Кинотека

Циклус шпански филмови: „Хавана блуз“, 27.05.2012 (недела), 20.00 часот

2012-05-27T10:30:00.000+02:00

Проекции: 27.05.2012 (недела), 20.00 часот

ЦИКЛУС ШПАНСКИ ФИЛМОВИ 25-31 Мај

„Хавана блуз“

Филмот е музичка драма за двајца кубански музичари кои се обидуваат да направат кариера во САД, следејќи ги традициите на музиката на местото од кое потекнуваат. И покрај политичките тензии, тие се горди на своето потекло и својот остров. Но, музичката куќа за која снимаат ќе побара од нив да го компромитираат својот музички интегритет доколку сакаат од нив да направат ѕвезди и да заработат пари. Тука веќе, гордоста не им помага.

(Habana Blues)
игран филм, Шпанија / Куба / Франција
2005 година, 110 минути, колор, 35 мм

режија: Бенито Замбрано (Benito Zambrano);
сценарио: Бенито Замбрано, Ернесто Чао (Benito Zambrano, Ernesto Chao);
улоги: Алберто Јоел, Роберто Сан Мартин, Јаилене Сиера (Alberto Yoel, Roberto San Martin, Yailene Sierra).

Приклучете се на тимот на блогот Кинотека и помогнете во создавање на филмски содржини на Википедија на македонски! Контакт: kinotekamk@gmail.com

Блогот Кинотека е неофицијално огледало на филмската програма на Кинотеката на Македонија и, понекогаш, на некои други филмски настани.

Содржината е достапна под GNU FDL.

Германски детски филмови: „Момо“, 27.05.2012 (недела), 13.00 часот

2012-05-27T09:30:00.000+02:00

Проекции: 27.05.2012 (недела), 13.00 часот

ГЕРМАНСКИ ДЕТСКИ ФИЛМОВИ

„Момо“

Модерна приказна за тоа како да се троши времето, базирана на роман на Михаел Енде, попознат како автор на успешно екранизираната „Бескрајна приказна.“ Во малото мирно место во кое Момо неодамна се доселила, луѓето наеднаш стануваат непријатни, недружељубиви, фокусирани на тоа да заштедат време и пари. Обидувајќи се да сфати зошто сето тоа се случува, Момо открива дека причинители на новото расположение се т.н. Сиви луѓе. Сега Момо се соочува со нов проблем - како да им ја предочи вистината на своите пријатели коишто, меѓудругото, станале и недоверливи. Дали ќе ѝ поверуваат?

(Momo)
игран филм, Германија
1986 година, 101 минути, колор, 35 мм

режија: Јоханес Шааф (Johannes Shaaf);
сценарио: Јоханес Шааф, Роземари Фендел, Марчело Кошча, според роман на Михаел Енде (Johannes Shaaf, Rosemarie Fendel, Marcello Coscia, Michael Ende);
улоги: Радост Бокел, Марио Адорф, Армин Милер-Штал (Radost Bokel, Mario Adorf, Armin Mueller-Stahl).

Содржината е достапна под GNU FDL.

Циклус шпански филмови: „Седум маси за билијард“, 26.05.2012 (сабота), 20.00 часот

2012-05-26T10:30:00.000+02:00

Проекции: 26.05.2012 (сабота), 20.00 часот

ЦИКЛУС ШПАНСКИ ФИЛМОВИ 25-31 Мај

„Седум маси за билијард“

Ангела и нејзиниот син Гиље патуваат во големиот град за да го посетат Лео, таткото на Ангела, за кој разбрале дека е болен. Меѓутоа, кога пристигнуваат во градот Лео е веќе починат, а Чаро, неговата љубовница, им раскажува за маките што стариот ги имал со својот бизнис во последно време. Имено, починатиот зад себе оставил сала со седум маси за билијард и неговото семејство треба да реши дали да ги продаде и со добиените пари да ги плати долговите, или да го заживее бизнисот и да си обезбеди егзистенција.

(Siete mesas de billar francés / Seven French Pull Tables)
игран филм, Шпанија
2007 година, 116 минути, колор, 35 мм

режија: Гарсиа Куерехета (Gracia Querejeta);
сценарио: Давид Планел, Граси Куерехета (David Planell, Gracia Querejeta);
улоги: Марибел Верду, Бланко Портиљо, Хесус Кастехон (Maribel Verdú, Blanco Portillo, Jesús Castejón).

