KERALA AUTO TECH

ലോക്ക് ഡൗണില്‍ പിടിച്ച വണ്ടികൾക്കു മുട്ടൻ പണി പുറകെ വരുന്നു

2020-04-12T03:59:00.002-07:00

ലോക്ക് ഡൗണിനിടെ നിയമം ലംഘിച്ച്‌ പുറത്തിറങ്ങിയതിനെ തുടര്‍ന്ന് പിടിച്ചെടുത്ത വാഹനങ്ങള്‍ ഉടമകള്‍ക്ക് തിരികെ നല്‍കാനുള്ള നീക്കത്തിലാണ് പൊലീസ്. തിങ്കളാഴ്ച മുതല്‍ ഉടമയ്ക്ക് സ്റ്റേഷനിലെത്തി വാഹനം തിരികെ കൊണ്ടുപോകാം. പൊലീസ് അറിയിക്കുന്നതിന് അനുസരിച്ചാവും വാഹനങ്ങള്‍ വിട്ടു നല്‍കുക.

ഇതിനായി ഉടമ പൊലീസ് സ്റ്റേഷനില്‍ എത്തി നിര്‍ദിഷ്ട പൊലീസ് ഉദ്യോഗസ്ഥന്‍ മുമ്ബാകെ സത്യവാങ്മൂലം സമര്‍പ്പിക്കണം. പൊലീസ് എപ്പോള്‍ ആവശ്യപ്പെട്ടാലും ഹാജരാക്കാമെന്ന നിബന്ധനയുടെ മേലായിരിക്കും വാഹനങ്ങള്‍ വിട്ടുനല്‍കുക. ആദ്യം പിടിച്ചെടുത്ത വാഹനങ്ങള്‍ ആദ്യം എന്ന ക്രമത്തിലായിരിക്കും തിരികെ നല്‍കുക.

എന്നാല്‍ വാഹനം തിരികെ ലഭിച്ചെന്നു കരുതി അധികം ആഹ്ളാദിക്കേണ്ട.

ഇതുമായി ബന്ധപ്പെട്ട കേസും നടപടികലും പൊലീസ് തുടരും എന്നാണ് റിപ്പോര്‍ട്ടുകള്‍. ഒരുമാസം മുതല്‍ മൂന്നുകൊല്ലംവരെ തടവുശിക്ഷ ലഭിക്കാവുന്ന വിവിധ വകുപ്പുകളാണ് കേസില്‍ ചുമത്തുന്നത്. പകര്‍ച്ചവ്യാധിനിയന്ത്രണ ഓര്‍ഡിനന്‍സും ഐപിസി ആക്ടും കേരള പോലീസ് ആക്ടും അനുസരിച്ചുള്ള നടപടികളാവും നടക്കുക.

കേരള പകര്‍ച്ചവ്യാധി ഓര്‍ഡിനന്‍സ് 4(2)(എഫ്),5 കളക്ടറുടെ ഉത്തരവു പ്രകാരമുള്ള വിലക്ക് ലംഘിച്ചാല്‍ രണ്ടുവര്‍ഷം വരെ തടവോ 10,000 രൂപവരെ പിഴയോ ലഭിക്കാം. ഐപിസി 188 അനുസരിച്ച്‌ ഒരു മാസം തടവോ പിഴയോ രണ്ടും കൂടിയോ ശിക്ഷയായി ലഭിക്കുക. പൊലീസിന്റെ ഉത്തരവ് ലംഘിച്ചതിലൂടെ മറ്റൊരാള്‍ക്ക് ആരോഗ്യപ്രശ്‌നങ്ങള്‍ ഉണ്ടാകുകയാണെങ്കില്‍ ആറുമാസത്തെ തടവുവരെ ലഭിക്കാം. ഐ.പി.സി. 269 ഈ വകുപ്പുപ്രകാരം ആറുമാസത്തെ തടവോ പിഴയോ രണ്ടും കൂടിയോ ലഭിക്കാം. കേരള പോലീസ് ആക്‌ട് 118(ഇ) മൂന്നുവര്‍ഷം വരെ തടവോ 10,000 രൂപവരെ പിഴയോ രണ്ടും കൂടിയോ ശിക്ഷയായി ലഭിക്കാം.

ഇപ്പോള്‍ വിട്ടുകൊടുക്കുന്ന വാഹനങ്ങള്‍ വീണ്ടും പിടിയിലായാല്‍ കളി മാറിയേക്കുമെന്നും റിപ്പോര്‍ട്ടുകളുണ്ട്. ഇപ്പോള്‍ ജാമ്യം കിട്ടുന്ന വകുപ്പുകളാണ് ചുമത്തിയിരിക്കുന്നതെങ്കില്‍ വിട്ടുനല്‍കുന്ന വണ്ടിയുമായി വീണ്ടും പിടിയിലായാല്‍ ജാമ്യം പോലും കിട്ടില്ല. ഒപ്പം ഇപ്പോഴത്തെ വകുപ്പുകള്‍ മാറ്റി കൂടുതല്‍ ശക്തമായ വകുപ്പുകളും ചുമത്തും.

സൗജന്യ സര്‍വ്വീസും വാറണ്ടിയും നീട്ടിനല്‍കുമെന്ന് കെടിഎം

2020-04-09T10:07:00.001-07:00

കൊറോണ വൈറസിന്റെ പശ്ചാത്തലത്തില്‍ രാജ്യത്ത് സമ്ബൂര്‍ണ്ണ ലോക്ക്ഡൗണ്‍ ആയതിനാല്‍ എല്ലാ മോഖലയെയും അത് മോശമായി തന്നെ ബാധിച്ചിരിക്കുന്നു. ചില ആശ്വാസ നടപടികളുമായി ആണ് വാഹന നിര്‍മാതാക്കള്‍ എത്തിയിരിക്കുന്നത്.

കൊറോണ ലോക്ക്ഡൗണിന്റെ പശ്ചാത്തലത്തില്‍ വാഹനങ്ങളുടെ സൗജന്യ സര്‍വ്വീസും വാറണ്ടിയും നീട്ടിനല്‍കുമെന്ന് അറിയിച്ചിരിക്കുകയാണ് കെടിഎം. ലോക്ക്ഡൗണ്‍ കാലഘട്ടത്തില്‍ വാറണ്ടിയും സര്‍വീസും നഷ്ടപ്പെട്ട വാഹനങ്ങള്‍ക്ക് ജൂണ്‍ 30 വരെ ഇത് പുതുക്കി നല്‍കുമെന്നാണ് കമ്ബനി അറിയിച്ചിരിക്കുന്നത്.

മറ്റ് നിര്‍മ്മാതാക്കളെപ്പോലെ തന്നെ കെടിഎം ഷോറൂമുകളും ഡീലര്‍ഷിപ്പുകളും അടഞ്ഞുകിടക്കുകയാണ്. അതുകൊണ്ടുതന്നെ ബൈക്കുകളുടെ വാറണ്ടി, സര്‍വ്വീസ് തുടങ്ങിയ കാര്യങ്ങളില്‍ ഉപഭോക്താക്കള്‍ക്ക് കമ്ബനി അറിയിപ്പ് നല്‍കിയിരിക്കുന്നത്

ലോക്ക്ഡൗണിനെ തുടര്‍ന്ന് 24 മണിക്കൂര്‍ സേവനം ഉറപ്പാക്കുമെന്ന് അറിയിച്ച്‌ മഹീന്ദ്രയും മുമ്ബ് എത്തിയിരുന്നു. വാഹനങ്ങളുടെ വാറണ്ടിയും സൗജന്യം സര്‍വ്വീസും നഷ്ടപ്പെടുമെന്ന ആശങ്ക വേണ്ടെന്നാണ് കമ്ബനി അറിയിച്ചത്.

ലോക്ക്ഡൗണ്‍ കാലത്ത് വാറണ്ടി കാലാവധി പുതുക്കാന്‍ സാധിക്കാത്തവര്‍ക്കും സര്‍വ്വീസ് നഷ്ടപ്പെടുന്നവര്‍ക്കും ഇതിനുള്ള അവസരം ഒരുക്കുമെന്നും അറിയിച്ചു. മഹീന്ദ്രയുടെ വിത്ത് യു ഹമേശാ എന്ന ഡിജിറ്റല്‍ പ്ലാറ്റ്‌ഫോമിലൂടെ ഉപയോക്താക്കള്‍ക്ക് കമ്ബനിയുടെ സേവനം ഉറപ്പാക്കും.

ലോക്ക് ഡൗണ്‍: ഡ്രൈവിങ്ങ് ലൈസന്‍സ്, വാഹന രജിസ്ട്രേഷന്‍ എന്നിവ ജൂണ്‍ 30 വരെ പുതുക്കാം

2020-04-07T02:20:00.002-07:00

ഫെബ്രുവരി ഒന്ന് ശേഷം കാലാവധി അവസാനിച്ച ഡ്രൈവിങ്ങ് ലൈസന്‍സ്, വാഹന രജിസ്ട്രേഷന്‍ എന്നിവ ജൂണ്‍ 30 വരെ പുതുക്കാനുള്ള അവസരമൊരുക്കുമെന്ന് കേന്ദ്ര സര്‍ക്കാര്‍. കൊറോണ ലോക്ക് ഡൗണിന്റെ പശ്ചാത്തലത്തില്‍ ഓഫീസുകള്‍ അടഞ്ഞുകിടക്കുന്നതിനെ തുടര്‍ന്നാണ് കേന്ദ്ര സര്‍ക്കാരിന്റെ പുതിയ തീരുമാനം.

വാഹനവുമായി ബന്ധപ്പെട്ട പല രേഖകളും പുതുക്കാന്‍ ആളുകള്‍ നെട്ടോട്ടമോടുകയാണെന്നും ഈ അവസരത്തില്‍ ജനങ്ങളുടെ ബുദ്ധിമുട്ട് കണക്കിലെടുത്താണ് കേന്ദ്ര ഗതാഗത മന്ത്രാലയം ഈ തീരുമാനം സ്വീകരിക്കുന്നതെന്നും പ്രസ്താവനയില്‍ വ്യക്തമാക്കി. ഇത് എല്ലാ സംസ്ഥാനങ്ങള്‍ക്കും കേന്ദ്ര ഭരണ പ്രദേശങ്ങള്‍ക്കും ബാധകമാണെന്നും അറിയിപ്പില്‍ പറയുന്നു.

ഫെബ്രുവരി ഒന്നിന് ശേഷമോ, ജൂണ്‍ 30-നുള്ളിലോ കാലാവധി കഴിയുന്ന ഡ്രൈവിങ്ങ് ലൈസന്‍സ്, വാഹന രജിസ്ട്രേഷന്‍, ഫിറ്റ്നെസ്, പെര്‍മിറ്റ് എന്നിവയ്ക്കും വാഹനത്തിന്റെ മറ്റ് രേഖകള്‍ക്കും ജൂണ്‍ 30 വരെ കാലാവധി ഉള്ളതായി കണക്കാക്കണമെന്നാണ് കേന്ദ്ര ഗതാഗത വകുപ്പ് അറിയിച്ചിരിക്കുന്നത്.

ലോക്ക് ഡൗണിലും ജനങ്ങള്‍ക്ക് അവശ്യ സേവനങ്ങള്‍ ലഭ്യമാക്കാന്‍ സംസ്ഥാന സര്‍ക്കാരുകള്‍ ശ്രദ്ധിക്കണം. ഭക്ഷണം ഉള്‍പ്പെടെയുള്ള സാധനങ്ങളുമായി സര്‍വീസ് നടത്തുന്ന ലോറികളുടെയും മറ്റ് ചരക്ക് വാഹനങ്ങളുടെയും സുരക്ഷ സര്‍ക്കാര്‍ ഉറപ്പാക്കണമെന്നും കേന്ദ്ര ഗതാഗത മന്ത്രാലയും സംസ്ഥാന സര്‍ക്കാരുകളോട് ആവശ്യപ്പെട്ടു.

ഇതിനു മുമ്ബ് കാലാവധി കഴിഞ്ഞ ഡ്രൈവിങ് ലൈസന്‍സ് പുതുക്കാന്‍ വാഹനം ഓടിച്ചു കാണിക്കേണ്ടന്നും ഇളവ് കേന്ദ്രസര്‍ക്കാര്‍ നല്‍കിയിരുന്നു. അത് മാര്‍ച്ച്‌ 31 വരെയായിരുന്നു ഇളവ്. സംസ്ഥാന സര്‍ക്കാരിന്റെ അഭ്യര്‍ഥനയെത്തുടര്‍ന്ന് കേന്ദ്രം ഇളവ് പ്രഖ്യാപിച്ചത്. കാലാവധി കഴിഞ്ഞ് അഞ്ചുവര്‍ഷം പിന്നിടുന്നതിനുമുമ്ബേ പുതുക്കല്‍ അപേക്ഷ നല്‍കുന്നവര്‍ക്കാണ് റോഡ് ടെസ്റ്റ് ഒഴിവാകുക.

കേന്ദ്ര നിയമഭേദഗതിയെത്തുടര്‍ന്ന് ഒക്ടോബര്‍ മുതല്‍ ലൈസന്‍സ് പുതുക്കുന്നതിനുള്ള വ്യവസ്ഥകള്‍ കര്‍ശനമാക്കിയിരുന്നു. ലൈസന്‍സ് കാലാവധി കഴിഞ്ഞ് ഒരു വര്‍ഷത്തിനുള്ളില്‍ അപേക്ഷ നല്‍കിയാല്‍ മാത്രമേ പിഴ നല്‍കി പുതുക്കാന്‍ കഴിയുകയുള്ളൂ.
ഒരു വര്‍ഷം കഴിഞ്ഞാല്‍ റോഡ് ടെസ്റ്റ് നടത്തണം. അഞ്ചുവര്‍ഷം കഴിഞ്ഞാല്‍ ലേണേഴ്സ്, എട്ട് അഥവാ എച്ച്‌, റോഡ് ടെസ്റ്റ് എന്നിവ വീണ്ടും പാസാകണം എന്നതായിരുന്നു വ്യവസ്ഥകള്‍. പ്രവാസികള്‍ ഏറെയുള്ള സംസ്ഥാനത്ത് നിര്‍ദേശം പെട്ടെന്ന് നടപ്പാക്കുക ബുദ്ധിമുട്ടാണെന്ന് മന്ത്രി എ.കെ. ശശീന്ദ്രന്‍, കേന്ദ്രമന്ത്രി നിഥിന്‍ ഗഡ്കരിക്ക് കത്തെഴുതിയിരുന്നു.

ഇതേ തുടര്‍ന്നാണ് മാര്‍ച്ച്‌ വരെ ഇളവ് നല്‍കിയത്. ലൈസന്‍സ് കാലാവധി കഴിഞ്ഞ് അഞ്ചുവര്‍ഷത്തിനുള്ളിലാണെങ്കില്‍ അപേക്ഷാഫീസും പിഴയും അടച്ചാല്‍ ലൈസന്‍സ് പുതുക്കി നല്‍കും. ഇതു സംബന്ധിച്ച്‌ വ്യവസ്ഥകള്‍ ഏര്‍പ്പെടുത്താന്‍ ഗതാഗത സെക്രട്ടറി ട്രാന്‍സ്പോര്‍ട്ട് കമ്മിഷണര്‍ക്ക് നിര്‍ദേശംനല്‍കിയത്.

MARUTI SWIFT SPORT ഇന്ത്യയിൽ എത്തി

2020-04-07T00:55:00.002-07:00

മാരുതി സുസുക്കി സ്വിഫ്റ്റിന്റെ പെര്‍ഫോമെന്‍സ് പതിപ്പായ സ്വിഫ്റ്റ് സ്‌പോട്ട് ഇന്ത്യയിലേക്ക് എത്തുമെന്നുള്ള പ്രതീക്ഷ ശക്തിപ്പെടുന്നു. ഡല്‍ഹി എയര്‍പോര്‍ട്ടില്‍ ഈ വാഹനം എത്തിയതിന്റെ ചിത്രങ്ങള്‍ പുറത്തുവന്നതോടെയാണ് സ്വിഫ്റ്റ് സ്‌പോട്ടിനുള്ള പ്രതീക്ഷകള്‍ക്ക് വീണ്ടും ചിറകുമുളയ്ക്കുന്നത്. ബിഡബ്ല്യു ഓട്ടോവേള്‍ഡാണ് ഇന്‍സ്റ്റഗ്രാമിലുടെ ചിത്രം പുറത്തുവിട്ടിരിക്കുന്നത്.

വൈറ്റ് ഫിനീഷിങ്ങിലുള്ള സ്വിഫ്റ്റ് സ്‌പോട്ടാണ് ഡല്‍ഹി എയര്‍പോര്‍ട്ടില്‍ എത്തിയത്. എല്‍ഇഡി ലൈറ്റുകളും സ്‌പോര്‍ട്ടി ഭാവമുള്ള അഞ്ച് സ്‌പോക്ക് ഡ്യുവല്‍ ടോണ്‍ അലോയി വീലുകളും, സ്‌കേര്‍ട്ടുകളും ക്ലാഡിങ്ങുകളും നല്‍കി വിദേശ നിരത്തുകളില്‍ പ്രത്യക്ഷപ്പെട്ട ഡിസൈനില്‍ തന്നെയാണ് എക്സ്റ്റീരിയര്‍ ഒരുക്കിയിരിക്കുന്നത്.

