കേരള സഞ്ചാരി . കോം

വെട്ടം എന്ന സിനിമ ലൊക്കേഷനിലേക്ക് ഒരു ഏകാന്ത യാത്ര - Muthalamada Railway Station

noreply@blogger.com (Abdu Rahiman Pattambi) — Tue, 21 Jul 2020 15:23:00 +0000

Solo trip to vettom location Muthalamada Railway Station

കാലത്ത് പ്രഭാത ഭക്ഷണത്തിനു ശേഷം വീടിന്റെ ഉമ്മറത്തു പുറത്തേക്കും നോക്കി അങ്ങനെ ഇരിക്കുമ്പോഴാണ് എനിക്ക് തോന്നിയത് എവിടെങ്കിലും ഒരു യാത്ര പോയാലോ എന്ന്.

എന്നാൽ പിന്നെ വൈകിക്കേണ്ട ഇപ്പൊ തന്നെ പോയേക്കാം. പെട്ടെന്ന് തന്നെ റെഡിയായി ബാഗും ഹെൽമെറ്റും ജാക്കറ്റും എടുത്ത് ഉമ്മയോട് യാത്ര പറഞ്ഞു ഞാൻ ബൈക്ക് സ്റ്റാർട്ട് ചെയ്തു.

കുറച്ചു ദൂരം പോയതിനു ശേഷമാണ് എങ്ങോട്ട് പോകണം എന്ന് ആലോചിക്കുന്നത്. പെട്ടെന്നാണ് ഒരു സ്ഥലം എനിക്ക് ഓർമ വന്നത്. ഒരുപാട് കാലമായിട്ട് പോകണം എന്ന് ആഗ്രഹിക്കുന്ന ഒരു സ്ഥലമാണ് വെട്ടം എന്ന സിനിമയിൽ കണ്ട റെയിൽവേ സ്റ്റേഷൻ. അതെ മുതലമട റെയിൽവേ സ്റ്റേഷൻ (Muthalamada Railway Station). എന്നാൽ പിന്നെ ഈ യാത്ര അങ്ങോട്ട് തന്നെ ആയേക്കാം. ഞാൻ വണ്ടി സൈഡ് ആക്കി ഫോണിൽ മുതലമട ലൊക്കേഷൻ സെറ്റ് ചെയ്തു യാത്ര തുടർന്നു.

Muthalamada Railway Station

സാധാരണ ഒരു റെയിൽവേ സ്റ്റേഷൻ എന്ന് കേൾക്കുമ്പോ നമ്മുടെ മനസ്സിൽ തെളിയുന്ന ഒരു ചിത്രമല്ല മുതലമട റെയിൽവേ സ്റ്റേഷന്. വെട്ടം എന്ന സിനിമയിൽ നമ്മൾ കണ്ടതാണ് തീർത്തും വെത്യസ്തമായ പ്രകൃതി ഭംഗിയാൽ നിറഞ്ഞു നിൽക്കുന്ന ഒരു സ്റ്റേഷൻ. ആ സ്ഥലം ലക്ഷ്യമാക്കി ഞാൻ യാത്ര തുടർന്നു. സമയം 9 മണി കഴിഞ്ഞിരിക്കുന്നു റോഡിൽ യൂണിഫോം ധരിച്ച സ്കൂളിലേക്ക് പോകുന്ന കുറേ കുട്ടികളെ കാണുന്നുണ്ട്.

പട്ടാമ്പിയിൽ നിന്നും ബൈക്കിൽ ഫുൾ ടാങ്ക് പെട്രോൾ അടിച്ച് പാലക്കാട് റൂട്ടിൽ ഞാൻ യാത്ര തുടർന്നു. പട്ടാമ്പി പാലക്കാട് (Pattambi Palakkad Highway) ഹൈവേ ഇപ്പോൾ പഴയ പോലെ അല്ല റോഡ് വളരെ മോശമായിരുന്നു പലയിടത്തും വലിയ കുണ്ടും കുഴിയും. അൽപം കൂടി മുന്നോട്ട് എത്തിയപ്പോൾ റോഡ് പണി നടക്കുന്നത് കണ്ടു ഹോ സമാധാനമായി റോഡ് ശെരിയാക്കുന്നുണ്ടല്ലോ. മനസ്സിൽ എന്തൊക്കെയോ ചിന്തകളുമായി കുറെ ദൂരം ബൈക്ക് ഓടിച്ചു പോയി.

ഒറ്റപ്പാലവും ലക്കിടിയും കഴിഞ്ഞാൽ മങ്കരയിൽ നിന്നും ഉള്ളിലേക്ക് ഉള്ള റോഡിലൂടെയാണ് മുതലമടയ്ക്ക് പോകേണ്ടത് എന്നാണു ഗൂഗിൾ മാപ് കാണിക്കുന്നത്. ഞാൻ ആ റോഡിലേക്കു വണ്ടി തിരിച്ചു അൽപം മുന്നോട്ട് പോയി. മുന്നോട്ടു പോകുംതോറും ചെറിയ ചെറിയ ഗ്രാമങ്ങൾ, കവലകൾ, പഴയ ക്ഷേത്രങ്ങൾ അങ്ങനെ പലതും കാണുന്നുണ്ട്.

ഒരു കവല കഴിഞ്ഞാൽ പിന്നെ കുറെ ദൂരം ആളൊഴിഞ്ഞ പ്രദേശം പിന്നെ അടുത്ത കവല കാണും. റോഡരികിൽ ഇടയ്ക്കിടെ കാണുന്ന ചെറിയ ഓടിട്ട കടകൾ പഴയ കാലം ഓർമിപ്പിക്കും വിധം ഒരു ഗൃഹാദുരത്വം മനസ്സിൽ തോന്നി. ഈ വഴി പോകുമ്പോൾ പാലക്കാടിന്റെ തനിമയാർന്ന ഭംഗി നമുക്ക് ആസ്വദിക്കാൻ കഴിയും. അങ്ങനെ കുറച്ചു ദൂരം മുന്നോട്ട് പോയപ്പോൾ റോഡിൻറെ ഒരു വശത്തായിട്ട് പഴയ ഒരു ക്ഷേത്രം കണ്ടു. നല്ല വലിയ ആൽമരത്തിന്റെ തണലും ഉണ്ട് ഞാൻ അവിടെ വണ്ടി നിർത്തി ഒരു ചെറിയ ബ്രേക്ക് എടുത്തു കൂട്ടത്തിൽ കുറച്ച് ഫോട്ടോസും എടുത്തു.

അങ്ങനെ അൽപ നേരത്തെ വിശ്രമത്തിനു ശേഷം ഞാൻ വണ്ടി സ്റ്റാർട്ട് ചെയ്തു യാത്ര തുടർന്നു. കുറേ ദൂരം പോയപ്പോൾ ഒരു റെയിൽവേ ഗേറ്റ് കണ്ടു. ഗേറ്റ് അടച്ചിട്ടിരിക്കുകയാണ് ഏതോ ട്രെയിൻ പോകാനുണ്ട്. അവിടെ റോഡരികിൽ കണ്ട ഒരു മരത്തണലിൽ വണ്ടി നിർത്തി ഞാൻ ട്രെയിൻ പോകുന്നതിനായി കാത്തു നിന്നു. റോഡിൻറെ ഇരു വശത്തേക്കും നോക്കിയപ്പോൾ നല്ല ഗ്രാമീണ ഭംഗിയുള്ള സ്ഥലം പാടവും തെങ്ങുകളും അങ്ങ് ദൂരെയായി വലിയ കുന്നുകളും കാണുന്നുണ്ട്, നല്ല കാറ്റു വീശുന്നുണ്ട് പ്രകൃതി ഭംഗി ആസ്വദിച്ച് കാറ്റും കൊണ്ടിരിക്കുന്നതിനിടയിൽ ട്രെയിൻ കടന്നു പോയി. ഗേറ്റ് തുറന്നതും ഞാൻ വണ്ടിയെടുത്തു ധൃതിയിൽ ഓടിച്ചു പോയി.

മുതലമടയ്ക്ക് ഇനിയും കുറേ ദൂരം പോകണമെന്ന് തോന്നുന്നു. കുറച്ച് ദൂരം പിന്നിട്ടപ്പോൾ തേങ്കുറിശ്ശി എന്ന ഒരു ഗ്രാമം എത്തി ഒടിയൻ മാണിക്യന്റെ തേങ്കുറിശ്ശി. മുൻപ് കേട്ടു പരിചയം മാത്രം ഉള്ള തേങ്കുറിശ്ശി ഒടിയൻ എന്ന സിനിമ റിലീസ് ആകുന്നതിനു മുന്നെ കാണാൻ സാധിച്ചു. മുന്നോട്ട് പോകുംതോറും റോഡിനിരുവശവും അതി വിശാലമായി പരന്നു കിടക്കുന്ന നെൽപ്പാടങ്ങൾ ഇടയിൽ തെങ്ങുകളും വലിയ വലിയ കരിമ്പനകളും കാണാം. നല്ല കാറ്റ് വീശുന്നുണ്ട്. പാടത്തു ഞാറ് നടുന്ന കുറച്ച് സ്ത്രീകളും അങ്ങ് ദൂരെയായി വലിയ ഉയരത്തിൽ ഉള്ള മലകളും കാണാം. ശെരിക്കും ഇതാണ് ഒരു ഗ്രാമത്തിന്റെ യഥാർത്ഥ ഭംഗി ഞാൻ വണ്ടി നിർത്തി ഈ കാഴ്ചകളൊക്കെ ആസ്വദിച്ച് കുറേ നേരം അങ്ങനെ നിന്നു.

ഈ സ്ഥലം കാണുമ്പോൾ എനിക്ക് ഒരു പഴയ സിനിമ ഡയലോഗ് ആണ് ഓർമ വരുന്നത്. "നമുക്ക് ഗ്രാമങ്ങളിൽ ചെന്ന് രാപ്പാർക്കാം അതികാലത്ത് എഴുന്നേറ്റ് മുന്തിരിത്തോട്ടങ്ങളിൽ പോയി മുന്തിരിവള്ളികൾ തളിർത്ത് പൂവിട്ടിരിക്കേം മാതള നാരകം പൂക്കുകയും ചെയ്തോന്ന് നോക്കാം". സിനിമയിൽ പറഞ്ഞ പോലെ ഗ്രാമങ്ങളിൽ ചെന്ന് രാപ്പാർക്കുകയാണെങ്കിൽ ഇവിടെ വന്നു രാപ്പാർക്കണം മുന്തിരിത്തോപ്പ് ഇല്ലെങ്കിലും ബാക്കി എല്ലാ ഗ്രാമീണ ഭംഗിയും ഇവിടുണ്ട്. അവിടുത്തെ ഫോട്ടോസ് എടുക്കുന്നതിനിടെയാണ് നാലഞ്ചു പിള്ളേർ എന്റടുത്തേക്ക് വരുന്നത് ശ്രെദ്ധയിൽ പെട്ടത്.

അവരെന്നോട് ചോദിച്ചു ചേട്ടൻ എവിടുന്നാ വരുന്നേ...?

ഞാൻ പറഞ്ഞു പട്ടാമ്പീന്ന്. അവരുടെ അടുത്ത ചോദ്യം ബൈക്കിൽ എവിടെപ്പോകുവാ...?

ഞാൻ ചുമ്മാ ഇങ്ങനെ കറങ്ങാൻ ഇറങ്ങിയതാ..., എല്ലാവരുടേം പേര് ചോദിച്ചു പരിചയപ്പെട്ടു അവരെക്കൊണ്ട് എന്റെ ഒരു ഫോട്ടോ എടുപ്പിച്ച ശേഷം അവരുടെ കൂടെ നിന്ന് ഒരു സെൽഫിയും എടുത്ത് അവരോട് റ്റാറ്റാ പറഞ്ഞു ഞാൻ വണ്ടി വിട്ടു. അൽപ ദൂരം കഴിഞ്ഞപ്പോൾ പെട്ടെന്ന് റോഡിൻറെ വലതു വശത്തായി ആളൊഴിഞ്ഞ സ്ഥലത്ത് ഒരു ചെറിയ കട എന്റെ ശ്രദ്ധയിൽ പെട്ടു. ഞാൻ വണ്ടി അങ്ങോട്ടെടുത്തു. കടയിൽ ചെന്ന് ഒരു കൂൾഡ്രിങ്ക്‌ വേടിച്ചു കാര്യമായി വിശപ്പില്ലെങ്കിലും ചെറിയ ഒരു പലഹാരവും വേടിച്ചു കഴിച്ചു.

ഇനി ഭക്ഷണം കഴിക്കാൻ വേണ്ടി വേറെ എവിടെയും സമയം കളയേണ്ട ആവശ്യമില്ലലോ. പാതി കുടിച്ച കൂൾഡ്രിങ്കിന്റെ ബോട്ടിൽ അടച്ചു ബാഗിലിട്ട് ഞാൻ വണ്ടി എടുത്തു. ചിറ്റൂർ തത്തമംഗലം വണ്ടിത്താവളം എന്നീ സ്ഥലങ്ങൾ താണ്ടി അവസാനം മുതലമട എന്ന നമ്മുടെ ലക്ഷ്യസ്ഥാനമായ സ്ഥലത്ത് എത്തി ഞാൻ വണ്ടി സ്ലോ ആക്കി ചുറ്റിനും ഒന്ന് കണ്ണോടിച്ചു ആകെ ഒരു തമിഴ്‌നാടൻ ടച്ച് ഉള്ള ഒരു കൊച്ചു അങ്ങാടി.

ഞാൻ റെയിൽവേ സ്റ്റേഷനിലേക്കുള്ള റോഡിലേക്ക് വണ്ടി തിരിച്ചു ഒരു ചെറിയ ഇടുങ്ങിയ റോഡാണ് മുന്നോട്ട് പോകുന്തോറും ഞാൻ ചുറ്റുമുള്ള കാഴ്ചകൾ ശ്രെദ്ധിച്ചു ഈ റോഡിൽ തീരെ വണ്ടികളൊന്നും തന്നെ കാണുന്നില്ല ആകെ ഒരു കാളവണ്ടി മാത്രം പോകുന്നത്കണ്ടു. പിന്നെ തമിഴർ എന്ന് തോന്നിപ്പിക്കുന്ന രണ്ടു പേർ നടന്നു പോകുന്നുണ്ട്. ഞാൻ വണ്ടി നിർത്തി അവരോട് റെയിൽവേ സ്റ്റേഷനിലേക്കുള്ള വഴി ഇത് തന്നെ അല്ലേന്ന് ചോദിച്ചു.

അവര് പറഞ്ഞു "സ്‌ട്രേട്ടാ പോയി ഫസ്റ്റ് റൈറ്റ് പോട്ട് അപ്പറം ലെഫ്റ് പൊട്ട് സ്‌ട്രേട്ടാ പൊട്.."

അവരങ്ങനെ നിർത്താതെ പറഞ്ഞുകൊണ്ടേയിരുന്നു. തമിഴ് കലർന്ന മലയാളം ആണ് അവർ പറയുന്നത് അവര് പറഞ്ഞ വഴി എനിക്ക് മനസ്സിലായില്ലെങ്കിലും താങ്ക്സ് പറഞ്ഞു ഞാൻ ഗൂഗിൾ മാപ് നോക്കി മുന്നോട്ട് പോയി. മുന്നോട്ട് പോകുംതോറും റോഡ് ഇടുങ്ങി ഇടുങ്ങി വരുന്നു ചുറ്റിനും തിങ്ങി നിൽക്കുന്ന മരങ്ങളും പച്ചപ്പും ഒരു കാടിനുള്ളിലേക് പോകുന്ന ഒരു പ്രതീതി അതുകൊണ്ട് ഇത് റെയിൽവേ സ്റ്റേഷനിലേക്ക് ഉള്ള വഴിതന്നെയല്ലേ എന്ന സംശയം കൊണ്ടാണ് ഗൂഗിൾ മാപ് ഉണ്ടായിട്ടും നേരത്തെ കണ്ട രണ്ടുപേരോട് വഴി ചോദിച്ചത് അൽപ ദൂരം ചെന്നപ്പോൾ മുതലമട റെയിൽവേ സ്റ്റേഷൻ വലത്തോട്ട് എന്ന ഒരു ബോർഡ് കണ്ടു അപ്പൊ ഇത് തന്നെ റൂട്ട്. കുറച്ച് മുന്നോട്ട് പോയി ഞാൻ വണ്ടി നിർത്തി വണ്ടിയിൽ നിന്നും ഇറങ്ങി ചുറ്റിനും ഒന്ന് നോക്കി എങ്ങും നിശബ്ദത ഇരു വശത്തും ഇടതൂർന്ന് നിൽക്കുന്ന മരങ്ങൾ ഒരു വലിയ കാടിന്റെ ഉള്ളിൽ ചെന്ന പോലെ തോന്നി.

ഇടക്കിടക്ക് കിളികളുടെ ശബ്ദം മാത്രം കേൾക്കാം ഇവിടെ ഒന്നും ഒരു മനുഷ്യക്കുഞ്ഞിനെ പോലും കാണുന്നില്ലല്ലോ എന്ന മട്ടിൽ നിൽക്കുമ്പോ എവിടുന്നോ ഒരു വണ്ടിയുടെ ശബ്ദം കേട്ട് അങ്ങോട്ട് നോക്കിയപ്പോൾ അങ്ങ് ദൂരെ റെയിൽവേ സ്റ്റേഷന്റെ ഭാഗത്തു നിന്നും ഒരു ചെറിയ സ്കൂട്ടർ പതിയെ വരുന്നു. കുറേ ചരക്കുകൾ ഒക്കെ കെട്ടിവെച്ചുള്ള ആ സ്കൂട്ടർ എന്റെ അടുത്തെത്തിയപ്പോൾ ഇവിടെ എങ്ങും കണ്ടിട്ടില്ലല്ലോ എന്ന മട്ടിൽ അയാൾ എന്നെ ഒന്ന് നോക്കിയിട്ട് കടന്നുപോയി. ഇനി മുന്നോട് ഉള്ള റോഡ് ഒരു നേരിയ ഇറക്കം ആണ് ഞാൻ ബൈക്കിൽ കയറി സ്റ്റാർട്ട് ചെയ്യാതെ പതിയെ അങ്ങനെ ഉരുട്ടിക്കൊണ്ടു പോയി എന്തോ ഈ പ്രകൃതി രമണീയമായ സ്ഥലത്തു കിളികളുടെ മനോഹരമായ ശബ്ദത്തിനിടയിൽ ബൈക്ക് സ്റ്റാർട്ട് ചെയ്തു ഒരു ശബ്ദമലിനീകരണം ഉണ്ടാക്കാൻ തോന്നിയില്ല, ഈ ചെറിയ ഇറക്കം നേരെ ചെല്ലുന്നത് മുതലമട റെയിൽവേ സ്റ്റേഷനിലേക്കാണ്. ബൈക്ക് സ്റ്റാർട്ട് ചെയ്യേണ്ടി വന്നില്ല അതിനു മുന്നേ ഞാൻ കണ്ടു മുതലമട എന്ന വലിയഎഴുത്ത് അതെ മുതലമട റെയിൽവേ സ്റ്റേഷൻ എത്തിയിരിക്കുന്നു ദൂരെ നിന്നും കാണുമ്പോൾ കാടിന് നടുവിൽ ഒരു റെയിൽവേ സ്റ്റേഷൻ എന്നാണു തോന്നുക.

ഞാൻ അവിടെ എത്തി വണ്ടി ലോക്ക് ചെയ്‌തു റെയിൽവേ സ്റ്റേഷന്റെ പ്ലാറ്റ്‌ഫോമിലേക്ക് പോയി. ആദ്യത്തെ കാഴ്ചയിൽ തന്നെ മനസ്സിന് കുളിർമ നൽകും വിധം പ്രകൃതി ഭംഗിയാൽ നിറഞ്ഞു നിൽക്കുന്ന ഒരു പ്ലാറ്റ്‌ഫോം. ഒരു വശത്തു വലിയ വള്ളികൾ തൂങ്ങിക്കിടക്കുന്ന ആൽ മരത്തിന്റെ കുളിർമ നൽകുന്ന തണലിൽ യാത്രക്കാർക്ക് ഇരിക്കാൻ വേണ്ടിയുള്ള ഇരിപ്പിടങ്ങൾ ഉണ്ട് ഞാൻ അവിടെ ഇരുന്നു ജാക്കറ്റും ഗ്ലൗ വും അഴിച്ചു അവിടുത്തെ ഭംഗി ആസ്വദിച്ച് അങ്ങനെ ഇരിക്കുകയാണ്. നിലത്ത് കോൺഗ്രീറ്റ് കട്ടകളും രണ്ടു മൂന്ന് തെരുവ് വിളക്കുകളും കുറച്ച് അപ്പുറത്തായി ഒരു ഒവർബ്രിഡ്‌ജും വന്നു എന്നല്ലാതെ സിനിമയിൽ കണ്ടതിൽ നിന്നും കൂടുതൽ വെത്യാസങ്ങൾ ഒന്നും തോന്നിയില്ല.

അവിടെ എങ്ങും ആരെയും കാണുന്നില്ല. ഞാൻ ചുറ്റിനും നോക്കിയപ്പോൾ കുറച്ച് അപ്പുറത്തായി ഒരു സ്ത്രീ പ്ലാറ്റ്‌ഫോം അടിച്ചുവാരി വൃത്തിയാക്കുന്നുണ്ട് അവിടെ അങ്ങനെ ഇരിക്കുമ്പോഴാണ് എന്റെ ഒരു ഫ്രണ്ടിന്റെ കാൾ വരുന്നത്.

ഹലോ ഡാ നീ എവിടെയാ .... ?

ഞാൻ ഇപ്പോൾ പാലക്കാട് ഭാഗത്തുള്ള ഒരു റെയിൽവേ സ്റ്റേഷനിലാ.

അതെന്താ നീ അവിടെ....?

ഞാൻ ചുമ്മാ കറങ്ങാൻ വന്നതാ...

എന്താ റെയിൽവേ സ്റ്റേഷനിലാണോ നിന്റെ കറക്കം ഏത് സ്റ്റേഷനിലാ ... ?

ഞാൻ മുതലമട സ്റ്റേഷനിലാ...

ങ്ങേ മുതലമടയിലോ എന്റെ മാമയാടാ അവിടുത്തെ സ്റ്റേഷൻ മാസ്റ്റർ.

കാണുകയാണെങ്കിൽ നീ പരിചയപ്പെട്ടോ ജയപ്രകാശ് എന്നാ മാമയുടെ പേര് എന്റെ പേര് പറഞ്ഞാൽ മതി അറിയും. പറഞ്ഞു നാക്കെടുക്കും മുന്നേ പുറകിൽ നിന്നും ആരോ വിളിക്കുന്നു..

ഡോ...

ഞാൻ നോക്കിയപ്പോ ആരേം കണ്ടില്ല വീണ്ടും

ഡോ... നിന്നെത്തന്നെ... ഇവിടെവാടോ...

പുറകിൽ നിന്നും ഒരാൾ എന്നെ മാടിവിളിച്ചു ഞാൻ അടുത്തേക് ചെന്നു.

താൻ ആരോട് ചോദിച്ചിട്ടാ സ്റ്റേഷന് അകത്തു കയറിയത്.

അയാളുടെ മട്ടും ഭാവവും ഒക്കെ കണ്ടപ്പോ തന്നെ എനിക്ക് മനസ്സിലായി സ്റ്റേഷൻ മാസ്റ്റർ ആയിരിക്കുമെന്ന് അപ്പോഴും എന്റെ ഫ്രണ്ടിന്റെ കാൾ ഞാൻ കട്ട് ചെയ്തിട്ടില്ലായിരുന്നു ഞാൻ ഫോണിൽ പറഞ്ഞു സ്റ്റേഷൻ മാസ്റ്ററെ കണ്ടു എന്ന്.

താൻ ഫോൺ കട്ട് ചെയ്യടോ എന്നിട്ട് ചോദിച്ചതിന് മറുപടി പറ. ഞാൻ വേഗം ഫോൺ കട്ട് ചെയ്തു അവരോട് പറഞ്ഞു. ഞാൻ കുറച്ച് ദൂരെ നിന്നും വരുകയാണ് ഈ റെയിൽവേ സ്റ്റേഷനെ കുറിച്ച് ഒരുപാട് കേട്ടിട്ടുണ്ട് അങ്ങനെ ഒന്ന് കാണാൻ വേണ്ടി വന്നതാ...

കാണാൻ വേണ്ടി വന്നതാണെങ്കിൽ അനുവാദം ചോദിച്ചിട്ടു പ്ലാറ്റ്‌ഫോം ടിക്കറ്റ് ഒക്കെ എടുത്തിട്ടല്ലേ കയറുക...

അത് സർ ഞാൻ വന്നപ്പോ ഇവിടെ ആരേം കണ്ടില്ല അതോണ്ടാ സർ ഇപ്പോൾ എനിക്കൊരു പ്ലാറ്റ്‌ഫോം ടിക്കറ്റ് തന്നാൽ മതി...

ട്രെയിൻ ഉള്ള സമയത് മാത്രമേ പ്ലാറ്റ്‌ഫോം ടിക്കറ്റ് തരാൻ പറ്റൂ ഇപ്പൊ പറ്റില്ല...

സർ ഞാൻ പാട്ടാമ്പീന്ന് വരുകയാണ് കുറച്ചു നേരം ഇവിടെ ഇരുന്നിട്ട് പൊയ്ക്കോളാം...

ആഹ പാട്ടാമ്പീന്നാണോ വരുന്നത് പട്ടാമ്പിയിൽ എവിടെയാ വീട്...?

പട്ടാമ്പി പള്ളിപ്പുറം സർ അറിയോ അവിടെ...?

ആ എന്റെ തറവാട് അവിടെയാണ്.

അപ്പൊ ഞാൻ ഓർത്തു ഇത് തന്നെയായിരിക്കും എന്റെ ഫ്രണ്ടിന്റെ മാമ. എന്നാലും പേര് ഒന്ന് ചോദിച്ചേക്കാം.

സാറിന്റെ പേര്...??

പേര് സ്റ്റേഷൻ മാസ്റ്റർ അത്രയും അറിഞ്ഞാൽ മതി താൻ...

ഞാൻ മനസ്സിൽ വിചാരിച്ചു ഇയാളിതെന്ത് ചൂടനാ...

എന്തായാലും താൻ അത്രേം ദൂരെന്ന് വന്നതല്ലേ കുറച്ചു നേരം അവിടെയെങ്ങാനും പോയി ഇരുന്നോ സ്റ്റേഷന്റെ ഫോട്ടോ ഒന്നും എടുത്ത് പ്രസിദ്ധീകരിക്കാനൊന്നും പാടില്ല...

ഓക്കേ താങ്ക്യൂ സർ എന്നും പറഞ്ഞോണ്ട് ഞാൻ അവിടെ ആൽമരത്തണലിൽ പോയി ഇരുന്നു.

ഫോട്ടോസ് എടുക്കരുതെന്ന് പറഞ്ഞെങ്കിലും ഞാൻ പതിയെ കുറച്ചു ഫോട്ടോസ് ഒക്കെ എടുക്കാൻ തുടങ്ങി ചുളിവിൽ സ്റ്റേഷൻ മാസ്റ്ററുടെയും എടുത്തു ഒരു ഫോട്ടോ. സ്റ്റേഷൻ മാസ്റ്ററെയും അവിടെ ക്ലീൻ ചെയ്യുന്ന ഒരു സ്ത്രീയെയും മാത്രേ അവിടെ കണ്ടൊള്ളൂ പിന്നെ പ്ലാറ്റ്ഫോമിൽ ഒരു പട്ടി കിടക്കുന്നുണ്ട്. മരങ്ങളുടെ തണലും കിളികളുടെ ശബ്ദവും നല്ല തണുത്ത കാറ്റും ഉണ്ട് കുറെ നേരം അവിടെ ഇരുന്ന്‌ ആ പ്രകൃതി ഭംഗിയിൽ അങ്ങനെ അലിഞ്ഞു ഇവിടെ ഇരിക്കുമ്പോൾ വെട്ടം സിനിമയിലെ പല രംഗങ്ങളും മനസ്സിൽ മിന്നി മറയുന്നുണ്ട്. ദിലീപ് ട്രെയിനിൽ നിന്നും ചാടി ഇറങ്ങുന്നതും ഒരു മരത്തിന്റെ വള്ളിയിൽ തൂങ്ങി അതിലൂടെ പോകുന്ന ഒരാളുടെ തോളിൽ പോയി ഇരിക്കുന്നതും... ഞാനറിയാതെ തന്നെ എന്റെ മുഖത്ത് ഒരു ചിരി വന്നു.

അവിടെ ഇരുന്ന് സമയം പോയതറിഞ്ഞില്ല തിരിച്ചു പോകണം സന്ധ്യക്ക്‌ മുന്നേ വീടെത്തണം ഞാൻ വേഗം ബാഗും ഹെൽമെറ്റും എടുത്ത് ബൈക്ക് എടുക്കാനായി തിരിഞ്ഞു നടന്നു അപ്പോൾ സ്റ്റേഷൻ മാസ്റ്റർ ചോദിച്ചു

ഡോ... താൻ പോകാണോ...?

അതെ സർ...

താൻ ബൈക്കിലാണോ വന്നത് ...?

അതെ സർ...

എന്നാ സൂക്ഷിച്ച് പോകണം.

ഓക്കേ സാറിന്റെ പേര് പറഞ്ഞില്ല...

പേര് ജയപ്രകാശ്.

എന്നാ ഞാൻ വരട്ടെ സർ...

അപ്പോൾ എനിക്ക് തോന്നി ഹെയ്...

ഇയാൾ ഞാൻ വിചാരിച്ചത്ര ചൂടനൊന്നുമല്ല.

ഞാൻ വേഗം ബൈക്ക് സ്റ്റാർട്ട് ചെയ്തു യാത്ര തിരിച്ചു. തിരിച്ചു പോരുമ്പോൾ റയിൽവേ സ്റ്റേഷനിലേക്കുള്ള വഴിയൊക്കെ വെളിച്ചം കുറഞ്ഞു ആകെ ഇരുണ്ടിരുന്നു പെട്ടെന്ന് ബ്രേക്ക് ചവിട്ടി ഒരു നിമിഷം ഞാനൊന്നു പിന്നിലേക്ക് തിരിഞ്ഞു നോക്കി ഇരുണ്ട അന്തരീക്ഷത്തിൽ ഞാൻ കണ്ടു മുതലമട എന്ന വലിയ ചുമരെഴുത്ത്. വീണ്ടും ഒരിക്കൽ കൂടി ഒരു ഒഴിവുകാലത്ത് ഇവിടെ വരും എന്ന നിശ്ചയത്തോടെ ഞാൻ തിരിച്ചു പോരുമ്പോൾ മാനത്ത് കാർമേഘം ഇരുണ്ട് മൂടിയിരുന്നു ചിലപ്പോൾ മഴ പെയ്തേക്കാം. തുറന്നു വെച്ച ഹെൽമെറ്റിന്റെ ഗ്ലാസ്സിലൂടെ ഒരു മഴതുള്ളി എന്റെ മുഖത്തു വീണു.

വെട്ടം എന്ന സിനിമയിലെ ഒരു പാട്ട് അപ്പോൾ എന്റെ മനസ്സിൽ വന്നു "മഴത്തുള്ളികൾ പൊഴിഞ്ഞീടുമീ നാടൻ വഴീ... നനഞ്ഞോടിയെൻ കുടക്കീഴിൽ നീ വന്ന നാൾ..." ആ പാട്ടും മൂളികൊകൊണ്ട് ഞാൻ വീട് ലക്ഷ്യമാക്കി വണ്ടി പറപ്പിച്ചു വഴിയിൽ അങ്ങോട്ട് പോകുമ്പോൾ പരിചയപ്പെട്ട ആ പിള്ളേരെ ഞാൻ തിരിച്ചു പോരുമ്പോഴും അതെ സ്ഥലത്ത് അവിടെ ഒരു കവലയിൽ കണ്ടു അവരോട് കൈ വീശി റ്റാറ്റ പറഞ്ഞു ഞാൻ മഴയ്ക്കു മുന്നേ വീട് എത്തണം എന്ന ലക്ഷ്യത്തോടെ കുതിച്ചു.

രാത്രി 8 മണിയോടെ ഞാൻ വീട്ടിൽ എത്തിച്ചേർന്നു. യാത്രകൾ ഇവിടെ അവസാനിക്കുന്നില്ല ജീവിതം എന്ന വലിയ യാത്രക്കിടയിൽ ഇത്തരം ചെറിയ ചെറിയ യാത്രകളാണ് മനസ്സിന്റെ സന്തോഷം... TRAVEL TODAY... YOUR MONEY WILL RETURN... YOUR TIME WON'T...

By : Mohammed rashid

Muthalamada Railway Station

മലാന: കഞ്ചാവിന്‍റെ മണമുള്ള നിഗൂഢതകളുടെ ഗ്രാമം | Malana

noreply@blogger.com (Abdu Rahiman Pattambi) — Fri, 26 Jun 2020 14:45:00 +0000

ഇന്ത്യയിലാണെങ്കിലും സ്വന്തമായി നിയമങ്ങളും വ്യത്യസ്ത ആചാരങ്ങളുമുള്ളവർ. ലോകത്തിലെ തന്നെ ആദ്യത്തെ ജനാധിപത്യഗ്രാമങ്ങളിലൊന്ന്. പറഞ്ഞാൽ തീരാത്ത വിശേഷങ്ങളുടെ ഉറവിടമാണ് മലാന.

കുളുവിൽ നിന്നും 45 കിലോമീറ്റർ സഞ്ചരിച്ചാലാണ് മലാനയിൽ എത്തുവാൻ സാധിക്കുക ഏകദേശം ഒന്നര മണിക്കൂർ മുകളിൽ വേണം ഇവിടെ എത്തുവാൻ. കസോളിലേക്കുള്ള പാതയിൽ കുറച്ച് ദൂരം സഞ്ചരിച്ചു ഇടത്തോട്ട് തിരിഞ്ഞു വേണം മലനായിൽ എത്തുവാൻ.

ഹരം പകരുന്ന കാഴ്ചകൾ മാത്രമല്ല ചൂഴ്ന്നു നിൽക്കുന്ന നിഗൂഢതകളുടെയും ലഹരി പകരുന്ന ഒന്നാം ക്ലാസ്സ്‌ കഞ്ചാവിന്റേയും പേരിലാണ് മലാനയെ ലോകപ്രസക്തമാക്കുന്നത്.

തിരക്കൊട്ടും ഇല്ലാത്ത പാതയിലൂടെയാണ് യാത്ര ചെയ്യേണ്ടത്. പോകുന്ന വഴിക്കുള്ള പ്രധാന കാഴ്ചകളിൽ ഒന്നാണ് മലാന ജലവൈദ്യുത പദ്ധതി. മല കയറാൻ തുടങ്ങും മുൻപ് ചൗക്കി എന്ന സ്ഥലത്താണ് ഈ പവർഹൌസ്. ചൗക്കിയിൽനിന്ന് മുകളിലേക്കുള്ള യാത്ര ടാർ ചെയ്തതും വീതി കുറഞ്ഞതുമായ റോഡിലൂടെയാണ്. ജനവാസം ഒട്ടും ഇല്ലാത്ത പ്രദേശം ആണ് ഇത്. ഒരുപാട് വ്യൂ പോയിന്റ്കൾ തുടർന്നുള്ള വഴികളിൽ ഉണ്ട്. ഒറ്റപ്പെട്ട വീടുകളും കൃഷിയും ഒക്കെ മലനായിലേക്കുള്ള യാത്രയിൽ കാണാൻ ആകും. വികസനം തൊട്ടുതീണ്ടിയിട്ടില്ലാത്ത ഹിമാചലിലെ ഗ്രാമങ്ങളുടെ നേർക്കാഴ്ചയാണ് ഇത്. ചെങ്കുത്തായ പാറകൾ വെട്ടിയുണ്ടാക്കിയതാണ് റോഡ് മറുവശത്തു അത്യഗാധമായ കൊക്കയും.

