ്ങിനെ ഒരു വേദിയില്‍
എന്നിട്ടും അവനില്‍ സംശയത്തിന്റെ തീക്കനലുകള്‍ ബാക്കി.
സ്വന്തം സ്ത്രീത്വത്തെ അറിയാന്‍ ശ്രമിച്ചതോ അവള്‍ ചെയ്ത തെറ്റ്?
അതോ അറിഞ്ഞിട്ടും ഒരു കോസ്മെറ്റിക് സര്‍ജന്റെ സേവനം ഉപയോഗപ്പെടുത്താഞ്ഞതോ?

പൂച്ച വധം

2009-02-09T10:24:00.000+05:30

സര്‍വേ ഫലങ്ങള്‍ പറയുന്നു ഒരു മാതിരി എല്ലാവരും പൂച്ചകുട്ടികളുടെ മരണത്തിനിടയക്കിയിട്ടുന്ടെന്നു. പക്ഷെ മനുഷേന്റെ സ്വകാര്യതയിലേക്ക് ഒളിഞ്ഞു നോക്കി കണക്കെടുത്ത് പൂച്ചുകുട്ടിയെ കൊല്ലുന്ന ദൈവത്തിനെ സമ്മതിക്കണം.

മനേക ഗാന്ധി കേള്‍ക്കണ്ട.

കല്യാണം നടത്താന്‍ എളുപ്പ വഴി

2009-02-06T16:59:00.003+05:30

ചില്ലി കാശിന്റെ ചിലവില്ലാതെ കല്യാണം നടത്താന്‍ ഒരു പുതിയ വഴി.

വരനെ അല്ലെങ്കില്‍ വധുവിനെ നിങ്ങള്‍ തന്നെ കണ്ടു പിടിക്കണം. ബാക്കി കാര്യം വളരെ എളുപ്പം. ഫെബ്രുവരി 14 ഇന് നിങ്ങള്‍ നിങ്ങളുടെ ജോടിയുമായി ബാഗ്ലോറിലെ ഏതെങ്കിലും പാര്‍കിലോ പോതുസ്ഥലതോ പോകുക. അവിടെ നിങ്ങളുടെ വിവാഹം നടത്താന്‍ പൂജാരിയും മറ്റും തയ്യാറായി നില്‍ക്കുന്നുണ്ടാവും. അവര്‍ നിങ്ങളെ ശ്രദ്ധിക്കാതെ പോയാല്‍ നിങ്ങള്‍ വിവാഹിതരാകാന്‍ പോകുന്ന ജോടികള്‍ ആണെന്ന് അവര്ക്കു മനസ്സിലാകാന്‍ വേണ്ടി ജോടിക്ക് ഒരു ചുംബനം കൊടുക്കുക. ബാക്കി കാര്യങ്ങള്‍ സേനക്കാര്‍ നോക്കിക്കോളും. നിങ്ങളുടെ കല്യാണത്തിന്റെ വീഡിയോ, ഫോട്ടോകള്‍, രജിസ്റ്റര്‍ ആപീസില്‍ പോയി വിവാഹം രജിസ്റ്റര്‍ ചെയ്യല്‍, തുടങ്ങി നിങ്ങളെ മണിയറയില്‍ ആക്കുനത് വരെ ഉള്ള കാര്യം അവര്‍ ചെയ്തുകൊള്ളും.

ഭാഗ്യം ചെയ്ത ബ്രാന്റുകള്

2009-01-22T16:44:00.002+05:30

ചില ബ്രാന്റുകള്ക്കെങ്കിലും അതെന്റെ ഉത്പന്ന നാമത്തിന്റെ പര്യായം ആകാന് കഴിഞ്ഞിട്ടുണ്ട്
ചില ഉദാഹരണങ്ങള്

ക്യൂ ടെക്ക് = നെയില് പോളിഷ്
ക്സെരോക്സ് = ഫോട്ടോസ്റ്റാറ്റ്
ജീപ്പ് = എസ് യു വി
ക്രോസിന് = പാരസേടമോള്
മാഗി = നൂടലെസ്
ഗൂഗിള് = സേര്ച്ച് എഞ്ചിന്
ഫ്രിഡ്ജ് = റെഫ്രിജറെടോര്
ക്ലീനെക്സ് = ടിഷ്യൂ പേപ്പര് (അമേരിക്ക)

ഇനിയും കാണും നിരവധി. ആര്‍ക്കെങ്കിലും കൂടുതല്‍ ചൂടി കാണിക്കാന്‍ കഴിയുമോ?