മാരുതിയുടെ സ്വന്തം ഹെര്‍ടെക്‌ട് പ്ലാറ്റ്‌ഫോമില്‍ ഒരുങ്ങിയിട്ടുള്ള വാഹനമാണ് സ്വിഫ്റ്റ് സ്‌പോട്ട്. 3890 എംഎം നീളവും 1735 എംഎം വീതിയും 1495 എംഎം ഉയരവും 2450 എംഎം വീല്‍ബേസുമാണ് സ്വിഫ്റ്റ് സ്‌പോട്ടിനുള്ളത്. റെഗുലര്‍ മോഡലിനെക്കാള്‍ അഗ്രസീവ് ഭാവവും മികച്ച കരുത്തുമാണ് സ്‌പോട്ടിനെ വ്യത്യസ്തമാക്കുന്നത്.

സ്‌പോര്‍ട്ട് ബാഡ്ജിങ്ങ് സീറ്റുകള്‍, സ്‌പോര്‍ട്ടി അലുമിനിയം പെഡലുകള്‍, ത്രീ സ്‌പോക്ക് സ്റ്റിയറിങ്ങ് വീല്‍, പുതിയ ഡിസൈനിലുള്ള എസി നോബ്, രൂപമാറ്റം വരുത്തിയ ഗിയര്‍ ലിവര്‍, എട്ട് ഇഞ്ച് ഇന്‍ഫോടെയ്ന്‍മെന്റ് സിസ്റ്റം, ട്വിന്‍ പോഡ് ഇന്‍സ്ട്രുമെന്റ് ക്ലെസ്റ്റര്‍ എന്നിവയാണ് സ്വിഫ്റ്റ് സ്‌പോട്ടിന്റെയും ഇന്റീരിയറിലുള്ളത്.

വേരിബിള്‍ ഫ്യുവല്‍ പ്രഷര്‍ കണ്‍ട്രോള്‍ സിസ്റ്റം, ഡ്യുവല്‍ ഇന്‍ടേക്ക് എയര്‍ പ്രഷര്‍ സെന്‍സര്‍ കണ്‍ട്രോള്‍, പെന്‍ഡുലം ടൈപ്പ് മൗണ്ടിങ്ങ് സിസ്റ്റം എന്നിവയുള്ള 1.4 ലിറ്റര്‍ ഫോര്‍ സിലിണ്ടര്‍ ബൂസ്റ്റര്‍ ജെറ്റ് എന്‍ജിനാണ് സ്‌പോട്ടിലുള്ളത്. ഇത് 138 ബിഎച്ച്‌പി പവറും 230 എന്‍എം ടോര്‍ക്കുമേകും. ആറ് സ്പീഡ് മാനുവലാണ് ട്രാന്‍സ്മിഷന്‍.

TATA നമ്മൾ ഉദ്ദേശിച്ച ആൾ അല്ല സർ..

2020-04-06T22:51:00.001-07:00

1500 കോടി കോറോണ പ്രതിരോധത്തിനു വേണ്ടി സംഭാവന ചെയ്ത TATA ആണൂ സോഷ്യൽ മീഡിയയിൽ ഇപ്പോൾ ചർച്ച.

റ്റാറ്റയുടെ ചരിത്രം പരിശോധിച്ചാൽ ഇതൊന്നും ഒന്നും അല്ല. ഇന്ത്യയുടെ പുരോഗതിക്ക്‌ ഇത്രമാത്രം പങ്കു വഹിച്ച മറ്റൊരു കംബനി ചരിത്രത്തിൽ ഇല്ല.

പക്ഷേ റ്റാറ്റയെ കുറിച്ച്‌ സാദാരണക്കാർക്ക്‌ കൂടുതൽ ഒന്നും അറിയില്ല, അദാനിയെയും അംബാനിയെയും ഒക്കെ പറ്റി മാത്രമേ സാദാരണക്കാർക്ക്‌ കേട്ട്‌ പരിചയം ഉള്ളു.

കൈക്കൂലിയും അവിഹിത രാഷ്ട്രീയ ഇടപാടുകളും വഴി ഒരിക്കലും ബിസിനസ്‌ വളർത്താൻ ഉപയോഗിക്കില്ല എന്നത്‌ ഒരു അടിസ്ഥാന കംബനി പോളിസി ആയി കൊണ്ട്‌ നടക്കുന്നതിനാൽ ടാറ്റ ഗ്രൂപ്പ്‌, രാഷ്ട്രീയക്കാർക്കും മീഡിയകൾക്കും അത്ര പ്രിയപ്പെട്ടവരല്ല. അത്‌ കൊണ്ട്‌ തന്നെ അവരെക്കുറിച്ച്‌ കൂടുതൽ ചർച്ചകൾ വരാൻ തുടങ്ങിയത്‌ സോഷ്യൽ മീഡിയകൾ ആക്റ്റീവായതിനു ശേഷം മാത്രം ആണു.

ഒരു സാധാരണക്കാരനു റ്റാറ്റയുടെ ബസ്സും കാറും മാത്രമേ ടാറ്റയെ കുറിച്ച്‌ അറിയുകയുള്ളു.
ഒരിക്കൽ ബ്രിട്ടീഷ്‌ കംബനിയായിരുന്ന റേഞ്ച്‌ റോവറിന്റെയും ജാഗുവറിന്റെയും ഇന്നത്തെ ഉടമസ്ഥരായ ടാറ്റ മോട്ടോഴ്സ്‌ എന്ന കബനി TATA Sons ന്റെ ലോകം മൊത്തം പരന്ന് കിടക്കുന്ന ബിസിനസ്‌ സാമ്രാജ്യത്തിന്റെ വളരെ ചെറിയ ഒരു ഭാഗം മാത്രമാണു. ടാറ്റ ഗ്രൂപ്പിന്റെ കീഴിലുള്ള 100 ഓളം കംബനികളിൽ ,TCS എന്ന ഒറ്റ ഐട്ടി കംബനി മാത്രം എടുത്താൽ തന്നെ ഇന്ത്യയിലെ ഏറ്റവും വലിയ കംബനിയായി മീഡിയകൾ കൊട്ടി ഘോഷിക്കാറുള്ള റിലയൻസ്‌ ഇൻഡസ്റ്റ്രീസിന്റെ അത്രയും ആസ്ഥി വരും.

ടാറ്റയുടെ വരുമാനത്തിന്റെ 90% വരുന്നത്‌ ഇന്ത്യക്ക്‌ പുറത്ത്‌ നിന്നാണു. സാദാരണക്കാരെ പിഴിഞ്ഞല്ല ടാറ്റ കംബനികൾ പൊതുവെ ലാഭമുണ്ടാക്കാറുള്ള. TCS ന്റെ ഒക്കെ ഏറ്റവും വലിയ ക്ലയന്റ്സ്‌ Microsoft, Google Facebook പോലുള്ള വൻ കിട കോർപ്പറേറ്റുകൾ ആണു.

ചില ടാറ്റ ഫാക്റ്റുകൾ താഴെ കൊടുക്കുന്നു.

*"TATA COMPANY"ടാറ്റാ ഗ്രൂപ്പ്* അഥവാ *ടാറ്റാസ്*. അവരെക്കുറിച്ച് നിങ്ങളിൽ ചിലർക്കെങ്കിലും അറിയാത്ത ചില കാര്യങ്ങൾ പങ്കുവയ്ക്കുന്നു.

1. ഉപ്പു മുതൽ കർപ്പൂരം വരെയുള്ള എല്ലാ ബിസിനസിലും ഉണ്ടെങ്കിലും alcohol & tobacco* ബിസിനസിൽ ഇവരെ കണ്ടത്താൻ കഴിയില്ല. വരികയുമില്ല!

2. ലോകത്തെ മുഴുവൻ ഇന്റർനെറ്റ് ട്രാഫിക്കിന്റെ *24%* ൽ അധികവും കടന്നു പോകുന്നത് ടാറ്റയുടെ കേബിൾ ശൃംഖലയിലൂടെയാണ്.

3. ടാറ്റാ ഗ്രൂപ്പിന്റെ *66%* - ഓളം ലാഭ വിഹിതം *ചാരിറ്റി* പ്രവർത്തനങ്ങൾക്കായി ( *TATA Trust* ) ആണ് വിനിയോഗിക്കുന്നത്.

4. ഇന്ത്യയിലാദ്യമായി *Daycare, പ്രസവ അവധി, പ്രൊവിഡന്റ് ഫണ്ട്* (PF) എന്നിവ ജോലിക്കാർക്കായി നടപ്പിലാക്കി, പിന്നീടാണ് ഗവൺമെന്റുകൾ പോലും നടപ്പിലാക്കി തുടങ്ങിയത്.

5. *കൈകൂലി കൊടുക്കുകയും വാങ്ങുകയുമില്ല* എന്നത് പ്രഖ്യാപിത നയമാണ്. നിരവധി കരാറുകൾ ടാറ്റ അതുമൂലം വേണ്ടെന്നു വച്ചിട്ടുണ്ട്.

6. *Indian Institute of Science* (IISc), *TATA Institute of Fundamental Research* (TIFR), *TATA Institute of Social Science* (TISS) തുടങ്ങി അനവധി രാജ്യാന്തര നിലവാരമുള്ള പഠന കേന്ദ്രങ്ങൾ, നിരവധി ആശുപത്രികൾ, റിസർച്ച് സെന്ററുകൾ, സ്പോട്സ് കേന്ദ്രങ്ങൾ തുടങ്ങിയവ രാജ്യത്തിന് നൽകി.

7. *TATA Global Beverages* ലോകത്തിലെ ഏറ്റവും വലിയ രണ്ടാമത്തെ തേയില കമ്പനിയാണ്

8. *TATA Chemicals* ലോകത്തിലെ ഏറ്റവും വലിയ രണ്ടാമത്തെ soda ash (സോഡാ ആഷ്) നിർമ്മാണ കമ്പനിയാണ്.

9. *TATA Motors* ലോകത്തിലെ ഏറ്റവും വലിയ വാണിജ്യ വാഹന നിർമ്മാതാക്കളിൽ ആദ്യ 10 ൽ ഉൾപ്പെടുന്ന കമ്പനിയാണ്.

10. *TCS* (Tata Consultancy Services) ലോകത്തിലെ വലിയ രണ്ടാമത്തെ IT Service കമ്പനിയാണ്.

11. ഇന്ത്യയിലെ ഏറ്റവും വലിയ *integrated corporate company* ടാറ്റയാണ് (650,000+ ജോലിക്കാർ, 100 ൽ അധികം രാജ്യങ്ങളിൽ പ്രവർത്തനം).

12. ആപ്ത വാക്യം: *ഹുമത ഹുക്ത ഹവർഷത* (good thoughts, good words and good deeds).

13. ഇന്ത്യയിലെ ഏറ്റവും വലിയ integrated power company ആണ് *TATA Power.*

14. 19 ാം നൂറ്റാണ്ടിൽ *ഇറാനിൽ* നിന്നും ഇന്ത്യയിലേക്ക് കുടിയേറിയവരാണ് ടാറ്റാ കുടുംബം.

15. ടാറ്റയുടെ ചെയർമാന്മാർ;
• *Jamsetji Tata*
• *Dorabji Tata*
• *Nowroji Sakhlawat*
• *JRD Tata*
• *Ratan Tata*
• *Cyrus Mistry*
• *Natarajan Chandrasekaran*

16. *ഭാരത് രത്ന* ലഭിച്ച ആദ്യ ഇന്ത്യൻ വ്യവസായി ആണ് *JRD Tata.*

17. ടാറ്റാ ഗ്രൂപ്പിന്റെ മുഴുവൻ ആസ്തിയും രത്തൻ ടാറ്റയുടെ പേരിലേക്ക് മാറ്റിയാൽ *ലോകത്തിലെ ഏറ്റവും വലിയ ധനികൻ* ആകുമായിരുന്നു.

18. ഒന്നാം ലോക മഹായുദ്ധ കാലത്ത് മുംബൈ *താജ് ഹോട്ടൽ 600 ബെഡുള്ള ആശുപത്രിയാക്കിയിരുന്നു* ടാറ്റാ ഗ്രൂപ്പ്.

19. ലോകത്ത് ആദ്യമായി *8 മണിക്കൂർ ജോലി* നടപ്പാക്കി (1912).

20. 1932 ൽ *Tata Aviation Services* ആരംഭിച്ചു. പിന്നീടത് *Tata Airlines* ആയി. ഇന്ത്യാ ഗവൺമെന്റിന് വിട്ടുകൊടുത്തപ്പോൾ ഇപ്പോഴത്തെ *Air India* ഉം ആയി.

21. ഇന്ത്യയിൽ ആദ്യമായി വിമാനം പറത്തിയതും പൈലറ്റ് ലൈസൻസ് നേടിയതും *JRD ടാറ്റയാണ്.*

22. *Jaguar, Land Rover* എന്നീ ആഡംബര കാർ ബ്രാൻഡുകളുടെ ഉടമ Tata Motors ആണ്.

23. ലോകത്തിലെ ഏറ്റവും മികച്ച ബിസിനസ് സ്കൂളുകളിൽ മുമ്പിലുള്ള അമേരിക്കയിലെ ബോസ്റ്റണിലെ *ഹാർവാർഡ് ബിസിനസ് സ്കൂളിലെ ഒരു ബിൽഡിങ്ങിന്റെ പേര് ടാറ്റാ ഹാൾ* എന്നാണ്.

24. *Ethisphere Institute* നൽകുന്ന *World's Most Ethical Company* ടാറ്റാ സ്റ്റീലിനായിരുന്നു 2015 മുതൽ തുടർച്ചയായി ലഭിച്ചത് (under metals, minerals and mining category).

25. *CSR* (Corporate Social Responsibility) *activities ലോകത്ത് ആദ്യമായി നടപ്പിലാക്കിയ കമ്പനി ടാറ്റയാണ്*. പിന്നീട് ലോകം അത് അനുകരിച്ചു, രാജ്യങ്ങൾ നിയമമാക്കി.

ടാറ്റയെക്കുറിച്ച് പറയാൻ ഏറെയുണ്ട്, എങ്കിലും നിർത്തുന്നു. ഓരോ ഇന്ത്യക്കാരനും അഭിമാനമാണ് ടാറ്റ. Truly a *Made In India* company. We can also call it as *Made India* company

രണ്ടുകോടിയുടെ ധനസഹായവുമായി എംജി മോട്ടോഴ്‌സ്

2020-03-26T07:58:00.001-07:00

ബ്രിട്ടീഷ് വാഹനനിര്‍മാതാക്കളായ എംജി മോട്ടോഴ്‌സ് കൊറോണയുടെ വ്യാപനത്തിനെതിരായുള്ള ആരോഗ്യ പ്രവര്‍ത്തനങ്ങള്‍ക്ക് കരുത്തേകാന്‍ രണ്ടുകോടി രൂപയുടെ ധനസഹായം പ്രഖ്യാപിച്ചു. റിപ്പോര്‍ട്ട് പ്രകാരം ഒരു കോടി രൂപ എംജി മോട്ടോഴ്‌സ് നേരിട്ടും ഒരു കോടി രൂപ എംജിയുടെ ജീവനക്കാരില്‍ നിന്നുമാണ് ധനസഹായമായി നല്‍കുന്നത്.

എംജി മോട്ടോഴ്‌സ് ഗുരുഗ്രാം, വഡോദര എന്നിവിടങ്ങളിലെ ആരോഗ്യ കേന്ദ്രങ്ങള്‍ക്ക് നേരിട്ടായിരിക്കും പണം കൈമാറുകയെന്നാണ് സൂചന. ആരോഗ്യം സംരക്ഷിക്കുന്നതിനായി മാസ്‌ക്, ഗ്ലൗസ് എന്നിവ ഉറപ്പാക്കുന്നതിനും വെന്റിലേറ്ററുകള്‍ക്കുമായിരിക്കും ഈ പണം ഉപയോഗിക്കുക. ഡിസ്‌ഇന്‍ഫെക്‌ട് ആന്‍ഡ് ഡെലിവര്‍ പദ്ധതി എംജി മോട്ടോഴ്‌സ് ആരംഭിച്ചതായും കമ്ബനി ആരംഭിച്ചു.

പൂര്‍ണമായും അണുവിമുക്തമായ വാഹനങ്ങള്‍ ടെസ്റ്റ് ഡ്രൈവിന് എത്തിക്കുന്നതിനായിയാണ് ഇത് തുടങ്ങിയത്.

എംജിയുടെ രാജ്യത്തുടനീളമുള്ള 5000 ജീവനക്കാര്‍ക്ക് ഇന്‍ഷുറന്‍സ് പരിരക്ഷ ഉറപ്പാക്കാന്‍ ഡീലര്‍ഷിപ്പുകള്‍ക്ക് നിര്‍ദേശം നല്‍കിയിട്ടുണ്ടെന്നുമെന്നാണ് സൂചന.എംജിയുടെ പ്ലാന്റും എല്ലാ ഷോറൂമുകളും വൈറസ് വ്യാപനം തടയുന്നതിനായി അണുവിമുക്തമാക്കിയിട്ടുണ്ടെന്നും എംജി ഇന്ത്യ അറിയിച്ചു.

