ദേശാടനം

നിത്യാനന്ദ ഷേണായിയുടെ നാട്ടില്‍!

2017-04-20T02:24:00.001-07:00

വിഷുക്കൈനീട്ടമായെത്തിയ മമ്മൂട്ടിയുടെ രഞ്ജിത്ത് ചിത്രം 'പുത്തന്‍ പണ'ത്തില്‍ മലയാളിക്ക് അത്ര പരിചിതമല്ലാത്ത ഭാഷാ ശൈലിയുമായി കുമ്പളക്കാരന്‍ നിത്യാനന്ദ ഷേണായി ആയാണ്
എത്തിയിരിക്കുന്നത്. മലയാള സിനിമയില്‍ തിരുവനന്തപുരം, തൃശൂര്‍, മലപ്പുറം
ഭാഷാശൈലികളൊക്കെ മുമ്പ് പരീക്ഷിക്കപ്പെട്ടതാണെങ്കിലും ഒരു പക്കാ കാസറഗോഡന്‍
ഭാഷാശൈലി ഇതാദ്യമാണ്.

ലുക്കിലും ഗെറ്റപ്പിലും ഭാഷാശൈലിയിലുമൊക്കെ ഒരു തനി കുമ്പളക്കാരനായി പരകായ പ്രവേശം
നടത്താന്‍ മമ്മൂട്ടിക്ക് കഴിഞ്ഞിരിക്കുന്നു. നിത്യാനന്ദഷേണായിയുടെ കുമ്പളയിലേക്ക് നമുക്കൊരു യാത്ര പോയാലോ ?

ഈ പേര് അധിക ഇന്ത്യക്കാരും കേട്ടിരിക്കും, അനില്‍ കുംബ്ലെ എന്ന പ്രശസ്തനായ ക്രിക്കറ്റ്
താരത്തിന്റെ ജന്മ ദേശമാണിത്; സ്വന്തം ജന്മനാടിനെ പേരിനൊപ്പം കൂടെ കൂട്ടുകയും ചെയ്തു
അദ്ദേഹം. അദ്ദേഹത്തോടുള്ള ഈ നാടിന്റെ ആദരവായ് ആ പേരില്‍ ഒരു റോഡുമുണ്ട് കുമ്പളയില്‍.

കാസറഗോഡിന്റെ സപ്തഭാഷ വൈവിധ്യങ്ങളെ പ്രതിനിധീകരിക്കുന്ന ഒരു കോസ്‌മോ പോളിറ്റന്‍
സംസ്‌കാരം ഉള്‍കൊള്ളുന്ന, കാസറഗോഡ് നഗരത്തില്‍ നിന്ന് പതിനൊന്ന് കിലോമീറ്റര്‍ അകലെയുള്ള
ചെറു ടൗണാണ് കുമ്പള.

കേരളത്തിലെ ഒരേയൊരു തടാക ക്ഷേത്രമായ അനന്തപുരം തടാക ക്ഷേത്രം ഇവിടെയാണ്.
കേരളത്തിന്റെ ഏറ്റവും വടക്കേ അറ്റത്തുള്ള കോട്ടയായ ആരിക്കാടി കോട്ടയും. ഉത്തര
മലബാറിലെ പ്രധാന മാപ്പിള തെയ്യങ്ങളിലൊന്നായ ആലിതെയ്യം അരങ്ങേറുന്നത് ആരിക്കാടിയിലാണ്.
കൂടാതെ ഇവിടെത്തെ ശ്രീ കണിപ്പുര ക്ഷേത്രത്തിലെ വെടിയുത്സവം ജാതിമത ഭേദമന്യേ നാടിന്റെ
ഉത്സവമാണ്.

അനന്തപുരം ക്ഷേത്രം
തിരുവനന്തപുരത്തെ അനന്തപത്മനാഭ സ്വാമി ക്ഷേത്രത്തിന്റെ മൂലസ്ഥാനമാണ് ഈ ക്ഷേത്രം. മനോഹരമായ തടാകത്തിലാണിത്. ശ്രീ കോവിലിന്റെ പുറം ചുമരിലെ ചുവര്‍ ചിത്രങ്ങള്‍ അജന്ത, എല്ലോറ ചിത്രങ്ങളോട് സാമ്യമുള്ളവയാണ്.

കടുശര്‍ക്കരയോഗമെന്ന പുരാതന വിഗ്രഹ ശൈലിയിലാണ് ഇവിടത്തെ വിഗ്രഹം നിര്‍മിച്ചിരുന്നത്. പിന്നെടെപ്പോഴോ പഞ്ചലോഹ വിഗ്രഹത്തിലേക്ക് വഴിമാറി വീണ്ടും കടുശര്‍ക്കരയോഗത്തിലേക്ക് തന്നെ വിഗ്രഹത്തെ മാറ്റി സ്ഥാപിക്കാനുള്ള ശ്രമം നടക്കുന്നു.

കുമ്പള - ബദിയടുക്ക റൂട്ടില്‍ നായിക്കാപ്പിലൂടെ ഒരു കിലോമീറ്റര്‍ തെക്കോട്ടു പോയാല്‍ അനന്തപുരത്തെത്താം, വര്‍ഷകാലത്ത് ഇവിടെ എത്തുന്ന സഞ്ചാരികള്‍ക്ക് ക്ഷേത്രവും കുന്നിന്‍ചെരുവുകളും, പാറക്കെട്ടുകളുമൊക്കെ സമ്മാനിക്കുന്നത് വശ്യമനോഹരമായ കാഴ്ചാനുഭവമാണ്.

ക്ഷേത്ര തടാകത്തില്‍ ഒരു മുതലയുണ്ട്, പേര് ബബ്ബിയ്യ. കഴിഞ്ഞ അറുപത്തിയഞ്ച് വര്‍ഷത്തോളമായി ഈ മുതല മാംസാഹാരം കഴിക്കാതെ, മനുഷ്യരെ ഉപദ്രവിക്കാതെ, പൂജരിമ്മാര്‍ നല്‍കുന്ന നിവേദ്യച്ചോര്‍ മാത്രം കഴിച്ച് ഇവിടെ കഴിയുന്നു.

ആരിക്കാടി കോട്ട
മംഗലാപുരം ദേശീയപാതയില്‍ കുമ്പളയില്‍ നിന്ന് ഒരു കിലോമീറ്റര്‍ സഞ്ചരിച്ചാല്‍ ഈ കോട്ടയിലെത്താം. കോട്ടയുടെ നാടായ കാസര്‍കോട്ടെ ഏറ്റവും വടക്കേ അറ്റത്തുള്ള കോട്ടയാണിത്. ടിപ്പുസുല്‍ത്താന്റെ കാലത്ത് നിര്‍മ്മിച്ചതാണെന്നാണ് പരക്കെ വിശ്വസിച്ചുവരുന്നത്. കുമ്പള രാജവംശത്തിന്റെ ആസ്ഥാനത്തിനുവേണ്ടിയാണിത് നിര്‍മ്മിച്ചതെന്നും പറയപ്പെടുന്നു.

എന്നാല്‍ എ.ഡി. 1608ല്‍ ഇക്കേരി ഹിരിയ വെങ്കടപ്പ നായക് കെട്ടിയതാണ് കുമ്പളയിലെ ആരിക്കാടി കോട്ടയെന്നാണ് ചരിത്ര രേഖകളിലുള്ളത്. കോട്ടയുടെ കവാടത്തില്‍ നായക് നിര്‍മ്മിച്ച കോട്ടയെന്ന് കന്നടയില്‍ ആലേഖനം ചെയ്ത ഒരു ശിലാലിഖിതം ഉണ്ടായിരുന്നുവെന്ന് സൗത്ത് കാനറ ഡിസ്ട്രിക്ട് മാന്വല്‍ രണ്ടാം വാള്യത്തില്‍ സ്റ്റുവര്‍ട്ട് രേഖപ്പെടുത്തിയിട്ടുണ്ട്.

ഇന്ന് ഈ കോട്ട ദ്രവിച്ച് നശിക്കുമ്പോഴും കോട്ടയുടെ പ്രധാന നിരീക്ഷണകേന്ദ്രം ഒരു കോട്ടവും കൂടാതെ നിലനില്‍ക്കുന്നു. ഇതിന്റെ മുകളില്‍ നിന്ന് കാണുന്ന അറബിക്കടലിന്റെയും, കുമ്പളപ്പുഴയുടെയും കാഴ്ചകള്‍ മനോഹരമാണ്. അടുത്തിടെ കോട്ടയുടെ പരിസരത്ത് പുരാവസ്തു വകുപ്പ് നടത്തിയ ഖനനത്തില്‍ പുരാതന കൊട്ടാരത്തിന്റെ അവശിഷ്ടങ്ങള്‍ കണ്ടത്തിയിരുന്നു.

ആലി തെയ്യം
ആരിക്കടി കോട്ടക്ക് തൊട്ടടുത്താണ് ആലിച്ചാമുണ്ഡി അല്ലെങ്കില്‍ ആലി ഭൂതം എന്നറിയപ്പെടുന്ന ആലി തെയ്യം അരങ്ങേറുന്നത് ഉത്തര മലബാറിലെ മത സൗഹാര്‍ദ്ദത്തിന്റെ കഥകള്‍ പറയുന്ന മാപ്പിള തെയ്യങ്ങളില്‍ പ്രധാനി.

മുഖത്ത് കരിതേച്ച്, തലയില്‍ സ്വര്‍ണ്ണ നിറമുള്ള നീളന്‍ തൊപ്പിയും കഴുത്തില്‍ പൂമാലകളും ചുവന്ന സില്‍ക്ക് മുണ്ടും ധരിച്ചു കയ്യില്‍ ചൂരല്‍ വടിയുമായിട്ടാണ് ആലി തെയ്യത്തിന്റെ പുറപ്പാട്. ആരിക്കാടി പാടാര്‍കുളങ്ങര ഭഗവതി സ്ഥാനത്ത് മീന മാസത്തില്‍ നടക്കുന്ന തെയ്യാട്ടത്തില്‍ ആലി തെയ്യം കെട്ടിയാടുന്നു. കാവിന്റെ ഇടതു ഭാഗത്ത് പ്രത്യേക സ്ഥാനത്തിരുന്നാണ് ആലി തെയ്യം അനുഗ്രഹിക്കുന്നത്. തുളു നാട്ടിലെ മറ്റു ചില തീയ്യ തറവാട്ടുകളിലും ഈ തെയ്യം കെട്ടിയാടാറുണ്ട്. ആലിഭൂതസ്ഥാനം എന്നാണ് ഈ തെയ്യം കെട്ടിയാടുന്ന കാവിനെ വിളിക്കാറുള്ളത്.

ഉഗ്ര ദുര്‍മാന്ത്രികനായിരുന്ന ആലി കുമ്പള നാട്ടിനെയും കുമ്പള അരീക്കാടിയിലെ തീയ്യ തറവാട്ടുകാരെയും ഏറെ വിഷമിപ്പിച്ചയാളായിരുന്നു. തീയ്യ തറവാട്ടിലെ സുന്ദരിയായ കന്യകയെ ആലി വലയില്‍ വീഴ്ത്താന്‍ ശ്രമിച്ചതിനെ തുടര്‍ന്ന് തറവാട്ട് കാരണവര്‍ കുലപരദേവതയായ പാടാര്‍ കുളങ്ങര ഭഗവതിയെ പ്രാര്‍ഥിക്കുകയും പാടാര്‍ കുളങ്ങര ഭഗവതി ഈ ദൌത്യം പുതിയ ഭഗവതിയെ ഏല്‍പ്പിക്കുകയും ചെയ്തുവത്രേ. സുന്ദരിയായി വേഷം മാറിയ പുതിയ ഭഗവതി ആലിയ പാറക്കുളത്തില്‍ ഒന്നിച്ചു കുളിക്കാന്‍ ക്ഷണിക്കുകയും നീരാട്ടിനിടയില്‍ ആലിയുടെ അരയില്‍ കെട്ടിയ ഉറുക്കും തണ്ടും കൈക്കലാക്കുകയും തല്‍സ്വരൂപമെടുത്ത് ആലിയെ വകവരുത്തുകയും ചെയ്തുവത്രേ.

ആരിക്കാടിയിലെ ഛത്രംപള്ളത്തു വെച്ച് നടന്ന ഈ സംഭവത്തിനു ശേഷം നാട്ടില്‍ ദുര്‍നിമിത്തങ്ങള്‍ ഏറി വരികയും തുടര്‍ന്ന് നടത്തിയ പ്രശ്‌ന വിധി പ്രകാരം ദൈവക്കരുവായ ആലിക്ക് കെട്ടിക്കോലം കല്‍പ്പിക്കുകയും ചെയ്തുവത്രേ. ഇതാണ് ആലിതെയ്യവുമായി ബന്ധപ്പെട്ട ഐതിഹ്യം.

Published in asinet

http://www.asianetnews.tv/magazine/kumbala-travelogue-by-km-irshad

ബൈലോക്കുപ്പയിലെ സുവര്‍ണ്ണ ക്ഷേത്രവും മക്കയിലെ റോഹങ്ക്യന്‍ സെറ്റില്‍മെന്റും .

2015-12-02T12:12:00.000-08:00

രണ്ടു യാത്രകള്‍; ഒന്ന്‍ കര്ണാടകയിലെ മൈസൂര്‍ ജില്ലയില്പ്പെടുന്ന ടിബറ്റന്‍ സെറ്റില്‍മെന്റായ ബൈലോക്കുപ്പയിലേക്ക്, മറ്റൊന്ന് മുസ്ലിം ലോകത്തിന്‍റെ ആത്മീയ ആസ്ഥാനമായ മക്ക നഗരത്തിലെ അല്‍നെക്കാസ ജില്ലയിലെ പേരറിയാത്ത കുന്നുകള്‍ക്ക് മുകളില്‍ കെട്ടിപ്പൊക്കിയ റോഹങ്ക്യന്‍ ബര്‍മീസ് അധിവാസ കേന്ദ്രത്തിലേക്ക്.
രണ്ടു ഹിമാലയന്‍ രാജ്യങ്ങളിലെ കുറിയരായ കുറെ മനുഷ്യര്‍ ഇവിടെങ്ങളില്‍ അധിവസിക്കുന്നു. (മ്യാന്മാര്‍ പൂര്‍ണ്ണമായും ഒരു ഹിമാലയന്‍ രാജ്യമല്ലങ്കിലും ഇവരുടെ ജന്മ നാടായ അറഖാന്‍ വേര്‍തിരിക്കുന്നത് ഹിമാലയന്‍ പര്‍വ്വത നിരകളാണ്) രാഷ്ട്രീയ പരമായ കാരണങ്ങളാല്‍ സ്വന്തം നാട്ടില്‍ നിന്ന്‍ ആട്ടിയോടിക്കപ്പെട്ടവര്‍.
കൂര്‍ഗിന്‍റെ ആസ്ഥാനമായ മടിക്കേരി നഗരത്തില്‍ നിന്ന്‍ 30 കിലോമീറ്റര്‍ മാറി കുശാല്‍ നഗര്‍ പിന്നിട്ട് ബൈലോക്കുപ്പയിലേക്കുള്ള റോഡില്‍ കയറുമ്പോള്‍തന്നെ മുകളില്‍ വര്‍ണ്ണ ക്കൊടികള്‍ വലിച്ചു കെട്ടിയിരിക്കുന്നു, അലങ്കാരത്തുണികള്‍ പതിച്ച മതിലുകള്‍; അതുവരെ കണ്ട ഭൂപ്രകൃതിയേ അല്ല ഇനിയങ്ങോട്ട്. പെടുന്നനെ വേറെയേതോ രാജ്യത്തെത്തിയ പ്രതീതി, 3210 ഏക്കറില്‍ വ്യാപിച്ചു കിടക്കുന്ന വിശാലമായ കച്ചവട കേന്ദ്രങ്ങളും, വിദ്യാഭ്യാസ സ്ഥാപനങ്ങളും, മത സ്ഥാപനങ്ങളുമടങ്ങുന്ന ഒരു കൊച്ച് ടിബറ്റ്‌.
അല്‍നെക്കാസ മറ്റൊരു കാഴ്ചയാണ് കപ്പലുകള്‍ക്ക് ലൈറ്റ് ഹൌസ് കരയിലേക്ക് വഴികാട്ടുന്നത് പോലെ മക്കയിലെ മലനിരകള്‍ക്കപ്പുറത്ത് ഹറമെവിടെയാണന്ന്‍ കാണിക്കാനെന്ന പോലെ വിദൂരതയില്‍ തല ഉയര്‍ത്തി് നില്‍ക്കുന്ന മക്ക ക്ലോക്ക് ടവര്‍, കുന്നുകള്‍ക്ക് മുകളില്‍ അട്ടിയിട്ടിരിക്കുന്നത് പോലോത്ത ഒരായിരം വീടുകള്‍, ദൂരെ നിന്ന്‍ മനോഹര കാഴ്ചയാണത്; കുന്നിന്‍ ചെരുവുകളില്‍ മാത്രമല്ല ഇതിന്‍റെ ചുറ്റു ഭാഗത്തൊക്കയായി അല്‍നെക്കാസയില്‍ രണ്ട് ലക്ഷത്തിലധികം റോഹങ്ക്യന്‍ അഭയാര്‍ഥി‍കളുണ്ടത്രെ.

രണ്ടും പാലയനമായിരുന്നു ഒന്ന്‍ എത്തിച്ചേര്‍ന്നത് ചരിത്രത്തിലെ ഏറ്റവും പ്രധാനപ്പെട്ട പാലായനങ്ങളിലൊന്ന്‍ നടന്ന മലനിരകളള്‍ക്കിടയിലാണ്, മറ്റൊന്ന് തെക്കേ ഇന്ത്യയിലെ സമുദ്ര നിരപ്പില്‍ നിന്ന്‍ 2600 അടി ഉയരത്തില്‍ സ്ഥിതി ചെയ്യുന്ന കുടക് മലകളിലും.
കോടമഞ്ഞ് പുതച്ച പാതകള്‍ക്കപ്പുറത്ത് പുതിയൊരു ലോകം തീരത്തിരിക്കുകയാണ് ടിബറ്റില്‍ നിന്ന്‍ ചൈനീസ് അധിനിവേശ കാലത്ത് വേരോടെ പറിച്ചു നടപ്പെട്ട കുറെ മനുഷ്യര്‍. 1960ലാണ് ഇന്ത്യ ഗവണ്മെണ്ട് രാജ്യത്തെ ഏറ്റവും വലിയ ടിബറ്റന്‍ അഭയാര്‍ഥി‍ കേന്ദ്രം ഇവിടെ ആരംഭിക്കുന്നത്, മൂവായിരമായിരുന്നു അടിസ്ഥാന ജനസംഖ്യയെങ്കിലും ഇന്നത് പതിനായിരത്തിലധികമാണ്.
ആറു ലക്ഷത്തോളം റോഹങ്ക്യന്‍ അഭയാര്‍ത്ഥികളുണ്ടത്രെ സൌദിയില്‍, അതില്‍ നല്ലൊരു ഭാഗം അല്‍നെക്കാസയിലും, മക്കയിലെയും, ജിദ്ദയിലെയും മറ്റു പ്രാന്തപ്രദേശങ്ങളിലും കഴിയുന്നുണ്ട്.

കമ്പനിയിലെ സുഹൃത്ത് മുഹമ്മദലി ജിന്നയുമൊത്താണ് അല്‍ നെക്കാസയിലെ ഇഷ്ടിക കട്ടകളാല്‍ തീര്‍ത്ത ചുവന്ന വീടുകള്ക്കിടയില്‍ എത്തിയത്. പേര് കേട്ട് ഞെട്ടണ്ട ജിന്ന ഒരു പാവമാണ്, അറഖാനെയും ബംഗ്ലാദേശിനെയും അതിരിട്ടൊഴുകുന്ന നാഫ് നദി കടന്ന്‍ ബംഗ്ലാദേശിലെത്തി അവിടെത്തെ പാസ്പോര്‍ട്ടി്ലാണ് ജിന്ന സൌദിയിലെത്തിയത്. പുതുതായി ഇവിടെയെത്തുന്നവരെക്കെ അങ്ങെനെത്തന്നെയാണ് വരുന്നത്, വിമാനത്താവളത്തില്‍ വെച്ച് പാസ്പോര്‍ട്ടുകള്‍ സൗദി അതികൃതര്‍ വാങ്ങിക്കും പിന്നീട് ഒരു തിരിച്ചു പോക്ക് സാധ്യമല്ല. ശിഷ്ട കാലം സൗദി ഭരണകൂടം അനുവദിച്ചു നല്കുന്ന താമസ രേഖയോടെയോ അതില്ലാതെയോ ഇവിടെ കഴിഞ്ഞു കൂടും.
സുവര്‍ണ്ണ ക്ഷേത്രത്തിന്‍റെ പിറകുവശത്തെ വിശാലമായ പുല്‍ത്തതകിടിയിലിരുന്ന്‍ താഷി എന്ന ബുദ്ധ ഭിക്ഷുവിനോട് ഒരുപാട് നേരം സംസാരിച്ചു, താഷി പറയുന്നത് അവരിവിടെ കടന്നു വരുന്ന കാലത്തവര്‍ക്ക് അധികമൊന്നും വിധ്യാഭ്യാസമുണ്ടായിരുന്നില്ല; ഇന്നവര്‍ക്കറിയാം ചൈനയെ തങ്ങളുടെ നാട്ടില്‍ നിന്ന്‍ ആട്ടിയോടിക്കണമെങ്കില്‍ തങ്ങളുടെ കുട്ടികള്‍ക്ക് വിദ്യാഭ്യാസം നല്‍കുന്നതിലൂടെ മാത്രമേ സാധ്യമാവുള്ളൂന്ന്‍, അതിനുള്ള പ്രവത്തനങ്ങള്‍ അവര്‍ നടത്തിക്കൊണ്ടിരിക്കുന്നു. ടിബറ്റന്‍സ് ഒരു തിരച്ചു പോക്ക് സ്വപ്നം കാണുന്നുണ്ട് അതിനായീ അവര്‍ ശ്രമിക്കുന്നു. വിദൂര സ്വപ്നങ്ങളില്‍പ്പോലും ഒരു തിരിച്ചു പോക്ക് ജിന്നയുടെയോ പരിചയപ്പെട്ട ഏതെങ്കിലും ബര്‍മ്മീസ് കുടിയേറ്റക്കാര്‍ക്കി്ടയിലോ ഇല്ല.
ടിബറ്റുകാര്‍ അവരുടെ ആവാസ വ്യവസ്ഥിതിയില്‍ നിന്ന്‍ വേരോടെ പഴുതറുത്ത് കൊണ്ട് വന്നു നട്ടവരാണങ്കില്‍ ബര്‍മ്മക്കാര്‍ വേരറുത്തതിനു ശേഷം ജീവന്‍ ബാക്കിയുള്ള വിഭാഗമാണ്‌.
ടിബറ്റിനും, സിറിയക്കും, യമനും, ഫലസ്തീനുമൊക്കെ സുഹൃത്തു രാജ്യങ്ങളുണ്ട് എന്നാല്‍ അറഖാനിലെ ഈ ജനതയെ സ്വന്തം രാജ്യത്തെ ബുദ്ധ സൈനീക ഭരണകൂടം പൌരത്വം റദ്ദാക്കി പുറംതള്ളുമ്പോള്‍ സ്വീകരിക്കാന്‍ പോലും ലോകത്തൊരുരാജ്യവുമില്ല, തൊട്ടടുത്ത ബംഗ്ലാദേശ് ആണങ്കില്‍ ഒരു ദരിദ്ര രാജ്യവും. പിന്നെ കിട്ടുന്ന ഏതെങ്കിലുമൊരിടത്ത് എങ്ങെനെയെങ്കിലും ജീവിക്കുക എന്നത് മാത്രമായിരിക്കും അവരുടെ സ്വപ്നം.
കഴിഞ്ഞ പാലായന കാലത്ത് ഗത്യന്തരമില്ലാതെ പഴയതും പകുതി തകര്‍ന്ന ബോട്ടുകളിലും കയറി എതെങ്കിലു കര തേടി കടലിലലഞ്ഞ കുറെ മനുഷ്യര്‍ക്ക് തായിലാണ്ടും,മലേഷ്യയും, ഇന്തോനേഷ്യയും അഭയം നല്‍കാതെ അവസാനം ഫിലിപ്പിയന്‍സ് അഭയം നല്‍കിയ ഒരു വാര്‍ത്ത നമ്മളെക്കെ വായിച്ചു മറന്നിരിക്കുന്നു.

ഒരിക്കല്‍ ജിന്ന പറഞ്ഞതോര്‍ക്കുന്നു, കഴിഞ്ഞ ദിവസം രാത്രി അവന്‍റെ വീടിനു തീവ്രവാദികള്‍ തീയിട്ടെത്രെ.. ഒന്ന്‍ ആശ്വസിപ്പിക്കാന്‍ പോലും കഴിയാതെ നിര്‍വികാരനായി കേട്ടുനില്‍ക്കാനേ എനിക്ക് കഴിഞ്ഞുള്ളൂ.
ഒരു പക്ഷെ അന്നു രാത്രി തന്‍റെ വീടിനെയോര്‍ത്ത് അവനെത്രെ കരഞ്ഞിരിക്കണം?!
എത്ര ഐലാന്‍ കുര്‍ദിമാര്‍ അറിയപ്പെടാത്ത ഏതെല്ലാം തീരങ്ങളില്‍ ജീവന്‍ പറന്നു പോയ ശരീരമായി അടഞ്ഞിരിക്കാം, ആ കരകളിലൊന്നും കാത്തിരുന്ന ഫോട്ടോഗ്രാഫര്‍മാരില്ലാത്തത് കൊണ്ടു എത്രയെത്ര കുഞ്ഞുങ്ങള്‍ ആരോരുമറിയാതെ ആറടി മണ്ണില്‍ അകപ്പെട്ടിരിക്കാം..?
പടിഞ്ഞാറോട്ടുള്ള കുടിയേറ്റം മാത്രമാണ് ലോകത്തിനു വിശയമാകുന്നത്, മാദ്ധ്യമങ്ങള്ക്ക് വാര്‍ത്ത യാവുന്നത്.
ശാന്തത മുറ്റി നില്കുകന്ന ചുറ്റുവട്ടങ്ങളില്‍ ടിബറ്റന്‍ ആത്മീയതയില്‍ ലയിച്ച് മനോഹരമായ ഒരു ദിവസം പങ്കുവെക്കാന്‍ കഴിയും കുശാല്‍ നഗറിലെത്തുന്ന ഒരു യാത്രികന്,
കൃത്യമായ ഒരു സംവിധാനമുണ്ട് ഈ സെറ്റില്മെന്റിലെ ഓരോ പ്രവര്‍ത്തനങ്ങള്‍ക്കും , എന്തിനു ഹിമാചല്‍ പ്രദേശിലെ ധര്‍മ്മശാല ആസ്ഥാനമായി ഒരു ടിബറ്റന്‍ പ്രധാനമന്ത്രിയും അതിനു കീഴിലുള്ള ഭരണ സംവിധാനവുമുണ്ടിവര്‍ക്ക്

ബര്‍മ്മീസ് അഭയാര്‍ഥി്കള്‍ക്കുള്ള വിദ്യാഭ്യാസ തൊഴില്‍ പരിശീലന രംഗത്തെ ‘മക്ക മാതൃക’ പ്രശംസിക്കപ്പെട്ട ഒന്നാണങ്കിലും, കൃത്യമായ ഒരു സംവിധാനത്തിനകത്ത് വ്യാപിച്ച് കിടക്കുന്ന ഒന്നല്ല ഇവരുടെ ജീവിതം. പലപ്പോഴും സൌദിയിലെ നിയമങ്ങളോടു കലഹിച്ചും അതിനോട് പൊരുത്തപ്പെടാന്‍ കഴിയാതെ ഇവിടെത്തെ ജയിലറക്കകത്താവുന്ന അഭയാര്‍ത്ഥികളുടെ എണ്ണവും വളരെ വലുതാണത്രെ.
അല്‍നെക്കാസ കുന്നുകള്‍ ദൂരക്കഴ്ചയില്‍ മാത്രമാണ് മനോഹരമെങ്കില്‍ സുവര്‍ണ്ണ ക്ഷേത്രവും പരിസരവും അകവും പുറവും സഞാരികളെ ആകര്‍ഷി്ക്കുന്ന മനോഹര ഇടമാണ്.
മുളകിട്ടു വില്‍ക്കുന്ന കുടകിന്‍റെ സ്വന്തം ഓറഞ്ഞും, തീയില്‍ പൊള്ളിച്ചെടുക്കുന്ന ചോളവും സുന്ദരക്കാഴ്ചകള്‍ക്കപ്പുറം വായില്‍ വെള്ളമൂറുന്ന ഓര്മ്മയായി എന്നും നിലനില്‍ക്കും .

ഒരു കാന്‍വാസില്‍ നാല് രാജ്യങ്ങള്‍, ഹഖല്‍ മനോഹരമായ ഒരു ചിത്രം

2015-09-13T07:07:00.003-07:00

ചെങ്കടലിന്‍റെ തീരത്തുകൂടിയുള്ള നീണ്ടു നിവര്‍ന്നുക്കിടക്കുന്ന പാത, തീരദേശ പാത, മരുഭൂമിയില്‍ കടലിനോട് സമാന്തരമായി നിര്‍മ്മിക്കപ്പെട്ട റോഡിന്‍റെ അറ്റം ആകാശത്ത് ചെന്നവസാനിക്കുന്ന പ്രതീതി സൃഷ്ടിക്കുന്നു.

ഈ ആറ്റം കാണാ പാതയിലൂടെ ജിദ്ദയില്‍ നിന്ന്‍ അബ്ദുല്‍ റഹ്മാന്‍ക്കയും, സിദ്ദീകും, നൌഫലും, ഞാനുമടങ്ങുന്ന നാല്‍വര്‍ സംഘം പുറപ്പടുമ്പോള്‍ ആയിരത്തി നൂറ്റി അമ്പത് കിലോമീറ്റര്‍ അപ്പുറത്തുള്ള ഹഖല്‍ ഒരു ലക്ഷ്യസ്ഥാനമേ ആയിരുന്നില്ല; ടൊയോട്ട യാരിസ് വണ്ടിയില്‍ ഇത്തരമൊരു ദീര്‍ഘയാത്ര കുറച്ചുകടുപ്പമാണ്. തബുക്ക് വരെയെങ്കിലും ഒന്ന്‍ പോവണം എന്നതായിരുന്നു പദ്ധതി.

ഹഖലും അഖബ കടലിടുക്കുമെക്കെ ചര്‍ച്ചയില്‍ കയറി വന്നെങ്കിലും അവിടേക്കുള്ള ദൂരം ഒരു പ്രധിസന്ധിയായി മുന്നില്‍ നിന്നു. നീണ്ടു കിടക്കുന്ന പാതയിലൂടെയുള്ള ഡ്രൈവിംഗ് സുഖകരമാണങ്കിലും വരണ്ടുണങ്ങിയ മരുഭൂമിയിലെ പുറംക്കാഴ്ചകള്‍ വിരസമായിരുന്നു.

ഈ പാതയില്‍ ആകയുള്ള തടസ്സം “ക്യാമല്‍ ക്രോസിംഗ്” ബോര്‍ഡുകളാണ്, അതിവേഗതയില്‍ സഞ്ചരിച്ചു കൊണ്ടിരിക്കെ ഏത് നിമിഷവും നമുക്ക് മുന്നിലേക്ക് ഒട്ടകം അല്ലെങ്കില്‍ ഒരൊട്ടകകൂട്ടം പ്രത്യക്ഷപ്പെടാം, ഹൈവേകളില്‍ ഉള്ളത് പോലെ റോഡിന്‍റെ ഇരുവശവും കമ്പിവേലികളില്ല. ഒരുപാട് തവണ ഞങ്ങളുടെ വണ്ടിയുടെ മുന്നിലും ഒട്ടകം വന്നു നില്‍ക്കുന്നതോ,റോഡ്‌ ക്രോസ്സിങ്ങോ ഉണ്ടായി, മുന്‍പേ കണ്ടത്കൊണ്ട് മാത്രം അപകടമൊഴിവായതാണ്. വണ്ടി ഒട്ടകത്തിന്‍റെ നീളന്‍ കാലുകളിലിടിച്ചാല്‍ അത് വണ്ടിക്ക് മുകളിലേക്ക് മറിയും, അങ്ങെനെ സംഭവിച്ചാല്‍ വണ്ടിയില്‍ നിന്ന്‍ ജീവനോടെ രക്ഷപ്പെടുക അസാധ്യമാണ്. ഇങ്ങെനെയുള്ള അപകടങ്ങള്‍ ഇത്തരം റോഡുകളില്‍ സാധാരണമാണ്.

രാത്രി വൈകി ആരംഭിച്ച യാത്ര പ്രഭാതത്തില്‍ ‘ദുബാ’ യിലെ ഒരു ഹോട്ടലില്‍ അവസാനിച്ചു, ഉറക്കച്ചടവോടെയാണങ്കിലും ദുബാ’യിലെ മനോഹര പ്രഭാതം ആസ്വദിച്ച് ഹോട്ടല്‍ മുറിയില്‍ കുറച്ച് നേരം വിശ്രമിച്ചതിനു ശേഷം വീണ്ടും യാത്ര തുടര്‍ന്നു.

ചെങ്കടലിന്‍റെ മണമുള്ള കാറ്റ് പുറത്തടിച്ച് വീശുന്നുണ്ട്, ചുവപ്പും കറുപ്പും വെളുപ്പും നിറത്തിലുള്ള പാറക്കെട്ടുകള്‍ തല ഉയര്‍ത്തി നില്‍ക്കുന്നു. അവ പെടുന്നനെ മരുഭൂമിയുടെ വന്യമായ തീഷ്ണതയിലേക്ക് വഴിമാറുന്നു.

മരുപ്പാതകളും മലമ്പാതകളും താണ്ടി അഖലില്‍ എത്തിയപ്പോള്‍ തീര്‍ച്ചയായും തോന്നി ഇവിടെ വന്നിരുന്നില്ലായിരുന്നെങ്കില്‍ അതൊരു നഷ്ടമാകുമായിരുന്നെന്ന്‍.

മരുഭൂമിയുടെ ഉള്ളുണര്ത്തുന്ന കാഴ്ചകളുടെ അത്ഭുതലോകമാണ് മുന്‍പില്‍, പ്രകൃതിയുടെ വിരല്‍പ്പാടുകള്‍ പതിഞ്ഞുക്കിടക്കുന്ന പ്രദേശം അതിനപ്പുറം രാജ്യ, ഭൂഖണ്ടാതിരുകള്‍ വരെ ഉള്‍പ്പെടുന്ന തന്ത്രപ്രാധാനയിടം. റോഡ്‌ നേരെ ചെന്നവസാനിച്ചത് ഒരു ചെക്ക് പോസ്റ്റിലാണ്, ദുറാ ബോര്‍ഡര്‍ ക്രോസിംഗ് ഇതിനപ്പുറത്ത് ഇനി പോവണമെങ്കില്‍ ജോര്‍ദാന്‍ വിസ വേണം, ആളൊഴിഞ്ഞ ഒരതിര്‍ത്തി ചെക്ക്പോസ്റ്റ്‌, തുറന്നുവെച്ച ഗേറ്റിനപ്പുറത്ത് ഒരു പൊലീസ് വണ്ടിയുണ്ട്, റോഡിനിരുവശവും കുറെ ഓഫീസ് കെട്ടിടങ്ങള്‍, തോക്കു ചൂണ്ടി നില്‍ക്കുന്ന പട്ടാളക്കാരൊന്നുമില്ല.

നീളന്‍ കുര്‍ത്തയിട്ട കുറച്ച് പാകിസ്ഥാനികള്‍ റോഡിനോഡ് ചേര്‍ന്നുള്ള ഓഫീസ് കേട്ടിടത്ത്ത്തിന്‍റെ വരാന്തയില്‍ തങ്ങളുടെ സ്വതസിദ്ധ ശൈലിയില്‍ കുത്തിയിരിക്കുന്നുണ്ട്, അവരോട് ആ ഗേറ്റിനകത്തൂടെ പോകാന്‍ പറ്റുമോ എന്ന്‍ ചോദിച്ചപ്പോള്‍ ‘മാഫിമുഷ്കില പോയിക്കോളു.. എന്ന്‍ പറഞ്ഞു, പക്ഷെ ആ ‘മാഫിമുഷ്കിലയെ’ അത്ര വിശ്വാസം പോരാത്തത് കൊണ്ട് അവിടെന്ന്‍ യൂ ടേര്‍ണടിച്ചു, പിന്നീടറിഞ്ഞു റിഎന്‍ റി വിസയും ജോര്‍ദാന്‍ വിസയുമില്ലാതെ ആ ഗേറ്റിലൂടെ പൊയരുന്നെങ്കില്‍ പെടുമായിരുന്നു.

ചെക്ക്പോസ്റ്റ്‌ കഴിഞ്ഞ് പോയിക്കഴിഞ്ഞാല്‍ ആദ്യം എത്തിച്ചേരുന്നത് ജോര്‍ദാനിലെ ഒരേയൊരു തുറമുഖ നഗരമായ അഖബയിലാണ്. ഞങ്ങളുടെ തൊട്ടുമുന്‍പില്‍ നീലപ്പരവതാനി വിരിച്ചുക്കിടക്കുന്ന കടലിന്‍റെ പേരും അത് തന്നെയാണ് അഖബ കടലിടുക്ക്. ഈ അഖബയിലെ ജലം ഇവിടെ അതിരുടുന്നത് മുഖാമുഖമായി നില്‍ക്കുന്ന നാല് രാജ്യങ്ങളെയാണ്. സൗദി, ഈജിപ്ത്, ജോര്‍ദാന്‍, ഇസ്രയേല്‍. ഒരു രാജ്യത്തിരുന്ന് മറ്റ് മുന്ന് രാജ്യങ്ങളെ വീക്ഷിക്കുക ആശ്ചര്യകരമായ കാഴ്ചത്തന്നെയാണത്.

ഈജിപ്തിന്‍റെ പ്രസിദ്ധമായ സീനായ് മല നിരകളും ടാബ നഗരവും, ഇസ്രായേലിനെ പുറം ലോകവുമായി ബന്ധിപ്പിക്കുന്ന, അറബ് ഉപരോധം മറികടക്കാന്‍ വേണ്ടി പണിത ഈലത്ത് തുറമുഖവും നഗരവും.

ഹഖല്‍ സൌദിയുടെ വടക്ക് കിഴക്കന്‍ പ്രവിശ്യയായ തബൂക്കിന്‍റെ പരിധിയില്‍പ്പെടുന്ന ഒരു ചെറിയ നഗരം. സൗദി ഗവണ്മെന്‍റ് ടുറിസത്തെ കാര്യമായി പ്രോത്സാഹിപ്പിക്കുന്നില്ലെങ്കിലും ഹഖലിന്‍റെ ഈ തീരങ്ങളില്‍ ഒരുപാട് റിസോര്‍ട്ടുകളും ടുറിസ്റ്റു ബംഗ്ലാവുകളുമുണ്ട്.

ഹഖലിന്‍റെ രാത്രിക്ക് പറഞ്ഞറീക്കാന്‍ പറ്റാത്ത സൌന്ദര്യമാണന്ന്‍ പറഞ്ഞു കേട്ടത് കൊണ്ട് പവിഴപ്പുറ്റുകള്‍ നിറഞ്ഞ തെളിഞ്ഞ ബീച്ചില്‍ രാത്രിയാവാന്‍ വേണ്ടി കാത്തിരിക്കുകയാണ്. സമയം 7.30 ആയിട്ടും സീനായ് കുന്നുകള്‍ക്ക് മീതെ സൂര്യന്‍ പോകാന്‍ മടിച്ചുനില്‍ക്കുന്നു.

അതിമനോഹരമാണാക്കഴ്ച സീനായുടെ കുന്നിന്‍ വിടവുകളിലൂടെ ചക്രവാളത്തിലേക്കിറങ്ങിപ്പോവുന്ന അസ്തമയ സൂര്യന്‍.

പെട്രോള്‍ പമ്പില്‍ വെച്ച് പരിചയപ്പെട്ട മലയാളി സുഹൃത്താണ് ആ വ്യൂ പോയിന്റിനെക്കുറിച്ച് പറഞ്ഞു തന്നത്. ബീച്ചിനോട് ചേര്‍ന്നുള്ള വലിയ കുന്നിന്‍ മുകളില്‍ പ്രശന്തമായന്തരീക്ഷത്ത്തില്‍ ഒരു കെട്ടിടവും ചുറ്റുമതില്‍ക്കെട്ടി അതിനോട് ചേര്‍ന്ന് ഇരിപ്പിടങ്ങളും.