പൊങ്ങച്ചം

2009-01-16T15:12:00.003+05:30

ഇന്നലെ വീട്ടിലെ ഫ്രിഡ്ജിന്റെ മുകളില്‍ ഒരു എലികുട്ടി വന്നു. എനിക്കാകെ ദേഷ്യം വന്നിട്ട് അതിനെ ഓടിച്ചപ്പോള്‍ ദെ പോയി കുക്കിംഗ്‌ രേന്ജിന്റെ മുകളില്‍ ഇരിക്കുന്നു. എനിക്ക് പിന്നേം ദേഷ്യം വന്നു, ഞാന്‍ ടി വി ടെ റിമോട്ട് എടുത്തു ഒറ്റ ഏറു വച്ചു കൊടുത്തു. അപ്പൊ അവിടുന്ന് ചാടി ഹോം സ്റ്റേഷന്റെ മേളില്‍ കൂടി കേറി ആ ജന്തു പോയി, വാഷിംഗ്‌ മെഷീന്‍ ന്റെ ഒള്ളില്‍ കേറി ഇരിപ്പായി എനിക്കാണെങ്കില്‍ പിന്നെയും ദേഷ്യം വന്നു. വാക്യും ക്ലീനെരിന്റെ കോല്‍ എടുത്തു അതിനിട്ടു ഒരു കുത്ത് വച്ചു കൊടുത്തു. അപ്പോളാകട്ടെ അത് ഓടി പോയി ചേട്ടന്റെ ലാപ്‌ ടോപില്‍ മോളില്‍ കൂടി ഓടി ചാടി പോയിട്ട് ചേട്ടന്‍ റഷ്യയില്‍ നിന്നു കൊണ്ടു വന്ന കാര്‍പെറ്റ് കരാളന്‍ തുടങ്ങി. എന്റെ ഭാഗ്യത്തിന് അടുത്ത് തന്നെ ടീ പോയില്‍ ഇരുന്നിരുന്ന ചേട്ടന്റെ റോള്‍എക്സ് വാച്ചും, റെയ്ബാന്‍ ഗ്ലാസും പൊട്ടിയില്ല. അതെങ്ങാനും പോട്ടിയിരുന്നെങ്കില്‍ ചേട്ടന്‍ എന്നെ കൊന്നേനെ. അപ്പോള ഞാന്‍ ഒരു തുണി ഉണ്ടെങ്കില്‍ അതിനെ പിടിക്കാം എന്ന് ഓര്‍ത്തെ. കൈയില്‍ കിട്ടിയതാണെങ്കില്‍ ചേട്ടന്‍ എന്റെ ബര്ത്ഡേ ക്ക് എനിക്ക് ഗിഫ്റ്റ് തന്ന പട്ടു സാരീ. ഞാന്‍ എന്തായാലും അതെടുത്ത് വീശി, എലിയെ അതിനകത്താക്കി പുറത്തു പാര്ക്ക് ചെയ്തിരുന്ന കൊറോള കാറിന്റെ ടയറില്‍ ഇട്ടു നല്ല അടി കൊടുത്തു. എന്തായാലും എലി ചത്തു ചമ്മന്തി‌ ആയി. 10000 രൂപേടെ സാരി പോയാലെന്താ ആ എലിയെ കൊന്നല്ലോ

