Кинотека

„Св. Ѓоргија ја убива ламјата“, 31.01-01.02.2012 (вторник-среда), 20.00 чaсот

2012-01-31T10:30:00.000+01:00

Проекции: 31.01-01.02.2012 (вторник-среда), 20.00 чaсот

„Св. Ѓоргија ја убива ламјата“

На прагот на Првата светска војна, сите способни и здрави мажи се регрутирани во војска. Низ селото започнуваат да се шират гласини дека инвалидите од селото, за време на отсуството на мажите, ќе ги искористат нивните жени. Филмот е сосредоточен на љубовниот триаголник меѓу Ѓорѓе, Катарина и осакатениот воен ветеран Гаврило.

(Sveti Georgije ubiva azdahu)
игран филм / 2009 година / 120 минути / колор / 35 mm
Србија / Босна и Херцеговина / Бугарија

Режија: Срѓан Драгојевиќ (Srdjan Dragojevic);
Сценарио: Душан Ковачевиќ (Dusan Kovacevic);
Главни улоги: Лазар Ристовски, Наташа Јањиќ и Бора Тодоровиќ (Lazar Ristovski, Natasa Janjic and Bora Todorovic).

Приклучете се на тимот на блогот Кинотека и помогнете во создавање на филмски содржини на Википедија на македонски! Контакт: kinotekamk@gmail.com

Блогот Кинотека е неофицијално огледало на филмската програма на Кинотеката на Македонија и, понекогаш, на некои други филмски настани.

Содржината е достапна под GNU FDL.

„Влез во празно“ (Enter The Void), 28-29.01.2012 (сабота-недела), 20.00 чaсот

2012-01-28T10:30:00.000+01:00

Проекции: 28-29.01.2012 (сабота-недела), 20.00 чaсот

„Влез во празно“

Дилер на дрога станува заинтересиран за смртта и реинкарнацијата по читање на „Тибетанската книга на смртта“. Кога тој ќе биде убиен за време на една полициска акција во Токио, неговатa душа останува да лебди во животите на неговите најблиски. Неговото последно ветување ќе го одреди патот на неговата душа во следниот живот.

(Enter the void)

игран филм / 2009 година / 161 минутa / колор / 35 mm

Франција

Сценарио и режија: Гаспар Ноа (Gaspar Noé);

Главни улоги: Натејниел Браун, Паз Де Ла Уерта и Сирил Рој (Nathaniel Brown, Paz de la Huerta and Cyril Roy).

Содржината е достапна под GNU FDL.

„Ирина Палм“, 26-27.01.2012 (четврток-петок), 20.00 часот

2012-01-26T10:30:00.000+01:00

Проекции: 26-27.01.2012 (четврток-петок), 20.00 часот

„Ирина Палм“

Меги е педесетгодишна вдовица која очајно бара финансиска помош за лекување на нејзиниот мал внук. По неуспешните обиди да најде работа низ лутањето во Лондон, на ѕидот на еден секси-шоп ќе наиде на оглас за хостеси. Разочарана и очајна, Меги ќе се пријави за работата и ќе го добие своето уметничко име Ирина Палм.

(Irina Palm)
игран филм / 2007 година / 103 минути / колор / 35 mm
Србија

Режија: Сем Гарбарски (Sam Garbarski);
Сценарио: Мартин Херон и Филипе Бласбенд (Martin Herron , Philippe Blasband);
Главни улоги: Маријан Феитфул, Мики Манојловиќ и Кевин Бишоп (Marianne Faithfull, Miki Manojlovic and Kevin Bishop).

Содржината е достапна под GNU FDL.

„Гомора“, 24-25.01.2012 (вторник-среда), 20.00 часот

2012-01-24T10:30:00.000+01:00

Проекции: 24-25.01.2012 (вторник-среда), 20.00 часот

„Гомора“

Филмот „Гомора“ е современа неаполетанска мафијашка драма која ја разотрива италијанското криминално подземје, преку раскажувањето на приказните на петтмина индивидуалци кои мислат дека можат да направат свое примирје до Камора, или областа на мафијата.