വെന്റിലേറ്ററുകള്‍ നിര്‍മ്മിക്കാന്‍ തയ്യാറെടുത്ത് മഹീന്ദ്രയും മാരുതിയും ടാറ്റ മോട്ടോഴ്‌സും

2020-03-26T07:48:00.002-07:00

കോവിഡ് രോഗികളെ ചികില്‍സിക്കാന്‍ വെന്റിലേറ്ററുകള്‍ നിര്‍മ്മിച്ചു നല്‍കണമെന്ന കേന്ദ്ര സര്‍ക്കാരിന്റെ അഭ്യര്‍ത്ഥന സ്വീകരിച്ച്‌ ഇന്ത്യയിലെ വാഹനനിര്‍മാതാക്കള്‍ രംഗത്ത്. ടാറ്റ മോട്ടോഴ്സും മഹീന്ദ്ര ആന്‍ഡ് മഹീന്ദ്രയും വെന്റിലേറ്ററുകള്‍ നിര്‍മ്മിക്കാനുള്ള പദ്ധതികള്‍ സ്ഥിരീകരിച്ചതിനു പിന്നാലെ മാരുതി സുസുക്കിയും പ്രാഥമിക തയ്യാറെടുപ്പിലാണ്.

രണ്ട് ദിവസത്തിനകം ഇക്കാര്യത്തില്‍ അന്തിമ തീരുമാനമുണ്ടാകുമെന്ന് മാരുതി സുസുക്കി ചെയര്‍മാന്‍ ആര്‍.സി ഭാര്‍ഗവ അറിയിച്ചു.

വെന്റിലേറ്റര്‍ സാങ്കേതികവിദ്യയെ കുറിച്ച്‌ മാരുതി സുസുക്കിയിലെ വിദഗ്ധര്‍ പഠിക്കുകയാണെന്ന് ഭാര്‍ഗവ പറഞ്ഞു. വാഹന നിര്‍മാതാക്കള്‍ക്ക് അനായാസം നിര്‍മിക്കാനാകുന്നതല്ല വെന്റിലേറ്ററുകള്‍. 'കാര്‍ നിര്‍മാതാക്കള്‍ക്ക് മെഡിക്കല്‍ ഇനങ്ങള്‍ നിര്‍മ്മിക്കുന്നതില്‍ വൈദഗ്ദ്ധ്യം ഇല്ല. അതിനാല്‍, അവ നിര്‍മ്മിക്കുന്ന കമ്ബനികളില്‍ നിന്ന് രൂപകല്‍പ്പനയും മനുഷ്യശക്തിയും ഞങ്ങള്‍ക്ക് ആവശ്യമാണ്,' ഭാര്‍ഗവ പറഞ്ഞു.

വാഹന നിര്‍മ്മാണ പ്ലാന്റുകളും ഡീലര്‍ഷിപ്പുകളും അടച്ചിരിക്കുകയാണിപ്പോള്‍.ലോക്ക്ഡൗണിനിടയിലും സ്റ്റോക്ക് കെട്ടിക്കിടക്കുന്നുണ്ട് മിക്കവാറും എല്ലാ ഓട്ടോ കമ്ബനികളിലും. വെന്റിലേറ്ററുകളുടെ രൂപകല്‍പ്പന ലളിതമാക്കാനുള്ള നീക്കം ആനന്ദ് മഹീന്ദ്രയുടെ നേതൃത്വത്തില്‍ മഹീന്ദ്ര ആന്‍ഡ് മഹീന്ദ്ര ആരംഭിച്ചു കഴിഞ്ഞു.മഹീന്ദ്ര ബാംഗ്ലൂര്‍ ആസ്ഥാനമായുള്ള വെന്റിലേറ്റര്‍ കയറ്റുമതിക്കാരായ സ്‌കാന്റേ ടെക്‌നോളജീസുമായി ഇതു സംബന്ധിച്ച ചര്‍ച്ചയും നടത്തി. ടാറ്റാ ഗ്രൂപ്പ്, മൈസൂരു ആസ്ഥാനമായുള്ള ഒരു നിര്‍മ്മാതാവുമായും അവസാന വട്ട ചര്‍ച്ചയിലാണ്. പല രാജ്യങ്ങളിലും വാഹന നിര്‍മാതാക്കള്‍ ഇതിനോടകം വെന്റിലേറ്റര്‍ നിര്‍മ്മിച്ചു തുടങ്ങി. അമേരിക്കയില്‍ സര്‍ക്കാര്‍ നിര്‍ദേശ പ്രകാരം ജനറല്‍ മോട്ടോഴ്സും ടെസ്ലയും ഫോര്‍ഡുമാണ് വെന്റിലേറ്ററുകള്‍ നിര്‍മിക്കുന്നത്. ഫെരാരി ഇറ്റലിയിലേക്കും വെന്റിലേറ്റര്‍ നിര്‍മിക്കുന്നുണ്ട്.

യൂറോപ്പില്‍ നിന്നുള്ള ഇറക്കുമതി ഇല്ലാതായതോടെ വിഷമത്തിലായ ഇന്ത്യക്ക് അടിയന്തിരമായി ലഭ്യത വര്‍ദ്ധിപ്പിക്കേണ്ടതുണ്ട്. ബ്രൂക്കിംഗ്‌സ് ഇന്‍സ്റ്റിറ്റിയൂഷന്റെ പഠനമനുസരിച്ച്‌, മെയ് 15 നകം ഇന്ത്യക്ക് 110,000-220,000 വെന്റിലേറ്ററുകള്‍ ആവശ്യമാകും.ഇന്ത്യയില്‍ ഇപ്പോള്‍ 40,000 വര്‍ക്കിംഗ് വെന്റിലേറ്ററുകള്‍ മാത്രമാണുള്ളത്. 5 ശതമാനം കോവിഡ് രോഗികള്‍ക്ക് തീവ്രപരിചരണം ആവശ്യമായിരിക്കവേ ഇതൊരു നിസ്സാര സംഖ്യയാണ്.

പങ്കാളിത്തം വേഗത്തില്‍ ഫലപ്രദമാക്കുന്നതിന്, വെന്റിലേറ്റര്‍ നിര്‍മ്മാതാക്കള്‍ അവരുടെ ഡിസൈന്‍ പേറ്റന്റുകള്‍ ഓട്ടോ കമ്ബനികള്‍ക്ക് ലഭ്യമാക്കാന്‍ സമ്മതിക്കണമെന്ന് ഹ്യൂണ്ടായിയിലെ ഒരു എക്‌സിക്യൂട്ടീവ് പറഞ്ഞു. ഡല്‍ഹി ആസ്ഥാനമായുള്ള ഹെല്‍ത്ത്-ടെക് കമ്ബനിയായ അഗ്വ ഹെല്‍ത്ത് കെയര്‍ അടുത്ത മാസത്തോടെ 20,000 വെന്റിലേറ്ററുകളുടെ നിര്‍മ്മാണം പൂര്‍ത്തിയാക്കുന്നതിനായുള്ള പ്രവര്‍ത്തനത്തിലാണ്. റോബോട്ടിക് വൈദഗ്ധ്യമുള്ള ഒരു യുവ എഞ്ചിനീയറും ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസിലെ ഒരു ഡോക്ടറും വികസിപ്പിച്ചെടുത്ത കുറഞ്ഞ ചെലവിലുള്ള വെന്റിലേറ്ററാണിത്. വിപണിയില്‍ വ്യാപകമായി ലഭ്യമായ വേരിയന്റുകളുടെ വിലയുടെ ഏഴിലൊന്നേ ഇതിനുണ്ടാകൂ.

Bolero പുതിയ മോഡൽ ഉടൻ എത്തും

2020-03-14T21:26:00.001-07:00

രാജ്യത്തെ എസ്‌യുവി വാഹനങ്ങളില്‍ ഏറ്റവും കരുത്തനായ വാഹനമാണ് മഹീന്ദ്രയുടെ ബൊലേറൊ. ഈ വാഹനത്തിന്റെ മുഖം മിനുക്കിയ പതിപ്പ് ഏറെ വൈകാതെ തന്നെ നിരത്തുകളിലെത്തും.പുത്തന്‍ ബൊലേറൊ ഡീലര്‍ഷിപ്പുകളിലെത്തിയതിന്റെ ചിത്രം പ്രമുഖ ഓട്ടോ മൊബൈല്‍ പോര്‍ട്ടലായ ഓട്ടോകാര്‍ ഇന്ത്യ പുറത്തുവിട്ടു.

എല്‍ഇഡി ഡിആര്‍എല്‍ നല്‍കിയിട്ടുള്ള പുതിയ ഹെഡ്‌ലാമ്ബ് ക്രോമിയം പതിച്ച ഗ്രില്ലുകള്‍, മസ്‌കുലര്‍ ഭാവമുള്ള ബമ്ബര്‍, ഹണി കോംമ്ബ് എയര്‍ഡാം, പുതിയ ഫോഗ് ലാമ്ബ് എന്നിവയാണ് മുന്‍വശത്ത് നല്‍കിയിട്ടുള്ളത്

കൂടുതല്‍ പ്രീമിയം ഇന്റീരിയറിലായിരിക്കും ബൊലേറൊ എത്തുന്നത്. പുതിയ ഡിസൈനിലുള്ള സോഫ്റ്റ്ടച്ച്‌ ഡാഷ്ബോര്‍ഡ്, ആന്‍ഡ്രോയിഡ് ഓട്ടോ ആപ്പിള്‍ കാര്‍പ്ലേ സംവിധാനങ്ങളുള്ള ഇന്‍ഫോടെയ്ന്‍മെന്റ് സിസ്റ്റം, പുതിയ സീറ്റുകള്‍, മള്‍ട്ടി ഫങ്ഷന്‍ സ്റ്റിയറിങ് വീല്‍, പുതിയ എയര്‍കണ്ടീഷന്‍ യൂണിറ്റ് എന്നിവയാണ് ഇന്റീരിയറിനെ സമ്ബന്നമാക്കുന്നത്.

ബിഎസ്-6 നിലവാരത്തിലുള്ള 1.5 ലിറ്റര്‍ എംഹോക്ക് D70 എന്‍ജിനാണ് ഈ വാഹനം എത്തുന്നത്. ഇത് 70 ബിഎച്ച്‌പി പവറും 195 എന്‍എം ടോര്‍ക്കുമാണ് ഉത്പാദിപ്പിക്കുന്നത്. അഞ്ച് സ്പീഡ് മാനുവല്‍ ഗിയര്‍ബോക്‌സിലെത്തുന്ന ഈ വാഹനത്ത് 17 കിലോമീറ്റര്‍ ഇന്ധനക്ഷമത ഉറപ്പുനല്‍കുന്നുണ്ട്.

ബ്രേക്ക് അസിസ്റ്റ്, റിയര്‍ പാര്‍ക്കിങ് സെന്‍സര്‍, സ്പീഡ് റിമൈന്‍ഡര്‍ , ഡ്യുവല്‍ എയര്‍ബാഗ്, എബിഎസ്, ഇബിഡി ബ്രേക്കിങ് സംവിധാനം. എന്നിവ അടിസ്ഥാന മോഡലില്‍ മുതല്‍ നല്‍കും.

ബി4, ബി6, ബി6(ഒ) എന്നീ മൂന്ന് വേരിയന്റുകളിലാണ് പുതിയ ബൊലേറൊ എത്തുന്നത്. മുമ്ബ് നാല് വേരിയന്റുകളാണ് ബൊലേറൊയിക്ക് ഉണ്ടായിരുന്നത്. മുന്‍ മോഡലിനെക്കാള്‍ 50,000 രൂപയോളം അധികവില ബിഎസ്-6 മോഡല്‍ ബൊലേറൊയിക്ക് പ്രതീക്ഷിക്കാം.

SCODA OCTAVIA വീണ്ടും എത്തുന്നു, ഇത്തവണ 200 എണ്ണം മാത്രം

2020-02-06T08:06:00.000-08:00

സ്‌കോഡയുടെ ഒക്‌ടേവിയ സെഡാന്റെ സ്‌പോര്‍ട്ടി വകഭേദം ആര്‍എസിനെ വീണ്ടും ഇന്ത്യയില്‍ അവതരിപ്പിച്ചു. 200 യൂണിറ്റ് മാത്രമായിരിക്കും ഇന്ത്യയില്‍ വില്‍ക്കുന്നത്. പൂര്‍ണമായും നിര്‍മിച്ചശേഷം ഇറക്കുമതി ചെയ്യുകയാണ്. ദില്ലി ഓട്ടോ എക്‌സ്‌പോയില്‍ ആണ് വാഹനത്തിന്‍റെ അവതരണം.

നിലവില്‍ ഇന്ത്യയില്‍ വിറ്റിരുന്ന മുന്‍ മോഡലിനേക്കാള്‍ സ്‌പോര്‍ട്ടിയായിരിക്കും ഇനി വരുന്ന ഒക്ടാവിയ ആര്‍എസ്. വാഹനം മികച്ച രീതിയില്‍ കൈകാര്യം ചെയ്യുന്നതിന് ഗ്രൗണ്ട് ക്ലിയറന്‍സ് താഴ്ന്നതായിരിക്കും. 18 ഇഞ്ച് അലോയ് വീലുകളായിരിക്കും വാഹനത്തില്‍.

യൂറോ 5 പാലിക്കുന്ന 2.0 ലിറ്റര്‍ ഡയറക്റ്റ് ഇന്‍ജെക്ഷന്‍ ടര്‍ബോ-പെട്രോള്‍ എന്‍ജിനായിരിക്കും സ്‌കോഡ ഒക്ടാവിയ ആര്‍എസിന്‍റെ ഹൃദയം. ഈ മോട്ടോര്‍ 245 ബിഎച്ച്‌പി കരുത്തും 370 എന്‍എം ടോര്‍ക്കും ഉല്‍പ്പാദിപ്പിക്കും.

മുന്‍ മോഡലിനേക്കാള്‍ 15 ബിഎച്ച്‌പി, 20 എന്‍എം കൂടുതല്‍. 7 സ്പീഡ് ഡിഎസ്ജി ഓട്ടോമാറ്റിക് ട്രാന്‍സ്മിഷന്‍ എന്‍ജിനുമായി ചേര്‍ത്തുവെച്ചു.

പൂജ്യത്തില്‍നിന്ന് മണിക്കൂറില്‍ നൂറ് കിലോമീറ്റര്‍ വേഗമാര്‍ജിക്കാന്‍ 6.6 സെക്കന്‍ഡ് മതി. ഏറ്റവും ഉയര്‍ന്ന വേഗത മണിക്കൂറില്‍ 250 കിലോമീറ്ററായി ഇലക്‌ട്രോണിക്കലായി പരിമിതപ്പെടുത്തിയിരിക്കുന്നു.

കൂടുതല്‍ സ്‌പോര്‍ട്ടിയായ സസ്‌പെന്‍ഷന്‍ സംവിധാനം, അഗ്രസീവ് ആര്‍എസ് ബോഡി കിറ്റ്, കറുത്ത എക്‌സ്റ്റീരിയര്‍ ഹൈലൈറ്റുകള്‍ എന്നിവയോടെയാണ് സ്‌കോഡ ഒക്ടാവിയ ആര്‍എസ് വരുന്നത്. എല്ലായിടത്തും എല്‍ഇഡി ലൈറ്റുകള്‍ നല്‍കി. അതായത് ഹെഡ്‌ലാംപുകള്‍, ടെയ്ല്‍ലൈറ്റുകള്‍, ഡേടൈം റണ്ണിംഗ് ലൈറ്റുകള്‍, ഫോഗ് ലാംപുകള്‍ എന്നിവയെല്ലാം എല്‍ഇഡി ആയിരിക്കും. ഇന്ത്യയില്‍ ഏറെ പ്രിയമുള്ള മോഡലാണ് ഒക്ടാവിയ ആര്‍എസ്. 2017ലും 2018ലും സ്‍കോഡ ഇന്ത്യയ്ക്ക് അനുവദിച്ച കാറുകളെല്ലാം പ്രതീക്ഷിച്ചതിലും വേഗം വിറ്റുപോയിരുന്നു.

2018ല്‍ ആദ്യം 300 ഒക്ടേവിയ ആര്‍ എസ് ആയിരുന്നു ഇന്ത്യയ്ക്ക് അനുവദിച്ചിരുന്നത്. എന്നാല്‍ ആവശ്യക്കാരേറിയതോടെ അധികമായി 200 കാറുകള്‍ കൂടിഇറക്കുമതി ചെയ്തിരുന്നു. എന്നാല്‍ ഈ കാറുകളും വിറ്റു തീര്‍ന്നതോടെ ഇനി വാഹനത്തിനുള്ള ബുക്കിങ് സ്വീകരിക്കരുതെന്ന് സ്കോഡ ഡീലര്‍മാര്‍ക്കു നിര്‍ദേശം നല്‍കിയിരുന്നു. 2017ല്‍ ഇന്ത്യക്ക് 250 കാറുകളാണ് അനുവദിച്ചിരുന്നത്.

Rs 35.99 ലക്ഷം രൂപയാണ് (എക്‌സ്-ഷോറൂം) തിരിച്ചെത്തിയ ഒക്‌ടേവിയ ആര്‍എസ്സിന്റെ വില. മുന്‍പ് വിപണിയിലുണ്ടായിരുന്ന ഒക്‌ടേവിയ ആര്‍എസ്സിനേക്കാള്‍ 10 ലക്ഷം രൂപ കൂടുതലാണ് പുത്തന്‍ വേര്‍ഷന്.