Содржината е достапна под GNU FDL.

Германски детски филмови: „Емил и детективите“, 26.05.2012 (сабота), 13.00 часот

2012-05-26T09:30:00.000+02:00

Проекции: 26.05.2012 (сабота), 13.00 часот

ГЕРМАНСКИ ДЕТСКИ ФИЛМОВИ

„Емил и детективите“

Дванаесетгодишниот Емил патува со воз накај Берлин, во посета на пријателите на татко му. Во возот го ограбуваат и му ги земаат сите заштедени пари. Кога ќе пристигне во Берлин, Емил заедно со банда улични деца предводени од храбрата Пони ќе се обидат да го најдат крадецот чие „работно место“ е во ексклузивниот хотел Адлон, кадешто ги ограбува богатите посетители. Во меѓувреме, Џипси, член на бандата, лажно се претставува како Ерик и го завзема неговoто место на гостин во домот на пријателите на таткото на Ерик.

(Emil und die Detektive / Emil and the Detectives)
игран филм, Германија
2001 година, 111 минути, колор, 35 мм
режија и сценарио: Франциска Бух, според роман на Ерих Кастнер (Franziska Buch, Erich Kästner);
улоги: Тобијас Рецлав, Анја Сомавила, Јирген Вогел (Tobias Retzlaff, Anja Sommavilla, Jürgen Vogel).

Содржината е достапна под GNU FDL.

Циклус шпански филмови: „Патувањето на Карол“, 25.05.2012 (петок), 20.00 часот

2012-05-25T10:30:00.000+02:00

Проекции: 25.05.2012 (петок), 20.00 часот

ЦИКЛУС ШПАНСКИ ФИЛМОВИ 25-31 Мај

„Патувањето на Карол“

Во пролетта 1938 гoдина, во екот на Шпанската граѓанска војна, 12-годишната Карол од Њујорк допатува во Шпанија. Во селото на нејзината мајка таа е несреќна, неподготвена да ги разбере семејните тајни и проблеми, тагува по татко си, и го отфрла новиот непознат свет. Преку пријателството со Мруха, селскиот учител, и Томиче, момче од соседната куќа, таа почнува со поинакви очи да ја гледа средината која сега и е нов дом.

(El viaje de Carol / Carol´s Journey)
игран филм, Шпанија/Португалија
2002 година, 103 минути, колор, 35 мм

режија: Иманол Урибе (Imanol Uribe);
сценарио: Иманол Урибе, Анхел Гарсиа Ролдан, според роман на Ролдан (Imanol Uribe, Ángel García Roldán);
улоги: Клара Лаго, Хуан Јозе Балестра, Алваро де Луна (Clara Lago, Juan José Ballesta, Álvaro de Luna).

Содржината е достапна под GNU FDL.

MaкеДокс реприза: „Арси-верси“ и „Непријатели на народот“, 22.05.2012 (вторник), 20.00 часот

2012-05-22T10:30:00.000+02:00

Проекции: 22.05.2012 (вторник), 20.00 часот

МАКЕДОКС - РЕПРИЗА 17-22 Мај

„Арси-верси“

Филм за животот на една мајка и нејзиниот син Лубос. Лубос бега од светот на луѓето во симбиотичен живот со природата. Тој својата животна енергија комбинирана со неговата неверојатна емпатија ја инвестира во аматерската фотографија. Негова најголема фасцинација се лилјаците. Единствена поддршка од „реалниот“ свет добива од мајка му.

(Arsy Versy)
документарен филм, САД
2009 година, 26 минути, колор, ДВД
режија: Миро Ремо (Miro Remo)

„Непријатели на народот“

Тет Сембат, еден од најдобрите истражувачки новинари во Камбоџа, е во мисија да ја открие вистината за владеењето на Црвените Кмери во седумдесеттите години на минатиот век. Соочен со загубата на сопственото семејство во тој период, ја започнува оваа акција за разоткривање на сторителите на геноцидот во неговата земја, со надеж дека неговата земја конечно ќе може да тргне напред.

(Enemies Of The People)
документарен филм, Велика Британија / Јужна Кореја
2009 година, 94 минути, колор, ДВД
режија: Тет Самбат, Роб Лемкин (Thet Sambath, Rob Lemkin)

Содржината е достапна под GNU FDL.