(Gomorrah)
игран филм / 2008 година / 137 минути / колор / 35 mm
Италија

Режија: Матео Гароне (Matteo Garrone);
Сценарио: Роберто Савијано и Маурицио Брaучи (Roberto Saviano, Maurizio Braucci);
Главни улоги: Салваторе Абруцезе, Симоне Сачетино и Салваторе Руоко (Salvatore Abruzzese, Simone Sacchettino, Salvatore Ruocco).

Содржината е достапна под GNU FDL.

„Злато крај бреговите“, 21-22.01.2012 (сабота-недела), 20.00 часот

2012-01-21T10:30:00.000+01:00

Проекции: 21-22.01.2012 (сабота-недела), 20.00 часот

„Злато крај бреговите“

„Злато крај бреговите“ е независен документарен филм за новата генерација на креативни луѓе во Белград. Овој филм ни ги прикажува животите, амбициите и визиите на уличните уметници, музичарите, дизајнерите, фотографeрите, студентите и младите луѓе во Белград кои се успешни во тоа што го прават без никаква финансиска поддршка.

(Gold along the banks)
документарен филм / 2011 година / 73 минути / колор / ДВД
Србија

Режија и сценарио: Никола Зечевиќ (Nikola Zecevic).

Содржината е достапна под GNU FDL.

Кино Утро: „Лота од Изумград“, 17-18.01.2012 (вторник-среда), 12.00 часот

2012-01-17T09:30:00.000+01:00

Кино Утро: 17-18.01.2012 (вторник-среда), 12.00 часот

„Лота од Изумград“

Некаде во Европа на големотo море постои мало село каде пронаѓањето изуми за домаќинство се смета за големо достигнување. Селаните ќе организираат мал натпревар на пронајдоци. Еден од најдобире изумители е Оскар, таткото на малото девојче Лота. Победата на овој натпревар е важна за сите и ќе донесе почит и углед кај фамилијата која ќе победи.

(Leiutajateküla Lotte)

анимиран филм / 2006 година / 81 минута / колор / 35 mm

Естонија

Режија и сценарио: Хеики Ернитс, Хано Полдма (Heiki Ernits, Janno Põldma);

Главни улоги: Евелин Пенг, Андеро Ермел, Арго Адли (Evelin Pang, Andero Ermel and Argo Aadli).

Содржината е достапна под GNU FDL.

Kино Утро: „Вилата на млечните запчиња“, 15-16.01.2012 (недела-понеделник), 12.00 часот

2012-01-15T09:30:00.000+01:00

Kино Утро: 15-16.01.2012 (недела-понеделник), 12.00 часот

„Вилата на млечните запчиња“

Кога познатиот хокеар Дерк Томпсон ќе го обесхрабри сонот на едно дете, тој ќе биде осуден на една недела принудна работа како самовила на млечните запчиња. Иако оваа работа изгледа лесна, Дерек ќе се потсети на неговите загубени соништа.

(Tooth Fairy)

игран филм / 2010 година / 101 минути / колор / 35 mm

САД

Режија: Мајкл Лембек (Michael Lembeck);

Сценарио: Лауел Ганц и Бабалу Мандел (Lowell Ganz, Babaloo Mandel);

Главни улоги: Двејн Џонсон, Ешли Џад и Џули Ендрјус (Dwayne Johnson, Ashley Judd and Julie Andrews).

Содржината е достапна под GNU FDL.

Кино Утро: „Тилва Рос“, 14.01.2012 (сабота), 20.00 часот

2012-01-14T13:00:00.000+01:00

Кино Утро: 14.01.2012 (сабота), 20.00 часот

„Тилва Рос“

Тода и Стефан се најдобри другари кои своето прво лето по завршување на средното училиште го минуваат заедно во возење скејтови, дружење со нивната заедничка пријателка Дуња и снимање на видеа со акробации. Стефан на есен ќе студира на белградскиот универзитет. Но како што завршува летото, така и нивното пријателство изумира и избива се' поголемо ривалство помеѓу двајцата другари.

(Tilva Ros)
игран филм / 2010 година / 99 минути / колор / ДВД
Србија

Режија и сценарио: Никола Лезаиќ (Nikola Lezaic);
Главни улоги: Марко Тодоровиќ, Стефан Џорџевиќ и Дуња Ковачевиќ (Marko Todorovic, Stefan Djordjevic and Dunja Kovacevic).

