தோழமை

அழகூட்டும் மாஸ்க் கருவி...போட்டோசாப்.

noreply@blogger.com (தோழன்) — Sun, 15 Aug 2010 02:53:56 PDT

நான் பதிவிட்டு பல வாரங்கள் ஆகிவிட்டது. இத்தேக்க நிலை இனிமேல் வராமல் பார்த்துக் கொள்வேன்.. சரி..

போட்டோசாப்பில் மிக மிக முக்கியமான கருவி மாஸ்க் ,அதாவது படத்திற்கு முகமுடியிட்டு அழகு படுத்தப்போகிறோம். இக்கருவி பழக்கமாகிவிட்டால் பல அழகிய கவித்துவம் மிக்க படங்களை உருவாக்கலாம். கீழே உள்ள படங்கள் இவ்வாறு உருவாக்க பட்டவைகளே. முதலில் இதை பார்த்துக் கொள்ளுங்கள்.

படம்.1. போட்டோசாப்பில் இரண்டு படங்களை திறந்துள்ளேன்.

இரண்டு படங்களை மாஸ்கின் உதவியால் ஒட்டப்போகிறேன். இம்முறையில் ஒட்டிய வடிவத்தை பார்க்கமுடியாது.. ஒன்றுடன் ஒன்று இழைந்து காணப்படும்....

படம்.2. இப்படத்தில் ரோஜாக்கள் உள்ள படத்தின் மீது குழந்தையின் படத்தை காப்பி & பேஸ்ட் முறையில் ஒட்டியுள்ளேன்.

இந்நிலை லேயர் விண்டோவில் தெரிகிறது..

படம்.3. குழந்தையுள்ள படத்தின் மீது தான் மாஸ்க் உண்டாக்கப்
போகிறோம். அதற்கு எளிய வழி இவ்விண்டோவில் எப் அய்க்கானுக்கு பக்கத்தில் உள்ள சதுர வடிவ வட்டத்தினை கிளிக் செய்ய மாஸ்க் தோன்றிவிடும்.

படம்.4. டூல் பாரில் உள்ள கிரேடியன் தேர்வு செய்ய வேண்டும். கிரேடியன் வண்ணம் கருப்பில் இருந்து வெள்ளைக்கு செல்வதாகவே இருக்க வேண்டும்.

இதை தேர்வு செய்ய வேண்டும். பிறகு மாஸ்க் மீது ஒரு கிளிக் செய்யுங்கள்.. அடையாளப்படுத்தியுள்ளேன்.

படம்.5.

இவ்விடத்தில் மிக மிக முக்கியமான இடம்.. முதலில் லேயரில் நமது தேர்வு இருப்பதை உறுதி செய்து கொள்ள வேண்டும். பிறகு மறைக்க வேண்டிய இடத்தில் கிரேடியன் தேர்வை அழுத்தி இழுக்க படம் இழைந்து மறையும்.. எவ்வளவு தூறம் மறைய வேண்டும் என்பதை உங்களின் தேர்வை பொருத்தே அமையும்...

இப்போது மாஸ்கை பார்த்தால் கருப்பு வெள்ளை தோற்றம் பதிவாகியிருக்கிறது.. நமக்கு வேண்டிய தோற்றம் கிடைத்தவுடன் சேமியுங்கள்.. நீங்கள் இக்கருவியில் பழகிவிட்டால் நல்ல நல்ல வாழ்த்து அட்டைகளை உண்டாக்கலாம்..

இவை என்னால் இம்முறையில் உண்டாக்கப்பட்டவையே...

பழகப் பழக 2-3 மாஸ்குகளை பயன்படுத்துங்கள்...

குழந்தையின் தடுப்பூசி நாளை நினைவூட்டும் வலைத்தளம்

noreply@blogger.com (தோழன்) — Thu, 08 Jul 2010 08:29:26 PDT

பரபரப்பான வாழ்க்கை முறை... எந்திர மயமான உலகம். இதில் நமது குழந்தைகளுக்கு தடுப்பூசி போட்டு பாதுகாப்பது முக்கியமானப் பணி..

18 மாதம் முடிவதற்குள் 6 தவணை தடுப்பூசி மருந்துகள் போடப்பட வேண்டும்.

இத்தளத்தில் 18 மாதத்திற்குள் உள்ள குழந்தையின் பிறந்தத் தேதியினை பதிவு செய்தால் எந்தந்த நாளில் தடூப்பூசி போடவேண்டும் என்று காட்டுகிறது.

நமக்கு நினைவூட்ட செல் பேசி எண்ணையோ அல்லது மின்னஞ்சல் முகவரியையோ பதிவு செய்தால் காலத்தே நமக்கு நினைவூட்டுகிறது.

வலைத்தளம் : வாக்சிடேட்

உங்களுக்கு தெரிந்தவர்களுக்கும் இத்தளத்தை நீங்கள் பரிந்துரைக்களாம்.

பிரதிபலிப்பு படங்கள்/எழுத்துருக்கள் உருவாக்கா.... போட்டோசாப்.

noreply@blogger.com (தோழன்) — Sun, 04 Jul 2010 18:46:08 PDT

கண்ணாடிப் போன்ற தோற்றம், நிழல் தோற்றம் போன்ற படங்களை உருவாக்கப் பார்ப்போம்.

படம்.1. வருக என தட்டச்சு செய்து ஒரு கோப்பை போட்டோசாப்பில் திறந்துள்ளேன்.

படம்.2. டெக்ஸ்ட் என்ற லேயரை காப்பி செய்ய வேண்டும். அதற்கு லேயர் விண்டோவில் உள்ள கீழே மடிந்த தாள் போன்ற ஐக்காணின் மீது இழுத்து போடுங்கள்.

பிறகு டெக்ஸ்ட் காப்பி லேயர் உருவாகிவிட்டது. இதற்கு நாம் தலை கீழ் தோற்றாம் கொடுக்க...

Edit----Transform---Filp Vertical

தேர்வு செய்ய வேண்டும்.

படம்.3.

காப்பி செய்த லேயர் பழைய லேயரின் மீது தலைகீழ் தோற்றம் உருவாகியுள்ளது. நான் குழப்பம் வராமல் இருக்க ரிவர்ஸ் என்று பெயரிட்டுள்ளேன்.

படம்.4. ரிவர்ஸ் (அதாவது காப்பி செய்த லேயரை) டெக்ஸ்டை டிராக் செய்து கீழே இழுத்துள்ளேன்.

படம்.5.

இனி நமது விருப்பமே. பில்டருக்கு சென்று பிலர்---காசியன் பிலர் சென்று எபெக்ட் கொடுத்துள்ளேன்.

படம்.6. இதற்கே மீண்டும் ஒரு மாற்றம் செய்ய..

பில்டர்—டிஸ்டோர்ட்-ரிப்பில்

மாற்றம் செய்ய நீரில் அலைத்தோற்றத்தில் மாறும்.

படம்.7.

அலை தோற்றத்தின் ஊடே படம் தோன்றுகிறது.

படம்.8. இதைப்போலவே படத்திற்கும் இத்தோற்றம் கொடுக்கலாம்.

Edit----Transform---Filp Horizontal

இதில் படம் தலைகீழாக மாறாமல் கிடைமட்டமாக மாறுகிறது. அதாவது நம்மை நிலைக்கண்ணாடியில் பார்க்கும் தோற்றம் போல தோன்றும்.

நாம் நினைவுக்கு வைக்க வேண்டியது மாற்றம் செய்ய வேண்டிய லேயரை காப்பி செய்த லேயரில்தான் விளைவுகளை ஏற்படுத்த வேண்டும்.

பிறகு படத்தில் எந்த பகுதியை மாற்றம் செய்ய வேண்டுமோ அப்பகுதியை செலக்சென் கருவிக்கொண்டு தேர்வு செய்திருக்க வேண்டும்.

படம்.9. இந்த விளைவை காட்டுகிறது.

கூடுதலாக..

Filter---Distort---Glass விளைவை கொடுத்துள்ளேன்.

விளைவு தோற்றத்தின் அடிப்படை இதுதான்.. காப்பி லேயருக்கு பல விளைவுகள் கொடுத்து பாருங்கள்.. வாழ்த்துக்கள்.

