கிராமத்து காக்கை

சச்சின் ஒரு சகாப்தம்

2013-11-17T12:50:00.002+05:30

சச்சின் இந்த பெயரை இந்த பெயரை எல்லா இந்திய மக்களுக்கும் பிடித்த பெயர் இந்தியர்கள் அனைவரும் இந்த பெயரை ஒரு தடவையாவது தங்கள் வாழ்நாளில சொல்லமா இருந்திக்க மாட்டாங்க!

கிராமத்துல ஆடு மாடு மெய்த்த எங்களை போன்ற பலரை மட்டையை தூக்கி கிரிக்கெட் ஆட வைத்தது சச்சின் தான் மொத்த இந்தியர்களையும் கிரிக்கெட் பற்றி பேச வைத்தது........ டோனி உட்பட பல இளைஞர்களின் கனவு நாயகனா சச்சின் இருந்தது அவரது தொடர்ந்து சிறப்பாக ஆடிய திறமையும் அவரி்ன் பண்பும் தான் கிரி்க்கெட் கடவுள் என அனைத்து மக்களாலும் கொண்டாடப்படுகிறார்.

நேற்று டிவி அவர் கடைசி உரையை பார்த்து கொண்டு இருக்கும் பொழுது என் அம்மா இவரு இதுக்கு மேல விளையாட மாட்டார ரொம்ப நாளா விளையாட்டிகிட்டு இருந்தாரே.... என் போயிருராரு என்று சச்சினின் எந்த சாதானையும் அறியாத சமான்ய மக்களுக்கு கூட சச்சினை பிடிக்கிறது........ பல இளைஞர்களின் ரோல் மாடல் சச்சின் அவருக்கு தெரிந்தது எல்லாம் கிரிக்கெட் கிரிக்கெட் தான். எவ்வளவு ஏற்றம் இறக்கம் வந்தாலும் மீண்டும் மீண்டும் அவரை நீருபிப்பார் அவரின் திறமை அத்தகைய திறமை பலரை வியக்க செய்தது பலருக்கு பாடமாகவும் இருந்தது....

மைதானத்தில் தலை சிறந்த பவுலர்களையொல்லாம் தலைதெரிக்க ஓட வைத்தவர் மைதானத்தில் எந்தவொரு நேரத்திலும் அதிகப்பாடியான கோபமோ. தரக்குறைவான வார்த்தைகளோ. சண்டையோ அவர் போட்டதாக எந்த

ஒரு செய்திதளிலும் வந்ததே கிடையாது.... பல நாட்டு விளையாட்டு வீரர்களுக்கு இவர் ஒரு ரோல் மாடல். முன்னோடி என வெஸ்ட் இண்டீஸ் வீரா் லாரா அதிகப்பாடியாக இவரை புழ்ந்துள்ளார்.... முறைப்பாக விளையாடி வரும் விளையாட்டு வீரரையும் தன் நண்பர்களாக்கிய குணம் சச்சின் உயர்ந்த பண்பு..

பல பத்திரிக்கையாளர்கள். விமர்சர்கள் என பல வித கேள்வி எழுப்பினாலும் அவர்களுக்கு தன் திறமையான ஆட்டத்தின் மூலமாகவே பதில் கூறினார் எந்த கட்டத்திலும் யாரையும் புண் படுத்து மாதிரி கருத்துக்கள் கூட கூறியது கிடையாது.....

8வது படிக்கும் போது சென்னையில ஆஸ்திரேலியா கூட டெஸ்ட் போட்டி ரேடியவுல தமிழ் வர்ணனை மதியம் சப்பாடு டைம்ல பள்ளி பக்கதுல இருக்கிற நண்பர் வீட்டுக்கு 6 நண்பர்கள் சேர்ந்து வர்ணனை கேட்க போனாம் கடைசி நாள் இந்திய ஜெயிக்கும் தருவாய் சச்சின் 120 ரன்களுக்கு மேல் அந்த மேச்சில் பள்ளி கூட மணி அடிச்சாச்சு இருந்தாலும் ஜெயிக்கிறத கேட்டுவிட்டு தான் போனோம் என முடிவாக இருந்தோம் 17 ரன்கள் மட்டும் தான் எடுக்குனோம் சச்சின் வார்னே பந்தில் அவுட் 6 விக்கெட் தான் போயிருந்தது அத்தனைபேரும் அடுத்தது அவுட் 5 ரன்னில் இந்தியா தோற்றது.... பள்ளிக்கு போனால் எங்க சுத்திடு வரிங்க போய் முட்டி பொடுங்கன்னு ஒரு மணி நேரம் முட்டி அது கூட பெரிச தோனல .ஜெயிக்க வேண்டிய மேட்ச் தோற்றுவிட்டதே என சச்சினுக்காக தான் கவலைபட வேண்டி இருந்தது..... இது போல பல தருணங்கள் பலபேர் சச்சினுக்காக கவலைபட்டிருக்கிறார்கள் அவருடைய ஊழைப்பு சிறப்பாக அணியின் ஸ்கோரை தனி ஆளாக பல ஆட்டங்களில் உயர்தி வருவர் சச்சின் அவுட் என்றால் அவ்வுளவுதான் இந்திய ஆட்டம் பார்கக வேண்டியதே யில்லை என பல நேரத்தில் இருந்து இருக்கிறது.

எப்பவும் ஜெயிக்கிற அணியில் உள்ள வீரருக்கு தான் மேன் ஆப் மேட்ச் கொடுக்கப்பாங்க ஆன அதை மாற்றி எழுதியர் சச்சின் தான் இந்தியா தோற்ற பல ஆட்டங்களிலும் மேன் ஆப்மேட்ச பட்டம் வென்றார் ஆனால் அதை வேண்ட வெறுப்பாக போய் வாங்கி வரும் சச்சின் சச்சின் தான் என்று தோன்ற வைக்கும் 2 ஆண்டுகளுக்கு முன் ஆஸ்திரேலியா கூட மேட்ச் 359 ரன் 140க்கு ரன் மேல் எடுத்து ஆடிவந்த சச்சின் 330 ரன்னில் அவுட் மற்ற வீரர்களும் அடுத்த அவுட் இந்திய அணி தோல்வி மேன் ஆப் மேட்ச் சச்சின் கண்ணிருடனும் கவலையுடனும் தோற்றுவிட்டோம் என கூறிய சச்சின் நாட்டுக்காக அவரின் அற்பணிப்பிற்காகவே அவருக்காக பல இதயங்கள் வருத்தப்பட்டது...

அனைவரையும் பல குழந்தைகள் சச்சின் போல் வருவேன் என கூறிக்கொள்ளும் சச்சின் உண்மையாகவே குழந்தை குணம் கொண்டவர்தான்......... சச்சின் என்ற வார்த்தை பலருக்கு வழிகாட்டி பலருக்ககு தன்னம்பிக்கை. ஏதே ஒரு விதத்தில் சச்சினால் ஈர்க்கப்பட்ட ஒவ்வொரு ரசிகனும் சச்சினை கண்ணீரால் விடை அனுப்பினார்கள்........... சச்சின் ஒரு சகாப்தம்

பதிவர்கள் சந்திப்பு - ஒரு சிறப்பு பார்வை

2013-09-02T12:27:00.002+05:30

இந்த ஆண்டு வலைப்பதிவர்கள் சந்திப்பு சீரும் சிறப்புமாக நடத்தேறியது. வலையில் எழுதுவது மட்டுமே தம் பணி என்று இல்லாமல் புத்தக வெளியீடு குறும் படம் என் இந்த வருடம் அசத்தலாக நிகழ்ந்துள்ளது அனைத்து ஏற்பாடுகளையும் நமது ஏற்பாட்டாளர்கள் குழு அருமையாக நிகழ்ந்தியுள்ளது.

கடந்த ஆண்டு போலவே இந்த ஆண்டும் நிகழ்ச்சிகளை தொகுத்து வழங்கிய சுரேக்கா. மதுமதி அவர்களின் பணியும் பாராட்ட தாக்கவையே.

நமது வலை எழுத்தாளர்களான சேட்டைக்காரன். சங்கவி. வீடு திரும்பல் மோகன்குமார். சுரேக்கா. யாமிதாஷா இவர்களது 5 புத்தகங்கள் வெளியீடு ஒரு அருமையான நிகழ்வு

அனைவரின் பாராட்டையும் கவனத்தையும் பெற்ற மதுமதியின் 90டிகிரி குறும்படம் அருமை சமூகத்திற்கு தேவையான ஒரு அற்புத படைப்பு

வெளியூர்களில் இருந்து பல சிரமங்களிடையே வந்த நம் பதிவர்கள் பாராட்டுக்குரியவர்களே.....

சிறந்த முறையில் உணவுகள் ஏற்பாடு செய்யபட்டு இருந்தது

அண்ணன் ஜாக்கியுடன் நான்

தமிழ்வாசி பிரகாஷ் உடன் நான்

கடந்த ஆண்டை விட இந்த ஆண்டு வலைத்எழுத்தாளர்களின் வளர்ச்சி முன்னோக்கி சொல்கிறது அனைவரும் கவனிக்க பட வேண்டியவர்களாக மாறி வருவது ஒரு சிறப்பான முன்னேற்றமே அது மேலும் தொடரும் என்றும் நாம் அனைவரும் நம்புபோம்...........

தடுமாறும் ஆயாக்கள்

2013-08-31T16:37:00.000+05:30

கடந்த இரண்டு வாரமாக அந்த ஆயா நினைப்பு தான் வரவே காணோம் என்ன ஆயிருக்கும் ஒரு வேளை இப்படியே அப்படியே ஆயிருக்குமோ என மனதில குடைந்து கொண்டு இருந்தது மூன்று வருடமாக தெரியும் வாரத்தில் ஒரு நாள் கண்டிபாக வரும் ஆயா இரண்டு வாரமா காணோம் அதை எங்குன்னு போய் தேட முடியும் இந்த பாட்டி தனது பிள்ளைகளால் புறக்கணிக்கப்பட்டு நாடோடி வாழ்கை முறைதான் ஒரு வழியா நேற்று பொறுமையாக நொண்டி நொண்டி வருது என்ன ஆயா என்னாச்சு இல்லாய்யா விழுந்துட்டான்னு கால்ல பாருன்னு அடிபட்ட இடத்தை காண்பிக்குது இதனால உடம்பு சரியில்லை எழுதிருக்கவே முடியலை சேறு தண்ணி இல்லாம கஷ்டபட்ட ய்யா என்று சொன்னார். வரும்பொழுது எல்லாம் எங்கள் கடையில் உள்ள எல்லாரையும் விசாரிப்பார். அரக்கோணத்துல கோவில்களில் தான் தாங்குவராம் அங்கிருந்து ரெயில் தான் வருவாராம்....

அதிகப்படியான இந்த முதியவர்கள் வெள்ளிக்கிழமைகளில் தான் கடை கடையாக பிச்சையேந்தி வருகிறார்கள். ஒரு நாளைக்கு 10. - 15 கிலோ மீட்டர் நடந்து 400-500 கடைகளில் ஏறி இறங்கி இவர்களுக்கு கிடைக்கும் 100 (அ) 150 ல் தான் தினசரி உணவு.... ஒவ்வொரு நாளும் போராட்டமே இவர்களது வாழ்கை. ஊனமுற்றோர் நிலைமை இன்னும் மோசமானது. எல்லாருமே ஒரு கால கட்டத்தில் நன்றாக வாழ்ந்து கெட்டவர்கள் இவர்கள் ஒவ்வொருவரின் பின்னாலும் ஆயிரமாயிரம் கதைகள் கஷ்டங்கள் தம் பெற்ற பிள்ளைகளால் புறக்கணிக்கப்பட்டு சாப்பாட்டிற்கு இப்படி தெருத்தெருவாக அலைகிறார்கள். நாளுக்கு நாள் அதிகரித்து வரும் இந்த முதியவர்களின் இன்னலுக்கு பின்னால் வளர்ந்து வரும் தனி மனித சுயநலமும் ஒரு முக்கிய காரணம் தான்....