MaкеДокс реприза: „Бесконечна љубов“ и „Итемба - надеж“, 21.05.2012 (понеделник), 20.00 часот

2012-05-21T10:30:00.000+02:00

Проекции: 21.05.2012 (понеделник), 20.00 часот

МАКЕДОКС - РЕПРИЗА 17-22 Мај

„Бесконечна љубов“

Деведесетгодишните Еба и Торни, кога се сретнале по 60 години од нивната прва љубовна романса, сфатиле дека љубовта никогаш не исчезнала. Прекрасно и нежно опејување на една вечна љубов.

(Endless Love)
документарен филм, Шведска
2010, 14 мин., колор, ДВД
режија: Аса Блан, Јохан Палмгрен (Asa Blanck, Johan Palmgren)

„Итемба - надеж“

Во Зимбабве, група од осум музичари со физички недостатоци, со хумор и со песна се пробиваат во средина каде што многумина ги сметаат за проколнати. Филмот ги следи нивните проби, секојдневни животи и посебни моменти.

(iThemba)
документарен филм, САД
2010 година, 70 минути, колор, ДВД
режија: Елинор Буркет (Elinor Burkett)

Содржината е достапна под GNU FDL.

MaкеДокс реприза: „Жезлото на Геринг“ и „Синема комунисто“, 20.05.2012 (недела), 20.00 часот

2012-05-20T10:30:00.000+02:00

Проекции: 20.05.2012 (недела), 20.00 часот

МАКЕДОКС - РЕПРИЗА 17-22 Мај

„Жезлото на Геринг“

Историски документарен филм за младиот снимател Феликс Форсман, кој во 1942 година ја снимал посетата на Адолф Хитлер на Манерхајм во Германија. По завршувањето на Втората светска војна, овие архивски снимки биле забранети да се прикажуваат цели 65 години.

(Goringin Sauva)
документарен филм, Финска
2010 година, 37 минути, колор, ДВД
режија: Пиа Андел (Pia Andell)

„Синема комунисто“

Филм што го истражува митот кој ја создаде Југославија - нејзиниот претседател Јосип Броз-Тито. „Синема комунисто“ го претставува човекот кој ја режирал таа измислена приказна и начинот на кој таа слика и реалноста се разминувале сè до конечниот колапс - по кој останале само сценографија која гние и филмски инсерти за една земја која веќе не постои.

(Cinema Komunisto)
документарен филм, Србија
2010 година, 100 минути, колор, ДВД
режија: Мила Тураљиќ (Mila Turajlić)

Содржината е достапна под GNU FDL.

Германски детски филмови: „Крокодилите од предградието“, 20.05.2012 (недела), 13.00 часот

2012-05-20T09:30:00.000+02:00

Проекции: 20.05.2012 (недела), 13.00 часот

ГЕРМАНСКИ ДЕТСКИ ФИЛМОВИ

„Крокодилите од предградието“

Десетгодишниот Ханес во обид да се докаже пред своите пријатели од бандата „Крокодили од предградието“ ќе се стави себе си пред смртна опасност, но Каи, момчето во инвалидска количка, ќе му помогне да се спаси. Тој чин би требало да му овозможи на Каи да стане член на бандата, но децата се сомневаат во неговите способности и не сакаат да го примат во својата група. Но ќе се испостави дека Каи е единствениот сведок на една кражба, па „крокодилите“, со негова помош и со својата детска досетливост ќе успеат да ја фатат групата крадци.

(Vorstadtkrokodile / The Crocodiles)
игран филм, Германија
2009 година, 98 минути, колор, 35 мм

режија: Кристијан Дитер (Christian Ditter);
сценарио: Кристијан Дитер, Мартин Риценхоф, според роман на Макс вон дер Грун (Christian Ditter, Martin Ritzenhoff, Max von der Grün);
улоги: Ник Ромео Рајман, Фабијан Халбиг, Леони Тепе (Nick Romeo Reimann, Fabian Halbig, Leonie Tepe).

Содржината е достапна под GNU FDL.

MaкеДокс реприза: „Возот „Д“ “ и „Депонија“, 19.05.2012 (сабота), 20.00 часот

2012-05-19T10:30:00.000+02:00

Проекции: 19.05.2012 (сабота), 20.00 часот

МАКЕДОКС - РЕПРИЗА 17-22 Мај

„Возот „Д“ “

Еден стар човек се присеќава на својот живот којшто брзо одминува.