நெருப்பு நரிக்கு புது புது சட்டை- வலைத்தள அறிமுகம்.

noreply@blogger.com (தோழன்) — Mon, 21 Jun 2010 23:59:45 PDT

நெருப்பு நரி (பையர் பாக்ஸ்) இணையதள பயன்பாட்டுக்கு நாம் பயன்படுத்தும் ஒரு மென்பொருள். இணையத்தில் பல மணி நேரம் இருப்பது எல்லோருக்கும் வாடிக்கையான ஒன்று.

ஒரே வடிவமைப்பை பார்த்து பார்த்து அலுப்புத்தட்டிய நேரங்களும் இருக்கும்.

இதன் குறையை போக்குகிறது இத்தளம்.

கெட்பர்சன்ஸ் தளத்திற்கு செல்ல சொடுக்கவும்.

சுமார் 35,000 புது புது சட்டைகள் கொடுத்துள்ளார்கள். ஒரே சொடுக்கில் பயர் பாக்சின் வடிவத்தை மாற்றலாம். வடிவமைப்புக்கு நான் தயார் என்பவரா நீங்கள், அதற்கும் வாய்ப்புக் கொடுக்கிறார்கள்.

பயன்படுத்திப் பாருங்கள்.

கருப்பு வெள்ளையில் கலக்கல் தோற்றம். போட்டோசாப்

noreply@blogger.com (தோழன்) — Sat, 12 Jun 2010 20:15:24 PDT

பல விளம்பரங்களில் பார்த்த வடிவமைப்பு... முக்கியமாக திறைப்பட விளம்பரங்களில் கண்டு இருக்கலாம். ஒரு ஓவிய வடிவத்துடன் ஒளி மேம்படுத்தப்பட்ட செறிவுடன் ஒரு படத்தை உருவாக்கப்போகிறோம்.

படம்.1.

டிஜிட்டல் கேமிராவில் எடுக்கப்பட்ட படம் வண்ணத்தை தவிர்த்து இருக்கிறேன். வண்ணம் இருந்தாலும் சரி.

இதில் பார்த்தால் ஒளி செறிவுடன் படம் அமையவில்லை.
இதற்காக...

படம்2.

Image-Adjustment-Brightness/Contrast

தேர்வுக்குச் செல்லுங்கள்.

படம்.3.

ஒளிச்செறிவூட்ட பிரைட்னஸ் விண்டோ திறந்துள்ளேன்.

அதில்.
Brightness: +59
Contrast: +55 அளவுக்கு படத்திற்கு ஏற்றார் போல கொடுத்துள்ளேன்.

படம்.4.

அடுத்த விளைவை சேர்க்க..
Filter-Sketch-Reticulation தேர்வுக்குச் செல்க..

படம்.5.

ரெட்டிகுலேசன் விண்டோ திறந்துள்ளேன்.
அதில்

Density : 49
Foreground level : 4-6 (வைத்துக் கொள்ளலாம்)
Background Level : 0
தேர்வு செய்து ஓகே கொடுங்கள்.

படம்.6.

இப்போது மீண்டும்
Image-Adjustment-Brightness/Contrast
தேர்வுக்குச் செல்லுங்கள்.

Brightness : 17
Contrast : 42

இத்தேர்வில் பிரைட்னஸ் செய்ய செய்ய படம் வெளிரும்.
காண்ட்ராஸ்ட் செய்ய கருப்பு வண்ணப்பகுதிகள் அடர்த்தியாகும்.
முடித்தவுடன் சேமிக்க வேண்டயதுதான்.
இவ்விளைவை கொண்டு உருவாகிய படங்களே இவை.

யூ டியுப் காணொலிகளை பதிவிறக்கம் செய்ய ...

noreply@blogger.com (தோழன்) — Fri, 11 Jun 2010 19:59:51 PDT

யூடியூப் தளம் பல்முக காணொலிகளை கொண்ட தளம். இதில் சமூக பகீர்வு தளமாகவும் விளங்குகிறது. இதில் உள்ள காணொலிகளை பதிவிறக்கம் செய்ய சில இணைய தளங்களை இதில் பார்ப்போம்.

கிஸ் , கிக் என்ற சொற்றொடர்களை நினைவு கொள்வது எளிதே.
இச்சொற்களை பயன்படுத்தினால் பதிவிறக்க தளங்கள் கிடைக்கும்.

தளம்.1.
கிஸ் (kiss). நீங்கள் தேர்வு செய்துள்ள யூடியூப் தள முகவரிக்கு முன் kiss என்று தட்டச்சு செய்து சேர்த்து எண்டர் தட்டுங்கள்.

உதாரணத்திற்கு..
http://www.youtube.com/watch?v=k3d7pS5_8ko
http://www.kissyoutube.com/watch?v=k3d7pS5_8ko
பதிவிறக்க தளத்திர்கு உடன் செல்லும்.
.flv வடிவத்தில் பதிவிறக்க செய்ய முடியும்.

தளம்.2.
கிக் (kick). நீங்கள் தேர்வு செய்துள்ள யூடியூப் தள முகவரிக்கு முன் kick என்று தட்டச்சு செய்து சேர்த்து எண்டர் தட்டுங்கள்.

உதாரணத்திற்கு..
http://www.youtube.com/watch?v=k3d7pS5_8ko
http://www.kickyoutube.com/watch?v=k3d7pS5_8ko
இத்தளத்தில்.
3GP(low,Medium,High), MP4, Flv(low,Medium,High) வடிவங்களிலும் பதிவிறக்கம் செய்து கொள்ளலாம்.

தளம்.3.
Keephd

இத்தளத்தின் மூலம் மிகத் தெளிவான (High Definition) படங்களை பதிவிறக்கம் செய்ய முடியும்.

ஐபாட் செல்பேசிக்குத் தேவையான 3ஜிபி முதல்,எம்பி4, எபெல்வி கோபு வகை வரை தேவையான வடிவத்தில் இறக்கிக்கொள்ளலாம்.

தளம்.4.
listentoyoutubeஇத்தளம் எம்பி 3 வடிவத்தில் வேகமாக பதிவிறக்கம் செய்ய காணொலிகளை மாற்றித்தருகிறது. இசை ஆர்வலர்களுக்கு உதவும் தளம் இது.

தளம்.5.
ஆன் லைனிலேயே எடிட் செய்ய உதவும் தளம்.
http://www.splicd.com/

எந்த நேரத்தில் இருந்து, எதுவரை எடிட் செய்ய நேர மணித்துளிகளை கொடுத்தால் எடிட் செய்து கொடுத்துவிடுகிறது.

தளம்.6.
ஐபாட் விரும்பிகளுக்கு உதவும் தளம். இத்தளம்
http://www.vixy.com/

மேக், விண்டோஸ் சிஸ்டம் உள்ள கணினிகளுக்கு ஏற்ற கோப்புக்களை தருகிறது.

தளம்.7.
ஆன் லைனில் தேவையான பகுதியை மட்டும் வெட்டித் தரும் தளம்.
ஆன் லைனில் எடிட் செய்வது இதன் சிறப்பு.
tubechop

இவ்வீடியோவில் உள்ளவர் என் மகன் பெரியவர்.

இவர் இளையவர்

கூகுளில் சில டிப்ஸ்

noreply@blogger.com (தோழன்) — Sat, 12 Jun 2010 19:58:33 PDT

கூகிள் தேடு எந்திரம் உலக இணையவாசிகளிடம் பிரபலமானது. இதில் பயன்படுத்த சில டிப்ஸ்...

டிப்ஸ்.1.

முதலில் நேரடியாகவே ஒரு அகராதியாகவே பயன்படுத்தலாம்.

உதாரணத்திற்கு நான்

define:blood

தேடினேன். ஒரு அறிவியல் அகராதிபோலவே கூகுள் செயல்பட்டது

டிப்ஸ்.2.

அலகு மாற்றி (Unit Converter)

kg to lb

கிலோகிராமை பௌண்டாக மற்றினேன். உடன் விடை கிடைத்தது.

5kg to lb என்று கூக்கிளை கேட்க உடன் விடை கீழ் கண்டவாறு கிடைத்தது.