ഈ പെട്രോള്‍ പമ്പില്‍ നിന്ന്‍ വന്നതാണന്ന്‍ പറഞ്ഞാല്‍ സെക്യൂരിറ്റിക്കാരന്‍ അകത്തേക്ക് വണ്ടി കടത്തിവിടുമെന്ന്‍ നേരത്തെ പരിചയപ്പെട്ട സുഹൃത്ത് പറഞ്ഞതനുസരിച്ച് കുന്ന് കയറുമ്പോള്‍ ആ സെക്യൂരിറ്റിക്കാരന്‍ താഴോട്ടിറങ്ങിവരുന്നുണ്ട്, ഞങ്ങള്‍ കാര്യങ്ങള്‍ പാരഞ്ഞപ്പോള്‍ അയാള്‍ കുറച്ച് നേരത്തേക്ക് വേറെവിടെയോ പോവുകയാണ് വ്യൂ പോയിന്‍റിലേക്കുള്ള ഗേറ്റിന്‍റെ റിമോര്‍ട്ട് തിരിച്ച് വരുമ്പോള്‍ തന്നാല്‍ മതിയെന്ന്‍ പറഞ്ഞ് ഞങ്ങളുടെ കയ്യില്ത്തന്നു താഴോട്ടിറങ്ങിപ്പോയി. എന്തിനാണ് അപരിചിതരായ ഞങ്ങളെ അയാള്‍ വിശ്വസിച്ചുവെന്നറിയില്ല.

ഇങ്ങിനെയുള്ള സംഭവങ്ങള്‍ യാത്രയില്‍ പലപ്പോഴും ഉണ്ടാവുന്നതാണ്, തബൂക്കിലൂടെ തിരിച്ചു വരുന്ന വഴി ഞങ്ങളുടെ വണ്ടിക്ക് ചെറിയൊരു ആക്സിഡണ്ട് പറ്റി, ഞങ്ങളെല്ലാവരും അന്ധാളിച്ചു നില്‍ക്കെ കുറച്ച് മുന്പ് മാത്രം മുപരിചയപ്പെട്ട സാബു ചേട്ടന്‍ പഞ്ചറായ ഞങ്ങളുടെ വണ്ടിയുടെ ടയര്‍ മാറ്റാന്‍ സഹായിച്ചതും നൌഫലിന് ചെറിയ മുറിവ് പറ്റിയതിനാല്‍ അദ്ദേഹത്തിന്‍റെ ഭാര്യ ജോലി ചെയ്യുന്ന ഹോസ്പിറ്റലില്‍ കൊണ്ട് പോയി മരുന്ന് വെച്ചതും, അവിടെത്തെ പരിചയമുള്ള പോലിസുകാരനോട് സംസാരിച്ച് ഞങ്ങളുടെ യാത്ര സുഖകരമാക്കിയോതുമൊക്കെ.

പിന്നീട് ആലോചിക്കുമ്പോള്‍ എന്തിനായിരുന്നു ആ മനുഷ്യന്‍ ഞങ്ങള്‍ക്ക് വേണ്ടി ഇതെക്കെ ചെയ്തെതെന്നാലോചിക്കാറുണ്ട്. അവര്‍ക്കൊക്കെ അപരിചിതര്‍ എന്ന നിലക്ക് ഞങ്ങളെ അവഗണിക്കാമായിരുന്നു.

ഈ ഭൂമിയുടെ മനോഹാരിത തന്നെ ഇത്തരം നല്ല മനുഷ്യരാണ്.

വ്യൂ പോയിന്‍റില്‍ ഞങ്ങള്‍ മാത്രമേയുള്ളൂ, ഇതൊരു പോതുയിടം അല്ലായെന്ന്‍ തോന്നുന്നു. അസ്തമയ സൂര്യന്‍റെ ചെങ്കിരണങ്ങള്‍ തട്ടി കുങ്കുമപ്പു വിതറിയത് പോലെ ചുമന്നിരുന്ന ചെങ്കടലിന്‍റെ ആകാശത്തേക്ക് മെല്ലെ ശവ്വാലമ്പിളി ഉദിച്ചുവരുന്നുണ്ട്.

തഴുകിത്തലോടി കടന്നു പോവുന്ന തണുത്ത കാറ്റേറ്റ് ചരിത്രം സംഭവിച്ചടുത്തിരുന്ന്‍ ആ ചരിത്രം കേള്‍ക്കുക എന്നത് അനിര്‍വചിനിയമായ ഒരവസ്ഥയാണ്.

ഒരു സിഗരറ്റ് പുതച്ച് വിദൂരതയില്‍ സീനായ് കുന്നുകളെ നോക്കി അബ്ദുറഹ്മാന്‍ ക്ക പണ്ടു മൂസ നബിക്ക് (മോസസിന്) വേദഗ്രന്ഥം നല്‍കപ്പെട്ട കഥ മുതല്‍ ഇങ്ങ് ഇസ്രായേല്‍ അധിനിവേശം വരെയുള്ള കഥകള്‍ പറഞ്ഞു തുടങ്ങി, തിരുത്താനും കൂട്ടിച്ചേര്‍ക്കാനും സിദ്ദീഖും കൂടി ആയപ്പോള്‍ ഞാനും നൌഫലും നല്ല കേള്‍വിക്കാര്‍ മാത്രമായി .

ഖുര്‍ഹാനും ബൈബിളും പറയുന്ന, മൂസയും കുടുംബവും ഈ സീനയുടെ ദക്ഷിണ ഭാഗത്ത് കൂടി സഞ്ചരിക്കുമ്പോഴാണ് അകലെ ഒരു വെളിച്ചം കണ്ടത്, അവിടെപ്പോയി കുറച്ചു തീ കൊണ്ടുവരുകയാണങ്കില്‍ കുട്ടികള്‍ക്കും കുടുംബത്തിനും രാത്രി ശൈത്യത്തില്‍ നിന്ന്‍ രക്ഷപ്പെടാനുള്ള ഏര്‍പ്പാടുകള്‍ ചെയ്യാമെന്നായിരുന്നു മൂസ കരുതിയത്, ഏറ്റവും ചുരുങ്ങിയത് മുന്നോട്ട് സഞ്ചരിക്കാനുള്ള വഴി മ്മനസ്സിലാകുകയെങ്കിലും ചെയ്യുമെല്ലോ എന്ന്‍ കരുതി മുന്നോട്ട് പോയ അദ്ദേഹത്തിന്ന്‍ മോക്ഷത്തിലേക്കുള്ള വഴി കൂടി അവിടെന്ന്‍ ലഭിക്കുകയായിരുന്നു.

പിന്നീട് ഒരുപാട് ചരിത്ര സംഭവങ്ങള്‍ക്ക് ഈ തീരങ്ങള്‍ സാക്ഷിയായി. റോമക്കാര്‍ ഒരിക്കല്‍ സൈനീക താവളമാക്കി, അറബ്-ഇസ്രയേല്‍ സംഘട്ടനം ആരംഭിച്ചതോടെ ഈ ഉള്‍ക്കടലിന്‍റെ പ്രാധാന്യം വളരെയധികം വര്‍ദ്ധിച്ചു. ഷറാം അല്‍ ഷേക്കും, ഈലാത്തും, അഖബ തുറമുഖവുമെല്ലാം അന്താരാഷ്ട്ര തലത്തില്‍ തന്നെ വാര്‍ത്തകളില്‍ നിറഞ്ഞു.

1949 മുതല്‍ പലകാലത്തായി ഈജിപ്തും ഇസ്രയീലുമൊക്കെ ഈ ഉള്‍ക്കടല്‍ പിടിച്ചെടുത്ത് ഗതാഗത സ്വാതന്ത്രം നിരോധിക്കുകയുണ്ടായി. പുറമേക്ക് ശാന്തമായി കിടക്കുകയാണങ്കിലും നിരന്തരമായ സംഘര്‍ഷങ്ങള്‍ക്ക് ഇന്നും വേദിയാവുന്നു അഖബ ഉള്‍ക്കടല്‍.

സീനയില്‍ ഇസ്രയേല്‍ നേടിയ അതിപത്യം മുതല്‍ ഗാസ മുനമ്പും, ബൈത്തുല്‍ മുഖദ്ദിസുംവരെ അങ്ങെനെ മധ്യപൌര്യസ്ഥ ദേശത്തിന്‍റെ എഴുതപ്പെട്ടതും എഴുതപ്പെടാത്തതുമായ ചരിത്രം ഹഖലിന്‍റെ കാറ്റേറ്റിരുന്നു കേള്‍ക്കാന്‍ സാധിച്ചു.

ഓരോ രാജ്യവും തങ്ങളുടെ തീരത്തെ പരമാവധി വെളിച്ചത്തില്‍ കുളിപ്പിക്കാന്‍ ബോധപൂര്‍വ്വം ശ്രമിക്കുന്നുണ്ട്. സൌദിയുടെ തീരത്തുള്ള കുന്നുകള്‍ക്ക് മുകളില്‍ വരെ ദേശിയ പതാകയും, ഖുര്‍ഹാന്‍ സൂക്തങ്ങളും ആലേഖനം ചെയ്ത് അതിന്ന്‍ ലൈറ്റിംഗ് ചെയ്തിരിക്കുന്നു. പ്രകാശത്തില്‍ കുളിച്ച് നില്‍കുന്ന ഈ കാഴ്ചകള്‍ തന്നെയാണ് ഹഖലിന്‍റെ രാത്രിയെ മനോഹരമാക്കുന്നത്.

ഹഖലിന്‍റെ മനോഹാരിത ആവോളം ആസ്വദിച്ച് തീരത്ത് കൂടി മടങ്ങുമ്പോള്‍ ഒന്ന്‍ നീന്തിയിട്ടു പോകാമെന്നു പറഞ്ഞ് വിളിച്ചതാണ് മനോഹരമായ പവിഴ മണല്‍ വിരിച്ച ബീച്ചുകള്‍, ആ ക്ഷണം ‘പിന്നീടൊരിക്കലി’ലേക്ക് മാറ്റിവെച്ച് മടങ്ങുകയാണ് ജിദ്ദയിലേക്ക്.

അത്തര്‍ മണക്കുന്ന പുരാതന ഹജ്ജ് പാത

2015-07-25T13:40:00.002-07:00

ഈ വഴികളിലൊക്കെ ഇന്ന് ഒരുപാട് സൈന്‍ ബോര്ഡുകള്‍ കാണാം ഹിസ്ടോറിക്കല്‍ ഹജ്ജ് റൂട്ടിന്റെ കിഴക്കും പടിഞ്ഞാറും തെക്കുമൊക്കെ അടയാളപ്പെടുത്തിയ ബോര്ഡുുകള്‍, ശാഫിഹ് മസ്ജിദും, നസീഫ് ഹൗസും, മ്യൂസിയവുമൊക്കെ അടയാളപ്പെടുത്തിയവ.
രണ്ടര വര്ഷംട മുന്പ് ഞാനാദ്യം വരുമ്പോള്‍ ഇതൊന്നുമുണ്ടായിരുന്നില്ല ഇതിനിടയിലെപ്പോഴോ ആയിരത്തിലധികം വര്ഷം പഴക്കമുള്ള ഈ പാതയും തെരുവും യുനോസ്കോയുടെ ലോക പൈതൃകപട്ടികയില്‍ ഇടംനേടി അതിനു ശേഷം വന്നതാണ് ഈ സൂചനഫലകങ്ങള്‍.

ഒരുപാട് വൈകുന്നേരങ്ങളില്‍ പല ആവിശ്യങ്ങള്ക്കും് ഒരാവിശ്യവുമില്ലാതെയും ഈ പുരാതന പാതയിലൂടെ അതിന്റെു ചുറ്റുവട്ടങ്ങളിലൂടെ കടന്നു പോയിറ്റുണ്ട്. ലോകത്തിലെ മറ്റേത് മാര്ക്കറ്റിലൂടെ കടന്നു പോവുന്നത് പോലെ നമുക്കിതിലൂടെ കടന്നു പോവാം പക്ഷെ ഒന്ന്‍ ആ പഴയ കെട്ടിടങ്ങളിലേക്ക് വഴിയോരത്തേക്ക് സൂക്ഷിച്ച് നോക്കിയാല്‍ നമുക്ക് പലതും കാണാം പലതും.

നീണ്ട ജലയാത്രക്കൊടുവില്‍ ചെങ്കടലിന്‍റെ തീരത്ത് കപ്പലിറങ്ങി ഒട്ടകപ്പുറത്തും കഴുതപ്പുറത്തും കാല്‍ നടയായും മക്കയിലേക്ക് പോയിരുന്ന പരശതം ഹജ്ജ് തീര്ത്ഥാടകാരെ, തങ്ങളുടെ നാടുകളില്‍ നിന്ന് കൊണ്ടുവന്ന ഭക്ഷ്യ വസ്തുക്കളും സുഗന്ധവ്യഞ്ജനങ്ങളും വിറ്റ്‌ ഹജ്ജ് കഴിയുന്നത് വരെ പിടിച്ചു നില്ക്കാനുള്ള വക കണ്ടത്തുന്ന കച്ചവടക്കാരെ, ഇന്നത്തെ ടാക്സിക്കാരെപ്പോലെ തീര്‍ഥാടകര്‍ക്ക് തങ്ങളുടെ ഒടകങ്ങളും, കുതിരകളും, കഴുതകളും വാടകക്കോ വില്ക്കാകനോ വേണ്ടി വിലപേശല്‍ നടത്തുന്നവര്‍,
ഹജ്ജിനെത്തി തിരിച്ചു പോകാന്‍ കഴിയാതെ ഈ നഗരത്തില്‍ തന്നെ സ്ഥിര താമസമാക്കി ഇവിടെ നിന്ന്താന്നെ കല്യാണം കഴിച്ച് ഇവിടെത്തുകാരായിത്തീര്ന്ന വ്യത്യസ്ത ഭൂവിഭാഗങ്ങളില്‍ നിന്നുള്ള മനുഷ്യരെ, അവരുടെ പിന്തലമുറക്കാരെ.

അബ്ബാസിയ്യ ഭരണകാലം തൊട്ട് ഈജിപ്തിലെ ഫാതിമിയ്യകള്‍, പറങ്കികള്‍, മംലൂക്കുകള്‍, ഓട്ടോമന്‍ സാമ്രാജ്യം, സൗദ് രാജവംശം ഇങ്ങെനെ അതീശ്വത്തത്തിന്‍റെ ഒരു വലിയ ഗതകാല പ്രൌഡി ഈ വഴിയോരത്തിനുണ്ട്. ഹിജാസി വാസ്തു വിദ്യയുടെ ചാരുതി, സ്പാനിഷ് ഈജിപ്ഷ്യന്‍ സങ്കലനത്തോടെയുള്ള ഇസ്ലാമിക വാസ്തു വിദ്യയുടെ തുടിപ്പുകള്‍ മേളിച്ച പഴയ കെട്ടിടങ്ങള്‍.
പരമ്പാരാഗത ഓട്ടോമന്‍ രീതിയില്‍ നിര്മ്മി ച്ച രണ്ടു കവാടങ്ങള്‍ ഇവിടെത്തെ പ്രധാന ലാന്‍റ്മാര്‍ക്ക്കളാണ്. ബാബ്മക്കയും, ബാബ്ശരീഫും അഥവാ മക്കഗേറ്റും മദീനഗേറ്റും. രണ്ടു പുണ്യ നഗരങ്ങളിലേക്കുള്ള ഗേറ്റ് വേകള്‍.
ഈ നഗരത്തിന്റെമ സംരക്ഷണാര്ത്ഥം ഉണ്ടായിരുന്ന മതിലിന്ന്‍ മറ്റ് രണ്ടു കവാടങ്ങള്‍ കൂടി ഉണ്ടായിരുന്നെത്രേ ശാം ഗേറ്റും മഗാരിബ് ഗേറ്റും, 1947ല്‍ മതില്‍ പൊളിച്ചു നീക്കിയതോടെ അവ അപ്രത്യക്ഷമായി.

അത്തറും കുന്തിരിക്കവും മണക്കുന്ന തെരുവുകള്‍, ഏലവും ഇഞ്ചിയും കുരുമുളകും കുന്നുകൂട്ടിയിട്ടിരിക്കുന്ന കടകള്‍. പ്രധാന തെരുവില്‍ നിന്ന്‍ കൈവഴിപോലെ വസ്ത്രങ്ങളുടെയും ഈന്തപ്പഴങ്ങളുടെയും സൂക്കുകളായി മാറിയ ഇടനാഴികള്‍.

പഴയകാലത്ത് വ്യത്യസ്ത ദേശങ്ങളില്‍ നിന്നെത്തിയുരുന്ന തീര്‍ഥാടകര്‍ക്ക് അവരുടെ രാജ്യത്തെ നാണയങ്ങള്‍ മാറ്റി ഇവിടെത്തെ നാണയങ്ങള്‍ നല്കിയുരുന്ന മണി എക്സ്ചേഞ്ഞുകള്‍ ഇവിടെ പ്രവര്ത്തിച്ചിരുന്നെത്രെ, അതിന്ന്‍ രൂപാന്തരം സംഭവിച്ച് വലിയ മണി ട്രാന്സ്ഫര്‍ ആന്റ്െ എക്സ്ച്ചേഞ്ച് കേന്ദ്രങ്ങളായി മാറിയിരിക്കുന്നു; മറ്റെവിടെയും കിട്ടാത്ത വിനിമയ നിരക്കില്‍ പണമയക്കാന്‍ പറ്റുന്നത് കൊണ്ട് പ്രാവിസികളുടെ ഇഷ്ട ഇടം കൂടിയാണിവിടം.

വാസ്തു ശില്പ കല ഇഷ്ടപ്പെടുന്നവരുടെ സ്വപ്ന നഗരമാണ് ബലദ്. ഫോട്ടോഗ്രാഫിയുടെ അനന്തമായ സാധ്യതകളുള്ള ഒരു ഏരിയ, സ്ട്രീറ്റ് ഫോട്ടോഗ്രാഫി, ആര്ക്കിടെക്ചര്‍, ഫുഡ് പോര്ട്ടറൈറ്റ് അങ്ങെനെ എന്തും ഇവിടെ നിന്ന്‍ ക്യാമറയിലാക്കാം.
തകര്ന്നു നില്ക്കു ന്ന കെട്ടിടങ്ങള്‍, തകര്ന്ന് ‍ വീഴാറായ വീടുകള്‍, പഴയത് പോലെത്തന്നെ പുനര്‍ നിര്മ്മിച്ച കെട്ടിടങ്ങള്‍, പഴമയും പുതുമയും സമ്മേളിക്കുന്ന പ്രൌഡി.

2500 വര്‍ഷം പഴക്കമുണ്ട് ഈ നഗരത്തിന്, പൌരാണിക ജിദ്ദ എന്നാല്‍ ബലദും സമീപ പ്രദേശങ്ങളും മാത്രമാണ്. പുണ്യ നഗരങ്ങളുടെ ഔദ്യോദിക തുറമുഖമാക്കിയതില്പ്പിന്നെ ലോകത്തിന്‍റെ നാനാഭാഗത്തു നിന്നുമുള്ള തീര്ഥാടക പ്രവാഹം ജിദ്ദ വഴിയായി, ഈ തീര്ഥാടകരുമായുള്ള സമ്പര്ക്കം ഈ പ്രദേശത്തിന്റെ സാമുഹിക, മത, കച്ചവട, സാംസ്കാരിക മേഘലയിലാകെ സ്വാധീനം ചെലുത്തി. കടല്‍ വഴി വരുന്നവരുടെയും, കരവഴി ഹജ്ജിനു വരുന്ന വരുടെയും വഴിത്താവളമായിരുന്നു ബലദും അനുബന്ധ പ്രദേശങ്ങളും.

നഗരത്തിലെ പുതിയ കാഴ്ചകള്‍, മനുഷ്യരെ നോക്കി നില്ക്കെ സൂര്യന്‍ ബലദിലെ പൌരാണിക കെട്ടിടങ്ങളുടെ മേല്പ്പടവുകളില്‍ തട്ടി പ്രഭ മങ്ങി ചെങ്കടലിലേക്ക് പോയി മറഞ്ഞിരിക്കുന്നു. പള്ളി മിനാരങ്ങളില്‍ നിന്ന്‍ മഗ്രിബ് ബാങ്കിന്‍റെ വശ്യമായ വിളി, കടകള്‍ നമസ്കാരത്തിന്നു വേണ്ടി താല്കാ്ലികമായി അടഞ്ഞു. തെരുവുകളില്‍ ഓളത്തോടെ ഒഴുകിയിരുന്ന ജനസഞ്ചയം ചിതറിയത് പോലെ മസ്ജിദുകള്‍ അന്വേഷിച്ച് പോവുന്നു. പിന്നെ കുറച്ച് നേരത്തേക്ക് നിശ്ചലമായ തെരുവ് നമസ്കാരനന്തരം പഴയത് പോലെയാകുന്ന കാഴ്ച.

ഈ ഭാഗത്തെ ഏറ്റവും മനോഹരമായ തെരുവാണ് ജിദ്ദ ഹിസ്‌റ്റോറിക്കല്‍ ഫെസ്റ്റിവല്‍ നടക്കുന്ന സ്ട്രീറ്റ്, ഒന്നൊന്നര കിലോമീറ്റര്‍ പൌരാണികതയുടെ പ്രൌഡിക്കൊപ്പം സഞ്ചരിക്കാന്‍ കഴിയുന്ന സ്ട്രീറ്റ്; അത് ചെന്നവസാനിക്കുന്നടിത്ത് ഒരു മ്യൂസിയമുണ്ട്. അതിഗംഭീരമായ ഒരു തനത് നിര്മ്മിതി. അതിനകത്ത് കയറണമെന്ന്‍ പല പ്രാവിശ്യം ആഗ്രഹിച്ചതാണ്‌, ഒഴിവു ദിവസങ്ങളിലൊക്കെ ഫാമിലിയെ മാത്രമേ അകത്തേക്ക് കടത്തി വിടുകയുള്ളു പക്ഷെ ഒരു ദിവസം കയറി നോക്കി, പുറം കാഴ്ച്ച പോലെ മനോഹരമല്ല അകം, ഒരു വലിയ ഒറ്റമുറി മ്യൂസിയം, ബലദിന്റെെ ഹിസ്‌റ്റോറിക്കല്‍ ഏരിയയില്‍ നിന്ന്‍ ഖനനം ചെയ്തെടുത്ത ചില വസ്തുക്കളുടെ ശേഖരവും ചില പഴയ ചിത്രങ്ങളും മാത്രമേ അവിടെയുള്ളു; അതും അറബിയില്‍ മാത്രം വിശദാംശങ്ങള്‍ രേഖപ്പെടുത്തിയ ഫലകങ്ങള്ക്കൊംപ്പം.

ഈ തെരുവിലെ ഓരോ പഴയ വീടുകളെയും മനോഹരമാക്കുന്നത് അതിന്റെി പ്രതേക ഡിസൈനിലുള്ള ജനാലുകളാണ്; അകത്ത് നിന്ന്‍ നോക്കിയാല്‍ പുറംലോകം കാണാവുന്നതും തിരിച്ച് നോക്കിയാല്‍ കാണാത്തതുമായ ചിത്രപ്പണികളോടു കൂടിയ പ്രതേക നിര്മ്മാണ രീതി. ആ ജനാലുകള്ക്ക് പിറകിലിരുന്ന്‍ ഈ തെരുവ് നോക്കി നിന്നിരുന്ന സുന്ദരികളൊന്നും ഇന്നവിടെയില്ല, അവരൊക്കെ എന്നേ അപ്രത്യക്ഷമായിരിക്കുന്നു പലതിലും ആള്താതമസമില്ല ചിലതിലൊക്കെ ആഫ്രിക്കയില്‍ നിന്നൊക്കെയുള്ള കുടിയേറ്റക്കാര്‍ താമസിക്കുന്നു.
ഈ കുടിയേറ്റത്തിന്റെ് മറ്റൊരു ദുരന്തം ഈ പുരാതന നഗരം അനുഭവിച്ച് കൊണ്ടിരിക്കുന്നു, വലിയൊരു ഭിക്ഷാടന മാഫിയ ഇവിടം കയ്യടക്കിരിക്കുന്നു. അലിവ് തോന്നി എതെങ്കിലുമൊരാള്ക്ക് നമ്മളെന്തെങ്കിലും നല്കിയാല്‍ എവിടെ നിന്ന്‍ വന്നു ഇവരെക്കെ എന്ന്‍ ആലോചിക്കുന്നതിനു മുന്പേു ഒരു വലിയ സംഘം നിങ്ങളെ പിടിമുറിക്കിയിരിക്കും പിന്നെ എല്ലാവര്ക്കും കൊടുത്താലേ രക്ഷയുള്ളൂ.

അതുപോലെ ഇവിടെത്തെ തെരുവ് കച്ചവടവും രസകരമാണ് നമുക്കെത്രെ വേണേലും ഇവരോട് വിലപേശാം പറഞ്ഞ വിലയുടെ എത്രെയോ കുറവില്‍ നമുക്ക് സാധനം വാങ്ങിക്കുകയും ചെയ്യാം. ഹജ്ജ് ഉംറ തീര്ത്താ ടാകരുടെ പ്രധാന പര്ച്ചേകസിംഗ് കേന്ദ്രം കൂടിയാണിവിടം.
ഈജിപ്ഷ്യന്‍, എത്യോപ്യന്‍, ഇന്ത്യന്‍ മാര്ക്കറ്റുകളുടെ പരിച്ചേധമായ തെരുവിലൂടെ രണ്ടാം ഖലീഫ ഉമറിന്‍റെ കാലത്ത് പണികഴിപ്പിച്ച ശാഫീഹ് മസ്ജിന്റെെ ഓരത്ത്കൂടി ബലദിന്റൊ പ്രധാന ചത്വരത്തില്‍ എത്തിച്ചേരുമ്പോള്‍ ജിദ്ദയുടെ പുതിയ ഗന്ധം നമ്മെ തേടിയെത്തും. എല്ലാ നഗരങ്ങള്ക്കും വ്യതസ്തമായ ഗന്ധം ഉണ്ടായിരിക്കും പുതിയ ബലദിന്റെത അല്ലങ്കില്‍ ജിദ്ദയുടെ ഗന്ധം അത് ബ്രോസ്റ്റഡ് ചിക്കന്‍റെതായി മാറിയിരിക്കുന്നു. ലോകോത്തരവും പ്രാദേശികവുമായ ബ്രാന്റുകള്‍ അതോടൊപ്പം ജിദ്ദയുടെ മാത്രമായ അല്‍ ബൈക്ക് പോലോത്തവയും ചേര്ന്നൊരുക്കുന്ന പുതിയൊരു ഗന്ധം.

പുതുതായി നിര്മ്മിക്കപെട്ട ഒരുപാടു ശില്പങ്ങളുണ്ടുവിടെ, ജിദ്ദയുടെ മറ്റു ഭാഗങ്ങള്‍ പോലെത്തന്നെ അതിനു താഴയൊക്കെ ഒരുപാട് പേര്‍‍ ഇരിക്കുന്നുണ്ട്‌ അവരുടെ മുഖഭാവം ശ്രദ്ധിച്ചാലറിയാം അവരിതൊന്നും കാണുന്നില്ല, ഇതിന്റെു സൌന്ദര്യമൊന്നും അവര്‍ കണ്ടിട്ടില്ല കാരണം അവരുടെ മനസ്സൊക്കെ ഇന്ത്യയിലോ, പാകിസ്ഥാനിലോ, ബംഗ്ലാദേശിലോ, യമനിലോ, ഫിലിപ്പിയന്സിലോ, അതുമല്ലെങ്കില്‍ മറ്റേതെങ്കിലും ഏഷ്യന്‍ ആഫ്രിക്കന്‍ രാജ്യങ്ങളിലോ ആണ്.

വ്യത്യസ്ഥം വിചിത്രം കാസ്രോട്

2015-02-12T12:02:00.000-08:00

കാസറഗോഡ് ഒരു കവാടമാണ്. കടന്നുവരവിന്റെ കവാടം; കടന്നുപോക്കിന്റെ കവാടമല്ല. കടന്നുവന്നവരും അവരുടെ സംസ്‌കാരവും ഏറെക്കുറെ അവിടെത്തന്നെ സ്ഥായി നേടിയ നാട്. വിജയനഗരസാമ്രാജ്യം, ഇക്കേരി നായ്ക്കന്മാര്‍, ബേഡന്നൂര്‍ നായ്ക്കന്മാര്‍, ഹൈദരാലി- ടിപ്പുസുല്‍ത്താന്‍-ഇവരുടെ പടയോട്ടങ്ങളും അധിനിവേശവുമാണ് കന്നട, തുളു, മലയാളം, ഭാഷകള്‍ക്ക് പുറമെ ബ്യാരി, ഉര്‍ദു, കൊങ്കിണി, മറാത്തി ഭാഷകളെ ഇവിടെ കൊണ്ടുവന്നതും ഭാഷകളുടെയും സംസ്‌കാരങ്ങളുടെയും സംഗമഭൂമിയാക്കിയതും. തെയ്യങ്ങള്‍ കടന്നുവന്നതും ഈ കവാടത്തിലൂടെ തന്നെ.

ഉരുനിര്‍മാണം പഴങ്കഥയായെങ്കിലും ഉരുനിര്‍മാണത്തിനുപയോഗിക്കുന്ന പുന്നമരങ്ങള്‍ ചന്ദ്രഗിരിക്കരയില്‍ ഇപ്പോഴും പൂത്തുനില്‍ക്കുന്നു. ഉരു പാരമ്പര്യമെന്നോണം ഏറ്റവുമധികം മര്‍ച്ചന്റ് നേവിക്കാരുള്ള സ്ഥലവും കാസര്‍ക്കോട് തന്നെ. നാഷണല്‍ യൂണിയന്‍ ഓഫ് സീ ഫെറേര്‍സ് ഓഫ് ഇന്ത്യയുടെ ആസ്ഥാന മന്ദിരം ഉദുമയിലെ കോട്ടിക്കുളത്താണ്. പിന്നെ ഉപ്പള അറിയെപ്പെടുന്നത് തന്നെ കപ്പൽ ഗ്രാമം എന്നാണു, ഓരോ വീട്ടിൽ നീന്നും ചുരുങ്ങിയത് ഒരാളെങ്കിലും കപ്പൽ ജോലിക്കാരനായി ഉണ്ടാവും.

മലയാളം,തുളു, കന്നട ഇവയാണ് കാസറഗോഡ്ന്റെ പ്രധാന ഭാഷകള്‍, ഇവയലധികം വാക്കുകള്‍ക്കും കൗതുകകരമായ സമാനതകളുണ്ട്.
വാക്കുകളില്‍ ചിലത്
മലയാളം - വില, എതിര്‍, കോഴി , പെണ്ണ്, വേണ്ട
തുളു - ബിലെ , എദിര് , കോറി , പൊണ്ണ് , ബോഡ്ചി
കന്നട - ബെലെ , എദുറു , കോളി , ഹെണ്ണു , ബേഡ

ഈ മൂന്ന് ഭാഷകളും മറ്റു ഭാഷകളും ചര്ന്ന ഒരു സങ്കര ഭാഷയാണ് കസരഗോടിന്റെ 'ഔദ്യോധിക' ഭാഷ.
കൂടാതെ കൊങ്കിണിയും, ബ്യാരിയും, മറാത്തിയും ഉറുദുവും.

കേരളത്തിലെ പുകയിലപ്പാടങ്ങള് പുല്ലൂര്‍-പെരിയ, അജാനൂര്‍, പള്ളിക്കര പഞ്ചായത്തുകളിലെ ഗ്രാമങ്ങളിലാണ്, 300 ഹെക്ടര്‍ സ്ഥലമെങ്കിലും ഇന്ന് പുകയിലക്കൃഷിക്കായി ഉപയോഗിക്കുന്നുണ്ട്.

കര്‍ണാടകയാണ് ഈ കാഞ്ഞങ്ങാടന്‍ പുകയിലയുടെ പ്രധാന വിപണന മേഖല. പുകയിലച്ചെടികള്‍ ഏക്കറുകണക്കിന് പടര്‍ന്നുകിടക്കുന്ന കാഴ്ച നേരിട്ടുകാണാനും അറിയാനുമായി ഇവിടെ നിരവധി പേരെത്തുന്നു.

കേരളത്തിലെ ഒരേയൊരു തടാക ക്ഷത്രമായ കാസറഗോഡ് അനന്തപുരം ക്ഷേത്രത്തിലെ തടാകത്തിലെ അന്തേവാസിയായ 'ബബ്ബിയ' എന്ന മുതല, കഴിഞ്ഞ 65 വര്‍ഷത്തോളമായി ഈ മുതല മാംസാഹാരം കഴിക്കാതെ ഈ തടാകത്തില്‍ കഴിയുന്നു, കുമ്പള-ബദിയടുക്ക റൂട്ടില്‍ നായിക്കാപ്പില്‍ നിന്ന്‌ ഒരു കിലോമീറ്റര്‍ തെക്കോട്ടുപോയാല്‍ അനന്തപുരത്തെത്താം.

പാറക്കെട്ടുകള്‍ക്കിടയിലുള്ള 32 ഏക്കര്‍ സ്ഥലം വര്‍ഷങ്ങളുടെ പ്രയത്നം കൊണ്ട് കൊടുംകാടാക്കിയ കരീം നാട്ടുകാര്‍ക്ക് ഫോറസ്റ്റ് കരീം ആണ്. 32 ഏക്കര്‍ സ്ഥലത്ത് നിര്‍മിച്ച ഈ കാടിനെക്കുറിച്ച് ലോകത്തെ എല്ലാ പരിസ്ഥിതി പ്രവര്‍ത്തകര്‍ക്കും സംഘടനകള്‍ക്കും ഇന്നറിയാം. കാസര്‍കോട് ജില്ലയിലെ നീലേശ്വരം പരപ്പ പുലിയന്‍കുളത്ത് ഒരു കാലത്തു വേനലില്‍ പച്ചപ്പുകാണാന്‍ കഴിയില്ലായിരുന്നു. നീലേശ്വരത്തെ കോട്ടപ്പുറം കടലോരഗ്രാമത്തില്‍ സാധാരണ വീട്ടില്‍ ജനിച്ചു വളര്‍ന്ന കരീം പുലിയന്‍ കുളത്ത് എത്തുന്നത് 1977ല്‍. ഗള്‍ഫിലെ മണലാരണ്യത്തെ പച്ചപ്പണിയിക്കാന്‍ ദുബായ് ഭരണാധികാരി ഷൈക്ക് സായിദ് നടത്തുന്ന പരിശ്രമങ്ങളായിരുന്നു കരീമിന്റെ പ്രചോദനം. 50 സെന്റില്‍ തുടങ്ങി ഇപ്പോള്‍ 32 ഏക്കറില്‍. മുന്നൂറിലധികം ചെടികള്‍, കാട്ടുജീവികള്‍, പക്ഷികള്‍, ഇഴജന്തുക്കള്‍ എന്നിങ്ങനെ കരീം വിചാരിക്കാത്ത രീതിയിലേക്ക് കാടു വളര്‍ന്നു. സ്വകാര്യ വ്യക്തി സൃഷ്ടിച്ച ഇന്ത്യയിലെ ആദ്യകാട് എന്ന ബഹുമതിയ്ക്കും അര്‍ഹനായി.

സ്വന്തമായി നട്ടുവളര്‍ത്തിയ കാടും ഉടമയും പതുക്കെ പതുക്കെ പുറംലോകത്തിന്റെ ശ്രദ്ധയില്‍പ്പെടാന്‍ തുടങ്ങി. 1998ല്‍ സഹാറ പരിവാര്‍ അവാര്‍ഡ് ലഭിച്ചതോടെ കരീം രാജ്യാന്തര തലത്തില്‍ അറിയപ്പെടാന്‍ തുടങ്ങി. അമിതാഭ് ബച്ചനില്‍ നിന്നായിരുന്നു അന്ന് അവാര്‍ഡ് വാങ്ങിയത്. രാജ്യത്തിന്റെ വിവിധ ഭാഗങ്ങളില്‍ നിന്നും വിദേശങ്ങളില്‍ നിന്നും ധാരാളം പരിസ്ഥിതി പ്രവര്‍ത്തകരും വിദ്യാര്‍ഥികളും ഈ കാടുകാണാന്‍ എന്നും വരും. പലരും ഒരാഴ്ച താമസിച്ച ശേഷമേ മടങ്ങിപോകൂ. കാട്ടരുവികളുടെ കുളിര്‍മ വിട്ടുപോകാന്‍ ഇവിടെയെത്തുന്നവര്‍ക്കാവില്ല

വിവാഹത്തിന് വരന്‍ വധുവിന്‍െറ അമ്മക്ക് വധുവിലയായി രണ്ടു രൂപ നല്‍കണം. വിവാഹദിവസം വധുവിന്‍െറ വീട്ടുകാര്‍ക്ക് വരന്‍െറവീട്ടുകാര്‍ അരി, തുണി, വെറ്റില, അടക്ക എന്നീ സാധനങ്ങള്‍ കൊടുക്കണം. വിവാഹം വധുവിന്‍െറ വീട്ടില്‍. കറുത്ത കല്ലുകള്‍ കോര്‍ത്തുണ്ടാക്കിയ മാല വരന്‍ വധുവിനെ അണിയിക്കും. ഇതാണ് വിവാഹത്തിന്‍െറ പ്രധാന ചടങ്ങ്. അതിനുശേഷം, വധൂവരന്മാര്‍ വിളമ്പിയചോറിനുമുന്നില്‍, ഒരു പായില്‍ ഇരിക്കും. മുതിര്‍ന്നവരും ക്ഷണിക്കപ്പട്ടവരും അവരുടെ തലയില്‍ അരിയിട്ട് അനുഗ്രഹിക്കും.

കേരളത്തില്‍ ജനസംഖ്യ ഏതാണ്ട് 1,500ഓളം മാത്രമുള്ള കൊറഗരുടെ വിവാഹ ചടങ്ങാണിത്‌,
കാസര്‍കോട് ജില്ലയിലെ പെരഡാള, ബേള, മഞ്ചേശ്വരം, മംഗലപ്പാടി എന്നീ സ്ഥലങ്ങളിലാണിവരുള്ളത്

വര്‍ഷങ്ങള്‍ക്കു മുമ്പ് മലബാറിൽ , പ്രത്യേകിച്ച് കാസറഗോഡ് മേഖലയിലെ മുസ്‌ലിം വീടുകള്‍ കേന്ദ്രീകരിച്ചു ഗൃഹ സന്ദര്‍ശനം നടത്തിയിരുന്ന ഒരു വിഭാഗം സഞ്ചാരികളായിരുന്നു കലീബമാര്‍.
നീട്ടി വളര്‍ത്തിയ താടിയും, പച്ച തലേകെട്ടും, തോളില്‍ മാറാപ്പും, കയ്യില്‍ ചുരുട്ടിപിടിച്ച കൊടിയുമായി എത്തിയിരുന്ന കലീബ ഇന്നത്തെ തലമുറക്ക് അന്യം നിന്നുപോയ ഒരു കാഴ്ചയാണ്
ഒറ്റയ്ക്കും, കൂട്ടായും ചിലപ്പോള്‍ കുഞ്ഞുകുട്ടി പരിവാരവുമായിട്ടാണ് കലീബയുടെ വരവ്. കയ്യില്‍ ദഫോ, അറവനയോ കൊണ്ട് നടക്കുമായിരുന്നു. വീടുകളില്‍ കോളിംഗ് ബെല്ലുകള്‍ അത്രയൊന്നും സജീവമല്ലാതിരുന്ന പഴയ കാലം. വീട്ടുമുറ്റത്തെത്തുന്ന കലീബ തന്റെ ആഗമനം അറിയിക്കാന്‍ കയ്യിലെ അറവനയില്‍ മുട്ടി ശബ്ദമുണ്ടാക്കി ബൈത്തുകള്‍ പാടും.

അജ്മീര്‍, നാഗൂര്‍, ഏര്‍വാടി, തുടങ്ങിയ അറിയപ്പെടുന്ന ജാറങ്ങളിലേക്കും മഖ്ബറകളിലേക്കും, ദര്‍ഗ്ഗകളിലേക്കും കാണിക്കയും, നേര്‍ച്ചയും സംഭാവനകളും വിശ്വാസികളില്‍ നിന്നും ശേഖരിച്ചു എത്തിച്ചു കൊടുക്കുന്ന മദ്ധ്യവര്‍ത്തികളായിരുന്നു ഈ കലീബമാര്‍.
ഇന്ന് കലീബയുടെ വരവ് പാടെ നിലച്ചിരിക്കുന്നു. നാട്ടിന്‍ പുറത്തെ ജീവിത ചുറ്റുപാടുകള്‍ മാറിയതിനാലും മത വിശ്വാസങ്ങളെ കുറിച്ച് കൂടുതല്‍ അവബോധം സമൂഹത്തില്‍ ഉണ്ടായതിനാലും ഇവരുടെ പ്രവര്‍ത്തന മേഖല ഇല്ലാതായി എന്ന് പറയാം.

