खबरसाइट डट कम

नायिका बीना मालिकको स्तन छुने व्यक्ति पक्राउ

noreply@blogger.com (कृष्णपक्ष) — Thu, 09 May 2013 01:25:59 PDT

एकताका नाङ्गो फोटो शुट गरेर चर्चा कमाएकी पाकिस्तानी मूलकी भारतीय नायिका बीना मालिकलाई दुव्यवहार गर्ने प्रसंशक पक्राउ परेका छन । उनले एक कार्यक्रमका बीच नायिका बीना माथि झम्टिएका थिए । नायीका बिना मल्लिक आफ्नो आगामी चलचित्र 'जिन्दगी ५०-५०' को प्रचारका लागी जयपुरमा गएको बेला उनीमाथी यस्तो घटना घटेको हो । हजारौ प्रशंसकहरू बीच रहेकी नायीका बिना मल्लिकलाई सुरक्षा घेरा तोड्दै त्यहाँ रहेका एक समर्थक स्टेजमा पुगेका थिए । समर्थक नै स्टेजमा पुगेपछी उनले बिनाका संवेदनशिल अंगमा समेत समात्न पुगेको बताइएको छ ।

पछी त्यहाँ रहेका सुरक्षाकर्मीहरुले ती व्यक्तिलाई नियन्त्रणमा लिएपछि स्थिति सामान्य भएको थियो । उनको नयाँ चलचित्र 'जिन्दगी ५०-५०' विभीन्न भाषामा डबिङ भइरहेको छ भने चलचित्र आगामी २४ मे मा रिलिज हुने तयारीमा रहेको छ । बिभिन्न कारणले नायिका बिना मालिक विवादित रहेकी छिन, भारतीय पत्रिका एफ एच एमका लागि नग्न तस्वीर खिचाएकी बीनालाई मुस्लिम कट्टरपन्थी समुहले ज्यान मार्ने धम्की समेत दिई सकेको छ ।

अमेरिकाको मिचिगन राज्यमा अन्तरकृया कार्यक्रम सम्पन्न

noreply@blogger.com (कृष्णपक्ष) — Thu, 09 May 2013 01:27:45 PDT

धर्म भट्टराई - मे ६, २०१३ को दिन नेपाली जनसंपर्क समिती मिचिगन च्याप्टरको आयोजनामा मिचिगन राज्यमा नेपाली कांग्रेसका केन्द्रिय सदस्य एबम पूर्व मन्त्री डा. प्रकाश शरण महतको प्रमुख आथित्यमा अन्तरकृयाको साथै परीच्यात्मक कार्यक्रमको आयोजना गरियो ।

च्याप्टर सभापति धर्म भट्टराईको सभापतित्वमा सम्पन्न सो कार्यक्रम सद्स्य प्रकाश भट्टराईले सन्चालन गर्नुभएको थियो । सचिब अमृत भट्टराईले उपस्थित महानुभाबहरुलाई स्वागत मन्तब्य र महासचिब राम प्र। बश्यालले कार्यक्रमको बारेमा प्रकाश पर्नु भएको थियो ।

अतिथी हरु अर्जुन कार्की र ठाकुर भट्टराईले नेपाली कांग्रेसको बिध्यमान अवस्था अनी आउदो संबिधान सभाको चुनावमा कांग्रेसको भूमिकामा बिचार राख्नु भएको थियो । प्रमुख अतिथी श्री डा. प्रकाश शरण महतले अन्तरकृयामा उठेका सम्पूर्ण जिज्ञासाहरुलाई सम्बोधन गर्नुहुदै आगामी निर्वाचनमा कांग्रेस तयार रेहेको, लोकतान्त्रिक परिपाटी स्विकार्न नसक्नेहरु मात्र चुनावबाट भागेका हुन भन्दै निस्पक्ष निर्वाचनमा कांग्रेसको बिजय सुनिस्चित छ भने ।

माओबादीहरुको चरित्र जनता माझ छर्लङ छ भन्दै, प्रचन्ड बोली र व्यबहारमा ठेगान नभएका एक नाटकी कलाकार हुन जुन कुरा अब सबै जनता बिच प्रस्ट छ । नेपाली कांग्रेस माथि नै जनताको भरोसा रहेकोले अरु दल चुनाबी माहोल भाडदै छन तसर्थ मुलुकलाई सहि ट्रायकमा ल्याउन निर्वाचनको बिकल्प छैन भन्दै बिदेशमा रहेर पनि देश प्रतीको तपाईंहरुको चिन्ता हामी सम्बोधन गर्छौ भने । प्रजातान्त्रिक आस्था राख्ने मिचिगन बासीहरुको ठुलो उपस्थित रहेको सो कार्यक्रममा सभापति भट्टराईले संचार माध्यम ग्लोब नेपाल डटकम, डीसि नेपाल डटकम, जनपुकार डटकम लगायत कार्यक्रमको सफलताको कामना गर्नु हुने सम्पूर्ण महानुभाव प्रती आभार प्रकट भरेका थिए ।

साथै भरखरै अर्थशास्त्र मा P.H.D गरी नेपाल फर्कने डा. श्री गुणाखर भट्टलाई प्रमुख अतिथी र सभापति भट्टराईले खादा र पुष्प गुच्चा सहित उज्जल भबिस्यको कामना गर्दै बिदाइ गरिएको थियो । नयाँ बर्ष २०७० को उपलक्ष्यमा शुभकामना आदन प्रदान गर्दै च्याप्टरको तर्फबाट रात्री भोजको पनि आयोजना गरिएको थियो ।

यौन धन्दा चलाउने गेष्ट हाउस संचालक पक्राउ

noreply@blogger.com (कृष्णपक्ष) — Thu, 09 May 2013 01:05:43 PDT

२६ वैशाख,पोखरा। गेष्ट हाउसमा काम गर्ने बहानामा त्यहाँका ग्राहकको यौन सन्तुष्टि मेटाउन आफुलाई जबर्जस्ती प्रयोग गरिएको भन्दै प्रहरीमा उजुरी दिएपछि बागलुङ बसपार्कस्थित माछापुच्छ्रे गेष्ट हाउसका सञ्चालक खेमराज बजगाईंलाई यौन ब्यवसाय गरेको आरोपमा प्रहरीले पक्राउ गरेको छ । आफुलाई यौन गतिविधिमा संलग्न गराएको भन्दै उजुरी दिने महिला बज्गाइकै गेष्ट हाउसमा काम गर्दै आएकी थिइन । उनले दिएको बयानको आधारमा गेष्ट हाउस संचालक पक्राउ परेका हुन् ।ती महिलालाई प्रहरीले उद्धार गरेको छ ।

लोकमानको बिरोधै बिरोध, शितल निवास घेराउमा

noreply@blogger.com (कृष्णपक्ष) — Thu, 09 May 2013 00:51:02 PDT

नेकपा–माओवादी नेतृत्वको ३३ दलीय मोर्चाले लोकमानसिंह कार्कीलाइ अख्तियार प्रमुखमा नियुक्ति गरेको विरोधमा आज राष्टपति कार्यालय घेराउ गर्ने भएको छ । विदेशी शक्तिकेन्द्रको दवावमा जवनआन्दोलन दवाउने अपराधीलाइ अख्तियार प्रमुख बनाइको विरोधमा प्रदर्शन गर्न लागिएको माओवादीले जनाएको छ ।

दिउसो ३ बजे लैनचौरको खानी विभागमा भेला भएर जुलुस सहित राष्टपति कार्यालय घेर्न जाने कार्यक्रम रहेको माओवादी उपाध्यक्ष सीपी गजुरेलले जानकारी दिए । चारदलको उक्साहटमा राष्टपतिले प्रतिगमनलाइ सघाएको माओवादी आरोप छ । कार्कीको नियुक्ति बिरुद्ध ३० गते नेपाल बन्दको आह्वान गरेको मोर्चाले आन्दोलनका कार्यक्रमलाइ अझ सशक्त बनाउने चेतावनी दिएको छ ।