5kilograms=11.0231131

அமெரிக்க டாலரை வேறு பணமாக மாற்ற..

usd in pounds

தேடுங்கள். விடை கிடைக்கும்.

டிப்ஸ்.3.

ஒராண்டில் எவ்வளவு வினாடிகள் ?

Seconds in year

டிப்ஸ்.4.

சென்னையில் இப்போது நேரம் என்ன என்பதற்கு ?

What time is it in chennai

டிப்ஸ்.5.

கூகுளில் I’m Feeling Luchy என்ற தேர்வில் கீழ்கண்ட சொற்றொடரை தேடுங்கள்.

google bsd

google ester egg

google mozilla

google gizoozle

google loco

டிப்ஸ்.6.

மாணவரா ,ஆராய்ச்சியாளரா, மருத்துவரா உங்களுக்காக சிறப்பு தேடு வசதியை ஸ்காலர் மூலம் தருகிறார்கள்.

Google scholar

என்று தேடுங்கள்.

ஆராய்ச்சி கட்டுரைகள், ஆய்வு புத்தகங்கள், ஆய்வு இதழ்கள் போன்றவை கிடைக்கிறது...

இது போன்ற டிப்ஸ்கள் உங்களுக்கு கிடைத்தால் பதிவர்களுடன் பகிரலாமே...

குறிப்பிட்ட வண்ணத்தை தவிர்த்து மற்ற இடத்தை கருப்பு வெள்ளையாக்க..

noreply@blogger.com (தோழன்) — Wed, 09 Jun 2010 17:21:43 PDT

படம்.1.சிவப்பு வண்ணத்தை கொண்ட பூக்களின் படம் திறந்துள்ளேன். இதில் சிவப்பு வண்ணம் தவிர்த்து மற்ற பகுதியை கருப்பு வெள்ளை படமாக்கப்போகிறோம்.

படம்.2. சிவப்பு வண்ணத்தை மட்டும் தேர்வு செய்ய செலக்ட்-கலர் ரேஞ் தேர்வு செய்ய வேண்டும்.

படம்.3. கலர் ரேஞ் விண்டோ திறந்துள்ளது. இதில் சிவப்பு நிறத்தை தேர்வு செய்யவும்.

படம்.4. சிவப்பு நிறம் தேர்வாகிவிடட்து.

படம்.5. பிறகு தேர்வு செய்த பகுதியை மட்டும் புதிய லேயரில் காப்பி செய்யவேண்டும். இதற்கு சார்ட் கட் கீயில் கண்ட்ரோல் + J கீக்களை அழுத்த புதிய லேயரில் தேர்வுப்பகுதி மட்டும் காப்பியாகி இருக்கும்.

படம்.6. இறுதி நிலைக்கு வந்துள்ளோம். லேயரில் பேக் கிரவுண்டில் உள்ள லேயரை டீசேச்சுரைட் (Desaturate ) செய்யப் போகிறோம். அதற்கு படத்தில் காட்டியுள்ளபடி

Image- Adjustment- Desaturate தேர்வுசெய்ய வேண்டும்.

படம்.7. மேற்கண்ட முறையை சார்ட் கை கீயின் மூலமாக

Shift + Ctrl +U கீக்களை அழுத்த கருப்பு வெள்ளையாக மாறும்.

சேமித்து வர வேண்டியது தான் பாக்கி.

இதில் வெவ்வேறு வண்ணத்தை தேர்வு செய்து பழக புதிய இதைவிட சிறந்த படங்கள் கிடைக்கலாம்.

தோழமையுடன்...

படங்களைமட்டும் வித்தியாசமான தேடும் எந்திரங்கள் (Search Engines )

noreply@blogger.com (தோழன்) — Tue, 08 Jun 2010 17:08:34 PDT

பிரபல தேடு எந்திரங்களான கூகுள், யாகு, பிங்,ஆல்டாவிஸ்டா,ஆஸ்க் போன்றவற்றை தேடும் பொருள், செய்திகள் அடிப்படையில் தேடுவோம். ஆனால் படங்களை மட்டும் அடிப்படையாக தேடும் எந்திரங்களை இப்போது நாம் பார்க்கப்போகிறோம். புதிய அனுபவத்தை உங்களுக்கு இத்தளங்கள் கொடுக்கும்.

1.Space Time 3D

ஸ்பேஸ் டைம் தேடு தளம் தேடும் சொற்களை கொடுத்தவுடன் 3டி அனிமேசன் தோற்றத்தில் தகவல்களை தேடிக் கொடுக்கிறது.

இதில் கூகுள், விக்கிபீடியா,படங்கள், யூ டியூப் போன்ற தேர்வுகளிலும் தேட வசதி கொடுத்துள்ளார்கள்.

2. Cooliris

கூலிரைஸ் தளத்தை நெருப்பு நரி உலாவி வழியாக, அதன் நீட்சியாக பயன்படுத்தலாம். இலவசமாக பதிவிறக்கம் செய்ய எளிதாக பயன்படுத்தும் வசதி கொடுத்துள்ளார்கள்.

நமது கணினியில் உள்ள படத்தில் இருந்து வலைத்தளங்களின் படம் வரை தேடித்தருவது இதன் சிறப்பு.

3. Middle Spot

மிடில் ஸ்பாட் தளத்தின் சிறப்பே தேடும் சொற்றொடர்களுக்கு ஏற்ற விளக்கத்துடன் தேடித்தருகிறது. இத்தேடு இயந்திரம் பிடித்திருந்தால் கூகில் குறோம், நெருப்பு நரியுடன் நீட்சியாக பயன்படுத்தலாம்.

4. Spezify

இத்தளத்தின் சிறப்பே எல்லா நிலைகளிலும், அதாவது படங்கள், ஒலிக்கோப்புகள், வலைத்தளங்கள் தேடுகிறது. டிவிட்டர், பேஸ் புக் அடிப்படையிலும் தேடுத்தருவது இதன் சிறப்பு.

உங்கள் பென் ட்ரைவர்களை வைரஸ்களிடமிருந்து பாதுகாக்க...

noreply@blogger.com (தோழன்) — Sun, 06 Jun 2010 07:13:38 PDT

ஒரு ஐந்து ஆண்டுகளுக்கு முன்பு பிளாப்பி ட்ரைவர்கள் வைரஸ்களை ஏற்றுமதி மற்றும் இறக்குமதி பணிகளை செய்து கொண்டு இருந்தன.

இப்போது காலம் மாறிவிட்டது.

பிளாப்பிகளுக்கு மாற்றாக பிளாஷ் டிரைவர்கள்...

ஆனால் பிளாப்பி பணிகளை உங்கள் பென் டிரைவ்கள் செய்கிறது.

உங்கள் கோப்புகளுடன் வைரஸ்கள்....

தடுக்கமுடியுமா?

முடியும்.

சின்ன கோப்பை பதிவிறக்கம் செய்தால் போதும்.

சுறுக்கப்பட்ட வடிவத்தில் கிடைக்கும்.

இக்கோப்பின் அளவு 500கேபி அளவை மட்டுமே யுஎஸ்பி டிரைவில் பிடிக்கப்போகிறது.

இங்கே கிளிக் செய்து கோப்பை பதிவிறக்கம் செய்து கொள்ளுங்கள்.

சுறுக்கப்பட்ட கோப்பான ரார் (Rar) வடிவத்தை விரித்துக் கொள்ளலாம் அல்லது சிப் 7 பதிப்பில் திறந்து கொள்ளலாம்.

திறக்கப்பட்ட கோப்புக்களை உங்கள் பென் டிரைவ் அல்லது எக்ஸ்டர்னல் ஹார்ட் டிஸ்கில் ஒட்டுங்கள்.

இதற்கு பென்பொருள் மன்னிக்கவும் மென்பொருள் நிறுவத்தேவை இல்லை.

விரிக்கப்பட்ட கோப்பில் uspwriteProtect.exe பைலை கிளிக் செய்ய....

மொழியை தேர்வு செய்து...

Usp write protect ON

Usp Write Protect OFF

இரு தேர்வில் ஆன் செய்து கொள்ளுங்கள்.

முடிந்த்து.

பாதுபாப்பு பணி அக்கோப்பு பார்த்துக் கொள்ளும்.

எந்த பேய், பூதம், பிசாசுக்களை அண்ட விடாது.

