Keve Tech News

എന്താണ് ഈ ഇ-സിം; അറിയേണ്ടതെല്ലാം

noreply@blogger.com (Unknown) — Fri, 14 Sep 2018 16:57:00 +0000

ആപ്പിള്‍ ഐഫോണ്‍ ഇറങ്ങിയതോടെ ടെക് ലോകത്ത് ഇ-സിം ചര്‍ച്ചയാകുകയാണ്. ആദ്യമായി ഇരട്ട സിം അനുവദിക്കുന്ന ഐഫോണുകളാണ് കഴിഞ്ഞ ദിവസം അവതരിപ്പിച്ച ആപ്പിള്‍ ഐഫോണ്‍ XS, ഐഫോണ്‍ XS Max എന്നിവയിലാണ് ഇരട്ട സിം അനുവദിക്കുന്നത്. എന്നാല്‍ ചൈന ഒഴികെയുള്ള രാജ്യങ്ങളില്‍ രണ്ടാം സിം ഇ-സിം ആയിരിക്കുമെന്ന് ആപ്പിള്‍ പ്രഖ്യാപിച്ചതോടെയാണ് ഇ-സിം ചര്‍ച്ചയായത്. സിമ്മുകള്‍ വലിപ്പം കുറഞ്ഞുവരുന്നത് ടെക് ലോകം കണ്ടിരുന്നു മൈക്രോ സിമ്മില്‍ നിന്ന് മിനി സിമ്മായി അതില്‍ നിന്ന് നാനോയായി ഇപ്പോഴിതാ സിം സ്മാര്‍ട്ടാകുന്നു, അതാണ് ഇ-സിം.

എന്താണ് ഇ-സിം

ഇലക്ട്രോണിക്‌സിം അഥവാ ഇ-സിം, ഇതുവരെ നാം കണ്ട ഭൌതികമായ കാര്‍ഡ് സങ്കല്‍പ്പത്തെ ഇല്ലാതക്കുന്നതാണ്. ഇനി പുതിയ കണക്ഷന്‍ എടുക്കുന്നതിനായി പുതിയ സിം കാര്‍ഡ് വാങ്ങേണ്ടതില്ല. ഓരോ ഫോണിലും സിമ്മിനു പകരമായി പുതിയ നിലവാരത്തിലുള്ള ഇലക്ട്രോണിക് ചിപ്പ് അഥവാ എംബെഡ്ഡ്ഡ് സിം (ഇസിം) ഉണ്ടാകും.

സ്മാര്‍ട്ട് ഡിവൈസുകളുടെ മദര്‍ ബോര്‍ഡുകളില്‍ അഭിവാജ്യഭാഗമായ രീതിയില്‍ വെര്‍ച്വല്‍ സ്പേസില്‍ ആയിരിക്കും ഇനി സിമ്മുകളുടെ സ്ഥാനം. ആഗോള മൊബൈല്‍ നെറ്റ്വര്‍ക്ക് ഓപറേറ്റഴ്സിന്റെ അസ്സോസിയേഷനായ ജി.എസ്.എം.എ (Group Special Mobile Association) ആണ് ഇസിം എന്ന ആശയം മുന്നോട്ടു വച്ചതും വികസിപ്പിച്ചച്ചതും.

എന്താണ് ഇവയുടെ നേട്ടം

വിവിധ കണക്ഷനുകള്‍ക്കു വേണ്ടി സിമ്മുകള്‍ കൊണ്ട് നടക്കേണ്ട എന്നതാണ് പ്രധാന ഗുണം. ഓരോ ഫോണിനും ഒരു സിം കാര്‍ഡ് എന്ന സംവിധാനത്തിലേക്കു മാറും. പുതിയൊരു കണക്ഷന്‍ എടുക്കുമ്പോള്‍ ആ കണക്ഷന്‍റെ ഐ ഡി ഇ ഫോണില്‍ നല്‍കിയാല്‍ മതി. ഒരു നമ്പരും ഒരു പ്ലാനും വിവിധ ഡിവൈസുകളില്‍ ഉപയോഗിക്കാം എന്നത് ഇസിമ്മിന്‍റെ പ്രത്യേകതയാണ്.ഉദാഹരണത്തിന്,ഐഫോണില്‍ ഉപയോഗിക്കുന്ന അതെ നമ്പര്‍ തന്നെ ആപ്പിളിന്‍റെ സ്മാര്‍ട്ട് വാച്ചിലും സെറ്റ് ചെയ്യാം.

രാജ്യങ്ങളില്‍ നിന്നും രാജ്യങ്ങളിലേക്ക് യാത്ര ചെയ്യുന്നവര്‍ക്ക് വളരെയേറെ പ്രയോജനപ്പെടുന്ന ഒന്നാണ് ഇസിം സംവിധാനം. ഓരോ രാജ്യത്തേക്കും കടക്കുമ്പോള്‍ സിമ്മുകള്‍ മാറ്റി ഇടേണ്ടി വരില്ല. അതാതു രാജ്യങ്ങളിലെ മൊബൈല്‍ സര്‍വീസ് ദാതാക്കളില്‍ നിന്ന് ലഭിക്കുന്ന ഐ ഡി ഇ ഫോണില്‍ മാറ്റി നല്‍കിയാല്‍ മതിയാകും. അതിനെല്ലാം പുറമെ, കുറെ സിം കാര്‍ഡുകള്‍ ഉപയോഗിക്കുന്നവര്‍ക്ക് അവ നഷ്ടപ്പെടാനുള്ള സാധ്യതയും ഇല്ലാതാക്കുന്നു.

എതോക്കെ ഫോണുകളില്‍ ലഭിക്കും

ആപ്പിളിന്‍റെ പുതിയ മോഡല്‍ ഐഫോണിലും വാച്ചുകളിലും ഇ-സിം ഉപയോഗിക്കാന്‍ സാധിക്കും. ഇന്ത്യയില്‍ ഇ-സിമ്മിലേക്ക് മാറാന്‍ മുതിരുകയാണ് ടെലികോം കമ്പനികള്‍, ഇന്ത്യയില്‍ ഇ-സര്‍വീസ് നല്‍കുന്നത് റിലയന്‍സ് ജിയോയും എയര്‍ടെലുമാണ്. അടുത്ത് തന്നെ ഇറങ്ങുന്ന ഗൂഗിളിന്‍റെ പുതിയ പിക്സല്‍ ഫോണുകളിലും ഇ-സിം പ്രതീക്ഷിക്കുന്നു.

കടപ്പാട്: ഏഷ്യാനെറ് വെബ്

സിക്ലീനറിൽ സുരക്ഷാ വീഴ്ച

noreply@blogger.com (Unknown) — Sat, 23 Sep 2017 23:08:00 +0000

പ്രമുഖ കമ്പ്യൂട്ടര്‍ സുരക്ഷ സ്ഥാപനം അവാസ്റ്റിന്റെ ഉടമസ്ഥതയിലുള്ള കമ്പ്യൂട്ടര്‍ സെക്യൂരിറ്റി സോഫ്റ്റ് വെയറായ സിക്ലീനറില്‍ കടന്നുകൂടിയ മാല്‍വെയര്‍ 20 ലക്ഷം കമ്പ്യൂട്ടറുകളിലെത്തിയതായി റിപ്പോര്‍ട്ട്. ഓഗസ്റ്റില്‍ പുറത്തുവിട്ട സിക്ലീനറിന്റെ പുതിയ അപ്‌ഡേറ്റ് സോഫ്റ്റ് വെയറിലാണ് മാല്‍വെയര്‍ കടന്നുകൂടിയത്. അപ്‌ഡേറ്റ് ഡൗണ്‍ലോഡ് ചെയ്ത എല്ലാ കമ്പ്യൂട്ടറുകളെയും മാല്‍വെയര്‍ ബാധിച്ചിട്ടുണ്ടാവും.

കമ്പ്യൂട്ടറിന്റെ പേര്, ഐപി അഡ്രസ്, ഇന്‍സ്റ്റാള്‍ ചെയ്ത സോഫ്റ്റ്‌വെയര്‍, ആക്റ്റീവ് സോഫ്റ്റ്‌വെയറുകള്‍, തുടങ്ങി സാങ്കേതികമായ വിവരങ്ങളാണ് മാല്‍വെയര്‍ അമേരിക്കയിലെ സെര്‍വറുകളിലേക്ക് ചോര്‍ത്തുന്നത്. മറ്റ് വിവരങ്ങളൊന്നും ചോര്‍ത്തപ്പെടുന്നില്ലെന്നാണ് സി ക്ലീനര്‍ ഡെവലപ്പര്‍മാരായ പിരിഫോം പറയുന്നത്.

സിസ്‌കോ ടാലോസ് ഇന്റലിജന്‍സ് റിസര്‍ച്ച് ടീം ആണ് ഈ സുരക്ഷാവീഴ്ച കണ്ടെത്തിയത്. സെപ്റ്റംബര്‍ 13ന് പിരിഫോമിനെ ഇക്കാര്യം അറിയിക്കുകയും ചെയ്തു. അതേസമയം മാല്‍വെയര്‍ എങ്ങനെ സോഫ്റ്റ് വെയറില്‍ കടന്നുകൂടിയെന്നും ആരാണ് അതിന് പിന്നിലെന്നും പിരിഫോം ഇതുവരെ വെളിപ്പെടുത്തിയില്ല.

ട്രസ്റ്റഡ് സോഫ്റ്റ് വെയറുകളുടെ ഡൗണ്‍ലോഡുകളില്‍ കടന്നുകൂടി ഉപകരണങ്ങളെ ആക്രമിക്കുന്ന രീതി ഇപ്പോള്‍ സാധാരണമാണ്. സപ്ലൈ ചെയ്ന്‍ അറ്റാക്ക് എന്നാണ് ഈ രീതിയെ വിളിക്കുന്നത്. സോഫ്റ്റ് വെയറുകളിലുള്ള ഉപയോക്താക്കളുടെ വിശ്വാസ്യതയെയാണ് സൈബര്‍ അക്രമികള്‍ ചൂഷണം ചെയ്യുന്നത്.

(MB4tech)

അത്യുഗ്രന്‍ ഫീച്ചറുകളുമായി വണ്‍പ്ലസ് 5 ഇന്ത്യയിലേക്ക്

noreply@blogger.com (Unknown) — Sat, 10 Jun 2017 15:33:00 +0000

വണ്‍പ്ലസ് 5 ന്റെ വരവിനായി ആകാംഷയോടെ കാത്തിരിക്കുന്ന സ്മാര്‍ട്ട്‌ഫോണ്‍ പ്രേമികളെ സന്തോഷിപ്പിച്ച് ഇതാ ഒരു പുതിയ വാര്‍ത്ത. വണ്‍പ്ലസ് 5 വിപണിയിലെത്തുന്നു. ജൂണ്‍ 20 നാണ് ഈ ഫ്ലാഗ്ഷിപ് കില്ലര്‍ മൊബൈല്‍ ഫോണ്‍ ഇന്ത്യയില്‍ അവതരിപ്പിക്കുന്നക്കത്. കമ്പനിയുടെ ഔദ്യോഗിക മേഖലയില്‍ നിന്നു ലഭിക്കുന്ന വിവരങ്ങള്‍ പ്രകാരം വണ്‍പ്ലസ് 5ന്റെ വില 32,999 രൂപയായിരിക്കും.

രണ്ടു വേരിയന്റുകളിലായാണ് വണ്‍പ്ലസ് 5 ഇന്ത്യയിലെത്തുന്നത്. 6 GB RAM/64GB വേരിയന്റിന് 32,999 രൂപയും 8 GB RAM/128GB വേരിയന്റിന് 37,999 രൂപയുമാണ് വില. ഏറ്റവും പുതിയ പ്രോസസര്‍ ക്വാല്‍കം സ്‌നാപ്ഡ്രാഗന്‍ 835 ആണ് ഫ്ഌഗ്ഷിപ്പ് ഫോണായ വണ്‍പ്ലസ് 5ല്‍ ഉള്‍പ്പെടുത്തിയിരിക്കുന്നത്. ഇതേ പ്രോസസറുമായി ഇന്ത്യയിലെത്തുന്ന ആദ്യ സ്മാര്‍ട്ട്‌ഫോണ്‍ കൂടിയാണ് വണ്‍പ്ലസ് 5.

ക്വാള്‍കോം സ്‌നാപ്ഡ്രാഗണ്‍ 835 ടീഇ യുടെ സഹായത്തോടെ കുറഞ്ഞ ഊര്‍ജ്ജ ഉപഭോഗവും മികച്ച ബാറ്ററി ലൈഫും സാധ്യമാകുമെന്നാണ് വണ്‍പ്ലസ് വൃത്തങ്ങള്‍ പറയുന്നത്. നിലവില്‍ ഇതേ പ്രോസസര്‍ ഉപയോഗിക്കുന്ന അഞ്ച് സ്മാര്‍ട്ട് ഫോണുകളാണ് ലോകത്തുള്ളത്. സാംസങ് ഗ്യാലക്‌സി ട8, സാംസങ്് ഗ്യാലക്‌സി ട8 പ്ലസ്, സോണി എക്‌സ്പീരിയ എക്‌സ് ഇസഡ് പ്രീമിയം, ഷവോമി മി 6, ഷാര്‍പ്പ് അക്വാസ് ആര്‍ എന്നിവയാണവ.

ഷവോമി മി6, സോണി എക്‌സ്പീരിയ എക്‌സ് ഇസഡ് പ്രീമീയം എന്നീ ഫോണുകള്‍ വിപണിയിലെത്തും മുന്നേ തന്നെ ഇത് ഇന്ത്യയില്‍ അവതരിപ്പിക്കുമെന്നാണ് ടെക്്‌ലോകം പ്രതീക്ഷിക്കുന്നത്. ഇവയ്‌ക്കെല്ലാം മുന്നേ ആദ്യമെത്തുന്ന ഫോണ്‍ വണ്‍ പ്ലസ് ആണെങ്കില്‍ വിപണി കീഴടക്കാന്‍ ഇവര്‍ക്ക് എളുപ്പം സാധിക്കുമെന്ന് മൊബൈല്‍ രംഗത്തുള്ളവര്‍ പ്രതീക്ഷിക്കുന്നു.

OnePlus 3T (Gunmetal, 6GB RAM + 64GB memory) Price: Rs. 29,999 : http://amzn.to/2sOGSZq

OnePlus 3T (Soft Gold, 6GB RAM + 64GB memory) Price: Rs. 29,999 : http://amzn.to/2rMFTKO

Get $20 off of any accessory or gear when you buy a OnePlus 3T: https://goo.gl/Y3Ozwr

***********

വാട്‌സാപ്പിലെ പുതിയ എട്ട് ടിപ്സ്

noreply@blogger.com (Unknown) — Sun, 26 Jun 2016 23:56:00 +0000

സ്മാര്‍ട്ട്‌ഫോണ്‍ ഉപയോഗിക്കുന്നവര്‍ക്കെല്ലാം വാട്‌സാപ്പ് എന്ന വാക്ക് സുപരിചിതമാണ്. ഉപഭോക്താക്കള്‍ കൂടിയതോടെ വാട്‌സാപ്പ് ഇടക്കിടെ നിരവധി പുതിയ ഫീച്ചറുകളാണ് ഉള്‍പ്പെടുത്തുന്നത്. എന്നാല്‍ ഇതില്‍ മിക്കതും തുടക്കകാരയ ഉപഭോക്താക്കള്‍ അറിയില്ല.

നിങ്ങള്‍ വായിച്ചു എന്ന് സുഹൃത്തുക്കളെ അറിയിക്കാതെ വാട്സാപ്പ് സന്ദേശങ്ങള്‍ തുറക്കാനാകുമെന്നത് ചെറിയ ഫീച്ചറാണ്. എന്നാല്‍ ഇത് അറിയാത്തവരുമുണ്ട്. നിരന്തരം ശല്യമാകുന്ന ഗ്രൂപ്പുകളില്‍ നിന്ന് പുറത്തുകടക്കാതെ രക്ഷപ്പെടാനുള്ള മാര്‍ഗം. ഇനി അയച്ച മെസേജ് വായിച്ചത് സമയം സഹിതം അറിയാനും വഴി. ഇത്തരം ഒരുകൂട്ടം ചെറിയ ചെറിയ രഹസ്യ ഫീച്ചറുകള്‍ വാട്സാപ്പിലുണ്ട്.

1. വാട്സാപ്പ് സന്ദേശം അയച്ച ആളെ അറിയിക്കാതെ തുറക്കല്‍ : ഈ സേവനം ഉപയോഗപ്പെടുത്താന്‍ ഫോണ്‍ ഏറോപ്ലൈന്‍ മോഡിലേക്കാക്കിയ ശേഷം വാട്സാപ്പ് തുറന്നാല്‍ മതി. വാട്സാപ്പ് സന്ദേശം തുറന്ന് നോക്കുകയും ചെയ്യാം. ഇക്കാര്യം അയച്ചയാള്‍ അറിയുകയുമില്ല. വാട്സാപ്പിലെ വായിച്ചുവെന്ന് കാണിക്കുന്ന ഇരട്ടശരി ചിഹ്നം ഇങ്ങനെ നോക്കിയാല്‍ തെളിയില്ല. ഏറോപ്ലൈന്‍ മോഡിലാക്കിയാല്‍ മൊബൈലുകള്‍ വൈഫൈയും മൊബൈല്‍ സിഗ്‌നലുകളും കട്ടു ചെയ്യുന്നതിനാലാണ് ഇത് സാങ്കേതികമായി സാധ്യമാകുന്നത്. വാട്സാപ്പില്‍ നിന്ന് പുറത്തു കടന്ന ശേഷം മാത്രം ഏറോപ്ലൈന്‍ മോഡ് ഓഫാക്കുക.

2. ശല്യം ചെയ്യുന്ന ഗ്രൂപ്പുകള്‍: താത്പര്യമില്ലാത്ത ഗ്രൂപ്പുകളില്‍ നിന്നുള്ള സന്ദേശങ്ങളുടെ നോട്ടിഫിക്കേഷനുകള്‍ ചിലപ്പോഴെങ്കിലും ബുദ്ധിമുട്ടാകാറുണ്ട്. ഇത് മറികടക്കാന്‍ വഴിയുണ്ട്. ഗ്രൂപ്പ് ഇന്‍ഫൊയില്‍ പോയശേഷം മ്യൂട്ട് എന്ന ഓപ്ഷന്‍ അമര്‍ത്തിയാല്‍ മതി. എട്ട് മണിക്കൂര്‍ മുതല്‍ ഒരു വര്‍ഷം വരെ ഗ്രൂപ്പില്‍ നിന്നുള്ള സന്ദേശങ്ങളുടെ നോട്ടിഫിക്കേഷന്‍ നിര്‍ത്താന്‍ ഇതിനാകും.

3. ഷോട്കട്ട് മൊബൈല്‍ ഡെസ്‌ക്ടോപില്‍: ചാറ്റ് ചെയ്യാന്‍ ഉദ്ദേശിക്കുന്ന വ്യക്തിയെ മൊബൈലിന്റെ ഡെസ്‌ക്ടോപ്പിലെത്തിക്കാന്‍ മാര്‍ഗമുണ്ട്. ചാറ്റില്‍ അമര്‍ത്തിപ്പിടിക്കുമ്പോള്‍ വരുന്ന പോപ് അപ് വിന്‍ഡോയിലോ സെറ്റിംഗ്സിനുള്ള ഓപ്ഷന്‍ ഞെക്കുമ്പോഴുള്ള വിന്‍ഡോയിലോ ആഡ് കോണ്‍വര്‍സേഷന്‍ ഷോട്കട്ട് എന്ന ഓപ്ഷന്‍ കാണാം. ഇതില്‍ അമര്‍ത്തിയാല്‍ ചാറ്റ് ചെയ്യാന്‍ ഉദ്ദേശിക്കുന്നയാളുടെ ഷോട്കട്ട് മൊബൈല്‍ ഡെസ്‌ക്ടോപിലെത്തും. വിന്‍ഡോസ് ഫോണുകളില്‍ പിന്‍ ടു സ്റ്റാര്‍ട്ട് എന്ന ഓപ്ഷനാണെന്ന് മാത്രം.

4. പബ്ലിക് മെസേജുകള്‍ പ്രൈവറ്റായി അയക്കാം: പബ്ലിക് മെസേജുകള്‍ പ്രൈവറ്റായി അയക്കാന്‍ വാട്സാപ്പില്‍ സാധ്യമാണ്. വാട്സാപ്പ് സെറ്റിങ്‌സില്‍ പോയി ബ്രോഡ്കാസ്റ്റ് ലിസ്റ്റെടുക്കുക. ഇതില്‍ നിങ്ങള്‍ മെസേജ് അയക്കാന്‍ ഉദ്ദേശിക്കുന്ന കോണ്‍ടാക്ട്സ് കൂട്ടിച്ചേര്‍ക്കാം. ഇതിന്ശേഷം സാധാരണപോലെ മെസേജ് അയച്ചാല്‍ മതി.

5. അയച്ച മെസേജ് എപ്പോഴാണ് വായിച്ചതെന്ന് അറിയാന്‍: ഇനി നിങ്ങള്‍ അയച്ച മെസേജ് എപ്പോഴാണ് വായിച്ചതെന്നും ഗ്രൂപ്പിലാണെങ്കില്‍ ആരെല്ലാം എപ്പോഴെല്ലാം വായിച്ചെന്നും അറിയാന്‍ മാര്‍ഗമുണ്ട്. നിങ്ങള്‍ അയച്ച മെസേജ് അമര്‍ത്തിപ്പിടിച്ചാല്‍ വരുന്ന ഇന്‍ഫോ ഓപ്ഷനില്‍ പോയാല്‍ മതി. ആരെല്ലാം നിങ്ങളുടെ മെസേജ് വായിച്ചെന്ന് സമയം സഹിതം അറിയാനാകും.

6. വ്യക്തി വിവരങ്ങള്‍ നിയന്ത്രിക്കാം: വാട്‌സാപ്പിലെ വ്യക്തി വിവരങ്ങള്‍ നിയന്ത്രിക്കുന്നതിനായി Settings> Accoutnt privacy/change last seen>profile photo>status to my account ചെയ്യുക.
7. ടെക്സ്റ്റ് ബോള്‍ഡ്, ഇറ്റാലിക്‌സ്: മെസേജുകള്‍ അയക്കുമ്പോള്‍ ചിലപ്പോഴെങ്കിലും ചില ടെക്സ്റ്റ് ബോള്‍ഡ്, ഇറ്റാലിക്‌സ് വേണ്ടിവരും. ഇതിനായി ബോള്‍ഡിന് *bold* എന്നും ഇറ്റാലിക്‌സിന് _italics_ എന്നും ടൈപ്പ് ചെയ്യുക.

8. വിഡിയോ, ഫോട്ടോ താനേ ഡൗണ്‍ലോഡാകുന്നത് തടയാം: വാട്‌സാപ്പ് വഴി അയയ്ക്കുന്ന വിഡിയോകളും ഫോട്ടോകളും ഫോണില്‍ ഓട്ടോമറ്റിക്കായി സേവാകുന്നത് ഒഴിവാക്കാന്‍ Settings> Chats> turn off save incoming media എന്ന് ചെയ്യുക.