മലാന നദിയിൽ നിർമ്മിച്ചിരിക്കുന്ന അണക്കെട്ടിന് ശേഷം ഉള്ള റോഡ് ഏറെ ദുർഘടമാണ്. ഇവിടെ നിന്ന് 6 കിലോമീറ്റർ കൂടി സഞ്ചരിക്കണം മലനായിൽ എത്തുവാൻ. ഈ റോഡിന്റെ ദുരവസ്ഥയായിരിക്കാം സഞ്ചാരികളെ മലനായിൽ നിന്നും അകറ്റുന്നത്. അരകിലോമീറ്റർ ദൂരമുള്ള മല തുരന്നുണ്ടാക്കിയ തുരങ്കവും പിന്നിട്ട് ഒടുവിൽ മലനായിൽ എത്തിച്ചേർന്നു.

മലാന ഗ്രാമത്തിൽ ഇതുവരെ വാഹനം എത്തിച്ചേരില്ല 4 കിലോമീറ്റർ ഇപ്പുറത്തു വാഹനം നിർത്തി കാൽനടയായി വേണം മലനായിൽ എത്തുവാൻ. ഗ്രാമത്തിലേക്കു സ്വാഗതം ഓതി വച്ചിരിക്കുന്ന ബോർഡ്‌ പിന്നിട്ട് ഒരു ട്രക്കിങ്. കാടുകളും മലയും തോടും കടന്നു ഒരു യാത്ര. സമുദ്രനിരപ്പിൽ നിന്നും 3049 മീറ്റർ ഉയർത്തിൽ ആണ് ഈ ഗ്രാമം. ഏകദേശം 1500റോളം ആണ് ഇവിടുത്തെ ജനസംഖ്യ. പൊതുവെ പുറംനാട്ടുകാരുമായി അധികം അടുപ്പം പുലർത്താത്ത ഇവർ അവരുടേതായ ആചാരങ്ങളും വിശ്വാസങ്ങളും കാത്തുപോരുന്നു.

പൂർണ്ണമായും തടിയിൽ തീർത്ത വീടുകളാണ് ഇവിടെയുള്ളതിൽ അധികവും. മുകളിലെ നിലകളിൽ ആണ് താമസം. മഞ്ഞുകാലത്തു ചൂട് കായാനുള്ള വിറകുകളും മറ്റും താഴത്തെ നിലയിൽ ആണ് സൂക്ഷിക്കുക. കനാഷി എന്ന ഭാഷയാണ് ഇവർ സംസാരിക്കുന്നത് ഇവിടെയുള്ളവർക്ക് മാത്രം അറിയാവുന്ന ഈ ഭാഷയാണ് ഇവരെ പുറംലോകവുമായി മാറ്റി നിർത്തുന്നത്. മലാനയിലെ ജനങ്ങൾ രജപുത് വംശത്തിൽ പെട്ടവർ ആണ്.

വീട്ടുമുറ്റങ്ങളിൽ തഴച്ചുവളരുന്ന കഞ്ചാവ് ചെടികൾ. മൂത്തചെടികൾ വെട്ടിയെടുത്തു മലാന ക്രീം ഉണ്ടാക്കുന്നവർ. ഈ കാഴ്ച ഇവിടെ സാധാരണമാണ്. മൂത്ത ചെടികളുടെ ഇലകൾ കയ്യിൽ ഇട്ട് അമർത്തി തിരുമ്മുന്നു അപ്പോൾ കൈവെള്ളയിൽ പറ്റിപ്പിടിച്ചിരിക്കുന്ന കറയാണ് മലാന ക്രീം. ഇത് ഒരു പ്രത്യേക രീതിയിൽ തള്ളവിരൽകൊണ്ട് എടുത്ത് ശേഖരിക്കുന്നു. ഒരു കിലോ മലാന ക്രീമിന് 3 ലക്ഷം രൂപ വരെ വില വരും. ഗോവ മുതൽ ആംസ്റ്റർഡാം വരെ ഇതിന്റെ പ്രശസ്തി നീണ്ടുകിടക്കുന്നു. ഇവിടെ ഇത് ഒരു കുടിൽവ്യവസായം പോലെ ചെയ്യുന്നു എന്ന് കരുതി ഇത് നിയമവിധേയം ഒന്നും അല്ല. ഇവിടെ എത്തിപ്പെടാൻ ഉള്ള ബുദ്ധിമുട്ട് ആണ് അധികൃതരെ ഇവിടെ ഇത് തടയുന്നതിൽനിന്ന് അകറ്റുന്നത്.

ഇവിടുത്തെ കാഴ്ചകൾ കാണുമ്പോൾ നാം സംശയിച്ചു പോയേക്കാം ഇത് ഇന്ത്യയിൽ തന്നെ ഉള്ള സ്ഥലമാണോ എന്ന്. പുറംലോകം മലാനയെ സ്വതന്ത്രമായി വിട്ടിരിക്കുന്നു.

കടപ്പാട്: മുഖപുസ്തകം

Malana is an ancient Indian village in the state of Himachal Pradesh. This solitary village in the Malana Nala, a side valley of the Parvati Valley to the north-east of Kullu Valley, is isolated from the rest of the world. The peaks of Chanderkhani and Deo Tibba shadow the village Malana.

പ്രതീക്ഷിക്കാതെ ഒരു വിയറ്റ്നാം യാത്ര | Vietnam

noreply@blogger.com (Abdu Rahiman Pattambi) — Mon, 22 Jun 2020 15:30:00 +0000

പ്രതീക്ഷിക്കാതെ ഒരു വിയറ്റ്നാം യാത്ര (Vietnam). എല്ലാ യാത്രയും പോലെ ഈ യാത്രയും ഒറ്റയ്ക്ക് തന്നെയാണ് പോയത്.

New Year ആഘോഷിക്കാൻ വേണ്ടി തായ്ലൻഡ് (Thailand) തലസ്ഥാനമായ ബാങ്കോക്ക് (Bangkok) ലേക്ക് പോയതായിരുന്നു. ന്യൂ ഇയർ ശേഷം Bucket list യിൽ ഉണ്ടായിരുന്ന വിയറ്റ്നാമിലേക്ക് ഉള്ള ടിക്കറ്റ് ചെക്ക്‌ ചെയ്തു. ബാങ്കോക്കിൽ നിന്നും വിയറ്റ്നാമിനെ Ho chi min city ലേക്ക് വെറും 4000 രൂപയ്ക്ക് ടിക്കറ്റ് കാണുകയും അത് ബുക്ക് ചെയ്യുകയും ചെയ്തു. നാലാം തീയതി ബാങ്കോക്ക് Don moung airport നിന്നും പുറപ്പെട്ട് വിയറ്റ്നാമിനെ Ho chi min city യിലേക്കാണ് ടിക്കറ്റ് ബുക്ക് ചെയ്തത്.

വിസ ഇന്ത്യക്കാർക്ക് ഓൺ അറൈവൽ ആണെങ്കിലും മുൻകൂട്ടി വിസ കൺഫർമേഷൻ ലെറ്റർ ഓൺലൈനിൽ ചെയ്യാൻ ഉണ്ടായിരുന്നു. അതിനുവേണ്ടി ഗൂഗിൾ ചെക്ക് ചെയ്തപ്പോൾ പല റേറ്റിൽ ഉള്ള ഏജൻസികളെ കാണാൻ സാധിച്ചു. വാഹനം 250 മുതൽ 300 രൂപക്ക് ഒരു ദിവസത്തേക്ക് സ്കൂട്ടർ ലഭ്യമാണ്. പെട്രോളിന് 60 രൂപ ആണ്. പമ്പിന് പുറമെ ഒരുവിധം എല്ലാ കടകളിലും ഇന്ധനം ലഭ്യമാണ്. ഇരട്ടി പണം കൊടുക്കണം എന്ന് മാത്രം. 15 ഡോളർ മുതൽ 20, 25 ഡോളർ വരുന്ന ഓരോ ഏജൻസികളും ഈടാക്കിയത്. ദിവസം കുറവായതിനാൽ എമർജൻസി വിസ അപ്ലൈ ചെയ്തു അതുകൊണ്ട് ടോട്ടൽ 22 ഡോളർ ചെലവായി. ഇത് വിസ കൺഫർമേഷൻ ലെറ്റർ മാത്രമുള്ള റൈറ്റ് ആണ് വിസക്ക് വേണ്ടി 25 ഡോളർ എയർപോർട്ടിൽ അടക്കണം. കൺഫോം റിട്ടേൺ ടിക്കറ്റ്, ഹോട്ടൽ ബുക്കിംഗ് ഡീറ്റെയിൽസ് എന്നിവയാണ് എയർപോർട്ടിൽ ചോദിക്കുന്ന കാര്യങ്ങൾ. ഫോട്ടോയും നിർബന്ധമാണ്. ഈവനിംഗ് ആണ് ഫ്ലൈറ്റ് സമയം. 8 മണി ആകുപ്പോൾ Ho chi min city എയർപോർട്ടിൽ എത്തി. അവിടെ നിന്നും കാര്യങ്ങളൊക്കെ Clear ചെയ്തതിന് ശേഷം പാസ്പോർട്ടിൽ വിസ സീൽ ചെയ്തു. 30 ദിവസത്തേക്കുള്ള വിസയാണ് ലഭിക്കുക.

അങ്ങാനെ 14 മത്തെ രാജ്യത്ത് കാലുകുത്തി. എയർപോർട്ടിൽ നിന്നും പുറത്തേക്കിറങ്ങി ഫ്രീ പിക്കപ്പ് സർവീസ് ഉള്ള ഹോട്ടൽ അയിരുന്നു ബുക്ക് ചെയ്തത്. എയർപോർട്ടിലെത്തി വിളിച്ചു നോക്കുമ്പോൾ അവർ പറഞ്ഞത് ഫ്രീ സർവീസ് ഇല്ല എന്നും ടാക്സി വരുന്നതെന്ന് നല്ലത് എന്നുമാണ് (പണി) അങ്ങനെ ടാക്സിയിൽ ഹോട്ടലേക്ക് യാത്രതിരിച്ചു. വിയറ്റ്നാം പൈസക്ക് മൂലം കുറവായതിനാൽ വളരെ പെട്ടെന്ന് ലക്ഷാധിപതി കളായി തീരും.

പിറ്റേദിവസം കാര്യമായ പരിപാടികളൊന്നും ഇല്ലാത്തതിനാൽ രാവിലെ താമസിച്ചു എഴുന്നോറ്റത്. വിയറ്റ്നാമിലെ Ho chi Mai city യുടെ പഴയ പോര് Saigon എന്നായിരുന്നു. ഇപ്പോഴും അവിടെയുള്ള മുതിർന്ന ആളുകൾ അങ്ങനെ തന്നെ അണു പറയുന്നത്. അതിനുശേഷം വിയറ്റ്നാമിലെ വിപ്ലവ നായകൻ ആയ ഹോചീമിൻ യുടെ പോരിലൊക്ക് മറ്റുകയുണ്ടായി. അമേരിക്കൻ പട്ടാളത്തെ മുട്ട് വിറപ്പിച്ച ജനതയാണ് വിയറ്റ്നാമിലെ ജനങ്ങൾ. ആ യുദ്ദത്തിന് നേത്യതം നൽകിയ നേതാവ് ആയിരുന്നു ഹോചീമിൻ. യുദ്ദനന്തരം Republic of Vietnam ന്റെ തലസ്ഥനമായ സൈഗോൺ Ho chi Mai city എന്നയത്.

ആദ്യദിവസം ബൈക്ക് ടാക്സി കറങാൻ തീരുമാനിച്ചു. ഒരു മണിക്കൂറിന് രണ്ടു ലക്ഷം ആയിരുന്നു ആദ്യം പറഞ്ഞത് അങ്ങനെ ബാർഗ്ഗയിൻ ചെയ്ത ഒരു ലക്ഷത്തിൽ ആക്കി. അവിടെയുള്ള പ്രധാന സ്ഥലങ്ങളായ പാലസ്, മ്യൂസിയം തുടങ്ങിയ കുറെ സ്ഥലങ്ങൾ സന്ദർശിച്ചു. വൈകുന്നേരം ആകുമ്പോഴേക്കും തിരിച്ചു റൂമിൽ എത്തി. ഒന്ന് ഫ്രഷ് ആയതിനു ശേഷം walking street ൽ നടക്കാനിറങ്ങി. അവിടെയുള്ള ഒരു ട്രാവൽസിൽ കയറി പിറ്റേദിവസം പോകാനുള്ള ടൂർ ബുക്ക് ചെയ്തു.

തായ്ലൻഡിലെ കാണാറുള്ളത് പോലെ തന്നെയാണ് walking street കാതടിപ്പിക്കുന്ന രീതിയിലുള്ള സംഗീതവും മദ്യം വിളംബുന്ന ഡാൻസ് ബാറുകൾ ഒക്കെ വളരെ മനോഹരമായിരുന്നു. അവിടെ കുറെ സമയം ചെലവഴിച്ച് വളരെ വൈകിയാണ് റൂമിലേക്ക് തിരിച്ചെത്തിയത്. MEKONG DELTA MYTHO BEN TRE ലൊക്കുള്ള വൺഡേ ടൂർ ആണ് ബുക്ക് ചെയ്തത്. ഉച്ച ഭക്ഷണം അടക്കം ആണ് ടൂർ പാക്കേജ്. ഒരാൾക്ക് 7,80,000 ആണ് ചാർജ്. രാവിലെ എട്ടു മണി ആകുമ്പോൾ തന്നെ ടൂർ കമ്പനിയുടെ വണ്ടി ഹോട്ടലിലേക്ക് വന്നു. അതിൽ മൂന്ന് ഇന്ത്യക്കാരടക്കം ടോട്ടൽ 12 പേരാണ് ഉണ്ടായിരുന്നത്. ആദ്യം തന്നെ വിയറ്റ്നാമിലെ പ്രധാനപ്പെട്ട കുറച്ച് അമ്പലങ്ങളിലെ കാണാൻ പോയത്.

അതിന് ശേഷം ഒരു ഫാമിലേക്ക് പോവുകയും അവിടെ നിന്നുള്ള കാഴ്ചകൾ കണ്ടതിനുശേഷം ടൂറിന് പ്രധാന സ്ഥലമായ MEKONG DELTA കാണാൻ പോയത് MEKONG നദി കടന്ന് അവിടെ എത്തിച്ചേർന്നു. എത്തിയ ഉടനെ തന്നെ അവിടെയുള്ള ഒരു ഷോപ്പിലൊക്ക് ആണു പോയത് വിയറ്റ്നാമിലെ ലോക്കൽ ചോക്ലേറ്റ് നിർമ്മാണം, പാമ്പ് തോൾ എന്നിവ ഉണ്ടാക്കി നിർമ്മിക്കുന്ന വൈൻ തുടങ്ങി പലതരത്തിലുള്ള കാഴ്ചകൾ അവിടെ കണ്ടു. നാട്ടിലെ തോണി യിൽ engine കടുപ്പിച്ച് വള്ളത്തില്‍ ആയിരുന്നു പിന്നീടുള്ള യാത്ര. അങ്ങനെ മൂന്ന് നാല് ദീപുകൾ കണ്ടതിനുശേഷം ഉച്ചഭക്ഷണത്തിന് ഒരു ദ്വീപിലേക്ക് പോയി. അവിടെ തന്നെ പിടിക്കുന്ന മത്സ്യം കൊണ്ടുള്ള വിഭവം അടക്കമുള്ള വളരെ വിഭവസമൃദ്ധമായ ഉച്ചഭക്ഷണം ആയിരുന്നു അവിടെ ഉണ്ടായിരുന്നത്. ഭക്ഷണത്തിനുശേഷം ട്രഡീഷണൽ മ്യൂസിക് ഷോയും പാമ്പ്, മുതല തുടങ്ങിയവയുടെ ഷോയും ഉണ്ടായിരുന്നു. അതൊക്കെ കണ്ടതിനു ശേഷം നാലു മണിയാവുമ്പോൾ ഹോട്ടലിലൊക്ക് മടങ്ങി.

അന്ന് രാത്രി റൂമിൽ അടുത്തുതന്നെയുള്ള സിറ്റി സ്ക്വയർ ലേക്ക് പോയി അവിടെയാണ് ഹോചീമിൻ ന്റെ വലിയ പ്രതിമ ഉള്ളത്. അവിടെയുള്ള ഒരു പാർക്കിൽ വാട്ടർ മ്യൂസിക് അടങ്ങിയ കുറെ കാര്യങ്ങൾ ഉണ്ടായിരുന്നു അവിടെ തന്നെയായിരുന്നു കമ്മ്യൂണിസ്റ്റ് പാർട്ടിയുടെ ഓഫീസ് സ്ഥിതി ചെയ്യുന്നത്. അവിടെയുള്ള ഒരു ടൂറിസ്റ്റ് ഓഫീസിൽ കയറി പിറ്റേന്ന് പോകാനുള്ള ടൂർ ബുക്ക് ചെയ്തു. വിയറ്റ്നാം അമേരിക്ക യുദ്ധം നടക്കുന്ന സമയത്തെ അമേരിക്കയെ തോൽപ്പിക്കാൻ വേണ്ടി വിയറ്റ്നാം ഒളിപോരളിക്കൾ ഉപയോഗിച്ച CU CHI തണലിലേക്ക് ആയിരുന്നു ടൂർ ബുക്ക് ചെയ്തത്.

പിറ്റെന്ന് രാവിലെ പത്ത് മണിയാവുമ്പോഴേക്കും ടൂർ കമ്പനിയുടെ വണ്ടി വരികയും അതിൽ ഞാൻ അടക്കം എട്ടു പേരാണ് ഉണ്ടായിരുന്നത് അഞ്ചുപേർ ഫാമിലിയും വേറെ രണ്ടു പേർ ഉണ്ടായിരുന്നു. പോകുന്നവഴിക്ക് വിയറ്റ്നാമിലെ യുദ്ധത്തിൽ അംഗവൈകല്യം സംഭവിച്ചവർ നിർമ്മിക്കുന്ന ഒരു ഫാക്ടറി ലേക്കും പോയി. അവിടെ അവർ നിർമിക്കുന്ന മനോഹരമായുള്ള ക്രാഫ്റ്റുക്കൾ കാണാൻ സാധിച്ചു. അവിടെത്തന്നെ വിൽപ്പനയ്ക്കുള്ള ഷോറൂം ഉണ്ടായിരുന്നു. CU CHI തണൽ എത്തിയതിനുശേഷം ഗൈഡ് വിയറ്റ്നാം അമേരിക്ക യുദ്ധത്തെ പറ്റി കുറെ കാര്യങ്ങൾ പറഞ്ഞു തന്നു. എങ്ങനെയാണ് വിയറ്റ്നാം ജനത അമേരിക്കൻ പട്ടാളത്തെ തോൽപ്പിച്ച് തുടങ്ങി ഒട്ടേറെ കാര്യങ്ങൾ അവിടെ നിന്നും മനസ്സിലാക്കി. അമേരിക്കൻ പട്ടാളത്തെ തോൽപ്പിക്കാൻ വേണ്ടി വിയറ്റ്നാം ജനത ഉണ്ടാക്കിയ പല തരത്തിലുള്ള കൊണിക്കളുടെ മോഡൽ അവിടെ കണ്ടു. തണൽ കൂടിയുള്ള യാത്ര വളരെ ദുഷ്കരം പിടിച്ചതായിരുന്നു. ഒറിജിനൽ ഗൺ ഉപയോഗിച്ച് ഷൂട്ടിംഗ് ചെയ്യാനുള്ള സൗകര്യം അവിടെ ഒരുക്കിയിട്ടുണ്ട്. അതൊക്കെ കണ്ടതിനുശേഷം രാത്രി ആകുമ്പോഴേക്കും റൂമിലേക്ക് എത്തിച്ചേർന്നു.

പിറ്റേദിവസം അവിടെയുള്ള ഫേമസ് ആയിട്ടുള്ള BEN THÀNH മാർക്കറ്റ് കറങ്ങി. വലിയ മാർക്കറ്റ് തന്നെയായിരുന്നു അത്. ടൂറിസ്റ്റുകൾ ധാരാളം ഉണ്ടായിരുന്നു അതുകൊണ്ടുതന്നെ വിലപേശി വാങ്ങാൽ അതായിരിക്കും ഏറ്റവും നല്ലത്. അന്ന് രാത്രി Ho Chi Minh City യിലൊ OPERA HOUSE കാണാൻ പോയി, അവിടെയെത്തിയ നോക്കുമ്പോൾ അവിടെ ഒരു ചാനലിന് അവാർഡ് ഫങ്ഷൻ നടക്കുന്നുണ്ടായിരുന്നു. അതൊക്കെ കണ്ടു വളരെ വെക്കിയാണു റൂമിലൊക്ക് എത്തിയാത്.

പിറ്റേന്ന് വൈകുന്നേരം ഉള്ള SCOOT AIRLINES ആണ് നാട്ടിലേക്കുള്ള flight. സിംഗപ്പൂർ എയർപോർട്ട് കണക്ഷൻ വഴി തിരുവനന്തപുരത്തേക്ക് ആണ് ഫ്ലൈറ്റ് ഉള്ളത്. പബ്ലിക് ട്രാൻസ്പോർട്ടേഷൻ ഉപയോഗിച്ച് എയർപോർട്ടിലേക്ക് പോയി. സിംഗപ്പൂർ എയർപോർട്ടിൽ 20 മണിക്കൂർ വൈറ്റിംഗ് ഉണ്ടായിരുന്നു. ഫ്രീ സിംഗപ്പൂർ ടൂർ കിട്ടും എന്ന് കരുതിയാണ് അങ്ങനെ ടിക്കറ്റ് ബുക്ക് ചെയ്തത്. എയർപോർട്ടിൽ എത്തി കാര്യങ്ങൾ അന്വേഷിക്കുമ്പോഴാണ് ഇന്ത്യക്കാർക്ക് അമേരിക്ക, യൂറോപ്പ്, ജപ്പാൻ പോലെയുള്ള രാജ്യങ്ങളിലെ വിസ ഉള്ളവർക്ക് മാത്രമാണ് ഫ്രീ ടൂർ ഉള്ളത് എന്ന്. പക്ഷേ വളരെ മനോഹരവും വലുതും ആയിട്ടുള്ള എയർപോർട്ടിലെ കാഴ്ചകളൊക്കെ കണ്ടു സമയം ചെലവഴിച്ചു. എയർപോർട്ട് ഉള്ളിലെ തന്നെയുള്ള സൺഫ്ലവർ ഗാർഡനും ബട്ടർഫ്ലൈ ഗാർഡൻ തുടങ്ങി നിരവധി ആയിട്ടുള്ള കാഴ്ചകളൊക്കെ കണ്ട് 20 മണിക്കൂർ എയർപോർട്ടിൽ ചെലവഴിച്ചു. അഞ്ചുദിവസത്തെ വിയറ്റ്നാം യാത്രക്ക് ശേഷം രാത്രി ഒമ്പത് മണിയാവുമ്പോൾ തിരുവനന്തപുരം എയർപോർട്ടിൽ എത്തിച്ചേർന്നു.

അക്ഷര തെറ്റുകൾ ഉള്ളത് ക്ഷമിക്കണം 🙂

ശ്രദ്ധിക്കേണ്ട കാര്യങ്ങൾ:

കറൻസി: വിയറ്റ്നാം പൈസ അഥവാ വിയറ്റ്നാം ഡോങ് - വളരെ അധികം പൂജ്യങ്ങൾ കൂടുതൽ അന്ന് ഇതിനു (1 INR = 325) അത് കൊണ്ട് വളരെ അധികം കൺഫ്യൂഷൻ ആകും പലപ്പോളും. അവിടെ കൂടുതലും ടൂറിസ്റ്റ് വരുന്നത് കൊണ്ട് എല്ലായിടത്തും ഡോളർ എടുക്കും. കഴിവതും ഡോളർ ആക്കിയാൽ ആ കൺഫ്യൂഷൻ ഒഴിവാകാം.
വാഹനം: 250 മുതൽ 300 രൂപക്ക് ഒരു ദിവസത്തേക്ക് സ്കൂട്ടർ ലഭ്യമാണ്. പെട്രോളിന് 60 രൂപ ആണ്. പമ്പിന് പുറമെ ഒരുവിധം എല്ലാ കടകളിലും ഇന്ധനം ലഭ്യമാണ്. ഇരട്ടി പണം കൊടുക്കണം എന്ന് മാത്രം. ബൈക്ക് വാടകയ്ക്കു എടുക്കുന്നവർ ഹെൽമെറ്റ് ധരിക്കാൻ ശ്രദിക്കണം, പോലീസ് ചെക്കിങ് ഉണ്ട്.
ബൈക്ക് ടാക്സി ആയും അവിടെ കിട്ടും. കാർ ടാക്സിയെക്കാൾ ലാഭകരം ആണ്.
എയർപോർട്ടിൽ നിന്നും ടൗണിലേക്ക് - ടാക്സി = 10 $ ബസ് = 20k ഡോങ് (1$)
ഞാൻ തായ്ലൻഡിൽ നിന്നാണ് പോയത് അതുകൊണ്ട് എൻറെ കയ്യിൽ തായ് ബാത്ത് ആണ് ഉണ്ടായിരുന്നത്. വിയറ്റ്നാം ഐര്പോര്ട്ടിലും പുറത്തും ഒട്ടു മിക്യ സ്ഥലത്തും ഇന്ത്യൻ റുപ്പീസ് ആരും എക്സ്ചേഞ്ച് ചെയ്തു തരില്ല എന്ന് കേട്ടത്. അത് കൊണ്ട് ഫ്ലൈറ്റ് കേറുമ്പോൾ തന്നെ എക്സ്ചേഞ്ച് ചെയ്ത് വെക്കുന്നത് നല്ലതു ആണ്. അല്ലെങ്കിൽ അവിടെ ചെന്നു ATM വഴിയും പണം പിൻവലിക്കാം.
വിസ: വിസ ഓൺ അറൈവൽ ആണെങ്കിലും പ്രീ വിസ അപ്പ്രൂവൽ ആദ്യമേ എടുക്കണം. ഏകദേശം 15 ഡോളർ മുതൽ 20, 25 ഡോളർ ആവും. പല ഓൺലൈൻ സൈറ്റുകളും ലഭ്യമാണ് ഇതിനു അപേക്ഷിക്കാൻ. രണ്ടു പ്രവർത്തി ദിവസം ആണ് പ്രീ വിസ ലഭിക്കാൻ ദൈര്‍ഘ്യം. കാശ് വാരിയെറിഞ്ഞാൽ മിനിറ്റുകൾ കൊണ്ടും ലഭിക്കും. എയർപോർട്ടിൽ എത്തിയാൽ അരമണിക്കൂറിനുള്ളിൽ വിസ അനുവദിക്കും. 25 അമേരിക്കൻ ഡോളർ അല്ലെങ്കിൽ 12,00,000 വിയറ്റ്നാം ഡോങ് കൂടെ (1 ഇന്ത്യൻ രൂപ=325 വിയറ്റ്നാമീസ് ഡോങ്) വിസ അപേക്ഷിക്കാൻ ഫോം കൂടി പൂരിപ്പിച്ചു നൽകിയാൽ വിയറ്റ്നാം വിസ റെഡി.
താമസം: 1500 രൂപക്ക് ത്രീ സ്റ്റാർ ഹോട്ടലുകൾ ലഭ്യമാണ്. ഹോസ്റ്റലും 2 സ്റ്റാർ ഹോട്ടലും എല്ലാം എഴുനൂറ് രൂപക്ക് താഴെ ലഭിക്കും.
ഭക്ഷണം: ചിക്കൻ ബീഫ് താറാവ് പോർക്ക് എല്ലായിടത്തും ലഭ്യമാണ്. പ്രധാന ഭക്ഷണം ഫോ എന്ന സൂപ്പ് ആണ്. ഒറ്റക്ക് നല്ലപോലെ ഭക്ഷണം കഴിച്ചാലും ഒരു 200 രൂപക്ക് അകത്തു മാത്രമേ ആവൂ. ഇനി മൂർഖനെ കഴിക്കണം എങ്കിൽ അതിനും വകുപ്പ് ഉണ്ട്.

എഴുതിയത്: മന്‍സൂര്‍ ഇരിക്കൂര്‍ (Mansoor Irikkur)

PHOTO GALLERY: VIETNAM

പ്രതീക്ഷിക്കാതെ ഒരു വിയറ്റ്നാം യാത്ര | An unexpected Vietnam Trip

ഏഷ്യയുടെ ഹൃദയം - തായ്‌വാൻ | Taiwan

noreply@blogger.com (Abdu Rahiman Pattambi) — Sat, 20 Jun 2020 14:52:00 +0000

ഏഷ്യയുടെ ഹൃദയം - തായ്‌വാൻ (Taiwan, Official name: Republic of China)

ചൈന, ജപ്പാൻ, ഫിലിപ്പീൻസ് എന്നീ രാജ്യങ്ങളുടെ ഇടയിൽ തായ്‌വാൻ സ്ട്രൈറ്റ്, ഈസ്റ്റ് ചൈന കടൽ, സൗത്ത് ചൈന കടൽ, ലുസോൺ സ്ട്രൈറ്റ്, ഫിലിപ്പീൻ സീ എന്നിവയാൽ ചുറ്റപ്പെട്ട ഒരു കൊച്ചു ദ്വീപു രാഷ്ട്രമാണ് ഏഷ്യയുടെ ഹൃദയം എന്നറിയപ്പെടുന്ന തായ്‌വാൻ. സ്വന്തമായി പാസ്സ്‌പോർട്ടും ജനാധിപത്യത്തിലൂടെ തിരഞ്ഞെടുക്കപ്പെട്ട പ്രസിഡന്റും ഒക്കെയുള്ള രാജ്യമാണെങ്കിലും 1971-ൽ ഐക്യരാഷ്ട്രസഭ ചൈനയുടെ സ്ഥാനം റിപ്പബ്ലിക്ക് ഓഫ് ചൈന എന്ന തായ്‌വാനിൽ നിന്ന് മാറ്റി പീപ്പിൾ ഓഫ് റിപ്പബ്ലിക്ക് ഓഫ് ചൈന എന്ന കമ്മ്യൂണിസ്റ് ചൈനയിലേക്ക് മാറ്റിയത് മുതൽ ഐക്യരാഷ്ട്രസഭ തായ്‌വാനെ ഒരു രാജ്യമായി അംഗീകരിക്കുന്നില്ല. അതുകൊണ്ടു തന്നെ ചൈനയുടെ വൺ ചൈന പോളിസി അതായത് തായ്‌വാൻ ചൈനയുടെ ഭാഗമാണെന്നു അംഗീകരിക്കാത്ത വളരെ ചെറിയ പതിനഞ്ചു രാജ്യങ്ങൾ മാത്രമാണ് തായ്‌വാനുമായി ഡിപ്ലോമാറ്റിക് റിലേഷൻ വെച്ച് പുലർത്തുന്നത്. ജാപ്പനീസുകാർ കുറെ കാലം ഭരിച്ചത് കൊണ്ടാണോ എന്നറിയില്ല, ജാപ്പനീസിനെ പോലെ കഠിനാധ്വാന ശീലവും മര്യാദയോടെയുള്ള പെരുമാറ്റവും സഹായ മനോഭാവവുമാണ് തായ്‌വാനീസിന്റെ മുഖമുദ്ര.

തായ്‌വാനിലെ കാഴ്ചകൾ

ചെറിയൊരു ദ്വീപു രാഷ്ട്രമായതു കൊണ്ട് പുറത്തുള്ള ചെറിയ ദ്വീപുകൾ ഒഴിച്ചുള്ള തായ്‌വാനിലെ പ്രധാന ആകർഷണങ്ങൾ എല്ലാം തന്നെ ഒരാഴ്ച തികച്ചുണ്ടെങ്കിൽ കണ്ടു തീർക്കാം.

1 - നോർത്തേൺ തായ്‌വാൻ | Northern Taiwan

തായ്‌പേയ്, ന്യൂ തായ്‌പേയ് സിറ്റി, കീലുങ് സിറ്റി, യിലാൻ കൗണ്ടി, തൗയുവാൻ സിറ്റി, ശിഞ്ചു കൗണ്ടി.

2 - തായ്‌പേയ് | Taipei

തലസ്ഥാന നഗരമായ തായ്‌പേയിലെ പ്രധാന ആകർഷണങ്ങളായ തായ്‌വാനിലെ ഏറ്റവും ഉയരം കൂടിയ കെട്ടിടമായ തായ്‌പേയ് 101, ലോങ്ഷാൻ ടെംപിൾ (Longshan Temple), ചൈനയെ ചിങ് രാജവംശത്തിന്റെ ഭരണത്തിൽ നിന്ന് മോചിപ്പിച്ച 1911 ലെ റെവല്യൂഷ്യനിൽ സൺയാറ്റ് സെനോടൊപ്പം പങ്കെടുത്ത ക്വോമിൻതാങ് പാർട്ടിയുടെ സ്ഥാപക നേതാക്കളിൽ ഒരാളായ ചാങ് കൈ ഷേക്കിന്റെ ഓർമ്മയ്ക്കായി നിർമിച്ച ചാങ് കൈ ഷേക് മെമ്മോറിയൽ ഹാൾ (Chiang Kai Shek Memorial Hall), തായ്‌വാനിന്റെയും ചൈനയുടെയും രാഷ്ട്രപിതാവായ സൺയാറ്റ് സെന്റെ ഓർമ്മയ്ക്കായി നിർമിച്ച സൺയാറ്റ് സെൻ മെമ്മോറിയൽ ഹാൾ (Sun Yat Sen Memorial Hall), ചൈനയിലെ ഫോർബിഡൻ പാലസിലെ അമൂല്യ വസ്തുക്കൾ സൂക്ഷിച്ചിരിക്കുന്ന നാഷണൽ പാലസ് മ്യൂസിയം, ഹോട്സ്പ്രിങ് ഡിസ്ട്രിക്ട് ആയ ബെയ്തോയിലെ തെർമൽ വാലി (Xinbeitou Hot Springs), യാങ്‌മിങ്ഷാൻ നാഷണൽ പാർക്ക്(Yangmingshan National Park), Taipei Zoo, Maokong Gondola, ഷിലിൻ നൈറ്റ് മാർക്കറ്റ് (Shilin Night Market), റൗഹെ നൈറ്റ് മാർക്കറ്റ് (Raohe Night Market)എന്നിവയെല്ലാം കണ്ടു തീർക്കാൻ രണ്ടു ദിവസങ്ങൾ മതിയാകും.

3 - ന്യൂ തായ്‌പേയ് സിറ്റി | New Taipei City

തായ്‌പേയ് സിറ്റിയെ ചുറ്റി സ്ഥിതിചെയ്യുന്ന ന്യൂ തായ്‌പേയ് സിറ്റിയിലെ വിനോദസഞ്ചാര കേന്ദ്രങ്ങളിലെല്ലാം തായ്‌പേയിൽ നിന്നും ട്രെയിനിലോ ബസിലോ പോയി വരാൻ പറ്റുന്ന ദൂരത്തിലാണ്.