இந்த தாயத்து ஆப் ஆகிவிட்டால் வைரஸ் ஆட்டுவித்துவிடும்.

************

இன்று

நாள் 06.06.2010...

6.6.66 இதே தேதியில்தான் இந்த மகான் பிறந்தான்.

நாட்களை பாருங்கள்.6666.

20 ஆண்டுகளுக்கு முன் வெட்டியாய் தெருக்களை சுற்றிக் கொண்டிருந்தவன்.

அதே வேலையைத்தான் செய்து கொண்டு இருக்கிறேன்.

இணையத்தை வலைபக்கத்தினூடாக சுற்றிக் கொண்டு இருக்கிறேன்.

44 வயதில் ஓடிக்கொண்டு இருக்கிறேன்.

கொஞ்சம் போட்டோசாப், பிளாக் என்று பயணித்துக் கொண்டு இருக்கிறேன்.

மார்க்சியம்... என்னை ஒழுங்குபடுத்தியது.

சிவப்பு பெரியார்

சிவப்பு அம்பேத்கர் இப்போதைய தேவை என்ற கொள்கையில் உறுதியாக உள்ளவன்.

முதுகெலும்பில் பெரிய அறுவை செய்து ரூபாய் 10,000 செலவில் போல்டை என் துனைவியாருக்கு வைத்தது தான் அவர் கண்ட பலன்.

இரண்டு மகன்கள்...

தமிழ்நட்டில் தமிழில்தான் படிக்க வேண்டும் என்ற கொள்கையில் இருந்து பிறழாது... மகன்கள் தமிழ் வழியில் தான் படித்துக் கொண்டு இருக்கிறார்கள்.

நான் தாண்டாத 250 மதிப்பெண்ணை 10ம் வகுப்பில் 430 எடுத்து என்னை வெட்கப்பட வைத்தவன் பெரியவன் அன்பு. பெயரே அன்புதான்.

துறுதுறு... சுறுசுறுப்பு திலீபன் இளையவன்.

இவர்களின் ஒத்துழைப்போடு இவர்களின் கைபிடித்து நடக்கக் கற்று வருகிறேன்.

இப்படம் துனைவியார் எடுத்தது. போட்டோசாப் கொஞ்சம் அழகு படுத்தி இருக்கிறது.

தோழமையுடன்....

தொலைத் தூர கணினியை இயக்க இலவச மென்பொருள்

noreply@blogger.com (தோழன்) — Sun, 06 Jun 2010 21:51:58 PDT

என் அலுவலக்கத்தில் கணக்கியல் சம்மந்தமான புதிய மென்பொருள் ஒன்றை கணினியில் பயன்படுத்திக் கொண்டு இருந்தார்கள். இதில் சில தவறுகள் பயன்பாட்டில் நடைப்பெற்றுக் கொண்டு இருந்தது. ஆனால் இது குறித்து தலைமை இடத்தித்தில் இருந்து அறிவுறுத்தியும் அதை மேம்படுத்த முடியவில்லை. பிறகு அவர்களிடத்தில் இருந்தே அதாவது தொலைதூரத்தில் இருந்தே கணினியின் தகவல்களை பெற்றார்கள், மாற்றினார்கள், பயிற்சியும் கொடுத்தார்கள். அவர்களிடத்தில் இருந்தே இங்குள்ள கணினியை இயக்கினார்கள்.

இச்செயல் பிரமிப்பைக் கொடுத்தது. படித்தை கேட்டதை என் கண்முன்ணாலேயே விட்டாலச்சாரியார் படம் போலவே நிகழ்ந்தது. நவீன உலகத்தில் எல்லாமே சாத்தியம் என்றாலும் பல ஆயிரம் கிலோமீட்டர் தொலைவில் இருந்து இக்கணினியை இயக்குவது அதிசயம் தான்.

சுமார் 6 கோடி பேர் 50 நாடுகளில் இம்மென்பொருளை பயன்படுத்துகின்றனர் என்பது கூடுதல் தகவல்.

ஆம். டீம் வீவர் மென்பொருளோ அது. இலவசமாகத் தருகிறார்கள். எந்த இரண்டு கணினியை இணைக்கப் போகிறோமோ இவ்விரண்டு இடத்திலும் இம்மொன்பொருளை இணைய இணைப்புடன் கணினியில் இயக்கத்தில் இருக்க வேண்டும்.

நமது கணினியில் நிறுவும் போதே உங்களுக்கான பாஸ்வேர்டை கேட்கிறது. பிறகு அம்மென்பொருளே ஒரு ஐடி எண்ணையும் கொடுக்கிறது.(படம்.1.)

தொலைதூர தொடர்பாளரையும் நாம் இந்த மென்பொருளை பதிவிறக்கம் செய்து கணினியில் நிறுவி இருக்கச்செய்ய வேண்டும். டீம் வீவர் மென்பொருளின் அளவு 2.7 எம்பி மட்டுமே.

அவர்கள் நிறுவிய பின்னர் தொலைதூர கணினியில் கொடுக்கப்பட்ட ஐடி எண்ணை நமது கணினியில் தட்டச்சு செய்து அவருடன் இணைப்புக் கொள்ளலாம். (படம்.2.)

தொலைத்துற தொடர்பாளரின் ஒத்துழைப்பு இல்லாமல் நாம் இணைப்புக் கொள்ளமுடியாது. அதனால் கணினிக்கு பாதுகாப்பு கிடைக்கிறது. கோப்புக்களை பரிமாறிக் கொள்ளலாம், பரிமாறும் போது சாட்டிங்கும் செய்யலாம்.

வீட்ட்டுக் கணினியில் கோப்பு இருக்கிறதே பென் டிரைவரும் மறந்தாச்சே என்ற கவலை வேண்டாம். உங்கள் செல்போனிலேயே வீட்டை தொடர்பு கொண்டு கணினியை இயக்கச்செய்யச்சொல்லி , உங்கள் கட்டுப்பாட்டுக்கு கொண்டு வந்து விடலாம்.

நாம் கர்சரை ஆட்டினால் வேறு கோப்பை திறந்தால், அந்த குரங்கை கையை சும்மாவைத்துக் கொண்டு அமைதியாக இருக்கச்சொல்லுங்கள் என்று மறுமுனையில் இருந்து சொல்லக் கேட்பது நகைச்சுவையே.

அவர்களுக்கு அங்கிருந்தே பயிற்சியும் கொடுக்கலாம்.

இவ் அனுபவத்தைப் பெற இங்கே சொடுக்கி பதிவிறக்கம் செய்து இவ்வசதியை பெறுங்கள்.

நீங்கள் சென்றுதான் கோப்பை எடுக்கமுடியும், உங்களுக்குத்தான் தெரியும் என்ற சங்கடங்களுக்கு இம்மென்பொருள் இருந்த இடத்தில் இருந்தே தீர்வு தரும்.

தோழமையுடன்...

தீப் பிடித்து எரியும் எழுத்து-போட்டோசாப்.

noreply@blogger.com (தோழன்) — Wed, 02 Jun 2010 07:55:55 PDT

பதிவிட்டு நீண்ட நாளாகிவிட்டது. இப்போது பார்க்கும் நுட்ப்ப் பதிவு. தீப்பற்றி எரியும் தோற்றத்துடன் கூடிய எழுத்து.

எளிதாக புரிய பல பட விளக்கம் கொடுத்துள்ளேன்.

சரி. பயிற்சிக்கு செல்வோம்.

படம்.1.

கருப்புப் பின்னணியில் தீ என்று தட்டச்சு செய்துள்ளேன்.

தீ தோற்றம் வர கருப்பு பிண்ணனிதான் சிறப்பாக இருக்கும்.

படம்.2.

எழுத்தின் மீது தீ தோற்றம் உண்டாக்கப்போகிறோம்.

அதற்கு படத்தை படுக்க வாட்டில் திருப்ப..

Edit-Transform-Rotate 90 CW

தேர்வு செய்யுங்கள்.

படம்.3.

தீ எழுத்து படுக்க வாட்டில் திரும்பியுள்ளது.

படம்.4.

தீ கொழுந்து தோற்றம் உருவாக்க

Filter-Stylize-wind…

சொடுக்க..

படம்.5.