പക്ഷികളും തേനീച്ചകളും

2009-01-13T09:45:00.001+05:30

14 വയസ്സുകാരിയായ എന്റെ കസിന്‍. ഒന്നര കൊല്ലം മുമ്പ് തന്നെ വയസ്സറിയിച്ച അവള്ക്ക് പക്ഷികളെയും തേനീച്ചകളെയും പറ്റി ഒരു ഉപരി പഠനം കൊടുക്കാറായി എന്ന് അമ്മായിക്കൊരു തോന്നല്‍. പക്ഷെ അവളെ വിളിച്ചിരുത്തി നേരിട്ടു പറഞ്ഞു കൊടുക്കാന്‍ അമ്മായിക്കെന്തോ ചമ്മല്‍. അവസാനം അമ്മായി തീരുമാനിച്ചു ഞാന്‍ ആണ് അതിന് പറ്റിയ ആള്‍. എന്റെ ആരോടും എന്തും പറയാം എന്ന സ്വഭാവം വച്ചു, ഞാന്‍ ആയിരിക്കും ഏറ്റവം പറ്റിയ ആള്‍ എന്ന് തന്നെ അമ്മാവന്റെയും അഭിപ്രായം.

അങ്ങിനെ ഈ അടുത്ത അവധിക്കു നാട്ടില്‍ പോകുമ്പോള്‍ ആ പണി എന്റെ തലയില്‍ ആണ് വന്നിട്ടുളത്. അവള്ക്ക് ബേസിക് ആയ വിവരം ഒക്കെ ഉണ്ടാകുമെന്നാണ് അമ്മായിയുടെ വിലയിരുത്തല്‍. വലിയ ആള്‍ക്കാരോട് എന്തും പറഞ്ഞു ശീലമുള്ള എനിക്ക് പക്ഷെ ഒരു 14 വയ്സ്സുകരിയോടു എന്തൊക്കെ പറയണം, എന്ന് ഒരു ആശന്ക. എനിക്ക് ആ പ്രായത്തില്‍ ഈ വിഷയത്തില്‍ ഉണ്ടായിരുന്ന അറിവ് വച്ചു അവള്‍ അത്രയും മനസ്സിലാക്കിയാല്‍ മതി എന്ന് വിചാരിച്ചാല്‍ അത് ശരി ആകും എന്ന് തോന്നുന്നില്ല.

ആര്‍ക്കെങ്കിലും എന്തെങ്കിലും ടിപ്സ് തരാനുണ്ടോ?
.
.
.

ഹോസ്റ്റല്‍ ഡെയ്സ് - 1

2009-01-05T21:30:00.000+05:30

ഹോസ്റ്റലില്‍ പ്രചാരത്തില്‍ ഉള്ള ഒരു ചോദ്യോത്തര പംക്തി
ചോദ്യ കര്‍ത്താവിന്റെ കൈയ്യില്‍ ചെറുതും വലുതുമായ 2 വടി കഷ്ണങ്ങള്‍ വേണം.
3ഉം 4 ഉം ഇന്ച്ചു നീളമുള്ള 2 ചെറിയ വടികള്‍. കൈകള്‍ ചുരുട്ടി ഓരോ വടിയും ഓരോ കൈയ്യില്‍ പിടിച്ചാല്‍ ഇതാണ് നീളം കൂടിയതെന്ന് കാണുന്നവര്‍ക്ക് അറിയാത്ത തരത്തില്‍ പിടുക്കുന്നു. ആദ്യം ഒരു ഇരയെ കണ്ടെത്തി ചോദ്യം ചോദിച്ചതിനു ശേഷം ഏതാണ്‌ വലിയ വടി എന്ന് അയാള്‍ ഊഹിച്ചു പറയണം. അപ്പോള്‍ രണ്ടു കൈയും തുറന്നു കാണിക്കുന്നു. ഉത്തരം ശരി എങ്കില്‍, ചോദ്യ കര്‍ത്താവ് തന്നെ ആദ്യം ചോദിച്ച ചോദ്യത്തിന്റെ ഉത്തരം പറയണം. തെറ്റ് ആണെന്കില്‍ ഇര ഉത്തരം പറയണം. ഇതാണ് വ്യവസ്ഥ. ചോദ്യകര്‍ത്താവിന്റെ മിടുക്ക് പോലെ എതെന്കിലം കുസൃതി ചോദ്യങ്ങള്‍ ചോദിക്കാം. കൃത്യമായ ഉത്തരം പ്രയാണം, അറിയില്ല ചിലപ്പോള്‍ അന്നോകെ ഉത്തരം പറയാന്‍ പാടില്ല. ഒരു സാമ്പിള്‍ ചോദ്യോത്തര പംക്തി.