தன் சக மனிதன் ஒரு வேலை உணவு கூட இல்லாமல் பரதேசியாக அலைகிற இந்த சமூகத்தில் தினமும் நாம் ஒவ்வொருவரும் ஏதே ஒரு வீண் செலவுகள் செய்து கொண்டுதான் இருக்கிறோம். இவர்களின் நிலைமை இப்படி இருக்கா கையில் குழந்தைகளுடன் வரும் பெண்கள் தான் இப்போது இன்னும் அதிகம் தினசரி வருகிறார்கள் பெரும்பாலும் ஆந்திர மாநில பெண்கள் தான் கையில் வைத்திருக்கும் அந்த குழந்தையின் நிலைதான் ரொம்ப பரிதாபம்.....

இருப்பவர்களை அதிகப்படியாக கொண்டாடப்படுவதும். இல்லாதவர்களை கீழே தள்ளி மிதிப்பதும் நமது சமூகத்தில் தான் சாதாரணமாக நிகழ்கிறது...

சமீபத்தில் படித்த எஸ். ராவின் வாரிகள் உலகின் மிகப்பெரிய தண்டனை புறக்கணிப்புதான். அதை போன்ற வலி வேறில்லை. நம்மை அறியாமலே நாம் எவ்வளவோ விஷயங்களை புறக்கணிக்கிறோம் நாம் கண்டு கொள்ளாமல் போனதால் காலப்போக்கில் அவை அடையாளங்களற்று போகின்றன. அவை மனிர்களாக இருகட்டும் அல்லத அவர்களின் திறமையாக இருக்கட்டும் இரண்டுமே காலப்போக்கில் அங்கீகரிக்க படாமல் காணமால் போகின்றன தெருவில் படம் வரையும் ஓவியன். ரயிலில் பாட்டு பாடும் பாடகன். வேசமிட்டு வரும் வேசாந்திரி இவர்களில் யாரையுமே நாம் பாராட்டியது இல்லை.

தடுமாறும் முதுமை தடம் மாறும் சமுதாயம்

காணாமல் போன கிராமத்தின் நிழல்கள்.....

2013-08-01T10:50:00.000+05:30

மண் சாலையில் பயணித்தும் விளையாடியும் வளர்ந்த கால்கள்

இன்று சிமெண்ட் சாலையாக இருந்தும் ஏனோ

அதில் செல்ல மனிதர்கள் தான் இல்லை.....

நாங்கள் பந்தடித்து வளர்ந்த இந்த தெருவில் பல பெரிசுகளின்

ஏச்சுகளும் பேச்சுகளும் தான் அதிகம்

ஏனே இன்று அந்த பெரிசுகளும் இல்லை

யாருமற்று கிடக்கிறது இந்த சாலை..........

மாலை நேரத்தில் கை பம்பில் தண்ணீர் கொண்டு வர

சொல்லும் பெண்களுக்கு எங்களின் பந்தடிகள் பழகிய ஒன்று

அதில் புத்துார் கட்டும் ஒன்றிரண்டு.......

இன்று பல தண்ணீர் குழாய்கள் இருந்தும்

தண்ணீர் பிடிக்க கூட்டம் இல்லை......

எங்களது பல கார்க் பந்துகள் வீட்டின் ஓட்டை உடைத்தது

சண்டையிட்டும் பந்தை வாங்க முடியாது.......

இன்று பல வீடுகள் இடிந்தும் வீழுந்தும் கொண்டு இருக்கிறது

ஒவ்வொரு பருவத்திலும் ஒன்பது குழந்தைகளாது இருக்கும் இன்று

ஒரு குழந்தைக்கும் விளையாட யாரும் இல்லை....

ஊர் கூடி பாறையில் நடக்கும் பஞ்சாயத்து இன்று பாறைமட்டும்

அனாதையாக நிற்கிறது பஞ்சாயத்து இல்லாமல்....

மார்கழி மாத பூ கோலங்காளில் நடனம் ஆடும் தெருக்கள்

எல்லாம் மயானமாய் காட்சியளிக்கிறது.......

பசுமையான இலைகளுடன் நிழல் தரும் மரங்கள் எல்லாம் தன்

கண்ணீராக இலைகள் உதிர்த்து சருகுகளுடன் சாக காத்திருக்கிறது...

இந்த மனிதர்களற்ற இந்த கிராமத்தில் ....

தேய்பிறையான கிராமங்கள்

வளர்பிறையான நகரத்தை பார்த்து ஏங்குகிறது

என்னை அழித்து கொண்டு இருக்கிறாய் என்று.......

ஓடிக்கொண்டே இருக்கிறான் மனிதன் மட்டும் ந(ர)கரத்தில்.....

கீரைக்காரி

2013-05-15T16:29:00.000+05:30

இன்னிக்கு காலை எழுந்திருக்கும்போதே எங்க வீட்ல வாசல்ல என் அம்மா கீரை வாங்கு பெண்ணிடம் 5 நிமிடமாக பேரம் பேசுறாங்க நான் எழுந்து வெளியேபோனேன் பிறகு கீரைக்காரியம்மாவிடம் என் அம்மா காசு கொடுத்து அனுப்பி விட்டார். எங்க வீட்ல மாசத்துல 2 தடவையாச்சு எனக்கும் என் அம்மாவுக்கும் வாக்குவாதம் நடக்கும். அவங்க கேட்குற காசு கொடுத்து அனுப்பு மா உன் கிட்ட வாங்கு காசு வைத்து ஒன்னும் அவங்க பெரிய வீடு ஒன்றும் கட்ட போவதில்லை தினசரி செலவுக்கே அவங்களுக்கு போதுமானதாக இருக்காது. கீரைகட்டு 15 அல்லது 20 ரூபாய் விற்றால் என்ன அவர்களுக்கு அதிகபட்சம 5 ரூபாய் கிடைக்கும் தெருத்தெருவாய் பாரத்தை தூக்கி அலையுறாங்க அவங்கிட்டயெல்லாம் பேரம் பேசமா கேட்குற காசு கொடும்மா என விளக்கமாக கூறுவேன் சரி சரி என்று தலையாட்டுவாங்க ஆன அடுத்த தடவை இதே பேரம் போசுற வேலைதான் நடக்கும்.

எங்கம்மான்னு இல்லைங்க பெரும்பாலும் மக்கள் அப்படி தாங்க இருக்காங்க தெருவில் வரும் பொருளுக்கு மதிப்பு கிடையாதுங்க. ஆனால் பன்னாட்டு வணிக வளாகங்களில் அங்கு போரம் போச முடியாது கூடுதல் விலை கொடுத்து வாங்குகிறோம். அது போல 10 ரூபாய் கூட மதிப்பில்லா பாப்கார்ன் தியேட்டர்ல 30. 40. ரூபாய் விற்றால் கூட அச்சப்படாமா வாங்கி சாப்பிடுகிறோம். ஆனா சின்ன சின்ன தெரு வியாபாரிகளிடம் நம்முடைய பேச்சாற்றலை காண்பிடித்து ஜெயிக்கப்பார்க்கிறேம். ஆடம்பரங்களில் எல்லாம் நாம் பேரம் பேசுவதில்லை அத்தியாவசப் பொருட்களுக்கு தான் அதிக கணக்கு பார்க்கிறோம். பெரும் கார்ப்பரேட் நிறுவனங்களால் ஏமாற்றப்படுகிறோம். ஆனால் சமூகத்தில் நம்முடன் வாழும் சக வியாபர நண்பன் கூடுதலாக 2 ரூபாய் கேட்டால் கொள்ளை அடிக்கிறான் என்று குறைபட்டு கொள்கிறோம்.

நண்பர்களே வயதான பூவிற்கும் அம்மா, தலையில் பாரத்தை தூக்கி அலையும் கீரைக்காரம்மா, தெருவில் சிறு சிறு பொருட்களை விற்கும் தனி மனிதன் இவர்களின் மீதான நம்முடைய பார்வை மாற்றுவோம் இவர்களையும் நம்பி அவர்கள் குடும்பம் வாழ்கிறது. ஒருநாள் அந்தகீரைக்காரம்மாவிடம் கடைசியாக என்ன சினிமா பார்த்திங்க என்று கேட்டேன் அதற்கு அவங்க போ தம்பி சினிமா எல்லாம் பார்த்து பல வருஷம் ஆச்சு அந்த 100 ரூபாய் இருந்த என் பையனுக்கு நோட்டு புக் வாங்கலம் என்று சலித்து கொண்டார்கள். இது தான் அவர்களின் நிலைமை ??

காலையில் தூங்கி கொண்டிருக்கும் நம்மை போல் பல மனிதர்களுக்கு அவர்களின் உண்மையான முகங்கள் தெரிவதில்லை.

எதை நோக்கி ஓடுகிறோம் நாம்?

சாரா - ரி்ச்சார்ட் ஒரு உண்மை காதல் கதை

2013-03-03T13:49:00.000+05:30

காலைபொழுதின் அழுதத்தை இரவுகள் நேரத்தில் புத்தகம் மற்றும் இசையின் மூலமாக என்னை புதுப்பித்து கொள்ளவதே என்னுடைய வாடிக்கை

நேற்றைய இரவில் fm Radio சேனல் மாற்றிகொண்டு இருக்கையில் ஒரு சேனலில் ஒரு பெண் அழுதுக்கொண்டே தன்னுடைய காதல் கதையை அந்த ரேடியோ ஜாக்கியிடம் (லவ் குரு) பகிர்ந்து கொண்டு இருக்கிறாள் அவள் பெயர் சாரா என்றும் அவளுடைய காதல் கணவன் பெயர் ரிச்சர்ட் என்றும் அவளது உணர்வுபூர்வமான வார்த்தைகள் ஆரம்பிக்கிறது.

சாரா காதல் திருமணம் செய்து 5 மாதத்தில் பிரிவு. பிரிவை தாங்க முடியாத பெரும் துக்கம் அவளது வாழ்வில். பெங்களுரை பூர்விகமாக கொண்ட ஒரு தமிழ்பெண் சிறந்த படிப்பு உயர்ந்த பன்னாட்டு நிறுவனத்தில் சென்னையில் வேலை ரிச்சர்ட் அவளுடன் பணிபுரிந்தவன் தன்னுடைய முதல் பார்வையில் அவளின் மீது காதல் கொண்டு தொடர்நது 6 மாதம் அவள் பின்னால் அலைந்து காதலுக்கு கீரின் சிக்னல். என தன்னுடைய அற்புதமான காதல் கதையை சொல்லிக் கொண்டு இருக்கிறாள் சாரா சிறந்த படிப்பறியுள்ள குடும்ப பிண்ணனி நிறைவான வாழ்க்கை காதலை பெற்றோரிடம் தெரிவித்து முதலில் சம்மந்தம் வாங்கி தன்னை பெண் பார்க்க ரிச்சார்ட் குடும்பத்தை வர வைத்துள்ளாள் இருவீட்டாரின் சம்மதத்தில் வெகு சிறப்பாக திருமணம் நடந்தேறியது.

மருமகளாய் சென்னையில் ரிச்சார்ட் விட அதிக படிப்பு அதிக சம்பளம் என தன் சுய முயற்சியால் முன்னேற்றிக் கொண்டவள். அப்புறம் எப்படி சார 5 வது மாதத்திலே டைவர்ஸ் வரைக்கும் கேட்க. ஆமாம் லவ் குரு என் மாமியார் தான் எல்லாம் பிரச்சனைகளுக்கும் காரணம். எனக்கு கூட்டு குடும்ப வாழ்ககை தான் பிடிக்கும் அப்படியே தான் அமைந்தது. இருவரும் அதே இடத்தில் தான் வேலை செய்து கொண்டு இருந்தோம் எனக்கு பல கனவுகள் media பணியற்ற வேண்டும் என்பது அதற்கான முயற்சியும் எடுத்தேன் ஆனால் என் மாமியார் இதெல்லாம் எங்க குடும்பத்திற்கு சரிவாரது நீ டி.வி யில் நடிப்பது குடும்பத்திற்கு நல்லதல்ல என கனவுகளுக்கு தடை போட்டார்கள். ரிச்சர்ட்டும் அவர் அம்மாவின் சொல்லுக்கு மட்டுமே தலையாட்டுகிறார். அவங்க சொன்ன நல்லது தான் சொல்லுவாங்க கேளுன்னு சொல்லவார். எனக்கு ஒரு புரிதல் இருந்தது வேண்டாம் என்று வி்ட்டு வி்ட்டேன். வேலையை விட்டு விட்டு வீட்டில் இருந்து கணவர் மாமியார் சந்தோஷத்துடன் வாழ கூட ஆசைப்பட்டேன் ஆனால் அதிகப்படியான பிரச்சனைகள் என்னை வேலைக்கு போக வைத்தது என்னுடைய சேமிப்பு முழுவதையும் என் கணவரின் குடும்பத்திற்காக செலவி்ட்டேன் பணம் ஒரு பெரியதாக நான் எப்போதும் நினைத்ததேயில்லை. பல தனிப்பட்ட ஆசைகளை கூட தியாகம் செய்தேன்.