कार्कीको नियुक्ति प्रति असहमति जनाएका सर्वसाधारणले आफ्नो पार्टीको आन्दोलनलाइ समर्थन गरेको माओवादीले दावी गरेको छ । उपाध्यक्ष गजुरेलले भने–‘खिलराजको निर्दलीय सरकार गठनकै सृङखनामा कार्कीको नियुक्ति भएको हो, दुइटै प्रतिगमन नसच्चिए सम्म आन्दोलन रोकिन्न ।’

नेताले नाङ्गै नाचेपछि पार्टीबाट हात धोए

noreply@blogger.com (कृष्णपक्ष) — Thu, 09 May 2013 00:45:36 PDT

नांगै नाचेको आरोपमा भारतको मुम्बइमा एक विद्यार्थी नेता कारवाहीमा परेका छन्। नेशनल स्टडेन्ट्स युनियन अफ इंडिया, मुम्बइका अध्यक्ष सुरज ठाकुरलाई पार्टीकै एक सार्वजनिक कार्यक्रममा नांगै नाचेको आरोपमा पार्टीले निलम्वन गरेको हो। नेशनल स्टडेन्ट्स युनियन अफ इंडिया सत्तारुढ पार्टी कांग्रेस आईको भातृसंगठन हो।

उनि एक पार्टीको कार्यक्रममा यति जोशमा आइएी उनले सम्पुर्ण लुगा फकाल्दै निर्वस्त्र भएर नाँचेका थिए। उनले यसरी नाँचेको दृश्य कसैले युट्युबमा अपलोड गरिदिएपछी उनको आलोचना शुरु भएको थियो। उनि के कारण नांगै सवैले देख्ने गरि पार्टिको कार्यक्रममा नाँचेका थिए भन्ने कुरा थाहा भएको छैन् ।एजेन्सी;

धारिलो हतियार प्रहार गरी एमाओवादी कार्यकर्ताको हत्या

noreply@blogger.com (कृष्णपक्ष) — Thu, 09 May 2013 00:45:03 PDT

२६ वैशाख, बारा । तेक्वान्दोका राष्ट्रिय खेलाडीसमेत रहेका बारा कलैयाका एमाओवादी कार्यकर्ताको बुधबार राति हत्या भएको छ । राति साथीको बिहेभोज खाएर र्फकँदै गरेका राजेन्द्र मण्डललाई पछाडिबाट धारिलो हतियार प्रहार गरी हत्या गरिएको एमाओवादी भोजपुराकी नेतृ अञ्जना बिसंखेले अनलाइनखरलाई जानकारी दिनुभयो ।

‘मृतक मण्डल एकीृकत माओवादीको भोजपूरा राज्य कमिटी इञ्चार्ज एवं निर्वाचन क्षेत्र नं ३ को सहइञ्चार्ज हुनुहुन्थ्यो ।’बिसंखेले भन्नुभयो-’उहाँ मध्यमाञ्चल खेलकुदका उपाध्यक्ष एवं राष्ट्रिय खेलाडीसमेत हुनुहुन्थ्यो ।’

घटनामा भारतबाट कलैया आई मामा घरमा बस्दै आएका अञ्दाजी २२ वर्षका प्रमोद मण्डलको सहभागिता रहेको एमाओवादीको दाबी छ । मण्डललगायत घटनामा संलग्न थप ३ जना फरार रहेको बिसंखेले बताउनुभयो । मण्डलको कसैसँग झगडा नरहेको र नियोजित ढंगले हत्या भएको बताउनुभयो ।

मृतकको शब नारायणी अस्पतालमा पोष्टमार्टम गरी जिल्ला प्रशासन कार्यालयमा राखिएको र एमाओवादी कार्यकर्ताहरुले शबयात्राको तयारी गरिरहेको एमाओवादी भोजपुरा इञ्चार्ज प्रभु साहले अनलाइनखबरलाई बताउनुभयो । ‘दोषीलाई तत्काल पक्राउ गरी कारवाही गर्न, मृतक परिवारलाई तत्काल राहतको घोषणा गर्न अनि मण्डललाई सहीद घोषणा गर्न हामी सरकारसित माग गछौं ।’ नेता साहले भन्नुभयो, हाम्रा मागप्रति राज्य सकारात्मक भएन भने आन्दोलनमा जान बाध्य हुनेछौं ।

घरैबाट तानेर बाघले मान्छे खायो

noreply@blogger.com (कृष्णपक्ष) — Thu, 09 May 2013 00:43:32 PDT

२६ वैशाख, चितवन । चितवनको देवनगरमा बाघको आक्रमणबाट एकजनाको मृत्यु भएको छ । अर्का एक जना घाइते भएका छन् । गएराति घरमा सुतिरहेका देवनगर- ४ का हनुमान्ते सार्कीलाई बाघले घरबाट नै तानेर नजिकैको वनमा लगेर खाएको हो । उनलाई छुटाउन गएका अर्का एकजना घाइते भएको प्रहरीले जनाएको छ ।

आक्रमणमा परी सोही स्थानका विकास न्यौपाने घाइते भएका छन् । उनको मेडिकल कलेज भरतपुरमा उपचार भइरहेको छ । बिहानै निकुञ्जलाई यसबारे जानकारी गराउँदासमेत नआएको भन्दै स्थानीय बासिन्दा आक्रोसित बनेका छन् ।

आज आमाको मुख हेर्ने दिन - मातृ दिवस

noreply@blogger.com (कृष्णपक्ष) — Thu, 09 May 2013 00:39:43 PDT

हिन्दुहरुको महान चाड हो मातातिर्थ औसीँ । आफुलाई जन्माई हुर्काई नौ महिनासम्म गर्भमा राखी जन्म दिई स्याहार सुसार पालनपोषण गरी हुर्काउने आमाप्रति सम्मान प्रकट गर्न उनीहरूले यस पर्वलाई मातृ दिवसका रूपमा मनाउने गरीन्छ ।

आमालाई मीठा परिकार खुवाउनुका साथै विभिन्न सामग्री उपहार दिई छोराछोरीहरूले बिहीबार मुलुकभर "आमाको मुख हेर्ने" पर्व मनाउँदै छन् । यसै सन्दर्भमा आमा जीवित नभएका छोराछोरीहरूले दिवंगत आमाको नाममा वज्राचार्य वा ब्राह्मण पुरोहितलाई सिदा, नसलाः र जलदान दिएर मनाउने गरीन्छ ।

यसै पर्वको अवसरमा आमा जीवित नभएका छोराछोरीहरूले राजधानीदेखि दक्षिण थानकोटसँगै रहेको मातातीर्थमा आफ्नी दिवंगत आमाको स्मरण गर्दै श्राद्ध गर्नेहरूको भीड लाग्ने गर्दछ ।

चितवनमा चेपाङ बालवालिकालाई विध्यालय पोसाक सहयोग

noreply@blogger.com (कृष्णपक्ष) — Thu, 09 May 2013 00:38:09 PDT

होमनाथ सापकोटा, रत्ननगरको जयमंगलामा रहेको गामवेसी चेपाङ संरक्षण केन्द्रमा आश्रित चेपाङ वालवालिकालाई विद्यालय पोसाक सहयोग प्राप्त भएको छ ।

विध्यालय पोसाकको अभावले अन्य कपडा लगाएर विध्यालय जान वाध्य चेपाङ विध्यार्थीहरुलाई नारायणी मोटर्स नारायणगढका सञ्चालक बालगोपाल चुकेले विद्यार्थीहरुलाई २/२ जोर विद्यालय पोसाक र जुत्ता मोजा सहयोग गरेका हुन । विध्यालय पोसाक नलगाई चेपाङ विध्यार्थीहरु विध्यालय गएपछि पोसाक लगाएर आउन विध्यालयले वारम्वार दवाव दिँदै आएको थियो ।