(via: manoramaonline)

റേറ്റിങ്ങിൽ വണ്‍ പ്ലസ് ടൂ ബഹുദൂരം മുന്നിൽ

noreply@blogger.com (Unknown) — Thu, 14 Jan 2016 23:46:00 +0000

ചൈനീസ് സ്മാര്‍ട്ട് ഫോണ്‍ നിര്‍മ്മാതാക്കളായ വണ്‍ പ്ലസില്‍ നിന്നുള്ള 'വണ്‍ പ്ലസ് ടൂ' കഴിഞ്ഞ ജൂണിലാണ് ഇന്ത്യയിലെ വില്‍പന പ്രഖ്യാപിച്ചത്. അന്നു മുതൽ വിപണിയിലെ തരംഗമാണ് വണ്‍ പ്ലസ് ടൂ. ഇന്ത്യൻ കമ്പനികളുടെ ഹാൻഡ്സെറ്റുകളെ പോലും ബഹുദൂരം പിന്നിലാക്കി വണ്‍ പ്ലസ് ടൂ കുതിക്കുകയാണ്. ഓഗസ്റ്റ് 11 മുതലാണ് വണ്‍ പ്ലസ് ടൂ ഇന്ത്യയില്‍ വില്‍പ്പന തുടങ്ങിയ്. 16 ജി ബി, 64 ജിബി എന്നിങ്ങനെ രണ്ട് വകഭേദങ്ങളിലായാണ് ഫോണ്‍ വിപണിയിലെത്തിയത്.

ഫുള്‍ എച്ച്ഡി 5.5 ഇഞ്ച് ഐപിഎസ് എല്‍സിഡി ഡിസ്‌പ്ലേയോട് കൂടിയ വണ്‍ പ്ലസ് ടൂ ആന്‍ഡ്രോയ്ഡ് ലോലിപോപ്പ് 5.1 അധിഷ്ഠിതമായ ഓക്സിജന്‍ ഓപ്പറേറ്റിംഗ് സിസ്റ്റത്തിലാണ് പ്രവര്‍ത്തിക്കുന്നത്. ഡിസ്‌പ്ലേയ്ക്ക് താഴെയായി ഫിംഗര്‍ പ്രിന്‍റ് സ്കാനര്‍ കൂടി ഉള്‍പ്പെടുത്തിയാണ് പുതിയ മോഡല്‍ പുറത്തിറക്കിയിരിക്കുന്നത്.

സ്മാര്‍ട്ട് ഫോണ്‍ വിപണിയിലെത്തന്നെ ഏറ്റവും വേഗതകൂടിയ പ്രോസസറാണ് വണ്‍ പ്ലസ്‌ടൂവിലുള്ളത്. 64 ബിറ്റ് ക്വാള്‍ക്വാം സ്നാപ്പ് ഡ്രാഗണ്‍ 810 പ്രോസസറാണ് ഈ ഫോണിന് കരുത്തേകുന്നത്. ഇരട്ട സിം ഉപയോഗിക്കാവുന്ന ഫോണിന് ലേസര്‍ ആട്ടോഫോക്കസ്, ഇരട്ട എല്‍.ഇ.ഡി ഫ്ലാഷ്. ഒപ്റ്റിക്കല്‍ ഇമേജ് സ്റ്റെബിലൈസേഷ‍ന്‍ എന്നീ സംവിധാനങ്ങളോട് കൂടിയ 13എം.പി പ്രധാന ക്യാമറയാണുള്ളത്. 1/2.0 അപേര്‍ച്ചര്‍ വരെ നല്‍കുന്ന ക്യാമറ മിഴിവേറിയ ചിത്രങ്ങള്‍ നല്‍കും. സെല്‍ഫി പ്രേമികള്‍ക്കായി 5 എം.പി മുന്‍ക്യാമറയും ഫോണിലുണ്ട്.

റേറ്റിങ്ങിൽ രണ്ടാം സ്ഥാനത്ത് നിൽക്കുന്നത് മോട്ടോ ജിയാണ്. മോട്ടറോളയില്‍ നിന്നുള്ള എക്കാലത്തെയും മികച്ച ഫോണുകളിലൊന്നാണ് മോട്ടോ- ജി (തേഡ് ജനറേഷന്‍). 4ജി എല്‍ടിഇ സൗകര്യമുള്ള ഫോണിന്റെ ഡിസ്‌പ്ലേക്ക് 5 ഇഞ്ചാണ് വലിപ്പം. മോട്ടോറോളയുടെ മൊബൈൽ വിപണിയിലേക്കുള്ള തിരിച്ചു വരവിന് ഇന്ത്യന്‍ ഉപഭോക്താക്കള്‍ നല്‍കിയ മികച്ച പ്രതികരണത്തിന്റെ നന്ദിസൂചകമായി ലോകത്ത് ആദ്യമായി ഇന്ത്യന്‍ വിപണിയിലാണ് മോട്ടോ -ജി തേഡ് ജനറേഷന്‍ ഫോണുകള്‍ ലഭ്യമായിത്തുടങ്ങിയത്.

പ്രധാനമായും രണ്ട് വകഭേദങ്ങളിലാണ് മോട്ടോ- ജിയുടെ മൂന്നാം വരവ്. 1 ജിബി റാമും 8 ജിബി ആന്തരിക സംരഭണ ശേഷിയുമുള്ള ഇനവും 2 ജിബി റാമും 16 ജിബി ഇന്റേണ്‍ സ്റ്റോറേജുമുള്ള മറ്റൊന്നും. ഇവയില്‍ 1 ജിബി റാം മോഡലിന് 11,999 രൂപയും 2 ജി ബിക്ക് 12,999 രൂപയുമാണ് വില.

720 x 1280 പിക്സൽ റെസല്യൂഷന്‍ നല്‍കുന്ന അഞ്ച് ഇഞ്ച് ഇന്‍പ്ലേന്‍ സ്വിച്ചിംഗ് (ഐപിഎസ്) ഡിസ്പ്ലേയാണ് ഈ ഫോണില്‍ ഉപയോഗിച്ചിരിക്കുന്നത്. ഡിസ്പ്ലേയ്ക്ക് ഗോറില്ല ഗ്ലാസ് 3 സംരക്ഷണമേകും. ഇരട്ട സിമ്മുകള്‍ ഉപയോഗിക്കാവുന്ന ഫോണില്‍ രണ്ടു സിമ്മുകളിലും 4 ജി സൗകര്യം ലഭിക്കും എന്നത് പ്രത്യേകതയാണ്. 64 ബിറ്റ് ക്വാഡ് കോര്‍ സ്റ്റാപ് ഡ്രാഗണ്‍ 410 പ്രോസസര്‍ കരുത്തേകുന്ന ഈ ഫോണിന് സ്റ്റോറേജ് വര്‍ദ്ധിപ്പിക്കുന്നതിനായി മൈക്രോ എസ്ഡി സൗകര്യവുമുണ്ട്.

ആന്‍ഡ്രോയ്‍ഡ് 5.1 ഓപ്പറേറ്റിംഗ് സിസ്റ്റത്തെ മോട്ടോറോള ഫോണുകള്‍ക്ക് വേണ്ടി കസ്റ്റമൈസ് ചെയ്തിരിക്കുന്ന വാനില വെര്‍ഷനിലാണ് മോട്ടോ-ജി തേഡ് ജനറേഷന്‍ പ്രവര്‍ത്തിക്കുന്നത്.

കമ്പ്യൂട്ടറില്‍ ആന്‍ഡ്രോയ്ഡ് അനുഭൂതിയുമായി റീമിക്‌സ് ഒഎസ്

noreply@blogger.com (Unknown) — Wed, 13 Jan 2016 00:56:00 +0000

പേഴ്‌സണല്‍ കമ്പ്യൂട്ടറില്‍ പ്രവര്‍ത്തിക്കുന്നതും വിന്‍ഡോസ് സമാന അനുഭവം നല്‍കുന്നതുമായ ആന്‍ഡ്രോയ്ഡ് പതിപ്പ് 'റീമിക്‌സ് ഒഎസ് ഫോര്‍ പിസി.' പുറത്തിറങ്ങി. ജൈഡ് ടെക്‌നോളജി അവതരിപ്പിക്കുന്ന ഇത് ഔദ്യോഗിക വെബ്‌സൈറ്റില്‍ നിന്ന് സൗജന്യമായി ഡൗണ്‍ലോഡ് ചെയ്യാം.

പേഴ്‌സണല്‍ കമ്പ്യൂട്ടറില്‍ ആന്‍ഡ്രോയ്ഡ് പ്രവര്‍ത്തിപ്പിക്കാനുള്ള എമുലേറ്ററുകളും മറ്റും ആദ്യമേയുണ്ട്. Android-x86 പ്രോജക്ടാകട്ടെ, പിസികള്‍ക്ക് യോജിച്ച ആന്‍ഡ്രോയ്ഡ് വകഭേദം അവതരിപ്പിക്കുകയും ചെയ്തു. എന്നാല്‍ ഈ ദിശയില്‍ അല്‍പ്പം കൂടി മുന്നോട്ടുപോവുകയാണ് ജൈഡ് ടെക്‌നോളജി. ആകര്‍ഷകമായ യൂസര്‍ ഇന്റര്‍ഫേസാണ് ഇവര്‍ അവകാശപ്പെടുന്നത്.
ആദ്യകാല ആന്‍ഡ്രോയ്ഡ് പതിപ്പുകള്‍ ARM പ്രൊസസര്‍ ആര്‍കിടെക്ചറിനെ മാത്രമേ പിന്തുണച്ചിരുന്നൊള്ളൂ. ഈയൊരു സാഹചര്യത്തില്‍ പിസികളില്‍ ഉപയോഗിക്കുന്ന x86 ആര്‍കിടെക്ചര്‍ ലക്ഷ്യമാക്കി ആന്‍ഡ്രോയ്ഡ് പരിഷ്‌ക്കരിക്കുകയാണ് Android-x86 പ്രൊജക്ട് ചെയ്തത്. അതോടെ പിസിയില്‍ ആന്‍ഡ്രോയ്ഡ് നേരിട്ട് ഇന്‍സ്റ്റാള്‍ ചെയ്യാമെന്നായി.

എന്നാല്‍ സ്മാര്‍ട്ട്‌ഫോണുകളെ ഉദ്ദേശിച്ചുള്ള ആന്‍ഡ്രോയ്ഡിന്റെ ഇന്റര്‍ഫേസ് ഡെസ്‌ക്ടോപ്പ് ഉപയോക്താക്കള്‍ക്ക് അസൗകര്യമായി തോന്നാം. ഇവിടെയാണ് റീമിക്‌സിന്റെ പ്രാധാന്യം. Android-x86 പ്രൊജക്റ്റിന്റെ ഉല്‍പ്പന്നങ്ങളില്‍നിന്ന് വികസിപ്പിച്ചെടുത്ത 'റീമിക്‌സ് ഒഎസ് ഫോര്‍ പിസി'ക്ക് ജൈഡ് കമ്പനി കമ്പ്യൂട്ടറുകള്‍ക്ക് യോജിച്ച ഇന്റര്‍ഫേസ് നല്‍കിയിരിക്കുന്നു.

കുറഞ്ഞത് 8GB സംഭരണശേഷിയെങ്കിലുമുള്ള യുഎസ്ബി ഫ് ളാഷ് ഡ്രൈവില്‍ റീമിക്‌സ് ഒഎസ് കൊണ്ടുനടക്കാം. യുഎസ്ബി ലെഗസി ബൂട്ട് പിന്തുണയുള്ള എല്ലാ കമ്പ്യൂട്ടറുകളിലും ബന്ധിപ്പിച്ച് പ്രവര്‍ത്തിപ്പിക്കാം.

ആന്‍ഡ്രോയ്ഡ് അധിഷ്ഠിത പേഴ്‌സണല്‍ കമ്പ്യൂട്ടറായ 'മിനി' പുറത്തിറക്കിയതും ഇതേ കമ്പനിയാണ്. പ്രത്യേകമായി തയ്യാര്‍ ചെയ്ത ഹാര്‍ഡ്‌വേറായിരുന്നു ഇതിന്റേത്. പേഴ്‌സണല്‍ കമ്പ്യൂട്ടറുകള്‍ക്ക് യോജിച്ച രീതിയിള്‍ പരിഷ്‌കരിച്ച റീമിക്‌സ് ഒഎസ് ഇതിന് കരുത്തേകി. ഇതേ റീമിക്‌സ് ഒഎസ് ആണ് ഇപ്പോള്‍ ഹാര്‍ഡ്‌വേര്‍ പിന്തുണ വര്‍ധിപ്പിച്ച് സാധാരണ കമ്പ്യൂട്ടറിലും പ്രവര്‍ത്തിക്കുന്ന 'റീമിക്‌സ് ഒഎസ് ഫോര്‍ പിസി' ആയി പുറത്തെത്തുന്നത്.

(ഇ. നന്ദകുമാര്‍, MB4Tech)

കേടായ മെമ്മറി കാര്‍ഡ്‌ ഒഴിവാക്കരുത്‌; ശെരിയാക്കി എടുക്കാം

noreply@blogger.com (Unknown) — Sat, 11 Jul 2015 00:54:00 +0000

ഒരുപാട് ടാറ്റകള്‍ അടങ്ങിയ നിങ്ങളുടെ മെമ്മറി കാര്‍ഡ്‌ എപ്പോഴെങ്കിലും ഫോർമാറ്റ്‌ മെമ്മറി എന്ന് വന്നിട്ടുണ്ടോ..? ഭൂരിഭാഗം പേരുടെ മെമ്മറി കാര്‍ഡ്‌ ഉം ഫോർമാറ്റ്‌ ചെയ്യാനുള്ള ഓര്‍ഡര്‍ വന്നിട്ടുണ്ടാകും. എന്നാല്‍ ഫോർമാറ്റ്‌ ചെയ്യാന്‍ നോക്കിയാലോ... അതും നടക്കില്ല. അവസാനം നിരാശയോടെ ആ മെമ്മറി കാര്‍ഡ്‌ ഉപേക്ഷിച്ചു പുതിയവ എടുക്കലാണ് നമ്മില്‍ പലരും ചെയ്യാറ്. ഇനിയത് എറിഞ്ഞു കളയും മുന്‍പ് താഴെ പറയും പ്രകാരം ഒന്ന് ചെയ്തു നോക്കൂ

- ആദ്യം മെമ്മറി കാര്‍ഡ്‌ കമ്പ്യൂട്ടറില്‍ കണക്ട് ചെയ്യുക
- പിന്നെ Start - Search എന്നതില്‍ cmd എന്ന് അടിച്ചു command promptല്‍ എത്തുക
- ആദ്യത്തെ കമാന്‍ഡ് ആയി DISKPART എന്ന് ടൈപ്പ് ചെയ്തു എന്റര്‍ അടിക്കുക
- ഇപ്പോള്‍ പ്രോംപ്റ്റ് ആയി DISKPART എന്ന് വന്നിട്ടുണ്ടാകും
- വീണ്ടും List Disk എന്ന്‍ അടിക്കുക, എന്റര്‍ ചെയ്യുക
- Select Disk 1 എന്ന് അടിക്കുക, എന്റര്‍ ചെയ്യുക
- Clean എന്ന് അടിക്കുക, എന്റര്‍ ചെയ്യുക
- Create Partition primary എന്ന് അടിക്കുക, എന്റര്‍ ചെയ്യുക
- Active എന്ന് അടിക്കുക, എന്റര്‍ ചെയ്യുക
- Select Partition 1 എന്ന് അടിക്കുക, എന്റര്‍ ചെയ്യുക
- Format F: ~FAT32 എന്ന് അടിക്കുക, എന്റര്‍ ചെയ്യുക (F: എന്നത് ഫ്ലാഷ് മെമ്മറി ഡ്രൈവിന്റെ പേരാണ്. അത് അറിയണമെങ്കില്‍ MY COMPUTER നോക്കുക)
- ഫോർമാറ്റ്‌ 100% ആയതിനു ശേഷം EXIT എന്ന് അടിക്കുക, എന്റര്‍ ചെയ്യുക
- ഇനി MY COMPUTER തുറന്നു നോക്കൂ,നിങ്ങളുടെ കേടായ ഫ്ലാഷ് വര്‍ക്ക്‌ ചെയ്യുന്നുണ്ടോ എന്ന് .

എന്നിട്ടും ശെരിയായില്ലെങ്കിൽ ഈ ലിങ്കിൽ പോയീ നോക്കു Link

സ്വകാര്യ ഫോട്ടോകള്‍ പങ്കിടാന്‍ ഫെയ്‌സ്ബുക്കിന്റെ 'മൊമന്റ്‌സ് ആപ്പ്'

noreply@blogger.com (Unknown) — Wed, 17 Jun 2015 01:04:00 +0000

|

സുഹൃത്തുക്കള്‍ക്കിടയില്‍ സ്വകാര്യഫോട്ടോകള്‍ എളുപ്പത്തില്‍ പങ്കുവെയ്ക്കാന്‍ സഹായിക്കുന്ന പുതിയ ആപ്പ് ഫെയ്‌സ്ബുക്ക് അവതരിപ്പിച്ചു. 'മൊമന്റ്‌സ്' എന്ന ആപ്പ് ആന്‍ഡ്രോയ്ഡ്, ഐഒഎസ് പ്ലാറ്റ്‌ഫോമുകളില്‍ ലഭ്യമാകും.

ഫോട്ടോകളിലെ മുഖം തിരിച്ചറിയുന്ന വിദ്യ ( facial recognition ) ഉപയോഗിച്ചാണ് 'മൊമന്റ്‌സ്' ( Moments ) പ്രവര്‍ത്തിക്കുക.

നിങ്ങളുടെ സ്മാര്‍ട്ട്‌ഫോണിലെ ഗാലറി സ്‌കാന്‍ ചെയ്യുകയാണ് ഈ ആപ്പ് ചെയ്യുക. ഫെയ്‌സ്ബുക്ക് ഫ്രണ്ടുകളുടെ മുഖങ്ങളേതെങ്കിലും ഗാലറിയിലെ ഫോട്ടോകളിലുണ്ടെങ്കില്‍ അത് ആപ്പ് തിരിച്ചറിയും. ഫോട്ടോകള്‍ ആ സുഹൃത്തുക്കളുമായി സ്വകാര്യമായി പങ്കിടാവുന്നതാണെന്ന് നിങ്ങളെ ആപ്പ് അറിയിക്കും.

ഒരു ചടങ്ങില്‍ നിങ്ങള്‍ സുഹൃത്തുക്കള്‍ക്കൊപ്പം പങ്കെടുക്കുന്ന കാര്യം പരിഗണിക്കുക. നിങ്ങളെല്ലാവരും സുഹൃത്തുക്കളുമൊത്തുള്ള ഫോട്ടോകള്‍ സ്വന്തം ഫോണുകളില്‍ എടുത്തിട്ടുണ്ടാകും. 'മൊമന്റസ് ആപ്പ്' ഉപയോഗിച്ച് ആ ഫോട്ടോകള്‍ സുഹൃത്തുക്കള്‍ക്കിടയില്‍ അനായാസം പങ്കിടാം.

നിങ്ങള്‍ക്കും സുഹൃത്തിനും കൂടുതല്‍ ചിത്രങ്ങള്‍ ചേര്‍ക്കാന്‍ കണക്കിന് സ്വകാര്യ ആല്‍ബമായിട്ടാകും ഫോട്ടോകള്‍ സേവ് ചെയ്യപ്പെടുക.

ഒന്നിലേറെ സുഹൃത്തുക്കളുടെ മുഖങ്ങള്‍ മൊമന്റ്‌സ് തിരിച്ചറിയുകയാണെങ്കില്‍, ആ ഗ്രൂപ്പില്‍ തന്നെ ചിത്രങ്ങള്‍ ഷെയര്‍ ചെയ്യാനും കഴിയും.

(Via: Mb4Tech)

Download from Apk Mirror

ആന്‍ഡ്രോയിഡില്‍ ഇനിമുതല്‍ കൈകൊണ്ട് മലയാളമെഴുതാം

noreply@blogger.com (Unknown) — Sat, 18 Apr 2015 11:15:00 +0000

സ്മാര്‍ട് ഫോണുകളിലും ടാബ് ലറ്റുകളിലും കൈകൊണ്ട് എഴുതിയെടുക്കന്ന സാങ്കേതിക വിദ്യ നേരത്തെ നിലവിലുണ്ടായിരുന്നെങ്കിലും പല പ്രാദേശിക ഭാഷകളും എഴുതാന്‍ ഇതുവഴി സാധിച്ചിരുന്നില്ല. ഇതിന് പരിഹാരവുമായി 'ഹാന്‍ഡ് റൈറ്റിങ് ഇന്‍പുട്ട്' എന്ന ആപ്പുമായി രംഗത്തെത്തിയിരിക്കുകയാണ് ഗൂഗിള്‍. ഗൂഗിളിന്റെ പുതിയ ആപ്പ് ഉപയോഗിച്ച് മലയാളമടക്കം 82 ഭാഷകളില്‍ കൈകൊണ്ട് എഴുതാനുള്ള സൗകര്യം ലഭ്യമാകുകയാണ്. കൈകൊണ്ട് മാത്രമല്ല മൊബൈല്‍ ഫോണുകളിലും ടാബ് ലറ്റ് ഫോണുകളിലും എഴുതാന്‍ ഉപയോഗിക്കുന്ന സ്‌റ്റൈലസ് ഉപയോഗിച്ചും സൗകര്യപ്രദമായി എഴുതാന്‍ സാധിക്കുമെന്ന് അണിയറക്കാര്‍ പറയുന്നു.

ആന്‍ഡ്രോയിഡിന്റെ 4.0.3 വേര്‍ഷന്‍ മുതലുള്ള ഫോണുകളില്‍ ആപ്പ് പ്രവര്‍ത്തിക്കും. ഇതോടെ കീ ബോര്‍ഡ് ഉപയോഗിച്ച് ടൈപ്പിങ് അസാധ്യമായ മൊബൈല്‍ ഫോണുകളില്‍ പുതിയ സംവിധാനം ഏറെ ഗുണകരമാകും. കൂടാതെ ചെറിയ സ്‌ക്രീനുകളില്‍ ടൈപ്പ് ചെയ്യുന്നതിന്റെ അസൗകര്യവും ഇതോടെ ഇല്ലാതാകും. ഏപ്രില്‍ 15ന് പുറത്തിറക്കിയ ആപ്പ് ആയിരക്കണക്കിന് ആളുകള്‍ ഇതിനകം തന്നെ ഡൗണ്‍ലോഡ് ചെയ്തു കഴിഞ്ഞു. ആപ്പില്‍ വോയ്‌സ് ഇന്‍പുട്ടും ഉണ്ടെങ്കിലും ശരിയായ രീതിയിലുള്ള ഉച്ചാരണം സാധ്യമായില്ലെങ്കില്‍ അക്ഷരങ്ങള്‍ മാറിപ്പോകാന്‍ സാധ്യതയുണ്ട്. എന്തായാലും ആഡ്രോയ്ഡ് ഉപയോക്താക്കളുടെ ഏറെക്കാലമായുള്ള ആവശ്യമാണ് ഇപ്പോള്‍ പരിഹരിച്ചിരിക്കുന്നത്.