Jiufen Old Street
Shifen Water Fall
Yehliu Geo Park
Danshui
Wulai Hot Springs
North East Coast Scenic Area
Bitan Scenic Area
Fulong and Baishawan Beach
Pingxi Sky Lantern Festival

ഇതിൽ ഒരു മണിക്കൂർ ഇടവിട്ട് ലാന്റെണുകൾ കൂട്ടത്തോടെ പറത്തി വിടുന്ന പിങ്ശി സ്കൈ ലാന്റെൺ ഫെസ്റ്റിവൽ ചൈനീസ് പുതുവർഷത്തിലെ പതിനഞ്ചാമത്തെ ദിവസം മാത്രമേ കാണാൻ പറ്റൂ. മറ്റുള്ള ദിവസങ്ങളിൽ ഷിഫെൻ ഓൾഡ് സ്ട്രീറ്റിൽ ലാന്റേൺ പറത്താം.

4 - ഹ്വാളിയെൻ | Hualien

തായ്‌പേയിൽ നിന്നും രണ്ടര മണിക്കൂർ ട്രെയിനിൽ യാത്ര ചെയ്താലെത്തുന്ന ദൂരത്താണ് ഹ്വാളിയെൻ. തായ്‌വാനിലെ ഒമ്പതു നാഷണൽ പാർക്കുകളിൽ ഒന്നായ മാർബിൾ ജോർജുകളും അതിനിടയിലൂടെ ഒഴുകുന്ന നദികളും ഒരു പാട് വെള്ളച്ചാട്ടങ്ങളാലും സമ്പന്നമായ ടരോക്കോ നാഷണൽ പാർക്കും യൂറേഷ്യൻ പ്ലേറ്റും ഫിലിപ്പീൻ സീ പ്ലേറ്റും കൂട്ടിയിടിച്ചതിന്റെ ഫലമായിട്ടുണ്ടായ ഈസ്റ്റ് റിഫ്ട് വാലിയും സ്ഥിതി ചെയ്യുന്നത് ഹ്വാളിയെനിലാണ്.

Taroko National Park
East Rift Valley National Scenic Area
Qingshui Cliff
Qixingtan beach
East Coast National Scenic Area
Fuyuan National Forest Recreation Area
Ruisui and Antong Hot Springs
Shitiping

5 - പിങ്‌തങ് | Pingtung

തായ്‌വാന്റെ തെക്കേ അറ്റത്തുള്ള പ്രവിശ്യയായ പിങ്‌തങിലെത്താൻ തായ്‌പേയിൽ നിന്ന് Kaohsiung വരെ ഹൈ സ്പീഡ് ട്രെയിനിലോ സാധാരണ ട്രെയിനിലോ യാത്ര ചെയ്തു കൗശോങിൽ നിന്ന് പിങ്‌തങിലെ പ്രധാന ആകർഷണമായ കെന്റിങിലേക്കു ബസിൽ രണ്ടു മണിക്കൂർ സഞ്ചരിക്കണം.

Kenting National Park
National Museum of Marine Biology and Aquarium
Xiao Liuqiu
Dapeng Bay National Scenic Area

തായ്‌വാനിലെ മറ്റു പ്രധാന സ്ഥലങ്ങൾ/കാഴ്ചകൾ

Sun Moon Lake
Alishan National Forest Recreation Area
Formosan Aboriginal Culture Village
Yushan National Park
Kaohsing
Tainan

ഇതെല്ലാം കൂടാതെ തായ്‌വാന്റെ പടിഞ്ഞാറു ഭാഗത്ത് ശാന്ത സമുദ്രത്തിലെ Green Island, Lanyu, Guishan Island കിഴക്കു ഭാഗത്ത് തായ്‌വാൻ സ്ട്രെറ്റിലെ Penghu, Matsu, Kinmen എന്നിവയെല്ലാം മനോഹരമായ ദ്വീപുകളാണ്.

വിസ

ഇന്ത്യയിൽ ചെന്നൈയിലോ ഡെൽഹിയിലോ ഉള്ള Taipei Economic and Cultural Center in India - യിൽ നേരിട്ടോ ഏജന്റ് മുഖാന്തിരമോ തായ്‌വാൻ വിസയ്ക്ക് അപേക്ഷിക്കാം. അപേക്ഷയും കൂടെ സമർപ്പിക്കുന്ന ഡോക്യൂമെൻറ്സും കൃത്യമാണെങ്കിൽ രാവിലെ 9-നും 11-നും ഇടയിൽ വിസ അപ്ലിക്കേഷൻ കൊടുത്താൽ വൈകുന്നേരം 3:30-നും 4:30-നും ഇടയിൽ വിസ ലഭിക്കും. 4000 രൂപയാണ് സിംഗിൾ എൻട്രി വിസ ഫീസ്, 8000 രൂപയാണ് മൾട്ടിപ്പിൾ എൻട്രി വിസ ഫീസ്. എന്തൊക്കെ ഡോക്യൂമെന്റസ് ആണ് വേണ്ടത് എന്നുള്ളത് താഴെയുള്ള ലിങ്കിൽ പോയാൽ കാണാം.

https://www.roc-taiwan.org/in_en/post/181.html

മുകളിൽ പറഞ്ഞതല്ലാതെ തായ്‌വാനീസ് evisa സൗജന്യമായി കിട്ടാനൊരു മാർഗം ഉണ്ട്.

ആസ്‌ട്രേലിയ, കാനഡ, ജപ്പാൻ, സൗത്ത് കൊറിയ, ന്യൂസിലാൻഡ്, ഷെൻഗെൻ രാജ്യങ്ങൾ, യുണൈറ്റഡ് കിങ്‌ഡം, യുണൈറ്റഡ് സ്റ്റേറ്റ്സ് എന്നെ രാജ്യങ്ങളിൽ ഏതെങ്കിലും ഒന്നിൽ നിന്നുള്ള പെർമനന്റ് റസിഡന്റ് കാർഡോ റസിഡന്റ് കാർഡോ കാലാവധിയുള്ള വിസയോ അല്ലെങ്കിൽ പത്തു കൊല്ലത്തിനുള്ളിൽ കാലാവധി തീർന്ന റസിഡന്റ് കാർഡോ വിസയോ ഉണ്ടെങ്കിൽ https://visawebapp.boca.gov.tw എന്ന വെബ്സൈറ്റിൽ കൂടി ഓൺലൈൻ ആയി വിസ അപേക്ഷിക്കാം.മറ്റു തേർഡ് പാർട്ടി സൈറ്റുകൾ ഒന്നും തന്നെയില്ല. സിംഗിൾ എൻട്രി evisa 14 ദിവസത്തേക്കും മൾട്ടിപ്പിൾ എൻട്രി evisa 90 ദിവസത്തേക്കുമാണ്. തായ്‌വാനിൽ എത്തി ഏഴു ദിവസത്തിനുള്ളിൽ സിംഗിൾ എൻട്രി evisa കാലാവധി നീട്ടാൻ അപേക്ഷിക്കാവുന്നതാണു.

ഫ്ലൈറ്റ്

തായ്‌വാനിലേക്ക് കേരളത്തിൽ നിന്നും നേരിട്ട് ഫ്ലൈറ്റുകൾ ഇല്ല, ഡൽഹിയിൽ നിന്നും മാത്രമാണ് തായ്‌വാന്റെ നാഷണൽ എയർലൈൻസ് ആയ ചൈന എയർലൈൻസ് നടത്തുന്ന ആഴ്ചയിൽ മൂന്ന് ദിവസം മാത്രമുള്ള നേരിട്ടുള്ള സർവീസ് ഉള്ളത്. ചിലവ് കുറച്ചു ടിക്കറ്റ് ലഭിക്കാൻ, ക്വാലലംപൂർ വഴിയുള്ള എയർ ഏഷ്യ അല്ലെങ്കിൽ മലിൻഡോ എയർ കണക്ഷൻ ഫ്‌ളൈറ്റുകൾ ആണ് നല്ലതു. കൊച്ചിയിൽ നിന്നും തായ്‌പേയിലേക്കു പോയി വരാൻ മുൻകൂട്ടി ബുക്ക് ചെയ്താൽ ഏകദേശം 30,000 രൂപ മുതൽ ഫ്ലൈറ്റ് ടിക്കറ്റുകൾ ലഭ്യമാണ്.

കറൻസി, സിം, ഇന്റർനെറ്റ്

ന്യൂ തായ്‌വാൻ ഡോളർ (TWD) ആണ് തായ്‌വാനിലെ കറൻസി, ഈ പോസ്റ്റ് എഴുതുന്ന സമയം 2.53 ഇന്ത്യൻ രൂപ കൊടുത്താൽ ഒരു ന്യൂ തായ്‌വാൻ ഡോളർ കിട്ടും. പക്ഷെ ഇന്ത്യൻ രൂപ നേരിട്ട് തായ്‌വാനിൽ എക്സ്ചേഞ്ച് ചെയ്യാൻ പറ്റില്ല. അതുകൊണ്ടു തായ്‌വാനിലേക്കു വരുമ്പോൾ യു എസ് ഡോളർ കയ്യിൽ കരുതണം. തായ്‌വാനിയുടെ എല്ലാ ബാങ്കുകളിലും യു എസ് ഡോളർ എക്സ്ചേഞ്ച് ചെയ്യാൻ പറ്റുമെങ്കിലും ബാങ്ക് ഓഫ് തായ്‌വാൻ ആണ് സാധാരണയായി ഏറ്റവും നല്ല എക്സ്ചേഞ്ച് റേറ്റ് തരുന്നത്. എയർപോർട്ടിലുള്ള ബാങ്ക് ഓഫ് തായ്‌വാൻ അല്ലെങ്കിൽ മറ്റു ബാങ്കുകളുടെ എക്സ്ചേഞ്ച് റേറ്റും എയർപോർട്ടിനു പുറത്തുള്ള എക്സ്ചേഞ്ച് റേറ്റും തമ്മിൽ ഒരു വ്യത്യാസവുമില്ല.

സിം, ഇന്റർനെറ്റ്

Chunghwa Telecom, Taiwan Mobile, FarEasTone,T Star എന്നിങ്ങനെ പ്രധാനമായും നാല് മൊബൈൽ ഓപ്പറേറ്റമാരാണ് തായ്‌വാനിലുള്ളത്. ഏറ്റവും വലിയ കവറേജും ഉപഭോക്താക്കളും ഉള്ള ചോങ്ഹ്വ ടെലികോം സന്ദർശകർക്കുള്ള മികച്ച ഓപ്ഷനാണ്. എല്ലാ മൊബൈൽ ഓപ്പറേറ്റർമാരും സിഗ്നൽ, കവറേജ്, സ്പീഡ് എന്നിവയുടെ കാര്യത്തിൽ ഏതാണ്ട് സമമാണ്. എയർപോർട്ടിലുള്ള കൗണ്ടറുകൾ, സൂപ്പർ മാർക്കറ്റ്, കൺവീനിയന്റ് സ്റ്റോർ എന്നിവിടങ്ങളിലെല്ലാം സിം കാർഡ് ലഭ്യമാണ്.

താമസം

ഹോട്ടൽ/ഹോസ്റ്റൽ/എയർ ബിഎൻബി / കോച് സർഫിങ് എന്നിങ്ങനെ വ്യത്യസ്തങ്ങളായ സൗകര്യങ്ങൾ ലഭ്യമാണ്. ഇതിൽ ഏതു തിരഞ്ഞെടുക്കണം എന്നുള്ളത് ഓരോ വ്യക്തിയുടെയും ഇഷ്ടംപോലെയിരിക്കും.

ബാക് പാക്ക് ട്രാവല്ലേഴ്‌സ്, ഹോസ്റ്റൽ തിരഞ്ഞെടുക്കാം. 10 - 15 ഡോളർ നിരക്കിൽ ഡോർമിറ്റോറികൾ ലഭ്യമാണ്. മാത്രമല്ല മറ്റു രാജ്യങ്ങളിൽ നിന്ന് വരുന്ന ബാക്ക്പാക്കേഴ്സിനെ കണ്ടു മുട്ടാനുള്ള അവസരവും ഹോസ്റ്റലുകളിൽ ലഭിക്കും.

ചിലവ് കുറഞ്ഞു യാത്ര ചെയാൻ കോച് സർഫിങ് തിരഞ്ഞെടുക്കാം. https://www.couchsurfing.com/ എന്ന വെബ്സൈറ്റിൽ രജിസ്റ്റർ ചെയ്തു ഹോസ്റ്റ് റിക്വസ്റ്റ് അപ്‌ഡേറ്റ് ചെയാം.

ലോക്കൽ ഹോസ്റ്റുകൾ ഫ്രീ ആണെങ്കിൽ അവരുടെ വീട്ടിൽ താമസിക്കാനുള്ള ക്ഷണം നിങ്ങൾക്ക് ലഭിക്കും.

പക്ഷെ ഓർത്തിരിക്കേണ്ട കാര്യം, കോച് സർഫിങ് തിരഞ്ഞെടുക്കുകയാണെകിൽ വിസ അപേക്ഷിക്കുന്ന സമയം ഒരു ഡമ്മി ഹോട്ടൽ ബുക്കിംഗ് കാണിക്കണം.

കോച് സർഫിങ് അപ്പ്രൂവൽ വിസ അപ്പ്ലിക്കേഷനോടൊപ്പം കൊടുക്കാതിരിക്കുക.

Airbnb ആണ് ചിലവ് കുറഞ്ഞ താമസ സൗകര്യം നൽകുന്ന മറ്റൊരു വെബ്സൈറ്റ്. ഫാമിലി അല്ലെങ്കിൽ ഗ്രൂപ് ആയി പോകുന്നവർക്ക് സിറ്റിക്കുള്ളിൽ തന്നെ എല്ലാ സൗകര്യങ്ങളും കൂട്ടിയ അപ്പാർട്മെന്റുകൾ കിട്ടും.

ഹോട്ടെലിനേക്കാളും നിരക്ക് കുറവുണ്ടെന്ന് മാത്രമല്ല, കുട്ടികളുമായി യാത്ര ചെയുന്നവക്ക് കിച്ചൺ സൗകര്യം ഉള്ളത് വളരെ പ്രയോജനം ആണ്.

ഹോട്ടൽ തന്നെ വേണമെന്നുള്ളവർ വെബ്സൈറ്റുകൾ വഴി ബുക്ക് ചെയ്യാം. അവരവരുടെ ബഡ്ജറ്റിന് അനുസരിച്ചുള്ള ഹോട്ടൽ, ലൊക്കേഷനും, റിവ്യൂവും നോക്കി ചെയുന്നതാകും ഉത്തമം.

ട്രാൻസ്‌പോർട്ടേഷൻ

പൊതു ഗതാഗതം എല്ലാ വിധത്തിലും മികച്ചു നിൽക്കുന്ന ഒരു രാജ്യമാണ് തായ്‌വാൻ. തലസ്ഥാനമായ തായ്‌പേയിലും തായ്‌വാനിലെ രണ്ടാമത്തെ വലിയ സിറ്റിയായ കൗശോങ്ങിലും മെട്രോ ട്രെയിനുകളാണ് പൊതുഗതാഗതത്തിന് ഏറ്റവും ഉത്തമം. തായ്പേയ് മെട്രോ മാപ് ആപ്പ് സ്റ്റോറിൽ ലഭ്യമാണ്. രാജ്യത്തെ വിവിധ സിറ്റികളെ ബന്ധിപ്പിച്ചു റോഡ്, റെയിൽ,വ്യോമ ഗതാഗത സൗകര്യങ്ങൾ ഉണ്ട്. തായ്‌പേയിൽ നിന്നും സൗത്ത് തായ്‌വാനിലെ കൗശോങ്ങിലേക്ക് ഹൈ സ്പീഡ് ട്രെയിനിൽ ഒന്നര മണിക്കൂർ കൊണ്ടെത്താം. ദ്വീപു രാഷ്ട്രമായ തായ്‌വാന്റെ പുറത്തുള്ള ചെറിയ ദ്വീപുകളിലേക്കു ഫ്ലൈറ്റ് കൂടാതെ ഫെറി സർവീസും ഉണ്ട്. എല്ലാ ബസുകളിലും ട്രെയിനുകളിലും ചൈനീസിനോടൊപ്പം ഇംഗ്ലീഷ് ബോർഡുകളും അന്നൗൻസ്മെന്റുകളും ഉണ്ടാകും. ബസ് യാത്രകൾക്ക് തായ്‌വാനിലെ ബസുകളുടെ റിയൽ ടൈം അവൈലബിലിറ്റി അറിയാനുള്ള ആപ്പ് ആയ Bus Tracker Taiwan ഡൗൺലോഡ് ചെയ്യുന്നത് വളരെ സൗകര്യ പ്രദമായിരിക്കും.

തായ്‌വാനിലെ പ്രധാന നഗരങ്ങളിലെല്ലാം You bike എന്ന ബൈസിക്കിൾ സർവീസ് ഉണ്ട്. ബസിലും മെട്രോയിലും ട്രെയിനിലുമെല്ലാം ഉപയോഗിക്കുന്ന ഈസി കാർഡ് ഉപയോഗിച്ച് രജിസ്റ്റർ ചെയ്തു നഗരത്തിനുള്ളിലെ യാത്രകൾക്ക് ഇതുപയോഗിക്കാവുന്നതാണ്.

https://www.youbike.com.tw/intro.html

അതുപോലെ ടുവീലർ ലൈസൻസ് ഉപയോഗിച്ച് രജിസ്റ്റർ ചെയ്താൽ irent അല്ലെങ്കിൽ goshare app ഉപയോഗിച്ച് തായ്‌പേയ് സിറ്റിയിൽ മാത്രം ഉപയോഗിക്കാവുന്ന ഇലക്ട്രിക്ക് സ്കൂട്ടറുകൾ ലഭ്യമാണ്.

https://www.easyrent.com.tw/

ട്രെയിൻ ടിക്കെറ്റുകൾക്കായി താഴെ ഉള്ള വെബ്സൈറ്റ് സന്ദർശിക്കാം.

https://tip.railway.gov.tw/tra-tip-web/tip?lang=EN_US

ഹൈ സ്പീഡ് ട്രെയിൻ ടിക്കെറ്റുകൾക്കായി താഴെ ഉള്ള വെബ്സൈറ്റ് സന്ദർശിക്കാം.

https://www.thsrc.com.tw/en/Home/Index

രാജ്യത്തെ എല്ലാ സിറ്റികളെയും കണക്റ്റ് ചെയ്തു ഒരുപാടു ഇന്റർസിറ്റി ബസ് സർവീസുകൾ ഉണ്ട്. കൂടുതൽ വിവരങ്ങൾക്ക് താഴെ ഉള്ള വെബ്സൈറ്റ് സന്ദർശിക്കാം.

https://eng.taiwan.net.tw/m1.aspx?sNo=0029049

ഏറ്റവും മികച്ച ബസ് സർവീസ് കമ്പനികളുടെ പേരുകൾ താഴെ കൊടുക്കുന്നു.

Kuo-Kuang Motor Transport
Ubus
Southeast Bus
Aloha Bus
Ho-hsin Bus

ചെറിയ രാജ്യമായതിനാൽ ഫാമിലി അല്ലെങ്കിൽ ഗ്രൂപ്പായി പോകുന്നവർക്ക് തിരഞ്ഞെടുക്കാവുന്ന ഏറ്റവും നല്ല ഓപ്‌ഷൻ ആണ് കാർ റെന്റ്. 21 വയസു തികഞ്ഞ ഇന്റർനാഷണൽ ഡ്രൈവിംഗ് ലൈസെൻസ് ഉള്ള ആർക്കും കാർ റെന്റിന് കിട്ടും. 3000 രൂപ മുതൽ ദിവസ റെന്റിന് കാറുകൾ ലഭ്യമാണ്. കാർ റെന്റിന്റെ കൂടെ ഇൻഷുറൻസ് നിർബദ്ധമാണ്. അത് കൊണ്ട് റെന്റിനെടുക്കുമ്പോൾ കൂടെയുള്ളവർ കാർ ഓടിക്കാൻ സാധ്യതയുണ്ടെങ്കിൽ അവരുടെ പേരും റെന്റൽ ഫോമിൽ ഉൾപ്പെടുത്തണം. ഇനിയിപ്പോ ഡ്രൈവ് ചെയ്യാൻ മടിയാണെങ്കിൽ കാർ അല്ലെങ്കിൽ വാൻ, ഡ്രൈവർ ഉൾപ്പടെ വാടകയ്ക്ക് ലഭിക്കുന്ന നിരവധി ഏജൻസികളും വെബ്‌സൈറ്റുകളും ലഭ്യമാണ്.

www.car880.com.tw

www.goodcars.com.tw

www.avis-taiwan.com/us/

www.easyrent.com.tw/English/

www.1car-rent.com.tw/service.php

www.budget.com/en/locations/tb

www.car-plus.com.tw/EN/ugC_AboutUs.asp

സ്കൂട്ടർ എടുത്ത് കറങ്ങാൻ താല്പര്യമുള്ളവർക്ക് അതിനുള്ള സൗകര്യവും എല്ലാ റെയിൽവേ സ്റ്റേഷനടുത്തും ഉണ്ട്. ടാക്സി വേണ്ടവർക്ക് അതും ലഭ്യമാണ്. യൂബർ ഓൺലൈൻ ടാക്സി സൗകര്യവും തായ്‌വാനിലുണ്ട്.

ഭക്ഷണം / ഡ്രിങ്ക്സ്

ചൈനീസ് ഫുഡിന്റെ തായ്‌വാനീസ് വേർഷനാണ് തായ്‌വാനിലെ പ്രധാന ഭക്ഷണങ്ങൾ. തായ്‌വാനിലെ ഭൂരിഭാഗം പേരും ചൈനയിലെ ഫൂജിയാൻ പ്രവിശ്യയിൽ നിന്ന് കുടിയേറി പാർത്തവരായത് കൊണ്ട് അവിടെയുള്ള ഭക്ഷണത്തോടാണ് കൂടുതൽ സാമ്യം. തീർച്ചയായും ട്രൈ ചെയ്യണ്ട ഐറ്റംസ് ചുവടെ

Beef Noodles
Bubble Milk Tea
Soup Dumplings
Stinky Tofu
Oyster Omelet
Minced Pork Rice
Intestine and Oyster Vermicelli
Mango Shaved Ice
Pineapple Cake

ടൂറിസ്റ്റ് തട്ടിപ്പുകൾ | Tourist Scams in Taiwan

പൊതുവെ അധികം തട്ടിപ്പുകളൊന്നും ഇല്ലാത്ത രാജ്യമാണ് തായ്‌വാൻ. തേയില, രത്‌നങ്ങൾ, ബ്രാൻഡഡ് ഐറ്റംസ് എന്നിവ വാങ്ങുമ്പോൾ ഒറിജിനലാണെന്നു ഉറപ്പു വരുത്തണം.

ആപ്ലിക്കേഷനുകൾ | Apps‌

തായ്‌വാനിൽ പോകുമ്പോൾ ഉപയോഗപ്രദമായ ചില മൊബൈൽ ആപ്ലിക്കേഷനുകൾ താഴെ കൊടുക്കുന്നു

GO! Taipei Metro - തായ്‌പേയിലെ മെട്രോയുടെ റൂട്ട്, ടിക്കറ്റ് പ്രൈസ് ഒക്കെ നോക്കാൻ പറ്റിയ നിരവധി ആപ്പുകൾ ഉണ്ടെങ്കിലും അതിൽ ഏറ്റവും സൗകര്യപ്രദമായ ആപ്പ്.
Bus Tracker Taiwan - തായ്‌വാനിലെ എല്ലാ ബസ് റൂട്ടുകളും സമയ ഷെഡ്യൂളുകളും ചെക്ക് ചെയ്യാനും, ബസുകളുടെ റിയൽ ടൈം അവൈലബിലിറ്റി അറിയാനുമുള്ള ഇംഗ്ലീഷിലുള്ള ആപ്പ്.
Tour Taiwan - ലോക്കൽ ഗവണ്മെന്റ് വിനോദ സഞ്ചാരികൾക്കായി ഇംഗ്ലീഷിലും ചൈനീസിലും ജാപ്പനീസിലും ഉണ്ടാക്കിയ ആപ്പ് ആണിത്. ഇതുപയോഗിച്ച് ഒരു സഞ്ചാരിക്ക് ആവശ്യമായ വിവരങ്ങളായ അടുത്തുള്ള വിനോദ സഞ്ചാര കേന്ദ്രങ്ങൾ, റെസ്റ്റോറന്റ്സ്, താമസസൗകര്യങ്ങൾ, പോലീസ് സ്റ്റേഷൻ, ഹോസ്പിറ്റൽ, ലോക്കൽ ഫെസ്ടിവൽസ് എന്നിവയെല്ലാം കണ്ടു പിടിക്കാം.

ഒറ്റയ്‌ക്കോ കുടുംബമായോ ഒക്കെ പോകാൻ കഴിയുന്ന തികച്ചും സേഫായ രാജ്യമാണ് തായ്‌വാൻ. ഏറ്റവും കുറഞ്ഞത് ഒരാഴ്ചയെങ്കിലും ഉണ്ടെങ്കിൽ അത്യാവശ്യം കാഴ്ചകളെല്ലാം കാണാം. ഇനിയിപ്പോ മൂന്നോ നാലോ ദിവസമേ കയ്യിലുള്ളുവെങ്കിൽ നോർത്ത് തായ്‌വാൻ ഹ്വാളിയെൻ എന്നിവിടങ്ങളിലെ പ്രധാന കാഴ്ചകളെല്ലാം കണ്ടു തീർക്കാം. ഭാവിയിൽ തായ്‌വാൻ യാത്ര പ്ലാൻ ചെയ്യുന്നവർക്കൊരു ഏകദേശ ധാരണ എന്ന നിലയ്ക്കാണീ പോസ്റ്റ്, പ്രായഭേദമന്യേ എല്ലാവർക്കും സന്ദർശിക്കാനും ആസ്വദിക്കാനും ഉള്ള കാഴ്ചകൾ തായ്‌വാനിൽ ഉണ്ട്.

Written By: Shitha Valsan

PHOTO GALLERY: ഏഷ്യയുടെ ഹൃദയം - തായ്‌വാൻ | Taiwan

ഏഷ്യയുടെ ഹൃദയം - തായ്‌വാൻ | Taiwan

4218km, ആലപ്പുഴയിൽ നിന്നും കാശ്മീരിലേക്ക് ഒരു സൈക്കിൾ യാത്ര..! | KASHMIR CYCLE TRIP

noreply@blogger.com (ABDU RAHIMAN) — Wed, 17 Jun 2020 01:33:00 +0000

ജീവിതം തന്നെ മാറ്റി മറിച്ച ഒരു യാത്രയാണ്. അനുഭവങ്ങളുടെ ഒരു കൂമ്പാരം തന്നെ ഉണ്ട്. സന്തോഷവും, സങ്കടവും, അനുഭവങ്ങളും, പുതിയ കാഴ്ചകളും, മനുഷ്യരും, പ്രകൃതിയും, ജീവിതങ്ങളും അങ്ങനെ എല്ലാം ഈ 78 ദിവസത്തിൽ അനുഭവിച്ചു.. ഞങ്ങളെ ഇ ഗ്രൂപ്പിൽ നിന്നും പോസ്റ്റ്‌ കണ്ട് സഹയിച്ച ഒത്തിരി ആളുകൾ ഉണ്ട് അവർക്ക് ഒരായിരം നന്ദി.. ഒത്തിരി പ്രതിസന്ധികളെ നേരിട്ടു. പക്ഷെ ഇപ്പോൾ എല്ലാം കഴിഞ്ഞു എവിടെ എത്തിയപ്പോൾ ഉള്ള അ ഒരു സന്തോഷം ഉണ്ടല്ലോ അത് പറയാൻ പറ്റില്ല.

4218 കിലോമീറ്റര്‍ അകലെ ജമ്മു - കാശ്മീരിലെ കര്‍ദുംഗ്ല ടോപ്പ്. സമുദ്ര നിരപ്പില്‍ നിന്ന് 18350 അടി ഉയരത്തിലുള്ള ഇവിടേക്കെത്ര ദൂരമെന്നു ചോദിച്ചാല്‍ സൂര്യനാരായണനും കൂട്ടുകാരും പറയും; ഒരു സൈക്കിള്‍ ദൂരം!

ഇവര്‍ നാലു പേരും സൈക്കിള്‍ യാത്രയില്‍ ഭ്രമമുള്ളവരല്ല, ഒരു ധൈര്യത്തിന് ഇറങ്ങി പുറപ്പെട്ടതാണ്. പൊന്‍കുന്നം ചന്ദ്രാലയത്തില്‍ സൂര്യനാരായണന്‍, പൊന്‍കുന്നം ചെന്നാക്കുന്ന് ഇടയ്ക്കലാത്ത് ജെറിന്‍ ജോസഫ്, ആലപ്പുഴ ചമ്പക്കുളത്തു നിന്നുള്ള ആന്റോ പി.ദേവസ്യ, ആലപ്പുഴ മാമ്മൂട്ടില്‍നിന്നുള്ള ജിനു തോമസ് എന്നിവരാണ് സൈക്കിള്‍ യാത്ര നടത്തിയത്.

78 ദിവസങ്ങള്‍, പതിനഞ്ച് സംസ്ഥാനങ്ങളിലൂടെ സഞ്ചാരികളെ മോഹിപ്പിക്കുന്ന 'ലേ' യിലേക്ക്. തുടര്‍ന്ന് കര്‍ദുംഗ്ല ടോപ്പിലെത്തി.

ചങ്ങനാശ്ശേരി സെന്റ് ജോസഫ്‌സ് കോളേജ് ഓഫ് കമ്യൂണിക്കേഷനില്‍നിന്ന് ബി.എ. മള്‍ട്ടിമീഡിയ പഠനം കഴിഞ്ഞപ്പോഴാണ് ഇവര്‍ യാത്ര തീരുമാനിച്ചത്. സൂര്യയും ജെറിനും പൊന്‍കുന്നത്തുനിന്ന് സൈക്കിളില്‍ പുറപ്പെട്ട് ആലപ്പുഴയിലെത്തി കൂട്ടുകാരുമായി ചേര്‍ന്നു...

നന്മയും തിന്മയും നിറഞ്ഞ മനുഷ്യര്‍ക്കിടയിലൂടെ പലപ്പോഴും ഭാഗ്യം തുണച്ചതുകൊണ്ടുമാത്രമാണ് യാത്ര തുടര്‍ന്നതെന്ന് അവര്‍ പറഞ്ഞു. ഇടയ്ക്കുവെച്ച് നിര്‍ത്തേണ്ടിവരുമോ എന്നുപോലും ഭയപ്പെട്ടു. മഴയായിരുന്നു യാത്രയിലുടനീളം.

ക്യാമറ പുറത്തെടുക്കാനാവാത്തവിധം മഴ പെയ്തപ്പോള്‍ കാത്തിരുന്ന ഒട്ടനവധി ചിത്രങ്ങള്‍ ഫ്രെയിമിലാക്കാനായില്ല എന്ന നിരാശയുണ്ടിവര്‍ക്ക്.

ഹരിയാനയിലെ പാനിപ്പട്ട് വരെ നാലുപേരും ഒന്നിച്ചായിരുന്നു യാത്ര. പാനിപ്പട്ടില്‍ ഒരു മേല്‍പ്പാലത്തില്‍വെച്ച് സൂര്യനാരായണന്റെ സൈക്കിളില്‍ പിന്നാലെവന്ന വണ്ടിയിടിച്ചു. ഇദ്ദേഹത്തിന് പരിക്കേറ്റു. ചികിത്സയ്ക്കായി മൂന്നാഴ്ച താമസിക്കേണ്ടിവന്നു.

ഗുര്‍ഗോണിലെ ബന്ധു മിഥുന്റെ വീട്ടിലായിരുന്നു ഈ ദിവസങ്ങളില്‍ വിശ്രമം. നാട്ടില്‍ നിശ്ചിതസമയത്ത് മടങ്ങിയെത്തേണ്ടതുകൊണ്ട് ജിനു തോമസ് മാത്രം ഈ സമയം യാത്ര തുടര്‍ന്നു. ജിനുവിന് കൂട്ടിനായി നാട്ടില്‍നിന്ന് സുഹൃത്ത് അര്‍ജുനെത്തി. മണാലിയിലുള്ള ബാബുസാഗര്‍ എന്നയാളിനൊപ്പം അവര്‍ സൈക്കിള്‍ യാത്ര തുടരുകയായിരുന്നു.

കാലിലെ പരിക്ക് പൂര്‍ണമായും ഭേദമായതിനുശേഷം സൂര്യനാരായണനും മറ്റു രണ്ടുപേരും യാത്ര തുടര്‍ന്നു. അപകടം ഇവരുടെ മനസ്സിനെ തളര്‍ത്തിയില്ല. വീട്ടുകാര്‍ മടങ്ങിപ്പോരാന്‍ നിര്‍ബന്ധിച്ചപ്പോഴും യാത്ര തുടരുന്നതിനുള്ള വെമ്പലായിരുന്നു ഇവര്‍ക്ക്.

കൈയിലുള്ള സാധനങ്ങള്‍ മോഷണം പോയ ദുരനുഭവമുണ്ടായി, പക്ഷേ ഇതൊന്നും മനസ്സ് മടുപ്പിച്ചില്ല. പര്‍വതശിഖരങ്ങളുടെ നാടായിരുന്നു മനസ്സില്‍ നിറയെ.

രാത്രികളില്‍ വഴിയോരത്ത് ടെന്റ് കെട്ടിയാണ് ഉറങ്ങിയത്. ഓരോ നാടിന്റേയും ഭക്ഷണം കഴിച്ച് അവിടത്തെ സ്പന്ദനങ്ങള്‍ അറിഞ്ഞ് കടന്നുപോകുമ്പോള്‍ എല്ലായിടത്തും മലയാളികളെ കാണാനായെന്നും ഇവര്‍ പറഞ്ഞു.

ഛായാഗ്രഹണത്തിലും തത്പ്പരരായ ഇവര്‍ പുറപ്പെടുമ്പോള്‍ കുറേ നല്ല ചിത്രങ്ങള്‍ എടുക്കണമെന്ന മോഹമുണ്ടായിരുന്നു. പക്ഷേ ഫ്രെയിമിലൊതുങ്ങാത്ത മനോഹരചിത്രങ്ങള്‍ മനസ്സില്‍ക്കൂടി നിറച്ചാണ് ഇവര്‍ യാത്ര പൂര്‍ത്തിയാക്കിയത്.

എഴുതാൻ ഒത്തിരി ഉണ്ട്.. തുടര്ന്ന് എഴുതാം.. യാത്രകൾ തുടരും..

Jerin Joseph Anto Devasia Sooryanarayanan Chandrasekharan Jinu Thomas

4218km, ആലപ്പുഴയിൽ നിന്നും കാശ്മീരിലേക്ക് ഒരു സൈക്കിൾ യാത്ര..! | KASHMIR CYCLE TRIP

കാടിന്റെ ഇരുള്‍ നിറഞ്ഞ വശ്യത തേടി ഒരു നെല്ലിയാമ്പതി യാത്ര | NELLIYAMPATHY

noreply@blogger.com (ABDU RAHIMAN) — Tue, 16 Jun 2020 15:11:00 +0000

നെല്ലിയാമ്പതിയിലേക്കുള്ള യാത്ര... പാവപ്പെട്ടവരുടെ ഊട്ടിയിലേക്കുള്ള യാത്ര..