(The D Train)
документарен филм, САД
2011 година, 5 минути, колор, ДВД
режија: Џеј Розенблат (Jay Rosenblatt)

„Депонија“

Снимен во текот на речиси три години, филмот го следи реномираниот фотограф Вик Муниз во текот на неговата работа на најголемата светска депонија Јардим Грамачо, лоцирана на периферијата на Рио де Жанерио. Преку фотографирањето на катадоресите - самопрогласени собирачи на рециклирачки материјали - Муниз сведочи за трансформирачката моќ на уметноста и алхемијата на човековиот дух.

(Wasteland)
документарен филм, Велика Британија / Бразил
2010 година, 98 минути, колор, ДВД
режија: Луси Вокер (Lucy Walker)

Содржината е достапна под GNU FDL.

Германски детски филмови: „Вики и силните мажи“, 19.05.2012 (сабота), 13.00 часот

2012-05-19T09:30:00.000+02:00

Проекции: 19.05.2012 (сабота), 13.00 часот

ГЕРМАНСКИ ДЕТСКИ ФИЛМОВИ 15-19 Мај

„Вики и силните мажи“

Вики е син на Халвар, селскиот старешина на Викинзите во Флаке. Таткото е силен, голем воин што силата на луѓето ја мери во мускули. Од друга страна, Вики е малечок и плашлив, но итар и снаодлив, кој секогаш му докажува на таткото дека моќта на умот е иста со моќта на физичката сила. Еден ден, Свен Страшниот и неговите пирати го нападнат селото и ќе ги киднапираат сите деца освен Вики. Халвар и другите Викинзи тргнуваат во потрага по нив, и заедно со малиот Вики ќе се обидат и да си ги вратат децата, но и да го најдат скриеното богатство што Свен Страшниот толку налудничаво го бара.

(Wickie und die starken Männer / Vicky the Viking)
игран филм, Германија
2009 година, 85 минути, колор, 35 мм

режија: Михаел Хербиг (Michael Herbig);
сценарио: Михаел Хербиг, Алфонс Бидерман, според роман на Рунер Јонсон (Michael Herbig, Alfons Biedermann, Runer Jonsson);
улоги: (Jonas Hämmerle, Waldemar Kobus, Günther Kaufmann).

Содржината е достапна под GNU FDL.

MaкеДокс реприза: „Темнина на денот“ и „Катка“, 18.05.2012 (петок), 20.00 часот

2012-05-18T10:30:00.000+02:00

Проекции: 18.05.2012 (петок), 20.00 часот

МАКЕДОКС - РЕПРИЗА 17-22 Мај

„Темнина на денот“

„Темнината на денот“ претставува длабоко истражување на феноменот на самоубиството како табу. Филмот е составен од пронајдени филмови коишто биле отфрлени.

(The Darkness of Day)
документарен филм, САД
2009 година, 26 минути, колор, ДВД
режија: Џеј Розенблат (Jay Rosenblatt)

„Катка“

Катка е долгогодишна наркоманка, која си посакува животот да ѝ се смени на подобро и да живее колку што може понормално. Филмот ја следи нејзината 14-годишна борба со дрогата. Сведоци сме на внатрешната борба кај оваа млада жена и надежта за среќен крај на нејзината животна приказна.

(Katka)
документарен филм, Република Чешка
2010 година, 90 минути, колор, ДВД
режија: Хелена Трештикова (Helena Třeštíková)

Содржината е достапна под GNU FDL.

Германски детски филмови: „Глупавото капче“, 18.05.2012 (петок), 13.00 часот

2012-05-18T09:30:00.000+02:00

Проекции: 18.05.2012 (петок), 13.00 часот

ГЕРМАНСКИ ДЕТСКИ ФИЛМОВИ 15-19 Мај

„Глупавото капче“

Малечкиот и интелигентен Мартин се сели заедно со семејството и мора да го промени училиштето. Тука се судрува со непозната средина, со насилниот Оливер и со неговата пријателка Силке во која Мартин тајно се вљубува. Оливер е мошне збунето и насилно момче, син на алкохоличар, но и ривал на 13-годишниот Мартин за љубовта на Силке. Кога ќе го фатат Оливер како пуши цигари на училиште, Мартин ја преземe вината за инцидентот и ќе добие опомена пред исклучување од училиште. Кога Оливер ќе побегне од дома, прибежиште ќе најде кај Мартин.