(ഇത്ഇവിടെ അവസാനിക്കുന്നില്ല; പുതിയ വിവരങ്ങള്‍ ലഭ്യമാവുന്ന മുറക്ക് അപ്ഡേറ്റ് ചെയ്യുന്നതാണ്. ചിത്രങ്ങള്‍ക്ക് കടപ്പാട്: ഗൂഗിള്‍)

സ്വര്‍ഗത്തിലേക്കൊരു യാത്ര...

2014-12-01T05:14:00.001-08:00

സ്വര്‍ഗ; പേര് പോലെ സ്വര്‍ഗമല്ല ഇന്നീ പ്രദേശം, നരകമാണ്, നരകമാക്കിയതാണ്. ഭരണംകൂടം സ്വന്തം ജനതയ്ക്കു നേരെ നിര്‍ദ്ദയം ഒരുക്കിയ രാസായുധ പ്രയോഗത്തിന്റെ ബാക്കിപത്രം.

കേരളത്തിന്റെ ഏറ്റവും വടക്ക് കിഴക്കായി സ്ഥിതി ചെയ്യുന്ന, അരുവികളും, നീരുറവകളും, വെള്ളച്ചാട്ടങ്ങളുമൊക്കെ കൂടിച്ചേര്‍ന്ന സ്വര്‍ഗ തുല്ല്യമായ പ്രദേശമായിരുന്നു ഇത്. ഈ ഗ്രാമത്തിന്റെ പവിത്ര നിശബ്ദതയെ ഭേദിച്ചു കൊണ്ട് ഒരുപാട് തവണ ഹെലിക്കോപ്റ്ററുകള്‍ ഈ നാടിന് മേല്‍ വിശം ചീറ്റി. ഇവിടത്തെ മണ്ണും, വെള്ളവും ജീവിതവും നശിപ്പിച്ചു.

എന്റൊസള്‍ഫാന്‍ ദുരന്തത്തെക്കുറിച്ച് അറിയാനും വായിക്കാനും തുടങ്ങിയ കാലം മുതല്‍ കേള്‍ക്കുന്ന പേരാണ് എന്‍മകജയും സ്വര്‍ഗയുമൊക്കെ , ഇതിനെതിരെയുള്ള സമരത്തിന്റെയൊക്കെ ചെറിയ ഭാഗമായിട്ടുണ്ടെങ്കിലും അടുത്ത പ്രദേശമായിട്ട് പോലും ഇവിടെയെന്നും പോയിരുന്നില്ല.

വെക്കേഷന്‍ കാലത്തെ ലക്ഷ്യമില്ലാത്ത യാത്രകളിലൊരുദിനം കുമ്പള സീതാംഗോളി പെര്‍ള വഴി സ്വര്‍ഗത്തിലേക്കാക്കി. കൂടെ നവാഫും ഉവൈസും,ബാസിയും.ലക്ഷ്യം വെറുതെ ഈ പ്രദേശങ്ങളിലൊക്കെ ഒന്ന് കറങ്ങുക എന്ന് മാത്രം. സീതാംഗോളിയിലും, അംഗടിമുഗറിലേക്കുമെത്തുമ്പോള്‍ തന്നെ കര്‍ണ്ണാടകയോട് ചേര്‍ന്ന് നില്‍ക്കുന്ന സഹ്യസാനുക്കള് കാണാം. പെര്‍ളയിലെ വാണിജ്യ നികുതി ചെക്ക് പോസ്റ്റിനോട് ചേര്‍ന്ന് റോഡിലൂടെ സ്വര്‍ഗയിലേക്ക്.

ഈ മേഖലയിലാണ് 5000 ഏക്കറില്‍ പരന്നു കിടക്കുന്ന സര്‍ക്കാര്‍ തോട്ടം ; പ്ലാന്റേഷന്‍ കോര്‍പറേഷന്‍ എന്ന സര്‍ക്കാര്‍ സ്ഥാപനം പറങ്കി മരങ്ങള്‍ക്കായി പണിത തോട്ടങ്ങള്‍.

ഈ തോട്ടങ്ങള്‍ക്ക് മേലെയാണ് ആ സ്ഥാപനം ഹെലിക്കോപ്റ്ററുപയോഗിച്ച് എന്റോസള്‍ഫാന്‍ എന്ന മാരക കീടനാശിനി തളിച്ചത്. അന്നവര്‍ ഈ പറങ്കി മരങ്ങള്‍ക്കിടയിലുള്ള മനുഷ്യരെ കണ്ടില്ല, മറ്റു ജീവികളെ കണ്ടില്ല, പുഴകളും കുളങ്ങളും മറ്റു ജല സ്രോതസ്സുകളേയും കണാതെ വര്‍ഷങ്ങളോളം തുടര്‍ന്നു ഈ മരുന്നടി.

നാലു ഭാഗത്തും കുന്നുകളാല്‍ ചുറ്റപ്പെട്ട പാത്രത്തിന്റെ ആകൃതിയാണത്രെ ഈ പ്രദേശത്തിന്ന്, അത്‌കൊണ്ട് കുന്നിന്‍ മുകളില്‍ തളിച്ച എന്റോസള്‍ഫാന്‍ ഒലിച്ചിറങ്ങി താഴ്വാരത്തെ ജലസ്രോതസ്സുകളെ വിഷലിപ്തമാക്കി. ഇവിടെത്തെ കോടക്കേരിത്തോടില്‍ മത്സ്യമില്ലാതായി, പരിസരങ്ങളില്‍ ജീവന്റെ തുടിപ്പുകള്‍ ഇല്ലാതായി; കുഞ്ഞുങ്ങള്‍ വൈകല്യത്തോടെ ജനിച്ചുവീണപ്പോഴുമൊക്കെ ആദ്യം ഇവിടെത്തുക്കാര്‍ വിശ്വസിച്ചിരുന്നത് ഇവരുടെ കുലദൈവമായ ജടധാരിയുടെ കോപമാണന്നായിരുന്നെത്രെ.

പെര്‍ല ടൗണില്‍ നിന്ന് അവിചാരിതമായി കണ്ടുമുട്ടിയ ബാസിയുടെ സുഹൃത്ത് മഷൂദും ഞങ്ങളോടൊപ്പം ചേര്‍ന്നു, ചേര്‍ന്നതല്ല നിര്‍ബന്ധിച്ച് കൂടെ കൂട്ടിയതാണ്, ഞങ്ങള്‍ക്ക് വഴികാട്ടിയായി.

സ്വര്‍ഗയ്ക്ക് ചുറ്റും കാണാനുള്ളതൊക്കെ കാട്ടിത്തരാമെന്ന് മഷൂദ് ഏറ്റു. കാണാനുള്ള കാഴ്ച്ചകളല്ല കാണാതിരിക്കാനാഗ്രഹിക്കുന്ന കാഴ്ചകള്‍. ഭരണംകൂടം അറിഞ്ഞ് കൊണ്ട് സ്വന്തം ജനതയ്ക്ക് നേരെ നടത്തിയ ഭീകരപ്രവര്‍ത്തനത്തിന്റെ ഇരകളുള്ള ഇടമായ സ്വാന്തനം ബഡ്‌സ് സ്‌ക്കൂള്‍. രണ്ടാം ഭോപ്പാല്‍ ദുരന്തമായി കണക്കാക്കാവുന്ന ഈ ദുരന്തത്തിന്റെ ജീവിച്ചിരിക്കുന്ന 45 ഓളം ഇരകള്‍ ഇവിടെ ദിവസവും വന്നു പോവുന്നു. എന്‍മകജെ പഞ്ചായത്തിന്റെ കീഴിലാണ് ഈ സ്‌കൂള്‍ പ്രവര്‍ത്തിക്കുന്നത്. ഈ പഞ്ചായത്തില്‍ ജീവന്‍ ബാക്കിയുള്ള 478 മനുഷ്യ ജീവിതങ്ങളുണ്ട് ആകെ. മനുഷ്യനായി പിറന്ന് പുഴുവിന് സമാനമായി മരിക്കേണ്ടിവന്നവര്‍ എത്രയോ.

ഇവിടെ കൂറെ കുട്ടികളുണ്ട്, അവര്‍ ആര്‍ത്തുല്ലസിക്കുന്ന ബഹളമയമില്ല, ബുദ്ധിവൈകല്ല്യമുള്ള, തല ഉടലിനേക്കാള്‍ വലുതായ ശബ്ദത്തിന്റെയും, കാഴ്ചയുടെയും ലോകത്ത് നിന്ന് അകന്ന് കഴിയുന്ന ഒരു പറ്റം കുഞ്ഞുങ്ങള്‍.

ഇങ്ങനെയൊരു 'കാഴ്ച്ച' ഈ യത്രയുടെ ലക്ഷ്യമായിരുന്നില്ല, ഈ പ്രദേശത്തു കൂടി വെറുതെ കറങ്ങുക എന്നല്ലാതെ. മഷൂദാണ് ഇവിടെ കൊണ്ട് വന്നത്. ആ വാര്‍ഡിന്റെ മെമ്പറും പഞ്ചായത്ത് വൈസ് പ്രസിഡന്റുമായ ആയിഷയെ വിളിച്ചതും അവര്‍ വളരെപ്പെട്ടന്ന് അവിടെയെത്തിയതും. അവരോടൊപ്പമാണ് ഈ കുഞ്ഞുങ്ങളെ കണ്ടത്. പഞ്ചായത്തതികൃതര്‍ക്കൊപ്പമല്ലാതെ സ്‌കൂള്‍ സന്ദര്‍ശിക്കാനനുവാധമില്ലത്രെ.

വൈസ് പ്രസിഡന്റിന്റെ സമീപനങ്ങളില്‍ നിന്നും, വാക്കുകളില്‍ നിന്നും അവര്‍ ഇവിടെത്തെ ജീവിതങ്ങള്‍ക്ക് വേണ്ടി ഒരുപാട് ചെയ്യാനാഗ്രഹിക്കുന്നുവെന്ന് ബോധ്യമായി.സ്‌കൂളിന്റെ പ്രിന്‍സിപ്പള്‍ മറിയമ്മും അവിടെത്തെ ബാക്കി സ്റ്റാഫിനെയും പരിചയപ്പെട്ടപ്പോള്‍, അവിടെത്തെ പ്രവര്‍ത്തനമറിഞ്ഞപ്പോള്‍, ഈ നിസ്സാഹയര്‍ക്കൊപ്പം നില്‍ക്കാന്‍ ഇങ്ങനേയും ചില നല്ല മനുഷ്യരുണ്ടല്ലോ എന്നോര്ത്ത് ചാരിഥാര്ത്യം തോന്നി.

ഇവിടെ ദുരന്തത്തിന്റെ ഇരകളായത് പിറന്ന് വീഴുന്നതിന് മുമ്പ് തന്നെ അമ്മയുടെ ഗര്‍ഭപാത്രത്തില്‍ നിന്ന് തന്നെ വിഷത്തിന്റെ കൈപ്പ് നീര് കുടിക്കേണ്ടിവന്ന കുഞ്ഞുങ്ങള്‍ മുതല്‍ ഈ പ്രദേശത്തെ തേനിച്ചകളും തവളകളെയും വരെ എന്‍ഡോസള്‍ഫാന്‍ വെറുതെ വിട്ടില്ല. മനുഷ്യരെയും പ്രകൃതിയെയും ജീവിതത്തെയും മുറിവേല്‍പ്പിച്ച ആ രാസായുധ പ്രയോഗത്തിന്റെ കെടുതിയില്‍പ്പെട്ട അമ്മമാരുടെയും കുഞ്ഞുങ്ങളുടെയും നിലവിളികള്‍ ഈ പ്രദേശത്ത് നില്‍ക്കാതെ തുടരുന്നു.

കോടേരിത്തോടും പിന്നിട്ട് വിചനമായ സ്വര്‍ഗവഴിറ്റിലൂടെ വണ്ടി മുന്നോട്ട് നീങ്ങുകയാണ്.

തിരിച്ചു പോവുന്നത് ബദിയടുക്ക കാസര്‍കോട് വഴിയായതിനാല്‍ മഷൂദിനെ തിരിച്ചയച്ചിരുന്നു. വഴിയരികില്‍ ഒറ്റയ്‌ക്കൊരാള്‍ ഒരു ഊന്നു വടിയും പിടിച്ച് കൂട്ടിന് ഒരു നായയോടൊപ്പം ആരെയോ കാത്തിരിക്കുന്നത് പോലെ;

വഴി നിര്‍ത്താനായി വണ്ടി നിര്‍ത്തി; പേര് കൃഷ്ണനായിക്, പ്ലാന്റേഷന്‍ കോര്‍പറേഷനില്‍ 18 വര്‍ഷത്തോളം എന്റോസള്‍ഫാന്‍ കലക്കി ഹെലികോപ്റ്ററില്‍ കയറ്റിക്കൊടുക്കുന്നതായിരുന്നു ജോലി. ഒവൈസിന് തുളു അറിയുന്നതിനാല്‍ കൃഷ്ണനായിക് ഒരുപാട് കാര്യങ്ങള്‍ സംസാരിക്കാന്‍ തയ്യാറായി. തുളുവിലും തുളു കലര്‍ന്ന മലയാളത്തിലുമായി തന്റെ 'സര്‍വ്വീസ് ഹിസ്റ്ററി' കൃഷ്ണനായിക് പറഞ്ഞു തന്നു. ഈ നാടിന്റെ ഈ അവസ്ഥയില്‍ ദുഖവും താന്‍ ചെയ്ത ജോലിയില്‍ കുറ്റബോധവുമാണ് നായികിന്,

അദ്ദേഹത്തോയും വാലാട്ടി നില്‍ക്കുന്ന ആ നായയെയും അവിടെത്തന്നെ ഉപേക്ഷിച്ച് വഴിയും ചോദിച്ച് ഞങ്ങള്‍ യാത്ര തുടരുകയാണ്.

വഴിയരികിലൊക്കെ പറങ്കി മരങ്ങള്‍ റബര്‍ തൈകള്‍ക്ക് വഴി മാറിക്കൊണ്ടിരിക്കുന്ന കാഴ്ചകള്‍ കാണാം. മലഞ്ചെരുവിലെ പി.സി.കെയുടെ തോട്ടങ്ങളിലൊക്കെ കയറിയിട്ട് വലിച്ച് കെട്ടി നിര്‍ത്തിയിരുന്ന റബര്‍ തൈകള്‍.

ദുരന്തത്തിന്റെ കാരണക്കാരായ സാക്ഷികളായ പറങ്കി മരങ്ങള്‍ കുറച്ച് വര്‍ഷങ്ങള്‍ കഴിഞ്ഞാല്‍ പൂര്‍ണമായും ഇവിടെ നിന്ന് ഇല്ലാതായേക്കാം.

'അര ജീവിതങ്ങള്‍ക്കൊരു സ്വര്‍ഗം' എന്ന ഡോക്യുമെന്ററി തൊട്ട് എന്‍ഡോസള്‍ഫാന്‍ ദുരന്തത്തിനെതിരെ സമരം നയിക്കുന്ന എം.എ റഹ്മാന്‍ ഈയിടെ എന്റോസള്‍ഫാന്‍ ബാധിത പ്രദേശത്തൂടെ നടത്തിയ യാത്രയില്‍ പറയുന്നുണ്ട്. ഇവിടെ ജീവിതം തിരിച്ചു വരികയാണ്. ദുരന്തത്തിന്റെ ആഘാതത്തില്‍ നിന്ന് മണ്ണും, മനുഷ്യനും പുതുനാമ്പുകള്‍ തേടുകയാണ്. ഇരകളായ ഒരു ജനത അതിജീവനത്തിന്റെ വഴികള്‍ തേടുകയാണ്.

പെഡ്രയും വാണിനഗറുമൊക്കെ ഈ ദുരന്തത്തിന്റെ അലയൊലികള്‍ക്കിടയില്‍ സ്വര്‍ഗത്തോടൊപ്പം ദേശീയ, അന്തര്‍ദേശീയ മാധ്യമങ്ങളിലുമൊക്കെ നിറഞ്ഞ് നിന്ന പേരുകള്‍ തന്നെയാണ്.

പെഡ്രയിലെ ശ്രീ പെഡ്രയും വാണിനഗറില്‍ ഇരകള്‍ക്കായി ക്ലിനിക് നടത്തുന്ന ഡോ.വൈ.എസ്.മോഹന്‍ കുമാറുമൊക്കെ ഈ പ്രദേശത്ത് നിന്ന് തന്നെ ഈ ദുരന്തത്തിനെതിരെ ശബ്ദമുയര്‍ത്തിയവരാണ്.

കാനനപാതയിലൂടെയാണ് തിരികെയുള്ള യാത്ര, ഈ പ്രദേശത്ത് ജീവിച്ചിരുന്ന ഗോത്രവര്‍ഗ്ഗക്കാരെ കുടിയിറക്കി സമതലത്തില്‍ കൊണ്ടുപോയി അവരെ 'ബന്ധി'യാക്കിയാണത്രെ പ്ലാന്റേഷന്‍ കോര്‍പ്പറേഷന്‍ നിലവില്‍ വന്നത്.

പെഡ്രയും വാണിനഗറിലേക്ക് തിരിയുന്ന വഴിയും പിന്നീട് ഈ പ്രദേശത്ത് നിന്ന് പുറത്ത് കടക്കുകയാണ്.

വലിയ നൊമ്പരപ്പെടുത്തലുകളുണ്ടാക്കിയ ഒരു ചെറിയ യാത്ര ഇവിടെ അവസാനിക്കുകയാണ്...

***********

ഇന്ന് ഈ യാത്ര കുറിച്ചിടുമ്പോള്‍ സ്വര്‍ഗത്തിന്റെ സമീപത്തെവിടെയോ നിന്നുള്ള വെറും 45 ദിവസം മാത്രം പ്രായമുള്ള ഒരു പിഞ്ച് കുഞ്ഞ് കൂടി മംഗലാപുരം ഗവ:ആശുപത്രിയിൽ വെച്ച് സ്വര്‍ഗസ്ഥനായ വാര്‍ത്ത കൂടി വായിക്കേണ്ടി വന്നു.

വാണിജ്യ നികുതി ചെക്ക് പോസ്റ്റ്‌ പെർള

എന്മകജെ എന്ന് ശിലാഫലകമുള്ള ഒരു റോഡ്‌

പി.സി.കെയുടെ തോട്ടങ്ങൾ ക്കിടയിലൂടെയുള്ള വഴി

പി.സി.കെയുടെ തോട്ടങ്ങൾ ക്കിടയിലൂടെ കടന്നു പോവുന്ന റോഡ്

സ്വര്ഗയിലെ ഒരു സൈൻ ബോർഡ്

സ്വാന്തനം ബഡ്സ് സ്കൂളിൻറെ ബസ്സ്‌

പഞ്ചായത്ത് വൈസ് പ്രസിഡന്റ് ആായിഷയുമൊത്ത്

സ്വാന്തനം സ്കൂളിലെ കുട്ടികൾ വരച്ച ചിത്രങ്ങൾ

കൃഷ്ണ നായിക്കിനോപ്പം

ഒരു സെൽഫി

റോഡിനെ മുറിച്ച് കടന്നു പോവുന്ന ഒരു അരുവി

പെഡ്രയിൽ

ഒട്ടകം വന്ന മല, തകർന്നടിഞ്ഞ നഗരം

2014-10-22T03:44:00.000-07:00

മൊബൈലിൽ ഫോട്ടോ ഗാലറിയിലൂടെ വെറുതെ തെരഞ്ഞു നടക്കുമ്പോഴാണ് ഈ ഫോട്ടോകൾ വീണ്ടും കാണുന്നത് എഴുതാതെ പോയ ഒരു യാത്രയുടെ ഓർമ്മചിത്രങ്ങൾ ഒന്നൊന്നര വർഷം മുമ്പ് നടത്തിയ യാത്ര;
പിന്നീട് പലപ്പോഴും ഈ യാത്രയെക്കുറിച്ച് എന്തെങ്കിലും കുറിച്ചടണമെന്നാഗ്രഹിച്ചിരുന്നെങ്കിലും എന്തോ കാരണത്താൽ നടക്കാതെ പോയി. 'മരുഭൂമിയുടെ ആത്മകഥ'യിൽ മുസാഫിർ ഈ പ്രദേശത്ത്കൂടി കടന്ന്പോയത് വായിച്ചപ്പോൾ ഞാനും ഇവിടെ പോയതാണല്ലോ എന്തെങ്കിലും എനിക്കും കുറിച്ചടണമെന്ന് വീണ്ടും തോന്നി; യാത്രക്കാരന്റെ വേഷമഴിച്ച് മുസാഫിർ കുടിയേറ്റക്കാരന്റെ വേഷത്തിലേക്ക് മാറിയതോടെ വീണ്ടും മറന്നു ഈ യാത്ര.

പെരുന്നാൾ ലീവിന്ന് എവിടെയെങ്കിലും ട്രിപ്പ് പോവണമെന്ന് പ്ളാൻ ചെയ്തതാണ് കൂടെയുള്ളവർക്ക് പലകാരണങ്ങൾ, ഒന്നും നടക്കാതെ ഒറ്റക്ക് വിഷമിച്ചിരിക്കുമ്പോഴാണു പത്രത്തിൽ 'സ്വലിഹ് നബിയുടെ ഒട്ടകം പുറപ്പെട്ട പാറ', 'ഒട്ടകം വെള്ളം കുടിച്ച കിണർ', 'ആ സമൂഹം ജീവിച്ചിരുന്ന പ്രദേശ'ങ്ങളിലേക്കുള്ള ടൂറിന്റെ പരസ്യം കാണുന്നത് അതിലെ നമ്പറിൽ വിളിച്ച് നാളേയ്ക്ക് ഒരു സീറ്റ് റിസർവ്വും ചെയ്തു;
പിറ്റേന്ന് വൈകുന്നേരം ശറഫിയ്യയിൽ നിന്ന് രണ്ടു ബസ്സുകളിലായി 150 ഓളം ആളുകളുള്ള ഒരു വലിയ സംഘം.. മദീനയിൽ നിന്ന് ഏകദേശം 400 കിലോമീറ്റർ വടക്കായി അൽഹുല നഗരത്തിൽ നിന്നും 25 കിലോമീറ്റർ അകലെയുള്ള മദായിൻ സാലേഹ് ആണ് ലക്‌ഷ്യം.

വഴിയിലെവിടെയോ വെച്ച് ബസ്സൊന്ന് നിർത്തി എല്ലാവരും പുറത്തിറങ്ങിയപ്പോഴാണ് ഫവാസിനെ പരിചയപ്പെടുന്നത്, എന്റെ നാട്ടുകാരാൻ, കഷ്ടിച്ച് വീട്ടിന്ന് 20 കിലോമീറ്റർ മാത്രം ദൂരം, പക്ഷെ മലയാളം നന്നായി സംസാരിക്കനറിയില്ല; ഉറുദുവാണു മാതൃഭാഷ. സ്വന്തം നാട്ടുകരനോട് പോലും മാതൃഭാഷ സംസാരിക്കനവാത്ത ഈ അവസ്ഥ ഒരു പക്ഷെ അത്യുത്തര കേരളക്കാർക്ക് മാത്രമുള്ള പ്രതേകതയായിരിക്കും, പിന്നീട് ഫവാസിയിരുന്നു ഈ യാത്രയിലെ എന്റെ 'സഹയാത്രികൻ'.

രാവിലെയെപ്പൊഴോ അൽഹുലാ നഗരത്തിലെത്തിയിരിക്കുന്നു, ലക്ഷ്യസ്ഥാനത്തേക്കിനി വളരെ കുറച്ച് ദൂരമെയുള്ളു, ഒന്ന് റിഫ്രെഷ് ആയതിനു ശേഷം യാത്ര തുടർന്നു, ചുറ്റും ഭീകരമായ രീതിയിൽ തകർന്നടിഞ്ഞ മലനിരകൾ, ഇതേവരെ എവിടെയും കണ്ടു പരിചയമില്ലാത്ത ഭൂപ്രകൃതി, മനുഷ്യവാസമോ, ജീവന്റെ തുടിപ്പുകളൊ ഇല്ല. വല്ലാത്തൊരു ഭീതിയോടെയല്ലാതെ ഒരു യാത്രികനും ഇതുവഴി കടന്നു പോവില്ല.
യുനൊസ്കോയുടെ ലോക പൈതൃക പട്ടികയിൽ പെടുന്ന പ്രദേശം എന്ന വലിയ ബോർഡ്, കുറ്റൻ കവാടം, കവടത്തിനകത്തായി പല നിറത്തിലുള്ള പതാകകൾ, ഞങ്ങളുടെ രണ്ടു ബസ്സുകളുടെയും ഡ്രൈവർമാർ ഗേറ്റിനു മുമ്പിലുള്ള ചെക്കിങ്ങ് കൌണ്ടറിൽ അകത്തേക്കുള്ള പാസ്സിനായി യാത്രക്കാരുടെ രേഖകളുമായി ക്യു നിൽക്കുകയാണ്... ബസ്സ്‌ ഗേറ്റിലൂടെ കുറച്ച് മുന്നോട്ട് നീങ്ങുമ്പോൾ ആദ്യം കാണുന്നത് ഒരു റയിൽവേ ട്രാക്കിന്റെ അവശിഷ്ടങ്ങൾ, പഴയ ആവിവണ്ടിയുടെ ഒരു പുന:സൃഷ്ടിച്ച മാതൃക, പിന്നെ ഒരു ചെറിയ റയിൽവേ മ്യൂസിയവും പഴയ തുർക്കി-മക്ക റൈൽവെ പ്രൊജക്ടിന്റെ ഭാഗമായുള്ള ഹിജാസ് റൈൽവെയുടെ ഡമാസ്ക്കസ്-മദീന പാത കടന്നു പോയിരുന്ന വഴിയാണിത്, പുരാതന സിൽക്ക് റൂട്ടിലെ ഒരു പ്രധാന ഇടം. 1908ൽ പണിയാരമ്പിച്ച് 1913ൽ സർവ്വീസ് തുടങ്ങിയ ഈ റയിൽവേ പിന്നീട് രാജ്യങ്ങൾ തമ്മിലുണ്ടായ ആഭ്യന്തര കലഹങ്ങളിലും, ലോകമഹായുദ്ദങ്ങൾക്കിടെയുണ്ടായ നിരന്തരാക്രമണങ്ങളിലൂടെയും തകർക്കപ്പെട്ടു. 1960 വെരെ പ്രവർത്തിച്ചിരുന്ന ഈ പാതയുടെ ഭാഗമായിരുന്ന ഡമാസ്ക്കസിലെ പ്രധാന സ്റ്റേഷൻ 2004ആണ് അടച്ചു പൂട്ടിയത്. റെയിൽവേ കടന്നു പോയിരുന്ന തുർക്കി,ജോർദാൻ, സിറിയ, സൗദി അറേബ്യ ഈ രാജ്യങ്ങളെ ബന്ധിപ്പിച്ചു കൊണ്ടുള്ള പുതിയ റെയിൽവേ പ്രോജെക്ടിന്റെ പ്രഖ്യാപനം അടുത്തിടെ തുർക്കിയുടെ ഭാഗത്ത് നിന്നുണ്ടായെങ്കിലും അതിന്റെ ഇപ്പോഴെത്തെ സ്ഥിതിയെന്താണന്നറിയില്ല.

ഇനിയാണ് മദായിൻ സാലേയുടെ യഥാർത്ഥ അട്രാക്ഷൻസ് കാണാൻ പോവുന്നത്, 4000 വർഷം മുൻപുള്ള ഒരു ജനതയുടെ എൻജിനിയറിങ്ങിലെ അതി വൈദഗ്ദ്യം നിഴലിച്ചു നിൽക്കുന്ന നിർമ്മിതികൾ. കുറ്റൻ പാറകൾ തുരന്നുണ്ടാക്കിയ ഭവനങ്ങളും കെട്ടിടങ്ങളും, ഞങ്ങൾ കടന്നു പോയിക്കൊണ്ടിരിക്കുന്ന ഈ ഏരിയയിൽ മാത്രം 131 ഇത്തരം കുറ്റൻ ശിലാ ഭവനങ്ങളുണ്ട്.ഓരോന്നിനെ കുറിച്ചും ചെറുവിവരണങ്ങള്‍ നല്‍കുന്ന ഫലകങ്ങള്‍ എല്ലായിടത്തും സ്ഥാപിച്ചിരിക്കുന്നു ഭീകര സൗന്ദര്യമെന്ന് ഒരു സ്ഥലത്തെ വിശേഷിപ്പിക്കാൻ കഴിയുമെങ്കിൽ അത് മദായിൻ സ്വാലിഹ് ആണന്ന് മുമ്പെവിടെയോ വായിച്ചത് അക്ഷരാർഥത്തിൽ ശരിയാണന്നു ബോധ്യപ്പെട്ടു. അതിഭീകരമായ മലകൾക്കിടയിൽ നിർമ്മിക്കപ്പെട്ട ഭീകര നിർമ്മിതികൾ. "മലഞ്ജെരുവിൽ പാറകൾ തുരന്നവർ" എന്ന് ഖുർഹാൻ ഇവിടെ ജീവിച്ചിരുന്നവരെ കുറിച്ച് പറയുന്നുണ്ട്, ആ ജനതക്ക് നിയോഗിക്കപ്പെട്ടെ പ്രവാചകനായിരുന്നു സ്വാലിഹ് നബി. ധിക്കാരികളായ സമൂദ് ജനത സ്വാലിഹ് നബിയോട് പ്രവാചകനാണന്നെതിനുള്ള ദൃഷ്ടാന്തമായി പാറയിൽ നിന്ന് ഒരു ഒട്ടകത്തെ പുറപ്പെടുവിപ്പിച്ച് തരണമെന്നും, അത് നൽകിയപ്പോൾ അതിനെ അവർ കൊല്ലുകയും ചെയ്തു. ഞങ്ങളുടെ ഗൈഡ് ഒട്ടകം വന്ന പാറയും ഒട്ടകം വെള്ളംക്കുടിച്ചിരുന്ന കിണറും കാട്ടിത്തന്നു.

ദൈവ കല്പന ധിക്കരിച്ച ഈ ജനതെയെ ഒരു ഘോര ശബ്ധത്തോടെ നശിപ്പിക്കപ്പെടുകയായിരുന്നെത്രെ; ആ ഘോര ശബ്ദത്തിന്റെ,ദുരന്തത്തിന്റെ അലയൊലികൾ ഇപ്പോഴും ഇവിടെ അലയടിക്കുന്നത് പോലോത്ത ഒരനുഭവമായിരിക്കും ഈ പ്രദേശം സന്ദർശകരിൽ ഉണ്ടാക്കുക. ഇതിനെക്കുറിച്ച് ഖുർഹാൻ പറയുന്നത് "കരിങ്കൽ കൊട്ടാരങ്ങളോ, പാറകൾ തുരന്നുണ്ടാക്കിയ മണിമന്തിരങ്ങളോ ഈ ആപത്തിൽ നിന്ന് അവരെ രക്ഷിച്ചില്ല". എന്നാണ്.
ഒരു പകൽ മുഴുവനും മനുഷ്യ ചരിത്രത്തിന്‍െറ ഈ അവശേഷിപ്പുകൾക്കിടയിലും ഇതിനു ചുറ്റുമുള്ള പ്രദേശങ്ങളിലും ചിലവിട്ട് തിരിച്ചു പോവുകയാണ് ആളൊഴിഞ്ഞ പുരാതന നഗരം വിട്ട് ആളുകൾ ഒരിക്കലും ഒഴിയാത്ത ഒരു നഗര വീഥിയിലൂടെ..മദീനയിലൂടെ.. പ്രവാചകന്റെ ചാരത്ത് കൂടി..

നിര നിരയായിക്കിടക്കുന്ന ശിലാഭാവനങ്ങൾ

ഞങ്ങളുടെ യാത്ര സംഘത്തിലുള്ളവർ ബസ്സിറങ്ങി കാഴ്ച്ചകളുടെ അരികിലേക്ക്

അത്ര മോടിയില്ലാത്ത മറ്റൊരു ബ്ളോക്ക്

ഉയരത്തിലുള്ള വീടുകൾക്കരികിൽ കയറിയിരിക്കുന്നവർ

മുകളിലേക്ക് കയറാനുള്ള എന്റെ ഒരു ശ്രമം

പാറകൾക്കിടയിലെ പിളർപ്പ്- അദ്ദിവാൻ

കവാടത്തിനരികിലുള്ള ബോർഡ്‌

ഒട്ടകം വെള്ളം കുടിച്ചിരുന്ന കിണർ

ഒട്ടകം വന്ന മല യാത്ര സംഘത്തിനു ഗൈഡ് കാട്ടിത്തരുന്നു

ശിലാഭാവനങ്ങൾക്കകത്ത് കയറിയിറങ്ങുന്നവർ

അദ്ദി-വാൻ

ഗുഡ്ബൈ മദായിൻ സ്വലിഹ്.....

ഹവ്വ മുത്തശ്ശിയുടെ കബറിടത്തില്‍

2013-11-17T08:46:00.000-08:00

പുതുതായി താമസം മാറിയ കമ്പനി അക്കമഡേഷന്‍റെ ബാല്‍ക്കണിയില്‍ നിന്നാല്‍ കാണുന്ന ഒരു സ്ഥലമുണ്ട്, ജിദ്ദയിലെ പ്രാധാന വാണിജ്യ കേന്ദ്രമായ ബലദിന്റെ തുടക്കത്തില്‍, "ഷവര്‍മ സൂക്കിന്‍റെ" തൊട്ടപ്പുറതതായി ഒരു വലിയ മതില്‍ക്കെട്ട്.

ജിദ്ദ എന്ന ഈ നഗരത്തിനു ആ പേര് വരാന്‍ കാരണമായ ഇടം; 'മുത്തശ്ശി' എന്നാണു ജിദ്ദ എന്ന വാക്കിന്റെ അര്‍ഥം.. അതെ, മനുഷ്യ കുലത്തിന്റെ മുത്തശ്ശി ഈ നഗരത്തില്‍ അടക്കം ചെയ്യപ്പെട്ടിട്ടുണ്ട് എന്ന കാരണത്താലാണ് ഈ നഗരത്തിനു ആ പേര് ലഭിച്ചത്.

സ്വര്‍ഗ്ഗത്തില്‍ നിന്ന് വിലക്കപ്പെട്ട കനി ഭക്ഷിച്ച് ഭൂമിയിലെത്തപ്പെട്ട ആദമും ഹവ്വയും വ്യത്യസ്ത ദേശങ്ങളിലെത്തപ്പെട്ടന്നും, അതില്‍ ആദം ഇന്ത്യയിലും ഹവ്വ ജിദ്ദയിലും എത്തപ്പെട്ടു. പിന്നീട് മക്കയിലെ അറഫ താഴ്വരയില്‍ വെച്ച് കണ്ടുമുട്ടി എന്നുമാണ് വിശ്വസിക്കപ്പെടുന്നത്.

ശേഷമവര്‍ നൂറ്റാണ്ടുകൾ ഭൂമിയില്‍ ജീവിക്കുകയും പിന്നീടെപ്പോഴോ മരിച്ചു പോവുകയും ചെയ്തു. നരവംശ ശാസ്ത്രഞ്ജര്‍ യുഗങ്ങളായി ആദമും ഹവ്വയും എവിടെ അടക്കപ്പെട്ടുവെന്നു അന്വേഷിച്ചുകൊണ്ടിരിക്കുന്നു; ആദമിന്‍റെത് കണ്ടത്തിയില്ലെങ്കിലും ഹവ്വയുടേത് ജിദ്ദയിലാണന്നു വിശ്വസിക്കപ്പെടുന്നു.

ഒരു വെള്ളിയാഴ്ചയുടെ ആലസ്യത്തില്‍ നിന്ന് ഒറ്റക്ക് ഇറങ്ങി നടക്കുകയാണ് ഈ മതിലിനു ചുറ്റും, പല പ്രാവിശ്യം സുഹുർത്തുക്കൽക്കൊപ്പം ഇവിടെ വരാനാഗ്രഹിച്ചിരുന്നെങ്കിലും അതൊന്നും നടന്നിരുന്നില്ല. മുറ്റത്തെ മുല്ലയായത് കൊണ്ടാവാം.

മതിലും ചുറ്റി "മക്ബറ ഹവ്വ" എന്ന് അറബിയില്‍ എഴുതി വെച്ചിറ്റുള്ള കവാടത്തിലൂടെ അകത്തേക്ക്... വലിയ ഗേറ്റും നീണ്ട ഇടനാഴിയും കഴിഞ്ഞാല്‍ കുറെ കോണ്‍ഗ്രീറ്റ് കളങ്ങളായി തിരിച്ചിട്ടുള്ള കബറുകൾ. കവാടത്തില്‍ മൂന്നോ നാലോ സെക്യൂരിറ്റി ജീവനക്കാർ പിന്നെ സന്ദർശനത്തിനെത്തിയുട്ടുള്ള കുറച്ചു പേരും.

ഇസ്ലാം-ക്രിസ്ത്യന്‍-ജൂത വിശ്വാസ പ്രകാരം ഭൂമിയിലെ ആദ്യത്തെ മനുഷ്യരാണ് ആദമും ഹവ്വയും, മനുഷ്യ കുലത്തിന്റെ മാതാവും പിതാവും. ചരിത്രപരമായ രേഖകളോ തെളിവുകളോ ഈ കബറിടത്തിനില്ല; ശതാബ്ബ്ദങ്ങളായി ആളുകൾ വിശ്വസിച്ചു പോരുന്നുവെന്നെയുള്ളൂ.

അത് കൊണ്ട് തന്നെ സൗദി ഗവണ്‍മെന്റോ, ടൂറിസം വകുപ്പോ, മറ്റേതെങ്കിലും ഏജന്‍സികളോ ഈ 'ചരിത്ര'സ്മാരകത്തിന് പ്രാചരണം നല്‍കുകയോ, ആളുകളെ ഇവിടെയെത്താന്‍ പ്രോത്സാഹിപ്പിക്കുകയോ ചെയ്യുന്നില്ല.

ബൈബിളിനെ കുറിച്ചും അതില്‍ പരാമര്‍ശിച്ചിട്ടുള്ള സ്ഥലങ്ങളെ കുറിച്ചും പഠനം നടത്തിയ പ്രശസ്ത അമേരിക്കന്‍ ആര്‍ക്കിയോളജിസ്റ്റ് വില്യം ഡെവര്‍ പറയുന്നത് "രണ്ടായിരമോ മൂവായിരമോ വർഷങ്ങളായി ഈ കഥ ആളുകൾ പറഞ്ഞു കൊണ്ടിരിക്കുന്നു, പക്ഷെ നമുക്ക് മുന്നില്‍ ആര്‍ക്കിയോളജിക്കലായിട്ടുള്ള ഒരു തെളിവുമില്ല" എന്നാണ്. ഹംദാനി, ഇബ്നു ജബയ്യറിനെ പോലോത്ത അറേബ്യന്‍ പശ്ചിമേഷ്യന്‍ ചരിത്രകാരൻമാർ ഇതിനു സ്ഥിരീകരണം നല്‍കിയപ്പോൾ, ഇബ്നു ബത്തൂത്തയെപ്പോലുള്ളവർ ഇതിനെ അവഗണിച്ചിരുന്നുവെന്നതും ശ്രദ്ദേയമാണ്.

സൗദി അറേബ്യയിലെ എല്ലാ കബറിടങ്ങളെയും പോലെ പ്രാവുകൽ കൂട്ടമായി കൂടി നില്‍ക്കുകയും, ആളുകൾ അടുത്ത് പോവുമ്പോൾ പറന്നുയരുകയും ചെയ്യുന്നു; ആ കാഴ്ചകൾ മൊബൈല്‍ക്യാമറയിൽ പകര്‍ത്തി 'സ്മശാന മൂകത' മുറ്റി നില്‍ക്കുന്ന കബറിടത്തിലൂടെ കുറെ നേരം വെറുതെ നടന്നു..

ഇവിടെ ആദ്യം 120 മീറ്ററോളം നീളമുള്ള വലിയ കബറണ്ടായിരുന്നെത്രെ; ഗൂഗിളില്‍ തപ്പി നോക്കിയാല്‍ നമുക്ക് ആ പഴയ ചിത്രങ്ങൾ കാണാം. പിന്നീട് ഹജ്ജിനും മറ്റുമെത്തുന്ന തീർത്ഥാടകർ ഇവിടെ വ്യാപകമായി എത്താൻ തുടങ്ങിയതോടെ 1975 ൽ ആധികാരിക ചരിത്ര പശ്ചാത്തലമില്ലാത്ത ഈ സ്ഥലം ഗവണ്‍മെന്റ് സീൽ ചെയ്ത് തിരിച്ചറിയാൻ കഴിയാത്ത വിധം മറ്റു കബറുകളെപ്പോലെ ആക്കിയതാണത്രെ.