எல்லாவற்றிற்கும் குற்றம்!.. நீங்க சொல்லுங்க குரு ஒரு கலருக்காக கூட சண்டை போட முடியுமான்னு எனக்கு பிடித்த purple color புடவை மற்றும் சில பொருட்களை உள்ளது அது கூட அவர்களுக்கு பிடிக்காதாம் நான் விட்டு விட வேண்டுமாம் என்ன இது வாழ்க்கை பாருங்கள் என கண்ணீரோடு கூறும் சாரா பெரும்பாலும் ஆங்கிலத்தில் தான் பேசினாள். தமிழும் நன்றாக தான் பேசினாங்க. 21 வயது சொல்லுற அவங்ககிட்ட நிச்சயம் 28 வயசுக்கு உண்டான பக்குவம் நிறையவே இருந்தது அவளின் பேச்சுகளில்.

இவங்க purple color பற்றி சொல்லும் போது சமீபத்தில் நான் படிச்ச எஸ். ராவின் புத்தகத்திலிருந்து சில வரிகள். பஸ் நிலையம் இரயில் நிலையம் நான் பல பெண்களை நான் பார்த்திருக்கிறேன் அவர்கள் முகத்தில் சிரிப்பு மகிழ்ச்சி என்பது காணாமல் போன கானல் நீரை நெடுங்காலமாய் வாழ்வதை பார்கக முடியும் அது போல ஒரு பொண்னை மையமாக கொண்டு ஸ்டீபன் ஸபீல்பெர்க் இயக்கிய வியாபாரத்தை தாண்டியது தான் சினிமா என்று அவர் எடுத்த THE COLOR PURPLE படம் உலகின் சிறந்த படங்களில் ஓன்றாம். வறுமை குடும்பத்தில் பிறந்த எமி என்ற பெண் பிறந்தது முதல் ஆண்களால் அனுபவித்து வரும் பல கொடுமைகளை தன்னுடைய அழுத்தமான பதிவின் மூலம் பார்க்கும் அனைத்து ஆண்களின் மனசாட்சிகளை தட்டி எடுப்பும் தலை சிறந்த படமாக உள்ளது என் கூறுகிறார்.

சரி சாராவின் கதைக்கு வருவோம் 5 மாதத்தில் பிரச்சனைகள் அதிகரிக்க ஒரு நாள் கோபத்தில் நான் வீட்டை வீட்டு வெளியேறுகிறேன் என கிளம்பி ஹாஸ்டலில் தங்கிவிடுகிறார். சொல்லிவிட்டு அழுகிறாள் இது தான் வாழ்வில நான் செய்து மிகப்பெரிய தவறு இதற்காக என் கணவர் ரிச்சர்ட்யிடம் காலில் விழுந்து மன்னிப்பு கேட்க தயாராக இருக்கிறேன். அப்புறம் என்ன ஆச்சு சொல்லுங்க சாரா என ரேடியோ ஜாக்கி (லவ் குரு) கேட்க முதலில் எப்படியும் அவர் ஆபீஸ் வருவார் அங்கே சந்தித்து பேசிக்கலாம் என சர்வ சாதாரணமாக தான் இருந்தேன் லவ் குரு

ஆனால் மறுநாள் அவருக்காக காத்திருந்த எனக்கு மிகப் பெரிய அதிர்ச்சி அவருடைய ராஜனாம கடிதம் நிறத்திவிட்டாங்க அவருடைய அம்மா அவரை நாங்கள் வேலை செய்த கம்பெனியிலிருந்து. மறபடியும் நான் அவரை சந்திக்க எடுத்த முயற்சிகள் எல்லாம் தோல்வி என் சொல்லீறிங்க சாரா இந்த காலத்தில் போய் அவரை தொடர்பு கொள்ள முடியலான்னு சொல்லறீங்க போன் செய்திருக்கலாமே செய்தேன் லவ்குரு நிறைய தடவை எந்த பதிலும் இல்லை பேசுவதில்லை msg க்கு Reply இல்லை எடுத்தால் அவர் அம்மா பேசுறாங்க இதற்கு மேல் உனக்கு என் பையனுக்கும் எந்த சம்பந்தமும் இல்லை டைவர்ஸ் பண்ண அவன் ரெடியா இருக்கான். நீ கையொழுத்து போடு என் அடுத்த ஒரு அதிர்ச்சி ஏற்படுத்தினாங்க.

எந்தவொரு 5 அறிவு விலக்கினத்திற்கும் தன் இனத்தாலே எந்தவொரு பாதிப்பே. துன்பமே வருவதில்லை மனிதன் மட்டும் தான் மற்றவர்களை அழித்தும் துன்பப்படுத்தியும் தன் வாழ்வை வளமைப்படுத்திக் கொள்ள எப்போதும் முயன்று கொண்டு இருக்கிறான்.

அடுத்தது எங்கவீட்லஇருந்து அப்பா அம்மா. அண்ணா எல்லா வந்து பேசுனாங்க டைவர்ஸ் தவிர அவங்க வார்த்தையில வேறு எதையும் பேசவில்லையாம். ரிச்சார்ட் என்னங்கா பேசினாரம்........ அவரா அவ்வளவு திமிரா விட்டை விட்டு வெளியே போனல போகட்டும் இப்ப என்ன என்று கூறுகிறாராம். இந்ந 21 வயதுல எங்கப்பா அழுது நான் பார்த்ததேயில்லை ல்வ்குரு ஆனா இப்பாநான் அவரை அழவெச்சுட்டேன்...........................................என அழுகிறாள் அவளும்.

எங்க அண்ணா கிட்ட கூட சொன்னேன் அவரை நான் ஒரு தடவை பார்த்த எல்லா பிரச்சனையும் சரியாகிவிடும் அவரை பார்கக ஏற்பாடு செய் என்றேன் அவருக்கு என்னை பார்கக விருப்பமில்லையாம். அப்படி என்ன நான் பெரிய தப்பு செஞ்சிட்டேன் நான் வீட்டை விட்டு வரும் போது போகதே என்று ஒரு வார்த்தை கூறவில்லை அவர். என் அப்பா அம்மா நீ இங்கு இருக்க வேண்டாம் எங்களும் பெங்களுர் வந்துவிட என்றுகூறினார்கள் இல்ல இல்ல நான் ரிச்சார்ட் பார்ககாம இங்கிருந்து வர மாட்டேன். நாங்க இரண்டு பேரும் ஒன்றாக பெங்களுர் வருகிறோம் என அவர்களுக்கு ஆறுதல் கூறி அனுப்பினேன் என்ன பண்ணறது

என்னல எங்க குடும்பத்தில இருக்கிற அனைவரும் உடைஞ்சு போயிட்டாங்க. லவ்குரு. அப்புறம் என்ன எனது நண்பர்கள் ஆபி சில் வேலை செய்த அவரின் நண்பரகள் என அனைவரும் பேசியாச்சு எந்த பலனும் இல்லை கடந்த ஒருமாதம வேலை முடிச்சுட்டு கேப்ல வரும்போது இந்த லவ் குரு நிகழ்ச்சிதான் ஆறுதால். போன வாரத்துல கடைசியா ஒரு கடிதம் எழுதி வைத்து விட்டு தற்கொலை முயற்சி செய்ய துணிந்துவிட்டேன். ஒரு நிமிடம் என் சிந்தனை விழிப்பு பெற்றது. நான் இறந்தும் வாழ்நாள் முழுவதும் என்னால் தான் இறந்தாள் என்ற வேதனைஏற்படுத்தி விடும். என சுதாரித்துக் கொண்டேன். அவ்வளவு தைரியமான பொண்ணுங்க நான் எனக்கு எப்படி இந்த எண்ணம் தோன்றியது என் மேல் எனக்கு வெறுப்பாக இருக்கிறது சரியான தூக்கம் இல்லை என்னையே வறுத்திக்கொண்டேன் கையை கிழித்துக்கொண்டேன. கடைசியாக என் தோழிகள் வீட்டில் தெரிவித்து என்னை விட்டிற்கு அனுப்ப நாளை காலை 11.30 எனக்கு பஸ் நான் பெங்களுர்பேறோன் இந்த நிகழ்ச்சி மூலம்ஏதாவது அதிசயம் நடத்து ரிச்சர்ட் என்னுடன் வரமாட்டாரா என துடித்துக் கொண்டுக்கிறது என் மனது இரவு முழுவதும் யாராவது உதவி செய்ய மாட்டார்களா என ஏங்குகிறது. என் மனம் ..............லவ்குரு நாங்க முயற்சிக்கிறோம்

உங்கள் கணவன் போன் நம்பர் கொடுங்க நிகழ்ச்சி முழுவதும முயற்சித்து தோல்வியே மிச்சம்

என லவ் குரு சொல்ல ஆம் போன் Switch OFF தெரியும் வல்குரு இதெல்லாம் சாத்திய படாது என்று தெரியும் இருந்தாலும் ஏதாவது ஒரு அதிசயம் நடக்கும் ஒரு கற்பனை உலகத்தில் இருக்கிறேன்................................

கடைசியாக அவள் கூறிய வார்த்தை என்னுடைய அதிகப்பாடியான நம்பிக்கையும் அளவுக்கு அதிகமான காதாலும் எல்லாம் இருந்தும் என்னை அனாதையாக ஆக்கிவிட்டது என கண்ணீருடன் தன் அழைப்பை துண்டிக்கிறாள்........................

கடைசியாக லவ்குரு இந்த நிகழ்ச்சியை கேட்டு கொண்டு இருக்கும் ரிச்சர்ட் நண்பர்கள் பணி புரிபவர்கள் அல்லது உறவினர் சாரா வின் இந்த கண்ணீரை ரிச்சாட்யிடம் கொண்டு போய் சேர்க்க வேண்டுகிறோம் அப்படி சேர்ந்தால் இந்த நிகழ்ச்சி செய்த மிகப் பெரிய சாதனையாக அவரிகளின் இருக்கும் என நிகழ்ச்சி முடிகிறது.

சேர்ந்தார்களா இல்லை என்பது காலத்தின் கையில்...........??????????

பென்குயின் பறவை தன் இணையை ஆசையுடன் தேடிக்கொள்ளுமாம் தன் இணையுடன் இணைந்த பின் வேறு எந்த பென்குயினுடன் சேராதாம். அப்படியே தன் இணையான பெண் இணை இறந்தாலும் அந்த இடத்தையே சோகத்துடன் சுற்றி சுற்றி வருமாம். 5 அறிவு கொண்ட உயிரினங்களிடம் அன்பு பரஸ்பரம் 6 அறிவு கொண்ட மனிதனிடத்தில் காணாமல் போய்விடுகிறது பெரும்பாலான காதல் திருமணங்கள் தேய்பிறை போல அன்பை கொண்டுப்பது ஏனே தெரியவில்லை. எஸ். ரா கூறுவது போல இவர்களை பாரக்கும் போது வாலற்ற (வெறி) நாய்களின் பிம்பம் தோன்றி மறைகிறது என கூறுகிறார்.......................................