KIA. കാര്‍ണിവല്‍ എത്തി. വില 24.9 ലക്ഷം, INNOVA ക്കു ഒത്ത കൊമ്പൻ

2020-02-05T08:23:00.000-08:00

ഇന്ത്യന്‍ എംയുവി വിപണിയിലെ രാജാവ് ടൊയോട്ട ഇന്നോവയ്ക്ക് ഇരുട്ടടിയുമായി കിയയുടെ കാര്‍ണിവല്‍ എത്തി. ഫെബ്രുവരി അഞ്ചിന് ആരംഭിച്ച ദില്ലി ഓട്ടോ എക്സ്പോയിലാണ് ദക്ഷിണ കൊറിയന്‍ വാഹന നിര്‍മാതാക്കളായ കിയ, തങ്ങളുടെ ഏറ്റവും പുതിയ കാര്‍ണിവല്‍ എംപിവിയെ അവതരിപ്പിച്ചത്. 24.95 ലക്ഷം മുതല്‍ 33.95 ലക്ഷം വരെയാണ് കാര്‍ണിവലിന്റെ വില. സെല്‍റ്റോസ് എന്ന ആദ്യ വാഹനത്തിലൂടെ തന്നെ ഇന്ത്യന്‍ വിപണിയില്‍ ശ്രദ്ധേയരായ കമ്ബനിയാണ് കിയ. കിയയുടെ ഇന്ത്യയിലെ രണ്ടാമത്തെ വാഹനമായ കാര്‍ണിവലിന്‍റെ വിശേഷങ്ങള്‍ അറിയാം.

ഇന്നോവയ്ക്കും മീതെ
ടൊയോട്ട ഇന്നോവ ക്രിസ്റ്റയ്ക്ക് മുകളിലായിരിക്കും വിപണിയില്‍ കാര്‍ണിവലിന്റെ സ്ഥാനം. ഇന്നോവയെക്കാള്‍ വലിപ്പമുള്ള വാഹനത്തിന് 5115 എംഎം നീളവും 1985 എംഎം വീതിയും 1755 എംഎം പൊക്കവുമുണ്ട്. വിദേശ നിരത്തുകളില്‍ വര്‍ഷങ്ങള്‍ക്ക് മുമ്ബു തന്നെ ഈ വാഹനം എത്തിയിരുന്നു. 2018 ദില്ലി ഓട്ടോ എക്സ്പോയില്‍ കിയ പ്രദര്‍ശിപ്പിച്ച 16 മോ‍ഡലുകളിലൊന്നായിരുന്നു കാര്‍ണിവല്‍.

വേരിയന്റുകള്‍
പ്രീമിയം, പ്രസ്റ്റീജ്, ലിമോസിന്‍ എന്നിങ്ങനെ മൂന്ന് വേരിയന്റുകളില്‍ ലഭിക്കുന്ന കാര്‍ണിവലിന് 7, 8, 9 എന്നിങ്ങനെ മൂന്ന് സീറ്റിംഗ് ഓപ്‌ഷനുകളാണ് കിയ നല്‍കിയിരിക്കുന്നത്. ബേസ് പ്രീമിയം പതിപ്പില്‍ 7 അല്ലെങ്കില്‍ 8 ആയിരിക്കും. 7 അല്ലെങ്കില്‍ 9 സീറ്റ് ഫോര്‍മാറ്റില്‍ ആണ് പ്രസ്റ്റീജ് എത്തുന്നത്. അതേസമയം ഏറ്റവും ഉയര്‍ന്ന പതിപ്പായ ലിമോസിന്‍ 7-സീറ്റര്‍ ആയിരിക്കും.

അടിസ്ഥാന വകഭേദമായ പ്രീമിയത്തില്‍ (ഏഴ്, എട്ട് സീറ്റുകളില്‍ ലഭിക്കും) ടച്ച്‌ സ്‍ക്രീ ഇന്‍ഫോടൈന്‍മെന്റ് സിസ്റ്റം, ആന്‍ഡ്രോയിഡ് ഓട്ടോ, ആപ്പിള്‍ കാര്‍ പ്ലെ, ക്രൂസ് കണ്‍ട്രോള്‍, പുഷ് ബട്ടന്‍ സ്റ്റാര്‍ട്ട്, 18 ഇഞ്ച് ക്രിസ്റ്റല്‍ കട്ട് അലോയ് വീലുകള്‍ തുടങ്ങിയ സൗകര്യങ്ങളുണ്ടാകും.

രണ്ടാമത്തെ വകഭേദമായ പ്രസ്റ്റീജില്‍ എല്‍ഇഡി പ്രൊജക്റ്റര്‍ ഹെഡ്‌ലാംപ്, ഐസ് ക്യൂബ് എല്‍ഇഡി ഫോഗ് ലാംപ്, എല്‍ഇഡി ടെയില്‍ ലാംപ്, ഡ്യുവല്‍ പാനല്‍ ഇലക്‌ട്രിക് സണ്‍റൂഫ്, കോര്‍ണര്‍ ബ്രേക്ക് കണ്‍ട്രോള്‍ തുടങ്ങിയ സംവിധാനങ്ങളുമുണ്ട്. ഏഴ്, ഒമ്ബത് സീറ്റ് വകഭേദങ്ങളില്‍ പ്രസ്റ്റീജ് ലഭിക്കും.

എം‌പിവിയുടെ ഏറ്റവും ഉയര്‍ന്ന മോഡലായിരിക്കും ലിമോസിന്‍ പതിപ്പ്. സ്റ്റാന്‍ഡേര്‍ഡായി ആഡംബര VIP സീറ്റുകളുള്ള ഏഴ് സീറ്റര്‍ വാഹനമാണിത്. വാഹനത്തിലെ എല്ലാ അപ്ഹോള്‍സ്റ്ററികളും നാപ്പ ലെതറിനാല്‍ നിര്‍മ്മിച്ചതാണ്. സ്റ്റിയറിംഗ് വീലിന് പോലും ലെതര്‍ റാപ്പിംഗ് ലഭിക്കും.

ഏഴു സീറ്റ് വകഭേദത്തില്‍ മാത്രമായിരിക്കും ഉയര്‍ന്ന വകഭേദമായ ലിമോസിന്‍ ലഭിക്കുക. മൂന്നു സോണ്‍ ക്ലൈമറ്റ് കണ്‍ട്രോള്‍, പിന്‍ സീറ്റ് യാത്രികര്‍ക്കായി രണ്ട് 10.1 ഇഞ്ച് സ്ക്രീന്‍ സഹിതമാണ് ലിമോസിന്‍ എത്തുക. സെല്‍റ്റോസിന് സമാനമായ UVO കണക്റ്റഡ് ഇന്‍‌ഫോടെയ്ന്‍‌മെന്റ് സിസ്റ്റം ഉള്‍പ്പെടെയുള്ള സവിശേഷതകളും ഈ പതിപ്പിലുണ്ട്.

ഫീച്ചറുകള്‍
ഇന്ത്യന്‍ നിരത്തുകള്‍ക്കായി ഒരുപിടി പുത്തന്‍ ഫീച്ചറുകളാണ് കിയ നല്‍കിയിരിക്കുന്നത്. ഫ്രണ്ട്, റിയര്‍ പാര്‍ക്കിങ് സെന്‍സറുകള്‍ മികച്ച സുരക്ഷയ്ക്കായി നല്‍കിയിട്ടുണ്ട്. ഹില്‍-സ്റ്റാര്‍ട്ട് അസിസ്റ്റ് കണ്‍ട്രോള്‍, ഇലക്‌ട്രോണിക് സ്റ്റബിലിറ്റി കണ്‍ട്രോള്‍, ആറ് എയര്‍ബാഗുകളും, ഇബിഡിയുമുള്ള എബിഎസ് എന്നിവയാണ് കാര്‍ണിവലിന്റെ മറ്റ് പ്രധാന ആകര്‍ഷണങ്ങള്‍.

മൂന്ന്-സോണ്‍ ഓട്ടോമാറ്റിക് ക്ലൈമറ്റ് കണ്‍ട്രോള്‍ സിസ്റ്റത്തിനൊപ്പം ഇലക്‌ട്രിക്കലി തുറക്കാനും അടയ്ക്കാനും കഴിയുന്ന പിന്‍ ഡോറുകള്‍, ഹര്‍മാന്‍ കാര്‍ഡണ്‍ എട്ട്-സ്പീക്കര്‍ സിസ്റ്റം, എയര്‍ പ്യൂരിഫയര്‍, ഇലക്‌ട്രോണിക് പാര്‍ക്കിംഗ് ബ്രേക്ക്, വെന്റിലേഷനോടുകൂടിയ 10 തരത്തില്‍ ഇലക്‌ട്രികലി ക്രമീകരിക്കാവുന്ന ഡ്രൈവര്‍ സീറ്റ്, വയര്‍ലെസ് സ്മാര്‍ട്ട്‌ഫോണ്‍ ചാര്‍ജിംഗ് എന്നിവയും ടോപ്പ്-ഓഫ്-ലൈന്‍ എന്നിവയും വാഹനത്തിലുണ്ട്.

ഡ്യൂവല്‍ പാനല്‍ ഇലക്‌ട്രിക്ക് സണ്‍റൂഫ്, സ്മാര്‍ട്ഫോണ്‍ കണക്ടിവിറ്റിയുള്ള 8-ഇഞ്ചുള്ള ടച്ച്‌സ്ക്രീന്‍ ഇന്‍ഫോടെയ്ന്‍മെന്‍റ് സിസ്റ്റം, കിയയുടെ UVO കണക്‌ട് ചെയ്ത കാര്‍ ടെക്, മധ്യ നിരയ്ക്ക് വേണ്ടിയുള്ള രണ്ട് 10.1-ഇഞ്ച് ടച്ച്‌സ്ക്രീന്‍ ഡിസ്പ്ലേ, ഇലക്‌ട്രിക്ക് ടെയില്‍ഗേറ്റ്, പവര്‍ സ്ലൈഡിങ് റിയര്‍ ഡോറുകള്‍ എന്നിവയും കാര്‍ണിവലിലുണ്ട്. LED ഹെഡ്‍ലാംപുകള്‍, അലോയ് വീലുകള്‍ എന്നിങ്ങനെ ഫീച്ചര്‍ സമൃദ്ധമാണ് കാര്‍ണിവല്‍. ഇത് കൂടാതെ ധാരാളം യുഎസ്ബി ചാര്‍ജിംഗ് പോയിന്റുകള്‍, ഫ്രണ്ട് & കര്‍ട്ടന്‍ എയര്‍ബാഗുകള്‍, റിയര്‍ ക്രോസ്-ട്രാഫിക് അലേര്‍ട്ട് തുടങ്ങിയ സംവിധാനങ്ങളും കാര്‍ണിവലിലുണ്ട്.

എഞ്ചിന്‍
ബിഎസ് 6 നിലവാരത്തിലുള്ള 2.2 ലീറ്റര്‍ ഡീസല്‍ എന്‍ജിനാണ് വാഹനത്തിന്‍റെ ഹൃദയം. 3,800 rpm -ല്‍ പരമാവധി 200 എച്ച്‌പി കരുത്തും 1,500 മുതല്‍ 2,750 rpm -ല്‍ 440 എന്‍എം ടോര്‍ക്കും ഈ എഞ്ചിന്‍ ഉല്‍പ്പാദിപ്പിക്കും. എട്ട് സ്പീഡ് ഓട്ടമാറ്റിക്ക് ഗിയര്‍ബോക്സാണ് ട്രാന്‍സ്‍മിഷന്‍.

നിറങ്ങള്‍
വൈറ്റ്, സില്‍വര്‍, ബ്ലാക്ക് എന്നിങ്ങനെ മൂന്ന് നിറങ്ങളിലാണ് കാര്‍ണിവല്‍ ലഭ്യമാവുക. ഡ്യൂവല്‍ ടോണ്‍ ബ്ലാക്ക്, ബെയ്ജ് കളര്‍ സ്കീമാണ് ഇന്റീരിയറിന് നല്‍കിയിരിക്കുന്നത്.

വില
കാര്‍ണിവലിന്‍റെ വിവിധ മോഡലുകളുടെ വിലകള്‍ താഴെക്കൊടുന്നു

1. പ്രീമിയം 7 സീറ്റര്‍ - 24.95 ലക്ഷം

2. പ്രീമിയം 8 സീറ്റര്‍ - 25.15 ലക്ഷം

3. പ്രെസ്റ്റീജ് 7 സീറ്റര്‍ - 28.95 ലക്ഷം

4. പ്രെസ്റ്റീജ് 9 സീറ്റര്‍ - 29.95 ലക്ഷം

5. ലിമോസിന്‍ 7 സീറ്റര്‍ - 33.95 ലക്ഷം

ഞെട്ടിച്ച ബുക്കിംഗ്
ലോഞ്ചിന് മുന്‍പേ വാര്‍ത്തകളില്‍ ഇടംപിടിച്ച കാര്‍ണിവല്‍ ബുക്കിംഗ് ആരംഭിച്ച ആദ്യ ദിവസം തന്നെ 1,410 ഓര്‍ഡറുകളാണ് വാരിക്കൂട്ടിയത്. നിലവില്‍ ആകെ 3,500 ബുക്കിങ് ആണ് കാര്‍ണിവലിന് ലഭിച്ചിരിക്കുന്നത്.

2020-02-04T21:32:00.000-08:00

വാഹനങ്ങളുടെ നികുതി അടയ്ക്കുക, വിൽ‌പനയുടെ ഭാഗമായി ഉടമസ്ഥത മാറ്റുക, തുടങ്ങി ഏതു സേവനവും ഇനി വിരൽ തുമ്പിൽ

www.parivahan.gov.in

സംസ്ഥാനത്തു റജിസ്റ്റർ ചെയ്ത വാഹനങ്ങളുടെയും വിവരം കേന്ദ്ര റോഡ് ഗതാഗത മന്ത്രാലയം രൂപകൽപന ചെയ്ത parivahan.gov.in എന്ന വെബ്സൈറ്റിൽ ഇനി ലഭ്യമാകും.

വാഹനങ്ങളുടെ നികുതി അടയ്ക്കുക, വിൽ‌പനയുടെ ഭാഗമായി ഉടമസ്ഥത മാറ്റുക, ട്രാൻസ്പോർട്ട് വാഹനങ്ങൾ ആണെങ്കിൽ വിവിധ പെർമിറ്റുകൾ തുടങ്ങി ഏതു സേവനവും ഇനി www.parivahan.gov.in എന്ന പോർട്ടൽ വഴിയാണു ചെയ്യേണ്ടത്. നേരിട്ടു ചെയ്യാൻ പ്രയാസമുള്ളവർക്ക് അക്ഷയ കേന്ദ്രങ്ങളെയും മോട്ടർ വാഹന ഓഫിസുകളിലെ സേവന കേന്ദ്രങ്ങളെയും സമീപിക്കാമെന്നു മോട്ടർവാഹന വകുപ്പ് അധികൃതർ അറിയിച്ചു. സ്വന്തം വാഹനങ്ങളുടെ വിവരങ്ങൾ പോർട്ടൽ സന്ദർശിച്ചു പരിശോധിക്കാൻ ഉപയോക്താക്കൾക്കും സാധിക്കും.

വാഹന റജിസ്ട്രേഷനുമായി ബന്ധപ്പെട്ട വിവരങ്ങൾക്കു വാഹൻ (https://vahan.parivahan.gov.in) ഡ്രൈവിംഗ് ലൈസൻസുമായി ബന്ധപ്പെട്ട കാര്യങ്ങൾക്കു സാരഥി (https://sarathi.parivahan.gov.in) എന്നിങ്ങനെ 2 ഭാഗമാണു പോർട്ടലിൽ. സംസ്ഥാനത്തു കാസർകോട്, വയനാട് ജില്ലകളിലെ ഡ്രൈവിങ് ലൈസൻസുകൾ മാത്രമാണു നിലവിൽ സാരഥിയിൽ ചേർത്തിരിക്കുന്നത്. ഒരു മാസത്തിനകം മുഴുവൻ ജില്ലകളിലെയും വിവരങ്ങൾ ചേർക്കും.

5 STAR കിരീടം ഇനി നമ്മുടെ XUV 300 നു കൂടി സ്വന്തം

2020-01-23T06:34:00.000-08:00

വിദേശത്തുനിന്ന് ഇന്ത്യയിലെത്തുന്ന വാഹനങ്ങളെക്കാള്‍ സുരക്ഷിതമാണ് ഇന്ത്യന്‍ നിര്‍മിത വാഹനങ്ങളെന്ന് വീണ്ടും തെളിയുന്നു. ആഗോളതലത്തില്‍ നടത്തുന്ന ഗ്ലോബല്‍ എന്‍-ക്യാപ് ക്രാഷ് ടെസ്റ്റില്‍ മഹീന്ദ്രയുടെ എക്‌സ്‌യുവി 300 അഞ്ച് സ്റ്റാര്‍ റേറ്റിങ്ങ് നേടിയാണ് ഇന്ത്യന്‍ വാഹനങ്ങളുടെ സുരക്ഷ തെളിയിച്ചിരിക്കുന്നത്.

മഹീന്ദ്രയുടെ എംപിവി വാഹനമായ മരാസോ മുമ്ബ് നാല് സ്റ്റാര്‍ റേറ്റിങ്ങ്‌ നേടിയിരുന്നു.

ഇന്ത്യന്‍ വാഹനങ്ങളില്‍ ക്രാഷ് ടെസ്റ്റില്‍ അഞ്ച് സ്റ്റാര്‍ സുരക്ഷ സ്വന്തമാക്കുന്ന മൂന്നാമത്തെ വാഹനമാണ് മഹീന്ദ്ര എക്‌സ്‌യുവി300. ടാറ്റയുടെ നെക്‌സോണ്‍, അല്‍ട്രോസ് മോഡലുകള്‍ മുമ്ബ് ഈ നേട്ടം സ്വന്തമാക്കിയിരുന്നു.