Содржината е достапна под GNU FDL.

Kино Утро: „Облачно со можност за дожд од ќофтиња“, 13-14.01.2012 (петок-сабота), 12.00 часот

2012-01-13T09:30:00.000+01:00

Kино Утро: 13-14.01.2012 (петок-сабота), 12.00 часот

„Облачно со можност за дожд од ќофтиња“

Флинт Локвуд се смета себе си за добар пронаоѓач на изуми, но никој не верува во тоа, ниту пак тој успеал да создаде корисен изум. Кога неговото гратче ќе се наде во економска криза, тој ќе создаде машина која во атмосферата ќе предизвика дожд од храна.

(Cloudy with a Chance of Meatballs)
анимиран филм / 2009 година / 90 минути / колор / 35 mm
САД

Режија и сценарио: Фил Лорд и Крис Милер (Phil Lord, Chris Miller);
Главни улоги: Ана Фарис, Бил Хадер и Брус Кембел (Anna Faris, Bill Hader and Bruce Campbell).

Содржината е достапна под GNU FDL.

Kино Утро: „Алвин и верверичките 2“, 11-12.01.2012 (среда-четврток), 12.00 часот

2012-01-11T09:30:00.000+01:00

Kино Утро: 11-12.01.2012 (среда-четврток), 12.00 часот

„Алвин и верверичките 2“

Познатото трио верверички се враќаат на големиот екран и прикажуваат како се справуваат со притисокот на растењето, пеењето, училиштето. Пред нив се наоѓа и нов предизвикот со нивните противнички, верверичките пејачки, познати под името „Верверки“.

(Alvin and the Chipmunks II)
анимиран филм / 2009 година / 88 минути / колор / 35 mm
САД

Режија: Бети Томас (Betty Thomas);
Сценарио: Џон Вити и Џонатан Аибел (Jon Vitti, Jonathan Aibel);
Главни улоги: Џејсон Ли, Захари Леви и Дејвид Корс (Jason Lee, Zachary Levi and David Cross).

Содржината е достапна под GNU FDL.

Кино Утро: „Мармадјук“, 09-10.01.2012 (понеделник-вторник), 12.00 часот

2012-01-09T00:00:00.000+01:00

Кино Утро: 09-10.01.2012 (понеделник-вторник), 12.00 часот

„Мармадјук“

Фамилија од предградијата во САД решава да се пресели во нов дом заедно со нивното големо куче Мармадјук, кое има способност да привлекува непријатности. Но, Мармадјук набрзо согледува дека животот на новото место со новата фамилија не е лесен за едно големо „тинејџерско“ куче.

(Marmaduke)

игран филм / 2010 година / 87 минути / колор / 35 mm

САД

Режија: Том Деј (Tom Dey);

Сценарио: Тим Расмунсен и Винце Ди Мељо (Tim Rasmussen, Vince Di Meglio);

Главни улоги: Овен Вилсон, Џуди Гриер и Ема Стоун (Owen Wilson, Judy Greer аnd Emma Stone).

Содржината е достапна под GNU FDL.

Филм за една летна авантура „Алпи 2011“, 26.12.2011 (понеделник), 20.00 часот

2011-12-23T19:50:00.004+01:00

Проекции: 26.12.2011 (понеделник), 20.00 часот

Филм за една летна авантура „Алпи 2011“

Премиера на краткометражен филм, во кој ќе биде прикажано искачувањето на Алпите ова лето, со сите згоди и незгоди што им се случиле на членовите на КПС „Македон“.

Влезот е слободен за сите заинтересирани.

Содржината е достапна под GNU FDL.

Македонски кратки документарни филмови: „Метох“ и „Годините го чинат своето“ (Бено Русо и Роза Камхи), 22.12.2011 (четврток), 20.00 часот

2011-12-22T10:00:00.000+01:00

Проекции: 22.12.2011 (четврток), 20.00 часот

„Метох“

Дваесетминутниот документарец е сниман во македонските манастири „Св. Јован Крстител”, познат како Бигорски манастир и во женскиот манастир „Св. Ѓорѓи Победоносец” во Рајчица, покрај Дебар. Терминот „метох“ означува имот во владение на некој манастир, а манастирот во Рајчица, каде е снимен најголем дел од филмот, е метох на бигорскиот манастир. Филмот прикажува дел од секојдневието на македонската монашка заедница и мотивите кои инспирирале некои од нејзините членови да ја донесат одлуката за замонашување. „Метох“ зборува за радоста, едноставноста и за љубовта кон Бога.