5 മില്യണ്‍ ജനസംഖ്യയുള്ള ജിദ്ദ നഗരത്തിലൂടെ ഓരോ വർഷവും അത്രത്തോളമോ അതിലധികമോ ആളുകൾ ഹജ്ജിനും ഉമ്രയ്ക്കുമായി കടന്നു പോവുന്നു, ഇതിൽ നല്ല ഒരു ഭാഗം ആളുകൾ ഇവിടെയും എത്തിയേക്കാം എന്ന ഭയമാവാം മതകാര്യ വകുപ്പിനെ കൊണ്ട് അങ്ങേനെയൊരു തീരുമാനെമെടുപ്പിച്ചത്.

ഫോട്ടോയെടുക്കാന്‍ നിയന്ത്രണമുണ്ടാവാം എന്ന് തോന്നിയിരുന്നത് കൊണ്ട് പരസ്യമായി ഫോട്ടോ പിടിച്ചിരുന്നില്ല; എന്നാലും ഏകദേശം ഈ കമ്പൗണ്ടിനകത്തെ കാഴ്ചകളൊക്കെ പകർത്തിയിരുന്നു;

തിരിച്ച് ഗേറ്റിനടുത്തത്തിയപ്പോൾ സെക്യൂരിറ്റിക്കാരന്‍ അറബിയിൽ എന്തിനാണ് ഫോട്ടോ എടുത്തതെന്നും ഇവിടെ ഫോട്ടോയെടുക്കാന്‍ പാടില്ലന്നറിയില്ലേഎന്നും ചോദിച്ച് മൊബൈൽ വാങ്ങി; അതിലുണ്ടായിരുന്ന ഫോട്ടോകൾ ഡിലീറ്റ് ചെയ്തു. പക്ഷെ ഫോണ്‍ മെമ്മറി ഫുള്ളായത് കാരണം ഫോട്ടോകൾ മെമ്മറി കാർഡിൽ സേവായത് കൊണ്ട് എല്ലാം നഷ്ടപ്പെട്ടില്ല. മൊബൈലിലുണ്ടായിരുന്ന മാറ്റ് ഫോട്ടോകൾ കാണുന്ന തിരക്കിൽ ഫോണ്‍ മുഴുവൻ പരിശോധിക്കാനും സെക്യൂരിറ്റിക്കാരന് മറന്നുപോയി. ഫോട്ടോകളൊക്കെ "ഖുവൈസ്" ആണന്ന കമാന്റോടെ മൊബൈൽ തിരിച്ചു തന്നു.

പുറത്തിറങ്ങുമ്പോൾ നേരത്തെ പിടിച്ച സെക്യൂരിറ്റിക്കരാന്‍ വാതിൽക്കൽ നിൽക്കുന്നുണ്ട്, അവനോട് കൈ കൊടുത്ത് സലാം പറഞ്ഞു പോവുമ്പോൾ ചോദിച്ചു ഈ ബോർഡിന്‍റെ ഫോട്ടോ എടുത്തോട്ടെയെന്ന് (ഹവ്വ മക്ബറ എന്ന ബോർഡ്) ആദ്യം വിസമ്മതിച്ചെങ്കിലും പോകാനൊരുങ്ങുമ്പോൾ തിരിച്ചു വിളിച്ച് എടുത്തോളു എന്ന് പറഞ്ഞു സമ്മതം തന്നു. (അങ്ങെനെ സമ്മതത്തോടും അല്ലാതെയും കിട്ടിയ ഫോട്ടോകൾ ഇതിനൊപ്പം പോസ്റ്റുന്നു).

ചരിത്രത്തിനും ചരിത്രാധീത കാലത്തിനും മുൻപേ ജീവിച്ച ഒരാളുടെ ഓര്‍മകളുള്ള ' ചരിത്ര സ്മാരകത്തിൽ' നിന്ന് പടിയിറങ്ങുകയാണ്, ഓർമകളിൽ സൂക്ഷിക്കാന്‍ ഒരുപിടി കാഴ്ചകളും അനുഭവങ്ങളും പകര്‍ത്തിവെച്ചു കൊണ്ട്.

ഉള്ളാളിലെ 'കുട്ടനെ' തേടി...

2013-09-09T00:21:00.000-07:00

സമയം രാവിലെ 8.15, മൊഗ്രാല്‍പുത്തുര്‍ ടൌണ്‍-എൻറെ നാട്;
മംഗലാപുരം ഭാഗത്തേക്കുള്ള ബസ്സ്‌ കാത്ത് നില്‍ക്കുകകയാണ്, കര്‍ണാടക കെ.എസ്.ആര്‍.ടി.സിയുടെ 'കാവി' പുതച്ച ഇന്റര്‍ സ്റ്റേറ്റ് ബസ്സ്‌ വന്ന് നിന്നു, ഈ റൂട്ടില്‍ ഇപ്പോള്‍ ചെയിൻ സര്‍വ്വീസ് ആണ് കേരളത്തിന്റെയും കര്‍ണാടകയുടെയും കെ.എസ്.ആര്‍.ടി.സികള്‍ക്ക് ഓരോ മണിക്കൂര്‍ വീതിച്ചു നല്‍കിയിരിക്കുന്നു, ഈ ഒരു മണിക്കൂറിനെ കര്‍ണ്ണാടക ഉപയോഗിക്കുന്നത് പോലെ കേരളം ഉപയോഗിക്കുന്നുണ്ടോ എന്നത് കേരള സര്‍ക്കാര്‍ ഗൌരവമായി ആലോചിക്കേണ്ട വിഷയമാണ്, കുറച്ചുകാലം മുൻപ് വരെ സ്വകാര്യ ബസ്സുകളുടെ മത്സര ഓട്ടമായിരുന്നു ഇതിലെ, റൂട്ട് ദേശസല്‍ക്കരണത്തിലൂടെ അതവസാനിച്ചെങ്കിലും കുട്ടികാലത്തെ പ്രധാന വിനോദങ്ങളിലൊന്ന്- റോഡരികിലിരുന്ന് ഈ ബസ്സോട്ടം കാണുക എന്നത് ഓര്‍മ്മകളിലേക്ക് മാഞ്ഞു പോയതിന്റെ ചെറിയൊരു വേദനയുണ്ട്;

ബസ്സില്‍ കയറി; മംഗലാപുരത്തേക്കുള്ള ഈ ബസ് സംഗര സംസ്കാരങ്ങളുടെ സഞ്ചരിക്കുന്ന ഇടങ്ങളാണ്, മലയാളവും, കന്നടയും, തുളുവും സംസാരിക്കുന്നവര്‍ ബാസ്സിലുണ്ടാവും, നിരവധി പുഴകള്‍ക്ക് കുറുകെയാണ് NH-17 കടന്നു പോവുന്നത്, മംഗലാപുരത്ത് എത്തുന്നതിനു മുമ്പായി കേരളത്തിലെ അഞ്ചു നദികളും നേത്രാവതിയും ക്രോസ്സ് ചെയ്തിരിക്കും, ബസ്സ്‌ ഉപ്പളയിലെത്തുമ്പോള്‍ ഉറുദു സംസാരിക്കുന്നവര്‍ ബസ്സില്‍ കയറും, കൊങ്കിണിയും ബ്യാരിയുമൊക്കെ പ്രാധിനിത്യമറീച്ചിരിക്കും ബസ്സ്‌ തലപ്പാടിയിലെ കേരളതിര്‍ത്തി പിന്നിടുമ്പോള്‍.

രാവിലെയായത് കൊണ്ട് ഒരുപാടു വിദ്യാര്‍തികളുണ്ട് ബസ്സില്‍, മംഗലാപുരത്തെ വിവധ കോളേജുകളിലേക്കും യൂണിവേര്‍സിറ്റികളിലേക്കുമാണ്, ദക്ഷിണേന്ത്യയിലെ ഹെല്‍ത്ത്& എഡുക്കേഷന്‍ ഹബ്ബ് ആണല്ലോ ഇന്ന് മംഗലാപുരം, ഞാന്‍ ശ്രദ്ധിച്ചത് ഇവരുടെ 'ഡ്രസ്സിംഗ്' ആണ് എനിക്ക് പുതുമ തോന്നിയില്ലെങ്കിലും കേരളത്തിന്റെ മറ്റു ഭാഗങ്ങളില്‍ നിന്ന് വരുന്നവര്‍ക്ക് കാസറഗോഡന്‍ ന്യു ജനറേഷന്റെ വസ്ത്ര ധാരണ ശൈലി ഒന്ന് ശ്രദ്ധിക്കാതിരിക്കില്ല, മംഗലാപുരവും, മുംബൈയും, ദുബൈയും കാസറഗോഡിനെ തൊട്ട് നില്‍ക്കുന്നത് കൊണ്ടാവാം ഫാഷന്‍ രംഗത്തെ പുതുമകളും വളരെപ്പെട്ടന്ന് ഇവിടേക്ക് ചേക്കേറുന്നത്.

ഇതെനിക്ക് സ്ഥിരം കാഴ്ചയായിരുന്നു രണ്ടു വര്‍ഷം മുമ്പ് വരെ ഒരു വര്‍ഷത്തിലധികം മഞ്ഞെശ്വരത്ത് ഒരു സ്കൂളില്‍ ജോലി ചെയ്തിരുന്നപ്പോള്‍, ഞാന്‍ സ്കൂളില്‍ പോയിരുന്ന അതേ സമയം; ആ യാത്രകളുടെ ഓർമ്മകളിലാണിപ്പോള്‍....

സോറി, പറയാന്‍ മറന്നു; ഈ യാത്ര മംഗലാപുരത്തേക്കല്ല, കേരള അതിര്‍ത്തി കഴിഞ്ഞാല്‍ ആദ്യം കിട്ടുന്ന ടൌണ്‍ ആയ തൊക്കോട്ടേക്കാണ്, അവിടെയിറങ്ങിയാലെ ഉള്ളാളിലെത്താന്‍ പറ്റുകയുള്ളു, തൊക്കോട്ട്‌ ബസ്സ്‌ നിർത്തി, അതിവേഗം വികസിച്ചു കൊണ്ടിരിക്കുന്ന മംഗലാപുരത്തിന്റെ ഉപ നഗരമാണിത്. അല്ലെങ്കില്‍ മംഗലാപുരം നഗരം തെക്കൊട്ടെക്കും അതിന്റെ ഉള്‍പ്രദേശങ്ങളിലേക്കും കൂടി വളരുകയാണ് എന്നും പറയാം , മാംഗളൂർ യൂണിവേർസിറ്റി അടക്കം പല പ്രമുഖ വിദ്യാഭ്യാസ സ്ഥാപനങ്ങളും തെക്കോട്ട് നിന്ന് എത്തിച്ചേരാന്‍ കഴിയുന്ന വിധമാണുള്ളത്.

തൊക്കോട്ട്‌ നിന്ന് കര്‍ണ്ണാടാകയുടെ നമ്പരിട്ട ബസ്സില്‍ കയറി ഉള്ളാളിലേക്ക്,
ഉള്ളാള്‍ മേഖലയിലെ പ്രധാനപ്പെട്ട തീര്‍ഥാടന കേന്ദ്രമാണ്, സയ്യിദ് മദനി എന്ന സൂഫി വര്യന്റെ മഖ്ബറയാണ് ഇവിടെയുള്ളത് അഞ്ചു വര്‍ഷം കൂടുംതോറുമാണ് അവിടെ ഉറൂസ് നടക്കാറുള്ളത് . ലക്ഷങ്ങള്‍ പങ്കെടുക്കുന്ന ഉറൂസ് ആയിരിക്കും . അവിടത്തേക്കു പലരും പല നേര്‍ച്ചകളും നേരും . അങ്ങനെ അവിടേക്ക് നേര്‍ച്ചയാക്കുന്ന ആടുകളെ ആണ് ഉള്ളാള്‍ത്തെ കുട്ടൻമാര്‍ എന്ന് വിളിക്കുന്നത് . അഞ്ചു വര്‍ഷത്തിനിടയില്‍ ഉറൂസ് നടക്കുന്നു എന്നത് കൊണ്ട് തന്നെ ആളുകള്‍ ആടുകളെ ഉറൂസിന്റെ സമയം ആകുമ്പോള്‍ നേര്‍ച്ചയാക്കിയിട്ടു ഉറൂസ് കമ്മിറ്റിക്ക് നേരിട്ട് എല്പ്പിക്കുകയല്ല പതിവ്‌ , മറിച്ചു ഉറൂസിനു മാസങ്ങളോ , വര്‍ഷങ്ങളോ മുന്നേ തന്നെ നേർച്ചയാക്കിയ ആടുകളെ കഴുത്തിലൊരു പാക്കും കെട്ടി സ്വതന്ത്രമായി പറഞ്ഞു വിടും , ഉള്ളാള്‍ ദര്ഗയിലേക്ക് പണം നെര്‍ച്ച്ചയാക്കുന്നവര്‍ ഒക്കെ ആ ആടിന്റെ കഴുത്തിലെ പാക്കില്‍ നാണയങ്ങളും നോട്ടുകളും ഇടും . ആ പണ സഞ്ചിയും തൂക്കി പിടിച്ചു കറങ്ങി നടക്കും. ആ ആടുകള്‍ പിന്നെ എവിടെന്നോ യാത്ര തുടങ്ങി എവിടെയെക്കെയോ കറങ്ങി നടന്നു, വെയിലും മഴയും മഞ്ഞും ഏറ്റു അവസാനം ഉറൂസിന്റെ സമയമാകുമ്പോള്‍ ഉള്ളാള്‍ത്തെക്ക് താനേ പോകും എന്ന വിശ്വാസമായിരുന്നു ഈ ആടുകളെ ഇങ്ങനെ സ്വതന്ത്രമായി വിടാനുള്ള കാരണം . ഈ സര്‍വ്വ സ്വതന്ത്രരായ ആടുകള്‍ ട്രെയിനിലും , ബസ്സിലും ടിക്കെറ്റ്‌ എടുക്കാതെ യാത്ര ചെയ്തു , ജാതിയുടെയും , മതത്തിന്റെയും , ദേശത്തിന്റെയും അതിര്‍വരമ്പുകള്‍ ഇല്ലാതെ അതിനു തോന്നുന്നിടത്തോക്കെ കറങ്ങി നടന്നു . കാസര്‍ഗോട്ടെ റെയില്‍വേ സ്റെഷനിലുകളിലും , ബസ്‌ സ്റ്റാന്റുകളിലും , കടത്തിണ്ണ കളിലും ആളു കൂടുന്നിടത്തും കൂടാത്തിടത്തും ആട്ടിടയനില്ലാത്ത ഈ ആടുകള്‍ കൗതുകമായ ഒരു കാഴ്ചയായി നിറഞ്ഞു നിന്നു . ഉള്ളാള്‍ത്തെ ആടുകള്‍ എന്നത് കൊണ്ട് തന്നെ ആരും ഉപദ്രവിക്കാന്‍ നില്‍ക്കുകയുമില്ല , മാത്രമല്ല ഇങ്ങനെ നേച്ചയാക്കപ്പെടാത്ത നാട്ടില്‍ അലഞ്ഞു തിരിഞ്ഞു കൊണ്ടിരുന്ന ആടുകളെയും ഉള്ളാള്‍ത്തെ ആടുകള്‍ എന്ന വിശ്വാസത്തില്‍ ആരും ഉപദ്രവിക്കാതെ നിന്നു.

എന്റെ കുട്ടിക്കാലത്ത് നാട്ടിലെ വന്യ മൃഗം ഉള്ളാളിലെ കുട്ടന്‍മാരായിരുന്നു, ഒരുപാടണ്ണം നാട്ടില്‍ സൌര്യവിഹാരം നടത്തിയിരുന്നു, വീട്ടിലും, സ്കൂള്‍ വരാന്തകളിലും ക്ലാസ് റൂമിലും മഴയത്തും അല്ലാത്തപ്പോഴുമൊക്കെ സ്വതന്ത്രത്തോടെ കയറുകയും ഇറങ്ങുകയുമൊക്കെ ചെയ്തിരുന്നു, ആളുകള്‍ക്ക് ഒരു തരം ബഹുമാനമായിരുന്നു ഇവയോട് ഞങ്ങള്‍ കുട്ടികള്‍ ഇവ മഴയത്ത് ക്ലാസ് മുറിക്കകത്ത് കയറിയാലും ആട്ടിയിറക്കില്ലായിരുന്നു,
ബസ്സ്‌ പള്ളിക്ക് മുമ്പില്‍ നിര്‍ത്തി, ബസ്സിറങ്ങി വഴി വാണിഭക്കാരും, തീര്‍ഥാടകരും, യാചകരും നിറഞ്ഞു നില്‍ക്കുന്ന വഴിയിലൂടെ പള്ളിയിലേക്ക്, വിശാലമായ കോമ്പൗണ്ടിനകത്താണ് പള്ളിയും ദർഗയും സ്ഥിതി ചെയ്യുന്നത്, മനോഹരമായ താഴികകുടവും മിനാരങ്ങളുമുള്ള പള്ളി, മുറ്റത്ത് നാലു ഭാഗവും പടവുകളുള്ള വലിയ കുളം, പള്ളിക്കകത്തും പുറത്തുമായി രണ്ടു കിണറുകള്‍, ഇവ രണ്ടിലേക്കും ഇവിടെയെത്തുന്ന തീര്‍ഥാടകര്‍ പണം നിക്ഷേപിക്കുന്നുണ്ട്, നാണയങ്ങള്‍ വെട്ടിത്തിളങ്ങി നില്‍ക്കുന്നു വെള്ളത്തില്‍

പള്ളിക്കടുത്തായി ആടുകളെ താമസിപ്പിക്കനായി മറ്റൊരു കെട്ടിടമുണ്ട്, ഒന്ന് രണ്ടു ആടുകള്‍ പുറത്ത് മേഞ്ഞു നടക്കുന്നുണ്ട്, അകത്ത് കയറി നോക്കി ഗ്രില്ലിട്ട വലിയ കൂട്ടിനകത്ത്‌ കുറച്ചു ആടുകള്‍ കൂടിയുണ്ട്.ഇവയെക്കുറിച്ച് ചോദിക്കാമെന്നു വെച്ചാൽ അടുത്താരുമില്ല കുറച്ചു നേരം കാത്തിരുന്നു; അതാ, കുറച്ചപ്പുറത്ത് തലയിൽ ടവ്വൽ കെട്ടിയ ഒരാള്‍ ബീഡിയും വലിച്ചിരിക്കുന്നു, പോയി സലാം പറഞ്ഞു ഇവിടെത്തെ ആടുകളെ കുറിച്ച് ചോദിച്ചു, കക്ഷി നാട്ടുകാരാൻതന്നെയാണ്.. അയാള്‍ പറയുന്നത് ഇപ്പോഴും അവിടേക്ക് ആളുകള്‍ ആടുകളെ നേർച്ചയാക്കി എത്തിക്കാറുണ്ടെത്രെ കർണ്ണാടകയുടെയും കേരളത്തിന്റെയും വിവിധ ഭാഗങ്ങളിൽനിന്ന്. ഉറൂസ് സമയമാവുമ്പോള്‍ ആടുകള്‍ തനിച്ചും ഇവിടെ എത്താറുണ്ടെന്നും,ആ ആടുകള്‍ ഇവിടേക്ക് ആണന്നു എങ്ങെനെ തിരിച്ചറിയുമെന്ന ചോദ്യത്തിന് "അതൊല്ലൊ അറിയും" എന്ന കന്നട ചൊവ്വയുള്ള മലയാളത്തിൽ മറുപടി; കൂടുതൽ പറയാൻ അയാള്‍ക്ക് താൽപര്യമില്ലന്നു തോന്നി, കൂടുതൽ ചോദിക്കാൻ പറ്റിയ വേറെ ആരെയും കണ്ടതുമില്ല.

പള്ളിയും പരിസരവും ഒന്നു കൂടി ചുറ്റിക്കറങ്ങി, ഇവിടെ അടുത്തു തന്നെ സുന്ദരമായ പാറക്കെട്ടുകള്‍ അതിരിട്ടു നിൽക്കുന്ന സോമേശ്വര ബീച്ച് കൂടിയുണ്ടെങ്കിലും മുമ്പ് അവിടെ പോയിട്ടുള്ളത് കൊണ്ട് പോവാന്‍ തോന്നിയില്ല; തിരിച്ച് നാട്ടിലേക്ക്..പക്ഷെ ഇവിടെത്തെ ചുറ്റു പാടുകള്‍ കണ്ടിട്ടും, വിശദീകരണം കേട്ടിട്ടും കുഞ്ഞു നാളിലെ ഉണ്ടായിരുന്ന അതെ ചോദ്യം ഇപ്പോഴും മനസ്സില്‍ അവശേഷിക്കുന്നു . ഉറൂസിന്റെ സമയം ആകുമ്പോള്‍ എന്റെ നാട്ടിലുണ്ടായിരുന്ന ആടുകളൊക്കെ ഉള്ളാള്‍ത്തെക്ക് എത്താറുണ്ടായിരുന്നോ ....?

ബേഡഡുക്ക: വൈവിധ്യങ്ങളുടെ മലയോര ഗ്രാമം

2013-02-04T01:47:00.003-08:00

ഉത്തരദേശത്തെ കാണാകാഴ്‌ചകള്‍-22

കാസര്‍കോട്ടെ കിഴക്കന്‍ മലയോര പഞ്ചായത്തുകളിലൊന്നാണ്‌ ബേഡഡുക്ക. 1961ലാണ്‌ ബേഡഡുക്ക പഞ്ചായത്ത്‌ രൂപീകൃതമായത്‌. കൊളത്തൂര്‍, മുന്നാട്‌, കുണ്ടംകുഴി, ബേഡഡുക്ക തുടങ്ങിയവയാണ്‌ ഈ പഞ്ചായത്തിലെ പ്രധാന ഗ്രാമങ്ങള്‍. സാമൂഹ്യ-സാംസ്‌കാരിക-രാഷ്‌ട്രീയ-കാര്‍ഷിക-കായിക രംഗങ്ങളില്‍ ഈ ഗ്രാമങ്ങള്‍ക്ക്‌ പറയാനുള്ള ചരിത്രവും, നേട്ടവും ഏറെയാണ്‌.
ജാതി-മത-ഭാഷാ വൈവിധ്യങ്ങളാണ്‌ ഈ ഗ്രാമത്തിന്റെ ഏറ്റവും വലിയ പ്രത്യേകത. ഹിന്ദു, മുസ്ലിം മതവിഭാഗങ്ങള്‍ക്ക്‌ പുറമെ ക്രിസ്‌തു മതത്തിനും ഇവിടങ്ങളില്‍ നല്ലവേരോട്ടമുണ്ട്. ജാതി വ്യവസ്ഥ നിലനിര്‍ത്തുകയും അവ പാലിക്കപ്പെടുകയും അതിനനുസരിച്ച്‌ ജീവിതക്രമം ചിട്ടപ്പെടുത്തുകയും ചെയ്‌തിരുന്ന വലിയൊരു ജന വിഭാഗം ഇവിടെയുണ്ടായിരുന്നു. അവര്‍ വ്യത്യസ്‌ത വിഭാഗങ്ങളായി കഴിയുകയും വിഭിന്നങ്ങളായ ജോലിയില്‍ ഏര്‍പ്പെട്ട്‌ ജീവിതമാര്‍ഗം കണ്ടത്തുത്തുകയും ചെയ്‌തിരുന്നു.
പാരമ്പര്യ ചെത്തുതൊഴില്‍ ചെയ്‌തുപോന്നിരുന്നവരായിരുന്നു ഇവിടത്തെ തീയ്യ സമുദായം. ശാല്യര്‍ വിഭാഗക്കാര്‍ തുണി നെയ്‌ത്തും മണിയാണി (യാദവ) വിഭാഗം കല്‍പ്പണിയും ചെയ്‌താണ്‌ ജീവിച്ചുപോന്നത്‌. തേങ്ങയാട്ടി എണ്ണയെടുക്കുന്ന ജോലിയായിരുന്നു വാണിയ സമുദായത്തിന്റേത്‌. വണ്ണാത്തന്മാര്‍ അലക്കുജോലി ചെയ്‌തും മലയരും കോപ്പാളരും തെയ്യംകെട്ടിയും ജീവിതമാര്‍ഗം കണ്ടത്തി. കാര്‍ഷിക അഭിവൃദ്ധിയുടെ ചിഹ്നമായ തലപ്പാള നിര്‍മ്മാണവും കോപ്പാള വിഭാഗത്തിന്റെ കൈത്തൊഴിലായിരുന്നു. ജന്മിമാരുടെ കീഴില്‍ കാര്‍ഷിക വൃത്തിയിലേര്‍പ്പെട്ടവരായിരുന്നു മാവിലര്‍. വിശ്വകര്‍മ്മജര്‍ മരപ്പണിയുംഇരുമ്പു പണിയും ചെയ്‌തുപോന്നു . കര്‍ണാടകയില്‍ വേരുള്ള നായിക്കന്മാരും കാര്‍ഷിക വൃത്തിയില്‍ ഏര്‍പ്പെട്ടവരായിരുന്നു. ക്ഷൗരപ്പണി ചെയ്‌തിരുന്നവരായിരുന്നു ബണ്ഡാരിമാര്‍. മാരാര്‍, വാര്യര്‍ സമുദായങ്ങള്‍ ക്ഷേത്രപ്പണി ചെയ്‌തുപോന്നവരായിരുന്നു. കര്‍ണാകയില്‍ നിന്ന്‌ കുടിയേറിയ കര്‍ഷക ജന്മിവിഭാഗമായിരുന്നു ഗൗഡന്മാര്‍. ഇവിടത്തെ ന്യൂനപക്ഷ വിഭാഗമായിരുന്നു ബ്രാഹ്‌മണന്മാര്‍. കൃഷി, ക്ഷേത്രപൂജ എന്നിവയായിരുന്നു ഇവരുടെപ്രധാന ജോലി. ബ്രാഹ്‌മണര്‍ മൂന്നുവിഭാഗങ്ങളായിരുന്നു. തുളു സംസാരിക്കുന്നവര്‍ തുളു ബ്രാഹ്‌മണരെന്നും കര്‍ണാടകയില്‍ വേരുള്ളവര്‍ ഹവ്യയ്‌ക്ക്‌ ബ്രാഹ്‌മണരെന്നും മഹാരാഷ്‌ട്രയുമായി ബന്ധമുള്ളവര്‍ കരകിഠാ ബ്രാഹ്‌മണരെന്നും അറിയപ്പട്ടു.

മലയാളം, കന്നട, ഉറുദു, തുളു, മറാഠി, ഹിന്ദുസ്ഥാനി ഭാഷകള്‍ ഈ ഭാഗങ്ങളില്‍ വ്യാപകമായി ഉപയോഗിക്കുന്നുണ്ട്. ഓരോ വിഭാഗത്തില്‍പെട്ടവരും വെവ്വേറെ ഭാഷകളാണ്‌ ഉപയോഗിക്കുന്നത്‌ എന്നത്‌ശ്രദ്ധേയമാണ്‌. മലയന്‍, വണ്ണാന്‍ സമുദായത്തില്‍പെട്ടവരാണ്‌ മലയാളം ഉപയോഗിച്ചുപോരുന്നത്‌. കോപ്പാളന്‍, മാവിലന്‍ സമുദായക്കാര്‍ തുളുഭാഷയും ബ്രാഹ്‌മണര്‍ മറാഠി ഭാഷയും നായന്മാര്‍ കന്നടയും അവരുടേതായ ഭാഷയായി പ്രയോഗിക്കുന്നു. മലയാളത്തിന്റെ പ്രയോഗത്തില്‍ കന്നടയുടെ സ്വാധീനംഇവിടെ പ്രബലമാണ്‌. വിഭിന്നമായ നാട്ടുഭാഷകളും പ്രയോഗങ്ങളും ഈഭാഗത്ത്‌ പ്രചാരത്തിലുണ്ട്. ഇവിടത്തെ നാട്ടു ഭാഷയ്‌ക്ക്‌ ഗൗരവമായ ഗവേഷണ സാധ്യതയു്‌ണ്ട്.

ഹൈദരാലിയുടെയും ടിപ്പുവിന്റെയും പടയോട്ട കാലങ്ങളില്‍ കടന്നുവന്ന തുര്‍ക്കന്മാരാണത്രെ ഇവിടെ ഇസ്ലാമിക സംസ്‌കാരത്തിന്‌ തുടക്കംകുറിച്ചത്‌. ആ സ്‌മരണ വിളിച്ചോതുന്നതരത്തില്‍ തുര്‍ക്കന്മാര്‍ എന്ന അറിയപ്പെടുന്ന  മുസ്ലിംകള്‍ ഇവിടെ പല ഭാഗത്തായി ഇന്നും താമസിച്ചുവരുന്നുണ്ട്.

കുണ്ടംകുഴിയില്‍ ഇക്കേരി നായക്കന്മാരുടെ കാലത്ത്‌നിര്‍മ്മിച്ച കോട്ടയുണ്ടായിരുന്നു. കുംണ്ടംകുഴി ക്ഷേത്രത്തിന്റെ ചുറ്റിലായാണ്‌ ഈ കോട്ട നിലനിന്നിരുന്നത്‌. ഇപ്പോഴതിന്റെ ചില ഭാഗങ്ങള്‍ മാത്രമേ അവിടെ അവശേഷിക്കുന്നുള്ളൂ. ഈ പ്രദേശത്തിന്റെ ചരിത്രം ചൂണ്ടിക്കാണിക്കുന്ന സ്‌മാരകമാണിത്‌.

കുംണ്ടം കുഴി ഗവ: ഹയര്‍സെക്കണ്ടറി സ്‌കൂളാണ്‌ ഈ ഗ്രാമത്തിലെ പ്രധാന വിദ്യാഭ്യാസസ്ഥാപനം. 1955ല്‍ ഒരു സ്വകാര്യ വ്യക്തിയുടെ പത്തായപ്പുരയിലായിരുന്നു ഈസ്‌കൂളിന്റെ പിറവി. 1961ല്‍ ഒരുതാല്‍ക്കാലിക ഓലപ്പുരയിലേക്ക്‌ മാറി. പിന്നീട്‌ ഈ വിദ്യാകേന്ദ്രം  വളരുന്നതിനൊപ്പം പ്രദേശത്തിന്റെ വിജ്ഞാനദാഹത്തിന്‌ കൂടി ശമനമാവുകയായിരുന്നു. 1963ല്‍ സ്വന്തം കെട്ടിടത്തിലേക്ക്‌മാറി. 1976ല്‍ ഹൈസ്‌കൂളായും 1997ല്‍ ഹയര്‍സെക്കറിയായും ഉയര്‍ത്തിയ ഈ സ്‌കൂള്‍ ജില്ലയിലെ പ്രധാന സ്‌കൂളുകളിലൊന്നാണ്‌.

കൊളത്തൂര്‍ ഗവ: സ്‌കൂള്‍, ബേഡഡുക്ക ഗവ: സ്‌കൂള്‍, മുന്നാട്‌ ഗവ: ഹൈസ്‌കൂള്‍ തുടങ്ങിയവയാണ്‌ മറ്റു പ്രധാന വിദ്യാഭ്യാസ സ്ഥാപനങ്ങള്‍. മുന്നാട്‌ പീപ്പിള്‍സ്‌ആര്‍ട്‌സ്‌ ആന്റ ് സയന്‍സ്‌ കോളേജ്‌, ദീക്ഷണ സഹകരണ കോളേജ്‌ എന്നീ ഉന്നത വിദ്യാഭ്യാസ കേന്ദ്രങ്ങളും ഇവിടെ  പ്രവര്‍ത്തിച്ചുവരുന്നു.

കാര്‍ഷിക രംഗത്തും ഈ പ്രദേശങ്ങളുടെ ഉന്നതി എടുത്തുപറയേണ്ടതു തന്നെയാണ്‌. ഈ പ്രദേശങ്ങളിലെ പ്രധാന സാമ്പത്തിക സ്രോതസ്സ്‌ തന്നെകാര്‍ഷിക മേഖലയാണ്‌. റബ്ബറാണ്‌ ഇവിടെ ഏറ്റവും കൂടുതല്‍ ഉല്‍പാദിപ്പിക്കുന്നത്‌. നാളികേരം, അടക്ക, കശുവണ്ടി തുടങ്ങിയ കാര്‍ഷിക വിഭവങ്ങളും ഇവിടെ നല്ല രീതിയില്‍ ഉല്‍പാദിപ്പിക്കുന്നു.
കന്നട സംസ്‌കാരം ഉള്‍ക്കൊള്ളുന്നവരും തെക്കന്‍ കേരളത്തില്‍ നിന്ന്‌ കുടിയേറിയവരും ഇവിടത്തെ കാര്‍ഷിക സംസ്‌കാരത്തിന്‌ അവരുടേതായ കയ്യൊപ്പ്‌ ചാര്‍ത്തിയവരാണ്‌.

കായിക രംഗത്ത്‌ ഈ ഗ്രാമത്തിന്റെ സംഭാവന വിലപ്പെട്ടതാണ്‌. കബഡി, വോളിബോള്‍ എന്നിവയാണ്‌ ഇവിടത്തെ പ്രധാന വിനോദം. ഈമേഖലയില്‍ ഒരുപാട്‌ സംസ്ഥാന-ദേശീയ താരങ്ങളെ വളര്‍ത്തിയെടുക്കാന്‍ ഈ പ്രദേശത്തിനായിട്ടുണ്ട്. മറ്റു കലാ-കായിക രംഗങ്ങളിലും ഒട്ടേറെ നേട്ടങ്ങളുണ്ടാക്കാന്‍ ഈ ഗ്രാമത്തിനായിട്ടുണ്ട്.
നാടക-സിനിമാ രംഗത്തും വ്യക്തിമുദ്ര പതിപ്പിച്ച ഒട്ടേറെ വ്യക്തികളെ സംഭാവന ചെയ്യാനും ഈ ഗ്രാമത്തിനു സാധിച്ചിട്ടുണ്ട്.

ദക്ഷിണ കാശി എന്നറിയെപ്പടുന്ന കുണ്ടംകുഴി ശ്രീ പഞ്ചലിംഗേശ്വര ക്ഷേത്രം, പ്രസിദ്ധമായ മഖാമുള്ള മരുതടുക്കം മുസ്ലിം പള്ളി, പടുപ്പിലെയും വീട്ടിയാടിയിലെയും ക്രിസ്‌ത്യന്‍ പള്ളികള്‍ എന്നിവയാണ്‌ ഈ ഭാഗത്തെ വിവിധ മതസ്ഥരുടെ പ്രധാന ആരാധനാലയങ്ങള്‍.

സമുദ്ര നിരപ്പില്‍ നിന്ന്‌ 2000 അടിവരെ ഉയര്‍ന്നു നില്‍ക്കുന്ന മലകളാണ്‌ ഈ ഗ്രാമത്തിന്റെ മുഖ്യ ആകര്‍ഷണം. ഗ്രാമത്തിന്റെ അതിര്‍ത്തികളിലായി നിറെഞ്ഞാഴുകുന്ന എരിഞ്ഞിപ്പുഴയും കരിച്ചേരി പുഴയും അവയ്‌ക്ക്‌ മുകളിലൂടെ സഞ്ചാരമൊരുക്കുന്ന വാവടുക്കം താഞ്ഞേരി പാലങ്ങളും ഇവിടങ്ങള്‍ക്ക്‌ പ്രത്യേക സൗന്ദര്യം നല്‍കുന്നു. ഒപ്പം മലകളെ പുതപ്പിക്കുന്ന ചെറുകാടുകളും നാട്ടിന്‍പ്രദേശങ്ങളിലാകെ പ്രകൃതിയുടെ പച്ച നിറംനല്‍കുന്ന കാര്‍ഷിക നിലങ്ങളും ഇവിടെ വേറിട്ട കാഴ്‌ചകളൊരുക്കുന്നു.

(Published in Uthradesham with Jabir Kunnil)

ബേക്കല്‍കോട്ട: കാസര്‍കോടിന്‌ മേല്‍വിലാസം നല്‍കിയ ചരിത്ര സ്‌മാരകം

2013-01-28T07:07:00.002-08:00

ഉത്തരദേശത്തെ കാണാകാഴ്‌ചകള്‍ -21

പോയകാലത്തെ സാമൂഹ്യ-സാംസ്‌കാരിക-ഭരണ ചരിത്രത്തിലേക്ക്‌ വിരല്‍ ചൂണ്ടുന്ന വെറും ഒരു സ്മാരകം മാത്രമല്ല ബേക്കല്‍ കോട്ട പുതിയ കാലത്തെ വിനോദസഞ്ചാരികള്‍ക്ക്‌ കണ്‍ കുളിര്‍ക്കെ കണ്ടാസ്വദിക്കാന്‍
പ്രകൃതിയുടെ മനോഹരമായ ഇടത്തില്‍ കെട്ടിപ്പൊക്കിയ മഹാ സൗധം
രാജ്യന്തര ശ്രദ്ധയാകര്‍ഷിച്ച പ്രമുഖ ടൂറിസ്റ്റ്‌ കേന്ദ്രമാണ്‌ ബേക്കല്‍കോട്ട. ലോക ടൂറിസം ഭൂപടത്തില്‍ കാസര്‍കോടിന്‌ മേല്‍വിലാസം നല്‍കുന്നതും ബേക്കല്‍കോട്ടയാണ്‌.
കേരളത്തില്‍ അവശേഷിച്ചിട്ടുള്ള കോട്ടകളില്‍ എല്ലാംകൊണ്ടും മുന്‍പന്തിയില്‍ നില്‍ക്കുന്ന ഈ കോട്ട ഏകദേശം
31 ഏക്കര്‍ വിസ്തൃതിയില്‍ വിശാലമായി വ്യാപിച്ചു കിടക്കുന്നു.
കാസര്‍കോട്‌-കാഞ്ഞങ്ങാട്‌ തീരദേശ മേഖലയില്‍ പള്ളിക്കര പഞ്ചായത്തിലാണ്‌ ബേക്കല്‍കോട്ട. കാസറഗോഡ് നഗരത്തില്‍ നിന്ന് 12 കിലോമീറ്ററും കാഞ്ഞങ്ങാട്ടു നിന്ന് 10 കിലോമീറ്ററും മാണ് ഇവിടെയ്ക്കുള്ള ദൂരം.

ആര്‍ത്തിരമ്പുന്ന അറബിക്കടലിന്റെ വശ്യമായസംഗീതവും തിരമാലകള്‍തീര്‍ക്കുന്ന നിലക്കാത്ത ആരവ
ങ്ങളും തലോടിയാണ്‌ ബേക്കല്‍കോട്ടയുടെ നില്‍പ്പ്‌.
1909ല്‍ തെക്കന്‍ കര്‍ണാടക ജില്ലാ കലക്‌ടറായിരുന്ന ഖാന്‍ ബഹദൂര്‍ അസീസുദ്ദീന്‍ നിര്‍മ്മിച്ച ടി.ബിയാണ്‌
കോട്ടക്കകത്തെ പ്രധാന ആകര്‍ഷണം. കോട്ടയുടെ എല്ലാ ഭാഗങ്ങളിലും കൊത്തളങ്ങളു്‌. ഒട്ടേറെ പടിക്കെട്ടു
കളോടുകൂടിയുള്ള വലിയകുളം, തെക്കുഭാഗത്തായി കടല്‍തീരത്തേക്ക്‌ വഴിയൊരുക്കുന്ന രഹസ്യകവാടം, വെടിമ
രുന്ന്‌ സൂക്ഷിക്കാന്‍ ഉപയോഗിച്ചിരുന്ന മരുന്നറ എന്നിവയും നൂറ്റാണ്ട്കള്‍ക്കപ്പുറത്തെകഥ പറഞ്ഞ്‌ ഇവിടെ അവശേഷിക്കുന്നു.
കടലില്‍ നിന്ന്‌ കെട്ടിപ്പൊക്കിയ കണക്കെ ഭൂരിഭാഗവും കടലിലേക്ക്‌ ഇറങ്ങി നില്‍ക്കുന്ന കോട്ടയുടെ പുറം മതിലിനെ നൂറ്റാണ്ടുകളായി തിരമാലകള്‍ തഴുകിക്കൊണ്ടിരിക്കുന്നു. കോട്ടയുടെ പ്രവേശനകവാടത്തോടു ചേര്‍ന്നുള്ള ഹനുമാന്‍
ക്ഷേത്രവും സമീപത്തായുള്ള മുസ്ലിം പള്ളിയും മതസൗഹാര്‍ദ്ദം വിളിച്ചോതി ഇന്നും നിലകൊള്ളുന്നു. വളഞ്ഞുപുള
ഞ്ഞായുള്ള കോട്ടയുടെ പ്രവേശന കവാടവും കോട്ടമതിലിന്‌ വെളിയില്‍ കാണുന്ന കിടങ്ങുകളും പ്രതിരോധം തീര്‍ക്കാനാണ്‌ നിര്‍മ്മിച്ചതെങ്കിലും ഇന്നത്‌ കാഴ്‌ചതേടിയെത്തുന്നവര്‍ക്ക്‌ കൗതുകമാണൊരുക്കുന്നത്‌.

