கோடம்பாக்கம்

அசினும் கான்களும்!!!

noreply@blogger.com (Unknown) — Mon, 05 Oct 2009 12:01:00 +0000

சல்மான் கான், ஆமிர்கான் ஆகிய இருவரும் ஒரே மாதிரியான கேரக்டர்களுடன் இருக்கிறார்கள் என்று கூறி எஸ்கேப் ஆகியுள்ளார் ஆசின்.

கோலிவுட் ஆசின் இப்போது பாலிவுட் ராணியாகியுள்ளார். முருகதாஸ் இயக்கத்தில் ஆமிர்கானுடன் அவர் ஜோடி போட்ட முதல் இந்திப் படமான கஜினி பெரும் ஓட்டம் ஓடியதால் ஆசின் குறித்து அங்கு பெரும் எதிர்பார்ப்பு ஏற்பட்டது.

தற்போது தனது 2வது இந்திப் படத்தை முடித்து விட்டார் ஆசின். சல்மான் கானுடன் இணைந்து அவர் நடித்துள்ள லண்டன் ட்ரீம்ஸ் விரைவில் திரைக்கு வருகிறது.

இந்த நிலையில் இரு கான்கள் குறித்தும் கேட்கப்பட்ட ஒரு கேள்விக்கு படு டிப்ளமேட்டிக்காக பதிலளித்துள்ளார் ஆசின்.

அவர் கூறுகையில், இருவரும் ஒரே மாதிரியான கேரக்டர்களைக் கொண்டவர்கள். அதேசமயம், வேலை பார்க்கும் ஸ்டைலில் இருவரும் வேறு வேறாக உள்ளனர்.

இருவருமே மென்மையானவர்களாக உள்ளனர், தோழமையுடன் பழகுகின்றனர். படு இயல்பாக உள்ளனர். டென்ஷனே ஆவதில்லை என்கிறார் ஆசின்.

அதேயமயம், இருவரது ஒர்க்கிங் ஸ்டைலும் வேறு மாதிரியாக உள்ளது. உதாரணத்திற்கு ஆமிர்கான் செட்டுக்கு வந்தவுடன் காட்சி குறித்து தனது சக கலைஞர்களுடன் உட்கார்ந்து ஆலோசனை நடத்துவார். ஐடியாக்கள் கொடுப்பார், திருத்தங்கள் செய்யலாமே என்று ஆலோசனை சொல்வார். காட்சியுடன் ஒன்றிணைந்து விடுவார்.

அதேசமயம், சல்மான் கான் படப்பிடிப்புக்கு வந்தவுடன் தனது காட்சியை நடித்துக் கொடுத்து விட்டு போய்க் கொண்டே இருப்பார். ஐடியா கொடுக்கவும் மாட்டார். மற்றவர்கள் ஐடியா தந்தாலும் ஏற்கவும் மாட்டார். அதேசமயம், அவரது நடிப்பில் ஒரு குறை கூட கூற முடியாது. யாரும் திருத்தமும் சொல்ல தேவையிருக்காது. அவ்வளவு முழுமையாக, கரெக்டாக இருக்கும் அவரது நடிப்பு என்றார் ஆசின்.

லண்டன் ட்ரீம்ஸ் படத்தில் சல்மான் கானுடன் அஜய் தேவ்கனும் இணைந்து நடித்துள்ளார். இப்போது அஜய் தேவ்கனின் நல்ல தோழியாகி விட்டாராம் ஆசின். அஜய் தேவ்கனிடமிருந்து நிறைய யோசனைகளை கேட்கிறாராம்.

லண்டன் ட்ரீம்ஸ் படத்தின் கதை - இரு பால்ய கால தோழர்களுக்கு (சல்மான், அஜய் தேவ்கன்) இசைத் துறையில் சாதிக்க வேண்டும் என்பது ஆசை. இருவரும் இணைந்து ஒரு இசைக் குழுவை ஆரம்பிக்கிறார்கள். அதில் நடனம் ஆடும் பெண்ணாக வந்து சேருகிறார் பிரியா (ஆசின்). பிரியா மீது இருவருக்குமே காதல் மலருகிறது. கடைசியில் என்ன ஆகிறது, நண்பர்களின் லட்சியம் நிறைவேறுகிறதா என்பதுதான் கதையாம்.

லட்சுமி ராய் இந்தியில்....!

noreply@blogger.com (Unknown) — Mon, 05 Oct 2009 10:21:00 +0000

டோணி புகழ் லட்சுமி ராய் இந்தியில் காலடி எடுத்து வைக்கிறார். இதில் அவருக்கு ஜோடி சன்னி தியோல் என பேச்சு அடிபடுகிறது. ஆனால் அப்படியெல்லாம் இல்லை என்கிறார் லட்சுமி.

லட்சுமி ராய் நடிக்கும் படங்களை விட அவரைப் பற்றி உலா வரும் வதந்திகள்தான் அதிகம். அந்த அளவுக்கு அவர் குறித்து ஏதாவது ஒரு செய்தி வந்துகொண்டுதான் உள்ளது. அவர் நடிக்கும் படத்தைத்தான் காணோம்.

இந்த நிலையில் இந்தியில் நடிக்கப் போகிறாராம் லட்சுமி ராய். இதில் அவருக்கு ஜோடி பழம் பெரும் நடிகர் சன்னி தியோல் என்கிறார்கள்.

அப்படியா என்று லட்சுமியிடம் கேட்டால், யார் தான் இப்படி கிளப்பி விடுகிறார்களோ தெரியவில்லை. நான் இந்தியில் நடிக்கப் போவது உண்மைதான். ஆனால் சன்னி தியோல் ஹீரோ இல்லை என்று கூறுகிறார் லட்சுமி.

இந்தப் படத்தின் ஷூட்டிங் அடுத்த வருடம் தொடங்கப் போகிறதாம்.

அதுக்குள்ள ஹீரோ யாருன்றதை கண்டுபிடிச்சுடலாம்.

வாலிபனில் மீனாட்சி

noreply@blogger.com (Unknown) — Mon, 24 Aug 2009 14:44:00 +0000

வாலிபன் என்று தலைப்பு வைத்துவிட்டு, சும்மா இருக்க முடியுமா... சேட்டைகளுக்கேற்ற ஒரு ஜோடி வேண்டுமே எனத் தேடிக் கொண்டிருந்தபோது, மீனாட்சியின் குத்தாட்டத்தைப் பார்த்திருக்கிறார் ஒரு வீடியோவில்.

ஆஹா நம்மை சேட்டைக்கு சரியான வேட்டை என முடிவு செய்து தனது அடிப்பொடிகளிடம் காதைக் கடித்தாராம். அது எப்படியோ பல மைல் தூரம் தள்ளி இருந்த மீனாட்சிக்கு காற்றுவாக்கில் போய்விட்டதாம்.

அவ்வளவுதான், உற்சாகத்தில் துள்ளிய மீனாட்சி, அடுத்த சில மணி நேரங்களில் சிம்புவின் முன்னால் ஆஜராகி தன் அருமை பெருமைகளையெல்லாம் ஒரு 'லைவ் டெமோவாகவே' காட்டிவிட்டாராம்.

அப்புறமென்ன... 'இந்த வாலிபனுக்கு ஜோடி நீதான்... நிம்மதியா போய்ட்டு வாம்மா' என்று உறுதியளிக்க, பார்ப்போரிடமெல்லாம், "வழக்கமா பசங்கதான் பொண்ணுங்களை பிக்கப் பண்ணுவாங்க... ஆனா நான் ஹீரோவையே பிக்கப் பண்ணிட்டேனே..." என்று நெஞ்சை நிமிர்த்திக் கொண்டு சொல்லி மகிழ்கிறாராம் அம்மணி.

இதில் ஹைலைட்... இவரைப் போல இன்னும் இரு 'மீனாட்சிகள்' இந்த வாலிபனை பின்னிப் பிணைந்து டூயட் பாடவிருப்பது அம்மணிக்கு இன்னும் தெரியாதாம்!

அர்தமுள்ள இன்னிங்ஸ்-ரீமா

noreply@blogger.com (Unknown) — Wed, 05 Nov 2008 13:00:00 +0000

ஆயிரத்தில் ஒருவன் படத்தில் ஒன்றரை வருடம் நடிக்க வைத்து டார்ச்சர் செய்தார் செல்வராகவன் என்று கூறுவதை ஏற்க முடியாது என நடிகை ரீமா சென் கூறினார்.

அவர் கூறுகையில்,

ஆயிரத்தில் ஒருவன் கதையை டைரக்டர் செல்வராகவன் என்னிடம் சொல்லும்போதே படம் முடிய நீண்ட நாட்கள் ஆகும் என்று எனக்கு தெரியும்.

அதற்கு என்னைத் தயார்படுத்திக கொண்டுதான் நடிக்கவே ஒப்புக் கொண்டேன். படம் தொடங்கி ஒன்றரை வருடம் ஆகிவிட்டது. 95 சதவீதம் படப்பிடிப்பு இதுவரை முடிந்திருக்கிறது. உண்மையிலே வித்தியாசமான வேடம்.