പാലക്കാടിന്റെ വശ്യസൗന്ദര്യം മുഴുവന്‍ പ്രകടമാക്കി, യാത്രികരെ കടുംപച്ച വിരിയിച്ച കാട്ടുചോലകളിലേക്ക്‌ കൂട്ടികൊണ്ട്‌ പോവുന്ന നെല്ലിയാമ്പതി എങ്ങനെ പാവപ്പെട്ടവന്റെ ഊട്ടിയാവും..? നെല്ലിദേവതയുടെ ഊരായ നെല്ലിയാമ്പതിക്കാടുകളുടെ കുളിരും സൗന്ദര്യവും അനുഭവിക്കണമെങ്കില്‍ അതിനു നെല്ലിയാമ്പതിയിലേക്ക്‌ തന്നെ വരണം. ഊട്ടിക്ക്‌ പകരമാവാന്‍ നെല്ലിയാമ്പതിക്കോ, നെല്ലിയാമ്പതിക്ക്‌ പകരമാവാന്‍ ഊട്ടിക്കോ ആവില്ല. യാത്രയുടെ ആനന്ദം രണ്ടിടങ്ങളിലും വ്യത്യസ്‌തമാണ്‌ എന്നതു തന്നെ കാരണം. പാലക്കാടിൻറെ മാത്രമല്ല, കേരളത്തിൻറെ മൊത്തം സൌന്ദര്യമാണ് നെല്ലിയാമ്പതി മലനിരകൾ.

ആരെയും മോഹിപ്പിക്കുന്ന നെല്ലിയാമ്പതി പാലക്കാട്‌ നഗരത്തില്‍ നിന്ന്‌ 60 കിലോമീറ്റര്‍ അകലെയായി ഒരു പ്രശസ്‌തമലയും വിനോദസഞ്ചാരകേന്ദ്രവുമാണ്‌ നെല്ലിയാമ്പതി. ഭാരതപ്പുഴ, ചാലക്കുടിപ്പുഴ, കാവേരിനദി എന്നിവയുടെ പ്രധാനപ്പെട്ട ജലസ്സ്രോതസ്സുകളാല്‍ സമ്പുഷ്‌ടി നേടിയ മണ്ണ്‌. ജൈവആവാസ വ്യവസ്ഥയുടെ കലവറ. ശീതളമായ കാലാവസ്ഥയാണ്‌ ഇവിടം. തേയില, കാപ്പി തോട്ടങ്ങളാല്‍ പ്രധാന കൃഷി.

നെല്ലിയാമ്പതി പ്രദേശത്തെ ആദ്യത്തെ പട്ടണമായ കൈകൊട്ടി നെന്‍മാറയില്‍ നിന്ന്‌ 26 കിലോമീറ്റ്‌ര്‍ അകലെയാണ്‌ . കൈകൊട്ടിയില്‍ നിന്ന്‌ 9 കിലോ മീറ്റര്‍ അകലെയുള്ള പോത്തുണ്ടി ഡാം അടുത്തുള്ള സനെല്‍ വലയലുകളില്‍ കാര്‍ഷിക ജലസേചനത്തിന്‌ ജലം നല്‍കുന്നു.

നെല്ലിയാമ്പതി മലയുടെ താഴ്‌വാരത്തിലാണ്‌ ഈ അണക്കെട്ട്‌. ഇന്ത്യയിലെ തന്നെ മണ്ണു കൊണ്ടുണ്ടാക്കിയ ഏറ്റവും വലിയ അണക്കെട്ടുകളിലൊന്നാണ്‌ പോത്തുണ്ടിഡാം. നെന്മാറ പട്ടണത്തിലേക്ക് പ്രവേശിച്ചതു് മുതല്‍ നെല്ലിയാമ്പതിയുടെ സൌന്ദര്യം ആസ്വദിച്ച് തുടങ്ങാം മഞ്ഞ് പുതച്ചു കിടക്കുന്ന നെല്ലിയാമ്പതി മലനിരകളുടെ ദ്യശ്യം കണ്ണിന് കുളിര്‍മയേകും എന്ന കാര്യത്തില്‍ തര്‍ക്കമില്ല ഇവിടെ നിന്ന്‌ 17 കി.മീറ്ററോളം മുകളിലേക്ക്‌ ഹെയര്‍പിന്‍ വളവുകള്‍ കഴിഞ്ഞാല്‍ പിന്നെ വനം പ്രദേശമാണ്‌. മുകളിലേക്ക്‌ പോകുന്തോറും തണുപ്പ്‌ കൂടി വരും. പോത്തുണ്ടിഡാം കഴിയുമ്പോള്‍ കാണുന്ന വനപ്രദേശത്ത്‌ ധാരാളം തേക്കുമരങ്ങളുണ്ട്‌.

നെല്ലിയാമ്പതിയിലേക്കുള്ള ഇടുങ്ങിയ വഴിയില്‍ കുരങ്ങ്‌, മുള്ളന്‍ പന്നി തുടങ്ങിയ കാട്ടുമൃഗങ്ങളേയും കാണാം. ഈ ഉയരത്തില്‍ നിന്ന്‌ താഴെ മനോഹരമായ പോത്തുണ്ടിഡാമും നഗരദൃശ്യങ്ങളും ആസ്വദിക്കാം. കേശവപാറ, സീതാകുണ്ട്‌, മിങ്കാര അണക്കെട്ട്‌, കൊല്ലങ്കോട്‌ പട്ടണം ഇവയൊക്കയും മലമുകളില്‍ നിന്ന്‌ കാണാം. ഫോറസ്റ്റ്‌ ഡിപ്പാര്‍ട്ട്‌മെന്റ്‌ സെക്യൂരിറ്റി ഉദ്യോസ്ഥര്‍ നെല്ലിയാമ്പതിയെ കാണാന്‍ വരുന്നവര്‍ക്കും അറിയാന്‍ വരുന്നവര്‍ക്കും കാട്ടിലേക്ക്‌ കൂട്ടു വരാറുണ്ട്‌. എന്നാല്‍ കാടിന്റെ നിശബ്‌ദത സംഗീതമായി ആസ്വദിക്കുന്ന, വഴികളില്‍ തന്റെ പൂര്‍വികരുടെ കാലടയാളങ്ങളെ പിന്തുടരുന്ന കാടിന്റെ മക്കളിലൊരാളാവും നെല്ലിയാമ്പതി പരിചയപ്പെടുത്തി യാത്രയിലൂടെ നീളെ നമ്മെ നയിക്കുക. നെല്ലിയാമ്പതി കാണുമ്പോള്‍ ഏതു സംശയങ്ങള്‍ക്കും അവരുടെ പക്കല്‍ ഉത്തരമുണ്ടാവും. കാടിനെ അറിയുന്നവരെ കാടിനും അറിയാം എന്നതിനാല്‍ വഴികള്‍ തെറ്റിക്കാതെ കാടും കൂടെ നടക്കുന്നു. കാട്ടിനുള്ളില്‍ മലകളും അരുവികളും താഴ്‌വാരങ്ങളും കിലോമിറ്ററുകളോളം പരന്നു കിടക്കുന്നു.

യാത്രയിലുടനീളം മനോഹരമായ താഴ്വാര കാഴ്ചകള്‍ കാണാനുളള വ്യൂ പോയന്‍റുകള്‍ ഉണ്ട് വെത്യസ്തമായ പാലക്കാടന്‍ കാഴ്ച ഇവിടെ നിന്നും ആസ്വദിക്കാം നെല്ലിയാമ്പതി എത്തിയാല്‍ സൈലന്റ്‌ വാലി മലനിരകളും പറമ്പികുളം നാഷണല്‍ പാര്‍ക്കും ദൂരക്കാഴ്‌ച്ചകാളായി നമ്മെ കൊതിപ്പിച്ച്‌ കൊണ്ടിരിക്കും. വരയാടുകളും സിംഹവാലന്‍ കുരങ്ങുകളും അടക്കം നെല്ലിയമ്പതിയില്‍ സഞ്ചാരികളെ വരവേല്‍ക്കാനുണ്ട്‌. എന്നാല്‍ ഒന്നിനെയെങ്കിലും കണ്ടു കിട്ടുക പ്രയാസം നിറഞ്ഞ കാര്യമാണ്‌. അനക്കങ്ങളില്ലാതെ ഏറെ നേരം കാത്തിരുന്നാല്‍ കാട്ടിലെ വീട്ടുകാരെ കാണാല്‍ സാധിച്ചേക്കും.

നെല്ലിയാമ്പതിയുടെ പ്രകൃതി ഭംഗിയും കുളിരും അനുഭവിക്കാനും ആസ്വദിക്കാന്‍ ഡിസംബര്‍ മുതല്‍ മാര്‍ച്ച്‌ വരെയുള്ള മാസങ്ങളാണ്‌ ഉചിതം. ജനുവരി മുതല്‍ മെയ് വരെ പകല്‍ തണുപ്പ് കുറഞ്ഞ കാലവാസ്ഥയും ജൂൺ മുതല്‍ ഡിസംബര്‍ വരെ തണുപ്പ് കൂടിയ കാലവാസ്ഥയുമാണ്.

നെല്ലിയാമ്പതിയിലേക്ക്‌ എത്തിച്ചേരാനുള്ള വഴി

ഏറ്റവും അടുത്തുള്ള വിമാനത്താവളങ്ങള്‍: കൊച്ചി അന്താരാഷ്‌ട്ര വിമാനത്താവളം, കോയമ്പത്തൂര്‍ വിമാനത്താവളം

ഏറ്റവും അടുത്തുള്ള റെയില്‍വേസ്റ്റേഷന്‍: പാലക്കാട്‌, തൃശൂര്‍

വിമാനത്താവളത്തില്‍ നിന്ന്‌ തൃശൂരിലേയ്‌ക്ക്‌ 30 കിലോമീറ്റര്‍ വരിക. ഇവിടെ നിന്ന്‌ നെന്മാറയിലേക്ക്‌ ടാത്സി, ബസ്സ്‌ എന്നിവ ലഭിക്കും (35 കി.മീ) പാലക്കാടു നിന്ന്‌ നെന്മാറയിലേക്കുള്ള ദൂരം 30 കി.മീ. നെന്മാറയില്‍ നിന്ന്‌ നെല്ലിയാമ്പതിയിലേക്ക്‌ ടാക്‌സിയോ ജീപ്പോ ലഭ്യമാകും.

PHOTO GALLERY: NELLIYAMPATHY / NELLIAMPATHI

കാടിന്റെ ഇരുള്‍ നിറഞ്ഞ വശ്യത തേടി ഒരു നെല്ലിയാമ്പതി യാത്ര | NELLIYAMPATHY

ലെഹ് - ലഡാക്ക് ലോകത്തിന്റെ നെറുകയിലേയ്ക്കു ഒരു ബുള്ളറ്റ് യാത്ര | Leh Ladakh Bike Trip

noreply@blogger.com (ABDU RAHIMAN) — Tue, 16 Jun 2020 14:58:00 +0000

ആയിരക്കണക്കിന് കിലോമീറ്റര്‍ താണ്ടി ലെഹ് - ലഡാക്കിലേയ്ക്ക് (Leh - Ladakh) ഒരു ബുള്ളറ്റ് യാത്ര ആരും കൊതിച്ചു പോകും.

നീലകാശം പച്ചക്കടല്‍ ചുവന്ന ഭൂമി എന്ന സിനിമയിലേതു പോലെ പല ഗ്രാമങ്ങള്‍ താണ്ടി, നഗരങ്ങള്‍ താണ്ടി, പല ഭാഷകളെ, പല സംസ്‌കാരങ്ങളെ തൊട്ടറിഞ്ഞ് ബുള്ളറ്റ് യാത്രയില്‍, മനോഹരമായ ഈ ഫോട്ടോസ് ക്യാമറയിൽ പകർത്തിയത് Harvarinder Singh എന്ന സഞ്ചാരി ആയ പ്രശസ്തമായ ഫോട്ടോഗ്രാഫർ ആണ്.

ലേ- ബൈക്ക് യാത്രാ സഹായി.

വര്‍ഷത്തില്‍ ആറുമാസം മാത്രം തുറക്കുന്ന പാതയാണ് ലേ-മനാലി റോഡ് (Leh - Manali Road)‌. പ്രധാനമായും ആര്‍മിയാണ് ഈ റോഡ്‌ ഉപയോഗിക്കുന്നത്. ചില നിര്‍ദേശങ്ങള്‍ തരാന്‍ ആഗ്രഹിക്കുന്നു.

മേയ് മുതല്‍ ഒക്ടോബര്‍ വരെയാണ് സാധാരണ ഈ റോഡ്‌ യാത്രായോഗ്യമാവുന്നത്. അല്ലാത്ത സമയങ്ങളില്‍ മഞ്ഞു മൂടി ബ്ലോക്ക് ആകും. അതായത് കൃത്യമായ ഒരു ദിവസ്സം ഇല്ല.
കേരളത്തില്‍ നിന്ന് ബൈക്ക് ഓടിച്ചു പോകുന്നവര്‍ ബംഗ്ലൂര്‍ - ഹൈദരാബാദ് - നാഗ്പൂര്‍ - ജാന്‍സി - ആഗ്ര - ഡല്‍ഹി ചണ്ഡിഗഡ - മനാലി വഴിയോ അല്ലെങ്കില്‍ ചണ്ഡിഗടു - ജമ്മു - ശ്രീനഗര്‍ - കാര്‍ഗില്‍ - ലേ വഴിയോ തിരഞ്ഞെടുക്കാം.
ട്രെയിന്‍ വഴി കൊണ്ട് പോകുന്നവര്‍ ഡല്‍ഹിയിലോ ചണ്ഡിഗഡോ എത്തിച്ചു മുകളില്‍ പറഞ്ഞിരിക്കുന്ന വഴിയെ പോകാം. ട്രെയിന്‍വഴി കൊണ്ട് പോകുന്നവര്‍ ചണ്ഡിഗട് പോവുന്നത് സമയം ലാഭിക്കം.
ട്രെയിനില്‍ ബൈക്ക് കയറ്റിവിട്ടു എന്നുറപ്പിക്കാന്‍ അതിനടുത്ത ട്രെയിന്‍ റിസര്‍വ് ചെയ്യുകയാണ് നല്ലത്. ഡല്‍ഹി വരെ കുറഞ്ഞത്‌ മൂവായിരം രൂപ ചാര്‍ജും, പോര്ട്ടര്‍മര്‍ക്കുള്ള കൈമടക്കും വേറെ വരും. RC നിര്‍ബന്ധമില്ലെങ്കിലും ഉണ്ടാവുന്നത് നല്ലതാണു. ചാക്ക്, കാര്‍ഡ് ബോര്‍ഡ് എന്നിവ കൊണ്ട് പൊതിയുന്ന ബൈക്കില്‍ പെട്രോള്‍ ഉണ്ടാവാന്‍ പാടില്ല.
കേരളത്തില്‍ നിന്നും കേരള എക്സ്പ്രസും, നിസാമുധീനും ദിവസേന ഡല്‍ഹി സര്‍വിസ് ഉണ്ട്. ചണ്ഡിഗഡിലേക്ക് സമ്പര്‍ക്രാന്തി ആഴ്ചയിലും.
മനാലി വഴി പോകാന്‍ ഇപ്പോള്‍ പെര്‍മിഷന്‍ എടുക്കണം. അത് മനാലി ഇന്ഫെര്‍മേശന്‍ സെന്ററില്‍ (DC ഓഫീസ്) രാവിലെ പുറപെട്ടാല്‍ സര്‍ച്ച്ചുവില്‍ തങ്ങാം. അല്ലെങ്കില്‍ ജിസ്പയിലോ കില്ലോങ്ങിലോ.
മനാലി കഴിഞ്ഞാല്‍ താണ്ടി എന്ന് പറയുന്ന സ്ഥലത്തു നിന്ന് പെട്രോള്‍ അടിക്കുകയും. കയ്യിലെ കാനില്‍ നിറക്കുകയും ചെയ്യുക. കാരണം താണ്ടി കഴിഞ്ഞാല്‍ പിന്നെ ലേ അടുത്തു മാത്രമേ പെട്രോള്‍ കിട്ടൂ. കാന്‍ കട്ടിയുള്ളതു വാങ്ങാന്‍ ശ്രമിക്കുക. സാധാരണ രണ്ടു ദിവസ്സമാണ് മനാലി - ലേ യാത്രക്കെടുക്കുക. കഴിയുന്നതും രാത്രി യാത്രചെയ്യാതിരിക്കുക. കാരണം കാഴ്ചകള്‍ തന്നെയാണ് ഈ യാത്രയുടെ പ്രത്യേഗത.
AMS ബാധിക്കതിര്‍ക്കാന്‍ ധാരാളം വെള്ളം കുടിക്കുക. ടാബ്ല്ട്സ് കഴിക്കുക.
പാങ്ങോങ്ങ് തടാകം കാണാന്‍ പോവുന്നെണ്ടിക്ല്‍ ഉപഷി കഴിഞ്ഞുള്ള കരു എന്ന സ്ഥലത്ത് തങ്ങുക. കരുവില്‍ നിന്നും ലേ 40 കിലോമീറ്റര്‍ അകലത്തിലാണ്. കരുവില്‍ നിന്നാണ് പാങ്ങോങ്ങിലെക് പോവുക. ചില സമയങ്ങളില്‍ ഇവിടെ പോവാന്‍ സ്പെഷല്‍ പെര്‍മിഷന്‍ വേണം. കഴിഞ്ഞ ജൂണില്‍ വേണ്ടി വന്നില്ല.
വളരെ ചിന്തിച്ചു പ്ലാന്‍ ചെയ്തു മാത്രം യാത്രക്ക് തയ്യാറാവുക. യാത്രാവിവരണങ്ങളുടെ അത്ര സുന്ദരമാവില്ല യാത്ര. കഴിയുന്നതും ഒരു ബൈക്കില്‍ ഒരാള്‍ എന്ന രീതിയില്‍ പോവുക. യാത്രക്ക് മുന്‍പ് ബൈക്ക് സര്‍വിസ് ചെയ്യുക. ചെറിയ പട്സുകള്‍ കരുതുക.
ഓക്സിജന്‍ കുറഞ്ഞ സ്ഥലങ്ങള്‍ കുറെ ഉണ്ട്. മറ്റു അസുഖങ്ങള്‍ എന്തെങ്കിലും ഉണ്ടെങ്കില്‍ യാത്ര ചെയ്യാതിരിക്കുക.
ലഗേജ് മാക്സിമം കുറയ്ക്കുക.
കഴിയുന്നതും ജൂണ്‍ തുടക്കത്തിലോ ആഗസ്ത് പകുതിക്കോ യാത്ര പ്ലാന്‍ ചെയ്യുക. കാരണം ജൂലെ അവാസ്സനം മഴക്ക് സാധ്യതയുണ്ട്. ഇത് മൂലം മണ്ണിടിച്ചില്‍ ഉണ്ടാകും. ഒക്ടോബര്‍ ആവുമ്പോയെക്കും മഞ്ഞുവീഴ്ചയും തുടങ്ങും. സോജിലാപാസ് (Zoji La Pass) ഡിസംബര്‍ പകുതിക്ക് അടക്കും.
രണ്ടോ മൂന്നോ ദിവസ്സം കൂടുതല്‍ ചാര്‍ട്ട് ചെയതാല്‍ എന്തെങ്കിലും കാരണവശാല്‍ നഷ്ടപെടുന്ന സമയം മാനേജ് ചെയ്യാം.
സമയപരിമിധിയില്ലെങ്കില്‍ നുബ്ര, പനാമിക്, സന്സ്ക്കാര്‍ തുടങ്ങിയ ഗ്രാമങ്ങള്‍ കാണുക.

ഇതെന്‍റെ മാത്രം നിര്‍ദേശമാണ്. പലര്‍ക്കും വ്യത്യസ്തമായ അനുഭവം ആയിരിക്കും ഉണ്ടായിട്ടുണ്ടാവുക. ഡോര്‍മെട്രി, ബജറ്റ് ഹോട്ടല്‍, ടെന്റ് എന്നിവയില്‍ താമസിച്ചാല്‍ മാക്സിമം ചെലവ് കുറയ്ക്കാം.

Ultimate photography Harvinder Singh. Hats off!

By: Harvarinder Singh Photography / Harvarinder Singh

വല്ലപ്പുഴ | നിലംബൂർ ഷൊർണുർ റൂട്ടിലെ അതി മനോഹരമായ സ്റ്റേഷനുകളിൽ ഒന്ന് | Vallapuzha Railway Station

noreply@blogger.com (ABDU RAHIMAN) — Tue, 16 Jun 2020 12:48:00 +0000

തേക്കിന്‍ കാടുകളാല്‍ ഇരുട്ട് മൂടി ചുറ്റും പച്ചപ്പുനിറഞ്ഞ റെയ്ല്‍വെ സ്റ്റേഷനിലേക്കാണ് ചെന്നിറങ്ങിയത്. ആകാശം മുട്ടി നില്‍ക്കുന്ന തേക്കുമരങ്ങള്‍. കേരളത്തിലെ ഏറ്റവും മനോഹരമായ തീവണ്ടിപ്പാതയിലൂടെ പ്രകൃതിയുടെ മനോഹരദൃശ്യങ്ങള്‍ കണ്ടുകൊണ്ടായിരുന്നു നിലമ്പൂര്‍ കാടുകളിലേക്ക് യാത്ര ആരംഭിച്ചത്. തീവണ്ടിയുടെ ജാലകത്തിലൂടെ മിന്നിമറഞ്ഞതിനുമപ്പുറം കാഴ്ചയുടെ കാണാസ്വര്‍ഗങ്ങള്‍ തീര്‍ക്കുകയായിരുന്നു നിലമ്പൂര്‍ കാടുകള്‍.

മഴക്കാടുകള്‍, വെള്ളച്ചാട്ടങ്ങള്‍. അപൂര്‍വ്വതകളുടെ സൗന്ദര്യമാകുന്നു ഓരോ കാഴ്ച്ചകളും. ഇതുകൊണ്ടൊന്നും അവസാനിക്കുന്നില്ല. പ്രാചീനകാല ആദിമനിവാസികളായ ചോല നായ്ക്കര്‍, രാജഭരണത്തിന്‍റെ ഓര്‍മകള്‍ക്ക് ഇന്നും ജീവന്‍ നല്‍കിക്കൊണ്ട് തലയുയര്‍ത്തി നില്‍ക്കുന്ന നിലമ്പൂര്‍ കോവിലകം, തേക്കു മ്യൂസിയം, കണ്‍കുളിരുന്ന വെള്ളച്ചാട്ടങ്ങള്‍. പ്രകൃതി സ്വയം നെയ്തെടുത്ത പച്ചപ്പിന്‍റെ സ്വാഭാവികതയാണീ ഭൂമിക മുഴുവനും.

കാടിന്‍റെ വിശാലതക്കും പക്ഷികളുടെ നിലക്കാത്ത സംഗീതത്തിനുമൊപ്പം ഇരുമ്പ് പാലത്തിനുതാഴെ ഇരുവശങ്ങളിലുമുള്ള ഇലകളെയും പൂക്കളെയും നിരന്തരം കുതിര്‍ത്തൊഴുകുന്നു. ചോലകള്‍ നിലമ്പൂര്‍ കാടിനെ എന്നും ചലിപ്പിച്ചുകൊണ്ടേയിരിക്കുന്നത് ചെറിയൊരിരമ്പത്തോടെ ഒഴുകിയിറങ്ങുന്ന ഈ ചോലകളാണ്. മലപ്പുറം ജില്ലയുടെ കിഴക്കെ അറ്റത്തുള്ള ഒരു ചെറിയ പട്ടണം. പച്ചപ്പില്‍ പൊതിഞ്ഞുകിടക്കുന്ന വനനിബിഡമായ പ്രദേശം. തേക്ക്, ഈട്ടി, തുടങ്ങി വിലപിടിപ്പുള്ള നിരവധി വൃക്ഷങ്ങള്‍ തിങ്ങിനിറഞ്ഞുനില്‍ക്കുന്ന സുന്ദരമായ ദൃശ്യങ്ങളാല്‍ യാത്രികരെ എപ്പോഴും ഈ നാട് വരവേല്‍ക്കുന്നു. ചരിത്രശേഷിപ്പുകളുടെ മങ്ങാത്ത ഓര്‍മക്കാഴ്ച്ചകള്‍. കൂടുതല്‍ അറിയും തോറും നിലമ്പൂര്‍ കാഴ്ച്ചകള്‍ക്ക് മാധുര്യമേറുകയാണ്.

കണ്ണഞ്ചിപ്പിക്കുന്ന വൃക്ഷലതാദികള്‍ കണ്ണിനെന്നപോലെ മനസിനും അനുഭൂതിയാണ്. കേരള തമിഴ്നാട് അതിര്‍ത്തിയില്‍ സ്ഥിതിചെയ്യുന്ന ഏലംബാല മലനിരകളില്‍ നിന്നുത്ഭവിക്കുന്ന വെള്ളച്ചാട്ടത്തിന്‍റെ ഒഴുക്കില്‍ എന്നും നനഞ്ഞുലയുന്ന കാടുകളില്‍ കരടിയും കടുവയും നീലകുരങ്ങുകളും മാനും. കേരളത്തില്‍ നിരവധി വിനോദ സഞ്ചാര കേന്ദ്രങ്ങളുണ്ട്. എന്നാല്‍ നിലമ്പൂരിനെകുറിച്ച് പറയുമ്പോള്‍ അതൊരു പ്രമുഖ വിനോദ സഞ്ചാര കേന്ദ്രം എന്ന പേരിലായിരുന്നില്ല പലപ്പോഴും അറിയപ്പെട്ടിരുന്നത്. ഫര്‍ണ്ണീച്ചറുകള്‍ നിര്‍മിക്കാന്‍ തേക്കിന്‍ തടികള്‍ക്കായ് ആളുകള്‍ തിരഞ്ഞെടുക്കുന്ന സ്ഥലം എന്നതൊഴിച്ചാല്‍ പറയത്തക്ക വിശേഷണങ്ങളൊന്നും ആരും നിലമ്പൂരിനെകുറിച്ച് പറഞ്ഞില്ല. എന്നാല്‍ പ്രകൃതിരമണീയമായ നിലമ്പൂരിന്‍റെ ഹൃദയമായ പച്ചപ്പുനിറഞ്ഞ വനമേഖലകള്‍ കാണുന്നതോടു കൂടി പ്രദേശത്തെ സംബന്ധിച്ച ധാരണകളെല്ലാം മാറിമറിയും.

വന്യമൃഗങ്ങള്‍, പക്ഷിക്കൂട്ടങ്ങള്‍... സഞ്ചാരികള്‍ക്ക് അപ്രതീക്ഷിതമായ വിഭവങ്ങള്‍ സമ്മാനിക്കുന്ന ചാലിയാറിന്‍റെ തീരത്തെ മനോഹരമായ പ്രദേശം. നിലമ്പൂര്‍ ടൗണില്‍ നിന്നും രണ്ട് കിലോമീറ്റര്‍ അകലെയുള്ള തേക്കിന്‍ തോട്ടമായ കോണോലി പ്ലോട്ട് തന്നെയാണ് ഇതില്‍ ഏറ്റവും പ്രധാനം. ലോകത്തെ ഏറ്റവും പഴയ തേക്കിന്‍ തോട്ടം സ്ഥിതി ചെയ്യുന്ന ഇവിടെ ലോകത്തെ ഏറ്റവും പ്രായമേറിയ തേക്കുമുണ്ട്. രാജ്യത്തെ ആദ്യ തേക്ക് മ്യൂസിയം ആസ്വാദനത്തിനപ്പുറം ചരിത്രപരവും, സാംസ്കാരികവും, ശാസ്ത്രീയവും, സൗന്ദര്യശാസ്ത്രപരവുമായ വിവരങ്ങള്‍ നാടിനാകെ സംഭാവനചെയ്യുന്നു. നിലമ്പൂര്‍ തേക്കിന്‍റെ പ്രശസ്തി കടല്‍കടന്നും നാളുകയായിരിക്കുന്നു.

പ്രകൃതി അണിയിച്ചോരുക്കിയ അത്ഭുതകരമായ മനോഹാരിത. കൃത്രിമമായി നിര്‍മ്മിക്കപ്പെട്ടതെന്ന് തോന്നുന്ന അടക്കത്തോടെ ഓരോ കാഴ്ച്ചകളും ചിത്രകലയുടെ ഭാവാത്മകതയേക്കാള്‍ സുന്ദരം. ആട്യന്‍പാറ വെള്ളച്ചാട്ടമാണ് മറ്റൊന്ന്. കുറുംപലങ്ങോട് ഗ്രാമത്തിലെ ആട്യന്‍പാറ വെള്ളച്ചാട്ടവും സമീപത്തെ, തടികളാല്‍ തീര്‍ത്ത സങ്കേതങ്ങളും ഇവിടുത്തെ പ്രത്യേകതയാണ്. ഓരോന്നും ഒന്നിനൊന്ന് പുതുമ നല്‍കുന്ന കാഴ്ച്ചകള്‍. എന്നാല്‍ നിലമ്പൂര്‍ പട്ടണത്തിന്‍റെ പൂമുഖം അത്യന്തം സുന്ദരമാക്കുന്നത് ഇതുമാത്രം കൊണ്ടായിരുന്നില്ല. അവര്‍ണ്ണീനയമായ സൗന്ദര്യം വിളിച്ചോതുന്ന ഏക്കറുകള്‍ നീണ്ടുകിടക്കുന്ന നെടുങ്കയം വനം.

ആനയും കടുവയുമടക്കമുള്ള വന്യമൃഗങ്ങളുടെ ആക്രമണത്തില്‍ നിന്നും യാത്രികരെ സംരക്ഷിക്കാന്‍ വനപാലകര്‍ ഇവിടെ എപ്പോഴുമുണ്ട്. ടൗണില്‍ നിന്നും ഒരു മണിക്കൂര്‍ യാത്ര ചെയ്താല്‍ കരുളായിയിലെത്താം. അവിടെ നിന്നും ഓട്ടോമാര്‍ഗ്ഗം നെടുങ്കയത്തേക്കുള്ള യാത്ര. മഴമേഘങ്ങള്‍ ഭൂമിയെ നനയിക്കാന്‍ ആകാംക്ഷയോടെ കാത്തുനില്‍ക്കുന്ന പോലെ ഏപ്പോഴും ഇവിടം മൂടിക്കെട്ടിയിരിക്കുന്നു. പോകുന്ന വഴികളാകെ ആള്‍പാര്‍പ്പുള്ള ഇടങ്ങള്‍. നെടുങ്കയം കാട്ടിലേക്കുള്ള അതിര്‍ത്തി വരെ നീളുന്നു അത്. ഇരുപത് രൂപ ടിക്കറ്റെടുത്ത് വനത്തിനകത്തേക്കെത്തുമ്പോള്‍ കാഴ്ച്ചകളാകെ മാറും. വനാതിര്‍ത്തിക്കടുത്ത് വരെ ആനയിറങ്ങും. അതിനാല്‍ നാല് മണിക്ക് ശേഷം പ്രവേശനം നിരോധിച്ചിരിക്കുകയാണ്.

കാഴ്ച്ചക്കാര്‍ക്കൊപ്പം ഗവേഷകരുടേയും ഇഷ്ടപ്രദേശമായി നിലമ്പൂര്‍ മാറിയതും ഈ മനോഹാരിതയിലെ അപൂര്‍വ്വതകള്‍കൊണ്ടുതന്നെ. പ്രകൃതിശാസ്ത്രജ്ഞരും ബോട്ടണിസ്റ്റുകളും തങ്ങളുടെ ഗവേഷണ പദ്ധതികള്‍ക്കുവേണ്ടിയും എപ്പോഴും ഇവിടെ എത്തുന്നു.

കാടിനുള്ളില്‍ ആദിവാസി കോളനിയും വിദ്യാലയവും കളിസ്ഥലവും. നിലമ്പൂരിലേക്കുള്ള ട്രെയിന്‍ യാത്ര തന്നെ ഒരനുഭവമാണ്. നിര്‍മാണത്തിലെ സര്‍ഗാത്മകത സ്റ്റേഷനുകളിലും കാണാം. കാടിന്‍റെ സൗന്ദര്യത്തിന് ദോഷം വരാതെയാണ് ഓരോ സ്റ്റേഷനും സായിപ്പന്‍മാര്‍ പണിഞ്ഞിരിക്കുന്നത്. ആല്‍മരങ്ങളില്‍ നിന്നും താഴെ വരെയെത്തുന്ന വള്ളിപ്പടര്‍പ്പുകള്‍. ഓരോ സ്റ്റേഷന്‍റയും ഇരുവശങ്ങളിലായി മഴക്കാടുകള്‍. നിലമ്പൂര്‍റോഡ് സ്റ്റേഷന്‍റെ മോടി ഒന്നുവേറെതന്നെ. തടികൊണ്ടുപോകുന്നതിനു വേണ്ടി ബ്രിട്ടീഷുകാര്‍ നിര്‍മിച്ച പാത ഇപ്പോള്‍ അതിമനോഹരമായ കാഴ്ച്ചകള്‍ക്ക് വഴിമാറുക യാണ്.

അപൂർവ ദൃശ്യാനുഭവമായി ആനമട | Anamada

noreply@blogger.com (Abdu Rahiman Pattambi) — Tue, 16 Jun 2020 04:14:00 +0000

ലോകത്തിലെ തന്നെ ഏറ്റവും മനോഹരമായ പ്രദേശങ്ങളിൽ ഒന്നാണ് ആനമട | Anamada

ഞാൻ നെല്ലിയാമ്പതി ആനമട എന്ന സ്ഥലത്തേക്ക് ഒരു യാത്രപോയി... കാടിനകത്തേക്ക് 14 കിലോമീറ്റെർ നടക്കണം ആനമടയിലെ ഞങ്ങൾ താമസിച്ചിരുന്ന റിസോർട്ട് ലേക്ക്. അവിടെ ഒരു രാത്രിയും പകലും.

ആ യാത്രയിലെ എന്റെ ക്യാമറാ അനുഭവങ്ങൾ മറക്കാനാവാത്തതാണ്

കാടിനകത്തെ പുലർക്കാലം വല്ലാത്തൊരു അനുഭവമായിരുന്നു. കയ്യിൽ ക്യാമറയും പിടിച്ചു അങ്ങനെ നോക്കി നിന്നുപോയി. കാലിൽ കടിക്കുന്ന അട്ടകളെ കാര്യമാക്കാതെ കാട്ടിനുള്ളിലെക്ക് നടക്കുമ്പോൾ കാടിന്റെ വന്യമായ ആ പച്ച മാത്രമായിരുന്നു ഉള്ളിൽ നിറയെ... ഓരോ കാഴ്ചകളും എന്നെ അത്രമേൽ അമ്പരപ്പിച്ചു.

മരകൂട്ടങ്ങൾക്കിടയിലൂടെ ആദ്യ വെയിലിന്റെ സ്വർണ നൂലുകൾ അരിച്ചിറങ്ങുന്നത്... ഇലകളിൽ വെയിൽ വീണു തിളങ്ങുന്നത്... ഓറഞ്ച് തോട്ടങ്ങളിലൂടെ കൊടയോഴുകുന്നത്... കാടിനുള്ളിലെ തടാകത്തിൽ നിന്നും പുകപോലെ നീരാവിയുയരുന്നത്... റോസ് നിറത്തിൽ ഭംഗിയുള്ള പേരറിയാത്ത പൂവുകളിൽ മഞ്ഞു വീണു കിടക്കുന്നത്... കാപ്പിച്ചെടിയുടെ വെളുത്തപൂക്കൾ വനകന്യകമാരെപ്പോലെ തലകുനിച്ച് നിൽകുന്നത്...