ராஸ்டிட்ரைஸ் செய்ய வேண்டுமா என்று கேட்கும்.

ஆம் என்று ஓகே கொடுங்கள்.

படம்.6.

விண்ட் தேர்வில்

Wind-From the Left தேர்வு செய்ய வேண்டும்.

இப்போது எழுத்தின் மீது நீட்சி போன்ற தோற்றம் வரும்.

ஒரு மூன்று தடவை திரும்ப திரும்ப செய்யுங்கள்.

காற்று எபெக்ட் நீளும்.

ஒவ்வொருமுறையும் பில்டருக்கு செல்லும் போது மேலேயே விண்ட் எபெக்ட் தெரியும் அதை கிளிக் செய்தாலே போதும்.

படம்.7.

எழுத்தின் தோற்றம் நீண்டு உள்ளதை பார்க்கிறீர்கள்.

படம்.8.

எழுத்தை திரும்பவும் நேராக திருப்ப

படம் 2யை போலவே இங்கு

Edit-Transform-Rotate 90 CCW தேர்சு செய்ய எழுத்து திரும்பும்.

படம்.9.

படத்தில் தீயின் கீற்றுக்களை அழிந்தார் போல செய்ய

Filter- Blur- Gaussian blur

Radus : 1.2 pixles அளவை தேர்வு செய்யவும்.

படம். 10.

அடுத்த தோற்ற மாற்றம்

மோசன் ப்ளுர்

Filter- Blur- Motion blur

Angle:16 Distance : 2.

அளவுகளில் இருக்குமாரு பார்த்துக் கொள்ளுங்கள்.

படம்.11.

அடுத்த தோற்ற மாற்றம்

Filter- Distort-Ripple

தேர்வு செய்ய..

படம்.12.

ரிப்பில் விளைவுக்கான சன்னலில்

Amount : -5 அளவை கொடுங்கள்.

படம்.13.

இறுதி கட்டத்திற்கு வந்துள்ளோம்.

Image-Mode-Indexed color

தேர்வு செய்ய படத்தை பிலாட்டன் செய்ய வேண்டுமா என கேடும் விண்டோவுக்கு ஒகே கொடுங்கள். (படம்14.)

படம்.15.

Image-Mode-color table.. விளைவை தேர்வு செய்ய வேண்டும்.

படம்.16.

கலர் டேபில் விண்டோவில் பிளாக் பாடி தேர்வு செய்ய தீ கொழுந்து தோற்றம் உடன் தோன்றும்.

தோழர்களுக்கு இவ்விளைவு கொண்டு வர...

நன்றாக புரியவே இவ்வளவு பட காட்சிகளுடன் விளக்கியுள்ளேன்.

நான் பல முறை செய்து பார்த்த பிறகே இவ்விளைவு பயிற்சியை கொடுத்துள்ளேன்.

செய்துபாருங்கள்..

சிறப்பாக வந்தாலும் வராவிட்டாலும் உங்கள் கருத்தை பதிவு செய்ய மறக்க வேண்டாம்.

தோழமையுடன்...

இணையத்தில் கிடைக்கும் இலவச ஆன்லைன் டைரி

noreply@blogger.com (தோழன்) — Thu, 13 May 2010 00:21:43 PDT

இலவசமாக நமது கோப்புக்களை பதிவேற்றி பாதுகாக்க பல இணைய தளங்கள் வசதியை தருகிறது. இசை, படங்கள் வீடியோ இன்று வகைப்படுத்தலாம். தினசரி ப்லருக்கு டைரி எழுதும் வழக்கம் உண்டு. இதில் ஒரு பிரச்சனை என்னவென்றால் யாராவது படித்து விடுவார்களோ என்ற அச்சத்தினூடே இப்பழக்கம் கைவிட்டவர்களும் உண்டு.

இணையத்தில் இவ்வசதியை போக்கும் பொருட்டு இலவச ஆன்லைன் டைரி என்ற வலைத்தளம் இவ்வசதியை தருகிறது
.

இலவச ஆன்லைன் டைரி என்ற வலைத்தளத்திற்கு செல்ல இங்கே கிளிக் செய்யவும்.

மினன்ஞ்சல் கொடுத்து பதிவு செய்தவுடன் டைரியாக பயன்படுத்தலாம்.

இரண்டு வகையாக தேர்வையும் கொடுக்கிறார்கள்.

1. பொதுவாக யாரும் பார்க்க

2. தனி நபருக்கு மட்டும் என்ற இரு தேர்வை நமது வசதி எதுவோ அதை தேர்வு செய்யலாம்.

ஆங்கிலம், சீனம் போன்ற மொழிகளில் மட்டும் வசதியை தரும் இத்தளத்தில் தமிழில் உள்ளீடும் செய்யலாம்.

எப்போது நாட் குறிப்பு எழுதுகிறோமோ அப்போதெல்லாம் இரு தலைப்புக் கொடுத்து நிகழ்வுகளை பதிவு செய்யலாம். அதை திருத்தவும் வசதி உள்ளது.

ஒரே மைனஸ் என்னவென்றால் பேக்கப் எடுத்தால் தமிழ் எழுத்துருக்கள் கட்டம் கட்டமாக ?????????????? என்று வருகிறது. ஆனால் இணையத்தில் எழுத உள்ளீடு செய்ய பிரச்சனை இல்லை.

பயன்படுத்திப் பாருங்களேன்.

விண்டோ எக்ஸ்பி திறக்கும் ஒலிக்கு நமக்கு பிடித்த ஒலிக்கோப்பை இணைக்க...

noreply@blogger.com (தோழன்) — Tue, 11 May 2010 02:21:34 PDT

விஸ்டா, விண்டோ 7 வந்தாலும் பெறும்பாலும் நாம் பயன்படுத்தும் ஆப்ரேடிங் சிஸ்டம் விண்டோஸ் எக்ஸ்பி-ஐதான் நாம் பயன்படுத்துகிறோம். இதில் வால்பேப்பர் மாற்றுவதுப் போல, திறக்கும் போது கேட்கும் ஒலியைக் நாம் மாற்றலாம்..

லாக் ஆண் ஆகும் போது கேட்கும் ஒலிக்கூட எரிச்சலை உண்டாக்கும். இதற்கு மாற்றாக நாமே நமக்குப்பிடித்த ஒலிக் கோப்பை தயாரித்து இணைத்து விடலாம்.

முக்கியமாக .wav ஒலிக்கோப்பின் வடிவத்தைதான் ஏற்றுக் கொள்ளும் ஆகையால் நம்மிடம் உள்ள எம்பி3யையோ அல்லது வேறு கோப்பை .wav ஒலிக்கோப்பாக மற்ற வேண்டும். இதற்கு பல ஆடியோ கண்வர்டர் மென்பொருள்கள் உள்ளது.

குறிப்பாக

http://audacity.sourceforge.net/

http://www.free-audio-editor.com/

மேற்கண்ட வலதளங்களில் இதுப் போன்ற பல மென்பொருள்கள் இலவசமாக கிடைக்கிறது.

ஜெட் ஆடியோ உங்களிடம் இருத்தால் இன்னும் வசதிதான்.

உங்கள் குழந்தைகளை பேச வைத்து ஒலிக் கோப்பை சேமியுங்கள்.

“வணக்கம், உங்களை அன்போடு வரவேற்கும் குமார்’

அல்லது

உங்களுக்காக நான் கணினியை திறக்கிறேன். அன்புடன்.....______________ இப்படி உங்களுக்கு பிடித்த ஒலிக்கோப்பை .wav வடிவத்தில் சேமியுங்கள்.

இல்லை என்றால்

உங்கள் எக்ஸ்பியிலேயே ஆல் புரோகிராம்-அச்சரிஸ்-இண்டெர்டெயின்மெண்ட்-சவுண்ட் ரெக்கார்டர் சென்று திறந்து கொண்டு பதிவு செய்யுங்கள். இதற்கு தனி மைக்ரோ போன் தேவை. எட் போனுடனேயே இப்போது மைக்ரோபோன் கிடைக்கிறது,

சரி .

பணிக்கு செல்வோம்

படம்.1.

கண்ட்ரோல் பேனலில் சவுண்ட் /ஆடியோ டிவைசஸ் தேர்வு செய்யுங்கள்.