என் கேரியர் பெஸ்ட் படம் என்றால் அது ஆயிரத்தில் ஒருவன்தான். இன்னும் சில வாரங்களில் படப்பிடிப்பு முடிந்துவிடும்.

இந்தப் படத்தில் எனக்கும் செல்வராகவனுக்கும் ஏதோ இருப்பதாக கிசுகிசு வருகிறது. மேலும் என்னை அவர் அதிக நாள் நடிக்க வைத்து டார்ச்சர் செய்வதாகவும் கூறுவதில் உண்மையில்லை.

உண்மையில் அவர் இயக்கத்தில் நடிக்க வேண்டும் என்று நிறையபேர் ஆவலுடன் காத்திருக்கிறார்கள். அதில் நானும் ஒருத்தி.

எந்த பரபரப்பும் இல்லாமல் ஜாலியாக அவர் பாட்டுக்கு அவர் வேலையைப் பார்க்கிறார். இப்படம் முடிக்கும்வரை வேறு படங்கள் ஒப்புக் கொள்வதில்லை என நானாகத்தான் முடிவு செய்திருந்தேன்.

இந்தியில் கோவிந்தாவுடன் நான் நடித்துள்ள சல் சலா சல் விரைவில் திரைக்கு வரவுள்ளது.

ஆயிரத்தில் ஒருவனுக்குப் பிறகு என் அடுத்த இன்னிங்ஸ் இன்னும் அர்த்தத்துடன் ஆரம்பமாகும் என்கிறார் ரீமா.

'கிக்' திட்டம் நனையும் நயன்தாரா!

noreply@blogger.com (Unknown) — Mon, 28 Jul 2008 00:17:00 +0000

பழனி, பொள்ளாச்சி பகுதிகளில் படப்பிடிப்பை முடித்துவிட்டு திரும்பியிருக்கிறது வில்லு டீம். விரைவில் கேரளா அதிரம்பள்ளிக்கு செல்லவிருக்கிறார்களாம்.

இயற்கை எழில் சூழ்ந்த அதிரம்பள்ளி அருவியில் பாடல் காட்சி ஒன்றை எடுப்பதாக திட்டம். நயன்தாராவை நனையவிட்டு ரசிகர்களை 'ஹீட்'டாக்கும் இந்த 'கிக்' திட்டம் முன்பு வில்லுவின் ப்ராஜெக்டில் இல்லை.

குசேலன், சத்யம் படட்ஙகளில் நயன்தாரா கடைவிரித்திருக்கும் கிளாமரில் கிலியாகி, நாம் பின்தங்கிவிடக் கூடாதே என்ற எச்சரிக்கையில், பிறகு சேர்த்துக் கொள்ளப்பட்டதாம் இந்தப் பாடல் காட்சி.

வில்லுவை ஜில்லாக்கும் இந்த முயற்சியை வேண்டாமென்றா சொல்லப் போகிறார்கள் ரசிகர்கள்!

பி‌க் ‌பி‌க்ச‌ர்‌ஸ் in பி‌க் ‌பேர‌ம்

noreply@blogger.com (Unknown) — Sun, 27 Jul 2008 18:22:00 +0000

ம‌‌ணிர‌த்ன‌ம் ‌விரை‌வி‌ல் துவ‌ங்க‌விரு‌க்கு‌ம் பட‌த்‌தி‌ன் ‌வி‌ற்பனை உ‌ரிமை ரூ.120 கோடி‌க்கு‌ப் பேர‌ம் பேச‌‌ப்ப‌ட்டு வரு‌கிறதா‌ம். பேர‌ம் படி‌ந்தா‌ல் தெ‌ன்‌னி‌ந்‌திய மொ‌ழி ‌சி‌னிமா‌வி‌ல் அது சாதனையாக இரு‌க்கு‌ம்.

ம‌ணிர‌த்ன‌ம் த‌மி‌ழ், தெலு‌ங்கு, இ‌ந்‌தி ஆ‌கிய 3 மொ‌ழிக‌ளி‌ல் தனது பட‌த்தை உருவா‌க்கு‌கிறா‌ர். இ‌ந்‌தி‌யி‌ல் அ‌பிஷே‌க் ப‌ச்ச‌ன், ஐ‌ஸ்வ‌ர்யா ரா‌ய் நடி‌க்‌கி‌ன்றன‌ர். த‌மி‌ழ், தெலு‌ங்கு ப‌தி‌ப்‌பி‌ல் அ‌பிஷே‌க்‌கி‌ற்கு‌ப் ப‌தி‌ல் ‌வி‌க்ர‌ம். மூ‌ன்று மொ‌ழிக‌ளிலு‌ம் ஐ‌ஸ்வ‌ர்யா ராயே நாய‌கி.

த‌மி‌ழ் ப‌தி‌ப்‌பி‌ல் நடி‌க்க ‌ப்‌ரியா ம‌ணி, ‌பிரு‌த்‌விரா‌ஜ் ஆ‌கியோரு‌ம் ஒ‌ப்ப‌ந்தமா‌கியு‌ள்ளன‌ர். கேமரா ‌பி.‌சி.ஸ்ரீரா‌ம், இசை ஏ.ஆ‌ர். ரஹ‌்மா‌ன்.

இ‌ந்த‌ப் பட‌த்‌தி‌ன் மூ‌ன்று மொ‌‌ழி உ‌ரிமையையு‌ம் ரூ.120 கோடி‌க்கு வா‌ங்க அ‌னி‌ல் அ‌ம்பா‌னி‌யி‌ன் எ‌ன்ட‌ர்டெயி‌ன்மெ‌ன்‌ட் ‌நிறுவன‌ம் (‌பி‌க் ‌பி‌க்ச‌ர்‌ஸ்) முய‌ன்று வரு‌கிறதா‌ம். உறு‌தி செ‌ய்ய‌ப்படாத இ‌ந்த‌த் தகவ‌ல் உ‌ண்மையானா‌ல், அது இ‌ந்‌திய‌ச் ‌சி‌னிமா‌ ‌வி‌ற்பனை‌யி‌ல் ஒரு மை‌ல் க‌ல்லாக அமையு‌ம்.

"நமீதா பிரமாண்டம்" -பாரதிராஜா

noreply@blogger.com (Unknown) — Thu, 05 Jun 2008 09:05:00 +0000

கன்னடத்தில் 'நீலகண்டா' என்ற பெயரில் நடிகை நமீதா படுகவர்ச்சியாக நடித்த படம் மிகப்பெரிய வெற்றியைப் பெற்றது. இப்படம் தமிழில் 'பிரமாண்டம்' என்ற பெயரில் டப்பிங் ஆகியுள்ளது.

இந்த படத்தின் பாடல்கள் வெளியீட்டு விழா, ஏவி.எம். ஸ்டூடியோவில் நடைபெற்றது, பாடல்களை டைரக்டர் பாரதிராஜா வெளியிட, இசையமைப்பாளர் விஜய் ஆண்டனி பெற்றுக் கொண்டார்.

அப்போது பேசிய பாரதிராஜா, படத்தின் பெயர் 'பிரமாண்டம்' என்று இருப்பதால், படத்தில் அரங்குகள் பிரமாண்டமாக இருக்கும் என்று எதிர்பார்த்ததாகவும், பாடல் காட்சிகளைப் பார்த்த பிறகுதான் தெரிந்தது அங்கங்கள் பிரமாண்டமாக இருப்பது என்றும் குறிப்பிட்டார்.

இந்த நடிகை யார்? என்று அருகில் அமர்ந்திருந்த டைரக்டர் பேரரசுவிடம் கேட்டேன். நமீதா என்று சொன்னார். இவருடைய போட்டோக்களை நான் பத்திரிகைகளில் பார்த்து இருக்கிறேன். சரியாக பதிவானது இப்போது தான் என்றும் வானளாவப் புகழ்ந்தார் பாரதிராஜா.

பாடல் காட்சிகளில் கலை உணர்வு கலந்து பிரமாண்டம் காட்டி இருக்கிறார்கள். உறுத்தாத விஷயம் என்றார் பாரதிராஜா.

சிவமயம்

noreply@blogger.com (Unknown) — Thu, 05 Jun 2008 09:00:00 +0000

சஞ்சய்ராம் இயக்கத்தில் ஷாம் நடிக்கும் 'சிவமயம்'
பிரகாஷ் ராஜ் துரோணாச்சாரியார் மாதிரி. ஷாம் அர்ஜுனன் மாதிரி. இருவருக்கும் இடையிலான போட்டிகளும், சவால்களும்தான் சிவமயம். இயக்குனர் சஞ்சய்ராம் சொல்லும்போதே சுவாரஸ்யமாக உள்ளது.

உண்மைச் சம்பவங்களை மட்டுமே எடுப்பேன் என்று சபதம் செய்திருக்கும் சஞ்சய்ராம், புதுமுகங்களை தவிர்த்து பிரபலங்களுடன் கைகோர்த்துள்ளார்.