അങ്ങിനെ ഒത്തിരി ഒത്തിരി കാഴ്ച്ചകൾ...

കാട്ടിനുള്ളിൽ

എടുത്ത ഫോട്ടോകളിൽ ചിലത് നിങ്ങളുമായി ഇവിടെ പങ്കുവക്കുന്നു. ഫോട്ടോഗ്രഫിയിലെ ഒരു തുടക്കക്കാരനാണ് ഞാൻ. ഞാൻ നേരിട്ട് കണ്ടതിനോളം ഈ കാഴ്ച്ചകൾ മനോഹരമായി നിങ്ങൾക്ക് അനുഭവപ്പെട്ടില്ലെങ്കിൽ അതെന്റെ മാത്രം പരാജയമാണ്. ക്ഷമിക്കുക.!!!

എല്ലാവരും ഒരിക്കലെങ്കിലും ഇവിടെപ്പോവുക, കാഴ്ച്ചകൾ നെരിട്ട് അനുഭവിക്കുക.

അപ്പൊ നെല്ലിയാമ്പതി കാടിന്റെ ഉള്ളിലോട്ട് നമുക്കൊന്ന് പോയിവരാം...

Written By: Devaraj Devan / Devaraj Devan photography

PHOTO GALLERY: ANAMADA

അപൂർവ ദൃശ്യാനുഭവമായി ആനമട | Anamada

വയനാടൻ കാടുകളിൽ ഹരം പകരുന്ന കുഞ്ഞുകുഞ്ഞു കാഴ്ചകള്‍ | Wayanad

noreply@blogger.com (Abdu Rahiman Pattambi) — Tue, 16 Jun 2020 03:57:00 +0000

മഞ്ഞുപുതഞ്ഞ മലകള്‍ക്കിടയില്‍ വയലുകളും കുന്നുകളും വനഭംഗികളും. തിലകക്കുറിയായി ചരിത്രസ്മാരകങ്ങളും തടാകങ്ങളും.. ഇതിനിടയില്‍ തനിമ മാറാത്ത ഗ്രാമങ്ങള്‍.. വേറിട്ട യാത്രകളില്‍ വയനാടിന്റെ സ്വന്തം കാഴ്ചകള്‍ ഇവയാണ്.. കുളിരു പകരുന്ന ഈ ഭൂമിയിലേക്കു സഞ്ചാരികളുടെ പ്രവാഹമായി... ഭൂപ്രകൃതിയും സുഖകരമായ കാലാവസ്ഥയും കൊണ്ട്‌ അനുഗ്രഹീതഭൂമിയാണ്‌ വയനാട്‌.

വടകരയില്‍നിന്ന് രാത്രി പുറപ്പെട്ട് കുറ്റ്യാടി ചുരം കയറി വയനാടിന്‍റെ തണുപ്പും കോടയുമറിഞ്ഞ് സുല്‍ത്താന്‍ ബത്തേരിവഴി ബന്ദിപൂരിലേക്ക്. വയനാടന്‍ കാടുകളില്‍ ഹരം പകരുന്ന കുഞ്ഞുകുഞ്ഞു കാഴ്ചകള്‍.

പിറ്റേന്ന് പുലര്‍ച്ചെ ബന്ദിപൂര്‍ കാടുകളിലെയും ടൈഗര്‍ റിസര്‍വിലെയും കാഴ്ചകള്‍ കണ്ട് മൈസൂരിലേക്ക്.

അടുത്തദിവസം മസിനഗുടി വഴി ഊട്ടി.

നല്ല തണുപ്പായിരുന്നു. രാത്രി വീണ്ടും യാത്ര... കോയമ്പത്തൂര്‍ വഴി പാലക്കാട്.

രാത്രി യാത്രയും തണുപ്പും തട്ടുകടയും.. അടിപൊളി..

പാലക്കാടുനിന്നും നിലമ്പൂര്‍.

ചെറിയ യാത്രകള്‍.. വലിയ സന്തോഷം.. !

മറ്റൊരു യാത്രക്ക് മനസ്സില്‍ വിത്തുപാകി തിരിച്ച് വടകരയിലേക്ക്..

ബന്ദിപൂരില്‍ നിന്നെടുത്ത ചില ചിത്രങ്ങള്‍ ചേര്‍ക്കുന്നു..

Written By: KP Rakesh

PHOTO GALLERY - WAYANAD

ഞാനും കണ്ടു മീശപ്പുലിമലയിൽ മഞ്ഞു വീഴുന്നത് | Meesapulimala

noreply@blogger.com (Abdu Rahiman Pattambi) — Tue, 16 Jun 2020 03:38:00 +0000

മീശപുലിമലയിൽ മഞ്ഞു പെയ്യുന്നത് കണ്ടിട്ടുണ്ടോ...?

ഈ ചോദ്യം ചാർളിയും പിന്നെ എന്റെ കൂട്ടുകാരും ചോദിക്കാൻ തുടങ്ങിയിട്ട് കുറെ നാളുകളായിരുന്നു. പക്ഷെ ആ ചോദ്യം കേൾക്കാൻ തുടങ്ങിയത് മുതൽ മീശപ്പുലിമല മനസ്സില്‍ ഒരു വാശിയായി... പക്ഷെ റിയാദിലുള്ള ഞാൻ എങ്ങിനെ മീശപ്പുലിമലയിൽ മഞ്ഞ് വീഴുന്നത് കാണുo? അങ്ങനെയിരിക്കെ ഈ പ്രാവിശ്യത്തെ എന്റെ വെക്കേഷൻ വന്നെത്തി, നാട്ടിലെത്തി ആദ്യത്തെ ട്രിപ്പ് എന്റെ കൂട്ടുകാരോടൊപ്പം മീശപ്പുലിമലയിലേക്ക് പോകാൻ തീരുമാനിച്ചു. KFDC യുടെ ഓൺലൈൻ ബുക്കിംഗിലൂടെ ബേസ് ക്യാമ്പിലെ മൂന്ന് ടെന്റും ഞങ്ങൾ ആറുപേർക്ക് ബുക്ക് ചെയ്ത് കാശും അടച്ചു. ഒരു ടെന്റിന് 3500 രൂപ രണ്ട് പേർക്ക് + ഫുഡും, മൂന്നാര്‍ ടൗണില്‍ നിന്നും മാട്ടുപ്പെട്ടി വഴി അരുവിക്കാട് എസ്റ്റേറ്റിലൂടെ 24 കിലോമീറ്റര്‍ യാത്ര ചെയ്ത് മീശപ്പുലിമലയുടെ ബേസ് ക്യാംമ്പിലെത്തി.

ബേസ്ക്യാമ്പ്‌ നില്‍ക്കുന്നത് 6000ft MSL ആണ്. 2 പേര്‍ക്ക് കൂടി ഒരു ടെന്റ്. ഉള്ളില്‍ സ്ലീപിംഗ് ബാഗ്‌ അടക്കം ആണ് ടെന്റ്. ബേസ് ക്യാമ്പും അതിന്റെ അപ്പുറത്ത sky കോട്ടേജും പരിസരവും എല്ലാം ചുറ്റി നടന്ന് കണ്ടു, ഞങ്ങളെ കൂടാതെ പട്ടാമ്പിയിൽ നിന്നും വന്ന നവദമ്പതികളായ അശ്വിനും, സുമയും കൂടിയുണ്ടായിരുന്നു ബേസ് ക്യാമ്പിൽ, അവരുടെ താമസം sky കോട്ടേജിലായിരുന്നു 8.30, അടിപൊളി ഭക്ഷണം, ചപ്പാത്തിയും, ചോറും, തോരനും സാമ്പാറും നല്ല എരിവുള്ള കോഴിക്കറിയും.. എല്ലാം അതീവ രുചികരം.... അവസാനം ഒരൽപം മധുരത്തിനായി പുഡ്ഡിങ്ങും. ഭക്ഷണവും കഴിച്ച് കുറച്ച് റെസ്റ്റടുത്ത് കിടക്കാനുള്ള പരിപാടി ആയിരുന്നു, അപ്പോഴാണ് മനോഹരമായ ആ കാഴ്ച കണ്ടത്, ആകാശം നക്ഷത്രങ്ങളാൽ നിറഞ്ഞിരിക്കുന്നു, നക്ഷത്ര തോഴിമാർക്കിടയിൽ ചിരിതൂകി നിൽക്കുന്ന പുതു നാരിയെ പോലെ ചന്ദ്രനും, ഞാൻ ടെന്റിൽ പോയി ക്യാമറയും ട്രൈപ്പോടും എടുത്തു, ആ വർണാഭമായ ആകാശക്കാഴ്ച ക്യാമറയിൽ പകർത്തി. ടെന്റിൽ മാനം നോക്കി കിടക്കുമ്പോഴാണ് ആകാശത്ത് മിൽക്കിവേ കണ്ണിൽ പെട്ടത്, ചന്ത്രേട്ടൻ പ്രകാശിച്ച് നിൽക്കുന്നത് കൊണ്ട് അവനെ ഫ്രയ്മിലാക്കാൻ ഞാൻ കുറച്ച് ബുദ്ധിമുട്ടി, അപ്പോഴേക്കും സമയം രാത്രി 10.30 കഴിഞ്ഞിരുന്നു, തണുപ്പ് സഹിക്കാവുന്നതിലും അപ്പുറത്തായി... പതിയെ പതിയെ എല്ലാരും ടെന്റിനുള്ളിലെ സ്ലീപ്പിങ്ങ് ബാഗിലെ ചൂടിലേക്ക്...

രാത്രിയുടെ നിശബ്ദതയിൽ അവ്യക്തങ്ങളായ പല തരം ശബ്ദങ്ങളും കേൾക്കുന്നുണ്ടായിരുന്നു, ഇരുട്ടിന് കട്ടി കൂടും തോറും പേടി കൂടിക്കൂടി വന്നു.. പക്ഷെ ക്യാമ്പിനു ചുറ്റും വൈദ്യുതവേലിയുണ്ടല്ലോ എന്ന് സ്വയം ആശ്വസിച്ചു കിടന്നു...

രാവിലെ 7.30 ആയപ്പോഴേക്കും എല്ലാവരും റെഡി. 8 മണി ആയപ്പോഴേക്കും പ്രഭാത ഭക്ഷണവും റെഡി ആയി, അതും കഴിച്ച് 8.30 ആയപ്പോഴേക്കും ഉച്ചക്ക്കഴിക്കാനുള്ള ഭക്ഷണവും ഒരു കുപ്പി വെള്ളവും പായ്ക്ക് ചെയ്ത് മീശപ്പുലിമല കയറ്റം തുടങ്ങി, ഒരു മൂന്ന് കിലോമീറ്റര്‍ കൂടി പിന്നിട്ടാല്‍ പ്രകൃതിഭംഗിയുടെ ഇതുവരെ കാണാത്ത അന്തരീക്ഷത്തിലേക്ക് കടക്കുകയായി. അതാണ് റോഡോവാലി. കടുംചുവപ്പ് നിറത്തിലുള്ള കാട്ടുപൂവരശുകള്‍ കൊണ്ട് നിറഞ്ഞ പ്രദേശമാണിവിടം. റോഡോവാലിയില്‍ നിന്നും ‍9 ചെറുതും വലുതുമായ മലകൾ കയറിയിറങ്ങിയാൽ മീശപ്പുലിമലയില്‍ എത്തും. ഏതാണ്ട് ആനമുടിയോളം ഉയരമുണ്ട് മീശപ്പുലി മലയ്ക്ക്. 8640 അടിയാണ് ഉയരം, ഓരോ മലകൾ കയറുമ്പോഴും ആകാശത്തിന്റെ ഏതോ ഉയരത്തില്‍ എത്തിയത് പോലെയാണ് അവിടങ്ങളിൽ അനുഭവപ്പെടുക. മേഘങ്ങളെ തൊട്ട് സാഹസികമായ ഒരു സഞ്ചാരമാണ് മീശപ്പുലിമലയിലേക്കുള്ള കയറ്റം. ടോപ്സ്റ്റേഷൻ, ഇരവികുളം നാഷനൽ പാർക്ക്, ആനയിറങ്കൽ ഡാം എന്നിങ്ങനെ മീശപ്പുലിമലയിൽ നിന്നുള്ള കാഴ്ചകൾ ഏറെയാണ്.

Written By: Rahmathulla Sk

PHOTO GALLERY: Meesapulimala Trek

ഞാനും കണ്ടു മീശപ്പുലിമലയിൽ മഞ്ഞു വീഴുന്നത് | Meesapulimala

ഇടുക്കിയെന്ന സുന്ദരി Idukki

noreply@blogger.com (Abdu Rahiman Pattambi) — Mon, 15 Jun 2020 15:00:00 +0000

"മലമേലെ തിരിവെച്ച് പെരിയാറിൻ തലയിട്ടു...

ചിരിതൂകും പെണ്ണല്ലെ ഇടുക്കി...

ഇവളാണ് ഇവളാണ് മിടുമിടുക്കി"

" ഇവിടുത്തെ കാറ്റാണ് കാറ്റ്...

മലമുടും മഞ്ഞാണ് മഞ്ഞ്...

കതിർ കനവേകും മണ്ണാണ് മണ്ണ്..."

മഹേഷിന്റെ പ്രതികാരം എന്ന സിനിമയിലെ ഈ ഗാനം കേട്ടപ്പോൾ, വളരെ മനോഹരമായ ഗാനം എന്ന് തോന്നിയെങ്കിലും, ഇടുക്കി എന്ന സുന്ദരിയെ നേരിട്ട് കണ്ടപ്പോഴാണ് ഈ ഗാനം എത്ര മാത്രം അർത്ഥവത്താണ് എന്ന് മനസിലായത്.

വളരെ യാദൃശ്ചികമായാണ് ഇടുക്കിയിലേക്ക് ഒരു ട്രിപ്പ് പോകാം എന്ന് ഞാനും എന്റെ കൂട്ടുകാരും തീരുമാനിച്ചത്, എന്റെ കൂട്ടുക്കാരിൽ ചിലർ തീരുമാനിച്ചിരുന്നത് കേരളത്തിന് പുറത്തേക്ക് പോകാനായിരുന്നു (ഗോവ, ഹൈദാരബാദ്...) എന്റെ മീശപ്പുലിമലയോടും ഇടുക്കിയോടുമുള്ള അമിതമായ ആവേശത്തിനും, കേരളം കണ്ടിട്ട് പോരെ കേരളത്തിനു പുറത്തേക്ക് പോകുന്നത് എന്ന ബഹൂഭൂരിപക്ഷത്തിന്റെ അഭിപ്രായവും മാനിച്ച് ഇടുക്കി തന്നെ ഉറപ്പിക്കുകയായിരുന്നു. നാട്ടിലെ ബസ് സ്റ്റോപ്പിലിരുന്ന് ഞങ്ങൾ ആറ് പേർ ഇത് തിരുമാനിക്കുമ്പോൾ രാത്രി വളരെ വൈകിയിരുന്നു.

ആദ്യം ഞങ്ങൾ പോകാനായി തിരുമാനിച്ചത് മൂന്നാറിലേക്കായിരുന്നു (Munnar). മൂന്നാറിൽ നമ്മുടെ ചാർളി പറഞ്ഞ അതേ സ്ഥലം മീശപ്പുലിമല (Meesapulimala) അതിന് ശേഷം ഇടുക്കി .

രാവിലെ 4.45 ന് ഞങ്ങൾ വീട്ടിൽ നിന്നും പുറപ്പെട്ടു. ഏകദേശം 11 മണിയോടു കൂടി ഞങ്ങൾ മൂന്നാറിലെത്തി. ഭക്ഷണത്തിന്നും നമസ്ക്കാരത്തിനും ഒരു ചെറിയ മയക്കത്തിനും ശേഷം വൈകുന്നേരം 5 മണിയോടു കൂടി മൂന്നാറിൽ നിന്നും 22 KM അകലെയുള്ള KFDC യുടെ ബേസ് ക്യാമ്പിൽ എത്തിചേർന്നു. അടുത്ത ദിവസം രാവിലെ മീശപ്പുലിമലയിലേക്കുള്ള അതി മനോഹരമായ ട്രക്കിംങ്ങിന് ശേഷം വൈകുന്നേരത്തോടെ ഞങ്ങൾ മൂന്നാറിൽ തിരിചെത്തി. അന്നവിടെ തങ്ങിയ ശേഷം അടുത്ത ദിവസം രാവിലെ ഇടുക്കിയിലേക്ക് പുറപ്പെട്ടു.

ആനച്ചാൽ കല്ലാർകുട്ടി ഡാം വഴിയാണ് ഞങ്ങളുടെ യാത്ര. കല്ലാർകുട്ടി അടക്കം മൂന്ന് ഡാമുകൾ പിന്നിട്ട് അതി മനോഹരമായ മലകളും പാറക്കെട്ടുകൾക്കും ഇടയിലൂടെ വളഞ്ഞ് പുളഞ്ഞ് കിടക്കുന്ന റോഡിൽ കൂടി കാഴ്ച്ചകൾ കണ്ട് ഞങ്ങൾ രാവിലെ 10.30 ഓട് കൂടി ഇടുക്കിയിൽ എത്തിച്ചേർന്നു. ഇടുക്കി ഡാമിലേകുള്ള കവാടം ചെറുതോണി ഡാം വഴിയായതിനാൽ, ചെറുതോണി ടൗണിൽ നിന്ന് ചെറുതോണി ഡാം ലക്ഷ്യമാക്കി ഞങ്ങളുടെ വണ്ടി തരിച്ചു. അവിടെയെത്തി ആദ്യം ഹിൽ വ്യൂ പാർക്ക് കാണുവാനായി പോയി. ആറു പേർകുള്ള ടിക്കറ്റും ക്യാമറ പാസും എടുത്ത് അകത്ത് കയറി. ഇടുക്കി - ചെറുതോണി ഡാമുകളുടെ വിശാലമായ, അതി മനോഹരമായ കാഴ്ച ഇത്ര നന്നായി ആസ്വദിക്കുവാൻ സാധിക്കുന്ന വേറൊരിടം ഇല്ലെന്നു തന്നെ പറയാം. പച്ച പുതച്ച് നിൽക്കുന്ന മലകൾ... 'കുറവൻ മല' 'കുറത്തി മല' ഇവ രണ്ടിനുമിടയിൽ നമ്മുടെ കേരളത്തിന്റെ അഭിമാനമായി നില കൊള്ളുന്ന ഇടുക്കി ഡാം, ചെറുതോണി ഡാം, വൈശാലി ഗുഹ, അതിന് പുറമേ ഇടുക്കി, ചെറുതോണി ഡാമിൽ ആകാശ നീലിമയിൽ നീലിമയോടെ നിറഞ്ഞ് നിൽക്കുന്ന തെളിനീരും, ആ ജലാശയത്തെ തഴുകിത്തലോടി വരുന്ന മന്ദമാരുതനും... എല്ലാം ആസ്വദിച്ച് നിന്ന് സമയം പോയതറിഞ്ഞില്ല. ഇടുക്കിയെന്ന സുന്ദരിയെ മതിവരുവോളം ആസ്വദിക്കുകയായിരുന്നു ഞങ്ങൾ. അങ്ങനെ നിൽക്കുമ്പോൾ അങ്ങകലെ ഡാമിന്റെ നീലിമയാർന്ന ജലാശയത്തിൽ തുള്ളിത്തുളുമ്പുന്ന കുഞ്ഞോളങ്ങൾക്ക് മുകളിലൂടെ മന്ദം മന്ദം നീന്തി വരുന്ന ഒരു അരയന്നം പോലെ ഒരു ബോട്ട് ഞങ്ങൾ കണ്ടു. ഡാമിലൂടെ KFDC പുതുതായി തുടങ്ങിയ ബോട്ട് സർവീസാണത് . അടുത്തതായി ഞങ്ങൾക്ക് പോകേണ്ടതും ആ ബോട്ടിൽ കയറാനാണ്.

ഹിൽ വ്യു പാർക്കിലെ സ്റ്റാളിൽ നിന്നും ഒരോ ചായയും കുടിച്ച് ഞങ്ങൾ ബോട്ട് യാത്രാക്കായി പുറപ്പെട്ടു. അൽപ്പദൂരം നടന്ന് വേണം floating dock ൽ എത്തിച്ചേരാൻ, ഞങ്ങൾ എത്തുമ്പോൾ പോകാനുള്ള ബോട്ട് അങ്ങോട്ട് വരുന്നതേ ഉണ്ടായിരുന്നുള്ളൂ... ബോട്ടിലുള്ളവർ ഇറങ്ങിയ ശേഷം ഞങ്ങൾ കയറി. ഞങ്ങളെ കൂടാതെ വേറൊരും സംഘവും കൂടി ആ ബോട്ടിൽ ഉണ്ടായിരുന്നു. ഓളപ്പരപ്പിലുടെ ബോട്ട് നീങ്ങി തുടങ്ങി, ഓരോ ഭാഗത്തെത്തുമ്പോഴും ബോട്ടിലെ ജീവനക്കാരൻ അവിടുത്തെ പ്രത്യേകതകൾ വിവരിച്ച് തന്ന് കൊണ്ടിരുന്നു. ഡാമിന്റെ ആഴം 24 നില കെട്ടിടത്തെയും മുക്കിക്കളയും എന്ന് കേട്ടപ്പോൾ മനസ്സിൽ ശരിക്കും ഒരു പേടിയൊക്കെ തോന്നി. ഡാമിൽ നിന്ന് കിട്ടിയ ഒരു ഗോൾഡൻ ഫിഷിന് 80kg തൂക്കമുണ്ടായിരുന്നത്രെ. Reservoir ന്റെ ഇരുഭാഗത്തും ഇടതൂർന്ന വനപ്രദേശങ്ങൾ ഉൾക്കൊളളുന്ന ധാരാളം മലനിരകൾ ഉണ്ട്. ഭാഗ്യമുണ്ടെങ്കിൽ വന്യ മൃഗങ്ങളെ നമ്മുക്ക് കാണാമെന്ന് അറിഞ്ഞപ്പോൾ വളരെ ആകാംക്ഷയോടെ പലയിടത്തും നോക്കിയെങ്കിലും നിരാശയായിരുന്നു ഫലം.

അൽപ്പ ദൂരം മുന്നോട്ട് എത്തിയപ്പോൾ ചെറുതോണി ഇടുക്കി ഡാമുകൾ കണ്ടുതുടങ്ങി. ഫോട്ടോയോ, വീഡിയോയോ എടുക്കരുതെന്ന് നിർദേശം വന്നു. ഇടുക്കി ഡാമിന്റെ കുറച്ച് കൂടി അടുത്തെത്തിയപ്പോൾ ബോട്ട് ജീവനക്കാരൻ ഇടുക്കി ഡാമിനെ കുറിച്ച് വിശദീകരിക്കാൻ തുടങ്ങി, Google ൽ Search ചെയ്താൽ വളരെ കൃത്യമായി വിവരം കിട്ടുമെന്നതിനാൽ ഞാനത് അധികം ശ്രദ്ധിച്ചില്ല. 55 മിനിട്ട് നീണ്ടുനിന്ന ബോട്ടിംങ്ങ് അവസാനിച്ച് ബോട്ടിൽ നിന്നും തിരിച്ചിറങ്ങുമ്പോൾ ബോട്ടിൽ കയറുവാനായി അടുത്ത യാത്ര സംഘം തിരക്ക് കുട്ടൂന്നുണ്ടായിരുന്നു.

അടുത്തതായി ഞങ്ങൾക്ക് പോകുവാനുണ്ടായിരുന്നത് ചെറുതോണി - ഇടുക്കി ഡാമുകളുടെ (Cheruthoni Dam - Idukki Dam) മുകളിലേക്കാണ്. പക്ഷേ അതിനിടയിൽ ഒരു അഭിപ്രായ വ്യത്യാസം ഞങ്ങൾക്കിടയിൽ ഉടലെടുത്തു, അത് ഭക്ഷണത്തെ കുറിച്ചായിരുന്നു. സംഘത്തിലെ 3 പേർ ഭക്ഷണമുണ്ടാക്കി കഴിക്കാമെന്നും 3 പേർ പുറത്ത് ഹോട്ടലിൽ നിന്ന് കഴിക്കാമെന്നും.. (യാത്രയിലുടനീളം ഞങ്ങൾ ഭക്ഷണം സ്വന്തമായി ഉണ്ടാക്കി കഴിക്കുകയാണ് ചെയ്തിരുന്നത്) അവസാനം 6 പേരുള്ള ഞങ്ങളുടെ സംഘം രണ്ടായി പിരിഞ്ഞു, ഒരു സംഘം ഭക്ഷണം ഉണ്ടാക്കാൻ നിന്നു, ഞാനുൾപ്പെടെ മറ്റെ സംഘം ഡാം കാണുവാനായി പുറപ്പെട്ടു. ഡാം സൈറ്റിലേക്ക് മൊബൈലോ, ക്യാമറയോ മറ്റ് ഇലക്ട്രോണിക്സ് ഉപകരഞ്ഞങ്ങളോ കൊണ്ട് പോകാൻ കഴിയില്ല, 'മൊബെൽ' ടിക്കറ്റ് കൗണ്ടറിലെ ലോക്കറിൽ വെച്ച് ടിക്കറ്റെടുത്ത്, "Metel detation checking" കഴിഞ്ഞ് ഞങ്ങൾ ചെറുതോണി ഡാമിന്റെ മുകളിലൂടെ നടത്തം തുടങ്ങി. ഇടുക്കി ഗോൾഡ് എന്ന സിനിമയിൽ കുട്ടികൾ പഠിക്കുന്ന സ്കൂളും ഹോസ്റ്റലുമെല്ലാം ചെറുതോണി ഡാമിന്റെ മുകളിൽ നിന്നും കാണാൻ സാധിക്കും. ചെറുതോണി ഡാം കടന്ന് ഇടുക്കി ഡാമിലേക്ക് അൽപ്പദൂരം നടക്കാനുണ്ട്. വഴിയിൽ സ്റ്റാളുകളും, Paid Toilet കളും ഉള്ളതിനാൽ ദാഹമോ മറ്റു ശങ്കകളോ ഇല്ലാതെ യാത്ര ചെയ്യാം. അൽപ്പം നടന്ന് ഇടുക്കി ഡാമിന്റെ മുകളിലെത്തി. ഏഷ്യയിലെ ആദ്യത്തെ 'Arch Dam' ആയ ഇടുക്കി ഡാമിന് മുകളിൽ നിന്നപ്പോൾ മനസ്സിൽ അഭിമാനം തോന്നി. തിരിച്ച് നടന്ന് പുറപ്പെട്ട സ്ഥലത്തെത്തിയപ്പോൾ ഒന്നര മണിക്കൂർ കഴിഞ്ഞിരുന്നു.

പെട്ടന്ന് പോയി വരേണ്ടവർക്ക് Eletric Car facility യും ഇവിടെ ലഭ്യമാണ്. പക്ഷെ എപ്പോഴും Ticket കിട്ടിയെന്ന് വരില്ല .

കൂട്ടുക്കാർ പാകം ചെയ്ത് വെച്ച ഭക്ഷണവും കഴിച്ച് ഞങ്ങൾ അടുത്ത ലക്ഷ്യമായ കാൽവരി മൗണ്ട് (Kalvari Mount) പുറപ്പെടുമ്പോൾ ഇടുക്കി ഡാമിന് സ്ഥാനം കാണിച്ച് കൊടുത്ത ശ്രീ 'കൊലുമ്പൻ മൂപ്പന്റെ' സമാധി റോഡരികിൽ ആരാലും ശ്രദ്ധിക്കാതെ നില കൊളളുന്നുണ്ടായിരുന്നു.

ഇടുക്കിൽ നിന്നും കട്ടപ്പന റൂട്ടിൽ 10 Km സഞ്ചരിച്ച് 4.3O ന് ഞങ്ങൾ കാൽവരി മൗണ്ടിലെത്തി. കാൽവരി മൗണ്ടും കണ്ടതിന് ശേഷം അടുത്ത ദിവസം വാഗമൺ പോകാനായിരുന്നു തീരുമാനിച്ചിരുന്നത്. എന്നാൽ ടിക്കറ്റെടുത്ത് അകത്ത് കയറിയ ഞങ്ങളെ വരവേറ്റത് കോടമഞ്ഞും തന്നുത്ത കാറ്റും മഴയും ആയിരുന്നു. ഒരു മണിക്കൂർ നീണ്ടുനിന്ന ഇടുക്കിയിലെ ആ തുണുത്ത കാറ്റും മഴയും ഞങ്ങൾ ശരിക്കും ആസ്വദിച്ചു. കാൽവരി മൗണ്ടിനെ നാളെ നല്ല പകൽ വെളിച്ചത്തിൽ കണ്ടതിന് ശേഷം സമയമുണ്ടങ്കിൽ വാഗമൺ പോയാൽ മതിയെന്ന് ഞങ്ങൾ തീരൂമാനിച്ചു. കാൽവരി മൗണ്ടിലെ കോട്ടേഴ്സ് ഫുൾ ബുക്കിംഗ് ആയിരുന്നു. പിന്നെ അന്ന് രാത്രി അന്തിയുറങ്ങാൻ ഞങ്ങൾ ചെറുതോണിയിൽ റൂമെടുത്തു.

രാവിലെ Fresh ആയി പ്രാതലും കഴിച്ച് വീണ്ടും കാൽവരി മൗണ്ടിലേക്ക്... ഞങ്ങൾ അവിടെ എത്തുമ്പോൾ ടിക്കറ്റ് കൗണ്ടർ തുറക്കുന്നതേയുള്ളു. ഞങ്ങൾ 6 പേരല്ലാതെ ആരും എത്തിയിട്ടില്ല. വണ്ടി ഒതുക്കിയ ശേഷം ടിക്കറ്റെടുത്ത് കാൽവരി മൗണ്ടിന്റെ കാഴ്ച്ചയിലേക്ക്... നല്ല കാലാവസ്ഥ, തലെ ദിവസം മഴ പെയ്തത് കൊണ്ടാവും ആകാശത്തിനും കാൽവരി മൗണ്ടിലെ കാഴ്ചക്കും നല്ല തിളക്കമായിരുന്നു. താഴെ ഒരു മനുഷ്യ നിർമിത തടാകം പോലെ നിശ്ചലം ആയ പെരിയാറും. അതിൽ നിരവധി പച്ചപ്പിന്റെ തുരുത്തുകളും. പിന്നെ ആ ചെറിയ തടുത്ത കാറ്റും, മേലെ നീല ആകാശവും, കണ്ണിനും മനസിനും കുളിർമ്മയേകുന്ന കാഴ്ചകൾ...

ഉച്ചക്ക് 12 മണിവരെ ഞങ്ങൾ കാൽവരി മൗണ്ടിന്റെ കുന്നിൻ ചെരുവകളിൽ സമയം ചിലവഴിച്ചു.

കഴിഞ്ഞ വ്യാഴായ്ച്ച വീട്ടിൽ നിന്നും തുടങ്ങിയ യാത്രയാണ് (6/10/2016), ഇന്ന് ഞായർ (9/10/2016) അടുത്ത ദിവസം കൂട്ടുക്കാർക്ക് ജോലിയുള്ളത് കൊണ്ടു വാഗമൺ പോവാതെ അടുത്ത വെക്കേഷനിൽ ഫാമിലിയും ആയിട്ട് ഒരാഴ്ച്ചത്തെ ഇടുക്കി ട്രിപ്പ് പ്ലാൻ ചെയ്യണമെന്ന് മനസിൽ ഉറപ്പിച്ച് കാൽവരി മൗണ്ടിനോടും ഇടുക്കിയോടും ഞങ്ങൾ തൽക്കാലം ബൈ ബൈ പറഞ്ഞു.

Written By: Rahmathulla Sk

PHOTO GALLERY: Idukki

ഇടുക്കിയെന്ന സുന്ദരി

Idukki Dam, Kalvary Mount, Cheruthoni Dam, Meesapulimala, Munnar

ബീമാശങ്കറിലെ വെള്ളച്ചാട്ടങ്ങള്‍ക്കിയിലൂടെ ഒരു ട്രെക്കിങ്ങ് | Bhimashankar Trek

noreply@blogger.com (Abdu Rahiman Pattambi) — Mon, 15 Jun 2020 14:05:00 +0000

മഹാരാഷ്ട്രയിലെ ഒരു പ്രധാന മണ്‍സൂണ്‍ ട്രെക്കിങ്ങാണ് ഭീമാശങ്കര്‍ ട്രെക്കിങ്ങ് (Bhimashankar Trek). കാരണം മണ്‍സൂണില്‍, വഴിയിലെല്ലാം നിരവഴധി വെള്ളച്ചാട്ടങ്ങള്‍ കാണാന്‍ സാധിക്കും. അത് പോലെ ചെറിയ അരുവികളും. ഇതെല്ലാം മുറിച്ചു കടന്നു വേണം മുകളിലെത്താന്‍. അത് പോലെ മറ്റൊരു കാഴ്ച്ചയാണ് മലമുകളില്‍ നിന്ന് താഴോട്ടൊലിക്കുന്ന വെള്ളച്ചാട്ടങ്ങളുടെ കൂട്ടങ്ങള്‍, ഒരു നിരയില്‍ തന്നെ 5 വെള്ളം ചാട്ടം ഒന്നിച്ച് കാണാന്‍ പറ്റുന്ന പല വ്യൂ പോയിന്റ്സും ഈ ട്രെക്കിങ്ങിലുണ്ട്.

ഈ ട്രെക്കിങ്ങിന്റെ ബെയ്സ് വില്ലേജ് കാണ്ടാസ് എന്ന ഗ്രാമമാണ്. കര്‍ജാട് ടൗണില്‍ നിന്ന് ഒരു 30 KM അകലെയാണ് ഈ കൊച്ചു ഗ്രാമം. പ്രകൃതി ഭംഗി കൊണ്ട് സഞ്ചാരികളെ കാത്തിരിക്കുന്ന ഒരു കാര്‍ഷിക ഗ്രാമം. ചുറ്റും മലകളാല്‍ ചുറ്റുപ്പെട്ട ഈ ഗ്രാമത്തില്‍ നിന്ന് നോക്കുമ്പോള്‍ തന്നെ മുകളില്‍ കോട മഞ്ഞ് കൂടു കൂട്ടിയ ബീമാശങ്കറിലെ മലകളും മലനിരകളും. ഈ മലകളെല്ലാം ബീമാശങ്കര്‍ വൈല്‍ഡ് വന്യ ജീവി സങ്കേതത്തിന്റെ ഭാഗമാണ്. പല തരത്തിലുള്ള സസ്യ ജന്തു ജാലങ്ങളുടെ ഒരു ആവാസയിടം കൂടിയാണ് ഈ മലനിരകള്‍.