മധ്യഭാഗത്ത്‌ ഉയര്‍ന്നു നില്‍ക്കുന്ന നിരീക്ഷണ ഗോപുരത്തിലേക്ക്‌ ചരിഞ്ഞുകയറി പ്പോകാനായുള്ള വീതിയുള്ള പാത ഏറെ ശ്രദ്ധയാകര്‍ഷിക്കുന്ന ഭാഗമാണ്‌. `പതാക ധ്വജ' എന്നാണ്‌ ഇത്‌ അറിയെപ്പടുന്നത്‌. ഇവിടെ നിന്ന്‌ നോക്കിയാല്‍ ബേക്കല്‍, പള്ളിക്കര, കോട്ടിക്കുളം, ഉദുമ, കാഞ്ഞങ്ങാട്‌ തുടങ്ങിയ പ്രദേശങ്ങള്‍ കാണാനാവും.
ഇതൊരു ഭരണസിരാ കേന്ദ്രമായിരുന്നുവെന്ന്‌ ഇവിടത്തെ കെട്ടിടാവശിഷ്‌ടങ്ങള്‍ തെളിയിക്കുന്നു. കോട്ടയുടെ ചുറ്റുമതിലില്‍ കാണുന്ന ദ്വാരങ്ങളുടെ ലകഷ്യ വ്യതിയാനങ്ങളുംശ്രദ്ധേയമാണ്‌. മുകളിലെ ദ്വാരം ഏറ്റവും ദൂരത്തേക്കും
തൊട്ടുതാഴെയുള്ള ദ്വാരം കോട്ടയുടെ തൊട്ടടുത്തേക്കും ലക്ഷ്യം വെച്ചുകൊണ്ടുള്ളതാണ്‌. നാടിന്റെ പ്രതിരോധ ആവശ്യങ്ങള്‍ക്കായിരുന്നു ഈ കോട്ട ഉപയോഗിച്ചതെന്ന്‌ ഇത്‌ തെളിയിക്കുന്നു.

അറബിക്കടലിലേക്ക്‌ ഇറങ്ങി നില്‍ക്കുന്ന നിരീക്ഷണ കേന്ദ്രം കടല്‍ വഴിയുള്ള ആക്രമണത്തെ ചെറുക്കാനായി പണിതതാണെന്നാണ്‌ പറയപ്പെടുന്നത്‌.

ബേക്കല്‍ കോട്ടയുടെ ഐതിഹ്യവും ചരിത്രവുമൊക്കെ വിഭിന്നാഭിപ്രായങ്ങ ളായാണ്‌ രേഖപ്പെടുത്തിയിരിക്കുന്നത്‌. ഈ പ്രദേശം പെരുമാള്‍കാലഘട്ടത്തില്‍ മഹോദയപുരത്തിന്റെ ഭാഗമായിരുന്നു. പന്ത്രാം നൂറ്റാണ്ടോടെ പെരുമാള്‍ രാജവംശം ക്ഷയിച്ചതോടെ കോലത്തുനാടിന്റെ ഭാഗമായിത്തീര്‍ന്നു. ഇക്കാലത്ത്‌ തുളുനാട്ടിലെ പ്രബല തുറമുഖങ്ങളിലൊന്നായി ബേക്കല്‍വളര്‍ന്നു. 1565ല്‍ തളികോട്ട യുദ്ധത്തോടെ വിജയനഗര സമ്രാജ്യം തകര്‍ന്നു. തുടര്‍ന്ന്‌
ഹിരിയ വെങ്കടപ്പ്‌ നായക്കിന്റെ കാലത്ത്‌ (1583-1620)കോട്ട നിര്‍മ്മാണം ആരംഭിക്കുകയും ശിവപ്പ നായക്കിന്റെ ഭരണകാലത്ത്‌ (1625-1670) നിര്‍മ്മാണം പൂര്‍ത്തികരിക്കുകയും ചെയ്‌തു.

1763ല്‍ മൈസൂര്‍ രാജാവായ ഹൈദരാലിയുടെ പടയോട്ടത്തോടെ നായക്കന്മാരുടെ സ്വാധീനം അവസാനിക്കുകയും കോട്ട മൈസൂര്‍സുല്‍ത്താന്മാരുടെ കൈവശമാവുകയും ചെയ്‌തു. 1799ല്‍ നാലാം മൈസൂര്‍ യുദ്ധത്തില്‍ ടിപ്പു വീരമൃത്യുവരിച്ചതോടെ കോട്ടയുടെ നിയന്ത്രണം ഇംഗ്ലീഷ്‌ ഈസ്റ്റിന്ത്യാ കമ്പനിയുടെ കീഴിലായി. കമ്പനി ഭരണകാലത്ത്‌
ദക്ഷിണ കാനറാ ജില്ലയുടെഭാഗമായി കോട്ട ആസ്ഥാനമാക്കി ബേക്കല്‍ താലൂക്ക്‌രൂപീകരിച്ചു. 1862ല്‍ കാസര്‍കോട്‌ താലൂക്ക്‌ രൂപംകൊണ്ടതോടെ ബേക്കലിന്റെ രാഷ്‌ട്രീയ-സാമ്പത്തിക പ്രാധാന്യം മങ്ങിത്തുടങ്ങി.
സ്വാതന്ത്ര്യത്തിന്‌ ശേഷം കേന്ദ്ര സര്‍ക്കാറിന്റെ കീഴിലുള്ള പുരാവസ്‌തു ഗവേഷണ വിഭാഗത്തിന്റെ പരിരക്ഷയിലായി കോട്ടയുടെ പരി പൂര്‍ണ സംരക്ഷണം.

ഡോ: ഹെര്‍മണ്‍ഗുണ്ടര്‍ട്ടിന്റെ അഭിപ്രായത്തില്‍ ഡച്ചുകാരാണ്‌ ബേക്കല്‍ കോട്ട പണിതതെന്നാണ് രേഖപ്പെടുത്തിയിട്ടുള്ളത്‌. കോലത്തിരി ആധിപത്യത്തിന്റെ ആദ്യ കാലങ്ങളില്‍തന്നെ ബേക്കല്‍കോട്ട നിലവില്‍

വന്നിട്ടുണ്ടാവുമെന്നാണ്‌ കണ്ണൂര്‍ ജില്ലാ ഗസറ്റിയറില്‍(1972) എ. ശ്രീധരമേനോന്‍ അഭിപ്രായപ്പെട്ടിട്ടുള്ളത്‌. 18-ാം
നൂറ്റാണ്ടില്‍ രചിച്ച `കേളദിനൃപ വിജയം കാവ്യ'ത്തില്‍ കവി ലിങ്കണ്ണ പറയുന്നത്‌ ഇക്കേരി ശിവപ്പ നായക്ക്‌ 1645-60 കാലത്ത്‌ ബേക്കല്‍കോട്ട അക്രമിച്ച്‌ പിടിച്ചെടുത്തു എന്നാണ്‌. യൂറോപ്യന്‍ ശൈലിയുടെ അടയാളങ്ങള്‍ ബേക്കല്‍കോ
ട്ടയില്‍ കാണപ്പെടുന്നുവെ ന്നാണ്‌ സ്റ്റുവര്‍ട്ട്‌ കാനറഡിസ്‌ട്രിക്‌ട്‌ രണ്ടാം വാള്യ ത്തില്‍ (1895) രേഖപ്പെടുത്തിയി
ട്ടുള്ളത്‌. ഇതേ അഭിപ്രായം തന്നെയാണ്‌ ഡോ: എം.ജി.എസ്‌. നാരായണന്റേതും.
പ്രമുഖ ചരിത്രകാരനായ ഡോ: കെ.കെ.എന്‍. കുറുപ്പിന്റെ അഭിപ്രായത്തില്‍ തികച്ചും ഭാരതീയ ശൈലിയാണ്‌ കോട്ടയില്‍ കാണുന്ന തെന്നാണ്‌. ഒപ്പം പോര്‍ച്ചുഗീസ്‌ സ്വാധീനവും അദ്ദേഹം സൂചിപ്പിക്കുന്നു.
കോലത്തിരി രാജവംശത്തിലെ തലമുതിര്‍ന്ന അംഗം കോലത്തിരി രാജാവായും കര കോട്ടയുടെയും മൂന്നാമെത്തയാള്‍ വെക്കൊളത്ത്‌ കോട്ടയുടെയും ചുമതല വഹിച്ചിരുന്നുവെന്നും ഈ വെക്കോളത്ത്‌ കോട്ടയാണ്‌ ബേക്കല്‍ കോട്ടയായ
തെന്നുമാണ്‌ പലരും കരുതുന്നതെന്ന്‌ കേരള ചരിത്രത്തില്‍ കെ.പി. പത്മനാഭ മേനോന്‍ ചൂണ്ടിക്കാട്ടുന്നു.

1992ല്‍ കേന്ദ്ര സര്‍ക്കാര്‍ ബേക്കല്‍കോട്ടയെ പ്രത്യേക ടൂറിസം മേഖലയായി പ്രഖ്യാപിച്ചു. 1992ഓടെ ബേക്കല്‍
ടൂറിസം ഡവലപ്‌മെന്റ കോര്‍പറേഷന്‍ രൂപീകരിച്ച്‌ അന്താരാഷ്‌ട്ര നിലവാരമുള്ള ടൂറിസം മേഖലയായുയര്‍ത്താനുള്ള നടപടികള്‍ ആരംഭിച്ചു. പിന്നീട്‌ രാജ്യത്തെ മുന്‍നിര
ടൂറിസ്റ്റ്‌ കേന്ദ്രങ്ങളിലൊന്നായി ബേക്കല്‍കോട്ട വളരുകയായിരുന്നു. ചരിത്ര സ്‌മാരകങ്ങളും പ്രകൃതി ഭംഗിയും മത്സരിച്ചൊരുക്കുന്ന മനോഹര കാഴ്‌ചകള്‍തേടി ബേക്കല്‍ കോട്ടയില്‍ വിദേശികളടക്കം ദിനേനയെത്തുന്നത്‌ ഏറെപേ
രാണ്‌. പ്രശസ്‌ത സംവിധായകന്‍ മണിരത്‌നത്തിന്റെ `ബോംബെ' എന്ന സിനിമയിലെ `ഉയിരെ' എന്ന സൂപ്പര്‍ഹിറ്റ്‌ ഗാനത്തിന്റെ ചിത്രീകരണം നടന്നത്‌ ഇവിടെ വെച്ചാണ്‌. മറ്റു ഒട്ടേറെ ചിത്രങ്ങള്‍ക്കും മ്യൂസിക്ക്‌ ആല്‍ബങ്ങള്‍ക്കും പരസ്യ
ചിത്രങ്ങള്‍ക്കും ബേക്കല്‍കോട്ട പശ്ചാത്തലമൊരുക്കിയിട്ടു്‌.
സംസ്ഥാന സര്‍ക്കാറിന്റെ കീഴില്‍ രൂപംക്കൊടുത്ത ബേക്കല്‍ റിസോര്‍ട്ട്‌ ഡവലപ്‌മെന്റ്‌ കോര്‍പറേഷന്‍ (ബി.ആര്‍.ഡി.സി.) പദ്ധതിയിലൂടെ കൂടുതല്‍ പുരോഗമിക്കുകയാണ്‌ ബേക്കല്‍കോട്ടയും സമീപ ഗ്രാമങ്ങളും. ഇതുകാരണം ഒട്ടേറെ അന്താരാഷ്‌ട്രഹോട്ടല്‍, റിസോര്‍ട്ട്‌ ശൃംഖലകളും, അനുബന്ധ ടൂറിസ്റ്റ്‌ കേന്ദ്രങ്ങളും വര്‍ണക്കാഴ്‌ചകളൊരുക്കി സഞാരികളെയും കാത്തിരിക്കുന്നു..
(Published in Uthardesham with Jabir Kunnil)

കാറഡുക്ക: ഉത്തരകേരളത്തിന്റെ ഇടനാട്‌

2013-01-26T02:56:00.000-08:00

ഉത്തരദേശത്തെ കാണാകാഴ്‌ചകള്‍ -20

കര്‍ണാടകയുമായി അതിര്‍ത്തി പങ്കിടുന്ന കാസര്‍കോട്ടെ കിഴക്കന്‍ പഞ്ചായത്തുകളിലൊന്നാണ്‌ കാറഡുക്ക. കിഴക്കുനിന്ന്‌ പടിഞ്ഞാറോട്ട്‌ ചരിഞ്ഞാണ്‌ കാറഡുക്ക ഗ്രാമം സ്ഥിതി ചെയ്യുന്നത്‌. പയസ്വിനി പുഴയുടെ താരാട്ട്‌ കേട്ട്‌ വിശ്രമിക്കുന്ന കുന്നുകളും, താഴ്‌വാരങ്ങളും ഈ ഗ്രാമത്തിന്‌ വേറിട്ട കാഴ്‌ചകളൊരുക്കുന്നു. ചില പ്രദേശങ്ങളെ ചുറ്റി കിടക്കുന്ന റിസര്‍വ്‌ വനവും ഈ ഗ്രാമത്തിന്‌ പ്രതേക ആഡ്യത്തം നല്‍കുന്നു.

കുന്നുകളും താഴ്‌വരകളും, കൃഷി യോഗ്യമായ സ്ഥലങ്ങളും നിറഞ്ഞതിനാലാവണം ഉത്തര കേരളത്തിന്റെ ഇടനാട്‌ എന്ന പ്രയോഗം ഈ പ്രദേശത്തിന്‌ തികച്ചും യോജിക്കുന്നു. ആദൂര്‍, കാടകം എന്നീ ഗ്രാമങ്ങള്‍ ചേര്‍ത്ത്‌ രൂപീകരിച്ചതാണ്‌ കാറഡുക്ക പഞ്ചായത്ത്‌. കാടിന്റെ അടുത്തുള്ളപ്രദേശം എന്ന അര്‍ത്ഥത്തിലാണ്‌ കാടകം എന്ന പേരുണ്ടായതെന്ന്‌ പറയു
ന്നു. പിന്നീട്‌ കര്‍ണാടകയുടെ സ്വാധീനം കൊണ്ടാണ് അത്‌ കാറഡുക്കയായതത്രെ.
അതുപോലെ അധു ഊര്‌ അഥവാ താഴ്‌ന്ന പ്രദേശം വായ് മൊഴിയിലൂടെ ആദൂരായി മാറുകയായിരുന്നുവെന്നും പറയെപ്പടുന്നു.

മായിപ്പാടി രാജാക്കന്മാരുടെ അധീനത്തിലായിരുന്നു ആദ്യ കാലത്ത്‌ ഈ രണ്ട് പ്രദേശങ്ങളും. ബല്ലാക്കന്മാര്‍ക്കായിരുന്നു അന്ന്‌ ഈ പ്രദേശങ്ങളുടെ ഉടമസ്ഥാവകാശം. പിന്നീട്‌ കരിച്ചേരി, നാരന്തട്ട
തുടങ്ങിയ നായര്‍ കുടുംങ്ങള്‍ കാടകം ഗ്രാമത്തില്‍ വന്നുചേര്‍ന്നു. കാലക്രമേണ ഭൂമിയുടെ ഭൂരിഭാഗവും അവരുടെ കൈവശമാവുകയായിരുന്നു.

ബ്രിട്ടീഷ്‌ ഭരണകാലത്ത്‌ പൊലീസ്‌സ്റ്റേഷന്‍, ഫോറസ്റ്റ്‌ റേഞ്ച്‌ ഓഫീസ്‌, ഗാര്‍ഡ്‌ ഓഫീസ്‌ ബെഞ്ച്‌ തുടങ്ങിയ
ഭരണ സ്ഥാപനങ്ങള്‍ ആദൂരില്‍ പ്രവര്‍ത്തനമാരംഭിച്ചു. അതോടെ ആദൂരിന്‌ ഭരണ സിരാകേന്ദ്രമെന്ന പദവിയും
ലഭിച്ചു. ഇത്‌ ആദൂരിന്റെ കുതിപ്പിന്‌ വഴിയൊരുക്കുകയായിരുന്നു. നാട്ടിലെ പ്രശ്‌നങ്ങള്‍ക്ക്‌ തീര്‍പ്പ്‌ കല്‍പ്പിക്കാനും പരിഹാരം കാണാനുമായി പ്രത്യേക കോടതിയും ഇവിടെ പ്രവര്‍ത്തിച്ചിരുന്നതായി പറയുന്നു.

ഇരുപതാം നൂറ്റാണ്ടി ന്‍റെ ആദ്യ ദശകത്തില്‍ തന്നെ ആദൂരില്‍ വിദ്യാഭ്യാസ സ്ഥാപനം തുടങ്ങിയിരുന്നു. ഭരണ സിരാകേന്ദ്രങ്ങളുടെ സാന്നിധ്യമായിരുന്നു അതിനും കാരണമായത്‌.

1930ല്‍ കെ. കേളപ്പന്റെ നേതൃത്വത്തില്‍ നടന്ന ഉപ്പ്‌ സത്യാഗ്രഹത്തിനും തുടര്‍ന്നു നടന്ന വന സത്യഗ്രഹത്തിനും ഈ പ്രദേശങ്ങള്‍ ചെയ്‌ത സംഭാവന എടുത്തു പറയേതാണ്‌. വനത്തില്‍നിന്ന്‌ തോലും വിറകും ശേഖരിക്ന്നക്കുതിന്‌ ജനങ്ങള്‍ക്ക്‌ അവകാശം നല്‍കണമെന്നാവശ്യപ്പെട്ടായിരുന്നു വനം സത്യഗ്രഹം. ഇരു സത്യഗ്രഹങ്ങള്‍ക്കുമായി ഈനാട്ടിലെ മുന്‍കാല നായകര്‍ ചെയ്‌ത ത്യാഗം നിസ്‌തുലമാണ്‌.

1940ല്‍ കാടകം കോരിക്കത്തുവെച്ച്‌ നടന്ന കര്‍ഷക സമ്മേളനം ഈ ഗ്രാമങ്ങളിലെ കര്‍ഷക പ്രസ്ഥാനത്തിന്റെ
വളര്‍ച്ചയെ സൂചിപ്പിക്കുന്നു. തുടര്‍ന്ന് ഇങ്ങോട്ടുണ്ടായ കാര്‍ഷിക മുന്നേറ്റത്തിന്‌ നാന്നി കുറിച്ചത്‌ ഈ സമ്മേ

ളനമായിരുന്നുവത്രെ. ഇവിടെ ജാതി വ്യവസ്ഥ നില നില്‍ക്കുകയും അയിത്തം ആചരിക്കപ്പെടുകയും കീഴ്‌ ജാതിക്കാരെ അകറ്റിനിര്‍ത്തുകയും ചെയ്‌തിരുന്ന ഒരു കാലമുണ്ടായിരുന്നു. ക്ഷേത്രത്തില്‍ പ്രവേശിക്കുന്നതിനും ക്ഷേത്രക്കുളത്തില്‍ കുളിക്കുന്നതിനും കീഴ്‌ ജാതിക്കാര്‍ക്ക്‌ വിലക്കേര്‍പ്പെടുത്തിയിരുന്ന ഗ്രാമങ്ങളിലൊന്നായിരുന്നു ഇത് . അന്ന്‌ ഹോട്ടലുകളില്‍ നിന്ന് നിന്നുപോലും അവര്‍ക്ക്‌ ചായ നല്‍കിയിരുന്നത്‌ ചിരട്ടയിലയിരുന്നെത്രെ.പില്‍ക്കാലത്ത്‌ സ്വാമി ആനന്ദതീര്‍ത്ഥയുടെ പ്രവര്‍ത്തനവും നിയമ സംവിധാനങ്ങളുടെ മാറ്റവും ഈ ഗ്രാമത്തെ സാമൂഹ്യ നവോത്ഥാനത്തിലേക്ക്‌ നയിക്കുകയായിരുന്നു.

`എഴുത്തൂട്ട്‌' എന്ന്‌ വിളിച്ചിരുന്ന കുടിപ്പള്ളിക്കൂടങ്ങളായിരുന്നു ഈ പ്രദേശങ്ങള്‍ക്ക്‌ ആദ്യാക്ഷരം കുറിച്ചുനല്‍കിയത്‌. പിന്നീട്‌ ആദൂരില്‍ സ്‌കൂള്‍ തുങ്ങിയതോടെ അതായി വിദ്യാഭ്യാസരംഗത്ത്‌ ആശ്രയം. 1927ല്‍ കാടകം വടക്കേകരയില്‍ തുടങ്ങിയ ഗവ: എല്‍.പി. സ്‌കൂളായി പിന്നീട്‌ പ്രധാന കേന്ദ്രം. കന്നട ഭാഷയിലായിരുന്നു ഇവിടെ ക്ലാസുകള്‍.
കാറഡുക്ക വൊക്കേഷണല്‍ ഹ യ ര്‍ െസ ക്ക റി സ്‌കൂളാണ്‌ ഇപ്പോഴത്തെ പ്രധാന വിദ്യാഭ്യാസ സ്ഥാപനം.

കാറഡുക്കയിലെ ഏറ്റവും ഉയര്‍ന്ന ഭാഗം മയിലാന്‍ കോട്ടയാണ്‌. നായക്കിന്റെ വംശ പരമ്പരയില്‍പെട്ടവര്‍ സ്ഥാപിച്ച കോട്ടയായാണ്‌ ഇത്‌ അറിയെപ്പടുന്നത്‌. അതിന്റെ അവശിഷ്‌ടങ്ങള്‍ കിടക്കുന്ന സ്ഥലം ഇപ്പോള്‍ കാഷ്യുപ്ലാന്റേഷന്റെ കീഴിലാണ്‌.

വിവിധ മത-ഭാഷകള്‍കൊണ്ട് സമ്പന്നമാണ്‌ കാറഡുക്ക. മലയാളം, കന്നട, തുളു, കൊങ്ങിണി, മറാട്ടി
ഭാഷകളാണ്‌ പ്രധാനമായും ഇവിടെ. തുളുനാടിന്റെ പ്രധാന ഭാഗമായിരുന്നതിനാല്‍ ആ തനിമ ഇന്നും നിലനിര്‍ത്തുന്നു്‌.
പാരമ്പര്യ വൈദ്യന്മാരും വിഷചികിത്സാ വിദഗ്‌ധരും ഈ നാടിന്റെ ആദ്യകാലം തൊട്ടുള്ള പ്രത്യേകതയാണ്‌.
ഈ രംഗങ്ങളില്‍ പേരെടുത്തവര്‍ ഏറെയാണ്‌. സാംസ്‌കാരികരംഗത്ത്‌ നിറസാന്നിധ്യമായ സംഘടനകളും വായന ശാലകളും ഇവിടെ പ്രവര്‍ത്തിച്ചു വരുന്നുണ്ട്.

ആദൂര്‍, പള്ളങ്കോട്‌, മുള്ളേരിയ, കാറഡുക്ക തുടങ്ങിയവയാണ്‌ കാറഡുക്ക പഞ്ചായത്തിലെ പ്രധാന ഗ്രാമങ്ങള്‍.
ദുര്‍ഗാ പരമേശ്വരി ക്ഷേത്രത്തിലെ ഉത്സവവും ആദൂരിലെ പുരാതനമായ പള്ളിയിലെ ജാറം ഉറൂസും
ഈ ഗ്രാമത്തിന്റെ ആഘോഷവേളകളാണ്‌. നാടന്‍ കലാരംഗത്തും പറയത്തക്ക പാരമ്പര്യമുണ്ട് ഈ ഗ്രമത്തിന്ന്.
പള്ളിയറകളില്‍ നിന്നുള്ള തെയ്യങ്ങളുടെ പുറപ്പാടും കളിയാട്ട മഹോത്സവങ്ങളും പൂരക്കളിയുടെ ചുവടുകളും കാറഡുക്കയ്‌ക്ക്‌ ഗ്രാമീണതയുടെ അര്‍ത്ഥശുദ്ധി നല്‍കുന്നു.
(Published in utharadesam with Jabir Kunnil)

കാഴ്‌ചകള്‍ മത്സരിക്കുന്ന കീഴൂരും മേല്‍പറമ്പും

2013-01-22T02:46:00.000-08:00

ഉത്തരദേശത്തെ കാണാകാഴ്‌ചകള്‍-19

പ്രകൃതി തീര്‍ത്ത മനോഹര കാഴ്‌ചകളും ചരിത്രം പറയാനൊരുങ്ങിനില്‍ക്കുന്ന സ്‌മാരകങ്ങളും അതിനോളം പോന്ന കോണ്‍ക്രീറ്റ്‌ കെട്ടിടങ്ങളാലും സമ്പന്നമായ ഗ്രാമ പ്രദേശങ്ങളാണ്‌ മേല്‍പറമ്പും കീഴൂരും. കാസര്‍കോട്‌ നഗരത്തില്‍ നിന്ന്‌ എട്ട്‌ കിലോമീറ്റര്‍ തെക്കായി ചെമനാട്‌ പഞ്ചായത്തിലാണ്‌ മേല്‍പറമ്പ്‌ ടൗണ്‍ ഇവിടത്തോട്‌ ചേര്‍ന്ന്‌ അല്‍പം ഉള്ളിലായാണ്‌ കീഴൂര്‍ സ്ഥിതി ചെയ്യുന്നത്‌. രാജാ വാഴ്ചയുടെ കാലം തൊട്ട്‌ ബ്രിട്ടീഷുകാരുടെ കീഴടക്കലും കഴിഞ്ഞ് അവിടെ നിന്ന്‌ ജന്മി കുടുംബങ്ങളിലേക്കുള്ള അധികാര മാറ്റത്തിലൂടെ ഇന്നത്തെ രീതിയിലുള്ള ഭരണ മാറ്റങ്ങളുടെ ചരിത്രം ഈ പ്രദേശങ്ങള്‍ക്കും പറയാനു്‌ണ്ട്. അത്തരം ഭരണ സംവിധാനങ്ങളുടെ അവശേഷിപ്പുകള്‍ ഇന്നും ഇവിടങ്ങളില്‍ ബാക്കി കിടപ്പു്‌ണ്ട്. കളനാട്ട്‌ റെയില്‍വെസ്റ്റേഷന്ന് സമീപത്തായുള്ള കീഴൂര്‍ ശാസ്‌താ ക്ഷേത്രം അത്തരത്തിലുള്ള ഒരു ചരിത്ര സ്‌മാരകമാണ്.
കോലത്തിരി രാജ വംശത്തിന്റെ പ്രബലമായ ഒരു സൈന്യ വിഭാഗത്തിന്റെ ആസ്ഥാനമായിരുന്നു ആദ്യകാലത്ത്‌ ഈ

ക്ഷേത്രം. "അഞ്ഞൂറ്‌ നായന്മാര്‍" എന്ന പേരിലായിരുന്നു ഈ സൈന്യ വിഭാഗം അറിയപ്പെട്ടിരുന്നത്‌. കോലത്തിരി രാജ്യത്തെ കീഴടക്കാനായി മുന്നേറുകയായിരുന്ന ഇക്കേരിയുടെ സൈന്യത്തെ ധീരമായി നിന്ന്‌ ചെറുത്ത്‌ തോല്‍പ്പിച്ചത്‌ ഈ സൈന്യ വിഭാഗമായിരുന്നുവത്രെ.

പിന്നീട്‌ ഹൈന്ദവരുടെ പ്രമുഖ ആരാധനാ കേന്ദ്രമായി ശ്രീധര്‍മ്മ ശാസ്‌താ ക്ഷേത്രം മാറുകയായിരുന്നു. ഉത്തര കേരളത്തിലെ ശബരിമല എന്ന പേരിലും ഈ ക്ഷേത്രം അറിയപ്പെടുന്നു. ജില്ലയിലെത്തന്നെ പ്രധാന ക്ഷേത്രങ്ങളില്‍ ഒന്നാണിത്‌.

കീഴൂരിലെ ജുമാമസ്‌ജിദ്‌ പുരാതനമായ മുസ്ലിം ആരാധനാലയമാണ്‌. ഈ മസ്‌ജിദിന്‌ കീഴില്‍ പ്രവര്‍ത്തിച്ചിരുന്ന പള്ളി ദര്‍സ്‌ ജില്ലയിലെ ആദ്യകാല മതപഠന കേന്ദ്രങ്ങളില്‍ ഒന്നായിരുന്നു. ഈയടുത്ത കാലത്താണ്‌ ദര്‍സ്‌ നിര്‍ത്തിവെച്ചത്‌. ഇപ്പോഴിവിടെ മദ്രസയാണ്‌ പ്രവര്‍ത്തിച്ചുവരുന്നത്‌.
കീഴൂരിനടുത്തുള്ള ഒ റ വ ങ്ക ര യ ലെ സ്രാമ്പിപ്പള്ളിയും ഏറെ പുരാതനമായ പള്ളിയാണ്‌. ഇവിടെ വെള്ളത്തിന്‌ നല്ല രീതിയില്‍ ഇറവയുള്ളതിനാല്‍ `ഉറവങ്കര'യാണ്‌ പിന്നീട്‌ `ഒറവങ്കര'യായതെന്ന്‌ പറയപ്പെടുന്നു.

കീഴൂര്‍ കടപ്പുറത്തിന്‍റെ സൗന്ദര്യം തേടി ജില്ലയുടെ വിവിധ ഭാഗങ്ങളില്‍ നിന്ന്‌ ദിനേന ഏറെ പേരെത്തുന്നു്‌.

നാലില്ലക്കാര്‍ വിഭാഗത്തില്‍പെട്ട മുക്കുവ വര്‍ഗമാണ്‌ ഇവിടെ കൂടുതലും താമസിക്കുന്നത്‌.

പൊന്നില്ലം, ചെമ്പില്ലം, കച്ചില്ലം, കാരില്ലം എന്നീ വിഭാഗങ്ങളായാണ്‌ ഇവര്‍ അറിയപ്പെടുന്നത്‌. മത്സ്യ ബന്ധനം മുഖ്യ

തൊഴിലാക്കിയവരാണ്‌ അവരില്‍കൂടുതലും. മറ്റുമതത്തില്‍പെട്ടവരും ഈ ഭാഗത്ത്‌ താമസിച്ചുവരുന്നു്‌.

കീഴൂര്‍ കടപ്പുറത്തെ ശ്രീ കുറുംബാ ഭഗവതി ക്ഷേത്രം ഈ പ്രദേശെത്തെ മറ്റൊരു പ്രധാന ഹൈന്ദവ ആരാധനാലയമാണ്‌. ഒരുചെറിയ മുസ്ലിം പള്ളയും ഇവിടെയുണ്ട്.

കീഴൂര്‍ ഹാര്‍ബറിന്റെ നിര്‍മ്മാണ പ്രവര്‍ത്തി പുരോഗമിച്ചുവരികയാണ്‌. കീഴൂര്‍ ബീച്ചിനടുത്തായുള്ള ചെമ്പരിക്ക ബീച്ചിലും ഏറെപേര്‍ ദിനേന സൗന്ദര്യാസ്വാദനം തേടിയെത്തുന്നു്‌. ഇവിടത്തെ പാറക്കൂട്ടങ്ങളും കടുക്കകല്ലുകളില്‍ നിന്നുമുള്ള കടല്‍ സൗന്ദര്യം ആസ്വദിക്കാനാണ്‌ പലരുമെത്തുന്നത്‌. ഇതിനടുത്തായി 'നരിമാളം' എന്ന പേരിലുള്ള ഗുഹ ഉണ്ടായിയിരുന്നതായി പറയപ്പെടുന്നു. ഒരു കാലത്ത്‌ നരികള്‍ ഇവിടെ കൂട്ടത്തോടെ താമസമാക്കിയിയിരുന്നുവത്രെ. ഇപ്പോള്‍ നരിമാളത്തിന്റെ ചില ഭാഗങ്ങള്‍ മാത്രം അവിടെ അവശേഷിക്കുന്നു.

പഴയ പ്രതാപം വിളിച്ചോതുന്ന കുറേ കെട്ടിടങ്ങളിലും, പുതിയ കാഴ്ചകളായി കോണ്‍ക്രീറ്റ്‌ കെട്ടിടങ്ങളിലുമായി നിരവധി സ്ഥാപനങ്ങള്‍ സ്ഥിതി ചെയ്യുന്ന മേല്‍പറമ്പ്‌ ടൗണിന്‌ തിലകച്ചാര്‍ത്തായി തലയുയര്‍ത്തി നില്‍ക്കുകയാണ്‌ മേല്‍പറമ്പ്‌ ടൗണ്‍ ജുമാമസ്‌ജിദ്‌. ആധുനിക സജ്ജീകരണങ്ങളോടെ ഈയടുത്ത്‌ പുതുക്കിപ്പണിത ഈ പള്ളി മേല്‍പറമ്പ്‌ ടൗണിന്‌ പ്രത്യേകം സൗന്ദര്യം നല്‍കുന്നു. കൂറ്റന്‍ മിനാരങ്ങളും നിര്‍മ്മാണഭംഗിയും കാരണം മനോഹരമായ ഈ പള്ളി ഉത്തര മലബാറിലെത്തന്നെ ഏറ്റവും വലിയ മുസ്ലിം പള്ളിയായി പറയപ്പെടുന്നു.

അതിവേഗം വളരുന്ന ടൌണ്‍ എന്നനിലയിലും മേല്‍പറമ്പ്‌ ശ്രദ്ധേയമാകുന്നു. ഉയര്‍ന്ന സ്ഥലം എന്ന അര്‍ത്ഥത്തിലാണ്‌ മേല്‍പറമ്പ്‌ എന്ന പേര്‌ വന്നതത്രെ.
മേല്‍പറമ്പിനടുത്തുള്ള കൈനോത്ത്‌ എന്ന സ്ഥലത്തുള്ള റെയില്‍വെ തുരങ്കവും നൂറ്റാിന്റെ കഥ പറയുന്നു. 1905ല്‍ നിര്‍മ്മിച്ച ഈ തുരങ്കം ഇന്നും കോട്ടം തട്ടാതെ നിലനില്‍ക്കുന്നു. ഇതുവഴി പകല്‍ തീവണ്ടി യാത്ര നടത്തിയ ആര്‍ക്കും ഈ തുരങ്കത്തിലൂടെ തീവണ്ടി കടന്നു പോകുമ്പോള്‍ ഉണട്കുന്ന ഇരുട്ട്‌ ഒരു ഭീതിതമായ ഓര്‍മ്മയായിരിക്കും.

കാല്‍പ്പന്തുകളിക്ക്‌ നിസ്‌തുലമായ സംഭാവന നല്‍കിയ പ്രദേശങ്ങള്‍ കൂടിയാണ്‌ കീഴൂരും മേല്‍പറമ്പും. ജില്ലയിലെത്തന്നെ ഏറ്റവും വലിയ സെവന്‍സ്‌ ഫുട്‌ബോള്‍ ടൂര്‍ണമെന്റുകള്‍ക്കും ഇവിടംപലതവണ വേദിയൊരുക്കിയിട്ടു്‌ണ്ട്. സെവന്‍സ്‌ ഫുട്‌ബോള്‍ മത്സരങ്ങളില്‍ കണികകളുടെ ആവേശമായിമാറുന്ന ഒട്ടേറെ ക്ലബ്ബുകളും താരങ്ങളും ഈ പ്രദേശങ്ങളിലുണ്ട്.

കാരുണ്യ-സേവന രംഗങ്ങളില്‍ ശ്രദ്ധേയമായ പ്രവര്‍ത്തനങ്ങള്‍ കാഴ്‌ചവെക്കുന്ന സന്നദ്ധ സംഘടനകളും ഈ പ്രദേശങ്ങളുടെ പ്രത്യേകതയാണ്‌.

ചന്ദ്രഗിരി ഗവ: ഹയര്‍സെക്കണ്ടറി സ്‌കൂളാണ്‌ ഈ ഭാഗത്തെ പ്രധാന വിദ്യാഭ്യാസ സ്ഥാപനം. കീഴൂര്‍ ഗവ: ഫിഷറീസ്‌ സ്‌കൂള്‍, ഒറവങ്കര മഠത്തില്‍ ഗവ: എല്‍.പി. സ്‌കൂള്‍, ചെമ്പരിക്ക ഗവ: യു.പി. സ്‌കൂള്‍, ലുലു ഇംഗ്ലീഷ്‌ മീഡിയം ഹയര്‍സെക്കണ്ടറി സ്‌കൂള്‍ എന്നിവയാണ്‌ ഈ മേഖലയിലെ മറ്റു വിദ്യാഭ്യാസ സ്ഥാപനങ്ങള്‍.

കളനാട്‌ വില്ലേജ്‌ ഓഫീസ്‌, പഞ്ചായത്ത്‌ പ്രാഥമികാരോഗ്യ കേന്ദ്രം എന്നിവ മേല്‍പറമ്പിലും ഗവ: ആയുര്‍വ്വേദ ചികിത്സാ കേന്ദ്രം കീഴൂരിലും പ്രവര്‍ത്തിച്ചുവരുന്നു.

ചന്ദ്രഗിരി കോട്ടയുടെ സാന്നിധ്യവും മാണി പുഴ എന്ന നൂമ്പില്‍ പുഴയുടെ ഒഴുക്കും ഈ പ്രദേശങ്ങള്‍ക്ക്‌

പ്രത്യേക സൗന്ദര്യമൊരുക്കുന്നു.

(Published in Utharadesam with Jabir kunnil)

"ത്വയിബ" യില്‍

2012-12-13T10:02:00.000-08:00

മദീന "ത്വയിബ" (പവിത്ര ഭൂമി) യാണന്ന് പ്രവാചകന്‍

ഞാന്‍ കണ്ട ഭൂലോകത്തിലെ ഏറ്റവും മനോഹരമായ ഇടം, അനുഭൂതികളുടെ ആധിക്യം കാരണം ആവിഷ്ക്കാരം സാധ്യമാകാത്തവിധം മരവിപ്പിച്ചു മദീന..

'പ്രവാചകന്റെ പട്ടണത്തെ' കുറിച്ച് ഞാന്‍ എന്തെഴുതാന്‍... എല്ലാം എഴുതപ്പെട്ടിരിക്കുന്നു;

ഹിജറയില്‍ യസ്രിബിലേക്ക് സ്വാഗതമോതി അന്‍സാരി കുഞ്ഞുങ്ങള്‍ പാടിയ

Tala'al-Badru 'alayna,

min thaniyyatil-Wada'

wajaba al-shukru 'alayna,

ma da'a lillahi da'

(O the Full Moon rose over us

From the Valley of Wada'

And we owe it to show gratefulness

Where the call is to Allah)

Ayyuha al-mab'uthu fina

ji'ta bi-al-amri al-muta'

Ji'ta sharrafta al-Madinah

marhaban ya khayra da'

(O you who were raised among us

coming with a work to be obeyed

You have brought to this city nobleness

Welcome! best call to God's way)

Tala'al-Badru 'alayna,

min thaniyyatil-Wada'

wajaba al-shukru 'alayna,

ma da'a lillahi da'

ഈ സ്വാഗത ഗാനം മുതല്‍ യുഗാന്തരങ്ങളില്‍ പരശ്വതം കാല്‍പ്പനികര്‍ പാടിപ്പുകഴ്ത്തിയിരിക്കുന്നു എന്‍റെ പ്രവാചകനെയും ഈ നഗരത്തെയും.

എന്‍റെ വര്‍ണ്ണനകള്‍ക്കപ്പുറത്താണ് മദീന.

യാ അള്ളാ... ആ സുകൃത ഭൂമിയില്‍ എന്നെ എത്തിച്ച നിനക്ക് നന്ദി...

ആ തുരുത്തിന്നു ഞങ്ങള്‍ പേരിട്ടു; JWC തുരുത്ത്...

2012-11-24T00:42:00.000-08:00

യാത്ര എന്ന് കേള്‍ക്കുമ്പോള്‍ നമുക്ക് എപ്പോഴും മനസ്സില്‍ ഓടിയെത്തുന്നത് ദീര്‍ഘ ദൂര യാത്രകളും, എന്തെങ്കിലും പ്രതേകതയുള്ള സ്ഥലത്തേക്കുള്ള യാത്രയൊക്കെയാണ്..

എന്നാല്‍ ഇത് അത്തരത്തിലുള്ള ദീര്‍ഘ യാത്രയോ, ആരെങ്കിലും എന്തെങ്കിലും പ്രതേകത കല്‍പ്പിച്ചു നല്‍കിയുട്ടുള്ള സ്ഥലത്തെയ്ക്കോ അല്ലാത്ത ഒരു ചെറിയ യാത്രയുടെ വിവരണമാണ്. ഒരു യാത്രയല്ല ഒരുപാടു യാത്രകള്‍ ഞങ്ങളിവിടെയ്ക്ക് നടത്തിയിരിക്കുന്നു.