ஷாமிற்கு ஜோடி ஸ்ரீதேவிகா. தவிர கிளாமருக்காக மேகா நாயரும் உள்ளார். ரியாஸ்கான், 'காதல்' தண்டபாணி, ஓ.ஏ.கே. சுந்தர், சிட்டிபாபு, நெல்லை சிவா, சிசர் மனோகர், சாப்ளின் பாபு என ஏராளமானோரும் உண்டு.

ஷாம் மூன்று கெட்டப்புகளில் வருகிறாராம். அதில் ஒன்று அடர்த்தியான மீசை உள்ள கேரக்டர். ஸ்ரீதேவிகா பூவரசி என்ற கிராமத்துப் பெண்ணாக வருகிறாராம்.

இசை தினா. கதை, திரைக்கதை, வசனம், இயக்கத்துடன் பாடல்களையும் சஞ்சய்ராமே எழுதியுள்ளார்.

டென்மார்க்கில் - இள‌ம்புய‌ல்

noreply@blogger.com (Unknown) — Tue, 03 Jun 2008 09:39:00 +0000

அலைக‌ள் மூ‌வி‌ஸ் இ‌ண்ட‌ர்நேஷன‌ல்‌ தயா‌ரி‌த்து வரும் படம் `இள‌ம்புய‌ல்'.

படத்தின் பெயரை வை‌த்தே அதன் கதையை கணித்து விடமுடியும். இளம் வயதினரைக் குறிவைத்து எடுக்கப்பட்டு வரும் படம் இது.

வெ‌ளிநாடுகளில் இரு‌ந்து த‌மி‌ழகத்திற்கு வந்து ஷூட்டிங் நடத்தும் இந்தக் காலகட்டத்தில், டெ‌ன்மா‌ர்‌க்‌‌கி‌ல் தயாராகு‌ம் பட‌ம் `இளம்புயல்'.

டெ‌ன்மா‌ர்‌க் வா‌ழ் த‌மிழ‌ர் வச‌ந்‌த் தான் படத்தின் ‌ஹ‌ீரோ. நடி‌ப்புட‌ன் இசை, ‌கிரா‌‌பி‌‌க்‌ஸ் என மேலு‌ம் இரு துறைகளை கையா‌ண்டிரு‌க்‌கிறா‌ர். டெ‌ன்மா‌ர்‌க் த‌மிழ்ப் பெண்கள் விரும்பாததாலோ என்னவோ, ந‌ம்மூ‌ர் பூ‌ர்‌ணிதாவு‌ம், சு‌ஜிபாலாவு‌ம் நாய‌கி‌க‌ளாக நடித்து வருகிறார்கள். ‌கி.செ. துரை பட‌த்தை இய‌க்‌கியு‌ள்ளா‌ர்.

பட‌ம் கு‌றி‌த்த தகவ‌ல்க‌ள்...

கருணா‌ஸ் எந்தவொரு சம்பவத்தையும் அரை ம‌ணி நேரத்தில் மற‌ந்து ‌விடு‌ம் 'க‌ஜி‌னி' காமெடி‌யி‌ல் கல‌க்‌கியு‌ள்ளா‌ரா‌ம்.

இந்தப் படத்தில் ‌வி‌ல்ல‌ன் கேரக்டரில் ஸ்ரீம‌ன் நடித்துள்ளார்.

துரு‌க்‌கியை‌ச் சே‌ர்‌ந்த உ‌ல்டூ‌ஸ் எ‌ன்ற பெ‌ல்‌லி டா‌ன்சரை ஒரு பாடலு‌க்கு ஆட வ‌ை‌த்து இளமைத் துள்ளலை செதுக்கியுள்ளார்களாம்.

மேலும் புகைபடங்களுக்கு

கங்கை அமரன் இசையில் புகைப்படம்

noreply@blogger.com (Unknown) — Tue, 03 Jun 2008 09:20:00 +0000

நீண்ட இடைவெளிக்குப் பிறகு கங்கை அமரன் மீண்டும் தமிழ்த் திரைப்படத்திற்கு இசையமைக்க உள்ளார்.

மாயாபஜார் சினிமாஸ் சார்பில் என்.சி. மணிகண்டன் தயாரிக்கும் படம் `புகைப்படம்'. இயக்குனர் செல்வராகவனின் உதவியாளர் ராஜேஷ்லிங்கம், கதை, திரைக்கதை, வசனம் எழுதி இயக்குகிறார்.

அம்ஜத், சிவம், ஹரீஷ், நந்தா ஆகியோர் கதாநாயகர்களாக அறிமுகம் ஆகிறார்கள். மிருணாளினி, பிரியா, யாமினி ஹீரோயின்களாக அறிமுகமாகிறார்கள்.

பல படங்களுக்கு பாடல்கள் எழுதியும், இசையமைத்தும் புகழ்பெற்ற கங்கை அமரன், நீண்ட இடைவெளிக்குப் பிறகு இந்தப் படத்திற்கு இசையமைக்க உள்ளார்.

பாடல்களை நா.முத்துக்குமார் எழுத ஆம்ஸ்ட்ராங் ராகவன் ஒளிப்பதிவு செய்கிறார்.

கலக்கும் கமலின் வாரிசு!

noreply@blogger.com (Unknown) — Fri, 30 May 2008 10:43:00 +0000

ஸ்ருதிஹாசனின் கவர்ச்சிகரமான படங்களுடன் வெர்வ் பேஷன் இதழில் அவருடைய பேட்டி வெளியாகியுள்ளது.

கலைஞானி கமல்ஹாசனின் மூத்த மகளான ஸ்ருதி ஹாசன் இசையின் மீது தீராத காதல் கொண்டவர். இப்போது நடிப்பாசையும் தொற்றிக் கொண்டுள்ளது. அவரும், மாதவனும் இணைந்து ஒரு படத்தில் நடிப்பதாக இருந்தது. ஆனால் என்ன காரணத்தாலோ அது கை கூடாமல் போய் விட்டது, இப்போது படம் கைவிடப்பட்டு விட்டது.

இந்த நிலையில், பேஷன் இதழான வெர்வ் இதழில் ஸ்ருதியின் பேட்டி வெளியாகியுள்ளது. கூடவே இதுவரை அவர் தோன்றியிராத அளவுக்கு சற்றே கவர்ச்சிகரமான படங்களும் வெளியாகியுள்ளன.

17 வயதாகும் ஸ்ருதி, தான் கலந்து கொள்ளும் நிகழ்ச்சிகளில் எல்லாம் கண்ணைக் கவரும் வகையிலான காஸ்ட்யூம்களில்தான் வந்து போகிறார். சமீபத்தில் தசாவதாரம் பட ஆடியோ விழாவிலும் அனைவரையும் கவர்ந்தார்.

இந் நிலையில் வெர்வ் இதழில் அவருடைய கவர்ச்சிகரமான படங்கள் வெளியாகியுள்ளன.

அந்தப் பேட்டியில் கமல்ஹாசன் குறித்தும், சரிகா குறித்தும் விரிவாகப் பேசியுள்ளார் ஸ்ருதி. இசையின் மீது தனக்கு ஏற்பட்ட காதல் குறித்தும் விளக்கியுள்ளார்.

மாதவனுடன் நடிக்கவிருந்த படம் கைவிடப்பட்டதற்கு சில கிரியேட்டிவ் கருத்து வேறுபாடுகள்தான் காரணம் என்று கூறியுள்ளார் ஸ்ருதி. இருப்பினும் இந்த ஆண்டின் இறுதிக்குள் தனது நடிப்பறிமுகம் அரங்கேறும் என்று நம்பிக்கை தெரிவித்துள்ளார் ஸ்ருதி.

தசாவதாரம் - வழக்கு தள்ளுபடி!

noreply@blogger.com (Unknown) — Fri, 30 May 2008 04:55:00 +0000

நடிகர் கமலஹாசன் 10 வேடங்களில் நடித்து அடுத்த மாதம் 6ம் தேதி வெளியாகவிருக்கும் `தசாவதாரம்' படத்தை எதிர்த்து தொடரப்பட்ட வழக்கை நேற்று, சென்னை உயர்நீதிமன்றம் தள்ளுபடி செய்து விட்டது.

நீதிபதிகள் கே.வெங்கட்ராமன், எம்.சத்தியநாராயணன் ஆகியோர் அடங்கிய பெஞ்ச் விசாரணை செய்து, வழக்கை தள்ளுபடி செய்வதாக அறிவித்தது.

ஆஸ்கார் பிலிம்ஸ் சார்பில் ஆஸ்கார் ரவிச்சந்திரன் தயாரிப்பில், கே.எஸ்.ரவிக்குமார் இப்படத்தை இயக்கி உள்ளார்.

இந்த படத்தை எதிர்த்து `இன்டர் நேஷனல் ஸ்ரீவைஷ்ணவ தர்மா சம்ரக்ஷணா' சங்க தலைவர் கோவிந்த ராமானுஜதாசர், சென்னை உயர் நீதிமன்றத்தில் ஒரு மனுவைத் தாக்கல் செய்திருந்தார்.