காக்கையின் கிராமம்

2012-12-01T13:52:00.000+05:30

சென்னையிலிருந்து 150 கி.மி எங்கள் கிராமம் சென்னை வந்து 10 ஆண்டுகள் நெருங்கிவிட்டது. படிப்படியாக என் கிராமத்து பயணமும் குறைந்து விட்டது. கடைசியாக உள்ளாட்சித்தேர்தல் ஓட்டு போட்டு வந்த பிறகு இப்போது தான் போகும் ஒரு வாய்ப்பு கிடைத்தது. பெரும்பாலும் பொங்கலுக்கு போவோம் ஆனால் இந்த தடவை போக முடியுமா என்பது சந்தேகம் ஏற்பட ஒரு நிகழ்ச்சிகாக வந்தாவசி வரை சென்றோம் அங்கிருந்து 40 கி.மி தான் போக முடிவு செய்து 2வீலரில் பயணம் காலை 7.00 மணிக்கு கிளம்பி பைபாஸ் சாலையில வண்டி பறந்து கொண்டு காஞ்சிபுரம் அடைந்தது. அதற்கு பிறகு ஒற்றை வழிப்பாதை கிராமத்தின் சாரலில் பயணம் 5 கி.மி ஒரு கிராமம் என எங்களுடைய கிராமத்து நினைவுகளை ஞாபகப்படுத்தியே வந்தது காலியான சாலைகள் சத்தம் இல்லாமல் டூவிலரில் ஒரு சுகமான பயணம் தான் கிராமத்தை நோக்கி நகரும் போது பரபரப்புகள் குறைந்து இயல்பான கிராமத்து தன்மைக்குள் புகுந்துவிடுகிறோம்.

சில நாட்களுக்கு முன் பொய்த மழையால் எங்கும் பசுமையாக தான் இருக்கிறது நிலங்கள். அங்கங்கே இந்த சென்னை பண முதலைகள் சில இடங்களை ஆக்கிரமித்து பிளாட் போட்டு விற்பனை செய்து கொண்டு இருக்கிறார்கள். 12 லிருந்து 15 மணி நேரம் மின்சாரம் இல்லை என்ன பண்ண முடியும் இந்த சிறு விவசாயி விளை நிலங்களை ரியல் அதிபர்களின் கைக்கு மாறுகிறது. நேரபரபரப்புக்குள் சிக்கி தவிக்காத கிராமத்து மக்களை பார்க்கும் பொழுது நிச்சயம் மனம் ஏங்கும். 10 மணிக்கு வந்தவாசி அடைந்து நிகழ்ச்சி முடித்து விட்டு 1 மணிக்கு எங்கள் கிராமத்தை நோக்கி பயணம் ஆரம்பித்தது.

மூடு விழாவை ஏதிர்நோக்கியுள்ள நான் படித்த ஆரம்பபள்ளி

என் வண்டியின் வேகத்தை விட என மன எண்ணங்கள் பள்ளி பருவ காலத்தை வேகமாக நினைவுபடுத்திக்கொண்டு வந்தது. ஒரு சென்னை படிக்கும் பள்ளி மாணவன் 10 ஆம் வகுப்பு படிக்கும் வரை என்னஅனுபவங்கள் கிடைக்கும் என்று நிச்சயம் எனக்கு தெரியாது. ஆனால் கிராமத்து மாணவனுக்கு கிடைக்கும் அனுபவங்கள் நிச்சயம் வாழ்நாள் முழுவதும் ஒரு பசுமையான நினைவும் சிறந்த அனுபவமாகவும் இருக்கும் என எந்தவொரு சந்தேகமும் கிடையாது. கிணற்றில் குதிப்பதும். சைக்கிள் சவாரி செய்து விழுந்து வாருவதும். பசு மாட்டில் பால் கறப்பது. மாடு முட்டி நொண்டி நொண்டி நடப்பதும்.ஏர் உழுவது, மரம் ஏறுவது, திருட்டு மாங்காய் சுவைப்பதும், மாடு மேய்ப்பது விவாசய வேலைகள் அதிகமாக இருக்கும் நாட்களில் பள்ளிக்கு லீவு போட்டு மும்முரமாக வேலைசெய்வது.

திண்னை வைத்த லைன் வீடுகள்

அது இல்லாம கிரிக்கெட் மட்டையை நாங்க தூக்கி காலத்தில் ஊரில இருக்கிற பெரிசுங்க கிட்ட நாங்க வாங்கின சபங்கள் இருக்கே போய் ஆடு. மாடு மேய்க்காம மட்டை அடிக்குதுங்க இதுவாட சோறு போட போகுது என தினம் தினம் பல கரிசனங்கள் போ பெரிசு நீ உன் வேலைய பாரு. எங்கள் கிராமத்தின் தெரு தான் எங்கள் பயிற்சி கிரவுண்ட் அனைத்து வீட்டு ஓடுகளையும் எங்களுடைய கார்க் பால் உடைத்துயிருக்கும். கை பாம்பு (போர்) தண்ணி எடுக்க வரும் பல பெண்கள் எங்கள் பவர்ஷாட்டில் பல அடி வாங்கியிருக்கார்கள். கிரிக்கெட் கார்க் பாலல் அடித்து ஒரு பெண்ணின் காலை உடைத்து எங்களது சாதனையாக இருந்தது. ஊரே எதிர்ப்பு ஒரு மாதம் லீவு விட்டோம் விளையாட பிறகுதான் ஆரம்பித்தோம். என பல உணர்வுகளுடன் கூடிய ஒரு நொடியும் வாழ்வின் நெகிழ்ச்சியினை காலம் உணர்த்தும் ஒரு அருமையான நிகழ்வு.

எங்கள் கிராமத்தின் எழில்மிகு வயல்கள்

வாழ்வியல் தொடர்புடன் நாங்கள் கற்றுக்கொண்ட பல விஷயங்கள் சென்னையில் மாத பணம் கட்டி வகுப்புகள் எடுக்கும் நிலை நிறைய உள்ளது. உதாரணம் நீச்சல். மரம் வளர்ப்பது. செடி நடுவது குறிப்பிட்ட காலத்தில் பூக்கும் மலர்கள் என பசுமையான உயிர்களுடன் வளரும் வாழ்கை ஒரு பசுமையான அனுபவம் தான். ஒரு வழியாக எங்கள் சொந்த மண்ணை 2.30 மணியளவில் சேர்ந்தேம். எங்கள் ஊர் பெயர் புளிமான்தாங்கல் நம்ம தமிழ்நாட்டில் உள்ள அனைத்து கிராமங்கள், ஊர்களின் பெயரையும் ஒரு புத்தகமாக வெளியிட்டால் நிச்சயம் ஒரு சுவரஸ்யமான நாவல் படிப்பதை போன்ற அனுபவம் இருக்கும்.

இடிந்த நிலையில் வாசல் வைத்த வீடுகள்

எங்க ஊர்ல இதுவரை பேருந்து வந்ததே கிடையது. கூட்ரோடு 2கி.மி தொலைவில் உள்ளது அங்கிருந்து இறங்கி நடந்து தான் வர வேண்டும் ஒரு நாளைக்கு 3 முறை தான் பஸ் வரும் அப்படி இல்லன இந்த பக்கம் 5கி.மி. தொலைவில் இறங்கி வாடகை சைக்கிள் தான். இந்த அரசாங்கம் டி.வி கொடுத்த பின்பு சன் டி.வி பாக்குற கேபிள் வசதி வந்தது. அப்படி ஒரு குக்கிராம். ஊரில ஒரு மனித தலைகளை பார்க்க முடியல அந்த அளவு அமைதி நிசப்பதம் பல மாற்றங்கள் ஆனால் இருக்கும் சில மனித முகங்களிலும் சேர்வு தான் மிஞ்சியிருக்கிறது கிராமம் என்பது ஒரு கூட்டு சமுகம் தான் பார்க்கும் யாரும் பேசமா பேகவில்லை எப்ப வந்தீங்க நல்லாயிருங்களா இங்கியிருந்தா என்ன பண்ண முடியும். தங்களின் அனுபவங்களை பகிர்ந்து கொள்ளும் மனிதர்கள் நகரத்தில் மிக குறைவு தான்.

90 வயதை தாண்டி ஆரோக்கியமான எங்கள் ஊர் கிழவிகள்

அடுத்த தலைமுறை இளைஞர்கள் யாரும் இப்போது ஊரில் கிடையாது எங்களைப்போல் பல வீடுகள் பூட்டிய நிலையில் சென்னை நோக்கிய பல குடும்பங்கள். பெரும்பாலும் வயதானவர்கள் மட்டுமே பக்கத்து வீட்டு பாட்டியும் தாத்தாவும் நலம் விசாரிச்சு விட்டு ஊரே கலகலப்ப இருக்கும் இப்ப யாருமே இல்லப்ப இந்த தெருவுல எப்போதும் நீங்க பந்தடிப்பீங்க. இப்ப எந்த பசங்களும் இல்ல ஊரே சுடுகாடு போல இருக்குன்னு அவங்க குறைபட்டு கொண்டுடிருந்தார்கள். காலமாற்றம் மனிதர்களை பசுமையான நினைவுகளில் ஏங்க வைத்துவிடுகிறது. அருமையான வாசல் வைத்த பெரிய பெரிய வீடுகள் இன்று பராமரிப்பு இல்லாமல் இடிந்த நிலைக்கு தள்ளப்பட்டுள்ளது. பூட்டிய வீடுகள் பாம்புகளின் வாழ்வீடமாக மாறி வருகிறது. பல தலைமுறைகளை தாண்டிய எங்கள் கிராமம் அடுத்த தலைமுறைக்கு காணமால் போய்விடுமோ தெரியலை???

தேங்காயக இருந்த கிராமங்கள் இன்று கொட்டாங்குச்சியாக மாறிவிட்டது என்று நம்மாழ்வாரின் வார்த்தைகள் ஒங்கி ஒலித்துக்கொண்டிருந்த மனதுடன் வண்டி சென்னையை நோக்கிய பயணத்தை தொடங்கியது....

கனவைத் தேடி

2012-11-11T10:17:00.000+05:30

தன்னுடைய வாழ்நாள் கனவே ஒரு சிறந்த ஓவியன் ஆகனும் கனவு அதற்காகவே சிறு வயது முதலே கனவுகளுடன் தன்னுடன் வாழ்க்கை பயணத்தை தொடங்கினான் அந்த நண்பன். அதற்காகவே சிறந்த குருவை தேர்தெடுத்து அவரின் சீடனாக 10 ஆண்டுகள் தனது ஓவிய பயிற்சியையும் கனவையும் கற்றான். தன்னுடைய திறமையை நீருபிக்க வேண்டிய தருணம் வந்தது தனது 3 நாட்களாக வரைந்து அவனால் சிறந்து வெளிப்படாக நினைத்து வரைந்தான் அதை பரிசோதிக்க அவனுடைய பகுதியில் உள்ள தெருவில் ஒரு பகுதியில் அனைவரும் பார்க்கும்படி வைத்து அருகே ஒரு பலகையில் நான் வரைந்த இந்த ஓவியத்தில் ஏதேனும் குறைபாடுகள் இருந்தால் அருகிலுள்ள மையினால் கோடு போட்டு தவறை கூறுங்கள் என எழுதி வைத்து மிகவும் பாராட்டுகளை எதிர்பார்த்து இருந்தான்.

ஆனால் அவன் மாலையி்ல் வந்து பார்க்கும் போது படம் முழுவதும் தவறு தவறு என பெருக்கல் கோடு போட்டு இருந்தனர். அந்த பகுதியில் சென்றவர்கள் எல்லாரும் உன்னலாம் எவன்டா ஓவியன் சொன்னது என பல வாசகங்கள் வேறு மனம் உடைந்தான் நான் தோற்றுவிட்டேன் என அழுதான் என்னால் சிறந்த படைப்பை தரமுடியவி்ல்லை என வருந்தினான். தன் குருவிடம் நடந்தவற்றை கூறினான். அவர் வா அந்த படத்தை காட்டு அட போங்க குரு அதைவேற நீங்க பார்த்து நீங்களும் ஏதாவது சொன்ன என்னால தாங்கமுடியாது விடுங்க எனக்கு அவ்வளவு தான் போல என வருந்தி கொண்டான். குருவிடாமல் போய் அந்த படத்தை பார்த்தார் நல்ல தாப்ப இருக்கு அருமையா பெயிண்ட் பண்ணீயிருக்க என கூறினார் அட போங்க குரு இந்த தெருவுல போனவங்க எல்லாம் குருடா என்ன என்று கூறினான். அதற்கு அந்த குரு சரி இதே ஓவியத்தை சிறிதும் மாறாமல் என்கிட்ட வரைந்து கொடு என்றார். எதற்கு குரு என்றான் நான் சொன்னதை செய் என்றார்.