കാസറഗോഡ്- മംഗലാപുരം ദേശിയ പാതയില്‍ മൊഗ്രാല്‍പുത്തൂര്‍ കല്ലങ്കയില്‍ നിന്ന് അര കിലോമീറ്റര്‍ പടിഞ്ഞാറോട്ട് നടന്നാല്‍ എത്തിച്ചേരാവുന്ന മൊഗ്രാല്‍ പുഴ അറബിക്കടലില്‍ ചേരുന്ന അഴിമുഖത്തിനടുത്തയുള്ള പേരില്ലാത്ത ഒരു തുരുത്തിലേക്കുള്ള ഒരു വൈകുന്നേരത്തെ യാത്ര.

യാത്രകള്‍ പോവാനും ഭക്ഷണം കഴിക്കാനും വേണ്ടി മാത്രം ഞങ്ങളുണ്ടാക്കിയ ഒരു കൂട്ടായ്മ ജെ. ഡബ്ലിയു.സി, എന്നും വലിയ യാത്രകള്‍ പ്ലാന്‍ ചെയ്തു നടക്കാതെ, അവസാനം എത്തിച്ചേരുന്ന ഇടം, പ്രിയപ്പെട്ട ഇടം..

ഇപ്രാവിശ്യം നൂറു കിലോമീറ്റര്‍ അപ്പുറത്തുള്ള മടിക്കെരിയും, 45 കിലോമീറ്റര്‍ ദൂരമുള്ള മംഗലാപുരവും കഷ്ടിച്ച് 20 കിലോമീറ്റര്‍ തെക്കായുള്ള ബേക്കല്‍ കോട്ടയും ലിസ്റ്റ് ചെയ്യപ്പെട്ടങ്കിലും, അവസാനം എത്തിച്ചേര്‍ന്നത് ഇവിടെത്തന്നെയാണ്.

ഈ തുരുത്തിന്റെ പ്രേതേകത ഞങ്ങള്‍ അല്ലാതെ മറ്റതികം ആളുകള്‍ അവിടെ കടന്നു ചെന്നിട്ടുണ്ടാവില്ല എന്നതാണ്, കാരണം ഇവിടെ എത്തിച്ചേരാന്‍ റോഡോ, നല്ല വഴിയോ ഇല്ല എന്നതാണ്, പിന്നെ രണ്ടു റെയില്‍വേ ട്രാക്കും പാടവും പുഴയും കടന്നു കുറച്ചു സാഹസികമായിട്ടെ എത്തിച്ചേരാന്‍ കഴികയുള്ളൂ.

കാസര്‍ഗോട്ടെ പന്ത്രണ്ടോളം നദികളില്‍ അത്യാവിശ്യം വലിപ്പമുള്ള മൊഗ്രാല്‍ പുഴ അറബിക്കടലില്‍ ചെന്നു അവസാനിക്കുന്ന അഴിമുഖം കഴിഞ്ഞു ഒരു കിലോമീറ്ററോളം ഒരു കായല്‍ പോലെ പരന്നു കിടക്കുന്നുണ്ട്. ഈ ഭാഗത്തായാണ്‌ ഈ തുരുത്ത് സ്ഥിതി ചെയ്യുന്നത്. ഇത് കൂടാതെ സുന്ദരമായ കണ്ടല്‍ക്കാടുകള്‍ അതിര് വിരുച്ചു നില്‍ക്കുന്ന ഒന്ന് രണ്ടു തുരുത്തുകള്‍ കൂടി ഇവിടെയുണ്ട്. കടലിനും പുഴയ്ക്കുമിടയില്‍ കാറ്റാടി മരങ്ങള്‍ നിര നിരയായി നില്‍ക്കുന്ന കാഴ്ച അതിമനോഹരവും.

തുരുത്തിനോടു ചേര്‍ന്ന് പുഴി പരവതാനി വിരിച്ച വിശാലമായ പുഴയ്ക്കു നടുവിലെ ഈ സ്ഥലം വേലിയിറക്ക സമയത്ത് നാട്ടിലെ മറ്റേത് കളി മൈതാനങ്ങളെക്കാളും വലുതും ഏതു കളിക്കും അനുയോജ്യവും ആയിത്തീരും

ബീച്ചിലേതില്‍ നിന്ന് വ്യത്യസ്തമായി നനഞ്ഞുറച്ച പുഴിയായത് കൊണ്ട് ബീച്ചിലേതു പോലെ പ്രശ്നങ്ങളുമില്ല, ഇത്തവണത്തെ ഞങ്ങളുടെ യാത്രയുടെ പ്രധാന ഇനം കബഡിയായിരുന്നു, എല്ലാവരും ക്ഷീണിച്ച് ഒരു പരുവത്തില്‍ ആവുന്നത് വരെ കബഡി തുടര്‍ന്നു.
കബഡിക്ക് ശേഷമാണു അടുത്ത പ്രധാന പരിപാടിയായ കോഴി ചുട്ടു കഴിക്കാന്‍ വേണ്ടി കണ്ടല്‍ചെടികളും കാട്ടു മരങ്ങളും തിങ്ങി നില്‍ക്കുന്ന തുരുത്തിന്റെ പ്രധാന ഭാഗത്തേക്ക് നീങ്ങി, കോഴികള്‍ മസാലയില്‍ കുളിച്ചു റെഡിയായി തീ കായനായി കവറില്‍ കാത്തു നില്‍ക്കുന്നു; കൂടെ സെവെന്‍-അപ്പും ഫ്രൂട്സുമെക്കെയുണ്ട്;പിന്നെയുമുണ്ട് സാധനങ്ങള്‍ കോഴി ചുടാനുള്ള ഗ്രില്ലും കരയില്‍ നിന്ന് കൊണ്ടു വന്ന ഓലയും വിറകുമൊക്കെയായി കാടിനകത്തേക്ക്..
ഇവിടെത്തേത് സാദാരണ ഇത്തരം സ്ഥലങ്ങള്‍ പോലെ ചളി നിറഞ്ഞ ചതുപ്പ് നിലമാല്ലത്തത് കാരണം എവിടെയും സുഖകരമായി ഇരിക്കാനും നടക്കാനും പറ്റുന്നു

നിലത്തു ചാഞ്ഞു കിടക്കുന്ന കണ്ടല്‍ മരങ്ങളുടെ ചില്ലകളില്‍ ഇരുന്നും അല്ലാതെയുമെക്കെ തീ കത്തിച്ചു തുടങ്ങി. കോഴിക്കഷ്ണങ്ങള്‍ ഓരോന്നും നീണ്ട കോലുകളില്‍ കയറി നിന്ന് തീ കായാന്‍ തുടങ്ങി.

കുറച്ചു കഴിഞ്ഞപ്പോള്‍ കോഴിയും മസാലയും ചെറു നാരങ്ങയുമൊക്കെച്ചേര്‍ന്ന വല്ലാത്ത ആസ്വാദ്യകരമായ ഒരു മണം അവിടെയൊക്കെ പരന്നു

പിന്നെ വെന്തകോഴികള്‍ കോലുകളില്‍ നിന്നും ഗ്രില്ലില്‍ നിന്നും പ്ലേറ്റിലേക്ക് വഴിമാറിയതും, സലാഡുകളെക്കെ ചേര്‍ത്തതും പ്ലേറ്റ് കാലിയയയതും വളെരെ പെട്ടന്നായിരുന്നു.

വൈകുന്നേരം ഈ പ്രദേശത്തിന്നു വല്ലാത്തൊരു സൌന്ദര്യം നല്‍കുന്നു, അറബിക്കടലിനെ തൊട്ടുരുമ്മി നില്‍ക്കുന്ന ഇവിടെ നിന്ന് അസ്തമയ സൂര്യന്‍റെ കിരണങ്ങള്‍ കടലിലും പുഴയിലും ചെറിയ വെള്ളക്കെട്ടുകളിലും പ്രതിഫലിക്കുന്ന കാഴ്ച അതി മനോഹരമാണ്.

ഇപ്രവിശ്യത്തെ യാത്രയില്‍ പേരില്ലാത്ത ഈ തുരുത്തിന്നു ഞങ്ങളൊരു പേരിട്ടു- "ജെ.ഡബ്ലിയു.സി തുരുത്ത്".

സൂര്യന്‍ അങ്ങകലെ പോയി മറഞ്ഞിരിക്കുന്നു, ഇവിടെ ഇരുട്ട് പരന്നിട്ടില്ലങ്കിലും, കരയിലോക്കെ ഇരുട്ട് വീണു തുടങ്ങിയിരിക്കുന്നു...

മനുഷ്യന്‍ അതികം കടന്നു ചെന്നിട്ടില്ലാത്ത ഈ തുരുത്ത് മലിനമാക്കാന്‍ തുടക്കം കുറിച്ചുവെന്ന പേര് ദോഷം ഞങ്ങളുടെ പേരിലാവാതിരിക്കാനായി ഞങ്ങള്‍ കൊണ്ടു വന്ന പ്ലാസ്റ്റിക്‌ കവറുകളും മറ്റു സാധനങ്ങളുമായി തിരിച്ചു കരയിലേക്ക്...

ഒരു ചെറിയ യാത്ര ഇവിടെ അവസാനിക്കുന്നു; എന്നാലും കൂട്ടമായുള്ള ഇത്തരം യാത്രകള്‍ അത് എത്ര ചെറുതാണെങ്കിലും അവ നമുക്ക് സമ്മാനിക്കുന്ന ആനന്ദം വളെരെ വലുതാണ്‌.
ഒന്ന് കൂടി-

ഒരു കാര്യം ഉറപ്പാണ്‌ നമ്മുടെ രാജ്യത്തെയും പുറത്തെയും പുകള്‍പ്പെറ്റ പല ടുറിസ്റ്റു കേന്ദ്രങ്ങളിലും പ്രതീക്ഷയോടെ എത്തി നിരാശപ്പെടേണ്ടി വരുന്നത് പോലെയാവില്ല ഇവിടെ നിങ്ങള്‍ക്ക് എത്താന്‍ സാദിക്കുന്നുവെങ്കില്‍;

ഒരിക്കലും മറക്കാനാവത്തൊരുനുഭൂതി ആ യാത്ര നിങ്ങള്ക്ക് സമ്മാനിക്കുക തന്നെ ചെയ്യും

9 ഫോട്ടോസ്‌ - നോക്കിയ 3100 + 2.0 മെഗാ പിക്സല്‍

2012-11-10T01:31:00.000-08:00

എന്‍റെ നോക്കിയ 3100 മൊബൈല്‍ ക്യാമറയിലൂടെ പകര്‍ത്തിയ ചില ചിത്ത്ര്‍ങ്ങള്‍, ക്യാമറയുടെ കപ്പാസിറ്റി 2.0 മെഗാ പിക്സല്‍ മാത്രമായതുകൊണ്ട്‌ ഫോട്ടോയ്ക്ക്‌ ക്ളാരിറ്റി കുറവായിരിക്കും, എല്ലാ ഫോട്ടോകളും കാസറഗോഡിണ്റ്റെ വിവിധ ഭാഗങ്ങളില്‍ നിന്ന്‌ വിവിധ സന്തര്‍ഭങ്ങളില്‍ പകര്‍ത്തിയതാണ്‌.

'വേഷംകെട്ട്‌'- സിംഗപ്പുലി...
നവരാത്രി ഉത്സവത്തോടനുബന്ധിച്ച്‌ പുലി വേഷവും മറ്റ്‌ വേഷങ്ങളും കെട്ടുന്നത്‌ കാസറഗോഡ്‌, മഞ്ചേശ്വരം ഭാഗങ്ങളില്‍ സജീവമാണ്‌.കഴിഞ്ഞ നവരാത്രി ഉത്സവക്കാലത്ത്‌ സിംഹത്തിണ്റ്റെ വേഷത്തിലെത്തിയ ഒരാളും അയാളുടെ സംഗവും കുട്ടികള്‍ക്കു മുന്‍പ്പില്‍ പരിപാടി അവതരിപ്പിക്കുന്നു- മഞ്ചേശ്വരം കടമ്പാര്‍ സ്കൂളില്‍ നിന്നുള്ള ദൃശ്യം.

രാഷ്ട്ര രക്ഷയ്ക്ക്‌ സൌഹാര്‍ദ്ദത്തിണ്റ്റെ കരുതല്‍...
ഒരു വിഭാഗത്തിണ്റ്റെ മേല്‍ മാത്രം തീവ്രവാദ പട്ടം ചാര്‍ത്താന്‍ ശ്രമിച്ചവര്‍ പുതുയ വെളിപ്പെടുത്തലുകളുക്കുമുന്‍പ്പില്‍ പരിഹാസ്യരായ്യിരിക്കുന്നു. രാഷ്ട്രത്തിണ്റ്റെ രക്ഷയ്ക്കും കെട്ടുറപ്പിനും സൌഹാര്‍ദ്ദമാണ്‌ വേണ്ടെതെന്നു വിളിച്ചോതുന്നു ഈ മനുഷ്യജാലിക- റിപ്പബ്ള്ളിക്ക്‌ ദിനത്തില്‍ ത്യക്കരിപ്പൂരില്‍ വെച്ച്‌ നടന്ന മനുഷ്യജാലികയില്‍ നിന്ന്‌.

വിശപ്പിനു മുന്‍പ്പില്‍ എന്തു മഴ!!
തോരാതെ പെയ്യുന്ന മഴക്കിടയിലൂടെ.. മഴ നനയാതിരിക്കന്‍ പ്ളേറ്റുകള്‍ തലയില്‍ വെച്ച്‌ ഉൂട്ടു പുരയിലേക്ക്‌ ഉച്ചക്കഞ്ഞിക്കായി നീങ്ങുന്ന സ്കൂള്‍ കുട്ടികള്‍; മഞ്ചേശ്വരത്തുനിന്നൊരു ദ്യശ്യം...

ഒരു നഗരക്കാഴ്ച്ച!!
കാസറഗോഡ്‌ നഗരത്തിണ്റ്റെ ഒരു ആകാശ വീക്ഷണം: പുതുതായി ആരംഭിച്ച ബിഗ്‌ ബസാറിണ്റ്റെ മുകളില്‍ നിന്നുള്ള കാഴ്ച്ച.. ഉദ്ഘാടന ദിവസമായതിനാല്‍ ചെണ്ട മേളക്കരെയും കാണാം...

പതാക 'ഉയര്‍ത്തല്‍' !!
പാറിപ്പറക്കുന്ന ഒരുപാട്‌ പതാകകള്‍ കണ്ടിറ്റുണ്ട്‌ നമ്മള്‍.. അതെങ്ങെനെയാണ്‌ ഇത്ര ഉയരത്തില്‍ പാറിക്കളിക്കുന്നത്‌ എന്ന്‌ നാം ചിന്തിക്കാറില്ല.. കഴിഞ്ഞ സ്വാതന്ത്ര ദിനത്തില്‍ പതാക ഉയര്‍ത്തുന്നതിനു മുന്‍പായി കൊടിമരത്തില്‍ പതാകയുടെ കയറുകെട്ടുകയാണ്‌ ഒരദ്ധ്യാപകന്‍..

മൊഗ്രാല്‍ പുഴയുടെ തീരത്ത്‌...
മൊഗ്രാല്‍ പുഴ ചെന്നവസാനിക്കുന്ന മൊഗ്രാല്‍ പുത്തൂറ്‍ അഴിമുഖത്തിനടുത്തായി തെങ്ങുകള്‍ തീര്‍ത്ത മനോഹര കാഴ്ച്ച.. കേരളത്തിലെത്തന്നെ മനോഹരമായ കണ്ടല്‍ക്കാടുകള്‍ സ്തിഥി ചെയ്യുന്നതിവിടെയാണ്‌...

ഹെണ്റ്റെമ്മോ!! എന്തൊരു ഭാരം..... !!
പുതുതായി നിര്‍മ്മിക്കുന്ന സ്കൂള്‍ കെട്ടിടത്തിനായി കരിങ്കല്ല്‌ ചുമക്കുകയാണ്‌ ഈ തൊഴിലാളികള്‍- വെറുതെ ഞാനൊരു കല്ല്‌ പൊക്കി നോക്കി ഹെണ്റ്റെമ്മോ!! എന്തൊരു ഭാരം..... !

ലൈറ്റ്‌ ഹൌസ്‌!!
കാസറഗോഡ്‌ ലൈറ്റ്‌ ഹൌസ്‌ നെല്ലിക്കുന്ന്‌ ബീച്ചില്‍ നിന്നുള്ള ദൃശൃം; കടലില്‍ കുളിക്കാനെത്തിയ ഒരു കൂട്ടം കുട്ടികള്‍ കുളികഴിഞ്ഞ്‌ ഡ്രസ്സ്‌ മാറുകയാണ്‌ പൊളിഞ്ഞു വീണ കടല്‍ ഭിത്തിക്ക്‌ മുകളിലിരുന്നുകൊണ്ട്‌.

തലക്കെട്ടില്ല- (തലച്ചുമട്‌ മാത്രം)
ഒരുപാടു നേരത്തെ പ്രയത്നത്തിന്നു ശേഷം പിടിച്ച മീനുകളെ വലയില്‍ നിന്നു വേര്‍തിരിക്കാതെ വലയും മീനും തണ്റ്റെ ദേഹത്തിട്ടു നടന്നു നീങ്ങുന്ന മീന്‍ പിടുത്തക്കാരന്‍, നെല്ലിക്കുന്ന്‌ ലൈറ്റ്‌ ഹൌസിനു സമീപത്തു നിന്നാണു ഈ മനോഹര ദൃശൃം.

സൗഹാര്‍ദ്ദത്തിന്റെ പാലങ്ങളൊരുക്കി കുമ്പഡാജെ

2012-11-08T01:31:00.000-08:00

ഉത്തരദേശത്തെ കാണാകാഴ്‌ചകള്‍-18
മായിപ്പാടി രാജവംശത്തിന്റെ കീഴിലായിരുന്ന പഴയ കുമ്പള സീമയുടെ പ്രധാനഭാഗമായിരുന്നു ആദ്യകാലത്ത്‌ കുമ്പഡാജെ. കദമ്പ വംശത്തില്‍പെട്ട ബീഡിന ബള്ളാളയായിരുന്നു കുമ്പഡാജെയുടെ ഭരണാധികാരി. സ്ഥലം സംബന്ധമായ പ്രശ്‌നങ്ങള്‍ പരിഹരിക്കാനായി `ചാവാടി' എന്ന പേരില്‍ സത്യം ചെയ്യിക്കല്‍ ചടങ്ങ്‌ അക്കാലത്ത്‌ ഇവിടെ നിലനിന്നിരുന്നുവത്രെ. വില്ലേജ്‌ ഓഫീസ്‌, മജിസ്‌ട്രേറ്റ്‌, വിദ്യാഭ്യാസ കേന്ദ്രം എന്നിവയൊക്കെ ഈ ഭരണത്തിന്റെ കീഴില്‍ ഇവിടെ പ്രവര്‍ത്തിച്ചിരുന്നതായി ചരിത്രം പറയുന്നു. ജ്യോതിഷ പണ്ഡിതര്‍, ഭാഗവതര്‍, ചിത്രകലാ വിദഗ്‌ധര്‍ എന്നിവര്‍ക്കൊക്കെ അര്‍ഹമായ പ്രാധാന്യം ഈ ഭരണകാലത്ത്‌ നല്‍കിയിരുന്നുവത്രെ. അന്ന്‌ മുതല്‍ കൃഷിയായിരുന്നു ഈ പ്രദേശത്തുകാരുടെ ജീവിതമാര്‍ഗം.
പിന്നീട്‌ രണ്ട്‌ കുടുംബങ്ങളുടെ കീഴിലായിരുന്നു കുമ്പഡാജെയുടെ പ്രധാന ഭാഗങ്ങള്‍. ഒബ്രങ്കള കുനിക്കുല്ലായയുടെ പരമ്പരയില്‍പെട്ട ഒബ്രങ്കള കുടുംബവും കുമ്പഡാജെ ബീഡുവിന്റെ പരമ്പരയില്‍പെട്ട ബളക്കള കുടുംബവുമായിരുന്നു അവ. ഈ കുടുംബത്തില്‍ നിന്ന്‌ സ്ഥലം പാട്ടത്തിനെടുത്താണ്‌ നാട്ടുകാര്‍ കൃഷി ചെയ്‌തിരുന്നത്‌ എന്ന്‌ പറയപ്പെടുന്നു. ഏതാണ്ട്‌ എല്ലാ കാര്‍ഷിക വിളകളും ഇവിടെ കൃഷി ചെയ്‌തിരുന്നുവത്രെ. പിന്നീട്‌ ഇന്ദിരാഗാന്ധിയുടെ ഭരണകാലത്ത്‌ പ്രാബല്യത്തില്‍ വന്ന ഭൂപരിഷ്‌കരണ നിയമപ്രകാരം ഈ കുടുംബത്തിന്റെ അധീനതയിലായിരുന്ന സ്ഥലങ്ങള്‍ നഷ്‌ടപ്പെടുകയായിരുന്നു.

ആദ്യകാലത്ത്‌ ഒബ്രങ്കള എന്ന പേരിലായിരുന്നു പഞ്ചായത്തുണ്ടായിരുന്നത്‌. അത്‌ വിഭജിച്ച്‌ 1946 ഓടെ കുമ്പഡാജെ പഞ്ചായത്ത്‌ നിലവില്‍ വന്നു. 1960ല്‍ പഞ്ചായത്ത്‌ ആക്‌ട്‌ പ്രകാരം ഇരു പഞ്ചായത്തുകളും ചേര്‍ത്ത്‌ കുമ്പഡാജെ എന്ന പേരില്‍ ഏകീകരിക്കുകയായിരുന്നു. പഞ്ചരിക്കെ വിഷ്‌ണു ഭട്ടായിരുന്നു ആദ്യ പ്രസിഡണ്ട്‌.
1988ല്‍ വൈ.കെ. കേശവ ഭട്ട്‌ പ്രസിഡണ്ടായതോടെ ഈ നാടിന്റെ സുവര്‍ണ കാലഘട്ടം ഉടലെടുത്തതായി പറയുന്നു. അക്കാലത്ത്‌ എം.എല്‍.എയായ സി.ടി. അഹമ്മദലിയുടെ പ്രയത്‌നവും ഈ നാടിന്റെ വളര്‍ച്ചക്ക്‌ കാരണമായി. അതുവരെ യാത്രാക്ലേശവും മറ്റും കാരണം ഏറെ ദുരിതമനുഭവിച്ചിരുന്ന ഈ നാട്ടിലേക്ക്‌ ഇരുവരുടെയും ശ്രമഫലമായി റോഡുകളും പാലങ്ങളും വന്നത്‌ വികസനത്തിന്റെ പൂതിയ വഴികള്‍ തുറന്നുകൊടുത്തു. ഏറെ റോഡുകളും പാലങ്ങളും വന്നതോടെയാണ്‌ ഈ പ്രദേശം ഏറെ ശ്രദ്ധിക്കപ്പെട്ടത്‌. നാരമ്പാടി, കൂഡല്‍, കുമ്പഡാജെ എന്നീ പാലങ്ങളും കൊടവന വയല്‍, കൂടല്‍ തുടങ്ങിയടങ്ങളിലെ തൂക്കുപാലങ്ങളും ഈ പ്രദേശത്തുകാര്‍ക്ക്‌ എളുപ്പവഴിയൊരുക്കുന്നതിനൊപ്പം പ്രത്യേക സൗന്ദര്യംകൂടി നല്‍കുന്നു.
വിവിധ ജാതി-മത-ഭാഷകള്‍കൊണ്ട്‌ സമ്പന്നമാണ്‌ കുമ്പഡാജെ.

കാസര്‍കോടിന്റെ മണ്ണില്‍ തീരാത്ത മുറിവേല്‍പ്പിച്ച്‌ പലഭാഗത്തുനിന്നും ഇടയ്‌ക്കിടെ വര്‍ഗീയ സംഘര്‍ഷങ്ങള്‍ ഭീതിപ്പെടുത്തുമ്പോള്‍ പണ്ട്‌ മുതല്‍ക്കെ തുടരുന്ന സൗഹാര്‍ദ്ദം കാത്തുസൂക്ഷിച്ച്‌ കുമ്പഡാജെ വേറിട്ടുനില്‍ക്കുന്നു. ഇതാണ്‌ ഈ ഗ്രാമത്തിന്റെ ഏറ്റവും നല്ല പ്രത്യേകത.
ബെളിഞ്ച, മാര്‍പ്പനടുക്ക, ചെറുമി, ഗോസാഡ, ഏത്തടുക്ക, മനൂര്‍, കുറുവത്തടുക്ക, അഗല്‍പാടി, മരിക്കാന, തുപ്പക്കല്‍ തുടങ്ങിയവയാണ്‌ കുമ്പഡാജെയിലെ പ്രധാന സ്ഥലങ്ങള്‍.
വിദ്യാഭ്യാസ രംഗത്ത്‌ ഏറെ പിന്നോക്കം നില്‍ക്കുന്ന ഗ്രാമങ്ങളില്‍ ഒന്നാണ്‌ കുമ്പഡാജെ. ഏറെ പ്രദേശങ്ങളുണ്ടായിട്ടും ഹൈസ്‌കൂള്‍ സൗകര്യമില്ലാത്ത ചുരുക്കം പഞ്ചായത്തുകളില്‍ ഒന്നാണിത്‌. ഇതുതന്നെയാണ്‌ ഈ പ്രദേശത്തിന്റെ പിന്നോക്കാവസ്ഥക്ക്‌ കാരണം. ആകെയുള്ളത്‌ കുമ്പഡാജെ ജി.ജെ.ബി.എസ്‌, മരിക്കാന എല്‍.പി. സ്‌കൂളുകളും, ബെളിഞ്ച യു.പി. സ്‌കൂളും മാത്രമാണ്‌. തുടര്‍പഠനത്തിന്‌ മറ്റു ഗ്രാമങ്ങളെ ആശ്രയിക്കേണ്ട സ്ഥിതിയാണുള്ളത്‌.
വടക്കന്‍ ശബരിമല എന്നറിയപ്പോടുന്ന ഒബ്രങ്കള ശ്രീ ശാസ്‌താ ദേവസ്ഥാനമാണ്‌ ഈ പ്രദേശത്തെ പ്രമുഖ ഹൈന്ദവ ആരാധനാലയം. ശബരിമല പോലെ 18 പടി ചവിട്ടിവേണം ഇവിടേയുമെത്താന്‌. ബെളിഞ്ച, അഗല്‍പാടി, കൊടുപ്പള ക്ഷേത്രങ്ങളും പ്രസിദ്ധമാണ്‌.
ബെളിഞ്ച, അന്നടുക്ക, ഒബ്രങ്രള എന്നിവിടങ്ങളിലെ മുസ്ലിം പള്‌ലികള്‍ ഏറെ പുരാതനമാണ്‌. കുമ്പഡാജെ ഖിളര്‍ ജുമാമസ്‌ജിദാണ്‌ മറ്റൊരു പ്രധാന മുസ്ലിം പള്ളി. ഈ ജമാഅത്തിന്‌ കീഴിലുള്ള മഖാമില്‍ നടത്തിവരാറുള്ള ഉറൂസ്‌ നേര്‍ച്ച ഏറെ പ്രശസ്‌തമാണ്‌.
പണ്ടുകാലത്ത്‌ കോഴിക്കെട്ട്‌ എന്ന വിനോദം ഏറ്റവും കൂടുതല്‍ നടന്നിരുന്ന പ്രദേശമാണിത്‌. നിരവധി പ്രമുഖ യക്ഷഗാന കലാകാരന്മാരും കുമ്പഡാജെയ്‌ക്ക്‌ മേല്‍വിലാസം നല്‍കിയവരില്‍പെടുന്നു. മുന്‍ എം.പി. എം. രാമണ്ണ റൈ ഈ നാടിന്റെ ഏറ്റവും വലിയ സംഭാവനയാണ്‌.
കാസര്‍കോട്ടുനിന്ന്‌ 28 കിലോമീറ്റര്‍ കിഴക്കാണ്‌ കുമ്പഡാജെ സ്ഥിതി ചെയ്യുന്നത്‌. ബദിയഡുക്ക-അഡ്യടുക്ക, ചെങ്കള, നെക്രാജെ, ബെള്ളൂര്‍-പഡ്രെ, മുള്ളേരിയ-നാരമ്പാടി വഴി കുമ്പഡാജെയിലെത്തും.
(published in utharadesham with jabir kunnil)

എണ്‍മകജെ -എന്‍ഡോസള്‍ഫാന്‍ ദുരന്തം വിതച്ച വഴികളിലൂടെ

2012-11-07T00:23:00.003-08:00

ഉത്തരദേശത്തെ കാണാകാഴ്‌ചകള്‍-17
എന്‍ഡോസള്‍ഫാന്‍ എന്ന മാരക കീടനാശിനി ഏറ്റവും കൂടുതല്‍ ദുരിതം വിതച്ചതും ഏറ്റവും ആദ്യം ഈ കീടനാശിനി ദുരന്തത്തിന്റെ അലയൊലികള്‍ റിപ്പോര്‍ട്ട്‌ ചെയ്യപ്പെടുകയും ചെയ്‌ത പ്രദേശമാണ്‌ എണ്‍മകജെ.
കേരളത്തിന്റെ ഏറ്റവും വടക്കുകിഴക്കായി സ്ഥിതി ചെയ്യുന്ന മലയോര ഗ്രാമം. പ്രകൃതി കനിഞ്ഞരുളി സൗന്ദര്യം നല്‍കിയ ഭൂപ്രദേശങ്ങള്‍. എന്‍ഡോസള്‍ഫാന്‍ പ്രയോഗത്തില്‍ മണ്ണിനും ജലത്തിനും മായം ചേര്‍ക്കപ്പെട്ടെങ്കിലും എങ്ങും പച്ചപ്പ്‌ നിറഞ്ഞ കാഴ്‌ചകളോടെയാണ്‌ എണ്‍മകജെ കാഴ്‌ചക്കാരെ സ്വാഗതം ചെയ്യുന്നത്‌.
എണ്‍മകജെ കഴിഞ്ഞ കുറെ വര്‍ഷമായി ദേശീയ-അന്തര്‍ദേശീയ മാധ്യമങ്ങളുടെ റിപ്പോര്‍ട്ടുകളില്‍ സ്ഥിരമായി ഇടംപിടിച്ചു. 1975 മുതല്‍ തളിച്ചു തുടങ്ങിയ എന്‍ഡോസള്‍ഫാന്‍ എന്ന കീടനാശിനി ദുരന്തത്തിന്റെ പര്യായമായി എണ്‍മകജെ അറിയപ്പെട്ടു. പ്രശസ്‌ത എഴുത്തുകാരന്‍ അംബികസുതന്‍ മാങ്ങാട്‌ എന്‍ഡോസള്‍ഫാന്‍ ദുരിതം പ്രമേയമാക്കി രചിച്ച നോവലിന്‌ നല്‍കിയ പേരും `എണ്‍മകജെ' എന്ന്‌ തന്നെയായിരുന്നു. അതും ഈ നാടിനെ പ്രശസ്‌തമാക്കിത്തീര്‍ത്തു.
കീടനാശിനി പ്രയോഗത്തിന്റെ വലിയ രക്തസാക്ഷിത്വ ഭൂമികളായ പെഡ്രെ, സ്വര്‍ഗ തുടങ്ങിയ പ്രദേശങ്ങള്‍ എണ്‍മകജെയിലാണ്‌.

പെഡ്രെ സ്വദേശിയായ ശ്രീപെഡ്രെ എന്ന കര്‍ഷകനും പത്രപ്രവര്‍ത്തകനും കൂടിയായ സാമൂഹ്യ പ്രവര്‍ത്തകനാണ്‌ ഈ ദുരന്തത്തെക്കുറിച്ച്‌ ആദ്യം പുറംലോകത്തെ അറിയിച്ചത്‌.
പെര്‍ളയാണ്‌ എണ്‍മകജെയുടെ തലസ്ഥാനം. ചെറിയ ടൗണ്‍. വ്യത്യസ്‌തരായ ജനവിഭാഗങ്ങള്‍ താമസിക്കുന്ന പ്രദേശം. കന്നട, മലയാളം, തുളു, മറാഠി, ബ്യാരി ഭാഷകള്‍ വ്യാപകമായി ഉപയോഗിച്ചുവരുന്നു.

പെര്‍ളയ്‌ക്കടുത്തുള്ള മണിയംപാറയും പെര്‍ളയില്‍ നിന്ന്‌ 5 കി.മീ. ദൂരമുള്ള അട്‌ക്കസ്ഥലയും ടൂറിസ്റ്റുകളെ ആകര്‍ഷിക്കുന്ന മനോഹര പ്രദേശങ്ങളാണ്‌.
പെര്‍ള ടൗണില്‍ ബുധനാഴ്‌ച തോറും നടക്കുന്ന ആഴ്‌ചച്ചന്ത പ്രാദേശിക വിപണനത്തിന്റെ വലിയ സാധ്യതകള്‍ തുറക്കുന്നു. അതോടൊപ്പം കര്‍ഷകര്‍ക്ക്‌ മികച്ച അവസരങ്ങളും നല്‍കുന്നു. ഷിറിയ, അട്‌ക്കസ്ഥല തുടങ്ങിയ പുഴകള്‍ പെര്‍ളയുടെ പരിസരത്തായി ഒഴുകുന്നു. സര്‍പ്പമല, മണിയംപാറ തുടങ്ങിയ ഉയര്‍ന്ന പ്രദേശങ്ങള്‍ ഈ നാടിന്‌ ആഢ്യത്വം നല്‍കുന്നു.
പെര്‍ള, പെഡ്രെ, സ്വര്‍ഗ തുടങ്ങിയ പ്രദേശങ്ങള്‍ അടങ്ങുന്ന എണ്‍മകജെ പഞ്ചായത്ത്‌ 1952ലാണ്‌ രൂപം കൊണ്ടത്‌. വടക്കും കിഴക്കും കര്‍ണാടകയുമായി അതിര്‌ പങ്കിടുന്ന ഈ പഞ്ചായത്തില്‍ പ്രധാനമായും കവുങ്ങ്‌, തെങ്ങ്‌, നെല്ല്‌, കുരുമുളക്‌, വാഴ തുടങ്ങിയവ കൃഷി ചെയ്യുന്ന കര്‍ഷകരാണ്‌ അധിവസിക്കുന്നത്‌.

കവുങ്ങ്‌ കൃഷിയും എണ്‍മകജെയിലെ പ്രധാന കൃഷിയാണ്‌. അതില്‍ ബജകുടില്‍കാവ്‌ വളരെയധികം ചരിത്രപ്രാധാന്യമുള്ളതാണ്‌. ബജകൂടിലെ ഗോജന്യ ആയുല്‍വ്വേദ മരുന്ന്‌ ഉല്‍പാദക കേന്ദ്രം, മരുന്നുല്‍പാദനത്തിനും ഗോ സംരക്ഷണത്തിനും പ്രശസ്‌തമാണ്‌. കേരളത്തില്‍ വംശനാശം സംഭവിച്ചുകൊണ്ടിരിക്കുന്ന കാസര്‍കോട്‌ ഇനം പശുക്കളെ വളര്‍ത്തുന്ന കേന്ദ്രമാണിത്‌. അതുപോലെ രാജസ്ഥാന്‍ ഇനങ്ങളും ഇവിടെ വളര്‍ത്തുന്നുണ്ട്‌.

എല്ലാ വര്‍ഷവും നടത്തുന്ന എണ്‍മകജെ നേമോത്സവം പ്രശസ്‌തമാണ്‌. പിലിച്ചാമുണ്ഡി, രക്തേശ്വരി പരിവാര ദൈവങ്ങളുടെ പേരില്‍ അഞ്ചുദിവസങ്ങളിലായാണ്‌ ഉത്സവം നടക്കുന്നത്‌. ഭൂതക്കോലങ്ങളുമായി ബന്ധപ്പെട്ടാണ്‌ ഈ ഉത്സവം നടക്കുന്നത്‌. ബല്ലാ രാജാക്കന്മാരുടെ കാലം തൊട്ടേ നടന്നുവരുന്നു. ഏതാണ്ട്‌ 470 വര്‍ഷത്തെ പഴക്കമുണ്ട്‌ എണ്‍മകജെ നേമോത്സവത്തിന്‌. എണ്‍മകജെ തറവാടിന്റെ ഉത്സവമായാണ്‌ ഇത്‌ നടക്കുന്നത്‌. എണ്‍മകജെ തറവാട്‌ പുരാതനമായ തറവാടും ശേഷിപ്പുകളും അടങ്ങിയതാണ്‌. 1994ല്‍ നടന്ന തീപിടിത്തത്തില്‍ ക്ഷേത്രവും മറ്റും കത്തിനശിച്ചെങ്കിലും പിന്നീട്‌ പുനരുദ്ധാരണം നടത്തി. തറവാടിന്റെ പ്രധാന വ്യക്തി `യജമാനെ'യാണ്‌. ഇപ്പോഴത്തെ `യജമാനെ' വിശ്വനാഥ റായിയാണ്‌.
സാംസ്‌കാരിക രംഗത്തും എണ്‍മകജെയുടെ സാന്നിധ്യം കാണാന്‍ കഴിയും. യക്ഷഗാന രംഗത്തെ പ്രശസ്‌ത കലാകാരന്‍ കൃഷ്‌ണ ഭട്ട്‌ എണ്‍മകജെ, പെര്‍ള സ്വദേശിയാണ്‌. പഡ്രെ ചന്തു സ്‌മാരക നാട്യനിലയം കലാ-സാംസ്‌കാരിക രംഗത്ത്‌ പ്രവര്‍ത്തിക്കുന്നു. അതുപോലെ തന്നെ പെര്‍ളയിലെ നളന്ദ ആര്‍ട്‌സ്‌ ആന്റ്‌ സയന്‍സ്‌ കോളേജ്‌ ജില്ലയിലെത്തന്നെ പ്രമുഖ കോളേജുകളില്‍ ഒന്നാണ്‌. കാട്ടുകുക്കെ ക്ഷേത്രത്തിലെ ഷഷ്‌ടി ഉത്സവം, ബജകൂഡ്‌ലു ക്ഷേത്രോത്സവം തുടങ്ങിയവ ഈ നാടിന്റെ പ്രധാന ഉത്സവങ്ങളാണ്‌.
അതുപോലെ വിവിധ പള്ളികളിലെ ഉറൂസുകളും ക്രിസ്‌ത്യന്‍ പള്ളികളിലെ പെരുന്നാളുകളും ഇവിടുത്തെ പ്രധാനപ്പെട്ട ആഘോഷങ്ങളാണ്‌. പെര്‍ള, മണിയംപാറ, മൈര, ഉക്കിനടുക്കം എന്നിവിടങ്ങളിലെ മുസ്ലിം പള്ളികളും സുബ്രായ ക്ഷേത്രം, ദുര്‍ഗാ പരമേശ്വരി ക്ഷേത്രം, മഹാലിംഗേശ്വര ക്ഷേത്രം, ധൂമാവതി ക്ഷേത്രം തുടങ്ങിയ ക്ഷേത്രങ്ങളും മണിയംപാറ, ഉക്കിനടുക്കം തുടങ്ങിയ ഇടങ്ങളിലെ ക്രിസ്‌ത്യന്‍ പള്ളികളും ഈ പ്രദേശത്തെ പ്രധാന ആരാധനാലയങ്ങളാണ്‌.

(published in utharadesham with jabir kunnil)

കുന്നോളം കാഴ്‌ചകളൊരുക്കി പൊസടിഗുമ്പെ വിളിക്കുന്നു..