ചോ: ആരെങ്കിലുമായി പ്രേമത്തില്‍ ആണോ?
(വലിയ വടി ഏതെന്ന് കൃത്യമായി പറഞ്ഞു-ചോ. ക. തന്നെ ഉത്തരം പറയുന്നു)
ഉ. (ചോ. ക. ) - അതെ, പ്രേമത്തില്‍ ആണ്.
ചോ: വീടുകര്‍ക്ക് അറിയാമോ?
ഉ. (ഇര) - അറിയാം.
ചോ: വീട്ടുകാര്‍ കല്യാണത്തിന് സമ്മതിക്കുമോ?
ഉ. (ഇര) - ഇല്ല
ചോ: അപ്പോള്‍ ഒളിച്ചോടാന്‍ തീരുമാനിക്കുന്നു. ഊട്ടിയില്‍ പോണോ അതോ മൂന്നാര്‍ പോണോ
ഉ. (ചോ. ക. ) - ഊട്ടി മതി
ചോ: അപ്പോള്‍ നിങ്ങളുടെ ആദ്യ രാത്രി ആണ്. നിങ്ങള്‍ മുറിയല്‍ കയറി വാതില്‍ അടച്ചു, സംസാരിച്ചു കൊണ്ടിരിക്കുന്നു. നിങ്ങള്ക്ക് ഭര്‍ത്താവിനോട് എന്തോ ചോദിക്കണം എന്നുണ്ട്.എന്താണത്?
(ഒരു കൈയ്യിലെ വടിയില്‍ തൊടുന്നു. നിങ്ങള്‍ തുറന്നു കാണിക്കാതെ തന്നെ ഉത്തരം പറഞ്ഞു കൊള്ളാന്‍ പറയുന്നു. ഇരക്കു ഇപ്പോളും വലിയ വടി ആണോ എന്ന് അറിയില്ല. അയാള്‍ ചോദ്യ കര്‍ത്താവിന്റെ കൈ പിടിച്ചു തുറക്കാന്‍ നോക്കിയാലും തുറക്കാതെ മുറുക്കി പിടിക്കുന്നു. ഗതി കേട്ട ഇര അപ്പോള്‍ പറയുന്നതാണ്‌ ഇതിലെ തമാശ. ചില സാമ്പിള്‍ ഉത്തരങ്ങള്‍

തുറക്ക്‌ ഇതാണോ വലുത് എന്ന് നോക്കട്ടെ
വേണ്ട ഇതു വലുതാണ്
ആദ്യം തുറന്നു കാണിക്കു. എന്നിട്ട് പറയാം
പിടി വിട് (ചിലവര്‍ കൈ തുറക്കാതെ തന്നെ കോല്‍ വലിച്ചെടുക്കാന്‍ നോക്കും)

മാസമുറ സ്ത്രീകള്‍ക്ക് ആവശ്യമോ?

2009-01-04T23:20:00.000+05:30

മാസമുറ സ്ത്രീകള്‍ക്ക് അത്യാവശ്യമോ?

അല്ലെന്നാണ് ഒരു കൂട്ടരുടെ അഭിപ്രായം. ചില ആദിവാസി ഗോത്രക്കാരുടെ ഇടയില്‍ മാസമുറ ഒരു പതിവല്ലത്രേ. ഇവരുടെ ഇടയില്‍ പെണ്കുട്ടി ഋതുമതി ആയി അധികം വൈകാതെ വിവാഹവും തുടര്‍ന്നുള്ള ലൈംഗിക ബന്ധവും നടക്കുന്നു. അധികം താമസിയാതെ ഗര്‍ഭിണി ആകുന്ന ഇവര്‍, തുടര്നുള്ള പ്രസവവും അതിന് ശേഷം ദീര്‍ഘ കാലം മുലയൂട്ടുന്നതും കാരണം(5-6 കൊല്ലം) ഇത്രയും നാള്‍ ഇവര്‍ക്ക് മാസമുറ ഉണ്ടാകുന്നില്ല. വീണ്ടും ഗര്‍ഭം ധരിക്കുന്ന ഇവര്‍ ഈ പ്രക്രിയകള്‍ തുടരുന്ന കാരണം അവര്ക്കു മാസമുറ ഉണ്ടാകുന്ന സമയം സാധാരണ സ്ത്രീകളെ അപേക്ഷിച്ച് 10-25% മാത്രമാണത്രേ. വളരെ നാള്‍ മുല ഊട്ടുന്ന കാരണം വേറെ ഒരു ഗര്‍ഭനിരോധന മാര്‍ഗവും ഉപയോഗിക്കാതെ തന്നെ ഇവര്‍ക്കുണ്ടാകുന്ന കുട്ടികളുടെ എണ്ണവും അന്ചിലോ ആറിലോ ഒതുങ്ങുന്നു.