കാണ്ടാസ് വില്ലേജില്‍ നിന്ന് മുകളിലെത്താന്‍ രണ്ട് ട്രെക്കിങ്ങ് റൂട്ടുകളുണ്ട്. വില്ലേജ് എത്തുന്നതിനു കുറച്ച് മുമ്പായി ഒരു പാലം കാണാം. അവിടെ നിന്ന് വലത്തോട്ടു പോകുന്നതാണ് ഗണേഷ് ഘട്ട് റൂട്ട്, ഇടത്തേക്കുള്ളത് സിദ്ധി ഘട്ട് റൂട്ടും. ഗണേഷ് ഘട്ട് വഴി മുകളിലെത്താന്‍ 10 KM എടുക്കുമെങ്കിലും വളരെ ബുദ്ധിമുട്ടില്ലാത്ത ഒരു റൂട്ടാണിത്. എന്നാന്‍ 7 KM മാത്രമുള്ള സിദ്ധി ഘട്ട് റൂട്ട് വളരെ സാഹസികത നിറഞ്ഞതാണ്. വെള്ളച്ചാട്ടങ്ങള്‍ക്കിടയിലൂടെ നടക്കണം. പാറയിടുക്കുകള്‍ കൊത്തിപ്പിടിച്ച് കയറണം. അങ്ങനെ പലതും. ബാക്കി വിശേഷങ്ങലെല്ലാം വീഡിയോയിലുണ്ട്.

Written By: MUhammed Unais P

PHOTO GALLERY: Bhimashankar Trek

ബീമാശങ്കറിലെ വെള്ളച്ചാട്ടങ്ങള്‍ക്കിയിലൂടെ ഒരു ട്രെക്കിങ്ങ് | Bhimashankar Trek

2 ദിവസം 3 സംസ്ഥാനങ്ങൾ 2 നാഷണൽ പാർക്കുകൾ | Mulli - Ootty - Bandipur - Nilambur

noreply@blogger.com (Abdu Rahiman Pattambi) — Sun, 14 Jun 2020 15:56:00 +0000

അട്ടപ്പാടി - മുള്ളി - ഊട്ടി - മസിനഗുഡി - ബന്ദിപ്പുർ - ഗുഡ്‌ലൂർ - നിലമ്പുർ യാത്ര.

Attappadi - Mulli - Ootty - Masinagudi - Bandipur - Gudallur - Nilambur 2 days trip.

"അപ്പോ നാളെ എന്താ പ്ലാൻ...?" അർജുൻ വിളിച്ചപ്പോഴാണ് ഞാനും ആലോചിക്കുന്നത്. ശരിക്കും ഒരു പ്ലാനുമില്ല, ഊട്ടിക്കു പോകാൻ തീരുമാനിച്ചിട്ടുണ്ട് അത്ര തന്നെ!! അല്ലെങ്കിലും ഈ ഊട്ടി വരെ പോകാൻ എന്താണിത്ര പ്ലാൻ ചെയ്യാൻ ഇരിക്കുന്നത്.

പ്രണയമാണ് യാത്രയോട് നിന്നും തന്നെ പ്രചോദനം ഉൾക്കൊണ്ടാണ് ഇങ്ങനെ ഒരു യാത്ര പ്ലാൻ ചെയ്‌തത്‌. ഊട്ടിക്ക് മുൻപ് പല തവണ പോയിട്ടുണ്ടെങ്കിലും മുള്ളി വഴി ഇത് ആദ്യമാണ്. കുറച്ചധികം പോസ്റ്റുകൾ കണ്ടിരുന്നു ഈ റൂട്ടിനെക്കുറിച്. അതുകൊണ്ടു തന്നെ പോകണം എന്ന് നേരത്തെ തന്നെ ഉറപ്പിച്ചിരുന്നതാണ്.

അങ്ങനെ രാവിലെ 5.30 ന് തന്നെ വീട്ടിൽ നിന്നും ഇറങ്ങി (അങ്കമാലി). വഴി ഒക്കെ കണ്ടെത്താൻ വലിയ ബുദ്ധിമുട്ടുണ്ടാകില്ല എന്ന വിശ്വാസത്തോടെ വലിയ അന്വേഷണം ഒന്നും നടത്താതെയാണ് യാത്ര തുടങ്ങിയത്. പാലക്കാട് വഴി അട്ടപ്പാടി, അവിടെ നിന്ന് മുള്ളി - മഞ്ചൂർ വഴി ഊട്ടി. ഇതായിരുന്നു ഏകദേശ രൂപരേഖ. രാവിലെ ട്രാഫിക് മുറുകുന്നതിനു മുൻപ് തന്നെ പാലക്കാട് കടക്കാൻ കഴിഞ്ഞു. അവിടെ നിന്നും പ്രാതലും കഴിച്ചു.

ഇനിയങ്ങോട്ട് പുതിയ റോഡുകളാണ്, ജീവിതത്തിൽ തന്നെ ആദ്യമായിട്ട് ഓടിച്ചു കയറുന്ന വഴികൾ. അതുകൊണ്ടു തന്നെ ആകാംക്ഷയും കൂടുതലായിരുന്നു.

അട്ടപ്പാടിയിലേക്ക് തിരിയുന്നതോടു കൂടി നമ്മൾ വലിയ ഹൈവേകളോട് വിടപറയുകയാണ്. അട്ടപ്പാടി മുതൽ മുള്ളി വരെ തിരക്കില്ലാത്ത ചെറിയ റോഡുകളാണ്. പ്രകൃതിയോട് ചേർന്നു നിൽക്കുന്ന ഗ്രാമങ്ങളും ആളുകളും. പത്തിരുപതു വര്ഷം പിന്നോട്ട് പോയ പോലെ തോന്നി. വളരെ ആസ്വദിച്ചും ആവശ്യത്തിന് സമയമെടുത്തുമാണ് ഞങ്ങൾ അവിടം പിന്നിട്ടത്. ഇതിനിടെ അടുത്തടുത്തായി നമ്മൾ കേരളാ - തമിഴ്നാട്‌ ചെക്‌പോസ്റ്റുകൾ കടന്നുപോകും. പുക പരിശോധന ഉൾപ്പെടെ എല്ലാ പേപ്പറുകളും കരുതുന്നതായിരിക്കും നല്ലത്.

മുള്ളിയിൽ നിന്നും മഞ്ചൂർ വഴിയാണ് ഊട്ടിയിലെത്തുക. പറഞ്ഞറിയിക്കാൻ പറ്റാത്ത ഒരു അനുഭവം തന്നെയാണ് ഈ റൂട്ട്. കാടും, ഹൈയർ പിന്നുകളും താണ്ടിയുള്ള ആ യാത്രയിൽ ഞങ്ങൾ ഉച്ചയൂണ് വരെ മറന്നു എന്നുള്ളതാണ് സത്യം. വൈകിട്ടോടെ അങ്ങനെ ഞങ്ങൾ ഊട്ടി പിടിച്ചു. വഴിയിൽ നിന്നും ജോൺ എന്ന ഒരു സുഹൃത്തിനെയും കിട്ടി . ലവ്‍ടയിൽ മുതൽ ഊട്ടി വരെ ലിഫ്റ്റ് നൽകിയതാണ് പുള്ളിക്ക്, അദേഹം ഊട്ടിയിലെ കുറച്ചു നല്ല അനുഭവങ്ങൾ പങ്കുവച്ചു തന്നു. ഊട്ടിയിലെ എല്ലാ പ്രധാന ടൂറിസ്റ്റ് കേന്ദ്രങ്ങളും ഞങൾ മിസ് ചെയ്തു. പക്ഷെ ഒട്ടും നിരാശയില്ലായിരുന്നു ഞങ്ങൾ, അവയെ വെല്ലുന്ന അനുഭവങ്ങളായിരുന്നു ആ ദിവസം ഞങ്ങൾക്കു സമ്മാനിച്ചത്.

ഊട്ടിയിൽ എത്തിയ ഉടൻ ഞങ്ങൾ റൂം ചെക്ക് ഇൻ ചെയ്തു.

ഓൺലൈൻ വഴി അപ്പോൾ തന്നെ ഒരു റൂം ബുക്ക് ചെയ്യുകയായിരുന്നു. ഒന്ന് ഫ്രഷ് ആയ ശേഷം സ്വാഭാവികമായും ഞങ്ങൾ ലക്‌ഷ്യം ഭക്ഷണം തന്നെ ആയിരുന്നു. ബ്രേക്ക് ഫാസ്റ്റ് കഴിഞ്ഞു ആകെ അകത്താക്കിയത് രണ്ടു ചായ മാത്രമായിരുന്നു. ആ വിഷ്‌മം ഞങ്ങൾ അവിടെ തീർത്തു. റോഡ് സൈഡിൽ നിന്നും ഓരോ പ്ലേറ്റ് ഗോപി ബജിയും, അടുത്തുള്ള ഒരു ഹോട്ടലിൽ നിന്നും ചപ്പാത്തിയും മഞ്ചൂരിയും കഴിച്ചു. മാർക്കറ്റ് റോഡിലൂടെ കുറച്ചു കറങ്ങി നടന്ന ശേഷം അന്നത്തെ പരിപാടികൾ അവസാനിപ്പിച്ചു മയങ്ങാൻ തീരുമാനിച്ചു.

രാവിലെ നാലഞ്ചു അലാറമുകളുടെ സഹായത്തോടെ അഞ്ചു മണിക്ക് തന്നെ തല പൊക്കി. മസിനഗുഡി ലക്ഷ്യമാക്കിയായിരുന്നു പിന്നീടുള്ള യാത്ര. ഹുള്ളത്തിയിലൂടെയുള്ള വഴി കുത്തനെ ചരിവുകളും വളവുകളും നിറഞ്ഞതാണ്. ശ്രദ്ധയോടെ ഓടിച്ചാൽ ആസ്വദിക്കാൻ ഒരുപാടുള്ള റൂട്ടാണിത്.

മസിനഗുഡിയിൽ നിന്നും മുതുമലൈ നാഷണൽ പാർക്ക് വഴി ബന്ദിപ്പുർ ആയിരുന്നു അടുത്ത ലക്‌ഷ്യം. രണ്ടു നാഷണൽ പാർക്കുകൾ, രണ്ടും യാത്രക്കാർക് ഒന്നിനൊന്നു മികച്ച അനുഭവങ്ങളാണൊരുക്കുക. അതിനിയിടയിൽ നമ്മൾ കർണാടക ബോർഡറും കടക്കും. ഇടക്കിടെ വഴിയോരങ്ങളിലായി മാനുകളും, മയിൽക്കൂട്ടങ്ങളും ഞങ്ങൾക്കു ദൃശ്യ വിരുന്നൊരുക്കി.

എട്ടു മണിയോടെ ബന്ദിപ്പുർ എത്തിയ ഞങ്ങൾ, അവിടുത്തെ ഒരു ഹോട്ടലിൽ നിന്നും ബ്രേക്ക് ഫാസ്റ്റും കഴിച്ചു തിരിക്കാൻ തീരുമാനിച്ചു. നേരത്തെ മുത്തങ്ങ വഴി തിരികെ പോകാം എന്നായിരുന്നു പ്ലാനെങ്കിലും സമയകുറവ് മൂലം മടക്കയാത്ര നിലമ്പുർ വഴിയാക്കി. ഓരോ യാത്രയും ഓരോ അനുഭവങ്ങൾ ആണ്, അങ്ങനെ കൈനിറയെ കുറെ നല്ല ഓർമകളുമായി ഞങ്ങൾ അവിടെ നിന്നും മടങ്ങി.

നന്ദി!

Written By: Akhil Narayanan

PHOTO GALLERY - Attappadi - Mulli - Ootty - Masinagudi - Bandipur - Gudallur - Nilambur

2 ദിവസം 3 സംസ്ഥാനങ്ങൾ 2 നാഷണൽ പാർക്കുകൾ
അട്ടപ്പാടി - മുള്ളി - ഊട്ടി - മസിനഗുഡി - ബന്ദിപ്പുർ - ഗുഡ്‌ലൂർ - നിലമ്പുർ യാത്ര.

ചീവീടുകൾ ഉറങ്ങാത്ത ഫോർട്ട് | Rajmachi Fort Maharashtra

noreply@blogger.com (Abdu Rahiman Pattambi) — Sat, 13 Jun 2020 08:49:00 +0000

ലോണാവാലയിൽനിന്നും 12KM ദുരെ ഒരു ഗ്രാമം "ഉദ്ധെവടി" (രാജ്മാച്ചി - Rajmachi). ചരിത്രം ഒരുപാട് പറയാനുള്ള 2 ഫോർട്ട്.

ബ്രിട്ടീഷ് പടത്തലവന്മാർ മറാഠി എന്നാ മഹാ സാബ്രാജ്യത്തിനു മുന്നിൽ മുട്ടുമടക്കിയ കഥകൾ ( The First Anglo-Maratha War 1775–1782 ) ഇന്ത്യയിലെ 10 trekking Point കളില്‍ ഒന്നാണ് Rajmachi Fort. ഉദ്ധെവടി എന്നാ സഹ്യാദ്രി മലനിരകളുടെ മുകളിൽ അതിമനോഹരമായി പണിഞ്ഞ 2 കോട്ടകളാണ്ശ്രി വാർദ്ധൻഫോർട്ടും മനോരഞ്ജൻ ഫോർട്ടും (Rajmachi) .

17 നൂറ്റാണ്ടില്‍ പണി കഴിപ്പിച്ചു എന്നാണ് വിശ്വാസം ഛത്രപതി ശിവാജി മഹാരാജ് കോട്ടയുടെ അവകാശി.

ഇത്രയൊക്കെ കഥകൾ ഉണ്ടെങ്കിലും 1977ലാണ് RAJMACHI കുറിച്ച് പുറം ലോകം അറിഞ്ഞുതുടങ്ങുന്നത്. വലിയ പർവത നിരകളാൽ അധികമാരും അത്ര പെട്ടന്ന് ശ്രദിക്കപ്പെടില്ല. യുദ്ധകാലത്ത ഭക്ഷണാ സാധനങ്ങളും യുദ്ധസംഗ്രഹികൾ ഉളിച്ചു വെക്കാനുമാണ് കോട്ട പ്രധാനമായും പണി കഴിപ്പിച്ചത്. ബുദ്ധന്മാരുടെ കേവ്സ് ഒരുപാട്‌ ഉള്ള ഒരു സ്ഥലമാണ് മഹാരാഷ്ട്ര അതിനോട് സാമ്യമുള്ള ഒരു വലിയ ഹാൾ ഈ ഫോർട്ടിനകത്തു കാണാം.

ഏറ്റവും പൂരാതനമായ ശിവന്റെ അമ്പലവും വലിയ തടാകവുമൊക്കെ രാജ്മാച്ചിയുടെ കാഴചയെ കുളിരണിയിപ്പിക്കും. മഴക്കാലമാണ് ഇവിടെ കൂടുതൽ സഞ്ചാരികൾ വരാറുള്ളത്. ചുറ്റുമുള്ള മലനിരകളിൽനിന്നുo വെള്ളച്ചാട്ടങ്ങൾ ഒരു മനോഹരമായ കാഴ്ചയാണ്..(june-Aug)

ഫോർട്ടിന്റെ താഴത്തു ചെറിയ ഒരു തട്ടുകടയുണ്ട് "ആനന്ദാ" എന്ന് പേരുള്ളയാളാണ് നടത്തുന്നത് അവർ പറഞ്ഞ അറിവിൽ രാജ്മാച്ചിയിൽ 23 വീടുകൾ മാത്രമേ ഉള്ളു !!! ഇലക്ട്രിക്ക് കണക്ഷൻ ഇല്ലാതവീടുകളാണ് എല്ലാം, സോളാർ പാനലുകളാണ് ഉപയോഗിക്കുന്നത്, സ്കൂളോ, ആശുപത്രിയോ, സർക്കാർ ഓഫീസുകളൊന്നും രാജ്മാച്ചിയിൽ ഇല്ലാ. മഴകാലമായാൽ വളരെ കഷ്ടപ്പാടാണെന്നും ആനന്ദാ പറഞ്ഞു.

ഫോർട്ടിലേക്കു പോകാൻ ഇപ്പോ പടികൾ പണികഴിപ്പിച്ചുണ്ട് മുകളിലെത്തിയാൽ പൂർണമായും തകർന്ന പ്രധാന കവാടത്തിന്റെ അവശിഷ്ട്ടങ്ങൾ കാണാം. സത്യത്തിൽ രാജ്മാച്ചിയുടെ മുകളിൽനിന്നും കാണുന്ന കാഴ്ച പറഞ്ഞറിയിക്കാൻ പറ്റാത്തതാണ്. ചുറ്റും മലനിരകൾ, താഴെ കാടിന്റെ മനോഹാരിതാ.

ഒരു രക്ഷയുമില്ലാത്ത വ്യൂ...

കോട്ട പണിഞ്ഞതിനേക്കാൾ ഏറെ എങ്ങനെ ഒരു സ്ഥലം കണ്ടുപിടിക്കാൻ പണിപെട്ടുകാണുമെന്നു അറിയാതെ ഓർത്തുപോകും ...

അപ്പൊ എന്താ ചീവീടുകൾ ഉറങ്ങാത്ത ഫോർട്ടെന്നല്ലേ ഓർക്കുന്നത് ???

ആനന്ദാ തമാശയിൽ പറഞ്ഞതാണ്...

"ഇവിടെ ജനങ്ങളെക്കാൾ അതികം ചീവിടുകളാണ് ഇവിടെ എത്രയും ശബ്ദം ഉണ്ടാകുന്നത് അതിന്റെ ശബ്ദം കാരണം ഇവിടെ ഞങ്ങൾ താമസിക്കുന്നത് അറിയാറില്ല പുറത്താരും" ചെറിയ വേദനയോടെ കേട്ടെങ്കിലും സത്യമാണ് ഇവിടെ എത്തിച്ചേരുന്നവർക്കറിയാം ഇവിടെ ചീവിടുകൾക്കുറക്കമില്ല എന്ന്.

Written By: Sujeesh PV

PHOTO GALLERY: RAJMACHI FORT

ചീവീടുകൾ ഉറങ്ങാത്ത ഫോർട്ട് | Rajmachi Fort Maharashtra

കേദാർനാഥ് - ഹിമാലയത്തിൻ്റെ മടിത്തട്ടിലേക്ക് ഒരു യാത്ര | Kedarnath

noreply@blogger.com (Abdu Rahiman Pattambi) — Sat, 13 Jun 2020 07:05:00 +0000

2013 ൽ മഹാപ്രളയം താണ്ഡവമാടിയ ഉത്തരാഖണ്ഡിലെ കേദാർനാഥിലേക്ക് ആദ്യത്തെ ഹിമാലയ യാത്ര നടത്താൻ ഞങ്ങൾ തീരുമാനിച്ചത് ഒരു ദുരന്തഭൂമി കാണാൻ ഉള്ള ആഗ്രഹം അല്ലായിരുന്നു. മറിച്ച് ആദ്യ യാത്ര ദേവഭൂമി എന്നറിയപ്പെടുന്ന ഇവിടേക്ക്‌ തന്നെയാവട്ടെ എന്നു തീരുമാനിക്കുകയായിരുന്നു. ഭക്തിയേക്കാളുപരി കാഴ്ചകളോടുള്ള ആവേശം തന്നെ ആയിരുന്നു ഈ യാത്രയും...

പിന്നെ ഹിമാലയത്തിന്റെ മടിതട്ടിലേക്കു ഒരു ഹെലികോപ്റ്റർ റൈഡ് എന്ന സ്വപ്നവും.

Route Map - ഡൽഹി - ഹരിദ്വാർ - കേദാർനാഥ് - ചോപ്ത -തുങ്ഗനാഥ് - ചന്ദ്രശില ട്രക്ക് - ഡൽഹി.

Delhi - Haridwar - Kedarnath - Choptha - Thunganath - Chandrashila Trek - Delhi

ഹരിദ്വാറിൽ നിന്നും 5 ദിവസത്തേക്ക് ഒരു ട്രാവൽ ഏജൻസി വഴി കാർ ബുക് ചെയ്തിരുന്നു. ഹരിദ്വാറും (Haridwar) പോകേണ്ട സ്ഥലങ്ങലുമെല്ലാം ഉത്തരാഖണ്ഡ് സംസ്ഥാനത്തിൽ ഉള്പെട്ടത് കൊണ്ടാവാം ഡൽഹിയിൽ നിന്നു ടാക്സി ബുക്ക് ചെയ്യുന്നതിലും ഡെയ്‌ലി റേറ്റിൽ നല്ല വെത്യാസം ഉണ്ടായിരുന്നു.

കുറഞ്ഞ ചിലവിൽ ഡൽഹിയിൽ നിന്നും ഹരിദ്വാർ വരെ എത്താൻ ധാരാളം ബസ് സർവിസും ഏതാനും ട്രെയിനും ഒക്കെ ഉണ്ട്. ഞങ്ങളുടെ ഫ്ലൈറ്റ് ഡൽഹി എത്തിയത് രാത്രി ഒരുപാട് വൈകിയാണ്, ഏതാണ്ട് പന്ത്രണ്ടു മാണി ആയി. രാത്രി വൈകി എത്തുന്നത് കൊണ്ട് മുൻകൂർ ബുക്കിംഗ് നടക്കില്ല എന്നു അറിയാമായിരുന്നു, Kashmiri Gate ഇന്റർ സ്റ്റേറ്റ് ബസ് ടെർമിനലിൽ നിന്നും ബസ് കിട്ടും എന്ന പ്രതീക്ഷയിൽ എയർപോർട്ടിൽ നിന്നും ചെയിൻ സർവിസ് ബസിൽ അങ്ങോട്ടേക്ക് പോയി. പക്ഷെ ഉദ്ദേശിച്ചപോലെ യാത്ര നടന്നില്ല. ബസ് വന്നെങ്കിലും തിരക്ക് കാരണം നാലഞ്ചു മണിക്കൂർ നിന്ന് പോകേണ്ട ബുദ്ധിമുട്ടോർത്തപ്പോ, ബഡ്ജറ്റ് അല്പം പാളുമെങ്കിലും ഒരു ടാക്സി പിടിച്ചു ഹാരദ്വാരലേക്കു വിട്ടു.

ഹരിദ്വാറിൽ നിന്നും ഒട്ടും സമയം കളയാതെ കേദാര്നാഥിലേക്ക് യാത്ര തിരിച്ചു. ഗംഗയുടെ തീരത്തു കൂടി ഋഷികേശ്, ദേവപ്രയാഗ്, ശ്രീനഗർ പിന്നിട്ടു രുദ്രപ്രയാഗിൽ എത്തി, അന്നത്തെ താമസം അവിടെ നേരത്തെ തന്നെ ബുക്ക് ചെയ്തിരുന്നു.

ദേവപ്രയാഗിൽ നിന്നാണ്‌ രണ്ടു നദികൾ സംഗമിച്ചു ഗംഗ എന്ന മഹാനദിയായി ഒഴുകി ഇന്ത്യയിലെ പല സംസ്ഥാനങ്ങൾക്കും ഊർജം നൽകി ബംഗ്ലാദേശിൽ കടന്ന് ഒടുവിൽ ബംഗാൾ ഉൾക്കടലിൽ ലയിക്കുന്നത്.

ഋഷികേശിൽ ധാരാളം adventure ആക്ടിവിറ്റീസ് ഉണ്ട്. സാഹസികമായ ഒരു റിവർ റാഫ്റ്റിങ് ഒക്കെ നടത്തിയാണ് തിരിച്ചുള്ള യാത്രയിൽ ഞങ്ങൾ മടങ്ങിയത്‌.

രുദ്രപ്രയാഗിൽ നിന്ന് രാവിലെ ഇറങ്ങിയത് മുതൽ കേദാർനാഥ് ലേക്കുള്ള ഹെലികോപ്റ്റർ യാത്ര ആയിരുന്നു മനസിൽ. നേരിട്ട് റോഡ്‌ മാർഗ്ഗം ഒരു വാഹനത്തിലും കേദാര്നാഥിലേക്ക് എത്താനാവില്ല. കാൽനടയായി പോകുന്നവർക്ക് ഗൗരികുണ്ടിൽ നിന്നും ഏതാണ്ട് 20km നീളുന്ന നടപ്പാതയാണ് അങ്ങോട്ടേക്ക് എത്താനുള്ള ഏക മാർഗം.

അങ്ങനെ ദുർഘടമായ പല വഴികളും പിന്നിട്ട് Phata എന്ന സ്ഥലത്ത് എത്തി, ചർധാം യാത്രയിൽ നിർബന്ധമായി ചെയ്യേണ്ട ബയോമെട്രിക് വെരിഫിക്കേഷൻ ഒക്കെ ചെയ്തു. 2013 ലെ പ്രളയത്തിനു ശേഷം സഞ്ചാരികളുടെ വിവര ശേഖരത്തിനും സുരക്ഷയുടെയും ഭാഗമായി തുടങ്ങിയതാണ് ഈ സിസ്റ്റം.

ഒരുപാട് നാളായി സ്വപ്നം കണ്ട വലിയൊരു യാത്രക്കായി phata യിലുള്ള പ്രൈവറ്റ് ഹെലികോപ്റ്റർ സർവിസ് നടത്തുന്ന ഓഫീസിനു സമീപം അക്ഷമരായി കാത്തിരുന്നു. പച്ച പുതച്ച മലകൾക്കു മുകളിലൂടെ പറന്നടുക്കുകയും ആളുകളേയും കൊണ്ടു പരന്നകലുകയും ചെയ്യുന്ന കോപ്ടറുകളുടെ കാഴ്ചകൾ കാത്തിരിപ്പിന്റെ വിരസത ഒരു പരിധി വരെ മാറ്റി.

കുറേ നേരത്തെ കാത്തിരിപ്പിനൊടുവിൽ ഞങ്ങളും പറന്നു, ഹിമാലയത്തിൻ്റെ മടിത്തട്ടിൽ സ്ഥിതിചെയ്യുന്ന ആ പുണ്യഭൂമിയിലേക്ക്.

പ്രശസ്തമായ കേദാർനാഥ് ക്ഷേത്രവും, ഭാരതം കണ്ടിട്ടുള്ളതിൽ വച്ച് മഹാനായ ദാർശനികന്മാരിലൊരാളായി കണക്കാക്കുന്ന ശങ്കരാചാര്യരുടെ സമാധിയും സ്ഥിതി ചെയ്യുന്ന സ്ഥലം.

ഒരു സന്യാസി എന്നതിലുപരി തൻ്റെ 32 വയസിനുള്ളിൽ ശങ്കരാചാര്യർ നടത്തിയന്നു വിശ്വസിക്കപ്പെടുന്ന യാത്രകൾ ആണ്‌ എന്നെ അത്ഭുതപ്പെടുത്തിയിട്ടുള്ളത്. കേരളത്തിലെ കാലടി മുതൽ ഹിമാലയം വരെ, 8 ആം നൂറ്റാണ്ടിൽ, അതും ഭാരതത്തിലുടനീളം തന്റെ വ്യക്തമായ പാദമുദ്ര പതിപ്പിച്ച്. അദ്ദേഹത്തിന്റെ ദര്ശനങ്ങൾക്കും ചിന്തകൾക്കും അപ്പുറം ശങ്കരാചാര്യർ നടത്തിയ യാത്രകൾ ആണ് കുറച്ചൊക്കെ സാഹസികത ഇഷ്ടപ്പെടുന്ന ഒരു സഞ്ചാരി എന്ന നിലയിൽ എന്നെ കൂടുതൽ സ്വാധീനിച്ചത്‌.

എഴുത്തിലൂടുള്ള വിവരണത്തിലും ഇനി നല്ലതു നേർകാഴ്ചകളാണ്...

Written By: Rajeev Raju

PHOTO GALLERY: KEDARNATH

കേദാർനാഥ് - ഹിമാലയത്തിൻ്റെ മടിത്തട്ടിലേക്ക് ഒരു യാത്ര | Kedarnath

അഴീക്കൽ ബീച്ചിലേക്ക് കണ്ണൂരുക്കാരനോടോപ്പമൊരു യാത്ര | Azheekal Beach

noreply@blogger.com (Abdu Rahiman Pattambi) — Fri, 12 Jun 2020 16:00:00 +0000

ജീവിതം പോലെ തന്നെ യാത്രകളും അനന്ത സാഗരമാണ്.

നിമിഷ നേരം കൊണ്ട് ആണ് നമ്മുടെയെല്ലാം മനസ്സിനെയും, ശരീരത്തിനെയും യാത്രകൾ സ്വാധീനിക്കുന്നത് എന്ന ഒരു വലിയ തിരിച്ചറിവാണ് ഓരോ യാത്രകളിലൂടെയും എനിക്ക് മനസ്സിലാക്കാൻ കഴിയുന്നതും പഠിക്കാൻ കഴിയുന്നതും .

എന്റെ ജീവൻ ഈ യാത്രകളാണ് യാത്രകളാണ് എന്നെ ജീവിപ്പിക്കുന്നതും. ഒരു പാട് തവണ എഴുത്തുകളിലൂടെ കണ്ണൂരിലെ പ്രകൃതി മനോഹരമായ കണ്ട് കാഴ്ചകൾ എഴുതി തീർക്കുമ്പോഴും വീണ്ടും ഞാൻ എടുത്തു പറയുന്നു സ്നേഹ സമ്പന്നരുടെ നാട് തന്നെയാണ് കണ്ണൂർ .

അതെ കണ്ണൂർ അഴീക്കൽ ബീച്ചിലേക്ക് കണ്ണൂരുക്കാരൻ ജസീർ ഇക്കാനൊപ്പം 01/02/2020 ൽ പോയ യാത്രയുടെ വിശേഷങ്ങളിലേക്ക് എന്റെ പ്രിയപ്പെട്ട സ്നേഹിതരെയും കൊണ്ടു പോകാം.

അഴീക്കൽ ബീച്ച് കണ്ണൂരിൽ നിന്നും 13 km അകലെ സ്ഥിതി ചെയ്യുന്ന ഒരു ബീച്ച് ആണ് അഴീക്കോട് നിന്നും ഏകദേശം 6 km ആണ് ഇവിടേക്ക്. കഴിഞ്ഞ പ്രളയത്തിൽ കരക്കടിഞ്ഞ ഒരു പഴയ കപ്പൽ ഈ ബീച്ചിന്റെ ഒരു പ്രധാന ആകർഷണമായി മാറിയിരിക്കുന്നു. ഈ കപ്പലിനെ കാണാൻ നിരവധി സഞ്ചാരികളാണ് ദിവസും ബീച്ച് സന്ദർശിക്കുന്നത്. സൂര്യാസ്തമയം കാണാനും കപ്പലിനെ കാണാനും അങ്ങനെ ഞങ്ങളും ബീച്ചിലെത്തി ചേർന്നു.

പകലിന്റെ വിട പറയിലിനും രാത്രിയുടെ വരവിനും കൂടി ഒന്നിച്ച് വിളിക്കുന്ന പേരാണലോ സൂര്യാസ്തമയം. അസ്തമയക്കാഴ്കൾ ഇഷ്ടമില്ലാത്തവരുണ്ടോ? എന്ത് ഭംഗിയാണ് അസ്തമയം കാണാൻ ഇലേ?

ഓടിയണയുകയാണ് സൂര്യൻ ഓരോ നാളും

കടലിന്റെ കുസ്യതി തിരകൾ

കടലിന്റെ ആഴങ്ങളിൽ ചന്ദ്രനൊളിപ്പിച്ച് വെച്ച സമ്മാന പൊതിയെടുക്കാൻ എന്നും സൂര്യൻ യാത്ര പോകാറുണ്ട് ആ കാഴ്ച കാണാൻ എന്ത് ഭംഗിയാണ്.

ഈ ഭൂമി എത്ര സുന്ദരമാണ് രാവും, പകലും പ്രധാനം ചെയ്യുന്ന സൂര്യനെ നമ്മൾ ഓർത്തിട്ടുണ്ടോ? കത്തി ജ്വലിക്കുന്ന ഗോളം ഈ ഭൂമി മുഴുവനും നന്മയുടെ പ്രകാശം പരത്തുമ്പോൾ കൂടെ പ്രകൃതി സഹയാത്രികനുമാക്കുമ്പോൾ എന്ത് ഭംഗിയാണ് ഈ ഭൂമി, ഇവിടാണ് സ്വർഗ്ഗം ഈ സ്വർഗ്ഗീയ കാഴ്ചകൾ എഴുതി തീർക്കാൻ കഴിയില്ല വാക്കുകൾക്കും വർണ്ണനാതീതമാണ്.

പെട്ടന്നാണ് ശ്രദ്ധയിൽ പെട്ടത് വിരുന്നെത്തിയ കപ്പൽ

കഴിഞ്ഞ പ്രളയത്തിൽ കണ്ണൂർ അഴീക്കൽ ബീച്ചിൽ ക്ഷണിക്കപ്പെടാത്ത എത്തിയതാണ് കപ്പൽ. കണ്ണൂരിലെ ഒരു പ്രധാന ആകർഷണമായി മാറിയിരിക്കുന്നു ഇന്ന് ഈ കപ്പൽ.

വിരുന്നെത്തിയ കപ്പലിനൊപ്പം വിരുന്നുക്കാരന്റെ ഒരു ഫോട്ടം കൂടി Jaseer Hamsu ഇക്ക എടുത്ത് തന്നപ്പോൾ എന്റെ മനസ്സിന് സന്തോഷം ഒന്നു കൂടി.

കടൽ തിരമാലകൾ എനിലേക്ക് വന്ന് ആഞ്ഞ് അടിച്ച സമയം ചില ഓർമ്മപ്പെടത്തലുകളിലേക്ക് എന്നെ കൊണ്ടു പോയി. അമ്മ ഇല്ലാത്ത എനിക്ക് കടലമ്മ നല്കിയ സ്നേഹവും, പൊൻ മുത്തവും കടലമ്മയുടെ മകൻ ആകാൻ കഴിഞ്ഞ ഭാഗ്യം എനിക്ക് മറക്കാൻ കഴിയുന്നില്ല. അസ്തമന സൂര്യന്‍ മാനത്ത് ചെങ്കല്ല് വിതറി പക്ഷികള്‍ ചേക്കേറിയ ചില്ലകള്‍ ശൂന്യത വരിച്ചു.

ഓരോ ചെറിയ കാറ്റിലും തിരമാലകളുടെ ചെറിയ ഓളങ്ങളിലും സൂര്യന്‍ നിറം നല്‍കി. ജീവിത വീഥിയിലെ അനുഭവങ്ങളുമായി ഓരോ ദിവസങ്ങളും ഓര്‍മ്മകള്‍ വാരിക്കൂട്ടി അസ്തമിക്കുന്നു. വീണ്ടും പ്രതീക്ഷയുടെ സ്വപ്നങ്ങളില്‍ വര്‍ണ്ണങ്ങള്‍ വിതറി നിദ്ര മാടിവിളിക്കുന്നു. വീണ്ടുമൊരു സൂര്യോദയം നാളെയുടെ പ്രതീക്ഷയിലേക്ക്. വീണ്ടും സഞ്ചാരിയുടെ മറ്റൊരു യാത്രയുടെ കാല്‍വെപ്പിനായി.

അസ്തമയം കൺ പാർത്ത് കൂട്ടിൽ ചേക്കറുന്നുണ്ട് ദൂരങ്ങൾ കൊതിയ്ക്കുന്ന ദേശാടനക്കിളികൾ

നാളെയുടെ അരുണോദയം

പുതിയ പ്രതീക്ഷകൾ കൊണ്ടാണ്

നന്മ നിറഞ്ഞ ഐശ്വര്യ പൂർണ്ണമായ

സ്നേഹവും , സമ്മാധാനവും, നന്മയും

നിറഞ്ഞ ഒരായിരം യാത്രകൾ പോകാൻ എന്റെ പ്രിയപ്പെട്ടവർക്ക് സാധിക്കട്ടെ.