त्यसै गरी महेन्द्र ट्याक्टर भरतपुरका सञ्चालक पुरुषोतम अर्यालले एक थान सिलाई मेसिन सहयोग गरेको केन्द्रका अध्यक्ष केपिकिरण शर्माले जानकारी दिए । त्सस्तै शिक्षा विकास उच्च मावि जयमंगलाका जुनियर रेडक्रसका विध्यार्थीहरुले विश्व रेडक्रस दिवसको अवसरमा चेपाङ विध्यार्थीहरुलाई स्टेशनरी सामाग्रीहरु सहयोग गरेको जानकारी दिए ।

केन्द्रका मकवानपुरको काँकडा, चितवनको पहाडी गाविसहरु सिद्धि, कोराक काउले, लोथर र शत्तिलखोरका विपन्न ४६ जना चेपाङ वालवालिका आवासीय सुविधा सहित अध्ययन गरिरहेका छन । सहयोग जुटाएर चेपाङ वालवालिकालाई अध्ययन गराईरहेको केन्द्रलाई अन्य सामाग्रीहरु सहयोग हुने क्रम जारी रहेको भएपनि खाद्यान्न अभाव रहेको अध्यक्ष शर्माले जानकारी दिए ।

अन्तत: लोकमान कार्कीलाइ शपथ, बिरोधकर्तालाइ जेल

noreply@blogger.com (कृष्णपक्ष) — Wed, 08 May 2013 00:39:26 PDT

काठमाडौ, बैशाख २५ । अख्तियार दुरुपयोग अनुसन्धान आयोग प्रमुखका रुपमा लोकमानसिंह कार्कीले शपथ लिएका छन् । कार्की सहित अन्य संवैधानिक अंगका प्रमुखहरुलाई राष्ट्रपति भवनमा शपथ खुवाइएको छ।

संवैधानिक परिषद्ले गरेको सिफारिश अनुसार लोकसेवा आयोगमा कयोदेवी यमी र महालेखा परीक्षकमा भानुप्रसाद आचार्यलाई कायममुकायम प्रधान न्यायाधीश दामोदरप्रसाद शर्माले शपथ खुवाएका हुन् । विवादमा परेका कार्कीले सदस्य केशव बराललाई पनि शपथ दिलाएका छन् । बराललाई यसअघि नै माधव नेपाल सरकारले नियुक्त गरेको भए पनि प्रमुख आयुक्त पद रिक्त भएकोले उनको शपथ हुन सकेको थिएन। नेपाल प्रहरीका पूर्व एआईजी बराल बामदेव गौतम गृहमन्त्री हुँदा ३० वर्षमा अवकास पाउने नियम लागू भएपछि प्रहरी सेवाबाट बाहिरिएका थिए।

कार्कीको नाम विवादमा परेपछि हिजो मन्त्रिपरिषद् अध्यक्ष खिलराज रेग्मीको निवासमा प्रमुख चार दलबीच सिफारिश पुनर्विचार गर्नेबारे छलफल भएपनि सहमति जुट्न सकेको थिएन।
यसैबीच अख्तियार दुरुपयोग अनुसन्धान आयोगको प्रमुखमा विवादास्प‍द व्यक्ति पूर्व मुख्य सचिव लोकमानसिंह कार्कीको नियुक्ति गरिएको बिरोधमा विद्यार्थी संगठनहरुले प्रदर्शन गरेका छन् । प्रहरीले नागरिक अगुवाहरु कनकमणि दिक्षित, शम्भु थापा, मनाव अधिकारवादी चरण प्रसाई तथा जनआन्दोलनका सहिद पुत्र द्रोण रेग्मीलाई प्रहरीले नियन्त्रणमा लिएको छ ।

आठ वर्ष पूरा गरेर नवौं वर्षमा युट्युब

noreply@blogger.com (कृष्णपक्ष) — Tue, 07 May 2013 23:17:02 PDT

आठ वर्ष पूरा गरेर युट्युब नवौं वर्षमा प्रवेश गरेको छ। युट्युबमा पहिलो पटक सन् २००५ को अप्रिल २३ का दिन भिडियो अपलोड भएको थियो। 'मी एट द जु' शीर्षकको यो पहिलो भिडियो यसका संस्थापकमध्येका एक जावेद करिमले अपलोड गरेका थिए।

गुगलले सन् २००६ मा १ दशमलव ७६ अर्ब अमेरिकी डलरमा युट्युब किनेको हो। त्यतिबेला यसका प्रयोगकर्ता ३ देखि ४ करोडको हाराहारीमा थिए। अहिले प्रत्येक महिना १ अर्ब भन्दा बढी प्रयोगकर्ताले यसको प्रयोग गरिरहेका छन्।

युट्युबमा ६१ भाषामा भिडियो अपलोड हुन्छन्। पछिल्लो समयमा मोबाइलमार्फत युट्युब भिडियो हेर्नेहरूको संख्या बढ्दै गएको छ। केही समयअघि मात्र युट्युबका नियमित प्रयोगकर्ताको संख्या १ अर्ब नाघेको गुगलले जानकारी दिएको थियो। युट्युबको लोकप्रियताले गुगललाई आम्दानीको नयाँ भरपर्दो माध्यम समेत प्राप्त भएको छ। गुगलले युट्युबमार्फत विज्ञापनसमेत गर्ने गरेको छ ।

राजनीतिक दलका कार्यकर्ता र प्रहरीबीच झडप, एक दर्जन घाइते

noreply@blogger.com (कृष्णपक्ष) — Tue, 07 May 2013 23:10:07 PDT

बाजुरा । राजनीतिक दलहरुको प्रदर्शनका कारण बाजुरा सदरमुकाम मार्तडी तनावग्रस्त बनेको छ । सदरमुकाम मार्तडी जोड्ने सडक निर्माण लगायतका कामप्रति सरकारले वेवास्ता गरेको भन्दै संयुक्त आन्दोलन सुरु गरेका जिल्लास्थित राजनीतिक दलका कार्यकर्ता र प्रहरीबीच झडप भएपछि मार्तडी तनावग्रस्त बनेको हो ।

एकीकृत माओवादी, नेपाली कांग्रेस, नेकपा एमाले र नेकपा माओवादीका प्रदर्शनकारी कार्यकर्ताले जिल्ला प्रशासन कार्यालय तोडफोड गरेका छन् भने प्रहरी नायव उपरीक्षक जनकराज पाण्डेलाई हातपात समेत गरेका छन् ।

प्रदर्शनकारीको कुटाईबाट एकजना प्रहरी जवान गम्भीर घाइते भएको जिल्ला प्रहरी कार्यालय बाजुराले जनाएको छ । प्रदर्शनकारीतर्पm ११ जना घाइते भएको जनाइएको छ । दिउँसो १ बजेपछि सुरु भएको झडप नियन्त्रणमा लिन प्रहरीले दर्जनौं सेल अश्रुग्यास प्रहार गर्नुका साथै लाठीचार्ज समेत गरेको थियो ।

बाजुरामा सडक निर्र्माण गर्न राज्यले वेवास्ता गरेको भन्दै तीन दिनअघि संयुक्त आन्दोलन सुरु गरेका चार दलले सदरमुकाम मार्तडीसम्म सडक पुया¥उनका लागि बीच–बीचमा पर्ने पुलहरुको तत्काल निर्माण हुुनुपर्ने र जिल्लामा सहायक राजमार्गहरुको निर्माण लगायतका माग उनीहरुले गरेका छन् ।

भौतिक योजना तथा यातायात मन्त्रालयले अछामको साँफेदेखि बाजुराको मार्तडी जोड्ने सडकमा पर्ने बेलिव्रिज पुल निर्माणका लागि आह्वा गरेको टेण्डर विना कारण रोकपछि बाजुरावासी आन्दोलित भएका हुन् ।