മാസമുറ തീരെ ഇല്ലാതാക്കാനോ അവയുടെ എണ്ണം കുറക്കണോ ധാരാളം മരുന്നുകള്‍ വിപണിയിലുണ്ട്. ഈ പറഞ്ഞ കാര്യങ്ങളെല്ലാം ഈ മരുന്നുകളുടെ വിപണിക്കായി ആ കംപനിക്കാര്‍ ഇറക്കിയ വാദങ്ങള്‍ ആണെന്നുമൊരു അഭിപ്രായവും നിലവിലുണ്ട്

50 ഇഷ്ടങ്ങളും അനിഷ്ടങ്ങളും

2008-12-24T14:16:00.013+05:30

50 ഇഷ്ടങ്ങള്‍

ഉറക്കം
കവിത
ഷോപ്പിങ്ങ്
ഭക്ഷണം
പരദൂഷണം
കൊഞ്ചല്‍
വായനോട്ടം
പേന്‍ നോക്കല്‍
വായന
ടെലിവിഷന്‍
വാചകമടി
നീന്തല്‍
പാദരക്ഷകള്‍
പാചകം
സിനിമ
രതി
എണ്ണ തേച്ചു കുളി
മസ്സാജ്
ചീട്ടു കളി
യാത്ര
തണുപ്പ്
ഫോണ്‍ വിളി
ബ്രൌസിന്ഗ്
ചുമ്പനം
കുഞ്ഞുങ്ങള്‍
ഫോട്ടോ പിടുത്തം
തീവണ്ടി
തമാശ
പേന
സ്വപ്‌നങ്ങള്‍
പക്ഷികള്‍
പഴങ്ങള്‍
ചിരി
ഹാന്‍ഡ് ബാഗ്
കേക്ക്
വാച്ചുകള്‍
അടിവസ്ത്രങ്ങള്‍
ആലിംഗനം
ചിത്രങ്ങള്‍
കസവ് മുണ്ട്
പുരുഷന്റെ നെന്ചിലെ രോമം
കല്‍ക്കണ്ടം
ഐസ് ക്രീം
കല്യാണങ്ങള്‍
പാട്ടുകള്‍
ആഘോഷങ്ങള്‍
ബലൂണ്‍
സമ്മാനങ്ങള്‍
ആലിപ്പഴം
മഞ്ഞു

50 അനിഷ്ടങ്ങള്‍

വായനാറ്റം
കുശുമ്പ്
വിശ്വാസ വഞ്ചന
തുറിച്ചുനോട്ടം
ആന എഴുന്നള്ളിപ്പ്
പാമ്പ്
പുകവലി
അമിതമദ്യപാനം
കൂര്‍ക്കംവലി
അവഗണന
യുദ്ധം
പക്ഷഭേദം
അമിതാവേശം
അമിതവേഗം
സ്ത്രീധനം
ഹിജടകള്‍
ബാലവേല
ഒളികാമറകള്‍
ബാലവേശ്യാവൃത്തി
അമിതഭയം
അമിത ലജ്ജ
ജാതിചിന്ത
മതഭ്രാന്ത്
അന്ധവിശ്വാസങ്ങള്‍
കാമാര്‍ത്തി
എടീ,നീ എന്നുള്ള വിളി
ഉപ്പുമാവ്
hypocrisy - എന്താണിതിന്റെ മലയാളം?
ബാലവിവാഹം
പുച്ഛം
അലര്‍ച്ച
മന്ത്രവാദം
അമിതവിനയം
സ്ത്രീ ചെഷ്ടകലുള്ള പുരുഷന്മാര്‍
കുത്തിക്കൊള്ളുന്ന താടി
ആഭരണ പ്രിയം
മെഗാ സീരിയല്‍
ടെസ്റ്റ് ക്രിക്കറ്റ്
ആയുധങ്ങള്‍
ഡെറ്റോള്‍ മണം
കടുകരച്ചുള്ള കറികള്‍
സര്‍ക്കസ്
ഊഹ കച്ചവടം
വിയര്‍പ്പുനാറ്റം
പല്ലുവേദന
അമിത ആരാധന
അക്ഷമ
പിശുക്ക്
മൌനം
പൊങ്ങച്ചം