இந்து மதத்திற்கு எதிரான அவதூறான காட்சிகள் தசாவதாரம் படத்தில் இடம்பெற்றிருப்பதாகவும், அந்த காட்சிகளை நீக்கிவிட்டுதான் படத்தை திரையிட வேண்டும் என்றும், இந்த காட்சிகளை நீக்காமல் திரையிடுவதற்கு தடை விதிக்க வேண்டும் என்றும் அவர் அதில் கோரியிருந்தார்.

இந்த வழக்கை தள்ளுபடி செய்யவேண்டும் என்று மத்திய சினிமா தணிக்கை குழு பதில் மனுவை தாக்கல் செய்தது. இயக்குனர் கே.எஸ்.ரவிக்குமாரும், பட அதிபர் ரவிச்சந்திரனும் பதில் மனுக்களை தாக்கல் செய்தனர்.

`கல்யாண சுப சமிதி' தலைவர் சாந்தா சிதம்பரமும் தசாவதாரம் படத்திற்கு எதிராக மனு ஒன்றை தாக்கல் செய்திருந்தார்.

இந்த படத்தை திரையிட வழங்கிய சான்றிதழை திரும்ப பெறவேண்டும் என்று அவர் மனுவில் கூறியிருந்தார்.

படத்தை முழுவதுமாக பார்ப்பதற்கு முன்பு, படம் இப்படித்தான் இருக்கும் என்று முடிவு செய்ய முடியாது. வெறும் யூக அடிப்படையில், கூறும் குற்றச்சாட்டு அடிப்படையில் கருத்து சுதந்திரத்தை தடை செய்ய முடியாது என்றும், தசாவதாரம் என்ற சொல்லுக்கு அறிவுசார் சொத்துரிமை கோரமுடியாது என்றும் நீதிபதிகள் தங்கள் தீர்ப்பில் குறிப்பிட்டனர்.

முழு படத்தையும் பார்க்காதபட்சத்தில் இதுபோன்ற காட்சி இருக்கிறது என்று முடிவு செய்ய முடியாது என்றும் நீதிபதிகள் கூறினார்கள்.

தீபாவளியில் 'குசேலன் 100'!

noreply@blogger.com (Unknown) — Mon, 26 May 2008 04:01:00 +0000

குசேலன் படத்தின் 100வது நாளன்று தீபாவளி வரும் வகையில் அதன் ரிலீஸ் தேதியை தயாரிப்பாளர்கள் முடிவு செய்துள்ளனராம்.

சூப்பர் ஸ்டார் ரஜினிகாந்த் நடித்து வரும் குசேலன் படம் ஜூலை 18ம் தேதி திரைக்கு வரவுள்ளது. இந்தத் தேதிக்குப் பின்னால் ஒரு சுவாரஸ்யம் அடங்கியுள்ளது.

இந்தத் தேதியில் படத்தை ரிலீஸ் செய்தால் தீபாவளி தினத்தன்று குசேலன் 100வது நாளை எட்டும். இதை மனதில் வைத்துத்தான் ஜூலை 18ம் தேதியை முடிவு செய்துள்னராம்.

இந்த ஐடியா முதலில் இயக்குநர் பி.வாசுவுக்குத்தான் தோன்றியுள்ளது. இதை ரஜினியிடம் அவர் கூறியபோது சிரித்துக் கொண்டே ஒ.கே. என்று கூறி விட்டாராம்.

இந்த நிலையில், படத்தின் பைலட் டிராக்கைப் பார்வையிட்ட ரஜினி, படம் குறித்து மிகுந்த மகிழ்ச்சி தெரிவித்தாராம். மலையாள ஒரிஜினலிலிருந்து சற்றே மாறுபட்டு தனது ரசிகர்களுக்கேற்ற வகையில் படம் வந்திருப்பதாகவும் அவர் தெரிவித்தாராம்.

குசேலன் படத்தின் இறுதிக் கட்ட படப்பிடிப்பு ராமோஜி ராவ் பிலம் சிட்டியில் ஜூன் 3ம் தேதி முதல் 15ம் தேதி வரை நடைபெரவுள்ளது. அடுத்த வாரம், இசையமைப்பாளர் ஜி.வி.பிரகாஷ் லண்டனுக்குப் பறக்கிறார். அங்கு வைத்து டிடிஎஸ் எபக்ட்டில் பாடல்களைப் பதிவு செய்யவுள்ளனராம்.

மிதுனாவுக்கு எலும்பு முறிவு

noreply@blogger.com (Unknown) — Mon, 26 May 2008 03:10:00 +0000

மாமதுரையில் அறிமுகமாகி தற்போது தீயவன் படத்தில் நாயகியாக நடித்து வரும் மிதுனாவுக்கு படப்பிடிப்பின்போது கால் தடுமாறி விழுந்து எலும்பு முறிவு ஏற்பட்டது.

மாமதுரை படத்தின் மூலம் நாயகியாக அறிமுகமானவர் மிதுனா. அதன் பின்னர் தற்போது தீயவன் என்ற படத்தில் நடித்துக் கொண்டிருக்கிறார். இதில் இரு நாயகர்கள். ஒருவர் உதய், இன்னொருவர் ரஞ்சன்.

சென்னையில் இந்த மூன்று பேரும் பங்கேற்ற பாடல் காட்சியை சமீபத்தில் படமாக்கினர். அப்போது டான்ஸ் ஒத்திகையில் மிதுனா பங்கேற்றார். அந்த சமயத்தில், திடீரென ஸ்லிப் ஆகி கீழே விழுந்தார். இதில் காலில் அடிபட்டது. வலியால் துடி துடித்தார் மிதுனா.

உடனடியாக டாக்டர்களிடம் கூட்டிச் சென்றனர். மிதுனாவுக்கு எக்ஸ்ரே எடுத்து பார்த்தபோது அவரது காலில் எலும்பு முறிந்திருந்தது தெரிய வந்தது. இதையடுத்து மிதுனாவை மருத்துவமனையில் அனுமதித்துள்ளனர். படப்பிடிப்பு நிறுத்தப்பட்டுள்ளது.

பாட்டர் பட நடிகர் கொலை

noreply@blogger.com (Unknown) — Mon, 26 May 2008 03:08:00 +0000

ஹாரி பாட்டர் பட வரிசையில் அடுத்து வரவுள்ள ஹாரி பாட்டர் அன்ட் தி ஹாஃப் பிளட் பிரின்ஸ் படத்தில் நடித்துள்ள இளம் நடிகர் ராப் நாக்ஸ், செல்போன் தொடர்பான சண்டையில் சக நண்பரால் குத்திக் கொல்லப்பட்டார்.

ஹாரி பாட்டர் பட வரிசையில் அடுத்து வரவுள்ள படம் ஹாரிபாட்டர் அன்ட் தி ஹாஃப் பிளட் பிரின்ஸ். நவம்பர் மாதம் இப்படம் திரைக்கு வருகிறது. இதில், மார்க்கஸ் பெல்பி என்கிற மாணவனாக நடித்துள்ளவர் இங்கிலாந்தின் ராப் நாக்ஸ். 18 வயதாகும் ராப் நாக்ஸ், வளரும் நடிகர், நாடகங்களிலும் நடித்து வந்தார்.

இந்த நிலையில் லண்டன் அருகே கென்ட், சிட்கப் என்ற இத்தில், ராப் நாக்ஸ் குத்திக் கொல்லப்பட்டார். அவரைக் கொன்றதாக 21 வயது வாலிபர் ஒருவர் கைது செய்யப்பட்டுள்ளார். இருவருக்கும் இடையே செல்போன் தொடர்பாக ஏற்பட்ட தகராறில் இந்தக் கொலை நடந்துள்ளதாம்.

ராப் நாக்ஸ் ரக்பி கிளப் ஒன்றில் உறுப்பினராகவும் இருந்தார். இதே கிளப்பைச் சேர்ந்த ஜிம்மி மிஸன் என்பவர் 2 வாரங்களுக்கு முன்பு இதுபோலத்தான் குத்திக் கொல்லப்பட்டார் என்பது நினைவிருக்கலாம்.

தி பில் என்ற டிவி தொடரிலும் ராப் நடித்துள்ளார். அவருக்கு மிகச் சிறந்த எதிர்காலம் உள்ளதாக இங்கிலாந்து திரைப்பட வல்லுநர்கள் கணித்திருந்தனர். இந்த நிலையில் ராப் கொல்லப்பட்டு விட்டார்.

அமெரிக்காவில் ஸ்னேகா

noreply@blogger.com (Unknown) — Mon, 26 May 2008 03:01:00 +0000

குசேலன் படத்தில் தனது காட்சிகளை முடித்துக் கொடுத்து விட்ட ஸ்னேகா, அடுத்து அச்சமுண்டு அச்சமுண்டு படத்தின் ஷூட்டிங்குக்காக அமெரிக்கா பறக்கிறார். 45 நாட்களுக்கு அங்குதான் டேராவாம்.