लिम्बुवानले फिर्ता लिए पनि बेरोजगारी समुहले फेरी बन्द गराए,

noreply@blogger.com (कृष्णपक्ष) — Tue, 07 May 2013 23:07:26 PDT

२५ बैशाख, काठमाडौ । आफ्ना कार्यकर्ता रिहाई लगायतका माग राखि चार दिनदेखि जारी अरुण पारीका नौ जिल्लामा गर्दै आएको अनिश्चितकालीन आम हड्ताल स्थगित हुन नपाउदै अर्को समुहले फेरि बन्द गरेको छ । बेरोजगार युवासंघ नेपालले आज देखि पुर्वपश्चिम महेन्द्र राजमार्ग र मुग्लीन देखि नागढुङासम्मको पृथ्वीराज मार्ग अनिश्चितकालिन बन्द आव्हान गरेको छ भने कावासोतीमा तीन वटा गाडि तोडफोड गरिएको प्रहरीले जनाएको छ ।

बेरोजगार युवा संघ नेपालका संयोजक चन्द्रबहादुर थापाले दुई वटा राजमार्ग मात्रै बन्द आवहन गरीएको बताएका छन् । गण्डकी धौलागीरी संयोजक प्रमोद दवाडीले पृथ्वीराज मार्गमा पोखरा देखिनै बन्द आव्हान गरिएको बताए ।
बन्दको कारण विहानै देखी ति राजमार्गमा सवारी साधन चल्न सकेका छैनन् । पोखरा देखि स्याङ्जा सिद्धार्थ राजमार्ग र पोखरादेखि बाग्लुङ भुपीशेरचन राजमार्गमा भने सवारीसाधन संचालनामा आएका छन् । बन्दका कारण नागढूङ्गा भएर कुनै सवारी साधन उपत्यका बाहिर नगएको बताइएको छ । नागढूङ्गादेखि चितवनसम्मका विभिन्न ठाऊँमा बसेर युवासंघले सवारी आवागमनमा रोक लगाएका छन् । बेरोजगार युवाहरुले आफ्नो अधिकार माग गरेर महेन्द्रनगर देखि काकँडभिट्टा सम्म र चितवन देखि नागढुङगासम्म पहिलो पटक बन्द आव्हान गरिएको बताइएको छ ।यो समुह यसअघि त्यति चर्चामा थिएन ।

२७ थान हतियार गायब, नेकपा-माओवादीसँग छैन - रामबहादुर थापा

noreply@blogger.com (कृष्णपक्ष) — Tue, 07 May 2013 00:38:59 PDT

आफ्नो पार्टीसँग अझै पनि हतियार रहेको भनी बाहिर आएको कुरा सरासर गलत भएको नेकपा-माओवादीका महासचिव रामबहादुर थापाले बताएका छन्। महासचिव थापाले प्रेस विज्ञप्ति जारी गरी आफ्नो पार्टीका नेताको सुरक्षाका लागि भनेर लिएका हतियार आफूहरूसँग नभएको बताए । सरकारले यही वैशाख मसान्तभित्र नेकपा–माओवादीसँग रहेका हतियार फिर्ता गर्न यसअघि नै निर्देशन दिएको थियो।

अनमिनले प्रमाणीकरण गरेका २७ थान हतियार माओवादीसँग रहेको सरकारले भनाई छ । महासचिव थापाले विज्ञप्तिमा पार्टी एउटै हुँदाका बखत हतियारको मुख्य जिम्मेवार तत्कालीन नेतृत्व नै हुने स्पष्ट पारेका छन्।

ट्राफिक प्रहरीले नै नक्कली प्लेट प्रयोग गरेर गाडी चलाएको फेला

noreply@blogger.com (कृष्णपक्ष) — Mon, 06 May 2013 23:49:10 PDT

२४ वैशाख, तनहुँ । सवारी साधन कारर्वाहीको अधिकार पाएको ट्राफिक प्रहरीले नै नक्कली प्लेट प्रयोग गरेर गाडी चलाएको फेला परेको छ । जिल्ला ट्राफिक प्रहरी कार्यालय तनहुँले प्रयोग गर्दै आएको ग १ च. ३९८९ नम्बरको गाडी नक्कली नम्बर प्लेट राखेर चलाएको पुष्टि भएको हो ।

तनहुँ सतिश्वारा ९ का कूल बहादुर थापाले एक महिना अघि यातायात व्यवस्था कार्यालय गण्डकीबाट बाग्मतीमा स्थानान्तरण गरेको गाडीको नम्बर राखेर ट्राफिक प्रहरीले महेन्द्रा एण्ड महेन्द्रा कम्पनीको बलेरो पिक अप जीप प्रयोग गर्दै आएको हो । कार्यालय प्रयोजनका लागि सवारी साधन आवश्यक परेका माथिल्लो निकायमा जानकारी गराउदाँ अनुसन्धानका लागि राखेको गाडी दिएको जिल्ला ट्राफिक प्रहरी कार्यालय तनहुँका प्रमुख भेषराज रेग्मीले बताएको नागरिक दैनिकमा खबर छ ।

यातायात व्यवस्था कार्यालय भेरीको नम्बर प्लेटमा झण्डै एक महिना अघि जिल्ला भित्रिएको भ्यानलाई ट्राफिक प्रहरीले गण्डकीको ग.१.च. ३९८९ नम्बर राखेर प्रयोग गर्दै आएको थियो । उक्त नम्बरको गाडीको स्वामित्व भएका कूल बहादुर थापाले भने २०६९ चैत्र १५ गते यातायात व्यवस्था कार्यालय गण्डकीबाट चलानी नं. ३०५२ को सहमती पत्र लिएका थिए । ‘कामको व्यस्तताले तत्कालै नम्बर फेर्न काठमाण्डौ जान पाइन्’ उनले भने, ‘यता सहमती पत्र बुझेको केही दिनमै प्रहरीले मेरै गाडीको नम्बर हालेर कुढाउन थालेछ ।’ थापाले खरिद गरेको चाइनाको जोप्यो कारमा उनले २०७० बैशाख ३ गते यातायात व्यवस्था कार्यालय बाग्मतीबाट बा १० च. ६१६१ नम्बर कायम गराएका थिए ।

शिर्ष नेताहरुले यसरी गरे जनताको उपहास - गगन थापा

noreply@blogger.com (कृष्णपक्ष) — Mon, 06 May 2013 23:41:44 PDT

नेपाली कांग्रेसका केन्द्रीय सदस्य गगन थापाले चार दलका शिर्ष नेताहरु चाहीने भन्दा नचाहिने बिषयमा केन्द्रित भएर अन्तरीम संबिधान एवं जनताको उपहास गरेको आरोप लगाएका छन् । उनले नेताहरु संविधान बनाउने विषयमा आपसी झगडा गरेर कहिल्यै नमिलेको तर लोकमानलाई अख्तियार प्रमुख बनाई नेपाली जनतालाई अपमानित गर्ने विषयमा भने एक मत देखिएको बताए ।

उनले भने 'यो प्रकरणलाई दुईरतीनवटा पाटोबाट हेर्नुपर्छ ।' अहिलेको हाम्रो अन्तरिम संविधानले केही कुरा गर्ने अवस्था नभएको बेला चार राजनीतिक दलका शीर्ष नेताहरुको काम गराइको तरिका हेर्दा संविधानले जे नगर भनेको छ, त्यो कुनै पनि हालतमा गरेर छाड्ने परिपाटी तयार भएको दाबि गरे ।

नेपाली कांग्रेसमा लोकमानलाई अख्तियार प्रमुख बनाउनेबारे कुनै छलफल र निर्णय नभएको बताउँदै थापाले राजनीतिक संयन्त्रका प्रमुख सुशील कोइरालाले संयन्त्रको बैठक बोलाएको भए लोकमानको प्रस्ताव रोकिन सक्ने बताए ।