സ്വതന്ത്ര മലയാളം കമ്പ്യൂട്ടിങ് ഗ്രൂപ്പിന്റെ 'ഇന്‍ഡിക് കീബോര്‍ഡ്' പോലുള്ള ആപ്ലിക്കേഷനുകളായിരുന്നു ഇത്രകാലവും ആന്‍ഡ്രോയ്ഡ് മൊബൈല്‍ ഉപകരണങ്ങളില്‍ മലയാളം എഴുതാനുള്ള ഉപാധി.

എന്നാല്‍ ചെറിയ സ്‌ക്രീനില്‍ കീബോര്‍ഡുകളില്‍ ടൈപ്പ് ചെയ്യല്‍ അല്‍പ്പം ശ്രമകരമാണ്. അത്തരം ബുദ്ധിമുട്ടുകളൊന്നും കൂടാതെ മൊബൈലുകളിലും ടാബിലും മലയാളം എഴുതാന്‍ ഗൂഗിളിന്റെ പുതിയ ആപ്പ് അവസരമൊരുക്കുന്നു.

ഗൂഗിള്‍ പ്ലേസ്റ്റോറില്‍ നിന്ന് ഇത് ഫോണുകളില്‍ ഇന്‍സ്റ്റാള്‍ ചെയ്യാം.

സൂക്ഷിക്കുക; വാട്ട്‌സ്ആപ്പ് കോളിങിന്റെ പേരില്‍ സൈബര്‍ തട്ടിപ്പ്

noreply@blogger.com (Unknown) — Sun, 08 Mar 2015 23:33:00 +0000

വാട്ട്‌സ്ആപ്പില്‍ പുതിയതായി വരാന്‍ പോകുന്ന സൗജന്യഫോണ്‍ വിളിയുടെ പേരില്‍ സൈബര്‍ തട്ടിപ്പ് നടക്കുന്നതായും, വാട്ട്‌സ്ആപ്പ് ഉപയോക്താക്കള്‍ ജാഗ്രത പാലിക്കണമെന്നും റിപ്പോര്‍ട്ട്.

പുതിയ കോളിങ് ഫീച്ചര്‍ പരീക്ഷിച്ചുനോക്കാന്‍ അഭ്യര്‍ഥിച്ചുള്ള വ്യാജസന്ദേശമാണ് വാട്ട്‌സ്ആപ്പില്‍ പലര്‍ക്കും ലഭിക്കുന്നത്. കോളിങ് ഫീച്ചര്‍ ലഭിക്കാന്‍ സന്ദേശത്തോടൊപ്പമുള്ള ലിങ്കില്‍ ക്ലിക്ക് ചെയ്യാനാകും നിര്‍ദേശം. ക്ലിക്ക് ചെയ്താല്‍ നിങ്ങളുടെ സ്മാര്‍ട്ട്‌ഫോണില്‍ ദുഷ്ടപ്രോഗ്രാം (മാല്‍വെയര്‍) നിറയുമെന്ന്, 'ഡെയ്‌ലി സ്റ്റാര്‍' പ്രസിദ്ധീകരിച്ച റിപ്പോര്‍ട്ട് പറയുന്നു.

ലോകത്തെ ഏറ്റവും വലിയ സോഷ്യല്‍ മെസേജിങ് സര്‍വീസായ വാട്ട്‌സ്ആപ്പില്‍ സൗജന്യകോള്‍ ഫീച്ചര്‍ വരുന്നുവെന്ന വിവരം അടുത്തയിടെയാണ് വെളിപ്പെട്ടത്. ഔദ്യോഗികമായി ഈ ഫീച്ചര്‍ വാട്ട്‌സ്ആപ്പ് പ്രഖ്യാപിച്ചിട്ടില്ല.

നഷ്ടപ്പെട്ട മൊബൈല്‍ കണ്ടെത്താന്‍ ബിഎസ്എന്‍എല്‍ ആപ്പ്‌

noreply@blogger.com (Unknown) — Sun, 30 Nov 2014 23:55:00 +0000

നഷ്ടപ്പെട്ട മൊബൈല്‍ കണ്ടെത്താന്‍ ബിഎസ്എന്‍എല്‍ ആപ്പ്‌

നഷ്ടപ്പെട്ട മൊബൈല്‍ ഫോണ്‍ കണ്ടെത്താനും അതിലെ ഡേറ്റ റിമോട്ട് ആയി മാനേജു ചെയ്യാനുമായി ബിഎസ്എന്‍എല്ലിന്റെ ആപ്ലിക്കേഷന്‍. എംസെക്യുര്‍ (Msecure) എന്ന ആപ്ലിക്കേഷനാണ് ബിഎസ്എന്‍എല്‍ ലോഞ്ചു ചെയ്തിരിക്കുന്നത്. തങ്ങളുടെ ഉപയോക്താക്കള്‍ക്കുള്ള വാല്യു ആഡഡ് സര്‍വ്വീസ് ആയാണ് ബിഎസ്എന്‍എല്‍ എംസെക്യുര്‍ പുറത്തിറക്കിയിരിക്കുന്നത്.

മൊബൈല്‍ നഷ്ടപ്പെട്ടാല്‍ അതിന്റെ ലൊക്കേഷന്‍ ട്രാക്കു ചെയ്യാനും, ഫോണ്‍ അണ്‍ലോക്കു ചെയ്യാനും, ഡേറ്റ ഡിലീറ്റു ചെയ്യാനുമെല്ലാം ഈ ആപ്ലിക്കേഷന് സാധിക്കും. നഷ്ടപ്പെട്ട മൊബൈലില്‍ നിന്ന് പൂര്‍ണ്ണമായ കാള്‍ ലോഗും എംസെക്യുര്‍ വഴി എടുക്കാനാകും.

ഫോണ്‍ നഷ്ടപ്പെട്ടാല്‍ ലൊക്കേഷന്‍ വിവരങ്ങള്‍ ആപ്ലിക്കേഷനില്‍ നേരത്തേ നല്‍കിയിട്ടുള്ള എമര്‍ജെന്‍സി നമ്പറിലേക്ക് അയയ്ക്കുകയാണ് ചെയ്യുക. മൊബൈല്‍ കാണാതായാല്‍ റിമോട്ട് ആയി അലാം അടിപ്പിക്കാനുള്ള ഓപ്ഷനും ഇതിലുണ്ട്.

പ്രധാനപ്പെട്ട വിവരങ്ങള്‍ സൂക്ഷിച്ചിരിക്കുന്നതിനാല്‍ മൊബൈല്‍ ഫോണുകള്‍ നഷ്ടപ്പെടുന്നത് വലിയ പ്രശ്‌നമാണ്. ഇത്തരം ഡേറ്റ മൊബൈല്‍ നഷ്ടപ്പെട്ടാലും അപരിചിതരുടെ കയ്യില്‍ പെടുന്നതും ദുരുപയോഗം ചെയ്യപ്പെടുന്നതും തടയാന്‍ എംസെക്യുറിനാകുമെന്ന് ബിഎസ്എന്‍എല്‍ വ്യക്തമാക്കി.

ബിയോണ്ട് ഇവല്യൂഷന്‍സുമായി ചേര്‍ന്നാണ് ബിഎസ്എന്‍എല്‍ ഈ ആപ്ലിക്കേഷന്‍ വികസിപ്പിച്ചിരിക്കുന്നത്.

(via: m4tech)

നിങ്ങളുടെ മനസ് വായിക്കുന്ന ‘ഭൂതം’ അകിനാറ്റര്‍

noreply@blogger.com (Unknown) — Thu, 20 Nov 2014 09:27:00 +0000

നിങ്ങളുടെ മനസ് വായിക്കുന്ന ‘ഭൂതം’ അകിനാറ്റര്‍

ഇനി നിങ്ങള്‍ക്കും അശ്വമേധം നടത്താം, ജി.എസ് പ്രദീപിനെപോലെ. ഫ്രഞ്ച്‌ ഐ.ടി കമ്പനിയായ elokence.com എന്ന സ്ഥാപനമാണ് അകിനാറ്ററിന്റെ (http://en.akinator.com/) സൃഷ്ടാക്കള്‍. സൈബര്‍ ലോകത്തും, മൊബൈല്‍ ഫോണ്‍ രംഗത്തും അന്താരാഷ്ട്ര സെലിബ്രിറ്റിയായ അകിനാറ്റര്‍ 2007 ലാണ് ഇന്റര്‍നെറ്റ് ലോകത്ത് ജനിക്കുന്നത്.

എന്താണ് അകിനാറ്റര്‍

ഒറ്റവാക്കില്‍ പറഞ്ഞാല്‍ നിങ്ങള്‍ മനസില്‍ ഒരു വ്യക്തിയെയോ കാര്‍ട്ടൂണ്‍ കഥാപാത്രത്തെയോ എന്തിന് നിങ്ങളെ തന്നെ ഓര്‍ക്കുക. യെസ്, നോ ചോദ്യങ്ങളിലൂടെ അകിനാറ്റര്‍ നിങ്ങളുടെ മനസ് വായിക്കും, നിങ്ങള്‍ മനസില്‍ കരുതിയ എന്താണോ അതിനെ ഏതാനും ചോദ്യങ്ങളിലൂടെ കണ്ടുപിടിക്കും. ഗ്രാന്‍ഡ് മാസ്റ്റര്‍ ജി.എസ് പ്രദീപിന്റെ വെബ് പതിപ്പ് എന്നു വേണമെങ്കില്‍ അകിനാറ്ററിനെ വിശേഷിപ്പിക്കാം.

അകിനാറ്റര്‍ (akinator) കളിക്കാം

അകിനാട്ടര്‍ (http://en.akinator.com/) എന്ന വെബ്‍സൈറ്റ് തുറക്കുക, മുകളിലെ ടാസ്‌ക് ബാറിലുള്ള പ്ലേ ബട്ടനില്‍ ക്ലിക്ക് ചെയ്യുക. അതിനു ശേഷം ഏതെങ്കിലും പ്രശസ്ത വ്യക്തിയെ, ഉദാഹരണത്തിന് രാഷ്ട്രീയക്കാരനോ, സിനിമക്കാരനോ, കായികതാരമോ, കാര്‍ട്ടൂണ്‍ കഥാപത്രങ്ങളോ എന്തുമാക്കട്ടെ മനസില്‍ കരുത്തുക. വെറും 25 ചോദ്യങ്ങള്‍ കൊണ്ടുതന്നെ അകിനാറ്റര്‍ നിങ്ങള്‍ മനസില്‍ കരുതിയ ആളെ കണ്ടെത്തി തരും. പ്രായഭേദമന്യേ ആരെയും ആകര്‍ഷിക്കുന്ന ഈ അത്ഭുത വെബ്‍സൈറ്റ് തുടങ്ങിയത് 2007 ല്‍ ആണെങ്കിലും ഇന്ത്യയില്‍ പ്രചാരത്തിലാകുന്നത് അടുത്തിടെയാണ്. എങ്ങനെ ഈ വെബ് സൈറ്റിന് നിങ്ങള്‍ മനസില്‍ കരുതിയ ആളെ കണ്ടെത്താന്‍ പറ്റുന്നു എന്ന് അത്ഭുതംകൂറാം. elokence.com കമ്പനി പറയുന്നത് അനുസരിച്ച് ലിമുലെ (LIMULE) എന്ന പ്രോഗാം ഉപയോഗിച്ചാണ് അകിനാറ്റര്‍ നിങ്ങളുടെ മനസ് വായിക്കുന്നത്. എന്നാല്‍ ലിമുലെയുടെ രഹസ്യം കമ്പനി വിശദീകരിക്കാന്‍ തയാറല്ല. ഇത് പരമ രഹസ്യമാണെന്നാണ് കമ്പനി പറയുന്നത്. എങ്കിലും ഐ.ടി പ്രമുഖക്കാരുടെ ഊഹപ്രകാരം കൃത്രിമ യന്ത്രബുദ്ധിയും, കമ്പനി സ്വന്തമായി വികസിപ്പിച്ചെടുത്ത പ്രോഗ്രമുപയോഗിച്ച് crowd sourcing ലൂടെയാണ് അകിനാറ്റര്‍ പ്രവര്‍ത്തിക്കുന്നുവെന്നാണ്. ഏതായാലും അകിനാറ്ററിലെ മാന്ത്രികവിളക്കും ഭൂതവും ഇപ്പോള്‍ താരമായിരിക്കുകയാണ്. നിങ്ങളും കളിച്ചുനോക്കൂ..

(via: mediaone)

കളഞ്ഞുപോയ ആന്‍ഡ്രോയിഡ് ഫോണ്‍ ലഭിക്കാന്‍ ഒരു വഴികൂടി

noreply@blogger.com (Unknown) — Wed, 13 Aug 2014 17:19:00 +0000

കളഞ്ഞുപോയ ആന്‍ഡ്രോയിഡ് ഫോണ്‍ ലഭിക്കാന്‍ ഒരു വഴികൂടി

നഷ്ടപ്പെട്ട ആന്‍ഡ്രോയിഡ് ഫോണ്‍ ലഭിക്കാന്‍ മറ്റൊരു വഴിയുമായി ഗൂഗിള്‍. കിട്ടുന്നത് വല്ല സത്യസന്ധനും ആണെങ്കില്‍ തിരികെ നല്‍കാന്‍ അവസരമൊരുക്കുകയാണ് ഇതിലൂടെ. പുതിയ ആന്‍ഡ്രോയിഡ് ഡിവൈസ് മാനേജര്‍ ആപ്പിന്‍െറ അപ്ഡേഷനിലുള്ള (v1.3.8) കോള്‍ ബാക്ക് സംവിധാനമാണ് ഫോണ്‍ കളഞ്ഞുകിട്ടുന്നയാളുമായി ബന്ധപ്പെടാനുള്ള വഴി തുറക്കുന്നത്.

ഇതുവരെ ഫോണ്‍ നഷ്ടപ്പെടുകയോ മോഷ്ടിക്കുകയോ ചെയ്താല്‍ ആന്‍ഡ്രോയിഡ് ഡിവൈസ് മാനേജര്‍ ഉപയോഗിച്ച് കണ്ടത്തൊന്‍ ഏറെ ബുദ്ധിമുട്ടായിരുന്നു. സ്ക്രീന്‍ എന്നന്നേക്കുമായി ലോക്കാക്കാന്‍ പാസ്വേഡ് നല്‍കുകയോ വിവരങ്ങള്‍ വിദൂരത്തിരുന്ന് മായ്ക്കുകയോ മാത്രമായിരുന്നു വഴി. ഒരു റിക്കവറി മെസേജ് നല്‍കുന്നതിനൊപ്പം ഇനി മുതല്‍ ഫോണിലെ കോള്‍ ബാക്ക് സെറ്റിങ്ങില്‍ ഒരുഫോണ്‍ നമ്പരും നല്‍കാം. നഷ്ടപ്പെട്ടു കഴിഞ്ഞാല്‍ സൈറ്റിലോ സുഹൃത്തിന്‍െറ ഫോണിലോ ജിമെയില്‍ വഴി കയറി ആന്‍ഡ്രോയിഡ് ഡിവൈസ് മാനേജറില്‍ കോള്‍ ബാക്ക് സംവിധാനം പ്രവര്‍ത്തനക്ഷമമാക്കിയാല്‍ ലോക്കാണെങ്കിലും ഫോണ്‍ കിട്ടിയയാള്‍ക്ക് നേരത്തെ നല്‍കിയ നമ്പരിലേക്ക് വിളിക്കാന്‍ പച്ച ബട്ടണ്‍ ലഭിക്കും. വിളിക്കാന്‍ കഴിഞ്ഞില്ളെങ്കില്‍ മെസേജ് അയക്കാം. അങ്ങനെ ഫോണ്‍ കിട്ടിയാല്‍ തുറക്കാതെയും സിം ഊരാതെയും ഉടമസ്ഥനെ തിരിച്ചേല്‍പിക്കാം.

ഇനി കള്ളനാണ് ഫോണ്‍ മോഷ്ടിച്ചതെങ്കില്‍ ഈ വിദ്യയൊന്നും വിലപ്പോവില്ല. ആന്‍ഡ്രോയിഡ് 2.3 ജിഞ്ചര്‍ബ്രെഡ് വേര്‍ഷന്‍ മുതല്‍ ഫോണുള്ളവര്‍ക്ക് ഗൂഗിള്‍ പ്ളേയില്‍ നിന്ന് അപ്ഡേഷന്‍ ഡൗണ്‍ലോഡ് ചെയ്യാം. പുതിയ വേര്‍ഷനൊപ്പം ഡിവൈസ് മാനേജരും ലഭിക്കുന്നുണ്ട്.

കൂടാതെ പുതിയ ജിമെയില്‍, യാഹൂ മെയില്‍ അക്കൗണ്ടുകള്‍ തുടങ്ങാന്‍ ഇപ്പോള്‍ ഫോണ്‍ നമ്പരും നിര്‍ബന്ധമായും നല്‍കണം. മെയില്‍ ദുരുപയോഗവും തട്ടിപ്പും തടയുന്നതിന്‍െറ ഭാഗമായാണ് ഫോണ്‍ നമ്പര്‍ വഴിയുള്ള ഈ പരിശോധന. ഒരാള്‍ തന്നെ നിരവധി അക്കൗണ്ടുകള്‍ ഉണ്ടാക്കുന്നത് തടയാനും ലക്ഷ്യമിടുന്നു.

Download: https://play.google.com/store/apps/details?id=com.google.android.apps.adm

(Via:Madhyamam Technology)

സിഡി-ഡിവിഡി യുഗം അവസാനിക്കുന്നു

noreply@blogger.com (Unknown) — Wed, 30 Jul 2014 00:50:00 +0000

സിഡി-ഡിവിഡി യുഗം അവസാനിക്കുന്നു

വീഡിയോ കാസറ്റുകളുടെ യുഗം അവസാനിപ്പിച്ചുകൊണ്ട് വീഡിയോ സീഡികള്‍ വന്നു. അവയ്ക്കു പിന്നാലെ ഡിവിഡികള്‍ പ്രചാരത്തിലെത്തി. ഇപ്പോഴിതാ അവയുടെ കാലഘട്ടവും അവസാനിക്കുകയാണ്. ഒപ്പം വിനോദമേഖലയിലെ വന്‍ബിസിനസ്സായ സീഡി-ഡിവിഡി ലൈബ്രറികളും പഴങ്കഥകളാകുന്നു.

വന്‍കിട കമ്പനിയായ ഷെമരൂ തങ്ങളുടെ മുംബൈയിലെ വീഡിയോ ലൈബ്രറി അടച്ചു പൂട്ടുന്നു എന്നതാണ് ഈ രംഗത്തുനിന്നുള്ള ഏറ്റവും പുതിയ വാര്‍ത്ത. ഈ വര്‍ഷം അവസാനത്തോടെ ലൈബ്രറിയുടെ പ്രവര്‍ത്തനം അവസാനിപ്പിക്കുമെന്നാണ് ഷെമരൂവില്‍ നിന്നുള്ള റിപ്പോര്‍ട്ടുകള്‍. ഇതിനു മുന്നോടിയായി തങ്ങളുടെ ഓണ്‍ലൈന്‍ പാര്‍ട്ടിസിപ്പേഷന്‍ കമ്പനി കൂടുതല്‍ സജീവമാക്കിയിരുന്നു. മോസര്‍ബെയറും പെന്‍ ഇന്ത്യയുമെല്ലാം ഷെമരൂവിന് മുമ്പേ ഈ വഴി നടന്നവരാണ്.

സിഡികളും ഡിവിഡികളും വിനോദമേഖലയില്‍ ചുവടുറപ്പിച്ചിട്ട് അധികകാലമായിട്ടില്ല. വീഡിയോ കാസറ്റുകളുടെ വലുപ്പത്തിലും ഉപയോഗത്തിലുമുള്ള അസൗകര്യങ്ങള്‍ മറികടന്ന സിഡികള്‍ വന്‍പ്രചാരം നേടി. പിന്നാലെ ഒറ്റ ഡിസ്‌ക്കില്‍ നിരവധി ചിത്രങ്ങളുമായി ഡിവിഡിയും പ്രചാരത്തിലെത്തി. സിഡി-ഡിവിഡി വിപണി വന്‍മുന്നേറ്റം നടത്താന്‍ പിന്നീട് അധികകാലം വേണ്ടിവന്നില്ല.

സാങ്കേതികവിദ്യയുടെ പുരോഗതി തന്നെയാണ് സീഡി-ഡിവിഡി വിപണിയ്ക്കും ചരമക്കുറിപ്പ് എഴുതുന്നത്. ഓണ്‍ലൈന്‍ പൈറസി, ഇന്റര്‍നെറ്റ് സ്ട്രീമിംഗ് സേവനങ്ങള്‍, മെച്ചപ്പെട്ട ബ്രോഡ്ബാന്‍ഡ് കണക്ഷനുകള്‍, സ്മാര്‍ട്ട്‌ഫോണുകളുടെ വ്യാപനം, മികച്ച ആപ്ലിക്കേഷനുകളുടെ ആവിര്‍ഭാവം എന്നിങ്ങനെ വിവിധ ഘടകങ്ങളാണ് സിഡികളുടെയും ഡിവിഡികളുടെയും കാര്യത്തില്‍ വില്ലനാകുന്നത്.

ഓണ്‍ലൈന്‍ സ്ട്രീമിങ് വഴി പുതിയ സിനിമകളും മറ്റും വളരെ വേഗം വിരല്‍ത്തുമ്പില്‍ എത്തുമെന്നിരിക്കേ സീഡികള്‍ക്കായി കാത്തിരിക്കേണ്ട ആവശ്യമില്ലൊതായി. ടോറന്റ് പോലുള്ള നിരവധി സര്‍വീസുകള്‍ സൗജന്യമായോ കുറഞ്ഞ ചെലവിലോ നല്‍കുന്നത് വന്‍സിനിമാ ശേഖരമാണ്. വേഗം കൂടിയ ഇന്റര്‍നെറ്റ് കണക്ഷനുകളും സ്മാര്‍ട്ട്‌ഫോണ്‍ ആപ്പുകളും വെബ്ബിലും ഗാഡ്ജറ്റുകളിലും വീഡിയോ ഡൗണ്‍ലോഡിംഗ് എളുപ്പമാക്കുന്നു. പെന്‍ഡ്രൈവുകളും മെമ്മറി കാര്‍ഡുകളും ഹാര്‍ഡ് ഡ്രൈവുകളും ഡാറ്റ കൈകാര്യം ചെയ്യലും കൈമാറ്റവും കൂടുതല്‍ അനായാസമാക്കി.

സിനിമകള്‍ക്കായുള്ള കാത്തിരിപ്പും ചെലവും കുറയുകയും, തെരഞ്ഞെടുപ്പ് എളുപ്പമാവുകയും ചെയ്തതോടെയാണ് സിഡികള്‍ക്കും ഡിവിഡികള്‍ക്കും തിരിച്ചടിയായത്. ഐടി യുഗത്തില്‍ 3-5 വര്‍ഷങ്ങള്‍ക്കുള്ളില്‍ സാങ്കേതികവിദ്യയില്‍ സമഗ്രമായ മാറ്റമാണ് സംഭവിക്കുന്നതെന്നും, അവ നിലവിലുള്ള ട്രെന്‍ഡുകളെ അടിമുടി മാറ്റിമറിക്കുമെന്നും ഈ രംഗത്തെ വിദഗ്ധര്‍ ചൂണ്ടിക്കാണിക്കുന്നു.