குசேலன் படத்தில் ஒரு பாடல் காட்சியில் ஸ்னேகா, நடிகை ஸ்னேகாவாகவே தலை காட்டுகிறார். இப்படத்தில் தனது காட்சிகளை நடித்துக் கொடுத்து விட்டாராம். இதையடுத்து தற்போது அமெரிக்கா கிளம்பியுள்ளார். கலிபோர்னியாவில் நடைபெறவுள்ள அச்சமுண்டு அச்சமுண்டு படப்பிடிப்பில் அவர் பங்கேற்கிறார். இப்படத்தின் ஷூட்டிங் அமெரிக்காவில் 45 நாட்களுக்கு நடக்கிறது.

அருண் வைத்தியநாதன்தான் இப்படத்தின் இயக்குநர். பிரசன்னாதான் நாயகன். புதிதாக திருமணமாகி மனைவியுடன், அமெரிக்கா செல்லும் சாப்ட்வேர் என்ஜீனியர் சந்திக்கும் பிரச்சினைகள்தான் படத்தின் மையக் கருத்தாகும்.

படப்பிடிப்புக்கு முன்பே ரிகர்சலுக்கு ஏற்பாடு செய்துள்ளார் அருண் வைத்தியநாதன். சமீபகாலத்தில் ஒரு இயக்குநர் இதுபோல செய்வது இதுவே முதல் முறை என்கிறார்கள். ஆனால், இப்படிச் செய்வதன் மூலம் காட்சிகளில் தத்ரூபமாக நடிக்க முடியும் என்பது அருண் வைத்தியநாதனின் வாதம்.

பிரசன்னாவை 15 நாட்களுக்கு முன்பே அமெரிக்காவுக்கு அனுப்பி வைத்து விட்டாராம் அருண். இடது கை டிரைவிங் பழக்கம் உள்ளவராக இப்படத்தில் நடிக்கிறார் பிரசன்னா. இதற்காக அங்கு தற்போது இடது கை டிரைவிங் கற்றுக் கொண்டு வருகிறாராம்.

இதற்காகத்தான் 15 நாட்களுக்கு முன்பே பிரசன்னா அமெரிக்காவுக்குப் பேக்கப் ஆகி விட்டாராம். மேலும் அமெரிக்க ஆங்கிலத்தை எப்படிப் பேசுவது என்பதிலும் டிரெய்னிங் எடுத்து வருகிறாராம் பிரசன்னா.

இதேபோன்ற பயிற்சிகள் ஸ்னேகாவுக்கும் தரப்படும். அதன் பின்னர்தான் ஷூட்டிங் பக்காவாக தொடங்குமாம்.

ஹாலிவுட் படம் போல உலகம் முழுவதும் தனது படத்ைதத் திரையிட திட்டமிட்டுள்ளார் அருண். மொத்தம் 600 பிரிண்டுகள் போடப்படவுள்ளதாம். இப்படத்தில் ஹாலிவுட் நடிக்ர ஜான் ஷியா வில்லனாக கலக்கவுள்ளாராம்.

ஸ்ருதி படம் கைவிடப்பட்டது

noreply@blogger.com (Unknown) — Mon, 26 May 2008 02:56:00 +0000

கமல்ஹாசனின் மகள் ஸ்ருதி ஹாசன்-மாதவன் இணைந்து நடிப்பதாக இருந்த படம் கைவிடப்பட்டது.

கமல்ஹாசனின் இளைய மகள் ஸ்ருதி. படு அழகாக காணப்படும் ஸ்ருதி, இசையில் நிபுணத்துவம் பெற்று வருகிறார். இசை ஆல்பங்களை உருவாக்குவதில் ஆர்வம் கொண்டுள்ள ஸ்ருதி நடிக்கவும் தீர்மானித்தார். தன்னைத் தேடி வந்த பல வாய்ப்புகளை நிராகரித்த அவர் மாதவனுடன் இணைந்து நடிக்கும் வாய்ப்பை மட்டும் ஏற்றார்.

படப்பிடிப்புக்காக அவர் தீவிரமாக தயாராகி வந்தார். தனது உடல் எடையையும் குறைத்து படு ஸ்லிம்மானார். தசாவதாரம் ஆடியோ வெளியீட்டு விழாவுக்கு அவர் கண்ணைக் கவரும் வகையில் வந்திருந்து அனைவரையும் கவர்ந்தார்.

இந்த நிலையில் ஸ்ருதி - மாதவன் நடிப்பதாக இருந்த படம் கைவிடப்பட்டு விட்டது. இதை மாதவனே உறுதிப்படுத்தியுள்ளார். தவிர்க்க முடியாத காரணத்தாலும், கிரியேட்டிவ் சைடில் ஏற்பட்ட கருத்து வேறுபாடுகளாலும் படம் கைவிடப்பட்டு விட்டதாக மாதவன் தெரிவித்துள்ேளார்.

படம் கைவிடப்பட்டது குறித்து மாதவன் கூறுகையில், படம் டிராப் ஆனதற்கான காரணங்களை முழுமையாக சொல்லும் நிலையில் நான் இல்லை. படம் இல்லை, அவ்வளவுதான் என்று கூறியுள்ளார் மாதவன்.

இருப்பினும் இப்படத்தின் தயாரிப்பாளருக்காக இன்னொரு படம் செய்யவுள்ளார் மாதவன்.

ஸ்ருதி படம் கைவிடப்பட்டாலும் கூட மாதவனுக்கு இந்தியில் இரு பெரிய படங்கள் புக் ஆகியுள்ளன. ஒன்றில் அமிதாப் பச்சனுடன் இணைந்து நடிக்கவுள்ளார். இன்னொன்றில் அமீர்கானுடன் இணைகிறார். இதில் கரீனா கபூரும் இருக்கிறார். படத்திற்கு 3 இடியட்ஸ் என்று பெயராம். நடிப்பில் சத்தாய்க்கும் அளவுக்கு செமத்தியான கேரக்டராம் மாதவனுக்கு. சந்தோஷமாக உள்ளார்.

சரி, ஸ்ருதி படம் கைவிடப்பட்டது ஏன் என்று கோலிவுட்டில் விசாரித்தபோது, ஹீரோ மாதவனுக்குப் பதில் விஜய், ஜெயம் ரவி, தனுஷ் போன்ற இளம் நாயகர்கள் யாராவது இருந்தால் நல்லது என்று ஸ்ருதி தயாரிப்பாளரிடம் அபிப்பிராயம் தெரிவித்துள்ளார். இதுதான் படம் கைவிடப்பட காரணம் என்கிறார்கள்.

உண்மை என்னவோ?

நடிகர்கள் சம்பளம் கிடுகிடு!

noreply@blogger.com (Unknown) — Mon, 26 May 2008 02:53:00 +0000

தமிழ் திரையுலகின் பெரும்பாலான குட்டி நடிகர்கள் தங்களது சம்பளத்தை படு உயரத்திற்குக் கொண்டு போயுள்ளனராம். இதனால் தயாரிப்பாளர்கள் பெரும் அதிர்ச்சி அடைந்துள்ளனர்.

தமிழ்த் திரையுலகில் முன்பெல்லாம் உச்ச நடிகர்களின் சம்பளம்தான் மகா உயரத்தில் இருக்கும். ஆனால் இப்போதெல்லாம் ஒரு படம் நன்றாக ஓடி விட்டாலே உடனடியாக சம்பளத்தை கிடுகிடுவென உயர்த்தி விடுவது வழக்கமாகி வருகிறது.

ஒரே ஒரு படத்தில்தான் நடித்துள்ளார் கர்நாடகத்தை பூர்வீகமாகக் கொண்ட வினய். உன்னாலே உன்னாலே படத்திற்கு அவர் வாங்கிய சம்பளம் ஜஸ்ட் 3 லட்சம்தான். இப்போது நடித்துக் கொண்டிருக்கும் ஜெயம்கொண்டான் படத்தில் அவரது சம்பளம் ரூ. 9 லட்சமாகும். அடுத்த படத்திற்கு இந்த சம்பளம் கிடையாதாம். ரூ. 75 லட்சம்தான் இனி அவரது சம்பளமாம்.

தமிழில் ஓரிரு படங்களில் ஹீரோவாக நடித்துள்ள கேரளத்தைச் சேர்ந்த பிருத்விராஜும் தனது சம்பளத்தை அதிரடியாக உயர்த்தி விட்டார். மொழி படத்தில் இவருக்கு 5 லட்சம்தான் சம்பளமாக கொடுத்தார்கள். ஆனால் இப்போது 5க்குப் பின்னால் ஒரு சைபரை சேர்த்து 50 கொடுங்க என்று கேட்க ஆரம்பித்திருக்கிறாராம் பிருத்விராஜ்.

அதே போல கேரளாவைச் சேர்ந்தவரும் மலையாளப் படங்களில் சொற்ப சம்பளமே வாங்கிக் கொண்டுள்ளவருமான நரேன் ரூ. 1 கோடி சம்பளம் கேட்பதுதான் திரையுலகில் அதிர்ச்சியை ஏற்படுத்தியுள்ளதாம். அஞ்சாதே படத்தின் வெற்றியால் தற்போதுள்ள 30 லட்சம் என்பதிலிருந்து 1 கோடிக்கு தனது சம்பளத்தை ஏற்றி விட்டாராம் நரேன்.