उनले अगाडी भने अघिल्लो पटक पनि प्रधानन्यायधीशलाई केही काम नलगाउ है भनेर संविधानले भनेको थियो र पूर्वप्रधानन्यायाधीशलाई पनि लाभको पद नदेऊ भनेको थियो । यति हुदाँ हुँदै पनि हामीले गरेरै छाड्यौं, अहिले अख्तियारको प्रमुख बनाउनका निम्ति नेपालमा एक से एक मान्छे छन् । तर, संविधानले नैतिकता र योग्यता नपुगेको अनि जनभावना विपरीत व्यक्तिलाई नियुक्त नगर भन्दाभन्दै गर्न खोजिँदैछ ।

थापाले लोकमानलाई अख्तियार प्रमुख बनाउने काम अन्तरिम संविधानलाई कमजोर पार्ने र प्रतिगमनतर्फ पछाडि फर्कने काम भएको टिपणीपनि गरेका छन् ।

खिलराज रेग्मीले नैतिकता गुमाए - थापा

noreply@blogger.com (कृष्णपक्ष) — Mon, 06 May 2013 23:36:09 PDT

नेपाल बार एसोसिएसनका पूर्वअध्यक्ष शम्भू थापाले लोकमानसिँह कार्कीलाई नियुक्ति प्रस्ताव गर्ने चार दलको विरोध गरर्दै कार्कीलाइ अख्तियार प्रमुखमा नियुक्ति सिफारिस गरेर मन्त्रिपरिषद्का अध्यक्ष खिलराज रेग्मीले नैतिकता गुमाएको आरोप लगाए ।

चारदल मिलेर संबिधानको लागी सहमती गर्न नसक्नेहरुले कार्कीलाई नियुक्तीको लागीको कुनै अधिकार नभएको जनाएका छन् । कार्कीको नियुक्तीक विरोधमा नागरिक समाजका प्रतिनिधि र विद्यार्थीहरुले सोमबार राष्ट्रपति कार्यालयमा दिएको धर्नामा उनले रेग्मीलाई दुईवटा पद दिएर गल्ति गरेको बताए । यसै बिच दुई मध्ये एक पदबाट हटाएरै छाड्ने उदघोषपनि गरे । 'रेग्मी स्वयंले सर्वोच्चलाई उच्च नैतिकताबारे आफूलाई ज्ञात रहेको बताएर पत्र लेखेका थिए,' उनले भने, 'लोकमानजस्ता व्यक्तिलाई अख्तियार प्रमुख बनाउने यही हो नैतिकता ?'

उनले कार्कीलाई नियुक्ति प्रस्तावको विरोधगर्दै 'लोकमान कसैको मान्छे होइन,' उनले भने, 'उनी पैसाका मान्छे हुन् ।' संविधानसमा सहमति नगर्नेले कार्कीको नाममा सहमति जनाएकोमा आश्चार्य प्रकट गरे । यसै कार्यक्रममा बोल्दै अधिकारवादी कपील श्रेष्ठले लोकतन्त्रमा लोकमानको ठाउँ नहुने बताए । उनले संविधानसभा विघटन पनि लोकतन्त्रविरुद्धको कदम भएको जनाएका छन ।

पुर्वाञ्चल बन्दले गरायो करोडौंको नोक्सान, जनजीवन असहज

noreply@blogger.com (कृष्णपक्ष) — Mon, 06 May 2013 23:33:00 PDT

संघीय लिम्वुवान राज्य परिषदले आज चौथो दिन पनि बन्द गर्दा पूर्वका नौ जिल्लाको जनजीवन प्रभावित बनेको छ ।लोकतान्त्रिक राष्ट्रिय मञ्च र नेकपा माओवादी सहितका दलले गरेको बन्दका कारण ताप्लेजुङ, पाँचथर, ईलाम, झापा, तेह्रथुम, धनकुटा, संखुवासभा लगायत नौ जिल्लामा लामो तथा छोटो दुरीका सवारी साधन चलेका छैनन् भने शैक्षिक संस्था, पसल, कलकारखाना पनि ठप्प रहेका छन्, पूर्वको जनजीवन कष्टकर बन्दै गएको छ।

निर्वाचन आयोगले सञ्चालन गर्दै रहेको फोटो सहितको मतदाता नामावली संकलन रोक्नुका साथै सरकारले सञ्चालन गर्दै रहेको एकिकृत घुँम्ती शिविरको बिरोधमा बन्द गरिएको हो ।

बन्दकर्ताले सोमवार बिहान सञ्चालनमा आएका फिदिम बजार सहित बि भिन्न स्थानका पसल र शैक्षिक सस्था बन्द गर्न दवाव दिएपछि तेस्रो दिन पनि जनजीबन कष्टकर रह्यो । शैक्षिक सत्रको शुरुमै आह्वान गरिएको बन्दका कारण शैक्षिक सस्था नखुल्दा बिद्यार्थी भर्ना अभियान र पाठ्पुस्तक आपुर्तीमा ठप्प भएकोे पाँचथरका जिल्ला शिक्षा अधिकारी गोबिन्द पौडेलले बताए ।

यस्तै ढुवानीका साधन आवागमन ठप्प पारिँदा खाने पकाउने ग्यास सहितका अधिकांश उपभोग्य बस्तुको अभाव सिर्जना भएको उपभोक्ताको गुनासो छ । यता बन्दका कारण पाँचथरबाट निर्यात हुने अलैँची, अम्रिसो,अदुवा लगायतका उत्पादन बाहिर पठाउन कठिनाई भइरहेको नेपाल अलैंची व्यवसायी महासंघका बरिष्ठ केन्द्रीय उपाध्यक्ष दिपक नेपालको भनाई छ । नेपालका तत्कालिन अवस्थामा अनुसार यी उत्पादनको मुल्य बृद्धी भएको छ तर निर्यायत हुन नसक्दा कृषक र व्यवसायी यस्को लाभ लिनबाट बञ्चित भएका छन । यस्तै पुर्वी पहाडका जिल्लामा उत्पादन हुने चिया पत्ति टिपेर कम्पनीसम्म पु¥याउन पनि कठिनाइ भएको बताइएको छ ।

उनीहरुले बन्दको क्रममा विभिन्न स्थानबाट पक्राउ परेका सबै कार्यकर्तालाई रिहा गर्नुपर्ने, मतदाता नामावली संकलन तत्काल रोक्नुपर्ने लगायतको पाँच बुंदे माग राखेका छन् । उता, प्रहरीले भने बन्दको क्रममा पक्राउ परेकालाई छाड्न नमिल्ने जनाएको छ । हिजो मात्रै बन्दको क्रममा बिभिन्न जिल्लाबाट २२ जना पक्राउ परेका छन् ।

यस्तै ढुवानीका साधन आवागमन ठप्प पारिँदा खाने पकाउने ग्यास सहितका अधिकांश उपभोग्य बस्तुको अभाव सिर्जना भएको उपभोक्ताले गुनासो गर्न थालेका छ । यता बन्दका कारण ताप्लेजुङ र पाँचथरबाट निर्यात हुने अलैंची, अम्रिसो, अदुवा लगायतका उत्पादन बाहिर पठाउन कठिनाई भइरहेको नेपाल अलैंची व्यवसायी महासंघका बरिष्ठ केन्द्रीय उपाध्यक्ष दिपक नेपालको भनाई छ ।

नेपालका तत्कालिन अवस्थामा अनुसार यी उत्पादनको मुल्य बृद्धी भएको छ तर निर्यायत हुन नसक्दा कृषक र व्यवसायी यस्को लाभ लिनबाट बञ्चित भएका छन । यस्तै पुर्वी पहाडका जिल्लामा उत्पादन हुने चिया पत्ति टिपेर कम्पनीसम्म पु¥याउन पनि कठिनाइ भएको बताइएको छ ।

आखिर विवादमा किन आउछन् सेलिब्रटी ?