документарен филм / 2011 година / 20 минути / колор / Blue Ray
Република Македонија

Режија: Стојан Вујичиќ;
Сценарио: Наташа Бунтеска;
Продуцент: Огнен Антов;
Директор на фотографија: Емил Јовановски.
Езоп продукција
Дрим Фактори продукција

„Годините го чинат своето“ (Бено Русо и Роза Камхи)

Приказна за една љубов, војна, холокауст, но и завештание - Да не се заборави, и како што вели Роза: „И единствено се надевам дека еден ден, кога луѓето ќе поминуваат покрај онаа куќа во Битола каде Бено и јас се сретнавме, и каде Естреја и Жамила и Адела и сите ние правевме планови за нашата иднина, еден ден, луѓето ќе знаат за некои многу храбри млади луѓе од Македонија и за тоа што направивме за нашиот град и за нашиот народ“.

документарен филм / 2011 година / 16 минути / Blue Ray
Република Македонија

Режија: Стојан Вујичиќ;
Сценарио: Едвар Серота;
Продуцент: Огнен Антов;
Глумци: Сабина Ајрула, Емил Рубен.
Дрим Фактори продукција

Содржината е достапна под GNU FDL.

Tркалезна маса и Селекција на македонски аматерски филмови, 21.12.2011 (среда), 12.00 и 20.00 часот

2011-12-21T10:00:00.000+01:00

Проекции: 21.12.2011 (среда), 20.00 часот

12.00 часот

Тркалезна маса за филмската публицистика и филмолошката литература во Македонија

На 21 декември Кинотеката одбележува 30 години од појавата на првата филмолошка книга во Македонија - книгата Филмот и политичкото од Томислав Османли (Млад борец, 1981). По тој повод, со отворена дискусија во форма на Тркалезна маса ќе се проговори за филмската публицистика и состојбите со филмолошката литература кај нас.

20.00 часот

Промоција на книга на Илинденка Петрушева и проекција на селекција на македонски аматерски филмови

Во киносалата на Кинотеката на Македонија ќе се одржи промоцијата на книгата „Време на игри и соништа“ (аматерскиот филм во Македонија од 1935 до 2011 година) на Илинденка Петрушева. Промотори на книгата се проф. д-р Јелена Јужина и проф. д-р Иван Џепаровски.

Својата нова книга Петрушева ќе ја почне со: Најголемата моја лудост од мали нозе беше - филмот! А зависник од аматерскиот филм - од денот кога стапнав во Академскиот киноклуб и кога дома цели денови со Хуан Карлос развивавме (во дозни) 8мм филмски ленти - колор, Фераниа. И потоа монтиравме!

По промоцијата на книгата следи и проекција на селекција на македонски аматерски филмови.

ИЛИНДЕНКА ПЕТРУШЕВА: Филмски критичар, публицист, советник-филмолог. Родена во 1944 година, школување во Скопје и Загреб. Со филмска критика се занимава од почетокот на седумдесеттите години од минатиот век, објавувајќи филмски рецензии и есеи во Филм-фокус, Вечер, Културен живот, Денес, Премин и во други домашни и странски списанија. Таа е еден од иницијаторите за востановување на Фестивалот на филмската камера во Битола. Во 1974 година е еден од основачите на Кинотеката на Македонија.

Содржината е достапна под GNU FDL.

„Сонувачи“ (Dreamers), 18 и 20.12.2011 (недела и вторник), 20.00 часот

2011-11-28T04:01:00.003+01:00

Проекции: 18 и 20.12.2011 (недела и вторник), 20.00 часот

„Сонувачи“

Париз, пролетта 1968 година. Додека големиот број на студенти се придружуват на Мајската револуција, близнаците Тео и Изабела уживат во парискиот боемски живот. Тие се повеќе се здружуваат со скромниот, конзервативен американски студент Метју. За време на едносмесeчното отсуство на родителите на Тео и Изабела, заедно со Метју започнуваат да го откриваат својот интимен живот.