അല്‍ട്രോസ് 29 പോയന്റും നെക്‌സോണ്‍ 25 പോയന്റും നേടിയാണ് ഈ നേട്ടം കൈയെത്തി പിടിച്ചത്. അതേസമയം, 37.44 പോയന്റാണ് എക്‌സ്‌യുവി 300-ന് ലഭിച്ചിരിക്കുന്നത്.

മുതിര്‍ന്നവരുടെ സുരക്ഷയില്‍ 17-ല്‍ 16.42 പോയന്റാണ് എക്‌സ്‌യുവിക്ക് ലഭിച്ചിരിക്കുന്നത്. യാത്രക്കാരുടെ തല, കഴുത്ത്, കാല്‍മുട്ട് എന്നിവയ്ക്ക് ഈ വാഹനം മികച്ച സുരക്ഷ ഒരുക്കുന്നുണ്ടെന്നാണ് ക്രാഷ് ടെസ്റ്റില്‍ തെളിയിച്ചിരിക്കുന്നത്. യാത്രക്കാര്‍ക്ക് മുകച്ച സുരക്ഷയും ഡ്രൈവറിന് പര്യാപ്തമായ സുരക്ഷയും നല്‍കുന്നതിനൊപ്പം ഫുട്ട്‌വെല്‍ ഏരിയ കൂടുതല്‍ ദൃഢമാണെന്നും ക്രാഷ് ടെസ്റ്റ് സാക്ഷ്യപ്പെടുത്തുന്നു.

എബിഎസ്-ഇബിഡി ബ്രേക്കിങ്ങ്‌, ഡ്യുവല്‍ എയര്‍ബാഗ്, സീറ്റ് ബെല്‍റ്റ് റിമൈന്‍ഡര്‍, കോര്‍ണറിംങ് ബ്രേക്ക് കണ്‍ട്രോള്‍, ഓള്‍ ഡിസ്‌ക്‌ബ്രേക്ക്, പാസഞ്ചര്‍ എയര്‍ബാഗ് ഡിആക്ടിവേഷന്‍ എന്നീ സുരക്ഷ സംവിധാനങ്ങള്‍ എക്‌സ്‌യുവി300-ന്റെ അടിസ്ഥാന മോഡലില്‍ ഉള്‍പ്പെടെ നല്‍കിയിട്ടുണ്ട്. ഉയര്‍ന്ന വേരിയന്റില്‍ ഏഴ് എയര്‍ബാഗും മുന്നില്‍ പാര്‍ക്കിങ്ങ്‌ സെന്‍സറുകളും ത്രീ പോയന്റ്‌ സീറ്റ് ബെല്‍റ്റുമുണ്ട്.

2019-ഫെബ്രുവരിയിലാണ് മഹീന്ദ്രയുടെ എക്‌സ്‌യുവി 300 കോംപാക്‌ട് എസ്‌യുവി അവതരിപ്പിച്ചത്. മഹീന്ദ്രയുടെ ഉടമസ്ഥതയിലുള്ള സാങ്‌യോങ് ടിവോളിയുടെ പ്ലാറ്റ്‌ഫോമില്‍ മഹീന്ദ്രയുടെ ഡിസൈന്‍ കമ്ബനിയായ പിനിന്‍ഫരീനയാണ് ഈ വാഹനം രൂപകല്‍പ്പന ചെയ്തത്. 1.5 ലിറ്റര്‍ ഡീസല്‍, 1.2 ലിറ്റര്‍ ടര്‍ബോ പെട്രോള്‍ എന്‍ജിനുകളിലാണ് ഈ വാഹനം എത്തിയത്. മാനുവല്‍, ഓട്ടോമാറ്റിക് ട്രാന്‍സ്മിഷനുകളുമുണ്ട്.

പുതിയ ചൈനീസ് ബ്രാൻഡ് ചങ്കൻ ഇന്ത്യയിലേക്

2020-01-18T21:00:00.001-08:00

പ്രമുഖ ചൈനീസ് ബ്രാന്‍‌ഡായ ചാംഗന്‍ ഇന്ത്യന്‍ ഓട്ടോമൊബൈല്‍ വിപണിയില്‍ ശ്രദ്ധിക്കാന്‍ തുടങ്ങിയിട്ട് കുറച്ചു വര്‍ഷങ്ങളായി. വിപണിസാധ്യതകളും മറ്റും പഠിച്ചു വരികയായിരുന്നു അവര്‍. ലഭ്യമായ വിവരങ്ങള്‍ പ്രകാരം ഈ കമ്ബനി അധികം താമസിക്കാതെ ഇന്ത്യ പിടിക്കും.

2022ലോ 2023ലോ ഇത് സംഭവിക്കുമെന്നാണ് വിവരം. ചൈനീസ് ഉടമസ്ഥതയിലുള്ള ബ്രിട്ടീഷ് ബ്രാന്‍ഡായ എംജി മോട്ടോഴ്സുമായും, മറ്റൊരു ചൈനീസ് ബ്രാന്‍ഡായ ഗ്രേറ്റ് വാള്‍ മോട്ടോറുമായും ചാംഗന്‍ മോട്ടോഴ്സ് സഖ്യത്തിലേര്‍പ്പെടുമെന്നും അറിയുന്നു.

ഗ്രേറ്റ് വാള്‍ മോട്ടോര്‍ ജനറല്‍ മോട്ടോഴ്സിന്റെ ഇന്ത്യന്‍ പ്ലാന്റ് വിലയ്ക്കു വാങ്ങാന്‍ കമ്ബനി ധാരണയിലായിട്ടുണ്ട്.

ഇന്ത്യന്‍ വിപണിയില്‍ കാര്യമായ മുന്നേറ്റങ്ങള്‍ക്ക് സാധിക്കാതെ വന്നതോടെ ജനറല്‍ മോട്ടോഴ്സ് 2017ല്‍ ഉല്‍പാദനം അവസാനിപ്പിച്ചിരുന്നു. ഗ്രേറ്റ് വാള്‍ മോട്ടോഴ്സ് അധികം താമസിക്കാതെ ഇന്ത്യയിലെത്തുമെന്നാണ് പ്രതീക്ഷിക്കുന്നത്.

ഇന്ത്യയിലേക്ക് ആദ്യമെത്തുക ചാംഗന്റെ സിഎസ് 75 പ്ലസ് എസ്‌യുവിയായിരിക്കുമെന്നാണ് കരുതപ്പെടുന്നത്. ചൈനയില്‍ കമ്ബനിയുടെ ബെസ്റ്റ് സെല്ലിങ് മോഡലാണിത്. 1.5 ലിറ്റര്‍ ശേഷിയുള്ളതും 2.0 ലിറ്റര്‍ ശേഷിയുള്ളതുമായ എന്‍ജിനുകളാണ് ഈ എസ്‌യുവിയിലുള്ളത്. ചാംഗന്റെ വലിപ്പം കുറഞ്ഞ എസ്‌യുവി മോഡലുകളിലൊന്നായ സിഎസ് 75 പ്ലസ്സിന്റെ നീളം 4.7 മീറ്ററാണ്.

ചാംഗന്റെ ഏറ്റവും വലിപ്പം കുറഞ്ഞ എസ്‌യുവി മോഡല്‍ സിഎസ് 35ഉം ഇന്ത്യക്ക് യോജിച്ചതാണെന്ന് സംസാരമുണ്ട്. ഒരുപക്ഷെ, ഈ മോഡലാകാം ഇന്ത്യയിലെത്തുക. ഇന്ത്യയില്‍ നാല് മീറ്ററിനു താഴെ വലിപ്പമുള്ള കാറുകള്‍ക്ക് നികുതിയില്‍ ലഭിക്കുന്ന ഇളവ് നേടാനായി ഈ എസ്‌യുവിയുടെ വലിപ്പം അല്‍പം കുറയ്ക്കാനും ഇടയുണ്ട്.

ഫോക്സ് വാഗണ്‍ - 2020 ഇൽ വരാനിരിക്കുന്നത് വമ്പൻ SUV നിര

2020-01-15T20:25:00.000-08:00

ഫെബ്രുവരിയില്‍ നടക്കാനിരിക്കുന്ന ദില്ലി ഓട്ടോ എക്സ്പോയില്‍ പ്രദര്‍ശിപ്പിക്കുന്ന വാഹനങ്ങളുടെ പട്ടിക പുറത്തുവിട്ട് ജര്‍മ്മന്‍ ആഡംബര വാഹന നിര്‍മ്മാതാക്കളായ ഫോക്സ് വാഗണ്‍.

കമ്ബനി നാല് മോഡലുകള്‍ പ്രദര്‍ശിപ്പിക്കും. ഇവയെല്ലാം എസ്‍യുവികളാണ്. ഈ മോഡലുകളെല്ലാം അടുത്ത രണ്ട് വര്‍ഷത്തിനുള്ളില്‍ ഇന്ത്യന്‍ വിപണിയിലുമെത്തും. എസ്‌യുവികളുടെ ഷോയിലെ അവതരണം വ്യക്തമാക്കി ഒരു ടീസര്‍ ചിത്രവും ഫോക്സ്‌വാഗണ്‍ ഇന്ത്യ തങ്ങളുടെ സമൂഹ മാധ്യമ പേജുകളില്‍ പോസ്റ്റ് ചെയ്തിട്ടുണ്ട്.

നാല് പുതിയ മോഡലുകളില്‍ ഫോക്‌സ്‌വാഗണ്‍ A0 എസ്‌യുവിയുടെ ലോക പ്രീമിയറും നടത്തും.

പുതിയ ഫോക്‌സ്‌വാഗണ്‍ A0 മോഡല്‍ മിഡ്-സൈസ് എസ്‌യുവി വിഭാഗത്തില്‍ സ്ഥാനം പിടിക്കും.

ഓട്ടോ എക്‌സ്‌പോ 2020 -ല്‍ വാഹനത്തിന്റെ ഏറെ കുറെ പ്രൊഡക്ഷന്‍-സ്‌പെക്ക് രൂപത്തിലാവും പ്രദര്‍ശിപ്പിക്കുക.

ഫോക്‌സ്‌വാഗണ്‍ A0 എസ്‌യുവിയെ കൂടാതെ T-റോക്ക്, ടിഗുവാന്‍ ഓള്‍സ്‌പേസ്, ID ക്രോസ് ഇലക്‌ട്രിക് എസ്‌യുവി എന്നിവയുടെ ഇന്ത്യ-സ്പെക്ക് പതിപ്പുകളാണ് കമ്ബനി പുറത്തിറക്കുക. ഫോക്‌സ്‌വാഗനില്‍ നിന്നുള്ള T-റോക്ക് എസ്‌യുവി ഇന്ത്യ നിര്‍ദ്ദിഷ്ട MQB A0 IN പ്ലാറ്റ്ഫോമിലാവും ഒരുങ്ങുന്നത്. അന്താരാഷ്ട്ര വിപണികളില്‍ ഉപയോഗിക്കുന്ന MQB A0 ആര്‍ക്കിടെക്ച്ചറിന്റെ പരിഷ്‌ക്കരിച്ച പതിപ്പാണിത്.

ഇതോടൊപ്പം രാജ്യത്ത് നിലവില്‍ വില്‍പ്പനയ്ക്ക് എത്തുന്ന ടിഗ്വാന്‍ എസ്‌യുവിയുടെ ഏഴ് സീറ്റ് പതിപ്പായ ടിഗ്വാന്‍ ഓള്‍സ്പെയിസും ഇവയ്ക്കൊപ്പം ഓട്ടോ എക്സ്പോയില്‍ ജര്‍മ്മന്‍ നിര്‍മ്മാതാക്കള്‍ അവതരിപ്പിക്കുമെന്ന് പ്രതീക്ഷിക്കുന്നു. ലോകോത്തര മോഡലുകള്‍ പലതും തങ്ങളുടെ അന്താരാഷ്ട്ര നിരയില്‍ നിന്ന് ഇന്ത്യന്‍ വിപണിയിലേക്ക് കൊണ്ടുവരാന്‍ തീരുമാനിച്ചതായി കമ്ബനി വ്യക്തമാക്കി.

2008-ലാണ് ഫോക്സ്‌വാഗണ്‍ ഇന്ത്യയില്‍ പ്രവര്‍ത്തനം ആരംഭിച്ചത്. പോളോ എന്ന ഒരൊറ്റ ഹാച്ച്‌ബാക്ക് മോഡല്‍ കൊണ്ടുതന്നെ ഫോക്സ്‌വാഗണ്‍ ഇന്ത്യയില്‍ ശ്രദ്ധിക്കപ്പെട്ടു. പക്ഷെ പിന്നീട് ഫോക്സ്‌വാഗണ്‍ പുറത്തിറക്കിയ ഒരു മോഡലിനും മികച്ച വിജയം കൈവരിക്കാന്‍ സാധിച്ചില്ല. അമേയോ, വെന്റോ, പസ്സാറ്റ് എന്നിങ്ങനെ ധാരാളം മോഡലുകളുണ്ടെങ്കിലും ഇന്ത്യയില്‍ ഒരു ശക്തമായ സാന്നിധ്യമായി വളര്‍ന്നു വരാന്‍ ഒരു ദശകത്തിനു ശേഷവും കഴിഞ്ഞിട്ടില്ലെന്നാണ് കമ്ബനിയുടെ വിലയിരുത്തല്‍.

ബസുകള്‍ക്ക് ഇനി പെര്‍മിറ്റില്ലാതെ ഓടാം;

2020-01-13T20:19:00.001-08:00

ആഡംബരബസുകള്‍ക്ക് ഇനി പെര്‍മിറ്റില്ലാതെ ഓടാം ഇതിനായി കേന്ദ്ര മോട്ടോര്‍വാഹന നിയമം ഭേദഗതി ചെയ്യാന്‍ തീരുമാനം.ഇതിനുള്ള കരട് പ്രസിദ്ധീകരിച്ചു. 22 സീറ്റില്‍ കൂടുതലുള്ള ലക്ഷ്വറി എ.സി. ബസുകള്‍ക്ക് സംസ്ഥാനസര്‍ക്കാരിന്റെ അനുമതിയില്ലാതെ റൂട്ട് ബസായി ഓടാനാകും. കെ.എസ്.ആര്‍.ടി.സി. ഉള്‍പ്പെടെയുള്ള പൊതുമേഖലാ ട്രാന്‍സ്‌പോര്‍ട്ട് കോര്‍പ്പറേഷനുകള്‍ക്ക് ഭീഷണിയാകുന്ന നീക്കത്തെ സംസ്ഥാനസര്‍ക്കാര്‍ എതിര്‍ക്കുമെന്ന് ഗതാഗതമന്ത്രി എ.കെ. ശശീന്ദ്രന്‍ പറഞ്ഞു. .

റൂട്ട് നിശ്ചയിച്ച്‌ നിരക്ക് പ്രഖ്യാപിച്ച്‌ ഓരോ പോയന്റില്‍നിന്നും യാത്രക്കാരെ കയറ്റിക്കൊണ്ടു പോകാനുള്ളതാണ് സ്റ്റേജ് കാര്യേജ് പെര്‍മിറ്റ്.

ഇതില്‍ റൂട്ട്,സമയം, പെര്‍മിറ്റ്, ടിക്കറ്റ് നിരക്ക് എന്നിവയെല്ലാം സംസ്ഥാനസര്‍ക്കാര്‍ നിശ്ചയിക്കും. എന്നാല്‍, പുതിയ ഭേദഗതി വന്നാല്‍ കോണ്‍ട്രാക്റ്റ് ക്യാരേജ് ബസുകള്‍ക്ക് അവര്‍ നിശ്ചയിക്കുന്ന സമയത്തും പാതകളിലും ഓടാനാകും.അന്തസ്സംസ്ഥാന പാതകളിലെ സ്വകാര്യ ആഡംബര ബസുകള്‍ക്ക് അംഗീകൃതടിക്കറ്റ് നിരക്കില്ല. തിരക്കിനനുസരിച്ച്‌ കൂട്ടിയും കുറച്ചുമാണ് അവര്‍ ടിക്കറ്റ് തുക വാങ്ങുന്നത്. പെര്‍മിറ്റില്ലാതെ ഓടുന്നതിന്റെ പേരില്‍ കേസെടുത്താണ് ഇവയെ നിലവില്‍ സര്‍ക്കാര്‍ നിയന്ത്രിക്കുന്നത്. പെര്‍മിറ്റ് ആവശ്യമില്ലെന്നുവന്നാല്‍ ഇവയുടെമേല്‍ സര്‍ക്കാരിനുള്ള നിയന്ത്രണം നഷ്ടമാകും.

കെഎസ്‌ആര്‍ടിസി ബസുകള്‍ക്കും തരിച്ചടിയാകും ഈ നിയമം പ്രാബല്യത്തില്‍ വന്നാല്‍. കടുത്ത സാമ്ബത്തിക പ്രതിസന്ധിയിലുള്ള കെ.എസ്.ആര്‍.ടി.സി.യുടെ ദിവസ വരുമാനത്തിന്റെ സിംഹഭാഗവും നല്‍കുന്നത് 1200 ദീര്‍ഘദൂര ബസുകളാണ്. ഇവയുടെ വരുമാനം കുറഞ്ഞാല്‍ വന്‍ തിരിച്ചടിയാകും. ബസ്‌ബോഡി കോഡിലെ മാനദണ്ഡം നിര്‍ബന്ധമാക്കിയിരിക്കുന്നതിനാല്‍ മിനി ബസുകള്‍ക്കും ട്രാവലറുകള്‍ക്കും ഈ ആനുകൂല്യം ലഭിക്കില്ല.