noreply@blogger.com (कृष्णपक्ष) — Mon, 06 May 2013 23:26:50 PDT

काठमाडौं। नेपाली संगीत क्षेत्रमा क्रियाशील गायकहरू केही समययता विभिन्न गतिविधिका कारण चर्चामा आउने गरेका छन्। यसैक्रममा अहिले गायक रामकृष्ण ढकालको चर्चा बढी छ। उनी चर्चामा आउनुको कारण कुनै राम्रो गीत या एल्बम निकालेका नभई फाइनान्सबाट निकालेको रकम तिर्न नसकेकाले हो।
आफ्नो सांगीतिक यात्राका सुरुवाती चरणमा नारायणगोपालको गीत गाएर चर्चामा आएका रामकृष्णले त्यसपछि आफ्नो छुट्टै पहिचान बनाउन सफल भए। नारायणगोपालको जस्तै स्वरका धनी भनेर चिनिएका रामकृष्ण अहिले आफैंले गाएको चर्चित गीत ओराली लागेको हरिणको चाल भो को नियतिमा पुगेका छन्।

घर बनाउन भनी लिएको दुई करोड रुपैयाँ ऋण तिर्न पटक पटक ताकेता गर्दा पनि उनले चासो नदेखाएपछि पुल्चोकमा रहेको श्री लालीगुराँस फाइनान्सले रामकृष्ण र उनकी श्रीमती निलमको नाममा सूचना जारी गर्दै उनको घर लिलामी गर्ने जनाएको छ। यसअघि ३५ दिने सूचना जारी गर्दै सो फाइनान्सले रामकृष्णलाई कर्जा चुक्ता गर्न भनेको थियो। तर उनले कुनै चासो नदेखाएपछि आफूले दिएको ऋण असुलीउपर गर्न फाइनान्सले २१ दिने लिलामीको सूचना जारी गरेको हो। अबको दुई हप्ताभित्र रामकृष्णको भैंसेपाटीस्थित बंगला लिलामी गरेर फाइनान्सले आफ्नो ऋण उठाउने भएको छ। अहिले रामकृष्णकै कारण संगीत क्षेत्रको बद्नाम भएको भन्दै उनीविरुद्ध नकारात्मक टीकाटिप्पणी उठ्न सुरु भएको छ।

हुन त केही समयअघि गायक सुगम पोखरेलको हर्कतका कारण पनि नेपाली संगीत क्षेत्रमा लागेकाहरूबारे आलोचना नभएको होइन। मेरो संसार तिमी नै हौ बोलको गीतबाट एकाएक नेपाली संगीत क्षेत्रमा स्थापित हुन पुगेका सुगम रंगमञ्चका चर्चित कलाकार सुनिल पोखरेलका भाइ हुन्। आफ्ना साथीहरूसँगै कालोपुल नजिकै सुगमलाई लागूपदार्थका साथमा प्रहरीले पक्राउ गरेपछि सुगमको वास्तविक चरित्र उदांगिएको हो। लागूपदार्थको दुर्व्यसनी रहेका सुगमलाई प्रहरीले एक दिन हिरासतमा राखेर रिहालिवेसन केन्द्रमा लगी उपचार गराइरहेको छ। सुगमको वास्तविकता बाहिर आएपछि नेपाली संगीत क्षेत्रमा दुर्व्यसनी भएका थुप्रै गायक गायिका भएको प्रहरीले अनुमान गरेको छ।

पाँच वर्षअघि गायक कुल पोखरेलको ड्रग्स एडिक्टकै कारण मृत्यु भएपछि नेपाली संगीत क्षेत्रमा लाग्नेहरूविरुद्ध टीकाटिप्पणी उठ्न थालेको थियो। तर लागूऔषधका साथमै प्रहरीले त्यसपछि कसैलाई पनि पक्राउ गर्न सकेको थिएन। कुल पोखरेलको ड्रग्स एडिक्टकै कारण ३० वर्षको कलिलो उमेरमा मृत्यु हुन पुगेको थियो। खासगरी रमाइलो र नाम कमाउने उद्देश्यका साथ संगीत क्षेत्रमा लागेका दर्जनौं र्यािप र पप गायक गायिका लागूऔषधको दुर्व्यसनी रहेको बताइन्छ। नाम चलेकादेखि भर्खरका नवप्रवेशी पनि चुरोट र रक्सीको पारखी भएको पाइन्छ। सत्यराज आचार्य हुन् कि रामकृष्ण ढकाल नै किन नहून्, दुवै चुरोट र रक्सी अत्यधिक सेवन गर्ने गायक हुन्। त्यस्तै, गायक शम्भु राईकी छोरी श्रद्धा राई र उदय मिनला सोताङकी छोरी श्रेया सोताङ पनि चुरोटको अम्मली रहेको उनका निकटवर्ती कलाकारहरू बताउँछन्। रामकृष्ण त गाँजाका पारखी नै भएको संगीत क्षेत्रमा चर्चा चल्ने गर्छ।

नेपालमा हुँदा गायक यम बराल बेला बेला चर्चामा आइरहन्थे। उनी चर्चामा आउनुको कारण भने युवती हुने गर्थ्यो। मीठो स्वरका धनी यम रजनी थापा नाम गरेकी एक युवतीका कारण बेलाबेला चर्चामा आउँथे। पछि विवाह गरेपछि यम केही समय चर्चाविहीन भए। तर एक वर्षअघि श्रीमतीसँग सम्बन्ध विच्छेद भएपछि यम पनि दुर्व्यसनी भएको बताइन्छ। हाल अमेरिकामा बस्दै आएका यम साँझ परेपछि रेस्टुरेन्टमा झुम्म भएको अवस्थामा फेला पर्ने गरेको अमेरिकामा रहेका कलाकारहरू बताउँछन्। नेपाली सुगम संगीत र चलचित्र गीतका राम्रा गायक राजेशपायल राई पनि कुनै बेलाका ड्रग्स एडिक्ट थिए भन्ने कुरा धेरैलाई थाहा नहुन सक्छ। गायन यात्राका सुरुवाती दिनमा उनी सम्हाल्नै नसक्ने किसिमका लागूऔषधका दुर्व्यसनी थिए। उनको त्यो लागूऔषधको कुलत एकजना चर्चित संगीतकारले मुम्बईमा लगेर छुटाएका थिए। लागूऔषधको दुर्व्यसनी छुट पनि राजेशपायल राईले रक्सी सेवन गर्न थाले।

आफूले कमाएको पैसामध्ये आधाभन्दा बढी साथीभाइलाई रक्सी र बियर खुवाएरै सिध्याएका राजेशपायल बिरामी परेपछि भने अहिले त्यसबाट छुटकारा पाएका छन्। आफूले गीत गाएरै कमाएको रकमले उनले बानेश्वरमा घरसमेत किनेका छन्। उमेरले ४० वर्ष कट्न थालेका राजेशपायल अझै पनि अविवाहित नै छन्। सिनेमामा अभिनय र राम्रो गीत गाएर चर्चामा आउने यी गायक पछिल्लो समय चलचित्र किन किनमा नायिकासँग चुम्बन गरेको दृश्यका कारण चर्चित बनेकन छन्।

दलालको दौडधूपले सेनाको जहाज अलपत्र

noreply@blogger.com (कृष्णपक्ष) — Mon, 06 May 2013 23:20:43 PDT

करोडौंको कमिसनमा उपेन्द्र महतो पनि तानिए

काठमाडौं। नेपाली सेनाका लागि हाल जहाजहरु कमी रहेको गुनासोलाई सम्बोधन गर्दै तत्कालीन प्रधानमन्त्री बाबुराम भट्टराईले हेलिकोप्टर खरिद गर्न तीन अर्ब रुपैयाँ बजेट छट्याएकोमा हेलिकोप्टर सप्लाई गर्न चाहने एजेन्ट, नेपाली सेनाका प्रतिनिधि, अर्थ मन्त्रालय र उड्डयन प्राधिकरणका प्रतिनिधिबीच सहमति बन्न नसकेपछि खरिद प्रक्रिया नै अबरुद्ध भएको छ। नेपाली सेनाका लागि अति जरुरी दैवीप्रकोप उद्धार यान खरिदमा किचलो सुरु भएपछि खरिद प्रक्रिया हाल अघि बढ्न सकेको छैन।