(Dreamers)
игран филм / 2003 година / 115 минути / колор / 35мм.
Велика Британија / Франција / Италија

Режија: Бернардо Бертолучи (Bernardo Bertolucci);
Сценарио: Гилберт Адер (Gilbert Adair);
Главни улоги: Мајкл Пит, Луи Гарел и Ева Грин (Michael Pitt, Louis Garrel, Eva Green).

Содржината е достапна под GNU FDL.

„Кога јагнињата ќе стивнат“ (The Silence Of The Lambs), 16-17.12.2011 (петок и сабота), 20.00 часот

2011-11-28T03:59:00.001+01:00

Проекции: 16-17.12.2011 (петок и сабота), 20.00 часот

Недела на класичен хорор

„Кога јагнињата ќе стивнат“

Психопат познат како Бафало Бил киднапира и убива млади жени во регионот Мидвест. ФБИ ја испраќаат Клариса Старлинг да интервјуира еден луд затвореник кој би можел да помогне во составувањето на психолошкиот профил на убиецот. Затвореникот е поранешен психијатар, д-р Ханибал Лектор, брилијантен крволочен човекојадец кој ќе и` помогне на Старлинг само доколку таа ја храни неговата морбидна љубопитност со детали од својот личен компликуван живот. Ваквиот изопачен однос ја принудува Старлинг да се соочи не само со сопствените психолошки демони, туку и со лудиот грозоморен убиец, олицетворение на злото, толку моќно што таа можеби нема да има храброст, ниту пак сила, да го спречи!

(The silence of the Lambs)
игран филм / 1991 година / 118 минути
САД

Режија: Џонатан Деми (Jonathan Demme);
Сценарио: Томас Харис, Тед Тали (Thomas Harris, Ted Tally);
Улоги: Џоди Фостер, Ентони Хопкинс, Скот Глен, Ентони Хелд (Jodie Foster, Anthony Hopkins, Scott Glenn, Anthony Heald).

Содржината е достапна под GNU FDL.

Недела на класичен хорор: „Кери“, 15.12.2011 (четврток), 20.00 часот

2011-11-28T03:58:00.001+01:00

Проекции: 15.12.2011 (четврток), 20.00 часот

Недела на класичен хорор

„Кери“

Филмот ја раскажува приказната за средношколката Кери (ја игра Сиси Спејсек), која воопшто нема пријатели, а на училиште трпи страшни навреди. Сепак, за матурската забава ја поканува Томи Рос, а една нивна соученичка планира јавно да ја понижи Кери. Подоцна сфаќа дека не треба да се плетка со чудната и осамена средношколка зашто таа има посебни моќи.

(Carrie)
игран филм / 1976 година / 98 минути / колор / 35 мм.
САД

Режија: Брајан Де Палма (Brian De Palma);
Сценарио: Стивен Кинг, Лоренс Д. Коен (Stephen King, Lawrence D. Cohen);
Улоги: Сиси Спејсек, Ејми Ирвинг, Вилијам Кау, Ненси Ален, Џон Траволта, Бети Бакли (Sissy Spacek, Amy Irving, Wilham Kau, Nancy Allen, John Travolta, Betty Buckley).

Содржината е достапна под GNU FDL.

Недела на класичен хорор: „Тајната на напуштената куќа“ (Profondo rosso), 14.12.2011 (среда), 20.00 часот

2011-11-28T03:56:00.003+01:00

Проекции: 14.12.2011 (среда), 20.00 часот

Недела на класичен хорор

„Тајната на напуштената куќа“

Познатата телевизиска личност, гатачката Хелга, една вечер ќе биде пронајдена мртва во својот стан, под сомнителни околности. Британски музичар случајно се вмешува во решавањето на нејзиното убиство, што ќе излезе дека е вистински кошмар. Филмот е едно од најуспешните остварувања на Арџенто, со кое тој достигнува светска слава, а воедно претставува и едно од најзначајните ремек дела на италијанскиот хорор.