2012-11-06T07:10:00.003-08:00

ഉത്തരദേശത്തെ കാണാകാഴ്‌ചകള്‍-16
കുന്നിന്‍ കൂട്ടങ്ങള്‍ക്കിടയില്‍ അപൂര്‍വ്വ കാഴ്‌ചകളൊരുക്കി ആളുകളെ മാടിവിളിക്കുകയാണ്‌ പൊസടിഗുമ്പെ. മുകളിലേക്ക്‌ കയറുംതോറും കാഴ്‌ചയുടെ മനോഹാരിത വര്‍ധിച്ചു വരുന്ന അനുഭവം സമ്മാനിക്കുന്ന കുന്നില്‍ കൂട്ടങ്ങളാണിവിടെ. മൂന്ന്‌ വ്യത്യസ്‌ത രൂപത്തിലും വിസ്‌തൃതിയിലുമുള്ള കുന്നുകളാണ്‌ ഇവിടെ കാഴ്‌ചകളൊരുക്കി സന്ദര്‍ശകരെ കാത്തുനില്‍ക്കുന്നത്‌.
എത്ര കണ്ടാലും മതിവരാത്ത, മടുപ്പ്‌ വരുത്താത്ത കാഴ്‌ചകളുടെ വശ്യതയൊരുക്കുന്ന ഇവിടേക്ക്‌ സൗന്ദര്യാസ്വാദനം തേടിയെത്തുന്നവര്‍ ഏറെയാണ്‌. പക്ഷെ അതിനനുസൃതമായ അടിസ്ഥാനസൗകര്യം ഇല്ലാത്തതുകാരണം ഈ പ്രദേശം വേണ്ടത്ര ശ്രദ്ധിക്കപ്പെടാതെ പോവുകയാണ്‌.
കാസര്‍കോട്‌ നഗരത്തില്‍ നിന്ന്‌ 30 കിലോമീറ്റര്‍ വടക്കുകിഴക്കായാണ്‌ പൊസടിഗുമ്പെ സ്ഥിതി ചെയ്യുന്നത്‌. സമീപ പ്രദേശങ്ങളായ അംഗടിമുഗര്‍, മഞ്ചേശ്വരം, പൈവളിഗെ എന്നിവിടങ്ങളില്‍ നിന്നൊക്കെ കാണുന്ന പൊസിഗുമ്പെയുടെ വിദൂര കാഴ്‌ച ഏതൊരാളെയും ഇവിടെയെത്തിക്കാന്‍ തോന്നിക്കും. പച്ചപ്പ്‌ നിറഞ്ഞ ആ കാഴ്‌ച ഏവരെയും ആകര്‍ഷിക്കും.
ഉപ്പള നയാബസാര്‍ വഴിയും ബന്തിയോട്ടുനിന്ന്‌ കിഴക്കോട്ടായും സീതാംഗോളി വഴിയും പൊസടിഗുമ്പെയില്‍ എത്തിച്ചേരാം. ചേവാറില്‍ നിന്ന്‌ തുടങ്ങി ധര്‍മ്മത്തടുക്ക വരെ നീണ്ടുനില്‍ക്കുന്ന പൊസടിഗുമ്പെ ട്രാക്കിംഗിന്‌ ഏറ്റവും അനുയോജ്യമായ പ്രദേശം കൂടിയാണ്.

സമുദ്ര നിരപ്പില്‍ നിന്ന്‌ 1800 മീറ്റര്‍ ഉയരത്തിലാണ്‌ ഇവിടുത്തെ ഏറ്റവും വലിയ കുന്ന്‌. ഇവിടുത്തെ കുന്നിന്‍ ചെരുവിലെ കാടും കാഴ്‌ചക്കാരെ ഏറെ ആകര്‍ഷിക്കുന്നു.
കുന്നിന്‍ മുകളില്‍ നിന്നുള്ള അറബിക്കടലിന്റെയും ചുറ്റുവട്ടത്തെയും മനോഹര കാഴ്‌ചകള്‍ എത്ര കണ്ടാലും മതിവരാത്ത തരത്തിലാണ്‌. ഈ കുന്നിന്‍ ചെരുവുകള്‍ക്ക്‌ കാന്തിക ശക്തിയുണ്ടായതായി പറയെപ്പെടുന്നു. വിമാനങ്ങളെയും മറ്റും താഴേക്ക്‌ ആകര്‍ഷിച്ചുവലിക്കുന്നതുകാരണം പിന്നീട്‌ ശാസ്‌ത്രീയമായ രീതിയില്‍ മാറ്റം വരുത്തുകയായിരുന്നുവത്രെ.

കാറ്റില്‍ നിന്ന്‌ വൈദ്യുതിയുല്‍പാദിപ്പിക്കാനുള്ള പദ്ധതി ഇവിടെ സ്ഥാപിക്കാന്‍ ആലോചന നടന്നെങ്കിലും പില്‍ക്കാലത്ത്‌ അതിനെക്കുറിച്ച് ചര്ച്ചകളുണ്ടായില്ല. അതുപോലെ ടൂറിസം വകുപ്പിന്റെ നേതൃത്വത്തില്‍ പ്രമുഖ ടൂറിസ്റ്റ്‌ കേന്ദ്രമായ ബേക്കല്‍ കോട്ടയുമായി ബന്ധിപ്പിച്ച്‌ പുതിയ പദ്ധദികൾക്കുള്ള ആലോചനകള്‍ നടന്നെങ്കിലും അതും നിലംതൊടാതെ നിര്‍ത്തുകയാണുണ്ടായത്‌.

പൊസടിഗുമ്പെയിലെ കാഴ്‌ചകളെ വര്‍ണിച്ചുകൊണ്ട്‌ പ്രശസ്‌ത കവി കയ്യാര്‍ കിഞ്ഞണ്ണ റൈ എഴുതിയ കവിത പ്രശസ്‌തമാണ്‌. ആ കവിത കേരളത്തിലെ എല്‍.പി. വിഭാഗം കന്നട വിദ്യാര്‍ത്ഥികള്‍ക്ക്‌ പാഠഭാഗമായിരുന്നു.
വാര്‍ ആന്റ്‌ ലൗ എന്ന ദിലീപ്‌ ചിത്രത്തിന്റെ ഭൂരിഭാഗവും ചിത്രീകരണം നടന്നതും ഇവിടെയാണ്‌. അതും ഈ പ്രദേശത്തെ പുറംലോകം അറിയാന്‍ വഴിവെച്ചു.

ധര്‍മ്മത്തടുക്കയാണ്‌ പൊസടിഗുമ്പെയുടെ ഏറ്റവും അടുത്തുള്ള പ്രധാന ചെറുപട്ടണം. ധര്‍മ്മത്തടുക്കയില്‍ നിന്ന്‌ കാല്‍നടയായാണ്‌ ഏറെപേരും പൊസടിഗുമ്പെയില്‍ എത്തുന്നത്‌.
സ്വകാര്യതയും സാഹസികതയും അനുഭവിക്കാന്‍ സാഹചര്യമൊരുക്കുന്ന ഇത്തരം ടൂറിസ്റ്റ്‌ കേന്ദ്രങ്ങള്‍ ഉത്തര കേരളത്തില്‍ നന്നെ കുറവാണ്‌. എന്നിട്ടും ബന്ധപ്പെട്ടവരുടെ അനാസ്ഥമൂലം വേണ്ടത്ര വികസനം ഒരുക്കാത്തത്‌ കാരണം ടൂറിസം ഭൂപടത്തില്‍ ഈ പ്രദേശത്തിന്‌ അര്‍ഹതപ്പെട്ട സ്ഥാനം ലഭിക്കാതെപോവുന്നു.
(published in utharadesham with jabir kunnil, Photo courtesy: Google)

അഡൂര്‍: വനം വേലികെട്ടിയ അതിര്‍ത്തി ഗ്രാമം

2012-11-04T00:11:00.004-07:00

ഉത്തരദേശത്തെ കാണാകാഴ്‌ചകള്‍-15

കാസര്‍കോടിന്റെ കിഴക്കേ അതിര്‍ത്തിയില്‍ കര്‍ണാകയോട്‌ ചേര്‍ന്നുകിടക്കുന്ന പ്രദേശമാണ്‌ അഡൂര്‍.
കാസര്‍കോട്‌ നഗരത്തില്‍ നിന്ന്‌ 40 കിലോമീറ്റീര്‍ കിഴക്കായി ദേലംപാടി പഞ്ചായത്തിലാണ്‌ അഡൂര്‍. പുരാതനവും പ്രസിദ്ധവുമായ അഡൂരിന്റെ ഹൃദയഭാഗത്ത്‌ സ്ഥിതി ചെയ്യുന്നതുമായ ശിവക്ഷേത്രമാണ്‌ അഡൂരിന്റെ ആകര്‍ഷണം; മഹാലിംഗേശ്വര ക്ഷേത്രം. ഹിന്ദുപുരാണവുമായി ബന്ധപ്പെട്ട ഒരുപാട്‌ കഥകള്‍ പറയാനുണ്ട്‌ ഈ ക്ഷേത്രത്തിന്‌. അര്‍ജുനന്‍ കണ്ടെത്തി എന്ന്‌ വിശ്വസിക്കപ്പെടുന്ന ഒരു ക്ഷേത്രമാണ്‌ ഈ ക്ഷേത്രം. അര്‍ജുനനും ശിവനും തമ്മിലുള്ള കിരാത യുദ്ധം നടന്നത്‌ ഇവിടെയാണ്‌. ഈ യുദ്ധത്തില്‍ ശിവന്‍ വിജയിക്കുകയും ശിവന്‍ സ്വയം പ്രതിഷ്‌ഠ നടത്തുകയും ചെയ്‌തുവെന്നാണ്‌ വിശ്വസിക്കുന്നത്‌. പയസ്വിനി ആറിന്റെ തീരത്ത്‌ മനോഹരമായ പ്രദേശത്താണ്‌ ഈ ക്ഷേത്രം സ്ഥിതി ചെയ്യുന്നത്‌. ക്ഷേത്രവുമായി ബന്ധപ്പെട്ട്‌ നടക്കുന്ന മകരസംഗമ ഉത്സവം വളരെ പ്രസിദ്ധമാണ്‌.
അഡൂര്‍ പ്രദേശം ഉള്‍ക്കൊള്ളുന്ന ദേലംപാടി പഞ്ചായത്ത്‌ കാര്‍ഷികാഭിവൃദ്ധിയില്‍ ജീവിക്കുന്ന ജില്ലയിലെ ചുരുക്കം പഞ്ചായത്തുകളിലൊന്നാണ്‌. ഇവിടുത്തെ ഇരുപതിനായിരത്തിലധികം വരുന്ന ജനസംഖ്യയുടെ പ്രധാന വരുമാനമാര്‍ഗ്ഗം റബ്ബറും അടയ്‌ക്കയുമാണ്‌.
അമ്പത്‌ ചതുരശ്ര കിലോമീറ്ററിലധികം പരന്നുകിടക്കുന്ന ഈ പഞ്ചായത്തിന്റെ ഭൂരിഭാഗം ഭൂപ്രദേശവും വനഭൂമിയാണ്‌. അഡൂര്‍ റിസര്‍വ്‌ വനത്തിന്റെ ഭാഗം.
ഇവിടെ വിഹരിക്കുന്ന കാട്ടാനക്കൂട്ടങ്ങള്‍ ഈ പ്രദേശത്തെ കൃഷി നശിപ്പിക്കുന്നു. അതോടൊപ്പം തന്നെ മറ്റു വന്യജീവികളും സമീപവാസികളുടെ ഉറക്കംകെടുത്തുന്നത്‌ സാധാരണമാണ്‌.
അഡൂരിനെയും ദേലംപാടി പ്രദേശത്തെയും കീറിമുറിച്ചുകൊണ്ടൊഴുകുന്ന പയസ്വിനി പുഴയാണ്‌ ഈ പ്രദേശത്തിന്റെ പ്രധാനപ്പെട്ട ജലസ്രോതസ്‌. വേനല്‍കാലമായാല്‍ ഈ പുഴ വരണ്ടുണങ്ങുന്നത്‌ ഈ നാട്‌ നേരിടുന്ന പ്രധാന പ്രശ്‌നമാണ്‌. വ്യാപകമായ അനധികൃത പൂഴി വാരലാണ്‌ ഇതിന്‌ കാരണം.
കുറച്ച്‌ വര്‍ഷങ്ങള്‍ക്ക്‌ മുമ്പ്‌ പയസ്വിനിപ്പുഴയ്‌ക്ക്‌ കുറുകെ പാലം സ്ഥാപിക്കപ്പെട്ടതോടെയാണ്‌ ഈ പ്രദേശത്തിന്റെ പ്രശ്‌നങ്ങള്‍ക്ക്‌ അല്‍പമെങ്കിലും പരിഹാരമായത്‌. പാലം വരുന്നതിന്‌ മുമ്പ്‌ ഇവിടെയുണ്ടായിരുന്ന തൂക്കുപാലവും അതിന്റെ പരിസരവും ഇവിടെയെത്തുന്നവര്‍ക്ക്‌ വശ്യമായ കാഴ്‌ചയാണൊരുക്കുന്നത്‌.
പുതിയ പാലം വന്നതോടെ നിലവിലുണ്ടായിരുന്ന തൂക്കുപാലം തൊട്ടടുത്ത പ്രദേശമായ കൊറ്റുമ്പയിലേക്ക്‌ മാറ്റിസ്ഥാപിച്ചു.
പയസ്വിനി പുഴയുടെ ഇരുകരകളെയും ബന്ധിപ്പിക്കാന്‍ കടത്തുതോണികളായിരുന്നു മുമ്പ്‌ വ്യാപകമായി ഉപയോഗിച്ചിരുന്നത്‌. ഇന്നും പലയിടങ്ങളിലും കടത്തുതോണികള്‍ നിലനില്‍ക്കുന്നു. എടപ്പറമ്പ, പാണ്ടി തുടങ്ങിയ പ്രദേശങ്ങളിലേക്കുള്ള ഏക ആശ്രയം ഇന്നും കടത്തുതോണികള്‍ മാത്രമാണ്‌.

വാഹനങ്‌ഹള്‍ ഇന്നുവരെ കടന്നുചെന്നിട്ടില്ലാത്ത ഒരുപാട്‌ പ്രദേശങ്ങള്‍ അഡൂരിലും പരിസരങ്ങളിലുമുണ്ട്‌. പലയിടത്തും വികസനമെത്താന്‍ വിഘാതമായി നില്‍ക്കുന്നത്‌ ഇവിടുത്തെ വനവും വനംവകുപ്പുമാണ്‌.
അഡൂര്‍ കര്‍ണാടകയോട്‌ ചേര്‍ന്നുകിടക്കുന്ന അതിര്‍ത്തി പ്രദേശമായതിനാല്‍ കന്നട സംസ്‌കാരവുമായി അഡൂര്‍ ഇഴുകിച്ചേര്‍ന്ന്‌ നില്‍ക്കുന്നു. അതുപോലെ മറാത്തി വിഭാഗത്തിന്‌ വ്യക്തമായ സ്വാധീനവും ഈ പ്രദേശത്തുണ്ട്‌.
മറാത്തി വിഭാഗത്തെ പട്ടികജാതി വിഭാഗത്തില്‍ നിന്നൊഴിവാക്കിയപ്പോള്‍ ശക്തമായ സമരങ്ങള്‍ക്ക്‌ നേതൃത്വം നല്‍കിയ പ്രദേശമാണിത്‌. കൂടാതെ കന്നട, മലയാളം, തുളു തുടങ്ങിയ ഭാഷകള്‍ സംസാരിക്കുന്ന ആളുകളും അതിവസിക്കുന്നു അഡൂരില്‍.
രാഷ്‌ട്രീയ സംഘട്ടനങ്ങള്‍ക്ക്‌ സ്ഥിരമായി വേദിയാവുകയും അതിന്റെ ഒരുപാട്‌ തിക്തഫലങ്ങള്‍ അനുഭവിക്കുകയും ചെയ്‌ത ഒരു കഥയും കൂടി പറയാനുണ്ട്‌ അഡൂരിന്‌.
ചരിത്രപരമായി ഒരുപാട്‌ പ്രത്യേകതയുള്ള മുസ്ലിം പള്ളിയാണ്‌ പള്ളങ്കോട്‌ ജുമാമസ്‌ജിദ്‌. അനവധി ചരിത്രം ഈ പള്ളിയുമായി ബന്ധപ്പെട്ട്‌ പറയപ്പെടുന്നു. അതോടൊപ്പം ഈ പ്രദേശത്തെ ഒരു തീര്‍ത്ഥാടന കേന്ദ്രം കൂടിയാണീ പള്ളി.
വിദ്യാഭ്യാസപരമായി പിന്നോക്കാവസ്ഥയിലായിരുന്ന ഈ നാടിന്റെ സമൂലമായ മാറ്റമെഴുതിയത്‌ 1934ല്‍ അഡൂരില്‍ സ്ഥാപിക്കപ്പെട്ട എല്‍.പി. സ്‌കൂളാണ്‌. അതുപോലെ ജി.എച്ച്‌.എസ്‌.എസ്‌. ദേലംപാടി, ജി.എച്ച്‌.എസ്‌.എസ്‌. പാണ്ടി, ജി.എച്ച്‌.എസ്‌.എസ്‌. അഡൂര്‍ തുടങ്ങിയ സ്‌കൂളുകളും ഈ നാടിന്റെ വിദ്യാഭ്യാസ പുരോഗതിക്ക്‌ ആക്കം കൂട്ടി.
കാംപ്‌കോയുടെ അടയ്‌ക്കാ സംഭരണ കേന്ദ്രം, വില്ലേജ്‌ ഓഫീസ്‌, എന്‍.എം.ജി.ബി. ബാങ്ക്‌, പി.എച്ച്‌.സി., മറ്റു വ്യാപാര സ്ഥാപനങ്ങള്‍ തുടങ്ങിയവ അഡൂര്‍ ടൗണില്‍ പ്രവര്‍ത്തിക്കുന്നു. അഡൂരില്‍ നിന്ന്‌ കുറച്ച്‌ അകലെയായി പഞ്ചിക്കല്‍ ഫോറസ്റ്റ്‌ ഓഫീസ്‌, ഏവന്തൂര്‍ ചെക്ക്‌പോസ്റ്റ്‌ തുടങ്ങിയവയും പ്രവര്‍ത്തിക്കുന്നു.
കൂടാതെ അഡൂര്‍ ജുമാമസ്‌ജിദ്‌, നെല്ലിത്തട്ട്‌ മഹാവിഷ്‌ണു ക്ഷേത്രം, ദേലംപാടി ചര്‍ച്ച്‌ തുടങ്ങിയവയാണ്‌ ഇവിടുത്തെ പ്രധാന ആരാധനാലയങ്ങള്‍.
(published in utharadesham with jabir kunnil)

ബദിയഡുക്ക: ഭാഷാ-സംസ്‌കാരങ്ങളുടെ ഈറ്റില്ലം

2012-11-03T02:27:00.001-07:00

ഉത്തരദേശത്തെ കാണാകാഴ്‌ചകള്‍-14
വിവിധ ഭാഷാ-സംസ്‌കാരങ്ങള്‍കൊണ്ട്‌ സമ്പന്നമായ പ്രദേശമാണ്‌ ബദിയഡുക്ക. നിരവധി ജാതി-മതങ്ങളില്‍ പെട്ടവര്‍ അതിവസിക്കുന്ന പ്രദേശം. ഈ വൈവിധ്യം വിളിച്ചോതുന്നതാണ്‌ ബദിയഡുക്കയെന്ന പേരുപോലും. തുളു മാതൃഭാഷയാക്കി ജീവിക്കുന്ന ഒരു ജനവിഭാഗത്തിന്റെ ആരാധനാ കേന്ദ്രമായ ബദി ദൈവസ്ഥാനം ഇവിടെയായതുകൊണ്ടാവണം അങ്ങനെ പേര്‌ വന്നതെന്ന്‌ പറയപ്പെടുന്നു. കൃഷിക്ക്‌ ഉപയുക്തമല്ലാതെ തരിശായി കിടക്കുന്ന സമതല പ്രദേശത്തെ `അഡ്‌ക്ക' എന്നാണ്‌ തുളുവില്‍ പറയപ്പെടുന്നത്‌. ഈ രണ്ടുവക്കുകള്‍ ചേര്‍ന്നാണ്‌ ബദിയഡുക്കയെന്ന പേരുണ്ടായതെന്നാണ്‌ ഒരു അഭിപ്രായം. ക്ഷേത്രത്തിന്റെയും കുളത്തിന്റെയും പേരില്‍ നിന്നാണ്‌ ബദിയഡുക്കയെന്ന പേര്‌ വന്നതെന്ന്‌ പറയപ്പെടുന്നു.
കാസര്‍കോട്ടുനിന്ന്‌ 11 കിലോമീറ്ററും കുമ്പളയില്‍ നിന്ന്‌ 10 കിലോമീറ്ററും ദൂരത്തായാണ്‌ ബദിയഡുക്ക ടൗണ്‍ സ്ഥിതി ചെയ്യുന്നത്‌. ബദിയഡുക്കയെ കീറിമുറിച്ചുകൊണ്ട്‌ കര്‍ണാടകയിലേക്കുള്ള സ്റ്റേറ്റ്‌ ഹൈവേ 32 കടന്നുപോകുന്നു. ചുറ്റിലും മനോഹരമായ കാഴ്‌ചകളൊരുക്കുന്ന ചെറിയൊരു കുന്നിന്‍മുകളിലാണ്‌ ബദിയഡുക്ക ടൗണ്‍ സ്ഥിതി ചെയ്യുന്നത്‌. കുമ്പള, കാസര്‍കോട്‌, മുള്ളേരിയ, പുത്തൂര്‍ തുടങ്ങിയ സ്ഥലങ്ങളെ ബന്ധിപ്പിക്കുന്ന ജംഗ്‌ഷന്‍ കൂടിയാണിത്‌. നിരവധി സാമൂഹ്യ പരിഷ്‌കര്‍ത്താക്കള്‍ക്കും സ്വാതന്ത്ര്യ സമര സേനാനികള്‍ക്കും ജന്മം നല്‍കിയ നാടുകൂടിയാണ്‌ ബദിയഡുക്ക.
പ്രശസ്‌ത സ്വാതന്ത്ര്യ സമരസേനാനിയും ഭാഷാ പണ്ഡിതനും കവിയുമൊക്കെയായ കയ്യാര്‍ കിഞ്ഞണ്ണ റൈയാണ്‌ ഈ നാടിന്റെ എക്കാലത്തെയും മികച്ച സംഭാവന. സ്വാതന്ത്ര്യ സമരത്തിന്റെ ദീപ്‌തമായ ഓര്‍മ്മകളുമായി അദ്ദേഹമിന്നും ജീവിക്കുന്നുണ്ട്‌. സ്വാതന്ത്ര്യ സമരകാലത്ത്‌ വ്യക്തി സത്യഗ്രഹത്തില്‍ പങ്കെടുക്കാനുള്ള ആഗ്രഹം അദ്ദേഹം ഗാന്ധിജിയെ അറിയിക്കുകയായിരുന്നു. 1941ല്‍ മംഗലാപുരത്തുണ്ടായ സാമുദായിക സംഘര്‍ഷം അമര്‍ച്ച ചെയ്യാന്‍ നിയോഗിച്ച പ്രമുഖരില്‍ ഒരാളായും പ്രവര്‍ത്തിച്ചു. 1943ല്‍ മംഗലാപുരം നഗരത്തിലും പരിസരങ്ങളിലും പടര്‍ന്നുപിടിച്ച കോളറ ബാധക്കെതിരെ വിദ്യാര്‍ത്ഥികളെയും യുവാക്കളെയും പങ്കെടുപ്പിച്ചുകൊണ്ടുള്ള പ്രവര്‍ത്തനത്തിന്‌ നേതൃത്വം നല്‍കിയതും മറ്റാരുമായിരുന്നില്ല. ക്വിറ്റിന്ത്യാ സമരകാലത്ത്‌ ഒളിവിലായിരുന്ന അദ്ദേഹം 1942ലെ സബ്‌കോട്ട്‌ പിക്കറ്റിംഗിലും മുന്‍പന്തിയിലായിരുന്നു. മംഗലാപുരത്തുനിന്ന്‌ 1938 കാലങ്ങളില്‍ പ്രസിദ്ധീകരിച്ച ചില പത്രങ്ങളില്‍ സഹ പത്രാധിപരായും സേവനമനുഷ്‌ഠിച്ചു. കന്നട ഭാഷയ്‌ക്ക്‌ അദ്ദേഹം നല്‍കിയ സംഭാവന നിസ്‌തുലമാണ്‌. ഏറെ അറിയപ്പെടുന്ന കവിയും ഗ്രന്ഥകാരനും കൂടിയാണദ്ദേഹം. സ്വാതന്ത്ര്യ സമരത്തെക്കുറിച്ചും ഒരുപാട്‌ കവിതകള്‍ അദ്ദേഹത്തിന്റേതായിട്ടുണ്ട്‌. പ്രശസ്‌തമായ ഗോവാ സമരത്തെക്കുറിച്ചും കവിതകളും ലേഖനങ്ങളും എഴുതിയിട്ടുണ്ട്‌. നിരവധി പുരസ്‌കാരങ്ങള്‍ക്ക്‌ കൂടി പാത്രമായ ഇദ്ദേഹത്തെ ഒഴിവാക്കിക്കൊണ്ട്‌ ബദിയഡുക്കയുടെ ചരിത്രമെഴുതാനാവില്ല.
പെരഡാലയിലെ ബിരുഷെട്ടി ദെയ്യതോടി, ബി. കമലാക്ഷ പ, നാമദേവ ഷേണായി, ഡോ: പി.എസ്‌. ശാസ്‌ത്രി എന്നിവരും ബദിയഡുക്ക ഇന്ത്യന്‍ സ്വാതന്ത്ര്യ സമരത്തിന്‌ നല്‍കിയ സംഭവനയാണ്‌.
ഇവിടുത്തെ പ്രശസ്‌തമായ നീര്‍ച്ചാല്‍ മഹാജന സംസ്‌കൃത വിദ്യാലയം മദ്രാസ്‌ ഭരണകാലത്ത്‌ സ്ഥാപിച്ചതാണ്‌. മലബാര്‍ മേഖലയിലെ ഏക സംസ്‌കൃത വിദ്യാലയമാണിത്‌. ഇവിടുത്തെ ദീര്‍ഘകാല പ്രിന്‍സിപ്പലായിരുന്ന ഖണ്ഡിഗെ ശ്യാം ഭട്ടും ഈ നാടിന്റെ മികച്ച സംഭാവനയായിരുന്നു.
വിവിധങ്ങളായ ഭാഷകള്‍ സംസാരിക്കുന്നവര്‍ ഇവിടെയുണ്ടെങ്കിലും കൂടുതലും തുളുഭാഷ സംസാരിക്കുന്നവരാണ്‌. ദേശീയ തുളു ഉത്സവമായ `തുളുവരെ ആയനോ' മൂന്ന്‌ പ്രാവശ്യം നടന്നത്‌ ബദിയഡുക്കയിലായിരുന്നു. അതുകൊണ്ടുതന്നെ ഗണിച്ചെടുക്കാനാവും ബദിയഡുക്കയിലെ തുളുഭാഷയുടെ വേരോട്ടം.
ഈ നാടിന്റെ ജീവിച്ചിരിക്കുന്ന മറ്റൊരു സംഭാവനയാണ്‌ കിളിംഗാര്‍ സായിറാം ഗോപാലകൃഷ്‌ണ ഭട്ട്‌. ഇരുനൂറോളം നിര്‍ധന കുടുംബത്തിന്‌ സൗജ്യമായി വീട്‌ നിര്‍മ്മിച്ചുനല്‍കി കാരുണ്യ സേവന പ്രവര്‍ത്തനത്തിന്റെ ഉദാത്ത മാതൃക കാട്ടി ശ്രദ്ധേയനായ ഇദ്ദേഹത്തിലൂടെ ഈ നാടിന്റെ പേരും പുറംലോകം ശ്രവിക്കുന്നു. അറിയപ്പെടുന്ന വൈദ്യന്‍ കൂടിയാണിദ്ദേഹം. ചികിത്സക്കായും സഹായം തേടിയും സായിറാം ഭട്ടിനെത്തേടി ദിനേന ബദിയഡുക്കയില്‍ എത്തുന്നത്‌ ഏറെപേരാണ്‌.
ബദിയഡുക്കയുടെ പ്രധാനപ്പെട്ട സാമ്പത്തിക സ്രോതസ്സ്‌ കാര്‍ഷിക മേഖലയാണ്‌. പ്രധാനമായും അടയ്‌ക്കാകൃഷി. ജില്ലയില്‍ തന്നെ ഏറ്റവും കൂടുതല്‍ അടയ്‌ക്കാ കൃഷി ചെയ്യുന്നത്‌ ഇവിടെയാണ്‌. തെങ്ങ്‌, റബ്ബര്‍, കശുവണ്ടി, കൊക്കോ എന്നിവയും ഇവിടെ കൃഷി ചെയ്യുന്നു. വിവിധ ബീഡി ഉല്‍പാദന കമ്പനികള്‍ക്ക്‌ ബീഡി നല്‍കുന്ന കേന്ദ്രവും ഇവിടെ പ്രവര്‍ത്തിക്കുന്നു. ബീഡിത്തെറുപ്പ്‌ ഉപജീവനമാര്‍ഗമായി കാണുന്നവരും ഇവിടെ ഏറെയാണ്‌.

പട്ടികജാതി വിഭാഗത്തില്‍പെട്ട കൊറഗര്‍ ഏറ്റവും കൂടുതല്‍ വസിക്കുന്നതും ഇവിടെയാണ്‌. അവരുടേതായ ഒരു കോളനി തന്നെ ഇവിടെയുണ്ട്‌.
പെര്‍ഡാല മസ്‌ജിദ്‌ ഈ മേഖലയിലെ പ്രധാനപ്പെട്ട മുസ്ലിം ആരാധനാലയമാണ്‌. ഇവിടെ രണ്ടുവര്‍ഷത്തിലൊരിക്കല്‍ കഴിച്ചുവരാറുള്ള ഉറൂസ്‌ പ്രദേശത്തെ പ്രധാനപ്പെട്ട ആഘോഷങ്ങളിലൊന്നാണ്‌. അതുപോലെ തന്നെ പെര്‍ഡാല ശ്രീ ഉദിനേശ്വര ക്ഷേത്രത്തിലെ ഉത്സവവും നാടിന്റെയാകെ ഉത്സവമാണ്‌.കുമാരമംഗലം ക്ഷേത്രം, ബേള വ്യാകുലമാതാ ചര്‍ച്ച്‌ എന്നിവയും ഈ പ്രദേശത്തെ പ്രധാന ആരാധനാലയങ്ങളാണ്‌.
കാസര്‍കോടിന്റെ മണ്ണില്‍ വിഷാംശം പടര്‍ത്തിയ എന്‍ഡോസള്‍ഫാന്‍ എന്ന ഭീകരനിലൂടെ ദുരിതം നേരിട്ട പ്രദേശങ്ങളില്‍ ഒന്നുകൂടിയാണിത്‌. ബദിയഡുക്ക പഞ്ചായത്ത്‌ ഓഫീസ്‌, പ്രാഥമികാരോഗ്യ കേന്ദ്രം, ഗവ: ഹൈസ്‌കൂള്‍ എന്നിവയൊക്കെ പ്രവര്‍ത്തിക്കുന്നത്‌ ബദിയഡുക്ക ടൗണിലാണ്‌. സി.എച്ച്‌. മുഹമ്മദ്‌ കോയ സ്‌മാരക ലൈബ്രറി, വെട്ടിയടുക്ക കള്‍ച്ചറല്‍ ആന്റ്‌ റൂറല്‍ ലൈബ്രറി തുടങ്ങിയ സാംസ്‌കാരിക കേന്ദ്രങ്ങളും പെര്‍ഡാല യു.പി. സ്‌കൂള്‍, കുമ്പഡാജെ ജി.ജി.ബി.എസ്‌. തുടങ്ങിയ വിദ്യാഭ്യാസ കേന്ദ്രങ്ങളും ഇവിടെ പ്രവര്‍ത്തിച്ചുവരുന്നു.
(published in utharadesham with jabir kunnil)

മഹാ തീര്‍ത്ഥാടനത്തിന്‍റെ വഴിയരികില്‍

2012-11-03T00:49:00.002-07:00

പെരുന്നാള്‍ പ്രഭാതം;

ഇവിടെ തലേന്ന് രത്രി മുസ്ദലിഫയില്‍ നിന്ന് പെറുക്കിയെടുത്ത കല്ലുകള്‍ ജംറകളില്‍ എറിഞ്ഞു തിരിച്ചു വരുകയാണ് ലോകത്തിന്‍റെ വിവിധ ഭാഗങ്ങളില്‍ നിന്നുള്ള തീര്‍ത്ഥാടക ലക്ഷങ്ങള്‍;തിരിച്ചുവരുന്നു എന്നാ വാക്ക് കൊണ്ടു മാത്രം ആ രംഗം വിശദീകരിക്കാന്‍ കഴിയില്ല, അതൊരു മനുഷ്യ പ്രവാഹമാണ്, അണപൊട്ടി ഒഴുകുന്നത്‌ പോലെ; മുമ്പിലുള്ള  എല്ലാം ആ പ്രവാഹത്തോടൊപ്പം ഒഴുകിപ്പോവുന്നു, ഇവര്‍ക്ക് ടെന്ടുകളിലേക്ക് വഴി കാണിക്കാനായി വഴിയരികില്‍ കാത്തു നിന്നിരുന്ന ഞങ്ങള്‍ വളണ്ടിയേര്‍സും ആ ഒഴുക്കിനൊപ്പം ഒരുപാടു ദൂരം ഒഴുകിപ്പോയി. ഞങ്ങള്‍ക്ക് നിശ്ചയിച്ചിരുന്ന ടെന്ടുകള്‍ക്ക് അരികില്‍ എത്താന്‍ സമയം പിന്നെയും ഒരുപാടെടുത്തു.

ഈ വര്‍ഷത്തെ പെരുന്നാളും അത് കഴിഞ്ഞുള്ള ദിവസങ്ങളും ഇ മഹാ തീര്‍ത്ഥാടത്തിനരികിലായിരിക്കണമെന്നു നിശ്ചയിച്ചതാണ്, അതിന്നു വളണ്ടിയറിംഗ് എന്ന ഒരവസരവും കൈവന്നതോടെ അതൊരു ഉത്തരവാദിത്തവും പുണ്യകര്‍മ്മവുമായി മാറി.       മിന; അറഫ കുന്നുകള്‍ക്കിടയില്‍ 20 ചതുരശ്ര കിലോമീറ്ററില്‍ വ്യാപിച്ചു കിടക്കുന്ന 30 ലക്ഷത്തിലധികം ഹാജിമാരെ ഉള്‍ക്കൊള്ളാവുന്ന ഒരു ലക്ഷം എയര്‍കണ്ടീഷന്‍ ചെയ്ത കൂടാരങ്ങള്‍ (ടെന്റുകള്‍) ഉളള കൂടാരങ്ങളുടെ നഗരം. ലോകത്തിലെ ഏറ്റവും വലിയ ടെന്ടു സിറ്റി.മിനയിലെ സേവനങ്ങള്‍ക്കൊപ്പം ഹജ്ജിന്റെ സൌന്ദര്യംക്കൂടി നുകരുകയായിരുന്നു, കേട്ടറിഞ്ഞതിലും വായിച്ചറിഞ്ഞതിലുമെത്രെയോ മനോഹരവും കഠിനവുമാണ് ഹജ്ജ് എന്ന് തിരിച്ചറിഞ്ഞ ദിവസങ്ങള്‍.4000 വര്‍ഷങ്ങളായി തുടരുന്ന മനുഷ്യ മഹാ സംഗമത്തിന്റെ വഴിയരികില്‍ ഒരു കാണിയായി നില്‍ക്കാന്‍ ഈ വര്‍ഷം എനിക്ക് ഭാഗ്യമുണ്ടായി. ജൂതരും ക്രൈസ്തവരും മുസ്ലിംകളും ഒരേ സമയം നായകത്വം അവകാശപ്പെടുന്ന  ഇബ്രാഹീം നബിയുടെ ഏക ദൈവ വിശ്വാത്തിലദിഷ്ടിതമായ ജീവിതത്തിന്റെ പുന:പ്രകാശനമാണ് ഹജ്ജ്. ആദ്യത്തെ രണ്ടു വിഭാഗങ്ങളും ഏകദൈവ വിശ്വാസം എന്നതില്‍ നിന്ന് വ്യതിചലിച്ചതിനാല്‍ അവര്‍ ഇബ്രാഹീമി പാരമ്പര്യത്തിന്നു പുറത്താണ്.

ഇബ്രാഹീം പ്രവാചകന്‍ ദൈവ വിശ്വാസത്തിന്റെ വഴിയില്‍ നടത്തിയ കഠിനമായ യാത്രകളുടെ പുനരാവിഷ്കാരം, പുണ്യ നിര്‍ഭരവും ചിര പുരാതനുവുമായ ഒരു യാത്ര , ഇതിനേക്കാള്‍ പുരാതനമായ ഒരു യാത്രയും മനുഷ്യ സംസ്കൃതിയുടെ ചരിത്രത്തിലെവിടെയുമില്ല, അതോടപ്പം തന്നെ ഏക ദൈവ വിശ്വാസികളുടെ സാര്‍വ്വ ലൌകീക സമ്മേളനം കൂടിയാണ് ഹജ്ജ്.

  കഅബയെ വലയം ചെയ്യുന്ന മഹാ പ്രവാഹത്തില്‍ ചെറു തുള്ളിയായി ഒഴുകി, മിനയില്‍ അണി ചേരുന്ന വെള്ളക്കൊറ്റികളുടെ മഹാ സാഗരത്തില്‍ അലിഞ്ഞ്, സ്വത ബോധത്തിന്റെ പുതു വെളിച്ചത്തില്‍ അറഫ മൈതാനിയില്‍ പുനര്‍ജ്ജനിച്ച്, മുസ്ദലിഫയിലെ രാത്രിയിലൂടെ മിനയിലീക്ക് തിരിച്ചെത്തി ബാക്കി കര്‍മ്മങ്ങള്‍ കൂടി ചെയ്തു തീര്‍ത്ത്‌ കഅബയെ വലയം ചെയ്തവസാനിക്കുന്ന അഞ്ചു ദിവസത്തെ ദൈവ പ്രകീര്‍ത്തനത്തിന്റെ മഹോത്സവമാണ് ഹജ്ജ്. എവിടെയും മുഖരിതമായി ഒഴുകുന്ന ശബ്ദം " ലബ്ബയ്ക്ക അള്ളാഹുമ്മ ലബ്ബയ്ക്ക്"- അള്ളാഹുവേ നിന്റെ വിളിക്കിതാ ഉത്തരം നല്‍കുന്നു- എന്ന മന്ത്ര ധ്വനികള്‍ മാത്രംകഅബയുടെ നിര്‍മ്മാണം പൂര്‍ത്തിയായതിനു ശേഷം അള്ളാഹു ഇബ്രാഹിം നബിയോട് കല്‍പ്പിച്ചു-
"ഈ ആരാധനലയത്തിലെക്ക് മനുഷ്യരെ ഹജ്ജിനായി ക്ഷണിക്കുക "
ഇബ്രാഹിം നബി പറഞ്ഞു:"ഞാന്‍ ഈ താഴ്വരയില്‍ നിന്ന് വിളിച്ചാല്‍ എന്റെ ശബ്ദം ആളുകള്‍ കേള്‍ക്കുമോ?"അള്ളാഹു പറഞ്ഞു"വിളിക്കുക എന്നത് മാത്രമാണ് നിന്റെ ബാധ്യത, വിളി കേള്‍പ്പിക്കുന്നവന്‍ ഞാനാണ്‌"   ആ വിളിക്കുത്തരം നല്‍കി കൊണ്ട് ഭൂമിയില്‍ മനുഷ്യ വാസമുള്ള അഷ്ട ദിക്കുകളില്‍ നിന്നും കഴിഞ്ഞ നാല് സഹസ്രാബ്ദങ്ങളായി കാന്തിക പ്രഭാവമുള്ള, ഭൂമിയുടെ ഒത്ത മധ്യത്തില്‍ നില കൊള്ളുന്ന, നഗരങ്ങളുടെ മാതാവ് എന്ന് വിളിക്കപ്പെടുന്ന, ഭൂമിയിലെ മനുഷ്യ വാസത്തിന്റെ ആദ്യ കേന്ദ്രത്തിലേക്ക്, മക്ക നഗരത്തിലേക്ക്, കഅബാലയത്തിലേക്ക് ഒഴുകുകയാണ് ലോകം

ചരിത്രത്തിന്റെയും ജീവിതത്തിന്റെയും ഓര്‍മ്മപ്പെടുത്തല്‍ കൂടിയാണ് ഹജ്ജ്; ഇന്നെലെ ഈ മനുഷ്യര്‍ അറഫ മൈതാനിയില്‍ ഒരുമിച്ചു കൂടിയിരുന്നു, എല്ലാവരും ഒരേ വേഷത്തില്‍, ഒരേ മന്ത്രധ്വനിയോടെ.. ഇവിടെയാണ്‌ പ്രവാചകന്‍ മുഹമ്മദ്‌ (സ) തന്റെ വിടവാങ്ങല്‍ പ്രസംഗം നടത്തിയത്, ആദിമ മനുഷ്യനായ ആദമിന്റെ ആദ്യ സ്പര്‍ശമേറ്റ സ്ഥലം ഇതാണ്, ഹജ്ജിന്റെ ഏറ്റവും പ്രധാനപ്പെട്ട ചടങ്ങും കൂടിയാണ് അറഫ സംഗമം.
രണ്ടു കഷ്ണം തുണിയില്‍ ശരീരം പുതച്ച് ചുണ്ടില്‍ ദൈവസോത്രം ഉരവിട്ടു, ദേശിയതയുടെയോ, പ്രാദേശികതയുടെയോ, അതിര്‍വരമ്പുകളില്ലാതെ കറുത്തവനും വെളുത്തവനും ഒന്നിക്കുന്ന ഇവിടം ഓരോ മനുഷ്യനിലും അന്ത്യനാളില്‍ തങ്ങളുടെ ശവ മന്‍ച്ചങ്ങളില്‍ നിന്നെണീട്ട് നമ്ര ശിരസ്കരായി ദൈവ സന്നിധിയില്‍ ഒരുമിച്ചു കൂടുന്ന ഓര്‍മ്മയാണ് പകരുന്നത്.
  വീണ്ടും മിനയിലേക്ക് തന്നെ വരാം- വളണ്ടിയേര്‍സ് എന്ന നിലയില്‍ ഹാജിമാര്‍ക്ക് ടെന്ടു കളിലേക്ക് വഴി കാണിച്ചു കൊടുക്കുക എന്നതാണ് ഇവിടെത്തെ പ്രധാന ജോലി. അവരുടെ ടെന്ടു നമ്പര്‍ നോക്കി ഞങ്ങളുടെ കയ്യിലുള്ള മാപ്പ് വെച്ച് എവിടെയാണ് സ്ഥലം എന്ന് പറഞ്ഞു കൊടുക്കല്‍ അല്ലെങ്കില്‍ അവിടെ കൊണ്ട് ചെന്നാക്കല്‍.വഴി പറഞ്ഞു കൊടുക്കേണ്ടി വരുന്നതിലധികവും ഇന്ത്യ- പാക്കിസ്ഥാന്‍-ആഫ്രിക്ക തുടങ്ങിയിടങ്ങളിലെ ഗ്രാമങ്ങളില്‍ നിന്ന് വരുന്നവര്‍ക്കാണ്; അവരുടെ ഭാഷ കാര്യമായ പ്രശ്നം സൃഷ്ടിച്ചെങ്കിലും മറ്റു ബുദ്ധിമുട്ടുകളൊന്നുമുണ്ടയില്ല.  വളണ്ടിയേര്‍സായി സേവനമാനുഷ്ടിക്കുന്നത് കൂടുതലും ഇന്ത്യക്കാരാണ് അതില്‍ അതികവും മലയാളികള്‍, പിറകുവശത്ത് ഇന്ത്യ എന്നെഴുതിയ മഞ്ഞയും ചുവപ്പിലുമുള്ള യൂണിഫോമണിഞ്ഞവര്‍. പിറകില്‍ നിന്ന് എപ്പോഴും ഒരു വിളി കേള്‍ക്കാം "യാ.. ഹിന്ദി.." അല്ലെങ്കില്‍ "ഇന്ത്യാ.." യെന്ന്, മറ്റു നാട്ടുകാര്‍ നമ്മുടെ നാടിന്‍റെ പേര് പറഞ്ഞു നമ്മെളെ വിളിക്കുമ്പോള്‍ രാജ്യതിര്‍ത്തികള്‍ക്കതീതമായ ഇടമായിട്ടു പോലും ഒരു ഉള്‍പുളകം നമ്മളില്‍ ഉണ്ടാവാതിരിക്കുന്നില്ല.