हाललाई दुई थान होलीकोप्टर खरिदका लागि सरकारले सेनाका प्रतिनिधि समेतलाई सम्मिलित गरी प्राविधिक समिति गठन गरेको थियो। सो समितिमा नेपाली सेनाको तर्फबाट संभाररथी प्रदिपविक्रम राणा, सेनाको मिड एयर बेसका महानिर्देशक उपरथी रवि शाह, कर्णेल राजेश शाह, नागरिक उडड्यन प्राधिकरणका सहसचिव भोजराज सुवेदी, अर्थ, रक्षा मन्त्रालयका एक/एक जना सहसचिवहरु रहेका छन्।

यी ६ जनाको प्राविधिक समितिका सदस्यहरुमध्ये नागरिक उडड्यन प्राधिकरणका सहसचिव भोजराज सुवेदीले बखेडा झिकेपछि जहाज खरिद प्रक्रिया अबरुद्ध हुन पुगेको रक्षा मन्त्रालय सूत्र बताउँछ।
भोजराज सुवेदीले ‘यसरी स्पेसीफाई गरेर जहाज किन्ने प्रक्रियामा मेरो असहमति छ’ भनेर माइन्यूटमा उल्लेख गरेपछि सेनाभित्र खैलाबैला मच्चिएका रक्षा स्रोतले जनाएको छ। सेनाले आफ्नो लागि उपयुक्त भनेर एमआई―सेभेन्टिन (भी फाइभ):क्ष्―ज्ञठ ख्छ हेलिकोप्टर किन्ने प्राविधिक प्रतिवेदन प्रस्तुत गरेपछि नेपाली दलालहरुको बढ्ता चलखेल हुन थाल्यो। त्यसपछि हेलिकोप्टर खरिद प्रकरण अहिले चर्किदैछ। १४ देखि १७ अर्ब रुपैयाँसम्म पर्ने:क्ष्―ज्ञठ ख्छ मा हाल नेपाली एजेन्टहरु यति एयरलाइन्सका आङछिरिङ शेर्पा, फुर्वा शेर्पा, शम्भु भारती र दीपक भट्टहरुका बीच शक्ति परिचालन र भिडन्त सुरु भएको समाचार छ।

रुसको हेलिकोप्टर कम्पनी कजान लि. र उलान उडेकमा दलालहरु विभाजित भएका छन्। यी दुबै कम्पनीका नेपाली कमिसन दलालहरु राजनीतिक शक्ति, प्रधानसेनापति गौरबशमशेर राणा र अन्य निकायमा प्रभाव पारेर करोडौं करोड कमिसन खाने दाउमा दौडधुप गर्दैछन्। सेना सूत्रका अनुसार, जहाज खरिदमा दलालहरुले हैरान पारेकाले नेपाल सरकार र रुस सरकारले सम्झौता गरेर सोझै कम्पनीसँगै जहाज खरिद गरेमा सेना भ्रष्टाचारको लाञ्छनाबाट बच्ने थियो, भनी सैनिक सूत्र बताउँछ। मोटो कमिसनको लोभमा रुसका नेपाली ब्यापारी उपेन्द्र महतो समेत हेलिकोप्टर खरिद प्रकरणमा जोडिन आइपुगेका छन्। महतोले शम्भु भारतीको एजेण्ट बनेर नेपालका लागि रसियाका राजदूतलाई भेटेर कन्भिन्स गरेको थाहा भएको छ। ‘हाम्रा लागि हाल अति जरुरी रहेको चार हजार के.जी. भार क्षमताका साथै २४ सीट भएको दुई थान हेलिकोप्टर:क्ष्―ज्ञठ ख्छ रुसको उत्पादक कम्पनीसँग सरकारले सोझै खरिद गरेर नेपाली सेनालाई दिएमा सेना कमिसन, घुसको लाञ्छनाबाट बच्ने थियो’ सेनाका एक अधिकृतले बताए। दलालहरुको अनावश्यक चलखेल र शक्तिसंघर्षका कारण सेनाले जहाज खरिद गर्न नपाउने चिन्ता सैनिक वृत्तमा चलेको छ।

थानकोट र धुलिखेलका चेकपोष्ट हटाउने, अब हुनेभयो तस्करकै जीत

noreply@blogger.com (कृष्णपक्ष) — Mon, 06 May 2013 23:19:50 PDT

काठमाडौं। राजस्व अनुसन्धान विभागले थानकोट र धुलिखेलका चेकपोष्ट हटाउने भएको छ। अर्थमन्त्री शंकर कोइरालाको कडा निर्देशनमा ती चेकपोष्ट हटाउने प्रस्ताव विभागले मन्त्रालयमा पठाइसकेको छ। राजस्वछली गरी सामान आयात गर्ने कार्यलाई निरुत्साहित गर्न खडा गरिएका ती चेकपोष्ट हटाएपछि तस्करी झन् बढ्ने अर्थ मन्त्रालयका अधिकारीहरु बताउँछन्।

भन्सारछली गरेर सामान भित्र्याउने ब्यापारीहरुको दबाबमा अर्थमन्त्रालयले चेकपोष्ट हटाउन लागेको आरोप टे्रड युनियन नेताहरुले लगाएका छन्। एक टे्रड युनियन पदाधिकारीले नाम उल्लेख नगर्ने सर्तमा भने–चेकपोष्टमा दस्तुरी उठाएको, घुस असुली गरिएको कुराले बद्नाम भयो भनेर विकल्प विना हटाउनु हुँदैन। इमानदार, राम्रा कर्मचारी, पठाउनुपर्योभ। चेकपोष्टकै कारण भन्सार र सशस्त्र प्रहरी बलको मिलेमतोमा हुने तस्करी केही मात्रामा भएपनि नियन्त्रणमा सघाउ पुगेको छ। चेकपोष्ट हटाएपछि चोरीतस्करी झन् बढ्नेछ। अर्थ सूत्र भन्छ―तस्कर, दुई नम्बरी ब्यापारीको दबाबमा यो निर्णय हुन लागेको हो।

२०७० बैशााख २३ गते अर्थमन्त्री कोइराला भारत भ्रमणबाट आउनासाथ चेकपोष्ट हटाउने निर्णय हुँदैछ। राजस्व अनुसन्धान विभागका महानिर्देशक खुमराज पूँजालीले चेकपोष्ट हटाएर विभागले हेर्नेगरी मोडालिटी बनिरहेको प्रतिक्रिया दिए। उनले भने, ‘चेकपोष्ट हटाउने प्रस्ताव अर्थमन्त्रालयमा अहिले नै गइसकेको छैन।’ टे्रड युनियनले विकल्पविना हटाउनु नहुने ध्यानाकर्षण गराएकोबारेमा पूँजालीले भने–’उहँाहरुले सुधार गरेर जान दिएका केही सुझाव राम्रा छन्। अहिले विभागले सुपरीवेक्षण गर्ने र ६ महिनापछि अर्गनाइजेसन म्यानेजमेन्ट (ओएनएम) गरेर कार्यालय खोल्ने कुरा भइरहेको छ।’

लिम्बुवानको बन्दले पूर्व ठप्प, जनजीवन कष्टकर

noreply@blogger.com (कृष्णपक्ष) — Mon, 06 May 2013 00:26:03 PDT

संघिय लिम्वुवान राज्य परिषद्ले अस्तीदेखि गरेको अनिश्चिकालीन अरुण पूर्वका नौ जिल्ला वन्द आज पनि जारी छ । तीन दिनदेखिको वन्दले ताप्लेजुङ, पाँचथर, इलाम, धनकुटा लगायतका जिल्लामा जनजीवन असहज हुनुका साथै कष्टकर वन्दै गएको छ ।