(Profondo rosso)
игран филм / 1975 година / 126 минути / колор / 35 мм.
Италија

Режија: Дарио Арџенто (Dario Argento);
Сценарио: Дарио Арџенто, Бернардино Запони (Dario Argento, Bernardino Zapponi);
Улоги: Дејвид Хемингс, Дариа Николоди, Габриеле Лавиа, Мача Мерил, Ерос Пагни (David Hemmings, Daria Nicolodi, Gabriele Lavia, Macha Méril, Eros Pagni).

Содржината е достапна под GNU FDL.

„Ефтини приказни“ (Pulp Fiction), 11.12.2011 (недела), 20.00 часот

2011-11-28T03:56:00.001+01:00

Проекции: 11.12.2011 (недела), 20.00 часот

„Ефтини приказни“

Џулс Винфред и Винсент Вега се двајца платени убијци кои треба да го повратат загубениот куфер на нивниот шеф Мареслус Волас. Винсет Вега по наредба на неговиот шеф треба да ја однесе на вечера неговата жена, Миа Валас. Буч Колиџ е остарен боксер кој добива мито од Марселус Волас да го загуби неговиот последен меч. Животите на овие луѓе ќе се поврзат во една приказна на смешни и бизарни инциденти.

(Pulp Fiction)
игран филм / 1999 година / 154 минути / колор / 35мм
Америка / Франција

Режија: Квентин Тарантино (Quentin Tarantino);
Сценарио: Квентин Тарантино и Роџер Авари (Quentin Tarantino, Roger Avary);
Главни улоги: Џон Траволта, Ума Турман, Самуел Л. Џексон, Тим Рот, Аманда Палмер и Брус Вилис (John Travolta, Uma Thurman, Samuel L. Jackson, Tim Roth, Amanda Plummer, Bruce Willis).

Содржината е достапна под GNU FDL.

„Ефтини приказни“ (Pulp Fiction), 10.12.2011 (сабота), 20.00 часот

2011-11-28T03:55:00.001+01:00

Проекции: 10.12.2011 (сабота), 20.00 часот

„Ефтини приказни“

Џулс Винфред и Винсент Вега се двајца платени убијци кои треба да го повратат загубениот куфер на нивниот шеф Мареслус Волас. Винсет Вега по наредба на неговиот шеф треба да ја однесе на вечера неговата жена, Миа Валас. Буч Колиџ е остарен боксер кој добива мито од Марселус Волас да го загуби неговиот последен меч. Животите на овие луѓе ќе се поврзат во една приказна на смешни и бизарни инциденти.

(Pulp Fiction)
игран филм / 1999 година / 154 минути / колор / 35мм
Америка / Франција

Режија: Квентин Тарантино (Quentin Tarantino);
Сценарио: Квентин Тарантино и Роџер Авари (Quentin Tarantino, Roger Avary);
Главни улоги: Џон Траволта, Ума Турман, Самуел Л. Џексон, Тим Рот, Аманда Палмер и Брус Вилис (John Travolta, Uma Thurman, Samuel L. Jackson, Tim Roth, Amanda Plummer, Bruce Willis).

Содржината е достапна под GNU FDL.

„Триглавски стрмнини“, 09.12.2011 (петок), 20.00 часот

2011-11-28T03:50:00.001+01:00

Проекции: 09.12.2011 (петок), 20.00 часот

Ден на планинарите

„Триглавски стрмнини“
(Triglavske strmine)
1932 година / 50 минути

Режија: Фердо Делак (Ferdo Delak);
Сценарио: Јанез Јален (Janez Jalen);
Главни улоги: Антон Данило Церар, Павла Маринко, Миха Поточник, Милка Бадјура, Урош Зупанчич (Anton Danilo Cerar, Pavla Marinko, Miha Potochnik, Milka Badjura, Urosh Zupanchich).

Содржината е достапна под GNU FDL.

„Приказната за Стрејт“, 07.12.2011 (среда), 20.00 часот

2011-11-28T03:49:00.001+01:00

Проекции: 07.12.2011 (среда), 20.00 часот

Модната ревија „Лудус“ ја претставува новата женска колекција наменета за престојниот зимски и празничен период за годината 2011/2012.

Колекцијата го носи насловот „Мисинг” околу кој е концепциски и формално изградена и нспирирана од женските ликови во филмовите на Дејвид Линч.