ഒരു യുഗ പ്രഭുവായിരുന്നു ഇബ്രാഹീം നബി യുഗ പ്രഭാവന്‍മാര്‍ക്ക് വിശ്വാസത്തിന്റെ ഔന്നിത്യമേകിയ യുഗപ്രഭു.ഇബ്രാഹീം നബിയെ കൂടാതെ പുത്രന്‍ ഇസ്മായീലും ഭാര്യ ഹാജറയും ഓര്‍മ്മിക്കപ്പെട്ടുകൊണ്ടെയിരിക്കും ലോകാവസാനം വരെ.ഹാജറയെന്ന കറുത്ത എത്യോപ്യന്‍  അടിമ സ്ത്രീയുടെ ത്യാഗത്തെ സ്മരിക്കുന്നതിലൂടെ ഇസ്ലാം വിളംബരം ചെയ്യുന്നത് സമഭാവനയുടെ മഹത്തായ ഒരു ലോകത്തെയാണ്. സഫ- മര്‍വക ള്ക്കിടയിലെ ഓട്ടത്തിലൂടെ അനുസ്മരിക്കപ്പെടുന്നത് ഹാജറയുടെ ത്യാഗമാണ്.

സഫയുടെയും മര്‍വയുടെയും തോട്ടിപ്പുറത്ത് കഅബക്ക് ചുറ്റും ഇപ്പോഴും പ്രദിക്ഷണം തുടര്‍ന്ന് കൊണ്ടിരിക്കുന്നു. ത്വവാഫ് അത് ആരംഭിച്ചത് മുതല്‍ ഇന്ന് വരെ അത് നിലച്ചിട്ടില്ല എന്ന സത്യം മറ്റൊരു അത്ഭുതമാണ്. അങ്ങെനെ ഒരുപാട് അത്ഭുതങ്ങളുടെ കലവറയാണീ നഗരം

മിനയില്‍ ഇപ്പോള്‍ രണ്ടാം ദിവസത്തെ കല്ലേറ് കര്‍മ്മത്തിനായി ആളുകള്‍ ജംറയിലേക്ക് പോവുകയും തിരിച്ചുവരുകയും ചെയ്തു കൊണ്ടിരിക്കുന്നു.അതൊരു കാഴ്ച തന്നെയാണ്, ഓരോ രാജ്യങ്ങളില്‍ നിന്നും തെരഞ്ഞടുക്കപ്പെട്ട അള്ളാഹുവിന്റെ അതിഥികളായി ഇവിടെയെത്തിയിട്ടുള്ള വ്യത്യസ്തരായ മനുഷ്യരുടെ മാര്‍ച്ച്‌പാസ്റ്റ്. തിരിച്ചറിയാനായി തങ്ങളുടെ നാടിന്‍റെ പതാകയും പേരുമടക്കമുള്ള ബോര്‍ഡും പിടിച്ച് മുമ്പില്‍ ഒരാളും പിറകില്‍ ബാക്കിയുള്ളവരും; അത് കൂടാതെ ഒറ്റയ്ക്കും കൂട്ടായും പോവുന്ന മറ്റുള്ളവരും

ഒരിക്കലും അവസാനിക്കാത്ത കാഴ്ചകള്‍ ഈ നഗരം നമുക്ക് സമ്മാനിക്കുന്നു, അത് ഹജ്ജ് സമയത്തായാലും അല്ലാത്തപ്പോഴും  ഹജ്ജിന്റെ കര്‍മ്മങ്ങള്‍ പൂര്‍ത്തിയാവാന്‍ നില്‍ക്കാതെ കൂടാരങ്ങളുടെ നഗരത്തില്‍ നിന്ന് വിട പറയുകയാണ് കഅബാലയത്തിന്റെ ഓരത്തുകൂടി..ലോകത്തിലെ ഏറ്റവും വലിയ ഘടികാര ഗോപുരത്തിന്റെ സൂചികള്‍ പിറകില്‍ അവ്യക്തതയിലേക്ക് മാഞ്ഞു പോവുമ്പോഴും മനസ്സില്‍ ഒരു പ്രാര്‍ത്ഥനയേ ഉണ്ടായിരുന്നുള്ളു"ഏറ്റവും അടുത്ത വര്ഷം പൂര്‍ണ്ണമായി ഉള്‍ക്കൊണ്ടു കൊണ്ടുള്ള ഒരു ഹജ്ജ് നീ സാധിച്ചു തരണേ നാഥാ.."

ഹാജിമാര്‍ക്കുള്ള കഞ്ഞിയുമായ് പോവുന്ന മലയാളി വോളന്‍ടിയര്‍മാര്‍

വഴി കാണിക്കുന്നു

കഅബയിലെ ത്വവാഫ്

മിന- കൂടാരങ്ങളുടെ നഗരം

മിന- മെട്രോ ട്രെയിന്‍ സര്‍വ്വീസ്

അറഫ സംഗമം

ഹാജിമാര്‍ നമസ്ക്കരിക്കുന്നതിന്റെ ദൃശ്യം

മുസ്ദലിഫയില്‍

അറഫ- ഒരു വിദൂര ദൃശ്യം

ഹാജിമാര്‍ മസ്ജിദുല്‍ ഹറമിന്നു പുറത്ത്

പഴമയും പാരമ്പര്യവും പറഞ്ഞ്‌ കളനാട്‌

2012-11-01T01:31:00.001-07:00

ഉത്തരദേശത്തെ കാണാകാഴ്‌ചകള്‍-13

പഴമയുടെയും പാരമ്പര്യത്തിന്റെയും പെരുമ ഏറെ പറയാനുള്ള നാടാണ്‌ കളനാട്‌. ചെമനാട്‌, ഉദുമ പഞ്ചായത്തുകളിലായി വിശാലമായി പരന്നുകിടക്കുന്നതാണ്‌ ഈ പ്രദേശം.
1649ല്‍ ഇക്കേരി ശിവപ്പ നായക്കിന്റെ കീഴിലായിരുന്നു ഈ പ്രദേശം. പെരുമാക്കന്മാരുടെ കീഴിലായിരുന്ന ഈ പ്രദേശത്തെ ഒരു പടയോട്ടത്തിലൂടെ നായ്‌ക്കര്‍ പിടിച്ചെടുക്കുകയായിരുന്നു. പിന്നീട്‌ മൈസൂര്‍ ഭരണാധികാരിയായിരുന്ന സുല്‍ത്താന്‍ ഹൈദരാലി പിടിച്ചെടുത്തതോടെ ഈ പ്രദേശം ഏറെ വളരുകയായിരുന്നുവെന്ന്‌ ചരിത്രം പറയുന്നു.
ബേക്കല്‍ താലൂക്കിന്റെ ഭാഗമായിരുന്നു ആദ്യകാലത്ത്‌ കളനാട്‌. 1792ല്‍ ബ്രിട്ടീഷുകാര്‍ ടിപ്പുസുല്‍ത്താനെ പരാജയപ്പെടുത്തി ഈ പ്രദേശമുള്‍പ്പെടെയുള്ള ഭാഗങ്ങള്‍ ബോംബെ സംസ്ഥാനത്തോട്‌ ചേര്‍ത്തു. പിന്നീട്‌ മദ്രാസ്‌ സംസ്ഥാനത്തിലെ തെക്കന്‍ കര്‍ണാടകത്തിന്റെ ഭാഗമായി ഈ പ്രദേശത്തെ കൂട്ടിച്ചേര്‍ക്കുകയായിരുന്നു. അതോടെ ഭാഷാപരമായി ഈ പ്രദേശം പിന്നോട്ട്‌ പോവുകയായിരുന്നു. മലയാളവും കന്നടയും കൂടിക്കലര്‍ന്ന ഭാഷയും സംസ്‌കാരവുമൊക്കെയായി മാറാനത്‌ വഴിവെച്ചു. 1956ലെ കേരളപ്പിറവിക്ക്‌ ശേഷമാണ്‌ ഈ പ്രദേശത്തിന്‌ സ്വന്തമായ മേല്‍വിലാസമുണ്ടായതെന്ന്‌ പഴമക്കാര്‍ പറയുന്നു.

ഗള്‍ഫ്‌ മേഖലകള്‍ പച്ചപിടിച്ച കാലം തൊട്ടേ കളനാട്ടുകാരുടെ പ്രധാന ജീവിതമാര്‍ഗ്ഗമായത്‌ മാറിയിരുന്നു. 1965-70 കാലം തൊട്ടാണ്‌ ഈ പ്രദേശത്തുകാര്‍ ഗള്‍ഫിലേക്ക്‌ ചേക്കേറിത്തുടങ്ങിയത്‌. ഇന്ന്‌ കളനാട്ട്‌ കാണുന്ന പുരോഗതിക്കും വികസന കാഴ്‌ചകള്‍ക്കും ഗള്‍ഫിലെ ഇന്നാട്ടുകാര്‍ വഹിച്ച പങ്ക്‌ നിസ്‌തുലമാണ്‌. സാമ്പത്തികമായി കടുത്ത ദുരിതം നേരിട്ട പഴയ കാലത്ത്‌ കളനാട്ടിലെ പലരും കുടക്‌ കുന്നുകളില്‍ ഉപജീവനമാര്‍ഗം തേടിയെത്തിയതായും അവരില്‍ പലരും പനി പിടിച്ച്‌ തിരിച്ചെത്തിയതായും ഇവിടത്തെ പഴമക്കാര്‍ പറയുന്നു. പിന്നീട്‌ സിങ്കപ്പൂരിനെയും സിലോണിനെയും ആാശ്രയിച്ചവരും ഏറെയായിരുന്നു.
പുകയില കൃഷിയും ചെറുകിട കച്ചവടവുമായിരുന്നു ആദ്യകാലത്ത്‌ ഈ പ്രദേശത്തുകാരുടെ പ്രധാന വരുമാനമാര്‍ഗം. കര്‍ണാടകയില്‍ പോയി കന്നുകാലികളെ കൊണ്ടുവന്ന്‌ വില്‍ക്കുന്നവരും ഉണ്ടായിരുന്നു. തൊപ്പി തുന്നി വരുമാനമാര്‍ഗം കണ്ടെത്തിയിരുന്ന സ്‌ത്രീകളും ഏറെയായിരുന്നു. കാസര്‍കോട്ടെ മുസ്ലിം ഭൂരിപക്ഷ പ്രദേശങ്ങളിലൊന്നാണിത്‌. ഏകദേശം അറുപത്‌ ശതമാനത്തോളം മുസ്ലിംകളും ബാക്കി ഹിന്ദുക്കളുമാണ്‌. പൂര്‍ണമായും സൗഹാര്‍ദ്ദം നിലനിര്‍ത്തുന്ന ഈ നാട്ടില്‍ ഏഴ്‌ മുസ്ലിം പള്ളികളും നാല്‌ ഹൈന്ദവ ക്ഷേത്രങ്ങളും കളനാട്ടിലുണ്ട്‌.

കളനാട്ടെ പ്രധാന പള്ളിക്ക്‌ നൂറ്റാണ്ടിലേറെ പഴക്കമുണ്ട്‌. 1890-1900 കാലഘട്ടത്തിലാണ്‌ ഇവിടെ ആദ്യമായി നിസ്‌കാരപ്പള്ളി നിര്‍മ്മിച്ചതെന്ന്‌ പറയപ്പെടുന്നു. ഓലമേഞ്ഞ ഒറ്റമുറി പള്ളിയായിരുന്നു അത്‌. ഏകദേശം 20 വര്‍ഷത്തോളം ഈ പള്ളി നിലനിന്നിരുന്നുവത്രെ. അതിന്‌ ശേഷം ഓടുമേഞ്ഞ പള്ളി നിലവില്‍ വന്നു. ഈ പള്ളി പൂര്‍ണമായും നാട്ടുകാരുടെ അധ്വാനത്തിലാണ്‌ രൂപംകൊണ്ടത്‌. ബ്രിട്ടീഷുകാരുടെ ഭരണ കാലത്തായിരുന്നു അത്‌. പള്ളി നിര്‍മ്മാണത്തിനായി കടത്തിക്കൊണ്ടുവന്ന ഭീമന്‍ മരത്തടി വെള്ളപ്പൊലീസുകാര്‍ തടഞ്ഞുവെച്ച സംഭവം ഇന്നും പഴമക്കാരുടെ ഓര്‍മ്മയിലുണ്ട്‌. ഈ മരത്തടിയില്‍ നിന്ന്‌ രൂപപ്പെടുത്തിയ ഭീമന്‍ ഫില്ലറുകള്‍ അടുത്തകാലം വരെ പള്ളിയിലുണ്ടായിരുന്നു. പിന്നീട്‌ ആധുനിക സജ്ജീകരണങ്ങളോടെയും കൂടുതല്‍ സൗകര്യത്തോടെയും പുതുക്കി പണിയുകയായിരുന്നു. ഈ പള്ളിക്ക്‌ കീഴില്‍ 1984ഓടെ ദര്‍സ്‌ ആരംഭിച്ചു. ഈ ദര്‍സില്‍ ജില്ലയുടെ വിവിധ ഭാഗങ്ങളില്‍ നിന്നായി ഏറെപേര്‍ പഠിക്കാനെത്തിയിരുന്നു.

1969ല്‍ ജമാഅത്ത്‌ വക കെട്ടിടത്തില്‍ കളനാട്‌ ഗവ: എല്‍.പി. സ്‌കൂള്‍ പ്രവര്‍ത്തനമാരംഭിച്ചു. പിന്നീട്‌ 1996ല്‍ ജമാഅത്തിന്റെ കീഴിലും സ്‌കൂള്‍ തുടങ്ങി. ഇപ്പോള്‍ നാല്‌ സ്‌കൂളുകള്‍ ഇവിടെ പ്രവര്‍ത്തിച്ചുവരുന്നു. എങ്കിലും ഹൈസ്‌കൂള്‍ സൗകര്യമുള്ള സ്‌കൂള്‍ ഇല്ലാത്തതിനാല്‍ തുടര്‍ പഠനത്തിന്‌ സമീപ പ്രദേശങ്ങളെ ആശ്രയിക്കേണ്ട സ്ഥിതിയാണുള്ളത്‌.
ചന്ദ്രഗിരിപ്പുഴയുടെ കൈവഴിയായി ഒഴുകുന്ന നൂമ്പിലെ പുഴയും പ്രകൃതി സൗന്ദര്യത്തിന്റെ പച്ചപ്പൊരുക്കുന്ന കാഴ്‌ചകളും കളനാടിന്‌ ഗ്രാമീണ സൗന്ദര്യം നല്‍കുന്നു.
(published in utharadesham with jabir kunnil)

ചന്ദ്രഗിരി: കാസര്‍കോടിന്‌ വിശേഷണം ചാര്‍ത്തിയ പുഴയും കോട്ടയും

2012-10-31T01:09:00.005-07:00

ഉത്തരദേശത്തെ കാണാകാഴ്‌ചകള്‍-12

ചരിത്രം പറയാനുള്ള കുറേ കോട്ടകളും നിറഞ്ഞൊഴുകുന്ന നിരവധി പുഴകളും കാസര്‍കോടിന്റെ മാത്രം പ്രത്യേകതയാണ്‌. അവകളൊരുക്കുന്ന മനോഹര കാഴ്‌ചകള്‍ ഉത്തരദേശത്തെ സമ്പന്നമാക്കുന്നു. ഈ പ്രത്യേകതയുടെ എല്ലാ വശവും ചേര്‍ന്നുള്ള ഒറ്റ നാമമാണ്‌ ചന്ദ്രഗിരി. ചന്ദ്രഗിരി എന്ന വിശേഷണം ചേര്‍ക്കാതെ കാസര്‍കോടിന്റെ ചരിത്രവും ചിത്രവും പൂര്‍ണമാകില്ല. കാരണം കോട്ടകളുടെ സ്വന്തം നാടെന്ന കീര്‍ത്തികേട്ട നാട്ടിലെ പ്രധാന കോട്ടകളിലൊന്നും കേരളത്തില്‍ ഏറ്റവും കൂടുതല്‍ പുഴകളൊഴുകുന്ന നാട്ടിലെ പ്രധാന പുഴയും അറിയപ്പെടുന്നത്‌ ഈ പേരിലാണ്‌. ചന്ദ്രഗിരി കോട്ടയും ചന്ദ്രഗിരി പുഴയെന്നുമാണ്‌ ഇവ അറിയപ്പെടുന്നത്‌.
സമുദ്രനിരപ്പില്‍ നിന്ന്‌ നൂറ്റമ്പതോളം അടി ഉയരമുള്ളതാണ്‌ ചന്ദ്രഗിരി കോട്ട. ഏകദേശം ഏഴ്‌ ഏക്കര്‍ സര്‍ക്കാര്‍ സ്ഥലത്ത്‌ ചതുരാകൃതിയിലാണ്‌ ചന്ദ്രഗിരികോട്ട സ്ഥിതി ചെയ്യുന്നത്‌. തകര്‍ന്നുവീണ കെട്ടിടങ്ങളുടെയും മറ്റും അവശിഷ്‌ടങ്ങള്‍ മാത്രമേ ഇപ്പോള്‍ ചന്ദ്രഗിരി കോട്ടയിലുള്ളൂ. കുറച്ചൊക്കെ സര്‍ക്കാര്‍ നേതൃത്വത്തില്‍ പുനര്‍നിര്‍മ്മാണവും നടത്തിയിട്ടുണ്ട്‌. ബേക്കല്‍, ഹൊസ്‌ദുര്‍ഗ്‌, ആരിക്കാടി എന്നിവിടങ്ങളിലെ കോട്ടകളില്‍ കാണുന്നതുപോലുള്ള വലിയ കൊത്തളങ്ങള്‍ ചന്ദ്രഗിരി കോട്ടയിലില്ല. പലയിടത്തേയും കോട്ടകളിലേതുപോലെ ഒരു ഹനുമാന്‍ ക്ഷേത്രം ഈ കോട്ടയുടെ കവാടത്തിലുമുണ്ട്‌.
ചന്ദ്രഗിരികോട്ടയും ഇക്കേരി രാജാക്കന്മാരുടെ ആധിപത്യത്തിനും മുമ്പ്‌ തന്നെ നിലവില്‍ വന്നതായി സൗത്ത്‌ കാനറ മാന്വല്‍ ഒന്നാം വാള്യത്തില്‍ സ്റ്ററക്‌ രേഖപ്പെടുത്തിയിട്ടുണ്ട്‌. കവി ലിങ്കണ്ണയുടെ `കേളദി നൃപ വിജയം' എന്ന കാവ്യത്തിലും ഇക്കേരിയിലെ `ഐതിഹാസിക ഹിന്നിലെ' എന്ന കൃതിയിലും ഇക്കേരി രാജാക്കന്മാരുടെ കാലത്ത്‌ ചന്ദ്രഗിരി അടക്കമുള്ള ചില കോട്ടകള്‍ ശക്തിപ്പെടുത്തിയതായി പറയുന്നു. അത്‌ എ.ഡി. 1582-1629 കാലത്ത്‌ ഭരിച്ച ഹിരിയ വെങ്കടപ്പ നായകിന്റെ കാലത്തായിരുന്നുവത്രെ.

എ.ഡി. 1645-60 കാലത്ത്‌ ഇക്കേരി ശിവപ്പ നായക്‌ ഇവിടെ അറബിക്കടലില്‍ ദ്വീപ്‌ പോലെ ഒന്ന്‌ സ്ഥാപിച്ച്‌ ഒരു കോട്ട കെട്ടിയതായും അതിന്‌ ബസവ രാജ ദുര്‍ഗ എന്ന്‌ പേരിട്ടതായും കേളദി ഗുണ്ട ജോയ്‌സ്‌ രചിച്ച `ബിദനൂരിന കേളദി നായക്കറു' എന്ന കൃതിയില്‍ രേഖപ്പെടുത്തിയിട്ടുണ്ട്‌. ആ കോട്ട കടലില്‍ കൂടിയുള്ള ചരക്ക്‌ ഗതാഗതത്തിന്‌ ഒരു തടസ്സമായി മാറിയിരുന്നതായി ബോംബെ ഫാക്‌ടറി റിക്കാര്‍ഡുകള്‍ ഉദ്ധരിച്ചുകൊണ്ട്‌ രേഖപ്പെടുത്തിയിട്ടുണ്ട്‌.
ചന്ദ്രഗിരി കോട്ടയ്‌ക്ക്‌ കുറച്ച്‌ ദൂരെ ഇന്നത്തെ കളനാട്‌ റെയില്‍വെസ്റ്റേഷന്‌ സമീപത്തായി ചന്ദ്രഗിരി പുഴയോരത്ത്‌ തന്നെ പയോട്ട എന്ന ഒരു സ്ഥലനാമം ഉണ്ട്‌. പഴയകോട്ട എന്ന പേര്‌ ലോപിച്ച്‌ പയോട്ട എന്നായതായിരിക്കുമെന്ന്‌ പറയപ്പെടുന്നു. ഇവിടെ കോലത്തിരിയുടെ കാലത്ത്‌ കെട്ടിട കോട്ട ഉണ്ടായിരിക്കാമെന്നും പിന്നീട്‌ ആ കോട്ട ഇക്കേരി രാജാക്കന്മാരുടെ കാലത്ത്‌ അക്രമിച്ചു കീഴടക്കി പുതുക്കി പണിതതാണ്‌ ചന്ദ്രഗിരി കോട്ടയെന്നും പറയപ്പെടുന്നു.
നീണ്ട യുദ്ധങ്ങള്‍ക്ക്‌ സാക്ഷ്യം വഹിച്ച സ്ഥലമാണ്‌ ചന്ദ്രഗിരി കോട്ടയെന്നും ചരിത്രത്തില്‍ പറയുന്നു. ഇക്കേരി ശിവപ്പ നായക്‌ കോലത്തിരിയുടെ പടയെ നേരിട്ടത്‌ ഈ കോട്ട കേന്ദ്രമാക്കിയായിരുന്നുവത്രെ.1645-60 കാലഘട്ടത്തില്‍ ഇരു സൈന്യങ്ങളും തമ്മില്‍ നിരവധി തവണ ഏറ്റുമുട്ടുകയുണ്ടായി. സാമൂതിരിയുടെ പടനായകനായ ചന്ദ്രശേഖര ഗുരുക്കളുടെ നേതൃത്വത്തില്‍ ഇക്കേരി പടയെ ഒരിക്കല്‍ തുരത്തിഓടിച്ചെങ്കിലും ശിവപ്പനായക്‌ കുറച്ചുകാലങ്ങള്‍ക്ക്‌ ശേഷം കോട്ട തിരിച്ചുപിടിക്കുകയായിരുന്നു. പിന്നീട്‌ ബസപ്പ നായക്‌ ചന്ദ്രഗിരി കോട്ട പിടിച്ചെടുക്കുകയും കോലത്തിരി സൈന്യത്തെ തുരത്തിയോടിക്കുകയും ചെയ്‌തു. ചന്ദ്രഗിരി കോട്ട കീഴടക്കിയാണ്‌ മൈസൂര്‍ സുല്‍ത്താനായിരുന്ന ഹൈദരാലി കോലത്ത്‌ നാട്ടിലേക്കുള്ള പടയോട്ടത്തിന്‌ തുടക്കം കുറിച്ചത്‌. ചന്ദ്രഗിരി കോട്ടയില്‍ ഇക്കേരി നായക്കന്മാരുടെ സൈന്യത്തെ നേരിട്ട ചന്ദ്രശേഖര ഗുരുക്കള്‍ കേരളത്തിലെ പ്രബല നായര്‍ തറവാടായ കോടോത്ത്‌ തറവാടിന്റെ സ്ഥാപകനായിരുന്നുവെന്ന്‌ പറയപ്പെടുന്നു. ഇന്ന്‌ ചന്ദ്രഗിരി കോട്ടയുടെ ചില ഭാഗങ്ങള്‍ മാത്രമേ അവശേഷിക്കുന്നുവെങ്കിലും കാഴ്‌ചകള്‍ തേടി ദിനേന ഇവിടെ എത്തുന്നത്‌ ഏറെപേരാണ്‌. ഇവിടെ നിന്നുള്ള സമീപത്തെ ചന്ദ്രഗിരിപ്പുഴയുടെയും ചുറ്റുവട്ടത്തെയും കാഴ്‌ചകള്‍ ഏറെ മനോഹരമാണ്‌.
കേരളത്തിലെത്തന്നെ പ്രധാന നദികളില്‍ ഒന്നാണ്‌ ചന്ദ്രഗിരിപ്പുഴ. രണ്ട്‌ പുഴകള്‍ ഒന്നിച്ചുണ്ടായ നദിയാണിത്‌. കര്‍ണാടകയിലെ കൂര്‍ഗ്‌ ജില്ലയിലെ നിഷിനി മൊട്ടെയില്‍ നിന്ന്‌ പയസ്വിനി, ചന്ദ്രഗിരി എന്നീ പുഴകള്‍ ഉത്ഭവിച്ച്‌ പടിഞ്ഞാറ്‌ ഒഴുകി ആലൂര്‍ എന്ന സ്ഥലത്ത്‌ ഒന്നിക്കുന്നു. ആലൂരില്‍ നിന്ന്‌ വീണ്ടും ചന്ദ്രഗിരി എന്ന പേരില്‍ തന്നെ പടിഞ്ഞാര്‍ ഭാഗത്തേക്കൊഴുകി കാസര്‍കോട്‌ നഗരത്തിന്‌ തൊട്ട്‌ തെക്കുഭാഗത്തായി കടലില്‍ ചേരുന്നു. മൊത്തം 104 കിലോമീറ്റര്‍ നീളമുള്ള ഈ നദിയുടെ 50 കിലോമീറ്റര്‍ ഭാഗവും കാസര്‍കോട്ടാണൊഴുകുന്നത്‌. പഴയ തുളുനാടിന്റെയും മലയാളക്കരയുടെയും അതിര്‍ത്തിയായിരുന്നു ചന്ദ്രഗിരിപ്പുഴ.
കടലില്‍ നിന്ന്‌ 10 കിലോമീറ്റര്‍ വരെ ദൂരം ഈ പുഴയില്‍ വേലിയേറ്റമുണ്ടാവാറുണ്ട്‌. കാസര്‍കോട്‌ നഗരത്തിനും ചുറ്റുവട്ടത്തെ പല പ്രദേശങ്ങള്‍ക്കും ചന്ദ്രഗിരിപ്പുഴയുടെ സാന്നിധ്യം പ്രത്യേക സൗന്ദര്യം നല്‍കുന്നു.(published in utharadesham with jabir kunnil)

ഗതകാലപ്രൗഢിയില്‍ തലയുയര്‍ത്തി കുമ്പള

2012-10-30T00:22:00.001-07:00

ഉത്തരദേശത്തെ കാണാകാഴ്‌ചകള്‍-11

പ്രൗഢമായ രാജവാഴ്‌ചയുടെ പാരമ്പര്യം പറയാനുള്ള കുമ്പളയ്‌ക്ക്‌ രാജഭരണമൊക്കെ അവസാനിച്ചെങ്കിലും അതിന്റെ തലയെടുപ്പും പ്രൗഢിയും അവസാനിക്കുന്നില്ല. അനില്‍ കുമ്പള എന്ന ക്രിക്കറ്റ്‌ താരത്തിലൂടെ ലോകം കേട്ടറിഞ്ഞ നാട്ടുപേരാണിത്‌. കുമ്പളയില്‍ അടിവേരുള്ള കൂടുതല്‍ വിശദീകരണങ്ങള്‍ ആവശ്യമില്ലാത്ത ഈ കായികതാരത്തിലൂടെ തന്റെ രാജ്യാന്തര പ്രശസ്‌തിക്കൊപ്പം ഈ കൊച്ചു പട്ടണത്തിന്റെ പേരും ലോകത്തോളം ഉയരുകയായിരുന്നു.
കോലത്തിരി സാമ്രാജ്യത്തിന്റെ ഭാഗമായിരുന്നു കുമ്പള. കോലത്തിരി രാജ്യം ക്ഷയിച്ചപ്പോള്‍ വിജയനഗര സാമ്രാജ്യത്തിന്റെ ഭാഗമായിത്തീര്‍ന്നു. 1645ല്‍ ശിവപ്പ നായക്‌ കാസര്‍കോട്‌ പ്രദേശവും കുമ്പള ഭരണകൂടത്തിന്റെ ഭാഗമാക്കിയതോടെ രാജ്യം വിശാലമായി. മായിപ്പാടി കോവിലകമായിരുന്നു ഈ രാജ്യത്തിന്റെ ആസ്ഥാനം.
1763ല്‍ ഹൈദരലിയുടെ അധീനത്തിലാവുകയും പിന്നീട്‌ ടിപ്പുസുല്‍ത്താന്‍ മരണപ്പെടുകയും ചെയ്‌തതോടെ ഈ നാട്ടുരാജ്യം അനാഥമായി.
13-ാം നൂറ്റാണ്ടില്‍ മലബാറിലെത്തിയ ക്വിഡ്‌നിയും 1514ല്‍ ബര്‍ബോസ എന്ന പോര്‍ച്ചുഗീസ്‌ സഞ്ചാരിയും 18-ാം നൂറ്റാണ്ടില്‍ ടിപ്പുവിന്റെ പതനത്തിന്‌ ശേഷം ബ്രിട്ടീഷ്‌ കമ്പനിയുടെ കൈവശം വന്ന പ്രദേശങ്ങളെക്കുറിച്ച്‌ പഠിക്കാന്‍ ബ്രിട്ടീഷ്‌ ഗവര്‍ണര്‍ ജനറല്‍ വെല്ലസ്ലി നിയോഗിച്ച ഉദ്യോഗസ്ഥനായ ബുക്കാനര്‍ തുടങ്ങിയവരൊക്കെ കുമ്പള സന്ദര്‍ശിച്ചതായി ചരിത്രത്തില്‍ കാണാം. ഇതില്‍ ബര്‍ബോസ നീണ്ടകാലം നീണ്ടകാലം കുമ്പളയില്‍ തങ്ങി ആ പ്രദേശത്തെക്കുറിച്ച്‌ പഠിക്കുകയും രേഖപ്പെടുത്തുകയും ചെയ്‌തിട്ടുണ്ട്‌.
നിരവധി സ്‌മാരകങ്ങളും കോട്ടകളും ആരാധനാലയങ്ങളും രാജഭരണകാലത്ത്‌ ഇവിടെ സ്ഥാപിക്കുകയുണ്ടായി. അവയില്‍ പ്രധാനപ്പെട്ട ആരിക്കാടി കോട്ട ഇന്ന്‌ നാശത്തിന്റെ വക്കിലേക്ക്‌ നീങ്ങുമ്പോഴും പഴയ പ്രതാപം വിളിച്ചോതുന്നുണ്ട്‌.
യക്ഷഗാന കുലപതി പാര്‍ത്ഥസുബ്ബയ്യയുടെ നാടുകൂടിയാണ്‌ കുമ്പള. കെ. ബാലകൃഷ്‌ണന്‍ `കാസര്‍കോടന്‍ ഗ്രാമങ്ങളിലൂടെ' എന്ന പുസ്‌തകത്തില്‍ പറയുന്നതുപോലെ ഇന്ന്‌ കുമ്പള ഒരു കോസ്‌മോ പൊളിറ്റന്‍ ഗ്രാമമാണ്‌. ഭാഷകളുടെ വിളനിലം, മാര്‍വാടികളും തെലുങ്കരും തമിഴരും കന്നട സംസാരിക്കുന്നവരുമെല്ലാം തിങ്ങിപ്പാര്‍ക്കുന്ന സ്ഥലം.
അറബിക്കടലും ദേശീയപാതയും കൊങ്കണ്‍ റെയില്‍വെയുമെല്ലാം കുമ്പളയെ തൊട്ടുരുമ്മി കടന്നുപോകുന്നു. അല്ലെങ്കില്‍ കുമ്പള ഇവയോടൊട്ടി നില്‍ക്കുന്നുവെന്നും പറയാം.
മറ്റുപട്ടണങ്ങള്‍ പോലെ കുമ്പളയും കോണ്‍ക്രീറ്റ്‌ യുഗത്തിലേക്ക്‌ വഴിമാറിയ കാഴ്‌ച തുറന്നുകാട്ടുന്നുണ്ട്‌. വിദ്യാഭ്യാസ സ്ഥാപനങ്ങള്‍, ഷോപ്പിംഗ്‌ കോംപ്ലക്‌സുകള്‍, ബാങ്കുകള്‍ അങ്ങനെ പലതും അതിവേഗം മാറുന്ന കുമ്പളയുടെ മുഖഛായ തുറന്നുകാട്ടുന്നു.
പ്രസിദ്ധമായ അനന്തപുരം ക്ഷേത്രവും തൊട്ടടുത്തുള്ള കിന്‍ഫ്രയും എച്ച്‌.എ.എല്ലുമെല്ലാം കുമ്പളയുടെ പ്രൗഢിക്ക്‌ തിലകച്ചാര്‍ത്താവുന്നു. `കുമ്പളവെടി' എന്നറിയപ്പെടുന്ന ശ്രീ ഗോപാലകൃഷ്‌ണ ക്ഷേത്രത്തില്‍ നടക്കുന്ന ക്ഷേത്രോത്സവം ഈ നാടിന്റെ തന്നെ പൊതു ഉത്സവമാണ്‌. കുമ്പള, കുമ്പോല്‍ മഖാം ഉറൂസുകളും ഏറെ പ്രശസ്‌തമാണ്‌.

അനന്തപുരം
കുമ്പള-ബദിയടുക്ക റൂട്ടില്‍ നായിക്കാപ്പില്‍ നിന്ന്‌ ഒരു കിലോമീറ്റര്‍ തെക്കോട്ടുപോയാല്‍ അനന്തപുരത്തെത്താം. പ്രസിദ്ധമായ അനന്തപത്മനാഭ ക്ഷേത്രം ഇവിടെയാണ്‌. പാറപ്രദേശം വെട്ടിച്ചുണ്ടായിക്കിയ ഒരു സ്ഥലത്തിന്റെ മധ്യത്തില്‍ 800 അടിയോളം നീളവും വീതിയുമുള്ള ചതുരാകൃതിയിലുള്ള ഒരു തടാകത്തിന്റെ മധ്യത്തിലാണ്‌ ഈ ക്ഷേത്രം സ്ഥിതി ചെയ്യുന്നത്‌. കേരളത്തിലെ ഏക തടാകക്ഷേത്രമായിട്ടാണ്‌ ഇവിടം അറിയപ്പെടുന്നത്‌. ശ്രീ കോവിലിന്റെ ഭിത്തികളില്‍ കാണുന്ന കലാഭംഗിയാര്‍ന്ന ചുവര്‍ ചിത്രങ്ങള്‍ ഈ ക്ഷേത്രത്തിന്റെ മാത്രം പ്രത്യേകതയാണ്‌.
പച്ചപ്പും കുന്നിന്‍ചെരുവുകളും പാറക്കൂട്ടങ്ങളുമടങ്ങിയ വശ്യമനോഹരകാഴ്‌ചകള്‍ സമ്മാനിക്കുന്ന അനന്തപുരം പ്രധാന ടൂറിസ്റ്റുകേന്ദ്രമായി അറിയപ്പെടുന്നു.

ആരിക്കാടി കോട്ട
മംഗലാപുരം ദേശീയപാതയില്‍ കുമ്പളയില്‍ നിന്ന്‌ ഒരു കിലോമീറ്റര്‍ സഞ്ചരിച്ചാല്‍ ആരിക്കാടി കോട്ടയിലെത്താം. കോട്ടയുടെ നാടായ കാസര്‍കോട്ടെ ഏറ്റവും വടക്കേ അറ്റത്തുള്ള കോട്ടയാണിത്‌. ടിപ്പുസുല്‍ത്താന്റെ കാലത്ത്‌ കെട്ടിയതാണിതെന്നാണ്‌ പലരും വിശ്വസിച്ചുവരുന്നത്‌. കുമ്പള രാജവംശത്തിന്റെ ആസ്ഥാനത്തിനുവേണ്ടിയാണിത്‌ നിര്‍മ്മിച്ചതെന്നും പറയപ്പെടുന്നു.
എന്നാല്‍ എ.ഡി. 1608ല്‍ ഇക്കേരി ഹിരിയ വെങ്കടപ്പ നായക്‌ കെട്ടിയതാണ്‌ കുമ്പളയിലെ ആരിക്കാടി കോട്ടയെന്നാണ്‌ ചരിത്രത്തില്‍ കാണപ്പെടുന്നത്‌. കോട്ടയുടെ കവാടത്തില്‍ നായക്‌ കെട്ടിയ കോട്ടയെന്ന്‌ കന്നടയില്‍ ആലേഖനം ചെയ്‌ത ഒരു ശിലാലിഖിതം ഉണ്ടായിരുന്നുവെന്ന്‌ സൗത്ത്‌ കാനറ ഡിസ്‌ട്രിക്‌ട്‌ മാന്വല്‍ രണ്ടാം വാള്യത്തില്‍ സ്റ്റുവര്‍ട്ട്‌ രേഖപ്പെടുത്തിയിട്ടുണ്ട്‌.
ഇന്നീ കോട്ട ദ്രവിച്ച്‌ നാമാവശേഷമാവാന്‍ ഒരുങ്ങിനില്‍ക്കുമ്പോഴും പ്രധാന നിരീക്ഷണകേന്ദ്രം ഒരു കോട്ടവും കൂടാതെ നിലനില്‍ക്കുന്നു. ഇതിന്റെ മുകളില്‍ നിന്ന്‌ കാണുന്ന ചുറ്റുവട്ട കാഴ്‌ചകള്‍ ഏറെ മനോഹരമാണ്‌.

(published in utharadesham with jabir kunnil)