ലാപ്‌ടോപ്പില്‍നിന്ന് നെറ്റ്ബുക്കിലേക്ക് സാങ്കേതികവിദ്യ 'ചുരുങ്ങിയതോടെ' സിഡി ഡ്രൈവുകള്‍ പോലും അപ്രത്യക്ഷമായി. ഓണ്‍ലൈനില്‍ സിനിമകളുടെ വലിപ്പം 700-100 എംബിയില്‍ ഒതുങ്ങുമ്പോള്‍ സീഡി-ഡിവിഡി ഫയലുകളുടെ വലുപ്പം പല ജിബികളാണ്. സീഡിയാണെങ്കില്‍ ഒരു സിനിമയ്ക്ക് രണ്ടു ഫയലുകള്‍ (2 സിഡികളുടെ) സംരക്ഷിക്കേണ്ടിവരും. മികച്ച ക്ലാരിറ്റി ഉണ്ടാകുമെന്നതാണ് ഓണ്‍ലൈന്‍ ഫയലുകളുടെ മറ്റൊരു പ്രത്യേകത.

ഓണ്‍ലൈന്‍ പൈറസിയും വലിയ രീതിയില്‍ സിഡി വ്യവസായത്തെ ബാധിക്കുന്നുണ്ട്. പല ചിത്രങ്ങളും റിലീസ് ചെയ്ത ഉടന്‍തന്നെ ഓണ്‍ലൈന്‍ വഴി ലഭ്യമാകുന്നുണ്ട്. ഹോളിവുഡിലെ ബിഗ്ബജറ്റ് ചിത്രമായ 'എക്‌സ്‌പെന്‍ഡബിള്‍സ്-3'യുടെ ഡിവിഡി ക്ലാരിറ്റിയിലുള്ള കോപ്പി, ചിത്രത്തിന്റെ റിലീസിന് ആഴ്ചകള്‍ക്ക് മുമ്പേ ഓണ്‍ലൈനില്‍ എത്തി എന്നതാണ് ഈ രംഗത്തുനിന്നുള്ള പുതിയ വാര്‍ത്ത. ചിത്രം ഓണ്‍ലൈനില്‍ എത്തി ഒരു ദിവസത്തിനകം ഒരു ലക്ഷത്തിലേറെ ആളുകളാണ് ചിത്രം കണ്ടത്. ഇത് ചിത്രത്തിന്റെ തിയേറ്റര്‍ റിലീസിനെ കാര്യമായി ബാധിച്ചില്ലെങ്കിലും സിഡി-ഡിവിഡി റിലീസിനെ ബാധിക്കുമെന്ന് തീര്‍ച്ച.

സിഡി കമ്പനികളും സാങ്കേതിക പുരോഗതിയ്‌ക്കൊപ്പം മാറാന്‍ തയ്യാറായിരിക്കുകയാണ്. തങ്ങളുടെ ഓണ്‍ലൈന്‍ പങ്കാളിത്തം വര്‍ധിപ്പിക്കാനാണ് മിക്ക കമ്പനികളും ശ്രമിക്കുന്നത്. സ്വന്തം വെബ്‌സൈറ്റുകള്‍ വിപുലീകരിച്ചും വ്യത്യസ്ത സൈറ്റുകളുമായി പാര്‍ട്ട്ണര്‍ഷിപ്പില്‍ ഏര്‍പ്പെട്ടും ഓണ്‍ലൈന്‍രംഗത്ത് സജീവമാവുകയാണ് അവരിപ്പോള്‍. മോസര്‍ ബെയര്‍ പോലുള്ള കമ്പനികള്‍ നേരത്തേ ന്നെ പെന്‍ഡ്രൈവ്, മെമ്മറി കാര്‍ഡ് തുടങ്ങിയ പോര്‍ട്ടബിള്‍ ഡാറ്റ കാരിയറുകളുട മേഖലയിലും കൈവെച്ചിരുന്നു.

ലോകം മുഴുവന്‍ ഒറ്റ വലയില്‍ കുടുങ്ങിയപ്പോള്‍ പ്രേക്ഷകന്റെ ആസ്വാദനത്തിന്റെ അതിരുകള്‍ ഹിന്ദി, പ്രാദേശിക ഭാഷാ സിനിമകള്‍ക്കുമപ്പുറം കടന്നു. ഹോളിവുഡ് സിനിമകള്‍ക്കൊപ്പം വിദേശഭാഷാ ചിത്രങ്ങളിലേക്കും ഇന്ത്യയില്‍ ലഭ്യമല്ലാത്ത ചാനകളില്‍ വരുന്ന ടെലിവിഷന്‍ സിനിമകളിലേക്കുമെല്ലാം പ്രേക്ഷകര്‍ കടന്നുചെന്നു. ഇതും പരോക്ഷമായിട്ടെങ്കിലും സിഡി-ഡിവിഡി വ്യവസായത്തെ ബാധിച്ചു.

കാര്യങ്ങള്‍ ഇങ്ങനെയൊക്കെയാണെങ്കിലും ഈ രംഗം പൂര്‍ണ്ണമായി അസ്തമിച്ചു പോകുമെന്ന് കരുതുന്നവര്‍ കുറവാണ്. ഹോം വീഡിയോ രംഗത്ത് ഒരു പരിധിവരെ സിഡികള്‍ക്കും ഡിവിഡികള്‍ക്കും തങ്ങളുടെ സാന്നിധ്യം നിലനിര്‍ത്താനാകുമെന്ന് കരുതുന്നു.

എന്നാല്‍ സാധാരണ പ്രേക്ഷകരിലേക്ക് സിനിമ എത്തിക്കുന്ന പ്രധാന ഉപാധി എന്ന നിലയില്‍ ഇവയ്ക്കുള്ള പ്രസക്തി ഏതാണ്ട് നഷ്ടമായിക്കഴിഞ്ഞു എന്നതാണ് യാഥാര്‍ത്ഥ്യം. അതാണ് വന്‍കിട കമ്പനികളെ മാറി ചിന്തിക്കാന്‍ പ്രേരിപ്പിക്കുന്നതും.

(ശിഹാബുദ്ദീന്‍ തങ്ങള്‍ - m4tech)

ഇങ്ക്‌കേസ് : സ്മാര്‍ട്ട്‌ഫോണിനൊരു രണ്ടാംസ്‌ക്രീന്‍

noreply@blogger.com (Unknown) — Sat, 19 Jul 2014 23:18:00 +0000

ഇങ്ക്‌കേസ് : സ്മാര്‍ട്ട്‌ഫോണിനൊരു രണ്ടാംസ്‌ക്രീന്‍

സ്മാര്‍ട്ട്‌ഫോണുകള്‍ക്ക് രണ്ടാംസ്‌ക്രീനുമായി പുതിയ ഗാഡ്ജറ്റ് വരുന്നു. ഫോണിന്റെ പിന്നില്‍ ഘടിപ്പിച്ചോ ഫോണിന്റെ പ്രൊട്ടക്ഷന്‍ കേസ് ആയോ ഉപയോഗിക്കാവുന്ന ഇങ്ക്‌കേസ് പ്ലസ് ( InkCase+ ) ആണ് ഗാഡ്ജറ്റ് വിപണിയിലെ പുതിയ താരം.

ഫോണ്‍ ഓണാക്കാതെതന്നെ സ്മാര്‍ട്ട്‌ഫോണ്‍ സ്‌ക്രീനിലേക്ക് ആക്‌സസ്സ് ലഭിക്കും എന്നതാണ് ഇങ്ക്‌കേസിന്റെ സൗകര്യം. സ്മാര്‍ട്ട്‌ഫോണിന്റെ ബാറ്ററി ചോര്‍ച്ച ഉപയോക്താക്കള്‍ക്ക് വലിയ തലവേദനയായ പശ്ചാത്തലത്തില്‍ ഇങ്ക്‌കേസിന് വന്‍ സ്വീകാര്യത ലഭിക്കുമെന്നാണ് വിലയിരുത്തല്‍.

ഫോണുമായുള്ള ബ്ലൂടൂത്ത് കണക്ഷന്‍ വഴിയാണ് ഇങ്ക്‌കേസ് പ്രവര്‍ത്തിക്കുന്നത്. ഇതിലെ 500 എംഎഎച്ച് ബാറ്ററി ഒറ്റ തവണ ചാര്‍ജു ചെയ്യുന്നതിലൂടെ 19 മണിക്കൂര്‍ ഉപയോഗിക്കാനാകും.

5 മില്ലീമീറ്റര്‍ കനം മാത്രമുള്ള ഇങ്ക്‌കേസിന് 45 ഗ്രാം ഭാരമേയുള്ളൂ. 3.5 ഇഞ്ചാണ് ഇതിന്റെ ഡിസ്‌പ്ലേ വലിപ്പം. 300 X 600 റെസലൂഷ്യനിലുള്ള ഇങ്ക്‌കേസ് ഡിസ്‌പ്ലേയ്ക്ക് 200 പിപിഐ മിഴിവുള്ള ചിത്രങ്ങള്‍ നല്‍കാനുമാകും.

കോളുകള്‍ അറ്റന്‍ഡ് ചെയ്യുക, ഫോണിലെ ചിത്രങ്ങള്‍ കാണുക, മെസേജ്, ഈമെയില്‍, സോഷ്യല്‍ നെറ്റ്‌വര്‍ക്കിംഗ് സൈറ്റുകളില്‍ നിന്നുള്ള നോട്ടിഫിക്കേഷനുകള്‍ തുടങ്ങിയവ കാണുക, മ്യൂസിക് പ്ലെയര്‍ നിയന്ത്രിക്കുക, ഇ-ബുക്ക് വായിക്കുക, സ്‌പോര്‍ട്‌സ്-ഫിറ്റ്‌നസ് ആപ്‌ളിക്കേഷനുകള്‍ ഉപയോഗിക്കുക തുടങ്ങി നിങ്ങളുടെ സ്മാര്‍ട്ട്‌ഫോണിന്റെ സ്‌ക്രീനില്‍ ചെയ്യാവുന്ന ഏതാണ്ട് എല്ലാ കാര്യങ്ങളും ഈ ''ഇലക്‌ട്രോണിക് ഇങ്ക്'' ഡിസ്‌പ്ലേ വഴി ചെയ്യാനാകും.

ചെറിയ കാര്യങ്ങള്‍ക്കായി ഫോണ്‍ എപ്പോഴും ഓണ്‍ ചെയ്യുന്നതുമൂലമുള്ള ഊര്‍ജനഷ്ടം വന്‍തോതില്‍ കുറയുമെന്നതിനാല്‍ ഇങ്ക്‌കേസ് പ്ലസ് ഉപയോഗിക്കുന്നതിലൂടെ ഫോണിന്റെ ബാറ്ററിയ്ക്ക് മികച്ച ബാക്കപ്പ് ലഭിക്കും.

ലോസ് ആഞ്ചിലസ് കേന്ദ്രമായുള്ള സ്റ്റാര്‍ട്ടപ്പ് കമ്പനിയായ ഒയാക്‌സിസ് ( Oaxis ) ആണ് ഇങ്ക്‌കേസിന്റെ നിര്‍മാതാക്കള്‍. ആന്‍ഡ്രോയ്ഡ് ഫോണുകളിലും ഐഫോണുകളിലും പ്രവര്‍ത്തിക്കുന്ന ഇങ്ക്‌കേസ് സ്മാര്‍ട്ട്‌ഫോണുകളില്‍ ബ്ലൂടൂത്തിനായി വളരെ കുറച്ച് ചാര്‍ജേ ഉപയോഗിക്കൂ എന്നതിനാല്‍ ഇത് മികച്ച ഫലം നല്‍കുമെന്ന് നിര്‍മാതാക്കള്‍ പറയുന്നു.

സപ്തംബര്‍ മാസത്തോടെ വാണിജ്യാടിസ്ഥാനത്തില്‍ ഇങ്ക്‌കേസ് പുറത്തിറക്കുമെന്ന് ഒയാക്‌സിസ് കമ്പനി പറയുന്നു.

വ്യത്യസ്ത ഫോണുകള്‍ക്കായി വ്യത്യസ്ത തരത്തിലുള്ള ഇങ്ക്‌കേസുകളാണ് കമ്പനി നിര്‍മിക്കുന്നത്. ശക്തമായ സൂര്യപ്രകാശത്തിലും സ്‌ക്രീന്‍ വ്യക്തമാകുമെന്നതും നനഞ്ഞതോ പൊടിയുള്ളതോ ആയ വിരലുകള്‍ ഉപയോഗിക്കാമെന്നതും ഇങ്ക്‌കേസിനെ ഒരു ഉപഭോക്തൃ-സൗഹൃദ ഉത്പന്നമാക്കുന്നു.

കഴിഞ്ഞ ദിവസം ആരംഭിച്ച ഇങ്ക്‌കേസ് പ്ലസിന്റെ കിക്ക്‌സ്റ്റാര്‍ട്ടര്‍ ക്യാമ്പയിന്പ്രതീക്ഷകള്‍ കവച്ചുവെക്കുന്ന പ്രതികരണമാണ് ലഭിച്ചിരിക്കുന്നത് (കടപ്പാട് : Oaxis )

ഒരു ബിയര്‍ കാനുപയോഗിച്ച് വൈഫൈ സിഗ്നല്‍ കൂട്ടാം

noreply@blogger.com (Unknown) — Sat, 19 Jul 2014 19:07:00 +0000

ഒരു ബിയര്‍ കാനുപയോഗിച്ച് വൈഫൈ സിഗ്നല്‍ കൂട്ടാം

നമ്മള്‍ എന്തെങ്കിലും അര്‍ജെന്റായി ചെയ്യാന്‍ പോകുമ്പോള്‍ ആയിരിക്കും നമ്മുടെ വൈഫൈ സിഗ്നല്‍ കട്ടായിരിക്കുന്നത് ശ്രദ്ധയില്‍ പെടുക. ഇതോടെ മോഡത്തിനെയും ബ്രോഡ്ബാന്‍ഡിനെയും വായില്‍ കിട്ടുന്ന വാക്കുകള്‍ കൊണ്ട് തെറി പറയുകയാവും നമ്മുടെ അടുത്ത പരിപാടി. നിങ്ങളുടെ മോഡം സ്ഥിതി ചെയ്യുന്ന ഫസ്റ്റ് ഫ്ലോറില്‍ നിന്നും നിങ്ങളുടെ ബെഡ്റൂമിലേക്ക്‌ വൈഫൈ സിഗ്നല്‍ കിട്ടാന്‍ എന്ത് ചെയ്യണം ? മോഡത്തിനെ തെറി പറയാന്‍ വരട്ടെ, ഒരു ബിയര്‍ കാന്‍ കൊണ്ട് വളരെ സിമ്പിള്‍ ആയി ചെയ്യാവുന്ന ഒരു ട്രിക്ക് നിങ്ങളുടെ വൈഫൈ സിഗ്നല്‍ കൂട്ടും.

ഇനി അതെങ്ങിനെയെന്ന് നോക്കൂ ഈ വീഡിയോയില്‍

വീഡിയോയില്‍ പറയുന്ന പോലെ ഒരു ബിയര്‍ കാനെടുത്ത് മുറിച്ചു ഷേപ്പ് ആക്കിയാല്‍ പിന്നെ ഒന്നും നോക്കേണ്ടതില്ല. വൈഫൈ സിഗ്നല്‍ ഉയര്‍ന്ന തോതില്‍ വര്‍ധിക്കുന്നതായി കാണാം. ഉപയോഗിച്ച് നോക്കിയാ ശേഷം അഭിപ്രായം അറിയിക്കുമല്ലോ?

(Via: Boolokam)

ഫോട്ടോഷോപ്പില്‍ 3D ടെക്‍സ്റ്റ്

noreply@blogger.com (Unknown) — Thu, 17 Nov 2011 03:25:00 +0000

ഫോട്ടോഷോപ്പില്‍ 3D ടെക്‍സ്റ്റ്

“ഫോട്ടോഷോപ്പില്‍ എങ്ങനെ ത്രീ ഡീ ഫോണ്ടുകള്‍ ഉണ്ടാക്കാം

Link: tmziyad.com: ഫോട്ടോഷോപ്പില്‍ 3D ടെക്‍സ്റ്റ്

പുതുമകളുമായി ഉബുണ്ടുവിന്റെ പുതിയ പതിപ്പ്‌

noreply@blogger.com (Unknown) — Tue, 25 Oct 2011 19:26:00 +0000

പതിവ്
തെറ്റിക്കാതെ ആറുമാസത്തിലൊരിക്കല്‍ കനോനിക്കല്‍ കമ്പനി പ്രശസ്ത ലിനക്‌സ്
ഒഎസ് ആയ ഉബുണ്ടുവിന്റെ പുതിയ പതിപ്പ് ഇറക്കാറുണ്ട്. ഉബുണ്ടുവിന്റെ പുതിയ
പതിപ്പായ (പതിനഞ്ചാമത്തെ പതിപ്പ്) ഉബുണ്ടു 11.10 Oneiric Ocelot എന്ന
കോഡ്‌നാമത്തിലാണ് അറിയപ്പെടുന്നത്. ഇപ്പോള്‍ ആ പതിപ്പ് സൗജന്യമായി ഡൗണ്‍ലോഡ് ചെയ്യാവുന്നതാണ്.

സ്വതന്ത്ര വിഭാഗത്തില്‍പ്പെടുന്നതും സൗജന്യവുമായ ഉബുണ്ടു ഇപ്പോള്‍
ലോകത്താകെ 20 മില്യണ്‍ ആളുകള്‍ ഉപയോഗിക്കുന്നുവെന്നാണ് കണക്ക്.
വിന്‍ഡോസുമായി താരതമ്യം ചെയ്യുമ്പോള്‍ ഇത് ചെറിയ സംഖ്യയാണെങ്കിലും,
അടുത്തകാലത്തായി ഉബുണ്ടുവിന്റെ വളര്‍ച്ചാ നിരക്ക് വര്‍ധിച്ചിരിക്കുകയാണ്.

സ്വതന്ത്ര ഒഎസ് ആയതിനാല്‍ ഇതിന്റെ ആവശ്യക്കാര്‍ക്കനുസരിച്ച് കസ്റ്റമൈസ്
ചെയ്ത് ഉപയോഗിക്കാമെന്നതാണ് ഉബുണ്ടുവിന്റെ സവിശേഷത. കേരളത്തില്‍ ഐ.ടി.
അറ്റ് സ്‌കൂളിന്റെ ഭാഗമായി നേരത്തെ തന്നെ ഉബുണ്ടുവിനെ കസ്റ്റമൈസ് ചെയ്ത്
ഉപയോഗിക്കുന്നു. ഇപ്പോള്‍ ഇന്ത്യയിലെ കോടതികള്‍ മുഴുവനും ഉബുണ്ടു
കസ്റ്റമൈസ് ചെയ്തുപയോഗിക്കാന്‍ തീരുമാനിച്ചിരിക്കുന്നു.

ഉബുണ്ടുവിന്റെ മുന്‍പതിപ്പായ 11.04 ന്റെ
കെട്ടുറപ്പില്‍ ഊന്നിത്തന്നെയാണ് പുതിയ പതിപ്പും പുറത്തിറക്കിയത്.
ആയതിനാല്‍ സമൂലമായ അഴിച്ചുപണി ഈ പതിപ്പില്‍ കാണുന്നില്ല. എങ്കിലും ഒരു
പുതിയ പതിപ്പിന് ആവശ്യമായ കുറെയേറെ പരിഷ്‌ക്കാരങ്ങള്‍ ഇതില്‍
കാണാവുന്നതാണ്.

നിലവിലുള്ള പതിപ്പായ 11.04 ന്റെ പ്രധാന സവിഷേത തന്നെ അതിന്റെ യൂണിറ്റി
ഡസ്‌ക്‌ടോപ്പ് ആയിരുന്നു. സ്മാര്‍ട്ട്‌ഫോണുകളുടെയും ടാബ്‌ലറ്റുകളുടെയും
ഡസ്‌ക്‌ടോപ്പില്‍ നിന്ന് പ്രചോദനം ഉള്‍ക്കൊണ്ടു നിര്‍മ്മിച്ച യൂണിറ്റി
ഡെസ്‌ക്‌ടോപ്പിനെ നിലനിര്‍ത്തിക്കൊണ്ട് അതില്‍ ഒട്ടേറെ പരിഷ്‌ക്കരണങ്ങള്‍
വരുത്തിയാണ് പുതിയ പതിപ്പ് ചിട്ടപ്പെടുത്തിയിരിക്കുന്നത്. GNOME 3.0
ഗ്രാഫിക്കല്‍ ഇന്റര്‍ഫേസും ലിനക്‌സ് കേണല്‍ 3.0.0-12.20 ഉമാണ് പുതിയ പതിപ്പിന്റെ കരുത്ത്.

ലോഗിന്‍ വിന്‍ഡോയില്‍ തുടങ്ങുന്നു മാറ്റം.
യൂണിറ്റി ഡെസ്‌ക്‌ടോപ്പിന് അനുസൃതമായ രീതിയില്‍തന്നെ LightDM എന്ന പേരില്‍
വളരെ ചെറുതും ആകര്‍ഷകവുമായ പുതിയ ലോഗിന്‍ വിന്‍ഡോ സൃഷ്ടിച്ചിരിക്കുന്നു.

ഡാഷ് ബട്ടനെ (വിന്‍ഡോസിലെ സ്റ്റാര്‍ട്ട്ബട്ടണ്‍) വലത്തുനിന്ന് കൂടുതല്‍
സൗകര്യപ്രദമായ ഇടത്തോട്ട് മാറ്റി ലോഞ്ച് ബാറിന്റെ കൂടെ
ചേര്‍ത്തിരിക്കുന്നു. ഗ്ലാസ് ഇഫക്ടുകളും മനോഹരമായ ഐക്കണും നല്‍കി ഇതിനെ
മിഴിവാക്കിയിരിക്കുന്നു. ഡാഷ് ബട്ടണില്‍ ക്ലിക്ക് ചെയ്യുമ്പോള്‍ ലഭിക്കുന്ന
സെര്‍ച്ച് ബോക്‌സ് വഴി പ്രോഗ്രാമുകള്‍ ആവശ്യത്തിനനുസരിച്ച്
തിരഞ്ഞെടുക്കാം. സിസ്റ്റം ഷട്ട്ഡൗണ്‍ ചെയ്യാനും മറ്റുമുള്ള പവര്‍ബട്ടണ്‍
പഴയ സ്ഥലത്തുതന്നെ നിലനിര്‍ത്തിയിരിക്കുന്നു.