Следува проекција на:

„Приказната за Стрејт“

Овој филм е базиран на вистинска приказна за 73 годишниот Алвин Стрејт кој живее мирен и спокоен живот во мало гратче. Кога неговиот брат ќе доживее срцев удар, Стрејт започнува долго патување на својата косилка за да се сретне со него. Тој е решен да го поправи нивниот разнишан братски однос.

(Straight story)
игран филм / 1999 година / 112 минути / колор / 35мм
САД / Франција

Режија: Дејвид Линч (David Lynch);
Сценарио: Џон Роуч и Мери Свини (John Roach, Mary Sweeney);
Главни улоги: Ричард Фарнсворт, Сиси Спејсек, Џејн Галовеј Хејц, Џозеф А. Карпентер и Доналд Вигерт (Richard Farnsworth, Sissy Spacek, Jane Galloway Heitz, Joseph A. Carpenter, Donald Wiegert).

Содржината е достапна под GNU FDL.

„Љиља засекогаш“, 06.12.2011 (вторник), 20.00 часот

2011-11-28T03:46:00.001+01:00

Проекции: 06.12.2011 (вторник), 20.00 часот

„Љиља засекогаш“

Љиља е млада и убава. Живее во Естонија и деновите и' поминуваат во исчекување на подобри времиња. Додека нејзините родители се во САД, таа го запознава младиот Андреј, со кого заминува во Шведска, очекувајќи остварување на своите соништа. Меѓутоа сонот за подобар живот не често има среќна завршница.

(Lilya 4 - Ever)
игран филм / 2002 година / 109 минути / колор
Шведска/Данска, 2002, 109 мин., колор, 35мм)

Сценарио и режија: Лукас Мудисон (Lukas Moodysson);
Главни улоги: Оксана Акиншина, Артиом Богучарски, Павел Пономарјов, Љубов Агапова, Лилја Шинкарјова (Oksana Akinshina, Artyom Bogucharskiy, Pavel Ponomaryov, Lyubov Agapova, Liliya Shinkaryova).

Содржината е достапна под GNU FDL.

„Вишнова градина“, 05.12.2011 (понеделник), 20.00 часот

2011-11-28T03:44:00.001+01:00

Проекции: 05.12.2011 (понеделник), 20.00 часот

МКД премиера

„Вишновата градина“

Една година после падот на Берлинскиот ѕид, по покана на група општински - социјалистички чиновници, Љубов Андреевна доаѓа од Париз на работен состанок во сопствената куќа, која во втората половина од 40-тите години на минатиот век со носењето на контроверзните закони за национализација и колективизација, е претворена во општинска зграда. Во саркастичен амбиент, ригидното општеството преку своите службеници, организира своевиден пречек...

(Cherry Orchard)
краток филм / 2010 година / 20 минути / колор / Beta Digital
Mакедонија / Бугарија / Франција / Србија

Режија и сценарио: Гоце Димовски;
Улоги: Мето Јовановски, Габриела Петрушевска...

Содржината е достапна под GNU FDL.

Денови на романски филм: „Утро“, 04.11.2011 (недела), 20.00 часот

2011-11-28T03:42:00.001+01:00

Проекции: 04.11.2011 (недела), 20.00 часот

Денови на романски филм, 02 - 04.12.2011

„Утро“

Нелу е четириесетгодишен маж кој работи како чувар во локалниот супермаркет во малото гратче Салонта кое се наоѓа на романско-унгарската граница. Нелу е човек кој мирно го поминува животот на својата фарма и ужива во риболовот. Но еден ден тој ќе пронајде еден емигрант од Турција во реката, кој се обидува да ја помине границата. Непознатиот Турчин ќе му понуди пари наредното утро да го пренесе преку граница.

(Morgen)
игран филм / 2010 година / 100 минути / колор / ДВД
Романија

Режија: Маријан Крисан (Marian Crisan);
Сценарио: Маријан Крисан (Marian Crisan);
Главни улоги: Андрас Хатхази, Јилмаз Јалцин и Елвира Римбу (András Hatházi, Yilmaz Yalcin and Elvira Rimbu).

Содржината е достапна под GNU FDL.