ഓരോ യാത്രയും പ്രാഥമികമായി മനസ്സിലാക്കിത്തരുന്ന ഒരേ ഒരു കാര്യം ഇനിയും കാണാനുള്ള സ്ഥലങ്ങളുടെ വ്യാപ്തിയാണ്. നമ്മുടെ ചുറ്റുവട്ടത്തെ സ്ഥലങ്ങള്‍ പോലും നാം ശരിക്ക് കണ്ട് തീര്‍ക്കാറില്ലല്ലോ. നമ്മുടെ നാട്ടില്‍ തന്നെ കാണാന്‍ വിട്ടുപോയ സവിശേഷമായ ഭൂഭാഗങ്ങള്‍ അനേകം വേറെയും ഉണ്ടാവും എന്ന മനസ്സിലാക്കലില്‍ സഞ്ചാരം തുടരുന്നു .

ഹൃദയത്തിൽ നിന്നൊരു യാത്ര വിവരണം- അഖിൽ സുരേന്ദ്രൻ അഞ്ചൽ

അഴീക്കൽ ബീച്ചിലേക്ക് കണ്ണൂരുക്കാരനോടോപ്പമൊരു യാത്ര | Azheekal Beach

കാടിന് നടുവിൽ വഴികാട്ടാനും വയറുനിറയ്ക്കാനും തിരുനെല്ലിയിലെ ഉണ്ണിയപ്പക്കട | Thirunelli

noreply@blogger.com (Abdu Rahiman Pattambi) — Fri, 12 Jun 2020 15:36:00 +0000

കാട്ടാനകളെ പോലും തോൽപ്പിച്ച്, കാടിന് നടുവിൽ വഴികാട്ടാനും വയറുനിറയ്ക്കാനും തിരുനെല്ലിയിലെ ഉണ്ണിയപ്പക്കട --------!!

കാട്ടാനകള്‍ സ്വൈര്യവിഹാരം നടത്തുന്ന വയനാട്ടിലെ (Wayanad) മാനന്തവാടി-കാട്ടിക്കുളം-തിരുനെല്ലി റൂട്ടില്‍ ഒരു ഉണ്ണിയപ്പക്കടയുണ്ട്...

കുട്ടേട്ടന്‍റെ ജംഗിള്‍ വ്യൂ ഹോട്ടല്‍... ഹോട്ടല്‍ എന്ന് പറയുന്നതിനേക്കാളും നല്ലത്, "ചായക്കട", എന്ന് പറയാം, ആ പേര് ചേരും. മുളകള്‍കൊണ്ട് കെട്ടിപ്പൊക്കിയ ഒരു ചെറിയ കൂര.

വയനാട്ടിലെ തിരുനെല്ലി ക്ഷേത്രത്തിലേക്കും, തോൽപ്പെട്ടി വന്യജീവി സങ്കേതത്തിലേക്കും രണ്ടായി പിരിയുന്ന തെറ്റ് റോഡ് കവലയിൽ സ്ഥിതി ചെയ്യുന്ന ഈ കട കാനനസഞ്ചാരികളുടെ ഇടത്താവളം കൂടിയാണ്.

യാത്രക്കാര്‍ക്ക് റോഡ് തെറ്റി പോകുന്നത് കൊണ്ടാവാം സ്ഥലത്തിന് തെറ്റ് റോഡ് എന്ന പേര് വന്നത്. റോഡ് തെറ്റിയാലും ഉണ്ണിയപ്പം മൊരിയുന്ന നറുമണത്തിന്റെ ഉറവിടമായ ഉണ്ണിയപ്പക്കട ആര്‍ക്കും തെറ്റില്ല. ഇതിലെ പോകുന്നവരാരും ഉണ്ണിയപ്പത്തിന്റെ രുചിയറിയാതെ പോകാറുമില്ല.

പത്തും പതിനഞ്ചുമല്ല, കാൽനൂറ്റാണ്ട് മുമ്പേ തുടങ്ങിയതാണ് തെറ്റ് റോഡിലെ കുട്ടേട്ടന്റെ ഉണ്ണിയപ്പക്കട..

തിരുനെല്ലിയിലേക്കുള്ള വഴിയിൽ കാട്ടിക്കുളം കഴിഞ്ഞാൽ ഈ കടമാത്രമായിരുന്നു പണ്ടുണ്ടായിരുന്നത്. ചുറ്റിലും കാടാണെങ്കിലും അതിരാവിലെ തന്നെ ഉണ്ണിയപ്പക്കടയുടെ അടുപ്പിൽ തീയെരിഞ്ഞു തുടങ്ങും. മഴയും മഞ്ഞുമെല്ലാം മാറി മാറി വന്നപ്പോഴും ഇതിനൊന്നും ഇക്കാലം വരെയും മുടക്കമുണ്ടായില്ല. കാലങ്ങൾക്കു മുമ്പേ തിരുനെല്ലിയിലേക്ക് വരുന്നവരൊക്കെ ഈ ഉണ്ണിയപ്പക്കടയുടെ വിശേഷങ്ങൾ നാട്ടിലെല്ലാം പങ്കുവെച്ചിട്ടുണ്ട്. കേട്ടറിഞ്ഞ് കേട്ടറിഞ്ഞ് തിരുനെല്ലി വഴിയെത്തുമ്പോൾ അറിയാതെ തന്നെ പുതിയ യാത്രികരും ഉണ്ണിയപ്പക്കടയുടെ മുമ്പിൽ വാഹനം നിർത്തും.

മുഖം മിനുക്കിയ വലിയ കടയും സൗകര്യങ്ങളും പ്രതീക്ഷിക്കുന്നവർക്ക് ആകെ തെറ്റും. പുല്ലുമേഞ്ഞതും മുളകൊണ്ട് ചുവരുകൾ തീർത്തതുമായ ഇറതാണ ചെറിയ കൂരതന്നെയാണ് കാഴ്ചയിൽ തെളിയുക. ഇവിടെ അതിരാവിലെ മുതൽ ഉണ്ണിയപ്പം തീരുന്നതുവരെ, എത്ര സമയമായാലും നല്ല വയനാടൻ കാപ്പിയും കുടിച്ച് ഉണ്ണിയപ്പം കൊണ്ട് വയറു നിറയ്ക്കാം. ചില ദിവസങ്ങളിൽ ഉണ്ണിയപ്പം പ്രതീക്ഷിക്കുന്നതിലും നേരത്തെ തീരും. വിശേഷ ദിവസങ്ങളിൽ അൽപ്പം കൂടുതലുണ്ടാക്കും. അല്ലാത്ത ദിവസങ്ങളിൽ പതിവു പോലെ തന്നെ പരമാവധി ആയിരത്തഞ്ഞൂറോളം ഉണ്ണിയപ്പം ഉണ്ടാക്കും. തിരുനെല്ലിയിലേക്ക് പോകുന്നവരും വരുന്നവരും തോൽപ്പെട്ടി നിന്നും തെറ്റ് റോഡ് വഴി വരുന്നവരുമെല്ലാം ഈ കടയുടെ മുന്നിലെത്തിയാൽ ഒന്നിറങ്ങും. അതോടെ കട കാലി.

കർണ്ണാടകയിൽ നിന്നു കൊണ്ടു വരുന്ന നാടൻ കുത്തരി ഉരലിൽ ഇടിച്ചാണ് ഉണ്ണിയപ്പത്തിനുള്ള കൂട്ടുണ്ടാക്കുന്നത്. തലേദിവസം അരി കുതിർത്ത് ഇടിച്ച് പൊടിയാക്കി നാടൻ പഴവും തേങ്ങയും ശർക്കരയുമെല്ലാം പാകത്തിന് ചേർത്ത് വെക്കും. പിന്നീട് പിറ്റേദിവസം രാവിലെ അഞ്ച് മണിയോടെ ഉണ്ണിയപ്പം ചുടാൻ തുടങ്ങും. വലിയ അപ്പക്കാരചട്ടിയിൽ ശുദ്ധമായ കുറ്റ്യാടി വെളിച്ചണ്ണെയിൽ മൊരിഞ്ഞു വരുന്ന ഉണ്ണിയപ്പം വലിയ കുട്ടയിലേക്ക് അപ്പപ്പോൾ നിറയ്ക്കും. ഇതിൽ നിന്നും ആവശ്യത്തിന് പായക്ക് ചെയ്തു കൊടുക്കും. അവിടെ നിന്നു തന്നെ കഴിക്കാൻ വേണ്ടവർക്ക് ആവശ്യത്തിന് അപ്പകൊട്ടയിൽ നിന്നും എടുക്കാം.

തിരുനെല്ലിയിലേക്കും തോൽപ്പെട്ടിയിലേക്കും വഴി പിരിയുന്ന ഈ കവലയിലെ ഏക ഇൻഫർമേഷൻ സെന്റർ കൂടിയാണ് കുട്ടേട്ടന്റെ ഉണ്ണിയപ്പക്കട. 1958 ൽ വനംവകുപ്പ് തിരുനെല്ലി ദേവസ്വത്തിന് പാട്ടം നൽകിയ 25 സെന്റ് സ്ഥലത്താണ് ഈ ഉണ്ണിയപ്പക്കടയുള്ളത്. അമ്പലത്തിലേക്ക് വരുന്നവർക്ക് വഴിയും മറ്റും പറഞ്ഞു നൽകുന്നതിനുള്ള ഒരു ഇടത്താവളം എന്നിതിനെ വിശേഷിപ്പിക്കാം. നാട്ടുകാർ കുട്ടേട്ടൻ എന്ന ചരുക്കപ്പേരിൽ വിളിച്ചിരുന്ന ശിവാദാസൻ ഈ രുചിക്കൂട്ടിൽ നിന്നു വിടപറഞ്ഞെങ്കിലും അദ്ദേഹത്തിന്റെ മക്കളാണ് കട ഇപ്പോൾ അതേ പെരുമയോടെ നടത്തുന്നത്. അരി ഇരുമ്പുലക്ക കൊണ്ട് ഇടിച്ച് പൊടിക്കുന്ന യന്ത്രവും ഇവർ രൂപകൽപ്പന ചെയ്തു.

കർണ്ണാടകയിലെ കബിനി നാഗർഹോള, കുട്ടയിലെ ഇരുപ്പ് വെള്ളച്ചാട്ടം, പക്ഷിപാതാളം, തോൽപ്പെട്ടി വന്യജീവി സങ്കേതം എന്നിവടങ്ങളിലെക്കെല്ലാം എത്താനുള്ള ദൂരം, സന്ദർശന സമയം, ടിക്കറ്റ് നിരക്ക് തുടങ്ങിയവയെല്ലാം ഉണ്ണിയപ്പത്തോടൊപ്പം ഇവർ പങ്കുവെക്കും. കാടിനുള്ളിൽ വഴിയറിയാതെ എത്തി കുടുങ്ങുന്നവർക്കെല്ലാം ഒരേസമയം അനുഗ്രഹമാണ് ഈ സങ്കേതം..

Written By: Lijaz Aami

കാടിന് നടുവിൽ വഴികാട്ടാനും വയറുനിറയ്ക്കാനും തിരുനെല്ലിയിലെ ഉണ്ണിയപ്പക്കട Thirunelli Unniyappam

കല്യാണത്തണ്ട് | അഞ്ചുരുളി മല നിരയിലെ മനോഹരമായ ഒരു വ്യൂ പോയിന്‍റ് Kalyanathand

noreply@blogger.com (Abdu Rahiman Pattambi) — Fri, 12 Jun 2020 15:14:00 +0000

അഞ്ചുരുളി മല നിരയിലെ മനോഹരമായ ഒരു വ്യൂ പോയിന്റാണ് കല്യാണതണ്ട് (Kalyanathand). ഇടുക്കി ജില്ലയിലെ കട്ടപ്പനയ്ക്ക് (Kattappana) അടുത്ത് വെള്ളായാംകുടിയിൽ നിന്ന് ഗവ: കോളേജിലേക്ക് പോകുന്ന വഴി, വലത് വശത്തേയ്ക്ക് ഉള്ള വഴിയേ ഒരു കയറ്റം കയറി പോവുകയാണെങ്കിൽ ഇവിടെ എത്താം.

ഇടുക്കി ഡാമിന്‍റെ (Idukki Dam) മനോഹരമായ ദൃശ്യം ഇവിടെ കാണാൻ സാധിക്കും. ഡാമിലെ വെള്ളം മലയിടുക്കുകൾക്ക് ഇടയിൽ നീല പട്ട് വിരിച്ചത് പോലെ തോന്നിക്കും. വികസനവും പ്രകൃതിയും ഇണങ്ങിയ കട്ടപ്പന നഗരവും ഇവിടെ നിന്ന് കാണാൻ സാധിക്കും.

ഉണങ്ങി കിടക്കുന്ന പുൽമേടുകൾക്ക് ഇടയിലൂടെ ഉള്ള ചെറിയ വഴികളിലൂടെ നടന്നപ്പോൾ ട്രെക്കിങ്ങ് അനുഭവം ഉളവാക്കി. ഉരുളി കമഴ്ത്തി വെച്ചത് പോലെ നിര നിരയായി തോന്നിക്കുന്ന മലകൾ ആയതിനാലാണ് അഞ്ചുരുളി എന്ന പേര് വന്നത്.

ഈ മലയുടെ അടിവശത്താണ് അഞ്ചുരുളി തുരങ്കം (Anjuruli) സ്ഥിതി ചെയ്യുന്നത്. 24 അടി വ്യാസവും അഞ്ചര കിലോമീറ്റർ നീളവുമാണ് ഈ തുരങ്കത്തിനുള്ളത്.

ഇരട്ടയാർ ഡാമിൽ നിന്നും ഇടുക്കി ഡാമിലേക്ക് വെള്ളം എത്തിക്കുകയാണ് ഈ തുരങ്കത്തിന്റെ പണി.

1974 ലാണ് തുരങ്കത്തിന്റെ നിർമാണം ആരംഭിക്കുന്നത്. 1980 തിൽ ഉൽഘാടനവും നിർവഹിച്ചു. അഞ്ചുരുളി മുതൽ ഇരട്ടയാർ വരെ ഒറ്റപ്പാറയിൽ നിർമിച്ചതാണ്, ഒരേ സമയം ഇരുവശങ്ങളിൽ നിന്നും ഒരു പോലെ നിർമാണം ആരംഭിച്ച് കൂട്ടി യോചിച്ചതാണ് ഈ ടണൽ.

നിർമാണ സമയത്ത് 22 പേർ അപകടത്തിൽ മരിച്ചു. കല്യാണതണ്ട് മലയുടെ എറ്റവും ഉയരം കൂടിയ ഭാഗത്താണ് ഈ തുരങ്കം. ഏകദേശം 2000 അടിക്ക് മുകളിൽ ഉയരമുണ്ട് ഈ മലയ്ക്ക്. ഇന്ത്യയിൽ ഒറ്റപ്പാറയിൽ നിർമിച്ച എറ്റവും വലിയ തുരങ്കങ്ങളിൽ ഒന്നാണ് അഞ്ചുരുളി. ഇടുക്കി ജലാശയത്തിൽ വെള്ളം പൂർണമായി നിറയുമ്പോൾ ഈ ടണലിന്റെ മുഖത്ത് വരെ വെള്ളം കയറും. കട്ടപ്പനയിൽ നിന്ന് 8 കിലോമീറ്ററും. കട്ടപ്പന കോട്ടയം റൂട്ടിലെ കക്കാട്ടുകടയിൽ നിന്നും 3 കിലോമീറ്ററുമാണ് ദൂരം.

Written By: Rajeesh Raveendran

കല്യാണത്തണ്ട് | അഞ്ചുരുളി മല നിരയിലെ മനോഹരമായ ഒരു വ്യൂ പോയിന്‍റ് Kalyanathand near Kattappana in Idukki

രാമക്കൽമേട് | കേരളത്തിന്റെയും തമിഴ്നാടിന്റെയും ഭംഗി സംഗമിക്കുന്ന പുണ്യ ഭൂമി Ramakkalmedu

noreply@blogger.com (Abdu Rahiman Pattambi) — Thu, 11 Jun 2020 02:43:00 +0000

ഇടുക്കി ജില്ലയിൽ കുമളി മൂന്നാർ റൂട്ടിൽ നെടുംകണ്ടത്തിന് 15 കി. മി അകലെയാണ് രാമക്കൽമേട് (Ramakkalmedu). സമുദ്ര നിരപ്പിൽ നിന്ന് 3500 അടി ഉയരത്തിൽ സ്ഥിതി ചെയ്യുന്ന ഇവിടം നിലയ്ക്കാത്ത കാറ്റിനാൽ സമ്പനമാണ്. കാറ്റിൽ നിന്നും വൈദ്യുതി ഉല്പാദിപ്പിക്കുന്ന വിൻഡ് എനർജി ഫാമിന്റെ കേരളത്തിലെ രണ്ടാമത്തെ സ്ഥലമാണിത്.

ത്രേതായുഗ കാലത്ത് സീതയെ അന്വേഷിച്ച് ശ്രീലങ്കയ്ക്കുള്ള ശ്രീരാമന്റെ യാത്രാമധ്യേ ഈ മേടിൽ ഇറങ്ങിയെന്നാണ് ഐതിഹ്യം. സേതുബന്ധനത്തിനായ് രാമേശ്വരം തിരഞ്ഞെടുത്തത് ഇവിടെ വെച്ചായിരുന്നുവത്രേ. ശ്രീരാമന്റെ പാദങ്ങൾ പതിഞ്ഞതിനാലാണ് ഈ സ്ഥലത്തതിന് രാമക്കൽമേട് എന്ന പേര് വന്നത്. മറ്റൊരു ഐതിഹ്യം മേടിന് മുകളിലെ 'കല്ലുമ്മേൽ കല്ലു'മായി ബന്ധപ്പെട്ടതാണ്. വനവാസകാലത്ത് പാണ്ഡവൻമാർ ഇവിടെ വന്നപ്പോൾ, ദ്രൗപതിക്ക് മുറുക്കാൻ ഇടിച്ചു കൊടുക്കാൻ ഭീമസേനൻ ഉപയോഗിച്ചതാണ് ആ കല്ല് എന്നുമാണത്.

ഇവിടെ വരുന്ന മിക്ക ആളുകളും കുറവൻ കുറത്തി ശിൽപം ഉള്ള ഇടം മാത്രമേ സന്ദർശിക്കുകയുള്ളു. എന്നാൽ അതിനു എതിർ വശത്തായി കാണുന്ന ചെറിയ മലയാണ് കാണേണ്ട കാഴ്ച്ച സമ്മാനിക്കുന്നത്.

വളരെ അപകടം നിറഞ്ഞ ഒരു സ്ഥലമാണ്. ഇത്തിരി സാഹസികത നിറഞ്ഞവർ ഈ മലയുടെ ഏറ്റവും മുകളിലെ പാറ കൂട്ടങ്ങളിൽ വലിഞ്ഞു കയറാറുണ്ട്.

കേരളത്തിന്റെയും തമിഴ്നാടിന്റെയും ഭംഗി സംഗമിക്കുന്ന പുണ്യ ഭൂമി. ചതുര ആകൃതിയിലുള്ള കൃഷിയിടങ്ങളും കാറ്റാടി പാടങ്ങളും ദൃശ്യ വിരുന്ന് ഒരുക്കും.

വ്യത്യസ്തമായ യാത്രകൾ ആഗ്രഹിക്കുന്നവർ തീർച്ചയായും കണ്ടിരിക്കണ്ട ഒരു സ്ഥലം കൂടിയാണ് രാമക്കല്‍മേട് (Ramakkalmedu). ഈ യാത്രയിൽ എന്റെ ഒരു സുഹൃത്തും ഒപ്പം ഉണ്ടായിരുന്നു.

Written By: Rajeesh Raveendran

വാഗമണ്ണിലെ കോടയിൽ കുളിച്ചൊരു യാത്ര | Vagamon Parunthumpara

noreply@blogger.com (Abdu Rahiman Pattambi) — Wed, 10 Jun 2020 02:07:00 +0000

മഞ്ഞു മൂടിയ വാഗമണ്ണിലേക്കൊരു യാത്ര | Vagamon Parunthumpara Trip

ജീവിതം എന്ന പോലെ തന്നെ യാത്രകളും ആകസ്മികമാണു. അങ്ങനെ വരുന്ന യാത്രകൾ ആണു ശെരിക്കും യാത്രകൾ.

അല്ലാണ്ടിപ്പൊ കിലോമിറ്ററും കണക്കുകൂട്ടി ചിലവാക്കുന്ന കാശും സമയവും എല്ലാം കണക്കുകൂട്ടി ഇരുന്നാൽ അവിടെ ഇരിക്കത്തെ ഉള്ളു.

എന്നതാട പരിപാടി...? ഒന്നുല്ല...

പിന്നെ രണ്ടു മണിക്കുറിനകം വണ്ടി വിട്ടിരിക്കും...

ദത്‌ പോലൊരു കിടു യാത്ര... ഇന്നലെ വിട്ടു... ദനിലെട്ടന്റെ കാൾ...

ദനിലേട്ടനും സുഹൃത്തുക്കളുമായി വാഗമണ്ണിലേക്ക്‌ ഒരു വൻ പ്ലാനിംഗ്‌ ഒക്കെ ചെയ്തിട്ട്‌ അവസാനം ദനിലേട്ടൻ മാത്രായ്‌...

ബാക്കി എല്ലവരും വലിഞ്ഞു പതിവ്‌ പോലെ...

അതൊന്നും യാത്രക്കു ഒരു വിഷയമല്ല. പോയിരിക്കും നീ അപ്പൊ ഇറങ്ങുവല്ലെ... പിന്നല്ലാ... ഈ മഴയത്തു വാഗമൺ പോകാം എന്നു പറഞ്ഞു വിളിച്ചാൽ എങ്ങനാ പോകാണ്ടിരിക്കുക...?

കഴിഞ്ഞ വർഷം ഇതു പോലൊരു മഴക്കാലത്തു ഒറ്റക്കു പോയതാണു എന്റെ ബൈക്കുമായി. അന്നു ഒത്തിരി ഓർമ്മകൾ എനിക്കു വാഗമൺ സമ്മാനിച്ചു...

അതു തന്നെ മതി ഇനിയും അവിടെക്കു കയറുവാനുള്ള പ്രചോദനം. രാത്രി 9 മണിയോടെ ഞങ്ങൾ തിരിച്ചു.

പുതിയകാവിൽ നിന്നു ധനിലേട്ടന്റെ സുഹൃത്ത്‌ ടോബി ചെട്ടനും ഉണ്ട്‌. അകെ 3 പേർ.

എന്തായലും തൊടുപുഴ-കാഞ്ഞാർ റൂട്ട്‌ തന്നെ പിടിക്കാം എന്നു പറഞ്ഞു. പക്ഷെ അപകടം പിടിച്ച വഴിയാണു പകലു തന്നെ കോട കെറിയാൽ വഴി കാണുവാൻ സാധിക്കില്ലാ. കൊടും വളവും കലക്കൻ കയറ്റവും ഉള്ള റോട്‌.

കോലഞ്ചേരിയിൽ നിന്നും കാട ബുൾസൈയും കട്ടങ്കാപ്പിയും. ആ മഴയത്ത്‌. ഹൊ. യാത്ര പോകുംബൊ ഇങ്ങനുള്ള അനുഭവങ്ങൾ ഒക്കെ ഇണ്ടെല്ലൊ. ആ ഫീൽ.

അധികം വൈകാതെ കാഞ്ഞാർ - വാഗമൺ (Kanjar - Vagamon) റൂട്ടിൽ കടന്നു. മഴ എന്നു വെച്ചാൽ അതാണു മഴ തകർത്തു പെയ്യുവാ.

സ്റ്റീയറിങ്ങിന്റെ ഇടയിലൂടെ ഒളിഞ്ഞും ചെകഞ്ഞും ഒക്കെ നോക്കി റോട്‌ കണ്ടു പിടിക്കുന്നെ. ടാർ റോടീനു ഇരുവശവുമുള്ള പച്ച പുല്ലാണു ഏക ഊഹം.

വാഗമൺ എത്തി ഇനി ഒന്നു ഉറങ്ങണം. ഒരു റൂം ചോധിച്ചു. 1500 ആ അടിപൊളി. വാ പോകാം. ഒന്നും നോക്കിയില്ല. ആ കാറിൽ അങ്ങട്‌ സീറ്റ്‌ ചായ്ച്ചിട്ടു സുഖമായി 3 ആളും ഉറങ്ങി.

പിറ്റേന്നു കണ്ണു തുറക്കുംബോ കണ്ടത്‌ വാഗമണ്ണിനെ കോടയിൽ പൊതിഞ്ഞ പ്രഭാതം. പ്രഭാത കർമ്മങ്ങൾക്കായി ഒരു റൂം കിട്ടിയില്ലെൽ പണി പാളും ഒന്നു ഫ്രഷ്‌ ആകുവാൻ അടുത്ത്‌ തന്നെ ഒരു റൂം എടുത്തു രാവിലെ ഒരു കട്ടനൊക്കെ കുടിച്ച്‌ അതങ്ങ്‌ ഭംഗി ആയി.

കോടയിൽ നിറഞ്ഞു നില്ല്ക്കുന്ന പൈൻ മരക്കാട്‌ അതായ്‌രുന്നു മനസ്സിൽ.

ആഗ്രഹം മനസ്സു വയിച്ചത്‌ പോലെ ധനിലേട്ടൻ അങ്ങട്‌ തന്നെ വണ്ടി എടുത്തു.

കാർ താഴ്‌വാരത്തു ഇട്ടു ഞങ്ങൾ നടത്തം തുടങ്ങി. ഞങ്ങളെ സ്വാഗതം ചെയ്യാൻ അട്ടകൾ കാതിരിക്കുവായിരുന്നു. കാലു കുത്തിയപാടെ എല്ലാം പെടച്ചു കയറി.

അങ്ങനെ ഞാനും ക്യാമറയും ട്രൈ പോടും ഒക്കെ ആയി നടത്തം തുടങ്ങി. അട്ടയും ഒന്നും പ്രശ്നമാക്കിയില്ലാ.

ക്യാമറ എവിടെ വെച്ചാലും അതെല്ലാം അതിമനോഹരമായ ഫ്രെയിംസ്‌. ചെറിയെ കുഞ്ഞു കുഞ്ഞു വെള്ള ചാട്ടങ്ങൽ. നമ്മെ തലോടി കുളിരണിയിക്കുന്ന കോടയും.

നുള്ളി നോവിക്കുന്ന പോലുള്ള അനുഭൂതി തരുന്ന ചെറു ചാറ്റൽ മഴയും... ഹൊ.. കിടു....

നല്ലൊരു വെള്ള ചാട്ടം പകർത്തണം. ഒരാഗ്രഹായിരുന്നു എനിക്കായി ഒരുക്കിയതി പോലൊരെണ്ണം.

അട്ടയും തണുപ്പും ഒന്നും പ്രശ്നമല്ല കിട്ടവുന്നതിൽ നല്ലൊരു ഫോട്ടൊ കിട്ടണം .. വെള്ള ചാട്ടതിലേക്കിറങ്ങി പാറയിൽ ട്രൈ പോട്‌ വെച്ച്‌ അങ്ങടു തുടങ്ങി..

ഒപ്പൊം അതു പോലെ ക്ഷമയോടെ നിക്കുവായിരുന്നു ധനിലേട്ടനും ടോബ്ബി ചെട്ടനും.

എല്ലാവർക്കും ദഹിക്കില്ല. അതു പക്ഷെ ഒരൊറ്റ മനസ്സ മൂന്നാൾടെം എന്നു ആ ഒരു ഇതിൽ മനസ്സിലായി. അങ്ങനെ അവിടെന്നു പതിയെ ചലിച്ചു.

ഷൂ അഴിച്ചപ്പോഴെക്കും ഒരു 10 അട്ട ചുരുങ്ങിയത്‌ അവിടെ ഇവിടെ ആയൊക്കെ കടിച്ചിരിപ്പുണ്ട്‌. ചോര കൊണ്ട്‌ കുളിച്ചിരിക്കുവ.

അപ്പൊ അറിഞ്ഞില്ല ഇപ്പൊ ശെരിക്കും അറിയുന്നുണ്ട്‌ നല്ല ഒന്നാന്തരം ചൊറിച്ചിലാ ഇവറ്റൊളു കടിച്ചാൽ.

ഇനി നമ്മുടെ സ്വന്തം പരുന്തും പാറയാണു (Parunthumpara) അടുത്ത ലക്ഷ്യം. കുട്ടിക്കാനം കഴിഞ്ഞപ്പൊഴെക്കും കുറെ ഫ്രിക്കി ചങ്കി പയ്യന്മ്മർ ഒരു വളവിൽ താഴെക്കു നോക്കി നില്ല്ല്ക്കുന്നുണ്ട്.‌ വളവു വളഞ്ഞു വന്നപ്പൊ ഒരു ബൈക്ക്‌ അവൻ അങ്ങടെക്ക്‌ പോയി.

ബൈക്കും ആളും താഴെ പോയി. നമ്മൾ അടുത്ത വളവിൽ എത്തിയപ്പോഴാണു ഈ കാഴ്ച്ച കണുന്നത്‌ ഒരു എഫ്‌ സി തഴെ. കാട്ടിൽ.

അരുടെയൊക്കെയൊ ഭാഗ്യം കാരണം അദികം താഴെക്കു പോയില്ല....

മഴയാണു. വെറ്റ്‌ ആയി കിടക്കുന്ന റോഡിൽ ഗ്രിപ്പ്‌ കിട്ടില്ല വളവിൽ ഒക്കെ ഒന്നു ശ്രെദ്ധിക്കണം.

ബൈക്ക്‌ ഓടിച്ച ആൾക്ക്‌ ഒന്നും പറ്റിയിട്ടുണ്ടാകരുതെ എന്നായിരുന്നു പ്രാര്‍ത്ഥന.

അതികം വൈകാതെ പരന്തുമ്പാറ എത്തി. നല്ല ഉഗ്രൻ കോട. നേർക്കുനേർ വരുന്ന വണ്ടികൾ പൊലും കാണുവാൻ കഴിയുന്നില്ല. കാർ സൈഡ് ആക്കി.

3 ആൾക്കും പെട്ടൊന്നൊരു പൂതി. ഐസ്ക്രീം കഴിക്കണം. വാങ്ങി. പറഞ്ഞു തീരും മുന്നെ. തണുപ്പത്തു ഐസ്ക്രീം അഹാഹഹ... എന്നാ ഒരു സുഗാ...

അതും അകത്താക്കി പതിയെ കോടയിൽ കൂടി നടത്തം തുടങ്ങി. പരന്തുമ്പാറ അത്രയും ഒരു സുന്ദരി ആയി കാണുന്നത്‌ ഇത്‌ ആദ്യമാണു.

വേറെതോ ലോകത്തെന്ന പോലെ കോടയും ചെറിയ ചാറ്റൽ മഴയും എല്ലാം ശെരിക്കും കൊണ്ടങ്ങു നടന്നു.

അവിടെന്ന് തന്നെ ഒരു കട്ടനും കുടിച്ചു യാത്ര തിരിച്ചു. കാഞ്ഞാർ വഴി തന്നെ തിരികെ ഇറങ്ങാനും തീരുമാനിച്ചു. അവിടുത്തെ കാഴ്ച്ചകളെ പറ്റി വർൺനിക്കുവാൻ വാക്കുകൾ കിട്ടുന്നില്ല. അതു കൊണ്ടാണു... നിർത്തുവാ... അപ്പൊ എങ്ങന അങ്ങടു വിടുന്നെ. സുരക്ഷിതമായി പോയി വരു ഈ കാഴ്ച്ചകൾ ബാക്കി ഉള്ള ജീവിത കാലത്തെക്കുള്ള നല്ല ഓർമ്മ്മകൾ. ഈ നിമിഷങ്ങൾ ഒരു മുതൽ കൂട്ടായെക്കാം...!!!

Written By: Arun Aru

വാഗമണ്ണിലെ കോടയിൽ കുളിച്ചൊരു യാത്ര | Vagamon Parunthumpara

ഗവി മനോഹര ഭൂമിയിലൂടെ ഒരു കാനന യാത്ര | Gavi Pathanamthitta

noreply@blogger.com (Abdu Rahiman Pattambi) — Tue, 09 Jun 2020 15:20:00 +0000

ഗവി: കാടിനോട് ചേർന്ന് കിടക്കുന്ന മനോഹരമായ ഒരു കൊച്ചു സ്ഥലം.

കാനനക്കാഴ്ച്ചയുടെ ലാസ്യഭാവമാണ് ഗവി. കാനനക്കാഴ്ചകള്‍ അതിന്‍റ തനിമയില്‍ അനുഭവിക്കുന്നതിനപ്പുറം ട്രക്കിംഗ്, കാട്ടിലൂടെ സഫാരി, വന്യമൃഗ നിരീക്ഷണം, പക്ഷി നിരീക്ഷണം, ഏറുമാടത്തിലെ താമസം, കാടിന്‍റെ പ്രദേശത്തായി ഔട്ട് ഡോര്‍ ക്യാമ്പിംഗ്, കാട്ടുവഴിയിലൂടെ രാത്രി സഫാരി, കൊച്ചുപമ്പ കായലിലൂടെയുള്ള ബോട്ടിംഗ്, ശബരിമല ക്ഷേത്രം കാണാനായുള്ള മലയിലേക്കുള്ള കയറ്റം എന്നു തുടങ്ങി ഒരു പിടി അനുഭവങ്ങളിലേക്കാണ് യാത്ര. അതുകൊണ്ട് മുന്‍കൂട്ടി പ്ലാന്‍ ചെയ്ത് ആവശ്യമായ മുന്‍കരുതലുകളോടെ എത്തിയാല്‍ ഒരിക്കലും മറക്കാനാവാത്ത മുഹൂര്‍ത്തങ്ങള്‍ നല്‍കും ഗവി.

സമുദ്രനിരപ്പിൽനിന്ന് 3,400 അടി ഉയരത്തിലാണ് ഗവി സ്ഥിതി ചെയ്യുന്നത്.

കൊടുംവേനലിൽ പോലും വൈകിട്ടായാൽ ചൂട് 10 ഡിഗ്രിയിലേക്ക് എത്തുന്ന പ്രദേശമാണിത്. പുൽമേടുകളാൽ സമൃദ്ധമായ മൊട്ടക്കുന്നുകളാണ് ഗവിയുടെ മറ്റൊരു പ്രത്യേകത.

വണ്ടിപെരിയാർ നിന്നും കുമളിയിൽ നിന്നും ഗവിയിലെക്ക് പോകാം. വള്ളകടവ് ഉള്ള ചെക്ക്പോസ്റ്റിൽ നിന്ന് യാത്രക്കാർക്കും വണ്ടിക്കും ക്യാമറയ്കും പാസ്‌ എടുത്ത് യാത്ര തുടങ്ങാം.

കാടിന്റെ സുഖവും പച്ചപ്പും മഞ്ഞും ആസ്വദിച്ചു നല്ല ഒരു ട്രെക്കിംഗ് അനുഭവം. ഭാഗ്യമുണ്ടെങ്കിൽ മൃഗങ്ങളെ അവരുടെ ആവാസ വ്യവസ്ഥയിൽ കാണാം. കാട്ടിൽ വണ്ടി നിർത്തി ഇടുകയോ പുറത്തിറങ്ങുകയൊ അരുത്. കാടിനെ തൊട്ടറിഞ്ഞ് സംരക്ഷിച്ച് യാത്ര ചെയുക.