3 நாட்கள் கழித்து அதே படத்தை வரைந்து கொடுத்தான் அதே தெருவில் அதே இடத்தில் குரு கொண்டு போய் வைத்தார். என்ன குரு பட்ட அசிங்கம் போததா மறுபடியும் நீங்களும் சேர்ந்து அசிங்கபடனுமா என்றான்ஃ அதற்கு குரு சிரித்து கொண்டே அருகில் உள்ள பலகையில் அவன் எழுதியது போல் இல்லாமல் இந்த படத்தை வரைந்துள்ளேன் இந்த படத்தில் உங்களுக்கு ஏதேனும் பிழைகள் தெரிந்தால் சரி செய்து கொடுக்கவும் என்ற வாசகம் எழுதி அருகில் பெயிண்ட் வைத்துவிட்டு வந்தார்.

இருவரும் மாலை வந்து பார்த்த போது என்ற மாற்றமும் இல்லாமல் காலையி்ல் வைத்து போலவே இருந்தது. 2 நாட்கள் 3 நாட்கள் என அப்படியே இருந்தது.எப்படி குரு இதே படத்தை வைத்தற்கு தவறு என்று அடித்ததும் இல்லாமல் என்னை திட்டிவிட்டு சொன்றார்கள் ஆனால் நீங்கள் வைத்த ராசியே என்னவோ தெரியலை யாரும் எதுவும் செய்யவில்லை என்றார்.

அதற்கு குரு அவனிடம் கூறினார். தவறுகளை சுட்டி காட்டுவதற்கு அனைத்து கைகளும் நீளும் ஆனால் திருத்துவதற்கு ஒருவரும் தயாரில்லைஎன்பதை புரிந்து கொள்ள வேண்டும். இந்த உலகம் கூறும் வெறுப்பையும் புகழையும் மனதில் சுமக்காதே. நீ நியாக உன் பாதையை நடத்து உன் நம்பிக்கை தான் உன் உண்மையான அடையாளம் மகிழ்ச்சியும் துயரமும் வெளியிலிருந்து வருவதில்லை உன்னில் தான் ஆரம்பிக்கிறது என்கிறார். தன் கனவை நோக்கி அந்த ஓவியன் நகர்கிறான்.

நண்பர்கள் அனைவருக்கும்

கிராமத்து காக்கையின்

தீபாவளி நல்வாழ்த்துக்கள்

மதம் மனிதனின் அறியாமையா????

2012-09-12T11:40:00.001+05:30

மனிதன் சக்கரம் கண்டுபிடித்தான்!
அது அவனை அறிவியலிலும் பொருளாதாரத்திலும்
வளர்ச்சி அடைய செய்தது.

மனிதன் மொழியை கண்டுபிடித்தான்!
அது கருத்துகளை பரிமாறிக்கொள்ள உதவியது.

மனிதன் உடைகளை கண்டுபிடித்தான்!
அவனை நாகரிகம் அடைய செய்தது

மனிதன் இசையை கண்டுபிடித்தான்!
அவனை மகிழ்ச்சி கடலில் பொங்க செய்தது.

ஆனால்! அவன் கண்டுபிடித்த மதம் மட்டும் ஏன்

மனித உயிர்களை குடிக்கும்
இரத்தவெறி கொண்ட மிருகமாக அலைகிறது??????????

சென்னை பதிவர்கள் மாநாட்டு ஆச்சரியங்கள்

2012-08-27T09:38:00.000+05:30

சென்னையில் வலைப்பதிவுகளின் மாநாடு மிக பிரமாண்டமாக அமைதியான முறையில் சீரும் சிறப்புமாக நடைபெற்றது. கிட்டதட்ட 200 வலைப்பதிவர்கள் ஒரு சங்கமித்த ஒரு அற்புதமான சங்கமம் என்று தான் சொல்ல வேண்டும் எந்த ஒரு பகுபாடுகள் இன்றி அனைவரும் அன்பால் ஒருமித்த ஒரு அற்புத பெருவிழாவாக அமைந்தது. இந்த பதிவர்கள் மாநாடு.

மூத்த (முதியவர்களை) வலைப்பதிவளர்களை இளைய பதிவர்கள் வாழ்த்தி அவர்களை கௌரவிக்கும் ஒரு அற்புத நிகழ்வாக தள்ளாடும் வயதில் தடுமாறாமல் எழுதும் அவர்களி்ன் எழுத்துகளுக்கு பாராட்டுகளும், நன்றிகளும் அளிக்கப்பட்டு அவர்களை ஊக்களிக்கப்பட்டது. இதை விழா தலைமைக்கு அற்புதமாக செய்தது. முகம் தெரியாமல் பழகிய நட்புகள் ஒருவருக்கெருவர் நேரில் சந்தித்து அறிமுகப்படுத்தியும், அன்பை பரிமாறிக் கொண்டதும் நிச்சயம் வலையுலகில் ஒரு புதுமையான நிகழ்வு. வருங்காலத்திலும் இது போன்ற நிகழ்வுகள் அதிகரிக்க பட வேண்டும் என்பது அனைவரின் ஆசையாகும்.

பாராட்டுக்குரியவர்கள்

பல சிரமங்களை தாண்டி வெளிநாடு மற்றும் வெளியூர்களில் இருந்து வந்த நமது சக பதிவர்களை பாராட்டியே ஆக வேண்டும்.

நிகழ்ச்சி ஒருங்கிணைப்பாளர் குழு அருமையாக செய்த ஏற்பாடுகள்

நிகழ்ச்சியில் உணவு ஏற்பாடு அருமையாக செய்த ஏற்பாட்டாளர்கள்

நிகழ்ச்சியை தொகுத்து வழங்கிய மதுமதி மற்றும் சுரேகா அவர்களின் தொகுப்பு அருமை

கவிதை வாசித்த அனைத்து கவிகளும் பாராட்டுக்குரியவர்கள்

ஐயா. பட்டுக்கோட்டை பிரபாகர். புலவர் ராமாநுசம் ஐயா மற்றும் கணக்காயன் ஐயா அவர்களின் உரைகள் அருமை

ஐயா புலவர் ராமாநுசம் அவர்களுடன் நான்

மொத்தத்தில் எந்த ஒரு பாகுபாடும் பிரச்சனைகளும் இல்லாமல் தமிழால் அன்பால் மட்டுமே ஒருங்கிணைந்து இந்த பதிவர்களின் வரலாற்றில்
ஒரு அருமையான நிகழ்வாகும்.

நன்றிகளுடன் கிராமத்து காக்கை

பதிவர்கள் மாநாட்டில் கலந்து கொள்ள என்ன தகுதி????

2012-08-24T19:59:00.000+05:30

கடந்த 4 நாட்களாக சென்னையில் நடைபெறும் பதிவர்கள் மாநட்டை பற்றிய செய்தி பல வலைதளங்களில் காண முடிகிறது.

பதிவர்கள் மாநாடு என்றால் மிகவும் பிரபலமானவர்களும் பலருக்கு பயனளித்த வலைத்தளத்தின் உரிமையாளர்கள் மட்டுமே கலந்து

கொள்ள வேண்டும் என்றும் அல்லது வலைதளத்தில் ஏதாவது பதிவு செய்தவர்கள் மட்டும் தான் என்ற நினைத்து கொண்டு இருந்தேன். கலந்து

கொள்ள தகுதி என்ன என்று எந்த பதிவர்களும் கூறவில்லையே என்று நினைத்துகொண்டு இருந்தேன்.

சிலர் பதிவர்கள் கலந்து கொள்பவர்களின் பெயர்களையும். தளங்களையும் பட்டியலை வேறு பார்த்தேன். அவர்களது வலைத்தளங்களுக்கும் சென்று 2 நாட்களாக பார்த்துகொண்டு இருந்தேன். என்னைபோல் அதிகமாக ஏழுதாத பதிவர்களின் பெயர்களையும் கண்டேன். முடிவாக எந்த பதிவர்க்காவது போன் போட்டு கேட்டுலாம் என்று முடிவு பண்ணினேன்.

ஒரளவு தெரிந்த கவிதை வீதி சௌந்தர் அண்ணே நம்ம பகுதி ஆளு அவர்கிட்ட கேட்கலாம்

அண்ணே வணக்கம் நான் கிராமத்து காக்கை வலைதளம் இருக்கு அதிகம எழுதியது கிடையாது

பதிவர்கள் மாநாட்டில் கலந்து கொள்ள தகுதி என்ன? நான் கலந்து கொள்ளலாமா என்று கேட்டேன்.

தரளமாக கலந்து கொள்ளலாம் நண்பரே எந்த தகுதியும் தேவையில்லை. யார் வேண்டுமானாலும் கலந்து கொள்ளலாம்

வலைதளத்தை படிக்கிறவங்களா இருந்தா கூட பரவயில்லை அவர்களையும் வர சொல்லலாம் என்று கூறினார்

கடைசியாக எனது comments Box உங்களது Link அனுப்புமாறு கூறி விடைபெற்றார்.

எனது சந்தேகம் சரியானது பதிவர்கள் மாநாட்டில் இந்த காக்கையும் பறக்கும்

என்னை போல் யாராவது சந்தேகமாக இருந்தா இந்த பதிவு பயனாக இருக்கும்.

மேலும் கவிதைவீதி அவர்களின் இன்றை பதிவு சிறந்த கருத்துகளை கொண்டது மிகவும் அருமை

http://kavithaiveedhi.blogspot.com/2012/08/blog-post_24.html

பிரமிக்க வைக்கும் மணல் சிற்பங்கள்

2012-07-01T12:11:00.000+05:30

பிரமிக்க வைக்கும் மணல் சிற்பங்கள்

வழக்கு எண் 18/9 கடைசி விமர்சனம்

2012-05-14T11:32:00.000+05:30

இணையத்தில் முதலி்ல் வலைப்பதிவு பற்றி முதலில் அறிமுக ஆனபோது மிகவும் பிரமிப்பாக இருந்து. யார்வேண்டுமானலும் தங்களது அனுபவத்தை படைப்பை கனவுகளை வெளியிட சிறந்த பொக்கிஸ ஊடகமாக இருந்ததை கண்டு வியந்துள்ளேன்.

வலைப்பதிவு எழுத வருவதற்கு முன்பே சினிமா விமர்சனம்,சினிமா செய்திகள் என எதைப்பற்றியும்எழுத கூடாது என முடிவுடன் பிளாக் தொடங்கினேன் ஏற்கனவே பல ஊடகங்கள் சினிமாவை தலையில் தூக்கி வைத்து கொண்டாடுகிறது ஆதலால் அதை விட நிறைய விஷயங்கள் உள்ளது முடிந்தால் அவற்தை எழுதலாம் இல்லை என்றால் சும்மா இருக்கலாம் என்ற முடிவுடனே வலைப்பதிவை தொடர்கிறோன்.

எப்போதும் படம் வெளியாகி 10 நாட்கள் ஆன பிறகு தான் எந்த படமும் பார்ப்பேன். நிறைய சினிமா வலைப்பதிவாளர்களை பார்த்து ஏன் இவ்வளவு சினிமா பைத்தியமாக உள்ளார்கள் என்று கூட நினைப்பதும் உண்டு.

நேற்று தான் வழக்கு எண் 18/9 படம் பார்த்தேன் அனைவராலும் ஏற்றுக் கொள்ளபட்டு பாராட்டும் படம் என பல விமர்சனங்களை கண்டு விட்டுதான் போனேன்இது படம் அல்ல இந்த யாதர்த்த சமூகத்திற்கான ஒரு அருமையான பாடம் என பிரமிக்க வைத்து விட்டது. இந்த படத்தை பற்றி நிச்சயம் ஏதாவது என் கருத்துகளை எழுத வேண்டும் இல்லை வலைப்பதிவு எழுதரது வேஸ்ட் என்று தியேட்டரை விட்டு வெளியே வரும்போது

எண்ணிக்கொண்டு வந்தேன்.