(Blöde Mütze! / Silly's sweet summer)
игран филм, Германија
2007 година, 90 минути, колор, 35 мм

режија: Јоханес Шмид (Johannes Schmid);
сценарио: Јоханес Шмид, Михаел Демут, Томас Шмид (Johannes Scmid, Michael Demuth, Thomas Schmid);
улоги: Јохан Хилман, Конрад Бауман, Леа Ајслеб (Johann Hillmann, Konrad Baumann, Lea Eisleb).

Содржината е достапна под GNU FDL.

MaкеДокс реприза: „Хозе и Пилар“, 17.05.2012 (четврток), 20.00 часот

2012-05-17T10:30:00.000+02:00

Проекции: 17.05.2012 (четврток), 20.00 часот

МАКЕДОКС - РЕПРИЗА 17-22 Мај

„Хозе и Пилар“

Филм за португалскиот добитник на Нобеловата награда за литература, Хозе Сарамаго, преполн со моменти на нежност и песимистички рефлексии на писателот, противотров на глобалната преголема доза на проза. Документарен филм за многу уникатна љубов, споменик во чест на еден писател, брилијантен човек кој знае дека времето истекува, а сепак... заминувањето од овој свет за него не е прифатлива опција.

(Jose & Pilar)
документарен филм, Португалија
2010 година, 125 минути, колор, ДВД
режија: Мигуел Гонсалве Мендес (Miguel Gonçalve Mendes)

Содржината е достапна под GNU FDL.

Германски детски филмови: „Момо“, 17.05.2012 (четврток), 13.00 часот

2012-05-17T09:30:00.000+02:00

Проекции: 17.05.2012 (четврток), 13.00 часот

ГЕРМАНСКИ ДЕТСКИ ФИЛМОВИ 15-19 Мај

„Момо“

Модерна приказна за тоа како да се троши времето, базирана на роман на Михаел Енде, попознат како автор на успешно екранизираната „Бескрајна приказна.“ Во малото мирно место во кое Момо неодамна се доселила, луѓето наеднаш стануваат непријатни, недружељубиви, фокусирани на тоа да заштедат време и пари. Обидувајќи се да сфати зошто сето тоа се случува, Момо открива дека причинители на новото расположение се т.н. Сиви луѓе. Сега Момо се соочува со нов проблем - како да им ја предочи вистината на своите пријатели коишто, меѓудругото, станале и недоверливи. Дали ќе ѝ поверуваат?

(Momo)
игран филм, Германија
1986 година, 101 минути, колор, 35 мм

Содржината е достапна под GNU FDL.

Германски детски филмови: „Емил и детективите“, 16.05.2012 (среда), 13.00 часот

2012-05-16T10:30:00.000+02:00

Проекции: 16.05.2012 (среда), 13.00 часот

ГЕРМАНСКИ ДЕТСКИ ФИЛМОВИ 15-19 Мај

„Емил и детективите“

Дванаесетгодишниот Емил патува со воз накај Берлин, во посета на пријателите на татко му. Во возот го ограбуваат и му ги земаат сите заштедени пари. Кога ќе пристигне во Берлин, Емил заедно со банда улични деца предводени од храбрата Пони ќе се обидат да го најдат крадецот чие „работно место“ е во ексклузивниот хотел Адлон, кадешто ги ограбува богатите посетители. Во меѓувреме, Џипси, член на бандата, лажно се претставува како Ерик и го завзема неговoто место на гостин во домот на пријателите на таткото на Ерик.

(Emil und die Detektive / Emil and the Detectives)
игран филм, Германија
2001 година, 111 минути, колор, 35 мм
режија и сценарио: Франциска Бух, според роман на Ерих Кастнер (Franziska Buch, Erich Kästner);
улоги: Тобијас Рецлав, Анја Сомавила, Јирген Вогел (Tobias Retzlaff, Anja Sommavilla, Jürgen Vogel).

Содржината е достапна под GNU FDL.

„Малиот љубовен Бог“, 15.05.2012 (вторник), 20.00 часот

2012-05-15T10:30:00.000+02:00

Проекции: 15.05.2012 (вторник), 20.00 часот

„Малиот љубовен Бог“

Никола е Македонец оженет за Нина, Црногорка. Мајката на Нина е тешко болна, пред умирање, но никој од семејството не се осмелува да ѝ го каже тоа во лице. Никола не се согласува со ваквиот однос, но неговата сопруга одбива да го разбере. Набргу таа исчезнува, а Никола, како странски државјанин, е под полициско сомневање дека е одговорен за нејзиното исчезнување.