ലക്ഷ്വറി ബസുകള്‍ക്ക് നികുതിനിരക്ക് കൂടുതലായതിനാല്‍ സംസ്ഥാനസര്‍ക്കാരിന് നികുതിയിനത്തില്‍ നേട്ടമുണ്ടാകും.എന്നാല്‍ നിയമം പ്രാബല്യത്തിലായാല്‍ ദീര്‍ഘദൂര റൂട്ടുകള്‍ പൂര്‍ണമായും സ്വകാര്യമേഖലയ്ക്കു കുത്തയാകും.ബസ് മേഖല കുത്തകകള്‍ക്കു കൈമാറാനുള്ള നീക്കം കേന്ദ്ര മോട്ടോര്‍വാഹന നിയമഭേദഗതിയില്‍ ഉണ്ടായിരുന്നു. ഇതേക്കുറിച്ച്‌ സംസ്ഥാനം പലതവണ ആശങ്കയറിയിച്ചതാണ്. കെ.എസ്.ആര്‍.ടി.സിക്കു മാത്രമല്ല രാജ്യത്തെ എല്ലാ പൊതുമേഖലാ റോഡ് ട്രാന്‍സ്‌പോര്‍ട്ടിങ് കോര്‍പ്പറേഷനുകള്‍ക്കും ഈ ഭേദഗതി ഭീഷണിയാണ്.

പെട്രോള്‍ പമ്ബുകളിലെ തട്ടിപ്പുകള്‍; രക്ഷപ്പെടാന്‍ ഉള്ള വഴികൾ!

2020-01-06T01:13:00.001-08:00

പെട്രോളിനും ഡീസലിനും വില കുത്തനെ കയറിക്കൊണ്ടിരിക്കുകയാണ്. ഓരോ തുള്ളിയും അമൂല്യമായി സൂക്ഷിക്കേണ്ട കാലം. പലപ്പോഴും പെട്രോള്‍ പമ്ബുകളില്‍ നമ്മള്‍ അറിഞ്ഞുകൊണ്ട് തന്നെ കബളിപ്പിക്കപ്പെടാറുണ്ട്.

ചിലപ്പോള്‍ അശ്രദ്ധ കൊണ്ടാണെങ്കില്‍ മറ്റുചിലപ്പോള്‍ അറിവില്ലായ്മ കൊണ്ടായിരിക്കും ഇങ്ങനെ സംഭവിക്കുന്നത്. ഓരോ തുള്ളി ഇന്ധനവും അമൂല്യമായ കാലത്ത് ചില കാര്യങ്ങള്‍ ശ്രദ്ധിച്ചാല്‍ ഈ തട്ടിപ്പുകളില്‍ നിന്ന് നിങ്ങള്‍ക്ക് അനായാസം രക്ഷപ്പെടാം.

1. വ്യത്യസ്‍ത പമ്ബുകളില്‍ നിന്നും ഇന്ധനം നിറക്കുക
പതിവായി വീടിനോ ഓഫീസിനോ അടുത്തു നിന്ന് സ്ഥിരം ഇന്ധനം നിറയ്ക്കുന്നവരാകും നമ്മളില്‍ പലരും. അങ്ങനെയുള്ളവര്‍ കുറച്ച്‌ ദിവസം വ്യത്യസ്ത പമ്ബുകളില്‍ നിന്നായി ഇന്ധനം വാങ്ങിക്കുക.

അപ്പോള്‍ ഏറെക്കുറെ ഏതു പമ്ബിലാണ് കുറവ് ഇന്ധനം ലഭിക്കുന്നതെന്ന കാര്യം വ്യക്തമാകും. ശേഷം നിങ്ങള്‍ക്ക് ഏതു പമ്ബ് വേണമെന്ന് തീരുമാനിക്കുക

2.റൗണ്ട് ഫിഗര്‍
ഒരിക്കലും 100, 200, 500 പോലെയുള്ള സംഖ്യകള്‍ക്ക് ഇന്ധനം വാങ്ങാതിരിക്കുക. 120, 206, 324, 455 രൂപ പോലെയുള്ള തുകയ്ക്ക് ഇന്ധനം ആവശ്യപ്പെടുക.

3. സിസ്റ്റം റീ സെറ്റ്
സിസ്റ്റം റീ സെറ്റ് ചെയ്തിട്ടുണ്ടെന്ന് ഉറപ്പുവരുത്തുക. മിഷീനിലെ അളവ് കാണിക്കുന്ന ഭാഗം പൂജ്യം ആണെന്ന് ഉറപ്പിക്കുക

4. പുറത്തിറങ്ങി നല്‍ക്കുക
കാറില്‍ നിന്നും പുറത്തിറങ്ങി ഇന്ധനം നിറയ്ക്കുന്നത് കൃത്യമായി ശ്രദ്ധിക്കുക. മിഷീനിലെ അളവ് മാറുന്നതും പൈപ്പിലും ശ്രദ്ധിക്കണം.

5. മറ്റു ജീവനക്കാരോട് സംസാരിക്കാതിരിക്കുക
നിങ്ങലുടെ വാഹനത്തില്‍ ഒരു ജീവനക്കാരന്‍ ഇന്ധനം നറയ്ക്കുന്നതിനിടയില്‍ മറ്റൊരു ജീവനക്കാരന്‍ പെയ്‍മെന്‍റിനെപ്പറ്റിയോ മറ്റോ പറഞ്ഞ് നിങ്ങളുടെ ശ്രദ്ധ തിരിച്ചേക്കാം. ഇത്തരത്തിലുള്ള തട്ടിപ്പ് വ്യാപകമാണ്. അതിനാല്‍ ഈ സമയത്ത് സംസാരിക്കാതിരിക്കുക

6. നോസില്‍ പെട്ടെന്ന് എടുപ്പിക്കരുത്
ഇന്ധനം നിറച്ചയുടന്‍ നോസില്‍ ടാങ്കില്‍ നിന്ന് എടുത്തുമാറ്റാന്‍ അനുവദിക്കരുത്. നിങ്ങള്‍ നല്‍കുന്ന പണത്തിനുള്ള ഇന്ധനം പൈപ്പില്‍ അവശേഷിക്കുന്നുണ്ടാകും. അവസാന തുള്ളിയും ടാങ്കില്‍ വീണുവെന്ന് ഉറപ്പാക്കിയ ശേഷം വേണം നോസില്‍ പുറത്തെടുക്കാന്‍.

7. കാര്‍ഡ് ഉപയോഗിക്കുക
കാര്‍ഡ് ഉപയോഗിച്ചുള്ള പണമിടപാടാണ് കറന്‍സി നോട്ട് നല്‍കുന്നതിനെക്കാളും ഉചിതം. ഉദാഹരണത്തിന് നിങ്ങള്‍ നിറച്ചത് 1702.83 രൂപയ്‍ക്കുള്ള ഇന്ധനമാണെന്നിരിക്കട്ടെ. അപ്പോള്‍ പമ്ബ് ജീവനക്കാരന്‍ പറയും 1710 രൂപയ്ക്ക് റൗണ്ട് ചെയ്യാം എന്ന്. ഒരിക്കലും ഈ കെണിയില്‍ വീഴരുത്. കാരണം ഒരിക്കല്‍ സിസ്റ്റം സ്റ്റോപ്പ് ചെയ്താല്‍ പിന്നെ റീ സെറ്റ് ചെയ്യാതെ ഉപയോഗിക്കാന്‍ സാധിക്കില്ല. നിങ്ങളുടെ പണം നഷ്ടപ്പെടുമെന്ന് ചുരുക്കം.

8. വാഹനവും മെഷീനും തമ്മിലുള്ള അകലം
ഏകദേശം പൈപ്പിന്റെ നീളം കണക്കാക്കി മിഷീനില്‍ നിന്ന് അകറ്റി വേണം വാഹനം നിര്‍ത്താന്‍. പൈപ്പില്‍ ഇന്ധനം അവശേഷിക്കുന്നത് ഒഴിവാക്കാനാണ് ഇങ്ങനെ ചെയ്യേണ്ടത്. പൈപ്പ് വളഞ്ഞാണ് കിടക്കുന്നതെങ്കില്‍ നിങ്ങള്‍ നല്‍കുന്ന പണത്തിനുള്ള ഇന്ധനം പൂര്‍ണമായും ടാങ്കില്‍ വീഴില്ല

ഹ്യുണ്ടായിയുടെ 'ഓറ' വില 6 ലക്ഷം മുതല്‍ 9 ലക്ഷം വരെ

2019-12-28T02:20:00.001-08:00

ഹ്യുണ്ടായിയുടെ ഏറ്റവും പുതിയ കോംപാക്‌ട് സെഡാനായ 'ഓറ' വിപണിയിലെത്തി. ജനുവരി 21-ന് ആയിരിക്കും ഓറ ഇന്ത്യന്‍ വിപണിയിലെത്തുക. മുന്‍തലമുറ എക്സെന്റിന്റെ പിന്‍ഗാമിയായിട്ടായിരിക്കും ഓറ വരുന്നത്. പ്രഖ്യാപിച്ചിട്ടില്ലെങ്കിലും ആറു ലക്ഷം രൂപ മുതല്‍ ഒമ്ബതു ലക്ഷം രൂപ വരെ വില പ്രതീക്ഷിക്കാം.

ഓട്ടോമാറ്റിക് കാറുകൾ തള്ളി സ്റ്റാർട്ട് ചെയ്യാൻ പറ്റാത്തത് എന്തുകൊണ്ട് ? ചെക്ക് ലിങ്ക്

ടാക്സിയായി മാറുന്ന എക്സെന്റിന്റെ സ്ഥാനത്തായിരിക്കും ഓറ വരുന്നത്. കുടുംബങ്ങളെയാണ് ഓറ ലക്ഷ്യമിടുന്നതെന്നാണ്‌ കമ്ബനി വ്യക്തമാക്കിയത്. എക്സെന്റ്, ഗ്രാന്‍ഡ് ഐ 10 നിയോസ് മോഡലുകളില്‍നിന്ന് കടമെടുത്ത രൂപമാണ് ഓറയ്ക്ക്. ഇന്ത്യന്‍ നിരത്തിലുള്ള കോംപാക്‌ട് സെഡാന്‍ ശ്രേണിയിലെതന്നെ മികച്ച കരുത്തും ഒട്ടേറെ ഫീച്ചറുകളും വാഹനത്തിന്റെ പ്രത്യേകതയാണെന്നാണ് കമ്ബനിയുടെ അവകാശവാദം.

കാഴ്ചയില്‍ ഗ്രാന്‍ഡ് ഐ 10 നിയോസുമായാണ് ഓറയ്ക്ക് കൂടുതല്‍ സാമ്യം. നിയോസില്‍നിന്ന് കടമെടുത്ത കാസ്‌കേഡ് ഗ്രില്‍, പ്രൊജക്ടഡ് ഹെഡ്‌ലാമ്ബ്, ബൂമറാങ് ഷേപ്പിലുള്ള ഡേ ടൈം റണ്ണിങ് ലാമ്ബുകള്‍, ചെറിയ ഫോഗ്‌ലാമ്ബ് എന്നിവ മുന്‍വശത്തിന് അഴകേകുന്നു.

ഹാച്ച്‌ഡോറിലേക്ക് കയറിയ ടെയ്ല്‍ ലാമ്ബ്, മധ്യഭാഗത്തായി ഓറ എന്ന ക്രോം ബാഡ്ജിങ്, ക്രോമിയം സ്ട്രിപ്പ് എന്നിവയാണ് പിന്‍വശത്തുള്ളത്.

ക്രോമിലുള്ള വലിയ എഴുത്ത് പുതിയ ഹ്യുണ്ടായ് വാഹനങ്ങളുടെ മുഖമുദ്രയായി മാറുന്നത് ഇതിലും കമ്ബനി തുടരുന്നുണ്ട്. സ്പോര്‍ട്ടി അലോയ്‌ വീലുകള്‍, പുതിയ മിറര്‍, ഷാര്‍ക്ക്ഫിന്‍ ആന്റിന എന്നിവയും സവിശേഷതകളാണ്. ആപ്പിള്‍ കാര്‍ പ്ലേയും ആന്‍ഡ്രോയ്ഡ് ഓട്ടോയും പിന്തുണയ്ക്കുന്ന 8.0 ഇഞ്ച് ടച്ച്‌സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, ഉയര്‍ന്ന വകഭേദങ്ങളില്‍ വയര്‍ലെസ് ചാര്‍ജിങ് സൗകര്യം എന്നിവയും ലഭ്യമാണ്.

എയര്‍ കര്‍ട്ടന്‍, എമര്‍ജന്‍സി സ്റ്റോപ്പ് സിഗ്നല്‍, ഇക്കോ കോട്ടിങ് ടെക്‌നോളജി, ലെതര്‍ പൊതിഞ്ഞ ഗിയര്‍ നോബ്, ക്രോം ഡോര്‍ ഹാന്‍ഡിലുകള്‍ എന്നിവയും നല്‍കിയിരിക്കുന്നു. ബി.എസ്. സിക്സ് നിലവാരത്തിലുള്ള മൂന്ന് എന്‍ജിനുകളാണ് ഓറയ്ക്ക് കരുത്ത് നല്‍കുന്നത്. 1.2 ലിറ്റര്‍ പെട്രോള്‍, ഡീസല്‍ എന്‍ജിനുകള്‍, 1.0 ലിറ്റര്‍ ടര്‍ബോ ചാര്‍ജ്ഡ് പെട്രോള്‍ എന്‍ജിന്‍ എന്നിവയാണവ.

പെട്രോള്‍ യൂണിറ്റ് 100 ബി.എച്ച്‌.പി. കരുത്തും 172 എന്‍.എം. ടോര്‍ക്കും നല്‍കുമ്ബോള്‍ കാപ്പ പെട്രോള്‍ 83 ബി.എച്ച്‌.പി. കരുത്തില്‍ 114 എന്‍.എം. ടോര്‍ക്കും നല്‍കുന്നു. സിംഗിള്‍ ഓയില്‍ ബര്‍ണര്‍ ഡീസല്‍ യൂണിറ്റ് 75 ബി.എച്ച്‌.പി. കരുത്തും 190 എന്‍.എം. ടോര്‍ക്കും നല്‍കും. 1.2 ലിറ്റര്‍ പെട്രോള്‍-ഡീസല്‍ എന്‍ജിനുകള്‍ക്കൊപ്പം അഞ്ച് സ്പീഡ് മാനുവല്‍, എ.എം.ടി. ഗിയര്‍ബോക്സും 1.0 ലിറ്റര്‍ പെട്രോള്‍ എന്‍ജിനൊപ്പം മാനുവല്‍ ഗിയര്‍ബോക്സും ലഭ്യമാകും

ഭാരം കുറഞ്ഞ ബൈക്കുമായി റോയല്‍ എന്‍ഫീല്‍ഡ്

2019-12-28T02:09:00.003-08:00

ഇന്ത്യന്‍ വിപണിയില്‍ സാന്നിധ്യം വര്‍ധിപ്പിക്കാനായി ഭാരം കുറഞ്ഞ മോട്ടോര്‍സൈക്കിളുകളുമായി റോയല്‍ എന്‍ഫീല്‍ഡ്. ആദ്യമായി മോട്ടോര്‍ സൈക്കിളുകള്‍ ഉപയോഗിക്കുന്നവരെയും വനിതകളെയും ലക്ഷ്യമിട്ടാണ് കമ്ബനിയുടെ നീക്കം. 2020െന്‍റ ആദ്യപാദത്തില്‍ ബൈക്കുകള്‍ വിപണിയിലെത്തിക്കാനാണ് റോയല്‍ എന്‍ഫീല്‍ഡിെന്‍റ ശ്രമം. ജെ.വണ്‍.സി എന്ന കോഡുനാമത്തിലാണ് റോയല്‍ എന്‍ഫീല്‍ഡ് ബൈക്കുകള്‍ നിര്‍മ്മിക്കുന്നത്.

സ്പോര്‍ട്സ് ബൈക്കുകളുമായി മറ്റു ഇരുചക്ര വാഹനനിര്‍മ്മാതാക്കള്‍ കളംവാഴുന്നതിനിടെയാണ് റോയല്‍ എന്‍ഫീല്‍ഡും സമാനരീതിയിലുള്ള ബൈക്കുകള്‍ പുറത്തിറക്കുന്നത്. 250-300 സി.സി സെഗ്മെന്‍റിലാണ് റോയല്‍ എന്‍ഫീല്‍ഡിെന്‍റ കൂടുതല്‍ ബൈക്കുകള്‍ വിറ്റുപോകുന്നത്.

ഈ സെഗ്മെന്‍റില്‍ തന്നെയാവും പുതിയ മോഡലുകളും പുറത്തിറക്കുകയെന്നാണ് സൂചന. പുതിയ സീരിസിന് പിന്നാലെ തണ്ടര്‍ബേര്‍ഡിെന്‍റ ബി.എസ് 6 വകഭേദം റോയല്‍ എന്‍ഫീല്‍ഡ് പുറത്തിറക്കുമെന്നാണ് പ്രതീക്ഷിക്കുന്നത്. മാറ്റങ്ങളോടെ മെറ്റര്‍ എന്ന പേരിലാവും തണ്ടര്‍ബേര്‍ഡ് എത്തുക.