படத்தில் நடிக்கும் கேரக்டர்களை தேர்வு செய்ததிலேயே டைரக்டர் பாலாஜி சக்திவேல் வெற்றி பெற்றுவிட்டார் என்று தான் சொல்ல வேண்டும்

படத்தில் மொத்தமாக பார்த்தால் 6 அல்லது 7 கேரக்டர்களை வைத்து அனைத்து ரசிகனையும் இரண்டரை மணிநேரம் எந்த முனகலும் இல்லாமல் படம் பார்க்க வைத்தது மிகப் பெரிய வெற்றி. கீழ்தட்டு மக்களின் உண்மையான வாழ்வை தன் கண் முன்னே நிறுத்துகிறது சென்னை போன்ற பெரு நகரங்களில் உள்ள மேல்தட்டு மக்களுக்கு கிராமத்தில் மண் அள்ளும் செங்கல் செய்யும் தொழிலாளர்கள் பலர் தங்கள் வாழ்வை கந்துவட்டிக்கு

தங்களது முழு வாழ்வையே அடகு வைக்கிறார்கள என்பது சினிமாவில் பார்த்தாவது தெரிந்து கொள்பார்கள். சமூகத்தின் பணம் உள்ளவர்களுக்கு உள்ள சட்டமும் இல்லாதவனுக்கு உள்ள சட்டமும் மாறுபட்டவை தான் என ஒட்டு மொத்த மக்களின் வேதனையையும் பிரதிபலிக்கிறது இந்த படம்.

கூத்து கலைஞனாக வரும் அந்த சிறு பையனின் நடிப்பு பிரமிப்பாக உள்ளது. இந்த சிறு பையனுக்கு வாழ்வு அளித்த பாலாஜி சக்திவேல் அவர்களுக்கு மிக்க நன்றி!

பணம் இல்லாதவன் இந்த சமூகத்தல் ஊமையாகி போகின்றான் என்ற யாதர்த்தை வேலைக்காரியாக (கதாநாயகி) இந்த பெண் கேரக்டர் உணர்த்துகிறது. வட நாட்டிற்கு சிறுவர்களை விற்கும் கும்பல் கொத்தடிமைகள் என தினசரி நாளிதழ்களில் நாம் படிக்கும் ஒருவரி செய்தியாக இருக்கும் ஒவ்வொருத்தரின் பின்னாலும் வேலு வின் போல் பல துன்பங்களை கடந்து வருகிறார்கள் என்பது யாரும் கண்டுகொள்ளாத செய்திதான். மயங்கி கிடக்கும் பையனை வேடிக்கையாலும் விமர்சனங்களாலும்மட்டுமே நடுத்தர மேல்தர மக்களால் பார்க்க முடியும் கீழ்தட்டு மக்கள் தான் இவர்களுக்கான ஆதரவு என்பதை படம் பிடித்து காட்டுவது யதார்த்தம்.

பிளாட்பார மக்களும் மனிதர்களே என அவர்களிம் ஒரு பரிதாபத்தையாவது கொண்டு வந்துள்ளது இந்த படம். வேலு கேரக்டர் உண்மையாக அவன் வாழ்வில் நடத்தற்போல் ஒரு நடிப்பு பள்ளிகூடம் செல்லும் மாணவனுக்கு பணம், செல்போன் போன்றவைகள் எங்கே கொண்டு செல்லும் என்று கூறியிருப்பது சரியான சவுக்கடி இதை எந்த மேல்தட்டு மக்களும் கவனிக்க போவதில்லை.

போலீஸ்கரரின் நடிப்பு அருமை விசாரிப்பதிலும், கண்டுபிடிப்பதிலும் தமிழ்நாட்டு போலீஸ்கரர்கள் சரியாக தான் இருப்பார்கள் அதற்கு அப்புறம் தான் பேரம் நடைபெறுகிறது. என்று யாதர்த்தை தைரியாக சொல்லி இருப்பது பாரட்டுக்குரியவை. கிளைமாக்ஸ் சினிமாவுக்கு ஆனது தான்.

வேலுவை போல எத்தனையே குற்றம் செய்யாத அப்பாவிகள் பல வழக்குளில் மேல்தட்டு மக்களை காப்பாற்றுகிறார்கள் என்பது அனைவரும் அறிந்தது. இல்லாதவனை எவன் கேட்கப்போகிறான். படம் முடிந்து அனைவரும் எழுந்து மனதிற்ககுள் கைதட்டியதை உணர முடிந்தது. கடைசியாக அந்த முகத்தை காட்டும் கதாநாயகி சமூகத்தை குறிக்கிறது. ஒருமுகம் அழகாகவும் மற்றொரு முகம் கொடுமையாகவும் உள்ள சமூகம்

அனைவரும் பார்க்க வேண்டிய நம் சமூகத்தின் காவியம்

உலகின் அழகிய நீர் வீழ்ச்சிகள்

2012-05-12T17:09:00.000+05:30

கோடையை சமாளிக்க உ லகத்தின் அழகான நீர் வீழ்ச்சிகள்

குறும்பு குழந்தையும் பூனையும்

அறிவியல் அதிசயம் Oresund பாலம்

2012-03-07T18:26:00.000+05:30

Oresund பாலம் டென்மார்க் மற்றும் ஸ்வீடன் இரு நாடுகளையும் இணைக்கும் ஒரு அறிவியலின் அற்புதமான கடல் பாலம் மற்றும் டனல் அமைந்துள்ளது கடலின் பாதி சுமார் 8 கிலோ மீட்டர் பாலமாகவும் அதற்கு அடுத்த 8 கிலோ மீட்டர் நீருக்கு அடியில் செல்லும் சுரங்கபாதையாகவும் (டனல்)அமைந்துள்ளது

டென்மார்க்கின் கோபன்ஹேகன் நகரின் தலைநகரான டானிஷ் மற்றும் சுவீடனின் malmo நகரத்தையும் இணைக்கும் பாலமாக இது அமைந்துள்ளது.

நான்கு வழி பாதையாகவும் மற்றும் பாதையின் அடியில் ரயிலுக்கான இருப்புபாதையும் அமைந்துள்ளது மிக பிரமாண்ட பாலமாக உள்ளது

Oresund பாலம் ஐரோப்பாவி்ன் மிக நீண்ட இரயில் இருப்புபாதை கொண்ட பாலமாகவும் உள்ளது ஐரோப்பவின் சர்வேதேச நெடுஞ்சாலை E20 இணைக்கிறது இந்த பாலம்

டானிஷ் கட்டடக்கலை நடைமுறையில் வடிவமைக்கப்பட்டது. இரு நாட்டின் சுங்க வரி பாஸ்போர்ட் ஆய்வுகள் என பொதுவாக உள்ளன

சிலிர்க்க வைக்கும் மலைப்பாதைகள்

2012-02-25T15:29:00.000+05:30

உலகில் அதிக விபத்துகளை தரும் அழகிய மலைப்பாதைகள்

தொலைக்காட்சி லாட்டரியில் சிக்கி தவிக்கும் தமிழக மக்கள்

2012-01-28T20:47:00.005+05:30

“விழுந்தால் வீட்டுக்கு விழாவிட்டால் நாட்டுக்கு” என்ற கோஷத்துடன் லாட்டரிச் சீட்டு திட்டத்தை அண்ணாதுரை அவர்கள் முதல்வராக இருந்த காலத்தில் தமிழக அரசு அறிமுகம் செய்தது. ஆனால் தனியாரும் லாட்டரி தொழிலில் வந்த பிறகு மக்களி்ன வருமானம் அதில் கரைந்து போய், குடும்பங்கள் சீரழிந்தன இதனால் முந்தைய ஆட்சிகாலத்தில் ஜெயலிலதா அவர்களால் தடைசெய்யப்பட்டு இன்றளவும் அமலில் உள்ளது.

ஆனால் மக்களின் ஆசை என்ற பலவீனத்தை மூலதனமாகக் கொண்டு டி.விக்கள் வெவ்வேறு பெயர்களில் லாட்டரிக்கு இணையான கொள்கையில் ஈடுபட்டு வருகிறார்கள். ஏதாவது ஒரு பரிசு திட்டத்தை அறிவித்து விட்டு குறிப்பிட்ட எண்ணுக்கு SMS அனுப்புங்கள் என்று சொல்வதை நம்பி பல லட்சம் மக்கள் SMS அனுப்புகிறார்கள் அதில் நிறுவனத்திற்கு கிடைக்கும் வருமானம். அவர்கள் தரும் பரிசுத்தொகைவிட பல நூறு மடங்கு அதிகம் சம்பாதிக்கிறார்கள் என்பது பாமரர்களுக்கு மட்டுமல்ல, படித்தவர்களுக்கும் தெரியாது,

கடந்த சில வாரங்களாக திரையில் ஒரு பாடலில் சில காட்சிகளை ஒடவிட்டு அது தொடர்பான ஒரு கேள்வியை கேட்டு அதற்கான விடை சொல்ல அழைக்கும் நிகழ்ச்சி ஒரு தனியார் டி.வியில் ஒளிபரப்பானது. அவர்களின் கேள்விக்கு உங்கள் வீட்டு குழந்தைகளுக்கு கூட தெரியும் எனவே ரூ.5000 பரித்தொகை பெற்றுவிடும் ஆசையில் உடனே ஆர்வலர்கள் தொடர்பு கொள்ள முயல்வார்கள் ஆனால் ஒருவருக்கும் சிறிது நேரம் லைன் கிடைக்குது அவர்களின் ரேட்டிங் உயரும்.

ஆனால் நிமிடத்திற்கு ரூ.10 என மக்களின் பணம் கரைந்து கொண்டிருக்கும் 2 நிமிடம் இணைப்பில் இருந்தாலும் ரூ. 20 போய்விடும் இந்த ரூ. 20 யில் 14 ரூபாய் தயாரிப்பு நிறுவனத்திற்கும் மீதி கூட கொள்கையடிக்கும் செல்போன் நிறுவனத்திற்கும் சேரும். சுமார் ஒரு லட்சம் போர் தொடர்பு கொள்கிறார்கள் என வைத்து கொண்டாலும் மொத்த வருமானம் ரூ. 20 லட்சம் பரிசுத்தொகை உள்ளிட்ட எல்லா செலவும் ரூ.2 லட்சம் மட்டுமே மீதியெல்லாம் கொள்ளை லாபம்.

இதற்கும் ஒரு படி மேலே போய் மக்களை கோடிஸ்வரன் ஆக்கிடுவோம் என்று மக்களை ஏமாற்ற பெரிய நிறுவனம் கவர்ச்சி நடிகர் என மக்களின் பணத்தை சுரண்ட ஒரு பெரிய பட்டாளம் இறங்விட்டார்கள. இந்நிகழ்ச்சிக்கு குறைந்தது 2sms அனுப்ப வேண்டும்.

தமிழகத்தின் ஏழு கோடி மக்களில் தினமும் 10 லட்சம் மக்களையாவது பலிகட ஆக்க வேண்டும் என்பது இவர்கள் திட்டம். டி.வி. நியுஸ் பேப்பர். பேஸ்புக். Fm அனைத்திலும் மிகப்பெரிய விளம்பரம் செய்து ஒருநாளுக்கு SMS மூலம் செல்போன் நிறுவனங்களின் தினமும் வருமானம் 1கோடி. நிகழ்ச்சி தயாரிப்பாளருக்கு ரூ. 50 லட்சம் இப்படி 7 நாட்களின் வருமானம் 7 கோடி இது 10லட்சம் பேரின் கணக்குதான் இதுவே தினம் 1கோடி மக்கள் கூட SMS அனுப்புகிறார்களாம் அப்படி என்றால் வருமானம் ????

பரிசு பெரும் அந்த நபர் 10 லட்சமோ 15 லட்சமோ தான் இருக்கும் இது தவிர விளம்பரம் போன்றவை மொத்தமாக பார்த்தால் ஒரு நிகழ்ச்சிக்கு ரூ. 20 கோடி வருமானம் கிடைக்குமாம்.

இப்படி தழிழர்களின் பணத்தை சுரண்டப்படுவதை பற்றி யாரும் கவலை பட்டதாக தெரியவில்லை அரசாங்கமும் இதை வேடிக்கை பார்த்து கொண்டு இருக்கிறது.

உதாரணமாக எனது சகோதரர் முதல் வாரத்தில் அனைத்து கேள்விகளுக்கும் sms அனுப்பி ரூ. 120 இழந்துள்ளார். இப்படி பல கோடி மோசடி செய்து இன்னும் அந்தகோடீஸ்வர நிழ்ச்சி இன்னும் ஆரம்பித்ததாக தெரியவில்லை.

கோடிகளுக்காக அலைந்து தெருக்கோடியில் நிற்கும் ஏமாளி தழிழர்களா நாம்???????????