(Мали љубавни бог / The Little Love God)
игран филм, Црна Гора / Република Македонија / Словенија
2011 година, 90 минути, колор, 35 мм

режија и сценарио: Жељко Сошиќ
улоги: Никола Ристановски, Светлана Бојковиќ, Ксенија Џаферовиќ, Бранимир Поповиќ, Милан Гутовиќ-Лане.

Содржината е достапна под GNU FDL.

Германски детски филмови: „Крокодилите од предградието“, 15.05.2012 (вторник), 13.00 часот

2012-05-15T09:30:00.000+02:00

Проекции: 15.05.2012 (вторник), 13.00 часот

ГЕРМАНСКИ ДЕТСКИ ФИЛМОВИ 15-19 Мај

„Крокодилите од предградието“

Десетгодишниот Ханес во обид да се докаже пред своите пријатели од бандата „Крокодили од предградието“ ќе се стави себе си пред смртна опасност, но Каи, момчето во инвалидска количка, ќе му помогне да се спаси. Тој чин би требало да му овозможи на Каи да стане член на бандата, но децата се сомневаат во неговите способности и не сакаат да го примат во својата група. Но ќе се испостави дека Каи е единствениот сведок на една кражба, па „крокодилите“, со негова помош и со својата детска досетливост ќе успеат да ја фатат групата крадци.

(Vorstadtkrokodile / The Crocodiles)
игран филм, Германија
2009 година, 98 минути, колор, 35 мм

режија: Кристијан Дитер (Christian Ditter);
сценарио: Кристијан Дитер, Мартин Риценхоф, според роман на Макс вон дер Грун (Christian Ditter, Martin Ritzenhoff, Max von der Grün);
улоги: Ник Ромео Рајман, Фабијан Халбиг, Леони Тепе (Nick Romeo Reimann, Fabian Halbig, Leonie Tepe).

Содржината е достапна под GNU FDL.

„Исправи се, Делфина“, 14.05.2012 (понеделник), 20.00 часот

2012-05-14T10:30:00.000+02:00

Проекции: 14.05.2012 (понеделник), 20.00 часот

80 ГОДИНИ ОД РАЃАЊЕТО НА ДАРКО ДАМЕСКИ

„Исправи се, Делфина“

Младата и надежна пливачка Делфина се обидува да да истрае во совладувањето на водите од каналот Ла Манш. Со тоа, се надева, ќе успее да си ја врати самодовербата, желбата за нормално живеење и самопочитта. Во бродот што ја придружува, покрај судиите, се нејзиниот тренер Атанас и пријателот Петко - единствените луѓе што вистински ја сакаат и кои настојуваат да ѝ помогнат во остварувањето на подвигот. Додека плива во разбранетото море, Делфина се присеќава на блиското минато, на несреќната љубов и сето она што ја натерало за малку да се откаже од својата пливачка кариера.

игран филм, Република Македонија
1977 година, 101 минута, колор, 35 мм
режија и сценарио: Александар Ѓурчинов
улоги: Неда Арнериќ, Диме Илиев, Слободан Димитриевиќ, Дарко Дамевски, Столе Аранѓеловиќ

Содржината е достапна под GNU FDL.

„Јад“, 13.05.2012 (недела), 20.00 часот

2012-05-13T10:30:00.000+02:00

Проекции: 13.05.2012 (недела), 20.00 часот

80 ГОДИНИ ОД РАЃАЊЕТО НА ДАРКО ДАМЕСКИ

„Јад“

Семејна и историска драма што се случува во Охрид, во 11 век, во време на појавата на богомилското движење и на присилната христијанизација на словенското население кое сеуште практикува пагански ритуали, од страна на византиската црква. Старешината Аврам долго време посакува да добие наследник, а молбите, упатени и до словенските богови и до христијанскиот Бог, ќе му донесат не еден, ами два сина. Еден вонбрачен и едн од неговата сопруга. Судбината ќе се поигра со нивните животи и ќе реши кој од нив двајцата ќе му стане наследник на Аврама.

игран филм, Република Македонија
1975 година, 119 минути, колор, 35 мм
режија и сценарио: Кирил Ценевски
улоги: Сабина Ајрула-Тозија, Олег Видов, Нада Гешовска, Дарко Дамевски, Марга Потоцка

Содржината е достапна под GNU FDL.