റോയല്‍ എന്‍ഫീല്‍ഡ് കുടുംബത്തിലേക്ക് കൂടുതല്‍ വനിതകളെ എത്തിക്കുകയെന്ന ലക്ഷ്യം മുന്‍നിര്‍ത്തിയാണ് ഭാരം കുറഞ്ഞ മോട്ടോര്‍ സൈക്കിളുകള്‍ പുറത്തിറക്കുന്നതെന്ന് റോയല്‍ എന്‍ഫീല്‍ഡ് വ്യക്തമാക്കി.

ഹെല്‍മറ്റില്ല, വളര്‍ത്തുനായയെ പിന്നില്‍ നിര്‍ത്തി ബൈക്ക് യാത്ര; മോട്ടോര്‍ വാഹന വകുപ്പ് കേസെടുത്തു

2019-12-28T02:03:00.001-08:00

വളര്‍ത്തുനായയെ ബൈക്കിന്റെ പിന്നില്‍ നിര്‍ത്തി ഉടമസ്ഥന്റെ സാഹസികയാത്ര. വെള്ളിയാഴ്ച ഉച്ചയ്ക്ക് കോട്ടയം-കുമളി റോഡില്‍ മണര്‍കാടാണ് നായയെ ബൈക്കിന് പിന്നില്‍ നിര്‍ത്തി ഉടമസ്ഥന്‍ ബൈക്കില്‍ യാത്ര ചെയ്തത്. സംഭവം മൊബൈലില്‍ പകര്‍ത്തി മോട്ടോര്‍വാഹന വകുപ്പ് ഉടമസ്ഥന്‍ പിഴയടയ്ക്കാന്‍ നോട്ടീസ് അയച്ചു.

ഇയാള്‍ ഹെല്‍മെറ്റ് ധരിച്ചിരുന്നില്ല. വളര്‍ത്തുമൃഗത്തെ അപകടകരമായ രീതിയില്‍ ബൈക്കില്‍ നിര്‍ത്തി പൊതുനിരത്തിലൂടെ യാത്ര ചെയ്തതിനും ഹെല്‍മെറ്റ് ധരിക്കാതെ വാഹനം ഓടിച്ചതിനും ചേര്‍ത്ത് 1500 രൂപ പിഴയടയ്ക്കണമെന്നാണ് നോട്ടീസില്‍ പറയുന്നത്.

സംഭവം കണ്ടയുടന്‍ മോട്ടോര്‍ വെഹിക്കിള്‍ ഇന്‍സ്‌പെക്ടര്‍ എ.സാബു ഇത് വീഡിയോയില്‍ പകര്‍ത്തുകയും ബൈക്കിന്റെ ആര്‍.സി. ഉടമയ്ക്ക് എന്‍ഫോഴ്‌സ്‌മെന്റ് ആര്‍.ടി.ഒ. ടോജോ എം.തോമസ് നോട്ടീസ് അയക്കുകയായിരുന്നു. നോട്ടീസ് ലഭിച്ച്‌ ഏഴ് ദിവസത്തിനകം ഉടമസ്ഥന്‍ ഹാജരാകാനും വിശദീകരണം എഴുതി നല്‍കാനും നിര്‍ദേശമുണ്ട്.

ഫാസ് ടാഗുകൾ : ഇനിമുതൽ ഇരട്ടി ടോൾ നൽകേണ്ടി വരും

2019-11-28T01:21:00.001-08:00

ഡിസംബര്‍ ഒന്നു മുതല്‍ വാഹനങ്ങളില്‍ ഫാസ് ടാഗുകൾ നിര്‍ബന്ധമാക്കുന്നു. ഫാസ് ഗാഗ് ഇല്ലാതെ അതിനായുള്ള ട്രാക്കിലൂടെ കടന്നുപോയാല്‍ ഡിസംബര്‍ ഒന്നുമുതല്‍ ഇരട്ടി ടോള്‍ ഈടാക്കുമെന്ന് കേന്ദ്ര ഗതാഗത മന്ത്രി നിതിന്‍ ഗഡ്ഗരി രാജ്യമാകെ 537 ടോള്‍ പ്ലാസകളിലാണ് ഫാസ് ടാഗ് സംവിധാനം നിലവില്‍ വരിക. അതിന്‍റെ ഭാഗമായി ഫാസ് ടാഗുകള്‍ ലഭിക്കുന്നതിന് ആവശ്യമായ രേഖകള്‍ എന്തെല്ലാം, ഹെല്‍പ്പ്‌ലൈന്‍ നമ്ബറുകള്‍, ഫാസ് ടാഗ് കൗണ്ടറുകളുള്ള ബാങ്കുകള്‍ ഏതെല്ലാം എന്നിവ സംബന്ധിച്ച്‌ ദേശീയപാത അതോറിറ്റി പ്രൊജക്‌ട് ഡയറക്ടര്‍ നല്‍കുന്ന വിവരങ്ങള്‍ എന്തൊക്കെയാണെന്നറിയാം -

എന്താണ് ഫാസ് ടാഗ്?

പ്രീ പെയ്ഡ് സിം കാര്‍ഡിന് സമാനമായ ടോള്‍ തുക മുന്‍കൂറായി അടച്ച റേഡിയോ ഫ്രീക്വന്‍സി ഐഡന്‍റിഫിക്കേഷന്‍ കാര്‍ഡാണ് ഫാസ് ടാഗ്. ചെറിയ തിരിച്ചറിയല്‍ കാര്‍ഡിന്‍റെ വലിപ്പമുള്ള കടലാസ്‌ കാര്‍ഡിനുള്ളില്‍ മാഗ്നെറ്റിക് ചിപ്പുണ്ട്. ഓരോ ടോള്‍പ്ലാസയില്‍ കൂടെ കടന്നു പോകുമ്ബോഴും അവിടുത്തെ റേഡിയോ ഫ്രീക്വന്‍സി ഐഡന്‍റിഫിക്കേഷന്‍ സംവിധാനം ടാഗിലെ റീച്ചാര്‍ജ് തുക സംബന്ധിച്ച വിവരങ്ങള്‍ വായിച്ചെടുക്കുകയും പണം ഉണ്ടെങ്കില്‍ അത് ഓണ്‍ലൈന്‍വഴി തല്‍സമയം ഈടാക്കുകയും ചെയ്യും. ഫാസ് ടാഗ് ഉപയോഗിക്കുന്നവര്‍ക്ക് ടോള്‍ പ്ലാസയിലെ ഫാസ് ടാഗ് കൗണ്ടറുകളിലൂടെ പെട്ടെന്ന് കടന്നുപോകാം എന്നതാണ് പ്രയോജനം.

മിനിമം 100 രൂപയാണ് ടാഗില്‍ ഉണ്ടാകേണ്ടത്.100 രൂപ മുതല്‍ എത്ര രൂപ വേണമെങ്കിലും റീച്ചാര്‍ജ് ചെയ്ത് രാജ്യത്തുടനീളമുള്ള ടോള്‍പ്ലാസകളിലൂടെ ഫാസ് ടാഗ് ഉപയോഗിച്ച്‌ യാത്ര ചെയ്യാം. വാഹനത്തിന്‍റെ വലിപ്പത്തിനനുസരിച്ച്‌ ഏഴു തരം ഫാസ് ടാഗുകളുകളാണ് ഇപ്പോള്‍ ഉപയോഗത്തിലുള്ളത്. ഇവയ്ക്ക് ഏഴ് നിറമായിരിക്കും.

ഫാസ് ടാഗ് എടുത്തില്ലെങ്കില്‍?

ഡിസംബര്‍ ഒന്നു മുതല്‍ ഫാസ് ടാഗ് നിര്‍ബന്ധമാക്കുന്നതോടെ ടോള്‍ പ്ലാസകളില്‍ ഒരു ഫാസ് ടാഗ് കൗണ്ടറും ഒരു ക്യാഷ് കൗണ്ടറുമാണ് ഉണ്ടാവുക. ഫാസ് ടാഗുള്ള വാഹനങ്ങള്‍ പെട്ടെന്ന് ഫാസ് ടാഗ് കൗണ്ടറിലൂടെ കടന്നുപോകുമ്ബോള്‍ ഫാസ് ടാക് ഇല്ലാത്ത വാഹനങ്ങള്‍ ക്യാഷ് കൗണ്ടറില്‍ നിലവിലെ പോലെ ടോള്‍ കൊടുത്ത് പോകേണ്ട അവസ്ഥയുണ്ടാവും. ഫാസ് ടാഗില്ലാതെ ഫാസ് ടാഗ് കൗണ്ടര്‍ വഴി പോയാല്‍ ടോള്‍ തുകയുടെ ഇരട്ടി ഈടാക്കുകയും ചെയ്യും. അതേസമയം ക്യാഷ് കൗണ്ടറിലൂടെ പോയാല്‍ നിലവിലുള്ള ടോള്‍തുക അടച്ച്‌ ഇപ്പോള്‍ തുടരുന്ന രീതിയില്‍ കടന്നുപോകാം.

എവിടെ ലഭിക്കും? എങ്ങനെ ലഭിക്കും?

മൈ ഫാസ് ടാഗ് ആപ്പിലൂടെയോ രാജ്യത്തെ എല്ലാ ടോള്‍ പ്ലാസകളിലുമുള്ള ഫാസ് ടാഗ് സേവന കേന്ദ്രങ്ങളിലൂടെയോ സ്റ്റേറ്റ് ബാങ്ക് ഓഫ് ഇന്ത്യ, ഐ.സി.ഐ.സി.ഐ. ബാങ്ക് എന്നിവയിലൂടെയോ ഫാസ് ടാഗുകള്‍ ലഭിക്കും. വാഹനവുമായി ഫാസ് ടാഗ് സേവന കേന്ദ്രത്തിലെത്തി ആവശ്യമായ രേഖകള്‍ നല്‍കണം. വാഹനത്തിന്‍റെ ഫോട്ടോയോടൊപ്പം രേഖകള്‍ ഫാസ് ടാഗില്‍ അപ്ലോഡ് ചെയ്യുന്നതോടെ ബാര്‍ കോഡുള്ള ഫാസ് ടാഗ് ലഭിക്കും. ഫോണ്‍ നമ്ബര്‍ ഉപയോഗിച്ച്‌ ഓണ്‍ലൈനായും വാട്സ് ആപ്പ് വഴിയും ടോള്‍ പ്ലാസകളില്‍ പണം നല്‍കിയും റീചാര്‍ജ് ചെയ്യാം.

ഫാസ് ടാഗ് വാങ്ങുന്നതിന് ആവശ്യമായ രേഖകള്‍:

ആര്‍.സി. ബുക്കിന്‍റെ പകര്‍പ്പ്

ആര്‍.സി. ഉടമയുടെ ആധാര്‍ കാര്‍ഡ്

ആര്‍.സി ഉടയുടെ പാന്‍കാര്‍ഡിന്‍റെ പകര്‍പ്പ്

ആര്‍.സി ഉടമയുടെ ഫോണ്‍ നമ്ബര്‍

ആര്‍.സി ഉടമയുടെ ഫോട്ടോ

ഹെല്‍പ് ലൈന്‍ നമ്ബറുകള്‍:

കെ എന്‍ ആര്‍ സി പ്രൈവറ്റ് ലിമിറ്റഡ് - 9497712810

കെ ആന്‍ഡ് ജെ. കണ്‍സള്‍ട്ടന്‍സി - 0491 2570265.

ജാഫര്‍ എസ്.ബി.ഐ. - 8714280844

ശിവദാസ് എസ് ബി ഐ - 8893582637

പ്രദീപ് എസ്ബിഐ - 9495729957

നാഷണല്‍ ഹൈവേ അതോറിറ്റി ഓഫ് ഇന്ത്യ ചന്ദ്രനഗര്‍ ഓഫീസ് - 0491 - 2573790

എവിടെ ഒട്ടിക്കാം:

വാഹനത്തിന്‍റെ മുന്‍ചില്ലില്‍ അകത്തായാണ് ഫാസ് ടാഗ് ഒട്ടിക്കേണ്ടത്. കനംകുറഞ്ഞ മാഗ്നറ്റ് ആയതിനാല്‍ മാറ്റി ഒട്ടിക്കാന്‍ സ്റ്റിക്കര്‍ ഊരി മാറ്റി മാഗ്നറ്റ് പുറത്തേക്ക് കാണും വിധം ഒട്ടിക്കണം.

നടത്തിപ്പ് ആര്‍ക്ക്?

ഡിജിറ്റല്‍ ഇന്ത്യ മിഷന്‍ പദ്ധതിയുടെ ഭാഗമായ ഫാസ് ടാഗ് ഇന്ത്യന്‍ ഹൈവേ മാനേജ്മെന്‍റ് കമ്ബനി, നാഷണല്‍ പെയ്മെന്‍റ് കോര്‍പ്പറേഷന്‍ ഓഫ് ഇന്ത്യ, ദേശീയ പാത അതോറിറ്റി എന്നിവയുടെ സംയുക്ത സംരംഭമാണ്. ഫാസ് ടാഗ് വഴി ഓരോ ദിവസവും ശേഖരിക്കുന്ന തുക അന്നുതന്നെ പെയ്മെന്‍റ് കോര്‍പ്പറേഷന്‍ ഓഫ് ഇന്ത്യയുടെ അക്കൗണ്ടിലേക്കെത്തും. പിറ്റേന്ന് ഓരോ ടോള്‍ പ്ലാസയ്ക്കുമുള്ള തുക അവരുടെ അക്കൗണ്ടിലേക്ക് മാറ്റി നല്‍കും. ഓരോ ടോള്‍ പ്ലാസ വഴി എത്ര വാഹനങ്ങള്‍ കടന്നു പോയി, ഏതെല്ലാം തരം വാഹനങ്ങള്‍, അവ എത്ര പ്ലാസയിലൂടെ കടന്നുപോയി, എവിടെ നിന്ന് എവിടേക്ക് തുടങ്ങി എല്ലാ വിവരങ്ങളും ഇതിലൂടെ ലഭിക്കും. വാഹനങ്ങളുടെ ആധാര്‍ എന്നാണ് ഫാസ്ടാഗ് അറിയപ്പെടുന്നത്.

മാരുതിയുടെ ആള്‍ട്ടോ , വിറ്റത് 38 ലക്ഷം യൂണിറ്റുകള്‍

2019-11-27T20:38:00.000-08:00

മാരുതി സുസുക്കിയുടെ ജനപ്രിയ മോഡലാണ് ആള്‍ട്ടോ. കഴിഞ്ഞ പതിനഞ്ച് വര്‍ഷത്തിനുള്ളില്‍ ഏറ്റവും കൂടുതല്‍ വിറ്റഴിച്ച മോഡല്‍ ആള്‍ട്ടോയാണെന്നാണ് കമ്ബനി വ്യക്തമാക്കുന്നത്.

താരതമ്യേന കുറഞ്ഞ വിലയാണ് ആള്‍ട്ടോ കാറിനെ ജനപ്രിയമാക്കിയത്.

നിരത്തിലെത്തി 19 വര്‍ഷം പിന്നിട്ട ആള്‍ട്ടോയുടെ 38 ലക്ഷം യൂണിറ്റുകള്‍ ഇതുവരെ വിറ്റഴിച്ചതായി മാരുതി വ്യക്തമാക്കി. നിലവില്‍ ആള്‍ട്ടോ, ആള്‍ട്ടോ കെ10 എന്നീ രണ്ട് മോഡലുകളാണ് ആള്‍ട്ടോ നിരയില്‍ വില്‍പനയ്ക്കുള്ളത്.

കെ 10 മോഡലിന് 3.73 ലക്ഷം രൂപ മുതല്‍ 4.53 ലക്ഷം രൂപയും ആള്‍ട്ടോയ്ക്ക് 3.01 ലക്ഷം രൂപ മുതല്‍ 4.22 ലക്ഷം വരെയുമാണ് കോഴിക്കോട് എക്സ്ഷോറൂം വില. മാരുതി 800 മോഡല്‍ നിരത്തൊഴിഞ്ഞ ഇടത്തേക്കാണ് ആള്‍ട്ടോ ബ്രാന്‍ഡ് എത്തിയത്.2000 മുതല്‍ വിപണിയിലെത്തിയ ആള്‍ട്ടോ ആദ്യ പത്ത് ലക്ഷം യൂണിറ്റ് പിന്നിട്ടത് 2008ലാണ്. 2012 ല്‍ വില്‍പന 20 ലക്ഷത്തിലെത്തി. 2016ല്‍ ഇത് 30 ലക്ഷം പിന്നിട്ടു. കഴിഞ്ഞ മൂന്ന് വര്‍ഷത്തിനുള്ളില്‍ എട്ട് ലക്ഷം ആള്‍ട്ടോയും നിരത്തിലേക്കെത്തി

നീലക്കാറുകള്‍ക്ക് വില്‍പ്പന കൂടുന്നുവെന്ന് പഠനം

2019-11-27T05:46:00.000-08:00

ഒരുകാലത്ത് ഇന്ത്യന്‍ നിരത്തുകളില്‍ വെള്ള നിറമുള്ള കാറുകളാണ് വാണിരുന്നത്. അന്തസ്സിന്റെയും കുലീനതയുടെയും നിറമായി വെള്ളയെ ഇന്ത്യന്‍ മനസ്സ് കാണുന്നു. ജനനത്തിനും മരണത്തിനും ഇന്ത്യയുടെ നിറം വെള്ളയാണ്. രാഷ്ട്രീയക്കാര്‍ക്കും തങ്ങളുടെ കറപുരളാത്ത വ്യക്തിത്വ പ്രതിച്ഛായയുടെ നിര്‍മിതിക്ക് വെള്ള വസ്ത്രം വേണം. സ്വാതന്ത്ര്യസമര കാലത്തിന്റെ മൂല്യങ്ങളുടെ പ്രതിനിധാനം കൂടി ഈ വെള്ള നിറത്തിനുണ്ട്. ഇങ്ങനെ പൊതുസമൂഹത്തിലിറങ്ങി നടക്കുന്ന എന്തിനും വെള്ളനിറം വേണമെന്ന മനോഗതി നിലവിലുണ്ടായിരുന്നു. കാറുകള്‍ വന്നപ്പോള്‍ അതിലേക്കും ഈ നിറം സംക്രമിച്ചു. വെള്ളയോട് തീരെ ഇഷ്ടമില്ലാത്തവര്‍ മറ്റ് ഇളംനിറങ്ങള്‍ മാത്രം തെരഞ്ഞെടുത്തു.