குடியரசு தினமும் மத்திய அரசின் கஞ்சத்தனமும்

2012-01-26T20:58:00.000+05:30

பிரபல தமிழ் நாளிதழில் 11 பக்கத்தில் இன்று குடியரசு தினத்திற்கான மத்திய அரசின் விளம்பரம்

இந்த விளம்பரத்திலுள்ள வாசகம்
ஒவ்வொரு இந்தியருக்கும் பெருமை மூவர்ணகொடி நமது சுயமரியதை
இந்த விளம்பரத்தில் நமது தேசிய கொடியின் ஒருவர்ணமும் இல்லை
எவ்வளவு சிக்கனம் இது தான் மக்களுக்காக அரசு கட்டும் சுயமரியாதை தலைவர்களின் படங்களுடன் 13 பக்கத்தில் அழகிய மல்டி கலருடன் விளம்பரம் செய்ய லட்சங்களில் செலவு செய்யும் மத்திய அரசு மக்களுக்கு இது போதும் என்ற நினைப்பும் மூவர்ணகொடி வாசகம் வேற

அடுத்தாக இந்த பிரபல பத்திரிக்கை கள்ளகாதலை கட்டம் போட்டு கலரில்
கொடுக்கும் இந்த நாளேடு ஏனே மத்திய அரசு கொடுத்த பணத்திற்கு சரியாக வேலை செய்கிறது. அதில் கொடுக்கப்பட்ட வாசகத்திற்காகவாவது
கலரில் அச்சிட்டு இருக்கலாம்?

இது தான் பத்திரிக்கை சுதந்திரமோ..........

அம்மாவும் பொங்கலும்

2012-01-15T12:25:00.000+05:30

இந்த ஆண்டுக்கான முதல் பதிவை பொங்கல் அன்றாவது எழுத வேண்டும் என்று ஒரு வரமாக சிந்தனை எதைப்பற்றி எழுதலாம் என்று.
கடுமையான பணிச்சுமையால் பிளாக் பக்கம் வருவதே குறைந்து விட்டது எதாவது ஒரு பதிவை எழுதி ஆக வேண்டும் என்று நேற்று நீண்ட நேரம் நினைத்துகொண்டே படுத்தேன்.

ஒவ்வொரு பொங்களுக்கும் எங்கள் கிராமத்துக்கு செல்வோம் இந்த வருடம் அண்ணின் திருமணம் காரணமாக சில வேலைகள் இருப்பதால் சென்னையில் தான்.

காலை 6.30 மணிக்கு அம்மா வந்து எழுப்பினார்கள் என்னைக்குமே அவர்கள் இவ்வளவு சீக்கிரமாக எழுப்பமாட்டார்கள். தெருவில் கோலம் போட்டுள்ளேன் அதை வந்து படம் எடு என்று கூப்பிட்டார்கள் கூட மாட தான் யாரும் உதவி செய்ய மாட்டிங்க இதை ஒரு படமாவது எடுத்து வை என்று கூறிகொண்டு இருந்தார். விடியற்காலை 4.30 மணிக்கு எழுந்து கோலம் போட்டுள்ளார்கள் போல. அடுத்த பொங்கலுக்கு எல்லாம் கூட ஒரு பெண்ணு இருப்பாள் என்று தனது மருமகளை எதிர்நோக்கி கூறி கொண்டு இருந்தார். இந்த ஆண்டின் முதல் பதிவை அம்மாவைப் பற்றி உடனடியாக எழுதலாம் என்று உட்கார்ந்து விட்டேன்.

கிராமத்திலிருக்கும் பெண்கள் எல்லாரும் திருமணம் செய்து நகரத்தை நோக்கியே அவர்கள் வாழ்க்கை இருக்கும் ஆனால் எங்கம்மா மட்டும் இதற்கு விதிவிலக்கு சென்னையில் பிறந்து வளர்ந்த எங்கம்மா எந்த அடிப்படை வசதியும் இல்லாமல் சரியான பட்டிக்காட்டு கிராமத்தில் வாழ்கைப்பட்டார்கள் (கஷ்டபட்டார்கள்) என்று தான் செல்ல வேண்டும்.
எந்த வேலையும் தெரியாமல் கிராமத்திற்கு குடிபெயர்ந்த அவர்கள் கிராமத்து பெண்களையும் மி்ஞ்சி வயல் வேலைகள் அனைத்தும் அருமையாக செய்தார்கள். பல பேர் பட்டணத்திலிருந்து வந்து அருமை எல்லா விவசாய வேலைகளும் செய்யுறாங்க பாரு என்று கிராமத்து பெண்கள் பல பேர் கூறுவதை நாங்களே பல முறை கேட்டிருக்கிறோம்.

எங்களது பள்ளி நாட்களில் எங்களது பிடிவதாத்திற்கும். வறுமைக்கும். கொடுமைக்கார மாமியாரின் ஆட்டத்திற்கும். போதது என்று வயல் வெளிகளில் ஆட்கள் இல்லாம் தானே செய்யும் வயல் வேலை என்று பம்பரமாக சுழன்று சுழன்று பாரத்தை சுமையாக இல்லாமல் சுகமாகவே சுமந்தார்கள் பல நாட்கள் அவர்கள் இரண்டும் பையனா பெத்து தொலைச்சுட்டேன் ஒரு பெண் புள்ளை இருந்த எனக்கு எவ்வளவு ஒத்தாசக இருப்பாள் என கூறிக்கொண்டுதான் இருப்பார்கள். நாங்கள் ஒவ்வொரு நாளும் வேலையை அதிகரிக்க செய்வோமே ஒழிய உதவி என்று செய்தாக நினைவில்லை.
சுமார் 25 வருடம் கிராமத்து வாழ்கையிலும் குடும்பத்தின் முன்னேற்றத்திற்காகவும் பாடுபாடும் கிராமத்து குடும்ப தலைவிகளில் ஒருவராய் வாழ்ந்து வந்தார். விவசாயத்தை மட்டுமே செய்பவன் பணக்காரனாக முடியாது கடன்காரனாக தான் ஆக முடியும் என்பது எங்கள் கிராமத்தின் சாபக்கேடு. கடன் சூழலில் இருந்து மீள்வதற்கு ஓரே வழி விவசாயத்தை கைவிட்டு விட்டு நகரத்தை நோக்கி புலம்பெயர்வதே சிறந்ததாக உள்ளது எங்களது கிராமத்தின் தலையெழுத்து புலம்பெயர்ந்தவர்கள் எல்லாம் ஓரளவு வசதி வாய்ப்புடன் கடன் இல்லாமல் நிம்மதியாக தான் உள்ளார்கள் அந்த பட்டிலில் இப்போதும் நாங்களும்.

இப்போது கடந்த 6 வருடமாக சென்னையில் சொந்தமாக தொழில் நிறைவான வாழ்க்கை சொந்தாக வீடு இப்போது சிறப்பாக நடைபெற இருக்கும் அண்ணன் திருமணம் என கடந்த 25 ஆண்டுகால கிராமத்து வாழ்க்கையில் எங்கள் அம்மா பட்ட கஷ்டங்கள் சிறதளவாவது குறைந்துள்ளது என்று தான் கூற வேண்டும். எத்தனை மகன்கள் அம்மாவை பாராட்டுகிறார்கள் பிடிவதாதம் செய்வதும் அதுசரியில்லை இது சரியில்லை சண்டைபோட்டுவதும் எங்களை போன்ற மகன்களின் வேலையாக உள்ளது பண்டிகை நாட்களிலாவது அவர்களை ஒரிரு வார்த்தைகளால் பாராட்டலாம் என்று இந்த கிராமத்து காக்கைக்கு தோன்றியது உங்களுக்கும் தோன்றினால் நலமே!

கிராமத்து நிழல்கள் (இந்தியா)

2011-12-30T15:58:00.000+05:30

கிணற்றில் குடிநீர் எடுக்கும் பெண்கள் 1950

பெங்காலி இன மக்கள்

வட இந்தியா கிராமம்

1870 தென்னிந்திய கிராமம்

1880ல் எடுக்கப்பட்ட புகைப்படம்

இருளர் இன மக்கள் 1880

இந்தியாவில் வேலைசெய்வதற்கான சிறந்த Top 10 நிறுவனங்கள்

2011-12-25T19:21:00.002+05:30

பெரும்பலான இந்திய பட்டதாரிகள் சில உயர்மட்டநிறுவனங்களில் பணிபுரிவதையே தங்களது கனவாக உள்ளது அத்தகை இந்திய நிறுவனங்களின் டாப் 10 பட்டியல் உள்ளது.

1. இன்ஃபோசிஸ் டெக்னாலஜீஸ்: தங்கள் இயக்குனர் மற்றும் தலைமை நிர்வாக அதிகாரி இன்ஃபோசிஸ் போன்ற நாராயண மூர்த்தி வெளியேறுவதும் சில விரைவான மாற்றங்கள் பிறகும் அதிகம் மாறவில்லை. நாங்கள் முதலாளிகள் மற்றும் இயக்குனர்கள் மத்தியில் குளிர் போர்கள் இருக்கலாம் என்று எனக்கு தெரியாது ஆனால் அது இன்னும் பல பட்டதாரிகள் ஒரு கனவு நிறுவனமாக உள்ளது. அனைத்து நாங்கள் இன்போசிஸ் வைக்க கிடைத்தால் ஒரு மைல்கல்லாகும் தொழில்நுட்பம் வெளியே கடந்து இளநிலை சில வலிமையான உணர்வு இருக்கிறது. இன்ஃபோசிஸ் நிறுவனத்தில் வேலை செய்ய பல இளைஞர்களின் கனவாக உள்ளது

2. டிசிஎஸ்: டிசிஎஸ் டாடா கன்சல்டன்சி சர்வீசஸ் குறிக்கிறது மேலும் உலகம் முழுவதும் 140 க்கும் மேற்பட்ட கிளைகளை கொண்ட 40 + நாடுகளில் தனது அலுவலகங்களை கொண்ட இந்திய உயர்மட்ட உச்சநிலை நிறுவனங்களில் ஒன்றாக உள்ளது. ரத்தன் டாடா அதன் நிறுவனர் இருந்து 1,60,000 க்கும் மேற்பட்ட ஊழியர்கள். இது பல மதிப்புமிக்க விருதுகளை வென்றுள்ளது.

3. கூகிள்: ஒவ்வொரு இணைய பயனர் இந்த தேடல் இயந்திரத்தின் வலிமை பற்றி தெரியும் அதன் பின்னணி பற்றி அல்ல. இந்த நிறுவனம் AdWords, orkut, வீடியோ போன்ற அதன் சகோதரி முயற்சிகளுக்கு பல இணைந்து உலகின் சக்தி வாய்ந்த தேடுபொறி செயல்படுகிறது இது இந்தியாவில் முற்றிலும் அதன் வேர் பரவியது ஆனால் பல இந்திய மாணவர்களுக்கு வேலை செய்ய இன்னும் ஒரு இதயம் பிடித்த நிறுவனமாக இல்லை. பெரும்பாலான நேரம் ஆட்சேர்ப்பு ஒரு consultancy வழியாக செல்கிறது மற்றும் பல பிரஷ்ஷர்கள் இன்னும் கடினமாக போராட வேண்டிய நிலை உள்ளது

4. ஐபிஎம்: அதற்கு மேல் மெட்ரோபாலிட்டன் நகர்களின் அதன் தலைமையகம் போல வேலை செய்ய ஒரு நல்ல வாய்ப்பு இது மற்றொரு பன்னாட்டு நிறுவனம். இந்த வன்பொருள் மென்பொருள் இறுதி தீர்வுகள் இறுதி வழங்கும் ஒரே நிறுவனம் உள்ளது. ஐபிஎம் நீங்கள் நன்கு இருக்கலாம் மற்றும் நிறுவனங்கள் மிக தங்கள் பொருட்களை பயன்படுத்த எந்த சர்வதேச வர்த்தகம் கணினிகளுக்கு குறிக்கிறது.

5. விப்ரோ: தலைமையிலான மற்றும் அஸிம் பிரேம்ஜி நிறுவப்பட்டது ஒரு இந்திய மென்பொருள் நிறுவனம் இந்திய உயர்மட்ட நிறுவனங்களில் ஒன்றாகும். இது பொதுவாக இந்திய மைக்ரோசாப்ட் என குறிப்பிடப்படுகிறது. மென்பொருள் வெற்றி எடுத்து பின்னர் அது பல நுகர்வோர் தயாரிப்புகள் ஈடுபட்டுள்ளது.