வெளியூர்க்காரர்களான இவர்களே இவ்வளவு கேட்கும்போது உள்ளூர் நாயகர்கள் எப்படி கேட்பார்கள்?. கிட்டத்தட்ட அத்தனை இளம் நடிகர்களும் கோடிகளுக்குத் தாவி விட்டார்கள்.

ரஜினி, கமல் தவிர இளம் நடிகர்களான விஜய், அஜீத், விக்ரம், சூர்யா ஆகியோர் கோடிகளில்தான் சம்பளம் வாங்கிக் கொண்டுள்ளனர். அதற்கு அடுத்த வரிசை நடிகர்களான தனுஷ், சிம்பு ஆகியோரும் கோடிகளில்தான் வாங்கிக் கொண்டிருக்கின்றனர்.

இப்போது 3வது வரிசை இளம் நடிகர்களும் கோடிகளுக்குத் தாவி விட்டனர். இவர்கள் எல்லாம் இவ்வளவு நாளாக கோடிகளுக்கு எப்போது தாவலாம் என்று காத்திருந்தனர். இப்போது தாவி விட்டனர்.

தனுஷின் தற்போதைய சம்பளம் 3 கோடியாகி விட்டதாம். சிம்புவும் தனது சம்பளத்தை 2 கோடியாக்கி விட்டாராம். கூடவே சென்னை நகர விநியோக உரிமையையும் கேட்கிறாராம்.

ஜெயம் ரவி, ஜீவா, ஜீவன், பரத், சுந்தர்.சி, நரேன், இயக்குநர் சேரன் ஆகியோர் கோடீஸ்வரர்களாகியுள்ள நடிகர்கள்.

ஜெயம் ரவி, சந்தோஷ் சுப்ரமணியம் வெற்றிக்குப் பின்னர் தனது சம்பளத்தை 1 கோடியாக்கி விட்டாராம். பரத், ஹரியின் இயக்கத்தில் நடித்து வரும் சேவல் படத்திற்கு ரூ. 75 லட்சம் வாங்கியுள்ளார். ஆனால் படம் சூப்பர் ஹிட் ஆகும் என்ற எதிர்பார்ப்பில் 1 கோடிக்குத் தாவியுள்ளார்.

நேற்று ஹீரோவான சுந்தர்.சி.யின் இன்றைய சம்பளம் ரூ. 1 கோடியாகும். தான் நடித்து வரும் படங்கள் தொடர்ந்து ஹிட் ஆவதால், சம்பள உயர்வு என்று சுந்தர்.சி. காரணம் கூறுகிறார்.

ஹீரோக்கள் இப்படி சம்பளத்தை உயர்த்தி விட்டதால், நாமும் உயர்த்த வேண்டியதுதான் என்று நடிகைகள் யோசிக்கத் தொடங்கியிருக்கிறார்களாம்.

நடிகர், நடிகையரின் இந்த சம்பள முடிவால் தயாரிப்பாளர்கள் கதி கலங்கியுள்ளனர். ஆனால் இந்தக் கலக்கமெல்லாம் சாதாரண தயாரிப்பாளர்களுக்குத்தான். படத் தயாரிப்பில் ஈடுபட்டுள்ள பெரிய பெரிய கார்ப்பரேட் நிறுவனங்கள் இதுகுறித்து பெரிதாக அலட்டிக் கொள்ளவில்லை என்று தெரிகிறது.

மறுபடியும் சிந்து துலானி

noreply@blogger.com (Unknown) — Mon, 26 May 2008 02:43:00 +0000

அட்டகாச அழகு அபரிதமிதமாக இருந்தும் சரியாக கிளிக் ஆகாமல் போன சிந்து துலானிக்கு மறுபடியும் ஒரு வாய்ப்பு கிடைத்துள்ளது. எஸ்.ஏ.சந்திரசேகரன் இயக்கத்தில் புதிய படம் ஒன்றில் நாயகியாக நடிக்கவுள்ளார் சிந்து துலானி.

தனுஷ் அதிரடி நாயனாக நடித்த, ரமணா இயக்கத்தில் உருவான சுள்ளான் படம் மூலம் தமிழுக்கு வந்தவர் சிந்து துலானி. நிறையக் கவர்ச்சி காட்டியும் சிந்து தேறவில்லை. படமும் போணியாகவில்லை. இதனால் ராசியில்லாத நடிகையாக மாறினார் சிந்து.

இந்த நிலையில் எஸ்.ஏ.சந்திரசேகரன் இயக்கத்தில் உருவாகவுள்ள புதிய படத்தில் தனி நாயகியாக நடிக்கவுள்ளார் சிந்து துலானி. சத்தம் போடாதே படத்தில் வில்லத்தனம் காட்டி கலக்கிய நிதின் சத்யா நாயகனாக நடிக்கவுள்ளார்.

ஸ்டீவன் ஸ்பீல்பெர்க்கின் கேட்ச் மி இஃப் யூ கேன் என்ற ஹிட் படத்தின் தழுவலாம் இப்படத்தின் கதை.

முதலில் இப்படத்தின் நாயகியாக மல்லிகா கபூரை போடத் திட்டமிட்டார் சந்திரசேகரன். ஆனால் கடைசி நேரத்தில் தனது எண்ணத்தை மாற்றிக் கொண்டு சிந்து துலானியை நாயகியாக்கி விட்டார்.

சிந்துவுக்கு சந்திரசேகரனின் படமாவது பிரேக் கொடுக்கட்டும்.

காதல் என்றால் என்ன? - விமர்சனம்

noreply@blogger.com (Unknown) — Sun, 25 May 2008 19:04:00 +0000

கவர்ச்சியை மட்டுமே நம்பி இரண்டரை மணி நேரம் ஓடக் கூடிய ஒரு படத்தை எடுக்க வேண்டும் என்ற முடிவோடு இயக்குனர் இந்தப் படத்தை எடுத்திருப்பார் போலும்.

பரத நாட்டிய ஆசிரியையாக வரும் தியா-வின் அழகில் மயங்காதவர்களை இல்லையாம். வயது வித்தியாசமின்றி எல்லா ஆண்களும் தியாவின் உடற்கட்டில் கிறங்கிப் போகிறார்கள்.

மிக அதிகமாக உணர்ச்சிவசப்பட்ட இளைஞன் ஒருவன், தியாவுக்கு நடுரோட்டில் வலுக்கட்டாயமாக முத்தம் கொடுக்க, பிரச்சினை போலீஸ் வரை சென்று விடுகிறது.

காவல்நிலையத்தில் இன்ஸ்பெக்டர் சரண்ராஜூம் விதிவிலக்கு நபராக இல்லாமல் மயங்கிப் போகிறார். முத்தம் கொடுத்த இளைஞனை அடித்தே கொல்வதுடன், தியாவை அடையத் துடிக்கிறார். தியாவை கடத்திச் சென்று வீட்டுச் சிறையில் வைக்கிறார்.

தியாவை வீரா காதலிப்பது தெரிய வருகிறது. இதனால் வீராவைத் தீர்த்துக்கட்ட திட்டமிடுகிறார் இன்ஸ்பெக்டர் சரண்ராஜ். அவரிடமிருந்து தியாவை வீரா மீட்டாரா? தியா - வீரா ஜோடி இணைந்ததா என்பதே க்ளைமாக்ஸ்.

படத்தில் வீராவா, சரண்ராஜா யார் ஹீரோ என்ற ரீதியில் கதை நகர்கிறது. நீண்ட இடைவெளிக்கு பிறகு மீண்டும் வில்லனாக வந்து உறுமுகிறார் சரண்ராஜ். உடலில் மிடுக்கு தெரிந்தாலும் வயதை மறைக்க முடியாமல் முகத்தில் பளிச்சிடுகிறது.

இந்தப் படத்துடன் தியா திருமணம் செய்து கொள்ளப்போவதால், அவருக்கு கடைசிப் படமாம். அதனால்தானோ என்னவோ அநியாயத்திற்கு கவர்ச்சியை வாரி இறைத்திருக்கிறார் ரசிகர்களுக்கு. ஒரு குளியல் காட்சியும் இதில் அடக்கம்.

பரதம் கற்றுத் தரும் காட்சியில் நளினத்தையும், சரண்ராஜிடம் சிக்கி தவிக்கும்போது சோகத்தையும் கூட அழகாக வெளிப்படுத்தியுள்ள தியாவிற்கு சொல்லலாம் சபாஷ்.

நாயகனாக வரும் வீரா, தடுமாறுகிறார். சண்டைக் காட்சிகளில் சினிமாத்தனம் வெளிப்படுகிறது. காதல் காட்சிகளில் மட்டும் புகுந்து விளையாடி இருக்கிறார்.

மயில்சாமி, சிங்கமுத்து, காளிமுத்து கோஷ்டியினர் நம்மை சிரிக்க வைப்பதற்காக மிகவும் சிரமப்பட்டுள்ளனர். சிரிப்புதான் வரமாட்டேன்கிறது.