വാഗമൺ, കുട്ടിക്കാനം, തേക്കടി മുതലായ സ്ഥലങ്ങളും ഈ യാത്രയിൽ പോകാവുന്നവയാണ്.

യാത്രാമാര്‍ഗ്ഗം:-

വിമാനത്താവളം: കൊച്ചി (200 KM), തിരുവനന്തപുരം (250 KM).

റെയില്‍വേ സ്റ്റേഷന്‍: തേനി (70 KM), കോട്ടയം (120 KM).

റോഡ് മാര്‍ഗ്ഗം: കോട്ടയം - വണ്ടിപ്പെരിയാര്‍ (95 KM). വണ്ടിപ്പെരിയാറില്‍ നിന്നു കുമളിയിലേക്കുള്ള വഴിയില്‍ കണ്ണിമാറ എസ്റ്റേറ്റിലൂടെ വലത്തോട്ടു തിരിഞ്ഞു വേണം ഗവിയിലേക്ക് പോകാന്‍ (27 KM). ആദ്യത്തെ ഒന്‍പത് കിലോമീറ്റര്‍ പിന്നിട്ടാല്‍ വള്ളക്കടവ് ചെക്‌പോസ്റ്റാണ്. അവിടെനിന്നു പാസെടുത്ത് വേണം യാത്ര തുടരാന്‍. പെരിയാര്‍ ടൈഗര്‍ റിസര്‍വ്വിന്റെ ഭാഗമായതിനാല്‍ ഗവിയിലേക്കുള്ള പ്രവേശനത്തിന് കര്‍ശന നിയന്ത്രണങ്ങളുണ്ട്. പത്തനംതിട്ടയില്‍നിന്നു ഗവി വഴി കുമളിയിലേക്ക് കെ.എസ്.ആര്‍.ടി.സി ബസ്സ് സര്‍വ്വീസുണ്ട്. രാവിലെ 6.30 നും ഉച്ചയ്ക്ക് 12.30 നുമാണ് ഈ സര്‍വ്വീസുകള്‍.

തിരുവനന്തപുരം, കൊല്ലം ജില്ലകളില്‍ നിന്ന് വരുന്നവര്‍ പുനലൂര്‍ വഴിയോ അടൂര്‍ വഴിയോ പത്തനംതിട്ടയില്‍ എത്തുക. മറ്റു വടക്കന്‍ ജില്ലകളായ ആലപ്പുഴ, എറണാകുളം എന്നീ സ്ഥലങ്ങളില്‍ നിന്ന് വരുന്നവര്‍ക്ക് തിരുവല്ല, കോഴഞ്ചേരി വഴി പത്തനംതിട്ടയില്‍ എത്തി രാവിലെ 6.30നും ഉച്ചയ്ക്ക് 12.30നും ഉള്ള കെ.എസ്.ആര്‍.ടി.സി ബസ്സില്‍ കയറി ഗവിയില്‍ എത്താം. കെ.എസ്.ആര്‍.ടി.സി ബസ്സില്‍ പത്തനംതിട്ടയില്‍ നിന്ന് ഗവിക്കുള്ള യാത്ര അത്യന്തം രസകരമായ അനുഭവമാണ്. കുന്നും താഴ്വാരങ്ങളും വെള്ളച്ചാട്ടങ്ങളും പുല്‍മേടുകളും ഡാമുകളും കാടും ഒക്കെ താണ്ടി നാലര മണിക്കൂര്‍ യാത്ര ചെയ്താ ല്‍ ഗവിയിലെത്താം.

കേരള വനം വികസന കോര്‍പറേഷന്‍ ഇക്കോ ടൂറിസം പദ്ധതി നടപ്പാക്കിയിരിക്കുന്ന ഇവിടേക്ക് ദിവസം 100 പേര്‍ക്കാണ് പ്രവേശനം അനുവദിച്ചിരിക്കുന്നത്. ശരാശരി 700 പേര്‍ ഗവി യാത്രയ്ക്കായി ചെക്ക് പോസ്റ്റില്‍ എത്തുന്നുണ്ട്. വനം വകുപ്പിന്‍റെ മുന്‍കൂട്ടിയുള്ള അനുമതിയില്ലാതെ ഗവിയിലേക്കു പ്രവേശനം അനുവദിക്കില്ല. വനം വകുപ്പിന്‍റെയോ കേരള വനം വികസന കോര്‍പറേഷന്‍റെയോ ടൂറിസം പ്രോഗ്രാമില്‍ മുന്‍ കൂട്ടി ബുക്ക് ചെയ്യുന്നവര്‍ക്കാണ് ഇതിനുള്ള സൗകര്യം ലഭിക്കുക. സ്വകാര്യ വാഹനങ്ങള്‍ കടത്തിവിടില്ല. ഗവിയിലേക്ക് എത്തിച്ചേരുവാന്‍ മറ്റൊരു എളുപ്പ മാര്‍ഗ്ഗം പത്തനംതിട്ടയില്‍ നിന്നും കുമളിയില്‍ നിന്നും ഗവി വഴി കടന്നു പോകുന്ന കെ.എസ്.ആര്‍.ടി.സിയുടെ ഓര്‍ഡിനറി ബസ്സാണ്. ദിവസേന രണ്ട് സര്‍വീസുകളാണ് ഗവി വഴി കടന്നു പോകുന്നത്.

കാനനഭംഗിയും മറ്റും അനുഭവിച്ചറിയണമെങ്കില്‍ പത്തനംതിട്ടയില്‍ നിന്ന് തന്നെ യാത്ര ആരംഭിക്കണം. പത്തനംതിട്ടയില്‍ നിന്നും പുറപ്പെട്ട് ചിറ്റാര്‍, സീതത്തോട്, ആങ്ങമൂഴി എന്നീ സ്ഥലങ്ങള്‍ കഴിയുമ്പോള്‍ വനത്തിലേക്ക് പ്രവേശിക്കുകയാണ്. അവിടെ നിന്നും കക്കാട് ഹൈഡ്രോ ഇലക്ട്രിക് പ്രോജക്ടിന്‍റെ ഭാഗങ്ങളായ സ്ഥലങ്ങള്‍ കടന്ന് കക്കി ഡാം, ആനത്തോട് ഡാം, പമ്പാ ഡാം എന്നീ ഡാമുകള്‍ കടന്നാണ് ഗവിയില്‍ എത്തുക. ഡാമുകള്‍ക്ക് മുകളിലൂടെയുള്ള കെ.എസ്.ആര്‍.ടി.സി ബസ്സിലെ യാത്ര കൗതുകമു ണര്‍ത്തുന്നതാണ്.

Written By: Prashobh Jayaprakash

Gavi: Photo Gallery

ഗവി: കാടിനോട് ചേർന്ന് കിടക്കുന്ന മനോഹരമായ ഒരു കൊച്ചു സ്ഥലം. Gavi Tourism

കാനന ഭംഗി ആസ്വദിച്ച് ഒരു മുത്തങ്ങ ഗുണ്ടൽപേട്ട് ബന്ദിപൂർ യാത്ര Muthanga - Gundlupet - Bandipur Forest Route

noreply@blogger.com (Abdu Rahiman Pattambi) — Tue, 09 Jun 2020 08:22:00 +0000

കാനന ഭംഗി ആസ്വദിക്കാൻ ആഗ്രഹിക്കുന്ന ഏതൊരു വിനോദ സഞ്ചാരിക്കും മുത്തങ്ങ, ഗുണ്ടൽപേട്ട്, ബന്ദിപൂർ യാത്ര പ്രിയപ്പെട്ടതായിരിക്കും. Muthanga - Gundlupet - Bandipur Forest Route

ഇത് വന്യതയുടെ ഭംഗി മതിവരുവോളം ആസ്വദിക്കുവാനുള്ള യാത്ര. വന്യ മൃഗങ്ങളുടെ വിഹാരകേന്ദ്രമായ, ആരെയും വിസ്മയിപ്പിക്കുന്ന, വന നിബിന്ധമായ ബന്ദിപൂരിലെക്കാണീ യാത്ര.

പ്രകൃതി സ്നേഹിയും സാമൂഹ്യ സേവകനുമായ ഹിദായത്ത്, രാഷ്ട്രീയ നേതാവായ മുഹമ്മദ് പാക്യാര, എഞ്ചിനീയർ ആയ ഹാരിസ്, എഞ്ചിനീയറിംഗ് വിദ്യാർത്ഥി ആയ അർഷദ് എന്നിവരായിരുന്നു സഹ യാത്രികർ. മധ്യാഹ്ന സൂര്യൻ ഒന്ന് മങ്ങിയതോടെ ഞങ്ങൾ യാത്ര തിരിച്ചു. കാറിൽ ആയിരുന്നു യാത്ര. ഇരുട്ടിൻകീറി മുറിച്ചു കൊണ്ട് രാത്രി മഞ്ഞു പെയ്യുന്ന പാൽ ചുരവും കയറി ബോയ്സ് ടൗണും മാനന്തവാടിയും പിന്നിട്ട ഞങ്ങൾ രാത്രി 10 മണിയോട് കൂടി രണ്ട് സംസ്ഥാനങ്ങളുമായി അതിർത്തി പങ്കിടുന്ന കേരളത്തിലെ ഏക താലൂക്ക് ആയ സുൽത്താൻ ബത്തേരിയിലെത്തി (Sulthan Bathery). പെരുന്നാൾ പിറ്റേന്ന് ആയത് കൊണ്ട് തന്നെ റൂമിനു കുറച്ചു അലയേണ്ടി വന്നു. അധികം വൈകാതെ 1300 രൂപയ്ക്ക് 5 പേർക്ക് താമസിക്കാൻ ഒരു റൂം കിട്ടി. ഭക്ഷണവും കഴിച്ചു പ്രഭാതത്തിലെ കാനന കാഴ്ച മനസ്സിൽ കണ്ടു കൊണ്ട് അറിയാതെ നിദ്രയിലേക്ക് വഴുതി വീണു.

അതി രാവിലെ തന്നെ എണീറ്റു. പ്രഭാത കൃത്യങ്ങളും പ്രാര്ഥനയും ഒക്കെ കഴിഞ്ഞു മുത്തങ്ങ ചെക്ക് പോസ്റ്റ് (Muthanga Check Post) ലക്ഷൃമാകി നീങ്ങി. 6 മണിക്ക് തന്നെ ചെക്ക് പോസ്റ്റ് തുറന്നു. അതി രാവിലെ പാതി സൂര്യ പ്രകാശത്തിൽ വെളിച്ചം കടന്നു വരാൻ മടിക്കുന്ന കൊടും കാട്ടിലെ കാനന പാതയിലൂടെ അതി രാവിലെയുള്ള സഞ്ചാരം അത് പറഞ്ഞറിയിക്കാൻ പറ്റാത്ത അനുഭൂതിയാണ്.

മാനുകളും വാനരന്മാരും യഥേഷ്ടം വിഹരിക്കുന്ന കാഴ്ച. ചീവീടിന്റെ ശബ്ദവും പക്ഷികളുടെ കള കളാരവും സംഗീത ധാരയായി പെയ്തിറങ്ങുന്ന ആ പുലർകാല കാനന യാത്രയിൽ ആദ്യ ലക്ഷൃം, കാർണ്ണടയിലെ കാർഷിക ഗ്രാമമായ ഗുണ്ടൽപേട്ട് ആണ്. കാവേരി നദീ ജല തർക്കം കത്തി നിൽക്കുന്ന സമയം ആയതിനാൽ അത് വഴി പോകാൻ ചെറിയ ഭയമുണ്ടായിരുന്നു. ആ പ്രദേശത്ത് പ്രശ്നങ്ങളൊന്നും ഇല്ലെന്നു ഉറപ്പ് വരുത്തിയാണ് ഈ യാത്ര.

മുത്തങ്ങ വന യാത്ര ചെന്നവസാനിക്കുന്നത് പൂ പാടങ്ങൾ കഥ പറയുന്ന മദൂർ എന്നാ ഗ്രാമത്തിലേക്കാണ്. പാതയ്ക്കിരു വശവും നിറയെ പൂ പാടങ്ങൾ. പക്ഷെ ഓണം ആയതിനാൽ വിളവെടുപ്പൊക്കെ കഴിഞ്ഞിരിക്കുന്നു. അവിടെ നിന്നും ഒരു ചൂട് സുലൈമാനിയും കുടിച്ചു മണ്ണിന്റെ മക്കൾ പൊന്നു വിളയിക്കുന്ന ഗുണ്ടൽ പെട്ടിലേക്ക് പ്രവേശിച്ചു.

പാതയ്ക്ക് അരികിലായി ജോലിക്ക് പോകാൻ നിൽക്കുന്ന ഗ്രാമീണരും പശു കൂട്ടങ്ങളും ആട്ടിൻ കൂട്ടങ്ങളും കാള വണ്ടികളും കൃഷി ഭൂമികളും നമ്മെ മറ്റൊരു ലോകത്തേക്ക് കൊണ്ടെത്തിക്കുന്നു. പഴമയും ഗ്രാമീണതയും ആസ്വദിക്കുന്ന ഒരാൾക്ക് കണ്ണിനും മനസ്സിനും കുളിരേകുമെന്നതിൽ യാതൊരു സംശയവുമില്ല. വഴിയരികിൽ കൃഷി ചെയ്ത തണ്ണി മത്തൻ വിൽപ്പനക്ക് വച്ചിട്ടുണ്ട്. 30 ചെറു തണ്ണി മത്തൻ ഉള്ള ഒരു ചാക്കിനു 220 രൂപ മാത്രം. ഒരു ചാക്ക് ഞങ്ങളും വാങ്ങി. ഗ്രാമീണതയുടെ സൗന്ദര്യം കൂടി വന്നപ്പോൾ പഴമയെയും ഗ്രാമീണഥയെയും ഒക്കെ അതിരറ്റു സ്നേഹിക്കുന്ന ഹിദായത് വാചാലനായി. ഞങ്ങൾക്കൊക്കെ ഒരു ക്ലാസ് തന്നെ എടുത്തു തന്നു.

ഗുണ്ടപ്പെട്ടിന്റെ ഗ്രാമീണത ആവോളം നുകർന്ന് കൊണ്ട് ഞങ്ങൾ വീണ്ടും മറ്റൊരു കാനന പാതയായ ബന്ദിപൂർ നാഷണൽ പാർക്കിലേക്ക് പ്രവേശിച്ചു. കാനന ഭംഗി ആസ്വദിച്ചു കൊണ്ട് മുമ്പോട്ട് നീങ്ങിയപ്പോൾ പാതയ്ക്ക് ഓരം ചേർന്ന് ഒരു ആന നിൽപ്പുണ്ടായിരുന്നു. പിടിയാന ആയിരുന്നു. ശാന്തയാണവൾ. കുറചു നേരം നോക്കി നിന്നു. അവൾ മാറുന്ന ലക്ഷണമില്ല. അപ്പുറത്തും ഇപ്പുറത്തും നിർത്തിയിട്ട വണ്ടികൾ ഓരോന്നായി അവൾക്ക് മുമ്പിലൂടെ കടന്നു പോയി. കൂട്ടത്തിൽ ഞങ്ങളും. മാൻ കൂട്ടങ്ങളും മയിലും കുഞ്ഞുങ്ങളും വാനര വികൃതികളും ഒക്കെ ആയി ആ കാനന യാത്ര ഞങ്ങളുടെ നയനങ്ങൾക്ക് മിഴിവേകി. കുറച്ചു ദൂരം പോയതേ ഉള്ളു. ഒരു തള്ളയാനയും കുഞ്ഞും മേഞ്ഞു നടക്കുന്നു. വണ്ടി നിർത്തി മതി വരുവോളം കണ്ടു നിന്നു. മനസ്സിലും ക്യാമെറയിലും ഫോട്ടോകൾ പകർത്തി. കാനന കാഴ്ചകൾ കണ്ടാസ്വദിച്ചു കൊണ്ട് തമിഴ് അതിർത്തി പ്രദേശമായ ഗൂഡല്ലൂർ ലക്ഷൃമാകി നീങ്ങി.

Wtitten By: Zubair Udma

Muthanga - Gundlupet - Bandipur Forest Route

മാമലക്കണ്ടം പുലിമുരുകൻ്റെ നാട്ടിൽ ഒരു യാത്ര Mamalakandam in Kothamangalam

noreply@blogger.com (Abdu Rahiman Pattambi) — Mon, 08 Jun 2020 14:36:00 +0000

കാട്ടുയാത്ര ആഗ്രഹിക്കുന്ന സഞ്ചാരികളുടെ പരുധീസയാണ് മാമലക്കണ്ടം. ( Mamalakandam )

മാമലക്കണ്ടം വരുന്ന സഞ്ചാരികൾ അറിഞ്ഞിരിക്കേണ്ട കാര്യങ്ങൾ

ഇത് ഒരു വിനോദ സഞ്ചാര മേഖലയല്ല, ആദിവാസികളെ ഉപദ്രവിക്കാനോ അവരുടെ ജീവിതമാര്ഗങ്ങൾ തടസപ്പെടുത്താനോ ശ്രമിക്കരുത്, ഒരു തരത്തിലും മലിനമാക്കാതിരിക്കുക.

അനുവാദമില്ലാതെ വനത്തിൽ പ്രവേശിക്കുന്നത് കുറ്റകരമാണ്.

എങ്ങനെ തുടങ്ങണം എന്ന് ഒരു എത്തും പിടിയും കിട്ടുന്നില്ല, കാരണം ഒരുപാടു കാര്യങ്ങൾ ഒളിഞ്ഞും മറഞ്ഞും കിടക്കുന്ന ഒരു ഗ്രാമമാണ് മാമലക്കണ്ടം.

എറണാകുളം ജില്ലയിൽ ആണ് മാമലക്കണ്ടം എന്ന് പറഞ്ഞാൽ ഒന്ന് ഞെറ്റി ചുളിക്കാത്ത ആരുമുണ്ടാകില്ല, കാരണം എറണാകുളം ജില്ലയിൽ എങ്ങനെ ഒരു വനവും ഗ്രാമവും ഉണ്ടന്ന് ആർക്കും അങ്ങനെ അറിയില്ല.

ഇനി മാമലകണ്ടത്തെ വിശേഷങ്ങൾ പറയാം

കുട്ടമ്പുഴ പഞ്ചായത്തിൽ 10-11 വാർഡ് ആണ് മാമലക്കണ്ടം, മുമ്പ് ഇടുക്കി ജില്ലയിൽ ആയിരുന്ന മാമലക്കണ്ടം ഇപ്പോൾ എറണാകുളം ജില്ലയുടെ ഭാഗമാണ്. ഇടുക്കിയായി അതിർത്തി പങ്കിടുന്നതും മാമലകണ്ടതാണ്.

80 വർഷം മുൻപാണ് മാമലക്കണ്ടത് ജനങ്ങൾ കുടിയേറി പാർക്കാൻ ആരംഭിച്ചത്, കൃഷി ആവശ്യങ്ങൾക്കായി ജനങ്ങൾ കാടുകയറി, പിന്നീട് അത് ഒരു ഗ്രാമമായി രൂപാന്തരപ്പെട്ടു.

പ്രകൃതിയിൽ അനുഗ്രഹിക്കപ്പെട്ട മാമലക്കണ്ടം

നാലു വശത്താലും വനത്തിൽ ചുറ്റപെട്ടുകിടക്കുന്നു എന്നത് തന്നെയാണ് മാമലക്കണ്ടം മറ്റു സ്ഥലങ്ങളിൽ നിന്ന് വ്യത്യസ്തമായി നിൽക്കുന്നത്. കാടിനു ഒരൽപം പോലും കോട്ടം വരുത്താതെയാണ് ജനങ്ങൾ എവിടെ ജീവിച്ചു പോരുന്നത്. ആദിവാസി സംസ്കാരം നിലനിർത്തി ജീവിക്കുന്ന ഒരുപറ്റം ആദിവാസി ഗ്രാമവും അതോടു ചേർന്ന് ജീവിക്കുന്ന നാട്ടുകാരും കേരളത്തിൽ വേറെ എവിടെയും കാണാൻ സാധിക്കില്ല.

മാമലക്കണ്ടം യാത്രയിൽ കണ്ടിരിക്കേണ്ട സ്ഥലങ്ങൾ

മാമലക്കണ്ടം യാത്ര എന്ന് പറയുമ്പോൾ തന്നെ മനസ്സിൽ ഒരു കുളിരും പച്ചപ്പും ഓടിയെത്തും. കാരണം അതി മനോഹര കാനന യാത്രയാണ് മാമലക്കണ്ടം യാത്ര. കൊച്ചിയിൽ നിന്നും 60 KM യാത്ര ചെയ്താൽ മാമലക്കണ്ടം എത്താൻ സാധിക്കും.

മുനിയറ

മാമലക്കണ്ടം ഒരു ചരിത്ര ശിലാ യുഗത്തിന്റെ ബാക്കി പത്രമാണ് മുനിയറ, മാമലക്കണ്ടം ജനങളുടെ ഒരു ആരാധനാ ശില്പമാണ് മുനിയറ (Muniyara), മഴയില്ലാത്ത കാലങ്ങളിൽ മുനിയറയിൽ ജനങ്ങൾ കൂടി പായസം വച്ചാൽ മഴയുണ്ടാകും എന്നതാണ് ഇവിടുത്തെ വിശ്വാസം, ഇവിടെ നിന്നുള്ള കാഴ്ചയും അതി മനോഹരമാണ്. കേരളത്തിലെ ഏറ്റവും വലിയ മലയായ ആനമുടി (Anamudi) എവിടെ നിന്നാൽ കാണാൻ കഴിയും.

കോയിനിപ്പറ ഹിൽസ് (Koyinippara Hills)

മാമലകണ്ടത്തെ ഏറ്റവും ഉയരം കുടിയ കുന്നുകൾ അതാണ് കോയിനിപ്പറ മല (Koyinippara Hills). 4 വീൽ ജീപ്പ് യാത്രക് പറ്റിയ സ്ഥലമാണ് കോയിനിപ്പറ യാത്ര, മാമലകണ്ടതു നിന്ന് കുറഞ്ഞ ചെലവിൽ 8 പേർക്ക് പോകാൻ സാധിക്കും ഒരു ജീപ്പിൽ കോയിനിപ്പറക്കു, അത് ഒരു മറക്കാനാകാത്ത അനുഭവമാണ്. കുളുക്കുമലയിലെ ഓഫ്‌റോഡ് (Kolukkumala Off road) ഒന്നുമല്ല എന്നതാണ് സത്യം.

കല്ലടി വെള്ളച്ചാട്ടം (Kalladi Waterfalls)

എളുപ്പം സഞ്ചാരികൾക്കു എത്തി ചേരാൻ കഴിയാത്ത ഒരു പ്രദേശമാണ് കല്ലടി വെള്ളച്ചാട്ടം. രണ്ടു മലകൾക്കിടയിൽ ഒരു വെള്ളച്ചാട്ടവും അതി വിശാലമായ തടാകവും ആണ് കല്ലടി വെള്ളച്ചാട്ടത്തിൽ കാണാൻ കഴിയുന്നത്.

ഞണ്ടുകുളം ഹിൽസ്

ആദിവാസികൾ മാത്രം വസിക്കുന്ന മലയോരമാണ് ഞണ്ടുകുളം, വനത്തിന്റെ മക്കളാണ് എവിടെ ഉള്ളത്.

ആവര്ക്കുട്ടി (ഈറ്റ ഗ്രാമം) (Avarkutti)

6 മാസത്തിൽ ഒരിക്കൽ ഒത്തു കൂടുന്ന ഗ്രാമവും അതിൽ നിറയുന്ന കച്ചവടക്കാരുമാണ് ആവാറുകുട്ടിയിൽ ഉള്ളത്, ശിക്കാർ സിനിമയിൽ കാണുന്ന അതെ ഗ്രാമം, ഈറ്റ വെട്ടു തൊഴിലാളിയാണ് എവിടെ ഒത്തു കൂടുന്നത് വനത്തിൽ 6 മാസത്തിൽ ഒരിക്കൽ ഒത്തുകൂടുന്ന ഞങ്ങൾ അതാണ് ഇവിടുത്തെ പ്രദാന ആകര്‍ഷണം.

മാമലക്കണ്ടം - ആനകുളം - മാങ്കുളം - മൂന്നാർ രാജപാത

ഒരു സഞ്ചാരിക്കും മറക്കാൻ പറ്റാത്ത കാനന യാത്രക്കും ഇത്. എന്നാൽ ഇതിലൂടെ സഞ്ചരിക്കുന്നത് അത്ര എളുപ്പമല്ല. കേരളം വനം വകുപ്പിന്റെ കിഴിൽ ഉള്ള ഈ പാതയിലൂടെ യാത്ര ചെയ്യാൻ അനുവാദം എടുക്കണം. 30 Km പുറം ലോകമായി ഒരു ബന്ധമില്ലാത്ത യാത്രയാണിത്. ഗൂഗിൾ മാപ്പിലോ ഒന്നും ഈ വഴിയില്ല. മൊബൈൽ നെറ്റ്‌വര്‍ക്ക് ഇല്ല.

കേരളത്തിൽ ആനയുടെ സാന്ദ്രത ഏറ്റവും ഉള്ള വനമേഖലയാണിത്. 10 KM ചുറ്റളവിൽ 50 കാട്ടാനയെങ്കിലും ഉണ്ടന്നാണ് വനം വകുപ്പിലെ കണക്കുകൾ, അതുകൊണ്ടു തന്നെ ഈ യാത്ര ഇരട്ട ചങ്കുള്ള യാത്രികർക്ക് പറഞ്ഞിട്ടുള്ളതാണ്.

മാമലകണ്ടവും സിനിമ ചരിത്രവും

"മാമലകണ്ടത്തു ആദ്യമായി പിടിച്ച പടമല്ല പുലിമുരുഗൻ". ഈറ്റ എന്ന പഴയകാല ചിത്രമാണ് ആദ്യമായി ചിത്രീകരിച്ചത്. പിന്നീട് ശിക്കാർ, ആടുപുലിയാട്ടം എന്നി ചിത്രങ്ങൾക്കു ശേഷമാണ് പുലിമുരുകന്റെ വരവ്. മാമലക്കണ്ടം (Mamalakandam) കടും മാലയും നല്ലരീതിയിൽ പകർത്തിയത് പുലിമുരുകനിൽ ആണന്നു മാത്രം.

മാമലകണ്ടത്തെ ജനങ്ങളുടെ പ്രതീക്ഷകൾ

ചെറുകിട ഡാം പദ്ധതിയാണ് വരാൻ ഇരിക്കുന്ന ഒരു അകര്ഷ‍ണം, പിന്നെ പഴയ ആലുവ മൂന്നാർ മലയോര പാത നിർമാണം, രണ്ടും പുരോഗതിയിലാണ്.

മാമലക്കണ്ടം എത്തി ചേരാൻ ഉള്ള യാത്ര മാർഗങ്ങൾ

(കൊച്ചി - പെരുമ്പാവൂർ - കോതമംഗലം - തട്ടേക്കാട് - കുട്ടമ്പുഴ - ഉരുളൻതണ്ണി - പന്തപ്ര - മാമലക്കണ്ടം)

(കൊച്ചി - പെരുമ്പാവൂർ - കോതമംഗലം - നേരിയമംഗലം - 6 MILE - പഴംപള്ളിച്ചാൽ - മാമലക്കണ്ടം)

(മൂന്നാർ - അടിമാലി - ഇരുമ്പുപാലം - ഇടത്തോട്ടു തിരിഞ്ഞു - പടിക്കപ്പ് ‌-പഴംപള്ളിച്ചാൽ - മാമലക്കണ്ടം)

യാത്രാ വിവരണം: Abil Abi Mon

മുമ്പ് ചിലർ പറഞ്ഞു വച്ചതും പറയാൻ മറന്നതും കൂട്ടിച്ചേർത്താണ് ഈ പോസ്റ്റ്. സഞ്ചാരികൾക്കു ഉപകാരപ്പെടുന്ന രീതിയിൽ തയ്യാറാക്കിയത്. കാട്ടുയാത്ര (Forest Roads) ആഗ്രഹിക്കുന്ന സഞ്ചാരികളുടെ പരുധീസയാണ് മാമലക്കണ്ടം.

Photo Gallery: മാമലക്കണ്ടം Mamalakandam

കാട്ടുയാത്ര ആഗ്രഹിക്കുന്ന സഞ്ചാരികളുടെ പരുധീസയാണ് മാമലക്കണ്ടം (Mamalakandam Forest Road Tour).

ഗിന്നസിലേക്ക് പറന്നുയർന്ന പക്ഷിശ്രേഷ്ഠൻ ജടായു പാറയിൽ Jatayu Nature Park / Jatayu Rock

noreply@blogger.com (Abdu Rahiman Pattambi) — Sat, 23 May 2020 08:06:00 +0000

ലോകത്തിലെ ഏറ്റവും വലിയ പക്ഷിശില്പം ജടായൂ (Jatayu Bird Statue)

കൊല്ലം ജില്ലയിൽ ചടയമംഗലത്താണ് ജടായു പാറ ലോക ടൂറിസം സ്ഥിതി ചെയ്യുന്നത്.

ലോക അത്ഭുതത്തിന് അരികിൽ നിന്നൊരു അസ്തമയ കാഴ്ച

സമുദ്രനിരപ്പില്‍ നിന്നു 750 അടി ഉയരത്തിലുള്ള കൂറ്റന്‍ പാറക്കെട്ടിലാണ് ലോകത്തിലെ ഏറ്റവും വലിയ പക്ഷി ശില്‍പമായ ജടായു പക്ഷി ശില്‍പം (Jatayu Bird Statue) ഒരുങ്ങിയിരിക്കുന്നത്.

സാഹസിക പാര്‍ക്കും കേബിള്‍കാര്‍ സഞ്ചാരവും റോക്ക് ട്രക്കിങ്ങുമെല്ലാം (Rock Trekking) ചേര്‍ന്നതാണ് കൊല്ലം ജില്ലയിലെ ചടയമംഗലത്തെ ജടായു വിനോദ സഞ്ചാരപദ്ധതി (Jatayu Nature Park).

മലയാളത്തിലെ ആദ്യത്തെ ഓസ്കാർ നോമിനേഷൻ സിനിമ ആയ ഗുരു അന്നും ഇന്നും നമ്മുടെയേല്ലാം മനസ്സിൽ ഇടം നേടിയ താര രാജാവ് ശ്രീ ലാലേട്ടന്റെ സിനിമ. അതു പോലെ തന്നെ വീണ്ടും ഒരു മഹാ അത്ഭുതമായി സംവിധായകന്‍ ശ്രീ രാജീവ് അഞ്ചൽ ആണ് ജടായു പദ്ധതിയുടെയും ശ്രീഷ്ഠാവ്.

രണ്ടു വഴികളിലൂടെയാണ് ശിൽപത്തിനടുത്തേക്ക് എത്താൻ കഴിയുന്നത്. റോപ്പ് വേയും, വാക്‌വേയും.

തെക്കേ ഇന്ത്യയിലെ അത്യാധുനിക കേബിൾ കാർ സവാരിയാണ് ഇവിടെ സഞ്ചാരികളെ കാത്തിരിക്കുന്നത്. സ്വിറ്റ്സർലാൻഡിൽ നിന്നും ഇറക്കുമതി ചെയ്ത റോപ്–വേ സിസ്റ്റമാണ് ഇവിടെ ഉപയോഗിക്കുന്നത്. 8 പേർക്ക് ഇരിക്കാവുന്ന 16 കാറുകളാണ് ഉള്ളത്.

ഒരു മണിക്കൂറിനുള്ളിൽ 500 പേരെ ഈ കാറുകൾ മുകളിലെത്തിക്കും. ഗ്ലാസ് കവർ ചെയ്ത കാറിനുള്ളിൽ ഇരുന്നുള്ള യാത്ര ആകാശത്ത് തെന്നി നടക്കുന്നതുപോലെ തോന്നിക്കും.

ഇന്ത്യയിലെ ടൂറിസം കേന്ദ്രങ്ങളിലെ മികച്ച റോപ്പ് വേ എന്ന പേര് ജടായു പാറയ്ക്ക് അവകാശപ്പെടാം.

ജടായു ശിൽപത്തിലേക്കുള്ള രണ്ടാമത്തെ വഴിയാണ് വാക്ക് വേ ഏകദേശം ഒന്നര കിലോമീറ്ററാണ് ദൂരം. മലയിടുക്കുകളും കാടും കൽപ്പടവുകളും കയറിയിറങ്ങിയുള്ള യാത്രയാണിത്. പാറക്കെട്ടുകൾക്കിടയിലൂെട യാത്ര ചെയ്യുമ്പോൾ തോന്നും ഏതോ കൊടുങ്കാട്ടിലൂെടയാണ് ഈ വഴി കടന്നുപോകുന്നതെന്ന്. ഈ യാത്രയുടെ ഏറ്റവും വലിയ പ്രത്യേകത ഏറെക്കുറെ നീണ്ടു കിടക്കുന്ന കൽപ്പടവുകളാണ്.

ജടായു പാറയിലേക്ക് എത്തി ചേരാനുള്ള വഴിയും മറ്റ് ആവിശ്യമായ വിലപ്പെട്ട വിവരങ്ങളും ചുവടെ ചേർക്കുന്നു.

തിരുവനന്തപുരം – കൊട്ടാരക്കര എം. സി. റോഡിലാണ‍് ചടയമംഗലം. എൻ എച്ച് വഴി വരുന്നവർക്ക് കൊല്ലം – തിരുവനന്തപുരം റോഡിൽ പാരിപ്പള്ളിയിൽ നിന്നു ചടയമംഗലത്തേക്കു തിരിയണം.

വർക്കലയാണ് തൊട്ടടുത്ത റെയിൽവേ സ്റ്റേഷൻ.

നാൽപതു കിലോമീറ്റർ ദൂരമുണ്ട് തൊട്ടടുത്ത വിമാനത്താവളമായ തിരുവനന്തപുരത്തേക്ക്.

ചടയമംഗലത്ത് കെ. എസ്. ആർ. ടി. സി യുടെ ബസ് സ്റ്റാൻഡ് ഉണ്ട്, ബസ്സിൽ വരുന്നവർക്ക് ഇവിടെ ഇറങ്ങി ജടായുവിലേക്ക് പോകാം. ഇവിടെ നിന്നാൽ ജടായു ശില്പം (Jatayu Statue) കാണാവുന്നതുമാണ്.

ഇവിടെ നിന്ന് ജടായു പാറയിലേക്ക് ഒന്നരകിലോമീറ്റർ ദൂരം. ചടയമംഗലം, കൊട്ടാരക്കര, നിലമേൽ, കിളിമാനൂർ തുടങ്ങിയവ തൊട്ടടുത്ത പട്ടണങ്ങൾ. ഇവിടെ താമസസൗകര്യങ്ങളുണ്ട്.

ഓണ്‍ലൈന്‍ ടിക്കറ്റ് ബുക്കിംഗ് വഴിയും ജടായു പാറയിൽ നേരിട്ടും വന്നും ജടായു എര്‍ത്ത് സെന്‍ററിലേക്ക് പ്രവേശന ടിക്കറ്റ് സഞ്ചാരികൾക്ക് എടുക്കാവുന്നതാണ് .

ടിക്കറ്റ് ബുക്ക് ചെയ്യേണ്ടത് ഈ വെബ്സൈറ്റ് വഴിയാണ് - www.jatayuearthscenter.com

യാത്ര വിവരണം: അഖിൽ സുരേന്ദ്രൻ അഞ്ചൽ

Photo Gallery: Jatayu Rock / Jatayu Statue