മികച്ച ക്ലാരിറ്റിയിലുള്ള വാള്‍പേപ്പറുകളും
ത്രീഡി ഇഫക്ടുകളും ഡസ്‌കടോപ്പിനെ മികച്ചതാക്കുന്നു. മാക്‌സിമൈസ്
വിന്‍ഡോയില്‍ വിന്‍ഡോ കണ്‍ട്രോളുകള്‍ ഓട്ടോ ഹൈഡ് ആവുന്നതും കുറഞ്ഞ
ഹാര്‍ഡ്‌വെയര്‍ കോണ്‍ഫിഗറേഷനുള്ളവര്‍ക്ക് യൂണിറ്റിയുടെ ത്രീഡി
വേര്‍ഷനിലേക്ക് മാറാനുള്ള സൗകര്യവും പുതുമയുള്ള ഫീച്ചറുകളാണ്.
ആപ്ലിക്കേഷനുകള്‍ സ്വിച്ച് ചെയ്യാവുന്ന ALT+Tab സൗകര്യവും
കൊണ്ടുവന്നിരിക്കുന്നു.

ആപ്ലിക്കേഷനുകള്‍

ഫയര്‍ഫോക്‌സ് 7 : ഫയര്‍ഫോക്‌സിന്റെ ഏറ്റവും പുതിയ പതിപ്പായ ഫയര്‍ഫോക്‌സ് 7
ആണ്് ബ്രൗസറായി ഉപയോഗിച്ചിരിക്കുന്നത്. അതേസമയം ഓഫീസ് ആപ്ലിക്കേഷനായി ലിബ്ര
ഓഫീസി (3.4) നെത്തന്നെ നിലനിര്‍ത്തിയിട്ടുമുണ്ട്. മോസില്ല തണ്ടര്‍ബേര്‍ഡ്
ഡീഫാള്‍ട്ട് ഇമെയില്‍ ആപ്ലിക്കേഷനായി മോസില്ല തണ്ടര്‍ബേര്‍ഡും ഫോട്ടോ
എഡിറ്റിങ്ങിനായി ഷോട്‌വെല്‍ ഫോട്ടോ മാനേജര്‍ എന്ന ആപ്ലിക്കേഷനും
ഉപയോഗിക്കാം. കൂടാതെ പതിവുള്ള മറ്റു ആപ്ലിക്കേഷനുകളും ഗെയിമുകളും ലഭ്യം.

സോഫ്റ്റ്‌െവയര്‍ സെന്റര്‍ : നിരവധി ഉപയോഗപ്രദമായ ആപ്ലിക്കേഷനുകള്‍
ഉള്‍ക്കൊള്ളിച്ചുകൊണ്ട് ഉബുണ്ടു തങ്ങളുടെ സോഫ്ട്‌വേര്‍ സെന്റര്‍ (5.00)
പരിഷ്‌കരിച്ചിരിക്കുന്നു. ഐക്കണുകളെ വലുതാക്കി ലേഔട്ടിലും മറ്റുമായി
കാര്യമായി അഴിച്ചുപണി നടത്തിയിരിക്കുന്നു. സോഫ്ട്‌വേറുകള്‍ കണ്ടെത്തുന്നതും
ഇന്‍സ്റ്റാള്‍ ചെയ്യുന്നതും ഇനിമുതല്‍ കൂടുതല്‍ വേഗത്തില്‍ സാധ്യമാകും.

ദേജാ ഡപ് ബാക്കപ്പ് സംവിധാനം : ഫയലുകള്‍ മറ്റു ഡ്രൈവുകളിലോ ഓണ്‍ലൈന്‍ ആയോ ബാക്ക് അപ്പ് ചെയ്യാനുള്ള 'Deja Dup' ആപ്ലിക്കേഷന്‍.

ഉബുണ്ടു ക്ലൗഡ് : ഉബുണ്ടു ക്ലൗഡ് എന്ന സംവിധാനവും പുതിയപതിപ്പ് വഴി
ഒരുക്കിയിട്ടുണ്ട്. 5 ജിബി സ്ഥലം സൗജന്യമായി ലഭിക്കും. ഫയലുകള്‍ ബാക്കപ്പ്
ചെയ്യാനും മറ്റും ഈ സൗകര്യം ഉപയോഗിക്കാവുന്നതാണ്. 64 ബിറ്റ് ഉബുണ്ടു
ഉപയോക്താക്കള്‍ക്കും 32 ബിറ്റ് ഉബുണ്ടു ആപ്ലിക്കേഷനുകള്‍ ഇന്‍സ്റ്റാള്‍
ചെയ്യാന്‍ സഹായിക്കുന്ന സംവിധാനമായ മള്‍ട്ടിആര്‍ക് തുടങ്ങിയവയെല്ലാം പുതിയ
പതിപ്പിന്റെ പ്രത്യേകതകളാണ്.

സിസ്റ്റം കോണ്‍ഫിഗറേഷന്‍ : മിനിമം 1 ജിബി റാമും 1 ജിഗാഹെര്‍ട്‌സ്
പ്രൊസസ്സര്‍ സ്്പീഡും 15 ജിബിയെങ്കിലും ഹാര്‍ഡ് ഡിസ്‌കില്‍ സ്ഥലവും
ഉള്ളവരേ പുതിയ പതിപ്പിനായി ശ്രമിക്കേണ്ടതുള്ളൂ.

അടുത്ത പതിപ്പിന്റെ പേരും റിലീസിങ് തിയ്യതിയും ഇപ്പോള്‍തന്നെ ഉബുണ്ടു
പ്രഖ്യാപിച്ചുകഴിഞ്ഞു. Precise Pangolin എന്ന കോഡുനാമത്തില്‍ അറിയപ്പെടുന്ന
ഉബുണ്ടു 12.04, 2012 ഏപ്രിലില്‍ പുറത്തിറങ്ങും. മാത്രമല്ല പതിവില്‍ ിന്ന്
വിത്യസ്തമായി ഇത് മൂന്നുവര്‍ഷത്തേക്കുള്ളത് (Long Term Support (LTS)
release) ആയിരിക്കുമെന്നും കമ്പനി അറിയിച്ചിട്ടുണ്ട്.

(Source)

ഇരട്ടമുഖവുമായി വിന്‍ഡോസ് 8

noreply@blogger.com (Unknown) — Wed, 14 Sep 2011 20:12:00 +0000

ഇരട്ടമുഖവുമായി വിന്‍ഡോസ് 8

നൂതനമായ സമ്പര്‍ക്കമുഖം (ഇന്റര്‍ഫേസ്), ടച്ച് സ്‌ക്രീനുകള്‍ക്കായി
ചിട്ടപ്പെടുത്തല്‍, ടാബ്‌ലറ്റുകളിലും ഉപയോഗിക്കാവുന്നത്.....മൈക്രോസോഫ്ട്
അവതരിപ്പിച്ച വിന്‍ഡോസിന്റെ പുതിയ വേര്‍ഷന്‍-വിന്‍ഡോസ് 8- കാലത്തിന്റെ
ചുമരെഴുത്തുകള്‍ അനുസരിച്ച് തന്നെ രൂപപ്പെടുത്തിയതാണെന്ന് ആരും
സമ്മതിക്കും.

ഡെസ്‌ക്‌ടോപ്പുകളിലും ലാപ്‌ടോപ്പുകളിലും മാത്രമല്ല, മൊബൈല്‍ ഉപകരണങ്ങളായ
ടാബ്‌ലറ്റുകളിലും വിന്‍ഡോസ് 8 ഉപയോഗിക്കാനാകും. ഇരട്ടമുഖമായിരിക്കും
വിന്‍ഡോസ് 8 നെന്ന് സാരം.

പേഴ്‌സണല്‍ കമ്പ്യൂട്ടറുകള്‍ക്ക് മീഡിയ ടാബ്‌ലറ്റുകളുടെ സ്വഭാവം
കൂടിയാര്‍ജിക്കാന്‍ വിന്‍ഡോസ് 8 സഹായിക്കും. എന്നുവെച്ചാല്‍, സാധാരണ
കമ്പ്യൂട്ടറുകളെ 'ഹൈബ്രിഡ് പിസികള്‍' (hybrid PCs) ആക്കി പുതിയ
ഓപ്പറേറ്റിങ് സിസ്റ്റം മാറ്റുമെന്നര്‍ഥം.

ഒരേ സമയം ടച്ച് സ്‌ക്രീനിനും, കീബോര്‍ഡ്-മൗസ് കൂട്ടായ്മയ്ക്കും
അനുയോജ്യമായ രീതിയിലാണ് വിന്‍ഡോസ് 8 ചിട്ടപ്പെടുത്തിയിരിക്കുന്നതെന്ന്
മൈക്രോസോഫ്ട് വിന്‍ഡോസ് ഡിവിഷന്‍ പ്രസിഡന്റ് സ്റ്റീവന്‍ സിനോഫ്‌സ്‌കി
അറിയിക്കുന്നു.

ആപ്പിളിന്റെ ടാബ്‌ലറ്റ് കമ്പ്യൂട്ടറായ ഐപാഡും, ഗൂഗിളിന്റെ പ്ലാറ്റ്‌ഫോമായ
ആന്‍ഡ്രോയിഡില്‍ പ്രവര്‍ത്തിക്കുന്ന ടാബ്‌ലറ്റുകളും യഥാര്‍ഥത്തില്‍
മുറിവേല്‍പ്പിക്കുന്നത് പേഴ്‌സണല്‍ കമ്പ്യൂട്ടറുകളുടെ വില്‍പ്പനയ്ക്കാണ്.
പേഴ്‌സണല്‍ കമ്പ്യൂട്ടറുകളുടെ വില്‍പ്പന കുറയുകയെന്നുവെച്ചാല്‍,
വിന്‍ഡോസിനും മൈക്രോസോഫ്ടിനും ഭീഷണിയാകുന്നു എന്നാണര്‍ഥം. ഈ
സാഹചര്യത്തിലാണ് വിന്‍ഡോസ് 8 ന്റെ വരവ് എന്നത് ശ്രദ്ധേയമാണ്.

ആപ്പിളിന്റെ ഐഫോണ്‍ ഓപ്പറേറ്റിങ് സിസ്റ്റത്തിനും (ഐഒഎസ്), ഗൂഗിളിന്റെ
ആന്‍ഡ്രോയിഡിനുമുള്ള മൈക്രോസോഫ്ടിന്റെ മറുപടിയായിരിക്കും വിന്‍ഡോസ് 8
എന്ന് വിലയിരുത്തപ്പെടുന്നു.

കാലിഫോര്‍ണിയയില്‍ കഴിഞ്ഞ ദിവസം നടന്ന ബില്‍ഡ് ഡെവലപ്പേഴ്‌സ്
കോണ്‍ഫറന്‍സിലാണ് വിന്‍ഡോസ് 8 അവതരിപ്പിക്കപ്പെട്ടത്. വിന്‍ഡോസ് 8 ന്റെ
'പ്രിവ്യൂ മോഡ്' ആണ് ഇപ്പോള്‍ ലഭ്യമായിട്ടുള്ളത്. ഡെവലപ്പര്‍മാര്‍ക്ക് അത്
ടെസ്റ്റ് ചെയ്യാന്‍ അവസരം ലഭിച്ചെങ്കിലും, വിന്‍ഡോസ് 8 വിപണിയിലെത്തുക 2012
ലായിരിക്കും.

ചിപ്പ്-സെറ്റ് മുതല്‍ യൂസര്‍ അനുഭവം വരെ- വിന്‍ഡോസിനെ തങ്ങള്‍
പുനര്‍നിര്‍ണയം ചെയ്തുവെന്ന് സിനോഫ്‌സ്‌കി പറയുന്നു. രണ്ട്
സമ്പര്‍ക്കമുഖങ്ങള്‍ പുതിയ വിന്‍ഡോസ് വകഭേദത്തിനുണ്ടാകും. വിന്‍ഡോസിന്റെ
പഴയ വേര്‍ഷനില്‍ പരിചയമുള്ള സമ്പര്‍ക്കമുഖമാണ് ഒന്ന്. രണ്ടാമത്തേതാണ്
ടാബ്‌ലറ്റുകള്‍ക്കായുള്ള ടച്ച്‌സ്‌ക്രീന്‍ വേര്‍ഷന്‍. ടാബ്‌ലറ്റ്
സമ്പര്‍ക്കമുഖത്തിന് പേര് 'മെട്രോ' (Metro) എന്നാണ്.

മാത്രമല്ല, ഒരു ഓണ്‍ലൈന്‍ മാര്‍ക്കറ്റിങ് സര്‍വീസിസും മൈക്രോസോഫ്ട്
പ്രഖ്യാപിച്ചു -'വിന്‍ഡോസ് സ്‌റ്റോര്‍' (Windows Store) എന്നാണതിന്റെ പേര്.
ഡൗണ്‍ലോഡ് ചെയ്യാവുന്ന ആപ്ലിക്കേഷനുകള്‍ വില്‍ക്കാനുള്ള ഓണ്‍ലൈന്‍
സംവിധാനമാണിത്.

ഊര്‍ജക്ഷമതയേറിയ എ.ആര്‍.എം. പ്രൊസസറുകളെ പിന്തുണയ്ക്കും എന്നതാണ്
വിന്‍ഡോസ് 8 ന്റെ ഏറ്റവും ശ്രദ്ധേയമായ സവിശേഷതകളിലൊന്ന്. വളരെക്കുറച്ച്
ഊര്‍ജം മതിയെന്നതിനാല്‍, സ്മാര്‍ട്ട്‌ഫോണുകളിലും ടാബ്‌ലറ്റുകളിലും
എ.ആര്‍.എം.ചിപ്പ്‌സെറ്റുകള്‍ക്കാണ് ആധിപത്യം.

ഇത്രകാലവും ഇന്റലിന്റെ പ്രോസസറുകളുമായി ചേര്‍ന്ന് പ്രവര്‍ത്തിക്കത്തക്ക
വിധമാണ് വിന്‍ഡോസ് (വിന്‍ഡോസ് ഫോണ്‍ പ്ലാറ്റ്‌ഫോം ഒഴികെ) രൂപകല്‍പ്പന
ചെയ്തിരുന്നത്. എന്നാല്‍, വിന്‍ഡോസ് 8 മെട്രോ ഉപകരണങ്ങളില്‍
എ.ആര്‍.എം.പ്രൊസസറുകളായിരിക്കും ഉപയോഗിക്കുക.

താക്കോലും വഴിമാറുന്നു, മൊബൈലിന് മുന്നില്‍

noreply@blogger.com (Unknown) — Wed, 20 Jul 2011 19:50:00 +0000

'ചിലര്‍ വരുമ്പോള്‍ ചരിത്രം വഴിമാറും' എന്ന പരസ്യവാചകം കേട്ടിട്ടില്ലേ. ചരിത്രത്തിലെ അതിലളിതമായ, എന്നാല്‍ അടിസ്ഥാനപരമായ ഒരു കണ്ടുപിടുത്തം കൂടി മൊബൈലിന് മുന്നില്‍ വഴിമാറുകയാണ്, അല്ലെങ്കില്‍ മണ്‍മറയാന്‍ പോവുകയാണ്. പോക്കറ്റിലും പഴ്‌സിലും സദാ ജാഗ്രതയോടെ നാം സൂക്ഷിച്ച, മനോഹരമായ കീചെയിനുകള്‍ കൊണ്ട് അലങ്കരിച്ച് കൊണ്ടുനടന്ന താക്കോലെന്ന കൊച്ചു വസ്തുവാണത്. പുരാതന നാഗരികതകളിലെ പോലെ താക്കോലിന്റെ എണ്ണക്കൂടുതല്‍ കാണിച്ച് പ്രതാപം പ്രകടിപ്പിക്കാമെന്ന് ഇനി ഒരു തലമുറയും കരുതേണ്ട. വാച്ചും വാക്മാനും മുതല്‍ ക്യാമറയും കമ്പ്യൂട്ടറും വരെ സകലതും വിഴുങ്ങിയുള്ള മൊബൈലിന്റെ സര്‍വസംഹാരയാത്രയില്‍ ഏറ്റവും ഒടുവിലത്തെ ഇരയാണ് താക്കോല്‍. വീടും കടയും മുതല്‍ വാഹനങ്ങള്‍ വരെ തുറക്കാന്‍ ഇനി താക്കോല്‍ വേണ്ട, വിര്‍ച്വല്‍ കീ ഇന്‍സ്‌റ്റോള്‍ ചെയ്ത സ്മാര്‍ട്ട്‌ഫോണ്‍ മതിയാകും.

തീര്‍ത്തും പുതിയതല്ല ഈ സാങ്കേതിക വിദ്യ. വാഹനങ്ങളിലെ കീലെസ് എന്‍ട്രിയുടെയും ഓഫീസുകളിലെ പഞ്ചിങ്കാര്‍ഡുകളുടെയും പിന്മുറക്കാരനായാണ് ഈ സ്മാര്‍ട്ട് താക്കോല്‍ ആപഌക്കേഷിന്റെ വരവ്. ഇലക്ട്രോണിക് ഉപകരണങ്ങളിലെ 'സ്വിസ് ആര്‍മി നൈഫ്' (വിവിധോദ്യേശ പോക്കറ്റ് കത്തി) ആയിമാറിക്കൊണ്ടിരിക്കുന്ന മൊബൈലില്‍, സ്മാര്‍ട്ട് കീ ആപഌക്കേഷന്‍ വരുന്നു എന്നതാണ് പക്ഷേ പ്രത്യേകത. 'പ്രാര്‍ത്ഥിക്കാന്‍ ഓരോരുത്തര്‍ക്കും ഓരോ കാരണം' എന്ന് പറയുന്നതുപോലെ മൊബൈല്‍ ഉപയോഗിക്കാന്‍ ഓരാരുത്തര്‍ക്കും ഒന്നല്ല, ഒട്ടനേകം കാരണങ്ങളുണ്ടല്ലോ ഇന്ന്. ക്യാമറയ്ക്കും കമ്പ്യൂട്ടറിനും സ്റ്റീരിയോക്കും പകരമെന്നപോല മൊബൈല്‍ ഇനി താക്കോലായും മാറും, അത് വീടിന്റെയോ കാറിന്റെയോ ഓഫീസിന്റെയോ ഏതുമാവട്ടെ.

അടഞ്ഞ് കിടക്കുന്ന വാതിലിലേക്ക് ഇന്‍ര്‍നെറ്റും കണ്‍വെര്‍ട്ടര്‍ ബോക്‌സും വഴി മൊബൈലില്‍ നിന്നൊരു ചെറുസന്ദേശം, അത്രയേ വേണ്ടൂ വാതില്‍ തുറക്കാന്‍. കള്ളത്താക്കോലിട്ട് കള്ളന്മാര്‍ വാതില്‍ തുറക്കുമെന്ന ഭയവും വേണ്ട. വീട്ടിലെത്തുന്നതിന് മുമ്പേ ഗെയ്റ്റും വാതിലും തുറക്കാനും ലൈറ്റും എ.സി.യും ഓണ്‍ ചെയ്യാനും ഓഫീസിലിരുന്നുകൊണ്ട് വീട്ടിലെ സെക്യൂരിറ്റി ക്യാമറകള്‍ ഓണ്‍ചെയ്യാനുമൊക്കെ കഴിയുന്ന സംവിധാനം ഇപ്പോള്‍ തന്നെ വിപണിയിലെത്തിക്കഴിഞ്ഞു. വയര്‍ലെസ് റേഡിയോ സിഗ്‌നലുകള്‍ ഉപയോഗിച്ച് വാതില്‍ തുറക്കാന്‍ സഹായിക്കുന്ന ലോക്കുകളും ലഭ്യമാണ്. ജോലിസ്ഥലത്തായിരിക്കുമ്പോള്‍ വീട്ടിലൊരു അതിഥി വന്നാല്‍ വാതില്‍ തുറന്നുകൊടുക്കാന്‍ വീട്ടിലേക്ക് ഓടിവരേണ്ടെന്ന് സാരം. വാതിലിന് ഒരു എസ് എം എസ് അയച്ചാല്‍ മതി!

മെഴ്‌സിഡസ് ബെന്‍സ് ഉപയോക്താക്കള്‍ക്ക് 2009 മുതല്‍ തന്നെ ഇത്തരമൊരു സംവിധാനം (സിപ്കാര്‍ ഷെയറിങ് സര്‍വീസ്) അവരുടെ മൊബൈലുകളില്‍ കമ്പനി ഇന്‍സ്റ്റാള്‍ ചെയ്ത് നല്‍കുന്നുണ്ട്. ഈ ബെന്‍സുകളില്‍ ഡോറുകള്‍ തുറക്കാന്‍ മൊബൈലിലെ ലോക്ക് ഐക്കണില്‍ ഒന്ന് വിരലമര്‍ത്തുകയേ വേണ്ടൂ. ഡോറുകള്‍ തുറക്കാനും എന്‍ജിന്‍ സ്റ്റാര്‍ട്ട് ചെയ്യാനും സഹായകരമായ സമാനമായൊരു മൊ ബൈല്‍ ആപ്ലിക്കേഷന്‍ കഴിഞ്ഞ ഒക്ടോബര്‍ മുതല്‍ ജനറല്‍ മോട്ടോഴ്‌സും അവരുടെ ഉപയോക്താക്കള്‍ക്ക് നല്‍കുന്നുണ്ട്. വാഹനത്തിലെത്തുന്നതിന് മുമ്പേ എന്‍ജിന്‍ സ്റ്റാര്‍ട്ടാക്കാനും എ. സി. പ്രവര്‍ത്തിപ്പിച്ച് തുടങ്ങാനും ഇത് സഹായിക്കുന്നുണ്ട്. ധൃതിയില്‍ വാഹനം പാര്‍ക്ക് ചെയ്ത് പോകുമ്പോള്‍ ഡോറുകള്‍ അടച്ചോ എന്ന് ചെക്ക് ചെയ്യാനും ഇതുവഴി കഴിയും.

നിയര്‍ ഫീല്‍ഡ് കമ്യൂണിക്കേഷന്‍ (എന്‍ എഫ് സി) എന്നറിയപ്പെടുന്ന സാങ്കേതിക വിദ്യയാണ് ഇത്തരം ഫോണുകളില്‍ ഉപയോഗിക്കുന്നത്. താല്‍ക്കാലം ഈ വിദ്യ കുറച്ച് ഫോണുകളില്‍ മാത്രമേ ലഭ്യമായിട്ടുള്ളൂവെങ്കിലും, 2015 ഓടെ 55 കോടി ഉപേയോക്താക്കള്‍ ലോകത്താകെ ഈ സാങ്കേതികവിദ്യയുടെ ഉപയോക്താക്കളായി മാറുമെന്നാണ് കരുതപ്പെടുന്നത്. മൊബൈല്‍ ഉപയോഗം ദിനംപ്രതി കൂടിക്കൊണ്ടിരിക്കുന്ന പശ്ചാത്തലത്തില്‍, വിര്‍ച്വല്‍ താക്കോല്‍ സേവനം കൂടുതല്‍ പേര്‍ക്ക് നല്‍കാനുള്ള തയ്യാറെടുപ്പിലാണ് കാര്‍കമ്പനികളും ലോക്ക് നിര്‍മാതാക്കളുമൊക്കെ.