'அலையடிக்குது' என்ற ஏடாகூடமான படத்தின் மூலம் ரசிகர்களை கிறங்கடித்த இயக்குனர் காளிமுத்துதான் இந்த படத்தையும் இயக்கியிருக்கிறார்.

`கவர்ச்சி என்றால் என்ன' என்று ரசிகர்களிடம் கேட்கும் விதமாக படத்தை இயக்கியுள்ளார். இளவயதினரை ஈர்க்கும் படம்.

பறிகொடுத்து விட்டேன்- தேஜாஶ்ரீ

noreply@blogger.com (Unknown) — Sat, 24 May 2008 16:15:00 +0000

`நடிகை', `பிரம்மதேவா' படங்களில் நடித்து வருபவர் தேஜாஶ்ரீ. பீகார் தலைநகர் பாட்னாவில் கடந்த சில தினங்களுக்கு முன் நடைபெற்ற கலைநிகழ்ச்சியில் நடனம் ஆடி விட்டு டெல்லி திரும்பினாராம்.

டெல்லி விமான நிலையத்தில் செக் அவுட ஆகும் போது தமது பொருட்களை வைத்து விட்டு இழுவை வண்டியில் தள்ளிக் கொண்டு வந்தாராம். அப்போது தான் செல்போனை தேடியுள்ளார். அது அவரிடம் இருந்து பறிபோய் இருந்தது.

20 ஆயிரம் ரூபாய் கொடுத்து வாங்கிய செல்போனை தொலைத்த கையோடு ஏர்போர்ட் போலீசாரிடம் பறிபோனது குறித்து புகார் செய்தாராம் தேஜாஶ்ரீ .

பேராண்மை - 5 நாயகிகள்

noreply@blogger.com (Unknown) — Sat, 24 May 2008 15:27:00 +0000

ஜெயம்ரவி படம் என்றாலே குடும்பம், பாசம், சென்டிமென்ட் படம் என்றாகி விட்டது. இதையெல்லாம் முறியடிக்கும் வகையில் தான் நடிக்கும் `பேராண்மை' அமையும் என்கிறார் ஜெயம்ரவி.

கேரக்டருக்காக உடலையும், மேனரிசத்தையும் மாற்றிக் கொள்வது என்பது பற்றி, தாம் தற்போதுதான் உணர்ந்ததாகக் கூறுகிறார்.
வன அதிகாரியாக ஜெயம்ரவி நடிக்க ஜனநாதன் கதை, திரைக்கதை, எழுதி இயக்குகிறார். தான் நடித்த படங்களிலேயே அதிக பட்ஜெட்டில் உருவாகும் படமாம். பேராண்மைக்காக ரூ. 9 கோடி பட்ஜெட்டாம். இந்தத் தொகை அதிகரித்தாலும் ஆச்சரியமில்லை என்கிறார்.

ஐங்கரன் மூவிஸ் இந்தப் படத்தைத் தயாரிக்கிறது. தனது அண்ணன் இயக்கத்திலேயே நடித்து வருவதால், தனக்கென்று தனி பாணி இல்லாமல் போய்விடும் என்பதை ஜெயம்ரவி மறுக்கிறார். நம்புவோமாக

*___________________________*
ஜெயம் ரவியின் பேராண்மை படத்திலிருந்து இளம் நடிகை அக்ஷயா விலகி விட்டார்.

கோவில்பட்டி வீரலட்சுமி படத்தில் சிம்ரனின் தங்கையாக நடித்து அறிமுகமானவர் அக்ஷயா. அதில் அவர் சரிவர அடையாளம் கண்டு கொள்ளப்படவில்லை. ஆனால் கலாபக் காதலன் படத்தில் அக்கா புருஷன் மீது மோகம் கொண்ட பெண்ணாக வந்து கவர்ச்சி காட்டி
அனைவரையும் ஈர்த்தார்.

அதேபோல பழனியப்பா கல்லூரியிலும் கவர்ச்சிகரமாக நடித்திருந்தார். இந்த நிலையில் எஸ்.பி.ஜனநாதனின் பேராண்மை படத்தில் நடிக்க ஒப்பந்தமாகியிருந்தார் அக்ஷயா. படத்தில் ஜெயம் ரவிதான் நாயகன். அவருக்கு இப்படத்தில் ஐந்து ஜோடிகள். அவர்களில் ஒருவராக அக்ஷயா புக் ஆகியிருந்தார்.

இப்படத்தில் அக்ஷயாவை ஒப்பந்தம் செய்தபோதே, வேறு படத்தில் ஒப்பந்தமாகக் கூடாது என்ற நிபந்தனையுடன்தான் ஒப்பந்தம் செய்திருந்தாராம் ஜனநாதன். முதலில் இதை ஏற்றுக் கொண்டார் அக்ஷயா. ஆனால் படப்பிடிப்பு முடிய 10 மாதங்களாகும் என்று தெரிய வந்தபோது குழப்பமாகி விட்டார்.

இதையடுத்து படத்திலிருந்து விலக முடிவு செய்து அதை ஜனநாதனிடமும் தெரிவித்து விட்டாராம்.

இதுகுறித்து அக்ஷயா கூறுகையில், நான் பேராண்மை படத்திலிருந்து விலகியுள்ளேன். 8 மாதங்கள் மொத்தமாக கால்ஷீட் தர வேண்டும் என இயக்குநர் கேட்டார். ஆனால் தற்போது தெலுங்குப் படம் ஒன்றிலும், 2 தமிழ்ப் படங்களிலும் நடித்துக் கொண்டுள்ளேன். இதுதவிர விக்ராந்த்துடன் ஒரு படத்தில் நாயகியாகவும் ஒப்பந்தமாகியுள்ளேன்.

இயக்குநர் ஜனநாதனின் நிபந்தனைக்கு நான் கட்டுப்பட்டால் இத்தனை வாய்ப்புகளையும் இழக்க நேரிடும். பேராண்மை படம் என்னைப் போன்ற சிறிய நடிகைகளுக்குப் பெரிய வாய்ப்புதான். இருந்தாலும், ஒரு படத்திற்காக ஐந்து நல்ல படங்களை இழக்க நான் விரும்பவில்லை. எனவேதான் விலகி விட்டேன் என்றார்.

தசாவதாரம் ரிலீஸ்!!

noreply@blogger.com (Unknown) — Wed, 21 May 2008 19:58:00 +0000

மிகவும் பரபரப்பாக எதிர்பார்க்கப்பட்டு வந்த `தசாவதாரம்' ரிலீஸ் தேதி அறிவிக்கப்பட்டு விட்டது. அடுத்த மாதம் (ஜூன்) 6-ம் தேதி தசாவதாரம் வெளியிடப்படுவதாக படத்தின் தயாரிப்பாளர் ஆஸ்கார் ரவிச்சந்திரன் தெரிவித்துள்ளார்.

விஷ்ணுவின் 10 அவதாரங்களைக் குறிக்கும் விதமாக பத்து மாறுபட்ட தோற்றத்தில் நடிகர் கமல்ஹாசன் நடித்து, கே.எஸ். ரவிக்குமார் இயக்கியுள்ள படம் `தசாவதாரம்'.

இந்தப் படத்தை வேறுவேறு நாடுகளில், பல்வேறு கால கட்டங்களில் நடப்பது போன்ற கதையை எடுக்க வேண்டி வந்ததாலேயே படம் முடிவதற்கு 2 ஆண்டுகள் ஆகி விட்டதாக ரவிச்சந்திரன் குறிப்பிட்டார்.

தமிழ், தெலுங்கு, ஹிந்தி ஆகிய மொழிகளில் சுமார் ஆயிரம் பிரிண்டுகளுடன் தசாவதாரம் வெளியிடப்படுகிறது. இதுவரை இந்த அளவு பிரிண்டுகள் எந்தப் படத்திற்கும் போடப்பட்டதில்லையாம்.

தசாவதாரம் ட்ரெயிலரைப் பார்க்க...

தவிர முதல் முறையாக ஒரு இந்திய திரைப்படம் உலக அளவில் அதிக மையங்களில் திரைக்கு வருகிறது. அமெரிக்காவில் 60 மையங்களிலும், மலேசியாவில் 70 மையங்களிலும், சிங்கப்பூரில் 5, இலங்கையில் 25, துபாயில் 8, தென் ஆப்பிரிக்காவில் 4, கனடாவில் 18, லண்டனில் 25, ஆஸ்திரேலியாவில் 5, பிரான்சில் 2 மையங்களிலும் தசாவதாரம் திரையிடப்படுகிறது.

தசாவதாரம் படத்தைப் பொறுத்தவரை மிகவும் ரசிக்கக்கூடிய வகையில் இருக்கும் என்று கூறிய ஆஸ்கார் ரவிச்சந்திரன், படத்தின் கதையைக் கேட்டதுமே தாம் தயாரிப்பதற்கு ஒப்புக் கொண்டதாகவும், கமலைத் தவிர வேறு எந்த நடிகராலும் இதுபோன்ற பங்களிப்பைத் தந்திருக்க முடியாது என்றும் குறிப்பிட்டார்.