„Лифт горе, лифт долу" и „Под исто небо", 11.05.2012 (петок), 20.00 часот

2012-05-12T10:30:00.000+02:00

Проекции: 12.05.2012 (сабота), 20.00 часот

80 ГОДИНИ ОД РАЃАЊЕТО НА ДАРКО ДАМЕСКИ

„Лифт горе, лифт долу"

Група деца наоѓаат простор за игра помеѓу недоизградени станбени куќи и цигланата, градејќи свој свет во неисцрпните можности што ги нуди нивната фантазија. Нивната игра, радоста и смеата, му пречат на чуварот на градилиштето, а тоа значи и крај на играта.

краток игран филм, Република Македонија
1967 година, 14 минути, црно-бел, 35 мм
режија: Душан Наумовски
сценарио: Ташко Георгиевски
улоги: Дарко Дамевски, Лилјана Георгиевска

„Под исто небо"

По капитулацијата на Италија во западниот дел на Македонија, власта ја преземаат балистите. Подготвувајќи се да го нападнат градот, партизаните испраќаат тројца борци кои со помали акции би го свртеле вниманието на балистите од вистинската акција. Но при една таква средба, убиен е братот на Мифтар, водачот на балистите. Овој случаен, непланиран инцидент, наеднаш ќе стане катализатор на основната драмска акција. Мифтар, барајќи одмазда, ги претресува сите куќи за да ги најде партизаните и да ги казни тие што им помагаат да се сокријат.

игран филм, Република Македонија
1964 година, 77 минути, црно-бел, 35 мм
режија: Љубиша Георгиевски
сценарио: Јован Бошковски
улоги: Нада Гешовска, Дарко Дамевски, Весна Краина, Јован Милиќевиќ, Драган Оцокољиќ

Содржината е достапна под GNU FDL.

„Солунски атентатори", 11.05.2012 (петок), 20.00 часот

2012-05-11T10:30:00.000+02:00

Проекции: 11.05.2012 (петок), 20.00 часот

80 ГОДИНИ ОД РАЃАЊЕТО НА ДАРКО ДАМЕСКИ

„Солунски атентатори"

За да го привлечат вниманието на светската јавност кон Македонија и нејзината ропска положба во рамките на Османлиското царство, гемиџиите, група македонски анархосоцијалисти, синови на богати трговци кои се под влијание на руската нихилистичка литeратура и идеите на женевските анархисти, подготвуваат напади на објекти во Солун што ќе ги извршат во април 1903 гoдина. За ден на нападите е одбрана ноќта на карневалските свечености кога во објектите одбрани за акција нема луѓе. Подготовките се вршат во голема тајност, но власта сепак претпоставува одредени тероростички напади...

игран филм, Република Македонија
1961 година, 103 минути, црно-бел, 35 мм
режија: Живорад Митровиќ - Жика
сценарио: Јован Бошковски
улоги: Истреф Беголи, Александар Гавриќ, Дарко Дамевски, Јоаким Мок, Драган Оцокољиќ

Содржината е достапна под GNU FDL.

„Споменик" и „Црно семе", 80 години од раѓањето на Дарко Дамевски, 10.05.2012 (четврток), 20.00 часот

2012-05-10T11:31:00.002+02:00

Проекции: 10.05.2012 (четврток), 20.00 часот

80 ГОДИНИ ОД РАЃАЊЕТО НА ДАРКО ДАМЕСКИ

„Споменик"

Приказна за еден човек, кој присвојува туѓи знаења и достигнувања и си подигнува самиот себеси споменик во чија оправданост и неопходност верува. Телоп: „Внимание. За оние што не присуствуваа утре пак ќе се откријам“.

краток игран филм, Република Македонија
1968 година, 9 минути, црно-бел, 35 мм
режија: Вељо Личеноски
сценарио: Бошко Смаќоски
улоги: Дарко Дамевски

„Црно семе"

За време на Граѓанската војна во Грција, 1946 година, припадници на кралската грчка војска, во чиј состав влегуваат и Македонците од Егејска Македонија, под обвинение дека се комунисти и непријатели на кралска Грција, се казнуваат со упатување во логор на пуст остров. Репресалиите се секојдневни, со постојани измачувања, тепања и стрелања на секого што, на каков било начин ќе пружи отпор или ќе покаже непослушност. Неможејќи да ги поднесат понижувањата, затворениците се дигаат на бунт.