படம்.2.

திறக்கும் சவுன்ட் அடியோ டிவைசஸ் பிராப்பர்டிஸ் விண்டோவில்

சவுண்டை தேர்வு செய்து அதில் Windows Login தேர்வில் இருக்க பிரொவுஸ் செய்து உங்களுக்குப் பிடித்தமான ஒலி கோப்பை இனையுங்கள்.

படம்.3.

பிரொவுஸ் பார் லாகான் சவுண்ட் விண்டோவில் .wav கோப்பை தேர்வு செய்து ஓகே கொடுத்துவிட்டு பாருங்கள்.

உங்கள் குழந்தையின் மழலை குரலுடன் கணினி திறக்கும்.

இதே போல் சட்டவுன்க்கும் கோப்பை இணைக்கலாம்.

பிளாகின் பக்கப்பகுதியில் பிடித்தமான படங்களை வரச்செய்ய...

noreply@blogger.com (தோழன்) — Wed, 28 Apr 2010 03:38:56 PDT

பிளாகின் பக்கப்பகுதியில் பிடித்தமான படங்களை வரச்செய்ய...

நமது வலைப்பூக்களின் பக்கப்பகுதிகளில் (Side Bar) பிடித்தமான படங்களை இருக்குமாறு செய்யலாம்.

அது இயற்கை காட்சியாக..

நமது குழந்தையாக, குடும்பமாக இருக்கலாம்.

நான் என் பழைய பதிவில் பதிவின் பின்னணியில் படம் வரவைக்கும் பதிவை கொடுத்து இருந்தேன்..

நான் உழைப்பாளர் சிலை படத்தை இம்முறையில் இணைத்துள்ளேன். உலக தொழிலாளர்களின் நலனுக்காக உயிர் நீத்த தோழர்களின் நினைவாக இப்பதிவு.

பிடித்த தலைவராக இருக்கலாம் அதற்கு கீழ் கண்ட கோடை ஒட்டினால் போதும்.

சைன் செய்து டாஷ் போர்டுக்கு சென்று...

படம் : 1

Dashboard—Edit HTML Expand Widget Templates கட்டத்தில் டிக் செய்வும்.

படம் : 2

பிறகு கண்டோல் + F கீயை அழுத்த படத்தின் மூலையில் தோன்றியுள்ளபடி விண்டோ தோன்றும்.

அதில் கீழே உள்ள கோடை காப்பி செய்து பேஸ்ட் செய்யது ஒரு எண்டர் தட்டவும்.

#sidebar-wrapper

படத்தில் தோன்றும் கோடுக்கு கீழே

#sidebar-wrapper {

background-image: url(http://farm4.static.flickr.com/3369/4559700805_9ca79d793e.jpg);

உங்களுக்கு தேவையான படத்தின் முகவரியை மஞ்சள் நிறத்தால் கோடிட்ட இட்த்தில் ஒட்டி இக்கோடை ஒட்டிவிட்டு சேமியுங்கள்.

வியூ சென்று பார்த்தால் தெரியும்.

சரி என் படத்தின் முகவரிக்கு எங்கு செல்வது என்று கேட்கிறீர்களா?

இதற்கு பல இணைய தளங்கள் இலவச சேவையைத் தருகிரார்கள். அதில் உங்கள் படத்தை உள்ளீடு செய்து முகவரியை பெற்றுக் கொள்ளுங்கள். இத்தளத்தில் காணும் பிண்ணனிப்படம் மேலே உள்ள கோடை ஒட்டியதால் கிடைதத்து.

இலவச சேவை தளங்களில் சில.

http://photobucket.com/

http://www.flickr.com/

டிப்ஸ் : படத்தின் பிண்ணனி அடர்த்தியாக இருந்தால் எழுத்துக்கள் தெரியாது அதற்காக

எக்ஸ் பி ஆப்ரேடிங் சிஸ்ட்த்தில் மைரோசாப்ட் ஓபிஸ் பிக்சர் மேனேஜரில் சென்று

எடிட் பிக்சரெக்குச் சென்று

பிரைட்னஸ்/காண்ட்ராஸ்ட் தேர்வுக்கு பிரைட்னஸ் அதிகப்படுத்துங்கள்.

தேவையான தேர்வு கிடைத்தும் தேர்வு செய்து சேமித்து பட்த்தை மேல குறிப்பிட்ட சேரிங் தளத்தில் அப்லோடு செய்து கொடுக்கும் முகவரியை நான் கொடுத்துள்ளுதை நீகிவிட்டு ஒட்டி முறைப்படி எச் டி எம் எல் கோடாக ஒட்டி விடுங்கள்.

பென்சிலில் கோட்டோவியம்-போட்டோசாப்.

noreply@blogger.com (தோழன்) — Sun, 25 Apr 2010 05:45:22 PDT

ஓவியம் என்றால் பென்சில் தீட்டும் ஓவியம் அடிப்படை. அந்த வடிவத்தை எளிதாக போட்டோசாப்பில் செய்யலாம்.

செய்முறையை பார்ப்போம்.

படம்.1.

உழவன் படத்தை திறந்துள்ளேன்.

இன்னொரு நகலை திறக்க ( படத்தில் காட்டியுள்ள ஐகானில் இழுத்துப்போட டூப்லிக்கேட் லேயரை உண்டாக்கலாம்.)

படம்.2.

லேயர் டூலிலேயே கலர் டாஜ் தேர்வு செய்யுங்கள்.

படம்3. படம் அடர்த்தியாய் தோன்றி இருக்கும். இதை உல்டாவாக தலைகீழ் தோற்றம் கொடுக்கப் போகிறோம்.

தேர்வாக இருக்கும் லேயரிலேயே கன்ரோல் கியுடன் ஐ (Ctrl + I) கீயை அழித்த இம்மாற்றம் தோன்றும்.

படம்.4.

இன்னொரு முறையிலும் செய்யலாம்.

டூல் பார் இமெஜ்-அட்ஜெஸ்ட்மெண்ட்-இன்வெர்ட் அவ்வளவுதான்.

படம்.4.ஏ.

இன்வெர்ட்டான படத்தை பில்டருக்கு சென்று ப்லூர் –காசியன் ப்லூர் தேர்வு செய்ய காசியன் விண்டோ தோன்றும்.

அதில் நான் 2.7 அளவை தேர்வு செய்துள்ளேன்.

படம் வண்ண பென்சிலில் தீட்டப்பட்டதைப் போல தோன்றும்.

இப்போது அதை பென்சில் எபெக்ட் கொடுக்க வேண்டும்.

படம்.5.

லேயர் விண்டோவில் அட்ஜெஸ்ட் மெண்ட் ஐக்கானை பட்த்தில் உள்ளதை சொடுக்க தோன்றும் தேர்வில் Hue/Saturation தேர்வு செய்யுங்கள்.

அதில்

சேச்சுரேசன் அளவை “-100” ஆக்குங்கள்.

படம் பென்சில் எபெக்ட் தோன்றி இருக்கும்.

இம்முறையை நான் எளிதாக கொடுத்துள்ளேன்.

பின்னூட்டம் கிடைத்தால் நன்றாக இருக்கும்.

(படம் பெரியதாக தெரிய படத்தை கிளிக் செய்யுங்கள் )

யூடியூப் வீடியோக்களில் இருந்து எம்பி3யாக பிரித்தெடுக்க...

noreply@blogger.com (தோழன்) — Thu, 13 May 2010 05:53:45 PDT

பல வீடியோக்களை காட்சிகாளாக ரசித்து இருப்போம். ஒலி வடிவத்தில் மட்டும் கேட்க இணைய வழியிலேயே ஒருவசதி.

இங்கே சொடுக்கி தளத்திற்கு செல்லுங்கள்.

முகவரியில் பிரித்தெடுக்க வேண்டிய யூடியூபின் முகவரியை கொடுங்கள்.

தரம் எப்படி வேண்டும் என்பதையும் கொடுத்து கண்வர்ட் செய்து பதிவிரக்கம் செய்து கொள்ளுங்கள்.

கீழே உள்ள வீடியோ இளையராஜாவின் ஒரு இசை எழுச்சி. பாடல் வைரமுத்து.