സ്റ്റോക്‌ഹോമിലെ ക്ലാരിയോണ്‍ ഹോട്ടലില്‍ ഇത്തരമൊരു സാങ്കേതിക വിദ്യയുടെ എട്ടുമാസം നീണ്ട പരീക്ഷണം നടക്കുകയുണ്ടായി. ഹോട്ടലില്‍ താമസത്തിനെത്തിയവര്‍ക്ക് ചെക്ക് ഇന്‍ ചെയ്യാനായി ഒരു വെബ് അഡ്രസ് ടെക്സ്റ്റ് മെസേജായി നല്‍കുകയായിരുന്നു. ചെക്ക് ഇന്‍ പൂര്‍ത്തിയായ ശേഷം തുടര്‍ന്ന് റൂമുകളില്‍ പ്രവേശിക്കാന്‍ അതിഥികളുടെ മൊബൈലിലേക്ക് താക്കോലിന് പകരം ഇലക്ട്രോണിക് കീ അയച്ചുകൊടുത്തു. സംഗതി വിജയമാണെന്നാണ് കണ്ടത്. പ്ലാസ്റ്റിക് കീ കാര്‍ഡുകള്‍ നല്‍കുന്ന ചിലവും, ചെക്ക് ഇന്‍ സ്റ്റാഫിനെ അയക്കുന്ന ചിലവും ഇതിലൂടെ ലാഭിക്കാന്‍ കഴിഞ്ഞു. സ്വീഡനിലെ ഓഫീസുകളിലും സര്‍വകലാശാലകളിലുമൊക്കെ ഇത്തരം സംവിധാനം ഇപ്പോള്‍ തന്നെ ഉപയോഗിച്ച് തുടങ്ങിയിട്ടുണ്ട്.

ഇത്തരം താക്കോലുകളില്‍ കാലാവധി അവസാനിക്കുന്ന സമയം നേരത്തേ തന്നെ സെറ്റ് ചെയ്യാമെന്ന സൗകര്യവുമുണ്ട്. വീടുകളും റൂമുകളുമൊക്കെ വാടകയ്ക്ക് നല്‍കുന്നവര്‍ക്ക് കാലാവധി കഴിയുന്ന സമയം തന്നെ കീ ഇങ്ങിനെ ഉപയോഗശൂന്യമാക്കാനും തുടര്‍ന്ന് പ്രവേശനം തടയാനും കഴിയും. കരാര്‍തൊഴിലാളികള്‍ക്ക് കരാര്‍ കഴിയുമ്പോള്‍ ഓഫീസുകളില്‍ പ്രവേശനം നിഷേധിക്കാനും ഇങ്ങിനെ കഴിയും. സന്ദര്‍ശകര്‍ക്കും മറ്റും താല്‍ക്കാലിക പ്രവേശനം നല്‍കാനും വിര്‍ച്വല്‍ കീ കൊണ്ട് കഴിയും. താക്കോല്‍ നഷ്ടപ്പെടുമെന്നോ കീ ഡ്യൂപഌക്കേറ്റ് ചെയ്യുമെന്നോ ഉള്ള ഭീതിയും വേണ്ട.

പക്ഷേ ചാര്‍ജ് തീര്‍ന്ന് ഫോണ്‍ സ്വിച്ചോഫായാല്‍ എന്ത് ചെയ്യും എന്നതാണ് ഈ സംവിധാനത്തിന്റെ പ്രധാന പരിമിതിയായി ഉന്നയിക്കപ്പെടുന്ന പ്രശ്‌നം. ഇത് കൂടാതെ ഇന്റര്‍നെറ്റ് കണക്ഷന്‍ നഷ്ടമായാലും ചിലപ്പാള്‍ വീടിന് പുറത്തിരിക്കേണ്ടി വരും. മൊബൈലില്‍ ഈ സംവിധാനം ഒരുക്കാന്‍ ഇപ്പോള്‍ അല്‍പം ചിലവ് കൂടുതലാണ് എന്നതാണ് മറ്റൊരു പരിമിതി. നിയര്‍ ഫീല്‍ഡ് കമ്യൂണിക്കേഷന്‍ (എന്‍ എഫ് സി) സാങ്കേതികവിദ്യ കൂടുതല്‍ വികസിക്കുന്നതോടെ ചിലവ് കുറയുമൊന്നാണ് മൊബൈല്‍ വിപണി വിദഗ്ധര്‍ കരുതുന്നത്.
(-യാസിര്‍ ഫയാസ്‌ )

അധിക സൗകര്യങ്ങളുമായി ലിബ്ര ഓഫീസ് 3.4

noreply@blogger.com (Unknown) — Mon, 20 Jun 2011 21:12:00 +0000

സ്വതന്ത്ര സോഫ്ട്‌വേര്‍ വിഭാഗത്തിലെ ലിബ്ര ഓഫീസിന്റെ പുതിയ പതിപ്പ് രംഗത്തെത്തി. ബിസിനസ് ആവശ്യക്കാര്‍ക്കുള്ള സൗകര്യങ്ങളാണ് ലിബ്ര ഓഫീസ് 3.4 പതിപ്പിലുള്ളത്. മൈക്രോസോഫ്ടിന്റെ ഓഫീസ് സോഫ്ട്‌വേര്‍ പാക്കേജിന് പകരമായി രംഗത്തുള്ള സോഫ്ട്‌വേറാണ് ലിബ്ര ഓഫീസ്. വിന്‍ഡോസ്, ലിനക്‌സ്, മാക് തുടങ്ങി മിക്ക ഒഎസുകളിലും ഉപയോഗിക്കാന്‍ കഴിയുന്ന ലിബ്ര ഓഫീസ് പാക്കേജ് സൗജന്യമായി ഡൗണ്‍ലോഡ് ചെയ്യാം.

എം.എസ്. വേഡിന് ബദലായി ഉപയോഗിക്കാവുന്ന റൈറ്റര്‍, എക്‌സലിന് ബദലായുള്ള കാല്‍ക്, പവര്‍പോയന്റിന് പകരമുള്ള ഇംപ്രസ് തുടങ്ങി എം.എസ്. ഓഫീസ് പാക്കേജില്‍ ലഭിക്കുന്ന എല്ലാ സൗകര്യങ്ങളും ലിബ്രെ ഓഫീസിലുണ്ട്. മാത്രമല്ല മാത്തമാറ്റിക്കല്‍ ഫോര്‍മുലകള്‍ ഉണ്ടാക്കാനും എഡിറ്റ് ചെയ്യാനുമുള്ള 'മാത്‌സ്', കോറല്‍ ഡ്രോയുടെ സവിശേഷതയോടു കൂടിയ വെക്റ്റര്‍, ഗ്രാഫിക് എഡിറ്ററായ 'ഡ്രോ' എന്നീ ആപ്ലിക്കേഷനുകളും ലിബ്ര ഓഫീസില്‍ ലഭ്യമാണ്.

മെനുവിന്റെയും മറ്റും കാര്യത്തിലും ഉപയോഗരീതിയിലും എം.എസ്. ഓഫീസിനോട് സാമ്യം പുലര്‍ത്തുന്നതിനാല്‍ ഈ പാക്കേജിലേക്ക് മാറുമ്പോള്‍ കാര്യമായ ബുദ്ധിമുട്ട് ഉപഭോക്താക്കള്‍ക്ക് ഉണ്ടാവില്ല. എം.എസ്. ഓഫീസ് പോലെ വളരെയധികം 'യൂസര്‍ ഫ്രണ്ട്‌ലി'യാണ് ഇത്. ആദ്യപതിപ്പായ 3.3 യുടെ പേരായ്മകള്‍ ഒഴിവാക്കി, കൂടുതല്‍ സവിശേഷതകള്‍ ഉള്‍ക്കൊള്ളിച്ചുകൊണ്ടാണ് 3.4 പതിപ്പ് പുറത്തിറക്കിയിട്ടുള്ളത്്. എം.എസ്. ഓഫീസ് ഫയലുകള്‍ ലിബ്ര ഓഫീസില്‍ തുറക്കാന്‍ സാധിക്കും എന്നതും ശ്രദ്ധേയമാണ്.

എം.എസ്. ഓഫീസിലേതുപോലെ ഫോണ്ടുകളുടെ പ്രിവ്യൂ കാണാനുള്ള സൗകര്യം, ആകര്‍ഷകമായ മെനു (യൂണിറ്റി സപ്പോര്‍ട്ട്), എസ്.വി.ജി ഫയലുകളെ ഇംപോര്‍ട്ട് ചെയ്യാനും എഡിറ്റ് ചെയ്യാനുമുള്ള സൗകര്യം, ലോട്ടസ് വേര്‍ഡ് പ്രോ സോഫ്ട്‌വേര്‍ ഫയലുകള്‍ തുറക്കാനുള്ള സൗകര്യം, മുപ്പതോളം ഭാഷകളില്‍ ഉപയോഗിക്കാം-എന്നിങ്ങനെ ഒട്ടനവധി സവിശേഷതകള്‍ അടങ്ങിയതാണ് പുതിയ പതിപ്പ്.

സ്വതന്ത്ര ഒ.എസ്. വിഭാഗത്തില്‍പ്പെടുന്ന പ്രശസ്തമായ ഉബുണ്ടു തങ്ങളുടെ ഏറ്റവും പുതിയ പതിപ്പില്‍ ലിബ്ര ഓഫീസ് ആണ് ഉള്‍പ്പെടുത്തിയിട്ടുള്ളത്. നേരത്തെ ഇവര്‍ ഓപ്പണ്‍ ഓഫീസ് ആയിരുന്നു ഉപയോഗിച്ചിരുന്നത്. കൂടാതെ മറ്റു ലിനക്‌സ് ഒ.എസുകളായ openSUSE, ഫെഡോറ (Fedora), റെഡ് ഹാറ്റ(RedHat) തുടങ്ങിയവയെല്ലാം ലിബ്ര ഓഫീസാണ് അവരുടെ പുതിയ പതിപ്പുകളില്‍ ഉള്‍പ്പെടുത്തുന്നത്.

അല്‍പ്പം ചരിത്രം

സ്വതന്ത്ര ഓഫീസ് പാക്കേജായ 'ഓപ്പണ്‍ഓഫീസ'ില്‍ മുമ്പ് പ്രവര്‍ത്തിച്ചിരുന്ന ചില അംഗങ്ങള്‍ ചേര്‍ന്ന് 2010 സപ്തംബര്‍ 28ന് 'ദി ഡോക്യുമെന്റ് ഫൗണ്ടേഷന്‍' എന്ന സംഘടന രൂപവത്ക്കരിച്ചു. ഒറാക്കിള്‍ കമ്പനി അവരുടെ നിയന്ത്രണത്തിലുള്ള ഓപ്പണ്‍ ഓഫീസിന്റെ പ്രവര്‍ത്തനത്തില്‍ താത്പര്യം കാണിക്കാതിരുന്നതാണ് പുതിയ സംഘടന രൂപവത്കരിക്കാന്‍ കാരണമായത്. ഒറാക്കിള്‍ ഓപ്പണ്‍ ഓഫീസിനെ ഏറ്റെടുത്ത സമയത്തുതന്നെ പലരും അതിന്റെ ഭാവിയെക്കുറിച്ച് ആശങ്കപ്പെട്ടിരുന്നു. അതിന് ശേഷം ഓപ്പണ്‍ ഓഫീസിനെ പുതിയ സംഘടനക്ക് കൈാമാറന്‍ ഇവര്‍ ആവശ്യപ്പെട്ടെങ്കിലും ഒറാക്കിള്‍ അത് നിരസിക്കുകയായിരുന്നു. തുടര്‍ന്നാണ് ഇവര്‍ ലിബ്ര ഓഫീസ് എന്ന പുതിയ പാക്കേജിന് രൂപം കൊടുത്തത്.

2011 ജനവരി 25 ന് ലിബ്ര ഓഫീസിന്റെ ആദ്യ പതിപ്പ് പുറത്തിറങ്ങി. ഓപ്പണ്‍ ഓഫീസിന്റെ ഉപയോഗരീതിയില്‍ നിന്നും കാര്യമായ വിത്യാസങ്ങളൊന്നുമില്ലാതെയാണ് ലിബ്ര ഓഫീസും രംഗത്തെത്തിയത്. കൂടാതെ കുറച്ചധികം സവിശേഷതകള്‍ കൂട്ടിച്ചേര്‍ക്കുകയും ചെയ്തു.

ഒറാക്കിളിന്റെ ചുവടുമാറ്റം

എം.എസ്. ഓഫീസിന് ബദലായി ഓപ്പണ്‍ ഓഫീസ് വിഭാഗത്തില്‍ പുറത്തിറങ്ങിയ പ്രമുഖ സോഫ്ട്‌വേറായിരുന്ന ഓപ്പണ്‍ ഓഫീസിനെ ഒറാക്കിള്‍ കൈവിടുന്നു. 2010 സപ്തംബര്‍ വരെ എം.എസ്. ഓഫീസിന് പകരക്കാരനായി മുന്‍നിരയിലായിരുന്നു ഓപ്പണ്‍ ഓഫീസിന്റെ സ്ഥാനം. എന്നാല്‍ ഡേക്യുമെന്റ് ഫൗണ്ടേഷന്‍ ലിബ്ര ഓഫീസ് പുറത്തിറക്കിയതോടെ ഓപ്പണ്‍ ഓഫീസിന്റെ പ്രതാപത്തിന് മങ്ങലേല്‍ക്കുകയായിരുന്നു.

1990 ല്‍ സണ്‍ മൈക്രോസിസ്റ്റം സ്റ്റാര്‍ ഓഫീസ് എന്ന സ്വതന്ത്ര ഓഫീസ് സോഫ്ട്‌വേര്‍ പുറത്തിറക്കുന്നത്. വിവിധ ഒഎസുകളില്‍ ഉപയോഗിക്കാവുന്നതും സൗജന്യവുമായ ഈ ഓഫീസ് പാക്കേജ് വളരെപ്പേരെ ആകര്‍ഷിച്ചു എം.എസ്. ഓഫീസ് ആപ്ലിക്കേഷനുകള്‍ക്ക് ബദലായുള്ള എല്ലാ ആപ്ലിക്കേഷനുകളും ഈ പാക്കേജിലും ലഭ്യമായിരുന്നു. എന്നാല്‍ 2009 ല്‍ സണ്‍ കമ്പനിയെ ഓറാക്കിള്‍ ഏറ്റെടുത്തതോടെ സ്റ്റാര്‍ ഓഫീസിന്റെ കാലഘട്ടം അവസാനിച്ചു. അതിനുശേഷം സ്റ്റാര്‍ ഓഫീസിനെ മെച്ചപ്പെടുത്തി ഓപ്പണ്‍ ഓഫീസ് എന്ന പേരില്‍ ഒറാക്കിള്‍ പുറത്തിറക്കുകയായിരുന്നു.

ഓപ്പണ്‍ ഓഫീസിന്റെ കാര്യത്തില്‍ ഒറാക്കിള്‍ വേണ്ടത്ര ശ്രദ്ധിക്കുന്നില്ല എന്നാരോപിച്ചായിരുന്നു ഡേക്യമെന്റ ഫൗണ്ടേഷനും ലിബ്രഓഫീസും രൂപപ്പെട്ടത്. ഒരു പതിപ്പ് കൂടി ഓപ്പണ്‍ ഓഫീസ് പുറത്തിറക്കിയെങ്കിലും ഇപ്പോള്‍ ഓപ്പണ്‍ ഓഫീസിനെ പൂര്‍ണമായും കൈയ്യൊഴിയാന്‍ ഒറാക്കിള്‍ കമ്പനി തീരുമാനിച്ചിരിക്കുകയാണ്. അപ്പാച്ചേ സോഫ്ട്‌വേര്‍ ഫൗണ്ടേഷന് (ASF) ആണ് ഓപ്പണ്‍ ഓഫീസ് ഒറാക്കിള്‍ കൈമാറുന്നത്. ഓപ്പണ്‍ ഓഫീസിന്റെ നടത്തിപ്പില്‍ ഒറാക്കിളിനെ സഹായിച്ച ഐം.ബി.എമിന്റെ പിന്തുണയോടെയാണ് ഈ കൈമാറ്റം നടക്കുന്നത്.

ഓപ്പണ്‍ ഓഫീസിന് പകരക്കാരനായി വന്ന ലിബ്ര ഓഫീസിന് പ്രചാരം കൂടിയതും ലിനക്‌സ് ഒഎസുകളില്‍ പ്രശസ്തമായ ഉബുണ്ടു തങ്ങളുടെ പുതിയ പതിപ്പില്‍ നേരത്തെയുണ്ടായിരുന്ന ഓപ്പണ്‍ ഓഫീസിനെ മാറ്റി ലിബ്ര ഓഫീസ് ഉള്‍പ്പെടുത്തിയതുമെല്ലാം ഒറാക്കിളിന്റെ നയംമാറ്റത്തിന് കാരണമായി.

എന്നാല്‍, ഒറാക്കിള്‍ കൈവിട്ടതോടെ ഓപ്പണ്‍ ഓഫീസ് യുഗം അവസാനിച്ചു എന്ന് കരുതാനാകില്ല. അപ്പാച്ചേ ലാബില്‍ നിന്ന് കൂടുതല്‍ കരുത്തോടെ ഓപ്പണ്‍ ഓഫീസ് അല്ലെങ്കില്‍ മറ്റേതെങ്കിലും പേരില്‍ ഈ പാക്കേജ് പുറത്തുവരുമെന്നാണ് റിപ്പോര്‍ട്ടുകള്‍.

ഗൂഗിള്‍ VS മൈക്രോസോഫ്ട് -മുറുകുന്ന യുദ്ധം

noreply@blogger.com (Unknown) — Fri, 13 May 2011 21:05:00 +0000

മൈക്രോസോഫ്ടും ബെയ്ദുവും, മൈക്രോസോഫ്ടും ഫെയ്‌സ്ബുക്കും, മൈക്രോസോഫ്ടും നോക്കിയയും...... ഗൂഗിളിന് സഹകരിച്ചു പോകാന്‍ കഴിത്താവര്‍ ആരൊക്കെ എന്നാണ് ഇപ്പോള്‍ മൈക്രോസോഫ്ടിന്റെ നോട്ടം. അത്തരക്കാരുമായി പങ്കാളിത്തം സൃഷ്ടിച്ച് ഗൂഗിളിന് വെല്ലുവിളിയുയര്‍ത്തുക എന്ന തന്ത്രത്തിന്റെ ഏറ്റവും ഒടുവിലത്തെ ഉദാഹരണമാണ്, ചൈനീസ് സെര്‍ച്ച് ഭീമനായ 'ബെയ്ദു'വുമായി മൈക്രസോഫ്ട് കൈകോര്‍ക്കുന്നു എന്ന വാര്‍ത്ത.

സെര്‍ച്ചിന്റെ കാര്യത്തിലാണ് ഈ പുതിയ നീക്കമെങ്കില്‍, വീഡിയോചാറ്റിങിനായി ഫെയ്‌സ്ബുക്കിലേക്ക് സ്‌കൈപ്പിനെ എത്തിച്ചുകൊണ്ട് മറ്റൊരു യുദ്ധമുഖം വരും ദിവസം തന്നെ തുറക്കപ്പെടും. 850 കോടി ഡോളറിന് അടുത്തയിടെയാണ് മൈക്രോസോഫ്ട് സ്‌കൈപ്പിനെ സ്വന്തമാക്കിയത്. ഫെയ്‌സ്ബുക്കും മൈക്രോസോഫ്ടുമായി വര്‍ധിച്ചു വരുന്ന സഹകരണത്തിന്റെ ഏറ്റവും പുതിയ ഉദാഹരണമാണ്, ഫെയ്‌സ്ബുക്ക് പ്രഖ്യാപിക്കുമെന്ന് കരുതുന്ന വീഡിയോ ചാറ്റിങ് സങ്കേതം.

ബെയ്ദുവില്‍ ബിംഗ്

സെന്‍സര്‍ഷിപ്പില്‍ പ്രതിഷേധിച്ച് ചൈനയില്‍ നിന്ന് ഗൂഗിള്‍ പിന്‍മാറിയിട്ട് ഒന്നര വര്‍ഷമാകുമ്പോഴാണ്, ബെയ്ദുവുമായി മൈക്രോസോഫ്ട് കൈകോര്‍ക്കുന്നത്. ഇംഗ്ലീഷില്‍ സെര്‍ച്ച് ഫലം നല്‍കാനുള്ള കരാറാണ് ബെയ്ദുവുമായി മൈക്രോസോഫ്ട് ഉണ്ടാക്കിയിരിക്കുന്നത്.

ചൈനയിലെ സെര്‍ച്ച് വിപണിയില്‍ 83 ശതമാനവും കൈകാര്യം ചെയ്യുന്ന ബെയ്ദുവിന്റെ സേവനം ചൈനീസ് ഭാഷയിലാണ്. തങ്ങളുടെ ഇംഗ്ലീഷ് സേവനം മെച്ചപ്പെടുത്താന്‍ ഏറെ നാളായി ശ്രമിച്ചു വരികയായിരുന്നു ബെയ്ദു. ബെയ്ദുവിന് ദിവസവും 100 ലക്ഷം ഇംഗ്ലീഷ് സെര്‍ച്ച് അഭ്യര്‍ഥനകള്‍ ലഭിക്കുന്നുണ്ട്.

ഈ വര്‍ഷമവസാനത്തോടെ മൈക്രോസോഫ്ടുമൊന്നിച്ച് പ്രവര്‍ത്തനം തുടങ്ങാമെന്നാണ് ബെയ്ദു കണക്കുകൂട്ടുന്നത്. അതോടെ ബെയ്ദുവിന് ലഭിക്കുന്ന ഇംഗ്ലീഷ് സെര്‍ച്ച് അഭ്യര്‍ഥനകള്‍ മൈക്രോസോഫ്ടിന്റെ ബിംഗ് സെര്‍ച്ച് എഞ്ചിനിലേക്ക് ഗതിതിരിച്ചു വിടും. മൈക്രോസോഫ്ടിന്റെ വെബ്ബ് സാന്നിധ്യം കുറഞ്ഞ തോതിലായാല്‍ പോലും വര്‍ധിപ്പിക്കാന്‍ ഈ നീക്കം സഹായിക്കുമെന്ന് വിലയിരുത്തപ്പെടുന്നു.

ഫെയ്‌സ്ബുക്കില്‍ സ്‌കൈപ്പ്

ലോകത്തെ ഏറ്റവും വലിയ സോഷ്യല്‍ നെറ്റ്‌വര്‍ക്കിങ് സൈറ്റായ ഫെയ്‌സ്ബുക്കില്‍, സ്‌കൈപ്പിന്റെ പങ്കാളിത്തത്തോടെയുള്ള വീഡിയോ ചാറ്റിങ് സര്‍വീസ് ആരംഭിക്കുന്നതായുള്ള പ്രഖ്യാപനം കാക്കുകയാണ് ടെക് ലോകം. സ്‌കൈപ്പിനെ മൈക്രോസോഫ്ട് സ്വന്തമാക്കുന്നതായുള്ള പ്രഖ്യാപനം കഴിഞ്ഞ മെയ് മാസത്തിലാണുണ്ടായത്.