ജീവിതം പിന്നോട്ട്

2008-12-18T17:30:00.000+05:30

മരണത്തില്‍ നിന്നു തുടങ്ങുന്ന ജീവിതം

വൃദ്ധസദനത്തില്‍ മക്കള്‍ക്കായുള്ള നീണ്ട കാത്തിരിപ്പുകള്‍

35 കൊല്ലം നീണ്ട ഔദ്യോകിക ജീവിതം ഇന്നവസാനിക്കുന്നു

നിങ്ങള്‍ക്കു ഒരു സ്ഥാനക്കയറ്റം ലഭിച്ചിരിക്കുന്നു

നിങ്ങള്‍ ഇന്നു ഒരു അച്ഛനായി

ഇന്നു നിങ്ങളുടെ വിവാഹദിനം, മോഹങ്ങള്‍ പൂവണിയുന്നു

കലാലയ ജീവിതത്തിലെ മുഹൂര്‍ത്തങ്ങള്‍, ആദ്യമായി മദ്യത്തിന്റെ രുചി അറിയുന്നു

നിങ്ങളെ അച്ഛന്‍ പള്ളിക്കൂടത്തില്‍ ചേര്‍ക്കുന്നു

ശൈശവത്തിലെക്കു പ്രവേശിക്കുന്നു, എല്ലാവരുടെയും കൊന്ചിക്കലിനു പാത്രമായി

9 മാസം അമ്മയുടെ ഗര്‍ഭപാത്രത്തിന്റെ ആര്‍ഭാടത്തില്‍ സുഖമായ ജീവിതം

ആഹാ! ഒരു രതിമൂര്ച്ചയില് നിങ്ങള്‍ അവസാനിക്കുന്നു

കടപ്പാട്: ആശയം വളരെ നാളുകള്‍ക്ക് മുമ്പ് കിട്ടിയ ഒരു ഈമെയിലില്‍ നിന്നു

സെലെബ്രടീ അയാലത്തെ പുകിലുകള്‍

2008-12-17T10:13:00.004+05:30

ധോനിക്കൊപ്പം വീണ്ടും ലക്ഷ്മി റായ് . ഹൊ ധോണി ഒരു ഫ്രണ്ട്-ഇന്റെ കൂടെ പോയി ഭക്ഷണം കഴിച്ചാലും അത് വാര്‍ത്തയോ? ഈ പത്രക്കാരെ സമ്മതിക്കണം. സെലെബ്രടീ അയാലത്തെ ഒരു പ്രശ്നമേ. പാര്‍വതിക്കുട്ടി സ്വിം സ്വിറ്റ് അണിഞ്ഞതിന്റെ പ്രോബ്ലെംസ് ഇപ്പോളും നടക്കുന്നു.

ഞാന്‍ ഒരു സെലെബ്രടീ ആകാത്തത് ഇതൊക്കെക്കൊണ്ടാണ് ( നാട്ടുകാരുടെ ഭാഗ്യം)

ഒരു കുസൃതി ചിന്ത

2008-12-16T16:41:00.000+05:30

ഗര്‍ഭം ഒരു പകര്‍ച്ചവ്യാധി ആണോ?
ഓഫീസില്‍ പെട്ടന്ന് നിറയെ ഗര്‍ഭിണികളെ കണ്ടപ്പോള്‍ തോന്നിയ ഒരു കുസൃതി ചിന്ത.