இப்பாடலைப் பற்றியும் உங்கள் கருத்துக்களை பதியலாம். நன்றி.

பிளாகிள் மேலிருந்து பூவானம் தூவ...

noreply@blogger.com (தோழன்) — Sun, 18 Apr 2010 05:45:03 PDT

தோழியர் பத்மா வலைப்பூவை பார்த்தபோது பூவானம் தூவிக்கொண்டு இருந்தது.

இன்னும் பலரின் வலைப்பூக்களிலும் கூட பார்த்திருக்கிறேன்.

மற்ற பதிவர்களும் இவ்வமைப்பைப் பெற பார்வைக்கும் இப்பதிவை சமர்ப்பிக்கிறேன்.

இதற்கு உங்களின் விருப்பமான படத்தின் வலைத்தள முகவரி வேண்டும்.

இதற்கு சில பிரபல முகவரிகளை நாம் பயன்படுத்திக் கொள்ளலாம்.

பிலிக்கர் தளத்திற்கு சென்று படத்தை உள்ளீடு செய்ய முகவரியை கொடுப்பார்கள்.

பிறகு

அடுத்து நாம் செல்ல வேண்டிய தளத்திற்கு இங்கே கிளிக் செய்யவும்.

இத்வலைத்தளத்தில் படத்தின் இணைய முகவரியை இடுங்கள்.

பிறகு கோட் ஜெனரேட் செய்ய கிடைக்கும் எச்டிஎமெல் கோடை

Layout-Add gadget-HTML/Java script தேர்வு செய்து ஒட்டி, அந் நிரலை இழுத்து வேறு பகுதியில் வைத்து சேமியுங்கள்.

நீங்கள் பதிந்த படம் மேலிருந்து பூவானமாய் தூவுகிறது பாருங்கள்.

நினைவில் கொள்ளவேண்டியது படம் மிக மிக சிறிய அளவாக இருக்க வேண்டும். அது முக்கியம்.

வாழ்த்துக்கள்.

சலன / தெளிவற்ற படங்களை உருவாக்க- போட்டோசாப்.

noreply@blogger.com (தோழன்) — Sat, 17 Apr 2010 19:00:06 PDT

நல்லப்படங்களை சிதைத்தால் அதுவும் கலைநயத்தோடு எப்படி ?

விளம்பரத்துறையில் அதிகம் பயன்படுத்தும் கருவி.

ஆம் அசைவு நிலையில் ஒரு படம் எடுத்தால் எப்படி இருக்கும் ?

அவுட்டாப் போகஸ் என்பார்கள் அதுவே வேகமாக நடக்கும் நிகழ்ச்சியை படம் எடுத்தால் அதுவே கலையாகிவிடும்.

நாம் செய்யப்போவது நல்லப்படத்தை சலன / தெளிவற்ற படங்களை உருவாக்கப் போகிறோம்.

சரி

பயிற்சிக்கு செல்வோம்.

படத்தை போட்டோ சாப்பினுல் திறந்து கொள்ளுங்கள்.

பிறகு பில்டர்-புலூர்- மோசன்/ரேடியல் புலூர் தேர்வு உங்கள் விருப்பமே.

கொஞ்சம் பயிற்சியில் நீங்கள் தேறிவிடுவீர்கள்.

படம் அழிந்த/அசைந்த/சூம் நிலையில் மாறி இருக்கும்.

நாம் பயன்படுத்தப்போகும் கருவி ஹிஸ்டரி பிரஸ். ஆம் பழைய நிலையை நினைவில் வைத்துக் கொண்டு இருக்கும்.

இக்கருவி பிரஷ் கருவிக்கு கீழே இருக்கும்.

படத்திக் காட்டப்பட்டுள்ளது. நீங்கள் மாற்றம் செய்த படத்தில் கர்சரை கொண்டு தேய்க்க பழைய நிலை வர ஆரம்பிக்கும்.

நாம் ஒபாசிட்டி/ ப்ளோ குறைத்து இப்பணியை செய்ய படம் தோன்ற ஆரம்பிக்கும்

சேமிக்க வேண்டியதுதான்.

மாதிரி படங்கள் இம்முறையில் உண்டாக்கப்பட்டவையே.

படத்தை பெரிதாக பார்க்க கிளிக் செய்யவும்.

வாழ்த்துக்கள்.

பிளாகில் நிலையாயிருக்கிற படம் தெரிய...

noreply@blogger.com (தோழன்) — Fri, 16 Apr 2010 22:42:19 PDT

கொஞ்சம் பிளாகின் மூலையில் பாருங்கள். இப்படம் எந்தபதிவும் மேலோ கீழோ சென்றாலும் படம் அதே இடத்தில் தான் இருக்கும். படம் சிறியதாக உள்ளதா? என் தேர்வு அப்படி. உங்களுக்கு அளவுகளில் பெரியதாக வேண்டும் என்றால் தேர்வு எப்படியோ அப்படியே வரும்.

மூன்று நிலைகளிலேயெ இத்தோற்றத்தை கொண்டு வரலாம்.

இதற்கு உங்களின் விருப்பமான படத்தின் வலைத்தள முகவரி வேண்டும்.

இதற்கு சில பிரபல முகவரிகளை நாம் பயன்படுத்திக் கொள்ளலாம்.

பிறகு

அடுத்து நாம் செல்ல வேண்டிய தளத்திற்கு இங்கே கிளிக் செய்யவும்.

முதல் படி

மேற்கண்ட தளத்தில் படத்தில் காட்டியப்படி முதல் படியில் படத்தின் வலை தள முகவரியை இட வேண்டும்.

இரண்டாம் நிலை

வலப்பக்க /இடப்பட்ட/ மூலையா/ கீழா/மேலா என்ற தேற்வை நமது விருப்பத்திற்கு ஏற்றார் போல தேற்வு செய்ய வேண்டும்.

மூன்றாம் நிலை

பிறகு கோடை தயாரிக்க கிரியேட் கோடை சொடுக்க எச் டி எம்மெல் கோடு வரும்.

பிறகு..

வழக்கம் போல

நமது பிளாகினுல் சென்று..

லேவுட்—எடிட் எச் டி எம்மெல் சென்று காப்பி செய்தத்தை ஒட்டி சேமிக்க நிலையாயிருக்கிற படம் தெரியும்.

தோழர் அறிவன் மேற்சொன்ன முறையில் பிரச்சனையுள்ளதாக கூறுகிறார்.

இம்முறையை பயன்படுத்துங்கள்.

பிளாகினுல் சென்று லேவுட்-அட் கேய்ஜிட்- எச்டிஎமெல்-ஜாவா ஸ்கிரிப்ட் தேர்வு செய்து ஒட்டுங்கள் வந்துவிடும்.

நமது பிளாகின் பரவலைப் பற்றி ஓர் ஆராய்ச்சி

noreply@blogger.com (தோழன்) — Fri, 16 Apr 2010 08:42:25 PDT

வணக்கம்.

இது ஏதோ ஆராய்ச்சி என்று நினைத்து விடாதீர். அந்த அளவுக்கு மூளை கொதித்து வீங்கிப் போனவன் இல்லை நான்.

நோக்கம்

எல்லாம் ஒன்றுதான்.

எவ்வளவு பேர் பிளாகை பார்த்தது என்பதைப் பற்றிய ஆராய்ச்சிதான். அதுவும் தேதி வாரியாக.

ஆராய்ச்சியின் கருவி

பீட் பர்னர் வலைதளம்.

செய்முறை

இம்முறை பயன்பாட்டைப் பெற பீட் பர்ணரில் பதிவு செய்து இருக்க வேண்டும்.

http://feeds.feedburner.com

உங்களுக்கான கடவு எண் கொடுத்து உள்ளே செல்லுங்கள்.

படத்தில் உள்ளது போல

அனலைஸ் (Analyze) சொடுக்க..

நமது பிளாகின் டிராபிக் பற்றிய கிராப் தோன்றும்.

அங்கேயும் நாள் வாரியாக நமது பிளக் கொடுத்துள்ள டிராபிக்கை பார்க்கலாம்.

அல்லது

Export.Excel.CSV

இதில் எக்சல்யை கிளிக் செய்ய பிளாகின் டிராபிக் நாள் வாரியாக பதிவிறக்கம் செய்யப்பட்டுவிடும்.