वजार, पसल, आज पनि वन्द छन्, भने मेची र कोशी अञ्चलमा गुड्ने लामो तथा छोटो दुरीका सवारी साधन चलेको छैन् । ताप्लेजुङमा भने बजार पसल फाट्ट फुट्ट खुलेका छन् भने वन्दका कारण विद्यालय र कलेज नखुल्दा विद्यार्थीहरुको भविष्य अन्धकारमय वन्दै गएको अभिभावकको गुनासो छ ।

धेरै दिनको वन्दका कारण आजित वनेका नागरीकले विभिन्न ठाँउमा विरोध समेत जनाउन थालेका छन् । उद्योग वाणिज्य संघ इलामले विज्ञप्ती निकालेर वन्दप्रति ध्यान आकषण भएको जनाएको छ भने वन्दलाई सफल पार्न माइकिङ्ग गर्दे हिडेका परिषद्का कार्यकर्तालाई हिजो इलामवाट पक्राउ गरिएको छ । पक्राउ पर्नेहरुमा जिल्लाका कार्यावाहक उपाध्यक्ष पहलमान लिम्वू, शिक्षक संगठनका भीम एक्तेन र चन्द्र लिम्वू रहेका छन् ।

लोकमान सिंह कार्कीको बिरोधमा सडक तातियो

noreply@blogger.com (कृष्णपक्ष) — Mon, 06 May 2013 00:12:58 PDT

अख्तियार दुरुपयोग अनुसन्धान आयोगको प्रमुख आयुक्तमा लोकमान सिंह कार्कीलाई संवैधानिक परिषदले सिफारिस गरेको बिरोधमा सडक फेरि एकपटक तातेको छ। जनआन्दोलन दबाउन भूमिका खेलेको आरोप लागेका लोकमान सिंहलाई अख्तियार प्रमुखमा सिफारिस गरेको भन्दै बिद्यार्थीहरु सडकमा उत्रिएका हुन् । अखिल नेपाल स्वतन्त्र विद्यार्थी (अनेरास्ववियु) ले आज बिहान उपत्यकाका सबै क्याम्पस अगाडि टायर बालेर सडक अवरुद्ध पारेका हुन् ।

संवैधानिक परिषदले सिंहको सिफारिस नसच्याएसम्म विरोधका कार्यक्रमहरु जारी रहने युनियनले जनाएको छ । रायमाझी आयोगले दोषी समेत ठहर गरेको सिंह शाही शासनको समयमा मुख्य सचिव थिए ।

१८ बर्षिय युवतीलाई बलात्कार गर्ने प्रहरी नियन्त्रणमा

noreply@blogger.com (कृष्णपक्ष) — Sun, 05 May 2013 23:59:27 PDT

स्याङजा,साँखर ३ सिउँनडाँडामा एक १८ वर्षीया युवतीलाइ बलात्कार गरेको आरोपमा एक जना पक्राउ परेका छन् । स्याङजाको साँखरमा गएको विहीवार एक युवतीलाई बलात्कार गरेको आरोपमा सोम वहादुर विक पक्राउ परेका हुन् । सो घटनाका सम्लग्न रहेको भन्दै साँखर—९ का २० वर्षिय सोनु भन्ने सोम वहादुर विकलाई पक्राउ गरिएको प्रहरीले जनाएको छ ।

पीडित युवतीले दिएको जानकारी अनुसार अरोपित विकलाई उनकै घरबाट नियन्त्रणमा लिईएको हो । गएको विहिवार रामपुरबाट उपचार गरेर घर फर्केकी एक १८ वर्षीया युवतीले २ वटा मोटरसाइकलमा आएका ४ जना युवाले आफूलाई सामुहिक बलात्कार गरेको बताएकी थिइन् । घटनामा संलग्न अरुको खोजी भइरहेको रत्नपुर प्रहरी चौकीका प्रहरी निरिक्षक कुमार श्रेष्ठले जानकारी दिए ।

अमेरिकामा प्रतिभाको आगनकी कलाकार द्वारा नृत्य प्रस्तुत [भिडियोसहित]

noreply@blogger.com (कृष्णपक्ष) — Sun, 05 May 2013 23:55:09 PDT

विजय थापा, भर्जिनिया अमेरिका बैशाख २३,

अमेरिका ,भर्जिनिया ,मे ४ ,डिसी महानगर क्षेत्रको हर्नडन स्थित एक सामुदायिक भवनमा भर्जिनियाको नेपाली अमेरिकन समुदायको आयोजनामा नया बर्ष सांस्कृतिक साँझको आयोजना गरियो । उक्त कार्यक्रम नया बर्ष २०७० मनाउने तथा नेपालको प्रतिभा आगनमा बिजयी भविसा फुयालको प्रतिभालाई डिसी महानगर बासीले हेर्न सकुन भन्ने उदेश्य अनुरुप कार्यक्रम गरिएको थियो ।

उक्त कार्यक्रमलाई अझ मसलादार बनाउन सकिने हेतुले हाल अमेरिकामा रहेका पप सम्राट ओम बिक्रम बिष्टले पनि केहि गीत प्रस्तुत गरेका थिए भने सरिता प्रधानले पनि पप सम्राटको सुन चाँदी भन्दा गीतमा साथ दिएकी थिइन् । विसा फुयाल अमेरिकामा आफ्नो हातको उपचार गराउन आएको मौकामा उनि भित्र निहित प्रतिभालाई उजागर गरिएको कार्यक्रममा म्यारिल्याण्ड ,भर्जिनिया तथा वाशिंगटन डिसीबाट दर्शक आएका थिए l ७ बर्ष अगाडी नेपालको पुर्व भाग लक्ष्मी मार्गमा एक दुर्घटनामा परि प्रतिभाशालि फुयालले आफ्नी आमा गुमाउनु परेको थियो भने आफुले पनि एक हात गुमाएकी थिइन् ।

यस्तो अवस्थामा रहेता पनि उनि आफ्नो लक्ष्यमा अगि बढी रहेकी छिन भने उनि थुप्रै सम्मान तथा पदक प्राप्त गरेकी छिन् । लिटल च्याम्पमा पनि सहभागी भएकी फुयाल अन्तर बिद्यालय स्तरीय प्रतियोगितामा उत्कृस्ट भएको थिइन् । उनि पुर्व ईटहराकि हुन् र अमेरिकाका चिकित्सकहरुले २१ बर्ष पुगे पश्च्यात कृत्रिम हात लगाई दिने भएका छन् । उनको प्रस्तुतिले सबैको मन छुएको थियो भने उनले बनमा फुल्यो फुलै फुल ,चौबन्धि चोलो तथा सानी सानी नानी उमेरको गीतमा नृत्य प्रस्तुति गरेकी थिइन् ।

पप सम्राट ओम बिक्रम बिष्टले दर्शकलाई तताउने प्रकारका को हो त्यो ,बाह्र बिसी बजारैमा तथा सुन चाँदी भन्दा महँगो यो ज्यान गीत प्रस्तु गर्दै सबैलाई तताएका र नचाएका थिए । कार्यक्रममा एक नव प्रतिभाशालि युवा उज्जवल खडकाले एकल नृत्य प्रस्तुति गरेका थिए भने नृत्य र गीत पश्च्यात सांस्कृतिक कार्यक्रमलाई मनोरंजन बनाउने उदेश्य अनुसार डिजे पनि गराईएको थियो । नेपाली अमेरिकन समुदायको सभापति तथा ब्यबसायी मदन थापाले नया बर्षको शुभ कामना दिदै संक्षेपमा फुयालको परिचय दिएका थिए भने पप सम्राटको संक्षिप्त परिचय सहित कार्यक्रम संचालन विजय थापाले गरेका थिए ।

========= Video......