За улогата на Андон, Дамевски во 1971 г. ја доби „Златната арена“ за најдобра машка улога на Филмскиот фестивал во Пула, а следната, 1972 г., ја доби републичата награда „11 Октомври“.

игран филм, Република Македонија
1971 година, 89 минути, колор, 35 мм
режија: Кирил Ценевски
сценарио: Ташко Георгиевски, Кирил Ценевски
улоги: Павле Вуисиќ, Дарко Дамевски, Мите Грозданов, Ацо Јовановски, Воја Мириќ, Ристо Шишков

Содржината е достапна под GNU FDL.

„Неговата девојка Петко“, ревија на слободни филмови, 09.05.2012 (среда), 20.00 часот

2012-05-09T10:30:00.000+02:00

Проекции: 09.05.2012 (среда), 20.00 часот

Слободни филмови во Кинотека на Македонија, по повод 10 години од формирањето на Слободен софтвер Македонија (04-09 мај 2012)

Изложба на најпопуларниот експеримент лед коцка, од скопскиот хаклаб КИКА, Слободен софтвер Македонија

Влезот е бесплатен.

Повеќе информации на: http://slobodensoftver.org.mk/slobodnifilmovi/

„Неговата девојка Петко“

Волтер Барнс е уредник во дневен весник. Кога неговата поранешна жена и популарна новинарка, ќе му каже дека планира повторно да се омажи, тој го користи секој трик за да му создаде неволји на нејзиниот свршеник и да ја спречи венчавката.

Филмот „Неговата девојка Петко“ (His Girl Friday) е филм кој од 1968 година е во јавен домејн, бидејќи неговите авторски права се истечени и истите не се обновени. Сега е дел од слободното културно наследство.

(His Girl Friday)
Игран филм, САД
1940 година, 92 минути, црно-бел, ДВД
Режија: Хауард Хокс (Howard, Hawks);
Сценарио: Чарлс Ледерер (Charles Lederer), според драмата на Бен Хект (Ben Hecht);
Улоги: Кери Грант, Розалинд Расел, Ралф Белами (Cary Grant, Rosalind Russell, Ralph Bellamy).

Содржината е достапна под GNU FDL.

„Зрно песок“, ревија на слободни филмови, 08.05.2012 (вторник), 20.00 часот

2012-05-08T10:30:00.000+02:00

Проекции: 08.05.2012 (вторник), 20.00 часот

Слободни филмови во Кинотека на Македонија, по повод 10 години од формирањето на Слободен софтвер Македонија (04-09 мај 2012)

Изложба на најпопуларниот експеримент лед коцка, од скопскиот хаклаб КИКА, Слободен софтвер Македонија

Влезот е бесплатен.

Повеќе информации на: http://slobodensoftver.org.mk/slobodnifilmovi/

„Зрно песок“

Брендон Гримшо е државјанин на Велика Британија, кој порано бил уредник на некои од најважните весници во Африка. Но, во 1972 година се откажува од дотогашниот живот, го купува островот Мојен (Moyenne) за 10.000 фунти и оди да живее таму. Брендон и неговиот пријател Рене Лафортуне живеат на островот веќе 36 години, имаат засадено 16.000 дрва, направиле природни патеки долги околу 4,8 километри и одгледуваат 109 големи земни желки, претворајќи го островот во природна убавина која денес вреди 34 милиони евра. Гледајќи го филмот откријте зошто Брендон, сега веќе 82-годишен старец, се плаши дека островот сепак ќе биде уништен.

Филмот „Зрно песок“ (A Grain Of Sand) е издаден под лиценцата Creative-Commons-Attribution-NonCommercial-NoDerivs 3.0 Unported, што овозможува негово слободно прикажување доколку биде наведен авторот на филмот.

(A Grain Of Sand)
Документарен филм, САД/Шпанија
2009 година, 83 минути, колор, ДВД
Режија: Џозеф Ричард Џонсон Ками (Joseph Richard Johnson Camí);
Улоги: Брендон Гримшо, сопственик на островот Мојен (Moyenne), Џејмс Мишел, претседател на Република Сејшели, Џоел Морган, министер за животна околина (Brendon Grimshaw, James Michelle, Joel Morgan).

Содржината е достапна под GNU FDL.