தசாவதாரம் படத்தை தயாரிக்க எனக்கு வாய்ப்பளித்த கமலுக்கு தனது நன்றியையும் அவர் தெரிவித்துக் கொண்டார்.

வழக்கமாக தனது ஒவ்வொரு படம் ரிலீஸாகும் போதும் சென்னையில் உள்ள ஆயிரம் ஏழைக் குழந்தைகளுக்கு உணவு அளித்து வருகிறார். அதேபோன்று தசாவதாரம் படம் வெளியாகும் நாளிலும் ஆயிரம் பேருக்கு உணவு அளிக்க உள்ளாராம்.

மேலும் தனது அனைத்து படங்களின் பெட்டியையும் ரீலிஸ் தேதிக்கு முன்தினம் திருப்பதி திருமலை வெங்கடேசப் பெருமாள் கோயிலுக்கு எடுத்துச் சென்று, சாமியின் முன் வைத்து ஆசி பெற்றுத் திரும்புவதையும் வழக்கமாகக் கொண்டுள்ளார் ரவிச்சந்திரன்.

வாரந்தோறும் திருப்பதி செல்வதாகவும், எந்தப் படத்தையும் திருப்பதி திருமலை பெருமாளின் ஆசி பெறாமல் ரிலீஸ் செய்வதில்லையாம்.

தசாவதாரம் வெளியான பிறகு, சினிமா வரலாற்றில் மிகப்பெரிய வரலாற்றை ஏற்படுத்தும் என்றும், இப்படம் ஒரு சினிமாவுக்கே ஒரு என்சைக்ளோபீடியாவாக அமையும் என்றும் ஆஸ்கார் ரவிச்சந்திரன் பெருமையுடன் கூறுகிறார்.

'ரப் நே...' இன்னொரு 'தில்வாலே...': ஷாருக் நம்பிக்கை

noreply@blogger.com (Unknown) — Wed, 21 May 2008 04:22:00 +0000

ரசிகர்களின் உள்ளத்தை கொள்ளை கொண்ட பாலிவுட் மெகா ஹிட்டான 'தில்வாலே துல்ஹனியா லே ஜாயங்கே' படத்துக்கு பிறகு 12 ஆண்டுகள் கழித்து மீண்டும் ஆதித்யா சோப்ரா இயக்கத்தில் ஷாரூக் கான் நடிக்கின்றார். இது இன்னொரு தில்வாலே .. வாக அமையும் என்று நம்பிக்கை தெரிவித்துள்ளார் ஷாருக்.

யாஷ் ராஜ் நிறுவனம் தயாரிப்பில் ஆதித்யா சோப்ரா இயக்கிவரும் 'ரப் நே பனா தி ஜோடி' என்ற புதிய படத்தில் நாயகனாக ஷாரூக் நடிக்கின்றார். இதில் அவருக்கு ஜோடியாக 19 வயதான பெங்களூர் மாடல் அழகி அனுஷ்கா ஷர்மா நடிக்கிறார்.

கடந்த எட்டு ஆண்டுகளாக எந்த படத்தையும் இயக்காமல் இருந்த இயக்குநர் ஆதித்யா சோப்ரா, தனது ரீ என்ட்ரியை, ஷாருக் மூலம் தொடங்குகிறார்.

ரப் நே பனா தி ஜோடி படத்தின் முதல்நாள் சூட்டிங்கில் ஷாரூக், அனுஷ்கா இடம் பெற்ற காட்சிகளை ஆதித்யா இயக்கினார். பஞ்சாபி கிராமப் பெண் வேடத்தில் அனுஷ்கா ஏற்றுள்ளார்.

முன்னதாக இந்த படத்தில் ஷாரூக்கின் ஜோடியாக நடிகர் அனில் கபூரின் மகள் சோனம் கபூர் நடிக்கவுள்ளதாக கூறப்பட்டது. ஆனால் இதை தயாரிப்பாளர் யாஷ்ராஜ், சோனம் கபூர் மறுத்தனர். கடைசியில் பெங்களூர் மாடல் அனுஷ்கா, ஷாருக் ஜோடியானார்.

படம் பற்றி ஷாரூக் கூறுகையில், யாஷ்ஜி, ஆதி இருவருமே எனக்கு நல்ல பாத்திரங்களை எப்போதுமே தருவார்கள். அந்த பாத்திரங்கள்மூலம்தான் உலகம் முழுவதுமுள்ள ரசிகர்களின் அன்பையும் ஆதரவையும் பெற்றேன்.

இந்த புதிய படத்தின் மூலம் தில்வாலே துல்ஹனியா லே ஜாயங்கே படத்தில் எனது நடிப்புக்குக் கிடைத்த புகழ் மீண்டும் எனக்குக் கிடைக்கும் என்பது உறுதி என்றார்.

'மை ஃபேர் லேடி' என்ற ஹாலிவுட் வெற்றிப்படத்தின் திரைக்கதையை தழுவி ரப் நே பனா தி ஜோடி எடுக்கப்படுவதாகவும் பாலிவுட்டில் பேசப்படுகிறது.

வரும் டிசம்பர் மாதத்துக்குள் இந்த படத்தின் வேலைகள் முடிந்துவிடும் என்று தெரிகிறது. ஆதித்யாவின் அறிமுகப்படமான தில்வாலே துல்ஹனியா லே ஜாயங்கே அவருக்கு மட்டுமல்லாமல் ரசிகர்களின் இதயம் கவர்ந்த காதல் மன்னனாக ஷாரூக் கானுக்கும் பெயர் வாங்கித் தந்தது.

அதற்குப் பிறகு நடிகை ராணி முகர்ஜியுடன் ஜோடி சேர்ந்து நடித்த பல படங்கள் சூப்பர் ஹிட்டானதால் இந்தி படவுலகின் முன்னணி காதல் மன்னனாகவே ஷாரூக் நிலைத்துவிட்டார்.

அவரது 'தில்வாலே...' படம் மும்பையில் உள்ள மராத்தா மந்திர் என்ற தியேட்டரில் கடந்த 1995ல் வெளியானதில் இருந்து இத்தனை வருடமாக தொடர்ந்து ஓடிக்கொண்டிருப்பது குறிப்பிடத்தக்கது. அந்த படத்துக்கு இன்னும் ரசிகர்கள் கூட்டம் ஓயவில்லை என்கிறார்கள்.

கனிகாவுக்கு கல்யாணம்

noreply@blogger.com (Unknown) — Wed, 21 May 2008 04:13:00 +0000

பைவ் ஸ்டார் நாயகி கனிகாவுக்கு திருமணம் நிச்சயமாகியுள்ளது. சாப்ட்வேர் என்ஜீனியரான ஷியாம் ராதாகிருஷ்ணனை ஜூன் 16ம் தேதி அவர் கைப்பிடிக்கிறார்.

இது நடிகைகளின் திருமண காலம். சில நடிகைகளுக்கு திருமணம் முடிந்துள்ளது, சிலருக்கு அதுதொடர்பான பேச்சுக்கள் சூடு பிடித்துள்ளன. இந்த வரிசையில் கனிகாவும் சேருகிறார்.

சுசி.கணேசன் இயக்கத்தில் உருவான பைவ் ஸ்டார் படத்தில் நாயகியாக அறிமுகமானவர் இந்த மதுரை மல்லி. பைவ் ஸ்டார் படத்திற்குப் பின்னர் தனி நாயகியாக பரிமளிக்கக் கூடிய வாய்ப்பு அவருக்குக் கிடைக்கவில்லை. வரலாறு, ஆட்டோகிராப், எதிரி உள்ளிட்ட படங்களில் சிறந்த நடிப்பை வெளிப்படுத்தக் கூடிய வாய்ப்பு அவருக்குக் கிடைத்தது.

தற்போது பழசிராஜா மலையாளப் படத்தில் மம்முட்டியுடன் முக்கிய வேடத்தில் நடித்துக் கொண்டிருக்கிறார் கனிகா. இடையில் பட வாய்ப்புகள் தொய்வடைந்திருந்த போது சன் டிவியில் ஒளிபரப்பான தங்க வேட்டை நிகழ்ச்சியையும் தொகுத்தளித்தார் கனிகா.

இந்த நிைலயில், கனிகாவுக்கு திருமணம் நிச்சயமாகியுள்ளது. மாப்பிள்ளை ஷியாம் ராதாகிருஷ்ணன் சாப்ட்வேர் என்ஜீனியர். அமெரிக்காவில் பணியாற்றுகிறார். ஜூன் 16ம் தேதி கல்யாணம்.

சென்னை மகாலிங்கபுரத்தில் உள்ள திருமண மண்டபத்தில் கல்யாணம் நடைபெறவுள்ளது. அதே இடத்தில் ஜூன் 15ம் தேதி பிரமாண்ட வரவேற்புக்கும் ஏற்பாடு செய்யப்பட்டுள்ளதாம்.

கங்கிராட்ஸ் கனிகா.