ഫെയ്‌സ്ബുക്കിന് ബദലാകാന്‍ പാകത്തില്‍ പുതിയ സോഷ്യല്‍ നെറ്റ്‌വര്‍ക്കിങ് സര്‍വീസായ ഗൂഗിള്‍ പ്ലസ് പ്രോജക്ട് അവതരിപ്പിക്കപ്പെട്ട് ദിവസങ്ങള്‍ക്കുള്ളിലാണ്, മൈക്രോസോഫ്ടിന്റെ പിന്തുണയോടെ ഫെയ്‌സ്ബുക്ക് പുതിയ സര്‍വീസ് ആരംഭിക്കാന്‍ പോകുന്നത് എന്നത് ശ്രദ്ധേയമാണ്. ജൂലായ് 6 ന് പുതിയ സര്‍വീസ് ഫെയ്‌സ്ബുക്ക് അവതരിപ്പിക്കും.

ഗൂഗിളുമായി ആശയപ്പൊരുത്തമില്ലാത്തവരെ തേടിപ്പിടിച്ച് മൈക്രോസോഫ്ട് പങ്കാളിത്തമുണ്ടാക്കുന്നതിന് വേറെയും ഉദാഹരണങ്ങളുണ്ട്. നോക്കിയയും മൈക്രോസോഫ്ടുമായി 2010 ഡിസംബറില്‍ പ്രഖ്യാപിച്ച തന്ത്രപരമായ പങ്കാളിത്തമാണ് അതില്‍ പ്രധാനം. സ്മാര്‍ട്ട്‌ഫോണ്‍ രംഗത്ത് ഗൂഗിളിന്റെ ആന്‍ഡ്രയിഡിനെ കൈവിട്ടിട്ടാണ്, മൈക്രോസോഫ്ടിന്റെ വിന്‍ഡോസ് ഫോണ്‍ 7 പ്ലാറ്റ്‌ഫോമിനെ നോക്കിയ പുല്‍കിയത്.

മൈക്രോസോഫ്ടും ഗൂഗിളുമായി തുടരുന്ന യുദ്ധമുഖങ്ങള്‍ ഇതുകൊണ്ടും തീരുന്നില്ല. മൈക്രോസോഫ്ടിനെ ലോകത്തെ ഏറ്റവും വലിയ സോഫ്ട്‌വേര്‍ കമ്പനിയാക്കിയത്, വിന്‍ഡോസ് ഓപ്പറേറ്റിങ് സിസ്റ്റമാണ്. കാല്‍നൂറ്റാണ്ടിലേറെയായി രംഗം കൈയടക്കിയിട്ടുള്ള മൈക്രോസോഫ്ടിന് വെല്ലുവിളി സൃഷ്ടിക്കുകയാണ്, ക്ലൗഡ് അടിസ്ഥാനമാക്കിയുള്ള ഗൂഗിളിന്റെ ക്രോം ഓപ്പറേറ്റിങ് സിസ്റ്റം. ഗൂഗിള്‍ ക്രോമില്‍ പ്രവര്‍ത്തിക്കുന്ന ആദ്യ ലാപ്‌ടോപ്പ് രംഗത്തെത്തിയത് അടുത്തയിടയാണ്.

മൈക്രോസോഫ്ടിന്റെ മേധാവിത്വമുണ്ടായിരുന്ന ബ്രൗസര്‍ രംഗത്ത് ഗൂഗിള്‍ കൈവെച്ചപ്പോള്‍, ഗൂഗിളിന്റെ തുറുപ്പുശീട്ടായ സെര്‍ച്ച് രംഗത്ത് മൈക്രോസോഫ്ട് കടന്നു കയറി. ഇന്റര്‍നെറ്റ് എക്‌സ്‌പ്ലോററിന് വെല്ലുവിളിയുയര്‍ത്തിക്കൊണ്ടാണ് ഗൂഗിളിന്റെ ക്രോം ബ്രൗസര്‍ ജനപ്രീതിയാര്‍ജിക്കുന്നത്. അതേസമയം, അമേരിക്ക പോലുള്ള ഇടങ്ങളില്‍ ഗൂഗിള്‍ സെര്‍ച്ചിന് വെല്ലുവിളിയായി മൈക്രോസോഫ്ടിന്റെ ബിംഗ് വളര്‍ച്ച നേടുന്നു.

ഇപ്പോഴത്തെ നിലയ്ക്ക് ഇരുകമ്പനികളും തമ്മിലുള്ള കിടമത്സരം വര്‍ധിക്കാനാണ് സാധ്യത. മൈക്രോസോഫ്ട് ഉണ്ടാക്കുന്ന കൂട്ടുകെട്ടുകള്‍ക്ക് ഗൂഗിളിന്റെ വളര്‍ച്ച ചെറുക്കാന്‍ എത്രമാത്രം കഴിയും എന്നിടത്താണ് പ്രശ്‌നം. അതറിയാന്‍ കുറച്ചുകൂടി കാത്തിരുന്നേ കഴിയൂ.

വിന്‍ഡോസിനോട് മത്സരിക്കാന്‍ ഉബുണ്ടുവിന്റെ പുതിയ പതിപ്പ്

noreply@blogger.com (Unknown) — Wed, 27 Apr 2011 18:12:00 +0000

ലോകത്ത് 12 മില്യണിലേറെ കമ്പ്യൂട്ടര്‍ ഉപയോക്താക്കള്‍ ഉപയോഗിക്കുന്ന സ്വതന്ത്ര ഓപ്പണ്‍സോഴ്‌സ് ഓപ്പറേറ്റിങ് സിസ്റ്റമായ ഉബുണ്ടുവിന്റെ പുതിയ പതിപ്പ് എത്തുന്നു. 'നാറ്റി നര്‍വാല്‍' എന്ന് പേര് നല്‍കിയിട്ടുള്ള ഉബുണ്ടു 11.04 പതിപ്പ് ഏപ്രില്‍ 28 നാണ് ഔദ്യോഗികമായി പുറത്തിറങ്ങുക. പുതിയ പതിപ്പിന്റെ ആല്‍ഫ, ബാറ്റ വകഭേദങ്ങള്‍ ഇതിനകം ലഭ്യമായിരുന്നു.

ഉബുണ്ടുവിന്റെ 14-ാമത്തെ പതിപ്പാണിത്. വിന്‍ഡോസ് ഒ.എസിന്റെ സമഗ്രാധിപത്യത്തിന് കാര്യമായ വെല്ലുവിളി ഉയര്‍ത്താന്‍ ഉബുണ്ടുവിന് ഇതുവരെ കഴിഞ്ഞിരുന്നില്ലെങ്കിലും, പുതിയ പതിപ്പോടെ ശക്തമായ ഒരു മത്സരത്തിന് ഉബുണ്ടു തയ്യാറെടുക്കുകയാണ്. അതിനുള്ള ഒരുക്കങ്ങളോടെയാണ് പുതിയ ഉബുണ്ടു പതിപ്പ് രംഗത്തെത്തുന്നത്. ഉബുണ്ടു 11.04 ന്റെ ബീറ്റ പതിപ്പ് ഡൗണ്‍ലോഡ് ചെയ്യാന്‍ ഈ സൈറ്റ് സന്ദര്‍ശിക്കുക.

വിന്‍ഡോസ് ഓപ്പറേറ്റിങ് സിസ്റ്റത്തെപ്പോലെ ലളിതവും ഉപയോഗിക്കാന്‍ എളുപ്പവുമായ ഉബുണ്ടുവിനെ 'ലിനക്‌സിന്റെ വിന്‍ഡോസ് പതിപ്പ്' എന്നുവേണമെങ്കില്‍ വിശേഷിപ്പിക്കാം. ഉബുണ്ടു ഡൗണ്‍ലോഡ് ചെയ്ത് ഉപയോഗിക്കുക മാത്രമല്ല, ഓണ്‍ലൈനായി രജിസ്റ്റര്‍ ചെയ്യുന്നവര്‍ക്ക് സൗജന്യമായി ഉബുണ്ടു ഒ.എസ് സിഡി രൂപത്തില്‍ അയച്ചുകൊടുക്കുകയും ചെയ്തിരുന്നു.

ബ്രോഡ്ബാന്‍ഡ് സൗകര്യം കുറവായതിനാലാണ് സിഡി സൗജന്യമായി മുമ്പ് അയച്ചുകൊടുത്തിരുന്നതെന്നും, ഇപ്പോള്‍ വേഗമേറിയ ഇന്റര്‍നെറ്റ് സേവനം മിക്കയിടത്തും ലഭ്യമായതിനാല്‍ ഇനി മുതല്‍ സൗജന്യ സിഡിയുടെ ആവശ്യമില്ല എന്നും ഉബുണ്ടു നിര്‍മാതാക്കള്‍ അറിയിക്കുന്നു. എന്നുവെച്ചാല്‍, ഉബുണ്ടുവിന്റെ പുതിയ പതിപ്പിന്റെ സിഡി തപാല്‍ വഴി എത്തില്ല എന്ന് സാരം.

ഇതുവരെ ലഭ്യമായിരുന്നത് ഉബുണ്ടു 10.10 പതിപ്പാണ്. ഡസ്‌ക്‌ടോപ്പുകള്‍ക്കും ലാപ്‌ടോപ്പ്, സെര്‍വര്‍ എന്നിവകള്‍ക്കും പ്രത്യേക ഒഎസുകള്‍ ലഭ്യമാണ്. പൂര്‍ണമായും വിമുക്തമല്ലെങ്കിലും പൊതുവേ വൈറസ് ആക്രമണം ഉബുണ്ടുവില്‍ കുറവാണ്.

വിദ്യാഭ്യാസ ആവശ്യങ്ങള്‍ക്കായുള്ള 'Edubuntu', ഗ്രാഫിക്കല്‍ ആവശ്യങ്ങള്‍ക്കായുള്ള 'Kubuntu', ഹോം തിയേറ്റര്‍ പിസികള്‍ക്കായുള്ള 'Mythbuntu', പ്രൊഫഷണല്‍ വീഡിയോ ഓഡിയോ എഡിറ്റിങ്ങിനായുള്ള 'Ubuntu Studio', കുറഞ്ഞ വേഗതയുള്ള കമ്പ്യൂട്ടറുകള്‍ക്കായുള്ള 'Xubuntu' എന്നീ വ്യത്യസ്ത ഉബുണ്ടു വകഭേദങ്ങളും ലഭ്യമാണ്.

വിന്‍ഡോസ് Vs ഉബുണ്ടു

1. വിന്‍ഡോസ് ഒഎസില്‍ ലഭിക്കുന്ന ഏതാണ്ടെല്ലാ സൗകര്യങ്ങളും സാധ്യമാക്കുന്നതിന് പുറമേ ഉബുണ്ടുവിന് അതിന്റേതായ ചില മേന്‍മകളുമുണ്ട്. വിന്‍ഡോസ് ഒഎസില്‍ പ്രവര്‍ത്തിക്കുന്ന ഒട്ടുമിക്ക സോഫ്ട്‌വേറുകള്‍ക്കും പകരമായി അതേ ഗുണങ്ങളോടുകൂടി ഉബുണ്ടുവില്‍ ഉപയോഗിക്കാവുന്ന സോഫ്ട്‌വേറുകള്‍ ലഭ്യമാണ്. അവയില്‍ മിക്കവയും സൗജന്യമാണ് എന്നതാണ് ഏറ്റവും ശ്രദ്ധേയം. എം.എസ്. ഓഫീസിന് പകരം ലിബ്രെ ഓഫീസ് (LibreOffice) ഉദാഹരണം.

2. പുതിയ ഉപകരണങ്ങള്‍ (ഉദാ: മോഡം, ക്യാമറ, ഫോണ്‍ തുടങ്ങിയവ) കമ്പ്യൂട്ടറുമായി ഘടിപ്പിക്കുമ്പോള്‍ ഡ്രൈവറുകള്‍ ഇന്‍സ്റ്റാള്‍ ചെയ്യേണ്ട ആവശ്യം ഉബുണ്ടുവിനില്ല. വ്യത്യസ്ത ഫയല്‍ ഫോര്‍മാറ്റുകള്‍ സപ്പോര്‍ട്ട് ചെയ്യുന്ന വീഡിയോ പ്ലെയറുകള്‍, സൗജന്യ ഓഫീസ് പാക്കേജ്, ബ്രൗസറുകള്‍, വെബ്കാം സോഫ്ട്‌വേറുകള്‍ തുടങ്ങി ഒട്ടേറെ ആപ്ലിക്കേഷനുകള്‍ അടങ്ങിയതാണ് ഉബുണ്ടു ഒഎസ്.

3. വിന്‍ഡോസ് ആപ്ലിക്കേഷനുകള്‍ 'വൈന്‍' എന്ന സോഫ്ട്‌വേറുകള്‍ ഉപയോഗിച്ച് ഉബുണ്ടുവില്‍ പ്രവര്‍ത്തിപ്പിക്കാം.

4. ഉയര്‍ന്ന കോണ്‍ഫിഗറേഷനുകളുള്ള കമ്പ്യൂട്ടറുകള്‍ അല്ലെങ്കിലും പഴയ കമ്പ്യൂട്ടറുകളും വേഗത്തില്‍ പ്രവര്‍ത്തിപ്പിക്കാന്‍ കഴിയും എന്നതും ഉബുണ്ടുവിന്റെ മേന്മയാണ്.

അല്‍പ്പം ചരിത്രം

2004 ഒക്ടോബര്‍ 20-നാണ് ഉബുണ്ടുവിന്റെ ആദ്യ പതിപ്പ് പുറത്തിറങ്ങിയത്. അന്നുമുതല്‍ കൃത്യമായി ആറുമാസ ഇടവേളകളില്‍ പുതിയ പതിപ്പുകള്‍ പുറത്തിറങ്ങി. ഇത്രയും കൃത്യമായും വേഗത്തിലും പുതിയ പതിപ്പുകള്‍ പുറത്തിറക്കുന്ന മറ്റൊരു ഒഎസും ഇല്ല.

ഓപ്പണ്‍ സോഴ്‌സ് ഓപ്പറേറ്റിങ് സിസ്റ്റം വിഭാഗത്തിലുള്‍പ്പെടുന്ന ഉബുണ്ടുവിന്റെ നിയന്ത്രണം, സൗത്ത് ആഫ്രിക്കക്കാരനായ മാര്‍ക് ഷട്ടില്‍വര്‍ത്തിന്റെ നിയന്ത്രണത്തിലുള്ള കമ്പനിയായ കനോനിക്കല്‍ ലിമിറ്റഡിനാണ്. ഉബുണ്ടുവിന്റെ വികാസത്തിനായി ഉബുണ്ടു ഫൗണ്ടേഷനും രൂപംനല്‍കിയിട്ടുണ്ട്. ഈ ഫൗണ്ടേഷനാണ് ഇപ്പോള്‍ പുതിയ പതിപ്പുകള്‍ പുറത്തിറക്കുന്നത്.

പഴയ Linux kernel 2.6.34 ല്‍ നിന്നും മാറി Linux kernel 2.6.38 അടിസ്ഥാനമാക്കിയാണ് ഉബുണ്ടുവിന്റെ പുതിയ നാറ്റി നര്‍വാല്‍ പതിപ്പ് നിര്‍മിച്ചിരിക്കുന്നത്. കൂടിയി വേഗം, ത്രീഡി ഡിസ്‌പ്ലേ സാധ്യത, ചിത്രങ്ങളുടെയും വീഡിയോകളുടെയും ഉയര്‍ന്ന വ്യക്തത തുടങ്ങി പഴയ പതിപ്പില്‍ നിന്ന് വളരെയേറെ മാറ്റങ്ങളോടെയാണ് പുതിയ പതിപ്പ് രൂപപ്പെടുത്തിയിരിക്കുന്നത്. ലാപ്‌ടോപ്പുകള്‍ക്കും നെറ്റ്ബുക്കുകള്‍ക്കും ഉപയോഗിക്കാവുന്ന രീതിയിലാണ് പുതിയ പതിപ്പിന്റെ രൂപകല്‍പ്പന.

1. യൂണിറ്റി ഡെസ്‌ക്‌ടോപ്പ്

ഉബുണ്ടു പുതിയ പതിപ്പിന്റെ മുഖ്യ സവിശേഷത യൂണിറ്റി ഡെസ്്ക്‌ടോപ്പാണ്. ടാബ്‌ലറ്റുകളുടെയും സ്മാര്‍ട്ട്‌ഫോണുകളുടെയും ഡസ്‌കടോപ്പുകളില്‍ നിന്ന് പ്രചോദനം ഉള്‍ക്കൊണ്ട് കാണുവാനും ഉപയോഗിക്കുവാനും എളുപ്പമുള്ള രീതിയിലാണ് യൂണിറ്റി ഡെസ്‌ക്‌ടോപ്പ് രൂപപ്പെടുത്തിയിട്ടുള്ളത്. പുതിയരീതിയിലുള്ള ആപ്ലിക്കേഷന്‍ മെനു, സ്്‌ക്രോള്‍ ബാര്‍ എന്നിവയും യൂണിറ്റിയുടെ സവിശേഷതയാണ്.

ഓപ്പണ്‍ ഒഎസ് സോഫ്ട്‌വേറുകളുടെ പ്രാധാന ഗ്രാഫിക്കല്‍ യൂസര്‍ ഇന്റര്‍ഫേസായി ഉപയോഗിക്കുന്ന GNOME ന്റെ ഏറ്റവും പുതിയ പതിപ്പായ GNOME 3.0 ആണ് ഉബുണ്ടുവിന്റെ ഡസ്‌ക്‌ടോപ്പ് ഇത്രയും മികച്ചതാക്കുന്നത്. ഇനി പഴയ 'ക്ലാസിക്' ഡസ്‌കടോപ്പ് തന്നെ വേണമെന്നുള്ളവര്‍ക്ക് അതിലേക്ക് മാറാനുള്ള സൗകര്യവും ഉണ്ട്.

2. ലിബ്രെ ഓഫീസ്

നേരത്തെയുണ്ടായിരുന്നു ഓഫീസ് പാക്കേജായ ഓപ്പണ്‍ ഓഫീസില്‍ നിന്നും മറ്റൊരു ഓപ്പണ്‍ ഓഫീസ് പാക്കേജായ ലിബ്രെ ഓഫീസിലേക്കുള്ള മാറ്റമാണ് ഉബുണ്ടുവിന്റെ പുതിയ പതിപ്പിലെ മറ്റൊരു പ്രധാന സവിശേഷത. മൈക്രോസോഫ്ട് ഓഫീസിനെപ്പോലെത്തന്നെ വേര്‍ഡ് പ്രൊസസ്സര്‍, വര്‍ക്ക് ഷീറ്റ് ആപ്ലിക്കേഷന്‍, പ്രസന്റേഷന്‍ ആപ്ലിക്കേഷന്‍, ഡാറ്റാബേസ് ആപ്ലിക്കേഷന്‍ എന്നിവയെല്ലാം അടങ്ങിയതാണ് ലിബ്രെ ഓഫീസ്. എം.എസ്. ഓഫീസ് ഫയലുകള്‍ തുറന്നുപയോഗിക്കാമെന്ന സവിശേഷത കൂടി ലിബ്രെ ഓഫീസിനുണ്ട്.

3. ഫയര്‍ഫോക്‌സ് 4

ബ്രൗസിങ്ങിനായി മോസില്ല ഫയര്‍ഫോക്‌സ് 4 ആണ് ഉള്‍ക്കൊള്ളിച്ചിരിക്കുന്നത്. ഉബുണ്ടുവിന്റെ ഡീഫാള്‍ട്ട് ബ്രൗസറായി ഉപയോഗിച്ചിരിക്കുന്നതും ഫയര്‍ഫോക്‌സ് തന്നെ. എന്നാല്‍ മറ്റ് ബ്രൗസറുകളും ഉപയോഗിക്കുന്നതിന് തടസ്സമില്ല.

4. ബാന്‍ഷീ മ്യൂസിക് പ്ലെയര്‍

ഇതുവരെയുള്ള പതിപ്പുകളില്‍ ഉപയോഗിച്ചിരുന്ന ഡീഫാള്‍ട്ട് മ്യൂസിക് പ്ലെയറായിരുന്ന Rhythmbox ന് പകരം, ബാന്‍ഷീ മ്യൂസിക് പ്ലെയറാണ് ഉബുണ്ടുവിന്റെ പുതിയ പതിപ്പില്‍ ഉപയോഗിച്ചിരിക്കുന്നത്. ബുക്ക്മാര്‍ക്ക്, ആമസോണ്‍ എംപിത്രീ സ്റ്റോര്‍ സപ്പോര്‍ട്ട്, വീഡിയോ തുടങ്ങി ഒട്ടേറെ സൗകര്യങ്ങള്‍ അടങ്ങിയതാണ് പുതിയ മ്യൂസിക് പ്ലെയര്‍.

5. ക്ലൗഡ് സൗകര്യം

ഡ്രോപ്‌ബോക്‌സ് ആപ്ലിക്കേഷന്‍ രീതിയില്‍ ഫയലുകള്‍ ക്ലൗഡ് രീതിയില്‍ സൂക്ഷിക്കാനുള്ള സൗകര്യവും പുതിയ പതിപ്പില്‍ ഉള്‍ക്കൊള്ളിച്ചിരിക്കുന്നു.

6. സോഫ്ട്‌വേര്‍ സ്റ്റോര്‍

ആപ്പിളിന്റെയും ആന്‍ഡ്രോയിഡിന്റെയും ആപ്ലിക്കേഷന്‍ സ്റ്റോറുകളെപ്പോലെ സോഫ്ട്‌വേര്‍ സെന്ററും ഉബുണ്ടുവില്‍ ലഭ്യമാണ്. പുതിയ പതിപ്പോടെ ഇതിനെയും കൂടുതല്‍ കാര്യക്ഷമമാക്കിയിട്ടുണ്ട്. അതില്‍ പണം കൊടുത്തു വാങ്ങാവുന്ന വിഭാഗത്തിലുള്ള സോഫ്ട്‌വേറുകളുടെ എണ്ണവും വര്‍ധിപ്പിച്ചിട്ടുണ്ട്.

ഇവ കൂടാതെ ആദ്യമായി കീബോര്‍ഡ് ഷോര്‍ട്ട്കട്ടുകളും പുതിയ രീതിയിലുള്ള സെര്‍ച്ചും പുതിയ ഉബുണ്ടു പതിപ്പില്‍ ഉള്‍പ്പെടുത്തിയിട്ടുണ്ട്.

നിലവില്‍ ഉബുണ്ടു 10 ഉപയോഗിക്കുന്നവര്‍ക്ക് പുതിയ പതിപ്പ് പ്രത്യേകമായി ഇന്‍സ്റ്റാള്‍ ചെയ്യേണ്ടതില്ല. ഇവര്‍ക്ക് പുതിയ പതിപ്പിലേക്ക് അപ്‌ഗ്രേഡ് ചെയ്യാനുള്ള സൗകര്യം ലഭ്യമാണ്.