ചുവപ്പ് നിറം അപകടമുണ്ടാക്കും എന്ന അന്ധവിശ്വാസം വരെ കാര്‍ ഉപഭോക്താക്കള്‍ക്കിടയില്‍ നിലനിന്നിരുന്നു!

ഈ സ്ഥിതിക്കെല്ലാം ഇന്ന് വലിയ മാറ്റം വന്നിരിക്കുകയാണ്. ഡോ. മന്‍മോഹന്‍ സര്‍ക്കാരുകളുടെ കാലത്ത് ആക്രാമകമായ വിധത്തില്‍ നടപ്പിലാക്കിയ സാമ്ബത്തിക പരിഷ്കാരങ്ങള്‍ ഓട്ടോമൊബൈല്‍ വിപണിയില്‍ വസന്തം കൊണ്ടു വന്നു. പല നിറങ്ങളിലുള്ള വാഹനങ്ങള്‍ വിപണിയിലെത്തി. ഉപഭോക്താക്കള്‍ക്ക് നിറങ്ങളിലും വലിയൊരളവു വരെ കസ്റ്റമൈസേഷന്‍ സാധ്യമാക്കുന്ന മാറ്റങ്ങള്‍ വന്നു.

പുതിയൊരു ഡാറ്റാ വിശകലനം കാണിക്കുന്നത് ഏഷ്യാ പസിഫിക് മേഖലയില്‍ നീലക്കാറുകളോട് പ്രിയം കൂടുന്നുവെന്നാണ്. പെയിന്റ്, കോട്ടിങ് ഡവലപ്പര്‍മാരായ പിപിജി നടത്തിയ ഡാറ്റാ വിശകലനത്തിലാണ് ഇത് പറയുന്നത്. നീലക്കാറുകളുടെ വില്‍പ്പന 7% കണ്ടാണ് വര്‍ധിച്ചിരിക്കുന്നത്.

റോഡില്‍ ഒരല്‍പം സ്ഥൈര്യമുള്ള നിലപാട് ഫീല്‍ ചെയ്യിക്കാന്‍ ഈ നിറത്തിന് സാധിക്കുമെന്നാണ് വിദഗ്ധര്‍ പറയുന്നത്. കൂടാതെ അഡ്വഞ്ചര്‍ തല്‍പ്പരരായവര്‍ നീലനിറം തെരഞ്ഞെടുക്കുന്നു. ഇന്ത്യയടക്കമുള്ള ഏഷ്യന്‍ രാജ്യങ്ങളില്‍ യുവ വാഹന ഉപഭോക്താക്കളുടെ എണ്ണം കൂടിക്കൊണ്ടിരിക്കുകയാണ്. ഇതും നീലനിറത്തിന്റെ ഉപയോഗം കൂടാന്‍ കാരണമായിട്ടുണ്ടാകാം എന്നാണ് വിദഗ്ധമതം.

ഇനി തല ചൂടാവില്ല ഹെൽമറ്റ് ഇൽ cooler

2019-11-26T09:57:00.002-08:00

വെയിലത്ത് ഇരുചക്ര വാഹനത്തിലുള്ള യാത്ര എല്ലാവര്‍ക്കും അസഹ്യമാണ്. തലയില്‍ ഹെല്‍മെറ്റുണ്ടെങ്കിലുള്ള ബുദ്ധിമുട്ട് പറയുകയും വേണ്ട. കാറിലുള്ള പോലെ എയര്‍ കണ്ടീഷന്‍ സംവിധാനം ബൈക്കിലോ/സ്‌കൂട്ടറിലോ ഇല്ലാത്തതിനാല്‍ ചൂട് സഹിച്ച്‌ യാത്ര തുടരുകയേ നിവര്‍ത്തിയുള്ളു. എന്നാല്‍ ഏത് ചൂടിലും തല കൂളാക്കാന്‍ ഉപകരിക്കുന്ന സംവിധാനമാണ് ഹെല്‍മെറ്റ് കൂളറുകള്‍. ബെംഗളൂരു കേന്ദ്രീകരിച്ച്‌ പ്രവര്‍ത്തിക്കുന്ന ആപ്പ്‌ടെനര്‍ മെക്കാട്രോണിക്‌സ് ഇന്ത്യയില്‍ ഹെല്‍മെറ്റ് കൂളര്‍ പുറത്തിറക്കുന്ന പ്രമുഖ കമ്ബനികളിലൊന്നാണ്. ബ്ലൂആര്‍നിരയില്‍ ബ്ലൂ3 E20 എന്ന പേരിലുള്ള പുതിയ ഹെല്‍മെറ്റ് കൂളറുമായെത്തുകയാണ് ആപ്പ്‌ടെനര്‍ മെക്കാട്രോണിക്‌സ്.

2020 ജനുവരിയില്‍ ലാസ് വെഗാസില്‍ നടക്കുന്ന കണ്‍സ്യൂമര്‍ ഇലക്‌ട്രോണിക്‌സ് ഷോയിലാണ് ബ്ലൂ3 ഹെല്‍മെറ്റ് കൂളര്‍ അവതരിപ്പിക്കുക..

ബ്ലൂസ്‌നാപ്പ്, ബ്ലൂസ്‌നാപ്പ്2 എന്നീ പേരുകളില്‍ പുറത്തിറക്കിയ ആദ്യ രണ്ട് ഹെല്‍മെറ്റ് കൂളറുകള്‍ക്ക് പിന്നാലെയാണ് കൂടുതല്‍ അഡ്വാന്‍സ്ഡായ പുതിയ പതിപ്പായി ബ്ലൂ3 വിപണിയിലെത്തുന്നത്. ഫുള്‍ഫെയ്‌സ് ഹെല്‍മെറ്റുകളില്‍ മാത്രമേ ഈ കൂളര്‍ സംവിധാനം ഉള്‍പ്പെടുത്താന്‍ സാധിക്കു. ഹെല്‍മറ്റിന്റെ ചിന്‍ ഭാഗത്താണിത് ഘടിപ്പിക്കുക.

പുതിയ കൂളറിന്റെ പ്രവര്‍ത്തനം വ്യക്തമാക്കുന്ന ഒരു വീഡിയോയും കമ്ബനി പുറത്തുവിട്ടിട്ടുണ്ട്. അന്തരീക്ഷ താപനില കൃത്യമായ മനസ്സിലാക്കി ഹെല്‍മെറ്റിനുള്ളിലെ താപനില കുറയ്ക്കാന്‍ കൂളറിന് സാധിക്കും. റൂം കൂളിന്റെ അതേ അടിസ്ഥാനത്തിലാണ് ഹെല്‍മറ്റ് കൂളറിന്റെ പ്രവര്‍ത്തനം. പൊടിപടലങ്ങള്‍ പൂര്‍ണമായും അകറ്റിയാണ് വായു ഹെല്‍മറ്റിനുള്ളലേക്കെത്തുക.

മെയ്ന്‍ യൂണിറ്റ്, ഫില്‍റ്റര്‍ എന്നിവയ്ക്ക് പുറമേ പുതുതായി ഒരു ഹെഡ്‌സെറ്റ് പാര്‍ട്ട്‌സും ബ്ലൂ3 E20 കൂളറില്‍ ഇടംപിടിച്ചിട്ടുണ്ട്. സ്മാര്‍ട്ട് ഫോണുമായി കണക്‌ട് ചെയ്ത് വിവരങ്ങള്‍ അറിയിക്കുകയാണ് ഹെഡ്‌സെറ്റിന്റെ ജോലി. ഫോണിലെ വോയ്‌സ് അസിസ്റ്റിലൂടെ കൂളറില്‍ അവശേഷിക്കുന്ന ജ്യൂസിന്റെ അളവ്, ഫാന്‍ സ്പീഡ് നിയന്ത്രണം, ഫോണിലെ നോട്ടിഫിക്കേഷന്‍, നാവിഗേഷന്‍, ടെക്‌സ്റ്റ് മെസേജ് വായന എന്നീ സൗകര്യങ്ങള്‍ കൂളറിലെ ഹെഡ്‌സെറ്റ് വഴി ലഭ്യമാകും.ബ്ലൂ 3 കൂളറിന്റെ വില കമ്ബനി വ്യക്തമാക്കിയിട്ടില്ല. നേരത്തെയുള്ള ബ്ലൂസ്‌നാപ്പ്2 ഹെല്‍മെറ്റ് കൂളറിന് 2299 രൂപയാണ് വിപണി വില.

വാഹന പുകപരിശോധന ഫീസ് വര്‍ധിപ്പിച്ചു ; പിഴ 10000 രൂപ

2019-11-16T20:15:00.001-08:00

വാഹന പുകപരിശോധന നിരക്ക് വര്‍ധിപ്പിച്ചു. നിരക്ക് കൂട്ടിക്കൊണ്ടുള്ള വിജ്ഞാപനം ഉടന്‍ തന്നെ പുറത്തിറങ്ങും. പുതിയ നിരക്കുകള്‍ ഇപ്രകാരമാണ്.

ഡീസല്‍ ഓട്ടോയുടെ പുകപരിശോധന നിരക്ക് ഇനി മുതല്‍ 90 രൂപയാകും. നിലവില്‍ ഇത് 60 രൂപയായിരുന്നു. ഇരുചക്രവാഹനങ്ങള്‍, പെട്രോള്‍ ഓട്ടോ എന്നിവയുടെ പുകപരിശോധന ഫീസ് 80 രൂപയായി വര്‍ധിക്കും. നിലവില്‍ ഇവയുടെ നിരക്ക് 60 രൂപയായിരുന്നു.

പെട്രോള്‍ കാറുകളുടെ പുകപരിശോധന നിരക്ക് 75 രൂപയില്‍ നിന്ന് 100 രൂപയായും, ഡീസല്‍ കാറിന്റെ പരിശോധന നിരക്ക് 75 രൂപയില്‍ നിന്ന് 110 രൂപയായും കൂട്ടി. ബസ്സിന്റെയും ലോറിയുടെയും പുക പരിശോധന ഫീസ് 100 രൂപയില്‍ നിന്നും 150 രൂപയായും കൂടും.

പുകപരിശോധന സര്‍ട്ടിഫിക്കറ്റ് കൈവശമില്ലെങ്കില്‍ 2000 രൂപയാണ് പിഴ. രേഖകള്‍ കൈവശമില്ലാത്തത് ആവര്‍ത്തിച്ചാല്‍ 10,000 രൂപ പിഴ ഓടുക്കേണ്ടി വരും.

ഗൾഫിൽ ജോലി കിട്ടണമെങ്കിൽ ഇനി അവിടെയും പരീക്ഷ വിജയിക്കണം

2019-11-14T08:50:00.002-08:00

വിദേശതൊഴിലാളികൾക്ക് പ്രൊഫഷണൽ പരീക്ഷ ഏർപ്പെടുത്താനൊരുങ്ങി തൊഴിൽ സാമൂഹ്യ വികസന മന്ത്രാലയം. അടുത്ത ഡിസംബർ മുതൽ തുടങ്ങുന്ന പ്രൊഫഷണൽ പരീക്ഷ നിർബന്ധമാക്കുന്നതിനു മുമ്പായി ആദ്യ വർഷം ഓപ്ഷണലായിരിക്കുമെന്നും പിന്നീട് ഇതിന്റെ കാലാവധി ദീർഘിപ്പിക്കണോ വേണ്ടയോ എന്ന് പഠിക്കുമെന്നും തൊഴിൽ സാമൂഹ്യ വികസന മന്ത്രാലയത്തിലെ പ്രഫഷണൽ പരീക്ഷ വിഭാഗം ഡയറക്ടർ നായിഫ് അൽ ഉമൈർ വ്യക്തമാക്കി.

ഒന്നാം ഘട്ടം എന്ന നിലക്ക് ഇലക്ട്രിക് പ്ലംബിംഗ് ജോലികളിലുള്ളവർക്കുള്ള പരീക്ഷയായിരിക്കും ഡിസംബറിൽ നടക്കുക. ഈ മേഖലകളിൽ രണ്ടു ലക്ഷം തൊഴിലാളികളാണുള്ളത്.
രണ്ടാം ഘട്ടം തൊഴിൽ പരീക്ഷ 2020 ഏപ്രിലിൽ നടക്കും റഫ്രിജറേഷൻ, എയർ കണ്ടീഷനിംഗ്, ഓട്ടോമോട്ടീവ് ഇലക്ട്രീഷ്യൻ ആന്റ്, മെക്കാനിക്സ് തൊഴിലുകളിലായിരിക്കും പരീക്ഷം നടക്കുക.

മൂന്നാം ഘട്ടത്തിൽ കാർപെന്റെർ, കൊല്ലപ്പണി, വെൽഡിങ് തൊഴിലുകളിൽ പരീക്ഷ നടക്കും. 2020 ജൂലൈ മാസത്തിലായിരിക്കുമിത്

പ്രൊഫഷണൽ പരീക്ഷാ ഫീസ് രാജ്യത്തിനകത്ത് 450-600 റിയാലും രാജ്യത്തിന് പുറത്തുവെച്ചാണെങ്കിൽ 100-150 റിയാലുമായിരിക്കുമെന്ന് പ്രോഗ്രാമിന്റെ വിശദാംശങ്ങളും മറ്റും അവലോകനം ചെയ്യാനായി ഈസേ്റ്റേൺ ചേംബറിൽ നടന്ന ശില്പശാലയിൽ നായിഫ് അൽ ഉമൈർ പറഞ്ഞു.അതേസമയം 'പ്രൊഫഷണൽ പരീക്ഷാ ഫീസ് രാജ്യത്തിനകത്ത് 150 റിയാലും രാജ്യത്തിന് പുറത്തുവെച്ചാണെങ്കിൽ 150-200 റിയാലുമായിരിക്കുമെന്നും റിപ്പോർട്ടുകളുണ്ട്. വിദേശത്ത് വെച്ചുള്ള പ്രൊഫഷണൽ പരീക്ഷ തെരഞ്ഞെടുത്ത കേന്ദ്രങ്ങളിൽ വെച്ചായിരിക്കും നടത്തുക.

ഏഴുരാജ്യങ്ങളിൽ നിന്നുള്ള തൊഴിലാളികളിൽ ആദ്യം പ്രൊഫഷണൽ പരീക്ഷ നടത്തുക ഇന്ത്യക്കാർക്കായിരിക്കും. ഇന്ത്യയിൽ നിന്നുള്ള തൊഴിലാളികളുടെ വർധന കണക്കിലെടുത്താണിത്. ഏഴുരാജ്യങ്ങളിൽ ഒന്നാം ഘട്ടം ഇന്ത്യ, രണ്ടാം ഘട്ടം ഫിലിപ്പൈൻസ്, മൂന്നും നാലും ഘട്ടങ്ങളിൽ ശ്രീലങ്ക, ഇൻഡോനീഷ്യ, ഈജിപ്ത്, ബംഗ്ലാദേശ്, പാകിസ്താൻ എന്നീ രീതിയിലാണ് തരംതിരിക്കപ്പെട്ടിട്ടുള്ളത്. സൗദിയിലെ മൊത്തം തൊഴിലാളികളുടെ 95 ശതമാനവും ഈ രാജ്യങ്ങളിൽ നിന്നുള്ളവരാണ്.

പരീക്ഷയിൽ വിജയിക്കുന്ന ഓരോ തൊഴിലാളിക്കും അഞ്ച് വർഷം കാലാവധിയുള്ള സർട്ടിഫിക്കറ്റ് നൽകും, കൂടാതെ 50 ശതമാനത്തിലധികം തൊഴിലാളികൾ പ്രൊഫഷണൽ പരീക്ഷ പൂർത്തിയാക്കുന്ന സ്ഥാപനങ്ങൾക്കും സർട്ടിഫിക്കറ്റു വിതരണം ചെയ്യും ഭാവിയിൽ സൗദി അറേബ്യയിൽ ജോലി നേടാനും പ്രൊഫഷൻ മാറ്റുവാനും ഇഖാമ പുതുക്കുവാനുമുള്ള നിബന്ധനായായി പ്രൊഫഷണൽ പരീക്ഷയെ കണക്കാക്കുമെന്ന് അദ്ദേഹം സൂചിപ്പിച്ചു. കൂടാതെ സർക്കാർ ടെണ്ടറുകളിൽ പങ്കാളികളാകുവാനും വിസ ഇഷ്യൂ ചെയ്യുവാനും ഇത് നിർബന്ധമാക്കുകയും ചെയ്യും.