6. மைக்ரோசாப்ட்: கூகிள் அதன் வேர்களை தொடங்குவதற்கு முன்பு இந்த நிறுவனம் உலகின் பல மக்கள் மனதில் எப்போதும் இருந்தது. அதன் நிறுவனர் பில் கேட்ஸ் உலகின் பணக்கார நபர் மற்றும் ஃபோர்ப்ஸ் பத்திரிகை ஒரு பிஸியாக படம் ஒரு பிரபலமான நபர் உள்ளது. இந்த நிறுவனம் 1990 ல் இந்தியாவில் நுழைந்தது மற்றும் இந்திய பன்னிரண்டு முக்கிய நகரங்களில் அலுவலகங்கள் உள்ளன. மைக்ரோசாப்ட் அதன் இயங்கு பிரபலமானவர் என்பதால் நேரம் இந்தியர்கள் மிக தங்கள் இயக்க அமைப்புகள் பணி மும்முரமாக உள்ளன.

7. அக்செஞ்சர்: இந்த முக்கிய இந்திய நகரங்களில் 8 அதன் நிறுவனங்கள் கொண்ட ஒரு அயர்லாந்து அடிப்படையில் பன்னாட்டு நிறுவனம் ஆகும். இது நியூயார்க் அமைந்துள்ளது அதன் தலைமையகம் கொண்டிருக்கிறது. இந்த நிறுவனம் உலகம் முழுவதும் மேற்பட்ட 2 லட்சம் ஊழியர்கள் கொண்டிருக்கிறது. இது 120 நாடுகளில் மேலும் ஃபார்ச்சூன் 500 நிறுவனங்கள் பட்டியலில் தனது நிறுவனத்தின் கொண்டிருக்கிறது.

8. எல் & டி: எல் & டி லார்சன் & டூப்ரோ இன்போடெக் லிமிடெட் மும்பை தலைமையிடமாக ஒரு இந்திய நிறுவனம் உள்ளது. இந்த நிறுவனம் தகவல் தொழில்நுட்ப சேவைகள், பிபிஓ மற்றும் Construction தீர்வுகளை வழங்குகிறது. இது இந்தியாவின் முதல் மென்பொருள் மற்றும் சேவைகள் ஏற்றுமதி மத்தியில் டாப் 10 இடத்தில் உள்ளது. இந்த நிறுவனம் வேலை சிறந்த நிறுவனங்களில் ஒன்றாக ஒரு இடம் கிடைத்து விட்டது.

9. ஐசிஐசிஐ வங்கி: கே.வி. காமத் நிறுவப்பட்ட இந்த வங்கி இரண்டாவது மிக பெரிய நிதி 2.533 கிளைகள் ஒரு பிணைய இந்தியாவில் சேவைகள் மற்றும் 19 நாடுகளில் தற்போது உள்ளது. தற்போது இந்த வங்கி இயக்குனர் மற்றும் தலைமை நிர்வாக அதிகாரி போன்ற சாந்தா Kochar தலைமையில் உள்ளது. முழு தொழில் கடன் மற்றும் இந்திய முதலீட்டு கழகம் உள்ள ஐசிஐசிஐ ஒரு தொழில் தொடங்க சில புதிய எம்பிஏ மற்றும் பட்டதாரி வைத்திருப்பவர்கள் என ஒரு சிறந்த வீரர்களின் அணியாக உள்ளது.

10. ஏர்டெல்: Barathi தொலை சுனில் மிட்டல் நிறுவனர் ஒரு தொலைபேசி கேபிள் வியாபாரி ஒரு நிறுவனம் தனது பயணம் செய்துள்ளது. ஏர்டெல் ஒரு ஜிஎஸ்எம் வழங்குநர் மேற்பட்ட 230 மில்லியன் சந்தாதாரர்களை கொண்ட 20 நாடுகளில் செயல்படுகிறது. இது உலகின் ஐந்தாவது மிக பெரிய telecome ஆபரேட்டர் மற்றும் இந்தியாவில் 3 வது மிக பெரிய உள்ளது. இது வேலை நல்ல நிறுவனங்களில் ஒன்றாக தனது நிலையை காண்கிறது.

1 இலட்சத்து 1349 கோடி தமிழ்நாட்டின் மொத்த கடன்

2011-11-22T19:17:00.000+05:30

55 ஆண்டுகளுக்கு முன்பு தென்மாவட்டத்தில் நாகரீகமே எட்டிப்பார்க்காத ஒரு குக்கிரமத்தில் நடத்த உண்மை சம்பவம்.

சாலை வசதியே இல்லாத ஊர்ஃ அந்த கிராமத்தில் இருந்த ஒரு பண்ணையார் வீட்ல் அவர்கள் குடும்பத்தினர் எங்காவது போய் வர கூண்டு வண்டி வைத்து இருந்தனர். அந்த ஊரில் காரை பார்க்காதவர்களே பலர் உண்டு.ஒரு நாள் அந்த பெரியவரின் ஒரு மகன் அந்த காலங்களில் 1944 மாடல் என்று கூறப்பட்ட ஒரு பழையகாரைக் கொண்டு வந்து, அதற்கு மாலை போட்டு பெருமையாக தன்ன தகப்பனார் முன்பு கொண்டு வந்து நிறுத்தினார் ஊரே திரண்டு வந்து காரை வேடிக்கை பார்த்தது.ஆனால் பெரியவர் பெருமைப்படவில்லை வருந்தத்தோடு சொன்னார் நீ வெளியே வட்டிக்கு கடன் வாங்கி இந்த காரை வாங்கிக் கொண்டு வந்து இருக்கிறாய் இதில் எனக்கு பெருமை இல்லை வருத்தம் தான். நீ உன் கையில் உள்ள வருமானமத்தில் ஒரு சைக்கிள் வாங்கிக் கொண்டு வா உன்னை பெருமையோடு பாராட்டுவேனன் என்றார். கிராம முன்சீப்பாக இருக்கும் உன் அண்ணன் சைக்கிளில் போவதைப் பார்த்து மகிழ்ச்சி அடையும் என் மனதுக்கு உன் காரைப் பார்த்தால் மகிழ்ச்சி வரவில்லையே என்றார் இது தான் ஒவ்வொரு வீடும் நாடும் பின்பற்ற வேண்டிய பொருளாதார தத்துவமாகும்.

வரவுக்கேற்ற வகையில் அரசுகள் செலவுகளை நிர்ணயித்து கொள்ள வேண்டும்இந்த நிலையில் தமிழக அரசுக்கு இருக்கும் மொத்த கடன் தொகையை கேட்டால் கடன் பட்டார் நெஞ்சம் கோல கலங்கினான் என்பார்களே அதே உணர்வு தமிழ்நாட்டில் உள்ள 7 கோடியே 21லட்சம் மக்களுக்கும் ஏற்படுகிறது தமிழ்நாட்டின் மொத்த ஒரு லட்சத்தது 1349 கோடி ரூபாய் ஆகும். கேட்பதற்கு தலை சுற்றுகிறது அல்லவா? இது நம் ஒவ்வொருவர் தலையிலும் சுமத்தப்பட்டுள்ள கடனாகும்.

மற்ற மாநிலங்களின் கடன் எவ்வளவு? என்று பார்த்தால் தான் நாம் எந்த அறவு கடனில் தத்தளித்துக் கொண்டு இருக்கிறோம் என்று புரியும். தமிழக அரசு ஆண்டுக்கு வட்டியாக மட்டும் ஆண்டுக்கு ஏறத்தாழ ரூ. 10 ஆயிரம் கோடி கட்ட வேண்யிருக்கிறது (ஏமாளியான மக்களின் வரிசுமைகள் ஏற்றிக்கொண்டு இருக்கிறர்கள் இந்த ஆடம்பர அரசியல்வாதிகள்)

தமிழ் நாட்டின் இவ்வளவு பெரிய சுமை இப்போது திடீரென்று ஏற்பட்டதில்லை.காலங்கலமாக கொஞ்சம் கொஞ்சமாக ஏற்றி வைக்கப்பட்ட பெரிய சுமையாகும்.

மறைந்த நாஞ்சில் மனோகரன் தான் பேசும் எல்லா கூட்டங்களில் எல்லாம் ஏதாவது ஒரு ஆங்கில பழமொழி கடுமையாக உழை, நிறைய சம்பாதி வீட்டைக்கட்டு, ஒரு கார் வாங்கு, திருமணம் செய்துகொள் இன்பமாக வாழ்க்கையை கழி என்பது தான் நமது மக்களுக்கு உழைக்க வேண்டும் தங்கள் உழைப்பில் ஈட்டிய பணத்தில் பொருட்களை வாங்க வேண்டும் கஷ்டமில்லாத வாழ்க்கை வாழ வேண்டும் என்ற உணர்வு மங்கி ஓசியில் அரசு ஏதாவது கொடுத்தால் போதும் என்ற உணர்வு தளிர்த்துவிட்டது.

அரசியல் கட்சிகளும் இந்த இலவசங்களை அள்ளி அள்ளிக் கொடுத்தால் தான் ஓட்டு கிடைக்கும் என்ற உணர்வில் வாரி வாரி வழங்கியது. அரசின் வருமானங்கள் எல்லாம் இலவசங்களுக்கு போய்விட்டது. மற்றும் அரசின் ஆடம்பர விழாங்களும், குளறுபடியான நிர்வாகங்களும். அரசு கட்டிடங்களை
இடிப்பதும் மாற்றுவதும். என பல விளையாட்டுகளை அரசியல்வாதிகள் செய்துவிட்டு ஆட்சி முடிந்ததும் அயல் நாடுகளில் சுற்றுலா என சொகுசு வாழ்கை வாழ்வதும் விலை ஏற்றும் தவிர்கக முடியாது என்ற வார்த்தைகள் ஓட்டு போட்ட மக்களுக்கான பதில். கடன்காரராகும் மக்கள் வேறு என்னதான் செய்ய முடியும்

அரிய புகைப்படம்

2011-10-29T18:45:00.000+05:30

1890 ல் மெரினா கடற்கரை சாலை

சென்னை துறைமுகம் 1910ல்

சென்னை திருவல்லிகேணி 1910

சென்னை 1915

உறை விற்கும் சென்னை பெண்கள் 1920

குழந்தை தாய்

இருளர் இன மக்கள் மதுரை

தீபஒளி பரவட்டும் நம்மில்....................

2011-10-26T17:36:00.000+05:30

தீபங்களாய் ஒளிரட்டும் நமது மனங்கள்
புத்தாடை அணிவதும் பட்டாசு வெடிப்பது மட்டுமல்ல தீபாவளி
உறவுகளுடன் பகிரட்டும் அன்பை
இல்லார்க்கும் பகிர்ந்திடுவோம் ஒரு வேளை உணவை
தொலைக்காட்சி பெட்டியில் தொலைவது தவிர்த்து
ஆதரவற்ற குழந்தைகளோடு கொண்டாடிவோம் சில மணி துளிகள்
முதல் பட காட்சிக்காக 500 1000 செலவழித்து ஆடம்பரத்தை
வளர்ப்பதை தவிர்த்து
ஒரு நாளாவது உனது பார்வை மாறட்டும் பிளாட்பார வாசிகள் மீதும்
தீபங்களாய் ஒளிரட்டும் நமது மனங்கள்

காத்திருப்பின் சுகம்

2011-10-23T18:55:00.000+05:30

உனக்காக காத்திருக்கும் நாட்கள்

உன் நினைவுகளை சுமந்து செல்லும் இரவுகள்
உன் நினைவுகளில் பல நாட்களாய் விழித்திருக்கும் கண்கள்
உன் ஒரு சொல் கேட்க பல ஆயிரம் அழைப்புகள்
என்னை நீ உதாசினபடுத்தும் போதும் தொலைந்து விடாத உன் அன்பு
எனக்குள் இருக்கும் உணர்வும் உன்னுள் இருந்தும் மறைப்பது

ஏனோ பெண்ணோ?
பல வருடங்களுக்கு முன் என் அனுமதி இன்றி என்னூள்

வந்த நீ
நான் இருக்கும் வரை நினைவுகளுடன் என்னூள்

வாழ்ந்து கொண்டிருப்பாய்!
நினைவுகள் நிஜமாகுமா பெண்ணோ?...............