(Source)

ക്യു.ആര്‍.കോഡ് എന്ന അത്ഭുതചതുരം

noreply@blogger.com (Unknown) — Sun, 13 Mar 2011 19:56:00 +0000

കുറപ്പും വെളുപ്പും കലര്‍ന്ന, തപാല്‍ സ്റ്റാമ്പിന്റെ വലിപ്പം മാത്രമുള്ള ഒരു ചതുരം. ക്യു.ആര്‍. കോഡിനെ ഒറ്റവാചകത്തില്‍ ഇങ്ങനെ വിവരിക്കാം. എന്നാല്‍ ഒരായിരം വാചകങ്ങളിലൊതുക്കാവുന്നതല്ല ക്യു.ആര്‍. കോഡ് നമ്മുടെ ജീവിതങ്ങളില്‍ വരുത്താന്‍ പോകുന്ന മാറ്റങ്ങള്‍. ഒരു വര്‍ഷത്തിനുള്ളില്‍ നമ്മള്‍ കണ്ണോടിക്കുന്നിടത്തെല്ലാം നിറയാന്‍ പോകുകയാണ് ഈ അദ്ഭുതചതുരം. പത്രങ്ങളിലും മാസികകളിലും ചുമരുകളിലും പരസ്യങ്ങളിലും ഇനി നമുക്കിവനെ പ്രതീക്ഷിക്കാം. പ്രശസ്തനാകാന്‍ പോകുന്ന ക്യു.ആര്‍. കോഡിന്റെ വിശേഷങ്ങളാണ് ഇവിടെ.

ക്വിക് റെസ്‌പോണ്‍സ്

കറുത്ത വരകളുള്ള സാധാരണ ബാര്‍ കോഡുകള്‍ ഏവര്‍ക്കും പരിചിതമാണ്. എന്നാല്‍, പ്രത്യേക രീതിയിലുള്ള ദ്വിമാന മാട്രിക്‌സ് ബാര്‍കോഡുകളാണ് 'ക്വിക് റെസ്‌പോണ്‍സ് കോഡുകള്‍' അഥവാ ക്യു.ആര്‍. കോഡുകള്‍. പരമ്പരാഗത ബാര്‍കോഡുകളേക്കാള്‍ നൂറുമടങ്ങ് വിവരങ്ങള്‍ സൂക്ഷിക്കാന്‍ ക്യു.ആര്‍. കോഡുകള്‍ക്കാകും. ക്യു.ആര്‍. റീഡര്‍ എന്ന അപ്ലിക്കേഷന്‍ ഇന്‍സ്റ്റാള്‍ ചെയ്ത ഫോണുകളില്‍ ഇതിന്റെ ചിത്രമെടുത്താല്‍ ഉടന്‍ തന്നെ അതിലുള്ള ഡാറ്റ നമ്മുടെ ഫോണിലേക്ക് വരും. അതു ചിലപ്പോള്‍ ഒരു വെബ്‌സൈറ്റിലേക്കുള്ള ലിങ്കോ, വീഡിയോയോ ആകാം.

മലയാളപത്രങ്ങളില്‍ കഴിഞ്ഞയാഴ്ച പ്രസിദ്ധീകരിച്ച ഒരു കാറിന്റെ പരസ്യത്തില്‍ ക്യു.ആര്‍. കോഡ് കൂടി ഉള്‍പ്പെടുത്തിയിരുന്നു. ക്യു.ആര്‍. കോഡ് റീഡറുള്ള മൊബൈല്‍ ഫോണില്‍ അതിന്റെ ചിത്രമെടുക്കുമ്പോള്‍ ഉടന്‍ തന്നെ ആ കാറിന്റെ വെബ്‌സൈറ്റ് വിലാസമാണ് ഫോണില്‍ ലഭിക്കുക. ആ വെബ്ബ്‌സൈറ്റിലേക്ക് ഫോണിലൂടെ അസായാസം പോകാം. പത്രപരസ്യത്തില്‍ കാണാന്‍ സാധിക്കാത്ത കാറിന്റെ വീഡിയോകളിലേക്കും വ്യത്യസ്തമോഡലുകളുടെ ചിത്രങ്ങളിലേക്കുമെല്ലാം അങ്ങനെ വായനക്കാര്‍ക്ക് ക്യു.ആര്‍. കോഡിന്റെ സഹായത്തോടെ എളുപ്പത്തില്‍ എത്താം.

പരമ്പരാഗത അച്ചടി മാധ്യമത്തെയും പുതിയ ഓണ്‍ലൈന്‍ മാധ്യമത്തെയും ബന്ധിപ്പിക്കുന്ന പാലമാകാന്‍ ഈ ചതുരത്തിന് കഴിയുന്നുവെന്ന് സാരം. ഇത് ക്യു.ആര്‍. കോഡിന്റെ ഒരു സാധ്യത മാത്രം. ഇത്തരം നൂറായിരം സാധ്യതകളാണ് ക്യു.ആര്‍. കോഡ് തുറന്നുതരുന്നത്.

പത്രമാസികകളില്‍ വരുന്ന ലേഖനങ്ങളുടെ വെബ്‌സൈറ്റ് ലിങ്കുകള്‍ അതിനൊപ്പം നല്‍കിയിട്ടുണ്ടാകും. എന്നാല്‍ ലിങ് പലപ്പോഴും നീളമേറിയതിനാല്‍ മൊബൈല്‍ഫോണില്‍ അത് തെറ്റുകൂടാതെ ടൈപ്പ് ചെയ്യുക ശ്രമകരമകും. അതിനുപകരം ക്യു.ആര്‍. കോഡാണ് നല്‍കുന്നതെങ്കില്‍ ആവശ്യക്കാര്‍ക്ക് മൊബൈലില്‍ ഫോട്ടോെയടുത്താല്‍ ആ ലിങ്കിലേക്ക് ഉടന്‍ പ്രവേശിക്കാനാകും. മലയാളത്തില്‍ ആദ്യമായി മാതൃഭൂമി ഡോട്ട് കോമിന്റെ ടെക്‌നോളജി പേജില്‍ ഈ സൗകര്യം നടപ്പിലാക്കിക്കഴിഞ്ഞു. www.mb4tech.com ല്‍ വരുന്ന ലേഖനങ്ങള്‍ക്കൊപ്പം ഇപ്പോള്‍ ക്യു.ആര്‍. കോഡ് കൂടി നല്‍കിവരുന്നുണ്ട്. ഇന്ത്യയില്‍ മിഡ്‌ഡേ, പി.സി. ക്വെസ്റ്റ് തുടങ്ങിയ പ്രസിദ്ധീകരണങ്ങളാണ് നിലവില്‍ ക്യു.ആര്‍. കോഡ് ഉപയോഗിക്കുന്നത്.

ന്യൂയോര്‍ക്ക്, ടോക്യോ പോലുള്ള മഹാനഗരങ്ങളിലെ തെരുവു പരസ്യപലകകളില്‍ ഇപ്പോള്‍ ക്യു.ആര്‍. കോഡുകള്‍ വ്യാപകമായി കണ്ടുവരുന്നുണ്ട്. വലിയൊരു ഹോര്‍ഡിങില്‍ ചിലപ്പോള്‍ ആകെയുണ്ടാകുക ഒരു ക്യു.ആര്‍. കോഡ് മാത്രമാകും. എന്താണ് അതെന്നറിയാന്‍ മൊബൈലില്‍ ഫോട്ടോയെടുത്താല്‍ മതി! വിദേശരാജ്യങ്ങളിലെ ലൈബ്രറികളിലും ഹോട്ടലുകളിലും ക്രൈസ്തവദേവാലയങ്ങളില്‍ പോലും ക്യു.ആര്‍. കോഡുകള്‍ ഉപയോഗിച്ചു തുടങ്ങിക്കഴിഞ്ഞു. ഒക്‌ലഹോമയിലെ എഡ്മണ്ട് ഫസ്റ്റ് ബാപ്റ്റിസ്റ്റ് ചര്‍ച്ചാണ് ആദ്യമായി ക്യു.ആര്‍. കോഡ് ഉപയോഗിച്ച ദേവാലയമെന്ന ചരിത്രനേട്ടം സ്വന്തമാക്കിയത്.

നമ്മുടെ അഡ്രസും ഫോണ്‍നമ്പറുകളും ഈമെയില്‍ വിലാസവുമെല്ലാം അടങ്ങിയ ക്യു.ആര്‍. കോഡുകള്‍ വിസിറ്റിങ് കാര്‍ഡുകളില്‍ ഉള്‍പ്പെടുത്തുന്നവരുമുണ്ട്. ഫോണില്‍ ഒരു ഫോട്ടോയെടുത്താല്‍ കാര്‍ഡിലെ മുഴുവന്‍ വിവരങ്ങളും ഒറ്റയടിക്ക് മൊബൈലിലെത്തും.

ഉത്ഭവം ജപ്പാനില്‍

കണ്ടുപിടുത്തങ്ങളുടെ ആശാന്‍മാരായ ജപ്പാന്‍കാര്‍ തന്നെയാണ് ക്യു.ആര്‍. കോഡുകളുടെയും സൃഷ്ടാക്കള്‍. 1994-ല്‍ ടൊയോട്ടയുടെ അനുബന്ധ സ്ഥാപനമായ ഡെന്‍സോ-വേവിലാണ് ഈ സംവിധാനം ആദ്യമായി നിലവില്‍ വന്നത്. വാഹനനിര്‍മാണത്തിനാവശ്യമായ സ്‌പെയര്‍പാര്‍ട്‌സുകളുടെ സുഗമമായ നീക്കം ഉറപ്പുവരുത്തുന്നതിനായിട്ടായിരുന്നു ആദ്യം ഉപയോഗിച്ചിരുന്നത്.

സ്മാര്‍ട്‌ഫോണുകളുടെ വരവോടെ ഈ സാങ്കേതികവിദ്യക്ക് പുതിയ മാനങ്ങള്‍ കൈവന്നു. എല്ലാവിധ ലൈസന്‍സുകളില്‍ നിന്നും സ്വതന്ത്ര്യമാണ് ക്യു.ആര്‍. കോഡ്. ഇതിന്റെ അവകാശങ്ങള്‍ ഡെന്‍സോ-വേവ് കമ്പനിക്കാണെങ്കിലും ഇത് സ്വതന്ത്രമായ ഉപയോഗത്തിന് നല്‍കാന്‍ അവര്‍ തീരുമാനിക്കുകയായിരുന്നു.

നിര്‍മാണം വളരെയെളുപ്പം

http://qrcode.kaywa.com, www.qrstuff.com, goqr.me തുടങ്ങി ഒട്ടേറെ സൈറ്റുകള്‍ നമുക്കാവശ്യമായ ക്യു.ആര്‍. കോഡുകള്‍ നിര്‍മിച്ചുനല്‍കുന്നുണ്ട്. കോഡില്‍ ഉള്‍ക്കൊള്ളിക്കേണ്ട വിവരങ്ങള്‍ ടൈപ്പ്‌ചെയ്താല്‍ സെക്കന്‍ഡുകള്‍ക്കുളളില്‍ കോഡ് തയ്യാറാകും. ആ കോഡ് നമുക്കെവിടെവേണമെങ്കിലും അച്ചടിക്കാം.

ആന്‍ഡ്രോയ്ഡ്, ബ്ലാക്ക്‌ബെറി, ഐഫോണ്‍ അപ്ലിക്കേഷന്‍ സ്‌റ്റോറുകളില്‍ നിലവില്‍ നൂറുകണക്കിന് ക്യു.ആര്‍. േകാഡ് റീഡറുകള്‍ ലഭ്യമാണ്. അവയിലേതെങ്കിലുമൊന്ന് ഫോണില്‍ ഇന്‍സ്റ്റാള്‍ ചെയ്താല്‍ ക്യു.ആര്‍.കോഡുകള്‍ വായിക്കാനാകും. i-nigma, Kaywa, QuickMark, BeeTag, ScanLife എന്നീ വെബ്‌സൈറ്റുകളില്‍ നിന്ന് ക്യു.ആര്‍. കോഡ് റീഡറുകള്‍ ഡൗണ്‍ലോഡ് ചെയ്തും ഫോണില്‍ ഉപയോഗിക്കാം.

സ്മാര്‍ട്ട്‌ഫോണുകള്‍ സാര്‍വത്രികമാകുന്നതോടെ ക്യു.ആര്‍. കോഡുകള്‍ നമ്മുടെ നാട്ടിലും വ്യാപകമാകുമെന്നതില്‍ സംശയം വേണ്ട. ആദ്യം പരസ്യമേഖലയിലും മാധ്യമരംഗത്തുമാകും ക്യു.ആര്‍. സാന്നിധ്യമറിയിക്കുക. പിന്നീട് ജീവിതത്തിന്റെ സമസ്തമേഖലകളിലും ഇവ സ്വാധീനം ചെലുത്തുമെന്ന് ഉറപ്പിക്കാം.

പുതിയ തലമുറ ഐപാഡ്; അത്ഭുതമായി സ്റ്റീവ് ജോബ്‌സ്‌

noreply@blogger.com (Unknown) — Fri, 04 Mar 2011 18:49:00 +0000

സാന്‍ ഫ്രാന്‍സിസ്‌കോയില്‍ ആപ്പിളിന്റെ പുതുതലമുറ ഐപാഡ് അവതരിപ്പിച്ചുകൊണ്ട് നടന്ന ചടങ്ങിലെ യഥാര്‍ഥ അത്ഭുതം ആ പുതിയ ഉപകരണമായിരുന്നില്ല, സാക്ഷാല്‍ സ്റ്റീവ് ജോബ്‌സ് ആയിരുന്നു. കഴിഞ്ഞ ജനവരി മുതല്‍ മെഡിക്കല്‍ ലീവില്‍ കഴിയുന്ന ജ്റ്റീവ് ജോബ്‌സ് മരണാസന്നനാണെന്നുള്ള അഭ്യൂഹങ്ങള്‍ക്കിടെയാണ് ഐപാഡ് 2 (iPad 2) അവതരിപ്പിക്കാന്‍ എത്തിയത്.

'ഈ ഉത്പന്നത്തിനായി കുറെ നാളായി ഞങ്ങള്‍ അധ്വാനിക്കുകയായിരുന്നു. അതിനാല്‍ ഈ ദിനം നഷ്ടപ്പെടുത്താന്‍ ഞാനാഗ്രഹിക്കുന്നില്ല'-അത്ഭുതംനിറഞ്ഞ മുഖങ്ങളിലേക്ക് നോക്കിക്കൊണ്ട് ആപ്പിള്‍ മേധാവി പറഞ്ഞു. പാന്‍ക്രിയാസിനെ ബാധിക്കുന്ന അര്‍ബുദം സ്റ്റീവ് ജോബ്‌സിനെ പിടികൂടിയതായി 2004 ല്‍ സ്ഥിരീകരിച്ചിരുന്നു. അതിന് ശേഷം രണ്ടാംതവണയാണ് അദ്ദേഹം ചികിത്സാവധിയില്‍ പ്രവേശിക്കുന്നത്.

കൂടുതല്‍ വേഗമേറിയ പ്രൊസസറും കൂടുതല്‍ മികവാര്‍ന്ന ഗ്രാഫിക്‌സും മുന്നിലും പിന്നിലും ക്യാമറയുമുള്ളതാണ് ഐപാഡ് 2. ആദ്യ തലമുറ ഐപാഡിനെക്കാളും കനംകുറവുമുള്ളതാണ് പുതിയ ഐപാഡ്. അമേരിക്കയില്‍ മാര്‍ച്ച് 11 നും ബ്രിട്ടന്‍ അടക്കം 26 രാജ്യങ്ങളില്‍ മാര്‍ച്ച് 25 നും ഐപാഡ് 2 വില്‍പ്പനയ്‌ക്കെത്തും. പഴയ ഐപാഡിന്റെ വില തന്നെയായിരിക്കും അമേരിക്കയില്‍ ഐപാഡ് 2 ന് (499-826 ഡോളര്‍).

ആദ്യ തലമുറ ഐപാഡിനെക്കാളും 33 ശതമാനം കനം കുറവാണ് ഐപാഡ് 2 വിന്. ആപ്പിളിന്റെ ഏറ്റവും പുതിയ ഡ്യുവല്‍ കോര്‍ എ5 പ്രൊസസറാണ് ഐപാഡ് 2 ല്‍ ഉപയോഗിച്ചിരിക്കുന്നത്. പ്രൊസസിങ് കരുത്ത് പഴയ ഐപാഡിനെക്കാള്‍ ഇരട്ടിയാക്കാന്‍ ഇത് സഹായിക്കും. തീര്‍ച്ചയായും വേഗം കൂടും. ആദ്യ തലമുറ ഐപാഡിനെക്കാളും ഒന്‍പത് മടങ്ങ് വേഗത്തില്‍ ഗ്രാഫിക്‌സ് ലോഡ് ചെയ്യാനുള്ള കരുത്തും പുതിയ ഉപകരണത്തിനുണ്ട്.

മുന്നിലും പിന്നിലുമുള്ള ക്യാമറകള്‍ വീഡിയോ വിളികള്‍ക്കും ഫോട്ടോയൊടുക്കാനും വീഡിയോ റിക്കോര്‍ഡു ചെയ്യാനും ഐപാഡ് 2 നെ സഹായിക്കും. ഐപാഡ് 2 ഉപയോഗിച്ച് അതേ ഉപകരണം മാത്രമല്ല, ഐഫോണ്‍ 4, ഏറ്റവും പുതിയ ഐപോഡ് ടച്ച് എന്നിവ കൈയിലുള്ള സുഹൃത്തുക്കളുമായും വീഡിയോ വിളികള്‍ നടത്താനാകും. 'ആപ്പിള്‍ ഫെയ്‌സ്‌ടൈം' അതിന് സഹായിക്കും. ആപ്പിളിന്റെ മൊബൈല്‍ ഓപ്പറേറ്റിങ് സിസ്റ്റമായ 'ഐഒഎസി'ന്റെ ഏറ്റവും പുതിയ പതിപ്പായ iOS 4.3 ആണ് ഐപാഡ് 2 ല്‍ ഉപയോഗിച്ചിട്ടുള്ളത്.

2010 ജനവരി അവസാനമാണ് ആപ്പിള്‍ കമ്പനി ഐപാഡ് ആദ്യം അവതരിപ്പിച്ചത്. ടാബ്‌ലറ്റ് കമ്പ്യൂട്ടറുകളുടെ പുത്തന്‍ യുഗത്തിന് അത് വഴി തുറന്നു. 2010 ല്‍ മാത്രം 150 ലക്ഷം ഐപാഡാണ് ആപ്പിള്‍ വിറ്റത്. 'ഐപാഡ് 2 ന്റെ വര്‍ഷമായിരിക്കും 2011' എന്ന് ആപ്പിള്‍ മേധാവി സ്റ്റീവ് ജോബ്‌സ് പ്രഖ്യാപിച്ചു.

2010 ആദ്യം അവതരിപ്പിക്കപ്പെട്ട ശേഷം ഐപാഡിനായിരുന്നു ടാബ്‌ലറ്റ് വിപണിയില്‍ കുത്തക. 2010 സപ്തംബര്‍ വരെ ടാബ്‌ലറ്റ് വിപണിയുടെ 95 ശതമാനവും ഐപാഡാണ് കൈയടക്കിയിരുന്നത്. എന്നാല്‍ 2010 അവസാനമായപ്പോഴേക്കും ആ വിഹിതം 75 ശതമാനമായതായി 'സ്ട്രാറ്റജി അനലിറ്റിക്‌സ്' പുറത്തുവിട്ട കണക്കുകള്‍ പറയുന്നു.

ആപ്പിളിന് പിന്നാലെ മറ്റ് കമ്പനികളും പുതിയ ടാബ്‌ലറ്റുകളുമായി രംഗത്തെത്തിയതാണ് ഐപാഡിന്റെ വിഹിതം കുറയാന്‍ കാരണമായത്. 'ഗാര്‍ട്‌നെറു'റെ വിലയിരുത്തല്‍ പറയുന്നത് 2011 ല്‍ ലോകത്താകമാനം 640 ലക്ഷം ടാബ്‌ലറ്റ് കമ്പ്യൂട്ടറുകള്‍ വിറ്റഴിയും എന്നാണ്. വളര്‍ന്നു വരുന്ന ഈ സാധ്യത കണ്ടുകൊണ്ട് പുതിയ കമ്പനികള്‍ ഓരോ ദിവസവും രംഗത്തെത്തുകയാണ്. ലാസ് വേഗാസില്‍ ഈ വര്‍ഷത്തെ കണ്‍സ്യൂമര്‍ ഇലക്ട്രോണിക്‌സ് ഷോ (CES 2011)യില്‍ 82 പുതിയ ടാബ്‌ലറ്റ് കമ്പ്യൂട്ടറുകള്‍ അവതരിപ്പിക്കപ്പെട്ടു എന്നു പറയുമ്പോള്‍, ഈ രംഗം എത്ര വലിയ മത്സരത്തിനാണ് സാക്ഷ്യം വഹിക്കാന്‍ പോകുന്നതെന്ന് വ്യക്തമാണല്ലോ.

ഐപാഡിന് വെല്ലുവിളിയായി രംഗത്തെത്തിയ ടാബ്‌ലറ്റുകളില്‍ മിക്കതും ഗൂഗിളിന്റെ ഓപ്പണ്‍സോഴ്‌സ് പ്ലാറ്റ്‌ഫോമായ ആന്‍ഡ്രോയിഡ് ഉപയോഗിക്കുന്നവയായിരുന്നു. ടാബ്‌ലറ്റുകള്‍ക്ക് മാത്രമായുള്ള ആന്‍ഡ്രോയിഡ് 3.0 ഹണികോമ്പ് വേര്‍ഷന്‍ 2011 ഫിബ്രവരി ആദ്യ ആഴ്ചയാണ് ഗൂഗിള്‍ പുറത്തിറക്കിയത്. ആന്‍ഡ്രോയിഡിന് പിന്നാലെ ടാബ്‌ലറ്റ് രംഗം കൊഴുപ്പിക്കാന്‍ പുതിയ ചില മൊബൈല്‍ പ്ലാറ്റ്‌ഫോമുകളും രംഗത്തെത്തിക്കഴിഞ്ഞു. മൈക്രോസോഫ്ടിന്റെ വിന്‍ഡോസ് ഫോണ്‍ 7 ആണ് അതില്‍ പ്രധാനം, എച്ച് പി അവതരിപ്പിച്ച 'വെബ്ബ് ഒഎസ്' മറ്റൊന്ന്.

ഗവേഷണ കമ്പനിയായ 'ഓവ'ത്തിലെ ആദം ലീച്ചിന്റെ അഭിപ്രായത്തില്‍, വരും വര്‍ഷങ്ങളില്‍ രണ്ട് പടക്കുതിരകളാകും ടാബ്‌ലറ്റ് രംഗത്തെ അധിപത്യം സ്ഥാപിക്കാനുണ്ടാവുക-ആപ്പിളും ഗൂഗിളും. 2011 ഉം അതിനടുത്ത വര്‍ഷങ്ങളിലും ആപ്പിളിന്റെ പ്ലാറ്റ്‌ഫോമായ ഐഒഎസിന് തന്നെയായിരിക്കും മേധാവിത്വം. 2015 ഓടെ ഗൂഗിളിന്റെ ആന്‍ഡ്രോയിഡ് ആപ്പിളിന്റെ പ്ലാറ്റ്‌ഫോമിനെ കടത്തിവെട്ടുമെന്നും ആദം ലീച്ച് പറയുന്നു.

(Source)