ஆய்வு முறை

எக்சல்யை தாளில் டூல் பாரில் சென்று கிராப்பை தேர்வு செய்யுங்கள்.

என் தேர்வு நாளையும் சப்ஸ்கிரபையும் தேர்வு செய்து லைன் கிராப் கொடுத்துள்ளேன்.

பயன்பாடு

இதிலென்ன பயன்?

ஒன்னுமில்லை.

நமது பிளாகின் கவர்ந்திழுக்கும் திறனை மதிப்பிடலாம்.

நல்ல பிளாக்க இருந்து “பன்ச்” தலைப்பு இல்லாமல் இருக்கும்.

இதனால் டிராபிக் இல்லாமல் இருக்கலாம்.

நம்மை எழுத்தை மேம்படுதும்.

இதுவும் மொக்கை செய்திதான் என்றால் இப்பதிவும் தோல்விதான்.

முடிவு.

பதிவை மேம்படுத்துவது உங்கள் கையில் தான்.

தொடர்ந்து பின்னூட்டம் இடுபவர்களை தனியாக காட்ட...

noreply@blogger.com (தோழன்) — Thu, 15 Apr 2010 19:27:41 PDT

சுமார் 1000 இருந்து 5000 பின்னூட்டங்கள் உங்கள் பதிவில் இருக்கலாம்.

நமது பதிவை தொடர்ந்து படித்து பின்னூட்டம் இடுபவர்களை தனியாக காடினால் எப்படி இருக்கும்.

அவர்களை பெருமை சேர்க்க ஒரு வாய்ப்பாக இருக்கும் அல்லவா.
இதற்கு இந்த எச்டிஎமெல் கோடை பயன்படுத்தலாம்.

1. உங்கள் பிளாகின்ய்ல் திறந்து செல்லுங்கள்.

2. டேஷ்போர்ட்-லெவுட்-பெஜ் எலிமெண்ட் விண்டோக்களுக்கு செல்லுங்கள்.

3. அட் கெட்ஜெட்

4. அதில் எச்டிஎமெல்/ஜாவா ஸ்கிரிப்ட்

கீழே கண்ட எச்டிஎமெல் கோடில் yourblog என்ற இடத்தில் பிலாகின் பெயரை மட்டும் தட்டச்சு செய்து காப்பி செய்து ஒட்டுங்கள்.

முக்கியம் இதில் http:// இதை யெல்லம் தட்டச்சு செய்யத்தேவை யில்லை..

உங்களின் விருப்பமான பதிவர்கள் பின்னூட்ட எண்ணிக்கையுடன் வந்துள்ளதை பார்ப்பீர்கள்.

function pipeCallback(obj) {

document.write('<ol>');

var i;

for (i = 0; i < obj.count ; i++)

{

var href = "'" + obj.value.items[i].link + "'";

if(obj.value.items[i].link == "")

var item ="<li>" + obj.value.items[i].title + "</li>";

else

var item = "<li>" + "<a href=" + href + ">" + obj.value.items[i].title + "</a> </li>";

document.write(item);

}

document.write('</ol>');

}

</script>

பிளாகில் கூகுல் பஸ் அட்டையை இணைக்க...

noreply@blogger.com (தோழன்) — Thu, 15 Apr 2010 09:36:51 PDT

சமூகத்தளங்களில் கூகுல் பஸ் இப்போது பலர் பயன்படுத்தத் துவங்கியுள்ளனர். டிவிட்டர், ஃபேஸ் புக்கிற்கு போட்டியாக கூகுள் நிறுவனம் துங்கி இருப்பதே கூகுல் பஸ் இதனை நம் வலைத்தலத்தில் இணைத்து விட்டால் அங்கேயும் நமது தளம் கால் பதிக்கும்.

வழக்கமாக செய்வது போல் பிளாகினுல் சென்று லேவுட்- எடிட் எச்டிஎமெல் செல்லுங்கள்.

படம் .1. படத்தில் காட்டியுள்ள எடிட் எக்ஸ்பேண்ட் கட்டத்தை டிக் செய்யுங்கள்.

படம்.2. பிறகு

<data:post.body/> இக்கோடை கண்ட்ரோல் எஃப் (Ctrl + F) தட்டினால் தேடும் விண்டோ திறக்கும். அதில் மேலே உள்ள கோடை பேஸ்டு செய்து எண்டர் தட்ட எச்டிஎமெல் விண்டோவில் வண்ணப் பிண்ணனியில் தெரியும்.

கீழே உள்ள கோடை காப்பி செய்து <data:post.body/> கீழே ஒட்டுங்கள்.

</div>

இதன் தோற்றம் சிறிய படத்தில் உள்ளது போல தெரியும். இவ்வட்டை வேண்டும் என்றால் இக்கோடு போதும்.

பெரிய தோற்றத்துடன் அட்டை தேவைப்பட்டால்

கீழே உள்ள கோடை ஒட்டுங்கள்.

<div style='padding: 4px; float: right;'>

<img alt='Buzz It' src='http://3.bp.blogspot.com/_4HKUHirY_2U/S3oMlK3qMcI/AAAAAAAAAxI/OUlZw-ZvtgA/wpbuzzer-google-buzz-big.png' style='border:0px;'/></a>

</div>

பணி முடிந்தது. சேமித்து விட்டு வியு பாருங்கள்.

வந்துவிட்டதா!?

நோட் பேடை டைரியாக பயன்படுத்த...

noreply@blogger.com (தோழன்) — Mon, 12 Apr 2010 09:49:06 PDT

பலர் நாட்குறிப்பு எழுதும் பழக்கம் இருக்கும்.

இதற்கு எழுது கோல், நாட்குறிப்பு, தாள் தேடத்தேவையில்லை. டிஜிட்டல் உலகம். இணையத்தில் இருப்போம். நம் கருத்தை குறிப்பை பதிய தேதியுடம் நேரத்துடன் பதிய வேண்டும்.

இதற்கு உதவப்போகிறது விண்டோஸ் சிஸ்ட்த்தில் உள்ள நோட் பேட்.

1.   1.நோட் பேடை (NotePad) திறந்து கொள்ளுங்கள்.
2.   .LOG என்று தட்டச்சு செய்து அக்கோப்பை சேமியுங்கள்.
3.   ஒவ்வொரு முறையும் அக்கோப்பை திறக்கும் போது தானாகவே நாள் நேரத்துடன் பதிவாகியிருக்கும். ஆம் நோட் பேட் எளிய நாட்குறிப்பாகிவிட்டது.

பதிவுகளுக்கு பின்னால் பிடித்தமான படங்களை வரச்செய்ய...

noreply@blogger.com (தோழன்) — Sun, 11 Apr 2010 08:19:21 PDT

நாம் வெளியிடும் பதிவுகளுக்கு பின்னால் பிடித்தமான படங்களை இருக்குமாறு செய்யலாம்.

அது இயற்கை காட்சியாக..

நமது குழந்தையாக, குடும்பமாக

பிடித்த தலைவராக இருக்கலாம் அதற்கு கீழ் கண்ட கோடை ஒட்டினால் போதும்.

சைன் செய்து டாஷ் போர்டுக்கு சென்று...

படம் : 1

Dashboard—Edit HTML Expand Widget Templates கட்டத்தில் டிக் செய்வும்.

படம் : 2

அதில் கீழே உள்ள கோடை காப்பி செய்து பேஸ்ட் செய்யது ஒரு எண்டர் தட்டவும்.

#main-wrapper {

படத்தில் தோன்றும் கோடுக்கு கீழே

#main-wrapper {

background-image: url(http://farm5.static.flickr.com/4056/4506376603_f2d3dfa46a_b.jpg

);

வியூ சென்று பார்த்தால் தெரியும்.

சரி என் படத்தின் முகவரிக்கு எங்கு செல்வது என்று கேட்கிறீர்களா?

இலவச சேவை தளங்களில் சில.

http://photobucket.com/

http://www.flickr.com/

எடிட் பிக்சரெக்குச் சென்று

பிரைட்னஸ்/காண்ட்ராஸ்ட் தேர்வுக்கு பிரைட்னஸ் அதிகப்படுத்துங்கள்.